روايات حصرية
0

رواية ما وراء اللغز كاملة جميع الفصول بقلم امنيه يوسف

ahmed
اخر تحديث :

رواية ما وراء اللغز كاملة جميع الفصول بقلم امنيه يوسف

رواية ما وراء اللغز كاملة جميع الفصول هى رواية من تأليف المؤلفة المميزة امنيه يوسف رواية ما وراء اللغز كاملة جميع الفصول صدرت لاول مرة على فيسبوك الشهير رواية ما وراء اللغز كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية ما وراء اللغز كاملة جميع الفصول
رواية ما وراء اللغز بقلم امنيه يوسف

رواية ما وراء اللغز كاملة جميع الفصول

-لو سمحت كنت عاوزة اقابل اى ظابط هنا الله يخليك عايزة اعمل محضر باختفاء اختى 
العسكرى: مينفعش لازم يعدى ع اختفائها ٢٤ ساعة 
- ببكاء:ما هى بقالها يومين مختفية وفونها مقفول ومحدش من اهلنا ولا معارفنا يعرفوا عنها حاجة حرام عليكوا بقا اروح لمين ولا فين؟! 
خرج رئيس المباحث ع صوتها وقال: فى ايه ؟ ايه الدوشة دى يا علام ؟!
علام: ابدا يا احمد باشا دى واحدة جاية عايزة تعمل محضر باختفاء اختها بس منهارة شويه 
احمد بهدوء: اتفضلى معايا ع المكتب يا انسة واحنا هنعمل اللازم 
ذهبت خلفه المكتب وبعد ان هدأت سألها: اسمك ايه الاول؟
-اسمى تغريد 
احمد: طيب يا انسة تغريد اسم اختك ايه وسنها كام ومختفية من امتى؟
تغريد: اسمها شمس محمد عبدالناصر وعندها ٤٠ سنة ومختفية من اول امبارح المغرب 
احمد: ٤٠ سنة ! يعنى كبيرة وناضجة انا فكرتها طفلة ولا حاجة
تغريد بجدية: وهو يعنى الجرايم اللى بنسمع عنها الايام دى بتكون لاطفال بس مش لرجالة وشباب اقوياء وبنات شابة وستات كبيرة
احمد: عندك حق طب ايه اخر مكان كانت موجودة فيه ومع مين وامتى؟
تغريد: كانت فى شغلها فى مصنع ملابس والمفروض انها بتخلص شغلها ٥ المغرب من الوقت ده بالتحديد مرجعتش
احمد: امتى اخر مرة كلمتك؟
تغريد: بعد ما خلصت شغلها رنت عليا وطلبت منى اعطى لابنها العلاج عشان هتشترى شوية حاجات وهتيجى 
احمد: هتشترى حاجات منين؟
تغريد: مقالتش ولا انا سألتها وحتى معرفش هى كانت هتجيب ايه
احمد: معاكى صورة ليها ؟
تغريد اخرجت هاتفها وفتحت الصورة: اهى حضرتك 
احمد باستغراب: هى دى صورتها دلوقتى؟!
تغريد: ايوة 
احمد: ما شاء الله شكلها صغير عن الاربعين ع العموم ان شاء الله خير وهنعمل اللازم لحد ما ترجع بالسلامة ياريت تسيبى رقم فونك عشان لو احتاجنا ليكى 
تغريد: تمام بس ارجوك اهتم بالموضوع وطمنى اول ما تعرف عنها حاجة وشكرا لزوقك 
خرجت تغريد من الاسم وهى حاسة بتقل فى رجلها قعدت ع اول رصيف قابلها وحطت راسها بين ايدها بحزن وفضلت تعيط وفجأة وقفت قصادها عربية ونزل منها شاب فى اواخر العشرينات وهو خطيبها 
الشاب: تغريد حبيبتى انتى ليه مستنتيش لما اجى معاكى ليه ماشية بدماغك بس؟
تغريد: اعمل ايه يعنى يا عمر هستنى ايه اكتر من كده انا امى بتموت من خوفها عليها وابنها مش بيبطل عياط عشانها كان لازم اخد خطوة واعمل المحضر 
عمر: والله فاهم بس كنتى استنى اجى معاكى واكلم انور ابن عمتى ما انتى عارفة انه ظابط كان هيحرك الموضوع اسرع ويخليهم يهتموا 
تغريد: ربنا اكبر من اى واسطة ورئيس المباحث شكله محترم وهيهتم اكيد 
عمر: طب يلا عشان اروحك وحاولى تكونى اقوى من كده وتفائلى ان شاء الله شمس هترجع ليكم بالسلامة 
تغريد مسكت ايده: خليك جنبى يا عمر متسبنيش انا محتاجة ليك جنبى اليومين دول اوى بجد
عمر: عمرى ما هسيبك يا حبيبى انا جنبك متخافيش يلا اروحك عشان متتأخريش عليهم فى البيت اكتر من كده
رجعت تغريد ع البيت ولقيت ابتهال والدتها مستنيها ع احر من الجمر ...ابتهال: ها يا بنتى عملتى المحضر؟!
تغريد: ايوة وسيبت رقمى عشان لو وصلوا لحاجة يكلمونى امال فريد فين؟
ابتهال: اكلته ونيمته يا حبيبى مش مبطل عياط وهيتجنن عشان امه 
دخلت ع اوضة فريد لقيته نايم بوسته من راسه وحضنته وقعدت اعيط لحد ما لقيت فونى بيرن وكان اتصال من كمال رئيس المصنع اللى شمس شغالة فيه وكمان بيحبها واتقدم ليها عشان يجوزها وكان بيجهزوا لجوازهم 
كمال: ها يا تغريد مرجعتش برضه؟!
تغريد: للاسف لا 
كمال: خلاص انا هروح اعمل بلاغ
تغريد: انا روحت وعملت متقلقش ولو وصلت لاى حاجة هعرفك
كمال: ماشى خلى بالكم من نفسكم ومن فريد 
فى القسم دخل العسكرى ع احمد وادى التحية وبعدها قال: فيه عامل نظافة لقى جث.ة موجودة فى وسط زبالة فى المكان المهجور يا باشا 
احمد: تمام حضرلى البوكس واطلب من القوة تستعد 
بالفعل اخد احمد البوكس وراح ع المكان المهجور ولما كشف وش الج.ثة لقاها شمس ووووو..........
-وبالفعل اخد احمد البوكس وراح ع المكان المهجور ولما كشف وش الجث.ة كانت شمس وبصدمة قال: شمس 
محمود وهو صديق له ورئيس مباحث: ايه ده يا ابنى انت تعرفها ولا ايه ؟!
احمد: دى واحدة اختها جات الصبح عملت محضر باختفائها وبقالها يومين غايبة عن البيت
مشيوا باتجاه عامل النظافة : اسمك ايه ؟
.........: اسمى عبدالله يا باشا
احمد: ايه اللى حصل بالظبط يا عبدالله لقيت الجث.ة ازاى وفين؟!
عبدالله: لقيتها زى ما هى فى مكانها هنا يا باشا كان معايا ناس زمايلى بنيجى هنا نلم الخردة كالعادة واحنا بنقلب حاسينا بتقل جوة الكيس البلاستيك ولما فتحناه اتصدمنا بيها بس هما مرضيوش يبلغوا وخافوا عشان كده مشيوا وحتى قالولى متدخلش نفسك فى الحوار بدل ما تروح انت فى داهية والجريمة تلبسك بس انا عملت اللى ضميرى ريحنى ليه وبلغت 
احمد باحترام: ودى شجاعة منك يا راجل يا طيب واكيد انت شاهد مش اكتر بس محتاجين ليك تبقى تنورنا فى القسم عشان ناخد اقوالك 
عبدالله: تحت امرك يا باشا
بعدها وصل الطبيب الشرعى وفحص الجث.ة بشكل مبدأى بعدها اخدوها ع المشرحة ورجع احمد ع المكتب واخرج رقم تغريد ورن عليها ..فى الوقت ده كانت تغريد راحت بالنوم جنب فريد وصحيت ع صوت فونها وكان رقم غريب لكنها مترددتش انها ترد ع امل انها شمس وبلهفة: الو 
احمد: مساء الخير يا انسة تغريد انا الظابط احمد مرتضى ممكن تنورينى فى القسم 
تغريد بخوف: ليه هو .... هو حضرتك عرفت حاجة عن شمس ؟!
احمد: بصراحة احنا لقينا جث.ة اختك فى وسط زبالة وحاليا بالمشرحة ومستنيين تقرير الطبيب الشرعى عن سبب الوفاة 
تغريد بصراخ: لاااااااااا شمس لاااااا انت كذاب مستحيييييل لا اختى بخير انا عارفة انك بتهزر 
صحى فريد ع صراخ خالته وبدء يعيط بخوف وجات ابتهال ع صوتها وقالت بخوف: فى ايه اختك مالها انطقى 
تغريد ببكاء هستيرى: شمس ما..تت يا ماما راحت خلاص راحت وسابتنا 
فريد بعياط: مامااااااا انا عاوز ماما يا تيتة 
حضنته ابتهال بحنان وهى تبكى بحرقة ع فلذة قلبها وابنتها البكرية وهى تحاول ان تطمئنه وقالت: ماما راحت عند ربنا يا حبيبى خلاص بس انا وخالتو معاك متخافش 
مسكت تغريد فونها ورنت ع عمر وعرفته باللى حصل واتصدم باللى سمعه: طيب اهدى عشان خاطرى انا جايلك حالا نروح مع بعض للقسم بس اهدى
وبسرعة ساق عمر عربيته لمنزل تغريد واخدها هى وامها وفريد للقسم واستقبلهم احمد وشرح ليهم كل حاجة
عمر: طيب ايه المطلوب حاليا مننا وهنستلمها امتى عشان ندفنها؟!
احمد: بمجرد ما تقرير الطبيب الشرعى يظهر تكون انتم خلصتوا اجراءات الدفن وتستلموها عادى 
عمر: طب التقرير ده هيطلع امتى؟
احمد: فى خلال ساعة ان شاء الله بالكتير بس دلوقتى ياريت تتفضلوا ع مكتبى حابب اسألكم ع شوية حاجات 
عمر: اكيد بس ثوانى بعد اذنك هتصل بحد يروح يفتح القبر ويجهزه 
احمد: اتفضل 
امسك عمر هاتفه واتصل ع اخوه الاكبر ويدعى عمار وطلب منه يقوم بالازم هو وابيه وطبعا وافقوا ودخل عمر مع ابتهال وتغريد ع مكتب احمد وبعد ساعة ونصف جاء تقرير الطبيب الشرعى 
احمد: التقرير بيقول انها اتق..تلت مخنو..قة بحبل وكمان اتعرضت لانتها.كات عنيفة هل مدام شمس كان ليها اى اعداء؟!
ابتهال بدموع: ابدا والله يا ابنى انا بنتى كانت محبوبة من الغريب قبل القريب وعمرها ما اذيت حد 
احمد: طب فى الفترة الاخيرة ملاحظتوش عليها اى تغيير او خوف او مثلا اشتكت ان حد بيضايقها؟
ابتهال: لا ابدا كانت طبيعية جدا ولو كانت فيه حاجة زى دى كانت حكت لينا هى مبتخبيش عننا اى شئ 
احمد: يعنى انتم مش شاكين فى حد بعينه؟!
ابتهال: لا ....لكن قاطعتها تغريد وقالت بغل: لا فيه حد ان شاكة فيه
احمد باهتمام: مين هو؟؟
تغريد: مدحت طليقها ووووووووو...................
-مدحت طليقها انا متأكدة ان هو السبب ورا اللى حصل لشمس محدش غيره بيحقد عليها 
احمد باهتمام: وايه السبب اللى مخليكى متأكدة اوى كده ان هو؟!
تغريد: من شهر ونص تقريبا كان عرف انها اتخطبت لصاحب المصنع اللى شغالة فيه وجالنا عند البيت وهددها انها لو اتجوزت هياخد ابنها وهيحرمها منه ومش هيخليها تشوفه تانى وهيقسيه عليها وقالها لو مرجعتيش ليا هندمك 
احمد: فيه شهود ع كلامك ده؟!
تغريد: الجيران كلها سمعته وسمعت تهديداته وقتها طلبت منها تعمل فيه محضر عدم تعرض بس هى رفضت وقالت انه كبيره يتكلم ع الفاضى
احمد: تمام احنا هناخد اذن من النيابة ونستدعيه هنا 
بعد فترة قصيرة تم الاستدعاء ووصل مدحت وقعد ادام احمد وهو بيعيط وحزين 
احمد: ايه علاقتك بالمجنى عليها؟
مدحت: كانت زوجتى وام ابنى وحبيبتى 
احمد: ايه اقوالك فيما هو منسوب اليك انك انت اللى ورا مقتلها؟
مدحت: كذب انا مستحيل اعمل حاجة زى دى انا كنت بعشق التراب اللى شمس بتمشى عليه واللى بيحب عمره ما يقدر يإذى اترجيتها كتير نرجع لبعض لكنها رفضت 
احمد: ما يمكن ده السبب اللى خلاك تعمل كده انتقام منها خصوصا لما عرفت انها هتتجوز شخص تانى؟
مدحت: لا طبعا يا فندم انا راجل مدرس وليا وضعى ومركزى وصدقنى انا مستحيل اعمل كده
احمد: امال ليه روحت وهددتها انك هتندمها لو اتجوزت شخص تانى؟
مدحت: انا فعلا جن جنونى اول ما عرفت انها هتتجوز من اللى اسمه كمال صاحب المصنع اللى هى شغالة فيه بس والله كان كلام قولته من ضيقتى وخنقتى مش اكتر
احمد: كنت فين وقت وقوع الجريمة ؟
مدحت: انا معرفش الجريمة حصلت امتى اصلا عشان اجاوب ع سؤالك 
احمد: كان يوم الاثنين ما بين الساعة ٥ للساعة ٨ المغرب 
مدحت: انا يوم الاثنين بالكامل عندى حصص خصوصى وبروح للطالب فى بيته وكان عندى حصتين فى نفس العمارة طالب تالتة اعدادى من من خمسة لسابعة وطالب فى تانية ثانوى من سابعة لتسعة
احمد: ايه الدليل ع كلامك ده ؟
مدحت: الطلبة موجودة واهاليهم وكمان الكاميرات ممكن حضرتك تتأكد بنفسك 
احمد: طيب انا هتحفظ عليك فى الحجز من هنا لحد ما نتأكد من حقيقة اقوالك 
مدحت: انا اسف انا مش هقعد هنا دقيقة واحدة وسط المجرمين والحرا..مية ومن فضلك عاوز اتصل بالمحامى بتاعى 
احمد: اكيد من حقك طبعا
اتصل مدحت بالمحامى اللى وصل وقدر انه يخرجه بضمان محل اقامته لحين التأكد من اقواله وبعدها راح احمد بنفسه ع عنوان الطلبة وسألهم هما واهاليهم واكدوا ان فعلا مدحت كان موجود ومخرجش من العمارة الا الساعة ٩ وربع وده كان واضح فى الكاميرات شكرهم احمد ورجع ع مكتبه 
بعد ما تم التشريح واستلموا جث.ة شمس وتم الدفن رجعت تغريد وامها ع البيت واخدوا واجب العزاء وبعد ما خلص 
عمر: كمال عرف ولا لسه؟!
تغريد: متهيألى معرفش 
عمر: ازاى والسوشيال مقلوبة ع الخبر ده وكمان انتى نزلتى نعى ع الفيس والواتس !
تغريد: لان هو مش بيفتح نت اصلا .... وقبل ما تكمل لقت فونها بيرن وكان كمال بصت لعمر وقالت: اقوله ايه؟
عمر: اعطينى الفون وانا هقوله 
اعطته تغريد الفون ... عمر: انت فين يا استاذ كمال دلوقتى؟كمال :انا لسه راجع من السفر كان عندى صفقة بخلصها المهم ارجوك طمنى شمس رجعت !
عمر بحزن: ينفع تيجى ع البيت ضرورى 
كمال بقلق: فى ايه يا عمر شمس فين؟! رد عليا؟!
عمر: ارجوك تعالى بس ونتكلم 
كمال: انا جاى حالا 
نزل جرى ركب عربيته وراح ع منزل شمس ولقى ابتهال وتغريد لابسين اسود وبيعيطوا واول ما فريد شافوا جرى عليه وهو بيعيط: عمو كمال ماما راحت عند ربنا وسابتنى
للحظة اتسمر كمال مكانه من الصدمة مكنش مصدق ان حبيبته واللى كانت ايام وتبقى مراته ماتت حاول يجمد لكن مقدرش وانهار بالبكاء وهو حاضن فريد 
عمر: اهدى يا استاذ كمال ارجوك 
كمال: انا عايز اعرف ماتت ازاى فهمونى!
عمر: مقت..ولة
كمال بصدمة: ايه ازاى رد عليا ازاى ومين اللى عمل كده؟!
عمر: صدقنى احنا لحد الان منعرفش اى حاجة التحقيقات شغالة وان شاء الله اللى عمل كده هيتجاب 
كمال بغضب : مدحت هو مدحت الك..لب مفيش غيره ودينى لاقت..له 
ابتهال: استهدى بالله يا ابنى مش هو مش هو 
كمال: لو مش هو هيكون مين يعنى ؟!
تغريد: التحقيقات شغالة لسه وكله هيبان 
فى مكتب احمد كان ساند راسه لورا بتعب ومحمود دخل عليه: ايه يا ابنى مفيش جديد بخصوص القضية دى ؟
احمد: لا خالص اول مرة قضية تبقى فيها غموض كده
محمود: مش عارف بس حاسس ان طليقها ده هو السبب 
احمد: تؤ لا مش هو 
محمود: طب هنعمل ايه؟
احمد: كلمت شركة فودافون وعطيتهم رقمها يبعتولى كشف بسجل المكالمات الاخيرة ليها وزمانه ع وصول
بمجرد ما انهى كلامه وصل العسكرى واعطى ليه الكشف وكان اخر رقم هى اتصلت عليه هو رقم عمر خطيب تغريد لكنه مردش عليها لكن فيه رقم تانى مش مسجل باسم رن عليها ومدة المكالمة كانت ٦ دقايق ووووووو....................
-كان اخر رقم شمس رنت عليه هو رقم عمر خطيب تغريد لكنه مردش عليها لكن فيه رقم تانى مش متسجل باسم رن عليها ومدة المكالمة كانت ٦ دقايق 
محمود: طيب وهنعرف مين صاحب الفون ازاى؟!
احمد: هروح الشركة واجيب سجل بمكالماته واحدد موقعه واعرفه 
محمود: تمام وانا جاى معاك 
وصلوا ع الشركة واتفاجئوا ان الرقم ده معملش غير مكالمة واحدة بس مع شمس واللى كانت مدتها ٦ دقايق 
احمد للموظف: بقولك ايه المكالمة دى متسجلة ولا لا؟
الموظف: لا حضرتك 
احمد: طيب لو انا عاوز اعرف موقع الرقم ده فى الوقت اللى كانت فيه المكالمة اعمل ايه 
الموظف: والله دى صعبة حضرتك مش هقدر افيدك فيها بس ممكن ابعتك لحد يقدر يساعدك هو واحد صاحبى مهندس اتصالات 
احمد: طب ياريت تعرفنى مكانه بسرعة 
اعطاله الموظف العنوان وطلع احمد ع مكانه واخد الرقم منه ودخل ع لاب توب قدامه وبطريقة معينة قدر يعرف المكان اللى كانت منه المكالمة 
المهندس: ده العنوان يا باشا 
احمد بصدمة: العمارة دى قريبة من المكان المهجور اللى كانت جث.ة شمس فيه طب بقولك تقدر تعرف كانت فين بالظبط فى العمارة 
المهندس بعد فحص: فى شقة ع اليمين بالدور السابع 
محمود: شكرا يا باش مهندس يلا ع الشقة جايز نلاقى حاجة هناك تدلنا ع القا..تل
احمد: تمام يلا 
فى الشقة عند تغريد اللى كانت حاضنة فريد لحد ما نام فى حضنها دخلته اوضته وخرجت قعدت مع عمر وابتدت تبكى بحرقة
عمر: ممكن تهدى عشان خاطرى 
تغريد: اهدى ازاى بس يا عمر انا عمرى ما كنت اتخيل ان اختى هتم..وت بالطريقة دى 
عمر: معليش يا حبيبى ده قدرها وان شاء الله حقها هيرجع متقلقيش بس انا كنت عاوز اسألك ع حاجة
تغريد باهتمام: خير يا حبيبى؟
عمر: فين المحبس بتاعك ملاحظ انه مش بايدك بقاله كذا يوم بس مكنتش بحب اضايقك بسؤالى 
تغريد: شمس كانت اخدته منى كانت سالفة فلوس من ناس وقالتلى هتبيعه تفك ضيقتها بيه وترجعهولى لما تاخد مهرها من كمال انا اسفة انى خبيت عليك حاجة زى دى 
عمر: ولا يهمك يا قلبى فداكى حصل خير بس ياريت لو حصل حاجة زى دى تانى عرفينى 
تغريد : اطمن مش هتكرر تانى اصلا خلاص
وصل احمد ومحمود ع مكان العمارة وكان مكان جديد بيتعمر لسه ومفيش فيه سكان اصلا وصلوا وطلعوا ع الشقة وكانت لسه ع الطوب الاحمر مجهزتش ومكنش فيه اى اثر لاى جريمة 
محمود: شكلنا جينا ع الفاضى يلا نرجع ع المكتب
احمد لاحظ محبس ع الارض نزل واخده: هو ده دهب؟!
مسكه محمود واتأمله: ايوة عيار ٢١ 
احمد: تفتكر ده ممكن بتاع شمس ؟
محمود: ممكن ليه لا؟!
احمد: يبقى لازم ندور انا متأكد ان هنلاقى دليل هنا او هنا 
فضلوا يدوروا شويه لحد ما لقوا فى وسط الحاجات منديل عليه دم
احمد: بص يا محمود خد المنديل واطلع ع الطبيب الشرعى وانا هعمل حاجة كده واجيلك 
اخدوه محمود وراح ع الطبيب الشرعى وكان اسمه وليد بعد التحليل 
وليد: لا ده مش دم شمس ده حد تانى واحتمال كبير يكون القا..تل لا شمس اصلا ما..تت مخنوقة بحبل مش بألة حادة 
محمود: وازاى هنعرفه 
وليد: والله لو فيه متهم انتم شاكين فيه ناخد منه عينة ونطابقهم ببعض
محمود: تمام شكرا يا دكتور 
عند احمد اللى نزل تحت وسأل عن صاحب العمارة وعرف انها مش ملك لشخص بعينه لكن كل شقة ليها صاحب بعينه وعرف ان الشقة دى باسم كمال خطيب شمس رجع احمد ع المكتب وطلب من النيابة اذن باستدعاء كمال والتحقيق معاه وبالفعل وصل كمال ع مكتب احمد 
احمد: استاذ كمال ممكن اعرف انت كنت فين اليوم اللى حصلت فيه الجريمة؟
كمال: انا من قبل الجريمة بيومين كنت برة مصر بخلص صفقة ولسه واصل امبارح وادى جواز السفر
احمد: امتى اخر مرة اتواصلت فيها مع مدام شمس؟
كمال: لحد اليوم اللى اختفت فيه وهى لسه فى الشغل 
احمد: عرفت ازاى انها اتق..تلت؟
كمال: لسه امبارح عرفت من اهلها 
احمد: ممكن ناخد منك عينة دم ؟!
كمال: اكيد ليه لا 
سحبوا منه عينة الدم وحللوها لكنها كانت غير مطابقة للدم اللى ع المنديل 
كمال: ممكن افهم ليه التحقيق ده كله؟!
احمد: جريمة القت.ل تمت فى الشقة اللى حضرتك شاريها فى (........) ولقينا منديل عليه دم هناك ومش بتاع شمس ولا مطابق ليك وووووووووو...........................
-جريمة القت.ل تمت في الشقة اللى حضرتك شاريها فى (......) ولقينا منديل عليه دم لكن مش مطابق ليك وكمان لقينا المحبس ده هناك ده بتاع مدام شمس؟
كمال: لا انا مكنتش لسه جيبت الشبكة ليها اصلا وعمرى ما شوفتها لابسة محابس اساسا 
احمد : انت متأكد!
كمال: ايوة متأكد بس المحبس ده انا حاسس انى شوفته قبل كده ... كمال بتذكر: ايوة المحبس ده بتاع تغريد اخت شمس
احمد باستغراب: وايه هيجيب محبس تغريد مع شمس؟!
كمال: والله يا فندم معرفش بس انا متأكد انه بتاع تغريد
استدعى احمد تغريد وسألها عن المحبس وقالت انه بتاعها وشرحت ليه السبب اللى اخدته شمس بسببه ... احمد: هاخد منك عينة دم 
تغريد بصدمة: منى انا ليه؟ معقول تكون شاكك انى ممكن اقتل اختى انت بتهزر اكيد؟!
احمد: لو سمحتى بدون شوشرة هناخد منك عينة دم ونطابقها اظن مش هتضرى بشئ 
تغريد : تمام
بعد التحليل وان النتيجة كانت سلبية نظرت تغريد بلوم لاحمد اللى فهم وقال: انا اسف بس ده شغلى ولازم اقوم بيه ع اكمل وجه وعشان نجيب حق اختك 
تغريد بتفهم: اكيد حضرتك ينفع استأذن دلوقتى؟
احمد: اكيد اتفضلى 
خرجت تغريد وهى بتغمض عيونها بحزن لقت فونها بيرن وكان اتصال من سلوى بنت عمها وكانت مسافرة بقالها شهر تقريبا 
تغريد بفرحة: سلوى وحشتينى اوى كده يا بت تسافرى وتنسينا بلاد برة نسيتك اصلك 
سلوى: والله انتى اللى وحشتيني اوى وزعلانة منكم انتى واختك عشان مهانش عليكم تسألوا عنى 
تغريد: وهنوصلك ازاى واحنا منعرفلكيش ارقام ولا صفحات 
سلوى: الاهتمام مبيطلبش ع فكرة بس انا اجدع منكم وجيبتلكم شوية هدوم وبرفانات انما ايه رنى ع اختك خليها ترجع بدرى من الشغل عشان وحشانى ولا سى كراميلا اخدها مننا 
تغريد بحزن: انا برة وهروح اهو هستناكى متتأخريش
استغربت سلوى صوت تغريد اخدت شنطة الهدايا وراحت ع بيتهم ولما وصلت كانت لسه تغريد موصلتش استقبلتها ابتهال وانصدمت لما شافتها بالاسود وانهيارها بالعياط ... سلوى بخوف: فى ايه يا طنط انتى لابسة اسود ليه مين ما.ت حد يرد عليا؟!
ابتهال: شمس تعيشى انتى 
سلوى من الصدمة وقعت ع الكنبة عقلها رافض التفكير والتصديق رفعت وشها وحاولت الثبات: ازاى؟
حكت لها ابتهال واكملت: لحد الان القضية شغالة ولسه معرفوش مين اللى عمل كده ؟!
سلوى: طب انتم قومتوا محامى ولا لا؟!
ابتهال: لا 
سلوى: ازاى ده لازم يكون فيه محامى يجرى ورا الموضوع عشان يجيب حق شمس انتم اكيد بتهزروا 
وصلت تغريد واترمت بحضن سلوى وقعدوا الاثنين يعيطوا بحرقة .... سلوى: لما سمعت صوتك كنت حاسة ان فيه حاجة غريبة بس كل اللى جه فى بالى انك متخانقة مع خطيبك وقولت لما اجى هوقعك واعرف بس يارتنى ما عرفت الحقيقة 
تغريد: امال انا اعمل ايه اللى عايشة فيها لحظة بلحظة ومبقتش فاهمة اى حاجة نفسى اكون فى كابوس افتح عيونى وافوق منه 
سلوى: متخافيش هنوقف محامى يجرى ورا القضية وحق شمس هيرجع يعنى هيرجع 
فى الوقت ده وصل مدحت وقال: السلام عليكم 
تغريد ببرود: وعليكم السلام خير ؟
مدحت: انا عاوز اخد فريد يعيش معايا 
تغريد: نعم ! فريد مين ده اللى عاوز تاخده مش ممكن انت فاهم ابن اختى هيفضل معانا واحنا اللى هنربيه واتفضل اطلع برة من غير مطرود
مدحت: اسمعى يا تغريد انا مش جاى استأذن انا هاخد ابنى يعيش معايا وفى حضنى انا معنديش اى استعداد اخسره هو كمان 
تغريد: بقولك ايه بلاش دور الحنية ده ترسمه عليا واتفضل اطلع برة 
مدحت بزعيق: اسمعى انا ممكن اروح المحكمة وارفع قضية واخد ابنى بالعافية 
قبل ما تجاوب تغريد وصل عمر وقال: ماشى روح المحكمة واعمل اللى انت عاوزه واما يطلع حكم انك تاخده وقتها ابقى شرفنا اتفضل اطلع برة 
مدحت: انت مفكر ان عيل زيك ممكن يخلينى ارجع فى كلامى!
عمر بهدوء: انا لحد الان بكلمك باحترام لان لا المكان ولا الظروف ناقصة وتسمح بالرد عليك فورينى عرض اكتافك 
خرج مدحت وهو ع اخره منهم ...وبعد مرور اسبوعين تزيد غموض القضية بالنسبة لاحمد ومحمود ويطلب منهم الذهاب فى مأمورية اخرى للقبض ع شخص ما فى المطار 
احمد لظابط المطار: اسمع يا اسامة انا عاوز كشوفات من الخطوط البحرية والجوية باسماء الناس اللى دخلت وخرجت من البلد خلال الشهرين اللى فاتوا وطبعا بالصور 
اسامة :حاضر يا باشا 
وصلت الكشوفات بعد مرور يوم كامل وبدأ احمد ومحمود وعدد من الظباط بفحصهم لاحظ محمود شئ غريب وصدم احمد جدا وووووووووووووووو.........
- وصلت الكشوفات بعد مرور يوم كامل وبدأ احمد ومحمود وعدد من الظباط بفحصهم لاحظ محمود حاجة غريبة وصدمت احمد جدا لما شافها 
محمود: مالك يا ابنى مسهم كده ليه مش ده اصلا الراجل اللى جايين نقبض عليه!
احمد: ايوة هو مش بتاعت قضية دلوقتى بس بتاع القضية اللى مطلعة عيونا بقالها تلات اسابيع 
محمود باهتمام: اوعى تكون قضية القت.ل طب ده مين وايه علاقته بشمس ؟
احمد: الراجل ده اسمه كمال ابو العطا وهو مدير المصنع اللى شمس كانت بتشتغل فيه وكمان خطيبها وهو نفسه صاحب الشقة اللى حصلت فيها الجري.مة 
محمود: حلو يعنى هو اللى قت.لها اصل ايه يخليه يسافر جوى بجوازه الاصلى ويدخل ويخرج من البلد فى يوم الجريمة عن طريق البحر وبجواز مزيف ؟!
احمد: هو ده بالظبط اللى عاوزين نعرفه سبب ارتكابه الجريمة وكمان مين كان معاه؟
محمود باستغراب : ليه هو كان حد معاه؟!.
احمد: انت ناسى المنديل اللى كان عليه الدم اللى لقيناه هناك الدم مطلعش مطابق ليه وده معناه انه مكنش لوحده
محمود: طب ما يمكن يكون المنديل ده بتاع حد من البنائيين اللى بيبنوا الشقة؟
احمد: احتمال ع العموم كله هيبان المهم انه لازم كمال ده يتحط تحت المراقبة وفوناته كمثل
محمود: تمام يا صاحبى
عند تغريد كانت حاضنة فريد بحب بصلها وقالها: خالتو هو انا مش هشوف مامى تانى ابدا؟
تغريد: انت بتحب مامى اوى وعاوز تكون معاها صح!
فريد: ايوة
تغريد: يبقى لازم تكون شطور تصلى وتصوم وتعمل كل حاجة حلوة زيك وزى ما ماما كانت بتعلمك وقتها هتدخل الجنة وتتجمع مع ماما ان شاء الله يا روحى بعد عمر طويل 
قام فريد بسرعة : هقوم اتوضى واصلى المغرب والعشاء ومش هبطل صلاة تانى ابدا عشان اكون مع مامى 
وصل عمر ولقى ابتهال نايمة فى الصالة من التعب استأذن ودخل لقى تغريد بتعيط: وبعدين يا تغريد هتفضلى كده لامتى ؟
تغريد: لحد ما اشوف اللى عمل كده فى اختى وحرق قلبنا عليها متعلق ع حبل المشن.قة 
عمر: وتفتكرى ده هيحصل بعياطك وانهيارك وبعدك عنى وعن اصحابك وانك متنزليش شغلك؟!
تغريد بانهيار: انت عمرك ما هتحس باللى انا عيشاه لانك مجربتوش 
عمر بحب: وانا من امتى محستش بيكى وبوجعك اللى انتى بتعشيه من فرح وحزن بيلمس قلبى من جوة وانتى عارفة كده كويس شمس بالنسبة ليا مكنتش اختك دى كانت اختى وصاحبتى المقربة وانتى عارفة ده كويس 
تغريد: حقك عليا يا عمر انا بجد تعبانة وتايهة متمناش اللى فيه انا لعدوى حتى 
عمر: طب قومى اغسلى وشك والبسى ولبسى فريد وتعالى نخرج نتعشى برة عشان الولد يغير جو هو ملوش ذنب فى اللى بيحصل ده
تغريد: مش عاوزة 
عمر: ع فكرة انا مش باخد رأيك انتى هتنفذى اللى قولته ومن غير نقاش كتير يلا 
قصاد اصرار عمر وافقت تغريد وخرجت معاه هى وفريد وقضوا وقت لطيف 
بعد مرور يومين من مراقبة كمال وصله اتصال من نفس الرقم المجهول اللى كان كلم شمس قبل قت..لها 
محمود : احمد الرقم اياه اتفتح وبيكلم كمال دلوقتى ورجالتنا بتسجل المكالمة 
جرى احمد مع محمود ع مكان غرفة الاتصالات وكانت المكالمة انتهت شغلها واحد من الظباط وكانت ...كمال: الو عاوزة ايه؟!
................: ايه يا بيبى وحشتنى اوى من اليوم اياه وانت مكلمتنيش ولا مرة ايه موحشتكش!
كمال: انا قولتلك انك لازم تسافرى برة مصر وانتى مفيش فايدة فيكى هتودينا فى داهية بغباءك
................: هو فى ايه انا مش فاهمة حاجة انت عاوزنى اسافر ليه ؟!
كمال: عشان لو البوليس عرفك هيجيبك ووقتها رجلى انا كمان هتيجى فى ام القضية دى 
................: طب وهما هيجيبونى ليه؟!
كمال: المنديل اللى عليه دمك اللى مسحتيه لما اتعورتى المباحث لقيته يا حلوة وكمان عملولى تحليل عشان يتأكدوا انه مش انا وشاكين ان صاحب المنديل ده له علاقة بالجريمة
........... بخوف: يا نهار اسود طب طب والحل ايه ؟!
كمال: انتى لسه بتسألى لازم نهرب فى اسرع وقت برة البلد انا حاسس ان البوليس قرب مننا اوى عشان كده انا حولت كل فلوسى ع حساب ليا برة وانتى كمان اعملى كده وخلينا نغور من هنا ومنرجعش تانى
...................: ايوة بس انا باسبورى مفيش عليه تأشيرة ؟!
كمال: متخافيش انا هظبطها زى ما دخلت وخرجت بجواز مزيف بدون ما حد يعرف المهم عاوزك تجهزى شنطتك وتقابلينى عند (........) كمان ساعة بالظبط انتى فاهمة لو اتأخرتى دقيقة همشى انا 
قفل معاها .... احمد: جهزولى القوات بسرعة ويلا ع المكان ده حالا 
محمود: اعتبره حصل يلا 
وصلت القوات ع المكان وكان شبه مقطوع وقف كمال بانتظار اللى كان بيكلمها ووصلت وهى لابسة نقاب رفعته واترمت بحضنه وقالت: وحشتنى اوى يا حبيبى 
كمال: وانتى وحشتينى اوى يا سلوى يلا بينا بسرعة قبل ما حد يشوفنا ..... ولكن قبل ما يتحركوا سمعوا صوت : سلم نفسك يا كمال انت وهى المكان محاصر ومفيش داعى للهروب ووووووووووووو.........................
-سلم نفسك يا كمال انت وهى المكان محاصر مفيش داعى للهرب 
وقف كمال مصدوم من وجود الشرطة وع رأسهم احمد ومحمود وقبضوا عليهم وراحوا ع القسم 
احمد: ها يا استاذ كمال احكيلى بقا قتلتها ازاى وليه؟
كمال : انا مش هتكلم الا فى وجود المحامى بتاعى 
احمد: اه طبعا من حقك بس خلى بالك المكالمة اللى بينك انت وسلوى متسجلة وكمان لقينا جواز السفر المضروب اللى دخلت وخرجت بيه يوم الحادثة يعنى الادلة كلها ضدك فمفيش داعى انك تتذاكى
كمال: وانا برضه مصمم اتصل بالمحامى الاول 
احمد: تمام اتفضل اعمل المكالمة 
اتصل كمال ع المحامى اللى وصل وسمع تفاصيل القضية وكذلك الادلة اللى بتأكد ان كمال وسلوى ورا جريمة القت.ل وامر احمد بحبسهم لحين عرضهم ع النيابة وبعدها مسك فونه واتصل ع تغريد 
تغريد كانت نايمة قامت ع صوت الفون ولقت رقم احمد بسرعة ردت: الو يا حضرت الظابط فيه جديد صح طمنى ارجوك 
احمد: ايوة يا انسة تغريد الحمدلله مسكنا المتهمين فى قضية اختك والاحسن انك تيجى بنفسك وتشوفيهم 
تغريد : اكيد هجيلك دلوقتى حالا 
احمد: لو تقدرى تيجى مفيش مشكلة فى انتظارك 
مسكت تغريد فونها وكلمت عمر اللى وصل واخدها وراح معاها ع القسم واستقبلهم احمد وطلب من العسكرى انه يجيب المتهمين ... دخل العسكرى ومعاه كمال وسلوى واتصدمت تغريد صدمة عمرها وكذلك عمر اللى كان مش مصدق عيونه 
تغريد: كمال وسلوى؟! طب طب ازاى ؟ ازاى ها ؟! ازاى وانت كنت مسافر ها؟ وانتى كمان كنتى مسافرة انا مش فاهمة حاجة ليه عملتوا كده ليه ؟
جريت عليهم تغريد لكن عمر واحمد منعوها فكملت بصراخ: اه انا عارفة ان الضربة بتيجى من القريب بس ..بس مش للدرجة دى عملت ليكم ايه يا كلاب عشان تعملوا كده ليه ليه حرام عليكم ليه؟
سلوى بعياط: والله انا مقت..لتهاش كمال هو اللى خن..قها مش انا والله 
احمد: حلو اوى يبقى تهدى كده وتحكى لينا اللى حصل بالتفصيل 
فلاش باك يوم الحادثة كانت شمس خارجة من المصنع رنت ع عمر كتير لكن مردش لانها كانت عاوزة تعرفه انها اخدت المحبس من تغريد ولقت رقم سلوى واللى مش متسجل بيرن عليها 
شمس: الو ايوة يا سلوى انتى رجعتى امتى من السفر يا بنت الايه؟
لكن اتفاجئت شمس بصوت كمال وسلوى وهما بيضحكوا مع بعض وسلوى بتقوله: بقى الشقة دى هتكون لجوازك انت والاخت شمس طب وانا يا كمال انت عارف انى بحبك من قبلها ده انا اللى معرفاكم ع بعض 
كمال: يا حبيبتى افهمى هى هتبقى مراتى رسمى لكن انتى هتبقى مراتى اللى عمرها ما هتكون ع اسمى 
سلوى: يعنى بقت كده بتفضلها هى عليا طب ليه ليه؟!
كانت شمس سامعة الحوار وفجأة الخط فصل ركبت تاكسى وطلعت ع الشقة وطبعا لسه بتتبنى فمن غير باب دخلت واتفاجئت بكمال حاضن سلوى وفى وضع غير اخلاقى نزلت دموعها ..شمس: الله ع القرف انتم ازاى كده بجد ازاى مقرفين كده ؟!
كمال بخضة: شمس انتى انتى جيتى هنا ليه ؟
شمس: هو ده اللى فارق معاك مش المفروض انك مسافر بتخلص شغل كنت بتضحك عليا وبتخدعنى ...وانتى انتى ياللى كنت بقول عنها اختى التانية تخونينى طب هو زبا..لة انما انتى تعملى فيا كده ليه؟
كمال: شمس ممكن تهدى وتسمعينى انتى عندك سوء تفاهم؟!
شمس: بلا سوء تفاهم بلا زفت ده الحمدلله ان ده حصل وكشفتك ع حقيقتك انت والمقرفة دى بس وربى لافضحكم انتم الاثنين 
قربت سلوى وهى بتعيط وبتحط ايدها ع كتفها: شمس اسمعينى 
بعدت شمس ايد سلوى بقوة فخبطت بمسمار واتعورت بسرعة خرجت منديل عشان تكتم الدم .... شمس: اوعى تقربى منى تانى يا حقيرة مش عاوزة اعرفك تانى . اما انت يا كمال باشا هفضحك وهخلى سيرتك ع كل لسان 
كمال: شمس اهدى واسمعينى 
لفت شمس وشها عشان تمشى ولقى كمال حبل واقع ع الارض اخده وجرى عليها خن..قها بيه حاولت تقاوم بكل قوتها لكنها مقدرتش لدرجة ان المحبس وقع من ايدها بدون ما ياخدوا بالهم 
سلوى بعياط: كمال ...كمال سيبها هتم..وت كمال 
لكن كمال كان شيطانه اقوى منه ومسبهاش الا لما قطعت النفس نهائى ...بصلها بصدمة وخوف قرب منها وفحص نبضها لكن مكنش موجود سلوى : ما..تت ما..تت خلاص انت السبب انت اللى قت..لتها انا مليش دعوة 
كمال بغضب: اخرسى خالص روحى هاتى الشوال اللى هناك ده بسرعة 
رمت سلوى المنديل وجابت الشوال ووضع كمال جث.ة شمس بيه وشالها حطها بالعربية ورماها بالخرابة وبعدها اخد فونها والحبل ورماهم فى النيل 
باااااك ..... سلوى : هو ده كل اللى حصل والله انا مليش ذنب هو اللى قت..لها
احمد: طب جريمة القت..ل وفهمتها لكن اللى مش قادر افهمه ايه يخليك تدخل وتخرج بجواز سفر مزور طالما مكنتوش مخططين لقت.لها ؟! يعنى اكيد فيه سبب تانى يا استاذ كمال ولا انا غلطان ؟!
مردش كمال ع سؤال احمد لكن دخل محمود فجأة وقال: اجابة السؤال عندى أنا يا حب البيه يبقى اكتر واحد طلع عيونا فى قضية المخد..رات وووووووو..............
- الاجابة عندى انا يا حب البيه يبقى اكتر واحد طلع عيونا فى قضية المخدر..ات الاخيرة 
كمال وعيونه بتطلع شرار: كذب الكلام ده مش حقيقى 
محمود: مفيش داعى للحمقة دى يا كراميلا اصل اللى اعترف عليك البوص بتاعك ماهر الهوارى 
اتسعت عيون كمال بصدمة وجاوب محمود ع سؤاله: اه اتقبض عليه واعترف ع كل حاجة وبأقل مجهود 
احمد للعسكرى: خدهم رجعهم ع الحجز يا ابنى 
بالفعل اخدهم العسكرى ع الحجز ....عمر: طب دلوقتى ايه المفروض اللى هيحصل؟!
احمد: هيتعرضوا بكرة ع النيابة وهيتحقق معاهم وبعدها هيتحولوا ع المحكمة وبعد كذا جلسة هيتحكم عليهم والاحسن انكم توكلوا محامى 
عمر: اكيد ان شاء الله نستأذن احنا 
احمد: اتفضلوا فى سلامة الله 
اخد عمر تغريد ومرضاش يروحها لكن اخدها ع النيل هو عارف انها بتحب القعدة هناك وبترتاح جدا ..... بعد ٦ شهور من القضية والمتابعة جه يوم النطق بالحكم 
القاضى: بعد الاطلاع ع كافة المرافعات وسماع اقوال المتهمين واثبات الادلة والرجوع اللى فضيلة مفتى الجمهورية للاطلاع ع القضية حكمت المحكمة حضوريا ع المتهم كمال العزازى بالاعدام شنقاً حتى الموت وع المتهمة سلوى العتريبى بالسجن المشدد لمدة ١٥ عاما وتغريم المتهمين بدفع اجور المحامين رفعت الجلسة 
ملأت الزغاريط القاعة عقب اعلان الحكم اتجهت تغريد لكمال وسلوى ونظرت ليهم بحقد: كل ساق سيسقى بما سقى وربنا اسمه العدل ودى النهاية اللى تستحقوها 
اخدها عمر من ايدها وخرج وهو شايف الفرحة والضحكة مالية وشها واللى غابت عنها لفترة طويلة واول ما وصلت ع البيت لقت مدحت قاعد مع ابتهال فبهتت ملامحها واتقلبت لما شافته 
تغريد: خير فى ايه جاى عايز ايه؟!
مدحت: عايز اخد فريد يعيش معايا يا تغريد انا عاوز ابنى يبعد عن اى ضغط ويعيش حياة سوية
تغريد بدموع: استاذ مدحت انا عارفة انك ابوه وبتحبه وانه هيكون بخير معاك بس فريد ده من ريحة شمس واللى مصبرنى ع فراقها بالله ما تعمل كده وتحرمنى منه
مدحت بهدوء: وانا عمرى ما احرمه منكم فى اى وقت تحبى تشوفيه تشرفينى ده بيت اخوكى وكمان كل اجازة هجيبه يقضى معاكم اليوم كامل بس عشان خاطرى انا لو بتحبيه لازم تفكرى فى مصلحته ومصلحته فى حضنى انا والله انتى عارفة انى زوجتى عقيم مش بتخلف يعنى هتحبه اوى وهتكون فى مقام امه 
تغريد: ايوة بس انا اتعودت ع وجوده معانا بالبيت مش قادرة اتخيل انى هقوم من النوم مش هلاقيه
مدحت: يا تغريد افهمى كلها كام شهر وهتتجوزى وهيكون ليكى بيتك وجوزك وامك مش هتقدر تقعد بيه لوحدها وكمان فريد لازم يكون عليه رقيب وانا اولى بيه
ابتهال: مدحت معاه حق يا بنتى فى كل كلمة قالها سبيه ياخد ابنه كفاية عليه يا قلب امه الفترة اللى فاتت واللى شافه وهو لسه عيل
تغريد: طيب هقولك ع حاجة احنا نسأله الاول ولو وافق يجى معاك مش همنعه
مدحت: تمام اللى تشوفيه 
ندهت تغريد ع فريد وسألته: فريد يا حبيبى هسألك سؤال يا عسولى وتجاوب بصراحة من غير خوف اوك 
فريد: اوك يا خالتو
تغريد: بابى جاى ياخدك تعيش معاه انت عاوز تروح معاه ولا تقعد معايا انا وتيتة ؟!
فريد : بصراحة ومن غير زعل 
تغريد: امممممم 
فريد: عاوز اقعد مع بابا وطنط مها انا بحبها خالص وبحب بابى وبرتاح معاهم زى ما كنت مع مامى 
تغريد بوجع حاولت تداريه: ماشى يا حبيبى بس توعدنى انك هتزورنا ع طول وهتسمع الكلام وتكون مؤدب وشطور 
فريد: وعد 
تغريد: طب يلا يا بطل نحضر شنطتك وحاجتك 
فريد بفرح: يلا 
مشى فريد مع مدحت وكل جمعة كان بيجى يقضى معاهم اليوم ويبات ويروح السبت الصبح ..... وبعد مرور ٦ شهور اخرى اتجوزت تغريد من عمر واصر عمر ان والدتها تيجى تعيشى معاهم لانها كبيرة بالعمر ومينفعش تكون لوحدها وفى يوم عرفت تغريد انها حامل وفرحت جدا وراحت عملت سونار عشان تعرف نوع الجنين وزادت فرحتها لما عرفت انها بنوتة 
تغريد: انا فرحانة اوى يا عمر حامل فى بنوتة زى ما اتمنيت 
عمر بفرحة: الحمدلله يا روحى متعرفيش انا كمان مبسوط اد ايه
تغريد: طب وناوى تسميها ايه؟
عمر: هنسميها شمس
تغريد بدموع: يا روحى انت 

تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -