رواية جوازة من توأم كاملة جميع الفصول بقلم رحاب القاضي

رواية جوازة من توأم كاملة جميع الفصول بقلم رحاب القاضي


رواية جوازة من توأم كاملة جميع الفصول هى رواية من تأليف المؤلفة المميزة رحاب القاضي رواية جوازة من توأم كاملة جميع الفصول صدرت لاول مرة على فيسبوك الشهير رواية جوازة من توأم كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية جوازة من توأم كاملة جميع الفصول
رواية جوازة من توأم بقلم رحاب القاضي

رواية جوازة من توأم كاملة جميع الفصول

محمد بخوف 
مين دول يا عمي هي بنتك ملبوسه ولا ايه؟.. 
بهاء
لا يا ابني دي سما العروسه ودول ناني وملك اخواتها التوأم... 
محمد بسخريه 
توام ايه بس يا عمي دول كيس كوفي ميكس تلاته في واحد... 
_بصوله التلاته بعصبيه وقالت كل واحده فيهم... 
ملك بهدوء 
يا نوحي ده طلع خفيف الظل يا بنات... 
سما بقرف 
هتستظرف يالاا... 
ناني ببرود 
فكر تطول لسانك تاني هخليك تاخده في حجرك وانت ماشي.. 
ــــــــــــــــــــــــــــــــــــــــ 
اعرفكم في البدايه علي دكتور بهاء فخر الدين دكتور نفساني عنده تلات بنات توام مراته راحت وهي بتولدهم وهو رباهم لوحده لحد ما بقي عمرهم خمسه وعشرين سنه وبيحبهم جدا... 
_في يوم صحي بهاء من النوم علي اذان الفجر وطلع بره اوضه عشان يتوضي لقي وحده من بناته قاعده في الصاله... 
بهاء بهدوء 
صباح الخير يا ناني، ايه اللي مصحيكي؟.. 
ردت ناني علي باباها بهدوء وقالت 
كنت بصلي القيام وهصلي الفجر اهو يا بابا... 
بهاء
ربنا يبارك فيكي يا بنتي، قوليلي بقي الهوانم التانين فين؟.. 
ناني
عندك جوه كل واحده في اوضتها.. 
بهاء
طيب استني هروح اصحيهم نصلي الفجر سوا جماعه.. 
ناني
حاضر يا بابا... 
_راح عزيز وخبط علي اوضة ملك اللي ردت عليه وقالت.. 
ملك 
ايوه يا بيبو.. 
فتح بهاء الباب وقالها 
انتي صاحيه يعني اهوو.. 
ملك وهي بتمسح دموعها 
ايوه يا بابا صاحيه... 
دخل بهاء وهو مخضوض وسألها 
مالك يا حبيبتي بتعيطي ليه؟.. 
عيطت ملك وردت عليه وقالت 
زين رااح يااباباا زين راااح... 
حضنها بهاء وطبطب عليها وقال بحزن 
يا حول االه يارب وحدي الله يا بنتي وادعيله... 
ملك وهي بتمسح مناخيرها في قميص بهاء وقالت _لا اله الا الله يا بيبو... 
بعدها عنه بقرف وسالها 
بس لامؤخذه في السؤال يعني، مين زين ده؟.. 
ردت عليه ملك وقالت 
زين يا بابا بطل الروايه اللي بقرأها... 
زعق زين فيها 
الله يخربيتك علي بيت زين علي بيت الرويات اللي لحست دماغك دي يا شيخه... 
ملك بغيظ 
بابا لو سمحت متغلطش في الرويات ولا المسلسلات التركي عشان منخسرش بعض... 
اتنهد بهاء وقام وقف وقالها بهدوء 
قومي يا ملك الله يهديكي اتوضي عشان نصلي الفجر جماعه مع بعض... 
ملك 
حاضر يا بيبو روح انت وهتلاقيني في ديلك.. 
بهاء بغيظ 
ربنا يهدك يا ملك، هروح اصحي سما... 
ملك 
اجيبلك سطل مايه ساقعه... 
ضحك بهاء وقالها 
هي ايوه غيبوبه بس مبيهونش عليا اصحيها بمايه ساقعه زي ما بتعملي فيها انتي واختك... 
ملك 
حنين انت يا بيبو، يلا هروح اتوضي عشان نلحق نصلي حاضر... 
_طلعت ملك عشان تصلي وراح بهاء لاوضة سما خبط جامد ومردتش، فدخل لاقاها في سابع نومه فوقف جنبها وفضل يهزها وينادي عليها بصوت عالي.. 
بهاء
سماااا انتي يااا بنت سمااااا يابنتي قووومي ده انتي لو واخده منوم كنتي صحيتي سماااااا... 
_دخلت ناني وملك وماسكين شفشف مايه ساقعه ودلقوه علي سما اللي صحيت مفزوعه وقالت.. 
سماا 
غريق الحوقووني هييييلب ميييييي... 
ضحك بهاء وملك وناني عليها جامد وهي بصتلهم وبعدين نشفت وشها وقالت بعصبيه.. 
سما 
في حد يصحي بني ادمه نايمه نايمه كده، والله ربنا هينتقم منكم علي اللي بتعملوه فيا ده.. 
ناني 
يا بنتي حرام عليكي ده الشارع كله صحي وهو بابا بيصحيكي وانتي لسه نايمه... 
بهاء 
يلا بطلو رغي وتعالو نصلي عشان تلحقو تنامو شويه قبل ما تروحو الشغل... 
ملك بتوتر 
بابا هو انت متعرفش مش اا انا اتفردت من الشغل... 
بهاء بضيق 
والله ما هستغرب تلاقيكي عكيتي الدنيا.. 
ناني بحماس 
انا اقولك يا بابا انا احكيلك والنبي.. 
ملك بغيظ 
وانتي تحكي حاجه تخصني ليه.. 
ناني
اصلها بتضحكني اوووووي... 
ملك ببكاء
شايف يا بابا... 
بهاء بحده 
اخرسي منك ليها هنصلي الاول وبعدين نحكي علي الفطار الصبح.. 
ناني
الحق يا بابا سما نامت تاني.. 
قلع بهاء الشبشب وضرب سما بيه وزعق فيه _قومي يا غيبوبه قووومي فزي... 
_جريو هما التلاته قدامه واتوضو كلهم ووقف بهاء من قدام وهما التلاته ورااه وصلو الفحر وكل واحد راح نام شويه للصبح عشان يروحو شغلهم.. 
ــــــــــــــــــــــــــــــــــــــــ 
_الصبح كان بهاء وسما بيجهزو الفطار في المطبخ، وبهاء كان بيبصلها ومبسوط، فسالته سما بضيق... 
سما 
بقولم اي يا بيبو قول عايز تقول اي من غير نحنحه... 
ضحك بهاء ورد عليها وقال 
هههههههه ما علينا من لسانك الطويل ده، بس مبسوط ان بنتي كبرت وبقيت عروسه.. 
سما بسخريه 
واشمعنا انا بعني معندك اتنين تانين يا بيبو... 
بهاء بهدوء رد عليها 
يمكن عشان انتي الكبيره.. 
ضحكت سما وهي بتمسك الاطباق عشان تطلعها بره وقالت _هههههه مكنوش خمس دقايق دول اللي هتزلونا بيهم... 
_ضحك بهاء عليها وبعد شويه اتلمو كلهم وقعدو يفطرو فبصلهم بهاء وعنيه اتملت دموع وقال... 
ملك بهدوء 
خير يا بيبو بتبصلنا كده ليه؟.. 
بهاء وهو بيمسح دموعه 
كان نفسي ندي مامتكم تبقي معايا في اللحظه دي... 
ملك بتوتر 
طيب بالمناسبه السعيده دي احب اقولك اني ضربت المدير بتاعي بالقلم واترفدت من الشغل... 
مسك بهاء قلبه وقال بألم 
الحقوني بدوا الضغط بسرعه هتجلطني الحيوانه دي... 
جابت ناني دوا الضغط بسرعه واديته لبهاء وقالت جرا ايه يا بابا ميبقاش قلبك خفيف كده هي اول مره ملك تعمل مصيبه.. 
سما بحده 
دي اسمها قلة ادب.. 
ملك بدموع 
يا بابا هو كان امور اووي ومحترم جدا فانا فكرت لما الطشه بالقلم هيحبني... 
ضحكت ناني وقالت 
هههههه انا قولتلكم من الاول العيله دي متنزلش شغل دي اخرها تقعد تلعب العرايس والدباديب بتوعهاا... 
ملك بغيظ ردت عليها 
علي فكره انا لو عيله فانتي اعيل مني انتي اصغر مني بتلات دقايق... 
ناني ببرود 
مش بالسن يا بيبي... 
ملك بحده 
يا بابا قولها متقوليش يا بيبي بتعصبني الكلمه دي... 
سما بغيظ 
 انا ماشيه لاحسن بحالكم ده هترفد انا كمان واقعد العب مع ملك بالدباديب.. 
بهاء بتوتر 
استني يا سما عايزك... 
سما 
خير يا بابا في ايه؟.. 
بهاء
 متقدملك عريس... 
سما 
شوف ملك وناني انا مش فاضيه.. 
ملك بحماس 
وانا موافقه.... 
بهاء بحده 
لا طبعا مينفعش الصغيره تتجوز قبل الكبيره.. 
سما بغيظ 
والكبيره بتقولك اقفل علي الحوار ده عشان منزعلش من بعض... 
بهاء بعصبيه 
لا لحد. هنا وكفاياكم بقي انتو هتكبرو بس مش هتكبرو عليا انا فاهمين.. 
ناني بهدوء 
طيب اهدي يا بابا وقول انت عايز ايه واحنا هنفذه... 
بهاء بضيق 
العريس هيجي بالليل سما تقابله، سما بس فاهمين... 
ردو عليه هما التلاته وقالو 
 فاهمين يا بابا... 
بص بهاء لملك وقال 
والهانم تدخل تغير هدومها عشان نروح نعتذر للمدير بتاعها قبل ما اروح المستشفي... 
ملك بضيق ردت عليه 
يا بابا انا مش عايزه ارجع الشغل تاني، ما ليش في الشغل انا... 
رد عليها بهاء وقال 
شالله عنك ما رجعتي انا بتكلم علي انك اتصرفتي معاه بقلة ادب ولازم تعتذري... 
ملك بعصبيه 
 يا بابا بس هو... 
زعق فيها بهاء وقال 
 ولا كلمه فاهمه ويلا روحي غيري هدومك، وانتو روحو يلا علي شغلكم... 
_راحت ملك تغير هدومها ونزلت سما وهي مدايقه ومعاها ناني بتحاول تهديها وبعدين راحت كل وحده لشغلها... 
ــــــــــــــــــــــــــــــــــــــــ 
_ دخل بهاء وملك الشركه اللي اترفدت منها وسالو علي مكتب المدير، وكانت ملك متوتره ومدايقه جدا... 
بهاء بهدوء 
ملك لازم تقتنعي من اللي بعمله. ان هو الصح.. 
ملك بحزن 
يا بابا الموضوع مش زي مقولته انا كنت بهزر الحكايه ان هو اا... 
_قبل ما تكمل كلامها جات السكرتيره وقالتلهم ان امجد المدير مستنيهم، واول ما دخلو بص امجد لملك بغيظ وبعدين وقف وسلم علي بهاء وقال... 
بهاء 
ازيك يا امجد يا ابني.. 
امجد 
الحمد لله يا عمو، نورت الشركه... 
اتصدمت ملك وسالت بهاء
بابا انت تعرفه... 
رد عليها بهاء وقال 
امجد يبقي ابن عادل خيري صاحبي من ايام الجامعه وانا اللي قولتله يشغلك هنا.. 
ملك بغيظ 
ومقولتليش لي بقي من الاول... 
رد عليها امجد وقال  
دكتور طلب مني مقولكيش عشان متستهونيش في الشغل... 
وبعدين بص لبهاء وقال 
اتفضل اقعد يا عمو، تشرب ايه؟... 
بهاء بضيق 
لا انا مش فاضي لاني لازم امشي عشان المستشفي سايبها لوحدها، انا بس ملك حكتلي اللي حصل..  
اتوتر امجد وقال 
حكتلك كل حاجه كل حاجه؟.... 
بهاء
انا بناتي مش بيخبو عني حاجه، وانا جيبتها اهو وجينا عشان نعتذرلك يا ابني اعتبرها اختك الصغيره... 
ملك بغيظ 
استني يا بابا علي فكره انت فاهم غلط، الاستاذ امجد ابن صاحب عمرك انا لطشته بالقلم بعد ما عاكسني.... 
بص بهاء لامجد بحده، فاتوتر امجد وقال بسرعه _والله العظيم يا عمو ما كنت اعرف انها بنت حضرتك ولما شوفت اسمها اعتذرتلها وحتي اسألها.. 
اتنهد بهاء وقام وقف وقال 
حصل خير واظن بنتي ردت عليك الرد اللي تستاهله... 
امجد 
بالظبط كده وفعلا يا زين ما ربيت انا يدوب قولتلها هي الحلوه منين لقيت الخمس صوابع معلمين علي خدي... 
ملك بسخريه 
احمد ربك انها جات علي الخمس صوابع بس... 
بهاء
طيب كفايه كده بقي ونستأذن احنا... 
امجد قال بسرعه 
ارجوك يا عمو بهاء تسمعني انا اعتذرت لملك.. 
ملك بحده 
الانسه ملك يا اخ لو سمحت.. 
اتنهد ورد عليها وقال 
الانسه ملك انا اعتذرتلها فياريت ترجع الشغل بقي وهتتعامل احسن معامله تليق بيها... 
بهاء لملك بهدوء 
ها يا ملك اي رئيك؟... 
ملك بحزن 
لا انا حملت مسلسل جديد وعايزه اروح احضره والنبي... 
زعق فيها بهاء بعصبيه وقال 
غوري ياا بنت علي شغلك ووالله لهشيلك النت يا ملك... 
_اتغاظت ملك وراحت شغلها وبعد شويه مشي بهاء وراح المستشفي بتاعته اللي كانت نص الشغل فيها للاعمال الخيريه وببلاش صدقه جاريه علي روح مراته ندي ام البنات، وامجد قال للسكرتيره تبعتله ملك اللي جات بعد شويه ودخلت وسابت الباب مفتوح وقالتله بجدبه.. 
ملك 
افندم؟... 
امجد بغيظ 
اترزعي.... 
ملك 
رجعنا لقلة الادب تاني... 
وقف امجد وقرب منها فجات تجري فشدها بسرعه لجوه وقفل الباب وقال بعصبيه.. 
امجد 
انا تمدي ايدك عليا والله يا ملك ما هتعدي علي خير واوعي تكوني فاكره الكلام اللي قولته قدام باباكي ده بجد، لااا ده انا عملت كده عشان يرجعك الشغل تاني... 
ملك بسخريه 
هات اخرك يا خفيف هخاف منك مثلا ده انا ارن بس لسما اختي تيجي تعملك شاورما هنا... 
امجد بحده 
اطلعي بره يا بنت انتي.. 
ملك
انت كنت عايز ايه؟.. 
امجد ببرود 
كنت بغلس عليكي... 
ملك بغيظ 
يلطش... 
امجد 
هو ايه؟.. 
ملك بابتسامه صفرا 
دمك يا امجد بيه... 
_سابته وطلعت وهو فضل يضحك وبصلها باعجاب كبير، ومن جواه بيخطط لحاجه كبيره، ومسك موبيله ورن علي مامته وقالها... 
امجد _صباح الخير يا ست الكل، عندي ليكي خبر حلو... 
فيروز
خير يا حبيبي متجوز ومخلف من ورايا صح؟.. 
امجد 
لا طبعا بس هتجوز، قريب اووي هاخدك ونروح نخطب بنت زي القمر بطل يا ماما وتكه... 
فيروز
لسه هستني تخطب اقفل يا امجد ولما تبقي تروح ابقي كلمني قولي... 
ــــــــــــــــــــــــــــــــــــــــ 
_وفي بيت اياد معتز كمال صحي علي صوت المنبه، وقام لبس التيشرت بتاعه وطلع من اوضته لقي مريم مرات باباه واقفه مدايقه وهي باصه علي المطبخ.. 
اياد 
صباح الفل يا ميمي واقفه كده ليه؟.. 
مريم بغيظ
صباح الزفت علي دماغك انت وابوك واخوك الصايع اللي لسه بره لحد دلوقتي من امبارح.. 
اياد
طيب اهدي طيب قوليلي في ايه، مين مزعلك كده.. 
مريم بدموع
ابوك بقي مش طبيعي من بوم ما طلع معاش، طيب دلوقتي حلف ليدخل المطبخ يجهز الفطار لاني انا مش عارفه اجهزله الفطار، بقاله خمسه وعشرين سنه بيفطر من ايدي دلوقتي ما بقتش اعرف اجهزله الفطار.. 
ضحك اياد وقال
ههههه معلش يا ماما انتي عارفه هو مش متعود علي قعدت البيت.. 
مريم 
لا رجعوه الشغل تاني انا  صحتي مش هتتحمل والله.. 
طلع معتز من المطبخ وقال 
مريم ادخلي جهزي الفطار يلا انا الطعميه بتسيح مني الطاسه.. 
مريم بغيظ 
طيب ورحمة ماما ما انا مجهزه الفطار، هو ايه اشتريتي يا اخي كفايه بقي.. 
معتز 
اهو بدانا النكد، يا وليه العيال هيفطرو ايه طيب.. 
اياد 
خلاااص انا هطلب فطار من بره، ومن بكره هجيب شغالن تانيه غير اللي حضرتك طردتها.. 
معتز 
ولازمتها ايه الشغاله اومال اللي جنبك دي لازمتها ايه؟.. 
مريم بحده 
اتلم يا معتز بدل ما اجيلك... 
_وفي الوقت ده دخل انس اللي في سنه تانيه في كلية العلوم.. 
معتز 
اهلا بالصايع اللي كان بايت بره.. 
انس
لا والله هرجع تاني انا جاي وعاصر عبي نفسي لمونه.. 
معتز 
خد هنا يا ولد انت اقف قدامي.. 
قرب منهم انس ووقف وهو متخبي في اياد، ومعتز زعق فيه وقال.. 
معتز
كنت فين يا رباية الشوارع.. 
مريم 
ما هو ربايتك.. 
معتز 
اخرسي يا مريم وانت رد عليا.. 
انس بقلق
العربيه اتخبطت مني وكنت عند. المكانيكي بيصلها.. 
اياد 
اوعي كده انت متخبي فيا ليه، اعمل فيه اللي انت عايزه.. 
معتز 
وحياة امك يا انس ما انت مصلح العربيه ولا جايب عربيات جديده لحد ما تتخرج يا صايع.. 
انس
خلاص يا بابا اياد هيصلحهالي.. 
اياد 
ده كان زمان انا بوضب في شقتي فوق ومس ناقصك.. 
انس 
شقة ايه يا ابني اسمع مني ما فيش واحده هترضي تتجوزك وانت في بيت عيله.. 
معتز 
ولا اي كد هيديك عربيته ولا هيصلحها وامشي غور من وشي.. 
انس بضيق 
علي فكره انت خنقتني.. 
مريم بحده 
اتلم يا ولد ايه قلة الادب دي.. 
معتز 
غور من وشي واياك تتدام معايا تاني لحد ما تتعلم الادب.. 
دخل انس اوضته ومعتز راح قعد في البلكونه هو كمان، واياد قال لمريم.. 
اياد 
يعني امبارح شحطته في وسط الارهابين والنهارده بقيت تريند علي النت، وبرضو النكد مش سايبكم ده بدل ما تفرحولي.. 
مريم 
يا ابني احنا متعودين علي الانجزات دي،ما عملتش حاجه جديده يعني.. 
اياد 
طيب ممكن تروحي تتكلمي مع بابا شكله مدايق.. 
مريم 
لا خليه كده انو يحل عني شويه.. 
طلع معتز وقال
مريم اعمليلي شاي وحطيلي معلقه وخمسه واربعين جرام سكر اوعي تزودي او تقللي.. 
كتم اياد صخكته ومريم قالت
اعمل فيه ايه اقتله واخلص منه علي كبر.. 
_ضحك اياد وراح اوضته عشان يغير هدومه ويروح شغله.. 
ــــــــــــــــــــــــــــــــــــــــــــــ 
_بالليل لبست سما وناني وملك فساتين شبه بعض وكانو قاعدين في اوضة سما... 
سما 
فهمتو هتعملو ايه... 
ملك بضيق 
انا مش معاكم في الخطه دي العريس شكله محترم... 
سما بحده 
اخرسي يا ملك انا مش هسيب بابا واتجوز، انتو هتتجوزو هو بقي هيقعد مع مين.. 
ناني 
نخليه يتجوز  اي رئيكم؟... 
سما بغيظ 
نعمم ياختي انا تيجي وحده وتحب بابا غيري مش كفايه مستحملاكم انتو ده كويس وماما ماتت وهي بتولدنا والا كنت انا اللي هقوم بالمهمه دي ... 
ملك بغيظ 
هو اي اللي مستحملاكم انتو انتي عبيطه ده بابانا احنا التلاته... 
جالهم صوت بهاء من بره لما نده علي سما وقال
ياا سمااا تعالي يا حبيبتي... 
سما بحماس 
انا هطلع وهنفذ اول خطه والجايه علي ملك.. 
ناني 
توكلي علي الله يا بنتي ربنا معاكي ... 
_طلعت سما سلمت علي باباها والعريس وهي ماسكه صنية القهوه.. 
بهاء
قدمي القهوه يا سما لعريسك... 
_قربت سما بالقهوه من محمد العريس ولما مد ايده عشان ياخدها دلقتها عليه... 
محمد بألم 
يح يح انتي عملتي ايه؟... 
بصتله سما بقرف وقالتله 
يح يا كوتي نوتي... 
بهاء باحراج 
اتفضل يا ابني الحمام اخر الطرقه عشان تنضف هدومك.. 
محمد بهدوء 
اوكي بعد اذنك يا عمي.. 
_راح محمد علي الحمام واول ما دخل لقي ملك جوه فاتصدم وقال... 
محمد 
اعوذ بالله من الشيطان الرجيم هو انا مش لسه سايبك بره... 
ملك بحده 
ااه يا قليل الادب يا مش متربي مش انت اللي شدتني ودخلتني الحمام... 
محمد 
اناا والله ما حصل... 
_صعب علي ملك فما كملتش الخطه وطلعت وقالتله بتوتر... 
ملك 
حصل خير اتفضل ادخل نضف نفسك عايز تعمل بيبي اقفل الباب ومتخفش... 
محمد بقلق 
لا مش عايز انا هنضف المنطلون بس.. 
_خلص محمد وطلع لبره وكان رايح للصاله وملك ورااه بس مستغرب ازاي كانت العروسه في الحمام وهو لسه شايفها بره، واتصدم اكبر لما لقي سما واقفه قدامه وقال..  
محمد 
 بسم الله الرحمن الرحيم انني مش كنتي ورايا... 
بص وراه ملقيش حد، وساله بهاء بقلق
مالك بس يا ابني في ايه؟.. 
اتوتر محمد وقال 
لا ابدا مفيش حاجه... 
بهاء 
طيب هسيبكم انا واروح اعمل مكالمه جوه في الاوضه قدامكم.. 
_مشي بهاء وقعد محمد قدام سما وفضل يبصلها جامد حاسس انها متغيره عن اللي كانت في الحمام من شويه، دي اجمل شعرها اطول عنيها بني انما التانيه كان شعرها اسود وعنيها سودا، دوكا كانت مبتسمه انما اللي قدامه تقريبا لسه جايه من عزا... 
محمد 
هو انت بتعرفي تضحكي.. 
سما 
لا.. 
محمد 
اومال لما بتفرحي بتعملي ايه؟.. 
سما 
مبفرحش... 
محمد 
طيب بتعرفي تعيطي.. 
سما 
هي دي اسألة واحد طبيعي... 
محمد 
وده شكل عروسه طبيعيه... 
سما 
ايوه عادي جدا لو عندك مشكله الباب قدامك.. 
غمزلها محمد وقال 
ابقي عبيط لو مشيت وسيبت العيون البني دي... 
اتكسفت جدا. ا لاول مره في حياتها وبصت للارض، فاتكلم هو بجد وقال... 
محمد
انا اسمي محمد ايهاب دكتور صيدلي  وحيد ابويا وامي هما ما جوش معايا لحد ما اتفق مع دكتور بهاء الاول وبعد كده هيجو يتشرفو بيكم، ممكن بقي تعرفيني عن نفسك؟... 
سما ببرود 
تاكل كيك؟... 
استغرب محمد سؤالها بس مرضيش يكسفها وقال _اوكي مفيش مشاكل... 
قامت سما وقالت 
طيب دقيقه واحده وهيكون عندك... 
_دخلت سما المطبخ وهو بصلها وهو مبتسم وعجبته جدا، بس اتصدم لما لقي ناني طالعه من البلكونة وهي مبتسمه وقالت.. 
ناني _اتأخرت عليك... 
محمد بخوف 
سلام قول من رب رحيم انتي مش كنتي في المطبخ يا بنتي وبعدين انتي كنتي بيضه قلبتي سمرا امتي؟... 
ردت ناني عليه وقالت 
لا انا دخلت البلكونه وبعدين انت ايه اللي بتقوله ده انا كده من الاول.. 
محمد بقلق 
انتي دخلتي البلكونه ليه؟.. 
ناني
مش انت اللي قولتلي ادخل البلكونه عشان اشوفك راكن عربيتك صف اول ولا صف تاني... 
محمد بخوف 
احلفي.. 
ناني بخبث 
بقولك اي انا داخله اجيب حاجه من جوه وجايه... 
محمد 
داخله اوضتك صح؟.. 
ناني 
ايوه، مالك يا دكتور محمد.. 
محمد بقلق 
انا مش عارف مالي... 
ناني 
طيب دقيقه وجايه.. 
_راحت ناني اوضتها وفضل محمد باصص علي الاوضه وبعدين اتفزع لما جات سما من الناحيه التانيه وقالتله... 
سما 
الكيك يا دكتور محمد... 
محمد بخوف 
لا اله الا الله، يا دكتور بهاء، ياا عم بهاء...
ـ تفتكرو محمد هيعمل ايه هيوافق بسما ولا هيرفض؟.. 
ــــــــــــــــــــــــــــــــــــــــــــــ 
سما 
الكيك يا دكتور محمد... 
محمد بخوف 
لا اله الا الله، يا دكتور بهاء، ياا عم بهاء... 
جاله بهاء وساله بقلق 
مالك يا ابني في ايه؟.. 
محمد بخوف 
انت عندك كام بنت يا دكتور بهاء؟... 
سما بسرعه 
انا بس... 
بهاء بضيق 
هما عملوها فيك يا ابني... 
مفهمش محمد.وسأله 
هما مين بالظبط؟... 
بهاء بغيظ 
اطلعي يا حلوه منك ليها... 
_طلعت ناني وملك ووقفو جنب سما.. 
محمد بخوف 
مين دول يا عمي هي بنتك ملبوسه ولا ايه؟.. 
بهاء 
لا يا ابني دي سما العروسه ودول ناني وملك اخواتها التوأم... 
محمد بسخريه 
توام ايه بس يا عمي دول كيس كوفي ميكس تلاته في واحد... 
_بصوله التلاته بعصبيه وقالت كل واحده فيهم... 
ملك بهدوء 
يا نوحي ده طلع خفيف الظل يا بنات... 
سما بقرف 
هتستظرف يالاا... 
ناني ببرود 
فكر تطول لسانك تاني هخليك تاخده في حجرك وانت ماشي.. 
محمد بحماس 
الله اي العسل ده... 
سما بغيظ 
اي العبيط ده يا بابا... 
بهاء بحده 
اتلمي يا سما... 
وقف محمد وقال بثقه 
بعد اذنك يا دكتور بهاء بما اني اتعرفت علي العيله ه... 
بهاء بحزن 
من غير ما تكمل يا ابني الجواز قسمه ونصيب... 
محمد 
لي بس بتقول كده يا عمي انا كنت هسألك هاجي امتي انا واهلي عشان نتفق ونقرا الفاتحه... 
ملك بحماس 
هييييه والله انت عريس عسل... 
محمد 
انتي بتاعت الحمام صح؟.. 
ملك 
لا ولمااح كمان.. 
سما بحده 
انا مش عايزه اتجوز تمام يا بابا قول بقي للبيه ياخد الباب في ايده وهو ماشي... 
_قالت سما كلامها وسابتهم ودخلت اوضتها وهي زعلانه ومدايقه جدا... 
محمد باحراج 
انا اسف يا دكتور بهاء لو كنت سببت ازعاج بعد اذنك... 
بهاء بحزن 
تعالي يا ابني نتكلم كلمتين تحت علي انفراد ممكن؟.. 
محمد باحترام 
تحت امرك يا دكتور بهاء... 
_نزل محمد وبهاء وقعدو في الكافي اللي تحت بيت بهاء وطلبلهم بهاء شاي.. 
محمد 
خير يا دكتور انا سامعك؟.. 
بهاء
يوم ما اتولدو التلات عفاريت اللي شوفتهم فوق دول مامتهم راحت فساعتها وسابتهم ليا، قولت اتجوز واجيب حد يساعدني بس ما قدرتش انا بعشق ندي مامتهم ما فيش ست خلقها ربنا قدرت تبقي مكانها وما رضيتش اظلم واحده اتجوزها وانا قلبي وروحي في واحده تانيه، وبقيت اروح المستشفي وهما معايا كانت بتيجي ايام منامش فيها، ولما كبرو لقيت اللي يساعدني... 
محمد بفضول 
مين اللي ساعدك اتجوزت؟.. 
ضحك بهاء ورد عليه وقال 
انا كنت خايف اجيب شغاله او اسيبهم مع حد غريب وسما هي اللي كانت ام لاخواتها رغم انها كانت نفس سنهم الا انها كانت تغسل معايا وتطبخ معايا وتصحي الصبح بدري قبل مني وتجهز الفطار شالت عني كتير، ومع الوقت لقيتها بتحبني وبزيااده... 
محمد 
ازاي يعني بتحبك بزياده؟... 
بهاء 
من الاخر سما خايفه تسيبني وتتجوز وبعدها اخواتها يتجوزو وابقي لوحدي ده سبب رفض سما ليك ولكل عريس اتقدملها قبلك، بس بصراحه انا عايزك لبنتي لاني شوفت فعنيك نظرة رضا عنها وعن اخواتها عكس اللي قبل كده كانو من تصرفاتهم يطفشو... 
ضحك محمد وقال 
بالعكس انا حبيت المقلب اووي، انا وحيد ابويا وامي وكان نفسي يبقي عندي اخ واخت وربنا كرمني اهو بملك و.. 
بهاء بفرحه كبيره 
ناني، ناني التانيه... 
محمد 
ايوه افتكرتها بتاعت البلكونه... 
بهاء
 انا هكلمها تاني و... 
محمد بخبث
بعد اذنك بس يا عمي، اني اقابلها في مكان عام واتكلم معاها لوحدنا... 
بهاء 
بص انا هبعت معاك ناني اختها مش عشان مش واثق فيك، انا خايف عليك منها لو روحتلها لوحدك.. 
_ضحكو هما الاتنين اووي وفضلو يتكلمو سوا كتير... 
ـــــ#بقلم_الكاتبه_رحاب_القاضي ـــــــ 
_تاتي يوم في شركة امجد كانت ملك بتتكلم مع موظف في الشركه وبتضحك، وامجد كان معدي واول ما شافها واقفه مع الولد ده اتعصب وراح مكتبه وقال للسكرتيره تبعتله ملك، وبعد شويه دخلت ملك وسألته.. 
ملك 
نعم يا مستر امجد... 
امجد بحده 
مين ده اللي كنتي واقفه وبتضحكي معاه؟... 
ملك 
ده ممدوح اصله كان متابع المسلسل  التركي زيي و... 
سكتت وسألته 
استني كده، انت مالك اصلا... 
وقف قدامها وزعق فيها 
لا مالي ابوكي رناكي هنا في وشي عشان اخد بالي منك... 
ملك 
وانا مش عيله صغيره عشان تاخد بالك مني.. 
امجد بغيظ 
لا انتي مش عيله بس دي شركه محترمه والجو الرخيص اللي كان تحت ده ميتكررش... 
نزلت دموعها وردت عليه وقالت 
وانا ميشرفنيش اقعد دقيقه واحده كمان في شركتك المحترمه دي؟... 
مشيت بس رجعت وقالتله 
متقلقش مش هقول لبابا حاجه ومش عشان خايفه منك عشان بس خايفه علي زعل بابا لما يعرف ان واحد زيك غلط في بنته.. 
_سابته ومشيت وهو ندم علي كلامه ليها واعترف لنفسه انه بيغير عليها وجدا كمان.. 
ـــــ #بقلم_الكاتبه_رحاب_القاضي ــــــ 
_في كافي علي شاطئ اسكندريه كانت قاعده ناني وسما اللي كانت متعصبه ومدايقه جداً... 
ناني
هتعملي زي ما انا عايزه، عشان خاطري.. 
سما
لا طبعا انا مش بحب اكدب علي بابا، وبعدين انتي عارفه انه مش بيحب يخلينا نروح القاهره... 
ناني
والله يا سما انا رايحه صد رد، وبعدين ما احنا اتولدنا هناك وهو نفسه كانت المستشفي بتاعته في القاهره قبل ما ينقل هنا في اسكندريه.. 
سما 
انتي عايزه ايه يا ناني؟.. 
ناني
انزل القاهره الصبح بدري كده كده بابا هيبات في المستشفي وارجع علي طول.. 
سما 
طيب يا ناني بس هو مين اياد معتز ده اللي عايزاه في البرنامج بتاعك اصلا انا اول مره اسمع عنه.. 
ناني
طبعا انتي واحدن بتفتح نت تتفرج علي فيديةهات الاكل وشااهد فتاه تاكل عشره كيلو كفته في خمس دقايق صح.. اسكتي خلينا ساكتين احسن... 
سما 
بقي انتي جيباني من الشغل هنا عشان تقعدي ساكته ونحب فبعض فصمت،انتو ليه مش مقدرين اني مدرسه لثانويه عامه اهم مرحله في التعليم ... 
ناني
بابا قالي ان في حد عايز يشوفك هنا، وكلمني قالي سيبي شغلك واجي اخدك واجيبك هنا... 
سما بقلق 
مين ده اللي عايز يشوفني؟.. 
جه الجرسون وقال بخوف 
بسم الله الرحمن الرحيم... 
ناني 
هاتلنا واحد موز باللبن وواحد لمون... 
الجرسون 
لامؤخذه يا انسه هو انتي جايه بالقرين بتاعك معاكي... 
_بصوله بعصبيه فسابهم ومشي بسرعه.، وبعدين ضحكت ناني وسما ان اي حد بيشوفهم يتخض... 
سما بضيق 
قوليلي بقي يا ناني مين اللي عايز يشوفني.. 
_رد عليها محمد اللي جه وقعد معاهم وقال... 
محمد 
انا.... 
اتعصبت سما وقالت 
انت تاني هو مش انا رفضتك جاي تاني في وشي ليه... 
محمد 
سبحان الله يا ناني.. 
ناني
خير يا خطيب اختشي... 
سما بعصبيه 
ناني اتلمي... 
محمد 
انا يا سما اتقدمت لبنات بعدد شعر راسي امي الله يباركلها كتباهم ليا في قائمه وبتزلني بيها ومفيش واحده فيهم دخلت دماغي وعجبتني، بس انتي القبول جه في وشك من اول ما طلعتي بالقهوه اللي دلقتيها عليا... 
سما بسخريه 
امم في وشي انا ولا في وش ناني ولا في وش ملك.. 
محمد بخبث 
لا عيب عليكي ناني عيون خضرا وسمرا، ملك عيونها سودا وانا اللي خطفتي العيون البني والشعر الطويل ده...
ضحكت ناني وقالت 
ههههه انا كا ناني اتثبت.. 
سما بتوتر
انا مش هينفع اوافق... 
محمد 
السبب وياريت يكون سبب مقنع عشان انا كلح في نفسي ومش بخلع بسهوله.. 
_ضحكت ناني وبصتلها سما بعصبيه فسكتت، واتنهدت سما وبصت لمحمد بقوه وقالت.. 
سما 
عشان الراجل اللي ضحي بعمره كله عشاني انا واخواتي ميستهلش اني فالاخر اسيبه قاعد لوحده وابقي انانيه وابص لنفسي بس.. 
ابتسملها محمد وقال 
هو ده بقي السبب اللي ممكن ارفضك عشانه.. 
سما بتوتر 
هه هو ده يعني مش سبب؟.. 
محمد 
ده سبب يخليني احبك مش اسيبك.. 
احمر وشها وبصت للراض بكسوف، وكمل هو كلامه وقال.. 
محمد 
انا كانت عندي شقه في بيت اهلي نفس العماره يعني بس انا هبيعها، وكلمت الراجل صاحب العماره بتاعتكم وهاخد الشقه الفاضيه اللي في الدور التالت... 
ناني بفرحه كبيره 
بجد يا محمد يعني سما هتعيش معانا بعد الجواز في نفس العماره... 
سما بضيق 
انت لي تعمل كده عشاني، هو انت تعرفني ولا شوفتني غير مره واحده... 
محمد رد عليها 
سمعتي عن الحب اللي من اول نظره؟.. 
خفت  سما كسوفها وردت عليه 
لا... 
غمزلها وقال 
بعد الخطوبه ابقي اقولك يا صاحبت كوبي القهوه.. 
سما بحده 
واي كوبي القهوه دي بقي؟.. 
محمد بهدوء رد عليها 
يعني عينيكي يا سما، ومستعد اعمل عشانها اي حاجه.. 
اتكسفت سما جدا وقالت 
قومي يا ناني اتاخرت علي الشغل... 
محمد 
الخميس هجيب الحج والحجه وهاجي اقرا فاتحه تمام... 
_ابتسمت سما واخدت ناني ومشيو واول مره تكون فرحانه كده من جواها بسبب عريس متقدملها... 
ــــــــــــــــــــــــــــــــــــــــ 
_بالليل كانت ملك قاعده بتسمع مسلسل تركي ومش مبطله عياط... 
دخلت ناني وقالتلها 
وبعدين مش هتقولي فيه ايه ومالك؟.. 
ملك بحزن 
ماليش حزينه علي المسلسل... 
ناني بسخريه 
والله علي فكره احنا التلاته بنحس ببعض وانا قلبي بيقولي انك مدايقه وجدا وفي حاجه معاكي... 
ملك 
قولتلك ما فيش سيبوني في حالي.. 
_الباب خبط وراحت ناني فتحت لقيت في وشها امجد اللي هي متعرفوش وهو افتكرها ملك وقالها بعصبيه... 
امجد 
مش بكلمك مبترديش ليه،وايه اللي غير لون بشرتك كده اصلا؟.. 
ناني بحده 
وانت مالك وبعدين وانا ارد علي اهلك ليه هو انا اعرفك.. 
امحد بغيظ 
انتي هتستهبلي، وبعدين انا مكلمك اصالحك مع ان انتي اللي غلطانه وانتي اللي مش بتردي برضو معرفش ازاي؟...
ناني
صلي علي النبي كده واهدي وقولي انت عايز مين؟.. 
امجد بغيظ 
هكون عايز مين يعني امك مثلا، متتعدلي يا بت انتي.. 
ناني بحده 
لا ده انت قليل الادب ومش متربي كمان... 
_قبل ما يرد عليها جات ملك واتصدمت لما شافته وقالت.. 
ملك 
امجد انت بتعمل اي هنا... 
بصلهم امجد بخوف وقال 
اي الهزار الرخم ده مين ملك، بس انا فهمت دي لعبة الصورتين اللي شبه بعض وانا اطلع الاختلاف بينهم... 
ملك 
دي ناني اختي التوأم... 
امجد 
انتي عندك اخت توأم؟.. 
ناني
وفي سما كمان احنا تلاته توأم... 
ملك بحده 
عايز اي انت يعني؟... 
ناني 
مين ده يا ملك؟.. 
رد امجد علي ملك وقال 
مش عارف ارتاح وانا مزعلك.. 
ناني
انت مين اصلا عشان تزعلها.. 
ردت ملك علي امجد بحزن 
مزعلتش ومفرقتش معايا... 
امجد 
يا شيخه اومال الدموع دي اللي ماليه عنيكي من ايه... 
ملك 
دي من المسلسل التركي الحزين اللي كنت بسمعه حتي اسأل ناني.... 
امجد بهدوء 
طيب علي فكره انا هسمع المسلسل التركي ده معاكي عشان لما تحبي تحكي مع حد عليه تجيلي انا.... 
ملك بحزن 
لا مش هجيلك ومش هتكلم معاك تاني ابداً... 
_طلعت ناني ملك بره وقفلت الباب وملك سرحانه مش واخده بالها من اللي عمالته ناني..... 
امجد 
علي فكره انا زعقتلك لاني اتعصبت لما شوفتك بتتكلمي مع راجل غريب وبتضحكي... 
ملك بخبث 
امم وانت اتعصبت ليه؟... 
امجد 
عشان بغير عليكي، حلو كده يا ست ملك... 
اتكسفت ملك وردت عليه وقالت 
وبتغير عليا ليه بقي... 
قرب منها امجد وقال 
بيقولو ان اكبر علامات الحب الغيره..  
ملك بخبث 
اي ده هو انا لما غرت عليك يوم الاجتماع اللي كانت فيه البنت اللبنانيه كده انا كنت بحبك... 
ضحك امجد وقالها بهدوء 
وانا كمان بحبك يا ملك... 
رد عليه بهاء اللي كان واقف من شويه وقال 
وايه كمان سمعني.. 
ملك بخوف 
يانهااار اسود بابا... 
امجد بخوف 
ينهااااار اسود عمي... 
بهاء بغضب 
علي السلم يا ملك... 
رد عليه امجد بسرعه وقال 
قبل ما حضرتك تفهم غلط انا بحب ملك وعايز اتجوزها.. 
زغرتت ملك وقالت 
لولولولولي كتب الكتاب الخميس الجاي.. 
كتم امجد ضحكته وقال 
طيب استأذن انا يا عمي... 
بهاء بحده 
اسمع يا ولد انت تيجي عندي المستشفي وتحدد معايا معاد الاول،واقولك تجيب مامتك وتيجي امتي تخطبها رسمي انما تخطبهالي من علي الباب كده ما ينفعش معاياا... 
ــــــــــــــــــــــــــــــــــــــــ 
_ بعد شويه كان قاعد بهاء وبناته قاعدين قدامه وكان متعصب جداً... 
ناني _يا بابا انا مليش دعوه بيهم انا لا حد اتقدملي ولا حد حبني ولا سيبت شغلي ولا اي حاجه... 
بهاء_
والله ما فيهم الا انتي يا ناني.... 
ناني بثقه 
حبيبي يا بابا ربنا يخليك ليا... 
سما 
وانا عملت اي بقي مانا وافقت علي محمد.. 
طبلت ملك علي الترابيزه وغنت وقالت 
 يااا محمد... 
سما وهي بتسقف 
شبح الحته.. 
ملك 
محمد... 
سما 
خمسه في سته... 
بهاء بزعيق 
اتلمي منك ليها.. 
بص لملك وقال 
والهانم اللي واقفه تحب علي السلم.. 
ملك 
والله يا بابا كنت فاكره  ناني واقفه جنبي بس لما دخلت محستش بيها وكنت سرحانه في عيون امجد ومختش بالي انها دخلت... 
بهاء بغيظ 
اي قلة الادب دي يا بنت احترمي نفسك... 
ملك 
علي فكره انت اللي معودنا علي الصراحه... 
بهاء بعصبيه 
بس دي مش صراحه دي بجاحه، واسمعي اياكي تكلمي امجد تاني لحد ما يجي يخبطك ومفيش تركي تاني لمدة اسبوع عقاباً ليكي... 
ملك بدموع 
لا خلاص مش عايزه امجد بس مقدرش اقعد اسبوع من غير تركي... 
بهاء
اسكتي يا تافهه، واسمعو الناس اللي هتيجي عشان تخبط سوا ملك او سما عايزكم تبقو محترمين ومؤدبين قدامهم... 
ناني
حاضر يا بابا... 
بص بهاء لملك وسما وقال 
وانتو؟... 
ردو هما الاتنين وقالو 
اللي تشوفه يا بابا... 
قعد بهاء قدامهم وقال بدموع 
كبرتو يا بنات وبقيتو بتحبو وهتتجوزو... 
سما 
بس مش هنسيبك قاعدين علي قلبك... 
_قامو كلهم وحضنوه وهو كمان حضنهم، من صغرهم كان ليهم الاب والام والاخ والصديق، نعم ها هو الاب الحقيقي... 
ـــــــــــ #بقلم_الكاتبه_رحاب_القاضي ـــــــــــ 
_في القاهره طلع اياد من اوضته ولقي انس وباباه قاعدين بيفطرو وهما مدايقين.. 
اياد 
صباح الخير اومال فين ميمي؟.. 
معتز 
راحت تعمل طفح للزفت مش عاجبه الفطار.. 
انس بغيظ 
يا حول الله يا رب علي الصبح.. 
معتز بعصبيه
لا تعالي اديني قلمين يا صايع.. 
اياد 
خلاص يا بابا اهدي عشان صحتك، وانت يا انس مزعل بابا ليه؟.. 
انس
انا ما اتكلمتش معاه اصلا، كل الحكايه ان الفطار مش عجبني وقولت لماما تعملي غيره هو ادايق.. 
معتز 
بيتكلم الصايع وكانه بيتكلم علي واحد زميله في الشارع.. 
انس 
طيب بما اني كده كده صايع فا انا مش هحضر الامتحانات السنه دي.. 
معتز بعصبيه 
نعممم ليه اومال هتعمل ليه ان شاء الله؟.. 
انس 
انت عارف اني بحب العب basketball، وهبقي احسن لاعب في مصر.. 
معتز 
بقي مدخلك كلية الهندسه وخاصه كمان والبيه كل همه اللعب والصرمحه.. 
انس
وانا اللي عندي قولته.. 
طلعت مريم وقالت
امسك يا حبيبي الفطار بتاعك اهو اقعد افطر.. 
معتز بعصبيه 
مش هيتنيل يفطر كفايه بقي دلع وقلة ادب، غور يلا من وشي.. 
انس بغيظ 
اصلا هو مين يقتد في وشك ويبقي ليه نفس بفطر.. 
وقبل ما حد يتكلم دلق معتز الشاي علي انس وقال
ياصايع يا قليل الادب انا شكلى دلعتك زياده بس انا هعرف اربيك غور من وشي.. 
_نزلت دموع انس وبص لمريم الليكانت ساكته وبعدين راح اوضته، وجه اياد يروح وراه بس معتز زعق فيه وقال.. 
معتز 
علي فين انت كمان، اتنيل اقعد افطر عشان ما تتاخرش علي شغلك... 
اياد بضيق
شبعت يا بابا بعد اذنك.. 
مشي اياد ومريم قالت بدموع 
براحه علي ابني يا معتز، انا مش برضي اتكلم وادخل بينكم بس بلاش تقسي علي انس.. 
وقف معتز وقال
ابني انا كمان وانا هعرف اربيه كويس... 
_وسابها ودخل اوضته، وفي اوضو انس كلم جيلان صاحبته وقال.. 
انس 
سوري يا بيبي مش هقدر اخرح النهارده.. 
جيلان
احسن برضو اصلا بابي صمم اخد معايا وانا خارجه  جني بنت عمتي.. 
انس بحماس
لا انا فضيت اهو وجاي حالا.. 
_وبعد شويه سنه، وقف اياد بعربيته قدام القسم  ونزل منها وكان شبه معتز جدا في كل حركاته بس علي احلي وقال وهو بيتكلم في الفون.. 
اياد 
والله العظيم يا ميمي هفطر معلش بس هقفل عشان وصلت الشغل.. 
مريم 
هتفطر ايه عارف تاكل حاجه مش صحيه هزعلك وازعل ابوك.. 
ضحك اياد وقال
لا هجيب اكل صحي المهم روحي اتكلمي مع انس اخويا عشان بابا شد عليه جامد النهارده.. 
مريم
حاضر يا حبيبي المهم خلي بالك من نفسك.. 
اياد 
حاضر يا احلي ماما في الدنيا.. 
_دخل اياد القسم وقابله العسكري وقال.. 
العكسري
بعد اذنك يا اياد باشاا في بنت قاعده هنا من الصبح مستنيه حضرتك.. 
اياد بص للبنت اللي قاعده بتقلب في موبيلها وقاال. وهو طالع مكتبه.. 
اياد 
طيب خليها تجيلي المكتب فوق.. 
_وبعد شويه في مكتب اياد دخلت بنت بشرتها سمرا وعيونها خضرا بس لابسه نضارة نظر وشعرها كيرلي وطويل جدا ولابسه سوليبت جينز وكوتشي ابيض وقالت.. 
البنت
لو سمحت ممكن ادخل؟.. 
اياد بصلها وقال
انتي دخلتي اصلا، فين العسكري اللي بره؟.. 
البنت 
راح تقرببا يجيب موز باللبن.. 
اياد 
الله يفضحه انا قولتله ما يقولش لحد، انتي مين المهم عايزه ايه؟.. 
البنت وهي بتعدل نضارتها
انا ناني.. 
اياد 
ايوه يا ناني الظابط بتاع الاداب الناحيه التانيه، بس اول مره اشوف رقاصه لابسه نضارة نظر.. 
ناني بغيظ 
انت قليل الادب ومش متربي علي فكره.. 
وقف اياد وضرب ايديه علي المكتب وقال
نعم يا رووووح اممممك... 
ناني بخوف
انا اسفه والله ما اقصد انا بس بنت ناس والله بس بابا سماني كده اعمل ايه، المهم انا اسمي ناني صاحبة اكبر برنامج علي السوشيال ميديا. 
اياد 
اهلا وسهلا نعمم؟.. 
ناني
طبعا حضرتك بعد المهمه الاخيره وانك قبضت علي الخليه الارها*بيه واسمك بقي بيلمع علي السوشيال ميديا وانا عاوزه انفرد بيك.. 
اياد غمزلها وقال
ايه الصراحه دي تنفردي بيا مره واحده.. 
برقت ناني وقالت 
قصدي علي البرنامج انت بتفهم منين؟.. 
اياد 
بس انا مش بطلع في برامج.. 
ناني 
طيب عشان خاطري.. 
اياد 
اطلعي بره. 
ناني
علي فكره انا من اسكندريه وجايه القاهره مخصوص عشانك، والتيم بتاعي كله في انتظارك... 
اياد 
طيب هيكون نظامه ازاي البرنامج ده؟.. 
ناني
انت هتقعد والكاميرا هتكون عليك لوحدك ونسالك شوية اسالها وانت ترد.. 
اياد 
وايه نوع الاسئله بقي.؟.. 
ناني
اسئله عاديه زي اسمك ايه؟ كده و.. 
اياد بحده 
انتي هتستهبلي يعني جايبني ومش عارفين اسمي.. 
ناني بغيظ 
ما تصبر افهمك ايه الغلب ده، يا باشا الاسئله بتكون في الايطار ده حاجات خفيفه كده نخطف بيها التريند.. 
اياد 
والله ما حد خرب البلد غيركم يا تافهين.. 
ناني بغيظ 
اللهم طولك يا روح، حضرتك موافق ولا لا.. 
اياد 
هاتي رقمك ولما افضي هبقي اكلمك واجي.. 
ناني
هديلك رقم المسؤلين هما هيتفقو معاك وو.. 
اياد بخبث
رفمك انتي يا مش هاجي، محسسني انكم بتقدمو برنامج مني الشاذلي.. 
طلعت موبيلها وقالت
اتنيل اديني رقمك وهكلمك.. 
اياد 
اتنيل؟.. 
ناني
قصدي اتفضل حضرتك  .. 
_واخدت الرقم وجات تمشي بس هو وقف بسرعه وقرب منها وقال.. 
اياد 
اسمك ايه بقي ثلاثي عشان انا من الناس اللي بتحب تسجل الرقم بالاسم الثلاثي.. 
ناني ابتسمت 
اسمي ناني بهاء فخر الدين باي.. 
ابتسم اياد وقال
بااي يا شوكلاته سايحه جوه كيك.. 
فضل اياد سرحان ودخل العسكري وقال
الموز باللبن يا افندم.. 
اياد بغيظ 
اعمل فيك ايه فضحتني.. بقي في ظابط شرطه يشرب موز باللبن.. 
العسكري
ما حضرتك اللي طالبه يا افندم.. 
اياد 
تقوم تسيحلي هات واطلع اقف بره.. 
_وبعد ما خلصت ناني مع اياد وركبت بسرعه الاتوبيس ورجعت اسكندريه بس اول ما دخلت البيت لقيت اخواتها قاعدين ومعاهم بهاء اللي كان متعصب جدا.. 
ناني بخوف
بابا انا كنت هقولك وو.. 
زعق فيها بهاء وقال
انا مش ابوكي انتي فاهمه ولا لا... 
_تفتكرو ايه اللي هيحصل؟.. 
ــــــــــــــــــــــــــــــــــــــــــــــ 
ناني بدموع
يا بابا انت بتقول ايه انا لو كنت قولتلك انت ماكنتش هتخليني اوافق.. 
بهاء بعصبيه 
وزعل ابوكي هان عليكي قصاد شغلك يا ناني.. 
ناني 
لا طبعا اا.. 
زعق فيها وقال
ما تتكلميش معايا ولا لسانك يخاطب لساني تاني فاهمه... 
_قال كلامه وسابها ودخل مكتبه، وهي حضنت سما وفضلت تعيط.. 
سما
فضلت اقولك بلاش ما سمعتيش كلامي، اهو عرف من بره وجه بهدلني انا والغلبانه دي.. 
ملك 
انا مش هكلمك بجد عشان انا اتشتمت وانا ما اعرفش اصلا انها كانت مسافره بس انا ديما كده متاخده في الرجلين.. 
سما 
طيب خلاص ونسيب بابا بهدي شويه وندخل نصالحه، وانتي يا ناني عملتي ايه واياد ده قالك ايه.. 
ابتسمت ناني وقالت
كان فاكرني رقاصه.. 
ضحكت ملك وقالت
ههههه دي البدايه اتخانقتو طبعا وقالك مش هاجي البرنامج واطلعي بره وانتي عيطتي ومشيتي واا.. 
سما
عارفه يا ملك لو ما بطلتيش تطبقي مسلسلاتك وروياتك التافهه علينا هقوم الطشك بالقلم علي وشك.. 
ناني 
احسن عشان تبطلي تفاهه، وبعدين انا اتفقت معاه عادي هو مستفز بصراحه وغلس اووي بس وافق.. 
ـــــــــ #بقلم_الكاتبه_رحاب_القاضي ـــــــــ 
_في القاهره كانت جيلان قاعده في كافي وقدامها جني اللي كانت محجبه وماسكه كتاب بتقرأ فيه.. 
جيلان 
يا ست الدكتوره ممكن لو هتذاكري تروحي تقعدي بعيد عني عشان انس جاي ومش عايزاكي تقعدي معانا.. 
جني بضيق
انا مش فاهمه بصراحه ازاي بتعملي كده، ليه بتكدبي علي  خالي وبتقوليلو انك طالعه مع صحابك وانتي بتقابلي البني ادم ده.. 
_في الوقت ده قعد انس جنبيهم وبص لجني بهدوء وقال.. 
انس
ممكن. افهم انا مدايقك في ايه؟.. 
ادايقت جني من نظراته وقامت
انا ما كنتش اقصد حضرتك، انا قاعده بذاكر هناك يا جيلان لما تخلصي قوليلي.. 
مشيت جني وانس ما نزلش عينه من عليها، وقالت جيلان بغيره.. 
جيلان
وبعدين معاك انت بتبصلها كده ليه ما تحترمني شويه.. 
انس
هي جني بتدرس في المدرسه اللي كنا فيها واحنا في ثانوي مش كده؟.. 
جيلان 
يادي جني وسنينها ايوه يا انس، وبعدين هو انت جاي عشاني ولا عشان هي جات معايا.. 
انس
لا طبعا يا حبيبتي عشانك انتي.. 
جيلان 
طيب شيل عينك من عليها وخليك معايا.. 
_وبعد شويه رجعت جيلان البيت ومعاها جني وكانت قاعده عزه مامت جني واخوها عزت ابو جيلان.. 
عزت 
كل ده بره يا بنات، مش قولت ساعه وتيجو.. 
جيلان
قول للست جني اللي كأنها اول مره تشوف كافيهات.. 
عزه
معلش يا حبيبتي هي كانت عايشه في البلد وما تعرفش الحاجات اللي هنا فتلاقيها مبهوره بيها.. 
جني بحزن 
انا طالعه اوضتي اذاكر بعد اذنكم.. 
_واول ما طلعت اوضتها كانت مدايقه جدا من تصرفات جيلان معاها وسهولة مامتها في التعامل مع خالها وبنت خالها، وبعدين لقيت موبيلها بيرن برقم غريب، ردت وسكتت وجالها صوت انس اللي قال.. 
انس
علي فكره انا جيت اقابل جيلان عشان اشوفك انتي.. 
اتوترت جني وقالت
مم مين معايا؟.. 
انس
انس يا جني، بصراحه كده انا معجب بيكي وو.. 
جني بحده 
انت واحد مش محترم ولو كلمتني تاني انا هقول لجيلان انت فاهم ولا لا.. 
_قفلت في وشه وعملت بلوك للرقم وقالت لنفسها بضيق.. 
جني
انا ايه بس اللي جابني من البلد ياريتني كنت فضلت هناك عند عمتي ارحم من العيشه مع جيلان والاشكال اللي تعرفها دي.. 
ـــــــــ #بقلم_الكاتبه_رحاب_القاضي ـــــــــ 
_في نفس الوقت خلص اياد شغله ورجع البيت وكان عمال يغني بصوت وحش جدا.. 
اياد
أنا شاري هواك يا اسمر
بروحي، و فرحتي و عمري
و أيّام حلوة عشناها راحت و انقضت بدري
ياريت ترجع لياليها و أنا و أنت نعيش فيها
و القلب اللّي شغلتُه سنين بهواك، بهواك
لوّعتُه و ضيّعتُه و قلت فداك، فداك
لا أنا بشكي و لا بحكي بسّ قولّي يا حبيبي.. 
مريم راحتله بسرعه وقالت
مين دي هااا اصل انت شبه ابوك وابوك لما حبني كان اهطل زيك كده وبيغني لعبد الحليم.. 
معتز وهو بيتفرج علي التلفزيون
سيبك منها يا معتز وتعالي قولي انا، مين دي منه مش كده؟..
مريم 
نعممم طيب اقسم بالله يا اياد لو فكرت تخطب منه الصفرا بنت خالتك علا الصفرا لكون مطربقه البيت علي دماغ ابوك... 
معتز 
الله وانا مالي هو انا اللي هخطبها ولا هو؟.. 
اياد 
بااااس مش منه طبعا دي واحده كده جات عندي المكتب عايزاني اطلع معاها في برنامج بيتعمل علي النت، بصراحه اول مره واحدن تلفت نظري اووي كده.. 
مريم 
تعالي اقعد كده وقولي هتشوفها امتي تاني ولا هتعملو البرنامج ده امتي عشلن اجي معاك اشوفها؟.. 
اياد 
ميمي فين الغدا انا جعان.. 
طلع انس من اوضته وقال
انا عندي تدريب في النادي ما تيجو معايا ونتغدي كلنا هناك.. 
معتز بجمود 
روحو انتو انا مش عايز اروح مع حد... 
قعد انس جنبيه وقال
هدخل الامتحانات علي فكره وهنجح، وهتدرب برضو بس ما تزعلش مني.. 
قعد اياد جنبيه من الناحيه التانيه وقال
وانا لو ما نجحش هنزله ليك الحجز عندي.. 
معتز 
عارف يا انس اخرك معايا غلطه واحده وما تعرفش انا هعمل فيك ايه؟.. 
مريم 
خلاص طيب ربنا ما يجيب مشاكل نقوم يلا نجهز.. 
ـــــــــ #بقلم_الكاتبه_رحاب_القاضي ـــــــــ
_بعد كام يوم في الاسكندريه كان بهاء قاعد هو وبناته بيتغدو وناني ما كانتش موجوده.. 
بهاء
هي الهانم لسه بره البيت؟.. 
سما 
انا عارفه انها غلطت بس انت عارف ناني عنيده اووي واللي بتصمم عليه بتعمله وخصوصا في شغلها.. 
بهاء بضيق
خلاص خليها عنيده ومالهاش دعوه بيا.. 
ملك 
يا بيبو يعني انت مرتاح وانت زعلان من ناني، اومال فين كلامك انا مش برتاح غير لما اشوف عيونك يا ناني اصلهم بيفكروني بعيون المرحومه امك يا ناني... 
سما 
اهو طلع كلام وخلاص، طيب دي الصبح طلعت ودموعها ماليه عينيها.. 
ملك 
لا وكمان طول الليل يا حرام بتعيط ولا اكلت ولا داقت حتي بوق مايه.. 
بهاء بغيظ
ااه منكم يا بنات ندي انتو، انا اصلا هصالحها بس لازم تعرف انها غلطت لما عملت حاجه من ورايا.. 
سما 
مش هتتكرر تاني خلاص بقي قلبك ابيض.. 
بهاء
وانتي بكره تاخدي اجازه عشان محمد واهله اللي جايين وتقعدي تروقي البيت،وانا كلمت مكتب الخدمه هيبعت شغاله و.... 
سما 
والله عيب يبقي عندك تلات ستات بيوت ما جابتهمش ولاده وتجيب شغاله،احنا ما فيش شغلات هتدخل بيتنا... 
ملك 
ايوه احنا بنغير عليك ومش هندخل ستات غريبه البيت.. 
ضحك بهاء وقال
ههههه ماشي خلاص ابقي ساعدي اختك يا ملك انتي وناني... 
ملك 
حاضر وعقبااالي انا وامجد ياااارب.. 
بهاء
انا عايز افهم حاجه هو انتي ازاي حبتيه بسرعه كده؟.. 
ملك 
عشان هو يتحب بسرعه يا بيبو.. 
كتمت سما ضحكتها وقال بهاء
هو انا عرفت اربيها والله ما عرفت اربيها... 
ملك 
ايه ده يا بابا هو انت ربيت غيري اصلا المهم انا رايحه الشركه هاخد اجازه واجي علي طول.. 
بهاء 
لا طبعا مش هتروحي تاني غير لما يجي يخطبك.. 
سما 
 بابا لو سمحت بلاش ندخل الشغل في مواضيع شخصيه... 
بهاء اتنهد وقال
طيب خلاص هخلي خالد يستناكي ويوديكي ويجيبك.. 
ملك
لا انا هاخد عربية سما... 
سما 
ايه الهبل ده لا طبعا انا ما حدش هياخد عربيتي.. 
ملك 
يعني يرضيك يا بيبو كل واحده فيهم معاها عربيه الا  انا... 
بهاء
كلهم جابو عربيات من فلوس شغلهم مش مضيعينها علي الاكل والخروجات والرويات هاا.. 
ملك 
لازمته ايه بس الذول ده، انا داخله اغير هدوميي.. 
ودخلت ملك جوه وسما قالت لبهاء
في ايه يا بابا مالك، مش معقول الزعل ده كله عشان ناني راحت القاهره.. 
بهاء بضيق
ملك مش عارفه هي بتعمل ايه، والكلام ده بيني بينك انا مستحيل اجوزها لامجد.. 
سما 
نعمممم لا بالراحه كده فهمني ايه الموضوع؟.. 
بهاء
؟؟؟؟؟؟؟؟؟.. 
_بعد شويه نزلت ملك وكان خالد سواق باباها مستنيها، واول ما شافها فتحلها الباب وقال بجمود... 
خالد 
اتفضلي يا ملك هانم.. 
ابتسمت ملك وقالت
والله يا خالد انا في الدنيا دي كلها ما حدش عاملي قيمه غيرك.. 
خالد بجديه
اتفضلي يا هانم لو سمحتي عشان لازم الحق اروح لدكتور بهاء المستشفي.. 
ملك 
بطيتني وارتحت انت كده تلاقيه في عيالك يا خالد... 
_ركبت ملك وخالد قفل الباب وراح ساق العربيه ووداها الشركه، وكان كل شويه يبصلها في المرايه بنظره غريبه هي مش واخده بالها منها..
ـــــــــ #بقلم_الكاتبه_رحاب_القاضي ـــــــــ 
_في شغل ناني كانت واقفه مع التيم بتاعها وهي متعصبه وقالت.. 
ناني
يعني ايه يا رؤوف مش عارف تجيب حتت ممثله لسه صاعده اصلا، اومال احنا هنكبر ازاي.. 
رؤوف 
يا ناني وانا اعملها ايه بتقول عايزه مبلغ فوق اللي محددينه اصلا.. 
ناني 
في داهيه مش عايزين ممثلين خالص.. 
رانيا
انا من رأيي كده خلينا في التريند احسن، اي حد يطلع تريند احنا ننفرد بيه، زي الظابط اللي كان اسمه مالي السوشيال ميديا.. 
رؤوف
ايوه يا ناني هاتي رقمه وانا هتواصل معاه واجيبه.. 
ناني 
انت تسكت خالص يا رؤوف وتحاول تجيبلنا اي حد عشان الحلقه اللي بعد اياد معتز تمام... 
رؤوف بضيق
اوكي تمام يا ناني... 
_ودخلت ناني مكتبها الخاص وكلمت اياد، اللي رد عليها علي طول وقال... 
اياد 
ايوه مين معايا؟.. 
ناني 
حضرتك انا ناني اللي جيتلك من كام يوم و... 
اياد 
ناني الرقاصه.. 
ناني بعصبيه 
ما تحترم نفسك بقي، انا ناني بتاعت برنامج تريند... 
اياد بخبث
مش فاكرك بصراحه ممكن تفكريني بيكي اكتر؟.. 
ناني بحده 
هو ايه ده اللي مش فاكرني، يعني بعد المرمطه اللي حصلتلي عشان اوصلك وبابا اللي مخاصمني لحد النهارده وفي الاخر انت تقولي مش فاكرني اا.. 
اياد 
بااااس ايه يا راديو انا فاكرك والله هو انتي تتنسي انا بس بهزر معاكي.. 
اتنهدت ناني بغيظ وقالت
يعني هو ده وقته علي العموم احنا في انتظار حضرتك بكره انا بعتلك العنوان علي الوتساب وحضرتك ما ردتش عليا.. 
اياد 
ما انا تقلان عليكي.. 
ناني 
نعمممم؟؟.. 
اياد 
ااا قصدي ما اخدتش بالي علي العموم تمام بكره الساعه واحده الضهر هكون عندك..
ناني
اوكي وانا هبعت لحضرتك حد يستناك ويجيبك من اول ما تدخل اسكندريه.. 
اياد 
انتي اللي تكوني في انتظاري وبلاش فشخره ماشي.. 
ناني 
فشخرة ايه انا بجد مش فاضيه.. 
اياد 
وانا كمان مش فاضي يا تيجي انتي وتاخديني بعربيتك كمان ده لو كان معاكي عربيه، ولو مش معاكي هاتر اخدك انا بعربيتي... 
بصت ناني للفون بغيظ وقالت
اوكي في انتظار حضرتك... 
_خلصت كلامها وقفلت في وشه، وهو ضحك وقال.. 
اياد 
يخرب بيت تقل اهلك يا شيخه بس حقك والله... 
ردت عليه منه اللي جات وقفت جنبيه في البلكونه وقالت.. 
منه 
هي مين دي اللي انت كنت بتكلمها.. 
اياد 
 وهي مال خالتي؟.. 
منه
يعني؟.. 
اياد 
هي مش خالتي دي تبقي يعني مال امك يا منه.. 
منه بغيظ 
عادي بعني بسأل مش عايز تقول براحتك.. 
اياد 
ايوه براحتي وبعدين انتي دخلتي ازاي وعديتي كده بسهوله من ميمي... 
منه 
فتحلي انس وو.. 
مريم 
وانا جيتلك يا بت الصفراا.. 
منه 
طنط ممكن تغيري طريقتك دي؟.. 
مريم
ومالها طريقتي يا بنت الصفرااا.. 
اياد كتم ضحكته
خلاص يا ميمي منه جايه تطمن علينا... 
منه
انا جايه اطمن علي ابن خالتي وبس مش علي حد تاني... 
مريم 
بقولك ايه يا اياد والله يا حبيبي بتوع شركات التنضيف عملو كل حاجه تنضف البقع والسواد والغل، انا مستنياهم بقي يعملو حاجه ينضفو بيها الصفار عشان نخلص.. 
ضحك اياد بصوت عالي وقال
ههههههه قولتلك يا منه بلاش تيجي هنا، انتي ما بتسمعيش كلامي وبتيجي...
منه 
انا ماشيه وابقي تعالي يا اياد ماما عايزاك في حاجه مهمه... 
قالت كلامها ومشيت ومريم قالت
ابقي سلميلي علي امك علا الصفره هزعل لو نسيتي.. 
اياد 
خلاص مشيت يا ميمي كفايه عليها كده.. 
مريم 
عارف لو اتجوزت البنت دي هعلقك انت وهي.. 
اياد 
لا انا شكلي كده هتجوز من اسكندريه ايه رئيك.. 
مريم
شالله تتجوز من اخر الدنيا المهم تبعد عن الصفرا وبنتها... 
ـــــــــ #بقلم_الكاتبه_رحاب_القاضي ـــــــــ
_في شركة امجد كانت ملك واقفه عند شئون الموظفين، وفجأه لقيت امجد وقف جنبيها وقال.. 
امجد 
ازاي بس تيجي هنا وتطلبي اجازه وما تجيش تشوفي خطيبك.. 
ملك
بس هو لسه ما بقاش خطيبي وبابا قالي ما اتكلمش معاك خالص.... 
امجد 
ما تسمعيش كلامه عادي، وبعدين كلها اسبوع وهاجي اخطبك ويبقي زيتنا في دقيقنا.. 
ملك 
طيب هاتلي قهوه وتعالي نشربها هنا وبعدين امشي.. 
امجد 
ايوه بقي هو ده الكلام وهجيبلك دونات كمان وانا اللي هجيبهم بنفسي... 
_ومشي امجد من قدامها بس اتصدم لما لقي في بنت واقفه وبتبصله بعصبيه، رجع بسرهه لملك وقال.. 
امجد
امشي بسرعه من هنا يلاا.. 
ملك 
نعممم!.. انت بتطردني.. 
امجد 
هاا لا والله بس انا عندي اجتماع مهم بصي هخلي السواق بتاعي يوصلك.. 
ملك 
معايا سواق بابا تحت، انت كويس طيب.. 
امجد 
انا زي الفل يلا امشي انتي ولو محتاجه حاجه كلميني وانا هخلصلك كل حاجه.. 
ملك بضيق
علي فكره باين اووي انك بتوزعني، شكرا.. 
_مشيت ملك ونزلت تحت وهي مدايقه، وخالد كان واقف بره العربيه مستنيها.. 
ملك 
بقولك ايه انت كمان يا تفرد خلقتك عليا يا هروح لوحدي.. 
خالد 
انتي ليكي عليا اني اوصلك وبس انما لو هتتكلمي معايا ياريت يكون بطريقه افضل من كده.. 
ملك بدموع 
طيب وربنا لانا مروحه لوحدي يا رخم انت والحيوان اللي فوق بس... 
_خلصت  كلامها ومشيت بسرعه وخالد ضحك غصب عنه و؟.... 
ـــــــــ بقلم#الكاتبه_رحاب_القاضي ـــــــــ 
_في المدرسه اللي شغاله فيها سما كانت واقفه بتشرح للطلاب، وفجاه دخل محمد وقال.. 
محمد 
الله اول مره اشوفك وانتي عاقله.. 
سما اتفاجئت وقالت
محمد انت بتعمل ايه هنا؟.. 
محمد ابتسم وقال
جاي اتفرج.. 
سما بعصبيه
وحياة امك.. 
قام ولد من الطلاب وقال
العب يا ميس سمااا.. 
_تفتكرو ايه اللي هيحصل؟.. 
سما اتفاجئت وقالت
محمد انت بتعمل ايه هنا؟.. 
محمد
جاي اتفرج.. 
سما
نعمم يا روح امك.. 
قام ولد من الطلاب وقال
العب يا ميس سما.. 
سما بعصبيه 
اقعد كويس يا ولد انت، اتفضل اقعد واياك اسمع صوتك.. 
وشاورت بالعصايه علي محمد وقالت
وانت جاي تستظرف هنا ولا حكايتك ايه انت؟.. 
محمد بخوف
هو انا كلمتك، انا مستنيكي بره  لحد ما تخلصي.. 
سما
طيب اوعي تعمل دوشه بره انا مش ناقصه مشاكل.. 
محمد. 
حاضر يا ميس سما... 
سما 
انت بتتريق عليا ولا ايه؟.. 
محمد 
لا والله العظيم مش قصدي بس شخصيتك جامده بصراحه،.. 
وبعدين بص للطلاب وقال
الله يعينكم ده انا اللي هبقي جوزها ومرعوب منها.. 
سما بحده 
اطلع بره يا محمد.... 
_طلت محمد بسرعه وفضل مستنيها شويه، وبعدين الحصه خلصت وطلعت بره لقيته واقف عند السور وقالع نضارة النظر بتاعته وفي بنات واقفين علي مسافه منه وبيبصو عليه، ادايقت سما وقربت منه وقالت.... 
سما 
انا خلصت مش يلا بينا ولا ايه؟.. 
بصلها محمد وقال
اوكي يلا بينا.. 
سما 
ايه ده انت عيونك لونهم ازرق.. 
ابتسم محمد ولبس النضاره وقال
ايوه انتي لسه واخده بالك بجد.. 
مشيت سما وهو جنبيها وقالت
وانا هاخد بالي ازاي وانت اصلا لابس نضاره.. 
محمد 
اما عديمة نظر بصحيح، اصلا ازاي كنتي عايزه تطفشي عريس زيي عيون زرقا وابيضاني وشعر بني ودقن بني.. 
سما بسخريه 
والله استحي اقولك انا اول ما شوفتك اول مره قولت ايه اصلا.. 
طلعو من المدرسه ومحمد وقف قدامها وقال
لا انا فضووووولييي اووي وعايز اعرف انتي قولتي ايه... 
سما 
ما. بلاش. احسن.. 
محمد 
لا معلش انا عايز اعرف.. 
سما
قولت عليك ملزق وعيل طري.. 
محمد بغيظ
هو انتي ما فيش حاجه عندك اسمها جبر خواطر
ابتسمت وقالت
ما انا اللي قولتك بلاش، علي العموم انت جاي عايزني في ايه؟.. 
محمد بجديه
في موضوع مهم لازم نتكلم فيه، بس تعالي نروح كافيه و.. 
سما
لا انا ده معاد الغدا بتاعي، انا هنروح نتغدي وقول اللي عايزه.. 
محمد 
اوكي تعالي طيب اوديكي مطعم جامد جدا وو.. 
سما
لا هوو انا لسه هروح مطاعم، تعالي معايا ورا المدرسه هنا في حتت مسمط بيعمل كوارع ووكبده مش هتدوق زيهم في حياتك. 
اتصدم محمد وقال
نعممم كوارع وكبده.. 
_وبعد شويه كانو قعدين هناك وسما بتاكل ومحمد بيبص ليها بقرف وللمكان كله... 
سما بصوت عالي
حماصه اتنين كبده هنا للدكتور.. 
محمد 
لا لا لا انا مش بحب الاكل ده بصراحه وبتعب منه.. 
سما بخبث
بص انا بالنسبالي الراجل اللي ما بياكلش كوراع وممبار مش راجل.. 
محمد بص وراه وقال
زود واحد كوارع وواحد ممبار لو سمحت.. 
ضحكت سما وقالتله
ههههههه ايه بقي الموضوع اللي عايزني فيه.. 
محمد ابتسم لضحكتها اللي اول مره يشوفها وقال
شوفتي عمرو دياب لما قال ضحكت يبقي قلبها مال... 
سما
بس الواقع بيقولك ولو رجعت تبقي بنت شماال.. 
محمد
قنبلة فصلان قاعده قدامي، المهم الموضوع اللي انا عايزك فيه بخصوص ماما او حماتك.. 
سما 
مالها اوعي تكون حرمبوءه.. 
محمد
عرفتي منين؟.. 
سما
نعمممم؟... 
محمد
لا انا قصدي يعني انها عصبيه شويه، متعلقه بيا شويتين اكمني ابنها الوحيد، والموضوع بقي انها رافضه موضوع اني اسكن بعيد عنها... 
سما
انت عايز تقول ايه يا محمد اتكلم علي طول.  
محمد 
انا كلمت دكتور بهاء في الموضوع وقولتله اننا هنتجوز عند اهلي وهجيب شقه في نفس العماره بتاعتكم وهجهز الاتنين، بس ماما ما تعرفش حاجه عن الشقه دي واحنا بعد الجواز حبه هنا وحبه هنا.. 
سما ادايقت وقالت
لا معلش انا مش بحب الطريقه دي، ليه ما نتكلمش بجد و.. 
مسك ايدها محمد وقال
انا بحبك يا سما، انا بالفعل تفكيري مش قادر يبقي غير فيكي، انا بقعد بالسعات اقلب في الاكونتات بتاعتك علي السوشيال كلها وكل يوم مش مره واحده،من الاخر يا سما انا عايزك معايا ومش عايز غيرك بس طلبي الوحيد انك تستحملي ظروفي شويه..
سما سحبت ايدها من ايده وقالت بضيق
حاضر انا هفكر  في الموضوع كويس و.. 
محمد
استني بقي وانتي بتفكري فيه، فكري ان فرحنا هيكون اخر الشهر الجاي.. 
سما اتفاجئت 
نعمممم؟.. 
ـــــــــ #بقلم_الكاتبه_رحاب_القاضي ـــــــــ 
_دخل امجد المكتب بتاعه وكانت معاه البنت اللي شافها لما كان واقف مع ملك، وقفل الباب عليهم وبصلها بكل عصبيه وقال.. 
امجد
انتي مجنونه صح، هو انتي فاكره لما تيجي شركة امجد البحيري هعديهالك يا سونيا.. 
سونيا
يا اخويا بركه انك لسه فاكر اسمي ده انا قولت انك نسيتي مع اللي كانو قبل مني.. 
امجد 
جايه عايزه ايه يا سونيا، مش انا قولت شغلي خط احمر.. 
سونيا
قبل ما ارد. عليك مين القطه اللي كانت واقفه معاك بره دي ولما شوفتني وانت معاها اتكهربت كده.. 
ماجد ببرود
دي خطيبتي يا سونيا.. 
سونيا بعصبيه
يا نهار ابوووك اسود خطيبة مين يا عينيا؟.. 
امجد بحده
في ايه يا روح امك جو الرقصات الرخيص ده ما بتعملش هنا ده يتعمل في الكباريه اللي لميتك منه فاهمه ولا لا؟.. 
سونيا
بقي دلوقتي جو رخيص الله يرحم لما كنت بتيجي الكباريه اللي لميتني منه وتترمي تحت رجلي عشان ارضي عليك وابصلك.. 
_خلصت كلامها ونزل امجد بايده علي وشها وقال بعصبيه.. 
امجد 
هتنسي نفسك يا بت ولا ايه ده امجد البحيري يعني باشاره واحده مني تروحي في ستين داهيه.. 
بصتله سونيا بكل شر وقالت
شالله تكون مالك العالم ده كله، انت هتندم علي اللي عملته ده يا امجد وربنا بقي يكفيك شر كيد الغوازي... 
_قالت كلامها ومشيت وهي متعصبه، ودخلت السكرتيره وقالت.. 
السكرتيره 
مالك يا امجد. بيه حضرتك شكلك مدايق اووي؟.. 
امجد 
عكرت مزاجي بنت العكره، بقولك ايه ما تقفلي باب المكتب حبه كده وتعالي اعدليلي مزاجي.. 
ضحكت السكرتيره وقالت
هههههه بس كده تحت امرك يا امجد بيه.. 
ـــــــــ #بقلم_الكاتبه_رحاب_القاضي ـــــــــ 
خالد 
ممكن تستني حضرتك رايحه فين؟.. 
ملك
رايحه مكان ما رايحه انتو مالكم يا ناس يا شريره وانا الملك البريئه المظلومه.. 
خالد
لو سمحتي اتفضلي اركبي العربيه لازم اوصلك البيت عشان اروح المستشفي... 
ملك بحده 
قولتلك مش طالعه، انا هروح لوحدي.. 
خالد بضيق
طيب هوقف لحضرتك تاكسي يوصلك.. 
ملك بصتله بغيظ وقالت
ده بدل ما تقولي انا اسف وما تزعليش.. 
خالد بحده 
انا ما غلطش فيكي عشان اعتذرلك.. 
اتملت عيونها دموع وقالت
طيب وربنا لهقول لبابا انت بتزعقلي، اتفرج انا هعمل فيك ايه تعالي وصلني... 
_خلصت كلامها وراحت ركبت العربيته وهو اتصدم من انها عيطت بسبب انه علي صوته شويه عليها وقال لنفسه بسخريه.. 
خالد 
اومال لو عايشه مع فتحي كنتي عملتي ايه... 
_واخدها وصلها المستشفى واول ما نزلت مسكت ايده وقالت.. 
ملك 
تعالي معايا انا هوديك لبابا هخليه يتصرف معاك.. 
خالد بجمود 
سيبي ايدي لو سمحتي... 
ملك 
انت بتبرقلي ليه، طيب انا هخلي بابا هو اللي يجيبك.. 
_وطلعت فوق وبعد شويه كلمه بهاء وقاله يطلعله فووق، اتنهد خالد بضيق وطلع فوق في مكتب بهاء.. 
خالد 
تحت امر حصرتك يا دكتور بهاء؟.. 
بهاء
مزعل ملك منك ليه يا خالد. ده انا مش بامن حد علي بناتي غيرك.. 
خالد 
ده شرف ليا يا دكتور بهاء، بس انا ما زعلتهاش والله.. 
ملك بعصبيه
علي فكره اللي بيكذب بيروح النار يا خالد.. 
غصب عنه ابتسم وقال
يا دكتور بهاء انا لو غلطت في. حقها في حاجه تقول وانا مستعد اعتذرلها قدام الدنيا كلها.. 
بهاء بص لملك وقال
ها يا ملك زعلك في ايه خالد؟.. 
ملك بتوتر
هو لازم يعني تعرف.. بصراحه كده انا نسيت.... 
ضحك خالد غصب عنه وبهاء قال
قومي يا ملك روحي بدل ما اقلع الجزمه وانزلها علي دماغك... 
ملك قامت وقالت لخالد وهي مدايقه
عارف لولا اني نسيت يا خالد انت ما تعرفش كان هيحصلك ايه؟.. 
خالد 
ومش عايز اعرف.... 
بهاء
اديها المفتاح بتاع العربيه تروح لوحدها عشان عايزك معايا في مشوار وهناخد العربيه الكبيره..
ـــــــــ #بقلم_رحاب_القاضي ـــــــــ 
_في القاهره دخلت جيلان النادي اللي بيتدرب فيه انس، ومعاها جني اللي كانت مدايقه جدا.. 
جني
علي فكره انا مش هخرج تاني معاكي بعد كده.، لانك بتكدبي وبرضو جايه عند. الولد ده... 
جيلان 
لا هتخرجي معايا وبعدين بطلي حركاتك دي اللي عايزه تلفتي بيها نظر انس ليكي هو مش هيشوفك اصلا.. 
جني 
وانا مش عايزاه يشوفني، وعايزه امشي من هنا.. 
في الوقت ده قرب منهم انس وقال
تمشي ليه بس يا جني ده انا ما صدقت انك تيجي.. 
بصتله جيلان بعصبيه وهو قال بسرعه
قصدي يعني عشان جيلان تقدر تيجي، لانها مش هتقدر تيجي لوحدها.. 
جيلان 
المهم يا حبيبي تعالي بس عشان هتفرج عليك وبعدين نطلع نتغدي.. 
انس بص لجني وقال
اكيد طبعا، تعالي اقعدو في المكان اللي عايزينه عشان الكابتن بيناديلي... 
_وسابهم ومشي وفضل يتدرب مع الفريق بتاعه وكان فعلا موهوب جدا في اللعبه دي، وكل شويه كان يبص لجني يلاقيها مش مهتميه بيه ومركزه في موبيلها، وبعدين قامت ومشيت وهي بتتكلم في الفون، مسك الكوره ورماها  بعصبيه علي الارض.. 
المدرب
انس فيه ايه اهدي شويه.. 
انس بضيق
سوري يا كابتن.. 
المدرب
انت بريك النهارده، طارق هينزل مكانك... 
_ادايق انس وراح غير هدومه ومشي حتي من غير ما يكلم جيلان خالص، واللي خلاها تدايق اكتر لما لقيته واقف مع جني وبيقولها... 
انس
هو انتي ليه بتتصرفي كده معايا، انا ما فيش بنت تعبتني زيك.. 
جني
الموضوع ساهل جدا بس انت مش عايز تفهمه ان انا مش زي البنات اللي تعرفها.. 
انس
بالظبط وده اللي مجنني عليكي، وعلي فكره انا بالي طويل اووي.. 
جني بحده 
لو سمحت ابعد عن طريقي احسنلك والا مش هيحصل كويس. 
انس
مش هبعد غير لما توافقي نرتبط او حتي نبقي صحاب.. 
انس
هو انت ما تعرفش ان ده علط وعيب وحرااام، بس انت واحد زيك بيتسلي ببنات الناس هيعرف ده ازاي... 
_خلصت كلامها وسابته ومشيت، وهو كلامها عصبه جدا ومشي رجع بيتهم... 
ـــــــــ 
_في بيت معتز كانت مريم قاعده قدام المرايه في اوضتها وبتقول.. 
مريم
والنبي يا مريم زي القمر حتي لو بقي عندك عشروميت سنه ولا ايه يا معتز.. 
معتز 
لا الرد مش هيكون وانتي بعيد كده، تعالي جنبي بس وهقولك.. 
مريم 
 يا شيخ اتنيل ده انت لو رفعت ايدك عشان تهرش في ضهرك هيجيلك تشنجات.. 
معتز بغيظ 
انتي مالك بيا اليومين دول، قالبه علي ميس مريم بتاعت الحضانه اللي شوفتها زمان فاكره.. 
مريم قامت قربت منه وقالت
استني بس سيبك من ده كله، امبارح انا كنت بكلم نيره وقالتلي ان حازم عايز يعمل مشروع يتسلي بدل قعدت البيت، ما تعمل الجيم اللي انت نفسك فيه انت وهو مع بعض... 
قرب منها معتز وقال
هي فكره حلوه اووي بس مش وقته دلوقتي، انتي مالك محلوه اووي كده ليه.. 
وقبل ما يقرب منها فتح انس الباب وقال
انتو بتعملو ايه؟.. 
مسك معتز الشبشب من الارض وحدفه عليه وقال
هنكون بنعمل ايه ياللي ما عندك. ذوق ازاي تدخل كده؟... 
بص انس لمريم اللي كانت مكسوفه جدا وقال
ما انا جاي من التمرين جعاان، والشغاله ما جاتش النهارده، تعالي يا ماما جهزيلي عشاا.. 
معتز
بقولك ايه نيره وحازم جم روح كل عندهم وسيبلي امك دلوقتي.. 
انس فرح اووي وقال
بجد حازم ونيرو رجعو من العمره، انا عبات عندهم النهارده ما حدش يقلق... 
_قال كلامه ومشي ومريم ادايقت وقالت.. 
مريم
هو انا ليه حاسه ان الواد ده مش بيحبنا زي نيره وحازم؟... 
معتز
يا ستي ما يحبهم مش كفايه ربنا ما ادهمش خلفه، هنستكتر عليهم انس اللي هما مربينه اكتر مني ومنك.. 
ـــــــــ #بقلم_الكاتبه_رحاب_القاضي ـــــــــ 
_في الاسكندرية.. 
_دخلت ملك البلكونه اللي كانت كبيره ومترتبه بشكل حلو اووي، وقالت وهي ماسكه شنط اهل.. 
ملك 
الكريب وصل يا شباب.. 
ناني
سما احلفي تاني ان بابا قال انه هيصالحني.. 
سما 
يادي النيله والله قال كده، المهم انا اعمل ايه في موضوع محمد.. 
ملك
وافقي طبعا ده حلو اووي.  
ناني
سيبك من المسهوكه دي، انتي حاسه بايه من ناحيته؟.. 
سما
مش عارفه بس مش عايزااه يبعد وخايفه يقرب اكتر من كده.. 
ناني
هو موضوع ان الفرح بعد اسبوعين تلاته ده يوتر، بس هو مسافر شغل مهم واكيد عايز حد جنبه في الفتره اللي هيكون فيها هناك.. 
ملك 
وافقي يا ناني ده انا في حتة فستان جامد عايزه البسه في فرحك.. 
سما بغيظ
يا ملك هقوم اضربك اسكتي بقي،وبعدين انا مدايقه منك بسبب اللي عملتيه في خالد حرام عليكي افرض كان بابا زعله بكلمه او حاجه.... 
ناني
لا لا بابا عارفها هطله، المهم انتي قوليلز موافقه وخليه يجي هو ومامته وباباه ويمكن خير يا سما.. 
ملك 
انا نفس رأي ناني والله، وبعدين محمد مش وحش ولا يخوف بالعكس محترم جدا.. 
ناني
بناات فاكرين لما كان بابا بيبات زمان في المستشفي زي كده، كنا احنا بنعمل ايه.. 
_قامو هما التلاته بحماس وشغلو فيلم رعب وقفلو نور الشقه كله وجابو بطنيه وقعدو علي الكنبه جنب بعض وفضلو يتفرجو معادا ملك اللي كانت مخبيه وشها في سما من الخوف... 
ـــــــــ #بقلم_الكاتبه_رحاب_القاضي ـــــــــ 
_تاني يوم قدام محطة اسكندريه، كانت ناني واقفه بعربيتها مستنيه اياد اللي طلع وهو ماسك شنطه كبيره في ايده.. 
ناني لنفسها بسخريه
هو حد ضحك عليه العبيط ده وقاله انه جاي رحله.. 
اياد 
ناني مش كده؟.. 
ناني بغيظ 
بيقولو،  اتفضل حضرتك معايا... 
اياد
لا انتي هتتنكي عليا من اولها والله الف وارجع تاني.. 
ناني
انا مش بتنك دي طريقتي، وبعدين انت جايب الشنطه دي ليه، ده هما كلهم ساعتين تلاته.. 
اياد 
لا ما انا اخدت اجازه اسبوع لحد ما اشوف اخرتها ايه؟.. 
ناني
هي ايه دي؟.. 
اياد
اسكندريه وبحر اسكندريه اللي مجنني من اول مره شوفته.. 
ناني 
اوكي اتفضل بقي لو سمحت.. 
_وركبو العربيه وبعد شويه اياد زعق فيها وقال.. 
اياد 
يا ستي ادخلي يمين.. 
ناني بعصبيه
وربنا ما انا داخله، خلي الحيوان اللي ذنق عليا ده متذنب شويه.. 
اياد 
علي فكره انتي اللي كنتي ماشيه غلط اصلا، اتحركي بقي الله يسترك.. 
ناني بحده 
وانت مالك اصلا هو كان من باقي اهلك.. 
اياد بغيظ 
ما هما لما هيتكلمو الكلام هيجي في وش البأف اللي قاعد جنبك.. اتنيلي امشي وقفتي الشارع كله.. 
ناني 
بقولك ايه يا بأف خليك في حالك.، ومش هتحرك غير لما الحيوان ده ينزل يتعذرلي... 
فتح اياد باب العربيه وقال وهو نازل
الله يخرب بيت اللي ركبهالك يا شيخه وطلعك من بيتكم اصلا.. 
وفتح الباب بتاع العربيه وزعق فيها وقال
هاتي المفتاح ده وانزلي يللااا... 
ناني بحده
انت بتزعق فياا.. 
_مسك ايدها وخلاها نزلت واخد منها المفتاح وهي راحت ركبت الناحيه التاتيه واياد هو اللي ساق العربيه.. 
اياد 
انتي بصالي كده ليه انتي هتتحولي ولا ايه؟.. 
ناني بغضب
انت زعقت فيا، انا ما فيش حد. بعد بابا قدر يزعق فيا ابدا.. 
اياد بقلق
علي فكره انتي اللي استفزتيني و.. 
ناني بعصبيه
اقسم بالله لولا ان البرنانج واقف عليك لكنت خليتك تقضي الاجازه بتاعتك في المستشفي.. 
اياد بصلها باستغراب من كلامها وقال
عنيفه اووي، وبعدين انا عملت كده عشان ماحدش يقولك حاجه واتخانق معاه لاني مش هتحمل عليكي نص كلمه.. 
ناني بحده 
لييه يعني كنت من باقي اهلي.. 
اياد بغيظ 
لميه شويه لسانك ده.، وبعدين انتي ما سمعتيش عن حاجه اسمها تلميحات قبل كده.. 
ناني بضيق
بقولك ايه سوق وانت ساكت، هترتاح شويه وبعدين هنسجل عشان نخلص.. 
اياد 
هو ايه المقابل بقي تسجيلي البرنامج ده معاكم مع انا مش عايز اقولك مين كلمني وانا رفضت.. 
ناني 
من. غير هري كتير، في التلفزيون ما حدش بيجيب ظباط شرطه احنا بس عشان التريند. مش اكتر جايبينك.. 
اياد 
يخربيت لسانك يا شيخه، المهم انا عايز مقابل وهطلبه بعد البرنامج ما يتسجل.. 
ناني فكرته بيتكلم علي الفلوس وقالت
مش هنختلف كتير، اقف بقي علي شمالك هنا الاستديو بتاعي... 
_تفتكرو بقي ايه اللي هيطلبه اياد منها؟. 
ـــــــــ #بقلم_الكاتبه_رحاب_القاضي ـــــــــ 
_في مكان معماري حديث التشطيب، نزل بهاء من عربيته وكان معاه خالد، وقرب من امجد اللي واقف يبص علي العماره الكبيره اللي من تصميمه وقال.. 
بهاء
برافو عليك شاطر زي ابوك الله يرحمه لا وكمان عديته.. 
امجد 
كلامك ده شرف ليا والله يا عمي، خير قولتلي انك عايزني في موضوع مهم ورفضت انا اروحلك وحضرتك اللي جيت.. 
بهاء
عارف يا امجد انا لما قرىو اسيب القاهره ابوك اكتر واحد ساعدني انقل هنا مع بناتي بنفس امكانياتي وظروفي.. 
امجد 
بابا كان بيحبك جدا، بس انا مش فاهم برضو حضرتك.. 
بهاء بجمود 
انا طول عمري بتمني اللحظه اللي ارد فيها جمايل ابوك عليا، بس مش هردها ببنتي يا امجد... 
قلق امجد وسأله 
برضو مش فاهم حضرتك تقصد ايه؟.. 
بهاء
من غير لف ودوران انا الكلام ده هقوله ليك انت بعيد عن ملك لانها طفله اووي وبريئه فوق ما تتصور غير اخواتها واخاف عليها تتوجع.. 
بصله خالد اللي كان واقف بعيد باهتمام وامجد قال
انا مش فاهم حضرتك تقصد ايه للمفروض اني بكره هجيب ماما واجي اخطب ملك.. 
بهاء
لا اعتذر لمامتك بالنيابه عني، بس انا مستحيل اجوز بنتي لواحد نسوانجي يا امجد.. 
اتعصب امجد. وقال
وجيبتها ليه بقي تشتغل عندي من الاول، ليه وافقت اني اجي اخطبها.. 
بهاء
اولا لاني كنت فاكر ان الشغل عندك حاجه وعلاقتك حاجه تاني، ووافقت قدام ملك عشان مش عايز ازعلها.. 
امجد
يا دكتور بهاء انا شاب اعزب يعني اعمل اللي عايزه، بس لما ملك هتبقي في حياتي ه... 
بهاء
امجد انا حاجه واحده بس اللي اعرفها اخلاق المحترم هتكون لنفسه قبل اي حد، وانا مش مستعد اغامر ببنتي معاك، معلش الجواز قسمه ونصيب.. 
_خلص بهاء كلامه وراح ركب عربيته، وابتسم خالد غصب عنه ان الجوازه مش هتم، وامجد بص لبهاء بكل غضب وطلع موبيله وكلم ملك وقال.. 
امجد
ملك انزلي حالا انا جايلك علي البيت لازم نتكلم.. 
ملك 
مش هينفع دلوقتي خالص، لان سما اختي جايلها عريس دلوقتي هو واهله وناني في الشغل وانا مش هينفع اسيب سما لوحدها.. 
امجد بضيق
اوكي الصبح بدري هجيلك، بس ياريت دكتور بهاء ما يعرفش لوو عايزه موضوعنا يتم.. 
قلقت ملك وقالت
انا مش فاهمه انت عايز ايه يا امجد وفي ايه اصلا.. 
امجد
لما هشوفك هفهمك كل حاجه.. 
وقغل معاها وقال لنفسه بحده
انا ما يتقاليش لا ية دكتور بهاء وملك هتجوزها غصب عن عين اي حد.... 
ــــــــــــــــــــــــــــــــــــــــــــــ 
_وفعلا جه محمد ومامته وباباه وراحو بيت بهاء وقعد معاهم، وكانت سما وملك في المطبخ.. 
ملك
مالك يا سما هي في حاجه دايقتك بره؟.. 
سما بضيق
بزمتك يا شيخه مش حاسه ان محمد ابن امه... 
ملك 
لا ما خدتش بالي، وازاي يعني ابن امه مش فاهمه.. 
سما 
فينك بس يا ناني كانت هي اللي بتفهمني من غير ما اتكلم.. 
ملك 
حرام عليكي الست باين عليها. طيبه انتي اللي مفتريه.. 
سما 
طيبه بامارة انها هي بس اللي بتتكلم مع بابا ومحمد وباباه ساكتين... 
ملك 
يمكن بس عشان شخصيتها قويه.. 
_قبل ما ترد عليها سما دخل بهاء وقال بصوت واطي.. 
بهاء
ايه يا بنات قاعدين هنا وسايبين الست لوحدها بره..، مش كفايه الهانم اللي لحد دلوقتي بره البيت.. 
ملك
يا بابا ما انت عارف ان ناني مواعيد شغلها متلخبطه.، وبعدين سما بتقول اا.. 
سما بسرعه 
لا لا ما قولتش حاجه خالص... 
بهاء
عارفه منك ليها لو حصلت حاجه من خططكم قدام الناس والله هتشوفو وش عمركم ما شفتوه.. 
ملك
انا من ناحيتي مش هعمل حاجه شوف بقي الخبث والخبائث سما وناني.. 
سما ضربتها علي كتفها
لمي نفسك والا هلمك انا يا ملك.. 
ملك 
ما تمديش ايدك عليا يا سما والا والله هعيط.. 
بهاء
لا والنبي تعالو بره قدام الناس واتخانقو، هو انا عرفت اربي والنبي ما عرفت.. 
ملك
اسفه يا بابا ما اقصدش.. 
بهاء
اتنيلو هاتو الشاي وتعالو يلا ورايا... 
_وطلعو كلهم وقعدو مع بهاء ومحمد وعيلته، وكانت مامت محمد كل شويه تبص لسما من فوق لتحت وقالت... 
ثريا بجمود
وانتي بقي يا سما ناويه تشتغلي بعد الجواز.. 
محمد بقلق
يا ماما دي حاجه براحة سما، انا مش هتدخل فيها.. 
ثريا 
وانا بسألها هي مش بسألك انت.. 
بهاء بجمود
ردي يا سما علي طنط باللي يريحك يا حبيبتي.. 
سما بضيق
اكيد طبعا يا طنط هشتغل هو انا اتعلمت عشان اقعد في البيت.. 
ثريا حطت رجل علي رجل وقالت
طيب يا متعلمه لو جوزك احتاج حاجه وانتي في الشغل مين هيعملها ليه، اصل انا معوده ابني انه ما يعملش حاجه لنفسه ده راجل.. 
اتنهد محمد بضيق وبهاء حط رجل علي رجل وقال 
وانا يا مدام ثريا مربي بناتي علي ان ما فيش فرق بين الراجل والست، يعني مثلا لو هي تعبت في يوم بعد الف شر طبعا علي بنتي بس اكيد جوزها هو اللي هياخد باله منها ولا هيرميها في الشارع.. 
محمد رد عليه بسرعه وقال
لا طبعا يا عمي سما انا اشيلها في قلبي قبل عيوني.. 
_ابتسمت سما وبصت للاراض بكسوف، وبهاء طبطب علي كتفه وقال برضا.. 
بهاء 
وانا عشان كده هديلك حته من قلبي وانا مطمن اني مديها لراجل هيحافظ عليها.. 
وبعدين بص لايهاب ابو محمد وقال
منورنا يا استاذ ايهاب.. 
بص ايهاب لمراته بقلق وقال
منور بصحابه يا دكتور بهاء، والله احنا لينا الشرف اننا هناسب شخصيه محترمه زي حض.. 
قاطعته ثريا وقالت
انا بقول نتفق عشان في معاد دوا هاخده ولازم اروح بدري، طبعا الفرح هيكون اخر الشهر عشان ابني هيسافر دبي وهيقعد فتره هناك ولازم تكون مراته معاه.. 
بهاء
انا بفضل ان القرار ده يبقي بين محمد وسما، هما يختارو اللي يريحهم.. 
بصت ثريا لمحمد وقالت
هاا يا محمد قررت ايه يا حبيبي؟.. 
محمد 
والله انا قولت رأيي لسما والقرار ليها وانا معاها في اللي يريحها.. 
ثريا اتنهدت وقالت
امم والعروسه بقي قررت ايه؟.. 
سما سكتت شويه وقالت
انا من ناحيتي موافقه بس القرار الاول الاخير لبابا.. 
بهاء
وانا اللي يريحك يريحني يا حبيبتي.. 
ملك قالت وهي فرحانه 
طيب يلا بقي نلبس الدبل... 
_قام محمد وفعلا طلع الدبل اللي كان جايبها ولبسها هو وسما وكان باباه فرحان بس مامته كانت مدايقه جدا، وبعد شويه مشيو بس محمد طلع تاني عشان نسي موبيله وفتحتله سما.. 
سما 
امسك موبيلك اهو... 
محمد
انا قاصد علي فكره انسااه عشان اقولك مبروك.. 
سما 
انت عبيط. يا محمد ما انت قولتلي مبروك من شويه بعد ما لبسنا الدبل... 
_محمد مسك. ايدها اللي فيها الدبله وباسها، وبعدين قرب منها وقال.. 
محمد
بس بيني وبينك بتتقال بطريقه مختلفه.. 
سما بتوتر رجعت لورا وقالت
والله يا محمد لو قربت سنتي تاني لارميك من فوق.. 
محمد ابتسم وقال
هانت كلها شهر وهتبقي والدبله في ايدك الشمال واقرب براحتي.. 
سما 
ممكن بس ترجع لورا شويه.. 
_رجع محمد لورا وهو مش فاهم حاجه.، وفي اقل من ثانيه قفلت سما الباب في وشه.. 
ـ نزل محمد وهو بيضحك وركب عربيته وكانت مامته قاعده جنبيه وباباه من ورا.. 
ثريا بحده 
كل ده فوق بتجيب الموبيل؟.. 
محمد بضيق
ممكن. افهم هو في ايه يا ماما، وايه الطريقه اللي اتعاملتي بيها معاهم فوق دي؟.. 
ثريا 
ومالها طريقتي انا ما بعرفش انافق حد... 
محمد 
يا حول الله يارب، يا ماما مالهم الناس فيهم ايه ما يتحبش.. 
ثريا بسخريه
بنت متدلعه وباباها مدلعها بزياده دي هتشيل مسؤليه ازاي دي.. 
محمد بجمود 
هشيلها انا المسؤليه اللي تاعبه حضرتك دي، انا مش عايز غير سما تكون جنبي.. 
ثريا بعصبيه
طيب انت هتروحنا ولا هنبات هنا.. 
_ساق محمد عربيته ورجع بيتهم.... 
ـــــ #بقلم_الكاتبه_رحاب_القاضي ــــــــ 
_في الاستديو بتاع ناني كانت قاعده قدام اياد، وباصه في الورق.. 
اياد 
المهم بعني الاسئله ما يكونش فيها حاجات حساسه او بلاس 18.. 
ما ردتش عليه ناني فا قال هو بغيظ
يا حجه انا بكلمك... 
ناني بصتله ببرود وقالت
نعم.. 
اياد ابتسم 
انعم الله عليكي،اكيد سمعتي اللي قولتو.. 
ناني
اولا احنا برنامج محترم واهم حاجه عندنا سمعتنا.. 
اياد 
سمعتكم. اللي ما حدش بيسمع عنها، ده انتي لولا ما بعتيلي اللينك بتاع صفحة البرنامج انا ما كنتش هعرفه.. 
ناني اتنهدت بعصبيه وقالت
هنتنيل نبدأ و لا ايه؟.. 
اياد 
تمام تحت امرك يلا.. 
_وبدأ البرنامج وكان اياد هادي جدا، وحتي ناني اللي كانت قلقانه من انه ممكن يحرجها او حاجه ده ما حصلش وارتاحت في الكلام معاه..وبعد ما خلص البرنامج ناني قربت منه وقالت.. 
ناني
انو بشكرك جدا علي موافقتك والمقابل اللي تطلبه احنا تحت امرك.. 
اياد 
انتو مين، انا عايز المقابل ده منك انتي لوحدك... 
بصتله ناني بعصبيه وقبل ما تتكلم قال اياد
قبل ما تفهمي غلط انا طالب بس بكره نتعشي مع بعض، انا قولت حاضر وكنت جدع معاكي للاخر.. 
ناني 
علي فكره انا ممكن امسح التسجيل ده كله مقابل اني ما اعملش حاجه انا مش عايزها، انا اسفه يا حضرة الظابط انا مش للشقط.. 
_قالت كلامها وسابته ومشيت وهو راح وراها وقال.. 
اياد 
انتي يا بت استني، هو انتي فاكراني هشقطك دي مش طريقتي لو بشقط.. 
ناني 
اومال انت قصدك ايه باني اتعشي معاك.. 
اياد بخبث
بصي هو في مكان هنا في اسكندريه انا يعتبر جاي هنا مخصوص عشان ازوره.. 
ناني
ما تروح انا مالي.. 
اياد 
اصبري واسمعي، ده انتي دماغك اد طولك بجد... 
ناني بحده 
اهو انت واحترم نفسك وما تتريقش علي طولي.. 
اياد 
طول ايه ده انتي لولا الكعب ما كنتيش هتنباني من الارض... 
ناني 
انا غلطانه اني واقفه اتكلم معاك.. 
مسك اياد ايدها وقال
انا اسف انا اصلا بهزر معاكي، المهم بكره الساعه سبعه هجيلك هنا واخدك ونروح المكان ده ليه عشان هما مش بيدخلو واحد لوحده لازم كابيلز، وانا عملتلك خدمه ومش هاخد فلوس رديهالي بقي.. 
ناني اتنهدت وقالت
اوكي بكره الساعه سبعه هستناك هنا.. 
_ قالت كلامها ومشيت رجعت البيت واول ما دخلت، سمعت صوت بهاء وسما في اوضتها، قربت منهم وسمعتهم بيقولو.. 
بهاء
المهم يا حبيبتي سيبك من حماتك خالص، المهم محمد.. 
سما 
بصراحه انا ما كنتش عايزه اوافق علي الجواز اخر الشهر عشان الموضوع جه بسرعه معانا، بس لما لقيته بيسيبلي حرية الاختيار قدام مامته ما حبيتش احرجه قدامها.. 
بهاء
محمد كويس وابن ناس ومتربي، وانا واثق انه هيخليكي مبسوطه.. 
دخلت ناني وقعدت جنب بهاء وقالت
ياللي زعلان مني ومخاصمني ومش عايز تاني تكلمني.. 
بهاء
نعم عايزه ايه؟.. 
ناني
تصالحني عشان انا زعلانه منك... 
ضحكت سما وبهاء قال
كمان انا اللي اصالحك هو انا اللي كدبت عليكي.. 
ناني بحزن
طيب انا اسفه والله مش هتتكرر تاني.. 
بهاء
خلصتي البرنامج بتاعك مع الظابط اللي روحتيله.. 
ناني حضنته وقالت
ايوه سجلت بس هو اا.. 
_قبل ما تكمل كلامها دخلت ملك وهي ماسكه المخده بتاعتها وقالت.. 
ملك 
انا خايفه انام لوحدي وانتو سهرانين وانا هنام جنبكم هنا.. 
بهاء
لا انا داخل انام عندي شغل الصبح.. 
ناني 
وانا كمان طول اليوم واقفن علي رجلي داخله انام.. 
سما 
خدو البتاعه دي في ايدكم وانتو طالعين.. 
نطت ملك جنبيها وقالت
وربنا لحد. ما تتجوزي ما هبات غير جنبك.. 
ناني 
ايوه وانا كمان لازم اشبع منك.. 
سما 
بابا الحقني انا مش بعرف انام جنب حد... 
ضحك بهاء وقال
لا اتعودي لان الكلام ده ما ينفعش مع جوزك.. 
_ضحكو ناني وملك وهي اتكسفت جدا، وبعدين راح بهاء نام.. 
ـــــــــ #بقلم_الكاتبه_رحاب_القاضي ـــــــــ 
_وتاني يوم في كافي علي البحر، كانت ملك قاعده مع امجد اللي كان عامل نفسه زعلان وقالها.. 
امجد
دي كل الحكايه بس انا بطلت والله يا ملك ومن قبل ما اشوفك والله، انا صريح معاكي اهو بس مش عايزك تبعدي.. 
ملك 
انا بجد مش مصدقه اللي سمعته، انت امجد. اللي قدامي انا موافقه بيك وواثقه فيك، انما اللي سمعته منك ده عن ماضيك خوفني جدا منك... 
امجد
والله بطلت يا ملك وبيكي انتي انا هبقي الاحسن مليون مره، انا بحبك يا ملك وعايزك مراتي ومعايا وفي الحلال واكبر دليل علي كلامي اني دخلت البيت من بابه.. 
ابتسمت ملك علي كلامه وقالت
وانا موافقه بيك يا امجد ومعاك وهقف قدام بابا وهقوله اني عايزاك.. 
امجد 
وانا اوعدك. اني عمري ما هخليكي تندمي علي القرار ده.. 
ـــــــــ #بقلم_الكاتبه_رحاب_القاضي ـــــــــ 
_في القاهره.. 
كان طالع انس من اوضته في بيت حازم ونيره وحازم كان قاعد علي الكنبه ورافع رجليه.. 
انس
مالك قاعد كده ليه يا حازم؟.. 
حازم 
تعالي بسرعه اقعد جنبي قبل نيروو ما تطلع وتشوفك واقف بالشبشب علي الارض اللي بتمسح فيها... 
قعد. اياد بسرعه جنبيه وقال
يا نهااار اسود وانت مزعلها في ايه طيب، ما هي مش بتمسح غير وانت مزعلها... 
طلعت نيره وقالت
بمسح كرامتي اللي البيه رماها علي الارض، يا بتاع سميره.. 
حازم
والله كانت بتسالني علي عنوان دكتور العيون اللي متابع عنده.. 
انس
ماما فين الفطار.. 
نيره 
يا حبيبي الفطار جاهز جوه وعملتلك سندوتشات المربه بالتوست المقرمش اللي بتحبه.. 
قام انس وقال
والله يا نيرو انتي احسن ام في الدنيا كلها... 
دخل انس المطبخ وحازم جه يتحرك، زعقت فيه نيره وقالت.. 
نيره
علي فين اياااك رجلك تنزل الارض هتلاقي الشرشوبه في وشك.. 
حازم 
ايه الافتري ده ما انس لسه دايس علي الارض ما اتكلمتيش معاه.. 
نيره 
اصل انت ابن البطه السودا واكتم انا مش طيقاك... 
_وفي المطبخ رن موبيل انس، فكرها مريم مامته ومسك الفون بسرعه بس لقاها جيلان فا ابتسم بسخريه وقال لنفسه.. 
انس بدموع
وهي ماما هتكلمني ليه اصلا زمانها مشغوله في اياد وبابا... 
ورد علي جيلان وقال
نعم يا جيلان عايزه ايه؟.. 
جيلان 
واخرة طريقتك دي معايا ايه؟.. 
انس
بقولك ايه يا جيلان هو مش احنا كنا متفقين اننا هنرتبط فتره ولما نزهق هنسيب، انا بقي زهقت.. 
جيلان بحده 
اوكي يا انس بس احب اقولك اللي انت بتعمل عشانها كل ده بتحب زميلها في المدرسه حتت عيل زيها في ثانوي..... 
_اتعصب انس و؟؟.. 
ـــــــــ #بقلم_الكانبه_رحاب_القاضي ـــــــــ 
_في الاسكندرية... 
في اوضة اياد في الاوتيل كان واقف قدام المرايا وبيكلم مريم وقالها.. 
اياد
ايوه يا ميمي لبست اهو القميص الازرق اللي انتي جيباه ليا وبنطلون اسود وهلبس جاكيت اسود. عشان الجو برد هنا شويه.. 
مريم 
يا ولااا بقي عشان الجو برد ولا عشان لما المزه تبرد تديها الجاكيت.. 
ضحك اياد وقال
والله حركه حلوه هبقي اعملها. المهم ابقي شوفي انس فين انا كلمته مش بيرد عليا.. 
مريم 
اطمن يا حبيبي هو عند نيره وحازم.. 
اياد بفرحه 
هما رجعو من العمره، انا اول ما انزل هروحلهم.. 
مريم 
ماشي يا حبيبي وخلي بالك من نفسك، وكل كويس يا اياد وبلاش السهر الكتير... 
اياد 
حاضر يا احلي ماما في الدنيا بااي.. 
_وخلص اياد لبس ونزل تحت ركب العربيه اللي اتاجرها ومشي رايح لناني، وكان في عربيه ماشيه وراح، وكلم السواق بتاعها واحد في الموبيل وقاله.. 
السواق
نعم يا امير، عدونا اللي اعتقل اخواتنا النهارده هتكون اخر اياامه في الدنيا... 
ـــــــــ  #بقلم_الكاتبه_رحاب_القاضي ـــــــــ 
كان بهاء لسه راجع بيته ودخل لقي ملك قاعده مدايقه جداً.. 
بهاء
مالك يا ملوكه مين مات كمان في المسلسل او الروايه.. 
ملك بحده 
انا افهم انت ازاي تقول لـ امجد انه يسيبني وانت عارف اني بحبه.. 
بهاء 
لو صوتك علي تاني هنزل بايدي علي وشك.. 
طلعت سما من اوضتها وقالت
في ايه يا بابا بس انت من امتي اصلا بتمد ايدك علي وحده فينا.. 
بهاء
من دلوقتي ما دام الغباء هيخليكم تدمرو حياتكم يبقي انا لازم اربيكم من اول وجديد.. 
ملك بدموع 
بس انا هتجوز امجد سواء انت وافقت او رفضت، لاني مش هسيب اللي بجبه بسبب توقعات منك مالهاش اي لازمه.. 
_خلصت كلامها ودخلت اوضتها وبهاء مسك قلبه ووقع علي الارض، وسما جريت عليه وصوتت وقالت.. 
سما بخوف
باباااااااااااا الحقيني يا ملك... 
ـــــــــ 
_وفي مكتب بهاء في المستشفى دخل خالد والنور مقفول، وطلع ورق من المكتب بتاعه وصوره بموبيله و؟؟؟.. 
_تفتكرو ليه خالد عمل كده؟.. 
_في  مكتب بهاء في المستشفى دخل خالد والنور مقفول، وطلع ورق من المكتب بتاعه وصوره بموبيله وبعدين رجع كل حاجه مكانها ونزل تحت وقابلته دكتوره هناك وقالت.. 
الدكتوره
خاالد انت بتعمل ايه هنا؟.. 
خالد بجمود
ابدا يا دكتوره سميره بس مفتاح العربيه وقع مني وكنت داخل ادور عليه... 
سميره
طيب ولقيته ولا ايه؟.. 
خالد 
ايوه لقيته وانا لازم تمشي دلوقتي حضرتك محتاجه مني اي حاجه؟.. 
سميره
لا تسلم يا خالد تبقي خلي بالك من نفسك ولو محتاج حاجه كلمني.. 
ابتسم خالد وقال
كتر الف خيرك يا دكتوره.. بعد اذنك... 
_ومشي خالد بعربية بهاء التانيه، وبعد شويه وقف قدام بيت كبير وراقي جدا ونزل من العربيه ودخل جوه، وقابلته بنت صغيره وقالت.. 
تيا
انت جيت يا سي خالد... 
ابتسم خالد. وحضنها وقال
ايوه يا حبيبتي جيت، وايه سي خالد دي... 
تيا
سمعت داده مديحه بتقولها لـ جوزها.. 
خالد 
طيب بطلي لماضه وقوليلي الناس اللي ساكنين هنا فينهم.. 
تيا
بابا اخد ماما وطلعو وامينه فوق وعلي فكره اتعصبت عليا وزعقتلي ومش راضيه تكلمني خالث.. 
خالد 
معلش يا حبيبتي حقك عليا انتي بس ما تتكلميش معاها تاني.... 
تيا
والنبي يا اخويا لا معاها ولا مع غيرها انا طالعه انام... 
مشيت تيا وخالد طلع اوضته وكانت في بنت حلوه اوووي واقفه وحاطه ايدها في نصها، قفل الباب ودخل يغير هدومه وما قالهاش حاجه... 
امينه
انا عايزه اعرف دلوقتي اخرة الوضع اللي احنا فيه ده؟... 
خالد 
ظروف شغلي كده وانتي عارفهاها من الاول.. 
امينه 
بقالك اكتر من ست شهور مش بتبات في البيت غير مره كل شهر ولا كأنك متجوز ولا في واحده في حياتك.. 
خالد قلع القميص بتاعه وقال
ما حدش ضربك علي ايدك وقالك تتجوزي ظابط مخبارات، انا هدخل اخد. شاور اطلع الاقي العشا هنا.. 
امينه بدموع
انا رايحه بيت اهلي يا خالد ومش هرجع تاني.... 
خالد ببرود
طيب وانتي نازله خليهم يجهزولي العشا... 
ـــــــــــ #بقلم_الكاتبة_رحاب_القاضي ـــــــــــ 
_في المستشفى كان بهاء جوه اوضة الكشف وملك وسما واقفين بره وقلقانين جدا، وقرب منهم محمد وقال.. 
محمد بقلق
سما في ايه ماله دكتور بهاء؟.. 
سما 
انت بتعمل ايه هنا ومين قالك ان احنا هنا... 
محمد 
ما انا يا بنتي شغال هنا، وانا وراجع في الطريق بس كلموني وقالولي ان دكتور بهاء تعبان هو حصل ايه؟.. 
بصت سما بعصبيه لملك وقالت
تعب شويه فجأه، تقدر تمشي انت واحنا هنا معاه.. 
محمد 
ايه اللي بتقوليه ده بس انا معاكم هنا ومش همشي... 
_وموبيله رن وكانت مامته بعد شويه عن سما ورد عليها وقال.. 
محمد 
ايوه يا ماما معلش انا مش هقدر اجي علي العشا النهارده... 
ثريا 
وده ليه بقي ان شاء الله، اوعي تاكل حاجه من الشارع.. 
محمد 
لا مش هاكل بس دكتور بهاء تعب شويه وسما واختها لوحدهم ولازم ابقي معاهم.. 
ثريا
امم بدأنا طيب يا حبيبي سلام.. 
_قفل محمد مع مامته وقرب من سما وقال بصوت واطي.. 
محمد 
ممكن ما تخافيش ان شاء الله هيكون كويس.. 
سما بجمود
ان شاء الله.. 
_وجوه أوضة الكشف كان بهاء قاعد علي السرير وجنبيه الممرضين والدكتوره سميره.. 
سميره
يا راجل عيب عليك وعلي سنك اللي بتعمله ده عايزني اطلع اقول لبناتك انك تعبان وبتموت وانت زي القرد اهو.. 
ضحكو الممرضين وبهاء قال
انا عارف انا بعمل ايه، وبعدين هو مش انا زي اخوكي يا سميره اقفي جنبي بقي.. 
سميره بغيظ 
اخويا ماشي يا جاتك خوت في دماغك انت... 
_وطلعت سميره وراحتلها ملك وسما ومحمد بسرعه وقالت سما.. 
سما 
خير يا طنط بابا كويس مش كده.. 
اتنهدت سميره بضيق وقالت
للاسف بابا تعبان اووي يا سما وخصوصا الاجهزه العصبيه عنده، ياريت تبعدو عنه اي اي ضغط عصبي ده بقي راجل كبير وخرفان ولازم تاخدو بالكم منه اكتر من كده.. 
كتم محمد ضحكته وملك قالت
هو انا ممكن اشوفه اطمن عليه عشان خاطري يا طنط سميره.. 
سميره
ايوه ينفع يا ملوكه بس بلاش الدموع دي، خليكي جامده زي سما كده... 
_ابتسمت ليها ملك ودخلو كلهم عند بهاء اللي كان ممثل دور التعب باتقان.. 
ملك قعدت جنبيه علي الارض وقالت
انا اسفه والله مش هقول حاجه تاني تزعلك، بس انت قوم وانا هعملك كل اللي انت عايزه.. 
بص بهاء لسما وقال
ما تخافيش انا كويس تمام.. 
ابتسمت ليه سما بدموع وقالت
تمام يا بابا... 
محمد 
الف سلامه عليك يا عمي، ان شاء الله تقوم لينا بالف سلامه.. 
بهاء
بقولك ايه يا محمد خد سما رجعها البيت وملك هتقعد معايا هنا.. 
سما 
لا انا مش هسيبك يا بابا.. 
بهاء
معلش يا سما انا عايز ملك، وبعدين عشان ناني ما تقعدش لوحدها.. 
محمد
حاضر يا دكتور، يلا بينا يا سما.. 
قربت سما من بهاء وباست ايده وقالت
اوعي تعمل كده تاني والا هزعل منك فاهم ولا لا؟.. 
ضحك بهاء وقال
فاهم يا قلب بابا.. 
_وبعدين مشيت سما ومحمد، وبص بهاء لملك اللي كانت لسه بتعيط وقالها.. 
بهاء
انا مش زعلان منك بطلي تعيطي، عارفه يا ملك قبل ما امجد يقولي انه عايز يخطبك شوفت مامتك في المنام كانت ماسكه ايدك وبتقولي اوعي تسيب ملك يا بهاء وكانت ايدك مليانه شوك، الشوك ده هيتحول لسكاكين هتجرح قلبك لو بقيتي مع امجد
ملك بدموع 
انا موافقه بكل اللي انت تقوله، ومش عايزه غير انك تبقي كويس اصلا انا عملت بلوك لامجد قبل ما انت تقولي حاجه.. 
بهاء
شاطره يا حبيبتي، هي البت ناني دي ما جاتش ليه تطمن عليا.. 
ملك 
في الشغل وتقريبا الفون بتاعها فصل شحن... 
ـــــــــــ #بقلم_الكاتبه_رحاب_القاضي ـــــــــــ 
_في الاستديو بتاع ناني كانت واقفه قدام الشباك وهي لابسه فستان ابيض طويل للارض وباكمام طويله وكان واسع شويه وبسيط جدا وشعرها مفرود علي ضهرها والهوا بيفرر فيه بشكل جميل جدا، دخل عندها اياد وابتسم وقال.. 
اياد 
اتأخرت عليكي؟.... 
ناني
حضرتك بتعمل ايه هنا؟.. 
اياد 
انتي جالك زهايمر ولا ايه، هو مش احنا بينا اتفاق وانتي مستنياني اهوو.. 
ناني
ااا لا حضرتك فاهم غلط جدا، اما مستنيه رؤوف عشان في كام حاجه في المونتاج هتتظبط وهو نزل يجيبلي شاحن لان موبيلي فصل شحن.. 
اياد بضيق 
هو احنا مش بينا اتفاق انك هتيجي معايا نتعشي سوا.. 
ناني بهدوء
بص يا اياد باشا انا فعلا قولتلك كده بس كان في نيتي اني هدخل معاك وامشي لاني مش هقعد معاك والجو ده لانه ممنوع بالنسبالي وحدودي ما تسمحليش بكدا.. 
اياد بغيظ 
اممم متربيه وهتقرفني معاها بقي.. 
ناني
ثانيا بقي انا ما قدرتش اقول لبابا يعني اقوله رايحه مع واحد مكان ما اعرفوش ده ممكن يقتلني فيها.. 
اياد 
وانا ما ليش فيه الكلام ده، ممكن تكلمي باباكي وتستأذنيه لاني مش همشي غير وانتي معايا.. 
ناني بحده 
هو ايه ده بقي بالعافيه يعني، علي العموم التسجيل بتاعك اهو مش هنزله عندي، ومستعده اديلك التعويض اللي انت عايزه انما انا مش بعمل شغلي مقابل مقابلات والكلام ده.. 
اتعصب اياد ومسك ايدها وقال
وانا مش لعبه في ايدك وهتيجي معايا... 
ناني 
انت اتجننت يا بتاع انت سيب ايدي... 
_كان نازل اياد علي السلم بس شاف اتنين مسلحين يعرفهم كويس طالعين فوق، فحط ايده علي بوق ناني وقال.. 
اياد بصوت واكي
ششش اسكتي خالص، هو في باب تاني او مخرج تاني من العماره دي... 
ناني بخوف 
ايوه في بس من المطبخ، هو في ايه؟.... 
اياد خدها وطلع فوق وقال
تعالي بس معايا بسرعه.... 
_ودخلو وقفلو الباب، ونزلو من باب المطبخ وقالها.. 
اياد
فين عربيتك؟.. 
ناني بقلق
اخدتها واحده صحبتي ممكن افهم في ااااه.. 
_قبل ما تكمل كلامها اتضرب عليهم نار بس اياد اخدها معاه بسرعه لعربيته والشارع كله بقي يجري والناس خايفه، واياد جري بعربيته ووراه عربيه مليانه ناس مسلحين.. 
ناني بخوف
نضارتي فين نضارتي وقعت انا مش بشوف من غيرها.. 
اياد 
نعممم ده بجد انتي مش بتشوفي من غير النضاره.. 
ناني بدموع
ايوه والله هي فين نضارتي بقي، وايه ضرب النار ده وما تسوق كويس.. 
اياد 
في ارهابين ورانا عايزين يقتلوني.. 
ناني
يا نهار اسود وانا مالي طيب نزلني... 
اياد بحده 
اسكتي يا ناني.. 
_وبعد شويه قدر اياد يهرب منهم، بس العربيه عطلت في مكان ما يعرفوش.. 
ناني
انا مش شايفه اي حاجه احنا فين وايه صوت الضفاضع دي.. 
اياد وهو بيبص في موبيله 
ما فيش شبكه هنا خالص والعربيه عطلت وانا مش عارف اي مكان هنا في اسكندريه.. 
ناني
طيب هات نضارتي وانا اقولك احنا فين انا حافظه اسكندريه حته حته.. 
اياد 
تقريبا كده. نضارتك وقعت في الشارع لما اتضرب علينا نار... 
ناني ببكاء
ازاي يعني انا مش بعرف اعيش من غير النضاره والله ده حرام اللي بيحصل فيا.. 
اياد بص لعيونها الخضرا وقرب منها وقال
والله انتي فعلا ما ينفعش تعيشي من غير النضاره عيونك دي خطر علي البشر كلهم.. 
ناني اتوترت وقالت
ممكن تحترم نفسك حضرتك كلامك ده غلط ولو سمحت رجعني مكان ما اخدتني انا ماليش دعوه بمشاكلك دي.. 
اياد 
انزلي طيب هنروح نشوف اي مكان اعمل منه مكالمه اخلي حد يجي ياخدنا.. 
_نزلوو من العربيه وكانت ناني مش عارفه تمشي لان الارض مش متظبطه وكمان الفستان بتاعها طويل وهي لابسه كعب.. 
اياد 
يا بنتي امسكي ايدي طيب عشان تعرفي تمشي.. 
ناني 
لا علي فكره انا عارفه امشي كويس.. ااااه.. 
_خلصت كلامها ووقعت علي الارض، وفضلت تعيط وقالت.. 
ناني ببكاء 
طيب والله ما انا ماشيت تاني انا هقعد كده بس منك لله بجد منك لله.. 
كتم اياد ضحكته وقرب منها وفي اقل من ثانيه شالها بين ايديه، وهي وشها احمر خالص وقالت بتوتر.. 
ناني 
انت عملت ايه حضرتك نزلني لو سمحت.. 
اياد 
لا عادي انتي مش تقيله مش هتعب.. 
ناني
وانا مالي تتعب ولا لا نزلني لو سمحت كده ما ينفعش.. 
رد عليها اياد وهو ماشيه وقال
ما احنا بطريقتك دي هنفضل هنا لبكره، وانا بجد لازم اخليكي تروحي عشان ما تحصلش ليكي مشاكل.. 
ناني بكسوف 
طيب نزلني لو سمحت كده عيب جدا.. 
اياد 
استني في نور هنااك هنروح نشوف في ايه؟.. 
ناني 
طيب نزلني هتدخل علي الناس وانت شايلني كده... 
اياد 
عادي يا بنتي هقولهم انتي مراتي.. 
ناني بحده 
نزلني بقي انا مش بهزر... 
نزلها اياد ومسك ايدها وقال
ما تسبيش ايدي بقي عشان ما تحصلكيش حاجه.. 
ـــــــــــ #بقلم_الكاتبه_رحاب_القاضي ـــــــــــ 
_وصل محمد بعربيته قدام بيت بهاء، وجات سما تنزل بس محمد قال بسرعه.. 
محمد 
علي فكره لو قولتي انك خايفه او دموعك نزلت عادي مش هتبقي مشكله.. 
سما 
بس انا مش خايفه ودموعي مش هتنزل قدام حد ابدا كان غيرك اشطر.. 
محمد 
ازاي ده بقي اومال لما نتجوز وازعلك هتعملي ايه مش هتيجي في حضني وتعيطي.. 
ابتسمت سما وقالت
لا انت لو زعلتني انا هرنك علقه واخليك تروح تعيط انت في حضن طنط.. 
ضحك محمد وقال
ههههه ماشي يا عم الشرس.. 
وبعدين قال بهدوء
وانا عمري ما هزعلك وربنا يقدرني واعرف ادخل قلبك واسعدك.. 
سما
احمم طيب شكرا انك وصلتني هطلع انا بقي فوق عشان زمان ناني قلقانه علينا... 
محمد. 
اوكي انا مستنيكي هنا اول ما تطلعي كلميني عشان امشي.. 
سما 
اوفر اوووي انت بس ماشي هعمل كده... 
_ابتسملها محمد وطلعت سما وهو استني شويه واتفاجئ لما لقاها نزلت وركبت جنبيه وقالت وهي مدايقه جدا.. 
سما 
لو سمحت وديني علي اللوكيشن ده، ناني مش فوق مش عارفه اتاخرت ليه في الشغل كده وموبيلها مقفول ولازم اشوفها لتكون حصلت حاجه.. 
محمد 
حاضر ان شاء الله ما فيش حاجه... 
ـــــــــــ #بقلم_رحاب_القاضي ـــــــــــ  
_ في مكان تاني شقه راقيه اووي كان امجد قاعد وفي بنت قاعده جنبيه وقالتله.. 
نسمه 
بقولك ايه يا امجد انا كنت عايزه اروح لعمي و.. 
امجد بحده 
لااا وما تفتحيش سيرة الموضوع ده تاني.. 
نسمه بدموع
حاضر بس يعني اا.. 
بصلها بعصبيه فسكتت وهو قال
قال عايزه تروحي لعمك اللي ابنه اعتدي عليكي ورماكي في الشارع.. 
نسمه بدموع 
خلاص يا امجد لو سمحت انت عارف الموضوع ده بيتعبني اوووي.. 
امجد 
يبقي بلاش انتي تفتحيه، وافتكري ان انا اللي لميتك من الشارع واتجوزتك وسترت عليكي، يبقي تسمعي كلامي وتقولي حاضر ونعم.. 
نسمه 
حح حاضر بس مامتك كلمتني وعايزاني ازورها.. 
امجد. 
تلاقيها عايزه تديكي قرشين كده لله ما انتي بنت الشغاله بتاعتها الله يرحمها، كبري دماغك يا نسمه.. 
ادايقت نسمه وقامت وقالت
انا رايحه انام عايز حاجه اعملهالك.. 
امجد 
لا اقعدي لما ابقي انام انا ابقي نامي.. 
_قعدت نسمه تاني جنبيه ودموعها نزلت بألم باين اوووي في عيونها... وامجد بص في موبيله لقي نلك عملتله بلوك، اتنهد بعصبيه وقال... 
امجد 
انت اللي جيبته لنفسك يا دكتور بهاء... 
ـــــــــــ #بقلم_الكاتبه_رحاب_القاضي ـــــــــــ 
_في القاهره... 
كانت جني في السنتر بتاعها وخلصت دروسها وركبت العربيه بتاعت خالها اللي فيها السواق، من غير ما تاخد بالها من انس اللي كان عامل نفسه السواق بس لابس كاب ونضاره فا ما اخدتش بالها منه.. 
جني
لو سمحت حضرتك ده مش طريق البيت.. 
قلع انس النضاره والكاب وقال
عارف.... 
اتصدمت جني وقالت
هو انت وقف العربيه بسرعه انت فاهم ولا لا.. 
انس بجمود 
لا طبعا انتي ما تعرفيش انا عملت ايه عشان جيلان ترضي تساعدني، بتحبك اووي جيلان دي ما صدقت تسلمك ليا.. 
جني بدموع وخوف
انتو عايزين مني اييه وقف العربيه والا والله هصوت والم عليك الدنيا.. 
انس 
هتلمي مين الشارع ده مقطوع يا جني.. 
_فضلت جني تتلفت حواليها وهي خايفه وبتعيط، وبعدين وقف انس قدام عربيته اللي كانت فيها جيلان، نزلت جني بسرعه وجات تروح لجيلان بس انس مسك ايدها جامد وقربها منه وقال بعصبيه.. 
انس 
انا ما فيش بنت تقولي لا، وانتي ده اخر تحذير ليكي يا تيجي بمزاجك يا والله العظيم اعمل فيكي حاجه خيالك مش هيتوقعها يا جني.. 
جني ببكاء
ابعد عني انت واحد مريض... 
انس بدموع ظهرت من غير ما يحس وقال
ممكن اكون مريض، بس كلامي هيتنفذ وهكلمك لما تروحي وتردي عليا عشان ما تزعليش مني وخلي بقي جيلان تقولك انا ابقي مين وابن مين وان ما حدش يقدر عليا.. 
_خلص كلامه واخد عربيته من جيلان ومشي، وجيلان وقفت قدام جني وقالت.. 
جيلان 
اهو هتبقي زيي  مصحبااه والله واعلم هيحصل ايه بينكم فبلاش بعد كده تعملي عليا دور المحترمه الشريفه.. 
جني بدموع 
ده لو قعدت هنا تاني انا هرجع البلد عند عمي بعيد عنك انتي وهو يا مجانين.. 
_وعند انس اول ما وصل البيت دخل وهو متعصب وكانت مريم مستنياه وقربت منه وقالت بقلق.. 
مريم 
انس انت كنت فين كل ده؟.. 
انس بضيق
خير ان شاء الله قلقتي عليا ولا اياد فيه حاجه؟.. 
مريم 
انت هتروح فين يعني اخوك بس قافل موبيله من شويه وقلقانه عليه هو كلمك؟.. 
انس نزلت دموعه وقال
لا ما كلمنيش بعد اذن حضرتك.. 
مسكت مريم ايده وقالت
مالك طيب يا حبيبي في ايه؟.. 
انس بحده 
مالكيش دعوه المهم اطمني علي اياااد.... 
_سابها ودخل اوضته ورزع الباب ورااه، وطلع معتز من اوضته وقال.. 
معتز بعصبيه
هو الواد ده زعقلك، ده يومه مش فايت النهارده... 
مربم بقلق
خلاص يا معتز تلاقي حاجه مديقااه انا هبقي اكلمه بس سيبه بقي دلوقتي، المهم اياد رد عليك.. 
معتز
لا ما ردش انا هكلم خالد يمكن يكون راح عنده.. 
مريم بضيق
خالد ابن علا هو الواد ده تحسه مش ابن علا الحمد لله وانه قاعد عند باباه.. 
معتز
وقته كلامك ده خلينا نطمن علي الولد.. 
_وفي اوضة انس كان ماسك موبيله وباصص لرقم جني ومرضيش يكلمها وخبط الفون في الحيطه وقعد علي الارض جنب السرير ودموعه مغرقه وشه وقال.. 
انس
كلهم بيكرهوني كلهم... 
ـــــــــــ #بقلم_الكاتبه_رحاب_القاضي ـــــــــــ 
_في الاسكندريه... 
كان اياد ماسك الموبيل بتاع الغفير اللي حارس الارض اللي هما فيها وقال.. 
اياد 
بس حلو الموبيل ده، تصدقي يا ناني ده فيه شبكه وانا الفون بتاعي ابو ٢٠ الف مش جايب شبكه.. 
ناني
ممكن تكلم قريبك ده بسرعه.. 
اياد 
معلش يا حج المدام بس خلقها دايق حبتين.. 
الغفير
تلاقيها حامل يا بيه يتربي في عزك.. 
ناني برقت وقالت
لو سمحت يا اياد باشا اخلص قال حامل قاال... 
الغفير
وحامل في واد كمان عشان وشهم بيحمر الستات وهما حوامل في ولاد... 
اياد وهو بيضحك 
ههههه وعد مني يا حج هسميه علي اسمك الا انت اسمك ايه؟.. 
الغفير
تسلم يا بيه انا اسمي لؤي.  
ضحكت ناني وقالت
لو سمحت يا اياد باشا كلم قريبك ده وخلصني... 
اياد 
اهو رد.. ايوه يا خالد انت فين دلوقتي؟.. 
خالد بص لامينه اللي نايمه جنبيه وقال
انا في البيت، رقم مين ده يا ابني؟.. 
اياد
انا عندك في اسكندريه وتايه، تعالي خدني او ابعتلي سواق.. 
خالد 
انت جاي اسكندريه تتوه، قولي طيب انت فين بالظبط وهبعتلك السواق.  
اياد
انا في ارض.. اسمها ايه الارض دي يا حج لؤي.. 
لؤي
دي ارض عزت بيه الشندويلي اللي علي الطريق السريع.. 
اياد 
ارض عزت الشندويلي علي الطريق السريع.. 
خالد 
طيب تمام هبعتلك السواق علي طول، ولا اجيلك انا.. 
اياد 
لا لا ابعت السواق... 
_قفل اياد وبص لناني وبرق وقال... 
اياد 
ناني اوعي تعملي اي ريأكشن ولا تتحركي.. 
ناني
في ايه، هو في تعبان علي كتفي ولا ايه؟.. 
اياد 
ياريتها تيجي علي تعبان ده اسد.. 
_قفل اياد الفون وبص لناني وبرق وقال... 
اياد 
ناني اوعي تعملي اي ريأكشن ولا تتحركي.. 
ناني
في ايه، هو في تعبان علي كتفي ولا ايه؟.. 
اياد 
ياريتها تيجي علي تعبان ده اسد.. 
صرخت ناني ومسكت فيه وقالت
عااا اسد ايه اسد ايه ده انا بخاف من القطه يجيلي اسد... 
لؤي بخوف
اوعي تصوتي يا مدام ده ممكن ياكلك.. 
اياد بخوف
ممكن مش متاكد يعني، انت مربي اسد يخرب بيت سنينك... 
لؤي 
ده بتاع عزت بيه صاحب الارض، مش عارف كسر باب القفص وطلع ازاي؟.. 
طلع اياد مسدسه وقال
مش عارف طلع ازاي ده انتو ناس مجانين... 
_خلص كلامه وقبل ما يقرب منهم الاسد ضرب عليه اياد طلقه من مسدسه خلاه وقع علي الارض... 
لؤي
يا نهار اسود ومش فايت ده البيه هيقلب الدنيا.. 
ناتي بخوف
ليه عملت كده حرام عليك يعني كان ممكن حل تاني.. 
اياد 
يا شيخه كنتي هتتاكلي، كنت هستني ايه، بس اول مره اعرف ان الاسود ليها في الشوكلاتات.. 
ناني بعصبيه. 
ما تحترم نفسك بقي مش كفايه البهدله اللي بتحصلي بسببك دي.. 
كملت وهي بتعيط 
كان يوم اسود يوم ما فكرت اجيبك البرنامج، الله يخرب بيت البرامج وسنينها بقي.. 
لؤي 
انتو بتتكلمو في ايه، ده انا هروح في داهيه، البيه بيحب توتي دي اووي.. 
اياد 
هي دي انثي، زعلتني عليها وبعدين هو اصلا غلط انه يربي اسد هنا وانا بدافع عن نفسي وعن البت دي فا كان لازم اموته.. 
ناني
لو سمحت هات الفون ده انا هكلم اختي اطمنهم عليا.. 
اياد 
خدي اهو.. 
لؤي
انا هكلم الشرطه والبيه انا ماليش دعوه انت كمان لازم تروح في داهيه.. 
اياد 
يعم ابقي قول للبيه بتاعك ده ان حضرة الظابط اياد معتز كمال هو اللي عمل كده.. 
لؤي بخوف
اييه هو انت ظابط يا باشا، يا وقعتك اللي مش باينلها قومه دي يا لؤي... 
_في الاستديو بتاع ناني كان محمد وسما ومعاهم رؤوف قاعدين كلهم قلقانين جدا.. 
سما 
يعني اختي اضرب عليها نار ومشيت مع ظابط مستهدف وانا قاعده كده.. 
محمد 
اهدي يا سما وبعدين الظابط قال انهم مسكو الارهابين دول، يعني اختك اكيد بخير.. 
سما بضيق
انا ما حدش يقولي اهدي ولا هسكت غير لما الااقي اختي كويسه قدامي... 
رؤوف
انا اصلا قولتلها تمشي وبلاش منه اصلا اللقاء مع الظابط ده... 
_قبل ما ترد عليه سما موبيلها رن وكان رقم غريب، وقف محمد جنبيها وقال.. 
محمد
مين اللي بيكلمك.. 
سما 
ده رقم غريب... 
محمد مسك موبيلها ورد وقال
ايوه مين معايا.. 
ناني 
مين معايا مش ده رقم سماا... 
محمد 
ناني انتي فين يا بنتي انا محمد.. 
ناني
انا كويسه فين سما هو ايه اللي حصل.. 
سحبت سما منه الفون وزعقت فيه وقالت
انتي فين يا زفته انتي حرام عليكي اللي بتعملوه فيا ده، روحتي فين والظابط ده مش انا قولتلك ما تروحيش معاه ليه كلامي ما بيتسمعش.. 
ناني بصت لاياد وقالت
والله انا سمعت كلامك بس حصل اللي حصل بقي، المهم انا ساعه كده وهكون عندك انتي فين اصلا وعرفتي منين؟.. 
سما
انا ومحمد ورؤوف في الاسديو بتاعك، خليكي علي تواصل معايا يا ناني.. 
_قفلت معاها ناني وبعد شويه جات العربيه بالسواق بتاعت خالد ومشيو فيها هما الاتنين.. 
اياد 
انا اسف علي العك اللي حصل ده.. 
ناني بجمود 
اسفك مش هقبله غير في حاله واحده اني ما اشوفش وشك تاني خالص ياريت.. 
اياد بضيق رد عليها وقال
اوكي اعتبري ان دي اخر مره نتقابل فيها.. 
_سكتت ناني وهو كمان وكان كل شوين يبصلها وكأنه بيحاول يحفظ ملامحها عشان ما ينسهاش، ووصلت بعد شويه الاسديو وطلع معاها ايود فوق عشان يطمن عليها.. 
حضنتها سما وقالت
انتي كويسه يا حبيبتي كنت مرعوبه عليكي والله.. 
ناني 
ايوه انا كويسه بقولك ايه مش معاكي نضاره من بتوعي انا مش شايفه كويس و.. 
سما 
حطالك نضاره احطياطي في الشنطه بتاعتك.. 
ناني 
والله انتي اجدع اخت في الدنيا.. 
_محمد قرب من اياد اللي متنح علي ناني وسما وقال وهو بيحاول ما يضحكش... 
محمد
اومال لو كان حصلك اللي حصلي كنت عملت ايه؟.. 
اياد 
دول نسخه من بعض في كل حاجه باختلاف لون البشره.. 
محمد 
لا ده في واحده تالته كمان بس بصرلحه غلبانه غير دول.. 
ابتسم اياد وقاله 
انت اخوهم مش كده؟.. 
محمد
لا بس تقدر تعتبرني اخو ناني لاني خطيب اختها وهنتجوز قريب.. 
اياد 
الف مبروك مقدما، وعلي العموم انا اسف علي اللي حصل بسببي.. 
محمد 
حصل خير وفرصه سعيده يا... 
اياد 
اياد معتز ظابط شرطه.. 
محمد 
اتشرفت بمعرفة حضرتك، تعالي انا هوصلك تحت.. 
رؤوف
لا خليك انت يا دكتور محمد انا نازل كده كده مروح.. 
_ونزل اياد ومعاه رؤوف، وقبل ما يطلع اياد عربيته وقفه رؤوف وقال.. 
رؤوف 
معلش مش هعطلك بس في حاجه بخصوص ناني حضرتك لازم تعرفها.. 
اياد باهتمام
خير ان شاء الله هي ايه الحاجه دي؟.. 
رؤوف بخبث
انا وناني بنحب بعض.. 
اياد بجمود 
طيب نعم عايز ايه يعني؟.. 
رؤوف
احنا بينا مشروع خطوبه قريب كمان، يعني حبيت اقولك لتكون مش عارف.. 
اياد ببرود
فرصه سعيده ياا... مش مهم... 
_وطلع العربيه مع السواق وقاله يوصله للاوتيل.. بس كان مدايق جدا، ورؤوف قال لنفسه.. 
رؤوف
ما انتي يا ناني هتكون ليا انا بالعافيه بالذوق تتكوني ليا.... 
ــــــ #بقلم_الكاتبه_رحاب_القاضي ـــــــــ. 
_وتاني يوم في القاهره كان معتز بيكلم اياد وقاله.. 
معتز
خلاص يا حبيبي انا هتصرف وهحل الموضوع ده.. 
اياد 
يا بابا ما تتعبش انت انا هنزل واروح للراجل ده واقوله اني موت الاسد بتاعه عشان ادافع عن نفسي... 
معتز 
يا ابني انا اعرف الراجل ده معرفه شخصيه، ده يبقي ابن خال جدتك اولفت الله يرحمها المهم انت قضي اجازتك واتبسط وانا هظبطلك الدنيا.. 
 اياد
اوكي يا بابا انا هقفل موبيلي شويه ابقي طمن ماما وانس عليا.. 
ردت عليه مريم وقالت
طيب والله يا اياد لو موبيلك اتقفل لهتشوف اللي عمرك ما شوفته.. 
اياد ابتسم 
خلاص مش هقفله بس بلاش زن عايز اقضي اجازه هاديه.. 
مريم 
ماشي يا حبيبي وخلي بالك من نفسك والبس هدوم تقيله الجو بقي ساقعه اليومين دول.... 
اياد 
حاضر يا ماما وهشرب اللبن قبل ما انام وكل حاجه. يلا بااي.. 
_وقفل اياد معاهم، وكان انس راجع من بره وشكله مدايق جدا.. 
مريم 
انت كنت فين من الصبح يا انس؟.. 
انس 
كنت في الجامعه وبعدين روحت التمرين، في حاجه ولا ايه.. 
معتز 
اخوك معاه مشكله موت اسد بتاع واحد وانا هروح احل المشكله دي، غير هدومك دي والبس حاجه كويسه بدل الشورت ده عشان تيجي معايا.. 
انس 
حضرتك انا بقولك طول اليوم ما بين الجامعه والتمرين اكيد تعبان ومحتاج ارتاح.. 
مريم 
يعني هتسيب باباك يروح لوحده، وبعدين مش عايز تقف جنب اخوك.. 
اتنهد انس بضيق وقال
حاضر هغير هدومي واجي.. 
_في بيت عزت الشندويلي وصل بعد شويه معتز ومعاه انس وموبيل انس رن وقال.. 
انس 
طيب اتفضل حضرتك وانا هرد علي الكابتن وجاي وراك.. 
معتز 
انت ما فيش فيك فايده، علي العموم ما تتأخرش.. 
_ودخل معتز وانس، راح يتكلم في الفون...وفوق في اوضة جني كانت مدايقه جدا ومامتها بتقولها.. 
عزه 
انتي مجنونه بلد ايه اللي عايزه ترجعيها دي، عجباكي العيشه وسط البهايم والقرف... 
جني بدموع 
ايوه عجباني وريحي نفسك يا ماما انا مش هبقي زي جيلان حبيبتك.. 
عزه 
عارفه انك مش هتبقي زيها عشان انا حظي زفت، طالعه فقريه لابوكي ويكون في علمك انا مش هسيب العز ده كله بتاع اخويا وورثي في ابويا وارجع اقعد عند عمك في الغيط عند الترعه.. 
جني بدموع 
خلاص خليكي انتي هنا وانا همشي، عشان خاطري انا لو قعدت هنا حيلتي كلها هتبوظ واحلامي هتدمر.. 
عزه
احلامك غبيه وتافهه انتي هتفضلي معايا هنا واحلامك دي تنسيها انتي هتحققي احلامي انا يا جني.. 
_اخدت جني شنطتها ونزلت عشان كانت رايحه السنتر، وهي وطالعه من البيت خبطت في انس اللي كان داخل واول ما شتفته اتنفضت بخوف وهو استغرب وقال.. 
انس 
جني انتي هنا بتعملي ايه؟.. 
جني بتوتر
اا انت ايه اللي جابك ده بيت هالي، عايز تفهمني انك ما تعرفش بيت صاحبتك جيلان.. 
انس 
لا ما كنتش بهتم هي بنت مين، بس دي صدفه حلوه اووي.. 
قرب منها وابتسم وقال
يبدو وان القدر حالف يجمعنا.. 
جني بدموع 
لو سمحت سيبني في حالي، انا مش زيك ولا زي جيلان.. 
انس بنظره كلها حزن رد عليها وقال
حاضر وانا اسف علي اللي حصل مني، بعد اذنك... 
_قال كلامه وسابها ودخل جوه، وهي كانت مستغربه من كلامه وبعدين راحت السنتر بتاعها.
_وعند معتز وعزت راح انس وقعد معاهم وكان تفكيره كله في جني وانها ديما قادره تخليه ما يفكرش غير فيها... 
عزت
عامل ايه يا انس علي فكره انا بحب كرة السله اووي وبشوف المباريات بتاعتك وانت نجمي المفضل.. 
انس ابتسم 
ميرسي يا اونكل ده شرف ليا ان حضرتك بتتابعني.. 
معتز
المهم يا عزت بيه كده خلص موضوع اياد خالص ؟.. 
عزت 
برغم ان توتي كانت غالي عليا، بس نجيب غيرها المهم حازم كان كلمني علي موضوع المكان اللي عايزين تاخدو ويبقي جيم رياضي.. 
معتز 
والله قولنا اهو نتسلي، ودي فكرة حازم اصلا وانا اهو بشغل وقتي معاه.. 
عزت 
بالعكس الفكره عجبتني جدا وعايز اعرض عليك ان الجيم ده ببقي مركز رياضي كبير وانا عليا المكان وانتو بقي التنظيم والشغل ونبقي شركاء.. 
معتز 
والله هي فكره حلوه بس اشوف حازم وابني اياد انت عارف بقي الشباب وميولها بيكون مختلف عننا احنا وابقي ارد عليك.. 
عزت 
طيب وليه نستني ما عندك الكابتن انس اهو، هو اللي يقولنا ايه اللي الشباب هتكون حباه اكتر.. 
انس باهتمام 
والله هو اا.. 
قبل ما يكمل كلامه قال معتز بسخريه
مين ده اللي هيفيدك كان نفع نفسه، لا استني بس اياد يرجع وهو اكتر حد ممكن يفيدنا.. 
_فضل معتز يتكلم مع عزت، ومش واخد. باله من انس اللي ضم علي ايده بعصبيه وعينيه اتملت دموع وبصله بحزن لو كان معتز خد باله كان قتل نفسه علي اللي خلا ابنه حس بيه في الموقف ده... 
ـــــــــــ #بقلم_الكاتبه_رحاب_القاضي ـــــــــ 
_في الاسكندريه في بيت خالد نزل من اوضته وكانت مراته وباباه ومراته واخته الصغيره بيفطرو.. 
خالد 
صباح الخير يا جماعه.. ايه الهدوء ده... 
فتحي باباه
عاش من شافك كل ده غايب عن البيت.. 
وعلي صوته وقال
انتو يا بهايم باللي شغااالين هنااااا فين اللمون بالنعنااااااع بتاااعي... 
خالد بانزعاج
ما انت عارف ظروف شعلي يا بابا.. 
امينه
انا رايحه لماما هتوصلني.. 
خالد 
خلي السواق يوصلك انا مستعجل.. 
امينه 
وهتغيب اد ايه بقي المره دي شهر ولا اتنين... 
خالد بجمود
قولي يا بابا هي فين طنط فاطمه.. 
مشيت امينه وهي مدايقه وفتحي رد عليه وقال
تعبانه شويه ومش هتفطر معانا، المهم ابقي كلم مامتك.. 
خالد بضيق 
مش هكلم حد، لو سمحت ابقي قولها تبطل تكلمني.. 
فتحي
خالد علا امك وبتحبك وو.. 
خالد 
وزمان سابتني تمن سنين في ملجأ بسبب انها خلفتني منك في السر.. 
فتحي
جدك كان صعب اووي يا خالد وانا قولتلك لو كان عرف اللي بيني وبين امك كان هيقتلها، زين الشناوي ما كانش بيرحم ولما مات جابتك من الملجا وقالت للدنيا انك ابنها.... 
خالد بدموع
وانا ما نسيتش اللي عيشته بسببها، وانت ازاي عادي كده، ظي كانت مخبيه عليك اصلا ان عندك ولد... 
فتحي
اللي حصل واهو في الاخر ما اتفقناش واطلقنا بعد ما جيبنا اختك منه، روحلها يا ابني.. 
خالد
انا ماشي عندي شغل، وانا ما عنديش ام اصلا... 
_مشي خالد وراح شغله وقتبل المدير بتاعه وقال.. 
خالد 
يا كمال بيه الدكتور بهاء ما فيش عليه اي دليل يدينه باي غلط، انا متاكد ان اللي بيعمل كده حد بعيد عنه خالص.. 
كمال 
انت مش محامي يا خالد، انت ظابط مخابرات ووجودك هناك عشان تثبت ان بهاء مجرم، وانه بياخد اعضاء الناس هنا بالسرقه ويصدرها بره مصر، ده غير الادويه اللي بيجيبها وغير مصرح بيها.. 
خالد
وتفتكر حضرتك ان مافيش دليل عليه ده من بلاش، ده راجل نضيف واكيد حد. عايز يلبسه في حاجه زي دي.. 
كمال 
انا المهم عندي الادله، اثبتلي انه مش تبع اي مافيا اعضاء او مخدرات وانا هقولك وهاتلي اللي بيعمل كده وهقولك تمام.. 
خالد 
علي العموم انا هرجع الشغل تاني عنده، والورق اللي قدام حضرتك ده يثبت مليون في الميه ان دكتور بهاء بيمشي قانوني بعد. اذن حضرتك.. 
_ومشي خالد ورجع الشغل تاني عند بهاء... 
ـــــــــــ #بقلم_الكاتبه_رحاب_القاضي ـــــــــ 
_وبعد فتره كبيره كان فاضل كام يوم علي فرح سما ومحمد.. 
_وفي بيت بهااء كانت سما وملك وناني مجهزين السفره بتاعت الفطار وطلع بهاء من اوضته وقال.. 
بهاء
ايه ده فطير مشلتت وعسل، عايزين ايه يا بنات ندي.. 
ملك قعدت تاكل وقالت
انا مش عايزه حاجه بناتك هما اللي عايزين.. 
بهاء
خير اللهم اجعله خير ان شاء الله؟.. 
ناني قعدت جنبيه وقالت
انا عايزه اسافر القاهره اديني اهو بقولك؟.. 
بهاء بضيق 
هتسافري ليه القاهره يا ست ناني المره دي؟.. 
ناني 
في قناه كبيره عرضت عليا اني هقدم برنامج هناك علي الراديو بس.. 
بهاء ابتسم 
هتبقي مذيعه رسمي يا ناني.. 
ناني 
ومش بس كده كمان ده انا بعد كده هعمل لقاءات مع فنانين ولعيبة كوره وناس من المشهوره دي.. 
بهاء
هفكر وارد عليكي يا ناني، لان معني كلامك ده انك هتبقي مقيمه في القاهره.. 
ناني بقلق 
وو وفيها ايه انت مش واثق في بنتك... 
بهاء 
ناني الموضوع مش كده وانتي عارفه كويس.. 
سما 
خلاص بقي يا ناني المهم يا بابا انا مش عايزه اتجوز.. 
ضحك محمد وقال 
هههههه بتموت سما في الهزار.. 
سما بقلق 
بس انا مش بهزر انا بتكلم جد، انا حاسه اني لسه مش جاهزه وو.. 
وقف بهاء وزعق فيها وقال
لا والله بقي فاضل يومين علي فرحك وتقوليلي مش عايزه اتجوز، اسمعي يا سما لعب عيال مش عايز انتي عايزه الناس تقول علينا ايه.. 
سما بضيق 
يا بابا انا مش عايزه ابوظ الجوازه خالص، انا بس عايزاها تتاجل انما لما لقيت الموضوع دخل في الجد وهتجوز واسافر مع واحد هو كويس بس انا مش اا.. 
يهاء بحده 
ولا كلمه كمااان فاهمه ولا لا، ويوم الخميس هتتجوزي يا سما الراجل بيتمنالك الرضا ترضي شقه هنا وجابلك وعند اهله وانتي وافقتي من غير ما اغصبك انما لعب عيال مش عايز واياكي تعملي اي حاجه تبوظ الجوازه فاهمه ولا لا.. 
_قال كلامه وسابهم ودخل اوضته. وسما دخلت اوضتها وفضلت تعيط.. 
_وفي بيت محمد كان بيفطر مع مامته وباباه، وثريا قالت.. 
ثريا
هو انا عندي استفسار بس، الهانم اللي هتتجوزها ما جاتش ليه تفرش شقتها معاك... 
محمد 
عادي يا ماما انا كنت بكلمها وبوريها كل حاجه بعملها. 
ثريا
هي متنكه علي ايه كده، هي كانت تطول اصلا تتجوز واحد زيك.. 
محمد
ماما لو سمحتي طلعي سما من دماغك انا مرناح معاها.. 
ايهاب
وهو ده المهم يا ابني وو.. 
ثريا 
اسكت يا ايهاب، بقولك ايه انا هروح بكره الحنه هناك عندها.. 
محمد بقلق 
من امتي يا ماما بتروحي انتي حنة حد يعني.. 
ثريا
بس دي مش حد. دي هتبقي مرات ابني يا مجمد وهروح يعني هروح.... 
محمد بقلق
ربنا يستر من اللي جاي... 
ـــــــــــ #بقلم_الكاتبه_رحاب_القاضي ـــــــــ 
_وتاني يوم راحت ملك الشركه بتاعت امجد. عشان الاجازه بتاعتها خلصت، وراحت تقدم استقالتها من هناك، ودخلت عنده وقالت.. 
ملك 
اسفه لو هعطل حضرتك، بس ياريت تمضيلي علي الاستقاله دي.. 
امجد 
استقاله يا ملك، ليه يعني حصل مني ايه عشان تعملي كده وعملالي بلوك كمان.. 
ملك
بص يا امجد. انا ممكن ابان تافهه وما افهمش حاجه، بس الحاجه الوحيده اللي لازم تكون عارفها ان انا مستعده ابيع الدنيا كلها قصاد رضا بابا.. 
امجد. قرب منها وقال
طيب لو دكتور بهاء وافق انتي هتكوني موافقه، انتي مصدقه امجد يا ملك وعايزاه ولا لا... 
ملك بدموع 
انت عارف ردي من الاول بس المهم عندي بابا يا امجد. يكون موافق، ولو سمحت امضي الاستقاله بتاعتي.. 
امجد. 
همضيها عشان بعد الجواز اكيد مش هخليكي تشتغلي.. 
ملك بسخريه
ربع ثقتك وانت بتتكلم، انا نفسي افهم انت ليه ما كنتش متربي من الاول كان زمانا بنتجوز دلوقتي... 
امجد بهدوء
والله العظيم هنتجوز وهتبقي مراتي وفي اقرب وقت كمان.. 
ملك اتنهدت وقالت 
انا بجد. مش عارفه ارد عليك واقول ايه، بس انا لازم امشي دلوقتي.. 
_مشيت ملك وامجد مسك موبيله وكلم حد وقاله وعيونه بتطلع شر وحقد.. 
امجد. 
ايوه يا جمال عايزك تجيبلي الورق بتاع الملجأ اللي يثبت ان دكتور بهاء متبني بناته التلاته وانهم مش بناته... 
_تفتكرو بهاء هيعمل ايه لما يعرف ان الورق ده مع امجد.؟... 
_في الاسكندريه الساعه 10 بالليل علي البحر كانت سما وناني وملك قاعدين، وصوت ضحكهم مالي المكان... 
ملك
بس بقي الناس فاكرانا عفاريت منكم لله انا غلبانه مش شريره زيكم.. 
ناني
والله النهارده فصلان ضحك شوفتي الراجل اللي فضل يقرا قرآن وهو معدي دلوقتي... 
سما 
ما انا قولت ما نخرجش مع بعض احسن، بس هتوحشني قعدتكم دي والله.. 
ملك 
بطلي نكد بعد الفرح بكره نبقي نعيط ونعمل كل اللي نفسك فيه.. 
ناني
ما تفكي بقي يا سما والله محمد ده طيب وكويس وقمر بطلي افتري.. 
سما بدموع
انا محتاجه وقت مش كل حاجه تيجي بسرعه كده، انا وبوافق كنت محتاجه حد. يقولي استني ما تتسرعيش بس بابا عشان فرحان بمحمد نسي انه ينصحني.... 
ناني
لا يا سما بابا اختارلك الصح بس العيب فيكي انتي عنيده وطول عمرك مقتنعه ان ما فيش حاجه بتجيلك بسهوله وعشان محمد الحكايه كلها ساهله  انتي حاسه ان في حاجه غلط.. 
ملك 
ناني كلامها صح اديه فرصه وانتو متجوزين والله هتحبيه وهتموتي فيه كمان... 
وكملت كلامها بحماس وقالت
المهم احنا بقي لازم نعمل حاجه مميزه بكره في الفرح.. 
سما 
لا برود مش عايزه هو غير انك هتتصوىي معايا قص شويه ما فيش حاجه تاني هتحصل.. 
ناني
اتفق مع سما بطلي حركات تافهه بلييز.. 
ملك بغيظ 
اصلا انتو فقر استنو بس في فرخي انا وامجد. هتشوفو اا.. 
سما 
استني استني فرحك انتي ومين يا عسل.. 
ملك بخوف 
مم ما بالراحه هو قالي لما روحت استقيل انه هيقنع بابا.. 
ناني 
لا استني يا سما سيبي الطلعه دي عليا انا....
_قامت ملك جريت بخوف ووراها ناني وسما اللي كانت بتضحك بصوت عالي.. وبعد شويه وصلو البيت وهما بيضحكو وكان بهاء مستنيهم...  
ناني
معلش يا بابا اتاخرنا بس النهارده اخر يوم لسما معانا وكده يعني.. 
ملك 
في حاحه يا بابا شكلك مدايق اووي... 
قرب بهاء من سما وقال
وازاي ما ابقاش مدايق وانا حته من قلبي بكره هتسيبني وهتمشي.. 
حضنته سما وعيطت وقالت
مش عايزه اتجوز والله انا عايزه اقعد معاك ومش هسيبك.. 
ملك 
يالهوي علي النكد هو انتو ايه تزعلو تعيطو تفرحو تعيطو، ما هو ده سبب النحس اللي في حياتي اني عايشه معاكم... 
بهاء
هديكي بالجزمه يا ملك لو ما اتلمتيش.. 
سما بدموع
ما تزعلش مني يا بابا وانا هعمل كل اللي انت عايزه.. 
بهاء
انا عايز حاجه واحده بس تبقي ست بيت وزوجه كويسه، عايزهم يقولو بنت بهاء ما فيش منها مش عايز امك تزعل مني ولما اروحلها اقولها انا نفذتلك وصيتك. 
قالو كلهم بسرعه 
بعد الشر عليك يا بابا.. 
ناني
اوعي تقول كده تاني والله اسيب عليك ملك تطفشك.. 
ملك 
طيب هو ما هيصدق بقي ويقولك سيبي ملك... 
بهاء
مين ده اللي هيقول هو انا ناقص تجيلي جلطه... 
_ضحكو كلهم وفضلو سهرانين مع بعض.. 
ــــــــــ#بقلم_الكاتبه_رحاب‌_القاضي ــــــــــ 
_وتاني يوم الصبح في القاهره كان اياد في اوضته واقف في البلكونه بيشرب شاي ومشغل اغنية عبد الحليم حافظ الشهيره... 
"اهواك واتمني لو انسااك وانسي روحي وياك  وان ضاعت يبقي فدااك لو تنساني... وانساك واتاريني انسي جفاك واشتاق لعذابي معاك والقي دموعي فاكراك ارجع تاني".. 
_قطع اندماجه في الاغنيه دي لما دخلت عنده مريم وهي خايفه وقالت.. 
مريم
اياد الحقني في مصيبه حصلت.. 
اياد بقلق
في ايه يا ماما خير إن شاءلله؟.. 
مريم 
مش خير خالص اخوك خربها فوق دماغه المره دي.. 
اياد 
طيب اهدي طيب وقوليلي عمل ايه، بايت بره مش كده؟.. 
مريم بدموع 
اخوك اتقبض عليه كان سايق العربيه وهو سكران ومعاه بنت ولقيو معاهم مخدرات والخبر مالي النت والتلفزيون انت عارف انه مشهور في اللعبه اللي بيتنيل يلعبها.. 
اتنهد اياد بعصبيه وقال
يا انس هو عايز ايه بالظبط ليه بيعمل كده.. 
مريم 
عشان خاطري انت اهدي باباك حالف ما يعديها علي خير... 
اياد 
حاضر انا هكلم عمو حازم واروح اشوف الموضوع.. 
_غير اياد هدومه وطلع لقي معتز متعصب جدا، قرب منه اياد وقال. 
اياد 
ما تقلقش يا بابا انا مش هاجي غير وهو معايا.. 
معتز بحده 
ما تجيبوش هنا مش عايز اشوف وشه والا هخلص عليه وارتاح من مشاكله.. 
مريم 
لا والله ده بدل ما تروح وتطلعه انت، هو مش ده ابنك... 
معتز بحده 
لا مش ابني اللي بيشوه سمعتي انا واخوه بعد كل ده يبقي مش ابني، افتحي كده اي قناه هتلاقيهم ماسكين سيرة البيه.. 
اياد. بضيق
انا مااشي هبقي اطمنك يا ميمي.. 
_وفي قسم الشرطه كان انس واقف وهادي جدا وحازم واياد قاعدين قدام الظابط... 
اياد 
انا مقدر موقفك يا عمر بس نعديها بقي ونقول طيش شباب.. 
عمر بشماته 
ايه اللي بتقوله ده يا اياد هو انت نسيت ان اللي بيغلط بيتعاقب نسيت اننا لازم نطبق القانون.. 
حازم بحده
جرا ايه يا ابني هو مش انا قاعد، انا جاي بنفسي اخده ونطلع ومكبرك بدل ما اخلي حد. يكلمك وتطلعه انت بطريقه تانيه.. 
اياد 
هي البنت اللي كانت معاه فينها؟.. 
عمر بضيق
ابوها يبقي وزير سابق وطلعت.. 
اياد بعصبيه 
يبقي زي ما دي عدت عندك يا عمر اخويا يطلع، والمحضر يتقفل من عندك كمان... 
حازم 
من غير عصبيه يا اياد هو هيعمل كده صح. يا عمر يا حبيبي... 
عمر بصلهم بغيظ وقال
تمام عشان خاطرك انت بس يا حازم بيه... 
_وبعد شويه كان انس طالع مع اياد وحازم والصحافه كانت ماليه المكان بره وصورو انس وهو طالع من القسم... 
_وفي الوقت ده في بيت عزت الشندويلي كانت قاعده جني في اوضتها وشافت الصور بتاعت انس وقالت لنفسها بضيق.. 
جني
وانا مالي انا هو شخص مش كويس اصلا ويستاهل اكتر من كده.... 
دخلت عندها جيلان وقالت
بابي بيقولك هتيجي معايا ولا هتقعدي تذاكري يا دكتوره.. 
جني
لا هذاكر وانتي عارفه اني مش هخرج معاكي تاني.. 
جيلان
عادي جدا علي فكره.. 
جني بسرعه قالت
جيلان هو انتي رايحه عند انس؟.. 
جيلان 
لا اصلا سيبنا بعض انا مرتبطه بواحد. تاني دلوقتي ياسين صاحبه.. 
جني بضيق 
انتي بجد. كده فرحانه بنفسك  وانتي كل شويه مع ولد... 
جيلان 
انا مش فاضيه لمحاضراتك دي خليكي في حالك... 
_مشيت جيلان وجني بصت تاني للاخبار ولصور اياد وهو طالع مع ايود وحازم وباصص للارض والدموع ماليه عينيه وقررت؟.... 
ــــــــــــــــــــــــــ
ـ في بيت حازم كان اياد وقف متعصب وبيزعق في انس وقال.. 
اياد 
انت عاجبك اللي حصل خليتني اروح اتزل لواحد زي عمر ده عشان اطلعك.. 
انس ببرود 
ما قولتلكش تيجي كنت طلعت نفسك من الموضوع زي ابوك وريحت دماغك.. 
اياد 
ردو انتو مش اللي بتدافعو عنه، وبعدين انا ما جيتش عشانك انا جيت عشان اسمي واسم ابوك اللي كنت عايز تحطهم في الارض.. 
حازم 
خلاص يا اياد روح شوف شغلك وهو هيقعد معانا هنا لحد ما ابوك يهدي ويروح يصالحه.. 
قعد اياد جنب انس وقال
يا انس انا ماليش غيرك وانت عارف لا ليا صحاب ولا اي حد غيرك انت ليه واخد مني جنب وبتعمل تصرفات زي دي مع اني نصحتك بدل المره الف و.. 
انس بحده 
مش محتاجها منك انت النصحيه، ولا محتاج نصيحه اصلا انا قاصد اعمل كده عشان انتو عايزني كده عشان ابوك وامك يعرفو يعلوك عليا اكتر... 
_قال كلامه ودخل اوضته اللي في بيت حازم وراحت وراه نيره وحاولت تتكلم معاه... 
اياد
هو يقصد ايه بكلامه ده يا عمو؟.. 
حازم 
ها انا نمت معلش هو قال ايه.. 
اياد 
 ايه ده احنا بنزعق وصوتنا جايب اخر الشارع وانت نمت عادي.. 
حازم 
اعمل اي في ابوك مسهرني الليل كله نحلص ورق المركز... 
اياد 
انا ماشي وهجيله تاني بالليل، ابقي اتكلم معاه خليه يقرب مني ويسمعني هو بيبكم وهيسمع كلامكم وانا مش عاجبني انه بعيد عني كده.. 
حازم 
امشي يا اياد انت لو عايز تقرب من اخوك مش هتستناني انا اكلمه... 
ــــــــ #بقلم_الكاتبة_رحاب_القاضي ــــــــ 
_في الاوتيل اللي هيكون فيه فرح سما ومحمد كانو التلات بنات في اوضه واحده والباب خبط وفتحت ملك وكانت ثريا مامت محمد ومعاها بنت تانيه.. 
ملك 
ازاي حضرتك يا طنط اتفضلي.. 
دخلت ثريا ومعاها البنت وقالت 
اختك فين؟.. 
البنت
ايه ده يا خالتو هي مش دي العروسه؟.. 
ثريا 
لا دي اختها المنحنحه، اصلهم توأم يا اسماء، دي اسماء بنت اختي لسه راجعه من امريكا.. 
ملك بضيق 
اهلا وسهلا دقيقه هنده ليكم سما.. 
اسماء
لا احنا اللي داخلين عشان نشوف الفستان بتاعها شكله ايه.. 
ملك بغيظ 
سوري هو انتي هتلبسي الفستان بتاعها معاها ولا ايه؟.. 
طلعت ناني وقالت
خير يا ملك في ايه، ازاي حضرتك يا طنط ثريا.. 
اسماء 
ايه ده انتي العروسه انتي مش قولتيلي انها بيضه يا خالتو مش سودا... 
ملك بحده 
وانتي م... 
ناني بسرعه مسكت ايد ملك وقالت
ااه هي فعلا العروسه بيضه وزي القمر وما فيش منها اتنين، وانا اختها ناني.. 
ثريا 
احنا جايين نشوف الفستان اللي اختكم هتلبسو في الفرح، عشان احنا مش عايزين نتفضح قدام الناس.. 
ملك بحده 
انتي بتقولي اين حضرتك انتي وسيلعوه اللي جنبك دي وو.. 
ضحكت ناني وقالت
ههههههه بطلي هزار بقي يا ملك وانزلي هاتي الحاجات اللي قولنالك عليها خالد مستنيكي، واتفضلي يا طنط... 
_نزلت ملك ودخلت ثريا واسماء عند سما اللي كانت بترتب في حاجاتها... 
سما 
طنط ثريا اهلا وسهلا اتفضلي.. 
اسماء
طنط ايه انتي مش المفروض تقولي لحماتك يا ماما.. 
ثريا بخبث
معذوره يا اسماء اصلها اتولدت من غير ام ما تعرفش معني حاجه زي دي... 
_بصت سما لناني وعيونهم هما الاتنين اتملت دموع، وقالت سما بضيق.. 
سما
هي مين الاستاذه اصلا؟.. 
ثريا 
 . دي اسماء بنت اختي واقرب واحده لمحمد بعدي انا... 
سما بهدوء
بجد ما قاليش محمد حاجه زي دي قبل كده، علي العموم اتشرفت بمعرفتك.. 
اسماء
ميرسي.. 
ثريا بجمود 
فين الفستان بتاعد يا سما انتي ازاي اصلا ما تاخديش رأيي فيه... 
سما طلعت الفستان وحطته قدامها وقالت
الفستان اهو قدامك يا طنط لو مش عاجبك انا مستعده اغيره دلوقتي حالا انا مش فارق معايا اصلا المهم اني اكون مع محمد وبس... 
ادايقت اسماء وثريا بصت للفستان وقالت
ايه ده عادي اووي ومقفول ليه كده هو انتي جسمك فيه عيب عشان خايفه تجيبي فستان مفتوح شويه.. 
سما بهدوء
لا الحمد لله جسمي حلو جدا بس محمد بيغير اووي عليا وهو اللي طلب مني اجيب فستان زي ده، وبعدين انا لبسي من الاول مش بيكون لا قصير ولا دايق ولا مفتوح.. 
ثريا 
انا الفستان ده مش عاجبني.. 
اسماء
انا هطلب الفستان اللي وريته ليكي من شويه يا خالتو هيكون احلي.. 
سما
لو سمحتو الفستان لو مش عاجبكم انا ممكن انزل اجيب واحد غيره يناسبني ويناسب طريقة لبسي، انما مش هلبس علي مزاج حد.. 
ثريا 
ما هو العيب مش عليكي انتي، العيب علي ابني اللي جاب واحده مش شبهنا... 
_قالت كلامها وطلعت وناني قعدت جنب سما  وقالت.. 
ناني بدموع
سيبك منها علي رأي بابا المهم محمد معاكي ازاي، بس تعرفي كلمتها وجعتني اووي اننا اتولدنا من غير ام تفتكري لو ماما كانت معانا كانت هتسكت لحماتك... 
سما بدموع 
اكيد لا طبعا كانت هتبقي زي الامهات اللي الافلام كده تتخانق مع حماتي عشان ما تخليهاش تزعلني.. 
ناني مسحت دموعها وقالت
ربنا يرحمها بس بصراحه انا عندي احلي ام حتي انها هتتجوز النهارده.. 
ضحكت سما وحضنتها وقالت
ههههه انتي وملك احلي امهات في الدنيا برضووو... 
_وعند ملك وخالد نزلت من العربيه وزعقت فيه وقالت.. 
ملك 
عارف انا لو روحت معاك مشوار تاني ابقي اديني بالجزمه.. 
خالد 
ليه كده خير ان شاء الله؟.. 
ملك 
ما تعصبنيش، انا مش باخد رئيك في الحاجات اللي بشتريها وانت تقولي ما اعرفش وكسفتني قدام البنت.. 
خالد 
طيب بالعقل كده واحد زيي هيفهم ايه في الميكآب والحاجات دي.. 
ملك 
جاملني اعمل نفسك بتختار.... 
اتنهد خالد وقال
لو سمحتي اطلعي فوق انا مش فاضي.. 
ملك 
طيب مش طالعه براحتي.. 
خالد زعق فيها وقال
انتي حد مسلطك عليا انا ما بحبش العند.. 
ملك بدموع 
انت بتزعقلي... 
خالد بقلق
لا لا لا بلاش تعيطي شكلك بيبقي وحش علي فكره انا اسف خلاص.. 
ملك ببكاء
وكمان بتقول عليا وحشه والله لقول لبابا عليك... 
ومشيت ورجعت ضربته علي كتفه وقالت
يا رخممممم.. 
_مشيت وهو ضحك غصب عنه علي طريقتها واخد العربيه ورجع المستشفي عند بهاء.. 
ــــــــ #بقلم_الكاتبة_رحاب_القاضي ــــــــ 
_في شركة امجد كان قاعد علي مكتبه وبيخلص شغله ودخلت السكرتيره وقالت.. 
السكرتيره 
امجد. بيه في واحد. بره اسمه احمد مندور عايز حضرتك... 
ادايق امجد وقال
طيب دخليه وما تخليش حد. يدخل هنا بعده... 
_طلعت السكرتيره ودخل ولد وكان متعصب جدا ومسك امجد. من هدومه وقال بعصبيه.. 
احمد 
انطق هي فين فين نسمه؟... 
امجد. ببرود 
انت ليك عين تسأل عليها بعد اللي انت عملته فيها.. 
احمد بحده 
كداااب انا ما عملتش حاجه، انت اللي عملت انت اللي اعتديت عليها وخليتها تفتكر ان انا اللي عملت كده، كل ده عشان رفضتك واختارتني.. 
امجد بحده 
هي فاكره انك انت اللي عملت كده، اليوم ده كان جامد. اوضه ضلمه وهي متكتفه وعينها متغميه وانا حطيت البرفيوم  بتاعك وعملت فيها ااا.. 
لكمه احمد في وشه وقال
انت حيواااان هي فين انا لازم ارجعها ليا منك انت شيطان... 
امجد ضحكك وقال
ايه ده ايه العصبيه دي كلها، هريحك هي في مكان ما حدش يعرفه حابسها هناك وكل ما اروح هناك بخليها تبقي تحت جزمتي واعمل فيها اللي عايزه، عشان تتحمل نتيجة انها قالتلي لا... 
احمد نزلت دموعه بغضب وقال
في يوم هلاقيها ووقتها هيبقي الموت ارحم ليك من اللي هيحصلك.. 
ضكك امجد. وقال
ابن اخت الخدامه بيتكلم معايا انا كده غريبه.. 
احمد. 
انا هوريك ابن اخت الخدامه هيعمل ايه... 
_وطلع احمد وكان متعصب جدا، وامجد مشي هو كمان وراح المكان اللي مخبي فيه نسمه وفتح الباب بالمفتاح ودخل لاقاها في المطبخ بتعمل اكل دخل وهو متعصب وقال... 
امجد
عايزه اروحي لعمك لييييه، عشان تشوفيه مش كده؟.. 
نسمه بخوف وجسمها كله بدأ يتنفض
والله مش عايزه اروح بس ما تعمليش حاجه والله مش عايزه اروح.. 
امجد بحده 
وحشك مش كده بعد اللي عمله فيكي، وانا اللي اتجوزتك وعملتك بني ادمه.. 
نسمه بخوف وبكاء
والله لا والله العظيم ما بفكر فيه اصلا والله.. 
زعق امجد. فيها بحده وقال
اومااال عايزه تخرجي من هنا وتروحيله ليييه بس انا هعرف اربيكي... 
_وبالليل  كانت نسمه قاعده علي السرير وجسمها كله ووشها كدمات، وامحد. كان واقف قدامها ولابس بدله شيك اووي وقال لنفسه وهو باصص في المرايه.. 
امجد. 
ودلوقتي جه دورك يا دكتور بهااء... 
_وطلع بره الشقه وقفل عليها الباب بالمفتاح وهي فضلت تعيط وحاولت تفتح الباب ما عرفتش وكان البيت في مكان مقطوع حتي لو صوتت ما حدش هيسمعها، البلكونه والشبابيك نفسهم مقفولين بحديد مش هتقدر تفتحهم... 
ــــــــ #بقلم_الكاتبة_رحاب_القاضي ــــــــ 
_في القاهره في بيت علا كانت ماسكه الموبيل بتاعها وبتحاول تكلم خالد اللي عامل ليها بلوك... 
منه 
يا ماما خلاص هو مش هيرد عليكي، المهم شوفتي الفضيحه بتاعت انس ابن مريم  .. 
علا
شوفت يا حبيبتي هي اصلا مريم دي تعرف تربي كويس.. 
منه 
زمانها دلوقتي بتتشل، ده النت والتلفزيون كله بيتكلم عليه.. 
علا
المهم انتي هتروحي امتي تقدمي علي مسابقة الراديوو.. 
منه 
الاسبوع الجاي يا ماما، المهم انا هخلي اياد يوصلني ويروح معايا.. 
علا 
اوكي يا حبيبتي ان شاء الله يكون من نصيبك... 
ــــــــ #بقلم_الكاتبه_رحاب_القاضي ــــــــ 
_بالليل كانت سما قاعده في الكوشة وكانت حلوه اووي وجنبيها ملك وناني، وقرب منهم محمد وقال.. 
محمد
هو الدكتور بهاء فين طيب، هو كان هنا من شويه،الماذون مستعجل.. 
ناني 
استني انا هروح اشوف خالد بره يمكن يكون عارف هو فين.... 
_وقدام الاوتيل بره كان بهاء واقف مصدوم ومعاه امجد. اللي قاعد علي عربيته وقال... 
امجد
ها يا دكتور بهااء هتختار ايه، انت ما تعرفش انا تعبت ازاي عشان اجيب الورق ده واعرف الحقيقه... 
بهاء بجمود
ولو قولت لا مش موافق هتعمل ايه؟.. 
نزل امجد. من علي عربيته وقال
لا من ناحية هعمل فا انا هعمل كتير، اول حاجه هدخل اقول للكل جوه ان العروسه مش بنتك وبنت حرام متسجله باسم ام وملهاش اب وانت جيبتها هي واخواتها من ملجأ... 
بهاء بدموع وخوف
اوعي تعمل كده انت فاهم، هما التلاته مالهمش ذنب في اي حاجه... 
امجد بحده 
دلوقتي حالا ادخل معاك بعد كتب كتاب بنتك العروسه هيتكتب كتابي انا وملك والفرح نخليه بعد اسبوع والاااا... 
بهاء مسح دموعه وقال
؟؟؟.. 
ــــــــ #الكاتبه_رحاب_القاضي ــــــــ 
_في القاهره كان انس بيتدرب مع الفريق بتاعه، وكان في خلاف بينه وبين المدرب.. 
المدرب
انا اتكلمت مع مدير الكوره الماتش الجاي انت مش هتلعبه.. 
انس
هو انا قصرت في حاجه فؤ التمرين انا احسن لاعب هنا ونجم الفريق.. 
المدرب
الجماهير متدايقه منك واحنا مش عايزين مشاكل.. 
انس
اوكي انا ماشي يا كابتن، بس الجماهير دي لما الفريق هيخسر هما اللي هيرجعوني... 
الكاتبن 
التزم يا حبيبي وقتها هتلعب وما حدش هيقول ليك حاجه... 
انس
ماشي... 
_اخد الشنطه بتاعته وكان طالع من صالة التدريب وما اخدش باله من جني اللي كانت واقفه بعيد وسمعت كل حاجه وراحت وراه وقالت.. 
جني
استاذ انس لو سمحت استني.. 
بصلها انس وابتسم وقال
استاذ انس هو انتي ما ادوكيش في المدرسه ان اي لاعب رياضي بيتقاله يا كابتن مثلا... 
ـــــــــــــــــــــــــــــــــــــــــــــــــــــــ 
جني
استاذ انس لو سمحت استني.. 
بصلها انس وابتسم وقال
استاذ انس هو انتي ما ادوكيش في المدرسه ان اي لاعب رياضي بيتقاله يا كابتن مثلا... 
اتوترت جني وقالت
اا طط طيب يا كابتن انس ممكن كلمتين لو سمحت.. 
انس نزل الشنطه اللي في ايده علي الارض وقال
نعم سامعك يا جني.. 
جني بهدوء
هو انت ليه بطلت ترخم عليا فجأه كده.. 
استغرب انس سؤالها وقال
نعمم؟!.. 
جني
لا لامش قصدي اللي انت فهمته، يعني حط نفسك مكاني كان حد رخم وغلس ومطلع عينك فجأه بقي هادي وابن ناس وكويس والصبح الاقيك في الاخبار كلها انك واحد مش كويس بس في حاجه بتقولي انك مش كده.. 
انس بجمود
هي ايه الحاجه دي؟.. 
جني اتنهدت وقالت
الدموع اللي ديما موجوده في عينك حتي لما بتكون بتضحك هي بتكون موجوده برضو.. 
بصلها بحزن وقال
عارفه ليه بعدت تنك عشان انتي فعلا ما تستاهليش تتاذي مني وانا بأذي اي حد. جنبي مش عشان وحش بس انا معترف ان ده نقص جوايا... 
_خلص كلامه واخد شنطته ومشي بسرعه قبل دموعه ما تنزل قدامها... وهي كانت واقفه ونفسها تتكلم معاه اكتر بس هو نهي الكلام بينهم خلاص.. 
ــــــــــ #بقلم_الكاتبه_رحاب_القاضي ــــــــــ 
_في الاسكندريه.. 
وفي الاوتيل كان امجد. واقف قدام بهاء وقال ببرود... 
امجد
ها يا حمايا قررت ايه وعلي فكره سواء انت وافقت او رفضت انا هتجوز ملك حتي لو كان التمن روحك انت واخواتها.. 
بهاء بجمود
ومعني اني بجوزهالك اني برميها في النار، انت جحيم بالنسبه لملاك زي ملك.. 
امجد 
ما يمكن هي تغيرني واتوب علي ايدها.. 
بهاء بحده 
وانا مش موافق وانت مش هتقدر تعمل اي حاجه.. 
امجد. بعصبيه 
هتشووف هقدر اعمل ولا لا... 
_وجه يدخل جوه بس بهاء مسك ايده وباسها وقال وهو بيعيط زي العيل الصغير.. 
بهاء
ابوس ايدك انا مستعد اعملك اللي عايزه بس انا مش هقدر اضحي بحياة واحده من بناتي علي حساب التانيه.. 
امجد. 
جرا ايه يا عمو بهاء هو انت هتصدق انهم بناتك... 
بهاء بحده 
ايوه بناتي انا اللي ربيت وكبرت وتعبت عليهم انا اللي حبيتهم لحد. ما بيقو قلبي وعمري وكل حياتي ومش هسمح لواحد زيك يجي في الاخر ويقولي ان هما مش بناتي.. 
امجد بهدوء 
بصو يا دكتور بهاء انا بحب ملك ومش هظلمها انا بس عايز استقر ويبقي عندي بيت وزوجه واولاد، وصعب بالنسباالي اتجوز اي واحده مش واثق في اخلاقها وما صدقت لقيت ملك... 
بهاء مسح دموعه وقال
موافق يا امجد بس هيبقي كتب كتاب بس لحد ما اشوف انك اتعدلت ولا لا.. 
امجد. 
تمام يبقي كده اتفقنا، ندخل بقي واكتب كتابي عليها.. 
بهاء بجمود 
ماشي يلااا.. 
_ودخل بهاء القاعه وكانت ناني وخالد بيدورو عليه... 
ناني 
يا بابا انت فين المأذون خلل جوه.. 
بهاء
جيت اهو بس كنت بجيب عربس اختك يا ناني.. 
ناني
نعمم عريس اختي هو انت وافقت بامجد يا بابا.. 
امجد. 
اكيد طبعا اومال بقالي ساعه بقنع فيه بره علي ايه؟.. 
بهاء بضيق 
يلا عشان هيبقي بدل ما هو كتب كتاب واحد. هيبقو اتنين.. 
وبص لامجد وقال
لا ده انت كمان واثق انت هوافق وجايب امك تحضر الفرح.. 
امجد. 
انا برضو مش ساهل يا عمي ده انا امجد. البحيري... 
_ودخلو كلهم جوه وكان خالد واقف مدايق جدا، وطلع وقف بره وقال.. 
خالد 
وانا مالي اصلا ما يتجوزها انا جاي اصلا لشغل ولازم اخلصه وامشي.. 
_وخلص الفرح وكان حلو ومشي وطلعو محمد وسما اوضتهم في الاوتيل وتحت كانت ملك واقفه ساكته وقرب منها امجد وقال.. 
امجد. 
الا ما حتي قولتيلي مبروك؟.. 
ملك بتوتر
مم ما انا لسه بستوعب هو انا كده اتجوزتك... 
ابتسم امجد. وقال
ايوه طبعا بقيتي مرات امجد. البحيري خلااص، هو انا مش قولتلك مش هسيبك خليكي بقي مصدقه كلامي.. 
ملك بضيق
بس هو ليه بسرعه كده انا كنت لسه عايزه اتمرمط شويه واتعذب، الحاجات اللي بتيجي بسهوله كده بتبقي ممله وتافهه.. 
امجد. بغيظ 
اخرسي يا ملك ماما جايه تباركلنا اهي.. 
وجات صفاء مامت امجد وحضنت ملك وقالت
الف مبروك يا حبيبتي، ما تعرفيش انا مبسوطه ازاي ان الصايع ده اخيرا اتلم واتجوز... 
كتمت ملك ضحكتها وقال امجد 
باركتي وخلصتي يلا يا حبيبتي السواق هيوصلك.. 
صفاء
شايفه قلة الذوق الاعتماد عليكي في حاجات كتير علي فكره.. 
ملك 
ما تقلقيش يا طنط ده انا هربيه من اول وجديد. انتي بس تؤمري.. 
امجد. 
هتتفقو عليا بقي انتو الاتنين بس ماشي... 
وجه بهاء وقال
نورتينا يا صفاء هانم والله.. 
صفاء
ده بنورك يا دكتور بهاء، وربنا يتمم فرحتنا بالاولاد علي خير.. 
بهاء
ان شاء الله، اتفضلي معانا هوصلك في طريقي.. 
امجد. 
لا لا اتفضل انت يا دكتور وانا هوصلها واوصل ملك وبعدين اروح.. 
بهاء بقلق
لا لا انا هاخد ملك يعني محتاج بناتي معايا النهارده.. 
ملك
انت ساكن في مكان تاني غير طنط؟.. 
امجد. 
بعدين بقي نتكلم في الموضوع ده... 
_مشيت ملك مع بهاء وناني، وامجد. اخد مامته ومشي وقالتله وهي في العربيه.. 
صفاء
ياريت بقي تحترم نفسك وتقدر انك اتجوزت بنت ناس ومتربيه.. 
امجد. 
انتي هتشوفي واحد. تاني يا ماما والله، انا بجد. ناوي اتجوز ويبقي معايا اولاد وبيت ومع واحده زي ملك... 
صفاء
انت حبيتها ولا اتجوزتها عشان مناسبه.. 
امجد. 
طبعا حبيتها واحده مختلفه ومتربيه وقطه مغمضه كده اشكلها زي ما انا عايز وتقولي حاضر ونعم.. 
صفاء 
امم واضح انك حبيتها، هي كلمه واحده هقولها ليك يا ابني حافظ علي القلوب اللي بتحبك عشان لو وجعتها وجعها ده هيتردلك اضعااف... 
امجد. ضحك بسخريه وقال
ان شاء الله... 
ــــــــــ #بقلم_الكاتبه_رحاب_القاضي ــــــــــ 
_في اوضة سما ومحمد في الاوتيل اول ما دخلت كانت متوتره جدا ووشها احمر بشكل غير طبيعي.. 
قرب منها محمد وقال
انا ال.. 
زعقت فيه سما وبعدت عنه وقالت
انت ايه انت تحترم نفسك فاهم ولا لا.. 
محمد 
نعمم يا اختي احترم نفسي والنهارده، ومحمره كده ليه هو لسه في حاجه حصلت... 
سما بتوتر 
ولا في حاجه هتحصل اصلا، انت تقعد بادبك كدم لحد. ما اخد عليك.. 
قلع محمد نضارته وحطها علي الترابيزه وقال
هو انا ايوه ابان كيوت وابن ناس وحلو، بس انا في اليوم اللي مستنيه من لما اتولدت ممكن ابقي عربجي عادي يعني.. 
سما بحده 
هو انا هخاف منك مثلا، انا فعلا يعني مش جاهزه بجد ووو. 
شالها محمد وقال
احلي حاجه ان الفستان بتاعك مش كبير عشان ميدايقنيش وانا شايلك.. 
سما بكسوف وخوف 
طيب انت محترم وهتبقي محترم وهتنزلني.. 
ضحك محمد وقال
لا ما انا محترم في اي مكان الا هنا يا صاحبت كوبي القهوه... 
ــــــــــ #بقلم_الكاتبه_رحاب_القاضي ــــــــــ 
_في البيت عند بهاء دخل اوضته وقعد في البلكونه وبص للسما وقال.. 
بهاء
ده طلع حمل تقيل اوووي يا ندي كل ما اقول انه خف شويه بلاقيه تقل اكتر، انتي لو كنتي معايا دلوقتي كنتي هتهوني عليا كتير.. 
_وموبيله رن وكانت الدكتوره سميره رد عليها بعد ما مسح دموعه وقال... 
بهاء
ايوه يا سميره بتكلميني في وقت زي ده ليه؟.. 
سميره
انا تحت بيتك انزل يلاا انا مستنيااك... 
بهاء
يا وليه انتي عيب عليكي هو ايه جو المراهقين ده.. 
ضحكت سميره وقالت
انت لو ما نزلتش انا اللي هطلعلك اخلص بقي... 
بهاء ابتسم وقال
طيب نازل اهوو.. 
_قفل معاها وكان طالع من اوضته لقي ملك وناني بيعيطو، راح قعد جنبيهم وقال.. 
بهاء
هو احنا بدل ما ندعيلها ربنا يسعدها، نعيط عليا ليه الفال الوحش ده.. 
ملك ببكاء
ماليش دعوه انا عايزه اختي مش عايزها تتجوز، انا عايزه سما.. 
ناني ببكاء
ملك معاها حق انا كمان عايزه اختي.. 
ضحك بهاء وهو بيمسح دموعه وقال
هههههه عيب كده اروح اجيبها منين ده محمد يقتلنا، وبعدين انتو كمان مسيركم بكره تتجوزو وكل واحده هتكون ليها حياتها... 
ملك مسحت دموعها وقالت
طيب هو ايه اللي خلاك توتفق يامجدد.. 
وقف بهاء وقال
يانهار مش فايت سميره تحت مستنياني لازم انزل.. 
وقفت ملك وحطت ايدها في نصها وقالت
نعممم يا عينيا وتستناك ليه تحت دي ان شاء الله.. 
ناني 
سيبك منها يا بيبو انزل يلاا وسلملي عليها.. 
بهاء
والله العظيم ما فيهم غيرك يا ناني... 
_ونزل بهاء وكانت سميره بتكلم حد. في الفون ولما شافته قفلت بسرعه وهو ركب جنبيها وقاال.. 
بهاء
معلش بقي اتاخرت عليكي بس البنات عاملينها مناحه فوق علي اختهم.. 
سميره
لا عادي ولا يهمك تعالي بقي هنروح ناكل كشري وبعد منه نضرب اتنين قصب هينسوك الدنيا... 
بهاء
والله العظيم من حسن حظي ان عندي صديقه واخت زيك... 
سميره بغيظ 
اسكت يا بهاء بدل ما اطلعك انيمك علي الأرض وافضل رايحه جايه عليك بالعربيه للصبح.. 
_ضحك بهاء وراح هو سميره وقضو باقي اليوم مع بعض، وتاني يوم في المطار كانت سما قاعده وجه محمد جنبيها وقال.. 
محمد
قدامنا نص ساعه ونطلع الطياره.. 
سما 
اومال مصحيني بدري ويلا يلا ده انت رخمم.. 
محمد 
هو انتي مالك كده من الصبح متعصبه عليا كده، هو كل ده عشان ا... 
سما بكسوف 
والله العظيم هسيبك وامشي اتلمم يا محمد.. 
ضحك وقال
هههههه خلاص علي العموم الجيات اكتر من الريحات... 
سما
امك.. 
محمد
ما تحترمي نفسك بقي.. 
سما 
مش قصدي بس امك جايه علينا... 
محمد بقلق
يا ساتر استر ياارب... 
_وقفو محمد وسما وجات ثريا وايهاب ومعاهم اسماء اللي كانت بتبص لـ سما بحقد، وحضنت ثريا محمد وقالت.. 
ثريا
ما قدرتش ما اجيش اشوفك يا حبيبي هتوحشني اووي.. 
محمد 
والله وانتي كمان يا ماما بس بلاش تعيطي بقي.. 
وقف ايهاب جنب سما وقال
خليكي انتي مع ابنك وانا بقي هقعد شويه مع مرات ابني اللي هتوحشني.. 
ثريا بحده 
ايهاب تعالي جنبي هنااا.. 
ايهاب بخوف
معلش يا سما يا بنتي تتعوض مره تانيه حكم القوي... 
قربت اسماء من محمد وحضنته وقالت
هتوحشني اووي يا محمد... 
سما اتعصبت وقالت 
ما تشوفيش وحش ولو سمحتي ابعدي عن جوزي.. 
محمد فرح وقال
احلفي دي غيره صح.. 
مسكت سما في دراعه وقالت
اسكت خالص بقي بتخليها تحضنك وانا واقفه... 
ثريا بحده
في ايه يا اللي اسمك ايه انتي دي بنت خالته و.. 
محمد 
خلاص يا ماما حصل خير، وبعدين مراتي بتحبني ومن حقها تغير عليا ولا انا غلطان.. 
اسماء 
دي اسمها قلة ثقه وضميرها مش كويس عشان تفكر كده.. 
سما 
هو انا لما اجيبها من شعرها هي هتكون مبسوطه يعني.. 
محمد بحماس
ايوه والنبي اعملي كده يا غيور يا قمر انت... 
_وجات ملك وناني وفضلو واقفين سما ومحمد واقف مع اهله.. 
سما بحزن 
برضو بابا ما جاش يشوفني.. 
ملك 
ما انتي عارفه هو مش بيحب لحظات الفراق دي من لما ماما ماتت.. 
ناني 
المهم كل يوم هنتكلم فيديو عارفه يا سما لو فوتيها يوم هنفخك.. 
ملك
اصلا انتو الاتنين ماشين ناني رايحه تقعد في القاهره وانتس اهو مسافره وهتسيبوني لوحدي.. 
سما بدموع 
مسيرنا هنتجمع تاني كلنا و... 
_سكتت ملك لما سمعو صوت ضحكت اسماء وراهم وهي ماسكه ايد محمد.. 
سما
بقولكم ايه العقربه اللي ورا دي كيداني حرفيا احنا هنمشي دلوقتي وعايزه اسمع خبرها.. 
ناني 
اتكلي انتي علي الله واحنا هنريحوها ولا ايه يا سكينا.. 
ملك 
الدور الدور الدور موعوده ياللي عليكي الدور... 
_ضحكو هما التلاته بصوت عالي وبعد شويه سما ومحمد مشيو وركبو الطياره اللي رايحه دبي، وثريا وجوزها طلعو واسماء كانت رايحه وراهم بس لقيت ناني في وشها.. 
اسماء
نعمم واقفه كده ليه في وشي.. 
ناني 
ما تيجي معايا كده عايزاكي في كلمتين علي جنب.. 
وقفت ملك جنبيها من الناحيه التانيه وقالت
انا بقول نروح الحمام ما حدش هياخد. باله من اللي ناوين نعمله.. 
اسماء بخوف 
انتو عايزين تعلمو فيا ايه، يا خالتووو.. 
ملك 
خايفه ليه كده يا شابه ده احنا هنريحوكي علي الاخر.. 
_ضحكت ناني واسماء جريت وهي بتصوت. وكان كل اللي بيشوفها بيضحك عليها...
ــــ #بقلم_الكاتبه_رحاب_القاضي ــــــــــ 
_وفي فيلا تانيه جديده علينا كان قاعد خالد وقدامه امينه مراته وباباها وفتحي باباه هو كمان.. 
فتحي بصوت عالي 
رد با خالد علي بيومييي بيه ينفع كده.. 
خالد بانزعاج 
هو ايه بالظبط اللي ارد. عليه، انا ظابط مخابرات وظروف شغلي تختلف عن ظروف اي حد. عادي.. 
بيوميي
بس بيتك ومراتك ليهم حق عليك، ليه تسيب بنتي بالشهر من غير ما تشوفك.. 
اتنهد خالد وسكت وقالت امينه بغيظ 
يا بابي ومش بس كده انا بقالي شهر قاعده عند ماما وهو عارف وما هانش عليه يقولي ارجعي او يقولي مالك وهو عارف اني زعلانه منه.. 
خالد بجمود 
وانا ما زعلتكيش يا امينه عشان اصالحك اصلا.. 
امينه 
اهو ده اللي هو فالح فيه انسان بارد وعديم المسؤليه انت لو عندك دم طلقني.. 
فتحي 
ايه يا بنتي الكلام ده بالراحه مش كده؟.. 
بيوميي
ما تشوف طريقة ابنك الاول يا فتحي بيه... 
وقف خالد وقال 
وانا تحت امركم انا عشان راجل لحس ومش بارد بنتك طالق مني بالتلاته يا بيومي عشان مش انا الراجل اللي يتشتم ويسكت.. 
_خلص كلامه وطلع من بيت حماه وراح وراه باباه وقال... 
فتحي 
ليه بس كده هو حد بياخد علي الستات قالت كلمتين قوم امشي واسكت مش تطلقها.. 
خالد 
هي اصلا جوازه غلط من الاول يا بابا وده اخرها وبعدين هي مش اختيارك.. 
فتحي 
كنت فاكر كده بخليك تستقر بسرعه بس طلع اختياري غلط.. 
خالد
انا لازم امشي دلوقتي عشان عندي شغل... 
_وفعلا مشي وىاح المستشفي لبهااء ولقي واحد شكله عارفه كويس طالع من المستشفي وطلع موبيله صوره من غير ما ياخد باله وراح سأل الاستقبال وقال.. 
خالد 
هو فوزي البحيري كون بيعمل ايه هنا؟.. 
الموظف 
دن كان عند دكتور بهاء، ومش عارف بيعمل ايه بصراحه رغم انه علي خلاف بامجد البحيري ابن اخوه اللي هو بقؤ جوز بنت دكتور بهاء الا اني شوفته امتر من مره هنا.. 
خالد مشي وطلع موبيله وقال 
ايوه يا كمال بيه فوزي البحيري اكبر اسم حواليه شكوك تبع التنظيم كان عند دكتور بهاء من شويه.. 
كمال
تمام انا هبعت حد من الفريق عند كمال احنا لازم نعرف هي ايه حلقة الوصل بينهم... 
ــــــــــ #بقلم_الكاتبه_رحاب_القاضي ــــــــــ 
_ وبعد اسبوع في اوضة ملك كانت قاعده مدايقه وموبيلها رن وكان امجد... 
ملك 
نعمم.. 
امجد 
مش بكلمك من الصبح انا هانم ايه هنبتديها بالتطنيش.. 
ملك بدموع 
ناني سافرت القاهره وسما مسافره اصلا وبابا في الشغل وسابوني لوحدي... 
امجد بخبث
طيب انا جايلك اقعد. معاكي لحد ما يجوو.. 
ملك
تيجي فين يا امجد. بقولك قاعده لوحدي، استني انا هنزلك ونخرج سوا.. 
امجد. 
ليه طيب ما اجيلك احسن.. 
ملك 
اتلم يا رخمم تعالي ورن عليا هنزلك، وبعدين مره خرجني بقي من لما اتجوزنا ما شوفتش من وشك حاجه.. 
ضحك امجد وقال
بس كده من عينيا الاتنين انا جايلك في الطريق اهو.. 
_وبعد شويه كانو قاعدين في مطعم بيتغدو وملك مشغله مسلسل تركي بتتفرج عليه وهي بتاكل، وامجد باصص ليها هي.. 
ملك
المسلسل في الفون مش في وشي... 
ضحك امجد وقال
ههههه هو انتي ازاي بالبراءه دي، بس تعرفي انا مستعد اتحدي الكون كله عشان بس تبقي ليا انا وبس.. 
ملك قفلت الفون وقالت
لا كنسل المسلسل ده طلع الحب في الحقيقه احلي.. 
مسك ايدها وباسها وقال
ان شاء الله هخليكي اسعد واحده في الدنيا دي يا حبيبتي... 
قبل ما ترد عليه جات سونيا الرقاصه وقالت
هههههههه اوعي تصدقيه البوق ده قاله لكل واحده كانت قاعده معاه مكانك هنا يا قطه... 
اتملت عيون ملك دموع وامجد اتعصب وقال؟؟.. 
ـــــــــ #بقلم_الكاتبه_رحاب_القاضي ــــــــــ 
_في القاهره كانت ناني قاعده في الاسديو مستنيه المقابله اللي  مع المدير بتاع القناه، وبره وقف اياد بعربيته وكانت معاه منه.. 
اياد 
اديني اهو وصلتك اتفضلي بقي... 
منه
طيب معلش بقي تعالي ادخل معايا، عشان لو حصلت حاجه.. 
اياد 
انزلي يا منه انا لازم اروح الشغل... 
منه 
هو مش انت قولتلي ان المهمه بتاعتك فاضل عليها تلات سعات بليز ادخل معايا.. 
اياد. 
طيب انزلي هركن العربيه واجيلك بس اكتر من نص ساعه مش هقعد.. 
منه 
اوكي هستناك جوه.. 
_ونزلت منه ودخلت قعدت جنب ناني، وكانت منه جميله جدا ولبسها قصير ولايق علي جسمها جدا وكانت فارقه جدا عن ناني اللي لابسه بنطلون جينز وبلوزه طويله جينز ورافعه شعرها الكيرلي لفوق.. 
منه 
انتي جايه تقدمي علي شغل في البوفيه هنا.. 
ناني بهدوء 
لا انا ان شاء الله المذيعه الجديده لقناة الراديو.. 
منه 
اااه سوري بس لازم راديو انتي مش واجهه خالص تبقي علي التلفزيون، علي فكره انا اعرف كريم تفتيح للبشره حلو جدا تاخدي اسمه.. 
اتملت عيون ناني دموع وقالت
لا ميرسي انا بحب بشرتي كده.. 
منه 
براحتك بس نصيحه ليكي يعني حاولي تغيري حبك للحاجه دي عشان السمار مش لايق عليكي.. 
_ادايقت ناني وقامت وجات تطلع ودموعها علي وشها بس خبطت في اياد اللي كان داخل.. 
اياد ابتسم وقال
احلفي انتي بجد. هنا ولا انا بحلم.. 
ناني مسحت دموعها وقالت 
لا لل انا مش هستحمل مرمطه كمان اوعي تقولي انك شغال هنا... 
اياد 
ياريت بس شكلي كده هشتغل... 
جات السكرتيره وقالت
انسه ناني فؤاد بيه في انتظارك جوه.. 
جات ناني تمشي بس اياد مسك ايدها وقال
هو انتي لسه ما اتخطبتيش؟.. 
سحبت ايدها منه وقالت
حاجه ما تخصكش علي فكره... 
_ودخلت جوه وكانت منه شايفه كل حاجه وقربت منه وقالت.. 
منه 
انا بقول بلاش تتعطل اكتر من كده وروح شغلك وانا قربت ادخل.. 
اياد
والله العظيم ما يحصل انا قاعد هنا ومش ماشي.. معاكي بس شاحن عشان موبيلي فاصل شاحن.. 
ــــــــــ #بقلم_الكاتبه_رحاب_القاضي ــــــــــ 
_وفي النادي كانت جني قاعده بتذاكر وقربت منها جيلان وياسين صاحبها الجديد... 
جيلان
بقولك ايه يا جني ما تيجي معانا الرحله اللي طالعينها.. 
جني 
مش هينفع يا جيلان عشان عندي امتحانات كمان شهر.. 
ياسين 
بس احنا هنقعد اسبوع واحد هناك وبعدين جيلان باباها مش هيخليها تيجي غير وانتي معاها.. 
جيلان
عشان خاطري يا جني بليييز.. 
جني 
وانا يا جيلان بقولك عشان خاطري ارحميني كفتيه كل يوم باجي معاكي هنا عشان تعرفي تخرجي وبتعطل عن المذاكره وانا في تالته ثانوي.. 
مسك ياسين ايد جني وقال
طيب لو قولتلك عشان خاطري انا.. 
سحبت ايدها منه وقالت
انت اتجننت ازاي تمد. ايدك عليا اصلا... 
ياسين ضحك وقال
هو انتي منهم وبعدين انا يدوب لمسك ايدك مالك مقفلاها كده ليه؟. 
قامت جني وقالت
انا مروحه يا جيلان وبعد كده مش مؤتره اجي كل يوم هنا واستحمل رزالة الاشكال اللي بتعرفيها دي.. 
وقف ياسين قدامها وقال
وانتي مين اصلا عشان تتكلمي كده معانا.. 
قبلما تىد عليه جه انس ووقف قدام جني وقال
عايز ايه يا ياسين؟.. 
جيلان 
انس انت هنا، وحشتني اووي علي فكره.. 
اتعصب ياسين وقال
اوعي يا انس ده موضوع بيني وبين جني.. 
جني بحده 
ما فيش حاجه بيني وبينك اصلا.. 
انس
سمعت اهي قالتلك، ابعد بقي عن جني وما لكش دعوه بيها خالص.. 
ياسين 
انت ليه طماع كده ما تخليك في جيلان وسيبلي انا الكتوكوته الصغيره دي.. 
_ومد ايده عشان يمسك دراع جني، بس انس كان الاسرع ومسكها ولواها لورا وضربه بالبوكس في وشه، وقف ياسين وكان عايز يضربه تاني بس انس كان الاقوي وضربه جامد... 
_وجه الامن ووداهم كلهم في اوضة مدير الامن بتاع النادي وبلغو الشرطه.. ومن سوء حظ انس ان معتز وعزت الشندويلي وحازم كانو هناك وكلهم راحو.. 
دخل معتز وبص لانس بعصبيه وقال
ايه اللي انت عملته ده يا انس؟.. 
كانت جني وجيلان واقفين هما كمان، وياسين اللي وشه كله كدمات، وعزت وحازم، بص انس لجني وقال.. 
انس بجمود
زي ما حضرتك شايف... 
_خلص كلامه ولقي ايد معتز نزلت علي وشه وضربه معتز بالقلم و؟؟... 
_تفتكرو ايه اللي هيحصل... 
_مش معني اننا شايفين اللي قدامنا متوفره ليه كل حاجه انه كده ما فيش حاجه ناقصاه، ممكن تكون  حاجات كتير متوفرالك انت نقصاه هو... 
_اتملت عيون انس دموع بعد ما معتز ضربه بالقلم قدام الكل، وقرب حازم من معتز ووقف قدام انس وقال.. 
حازم 
انت ايه اللي عملته كده اسمع منه الاول يا اخي.. 
معتز بص لمدير الامن بتاع النادي وقال
هي مش الشرطه جايه الواد ده يتعاقب علي اللي عمله في صاحبه، حتي لو هيتسجن.. 
حازم بحده 
انت بتقول ايه يا معتز، لو سمحت اخرج وانا هحل الموضوع.. 
معتز بعصبيه 
انس لو ما اتعاقبش علي اللي عمله ده انا هبلغ عن امن النادي وهوديكم في داهيه.. 
وبص لياسين وقال
وانت اياك تسيب حقك وخده بالقانون.. 
_جني كانت مركزه علي انس اللي كان هادي جدا بس عيونه اللي كلها دموع بتقول حاجات كتير وقالت.. 
جني
لو سمحت حضرتك هو ما غلطش هو اا.. 
عزت مسك ايدها وقال
جني ما لناش دعوه ويلا بينا من هنا... 
جيلان 
هو اصلا يا بابا كل ده حصل بسببها هي.. 
عزت بجمود
ما اسمعش صوتك خالص يلا قدامي منك ليها... 
_وقبل ما يتحركو الشرطه جات ومعتز سمحلهم ياخدو انس اللي وقف قدام معتز ودموعه نزلت وقال.. 
انس
انت المره دي كسرتني بجد... 
_قال كلامه وطلع مع العسكري، وبص لجني وهو بيمسح دموعه وابتسم بهدوء وكانه بيقولها ما تقليقيش ومشي... 
_في الاستديو بتاع القناه اللي فيها ناني، كان اياد واقف مع منه وقال.. 
اياد. 
الفون مش مجمع خالص مش عارف باظ ولا ايه.. 
منه 
يعني انت هتغلب يا اياد هات واحد. غيره عادي.. 
اياد 
المشكله ان عليه معلومات مهمه.. 
منه 
هو مش اخوك بيدرس هندسة الكترونيات خليه يشوفه ليك وو.. 
_طلعت ناني في الوقت ده ومشيت علي طول، واياد ساب منه وراح وراها بسرعه.. 
اياد 
ناني ناني يا بنتي استني انتي رجليكي دي قطر.. 
ناني 
نعم يا اياد باشا في حاجه؟.. 
اياد 
يعني اتقابلنا صدفه وو.. والله انا مش عارف اقول ايه انتي عامله ايه طيب اهو اي حاجه وخلاص.. 
ابتسمت ناني غصب عنها وقالت
هو حضرتك عايز مني ايه بالظبط؟.. 
اياد 
حلو السؤال ده عشان انا ماليش في اللف والدوران، انتي مخطوبه لرؤوف؟.. 
ناني 
رؤوف مين ومين قالك حاجه زي دي وانت بتسأل ليه؟.. 
اياد 
لا بس كده انا اتضحك عليا، المهم انتي اتقبلتي جوه ولا محتاجه وسطه و.. 
ناني 
نعمم وسطه ايه، انا مطلوبه هنا بالاسم وانا اللي لسه هفكر هوافق ولا لا.. 
اياد 
ايوه يا واثق انت، المهم انتي ساكنه فين بقي في القاهره.. 
ناني بجمود 
بعد اذن حضرتك.. 
مشيت ناني واياد قال
والله نيتي خير بس مدام قاعده هنا في القاهره يبقي هنتقابل كتير هااا.. 
بصتله ناني وقالت
ما تحلمش كتير لاني ممكن ما اوافقش وارجع اسكندريه.. 
اياد ابتسم وقال
واسكندريه مش بعيده برضو يا ناني... 
_سابته ناني ومشيت بس كانت مبتسمه ومبسوطه من اهتمامه بيها اللي اول مره يحصل معاها.. وراح اياد ركب عربيته وفضل يغني ويقول.. 
اياد 
لولا ضحكتها الحلوه وعدتني بحاجات حلوه الحلوه الحلوه عينيه.. 
منه من ورااه 
هي مين دي اللي انت كنت واقف معاها؟. 
اياد 
ياربنا علي الفصلان، نعم يا منه عايزه تعرفي مين دي دد دي قريبة ماما مريم... 
منه بغيظ 
هي الست دي مش بتيجي من وراها حاجه كويسه، علي العموم امسك الفون بتاعك شحن وكان باباك بيرن عليك كتير جوه... 
_اياد اخد الموبيل وكلم معتز اللي زعق فيه وقال اول ما رد علي طول... 
معتز 
انت فين يا زفت انا مش برن عليك من الصبح.. 
اياد 
انا مع منه في مشوار كده، هو في اي طيب؟.. 
معتز 
ربع ساعه وتكون عندي فاهم ولا لا؟.. 
اياد 
حاضر يا بابا مسافة السكه.. 
_قفل معاه ومشي بسرعه وساب منه اللي دخلت وفضلت تسأل علي ناني وعرفت انها المذيعه الجديده في الراديو... 
ــــــ #بقلم_الكاتبه_رحاب_القاضي ــــــــــ 
ـ في الاسكندرية في المطعم اللي كانت فيه ملك مع امجد، وقفت ملك بعد ما شافت سونيا وقالت.. 
ملك 
انتي مين اصلا عشان تقولي كده علي خطيبي يا انسه... 
سونيا ضحكت وقالت
ههههه انسه ايه يا انسه طيب اسألي خطيبك كده شوفي هيقولك ايه؟.. 
امجد. وقف وهو قلقان وقال
ملك تعالي نمشي وسيبك منها خالص.. 
سونيا بصوت عالي 
دلوقتي سيبك منها خالص يا عرة الرجاله، اييه خايف تقولها ان انا الرقاصه اللي كنت ماشي معاها في السر.. 
ملك بدموع 
رقااصه يا امجد وو... 
امجد 
والله العظيم ده كان قبل ما اعرفك يا ملك.. 
سونيا 
يا اختي حلوه وبقيت تحلف وتخاف كمان، بس عرفت تختار هتتجوز قطه مغمضه ما تعرفش بلاويك ونزواتك، يا حبيبتي ده كان الصبح مع واحده والضهر مع في، ها وبالليل مع غيرهم واللي بيبقو النهارده ما بيبقوش بكره..
وقفت في نص المطعم وقالت
ومش بس كده يا حبيبتي ده لسه هيجيبلك هدايه وهيفرشلك الارض ورد واخرة ما يوصل للي عايزه هريميكي علي اوسخ جزمه.. 
_اخدت ملك شنطتها وطلعت وهي بتعيط، وامجد قرب من سونيا وقال... 
امجد. 
وحياة امك لندمك علي اللي عملتيه ده... 
قبل ما ترد عليه قرب منه عمه فوزي البحيري وقال
عيب كده يا ابن اخويا تغلط في مرات عمك.. 
امجد. بصدمه 
نعمم انت اتجوزت دي يا فوزي.. 
فوزي 
وهي مالها دي، دي شرحتلك دلوقتي.. 
سونيا 
ما انا قولتله ما يجيش علي الغوازي هو مش قدهم... 
_طلع امجد بره وهو متعصب وراح لملك اللي كانت واقفه تعيط وقال.. 
امجد 
والله كل ده كان زمان يا ملك.. 
ملك بدموع 
لو سمحت سيبني دلوقتي، انا عارفه انه من ماضيك بس انا ما كنتش فاكره انه كده.. 
امجد مسك ايدها وقال
والله العظيم بحبك يا ملك ومستعد عشانك اعمل اي حاجه بس بلاش تسبيني... 
ملك بعدت عنه وقالت 
انا عايزه امشي لو سمحت، ووقت ما هكون تمام هكلمك... 
امجد 
طيب هوصلك.. 
ملك 
لا بقولك ايه اقعد علي جنب انا مش طايقه وشك، رقاااصه يا امجد رقاااصه.... 
_وسابته ومشيت اخدت تاكسي وراحت البيت وكانت بتعيط واول ما نزلت من التاكسي لقيت خالد واقف تحت البيت.. 
ملك ببكاء
ايه ده هو بابا جه؟.. 
خالد بقلق
ايوه لسه طالع فوق، مالك طيب في حاجه ولا ايه؟.. 
ملك ببكاء
هو ليه كده ليه لما حبيت كان امجد ده كان نادي للنساء... 
خالد اتردد يتكلم بس قال
عشان انتي اختارتي تحبي حد مش مناسب.. 
ملك 
هو في. حد بيختار هو يحب مين يا خالد... 
ابتسم لما نطقت اسمه وقال
هو مش انتي قلقانه تطلعي فوق عشان دكتور بهاء ما يقلقش عليكي.. 
ملك
لا هو مش هيقلق عليا هو هيشمت فيا عشان هو قالي امجد لا وانا ما صدقتوش.. 
خالد 
يعني انتي ناويه تسيبي امجد.. 
ملك بحده 
تف من بوقك قال اسيبه قال ده انا ما صدقت لقيته... 
خالد بغيظ 
طيب لو سمحتي اطلعي فوق... 
ملك بحزن
بابا لو شافني بعيط هيدايق... 
كملت ببكاء وصوت عالي 
وانا مش هعرف ابطل اعيط او امسك نفسي.. 
خالد بغيظ
والله العظيم انتي لو شوفتي شكلك وانتي بتعيطي هتنتحري، اسكتي لو سمحتي.. 
ملك ببكاء
لا انت كداب انا شكلي كيوت اووي وانا بعيط.. 
خالد 
ده مين اللي ضحك عليكي وقال كده.. 
قعدت ملك علي سلم العماره وقالت
والله مش هتكلم معاك تاني بس.. 
قعد. جنبيها وقال
خلاص ما تزعليش، بقولك ايه قومي تعالي معايا.. 
ملك 
هتفسحني ولا ايه.  
خالد 
افسحك؟! لا خليكي تعيطي احسن.. 
قام مشي وهي راحت وراه وقالت
لا استني واااد يا خااالد... 
ــــــــــ #بقلم_الكاتبه_رحاب_القاضي ــــــــــ 
_في القاهره في بيت  معتز كانت مريم لامه هدومها وماشيه واياد بيقولها.. 
اياد 
خلاص يا ماما عشان خاطري ، وانا هروح اطلعه و.. 
مريم بحده 
انت هتعمل كده فعلا ده اخوك، انما انا مش هقعد مع ابوك دقيقه تانيه وصلت انه يحبس ابني يا اياد ويمد. ايده عليه.. 
معتز وقف وقال بعصبيه 
هو ابنك لوحدك، ده ابني انا كمان وانا لازم اربيه كويس واخليه راجل.. 
مريم بعصبيه 
لا معلش انا ابني متربي والربايه عمرها ما كانت انك تهينه او تسجنه وتضيع مستقبله، انا عرفت احمي اياد منك ومن طريقتك الغلط في التربيه بس ومش هسمحلك تأذي انس اكتر من كده.. 
معتز بحزن 
هو وصلت انك تقولي هتحمي ولادي مني، هو انا عدوهم انا ابوهم وخايف عليهم وعايزهم احسن ناس في الدنيا... 
_قبل ما ترد. عليه مريم دخل انس البيت بالمفتاح بتاعه ومعاه حازم، راحتله مريم بسرعه وقالت.. 
مريم 
انت جيت يا حبيبي اا.. 
بعد عنها بسرعه وقال
لو سمحتي خليكي بعيد وكفايه تمثيل بقي ابنك واقف هناك روحيله.. 
_نزلت دموع مريم ودخل انس اوضته وجاب هدومه وطلع مسكه معتز من دراعه جامد. وقال.. 
معتز 
استني هنا انت رايح فين... 
انس بجمود 
ابعد عني واروح فين او ما اروحش فين دي حاجه ما تخصكش... 
اياد بضيق 
عيب يا انس سيب الشنطه دي وتعالي ننزل نتمشي شويه مع بعض.. 
زعق فيه انس وقال
انت كمان ما لكش دعوه بيا وبطل تعمل دور الاخ الكبير عشان مش لايق عليك.. 
معتز بحده 
انت عامل كل ده ليه عشان عايزينك تبقي بني ادم وشخص محترم.. 
انس دموعه نزلت وقالت
لو الاحترام ده هيخليني ابقي زيك فانا مستحيل ابقي زيك، ومن النهارده انا هبقي اوحش بني ادم في الدنيا وهطلعكم انتو التلاته من حياتي لانكم عمركم ما كنتو اهلي انا ماليش اهل انا طول عمري غريب شويه عندكم هنا وشويه عند نيره وحازم  كنت باجي وانا صغير زي الضيف وكنت بروح عند حازم ونيره ضيف برضو انا ماليش مكان عندكم كلكم.. 
_قال كلامه وسابهم ونزل وحازم بصلهم وقال... 
حازم
المفروض واحد زي انس يكون دلوقتي عايش حياته وهو مبسوط وكل حاجه في حياته حلوه ومبهجه بس انتو حرفيا دمرتوه، ليه يا اياد ما تقربش منه رفض يتكلم معاك مره قرب منه اتنين وتلاته ده اخوك، وانت يا معتز بدل ما تمد ايدك وتتعصب احتويه، والهانم اللي ما تعرفش حتي ابنها لما بيناخر بيكون فين كل خوفها ان ما تحصلش خناقه بينه وبين باباه انما هو فين مش مهم... 
معتز بضيق 
خلي بالك منه يا حازم، واحنا ما غلطناش في ناس تتمني ربع العيشه اللي هو فيها بس فعلا اني اتدلع و بيتبعتر علي النعمه... 
حازم 
بجد. ما فيش فايده.. 
_وعند انس اخد عربيته ومشي راح عند نيره، اول ما دخل كان ساكت ومش راضي يتكلم.. 
نيره قعدت جنبيه وقالت 
يا حبيبي قولي في ايه،  طيب تعالي اقولك انا علي حاجه، عارف انا ايوه ما خلفتش وكنت ديما حاسه بنقص في الموضوع ده، بس اول ما انت اتكلمت وكان عندك سنه وكام شهر ونطقت ماما كانت ليا انا ومن وقتها وانا الاحساس ده اختفي عندي حتي لو انت مش ابني الحقيقي بس انا مكتفيه باحساس انك بتعتربني زي مامتك.. 
انس حضنها وفضل يعيط وقال
انا تعبان اووي يا ماما انا قلبي واجعني اوووي... 
نيره فضلت تبطب عليه وقالت 
اهدي با حبيبي ربنا يهون عليك ويريح قلبك... 
ــــــــ #بقلم_الكاتبه_رحاب_القاضي ــــــــــ 
_عند ملك كانت قاعده في الشارع بتاكل سندوتشات كبده ومعاها خالد.. 
ملك 
بجد. طعمها فظيع، انا عمري ما كنت اتخيل اني اقعد علي الرصيف واكل كده... 
خالد 
اكيد دكتور بهاء كان بيرفض انكم تجيبو اكل من الشارع.. 
ملك 
بصراحه لا انا اللي كنت برفض من نفسي اصلها حاجات بيئه بتاعت ناس فقرا انا باكل من اغلي اماكن وو.. 
اخد منها خالد الاكل وقال
روحي طيب كملي اكلك في المطاعم بتاعتك دي.. 
ملك اخدتهم منه وقالت
بس برضو دي طعمها حلو اووي وفي صوص غريب كده فيها محليها جدا.. 
خالد 
صوص ايه ده الراجل صاحب العربيه دي لو سمع صوص دي هيقفلها... 
ملك 
متافورش، دقيقه هرن علي بابا اقوله اني معاك وربنا يستر.. 
خالد 
اطمني انا كلمته قولتله انك معايا بتجيبي حاجات وكده... 
ملك 
طيب عايزه اكل البتاع اللي اسمه... مش فاكره هو عباره عن كور مبعرمه ولونها اصفر وبتبقي في كوبايه وفيها شطه.... 
ضحك خالد غصب عنه وقال
ههههه والنبي ما تشغليش دماغك تاني، اسمه حمص شامي.. 
ملك 
ايوه هو ده ناني مره خلتنا ناكله كان طعمه حلو اووي... 
خالد
علي فكره اي حد بياكل الحاجات دي ولا انتي مش عايشه في مصر.. 
ملك 
ناني وسما بياكلو كده عادي وممكن يقعدو القعده دي بس، ونا يعني مش هكررها تاني برستيجي ما يسمحش.. 
خالد وقف وقال
طيب تعالي اجيبلك الحمص ده عشان اروحك يلا المهم بس انك هديتي خلاص.. 
ملك ابتسمت وقالت
ايوه هديت بجد. شكرا اوووي انت عسل اووي يا خالد والله.. 
خالد 
عسل؟!  يلا والنبي مش ناقص شلل... 
ــــــــــ #بقلم‌_الكاتبه_رحاب_القاضي ــــــــــ 
_ وبعد كام يوم في دبي، كان محمد في الشركه اللي شغال فيها جديد وطلع مع الاجتماع ومعاه مدام فيروز المديره وجيدا بنتها... 
فيروز 
بجد انت ما خيبتش ثقتي فيك خالص يا دكتور محمد، واختيار اني اجيبك من مصر لهنا عشان تمسكلي قسم الاستيراد ده هيضيف لشركتنا كتير.. 
محمد 
ده شرف ليا يا مدام فيروز، وان شاء الله اكون عند حسن ظن حضرتك... 
فيروز 
ان شاء الله يا دكتور محمد.. 
_ومشيت فيروز وقربت جيدا بنتها من محمد وقالت.. 
جيدا 
تيجي نشرب حاجه قبل ما تروح.. 
محمد
اسف جدا. يا انسه جيدا انا لازم اروح لاني سايب مراتي لوحدها في البيت... 
جيدا بضيق
اممم لا طبعا ما يصحش انت لسه عريس جديد.. 
محمد 
بالظبط كده بعد. اذنك.... 
مشي محمد وقربت منها نفين صحبتها وقالت
برطو ما. جاش معاكي سكه، معلش اصل ده مش زي الشله بتاعتنا.. 
جيدا 
ما هو ده اللي هيجنني عليه، بس ان ما خليته يومين بالكتير ويسهر معايا ما ابقاش انا... 
نفين
هنشووف... 
_ورجع محمد البيت واول ما دخل لقي الجو هادي اووي، دخل اوضة النوم ولقي سما نايمه.. 
محمد 
سما.. سمااا انا سايبك نايمه الصبح معقول لسه ما قومتيش سمااااااا.. 
_كانت سما نايمه ومش بترد وهو ما كانش يعرف ون نومها تقيل.. 
محمد قرب منها وقال بخوف 
سمااااا سماااا قوميي انتي كويسه سمااااااا... 
فتحت سما عيونها بشويش وقالت 
في ايه؟.. 
محمد 
انتي كده نايمه ده دبي كلها صحيت وانتي تقولي في ايه كده.. 
سما ببرود 
عايز ايه انت دلوقتي يعني.. 
محمد 
قومي يا سما انتي نايمه من الصبح... 
سما 
لا ما انا اسمي الحقيقي غيبوبه، وبعدين انا قومت كلمت ناني وملك فيديو وعملتلك الاكل ونمت... 
محمد قام وبدا يغير هدومه وقال 
طيب قومي يا سماا، تعالي بقي احكيلك حصل ايه في الاجتماع النهارده انا ااا.. 
بص لسما لقاها نامت تاني، زعق فيها وقال
انتي لحقتي تنامي تاني سمااااااااااا.. 
_قامت سما ومسكت المخده وضربته بيها وقالت وهي متعصبه.. 
سما 
في ايه يخرب بيتك... 
محمد بخوف 
والله ما فيش حاجه اهدي، وبعدين قومي انا عايز اتغدي.. 
سما
الاكل جاهز في التلاجه يدوب تسخنه.. 
محمد 
اومال انتي لازمتك ايه بقي؟.. 
سما نامت وقالت 
لو شايف اني ما ليش لازمه انا ممكن انزل نصر وخليك براحتك هنا.. 
ادايق محمد وطلع وهو بيقول
براحتك يا سما خلي النوم ينفعك.. 
_وطلع محمد وسما جات تنام بس حست انه ادايق فا قامت وهي متدايقه وقالت.. 
سما 
ادي الجواز وادي اللي واخدينه منه.. 
_طلعت سما ولقيت محمد واقف وبيجهز في الاكل وهو عمال يغني ويرقص وبيقول.. 
محمد 
حياتي بقت اجمل بكتير انا حسيت فعلا بالتغير او او او💃🏿💃🏿... 
ضحكت سما وقالت 
هههههههههه ايه ده يا دكتور محمد.. 
محمد باحراج 
انتي ليه بتيجي في اوقات غلط كده لييييه؟.. 
سما وهي بتضحك 
هههههههه انت ايه اللي بتغنيه ده.. 
محمد 
والله ده اعلان والاغنيه بتاعته لاسقه في دماغي.. 
سما 
خلاص حصل خير اوعي هجهزلك انا الاكل... 
محمد قرب منها وهي واقفه وحضنها وقال. 
طبعا جيتي تجهزيلي عشان ما هونتش عليكي اجهز لنفسي... 
سما بضيق 
طيب اوعي يا محمد عشان اعرف اجهزلك.. 
محمد 
تؤ تؤ جهزي واحنا كده. 
لفتله سما وهي حاطه في وشه السكينه وقالت
انا ما بتسمعش الكلام  ليه مش قولت ابعد... 
محمد بخوف 
والله بعدت اهو يا بت المجنونه انا رايح اقعد في الصاله اصلا... 
_وطلع بسرعه وسما اتنهدت بضيق وقالت لنفسها.. 
سما 
اتعدلي يا سما كده ما ينفعش، بس انا مش بحي جو التلزيق ده.. 
ـــــ #بقلم_الكاتبه_رحاب_القاضي ــــ
_ في القاهره كان انس واياد قاعدين في العربيه قدام القناه اللي شغاله فيها ناني... 
انس 
انا عايز افهم انت جايبني هنا ليه؟.. 
اياد 
بصراحه كده انا محتاج مساعدتك.. 
انس 
محتاج مساعدتي انا في ايه ان شاء الله؟.. 
اياد 
انا معجب ببنت شغاله هنا، بس مش عارف اقولها كده ولا عارف حتي الاقي حجه اكلمها بيها وبما انك بتاع بنات فاكيد هتعرف تنفعني... 
انس 
بعيد عن اني بتاع بنات بس اشطا ، هي البنت دي نوعها ايه بتقبل الكلام ولا قافشه.. 
اياد 
قافشه بس دي تقيله تقل، وكل كلامها بحدود.. 
انس 
ههههه يبقي مش هنفعك اذا كان انا طلعان عيني مع واحده نفس القطعيه.. 
اياد
بقي كده يا ابن ابويا هتتخلي عني في اول مره احتاجلك فيها، استني اهي طلعت اهي.. 
انس بص لناني وقال
لا جامده وباين عليها بنت ناس، بص انت ادخل عليها كده وقولها كل اللي جواك خبط لاسق... 
اياد 
تفتكر هينفع.. 
انس
يا عم انزل وروح وانا هقف ليك بره العربيه هنا.. 
_وفعلا نزل انس واياد وراح  لناني وقبل ما تركب العربيه بتاعتها قرب منها وقال.... 
اياد 
ناني استني لو سمحتي.. 
ناني 
حضرتك تاني، خير في ايه؟.. 
اياد اخد نفس وقال
بصراحه كده انا م... 
ناني بصت لانس وقالت 
مش معقول انس، انس معتز ده صح.. 
اياد 
ايوه انس معتز دد.. 
_قبل ما يكمل كلامه سابته ناني وراحت لانس وهي مبسوطه جدا وقالت.. 
ناني 
انس انت ما تعرفش انا بحبك ازاي، انا مش مصدقه اني شوفتك.. 
بص انس لاياد اللي كان متغاظ وقال
احمم والله انا مش عارف اقولك ايه يعني.. 
ناني 
انا من اشد المعجبين بيك انا وملك اختي كنا بنروح نتابع كل ماتشاتك اللي في اسكندريه... 
انس
ده شرف ليا والله... 
قرب منهم اياد وقال 
احمم علي فكره انس ده اخويا.. 
ناني 
بجد. طيب امسك الفون كده صورني معاه يلا.... 
انس وهو كاتم ضحكته 
من غير فلتر يا اياد انا مش بحب اتصور بيه.. 
اياد بغيظ 
مااشي اقف بعيد يا نجم... 
صورهم اياد وناني اخدت الصوره وقالت 
انا مبسوطه اووي اني شوفتك انا مذيعه هنا علي فمره اسمي ناني بهاء... 
انس 
انا كمان مبسوط اني شوفتك واسمك حلو اووي علي فكره.. 
ناني 
والله انت راجل بتفهم، همشي انا بقي وان ساء الله اشوفك تاني انت احلي حاجه حصلتلي من لما جيت هنا.. 
انس وهو بيحاول ما يضحكش
والله ده كتير عليا وكفايه كده عشان ما يتولعش فيا انا وانتي.. 
ناني 
باي يا انس.. 
انس 
باي... 
_مشيت ناني واياد قرب منه وقال وهو متغاظ منه... 
اياد 
بقي انا جايبك تعلمني اشقطها، تقوم انت اللي شاقطها.. 
انس 
ايه القمر ده با ابني لا حقك تتجنن عليها.... 
اياد 
والله ما طلعت منك بفايده واتلم دي مرات اخوك...
انس ضحك وقال
هههه يا عم مش لما تشوفك الاول تبقي تتكلم...  
 ــــ #بقلم_الكاتبة_ رحاب_القاضي ــــــ
_في الاسكندرية في فيلا فوزي البحيري، كان قاعد وقدامه سميره وقالها فوزي بحده.. 
فوزي 
انتي ما بتفهميش بقولك عرضت عليه ورفض بدل المره عشره، دكتور بهاء عامل فيها الشريف الطاهر.. 
سميره بخوف
طيب انا اعمل ايه ما اقدرش اقرب من بنك الدم في المستشفي دي متعلق بيها ارواح ناس.. 
فوزي 
خلاص تبقي روح بنتك اللي عندي قصاد. ارواح الناس دي.. 
سميره ببكاء
حرام عليك انا بعيد عن الشغل ده وفي حالي.. 
فوزي 
انو هددتك مره واتنين وما فيش حد يقدر يديني الدم اللي هناك ده. غيرك انتي وانتي اتعوجتي عليا اهي بنتك بتدفع التمن.. 
سميره 
انتو ايه شياطين مش كفايه الاعضاء اللي بتسرقوها من الجثث لا ده كمان طلعتو بتخلو مرضي تموت مخصوص عشان تاخدو شغلكم وكل ده لو اتكشف هيروح فيها دكتور بهاء اللي انتو مغفلينه،وكل مدراء المستشفيات اللي بتعملو فيها كده.. 
فوزي 
هما اللي مغفلين ومش شايفين شغلهم كويس، وبعدين انا مش ناقص رغي هتنفذي اللي قولته ولا لا... 
سميره ببكاء
اشوف بنتي الاول... 
فوزي 
يبقي اتفقنا... 
ـــــــ #بقلم_الكاتبه_رحاب_القاضي ــــــــــ 
ـ في بيت بهاء دخل البيت دخل البيت لقي ملك متحزمه وواقفه علي ترابيزة السفره وبترقص... 
ملك 
توم توم اتك اتك اتوم اوم اتك اتك علي الطلبه والريق اقرصي ورقصيناا💃🏿💃🏿💃🏿.... 
بهاء بصدمه 
ايه اللي انا شايفه ده قلبتي البيت كباريه يا ملك.... 
ملك بخوف 
يا نهاار اسود. انت ايه اللي جابك بدري.. 
قلع بهاء الجزمه وقال
بترقصي يا بنت ندي ده انتي يومك مش فايت... 
نزلت ملك بسرعه وجريت وهي بتقول 
الحقوووووناااااااي... 
_ــــــــــ ــــــــــ 
_وقدام السنتر اللي بتاخد. فيه جني الحصص بتاعتها كانت طالعه مع سندي وريم صحابها وموبيلها رن برقم غريب.. 
جني
ايوه مين معايا.. 
انس 
معاكي انس وواقف قدامك. اهو يا جني.. 
_بصت جني قدامها بىه السنتر لقيت انس واقل بعربيته، اتوترت وقالت.. 
جني 
اا انت بتعمل ايه هنا.. 
انس
عايز اتكلم معاكي شويه تعالي.. 
جني 
هو ايه اللي انت بتقوله ده مستحيل طبعا... 
انس نزل من عربيته وقال
كنت عارف انك هتعملي كده استحملي بقي اللي هيحصل.. 
_وقرب انس منها هي وصحابها و؟.. 
_في الشقه اللي امجد مخبي فيها نسمه، دخل امجد واتصدم لما لقي نسمه واقعه علي الارض فاقده الوعي، قرب منها بسرعه وقال.. 
امجد بخوف
نسمه نسمه حصل ايه طيب ردي عليااا نسمه... 
ــــــــــــــــــــــــــــ ـــــ
_في الاسكندريه في بيت بهاء، كانت ملك متخبيه ورا الكنبه وبهاء بيدور عليها... 
بهاء 
خدي هنا يا ملك ايه اللي كنتي بتعمليه ده، اظهري يا بت.. 
بهاء
طيب اطلعي ومش هعملك حاجه.... 
ملك من ورا الكنبه 
طيب احلف الاول انك مش هتضرب... 
قرب بهاء من الكنبه وقال
والله العظيم يا ملك... 
ومسكها من قفاها وقال
لتتنفخي يا جزمه، متحزمه وواقفه علي السفره وفاكره نفسك صوفينار.. 
ملك بخوف 
يا بابا والله غصب عني كله بسبب امجد علي فكره.. 
بهاء لطم علي وشه وقال
يا فضيحتك يا بهاء كنتي بترقصيله فيديو يا بت ال... 
ملك 
ايه يا بيبو اللي انت بتقوله ده، انا بتعلم الرقص عشان امجد... 
بهاء 
لا مش فاهم فهميني اكتر.. 
ملك بقلق 
اصله كان ماشي مع رقاصه زمان، واخااف بقي بعد الجواز يشتاق للواحده ونص فقولت اتعلمهم ليه واملي عينه.. 
بهاء
اهو ده اللي انا كنت خايف منه، بت انتي اللي عايزك زي ما انتي اهلا وسهلا واللي كيفه عايز رقصات يروح بعيد عني وعن بنتي... 
ملك
ايه يا بابا اللي انت بتقوله ده، علي فكره انا هكون في بيته ومراته ولا انت ماما ما كانتش بترقصلك ولا ايه.. 
بهاء
ملحقتش بلاش تقلبي المواجع.. 
ملك 
ده ازاي يعني اومال خلفتوني ازاي؟.. 
بهاء ضربها علي قفاها وقال
وانتي مالك ايه الغلاسه دي روحي جهزيلي عشا... 
ملك قعدت علي الكنبه وقالت
لا انا الرقص هدني، المطبخ عندك جهزلي معاك... 
بهاء بخبث
خلاص اكلم مكتب الخدمه يبعتولي شغاله عشان بنتي مكسحه مش قادره تتحرك.. 
ملك قامت بسرعه وقالت
لا قايمه اهوو قال عايز تجيبلي شغاله وانت حلو وزي القمر كده... 
دخلت ملك المطبخ وبهاء ضحك وقال
هههههه فينك يا ندي كنا هنبقي احلي اب وام للمجانين دول ربنا يرحمك يا حبيبتي... 
ــــــــ#بقلم_الكاتبه_رحاب_القاضي ــــــــ 
_في القاهره... 
نزل انس من عربيته وراح لجني وصحابها وجني كانت متوتره جدا.. 
انس 
هاي.. 
ريم 
انس معتز انت بنفسك هنا، انا بجد مش مصدقه اني شوفتك ممكن نتصور معاك... 
بص انس لجني وقال
اوكي هتتصوري معانا يا جني.. 
بصولها صحابها وهما مستغربين ان انس يعرفها، وهي اتوترت اكتر وقالت.. 
جني
هاا ااا لالا انا مش بحب اتصور..
سندي
هو انت تعرف جني يا انس غريبه يعني.. 
انس غمز لجني وقال
ده احنا اهل يعني اهلها واهلي اصدقاء وعشرة عمر ولا ايه يا جني.. 
سندي 
طيب مدام بقي جني مش بتحب تتصور تاخد هي تصورنا.. 
ادايقت جني من طريقة صحابها، وانس قال
ممكن نخليها وقت تاني وهتبقي احلي صوره، بس دلوقتي انا لازم اخد جني وامشي لان مامتك عايزكي.. 
جني بقلق
بجد ماما عايزاني في ايه وليه ما كلمتنيش طيب حصلت حاجه؟.. 
انس كتم ضحكته وقال
مش عارف والله تعالي بس هوصلك عندها.. 
_ومشيت جني معاه وقالت قبل ما تركب العربيه.... 
جني
لا انا مش هركب العربيه معاك انا هكلم السواق يوصلني.. 
انس 
لا ما انا وزعت السواق، اركبي يا جني.. 
جني 
ثواني هو انت اصلا ما تعرفش ماما انت بتضحك عليا.. 
انس ضحك وقال 
لا حويطه ونبيهه يا اختي اركبي يا جني عشان مش هسيب التمرين عشانك وفي الاخر تقولي مش هركب... 
جني
ما قولتلكش تسيب حاجه وانا مش هركب بجد... 
انس بغيظ
هما صحابك هيعملو ايه لو قولتلهم انك مرتبطه بيا هيعملو ايه.. 
جني بغيظ 
قال وانا اللي كنت متعاطفه معاك، لو سمحت سيبني امشي.. 
انس بجديه
محتاج اتكلم معاكي والله، انا مش هاذيكي وانا متاكد.انك عارفه كده... 
جني 
مش هينفع اركب معاك العربيه مش متعوده علي كده وو.. 
خلاها انس ركبت غصب عنها وقال
تعبتي اميي معاكي ايه العند ده يا شيخه.. 
_وقفل الباب وراح ركب جنبيها ومشي بسرعه من قدام السنتر، وقالت ريم صحبتها.. 
ريم 
والله شكلهم في حاجه بينهم.. 
سندي 
مش معقول بقي انس معتز هيرتبط بالفلاحه دي. 
ريم 
عيب كده يا سندي وبعدين افتكري ان الفلاحه دي خالها مليونير.. 
سندي
طيب يا بتاعت المليونير انتي وقفيلنا تاكسي عشان نروح..  
ــــــــــ #بقلم_الكاتبه_رحاب_القاضي ــــــــــ 
_في مستشفي خاص في اسكندريه، كان امجد واقف بره العمليات ومتعصب جدا، وافتكر اللي حصل من كام شهر... 
_فلااش باااك... 
امجد. 
بطلي تاخدي حبوب منع حمل.. 
نسمه بقلق
لي يعني مش انت قولت مش عايز تخلف دلوقتي.. 
امجد. 
ده كان الاول، انما دلوقتي عايز اربطك بيا اكتر وعشان لما اخرجك من هنا اعرف اقعدك معايا من غير ما تسبيني.. 
نسمه سكتت ما ردتش وهو قال
ما فرحتيش يعني اني هخليكي تخلفي وتبقي ام، ولا كنت عايزه تخلفي من. حد تاني.. 
نسمه بدموع 
هو انت ليه بتعمل كده، انا رفضتك زمان بس دلوقتي بقيت مراتك ليه حابسني ومستعبدني كده.. 
امجد بجمود. 
عشان. بحبك وما حبتش في الدنيا قدك. ودي طريقتي في الحب والغيره... 
_بااااك... عوده للوقت الحالي.. 
_طلع الدكتور من عند نسمه جوه ووقف امجد. وسال الدكتور وقال.. 
امجد. 
خير يا دكتور هي كويسه... 
الدكتور 
الجنين وضعه اا.. 
زعق فيه امجد وقال
سؤالي واضح هي عامله ايه كويسه ولا لا؟.. 
الدكتور
كويسه قدرنا ننقذ الموقف هي كانت عايزه تجهض نفسها ده اللي فهمته من كلامها وهي فاقده الوعي، بس احنا عملنا عملية ربط للجنين بس لازم تكون تحت رعاية تامه. ده. لصحتها اولا ولصحة الجنين.. 
امجد
تمام يا دكتور بعد. اذنك... 
_مشي الدكتور ودخل امجد. لاقاها قاعده ودموعها. علي وشها وبتبصله بخوف، قرب منها وقال بعصبيه.. 
امجد. 
احمدي ربنا انه لسه في بطنك عشان لو كان نزل ما كنتش هرحمك.. 
نسمه بدموع 
انت وقفت جنبي وساعدتني بس انا تعبت، كفايه بقي سيبني امشي....
امجد بجمود 
هتروحي فين لعمك ولا لاحمد، عرفتي ليه ديما باجي عليكي عشان انا مهما عملت معاكي انتي هتفضلر تحبيه هو.. 
نسمه ببكاء
يعني هو انت كده بتحبني ولا هو باللي عملو فيا حبني انت وهو كرهتوني في كلمة حب اصلا وكرهت نفسي وكرهت كل حاجه في حياتي.. 
امجد بدموع 
هوديكي عند. ماما، هيكون مكانك معاها علي طول.. 
نسمه 
وخطيبتك هو مش انت خطبت برضو وهتتجوز.. 
امجد
ايوه ودي حاجه مالكيش دعوه بيها اصلا.. 
ــــــــــ #بقلم_الكاتبه_رحاب_القاضي ــــــــــ 
_ في عربية انس كان متعصب جدا وهو سايق العربيه وزعق في جني وقال.. 
انس
هو انا هخطفك ده انا بقولك هنروح نقعد في كافي نتكلم الكلمتين اللي كرهتهم من قبل ما اقولهم.. 
جني 
لا طبعا مش هروح اي كافي او حتي النادي وخصوصا معاك الناس تقول عليا ايه؟.. 
انس 
علي اساس ان حد يعرفك غيري انا واهلك.. 
جني 
معاك حق بس يعرفوك انت يا نجم  يا بتاع المعجبات الكتير جدا انت... 
وقف انس العربيه وسكت شويه وبعدين قال
عارفه انا وصغير لما كنت في ثانوي كده كان شكلي وحش اوووي وكنت بحب بنت معايا في نفس سني وفي يوم بكلمها لقيتها بتقولي ماما قالتلي ما اتكلمش معاك تاني فبقولها ليه هي شافت حاجه من اللي بينا قالتلي لا شافت صورتك اهي امها دي بتفكرني بيكي.. 
ابتسمت جني وبصت الناحيه التانيه وانس قال
ليه بتبصي الناحيه التانيه، ده انا غلبان خليني اشوفها.. 
جني بهدوء
انت عايز مني ايه وليه انا يعني... 
انس اتنهد وقال
اول مره شوفتك فيها وانتي مع جيلان وهي بتعاملك بطريقه مش كويسه وفي نفس الوقت انتي بتبصيلها وخايفه عليه مني فكرتيني بنفسي اووي بحب ناس وبخاف علي ناس اسهل حاجه عندها تكسر بنفسي قدام اي حد،وبس من وقتها وانا عايز كنت باي شكل اقولك انتي غلط هتتعبي كده و... 
جني بسرعه قالت 
لا مش غلط ابدا ولو ايه حصل انا مستحيل اتغير عشان كلمه من حد.. 
انس 
انتي مش مكاني برضو.. 
جني 
لا انا زيك وكل واحد عنده حمل علي قده يا انس بيكون شايف ان مستحيل يكون حد. تعبان زيه.. 
انس ابتسم 
هو انتي عندك كام سنه علي الشخصيه دي والكلام ده؟.. 
جني 
احمم مش لازم يعني تعرف؟.. 
انس 
عشرين سنه 
جني 
يعني في تالته ثانوي هيكون عندي كوم يعني هما 17 سنه.. 
ضحك انس وقال
لا اتفضلي انزلي يلا بطلنا شغل العيال ده من زمان.. 
جني 
انزل بجد... 
انس ضحك وقال
ههههه يا بنتي بهزر انا ما صدقت اصلا انك. تتكلمي معايا كده... 
جني
ما قولتليش برضو انت عايز مني ايه؟.. 
انس بتوتر 
ااا يعني اا انا عايز نرتبط، ينفع؟.. 
جني بجديه 
هتيجي تخطبني يعني ولا ايه؟.. 
انس اتونر قصاد هدوؤها وقال
اا لا يعني نعرف بعض الاول وبعدين نبقي.. 
جني 
انا فهماك كويس بس للمره الالف هقولك ان انا مش البنت دي، اللي ممكن تديك مشاعر وتحب فيك من غير اي علاقه رسميه، انا ممكن اقبلك في حياتي في حاله واحده بس.. 
انس
الحقيني بيها ابووس ايدك.. 
جني 
نبقي اصدقاء بس بشرط.. 
انس 
عارفه انا طول عمري بتيجي بنات تطلب مني نرتبط وانا اللي اقول لا وخلينا صحاب وتيجي عيله زيك تقولي كده وكمان تتشرط بس علي قلبي زي العسل وايه الشرط بقي... 
 ابتسمت جني وقالت
تنجح في امتحانات الميد تيرم بتاعتك هي فاضل عليها اسبوع مش كده.. 
انس بضيق
انا اقدر انجح فيها بس انا مش عايز هما ما يستهلوش اني انجح لانهم كده كده شايفيني فاشل... 
جني 
وبسم الله ماشاء الله عليك انت بتثبت ليهم كلامهم انك فاشل فعلا، ليه ما تنجحش واللي يقولك فاشل وقتها تقدر تواجهه وتقول انك ناجح وتقدر تواجهه.. 
اتعدل انس في قعدته وبصلها وقال
ما فيش نسخه احتياطيه منك اخدها معايا البيت انا محتاج الكلام ده بجد، انامحتاجك انتي بجد معايا.. 
ضحكت جني وقالت
هههههه انا قولتلك الشرط بتاعي وانت حر بقي با ابو الكابتن.. 
انس 
تمام والرد هيجيلك اخر الشهر بعد ما تخلص الامتحانات بس انتي عرفتي منين معاد الامتحانات ده انا عرفتها منك.. 
جني
من جيلان هي مش نفس دفعتك وانا كنت لازم اقول لخالي عشان يخليها ما تخرجش وتركز في المذاكره.... 
انس 
يا بختها بيكي بجد، المهم هوصلك عشان الحق اروح اذاكر.. 
جني فرحت وقالت
ماشي يا انس.. 
ــــــــــ #بقلم_الكاتبه_رحاب_القاضي ــــــــــ 
_في المركز الرياضي اللي هيفتحه معتز وحازم وعزت، كان معتز واقف وهو مدايق مع حازم وقرب منهم عزت وقالت... 
عزت 
برغم اني زعلان منك يا معتز بس بقول الشغل ما لوش دعوه بالزعل اللي بينا.. 
معتز 
ربنا ما يجيب زعل يا عزت خير ان شاء الله.. 
عزت 
بقي يا راجل ابنك يبقي مدافع عن بنت اختي من. واحد. كان بيرخم عليها وابنك راجل اتصرف صح.. 
حازم بسخرية 
قوله اهو يا عم بس معتز كده من زمان رد فعله سريع جدا وغبي.. 
معتز بضيق 
خلينا في الشغل طيب دلوقتي... 
_وفضلو يتكلمو في الشغل بس معتز كان كل تفكيره في انس وكلامه اللي قاله اخر مره شافه فيها... 
ــــــــــ ــــــــــ 
_وعند نيره كانت مريم عندها وبتعيط وزعلانه جدا.. 
نيره 
ما خلاص بقي صدعتيني.. 
مريم 
ما انتي مش راضيه تريحيني.. 
نيره 
يا مريم انا ما اقدرش اقول لانس امشي من هنا، انتي ليه مش عايزه تفهمي.. 
مريم. 
قوليلو طيب مامتك مش قادره علي غيابك ومش بترتاح غير وانت قصادها.. 
نيره 
حلو اووي الكلام ده، ياريت بقي تقوليه ليه هو بنفسك.. 
_قبل ما ترد عليها مريم، دخل انس وكان مبسوط اووي وقال من غير ما ياخد باله من مريم.. 
انس
نيرووو تعالي عايز احكيلك حاجه وو... 
سكت اول ما شاف مريم اللي وقفت وقالت
هانت عليك امك يا انس تعمل بلوك لرقمها ولا حتي هاين عليك تسال عليها وتشوفها عامله ايه.. 
نيره 
طيل انا هدخل اجهز الغدا تكونو انتو اتكلمتو مع بعض.. 
ودخلت نيره المطبخ ومريم قربت من انس وحضنته وقالت.. 
مريم 
وحشتني يا طويل يا اهبل انت... 
غصب عنه ابتسم علي طريقتها وقال
وانتي كمان وحشتيني، بس لو انتي جايه ترجعيني البيت فا انا اسف انا مرتاح هنا ومش همشي من هنا.. 
مريم 
طيب ما ترجعش بس يوم الخميس عمك حازم عازمنا كلنا علي العشا تعالي وكفايه بقي زعل.. 
انس 
ان شاء الله، بعد اذنك عشان عندي مذاكره... 
_سابها ودخل اوضته، ومريم بصتله بجزن وما كانتش عارفه تتعامل معاه وفي اللحظه دي عرفت انها كانت بعيده جدا عن ابنها حتي لدرجة انها مش عارفه تتعامل معاه... 
ــــــــــ #بقلم_الكاتبه_رحاب_القاضي ــــــــــ 
_في بيت صفاء مامت امجد كانت متعصبه جدا، وزعقت امجد. وقالت... 
صفاء 
وبعدين معاك انت عايز تجنني، يعني نسمه بجد. كانت معاك لا وكمان مراتك وحامل منك، طيب مدام كده عايز تتجوز ملك ليه؟.. 
امجد
عشان ملك بتحبني وعشان حابب ملك تبقي مرات امجد. البحيري، ونسمه ليا من الاول من زمان عارفه ليه عشان وقت ما اشتريتها باعتني ولا انا زعلي وحش.. 
صفاء
كأنك مش ابني اللي بيتكلم، هو انت لازم كل حاجه تبقي متاحه ليك، اسمع يا امجد. كفايه اوووي كده انت قول لملك الحقيقه والبنت اللي فوق دي رغم انها مش شبهنا بس خلاص ارضي بنصيبك وعيش معاها وكفايه لف ودوران.. 
امجد. 
انا مش هسيب ملك ولا هسيب نسمه وملك مش هتعرف حاجه عن الموضوع ده غير لما تبقي في بيتي وانا هعرف ازاي اخليها ترضي بالوضع اللي انا عايزه.. 
صفاء
وانت فاكرني هسكت و.. 
امجد
هتسكتي يا ماما والا انا مش هعمل حساب لاسم العيله ولا لاي حاجه اصلا وهجيب ملك هنا غصب عنها، المهم خلي بالك من نسمه مش عايز تحصلها حاجه... 
صفاء اتنهدت وقالت
عرفت ان عمك اتجوز رقاصه.. 
امجد
ايوه عرفت، ومالناش دعوه بحد... 
_ في بيت تاني بسيط دخل احمد قرب الفجر، وكان باباه قاعد مستنيه وهو مدايق وزعق فيه وقال.. 
مندور
ما لسه بدري يا بيه، خليت ايه للبلطجيه والصيع؟.. 
اجمد بجمود
ولا اي حاجه، انا زيي زيهم اصلا.. 
مندور
ليه يا ابني بتعمل كده حرام عليك نفسك.. 
احمد
عشان ابقي زيه واقوي منه واعرف ارجع خطيبتي وبنت عمي منه، انا لولا اني فقير وضعيف ما كنش قدر يغتصبها وياخدها ويمشي من غير ما يلاقي رجاله تقفله.. 
مندور مسح دموعه وقال
امها السبب هي اللي كانت وخدها معاها في البيوت تشتغل لولا كده ما كناش شوفنا امجد ولا عرفنا طريقه... 
احمد بدموع 
وانا مش هسيبه غير لما ارجعها هنا، واخد روحه حتي لو كان التمن موتي... 
_قال كلامه ودخل اوضته ومسك صورة نسمه اللي كانت جنب سريره ودموعه نزلت وقال ببكاء.. 
احمد 
والله العظيم ما انا اللي عملت فيكي كده، مسيري الاقيكي واقولك ان انا برئ والمره دي هقدر احميكي منه.. 
_في أوضة نسمه في فيلا البحيري، كانت واقفه عند الشباك ووشها تعبان جدا وقالت وبحزن.. 
نسمه 
انت السبب يا احمد انت اللي رميتني ليه عشان يعمل فيا كده، انت السبب في تعبي... 
دخلت صفاء وقالت بقلق
نسمه انتي كويسه يا بنتي؟.. 
نسمه ببكاء
خليه يسيبني انا مش عايزااه انا تعبت، انتي كويسه وما ترضيش بالظولم خليه بقي يسيبني وانا مش هوريكم وشي تاني والنبي.. 
حضنتها صفاء وقالت بدموع
منك لله يا امجد اهدي يا بنتي وانا والله مش هخليه يأذيكي تاني... 
ــــــــــ #بقلم_الكاتبه_رحاب_القاضي ــــــــــ 
_في القاهره في شغل اياد كان قاعد بيشتغل ولابس تيشرت بنص كم مبين عضلاته بشكل حلو جدا، ودخل عنده العسكري وقال.. 
العسكري
بعد اذنك يا افندم في واحده بره اسمها ناني بهاء عايزه تقابل حضرتك.. 
وقف اياد بسرعه وقال 
وحياة امك انت بتتكلم جد ناني بره، طيب اعمل ايه شكلي كده حلو ولا البس الجاكيت... 
ابتسم العسكري وقال
هي دي الكراش يا باشا؟.. 
اياد 
شكلك كده هتنفعني يا عبصمد اعمل ايه دلوقتي؟.. 
عبد الصمد 
مش عارف بصراحه...
اياد 
اطلع بره يا عبصمد دخل البت يلاا.. 
ضحك عبد الصمد وطلع بره، وقعد اياد علي مكتبه بسرعه ودخلت ناني وقالت.. 
ناني
اسفه لو هزعج حضرتك.. 
اياد 
لا طبعا ولا ازعاج ولا حاجه اتفضلي... 
قعدت ناني قدامه وقالت
ااا احمم هو انا بصراحه كنت جيالك في طلب شخصي واتمني ما تكسفنيش.. 
اياد ابتسم وقال 
بس كده ده انا عينيا ليكي والله، مين محبزس هنا وعايزاني اطلعه ليكي.. 
ناني كتمت ضحكتها وقالت
لا لا لا ما وصلتش لكدا خالص، ااا كل الحكايه اني عايزه انس... 
وقف اياد وقال بعصبيه 
نعمممم يا اختييي عايزه مين، ماله انس فيه ايه يعني ما انا قدامك اهو ظابط شرطه وبلمح وبعمل كل حاجه ولا لازم اجيب كوره واتنطط زي القرد عشان اعجب.. 
ضحكت ناني غصب عنها وقالت
هههههههههه انت ايه اللي بتقوله ده، انا عايزه انس يطلع معايا في الراديو.. 
هدي اياد وقعد وقال باحراج 
يعني كنتي وضحي نيتك من الاول، ينفع اللي حصل ده، والمشاعر اللي اتفضحت دي..
حاولت ناني تداري كسوفها وقالت
ما علينا علي العموم انا عايزه حضرتك بقي تخليه يوافق يطلع معايا في البرنامج.. 
اياد بخبث
بس انس مش بيحب يطلع في برامج.. 
ناني 
ما انا عارفه عشان كده جيتلك، انت بقي كلمه عني وقوله بقي كلمتين حلوين.. 
_قام اياد وميل علي الكرسي اللي هي قاعده عليه وقال بهدوء.... 
اياد 
كلمتين بس ده انا هقوله كل اللي جوايا.. 
قامت ناني بسرعه وقالت
اا طيب بقي ياريت حضرتك تكلمه ولو وافق رقمي لسه عندك مش كده.. 
اياد  بخبث
هو ايوه لسه الرقم عندي، بس انا مش هقدر اكلمه بصي يوم الخميس هبعتلك لوكيشن مكان هيكون فيه هو وماما ولو كلمتيه قدام ماما مش هيقدر يرفض.. 
ناني 
اوكي هشوف بابا وارد عليك بعد. اذنك... 
طلعت ناني واياد بصلها وقال
بركاتك يا انس... 
ــــــــــ #بقلم_الكاتبه_رحاب_القاضي ــــــــــ 
_في المستشفي كان خالد واقف مع واحد من الممرضين وقاله.. 
خالد 
عايزك تراقبلي سميره فاهم، وقول لمنال تخلي عينها علي اللي بيدخل وبيخرج من المستشفي.. 
الممرض
تمام يا خالد باشا بعد اذنك.. 
_ودخل خالد أوضة بهاء اللي كان بيكلم ناني وبيقولها.. 
بهاء
ماشي يا ناني مدام مامته موجوده روحي، المهم كلمتي اخواتك النهارده..ماشي يا حبيبتي ابقي اول ما توصلي البيت كلميني.. 
قفل معاها وبص لخالد وقال
بص يا خالد ملك خارجه مع خطيبها انا عايزك تبقي معاهم خطوه بخطوه، ملك ما تسيبهاش غير لما تخلص خروجتها وترجعها البيت انا بامنك عليها تمام... 
خالد 
تمام يا دكتور بهاء.. 
بهاء
اتفضل بقي روحلها هي مستنياك في البيت.. 
_مشي خالد وراح البيت عند ملك، ورن عليها وهي نزلت وكانت لابسه فستان ازرق طويل لتحت الركبه وباكمام طويله وكانت فارده شعرها علي ضهرها وحاطه ميكآب خفيف، ووقفت قدام خالد وقالت.. 
ملك
شكلي حلو؟.. 
_اتنهد خالد بضيق وبص الناحيه التانيه وهو بيحارب نفسه عشان ما ينجذبش ليها وقال... 
خالد ببرود
لا.. 
ملك بغيظ 
نعمم هو ايه اللي لا، انا شكلي حلو بجد ولا لا.. 
خالد بضيق
ما قولت لا اتفضلي عشان اوصلك.. 
ملك ببكاء
والله ما انا رايحه يا رخم... 
وسابته ودخلت جوه وخالد قال بهدوء
واحد.... اتنين.... تلااته... 
طلعت ملك تاني وقالت
علي فكره انا حلوه وزي القمر، وما يهمنيش رئيك ورايحه اهووو.. 
_خلصت كلامها وركبت العربيه من ورا، وخالد ابتسم غصب عنه وراح ركب العربيه ومشي.. 
_تفتكرو هيحصل ايه هناك؟... 
ــــــــــ #بقلم_الكاتبه_رحاب_القاضي ــــــــــ 
_وفي دبي كانت سما قاعده بتتفرج علي التلفزيون ومعاها محمد اللي باصص في موبيله.. 
سما 
انت بتعمل ايه ولا بتكلم مين؟.. 
محمد بتوتر
ها مش بعمل اي حاجه عادي بقلب في الفون.. 
سما 
طيب علي فكره مامتك كلمتني بتقولي مش ناويه تخليني ابقي تيته.. 
محمد 
فظيعه ماما دي.. 
سما بحده 
انت تقول لامك تحل عني، دي خلتني اكلمها فيديو عشان تشوفني لابسالك ايه سوري بس هي مالها.. 
محمد بضيق
معلش يا سما عشان خاطري اتحمليها شويه وانا هبقي اكلمها.. 
سما 
طيب انا داخله انام تصبح علي خير.. 
محمد قام راح وراها وقال
هتنامي بجد. ولا ايه؟.. 
سما بتوتر 
اا ايوه يعني تعبانه شويه.. 
قرب منها محمد وقال 
طيب خلينا بقي قاعدين مع بعض شويه.. 
ادايقت سما وبعدت عنه، فاتعصب هو وقال
هو في ايه يا سما هو انا كل ما اقرب منك تقلبي خلقتك عليا كده، يا بت الناس هو انتي مغصوبه عليا يعني ولا ايه.. 
سما 
اولا ما تعليش صوتك عليا، ثانيا انا ما حدش يقدر يغصبني علي حاجه، ثالثا بقي والمهم ما لكش دعوه بقي لاويه خلقتي ولا فرداها انت مش بيتقالك حاضر علي كل حاجه واكلك وشربك وهدومك وكل حاجه بتبقي جاهزه وفي اي وقت بتكون عايزني بكون جاهزه يبقي مالكش حاجه تانيه عندي.. 
وقف محمد وقال
لا بصراحه كتر الف خيرك... 
طلع محمد وسما قالت
انت رايح فين طيب؟.. 
محمد
غاير اتخمد بره.. 
سما 
احسن برضو.. 
_وقامت قفلت الباب ونامت علي السرير وقالت وهي مبسوطه.. 
سما 
والله زمااان هنام لوحدي علي السرير... 
_ وبره قعد محمد مدايق وبعدين جاتله رساله علي الموبيل ولما فتحها كانت من جيدا بنت مديرته في الشغل وبعتاله.. 
جيدا 
بتعمل ايه؟.. 
محمد بغيظ 
ليه الاهتمام ده منك انتي ليييييه.. 
رد عليها وقال
ولا حاجه كنت بخلص شغل ورايح انام، في حاجه حضرتك.. 
شافتها وبعتتله
لا ما فيش حاجه بس فكرتك قاعد زهقان زيي.. 
_رد. عليها بايموشن مبتسم وسكت، وبص لاوضة نومه هو وسما وقال.. 
محمد 
اما نشوف اخرتها معاكي يا سما يا انا يا انتي... 
ــــــــــ #بقلم_الكاتبه_رحاب_القاضي ــــــــــ 
_في المستشفى عند بهاء، كان مروح بس لقي الشرطه ملت المستشفي فجأه... 
بهاء 
ايه ده في ايه اللي بيحصل ازاي تدخلو المستشفي كده... 
الظابط 
حضرت الظابط رامي الدالي اللي كان متنكر في دور ممرض هنا اكتشف ان في حد بيسرق بنك الدم وبيبدله بمواد فاسده.. 
بهاء بصدمه 
انت بتقول ايه مين اللي ممكن بعمل كده هنا في المستشفى بتاعتي، انا كل موظفيني بثق فيهم.. 
_جات العساكر وهما ماسكين سميره والظابط
قال... 
الظابط 
الدكتوره سميره هي اللي عملت كده... 
_بصلها بهاء بصدمه و؟؟.. 
_تفتكرو هيحصل ايه في اللي جاي؟... 
ــــــــــــــــــــــــــــــــــــــــــــ 
_في الاسكندريه في قسم الشرطه كان بهاء قاعد قدام ظابط المباحث وقال.. 
بهاء بضيق
اكيد في غلط دكتوره سميره مستحيل تعمل كده؟.. 
الظابط 
يا دكتور انت بدفاعك ده عنها بتخلينا نرمي اتهام عليك انك كنت شريك رسمي معاها في اللي بتعمله الدكتوره سميره في المستشفي.. 
بهاء
لو سمحت انت مش من حقك اصلا تتهمني باي حاجه من غير ما يكون عندك دليل ضدي، ومش معني انكم لقيتو دم فاسد في المستشفي ده معنااه اننا بنستخدمه للمرضي.. 
ضحك الظابط وقال
ههه دكتور بهاء الدكتوره سميره اعترفت بكل حاجه، وقالت انك فعلا ما تعرفش حاجه والمسؤليه كلها عليها هي.. 
بهاء بصدمه 
ازاي بقي الكلام ده، لو سمحت انا عايز اقابلها واتكلم معاها.. 
الظابط 
اوي اوي هنده العسكري يوصلك عندها.. 
_وفعلا راح بهاء عند سميره اللي كانت بتعيط ومنهاره، وزعق فيها وقال.. 
بهاء
كل ده يطلع منك انتي يا سميره.. 
سميره بدموع 
غصب عني لما اكتشلت كل حاجه وجيت اقولك يوم فرح بنتك كلموني وهددوني ووقتها ما قدرتش اتكلم وفي الاخر طلبو مني اساعدهم ولما رفضت لقيتهم خطفو بنتي وهددوني بيها.. 
يهاء
كل ده بيحصل وانا مش عارف حاجه، طيب مين اللي بيعمل كده اديني اسم وانا هجيبلك حنين بنتك وو.. 
سميره 
هو هيسيبها لما اسكت واشيل انا القضيه كلها وقتها هتكون عايشه انما لو اتكلمت هيقتلها.. 
بهاء بعصبيه 
هو مين ده اللي ممكن يعمل كده، ارجوكي ردي عليا... 
_سكتت وجه العسكري ودخلها الحجز تاني، وقام بهاء مشي وهو حاسس انه عاجز ومش قادر يساعدها.. 
_طلعت سميره بريئه اهوو يا ناس يا ظالمه🙄🙄😏
ــــــــــ #بقلم_الكاتبه_رحاب_القاضي ــــــــــ 
_في مطعم راقي كانت ملك قاعده مع امجد، وقالت وهي مدايقه.. 
ملك 
هو برغم اني كل ما اشوف وشك ابقي مس طايقه نفسي بس ما علينا انا لقيت الحل.. 
امجد 
وايه الحل بقي؟.. 
قربت منه ملك وقالت بصوت واطي
هتعلملك الرقص عشان عينك ما تزوغش علي الرقصات بعد كده.. 
ضحك امجد. بصوت عالي وقال
هههههه والله العظيم ما في حد قادر يخليني انسي كل الدنيا وانا معاه قدك... 
ملك 
وانا معاك بكون خايفه تيجي واحده بعيال وتقول انها مراتك.. 
امجد
لا لا اطمني كنت بعمل حسابي.. 
ملك 
كنت بتاخد حبوب منع الحمل ولا ايه.. 
ضحك امجد وقال
هههه يا بنتي فكري تلات دقايق الاول قبل ما تتكلمي وانا هاخد ليه حبوب منع الحمل هو انا اللي كنت هحمل.. 
ملك 
وانا اعرف منين كنت حملت قبل كده، علي العموم  ما تدخلنيش في تفاصيل ولا في الماضي بتاعك واطلبلي اكل عشان جعانه وبعدين انا لابسه جزمة ناني اللي كانت نسياها وشكلها مش مسامحه فيها ووجعتلي رجلي وقاعده بالعافيه.. 
امجد 
هو صح انتي وناني وسما نفس مقسات الجزم كمان؟... 
ملك 
ايوه احنا حتي شعرنا كان نفس اللون والحجم بس سما قصته شويه وعملته بني وناني خلته كيرلي وانا وانا سيبته زي ما هو.. 
امجد 
انتي بريئه اووي يا ملك، ليه الحق دكتور بهاء يخاف عليكي مني ومن اي حد.. 
اتكسفت ملك وقالت 
طيب ممكن بقي تطلبلي الاكل عشان جعانه.. 
امجد بخبث 
وطلعنا بنتكسف كمان، انا بقول نطلع علي بيتي احسن وهناك اجيبلك الاكل اللي عايزها.. 
ملك بحده 
انت بتشقطني وانا مراتك يا اهبل.. 
امجد. 
ششش اسكتي فضحتيني تطفحي ايه؟... 
ملك ضحكت وقالت
هههه اطلبلي علي ذوقك... 
_كانو بيتكلمو وبيضحكو ومش واخدين بالهم من خالد اللي واقف بره بس شايفهم من القزاز وكانت عيونه مليانه غضب وغيره، وبعدين موبيله رن وكان زميله من المستشفي وقاله علي اللي حصل.. 
رامي 
ايوه يا خالد انا سمعتها بتقول لدكتور انها كانت متهدده من حد وكمان بنتها مخطوفه.. 
خالد 
انا كنت متاكد انها ست نضيفه، وعارف كويس مين اللي هددها.. 
رامي
ايوه بقي مين اللي عمل كده؟.. 
خالد 
انا هتصرف المهم انت كده ظهرت فلازم تختفي.. 
رامي 
هو انت لازم كل حاجه تاخدها لنفسك ما تقوة مين؟.. 
خالد 
لما اتاكد هبقي اقولك... 
_قفل معاه خالد واستني ملك اللي طلعت وامجد قرب منه وقال.. 
امجد 
بقولك ايه يا حبيبي روح انت وانا هوصل ملك.. 
خالد بضيق 
مش هينفع انا عندي ووامر من دكتور بهاء انها تيجي معايا وانا اللي هوصلها.. 
امجد. 
وانا بقولك روح وانا اللي هوصلها... 
ملك بقلق
خلاص يا حبيبي انا هروح مع خالد عشان بابا ما يزعلش.. 
امجد باسها من خدها وقال
ابقي طمنيني عليكي يا حبيبتي.. 
حست ملك بنظرات خالد وقالت بسرعه 
خالد هو انت بتغير عليا، انا عارفه النظره دي شوفتها في التركي.. 
خالد بغيظ 
الله يخرب بيتك علي بت التركي يا غبيه.. 
امجد بسخريه 
بيتهيالك يا حبيبتي خالد ده السواق بتاعك مستحيل يبص فوق اصلا عشان رقبته ما بتتكسرش... 
خالد بجمود
كويس ان حضرتك عارف كده... 
_قال كلامه وبعدين ركب العربيه بتاعته وبعدين ملك كمان ركبت وصلها وجات تتكلم قال بسرعه.. 
خالد 
ايوه كنت غيران عليكي ولو سمحتي انزلي.. 
ملك ضحكت وقالت 
ههههههه انت طلعت بتعرف تهرج اهووو.. 
خالد 
ماشي يا ملك انزلي لو سمحتي عشان مش فاضي.. 
ملك 
رايح فين انت اصلا ساكن فين وعايش مع مين.. 
خالد
لو سمحتي خدي مناخيرك اللي حشرتيها في حياتي فجأه دي وانزلي... 
ملك بغيظ 
انا غلطاانه والله اني عايزه. نبقي صحاب ياا رخمم.. 
_نزلت ملك وطلعت فوق ولقيت امجد. بيرن بس ما ردتش عليه وقالت لنفسها.. 
ملك
هو ممكن يكون في حد. في حياته اصلا، ممكن يكون كان متربي في ملجأ او ممكن يكون ظابط وجاي ينتقم من بابا زي الرويات... 
دخل بهاء وقال
مين ده اللي ظابط؟.. 
ملك 
خالد اقولك حاجه بس من غير ما تضرب.. 
 بهاء
يا منجي من المهالك يا رب.. 
ملك 
احمم بصراحه كده انا عايزه اتجوز الواد خالد حسانا ميكس حلو.. 
بهاء مسك قلبه 
انا لو جاتلي جلطه هتكون بسببك يا ملك اومال امجد. ده ايه؟.. 
ملك
ااه صح افتكرت انا يعتبر متجوزه، خلاص كنسل خالد... 
بهاء 
ناامي اتخمدي الله يخربيتك... 
_وعند. خالد دخل بيته وفي ايده بنت صغيره، ولما شافته فاطمه مرات باباه قالت.. 
فاطمه 
مين دي يا خالد اللي انت جايبها معاك؟.. 
خالد 
اا دي حنين بنت واحد صاحبي مراته تعبانه وهو مش عارف ياخد باله منها ممكن تخليها تبات مع تيا وتقعد معاكم كام يوم لحد. ما اجي.. 
حنين 
الواد ده كداب يا طنط انا كنت مخطوفه.... 
خالد 
انتي عبيطه يا بت اسكتي.. 
فاطمه 
بقولك ايه بنتي مش هتقعد معاها.. 
خالد 
معلش يا طنط خليها النهارده بس وبكره هاخدها.. 
حنين 
خالد. هي مين الوليه القرشانه دي.. 
خالد 
ما تسكتي واقعدي هنا وانتي هاديه... 
حنين 
يالهوي ده انا نسمه ملاك... 
فاطمه 
انتي عندك كام سنه يا شاطره؟.. 
حنين 
انا عندي 14 سنه يا خايبه.. 
فاطمه 
خااالد مين ديييييي؟... 
خالد 
دي عملي الاسود، المهم تقعد هنا يومين بس.. 
_وسابها خالد ومشي.. 
ــــــــــ #بقلم_الكاتبه_رحاب_القاضي ــــــــــ 
_وفي بيت امجد وصل البيت  وطلع اوضته مالقااش نسمه، وراح لاوضة مامته ولما خبط فتحتله صفاء وقالت.. 
صفاء
خيرررر؟.. 
امجد
فين نسمه، عارفه لو كنتي طلعتيها ه... 
صفاااء
الزم حدودك معايا يا ولد انت هو انت هتهددني ولا ايه.. 
امجد 
ما اقصدش يا ماما بس لو سمحتي خلي نسمه تيجي ورايا... 
صفاء 
ده بعينك نسمه مش هيتقفل عليك باب معاها غير لما تتعدل معاها دي مىاتك مش واحده من الشارع وكمان وتسيب ملك في حالها.. 
امجد. 
واضح انك متعصبه يا ماما، خليها عندك بس بكره لو الهانم ما رجعتش اوضة جوزها هزعل وهي عارفه كويس انا بعمل ايه لما بزعل.. 
صفاء
اقسم بالله يا امجد لو قربت من البنت تاني بحاجه تأذيها لانا اللي هقفلك وهربيك من الاول قلة ادب وبجاحه مش عايزه.. 
سابها امجد. ومشي وهي دخلت وقعدت جنب نسمه اللي كانت خايفه وقالت.. 
نسمه 
قولتلك امشي احسن من هنا.. 
صفاء
يعني هو مش هيعرف يجيبك لو مشيتي. انتي هنا معايا انا مش هخليه يعملك حاجه نامي بس وارتاحي وبلاش توتري نفسك عشان اللي في بطنك... 
_نامت نسمه وحست لاول مره من سنين بشوية امان مع صفاء، اللي كانت طيبه بجد.. 
ــــــــــ #بقلم_الكاتبه_رحاب_القاضي ــــــــــ 
_وبعد كام يوم في دبي عند سما كانت قاعده قدام اللابتوب وبتكلم ملك وناني وقالت.. 
سما 
بطلو رغي واحده بس اللي تتكلم عشان اعرف اسمعها الواد مقموص مني اوووي وانا مش عاجبني الوضع ده اصالحه ازاي بس بطريقه تكون مفهاش تلزيق وقرف.. 
ملك 
ارقصيله يا سما.. 
ضحكت ناني وسما وقالت
البت دي بقيت قليلة الادب انا مستحيل اعمل كده طبعا.. 
ناني 
سيبك من ملك بصي انتي اعملي عشا رومانسي والبسي فستان حلو و... 
ملك
لا لا تلبسله قميص نوم وحاجه حلوه كده ده جوزها وعرسان جداد. بطلو غباء.. 
ناني 
لا لا انتي بجد بقيتي قليلة الادب والله لاقول لبابا.. 
سما 
طيب انا خلاص عرفت هعمل ايه، المهم انتي هتروحي امتي يا ناني عند انس هتخليه يكلمني انتي وعدتيني.. 
ملك 
انا هزن علي بابا عشان اجيلك واشوفه.. 
ناني 
او ممكن انا اللي اجيبه عشان يخطبني مثلا.. 
سما 
ايوه ايوه اعملي كده يا ناني تخيلي تبقي مرات انس معتز.. 
ملك 
اقفلو انا نازله اتمشي شويه وهبقي اكلمكم وقت تاني.. 
_قفلت معاهم ملك ونزلت تحت وكانت حاطه الهاند فري وبتتمشي علي البحر ووقف قدامها ووقرب منها احمد ومعاه اربع شباب شكلهم يخوف.. 
ملك بقلق 
نعم في حاجه؟.. 
احمد
ايوه في كتير تعالي معانا... 
_ومسك ايدها وسحبها ورااه وقالت هي وبتحاول تقف.. 
ملك
بليييز استني هو انت خاطفني كده؟.. 
احمد 
ايوه معاكي احمد مندور عدو عريسك يا عروسه.. 
ملك 
طيب استني اكلم بابا اقوله اني مخطوفه عشان ما يقلقش عليا.. 
احمد بحده 
امشي معايا وانتي ساكته.. 
ملك 
احمد انت هتخطفني فين طيب انا فرحانه اووي.. 
احمد
نعمم فرحانه عشان هتتخطفي؟.. 
ملك 
طبعا ده حلم حياتي والله، انا نفسي كنت اتخطف من زمان والله بس تفتكر انا هتجوزك انت في الاخر ولا امجد... 
احمد بغيظ 
انتي ايه يا بنتي هو انتي طبيعيه.. 
ملك 
لا قيصريه هههههه.. 
ضحكو الرجاله اللي مع احمد وهو زعق فيها وقال
اخرسي خاااالص وامشي معايا انتي خطيبة امجد. البحيري مش كده؟.. 
ملك 
ايوه والله حتي كنت برن عليه ومش بيرد تفتكر بيخوني لا لا هو قالي انه تاب بس انا مش مرتحاله بس اوعي تفتكر اني هسيبه لا لا ده انا ما صدقت اني لقيته الواد حلو وعضلات وغني وبعدين ما كل الابطال في الرويات بتوع بنات والمسلسلات كمان طيب انت شوفت كان في مسلسل تركي بيحكي عن ان اااا.. 
احمد بحده 
باااس اسكتي خالص، انتي ايه راديوو.. 
ملك ببكاء
لا متزعقش فيا انا مش بحب حد. يزعق فيا يا احمد.. 
واحد من رجالة احمد قال
بقولك ايه يا احمد البت صعبت عليا ما تسيبها.. 
احمد 
اسكتي ومش هزعقلك.. 
ملك مسحت دموعها 
وهتسيبني اكملك الحكايه بتاعتي.. 
احمد بغيظ
حمدي هات المخدر اللي معاك.. 
ملك. 
لا لا انا بدوخ منه والنبي بلاش مخدر المهم انت هتخطفني عشان تمشيني ما فيش عربيه ولا ايه؟.. 
حمدي 
لا يا قمر العربيه هناك اهي، المخدر يا احمد... 
_وفي لحظه رشو المخدر في وشها وهي فضلت تضحك وبعيدن وقعت وشالها احمد وركبو العربيه بسرعه قبل ما حد يشوفهم... 
ــــــــــ #بقلم_الكاتبه_رحاب_القاضي ــــــــــ 
_في اوضة انس كان ماسك موبيله وعمال يلف في الاوضه وبعدين كلم جني اللي ردت عليه وقالت.. 
جني 
نعم يا انس؟.. 
انس 
ايه ده انتي عرفتيني منين ده رقمي الخاص ما بيكونش مع حد.؟. 
جني 
اصل انا ما حدش بيكلمني خالص غيرك  ورنيت عليا منه من فتره وانا عملت بلوك بس فكيته وبصراحه واوقات عمي من البلد، المهم نعممم؟.. 
انس
هو انا كنت بذاكر وبصراحه كده زهقت هو انا ينفع انجح في نص المواد بس؟.. 
جني
ما انت لو عايزني ابقي صديقتك بجد كنت هتعمل اي حاجه وو.. 
انس 
خلاص كلهم هنجح فيهم كلهم، المهم هاخد رئيك في حاجه واقفل... 
جني وهي بتاكل
هي ايه؟.. 
ابتسم انس وقال
بتاكلي ايه الاول؟.. 
جني 
مكرونه بالفراح بس انت بتسأل ليه؟.. 
انس 
فضول عادي المهم انا متحانق مع بابا وهو النهارده مستنيني اروح اتعشي معاه في مطعم وكده من رئيك اروح ولا لا؟... 
جني 
انت عايز ايه؟... 
انس 
انتي عبيطه ما انا لو عارف انا عايز ايه كنت هكلمك ليه مثلا؟.. 
جني 
مش قصدي بص يا انس اعمل زيي لما تبقي في حيره كده اعمل زيي اسمع لقلبك وبلاش تفكر وخصوصا لو كانت حاجه تخص اهلك... 
انس بخبث
يعني اروح تمام البس ايه بقي؟.. 
جني ابتسمت 
حاجه تكون هتعجب باباك ممكن.، وافتكر اني قولتلك ابقي الحاجه اللي هتريحك وتخليك ناجح مش اللي هما بيوصفوك بيها.. 
انس 
تعرفي انا بحبك اووي... 
جني اتوترت جدا وقالت
انت اا.. 
انس 
قوليها بقي للمكرونه بالفراخ احنا اصدقاء ولسه في الانتظار كمان يلا بااي... 
_قفل معاها وهي فضلت تضحك اووي، وبعدين جات تطلع من المطبخ بس لقيت جيلان واقفه.. 
جني
خير في حاجه ولا ايه؟.. 
جيلان
ايوه في كتير كمان، انا بحب انس وبعشقه كمان يا جني... 
ادايقت جني وقالت
وانا مالي بحاجه زي دي.. 
جيلان بدموع
ابعدي عنه يا جني خليه يرجعلي، انا من غيره ممكن اموت نفسي.. 
جني بخوف 
بعد الشر انتي ايه اللي بتقوليه ده؟.. 
جيلان 
ايوه هعمل كده وهيبقي بسببك انتي عشان لما انتي جيتي وهو شافك وهو بعد عني.. 
جني بضيق 
اوعدك اني مش هكلمه تاني خالص، بعد اذنك انا طالعه اذاكر.. 
_طلعت جني اوضتها وفضلت تعيط وبعدين عملت بلوك تاني لرقم انس وقررت انها مش هتكلمه ولا تقرب منه تاني... 
ــــــــــ #بقلم_الكاتبه_رحاب_القاضي ــــــــــ
_ في دبي _دخل محمد البيت ولقي سما واقفه وحاطه ايدها ورا ضهرها، اتنهد بضيق وقال.. 
محمد
خير واقفه كده ليه؟.. 
مدت ليه الوره اللي كانت مخبياها وقالت
اتفضل.. 
محمد حاول ما يبتسمش وقال
وايه دي بقي؟!.. 
سما 
ما انت لابس النصاره اهو هتعمل نفسك اعمي يعني.. 
محمد بغيظ
دبش دبش لسانك بينقط زلط، شايف انها ورده اعملها ايه؟.. 
سما 
جيبهالك يا محمد عشان تصالحني بيها... 
محمد بحده 
نعمممم يا اختييييييي، بقي انتي اللي مزعلاني وانتي اللي عايزاني اصالحك.. 
سما 
انا زعلتك فين ده؟.. 
محمد 
مدام مش شايفه نفسك غلطانه يبقي امسكي الورده بتاعتك مالهاش اي تلاتين لازمه.. 
سما مسكت دراعه وقالت
ما تبقاش قماص كده. ويا عم انا اسفه بس حط نفسك مكاني فجأه كده لقيت نفسك عايش مع راجل ما تعرفوش... 
محمد
وانا اقعد ليه مع راجل ما اعرفوش.. 
سما 
اووف بقي ما بحبش الغباء، احنا اتجوزنا صالونات انت بتقول حبتني انا لسه.. 
محمد بسخريه
لا والله اومال اتجوزتيني ليه وانتي مش بتحبيني يا هانم؟.. 
سما بقلق 
لا لا انا مش قصدي اللي انت فهمته انا بس اا.. 
محمد 
انتي ايييه متوقعه اعمل ايه دلوقتي وانا مراتي بتقولي مش بحبك.. 
سما بضيق 
ما تفسرش الكلام علي دماغك لو سمحت، انا كل اللي اقصده ان الجوازه جات بسرعه وانا مش عارفه اتأقلم لا عليك ولا علي اي حاجه... 
_ما ردش عليها محمد بس حط الورده في ايدها ودخل اوضته، جات تروح وراه بس رجعت ودخلت البلكونه وقعدت هناك وفجأه موبيلها رن وكانت حماتها.. 
سما بغيظ 
هي الوليه دي رصيدها ما بيخلصش ليه بس يا ربي... 
ردت عليها سما وقالت 
الو ازيك يا طنط عامله ايه؟.. 
ثريا 
ابني ماله مزعلااه ليه؟.. 
سما
انا مزعلتش حد وهو اللي قالك كده.. 
ثريا بحده 
بقولم ايه يا حبيبتي لو نش عارفه قيمة ابني الدكتور محمد سيد الرجاله سبيه وانا اجوزه واحده تستاهله بجد... 
_بصت سما علي الفون وكانت هترميه من فوق بس رجعته علي ودنها وقالت.. 
سما بهدوء
اوكي ما عنديش مشكله دوريله علي عروسه... 
ـ خلصت كلامها وقفلت في وشها ودخلت جوه وراحت لمحمد المطبخ وكان واقف بيجهز الاكل وقالت وهي متعصبه.. 
سما 
لا بجد برافو عليك في اول مشكله بينا جريت وقولت لماما يا نوغه.. 
محمد 
احترمي نفسك وانتي بتتكلمي معايا، وبعدين انا مقولتش حاجه لحد اصلا... 
سما 
يا سلااام اومال هي عرفت منين واتصلت تهزأني.. 
محمد 
تقريبا عشان كلمتني وصوتي كان مدايق و... 
سماا 
انا بجد. تعبت من امك دي مش سيباني في حالي وبيني وبينها بلاااد دي بتدخل حتي فلبسي واكلي اومال لما نرجع هتعمل فيا ايه.. 
محمد زعق فيها وقال 
انتي اللي في ايه بالظبط عايزه يا سما اوكي يلا نتخانق مش ده اللي عايزاااه.. 
سما بغيظ 
انت ما تعليش صوتك عليا انت فاهم.. 
محمد خبط الطبق اللي في ايده علي الارض وقال
لا انا ازعق براحتي انتي فاهمه ولا لا... 
سما بحده 
ماشي زعق براحتك وانا والله لنازله مصر دلوقتي حالا.. 
مشيت سما ومحمد قال بسخريه
هو ايه اللي نازله مصر دلوقتي حالا هو انتي فاكره نفسك قاعده في حلوان... 
رجعتله سما وقالت
انا ما حدش يعلي صوته عليا غير بابا ولولا انه بابا كنت هرميه من فوق، وانا مش متجوزاك عشان اتهزأ منك ومن امك... 
قالت كلامها ومشيت ومحمد قال 
ليييه فاكره نفسك ايه اصلا، وانا هنا الراجل واعلي صوتي براحتي وفكري بس تطلعي بره الشقه والله هكسرلك رجلك.. 
رجعت سما ووقفت قدامه وقالت 
طيب هطلع يا محمد ووريني هتعمل ايه؟.. 
قرب منها محمد وقال بحده 
بقولك اقفي واتكلمي في مكان واحد شغاله رايحه جايه رايحه جايه ايييه زولتيني.. 
قربها منه وقال
وبعدين مين قالك بقي اني هسمحلك تسبيني.. 
سما بتوتر 
احمم طيب اوعي عشان بجد متعصبه.. 
محمد 
ده انتي متعصبه ومستفزه ورخمه بس بحبك ومستحيل ابعدك عني..
سما بحزن 
ومدام هو كده بقي ليه زعلان مني ومش راضي تسمعني حتي.. 
محمد اتنهد وقال 
عشان كلامك دايقني، بس ما علينا اديني هسمعك اهو يا سماا.. 
ـ قبل ما سما تتكلم موبيل محمد رن وكان علي الترابيزه وشافت سما اسم جيدا وبصتله بحده وقالت... 
سما 
مين بقي الحلوه؟... 
محمد بتوتر 
دد دي جيدا.. 
ضربته علي كتفه وقالت 
هو انا عميت يعني ما انا شايفه الاسم، مين بقي جيدا دي. يا محمد؟.. 
محمد 
دي بنت مديرتي في الشغل.... 
سما 
لا والله طيب رد.. 
محمد 
قفلت اهي الرنه خلصت
 الفون رن تاني وقالت سما 
رد يلاا وافتح المايك... 
محمد رد وقال
الو... 
جيدا 
ايه يا حماده برن عليك من بدري.. 
حطت سما ايديها في نصها وقال محمد
لا ابدا حضرتك انا بس ما اخدتش بالي من الفون.. 
جيدا 
اوكي المهم اوعي ما تجيش الحفله بتاعت عيد ميلادي هزعل بجد منك.. 
محمد 
لا ازاي بس يعني سؤال عيد. ميلاد حضرتك الاسبوع الجاي حبكت دلوقتي تعزميني.. 
جيدا 
ما انا هفضل كل يوم افكرك عشان مش هسمحلك ما تجيش وانت اهم واحد هيحضر الحفله.... 
محمد بخوف
هاا الو الو مين مش سامع.. 
وقفل الفون في وشها وقال لسما 
ولا كأنك سمعتي حاجه، يلا بقي كنتي هتقولي ايه.. 
سما 
لا خليك زعلان احسن، وابقي فكر بس تروح الحفله دي يا محمد عاجبهم فيك ايه اصلا اوعي كده.. 
سابته ومشيت وهي بتقول 
بقي اخلص من السلعوه بنت خالتك الاقي السنكوحه دي هنا... 
محمد بغيظ 
يارب يعني اظبط الدنيا من ناحيه الاقيها بتدشمل من الناحيه التانيه... 
ــــــــــ #بقلم_الكاتبه_رحاب_القاضي ــــــــــ 
_في القاهره في المطعم اللي عازم فيه حازم معتز ومريم وولادهم، كانو كلهم قاعدين ومستنين انس او معتز حد. منهم يتكلم... 
اياد
لااا نخلص بقي قبل البت ما تيجي مش هنحل مشاكلنا قدامها يعني.. 
معتز بجمود 
بص يا انس اللي اعرفه انك لو كنت ماشي صح اكيد ما كنتش هفهم غلط يعني، بس تصرفاتك هي اللي خلتني ادخل وانا متاكد انك غلطان من البدايه.. 
ابتسم انس بهدوء وقال
تمام وانا غلطان او مش غلطان الموضوع خلص بالنسبالي ولو وجودي مدايقك انا ممكن امشي.. 
معتز بحده 
شايف طريقته يا حازم هو المفروض انه كده بيتعامل مع ابوه.. 
مريم 
وهو اتعامل ازاي يعني بيتكلم معاك عادي.. 
معتز 
لو سمحتي بقي ما تدخليش بيني وبين ابني.. 
مريم 
لا انا ادخل براحتي بقي، وانت غلطان ومش راضي تعترف بغلطك ليه عشان انت واحد مغرور ومتخلف.. 
اياد بخوف قال لانس 
ابووس ايدك حل المشكله دي قبل ما البت تيجي ونتفضح قدامها.. 
انس بملل
انا ايه اللي جابني اصلا ما انتو بتيجو لوحدكم من زمان.. 
اياد 
اخلص بقي يا انس.. 
_انس بص لمامته وباباه اللي بيتخانقو نيره وحازم بيفصلو بينهم والناس كلها بتتفرج عليهم.... 
انس بغيظ 
فضحتوني اسكتو بقي انا اسف انا غلطان انا نا اتربتش اني جيت اصلا.. 
معتز
خلاص انا مش هتكلم تاني وحسابنا في البيت يا مريم... 
مريم بحده 
يا سلام خوفت منك انا كده يعني، هتعمل ايه يعني يا معتز... 
شاف اياد ناني داخله المطعم فقال. 
والنبي ورحمة تيته اولفت اسكتو البت هتطفش مني... 
مريم. بحماس 
هي فينها اصلا فين؟.. 
نيره 
هي دي اللي هناك ام شعر كيرلي اللي هناك.. 
مريم 
دي بنضاره بس حلوه روح هاتها دي مش شيفانا... 
معتز. 
لا ذوقك حلو يا واد يا اياد طالعلي... 
نيره 
دي قد بنتك يا شايب يا عايب لم نفسك... 
معتز 
حاسس اني شوفتها البنت دي قبل كده.. 
انس 
انا بقول تاخدها وتخلع من هنا، وبعدين انت عبيط جاي تعرفها علي اهلك من قبل ما تقولها انك معجب بيها... 
اياد 
الاعتماد عليك خليك في ضهر اخوك.. 
انس 
روح انت بس وانا هظبطلك الدنيا... 
_قام اياد وقرب من ناني اللي كانت لابسه فسان سماوي بسيط طويل وباكمام خفيفه وفارده شعرها لورا، ابتسم اياد وقال.. 
اياد 
ايه القمر ده حضرتك ناني.. 
ابتسمت ناني وقالت 
علي فكره انت مش عارف تعاكس فياريت ما تعملش كده تاني... 
اياد قرب منها وقال
طيب وايه بقي اللي ينفع معاكي،عشان بصراحه اول مره وحده تعجبني كده.... 
اتوترت ناني وقالت 
اا اا انس ايوه انا جايه عشان انس يعني هو فين؟.. 
اياد 
اهو قاعد هناك مع بابا وماما واللي معاهم دول عمو حازم وطنط نيره اصدقاء العيله دي عيلتي تعالي بقي اما اعرفك عليك.. 
ناني بصدمه 
ولا والله انا اتعرف ليه علي اهلك اصلا.. 
اياد 
ما هو بصي انا جيبت اخري انا معجب بيكي وعايز اتجوزك... 
_وقبل اي ردت فعل من ناني مسك ايدها واخدها معاه ناحية اهله.. 
ــــــــــ #بقلم_الكاتبه_رحاب_القاضي ــــــــــ 
_في بيت البحيري كانت نسمه قاعده في الجنينه مع صفاء،وصفاء بتختار معاها  هدوم للبيبي.. 
صفاء
هي لو كانت بنت هنختار دول.. 
نسمه 
والله لسه بدري جدا علي الحاجات دي.. 
صفاء 
بدري من عمرك يا حبيبتي ده انا حجزت الديكور بتاع الاوضه بتاعت الببيبي... 
ضحكت نسمه وقالت
والله حضرتك فرحتي بيه اكتر من امجد. نفسه... 
_قبل ما ترد عليه جالهم صوت فوزي البحيري من وراهم وقال... 
فوزي
هي دي بقي بنت الشغاله اللي ابن اخويا كان متجوزها في السر.. 
خافت نسمه منه ومن نظراته ووقفت صفاء وقالت
والله مرات ابني واتشرف بيها با جوز الرقاصه... 
فوزي 
اعمل ايه طيب ما انا بلم من ورا ابنك، بس شكل المره الجايه مش هلم واحده من البنات اللي يعرفهم وبس ده هلم ابنه كمان.. 
دخل امجد وقال
لو فكرت تقول كلمه كمان يا فوزي والله ما هحترم انك عمي، وانا اصلا مش متربي وانت اكتر واحد تعرف كده.. 
فوزي 
مالك كده يا ابن اخويا داخل متعصب ده انا بتعرف علي الاموره مراتك.. 
اتنهد امجد بضيق وقال
ماما خدي نسمه وداخلي ومهما حصل اوعي تطلعي... 
ـ تفتكرو ايه اللي هيحصل.. 
ــــــــــ #بقلم_الكاتبه_رحاب_القاضي ــــــــــ 
_في شقة بهاء كان خالد واقف قدامه وقاله كل حاجه عن شغله الحقيقي... 
بهاء
يعني كل ده انت بتمثل عليا ده انا اعتبرتك ابني وامنتك علي بناتي.. 
خالد 
وانا ما اذيتش حضرتك ولا بناتك في حاجه و اظن حضرتك عارف كده كويس.. 
بهاء بجمود. 
والمطلوب انا ما فيش عليا غلط وزي ما انت قولت الموضوع كله عند الدكتوره سميره وانها مظلومه.. 
خالد 
دلوقتي حضرتك تروحلها وتقولعا انها بنتها في امان ومعايا.. 
بهاء
تجيبلي البنت هنا لولا ما هعمل كده يا خالد هو انت اسمك خالد بقي ولا اسم تاني.. 
خالد 
ايوه اسمي خالد، وهرزح اجيبلك البنت واجي وعلي فكره كل دقيقه بتمر علي الدكتوره سميره هناك خطر عليها.. 
_خلص كلامه ونزل عشان يروح بيته ويجيب حنين.، بس لقي ملك قاعده في مدخل العماره وبتعيط، راحلها بسرعه وهو خايف جدا وقال.. 
خالد 
في ليه مالك حصل ايه يا ملك... 
ملك ببكاء 
انا حياتي اتدمرت انا مش هقدر ااا مش قادره اتكلم.. 
_تفتكرو بقي ايه اللي حصل؟.. 
ــــــــــــــــــــــــــــــــــــــــــــــــــ 
خالد بخوف 
اهدي طيب وقوليلي في ايه ومين اللي عمل فيكي كده؟.. 
ملك وصوتها طالع بالعافيه
مش قادره اتكلم خليني امشي من هنا الاول.. 
مسك خالد ايدها وقال
طيب تعالي معايا قومي يلاا.. 
_قام خالد واخدها معاه بيته اللي كانت شقه حلوه جدا وعلي شاطئ اسكندري وكانت ملك قاعده وبتبص للشقه بانبهار، وطلع خالد من المطبخ ومعاه كوباية نسكافيه وقال.. 
خالد 
الجو بقي ساقعه اووي اليومين دول اتفضلي.. 
ملك اخدت منه النسكافيه وقالت
هو انت بتقبض كام؟.. 
خالد قعد قصادها وقال
اشمعنا يعني بقبض كام؟.. 
ملك مسحت دموعها وقالت
يعني مرتبك اللي بتاخده من بابا يخليك تجيب شقه احلي من الشقه بتاعتنا، انا مستعده اكون السواق بتاع بابا من بكره.. 
بص خالد حواليه بتوتر وقال
ممكن ما تشغليش دماغك تاني خليها نايمه.. 
ملك ضيقت عينيها وقالت
هو انت مين انت ابن عدو بابا اللي جاي تنتقم منه، هتخطفني وتحبني صح.. 
مسح خالد بايده علي وشه وقال بغيظ 
انتي كنتي بتعيطي ليه وحياتك متدمره من شويه لييييه؟.. 
ملك ببكاء
انت ليه بتفكرني انا ما صدقت نسيت انت رخم اصلا... 
خالد ابتسم وقال
طيب معلش قوليلي بس كنتي بتعيطي ليه وانا مش هسالك ولا هفكرك تاني.. 
بصت ملك للارض وسكتت، وخالد قال
امجد السبب.. 
ملك بحزن 
هقولك كل حاجه بس وعد ما تقولش لبابا لانه ممكن يدخل في مشاكل معاه.. 
خالد بجمود 
سامعك حصل ايه.. 
اخدت ملك نفس عميق وقالت.. 
_قالتله ملك اللي حصل من اول ما شافت احمد لغاية... 
_فلاااش بااااك..
_صحيت ملك من نومها ولقيت قدامها مندور ابو احمد وبصت للبيت اللي كان بسيك جدا وقالت.. 
ملك 
لا لا لا احنا ما اتفقناش علي كده فين البطل ابو عضلات... 
ابتسم مندور وقال
ما تخافيش يا بنتي ما حدش هنا هيأذيكي وانا هخليكي تمشي من هنا.. 
ملك 
طيب قبل ما امشي بس فين احمد؟.. 
مندور
وانتي تعرفي احمد منين؟.. 
ملك 
هو مش احمد اللي خطفني وانا قبل ما امشي لازم اعرف هو خاطفني ليه وايه اللي بينه وبين امجد.. 
مندور بضيق 
انتي ايه بس اللي خلاكي تقعي في واحد زي امجد.. 
ملك
دقنه.. 
مندور
نعممم.. 
ملك 
ايوه والله زي ما بكلمك كده، الواد دقنه حلوه وحواجبه عامله زي حواجب تامر حسني وهو نفسه كده هيييح.. 
ابتسم مندور وقال
والله انتي لو تعرفي المصيبه اللي انتي واقعه فيها مش هتقولي كده، المهم قومي معايا عشان اخليكي تمشي.. 
ملك 
مستحيل اتحرك من هنا يا عمو لحد ما يجي احمد.. 
مندور
انتي يا بنتي مجنونه انا هخلصك من احمد انتي ما تعرفيش ممكن يعمل فيكي ايه بسبب اللي عمله امجد فيه.. 
ملك 
وايه بقي اللي عمله امجد فيه؟.. 
مندور بجمود
هقولك ايه بس ابني ضحي بكل حاجه مستقبله وعمره وسمعته عشان يبقي زي امجد.، امجد اللي اغت*صب خطيبته وخلاها تفتكر ان احمد اللي عمل كده... 
ملك اتصمت وقالت
هو انت بتقول ايه امجد مستحيل يعمل كده انا عارفاه كويس.. 
مندور
مندور لا انتي ما تعرفيش حاجه ده شيطان، كل الحكاية ان نسمه خطيبة ابني وبنت اخويا كانت عايشه فتره في بيت امجد لان امها كانت السغاله بتاعتهم وحبها امجد. وطلب يتجوزها ولما رفضت لانها بتحب احمد هنا في البيت ده وفي الاوضه دي جه واعتدي عليها وخدها ومشي وقال لاحمد انه مفهما ان هو اللي عمل كده فيها وانه اتجوزها ومخليها عايشه تحت رجليه.. 
_نزلت دموع ملك بحزن وقبل ما تتكلم دخل احمد وقال وهو بيبصلها بهدوء... 
احمد
حلو كده اديكي فهمتي كل حاجه.. 
ملك ببكاء 
لا انتو كدابين امجد. لو كان عمل كده كان قالي هو قالي علي كل حاجه في ماضيه.. 
احمد بحده
وانا مش مؤتر اكدب عليكي علي فكره.. 
مندور
بالراحه يا احمد، البت دي مالهاش ذنب... 
احمد
عارف يا بابا وانا جايبها اصلا لهدف واحد انا عايزها تساعدني ما حدش غيرها هيقدر يخليني اوصل لنسمه.. 
ملك ببكاء
اساعدك ازاي انا لايمكن اكمل معاه دقيقه واحده بعد. اللي عرفته ده عنه... 
احمد 
ممكن تهدي شويه وتعالي انا هوصلك البيت وهفهمك الموضوع اكتر... 
_بااااك.. 
ملك
بس ووصلني واخد رقمي وقالي انه عايزني احمل برنامج تجسس علي موبيل  امجد لانه مش عارف يراقبه اكيد. انت عارف ان امجد مش سهل.. 
خالد بهدوء
لازم اعرف الكلام ده بجد. ولا لا، لان لو بجد دي اكتر من جريمه عاملها امجد اغتصاب وخطف والله اعلم ايه تاني.. 
ملك مسحت دموعها وقالت 
حتي لو الكلام ده صح انا مش هرد علي احمد وهسيب امجد... 
خالد 
لا انتي بس لما احمد ده يكلمك. ابعتيلي رقمه وانا معاكي واحنا ممكن نساعد احمد.. 
ملك بصت لموبيلها وقالت
ده. بابا بيرن عليا عشان الوقت اتأخر وانا ما رجعتش لحد. دلوقتي البيت.. 
خالد. وقف وقال
طيب شوفي هتقوليلو ايه عشان انا كمان لازم امشي.. 
_كان يقصد خالد انها تقول لباباها اي حاجه غير انها عنده، بس اتفاجئ لما ملك ردت علي باباها وقالت.. 
ملك
ايوه يا بابا لا ما تقلقش يا حبيبي انا عند خالد في بيته.. 
خالد 
الله يخربيتك حد يقول كده... 
واخد الفون منها وقال لبهاء
ايوه يا دكتور بهاء انا اا.. 
بهاء بحده
طيب هي متخلفه وبنت..... انت تاخدها عندك البيت ليه؟.. 
خالد 
ااا يعني كنت بجيب حنين بنت دكتوره سميره ولازم ملك تبقي معايا.. 
بهاء بجمود
لو سمحت يا خالد بنتي بعيد عن اي مشكله.. 
بص خالد لملك بغيظ وقال
من غير ما تقول يا دكتور بهاء، ونص ساعه وملك وحنين هيكونو عندك.. 
_وقفل خالد مع بهاء وقرب من ملك وهو متعصب وقال.. 
خالد
نفكر قبل ما نتكلم ونقول اي حاجه ياريت نفكر.. 
ملك 
انت عايزني اكذب علي بابا اخص عليك يا خالد، طيب بص للخير اللي انت قاعد فيه ده مش بسببه هو.. 
خالد 
قووومي يا اغبي حد في الدنيا قومي خلينا نخلص... 
ملك ببكاء 
هو انا كده اتخوزقت مش كده، انا امجد اول حب في حياتي اا.. 
خالد 
لا لا بصي انسي دلوقتي ولما تروحي البيت افتكري وعيطي واعملي كل اللي نفسك فيه يلا بينا... 
ـــــــ #بقلم_الكاتبه_رحاب_القاضي ــــــ
_وفي المطعم كانت ناني قاعده جنب مريم ونيره ومتوتره جدا، ميل انس علي اياد وقال... 
انس
هي امك بتبص للبت كده ليه.. 
اياد بقلق
هو الخوف مش من امك بس شايف حازم ده حتي ابوك مبحلق فيها... 
مريم مسكت شهر ناني وقالت
وده شعرك بقي يا حلوه ولا بروكه.. 
ناني 
شش شعري اكيد يا طنط.. 
نيره 
شديه عشان عشان نتأكد.. 
حازم 
اوعي تسمعي كلام العبيطه دي... 
معتز 
هو انا شوفتك قبل كده يا بنتي مش كده؟.. 
ناني 
مش عارفه يا حضرتك والله، بس انا مش من هنا انا من اسكندريه.. 
مريم 
بس طبعا هتعيشي هنا في القاهره بعد الجواز.. 
ناني 
جواز ايه مش فاهمه.. 
مريم 
جوازك انتي واياد، معلش بس انا ولادي هيتجوزو جنبي مش هيبعدو عني... 
قلب وش ناني احمر من الكسوف واياد قال
ماما لو سمحتي مش وقته الكلام ده.. 
ناني بضيق 
طيب يعني عشان تقريبا كده في سوء تفاهم، انا جايه لانس عشان البرنامج و يعني... 
ادايق اياد فكملت وقالت
انما موضوعي انا واياد لسه شويه يعني علي الجواز احنا لسه بنتعرف... 
بصلها اياد وابتسم وانس ميل عليه وقال
لا شكلها السناره برضو غامزه من ناحيتها... 
معتز
بس المفروض تبقي فترة التعارف دي خطوبه دي الاصول.. 
اياد 
اكيد طبعا يا بابا ناني قصدها كده اصلا.. 
ناني بغيظ 
طيب لو سمحت بقي يا انس ينفع تطلع معايا في البرنامج انا لسه ما بداتش وعايزه الافتتاح يعني يكون بيك.. 
انس
هو اي حد المفروض في وكيل اعمالي بيتفق معاه بس خطيبة اخويا بقي حاله استثنائيه عيوني ليكي... 
ناني بضيق
اممم خطيبة اخوك طيب انا بعتذر جدا كان نفسي اقعد معاكم اكتر من كده بس لازم امشي دلوقتى.. 
مريم حضنتها وقالت
لازم اشوفك تاني هاخد رقمك من اياد ونظبط مع بعض ونتقابل.. 
ناني
ان شاء الله يا طنط بعد اذنك. 
قام اياد وقال
انا هوصلك انا كمان يلا بينا.... 
حازم 
طيب استنو هناخد سيلفي كلنا للذكره.. 
_واتصورو فعلا وبعدين مشيت ناني ومعاها اياد واول ما طلعو بره ناني كانت متعصبه جدا وزعقت فيه وقالت.. 
ناني
هو انا ممكن افهم ايه اللي حصل جوه ده؟.. 
اياد 
ايه اللي حصل انا ماليش في اللف والدوران انا معجب بيكي وعايز اتجوزك وعرفتك علي اهلي اهو وهستني اتعرف علي باباكي وومامتك واخواتك... 
ناني بضيق
انا اسفه جدا بس انا مش بفكر ارتبط دلوقتي.. 
جات تمشي بس اياد وقف قدامها وقال
لا ما انا مش غبي برضو وشايف انك معجبه بيا انتي كمان ومن لما كنا في اسكندريه.. 
اتوترت ناني وقالت
لو سمحت عديني انا لازم امشي.. 
اياد 
تمام امشي بس لسه ما خلصتش وهتجوزك علي فكره.. 
ناني 
ايه ده هو بالعافيه يعني.. 
اياد بجمود 
ايوه بالعافيه انا مفتري يا ستي... 
_سابته ناني ومشيت وهو وقف وبيفكر في كلامها ونظراتها ليه وبعدين طلع انس وقاله.. 
انس 
حصل ايه وافقت؟.. 
اياد بضيق
لا رفضت بس هي بتعند مش اكتر.. 
انس 
علي العموم هي اكيد هتكلمني عشان البرنامج وانا هظبطلك الدنيا.. 
اياد ابتسم وقاله
انت جدع اووي ياد يا انس، انت ايه اللي طلعك من جوه حصلت حاجه ولا ايه؟.... 
انس 
لا ما حصلش حاجه بس انا هروح بقي عشان اذاكر.. 
اياد 
تذاكر الكلمه دي مسمعتهاش منك من ايام ثانوي.. 
انس
حكم القوي بقي، انجح بقس وهبقي اجيبها تتعرف علي الحلب اللي جوه دول.. 
ضحك اياد وقال
علي العموم لو محتاج مساعده انا في الخدمه.. 
انس 
كفي نفسك يا حبيبي، يلا باااي.. 
اياد 
طيب ابقي تعالي البيت عشان خاطر ماما.. 
انس
طيب هخلص امتحانات وارجع... 
_واخد انس عربيته. مشي ولما فتح موبيله شاف ان جني عملتله بلووك.. 
انس بضيق 
وبعدين معاكي بقي ياا جني... 
ـــــــ #بقلم_الكاتبه_رحاب_القاضي ــــــ 
_في بيت علا الشناوي كانت منه قاعده بتدرب علي مقدمة البرنامج بتاعها، وجات علا وقالت.. 
علا 
منه اووعي تكوني قولتي لخالد اخوكي اني مسفراله اسكندريه.. 
منه 
مش بكلمه اصلا يا ماما اطمني.. 
علا 
ليه كده انتو زعلانين ولا ايه؟.. 
منه 
لا مش زعلانين بس ابنك رخم بصراحه لما بكلمه بيفضل يقولي صورك وخروجاتك وانتي بنت ناس محترمين وعيب ومش عيب.. 
علا بضيق
اخوكي معاه حق، وبعدين هو دلوقتي بيمر بظروف وحشه ده مطلق مراته واكيد محتاجنا جنبيه.. 
منه 
بطلي بقي هو مش بيحبك يا ماما ولا محتاجلك.. 
علا بدموع 
انتي بنت قليلة الادب اصلا... 
_مشيت علا ومنه فضلت تقلب في موبيلها وشافت صورة ناني وهي مع اياد وعيلته واتعصبت وقالت لنفسها... 
منه
ماشي يا مريم انتي وقريبتك دي انا هعرف ازاي اخلي اياد ما يطيقش يبص في وشها... 
ـــــــ #بقلم_الكاتبه_رحاب_القاضي ــــــ 
_في بيت امجد. البحيري كان قاعد هو وعمه وامجد. قال.. 
امجد بحده 
انت فاكرني حقير زيك عشان اوافق اشتغل معاك.. 
فوزي 
امجد انت هتكسب كتير انت فعلا مكبر شغلك بس هيكبر اكتر بالفلوس البي هتاخدها معايا.. 
امجد 
بص هو انا بتاع ستات ومعروف اني نسونجي وخمورجي بس مش بتاجر بأرواح الناس زيك والكلام منتهي هنا.. 
فوزي 
تمام بس ايه رييك لو العروسه عرفت هي والدكتور بهاء انك متجوز وكمان كام شهر هتبقي بابا افتكر هتفرحلك، ولا الواد البلطجي اللي بيجري وراك عشان ياخد. خطيبته لو عرف مكانها هه.. 
قرب منه امجد. وقال
عارف يا عمو انا كنت امبارح في المستشفي عملت اشعه علي دراعي ولقيته ما بيتلويش عشان لو فكرت تعمل كده هكسرلك رقبتك يا فوزي يا بحيري.. 
فوزي بغيظ 
هنشووف يا امجد.. 
_قال كلامه وسابه ومشي ودخل امجد البيت ولقي نسمه قاعده لوحدها في الصاله قرب منها وقال.. 
امجد
فين ماما؟.. 
نسمه بضيق 
طلعت فوق بتتكلم في الفون... 
قعد امجد. جنبيها وقال
وحشتيني.. 
بعدت عنه نسمه وقالت 
انا طالعه فوق ارتاح.. 
امجد. 
اوضتي هتطلعي اوضتي اناا يا نسمه ومش معني اني ساكت اني خايف من امي مثلا انا بس مش عايز ازعلها بس للصبر حدود.. 
نسمه بدموع 
انا مش عايزه اكون معاك، مش عايزه اقعد معاك في مكان واحد تاني.. 
امجد وقف قدامها وقال بجمود 
بس انا عايز، واللي عايزه هو اللي بيكون يا نسمه ولا نسيتي، ولو بتلومي حد علي اللي بيحصل ده لومي نفسك علي رفضك. ليا من الاول... 
نسمه بحزن 
وانت خلتني اتاكد ان رفضي ليك كان صح، لو احمد جرحني مره انت بتعاملك معايا جرحتني الف مره يا امجد... 
_وندهت عليها صفاء من فوق وطلعت نسمه عندها فوق.. 
ــــــــ #بقلم_الكاتبه_رحاب_القاضي ــــــــــ 
_وعدي اسبوع في التاني وكانت حياة ابطلنا هاديه شويه معادا ملك اللي كانت قافله علي نفسها لا بتخرج ولا بتعمل اي حاجه غير انها بتسمع مسلسلات وبتقرأ رويات وبهاء كان مشغول في القضيه بتاعت سميره.. وفي يوم دخلت حنين عند ملك وقالت.. 
حنين 
ملك في وحده اسمها سما بتقولك كلميها.. 
ملك 
حنين ما تيجي تسمعي معايا المسلسل.. 
حنين 
عيب انا لسه صغيره علي قلة الادب دي.. 
ملك بغيظ 
اطلعي بره يا حنين؟.. 
حنين 
يا اختي طالعه بس ردي البت البومه اللي كلمتني دي عشان عايزه اذاكر مش فاضيه للدوشه دي.. 
_طلعت حنين وملك كلمت اخواتها فيديو، وناني قالت.. 
ناني 
مالك وما تقوليش ما فيش انا واختك مش عارفين نعيش حياتها بسبب انك زعلانه.. 
ملك بدموع 
مش زعلانه بس ملل وكده.. 
سما 
امجد عمل ايه يا ملك؟.. 
نزلت دموع ملك وقالت
ما عملش حاجه يا سما، بصو هتتكلمو معايا يبقي في حاجه تانيه... 
سما 
خلاص بس افتكري انك مش بتحكي يا ملك، علي العموم في خبر كده قولت اقولو ليكم الاول قبل محمد.. 
ناني 
قبل الخبر بتاعكم عارفين انس قبل البرنامج قالي انه اياد اخوه بيحبني بجد. وعايز يتجوزني وكده تفتكرو اوافق واخليه يجي يقابل بابا.. 
ملك 
الله هتتخطبي لظابط هو انا ليه احلامي بتتحقق فيكم انتو يعني نفسي في واحد عينيه زرقا جه لسما، نفسي في ظابط جه لناني.. 
سما 
مش انا قولت امجد مزعلها في حاجه.. 
ملك بسرعه قالت 
طيب بصي يا ناني وافقي ليه لانك معجبه بالواد ده من اول ما شوفتيه.. 
سما 
وانا كمان بقول كده وبعدين الواد قمر طول بعرض ومن عيله كبيره واخوه انس معتز والله دي كفايه اصلا... 
ضحكت ناني وقالت 
ياارب جوزك يسمعك يااارب.. 
سما 
لا هو في الشغل المهم انا حامل في شهر.. 
ملك وناني سكتو، وسما قالت
في ايه مالكم سكتو كده ليه.. 
ملك بدموع 
هتبقي مامي يا سما والله مش مصدقه مبروك يا قلبي.. 
ناني 
استنو يعني هيبقي عندنا بيبي ويقولي يا خالتو وبابا هيبقي جدو ده لما هيعرف هيفرح اووي.. 
سما 
هو لسه هيعرف اصلا بابي كان معايا امبارح اليوم كله من لما روحت جيبت الاختبار لحد ما عملته وعرفت اني حامل ده بيكلمني اكتر ما بتكلموني با جزم.. 
ملك 
ومحمد لازم محمد كان يعرف الاول اصلا.. 
سما بتوتر 
احمم ما انا قررت اني هقوله الخبر ده في جو رومانسي وكده يعني وو.. 
ناني 
قولي قولي يا سما ما تتكسفيش.. 
سما ووشها قلب احمر
احمم هقوله اني بحبه ارتاحتووو.. 
ضحكت ملك وناني وقالت
انتي مكسوفه مننا احنا، لا يبقي مش هتقولي.. 
سما 
لا هقول انا بتدرب من امبارح عليها اصلا... 
ملك 
انا بقالي شويه بستوعب هو انتي من لما اتجوزتي با بومه لسه ما قولتيش للواد انك بتحبيه ده ليه الجنه.. 
سما 
ما خلاص يا ملك وبعدين انا لسه مدايقه منه عشان راح عيد الميلاد بتاعك السنكوحه وجالي وش الصبح.. 
ملك
يا مفتريه مش هو قالك انه كان عنده شغل مهم... 
ناني
بقولكم ايه انا لازم انزل دلوقتي فؤاد صاحب القناه عايزني ضروري في القناه... 
_قفلت معاهم ناني وغيرت هدومها ونزلت بس قبل ما تركب عربيتها جات عربيه سودا ونزل منها اتنين بودي جارد واخدوها  بسرعه ومشيو بعد ما حطو منديل فيه مخدر علي وشها وطلع واحد. منهم الموبيل بتاعه واتكلم وقال.. 
الولد 
ايوه يا مريم هانم الانسه ناني معانا.. 
مريم 
عااش يا رجاله يلا بقي كملو الخطه زي ما اتفقنا.. 
_ايوه مريم اللي خطفت ناني بس تفتكرو ليه؟.. 
ـــــــ #بقلم_الكاتبه_رحاب_القاضي ــــــ 
_ وفي قسم الشرطه كان خالد قاعد قدام الظابط وقاله.. 
خالد 
يا طارق باشا انا باكدلك انها بريئه وخروجها دلوقتي هيكون علي مسؤليتي انا.. 
طارق 
انا فاهم القضيه كويس ومعاك فيها وهلغي الاعتراف القديم وياريت بقي تعترف من الاول باللي كان مهددها كده يبقي عندنا دلليل اقري ضد فوزي البحيري.. 
خالد 
تمام وهي هتعمل كده بالظبط.. 
_وفعلا اعترفت سميره بالحقيقه واخدها معاه بهاء البيت بتاعه وكان معاهم خالد.. 
سميره 
شكرا جدا يا خالد برغم اني زعلانه منك عشان ضحكت علينا.. 
خالد 
انا كنت بشوف شغلي يا دكتور...
_ وبعدين بص لموبيله اللي بيرن برقم مامته وقال.. 
خالد 
طيب انا همشي بقي بعد اذنكم.. 
بهاء
يلا نطلع فوق يا سميره.. 
سميره 
انت لسه زعلان مني يا بهاء.. 
بهاء
ايوه زعلان عشان احنا اللي بينا صداقة سنين والمفروض زي لما بكون مدايق وباجي احكيلك انتي اول واحده تبقي انتي كمان كده.. 
سميره 
انا كنت خايفه علي بنتي و.. 
بهاء 
يلا بينا يا سميره ملك وحنين فوق مستنينا... 
_وقبل ما يتحركو لقيو ملك نازله وشكلها مدايق جدا.. 
بهاء
رايحه فين يا ملك بالمنظر ده.. 
ملك 
امجد مستنيني بره هنتكلم شويه واطلع علي طول، هتنورينا يا طنط سميره حنين مستناكي فوق.. 
سميره 
بنورك يا ملوكه... 
_وطلعو بهاء وسميره وملك راحت ركبت في العربيه جنب امجد. اللي كان متعصب وقالها.. 
امجد. 
بقالك اسبوعين بتتهربي مني لا بتردي علي مكالماتي ولا راضيه نتقابل.. 
ملك بدموع 
نسمه عامله ايه كويسه؟.. 
امجد بجمود 
مين قالك فوزي البحيري مش كده.. 
ملك 
انا ما اعرفش مين ده اللي بتتكلم عنه، بس عايوه اعرف انت ليه عليز تتجوزني ومصمم اووي كده هتكمل تسليه مثلا ولا صعبت عليك ولا لسه ما اخدتش اللي عايزه عشان ترميني زي ما رميت غيري ولو بابا كان رفضك كنت هتعمل فيا زي ما عملت في نسمه... 
امجد ببرود 
تمام اووي كده هو مش انتي مراتي يبقي خلصت تقعدي في بيتي ووقتها هعرف اعلمك ازاي تتكلمي معايا كويس.. 
ملك. بخوف 
بيت مين انت اتجننت نزلني يا امجد... 
امجد. 
اللعبه جابت اخرها يا ملك وانا ما يتقليش لاا... 
_واخد. العربيه ومشي و؟... 
ــــــ #بقلم_الكاتبه_رحاب_القاضي ــــــ 
_وفي النادي كانت جني قاعده مع سندي وريم صحابها وقرب منها انس وقال. 
انس 
جني بعد اذنك شويه.. 
جني بضيق 
طيب بعد اذنكم يا بنات دقيقه واحده... 
_وقامت جني وراحت مع انس وكانت سندي صاحبتها وراهم من غير ما ياخدو بالهم.. 
انس
في ايه بقي انا ليه معمولي بلووك.. 
جني 
عادي يعني ده اللي المفروض يكون من الاول.. 
انس 
لا واضح انك لسه ما عرفتيش انا كنسلت ماتش مهم وخسرت كتير بصراحه وهيأثر ده عليا مع الفريق وذاكرت ونجحت علي فكره واتوقعت هتكلميني تطمني.. 
جني 
نجحت طيب مبروك بس انا اسفه مش هقدر اكلمك وياريت تبعد. عني.. 
انس بحده 
هو في ايه هو انا عيل صغير قدامك ولا لعبه في ايدك... 
جني بضيق 
مش عايزاك في حياتي لو سمحت واسفه اني اديتك وش حلو من الاول كانت غلطه... 
انس بدموع 
لا انا اللي اسف اني صدقتك وفكرتك غيرهم، بس طلعتي ما فرقتيش عنهم كلكم بتعاملوني بمزاجكم وبس... 
_وسابها ومشي وهي كنةن اخدت شنطتهت ومشيت، وسندي صاحبتها كلمت جيلان وقالتلها اللي حصل.. 
جيلان ضحكت وقالت
ههههههه ماكنتي صورتيهم يا سظدي كنت ضحكت اكتر.. 
سندي 
تتعوض المهم انا هاخد اشترتك الجيم الجديد بتاع باباكي امتي... 
جيلان 
بكره يا حبيبتي انا هقول لبابي حالا... 
_وعند. انس كان سايق العربيه وهو متعصب جدا وفجأه  وقفت قدامه عربيه تانيه فيها ياسين وماسك عصايه حديد ومعاه تلات شباب في سنهم تقريباً، نزل انس من العربيه وقال.. 
انس بحده 
انت قد الحركه دي يالا.. 
ياسين 
لو مش قدها ما كنتش عملتها... 
_وشاور للولاد اللي معاه اللي مسكو انس البي حاول يقاومهم بس لانهم اكتر ما قدرش... 
ياسين 
ما تحاولش يا انس لانها خلصت كده، عمال تتنجم. عليا وعديتها انما تمد. ايدك وتعلم عليا انسي.. 
انس 
وحياة امك لربيك يا عيل ما انت لو راجل كنت جيت بطولك بس معلش عارف انك بتخااف.. 
ياسين 
قول براحتك انا بقي هكسرك وهخليك لا تنفع في كوره ولا في غيره.. 
ـــــــــــــــــــــــــــــــــــــــــ
_ قدام بيت خالد كانت فاطمه واقفه مع علا وقالتلها.. 
فاطمه 
يا مدام علا ما يصحش كده اتفضلي جوه وخالد انا كلمته وقال جاي.. 
علا بضيق 
لا معلش انا مرتاحه هنا ومستنيه ابني هنا... 
قربت منها تيا وقالت
طنط طنط هي منه اختي مش بتيجي تشوفني ليه؟.. 
ابتسمتلها علا وقالت
هبقي اخليها تيجي تشوفك يا حبيبتي.. 
وطلع في الوقت ده فتحي وعلي صوته وقال
خدي بنتك يا فاطمه وادخلي احنا مش متعودين علي الوقفه الفاضيه دي.. 
علا بغيظ 
بقي انا وقفتي فاضيه يا راجل يا همجي، بس انا اللي غلطانه من الاول ان يوم ما رجعت ابني جيبته عندك عشان تكرهه فيا.. 
ضحك فتحي وقال 
ههههه اكرهه فيكي لا فوقي يا عينيا انتي ابنك بيكرهك لوحده وكمان مش بيطيق يسمع اسمك بعد اللي عملتيه، ده انتي حتي يوم ما رجعتيلي مش عشانه لا لا انتي رجعتيلي عشان تغيظي حبيب القلب حازم حتي خلفتي مني بنتك منه عشان مراته ما كنتش بتخلف وعايزه تكيديه.. 
علا بدموع 
انت حيوان وندم عمري اني في يوم صدقتك وحبيتك.. 
جات تمشي لقيت خالد جه مسحت دموعها وقالت
اخيرا شوفتك وحشتني اووي يا حبيبي.. 
خالد بجمود. 
جايه عايزه ايه ما تبعدي عني انا مش عايزك في حياتي انتي ما بتفهميش.. 
نزلت دموعها وقالت
طيب انا اسفه حقك عليا، بس تعالي في حضني انت وحشني اووي.. 
خالد. بسخريه 
ولما كنتي رمياني في الملجا وبتعامل من الكل علي اني يتيم وابن حرام وانتي عايشه كنتي بتوحشيني برضو ومش بقدر احضنك اعتبريها واحده بواحده بقي... 
_قبل ما ترد موبيله رن فسابهم وبعد شويه ورد علي بهاء وقال.. 
خالد 
خير ون شاء الله يا دكتور بهاء؟.. 
بهاء بخوف 
بنتي ملك امجد اخدها ومشي والبواب بيقولي انهم كامو بيتخانقو ماليش غيرك يا خالد دلوقتي... 
خالد حرك راسه يمين وشمال وقال
انا هجيبها دلوقتي حالا اطمن انت يا دكتور.. 
بهاء
عدي عليا انا هاجي معاك.. 
خالد 
والله ما تقلق الموضوع بسيط وانا هعرف ارجعها ليك سليمه، بس خليك مع الدكتور سميره وبنتها بلاش تخليهم لوحدهم.. 
_وقفل خالد مع  بهاء ومشي بسرعه من غير حتي ما يبص لعلا تاني، وهي كمان اخدت عربيتها ورجعت القاهره... 
_وفي بيت بهاء كان قاعد قلقان جدا وطلعت سميره من اوضة بنتها وقالت.. 
سميره 
ها خالد قالك ايه طمني؟.. 
بهاء
قالي هيروح يجيبها، امجد ده مش بعيد. يبقي شريك فوزي في كل حاجه.. 
سميره 
بطل افوره يا بهاء وبعدين يمكن راحو مشوار عادي مع بعض دي مراته واهي طلعت ناسيه الفون هنا.. 
بهاء
اومال البيه مش بيرد عليا ليه، انتي ما تعرفيش امجد. ده يا سميره بس انا اللي غلطان اني وثقت فيه من الاول.. 
سميره 
طيب اهدي وان شاء خالد هيحل الموضوع، انا هتقل عليك النهارده وهبات هنا عشان بس حنين نامت...
بهاء
لا اتعودي انك هتقعدي هنا شويه عشان هنتجوز.. 
مسكت سميره ايده وقالت بحماس
احلف انت هتتجوزني ايوه والله انت قولت،و كلمة الراجل سيف ما فيهاش رجوع انت هتتجوزني با بهاء صح... 
بهاء بقلق 
ايه ده يا وليه في ايه اتقلي شويه مش كده انا نفسي قافله لوحدها وهتجوزك لله كده وخلاص اكمن مالكيش حد واتدبستي في مصيبه.. 
سميره 
شالله تتجوزني صدقه جاريه المهم تتجوزني ده انا بقالي عشر سنين بلمح ما فيش كده يا اخي.. 
ابتسم بهاء وقال
روحي يا سميره نامي جنب بنتك والصبح نشوف الموضوع ده... 
سميره 
لا لا طبعا مش هدخل غير لما اطمن علي ملك الاول.. 
ـــــــــــ #بقلم_الكاتبه_رحاب_القاضي ـــــــــ
_في القاهره صحيت ناني من نومها وهي في العربيه وكانت خايفه جدا وجات تصوت لقيت حد من اللي خاطفينها قال.. 
الراجل
لو نطقتي بكلمه واحده هتلاقي المسدس ده فضي في دماغك.. 
ناني بخوف 
مسدس ايه فينه المسدس ده انا مش شايفه حاجه..
سيد
لا ما انا مكسل اطلعه، اسكتي بقي..
_في القاهره ودخل سيد اوضه قديمه وزق فيها ناني جامد علي الارض وقال.. 
سيد 
استني هنا بقي لحد ما الهانم تيجي، دي ناويه تظبطك.. 
ناني بدموع 
هانم مين انا مش فاهمه حاجه.. 
_طلع سيد وقفل الباب، وميلت ناني علي الارض وطلعت الفون بتاعها من الكوتشي وكلمت اياد.. 
اياد بصوت نايم
ايوه معايا؟.. 
ناني بصوت واطي
انا ناني تعالي الحقني انا مخطوفه.. 
اياد قام بسرعه وقال
مخطوفه ازاي يعني ومين عمل كده... 
ناني 
مش عارفه بس انت لازم تيجي تنقذني.. 
اياد بقلق
ازاي يعني؟. 
ناني بحده 
هو انا اللي هقولك ازاي انا معايا الفون بتاعي تعالي علي اللوكيشن اللي هبعتهولك... 
اياد. 
حاضر المهم انتي ما تخافيش انا مش هسيبك.. 
ناني بحده 
طيب انجز. ووريني مش هتسيبني ازاي... 
اياد بهدوء
ناني اشمعنا انا اللي كلمتيه عشان ينقذك.. 
ناني
ده عشان انا ما اتربتش بجد. ما تجيش يا اللي الشرطه في خدمة الشعب. انتو.. 
اياد يجديه 
طيب خلاص اقفلي وابعتي اللوكيشن وانا هجيلك بسرعه، بس اللي خطفك مين مقالش خاطفك ليه؟.. 
ناني بخوف وصوت واطي
لا ما قالش بس هو خاطفني عشان وتحده اتصرف بقي انا مش عايزه اموت والنبي.. 
اياد 
قال وانا يعني هسيبك تموتي كده قبل ما اسمعها.. 
ناني بدموع 
علي فكره والله العظيم مش وقته عشان خاطري الحقنيي.. 
_حاول اياد يطمنها وبعدين طلع من اوضته ولقي مريم في وشه وقالت بسرعه.. 
مريم 
كنسل اي مشوار معاك دلوقتي وروح للعنوان اللي هقولك عليه هتلاقي ناني هناك مخطوفه انقذها بقي و... 
اياد بصدمه 
استني استني انتي اللي عملتي كده يا ماما لييييه عملتلك ايه البت... 
مريم بقلق
انت مالك زعلت ليه افتكرتك هتفرح وبعدين والله ما في حاجه وقعتني في حب ابوك غير لما اتخطفت وجه زي الاسد انقذني زماان،انت ما بتقرأش رويات ولا ايه؟.... 
اياد 
اسكتي يا ماما هروح اجيب البنت، افرض اللي انتي بعتاهم طلعو ولاد ستين في سبعين تبقي البت راحت مني.. 
مريم 
طيب اجري انقذها بقيوعيش الدور وابقي قولي اللي هيحصل هي في بيت جدك القديم.. 
_طلع اياد ومريم دخلت اوضتها ولقيت معتز نايم وقبل ما تطلع لقيت موبيله بيرن.. 
مريم 
معتز ياا معتز موبيلك بيرن يا حبيبي قووم.. 
معتز بجمود 
شوفي مين وقوليلو نايم واوعي تصحيني تاني... 
مريم 
ماكنتش متجوزاك بالكسل ده علي فكره.. 
معتز 
البركه فيكي يا حبيبتي وبطلي رغي... 
اخدت مريم الفون وطلعت ردت وقالت
ايوه مين معايا... 
....... 
السلام عليكم مش ده رقم اللواء معتز كمال.. 
مريم 
ايوه مين حضرتك؟.. 
............. 
حضرتك. احنا من مستشفي الحياه، الكابتن انس معتز اتعرض لحادثه وحالته خطر جدا وهو عندنا في المستشفي.. 
مريم دموعها نزلت وقالت
انت بتقول ايييه، الحقنيييييي يا معتزززز... 
ــــــــ #بقلم_الكاتبه_رحاب_القاضي ـــــــــ 
_في دبي في شغل محمد. كان قاعد قدام فيروز وقالها.. 
محمد
يبقي الشحنه الاولي يا فيروز هانم تتشال عادي انما التانيه لا، وانا هخلي قسم التوزيع يبقي علي حسب الاولاويه... 
فيروز
انا بجد. مبهوره بيك وكل يوم بنبهر اكتر، انت ماسك الشركه معايا اكتر من بنتي علي العموم انا مديالك الصلحيات في كل حاجه هنا وواثقه فيك.. 
وقف محمد وقال
وان شاء الله هكون عند. حسن ظن حضرتك...
_طلع محمد من مكتب فيروز وكانت جيدا واقفه مستنياااه ولما شافته قربت منه وقالت... 
جيدا
انا عايزه افهم بس انت ليه بتتهرب مني مع ان اللي حصل بينا اا.. 
محمد بجمود
هو ايه بقي اللي حصل بينا انا مش معني اني صحيت وكنت اا.. ما علينا حضرتك بالنسبالي حاجه واحده بس انك بنت مديرتي واللي انتي بتتكلمي عنه انا مش فاكر منه اي حاجه ولا عايز افتكر وعلي فكره ندمان جدا اني سمعت كلامك وجيت عيد ميلادك... 
قال كلامه وسابها ومشي وقالت هي بضيق
ليه كده. يا محمد بس تمام انا هعرف كويس اجيبك لحد عندي تاني... 
_ورجع محمد البيت وكان مدايق واول ما دخل لقي سما واقفه ولابسه فستان حلو اووي ومجهزه العشا وورد وشموع وجو رومانسي، ابتسم محمد وقال.. 
محمد
هو انا ليه حاسس ان ده مقلب وان دي ملك او ناني اللي قدامي اصل الجو ده ما يطلعش من مراتي.. 
سما بحده 
يا سلام يا اخويا انت بقي مش عارفني من ملك وناني.. 
محمد ضحك وقرب منها وقال
ازاي بس الكلام ده بهزر يا صاحبة كوبي القهوه.. 
سما حاطت رقبته بايديها وقالت
ايوه كده اتعدل يا رخم بس انت مالك محلو كده ليه النهارده.. 
ضحك محمد اووي وقال
ههههههه انتي كده رومانسيه يعني والله ما ليكي فيها وده عاجبني اصلا.. 
سما بتوتر
يا سلام عاجبك فين وانت كل يوم والتاني قالب خلقتك عليا.. 
محمد
مش بسببك يا سما بيكون الشغل والضغط، المهم قوليلي ايه بقي الجو ده والحركات الجامده دي.. 
سما ابتسمت وقالت
عشان لما بص يعني انا بحبك وبقيت عايزاك جنبي ومعايا في كل لحظه بعينيك الزرقاا دي... 
حضنها محمد وقال
وانا كمان بحبك يا حبيبتي يا اغلي حاجه عندي في الدنيا.. 
سما 
قصدك اغلي حاجتين عندي.. 
محمد بعدها عنه وقال
احلفي انا اصلا عارف الجو ده انتي حامل.. 
سما 
لا ابعد عني كده وانت بقي عرفت الجو ده منبن متجوز ومخلف مش كده... 
محمد
لااا نكد وغباء مش عايز النهارده ده انتي نشفتي ريقي معاكي يا شيخه... 
_وبالليل كانت سما نايمه ومحمد قام وقف في البلكونه وافتكر اللي حصل بعد عيد ميلاد جيدا... 
_فلااش باااك.. 
قام محمد من نومه لقي نفسه في سرير جيدا ومن غير هدومه وجيدا في حضنه، زقها بسرعه وقام.. 
محمد بعصبيه  
انا ايه اللي جابني هنا عندك وايه اللي بيحصل ده.. 
جيدا ببرود 
اسأل نفسك هو انا ضربتك علي ايدك ولا ايه؟.. 
محمد
انا ازاي جيت هنا انتي هتجننيني.. 
جيدا 
انت اللي شربت لحد ما جيت معايا هنا وو.. 
محمد بحده 
كدب انا لا قربت منك ولا حاجه ولا بشرب اصلا... 
جيدا وقفت قدامه وقالت
يعني هيكون ايه اللي حصل مثلا، شربتك حاجه اصفره عيب والله ده المفروض العكس.. 
محمد لبس هدومه وقال
سواء حصلت حاجه او لا ده ما يفرقش معايا وما تتعشميش في اي حاجه من ناحيتي لاني لعشق مراتي ومستحيل افكر اقرب او ابص حتي لوحده غيرها.. 
قال كلامه ومشي من عندها.. 
_بااااك.. 
بص محمد لسما وهي نايمه وقال
والله ما خونتك لا لنظره ولا بكلمه ولا عمري هفكر في كده يا سما... 
ـــــــــــ #بقلم_الكاتبه_رحاب_القاضي ـــــــــ 
_في الاسكندريه في بيت امجد البحيري دخل وهو ماسك ملك اللي بتقول.. 
ملك
اوعي تفتكر انك كده بتلوي دراعي انا بابي هيجي ياخدني.. 
امجد. بحده 
وهيجي باخدك ليه انتي مراتي ومن حقي اعمل فيكي اللي انا عايزه.... 
نزلت صفاء وقالت
انت ايه اللي بتهببه ده، سيب البنت تمشي وكفايه اللي فوق انت ايييه.. 
ملك بدموع 
هي فوق يا بجحتك انت كمان جايبني هنا تندها، انت ليه بتعمل فيا كده انا اذيتك في ايه كل ده عشان صدقتك ووثقت فيك وقولت بيحبني.. 
امجد 
ومين قالك اني مش بحبك، انا بحبك يا ملك وعمري ما هسيبك ولا هخليكي تبعدي عني... 
ملك ببكاء
لا لا انا مش بحبك انا هايزه اروح لبابا والنبي انت الشرير بتاع قصتي.. 
صفاء بحزن
حرام عليك ليه كده يا امجد ليييه.. 
_ما ردش عليها امجد واخد ملك غصب عنها فوق، ودخل اوضه غير اوضته وقال... 
امجد
ملك حبيبتي عارف انك مش بتحبي حد. يزعقلك ولا بتحبي حد بيكدب عليكي، بس انتي اسمعي كلامي وانا اعملك كل اللي انتي عايزاه.. 
ملك بخوف 
انا ازاي كنت مخدوعه فيك كده، بس الحق عليا انا اللي عبيطه وعمري ما كنت عارفه اخد قرار صح، الكل حذرني منك وانا اللي مشيت ورا قلبي.. 
امجد 
اممم طيب بصي بقي طلاق مش هطلق وانا مستحيل اسيب ملاك زيك تبعد. عني انتي تحفه يا ملك انتي حرفيا ما فيش منك ومش لايقه غير بيا انا.. 
ملك 
لا لا انا طول عمري بخاف من فيلم الجميله والوحش كان قلبي حاسس انه هيبقي حياتي... 
_ابتسم امجد غصب عنه وسابها وطلو، وراح لاوضة نسمه اللي كانت قاعده مدايقه.. 
نسمه 
طبعا ما هو بالدور، ليه بتعمل كده يا امجد حرام عليك.. 
امجد
بسببك انتي يا نسمه، هيفضل رفضك ليا زمان محسسني بالنقص حتي وانتي معايا.. 
نسمه 
عارف ليه عشان انت مغرور كنت متوقع لما هتيجي وتقول ليا بحبك اقولك ايه ده وانا كمان بحبك مش كده، بس قلبي كان ملك غيرك و... 
امجد مسكها من شعرها وقال
ملك غيري لسه بتحبيه بعد كل اللي حصل انتي ما عندكيش دم.. 
نسمه بخوف 
خلاص والله انا مش هتكلم معاكي تاني... 
_بعد عنها اول ما سمع صوت دوشه تحت وبعدين نزل تحت ولقي خالد بيزعق مع صفاء اللي بتقوله.. 
صفاء
لو سمحت حضرتك اهدي وهي هتيجي دلوقتي.. 
امجد بحده 
مين دي اللي هتيجي انا مراتي مش هتقابل حد، وانت يالاا تمشي من هنا احسنلك.. 
صفاء بقلق
انت مجنون ازاي تكلمه كده انت غبي... 
امجد. 
اومال انتي يا ماما عايزاني اقابل السواق ازاي، ولا انا غلطان يا حلو انت..
خالد وقف قدامه وقال
ايوه غلطان انا مش سواق بس واضح انك لسه مغفل.. 
وطلع كارنيه الشرطه بتاعه وقال
معاك حضرة الظابط خالد فتحي هاا مش سامعلك صوت.. 
امجد بعصبيه 
اهلا وسهلا بس انت مالكش حق برضو تاخد مرلتي.. 
خالد 
طيب لو قولنا اني هجيب احمد مندور معايا واطلع للبنت اللي فوق دي واقولها مين اللي اعتدي عليها.. 
صفاء بصدمه 
ايييه انت يا امجد انت اا.. 
امجد بجمود 
ماشي خد ملك وامشي بس قول للدكتور بهاء ما يعزلش من اللي هعمله.. 
ــــــــــ #بقلم_الكاتبه_رحاب_القاضي ــــــــــ 
_ وفي المكان اللي مخطوفه فيه ناني طلعت دخل اياد هناك وسيد قاله.. 
سيد 
احنا اهو نفذنا اللي قالت عليه مريم هانم.. 
اياد بضيق 
عارف يا سيد. لو سيبت البيت تاني وسمعت كلام امي هنفخك.. 
سيد
ما انت عارف يا باشا انا ما اقدرش اقول لمدام مريم هانم علي حاجه لا.. 
 اياد بحده 
لا معلش قول لمدام مريم هانم لا عشان ما تخليكش ترجع تاني ابو زعبل.. 
سيد. 
خلاص يا باشا حقك عليا، انا الحمد. لله راضي بشغلة الامن عندكم ودلوقتي همشي والله، يلا يا رجاله.. 
_ومشي سيد واياد دخل جوه عند ناني اللي لما شافته قامت بسرعه وقالت.. 
ناني 
اخيرا جيت وبعدين فين الشرطه عشان يقبضو علي الحيوانات اللي خطفوني بره دول... 
اياد بتوتر
هاا اا اعتبريهم يعني دول خلاص يعني انا قومت بيهم كلهم.. 
ناني
بس هو ايه المكان ده، يتني انت تعرفه.. 
اياد 
ده بيت جدي القديم.. 
ناني
نعممم بيت جدك ازاي ان شاء الله، انا ازاي اتخطف هنا.. 
اياد. 
بصي بصراحه دي لعبه من امي عشان تقربنا من بعض وكده... 
ناني
يخربيت امك انا كنت هموت من الرعب.. 
ضحك اياد وقال
ههههه ايه ايه ده تطورنا وبقينا نغلط، علي العموم انا اسف جدا... 
ناني 
بس في حاجه غريبه لقيتها القلب ده مطبوع عليه صورتين، دي صورة ماما لقيتها هنا وكمان في صوه تاني مطبوعه.. 
اياد 
ازاي يعني وايه اللي هيجيب صورة مامتك هنا.. 
ناني 
بص انا ماما الله يرحمها من وهي بتولدنا ومش عندنا غير صوره واحده. ليها لما كانت في المستشفي مع بابا قبل ما نتولد وكده وهي دي... 
بص اياد للصوره وقال
تصدقي فعلا مامتك انا معرفهاش بس نفس عيونك الخضرا وشبهك جدا، بس مين يوسف ده اللي في الصوره التانيه ومكتوب اسمهم ندي ويوسف.. 
_في الوقت ده موبيل اياد رن وكان باباه وقاله علي اللي حصل لانس فرمي القلب علي الارض واخد ناني وراحو المستشفي.. 
_اللي مش فاهمين معتز زمان لما خطف ندي عشان يقبض علي يوسف خطفها في البيت ده.. 
ــــــــــ #بقلم_الكاتبه_رحاب_القاضي ــــــــــ 
_في المستشفي كانت مريم بتعيط واياد بيحاول يهديها هو ونيره وناني وحازم واقف جنب معتز ومدايق جدا.. 
حازم
مليون مره اقولك قرب من ابنك هو محتاجلك اكتر مني ومن اي حد وانت. لا هنا.. 
معتز بجمود 
انت شايف ان ده وقته كلامك ده يا حازم؟.. 
حازم 
ايوه وقته يا معتز ابنك بيضيع، ابنك جوه بين الحيا والموت ومستقبله بيضيع وانت بتقولي مش وقته لا وقته يا صاحبي، انا حاولت اعوض انس بس ما عرفتش لانه محتاج ابوه مش محتاجني اناا.. 
راح معتز وقف عند الشباك ودموعه نزلت، وافتكر كل تعامله مع انس وبعد شويه طلع الدكتور ومعتز فضل واقف بعيد.. 
الدكتور
خير ان شاء الله يا جماعه الخبطه اللي علي دماغه دي هي اللي تعبته شويه لانها عملتله نذيف داخلي ومش هيقدر يفوق منها بسهوله وباقي اللي في جسمه كدمات وكسر بسيط في رجله.. 
اياد 
طيب احنا ممكن نطمن عليه.. 
الدكتور 
تمام بس مش كلكم يعني بشويش عشان الاوضه وكده.. 
مشي الدكتور ومعتز قال
اطمنتو خلاص خد. يا حازم مراتك وروح وانت يا اياد وصل ناني وروح عند. حازم ونيره.. 
اياد 
طيب اطمن عليه يا بابا.. 
نيره 
معلش يا اياد بس انس محتاج باباه ومامته دلوقتي اكتر من اي مد وبكره ابقي تعالي اطمن عليه.. 
معتز 
تعالي يا مريم هنقعد جنبه جوه.. 
_دخل معتز ومريم عند انس واياد قال لحازم.. 
اياد 
لو سمحت يا عمو حازم وصل نيره في طريقك وانا رايح مشوار وراجع.. 
حازم 
رايح فين انت كمان دلوقتي.. 
اياد بجمود. 
هو انت فاكر اني ممكن ارجع البيت وارتاح عادي واخوي مرمي جوه من غير ما اجيبله حقه.. 
نيره 
انت اتهبلت هو ده وقته قدامي يا اياد علي البيت.. 
حازم 
الحكايه مش بلطجه يا اياد اصبر والصبح اعمل اللي انت عايزه بالقانون.... 
اياد بعصبيه 
وانا مش هجيبها بالقانون انا هجيبها بلطجه وهتشوف... 
مشي اياد وناني قالت 
انا هتكلم معاه ما تقلقوش... 
_نزلت ناني ورا اياد وقبل ما يطلع عربيه وقفت قدامه وقالت.. 
ناني
استني يا عم نفسي اتقطع.. 
اياد 
انتي ايه اللي نزلك عمي حازم هيوصلك.. 
ناني 
لو سمحت اسمعني بزمتك شكل باباك ومامتك وهما مرعوبين علي اخوك هيتحمل اي حاجه تاني تحصلك انت كمان.. 
اياد 
ما تخافيش انا مش هتجرالي حاجه.. 
ناني
لا خايفه عليك وو اا قصدي يعني عشان اهلك وكده.. 
اياد ابتسم وقال
انتي عايزه ايه طيب دلوقتي.. 
ناني 
عشان خاطري بلاس تعمل اي حاجه وانت متعصب دلوقتي... 
اياد اتنهد وقال
طيب تعالي انا هوصلك وو.. 
_قبل ما يكمل كلامه قرب منه مراسل بتاع قناه وقال بسرعه.. 
المراسل 
لو سمحت حضرتك اخو انس معتز ممكن تقولنا اللي حصل وتطمنا عليه.... 
اياد 
لا انا مش هقدر اقولك حاجه بصراحه معلش.. 
المراسل
ليه بس حضرتك الجمهور والمتابعين حابين يطمنو عليه.. 
اياد 
هو كويس الحمد. لله بس انا مش هقدر اقولك غير كده لاني اخرس مش بتكلم.. 
_ضحكت ناني غصب عنها وطلعت معاه في العربيه وصلها البيت بتاعها اللي قاعده فيه في القاهره.. 
ــــــــــ #بقلم_الكاتبه_رحاب_القاضي ــــــــــ 
_في بيت فوزي البحيري كان بيتكلم في الموبيل وبيقول.. 
فوزي 
يا ريس والله العظيم ما اعرفش مين دخل واخد البنت ووداها لسميره بس الموضوع كله عند بهاء.. 
سكت شويه فوزي وقال
حاضر يا ريس اوعدك في اقرب وقت هعرف هو مين وهخليه يسف التراب... 
قغل تليفونه وبص لسونيا وقال
بقولك ايه انتي الفتره الجايه عايزك تشغلي بهاء فخر الدين.. 
سونيا 
ليه انت عايز امجد ااا.. 
فوزي بحده 
لااا اللي عدي مع امجد ده لعب عيال انا عايز اللي جاي يبقي جد المستشفي بتاعت بهاء اكبر مستشفي في مصر واكتر من 50 في الميه من شغلنا معتمد عليه.. 
سونيا 
تمام يا فوزي بيه واللي انت عايزه انا تحت امرك فيه... 
_تفتكرو هيحصل ايه في بهاء؟.. 
ـــــــــــ 
_في مكان تاني علي البحر كانت ملك قاعده بتعيط وقرب منها خالد وقال.. 
خالد 
امسكي جيبتلك دورا.. 
ملك بدموع 
هو انت ليه كل ما اخرج معاك بتفضل تجيبلي اكل وكانك بتزغط بطه.. 
خالد 
عنك يا ستي انا غلطان وبطلي قويق خلينا نروح عشان ابوكي صدعني كل شويه هات البت هات البت.. 
ملك ببكاء
مليش عين اوريه وشي بعد ما قالي امجد لااا وانا قولتله لاا اتغير وتاب... 
خالد 
يا حجه انتي مليون مره اقولك لما بتعيطي وتتكلمي شكلك بيبقي وحش... 
_قامت ملك ومسكت الطوب اللي في الارض وفضلت تضربه بيه وقالت.. 
ملك 
والله انت رخم وبارد زيك زيه اصلا.. 
خالد بخوف 
خلاص والله خلاص يا بت المجانين انتي... 
سكتت ملك وفضلت تعيط قرب منها خالد وقال
ما تزعليش ما كنش قصدي اخليكي تزعلي انا بهزر معاكي.. 
ملك ببكاء
انا الناس كلها بتزعلني عشان انا هبله.. 
حضن خالد وشها ايديه وقال
حقك عليا انا وبعدين اللي يزعل وحده زيك بالبراءه دي يبقي ما عندوش قلب وحيوان، ده انا لو عليا احطك كده في لوح قزاز وما اخليش حد. يقرب منك.. 
ملك ابتسمت وقالت
انا بحبك اووي يا خالد عشان انت مش وحش زيهم انت زي سما وناني وبابا انما الباقي وحشين.. 
خالد 
طيب يلا بينا نروح عشان ابوكي وو.. 
_عيطت ملك تاني وفضلت تتكلم وخالد. زعق فيها وقال.. 
خالد 
بااااس وبطلي تعيطي عشان افهمك بتقولي ايه.. 
ملك 
عايزه دورا عشان وانا بضربك وقعت مني وبقرف مش هقدر اخد. بتاعك.. 
خالد بغيظ
لو نطقتي كلمه كمان هرجعك لامجد واخلص، عيطي وانتي ساكته قال تقرفي مني قال انتي تطولي اصلا تاكلي مكاني.. 
_ابتسمت ملك وبعدين هو اخدها وصلها البيت وبص عليها وهي طالعه وقال.. 
خالد بهدوء
اكتر وحده كنت بتعصب منها ومن تصرفاتها لما جيت هنا، بقيتي انتي الوحيده اللي في الدنيا يا ملك عرفتيني بعني ايه احب ومستعد اعمل اي حاجه عشانك... 
ــــــــــ #بقلم_الكاتبه_رحاب_القاضي ــــــــــ 
_في المستشفي عند انس كان نايم علي السرير بتاع المسشفي وباين علي وسه التعب وراسه ملفوفه بشاش ابيض ورجله كمان.. 
مريم مسكت ايده وباستها وقالت ببكاء
ياريتني انا يا حبيب ماما ياريتني انا مكانك وانت لا، انت بس قوم وانا مش هسيبك خالص وهفضل معاك في كل لحظه وههتم بيك ومش هنساك تاني انا اسفه حقك عليا يا انس.. 
معتز بهدوء
خلاص يا مريم هو اصلا مش سامعك، ابمهم انه بيقوم بالسلامه.. 
مريم ببكاء
هو زعلان مننا هو علي طول بعيد عننا قوله يا معتز انك بتحبه هو هيحس بينا.. 
معتز بدموع
 خلاص طيب وهو لما هيقوم انا هقوله كل حاجه بس اهدي انتي... 
ــــــــــ 
_وتاني يوم الصبح في بيت عزت الشندويلي كانت جيلان في اوضتها بتكلم ياسين وهي لتضحك وقالتله.. 
جيلان 
انا المهم عندي انس يتعلم عليه وكل ده هيكون بسبب جني اللي دافع عنها كده هيكرها ويبعد عنها.. 
ياسين 
هو ببعد وانا هعرف ازاي اخدهة منه، اصلا كلمت بابا عشان نيجي ونخطبها.. 
جيلان 
وانا احب اطمنك عمتي ما هتصدق وهتوافق وخصوصا انكم اغنيه وهي كلب فلوس هههههه.. 
ياسين 
هي عرفت باللي حصل لحبيب القلب ولا لسه.. 
جيلان 
لسه انا رايحه اخو اوريها الخبر ده بقي مالي السوشيال ميديا... 
ـ وقفلت معاه جيلان وطلتت رره اوضتها ولقيت عمتها عزه في وشها.. 
عزه 
علي فين يا جيلان يا حبيبتي علي الصبح كده روحي نامي.. 
جيلان 
رايحه لجني يا طنط في واحده صحبتها بتكلمها وعايزاها.. 
عزه 
اهي متنيله نايمه، والنبي يا جيلان خليها معاكي انا عايزاها زيك مش عايزها تبقي بومه زي ابوها وخليها تشيل الطرحه اللي علي راسها دي وهي طالعه.... 
جيلان 
بس كده من عينيا يا عمتو بعد اذنك... 
_ودخلت جيلان عند جني اللي كانت نايمه وقالت بحده.. 
جيلان 
انتي يا جني قوومي شوفي حبيب القلب بتاعك حصله ايه وانتي نايمه.. 
جني 
ايه يا جيلان في ايه؟.. 
جيلان 
انس في بلطجيه طلعو عليه ويا حرام ما خلوش فيه حته سليمه.. 
قامت جني وقالت بخوف 
انتي بتقولي ايه ما تهزريش يا جيلان.. 
جيلان بغيظ 
حبتيه يا جني هو فعلا يتحب بس هو مش هيكون غير معايا انا خليكي عارفه كده كويس.. 
جني بدموع 
انتي مريضه والله مش طبيعيه... 
جيلان 
هو بعد اللي حصله ده مش هيبص في وشك تاني.. 
جني بدموع 
المهم انه يكون كويس انا لاوم اطمن عليه.. 
_تفتكرو هيحصل ايه؟... 
ــــــــــ #بقلم_الكاتبه_رحاب_القاضي ــــــــــ 
_في بيت بهاء الصبح وقفت ملك في البلكونه وكلمت احمد اللي رد عليها وقالت.. 
ملك 
ايوه يا احمد انا عايزاك بقي تجهز للمفجأه.. 
احمد 
في ايه علي الصبح انا مش فاضيلك.. 
ملك 
انت بتكلمني كده ليه يالا طيب مش قايله.. 
احمد
انا غلطانلك يا حجه ملك خير ان شاء الله.. 
ملك 
حزر فزر انا هقولك ايه؟.. 
احمد. 
يا بنتي انا كنت خاطفك وبلطجي ومجرم خافي مني شويه.. 
ملك 
لا لا انا ما بخافش وبعدين انا بحبك يا احمد انت حلو اصلا وطيب
ابتسم احمد وقال
طيب كنتي عايزه تقولي ايه؟.. 
ملك 
منه عند امجد فب البيت بتاعه.. 
احمد 
منه مين؟.. 
ملك
قصدي نسمه ايوه نسمه.. 
احمد بجمود
انتي بتتكلمي بجد هرفتي ازاي، لا بصي بالراحه كده يا ملك وفهميني الموضوع.. 
_قالتله ملك كل اللي حصل واحمد كانت ملامحه بتبقي مدايقه اكتر كل شويه.... 
احمد 
تمام ياملك انا بجد. مش عارف اشكرك ازاي انتي بنت جدعه اووي.. 
ملك
عيب عليك يا اسطا احنا اخوات المهم ابقي طمني عليك.. 
_قفلت معاه ملك وهو طلع مسدس من تحت المخده وقال بجمود.. 
احمد
كده جابت اخرها يا امجد يا بحيري... 
ــــــــــــــــــــــــــــــــــــــــــــــــــ 
_وفي بيت ياسين الباب خبط وراح فتح الباب ولقي اياد في وشه.. 
ياسين بقلق
ايااد اا.. 
اياد 
ايه يا ياسو مش هتقولي اتفضل ولا ايه؟.. 
ياسين
اياد والله العظيم مش انا وو.. 
اياد
اهدي اهدي ووسع كده دخلني... 
_جه ياسين يقفل الباب، بس اياد زق الباب برجله جامد لدرجة انه خلي ياسين يقع علي الارض ودخل وقفل الباب وقال.. 
اياد 
انت يالا اهلك ما علموكش الادب وانك ما تقفلش الباب في وش ضيف جاي لحد. عندك.. 
ياسين بخوف 
والله يا اياد مش هتتكرر وبعدين الموضوع بيني وبين انس.. 
اياد بجمود
وانت بقي ما تعرفش مين اخو انس، لا لا انس مش اخويا ده عمري كله واللي يقرب منه انسفه من علي وش الدنيا... 
ياسين 
هو اللي بدأ وانت شوفت بنفسك عمل فيا ايه.. 
اياد 
واثق ان اخويا مستحيل يكون عملك حاجه من غير سبب، قال وانا اللي جاي اسحلب وادحلب عشان اعرف انت اللي عملت فيه كده ولا لا وانت يا حرام اعترفت علي نفسك من قبل ما افكر اديك القلم.. 
ياسين بدموع 
طيب بلاش تبلغ الشرطه وانا ممكن اعمل اي حاجه والله انتو عايزينها.. 
قلع اياد الجاكيت الجيلد بتاعه ورماه علي الكنبه وقال
قولي بقي يا ياسوو هو ابوك فين؟.. 
ياسين بخوف وقف وقال
بب بابا مسافر بره مصر، انت هتعمل ايه يا اياد.. 
مسك اياد عصاية الجولف وقال
هي دي بقي ضربت بيها اخويا يا ابن ال... 
_خلص كلامه ونزل بالعصايه بكل قوته علي دراع ياسين اللي وقع علي الارض وهو ماسك دراعه بألم، ومش بس كده ده فضل يضربه بدل المره اتنين وتلاته... 
ياسين ببكاء والم 
ابوس ايدك كفايه يا اياد اقبض عليا احسن والله.، وانا هعترف بكل حاجه.... 
اياد 
هو فعلا كفايه كده انا اخدت حقي انما العصايه دي هتفضل معايا لحد ما انس يخف ويجيلك، انت مش قد ولاد معتز كمال يا حبيبي بس انت اللي جيبته لنفسك... 
_خلص كلامه ومشي بعد ما اخد الجاكيت بتاعه وراح وقف قدام بيت ناني اللي بعد شويه طلعت ولما شافته قالت.. 
ناني 
ايه ده انت بايت هنا من امبارح ولا ايه؟.. 
اياد 
ده اللي كان نفسي فيه.. 
ناني 
نعممم بتقول ايه انت؟.. 
اياد 
مش انا والله ده عمر دياب اللي قال.. 
ناني ابتسمت وقالت 
وقال ايه بقي عمرو دياب؟.. 
اياد
قال ويااه الحياه هتحلي وانا معاه هو ده اللي انا بتمنااه واللي عيني شايفه احساس انه اغلي واحلي الناس خلي قلبي يقولي خلاص اهدي بقي لقينااه.. 
ناني اتكسفت وقالت 
احمم هي الاغنيه حلوه بس انت صوتك وحش.. 
اياد 
وانتي قليلة ذوق يعني سايب اخويا تعبان وسايب شغلي وجايلك وبغني لعمرو دياب وانا بحب عبد الحليم وفي الاخر تقوليلي صوتك وحش يا فصيله.. 
ناني ضحكت وقالت
ههههه ايه ده بقي اللي حصل، ما كنت بتقول حاجات غير كده من شويه.. 
اياد 
لا ما انتي مش هينفع معاكي غير كده، المهم تعالي جايب فطار هنفطر وبعدين هاخدك ونروح نطمن علي انس.. 
ناني
 بجد. مش هينفع خالص يعني انا اكيد هروح اطمن علي انس بس وقت تاني لان عندي ميتنج مهم في القناه كمان نص ساعه.. 
مسكها اياد من ايدها وقال 
الاجتماع يتأجل المهم نطمن علي الواد.. 
ناني 
يا ابني انت اقف بقي وسيب ايدي وبطل تسحبني زي المعزه كده وراك... 
اياد 
اديني وقفت وسيبت ايدك يلا بينا بقي.. 
ناني بغيظ 
الاول عشان نبقي علي نور انت لو سحبتني كده وراك ومشيت تاني انا هرنك علقه معتبره، ثانيا اديني فرصه اقبل او ارفض.. 
اياد ابتسم وقال
خلاص مش مهم انس تعالي نفطر وانا بوصلك الشغل بتاعك.. 
ناني
معايا عربيتي ميرسي.. 
اياد 
والله عارف ان معاكي عربيه وانك مذيعه ومناخيرك في السما بس انا جايلك عشان عايز نتكلم... 
ناني ابتسمت وقالت
طيب يعني هنفطر ايه؟.. 
اياد 
طعميه هكون هفطرك ايه يعني.. 
ناني 
طعميه بجد علي العموم انا بقالي كتير ما اكلتهاش.. 
اياد
استني انتي بتنزلي من غير فطار اصلا.. 
ناني
ما انا عايشه لوحدي مين هيعملي فطار يعني، انت جربت تبقي في غربه بعيد عن اهلك قبل كده.. 
اياد قرب منها وقال
لا بس جربت الغربه عموماً في اوحش حالتها.. 
ناني بتوتر من قربه 
احم ازاي يتني مش فاهمه.. 
اياد
البعد عن عيونك غربه يا ناني♥.. 
بصتله ناني وقلبها بقي بيدق جامد وحست ان الدنيا كلها وقفت حواليهم، لحد ما قرب منهم البواب وقال.. 
البواب
يا انسه نانا.. 
اياد بغيظ. 
ايييه الفصلان ده.. 
ناني بتوتر
اا ايوه يا عم خلف واسمي ناني مش نانا نعمم.. 
البواب
الدكتور بهاء بيكلم حضرتك مش بتردي فكلمني واهو علي المحمول.. 
ناني مسكت الفون بسرعه وقالت
اسفه اسفه جدا يا بابا والله الفون صامت، المهم انت عامل ايه وملوكه عامله ايه دلوقتي.. 
بهاء بحده
اول واخر مره يا ناني ما ترديش عليا فاهمه ولا لا، وبعدين رايحه فين انتي دلوقتي.. 
ناني 
رايحه الشغل يا بابا في ميتنج مهم، ما تزعلش طيب انا اسفه.. 
بهاء
مش زعلان بس انتي عارفه ان طول ما انتي بعيده عني وانا قلقان يا ناني.. 
ناني 
يا بابا ايه اللي هيقلقك بس انا زي الفل اهو المهم خليك مع ملك وانا هبقي اكلمها.. 
_قفلت ناني مع بهاء، وقربت من اياد وقالت.. 
ناني 
معلش بس بابا بيقلق عليا وكده.. 
اياد 
هتعرف عليه امتي حمايا ان شاء الله بدل الجو ده... 
ناني 
لا لا معلش انا لازم اعرفك اكتر وو كده يعني.. 
اياد 
بصي هو المفروض انك هترجعي اسكندريه قريب عشان اهلك وتشوفيهم  و انا بقي هروح معاكي وتاخدي معاد من باباكي ونتخطب.. 
ناني بتوتر 
يا اياد هو انت تعرفني كويس يعني عشان تاخد خطوه زي دي، علي فكره الاستعجال ده ممكن يكون غلط و.. 
مسك اياد ايدها وقال
لا مش غلط بيقولك القلوب هي اللي بتشوف اكتر من العيون وانا من اول لحظه شوفتك فيها وقلبي مش مشغول غير بيكي.. 
بعدت عنه ناني وابتسمت وقالت 
طيب يلا بقي عشان توصلني وما نتأخرش... 
_وبعد شويه وصلو قدام القناه اللي شغاله فيها ناني ونزلت من العربيه وشاورتله ودخلت جوه وهو مشي ومنه كانت لسه واصله هي كمان ودخلت ورا ناني وقالت.. 
منه 
ما كنتش اعرف انك خطافة رجاله.. 
ناني
نعم انتي بتكلميني انا؟.. 
منه 
مين غيرك هنا خطافة رجاله.. 
ناني بضيق 
شكرا لذوق حضرتك ومش عايزه اعرف سبب كلامك ده لاني مستحيل اعمل كده.. 
_سابتها ناني ودخلت مكتبها ومنه كانت واقفه متعصبه جدا، وقرب منها فؤاد صاحب القناه وقال.. 
فؤاد 
خير يا استاذه منه واقفه كده ليه؟.. 
منه 
لا ابدا يا استاذ فؤاد، انا رايحه مكتبي بعد اذنك... 
فؤاد 
اا انا كنت عايز منك خدمه بصراحه.. 
منه 
خير ان شاء الله؟.. 
فؤاد 
ااا انا معجب بالانسه ناني وكنت عايز اكلمها في الموضوع ده بحيث اتقدملها و.. 
منه فرحت وقالت 
مش معقول يا استاذ فؤاد دي هي كمان كانت بتقولي انها معجبه بيك.. 
فؤاد 
بجد هي قالتلك كده.. 
منه 
ايوه طبعا وانا مستعده اساعدك عشان تتفقو وتتكلمو.. 
فؤاد 
انا بجد مش عارف اشكرك ازاي يا منه.. 
ـــــ #بقلم_الكاتبه_رحاب_القاضي ـــــ 
_في الاسكندريه كانت ملك قاعده هي وبهاء في البلكونه.. 
بهاء
انا لسه ما قولتش لاخواتك علي موضوع جوازي من سميره، وخايف من سما... 
ملك بحزن 
انا مش زعلانه علي فكره وناني كمان مش هتزعل هي سما بس مش هتقولك لا.. 
بهاء مسك ايدها وقال
ما تزعليش عليه يا ملك وكل حاجه هتخلص قريب وامجد هيتنهي من حياتك، وخليكي عارفه ان اللي بيزعل ملك خسران.. 
ملك 
اممم بامارة انك من امبارح قالب خلقتك عليا.. 
بهاء
مش بسببك انا اا... 
ملك بدموع
انا عايزه افهم انا ليه حظي كده بومه في التعليم ودخلت تجاره وقولت معلش بومه في الشغل وما فيش شغلانه بعمر فيها معلش، اتخزوقت في اول حب ليا معلش وكمان بابي قالب خلقته عليا ليه انا عملتلك ايه.. 
بهاء قعد جنبيها ومسح دموعها وقال
طيب اهدي وربنا بيختبر صبرك با عبيطه... 
ملك 
طيب افردها بقي مش هتبقي من كل ناحيه وبلاش نظرة الشماته دي.. 
بهاء 
شماته يا ملك يعلم ربنا اني كنت كل ليله ادعي واقول ربنا يبعده عنك لانه مش كويس.. 
ملك بلكاء
يبقي انت السبب بتتدعي ليه ما كنت خليتك في حالك... 
ضحك بهاء غصب عنه وحضنها وقال
عارفه يا ملك لو الدنيا كلها عندها قلب زي قلبك ما كانش هيبقي في شر في الدنيا دي خالص.. 
مسحت ملك دموعها وقالت
تخيل كده معايا يا بيبو انك تطلع مش ابويا ومتبنيني من ملجأ والله هتجوزك عشان انت الوحيد اللي مستحيل يخوزقتي.. 
بهاء 
يعني ربنا مديكي نعمه من عنده عظيمه بس مديكي قصادها غباء والحمد لله ان في غباء والا كنا هنروح في داهيه.. 
_وقبل ما ترد عليه الباب خبط وقامت بسرعه فتحت وكان خالد وملك قالتله.. 
ملك 
نعم نعمين عايز ايه.. 
خالد 
استغفر الله العظيم يارب هو انا عملتلك ايه علي الصبح يا حجه.. 
ملك 
اسمي ملك هانم يا خالد وما تنساش اني بنت مديرك في الشغل.. 
دخل خالد وقرب منها وقال
المحامي اللي عامله توكيل ليه بالليل خلي امجد يطلقك النهارده من غير قضيه ولا حاجه... 
ملك ببكاء
يعني انا بقيت مطلقه من غير ما اتجوز ده ظولم والله.. 
خالد بضيق 
ملك بطلي عياط وهبل معلش وروحي اندهي ابوكي.. 
ملك مسحت. دموعها وقالت
اسمها باباكي وايه طريقتك دي، انت مالك النهارده.. 
خالد قرب منها وقال
اتكلم براحتي انتي بقيتي مطلقه وانا خالد بس مش السواق.. 
ملك بعدت عنه وقالت. 
هو انت مالك عمال تقرب كده ليه وبعدين ما بقتش خالد السواق هتسيب الشغل يعني كويس برضو انت اصلا بترخم عليا ومش هزعل عليك..  
قبل ما يرد عليها طلع بهاء وقال
اهلا يا خالد باشا اتفضل تعالي.. 
ملك بعدم فهم 
باشاا هو انتو بتعملو فيا مقلب مش كده.. 
بهاء
لا مش مقلب، خالد ظابط مخابرات وكان جاي هنا بينقذ شغله.. 
ملك بفرحه 
يا خالد انت بجد ظابط انا كنت حاسه والله عارف انا اصلا كنت عايزه اكراش عليك وو.. 
بهاء بحده 
ادخلي جوه يا اللي ما شوفتي بربع جينيه تربيه.. 
كتم خالد ضحكته وملك قالت 
مرتاح انت كده يا بابا بعد ما فرشت برستيجي وكرامتي علي الارض.. 
بهاء بحده 
هقلع الجزمه واديكي بيها علي وشك ادخلي جوه يا ملك.. 
_دخلت ملك اوضتها وهي متغاظه، وخالد قعد مع بهاء وقاله بهاء.. 
بهاء. 
انا عرفت بالنظام اللي حصل في المستشفي كده فعلا احسن انا محتاج تمن ورقابه زياده.. 
خالد 
النظام دت مراقب دوليا يتني اي حاجه مهما كانت صغيره هتحصل هتكون عند حضرتك، وبالنسبه لموضوع ملك انا استغربو ان امجد طلقها.. 
بهاء بقلق 
مش عارف هو بيفكر في ايه، المهم الخميس الجاي عايزك تيجي عشان كتب كتابي انا سميره.. 
خالد وقف وقال
تمام يا دكتور بهاء ده شرف ليا والف مبروك مقدماً... 
_ومشي خالد وقبل ما يطلع بره البيت طلعت ملك وقالت بصوت واطي.. 
ملك 
استني استني انت بجد. ظابط مخابرات.. 
خالد طلع الكارنيه وقال
اهو تقدري تتأكدي بنفسك يا ملك... 
ملك فرحت وقالت
طيب بالمناسبه دي بقي مش ناوي تتجوز وتستقر.. 
 خالد ببرود
لا.. 
ملك 
ايه البواخه دي، وبعدين انت اللي خسران انا اصلا بهزر... 
قرب منها خالد وقال
لما تبقي تتعافي من الخازوق يا ملك هيبقي في كلام تاني.. 
ملك 
لا لا انا في الموف اون ما عنديش ياما ارحميني،والله انا مش مصدقه انك انت ظابط مخابرات.. 
خالد ابتسم وقال
سلام يا ملك.. 
_مشي خالد وملك جات تدخل لقيت سميره في وشها واقفه وبتضحك.. 
ملك 
بيلمح انه معجب مش كده.. 
سميره 
ههههه هو برضو اللي بيلمح، يا بنتي ادي قلبك فرصه يزعل عشان لما تحبي تختاري صح.. 
ملك ببكاء
هو انا ليه كل ما انسي تفكروني.. 
سميره 
لازم تفتكري با ملك ولازم تزعلي وتشوفي الغلط فر اختيارك عشان ما يتكررش.. 
ملك بحزن 
هو انا فعلا زعلانه والله وكل ما افتكر امجد قلبي بيوجعني اووي بس انا مش بحب الزعل مش بحب افتكر الحاجات اللي بتزعلني يا طنط.. 
سميره ابتسمتلها وقالت
انتي اصلا الزعل مش لايق عليكي يا ملك.. 
ملك 
ايوه ما خالد قالي كظه قالي ان شكلي بيبقي وحش وانا بعيط.. 
ضحكت سميره بصوت عالي وقالت
ههههههه طيب ادخلي غيري هدومك وتعالي ننزل نجيب شوية حاجات من تحت.. 
ملك بحماس 
حاضر وهناخد معانا حنين ونروح الملاهي وانا مستعده انسي الدنيا.. 
سميره 
اللي انتي عايزاه يا حبيبتي يلا بس بسرعه... 
_دخلت ملك جوه وسميره راحت وقفت في البلكونه جنب بهاء وقالت.. 
سميره 
ملك دي مش معقول تكون بالبراءه دي، ليك الحق تخاف عليها اكتر من اخواتها.. 
بهاء اتنهد وقال
ملك دي ما حدش واجع قلبي غيرها ما تستاهلش انها كانت تدخل في حياة امجد ده اصلا.. 
وبعدين طلع فيزة البنك بتاعته وقال
امسكي صحيح عشان تجيبي الطلبات اللي محتجاها.. 
سميره 
لا معايا الفيزا بتاعتي يا بهاء، وبعدين انا عامله حسابي لكل حاجه ودلوقتي هحجز تذكرة السفر والتاشيره عشون هروح امريكا عند اخويا.. 
بهاء
نعمم يا ستي احنا مش اتفقنا امبارح.. 
سميره بحزن 
انا بحبك يا بهاء وانت هارف كده كويس بس انا مستحسل اوافق انك تتجوزني بالطريقه دي انا بشكرك جدا علي وقغتك معايا بس انا مش هينفع اتجوزك وانت لسه متعلق بندي ورجوعي امريكا هو الحل الصح.. 
بهاء مسك ايدها وقال
هتفضلي من الناس اللي دخلت حياتي يا سميره وفي اي وقت تحتاجيني هكون موجود.. 
سميره بدموع
ده غصب عنك يا بهاء، هروح اشوف حنين جهزت ولا لسه.. 
_وسابته ومشيت راحت لبنتها وبعدين نزلت مع ملك ووكان معاهم بهاء برضو.. 
ـــــــ #بقلم_الكاتبه_رحاب_القاضي ـــــــــــــ 
_في المستشفي عند انس كان نايم علي السرير الطبي بتاعه معتز واقف قدامه متعصب وقاله.. 
معتز
يعني ايه مش هتقول مين اللي عمل فيك كده للشرطه وحقك يجي بالقانون.. 
انس بجمود
انا حر دي حاجه ترجعلي وحقي هعرف اجيبه.. 
معتز بعصبيه 
والله عال ما انا نخلف بلطجي، يا ابني هو انا ليه مل ما احاول اغير وجهة نظري فيك بترجع وتخليني عايز اديك بالجزمه.. 
مريم بضيق 
هو ده وقته يعني يا معتز نتكلم بعدين في الموضوع ده، ما تزعلش يا حبيبي هو بس ابوك عايز يجيبلك حقك.. 
انس 
وانا مش صغير وهعرف اجيب حقي كويس.. 
معتز بحده 
ومدام راجل كده يا اخوبا سيبتهم يعملو كده فيك ليه ما دافعتش ليه عن نفسك.. 
مريم بعصبيه 
حراام عليك يا معتز كفايه بقي كفاااايه.. 
_الباب خبط في الوقت ده ودخلت جني اللي كانت لابست مدوم المدرسه ولما شافها انس بص الناحيه التانيه.. 
جني 
السلام عليكم... 
معتز 
وعليكم السلام انتي جني بنت اخت عزت بيه مش كده.. 
بصت جني لانس وقالت 
اا ايوه انا يعني جايه اطمن علي انس.. 
مريم 
تعالي يا حبيبتي طيب واقفه عندك ليه.. 
انس بجمود 
ما كانش ليه لازمه تيجي وتتعبي نفسك.. 
مريم 
ايه يالا قلة الذوق دي ده انت باف زي ابوك.. 
معتز بغيظ 
ما تحترمي نفسك يا وليه انتي خرفتي ولا ايه.. 
مريم 
ولولو عليك بدري مين دي اللي وليه ان شاء الله.. 
معتز 
احترمي نفسك يا مريم انا مش عايز اغلط فيكي قدام العيال.. 
مريم بحده 
لا اعملها انا اصلا زهقت منك بقولك ايه انا عايزه اطلق يا معتز.. 
معتز 
مش بقولك خرفتي يا وليه اختشي علي دمك.. 
مريم بغيظ
برضو بيقولي وليه تاني.. 
انس بحده 
بااس انتو بتعملو ايه كفاااايه.. 
معتز بص لجني وانس وقال
تعالي يا مريم نفطر تحت ونجيب حاجه لجني تشربها.. 
مريم 
لا لا انا مش هسيب ابني خالص لحد. ما نمشي من هنا.. 
معتز 
يا مخ انتي بقولك يلا نجيب حاجه لجني تشربها.. 
مريم. 
ااااه هنتوزع وكده ماشي ما تقول كده من الاول.. 
وحضنت جني وقالت 
هنتقابل تاني با حلوه انتي وبعدين ابقي خلي مامتك تشربك لبن الصبح وتاكلك بيض ده ايه العضم ده.. 
جني ضحكت وقالت 
حاضر يا طنط هبقي اشرب لبن واكل بيض الصبح.. 
_ وبعدين طلعت مريم ومعاها معتز وجني راحت قعدت علي الكرسي اللي جنب سرير انس اللي قال.. 
انس 
لا بجد ليه تعبتي نفسك وجيتي.. 
جني بهدوء
جيت عشان اطمن عليك واقولك انا اسفه ما كانش قصدي ادايقك و.. 
انس بجمود
اومال ايه معني كلامك اللي قولتيه، انا بجد مش فاهمك انتي عايزه ايه؟.. 
جني بضيق
اعتبرني ما اقصدش يا انس.. 
انس بحده 
لا تقصدي ولو جايه تشوفيني شفقه او صعبان عليكي يبقي امشي احسن يا جني.. 
جني بدموع 
اناجيت عشان كنت خايفه وعايزه اطمن عليك.. 
انس بجمود
طيب ليه قولتي الكلام السخيف بتاع امبارح ده؟.. 
جني بضيق قالت 
جيلان اا بص خلاص يا انس انا قولتلك انا اسفه وكنت فاهمه غلط ودلوقتي مستعده نبقي اصدقاء زي ما كنا متفقين.. 
انس بخبث
معلش بس يا جني لو سمحتي تعالي اعدليلي المخده عشان ضهري وجعني.. 
قامت جني وقالت
حاضر.. 
_وقربت منه عشان تعدل المخده بس هو مسك ايدها وقربها منه جدا وقالت هي بكسوف وتوتر.. 
جني 
ااا ايه ده اوعي يا انس انت اتجننت.. 
انس 
مش هسيبك غير لما تقوليلي ايه اللي حصل خلاكي تقرري تبعدي عني امبارح... 
جني وشها قلب احمر وقالت
طط. طيب شيل ايدك دي وانا هتكلم ما ينفعش كده.. 
قربها ليه اكتر وقال
لا يا تتكلمي يا هنفضل كده لحد ما بابا وماما يرجعو.. 
. جني بتوتر وهي بتحاول ما تبصلوش 
جيلان قالتلي انها بتحبك واني لازم ابعد عنك لحد ما عرفت ان هي وياسين عملو كده عشان يخلوك تبعد عني لاني انا السبب في اللي حصل بينك وبين ياسين، بس بلاش تعمل حاجه في جيلان والله هي كويسه وو.. 
انس بجديه قالها
بحبك يا جني.. 
بصتله جني وبدأت تتنفض بين ايديه فسابها وقال وهو لسه قريب منها.. 
انس 
والله العظيم بحبك اوعي تبعدي عني انا مش عليز غيرك انتي وعمري ما حبيت بنت غيرك اللي تدي ده كله كان كلام فاضي انما انا حبيتك انتي.. 
بعدت عنه جني وقالت
انا ماشيه يا انس المهم انك كويس.. 
انس 
هتجيلي تاني وهستناكي عشان محتاجلك جنبي.. 
ابتسمتله جني وقالت 
حاضر هجيلك تاني سلام.. 
_قالت جني كلامها ومشيت وانس غمض عينيه وابتسم وهو بيفتكرها لما كانت قريبه منه، ودخل حازم ومعاه نيره واياد وقال حازم.. 
حازم 
انا قولتلكم الكتكوته الصاننه كانت عند النجم والدليل اهو الابتسامه دي... 
اياد 
علمني طيب بدل ما اخوك خيبه اووي كده... 
نيره قعدت جنب انس علي السرير وقالت
انس هي دي جني مش كده لا طلعت احلي من لما وصفتها ليا... 
انس 
ايوه هي يا نيرو وبعدين انتي ايه مقعدك هنا جنبي.. 
قعد اياد قدامه علي السرير وقال
سيبك انت البنت ناني خلاص وقعت وهستني ترجع اسكندريه وهروح اكلم اهلها.. 
حازم وهو بيقعد جنب اياد 
البت ناني دي حلوه اووويبس انا عجبااني منه بنت علا احلي وو.. 
نيره بحده 
بتقول ايه يا روح امك كده سمعني.. 
حازم بخوف 
يا نهار اسود مش تقولو انها قاعده.. 
اياد 
ما هي قدامك يا عمم.. 
حازم 
يا حبيبتي بهزر انا قصدي يعني انها مش بالشكل يعني منه حلوه ووتكه بس ناني هتبقي احسن مع اياد و.. 
اياد 
حتي لو كلامك صح بس انا في نظري ناني احلي، حاسس ان فيها حاجات كتير حلوه هتبقي ليا لوحدي مش مفتوحه علي البحري.. 
انس بغيظ 
هو انتو لو قعدتو علي الكنبه او في اي مكان انا مش هسمعكم يعني.. 
نيره حصنته وقالت
عشان نحسيك انك مش لوحدك يا حبيبي.. 
حازم 
عرفت اللي حصل يا انس ابوك لغي حفلة الافتتاح بتاعت المركز لحد. ما انت تخف.. 
انس 
ليه ده بقي ان شاء الله من امتي وانا مهم عنده.. 
دخل في الوقت ده معتز وقعد علي الكنبه وقال
هو انت بالنسبالي عادي بس يعني قولت ازاي يبقي ابني نجم ومشهور واجيب حد غيره عشان الدعايه والاعلانات.. 
حازم 
ايه اللي مشهور ده البنات منهاره عليه وتقطيع شرايين علي النت علي ايه كل ده.. 
اياد 
مش عارف والله ولا كله كوم والجزمه اللي عايز ااجوزها، دي ما اتعاملتش معايا كويس غير لما عرفت اني اخو البيه.. 
_ضحك انس ولاول مره يكون مبسوط بكلام اللي حواليه ومريم كانت قاعده بس بتبصله وهو ملسك في نيره وبيتكلم معاها ولاول مره تحس بانها خسرت ابنها وجدا كمان... 
ـــــــ #بقلم_الكاتبه_رحاب_القاضي ـــــــــــــ 
_وبعد كام يوم في المستشفي كان بهاء مخلص شغله وراجع بس فجأه وقف امجد قدامه بعربيته نزل امجد بسرعه وقال.. 
امجد. 
انزل يا دكتور يلااا... 
نزل بهاء بهدوء وقال
ايه يالاا الهمجيه دي ما تحترم نفسك.. 
امجد بحده 
لو فاكر انها كده خلصت واني هسيب ملك يبقي بتحلم، انا مش هسيب ملك يا بهاااء ووقت ما هعرف ارجعها ليا تاني هخليها تكره تبص في وشك.. 
بهاء بقلق 
هو مش بيقولو الجواز قسمه ونصيب، بنتي مش نصيبك خلاص كده انساها شيلها من دماغك.. 
امجد 
هههه بنتك هنبقي نشوف الموضوع ده قريب اووي يا دكتور، انا بس حابب اقولك ان الموضوت ما خلصش لسه... 
_قال كلامه واخد عربيته ومشي، وبهاء طلع موبيله وكلم خالد وقال ليه.. 
بهاء
ايوه يا خالد انا كنت عايزك بكره سوف هجيلك فين ولا انت اللي هتجيلي.. 
خالد 
لا انا بكره هاجي لحضرتك بس خير في حاجه ولا ايه؟.. 
بهاء
لما تيجي يا خالد بس ده موضوع شخصي.. 
_قفل معاه بهاء وبعدين المطره ملت المكان فطلع عربيته ومشي بيها بسرعه.. 
وعند خالد اول ما قفل مع بهاء وبص ورااه لقي ملك واقفه وبتكلم اخواتها وبتقولهم.. 
ملك 
والله مش مكتئبه انا خليت خالد اللي هو طلع ظابط مخابرات يخرجني والجو بقي كله مطره وانا حرفيا مبسوطه بس ناقصني انكم تبقو معايا.. 
ناني 
انا هاجي قريب عشان اقول لبابا علي موضوع اياد.. 
سما 
وانا مستنيه فرج ربنا والجبله اللي متجوزااه ينزلني.. 
طلع محمد من جنب سما وقال
هو انتو كل شويه تتكلمو لو سمحتو انا مش عارف اقعد مع مراتي.. 
ملك 
خلاص ابعت خدني عندكم ومش هكلمها، وبعدين انت عامل ايه يا محمد واحشني اووي.. 
محمد 
وانتي كمان يا ملوكه، والاخت ناني العروسه المنتظره.. 
ناني 
ما تقرش فيها بس خلي الموضوع يتم.. 
محمد
معاكي حق واقفلو يلا عشان مش فاضين.. 
سما
بس يا محمد هتقفل في وشهم... 
محمد
ايوه هقفل في وسهم عايزين ننام يلا سلام.. 
_وقفل فعلا وملك فضلت تصحك وتتصور في المطره وبصت لخالد وقالت.. 
ملك 
هو انا مكلمااك عشان تخرجني وتتفرج عليا ولا عشان تسليني.. 
خالد 
اتحزم وارقصلك يعني ولا اعمل ايه... 
ملك 
والله لو ما اتعدلت لهعيط وانت عارف انا لو فتحت مش هتعرف تسكتني.. 
قرب منها خالد وقال
لا لا وعلي ايه احنا نروح احسن عشان الجو بقي مطره وزي ما انتي شايفه وكمان الدكتور بهاء زمانه روح.. 
ملك 
طيب خد صورني الاول وبعدين همشي يلاا.. 
خالد 
اتصورتي كتير يلا عشان انا عندي شغل.. 
ملك 
عادي انا اهم من شغلك.. 
خالد 
ربع ثقتك وانتي بتتكلمي يلا بينا.. 
ملك
طيب تعالي نجري في المطره الاول وبعدين نمشي.. 
خالد 
هو ايه اللي نجري ايه التفاهه دي، يلا يا ملك انا غلطان اني سمعت كلامك.. 
ملك ببكاء
حتي انت يا خالد ايوه ما انت طلعت ظابط وهتشوف نفسك عليا بعد ما كنت بتقولي حاضر ونعم وكنت بقول اخويا وو.. 
قرب منها خالد وقال
انا مش اخوكي يا ملك تمام انا قولتلك سايبك بس وقت تتعافي من اللي حصل وفي حاجات كتير هتتغير.. 
ملك 
انا اتعافيت اصلا، يعني لما فكرت في الموضوع انا كنت مبهوره بامجد والجو اللي عامله لنفسه انما في الواقع انا مش هتجوز غير ظابط مخابرات واسمه خالد... 
ضحك خالد غصب عنه وقال 
يلا يا ملك الله يسترك ده انتي دماغك دي مش موجوده اصلا.. 
ملك 
والله انت وش فقر يا خالد تعالي وصلني.. 
_وثلها خالد قدام البيت، وقبل ما تنزل مسك ايدها وقالها.. 
خالد 
معلش بس انا لازم اروح شغلي دلوقتي، ووقت ما تكوني عايزه تخرجي كلميني اتفقنا.. 
ملك ابتسمت وقالت
اتفقنا يا خالد انت حلو اووي علي فكره لما ما بتزعلنيش يلا بااي.. 
نزلت ملك وهو فضل باصص عليها لحد ما طلعت، وبعدين بص للعربيه اللي مرقبااه وبعدين مشي وراح المستشفي وطلع بسرعه لاوضة المشىرحه وكان رامي صاحبه هناك مستنيه.. 
رامي 
دخل جوه واحد اسمه مجدي، وانا صورته وهو بيطلع الاعضاء من الجثث.. 
خالد 
طيب كلم القوه تيجي بسرعه.... 
_قال كلامه ودخل لقي واحد حاطط جثه قدامه وبيشرح فيها... 
مجدي
خير حضرتك ازاي تدخل عليا وانا بشوف شغلي.. 
خالد 
بجاحه عندك مانع.. 
مسك مجدي السكينه وكان عايز يضرب بيها خالد، بس خالد كان الاسرع لما مسك ايده وضربه في راسه جامد خلاه وقع علي الارض... 
ــــــ #بقلم_الكاتبه_رحاب_القاضي ـــــــ 
_في بيت عزت الشندويلي كانت جني بتصلي والفون بتاعها بيرن ولما خلصت صلاه ومسكت الفون ولقيته انس ابتسمت وردت عليه وقالت.. 
جني 
الو عامل ايه دلوقتي.. 
انس
انا كويس ما كنتيش بتردي ليه؟.. 
جني 
كنت بصلي، المهم انت رجلك عامله ايه.. 
انس 
الكسر بسيط ان شاء الله هيخف.. 
جني 
يعني هتلحق المعسكر بتاع الفريق اللي في المنتخب... 
انس 
ان شاء الله الحقه انا الماتش ده مهم اووي عندي.. 
جني 
ان شاء الله هتلحقه.. 
انس بخبث
علي فكره انا رجعت البيت يعني ممكن تيجي تزوريني عادي وماما هتفرح جدا لما تشوفك.. 
جني ابتسمت وقالت
حاضر يا انس ان شاء الله هجيلك و... 
_دخل في الوقت ده خالها عزت حتي من غير ما يخبط ومعاه جيلان وقال.. 
عزت 
اقفلي يا جني الموبيل ده.. 
خافت جني وانس قال بقلق
جني هو في حاجه ولا ايه.. 
_ما ردتش عليه جني وقفلت بسرعه و؟؟؟ 
ـــــــ #بقلم_الكاتبه_رحاب_القاضي ـــــــــ  
_وفي بيت امجد البحيري كان نايم في اوضته وجنبيه نسمه وفجاه البيت اتملي فيه صوت ضرب النار وقامو وهما مفزوعين.. 
نسمه بخوف 
في ايه يا امجد ايه اللي بيحصل هنا.. 
امجد. بقلق 
مش علرف خليكي انتي هنا وانا هنزل اشوف في ايه.. 
مسكت نسمه ايده وقالت
لا لا ما تنزلش عشان خاطري.. 
امجد 
ما تخافيش انا هاخد سلاحي معايا.. 
_وفعلا طلع سلاحه ونزل ولقي البيت كله ملثمين، وصفاء في حد حاطط المسدس علي دماغها.. 
 بخوف 
انتو مين وجايين عايزين ايه؟.. 
شال احمد القناع من علي وشه وقال
انا يا امجد يا بحيري مش انا قولتلك اللي مصبرني عليك اعرف مكانها وبعد كده ما حدش هيرحمك مني.. 
امجد بغضب 
انت مش قدي يالا خد البلطجيه اللي معاك دول وامشي احسنلك.. 
احمد بحده 
دول مش بلطجيه البلطجيه هما اللي بيخطفو وبيغتصبو يا ابن البحيري بس خلصت ودلوقتي جات ساعة الحق.. 
_خلص كلامن وضرب طلقه علي امجد اللي جات في قلبه ووقع علي الارض.. 
صفاء جريت عليه وقالت ببكاء
لاااا ابنييييي لا يا امجد يا حبيبي قووم اطلبو الاسعاف والنبي... 
_بصلها احمد بشماته وطلع فوق وفضل يدور علي نسمه في كل الاوض زي المجنون ولما فتح الاوضه اللي هي فيها وشافته، قامت وقفت بسرعه وجسمها كله بدأ يتنفض وقالت.. 
نسمه 
انت ايه اللي رجعك يا حيوان امشي من هنا يا امجددد الحقني.. 
احمد نزلت دموعه وقال؟؟.. 
ــــــــــــــــــــــــــــــــــــــــــــــــ
احمد بدموع
انتي خايفه مني انا ليه انا ما عملتش حاجه.. 
نسمه ببكاء وخوف 
كدااب انت اللي عملت كده انا فاكره كل حاجه انت عملتها كويس.... 
احمد 
طيب اهدي وتعالي معايا وانا هفهمك كل حاجه... 
نسمه ببكاء 
سيبني في حالي بقي يا امجد. الحقني.. 
احمد زعق فيها وقال
بتتحامي فيه يا نسمه بعد ما دمرك ودمرني معاكي بتتحامي فيه ومني انا من احمد .. 
_لما شافت نسمه دموعه وعصبيته حست بأنه بيتكلم بجد بس خوفها منه اللي زرعه جواها امجد. خلاها برضو تخاف منه.. 
احمد
واغلي حاجه عندك مش وقت خوفك عشان انتي فاهمه غلط واللي عمل كل حاجه وحشه فيكي هو مش انا.. 
نسمه ببكاء 
انت جاي ليه دلوقتي بعد العمر ده كله، عايز مني ايه سيبني في حالي.. 
قرب منها احمد ومسكها من ايدها جامد وقال
مستقبلي ضاع علي اني الاقيكي وانتي جايه تقوليلي عايز ايه منك... 
نسمه بخوف 
سيبني يا احمد انا مستحيل اسيب امجد  انت فاهم ولا لا.. 
احمد بهدوء
ماشي تعالي بس معايا دلوقتي هقعدك عند عمك وبعدين هبقي اخليكي ترجعي.. 
نسمه بخوف 
انت عايز مني ايه وليه عملت فيا كده انا كنت اذيتك في ايه عشان تعمل اللي عملته وتخليني الجأ لامجد عشان يحميني منك.. 
احمد
لو انا اللي كنت عملت كده انا كنت سيبتك وما دورتش عليكي، كنت سيبتك ليه بس انا مستحيل اعمل كده يا نسمه والله كل ده الكلب امجد هو اللي عمله عشان ياخدك مني غصب عنك.. 
نسمه بدموع
اطلع بره يا احمد هغير هدومي واجيلك... 
_طلع احمد ونسمه غيرت هدومها وطاعت معاه ولما شافت امجد واقع علي الارض وسايح في د*مه  راحتله بسرعه وقالت لاحمد بعصبيه.. 
نسمه بخوف 
انت عملت فيه ايه حرام عليك امجد رد عليا... 
صفاء ببكاء 
كلمت الاسعاف وجايه في الطريق.. 
احمد مسك نسمه من ايدها جامد وقال
مش هتلحقي ان شاء الله هيفضل يتعذب لحد. ما يموت ونخلص... 
_وبعدين اخد نسمه غصب عنها ومشي، وجات الاسعاف ونقلت امجد للمستشفي... 
صفاء
ابني كويس يا دكتور هو عايش مش كده؟.. 
الدكتور
اطمني يا صفاء هانم احنا هنعمل كل اللي نقدر عليه وزياده ومدام لسه النبض شغال يبقي خير... 
_قالها كده وبعدين دخل اوضة العمليات.. 
ـــــ #بقلم_الكاتبه_رحاب_القاضي ــــ 
_وفي بيت عزت الشندويلي بعد ما دخل اوضة جني ومعاه جيلان بنته، قفلت جني بسرعه مع انس وقالتله.. 
جني
خير يا خالو في ايه؟.. 
عزت 
معلش يا حبيبتي دخلنا من غير ما نخبط احنا سمعناكي بتتكلمي في الفون وقولنا اكيد صاحيه... 
جيلان بغيظ 
انتي كنتي بتكلمي مين اصلا دلوقتي؟.. 
جني ما ردتش عليها وقالت لخالها
عادي يا خالو بس خير في حاجه ولا ايه؟..
قعد عزت قدامها وقال
تعالي يا جيلان اقعدي يا حبيبتي، بصو يا بنات انا لما جيتي هنا وانا فرحت جدا وقولت هتبقي في اخت لجيلان بس انا مالقيتش ده وحاسس انكم بعيد اووي عن بعض.. 
جيلان بضيق
الموضوع ببساطه ان مش كل حاجه حضرتك عايزها لازم تحصل وانا وال.. وجني مش شبه بعض خالص في فرق كبير بينا.. 
عزت بحده
والله انا نفسي انتي تبقي زيها او ربعها وقتها هترتاحي وانا كمان هرتاح.. 
ضحكت جيلان بسخريه وقالت 
ههههههه بقي انت عايزني انا ابقي زي البتاعه دي.. 
عزت بحده 
امشي اطلعي بره يا جيلان وتترزعي في اوضتك وما اشوفش وشك غير لما تبقي بني ادمه محترمه.. 
جيلان بحزن 
حاضر ياريت تكوني مرتاحه كده يا جني... 
قالت كلامها وطلعت وجني قالت
ليه كده بس يا خالو انت عارف جيلان عصبيه شويه.. 
عزت بضيق
دي اسمها قلة ذوق بنتي مش متربيه للاسف، علي العموم انا عايزك تحاولي تقربي منها وتستحمليها شويه عشان خاطري انا.. 
جني 
من غير ما تقول يا خالو جيلان اختي مش بنت خالي.. 
_طبطب عليها عزت وطلع وهو مدايق جدا، وجني ردت علي انس اللي كان بيرن عليها وقالت.. 
جني 
يا ابني في ايه خالو وجيلان دخلو فجأه وانا خوفت يكون سمعني وقفلت.. 
انس بحده 
عارفه لو الفون اتقفل في وشي تاني لاي سبب هتلاقيني في وشك فاهمه انا خوفت عليكي و.. وبس.. 
ضحكت جني وقالت
لا لا ما تخافش هو كان جاي يكلمني في موضوع تاني علي العموم انا هقفل عشان رايحه اذاكر.. 
انس بسرعه قال
لا استني انتي هتيجي بكره عندنا مش كده... 
جني 
مش عارفه بصراحه لان عندي سنتر الساعه خمسه ومش عارفه هخلص امتي.. 
انس 
بصي انا ماليش دعوه انا هستناكي  بكره والا هجيلك وخليني بقي اتعب اكتر ومالحقش الماتش.. 
جني 
لا خلاص هاجي بس يعني هاجي بصفتي ايه.. 
انس
يا ستي تعالي بس وما تشليش هم ما حدش في بيتنا هيركز ده انا جيبت كتير قبل كده و.. 
جني بغيظ
لا والله طيب سلام ومش جايه عند. حد. 
ضحك انس وقال
ههههه استني والله بهزر، المهم تعالي وبعدين بابا وماما زي ما انتي شوفتيهم مش هيدققو اووي معاكي.. 
جني
تمام ممكن بقي اروح اذاكر.. 
انس
طيب اخر سؤال بس انتي نفسك تدخلي كلية ايه؟.. 
جني ابتسمت وقالت
هندسه.. 
انس فرح وقال
لا وكمان هنبقي نفس المجال بس انا هندسة الكترونيات.. 
جني. 
لا انا اي هندسه وخلاص مش مهم، بص مش عايزه ارغي معاك اقفل لو سمحت.. 
ضحك انس وقال
ههههه طيب بالراحه ما تزوقيش سلام يا جني.. 
ابتسمت وقالت 
سلام يا انس... 
_قفلت معاك وطلعت صورته اللي محتفظه بيها علي الفون بتاعها، وفضلت تبصلها وهي مبتسمه وفجأه لقيته باعتلها رساله علي الوتساب وقال.. 
انس
الله علي المذاكره طيب قولي انك كنتي بتوزعيني.. 
جني ردت عليه وكتبت
عارف انا لو مستقبلي ضاع هيكون بسببك انت يا انس معتز... 
رد عليها بايموشن ضحك وكتب
مش مهم المهم بس تكوني بتعرفي تطبخي، وتعملي موز باللبن.. 
جني
مش بحب اللبن ومش هعمله.. 
انس 
هو ايه اللي مش هعمله لا يتعمل والا هيتعملك بلوك.. 
_وفضلو يتكلمو لحد ما جني نامت وهو كمان وكان كل واحد. منهم بدات مشاعره تتعلق بالتاني اكتر.. 
ـــــــ #بقلم_الكاتبه_رحاب_القاضي ـــــ 
_وفي المستشفي عند بهاء كان قاعد ومعاه خالد والمحامي اللي مد ورقه لخالد وقال.. 
المحامي
اتفضل يا خالد باشا... 
خالد بص لبهاء وقال
هو حضرتك متأكد طيب واجب ان ملك برضو تعرف ده جواز يا دكتور بهاء.. 
بهاء
يا خالد ده طلب شخصي ما فيش حاجه هتبعد امجد عنها غير انها متجوزه وملك طيبه وانا خايف يرجع يضحك عليها تاني، وبنتي برضو هبله لو عرفت انك متجوزها الله واعلم ممكن تعمل ايه.. 
خالد بجمود
تمام يا دكتور بهاء انا همضي وزي ما حضرتك عايز ملك مش هتعرف حاجه.. 
_وبعد ما خالد مضي قام مشي وبص للموبيل بتاعه لقي ملك بترن عليه رد عليها وقال.. 
خالد 
هو في ايه هو مش لسه كنت بكلمك.. 
ملك 
قلبي حاسس ان في حاجه كده. حصلت.. 
خالد. بقلق
بت انتي انا بجد. بقيت اخاف منك، المهم عايزه ايه؟.. 
ملك ببكاء
بقي كده انا غلطانه اني بكلمك انا كنت هسالك علي بابا عشان مش بيرد عليا.. 
خالد 
طيب فوقي يا ملك انا ما بقتش السواق بتاع الدكتور بهاء، فا مش هكون متواجد معاه كتير زي الاول.. 
ملك 
خلاص خلاص هو انت هتشوف نفسك عليا يا عم اللي اداك يدينا.. 
ضحك خالد وقال
طيب عايزه تخرجي مش كده.. 
ملك 
انت وذوقك وعلي فكره انا لو اخواتي كانو هنا والله ما كنت هبص في وشك بس انا ما فيش حد اخرج معاه ومش بثق في حد. غير فيك يا كداب ياللي كنت عامل فيها سواق وانت ظابط و.. خالد انت روحت فين الووو.. 
خالد 
كنت بشتري حاجه اشربها لحد. ما تخلصي امم كملي.. 
ملك 
لا خلاص نسيت المهم انا مكتئبه ومش هخرج النهارده ومدام. ما تعرفش بابا فين يبقي اقفل وهرجع اعملك بلوك عشان زعلانه منك يا رخم... 
خلصت كلامها وقفلت في وشه وهو قال
يخربيت دماغ اهلك يا شيخه.. 
_ وبعدين طلع بره وركب عربيته وبص للعربيه اللي مرقبااه وابتسم بتسليه وقال.. 
خالد 
خلينا بقي نلعب شويه.. 
_ومشي بعربيته لحد ما وصل لمكان مقطوع ووقف بالعربيه وبص للعربيه اللي ورااه وطلع الفون بتاعه وفضل يقلب فيه وبعد شويه قرب منه الاتنين اللي كانو في العربيه اللي ورااه وواحد بصله وقال.. 
الولد 
في حاجه واقف هنا ليه؟.. 
خالد 
هو انا واقف في بيت ابوك وانا ما اعرفش.. 
ادايق الولد وجه يمشي بس خالد بسرعه فتح باب العربيه جامد وخلااه وقع علي الارض وجه الولد التاني عشان يمسك خالد بس هنا ظهرت قوة هذا الاسد اللي خلا الاتنين في اقل من دقيقه واقعين علي الارض... 
خالد 
انتو سالتو عليا الاول قبل ما تيجو تراقبوني علي العموم وصلو للي باعتكم ان حضرة الظابط خالد مش بيخلي حد يعرف عنه حاجه هو مش عايزها... 
_قال كلامه واخد عربيته ومشي، وفي بيت بهاء اول ما دخل لقي ملك قاعده ولابسه عبايه سمرا ورابطه راسها بطرحه نفس لون العبايه وقاعده بتعيط وهي بتسمع اغاني حزينه.. 
بهاء
هو احنا مش هنخلص بقي يا ملك من النكد ده.. 
ملك ببكاء
ما انا لقيت الناس كلت وشي، اتخزوقت ومش زغلانه قولت لااا بقي انا لازم ادخل في مود المتخزوفين.. 
بهاء 
طيب وليه تامر عاشور.. 
ملك 
ده اهم حاجه في الطقوس اللي عملاها واخد بالك انت هو وبيقول اااااه واضحه خلصااانه الحكايه.. 
بهاء بغيظ 
صوتك ودنييي يخرب بيتك والجران تقول علينا ايه اقفلي الزفت ده وادخلي غيري هدومك هننزل نتعشي بره.. 
ملك 
لا انا مكتئبه لو سمحت يا تواسيني يا تدخل تشوف نفسك رايح فين.. 
بهاء بخبث
ده انا كنت هاكلك سمك مشوي في المطعم اللي بتحبيه.. 
قامت ملك بسرعه وقالت 
خمس دقايق وهكون جاهزه بس مش مسمحاك علي سمعتي اللي باظت دي... 
_دخلت ملك اوضتها بسرعه وهوو فضل يضحك عليها وقال لنفسه بحزن.. 
بهاء
ربنا يسترها علي بنتك يا ندي... 
ــــــ #بقلم_الكاتبه_رحاب‌_القاضي ــــــ 
_تاني يوم في القاهرة،في بيت معتز كان انس طالع من اوضته وسمع باباه بيقول لمريم.. 
معتز 
مريم انا عايز رز بلبن نفسي رايحه عليه.. 
مريم 
مش فاضيه دلوقتي بغسل في المواعين.. 
معتز
وانا اعملك ايه يعني انا نفسي فيه.. 
مريم بحده 
روح يا حبيبي نام وكلو مع الملايكه اسهل ده ايه الغلب ده يا ربي.. 
معتز 
هو انتي كل ما حد يطلب منك حاجه لازم تسمعي العماره كلها.. 
مريم 
ما هو من عمايلك انت وعيالك انتو زهقتوني كل واحد فيكم بطلب خنقتوني كبرتوني وانا لسه في عز شبابي.. 
انس 
ماما انا عايز اا.. 
قاطعته مريم وهي بتقلع الشبشب وقالت
انت ايه اللي قومك يا منيل علي عينك مش انت متنيل تعبااان.. 
 انس بخوف 
لا والنبي الشبشب لا مش هقدر اجري وبعدين قومت عشان جني جايه.. 
معتز
يخربيت ابوووك جايب نسوان لحد البيت كمان.. 
انس بغيظ 
يا بابا دي جني جني قريبت عزت صاحبك ده.. 
معتز 
اممم وجيالك ليه بقي؟.. 
انس
جايه تطمن عليا وبعدين هي جايه ومتوتره وقلقانه وعايز بعني لو سمحتو لمره واحده تقفو جنبي.. 
مريم بحماس
استني انت بس ده انا هرفع راسك قدامه هخليك تحس انك زرافه كده.. 
انس بقلق
ربنا يستر علي العموم انا داخل البلكونه ولما تيجي خلوها تيجي تقعد معايا هناك.. 
ودخل انس البلكونه ومعتز قال 
مريم الرز بلبن يا ماما بسرعه.. 
مريم بغيظ 
بقولك ايه يا راجل انت يا تنزل مع حازم يا تتخمد قعدتك في وشي كده حارقه دمي.... 
معتز 
مش عاجبك امشي الباب يفوت جمل.. 
مريم 
قولي بقي هي مين اللي بتطفش فيا عشانها دي.. 
معتز 
يا وليه اتلمي بقي وبعدين اطمني انا كرهت الصنف كله،واكل رز بلبن قبل ما انام وزي ما كانت بتعمله امي الله يرحمها... 
مريم 
ما تروحلها وتخليها تعمله ليك بدل ما انت قارفني كده.. 
_وسابها ودخل اوضته وهي دخلت المطبخ وبعد شويه الباب خبط وراحت مريم تفتح وهي بتقول.. 
مريم 
ماشي يا معتز عاملي فيها اطرش دلوقتي... 
وفتحت الباب ولقيت جني، ابتسمت مريم وقالت
اهلا اهلا يا حبيبتي تعالي نورتينا.. 
دخلت جني وقالت
بنور حضرتك يا طنط، هو انس موجود؟... 
مريم 
ايوه موجود هيروح فين يعني وهو مكسح كده... 
جني وهي بتديها علبه صغيره
اتفضلي يا طنط طيب انس كان قالي ان حضرتك بتحبي الملبن الاحمر واا.. 
مريم بفرحه كبيره 
احلفي يا حبيب ماما يا انس، تعالي في حضني يا قلبي.. 
جني ضحكت وقالت 
دي اقل حاجه يا طنط.. 
مريم 
بصي ما تقوليش لحد انك جيبتيلي تمام دول هياكلوه مني.. 
جني 
لا خلاص مش هقول لحد ممكن بس اشوف انس.. 
مريم 
في البلكونه اهو قاعد مستنيكي... 
_دخلت مريم المطبخ ودخلت جني البلكونه ولقيت انس قاعد بيأكل العصافير... 
جني 
مشغول اجيلك في وقت تاني.. 
بصلها انس وابتسم وقال
لا ازاي ده انا ما صدقت تعالي اقعدي ماما سالتك تشربي ايه ولا لا؟.. 
جني 
لا لا مالوش لزوم وو.. 
_قبل ما تكمل كلامها لقيت مريم داخله وهي ماسكه صنيه عليها طبق مكرونه وطبق كبده وقالت.. 
مريم 
اقعدي يا حبيبتي بصي انتي تاكلي دول لحد ما اعملك كوباية لبن عشان تدخني شويه بدل المنظر ده.. 
انس بصدمه 
ماما ايه اللي بتعمليه ده ما يصحش.. 
قعدت مريم وقعدت جني جنبيها وفضلت تأكلها وقالت
اسكت انت البت ما فيهاش حاجه عايز الناس تاكل وشنا ولا ايه يوم الفرح.... 
جني بقلق
خلاص يا طنط انا والله مش قادره اكل تاني.. 
مريم 
افتحي بوقك يا بت انتي بدل ما اقلع الشبشب ده انتي داخله علي جواز وخلفه وهم ما يتلم.. 
انس بغيظ 
والله انا اللي غلطان بس مااشي وانتي كلي هي مش هتسيبك خلاص.. 
مريم 
ايوه اسمعي كلامه، قوليلي انتي بتعرفي تطبخي ولا لا.. 
جني وهي بتبلع الاكل 
ايوه يا طنط بعرف بس مش  اووي بعني عشان لسه صغيره.... 
مريم 
هو ايه اللي صغيره ده انتي اللي قدك فاتحه بيوت وبتربي عيال كلي كلي، المهم بلاش تتعلمي لما تتجوزي انا هبقي اعلمك اصل الواد انس ده مش اي اكل بياكله.. 
انس بصدمه 
يا ماما مش كده والله العظيم ما ينفعش اللي بتقوليه ده.. 
مريم 
اسكت انت، عارفه يا جني ده مغلبني في الاكل ابقي طابخه وعيني طلعت في تجهيز الاكل والاقيه جاي لاوي خلقته ويقولي انا مش عاجبني الاكل ده عايز حاجه تانيه فلازم تتعلمي الاكل اللي هو بيحبه وتعمليه والا هيطلع عينك.. 
جني 
حاضر والله بس ارجوكي كفايه والله مش هقدر اكل تاني.  
انس 
ماما في رز بلبن بابا عايزه والا هيتخانق معاكي.. 
قامت مريم بسرعه وقالت
يالهوي فكرتني طيب خليها تاكل وما تتكسفش عشان لو جبت ولقيت الاكل زي ما هو هرمبها من فوق... 
وطلعت مريم وقال انس
انا اسف جدا والله مش عارف اصلح اللي حصل ده ازاي.. 
جني وهي بتشرب مايه 
لا عادي حصل خير وبعدين مامتك طيبه اووي و.. 
_قبل ما تكمل كلامها سمعت معتز بيزعق بره وبيقول... 
معتز 
فول سوداني ايه اللي حطااه علي الرز بابن انتي بتعكي يا وليه يا خرفاانه.. 
مربم بعصبيه 
ما انا بقيت خرفانه من لما قعدت معاك يا راجل يا قرشانه انت روح منك لله انت وعيالك قرفتوني.. 
انس بغيظ 
جني قومي امشي انا غلطااان اني قولتلك تيجي هنا.. 
ضحكت جني وقفلت باب البلكونه وقالت
لا عادي ولا يهمك والله يا بختك بيهم، يعني جو العيله ده حلو جدا.. 
انس ابتسم وقال
تعرفي ان عمري ما جه في بالي اخلي واحده من البنات اللي عرفتهم تيجي هنا وتتعرف علي اهلي.. 
جني بضيق 
هما كتير بقي.. 
انس بتوتر
احمم يعني مش اووي بصي اللي عدي ده حاجه ولما عرفت جني بقيت حياتي حاجه تاني خالص... 
ابتسمت جني وبصت للارض وقال انس
هو انتي روحتي الجامعه وجبتيلي اجازه النهارده.. 
جني 
ايه ده مين قالك انا لسه كنت هقولك.. 
انس
واحد صاحبي قالي، كنت متوقع ان حد من اهلي يعمل كده بس هما هنا كل واحد مشغول في حاله.. 
جني 
هو مش احنا اصدقاء فعادي يعني.. 
انس غمزلها
طبعا عادي تتردلك في الافرااح، المهم بقي كلميني عن نفسك اكتر انا ما اعرفش عنك حاجه يعتبر.. 
جني 
مش لازم تعرف الحاجه بتكون احلي لما تكتشفها و.. 
انس 
لا علي فكره ده اي كلام احكي يلااا.. 
جني بغيظ 
اقولك حاجه وما تزعلش انتو عيله قليلة ذوق كل ما اتكلم تقاطعوني ومش بعرف اكمل كلامي.. 
انس
لا وازعل ليه احنا كده فعلا عيله مالهاش نظاام و.. 
دخل معتز عندهم وقال 
ازيك يا بنتي عامله ايه.. 
جني 
الحمد لله يا عمو حضرتك عامل ايه.. 
معتز 
كويس يا بنتي الحمد لله، ممكن بس تقومي بس ابص علي المحفضه بتاعتي كانت هنا من شويه.. 
انس
مش وقته يا بابا طيب.. 
معتز
لا وقته امك واقفالي بره عايزه الفيزا عشان هننزل نجيب رز بلبنبدل اللي باظ منها.. 
جني 
اتفضل حضرتك يا عمو دور عليها انا اصلا ماشيه عشان اتاخرت.. 
انس 
ماشي يا جني بابا هيخلي السواق يوصلك.. 
معتز 
يا مريم شوفي المحفضه عندك مش موجوده هنا.. 
مريم 
هو انت اتشليت ما تيجي تشوفها وبعدين مش هنزل معاك روح هاته لوحدك... 
ودخلت وهي ماسكه كوباية لبن وقالت
امسكي يا جني يلا اشربي اللبن مش عايزه نقطه في الكوبايه... 
جني بخوف 
لا لا والله العظيم انا مش بحب اللبن.. 
معتز 
ليه بس ده فيه كالسبوم وحديد اسمعي كلامها واشربي.. 
انس بعصبيه 
باااس ارحموها كفايه تعالي يا جني هوصلك لبره.. 
مريم
اتوكس انت قادر تتحرك يا مكسح احنا هنوصلها في طريقنا.. 
ابتسمت جني وقالت
مش عايزه اتعبكم والله.. 
انس بخوف 
ده لو وصلتي بخير اصلا، علي العموم ابقي طمنيني عليكي لما توصلي.. 
اتوترت جني وقالت معتز
ما تتلم يالا ايه المحن ده، يلا با بنتي بينا هنوصلك... 
ـــــــ #بقلم_الكاتبه_رحاب_القاضي ــــــــ 
_وفي بيت احمد. مندور كانت نسمه نايمه في اوضتها اللي كانت في بيت عمها لما كانت قاعده عندهم واحمد قاعد جنبيها وباصلها بحزن.. 
احمد 
هتتعوض يا نسمه كل حاجه هتتصلح.. 
دخل مندور وقال
احمد تعالي يا ابني وسيبها ترتاح الدكتور قال هي لازم ترتاح.. 
طلع احمد وقتد مع باباه اللي قال
ما كانش لازم تقولها كل حاجه مره واحده كده اهي تعبت.. 
احمد بدموع ماليه عينه
كان لازم تعرف حقيقته يا بابا.. 
مندور 
بس هو لسه جوزها وانت بتقول انه لسه عايش.. 
احمد
هخليه يطلقها ولو راجل المره دي يفكر باخدها مني.. 
مندور بحده 
وانت فاكر الكام واحد اللي موقفهم بره دول هيسدو قدام امجد البحيري كفايه بقي انا تعبت يا ابني ومش هتحمل تجراجلك حاجه، كفايه انك بدل ما تبقي محامي محترم زي ما كان حلمك بقيت مجرم وبلطجي.. 
احمد بحزن 
هو مش بيقولك الحب ليه ضحايا انا مستقبلي كان ضحية حبي لنسمه وانا لو معرفتش احميها  المره دي منه يبقي ما استهلش اعيش يوم واحد في الدنيا، خلي بالك منها انا هروح مشوار وراجع.. 
ـــــ #بقلم_الكاتبه_رحاب_القاضي ـــــــــ
_وعدي شهر علي ابطالنا وعلي كورنيش النيل في القاهره كانت قاعده ناني ومعاها اياد وقالتله.. 
ناني
بقالك اسبوع بتزن عليا عشان نتعشي مع بعض وفي الاخر جايبني اكل علي الكورنيش.. 
اياد 
انتي ايه الاليطه دي ما انا عزمتك كتير في مطاعم نغير بقي شويه وبعدين ما انا جايبلك سوشي اهوو.. 
ناني 
بس يعني مش حباها العزومه دي بس.. 
اياد 
مش مهم المكان المهم اننا مع بعض.. 
سكتت ناني وكانت مدايقه وقال اياد
بصي عشان تعرفي اني فاهمك كويس انا عملت حسابي وجيبتلك شمعتين اهمم.. 
ناني ضحكت غصب عنها وقالت
والله يا اياد انت لوحدك. كده قادر تحلي اي حاجه... 
اياد فرح وقال بصوت عالي
ايه الجمااال ده الله عليكي يا ست وقد نطق الحجر اللهم لا حسد.. 
ناني 
ارتحت انت كده لما الناس اتفرجت علينا، ولع الشمعتين وخلصني...
_طلع اياد الولاعه بتاعته وولع الشمعتين وقبل ما يشيلها مسكتها ناني وقالت.. 
ناني
ولاعه يا اياد؟.. 
اياد بعدم فهم
وفيها ايه ولاعه بولع بيها السجاير، هو انتي ليه بتبصيلي كده كانك قافشه معايا واحده.. 
ناني. 
لا لا انت تروحني بقي بتشرب سجاير يا اياد انا مستحيل اتجوز واحد. بيشرب سجاير.. 
_مسك اياد الولاعه وطلع السجاير من جيبه ورماهم. في المايه وقال.. 
اياد 
مرضي كده يا اسطاا.. 
ناني
انت كمان بترمي الحاجات دي في النيل ايه الاهمال ده... 
اياد 
يا بت انتي مين مسلطك عليا.. 
ضحكت ناني وقالت
لا خلاص تعالي بقي ناكل عشان انا جعانه اووي.. 
اياد 
صدق الشاعر لما قال"اريد أن اهديكِ كنوزاً من الكلمات لم تهدَ لامرأةً قبلكْ ولن تهدَ لامرأةٍ بعدكْ".. 
ناني وهي بتخفي كسوفها
ده عصام صاصا ده.. 
اياد 
يلا يا بت انتي من هنا... 
ضحكت ناني وفجاه موبيلها رن واياد قال
مين بقي اللي بيكلمك.. 
ناني بضيق 
مستر فؤاد صاحب القنااه.. 
ساب اياد الاكل وقال
اممم ماله بقي عايز ايه المستر؟.. 
ناني 
اقولك ولا تزعلش.. 
بصلها اياد وسكت وناني قالت
طيب مش هقول انت خوفتني منك، لا ما خوفتنيش انا مش بخاف من حد اصلا.. 
اياد بجمود. 
في ايه يا ناني احكي.. 
ناني ابتسمت وقالت
طلب يتجوزني وقالي عايز يقابل بابا.. 
اياد بهدوء 
طيب مبروك، يلا بقي نمشي.. 
ناني 
انا هرفض يا اياد علي فكره وعشانك و.. 
اياد ضحك بسخريه وقال
اممم لسه هترفضي لا برافو عليكي والله ما انا لو ليا لازمه في حياتك مش هتعملي كده انا ماشي.... 
وقام بسرعه وهي راحت وراه وقالت
يا اياد اي حركات العيال الصغيره دي.. 
اياد بحده 
لا والله انا برضو، طيب ما قولتيش ليه من اول ما قالك لا وانا ما اعرفش من وقتها ليه.. 
ناني
ما جاتش مناسبه اقولك وبعدين انا هرفض يا اياد بس بطريقه لطيفه... 
اياد 
بت انتي متعصبيش امي عليكي المفروض اني بعد بكره متزفت معاكي لاسكندريه عشان اخطبك وفي نفس الوقت في واحد مستني ردك عليه علي موضوع جواز عارفه انا لو طلعت سلاحي وفضيته في دماغك دي ما حدش هيلومني اوعي كده من وشي... 
ضحكت ناني وقالت
هههههههه ده يارب يتقدملي كل يوم عريس عشان تغير عليا كده... 
اياد بحده 
اضحكي اضحكي ما انا مفضوح قدامك من اول لحظه وايوه يا ستي بحبك وبعشق امك وبيغير عليكي ودلوقتي لو ما كلمتيش الزفت ده وقولتيله انك رافضه هخلي القطط اللي بتاكل السوشي دي تاكلك معاه.. 
ناني 
ايه ده انا جعانه اووي... هاكل ايه دلوقتي.. 
اياد 
كلمييه يلااا.. 
طلعت ناني موبيلتا وكلمت فؤاد وقالت
ازيك يا مستر فؤاد حضرتك عامل ايه.. 
ضربها اياد جامد علي دراعها وقال
انجزي يا ماما.. 
بعدت ناني الموبيل وقالتله بصوت واطي
ما تمدش ايدك عليا انت فاهم ولا لا.. 
وقالت لفؤاد 
ايوه يا مستر فؤاد مع حضرتك.... هههههه وانا اكتر والله وو.. 
_سكتت بخوف وبرقت لما لقيت اياد طلع سلاحه. وحطه علي راسها وقالت بسرعه وهي خايفه.. 
ناني
انا كك كنت عايزة اقولك يا مستر فؤاد انا اسفه مش هقدر اتجوزك ابدا لاني يعتبر حد قايل عليا.. الو الو مش سامعه حضرتك.. 
وقفلت الفون وقالت لاياد
تمام كده يا باشاا.. 
اياد شال سلاحه وقالها
تمام قدامي يلا هاكلك كشري.. 
ناني 
اخرتها كشري بس يلا اهو اللي يجي منك احسن منك... 
ــــــ #بقلم_الكاتبه_رحاب_القاضي ـــــــــ 
_وفي اسكندريه علي البحر كانت قاعده ملك وبتاكل دورا ومعاها خالد وهي بتتكلم وبتقوله.. 
ملك 
بس دي حكاية الكراش رقم 144،الكراش رقم بقي 145 ده حكايته حكايه بدأت لما اا.. 
خالد اتنهد وقال
بس اسكتي ده انتي عايزه واحد محشش يسمع حوراتك دي.. 
ملك بحزن 
مش بفضفض معاك يا خالوده... 
خالد 
انتي عارفه انا كرهت اسمي بسببك اسمي خالد يا ملك... 
ملك بصوت واطي
عيل بومه والله بس ما فيش غيرك للاسف.. 
خالد
سمعتك واتكلمي معايا بصوت عالي وبطلي برطمه... 
ملك
عارف يا خالد انا بخرج معاك من ورا بابا بس هو لو سألني انا مش هكدب عليه واقوله اني بقابلك وقتها هيدبسك فيا وهتتجوزني.. 
خالد 
اصبري يا ملك لما تتعافي وكل حاجه هتيجي.. 
ملك 
اتعافيت والله.. 
خالد
طيب لما تنسي.. 
ملك 
ورحمة امي نسيت
خالد
بعدين يا ملك مش دلوقتي.. 
ملك 
لا دلوقتي احسن والله.. 
خالد 
في ايه يا وليه التقل عندك اخباره ايه؟.. 
ملك 
يا خالد ما هو اللي ناقص انك تفلت مني انت كمان.. 
خالد 
في ايه يا سكر انتي عارفه انتي بتكلمي مين؟.. 
ملك 
بكلم خالد فتحي هكون يعني بكلم مين، قولي صح امك قرشانه ولا كيوت.. 
خالد بضيق
ما اعرفش.. 
ملك 
هي مامتك الله يرحمها ولا ايه زيي، عارف انا عمري ما شوفت ماما وكان نفسي ديما تبقي معايا ماما، انا وصغيره لما كنت بشوف صحابي بيتكلمو علي ماماتهم كنت بلبس المخده طرحه وافضل اكلم فيها علي انها ماما لحد. ما سما شافتني وفضلت تتعامل معايا علي انها ماما برغم انها صغيره زيي ومحتاجه لماما هي كمان،بس عوضتنا احنا ولو شويه عن غياب ماما ومش معايا انا بس ومع ناني كمان.. 
خالد بحزن
علي الاقل مامتك ده شئ مش بايديها هي ماتت، المشكله بقي لما تكون عايشه زي اللي ميته.. 
ملك 
العجل في بطن امه.. 
خالد 
نعممم؟.. 
ملك 
هو مش الكلام المشبك ده فزوره اوعي تكون بتتكلم جد... 
ضحك خالد وقالها
هههههه يا شيخه ده انا كنت خلاص هدمع ليه الفصلان ده... 
ملك 
خالد ما تيجي تحبني انا والله بعرف اطبخ واكنس و... 
خالد 
هو سؤال هو انا لو ما كنتش ظابط منتس هتبقي عايزه تتجوزيني.. 
ملك بسرعه قالت
ولاكنت هعبرك اصلا وو..، وبهزر طبعا اكيد طبعا كنت هوافق يعني.. 
خالد بغيظ 
ما بتعرفيش تكدبي يا ملك، هاا ما بتعرفيش تكدبي.. 
ملك بضيق
طيب موبيلك بيرن مين ايدوو ده؟.. 
خالد 
ده اياد ابن خالتي عارفه انس معتز بتاع كورة السله؟.. 
ملك 
ايه اللي اعرفه ده صورو ماليه اوضتي ده اخر واحد بكراش عليه قبل امجد.. 
خالد 
ما علينا اهو اياد ده اخوه بقي.. 
ملك برقت وقالت 
يعني انت انس يبقي ابن خالتك.. 
خالد 
لا انس يبقي اخو ابن خالتي.. 
ملك 
ايوه يعني انس ابن خالتك؟.. 
خالد
يا بنتي لااا انس يبقي اخو ابن خالتي لانهم اخوات بس مش من نفس الام.. 
ملك
ايوه يعني انس ابن خالتك.. 
خالد اتعصب وقال
يا شيخه بس بقي دماغك دي ما بتصحااش خالص.. 
ملك ببكاء
انت بتزعقلي ليه دلوقتي.. 
خالد
عشان غبيه وما تعيطيش وكلي دورا لحد. ما ارد عليه واجي... 
ومشي خالد وقالت ملك لنفسها
في حاجه  انا مش فهماها ناني كده هتبقي قريبت خالد لا انا عايزه ورقه وقلم دي لفه طويله... 
_وعند خالد كان بيكلم اياد وقاله.. 
خالد 
يا ابني هاجي والله وهتعرف علي البنت اللي هتخطبها كمان، وفي موضوع كمان انا عايز اقولك عليه.. 
اياد 
تمام يبقي هستناك بكره في الافتتاح بابا حالف عليا اخليك تيجي يا خالد.. 
خالد
جاي والله المهم انس بقي كويس ولا لسه.. 
اياد 
لا بقي زي الفل وبيتدرب مع مدرب خاص دلوقتي عشان يلحق معسكر المنتخب.. 
خالد 
طيب علي خير بأذن الله.. 
ـــــــــ #بقلم_المكاتبه_رحاب_القاضي ـــــــــ 
_وفي بيت احمد مندور كانت نسمه قاعده في اوضتها وباصه قدامها وسرحانه، ودخل عندها مندور وقال.. 
مندور 
ايه يا بنتي السرحان ده كله بقالي شويه بخبط عليكي.. 
نسمه مسحت دموعها وقالت 
معلش يا عمي ما كنتش واخده بالي، تعالي اتفضل.. 
مندور
قوليلي بقيتي كويسه واحسن من الاول.. 
نسمه 
ايوه الحمد لله بقيت كويسه يا عمي ربنا يخليك.. 
مندور بحزن 
 طيب انا بقي مش عايزك تفهميني غلط في اللي هقوله، بس انا عايزك ترجعي لجوزك ودلوقتي... 
نزلت دموع نسمه وقالت؟؟؟ 
ــــــــــــــــــــ 
_وفي المستشفي اللي فيها امجد. كان ماسك سلاحه في ايده ودخل عنده واحد من رجالته وقال.. 
الحارس
تمام يا امجد. بيه احنا تجت امرك فوزي بيه قالنا اننا تحت امرك في اللي انت تطلبه.. 
امجد بجمود
تمام استناني تحت وانا جاي ورااك... 
_مشي الحارس ودخلت صفاء وقالت وهي قلقانه وخايه.. 
صفاء
رجالة فوزي بيعملو ايه تندك، وانت ايه اللي قومك انت لسه تعباان.. 
امجد بجمود 
رايح ارجع مراتي واربي الكلب اللي خدها مني... 
_تفتكرو ايه اللي هيحصل؟... 
ــــــــــــــــــــــــــــ 
نسمه بدموع
ليه يا عمي كده ليه بتطلب مني كده وانت عارف كويس اللي انت بتقول عليه جوزي ده عمل فيا ايه.. 
مندور بحده 
عشان ابني امجد ده مش هيسيبك وابني مش قده، انتي بنفسك عارفه احمد دلوقتي بقي هو ده احمد اللي نعرفه.. 
نسمه ببكاء وثوت مهزوز
طيب انا همشي خالص لا هه هقعد عندكم ولا عند  حد بس مش هقدر ارجعله.. 
مندور 
لا هتقدري مش عشانك انتي لا عشان اللي في بطنك ده ما يحصلوش اللي حصلك، زمان لما كنا بنتغلب علي امرنا كنا بنرضي بالمقسوم وانتي اعملي كده ارضي باللي قسمه ليكي ربنا وخلي ابنك يتربي بين اب وام.. 
نسمه بحزن 
حاضر يا عمي انا دلوقتي حالا همشي ولما احمد يرجع قوله نسمه بتقولك هي رجعت لجوزها.. 
مندور
ربنا يريح بالك يا بنتي.. 
_طلع مندور ونسمه غيرت هدومها وجات تطلع من الشقه بس كان احمد داخل ولما شافها طالعه قالها.. 
احمد
علي فين ان شاء الله.. 
 نسمه بضيق 
ماشيه.. 
احمد بجمود
علي فين برضو؟.. 
نسمه عيونها اتملت دموع وقالت
راجعه لجوزي يا احمد.. 
احمد اتنهد بضيق وقال
ادخلي جوه با نسمه وبلاش حركه كتير عشان ما تتعبيش.. 
نزلت دموع نسمه وزعقت فيه وقالت
لو سمحت انا عايزه امشي وارجع لجوزي لو سمحت.. 
احمد بحده
جوزك مين امجد البحيري تحبي افكرك تاني هو عمل فيكي ايه.. 
طلع مندور من. اوضته وقال
سيبها يا احمد نسمه رايحه لجوزها وده الصح وقعدتها هنا معاك غلط، جوزها حلالها اولي بيها.. 
زعق احمد فيه وقال
لو الدنيا كلها شايفه انه حلالها هيفضل في نظري انا حرام عليها... 
نسمه ببكاء 
انت مالكش ذنب يا احمد وعمي معاه حق انا مكاني هناك هو الصح وانت انساني خلاص.. 
احمد بدموع 
لو كنت قدرت ما كنتيش بقيتي واقفه دلوقتي قدامي... 
_قبل ما ترد عليه جه حمدي اللي شغال مع احمد وقال بسرعه.. 
حمدي 
احمد في مصيبه ابن البحيري ورجالته تحت... 
اتنفضت نسمه بخوف ومندور قال
عجبك كده خليها تمشي وخلينا نخلص.. 
احمد 
بس يا بابا ولو سمحت خد. نسمه وادخلو جوه اياً كان اللي هيحصل ما تخرجوش منها... 
نسمه ببكاء 
سيبني امشي يا احمد وهو مش هيعديها علي خير.. 
احمد 
مش هياخدك مني تاني ما تخافيش ادخلي جوه... 
_دخلت نسمه جوه في اوضة مندور وكانت قاعده خايفه، واحمد كان لسه هيطلع يشوف رجالته وهو ماسك سلاحه بس اتصدم لما لقي امجد قدامه ورجالته كلهم متقيدين من رجالة امجد. لانهم اقوي واكتر..
امجد بجمود
نصيحه ليك بعد كده لما تفكر تخلص من حد يبقي تخلص منه نهائياً زي ما هعمل فيك دلوقتي.. 
_سكت احمد وما بقاش عارف يعمل ايه، وكل اللي بيخطط ليه فشل، ودخلت رجالة امجد ومسكوه وضربوه جامد.. 
امجد. بصوت
هاا يا نسمه انا مش هسيبه غير لما تطلعي يا حبيبتي حتي لو مات فيها، هتختاري ايه بقي... 
_وجوه اوضة مندور كانت نسمه بتتنفض بخوف، وقرب منها مندور وقال.. 
مندور ببكاء
اطلعي وامشي كفايه بقي ابني بيروح مني، لو بتحبي احمد بجد. امشي مع امجد وخلي احمد ينساكي خالص.. 
_نزلت دموع نسمه وقامت طلعت وهي بتتنفض بخوف مالوش حدود، واول ما فتحت الباب بصلها امجد بكل حقد وقال.. 
امجد. 
سيبوه وانتي تعالي قربي هنا... 
_رمو رجالته احمد علي الارض اللي كان وشه كله كدمات وبص لنسمه بدموع وقال.. 
احمد بصوت متألم 
اوعي تسمعي كلامه يا نسمه اوعي.. 
_غمضت عينها وقربت من امجد واول ما وقفت قدمه مسكها من شعرها جامد وقال.. 
امجد. 
حسابنا مش هنا بس اللي عدي حاجه واللي جاي حاجه تاني... 
وبص لاحمد اللي كان واقع علي الارض وقاله
وانت يالا لو ما غورتش من مصر كلها انت وابوك انا هدمركم انت فااهم.. 
_واخد نسمه ومشي هو ورجالته وطلع مندور وقتد جنب احمد علي الارض وقاله.. 
مندور ببكاء
ليه بس يا ابني كده، حرام عليك نفسك واللي بتعمله ده، انسااااهاا بقي انساااهااا.. 
_نزلت دموع احمد وعينيه بتقول عن كل الالم والكسره والعجز اللي حاسس بيه دلوقتي.. 
ـــــــــ #بقلم_الكاتبه_رحاب_القاضي ـــــــــ 
_في القاهره كان انس طالع من صالة الالعاب اللي بيتدرب فيها ولقي جني قاعده مستنيااه.. 
ابتسم. انس وقال
انتي برضو جيتي، ليه تعبتي نفسك بس.. 
جني
عادي انا اصلا كده كده كنت جايه النادي، قولت اطمن عليك بالمره.. 
انس قرب منها وقال
يا باشا انت براحتك وعلي فكره انا انبسطت لما طلعت ولقيتك مستنياني.. 
جني بتوتر
طيب بقي الدكتور بتاع الفريق قالك. ايه... 
انس بضيق
للاسف مش هلحق الماتش لان الكسر صعب شويه وهياخد شهرين كمان عشان اقدر العب.. 
جني 
طيب كويس استغل ده بقي واتخرج من الجامعه.. 
انس 
لا انا ناوي استناكي بصراحه.. 
مشيت جني وقالت 
امممم لا ما انا مش هكمل تعليمي الثانويه العامه هدت حيلي.. 
انس وهو ماشي جنبيها
ايوه صح هو انتي المركز الكام في الاوائل.. 
جني بثقه  
الاول طبعا زي كل سنه.. 
انس 
فينا من بعض انا كنت الاول ديما معادا تالته ثانوي كنت التاني.. 
جني
ومالك زعلان ليه كده وانت بتقولها.. 
انس
لاني لما ما طلعتش الاول انا اطردت من البيت بسبب انهم كانو عايزني ادخل شرطه واطلع الاول مع ان دي مالهاش علاقه بدي بس لما رفضت ادخل شرطه بابا قالي ازاي ما تطلعش الاول وطردني من البيت وفضلت سنه قاعد عند بيت حازم ونيره اللي قولتلك عليهم.. 
جني بضيق
علي العموم ده عدي وهيكون احسن لو ما تفتكروش خالص.. 
انس اتنهد وقال
مش لما انسااه الاول، علي العموم انتي هتلبسي ايه النهارده في الحفله.. 
جني 
لا ما انا مش هروح اصلا.. 
انس
هو ايه اللي مش هروح اصلا، ده الحفله كلها النهارده معموله عشاني والاعلام موجود وليله.. 
جني 
عارفه انك النجم اللي هيعملو بيه الدعايه، بس انا مش بحب الحفلات دي يعني لما خالو عملها في البيت قبل كده ما حبيتهاش وما ارتحتش.. 
انس 
لا بس النهارده هتعجبك لاني هكون معاكي، تعالي معايا بس.. 
جني 
اجي معاك فين الحفله بالليل اصلا.. 
انس 
يا ستي عارف تعالي معايا بس هنروح نجيب الهدوم اللي هنحضر بيها الحفله ونطقم سوا.. 
ابتسمت جني وانس قال
مش قولتلك هتحبي الحفله النهارده يلا بينا.. 
_راحت معاه جني وفضلو يختارو مع بعض كل حاجه،وبعدين راح انس عشان يحاسب وجني راحت معاه وقالت.. 
جني 
انا هحاسب لنفسي تمام.. 
انس 
ليه ان شاء الله جايه مع سوسن صاحبتك اوعي با بت كده.. 
جني 
بت اما تبتك انا هدفع لنفسي يعني هدفع لنفسي.. 
انس بغيظ 
هديكي في وشك يا جني ما تخليش الناس تتفرج علينا وابقي اخدهم منك بعدين عشان بس منظري معلش... 
جني بضيق 
علي فكره اما مش هجيب معاك حاجه تاني... 
انس 
ما تقوليش كلام مش قده طيب عشان احنا بعد كده مش هنجيب حاجه غير واحنا مع بعض.. 
_ابتسمت جني وبعدين هو راح وحاسب، واخدها وصلها البيت وهي كانت مبسوطه جدا، وشافتهم جيلان من شبااك اوضتها وكانت متعصبه جدا وكلمت ياسين وقالتله وهي متعصبه.. 
جيلان 
الوو انت فين مش المفروض تيجي تخطب الزفته دي... 
ياسين 
انا في امريكا يا جيلاان، هو انتي فاكره بعد اللي عملو فيا اياد اخو انس هقعد واستني انس يخلص عليا.. 
جيلان 
انت جبااان وعيل ومش راجل.... 
ياسين 
وانتي واحده مريضه يا حبيبتي، اقتنعي انه خلاص ما بقاش ليكي وانه بيحب جني انسيه.. 
قفلت جيلان في وشه وقالت لنفسها ببكاء
مش هسيبه مش هقدر اسيبه، انا ما عملتلوش حاجه عشان يسيبني اصلا هي السبب هي اللي اخدته مني زي ما هي برضو مخليه بابا يحبها اكتر مني، بس انا هعرف ازاي اخد حقي منك يا جني... 
ـــــــــ #بقلم_الكاتبه_رحاب‌_القاضي ـــــــــ 
_في بيت امجد البحيري كان قاعد علي مكتبه وباين عليه التعب وقدامه فوزي وقاله.. 
فوزي 
هسيبك ترتاح شويه عشان شكلك تعبان بس ما تنساش اللي طالبه منك.. 
كان امجد ساكت ومش بيرد، وفوزي قال
امجد انا مش بساعدك حباً فيك يا ابن اخويا لااا انا عملت كده عشان عارف ان دماغ خالد فتحي ظابط الشرطه ماينفعش معاها غيرك.. 
امجد. 
انت مش عايزه يبعد عنك سيب الموضوع ده عليا، وامشي يلا من هنا.. 
فوزي 
يا ابني هو انت ليه بتنسي اني عمك هو ايوه انت اكبر من بسنه بس انا برضو عمك.. 
امجد 
امشي يا فوزي من هنا وليك عندي مصلحتك تخلص واتفضل بقي.. 
فوزي بسخريه 
اما العشق ده بيدمر صاحبه فعلا زي ما بنسمع... 
_بصله امجد بحده وفوزي قام مشي، زدخلت صفاء وقالت بحزن.. 
صفاء
فوزي يا امجد بتشتغل مع فوزي اللي ايديه كلها دم... 
امجد بجمود
سيبيني لوحدي لو سمحتي وانا اسفلك بس غصب عني، انا مش برتاح غير وهي معايا مش هقدر اعيش من غيرها حتي لو غصب عنها انتو ليه مش فاهمين كده.. 
صفاء 
ماشي صلح علاقتك بيها سيب اهلها في حالهم وسيب ملك واللي من طرفها ده في حالهم.. 
امجد. بجمود
ماشي انا هسيب ملك زي ما حضرتك عايزه بس بعد ما اخد حقي من ابوها.. 
صفاء بعصبيه 
كفاااايه بقي انت ايه بقيت شبه الشياطين ليه كده.. 
سكت امجد وصفاء قربت منه وقالت
ورحمة ابوك وغلاوتي عندك بلاش تعمل لنسمه حاجه، وافتكر انك اذيتها كتير كفايه بقي حتي عشان ابنك اللي لسه ما جاش علي الدنيا.. 
امجد بجمود
تمام اتفضلي لو سمحتي سبيني لوحدي.. 
_سابته صفاء وطلعت فوق عند نسكه لقيتها نايمه وباين عليها التعب، قربت منها وغطتها كويس وقالت بدموع.. 
صفاء
نصيبك يا بنتي ومش عارفه اعملك حاجه، بس مش هرضالك باي ظلم منه تاني.. 
ـــــــــ #بقلم_الكاتبه_رحاب_القاضي ـــــــــ
_في القاهره في بيت معتز طلع اياد من اوضته وهو لابس بدله حلوه جدا وكانت مريم ومعتز قاعدين مدايقين.. 
اياد 
مالكم في ايه، وانتي ايه اللي لابساه ده يا ماما اكيد مش هتروحي الحفله بالفستان ده.. 
معتز
اهوو انا ما جيلتش حاجه من عندي، قومي با مريم غيري الفستان والبسي حاجه طويله.. 
مريم. بحزن 
لييه طيب ده لتحت الركبه وبعدين انا بقيت ست كبيره خلاص البس اللي عليزااه.. 
معتز بحده 
كبيره فين يا مريم بصي لنفسك عامله ازاي في الفستان ده اتفضلي روحي غيريه يلاا.. 
طلع انس وقال
مالكم بتزعقو ليه... ايه يا ماما اللي انتي لابسااه ده.. 
مريم 
لا والنبي انصرني انت مش هتبقو كلكم عليا.. 
انس
مستحيل طبعا. تروحي بيه الحفله يا ماما، عايزاني اقول للناس اتفرجو علي امي المزه.. 
ضحك اياد ومعتز قال
اهو العيل قالك اهووو..ادخلي يلا غيري هدومك.. 
ضحك اياد اووي وقال
ههههههههه جبهتك يا انس راحت الحفاه قبلك.. 
انس
لا لا انا بقيت حلوف خلاص يا عيله عديمة الذووق.. 
معتز بحده 
هي مين دي اللي عيله عدية الذوق يا صايع يا ابن الصايعه.. 
 مسكته مريم من هدومه وقالت بعصبيه
هي مين اللي صايعه ده انا سكتالك من الصبح انت وعيالك... 
جريو اياد وانس لبره وهما بيضحكو ومعتز قال
يا انداااال استنو، اندي يا مريم خوفتي العيال.. 
مربم بغيظ 
انت منك لله انت وعيالك انتو هتجلطوني قريب، تلاته يارب تلاته بيتحكمو فيااا.. 
_وسابته ودخلت تغير هدومها ومعتز فضل يضحك عليها... 
_وتحت بيت ناني كان اياد مستنيها ونزلت وهي لابسه فستان اوف وايت طويل باسمام خفيفه وفارده شعرها لورا زي عادتها ولما شافت اياد ابتسمت وقالت.. 
ناني
معلش اتاخرت عليك بس كنت بكلم اخواتي.. 
اياد 
ربنا يخليهملك، بس ايه الحلاوه دي كلها.. 
ناني اتكسفت وقالت 
طيب هنتاخر يلا بينا.. 
اياد
ما فبش مره تجبري بخاطري وتقولي وانت كمان او اي كلمه حلوه.. 
ناتي ببرود
كلمه حلوه اديني قولت اهو هههههه.. 
اياد 
ايه خفة الدم دي يا بنتي يلا بينا ابو شكل حلاوتك.. 
ناني 
استني الاول انت بجد هتيجي معايا بكره اسكندريه وهتقابل بابا وتخطبني.. 
اياد
هو انتي عندك شك اني ممكن اصبع اي فرصه تقربني منك يا اول واجمل حب انت يا عم.. 
ابتسمت ناني وقالت
ههههه ماشي كده. اطمنت يلا بينا.. 
اياد بخبث
لا بقي استني دوري انا كمان، هو انا بقالي شهر عمال اقول بحبك بعشقك وبغير ومصر كلها ارفت انتي بقي ايه بتحبيني ولا لا.. 
ناني اتوترت جدا وقالت 
هقولك علي حاجه انا ممكن ارد. عليك بالكلام اللي انت عايزه بس انا مش عايزه اقولها غير لما يبقي الكل عىرف اننا مع بعض اهلي واهلك وعشان كده عايزه ده يبقي بسرعه عشان خايفه من القدر.. 
اياد بعدم فهم
ازاي يعني مش فاهم.. 
ناني بدموع 
بابا ديما لما بيحكيلي عن ماما بيقول ان القدر فرقهم بسرعه وكان جواه كلام كتير وحاجات كتير فضلت جواه محبوسه لمو ماما ماتت وهي بتولدنا، وكان بيقولنا برصو ما تخلوش حاجه جواكم لانكم ما تضمنوش القدر ممكن يكون مخبي ايه فا لو في فرصه تقول لحد حاجه جواك قولها بسرعه بلاش تخبي وتعاند.. 
اياد ابتسم وقال
انا نفسي احضنك اووي وخايف من القدر ممكن احضنك بقي.. 
ضحكت ناني وقالت
ههههه يا عم انت كلمه مش عارف تسمعها عايز تحضن مره واحده لا لا طماع اووي انت.. 
اياد بغيظ
اعمل فيكي ليه يا قطاعة الارزاق انتي، علي العموم يلا بينا عشون ما نتأخرش ومش عايزك تسبيني لحظه هناك مفهوم.. 
ناني 
تمام يا افندم.. 
_مسك ايدها اياد واخدها معاه في عربيته وراحو الحفله.... 
ـــــــــ #بقلم_الكاتبه_رحاب_القاضي ـــــــــ 
_وفي الاسكندريه كانت ملك قاعده وقافله كل نور الشقه ومشغله فيلم رعب وحاضنه الدبدوب بتاعها ومتخبيه ورااه وهي بتتفرج، وفجاه موبيلها رن فأتخضت جامد وقالت.. 
ملك 
ده مين الحيوان اللي خضني ده وبيرن دلوقتي.. 
بصت في الفون وقالت
هو خالد ما فيش غيره بيرعبني... 
وردت عليه وقالت 
نعمم عايز ايه يا خالد مش سيبتني وروحت القاهره.. 
خالد 
ما انا راجع النهارده بالليل وبعدين فارق معاكي يعني وجودي.. 
ملك 
ايوه طبعا فارق انا مش بحب اخرج لوحدي وما فيش غيرك بيخرني للاسف.. 
خالد 
ايه البجاحه دي طيب بتاعت مصلحتك داريهم شويه وانا هعمل نفسي مش فاهم انما بتستغليني عيني عينك كده.. 
ملك 
خالدوه انت متصل عايز ايه انا مش فاضيه الواد هياكل البت.. 
خالد 
انتي بتتفىجي عليه ايه يا بت انتي.. 
ملك 
فيلم اكل لحوم البشر.. 
خالد 
اممم فكرتها حاجه تاني علي العموم كلمتك اطمن عليكي.. 
ملك 
انا حلزه وزي الفل وخف زن ده انت رغاي اووي ايه ده.. 
خالد بغيظ 
انا برضو اللي رغاي دلوقتي يا ملك.. 
ملك 
فرصتي وجات لحد عندي ايوه انت رغاي واقفل بقي هعملك بلوك لحد ما تيجي وهفكه عشان اكلمك تخرجني يلا بااي.... 
قفلت في وشه وخالد ابتسم وقال
ماشي يا ملك اما اجيلك بس يا مراتي... 
_جه من ورااه اياد ومعاه ناني وقال وهو بيضربه علي كتفه.. 
اياد 
بتكلمي نفسك يا بطه... 
بصله خالد وقال
اياد يا رخم ااا ناني؟.. 
ناني بصدمه 
خالد انت بتعمل ايه هنا... 
اياد
لا ثواني بس انتو تعرفو بعض منين؟.. 
ابتسم خالد وقال
انا هفهك بس الاول افهم هو انت العريس اللقطه اللي جاي لناني.. 
ناني
استني استني انت مين قالك اصلا علي موضوع العريس ده؟.. 
خالد ابتسم وقال
اشهر راديو في اسكندريه.. 
ناني
بس من غير ما تكمل ملك اختي.. 
اياد. 
لا معلش  فهموني الاول انتو تعرفو بعض منين؟.. 
ـــــــــ #بقلم_الكاتبه_رحاب_القاضي ـــــــــ 
_ وفي الحفله كانت مريم ونيره قاعدين علي ترابيزه واحده مع علا ومنه وقالت مريم بصوت واطي.. 
مريم
تلاقيه جوزك الناقص اللي عزمهم.. 
نيره 
وربنا لو كان هو اللي عملت كده لنيمه في الشارع النهارده.. 
علا بخبث
قوليلي يا نيره ما حاولتوش تاني انتي وحازم تخلفو.. 
اتملت عيون نيره دموع ومريم قالت
البركه فيكي مخلفه شحطه صفرا مالهاش اي لازمه.. 
منه بغيظ 
يا طنط هو انا اتكلمت معاكي ولا دايقتك في حاحه ليه بتغلطي فيا.. 
مريم 
هو انا غلطت فين يا بت انتي هتغلطيني بالعافيه ولا ايه انا بوصفك بس... 
علا بغيظ 
ولو انا بنتي مالهاش لازمه يبقي ابنك يا حبيبتي مالهوش تلاتين الف لازمه وهو كل يوم بفضيحه.. 
نيره 
لااااا استني انتي بتغلطي في انس ده انا ابلعك يا وليه يا صفرااا انتي.. 
قرب منهم انس وقال
في ايه في ايه يا حلب المناسبات انتو... 
منه 
انس هو فين اياد ما جاس ليه لدلوقتي.. 
مريم بخبث
راح يجيب خطيبته المستقبليه وجاااي... 
منه بغيظ 
انتي بتقولي ايه انا مش فاهمه... 
_بصت مريم لاياد وخالد اللي داخلين ومعاهم نانب وقالت بخبث.... 
مريم 
اهما جم دي ناني اللي هنسافر اسكندريه نخطبها الاسبوع الجاي.. 
علا قامت وقالت
انا رايحه اسلم علي خالد... 
ـ وقربت علا من خالد وقالت، وهي بتمسك ايده ومبتسمه.. 
علا
كويس انك جيتبا حبيبي تعالي اقعد معايا انا واختك... 
سحب ايده منها وقال
لو سمحتي بلاس تخليني كل مره اجرحك واتعودي انك تعامليني كاني مش موجود زي زمان، واختي هبقي اسلم عليها بعد اذنك... 
_قال كلامه بعصبيه وسابها ومشي، وهي ما اتحملتش تقعد وسابت الحفله كلها ومشيت.. 
_كان انس بيتصور من الصحافين وحازم ومعتز بيستقبلو في الضيوف لحد ما جه عزت الشندويلي وكانت معاه جيلان وجني اللي اول ما دخلت بصت لانس اللي ساب التصوير وقرب منهم وقال.. 
انس
ايه التاخير ده كله يا عموو ده انا قاعد عيني ما اتشالتش علي الباب مستنيك.... 
ـ بص بكرف عينه لجني اللي وسها قلب احمد وبصت للارض، وضحك عزت وقال.. 
عزت
لا ده انا لو كنت اعرف ان النجم بنفسه مستنيني ده انا كنت جيت اول واحد بس اعمل ايه بقي البنات عطلوني.. 
ومسمت جيلان في ايد انس وقالت
علي فكره يا بابي انا وانس زمايل في الجامعه، وصحاب جدا.. 
عزت 
بجد. انا اول مره اعرف... 
_بص. انس لجني اللي ادايقت بس قبل ما يتكلم قرب منهم صحفي وقال.. 
الصحفي
لو سمحت يا عزت بيه صوره بقي انت وبنت حضرتك مع الكابتن.. 
عزت بفرحه 
اكيد طبعا اتفضلو... 
_وقف عزت في النص وجنبه جيلان ومن الناحيه التانيه انس، وجني عيونها اتملت دموع وطلعت بره بسرعه و...؟.... 
_ وعلي ترابيزة عيلة معتز بص لناني وقال.. 
معتز 
ممكن نتكلم مع بعض شويه علي انفراد يا ناني.. 
قلقت ناني وقالت
اكيد طبعا يا عمو.. 
مريم بصوت واطي
عارف لو البت طفشت من الواد هاكل ودانك يا معتز.. 
معتز 
يعني كل الاكل اللي قدامك ده مش مكفيكي وبصالي في وداني يا طفسه اوعي.. 
_قام معتز ومعاه ناني وكان اياد قلقان جدا، ومنه قامت من غير ما حد. ياخد باله وراحت وراهم.. 
ناني 
خير يا عمو في ايه؟.. 
ابتسم معتز وقال
اهدي يا بنتي انا بس عايز اتعرف عليكي منك، انا ما اعرفش غير ان اسمك ناني ومش عايز اعرف بطريقة المباحث وكده لا انا عايز اعرف من عروسة ابني.. 
ابتسمت ناني وقالت 
تمام يا عمي انا اسمي ناني بهاء فخر الدين من اسكندريه ماما متوفيه و.. 
معتز بجمود
استني انتي ابوكي شغال ايه؟.. 
اتوترت ناني من طريقته وقالت
دكتور نفسي.. 
معتز بغضب 
وامك اسمها ندي.. ايوه انتي بنت ندي نفس عيونها حتي فيكي شبه من ابوكي برضو.. 
ناني بقلق 
هو حضرتك تعرف بابي  ومامي منين؟.. 
معتز بعصبيه قال
اطلعي بره وابعدي عن ابني فاهمه... 
اتملت عيون ناني دموع و؟... 
ـــــــ #بقلم_الكاتبه_رحاب_القاضي ـــــــــ 
_ في بيت امجد. البحيري كان واقف مع واحد. من الحراس بتوعه وفضل يضحك وقال.. 
امجد 
هههههه جوزها للظابط اللي كان عامله سواااق، تمام خليك بقي مراقبلي بهااء ده خطوه بخطوه وتخلي سزنيا ما تقربش منه تمام... 
الحارس 
تمام يا باشا تحت امرك... 
_سابه الحةرس ومشي وهو طلع موبيله وحاول يكلم ملك بس لاقاها عامله بلوك لرقمه اتنهد بضيق وقال.. 
امجد 
تمااام يا ملك هانت اووي وهوريكي ازاي تتفقي مع احمد عليا لا ومش انتي بس وكمان جوزك.. 
_وطلع فوق ودخل اوضته وكانت نسمه نايمه، فرزع الباب جامد وهي فتحت عينيها ولما شافته قعدت بسرعه وهي خايفه وهو راح وقف قدامها و؟... 
ناني بدموع
حضرتك بتقول ايه يا عمو اا.. 
زعق فيها معتز وقال
انا مش عمك ولا عمري هكون عم لوحده زيك وابعدي عن ابني احسنلك فاهمه.. 
_وقفت ناني ودموعها نزلت وقبل ما تمشي معتز قال بحده.. 
معتز
ولما ترجعي لابوكي قوليلو معتز كمال مش هيجوز ابنه لبنت مجرم.. 
_كانت ناني مصدومه من كلامه ومن اهانته ليها ومشيت بسرعه ومنه كانت واقفه وسامعه كل حاجه وهي مبسوطه جدا من اللي حصل، واول ما طلعت ناني بره راح وراها اياد وقال.. 
اياد 
يا بنتي استني في ايه؟.. 
ناني بحده 
ابعد عني مالكش دعوه بيا خالص انت فاهم ولا لا.. 
اياد بقلق 
طيب في ايه وحصل ايه اصلا بابا قالك ايه.. 
ناني بدموع
اسأله قال ايه وانت لو اخر واحد في الدنيا انا مستحيل ابص في وشك تاني... 
مسك ايدها اياد وقال
طيب اهدي وقوليلي حصل ايه انا مش ممكن اسيبك تمشي وانتي كده.. 
زقته ناني جامد وزعقت فيه وقالت
ابعد عني انت وجودك كان غلط في حياتي، بس الغلط الاكبر كان مني انا، مالكش دعوه بيا تاني ولو عايز تفهم حاجه روح اسأل باباك.. 
_قالت كلامها وسابته ومشيت وهو فضل واقف مدايق جدا وبعدين دخل ولقي معتز واقف مع حازم وعزت ومعاهم انس قرب منه وقاله.. 
اياد بجمود
لو سمحت يا بابا عايزك في كلمتين.. 
انس بسخريه
كويس انك جيت بابا كان بيقول ان ازاي الحفله دي كلها تبقي معموله عشاني انا وانا انجازاتي تافهه مقارنةً باللي انت بتعمله في شغلك.. 
حازم بضيق
معتز مش قصده يا انس و.. 
انس بضيق
انا طالع اشم هوا برا واسيبلكم الجو شويه.. 
طلع انس ومعتز قال
معلش يا عزت بس هو صغير وتصرفاته طايشه.. 
عزت 
بس انت قليت منه قدامي ويمكن ده اللي دايقو... 
معتز 
طيب هو انا قولت ايه غير الحقيقه..رجالة الشرطه هما الابطال اللي بجد بس احنا في زمن الجيل التافهه ماسك في الكوره والسوشيال ميديا.. 
حازم
بس الرياضه مش تافهه كل واحد بيعمل دورو يا معتز وانس لما حد. يقلده ويلعب رياضه بيحبها زيه احسن ما الشباب تقلد حد. مش كويس... 
اياد بحده 
بابا لو سمحت عايزك في كلمتين.. 
معتز بعصبيه
مش وقته بعدين روح شوف خالد كان بيدور عليك... 
اياد بجمود 
انا ماشي اصلا وهستنني حضرتك في البيت.. 
معتز
في ستين داهيه انت كمان... 
_مشي ايااد وهو مدايق جدا وحازم كمان ادايق من معتز وعزت قال... 
عزت 
لا لا يا معتز انت بجد طريقتك مش صح مع ولادك، يا جدع ده انا كنت بموت علي ولد يبقي من صلبي وكنت هخليه يبقي ملك العالم كله.. 
حازم 
انتو بتتكلمو في ايه انا كان نفسي حتي في معزه بس الحمد لله ده قضاء ربنا وولاد معتز بعيد عن معتز فانا بقول ربنا عوضني بيهم.. 
_وبره طلع انس وفضل يدور علي جني ولاقاها قاعده قدام شباك بيبص علي الشارع وحاطه راسها علي الحيطه وساكته ابتسم وقرب منها وقال.. 
انس
والله العظيم اتحطيت في الموقف غصب عني وانتي عارفه حركات جيلان.. 
جني بضيق
انت بتتكلم في ايه مش فاهمه اصلا.. 
انس 
بطلي بقي الحركات دي، وبعدين دي صوره مالهاش اي معني يعني.. 
جني بحزن 
هو اللي كان بينك وبين جيلان كبير اووي كده لدرجة انها تمسك ايدك قدام باباها بالثقه دي كلها.. 
انس بجمود
ايوه كان كبير تقريبا انا وجيلان اتعرفنا في ظروف صعبه شويه ليا وليها انا كنت مطرود من البيت وهي كانت مامتها لسه متوفيه واتفقنا نرتبط فتره مؤقته عشان نبسط نفسنا وبس ونهرب من اللي بيحصل، كنا بنسافر ونخرج كتير تقريبا ما كناش بنسيب بعض لحظه بس كنا عارفين اننا غير حياة بعض لمجرد وقت.. 
جني بضيق
انت اناني يا انس بجد، يعني انت لما بقيت كويس ولقيت الاحسن من جيلان في نظرك بعدت عنها وفي داهيه هي ومشاعرها.. 
كلامها صدمه وقال بحده 
معني كلامك ده اني كنت فضلت معاها وما قربتش منك مش كده.. 
جني 
مش قصدي كده وانا ماليش حق اصلا اقولك قرب من دي وسيب دي، انت كبير كفايه انك تعرف نفسك عايز ايه بس انا اا.. 
انس مسك ايدها وقال
انا بحبك انتي ومش عايز اي. واحده في حياتي غيرك، مش عايز من الدنيا غيرك انتي انا مش بكون كويس غير وانا معاكي وبنتكلم وبتضحكيلي وبتحسسيني اني كويس.. 
سحبت جني ايدها منه وقالت 
ولما تلاقي اللي ترتاح معاها اكتر هتسيبني و.. 
انس بضيق
بلاش الكلام ده يا جني انا جيلان اسأليها انا عمري والله ما قولتلها وني بحبها ولا هتجوزها ولا عايزها  تكمل معليا للاخر.. 
جني سكتت وانس قال
انا بحبك انتي وبس واول ما هخلص الجامعه قبل اي حاجه انا هاجي اخطبك ومش هستني لحظه تاني.. 
ابتسمت جني وقالت 
احمم طيب تعالي ندخل الحفله و.. 
انس
لا لا نفسي قفلت منها انا عايز نفضل هنا لوحدنا احسن بس ايه القمر ده بجد.. 
جني اتوترت وقالت
لم نفسك تمام والا همشي.. 
انس طلع موبيله وقال
هشغل موسيقي هاديه كده ونرقص ايه رئيك.. 
جني 
لا لا طبعا انا مش بعرف ارقص ومش هينفع اصلا.. 
انس 
وايه اللي هيخليه مش هينفع قربي مني بس كده.. 
_مسك ايدها وخلي في مسافه بسيطه بينهم وبقي يرقص معاها بهدوء علي الموسيقي وكان فعلا بيعلمها ازاي ترقص معاه وجني قالت.. 
جني
علي فكره مالوش لازمه اني اتعلم اصلا، انا مش هرقص مع حد.. 
انس
طبعا مش هترقصي مع حد غيري، بس يوم فرحنا بقي هنرقص ازاي وانتي مش متعلمه.. 
_اتكسفت جني جدا ووشها قلب احمر، وفضل انس يضحك وكانت جيلان واقفه بعيد عنهم بشويه ودموعها علي وشها وبعدين مشيت وركبت تاكسي وقالتله يوصلها البيت.. 
ـــــــــ #بقلم_الكاتبه_رحاب_القاضي ـــــــــ 
_في بيت امجد البحيري كانت نسمه خايفه منه جدا، وهو ما قالش اي حاجه غير انه بصلها بسخريه ودخل غير هدومه وجه ينام هي قامت بسرعه من جنبه بسرعه.. 
امجد 
امم هنبدأ بقي مش معني اني سايبك ومش بعاقبك علي اللي عملتيه ان كده الموضوع عدي لا يا نسمه انا لو ساكت فهو عشان ابني اللي في بطنك وبس.. 
نسمه ببكاء قالت
انت ازاي كده سنين بتضحك عليا ومخليني اخاف منه هو واكرهه وانت اللي كنت ا... 
وقف امجد قدامها وقال
قولتلك هتغير وابقي زي ما انتي عايزه، قولتلك ممكن اعمل اي حاجه انتي عايزاها بس توافقي بيا وكان اركع تحت رجليكي بس انتي عملتي ايه بكل برود سبتيني ومشيتي.. 
نسمه بحزن 
هو ده مبرر انت كده بتحبني انت كرهتني في الحب بسبب حبك ده، كنت عايزني اكرهه بس انا ما قدرتش برضو حاولت بس كنت ومازلت ما خبتش غير احمد.. 
نزلت دموعه وقال
لييه بتعملي فيا كده انا كنت هبقي كويس وانا معاكي، ليه ديما بتخليني ابقي حد انا مش عايزه.. 
نسمه بدموع
لو بتحبني بجد زي ما بتقول سيبني امشي انا مش هقدر اكمل معاك.. 
شدها من دراعها جامد وقال
اسيبك تمشي عشان تروحيله بقالك شهر معاه ما شبعتيش منه.. 
نسمه ببكاء قالت
انت حيوان اتفو عليك.. 
_خلصت كلامها ولقيته زقها جامد علي السرير وفضل يضرب فيها علي وشها اللي بقي ينذف جامد، ودخلت صفاء بسرعه وبعدته عنها وقالت.. 
صفاء بحده 
ابعد عنها كفايه بقي والله العظيم لو لمستها تاني لهكون مبلغه عنك انت ايه القرف اللي بتعمله ده.. 
 امجد بحده 
اسأليها الاول هي قالت ايه عشان اعمل فيها كده.. 
صفاء بحده 
اي راجل بيمد ايده علي واحده بيبقي حيوان يا حيوان امشي غور من وشي انا فعلا ما عرفتش اربيك بس احنا فيها انا هربيك وانت شحط واطول مني غور امشييي.. 
_بصلها امجد بحزن وهي متخبيه في صفاء ومشي بره البيت كله.، وصفاء اخدت نسمه في حضنها وقالت.. 
صفاء
اهدي يا حبيبتي انا معاكي ما تخافيش والله مش هيعملك حاجه وهتشوفي ويا يتعدل يا انا هوريه.. 
_ وعند امجد كان قاعد في بار مع فوزي وكل اللي في باله كلامها معاه وانها لسه بتحب احمد وبتكرهه هو.. 
فوزي
قولتلك فوق شويه والواد يومين بالكتير وهيمشي هو وابوه من مصر كلها.. 
امجد 
خالد فتحي جاي بكره من القاهره، واللي جاي ليا وهعرف اخليه يسيب شغلك خالص ويتلهي في حاجات تانيه.. 
فوزي
قولي هي بنت بهاء اللي اسمها ملك دي حلوه يعني بفكر اناسبه ويبقي زيتنا في دقيقنا. 
امجد بسخريه
ريح نفسك بهاء مجوزها لخالد اللي عاملك صداع.. 
فوزي 
طيب ده حلو بقي دعرفنا نقطة ضعف لخالد بعيد عن عيلته.. 
امجد. 
وليه عيلته لا؟.. 
فوزي 
انا اقولك خالد ده ابوه وامه مطلقين ابوه يبقي فتحي الدمنهوري بتاع مجلش الشعب يتني حكومه وحصانه وحاجه بعيد عننا وامه تبقي من زين الشناوي ده كون اكبر مستشار في مصر الفتره اللي عدت وبرغم انه طلع راجل شمال الا ان عيلته تقيله يعني عيلة خالد بعيد عن اي انتقام في الشغل.. 
 امجد بحقد 
اممم تبقي مرااته بقي.. 
فوزي
اايوه نسيبت اقولك ده كان متجوز ومطلق بنت رجل اعمال كده.. 
امجد 
استني كده واحكيلي الموضوع بالظبط..... 
ـــــــــ #بقلم_الكاتبه_رحاب_القاضي ـــــــــ 
_وفي بيت كانت مريم مدايقه وقالت اول ما دخلت.. 
مريم 
في ايه طيب يا جماعه كلكم كده قالبين خلقتكم ليه وانت يا اياد ايه اللي خلاك تسيب الحفله وتمشي.. 
انس
دورت عليك يا اياد انا وخالد وقالولي انك مشيت.. 
اياد بص لمعتز وقال
اسألو بابا السبب ايه، وايه اللي قالو لناني يخليها تسيب الحفله وتمشي وتقرى تنهي كل حاحه بينا قبل ما تبدأ... 
معتز
قول لنفسك رايح تحبلي بنت مجرم يا حضرة الظابط ومش اي مجرم ابوها قتل ابويا.. 
اتصدم الكل ومريم قالت
ازاي الكلام ده انا مش فاهمه اي حاجه.. 
معتز
افهمك يوسف اللي خطف البيه مني زمان وهو صغير هو ابو ناني.. 
اياد بدموع
انت بتقول ايه ازاي يعني الكلام ده، ناني باباها اسمه بهاء فخر الدين.. 
مريم بضيق
ما هو بهاء ده كان صاحب باباك وكان بيحب مرات يوسف اللي قتل جدك واخد بهاء  التوأم ومشي من القاهره الكلام دن عدي عليه فوق العشرين سنه.. 
اياد بجمود 
تمام يا بابا الكلام ده عدي عليه زمن، ودلوقتي ناني بنت الدكتور بهاء وانا مش فارق معايا غيرها ومش هسيبها.. 
انس 
معاك حق ذنبها ايه ناني في ابوها اللي هي الله واعلم تعرفه ولا لا اصلا وبعدين ناني محترمه جدا و.. 
معتز بحده 
اخرس خالص هو انت حد. اصلا طلب منك تتكلم.. 
مريم 
بالراحه يا معتز في ايه احنا بنتكلم وبنتناقش.. 
معتز بجمود
ما فيش اي نقاش الموضوع منتهي  والبنت دي اسمها مش هيتذكر في البيت تاني.. 
اياد بغضب 
انا اسف يا بابا بس الطلب ده مش هقدر اقولك عليه حاضر، لانك هتسمع اسم ناني كتير هنا.. 
معتز بحده 
يعني ايه هتعارض قراري يا اياد، هتتجوز اللي ابوها قتل جدك.. 
اياد بضيق 
ايوه هتجوزها ومش هسيبها عشان هي اا.. 
قاطعه معتز بحده وقال
خلص الكلام انت لسه هتبررلي، للاسف يا اياد كنت فاكرك عاقل وهتعرف تفكر وتفهم كويس طلعت غبي.. 
اياد 
لا انا مش غبي وبفكر كويس وناني وانا مالناش اي ذنب في الماضي بتاعك وبتاع ابوها اللي انا واثق انها ما تعرفش عنه اي حاجه.. 
مريم 
بالراحه يا اياد نتكلم بالهداوه ونوصل لحل وسط.. 
معتز بجمود 
هي كلمه لو اتجوزت البنت دي لا انت هتبقي ابني ولا اعرفك.. 
اياد بدموع 
تمام ابقي يا انس هكلمك تجيبلي هدومي بكره... 
_مشي اياد ومريم كانت رايحه وراه بس معتز مسك ايدها وقال.. 
معتز بحده
ابقي لما تقابلها قولها ان ابوك هو اللي قتل ابوها وجدها من خمسه وعشرين سنه عدت.. 
مريم ببكاء
حرام عليك يا معتز ليه بتعمل كده.. 
اياد بضيق 
برضو مش هسيبها يا بابا... 
_ قال كلامه ومشي ومريم قالت بدموع وخوف.. 
مريم 
انس روح ورا اخوك يلا و.. 
معتز بحده 
لا مش هيروح وراه ولا هيقابله ولا يكلمه وانتي كمان يا مريم هو لازم يسيب البنت دي مستحيل بنت يوسف تدخل بيتي ولا تبقي واحده من العيله.. 
 انس بحده 
انت ليه بتعمل كده بجد. حرام عليك.. 
معتز 
انت بتتدخل ليه في اللي مالكش فيه، انت روح شوفلك بار تسهر فيه او بنت تجري وراها... 
مريم بدموع 
حرام عليك بقي يا معتز انت ايه مش هتتغير هتفضل طول عمرك كده.. 
انس بغضب
معاك حق بس انا بقيت كده بسببك، بقيت كده بسبب انك طول عمرك بتقلل مني دمرتني ودلوقتي بتدمر اخويا عشان انت اصلا بني ادم مريض واناني.. 
ضربه معتز بالقلم وقال بعصبيه 
يالا يا قليل الادب يا *** بتبجح في ابوك هي دي الاخلاق يا مريم هي دي تربيتك يا هانم.. 
مريم وقفت بينهم وقالت وهي بتعيط
خلاص يا معتز ابوس ايدك خلاص بقي كفايه.. 
انس زعق فيه وقال
انت بتضربني ليه اقولك انا ليه عشان اللي انا قولته حقيقتك انت ديما بتدعي انك ناجح بس انت فاشل، نجحت في شغلك بس فشلت انك تكون اب، انا لو قولت مره معلش ده ابويا وما ينفعش اكرهه برجع واكرهك بدل المره الف... 
زقه معتز جامد وقال
طيب ومدام كده بقي يبقي غور اطلع من بيتي واياك تيجي تاني هنا.. 
مريم حاولت توقفه وهي بتعيط 
خلاص يا معتز هو ما يقصدش عشان خاطري.. 
_ما سمعش معتز منها وطرد انس بره البيت وقفل الباب، ولما جات مريم تطلع زعق فيها وقال.. 
معتز
ورحمة امي لو طلعتي ورااه لتبقي طالق مني بالتلاته.. 
مريم ببكاء
منك لله بتخسرني عيالي.. 
معتز بسخريه
عيالك.. هما فين عيالك دول انتي خربتيهم بدلعك يا هانم واحد راح يحبلي بنت مجرم والتاني بجح وصايع... 
مريم بحده 
انا عيالي ما فيش احسن منهم العيب فيك انت... 
معتز بكل قسوي قال 
انتي ما لكيش عيال واحد كنتي رميااه لنيره تربيه والتاني مش ابنك هو انتي هتكدبي وتصدقي.. 
نزلت دموع مريم وقالت
انت كده بقي اللي كويس وما فيش منك يعني لا يا معتز انت اللي بتخسر وهيجي اليوم اللي هتكون فيه لوحدك من غيري انا وعيالي... 
_سابته ومشيت وهو دخل البلكونه ودموعه نزلت بحزن ، وعند انس كان قاعد بعيط في عربيته ووهو بيكلم جني علي الوتساب وبعدين كلم اياد اللي رد عليه وقال.. 
اياد 
عايز ايه يا انس ممكن. تسيبني في حالي دلوقتي.. 
انس وهو بيمسح دموعه 
حاضر هسيبك بس كنت عايز مفتاح اليخت بتاعك.. 
اياد 
انت مال صوتك طيب حصل ايه.. 
انس 
اخلص يا اياد هتديه ليا ولا اغور في اي داهيه تانيه.. 
اياد 
تعالي يا انس انا في اليخت اصلا وهاتلي معاك اكل.. 
ابتسم انس غصب عنه وقال
حاضر وهجيبلنا موز باللبن.. 
اياد
لا هو انا هستناك تجيبه ده انا جيبته، المهم تعالي مستنيك يلا.. 
_قفل معاه اياد وراح علي طول عند اياد... وكان بيكلم جني في الفون وقالها.. 
انس 
دقيقه يا جني خليكي معايا.. 
وبص لاياد وقال
جيبت حواوشي وكريب فراخ وكولا.. 
اياد 
كولا تبع المقاطعه انت غبي... 
انس
ارميها في الزباله والله ما اخدت بالي المهم كل انت لحد. ما اخلص مع جني.. 
اياد 
وليك نفس تحب واخوك متخزوق.. 
انس 
هنبقي انا وانت حرام، وبعدين بطل قر انت اتخزوقت انا اخدت قلم سباعي من ابوك  من  بتوع زمان.. 
اياد ضحك وقال
الحمد لله وخلعت بسرعه قبل مرحلة الضرب دي... 
_ضحك انس وطلع بره وقال لجني.. 
انس
معلش بس اخويا رغااي شويه.. 
جني 
بالعكس انتو ضحكتوني اصلا، بس شوفت لما سمعت كلامي وكلمت اياد ارتحت ازاي.. 
انس
لا علي فكره انا ارتحت بسببك انتي، عارفه انا لولا اني كلمتك كان زماني عمال الف في الشارع بالعربيه واعيط بقي واغاني نكد وحاجه زفت.. 
جني 
لا لا جرب كده لما تكون مدايق تسمع قرآن وتبعد عن الاغاني.. 
انس 
تحت امرك يا باشا انا مش هقولك غير حاضر وبس.. 
جني
طيب اسمع كلام اياد بقي وروح اتعشي وانا اكمل مذاكره... 
انس
بتذاكري ايه طيب؟.. 
جني
بذاكر physics  .. 
انس
ما تقولي فيزيا يا جني لازمتها ايه الاليطه دي.. 
جني ضحكت وقالت 
روح يا انس شوف نفسك هتعمل ايه يلااا.. 
_وقفلت معاه وفضلت تذاكر، وبعدين لقيت ان في رسايل علي الفون بتاعها ولما فتحتها لقيت ان جيلان بعتت صور ليها مع انس لما كانو مرتبطين وكانو قريبين اووي من بعض.. 
جني بغيظ 
اممممم ماشي يا جيلاان اصلا ولا فارق معايا.. 
_وقفلت الفون وبعدين رجعت فتحته وعملت بلوك لانس وقفلت الفون وراحت قغلت النور عشان تنام. بس دخلت مامتها عندها وقالت.. 
عزه
جني انتي صاحيه.. 
جني
ايوه يا ماما في حاجه؟.. 
عزه 
عمك كلمني وقالي انه عايزك تروحي عنده البلد كام يوم، انا هقوله مش فاضيه.. 
جني
لا لا انا هبقي اكلمه واقوله، وفي الاجازه هروحله.. 
عزه 
طيب وابقي حاولي تطلعي بعد كده من غيؤ الطرحه يا جني عشان مش هفضل سكتالك عليها كتير،انتي شعرك حلو اووي ليه مخبيااه... 
جني 
عشان انا مش جيلان اللي حضرتك عايزاني اكون زيها.. 
عزه 
جيلان ياريتك ربعها البنت تبان اصغر منك وحلوه، بس انا حظي زفت في بنتي اللي عايشه دور جدتي الله يرحمها... 
ـ قالت كلامها وطلعت وجني فضلت تعيط وفتحت الفون وشالت البلوك لانس اللي بعتلها رساله وقال فيها.. 
انس
استقريتي انك فكيتي البلوك ولا هيرجع تاني... 
_ ضحكت جني وفضلت تتكلم معاه فس الشات وقبل ما تنام مسحت الصور اللي بعتتها ليها جيلان.. 
ـــــــــ #بقلم_الكاتبه_رحاب_القاضي ـــــــــ
_ والساعه تلاته بعد. نص الليل في الاسكندرية في بيت الدكتور بهاء، كانت ملك واقفه علي السفره وماسكه الريبوت بتاع التلفزيون وبتغني بصوت عالي وبتقول.. 
ملك 
واديني سيبته وشوووفت اهوووو ما حصلش حااااجه والوضع فعلا ما اختلفش في اي حااااجه باكل واشرب واعمل كل حاااجه لا لا مش زعلاااانه وكئيبه... 
_طلع بهاء من اوضه وهو ماسك الشبشب وحدفه عليها وزعق فيها وهو متعصب.. 
بهاء
فضحتيني في العمااااااره يخرب بيييت ابووووكي، ايييه عايزه الناس تقول عليا مخلف رقاااصه.. 
جريت ملك واتخبت ورا الكنبه وطلعت راسها وقالت
يا بابا بفرفشني وبغنيلي ده بدل ما تفرح اني بقيت مووف اون من امجد حبيبي.. 
بهااء
يعني موف اون ازاي واخر الجمله بتقولي امجد حبيبي.. 
طلعت ملك وقفت جنبيه وقالت
اصله بصراحه يا بيبو وحشني اووي ده كان عليه حتت تثبيته بيثبتني بيها، تخيل هو لسه بيرن عليا برغم اني عملاله بلوك تفتكر هيخطفني ويعتظي عليا ويجبرني اتجوزو ويابوووي علي الجمداان.. 
مسكها بهاء من قفاها وقال
اكتمي خااالص ما اسمعش صوتك، وادخلي اتخمدي وارحميني من دماغك دي... 
_وقبل ما ترد عليه الباب خبط وراحت ملك تفتح بس مسكها بهاء من قفاها وقال.. 
بهاء 
اليوم كله الباب بيخبط ومش بيهون عليكي حتي تقولي مين، ولما الباب خبط واحنا داخلين علي الفجر عايزه تفتحي.. 
ملك 
تصدق صح طيب تعالي نفتح سوا.. 
بهاء
امشي غوري يا بت انتي من قداامي... 
_راح بهاء فتح الباب واتصدم لما لقي ناني قدامه ودموعها علي وشها، اتنفض بخوف وقال.. 
بهاء
في ايه مالك في ايه انطقي... 
ملك جات وقالت
تعالي يا ناني انتي وحشاني اووي، مالك بتعيطي ليه اكيد عشان وحشانا صح؟.. 
دخلت ناني وبصت لبهاء بحزن وقالت
تعرف اللواء معتز كمال منين يا بابا؟.. 
اتملت عيون بهاء دموع وقال
ااا انتي تت تعرفي الراجل ده منين؟... 
ناني بحده 
ايه اللي حصل يخلي واحد زي ده يقول عليك مجرم ويهيني ويجرحني بسببك..
مسكها بهاء من دراعها جامد وقال
انا عايز افهم انتي شوفتي الراجل ده فين انطقي.. 
ناني بدموع 
ابنه كك كنت هرتبط انا وابنه اياد وكان جاي اا.. 
_قبل ما تخلص كلامها نزل بهاء بايده علي وشها، فوقعت علي الكنبه ونضارتها وقعت علي الارض.. 
ملك بخوف
ليه يا بابا ليه كده حرام عليك.. 
_ونزلت علي الارض مسكت نضارة اختها وخلتها تلبسها وكانت ناني بتتنفض من الخوف... 
بهاء بحده 
بقي دي اخرة تربيتي ليكي وثقتي  يا ناني مسافره تشتغلي يا هانم ولا رايحه تصاحبي وتحبي.. 
ملك ببكاء
كفايه بقي يا بابا وبعدين ابن مين ده وليه اتعصبت كده لما سمعت اسمه.. 
بهاء بعصبيه 
ما اسمعش صوت واحده فيكم انا كام مالي ومالكم ما كنت سيبتكم واللي حصل حصل ده ايه الهم ده.... 
_قال كلامه وسابهم ودخل اوصته جاب مفتاح عربيته ونزل بسرعه وركب عربيته وفضل يعيط وقال.. 
بهاء
حقك عليا يا ندي انا ما كانش قصدي امد ايدي عليها بس مش هتحمل لحظه واحده اعيشها وهما عارفين الحقيقه دول بناتي انا مش هتحمل انهم يبعدو عني.. 
_ وبعدين ساق عربيته وطلع علي القاهره و؟؟؟... 
ـــــــــ #بقلم_الكاتبه_رحاب_القاضي ـــــــــ 
_ وفي دبي كانت سما نايمه جنب محمد بس فجأه قامت وهي بتاخد نفسها بصعوبه.. ومحمد. قام وقالها بقلق.. 
محمد
في ايه، ايه ده انتي مين... 
سما 
يووه اتخمد يا محمد انا ناقصه.. 
محمد
مش لابس النضاره وشعرك منكوش كده ليه مش كنتي مسرحااه قبل ما تنامي.. 
سما 
يا احول ده مش شعري ده الدبشاان اللي في عينيك البس الزفته.. 
ضحك محمد وقال
شايف والله بهزر معاكي مالك بقي في ايه ابو عبيده كويس؟.. 
سما 
ابو عبيده ايه هو انت شايفني قناة الجزيره.. 
محمد
لا انا قصدي علي ابننا ابو عبيده والله الاسم بيعمل حرقاان لوحده.. 
سما بضيق
اخواتي يا محمد حاسه ان ملك وناني مش كويسين.. 
محمد 
انا اقولك ناني اختك تلاقيها متخوزقه في خيالها وبتعيط وملك معروفه حد من ابطال الرويات او المسلسلات بتاعتها مات وبتعيط عليه.. 
سما بدموع 
لا لا اخواتي فيهم حاجه هات موبيلك انا هكلمهم اطمن عليهم.. 
محمد
عندك الفون علي الشاحن وبعدين فين موبيلك انتي.. 
سما وهي بتاخد موبيله وبتطلع
فاصل شحن المهم نام انت وانا هكلمهم وجايه.. 
_وطلعت سما بره وفضلت ترن علي ناني وملك بس ما بيردوش، قعدت وكلمت بهاء اللي خو كمان ما ردش عليها وقبل ما تدخل جوه لقيت ان في رسايل جايه علي موبيل محمد من جيدا وبعتاله.. 
جيدا 
ايه رئيك يا محمد لو مراتك عرفت باللي حصل بينا تفتكر هتعمل ايه، ياريت تكلمني بسرعه عشان انا مش عايزه ازعلك مني.. 
بصت سما لمحمد وهو نايم ودموعها نزلت، و، لحت حطت الفون جنبيه ونامت ودموعها ما بكلتش نزل خوف علي اخواتها، وعلي اللي قرأته علي موبيل محمد.. 
ـــــــــ #بقلم_الكاتبه_رحاب_القاضي ـــــــــ
_وتاني يوم الصبح صحي اياد علي صوت موبيله اللي بيرن وبص لانس اللي نايم وحاضن دراعه وقال.. 
اياد 
انس اوعي يا عمم مش عارف اتحرك.. 
انس 
انت ايه البي نيمك جنبي.. 
اياد 
انا برضو اللي جيت نمت جنبك، وبعدين اووعي دراعي وقف يخربيتك... 
_قام ايتد ورد علي معتز اللي كان بيرن عليه وقال.. 
اياد 
نعمم.. 
معتز
اخوك معاك؟.. 
اياد 
ايوه نايم.. 
معتز
طيب هبعتلك لوكيشن تيجي عليه دلوقتي حالاً.. 
اياد
حاضر بس خير في ايه؟.. 
معتز
اخلص وتعالي هتعرف انا عايز ايه.. 
قفل اياد معاه وانس قال
ماله عايز منك ايه.. 
اياد 
مش عارف هات بس مفتاح عربيتك.. 
انس
عندك اهو بس ما تاخد عربيتك انت.. 
اياد 
مش هتكمل معايا ما فيهاش بنزين، هجيبلك فطار وانا جاي.. 
انس 
لا لا ما تجيبش جني جيبالي وجايه.. 
اياد 
بختك بص انا بقر عليك من كل قلبي.. 
انس 
يعني جاي للوحيده اللي بتحبني بجد. وبرتاح معاها وتقر عليا، امشي يا انس روح شوف ابوك.. 
_طلع اياد ومشي وبعدين جات جني وهي معاها فطار وقالت.. 
جني 
اهو الفطار اللي طلبته وجيبتلك موز باللين اهو زي ما طلبت.. 
انس 
انا مش عارف اشكرك ازاي والله يتردلك في فرحنا ان شاء الله.. 
ابتسمت جني وقالت
طيب انا همشي عشان عندي سنتر دلوقتي.. 
انس
لا هنفطر الاول وبعدين نمشي.. 
جني
بقولك عندي سنتر وهتأخر.. 
انس
تمام روحي شوفي اللي وراكي وانا مش هفطر.. 
جني 
يا قماص خلاص هفطر معاك.. 
ضحك انس وقال
بقي انا يتقالي قماص بس خلينا نفطر الاول وبعدين نشوف الموضوع ده.. 
_ وفضلو يفطرو مع بعض، وبره اليخت وقفت عربيه فيها ناس مسلحين اللي اتهجمو علي اياد وناني قبل كده، وقال واحد منهم.. 
الراجل
ايوه يا امير هو اكيد جوهوالمركب بتاعه لان عربيته بره، تمام دلوقتي المركب بيه هيتفجر.... 
الامير قاله
................................ 
الراجل 
تمام اللي تشوفه يا امير... 
_ وقفل معاه وحصل؟؟؟ 
ـــــــــ #بقلم_الكاتبه_رحاب_القاضي ـــــــــ 
_وفي الاسكندريه، كانت ناني نايمه وقربت منها ملك وشالتلها النضاره وباستها علي راسها وبعدين طلعت وردت علي موبيلها اللي بيرن وقالت.. 
ملك 
عايز ايه يا خالد؟.. 
خالد 
انا جيت تحت انزلي مش هينفع اطلع واناي واختك لوحدكم.. 
ملك 
وانت عرفت منين اننا لوحدنا... 
خالد 
الدكتور بهاء قالي انزلي يلاا.. 
ملك بحزن 
لا مش هنزل عشان انا كلمتك امبارح وقولتلك تيجي وما جيتش. 
خالد 
ما انا كنت لي الطريق جاي، واديني جيتلك علي طول اهو... 
ملك 
برصو مش هنزل بس وصالحني وانا مش هتصالح، وبعدين انا مخنوقه ومدايقه اووي وقلبي واجعني و. 
خالد بجمود
ملك اقفلي دلوقتي يا حبيبتي واوعي تنزلي لحد. ما اجيلك.. 
وقفل معاها وملك قالت 
هو قال حبيبتي، الجزمه قالها وانا مدايقه مش هعرف افرح بيها.. 
_وتحت وقف خالد قدام امجد. وقاله ببرود.. 
خالد
نعم جاي هنا ليه؟.. 
امجد. 
جاي اباركلك يا عريس.. 
_تفتكرو ايه اللي هيحصل.. 
ــــــــــــــــــــــــــــ 
خالد بهدوء
الله يبارك فيك، خير بقي جاي ليه؟.. 
امجد. 
تعجبني فيك شخصيتك القويه لا والكل بيقول عليك جامد، بس انا كنت عارف من الاول انك ظابط وسايبك تسوق فيها وكمان كنت بتعمد اهينك قدام اي حد... 
ضحك خالد وقال
انت ولا مره قدرت تهيني، وكنت خايف مني علي طول حركة ايدك لما بتحطها في شعرك زي ما عملت دلوقتي دي توتر وعايز تبان جامد عشان تداري خوفك مني وو.. 
_قبل ما يكمل كلامه لقي ملك نزلت وجريت علي امجد وقالت.. 
ملك 
امجد انت فينك يا جدع والله واحشني وطنط صفاء عامله ايه؟.. 
اتعصب خالد وامجد كان مصدوم منها وقال
اا انتي كويسه يا ملك.. 
ملك بحزن 
لا خااالص بس اكيد كل حاجه هتعدي المهم ابقي سلملي علي طنط اوعي تنسي، صح انت ما تعرفش مش الواد خالد طلع ظابط.. 
ابتسم امجد وقال
تعرفي انتي الوحيده اللي مهما حاولت عمري ما اقدر اذيها.. 
وبص لخالد وقال
خلي بالك منها وادعي ربنا ما يجيش في دماغي اخدها منك اصلها جوهره نادره ومستحيل يكون في زيها.. 
ملك 
وربنا وحشتني انا ما حدش عاملي قيمه غيرك، ولا حد اصلا بيعرف يثبتني غيرك قولي انت طلقت ولا لسه متجوز ممكن ارجع افكر... 
_كان خالد مدايق منها جدا وامجد ضحكلها وقال لخالد قبل ما يركب عربيته... 
امجد
انا جاي انبهك العين عليك كتير وتخف شويه عشان انت مش قدي، وحاجه كمان والاسود ممكن يكون ابيض وركز في كلامي.. 
_قال كلامه ده واخد عربيته ومشي، وخالد زعق في ملك وقال.. 
خالد 
هو انتي متخلفه دماغك دي ما بتفهيمش خالص، هو مش ده امجد اللي طلع عينك وكان اا.. 
ملك 
استني استني انت ازاي تزعقلي كده يا خالد.. 
خبط خالد ايده علي العربيه بعصبيه وقال
لا انا ازعق براحتي ما دام انتي مش عارفه تفرقي بين الناس اللي تتعاملي معاها واللي ما تتعامليش معاها اصلا.. 
ملك دموعها نزلت وقالت 
انا غلطانه اني نزلت اصلا يا رخممم.. 
جات تمشي بس خالد مسك ايدها وقال
استني يا ملك انا بزعقلك عشان خايف عليكي.. 
ملك ببكاء
لا انت بتزعقلي عشان انت رخم وانا بكرهك بس.. 
خالد ابتسم غصب عنه وقال
يعني بزمتك امجد ده ينفع تهزري وتتكلمي معاه كده انتي نسيتي اللي عملو فيكي.. 
ملك مسحت دموع
لا مش ناسيه بس مش بعرف اكره حد وامجد ده جميل والله وانا كنت عايزه اسلم عليه.. 
خالد بغيظ 
امم بقي مش بتعرفي تكرهي حد. بس من شويه بتكرهي خالد عادي.. 
ملك 
ايوه عشان انت بتزعلني وانا فيا اللي مكفيني... 
خالد 
في اصلا وانتي ليه بتعيطي من امبااارح.. 
ملك 
ناني جات بالليل بتعيط وبتقول ان ابو اياد اللي هو كان جاي يخطلها اهانها وقالها انها بنت مجرم وبابا ضربها وهو اول مره في حياته يعمل كده وساب البيت ومشي.. 
كملت ملك ببكاء
وانا مش عارفه اعمل ايه سما مسافره وبابا مش بيرد عليا وناني نامت وانا مدايقه اووي.. 
حضنها خالد بهدوء وقال
ما تخافيش انا معاكي يا ملك ودكتور بهاء كلمني وقالي اجيلكم وهو جاي في الطريق.. 
ملك بعدت عنه وقالت
انت حضنتي اا انت ازاي تعمل كده... 
خالد قرب منها وقال
لا هو عادي علي فكره اعمل كده واكتر من كدا... 
_قبل ما يكمل كلامه لقي ملك ضربته بالقلم، اتعصب خالد اووي وهي قالت.. 
ملك 
انا مش ساهله انا ايوه عايزه اتجوز ظابط بس في الحلال.. 
خالد 
اقسم بالله لو ما طلعتي فوق واختفيتي من قدامي ما حدش هيلومني  علي اللي هعمله فيكي.. 
ملك بقلق
طيب انا اسفه والله بس انت اللي بتحضني في الشارع، كنت قول انك عايز تحضن وكنا دخلنا جوه ههههه بهزر معاك يا خالد انت مبرقلي كده ليه انا بخاف.. 
خالد. اتنهد. وقال
اطلعي فوق والقلم ده انا هعرف احاسبك عليه كويس.. 
ملك 
انا بخافش علي فكره وكل ما هتقل ادبك هتاخد علي وشك، والمهم كلم ابن خالك ده وخليه يجي يصلح الوضع ويتبري من ابوه ويتجوز ناني ويعيش معانا هنا.. 
خالد 
بسم الله ماشاءالله اللفتي قصه في دماغك مكانها الزباله، واطلعي فوق وما تنزليش تاني غير لما تقوليلي وانا هكلم اياد واشوف الموضوع ده... 
ملك
طيب امجد كان عايزك في ايه وجاي ليه اصلا؟.. 
خالد 
جاي يباركلي يا ملك.. 
ملك 
هيباركلك علي ايه؟.. 
خالد. 
اتجوزت.. 
ملك
طيب فكر تعملها والله العظيم اعلقك من حواجبك دي.. 
خالد بخبث
وانتي يهمك في ايه بقي اتجوزت ولا لا.. 
ملك
ما عشان للاسف انت الكراش ويا تتجوزني يا انا الاقي حد احسن منك اتجوزو واسيبك انما تتجوز وانا قاعده كده ما ينفعش.. 
خالد 
عارفه لو ما طلعتيش فوق دلوقتي هفتح دماغك دي باقذر طوبه في الارض.. 
ملك
انا كده كده طالعه اصلا انا مش بكلمك عشان انت زعقتلي من شويه وخلتني اعيط وانا والله لاعملك بلوك.. 
_قالت كلامها ومشيت من قدامه وخالد. ضرب كف بالتاني وقال بنفاذ صبر.. 
خالد 
ربنا يعينك علي دماغك دي يا ملك 
وافتكر القلم اللي ضربته ليه وابتسم وقال
ان ما جننتك ما ابقاش انا عشان تعرفي تمدي ايدك تاني.. 
ــــــ #بقلم_الكاتبه_رحاب_القاضي ــــــ
_ وفي القاهره جنب اليخت بتاع اياد طلع انس من المايه وقعد علي الارض ومعاه جني اللي كانت بتتنفض من الخوف... 
جني بخوف
انا عايزه اعرف ايه اللي انت عملته ده، بقي تزقني في المايه وانا مش بعرف اعوم.. 
ضحك انس وقال
وربنا كان شكلك مسخره وبعدين انا نزلت وراكي.. 
جني بحده 
وتعمل ليه كده انت عبيط يا انس.. 
انس 
لا بس شوفت حد شكله مش تمام دخل اليخت وولقيته حط قنبله في اليخت من بره وكنت لازم اتصرف ونطلع بره اليخت ومش هينفع نطلع من قدامه.. 
جني
والله ما اليخت زي الفل اهو و... 
_قبل ما تكمل كلامها اليخت انفجر وهي اتخبت بسرعه في انس اللي ابتسم وفرح انها حضنته، وقال.. 
انس
ايوه خليكي كده ده لسه هينفجر تاني.. 
_بعدت عنه جني بسرعه وكانت بتتنفض من الخوف وقالت.. 
جني
انت بتهزر يا انس واحنا كنا ممكن نموت و.. 
انس 
اوعي بتقولي كده وانا معاكي، انا متعود علي الحاجات دي انا متربي وسط ظباط شرطه.. 
فصلت جني تعيط وانس قال
يا بنتي ما فيش حاجه حصلت والله وبعدين احنا كويسين اهوو.. 
جني بدموع
الفون بتاعي كان علي الكنبه في اليخت.. 
انس 
اهدي وانا هجيبلك غيره.. 
جني
مش عايزه منك حاجه يا انس بس انا هروح السنتر ازاي بالمنظر ده... 
انس 
لا احنا هنروح عند طنط نيره والبسي اي حاجه من عندها ونمشي وانسي السنه دي هتشليها خلاص.. 
جني بغيظ
اووف ماشي يا انس ماشي.. 
انس قرب منها وقال
بس اقسم بالله انا مستعد اعيش اللي حصل ده كل يوم مدام اخرها بيبقي في احضان وكده.. 
جني وشها قلب احمر  وردت عليه
لم نفسك وانا خوفت اتخضيت اصلا وبس.. 
انس غمزلها وقال
وبس ماشي يا جني، يلا بس بينا.. 
_قامت معاه جني واخدو تاكسي وراحو لنيره وبعدين دخلت جني تغير هدومها وانس قال.. 
انس
يا نيرو انا هفضل واقف كده في الصاله.. 
نيره 
ما انا بدورلك علي حاجه مناسبه من هدوم حازم عشان تلبسها ولو قعدت علي الكنبه واتبلت هعلقك يا انس.. 
_طلعت جني من جوه وكانت لابسه فستان طويل للارض وعليه حجاب طويل من بتوع نيره..وانس لما شافها قرب منها وقال.. 
انس
يعني حتت عيله زيك تعمل فيا انا كل ده، بس بصراحه حقك ما انتي زي القمر.. 
جني اتوترت وقالت
طيب شكرا.. 
انس 
شكرا؟! عازم عليكي بكوباية شاي انا عشان تقوليلي شكرا.. 
طلعت نيره وقالت
بقولك ايه ادخل شوف اللي يناسبك انا مش لاقيه حاجه تنفعك.. 
انس 
ما كان من الاول، خدي بالك من جني طيب وفطريها لحد. ما اجي عشان اوصلها.. 
ابتسمت جني من طريقة اهتمامه بيها، ونيره قالت بخبث. 
نيره 
تعالي يا حبيبتي نجهز الفطار.. 
ـــ #بقلم_الكاتبه_رحاب_القاضي ــــ
_وفي بيت امجد كانت نسمه قاعده مع صفاء بتفطر، وصفاء بتقولها.. 
صفاء.
يا بنتي مش كده انتي اكلتي حاجه لو مش عشانك خليها عشان البيبي اللي في بطنك.. 
مسحت نسمه دموعها وقالت
والله مش قادره تاني عشان خاطري كفايه كده.. 
_قبل ما ترد عليها صفاء دخل امجد وبص لنسمه بحده وبعدين دخل مكتبه من غير ما يقول ولا ايه حاجه.. 
صفاء
سيبك منه ولا كانك شوفتيه تعالي بس نقعد في الجنينه واوريكي الورد بتاعي اللي زرعنااه زمان انا وانتي فاكرااه.. 
نسمه ابتسمت وقالت
ايوه طبعا فاكرااه.. 
_وقامو مع بعض بس قبل ما تطلع هي وصفاء، دخلت سونيا وهي لابسه هدوم مش كويسه خالص وقالت.. 
سونيا
ازيك يا صفاء هانم اعرفك بيا شكلك مش عرفاني انا سونيا مرات سلفك فوزي.. 
صفاء
يلا بينا يا نسمه اعمل ايه في ابني دخلي بيتي اللي يسوا وما يسواش... 
سونيا بصت لنسمه وقالت
استني كده هو انتي بقي البت اللي مجننه امجد، طيب ما انتي حلوه اهو اومال سايبك وكل يوم مع واحده ليه.. 
صفاء اتنهدت وقالت
امشي يا بنتي ولا كانك سمعتي حاجه... 
_وطلعو قعدو بره وكانت نسمه مدايقه جدا، وقالتلها صفاء.. 
صفاء
حتي لو مش بتحبي جوزك مجرد ان واحده تقول حاجه كده عنه قدامك هتدايقي.. 
نسمه 
لا لا مش مدايقه انا بس عايزه افهم هو ليه بيعمل فيا كده عشان ماليش حد يقفله فبيبيع ويشتري فيا براحته يغفلني سنين ويضربني ويهني ويخوني وفي الاخر مطالب مني احبه واقوله حاضر ونعم واوامرك.. 
صفاء بضيق
عنييد ابني عنييد بس انا يعني بقول لو تديه فرصه يمكن يتغير، والله العظيم مش عشان هو ابني بس هو مش وحش بس عيبه العند وعلي فكره امجد لا كان مدلع اوي ولا كان حد قاسي عليه طلع في بيئه طبيعيه بس عيبه في نفسه عنيد وبيتعب نفسه وبس.. 
_ ما ردتش عليها نسمه وبصت الناحيه التانيه...  وجوه مكتب امجد كانت سونيا قاعده قصاده وقالت.. 
سونيا
اممم يعني في الاخر انت ما طلعتش شغال مع عمك.. 
امجد
هعيشي في دور الزوجه المطيعه ما انا عارف انك متجوزااه عشان تكديني.. 
سونيا
بالظبط انا مش عايزه غيرك انت ولا راجل ملي عيني غيرك انت.. 
اتنهد امجد وقال
بصي يا مرات عمي وكل الاسف للوصف اللي قولته ده، بس هي كلمه انتي هتفذيلي اللي طلبته ولا لا.. 
سونيا 
موافقه بس تحميني منه هو جوازنا ااه مالوش لازمه عنده بس عمك جبروت واللي يعاديه بيبقي بيلعب النار.. 
امجد 
ما تخافيش انا هحميكي... 
_ وفضل يتكلم معاها وبعدين طلعت هي ومشيت وهو بص من الشباك ولقي نسمه قاعده لوحدها طلع بره وقرب منها وكانت هي حاطه ايدها علي بطنها اللي كبرت شويه ودموعها ماليه عينيها.. 
امجد
بكره هنروح للدكتور.. 
بصتله بنظره كلها لوم وقالت
لا.. 
امجد 
هو ايه اللي لا.. 
زعقت فيه وقالت
لا اني اكون معاك لوحدي تاني، لا اني ارضي باي حاجه انت عايزاها ولو فكرت تقربلي تاني انا هموت نفسي وما عنديش حاجه اخسرها.. 
بص امجد. وراه ببرود وقال
انتي بتكلميني انا كده يا نسمه.. بتكلمي امجد. البحيري كده.. 
نسمه مسحت دموعها وقالت
ايوه بكلمك انت كده.. 
امجد
بكره الصبح تكوني جاهزه عشان هنروح للدكتور، اديني سايبك يومين اهو ارجع الاقيكي زي ما كنتي الاول عشان ما تزعليش، انا مش امجد القديم اللي هيتحايل عليكي عشان انتي باختيارك لغيره موتيه... 
_ قال كلامه ومشي وفتحله الحارس باب العربيه وركبها ومشي ووراه الحراس بتوعه... وهي فضلت قاعده مكانها بتعيط.. 
ـــــــــ #بقلم_الكاتبه_رحاب_القاضي ـــــــــ 
_ وفي بيت اهل معتز القديم كان معتز وبهاء ومعاهم اياد قاعدين وبهاء قال وهو بيمسح دموعه.. 
بهاء
هي دي الحكايه اللي كانت بدايتها هنا اول ما شوفت ندي.. 
اياد بصله بكل حزن وقال
انا ذنبي ايه ناني ذنبها ايه انا مش هقولها حاجه والله.. 
بص بهاء لمعتز وبعدين قال
مش هينفع بعد اللي عرفته ده مش هينفع البنات مالهمش غيري ووجود ناني معاك انت واهلك صعب، لو عرفو الحقيقه هيبقي كل اللي عملته في سنين عمري كله ضاع، وقبل منهم هتكون ضاعت ناني مستقبلها وحياتها واخواتها معاها.. 
معتز
عرفت بقي ان القرب منها غلط.. 
بهاء
اسمع كلامه وابعد عن بنتي بقي لو بتحبها بجد. ابعد عنها قربك منها مش في صالحها... 
قام اياد وقف وقال
تمام اللي عايزينه هعمله... 
_قال كلامه ومشي، وطلع موبيله ولقي خالد بيكلمه رد عليه وقال.. 
اياد
في ايه يا خالد.. 
خالد
تعالي اسكندريه ضروري انا عرفت من ملك اللي حصل.. 
اياد 
انت كنت عارف الحقيقه.. 
خالد
بصراحه عارف وكنت ناوي اقولك امبارح بس للاسف مالقيتكش.. 
اياد
وانت بقي من رئيك ايه يا خالد.. 
خالد 
انا من رأي الموضوع ده بينك انت وناني والمفروض انت تعمل اللي هيريح ناني.. 
اياد 
انا جايلك اسكندريه دلوقتي... 
خالد
تمام هخلص كام حاجه في الشغل وهستناك في شقتي.  
_قفل معاه خالد وراح اشتري حاجات كتير من السوبر ماركت وطلع بص في موبيله ولقي بهاء بيكلمه.. 
رد خالد وقال
ايوه يا كتور بهاء.. 
بهاء
خليك مع ملك وناني يا خالد انا عارف انك اكتر حد هيخاف عليهم... 
خالد
وحضرتك فين طيب مش المفروض تكون هنا عشان المستشفي و.. 
بهاء
لا لا كل حاحه هسيبهالك في دكتور كمال هيخلي باله من المستشفي، وانت ابقي اقعد في الشقه اللي فوق البنات دي مفتاحها مع ملك عشان تبقي قريب منهم.. 
خالد
حاضر يا دكتور بهاء... 
__قفل خالد مع بهاء وطلع فوق وخبط علي الباب وفتحت ملك وهي شعرها منكوش وهدومها مش نضيفه وماسكه المكنسه في ايدها.. 
خالد
لو سمحتي يا شاطره اندهي لملك من جوه.. 
ملك 
انا ملك يا خالد.. 
خالد
ملك ايه اللي عمل فيكي كده واستني ايه العبايه دي بتاعت الحجه الله يرحمها.. 
ملك ضربته بالمكنسه وقالت
بتاعت الحجه امك انت، وبعدين بروق البس ايه يعني... 
خالد
انتي في كل حاجه فيكي حلوه يا ملوكه.. المهم اا... 
ملك
استني استني انت قولت ايه.. 
كتم خالد ضحكته وقال
بقولك خدي الحاجات دي دخليها جوه وهاتيلي مفتاح الشقه اللي فوق. 
ملك
انت هتسرقنا ولا ايه... 
خالد
تلات ثواني بس تفكريهم قبل ما تتكلمي نفسي، وبعدين لو هسرقكم هطلب المفتاح ليه؟.. 
ملك
ايوه صح معاك حق وايه الشنط دي بقي مش لسه بدري علي انك تلم شنط رمضان.. 
رماهم خالد في وشها وقال
امشي يا غلسه هاتي المفتاح.. 
_دخلت ملك وهي بتضحك وهو ابتسم بخبث ودخل البيت وراها وراح وقف وراها وهي بتطلع المفتاح من المكتب بتاع باباها ولما لفت عشان تمشي اتخضت لما شافته... 
ملك 
انت ازاي دخلت هنا اا.. 
خالد قرب منها وقال
هو انتي ايدك الحلوه دي اتمدت ليه عليا الصبح؟.. 
ملك بخوف
خالد ايه الطريقه دي لو سمحت اطلع بره... 
خالد 
لا مش هطلع غير لما اخد حقي.. 
ملك بتوتر
والله ناني نايمه جوه ولو ما سكتش انا هصحيها ليك.. 
خالد قرلها ليه اووي وقال
طيب مدام هتناديها يبقي خليها تيجي علي حاجه تستاهل.. 
_خلص كلامها وباسها في خدها وفي الوقت ده طلعت ناني من اوضتها وبرقت لما شافتهم وقالت.. 
ناني
ايييه المنظر ده؟..
ــــــ #بقلم_الكاتبه_رحاب_القاضي ــــــ
_وفي بيت معتز اول ما دخل البيت لقي مريم لمت شنطها وقاعده مدايقه جدا.. 
معتز
في ايه بقي انتي كمان.. 
مريم
كنت فين حازم كلمني وقالي ان اليخت اللي كان قاعد فيه انس واياد اتفجر... 
معتز
عرفت وما حصلهمش حاجه واياد هيرجع ويشوف الموضوع ده.. 
نزلت دموع مريم وقالت
لو ولادي كان حصلهم حاجه عمري ما كنت هسامحك وحقهم كان هيكون عندك انت.. 
معتز
بطلي بقي انا خايف عليهم بطلي تكرهيهم فيا.. 
مريم
وهما شافو منك ايه عشان يحبوك بعدت ولادي عني خليت اول ما تحصلهم حاجه يجرو للغريب وكأن امهم ميته منك لله يا شيخ... 
معتز
خلصتي ولامه هدومك وعايزه تمشي.... 
راح فتح الباب وقال
في ستين داهيه يا مريم بس ما تبقيش ترجعي تعيطي ومن بكره هجيب ست ستك هنا... 
مريم بصتله بسخريه وقالت
عمرك ما هتتغير، بس ما حدش هيرجع يعيط غيرك.. وتطلقني بالذوق بدل ما اخلعك علي كبر... 
_خلصت كلامها ومشيت من قدامه وهو فضل قاعد مدايق وفجأه وقع علي الارض وهو مش عارف ياخد نفسه و؟... 
ــــــ #بقلم_الكاتبه_رحاب_القاضي ـــــــــ 
_في المقابر بتاعت عيلة بهاء بالقاهره وخصوصا عند المقبره اللي عملها مخصوص لندي وقال ودموعه علي وشه.. 
بهاء
انا تعبت يا ندي اروح فين طيب بيهم سيبت القاهره كلها والقدر رجعني للصفر تاني الكل مستكترهم عليا.. 
ـ قبل ما يتكلم تاني سمع صوت فوزي وراه وقاله.. 
فوزي
لا لا يا دكتور بهاء اوعي تعيط ده انا جايلك مخصوص عشان اهون عليك.. 
بهاء بفزع
انت ايه اللي جابك هنا وعرفت مكاني منين حل عني بقي يا اخييي.. 
فوزي
حل عنك ازاي وانا سغلي كاه واقف عليك، وبعدين لقيت ان عندك تورتا تلات ادوار الكل عمال يدوق منها جات عليا بقي.. 
_فهم بهاء انه بيتكلم علي البنات ومسكه من هدومه وقال.. 
بهاء
انت عارف لو قربت من بناتي هقتلك انت فاهم.. 
فوزي
طيب اسمع كلامي بقي عشان ما اقربش منهم بالعكس هبعد عنك اي حد يكشف سرك.. 
بهاء بدموع
امشي من هنا امشي وسيبني ولما نرجع اسكندريه نتكلم.. 
فوزي
تمام كده اتفقنا يا دكتور... 
_قال كلامه ومشي وهو فضل قاعد بيعيط ومش عارف ازاي يتصرف... 
_وفي الاسكندريه كان امجد متعصب جدا وقال للحارس بتاعه بحده.. 
امجد. 
ازاي يعني يدخل هنا وياخد ورق ويمشي... 
الحارس
هو جه وقال ان حضرتك عندك علم.. 
امجد
ربنا يستر وما يقولش حاجه قدام ملك... 
ـــ #بقلم_الكاتبه_رحاب_القاضي ـــــــــ
 وفي بيت حازم ونيره كان انس نايم في اوضته وموبيله رن برقم جني، ابتسم انس ورد عليها وقال.. 
انس
لا بقولك ايه ما تخلنيش اندم اني جيبتلك فون جديد.. 
جني بخوف
انس انت لازم تروح تلحق جيلان دلوقتي... 
انس اتخض وقال
مالها جيلان في ايه؟.. 
_ تفتكرو في ايه بلاش اكمل خليها البارت الجاي اقولكم 😁
ـــــــــ #بقلم_الكاتبه_رحاب_القاضي ـــــــــ
 وفي دبي في شقة جيدا كانت قاعده بتتفرج علي التلفزيون والباب خبط، قامت فتحت ولقيت سما قدامها... 
جيدا
نعم مين حضرتك.. 
دخلت سما وقفلت الباب وقالت
سما بهاء، او ام ابو عبيده اسم غريب شويه بس جديد صح.. 
جيدا 
سوري بس انا ما اعرفش مين انتي؟.. 
سما 
مرات محمد مش عارفه محمد ابو عيون زرقا... 
جيدا بقلق 
امم خير. حضرتك في ايه؟.. 
سما
بقولو عليا طيبه وهاديه بس تعرفي انا بت شوار وعربجيه ومش متربيه مع اللي تفكر تقرب من جوزي.. 
خافت جيدا وقالت
انتي بتقولي ايه امشي اطلعي بره والا هطلب البوليس... 
مسكتها سما من شعرها وقالت
لا يا روح امك اطلبي الاسعاف اللي مش هتعرف تخيط فيكي غورزه.. 
ناني
ايه ده ايه المنظر ده.. 
بعد خالد بسرعه عن ملك واخد منها المفتاح وقال
انا قاعد فوق زي ما الدكتور بهاء قال لو احتاجتو اي حاجه قلولي.. 
ناني بحده
وما نشفش وش حضرتك هنا تاني لو سمحت، وانا ليا كلام مع بابا لما يرجع.. 
خالد ببرود
اوكي وانا كمان ليا كلام مع باباكي لما يرجع.. 
وبص لملك اللي كانت لسه مصدومه وقال
هبقي اكلمك عشان عايزك في حاجه مهمه.. ملك في ايه مالك.. 
ناني بعصبيه
ما لكش دعوه بيها واتفضل اخرج من هنا... 
_ طلع خالد وكان مدايق، وناني قربت من ملك وقالت بغيظ.. 
ناني
هتفضلي متنحه كده، ازاي تسمحيله يقرب منك؟.. 
ملك بدموع 
هو قليل الاب ثبتني ده طلع اجمد من امجد، ناني هو انا كده بقيت شمال.. 
ضحكت ناني غصب عنها وقالت
لا يا ملك بس هتبقي لو ما كانش ليكي ردة فعل... 
ملك 
استني بس عليا استنيييي والله هبهركم امسكي بقي كملي ترويق لمد ما اعمل العشاا.. 
ناني
طيب وبابا بعت رساله علي الفون بتاعي بيقولي انه جاي بكره الصبح.. 
ملك 
طيب خدي التقيله البت سما بكلمها مش بترد وحاسه انها مش تمام وكلمت محمد قالي ان عنده شغل ولما يرجع البيت هيخليني اكلمها ولحد دلوقتي ماكلمنيش.. 
ناني بقلق
انا اصلا حلمت حلم وحش عليها، بصي احنا نستني شويه ونكلمها ولو ما عرفناش نكلم طنط ثريا.. 
ملك 
لا لا انا مستحيل اكلم القرشاانه دي.. 
ناني
والله ما في قرشانه غيرك بتتباسي يا ملك عيتي عينك والله لما يجي بابا لاقوله.. 
ملك بدموع وهي داخله المطبخ
ما بقولك هو اللي ثبتني قليل الادب... 
ـــــــــ #بقلم_الكاتبه_رحاب_القاضي ـــــــــ  
_ وفي دبي..
_ كان محمد في المستشفي ومعاه فيروز اللي قالتله وهي متعصبه.. 
فيروز
انا عايزه افهم ايه اللي يخلي مراتك تعمل كده في بنتي.. 
محمد بجمود
بعد اذنك دقيقه واحده بس وهاجي افهم حضرتك كل حاجه.. 
فيروز بحده 
تمام يا محمد بس ياريت بسرعه... 
_بعد محمد عنها شويه وكلم سما اللي ردت عليه وصوتها باين تعبان جدا وقالت... 
سما 
عايز ايه؟.. 
محمد
انا عايز افهم ايه اللي عملتيه في البنت ده الكاميرات فضحت كل حاجه يا هانم، خليتي ايه لبتوع الشوارع اتنيلتي عرفتي حاجه او شكيتي في حاجه مش المفروض تيجي تسأليني وافهمك.. 
سما بحده 
وحياة امك يا محمد لو شوفتك تاني لافرمك انت فاهم يا راجل يا خاين خليك جنب حبيبة القلب.. 
محمد اتنهد بضيق وقال
انتي فين طيب وبتعملي ايه دلوقتي؟.. 
سما 
انا حجزت ونازله مصر كمان عشر دقايق وتطلقني يا ابن ثريا والا خيالك ده مش هيصورلك انا ممكن اعمل ايه فيك.. 
_خلصت كلامها وقفلت في وشه ودموعها نزلت، وبعدين كملت اجراءات سفرها لرجوعها مصر.. وفي المستشفي قال محمد كل حاجه لفيروز.. 
فيروز بجمود
اممم والله مراتك معاها حق وعرفت تعمل في بنتي اللي انا ما قدرتش اعمله... 
محمد
مش فاهم حضرتك تقصدي ايه؟.. 
فيروز
انا ما عرفتش اربي بنتي يا محمد ومراتك حقها تعمل اكتر من كده بسبب غيرتها علي جوزها وانها لاقيه واحده تخطفه منها.. 
محمد
اوعدك ان اللي حصل مش هيتكرر وانا كده كده بخلص في اجراءات الفرع الجديد اللي همسكه وانا في مصر وهبعد عن هنا خالص.... 
فيروز
تمام يا دكتور محمد تقدر تتفضل... 
_مشي محمد وفيروز دخلت عند جيدا اللي كان وشها كله كدمات وراسها مفتوحه وقالت.. 
فيروز
اتربيتي كده ولا لسه يا هانم.. مش كفايه انك مطلقه كمان دايره علي حل شعرك.. 
جيدا 
انتي فاكراني هسكت علي اللي عملته فيا البنت البيئه دي، والله لاخد حقي منها تالت ومتلت.. 
فيروز
البنت ما غلطتش دي بتحافظ علي بيتها وجوزها من وحده خطاقة رجاله ولو عملتي اي غلطه تاني ما تعرفيش انا هعمل فيكي ايه ده انا بقيت في نص هدومي وعيني في الارض قدام حتت موظف عندي... 
جيدا بجمود
اوكي يا ماما هنشوف الموضوع ده بس برضو حقي مش هسيبه... 
ـــــــ #بقلم_الكاتبه_رحاب_القاضي ــــــ
_القاهره.... 
_ في شقه تانيه علي النيل كانت جيلان قاعده متوتره جدا وقرب منها هادي وقال.. 
هادي 
يا بنتي مالك متوتره كده ليه؟.. 
جيلان بضيق
لو سمحت يا هادي يس يعني جيت عشان يعني مش قصدي اللي فهمته.. 
بعد عنها هادي وقال
انا فاهم جيتي عشان تستفذي انس مش كده، اصلا ما فيش بنت تقول لولد عايزه اجيلك الا لو كان في سبب كبير وانا عارف ان السبب ده انس.. 
جيلان بدموع 
وانت ايه بقي اللي خلااك توافق مدام عارف كده؟.. 
ضحك بسخريه وقال
هو في حد يلاقي واحده عارضه عليه نفسها ويقول للخير لا... 
_ في اللحظه دي جيلان حست بمدي غلطها ودموعها نزلت وقامت بسرعه عشان تمشي بس مسك هادي ايدها وقال بحده..
هادي
كنت شاريكي وعايزك قدام الدنيا كلها من اول يوم اتقابلنا فيه في الجامعه وانتي رخيصه اووي مالكيش في الغالي وعشان انتي رخيصه روحتي لانس يتسلي بيكي وعشان كده برضو انتي هنا دلوقتي..
جيلان بحزن 
وانتو كلكم زي بعض انت اصلا ما تفرقش عنه في حاجه...
_قالت كلامها ومشيت واول ما فتحت الباب لقيت انس في وشها.. 
انس بحده 
انتي بتعملي ايه هنا، ازاي تيجي هنا وبالمنظر ده.. 
طلع هادي وقال
اهلا بالكابتن تعالي اشرب حاجه جوه واقف كده ليه؟.. 
انس بجمود
برغم الخلافات اللي بينا بس انا عارف انك محترم وحتي لو هي متخلفه وغبيه انت ما كانش ينفع تسمع كلامها.. 
ذقها هادي لبره وقفل الباب وقال
اهي عندك زي ما هي وانتو الاتنين تبعدو عن طريقي عشان ما تحصلش مشاكل وانا مش كوبري يا جيلان تمام... 
_خلص كلامه وقفل الباب في وشهم ودخل قعد علي الكنبه وكان متغصب جدا... وبعد شويه وقف انس بعربيته قدام بيت جيلان.. 
انس
انزلي وابقي اشكري جني هي اللي قالتلي اجيلك.. 
جيلان بسخريه
عبيطه وقعت في الفخ بسهوله زي كل مره، اصلا انا قاصده اخليها تعرف عشان تكلمك وتقولك.. 
انس 
وغرضك ايه بقي من كل ده.. 
جيلان بدموع 
كنت عايزه احس اني مهمه عندك يا انس زي زمان، بس انا غلط انا كل حاجه في حياتي غلط وانت كمان غلط.. 
نزلت من العربيه وانس كمان نزل وقال بعصبيه
تبعدي عن علاقتي بجني انا غلط او صح مش عايزك في حياتي وعايزها هي افهمي بقي.. 
جيلان بدموع
انت مين اصلا هاا انت مين عشان تكلمني كده انت مين عشان ارخص نفسي من البدايه عشانك، انت واحد اناني ومغرور فاكر ان انا وبنت عمتي لعبه في ايدك خسرتني صحابي بعلاقتي بيك والكل شافني وحشه وانا. وافقت وقولت كفايه انت عليا حتي جني لما جات انا كنت مبسوطه ان هتكون ليا اخت صغيره او زي اختي بس كرهتها بسبب حبك انت ليها... 
_في الوقت ده كانت جني واقفه وسامعه كل الكلام اللي قالته جيلان، واللي صدمها لما انس قال.. 
انس بدموع
ايوه انا اناني في كل حاجه واللي تصدقني تستاهل كده... 
قربت جني منهم وقالت لجيلان
تعالي ندخل بسرعه عشان خالو جوه.. 
جيلان 
سمعتيه سمعتي حقيقته يا جني.. 
انس بحده 
اخرسي يا جيلان و.. 
جني بحده 
انت اللي تخرس خالص ومالكش دعوه بيا او بيها تاني فاهم ولا لا.. 
انس زعقلها وقال
بطلي غباء انتي كمان، واياكي يا جني تعملي بلوك او تفكري تبعدي بسبب الموقف البايخ ده احسنلك يا جني.. 
_قال كلامه وركب عربيته ومشي بسرعه وهو متعصب جدا، وجني طلعت موبيلها وعملت بلوك وقالت.. 
جني
انت. بتهددني طيب اهو البلوك اما نشوف اخرتها.... 
ضحكت جيلان غصب عنها وقالت
هههه ياريتني زيك يا جني، ياريتني قادره اكون زيك واقدر اعمله حتي بلوك... 
_قالت كده وسابتها ومشيت وجني بصت للموبيل ولرقم انس اللي قي البلوك وقالت.. 
جني 
خليك شويه هنا يا انس عشان تعرف تهددني كويس، بس انا زعقتله وقولت كلام رخم انا هفك البلوك.. 
_ وفعلا فكت البلوك بس قفلت الموبيل بتاعها وطلعت اوضتها وفضلت تذاكر وكانت عزه متابعه كل اللي حصل ده، وقالت لنفسها.. 
عزه
جدعه يا جني بس انا لازم اتصرف واخليكي تبقي ناصحه قبل ما جيلان تاخده منك... 
ــــــ #بقلم_الكاتبه_رحاب_القاضي ــــــ
_وتاني يوم الصبح كانت منه قاعده مع فؤاد في كافي وقالتله اللي حصل بين اياد وناني كله.. 
فؤاد 
تمام بس انا مالي بكلامك ده، ناني رفضت موضوع الجواز وطلعت مش معجبه بيا زي ما انتي قولتي.. 
منه بتوتر
انا كنت عايزه اساعدك يا مستر فؤاد وو.. 
فؤاد بحده 
انا رايح اسكندريه يا منه بس عشان ارجع ناني الشغل لان اهم حاجه دلوقتي عندي شغلي انما مش عشان اجري ورا حد مش عايزني.. 
_ قال كلامه وسابها ومشي ومنه ادايقت منه وقالت.. 
منه 
فقر راجل وش فقر اصلا.. 
ـــــــــــــــــــــ 
_وفي بيت اهل مريم القديم الباب خبط وراحت فتحت لقيت حازم ونيره وانس.. 
مريم 
عايزين ايه وحد يجي لحد الصبح كده؟.. 
حازم 
ايه قلة الذوق دي ما توسعي تدخلينا.. 
مريم 
بقي انا قليلة ذوق طيب هما هيدخلو. انت هتفضل متذنب علي الباب يا حازم الكلب انت.. 
نيره بحده 
ما تخرس بقي يا حازم وما تدايقش ميمي القمر، وانتي يا مريم يا كبيره يا عاقله دخلينا يلااا.. 
مريم بصت لانس وقالت
وانت مش هتقول حاجه.. 
انس
لا ما انا لو اتكلمت هلاقي الشبشب في وشي فا محترم نفسي وساكت... 
مريم ضحكت وقالت
ادخلو طيب وانتي يا نيره جهزيلنا فطار.. 
حازم 
قبل الفطار الاول انتو عرفتو ان اياد امبارح طلب نقله لقريه في الارياف... 
مريم بدموع 
منه لله اللي كان السبب.. 
حازم 
معتز عنده حق احنا مش في فيلم ولا روايه يا مريم عشون معتز ينسي ابوه اللي مات بسبب ابو البنت دي، ولا هما ينسو ان جوزك سبب في موت ابوهم وجدهم وكان سبب كبير ان امهم تتعب في الحمل وتموت... 
انس 
انا كمان اتفق مش هنقدر ابدا نكون عيله واحده يا ماما... 
مريم ببكاء
طيب ما تخلهوش يسافر انا بكلمه مش بيرد عليا.. 
حازك بص لانس وقال
المهمه دي علي الباشا انس هو اللي يقنعه ما يسافرش..وبسرعه يا انس لانه مخلي علاء يتوسطله ويتنقل في خلال يوم او يومين.. 
انس بضيق
انا فعلا لازم اقنعه ما يسافرش لاني محتاجه بجد جنبي الايام دي.  
ـــــ #بقلم_الكاتبه_رحاب_القاضي ــــــ
_الاسكندريه.. 
_طلع خالد من اوضته في شقة بهاء وهو بيلبس الجاكيت الشتوي بتاعه وقال. وهو بيتكلم في الفون.. 
خالد 
يا ملك طالع اهو والله انتي في ايه مستعجلاني ليه كده.. 
ملك بخبث
لما تطلع هقولك يلا بقي بسرعه... 
فتح خالد باب الشقه وقال
طالع اهو وو ااااه.. 
_ قبل ما يكمل كلامه اتزحلق في الارض ووقع علي ضهره وهو ماسكه بألم، وملك تزلت من فوق وقالت... 
ملك 
ايه ده انت حسيت بالزلزال يا خالوده... 
خالد بغيظ
وهو الزلزال بيدلق صبون قدام الشقه.. 
_خلص كلامه وقام جري وراها وهي بتضحك وطلعت الاسانسير وقبل ما بتقفل دخل عندها خالد وقال... 
خالد
هتهربي تروحي فين تاني.. 
ملك وهي بتضحك 
هههههه خلاص وبعدين انت كنت قليل ادب امبارح وانا لازم يبقي في رد فعل من عندي.... 
خالد ابتسم لضحكتها وقال
ده اسمه رد هبل او عبط مش رد فعل، انا توقعت هتلوي خلقتك عليا مش هتتعاملي معايا اصلا... 
ملك 
ما هو انا مش بعرف اعمل كده بس بعرف اعمل مقالب هع هع هع.. 
خالد 
ابو لهب بيضحك اخرسي، ويلا خلينا نلحق اياد الواد قاعد مستنينا انتي قولتي لناني.. 
ملك 
ايوه قولتلها، وكمان نص ساعه جايه ورانا.. 
خالد 
طيب كويس جدا.. 
_ وبعد شويه راحو قعدو في الكافي اللي مستنيهم فيه اياد اللي اول ما شاف ملك افتكرها سما اللي شافها قبل كده وقال.. 
اياد
احنا اتعرفنا قبل كده صح؟.. 
ملك 
ياريت بس انا ما شوفتش القمر خالص.. 
خالد بغيظ 
هقلع الجزمه وانزل بيها علي وش اهلك اخرسي.. 
ملك فرحت وقالت لاياد
باين انه بيغير عليا مش كده.. 
كتم اياد ضحكته وقال
احمم هو مش انتي اللي كنتي مع خطيبك في اليوم اللي توهنا فيه انا وناني.. 
ملك 
لا لا دوكا سما عينيها بني انا ملك عينيا سودا وطبعا ناني منفرده لوحدها بعيونها الخضرا.. 
اياد 
تمام فين ناني بقي؟.. 
خالد 
جايه بس احنا لازم نتكلم.. 
اياد بجمود
خااالد انا عارف انا هعمل ايه هيرحني انا وناني، ومش مستحمل اي كلام.. 
ملك 
هو انت اخو انس صح فيك شبه منه، هو انس مرتبط؟.. 
خالد بغيظ
قومي روحي يا بت انتي قوميي امشي.. 
ملك ببكاء 
انت بتزعقلي ليه هو انت قاعده في بيت اهلك... 
اياد بقلق
يا ابني هو في كده خلاص يا انسه ملك حقك عليا اناا.. 
ملك وهي بتمسح دموعها
ملك بس لو سمحت من غير انسه.. 
خالد بغيظ 
اتفضل يا عمم المهم سيبك منها وقولي انت ناوي علي ايه.. 
ملك 
استني ناني وصلت  بعتتلي رساله علي الفون يلا بينا وهما هيحلو الموضوع سوا، باي باي يا جوز اختي.. 
اياد ابتسم لعفويتها وقال
باي يا ملك ومبسوط اني شوفتك.. 
ملك 
علي فكره انت ممكن تسيبك من ناني دي نكديه انا فرفوشه والله ووو.. 
سكتت لما خالد خبط ايده علي التربيزه وقالت
واحترم نفسك يا اياد باشا انت في ناس الغيره خلتها تولع اهو عجبك كده.. 
خالد بحده 
اخرسي يا ملك ويلا قدااامي.. 
_ ومشيت ملك وخالد وبعد كام دقيقه _ وصلت ناني الكافيه اللي اياد مستنيها فيه، ودخلت واول ما شافته ابتسمت وقربت منه وقالت.. 
ناني
اسفه قبل اي حاحه انا اسفه علي الكلام السخيف اللي انا قولتلهولك اخر مره و.. 
اياد بجمود
اقعدي يا ناني الاول وهنتكلم في كل. حاجه.. 
قعدت ناني قصاده وهو قال
تشربي ايه؟.. 
ناني
اياد لو سمحت ممكن تسمعني الموضوع هو ان... 
قاطعتا اياد وقال
من غير ما اسمعك يا ناني الموضوع باين واسفك مقبول وانا كمان زيك مش هقدر اكمل في العلاقه دي بعد اللي عرفناه والمشاكل اللي بين اهلنا.. 
اتملت عيون ناني دموع غصب عنها وقالت
والله انت مكلمني عشان تيجي وتقولي كده؟.. 
اياد 
اومال انتي فاكره ايه، احنا انبسطا شويه وحبيتك و.. 
ناني بحده 
بطل كدب عشان انت كنت بتتسلي انت بني ادم ما عندكش ضمير انت لعبت بمشاعري.. 
_اياد بص الناحيه التانيه عشان يخفي دموعه وهي زعقت فيه بصوت عالي خلي الكل يبصلهم وقالت.. 
ناني
ايوه بص الناحيه التانيه اللي زيك اخره كده يا ندل، انا اسفه اني في يوم حبيت واحد زيك يا اياد اسفه بجد اني عرفتك واديتك مساحه تدخل حياتي وتوجعني كده... 
_قالت كلامها وسابته ومشيت، وهو فضل متابعها لحد ما خرجت وبعدين قام هو كمان مشي..
_واول ما وصلت ناني البيت اتصدمت لما لقيت سما قاعده هي وبهاء وملك قصادها علي الكنبه.. 
ناني
معقول يكون بيتهيألي؟.. 
ملك 
لا مش بيهيألك ابوكي رجع واختك هتطلق.. 
ضربها بهاء علي دراعها وقال
اتلمي وما تقوليش علي اختك كده.. 
سما 
ومين قالك بقي اني مش هتطلق ده واحد خااين.. 
بهاء
مش هتكلم غير لما اسمع منه الاول.. 
سما بسخريه 
قال رضينا بالهم والهم مش راضي بينا... 
بهاء.
اتلمي ياللي ما شوفتي تربيه.. 
_قال كلامه وبص لناني بضيق ودخل اوضته، وناني راحت حضنت سما وعيطت وقالت... 
ناني
 جيتي في وقتك اوووي يا سما انا بجد تعباانه.. 
ملك 
بنات انا لقيت ورق في مكتب بابا انا وبروق ولقيت اني مرات خالد.. 
سما وناني في صوت واحد 
نعممممممم؟؟؟.. 
ملك 
باااس اوعو بابا يعرف فاهمين ولا لا، انا بقي عايزه اتسلي بخالد ده شويه... 
سما بضيق
اواي بابا يعمل كده، هو ايه الخيبه اللي احنا فيها دي بس ياربي.. 
ناني بدموع 
لا ده ولسه خيبتي انا كمان  بس هو خلاص الموضوع خلص.. 
طلع بهاء من اوضته وقال
ناني هتكملي شغلك هنا ما فيش سفر تاني مفهوم.. 
ناني بدموع
حاضر وو.. وانا اسفه اللي حصل ده مش هيتكرر تاني.. 
بهاء بحده 
مش هسمح انه يتكرر تاني واي واحده فيكم هتعمل غير اللي اقوله هكسر رقبتها.. 
ملك
طبعا الكلام ده مش لملوكه حبيبتك.. 
بهاء زعق فيها وقال
ده انتي اولهم ياللي بتمدي ايدك في الزباله وتطلعي رجاله قولت امجد. لا لا لا.. 
ملك 
انت علقت يا بابا... 
بهاء كمل كلامه وقال
وانتي عملتي اييه روحتي وركبتي دماغك وحبتيه يا بت العبيطه.. 
سما 
خلاص يا بابا بقي هو احنا ملايكه طبيعي نغلط والمهم نصلح الغلط ده، وانا اول واحده هبدأ وهطلق.  
بهاء بغيظ. 
اطلع من هدومي ياربي هتكفروني يا بنات ندي... 
ناني
بس هو سؤال عايزه افهمه ايه اللي بينك وبين معتز ابو اا... اياد؟.. 
بهاء
كانت في قضيه متدبس فيها وهو صمم يلبسهالي مشاكل قديمه وهو مقتنع اني مجرم يعني... 
ملك 
يعني كده انا مش هشع انس تاني وطلعنا اعدااء.. 
بهاء اتنهد وقال
انا طالع عند خالد انزل الاقي الغدا جاهز وانتي يا سما ارتاحي وبلاش تنطيط كتير عشان اللي في بطنك
ــــــ #بقلم_الكاتبه_رحاب_القاضي ــــــ
_ وفي  بيت امجد البحيري  دخل البيت وقال لمامته.. 
امجد.
فين نسمه يا ماما عندها معاد عند الدكتور.. 
صفاء بجمود
روحنا وجينا.... 
امجد
نعمم وازاي روحتو وانا قولت ما تطلعش من البيت.. 
صفاء
خليتها راحت وخليتها سلمت علي عمها وابن عمها قبل ما يسافرو بره مصر زي ما فرضت عليهم يا استاذ، وهي اختارتك وخلاص بقيت ليك لوحدك لم نفسك بقي وخلي عندك. دم... 
امجد بعصبيه
خلتيها راحت شافته، تمام بس دي اخر مره اسمحلك تعملي كده وو.. 
وقغت صفاء وزعقت فيه وقالت
عندك. يا ولد ايه تسمحلي وما تسمحليش دي لو نسيت اني امك اياك تنسي اني صفااء البحيري واني مش ست زي اي ست وانت عارف كويس اقدر اعمل ايه.. 
امجد ابتسم وقال
اوكي يا صفاء هانم وسوري ما اقصدش بس بلاش تخلي مراتي تعمل حاجه من ورايا اظن ده حقي.. 
قربت منه صفاء وقالت
لا هرضي عنك ولا اسامحك غير لما تعيش حياه كويسه مع مراتك ام ابنك وتبقي شخص محترم زي ابوك مش زي الواطي عمك... 
_ سابها امجد وطلع فوق عند نسمه اللي كانت نايمه وقرب منها وقال بحده.. 
امجد. 
نسمه نسمههه.. 
قامت مفزوعه وقالت 
في ايه انت عايز مني ايه؟.. 
امجد. 
ليه اختارتيني يا نسمه؟. 
نسمه بحزن 
هو انا مسموحلس اختار غيرك... 
قرب منها وقال
ولو مسموحلك تختاري غيري هتعملي كده؟.. 
بعدت عنه بسرعه وقالت
لا طيقاك ولا طايقه نفسي عشان كنت معاك في يوم من الايام وما تجيش تعمل فيها الضحيه لانك انت المجرم في الحكايه دي يا امجد.. 
امجد بدموع 
كنت بتاع بنات وبتسلي بيهم بس عشانك اتغيرت وبقيت كويس وكنت بعمل كل حاجه عشان ترضي بيا كنت مستعد اقف في وش الدنيا كلها واقول اني بحب وهتجوز بنت الشغاله وانتي بكل بجاحه جيتي وقولتي انا مستحيل ابصلك لاني بحب ابن عمي وهتجوزو حتي ما اهتمتيش لمشاعري بقيت مجرم بسببك انتي كرهت اني بقيت كويس بسببك وجيبتك ليا بالقوه اتعمدت اذيكي عشان تحطي اللوم عليه هو وان هو السبب في اللي حصلك خونتك بدل المره الف عشان اردلك اللي عملتيه فيا، روحت وعملت نفسي حبيت ملك وكنت هتجوزها عشان ارد كرامتي فاختيارك وحبك لغيري، بس ما حدش اتعذب وتعب في كل ده غيري انا انا الضحيه ضحية اني عشقت واحده قاسيه زيك... انتي طالق والبيت ده بيتك انتي وابنك وليكم كل حقوقكم.  
_قال كده ومشي ونسمه كانت مصدومهزمن كلامه ودخلت صفاء وقالتلها بقلق.. 
صفاء
حصل ايه زعلك في حاجه؟.. 
نسمه ببكاء. 
لا لا هو مش كده اكيد انا كنت فاكره اني رفضته عادي ما كانش قصدي اذيه كده.. هو طلقني هو... 
حضنتها صفاء وقالت
اهدي اهدي طيب دلوقتي وكل حاجه هتتحل ما ينفعش كده عشان صحتك اهدي يا بنتي... 
ــــــ #بقلم_الكاتبه_رحاب_القاضي ـــــــــ 
_ وفي القاهره... 
_كان اياد بيلم هدومه في بيت معتز اللي كان نايم في اوضته ودخل انس عنده وقال.. 
انس
ابوك تعبان اووي ورافض يروح مستشفي وحلف عليا لو قولت لامك هيطلقها.. 
اياد 
هو حر انا ما ليش دعوه بحد.. 
انس 
انت خلاص هتمشي، بعني تعلقني بيك اووي كده وتمشي.. 
اياد ضحك وقال
هو انا عشمتك بالجواز وخليت بسك ايه يا ابني الكلام ده.. 
انس بحزن
لا بس بقي ليا صاحب واخ ومش عايز ارجع لوحدي تاني.. 
اياد 
بالعكس انا هديلك فرصه تقرب من ابوك وامك اكتر، مش انت برضو كنت زعلان عشان مهتمين بيا اكتر منك.. 
انس
لا لا ما تربطش دي بدي يا اياد.. 
اياد 
انا ماشي يا انس ومش هرجع تاني هبقي اجي ازوركم، وابقي خلي بالك من اهلك.. 
_قال كلامه واخد شنطته ومشي بس بص علي اوضة باياه ودموعه نزلت ومشي من غير حتي ما يطمن عليه... 
ـــــــــ #بقلم_الكاتبه_رحاب_القاضي ــــــ
_ في بيت عزت الشندويلي، جني كانت قاعده بتعيط وزعقت في مامتها وقالت.. 
جني 
حرام عليكي انتي ليه بتعملي فيا كده؟.. 
عزه 
كفايه بقي الطرحه مكبراكي وانا اهو قصيتهم كلهم وقطعتهم مليون حته ويا تخرجي تروحي الامتحان بتاعك يا تخليكي كده.. 
_ قالت كلامها وطلعت وجني فضلت تعيط، ورن انس عليها ردت عليه بسرعه وهو قال.. 
انس 
بصي هو انا مش طايق وشك بس ما اقدرش ما اطمنش عليكي وانتي رايحه الامتحان الاول ليكي.. 
جني ببكاء
مش هروح يا انس مش هه مش هقدر اروح.. 
انس خاف وقال
في ايه يا جني وبتعيطي ليه كده اتكلمي.. 
جني ببكاء
ماما قطعت الطرح بتاعتي وعايزاني اقلع الحجاب واروح الامتحان بشعري.. 
انس
لا معلش فهميني هي امك امك ولا مرات ابوكي؟.. 
جني بعصبيه 
انت بتهزر يا رخممم.. 
انس 
لا مش بهزر المهم اقعدي كده راجعي لحد ما اجيلك.. 
جني بصدمه 
نعممم انت هتيجي بجد.؟.. 
_ تفتكرو انس هيعمل ايه؟... 
ـــــــــ #بقلم_الكاتبه_رحاب_القاضي ــــــ 
_وتلني يوم الصبح في احدي قري الارياف، دخل اياد المستشفي وبص للبنت اللي واقفه بتزعق في الممرضه وابتسم عليها وهي بتقول.. 
البنت 
هو حد. قالك دي مستشفي في شارع الهرم لاا ده احنا هنا الوحده الصحيه في قرية شهبانه ايه بقي الاحمر اللي فوشك ده كله.. 
الممرضه 
والنبي يا دكتوره غاده ده هو قلم روج واحد خمست بيه في وشي.. 
غاده 
هاتي يا بت انتي قلم الروج ده وروحي شوفي شغلك.. 
_ طلعت البنت قلم الروج واديته لغاده ومشيت وهي متغاظه وغاده بصت للروج وقالت.. 
غاده 
حلو اووي ده من ابو تلاتين جينيه هاخده اشيله في جهازي بس هو ليه صلاحيه ولا لا... 
اياد 
بقي ده منظر دكتوره محترمه.. 
غاده ابتسمت وقالت 
حبيب مامي... 
_وقربت منه وحضنته و؟؟... 
_ البارت الجاي اقولكم مين دي بقي😁👀
ــــــ بقلم_الكاتبه‌_رحاب_القاضي ــــــ 
_في بيت فوزي البحيري صحي علي صوت البنت الاجنبيه اللي نايمه جنبيه وبتقوله.. 
البنت بعربي مكسر
فوزي قوم فوزي في حد معانا في الاوضه.. 
قام فوزي وقال
حد مين اللي هيكون معانا نايمي يا حجه.. 
خالد بهدوء
ده مش حد غريب يا فوزي بيه ده انا... 
قام فوزي بسرعه وقال
انت ازاي دخلت هنا؟... 
ــــــــــــــــــــ ـــــــــــــــــــــ 
قام فوزي بسرعه وقال
انت ازاي دخلت هنا يا بني ادم؟.. 
خالد. 
اهدي بس اوعي تتعصب هو انا غريب ولا ايه؟.. 
جه فوزي يقوم وقال
انت عايز ايه وازاي تيجي هنا في اوضة نومي.. 
خالد
بجاحه انا انسان بجح ومش متربي عندك مشكله..استني بس عيب تقوم كده قدامي انا خجول معلش.. 
فوزي اتنهد بعصبيه وقال
عايز مني ايه يا خالد؟.. 
خالد وقف قدامه وقال
دكتور بهاء وبناته لو قربت من بناته في اي حاجه خير او شر الفديو الجميل اللي اتسجلك مع الخواجيه هيلف مصر كلها وتبقي فضيحة رجل الاعمال فوزي البحيري ، وعايزك برضو تكمل في شغلك اوعي تسيبه.. 
فوزي بغيظ
غريبه حضرة الظابط خالد. بنفسه بيطلب مني اكمل شغل.. 
خالد 
طبعا يا فوزي اومال مين اللي هيوصلك لحبل المشنقه غيري،بس ازاي ما اخدتش بالك من الكاميرا الجميله دي... 
فوزي بغيظ
ماشي بس اعمل حسابك اللي انت عملته ده هيترد فيك اضعااف.. 
خالد 
في الانتظار يا باشاا، مش هعطلك اكتر من كده بقي.. 
_قال كده وطلع خالد من عنده،  وفوزي كان متعصب جدا وبعدين خالد مشي بعربيته ووقف قدام عربية امجد ونزل من العربيه وقال.. 
خالد 
ما هو انا عايز اعرف انت عايز توصل لايه؟.. 
امجد
مش انا ساعدتك تمنع فوزي انه يهدد بهاء بالبنات، من وجهة نظرك انت بقي انا ايه.. 
خالد بجمود
قولت انك عايزني خير ان شاء الله؟.. 
راح امجد. وطلع من عربيته ملف وقال
الملف ده فيه كل تفاصيل العمليه الجديده... 
خالد 
امم هاخده بس مش هصدق اللي فيه فما تتعشمش كتير... 
امجد 
مصلحتنا واحده انا عايز اخلص من عمي ومشاكله وانت عايز تترقي في شغلك عايز تبان جامد قدام ملك ما اعرفش ايه نيتك بالظبط بس مصلحتنا واحده.. 
خالد 
مصلحتي اخلص البلد من عمك وامثاله ولو اتاكدت انك من امثاله هتكون انت الهدف بتاعي قبل عمك.. 
_ خلص كلامه واخد عربيته ومشي وبص لموبيله لقي ملك بترن عليه رد عليها وقال.. 
خالد 
في ايه يا ملك عشرين مكالمه وقولتلك لما ترني وما اردش من اول مره يبقي انا مشغول.. 
ملك بضيق
ما انا خايفه البواب قالي انك ما رجعتش لحد دلوقتي.. 
خالد 
انتي نزلتي سالتي عليا  وخايفه كمان يعني؟... 
ملك
انا قولت خايفه عليك لا ما قولتش لا طبعا المهم قولي انت بتخوني ولا لا؟.. 
خالد 
عبط علي الصبح مش عايز، وبعدين ما اوقات كتير بكلمك ومش بتردي وتبقي عامله بلوك معني كده انتي بتخونيني.. 
ملك 
لا والنبي تعالي نكد مكاني احسن، هو ده دور مين يا استاذ وبعدين ايه طريقتك دي هو احنا مرتبطين يعني ولا مرتبطين عشان تقولي كلامك ده.. 
خالد بغيظ 
قولي لنفسك يا اختي.. 
ملك 
طيب انا هقفل في وشك وهعمل بلوك بس وانت طالع الشقه فوق هات شوكلاته وحطها قدام باب الشقه.. 
خالد 
بصي انا مطبق من امبارح وبعدين قولت لابوكي انا عايز ارجع شقتي هو صمم اقعد في وشك.. 
ملك بحده 
وماله وشي يا سكر مش عاجبك وشي.. 
ابتسم خالد وقال
ما هي المشكله انه عاجبني هجببلك الشوكلاته وجاي.. 
ملك بحماس
اوكيشن يا اسطا اتفقنا... 
_ قفلت معاه وخالد نزل من العربيه قدام سوبر ماركت وجابلها شوكلاتات كتير وبعدين راح البيت وحط قدام الباب ولسه كان هيرن عليها طلع بهاء في وشه.. 
خالد بتوتر
دد دكتور بهاء.. 
بص بهاء للشوكلاته وقال
ايه ده بقي يا خالد باشا؟.. 
خالد 
دا يعني الانسه ملك طلبت مني اجيبلها شوكلاته.. 
بهاء
وانا مش مغفل يا خالد ودلوقتي حالا اعرف ايه اللي بينك وبين ملك.. 
خالد 
والله انا ما اعرف يعني ممكن تسألها، ده بعيد عن انها مراتي يعني.. 
بهاء بحده 
بس ده ما كانش اتفاقنا ولا انت كمان بتلف وتدور.. 
خالد. 
انا لا بلف ولا ادور. لا يفرق معايا في الدنيا دي كلها غير شغلي وملك اللي انا قاعد هنا عشان احميها واحمي اهلها، وبعد ما تخلص القضيه هيبقي الجواز ده قدام الناس كلها ده بعد اذنك يعني.. 
بهاء اتنهد بنفاذ صبر وقال
اتفصل يا خالد اطلع نام ولا شوف هتعمل ايه، وانا لولا ما واثق فيك ما كنتش امنتك علي سري من البدايه وواثق ان حتي لو ملك معاك هتكون في امان، بس انا لازم اربي بنتي وده بعيد عنك انت.. 
خالد ابتسم وقال
براحتك يارب بس ملك تعقل واستلمها عاقله ... 
_ قال كلامه خالد وطلع فوق وبهاء اخد الشوكلاته ودخل جوه، واتصدم لما لقي سما ماسكه صنية مكرونه كبيره وبتاكل.. 
بهاء
ايه المنظر ده يخرب بيتك... 
سما 
ده مش انا والله، دي اوامر ابو عبيده.. 
بهاء
ايه ده هو ابو عبيده عندنا في البيت يا تولتميت اهلا وسهلا هو فينه ده انا  هموت واشوفه.. 
سما 
يا بابا ايه اللي هيجيب ابو عبيده هنا ده زمانه عمال يلسوع في اليهود، انا قصدي علي ابني ابو عبيده الصغير... 
بهاء. 
لا هو الاسم حلو بصراحه بس ما يطلعش منك انتي.. 
سما
لا ما هو ده اختيار المنيل علي عينه ابن ثريا.. 
بهاء
اللهم طولك يا رووح، المهم اخواتك فين؟.. 
سما 
مرزوعين في اوضهم... 
_ وندهلهم بهاء والاتنين طلعو وكانت ناني لابسه هدوم الخروج وبتحط الحاجه بتاعتها في الشنطه.. 
بهاء
علي فين يا هانم ولا هتطلعي من غير ما تاخدي اذني.. 
ناني
لا والله كنت هقولك انا رايحه اقابل استاذ فؤاد صاحب القناه اللي كنت شغاله فيها لاني مشيت من غير ما اقوله وكده والراجل جالي لحد هنا.. 
بهاء
تمام وما فيش رجوع القاهره، ثانياً بقي وانا وطالع لمحت خالد بيحط شوكلاته قدام الباب ياتارا جايبها لمين... 
بصت سما وناني لملك اللي قالت
انتو بتبصولي ليه اصلا دي شوكلاته من الرخيصه مش نوعي المفضل.. 
سما بخبث
هاتهم يا بابا دي نوعي انا المفضل.. 
مسكتهم ملك بسرعه وقالت
لا طبعا هو جايبهم ليا انا.. 
قلع بهاء الجزمه وقال
والله لتتنفخي يا ملك ياللي بتجري ورا الخازوق لحد ما يلبس فيكي... 
ملك بخوف
الحقووونيييي والله ما هعمل كده تاني... 
_ فضلت تجري وبهاء وراها وسما وناني فضلو يضحكو... 
ـــــــ #بقلم_الكاتبه_رحاب_القاضي ــــــ
_ في قرية شهبانه كان اياد قاعد مع غاده في مكتبها وقال.. 
اياد
بس فعلا غيريتي الوحده الصحيه بقيت ازبل من الاول.. 
غاده 
يا جدع حرام عليك بس بجد. انا لقيت نفسي هنا في القريه دي رغم اني ما كنتش بطيقها الاول خالص.. 
اياد
ايوه فاكر كنتي يومياً تكلمينا وتصيحي اول ما التعيين جالك هنا.. 
غاده
المهم سيبك انت قولي الواد البأف ابن الصفرا عامل ايه.. 
اياد بغيظ 
طيب احترمي نفسك وقدري ان الصفرا تبقي خالتي.. 
غاده 
شوفت انت كمان قولت عليها صفرا ومش هي بس لا وبنتها صفرا، والواد خالد واخد. سيكا صفار منهم والله.. 
اياد 
غاده قومي فزي وريني البيت اللي هقعد فيه.. 
غاده 
استني بس الاول اشرب القصب ده، وبعدين ابوك كلمني ولمحلي انك متخزوق بس هو الخزوق يخليك تسيب القاهره والسمعه اللي عملتها لنفسك في شغلك هناك وتيجي كفر الشيخ وفين في قريه لو حصل فيها اي حاجه هيرحو للعمده مش ليك.. 
اياد بجمود
ما ده كويس انا عايز اريح دماغي.. 
غاده 
طيب ايه اللي حصل طيب، ومين دي اللي حبيتها من غير ما تقولي.. 
اياد بحزن 
قريت مره في كتاب كده حاجه بتقول
وكأنك في خلاف مع الحب، اما ان تجد من يحبك وانت لا تحبه
او انك تحب من لا يحبك
ولو شاء القدر والتقيت بمن يحبك، لا تحبكم الحياه معاً... 
سقفت غاده وبعين قالت
ها بقي ايه اللي حصل،وبلاش الكلام الملولو ده مش بفهمه.. 
_ قبل ما يرد عليها جه واحد من الممرضين وقال وهو مدايق جدا.. 
الممرض 
يا دكتوره غاده والله كده ما ينفعش تعالي شوفي بره في واحده عامله مشاكل.. 
قامت غاده وقالت
يعني هو ما اعرفش اقعد افضفض مع صديق طفولتي شويه، دقيقه يا ايدو وجايه.. 
_ وطلعت غاده وبعد شويه  اتفزع اياد من صوتها العالي وطلع بسرعه لاقاها بتزعق وبتقول... 
غاده 
جرا ايييه يا حوووش ايه الدوشه دي ما اللي يجي يكشف ويتعالج يجي وهو ساكت.. 
الست 
يا بنتي انا جايه اخلع ضرسي ومش لاقيه الدكتور.. 
غاده بحده 
وهي فين الدكتور العره بتاع الاسنان.. 
جه بسرعه الدكتور وقال
انا اهو يا دكتوره بس كنت في الحمام والله... 
غاده 
جرا ايه يا دكتور علي ما تفرج انت مش قولنا المريض اهم من اي حاجه.. 
الدكتور
انا اسف بس يعني اقعد بيها يا دكتوره.. 
غاده 
لو لزم الامر تقعد بيها يبقي تقعد بيها.. 
الدكتور بغيظ
حاضر يا دكتوره غاده تحت امرك، اتفضلي يا امي جوه... 
غاده بحده 
وانتو مش عايزه دوشه هغيب نصايه وارجع ما اسمعش صوت.. 
اياد بصدمه 
ايه اللي انتي بتعمليه ده، عارفه لو حد بلغ عنك.. 
غاده 
ما ينفعش معاهم غير كده، المهم تعالي انا خليت البت سعيديه الممرضه تروقلك البيت اللي هتقعد فيه وعملتلك موز باللين وحطيته في التلاجه.. 
اياد 
جدعه يا بت يا غاده والله، حاسه باخوكي اووي.. 
غاده وهي ماشيه قدامه 
ما قولتلكش مش ابن العمده هنا بيكرااش عليا... 
اياد 
ما عندوش نظر... 
غاده 
بتقول حاجه يا اياد سمعني كده.. 
اياد
بقول حقه هيلاقي فين واحده في طولك كده وهبلك.. 
غاده 
لا ما عز طويل واطول مني زيك كده واطول كمان بس هضبه وكرش ولا كرش حمو بيكا وسمج اووي بس اهو لقيت حد يكراش عليا.. 
اياد 
اخلصي وصليني البيت.. 
ـــــ #بقلم_الكاتبه_رحاب_القاضي ــــ
_ في القاهره في بيت عزت الشندويلي دخلت الشغاله عند جني وقالت.. 
الشغاله 
اتفضلي يا جني هانم الحاجات دي بعتهم ليكي الكابتن انس وبيقولك انه مستنيكي تحت بس عند الباب اللي ورا... 
_ابتسمت جني وهو بتشوف الطرح اللي جابهم ليها انس وبسرعه لبست منهم واحده ونزلت وراحت ركبت جنبيه بسرعه وقالت.. 
جني 
يلا بسرعه فاضل تلت ساعه علي الامتحان.. 
انس 
في ايه يا بت هو انا السواق بتاعك قولي صباح الخير الاول وانا ارد عليكي اقولك صباح الفل يا قمر يا عسل انت.. 
جني بحده 
اخلص يا انس الامتحان هيفوتني يلاااا.. 
_ ساق انس العربيه وبعد شويه وصل قدام المدرسه بتاعتها وقال.. 
انس
خلي بالك من نفسك انا هستناكي هنا... 
جني بصتله وقالت
هو انا قولتلك قبل كده اني بحبك يا انس.. 
انس 
لا ما قولتيش و... احلفي انتي قولتيها بجد.. 
جني بتوتر
هروح انا بس عشان الحق الامتحان... 
_ نزلت من العربيه ومشيت بسرعه وانس نزل وقال بصوت عالي خلي اللي واقفين بصولهم وقال.. 
انس
وانا كمان وحياة امي بحبك... 
_ ضحكت جني وراحت الامتحان بتاعها، وانس فضل قاعد مستنيها... 
ـــــــــــــــــــــ 
ـ وفي بيت معتز دخلت مريم وراحت وقفت قدام الاوضه اللي فيها معتز وقالت.. 
مريم 
واخرتها يا معتز؟... 
معتز بحده 
اقفلي الباب يا مريم وسبيني انام.. 
مريم 
هو انت بتنام ده انت زمانك عمال تهري وتفرك وتفكر ازاي هتنكد علينا.. 
معتز
ايه اللي رجعك مش انا ما اتعشرش وما اتحبش جيتي ليه في وشي تاني.. 
ضربته مريم علي كتفه وقالت
ما تقولنيش كلام ما قولتوش يا راجل انت عيب عليك تكدب وانت علي كبر.. 
معتز 
ما انتو كلكم معتبرني عدوكم وكل ده ليه عشان عايز ولادي يبقو احسن ناس في الدنيا... 
مريم 
يا حبيبي مش ديما اللي انت شايفه هو الصح.. 
معتز
مش وقت محاضراتك علي فكره وعيالي هيمشو زي ما انا عايز وبس... 
مريم 
تصدق انك راجل بومه، وانا غلطانه اني رجعتلك خليك كده لوحدك. زي القرد.. 
جات تمشي بس هو مسك ايدها وقال
استني.. 
سحبت ايدها منه وقالت
عايز ايه يا معتز مش بتقولي ايه اللي جابك لما دخلت.. 
معتز
قولتها وخلاص ما تمسكيش في الكلمه عشان لو عملت زيك هلبسك عشرين محضر سب وقصف.. 
مريم. 
انا ممكن اقعد بس بشرط، تقولي خليكي يا ميمي يا حبيبتي وما تمشيش عشان انا ما اقدرش اعيش من غيرك... 
معتز اتنهد وقال
اتنيلي اقعدي عشان ما فيش حد بيعملي طلباتي غيرك.. 
اتعصبت مريم وقالت
ايه ايه ده انا ما قولتلكش تقول كده، انت رخم يا معتز.. 
ضحك معتز وقال
ههههه طيب خلاص ما تمشيش بقي يا مريم، انا بجد. محتاجلك.. 
قعدت مريم وقالت 
هو انت غلس ومطلع عيني من يوم ما اتجوزتك بس اعمل ايه بحبك يا معتز وما اقدرش اسيبك انما ورحمة الميتين كلهم لو ما اتعدلت مع العيال لكون بعتاك لامك فاكر امك يا ابن الفت.. 
معتز بخوف
الله يرحمها يا حبيبتي... 
ـــــ #بقلم_الكاتبه_رحاب_القاضي ــــ
ـ وفي الاسكندريه.. 
كانت ناني قاعده مع فؤاد وقالتله
انا بعتذر جدا بس انا وضحتلك ظروفي ومش هقدر اكمل.. 
فؤاد 
تمام بس انا ممكن اكلم باباكي و.. 
ناني 
يا استاذ فؤاد انا ما فيش مني وان القناه واقفه عليا و.. 
فؤاد 
لا لا انتي فاهمه غلط انتي ايوه مذيعه جامده وكل حاجه بس ما فيش حد مشهور هيرضي يسيب مكانه ويجي يشتغل راديو وانا مش لسه هدور.. 
ناني 
ايه الاحراج ده.، طيب انا برضو مش هقدر ارجع.. 
فؤاد 
انا ممكن اقابل والدك واقنعه وو.. 
ناني 
لا لا والله مش هيوافق.. 
فؤاد 
تمام يا انسه ناني، وانا برضو مش هسيبك انتي مذيعه شاطره وانا اختي ماسكه الفرع اللي هنا في اسكندريه للقناه وتقدري تبدأي معاها... 
ناني 
احلف انك بتتكلم جد.. 
ابتسم فؤاد وقال
ايوه وحاجه كمان انا اللي همسك الفرع هنا مكانها.. 
ناني بتوتر
دد ده ليه يعني هتمسك الفرع مكانها.. 
فؤاد
مش عشان حاجه بس انا كده كده كنت هنقل هنا وهي هترجع مكاني، هو في احلي من اسكندريه.. 
ناني 
معاك حق يبقي كده تمام.. 
فؤاد 
اوكي وانا هبعتلك كل التفاصيل ونتواصل سوا. 
_ شكرته ناني ومشيت... وهو فضل باصص ليها باهتمام كبير باين عليه اووي.. 
ـــــ #بقلم_الكاتبه_رحاب‌_القاضي ـــــ
_ وعدي شهر علي ابطالنا وكانت ناني النهارده اول يوم ليها  وقرب منها فؤاد وقال.. 
فؤاد 
خير بقي في ايه قالولي انك مش تطلعي البرنامج غير لما اجي وسيبت ام الجيم وجيت نعم... 
ناني
بص من غير عصبيه انا عايزه اغير موضوع الحلقه.. 
فؤاد بغيظ 
معاكي الاعداد يا ناني غيري انا مالي ده افتكرت القناه بتولع.. 
ناني
لا لا تف من بوقك.. قصدي يعني تف من بوق حضرتك.. يا نهار اسود ايه اللي انا بقوله ده بص اقعد اتفرج عليا انا داخله اهووو.. 
ـ وسابته ناني ودخلت اوضة الاذاعه، ولبست السمعات واخدت نفس عميق وقدمت البرنامج بتاعها بكل هدوء وكان فؤاد قاعد برد بيتفرج عليها وهو مبتسم، وبعدين هي قالت... 
ناني
النهارده الموضوع هيكون مختلف شويه هنتكلم عن فرحة البدايات في كل حاجه في حياتنا سواء مرحله دراسيه بنكون فرحانين في البدايه وبعدين بنتزنق زنقة ما يعلم بيها الا ربنا، او فرحتنا مثلا ببداية علاقه بنبدأ نقول ايه احنا معارف بعدين بقي بنبقي زمايل وبعدين  بنبقي اصدقاء ونبدا بقي نحس بحاجات غريبه زي المخدر كده بيدا يدخل جسمك وعقلك وقلبك بتفضل تتخدر كده لحد. ما تصدق الفرحه دي اللي في البدايه انها حقيقه بتدخل العلاقه دي وتتعامل بكل سذاجه تقول كل اللي جواك وهو كمان قال كل حاجه احساسي بيقولي انه كان صادق مش كداب وان في حاجه اكبر منه ومني هي اللي بعدتنا وهي اللي وجعتنا وخلتني اقول انها ما كانتش فرحه من الاول دي وهم البدايات اللي اخرها بتشوف نفسك بشع بسبب حاجات انت مش فاهمها بس البعد بيكون هو المريح في الحاله دي وهنتعود والله.. 
مسحت دموعها وقالت 
اتكلمت كتير النهارده بس دلوقتي هسمعكو وكل واحد بقي يقولي هو في انهي مرحله بيمر بيها في البدايه ولا عداها ولا لسه ما دخلش فيها...ونطلع لفاصل ونرجع تاني... 
_ خلصت وقلعت السماعه وبصت قدامها لقيت فؤاد باصص ليها بجمود وبعدين دخل عندها وقعد قصادها وقال.. 
فؤاد. 
برافو عليكي الحلقه حلوه اووي... 
ناني 
ميرسي انا هدخل جوه شويه وجايه... 
ـــــ #بقلم_الكاتبه_رحاب_القاضي ــــــ
_ في قرية شبهانه...
 كان اياد بيسمع لكلام ناني في الراديو ودموعه علي وشه وكان عارف انها بتقصده هو... وفجأه دخلت عنده غاده.. 
غاده 
وحياة امك ما هسيبك انت ايه اللي عامله في البيت ده يا... ايه ده انت بتعيط.. 
وقف اياد وقرب منها وقال
اطلعي بره يا غاده يلا يا ماما اطلعي بره.. 
غاده 
انت بتطردني يا اياااد الحق عليا جايه اتكلم معاك وافتح نفسك علي الشغل اللي انت سايبه ده.. 
اياد 
لما تبقي تخبطي وافتحلك ابقي اتكلمي انما انك تدخلي البيت بالمفتاح وكأنها زريبه فا ده مش مرحب بيه... 
غاده 
ما انا حاطه مانكير وخايفه يبوظ لما اخبط علي الباب يا ايدوو المهم جيبالك جبنه مالحه معايا وفطير سرقتهم من بيت جيراني يلا ناكل.. 
اياد 
يخربيت سنينك عايزانا ناكل حاجات مسروقه.. 
غاده 
يا ابااا انا عايشه علي السرقه هنا اومال هشتغل واطبخ بس هما عارفيني ان انا اللي باخد الاكل... 
_ وقبل ما يرد عليها موبيله رن وراحت هي مسكته وقالت بحماس.. 
غاده 
ده خالد انا هرد عليه.. 
ورد علي خالد وقالت
الو ازيك ياد يا ابن الصفرااا.. 
_ ما ردش عليها خالد وقفل السكه وهي اتعصبت وقالت.. 
غاده 
شايف قفل في وشي.. 
ضحك اياد واخد الفون وقال
ههههههه هو حد يعني يخض حد. كده.. 
وكلم خالد وقاله. 
ايه يا خالد يعني انت مش عارف غاده.. 
خالد بغيظ 
بقولك ايه انا مش بطيق البت دي من واحنا في المدرسه فلما تمشي من عندك كلمني.  
غاده 
ليه كده ده انا حتي بحبك يا خالوده.. 
خالد 
ياربي ما تقوليش ام الاسم ده.. "عرفتو ليه خالد مش بيحب ملك تقوله خالوده".. 
غاده 
ما تنشف كده يا خالد وبعدين قولي انت اتجوزت بس مين دي تعيسة الحظ اللي هتتجوز كتلة الكآبه دي.. 
اتنهد خالد وقال
اديني اياد يا غاده ربنا يهدك.. 
غاده 
طيب امك الصفرا عامله ايه. مرات ابوك فاطمه الوتكه... 
خالد زعق فيها وقال
ادينييييي اياااااد يا غاااده.. 
غاده 
بس والله حقك تطفش من العيله دي حتي ابوك علي فكره اصفر برضو، والبت امينه طليقتك بتشوفنا امانه عليك الطشهالي بالقلم لحد ما اجي اكمل عليها، تطلع مين هي عشان تطلق من صدقي الصدوق.. 
خالد بحده 
ربنا ياخدك يا غاده يا ياخدني، انتيييي ايه مش رحماني لا انا صغير ولا. وانا كبير ربنا ينتقم منك.. 
ـ قال كده وقفل في وشها وعمل بلوك لرقم اياد،واياد ادايق وقال.... 
اياد 
عجبك كده افرض كان عايزني في حاجه مهمه.. 
_ وفجأه الباب خبط وراح اياد فتح ولقي واحد. ضخم اووي واقف قدامه وشكله متعصب جدا.. 
اياد بقلق. 
نن نعم في ايه؟.. 
طلعت غاده وقالت
لؤي ده لؤي يا اياد. اللي بيكراش عليا ابن العمده.. 
لؤي 
بقي عامله عليا محترمه وانتي قاعده في بيت راجل غريب.. 
غاده 
انت بتقولي انا كده طيب، اياد رد. عليه واتخانق معاه وهاتلي حقي.. 
اياد بقلق
اتخانق مع مين ده لو نفخ فيا اطير.. 
مسكه لؤي من قفاه وقال
بقي انت عايز تتخانق معايا يااااه.. 
اياد بخوف 
وربنا ما انا اللي قولت ده هي... 
ـ ده ذنب ناني يا اياد، اشرب بقييييي.. 
ــــــ #بقلم_الكاتبه_رحاب_القاضي ـــــ
_وفي القاهره طلع انس من التدريب بتاعه وكانت جني قاعده مستنيااه وبصلها وابتسم وقال.. 
انس
ايه رئيك فيا بقي النهارده بقيت جاهز للماتش خلاص.. 
جني
لا بجد. جامد بص انا صورتك في كل الجوان اللي جيبتها.  
انس بحناس
يا متابع انت يا جااامد، بصي استنيني هنا هروح اجيب حاجه نشربها.. 
جني
طيب يلا عشان نعمل اللي اتفقنا عليه.. 
انس وهو مدايق
امممم مع اني مش مقتنع بس عشانك هعمل كده.. 
جني
انس احنا اتفقنا تقول حاضر وبس والا ه.. 
انس
 لا لا خلاص اللي عايزاااه.. 
_ وراح انس جاب حاجه يشربوها ولما رجع لقاها واقفه مع هادي وبيضحكو واتعصب جدا و؟؟؟. 
ــــــ #بقلم_الكاتبه_رحاب_القاضي ــــــ
_ وفي الاسكندريه 
كانت سما في السنتر اللي بتدي فيه دروس للطلاب وقاعده بتشرح وبتاكل في فاكهه وقالت.. 
سما 
انت ياللي ورا ركز في اللي بقوله مش في التفاحه.. 
الولد. 
يا ميس سماا انا مش شايفك وانتي قاعده ممكن تقفي.. 
سما 
حامل انا مش هقدر اقف افهم بصوتي مش لازم تشوفي يا تقوم انت تقف.. 
ودخل واحد عندها وقال
يا ميس سما في واحد بره عايزك... 
سما 
طيب جايه... 
وبصت للاولاد وقالت
هطلع اشوف مين بره وهرجع اللي هسمع نفسه هبلعه واخليه يوانس ابو عبيده جوه... 
_ طلعت سما واتقلب وشها لما شافت في وشها محمد اللي قال.. 
محمد
اهلا بالهانم اللي سابت جوزها ومشيت.. 
شمرت سما اكمامها وقالت
اهلا واحده بس ده يا مليون اهلا وسهلا... 
_قولولي بقي مين اللي خايف علي محمد 🤣🙈
ـــــ #بقلم_الكاتبه_رحاب_القاضي ـــــــ
_ وفي شغل خالد... 
 كان خالد وسط زمايله اللي بيحتفلو بيه وبالترقيه اللي اخدها وقرب منه مديره وقاله.. 
المدير
الف مبروك يا حضرة الظابط، انا فخور بيك جدا، لا ده مصر كلها فخوره بيك يا ابني.. 
خالد بهدوء
ده بفضل تعليمات حضرتك بعد ربنا يا افندم.. 
المدير 
ربنا يوفقك وتوصل للاكتر من كده كمان، هسيبك تحتفل مع زمايلك بقي... 
ـ خلص كلامه مع مديره وراح وقف بعيد عن صحابه ورد علي ملك اللي بتكلمه وقال... 
خالد 
ايه يا ملك زن زن واقف مع المدير كنت.. 
ملك بحده 
كنت بتخوني صح؟.. 
خالد 
يا ربنا بقول واقف مع المدير هخونك مع المدير يعني.. 
ملك
خلاص خلاص ما تتعصبش كده المهم شوفت وشي حلو عليك ازاي اهو اترقيت.. 
خالد ابتسم وقال
هو احنا هنستهبل ده انا عارفك من سنه يا ملك.. 
ملك 
نعمم اومال ده وش مين ان شاء الله.. 
خالد
يا غبيه هو لازم وش اي حد،المهم انا جاي النهارده وهطلب من دكتور بهاء اا.... 
ملك
وهو ايه بقي معني كلامك ده ان مش شرط وش حد.. 
خالد 
وشك يا ملك يالهوي علي وشك اللي حلو عليا ما شوفتش بعد كده... 
ملك 
هو انا يعني لازم ازعق، برغم اني كيوت ومش عنيفه خالص... 
ضحك خالد اووي وقال
ههههههه تصدقي كنت هصدقك المهم انتي بتعملي ايه.. الو ملك... 
ملك بصوت خايف
خ خالد في حد بيكسر الباب الحقني... 
_ وفجأه الفون اتقفل، ونزل خالد بسرعه وما ردش علي صحابه اللي قلقو عليه، واول ما ركب عربيته لقي رقم بيرن عليه.. رد بسرعه وقال.. 
خالد 
ايوه مين؟.. 
فوزي 
حبيت اباركلك بطريقتي علي الترقيه اللي كانت علي قفايا يا خالد، بيقولو ملوكه اسم علي مسمي وانا قولت لازم اتأكد بنفسي.. 
_ قال كلامه وقفل وعيون خالد اتملت دموع من خوفه عليها وراح بسرعه البيت واول ما وصل الشقه طلع مسدسه ودخل لقي الباب مكسور، وفضلت يدور علي ملك وكانت الشقه مكركبه ودخل اوضتها ولقاها فاضيه، اتقبض قلبه وجه يطلع بس اتصدم لما حصل؟... 
_تفتكرو حصل ايه؟.. 
ــــــــــــــــــــــــــــــــــــــــــــــــــــــ
_ دخل خالد ودور عليها وهو ماسك سلا*حه وخايف جدا ليكون حصلها حاجه ولما مالقهاش جه يطلع بس وقف مكانه لما سمع صوتها بتقول.. 
ملك
بولاااااا.. 
بص خالد حواليه بقلق وملك قالت
مش هنا انا فوق الدولااب يا اهبل.. 
بصلها خالد بصدمه
يا اماااا انتي بتعملي ايه عندك.. 
ملك بحماس
مستخبيه من العصاابه، والاغبيه دورو تحت وما محدش جه في باله يبص فوق الدولاب.. 
خالد وهو لسن مصدوم
وطلعتي ازااااي عندك اصلا.. 
ملك 
عادي اتشعبطت وطلعت.... 
خالد 
اتشعبطت ايه ده علي اساس انك برص.. 
ملك 
ما تهزرش وتعالي قرب كده عشان انط وانت تولقفني... 
قعد خالد علي السرير وهو بيضحك وقال
ااه يا بنت المجانين بقي انا جاي جري وكنت هعمل ميت حادثه وانتي هنا فوق الدولاب.. 
ملك بخبث
مش مرات ظابط لازم ابقي ذكيه..... 
خالد وقف وقال
نعممم مرات ظابط مين؟... 
ملك جات تنزل وقالتله
تعالي نزلني الاول عشان الحيوانات اللي كانو هنا شالو الترابيزه اللي طلعت عليها.. 
_قرب منها خالد وشدها جامد لدرجة انها وقعت في حضنه وقال بخبث.. 
خالد
ايه بقي موضوع  انك مرات ظابط ده؟.. 
حطت ملك ايدها حوالين رقبته وقالت 
هو انت نا تعرفش مش انا شوفت عقد. الجواز اللي انت ماضي عليه وبابا جوزني ليك بالتوكيل اللي معاه.. 
خالد قرب منها اكتر وقال
وانتي بقي مش زعلانه من اللي عملو باباكي.. 
ملك 
لا لا ده انا ما صدقت والله، تصدق طلع شكلك وحش من قريب... 
_ بصلها خالد. بغيظ بس قبل ما يرد عليها دخل بهاء وقال.. 
بهاء بحده 
والله عال ايه المنظر ده وايه اللي انتو عاملينه في الشقه ده... 
ملك بعدت عن. خالد واتخبت في بهاء وقالت
الحقني يا بابا خالد كان بيحاول بيعتدي عليا وانا قاعده لوحدي.. 
خالد بصدمه 
والله العظيم ما حصل يا دكتور.. 
بهاء بغيظ
مصدقك ودلوقتي حالا افهم ايه اللي حصل.. 
خالد اتنهد وقال
ملك عرفت كل حاجه وما فيش حاجه تستخبي دلوقتي، انا بحب ملك يا دكتور بهاء وعايز اتجوزها بجد.... 
ملك سقفت وهي فرحانه وقالت
هييييه واخيرا بقي انا مش موافقه.. 
خالد 
نعممم يا اختي هو انتي كنتي لاقيه اصلا.. 
ملك 
لا لا انا لازم ابقي تقيله واخد وقتي وافكر بص انا موافقه ها بس سيبني افكر عشان اا.. 
بهاء بغيظ 
بس ياللي فضحاني باللي كسفاني، وانت يا خالد باشا عايز تتجوزها يبقي تجيب اهلك وتيجي تخطبها الاول.. 
ملك 
الله انا ما عشتش اللحظه دي خالص، بس هو انت عندك اهل يا خالد؟.. 
خالد 
اومال يعني مقطوع من شجره... 
بهاء
ايه بقي اللي حصل في الشقه ده والباب مكسور ليه.. 
ملك
ايوه صح نسيت اقولك ده في بلطجيه جم كسرو الشقه وو.. 
خالد بحده 
اسكتي هتجلطي الراجل، ده فوزي يا دكتور بهاء بس انا هتعامل وهبعت حد ينضف الشقه وهجيب حراسه علي البيت.. 
ملك 
مين فوزي ده الشرير صح.. 
بهاء
تمام شوف شغلك انت وانا وملك هنضف البيت.. 
ملك بجماس
ايوه طبعا احنا لازم نروق البيت عشان الخطوبه وعايزه فلوس انزل اجيب فستان و.. 
خالد
انا هجيباك الفستان واللي عايزاه يا قلبي.. 
ملك 
هيييح ما تيجي نخليها فستان فرح احسن... 
بهاء بعصبيه
جرا ايه منك ليها وانتي يا بت الجزمه ما تتلمي.. 
_ وقبل ما ترد عليه دخلت سما وهي مدايقه وقالت لخالد.. 
سما 
هو مش انت ظابط؟.. 
بهاء
في ايه يا بت انتي داخله عامله كده ليه حتي ما فرقش معاكي منظر الشقه.. 
سما 
استني انت بس يا بابا عشان هتتشل دلوقتي، قولي يا خالد هو انا لما اقع في ذنقه مش انت هتقف جنبي.. 
خالد 
اكيد طبعا مش محتاجه كلام.. 
بهاء مسك قلبه وقال
عملتي ايييه هببتي اييييه انطقي.. 
سما ببرود 
ما تقلقش حاجه بسيطه انا بس فتحت دماغ محمد.. 
_ بصلها الكل وسكت بصدمه وفجأه وقع بهاء من طوله، وبعد شويه كان نايم علي سريره وجنبيه سما وملك.. 
ملك 
يا بابا طيب استني اتجوز وبعدين اتعب براحتك... 
بهاء
قومي يا بت انتي من جنبي،وخدي تربية الشوارع دي معاكي.. 
سما 
الله هو انا عملت حاجه
خالد 
اجمد كده يا دكتور وانا هقابل محمد واشوف الموضوع ده، المهم انا النهارده بالليل هجيب اهلي ونيجي عشان نحدد معاد الفرح.. 
ملك 
انا كنت بسأل علي حجزات القاعات ولقيت ان الخميس الجاي في قاعه حلوه اوي فاضيه... 
كتم خالد ضحكته وبهاء قال
بس يا ساهله اخرسي خالص، تمام يا خالد في انتظارك.. 
قام خالد وقال
تمام همشي انا بقي... 
ملك
استني يا بيبي هاجي اوصلك لباب.. 
مسك بهاء ايدها وقال
استني يا بت انتي هو عارف طريق الباب لوحده اترزعي واتلميي... 
ملك 
انت ليه بتعمل فيا كده يا جوز امي انت.. 
بهاء 
ايه جوز امك؟.. 
ملك ببكاء
ايوه عشان ما فيش اب يعمل في بنته كده، اوعي كده والله مش هتجوز اصلا عشان ترتاح خليني بايره جنبك... 
_ مشيت ملك وكلهم فضلو يضحكو عليها وعلي طريقتها... 
ـــــــــــــــــــــ 
_ وفي بيت اهل محمد كان قاعد متدايق جدا وراسه ملفوفه بشاش ابيص... 
وضحك باباه وقال
ههههه والله البنت دي جدعه، اديك كنت ىايح تتخانق معاها رجعتك بخيبتك.. 
ثريا بحده 
جرا اييه يا ايهاب دي بنت قليلة الادب ومش متربيه، في واحده عاقله تمد. ايدها علي جوزها.. 
محمد بضيق
انا فعلا شكلي استعجلت في الجوازه دي يا ريتني سمعت كلامك يا ماما... 
ثريا 
احنا فيها طلقها وخليها قاعده عند ابوها ومن بكره اجوزك ست ستها.. 
ايهاب 
حرام عليكي يا ثريا طيب حتي عشان ابنهم اللي لسه ما جاش علي وش الدنيا.. 
وقف محمد وقال
انا مخنوق ومش طايق اي كلام وداخل جوه ارتاح... 
_ دخل محمد اوضته وثريا وقفت وفضلت تلف في الشقه وهي مدايقه جدا.. 
ايهاب
انا بقول ما ندخلش بينهم ولو عندنا كلمه كويسه نقولها وبلاش نخرب علي الواد.. 
ثريا بحقد 
انا تمد. ايدها علي ابني الحقيره دي، بس والله لكون موريها الرمه دي.. 
ايهاب
انتي ناويه تعملي ايه يا ثريا؟.. 
ثريا بحقد 
هتشوف ان ما جيبت حق ابني تالت ومتلت من عينبهم ما ابقاش اناا... 
ــــ #بقلم_الكاتبه_رحاب_القاضي ــــ
_ وفي القاهره في النادي كان انس عينيه بتطق شرار وقرب من جني اللي واقفه مع هادي وبتضحك وقال بعصبيه.. 
انس
خير ان شاء الله ضحكوني معاكم؟... 
جني 
اا ده هادي زميل جيلان و... 
انس 
اهلا وسهلا خير بقي واقفين كده ليه؟.. 
هادي 
عادي المهم يا جني ما تنسيش اللي اتفقنا عليه.. 
جني
اكيد طبعا وشكرا اووي يا هادي... 
_ابتسملها هادي ومشي وبعدين هي بصت لانس اللي كان متعصب جدا وقالت.. 
جني
في ايه؟.. 
انس بحده 
من امتي بقي بتكلميه وايه اللي بينكم اصلا.. 
جني بضيق
ايه يا انس اللي بتقوله ده، وازاي تكلمني كده.. 
انس بعصبيه 
اومال اكلم ميتين... 
سكت واتنهد بضيق وقال
اكلمك ازاي ايه اللي بينك وبينه يخليكي تقفي تضحكي وتحطيني في الموقف ده قدامه ما تنطقي.. 
جني بحده 
وانت بطريقتك دي انا ممكن اصلا اتكلم معاك.. 
انس بحده 
لا هتتكلمي ما انا مش كيس جوافه.... 
جني 
وانت بصفتك ايه اصلا تعرف، ومش هقولك حاجه يا انس.  
انس بحزن 
بصفتي ايييه تمام يا جني.. 
_ وسابها ومشي وهي رجعت البيت ولما دخلت كانت جيلان طالعه من اوضتها،  قربت منها جني وقالت.. 
جني
شكرا انا عرفت ان انتي اللي اقنعتي ماما تخليني ما اقلعش الحجاب.. 
ابتسمت جيلان وقالت
عادي الف مبروك علي النجاح طلعتي الاولي بقي وكده.. 
جني فرحت وقالتلها
الله يبارك فيكي، علي فكره هادي كلمني وكل يوم كمان عشان يطمن عليكي.. 
جيلان بصدمه 
نعممم هادي انتي تعرفي هادي... 
جني غمزتلها وقالت
ده يا ستي جالي النادي وقالي عايزك تطمنيني علي جيلان بس بلاش تقوليلها وانا قولت اقولك بقي عشان تاخدي بالك ان في معجبين وكده.. 
ضحكت جيلان وقالت
هههههلا علي فكره مش هادي بس انتي لو اخدتي علي معجبيني هتتجنني.. 
جني 
ايه ده تصدقي انا غلطانه... 
جيلان بحماس
استني استني تعالي احكيلي الموضوع بالتفصيل.. 
جني 
طيب تعالي انا عايزه اعمل كيك الشوكلاته، لو عايزاني احكيلك تعالي نعملها سوا.. 
جيلان 
انا اصلا نفسي فيها يلا بينا... 
ـــــــ#بقلم_الكاتبه_رحاب_القاضي ـــــــ
_ وفي قرية شهبانه... 
_ وفجأه الباب خبط وراح اياد فتح ولقي واحد. ضخم اووي واقف قدامه وشكله متعصب جدا.. 
اياد بقلق. 
نن نعم في ايه حضرتك عايز مين؟.. 
طلعت غاده وقالت
لؤي ده لؤي يا اياد. اللي بيكراش عليا ابن العمده.. 
لؤي بعصبيه
بقي عامله عليا محترمه وانتي قاعده في بيت راجل غريب.. 
غاده 
انت بتقولي انا كده طيب، اياد رد. عليه واتخانق معاه وهاتلي حقي.. 
اياد بقلق
اتخانق مع مين ده لو نفخ فيا اطير.. 
مسكه لؤي من قفاه وقال
بقي انت عايز تتخانق معايا يااااه.. 
اياد بخوف 
وربنا ما انا اللي قولت ده هي...
_ وبعد شويه في المستشفي كان اياد وشه كله كدمات وغاده بتعالجه.. 
غاده 
حقك عليا يا ايدوو والله ما اقصد.. 
اياد 
ياريتني سمعت كلام خالد، انا ايه اللي جابني في وشك بس..
غاده 
ما خلاص بقي با اياد وبعدين هو انا قولت ليك تتخانق معاه..
اياد 
وحياة امك يا اختي،ماشي يا غاده بس اللي ما يزعلش..
غاده 
طيب اسبت بس خليني اعقم الجروح دي،ياللهوي ده انت وشك بقي عامل زي سوق الجمعه..
اياد
بسببك وبسبب معرفتك،وبعدين ما توافقي بـ لؤي ده علي الاقل يعرف يلمك..
غاده 
لا لا انا مش بتاعت  جواز بزمتك انا ينفع اتجوز وابقي ام ده انا اطلق من اول دقيقه..
_ في الوقت ده دخل باباها عندهم وقال وهو مبسوط جدا.. 
عادل
طيب واياد هيهون عليه يطلقك.. 
غاده بصدمه
بابا؟؟  انت جيت امتي، تعالي اتفضل.. 
اياد. بقلق
ازيك يا عمو اخبارك ايه.. 
عادل
ايه ده يا ابني مالك وشك وايه اللي عمل كده فيك؟.. 
غاده 
لا لا ما تشغلش بالك انت، دي في عربيه نص نقل عدت عليه... المهم انت ايه اللي جابك اقصد جيت ليه،انت ما قولتليش ليه انك جاي اصلا.. 
اياد 
ما تتلمي ايه قلة الذوق دي.. 
.
عادل
لا لا يا ابني انا متعود عليها، المهم قولي هو انت ممكن تطلق غاده؟.. 
غاده بعدم فهم
في ايه يا بابا هو انت شارب حاجه ولا ايه؟.. 
عادل
لا انا في كامل قوايا العقليه ها يا اياد ما ردتش عليا يا ابني؟.. 
غاده 
ولا هيرد و.. 
اياد بجمود
استني يا غاده هو انت بتقول ايه يا عمي، هو انا اتجوزتها اصلا عشان اطلقها... 
الاب 
هو مش انت هتتجوزها، اصل باباك جه وخطبها ليك مني  وانا وافقت.. 
غاده واياد في صوت واحد. 
نعممممممممممم؟؟؟ 
ـــــــــ #بقلم_الكاتبه_رحاب_القاضي ـــــــــ 
_ وبالليل في الاسكندريه في بيت فوزي البحيري كان ماسك سونيا من شعرها وقال.. 
فوزي
انا تسرقي ورق من مكتبي يا زباااله، ده انا اللي عملتك بني ادمه.. 
سونيا بخوف
والله ما انا السبب ده ابن اخووك والله... 
بعد عنها فوزي وقال
ايييه امجد؟!... 
سونيا 
ايوه هو اللي طلب مني كده والله العظيم انا اسفه والله مش هتتكرر تاني.. 
ضحك فوزي اووي وقال
ههههههههه اااخ يا امجد. انت اللي جيبته لنفسك... 
ـــــــــــــــــــــ 
_ وفي بيت تاني راقي جدا وبسيط، دخلت صفاء اوضة امجد اللي كان نايم وقافل نور الاوضه كله وقالت.. 
صفاء
امجد قوم يا حبيبي عايزااك.. 
قعد امجد وقال
هو ما ينفعش يعني تعوزيني لما اصحي يا ماما؟.. 
صفاء ابتسمت وقالت
لا عشان عايزه ارجع البيت قبل ما نسمه تصحي عشان ما اسيبهاش لوحدها.. 
اتنهد امجد بضيق وقال
حاضر نعم يا ماما؟. 
صفاء
مش عايز تسالني عليها، ااه صح نسيت ما انت علي طول مخلي الشغاله تقولك كل حاجه عنها... 
قام امجد وقال
في ايه يا ماما من غير لف ودوران.. 
صفاء 
عايزاك ترجع مراتك والله العظيم اللي شوفته في البنت دي انها بتحبك و.. 
ضحك امجد بسخريه وقال
بتحبني حته واحده، لو سمحتي يا ماما سيبيني براحتي انا كده مرتاح اووي.. 
صفاء
لا انت مش مرتاح يا امجد، انا اللي مربياك وعارفه ابني كويس انت ضميرك تاعبك وهو ده اللي خلاك تطلقها وحتي انك طلقتها بيمين واحد ولسه ما بعتلهاش ورقتها... 
سكت امجد وهي قالت
لو سمحتي يا ماما سبيني براحتي هو صعب عليكي اووي ابقي مرتاح انتي كمان... 
_ قبل ما ترد عليه موبيله رن وكان عمه فوزي البحيري... بصتله صفاء بحده وقالت.. 
صفاء
تاني فوزي يا امجد، ده ابوك نفسه ما كانش بيرضي يتعامل معاه... 
امجد. 
هرد اشوفه عايز ايه واقفل تاني...  
رد امجد علي فوزي وقال
نعمم؟.. 
_بس اتصدم لما سمع صوت نسمه وهي بتعيط وبتقوله.. 
نسمه
تعالي بسرعه يا امجد انا خايفه اووي... 
اتنفض امجد بخوف عليها وقال
ننسمه انتي فين والحيوان ده عندك ولا فين.. 
فوزي بهدوء
عيب يا ولد تغلط في عمك، بس طلعت جامده القطه دي يلا حبيبي انا معاها اهو في اوضة نومك تعالي ولوحدك يا امجد عشان عمك هيعرفك غلطك... 
_ قفل فوزي في وشه وامجد اتنهد بغضب وراح طلع سلاحه ومسكت ايده صفاء وقالت.. 
صفاء
في ايه الحيوان ده قالك ايه؟.. 
امجد بغضب
قرب من المحظور عندي بيمسكني من ايدي اللي بتوجعني، ابن ال.... فوزي عند نسمه... 
صفاء بخوف 
طيب بلاش عصبيه وتسرع ونكلم الشرطه او اا.. 
امجد بحده 
هو انا هستني من حد يحميلي مراتي، انا رايحله وان ما خليته يبقي اسود ايام حياته ما ابقاش انا... 
ـ تفتكرو هيحصل ايه؟.. 
ـــــــــ #بقلم_الكاتبه_رحاب_القاضي ـــــــــ 
_ وقدام القناه بتاعت فؤاد اللي بتشتغل فيها ناني وقفت ملك وكلمت ناني وقالتلها.. 
ملك
اديني اهو يا ناني مستنيه علي الله بقي ننجز ونخلص.. 
_ قغلت معاها ملك وفضلت واقفه مستنيه ناني، ووقف قدامها فؤاد بعربيته ونزل منها وبصلها وابتسم وقال.. 
فؤاد 
ايه النيولوك الجامد. ده، ما اني كنت معجب اوي بطبيعتك بس اا.. 
ملك قاطعته وقالت
والنبي ما انت مكمل مش انا اللي في بالك... 
فؤاد 
مالك با بنتي في ايه، بس ليه غيرتي لون عيونك اا.. 
ملك بغيظ 
يا ادي النيله عليا، يا ابااا مش انا اللي انت بتتكلم عنها، انا اختها..  
فؤاد 
انتي المفروض خلصتي سغل ما تيجي نشرب حاجه.. 
ملك 
انت بتفهم منين ما بقولك مش انا يا فؤش....   
في الوقت ده طلعت نامي وقالت
ايه ده انت اتعرفت علي ملك يا مستر فؤاد؟.. 
فؤاد خاف وقال
اعوذ بالله من الشيطان الرجيم انتو مييين.. 
ضحكت ناني وقالت
انا ناني ودي ملك اختي التوام وفي اختي سما التوام التالت لينا برضو... 
فؤاد 
هو ده طبيعي اصلا ده انتو نسخه من بعض.... 
ملك 
لا لا بقولكم ايه مش وقته انا واحده خطوبتها بالليل ولسه ما جابتش الفستان، عارف يا فؤش انا بقالي ساغه مستنيه العره دي اصل النهارده خطوبتني وكمان الفرح هيكون قريب عشان حالد اصلا متجوزني هو انا ما اعرفش اتجوزني ليه نسيت اسألهم بس كان متجوزني في السر وانا ما اعرفش وو.. 
فؤاد بتعب
استني ستني انا دوخت منك اهدي كده واتكلمي بالراحه.. 
ناني بغيظ
لا ما تاخدش في بال حضرتك، احنا بس لازم نمشي دلوقتي.  .. 
ابتسم فؤاد وقال
اوكي والف مبروك يا انسه ملك ربنا يتمملك علي خير.. 
ـــــــــ #بقلم_الكاتبه_رحاب_القاضي ـــــــــ 
_في اوضة انس كان بيرتب في شنطته ودخلت عنده مريم وقالت.. 
مريم 
شوفت اللي عمله باباك؟.. 
انس 
ايوه اياد قالي ومتعصب جدا، هو بابا فاكره عيل ولا بنت هيجوزو بالعافيه ومين غاده اللي زي اخته... 
مريم بضيق
انا تعبت بجد، وانت بقي مالك علي فكره جني كلمتني وسألتني عليك.. 
انس بضيق
طيب.. 
مريم
مزعل البت ليه يا ابن معتز البومه.. 
ضحك انس غصب عنه وقال
وليه مش هي اللي مزعلاني مثلا.. 
مريم 
عشان هي البنت حتي لو مزعلاك انت لازم تعرف تحتويها مش تتقمص، بس اقول ايه ابن معتز نفس طريقته.. 
انس بجمود
ما فيش حاجه يا ماما كبري دماغك.. 
مريم
زمان لما كنا نتخانق انا وابوك وكنت اشتكي لحد يفضل يقولي لااااا اللي بيني وبينك ما يطلعش بره وما كنتش فاهمه ليه بس دلوقتي فهمت ابوك كان خايف يطلع غلطان قدام الناس عشان كده ما كانش بيخليني احكي حاجه بيني وبينه قدام حد، وانت اهو بتعمل زيه... 
انس قعد جنبيها وقال
هو عادي بعني تبقي بتتعامل مع واحد. تاني وبتهزر وتضحك وده يدل ان بينهم كلام من زمان، والهانم لما سالتها قالتلي انت بصفتك ايه تسألني، خلاص خلينا كده ما دام ماليش قيمه عندها.. 
مريم 
وانت بصفتك ايه تسألها، اديك خلصت جامعه ليه بقي ما تتجوزهاش.. 
انس بحده 
هو انا قولت لا بس هي اللي راقضه وخايفه علي مشاعر جيلان.. 
مريم
انا عندي حل انت اعتدي عليها او اتجوزها في السر عشان تخليها توافق عليك.. 
_انس قام مسكها من ايدها وطلعها من الاوضه وقال وهو متغاظ.. 
انس
ما هو انا اللي ما اتربتش اني بتكلم معاكي يا ماما.. 
_قال كده وقغل الباب في وشها، ومريم راحت قعدت جنب معتز وقالت.. 
مريم 
مالك. انت كمان قالب خلقتك ليه مش روحت وخطبتله من غير ما تقوله.. 
بهاء
وانا عملت كده ليه مش عشان اقفل الباب اللي اتفتح من ناحية خالد لبنت المجرم تاني.. 
مريم 
واحنا مالنا ومال خالد بس؟.. 
بهاء 
بلاش غبااء خالد اقرب حد لاياد واكيد هيتواصل مع البت دي تاني والله واعلم هيحصل ايه... 
مريم
وانت بقي ناوي تعمل ايه، وليه طلبت تشوف علا.. 
بهاء
لازم علا تعرف كل حاجه وتوقف الجوازه دي بس الاول لازم اكلم خالد واعرفه الحقيقه... 
ـــــــــــــــــــــ
_ وبالليل في بيت بهاء كانت عيلة خالد قاعده معاهم وتيا قالت لخالد بصوت واطي.... 
تيا
خالد هي مين فيهم العروسه؟.. 
خالد 
انتي عايزه مين فيهم تبقي العروسه.. 
تيا
هما كلهم شبه اي وحده هما حلوين اصلا.. 
ضحك خالد وقالها
اسكتي طيب يا لمضه... 
وبص فتحي لسما وقال
والله يا دكتور بهاء احنا تحت امر اي حاجه تطلبها العروسه... 
ملك بغيظ
يا ابااا يا عمم يا حج انا العروسه انت مش بت.. 
_قبل ما تكمل كلامه ضربها معتز في رجلها برجله، وضحك بقلق وقال... 
بهاء
ههههه هي قصدها يعني ان هي العروسه.. 
قال فتحي بصوت عالي
اااه ما انا عاااارف بس هما شبه بعض اووي دول كسبتهم في بنك الحظ ولا ايه يا دكتور هاهاها... 
بهاء بقلق
اي الصحكه.دي.. 
ضحكت ملك بصوت عالي وقالت
ههههههه شربات يا عمو والله.. 
وبعدين بصت لبهاء واخواتها وقالت 
ما تضحكو انتو ما بتضخكوش ليه.. 
_ ضخكو كلهم من غير نفس معادا خالد اللي كان بيضحك غصب عنه علي ملك وباباه، وفاطمه قالت.. 
فاطمه 
معلش يا جماعه بس فتحي دمه خفيف وبيحب يهزر.. 
سما قربت من باباها وقالت
هو فين خفة الدم ده ابو عبيده عمال يقولي رجعي وانا عامله حساب ليك ومش راضيه اسمع كلامه... 
بهاء بصوت واطي
يخربيت ابوكي علي بيت ابو عبيده اللي ان شاء الله هيطلع بنت عشان اخلص منك... 
فتحي 
قوليلي بقي يا ملك انتي بتشتغلي ايه؟.. 
ملك 
ما بشتغلش يا عمو اصل بابا واخواتي بيشتغلو. انا قولت اقعد انا بقي في البيت عشان اخد بالي من البيت.. 
بهاء بصدمه 
مين دي؟.. 
ناني 
انت تعرفها والله انا ما اعرفها.. 
فتحي 
برافو عليكي يا بنتي الواد خالد ده عايز واحده تاخد بالها منه و.. 
بص لخالد اللي بيضحك وقال
انت بتضحك علي ايه يا ابن الهبله.. 
سكت خالد وقال
لا لا ابدا ما فيش حاجه، المهم انا كنت حجزت القاعه علي يوم الخميس الجاي عشان الفرح.. 
بهاء
هو ايه الكلام ده مش المفروض تاخد. اذني الاول.. 
خالد
انا ملك قالتلي ان حضرتك موافق.. 
ملك بصوت واطي
وافق وبلاش تطلع بنتك كدابه شكلك هيبقي وحش اووي.. 
_ وقبل ما يرد بهاء الباب خبط وراحت ناني فتحت واتفاجئت لما لقيت ثريا قدامها اللي ذقتها ودخلت.. 
ثريا 
ايه ده انت عندك. ضيوف.. 
ملك بقلق
بقولك ايه يا طنط اجلي اي كلام في اي حاجه لبعد خطوبتي هاا خطوبتي.  
ثريا بغيظ 
ايييه دكتور مش تربي بناتك الاول قبل ما تجوزهم.. 
ادايق بهاء وسما قالت
لا حضرتك احنا متربين كويس، اصلا انتي جايه ليه.. 
بهاء بحده 
سماااا عيب كده.. 
ثريا 
لا والله هو ده اللي قدرك عليه ربنا، بس مدام انت مش عارف تربيها انا هربيها.. 
_ خلصت كلامها وضربت سما بالقلم قدام الكل و؟... 
_ تفتكرو بقي ايه اللي هيحصل؟.. 
ــــــــــــــــــــــــــــــــــــــــــ 
_ الكل كان مصدوم ان ازاي ثريا تمد ايدها علي سما، ما حدش كان متوقع عملتها خالص..قربت منها ناني وقالت بعصبيه... 
ناني بعصبيه 
انتي ازاي تمدي ايدك عليها انتي اتجننتي.. 
_بهاء شد ناني لورا ووقف قدام بناته التلاته في وش ثريا وقال بكل ثبات... 
بهاء
انا بناتي متربين احسن تربيه وعمري ما ايدي اترفعت علي وحده فيهم ومش بحمل عليهم شكة دبوس.. 
ثريا بحده 
انت ما.. 
زعق فيها بهاء وقال بعصبيه
انتي تخرسي خالص وتسمعي اللي اقوله، انا لولا الضيوف اللي موجوده دي وانك وحده ست كبيره انا كنت قطعتلك ايدك دي، بس هي كده خلصت ولو خايفه علي ابنك تخليه يطلق بنتي بالذوق وينسي بنتي وابنها خااالص انتو لسه ما تعرفوش انا اقدر اعمل عشان بناتي.، وابقي حطي ابنك في بطرمان واقفلي عليه بعيد عننا، اطلعي بره وما شوفش وشك هنا تاني... 
_ اتعصبت ثريا وما ردتش عليه ومشيت، وفتحي قال بهدوء.. 
فتحي
يا زين ما عملت يا دكتور، وانا فخور جدا اني هناسب انسان زيك وواثق انك مربي بناتك كويس.. 
بهاء بص لسما اللي واقفه جامده وقال
الشرف لينا يا فتحي بيه، وبعتذر جدا عن اللي حصل ده.. 
فتحي بصوت عالي 
لا لا ولا تعتذر ولا حاجه يا دكتور ده مصارين البطن بتتخانق ههههههه.. 
ملك قالت بصوت واطي لخالد
هو حد قال لابوك اننا طورش مش بنسمع ليه بيعملي صوته كده وهو بيتكلم؟.. 
خالد بصوت واطي 
هو طبعه كده بيسرح ونبرة صووته بتعلي وبعدين لو مش عاجبك اا.. 
ملك 
لا لا ده عاجبني ونص كمان.. 
ابتسم خالد وقال لبهاء
كده تمام يا دكتور احنا معاما علي الخميس الجاي الفرح... 
بص بهاء لسما وقال
نسأل طيب ام ابو عبيده بنفسها واللي تقوله انا هنفذه.. 
سما ابتسمت وقالت
يا عم وافق هو انا ناقصه ملك تعيط كمان.. 
_ ضحكو كلهم واتفقو علي التفاصيل وبعدين خالد طلع شقة بهاء اللي فوق واهله رجعو بيتهم... 
ـ وفي اوضة سما دخل بهاء لقاها فاتحها البوم صورها هي ومحمد بتاعت الفرح ودموعها ماليه وشها ولما دخل بهاء خبته بسرعه.. 
بهاء
اتعمدت ادخل من غير ما اخبت عشان عارفك هتمسحي دموعك وتتعاملي كأن ما فيش حاجه حصلت بس انا عارف انك موجوعه وان عصبيتك عليه هو والبنت اياها بسبب وجعك ده... 
نزلت دموع سما وقالت
ياريتني ما حبيته يا بابا، طلع خاين وضعيف ومش راجل وقل من نظري اووووي، ومش هسامحك ابدا لو خلتني ارجعله او اشوفه تاني... 
بهاء
خلصت يا سما، انا اسف يا بنتي اني وافقت بيه من البدايه رغم رفضك ليه، المهم. تعالي اوريكي حجزت ايه هدوم لابو عبيده.. 
سما مسحت. دموعها وقالت
اممم ولو كانت. بنت. بقي هنعمل. ايه؟.. 
بهاء
ولا هنعمل اي حاجه لاني حاجز هدوم. تليق للاتنين
_ ضحت سما وفضلت هي وبهاء يختارو هدوم الببي..
ــــ #بقلم_الكاتبه_رحاب_القاضي ـــــ
_ وفي بيت امجد البحيري وقف امجد. بعربيته قدام البيت ونزل من العربيه وجه يدخل بس لقي قدامه رجالة فوزي... 
امجد بنظرات ناريه
انت وهو مش قد انك تقف قدام امجد البحيري... 
الحارس بقلق
دي اوامر يا باشا وانا اا.. 
امجد بحده 
الاوامر دي تمشي عليك انت يااااااه، ولو خايفين علي عمركم ابعدو عن سكتي عشان انا كده كده. هدخل بالذوق بالموت هدخل.. 
الحارس بقلق
لا لا انا اسف اا.. 
_ قبل ما يخلص كلامه بعد. امجد شويه لورا وضرب عليه طلقه جات في كتفه.. 
امجد. بعصبيه 
بقولك وسع والا الجايه هتبقي في دماغك وانا ما بهزرش.. 
_ بعد الكل عن طريقه وهو طلع بسرعه وراح لاوضته، واول ما دخل لقي نسمه قاعده علي السرير وخايفه وفوزي واقف عند الشباك وماسك سلاحه..واول ما شافته نسمه قامت بسرعه واتخبت وراه وقالت.. 
نسمه ببكاء
عمك الواطي ضربني بالقلم... 
اتنهد امجد. بغضب وفوزي قال
بقي كده مراتك تغلط في عمك وانت ساكتلها.... 
فوزي
عارف يا امجد. انا في العمليه اللي باظت دي خسرت كل حاجه مش فاضل غير اني اخد حقي وهبدا زي العيال الصغيره من جديد.. 
امجد ببرود
شوفت انا صايع ازاي وعرفت اوقعك، اصل المعلمه مش انك تفصل ترغي كتير وتقول انا وانا، المعلمه يا عمي انك تحسس اللي قدامك انه برنس وتنفخه اوووي وفي الاخر توقعه علي جدور رقبته وتحط رجلك فوق دماغه.. 
فوزي بغيظ
وانا حقي مش هسيبه لانك دلوقتي حالا لا لا بلاش دلوقتي، خليها بعد يومين كده هه.. 
قبل ما يكمل كلامه قال امجد 
امي اللي انت بعت رجالتك عشان تخطفها من بيتي الجديد في امان اصل خلصت علي رجالتك دي وخليتهم زي الخرفان مربوطين في المخزن بتاعي.. 
 فوزي رفع سلاحه في وش امجد. وقال
يبقي خلصت يا ابن اخويا ابقي سلملي علي ابووك... 
_وبعد ما خلص كلامه مسك امجد الفازه وحدفها عليه وقرب منه بسرعه وفضل يضرب فيه جامد.. ونسمه خافت جدا من غضب امجد وبعدين اخده امجد ونزل تحت ورماه قدام رجالته وقاال.. 
امجد
ابقي بعد كده افتكر اني امجد البحيري اللي باشاره مني ممكن امحيك من علي وش الارض ولنا مش بتاع كلام زيك.. 
_وقف فوزي ومسح وشه اللي بينذف ووقف قدام امجد وقال بغيظ... 
فوزي
هقتلك يا امجد وافتكر كلامي ده كويس ولو ايه هيحصلي هقتلك... 
_ قال كلامه واخد رجالته ومشي، وامجد. طلع فوق وقبل ما يدخل أوضة نسمه اتنهد بضيق وبندين دخل لقاها واقفه مكانها ودموعها علي وشها،قرب منها وقال... 
امجد
ما فيش حاجه خلاص، واللي حصل ده مش هيتكرر تاني.. 
نسمه بدموع
ما تمشيش خليك هنا لو سمحت.. 
امجد ابتسم بسخريه وقال
اقعد هنا ليه يا نسمه عشان انتي خايفه، طيب ما انا كمان خايف.. 
بصتله نسمه بعدم فهم وهو قال بجمود
خايف من نظرتك دي اللي بتدمرني، النظره اللي بيها بتعاقبيني علي كل اللي عملته فيكي.. 
بصت نسمه الناحيه التانيه وقالت
طيب لو مش هتقعد عشاني خليها عشان بنتك، ايوه بنتك انا حامل في بنت.. 
ابتسم امجد وقال
مش فارق بنت من ولد بالنسبالي كفايه انها منك انتي، وهقعد هنا عشانك يا نسمه امي جايه في الطريق ولما هي هتيجي انا همشي اشوف شغلي.. 
نسمه بتوتر
هو انت ايه اللي عملته في عمك عشان يجي ويبقي متعصب كده.. 
امجد
ما تشغليش بالك كل حاجه خلصت خلاص.. 
ـ وسابها وطلع ونسمه قعدت علي السرير وقالت وهي حاطه ايدها علي بطنها.. 
نسمه 
رخمم ابوكي ده كتلة رخامه متحركه، بس هو لازم بفضل جني انا وانتي لان مهما حصل انا وانتي مالناش غيره بعد ربنا...
ـــــــ #بقلم_الكاتبه_رحاب_القاضي ــــــ 
ـ في بيت محمد قالتلهم ثريا اللي حصل ومحمد اتعصب جدا وقال... 
محمد
انتي ليه تعملي كده هي سما غلطت في ايه عشان تمدي ايدك عليها يا ماما.. 
ثريا بحزن
هي اللي قليلة الادب وبعدين بقولك طردوني من البيت.. 
ايهاب بجمود
يا سلام بقي عايزه تضربيهم وتهنيهم في بيتهم وكمان قدام ضيوفهم وعايزاهم يسكتو... 
محمد بضيق
ماما انتي لازم تعتذريلهم علي اللي حصل ده.، انا مش عايز اسيب مراتي.. 
ثريا بغيظ
بقي بعد اللي عملته فيك ده يا محمد تقول مش عايز اسيبها يا ماما.... 
محمد اتنهد وقال
عشان حقها يا ماما وحده عرفت ان جوزها بيخونها وكان مع غيرها طبيعي تدايق وسما زعلها كده وانا عارف وغلطتي اني ما حكيتلهاش الموضوع من الاول... 
ايهاب
عين العقل يا ابني، انت كده صح وسيبك من امك.. 
ثريا اتعصبت وقالت
انت بتقول ايه يا سي ايهاب سمعني كده تاني؟.. 
خاف ايهاب وقال
انا ما قولتش حاجه انا اصلا داخل اوضتي جوه.. 
_قال كده ودخل بسرعه اوضته، وثريا وقفت قدام محمد وقالت وهي في قمة غضبها... 
ثريا 
المره دي انا مش هسكت وانت لازم تطلق البت دي وتعلمها هي وابوها الادب... 
محمد بضيق
لا يا ماما انا مش هطلق سما لاني ما كنتش ولا هكون مبسوط غير معاها هي وابني، واللي غلطان في الموضوع ده انا وانتي انا عشان قولتلك مشكله معايا وفكرتك هتقفي جنبي وتساعديني اصلح علاقتي بمراتي مش تروحي وتقللي مني وتمدي ايدك عليها وكانك بتقوليلها انتي جوزك عيل وانا اقدر اضربك واهينك وهو مش هيتكلم خلتيني واقف عاجز قدامك مش هقدر ادافع عن مراتي وازعلك عشان انتي امي للاسف.. 
نزلت دموع ثريا وقالت
للاسف يا محمد هو انا ليا غيرك يا محمد انا وابوك انا كل اللي بعمله ده عشان الهانم وابوها ضحكو علينا من البدايه وخلوك تجيب شقه جنبيهم وعايزين ياخدوك مني.. 
محمد
نعممم انتي براقبيني يا ماما، بس اقولك حاجه انتي لو كنتي كويسه وهتراعي ربنا في بنت الناس اللي هجيبها ما كنتش وافقت علي شرطهم... 
_ قال كده وسابها ومشي، وثريا فضلت قاعده مدايقه وقالت.. 
ثريا بحقد. 
ماشي يا سما انا ابني كان بيسمع كلامي وعمره ما وقف قصادي وقال كده دلوقتي بسببك يقولي كل ده، انا هعرف اوريكي كويس... 
ـــــــــــــــــــــ 
_ وتاني يوم الصبح كان بهاء واقف في المطبخ بيجهز الفطار ومعاه سما اللي عماله تاكل في البيض.. 
بهاء
يا بنتي كفايه قلبك هيقف من كتر البيض اللي اكلتيه ده.. 
سما
مش قادره يا بابا ابطل اكل بيض انا شكلي بتوحم وعلي بيض ما هو ابن محمد.. 
ضحك بهاء وقال
طيب علي مهلك وانا بعت البواب اصلا يجيب تاني بس كلي بالراحه، وروحي صحي اخواتك عشان نفطر كلنا سوا قبل امد. ملك ونجيب الحاجات اللي هنفرش بيها شقتها.. 
سما
قولي صح انت ليه ما خليتش ملك وخالد يقعدو هنا.. 
بهاء
خالد مش هيوافق وبعدين هو حل المشكله اصلا اللي في الشغل عندنا وما فيش خطر انه. يسيبنا لوحدنا.... 
سما 
لا لا انا بتكلم علي الخطر  اللي علي خالد من بنتك دي هتجننه والله الواد صعبان عليا... 
بهاء
طيب عشان نبقي متفقين بقي قدام اخته وامه النهارده لما يجو عايز ملك يتقال عليها ست العاقلين وتفتخرو بيها تمام.... 
سما 
انت عايزنا نكدب يا بيبو.. 
بهاء
مش بهزر يا سما مش عايز اختك بعد كده حد. يدايقها في حاجه.. 
سما
حاضر يا بابا .. 
قبل ما تكمل كلامها الباب خبط وقالت سما
تلاقيه البواب جاب البيض انا هروح افتح... 
_ طلعت سما فتحت الباب بس ما كانش البواب ده كان محمد، ولما شافته عيونها اتملو دموع وقبل ما يتكلم سما قفلت الباب في وشه ورجعت المطبخ.. 
بهاء
يا بنتي ما فتحتيش ليه وشوفتي مين بيخبط؟.. 
سما بضيق
ما فيش حد انت بيتهيألك ان في حد بيخبط... 
_ سابها بهاء وراح فتح الباب ولما لقي محمد كشر وقال بضيق.. 
بهاء 
جاي عايز ايه؟.. 
محمد 
انا اسف يا عمي علي اللي حصل من امي، والله انا ما كنتش اعرف انها جايه اصلا.. 
بهاء
بقولك ايه يا محمد انا يوم ما اديتك سما كنت فاكرك راجل بس انت لو راجل امك ما كانتش قدرت ترفع ايدها علي مراتك، ونصيحه مني روح صالح امك واتجوز اللي هي عايزه تجوزهالك وانسي بنتي خالص لانك مش هتشوف ضفرها تاني.. 
ـ قال كده وقفل الباب في وش محمد اللي مشي، وكان مدايق جدا وبص لفوق كانت سما باصه عليه من البلكونة ولما بص لفوق دخلت بسرعه وفضلت تعيط..
ــــــ #بقلم_الكاتبه_رحاب_القاضي ــــــ 
_ في القاهره في بيت علا الشناوي كانت قاعده معتز اللي قالها.. 
معتز 
بعني ايه موافقه انتي الاول تعرفي دي بنت مين يا علا؟.. 
علا
ايوه عرفت بنت الدكتور بهاء اللي كان صاحبك تقريب زمان.. 
معتز 
لا مش بنته دي بنت يوسف اللي قتل ابويا زمان واللي انا بايدي دي قتلته..بهاء حب امهم وكتب البنات باسمه عشان متخلفوومش كفايه كده لا فاكر انهم بناته بجد وعايز يعملهم بني ادمين.. 
علا 
انت ليه بتتكلم كده، انا عايزااك بس تفتكر حاجه واحده انا بنت زين الشناوي اللي كان شريك يوسف زمان وسمعته زي الوفت يتني ملك دي ما فرقتش عني في حاجه.. 
معتز بجمود
يعني ده اخر كلام عندك يا علا؟.. 
علا
ايوه اخر كلام عندي يا معتز، واتمني تيجي وتحضر فرح ابني... 
_ سابها معتز ومشي وعلا طلعت اوضة بنتها وقالتلها.. 
علا
هتفصلي كده حابسه نفسك.. 
منه بضيق
اووف سيبيني في حالي يا ماما انا مرتاحه لوحدي، هو مش راح خطب غاده وسابني تاني خلاص بقي انا خسرت ومش عايزه حاجه.. 
علا بحزن
مش نصيبك يا منه ولسه الاحسن منه مستنيكي، انا هطلع اجهز عشان هنسافر.. 
منه
خالد بيقولك تعالي يوم الفرح وهو اعتذر للبنت دب وقالها انك هتقابليها  يوم الفرح.. 
مسحت علا دموعها وقالت
عادي اصلا تلاقيه عمل كده لانهم مش فاضيين.. 
_ قالت كده زراحت اوضتها وافتكرت كل تعامل خالد معاها من صغره لحد. دلوقتي وهو ديما مش بيعاملها غير علي انها واحده غريبه... 
وقالت لنفسها
انا هقدر ايوه هقدر اصلح علاقتي بيك يا خالد.. 
ــــــ #بقلم_الكاتبه_رحاب_القاضي ــــــ 
_ وفي بيت عزت الشندويلي، كانت جيلان وجني قاعدين بيتكلمو وجيلان قالت.. 
جيلان
بس انتي غلطاانه انس بيحبك وانتي كمان المفروض كنتي وضحتي الموضوع يا جني.  
جني
اوضح ايه بقولك زعقلي وكان رايح يشتم كمان وانا ما بحبش كده، واتعصبت وقولتله كده وبس.. 
جيلان ابتسمت وقالت
طبب بصراحه وبجد بجد يعني امبارح وانتي شيفااه بيكسب مع فريقه وبياخد نجم الماتش ما كنتيش نفسك تكلميه.. 
جني بحزن 
كان نفسي بصراحه بس هو غلس اوووي.. 
جيلان 
انا عندي فكره انتي تروحي بكره تصالحيه وتحكيله موضوع هادي كله ده اللي ما جاش من ورااه غير وجع الدماغ.. 
ضحكت جني وقالت
انتي طلعتي قمر اووي عارفه من لما جينا هنا وانا كنت عايزه ارجع البلد، بس دلوقتي لا انا مبسوطه اننا بقينا صحاب ومش عايزه تمشي خالص.. 
جيلان بدموع
انا اسفه يا جني اني دايقتك قبل كده.. 
جني
يا ستي عادي هما اللخوات كده بيبقو ديما ناقر ونقير.. هروح اشوف ماما بتندهلي.. 
_ قالت كده وطلعت وجيلان طلعت موبيلها وكلمت حد وقالت.. 
جيلان بدموع
ايوه يا دكتور بهاء انا تمام عملت الخطوه التانيه وقربت من بهاء.. 
رد عليها بهاء اللي كان في مكتبه وقال
برافو عليكي يا جيلان انتي كده مرتاحه مش كده؟.. 
جيلان
جدا جدا، المهم بقي اوعي تقول لباب اني عرفت موضوع انكم صحاب ده وانه هو اللي قالك تكلمني علي اساس انك صديق والجو ده، انا عايزااه هو اللي يجي ويقولي بنفسه.. 
ضحك بهاء وقال
هههههه ماشي يا ستي بس احنا بقينا اصدقاء ولا ايه؟.. 
جيلان 
انا بقي عندي اب تاني مش صديق بجد شكرا، وربنا يتمم لبنتك علي خير سمعت ان فرحها كمان كام يوم.. 
بهاء
الله يبارك فيكي يا جيلان وعقابلك يا بنتي.. 
_ وقفل معاها وابتسم وقال لنفسه.. 
بهاء
ااه منك يا معتز انت وعيالك، اهو ابنك الكبير دمر بنتي والصغير من غير ما يقصد دمر بنت تانيه... 
ـــ#بقلم_الكاتبه_رحاب_القاضي ــــــ 
_ في قرية شبهانه... 
كان اياد واقف في بيته الجديد وباصص من البلكونه وهو مدايق جدا..وفجأه وقفت جنبيه غاده وقالت.. 
غاده 
الواد خالد بعتلي دعوه لفرحه، مش هاين عليه يكلمني.. 
سكت اياد وما ردش عليها وهي قالت
طيب ممكن تسمعني انا وافقت علي خطوبتنا  غصب عني.. 
اياد 
ازاي انتي عارفه انك اختي وبس يا غاده، تقومي تحرجيني وتوافقي.. 
غاده 
مؤقتا لان ابويا خلف اني لو ما اتخطبتلكش هيرجعني القاهره وانا عايزه اخلص رسالة الدكتورااه هنا.. 
اياد بجمود
هو عمتاً مش فارق، بس اقسم بالله هتسوقي في العبل عليا انفخك.. 
غاده 
اقسم بالله انت رجوله يااه، وبعدين تعالي بقي نشتري الهدزم اللي هنحضر بيها فرح الواد خالد.. 
اياد 
هو انتي هتسافري بجد تحضري فرح خالد؟.. 
غاده 
اكيد طبعا وانت كمان الواد مالوش غيرنا ولا عايز الصفرا تستفرد بيه.. 
اياد
غوري امشي يا غاده وانا مش هجيب هدوم من هنا، وجاجه كمان لو دخلتي البيت تاني بالمفتاح اللي معاكي دي هعلقك... 
غاده 
هو انا داخله بيت حد غريب ده انت خطيبي... 
_ مسكها اياد من قفاها وطلعها بره البيت..وقغل الباب وراح غير هدومه وبعدين راح شغله..
ـــ#بقلم_الكاتبه_رحاب_القاضي ــــــ 
_ وباليل في الاسكندريه.. 
_ كانت عائلة بهاء كلهم قاعدين بيتعشو ومعاهم خالد... 
ملك 
اقسم بالله انا اللي عامله الاكل ده كله والمره دي مش هزار.. 
ما ردش خالد وكان بياكل وسما قالت
ملك حطيلي حتتين مكرونه بشاميل يلاا.. 
بهاء. 
ما انتي يا بنتي طول عمرك بتاكليها حته واحده.. 
سما
ايوه ده كان زمان بقي انما دلوقتي انا باكل وباكل ابني ابو عبيده... 
ناني 
علي فكره انتي بقيتي اوفر، الناس بتحمل بتبقي طبيعيه علي فكره.. 
سما 
يالهوي علي النفسنه وعلي راي المثل يا بيبو اللي يغير مننا يوافق علي فؤش ويعمل زينا... 
بهاء
فؤش مين يا بت انتي؟.. 
ناني بخوف
بابا انا عملت السلطه زي نا انت بتحبها بالظبط.. 
ملك 
استني خالد يدوق الاول، اصبر يا بيبو... 
كتم خالد ضحكته وبهاء قال
شايفين بنت الجزمه ولا كاني ابوها ولا تعرفني.. 
ملك
الواد هفتان وداخل علي جواز... 
_قبل ما يرد عليها رن عليه اياد، فا قام خالد وقال.. 
خالد 
طيب انا لازم ارد عشان ده اياد ومش بنتكلم كتير بسبب ظروف شغله وانا عايز اباركله.. 
بصتله ناني باهتمام وملك سالته وقالت
تباركله؟!  علي ايه بس يا خالد هو اترقي ولا ايه.. 
خالد بص لناني بجمود وقال
لا مش اترقي بس اياد خطب يا ملك.. 
_ الكل بص لناني اللي عيونها اتملت دموع واتوترت جدا من نظراتهم، وخالد راح وقف في البلكونه يكلمه..وناني قامت دخلت اوضتها بسرعه... 
سما بحزن
انا هقوم اتكلم معاها و... 
بهاء
لا خليكي مع اختك وخالد وانا هدخل اتكلم معاها.. 
ملك 
طيب ما تاخدها معاك وتكسب فيا معروف.. 
بهاء بغيظ 
اتلمي يا ملك ومش هقول كده تاني، وانا ابوكي مش وحده صحبتك..
قال كلامه وقام راح لناني وسما فضلت تصحك وهي بتغيظ في ملك اللي قعدت مدايقه.. 
سما 
احسن قولنا نفكر في الكلام قبل ما بتقال، بقولك ايه نازليني طبق المحشي ده.. 
ملك بخوف 
لا لا انا خوفت منك ارحمي نفسك وارحمي ابنك اللي زمانه اتحشر جوه من كمية الاكل اللي نزلت عليه دي.. 
_ وفي اوضة ناني دخل بهاء بعد ما خبط ولقاها قاعده علي سريرها وبتعيط.، قرب منها بهاء ومسحلها دموعهت وقال.. 
بهاء بدموع 
حقك عليا، دموعك دي غاليه اووي عليا.. 
ناني ببكاء
اا انا كنت مستعده اقف قدام اي حد عشانه وكنت هقنعك توافق بس هو استسهل فراقي يا بابا وسابني ومشي وما اتمسكش بيا زي ما كنت متوقعه، لا وكمان كمل حياته عادي وكأني ما كنتش حاجه بالنسباله... 
بهاء دموعه نزلت وقال
هو اللي خسرك يا ناني، اوعي تعيطي علي حد باعك اللي زي ده خسارته مكسب.. 
ناني بنبره كلها الم 
مش بعيط عليه قد ما بعيط علي ان صعبانه عليا نفسي، واني اتوهمت بيه وصدقت ان في حب زي  القصص اللي بنسمع عنها بس كله كلام وقت الجد مالقتش ولا اي حاجه من كلامه اللي قالهولي زمان... 
بهاء مسحلها دموعها وقال
كل بني ادم لازم يمر بوجع وجرح معين من اهله من صحابه من حبايبه بس الشاطر والناجح اللي ياخد الوجع ده بطريقه ايجابيه ويتعلم منه وما يخلهوش يكسره يا ناني.. 
وانا متأكد انك هتعدي وهتكملي حياتك وكأن ما فيش حاجه حصلت، وهيجي وقت تفتكري كل ده وتقولي هو انا ازاي كنت عبيطه عشان اعيط علي حاجه زي دي ما تستاهلش.. 
حضنته ناني وقالت
معاك حق يا بابا، هو انا ازاي فعلا اعيط وانا عندي اعظم اب في الدنيا... 
بهاء ابتسم وقال
طيب قومي يا بنت ندي يلا لحسن ملك تعمل حاجه في سما وابو عبيده عشان تستفرد بخالد.. 
ضحكت ناني وقالت
ههههههه مش بعيده والله تعملها...
ـــــــــــــــــــــ
و الساعه 3 الفجر.. كانت سما قاعده علي الارض وماسكه حله من بتوع المطبخ وبتطبل عليها، وناني بتسقف وتزغرت وملك واقفه علي السفره وماسكه الريبوت وبتغني وبتقول.. 
ملك
حااااااااسب يااااااا عمممممممم 
ناني وسما
اااااه.. 
ملك
حاااااااسب ياااااااا اخوياااااااااا... 
ناني وسما 
اااااه
ملك
حااااااااسب ياااااااا ابوياااااااااااا
ناني وسما
اااااه.. 
ملك وهي بترقص
وانا برضو من السيده مش عارفه بيقول ايه كده.... 
طلع بهاء من اوضته وبصلهم بصدمه وقال
ايييييه اللي بتعملوووه ده، فضحتووووني يا بنات ال... 
_ قلع شبشبه كالعاده وفضل يجري وراهم، معادا سما اللي كانت قاعده مكانها، مسكها بهاء من. قفاها وقال.. 
بهاء بحده 
وانتييي اييييه مش خاااااايفه يا اختييييي.. 
سما 
لا ده انا مرعوبه ده انا شعر حواجبي وقف من الخوف، بس ينفع اقوم اجري وابو عبيده يتزفلط مني.. 
بهاء ضربها علي قفاها وقال
جاتك القرف في ملافظك خو انا ارفت اربي.. 
قالت ناني وملك في صوت واحد 
لا والنبي انت ما عرفت تربي.. 
ناني
غير بقي يا بابا مش كل شويه تشتمنا وتقول كده.. 
بهاء
علي اساس انكم بتتلمو يعني، ده انتو فضحتوني في العماره... 
ملك 
جرا ايه يا بابا مش فرحي بعد يومين وبفرح وبهيص ولا كمان هتستكتر عليا الفرحه زي ابن الفقريه اللي فوق ده... 
بهاء اتنهد وقال
يا حبيبتي افرحي لوحدك عندك اليوم كله، انما ليه الفجر لييييه.. 
_ قبل ما ترد عليه الباب خبط وبهاء بصلهم بحده وقال.. 
بهاء
علي الله يكون حد من الجيران عشان وقتها هنفخكم.. 
_ راح بهاء فتح وكان خالد وشكله نايم، وقال وهو قلقان.. 
خالد 
خير يا دكتور كنت سامع صوت خبط جامد هنا هو في حاجه... 
بهاء 
لا ولا اي حاجه، ده الرقاصه اللي هتتجوزها عامله فرح قبل فرحها.. 
خالد بحماس
بجد والنبي  طيب انا عايز اتفرج... 
_ دخل بهاء وقفل الباب في وشه و؟.. 
ـــ#بقلم_الكاتبه_رحاب_القاضي ــــــ 
ـ وتاني يوم في بيت اهل خالد كان معتز قاعد مع خالد لوحدهم وخالد بيتكلم في الفون وقال.. 
خالد 
تمام يا امجد اصلا انا جيبت تسجيل الكاميرات وشوفت الرجاله اللي دخلو بيت دكتور بهاء وقبضنا عليهم واعترفو انهم رجالة فوزي.. 
امجد
بس فوزي هرب يعني مش هتعرل تقبض عليه.. 
خالد 
هي قفلت معاه خلاص وانا والرجاله عاملين تحريتنا، وقريب اووي هيتمسك.. 
امجد
اووكي لو في جديد عندي او عندك يبقي نتكلم... 
_ قفل معاه خالد وبص لمعتز اللي قاعد قصاده وقال.. 
خالد 
اسف والله بس الشغل وحضرتك خير اللي عارغين، المهم خير يا جوز خالتي جاي بنفسك لحد هنا ليه؟.. 
معتز
هو انت هتتجوز بنت المجرم يا خالد، يعني امنع اياد عن واحده تقزم انت تتجوز اختها..  
خالد بضيق 
وفين المشكله انا حر.. 
معتز بحده 
لا مش حر انت نسيت انت ابن مين، الجوازه دي مستحيل تتم والا والله هطلع اقول لابوك علي اصل البنت دي... 
خالد ببرود رد عليه وقال
سوري بس هو انت مالك اصلا.... 
معتز اتعصب وقال
يعني اييييه وانا مااالي... 
خالد 
يعني وانت مالك اتجوز بنت مجرم اتجوز بنت حرامي او قتال قتله او بنت الحن الازرق نفسه هو انت ولي امري عشان تيجي تقولي لا وانا اسمع كلامك، ولا شايفني عيل بتقولي اروح اقول لابوك ما تروح تقول لابويا هو انا ماسكك.. 
معتز وقف وهو مصدوم من رده وقال
هو انا هستني ايه من واحد زيك تربية ملاجئ، ومش متربي.. 
خالد ابتسم وقال
شكرا لكرم اخلاق حضرتك بس انا عايز افكرك بحاجه زين الناوي جدي وحماك السابق وجد. ابنك اياد كان شريك اللي اسمه يوسف فخري ده يعني كلنا في الهوا سوا... 
معتز
الجوازه دي مش هتتم وهتشوف... 
_قال كلامه وسابه ومشي من بيت فتحي... 
. ـــ#بقلم_الكاتبه_رحاب_القاضي ــــــ 
_ في القاهره
_ وفي النادي كانت جني قاعده مستنيه انس يخلص تمرين وقرب منها هادي وقال.... 
هادي
يا مساء الفل خير قاعده كده ليه؟.. 
جني بهدوء
عادي يعني انا مستنيه اا عادي بعني هو في حاجه؟.. 
هادي
اولا اسف لو كنت سببت مشكله بينك وبين انس، ثانياً اا انا اخطب جيلان مش عارف القرار ده ثح ولا غلط بس انا عايز اقرب منها تكتر ونفهم بعض وده مش هينفع غير بالخطوبه.. 
جني فرحت وقالت
بجد انا موافقه وهقف جنبك لحد ما توصل للي انت عايزه.. 
ـ في الوقت ده طلع انس من بره قاعة التمرين، وسمع اخر حاجه قالتها جني لهادي وما كانوش هما شايفينه وهادي رد عليها وقال.. 
هادي 
ده العشم برضو المهم انا هكلم عزت بيه وهبلغك بالجديد عايزك معايا خطوه بخطوه في الموضوع ده.. 
جني 
يا باشا انت تؤمر كفايه الفرحه اللي بقيت فيها بسببك دي... 
هادي
تمام با جني همشي انا بقي قبل ما الكابتن يطلع ويشوفنا مش ناقصين... 
جني ضحكت وقالت
ماشي تمام... 
_ مشي هادي وجني قعدت تاني مكانها وانس ورا الباب مسح دموعهاللي نزلت وطلع ومشي من غير حتي ما يبصلها، ولما شافته جني قامت بسرعه وراه وقالت.. 
جني
انس استني لو يمحت اما اسفه و.. 
بصلها وزعق فيها وقال
امشي من وشي وايااكي تخليني اشوفك تاني فاهمه ولا لا... 
جني بدموع 
انت بتقول ايه انا جايه اعتذرلك وو.. 
انس بصوت عالي خلي الكل يبصلهم 
وايه جايه تكملي تمثيل وتعملي عليا دور البنت الخام الشريفه وانتي اصلا شمال..... 
اتصمت من كلامه ودموعها نزلت وهو قال بكل قسوه ومش واخد باله من الناس اللي بتتفرج عليهم.. 
انس
طلعتي زيك زي اي حد واقل من اي حد، انا غلطان اني سمحت لوحده زيك تدخل حياتي اصلا.. 
جني عيطت وقالت
طيب خليك فاكر كلامك ده كويس.. 
زقها انس جامد وقال
امشي مش عايز اسمع صوتك ولا اشوف وشك تاني امشي... 
_ مشيت جني من قدامه ودموعها مش مبطله تنزل وهو راح ركب عربيته ودموعه نزلت بحزن شديد  ، وبعدين ساقها بسرعه جدا ومشي.. 
ـــــــــــــــــــــ 
_ وفي بيت عزت الشندويلي اول ما وصلت جني كانت عزه قاعده هي عزت مع بعض بيتكلمو وجيلان قاعده بعيد عنهم بشويه، قربت جني من مامتها وقالت وهي بتعيط.. 
جني
انا عايزه ارجع البلد، انا عايزه ارجع مكان ما كنت.. 
 عزه بقلق
مالك طيب في ايه ومالك عامله كده ليه؟.. 
جني بعصبيه
مالكيش دعوه بيا وما تعلميش نفسك خايفه عليا، عايزه تفعدي هنا براحتك انا هرجع عند عمي انا مش عايزه اقعد هنا تاني، قولها والنبي يا خالو تسيبني امشي.. 
عزت بحزن 
حاضر با حبيبتي بس اهدي لو فضلتي تعيطي كده انا اللي مش هخليكي ترجعي البلد.. 
قربت منها جيلان وقالت
خلاص با جماعه انا هاخدها ونطلع فوق ترتاح شوبه وبعدين نتكلم، يلا يا جوجو واهدي ما فيش حاجه... 
واول ما طلعو فوق زعق عزت في اخته وقال
بتعنلي كده ليييه دي هي بنت واحده اللي حيلتك، جيبتك هنا عشاز تبقي ام لبنتي زي ما انتي ام لبنتك لقيتك مش عارفه تكوني ام لبنتك حتي.. 
عزه بدموع
انت بتقول ايه، هي مش جني دي اللي ابوها راح وهي عمرها شهور وانا اللي دفنت نفسي بالحيا عشان اربيها دي بنتي دي حته مني ما حدش في الدنيا دي بيحب بنتي قدي يا عزت... 
عزت 
ماشي ما حدش بيحبها قدك بس ليه مش محسساها بكده، ليه مخليها بعيده غنك انتي عارغه هي بتعيط ليه مش عارفه بس لو انتي ام ناحجه كان زمانك عارفه وممكن ما كانتش عيطت اصلا.. 
عزه مسحت. دموعها وقالت
انا هصلح كل حاجه، جني هتبقي احسن واحده في الدنيا ومش هخليها تعيش نفس قدري لا لا... 
_ وفوق في اوضة جني كانت قاعده بتعيط، وجيلان بتحاول تهديها وقالت.. 
جيلان 
يا بنتي حصل ايه طيب، انس هو اللي كزعلك ولا في ايه؟.. 
بصتلها جني وقالت 
انتي كنتي صح، هو كان بيتثلي بيا ولما بقيت مغاه عمل فيا زي ما عمل معاكي وابشع كمان.. 
جيلان بضيق
عمل ايه قوليلي عملك ايه يا جني بلاش كلام الالغاز ده.. 
جني ببكاء
ما عملتلوش حاجه دي كانت مشكله بسيطه بينا وانا سمعت كلامك وروحت اعتذرله بس اللي حصل انه اهاني قدام الناس واتهمني لحاجات انا مستحيل اعملهاحسسني اني رخيصه اووي ووحشه وانا عمري ما كنت كده يا جيلان انتي عارفاني كويس انا مش وحشه صح... 
جيلان حضنتها وعيطت وقالت
معلش هتعدي اهدي بس وكل حاجه هتتعدل يا جني.. 
جني ببكاء
انا همشي مش هقعد هنا تاني، انا قلبي ما وجعنيش غير هنا وما تعبتش غير هنا... 
_ وبعد شويه جني نامت، وجيلان قامت من جنبيها ومسكت موبيلها وكلمت انس اللي رد عليها وقاال.. 
انس
جيتي في وقتك والله، بقولك ايه ما تيجي نرجع يا جيلان ما وحشتكيش... 
غمصت جيلان عيونها بحزن وقالت
وقت ما انت محتاجني بتقول كده، تمام انت فين انا عايزه اجيلك.. 
. انس مسح دموعه وقال
 انا في الشقه بتاعتي ما حدش يعرفها غيرك اصلا يلا تعالي... 
_ قفلت معاه جيلان ونزلت اخدت عربيتها وراحتله 
ـ تفتكرو هتعمل ايه جيلان هناك وانس غلطان ولا لا؟.. 
،ـــ#بقلم_الكاتبه_رحاب_القاضي ــــــ 
_ في الاسكندريه.. 
_ في مطعم راقي جدا كان خالد قاعد ومعاه ملك اللي كانت قاعده بتبص في موبيلها وقال خللد بغيظ.. 
خالد 
هو انا جايبك عشان تقعدي علي موبيلك، وبعدين بتتفرجي علي ايه كده وعينيكي بتطلع قلوب.. 
ملك 
هيييح ده مش اي حد ده امير القلوب ده عم الناس وعمي وعم عيالي... 
خالد بعصبيه 
نعمم يا اختي انتي بتقولي علي مين كده قداامي.. 
ملك 
والله العظيم انا بتكلم علي ابو تريكه شوفته وخو بيدافع عن فلسطين خطف قلبي.. 
خالد هدي وقال
اممم طيب ما هو خطف قلبي انا كمان وعمي وعم عيالي برضو بس ابقي وضحي بعد. كده.. 
سابت ملك الموبيل وقالت
المهم قولتلي انك عايزني في موضوع مهم، خير ان شاء الله.. 
خالد بقلق
بصي انا عارف انك عاقله وهتفهمي الكلام كويس ومش هتتعصبي عليا.. 
ملك. 
طبعا هو انا في اعقل مني، قول بس وانا هتفهم الموضوع جدا.. 
خالد 
لا لا مش واثق في كلامك بجد.... 
ملك 
يا ابني اتكلم جربني وانت مش هتندم... 
خالد
طيب احلفي انك مش هتتعصبي وتقومي تفضحينا... 
ملك
تعدمني شووف تعدمني لو عملت حاجه تنطق بقي.. 
خالد اتنهد وقال
اناا احممم بصي هو انا كنت متجوز سنه وتلات شهور وطلقت من كام شهر كده.. 
 سكتت ملك وخالد قال
في ايه ملك بلاش الهدوء ده،قولي اي حاجه.. 
ملك
لا ما انا مستنيااك تقولي ده مقلب بيبو بيوو.. 
خالد 
لا بس ده مش نقلب بصراحه دي حقيقه.. 
وقفت ملك مىه واحده وقالت بطريقه شعبيه
يااااااااااالههههههووووووويييييييي، ياااابختك المنيييييل ياااااا ملااااااك... 
بص خالد حواليه باحراج وخوف وقال
هو ده اللي تعدمني لو عملت جاجه منك لله يا شيخه انتي واللي يحبك.. 
مسكت ملك السكينه وقربت منه وقالت
طلقناااااي يااه بقولك طلقنيييي.. 
خالد بخوف
يو مجنونه اهداااي، والله العظيم ماكنت بحبها وما حبتش غيرك.. 
ملك بدموع راحت للست اللي قاعده جنبيهم وقالت
شايفه حظي عامل ازاي يا طنط الاول امجد يطلع متجوز ودلوقتي ابن الحربايه ده... 
خالد باحراج وقف وقال
انا اسف يا مدام معلش بس دي معاها شهادة معاملة اطفال.... 
_ واخد ملك بالعافيه وراح البيت..وبعد شويه كانت ملك وناني وسما قاعدين مع خالد في الصاله وبهاء في مكتبه وعارف ان خالد بره... 
ملك 
وانا قولت مش هتجوز با خالد يعني مش هتجوز.. 
خالد بضيق
يعني كنت اكدب عليكي انتي كنتي عايزه كده.. 
ملك 
علي اساس يعني انك ما كدبتش عليا... 
سما 
البت دي عيله انفد بجلدك منها احسن.. 
ناني
علي فكره انتي كنتي مطلقه برضو ولا نسيتي امجد هااا؟.. 
ملك 
ايوه وسيبت امجد. ليه بقي عشان كان بيكدب عليا، نفس اللي عمله البيه.. 
_ طلع في الوقت ده بهاء من مكتبه وقال وهو مدايق جدا.. 
بهاء
في ايه وايه الصوت العالي ده؟.. 
خالد 
كويس انك جيت يا دكتور بهاء، الهانم مش عايزه تتجوز والفرح بكره اصلا.. 
بهاء بسخريه
والهانم مش عايزه تتجوز ليه بقي من مات من الابطال بتوع روياتها ولا مسلسلاتها التافهه.. 
ملك بدموع 
ده كان متجوز يا بابا وخبي عليا ده خدعني.. 
بهاء بحده 
ما خدعكيش انا كنت اعرف واهو قالك في الوقت المناسب.. 
ملك بضيق 
انا خلاص مش عايزه اتجوزيشوف بقي يروم يرجع مراته او يعمل ايه.. 
بهاء بعصبيه 
جرا ايه يا بت انتي هو اي هبل وخلاص، هو احنا لعبه في ايدك.. 
خافت ملك من طريقته وسما وقالت
في ايه يا بابا بالراحه شويه.. 
خالد بقلق
خلاص يا دكتور انا هاجل لحد ما هي تهدي و.. 
زعق فيه بهاء وقال
ما فيش زفت هيتأجل ولو عملت كده والله ما هخليك تشوف ضفرها تاني، وانتي يا بت بكره فرحك واقسم بالله لو ما اتلميتي وبطلتي دلع فاصي وقلة ادب هكسر رقبتك واوريكي التربيه اللي بجد. عامله ازاي فاهمه ولا لا.. 
_سابتهم ملك وكانت داخله اوضتها وهي بتعيط، بس بهاء مسكها من دراعها وقال بحده.. 
بهاء
فاهمه ولا لا؟.. 
ملك ببكاء
فاهمه يا بابا... 
_ سابها بهاء ودخلت اوضتها وفضلت تعيط، وخالد وقف وقال.. 
خالد 
انا همشي بقي.. 
بهاء
اكد علي كل التجهيزات، عايز الفرح مش نقصااه حاجه.. 
خالد 
اكيد يا دكتور، بعد اذنك.... 
مشي خالد وبص لبناته وقال بعصبيه 
وانتو بتبصولي كده ليه، كل واحده تروح اوضتها ومالكمش دعوه بملك خالص يلاااا..  
ـ دخلو اوضتهم وبهاء قعد علي الكنبه وقال وهو عيونه كلها دموع.. 
بهاء
ياارب انا تعبت لما اخدتهم ما كانش قصدي اتعبهم، كنت عايز اريحهم وانت عارف اني ما قصرتش معاهم في حاجه وانهم بقيو روحي وقلبي بس ليه بيحصلي كده انا مش بعترض بس تعبت وماليش غيرك اشاركه همي... 
_ مسح دموعه وقام دخل عند ملك اللي كانت قتعده بتعيط وهي حاضنه العروسه الكبيره بتاعتها ولما شافته بصت الناحيه التانيه، دخل بهاء وقعد قصادها وقال.. 
بهاء
هي دي العرسه اللي كنتي مسمياها وانتي صغيره ندي علي اسم ماما وكنتي محلفاني ما اقولش لاخواتك عشان ما ياخدوهاش منك.. 
ملك ببكاء 
ايوه هي وكنت بشكيلها منك عشان انت زمان لما زعقتلي وانا صغيره وانا فضلت اعيط وعدتني انك مش هتزعقلي ولا هتزعلني تاني بس كداب.. 
بهاء 
بقي بابا كداب يا ملك... 
ملك بتوتر
اقصد حضرتك مش انت.. 
ابتسم بهاء وقال. 
فين اللي صلحتيه في الموضوع طيب... 
سكتت ملك وقال بهاء
اخواتك ومشاكلهم تعبوني وانا ما بقتش زي زمان افضل اناهد واتخانق... 
ملك ما ردتش برضو عليه وهو قال
يعني انتي كنتي عايزاني اسمع كلامك ونخلي خالد يمشي ويروح بتجوز واحده غيرك.. 
ملك بحده 
ورحمة امي افرمه وهو واقف... 
ضحك بهاء وقال
يبقي نعدي وما نقفش علي الوحده وبلاش نبوظ احلي ايام في حياتنا بسبب حاجات كانت غلط زمان فاهمه يا ملك.. 
مسحت ملك دموعهت وقالت
فاهمه يا قلب ملك انت، يا خرااشي علي عليك وانت قمر في نفسك كده.. 
ضحك بهاء وحضنها وقال
اخر يوم هتقضيه في اوضتك وهتروحي... 
ملك بعدت عنه وقالت بحماس 
مش متخيله اني هيتقغل عليا باب واحد مع خالد ال اد قمر اووي يخربيته يتاكل اكل..
عيطت ملك وقالت
بس كان متجوز غيري كان بينام جنبيها وكان بيحبها وكان..... ابن الجزمه ازاي يعمل كده.. 
بهاء
خليتي الواد يعمل ايه الله يخربيت دماغك، هارفه انا خالد ده صعبان عليا، طيب انا هنا كنت بلاقي اللي يشيل عني هما  اخواتك، انما هو يا حبة عيني هياخد الجمل بما حمل لوحده انا رايح انام.... 
_ سابها بهاء وطلع... 
ـــــــــــــــــــــــــــــــــــــــــــ 
_ وصلت جيلان قدام شقة انس واخدت نفس عميق وبعدين خبطت علي الباب وهو فتحلها وكانت عيونه حمرا وباين عليه انه كان معيط، وقال.. 
انس
ده انتي جيتي بجد، اتفضلي.. 
دخلت جيلان وقالت
ومدام زعلان اووي كده عليها، ليه زعلتها وجرحتها ااه صح نسيت انت المهم ترضي نفسك وتعمل اللي يريحك والباقي في ستين داهيه..
انس بسخريه
هما فين جناحاتك مش شايفهم يا ملاك يا برئ.، هو انتي فارق معاكي جني اووي تحبي افكرك كنتي بتقولي عليها ايه قدامي عشان تبينيها وحشه بس انتي طلع معاكي حق...
جيلان ببكاء
انا عملت كده فعلا بس عشان انا كنت مش طبيعيه انا كنت مريضه وبيك انت يا انس ،انا عمري ما حبيتك انا بس كنت عايزاك تفضل مهتم بيا وأفضل في نظر الكل احسن واحده عشان هبقي حبيبة انس معتز النجم اللي الكل مهتم بيه ...
انس بجمود
انتي كنتي داخله معايا بمصلحة وانا كمان وخلصنا وموضوع جني انتهي ولو جايه تتكلمي فيه يبقي امشي احسن....
جيلان بدموع.
هادي كان بيتكلم معاها عشاني كان بيقولها انه هيجي يخطبني وعايزها تقف معاه وانت فهمت غلط..
انس بعدم تصديق
ازاي يعني هو من امتي جني ليها علاقه بهادي اصلا .
جيلان مسحت دموعها وقالت
انا ما كنتش بروح النادي واختفيت فتره في البيت وهو كان بيتعامل مع جني عشان يطمن عليا ، بس انت اللي متسرع وما حاولتش تفهمها...
انس اتنهد بضيق وقال
امشي يا جيلان انتي فاكره بعد اللي قولته لجني هتفكر تبص في وشي تاني...
جيلان 
همشي بس خليك متأكد انك لو ما صلحتش اللي عملته ده هتخسر جني وللابد..
- قالت كلامها ومشيت ، واول ما رجعت البيت لقيت باباها مستنيها وقال..
عزت
كنتي فين يا جيلان لحد دلوقتي؟...
جيلان 
كنت بتمشي شويه بالعربيه وانا اسفه لو اتأخرت مش هتتكرر تاني...
عزت ابتسم وقال
براحتك يا حبيبتي بس بس طمنيني عليكي واعرف انتي فين عشان ما اقلقش..
جيلان 
حاضر يا بابا، بعد اذنك هطلع انام..
عزت
ماشي بس عايزك زي النهارده تفضي عشان هنروح نزور ماما وبعدين هنروح نتغدا مع بعض وفي حد عايز يتعرف عليكي...
جيلان 
مين اللي عايز يتعرف عليا؟...
عزت
رشاد بيه زميل ليا رجل أعمال وابنه هادي كان معاكي في الجامعه بس أكبر منك بسنه ..
جيلان اتنهد وقالت
تمام يا بابا اللي فيه الخير يقدمه ربنا بعد اذنك...
- قالت كده وطلعت اوضتها وبعتت لبهاء رساله بكل اللي حصل معاها وبعدين نامت...
●●● #بقلم_الكاتبه_رحاب_القاضي●●●
_ في الاسكندريه.. 
ـــــــــــــــــــــ 
- كان بهاء ماشي في مكان هادي جدا وكله ورد علي البحر ،وبص قدامه وشاف ندي قاعده وشايله علي ايدها بيبي صغير قرب منها بسرعه وقال. 
بهاء بدموع
ندي انتي وحشتيني اووي..
ندي وهي مبتسمه
شايف البيبي الجميل ده ،حلو اووي مش كده؟..
بهاء 
ما فيش أجمل منك ولا من عيونك يا ندي ...
ندي اتكسفت وقالت
وبعدين معاك بقي انت مش هتبطل كلامك ده بقي؟..
مسح دموعه وقال
حاضر مش هقولك كلام حلو تاني ،بس مين البيبي ده؟ ...
ندي 
ده ابن سما حلو زيها مش كده ؟.. 
بهاء قلبه اتقبض وقال
هو انتي وخداه معاكي ولا ايه ، كده سما هتزعل يا ندي..
ندي بحزن 
عارفه بس هو مش من نصيبها ،ربنا هيعوضها عنه خير...
- قالت كده وقامت وهي شايله الطفل وكانت هتمشي بس لفت وبصت لبهاء وقالت..
ندي
خلي بالك من البنات يا بهاء انا هبقي مطمنه ومرتاحه طول ما هما معاك وهفضل ديما جنبك علي فكره..
دموعه نزلت وقال
طيب بلاش المره دي كمان تمشي بسرعه يا ندي خليكي معايا شويه..
- مشيت ندي وفي اوضة بهاء كانت قاعده ملك قصاده بهاء هو ونايم و لما صحي اتفزع وقال.. 
بهاء
اعوذ بالله من الشيطان الرجيم في ايه يا ملك قاعدالي كده ليه يا بنتي؟.. 
ملك
بشبع منك يا بابا هو مش انا هسيبك النهارده.. 
بهاء بغيظ
يا شيخه يا الف بركه، ده قطعتيلي الخلف.. 
ملك بحده
خلف ايه اللي انت عايزه ده، اوعي تكون يا بيبو بتجوز فينا واحده ورا التانيه عشان في الاخر تتجوز..
بهاء 
هو انا شوفت في حياتي بعد ندي الله يرحمها عشان افكر اتجوز..
ملك 
عارف يا بابا انا بدعي ربنا ان خالد يبقي مخلص ليا زيك كده ، بس هو يعني لو انا واخواتي ما كنااش معاك انت كان ممكن تتجوز؟..
بهاء
تبقي عبيطه لو فكرتي اني قاعد من غير جواز عشانك انتي واخواتك ، بس اللي قلبه يحب ندي مستحيل يفكر يشوف اي ست غيرها..
ملك بدموع
انا كان نفسي اشوفها بجد ،نفسي اشوف الست اللي قدرت تعمل في راجل كده اهو اتعلم منها انت متأكد انها امي. 
بهاء
قومي يا بت انتي من هنا يلاا ،روحو يلا الاوتيل وانا هبقي اروح المستشفي واجي وراكم..
ملك بدموع
هتوحشني يا بيبو..
نام بهاء وقال
امشي يا بت انتي اطلعي بره يلااااااا...
- طلعت ملك وبهاء بص علي الباب وقال بدموع .
بهاء
يا ريتك كنتي موجوده النهارده يا ندي، أهي اللي اكتر واحده شبهك فيهم في طيبتك وشخصيتك  هتتجوز النهارده ...
ـــــ #بقلم_الكاتبه_رحاب_القاضي ـــــ 
_ في القاهره في بيت عزت الشندويلي.. 
- كانت جني قاعده في الجنينه بتاعت بيتهم ولقيت فجأه ان انس قعد قصادها وقال..
انس
اسف انا غبي ومتخلف وكل حاجه بس كان سوء تفاهم و...
قاطعته جني وقالت بحده 
هو مش انا مشيت من وشك جاي ليه تاني تشوفني ، اطلع بره يا انس والا هكلم خالو يجي يتصرف معاك..
انس بحزن 
يا جني حطي نفسك مكاني انا سمعتك وانتي بتكلميه وقبلها بتهزري معاه والله وقتها نار أطلقت جوايا وانتي بتتكلمي مع غيري ورد فعلي كان همجي شويه ..
جني بدموع
ايوه انا حطيت نفسي مكانك كتير وعديت علاقاتك الكتيره اللي قبل كده وقولت ظروف بيتك ما كانتش كويسه وخلقتلك بدل المبرر الف واديتك فرصه وانت كسرتني واهانتني وحسستني اني رخيصه اووي..
انس بدموع
لالا لا والله العظيم انتي اغلي واحسن بنت شوفتها وعمري ما هسيبك تبعدي عني...
جني بحده
وانا مش تحت رحمة مزاجك انا همشي وهعملك اللي عايزه، انت فعلا مش هتشوف وشي تاني يا انس..
جات تمشي فا مسك ايدها وهي سحبتها منه بسرعه وقالت بصوت عالي ودموع ..
جني
ابعد عنيي بقي انا كنت كويسه وكنت محافظه علي نفسي وكنت مش هدخل في اي علاقه زي كده ابدا ، بس بسببك انت انا غيرت حاجات كتير من الصح للغلط واخرتها حصل ايه انت ما قدرتش ده، بس شكرا عشان كلامك فوقني وفهمني انك واحد مستحيل اقبل اكمل معاك حياتي لأنك مش ناضج في تفكيرك ومش طبيعي ربنا يهديك ويشفيك...
- قالت كده ومشيت من قدامه وانس غمض عيونه وافتكر في اللحظه دي عقاب معتز ليه وهو صغير واهانته علي طول ، واول ما فتح عيونه دموعه نزلت ومشي بسرعه وجني طلعت وبصتله وهو ماشي وفضلت تعيط هي كمان..وجات عزه من وراها وقالت..
عزه 
حقك عليا يا بنتي ،انا لو كنت ام كويسه ما كنتش هسمح للبني ادم ده يقرب منك ويأذيكي كده ..
جني بعتلها بحزن وقالت 
جيتي متأخر يا ماما ،جيتي بعد بنتك ما اتأذت وانا اتعودت من زمان لما اتعب اكون لوحدي يعني حتي وجودك مش هيفرحني..
- قالت كلامها ده وسابتها ومشيت وعزه بصتلها بندم شديد...
ـــــ #بقلم_الكاتبه_رحاب_القاضي ـــــ 
_ في الاسكندريه
ـــــــــــــــــــــ 
- في الاتيل كانت ملك قاعده في اوضتها مع ناني وسما وفجأه باب الاوضه خبط ولما قامت ناني و فتحت كانت منه ومعاها علا...
منه 
هو انتي ؟..
ناني بتوتر
اا ايوه انا ناني اخت ملك اتفضلوا.. 
علا دخلت وقالت
ميرسي يا حبيبتي ، فين بقي عروستنا الحلوه...
ناني
جوه يا طنط اتفضلي ...
- دخلو جوه عند سما وملك اللي قامت وقالت بكل هدوء...
ملك 
حضرتك طنط علا مامت خالد مش كده؟.
علا حضنتها وقالت
ايوه انا يا حبيبتي ، لا بجد هو المره دي عرف يختار...
منه بضيق
بالعكس انا شايفه ان مش لاقيه عليه غير امينه...
بصتلها علا بحده وقالت
معلش ما تاخديش عليها منه بس بتحب خالد زيادة شويه وبتغير عليه..
سما بصوت واطي لناني
الله واكبر انا كان اين امه وخالد ابن اخته...
ناني
اخرسي خالص مش ناقصين فضايح...
وطلعت علا طقم الماظ حلو جدا وقالت
دي بقي هديتي ليكي يارب تعجبك...
ملك
الله يا طنط حلو جدا ، بس ليه كلفتي نفسك اووي كده ... 
علا
ما يغلااش عليكي يا حبيبتي دي أقل حاجه ممكن أقدمها لمرات ابني...
منه
ماما انا تعبانه اووي من المشوار ممكن نروح نرتاح شويه..
علا
حاضر يا حبيبتي ، هسيبك بقي يا ملك عشان تاخدي راحتك في التجهيزات..
وطلعت علا وقالت
انتي ما عنديش ذووق ..
منه
بنت المجرم باباها مجرم مش كده انا سمعت عمو معتز وهو بيقول لاختها كده ...
علا
لا اسم الله علي اسم جدك المسجل خطر ، بلاش تفتحي في حاجات هتجيبلك مشاكل واخوكي ده ظابط مخابرات واسمه بتتهزله شنبات واكيد مش هتعدي عليه حاجه زي دي..
دخلت منه الاوضه وقالت
براحتك يا ماما ، بس انا من رأي كنا خلينااه يرجع امينه افضل..
علا بضيق
ما حدش طلب رايك يا ست منه اسكتي بقي...
منه
وادينا جينا وابنك عرف وما هانش عليه حتي يجي يسلم علينا...
علا بضيق
وبعدين معاكي بقي ، انا تعبت منك ارحميني ...
- قالت كده وسابتها وطلعت وشافت بهاء كان واقف مع خالد قربت منهم وقالت...
علا
ازيك يا دكتور بهاء مبسوطه اني شوفتك تاني..
بهاء
علا تصدقي من يوم الواد ده ما عرفت انه ابنك وتنا عايز اسأله عليكي بس بنسي..
خالد بعدم فهم 
هو انتو تعرفو بعض ؟..
علا
ايوه اتقابلنا مره واحده زمان من اكتر من خمسه وعشرين سنه ، كان يوم السبوع بتاع إياد وهو كان معزوم هناك وتقابلنا وكان عليه شوية خفة دم موتنا كلنا من الضحك وقتها..
بهاء ضحك وقال
ده كان زمان بقي كبرنا وعقلنا.. 
خالد بهدوء
دكتور بهاء راجل عظيم فني عمره تربية بناته وطلعهم احسن بنات شوفتها في حياتي ، اللي زيك يتعمله تمثال في الزمن ده اللي الاهل بيرمو أولادهم في ملاجئ ويكملو حياتهم عادي...
- قال كده وسابهم ومشي رااح اوضته، ورد علي موبيله اللي كان بيرن.. 
خالد
ايوه يا اياد فينك؟.. 
اياد
في الطريق وجيبتلك غاده معايا.. 
خالد
حلو انت مهمتك النهارده تخلي البت دي ما تقربش مني خاالص.. 
ضحك اياد وقال
هههههه اعتبره حصل يا باشاا.. 
خالد
بكلم انس مش بيرد.. 
اياد
جاي هو قالي رايح مشوار وهيجي علي طول.. 
قبل ما يرد. سمع غاده قالت
واد يا. خالد انتو عاملين اكل ايه في الفرح.. 
_ ما ردش خالد وقغل الموبيل وبعدين. بدأ يجهز هو كمان. للفرح.. 
ـــــ #بقلم_الكاتبه_رحاب_القاضي ـــــ 
_ كانت ملك قاعده في اوضتها اللي في الاوتيل وشكلها حلو جدا في فستانها الابيض وشعرها المفرود علي ضهرها وشكله رائع بالتاج اللي بيزينه في نص شعرها.. 
سما وهي بتاكل جاتو
ما خلاص بقي يا ملك ما الدنيا حلوه اهو لحد. دلوقتي.. 
ملك بضيق
بصو هو تقريبا الموضوع قلب جد. وهتجوز بجد لا لا انا مش عايزه اكمل اللعبه دي انا خلاص مش عايزه.. 
ناني
ادي اخرة اللي يسمع كلام بيبي زيك، بقي دي دماغ تتجوز دي.. 
سما 
بس سيبك انتي يا بت يا ناني اللانسيز ده مخلي شكلك خراافه احلي من النضاره.. 
ملك. 
ايوه سيبو انتو مشكلتي دي وافضلو احكو في مشاكلكم انتو التافهه ... 
سما وهي بتشرب عصير
عبيطه انتي خايفه من الزفه والفرح ما تعرفيش ايه اللي متخبيلك بعد الفرح ده انتي بعد كده هتصحي تلاقي راجل في وشك كده ويقولك جهزيلي الحمام والفطار ويا سلام لما يتاخر في شغله وتكوني انتي في احلي نومه ويجي يصحيكي عشان تسخني الاكل وياريت كده وبس لااا ده.. 
ناني بحده 
ايييه اسكتي البت خايفه لوحدها مش كده يا حبيبتي، وكفايه حشر اكل خدودك بقيت زي الرغيف البلدي كفايه.. 
سما 
الحق عليا بنصحها... 
_ والباب خبط وملك قامت وقفت وقالت بدموع لناني.. 
ملك
لااا لاااا اوعي تفتحي يا ناني ده خالد جاي ياخدني من افراحي لاحزاني.. 
ناني بغيظ
انا مش ناقصه هبل مااشي، اوعي كده بقي من وشي... 
_ وراحت ناني فتحت وكان خالد اللي قال بحماس.. 
خالد
اختك فين مستنيكم تكلموني من الصبح عايزين ننزل عشان نلحق السيشن قبل الدنيا ما تعتم.. 
ناني بقلق
الهبله اللي هتتجوزها خافت فجأه ومش عايزه تتجوز.. 
خالد 
اممم لا ده عادي وسعي كده بس انا عارف ازاي هنزلها.. 
ناني ضحكت وقالت 
هههههه ادخل اتعامل يا باشاا... 
دخل خالد واول ما شافته ملك قالت
لا لا مش هتجوز بص انا مش بتاعت جواز طلقني.. 
خالد قرب منها وقال
ايه القمر ده ايه الحلاوه دي يا ملك هو في كده.. 
ملك. ابتسمت وقالت
بجد. والله شكلي حلو يا حبيبي.. 
خالد 
طبعا ده انا بفكر الغي الفرح ونروح الجناح بتاعنا علي طول.. 
ملك اتكسفت وقالت
اتلممم البنات قاعدين مش دلوقتي لما نبقي لوحدنا.. 
ضحك خالد. وقال
طيب يلا بينا عشان نلحق السيشن تحت، الناس هتنبهر لما تشوفك.. 
ملك بحماس
ايوه ايوه يلا بينا.. 
سما 
استنو حد. يقومني الاكل كبس علي منافسي.. 
مسك خالد ايدها وقومها وقال
قوومي انتي كمان مش ناقصين مش كفايه اختك.. 
_ واخدها خالد ونزلو تحت وكان بهاء واقف بيقلب في موبيله ولما شاف ملك ابتسم بدموع وقرب منها وقال.. 
بهاء
اول مره اشوف عروسه طفله زيك.. 
حضنته ملك وقالت
بص ما تتكلمش تاني عشان انا ممكن ابوظ الدنيا واروح معاك البيت... 
خالد
احمم كفايه احضان كده طيب انا بغير علي فكره.. 
بهاء بحده
نعم يا اخويا لا الا بنتي انا اصلا حاطط حجر علي قلبي وبجوزهم عشان دي سنة الحياه انما لو عليا ما اخليهمش يغيبو عن عيني لحظه.. 
سماا 
لا والله مش هكلمك ما قولتليش ليه كده في فرحي يا سي بابا ولا هي ناس وناس.. 
بهاء
هو انتي كان حد. عارف يكلمك اصلا في فرحك ده انتي كنتي ضاربه بوز ما يعلم بيه غير ربنا... 
سما 
كان قلبي حاسسني اني هتجوز خازوق والله.. 
_ ضحكو كلهم وبعدين بدأ السيشن واتصورت ملك وكانت مبسوطه جدا هي وخالد واخواتها وبهاء اتصورو معاهم برضو.. 
_ وبعد شويه كانت ملك قاعده هي وخالد في القاعه والناس كانت بتباركلهم وبتتصور معاهم. لحد ما قربت منهم علا وقالت.. 
علا 
زي القمر انتو الاتنين ربنا يسعدكم يا حبايبي.. 
ملك 
والله انتي ست ميه ميه انا كنت فاكراكي قرشانه و.. 
خالد كتم. ضحكته وقال
بس يا ملك. بس يا ماما.. 
وبص لمامته وقال
اتفضلي لو سمحتي اقعدي والله يبارك في حضرتك تعبناكي معانا... 
_ اتملت عيون علا دموع ومشيت من قدامهم وملك. بصتله بضيق وقالت.. 
ملك
لو هي مش امك بجد. قولي، هي الوليه دي امك بجد؟.. 
خالد 
بعدين ابقي اقولك عايزين نفرح النهارده.. 
ـــ#بقلم_الكاتبه_رحاب_القاضي ــــــ
- وفي مكان تاني في نفس القاعه كان إياد واقف مع غاده اللي ماسكه طبق جاتو كبير وبتاكل فيه وقالتله....
غاده 
قولي البنت السمراويه المقرمشه اللي هناك دي هي الاكس اللي خزوقتك مش كده..
إياد بقلق
هو انتي بقيتي بتنجمي يا بت انتي ؟...
غاده 
لا لا ده لا سحر ولا شهوذه دي قوة ملاحظه اوانت اللي مفضوح من لما جينا وعينيك ما نزلتش من عليها...
إياد 
امم هي  بس موضوع وخلص خلاص ، موضوع محكوم عليه بحاجه مش فايدي ولا فايدها...
غاده وفوقها مليان اكل 
لتكون جيبيه يااه وتاخدك مننا اوعي تسيبني يا ايتد انا وخالد ممكن نقتل بعض فيها  من زعلنا عليك...
إياد ضحك وقال
طيب قبل ما تتكلمي وتقولي حاجه خلصي الاكل اللي في بوقك يا مقرفه....
غاده 
اوعي تقول ان الروج باظ...
ضحك إياد وقال
ههه هو مبقاش في روج اصلا ، استني كده..
- مسك منديل إياد وقرب منها وفضل يمسحلها وشها وكانو هما الاتنين بيهزرو ويضحكو وناني واقفه بعيد ولما شافته كده دموعها ملت عيونها بس قبل ما تنزل قرب منها فؤاد وقال..
فؤاد
هو انتي ناني ولا انا بيتهيألي..
ابتسمت ناني وقالت
لا لا انا ناني بس من غير النضاره ، فرح بقي وكده وانا قولت اغير الاستايل شويه..
فؤاد
والله حتي لو ما كنتيش غيرتي انتي في الحالتين زي القمر...
اتوترت ناني وقالت
اا احم بابا قاعد هناك تعالي هعرفك عليه ...
فؤاد بحماس
ياريت والله...
- وقربو من بهاء اللي كان قاعد هو وسما علي ترابيزه لوحدهم وبيقول لسما..
بهاء
عارفه انتي لو بعد الاكل ده كله قولتيلي تعبانه   هسلخ وشك يا سما...
سما 
خلاص خلاص مش هاكل تاني كمان اللحمه باصين فيها....
وقربت منهم ناني ومعاها فؤاد وقالت
بابا اعرفك باستاذ فؤاد رئيس القناه اللي حكيتلك عنه..
قان بهاء وسلم عليه وقال
اهلا وسهلا يا ابني نورت الفرح..
فؤاد 
منور بأهله يا دكتور ، والف مبروك وعقبال ما تفرح بناني...
قبل ما يرد بهاء قالت سما
في حياتك ان شاء الله ...
بصلها بهاء بغيظ، وناني قالت
طيب انا هشوف ملك عايزاني ...
- وراحت ناني لملك وبعدين طلعت وقفت بره ، وفجأه قرب منها إياد وقال..
ايا
عامله ايه يا ناني؟...
ناني بجمود
لو هتقف هنا انا هدخل جوه ....
إياد
انا مش جاي اقف انا جاي اسلم عليكي ..
ناني بسخريه
ضميرك بيأنبك مش كده ،ولا قولت لسه ما كملتش لعب بيها...
اتنهد إياد بضيق وقال
لا ده ولا ده انا جاي اسلم عليكي مش اكتر....
ناني بحده 
ما تتعاملش عادي وما تتوقعش اني ممكن في يوم اعاملك عادي واقولك كويسه وانت عامل ايه والجو ده ،لان اللي حصلي بسببك ما كانش عادي خالص يا كداب ...
إياد  بدموع
لو كنت كدبت في سبب بعدي عنك فا انا والله العظيم بحبك يا ناني وعمري ما حبيت قدك في الدنيا كلها ولا كدبت عليكي في مشاعري..
ناني 
كفايه بجد انت لو بتحبني زي ما بتقول ما كنتش في أول مشكله تختار تسيبني لا وكمان تأذيني بكلامك وانت بتسيبني ،وبعدها بشهر او اقل تخطب ...
إياد
موضوع الخطوبه اا..
ناني بحده 
ما يهمنيش بالعكس كويس انك عملت كده عشان تكتر اسباب كرهي ليك...
إياد 
كرهك ليا يا ناني؟!..
ما ردتش عليه وبصت قدامها ، وهو سابها ودخل جوه، وجات ناني تدخل جوه بس سمعت صوت معتز اللي قالها...
معتز بحده 
استني يا بنت ...
ناني بصتله بعصبيه وقالت
خير ايه اللي جاب حضرتك هنا ،جاي ليه فرح بنت المجرم؟...
معتز
كويس انك عارفه انتي بنت مين ،انا جاي عشان ولادي هنا للأسف.....
ناني اتنهد وقالت
تقدر تاخدهم وتمشي والفرح مش هيخرب من غيرهم والله..
معتز أداها موبيله وقال
امسكي كده الفون مفتوح علي جوجل ،اكتبي كده اسم يوسف فخري وشوفي هيطلعلك ايه..
بصت ناني للفون وقال
انا مش فاهمه حاجه، انت عايز توصل لايه بالظبط؟...
-وقف معتز جنبيها وكتب اسم يوسف في خانة البحث وقال...
معتز 
يوسف فخري مجرم وتاجر في السلا*ح والمخد*رأت،  اتقتل علي ايد الظابط معتز كمال من خمسه وعشرين سنه بعد ما اتسبب في مقتل بعض رجال الشرطه ومن بينهم اللواء الأسبق كمال عبدالرحمن والد الظابط معتز كمال...
ناني بقلق
انا مش فاهمه انت بتتكلم عن ايه ،وعايز مني ايه اصلا..
معتز
ده المجرم اللي انتي واخواتك بناته ،المجرم اللي اتسبب في موت امك وهي بتولدكم واللي بهاء اخدكم شفقه ورباكم وبكل بجاحه عايز يخليكم تدخلو عيلتي بعد ما ابوكي وجدك دمرو عيلتي زمان والعافيه حافظت عليها ..
ناني بدموع
لا لا انت اكيد بتكتب، اا انا بنت الدكتور بهاء اا..
معتز طلع ورقه من جيبه وقال
دي شهادة الملجأ اللي روحتي عليه انتي واخواتك بعد ما اتولدتو واخدكم من هناك بهاء اللي كان صاحب عمري بس انا وهو خسرنا بعض بسببك انتي واخواتك وامك اللي بهاء حبها لدرجة الجنون، لدرجة انه قاعد يربي بناتها ونسي حياته هو...
- في الوقت ده طلع انس لانه كان راجع المعسكر بتاعه ، وسمع كل اللي قاله باباه لناني ،وكمل معتزز كلامه وقال...
معتز
اظن بعد اللي حكيتهولك ده انتي مقدره سبب رفضي ليكي ،وأن مستحيل تكوني انتي واياد لبعض...
بصتله وملامحها تدل علي صدمتها ودموعها نزلت ،وكانها بتقوله ان إياد وجعه اهون مليون مره من وجع الحقيقه اللي عرفتها دلوقتي ،وما ردتش عليه ودخلت جوه القاعه بسرعه وبص معتز بضيق لانس وقال...
معتز 
انت هنا من امتي؟...
انس بعصبيه
ليه عملت كده إياد بعد عنها عشان انت خلاص ما تأذيهاش ،هو انت صعب عليك اووي كده انك تشوف حد مبسوط...
معتز.
من غير عك في الكلام انا ما عملت الصح عشان احافظ عليك انت واخوك واخليكم تأسسو عايله مبنيه علي الحب والاحترام ،إنما البنت دي وأخواتها اا..
انس بحده 
البنت دي وأخواتها احسن بنات شوفتهم ،العيب فيا انا واياد ،عارف انت مشكلتك فين انت مشكلتك في بهاء اللي هو ازي يربي بنات مش بناته ويطلعهم بالادب والأخلاق دي ،وانت ولادك للنهارده مش عارف تكونلهم اب ولا تخليهم طبيعين...
معتز اتملت عيونه حزن وقال
بقي بعد كل ده انت شايفني كده يا انس؟...
انس بحده 
بعد ايييه معلش انت حتي ما عرفتش تربينا ولا ماما حتي سيبتها تربينا زي ما هي عايزه ،طلعت الكبير مش عارف لحد دلوقتي ياخد قرار في حياته وانا طلعتني زيك يوم ما بقدر اعمل حاجه بأذي  غيري  حتي لو كان اقرب حد ليا وده بسبب انك من وانا طفل محسسني اني مش هتحب وديما ناقص ،من اول ما كنت تضربني وتهيني قدام صحابي وتضحكهم عليا وانا طفل لحد ما خليتني ابقي لوحدي من غير اي حد ،لحد دلوقتي وأنا مش عارف احب ولا اثق في أي حد انه بيحبني ...
- قاله كده وسابه ومشي ومعتز اخد عربيته هو كمان ورجع القاهره وندم جدا علي اللي عمله وانه كشف حقيقة بهاء...
____ #بقلم_الكاتبه_رحاب_القاضي ____
- في بيت أمجد البحيري.... 
رجع من شغله متأخر وكانت نسمه قاعده في الصاله تحت بتتفرج علي التلفزيون ، اتجاهلها وكان طالع اوضته بس هي وقفت بسرعه وقالت...
نسمه 
لو سمحت استني...
رجع أمجد ووقف قصادها وقال
نعم ؟..
نسمه بضيق
انا عارفه انك رديتي مامتك قالتلي ،وأما ما مشيتش وفضلت اهو قاعده...
أمجد.بجمود
عشان ما عنديش اي خيار تاني يا نسمه ، وقي الحاله دي مش هيكون عندك اي خيار غير انك تفضلي هنا. ...
نسمه 
انت عارف المشكله فين ،في انك ديما بتعاملني كأني ما ليش اي حق في حريتي...
أمجد
حريتك بتدمرني وانا مش هسمح لاي حاجه تدمرني....
نسمه بدموع
اممم فا شويه تبعد وشويه تقرب اهم حاجه ان أمجد البحيري يكون مرتاح...
أمجد بسخريه
يا شيخه هو انتي في حد يحبك ويكون مرتاح ؟..
نسمه اتغاظت وقالت
هو انا عملتلك ايه يعني عشان تعمل فيا كل ده ،لو كل واحده رفضت حد اتقدملها اتعمل فيها زي ما اتعمل فيا كانت بقيت سايبه...
- جات تمشي بس هو شدها من ايدها جامد وقربها منه اووي وقرب منها وقال بصوت هامس في ودنها..
أمجد
محمود درويش قال حاجه قبل كده بتلخص اللي انتي عملتيه فيا قال "لم يكن شيئا مهما بالنسبة لك لكنه كان قلبي"...
- قالها كده وسابها وطلع اوضته ، واول ما دخل اوضته ضحك وقال...
أمجد
كنت غبي في تصرفاتي معاكي الاول يا نسمه ، بس دلوقتي انا هعرف اخليكي تعرفي ان ما حدش في الكون كله بيحبك قدي وكله بالصبر....
ـــــ #بقلم_الكاتبه_رحاب_القاضي ـــــ 
- وجوه القاعه دخلت نامي وقربت من بهاء اللي كان واقف جنب ملك عشان التصوير وسما جنبيه ، وبعتله بدموع وحزن كبير..
بهاء
كنتي فين يا ناني يلا هنتصور كلنا ..
ناني هزت راسها بهدوء، واتصورو بس كانت باصه لبهاء وبس وبعدين راحو قعدو علي الترابيزه وسما قالت وهي مضايقه..
سما
الأجواء دي فكرتني بفرحي علي اللي ما يتسمي ، الا هي العبيطة دي فرحانه ليه ما كلها كام شهر وهتشرف جنبي..
بهاء بحده 
هقولك يا اللي تنشكي انتي ، بتفولي علي اختك ليه؟...
سما 
مش قصدي بس عقلية بنتك تدل علي انها يا هتطلع يا خالد هينتحر....
بهاء
يا انا هتشل منكم ، سما روحي هاتي اكل وكلي وبلاش تتكلمي معايا خالص بهرموناتك دي...
سما 
ما انا بقول كده برضو ...
قامت سما ومشيت وبهاء ضحك وقال
ربنا يهدي سرها هي كمان وافرح بيكي يا ناني...
ردتزعليه ناني بحزن وقالت
ليه عملت  كده يا دكتور بهاء؟...
انقبض قلب بهاء وقال
عملت ايه يا ناني ، ومالك متغيره كده ليه ؟..
ناني دموعها نزلت وقالت بصوت مهزوز
ليه تضحي بحياتك عشان تربي بنات مش بناتك ؟..
اتملت عيون بهاء دموع وقال
اهدي عشان خاطري ولو مش عشان خاطري عشان ملك وانا هقولك كل حاجه...
ناني بجمود
انا همشي مش قادره اقعد خليك انت معاهم...
مسك بهاء ايدها وقال
انا ابوكي وانتي بنتي وملك وسما بناتي وامك كانت ومازالت عشقي اللي عمري ما هقدر انساه فاهمه يا ناني...
ناني بحزن
انا مش فاهمه اي حاجه خالص مش قادره افهم...
- قالت كده وسابته ومشيت وبهاء بصلها بحزن وخوف من اللي جاي ، وبص لسما وملك وما قدرش يسيطر علي دموعه...
- وبعد شويه الفرح خلص ورجع بهاء وسما البيت وسما كانت ماسكه الجزمه في ايدها وقالت...
سما
خليك انت بقي اسمع فضيت علينا الدار علي الست ملك وانا رايحه انام ابو عبيده تعب النهارده معايا...
بهاء
غيري هدومك الاولي وامسحي الميكآب ده واستني هجيبلك كوباية لبن تشربينها قبل ما تنامي...
سما بحماس
ايوه هو ده الكلام ،هو ليه الاهتمام ده منك انت يا بابا ما انا كنت متجوزه وكنت لما اقول رايحه انام يقلب عليا خلقته..
بهاء ابتسم وقال
عشان غشيم مش عارف ان معاه ملاك ليه معامله خاصه..
سما 
هو ما كانش غشيم اووي بصراحه هو عيبه انه ابن امه ...
بهاء
غوري من وشي يا سما...
سما
طيب انا هروح بدري السنتر عشان عندي شغل.. 
بهاء
ماشي وابقي خلي موبيلك مفتوح عشان هنشوف نروح لاختك امتي... 
سما بسخريه
ده اذا هي ما جاتش اصلا دلوقتي... 
- دخلت سما اوضتها وبهاء قرب من اوضة ناني وخبط عليها وقال بهدوء...
بهاء
ناني افتحي لو سمحتي احنا لازم نتكلم..
-ناني كانت جوه اوضتها بتعيط وقالت...
ناني
لو سمحت انت سيبني في حالي...
- حاول بهاء يفتح الباب بس كانت ناني قفلاه من جوه بالمفتاح...
- سابها ودخل اوضته بس ما كانش عارف ينام والخوف مالي قلبه من ان ممكن بناته يبعدوا عنه
ـــــ #بقلم_الكاتبه_رحاب_القاضي ـــــ 
_ وفي اوضة خالد وملك في الاوتيل...
_ كان خالد غير هدومه وقاعد علي السرير وهو متغاظ وقال.. 
خالد
ما تخلصي يا حلووووه بقالك تلات سعات جوه.. 
ملك وهي جوه الحمام
الفستان كبير اووي وبياخد وقت وانا بقلعه.. 
خالد
ما قولتلك اجي اساعدك اتكسفتي وجريتي مني، علي فكره برضو من طقوس ليلة الدخله اني افك سوستة الفستان.. 
ملك بحده 
ايوه طبعا ما انت لازم تكون عارف حاجه زي دي ما انت خبره، وفكتلها بقي سوستة الفستان يا محترم في فرحك الاولاني.. 
خالد بغيظ 
ما هي لو البقره تفكر تلات ثواني بس قبل ما تتكلم كانت استوعبت ان وقتها كانت مراتي.  
طلعت ملك وهي لابسه بجامه زرقه طويله وباكمام طويله وعامله شعرها ضفيرتين وقالت وهي حاطه ايدها في نصها وقالت.. 
ملك
امممم وانت جاي تكلمني عن مراتك القديمه يوم دخلتنا.... 
خالد
انتي مين يا شاطره وايه اللي دخلك هنا؟.. 
ملك 
يا خالد انا ملك بطل هزار.. 
وقف خالد وهو متعصب وقال
انا برضو اللي بهزر هو حد. قالك انك رايحه المدرسه يا سكر طلعالي بضفرتين.. 
ملك 
ما انا لما بفرد شعري وانام بيتشبك اووي ومش بعرف اسرحه وبابا كان ممكن يسرحهولي انت بقي هتقدر تسرحهولي.. 
خالد اتنهد بضيق وقال
طيب شعرك وما علينا الحمد لله اني شايفه اصلا ومتحاجبتيش بالمره ، ايه بقي البجامه دي في عروسه تلبس يوم دخلتها لجوزها بجامه.. 
ملك بحده 
ما هو لااااا لو فاكر اني هلبس الحاجات اللي جوه دي تبقي بتحلم، ده انا كان بابا ينفخني وبعدين عيب وحرام.. 
خالد بقلق
ثواني بس ثواني ملك هو انتي الدخله بالنسبالك ايه؟.. 
ملك بتوتر
عيب يا خالد بتكسف.. 
خالد 
معلش انا برصو زي جوزك هاا ايه بقي؟.. 
ملك ابتسمت وقالت 
يعني بعد كتب الكتاب بتبوسني وبعدين بنام جنب بعض.. 
خالد بصدمه
بس؟!.. 
ملك 
ايوه بس هو انت ما كنتش تعرف؟.. 
خالد
لا هو مش انا بس اللي ما كنتش اعرف ده رجالة العالم كله، مين بس باربي اللي باصصلي في ام الجوازه دي.. 
ملك 
في ايه يا خالد مالك ادايقت كده ليه؟.. 
خالد
مدايق ايه ده في جلطه جايه في الطريق..قوليلي هي اختك سما كانت متجوزه ما اتكلمتش معاكي في اي حاجه علي الجواز.. 
ملك
لا طبعا دي قالتلي كل حاجه.. 
خالد
ايوه بقي اومال في ايه يا ملوكه، قالتلك ايه بقي؟.. 
ملك 
قالتلي انك بعد كده هتشخر وانت نايم وتصحيني من احلي نومه اعملك اكل و... 
خالد 
بااس ياريتها ما قالت تعبت نفسها علي الفاضي الوليه.. 
ملك 
طيب واحنا هنعمل ايه دلوقتي، انا جعانه.. 
شالها خالد وقال
تعالي بس افهمك اهم حاجه في الجواز وبعدين هنبقي ناكل.. 
ملك 
نزلني يااااه والله جعاانه.... 
خالد ضحك وقال
يااااه دلوقتي اومال فين يا بيبي ويا حبيبي، بس انا عشقتك وانتي كده.. 
ـــ#بقلم_الكاتبه_رحاب_القاضي ــــــ
- في بيت أمجد البحيري الصبح بدري كان قاعد بيفطر هو ومامته ونسمه نزلت وصفاء قالتلها..
صفاء
كويس انك صحيتي تعالي يلا افطري عشان تاخدي العلاج بتاعك...
نسمه بصت لامجد بطرف عينها وقالت
هفطر كمان شويه لوحدي ....
أمجد بجمود
ريحي نفسك يا ماما هي مش هتيجي غير لما انا اقوم.. 
قربت نسمه منه لأول مره برضاها ومن غير ما تتكسف او تخاف او جتي تعمل حساب لوجود صفاء وقالت بصوت واطي...
نسمه 
برضو محمود درويش قال  "عندما تشعر بأنك أصبحت مصدر إزعاج و ضيق لشخص تحبه، ابتعد قليلا، إن سأل عنك فقد ظلمته، و إن لم يسأل فارحل بهدوء".
حاول أمجد ما يبتسم وقال
يعني ايه مش فاهم القصد من كلامك؟..
نسمه بسخريه 
مش عامل فيها مثقف افهمها بقي لوحدك...
- خلصت كلامها وقعدت تفطر وهما بيبو لبعض من تحت لتحت ، وصفاء كانت مبسوطه وهي مراقبه تصرفاتهم...بس كالعاده مش بتكمل فرحة أمجد الباب خبط جامد ولما فتحت الشغاله دخلت الشرطه وصلت البيت..
أمجد
خير في ايه وازاي تدخلو كده بيتي انتو عارفين انا مين؟..
الظابط
ايوه يا أمجد بيه عارفين بس في اذن من النيابه بالقبض عليك..
أمجد بجمود
والسبب؟..
الظابط 
فوزي البحيري عم حضرتك ق*تل سونيا الرقاصه مراته وهرب والكل بيقول انكم كنتو ديما مع بعض الفتره اللي عدت..
صفاء بخوف
لو سمحت مش معني انه كان معاه يبقي عمل الجريمه دي. ..
أمجد 
لو سمحتي يا ماما اهدي ما فيش حاجه تستدعي الخوف ، وانا هروح اشوف الحوار واجي..
الظابط
اتفضل معانا يا أمجد بيه..
أمجد
اتفضل قدامي وانا جاي وراك بعربيتي...
الظابط 
بس يعني اا..
أمجد بحده 
قولت هاجي وراك بعربيتي ، زما تقلقش انا ما عملتش حاجه عشان اهرب...
- وفعلا مشي معاهم أمجد ونسمه قالت بقلق..
نسمه 
هو فوزي ق*تل ، ده ممكن اا..
صفاء بخوف
اهدي انتي وبلاش تتوتري وحش للبنت ،  انا هروح اكلم المحامي يروحله...
ــــــ #بقلم_الكاتبه_رحاب_القاضي ـــــ 
- في الاوتيل قربت ملك من خالد وهو نايم وقالت...
ملك 
انت ياللي اسمك جوزي قووم ..
خالد بنوم
في ايه يا ملك علي الصبح؟...
ملك بدموع 
طلقني قووم طلقني يلاا...
خالد 
اقعدي يا ماما علي جنب عيب تقولي كده..
ملك بحده 
ما لهزرش طلقني انا اكتشفت كل حاجه بينك وبين أمجد...
.
خالد بعدم فهم
بيني وبين أمجد انتي عبيطه يا ملك..
- عيطت ملك وفضلت تتكلم وخالد ما كانش فاهم منها اي حاجه وقال...
خالد
امممم خلصتي والله ما فهمت ولا كلمه...
ملك بحده 
بقولك عرفت اللعبه اللي بينك وبين أمجد انا شوفته وهو بكلمك هو بقي قالك تتجوزني وتضحك عليا...
خالد
ايه الدماغ دي يا ملك والله لو محششه مش هتطلع الأفلام دي..
ملك
اومال ممكن افهم هو بيرن عليك ليه...
خالد قام وهو بيدور علي التيشيرت بتاعه
شغل يا ملك فين التيشيرت اللي كان هنا...
ملك بقلق
هاا ما اعرفش وبعدين ده تيشرت مش حلو...
خالد قرب منها وقال
هو مش مهم اووي بس عملتي ايه بالتيشرت يا ملك؟...
ملك بتوتر
قولت ألبس هدومك بعد ما اخد شاور زي الافلام وكده بس اتصل اووي فنشرته في البلكونه وما فيش مشابك هنا فا الهوا طيره..
خالد اتنهد وقال
فين الموبيل يا ملك ولا ده كمان طار ...
-ملك طلعت الفون بتاعه من جيب البجامه بتاعتها وقالت ...
ملك
لا ده تقيل ومش بيطير...
خالد
وبيعمل ايه معاكي انتي بتقلبي في موبيلي ليه اصلا؟..
ملك ببكاء
وفيها ايه مش جوزي ولازم اخد بالي منك لتكون مثلا..
خالد
اوعي كده وروحي اجهزي عشان اوصلك البيت وبعدين اروح الشغل..
ملك
شغل ايه انت مش اجازه..
خالد وهو بيقرأ الرساله اللي بعتها ليه أمجد وكان مدايق جدا ، وقربت منه ملك وبصت في الفون وقالت..
ملك
بعتلك ايه أمجد ؟....
بعد الفون عنها وقال
طلعي مناخيرك دي من شغلي الا شعلي يا ملك..
ملك
بقي طيب طلقني ..
ذقها خالد وقال
العبي بعيد يا شاطره...
-وقبل ما ترد عليه الباب خبط وراحت تفتح وهي فاكره ان أخواتها هما اللي جم ، بس ما كانتش  سما ولا ناني دي كانت امينه ...
ملك 
نعم مين حضرتك؟...
امينه بصتلها من فوق لتحت وقالت
انتي بقي اللي خطفتي جوزي مني...
- تفتكروا بقي ايه اللي هيحصل ؟
●●●#بقلم_الكاتبه_رحاب_القاضي●●●
 - في السنتر اللي شغاله فيه سما.....
 كانت داخله الحمام ، وفجأه لقيت حد زقها لجوه جامد لدرجة انها وقعت علي الارض واتألمت اووي..
سما 
انتي مين يا ست انتي وازاي تزقيني كده،ده انتي يومك اسود..
-الست شمرت اكمامها هي واللي معاها وقالت بنظرات ناريه...
الست
بقي انا يومي اسود ، اومال اللي انتي هتشوفه دلوقتي ده اسمه ايه ....
سما بخوف 
انتو عايزين مني ايه والله اللي هتقربلي منكم هجيبها من شعرها...
الست
اهدي كده با أموره احنا جاين نوصلك رساله من الهانم دي بحبك اووي وبتقولك انتي لا هتتهني بمحمد ولا بحاجه منه...
- خلصت كلامها وقربو من سما ومسكتها الست من شعرها وقفلت بوقها والتانيه فضلت تضرب في في بطنها جامدلحد ما فقدت الوعي وسابوها واقعه علي الارض بتنذف وطلعو بسرعه .....
_ تفتكروا بقي ايه اللي هيحصل ومين اللي عمل كده في سما؟....
ـــــــــــــــــــــــــــــــــــــــــــ 
_ في الاوتيل اللي فيه ملك وخالد.، راحت ملك تفتح الباب اللي كان بيخبط ولقيت قدامها امينه اللي عي ما تعرفهاش وقالت... 
ملك 
نعم مين حضرتك؟... 
بصتلها امينه من فوق لتحت وقالت
انتي بقي اللي خطفتي جوزي مني؟... 
ملك. برقت وقالت
اوعي يكون اللي في بالي صح انتي ااا... 
دخلت امينه وقفلت الباب وقالت
ايوه انا اللي في بالك امينه طليقة جوزك... 
طلع خالد من الحمام وقال بصدمه 
انتي ايه اللي جابك هنا يا امينه، انتي اتجننتي ولا ايه.. 
امينه بغيظ 
ما انت حلو اهو وفاضي تحب وتتجوز، اومال ما كنتش بشوفك غير مره او مرتين في الشهر... 
ملك وهي بضحك
ما هو ما كانش فاضي كان بيشقطني وقتها من امجد... 
خالد بحده قالها
اخرسي يا ملك ما اسمعش صوتك.. 
امينه بحده 
وتسكت ليه سيبها تقولي الحقيقه.. 
خالد
هو سؤال واضح انتي ايه اللي جابك هنا يا امينه دلوقتي؟... 
قبل ما ترد امينه قالت ملك 
والنبي رد. الاول علي السؤال اللي عندي انت ازاي يا ابني تسيب الوتكه دي وتتجوزني انا، دي عندها مرتفعات ومنخفضات مش موجوده في امريكا.. 
خالد بغيظ 
بس يا ماما اسكتي بس يا عسل، وانتي اتنيلي اطلعي بره يلاا... 
امينه 
هطلع يا خالد بس الاول هقول للعروسه نصيحه، هما كلهم كام يوم وهتبقي زي الكرسي اللي وراكي ده ومش هتشفيه غير كل فين وفين... 
ملك مسكت ايد خالد وقالت
انت امتي هتعمل كده انا بموت في الاهمال والعلاقه اللي فيها معاناه... 
ضحك خالد وقال لامينه 
ههههه اخدتي الرد اتفضلي بقي من غير مطرود... 
_ اتعصبت امينه ومشيت وخالد قفل الباب ودخل وقف قدام ملك وقال... 
خالد
بصي ولا كأنك شوفتي حاجه اصلا، ما تاخديش عليها... 
عيطت ملك وراحت قعدت علي الكنبه، وراح خالد قعد. جنبيها وقال... 
خالد
في ايييه يا ملك خلاص ما قولت مش هتتكرر تاني... 
ملك ببكاء
انت كنت متجوز البنت اللي احلي مني دي يا خالد... 
خالد 
هي مش بالشكل يا ملك انا حبيتك انتي... 
ملك بحده 
ايه مش بالشكل دي قصدك انها احلي مني، ده بدل ما تقول انتي احلي يا حبيبتي... 
خالد قال بسرعه 
طبعا يا قلبي انتي احلي بكتير... 
ملك ببكاء
انت كدااب عشان هي احلي مني وبيضه اوووي كمان هي نافخه صح اكيد. نافخه وشافطه، بس الطبيعي تحلي مش كده.. 
كتم خالد ضحكته وقال
احمم ايوه طبعا يا ملك وبعدين انتي كده عجباني.. 
ملك بحده 
ايه انتي كده عجبااني قصدك ايه؟.. 
خالد
والله العظيم مش قصدي حاجه غير اني شايفك في نظري احلي منها بكتير جدا.. 
ملك ببكاء
سلامة نظرك يا خالد ده البت وتكه، انت والله غبي ازاي تطلق البطل دي وتتجوزني وانا علي الله حكايتي كده... 
خالد بغيظ
ما انتي كفايه روحك الحلوه... 
ملك بحده 
قصدك ايه ان شاء الله، لا انت طلقني يلاا وديني لابوياااااا... 
خالد وقف وقال
تمام خليكي كده بقي لحد ما اروح اجيبلك ابوكي واجي... 
قال كلامه وراح يغير هدومه وملك راحت وراااه بسرعه وقال بفضول.. 
 ملك
خالوده انت رايح فين يا حبيبي؟... 
ضحك خالد وقال
هطفش منك يا حبيبتي... 
ملك 
ما بهزرش بص انا شغلت دماغي ولقيت ان امجد. بعتلك رساله وانت طالع فا اكيد رايحله.. 
خالد
شغلتيها ليه يا ملك بس ما كنتي سبتيها نايمه... 
ملك بحده 
بص من الاخر كده انت مش هتطلع من. هنا غير لما اعرف امجد. عايزك في ايه... 
خالد اتنهد وقال
بيساعدني في شغلي يا ملك، امجد. فعلا شخص كويس ومش وحش وقدم خدمات كتير جدا للبلد. ضد ناس كتير مش كويسه.. 
ملك 
بااس عرفته امجد. هو ابو عبيده صح؟.. 
خالد حط ايده علي راسها وقال
ابوس ايدك يا شيخه ما تشغليش دماغك تاني، خليها نايمه وخلينا مرتاحين... 
قال كلامه وجه يمشي بس ملك وقفت قصاده وقالت... 
ملك
مش هتتاخر معاك ساعه وتكون قدامي عشان نروح شقتنا.. 
وقربت منه وباسته في خده وقالت
وخلي بالك من نفسك يا حبيبي... 
حضنها خالد وقاال
عرفتي بقي انا ليه بجبك يا ملك... 
ملك بعدم فهم 
ليه بتحبني مش فاهمه... 
بعد. عنها وقال بغيظ. 
عشان الغباء ده مش موجود عند. اي ست وده نعمه بالنسبالي اوعي... 
_ قال كلامه ومشي وطلعت وراه ملك وهي بتجري وقالت... 
ملك 
اوعي يا خالوده تنسي تجيبلي معاك حاجه حلوه... 
بصلها خالد بعصبيه وقال
انتي طالعه بالبجامه بره الاوضه يا حيوانه... 
ملك بسخرية 
يا سلام يا اخويا مش ما كانتش عجباك البجامة امبارح و... 
_ جريت بسرعه جوه الاوضه لما لقيته رفع رجله عشان يقلع الجزمه، وهو ضحك علي عفويتها ومشي... 
ـــــ #بقلم_الكاتبه_رحاب_القاضي ـــــ
_ في بيت اهل محمد كان نايم في اوضته وباباه قاعد بيتفرج علي التلفزيون في الصاله وطلعت ثريا من اوضتها وقالت... 
ثريا بقلق
الحق يا ايهاب شوفت اللي حصل؟.. 
ايهاب بهدوء
ايه اللي حصل يا ثريا مصحيكي بدري اووي كده، مين من صحابك مسكت منصب في الجمعيه بتاعتكم... 
ثريا 
جمعية ايه دلوقتي انا بتكلم علي سما مرات ابنك.. 
ايهاب بقلق
اييه مالها سما يا ثريا عملتي ايه في البنت؟.. 
ثريا بتوتر
ايه اللي انت بتقوله ده انا ما عملتش حاجه، دي واحده. صحبتي شغاله في المستشفي بتاعت اللي اسمه بهاء ده قالتلي انها بتسقط في المستشفي... 
ايهاب بخوف 
يا ساتر يارب طيب قومي نغير هدومنا ونروحلها بسرعه وروحي صحي ابنك عشان يجي معانا يطمن علي مراته... 
ثريا بقلق
تفتكر نروح ولا مش هيخلونا نبقي هناك بعد اللي حصل.. 
ايهاب
هو ده وقته يا ثريا قومي يلا صحي ابنك خلينا نروح المستشفي... 
ـ قامت ثريا ودخلت اوضة محمد اللي كان نايم واللابتوب بتاعه مفتوح علي صورته هو وسما جنبيه، اتنهدت ثريا بضيق وقالت.. 
ثريا 
محمد... محمد.. قوم يا حبيبي.. 
محمد بنوم 
في ايه يا ماما هو انا مش قولتلك اني اجازه النهارده.. 
ثريا بضيق
ما احنا لازم نروح المستشفي بسرعه معلش قوم غير هدومك يا حبيب ماما.. 
قعد محمد بسرعه وقال بخوف 
المستشفي ليه هو بابا كويس يا ماما .. 
ثريا بسرعه قالت
لا لا بعد الشر علي بابا، ده بس سعاد صحبتي اللي شغاله في الحسابات في المستشفي قالتلي ان بنت الدكتور بهاء بتسقط في المستشفي اكيد من كتر التنطيط هنا وهنا وو.. 
محمد قام وقف بسرعه وقال
ازاي يعني انا لازم اروح المستشفى بسرعه، لازم اكون جنب سما في الوقت ده... 
ـ وفعلا راح محمد و مامته وباباه المستشفي وهناك كان بهاء ونامي واقفين قدام اوضة العمليات... 
محمد بقلق قرب من بهاء وقال
مالها سما با عمي حصل ايه بالظبط؟.. 
بصله بهاء بعصبيه وقال
انت ليك عين تيجي هنا انت وامك، انتو السبب في اللي بيحصل لبنتي ده.. 
بهاء بضيق
لازمته ايه الكلام ده دلوقتي يا دكتور بهاء، نطمن بس علي سما وبعدين نتكلم.. 
بهاء بحده 
لا احنا لا هيكون بينا كلام ولا اي حاجه تاني.. 
وقرب من ثريا وقال بغضب 
واقسم بالله لو بنتي جرالها حاجه انا مش هرحمك يا ثريا.. 
خافت ثريا ومحمد قال بحده 
يا عمي وهي مالها امي اصلا بالحكايه دي، انا عايز اعرف مراتي حصلها ايه بالظبط؟.. 
ثريا بغيظ 
انا عارفه بقي يا محمد يا ابني اهم يعملو المصيبه ويرموها علي غيرهم.. 
بهاء رد عليها وقال
ليه هكون انا مثلا اللي بعتلها النسوان اللي ضربتها في السنتر وخلوها تسقط.. 
بص محمد لمامته بحده وقال
الكلام ده حصل بجد هي وصلت لكده يا ماما؟.. 
ثريا بتوتر وخوف 
لا طبها مستحيل انا اعمل حاجه زي دي، اوعي تصدقهم يا محمد دول بيكرهوك فياا.. 
اتنهد محمد بغضب وقال
اتفضلي امسي من هنا، لو سمحت يا بابا خدها رجعها البيت لو سمحت.. 
ثريا بصت لجوزها وقالت
انا والله ما عملت حاجه يا ايهاب، قوله اني ما اعملش كده.. 
ايهاب بضيق
يلا بينا يا ثريا دلوقتي مش وقته كلامك ده، يلا بينا.. 
مشيت ثريا وايهاب وبهاء زعق فيه وقال
وانت بتعمل ايه هنا لو سمحت امشي من هنا.. 
محمد بحزن. 
مش همشي غير لما اطمن علي مراتي يا دكتور بهاء... 
_ قال كلامه وراح قعد جنب ناني اللي كانت بتعيط وخايفه علي سما اوووي.. 
ـــــ #بقلم_الكاتبه_رحاب_القاضي ـــــ
ـــــ #بقلم_الكاتبه_رحاب_القاضي ـــــ 
_ وفي بيت معتز طلعت مريم من اوضتها الصبح ولقيت معتز قاعد في الصاله ومدايق جدا، قربت منه مريم وقتدت جنبيه وقالت.. 
مريم 
اممم خربت ايه يا معتز ونكدت علي مين وجاي قاعدلي زي البطه البلدي كده.. 
معتز بحزن 
هو انتي ليه كملتي معايا، هو انا كنت كده من الاول طيب ما انا لو وحش انتي ما كنتيش ختحبيني حازم كان بعد عني زي بهاء.. 
مريم بقلق
في ايه يا معتز وليه بتقول الكلام ده هو حصل ايه بالظبط؟... 
معتز بدموع 
انس معقد نفسياً افتكرت كل مره كلمني فيها وتصرفاته وعصبيته والعند اللي جواه ابني مس طبيعي، اياد انا دمرته بهاء صاحبي وعشرة عمري دمرته، انتي نفسك انا خليتك تبقي مش مىتاحه في علاقتك مع اولادك.. 
مريم بخوف 
ما فيش حاجه من الكلام ده يا معتز، اهدي بس وقولي ايه اللي حصل.. 
معتز دموعه نزلت وقالت
كنت عايز ابقي مهتم باولادي مش عايزهم يكرهوني موت ابويا وهو زعلان مني وانا زعلان منه مش عايزه بتكرر فيا وفي عيالي يا مريم مش عايزهم يفتكروني بحاجه وحسه بس برجع واقول هو ايه الحلو اللي عملته ليهم عشان يفتكروني بيه.. 
مريم بحزن
ما فيش ابن بيكره ابوه، هو ممكن يكون زعلان منه اووي بس عارف لو الاب اتغير هيلاقي ابنه بين الحب ده والزعل كله هيمشي.. 
معتز بضيق
اتغير ازاي وفي ايه انا خايف عليهم يا مريم، مش عايزهم يتعبو ولا تحصلهم حاجه وحشه، ولا عايزهم يشوفو اي حاجه من اللي شوفتها ولو الدنيا هتأذهم انا هقف واخد الاذي ده عنهم.. 
حضنته مريم وقالت
في ايدك الفرصه ترجع كل حاجه كويسه يا معتز، وترتاح وتريحنا معاك... 
ـــــ #بقلم_الكاتبه_رحاب_القاضي ـــــ 
_ في قسم الشرطه كان قاعد امجد قدام الظابط وحاطط رجل علي رجل والمحامي قال.. 
المحامي 
يا باشا هو عشان انا كنت ماشي مع اخويا واخويا اتكعبل في طوبه ووقع اقع انا كمان معاه، لا هو اللي غلطان عشان ما شافش الطوبه... 
الظابط بضيق
والمطلوب ايه اروح اجيب الطوبه وارميها في الحجز... 
قرب امجد. من. المحامي وقال
عارف انا لو جايب ربع متر كان عرف يتكلم احسن منك، اتعدل يا جدع انت واتكلم بالقانون مش قاعد جنب امك بتشرب الشاي انت علي الامثال دي... 
وقبل ما يرد المحامي دخل خالد وقال
بعد اذن حضرتك يا رشااد بيه.. 
وقل رشاد وقال
لا اذن ايه دن مكانك يا افندم اتفضل، نورت المكتب ية خالد باشا تشرب ايه.. 
خالد
لا لا انا مش عايز اشرب حاجه شكرا، بس انا لدمت للنيابه الادله اللب تثبت ون امجد بيه كان اكبر داعم ليا فر القضيه بتاعت المستشفي ضد فوزي البحيري.. 
رشاد 
انا فاهم ده بس هو او.. 
خالد بجمود
انت مش فاهم لامؤخذه، هو انو هتسيب المجني عليه وتمسك اللي سلمه ليك، يا حضرة الظابط بدل ما مضيع وقتك في التحقيق روح اقبض علي المجرم الحقيقي... 
_ وبعد شويه طلع خالد ومعاه امجد بىه قسم الشرطه وامجد قال... 
امجد
طاعت جامد بستفت الظابط جوه.. 
خالد بجمود
ولو مش بعمل كده ما كنتش وصلت للمركز اللي انا فين دلوقتي، المهك كده فوزي حفر قبره بايده.. 
امجد بحقد
بس يظهر ويطلع من الجحر اللي متخبي فيه وليا معاه حساب قديم.. 
خالد 
طيب بقي احلم مع نفسك وانا رايح لمراتي وافتكر بقي اني عريس بلاش الازعاج ده خلي في سوية خصوصيه... 
ابتسم امجد. وفتحله السواق باب العربيه بتاعته زمشي، وخالد  اخد عربيته زجه بمشي بس م بياه رن ررقم ناني فا رد وقال... 
خالد 
ايوه يا ناني انتو جيتو ولا اعدي اخدكم في طريقي، انا كده كده نزلت كان عندي شغل... 
ناني ببكاء
لو سمحت يا خالد تعالي بسرعخ وو وماتقولش لملك حاجه.. 
خالد قلق وسألها
مالك طيب في ايه يا ملك؟... 
ملك ببكاء
سما في ستات ضربتها وخليتها تيقط واحنا في المستشفي دلوقتي.. 
_ قفل معاها خالد وراح المستشفي وفضلت ملك ترن هليه ما رضيش يرد... 
ـــــ #بقلم_الكاتبه_رحاب_القاضي ـــــ 
_ في القاهره وخصوصاً في النادي كان عزت الشندويلي وابو هادي قاعدين مع بعض وجيلان وهادي بيتمشو مع بعض وهما ساكتين... 
هادي
انتي عارفه بابا وباباكي بيتكلمو في ايه دلوقتي؟... 
جيلان بهدوء ردت عليه وقالت
ايوه تقريباً عارفه، هما بيتكلمو في خطوبتنا.... 
هادي 
طيب اعتبر معني كلامك ده انك موافقه؟!... 
جيلان بجديه 
انا جيت عشان اقولك بيني وبسنك اني مش موافقه ولا عمري هوافق اتجوزك انت بالذاات يت هادي.. 
هادي بحزن قال
تاني يا جيلان.. لا تاني ايه هي دي المره الكام اللي جرحتيني فيها... 
جيلان اتنهدت وقالت
وعشان كده انا بقولك لا انت وانا مستحيل ينفع نكون مع بعض، انت بالنسبالي صندوقي الاسود كل الغلطات اللي عملتها في حياتي معاك انت.. 
هادي 
وانا موافق بيكي وعارف انك اتغيرتي وعارف انه ما كانش قصدك و... 
جيلان بجديه
وانا برضو يا هادي عارفه انك وقت ما بتتعصب اول حاجه بتعمله بتفتح في القديم وبتتعامل بطريقة هو انتي نسيتي نفسك وانا مش مستعده اتعب تاني، فانا اسفه مش هقدر اقولك موافقه ولا ادخل العلاقه دي... 
هادي بحزن 
لا واضح فعلا انك اتغيرتي واول ما اتغيرتي كان عليا انا برضو، بس انا فعلا اللي غلطان اني كل مره بعملك قيمه عندي... 
جيلان بسخريه
شوفت طريقتك عامله ازاي واحنا لسه بنتناقش.. 
هادي
هشش خلصنا خلاص، ومعلش عطلناكي يا هانم... 
_ قال كلامه و مشي وهو مدايق وباباه راح ورااه، وعزت قام وقرب من جيلان اللي كانت مدايقه وقال.. 
عزت 
الولد ده قليل ذوق علي فكره ازاي يمشي من غير حتي ما يستأذن، المهم ايه اللي حصل... 
جيلان ابتسمت وقالت
ممكن تعزمني علي الغدا وبلاش شغل النهارده وتخليك معايا... 
عزت فرح وقال
بس كده من عينيا الاتنين بس ما تتعوديش علي النظام ده... 
جيلان 
مش هتعود ما تقلقش، هتعود علي مره او مرتين في الاسبوع... 
_ ضحكو هما الاتنين وكملو اليوم مع بعض... 
ـــــ #بقلم_الكاتبه_رحاب_القاضي ـــــ 
_ قي بيت امجد البحيري... 
دخل البيت وراحتله صفاء وقالت
مسكو فوزي ولا لسه طمني يا امجد؟... 
امجد
لسه يا ماما بس هيتمسك هيروح فين يعني؟... 
صفاء بضيق. 
منه لله ربنا ينتقم منه، ده بلاء علي راسنا ورابطنا معاه في كل القرف اللي بيعمله ده... 
امجد. 
يا ماما اطمني انا برضو امجد البحيري ولو راح فين والله هجيبه... 
صفاء 
لا احنا مالنااش دعوه، انت تطلع نفسك بره الموضوع ده وتسيب الشرطه تجيبه بمعرفتها.. 
امجد بهدوء
نسمه فين؟... 
صفاء ابت