رواية حب وكبرياء كاملة جميع الفصول بقلم الاء محمد

رواية حب وكبرياء كاملة جميع الفصول هى رواية من تأليف المؤلفة المميزة الاء محمد رواية حب وكبرياء كاملة جميع الفصول صدرت لاول مرة على فيسبوك الشهير رواية حب وكبرياء كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية حب وكبرياء كاملة جميع الفصول

رواية حب وكبرياء كاملة جميع الفصول

...كان قاعد في الريسبشن و هو مبسوط .. اخيرا حقق حلمه واتجوز البنت اللي بيحبها من زمان .. مازن الادهم عنده ٢٩ سنه .. 

شاب محترم جدا و ناجح في شغله وبيحب بنت عمه هاجر من زمان اوي .. 

فاق من سرحانه أما حس انها اتاخرت اوي .. قام وقرب من الاوضه وخبط بحذر ..

مازن / هاجر .. حبيبتي انتي تمام ؟ 

....ملقاش رد منها ف قلق اكتر وفتح الباب .. لقاها قاعده علي السرير لابسه فستان لايق عليها اوي و متوترة و بتفرك في ايدها .. قرب منها بابتسامة ..

..مازن / طيب أما خلصتي مندتيش عليا ليه ! هاجر مالك يا حبيبتي انتي مكسوفه مني و لا ايه ! 

....هاجر بصتله بضيق ف قرب منها و حضنها .. فجأة هاجر زقته .. 

هاجر بفضب / ابعد عني .. مستحيل تقرب مني فاهم ..

....مازن ضحك / طيب طيب .. تعالي ناكل لقمه و نبقي نشوف الموضوع ده ..

....هاجر / برضه بتضحك .. طيب خليني اقولهالك صريحه .. مازن .. لازم تعرف اني اصلا مكونتش موافقه علي الجوازة دي .. 

مازن ابتسامته اختفت / نعم ! مش فاهم أنتي قصدك ايه ! 

هاجر بدموع / يعني مكونتش موافقه عليك و لا عيزاك واهلي كان ممكن يسمعوا مني لولا اصرارك اننا نتجوز دلوقتي .. انت ضيعت مستقبلي وحلم حياتي اني ادخل الجامعه .. 

مازن بصدمه / مستقبلك ! وهي الجامعه مستقبلك .. انتي مستقبلك يا هانم في بيت جوزك و تربية أولادك .. 

هاجر/ ده بالنسبالك انت .. انا كانت احلامي غير وانت ضيعتها .. 

....مازن قرب منها / هاجر انا بحبك و صممت نتجوز دلوقتي لاني عايز اكون معاكي ..مقدرتش اصبر اكتر من كده

......هاجر بعدت / اديك قولتها .. انت اللي عايز .. انت اللي بتتمني .. لكن انا مليش اي اعتبار عندك .. انت اناني اوي يا مازن

 و صدقني لو رجع بيا الزمن لورا حتي نظرة الإعجاب اللي كانت ف عنيا ليك كنت هخفيها .. 

.....مازن بعصبية / كل ده عشان الجامعة .. وبعدين كنتي هتطلعي ايه يعني .. برضه كنتي هتخلصي و تقعدي في البيت ..

......هاجر اتحركت في الاوضه بزعل و بدموع / عارفه بس علي الاقل هكون حققت حلمي .. ياريتني ما كنت قبلت حتي انك تتكلم معايا .. ياريتك ما كنت موجود يا مازن ..

.....مازن مكنش مصدق كلامها .. كان حاسس انه في حلم سخيف و هيقوم منه .. هاجر حبيبته .. اكتر حاجة كان بيتمناها في الدنيا و بيطلب من ربنا في كل صلاة يرزقه بيها ..وتبقى من نصيبه

 تبقي كرهاه بالشكل ده .. خرج من إلاوضه و قعد في الريسبشن و دموعه بتنزل .. حط ايده علي دماغه بتعب .. 

......فات الليل و طلع الصبح ومازن لسه علي الحال ده .. بص حواليه وقام دخل الاوضه لقي هاجر نايمه علي الارض و دموعها مغرقه وشها .. 

شالها و حطها علي السرير و مسحلها دموعها .. فضل بصصلها بحزن .. شوية وقام غير هدومه و نام جنبها و اخدها في حضنه .. 

.....بعد وقت هاجر صحيت و اتفاجئت اما لقيت مازن جنبها .. قامت بخضه من جنبه لدرجة ان مازن قلق .. 

مازن / هاجر  .. مالك! 

هاجر بخوف / انت نايم هنا من امتي .. 

.....مازن فهم قصدها و خوفها سببه ايه / متقلقيش يا هاجر .. محصلش حاجة .. مش انا اللي اعمل كده في مراتي .. 

....مازن قرب منها و قال بهمس / أنا هسيبك براحتك يا هاجر .. مش هجبرك علي اي حاجه .. بس انا واثق ان انتي اللي هتيجي بكيفك و بأرادتك و هتطلبي مني أن جوازنا يبقي رسمي .. 

هاجر / ده في أحلامك يا مازن .. فاهم .. في أحلامك..

وعمرك ما هتقرب منى فاهم

.....مازن/ هنشوف .. يلا البسي كلها شوية واهلنا جايين واياكي حد يعرف حاجة .. 

......هاجر دخلت الحمام وغيرت لبسها و خرجت حضرت الفطار .. قعدت اكلت وهي متجاهلة مازن خالص .. مازن بصلها ..

......مازن / انتي معملتيش حسابي في الفطار ولا ايه ؟!

......هاجر/ لا وانا مالي .. اسمع يا مازن اوعي تتعامل معايا علي اني مراتك فعلا .. 

لاني مستحيل ده يحصل ان اخرك معايا اعتبرك زميل سكن غير كده تنسي ..

مازن ضحك / زميل سكن ! و ماله .. بس مترجعيش تعيطي انتي .. 

......هاجر خلصت الأكل و قامت للمطبخ عملت نسكافيه و لسه هتخرج لقيت الباب بيخبط .. لسه هتفتح .. 

مازن مسكها جامد / خشي انتي جوا لازم محدش يشك في حاجة .. 

.....هاجر دخلت الاوضه وفضلت قاعده و هي مضايقه ..

 رغم ان اللي عمله مازن خلاها تحترمه جدا بس لسه مش عارفه تتقبله ولا عارفه تتقبل وجوده .. شوية و لقيت مامتها و مامته دخلين عليها الاوضه وهما مبسوطين و بيزغرطوا ..

.... والدتها ( نجوي ) / الف مبروك يا هجورة .. ربنا يسعدكم يا قلبى  .

....والده مازن ( أميمه ) / ربنا يهدي سركم يا بنتي و يرزقكم بالخلف الصالح .. 

.....هاجر ابتسمت ليهم واتكلمت معاهم و شوية وخرجوا كلهم قعدوا مع مازن و الده و عمه ..

 كانوا كلهم بيتكلموا و بيضحكوا الا هي كانت في عالم تاني خالص .. حاسه ان كل دول مبسوطين علي حسابها و حساب حلمها .. 

والدها اخد باله من حزنها اللي باين في عنيها ..

و الد هاجر / مالك يا حبيبتي ساكته ليه ! 

هاجر / ابدا يا بابا بسمعكوا ..

والد هاجر / طيب احنا نمشي احنا بقي .. 

مازن / خليكوا معانا يا عمي .. نتغدي سوا .. 

والد مازن / لا يا مازن .. احنا يدوبك نلحق شغلنا .. يلا يا ابو هاجر .. 

......اهلهم مشيوا و هاجر دخلت اوضه النوم وقفلتها عليها .. كانت زعلانه اوي علي حلمها و الاكتر ان الكل مستهون بحلمها ده وشايفه ملوش دعوة .. لقيت مازن بيدخل الاوضه و بيغير التيشرت بتاعه ..

.....هاجر شهقت / انت يا بني آدم انت .. ما تدخل تغير في الحمام ولا اوضه تانيه ..ازاى تقلع قدامى كده ...مفيش كسوف خالص 

مازن بلامبالاة/ أما يكون فيه حد غريب حاضر .. 

.....غير لبسه و تجاهل نظرات الغضب في عينها و انها سابت الاوضه و خرجت ..

 مسك التليفون شوية و بعت مسدجات لحد و بعدين خرج برا الاوضه 

لقي هاجر قاعده بتتفرج علي التلفزيون .. 

اخد المفاتيح من غير ما يبصلها و نزل .. اخد عربيته وراح لكافيه .. دخل وكان صاحبه مستنيه .. 

مازن / معلش اتاخرت عليك .. 

ياسر / ولا يهمك يسطا بس مالك ..

.....مازن / قلبي وجعني يا ياسر .. تخيل البنت اللي طول عمري بحبها وكنت براعي ربنا فيها لدرجة كنت بستحرم ابصلها تطلع بتكرهني بالشكل ده ..

ياسر / مش فاهم حاجة منك .. اهدي و عرفني فيه ايه ! 

مازن حكاله اللي حصل ..

.....مازن / هتجنن والله .. مش عارف اتصرف معاها ازاي ومرضتش اقول لحد من أهلنا عشان هيجبروها وانا مستحيل اكون معاها غصب عنها .

ياسر بتفكير / بص هي ممكن يكون عندها حق .. انت اصلا ليه عجلت بالجواز كده ..

......مازن / بصراحه عرفت انها معجبة بيا وانت عارف اني بحبها اوي 

ف انتهزت الفرصه و اتقدمت .. هي وافقت بس مكنتش تعرف اني اتفقت مع عمي اننا نكتب الكتاب بعد شهر والفرح بعده بشهر .. 

......ياسر / ما انت غلطان يا صاحبي .. انت حرفيا غفلتها وهي عندها حق .. عموما حاول معاها وكله بالحنيه بيفك .. 

.....أما هاجر كانت قاعده في البيت حاسه انها في سجن .. رغم ان البيت واسع اوي وكبير بس كانت حاسه انه ضيق اوي لدرجة انه كابس علي نفسها .. خرجت قعدت في الجنينة الصغيرة اللي عملوها في البيت .. من صغرها و هي بتحلم بيتها يبقي فيه جنينة مليانه ورد و زهور و ريحان .. فات وقت كانت مبسوطة فيه والهوا بيخبط في وشها .. بصت في الساعه لقيتها بقيت ١٢ و مازن لسه مرجعش .. فضلت تفرك في مكانها و هي مش مرتاحه خالص .. 

.....هاجر/ هو فيه ايه ! ليه الفرك ده يا هاجر ! وانا مالي ما يرجع وقت ما يرجع .. ده حتي كده احسن عشان مشوفوش قدامي كتير كده .. أما اقوم أعمل فشار ..

.....قامت دخلت البيت عملت فشار و مسكت الفون وشغلت فيلم بس مكنتش مركزة فيه خالص .. مازن كان مستحوز علي تفكيرها

 بس هي كانت اضعف من انها تواجه نفسها .. فات وقت ومازن رجع .. 

مازن دخل البيت و اتفاجي انها قاعده في الجنينة .. قعد جنبها وفضل ساكت بيبصلها بس .. قد ايه هي جميلة و لطيفه بس عنيدة و دماغها حجر ..

مازن قطع الصمت / اسف اتاخرت عليكي ..

.....هاجر / والله اتاخرت ! مخدتش بالي خالص وعموما براحتك انا مش فارق معايا ..

.....مازن اضايق من طريقتها بس مبينش / طيب ما حابه ننزل نخرج شوية او نعمل اي حاجه . 

.....هاجر / لا خااص .. لو انت عايز تنزل انزل .. قولتلك انا مش فارق معايا .. ولو سمحت بلاش تكلمني اعتبرني مش موجوده زي ما انا معتبراك مش موجود  .. 

كلامها وجعه اوي وحسسه انه فارض نفسه عليها .. و في لحظه قرر قرار هقلب حياته كلها .. 

.....مازن / تمام طالما كده بقي مظنش هيبقي عندك مانع لو اتجوزت ..

هاجر بصتله بصدمه / تتجوز ! 

.....مازن/ اه اتجوز .. واجيبها تعيش معايا هنا .. طالما أنك مش عيزاني .. ولو عايزة تطلقي اطلقك ..

.....هاجر وقفت بعصبيه / أنت فعلا مش فارق معايا بس انا سمعتي تهمني .. واهلي كمان هيحصلهم ايه أما يعرفوا ان بنتهم اتطلقت بعد يومين جواز ..

مازن/ خلاص بلاش طلاق .. خليكي .. 

.....مازن قام و دخل الشقه وقفل اوضته عليه كان زعلان اوي ان هاجر من فارق معاها اي حاجه كده ومستعده تبيع اي حد ..

مازن / ااه يا هاجر لو كان قلبي بأيدي .. عمري ما كنت هحبك ولا اضعف قدامك بالشكل ده .. ياريت اقدر اخرجك برايا .. ياريت اقدر انساكي .. 

نام من كتر التفكير وتاني يوم صحي من النوم دخل الحمام .. غسل وشه ولسه هيخرج حس ان دقنه محتاجة تتظبط .. مسك المكنه ولسه هيشغلها لقي هاجر خارجه من ورا ستارة البانيو ولابسه البرنص وهي مش واخده بالها منه .. واول ما شافته اتخضت ..

هاجر/ انت ازاي تدخل كده .. مش تخبط .

مازن بصلها و سرح في جمالها / مختش بالي .. وبعدين انتي اللي مش قافله الباب كويس ليه .. و لأول تكونيش كنتي عيزاني ادخل اصلا ..

هاجر بتوتر / عادي يعني نسيت .. 

لسه هتخرج لقيت مازن قرب منها ومسكها من وسطها .. 

مازن بخبث / خليكي .. ايه رأيك تساعديني اخد شاور .

هاجر اتكسفت / نعم .. انت اتجننت ولا ليه ! قليل الادب .. اوعي كده سيبني ..

حاولت تبعد عنه و تزقه بس مقدرتش لانه كان مسكها جامد .. 

مازن / زي ما بيقولوا دخول الحمام مش زي خروجه ..  وبعدين جربي يمكن تتبسطي ..

مازن قرب ولسه هيبوسها هاجر دموعها نزلت و فضلت تعيط بصوت عالي .. مازن اتصدم و اتضايق من رد فعلها .. مكنش متوقع انها هتنهار كده .. سابها بسرعه وهي جريت علي اوضتها وفضلت تعيط بحرج و خوف .. مازن خرج من الحمام وفضل قاعد في الريسبشن ..

مازن بضيق / حمار .. ازاي عملت كده .. ازاي خوفتها منك كده .. اهي دلوقتي مستحيل تثق قيك تاني ولا تقرب حتي خطوة ..

مازن فضل قاعد بيلوم نفسه لحد ما تتفاجئ بهاجر خارجه من الاوضه ومعاها شنطه هدومها ..

مازن قام وقف / انتي رايحه فين ..

 هاجر / ماشيه .. ماشيه من هنا انا مش هقعد معاك دقيقه واحده بعد كده ..

 مازن / هاجر لمي الدور وخش اوضتك هاجر مش هدخل انا همشي ..

هاجر/ لا .. أنا خايفه منك ومقدرش اقعد معاك .. مضمنش تعمل فيا ايه ..

 مازن بعصبية / انا لو كنت عايزه اعمل حاجه كنت عملتها لكن انا راجل اعرف الاصول ومش انا اللي اكبر مراتي على حاجه زي دي ..

هاجر / لو كنت تعرف الاصول مكنتش اتجوزت واحده بالطريقه دي مكنتش خطبتني وبعدها بشهرين اتجوزتني تحت ضغط من اهلي عشان عارف ان انا مش هعرف ارفض طلبهم .. 

مازن / متختبريش صبري اكتر من كده وتعاندي معايا ادخلي اوضتك احسنلك ..  لازم تعرفي ان طول ما انا عايش انتي مش هتمشي من هنا خلاص يا حلوه انت اسمك اتكتب على اسمي وانا مبسيبش حاجه اتكتبت على اسمي مهما كانت الظروف ..

هاجر/ عمري ما هكون علي اسمك .. ممكن علي الورق اه لكن فعليا مش هيحصل حتي لو انت اخر راجل في الدنيا ..

مازن مسكها جامد / ادخلي الاوضه بقولك يلا .. وديني يا هاجر لو معديتي اليوم ده علي خير مش هيحصل كويس ..

هاجر دخلت الاوضه و شوية وسمعت باب الشقه اتقفل ف عرفت ان مازن خرج .. غيرت هدومها و قررت تنزل تتمشي شوية .. راحت مول قريب لبيتها و دخلت محل شيك اوي وفضلت تبص على اللبس بانبهار .. شوية و تليفونها رن كان مازن .. 

مازن/ انتي فين يا هانم ..

 هاجر / انا بره بشتري حاجات من المول اللي جنب البيت ..

مازن / انت في انهي محل بالظبط انا جايلك ..

هاجر وصفتله المحل ودخلت تقيس كذا حاجه شويه ومازن وصل ودخل المحل .. 

مازن / لو سمحتي في مدام جوه هنا بتقيس حاجه  دي مراتي .. ممكن تستعجليها .. 

البياعه / ايوه يافندم هي بقالها شويه وانا هقولها ان حضرتك موجود ..

 مازن فضل قاعد مستنيها .. شويه وهاجر خرجت وكانت لابسه فستان قصير جدا وعريان  لدرجه ان كل الشباب اللي في المحل بصوا عليها بانبهار .. مازن اول ما شافها اتصدم وحس ان دمه بيغلي قرب منها بسرعه و وقف قدامها عشان يداريها عن عيون الشباب ..

مازن / اللي انتي لابساه ده ..

 هاجر / عادي يعني فستان حلو وعجبني ايه رايك اخده ..

مازن قرب منها / اقسم بالله لو ما دخلتي فورا وغيرتي الفستان ده مش هتشوفي الشارع تاني سامعه يا هاجر ادخلي غيري الزفت ده بسرعه ويلا عشان نمشي ..

هاجر دخلت وهي متعصبه منه ومن طريقته .. مكنتش فاهمه ليه بيأمرها كده .. دا حتي معتزرش عن اللي عمله الصبح .. قررت انها هتاخد الفستان بالعند فيه .. خرجت وهي مسكاه ..

هاجر للبياعه/ لو سمحتي انا هاخده .. ياريت تحطيه في شنطه .

البنت / تحت أمرك يافندم .. 

مازن فهم انها بتعانده كالعاده .. 

مازن / لو عايزه تاخديه خذيه بس لازم تعرفي ان ده مش هيتلبس بره اوضه النوم .. 

هاجر / نعم انت بتقول ايه ده فستان سواريه .

 مازن /  والله هو ده اللي عندي .. يلا اتفضلي عشان نحاسب و نمشي و فرحانه بنظرة الشباب ليكي .. 

هاجر بصتله بضيق و فعلا اخدوا الفستان و مشيوا .. كانت ساكته و مضايقه طول الطريق .. بس قررت تستفزه و تضايقه اول ما روحت دخلت اوضتها ولبست الفستان و حطت ميكب وخرجت .. مازن اول ما شافها اتصدم من جمالها اللي كان ظاهر اوي بس هو مخدش باله عشان كان متضايق من نظرات الناس ..

هاجر قعدت جنبه / هتاكل .. انا هطلب برجر و بطاطس ..

مازن بلع ريقه/ لا مش عايز انا هدخل اوضتي .. 

هاجر ضحكت/ للدرجادي انت ضعيف ومش قادر تسيطر علي نفسك لدرجة انك بتهرب .. مكنتش اعرف انك كده .. 

مازن بصلها / انا لو ضعيف ف للأسف عشان بحبك .. أما بالنسبالك بقي صدقيني يا هاجر انتي ضعيفه و غبية لدرجة انك عيطي الصبح عشان عارفه اني هتحمل دموعك ..

هاجر وقفت/ لا انا عيطت لاني حسيت انك بتحاول وانا رافضه بتغصبني يعني وانا مش عايزه كده وصدقني انت لو اخر راجل في الدنيا مش هفكر فيك ولا هضعف قدامك ..

كلامها كان القشه اللي جابت من الاخر و قسمت روحه .. بصلها بعدم تصديق و دخل اوضته و هو مقرر انه هيتجوز و يعرفها ان هي كمان مش فارقه معاه و يقدر يدوس علي قلبه .. 

فات يومين بالظبط و كان مازن داخل البيت و هو مبتسم ...

مازن / اتفضلي يا سارة ..

سارة ابتسمت بكسوف ولسه هترد لقيت هاجر خرجت من الاوضه و بصالها بصدمه ..  

......مازن بخبث / تعالي يا هاجر .. اعرفك ب سارة مراتي ..

يتبع ..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

هاجر فضلت واقفه بصالهم و مش مدية اي رد فعل .. فاقت علي صوت سارة ..

سارة بكسوف / ده بيتك ! شكله حلو اوي .. 

......مازن ابتسم/ تسلميلي .. لو حابه تغيري اي حاجة فيه قوليلي .. تعالي اوريكي اوضتنا .. بعد اذنك يا هاجر في عشا في المطبخ ممكن تجهزيه عقبال ما أفرج سارة علي الشقه ..

.....مازن مستناش ردها و اخد سارة و دخلوا الاوضه وقفل عليهم .. أما هاجر كانت واقفه مكانها مصدومه..

 مكنتش متخيلة ان مازن فعلا يتجوز عليها كانت فكراه بيهددها بس 

لكن اتفاجئت انو نفذ .. خرجت من صدمتها أما سمعت صوت ضحكتهم سوا .. 

.....هاجر لنفسها / فيها ايه ما يتجوز وانا مالي واصلا انا مش بحبه ولا بطيقه .. 

.....اتحركت و دخلت المطبخ جهزت الأكل و خرجته .. قربت من الاوضه ولسه هتخبط سمعتهم بيتكلموا و بيضحكوا .. خبطت و مازن فتح ..

هاجر بتوتر / الأكل .. الأكل جاهز ..

مازن / شكرا .. ياريت متضايقيش لو صوتنا علي شوية .. 

هاجر بتردد / لا .. لا يعني واتضايق ليه ! خدوا راحتكم .. 

......هاجر سابته و دخلت اوضتها بس مكنتش مرتاحه .. كانت حاسه انها مخنوقه و نفسها تعترض و تقول لا .. فضلت رايحه جايه في الاوضه وهي مش عارفه تعمل ايه لحد ما جتلها فكرة .. 

.....أما في اوضه مازن .. كان قاعد بحرج قدام سارة اللي بتبصله بحب واضح اوي ..

زهرة / تحب ننام يا مازن .. 

.....مازن بصلها وابتسم / ياريت بس ناكل الأول .. يلا ..

.....قعدوا ياكلوا و هما بيتكلموا بهدوء .. لفت نظر مازن رقه و احترام سارة .

. كانت مبتسمه و بتضحك بخفه .. كان نفسه هاجر تكون كده بس للأسف هي مش كده .. 

لو كان قلبه بايده كان اختار سارة مش هاجر .. فجأة وهما بيتكلموا لقي هاجر بتخبط عليه .. 

مازن / ايوا يا هاجر! 

.....هاجر/ اصل .. يعني .. اصل فيه حاجة غريبة في الاوضه ..انا سامعه صوت غريب .. 

مازن بقلق / صوت ايه .. 

....هاجر/ مش عارفه ممكن تيجي معايا لو سمحت .. أنا خايفه اوي .. 

.....مازن بصلها باستغراب وفهم ايه اللي بتعمله .. ابتسم بخبث ..

.....مازن / انا اسف يا هاجر .. مقدرش اسيب مراتي و اجي .. انتي عارفه بقي دي ليلة دخلتنا ..و محدش بيسيب عروسته كده خصوصا انها بتحبني و بتحاول ترضيني .. 

......هاجر بغيظ / ماشي بس انا كمان مراتك وليا حقوق .. وانت المفروض تعدل بينا ..

......

مازن / انتي اخر واحده تتكلم في موضوع الحقوق ده .. بعد اذنك بقي ..وبعدين مش دى كانت رغبتك

......مازن قفل الباب في وشها و دخل تاني .. فضلت واقفه مكانها بصدمه .. 

مكنتش متخيلة ان مازن يبقي قاسي كده معاها رغم أنه بيحبها ..

 قعدت في الريسبشن و دموعها نزلت .. كان جواها نار مش عارفه تتغلب عليها .. 

تاني يوم صحيت من النوم و خرجت من اوضتها وجت تدخل الحمام اتفاجئت ب مازن خارج منه .. بصتله وجت تدخل مسكها من ايدها .. 

......مازن ابتسم / مفيش مبروك ولا صباحيه مباركه ولا اي حاجة .. 

هاجر بلعت ريقها / مبروك .. 

....مازن / الله يبارك فيكي .. ممكن بعد اذنك بقي تظبطي الحمام كده عشان مراتي تاخد شاور .. اصلها مرهقه اوي ..

.....هاجر بصتله / وانا مالي انا .. هي تقوم تعمل لنفسها .. 

......مازن / معلش اصلها عروسة بقي و كده .. انتي مش هتفهمي ده .. 

.....هاجر/ مازن .. بطل تستفزني .. انا صحيح مش فارق معايا بس بطل حركاتك دي وكأنك عايز تثبت اني غيرانه ..

......مازن/ لا خالص انا مش عايز اثبت حاجة .. انا بس بطلب مساعدتك و عارف انك مش هتغيري .. اكيد مش هتغيري .. 

.....هاجر بتحدي / ايوا مش هغير .. و هوضب الحمام عشان اثبتلك وهعملكم اكل كمان .. 

مازن / مستني .. أما نشوف .. 

.....هاجر كانت حاسه ان مازن هينتصر عليها ف قررت تعمل ده عشان تثبتله انها مش بتحبه 

و مش بتغير .. كانت بتعمل الأكل وهي بتغلي من جواها و بتلعن الظروف اللي حطتها في الموقف ده .. 

.....أما عند مازن في اوضته .. كانت سارة مستغربة هدوءه و سرحانه .. قربت منه ..

سارة / مازن .. انت فيه حاجة مضيقاك .. 

....مازن / لا ابدا .. انا بس حاسس اني تعبان و مصدع ..

سارة بقلق / طيب تخب نروح لدكتور او اجبلك دوا ..

مازن / لا شكرا يا ساره .. تحبي ننزل نتمشى شويه ..

..... سارة ابتسمت بحماس/ ياريت .. انت عارف انا بحلم باليوم اللي هنزل معاك فيه قدام كل الناس وانا ماسكه ايدك

 من قد ايه ! انا بحبك اوي يا مازن .. 

بس انت ال مكنتش حاسس بيا

......الكلام صدمه اوي .. كان عارف انها يتحبه بس مكنش يتخيل انها بتحبه كده .. حس بالذنب لانه مش قادر يتعامل معاها ك زوجه .. 

.....مازن / يبقي ننزل .. جهزي نفسك يلا ..

فات وقت وكانوا خارجين من اوضتهم .. و هاجر كانت بتحط الأكل علي السفرة ..

هاجر/ انا عملت الأكل يا مازن ..

.....مازن / لا بعدين بقي يا هاجر .. انا و سارة نازلين نتفسح شوية و كده واحتمال نتعشي برا .. كلي انتي ..

......اخد سارة و نزلوا تحت نظرات هاجر اللي كلها وجع و غيرة .. دموعها نزلت .. 

......هاجر قعدت علي الركنه/ انا ليه كده .. ليه ببقي متغاظه كل ما اشوفه معاها .. ليه وانا بعمل الأكل دموعي مبطلتش تنزل .. 

ليه ! انا اكيد مش بحبه .. اكيد كل ده غيرة لمجرد ان فيه واحده غيري ف حياته .. طيب لو بحبه ! ليه رفضته .. انا تعبانه اوي ..

......فضلت تفكر و هي مش لاقيه اي إجابة علي كل اسألتها .. الإجابة الوحيدة المنطقيه بالنسبالها هي انها بتحبه بس رفضت تعترف بده ..

 حلمها و مستقبلها كانوا عندها اهم من اي حاجة حتي لو كان مازن .. افتكرت هي كانت معجبة قد ايه .. 

فلاااش ..

.....كانت قاعده في الدرس بتاعها و معاها صحبتها الوحيدة شيماء .. 

شيماء / مالك يا بت عامله كده ليه ..

.....هاجر/ اصلي شوفت مازن ابن عمي وانا جايه .. كان لابس بدلة شيك اوي .. هيييح كان قمر في ليله هادية و فيها سحاب كتير ..

....شيماء/ الله الله .. ايه الهيام ده كله .. انتي بتحبيه يا بت ولا ايه ..

....هاجر اتخضت / احبه ! لا طبعا .. انتي بتقولي ايه ! 

شيماء / مالك اتخضيتي كده ليه ! و ايه المشكلة أما تكوني بتحبيه .. اكيد هيتجوزك ..

....هاجر/ لا لا .. أنا مش عايزة اتجوز دلوقتي أنا لسه ورايا جامعه .. 

شيماء / طيب ما تكملي وانتي معاه .. انا بنت عمي عملت كده و دخلت هندسه اهو .. 

هاجر/ لا .. أنا هخلص الاول .. الجامعه عندي اهم من اي حاجة .. و بعدين افرضي وافقت وعملت كده وجيت بعد الجواز اعترض ولا انا حملت ابقى خلاص كده حلمي ضاع .. لا لا انا لازم ادخل الجامعة .. يارب بس بابا يوافق ..

باك .. 

.....هاجر/ معقوله كل الحب ده يتحول لغضب و ضيق كده .. بس انا عارفه هعمل ايه .. 

....فجأة تليفونها رن وكانت والدتها .. ردت وهي بتحاول تبان طبيعيه .. 

.....نجوي / هاجر .. تعالي بسرعه ابوكي تعبان وعايز يشوفك ..

....هاجر وقفت / تعبان ماله .. وامتي وليه مقولتيش يا ماما ..

نجوي / مش وقته .. تعالي يلا ..

.....هاجر قفلت التليفون وجريت بسرعه لبست وهي مش في وعيها .. فضلت تكلم مازن كتير بس مكنش بيرد عليها .. نزلت واخدت تاكسي بسرعه .. طول الطريق كانت بتدعي ان والدها يبقي كويس .. 

هاجر بدموع / بابا .. بابا .. انت كويس يا حبيبي ..

والدها / هاجر .. عامله ايه يا حبيبتي ..

...هاجر/ انا كويسه طول ما انت كويس .. مالك بس انت بتشوف غلاوتك عندنا ولا ايه ..

....والدها ابتسم بتعب / انا عرفت اللي حصل يا هاجر .. سامحيني يا بنتي .. أنا آسف.

هاجر بتوتر / عرفت ايه .. مفيش حاجة اصلا ..

....والدها / عمرك ما عرفتي تكدبي يا حبيبتي .. عرفت ان مازن اتجوز عليكي قبل ما يفوت اسبوع علي جوازكم  .. واضح اني فعلا ظلمتك بالجوازة دي .. 

.....هاجر/ ابدا يا بابا .. انا بس كان نفسي اكمل تعليمي .. حضرتك عارف من زمان وده حلمي اللي انت بنفسك زرعته فيا ..

 ماما كانت دايما تدعي وتقول يارب اعيش أما اشوفك عروسه انما انت كنت بتقول نفسي أما لحد ما تدخلي الجامعه .. فاكر ؟ 

والدها ابتسم / فاكر وعشان كده أنا هصلح غلطتي .. هجبر مازن يدخلك الجامعه و يطلق البت اللي اتجوزها دي .. يا اما كده يا امل يطلقك .. 

......هاجر/ لا حرام يا بابا هي ذنبها ايه بس .. انا بس عايزة ارجع اعيش معاكوا هنا وافضل علي ذمته لحد ما يتم سنه و ممكن نتطلق .. 

والدها / حاضر يا حبيبتي .. 

هاجر ابتسمت و حضنت ابوها .. شوية و الباب خبط و دخل منه مازن ..

.....مازن / الف سلامه على حضرتك يا عمي .. أنا آسف والله بس كنت برا و مسمعتش التليفون أما هاجر كلمتني ..

....ظوالد هاجر / طبيعي متسمعش ما انت مشغول مع مراتك الجديده  ..

مازن بلع ريقه بصدمه و بص لهاجر بلوم ..

....والد هاجر/ متبصلهاش كده هي مقالتش انا اللي عرفت من برا .. و واضح اني استأمنت الشخص الغلط ..على بنتى الوحيده

مازن / يا عمي انا مكنش قصدي .. انا كنت بغيظها بس مش اكتر ..

.....والد هاجر / خلاص الكلام خلص .. بنتي عندي و انت هتطلقها بس مش دلوقتي .. 

.....مازن/ نعم .. طلاق ايه .. أنا مش هطلق .. انا بحب هاجر و مستحيل اسيبها ..

والد هاجر/ مش بمزاجك يا مازن .. انت هتطلقها ..

.....هاجر/ بابا خلاص متعصبش نفسك .. بعد اذنك انا هروح الم حاجتي و هدومي واجي .. عشان خاطري سيبني احل الموضوع ده لوحدي ..

......هاجر اقنعت والدها انه يسمحلها تتصرف هي .. روحت مع مازن اللي كان طول الطريق بيبصلها بجمود .. اول ما دخلوا اوضتهم قعدوا بصمت ..

هاجر/ ليه ! 

مازن / مش فاهم .. ليه ايه ؟! 

.....هاجر/ انت عارف كويس اوي اني عايزة اكمل تعليمي .. كنت بتقولي في الخطوبة انك دايما بتراقب اكونتي وانا كنت ليل نهار بشير ادعيه و حاجات كتير واني متحمسه لفترة الجامعه دي ..

 يعني كنت عارف .. ليه عملت كده و حرمتني من حاجة بحبها ! 

.....مازن بعصبية/ ما هو عشان الحماس ده .. انتي عارفه انا بحبك من امتي يا هاجر .. بحبك من وانتي عيلة صغيرة بنت ١٠ سنين .. 

كنت بتخانق دايما مع ولاد خالتك عشان قريبين منك و انتي بتحبيهم و بتلعبي معاهم وانا لا .. 

وقرات في النوت بتاعتك انك معجبة بيا اوي ونفسك نتجوز بس بعد ما تخلصي جامعه .. 

عارفه ساعتها كان ايه احساسي .. خوفت .. ايوا خوفت يا هاجر .. خوفت تخشي الجامعه و تتغيري و تنسيني او تعتبريني حب مراهقه و انتهي .. فهمتي بقي .. 

......هاجر بصدمه/ انا مكنتش اعرف انك اناني و ضعيف للدرجادي ..

.

.....مازن قرب منها ومسكها بقوه / انا ضعيف قدامك انتي بس .. حبك الحاجة الوحيده اللي هزمتني وخلتني اعمل حاجة ضد مبادئي .. 

عشان حبيتك حطيت كرامتي في الارض و فرضت نفسي عليكي .. بس اول ما اتجوزنا قولت خلاص هتنسي وكده كده بتحبيني ...

هاجر/ للأسف حسبتك كانت غلط .. ايوا انا بحبك بس بحب حلمي و دراستي اكتر .. ايوا بحبك بس مش هقبل علي نفسي اعيش مع انسان اناني .. ايوا بحبك بس مش هوافق ابدا اني افضل في ضلك و انك تمحيني عشان انت تبقي موجود .. 

.....مازن بحزن / مكنش قصدي .. والله مكنش قصدي  .. هاجر اديني فرصه وانا اوعدك بكل اللي انتي عيزاه .. 

......هاجر/ انا اسفه يا مازن .. رصيدك خلص عندي ما قبل حتي ما نبدأ سوا .. طلقني و ركز في حياتك مع سارة .. واضح انها بتحبك وانت للأسف استغليت ده .. 

......برا إلاوضه كانت سارة بتسمع كل الكلام ده وهي بتعيط .. حاسه أنها كانت لعبه مازن بيستخدمها عشان يحقق غرضه

 ..حطت ايدها علي بقها عشان محدش يسمع صوت عياطها و دخلت اوضتها قفلت عليها ..

.....فات وقت وكانت هاجر خارجه من البيت و راحت علي بيت والدها .. كان حاسه انها رجعت لحياتها .. رجعت بيتها والمكان اللي بتنتمي ليه مهما حصل 

 كان وجود مازن في حياتها كان السجن اللي هيربطها و يمنعها من الحياة .. اه لسه بتحبه بس متقدرش تعيش معاه في السجن اللي بناه ده .. مازن قرر انه هيبعتلها ورقه الطلاق و فعلا طلقها ..

......فات علي اليوم ده اسبوع .. كان والد هاجر واقف في الصاله بيستعجلها ..

والدها / هاجر .. يلا يا بنتي هنتاخر ..

هاجر / حاضر يا بابا جاية اهو ..

خرجت من اوضتها ..

......هاجر/ أنا مش فاهمه يا بابا لزمته ايه نروح لصاحبك ده ما قالوا التقديم قفل خلاص و مفيش فايدة .. 

والدها / يا بنتي ادينا بنحاول و بنعمل اللي علينا .. إن شاء الله نقدر نقدملك .. 

هاجر / ماشي يا بابا .. يارب بس يبقي بفايده .. 

....راحوا لصاحبه وقدر يساعدهم وهاجر قدمت في الكلية اللي بتحلم بيها .. 

وبعدها بكام يوم فى اوصتها كانت سعادتها متتوصفش وهي بتلبس و بتظبط نفسها في المرايا عشان تروح للكلية .. 

نزلت بسرعه وهي مبسوطة و متحمسة .. بس كل ده اختفي اول ما شافته علي باب العمارة .. كان باين عليه الحزن و التعب .. 

خس جدا و عيونه كلها ندم .. قرب منها ..

مازن/ الف مبروك علي الكلية .. 

هاجر بتوتر / الله يبارك فيك .. بعد اذنك .. 

مازن / استني .. ممكن اوصلك يا هاجر .. لو سمحتي اعتبريه اخر طلب هطلبه منك ..

هاجر وافقت من غير ما تعترض .. لمعه الفرحه اللي شافتها في عينه خلتها ترتبك اكتر ..

هاجر بتردد / سارة عامله ايه .

....مازن / اتطلقنا .. هي كانت عارفه و واثقه اني مش بحبها بس كانت بتحاول .. و للأسف فشلنا .. 

هاجر/ ربنا يعوضها و يعوضك خير ..

فضلوا ساكتين طول الطريق لحد ما وصلوا ..

هاجر بابتسامة/ شكرا يا مازن .. سلام ..

....مازن / سلام يا هاجر .. خلي بالك علي نفسك ونصيحه متثقيش في اي بسهولة عشان هتتوجعي اوي .. 

هاجر/ شكرا علي النصيحه .. باي .

نزلت ودخلت الجامعه بسعادة .. قابلت شيماء صحبتها ..

....شيماء/ عملتيها يا بنت المحظوظة .. بجد انتي ربنا بيحبك عشان يخلي عمو يقف في صفك كده ويساعدك ..

...هاجر بحماس / الحمد لله .. أنا مبسوطة اوي يا شيماء .. يلا ندخل المحاضرة بقي .. و ناكل بطاطس سوري زي قرايبي اللي كانوا بيقولوا انها اهم حاجة في الكلية .. و نروح نجيب كتب و نتزنق زنقة الكلاب في الامتحانات ..

....شيماء / يا بنتي خدي نفسك مش كده وعموما هنعمل كل اللي انتي عايزاه بس اهدي شويه ..

خلص اليوم و هاجر روحت البيت وهي هتطير من السعاده .. بس لقيت مرات عمها بتعيط و امها قاعده بتطبطب عليها ..

هاجر/ ايه مالكوا يا جماعة .. 

نجوي / مازن مسافر .. طيارته كمان ساعه ..

....هاجر بصدمه و عصبية / مسافر .. مسافر ليه .. هو بيستهبل ولا ايه .. اي شغل العيال الصغيرة دي .. هو اي حد يفشل في جوازه او شغله او اي حاجه يهرب كده ..

.....والدة مازن / انا ابني مفشلش .. أبني حب واحده مرضيتش حتي تديله فرصه .. غلط اه بس انتي كمان غلطانه لأنك حددتي نهاية من غير ما حتي ما تحاولي في البداية .. 

هاجر بصت لوالدها / بابا ممكن تيجي معايا نلحق الواد ده ..

والدها بصلها / متأكده يا هاجر ..

هاجر/ ايوا متأكده ..

.....نزلت هي وباباها و هي متوترة .. كانت خايفه متلحقش مازن و يمشي و يسيبها .. شوية و وصلوا و دخلت بسرعه لقيته قاعد مستني .. اول ما شافها استغرب ..

مازن / هاجر ! 

هاجر بصتله / كالعاده طبعا .. هتهرب و تسيب كل حاجة .. ماشي ليه يا مازن .. ماشي ليه هااا ..

مازن بصلها وشدها بعيد و وقفوا في مكان هادي 

مازن / ماشي عشان مفيش حاجة تخليني استني .. شغلي اقدر انقله برا .. و اهلي هكلمهم كل يوم .. غير كده مليش حد ..

هاجر / والله .. انت بتستهبل صح .. طب وانا .. انا يا مازن هتسيبني بعد كل ده .. 

.....مازن / كل ده ايه ! هاجر انتي رفضتيني و رفضتي حياتنا بكل قوتك .. انا تعبت ومبقاش عندي طاقه احاول معاكي .. 

.....هاجر / يسلام .. يعني انت تفاجئني كده و الاقي نفسي فجأة في دنيا غريبة ومعرفش فيها حاجة ومنتظر مني اتقبل بسهولة .. مازن اعترف انك كنت غلطان أما حرمتني من حلمي لمجرد انك خايف اتغير ..

مازن / ايوا غلطت .. عارف اني غلطت وكان لازم اعرف ان الحب لو بجد و صادق مهما حصل مش هيخلص او يتغير .. انا اسف يا هاجر ..

هاجر/ مازن انا دلوقتي حققت حلمي ودخلت الكلية اللي نفسي فيها .. ايه رأيك لو نحاول تاني .. بس بشرط توعدني انك تسيبني اكمل و متخنقنيش .. 

مازن ابتسم/ مقدرش اقولك اي حاجة غير يلا بينا علي المأذون .. 

مسك ايدها و باسها و لسه هيقرب يحضنها .. والد هاجر جه ..

والد هاجر/ لم نفسك يلا .. 

مازن بصله / خير يا عمي ما هي مراتي .. هردها حالا ..

والدها/ ولو .. يلا يا هاجر علي البيت .. وانت يا ابني لو عايز بنتي تجيب امك و ابوك وتيجي تتقدملها رسمي .. 

مازن / نعم ازاي يعني .. احنا نروح للماذون انهاردة وخلاص وكده كده بيتنا زي ما هو .. انا مشيلتش منه أي حاجة .. 

هاجر ضحكت / بس يا مازن بصراحه انا عايزه بيت جديد .. ايه رايك نبيع الشقه دي ونجيب شقه تانيه .

. انا عايزه مكان نبدا فيه من اول وجديد صفحه جديده بيضا نكتب فيها بنفسنا كل حاجه حلوه او وحشه هتحصلنا .. عشان خاطري وافق ..

مازن / انتي تؤمري يا هاجر .. خلاص هنجيب بيت جديد .. 

والدها / طب يلا يا هاجر .

والد هاجر اخدها من ايدها ومشيوا وهاجر بصت لمازن وابتسمت ..

فات ٦ شهور وكانت هاجر داخله مع مازن بيتهم الجديد وهي مبسوطة ..

مازن بصلها / اللي يشوفك كده يقول اننا اول مرة نتجوز ..

هاجر/ ما هي فعلا اول مرة بالنسبالي .. كل حاجة بعيشها معاك دلوقتي حاسه اني اول مرة احسها ..

مازن ابتسم و باسها / بحبك .. 

هاجر/ وانا كمان بحبك ..

تمت .. بحمدلله

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

تعديل المقال