رواية التقيت بالحنان كاملة جميع الفصول بقلم نورسين محمود
رواية التقيت بالحنان كاملة جميع الفصول هى رواية من تأليف المؤلفة المميزة نورسين محمود رواية التقيت بالحنان كاملة جميع الفصول صدرت لاول مرة على فيسبوك الشهير رواية التقيت بالحنان كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية التقيت بالحنان كاملة جميع الفصول
رواية التقيت بالحنان كاملة جميع الفصول
_انت عارف عملت ايه النهارده
جاوب بملل
=عملتِ ايه
اتكلمت بحماس
_قفلت الانجليزى يا حسن
جاوب من غير ما يرفع عينه من الموبيل
=طب كويس
اتكلمت بعبوث
_كويس ايه بقولك قفلته انا كنت جايبه النص الامتحان الفات فى الدرس
= طب شاطرة
_طب مش هتخرجنى بالمناسبه دى
قام وقف عشان يمشى
=لا مش فاضى متفق مع صحابى
حاولت اتجهال الغصه الفى قلبى
_ماشى انا اصلا مكنش ليا مزاج اوى
_كانت واقفه معاك بتعمل ايه
اتكلمت بعصبيه وصوت عالى
جاوبنى بنفس العصبيه
=صوتك ميعلاش وبعدين وانتِ مالك
_يعنى ايه وانا مالى
=انتِ بقيتى تتجاوزى حدودك معايا انا ماشى
سابنى وانا كنت مستانيه انه يفهمنى هو عارف انا بحبه من وانا صغير ولسه بحبه هو جارى طول عمره معايا معرفش راجل غيره كان نفسى اشوف منه الحنان الى انا مفتقداه من اهلى كان نفسى يطبطب عليا ومع ذلك كنت متقبلاه بكل عيوبه كنت بفرض نفسى عليه يمكن كده يحبنى زى ما بحبه
_انت مش بترد عليا ليه
=مكنتش فاضى
_طب انا عايزه اشوفك
=انا تعبان
_مش هطول هطلع اقعد مع طنط وداليدا عقبال ما تيجى
كنت بحاول اقرب من اهله مع ان علاقتى بيهم مش احلى حاجه بس بحبهم طنط بتحبنى زى بنتهتا عكس داليدا اختو
كنت جيباله ساعه كان قايل انه عايز يجيب زيها بقالى ٣شهور بحوشلها
اول ما وصل البيت استقبلته بإبتسامه
_عامل ايه
جاوب من غير ما يبصلى
=الحمد الله
_انا كنت حابه اعتذرلك على الى حصل وجبتلك هديه
قدمتله الهديه اخدها منى كنت مستانيه اشوف فرحته بيها لكن الى استقبلنى منه البرود
=شكرا
_بس كده
=المفروض اعمل ايه يعنى
_ولا حاجه
عدى يومين كانت متجاهلنى فيهم قابلت باباه على السلم
_ازيك يا عمو
=بخير يا بنتى وانتِ
_الحمد الله
لفت نظرى الساعه الى فى ايدو كانت هديتى لحسن
اتكلمت بمرح
_ايه الساعه الحلوه دى يا عمو
=حلو صح ده حسن ادهالى مش عارف ليه مش عايز يلبسها مع انه كان عايزها اه صح بركتى لحسن
_على ايه
=على خطبتو
اتصدمت عمرى ما كنت اتخيل انه يعمل كده
استأذنت منه وانا فى دماغى ١٠٠سؤال ليه يعمل كده؟
شوفت عربيته بتركن تحت البيت نزلتله جرى
_عامل ايه
=ايه النزلك
_انت هتخطب
=مش قادره بكرا نتكلم
_استنا رد عليا
اتكلم بعصبيه
=قولتلك مش قادر بكرا
عينى اتملت بالدموع
_انت بتتعامل معايا كده ليه
لما دموعى بدأت تنزل اتنفخ
= هنا انا تعبت مش عارف اعمل ايه اكتر من كده معاكى انا مش بحبك قولتلك كده اكتر من مره احنا جران من زمانا وانا اكبر منك ب١٠سنين انتِ اختى الصغير قولتلك اكتر من مره ان عمرنا ما هنبقى مع بعض انتِ بتتغطى عليا انا عمرى ما شوفتك ولا هشوفك اكتر من اختى انتِ بالنسبالى عيله صغيره
بصيتلو ووشى مليان بدموعى مكنتش عارف ارد
=انتِ شبه العيال الصغيره كل ما اكلمك كلمه تعيطى وتانى يوم تتعملى معايا عادى انا بقيت حاسس بخنقه من وجودك و اه انا هخطب عشان لقيت البنت القلبى اخترها اتمنى انك تلاق الشخص اليحبك ولا انى اشك ان حد هيبقا معاكى بطريقتك دى
سبنى ومشى مكنش قادره اخد نفسى ولا اتمالك اعصابى طب ليه هو انا وحشه اوى كده؟ انا حبيتو كنت عايزه حنيه واهتمام مش اكتر منه من وانا فى ابتدائي تقريبا لازقه فيه مش بيعمل حاجه من غيرى بكلمه كل يوم بس عمره هو الكلمنى
عمره ما اهتم بيا ومقدرش حبى انا فعلا كنت خنقاه
عدى شهر كان خطب وانا مرحتش مقدرتش اشوفه مع واحده تانيه احلامى كلها معاه معاه هو بس
مر شهرين كمان ودخلت الكليه رحت محافظه تانى اول سنه بعد معاناه عشان اقنع اهلى مكنتش مشكلتهم انى هبعد كانت مشكلتهم ازاى بنت تسافر لوحدها ومرت اول سنه ورجعت تانى اسكندريه مقدرش اقول انى اتعافيت منه بس ممكن اقول انى اتخطيتو مبقتش بشوفو لاننا عزلنا ربنا كرم بابا فى شغله ووضعنا اتحسن اكتر
_صباح الخير يا هنون
=صباح الخير يا روكا
اتعرفت على رقيه من سنه فى جامعه القاهره وبسبب ان اهلها نقلو اسكندريه نقلت معايا السنادى
=هتيجى فرح اختى زينب
_مش عارفه هشوف
=لازم تيجى هتزعل منك و اهو قدامك ٣اسابيع تقريبًا
_ماشى ويلا بقا عشان نلحق المحاضره
دخلنا المدرج وكان الدكتور لسه مجاش
_بجد مش مسامحه دكتور عصام ده الخلانا نكتب ٢٠٠سؤال عشان زفت اعمال السنه
=دول مستعبدنا والله كل ده عشان كام درجه
قاطع كلامنا دخول شخص تانى غير دكتور عصام
=السلام عليكم انا دكتور ادم هدرسكلم مكان دكتور عصام
المدرجه كله بقا بيسقف وفرحان ان دكتور عصام اتغير
اتكلم بزعيق
=الصوت يا جماعه طول ما انا فى المحاضره مسمعش دوشه فاهمين
بدأ يشرح وانا كنت بحاول افهم لكن طريقته صعبه شويه
همست لرقيه
_فاهمه حاجه
~لاء بس شكله من غريب عليا ادم ده
_مش عارفه بس انا اول مره اشوفه
=الاستاذه العماله تهمس ورا تقوم تقف
بصيت حوليا ملقتش حد قام تقريبا قصده عليا
=يلا اقفى
شاورت على نفسى
_انا
=اه
وقفت
=هو مش انا قولت مش عايز صوت طول المحاضره
_سورى يا دكتور
=اتفضلى اقعدى ده اول واخر انذار ليكى المره الحايه هطردك سامعه
هزيت دماغى ليه وقعدت وانا فى قمه احراجى
خلص شرح
=المحاضره دى والجايه اهم محاضرتين فى المنهج فا هما الهيبقا عليهم اعمال السنه عايزكم تلخصوها وتكتبو اسئله متقلش عن ١٠٠سؤال
وقفت بإنفعال
_بس دكتور عصام خلنا نكتب ٢٠٠سؤال على المحاضره الفات وكانت دى اعمال السنه
ربع ايده رتكلم ببرود
=وانا قولت ايه اعمال السنه هتبقا على المحاضره دى والجايه
_بس يا دكتور كده ظلم حرام بعد كل ده
بدأ يلم حاجته من على الطراييزه
=ابقى اشتكيني لاستاذ الماده
مر اسبوعين ومكنش مبطل طرد وزعيق ليا لحد ما رحت لاستاذ الماده واشتكيته
كنت فى جنينه الكليه لوحدى رقيه كانت غايبه عشان تحضيرات فرح اختها
_ايه يا بسبوسه من عجباكى سندوتشات الجبنه التركى
طلعت نونوه صغيره
_جرا فيكى ايه يا دنيا انتِ عارفه بقت بكام
قربت حته منها عشان تاكل
_كلى بس دى وبكرا هجلك لانشون يا ستى
=والله يعنى اشتكتينى وقاعده هنا تضحكى
التفت وكان هو
_حضرتك الى اضطرتنى اعمل كده
=والله وانا عملتلك ايه
_حضرتك بتتكلم بعد ولا بتهزر
بصلى بتكبر
=وانا حهزر معاكى ليه
_حضرتك طردنى من ٣محضرات مع ان كله بيتكلم انما حضرتك بتطردنى انا بس
=معلش اصل انا مفترى
كنت هرد لكن جت شله بنات عشان تتكلم معاه بدلع ومرقعه هنا البنات كلها بتحبه وبتحاول تتكلم معاه هو الصراحه جذاب ووسيم وكارزما
اخدت شنطتى ومشيت رجعت البيت استقبلتنى ماما طبعا بالاه مبلاه
~جبتى الحاجات الى طلبتها منك
_اه
~حطيهم فى المطبخ
_هو بابا فين
~سافر عند اختك وجوزها
_وهيجى امتى
~كمان اسبوعين
اتكلمت بحزن
_مشى من غير ما يسلم عليا
~ مش مستهله دى كلها اسبوعين
رديت بكسر خاطر
_عندك حق مش مستهله
اهلى هما السبب هما الخلونى متردده دايما لما بصدق اشوف شويه اهتمام من اى حد كان نفسى اللهتمام يجى منهم هما
دخلت اوضتى اخدت شور ولابست بيچامه مريحه
كنت عمله حسابى انى اقضى وقت لطيف مع نفسى وصلتنى رساله من رقيه ان فرح اختها يوم الخميس الجاى
عدى الاسبوع بوحشته لكن الاهم ان دكتور ادم بطل يطردنى
جهزت للفرح لبست فستات اسود ستان طويل لكن مش واصل للارض مقفول من فرق وسيبت شعرى وحطيت ميكب خفيف ولابست هيلز روز شكلى كان جميل ورقيق
وصلت الفرح متأخر شويه فوت الزفه
سلمت على رقيه وعلى اهلها وباركت لزينه ورحت قعدت بعيد لكنى شوفته كان هو
حسن كان معاه واحده حامل دى مراته؟!
شوفته وهو بيضحكلها وفرحان بيها كان بيبوس ايديها وبيطبطب عليها
حسيت انى بقفد قوتى طلعت من القاعه بخطوات شبه الجرى اول ما طلعت ميلت بجزعى شويه وبدأت احاول اخد نفسى لما بتعرض لحاجه بتضغط عليا نفسى بيضعف بدأت احاول اتنفس وانا بكلم نفسى
_اهدى انتِ كويسه مافيش حاجه هو شاف حياته وانتِ كمان هتشوفى حياتك
قاطع كلامى مع نفسى صوت شخص من ورايا
=والله كلامك عين العقل محدش يستاهلك
التفت بسرعه لمصدر الصوت
_دكتور ادم!
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
_دكتور ادم ! حضرتك بتعمل ايه هنا
=انا من صحاب العريس وانتِ
_العروسه تبقا اخت رقيه صحبتى
كان فى صمت بينا
كنت حاسه بخنقه وخصوصا انه فى ايده سيجارة رحتها خنقتنى
اتحرجت انى اطلب منه انه يطفيها
_عن اذنك
اتكلم بالهفه لما لقانى ماشيه عكس اتجاه القاعه
=رايحه فين ؟ انتِ هتروحى ؟
_لا هبعد بس شويه محتاجه اشم هوا
بص على السجاره الى فى ايده وطفاها فى ساعتها
=معلش مخدتش بالى انها خنقتك
_لا ولا يهمك
=انا طفتها خليكى واقفه
رجعت وقفت مكانى وانا مستغربه طريقته الجديده معايا مكنش بيتعامل معايا كده الاول
طال الصمت بنا شويه لحد ما قطعه
=بصى انا مش عارف انتِ مريتى بس انا شايف ان المواجهه احسن حاجه
جاوبت بشرود
_معتقدتش ان من حقى اواجهه او اعاتب انا كنت عايشه وهم مع نفسى بس الحمد الله فقت منه
ابتسم ليا وبصلى
=المهم انك فقتى منه على العموم انا معاكى لو محتاجه اى حاجه لو عايزه حد يسمعك انا موجود فى الخدمه
خلص كلامه وهو بغمزلى ابتسمت بخجل
_شكرا يا دكتور ادم
دخلت تانى الفرح وهو كان لسه واقف برا
اول ما دخلت لقيت حسن ومراته غيره مكانهم وقعدين قدام الباب حاولت ادخل بسرعه وعمل نفسى مش شايفه لحد ما قاطعنى صوته
~هنا يا هنا
نده تانى عليا لما لقانه مكمله مشى
اخدت نفس عميق والتفت ليه ومثلت التفاجئه
_ايدا حسن !
ابتسم ليا
~عمله ايه بقالى كتير مشوفتكيش
_الحمد الله
كنت بجاهد وانا بطلع صوتى عشان يبقا ثابت وانا شايفه نظرات مراته الحاده ليه
مقدرش اقول انى لسه بحبه او الى كان ليه من نحيتىى حب على قد ما انا متأثره انى شايفه حد تانى هو المحقق احلامى هى المكانى انا مش بحسدها بالعكس انا حاسه ان فعلا مكانى مكنتش معاه
=انتِ كبرتى واتغيرتى خالص
ابتسمت ليه ابتسامه بهته
بص نحيت مراته واتكلم
=اعرفك مروه مراتى ودى هنا كانت جارتنا متربيه معايا انا و دالي...
قاطعته وانا بيتسم بيرود وبمدلها ايدى
_واعتبر اختهم الصغيره
حسن بصلى كأنه عايز بتأكد من كلامى وانى خلاص اتخطيته اتكلم وهو بيمسك ايد مراته
=وعلى كده عامله ايه فى حياتك بقا
جاوبته بثقه
_انا الحمد الله سنه تانيه فنون جميله
ردت مروه:ماشاء الله
ادخل حسن
=واتخطبتى بقا
مش عارفه هى عايز يوصل لايه حسيت انه عايز يثبت حاجه لنفسه بس انى مش عايزه اخسر قدامه وابان انى لسه واقفه مكانى جاوبت بثقه
_اه اتخطبت الحمد الله
نظرته ليا كأنه مش مصدقنى كملت بثقه
_هو موجود هنا كمان
=بجد هو فين اتعرف عليه
بدأت افهم انا حطيت نفسى فيه اتلفت حوليا بدور على اى حد لحد ما لقيت دكتور ادم وهو داخل من القاعه ابتسمتله بسعادة بان على ملامحه الاستغراب منى قرب كام خطوه
شديته من ايده بسرعه
_ده دكتور ادم خطيبى
ضغطت على ايد ادم لما بان عليه الصدمه
=اخبارك يا حسن
يلاوهى هما يعرفو بعض ؟!
~كويس عاش من شافك كده برضو تخطب من غير ما تقول
شال ادم ايده منى لان انا الكنت مسكاها كنت بظغط عليها وهو المسكها كأنه بيطمنى
=معلش جت مره واحده عن اذنكم
بعدنا شويه واحنا مسكين ايد بعض
سحبت ايدى منه
واتكلمت بخجل
_انا اسفه اوى والله يا دكتور ادم على الموقف ده بس كان لازم اتصرف كده
=متتأسفيش وبعدين انا اصلا مبسوط
رفعت وشى ليه وبصتله بإستغراب
_مبسوط ليه
=لسببين اولا انك اخدتى بنصحتى وواجهتى وثانيًا انى بقيت خلاص دكتور ادم خطيب الانسه هنا
خلص كلامه بإبتسامه جميله بينت غمزاته
اتكلمت بتوتر
_عن اذنك لازم امشى
عدى يومين كنت بحضر واول ما المحاضرة تخلص كنت بروح على طول كنت بتجنبه
خلصت اول محاضره وكان فى فرق وقت رحت قعدت فى مكانى المفضل بس لقيت قدام بسبوسه اكل
_ايدا مين سبقنى وحطلك يا بسبيسو
=انا
كان ادم واقف ورايا وفى ايده طبق بسبوسه بتاع المايه تقريبا كان بيمليه
_دكتور ادم
=اخيرا عرفت الاقيقى اقعدى محتاج اتكلم معاكى شويه
قعدت جمبه مع احترام المسافه بينا
_اتفضل يا دكتور
=انا محتاج مساعدتك
بصتله بهتمام عشان يكمل
=بصى يا ستى احنا شله كبيره صحاب من ثانوى من ضمننا حسن ومحمود العريس علاقتنا ببعض قلت بعد دخول الكليه لان كل واحد دخل تخصص غير بس من فتره رجعنا تانى نتجمع كل يوم خميس المهم ان حسن قلهم انى خطبت وكلهم طبعًا استغربو وفى الى زعل وطلبو اننا نتحمع يوم الخميس واجيبك وكل واحد هيجيب مراته او خطيبته بس لو مش عايزه تيجى براحتك انا مش هغصبك على حاجه
اتنهدت بصوت عالى مش قادره اتجمع تانى مع حسن كل ما بشوفه بفتكر كلامه
_انا اسفه بجد ان عملت مشكله بينك وبين صحابك انا هاجى عشانك انت ساعدتنى وده دورى
عدت الايام ووصلنا ليوم الخميس
لبست فستان صيفى مقفول طويل وعليه كوتشى ابيض حطيت ميكب خفيف وفردت شعرى
=الو انتِ فين
_انا على اول شارعى اهو يا دكتور
=طب عدى السكه انا واقف بالعربيه
_عربيه! لا مش هينف..
=متتأخريش
قاطعنى وقفل السكه
عديت الطريق بمنتهى العصبيه
لقيه واقف ساند على العربيه مستانينى لابس كاچوال شكل كلن جذاب بطريقه مش طبيعيه
اتكلمت بإنفعال
_ايه الحضرتك بتعمله ده يا دكتور بتقفل السكه فى شى وجايه ليه اصلا
بعد عن العربيه وفتح الباب ليا وانا لسه بتكلم
بحركه عفويه ركبت العربيه وانا لسه بتكلم بعصبيه وهو ركب مكانه
_وبعدين مين قالك تيجى انا عارفه المكان قولتلك اكتر من م...
وقفت كلام وانا بحاول استوعب انه سايبنى اتكلم وبدأ يسوق وانى ركبت العربيه معاه
_ايداا انا ركبت ازاى
=ما اهو من رغيك مش واخذه بالك من حاجه
كشرت وشى و ربعت ايدى
=خلاص متتقمصيش
اتكلمت وانا مبوزه
_مش مقموصه
=لا يا راجل طب خدى شغلى الاغنيه التحبيها عقبال ما نوصل
اتكلم وهو بيدينى تليفونه كأنه بيشغل طفل صغير
شغلت اغنيه لمياده الحناوى مغنينى المفضله
=انتِ بتسمعى مياده
_اه بحبها اوى
بادلنى الابتسام
=دى مغنيتى المفضله
وصلنا المكان دخلنا بدأت اتعرف على صحابه ومراتتهم كانه كلهم كويسين قعدنا وقعدت جمب ادم
=تشربى ايه
_مش عارفه
=انا هطلب مانجا اطلبلك معايا
قاطعنا حسن بعفويه وهو بيحط المشروب قدام مروه
~لا عندها حساسيه منها
كل القاعدين بصولو ابتسمت بسخريه
_عنىدى حساسيه من الفراوله مش من المانجا يا حسن
التفت لادم وانا ببتسم
_اطلبلى معاك الهتطلبو
لاحظت ان ادم بيضغط على ايده وبان على ملامحه العصبيه
قربت منه وهمست
_حضرتك كويس يا دكتور
قرب هو كمان منى واتكلم بعصبيه
=متقوليش دكتور ولا حضرتك انا ادم وبس سمعانى
هزيت دماغى ليه بالموافقه
_ماشى بس انت متعصب ليه
=مش متعصب
عدى وقت وانا اندمجت شويه مع الموجودين لحد ما استأذنت ورحت الحمام
وانا طلعه لقيت حسن تقريبًا كان مستانينى
~هنا انا محتاج اتكلم معاكى شويه
_معتدقتش ان فى حاجه ممكن نتكلم فيها
وقف قدامى يمنعنى انى ممشيش
~انا اسف على كل حاجه اسف من قلبى اسف انى محستش بإيمت مشاعرك واسف على كلامى وانى اذيتك من كتر ما انتِ كنتِ معاايا كنت حاسس بضغط ان..
قطعته بجمود
_كفايا يا حسن ملهوش لازمه تفتح فى القديم وزى ما انت قولت انا كنت عيله صغيره وكنت متعوده على وجودك من صغرى انما دلوقتى انا لقيت الشخص الصح
اتكلم بأسف
=انا مش عايزه افتح فى القديم ولا حاجه انا بس عايزك تسمحينى انا اخدت جزاتى فاكره لما قولتلك انا هخطب البنت الى قلبى اخترها
هى بقا مخترتنيش للاسف فضلت حد تانى عليا
بصتله بصدمه
_ازاى امل مروه مراتك تبقا مين
=مش هى دى من معارف ماما انا بس عايزك تسمحينى عشان اكمل حياتى وانا ضميرى مستريح مش قادره اقولك انا فرحان قد ايه بأنك اتخطبتى لادم
اتكلمت بغضب
_يعنى انت منستهاش ورحت اتجوزت لا وكمان حامل
كنا بنتكلم مكناش نعرف ان فى حد قلبه اتكسر ملهوش يد وهى مروه مستنتش تسمع بقيت الكلام ومشيت
قاطعنى حسن
=والله ابدأ انا نستها بس مقدرتش ابطل اربط اننا مكملناش بأنى ظلمتك منكرش انى فى الاول مكنتش بحب مروه لكن دلوقتى مقدرش من غيرها
اتنهدت وانا بحط ايدى على دماغى بصيت قدام شوفت مروه وهى كانت ماشيه قدام شوفتها من ضهرها معرفش سمعت ولا مسمعتش
_خلاص يا حسن وانا مسمحاك اتمنى تنسى كل حاجه وتركز فى حياتك مروه لسه ماشيه مش عارفه هى سمعت ايه او فهمت ايه بس رحلها
رحلها حسن بلهفه وطلعت من ممر التويلت لقيت ادم واقفه كأنه مستانينى ومعاه شنطتى
=يلا بينا
_هنمشى دلوقتى
=اه
طلعنا بعد ما سلمت عليهم وركبت جمبه كان شكله متضايق
_هو انت كويس
=هو كان فى حاجه بين وبين حسن
بصتله بإستغراب مكنتش هجاوبه لكن حسيت انى عايزه افهمه
_انا متربيه مع حسن من وانا صغيره طفولتى كلها معاه لحد ما كبرت كنت متعلقه بيه مقدرش اقول انه حب كنت صغيره ومفيش فى حياته غيره
=طب ودلوقتى
_لا طبعًا انا لغيت حسن من حياتى من زمان هو بالنسبالى اخ مش اكتر
ابتسم ليا نص ابتسامه
لكن كان لسه مكشر
_انت هتفضل مكشر كده كتير
اتكلم بمرح
=مش حاسه انك اخدتى عليا
اتكلمت وانا بتريق على طريقه كلامه
_متقوليش دكتور ولا زفت انتِ سامعه
ضحك على طريقتى وانا شاركته قد ايه ابتسامته جميله
عدى وقت وبقينا صحاب اكتر كنا بنتكلم كتير
اتعودت عليه بقيت حبه وجوده
كان كتب كتاب واحد من صحابه التعرفت عليهم هو وخطبته كنت معزومه بصفتين انى بقيت صحبتهم وخطيبه ادم صاحبهم
لبست فستان نبيتى ستان كان رقيق وشيك وحطيت ميكب خفيف
=ايه الى انتِ لبساه ده
اتكلم بعصبيه شديده
_فستان ماله يا ادم
=انتِ مش شايفه ضيق ازاى مفيش مرواح فى حته كده اطلعى غيرى
نبرته العاليه وعصبيته عليا خلت دموعى تتجمع فى عينى
_انت بتزعقلى ليه كده انا مش هغير
اتكلمت بإنفعال مماثل ليه
عصبيته زادت اكتر
=هنا متعصبنيش قولتلك غيرى الزفت ده
دموعى نزلت غصب عنى
_انا مش رايحه فى حته انا هروح
لما شاف دموعى هدى شويه وبدأ ياخد نفسه
اتكلم بحنيه وهو بيمسح دموعى
=حقك عليا متعيطيش انا بس اتعصبت عشان الفستان ضيق
بعدت ايده عن وشى وانا لسه ببصله بغضب
=انا اسف والله خلاص متزعليش ممكن بقا تغيرى عشان نلحق نروح
طلعت غيرت ونزلت كان فيها ايه يعنى لو كان قالى من الاول براحه
جبلى ورده عشان يصالحنى
وصلنا وسلمت عليهم لكن لفت نظرى ان حسن كان لوحده لما سألته عرفت انها لسه زعلانه منه لكن البسطنىً كلامه
~حقها تدلع شويه وتشوف غلاوتها عندى هى برضه شافت منى كتير
ابتسمت بود
_ان شاء هترجعه انت بحس حسسها بحبك
=والله كبرتى يا بت يا هنونه بقيتى عقله
_شوفت بقا عشان تعرف
كنا بنضحك انا وهو لحد ما ادم ادخل وهو وشه مكشر
=مش يلا بينا
_دلوقتى
=اه يلا
ركبنا العربيه كان فى صمت
_احنا ريحين فين هو انت زعلان منى
سكت شويه بعدين بصلى وهو بيبتسم
=لا مش زعلان منك
بص فى ساعته وكمل
=بما ان لسه بدرى فا هفسحك شويه
لفينا شويه بالعربيه وطلعنا على البحر معانا ايس كريم
كنت انا قاعده على العربيه وهو واقف قصادى
=لو حد دلوقتي حب يدخل حياتك هتديه فرصه
اتكلم وهو بياخد قطمه من الايس كريم
_دلوقتى اه لو حسيت ان هو شخص مناسب حديه فرصه حاسه انى استحق ابق مبسوطه
ابتسامته زادت اكتر وغمزاته بانت
مسك تليفونه وشغل اغنيه مياده الحناوى
"انااا انا بعشقك انا انا كلى لك انا "
"الماضى لك وبكرا لك وبعدو لك"
كان بيغنى وهو بيشاور عليا خدود احمرت منه
=تقبلى تدينى فرصه
اتصدمت من طلبه
=انا كمان استحق ابقا مبسوط وخصوصًا مع واحده زيك انا مش قادر اطلعك من دماغ الصراحه من ساعت اول محاضره ليا كنت بشوفك كل يوم وانتى بتأكلى القطه مش عارف انتِ عملتى فيا ايه بس انا كده شكلى بحبك
كل كلمه كان بيقولها عنيا كانت بتتسع اكتر من الصدمه
_انا مش...
قاطعنى هو بسرعه
=انا مش عايزه اعرف مشاعرك من نحيتى انا بس عايز فرصه ابينلك مشاعرى انا
كملم وهو بيغمزلى
=ولو انى عارف مشاعرك يعنى ده انتِ كنتِ هتكلينى بعينك
كشرت وشى
_ومين بقا قالك ان فى مشاعر من نحيتى
=يا راجل طب عينى فى عينك كده
كملت بجديه مزيفه وانا بديله ضهرى
_وبعدين احنا مش هننفع مع بعض يا دكتور ادم
=ليه
سأل بلهفه
_مش هينفع احنا الاتنين عندنا غمزات نسبه نجاح العلاقه دى قليله جدا
لفيت لما سمعت صوت ضحكته بدالته الضحك انا كمان
=الله ده ايه الغمزات السكر دى
بصتله بخجل
=ها بقا قولى ردك ايه عشان مسبكيش هنا وامشى
_مكنتش اعرف انك مجنون كده يا ادم شكلك دكتور عاقل
=انا عاقل مع كله معادا مع هنون قلبى
اتكلم وهو بيشاور نحيت قلبه
_الله ده انت شكلك واقع بقا
=من الدور العاشر يا باشا تعرفى انى كنت بستهبل وصحاب مكنوش طلبيين يشوفوكىى ولا حاجه انا كنت صحاب الفكره عشان اقرب منك
بصتله بغيظ
_اه يا كداب انت عارف انا كنت حاسس بالذنب ازاى
ضحك على تعبيرات وشى
=بجد مش قادر اوصفلك مشاعرى من نحيتك بس الى اعرفه انا عايز اكتب كتابى دلوقتى حالا
ضحكت بصوت عالى
_انت طلعت مجنون خالص
جه فى بالى سؤال
_ادم انت شوفتى ازاى لما عيط لما زعقتلى يعنى شوفتى طفله او بعمل دراما وخلاص
جاوب من غير ما يفكر
=لا طبعا دى مشاعرك مستحيل استقل بيها بالعكس ده كده اعرف ان معايا بسكوتايه ومش اى بسكوت كمان ده بسكوت نواعم
ضحكت بصوت عالى على كلامه
_على العموم انا موافقه
=موافقه نتحوز؟
_لا يا ادم اديك فرصه
فرحته كانت باينه فى عنيه
=وانا اوعدك انك مش هتندمى ده انتِ هتتحيلى عليا عشان نعمل كتب الكتاب
_ادم
=عيونه
شغل تانى اغنيه مياده الحناوى
وبدأ يغنى وهو بيشاور عليا
"يا من ملك روحى بهواه روحى بهواه
الامرك لك طول الحياه طول الحياه"
الحمد الله ربنا عوضنى الحنان الكنت مفتقداه طول حياتى واخيرا اخترت صح
وحسن عرف يصالح مروه بعد معانا وحس بقيمتها اكتر بعد ما اتعلم الدرس وربنا رزقه ببنت