روايات حصرية
0

رواية المتمردة كاملة جميع الفصول بقلم هاجر العفيفي

ahmed
اخر تحديث :

رواية المتمردة كاملة جميع الفصول بقلم هاجر العفيفي


رواية المتمردة كاملة جميع الفصول هى رواية من تأليف المؤلفة المميزة هاجر العفيفي رواية المتمردة كاملة جميع الفصول صدرت لاول مرة على فيسبوك الشهير رواية المتمردة كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية المتمردة كاملة جميع الفصول
رواية المتمردة بقلم هاجر العفيفي

رواية المتمردة كاملة جميع الفصول

: تخيل أن النهارده كتب كتابى على أكتر واحد بكر"هه فى حياتى
قالتها ندي بسخريه وبرود
حازم بضحك : ياااااه للدرجه دي بتكر"هيني
ندي ببرود : جدا والله 
حازم ببرود هو الآخر : خلاص بقا بقينا قدام الأمر الواقع وبقيتى مراتي رسمي الكر"هه مش هينفعك فى حاجه بالعكس ده هيضرك
ندي : ومين ال هيضرني أن شاء الله ؟
حازم ببرود : انا ياروحي
ندي بعيد : وجع فى روحك
حازم : شكرا 
ندي : على فكره انا مش عايزاك والله انت حطتني قدام الأمر الواقع وفكرة أن اتقبلك مش صعب دي مستحيل
حازم : مش مهم رأيك ميفرقش معايا أصلا
ندي بصتله بزهق وخبطته بالمخده ودخلت الأوضه وهي متعصبه ورزعت الباب
حازم بوعيد : ماشى ياندي هندمك على ده كله 
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
ندي دخلت الأوضه ودموعها نزلت وكانت بتكلم نفسها بعصبيه : ماشى يابابا الله يسامحك علشان تدبسني التدبيسه السوده دي
فى الوقت ده تلفونها رن برقم صحبتها ملك
ندي : أيوه ياملك 
ملك : شكلك معيطه 
ندي : مش طيقاه ياملك ولا طايقه سيرته حتي انا معرفش ايه ال لبسني فى الجوازه السوده دي
ملك : يابنتي اديله فرصه حتى
ندي : لو أخر واحد فى العالم  مش هديله فرصه ابدا
ملك : ليه ياندي
ندي بدموع : كده ياملك وبعد أذنك بقا مش عايزه اتكلم دلوقتي انا هقفل وانام دلوقتي تصبحي على خير
ملك بقلة حيله : ماشي ياندي وانتي من أهل الخير
ندي قفلت وبعدين نامت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
حازم بزهق : مش متقبلاني خالص فى حياتها بقولك 
جمال : يابني حاول معاها معلش هي عنيده شويه بس طيبه والله 
حازم : والله ياعمي انا مستحملها علشانك بس غير كده انا كان زماني قت"لتها
جمال بضحك : معلش حقك عليا
حازم : ماشى علشان خاطرك بس 
جمال : يلا تصبح على خير
حازم : وانت من أهل الخير ياعمي
جمال قفل وحازم نام على المخده وقال بتنهيده : ازاى ارجع ثقتك فيا تاني ياندي واخليكي تحبيني ازاى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
تاني يوم 
ندي صحيت وكانت عيونها مورمه من العياط طول الليل وقامت من مكانها اتوضت وصلت الصبح وخرجت من الأوضه وبصت حواليها علشان تطمن أن هو مصحيش
دخلت المطبخ جهزت فطار ليها وقعدت تفطر وهو صحي وخرج شافها بتفطر
حازم : صباح الخير
ندي بضيق : اهو صباح وخلاص
حازم : دي شكل واحده بتستقبل جوزها حبيبها اول مايصحي من النوم
ندي ضحكت بسخريه وقالت : خليني ساكته أحسن
حازم بضيق : فطارى فين ؟؟
ندي : اعمل لنفسك
حازم : وانتي لازمتك ايه
ندي : مش مهم عندي رأيك وبعدين أنا مش مش خدامه لحضرتك
حازم بغضب : اللهم طولك ياروح
ندي : يارب قصرها
حازم اتصدم من ردها وقال : بتدعي عليا
ندي : أيوه
حازم ببرود : على فكره لو فضلتي كده انا هتجوز عليكي
ندي بسعاده : ياريت والله ده انا هعمل فرح ليكم
حازم كان حزين جدا على ردها وقال بتنهيده طويله : ندي ممكن تسامحيني
ندي بصتله والدموع استجمعت فى عيونها وقالت بقوه : انا نفسي تطلقنى وتبعد عني خااااالص
يتبع
حازم : هو أنا لحقت اتجوزك علشان أطلقك
ندي بدموع : مش عايزاك ومش طيقاك
حازم : ندي اعقلى بقا وبلاش شغل العيال ده
ندي : هو انت معندكش دم 
حازم بغضب : هو أنا علشان ساكتلك تطولى فى لسانك انا لحد دلوقتي ماسك اعصابي عنك متخلنيش بقا أخرج عن شعورى
ندي بسخريه : عادي هي عادتك ولا هتشتريها
حازم : عايزه ايه ياندي
ندي : أطلق
حازم : مينفعش الناس تقول ايه ؟؟ أطلقت بعد كتب كتابها بيوم اهدي بقا وعيشي حياتك وبلاش كلمة طلاق دي تااااني
ندي : انت بتجبرني على العيشه معاك وانا مش عايزه
حازم قرب مسك أيدها وهي سحبتها منه وهو أتنهد وقال : ندي علشان خاطرى فرصه واحده بس وصدقيني هثبتلك أن اتغيرت وان انسان تاني خالص
ندي بصتله وقالت بجمود : لاء 
ودخلت الأوضه ورزعت الباب
حازم بنفاذ صبر : يارب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا 
ناديه بغيظ : انا معرفش انت ليه جوزت البت لحازم ده مفيش غيره يعني وبعدين انت عارف ان هي مش طيقاه
جمال بهدوء  : انا جوزتها لحازم لأن هو بيحبها وكمان هيحافظ عليها
ناديه بسخريه : كان حافظ عليها بدل ماسافر زمان وسابها يوم فرحهم ازاى تأمن ليه تاني بعد ال عمله
جمال : غلط وأتعلم من غلطه كان عيل طايش
ناديه : هو علشان أبن اخوك تبيع بنتك 
جمال : حافظي على كلامك ياناديه انا مبيعتش بنتي انا جوزتها وانا عارف انا بعمل ايه 
ناديه : وانا قلبي مش مطمن طول مابنتي معاه فى مكان واحد 
جمال : جوزها مش هيأذيها
ناديه : حازم اكتر واحد أذاها
جمال : يوووه بقا مش هخلص من الكلام ده انا هقوم انام 
ناديه : أتهرب أتهرب هو ده ال باخده منك
جمال دخل الأوضه  وسابها تتكلم
ناديه : يارب ابعد عن بنتي كل الشر يارب يارب ملناش غيرك
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
رقيه : ايه ياملك اومال فين ندي مجاتش ليه 
ملك بغيظ : اتجوزت ياختي
رقيه باستغراب : اتجوزت ومن غير ماتقولنا 
ملك بحقد : اكيد طبعا هي طول عمرها كده انانيه حتي فى جوازها استخسرت فينا نفرح ليها ده انا معرفش غير لما كتبت الكتاب
رقيه بهدوء : متعرفيش ظروفها ايه وبعدين ندي مش انانيه ياملك ازاى تقولى على اقرب صديقه ليكي كده
ملك بملل : ياست رقيه مش ناقصه حكم ومواعظ بالله عليكي اطلعي من دماغي 
رقيه بصتلها وقالت : انا غلطانه ان جيت سألتك
ملك : أيوه وامشي بقا وسيبني 
رقيه مشيت وسابتها 
ملك بسخريه : كل حاجه ندي ندي كأنها الملكه حاجه تفقع
كريم : هو ال سمعته ده صح
ملك بزهق : سمعت ايه
كريم : ندي اتجوزت ؟؟
ملك : أيوه اتجوزت واحد خساره فيها وفى أهلها مال وجمال بت محظوظه
كريم بغضب : نعممم وهي وافقت علشان فلوسه 
ملك بخبث : ايوه طبعا اومال علشان جمال عيونه
كريم : هو ايه الهبل ده وبعدين انا حاولت معاها كذا مره وهي رفضت نهائي حتي الارتباط
ملك : مانت عارف بقا هتقولك حرام بقا وبتاع وبعدين هي كانت منمره على ابن عمها بقا
كريم بوعيد : وانا مش هسيبها تتهني يوم واحد
ملك بخبث : وانا معاك
كريم باستغراب : وانتي ايه مصلحتك
ملك : ملكش فيه بقا المهم هساعدك
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
ندي خرجت تعمل الغداء وبعدين دخلت الاوضه تصلى وخرجت قعدت ومسكت كتاب وكانت بتقرأ
حازم دخل من باب الشقه قال : مساء الخير
ندي بصتله ومردتش 
حازم راح عندها وطلع علبه وكان فيها خاتم شكله رقيق جدا 
حازم بابتسامه : نفسي تقبليه
ندي بسخريه : بمناسبة ايه
حازم : اي مناسبه أن بصالحك أو بمناسبة كتب كتابنا أو
ندي : أو علشان تكفر عن غلطك
حازم : اي كان المهم تسامحيني
ندي بتنهيده : محاولاتك كلها فاشله انا مش هكمل فى الجوازه دي
حازم : اومال وافقتي تتجوزيني ليه
ندي : علشان بابا وعارفه أن هو تعبان والدكتور قال أي زعل هيأثر عليه لكن مستحيل علشان واقعه فيك مثلا
حازم : ندي علشان خاطرى اعملى ال انتي عايزاه بس تسامحيني ونعيش حياتنا سوا مع بعض على فكره دلوقتي انا بقا ليا فرعين شركه والاتنين شغالين يعني أن شاء الله لما نجيب اطفال هنضمن مستقبلهم وهنعلمهم وهنربيهم و
قاطعته ندي وقالت : هو أنا هروح اجيب منك أطفال علشان يتشردوا بعد كده انت عمرك ماهتكون زوج وأب مسئول انت مستهتر
حازم : والدنيا علمتني وبعدين كفايه بقا ياندي انتي كبرتي الموضوع فوق اللازم وحرام عليكي ال بتعمليه فيا ده وبعدين هو انتي مبسوطه أن بتذل ليكي كده ده
ندي وقفت وقالت بعصبيه : وانت مستني مني ايه ان اسامح طب وليه اتنازل عن كرامتي زي ماتنازلت عليها اول مره لما جيت خطبتني من بابا أول مره وجيت قولتلى انك بتحبني وهتعيشني أجمل عيشه وانا صدقتك وبقيت اقف جمبك فى اصعب ظروفك وكنت دايما تشك فيا وتقولى هو انتي اتأخرتي فى الرد ليه هو انتي بتكلمي مين وريني تلفونك بتكلمي مين كنت بعدي كل حاجه علشان بحبك وقولت لما نتجوز هيتغير واليوم ال المفروض يكون أجمل أيام فى حياة اى بنت خليتوا اسوء يوم فى حياتي وانا لابسه فستان الفرح اشوف رساله منك انك سافرت ضرورى علشان تشوف مستقبلك وفجأه الاقى المحضر جايب ورقة طلاقي تخيل طلاقي يوم فرحي تخييييل كسرة قلبى وقتها كانت عامله ازاى تعرف أن فضلت اتعالج من الصدمه سنه كامله تخيل أن الناس فضلت تتكلم عليا ده  تخيل أن عمرى مادخلت حد حياتي علشان احفظ قلبي واصونه علشان ال يستاهل وطلعت انت متستاهلش ده كله وانت ابن عمى اومال لو غريب كنت عملت فيا ايه تاني
كانت بتتكلم ودموعها بتنزل بغزاره وهو كان ساكت تماما وعاجز عن الرد علشان هي عندها حق
ندي مسحت دموعها وقالت : أسوء حاجه أن بينت ضعفى قدامك انت مش مصدر امان ليا ياحازم ولا عمرك هتكون 
حازم : وانا مش هيأس انك تسامحيني لو عرفتي الحقيقه هتسامحيني ياندي
ندي بسخريه : مفيش اي مبرر ليك ياحازم صحيح نسيت اقولك انت لو مطلقتنيش بالذوق هخلعك
يتبع
متنساش ان الرواية موجودة كاملة في قناة التلجرام والواتساب
↚
ندي بوجع : عارف ياحازم انت الوحيد ال مكنتش اتخيل يعمل فيا كده ويسيبني فى اليوم ال كل بنت بتتمناه
حازم بحزن : صدقيني ياندي غصب عني انتي عارفه قد ايه انا بحبك ومقدرش أكسرك كده 
ندى بسخريه : واهو كسرتني ايه اتجوزتني بقا علشان تكمل عليا
حازم بحزن : أنا كان عندي ور"م ياندي
ندي رفعت عيونها بصدمه وقالت : ور"م !!!!
حازم : أيوه والله العظيم مش بكدب عليكي اكتشفت ده متأخر جدا قبل فرحنا بساعه تخيلىى
ندي : انت كداب انت ازاى تدعي المرض علشان تبرر موقفك قدامي الكلام ده مفيهوش هزار
حازم : والله مش بكدب ياندي فعلا ده ال حصل وانا رايح اجيب البدله وأجهز وقعت وودوني المستشفى انا كنت فاقد الوعى نهائي ولما فوقت قولتلهم أن عايز اشوفك بس انا مش عارف اعمل ايه تخيلى الموقف ال اتحطيت فيه لما اعرف ان عندي و"رم وكمان ايامي كانت معدوده مكنتش متخيل أن اخليكي ارمله قبل ماتتجوزي ياندي مقدرتش والله
ندي بدموع : بس فضحتني اانت عارف الناس نظراتها بتكون عامله ازاى انا بحمد ربنا إن فى اليوم ده أن الفرح كان عائلى يعني محدش غريب الا وكان سيرتي على كل لسان 
حازم : صدقيني انا فى الوقت ده كنت عاجز عن التفكير ملقتش حل غير أن أعتذر أن مش هاجي الفرح وبعدها بيوم انا سافرت ومن وقتها كنت تعبان ودخلت فى غيبوبه شهرين وبعدين لما فوقت عملت العمليه الاولى وكانت نسبة النجاح ضعيفه وبعدها احتاجت اعمل عمليه كمان ودي كانت الاخيره ولما فوقت وعرفت أن المرض الحمد لله مشي جيت على مصر علطول علشان بس اشوفك واطمن انك لسه ليا انتي متعرفيش انابحبك قد ايه ياندي انتي الوحيده ال دخلت قلبى بعد موت امى وابويا انا كنت وحيد فى السفر ده مفيش غير طارق صحبي هو ال فضل معايا فى كل لحظه
ندي بصوت عالي وغضب : وانا كنت فين ليه مقولتليش ليه تكتب على علاقتنا الفشل من قبل ما تبدأ لو كنت قولتلى انا كنت هقف جمبك لحد لما تقف على رجلك مستحيل كنت اتخلى عنك انت ال حكمت على حاجه محصلتش انت ال حرمتني من حق أن اكون معاك فى اصعب وقت انت السبب فى كل ال احنا فيه سامحني ياحازم أنا مش مصدقه التمثيليه دي كلها 
حازم مسك الورق ال على السفره ورفعه فى وشها وقال : دي كل حاجه تثبت كلامي والتواريخ كمان موجوده اشاعات وتحاليل صدقيني انا مبكدبش
ندي مسكت الورق وقالت بسخريه : جاى تقول بعد ايه ولا تصلح ايه انا فعلا لما سمعتك دلوقتى أصريت على قرارى اكتر وعايزه أطلق
قالت كلامها ودخلت الأوضه
حازم بحزن : ليه ياندي ليه 
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
جمال : راحه فين ياناديه
ناديه : راحه اطمن على بنتي نور عيني بدل مانت قلبك جامد كده 
جمال : وهي يعني مش فى بيت جوزها
ناديه بسخريه : انا الجوازه دي مش داخله دماغي وان شاء الله تخلص منه وتطلق عن قريب
جمال بغضب : بس ياناديه الكلام الفارغ ده لاحظي انك بتتكلمي على ابن اخويا 
ناديه : وبنتي دي مش بنتك 
جمال : وانا عارف مصلحتها اكتر من اي حد
ناديه : لاء مش عارف مصلحتها انا عارفه بنتي طالما مغصوبه على حد مش هتعيش مرتاحه ابدا 
جمال : وندي بتحب حازم رغم كل ال حصل وانا واثق ان هو هيخليها تسامحه
ناديه : انا مش عارفه انت بتفكر ازاى ياجمال بقولك بنتك مش مرتاحه وهو كان السبب فى اسوء فتره هي عدت بيها جاى دلوقتي بكل سهوله عايز تخليها تعيش كده وتسامحه بسهوله انت بتحلم
جمال : ملكيش انتي دعوه ومفيش خروج من البيت ولو روحتي عندها يبقا رجلى على رجلك انا مش هسيبك تروحي تخربى بيتها
ناديه بضيق : بقا كده ياجمال 
جمال : أيوه كده وده اخر كلام عندي
قال كلامه وخرج من البيت
ناديه بغيظ : انا معرفش الراجل ده فى دماغه ايه ياترى يابنتي انتى عامله ايه دلوقتي 
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
ندي كانت فى أوضتها وتلفونها رن برقم ملك
ندي : أيوه ياملك
ملك : عايزه اجيلك اطمن عليكي
ندي بهدوء : طبعا يابنتي بيتك ومطرحك هقول لحازم وانتي تعالي
ملك بغيظ : طيب
قفلت معاها وخرجت تبلغ حازم أن ملك جايه
ندي : حازم 
حازم رفع وشه وقال بتعب : نعم ياندي
ندي بتوتر : ملك صحبتي جايه تشوفني ممكن ؟؟
حازم : انتي بتستأذني ؟؟
ندي : أيوه
حازم : ندي ده بيتك
ندي : لاء ده شكل مؤقت 
حازم وقف وقال بعصبيه : ندي كفايه استفزاز لحد كده انا صبرى كده نفذ البيت بيتك وانتي مراتي وطلاق مش هطلق خلاص بقا خلصناااا
قال كلامه وخرج من الشقه ورزع الباب بغضب
ندي اتفزعت من رزع الباب وبصت على أثره بحزن 
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
ندي بدموع : أنا كان نفسى اكون فى اللحظه دي معاه مش عارفه ليه حرمني أن أقف جنبه انا بحبه اوي ياملك بس مش مسامحه على ال هو عمله فيا سواء يوم فرحنا أو أن مقاليش على تعبه
ملك : طبعا ليكي حق تزعلى ومتخليش الحب يخليكي هبله 
ندي بدموع : عارفه انا فى حياتي كلها محبتش غير حازم مش عارفه قربه صعب وبعده أصعب أنا حقيقي تعبت
ملك بخبث: اوعي تضعفى على فكره هو شكله بيعمل تمثيلية ايش ضمنك أن هو كان مقضيها طول الفتره دي ولما حب يستقر رجع علشان واثق انك هتكوني لسه مستنياه
ندي بصدمه : لاء لاء مستحيل هو وراني الاشاعات والتحاليل والتواريخ
ملك بسخريه : يعني هو ميقدرش يزور شوية ورق متبقيش عبيطه بقا ياحبيبتى وفوقى
ندي : بلاش ياملك الله يصلح حالك تلعبي فى دماغي انا على أخرى اصلا
ملك: انا بنصحك ياغبيه لازم تعرفى أن حازم مش سهل وانتي خليكي مصره على الطلاق
ندي : هو رافض
ملك : اقولك على فكره اخليه يطلقك فى ثانيه
ندي : ايه هي
ملك : تقوليله انك بتحبي واحد غيره
ندي بصدمه : انتي مجنونه !!!!! انتي عارفه ممكن يعمل ايه
ملك بخبث : هيعمل ايه يعني وبعدين انتي حقك تحبي وهو لما يسمع كده مش هيستحمل على رجولته بقا 
ندي بتفكير : 
يتبع
متنساش ان الرواية موجودة كاملة في قناة التلجرام والواتساب
↚
ندي بتفكير : انتي مجنونه ياملك عايزاني اسمع كلامك واخلى حازم يشك فيا 
ملك بخبث : أيوه ياختي علشان يطلقك بسهوله
ندي : لاء بس متوصلش أن اتخلى عن مبادئ ودينى وبعدين برضوا حازم طلع عنده أعذار ليه أجرحه بالطريقه دي
ملك بضيق : انا معرفش انتي لسه بتدافعي عنه بعد ده كله ازاى 
ندي بهدوء : علشان انا لما حبيت حازم حبيته بصدق والله ياملك صعب ان انا اتخلى عن ده كله بسهوله انا فعلا عايزه انفصل عنه بس انفصل بدون اي مشاكل وكمان يكون ليا كرامتي ال انتي بتقوليه ده كله غلط فى غلط وبعدين انا بخاف ربنا
ملك وقفت بعصبيه وقالت : خلاص خليكي مغفله كده علطول هتعمليلي بقا فيها شيخه 
ندي : ياملك افهمي
ملك سابتها ومشيت ورزعت الباب وراها 
ندي باستغراب : هي اتعصبت كده ليه هو أنا علشان مش عايز اعمل حاجه تغضب ربنا تزعل كده غريبه اوى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
حازم : احم ازيك ياعمي عامل ايه
جمال : الحمد لله ياحازم يابني اتفضل 
حازم : معلش هو ممكن اقابل طنط ناديه عايز اتكلم معاها ضرورى 
جمال : فى حاجه ولا ايه ؟
حازم : لاء مفيش بس عايزها فى موضوع مهم
جمال : ماشى يابني هدخل أبلغها بس موعدكش أنها توافق
حازم : تمام
جمال دخل عند ناديه الأوضه وقال : حازم جوز بنتك عايزك بره
ناديه بعصبيه : ومين قالك أن هخرج ليه
جمال : ناديه ده مهما كان ضيف عندنا وانا مش متعود منك على كده انتي صاحبة واجب
ناديه بضيق : بس انت عارف ان مش عايزه اتكلم معاه
جمال : معلش اسمعيه ولو معجبكيش الكلام خلاص 
ناديه باستسلام : ماشي وأمرى لله
قامت خرجت وشافت حازم 
جمال : انا هدخل اعملك حاجه تشربها
قال كلامه ودخل المطبخ 
ناديه : اتفضل
حازم بتوتر : انا مش عارف اقول لحضرتك ايه انا عارف انك مش طيقاني بس والله عندي أمل انك تفهميني وتساعديني
ناديه : أنا مش من طبعي أن أكر"هه حد بس لما الموضوع يخص بنتي وقتها رد فعلى بيكون صعب
حازم : وانا والله عايز اقولك أن ندي دي أول حب وأخر حب فى حياتى كلها والله العظيم
ناديه : وليه سبتها وجرحتها هو ال بيحب بيعمل ال انت عملته ده
حازم : انا حطيت لندى كل ال حصل انا عارف ان كان ممكن اشوف حل تاني بس وقتها انا مفكرتش فى النتيجه
ناديه : ايه ال حصل !!!
حازم حكى ليها كل ال حصل ومرضه وال عمله كله
ناديه بصدمه : كل ده حصل ومحدش فينا يعرف
حازم : والله العظيم انا محبتش اتعب حد معايا ومن الناس ال كنت خايف عليها ندي هو ده كل ال حصل
ناديه بعتاب : ليه يابني هو احنا يعني معندناش رحمه احنا كنا هنكون جمبك ومستحيل نتخلى عنك انت عارف كويس ياحازم أن بعتبرك زي ابني واكيد يعني كنا هنقف جمبك
حازم : ال حصل بقا المهم حضرتك هتساعديني
ناديه : في ايه ؟؟
حازم : أن ندي تسامحني انا عارف ان ده صعب بس مستحيل ايأس بدا انا بس عايز حد يقنعها
ناديه بتنهيده : مش عارفه والله ياحازم يابني ندي بتفكر فى ايه بس انا هعمل ال عليا واحاول معاه
حازم بفرحه : انا متشكر جدا ليكي
ناديه بتحذير : بس والله لو فكرت بس تزعلها تاني انا ال هقفلك 
حازم : لاء والله هي بس تسامحني وانا هشيلها فى عيوني
ناديه : تمام
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
كريم بعصبيه : يعني فشلتي
ملك : بقولك هي ال مصدره دماغها ومش راضيه تسمع الكلام  وعاشت فيها دور الشيخه
كريم : طب والحل
ملك : خلاص انا مش فى ايدي حاجه الحل فى ايدك انت بقا
كريم : حل ايه ؟؟
ملك بخبث : لما أقابل ملك هحاول اسجل رقمك عندها من غير متاخد بالها وانت عليك لما حازم يكون فى البيت ابعتلها رساله فيها حب بقا وكده ووقتها هو هيشك فيها وهيطلقها بدون كلام
كريم : تفتكرى ده الحل ؟؟
ملك : أيووه اسمع الكلام بقا
كريم : طيب لما اشوف اخرتها معاكي ايه
ملك : كل خير صدقني
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
ملك : عامله ايه 
ندي : زي مانا
ملك : قولتلك ياختي اسمعي كلامي وانتي ال مش راضيه علشان تخلصى من الجوازه  الغبره دي
ندي : قولتلك ياملك مش عايزه كلام فى الموضوع ده تاني 
ملك : طيب بقولك ايه ماتجيبي مايه اشرب
ندي : حاضر
قامت ندي وملك مسكت تلفونها وفتحته لأنها عارفه باسورد ندي وسجلت رقم كريم وبعدين قفلت التلفون بسرعه 
ندي : اتفضلي ياستي
ملك : شكرا ياندوش
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
حازم : على فكره انا جبت عشا
ندي : والأكل ال أنا عملته ده ؟
حازم : معلش خليه لبكره وتعالي ناكل مع بعض
ندي : شكرا مش عايزه
حازم بعصبيه : قووومي ياندي جهزى لعشا
ندي خافت من صوته وقامت دخلت المطبخ
حازم اتنهد وقال بقلة حيله : ربنا يهديكى يالى مغلباني
تلفونها رن وحازم قال : تلفونك بيرن 
هي مسمعتش بس التلفون فضل يرن 
حازم مسك التلفون وكان هيدخل يعطهولها فى المطبخ لمح رساله كان مكتوب فيها (وحشتيني رنيت عليكي كتير وانتي مبترديش هو غراب البيت عندك ولا ايه )
حازم شاف الرساله واتصدم
يتبع
متنساش ان الرواية موجودة كاملة في قناة التلجرام والواتساب
↚
ندي بصدمه : ايه الرساله دي
حازم كان ساكت ومبيردش
ندي بدموع : حازم والله انا معرفش حاجه عن الرقم ولا الرساله ى ومعرفش مين ال باعتها
حازم برضوا كان ساكت 
ندي هزته برجاء وقالت : طب علشان خاطرى رد عليا انت واثق فيا صح انا فعلا معملتش حاجه والله
حازم مسك أيدها وقال بهدوء : ندي انا واثق فيكي اكتر من نفسي كمان بس ممكن تهدي
ندي بدموع : اهدا ازاى انا هتجنن انا مش عارفه مين بعت الرساله دي انا مظلومه والله ط طب الرقم متسجل ازاى إذا كان عمرى ماشوفته قبل كده 
حازم : اهدي علشان نفهم انا هدخل اشوفه على التولوكولر 
ندي كانت منهاره لأنها بتخاف جدا على سمعتها وخصوصا خايفه أن حازم يشك فيها 
حازم مسك تلفونه وكتب الرقم
حازم : للأسف مجهول
ندي قعدت على الكرسي وهي بتعيط وحطت أيدها على وشها وقالت بحزن ودموع : انا مش عارفه ليه بيحصلى كده انا تعبت والله 
حازم راح عندها وطبطب عليها بهدوء وقال : ندي اهدي ياحبيبتى علشان نفهم
ندي رفعت عيونها وبصتله وقالت : بجد ياحازم انت واثق فيا
حازم : أيوه ياندي واثق فيكي لأن انتي بنت عمي ومتربيه معانا وعارف أخلاقك كويس وكمان انتي حبيبتى ومراتى ولازم اكون واثق فيكي 
ندي : ط طب هتساعدني ازاى 
حازم : معرفش هحاول اشوف اي طريقه اكشف بيها الرقم ده بس انتي حاولى تفتكرى مين مسك تلفونك قريب أو معاه الباسورد
ندي فضلت تفكر وجات فى بالها ملك وافتكرت لما قالتلها أن تخلى حازم يشك فيها وإصرارها على أنها تطلق منه
ندي بصدمه : معقول ملك !!!!
حازم باستغراب : ملك ؟؟
ندي : أيوه مفيش غيرها عارفه باسورد فوني بس هي ليه تعمل معايا كده وايه مصلحتها دي صاحبة عمرى 
حازم : بلاش تظلميها ياندي يمكن مش هي
ندي : ملك الوحيده ال كانت مصره أطلق منك وكمان كانت عايزاني اقولك أن بحب واحد غيرك وانا رفضت وقولتها أن اخلاقى وديني ميسمحش بكده
حازم بصدمه : معقول !!!!
ندي : معرفش معرفش انا حاسه ان تايهه بس لازم نتأكد بأي طريقه 
حازم : هتعملى ايه 
ندي : هقولك
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
ملك بشماته : ايوه بقا زمانه دلوقتي طلقها ورماها بره
كريم : انا مش عايز ندي تتأذى
ملك بضيق : انا معرفش انتو بتحبوها على ايه على فكره انا احسن منها واحلى منها بكتير
كريم : بس أخلاقها أحسن طبعا
ملك بعصبيه : قصدك ايه
كريم : ولا أقصد ها المهم الخطوه الجايه ايه 
ملك : انا دلوقتي مستنيه مكالمه منها لان عارفه هي ملهاش غيرى تشكيله لحد لما صدعتني
لسه بيتكلموا تلفونها رن برقم ندي
ملك بخبث : مش قولتلك
فتحت التلفون وقالت : ايه ياندوشه عامله ايه ياقلبي
ندي بدموع : الحقيني ياملك 
ملك بقلق مصطنع : مالك في ايه ؟؟؟
ندي : تعالي وانا هفهمك 
ملك : حاضر جايه مسافة السكه 
قفلت معاها وقالت وهي بتضحك : شوفت بقا ال قولتلك عليه حصل 
كريم : ده انتي دماغك س"م
ملك : عيب عليك استني بقا مكالمه مني لما هروح اشوفها 
كريم : اشطا
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
ملك وصلت عند ندي ودخلت وقالت : مالك يابنتي قلقتيني
ندي : شوفي الرساله دي
ملك مسكت التلفون وقالت بصدمه مصطنعه : رقم مين ده
ندي : معرفش ياملك 
ملك : وحازم شافها ؟؟
ندي : أيوه 
ملك بفرحه حاولت تداريها : وعمل ايه
ندي : مبيردش عليا خالص بس انا خايفه يفهمني غلط
ملك : طب ماهو ده ال عايزينه علشان يطلقك وتخلصى 
ندي بعصبيه : هو انتي عايزاني أطلق وخلاص هو في ايه
ملك : أيوه علشان حازم مبيحبكيش اصلا
ندي : وانتي عرفتي منين
ملك : عرفت مكان ماعرفت بقا أنتي ايه ال مزعلك دلوقتي 
ندي : هو انتي مش شايفه حاجه تزعل بقولك دي سمعتي يعني لما حازم يطلقني دلوقتي ويكون بفضيحه هكون انا مبسوطه ولا حازم ولا ماما ولا بابا يستاهلوا منى كده 
ملك بغضب : يابنتي انتي عبيطه فكرى فى نفسك بقا وبعدين ده فى واحد فى الجامعه هيموت عليكي وانتي ولا هنا وغرقانه فى حب سي حازم
ندي بصدمه. : انتي بتقولى على مين
ملك : كريم ياختي ال حاول معاكي اكتر من مره وانتي صدتيه وقال ايه مبتكلميش حد أجنبي عنك و و و. خلاص بقا اطلعي من الدور ده
ندي كانت مصدومه من كلام ملك : هو انتي بقيتي كده ليه انتي عايزه تدمريني للدرجه دي 
ملك قامت وقفت : ولا ادمرك ولا نيله انا خايفه على مصلحتك فكرى فى كلامي كويس علشان متندميش وسيبي حازم بقا لل تستحقه
قالت اخر كلامها بخبث وخرجت من البيت
ندي كانت واقفه مصدومه ودموعها نزلت من صدمتها فى ملك حازم خرج من الأوضه بعد لما سمع كل حاجه وراح عندها وضمها بحنان وقال : اظن دلوقتي عرفتي نيتها من ناحيتك
ندي بدموع : بس مكنتش أتوقع منها كده 
حازم : مفيش حد مضمون فى الزمن ده ياندي انتى ال طيبه زياده عن اللزوم انا واثق ان الواد ال اتكلمت عنه ده متفق معاها وهما ال عملوا معاكى كده 
ندي : طب ليه مخلتنيش اواجهها دلوقتي
حازم : علشان مش معاكي دليل ياناصحه اهدي بس وكل واحد هيتكشف على حقيقته
ندي بحزن : حازم متسبنيش انا محتاجاك 
حازم بابتسامه : وانا محتاجك اكتر والله 
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
ملك : عايزاك بقا تبتدي تمشي وراها وتحسسها بوجودك انا عملت ال عليا
كريم بفرحه : انتي عارفه ياملك فعلا لو ندي بقت ليا هيكون ليكي هديه حلوه اوي
ملك بخبث : انا هديتي حازم لو فوزت بيه يبقا كده خلاص 
كريم : وافرضي هو رفضك
ملك بغيظ : هتصرف ياخويا وبعدين طب ماهي ندي رفضاك
كريم : بس ندي بنت يعني اقدر ااقنعها انما حازم راجل اعتقد صعب
ملك بعصبيه : ملكش دعوه واطلع من دماغي
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
ناديه بصدمه : طب وحازم قالك ايه
ندي بحزن : حازم واثق فيا اوي وانا نفسي يفضل كده علطول لأن خايفه اي حاجه تحصل
ناديه : علشان بيحبك حازم ابن حلال ياندي اوعي تضيعيه من ايدك 
ندي : انتي ال بتقولى كده ياماما
ناديه. : أيوه يابنتي خلاص هو غلط واعتذر وبيحاول يصلح غلطه اديله فرصه الصراحه هو جه وكلمني وكفايه ياندي أن هو صدقك وواثق فيكي
ندي بتنهيده : انا تعبانه اوي ياماما 
ناديه ضمتها فى حضنها وقالت : سيبي الايام هي ال تحكم ياحبيبتى وتوكلى على الله
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
حازم كان فى شغله ومشغول جدا تلفونه رن برقم غريب
حازم : أيوه مين
ملك بخبث : انا ملك صاحبة ندي
حازم بغضب : خير وجيبتى رقمي منين
ملك : اتصرفت طبعا المهم دلوقتي عايزه اقولك أن ندي بتقابل زميلنا كريم فى كافيه
حازم بعصبيه : بقولك ايه شغل التعابين ده مش عليا انا عارف نيتك كويس من ناحية ندي
ملك ببرود : خلاص هبعتلك الصوره على الواتس واتأكد بنفسك
قالت كلامها وقفلت التلفون وبعدين بعتتله الصوره وحازم شافها واتصدم
يتبع
متنساش ان الرواية موجودة كاملة في قناة التلجرام والواتساب
↚
حازم : شوفتي صحبتك بعتت ايه
ندي مسكت التلفون واتصدمت من الصوره ال فيها هي وكريم وقاعدين فى كافيه 
ندي بدموع : هي وصلت لكده
حازم : اظن وضحت اوي هي بتحبك قد ايه
ندي : انا فعلا انسانه هبله علشان اخلى واحده زي دي صحبتي حازم انا لازم اثبتلك ان مظلومه فعلا انا عارفه دلوقتي شعورك ايه من ناحيتي ومتاكده أن فى نسبة شك دخلت جوواك وده حقك بس أرجوك خلى الثقه بينا وانا هثبتلك أن كل ده فيك وهي مركبه الصوره دي
حازم بهدوء : عارف انها صوره مركبه لان انتي عارفه ان انا دارس تكنولوجيا وبحثت وعرفت انها فيك المهم بقا دلوقتي ازاى نوقعها ونكشفها 
ندي : أنا حقيقي مش عايزه اعرفها تاني حسبي الله ونعم الوكيل لأنها عايزه تدمرنى
قالت كلامها وهي بتعيط بانهيار 
حازم طبطب عليها وقال : اوعدك حقك هيرجع
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
كريم : انا زهقت لحد الان مفيش نتيجه وكمان مطلقهاش هو فى ايه
ملك : اصبر تكسب
كريم : والله شكلك هتودينا فى داهيه
ملك : كده طب خلاص روح اتصرف انت بقا ملييش دعوه 
كريم : ياملك متزعليش بس لحد الان مفيش نتيجه
ملك : لاء احتمال كبير اوى النهارده يكون فيه نتيجه
كريم : ازاى 
ملك رفعت تلفونها وقالت : ايه رأيك فى الصوره دي
كريم بصدمه : يابنت الذينه عملتيها ازاى الصوره دي 
ملك بغرور : فوتوشوب 
كريم : وبعتيها لحازم
ملك : أيوه 
كريم : وقال ايه 
ملك : مردش بس تقريبا كده اتاكد ميه فى الميه أن هي على علاقه معاك
كريم : امممم 
ملك : خلاص هانت فاضل علي النهايه تكه 
كريم : طيب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
ندي : يلا ياماما رني علي ملك 
ناديه : حاضر 
مسكت تلفونها ورنا على رقم ملك واستنت الرد
ملك : ازيك يا طنط 
ناديه بهدوء : بقولك ياملك ينفع تيجي دلوقتي
ملك باستغراب : ليه ؟؟
ناديه : ندي عايزاكي ضرورى
ملك بفرحه حاولت تداريها قالت : هي عند حضرتك
ناديه : أيوه متتأخريش بقا 
ملك : حاضر مسافة السكه
ناديه قفلت التلفون وبصت لبنتها وقالت : هتعملى ايه
ندي بدموع : لازم تواجهيها انتي عارفه ياماما لو العالم كله كان قالى أن ملك دي وحشه عمرى ماكنت صدقت ابدا إنما أنا شوفت بنفسي وعيني انا فعلا اتصدمت فيها انا حاسه ان تايهه
ناديه طبطبت عليها وقالت : حبيبتى احنا عايشين علشان نقابل ناس ونشوف اشكال والوان واكيد هنتصدم فى ناس بس تعرفى طالما ربنا كشفها ليكي أن كده بيحبك علشان متفضليش طول حياتك معميه عن الحقيقه احمدي ربنا على النعمه دي
ندي : الحمد لله الحمد لله
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
ملك : خير ياندي
ندي : انا فكرت فى ال انتي قولتهولى كويس
ملك بخبث : وقررتي ايه ؟؟
ندي : هطلق طبعا تخيلى أن فى ناس ولاد حرام بيبعتوا صور ليا لحازم وانا فى الكافيه مع واحد
ملك بصدمه مصطنعه : وحصل ايه
ندي : ليه ياملك ؟
ملك باستغراب : ليه ايه ؟
ندي بعصبيه : ليه تعملى فيا كده ليه عايزه تدمرى حياتي وتاخدي مني جوزي وعايزاني أطلق منه ليه انتي بالسواد ده انا عمرى ماكنت اشك فيكى لحظة انك كده ياملك لييييييه انطقي
فى الوقت ده حازم دخل 
ملك بغل : علشان بكر"هك وبحب حازم جوزك 
ندي فتحت عيونها بصدمه وحازم اتصدم من كلامها 
ملك كملت كلامها وقالت ببجاحه : ولو مبعدتيش عن حازم انا هدمرك وهدمر حياتك كلها وهفضحك ياندي انتي فااااهممه
يتبع
متنساش ان الرواية موجودة كاملة في قناة التلجرام والواتساب
↚
ندي بغضب : انتي مريضه ازاى عايزه تاخدي حازم مني و بتهدديني كمان
ملك بتريقه : اعتبريها زي مانتي عايزه ده ال عندي
حازم خرج وقال بسخريه : وهو انا لعبه فى ايدك علشان تاخديني منها بسهوله كده 
ملك بصدمه : انت هنا !!!! انتم عاملين ليا كمين ولا ايه
ندي بسخريه : انتي أحقر واحده انا شوفتها فى حياتي ازاى قدرتي تخدعيني كده 
ملك : مخدعتكيش ده حقي أن أحب حد واحاول ادافع عنه
ندي بعصبيه : انتي ازاى بالبجا"حه دي بتقولى انك بتحبي حازم جوزي انا انتي مش خايفه من ال انتي بتعمليه خافى ربنا حتي ياشيخه
ملك بسخريه : وانتي مين علشان اتغير علشانك انا بكر"هك ياندي بكر"هك ولو اطول احر"ق قلبك واعيشك عمرك كله حزينه هعملها
حازم بغضب : احترمي نفسك والزمي حدودك علشان هبلغ الشرطه دلوقتي
ملك : ندي مش بتحبك طول عمرها متملكه نفسها تاخد كل حاجه مني هي عارفه أن بحبك علشان كده خدتك مني انا بحبك من قبلها انا ال عايزاك مش هي فوق بقا
حازم بعصبيه : اخرسي بقا بطلى قرف انتي مش مكسوفه من نفسك
ندي بدموع : بتتكسف ؟؟ هي دي بتتكسف انت مش شايف البجاحه ال بتتكلم بيها 
ملك بغل: ولسه انتي شوفتي حاجه ده انا هسلمك لكريم تسليم أهالى 
حازم : بررررره
ملك ضحكت بشر وقالت : هطلع بره بس مش هرحمك ياندي انتي فاااااهمه
قالت كلامها وخرجت ورزعت الباب
حازم قرب على ندي واخدها فى حضنه وقال : متقلقيش ياحبيبتى انا معاكي ومحدش هيقدر يأذيكي
ندي بدموع : انا خايفه اوي ياحازم
حازم حاول يطمنها وهو متوتر وقلقان عليها جدا وبيتوعد لكريم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
كريم : نعمممم ياختي ازاى تجيبي سيرتي فى الموضوع
ملك بغضب : هومش انت مشترك معايا فى كل ده
كريم : اه بس مكنتش اعرف انك هتتكشفى بالسهولة دي وبعدين انا اه عايز ندي بس عايز حياتي ياماما 
ملك : انت عيل واطي يلا 
كريم : أيوه واطي حازم دلوقتي مش هيسيبني انتي عارفه ان ليه نفوذه ومش هيرحمني
ملك : يعني انت مش هتساعدني
كريم : لاء
ملك : اتقى شري ياكريم
كريم بسخريه : خوفت انا كده ؟؟ المفروض انتي ال تخافى من ال هيحصلك
ملك : ومين هيقدر بقا ياخويا يكونش ندي ولا حاجه ؟ دي جبانه
كريم : انا قولتلك اهو انا مليش دعوه بأي حاجه خااااالص اطلعى من دماغي بقاااا
ملك : بقا كده
كريم : أيوه وامسحي رقمي من عندك خالص وهسافر واسيبلك البلد كلها
ملك : طيب غوووور
كريم بصلها بقرف وقال : معرفه هباب
سابها ومشي
ملك بغضب : هعمل ايه انا دلوقتي انا بقيت لوحدي
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
بعد يومين
ندي كانت عند والدتها وفجأه جالها رساله ومكتوب فيها (زوجك فى المستشفى عامل حاد"ثه وحالته خطر العنوان مستشفى......" )
ندي اتصدمت ودموعها نزلت وقامت بسرعه لبست ونزلت تجرى من البيت وهي نازله ومشيت فى اخر الشارع كان الوقت متأخر وفجأه شوية ستات طلعوا عليها ووقعوها على الأرض وفضلوا يضر"بوا فيها بشده لحد لما فقدت الوعي
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
ناديه بدموع : شوفت ال حصل لبنتي ياحازم 
حازم بحزن : انا معرفش لو مكنتش وصلت ولحقتها كان ايه ال حصل معقول ده كله يحصل
جمال: لازم تعملوا محضر فى البت ال اسمها ملك دي هي والواد ال معاها
حازم : انا عملت كده فعلا والظابط هيجي يحقق كمان شويه بس لما ندي تفوق
الدكتوره خرجت وقالت : المدام فاقت وعايزه تشوفكم
كلهم دخلوا عندها وحازم شدها فى حضنه وقال بحزن وندم : حقك عليا ياحبيبتى أن سيبتك لوحدك سامحيني
ندي بدموع : انت كويس ياحازم فى رساله جت كان فيها انك عامل حاد"ثه
حازم بصدمه : ده بجد
ندي : أيوه وانا اترعبت عليك ونزلت اجرى والستات دي قابلتني
ناديه بدموع : اهدي يابنتي ياحبيبتى حسبي الله ونعم الوكيل فيكي ياملك يابنت فوئيه ربنا ينتقم منك
جمال : الحمد لله انك بخير يابنتي
الظابط خبط ودخل وقال : اقدر احقق معاكي دلوقتي
ندي : اتفضل 
الظابط بهدوء : تتهني مين ال عمل فيكي كده 
ندي : ملك سيد
الظابط : والدليل
اناديه : جت وهددتها قدامنا كلنا من يومين
الظابط : ده حصل
حازم : أيوه وانا شاهد ومعايا تسجيل كمان
طلع تلفونه وسمع الظابط لما كانت ملك بتهدد ندي
الظابط : العنوان ايه ؟
ندي : شارع ........."
الظابط : تمام احنا هنتعامل معاها عن أذنكم
الظابط خرج وندي نامت علي السرير بوجع من الألم ال فى جسمها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بعد يومين الحكومه قبضت على ملك وهي كانت بتنكر ومع الضغط وسمعت التسجيل اعترفت واتحبست بتهمة الشروع فى الق"تل وقبضوا على الستات ال اعت"دوا عليها وكريم هرب وسافر بره البلد
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله 
حازم : أخيرا خلصنا منهم
ندي : الحمد لله حازم انا كنت محتاجه اتكلم معاك
حازم : اتفضلي ياندي
ندي : هو انت هطلقني ؟؟
حازم : انتي عايزه تطلقى
ندي بدموع : لاء 
حازم مسح دموعها وقال بحنان : طب بتعيطى ليه دلوقتي 
ندي بدموع : علشان خايفه تسيبني انا عارفه ان عاملتك وحش جدا وكنت بتستحمل وفى أصعب الظروف وقفت جمبي وصدقتني ووثقت فيا رغم أن كل حاجه كانت بتثبت العكس انت غلطت وانا غلطت هنعيش من جديد احنا لينا فرصه
حازم بابتسامه : اخيرا طلعتي من تمردك شويه وحنيتي عليا
ده انا يوم الهنا لما اكمل حياتي معاكى
ندي بفرحه : يعني موافق
حازم : دي أمنية حياتي يامغلباني
ندي بفرحه حضنته
حازم بضحك : انتي كده تتحسدي
ندي بخجل : ليه
حازم : لاء اتكسفتي ليه خليكي على وضعك
ندي ابتسمت برقه 
حازم بحب : بحبك
ندي : وانا كمان
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
بعد مرور سنه
ناديه بفرحه : مبروك يابنتي مبروك ياحازم تتربي فى عزكم يارب
ندي وحازم بابتسامه : الله يبارك فيكي
جمال : هتسموها ايه بقا
حازم : انا هسميها ندي علشان يبقا عندي واحده صغيره وواحده كبيره
ندي بغيظ : بس انا الاساس يابابا
حازم بضحك : طبعا ياقلبي
ندي بضحك : أيوه كده
حازم بحب : ربنا يخليكم ليا يارب
ندي بحب : ويخليك لينا ياحبيبي
تمت بحمد الله

تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -