رواية حب عابر للمصادفة كاملة جميع الفصول بقلم الاء محمد
رواية حب عابر للمصادفة كاملة جميع الفصول هى رواية من تأليف المؤلفة المميزة الاء محمد رواية حب عابر للمصادفة كاملة جميع الفصول صدرت لاول مرة على فيسبوك الشهير رواية حب عابر للمصادفة كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية حب عابر للمصادفة كاملة جميع الفصول
رواية حب عابر للمصادفة كاملة جميع الفصول
في قاعة جوا اوتيل فخم جدا بيحضروا فرح اقرب اتنين ليهم وكل الناس مبسوطة الا هو .. بيبصلها بضيق و خنقة .. هي مي الهاشم .. بنت جميلة وطيبة اوي عندها ٢١ سنة في كلية الصيدلة .. هو يامن شهاب .. عنده ٢٩ سنه بيشتغل دكتور جراح ومعروف عنه انه من اشطر الجراحين في مصر .. كانت واقفه بتضحك وبتهزر مع اصحابها و كل العيون عليها منبهرين بجمالها وحيوايتها ومرحها .. كانت لابسه فستان ضيق وقصير اوي ...شوية و العروسة شدتها وفضلوا يرقصوا و ده لفت انتباه الناس ليها اكتر ..
حس انه خلاص مبقاش قادر يتحمل قام يغضب وشدها وخرجوا برا الاوتيل خالص ..
مي بغضب / انت ازاي تشدني كده يا حيوان انت ..
يامن قفل ايده بغضب / احترمي نفسك وانتي بتتكلمي مع جوزك .. مش كفاية الارف اللي انتي لبساه ده كمان عمالة تضحكي و ترقصي .. انا مش فاهم انتي هتتلمي وتبقي محترمة امتي بقي ..
مي بصوت عالي / انا محترمة غصب عنك وبعدين الفستان عادي جدا و فيه بنات جوا لابسة نفس الاستايل واقصر كمان ..
يامن مسك دراعها بغضب / انا مليش دعوة بكل ده .. انا ليا دعوة بمراتي اللي مكتوبة علي اسمي يا مدام .. يلا اتفضلي عشان نمشي ..
مي / انا مش همشي واسيب اختي في يوم زي ده .. والمفروض ان انت كمان تقف مع اخوك وتفرحله مش قاعد مكشر و وشك لوح ازاز ..
مي مشيت من قدامه ودخلت القاعة تاني .. أما هو كان هيتجنن مش عارف أزاي يتعامل مع القطة الشرسة دي .. اتنهد وقلع الجاكت بتاعة ودخل لقاها قاعدة علي الكرسي بضيق .. حط الجاكت عليها و سحبها وخرجوا برا المكان و ركبها العربية بالعافيه ومشيوا ..
كانت طول الطريق متعصبة وباصه قدامها بتكشيرة .. شوية و وصلوا شقتهم اللي كانت مي مختارة كل حاجه فيها هادية و رقيقة اوي ..
يامن اول ما دخلوا الشقه مسكها جامد و قربها منه / عارفه لو لبستي الفستان ده تاني هعمل فيكي ايه ..
مي اتوترت / علي فكرة الفستان عادي جدا .. انت اللي اوفر و مش فاهمه ليه ..
يامن بص في عنيها اكنر وده زاد من توترها / عشان انتي مراتي .. للأسف اسمك علي اسمي والفستان ده المفروض اخره اوضه النوم مش كل الناس تشوفك بيه .. ولولا اني مش عايز فضايح ولا حابب ابوظ فرح اخويا واختك كنت أتصرفت بطريقه تانيه خالص ..
مي بعدت وشها عنه / طيب ابعد بقي .. مينفعش تقرب بالشكل ده ..
يامن قرب اكتر وشم ريحتها وقال بهيام / مينفعش ليه .. انا اصلا مش المفروض اكون قريب منك غير بالشكل ده ..
مي زقته ودخلت اوضتها وقفلت عليها بالمفتاح .. قعدت علي السرير وحطت ايدها علي قلبها ..
مي / هو انا ليه بتوتر كده لما يقرب مني انا مش المفروض يحصل معايا كده .. فوقي يا مي يامن مجرد شخص دخل حياتك لفتره قصيره وهيخرج منها تاني انتي مينفعش تتعلقي بيه ..
غيرت هدومها ونامت وصحيت تاني يوم بتبص في الساعة اتخضت ..
مي / يالهوي اتاخرت علي الكلية .. أما البس عشان الحق المحاضرة الأولي ..
قامت غسلت وشها وغيرت هدومها وخرجت من اوضتها .. اتفاجئت ب يامن قاعد علي السفرة بيفطر و كان لابس بدلة زتوني لايقه عليه اوي .. سرحت ل ثواني وبعدين فاقت علي صوته وهو بيقولها ..
يامن ببرود / رايحه فين كده ..
مي / احم رايحه الكلية .. سلام بقي ..
يامن بص علي لبسها .. كانت لابسه شيميز ابيض شفاف وبنطلون اسود ضيق وحاطه ميكب هادي مخليها حلوة اوي ... قام وقرب منها ..
يامن بعصبيه / و انتي رايحه الكلية باللبس ده .. انتي رايحه كلية ولا كباريه ..
مي باستغراب / عادي يعني .. ما كويس اهو ..
يامن / اسمعي بقي يا تدخلي تغيري المسخرة دي وتلبسي حاجة عدلة يا اما و ديني ما انتي خارجة من البيت ..
مي / اووف بقي انا زهقت منك ومن طريقتك دي .. كل حاجة البسها تقعد تعمل مشاكل كده .. و
يامن قاطعها وقال / سمعتي انا قولت ايه .. يلا اتفضلي و لعلمك انا اللي هوصلك كل يوم أما اشوف اخرتها معاكي ..
مي فهمت ان الكلام مش هيجيب نتيجة معاه .. دخلت عشان تغير .. فتحت الدولاب لقيت ان لبسها كله كده .. اختارت دريس بكم وعليه اسكارف كانت اختها جابتهولها هدية .. لبسته وخرجت
مي بزهق / ها .. تمام كده ..
يامن بصلها من فوق لتحت / تمام .. يلا اتفضلي ..
نزلوا تحت و ركبت العربية معاه .. كانت ساكته طول الطريق مش بتتكلم لحد ما تليفونها رن ..
مي / ايوا يا استاذ محمد .. خلاص ظبطته .. شكرا جدا ليك والله انا كنت هستلف من صحبتي لحد ما المشكلة دي تتحل .. مع السلامة ..
يامن كان متابع كلامها وهو مستغرب وعنده فضول يعرف فيه ايه ..
يامن / هو فيه ايه .. مش الأستاذ محمد ده المحاسب بتاع شركة والدك ..
مي بعفوية / اه هو .. كان فيه مشكلة في كارت الفيزا بتاعي ومكنتش عارفه اسحب منه فلوس ف قولت لأستاذ محمد عشان يشوف فيه ايه لان كل الفلوس الكاش اللي معايا خلصت ..
يامن فجأة و قف العربية / وانتي مقولتليش ليه علي حاجة زي كده .. هو انتي من ساعة ما اتجوزنا وانتي بتصرفي من فلوس ابوكي ..
مي باستغراب / ايوا وفيها ايه .. وبعدين كنا هنعمل حادثة ..
يامن حط ايده علي وشه في محاولة منه انه يهدي نفسه / فيها انك مراتي يا مي .. والمفروض ان كل مصاريفك ومصاريف البيت ملزمة مني انا .. ازاي مقولتيش انك محتاجة فلوس ..
مي باحراج / هو انا بصراحه اتكسفت منك .. انا اصلا بشتغل من وانا عندي ١٥ سنة و مستقلة ماديا .. بس أما جيت مصر لقيت كل الشركات بتشترط الشهادة و انا لسه بدرس ف اضطريت اطلب من بابا ..
يامن بصلها / لو سمحتي لما تحتاجي فلوس لازم تقوليلي .. او استني انا هعمل حساب مشترك بينا واخليه مفتوح تصرفي منه براحتك وهبعتلك الباسورد في رسالة .. مش فاهم ازاي حاجة زي كده تفوتني ..
يامن ساق العربية ورجعوا ساكتين تاني .. شوية و وصلوا عند كليتها ..
يامن طلع من جيبه فيزا / امسكي اصرفي من دي مؤقتا لحد ما اشوف هعمل ايه .. ولازم تعرفي ان اي حاجه تحتاجيها مهما كانت تافهه ف هي مسئوليتي .. سامعه ..
مي / حاضر ..
مي نزلت من العربية و دخلت كليتها وبدأت المحاضرات .. كانت شاطرة اوي و ذكية و بتفهم المعلومات بسرعة .. فات وقت وكانت خصلت وكانت مي خارجة من الكلية لقيت بنت عندها تقريبا ١٥ سنه قاعدة وقدامها مناديل بتبعها وكانت بتعيط .. صعبت عليها اوي ..
مي قربت منها / مالك يا حلوة .. بتعيطي ليه !
البنت / ماما محتاجة فلوس كتير عشان تعمل عملية قولت ابيع مناديل لكن محدش بيشتري مني .. وانا مش عارفه اعمل ايه ..
مي دموعها نزلت/ طيب هي محتاجة كام ..
البنت / محتاجة ٥ الف جنيه ..
مي مسحت دموع البنت / طيب متزعليش .. انا هديكي الفلوس ..
مي فتحت شنطتها وطلعت كارت الفيزا وخدت البنت وراحت سحبت ١٠ آلاف جنيه وادتهوملها ..
مي / اتفضلي يا حلوة ومتعيطيش .. وخلي بالك علي نفسك ..
البنت بفرحه/ بجد كل الفلوس دي ليا .. شكرا اوي ..
مي ضحكت / العفو .. ربنا يقوم مامتك بالسلامة ..
مي سابتها ومشيت وهي مبسوطة انها قدرت تساعد حد و تنقذ روح .. ركبت تاكسي عشان تروح البيت ..
أما يامن كان قاعد في مكتبه في المستشفى بعد ما خلص شغله ومر علي كل العيانين .. كان ماسك ورق وبيراجعه وهو مضايق و حاسس بالاهانة لان مي لحد دلوقتي مش بتتعامل علي انه جوزها .. نفض كل الافكار من راسه و بدأ يمسك ورق بقية الحالات ويرجعها لحد ما دخل عليه صاحبه ..
سليم / يامن بقولك الحالة اللي معايا دي غريبة عايزين نبص فيهآ سوا ..
يامن بضيق / طيب هاتها ..
سليم بصله وفهم انه مضايق لانه صاحبه من زمان ..
سليم / مالك يعم في ايه ..
يامن / مفيش .. هات الورق يلا ..
سليم قعد علي الكرسي اللي قدامه / سيبك من الورق بس وفهمني ..
يامن حكاله علي موقف الفلوس اللي حصل ..
يامن / أنا هتجنن يا سليم .. بقالنا دلوقتي شهر ونص متجوزين و الهانم بتعاملني كأني واحد غريب مش جوزها .. انت عارف انها اول اسبوع كانت بتقولي يا استاذ يامن .. ودايما بتخش اوضتها وتقفل علي نفسها بالمفتاح ..
سليم / ما هو نظرا لظروف جوازكوا تصرفاتها دي طبيعية ..
يامن / عارف بس يعني مش للدرجادي .. ده غير لبسها اللي حرفيا مينفعش يتلبس برا اوضه النوم ..
سليم / كل ده طبيعي .. مراتك ظروفها مختلفه عن أي بنت في سنها .. انت بس خدها بالراحة و خليك هادي والدنيا هتمشي .. وبعدين هو انت اصلا فارق معاك كل ده ليه .. اوعي تكون ب
يامن قاطعه بسرعه / لا طبعا .. انت دماغك راحت لبعيد .. انا بس اتعودت علي وجودها وحاسس ان بقي فيه حياة في البيت وحركة وانت عارف ان بقالي سنين عايش لوحدي .. وكمان هي بتعرف تطبخ كويس اوي و مهتمة بكل حاجة ..
سليم ابتسم بشك / امممم طيب اللي فيه الخير يقدمه ربنا ..
سليم خرج ويامن فضل قاعد مضايق وافتكر الطريقه اللي اتجوزوا بيها ..
يتبع ..
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
سليم خرج ويامن فضل قاعد مضايق وافتكر الطريقه اللي اتجوزوا بيها ..
فلاش ..
كانوا قاعدين في كافيه .. هي و نور اختها و يامن و عز اخوه ..
عز بعصبيه / انا مش فاهم بابا ليه مش موافق اني اتجوز غير أما انت تتجوز .. انا مالي بيك ..
نور بعياط / وانا كمان بابا قالي ما فيش جواز غير اما اختك الكبيره تتجوز ..
مي / اهدي يا حبيبتي انا هتكلم مع بابا و هحاول أقنعه..
نور / ده مصمم علي رأيه بشكل غريب يا مي .. وبعدين احنا الفرق بينا سنه واحده بس مش عارفه ليه بيعمل كده ..
يامن / اهدوا يا جماعة ان شاء الله هتتحل ..
عز / بصراحه يا يامن انت ومي احنا حل مشكلتنا في ايديكم ..
مي / قول والله انا لو في ايدي حاجه مش هتاخر ابدا ..
عز / احم .. إن انتي و يامن تتجوزوا .. حتي لو فترة بسيطة وكده كده انتوا الاتنين مفيش في حياتكوا حد ..
مي بضيق / وهو معنى ان مفيش في حياتي حد اني اوافق اتجوز اخوك ..
يامن بصلها / وماله اخوه يعني وبعدين انا كمان مش هموت عليكي انتي اساسا مش نوعي المفضل ..
نور / يا جماعه اهدوا .. بصوا فكروا و ردوا علينا ..
نور وعز سابوهم ومشيوا .. أما مي ويامن فضلوا ساكتين و بيتحاشوا انهم يبصوا لبعض ..
يامن/ عز مش بس اخويا ده اكتر قريب ليا .. و لو جوازي منك فيه حل لمشكلته انا موافق ..
مي / و نور اول مرة تطلب مني حاجة ورغم اني مش عايزة اتجوز اصلا بس مقدرش اقف في طريقها .. انا موافقه بس بشرط .. جوازنا هيكون علي الورق بس يعني مفيش اي حاجة هتحصل ..
يامن / والله من غير ما تقولي انا مش حيوان عشان أعمل كده مع واحده مش بحبها ..
يامن ومي فعلا اتجوزوا و رغم انهم مكنوش فرحانين بس فرحة اخواتهم كانت تستاهل انهم يضحوا بنفسهم .. كانوا قاعدين قدام المأذون و حاسين ان عقد الجواز ده واجب بينفذوه وخلاص ..
بااك ..
فاق من شروده علي صوت مسدج جتله علي تليفونه .. مسك التليفون واتفاجيء من المسدج .. استغرب جدا و قلع البالطو و اخد تليفونه وحاجته ورجع البيت بسرعة ... اول ما دخل نادي علي مي ..
يامن بعصبية/ مي .. انتي فين ..
مي خرجت من المطبخ/ في ايه .. ليه بتزعق كده ..
يامن / انتي سحبتي ١٠ آلاف جنيه من الفيزا اللي ادتهالك .
مي ابتسمت بسذاجة / ايوا .. كان فيه بنت صغيرة بتعيط عشان مامتها عيانة ولازم تعمل عملية ف ساعدتها و اديتها الفلوس يمكن مامتها تعيش ..
يامن اتعصب اكتر / انتي اتجننتي صح .. بقي تدي مبلغ زي ده لوحده متعرفهاش لمجرد انها كانت بتعيط .. ايش عرفك انها بتقول الحقيقه ..
مي خافت منه ورجعت لورا / ما يمكن تكون بتقول الصراحه وبكده تبقي خدت الفلوس ومامتها تبقي كويسة .. حرام بدل ما تموت والبنت تعيش من غير مامتها ..
يامن مكنش عارف يعمل اي معاها .. كان هيتجنن من هبلها و سذاجتها .. بصلها بغضب وهي دموعها نزلت ..
مي بعياط / انا عارفه انه مبلغ كبير بس اوعدك والله اول ما اشتغل هرجعهولك .. انا اسفه بس صعب عليا اوي البنت تعيش من غير مامتها .. كانت هتفضل طول عمرها حاسه ان فيه حاجة نقصاها ..
يامن اول ما شاف دموعها قلبه وجعه عليها .. قرب منها وخدها في حضنه ..
يامن / ششش خلاص اهدي .. محصلش حاجه فداكي الفلوس ..
مي بعدت عنه بتوتر ومسحت دموعها وقالت / والله هرجعهم ..
سابته ورجعت المطبخ تاني .. وهو فضل واقف مكانه مضايق عشان زعلها .. دخل اوضته غير هدومه وقعد علي السرير بتعب ..
يامن/ وبعدين معاكي يا مي .. يا ترا هتعملي فيا ايه ..
نام مكانه من التعب .. أما مي كانت واقفه في المطبخ زعلانه عشان يامن زعقلها .. كانت عارفه ان مش من حقها تصرف من فلوسه بس هو اللي اداها الكارت وصمم تصرف منه .. بصت حواليها ..
مي / اوبس انا نسيت اجيب الطماطم .. أما أحاول اكلم البواب يجيب هو ..
مسكت تليفونها واتصلت علي رقم البواب ..
مي / ايوا يا عم محمد .. ممكن تجبلي طماطم و جبنة كيري .. ماشي بس بسرعه والنبي ..
قفلت وفضلت تكمل طبخ و شويه والجرس رن وكان البواب ومعاه ابنه ..
عم محمد بص للارض اول ما شاف لبسها اللي كان عبارة عن قميص ابيض قصير اوي ..
عم محمد / اتفضلي يا ست هانم ..
مي ابتسمت/ تسلم يا عم محمد .. ثواني هجبلك الفلوس ..
مي دخلت اوضة يامن واخدت فلوس من جيبه وهي خارجة بصتله وابتسمت .. كان هادي و نايم زي الطفل الصغير .. كانت أول مرة تاخد بالها من ملامحه .. قربت منه بس فجاة افتكرت البواب .. جريت بسرعة و كانت خارجة بس سمعت ابن البواب بيتكلم مع ابوه ..
علي بطفولة / الله .. ريحة الاكل حلوة اوي يا بابا .. احنا ليه مش بنعمل اكل زيه ..
محمد بمرارة / امر الله يا ابني .. استني عليا بس اخد فلوس الشهر و هجبلك فراخ ..
علي / ياريت يا بابا دا انا نفسي فيها اوي ..
مي خرجت وبصتلهم / اتفضل الفلوس يا عم محمد .. بقولك ايه ..
عم محمد/ اتفضلي يا هانم ..
مي / انا ممكن انزل اتغدي معاكوا بدل ما اكل لوحدي ..
عم محمد حس بالاحراج وقال / انتي تنوري والله بس يعني احنا ناس غلابة والاكل اللي عندنا مش مقامك ..
مي ابتسمت/ وايه يعني .. بص انا عاملة اكل اي رأيك اجيب الاكل بتاعي جنب الاكل بتاعك و ناكل سوا .. عشان خاطري متقولش لا ..
عم محمد / طيب اللي تشوفيه يا بنتي ..
مي / خلاص هخلص وانزل وانت اعمل حسابك بقي تعملي قهوة حلوة زي اللي بشم ريحتها كل يوم وانا نازلة دي ..
عم محمد ابتسم/ يسلام عنيا ..
مي دخلت المطبخ وخلصت الاكل بسرعة و جهزته بشكل حلو وكانت هتنزل بيه بس افتكرت ان ممكن يامن يزعقلها .. دخلت اوضتها وفتحت الدولاب واخدت فستان قصير بس نص كم ولبسته وحطت روج واخدت الاكل ونزلت لبيت عم محمد اللي كان بسيط اوي ..
عم محمد/ والله مكنش ليه لازمة التعب ده ..
مي ابتسمت / مفيش تعب .. ها عاملين اكل ايه ..
مرات عم محمد / تعالي يا بنتي .. عاملين مسقعه ..
مي / الله دا انا نفسي اكلها من زمان اوي ..
مي فضلت قاعده بتهزر وتضحك و تلعب مع علي وبتاكله من الاكل اللي عجبه اوي .. اما عند يامن قام من النوم واستغرب أما ملقاش مي في البيت .. مسك التليفون وقعد يتصل بيها لكن اتفاجيء انها سايبه التليفون في اوضتها .. فجأة قلبه اتقبض ان يكون حصلها حاجة .. غير هدومه بسرعة ونزل من البيت بس فجاة سمع صوت ضحكتها جايه من اوضه البواب .. دخل واتفاجي أما لقاها قاعدة بتلعب مع علي ..
يامن بصدمه/ مي .. انتي بتعملي اي هنا ..
مي قامت وابتسمت / يامن .. تعالي العب معايا انا و علي ..
عم محمد / الهانم كتر خيرها صممت اننا نتغدى معاها النهارده احنا متشكرين اوي يا دكتور ..
يامن باحراج/ لا العفو .. يلا يا مي ..
مي / حاضر .. زي ما اتفقنا يا علي اي وقت يبقي نفسك في حاجة تعالي و قولي وانا هعملهالك .. و اول ما اعمل النوتيلا هجبلك منها ..
علي باسها من خدها / شكرا يا مي انا حبيتك اوي ..
مي ضحكت وباسته ويامن كان واقف متعصب وهيموت من الغيرة .. طلعت مع يامن بيتهم ..
يامن زعق ومسكها من دراعها جامد / انا ممكن افهم اي اللي انتي عملتيه ده .. ازاي يعني تنزلي تاكلي مع البواب .. وايه اللي انتي لبساه ده .. انتي اتجننتي ..
مي بخوف / انا سمعت علي وهو بيقول لباباه ان نفسه في اكل زي اللي انا عاملاه فصعب عليا اوي عشان كده قلتلهم ان انا عايزه انزل اتغدى معاهم عشان تبقى حجه اخد الاكل وياكل منه ..
يامن بعدم تصديق / طيب ما كنتي تديهم الاكل وخلاص مش لازم تنزلي تاكلي معاهم .. وطبعا تلاقيكي فتحتيله بالقميص اللي كنتي لبساه ..
مي / الناس دي واضح ان نفسها عزيزه ولو كنت قلت كده كانوا هيتضايقوا وهيزعلوا ويحسوا اني بعطف عليهم لكن لما انزل معاهم واكل من الاكل بتاعهم هيبقى عادي .. وبعدين انا لبسي عادي ..
يامن مكنش عارف يعمل اي .. من ناحيه عملت اللي عيزاه بطريقه زكية عشان متحرجش حد بس في نفس الوقت لابسه فستان قصير مستفز وحاطه روج تقيل وبتتعامل بعفوية من غير ما تفكر ممكن يبصولها ازاي بسبب لبسها ..
يامن قرب منها / بعد كده أما تكوني عايزة تعملي حاجه قوليلي .. انا جوزك والمفروض يكون عندي علم بكل خطوة بتعمليها .. فاهمه ..
مي / حاضر حاضر والله بس ابعد عني ..
يامن قرب اكتر وبص في عنيها بتوهان / والروج ده اوعي اشوفك حطاه تاني فاهمه .. الروج ده يتحط لجوزك بس يا هانم .. انا مش فاهم انتي بتعملي فيا ايه ..
مي / انا والله مش بعمل حاجة .. لو سمحت ابعد عني ..
يامن فقد سيطرته علي نفسه وباسها بغيظ .. مي فضلت تقاومه وأما فشلت دموعها نزلت ..
يامن حس بدموعها و بعد عنها .. بصلها باستغراب ..
يامن بتريقه / بتعيطي ليه .. دي بوسه بس .. مظنش انها اول مرة ليكي يعني ..
مي بصتله بصدمه و
يتبع ..
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
مي بصتله بصدمه و حزن ..
مي / انت سافل وقليل الادب .. واوعي تاني مرة تقربلي فاهم ده مش من حقك ..
مي دخلت اوضتها وقفلت عليها وفضلت تعيط .. مكنتش مستوعبة ليه يامن طول الوقت بيدقق في لبسها كده وهو عادي .. ما هي طول عمرها بتلبس كده في انجلترا و مكنش فيه مشاكل بالعكس كل الناس كانت بتقولها ان ذوقها حلو ..
فات كذا يوم و مي مكنتش بتروح الكلية او حتي بتخرج من اوضتها .. كانت بتحاول تتجنب يامن أطول فترة ممكنة .. أما يامن كان مضايق اوي من الوضع ده و مش حابب ان مي تفضل حابسه نفسها كده .. كان قاعد في اوضته مضايق اوي و حاسس انه رجع لوحده تاني ..
يامن لنفسه / ما برضه مكنش ينفع اعمل اللي انا عملته ده و هي شرطها من الاول كان واضح و لبسها ده طبيعي بالنسبالها لأنها طول عمرها عايشه برا واكيد هو ده العادي عندها ..
.. قام فجأة قام خبط علي اوضه مي ..
مي فتحت بحزر وقالت / ايوا ..
يامن / اخرجي عايز اتكلم معاكي ..
مي بخوف منه / عايز ايه !
يامن اتضايق اكتر من خوفها / قولتلك عايز اتكلم معاكي .. ومتقلقيش مش هقرب منك .. هستناكي في الصالة ..
يامن خرج و فضل قاعد في الصالة ربع ساعة كان زهق و هيقوم يدخل اوضته .. لقاها خارجة وهي خايفه وقعدت قدامه ..
مي / اتفضل ..
يامن اتكلم بضيق / احم أنا عارف اني كنت همجي معاكي .. وحقيقي مكنش قصدي اخوفك مني .. تقدري تقولي كانت لحظه ضعف و اوعدك مش هتتكرر تاني .. بس لازم تعرفي ان كمان الوضع هنا مش زي لندن خالص ..
مي / والله انا معرفش .. وبعدين بشوف بنات بتلبس كده في الكلية و صحاب نور كمان ..
يامن بضيق / عارف بس صدقيني ده مش حلو خالص .. وغير كده انتي عندك مشكله مع اللبس المقفول ولا حاجة ؟! ..
مي / ابدا والله انا حتي في لندن مكنتش بحب البس كده اصلا بس مامي مكنتش بتوافق لحد ما اتعودت ..
يامن قرب منها بحزر / خلاص اي رأيك ننزل نشتري ليكي لبس جديد يكون شيك وفي نفس الوقت محترم ..
مي بتردد/ ماشي بس انا مش معايا فلوس لكن ممكن اخد من بابا ..
يامن بحدة / قولتلك ميه مره انتي مراتي ومسئولة مني يعني اي حاجه خاصه بيكي انا الملزوم بيها .. فاهمه ..
مي / بس انت ملكش ذنب تصرف كل الفلوس دي ..
يامن/ يا ستي انا موافق .. ها هننزل امتي ..
مي ابتسمت/ انا عندي امتحان بكرا .. ممكن اخلصه و ننزل ..
يامن ابتسم/ ماشي وانا هعدي عليكي وننزل من برا برا ..
فات اليوم و مي كانت خلصت امتحانها و قاعده في الكلية مستنية يامن يكلمها .. وفجأة جه واحد زميلها وقعد جنبها ..
ايمن بابتسامه / ازيك يا قمر .. واقفه لوحدك كده ليه ..
مي سكتت ومردتش عليه ..
ايمن / وبعدين بقي في التقل ده .. ردي عليا طيب ..
مي بعدت عنه بس فجاة مسك ايدها ..
مي زقته بسرعه وجريت برا الكلية و فجأة خبطت في حد ..
مي بصت قدامها بخضه لقيت يامن اللي استغرب اوي من حالتها اترمت في حضنه بخوف ..
يامن حضنها باستغراب/ اهدي اهدي مالك بتجري كده ليه ..
مي بعدت وقالت بخوف / كان فيه واحد جوا بيحاول يتكلم معايا ف انا زقيته وجريت ..
يامن اتعصب اوي و اخدها معاه للعربية .. كان حضنها جامد اوي وهي بتتنفس بصعوبة ..
يامن فضل يمشي ايده علي شعرها بحنان / ششش اهدي .. انا مش عايزك تخافي طول ما انا موجود ..
شوية و مي هديت وبعدت عنه ..
مي / شكرا اوي يا يامن ..
يامن قرب منها تاني وخدها في حضنه / شكرا علي ايه .. لازم تعرفي ان لو حد فكر بس يقرب منك أو ياذيكي انا هخفيه من علي وش الدنيا ..
مي بعدت بكسوف/ طيب هنروح نشتري اللبس ..
يامن ابتسم / هنروح ... يلا بينا ..
ساق العربية وراحوا لمول .. فضلوا يمشوا كتير و هما بيتكلموا ويهزروا ..
يامن/ قوليلي اي لونك المفضل ...
مي / هو مش لون واحد هما اتنين .. الكافيه و الأحمر .. بحس ان الاتنين بيليقوا علي بعض اوي .. وانت ..
يامن / أنا بحب كل الالوان ماعدا الأصفر بجد اللون ده بيستفزني ..
مي ضحكت و دخلوا المحلات واشتروا كذا حاجة ..
مي / اي رأيك في الفستان ده ..
يامن بصلها / لا مش لطيف مفتوح اوي من قدام ..
مي دخلت لبست فستان تاني وخرجت/ طيب و ده ..
يامن بصلها باعجاب/ تحفه ولايق عليكي اوي ..
مي ابتسمت/ خلاص هاخد ده و كفاية كده احنا اشترينا حاجات كتير اوي ..
يامن/ تمام وانا هروح أحاسب واستناكي برا ..
مي ابتسمت دخلت غيرت هدومها .. وهي خارجة لفت نظرها فستان احمر طويل مفتوح من الجنب .. كان عجبها اوي بس افتكرت ان يامن مش هيخليها تلبسه ف سابته ومشيت .. وفجأة تليفونها رن .. اتضايقت أما شافت ان مامتها اللي بتتصل ودخلت الحمام من غير ما يامن ياخد باله ..
مي ردت بضيق / ايوا يا مامي ..
والدة مي ( مارجريت ) / انتي فين .. ازاي مش اتصلتي بيا وقولتيلي انك هتتجوزي .. طبعا ابوكي عرف ياخدك مني ..
مي اتنفست بعمق / يا مامي انا مرجعش عشان بابا .. انا رجعت لاني تعبت من تصرفات حضرتك .. وبعدين هو انا لو كنت قولتلك كنتي هتيجي ولا كالعادة هتقوليلي ورايا شغل ..
مارجريت / بس كنتي تعرفيني .. انا مش فاهمة انتي اتغيرتي كده ليه يا بنت .. كل ده عشان قولتلك ان عادي زميلك يبوسك ..
مي دموعها نزلت / انا مشيت عشان اهمالك ليا و انك من ساعة ما خدتيني وانتي رمياني للمربيات .. أما بابا بيهتم بيا و بيحبني ومفيش يوم بيعدي غير أما بيسأل عليا فيه حتي وانا بعيدة عنه ..
مارجريت بعصبيه / طيب ارجعي ونبقي نشوف موضوع الاهتمام ده ..
مي / مش هرجع يا ماما .. سلام ..
مي مسحت دموعها وخرجت من الحمام وراحت ليامن اللي كان مستنيها في كافيه قدام المحل ..
يامن اول ما شافها قال بحنان / اتاخرتي ليه يا مي ..
مي بضيق / ابدا كنت بشوف حاجة .. أنا تعبت اوي وعايزة اروح ..
يامن بقلق حط ايده علي وشها / مالك يا قلبي ..
مي بعدت ايده/ مفيش انا بس عايزة انام ..
يامن / تمام يلا ..
ركبوا العربية و مشيوا .. شوية و وصلوا البيت واول ما دخلوا ..
يامن بصلها / بقولك ايه .. انا جعان فيه اكل ..
مي / بصراحه لا بس ممكن اعملك حاجه سريعه كده ..
يامن / ياريت .. اسف لو هتعبك يا مي ..
مي ابتسمت / مفيش تعب ..
مي دخلت المطبخ وكانت حاسه انها دايخه و فجأة وقعت ومحستش بحاجة بعدها .. يامن فجأة سمع صوت حاجة دبت في الارض ..
يامن / مي ..
دخل المطبخ بسرعة .. لقي مي وقعه علي الارض فاقدة الوعي .. شالها بقلق وحطها علي الركنة وجاب برفان و فوقها ..
مي اول ما فاقت / ااه يا دماغي .. هو حصل ايه ..
يامن بقلق / فجأة سمعت صوت حاجة وقعت دخلت المطبخ لقيتك واقعه .. انتي كويسه ..
مي بتعب / اه كويسه .. ثواني هقوم اجهزلك اكل ..
يامن مسك ايدها وبصلها / مي اقعدي وارتاحي .. ثواني وجاي ..
يامن قام دخل اوضته و مي كانت مستغربة من طريقته الهادية معاها .. شويه ولقيت يامن خارج بجهاز الضغط وجهاز السكر في يده وقعد علي ركبته قدامها وقاس السكر لقاه طبيعي اما الضغط كان عالي ..
يامن / ضغطك عالي .. حصل اي ضايقك وخلاكي كده ..
مي ودت وشها الناحيه التانيه/ مفيش حاجه انا تمام ..
يامن قرب منها وخلي عينه في عينها / مش المفروض انك تخبي عليا حاجة .. قولي حصل اي ..
مي دموعها نزلت / ماما كلمتني .. وعيزاني ارجع لندن تاني ..
يامن اضايق أما حس ان مي ممكن تمشي من حياته / وانتي قولتيلها ايه ..
مي / انا مش عايزه اسافر والله .. اصلا انا هناك كنت لوحدي طول الوقت ومعنديش صحاب كتير .. ماما طول الوقت كانت سيباني يا اما بتشتغل يا اما سهرانه مع صحابها ..
يامن بفضول / وانتي مكنش عندك صحاب تسهري معاهم او واحد بتحبيه مثلا ..
مي / لا طبعا انا اصلا مكنتش بسمح لحد يقربلي خالص .. ومره زميلي في الكليه حاول يبوسني ضربته بالقلم وجريت ولما قلت لماما ضحكت وقالتلي اني معقده وان ده عادي فعشان كده قررت ان انا ارجع مصر واعيش هنا مع نور وبابا ..
يامن استغرب / ومامتك عايزاكي ترجعي ..
مي / ايوا .. بس انا مبسوطة هنا ومش عايزة اسافر ..
يامن ابتسم وقرب منها وخدها في حضنه ..
يامن / طالما مش عايزة تسافري خلاص وطول ما انا موجود مفيش حد هبجبرك علي اي حاجة ..
مي حضنته هي كمان بتردد / انا مش عارفه من غيرك كنت هعمل اي .. شكرا اوي يا يامن ..
يامن ابتسم/ يلا تعالي نامي .. انتي تعبتي اوي انهارده ..
يامن شالها و مي اتفاجئت ..
مي بكسوف / اي ده .. يامن نزلني ..
يامن باسها من خدها / ششش انتي تعبانه اصلا وانا عارف انك دايخه ..
مي سكتت ويامن شالها وحطها في سريرها .. و فتح الدرج و طلع علبة دوا ..
مي / ايه ده ..
يامن / دوا للضغط .. يلا خديه وغمضي عينك ونامي ..
مي اخدت الدوا ونامت علي السرير ويامن فضل قاعد جنبها بصصلها بحب ..
يامن / معقول حبيتها بالسرعة دي .. معقول حبيتها لدرجة انك حسيت انك مخنوق و هتتجنن لمجرد انها عيطت .. ياااه انتي عملتي ايه فيا يا مي ..
فضل يفكر لحد ما غفي جنبها .. جه الصبح و مي صحيت لقيت نفسها نايمه في حضن يامن ..
مي بصتله بابتسامه ولمست دقنه اللي كان شكلها حلو اوي عليه ..
مي / هو انتي بتحبيه يا مي ولا ايه .. معقول انتي تحبي ..
يامن بدأ يتقلب ف مي اتكسفت بسرعة وجت تقوم بس يامن مسكها ..
يامن بصلها / صباح القمر ..
مي بكسوف / صباح الخير .. انا هقوم احضر فطار و اكلم نور وحشتني اوي وعايزة اكلمها ..
يامن حط ايده علي خدها وباسها / ماشي وانا هجهز عشان عندي شغل ..
مي قامت بسرعه وراحت المطبخ وهي بتتنفس بصعوبة وتوتر .. شوية وبدأت تجهز الفطار وحطته على السفرة ..
مي / يامن الفطار جاهز ..
يامن خرج من اوضته وكان لابس قميص ابيض وبنطلون اسود خلوها متنحة من جماله ..
مب لنفسها / هو ازاي حلو كده .. كل حاجه بتليق عليه اوي ..
يامن قعد علي السفرة وقال بضحك / عارف اني واد مز بس مفيش داعي كل شوية تفضلي متنحة كده ..
مي اتكسف وجت تمشي .. يامن شدها وقعدها علي رجله ..
يامن / كلي معايا انا بقالي سنين بفطر لوحدي ونفسي حد يفطر معايا ..
مي بعدت بسرعة / طيب حاضر ..
قعدوا يفطروا و شوية و يامن نزل لشغله .. أما مي مسكت التليفون وكلمت اختها ..
نور / وحشتيني اوي يا مي .. عاملة ايه يا حبي ..
مي بضيق / ما انا لو كنت وحشتك كنتي كلمتيني انما انتي انشغلتي مع جوزك ونستيني ..
نور / والله ابدا .. دا حتي اول ما وصلنا تعبت جدا وجالي برد .. و عز يحبيبي فضل طول الليل سهران جنبي ..
مي ضحكت / يا ربي حتي بعد الجواز لسه نحس .. مين باصصلكوا في الجوازة دي يا بت ..
نور ضحكت/ ولاد الحلال كتير .. المهم احكيلي عاملة ايه مع يامن ..
مي حكتلها كل حاجة حصلت ..
نور / اوبااا دي احلوت اوي .. انتي بتحبيه يا بت ..
مي اتغلبطت وقالت / لا لا انا بس ..
نور قاطعتها بفرحه / يبقي بتحبيه .. مبروك يا قلبي ..
مي / بس هو مش بيحبني ..
نور / ايش عرفك .. ما يمكن بيحبك .. اسمعي انا عندي فكرة ..
مي بفضول / ايه ..
نور / ايه رايك تيجوا انتوا الاتنين تقضوا معانا كام يوم ..
مي / لا يا بنتي انتوا عرسان مينفعش نيجي كده نضايقكوا .
نور / يا ستي انا موافقه .. بس انتي قولي ل يامن وانا هخلي عز يكلمه .. عشان خاطري يا مي هننبسط اوي كلنا ..
مي قفلت مع نور و قامت تجهز الغدا .. قضت اليوم كله وهي بتنضف البيت و بتظبط هدوم يامن .. جه الليل وكانت قاعدة بتتفرج علي التلفزيون لقيت الباب اتفتح ودخل منه يامن .. رمي المفاتيح علي السفرة وكان معاه شنطة حطها .. وقعد جنبها وحط دماغه علي رجلها وغمض عينه بتعب ..
مي اتخضت اوي من الحركه دي بس فضلت ساكته ..
يامن بهدوء / لو مضايقه ممكن اقوم ..
مي بتوتر / لا عادي خليك .. انت كويس ..
يامن كان لسه مغمض عينه / امممم .. عز كلمني بيعرض عليا نسافرلهم .. اي رأيك ؟
مي / هي نور قالتلي وانا قولتلها مش عارفه بس لو انت حابب انا معنديش مشكلة ..
يامن فتح عينه و بصلها / انتي حابه تسافري .. هتكوني مبسوطة؟
مي / انا بصراحه نور وحشتني اوي واه هبقي مبسوطة ..
يامن ابتسم/ خلاص يبقي هنسافر ..
مي ابتسمت / ماشي انا هجهز الشنطة بقي ..
يامن / استني ..
يامن قام و جاب الشنطة / اتفضلي ..
مي / ايه ده ..
يامن / افتحيها ..
مي فتحتها واتفاجئت أما لقيت الفستان الاحمر اللي عجبها في المحل ..
مي / ايه ده .. انت عرفت منين انه عجبني وكان نفسي فيه ..
يامن / انا باخد بالي من اي حاجه تخصك يا مي ..
مي ابتسمت وجريت عليه حضنته اوي وباسته في خده ..
مي / مرسي يا يامن .. انا عمري ما حد اهتم بيا كده .. شكرا اوي ..
يامن حضنها اوي وكان فرحان عشان فرحتها دي واستغرب ان تصرف بسيط زي ده فرحها كده .. بعد شوية بعد عنها ..
يامن / يلا يا مي روحي جهزي الشنطة عشان لو فضلنا كده صدقيني مش هنخرج غير بعد شهر ..
مي باستغراب / ليه !!
يامن ضحك بشقاوة / عشان بعد اللي هيحصل يا حبيبتي مش هقدر اخرجك برا حضني تاني بسهولة كده .. ف امشي من قدامي عشان نلحق نسافر ..
مي مفهمتش قصده بس ابتسمت و دخلت الاوضه ..
يامن لنفسه / اصبر يا يامن .. هي بس تطمن و توافق و بعد كده مفيش حد هيقدر يبعدها عني ..
تاني يوم كانوا بيجهزوا الشنط بعد ما قالوا لعز و نور انهم هيسافروا ليهم .. فات وقت وكانوا واقفين في الاوتيل بيحجزوا الغرفة ..
نور جت وهي بتجري وحضنت مي / وحشتيني اوي يا حبيبتي ..
مي ابتسمت وحضنتها / وانتي كمان .. انتي كويسه مش كده ..
نور ابتسمت وهزت دماغها ب اه ..
مي / عامل ايه يا عز ..
عز / الحمد لله يلا اطلعوا استريحوا شوية عشان نتغدي سوا .. وانا حجزت لينا في يخت هيتحرك كمان ٣ ساعات ..
يامن مسك ايد مي / ماشي .. يلا يا مي ..
طلعوا فعلا الاوضه وكانت علي البحر ..
مي بفرحه / الله شكل البحر حلو اوي من هنا .. شكرا يا يامن بجد ..
يامن قرب منها وحضنها من ضهرها و باسها في رقبتها وقال بهمس / اوعي تشكريني علي حاجة عملتها عشانك تاني ..
مي ابتسمت / ماشي .. هتنام ولا ايه ..
يامن / انتي مش عايزة تنامي ! ..
مي / بصراحه لا .. انا هنزل البحر شكله حلو اوي حاسه انه بيناديني ..
يامن بتردد / ماشي بس هتلبسي ايه ..
مي ببساطة / مايوه بكيني حلو اوي .. كنت بلبسه أما اسافر مع ماما المالديف ..
يامن اتعصب اوي بس حاول يكون هادي عشان ميخوفهاش ..
يامن / بس انا رأيي بلاش البكيني ده .. شكله مش حلو اصلا ..
مي بحيرة / طيب هلبس ايه ..
يامن / أنا عامل حسابي و جبتلك مايوه حلو اوي ومحترم في نفس الوقت ..
مي بصتله وابتسمت ببراءة / ماشي ..
يامن ابتسم وراح فتح الشنطة و طلع منها مايوه شيك توي / يلا البسيه وانا كمان هغير و ننزل البحر .. شكلها مفهاش نوم النهارده ..
مي ابتسمت ودخلت تغيرت ولبست المايوه اللي عجبها اوي وشويه ونزلت هي ويامن يقعدوا على البحر .. لقيوا نور وعز وقعدوا معاهم هناك نور بصتلها بانبهار ..
نور بهمس/ الله .. ايه المايو الحلو ده ..
مي بهمس / يامن هو اللي جابهولي مع اني كنت عايز البس بكيني بس هو قالي ده احلى ..
نور قالت بضيق / انا كمان كنت عايزه بس عز اتخانق معايا وقالي ممنوع البسه ..
مي / مش عارفه هما ليه بيعملوا كده .. بس بصراحه المايوه ده احلي وانا مرتاحه فيه اوي ..
نور / هما بيغيروا اوي بس علي فكرة دي حاجة لطيفه طالما الموضوع موصلش للشك مثلا ..
مي / معرفش .. بس علي الاقل عز بيحبك .. اما يامن مفيش عنده سبب يخليه يغير عليا .. اظن بيعمل كده عشان منظره قدام الناس ..
أما يامن وعز كانوا قاعدين ..
عز بصله / مالك يا عم ..
يامن / الهانم كانت عايزة تنزل ب بكيني .. وقالت انها لبسته قبل كده .. انا هتجنن ..
عز ضحك / ايه ده .. انتي بتغيري يا حلوة ..
يامن / لم نفسك بقي .. انت لو مكاني مش هتغير ..
عز / مش هغير ! ده نور أما قالتلي كنت حاسس اني عايز اشيلها واخبيها جوايا عشان محدش يشوفها .. " كمل بخبث " بس ده عشان انا بحبها .. أنت ايه بقي ..
يامن سرح / مش عارف .. بس اللي اعرفه اني مش قادر اتخيل حياتي من غيرها .. مش متخيل اني ادخل البيت ملقهاش موجودة ..
عز ضحك / تبقي وقعت يا معلم .. بقي يامن اللي كان ناقص نجيبله ميس ايجبت عشان يبصلها حتي يحب ويقع الوقعه دي ..
يامن بصله بغيظ / اضحك اضحك .. وبعدين ما أتت كمان حبيت نور ..
عز / ايوا بس انا مكنتش بكابر ولا بهرب من الحب ولا حتي رافضه .. بالعكس انا طول عمري مؤمن بوجوده ومستنيه ..إنما أنت بقي شوف كنت بتعمل ايه ..
يامن / طيب اسكت بقي ..
يامن بص علي مي و لقاها بتضحك بصوت عالي و فيه شاب بيبصلها ..اتعصب و قام وراح ل مي ومسك ايدها بتملك ..
يامن / تعالي نتمشي شوية ...
مي ابتسمت / اوكي ماشي ..
مي قامت معاه و كانت مبسوطة اوي .. ويامن كان شابك ايدهم في بعض جامد كأنه خايف لتهرب منه و لازق فيها وكل ما تحاول تبعد او تسيب ايده يمسك فيها اكتر ..
مي بصتله باستغراب / انت ماسك فيا كده ليه !
يامن بصلها واتنهد / مش عايزك تبعدي عني ابدا .. مي انا مبقتش قادر استغني عنك وكل يوم بتعلق بيكي اكتر و اكتر .. انتي حاسه نفس اللي انا حاسه !
مي اتكسف و ودت وشها الناحيه التانيه بكسوف ..
يامن ضحك / بصي بقي انا ممكن اقبل كسوفك في اي وقت الا دلوقتي .. ها حاسه نفس احساسي ؟
مي هزت دماغها ب اه وهي مبتسمه .. يامن ضحك ولسه هيقرب منها لقي عز و نور جايين عليهم ..
عز / يلا يا عم عشان نروح الياخت ..
يامن شد مي و راحوا للياخت وركبوا .. واول ما ركبوا لقيوا الياخت بيمشي و عز و نور واقفين بيضحكوا وبيشاوروا ليهم ..
مي استغربت / ايه ده .. استنوا لسه اختي وجوزها مركبوش ..
يامن فضل ساكت وفهم المقلب اللي عز و نور عملوه ..
يامن/ اهدي هما اللي عاملين فينا المقلب ده .. أما اشوفك يا عز ..
مي / طيب وعملوا كده ليه ..
يامن بصلها / مش عارف .. بس كده احسن دي عيال ملزقه اساسا .. اي رأيك نقعد نتكلم مع بعض ونلعب ..
مي ابتسمت بحماس / موافقه ..
فضلوا يهزروا و يلعبوا طول الليل و يامن كان بيتعمد يلعب غلط عشان هي تكسب ..
مي / كسبتك هييييييييي ...
يامن ابتسم / انا اللي سبتك تكسبي اصلا ..
مي / لا انا اللي كسبتك عشان انا اشطر منك ..
يامن ضحك وقال / طيب مش هنام بقي ..
مي / لو حابب خش انت نام .. انا هقعد عشان بحب اشوف الشروق ..
يامن اتنهد قرب منها / مي انا مش عايز علاقتنا تكون كده .. انا عايز نكون واحد .. نشارك بعض في كل حاجة .. بلاش كل حاجة تبقي حاطه احتمال انك تعمليها لوحدك ..
مي ببراءة/ وانا كمان نفسي بس مش بحب اضايقك انت ممكن تكون مش بتحب الحاجات اللي انا بحبها ..
يامن/ حتي لو مش بحبها .. هعملها عشانك .. فاهمه ..
مي ابتسمت / يعني هتقعد تشوف الشروق معايا ..
يامن / اه وبعد كده ممنوع انا او انتي نعمل اي حاجه لوحدنا ..
مي ابتسمت و يامن خدها في حضنه وفضلوا قاعدين بيشوفوا الشروق ..
يامن بهمس / انا بحبك ..
مي بصتله بصدمة / ايه .. قولت ايه ..
يامن باسها وقال / بحبك .. وعمري ما حبيت حد كده قبل كده .. مش عارف ده حصل امتي بس اللي اعرفه اني بحبك وعايزك تبقي مراتي بجد ..
مي اتكسفت اوي وبصتله / بجد ..
يامن اتنهد / ايوا بجد .. أنا عارف انتي عملتي فيا ايه ..
مي ضحكت/ خطفتك ..
يامن / احلي خاطفه في حياتي ..
و اشتغلت اغنيه عمرو دياب 🖤💫
" و ماله لو ليلة توهنا بعيد و سيبنا كل الناس .. انا يا حبيبي حاسس بحب جديد .. ماليني ده الاحساس و انا هنا جنبي اغلي الناس .. انا جنبي احلي النااس " 🙊❤️
تمت ..