رواية مصادفتك غيرت حياتي كاملة جميع الفصول بقلم ندي زايد

رواية مصادفتك غيرت حياتي كاملة جميع الفصول هى رواية من تأليف المؤلفة المميزة ندي زايد رواية مصادفتك غيرت حياتي كاملة جميع الفصول  صدرت لاول مرة على فيسبوك الشهير رواية مصادفتك غيرت حياتي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية مصادفتك غيرت حياتي كاملة جميع الفصول

رواية مصادفتك غيرت حياتي كاملة جميع الفصول

وصلت عند بوابه كبيرة نزلت من عربيتي وقربت بهدوء لاقيت حرس كتير وبادي جاردز من اللي بنشوفهم ف الافلام قربت من واحد منهم وسالته في هدوء

_ ياتري عمو سالم موجود 

* عمو ؟

_ قصدي سالم باشا الجارحي موجود 

* اه يافندم موجود نقوله مين 

_ ليلي ...دكتورة ليلي

اتكلم في جهاز لاسلكي كدا وكاني داخله احارب مش داخله لمريض معرفش ليه بابا حطني في الموقف دا مكنتش حابة اجي هنا ولا اعطل وقتي في مساعدة شخص واحد في حين اني ممكن اساعد اشخاص كتير في الوقت دا فقت من سرحاني علي صوت الحارس وهو بيفتح البوابه وبيؤمرني اني ادخل... دخلت لاقيت ممر كبير اوي وعربيات وشجر وورود لحد موصلت لبوابه البيت او دا مش بيت دا قصر انا عارفه انهم من اغني الناس في البلد بس متخيلتش انهم زي بتوع الافلام لاقيت حرس تاني فتحلي الباب دا وقالي ادخل وان سالم باشا جاي حالا ..اتحركت بهدوء ودخلت تقريبا كل حاجة في البيت دا حلوة جدا من اول الستاير والسجاد والنجف لحد الصالون والسفره والحاجات الكتير اللي مش عارفه مين بيقعد علي كل دا بس البيت دا ناقصه حاجة ناقصه روح ....قربت من باب ازاز كبير كان باب جنينه تقريبا كان فيها ورود بكل الالوان تقريبا شكلها كان مبهج اوي شفت فراشة بتطير تقريبا نسيت نفسي اما شفتها كنت لسه بفتح عشان ادخل اشوفها سمعت صوت وقفني مكاني 

=انتي مين ؟ 

لفيت وبصيت لمصدر الصوت لاقيت شاب طويل عنده دقن خفيفة وعيونه حادة اوي لابس تيشرت اسود وبنطلون جينس والحقيقة ان جسمه واضح انه رياضي جدا كانه مرسوم علي المسطرة بلعت ريقي بصعوبه من نظراته وحاولت اجمع كلامي اللي تقريبا نسيت نصه 

_ انا ... 

بس قبل مااكمل كان هو بيسابقني بالكلام وهو بيقرب مني 

= انتي اي ؟ وازاي دخلتي هنا اصلا ومين سمحلك تقربي من الباب دا انا تقريبا مشغل معايا بهايم مش حرس 

كمل جملته وهو بيعدي من جمبي وبيقفل الباب بعصبيه وكاني كنت هسرقه مش بس فتحته طريقته استفذتني ودا اللي خلاني استجمع نفسي تاني 

_ اولا خلي عندك زوق البهايم اللي حضرتك بتتكلم عنهم مش هتلاقيهم هنا اللي برا دول بني ادمين واه شايفين شغلهم كويس هما لو غلطانين فهيبقوا غلطانين انهم شغالين مع واحد زيك اصلا 

رفع حاجبه وباصلي بنظرة حادة وقال بصوت هادي 

= زيي انا؟ 

_ اه زيك انت واحد معندوش زوق وسوري يعني لو قلت معندوش عقل كمان لان طبيعي بكميه الناس اللي داخله حرب برا دي مش هبقي داخله من غير مايبقي صحاب المكان عارفين 

ابتسم ابتسامه خفيقة والحقيقة معرفش ليه ابتسم او يمكن دي ابتسامه سخريه انا مفهمتش هي اي بس الحقيقة انها بينت انه عنده غمازة حلوة اوي 

= طب ممكن اعرف بقي حضرتك تبقي مين وجايه لمين هنا 

_ انا...

وقبل مكمل كنت سمعت صوت عارفاه كويس 

** ليلي ؟ 

بصيت ناحيه الصوت وابتسمت وجريت عليه وانا بكمل كلامي 

_ عمو سالم وحشتني جدا 

خدني في حضنه وطبطب عليا وحسيت انه فعلا مبسوط انه شافني تاني 

** لازم يعني تجيلنا بصفة رسميه مينفعش تزوري عمك تتطمني عليه خالص يعني 

_ حضرتك عارف يعمو والله الشغل عامل ازاي وانا مبلحقش اروح حتي اسال صاحبك مش محفظك كل حاجة ولا اي 

غمزتله بعيني مع اخر جمله قلتها وهو بصلي وضحك ولعب بايده ع شعري من قدام 

** لسة زي ماانتي لمضة ياليلي لندن مغيرتكيش لا 

_ عيب عليك دا انا تربيتك 

سمعت صوت همهمة بصيت ناحيه الصوت لاقيته لسة واقف مربع ايديه وباصصلنا مفهمتش هو باصص باستغراب ولا مستمتع بشكلنا نظراته حقيقي مش مفهومه لاقيت عمو سالم بيتكلم 

** تعالي يازين قرب اعرفك دي ليلي او نقول دكتورة ليلي بنت عمك صبري عياد  صاحب العمر وعشرة سنيني انتوا اتقابلتوا قبل كدا بس كنتوا صغيرين اوي معرفش انتوا فاكرين ولا لا 

لاقيت زين بصلي وابتسم نفس الابتسامه الهادية اللي مش مفهومة مد ايديه ليا 

= اهلا وسهلا 

_ اهلا بيك 

سحبت ايدي بسرعه معرفش ليه اما مسك ايدي قلبي اترعش او .....

** ليلي هتقعد معانا فترة يازين انا خليت دادة هنية تجهزلها اوضتها فوق عشان هي اللي هتابع حالة جدك ومتهيالي مش هنلاقي دكتورة قلب اشطر من الست ليلي هو فين شنطك صحيح ؟ 

_ هي برا في العربيه بصراحه الشكل يخض برا فانا نسيت نفسي 

ابتسم واستاذن في هدوء انه عنده شغل 

_ طب يست اللمضة هخلي حد من الحرس يدخلهالك وزين معاكي هيساعدك انا عندي شغل هقابلك بليل .. زين عرفها علي جدك وجدتك  وعرفها الدنيا وبراحة عليها ها عن اذنكوا 

مفهمتش ليه بصله اوي وهو بيقوله براحه عليها هما هياكلوني ولا اي !! 

بصيت للباب وعمو بيخرج منه سرحت في ان اي اللي جابني هنا وليه وافقت ملحقتش افكر لاقيت زين بيتكلم 

= دادة هنيه يادادة هنية 

_ ظهرت ست كبيرة يمكن في الخمسينات شكلها مريح اوي ووشها بشوش ارتحتلها لمجرد ان ابتسامتها صافيه اوي 

• اؤمرني يازين باشا 

= بعد اذنك تطلعي دكتورة ليلي اوضتها وتساعديها في ترتيب حاجتها وشوفيها لو محتاجة حاجة وبالنسبه ليكي يادكتورة تقدري ترتاحي شويه وبعدين هعرفك علي جدي وجدتي

• عنيا ياباشا اتفضلي يست الدكتورة نورتي البيت 

= دا بنور حضرتك 

اتحركت معاها بهدوءط وطلعت درجات السلم بحذر جوايا احساس مش مفهوم من ساعة مدخلت البيت دا انا مش خايفه بس مش فاهماني يمكن لانه مكان جديد او يمكن حاجة تانية انا مش فاهماها ....

طلعت مع دادة هنية لحد فوق وفتحتلي الباب ودخلت ومكنتش متخيلة ابدا كل اللي شفته دا ... تقريبا كل حاجة بحبها كانت موجودة في الاوضة دي الالوان كلها فاتحة ومبهجة والديكورات اغلبها علي شكل فراشات ودباديب حتي الكرسي الهزاز اللي بحبه كان في جمب الاوضة وكان فيه مكتبه هي اه مش كبيرة بس فكرة وجودها لوحده خلاني متفاجاة لاني لو هعمل الاوضة لنفسي مكنتش هعملها بالحلاوة دي الاضة شبهي اوي 

قربت من الستاير فتحتها لاقيتها بتطل علي الجنينة اللي شفتها تحت قد اي المنظر جميل اوي سرحت في جمال كل حاجة لحد ماانتبهت علي صوت دادة هنية

•اتفضلي يست الدكتورة ارتاحي اكيد تعبانة من المشوار 

ابتسمت لبساطتها وقربت من السرير وقعدت عليه 

_ هو ممكن يادادة تقوليلي ليلي وبلاش ست الدكتورة دي دا انا زي بنتك يعني 

• وانا اطول تبقي بنتي حلوة ياست البنات كلهم 

_ تسلميلي يادادة بس فعلا هبقي مرتاحة اكتر لو قلتيلي ياليلي بس من غير تكليف ...قوليلي بقي هي الاوضه دي كدا من زمان 

قربت تفتح شنطتي اللي حطها حد من الحرس علي السرير واتكلمت وخي بتفتحها 

• كدا ازاي يبنتي ؟ 

_ يعني الديكور والالوان وكل دا اصل بصراحة حاسة كان الاوضه بتاعتي وانها زوقي انا 

ابتسمت ابتسامه بسيطة وهي بتفتح الدولاب وبتعلق فستاني الازرق 

•  الاوضة دي كانت علي زوق الهانم الله يرحمها مرات سالم بيه كانت ست سكرة زيك كدا ودايما بتحب كل حاجة فاتحه ومبهجة كانت بتقول علي الاوضة دي روح البيت عشان بتشوف منها الجنينة بتاعتها وكمان عشان كل حاجة في الاوضة دي علي زوقها 

_ طب اشمعنه الاوضة دي ليه مش كل البيت يبقي علي زوقها 

• طبعا اختارت حاجات كتير في البيت بس هما يبنتي كانوا عايشين في بيت تاني واتنقلوا هنا باوامر البيه الكبير فسي سالم كان بيحبها اوي فغير اوضه النوم بتاعتهم علي زوقها والاوضة دي خلاها برده ليها من اولها لاخرها وخصوصا انها بتطل علي الجنينة بتاعتها 

_ بتاعتها ؟ هي ليه بتاعتها يادادة هو فيه جنينة تانية 

• اه يبنتي فيه الجنينية بتاعة القصر لكن دي  بتاعه الست كل حاجة فيها اتزرعت من اختيارها هي وهي اللي كانت بتهتم بيها بنفسها الله يرحمها مشفتش في روحها الحلوة ابدا 

_ انا فاكرة اني شفتها مرة وانا صغيره انا برده استغربت المكان دا لاني فاكرة قبل منسافر عدينا علي عمو سالم وسلمنا عليه وكان فعلا في بيت تاني غير دا بس قلت يمكن عشان كنت صغيره فانا اللي مش فاكرة بس هي ماتت ازاي يادادة ؟ 

حسيت ايدها اترعشت الكتاب وقع من ايدها وهي بتحطه في رف المكتبه بصتلي بتوتر شويه وبعدين كملت 

• يوه دا الكلام خدنا يبنتي انا لازم انزل عشان الحق اخلص الغدا ارتاحي انتي شويه وبعدين انزلي عشان تتعرفي علي البيه والست الكبيرة ومعلش احسن كمال بيه صعب حبتين فمتبقيش تاخدي علي كلامه

_ خلاص يادادة انا بس هاخد دش واغير هدومي وانزل حالا 

• ماشي ياليلي يبنتي عن اذنك 

دادة هنية خرجت وسابتني وانا بفكر ياتري ليه ارتبكت كدا بس الحقيقة ان دا مشغلنيش كتير كل اللي كان شاغلني اني اخلص شغلي هنا باسرع وقت وامشي دخلت الحمام الخاص بالاوضة بتاعتي خدت دش سريع والحقيقة انه ساعدني اهدي وارجع لنشاطي من تاني خرجت طلعت فستاني الاسود المنقط بابيض ورفعت شعري علي شكل ديل حصان وخدت الشريط الستان اللي نفس شكل فستاني وربطته علي شعري من بدايته ولبست صندلي الاسود وخرجت من الاوضة نزلت علي السلالم بهدوء تقريبا مسمعتش غير صوت رنه كعبي علي السلم الخشبي الطويل وفي اخر السلم لاقيته ! كان واقف ورافع راسه لفوق تقريبا صوت رجلي لفت انتباهه الحقيقة اني مكنتش قادرة افهم نظراته بس كنت حاسة اني عاوزة اهرب منها مش عارفه ليه من ساعة مقابلته وانا حاسة اني متوترة حاولت اسيطر علي كل افكاري دي وقفت قدامه بهدوء 

_ استاذ ذين انا جاهزة اني اقابل جد حضرتك 

حسيته كان سرحان ومفاقش غير علي صوتي بس انا معلقتش اتكلم بهدوء 

= اه طبعا يلا بينا حابب بس اوضحلك ان جدي صعب شويه في طباعه ومش بيحب الدكاترة اوي ولا جو المرض دا فانتي كل اللي جرب معاه قبلك تقريبا طفش بمعني الكلمة فمعلش حاولي تستحمليه علي قد متقدري 

_ طيب نتعرف عليه الاول وبعدين نشوف هقدر اعمل اي 

الحقيقة انه كلامي اتحداني لاني مبحبش حالة عندي تعند معايا ودا خلي عندي فضول اكتر اني اكمل معاه حتي من غير مااقابله اكيد بابا بعتني هنا عشان عارف دا وعارف اني مش همشي من هنا غير اما اكمل مهمتي للنهايه فضلت سرحانه في كلامي لنفسي لحد ملاقيتني وقففت قدام باب اوضة خشبي وصوت زين بيقولي 

= جاهزة ؟ 

خدت نفس عميق واكتفيت باني هزيت راسي خبط علي الباب بهدوء وسمعت صوت ست من ورا الباب بتسمحلنا بالدخول 

دخلت لاوضة كلاسيك جدا كل حاجة فيها من التراث القديم تقريبا فخمة فعلا تليق بالقصر دا وفي وسطها سرير كبير نايم عليه راجل كبير باين جدا سنه من ملامح وشه وتجاعيد عنيه بس رغم دا تحس بالقوة في نظرته حتي قعدته علي سريرة فيها شموخ وكان العمر ماثرش فيه وجمبه ست كبيرة مقدرتش اتوقع سنها لانها محافظة علي جسمها الي حد ما حتي لبسها شيك جدا الي حد كبير اخيرا الصمت الرهيب اتكسر بصوتها والحقيقة ان شكلها كان مريح بالنسبالي 

° اهلا يازين يحبييي اتفضل هي دي الدكتورة ؟ 

= ايوة يجدتي دي تبقي دكتورة ليلي اللي هتابع حالة جدي

° اهلا يبنتي اتفضلي واقفة بعيد ليه ؟ 

مع اول خطوة رجلي اتحركتها سمعت صوته اللي الحقيقة خوفني في الاول 

~ تتفضل فين ؟ هو فيه اي ياوداد انا كلامي مبيتسمعش ليه يستي لو تعبتي من انك بتراعيني بلاش وسبيني انا هاخد بالي من نفسي قلت ميت مرة مش عاوز حد غيرك يهتم بيا مطلبتش انا دكاترة ولا هو كل اللي يسوي وميسواش هيجي يجرب فيا انا 

مع اخر كلمه قالها كان بيبص عليا بنظرة معناها ان الكلام موجه ليا وكانه بيطفشني فعلا بس بالذوق تقريبا الكل سكت او الكل بيخاف يتكلم بس حسيتها اتحرجت جمبه وكان مفيش في ايدها حيلة حاولت ابلع الاهانة دي وابتسمت بهدوء وقربت بثقة 

_ طب ياجدو واسمحلي يعني اقولك يجدو اسمحلي اجرب اشوف تيته وهي بتهتم بيك يعني حتي اخد خبره عشان اما اكبر كدا ان شاء الله اهتم بجوزي يعني ولا هو الدلع ليك انت وبعدين يسيدي انا مش جايه كدكتورة ولا حاجة انا بس جايه اساعد تيتية افكرها بمعاد الدوا اقولها ان دا هيعلي السكر بلاشه كدا يعني ولا انت مبتحبش تدلع يجدو 

غمزتله بعيني ومع اخر كلمه كانت ايده في ايديا بقيسله النبض تقريبا الصدمه كانت كبيرة ليهم او محدش اتعود يكلمه كدا حتي هو حسيت نظرات عنيه بقت اهدي بدليل انه ساب ايده في ايدي محاولش يشيلها بعدها سبت ايده بهدوء وكملت 

_ طب مالنبض زي الفل والراجل مفيهوش اي حاجة يعني ولا انتوا عاوزين تتعبوه بالعافيه يعني ولا اي رايك يجدو لاقيته بصلي باابتسامه هادية تشبه لابتسامه زين ابتسامه مش مفهوم هي وراها اي  

~ انتي اسمك اي ؟ 

_ ليلي اسمي ليلي 

~ اطلعي برا ..

يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

 ~ انتي اسمك اي ؟

_ ليلي اسمي ليلي 

~ اطلعي برا 

كنت لسه هتكلم لما كمل هو كلامه وقالي 

~ اطلعي برا ووداد هتساعدني وهجيلك برا مش انتي قلتي انك مش جايه بصفتك دكتورة خلاص يبقي نقدر نقعد مع بعض برا ولا اي 

ابتسمت بهدوء وقربت منه بتلقائية وبوسته علي خده 

_ ونبي انت جدو قمر وهما اللي ظالمينك يلا هستناك برا وقربت منه وهمستله ف ودنه مع الانسان الالي اللي ورايا دا وكنت اقصد بيها زين 

لاقيته بصلي وضحك جدا وكلهم بصوا باستغراب محدش فيهم كان مستوعب اني قدرت اتعامل مع كمال بيه 

خرجت من الاوضة انا وزين وكنت راضيه جدا عن المقابلة دي هو مش صعب هو واضح انه صعبان عليه بس انه بعد العمر دا كله يبقي عايش بين ادويه وناس تراعيه ومتهيالي اني هقدر اتعامل مع الفكرة دي خرجت من افكاري علي صوت زين 

= هو انتي قلتيله اي خلاه يضحك اوي كدا 

ابتسمت بخبث وكملت 

_ اسرار يااستاذ ذين ومينفعش اخرج اسرار المرضي بتوعي برا 

وقدمت عنه خطوتين وانا لسه مبتسمه لاقيته قدم هو كمان وبقي جمبي وغير الموضوع بسرعه جدا والحقيقة استغربت ازاي معندوش فضول يعرف 

= طب اي شايفة انك هتقدري تكملي معانا ولا هتعتذري ؟ 

_ انت شايف اي؟ 

= انا شايف انك علي الاقل قدرتي تقنعيه انه يتقبلك معانا بس دا مش معناه انك هتقدري جدي مش بالسهوله دي 

_ جدك طيب جدا علفكرة هو بس صعبان عليه نفسه. اللي اعرفه من بابا انه راجل طول حياته بيشتغل ومعتمد علي نفسه فكره انه فجاة يقع ويبقي مضطر كل حاجة حد يساعده فيها دي صعبه عليه ونفسيا انا مقدرة جدا اللي هو فيه فسيب الوقت يعرفنا هقدر او لا 

فضل باصصلي شوية بنظرة مش مفهومة وعشان اهرب من نظراته حاولت اغير الموضوع 

_ طب اي هنفضل واقفين كدا هنقعد هنا ولا في الجنينة برا 

_ جدي بقاله كتير مخرجش برا البيت فهنقعد هنا 

مشينا وقعدنا علي الصالون المدهب اللي حساه اتعمل عشان البيت دا بس حسيت اني مش مرتاحة الجو كأيب اوي البيت كله حلو بس ناقصه حاجات كتير منها الضوء 

قمت من مكاني بكل هدوء واتحركت وفتحت كل ستاير المكان تحت نظرات زين اللي متاكدة انه عاوز ينفجر فيا حالا وخصوصا اني حسيت الضوء مضايق عنيه 

= انتي بتعملي اي ؟

_ بدخل نور ربنا للمكان بذمتك مش حاسس انك مرتاح اكتر مش حاسس ان فيه روح دخلت المكان 

حسيته شرد لبعيد وكانه بيفكر في حاجة محبتش اخرجه من افكاره فقعدت بهدوء وسكت فضلت بصاله شويه معرفش ليه حاسه اني عاوزة اعرفه اكتر او افهم اي اللي جواه حاولت اكسر الصمت دا لاني متعودتش ابقي ساكته 

_ هو انت مبتشتغلش ؟

= ها انا 

_ امال انا يعني اصل شفت عمو سالم يعني خارج وشغل وكدا انت في البيت فيعني انت مثلا اجازة ولا الحفيد المدلل للعيله بقي وكدا 

ابتسم بهدوء كالمعتاد وبدا يجاوبني

= لا مش مدلل ولا حاجة انا ليا شركتي الخاصة اللي برا مجموعه سالم الجارحي كمان كونتها بنفسي خطوة خطوة لحد مابقي ليا اسم في السوق وساعات بنافس بابا كمان بس انهاردة مكنش فيه حاجات كتير مهمة وسالم بيه اصدر اوامره اني اكون موجود عشان مقابلتك مع جدي فلازم ننفذ طبعا 

_ غريبه يعني متبانش مطيع 

= امال ابان اي ؟ 

_ يعني نظرات عنيك كلها تحدي وعند وابتسامتك كلها خبث كانك مصمم ان اللي قدامك ميبقاش فاهمك او بتحاول تبني بينك وبين اللي حواليك سور عشان محدش يفهمك او يدخل جواك وعلفكرة فيك من جدو كتير 

= كل دا عرفتيه انهاردة بس

_ كل دا عرفته لاني اتجهت للمجال النفسي فتره من حياتي فبقيت اقدر اتعامل او افهم اللي قدامي حتي لو بشكل بسيط فانا اتعاملت معاك كذا مرة انهاردة فاكيد هعرف كل دا 

= دا انتي مركزة بقي 

غمزلي بعنيه مع اخر جمله قالها ورغم انها حركة تلقائية وبسيطة الا اني اتكسفت معرفش ليه يمكن لاني مش عاوزاه يفتكر اني مركزة معاه او يمكن لاني فعلا مركزة ومش عاوزاه ياخد باله بس اخيرا انقذني جدو وتيته صوت كرسيه العجل وخطوات تيته معاه خلتنا ننتبه ليهم

_ يااهلا يااهلا ونبي ليك حق يجدو متبقاش عاوز غيرها انا لو عندي قمر كدا مسبهوش لحظة لا 

ابتسمت تيته في خجل وكان العمر ماثرش علي روح الانثي اللي جواها 

° شكلك غلباويه ياليلي ابوكي مكنش غلباوي لا  هي سعاد صح 

ابتسمت لما افتكرت ان الكل دايما كان بيشبهني بيها الفكرة دي مفرحاني انا عارفه اني مش في جمالها بس ولو واخدة جزء بسيط منها فدا مفرحني 

° هي عامله اي صحيح يبنتي انا عارفه اننا مقصرين بس انا عارفه ان سالم عمره مااتاخر عن محمود 

_ دي حقيقة عمو سالم دايما كان بيسال علي بابا ويكلمه حتي لما كان بيجي لندن لاي شغل كان بيقابل بابا وانا كتير كنت بقابله عشان كدا هو الوحيد اللي فضلت فكراه وعارفاه 

° طب سلميلي عليها وقوليلها تيجي مرة نشوفها 

ابتسمتلها في هدوء 

_ هو الله يسلمك ياتيته والله بس ماما تعيشي انتي توفت من سنة 

° لا حول ولا قوة الا بالله يبنتي والله مكنت اعرف ماتت امتي وازاي 

_ من سنة جالها كانسر وفضلت تتعالج فترة بس للاسف انتصر هو وماتت هي الله يرحمها 

كانت هتكمل لحد مسمعت جدو بيقول بعصبيه 

° خلاص بقي فضوها سيرة ربنا يرحم امواتنا جميعا خلصنا يوداد 

حسيت اني اتحرجت لحد مشفت نظرات عنيهم اللي حاوطت زين فالتفت ليه لاقيته سرحان وغمامة حزن باينه في عنيه مفهمتش ليه الحزن دا لحد مفتكرت كلام دادة هنية عن والدته اللي ماتت وقلت اكيد افتكرها حاولت الطف الجو بس زين استاذن وقام من المكان كله 

فضلت اني اغير الموضوع تماما وبدات اتكلم مع جدو عن حالته 

_ جدو انت قاعد علي الكرسي دا عشان بس ترتاح بعد العمليه مش اكتر لكن احنا معندناش اي مشكله في الحركه صح كدا 

~ لا الدكتور اللي امر بكدا عشان مجهدش نفسي في الحركه مش اكتر بس لو عليا والله مهستخدمه بس وداد اللي حلفتني وهي بتعيط اني اسمع الكلام وانا دموعها غالية عندي اوي 

نظراتهم لبعض كانت مخلياني فرحانه اوي رغم قوته وقد اي صعب زي مبيقولوا بس حاسه بحبه ليها في عنيه حاسة انه معاها حد تاني 

_ ياريتني كنت تيته وداد والله ...اوعدك ياجدو اني مش همشي من هنا غير وحضرتك قادر تقف علي رجليك وتتحرك بكل حريه ونرجعك الشركه وتديرها كمان 

ابتسملي بهدوء وطلب مني اقرب ليه قربت بهدوء ونزلت بركبتي علي الارض لاقيته بيمشي ايده علي راسي ويبصلي في عيني واتكلم بحنية لمستها في نبرة صوته 

~  معرفش ليه ارتحتلك ياليلي بس وجودك حلو دخلتلك عليا حستني ببهجة وفرحه غابت عن البيت دا من زمن واتمني ان نظرتي فيكي متخيبش وتكوني روح للبيت دا 

مفهمتش اغلب كلامه بس اكتفيت اني ابتسمت وبوست ايديه واستاذنته اني اطلع اوضتي ارتاح لان فعلا اليوم كان طويل جدا عليا ..طلعت في هدوء واتصلت  ب بابا اطمنت عليه وطمنته عليا واطمنت علي المرضي بتوعي مخرجتش من اوضتي تاني قعدت اقرا روايه لحد مجيه الليل ونمت .... جيه صباح جديد صحيت من النوم قمت فتحت ستاير الاوضه وفتحت الشباك اللي بيطل علي الجنينة اللي حبيتها جدا من يوم مادخلت البيت دا وانا واقفه لمحته هو زين داخل الجنينه بهدوء وبيغمض عينه وبيتنفس براحه وكانه بيحضن الجنينة دي شوفته بيروي زرعة منهم وبيلف كانه بيطمن علي كل زرعه في المكان دا استغربت ليه بيعمل دا بنفسه مع اني شفت جنايني في القصر دا امبارح بس شكله فرحني قعدت متابعاه بعيني وكاني سرحت في كل تفاصيله فقت لما لاقيته بص لفوق فجاه عنيه جت في عيني علي قد مسرحت ونسيت نفسي علي قد محسيت بحزنهم وحيرتهم وكانه بيشتكيلي حاجة انا مش عارفاها واخيرا خرج من الجنينة وسابني في حيرتي ولغبطتي تاني دخلت من الشباك وغيرت هدومي ولبست فستاني الاحمر واصل لحد ركبتي ورفعت شعري كعكه ولبست صندلي الابيض ونزلت في هدوء ووصلت المطبخ وشوفت دادة هنيه 

_ صباح الخير ياست الكل 

بصتلي بابتسامتها البشوشة اللي بتريحني جدا وبتحسسني اني عاوزة افضل معاها عشان اشوفها 

• صباح الفل يست البنات كلهم اي اللي جايبك هنا يحبيبتي شوفي عاوزة اي وانا اعملهولك 

_ اصلي عندي عادة مضره جدا كدا بس مبقدرش استغني عنها واني لازم اشرب نسكافيه الصبح فجيت عشان اعمله 

• ودي تيجي برده ارتاحي انتي ف اوضتك وانا هجبهولك لحد عندك 

_ اه تيجي ونص وههعمله واساعدك كمان 

• بس يبنتي دا البهوات يبهدلوني 

كملت اجابتي وانا بشغل زرار الكاتيل 

_ سيبي البهوات دول عليا قوليلي بقي ليه مجهزة كذا صينيه كدا هما بيحاربوا ولا اي 

• دي صنيه لكل بيه ماهو كل بيه بيفطر في اوضته وبعدين كل واحد يشوف حاله 

_ ليه يعني كل دا ماهو فطار واحد ونفطر كلنا 

• ياه يابنتي دا كدا بقالهم زمن باينهم متجمعوش علي الفطار من ايام الست نوال الله يرحمها 

_طب والحرس الكتير اللي برا دول يادادة مبيفطروش 

• لا يبنتي ازاي بيفطروا طبعا بصراحه البهوات هنا عمرهم مقصروا مع حد ولا اتعاملوا مع حد وحش ابدا بس هو زي متقولي كل واحد بيفطر لوحده برده او عم مصطفي الجنايني بيعملهم ساعات اكمنه يعني بيعرف يطبخ 

_ امممم لا يادادة معلش انا مبحبش كدا فبقولك اي هيفطروا انهاردة مع بعض وفي الجنينة كمان وجهزي كمان اكل للحرس مش هيتفرجوا علينا 

• يالهوي يبنتي انتي عاوزة تودينا في داهيه ونخالف الاوامر 

_ كل دا علي مسؤليتي يادادة متشليش هم يلا بس عشان منتاخرش 

ساعدت الدادة وكنت ملاحظة خوفها وارتباكها بس علي قد كل دا كنت حساها متحمسه وحابه تشوفهم مع بعض جهزنا الفطار مع بعض وروحنا لعم مصطفي خليناه جهزلنا طربيذه قريبه لباب القصر عشان كمال بيه وواحدة تانيه قريبه للبوابه عشان برده الحرس يبقوا قريبين منها عشان ابقي عارفه ارد عليهم لو حد اتكلم وطلبت من عم مصطفي يجبلي شويه ورد حلوين علي زوقه زينت بيهم المكان ورصيته بطريقتي لاني دايما شايفه ان شكل الاكل اهم من الاكل نفسه العين بتاكل الاول زي ماامي كانت بتقول جهزت كل حاجة ودادة هنيه سابتلي المهمة الاصعب وهي تبليغهم بمكان الفطار دخلت البيت بهدوء وقررت طبعا ابدا بعمو سالم اللي عارفه اني هقدر عليه 

_ عمو ممكن ادخل 

* يسلام ماانتي دخلتي خلاص تعالي يالمضه

_ يلا عشان الفطار جاهز 

بص علي الباب وكانه مستني الدادة تدخل 

* هو فين يبنتي 

_ تحت في الجنيه هو انا مقولتلكش 

* قولتيلي اي ؟ 

_ مش احنا هنفطر انهاردة مع بعض وفي الجنينة كمان 

لاقيته بصلي وكانه بيستوعب وبعدين كمل باستغراب 

* كلنا ؟ وفي الجنينة دي اوامر مين دي 

_ اوامري انا ويلا يلا بلاش غلبه انا تعبت في الفطار دا 

* طب وبابا عارف ؟ بلاش بابا زين ابني عارف ؟ 

_ سبهملي انت بس واسبق علي تحت يلا يلا بلاش غلبة

سبته في حيرته ومشيت بسرعه من الاوضه ونزلت تحت خبطت علي اوضه جدو لحد مسمحلي بالدخول دخلت بوست راسه هو وتيته وبدات كلامي 

_ يصباح الحلو علي الحلوين 

ابتسملي جدو وطبطب علي ايدي 

~صباح الفل علي ست العرايس

_ يسلام اي الرضا دا كله لا دا كدا تيته حتي تغير ياجدو 

ابتسمت تيته وكملت وهي بتقرب مني وتحط ايدها علي راسي 

* لا هو عنده حق فعلا من ساعة دخولك البيت دا وانتي عامله حاجة غريبه كفايه انك قدرتي تخلي كمال يحبك 

_ طب كويس دا هيسهل عليا مهمة كبيرة اوي دلوقتي 

بصولي هما الاتنين باستغراب فكملت كلامي بسرعه وكاني مش مستنيه رد 

_ بصراحه كدا الفطار انا قررت نفطر انهاردة كلنا سوي وفي الجنينة وقبل اي اعتراض اولا دا حاجة حلوة جدا اننا نبقي مع بعض حتي نفسنا تتفتح للاكل ثانيا الموضوع مفيد جدا لصحه جدو علي الاقل يغير جو لاني عارفه انه مبيطلعش برا البيت دا ثالثا مش موضوع متعب خالص انا قربت الترابيذه جدا للباب 

لاقيتهم بصوا لبعض وابتسموا 

_ ضحكتوا تبقوا موافقين صح صح صح قولي صح باليز 

سمعت صوت ضحكهم وهما بيقولوا موافقين فابتسمت ورفعت ايدي بعلامه النصر وقمت بسرعه عشان امشي لحد مسمعت صوت جدو وقفني 

~ ليلي زين عارف ؟ 

_ لا يجدو هروح اقوله اهو 

~ ليلي متغصبيش عليه عشان ممكن ميوافقش وابعتيله اكله دا لو رضي يفطر اصلا وانا وداد هتوصلني هناك 

_ متخافش عليا يجدو قدها وقدود 

سمعت همهمته هو وتيته وهما بيقولوا ربنا يستر بس مهتمتش وكملت طريقي لحد موصلت لمكان اوضة مكتبه اللي تحت الدادة قالت انه بيبقي فيها الصبح عشان يجهز ورقه قبل ميمشي خبطت بهدوء وسمعت صوته من ورا الباب 

=مش هفطر يادادة شكرا 

فتحت الباب ودخلت بهدوء ودخلت راسي بس 

_ بس انت هتفطر وانا مش الدادة ممكن ادخل 

لاقيته ابتسم تقريبا علي شكلي مش علي حاجة تانيه ودخلت بهدوء وقفت قدام مكتبه وهو مهتمش كتير لانه كان بيعمل حاجة علي اللاب بتاعه 

_ معلش يااستاذ ذين بس حضرتك يعني هتفطر عشان مينفعش تنزل من غير فطار وانا كدكتورة يعني بنصحك بكدا عشان متقولش اني معرفتكش بس هما قالوا ان اقناعك صعب بس انت هتوافق عشان انا دكتورة شاطرة صح صح ضميت ايدي لقلبي زي الاطفال وهو بصلي وابتسم واتكلم في هدوء 

= خلي الدادة تعملي اي سندوتش طيب وتجيبه 

_ لا ماهو احنا هنفطر مع بعض وفي الجنينة  وانا جهزت كل حاجة اصلا وفاضل بس...

مسمحليش اكمل وقف في مكانه وبصلي بعصبيه وكاني غلطت فيه 

= انتي اتجننتي ....

#يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

لا ماهو احنا هنفطر مع بعض وفي الجنينة  وانا جهزت كل حاجة اصلا وفاضل بس...

مسمحليش اكمل وقف في مكانه وبصلي بعصبيه وكاني غلطت فيه 

= انتي اتجننتي انتي مين اداكي الحق تغيري نظام البيت دا وازاي تعملي كدا اصلا من غير ماتستاذني اهل البيت بتحاولي تثبتي اي مش فاهم انا ...انتي هنا مجرد ضيفة ضيفة وبس ومش هتكوني اكتر من كدا وياريت متنسيش دا 

انا كنت عارفة ان اقناعه هيبقي صعب وخصوصا من كلام الدادة انهم فضلوا بعد موت مامته بيحاولوا يفطروا مع بعض بس كانت دايما تقلب بنكد وحزن ففضلوا كل واحد يبقي لوحده بس انا معملتش حاجة لكل دا بصتله كتير وكاني بلومه بنظراتي وانا عارفه انه مش هيفرقله كل دا اتنفست بهدوء وحاولت اتماسك وكسرت صمتي واتكلمت 

_ انا عارفة انا اي كويس يااستاذ ذين وانا محاولتش اغير حاجة بس حاجة حلوة ان الناس تفطر مع بعضها وكمان دا مفيد جدا لصحة جدو اللي مهمتي هي علاجه لو لسه فاكر دا وانا مجتش اجبرك تفطر معانا انا جيت بس ابلغك مش عاوز محدش هيجبرك انا هنا مجرد ضيفة يااستاذ زين وسوري لو كنت ضيفة تقيلة بالنسبالك عن اذنك .

خرجت ومدتلوش فرصة يتكلم قفلت الباب ورايا بجزء من العصبية اللي جوايا... قربت من باب القصر حسيت اني لازم اتماسك تاني ملهمش ذنب اني ابوظ عليهم اليوم الوحيد اللي قرروا يتجمعوا فيه ...خرجت بصيت عليهم لاقيت جدو قاعد في وسط الترابيذه علي كرسيه وعلي يمينه عمو سالم وعلي شماله تيتة وداد والدادة هنية بتصب الشاي ليهم شكلهم كان جميل اوي خلاني ابتسم تلقائي قربت منهم وانا فرحانة جدا بشكلهم 

_ الله الله يعني اجمعكم وفي الاخر تفطروا من غيري مش اخلاق دي يكباتن 

ابتسمولي كلهم ولاقيت عمو سالم بيشاور علي الكرسي اللي جمبه وبيقولي 

_ تعالي يالمضة تعالي يلا مستنينك 

روحت قعدت جمبه ولاقيت الدادة هنيه بتنسحب فمسكت ايديها 

_ راحة فين ؟ 

• محتاجة مني حاجة يبنتي 

_ اه محتاجة يعني تعملي كل دا ومتفطريش معانا ازاي يعني 

كانت بتبصلي وهي بتحاول تستوعب كلامي حسيت باحراجها فبصيت لجدو بترجي انه يقولها وكانه فهم نظراتي فابتسم ابتسامته اللي مبفهمش قصده منها اي 

~ اقعدي ياهنية ليلي عندها حق احنا هنفطر انهاردة كلنا سوي يلا اقعدي بلاش غلبه 

فرحت اوي ان جدو نصفني وفرح قلبها مسكتها من ايدها وقعدتها جمبي وبدانا نفطر سوي وحقيقي متعة اللمة دي حلوة اوي 

ميل عمو سالم عليا بهدوء وسالني 

* مرضيش مش كدا ؟ 

بصتله بخيبة أمل بعد ماافتكرت طريقته معايا وهزيت راسي بالنفي وفي نفس اللحظه سمعت صوته 

_ هو انا مش من اهل البيت ولا اي؟ 

بصيت ناحيه الصوت كان واقف ورا تيته وحاطط ايده علي كتفها وعينه عليا بصيت عليهم لاقيتهم مش مصدقين او بيحاولوا يستوعبوا انه واقف هنا وخصوصا بعد مسحب كرسي جمب تيتة وقعد جمبها ووجه كلامه لدادة هنية 

= دا اي الجمال دا كله يادادة شكل الاكل يفتح النفس اوي 

• البركة في الدكتورة ليلي هي اللي تعبت معايا وساعدتني في كل حاجة 

لاقيته بصلي تاني وكمل كلامه 

= شكلنا هنتعب الدكتورة اوي معانا 

حاولت اهرب من نظراته فاستاذنت من وسطهم لاقيت تيتة بتوقفني 

° علي فين يبنتي ؟ 

_ هروح اشوف الحرس محتاجين حاجة ولا لا لاني نسيت ابص عليهم بعد اذنكوا 

......معرفش ليه اول مخرجت من مكتبي حسيت اني زعلان وعاوز اجري وراها معرفش زعلت علي نظرة عنيها وهي بتلومني ولا علي كسرتي لفرحتها وانها عملت حاجة جديدة في البيت دا حسيت انها مالهاش ذنب اكلمها بالطريقة دي خرجت وراها واتبسطت اوي اما شفتهم ذكريات كتير خلتني افكر ارجع بس وجودها وسطهم خلاني اتحرك لوحدي معرفش ليه لاقيت عنيا عليها وبقرب اكتر منهم بس لاقتها لسه زعلانه حتي استاذنت في هدوء ودا وجع قلبي اكتر مكنتش عارف اعمل اي لحد ملاقيت جدي بيتكلم في هدوء من غير حتي ميبصلي 

~ مفيش راجل يزعل ست يازين دا لو راجل بجد يعني 

محدش علق ولا حتي بصلي استاذنت في هدوء انا كمان وسبتهم .....

قمت من مكاني وقربت من الحرس لاقتهم بياكلوا وهما مبسوطين واول موصلت كلهم قاموا 

_ اي اي بتقوموا ليه 

لاقيت عم مصطفي بيرد عليا 

" يعني ميصحش يبنتي اؤمري عاوزة حاجة 

_ الامر لله يعمو يعني مينفعش اجي اقعد معاكوا يعني 

" ودي تيجي يبنتي دا احنا يزدنا الشرف 

_ دا الشرف ليا انا يعمو والله طب حيث كدا تسمحولي افطر معاكوا ؟ 

لاقيت حسين ابن الدادة هنيه بيجبلي كرسي وحطهولي جمب عمو مصطفي وقعدت وبدات اكل معاهم قد اي الناس دي جميله اوي كنت مبسوطه اوي وانا معاهم وهما بداوا يهزروا ويتكلموا معايا بدون خوف او رهبه لحد ملاقيتهم قاموا تاني ببص حواليا لاقيت زين واقف ورايا باصصلي بطريقة مش فاهماها 

= تعالي عاوزك 

_معلش انا بفطر دلوقتي هخلص واجيلك 

لاقيته ضغط علي سنانه بصتله من غير اهتمام وكلمتهم 

_ اي يجماعه وقفتوا ليه يلا كملوا فطاركوا 

تقريبا شاورلهم يقعدوا بعد ماكلهم بصوله بعد دقيقتين لاقيت كرسي بيتحط جمبي وزين قاعد جمبي 

_ طب حيث كدا افطر معاكوا انا كمان دا انا حتي جعان اوي 

بصتله باستغراب بقي هو دا نفس الشخص اللي كان بيزعقلي في مكتبه ؟ وكانه اتحول او مبقاش هو بس في قعدتنا معاهم وطريقه كلامه حسيت ان زين مش مغرور ابدا بيتكلم معاهم ببساطة وكانه واحد منهم ودي حاجة احترمتها فيه جدا ...وكمان حاجة زين بيعرف يضحك !! 

خلصنا فطارنا ومبقاش فيه حجة لوجودي هنا استاذنت في هدوء وسبتهم وقمت لاقيته جاي ورايا مسكني من ايدي ووقفني 

= مش قلتلك عاوزك ! 

_ نعم يااستاذ زين اتفضل في اي حاجة تانيه غلط عملتها انا

= انا اسف 

اخر حاجة كنت اتوقعها انه يتاسف وخصوصا شخصيه زين واضح جدا انها مش الشخصيه اللي تعتذر وبالسهوله دي فضلت بصاله وبستوعب شويه هو قال اي لحد مكمل كلامه 

= انا مكنش ينفع اكلمك كدا اي كان السبب ثانيا انتي ملكيش ذنب في اسبابي اللي خلتني اتعصب بالشكل دا ثالثا حقيقي مكنش قصدي ازعلك فممكن تقبلي اعتذاري ؟ 

_ محصلش حاجة يااستاذ زين وعموما انت مغلطش كتير عن اذنك 

مشيت او بمعني اصح كنت بجري كنت عاوزه اهرب من نظراته لاقيته قرب مني تاني ووقف قدامي 

= انا مخلصتش كلامي علفكرة 

ربعت ايدي قدامي وبصتله ببرود 

_ نعم علفكرة اي تاني ؟ 

= انتي مش ضيفة ياليلي انتي خدتي مكان في البيت دا من وقت مدخلتيه انتي اهم من مجرد ضيفه واسف مرة تانيه 

ليلي !!! هو انا اسمي حلو اوي كدا انا مخدتش بالي هو قال اي علي قد مسرحت في اسمي وحلاوته وكانه عزف علي اوتار قلبي انا مش فاهمه اي بيحصلي كل مرة بتكلم معاه انا تقريبا اتجننت فضلت سرحانه فيه لحد ملاقيته بيمشي ايده قدام وشي يفوقني 

= ليلي ؟ ليلي انتي معايا ؟ 

_ ها اه اه انا هنا اهو ..حقيقي خلاص انا مش زعلانه وشكرا جدا انك جيت الكل فرح بوجودك 

لاقيته قرب بهدوء وهمسلي في ودني 

= شكرا ليكي انتي ..انتي فرحه البيت دا 

وسابني ومشي وحسيت كأن قلبي هيخرج من ضلوعه صوته ..قربه مني بالشكل دا.. انفاسه اللي كانت قريبة مني.. كل دا حصل في لحظة فضلت باصه لطيفه وهو ماشي 

_ شكلي هقع في حبك يازين ويخوفي من الحب وجرحه للقلوب وساعتها ولا انا ولا الف طبيب هيعرف يداويني!!

عدي تلات ايام في هدوء جدو صحته بتتحسن وخصوصا بسبب العامل النفسي تيتة دايما جمبه وكل يوم باخده في الجنينة نشرب شاي سوي وبما اني دكتورة فخليته شاي بلبن بدلع المرضي بتوعي اوي حقيقي بابا وحشني وبيتنا وحشني بس انا حبيت البيت دا ومش عارفه هسيبه ازاي اما زين فانا كنت بحاول اقلل كلامي معاه حستني بتعلق بيه من غير مجهود وانا مش مستعدة لدة كنت قاعدة اقرا مجله في الصالون لحد مزهقت بصيت علي الجنينة الخاصة بالبيت شفت فراشة لونها ازرق شدتني اوي قربت بهدوء وفتحت الباب وخطيت اول خطوه فيها وكنت لسه هجري وراها سمعت صوت شقهة ورايا خضتني اتلف لاقيتها دادة هنيه 

_ اي يادادة في اي 

جريت عليا شدتني وقفلت الباب بسرعة وهي بتتلفت وراها 

= انتي بتعملي اي ياليلي يبنتي 

_ عملت اي يادادة انا بس هدخل الجنينة شكلها حلو اوي 

= تدخلي اي دا لو زين بيه شافك يطين عيشتنا كلنا الجنينة دي مكان محرم علينا كلنا دخوله هو وبس 

_ ليه يعني يادادة هو متكهرب ولا اي

= المكان دا كان خاص بالست نوال الله يرحمها كل حاجة فيه اتزرعت بايدها هي.. وهو معتبر دي اخر ذكري ليها ف بيرويها بنفسه ويحافظ عليها حته حتة .ممنوع حتي علي عم مصطفي الجنايني دخولها فالله يكرمك يبنتي متفكريش تدخليها تاني 

علي قد مزعلت اني مش هقدر اشوفها واستمتع بيها علي قد محزنت عليه انا فاهمه وجعه كويس ويعني اي يبقي عايش من غير ام ...كنت لسة هسالها علي موت مامته اللي بتتهرب منه كل مرة بس موبايلي رن وكان بابا طلعت اوضتي اتكلمت معاه واطمنت عليه ونمت وفضلت اسبوع علي الحال دا بهتم بجدو واقرا رواياتي وكل يوم ابص علي زين من ورا شباكي وهو بيهتم بجنينة مامته كنت بحاول دايما اتداري عشان ميشوفنيش بخاف يقراها في عيني بخاف يعرف اني بدات احبه ساعات بحسها في عنيه وانه كمان فيه حاجة جوايا ليا بس برجع واقول اني مجنونه وهو مش هيسيب كل اللي حواليه ويبصلي انا ...الايام من كتر ماهي شبه بعضها كنت حاسه بالملل انا مش متعودة علي كدا وانهاردة كنت زهقانه اوي قريت بدل الروايه اتنين وجدو وتيته بيناموا بدري وزين وعمو سالم عندهم شغل حتي دادة هنيه اللي بتونس بيها كانت تعبانه انهاردة ونامت بدري قررت انزل اتمشي شويا قمت غيرت هدومي ولبست فستاني الابيض الطويل بحمالاته العريضه وفردت شعري لاول مرة من وقت مجيت البيت دا حبيت احس بحريتي وكاني فراشة لبست صندلي الابيض ونزلت علي السلم بهدوء كنت خارجة برا لحد ملمحت الجرامافون كان حلم من احلامي اسمع موسيقي علي اسطواناته قربت لاقيت اسطوانات حلوة اوي شغلت موسيقي عربيه وبدات استمتع بيها نسيت نفسي ومسكت مخدة من مخدات الصالون وقعدت الف وارقص بيها غمضت عيني وسرحت بخيالي كنت حاسة فعلا اني طايرة لفوق لبعيد اوي لحد مخبطت في حد دا مش حد دا زين !! بصيت لاقيته باصصلي بغضب واستغراب بنظرة مش فاهماها بعدت خطوتين لورا ولسة ببتسم وهتكلم لاقيته علي صوته عليا بطريقه خوفتني 

= اطلعي اوضتك 

_ في اي

مسكني من دراعي وجرني لحد السلم وهو بيتكلم 

=  اي مسمعتيش بقولك اطلعي اوضتك ومشوفكيش قدامي فاهمه ولا لا 

_ لا مش فاهمة وانت ازاي تكلمني بالطريقه دي اصلا 

= انا اتكلم زي منا عاوز ومسمعش صوتك دا 

فضلت بصاله وانا خايفه وزعلانه شكله كان يخوف لحد متحركت من مكاني لما بصلي بغضب وباعلي صوت عنده قالي انتي مبتفهميش اطلعي 

جريت ع السلم وكنت هقع كذا مرة من سرعتي خفت لاول مرة اخاف منه دخلت اوضتي واترميت علي سريري  حضنت مخدتي وقعدت اعيط مش عارفه انا زعلانه من نفسي ولا منه زعلانه عشان عمر محد كلمني كدا ولا زعلانه لان هو زين اللي كلمني كدا فضلت اعيط لحد مخدت قرار ومش هرجع فيه 

اني همشي من البيت دا وحالا ......

#يتبع 

انضم لجروب التليجرام ( هينزل فيه الرواية كاملة ) اضغط هنا

للانضمام لجروب الواتساب اضغط هنا

↚

جريت ع السلم وكنت هقع كذا مرة من سرعتي خفت لاول مرة اخاف منه دخلت اوضتي واترميت علي سريري  حضنت مخدتي وقعدت اعيط مش عارفه انا زعلانه من نفسي ولا منه زعلانه عشان عمر محد كلمني كدا ولا زعلانه لان هو زين اللي كلمني كدا فضلت اعيط معرفش عدي عليا وقت قد اي وانا كدا لحد مخدت قرار ومش هرجع فيه 

اني همشي من البيت دا وحالا ......

  أول مدخلت البيت وشوفتها مكنتش مصدق نفسي فضلت باصصلها وانا حاسس اني مخطوف وسارح في عالم تاني شكلها كان حلو اوي كانت زي الملايكة بفستانها الابيض وشعرها  الاسود اللي واصل لحد ضهرها وبيتحرك معاها وكانها فراشة طايرة حسيت الموسيقي اتعملت عشان تتمايل معاها وكان قلبي كان بيتمايل معاها معرفش ليه اتعصبت عليها بالطريقة دي مع اني كنت مبسوط وعاوز اشوفها بس مجرد تخيل ان حد ممكن يشوفها كدا غيري خلاني اتعصب فكره ان حد يشوفها حلوة كدا مش كفايه بتهزر مع الكل وكله شايف جمالها وجمال ضحكتها هي ليه مش حاسة بنفسها بس اول ممشيت وشوفت نظرة خوفها مني قلبي وجعني اكتر تخيلتها دلوقتي في اوضتها قاعدة تعيط وليلي متخلقتش عشان تعيط عشان كدا قررت اطلع واصالحها مينفعش تنام وهي زعلانة مني ودي تاني مرة ازعلها ومبقاش قاصد بس متوقعتش انها ممكن تبقي عاوزة تسبنا وتمشي ........

قمت طلعت شنطتي علي السرير وبدات اشيل هدومي وحاجتي لحد مسمعت صوت الباب بيخبط مسحت دموعي وحاولت اتمالك نفسي وانا بسال 

_مين 

= انا ياليلي افتحي 

سمعت صوته حسيت اني عاوزة اعيط تاني هو عاوز مني اي 

_ ايوة نعم لو سمحت مش عاوزة اتكلم 

=لو سمحت ياليلي افتحي 

مسحت دموعي ورحت فتحت الباب واديته ضهري ودخلت اكمل اللي بعمله من غير حتي ماابص ليه 

_ اي دا انتي بتعملي اي ؟

= زي منتا شايف 

لاقيته قرب مني وقفني قدامه بالعافيه وخلاني ابصله 

_ شايف اي انتي عاوزة تسيبي البيت دا وفي وقت متاخر كدا كمان اكيد بتهزري 

= لا عندك حق المفروض اقعد واتهان عادي عشان مهزرش لوسمحت يااستاذ زين سبني في حالي 

_ ليلي انا اسف بجد حقك عليا مكنش قصدي كدا انا عارف ان دي تاني مرة ازعلك وحقك متسمعيش كلامي بس صدقيني زعلك غالي عندي اوي 

كلامه زعلني اكتر قعدت علي السرير ووطيت راسي ودموعي نزلت غصب عني وكلمت كلامي بصوتي المخنوق بالدموع 

_انا بس مش فاهمه انا عملت اي انا غلطت فيك اي ليه تزعقلي وتكلمني كدا لو مش حابب وجودي سهلة تقدر تقول وانا همشي والله بس متعاملنيش كدا 

....شكلها وهي بتعيط وجع قلبي تاني طب افهمها ازاي ان والله غصب عني افهمها ازاي اني عاوز اخبيها عن عيون الناس ازاي افهمها انها حلوة اوي لدرجة ان انا نفسي بخاف عليها مني افهمها ازاي كل دا افهمها ازاي اني حبيتها حبيتها من ساعة مدخلت البيت دا وخايف اعترف بدا حتي لنفسي ازاي هقولها ازاي !!.....

فضلت اعيط ومش سامعه غير صوت عياطي وبس لحد ملاقيته نازل علي ركبته قدامي مسح دموعي بايديه ورفع راسي وخلاني بصتله في عنيه واتكلم بصدق وحنيه متعودتهاش منه 

= ليلي انتي دموعك اغلي من الدنيا دي كلها وصدقيني قلبي واجعني وانا شايفك كدا ليلي انتي جميله اوي وتستاهلي كل حاجة حلوة وتستاهلي انك تفضلي بتضحكي علطول وانا مقدرش اتخيل ابدا انك تمشي وتسبيني قصدي يعني تمشي وتسبينا ..

قام وارتبك وكانه حس باللي حسيته عيونه كانت فضحاه مش معقول كل دا وهم انا شايفه الحب في عنيه بس في حاجة مغطياه سرحت في عيونه لحد مافقت عليه بيتكلم تاني 

= طب ممكن تسمحيلي اصالحك ولو معجبتكيش طريقتي في مصالحتك انا هوصلك بنفسي 

فضلت سرحانه وبفكر وبصراحة كان جوايا فضول اعرف هيصالحني ازاي لاقيته مد ايده ليا فضلت ابصله وابص لايديه لحد ممديت ايدي وحطتها في ايديه وحسيت برعشه في قلبي حاولت اتجاهلها واتحركت معاه مشينا بهدوء ونزلنا السلالم واول منزلنا طلب مني اغمض عيني وبصتله باستغراب 

= ممكن تغمضي عينك ؟ 

_ ايوة بس ليه ؟ 

= هتفهمي كمان شويه بس ممكن تغمضي يعني 

فضلت بصاله شويه لحد ملاقيته فك الشريطه الستان اللي علي بدايه شعري وربطها حوالين عنيا ومحركني هو بهدوء مشينا خطوات مش كتير ووقفنا فجاه وسمعت صوت بابا بيتفتح وبعدين حركني خطوتين ونزلت درجه سلم وبعدين سمعت صوته بيقولي بهدوء 

= دلوقتي تقدري تفتحي 

فكلي الرباط عن عيني وبدات افتح عيني ببطء وحسيت ان قلبي بيرقص مكنتش مصدقة اني هنا بجد بصيت حواليا المكان اجمل بكتير من اني شيفاه من ورا شباكي بدات اتحرك وكاني مسحورة ليه حق يحافظ علي الجنينة دي كل حاجة فيها حلوة اوي وكمان احلي من وهي في النهار في لمبات ليد متعلقه علي الشجر منورة المكان مخلياه مبهج بطريقه مش طبيعية ريحة المكان نفسه خلتني اروح لعالم تاني بدات اتمشي في المكان لحد ملاقيت شجرة كبيرة قعدت تحتها وسندت ضهري عليها 

لاقيته قرب بهدوء وقعد جمبي 

= عجبتك ؟ 

_دي حلوة اوي هي كانت حلوة من الشباك بس متخيلتش انها احلي كمان علي الطبيعة  

_ يعني خلاص صافي يالبن 

بصتله وابتسمت بهدوء هو مش عارف اني اتصالحت من ساعة مطلعلي اوضتي ولا اي 

= هفكر وارد عليك 

ابتسم في هدوء وفضلنا ساكتين شويه نتفرج علي القمر والنجوم وكانوا حلوين بزيادة انهاردة وكانهم بيشاركونا فرحتنا لحد مكسر هو الصمت دا 

_ عمري مدخلت حد المكان دا لاني بخاف عليه اكتر من نفسي بس سمعت يوم مالدادة منعتك تدخلي وحسيتك زعلتي فقررت اني لازم اخليكي تشوفيها ومزعلكيش ومتهيالي انهاردة كان معاد مناسب جدا مكنتش عارف هقدر اصالحك ازاي 

فضلت بصاله شويه حسيت في كلامه اني مهمة ومهمة اوي كمان بدليل اني الوحيدة اللي قرر يدخلها المكان دا لحد ملاقتني بسال بتلقائية 

= ليه انا ؟ 

_ ليه اي 

_  ليه انا الوحيدة اللي قررت تدخلها المكان دا 

فضل ساكت شويه لدرجه اني توقعت انه ممكن ميجاوبش لحد ملاقيته خد نفس عميق وبدا يجاوب 

= صدقيني مش عارف بس من اول مرة شفتك فيها وانا حاسس بحاجة غريبه وخصوصا اما عرفت انك ليلي بنت عمو صبري انا فاكرك وانتي صغيره شفتك زمان واحنا صغيرين انتي مشفتنيش بس انا شفتك كنتي مع باباكي عامله ضفرتين ولابسه فستان ازرق وحاضنه عروسه في ايدك كان شكلك حلو اوي لدرجه اني حبيت ابصلك وانا طفل فمستغربتش كتير لما اتخطفت واتشدتلك اما شفتك انتي فيكي حاجة غريبه ياليلي حاجة حلوة مش مفهومه وجودك نفسه حلو يمكن دا نفس اللي خلي جدي يحبك ويوافق علي وجودك من وقت مدخلتي البيت دا وانا متلغبط مبحبش اشوفك زعلانه ومبحبش اشوفك بتهزري مع حد مبحبش حد يشوفك حلوة غيري حاجات كتير مش مفهومه او يمكن مفهومه بس انا اللي بحاول اهرب منها 

_ليه يازين بتهرب ليه 

فضل باصصلي كتير اوي نظرته خلتني اتكسف وابص في الارض 

=اول مرة تقوليلي يازين من غير القاب وحقيقي اول مرة احب اسمي كدا 

اتحرجت حسيت قلبي بيترعش قمت بهدوء وقعدت الف بين الورود ووقفت قدام ورد ابيض شكله مميز اوي لاقيته جيه وقف ورايا 

= تحبب اقطفهالك ؟ 

_ليه حكايتها اي ؟ 

= يعني اي ؟ 

_ يعني الورد يبقي وراه حكاية متقطفش ورد وتديه لحد الا لو هتبدا بيه حكايه جديد حكايه صداقه او حب او حكايه حياة جديدة او هتجمل بيه الحياة في عين حد انا دايما شايفه الورد وراه حكايه لكن لو قطفته من غير حكايه يبقي ليه حق يدبل بسرعه ويموت وكانك موتت حكايته 

ابتسم ببساطة وقطف وردة صغيرة 

= مكنتش اعرف كل دا بس اعتبريها بدايه حكايه ونقدر نسميها صداقة ممكن ؟ 

_ اوافق وتجاوبني علي سؤالي؟ 

= سؤال اي ؟ 

_ ليه بتهرب من اللي حاسه يازين ؟ 

حسيت بغمامة حزن في عنيه الغمامة لللي بتعدي دايما في عنيه ومش فاهمه سببها بص للسما وحسيته اتخنق وطلع صوته بهدوء 

= لانك شبهها 

_ شبه مين !

= امي انتي فعلا شبهها بتحبي كل حاجة هي كانت بتحبها تفاصيلك شبهها كوبايه النسكافيه بتاعه الصبح حب الورد البهجة اللي بتعملها في المكان ضحكتها اللي عمرها مفارقت وشها قلبها الطيب وحبها لغيرها وجودها كان بهجة لاي مكان من ساعه ممشيت والبيت دا انطفي كل حاجة كانت حلوة بقت باهتة وملهاش طعم انتي كانك هي جيتي البيت دا عشان تحييه تخلي اهله يعيشوا تاني بعد منسيوا كل حاجة انتي نورتي البيت دا 

طريقته في كلامه عني وعنها وجع قلبي حسيته مشتاق لمامته وفي نفس الوقت مش عارف يتعامل معايا لانه شايفها فيا

_ عشان كدا بتضايق مني عشان انا شبهها ؟ 

= عشان مش مستعد اخسرك زي مخسرتها مش مستعد ياليلي لا 

قعد يحرك راسه وكانه بيحاول ينسي حاجة بالعافيه او بيحاول ميفتكرش لحد مسالته السؤال اللي بساله من ساعة مدخلت البيت دا

_ هي ماتت ازاي ؟ 

بصلي بصة كلها ألم وندم بصة حسستني اني عاوزة اخده بين ضلوعي واطبطب عليه او حتي ارجع بالوقت دقيقتين ومسالوش السؤال دا لحد مفاجئني بآخر إجابة ممكن اتوقعها 

= انا السبب انا اللي موتها 

_ ايه !!! 

#يتبع 

انضم لجروب التليجرام ( هينزل فيه الرواية كاملة ) اضغط هنا

للانضمام لجروب الواتساب اضغط هنا

↚

_ هي ماتت ازاي ؟ 

بصلي بصة كلها ألم وندم بصة حسستني اني عاوزة اخده بين ضلوعي واطبطب عليه او حتي ارجع بالوقت دقيقتين ومسالوش السؤال دا لحد مفاجئني بآخر إجابة ممكن اتوقعها 

= انا السبب انا اللي موتها 

_ ايه !!! 

بصيت عليه لاقيته قعد علي الارض بضعف وسرح بعنيه وكأنه بيحكي احداث شايفها قدامه اتكلم بصوت مخنوق 

= امي كانت عنيدة ومبتحبش حد يتحداها ابدا كنت لسه طايش برده وامي كانت جبانة بتخاف من سرعه العربيات هي بتسوق بس بتخاف تسوق بسرعة لحد مافي مرة عندت معاها واتحدتها انها تقدر تسوق بسرعة وحتي مركبتش معاها ....يارتني كنت معاها قالتلي هنعمل سباق ونشوف مين هيكسب وحصل وخرجنا واتحركنا سوي بس هي ....هي خسرت وانا كسبت بس خسرتها للابد هي خافت او يمكن مقدرتش تسيطر علي العربيه من سرعتها انا مفهمتش اي اللي حصل انا فجاه ببص في مرايه عربيتي لاقيت عربيتها بتتقلب مكنتش مستوعب حاسس اني بحلم وصدقيني لحد دلوقتي بتمني لو انه حلم او كابوس افوق منه الاقيها قدامي تاني جريت بيها علي المستشفي وللاسف مكنش فيه اي امل 

نزلت دموعه من عنيه وبدا يتكلم وبحة عياطه ظهرت بطريقه وجعت قلبي وكمل

=ماتت ياليلي ماتت قدام عيني وانا السبب ماتت ومقدرتس الحقها ماتت وانا حاضنها وهي بتقولي اخر حاجة كانت مبتسمه ياليلي كانت بتضحكلي قالتلي متسوقش بسرعة تاني هتوحشني بس عاوزاك تجيلي متاخر مش دلوقتي مكنتش عارف ارد مكنتش عارف اعمل اي حاجة مكنتش عارف ....

صمت سكوت عم المكان مكنش فيه غير صوت بكاه صوت يحرق القلب ويوجعه احساس الموت احساس بشع انك تبقي عارف انك مش هتشوف شخص غالي عليك تاني مش هتضحك معاه ولا تشاركه كل حياتك انه خلاص هيوحشك ومش هتبقي قادر حتي تتطمن عليه احساس بالعجز وكانك مشلول مش عارف تتحرك ولا حتي تفكر ومتهيالي لو عندك احساس ولو واحد في الميه انك السبب في ضياع الشخص دا فانت عايش في عذاب لاخر عمرك ....مسحت دمعه خانتني بيها عنيا علي كل كلمة قالها ونزلت قعدت جمبه مكنتش عارفه اقول اي اللي قاله صعب والاصعب اني اواسيه قربت منه في هدوء حضنت ايده بين كفوفي رفعت راسه بهدوء وبدات امسح دموعه واخيرا كسرت صوت صمتنا ومعرفش كنت بقول اي ..

_ مامتك كانت جميلة اوي يازين جميلة لدرجه اني حبيتها من كلامك بس مينفعش تقول انك انت السبب دا قدر ومكتوب ودا عمرها مكنتش هتقدر تمنعه حتي لو مخرجتوش حتي لو معملتوش سباق كان هيحصل دا وهي علي سريرها في حضنكوا لان ربنا امر بدا ليه وعشان اي ملناش نسال دي حكمة اختص بيها سبحانه مامتك ماتت في حضنك وهي مبتسمه وراضيه عنك وصدقني مش كتير حس بالنعمة دي انت معيش نفسك في الماضي وحارم نفسك من حاجات كتير خايف من كل حاجة صدقني هي لو عايشة كانت زعلت علي حالك اكتر من اي حد تاني مبقولكش انساها لانك مش هتقدر تنساها بس انسي اللي حصل عيش يازين افتكرها بالحلو الحلو وبس حافظ علي جنينتها زي مبتعمل حافظ علي تربيتها ليك ..ادعيلها وتصدق علي روحها اعمل حاجات تنفعها وتفيدها صدقني لو فضلنا نندم علي كل حاجة في حياتنا مش هنعيش انت برئ من التهمة اللي موجهها لنفسك يازين 

حسيته اهدي كتير عن الاول وكأن هم وشاله من علي قلبه مبقولش انه خلاص نسي وهيعيش بس متهيالي دي هتبقي اول خطوه في ان حياته  تتغير حتي لو من غيري

مدتله ايدي وقومته ورجعنا سوي وطلعنا السلالم وكل واحد قرر يروح لاوضته عشان الوقت اتاخر ولازم ننام وقبل ماادخل اوضتي لاقيته قرب وهمسلي في ودني 

_=شكرا لانك موجودة تصبحي علي خير ياليلي 

مشي من جمبي ومدانيش فرصه حتي للرد فضلت متابعاه لحد مدخل اوضته وكاني بشم الهوا وبحضن ريحته رديت جوايا بهدوء وانا بفتح اوكرة الباب 

_وانت من اهله يازين وانت من اهله ياحبيبي 

ودي كانت اول مرة اعترف لنفسي انه حبيبي انا فعلا حبيته بس العلاقة دي معقدة انا هفضل افكره بذنب هو معملوش لو مخرجش من الماضي مش هيقدر يحبني وحتي لو حبني مش هيقدر يقرب قررت اسيب الدنيا توريني هتعمل فينا اي وقلت لربنا يختارلي لاني حقيقي مش قادرة اختار غيرت هدومي وحطيت راسي علي مخدتي ومن تعبي نمت محستش باي حاجة .....

صحيت تاني يوم متاخر محستش بحاجة غير خبط علي اوضتي قمت بنومي فتحت بهدوء وقلت اكيد دي دادة هنية 

_ ادخلي يادادة صحيت 

لاقيته داخل زي مدخلت عليه المكتب قبل كدا بشكل طفولي 

= بس انا مش دادة هنية 

اتخضيت  وشهقة خرجت مني وبصتله بسرعة وكاني شربت كوبايه نسكافيه اول ماشفته فقت وقمت اجري من علي السرير عشان اخرجه واقفل الباب 

_ ولما انت مش دادة هنيه ازاي تدخل عليا كدا يلا اخرج 

فضل يزق الباب معايا وبيتكلم وهو بيضحك ودي كانت اول مرة اسمع صوت ضحك زين حد يصحي علي القمر دا ياناس 

= محدش قالك تنامي دا كله ياكسوله هانم اتاخرت علي شغلي بسببك 

_ يسلام وانا مالي بقي حد قالك متروحش يعني 

= والفطار ياه 

_ ماله ياه 

= جاهز ومستنيكي يقمر يلا بسرعه عشر دقايق والاقيكي ورايا 

سابني وملحقتش حتي ارد عليه ضحكت من جوايا رحت بصيت للمرايه لاقيت شكلي مبهدل وشعري نصه نازل علي وشي اتكسفت انه شافني كدا ضحكت وخبيت وشي وبعدين دخلت خد دش سريع وخرجت لبست فستاني الازرق الطويل باكمامه الشيفون والحزام الاسود الجلد علي الوسط وسرحت شعري وجبته كله علي اليمين ولبست جذمتي البيضا وحطيت كحل وبصيت لنفسي وحدفتلها بوسة وكنت راضيه جدا عن نفسي نزلت ادور عليه دادة هنيه قالتلي انه في الجنينة خرجت لاقيته حاطط ترابيذه عليها مفرش ابيض وصينينه عليها فطار وكوبايتين عصير ووردة حمره صغيره جمبهم قربت عليه بابتسامة حقيقي شكله وهو فرحان وبيظبط المكان فرح قلبي اوي 

_ اي دا كله اي دا كله 

= اهلا ياست ليلي عندك تاخير خمس دقايق كاملين 

_ والله بقي انا باخد وقتي وبرده اي دا كله بقي زين باشا عامل دا كله عشاني انا

= لا هو بصراحه لواحده كدا خدودها محمره ومنكوشه وشعرها نصه علي عنيها وكانها مستخبيه جواه مشفتيهاش 

ربعت ايدي ورفعت حواجبي وبصتله كاني بحذره لاقيته بيبتسم ومسك الورده يقدمهالي 

_ متبصيش كدا بس اتفضلي دي بدايه حكايه جديدة ويوم جديد مقطفتهاش علي الفاضي اهو 

ابتسمت انه مركز في كل كلامي وبينفذه بعدين شدلي الكرسي وقعدت عليه وبدانا نفطر سوي في هدوء كنت ببصله وبحاول احفظ تفاصيله خايفه تكون نهايه القصة دي الفراق وتكون دي في يوم من الايام مجرد ذكريات .

عدي عليا شهر في البيت دا الحمد لله جدو بقي احسن وانا زين علاقتنا بقت حلوة اوي بيغير عليا وبغير عليه بحبه وبيحبني ومحدش فينا بيعدي يوم من غير التاني بس احنا مش اكتر من صحاب طبعا ودا مسمي العلاقة اللي زين حاصرني فيه واللي تعبت منه لانه مش صاحبي دا حبيبي والموضوع دا تعب قلبي ومبقتش مستحملاه 

 _ ها ياجدو متهيالي كدا نفذت وعدي 

~ مكنتش متخيل اني هتحرك اخيرا من غير الكرسي وارجع زي زمان 

_ انت مفيش احسن منك ياجدو في الدنيا كلها ومتسبش حاجة تاني تاثر فيك كل حاجة بتعدي 

قمت وقربت مسكت ايده وحيطتها في ايد تيتة وداد وكملت 

_ كل حاجة بتعدي طول ماانتوا مع بعض طول محبكوا مقويكوا متضعفش ابدا يجدو وانت معاك تيتة دي جيشك ودرعك في الحياه دي 

باسني من راسي وتيتة حضنتني وانا عيني دمعت لاني بجد حبيتهم اتمنيت لو كان ليا جد وجده زيهم طول عمري كان نفسي في كدا بس انا جدي وجدتي ماتوا من زمان البيت دا هيوحشني اوي 

_ لا يجماعه انا قلبي رهيف مش حمل كدا 

ابتسمت تيته وخرجتني من حضنها وكملت 

° يابت بطلي لماضة يابت 

_ طب بما اني خلصت مهمتي في البيت دا متهيالي خلاص كدا مبقاش فيه لازمه من وجودي فانا همشي من البيت بكرا 

~ بسرعة كدا يبنتي هتسبينا 

_ معلش بقي ياجدو دا انا هنا بقالي شهر بتابع المرضي بالتليفون وبابا كمان لوحده 

° دا البيت هينطفي اوي يبنتي 

_ البيت منور بيكوا ياتيته وانا ان شاء الله هبقي ازوركوا علي فترات بعد اذنكوا 

قمت من المكان كله وهربت علي اوضتي مش متخيله اني هسيبهم بس هقعد تاني ليه حتي علاقتي بزين مش مبرر انا العلاقة دي هتنهك قلبي وانا مش هقدر اداويه لازم ابعد وكفاية لحد كدا .......

كنت قاعد في مكتبي بخلص ورق لاقيت تيتة داخله عليا ودي اول مرة الاقيها تجيلي مكتبي من سنين قمت اتخضيت 

= تيتة جدي حصله حاجة فيه حاجة 

° لا يازين مفيش حاجة انا بس عاوزاك في كلمتين 

قمت خدت ايديها وقعدتها علي الكنبه وقعدت جمبها 

= اؤمريني ياست الكل في اي 

°عاوزة اسالك سؤال ومتكدبش عليا فيه ممكن ؟ 

=وانا من امتي كدبت ياتيته اساليني 

° حبيتها يازين ؟ 

= هي مين دي ياتيتة ؟ 

° ليلي ليلي يازين حبيتها ؟

= ا......

#يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

° حبيتها يازين ؟ 

= هي مين دي ياتيتة ؟ 

° ليلي ليلي يازين حبيتها ؟

شردت لبعيد وسرحت متوقعتش السؤال دا حتي مجربتش اساله لنفسي لاني خايف من اجابته واللي برده متاكد منها فضلت باصصلها كتير وانا بفكر في اجابه وكان قلبي قرر يعاندني ويجاوب المرة دي لاقيت نفسي بتكلم بتلقائية 

= خطفتني 

_ يعني اي 

= خطفتني ياتيته حسيت بحاجة غريبه من اول مرة شفتها زي ماتشوفي حاجة حلوة اوي ومتبقيش عارفه تشيلي عنك عنها لغبطتتني او يمكن انا اللي متلغبط حسيت اني مش علي بعضي مش فاهم اللي جوايا مش فاهم انا عاوز اي كل اللي عاوزه افضل باصصلها كانها نور جيه وسط ضلمه حياتي كانت حاجة غريبه عليا حاولت كتير ابعد بس مقدرتش حتي لما كنت بزعلها واقول خلاص مش هتكلمني كان قلبي مبيطاوعنيش وبجري وراها اصالحها خلتني اقع فيها من غير متعمل اي حاجة او يمكن دا اللي خلاني احبها واركز في تفاصيلها انها بسيطة بتضحك ببساطة وبتتحرك بهدوء اما بتتكسف خدودها بتحمر وتحاول تبص في حته تانية واما بتكدب بتلعب ف شعرها واما بتزعل وتحاول تخبي بتربع ايديها كل تفاصيلها جميله اوي اجمل من اني استاهل انها تحبني

فضلت سرحان وكاني شايفها قدامي ابتسمت لما افتكرت ابتسامتها فقت لما لاقيت تيتة بتمشي ايديها علي ضهري 

° العيون فضاحة يبني وانا من ساعه مادخلت ليلي البيت دا وانا شايفه في عينك لمعه انطفت من سنين طب وناوي علي اي ؟ 

= في اي ؟ 

° اي هتحبها بالبلوتوث ولا اي اخره الحب دا اي 

اتنهدت بحزن وبصيت في الارض

=خايف

° من اي ؟ 

= تضيع مني 

°وكدا مش هتضيع منك 

= كدا ضامنها ضامن انها بخير عارف انها بتتنفس شايفها قدامي شايفها مبسوطة اخاف اقرب اكتر اخاف اطفيها اخاف تسبني وتمشي ياتيتة 

° هي فعلا هتمشي 

= اي ؟ قصدك اي ياتيته يعني اي هي كويسة ؟

° كويسة اه بس مشكلتها انها حبت 

= حبت مين ؟ تيته هي قالتلك اي 

° مقالتش يبني بس هي زيك عيونها فضحاها واحنا يبني الستات ندي للراجل كل حاجة ومنبخلش يوم منعشق نخلي الراجل اللي معانا يطير ونعمل من نفسنا سلالم يطلع عليها ويقوي بس يوم منحس ان حبنا دا مالوش مقابل بندي قلبنا بالجذمه وندوس عليه ونمشي وهي ملاقتش مقابل لحبها دا احنا بنفرح بكلمة يابني وانت حتي مستخسرها فيها 

° ولو قربت وحصل حاجة لو اتاذت بسببي لو ...

سكت مقدرتش اكملها مقدرتش اتخيل الحياة من غيرها مقدرتش 

= محدش بياذي اللي بيحبه يبني كله مقدر ومكتوب وبيك او غيرك اللي ربنا كاتبه هيحصل ومحدش يقدر يوقفه بس تقدر تفضل جمبها تحميها وتحافظ عليها وتحاوطها بقلبك 

سرحت ونسيت نفسي تخيلتها في حضني وبين ضلوعي وكان قلبي بيرقص وشويه اتخيلها بعيد وسيباني اتخنق سابتني تيته وسط افكاري وحيرتي قربت من الباب فتحته وبصتلي 

° فكر كويس يازين عشان متندمش ...واه ليلي ماشيه بكرا من البيت دا لان خلاص مبقاش ليها حاجة تعملها تاني 

كان قلبي هيتخلع من حزنه مجرد فكره انها هتبعد عني قتلتني يعني اي تمشي !  بس برده تيته عندها حق هتقعد بصفتها اي فضلت قاعد علي الكنبه طول الليل بسرح رحت جنينة امي قعدت فيها حسيت وكانها حضناني مش عارف اوصل لقرار اسيبها تمشي ولا اتمسك بيها قلبي عاوزها وعقلي بيقولي ابعد احسن اختار قلبي ولا امشي بعقلي ! 

صحيت من النوم كسلانة حاسة اني مش عاوزة اقوم او يمكن خايفة !  فضلت قاعدة علي سريري سرحانه كنت مستنيه الباب يخبط يجي يصحيني قمت بهدوء بصيت من شباكي لاقيته قاعد تحت الشجره بتاعتنا شكله سرحان حتي محسش بيا ومبصش نحيتي بصيت عليه بحزن وكاني بودعه دخلت خدت دش وخرجت لبست فستاني البنفسجي ولبست جذمتي البيضه ورفعت شعري ديل حصان وجهزت شنطتي جمب الباب مش عاوزة اضيع اخر فطار ليا في البيت دا هسلم بس عليهم وهمشي حتي لو دا الوداع الاخير لازم اكمله للنهايه .....

نزلت السلالم بهدوء روحت المطبخ لاقيت الدادة هنية قد اي هيوحشني كلامي معاها كل يوم وضحكتها اللي عرفت طريقها لقلبي بسهوله 

_ صباح الخير علي ست الستات 

• صباح الخير يازينه العرايس 

جريت عليها وحضنتها 

_ هتوحشيني اوي يادادة

• ربنا العالم يبنتي باللي في قلبي ليكي ياريتك متمشي 

ابتمست بهدوء علي بساطتها 

_ ياريته ينفع يادادة يلا بلاش غلبه عشان نجهز الفطار عاوزة اشوفكوا كلكوا قبل ماامشي 

عملت كوبايه النسكافيه الخاصة بيا وجهزت الفطار مع الدادة واستاذنتها اروح عشان ابلغهم بالفطار وبدات بعمو سالم خبطت علي بابه بهدوء ودخلت 

_ اي التاخير دا ميصحش حتي المفروض مين يبقي في استقبال مين 

* تعالي يالمضه هانم 

قربت بهدوء وباس راسي

* فعلا هتوحشيني ومتهيالي هتوحشينا كلنا اوعي تنسينا 

_ مقدرش ياعمو دا انتوا حفرتوا مكان في قلبي مش هيتنسي ابدا المهم يلا بسرعة الفطار جاهز هروح اجيب جدو 

سبته وخرجت وكاني بجري خفت اضعف حقيقي مش عاوزة اضعف نزلت خبطت علي باب جدو واذنلي بالدخول دخلت لاقيته فتحلي دراعاته جريت عليه وحضنته وبوست ايديه وعيني دمعت غصب عني 

_ينفع كدا يجدو انا قلبي رهيف 

~ البيت هينطفي ياشمعه البيت 

_ البيت منور بيكوا يحبيبي 

° هتوحشينا يابنتي 

قمت قربت منها وحضنتها 

_ وانتوا كمان هتوحشوني اوي بس يلا يلا بلاش غلبه الفطار مستنيكوا هروح اجهز الدنيا واشوف الانسان الالي بالمره

غمزت لجدو وضحكت وخرجت اتنفست بهدوء وروحت عند مكتبه مقدرتش روحت للدادة وعملت نفسي مشغوله وطلبت منها تروح هي وتعرفه بالفطار لو شفته وبقينا لوحدنا هضعف وانا عاوزة امشي قبل متيجي لحظه زي دي.......

خرجنا كلنا للفطار ماعدا هو مجاش !!

حتي استخسر فيا الوداع قلبي اتوجع انه حتي مش عاوز يشوفني فطرت معاهم في هدوء وبعدين استاذنت منهم عشان اجهز بقيت حاجتي وامشي كنت طالعه اوضتي بس دادة هنية قالتلي انه عاوزني ...مشيت عشان اروحله لاقيتها وقفتني 

° رايحه فين يابنتي 

_ المكتب مش قلتي زين عاوزني 

° بس مش ف المكتب مستنيكي في الجنينة بتاعته 

استغربت ليه عاوزني هناك ودلوقتي قرر يودعني فيها !

رحت بهدوء وانا بحاول اتماسك علي قد مقدر روحت لاقيته واقف عند الورد الابيض اللي بحبه ومديني ضهره 

_الدادة قالت انك عاوزني نعم ! 

بصلي وحسيت انه منمش من امبارح عيونه مرهقة اوي بس نفس النظرة اللي في عيونه نفس النظرة اللي مش فاهماها سكت وفضل باصصلي كتير 

= هتسبيني !

_ نعم ! 

= هتمشي ! 

_ اه همشي 

=ليه ؟ 

_ وليه اقعد 

= عشاني ...وعشانا كلنا 

_مهمتي انتهت يازين 

لفيت نفسي وكنت همشي لاقيته مسك ايدي كنت عاوزه اترجاه يسبني انا بقاوم نفسي اني انفجر فيه نفسي يقولها يقولي اقعدي بس احس اني صح انه عاوزني ولو لمرة واحدة 

_ نعم حاجة تاني 

= هتخلي بالك من نفسك ؟ 

_ اكيد 

= هتفتكرينا 

_ مقدرش انساكوا 

مد ايديه يسلم عليا ومديت انا كمان ايديا فضل حاضنها بين كفوفه ايديه قالت اللي مقالوش بلسانه حسيتها مش عاوزاني امشي لاقيت قرب ايدي من شفايفه وباسها وبصلي 

= متمشيش 

_ ليه 

= عشان مش هقدر صدقيني مقدرش اعيش من غيرك لحظه واحدة انا فكرت كتير ومقدرتش لاقيت ان وجودك جمبي اهم من اي حاجة في الدنيا ليلي انا بحبك 

حسيت اني مش عارفه اتنفس او يمكن بحلم هو قال بحبك ولا انا عيانه هو دا بجد هو دا زين ! 

بصتله كتير اوي وكاني بستوعب اللي حصل دلوقتي وكاني رافضه اتكلم احسن يكون حلم واصحي منه 

_ هو انا بحلم صح 

= مبتحلميش ياليلي لا دي الحقيقة اللي كانت لازم اعترف بيها لنفسي من البدايه بس انا اللي كنت رافض او يمكن خايف بس اكتشفت اني خوفي انك تسبيني اضعاف احساسي بخوفي من حبك 

دمعت عيني دمعت من فرحتي معرفتش اقول اي كنت عاوزه احضنه عاوزه اخبيه بين ضلوعي عاوزة اصدق ابتسملي ابتسامته اللي بحبها فابتسمتله وايديه اللي بين ايديا اكدتلي انه مش حلم فضلت عيونا بتتكلم مكنتش شايفة غيره وحلاوة عنيه وغمازاته اللي يتخطف قلبي معاه بصلي ولاقيته بيقطف وردة بصتله وبصتلها 

_ ودي اي حكايتها ! 

= بداية حكاية 

_ حكايه اي ؟ 

= حكايتنا 

_ حكايتنا ! 

= اه حكاية ليلي وزين  

قلبي رفرف وكاني فراشة طايرة لفوق وكاني ملكت الدنيا بجد ضميت الوردة لقلبي وبصتله

_زين

= امم

_بحبك 

وقابلتك انت لاقيتك بتغير كل حياتي

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

تعديل المقال