رواية حياة جميلة من الصغر كاملة جميع الفصول بقلم يوسف محمد

رواية حياة جميلة من الصغر كاملة جميع الفصول هى رواية من تأليف المؤلفة المميزة يوسف محمد رواية حياة جميلة من الصغر كاملة جميع الفصول صدرت لاول مرة على فيسبوك الشهير رواية حياة جميلة من الصغر كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية حياة جميلة من الصغر كاملة جميع الفصول

رواية حياة جميلة من الصغر كاملة جميع الفصول

الناس دي بتعمل ايه في اوضتي ليلة دخلتي ومين الحيو*ان اللي معاكي على السرير دا

= في ايه يا حبيبي.. احنا عندنا في عيلتنا عندنا تقاليد ان لازم اهلي يشوفو ليلة الدخلة كاملة

وحياه امك!!!!

" بيت العيلة من اكتر الحاجات اللي ممكن تسبب مشاكل في حياتنا بس كنت دايما فاكرة اني لما هخرج منه هتنتهي المشاكل دي ولكن انا مكنتش اعرف ان اللي فات دا كله كان تمهيد للي هيحصل قدام 

بذمتك مش كان احسن انك تتجوزي أنتي وبودي بدل الراجل الغريب اللي انتي جايباه دا

= مروان مش هيكون راجل غريب يا خالتو.. دا هيكون جوزي وبعدها هيكون واحد من العيلة و بعدين انا و بودي اخوات مش اكتر من كدا

اخوات اه.. بس على الاقل كان مضمون.. بكرا تشوفي مروان دا هيعمل فيكي ايه

= انا مش عارفة ليه انتي مش بتحبيه

وانا احبه ليه يا حبيبتي هو انا اللي هتجوزه؟

= بس يعني حاولي تتقبليه شوية

حاولت والله ومش عارفة.. اول ما بشوفه بتعصب وبعدين تحسيه عيل ملزق كدا و مش مظبوط

" ضحكت ورديت عليها 

قصدك يعني عشان بيدلعني 

= ايه نودي دي.. دمه سم وهو بيقولها

لعلمك بقا دي اكتر حاجة بتحببني فيه.. بحس انه حنين عليا أوي 

= امممم حنين اه.. اشبعي بيه يا حبيبتي

بقولك ايه يا خالتي.. طبعا انتي عارفة انا بحبك قد ايه ويمكن أكتر من امي والله ف عشان خاطري حاولي تقبليه عشاني انا حتى 

= حاضر يا حبيبتي

" من ساعة ما فتحت عيني على الدنيا وانا مش شايفة غير خالتي صفاء.. تقريبا انا عيشت و اتربيت عندها.. كنت باكل واشرب وأنام كمان وطبعا انا مكنتش لوحدي،، كان معايا بودي ابن خالتي و دا اللي انا قضيت معاه حياتي كلها لحد ما دخلت الجامعة و اتخرجت كمان.. 

خلاص هتتجوزي وتسبيني يا هند

= يا بودي هو انا هسافر يعني.. مانا هبقا موجودة برضو يعني تقدر تيجي عندي في اي وقت

وجوزك هيوافق على اللي أنتي بتقوليه دا

= وهو مروان ميوافقش ليه ؟

انا حاسه مش بيطيقني

= حرام عليك متقولش كدا،، انت بس عشان متعرفوش كويس

لا عارفه وعارف هو عايز ايه

= يعني هيكون عايز ايه

عايز ياخدك مننا ويبعدك عن اهلك وصحابك

= مروان لو كان عايز يعمل كدا مكنش وافق اننا ناخد شقة جنبكو هنا عشان مبقاش بعيدة عن امي و بعدين سيبك بقا من مروان خالص وخلينا فيك انت.. عملت ايه مع شهد؟

عادي ولا حاجة

= ولا حاجة ازاي ياابني.. مش دي البت اللي كنت هتمو*ت وتكلمها،، ويوم ما تكلمها تعاملها بالشكل دا

عملت فيها ايه يعني؟

= حرام عليك يا بودي البت مكلماني وهي بتعيط 

وهي المفروض كدا تصعب عليا مثلا يعني

= لا بس لو مش عايزها قولّها 

قولتلها كتير وهي مش عايزة تفهم

= يبقا بتحبك يا بودي

انا مش حاسس معاها بأي حاجة

= انا احترت معاك والله.. كل ما اجبلك واحدة و اعرفك عليها متكملش يومين وتسيبها

عشان مش شايفهم.. انا مش عارف احس معاهم بحاجة

= على كدا بقا انت عايز واحدة تفصيل على مزاجك

بالعكس اللي انا عايزها موجودة وشايفاني بس شايفاني في حدود معينة،، مش عايزة تشوفني برا الحدود دي 

= و دي مين دي بقا اللي انا معرفهاش

سيبك مني دلوقتي و قوليلي أنتي حجزتي مع الكوافير ولا لسة

= لا لسة والله.. عايزة اشوف حد كويس الاول 

خلاص سيبي الموضوع دا عليا.. وبعدين انا شايف بشرتك مرهقة اوي حاولي تهتمي شوية.. انا عايزك تبقي اجمل عروسة في الكون كله

" جميل أوي انك تلاقي حد تتكلم معاه.. حد يشجعك ويدعمك ويحاول يساعدك بأي طريقة.. و دا كله انا لقيته في بودي،، بعدها رجعت بيتي و دخلت أوضتي وبفتح تليفوني بالصدفة لقيت مروان اتصل بيا أكتر من مرة وانا مشوفتش.. اتصلت انا بيه

ايه يا حبيبي؟

= انتي كنتي فين

كنت عند خالتو.. معلش والله مشوفتش التليفون خالص

= وبتعملي ايه عند خالتو

قاعدة معاها عادي

= طبعا بودي كان هناك

اه هناك اومال هيروح فين يعني

= هو انا مش قولتلك متروحيش هناك طول ما الواد دا موجود

ماهو انا مش فاهمة ليه

= كدا انا مش بطيقه دا كفاية اسمه،، هو في حد اسمه بودي؟

يابني اسمه عبدالله بس احنا بنحب ندلعه 

= طيب يا هند ياريت لو سمحتي متروحيش هناك وهو موجود تاني.. لما يكون مش موجود روحي براحتك

انا مش فاهمة في ايه بجد

= في اني بغير عليكي يا هند ومبحبكيش تقعدي مع الواد دا كتير

يا حبيبي دا زي اخويا

= انا مفهمش الكلام دا ومن اول يوم قولتلك انا مش هقبل بالكلام دا.. كلمة دا اخويا واحنا متربيين مع بعض كل دا ميدخلش عليا

خلاص حاضر.. انا هعملك اللي انت عايزه بس اهدا

" دي كانت أكتر مشكلة انا بقابلها لان بالشكل دا انا و بودي مش هنعرف نتكلم بعد الجواز.. واساسا مبقاش فاضل كتير لان الفرح كمان أسبوع بالظبط ف مكنش ينفع ان اي خناقة تحصل دلوقتي بيني وبين مروان.. حاولت أراضيه بكلمتين وبعدها خرجت قعدت مع ماما شوية 

مالك

= مش عارفة يا ماما.. عندي شعور غريب 

شعور غريب ازاي يعني

= خايفة وقلقانة.. حاسة بتوتر ، حاسة ان في حاجة مش مظبوطة.. مش عارفة

يا حبيبتي كل دا طبيعي وبيحصل لأي عروسة.. لازم يكون في شوية توتر وخوف كدا لان برضو حياه المتجوزين مش سهلة

= مش سهلة ازاي

يا هند انتي هتكوني مسؤولة عن بيت و زوج وقدام ان شاء الله هيكون معاكي أطفال هتبقي مسؤولة عنهم.. كل دا مش سهل 

= كل دا انا هييجي بالتعود.. انا بس خايفة من فكرة أني ابعد و اخرج من البيت دا

انا شايفة ان مروان راجل كويس و بعدين دا كان اختيارك من الأساس

= انا عارفة انه اختياري بس برضو عندي احساس بالخوف

انا كنت زيك برضو زمان بس كل دا هيروح لما تروحي بيتك وتقعدي فيه،، ساعتها هتتعودي

هحاول

= الدنيا سهلة يا هند بلاش تختاري الصعب

مش فاهمة

= هتفهمي بعدين.. دايما اختاري اللي في مصلحتك ومصلحة بيتك و جوزك.. بالذات جوزك يا هند،، خلي بالك منه.. الراجل الكويس في الزمن دا بقا قليل ومروان كويس وبيحبك ومتأكدة أنه هيحافظ عليكي،، انتي كمان لازم تحافظي عليه و اوعي في يوم تسمعي لأي حد يحاول يخليكي تسيبي بيتك.. جوزك هو سندك في الدنيا اوعي تتخلي عنه اهو على الاقل عشان متبقيش لوحدك

#بقلم : #عمرو_راشد

" كانت من اكتر الحاجات اللي بتخليني خايفة من فكرة الجواز هي المو*ت.. بخاف انه يمو*ت ويسيبني زي ما بابا عمل مع معانا انا و امي.. سابنا و ما*ت من 10 سنين وبقينا عايشين لوحدنا.. عيشنا معاناه كبيرة بين كلام الناس علينا وشغل ماما عشان تعرف تصرف عليا وحاجات كتير أوي مريت بيها لحد ما وصلت للي انت فيه دا عشان كدا انا كنت دايما خايفة لحد ما شوفت مروان وتدريجيا هو بدأ يشيل الخوف من جوايا ويطمني بس برضو انا لسة عندي نفس الشعور.. الايام بدأت تجري والأسبوع عدا بسرعة جدا والنهاردة هو يوم فرحي،، اليوم اللي كل بنت بتتمناه،، انا كمان كنت مبسوطة اوي باليوم دا من اول ما لبست الفستان لحد ما اتصورنا مع بغض وبعدها روحنا القاعة وبدأنا نرقص.. كنت طايرة وحاسة اني في عالم تاني،، اخيرا ربنا بيعوضني بعد كل اللي أنا شوفته.. عوضني ب مروان احن و اجمل راجل في االدنيا،، خلصنا الفرح و رجعنا على البيت.. دخلت وهو قفل الباب ورايا و قلع چاكيت البدلة.. بعدها قرب مني وهو بيغمزلي

اخيرا بقينا لوحدنا.. انا مش مصدق نفسي

= ولا انا.. حاسة اني بحلم،، مش متخيلة اني معاك في بيت واحد

ومش بيت واحد وبس.. لا دا كمان سرير واحد

= مروان اتلم

وهو أنا عملت حاجة؟

= طب وسع بقا عشان ادخل اغير الفستان دا

طب على مهلك.. على اقل من مهلك

" بصتله و ضحكت

في ايه هو انا حامل

= لا بس مش عايزك تتعبي نفسك.. كفاية تعبنا في الفرح.. عايزين نوفر الطاقة دي لحاجات تانية

انا قولت اتلم

= طب يلا وانتي قمر كدا

" دخلت الأوضة تغير هدومها وانا فضلت مستني برا.. كنت واقف ومستني على نار.. مش عارف مستعجل على ايه بس مش عايز اضيع أي دقيقة تاني.. بس برضو لازم ابان تقيل شوية.. لقيتها بعد 3 دقايق بالظبط بتنادي عليا

مروان تعالى

" ابتسامة ارتسمت على وشي تلقائي و روحت عشان ادخل الأوضة واول ما فتحت الباب تلقائي الابتسامة اختفت من على وشي من الصدمة اللي شوفتها..

ايه يا جماعة في ايه.. انتو جايين هنا تعملو ايه؟

" رد عليا الزفت اللي اسمه بودي

يعني ايه جايين نعمل ايه؟.. دا بدل ما تعزم علينا بحاجة نشربها

= حبيبي النهاردة دخلتي ولا انت نسيت ولا انت متخلف ولا ايه

" بصيت على هند

هو في ايه يا هند.. ايه اللي بيحصل.. والحيوان دا قاعد جنبك على السرير ليه

= لو سمحت يا مروان متتكلمش كدا على بودي وبعدين يا حبيبي دي تقاليد في عيلتنا

تقاليد؟

= ايوا يا حبيبي... لازم اهل العروسة يشوفو ليلة الدخلة كاملة

وحياه امك!! ،، ما نطلع لايف احسن

= في ايه يا مروان.. انا مش فاهمة انت متعصب ليه؟

" خالتها بدأت تتكلم

يا مروان يا حبيبي عادي مفيهاش حاجة.. يلا انت و هند اعملو اللي انتو عايزينه واحنا مش هنعمل صوت متخافش

= لا انت باين عليكو مجانين صح؟

" امها ردت المرادي

احنا عايزين نفرح بيكو يا حبيبي،، ليلة الدخلة دي ليلة متتعوضش ف عشان كدا لازم نحضرها من اولها ل اخرها

" بصيت ل هند

أنتي موافقة على الكلام دا؟

= طبعا موافقة

طيب خليكي معاهم يا هند.. انا هروح ابات عند ابويا أحسن

" لقيتها بتضحك وباصة ليهم

خلاص يا جماعة بقا عشان ميزعلش

" ولقيتها قربت مني وبتحضني

احنا كنا بنهزر معاك يا حبيبي،، ايه رأيك بقا في المقلب دا؟

= جميل يا حبيبتي بس متعملهوش تاني عشان ميبقاش فيها طلاقك

" امها و بودي خرجو من الأوضة وبعدها خالتها

الف مبروك يا عريس.. ربنا يسعدك ويعينك

" سمعت باب الشقة وهو بيتقفل،، بعدها هند قربت مني

خلاص بقا متزعلش.. كنت بهزر معاك والله 

= وهو دا هزار تعمليه في يوم زي دا

خلاص بقا حقك عليا.. يلا روح غير هدومك

" خرجت برا وقل*عت البدلة وغيرت هدومي،، بعدها ب نص ساعة خبطت على باب الأوضة.. لقيتها ردت عليا من جوا 

ادخل

" فتحت الأوضة بهدوء و دخلت.. شوفتها واقفة قدام المراية وهي لابسة روب بينك ومن تحته قميص نوم قصير جدا.. قربت منها ومسكت ايدها و بو*ستها

بحبك

= بمو*ت فيك يا مروان.. بحبك أوي 

عايزك تعرفي اني مليش غيرك في الدنيا ووعد عليا ما هسيبك ولا هخذلك في اي يوم،، انا هفضل جنبك طول الوقت لاخر ثانية في عمري

= بحبك

" لقيته خدني في حضنه.. كان بيحضني وكأنه هطير منه.. بعدها خرجت من حضنه وكان لسة هيقرب من شفا*يفي ويبو*سني لكن فجأه وشه اتغير 180 درجة و ضر*بني بالقلم.. 

انت بتضر*بني يا مروان!!

= وهكسر عضمك كمان يا بنت الكل*

انت اتجننت.. انت بتشت*مني!!! 

= وكمان بتردي عليا.. دا أنتي ليلة ابوكي سودا!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

انت بتضر*بني يا مروان.. بتضر*بني يوم فرحي

= اه بضر*بك وهكسر عضمك كمان يا بنت الكل*

انت اتجننت.. انت بتشت*مني!

= وكمان بتردي عليا.. دا أنتي ليلة ابوكي سودا

لا لا دا انت مش طبيعي.. انت شكلك شارب حاجة،، انطق قول شارب ايه؟

= انا اسف يا هند،، اقسم بالله انا ما عارف عملت كدا ازاي

يعني ايه

= انا مش متحكم في نفسي

ازاي انا مش فاهمة

" ملامح وشه اتبدلت تاني للغضب وضر*بني قلم أقوى من اللي فات لدرجة ان ودني كانت بتصفر

وأنتي تفهمي ليه.. أنتي ملكيش انك تفهمي

= حرام عليك يا مروان كفاية.. قولي بس أنا عملت ايه غلط

" صوته رجع هادي من تاني

انا اسف.. مش انا والله،، والله العظيم في حاجة بتحركني يا هند 

= طب لو سمحت ممكن تطلع برا وتسيبني النهاردة

حاضر هطلع بس عشان خاطري متزعليش مني

= مش زعلانة اطلع بس

" مشي لحد الباب وفتحه وكان لسة هيخرج بس فجأه قفل الباب بقوة و رجع بص ليا

هو انتي عايزة تطرديني من بيتي يا زبا*لة يا بنت الزبا*لة

= يا مروان بقا كفاية

كفاية!!،، وهو أنتي لسة شوفتي حاجة دا انا هخلي ايامك الجاية كلها سواد

" كنت قاعد جنب امي بعد ما حطت عروسة الفودو جنبها وبصت ليا وهي بتضحك وقالت

كفاية كدا عليها النهاردة

= انتي عايزة تفهميني ان اللعبة دي هتعمل كل اللي أنتي بتقوليه دا

بكرا تشوف يا بودي.. وبكرا ليه يا حبيبي،، الصبح مش بعيد.. اول ما النهار هيطلع هنروحلهم

= بس انا خايف اوي على هند

متخافش يا حبيبي و بعدين هو انا بعمل كل دا ليه.. ماهو عشان هند تبقا ليك

= انتي أصلا جبتي العروسة دي منين؟

دا موضوع طويل

فلاش باك

" مكنتش عارفة ازاي امنع الجوازة دي.. حاولت كتير وفي كل مرة كنت بفشل لان البت باين عليها بتحبه اوى.. مكنش عندي غير الشيخ قاسم.. راجل بركة وكل الناس بتشكر فيه.. صحابي كانو بيروحو عنده ومفيش واحدة مشيت من عنده الا وهي محققة اللي هي عايزاه فقررت اروحله وعلى عكس ما كنت متوقعة.. لقيت راجل لابس بدلة وماسك سبحة في ايده وجنبه بخور مش زي ما بنشوف في الافلام،، قعدت قدامه وقولتله

انا عايزة حاجة تمنع جوازة بنت اختي بأي شكل

= ليه.. هو العريس مالو؟

انا بصراحة عايزاها ل ابني.. مش عايزاها تخرج برا عيلتنا اصل هي و ابني متربيين سوا وانا خايفة عليها من الغريب

= وهي بتحب ابنك؟

انا ابني بودي مفيهوش عيوب واي بنت تتمناه

= اي بنت غير بنت اختك صح

بصراحة اه هي بتعتبره اخوها 

= طيب ماهو بالشكل دا حتى لو العريس سابها فهي برضو مش هتحب ابنك لانها بالبلدي كدا مش شايفاه أصلا

سيب دي عليا انا.. انا هخليها تحبه

= الحب مش بالعافية يا صفاء ولا انتي رأيك ايه

هو حضرتك عرفت اسمي منين؟

= مش مهم عرفته منين.. المهم انتي عايزة ايه؟

انا مش عايزة الجوازة تتم وخلاص

= ممكن نعملها عمل ونكرهها فيه.. الموضوع بسيط

لا بلاش انا اخاف على البت ممكن تتأ*ذي

= الموضوع مفيهوش اي حاجة وبسيط زي ما قولتلك يعني متخافيش

لا برضو اخاف اصلها غالية عليا أوي

= طالما غالية عليكي سبيها تتجوز اللي هي اختارته ولو ليها نصيب مع ابنك هيحصل حتى لو بعد 10 سنين

اومال انا جيالك ليه ياعم الشيخ؟ ماهو عشان اخليها من نصيبه

= النصيب دا حاجة بتاعت ربنا ملناش دخل فيها

بس يعني انتو.. اقصد الشيوخ يعني اللي زي حضرتك بيعرفو يتحكمو في الحاجات دي

= مفيش بشر يقدر يخالف إرادة ربنا ولا انتي مش مؤمنة يا ست صفاء

لا مؤمنة والحمدلله بس انا مش عايزة اكسر قلب ابني

= ف تكسري قلب بنت اختك 

ياعم الشيخ انا مش جاية عشان آاخد منك نصايح.. هتقدر تساعدني ولا لا؟

= من ناحية هقدر ف انا اكيد اقدر ان شاء الله ولكن انا دايما احب أقدم النصيحة قبل ما اعمل اي حاجة ولكن دايما البني ادم بيكون مصمم على الشر سبحان الله،، بصي يا صفاء حلك عندي بس هتدفعي كتير

مش مشكلة هدفع اللي انت عايزه بس من غير ما البت تتأ*ذي

= اسمه ايه عريس بنت اختك

مروان محمد عبدالرحمن و امه اسمها زينب حسن السيد

= هرجعلك تاني

" لقيته قام من مكانه و دخل اوضة كانت موجودة جوا الأوضة اللي احنا فيها وقفل الباب عليه،، فضلت قاعدة مستنية أكتر من عشر دقايق لحد ما خرج تاني وقعد قدامي و مد ايده ليا وكان فيها عروسة فودو 

دي ايه دي

= دي تقولي عليها ان عريس هند في ايدك

يعني ايه مش فاهمة

= يعني بالعروسة دي أنتي متحكمة في مروان بشكل كامل.. كل اللي أنتي هتعمليه انك تقولي عايزاه يعمل ايه وهيعمله فورا

= انت بتتكلم بجد يا شيخنا 

جربي

= يعني اعمل بالظبط

هتمسكي العروسة وتبدأي تقولي الحاجات اللي أنتي عايزاه يعملها و هيعملها زي مثلا لو قولتي دلوقتي " اضر*ب هند بالقلم " هيضر*بها حالا 

" ابتسامة الانتصار اترسمت على وشي 

يعني مروان بقا في ايدي كدا خلاص

= اه بس خدي بالك.. دي كدا فيها خطر على هند بشكل كبير عشان كدا بنصحك انك متستعمليهاش كتير 

خطر عليها ازاي يعني؟

= مش شرط تفهمي،، اسمعي النصيحة ومتنسيهاش.. متستعمليش العروسة كتير يا صفاء

باااك

#بقلم : #عمرو راشد

وهو كان قصده ب انك متستعمليش العروسة كتير

= معرفش ولحد دلوقتي عايزة افهم

خلاص مش مهم.. المهم دلوقتي اننا نقدر نعمل اللي احنا عايزينه يعني خمني مثلا الجوازة دي ممكن تستمر قد ايه بعد لا اللي حصل دلوقتي دا

= اربع ساعات بالكتير

" ضحكت انا وامي وبعدها قومنا احنا الاتنين وكل واحد دخل اوضته،، غيرت هدومي ونمت.. لما صحيت كانت الساعة 10 الصبح خرجت من الأوضة لقيت امي قاعدة في الصالة

ايه يا ماما انتي ايه اللي مصحيكي بدري كدا

= صحيت على تليفون خالتك منى.. كانت عايزاني اروح معاها ل هند عشان الصباحية بتاعتها

وانتي مروحتيش معاها ليه يا ماما؟

= افهم يا واد.. احنا مينفعش نروح دلوقتي،، احنا دورنا لسة جاي

جاي ازاي يعني؟

= اقعد افطر وهفهمك 

" مكنتش نمت من امبارح بعد اللي حصل و مروان نزل ومعرفش راح فين،، لقيت الجرس بيرن.. قومت فتحت الباب لقيتها امي،، كانت بتزغرط وداخلة بتحضني

صباحية مباركة يا عروسة

= صباح الخير يا ماما

مالك يا هند.. أنتي منمتيش ولا ايه

= لا نمت

ولا مروان هو اللي منيمكيش

" كانت بتقولها وهي بتضحك.. ابتسمت عشان مبينش اي حاجة

لا عادي احنا نمنا من التعب

= طب اقعدي احكيلي حصل ايه امبارح،، بس استني هو جوزك فين؟

مروان جاله تليفون شغل مهم ونزل

= يا مصيبتي!!!،، نزل يوم الصباحية 

يا ماما هو مش رايح يشتغل.. دي مشكلة هيحلها وهيرجع تاني

= حاجة غريبة والله المهم قوليلي حصل ايه

محصلش يا ماما.. قولتلك كنا تعبانين ونمنا

= يعني مقربش منك خالص

خالص

= وانتي سبتيه عادي كدا

هعمل ايه يعني.. هخليه يقربلي بالعافية و بعدين احنا تعبنا جدا من الفرح

= ايوا يا بنتي بس برضو يعني

متقلقيش يا ماما كل حاجة هتكون كويسة و بعدين احنا لسة العمر قدامنا طويل،، اطمني

" كنت بحاول اطمنها بأي شكل ولكن في الحقيقة انا اللي محتاجة حد يطمني.. انا مش فاهمة ايه اللي حصل امبارح دا وخايفة،، خايفة يحصل تاني ومش عارفة حتى هتعامل تاني ازاي.. امي قعدت معايا ساعة ومشيت وانا فضلت قاعدة لوحدي.. مكنش ليا نفس للاكل،، عملت نسكافيه وفضلت قاعدة حتى مش عارفة افتح الموبايل لان مفيش عروسة بتفتح تليفونها يوم صباحيتها لحد ما سمعت العصر بيأذن.. بعدها ب ربع ساعة لقيت جرس الباب بيرن،، قومت بصيت من العين السحرية لقيته بودي.. دخلت غيرت هدومي ولبست بيچامة وخرجت فتحت

ايه يا هند كل دا،، انتو نايمين ولا ايه

= لا كنت في البلكونة ومش سامعة،، اومال فين خالتي مجتش معاك ليه

تعبانة والله يا هند.. تعبت بعد الفرح ونايمة في السرير

= الف سلامة عليها

" دخل قعد على الكنبة وانا روحت قعدت جنبه

بصي بقا عشان مكدبش عليكي.. امك اتصلت ب امي وقالتلها على اللي حصل

= وهو ايه اللي حصل؟

امك شايفاكي مش مبسوطة يا هند

= عادي يا جماعة في ايه.. محصلش حاجة لكل دا

طب قوليلي هو عمل حاجة تزعلك؟

= مش عارفة يا بودي.. بص اللي هقوله دا متقولوش لحد،، مروان امبارح كان غريب أوي،، تصدق انه شت*مني وضر*بني

دا اتجنن دا ولا ايه؟

= اه والله.. كان كويس معايا وفجأة لقيته عمل كدا وبدون سبب

لا دا لازم حد يكلمه.. هو فاكر انك معندكيش رجالة ترد عليه ولا ايه

= عشان خاطري يا بودي بلاش.. انا مش عايزة الموضوع يكبر،، هو اكيد حصل حاجة ضايقته بس ايه هي الحاجة دي نفسي اعرف

وهو عشان مضايق يضر*بك يا هند.. أنتي بتهزري؟

= انا منمتش من امبارح.. مش عارفة انام من التفكير

طب سبيلي انا الموضوع دا

= هتعمل ايه؟

هتصرف انا ملكيش دعوة

= عشان خاطري يا بودي بلاش حد يعرف

متقلقيش

" فجأه لقيت باب الشقة اتفتح و مروان دخل 

هو الواد دا بيعمل ايه هنا؟

= عادي يا مروان.. ابن خالتي وجاي يطمن عليا

ازاي يدخل البيت وانا مش موجود

" كنت لسة هرد ولكن بودي رد مكاني

وفيها ايه يا مروان انا وهند اخوات و اظن انت عارف دا

= بس هند دلوقتي متجوزة يا حبيبي يعني مينفعش تدخل الشقة و راجل البيت مش موجود

انا كنت فاكر اننا بقينا اهل يعني

= طبعا اهل بس دي اصول 

معاك حق.. بس برضو كويس اني جيت النهاردة عشان اشوف اللي انت عملته مع هند

= عملت ايه

انت ضر*بت هند ليه؟

= بص والله انا،،، ايه دا انت مالك اصلا

مالي ازاي يا مروان،، هند دي أختي لو مش هتعرف تحافظ عليها وتشيلها جوا عينك يبقا تطلقها

= اطلقها!! 

اه تطلقها،، انت أساسا مكنتش تحلم تتجوزها 

" لقيته فجأه قرب مني وضر*بني بالبوكس.. وقعت على الأرض بعدها هند جريت عليه

انت ايه اللي بتعمله دا؟

= والله العظيم مش انا.. انا معملتش كدا

" لكن قرب مني تاني وكمل ضر*ب لحد ما حسيت ب د*م بينزل من وشي.. هند كانت بتصرخ

سيبه يا مروان عشان خاطري

" بعدها قام وقف وهو مستغرب و باصص لنفسه و ل ايده بعدها بص ل هند اللي اتكلمت وقالت

لا انت مبقتش طبيعي.. انت اكيد مجنون

= صدقيني يا هند انا معملتش كدا.. انا مش قاصد اعمل دا والله

طلقني يا مروان!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

هو الواد دا بيعمل ايه هنا؟

= عادي يا مروان.. ابن خالتي وجاي يطمن عليا

وازاي يدخل البيت وانا مش موجود

" كنت لسة هرد ولكن بودي رد مكاني

وفيها ايه يا مروان انا وهند اخوات و اظن انت عارف دا

= بس هند دلوقتي متجوزة يا حبيبي يعني مينفعش تدخل الشقة و راجل البيت مش موجود

انا كنت فاكر اننا بقينا اهل يعني

= طبعا اهل بس دي اصول 

معاك حق.. بس برضو كويس اني جيت النهاردة عشان اشوف اللي انت عملته مع هند

= عملت ايه

انت ضر*بت هند ليه؟

= بص والله انا،،، ايه دا انت مالك اصلا

مالي ازاي يا مروان،، هند دي أختي لو مش هتعرف تحافظ عليها وتشيلها جوا عينك يبقا تطلقها

= اطلقها!! 

اه تطلقها،، انت أساسا مكنتش تحلم تتجوزها 

" لقيته فجأه قرب مني وضر*بني بالبوكس.. وقعت على الأرض بعدها هند جريت عليه

انت ايه اللي بتعمله دا؟

= والله العظيم مش انا.. انا معملتش كدا

" لكن قرب مني تاني وكمل ضر*ب لحد ما حسيت ب د*م بينزل من وشي.. هند كانت بتصرخ

سيبه يا مروان عشان خاطري

" بعدها قام وقف وهو مستغرب و باصص لنفسه و ل ايده بعدها بص ل هند اللي اتكلمت وقالت

لا انت مبقتش طبيعي.. انت اكيد مجنون

= صدقيني يا هند انا معملتش كدا.. انا مش قاصد اعمل دا والله

طلقني يا مروان

= اطلقك!!

" كان بيقولها وهو مصدوم وكأنه مش مصدق اني قولتها،، لكن فجأه الصدمة دي اختفت ولقيته ابتسم ابتسامة مخيفة وفي لحظة كان ضا*ربني بالقلم وقال بأعلى صوته

هو انتي فاكرة نفسك متجوزة عيل طري زي ابن خالتك دا.. يلا ادخلي جوا ولو لمحتك برا الأوضة هك*سر رجلك،، يلا يا بنت الكل*

" جريت بسرعة من قدامه ولكن فضلت واقفة مدخلتش،، حاولت استخبى ورا الحيطة عشان اشوفو هيعمل ايه ولقيته مسك بودي لحد ما خلاه يقف

اما انت لو لمحتك هنا تاني هد*فنك مكانك،، فهمت يالاا؟

" بودي مشي من قدامه وخرج برا الشقة و انا دخلت جوا الأوضة بسرعة.. عيوني دمعت،، انا مبقتش فاهمة هو بيعمل كدا ليه دا كأنه اتبدل،، دا مستحيل يكون مروان اللي انا حبيته.. مروان مش كدا وعمره ما كان طبعه العدوا*نية دي،، انا حاسة انه كان بيخدعني طول الفترة دي،، لقيت باب الأوضة اتفتح و مروان دخل وقعد على ركبته قدامي

انا لو فضلت احلفلك واقولك مش انا اللي بعمل كل دا هتصدقيني؟،، يا هند أنتي عارفاني كويس،، انا مش كدا تماما و دا مش طبعي 

" لقيته رفع وشي ل فوق عشان ابصله بعدها مسح دموعي

دموعك دي غالية عليا أوي،، انا مستحملش اشوفها بتنزل،، انا اسف 

= انت مش مروان اللي انا اعرفه.. انا حاسة اني اتجوزت حد تاني

يا هند مش انا،، والله مش انا،، انا فجأه بعمل الحاجات دى لا إرادي

= هو انا هبلة عشان اصدق كلامك دا؟

هو دا اللي بيحصل والله انا مش بكدب عليكي

= ايه اللي يثبتلي ان كلامك صح؟

معرفش بس الشقة دي فيها حاجة غلط.. احنا من ساعة ما دخلناها واحنا علطول في خناقات

= قصدك ان العيب في الشقة يعني،، لا يا مروان العيب فيك انت،، انت اللي اتغيرت ولو فضلت بالطريقة دي صدقني انا هطلب الطلاق

" قومت وسيبته وخرجت من الأوضة،، جزء مني عايز يصدقه وجزء تاني اكبر رافض دا او شايف ان مروان نفسه فيه حاجة غلط.. دايما بسمع عن تغييرات ما بعد الجواز بس اول مرة اكتشف انها بدري أوي كدا لكن لا اكيد في حاجة غلط.. 

#بقلم : #عمرو راشد

" فتحنا باب الشقة و دخلنا.. روحت قعدت على الكنبة،، مكنتش قادر اتحرك،، امي جات قعدت جنبي 

عجبك اللي انا فيه دلوقتي دا؟

= كله عشان خاطرك يا حبيبي معلش

ايده تقيلة اوي يا ماما،، انا مكنتش متخيل الموضوع هيكون صعب كدا

= يا حبيبي ماهو احنا كان لازم نعمل كدا عشان نقلب الكفة لصالحك واهي الحمدلله بدأت تميل

انا كنت خايف يشوفك و انتي برا على السلم

= عيب عليك يا واد بس فكرة المكالمة دي فكرة صا*يعة اوي عشان ابقا سامعة بتقولو ايه

وانتي ما شاء الله عليكي كنتي بتعملي رد الفعل في الوقت المناسب بالظبط 

= طبعا

" كملنا ضحك طول الليلة دي،، ومن هنا كانت دي البداية،، كنا كل يوم نطمن على هند وبعد ما نقفل معاها ونعرف اخر اخبارها نستخدم العروسة و طبعا انتو عارفين كان بيحصل ايه،، وفي مرات كتير كان دا اللي بيحصل

ايوا يا بودي معلش انا مش هعرف اروح معاكو الفرح اصل مروان مش موافق.. مش مشكلة خلاص روحو انت وخالتي وابقا احكيلي 

" قفلت معاها وبصيت ل امي اللي كانت قاعدة جنبي

موافقش صح؟

= اه

طيب تمام

" لقيتها جابت العروسة و قالت 

سيب هند تروح الفرح يا مروان 

" وفعلا بعد 5 دقايق لقيت هند بتتصل وقالتلي

مروان وافق يا بودي.. شكله محبش يزعلني،، انا هلبس وجاية حالا

" كنت مبسوط اوي و انا حاسس بالانتصار عليه لحد اخر لحظة.. مبسوط وانا عارف اسيطر عليه بالشكل دا،، ومبسوط اكتر عشان لحد دلوقتي هو لسة ملمسش هند و طبعا كله بفضل العروسة،، هما حاليا بقالهم شهر ونص متجوزين ولسة ملمسهاش ومش هخليه يلمسها لحد ما اطلقها منه و دا قريب أوي هيحصل

" كنت نازلة اشتري شوية طلبات من السوبر ماركت،، رجعت لقيت نور الشقة كله مطفي.. شغلت كشاف التليفون و دخلت لقيت مروان واقف في نص الصالة ووراه السفرة عليها اكل وشموع،، المفروض انه في الشغل دلوقتي

ايه دا،، انت رجعت امتا؟

= من بدري

بدري ازاي يعني.. انا سايبة البيت من ساعة بالظبط،، لحقت تعمل دا كله امتا و رجعت امتا أصلا

= مش مهم.. المهم اني عملت دا كله عشانك أنتي

" رديت ب دلع

وبمناسبة ايه بقا

= حسيت اني مزعلك كتير الفترة الاخيرة فكان لازم اصالحك،، دلوقتي ممكن تدخلي تغيري هدومك وتيجي

" مشيت وانا مستغربة من هدوئه و الطريقة اللي بيتكلم بيها.. بقاله كتير مش بيتعامل بالطريقة دي لكن سمعت كلامه و دخلت خدت دش الاول بعدها خرجت ولبست طقم قطعتين وعليه روب شفاف وخرجت.. اول ما شافني قرب مني ومسك ايدي وبا*سها

شكلك حلو أوي النهاردة

= عادي يعني مفيش فيا حاجة اتغيرت

بالعكس دي احلى مرة شايفك فيها

= بجد

طبعا

" قعدنا على السفرة.. وهو كان قاعد قدامي باصصلي ومش بيتكلم،، اتكلمت انا ب استغراب

قولي بقا انت ايه حكايتك.. ساعات تبقا حنين و رومانسي وساعات تبقا شخص تاني.. انت جننتني معاك على فكرة

= من النهاردة هبقا اللي أنتي عايزاه وبس.. انا اعمل اي حاجة عشان بس تكوني راضية عني ومبسوطة.. هو انا اصلا عايش حياتي ليه،، ماهو عشانك يا هند،، عشان اخليكي تعيشي اسعد ايام حياتك

انا مش محتاجة حاجة طول ما انت معايا.. انا عايزة اكتفي بيك انت وبس يا مروان،، مش عايزة غيرك من الدنيا

= متقوليش كدا،، لسة في أحلام كتير عايزين نحققها سوا

انا حلمي الوحيد اتحقق خلاص وبقيت معاك

" قام من مكانه وشالني و دخل بيا الأوضة وقفل الباب،، صحيت تاني يوم لقيت نفسي في حضنه،، قربت منه و بو*سته 

مروان اصحا..  يا مروان

" فتح عينه ببطئ وابتسم وقالي

صباح الخير يا حبيبتي

= صباح النور يا قلبي،، يلا بقا اصحا انت وحشتني أوي

ايه الرضا دا كله.. باين مزاجك رايق النهاردة

= وميكونش رايق ليه بعد اللي انت عملته

عملت ايه؟

= الشموع والأكل ولما دخلنا الأوضة

شموع ايه و اكل ايه،، انا رجعت امبارح نمت اصلا ومحستش بيكي

= نمت ازاي يا حبيبي.. بقولك انت كنت قاعد معايا امبارح.. مروان احنا دخلتنا كانت امبارح لو فاكر

انا مش فاكر اي حاجة من الكلام دا،، انا امبارح رجعت ملقتكيش في البيت،، غيرت هدومي ونمت وبس كدا

" اتعدلت من مكاني ورديت عليه وأنا مصدومة

= نمت ازاي،، اومال مين اللي كان معايا امبارح دا!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

نمت ازاي يا حبيبي.. بقولك انت كنت قاعد معايا امبارح.. مروان احنا دخلتنا كانت امبارح لو فاكر

= انا مش فاكر اي حاجة من الكلام دا،، انا امبارح رجعت ملقتكيش في البيت،، غيرت هدومي ونمت وبس كدا

" اتعدلت من مكاني ورديت عليه وأنا مصدومة

= نمت ازاي،، اومال مين اللي كان معايا امبارح دا

انتي متأكدة اصلا من اللي بتقوليه دا ولا شكلك كنتي بتحلمي

= ماهو انا اكيد مش مجنونة عشان معرفش افرق بين الحلم و الحقيقة.. انت امبارح كنت معايا وكنت شايفاك زي ما شايفاك دلوقتي كدا ولمستك كمان،، انا مش فاهمة ازاي انت مش فاكر

عشان انا فعلا مش فاكر اي حاجة من دي

= مروان متجننيش.. انت عايز تفهمني ان دي حاجة ممكن تتنسي عادي

لا مش عادي بس ساعات لما بيكون نفسنا في حاجة معينة ومش عارفين نعملها أو نحققها بنتخيل انها حصلتلنا فعلا بس عن طريق العالم الافتراضي اللي بيكون في دماغك زي تهيؤات كدا

= اه يعني عايز تقول اني مجنونة؟

يا حبيبتي مقصدش بس..

= طب قوم معايا بقا لو سمحت عشان اثبتلك اني مش مجنونة.. الاكل والتجهيزات اللي انت كنت عاملها امبارح اكيد لسة موجودة زي ما هي.. تعالى معايا

" قومت بسرعة وشديته من ايده وخرجنا برا الأوضة وانا بشاورله على السفرة والحاجات اللي كانت عليها

بص بقا اهو زي ما قو....

" المفاجأه ان مكنش في اي حاجة على السفرة ولا اطباق الاكل ولا الشموع.. جريت على المطبخ بسرعة لكن برضو ملقتش حاجة،، رجعت وفضلت واقفة جنبه لحد ما لمحت الشموع اللي كانت موجودة امبارح.. كانت جنب التليفزيون،، روحت جبتها 

اهو بص هي دي اللي انت كنت حاططها على السفرة امبارح

= بس يا حبيبتي الشمعة دي مفيهاش ريحة اي نار

يعني ايه

= يعني عمرنا ما استعملناها أصلا،، زي ما قولتلك يا حبيبتي انتي جايز كنتي بتحلمي

يا مروان والله لا كل دا حصل بجد

= طيب نتكلم في الموضوع دا لما ارجع عشان متأخرش

" دخل و اخد دش بعدها خرج لبس هدومه ونزل،، وانا كل دا قاعدة في مكاني في الصالة متحركتش،، ماهو اكيد انا مش مجنونة و مروان معندوش زهايمر عشان ينسا كل اللي حصل دا وبعدين لو هو زهايمر فعلا مكنش قال انه رجع نام.. كان المفروض ميفتكرش حاجة اصلا،، يارب هو انا كل ما اقول أنها هتتحل ترجع تتعقد اكتر،، حاولت انسا وقومت فطرت وبعدها بدأت احضر الغدا عقبال ما مروان يرجع من الشغل،، خرجت استريح شوية لقيت خالتي بتكلمني

خلاص عشان اتجوزتي نسيتي خالتك

= وانا اقدر برضو يا قمر انتي

ماهو باين عشان كدا حتى مبتتصليش تسألي عليا

= حقك عليا يا حبيبتي بس كنت مشغولة شوية اليومين اللي فاتو دول

خير في حاجة ولا ايه؟

لا بس انتي عارفة بقا الجواز و مسؤولياته

= هو انتي لحقتي يا هند؟،، دا انتي بقالك شهرين

ماهو شهرين مش قليل برضو يا خالتو

= طب والبيه بتاعك عامل معاكي ايه

مروان كويس والله.. كلنا كويسين الحمدلله

= طب ما تيجي تقعدي معايا شوية

معلش يا خالتو والله مش هينفع النهاردة خليها يوم تاني

= اه ماهو جوزك هيمنعك عننا بقا

والله لا بس..

= مفيش بس،، كلميه وقوليله وتعالي،، انا مستنياكي

" قفلت معاها وفعلا كلمت مروان وطبعا كان الرد بتاعه معروف

لا يا هند.. انا قولت مش هتروحي هناك غير وانا معاكي أو لما ابن خالتك ميكونش هناك غير كدا لا

" رجعت اتصلت بيها تاني

شوفتي قولتلك مش هيوافق،، انا عارفة مروان كويس

= هو ايه مالو.. هو بيغير مننا ولا ايه؟

لا عادي بس هو بيحبني اقعد في البيت يعني

= خلاص يا حبيبتي مش مشكلة،، لما يوافق ابقي تعالي

" مجرد ما قفلت معاها لقيت بودي جاي يجري وقعد جنبي

هااا جاية ؟

= لا.. الزفت بتاعها موافقش

انا مش فاهم هو بيرفض ليه

= سيبه خليه يرفض براحته.. اصل دا نوع من الرجالة مبيحبش ييجي بالذوق،، قوم هاتلي العروسة من جوا

" قام دخل الأوضة وجاب العروسة وخرج.. مسكتها وعملت زي ما بعمل كل مرة واستنيتها تتصل زي كل مرة برضو.. دقيقة واتنين وتلاتة وخمسة لحد ما عدا ساعة ومفيش أي حاجة حصلت،، بصيت ل بودي بإستغراب

هو في ايه؟

= جايز يكون وافق بس هي مشغولة

وهي من امتا هند بتنشغل عننا.. طول عمرها حتى لو مشغولة بتسيب اللي في ايدها وبتيجي عندنا

= طب ما تتصلي تشوفيها

لا مقدرش.. ممكن تشك

= هتشك ف ايه بس،، جربي يا ماما مش هيحصل حاجة 

" سمعت كلامه و اتصلت فعلا ب هند

ايوا يا خالتو

= ايه يا حبيبة خالتو.. انا قولت اطمن يمكن يكون غير رأيه زي كل مرة

" كنت بضحك وانا بتكلم عشان متاخدش بالها من اي حاجة.. ردت هي كمان وهي بتضحك

لا متصلش والله يا خالتو

= ماشي يا حبيبتي.. ابقي استأذني منه تاني لما يرجع وتعالي

" قفلت وبصيت ل بودي بقلق

مروان مكلمهاش

= يعني ايه بقا

مش عارفة.. جايز تكون صدفة

= صدفة ايه يا ماما هي اول مرة نستخدمها ولا ايه

قصدك المفعول راح يعني

= يا ماما دا سحر مش مضاد حيوي،، مستحيل موضوع ان مفعوله يروح دا

انا كدا بدأت اقلق

= طب هنعمل ايه؟

لازم اروح للشيخ

" الساعة كانت 8 بليل ولقيت مروان داخل من باب الشقة.. جريت عليه وحضنته

حمدالله على سلامتك يا زوجي العزيز

= الله يسلمك يا احلى و احن زوجة في الدنيا

احضرلك الاكل

= ياريت عشان جعان جدا

عقبال ما تغير هدومك اكون انا جهزت الاكل

" دخلت المطبخ وبدأت احضر الاكل وحطيته على السفرة بعدها مروان خرج وقعدنا ناكل،، كان باين عليه انه تعبان جدا ومش قادر حتى يفتح عينه،، كلامه كان قليل دا اذا كان اتكلم اصلا،، وبمجرد ما خلص اكل دخل ينام علطول،، دخلت حطيت الاطباق في المطبخ وغسلتهم.. بعدها دخلت خدت دش وغيرت هدومي ووقفت قدام المراية شوية.. كنت بتأمل ملامحي وشكلي،، بين كل فترة والتانية بحب اعمل كدا عشان اشوف مدى تأثير الفترة دي عليا كان ايه،، خلصت ولسة ببص ورايا لقيت مروان واقف.. اتخضيت 

انا كنت لسة سايباك نايم في الأوضة،، صحيت امتا؟

= دلوقتي

وصحيت ليه؟

= عشانك

عشاني؟

= اه عشانك يا هند

كنت جاي شكلك تعبان أوي

= حتى لو تعبان دا ميمنعش اني اقعد معاكي شوية

غريبة يعني

= ايه الغريب فيها؟

اصلك عمرك ما عملتها

= لا من النهاردة هعمل كتير متقلقيش

ايوا وتصحا الصبح مش فاكر صح

= عادي يا هند انا ساعات بنسا شوية حاجات كدا

حتى الحاجات اللي ما بينا

= دي محفورة في قلبي عشان كدا عمري ما انساها،، استني دقيقة وجاي

" دخل الأوضة وبعدها بثواني لقيته خرج و جايب في ايده حاجة بس مخبيها ورا ضهره،، ابتسمت وقولت

ايه دا؟

= غمضي عينك

" غمضت عيني فعلا بعدها حسيت ب ايده على رقبتي

ايه رأيك؟

" فتحت عيني،، كانت سلسلة على شكل فراشة كان شكلها حلو أوي ،، لبستها حضنته

بحبك أوي يا مروان

= انا كمان بحبك أكتر يا روح قلب مروان

#بقلم : #عمرو راشد

" قضينا الليلة دي كمان مع بعض.. صحيت تاني يوم ملقتوش جنبي.. اتصلت بيه

ايه يا حبيبي انت فين ؟

= في الشغل

بدري كدا!!،، دا انت نازل حتى قبل معادك

= يا حبيبتي قولتلك امبارح اني هصحا بدري اومال انا دخلت نمت بسرعة ليه

ما انت صحيت تاني يا حبيبي

= صحيت امتا دا ؟

بعدها صحيت وقعدنا مع بعض

= لا محصلش

محصلش!!،، تاني يا مروان!!!

= طب بقولك ايه يا حبيبتي.. خلينا نتكلم لما ارجع

" قفلت معاه وقومت من السرير،، هو في ايه،، هو ازاي بينسا كل حاجة كدا،، بس لا دا مش كل حاجة،، هو بينسا حاجات معينة،، حاجات مينفعش تتنسي.. انا بجد هتجنن،، فضلت قاعدة افكر في الموضوع لاني مش عارفة اتجاهله زي امبارح لان بالشكل دا اكيد في حاجة غلط،، في الوقت دا كانت خالتي بتتصل،، تجاهلت كل مكالماتها لاني مكنتش قادرة ارد على اي حد،، بالعافية قدرت اقوم احضر الغدا لحد ما يرجع مروان وافهم منه اللي بيحصل دا ايه.. كانت برضو خالتي لسة بتتصل و برضو انا مردتش عليها لحد ما الوقت جري وبقت الساعة 6 ونص ولقيت مروان رجع،، دخل و بص ليا باستغراب

اول مرة متجيش تستقبليني يعني

= لا عادي 

" جه وقعد جنبي

مالك يا نودي فيكي ايه

= مش فاهماك بصراحة يا مروان

مش فاهمة ايه يا حبيبتي

= هو امبارح حصل ايه بينا

محصلش حاجة.. انا رجعت من الشغل و كلت ونمت

= ماشي وبعدين

بعدين ايه بقولك نمت

= لا يا مروان انت صحيت بعدها

لا مش فاكر حاجة زي كدا

= انا فاكرة.. انت صحيت بأمارة لما كنت واقفة قدام المراية

يا حبيبتي هصحا ازاي وانا اساسا راجع مش قادر اقف من كتر التعب

= طب فاكر الهدية؟

هدية؟؟؟

" لما بصيت على رقبتي ملقتش السلسلة 

ايوا انت جبتلي سلسلة امبارح هدية

= هند انتي بتتكلمي عن حد تاني.. دا اكيد مش انا

" قومت من مكاني وصوتي بدأ يعلى

لا ماهو انا مش مجنونة.. انا متأكدة من كل كلمة انا بقولها

" مروان قام ومسك ايدي

طب اهدي،، ممكن تقوليلي هي فين الهدية دي؟

" جريت على الأوضة وبدأت ادور في كل مكان.. كنت عاملة زي المجنونة،، لحد ما لقيت العلبة اللي كان فيها السلسلة.. مسكتها ولثواني حسيت بإنتصار.. بصيت ورايا 

اهي يا مروان.  اتفضل عشان تعرف اني مش مجنونة،، انا قولتلك شكلك انت اللي جالك زهايمر بدري

" كنت بضحك ولكن مكملتش الضحكة لاني سمعته بيقول

والوصل اهو موجود كمان بس الوصل مكتوب بإسمك يا هند،، انتي اللي اشتريتي السلسلة دي؟

" رديت وانا في حالة ذهول تام

ازاي؟؟

= شوفي بنفسك

" مسكت الوصل وقعدت على السرير.. فعلا اسمي مكتوب،، بس يعني ايه،، مروان قعد جنبي وطبطب عليا وقالي

حبيبتي احنا لازم نروح ل دكتور

" بصيتله وانا مش قادرة انطق.. مش عارفة اتكلم،، مش عارفة اقول ايه

أنتي بقالك يومين فيكي حاجة مش مظبوطة.. من رأيي نروح ل دكتور عشان لو في مشكلة نلحق نحلها

" رديت عليه والدموع نازلة من عيني

بس انا مش مجنونة يا ممروان

" خدني في حضنه وطبطب عليا

انتي ست العاقلين،، قط*ع لسان اللي يقول عليكي غير كدا.. احنا بس هنروح نطمن عليكي ومش عايزك تقلقي ولا تخافي من اي حاجة،، انا جنبك

" في اللحظة دي مكنش عندي اي حل غير اني انام وفعلا نمت وهو نام جنبي و اخدني في حضنه.. صحيت كانت الساعة 12 بليل.. قومت بهدوء وخرجت برا.. مسكت التليفون لقيت اكتر من 25 مكالمة من خالتي.. كنت لسة هتصل بيها لكن هي رنت تاني و التليفون في ايدي،، رديت عليها

ايوا يا خالتو

= هند انتي كويسة يا حبيبتي؟

" صوتها كان مرعوب جدا 

ايوا كويسة يا خالتو،، معلش انا كنت نايمة مسمعتش التليفون

= أنتي لوحدك؟

لا مروان معايا بس نايم جوا،، هو في حاجة ولا ايه قلقتيني؟

= طب البسي اي حاجة وتعالي حالا

البس ايه و آاجي ازاي يا خالتو.. الساعة 1 بليل،، قوليلي بس في ايه؟

= يا هند اللي معاكي في البيت دا مش مروان

" في نفس اللحظة لمحت خيال واقف ورايا.. بصيت بسرعة لقيت مروان واقف ومبتسم

بتكلمي مين يا هند؟

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

يا هند اللي معاكي في البيت دا مش مروان جوزك

= مش مروان ازاي يعني،، اومال مين اللي معايا دا؟

" في نفس اللحظة لمحت خيال واقف ورايا،، بصيت بسرعة لقيته واقف ومبتسم وقالي

بتكلمي مين يا هند؟

" اتسمرت في مكاني معرفتش اتحرك ولا انطق وكأن الكلام طار من على لساني.. كان هو لسة واقف وبنفس الابتسامة وقرب مني و مسح على شعري بحنية وقال

مالك يا حبيبتي ؟،، اتخضيتي ولا ايه؟

" حركت راسي وقولت

اه اصل انا محستش بيك وانت جاي

= انا قومت من النوم ملقتكيش جنبي ف قولت اقوم اطمن عليكي

انا كويسة بس كنت بكلم ماما

" لقيته بص على التليفون اللي في ايدي وبعدها بص ليا وابتسم أكتر

طب سلميلي عليها كتير 

" بعدها مشي و دخل الأوضة،، مشيت وراه بهدوء لحد ما شوفته وهو بيروح وينام على السرير بعدها خرجت للصالة تاني و اتصلت ب خالتي

في ايه يا خالتي،، ايه الكلام اللي أنتي قولتيه دا؟

= اسمعي الكلام يا هند وتعالي،، الحقي نفسك

طب فهميني،، مالو مروان؟

= هفهمك لما تجيلي،، مينفعش في التليفون

انا مش هعرف انزل دلوقتي يا خالتو

= يبقا بكرا،، مجرد ما الشمس تطلع تلبسي وتيجي 

انا خايفة

= متخافيش يا حبيبتي.. شغلي قرآن لحد الصبح و ان شاء الله مفيش حاجة هتحصل

" قفلت معاها وقومت دخلت اوضتي ولسة بقفل باب الأوضة لقيت بودي دخل

حصل ايه؟،، هتيجي؟

= الصبح 

انا مش فاهم ليه انتي رافضة اروح اجيبها انا؟

= انت عايز تروح هناك لوحدك،، لا طبعا اخاف عليك

يا ماما هيحصل ايه يعني

= يا حبيبي اللي هناك دا مش بشر زينا يعني الله أعلم ممكن يعمل فيك ايه

هو الشيخ قالك ايه بالظبط؟

فلاش بااك

الحقني يا شيخ قاسم

= في ايه يا صفاء،، حصل ايه؟

العروسة مبتنفذش الأوامر اللي بطلبها منها

" لقيته اتنفض من مكانه و زعق بأعلى صوته

يا نهارك أسود،، هو انا مش محذرك وقولتلك متستعمليش العروسة كتير

= هو دا معناه ايه يا عم الشيخ؟

" غمض عينه وسكت شوية وبدأ يهمهم بكلام مش مفهوم بعدها فتح عينه

اللي كان موجود في العروسة خرج يا صفاء

= هو ايه اللي كان موجود؟

وهو أنتي فاكرة العروسة دي كان جواها،، جن بيتحكم في الشخص اللي المفروض بنتحكم فيه و بيبدأ يسيطر عليه وعشان كدا مروان كان بينفذ اي حاجة مطلوبة منه ولكن لما الطلبات بتزيد بيبدأ الجن يتشكل في هيئة مروان نفسه ومع الوقت هيبدأ يتحكم في مروان أكتر لحد ما يسيطر عليه بشكل كامل ويسيطر عليه للابد 

= وايه الحل يا شيخنا،، هو كدا في خطر على بنت اختي؟

اللي عرفته ان هارون بيعشقها و دا هيسبب خطر كبير أوي على بنت أختك ولو اتمكن منها محدش هيقدر يمنعه عنها

= براحة عليا انا مش فاهمة حاجة،، مين هارون دا

اللي موجود جوا مروان اسمه هارون.. هارون بيعشق بنت اختك يا صفاء،، لازم هند تسيب البيت في اسرع وقت

 = و مروان.. ماهو اكيد هييجي ورانا

انا هتعامل معاه ولكن لازم هند تبعد عنه في اسرع وقت لأنه خطر عليها

باااك

يعني ايه هيتعامل معاه،، هيقضي عليه يعني

= معرفش يا بودي،، انا دماغي كانت فين وانا بعمل كدا بس،، يارب يحفظك يا بنتي 

متقلقيش يا ماما،، احنا مش هنسيبها 

" طول الليل وأنا قاعدة برا في الصالة.. معرفتش ادخل الأوضة ولا حتى اقرب منها،، قاعدة بفكر في كلام خالتي،، يعني ايه دا مش مروان جوزي،، انا كنت حاسة ان في حاجة غلط بس مش عارفة ايه هي،، اصل ايه اللي هيغير مروان في يوم وليلة،، الشمس طلعت والساعة بقت 6 الصبح ولقيت مروان صحي من النوم،، جه قعد جنبي وبص ليا باستغراب

ايه دا أنتي ايه اللي مصحيكي بدري؟

= عادي قلقت

اصلها اول مرة تحصل يعني

= عادي يا مروان في ايه يعني

خلاص يا هند اهدي،، انا كنت بسأل مش اكتر

" قام دخل الحمام بعدها لبس هدومه ونزل،، كنت لسة هجري و اروح البس عشان انزل لكن فكرت شوية،، سواء هو مروان او لا فهو معملش ليا اي حاجة وحشة بالعكس دا كان بيصلح علاقته بيا وجابلي هدية وبيعملي مفاجأت يعني دا معناه انه كويس يعني،، فيها ايه لو استنيت وحاولت افهم،، بس المشكلة اني خايفة لاني لوحدي،، بس ايا كان النتيجة انا لازم استنا

" حضرت الغدا زي كل يوم واستنيته لحد ما يرجع،، الساعة 5 لقيته رجع و دا كان بدري عن معاده،، حاولت اكون على طبيعتي 

حمدالله على سلامتك يا مروان

" كان شكله مرهق جدا و رد عليا بالعافية

الله يسلمك

" بعدها دخل علطول أوضة النوم و اترما على السرير

حبيبي انت مش هتاكل؟

" مردش عليا لأنه كان نام خلاص،، خرجت برا وفضلت قاعدة لحد ما تقريبا عدا ساعة بالظبط ولقيته قام وخرج وجه قعد على ركبته قدامي وقال وهو مبتسم

وحشتيني

" نظرة الحب اللي كانت في عنيه كفيلة تخليني انسا اي حاجة.. رديت عليه وأنا مبتسمة

وانت كمان وحشتني

= متأكدة يا هند

متأكدة اه 

= طب انا نازل 

رايح فين

= مشوار صغير و راجع

ماشي

= لما ارجع هنكمل كلامنا

مستنياك

" معرفش جبت الجرأه دي منين لكن انا مش حاسة اني قلقانة او خايفة،، ولسة عايزة افهم أكتر

#بقلم : #عمرو راشد

" كنا قاعدين بنشرب الشاي انا وامي وبنتكلم وفجأة الباب خبط،، قومت اشوف مين،، بصيت من العين السحرية لقيته مروان،، جريت بسرعة على امي وأنا مخضوض وخايف

دا مروان،، اعمل ايه

= حاول متبينش حاجة قدامه بس روح افتح بسرعة،، اتعامل عادي هااا

" روحت وفتحتله،، كان باصص في الارض بعدها رفع عينه وبص ليا و ابتسم

ازيك يا بودي

" رديت وانا متوتر 

الحمدلله

= مش هتقولي اتفضل ولا ايه؟

اه طبعا اتفضل

" دخل وأنا دخلت وراه وقفلت الباب،، دخلنا جوا و امي قامت ترحب بيه

اهلا يا حبيبي،، والله دي احلى مفاجأه 

= بجد عجبتك

اوي يا حبيبي والله،، اومال فين هند

= ماهو انا جاي عشان كدا

انتو متخانقين ولا ايه؟

= لا ومش هنتخانق بس هيكون احسنلك لو متكلمتيش تاني في حاجة متخصكيش يا صفاء

صفاء!!،، صفاء كدا من غير طنط ولا اي حاجة

= اممم يظهر انك مش فاهماني ولكني متأكد انك فاهمة وعارفة انا بتكلم عن ايه

لا مش فاهمة يا مروان،، انت عايز تقول ايه

" قام وقف وقالي

انتي فاهمة كويس،، بلاش تدخلي بيني وبين هند عشان متتأ*ذيش،، مفيش حد في الدنيا هيقدر ياخد مني هند،، انتي فاهمة ولا لا

" كان بيتكلم مع امي وهو بيزعق،، قومت انا وقفت وبكل جرأه قولتله 

هو انت فاكر اننا هنخاف منك ولا ايه،، ايا كان انت مين بقا عايز اقولك اننا مبنخافش ولا هاممنا كلامك اصلا

" فجأه ملامحه اتحولت 180 درجة ووشه كان غضبان جدا.. و مسكني من رقبتي وخن*قني لدرجة اني كنت متعلق في الهوا 

انا حذرت مرة ومش هكررها تاني.. هند بتاعتي ونصيحة مني قبل ما تحا*ربو عدو اعرفو مدى قوته الاول

" رماني على الأرض.. بدأت اتنفس من تاني،، امي جريت عليا و حضنتني،، أما مروان فهو مشي وخرج من البيت

" كنت قاعدة ومستنية مروان لحد ما يرجع من برا،، لقيت تليفوني رن،، كانت خالتي

ايوا يا خالتو

= اهربي يا هند،، اهربي من عندك بسرعة،، مروان كان لسة عندنا و هد*دنا انه هيقت*لنا،، دا مش بشر يا هند،، اهربي يا بنتي بسرعة

" سمعت المكالمة وقفلت بسرعة وجريت على الأوضة غيرت هدومي بسرعة و خدت تليفوني و روحت عند باب الشقة وفتحته لكن اتصدمت لان مروان كان واقف قدامي،، اتخضيت و رجعت ل ورا خطوتين وهو دخل وقفل باب الشقة و ابتسم

رايحة فين؟

= مفيش انا كنت نازلة اجيب شوية طلبات

خليكي انتي،، انا هجيبهم

= لا انا عايزة انزل اشم هوا

ينفع ااجي معاكي؟

= معلش محتاجة اكون لوحدي

تمام يا نودي زي ما تحبي

" عنيه كان فيها نظرة شك،، حاولت اجمع قوتي وفي لحظة اتجرأت وسألته

فاكر احنا اتعرفنا على بعض ازاي يا مروان؟

= طبعا فاكر،، ايام الجامعة،، مدرج 5 ب

اممم صح،، طب فاكر اول هدية جبتهالي؟

= كان خاتم شوفتيه في محل دهب كان في المعادي 

بس انت عارف،، كل دا كوم وشهر العسل بتاعنا كوم تاني خالص

" قلبي كنت قادرة اسمع نبضاته من كتر سرعتها لأننا اساسا مروحناش شهر عسل،، لقيته ابتسم أكتر

لأ كدا انا مش هعرف اجاوبك سامحيني،، عشان احنا مروحناش شهر عسل 

" قرب مني أكتر وكانت لسة نظرة الشك موجودة في عنيه

انتي بتحاولي توقعيني يا هند؟

" رديت بإرتباك

لا خالص،، انا ممكن اكون اتلخبطت معلش

= متأكدة

الله في اي يا مروان؟

= بس انا مش مروان يا هند،، انا هارون!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

يا هند فوقي ابو*س ايدك.. ايه اللي حصلك بس؟

" فتحت عيني ببطئ لقيته قاعد جنبي.. اتفزعت وقومت من مكاني

ابعد عني متقربش مني،، ابعد

= حاضر بس اهدي

اطلع برا انا عايزة اقعد لوحدي

= طب قوليلي مالك بس يا حبيبتي

بقولك اطلع برا يا مروان بدل ما اسيبلك البيت و امشي

= خلاص انا خارج يا حبيبتي،، اهدي أنتي بس وهتبقي كويسة وانا هدخل كمان شوية اطمن عليكي

" خرج وقفل الباب وراه.. هو في ايه،، هو اللي انا كنت فيه دا حقيقة؟،، حقيقة صح مش حلم

فلاش باك

الله في ايه يا مروان؟

= بس انا مش مروان يا هند،، انا هارون واظن انتي عارفة كل حاجة بلاش نضحك على بعض

" ساعتها حسيت ان الدنيا كلها بتلف بيا و مستحملتش دقيقة كمان و اغمى علي ،، قبل ما افقد الوعي شوفته وهو داخل اوضة النوم ومن بعدها محستش بأي حاجة 

باااك

" طب اعمل ايه،، امشي ولا اخليني في البيت،، يعني هو أنا لو مشيت مش هيعرف يوصلي ماهو اكيد هيعرف،، يارب اتصرف ازاي،، انا مش عارفة افكر،، بصيت في الساعة لقيتها 1 بليل،، رجعت على السرير ونمت عليه ولكن كنت حاسة بكل حاجة،، الوقت عدا والنوم غلب عليا،، وشوفته تاني في الحلم

انا مش مروان يا هند،، انا هارون

" صحيت مفزوعة لقيت مروان واقف قدامي.. اول ما صحيت هو رجع ل ورا وقال بقلق

انا كنت داخل اطمن عليكي قبل ما انزل

" حاولت ابتسم 

انزل يا حبيبي روح على شغلك،، انا كويسة 

= طب تحبي اوصلك عند مامتك تقعدي عندها لحد ما ارجع او اكلمها هي تيجي تقعد معانا يومين

لا ملوش لازمة،، بلاش نقلقها

= طيب يا حبيبتي انا هحاول آاخد اجازة واقعد معاكي لحد ما تبقي كويسة

انا كويسة يا مروان مفيش حاجة،، اطمن 

" لما نزل انا قومت وخرجت قعدت برا بعد محاولات اني ارجع انام تاني ولكن معرفتش،، نمت على الكنبة والتليفزيون مفتوح قدامي وفضلت على الحال دا لحد اذان الضهر لحد ما لقيت رسالة من بودي

جوزك عندك؟

" استغربت من الرسالة ولكن رديت عليه

لا

" شافها ومردش لكن سمعت بعدها ب دقيقتين جرس الباب بيرن،، قومت افتح لقيته بودي ،، فتحتله وكان لسة هيدخل لكن رجع تاني ووقف برا

متأكدة انه مش هنا؟

= في ايه يا بودي،، قولتلك مروان نزل من بدري

" دخل وأنا قفلت الباب وراه و دخلت قعدت معاه على الكنبة

انتي ازاي جايلك قلب تقعدي معاه في بيت واحد

= قصدك مين

بلاش استعباط يا هند،، اللي معاكي دا مش مروان،، وعلى فكرة هو جالنا البيت امبارح وكان هيمو*تني وهد*دنا اننا نبعد عنك ومنحاولش نوقفه

= طب هو عايز ايه

عايزك أنتي طبعا

= هو قال كدا؟

ايوا قال،، اسمعي كلامي يا هند وقومي البسي وتعالي معايا لحد ما نشوف حل

= بس انا مش همشي يا بودي،، انا لازم اعرف هو عايز مني ايه،، اعرف هو جه منين أصلا

الفضول دا نهايته مش حلوة يا هند،، انا خايف عليكي

= هو لو كان عايز يأذ*يني يا بودي ماهو كان عملها،، تفتكر يعني هو هيخاف؟

برضو لازم تخافي

= بس هو ليه جالكو انتو،، اشمعنا انت وخالتي؟

مش عارف،، ممكن عشان حاولنا نحذرك منه 

= لا لا ثواني،، خالتي كلمتني من يومين وقالتلي اهرب لان مروان مش طبيعي،، هي عرفت منين بقا؟

" لقيته مش عارف يجمع الكلام و باين عليه انه عارف حاجة فعلا

انت مخبي عليا ايه يا بودي؟

= هخبي ايه يعني يا هند،، مش مخبي حاجة

لو انت فعلا خايف عليا قول في ايه انا معرفوش،، قولي عشان ابقا عارفة كل حاجة وساعتها اقدر أقرر هعمل ايه

= انا هحكيلك بس وحياه اي حاجة بينا ما تزعلي مننا

" بدأ يحكي وأنا قاعدة قدامه كأني مش موجودة او في عالم تاني،، مخي مش عارف يستوعب اللي بيقوله،، مصدومة لدرجة اني مش عارفة آاخد اي رد فعل

بتعملولي سحر،، طب ليه وعشان ايه،، كل دا عشان متجوزش مروان

= يا هند انا عارف ان اللي امي عملته غلط بس هي والله كانت عايزة تطمن عليكي،، مش عايزاكي تبعدي عننا عشان كدا كانت عايزانا نتجوز

ودا مبرر فعلا انها تكون عايزة تأذ*يني وتخر*ب حياتي،، تحول جوزي ل جن ولا عفريت ولا الله اعلم هو ايه أصلا وبعدها تقولي انها كانت عايزة مصلحتي،، انتو ازاي عملتو فيا كدا،، جالك قلب يا بودي تأذ*يني انا،، انا هند اللي متربيين سوا وعيشنا مع بعض وكبرنا مع بعض،، جالك قلب تأذ*يني؟؟؟؟ 

= انا والله ما كنت اعرف ان كل دا هيحصل،، انا اسف يا هند،، والله انا ما كنت عايز اعمل كدا أصلا،، انتي عارفاني كويس يا هند

كنت عارفاك لكن دلوقتي انت أكدتلي اني معرفش أي حاجة حتى عن اقرب الناس ليا

= طيب أنتي معاكي حق في كل اللي بتقوليه و معاكي حق تعملي اكتر من كدا كمان بس وحياه اي حاجة حلوة بينا خلينا نأجل ونشوف الكارثة اللي احنا فيها،، انا عارف انه صعب بس عشان خاطري أنتي لازم تقبلي

تخيل ان الناس اللي انا عيشت معاها عمري كله عايزة تأ*ذيني والشخص اللي مش من الدنيا أصلا ولا اعرف هو جاي منين كان بيحبني 

= عشان خاطري مش وقته الكلام دا،، عشان خاطري يا هند تعالي معانا للشيخ خلينا نعرف نعدي المشكلة اللي احنا فيها

" زعقت فيه وقومت وقفت

انا مش رايحة لأي حد ولا عايزة اعرفكو تاني،، انت فاهم ولا لا

= هنروح يا هند،، انا مش هسيبك تتأ*ذي بسببي،، هنروح وبعد ما المشكلة تخلص اعملي اللي أنتي عايزاه حتى لو هتضر*بيني بالنار انا موافق بس نعدي من المشكلة دي عشان خاطري يا هند،، خليني أحاول اصلح الغلط اللي انا عملته

#بقلم : #عمرو راشد

" كلامه كان مقنع وعشان كدا قررت اوافق و اروح معاه.. دخلت لبست ونزلنا روحنا عند الشيخ اللي بيقولو عليه.. كانت خالتي واقفة مستنية قدام باب البيت واول ما شافتني جريت عليا وكانت عايزة تحضني لكن انا بعدت عنها

ايه يا حبيبتي مالك انتي كويسة؟

= انا جيت بس عشان محتاجة افهم حاجات كتير لكن دا مش معناه اننا هنرجع زي الاول

نرجع زي الاول ازاي يعني؟

= اسألي ابنك

" دخلنا كلنا البيت وفضلنا قاعدين منتظرين دورنا،، كان في ناس كتيرة موجودة في المكان.. عدت ساعة لحد ما دخلنا جوا عنده،، كنت فاكرة اني هشوف راجل كبير و دقنه بيضا و لابس جلابية ولكن كل دا اتغير بمجرد ما شوفته لان شكله كان شخص عادي جدا زينا.. لابس بدلة دقنه خفيفة وشكله يبان انه محترم ومش زي الشيوخ التانية،، دخلنا واول ما شافني ابتسم وقالي

اتفضلي يا هند

" استغربت وسألته

انت عارف اسمي؟

= طبعا انا اعرف كل حاجة

وايه اللي انت تعرفه كمان؟

= السؤال ميبقاش كدا يا هند،، قصدك ايه اللي انتي عايزة تعرفيه كمان؟

انا مش عايزة اعرف حاجة

= يبقا انتي بتضحكي على نفسك،، لان مفيش سبب تاني انك تيجي هنا غير دا

وانت بقا دخلت جوايا وعرفت انا جاية هنا ليه؟

= من غير ما ادخل جواكي يا هند،، انا اعرف اشوف اللي قدامي كويس

وشايف ايه بقا؟

= شايف انك مش هادية ولحد دلوقتي مش مقررة هتعملي ايه،، متلخبطة بالإضافة كمان ان في اعجاب منك

اعجاب مني انا!!!

= هو دا اللي باين قدامي،، بصي يا بنتي انا هنصحك وانتي ليكي الحرية انك تسمعي نصيحتي او لا،، هارون مش سهل ومش بعيد يكون سامعنا دلوقتي اصلا،، هارون جرئ وجرأته دي هي اللي خلته يخرج من العروسة ويدخل في جوزك مروان،، والمفروض انه بيحبك،، والمفروض كمان ان قبيلته قلبت عليه وبيهاجموه،، نصيحة مني اهربي وسيبي البيت وخليني انا اتعامل معاه،، هارون لو اتمكن من جوزك مش هنعرف نسيطر عليه مهما عملنا

بس هو لحد دلوقتي معملش ليا اي حاجة وحشة

= ومش هيعمل لانه بيحبك بس اخر الحب دا ايه يا هند،، هتروحي تعيشي معاه في العالم ولا هو اللي يسيطر على جوزك ويعيش معاكي في العالم بتاعك وساعتها انتي تنسي مروان لانه مش هيرجع تاني

" عيوني دمعت وقولت

انا مش عارفة اعمل ايه،، انا حاسة اني بحبه

= صدقيني يا بنتي لو قبلتي بالوضع دا هتعيشي طول عمرك و أنتي ضميرك بيو*جعك على اللي هتعمليه في جوزك

بس هارون حاجة تانية.. هارون كان بيصلح اللي بيني وبين مروان،، هو مش عايز يأذ*ينا

= كونه انه يخرج من العروسة ويدخل في جوزك دا اكبر خطر ويثبتلك انه ممكن يعمل حاجات تانية كتير عشان كدا بقولك هو مش الشخص اللي أنتي بتشوفيه،، ويكون في علمك ان قبيلة هارون لو واحد منهم بس ظهرلك هيخلي حياتك جح*يم،، لأنهم اكيد مش هيسكتو وبعد ما هيزهقو من محاولاتهم مع هارون هينزلو على الأرض وهيظهرو ليكي

طب انا مطلوب مني اعمل ايه

= تهربي ومجرد ما هتخرجي من الشقة هدخل انا وبإذن الرحمن الموضوع هيخلص

وهارون؟

= هيتحرق

" مش عارفة دا طبيعي ولا لأ بس انا حسيت ان قلبي اتقبض مجرد ما سمعت الكلمة

دا مش حب يا هند،، اوعي تصدقي نفسك عشان لو صدقتي الله اعلم ايه اللي ممكن يحصل

" مشينا من عنده،، خالتي و بودي كانو بيتكلمو معايا بس انا في دنيا تانية تماما،، هو دا طبيعي اني اكون بحب جن ولا دا مش حب زي ما الشيخ قال،، ممكن اكون انا معجبة باللي بيعمله بس مش بيه هو،، والله ما عارفة،، انا محتارة أوي ومش عارفة اعمل ايه،، ركبت تاكسي و رجعت البيت،، طول الطريق وأنا بفكر لحد ما قررت اني لازم اتكلم معاه،، لازم اتكلم مع هارون،، رجعت البيت كانت الساعة 6 ونص،، دخلت جوا لقيت مروان نايم،، غيرت هدومي وخرجت قعدت برا في الصالة عدا ربع ساعة وحسيت باللي واقف ورايا وبيحط ايده على كتفي

هند

= كنت مستنياك

" جه وقعد قدامي

اظن انك عارفة كل حاجة دلوقتي

= ممكن افهم أنت عايز مني ايه؟

انا بحبك يا هند

= والحب دا اخرته ايه؟

انا لما حبيتك مفكرتش هيكون اخرته،، انا حبيتك من غير ما افكر في العواقب اللي ممكن تحصل ليا بسبب الحب دا،، انا الحب ممنوع في العالم بتاعي يا هند،، انا قبيلتي كلها غضبانة بسبب اني حبيت واحدة من الأرض ورغم دا انا لسة موجود معاكي عشان انا بجد بحبك،، انا اتحديت كتير صعبة ومستعد اتحدى اي حاجة عشانك انتي بس يا هند

" كلامه خلاني اتلخبط أكتر،، ضربات قلبي بدأت تزيد خصوصا لما مسك ايدي

انتي عايزاني امشي؟

" دموعي نزلت غصب عني لكن هو مسحهم وطبطب عليا

انتي غالية اوي يا هند ومقامك غالي عندي،، صعب عليا اشوف دموعك بتنزل 

= بس انا مش عارفة اعمل ايه

اعملي اللي قلبك بيقولك عليه،، لازم تختاري يا هند وبسرعة عشان...،، عشان انا وقتي مبقاش كتير على الأرض 

= يعني ممكن تمشي؟

مش هيكون بإرادتي صدقيني،، انا عارف انك روحتي ل قاسم وعارف كمان هو قالك ايه،، القرار في ايدك يا هند

" قام من قدامي ولسة هيدخل الأوضة لكن فجأه الباب خبط لقيته بص ليا وعنيه كانت كلها غضب وقالي

متفتحيش الباب يا هند،، متفتحيش الباب،، اللي برا دول مش اهلك،، فاهماني!!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

متفتحيش الباب يا هند،، متفتحيش الباب،، اللي برا دول مش اهلك،، فاهماني!

= مش اهلي ازاي يعني؟وبعدين انت عرفت منين ان اهلي هما اللي برا

" ساعتها مردش عليا و دخل أوضة النوم بسرعة و اترما على السرير ونام.. الخبط كان بيزيد على الباب لدرجة اني حسيت ان الباب هيتكسر،، قومت وبصيت من العين السحرية لقيت ماما وخالتي وبودي،، استغربت،، اومال ايه الكلام اللي هو قاله دا،، اتجرأت و فتحت الباب ولقيتهم هما التلاتة واقفين قدامي و دخلو من غير ولا كلمة وقعدو على الكنبة اللي في الصالة،، اما انا فضلت واقفة في مكاني مبتحركش لحد ما خالتي ابتسمت وقالت

واقفة ليه يا هند،، تعالي اقعدي معانا

" حسيت ان في حاجة مش طبيعية،، لكن قفلت الباب بالفعل و روحت قعدت معاهم،، فضلنا ساكتين لمدة 5 دقايق بعدها خالتي اتكلمت وقالت

اخبارك ايه يا هند

= انا كويسة،، انتي عاملة ايه يا خالتو

" ابتسمت بسخرية

انا طول عمري كويسة يا حبيبتي

= طب الحمدلله دي حاجة كويسة

ومروان

= مالو؟

" امي هي اللي اتكلمت ساعتها بدل خالتي

مروان عامل ايه؟

= كويس

مرتاح؟

= يعني ايه مرتاح؟

يعني مرتاح وهو عايش معاكي بالشكل دا

= الشكل دا اللي هو ايه يا ماما مش فاهمة

" بودي كمل كلام و امي سكتت

احنا عايزين نطمن يا هند وبرضو ننصحك

= تنصحني انا!!،، طب ما كنت تنصح امك قبل ما تعمل اللي هي عملته

" خالتي اتكلمت بحدة

وعشان كدا أنا جيالك وبقولك صلحي انتي الغلط يا هند،، عشان مصلحتك 

= مصلحتي انا عارفاها كويس واظن يا خالتي بعد اللي أنتي عملتيه ف أنتي هتبقي اخر واحدة آاخد منها نصايح

" نظرتها كانت مخيفة ليا،، حاولت اتجاهلها و اركز مع امي اللي كملت الكلام

يا هند بلاش تعاندي عشان متخسريش كل حاجة،، اللي جوا مروان لازم يخرج عشان تعرفي تكملي حياتك

" بودي اتكلم وقال بصوت اجش 

اللي بتفكري فيه مستحيل يا هند ومش هيحصل،، هارون مننا ومش هيخرج برا عالمنا

" قومت وقفت وبعدت عنهم

انتو مش اهلي

" خالتي ضحكت وبصت ل بودي وقالت

لا ذكية 

" بعدها قامت من مكانها وقربت مني وقالت بصوت عمره ما يكون صوت واحدة ست أبدا،، صوت اجش جدا

انا ممكن امحيكي من على الأرض ومش لوحدك،، انتي وعيلتك كلها،، اسمعي الكلام عشان متخسريش كل حاجة يإما هيبقا ذنبهم كلهم في رقبتك انتي

" مكنتش عارفة اتنفس حتى من الخوف،، رجلي ثابتة في مكانها مبتتحركش،، جسمي بيترعش،، حاولت ابعد عنها ولكن هي مسكت ايدي بقوة 

لما هارون يظهر قوليله اننا جينا و زورناه 

" حسيت فجأه ان جسمي رجع لطبيعته،، ولساني فك عقدته ورديت عليها بكل جرأه

انتي ممكن تقوليله الكلام دا بنفسك على فكرة ولو فاكرة اني خايفة منك ف احب اقولك لا،، انا مبخافش من اي حاجة

= بس انتي لازم تخافي يا هند

" شاورت ل صباعها ل امي و بودي او اللي عاملين انهم امي و بودي،، وقفو هما الاتنين وبدؤوا يقربو مني،، كنت لسة هجري على باب الشقة لكن فجأه حركتي اتشلت ومعرفتش اتحرك خطوة واحدة،، بصيتلهم وانا همو*ت من الرعب،، خالتي بصت حواليها وقالت

واضح ان هارون موجود معانا هنا

" هما التلاتة بصو ليا وعنيهم كلها شر،، لكن فجأه كل حاجة في البيت بدأت تتكسر،، الكراسي والفازة ، البيت كان كله بيتكسر تقريبا ، وانوار الشقة كلها كانت بتترعش،، خالتي بدأت تبص حواليها بغضب وقالت بصوت عالي جدا

اهلا،، انا كنت عارفة انك هنا

" ثواني وكل حاجة رجعت ل طبيعتها ولمحت اللي خارج من أوضة النوم،، كان مروان بس عنيه كانت مغمضة،، جه ووقف جنبي،، مسكت فيه وكأني بتحامى في اخر امل ليا،، فجأه فتح عينه و ابتسم واتكلم بصوت غير صوته 

مرحبا بكم في عالمي،، كنت على علم أنكم ستأتون إلى هنا من أجل استعادتي

" ردت عليه خالتي بنبرة مرعبة

انت خرقت كل القواعد يا هارون والآن هو وقتك لكي تفكر جيدا وتعود لعالمنا وتستعيد مكانتك ونعدك اننا سنغفر لك أخطائك ولكن بشرط ان تعود معنا،، عليك الاختيار 

= لن أعود اليكم مرة أخرى اما انتم فعليكم المغادرة الآن،، الآن 

" عيون التلاتة اللي كانو موجودين اتحولت للون الأحمر وبدأو يقربو مننا 

اذا فهو اختيارك وعليك تحمل عواقبه يا هارون

" هارون رفع ايده وشاور عليهم.. خرجت من ايده صعقة رمتهم كلهم على الأرض،، وفجأه زعق بأعلى صوته،، صوته كان اجش جدا ومرعب

فليقترب الجميييع،، عليكم أن تدركو جيدا من هو هارون،، فليقترب الجمييييع،، كلكم مقضي عليه اليوم،، انا لا اهاب احد،، والآن أنتم من عليكم الاختيار إما الاقتراب ونيل العقاب إما المغادرة وعدم الاقتراب مني مرة اخرى.. اتفهمونني جيدا

" صوته كان عالي جدا وبدأ يعلى اكتر لدرجة اني حسيت ان البيت بيتهز

عدم الاقتراب مرة أخرى!!

" فجأه التلاتة اختفو من الشقة وكأن مكنش في حد موجود اساسا،، مروان بص ليا وعنيه رجعت لطبيعتها وقالي

هذا كل شئ اما أنا فقد انتهيت الآن

" بعدها اترما على الأرض وفقد وعيه،، نزلت جنبه وبدأت أحاول اصحيه

مروان اصحا،، مروان قوم عشان خاطري،، قوم يا مروان

" ثواني ولقيته بيفتح عينه وقام وهو و باصص ليا باستغراب 

هو ايه اللي حصل،، انا ايه اللي جابني هنا؟

= يلا بينا نمشي من هنا بسرعة

فهميني ايه اللي حصل طيب

= مفيش احنا كنا بنتكلم وانت اغمى عليك فجأه

بنتكلم!!،، هو انتي كنتي موجودة في الشقة اساسا يا هند،، انا رجعت ملقتكيش

= ازاي بس يا حبيبي،، اومال مين اللي كان بيتكلم معايا دا،، قوم بس معايا

" ساعدته يقوم و دخل غير هدومه

طب افهم الاول،، انتي عايزانا نسيب الشقة ليه؟

=اصل... ، اصل ماما كلمتني وقالتلي انها تعبانة شوية ف هنروح نقعد معاها كام يوم 

الف سلامة عليها،، طيب خلاص يا حبيبتي مفيش مشكلة نروح نقعد معاها يومين عادي 

 " لمينا هدومنا ومشينا من الشقة وروحنا عند امي،، طول الطريق مروان كان بيتكلم معايا ولكن انا مش مركزة معاه نهائي،، انا كنت في عالم تاني،، عالم عمري ما اتخيلت اني اشوفه،، دايما بسمع عنه بس ولكن جه اليوم اللي اشوفه ومش بس كدا لا دا انا بقيت جزء منه كمان،، اصلهم اكيد مش هيسكتو بعد اللي حصل دا وهييجو تاني،، وصلنا عند ماما،، اول ما دخلنا سحبتها على جنب وقولتلها

انا قولت ل مروان انك تعبانة واننا جايين نقعد عندك يومين لاني بصراحة حاسة انه محتاج يغير جو وفي نفس الوقت مينفعش يكون بعيد عن شغله

= يا حبيبتي انتو تنورو في أي وقت

" دخلنا اوضتنا او اوضتي انا سابقنا وغيرنا هدومنا وفضلنا قاعدين لحد ما ماما ندهت علينا عشان نتعشى،، مكنش ليا نفس للاكل و لا للكلام ولكن كنت بحاول ابين العكس لحد ما خلصنا و دخلنا الأوضة تاني

هو في ايه يا هند؟

= ايه يا مروان؟

شكلك متغير

= متغير ازاي يعني؟

ساكتة ومبتتكلميش معانا ولا حتى معايا انا وسرحانة علطول،، هو في مشكلة ولا ايه؟

= لا مفيش مشاكل 

طب اومال ايه يا حبيبتي،، انا حاسك فيكي حاجة غريبة

= مفيش يا مروان انا كويسة،، ممكن بس اكون زهقانة شوية

من ايه يا حبيبتي؟

= عادي من الروتين وبعدين بقالي كتير مبخرجش ف عادي يعني

طب ايه رأيك آاخد اجازة من الشغل ونسافر اي مكان نغير جو

= خليني افكر

لا الحاجات دي مش محتاجة تفكير،، لازم القرار يكون في ساعتها كدا،، ايه رأيك؟

= طيب ممكن نأجلها شوية؟

ليه؟

= معلش مش حاسة اني في مود حلو يخليني اسافر حاليا

ماهو احنا بقا هنسافر عشان نغير المود دا

= معلش يا مروان خليني على راحتي

زي ما تحبي يا حبيبتي ولو غيرتي رأيك في اي وقت تعالي قوليلي

" نمنا احنا الاتنين او تحديدا مروان بس هو اللي نام اما انا فضلت صاحية للصبح،، مين هيجيله نوم بعد اللي حصل دا،، انا حاسة اني في حلم ومش عارفة اصحا منه،، حلم صعب عليا أوي ونفسي يخلص بس في نفس الوقت انا هخاف لما يخلص،، هخاف لاني حاسة اني قوية،، حاسة اني عندي حد يحميني من اي حاجة،، حاولت انام عشان اعرف افكر واشوف هعمل ايه في اللي جاي،، مكملتش ساعتين وفوقت لما سمعت صوت باب الشقة وهو بيتقفل.. وسمعت صوت خالتي و بودي وهما داخلين،، طبعا اكيد امي كلمتهم وعرفو اني موجودة هنا،، غيرت هدومي وخرجت،، كان مروان نزل الحمدلله،، اول ما خالتي شافتني خارجة كانت هتقوم وتحضني زي ما بتعمل كل مرة،، تظاهرت بأني بحضنها عشان ماما متاخدش بالها من حاجة بعدها امي راحت عشان تقدملهم حاجة وانا قعدت معاهم

احنا عرفنا من امك انك جيتي عندها امبارح،، خير يا هند حصل ايه؟

" السؤال كان من خالتي.. نبرتها كانت حنينة كأنها بتمثل عليا

محصلش حاجة يا خالتو انا كويسة

= اصل غريبة ان مروان ييجي معاكي يعني

وايه الغريب فيها،، انا ومروان حبينا نغير جو عادي يعني

= وهو اللي بيغير جو بيروح عند امه!!

" اتنرفزت من فضولها الزايد وبدأ صوتي يعلى 

هو انتي عايزة مني،، مالك انتي ومالي،، هو انا مش قولتلك ملكيش دعوة بيا تاني ولا بأي حاجة تخصني

= انا خالتك يا هند مهما كان.. مش عشان غلطت غلطة هتزعلي مني العمر كله و بعدين انا عايز اساعدك ووالله انا ندمانة على اللي عملته وعايزاكي تسامحيني

اسامحك على ايه،، انتي د*مرتي حياتي،، جوزي دا لو حصله حاجة هيبقا ذنبه في رقبتك انتي،، جاية تفتكري انك خالتي دلوقتي،، لا معلش بقا خالتي دي كانت زمان و احمدي ربنا اني لحد دلوقتي مقولتش لامي حاجة

" بودي اتكلم ساعتها

ميصحش كدا يا هند،، احنا في بيتك 

= وهو انت يا بودي تعرف ايه اللي يصح واللي ميصحش،، أنت زيك زيها

بس احنا عايزين نساعدك ومستعدين نعمل اي حاجة عشان تطلعي من المشكلة دي

= الحاجة الوحيدة اللي عايزاكو تعملوها انكو تسيبوني في حالي وكفاية اللي حصلي بسببكو،، انا مبقتش عارفة اثق في حد بسببكو،، بقيت مش مطمنة ومش عارفة اروح لمين اشتكيله،، كنت الاول بروح ليكي يا خالتي أنتي وابنك،، ياريتني روحت للغريب ومجتش عندك،، بس معلش ماهو انا وقتها مكنتش اعرف ان الغريب عمره ما هيفكر يأذ*يني زي ما انتو عملتو كدا

" امي دخلت ساعتها وقالت

مين دا يا حبيبتي اللي عايز يأذ*يكي؟

" رديت انا عليها

مفيش يا ماما،، كنت بحكيلهم عن ناس صحابي او كنت مفكراهم صحابي بس دول مش صحاب،، دول ناس قليلة الأصل 

= ولا يهمك يا حبيبتي،، الناس اللي زي دي خسارتهم مكسب 

عندك حق يا ماما 

" امي حطت صنية العصير على الترابيزة

اتفضلو يا جماعة بالهنا والشفا

" اتكلمت انا و رديت على امي

لا معلش يا ماما اصل خالتو و بودي كانو لسة بيقولو انهم ماشيين

" امي استغربت و قالت 

نهار أبيض تمشو ايه،، دا انتو لسة جايين

" خالتي بصتلي ب عتاب بعدها ردت على امي

معلش يا حبيبتي،، احنا كنا جايين نطمن على هند وخلاص 

" قامو مشيو وأنا كنت لسة رايحة عشان ادخل اوضتي لقيت امي ندهت عليا

هو انتي متخانقة مع خالتك ولا ايه؟

= لا أبدا هنتخانق ليه

اصل اول مرة اشوفكو بالشكل دا كأن في مشكلة بينكو

= لا مفيش حاجة يا ماما متقلقيش

يعني أنتي مش مخبية حاجة يا هند؟

= لا يا ماما مش مخبية،، بعد اذنك انا هدخل ارتاح

#بقلم : #عمرو راشد

دخلت الأوضة مش عشان ارتاح لكن عشان اهرب من قدامها لانها كانت هتسألني أكتر من سؤال وانا مكنتش هعرف ارد فكان لازم اهرب،، وهو دا كان حالي أسبوع كامل قاعدة عند امي فيه،، أسبوع كامل قاعدة فيه بلا هدف،، زي ما يكون مخي اتمسح،، مش عارفة ااخد قرار،، انا مش عارفة افكر اصلا،، حاسة اني متلخبطة،، اختيار زي دا هيكون صعب عليا أوي بس برغم كل دا في حاجة حاسة بيها مش عارفة هي صح ولا لا،، هو وحشني،، نظرة الحب اللي كنت بشوفها في عنيه وهو بيكلمني،، عنيه كانت بتلمع بطريقة تخليني احس ان مفيش واحدة غيري في الدنيا وعشان كدا قررت ارجعله،، لميت هدومي انا ومروان و رجعنا البيت،، اول ما دخلت لقيت كل حاجة طبيعية يعني مفيش أي حاجة مكسورة و الشقة سليمة تماما،، قعدنا على الكنبة انا و مروان 

تصدقي البيت وحشني اوي

= اه طبعا ماهو بيتنا يا حبيبي لازم يوحشك

انا هدخل اغير هدومي وبعدها اجيلك ونسهر سوا

" قام دخل الأوضة،، عدت 10 دقايق وهو لسة مخرجش،، قومت عشان اشوفه لقيته نام،، قعدت جنبه على السرير و لمست وشه 

تعرف انك وحشتني،، مكنتش اتخيل اني اقولها ولكن انت وحشتني بجد

" لقيته فتح عينه بسرعة وقام قعد قدامي 

وانتي كمان وحشتيني

= هارون!

" خدني في حضنه،، كان بيحضني بقوة وكأنه اخر مرة هيشوفني ،، حسيت اني كنت محتاجة الحضن دا جدا،، خرجت من حضنه و دموعي نزلت غصب عني

انا كنت خايفة عليك أوي

= سامحيني لو كنت خليتك في لحظة تخافي مني بس انا كان لازم احميكي

مين الناس اللي كانت موجودة دي؟

= افراد من قبيلتي 

وعايزين ايه؟

= ارجع معاهم 

وهترجع؟

= مبقاش ينفع،، انا كدا اتحولت ل عدو ليهم وبعد اللي حصل دا مش هيقبلو اني ارجع وسطهم تاني

طب خليك هنا

= هنا ازاي يا هند،، انا هنا مليش حد ووقتي محدود ومينفعش اكون موجود اكتر من كدا

بس انا محتاجاك

= بس مش قادرة تنفذيها

اعذرني القرار صعب عليا والله،، انا بجد مش عارفة اتصرف

= وانا هنا دلوقتي عشان اختصر عليكي كل دا،، انا وجودي معاكي هيأذ*يكي انتي واهلك ثم اني عملت حاجات كتير غلط تخليهم يحكمو عليا بالسجن مدى الحياه،، انا تعديت كل القواعد اللي عندنا،، انا مكنش ينفع ارجع اظهر تاني لما هما كانو موجودين لان وقتي كان خلص بس انا تعديت القواعد وظهرت وحار*بتهم،، انا اتحكم عليا بالسجن الابدي يا هند يعني دي آخر مرة هتشوفيني فيها،، بس قبل ما اختفي من حياتك هاخدلك حقك منهم،، انا عايزك تتصلي ب قاسم وتحددي معاه معاد،، وأنا هستدعي افراد قبيلتي

هارون لا،، متعملش كدا عشان خاطري،، لو بتحبني بلاش يا هارون 

= انا مش هقبل اعيش مسجون يا هند،، مش هقبل اعيش وانا مش عارف اخرج واشوفك من بعيد على الاقل

" دموعي نزلت ومسكت ايده بكل قوتي

هارون!

= انا بحبك يا هند

" دخلت في حضنه،، بدأ يطبطب عليا

هتكلمي قاسم يا هند

" رديت عليه وأنا صوتي منهار من العياط

مش هقدر

= هتكلميه يا هند،، هتكلميه لإني مش هقبل ان اي اذى يحصلك بسببي 

" فجأه النور قطع.. خرجت من حضنه بسرعة 

هو في ايه؟

" طبطب عليا وقالي

متخافيش انا هقوم اجيب حاجة ننور بيها

" قام وانا فضلت قاعدة،، حسيت بصوت انفاس جنبي،، ، جسمي اترعش ، افتكرت التليفون كان في جيبي،، خرجته وشغلت الكشاف ،، مجرد ما شغلته وبصيت جنبي صرخت بأعلى صوتي لاني شوفت عيون حمرا في وسط الضلمة كانت في وشي،، النور رجع ساعتها وشوفتهم،، كانو اربعة،، كانو طوال جدا و جلد وشهم مشوه،، واحد منهم مسكني لدرجة اني معرفتش احرك اي حتة في جسمي،، ساعتها هارون جه بسرعة،، كان باصصلهم وعنيه كلها شر،، بعدها عنيه قلبت للون الأحمر،، اللي كان ماسكني اتكلم وقال بصوت اجش

اقترب يا هارون،، اقترب لكي تستعيدها

" لسة بيقرب هارون لكن فجأه واحد منهم طلع قفل وحطه في وش هارون،، خرج من القفل جنازير ضخمة جدا جدا وبدأت تكتف هارون لدرجة انه كان عاجز تماما عن الحركة،، صرخت بأعلى صوتي

هارون!

" بدأوو يضحكو كلهم بشكل مرعب،، واحد منهم اتكلم وقال

استعد لتنال عذا*بك الابدي يا هارون،، الأبدي!!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

الحقني يا سيدنا الشيخ البت هتروح مني،، ساعدني بالله عليك

= ومخوفتيش عليها ليه من الاول وانتي جاية تعملي عمل ل جوزها،، انتي اللي حطيتي بنت اختك في المصيبة دي يا صفاء

غلطة،، والله غلطة وندمانة عليها،، مش هتتكرر صدقني بس ساعدني

= قومي معايا،، احنا لازم نروحلها حالا،، قبيلة هارون عندها في البيت ومش هيسيبوها في حالها

" النور قطع فجأه وانا في حضنه.. خرجت بسرعة 

هو في ايه؟

" طبطب عليا وقالي

متخافيش انا هقوم اجيب حاجة ننور بيها

" قام وانا فضلت قاعدة،، حسيت بصوت انفاس جنبي،، ، جسمي اترعش ، افتكرت التليفون كان في جيبي،، خرجته وشغلت الكشاف ،، مجرد ما شغلته وبصيت جنبي صرخت بأعلى صوتي لاني شوفت عيون حمرا في وسط الضلمة كانت في وشي،، النور رجع ساعتها وشوفتهم،، كانو اربعة،، كانو طوال جدا و جلد وشهم مشوه،، واحد منهم مسكني لدرجة اني معرفتش احرك اي حتة في جسمي،، ساعتها هارون جه بسرعة،، كان باصصلهم وعنيه كلها شر،، بعدها عنيه قلبت للون الأحمر،، اللي كان ماسكني اتكلم وقال بصوت اجش

اقترب يا هارون،، اقترب لكي تستعيدها

" لسة بيقرب هارون لكن فجأه واحد منهم طلع قفل وحطه في وش هارون،، خرج من القفل جنازير ضخمة جدا جدا وبدأت تكتف هارون لدرجة انه كان عاجز تماما عن الحركة،، صرخت بأعلى صوتي

هارون!

" بدأوو يضحكو كلهم بشكل مرعب،، واحد منهم اتكلم وقال

استعد لتنال عذا*بك الابدي يا هارون،، الأبدي!

 " هارون كان بيصرخ صرخات مرعبة،، واقفة وشايفاه قدامي بيتعذب ومش قادرة اعمله حاجة،، الكائن اللي كان ماسكني رماني على الأرض و اتجهو كلهم ناحية هارون،، لكن فجأه حسيت انهم مهزوزين وكأنهم دايخين ومش عارفين يقفو لحد ما القفل وقع من ايد الكائن اللي كان ماسكه وفي لحظة الجنازير اتفكت من على هارون،، ساعتها باب الشقة اتفتح بقوة وشوفت الشيخ قاسم داخل وهو بيقول كلام مش مفهوم ، كان صوته عالي ولكن انا مكنتش فاهمة حاجة منه،، مفهمتش غير جملة واحدة

اؤمركم بالرحيل،، أقسمت عليكم بالرحيل الآن

" هارون بص للشيخ قاسم بغضب شديد و رفع ايده ناحية الشيخ قاسم وفي لحظة كان الشيخ اترفع ل فوق كأنه طاير و رجع ل ورا لحد ما خرج من باب الشقة والباب اتقفل تاني علينا،، كانت الكائنات بدأت تستعيد وعيها من تاني،، هارون ساعتها رفع ايده ناحيتهم وفي ثواني كانت النار محاوطاهم،، هارون ساعتها بص ليا و زعق

اهربي يا هند

" تقريبا انا ساعتها كان عقلي مشلول لدرجة اني مستوعبتش كلامه ولا اتحركت من مكاني،، بعدها النار اتطفت والكائنات خرجو وهما على وشهم نفس الابتسامة المرعبة

محاولة جيدة يا هارون 

= اعلم ذلك

" ساعتها هارون كان لسة هيشاور ب ايده لكن الكائن اللي بيكلمه كان اسرع منه وخرجت من ايده صعقة على هارون لكن المفاجأة انه متحركش من مكانه،، واقف ثابت ولكني لاحظت ان التيشرت اللي كان لابسه هارون اتقسم نصين،، ساعتها الكائن ضحك وقال

تذكر انك في جسد بشري ويمكن ايذائك بكل سهولة

= صحيح ولكن هذا يعني أنك ستحتاج إلى جميع رجالك لكي تفعل ما تقول

انت بمفردك يا هارون و اعدك ان هذه ستكون اسرع نهاية في عالمنا،، عالم الجن

= انتظر وتذكر من اكون،، انا أملك قوى لا يملكها احد في عالمنا،، صحيح بمفردي كما ذكرت ولكن هذه ليست النهاية،، فأنا هاررووووون

" بمجرد ما هارون قال الكلمة دي خرج منه هوا واتحول ل نار،، نار بدأت تنتشر في الشقة كلها  و بتقرب مني،، صرخت بأعلى صوتي

هااارون!

" لقيته جري بسرعة البرق عليا،، شدني من ايدي لحد ما قومت من على الأرض،، وهو بيشدني لمح القفل على الأرض اخدو ومشينا.. كان حاططني ورا ضهره وبيحامي عليا بإيديه الاتنين لحد ما خرجنا من النار

روحي افتحي الباب واجري

= طب وأنت؟

انا خلاص يا هند مش هينفع اهرب،، هو دا مصيري وهي دي نهايتي مبقاش له فايدة الهروب

" الدموع اتجمعت في عيني

= لا متقولش كدا،، تعالى معايا عشان خاطري،، متسبنيش

" النار بدأت تهدى شوية،، ساعتها هارون صرخ فيا

اجررري

" جريت فتحت باب الشقة لقيت الشيخ واقف برا ومعاه خالتي وبودي.. خالتي خدتني في حضنها والشيخ دخل جوا الشقة،، كنت واقفة وشايفة هارون وهو ماسك القفل و موجهه ناحية الكائنات والجنازير بتربطهم كلهم،، الشيخ كان مكمل في الكلام والتعاويذ اللي بيقولها،، الكائنات كلهم كانو بيصرخو صرخات مرعبة،، صرخات كأنها جاية من جهنم وفي لحظة كانو اتبخرو،، اما مروان لقيته وقع على الارض وفقد وعيه،، الشيخ بص ليا وقالي 

ادخلي اسحبي جوزك بسرعة

" دخلت بحذر،، قربت من مروان وحاولت اصحيه،، ساعتها سمعت صوت همس في ودني

من لحظة ما خرجت وانا كان ممكن اسيطر على مروان بكل سهولة واستحوذ عليا تماما بس انا معملتش كدا،، انا اخترت اني احميكي حتى لو على حسابي انا،، انا اخترت انك تعيشي مبسوطة عشان انا بحبك يا هند 

" ساعتها حسيت باللي واقف جنبي وبيخبط على كتفي

يا بنتي فوقي أنتي سرحانة ف ايه؟،، اسحبي جوزك يلا عشان نخرج من المكان دا

" ساعتها بودي دخل وبدأ يساعدني وشيلنا مروان بالفعل وخرجنا من الشقة،، روحنا على بيت خالتي لان مكنش ينفع نروح عند امي عشان متعرفش حاجة عن الموضوع دا كله،، وصلنا هناك و سندت مروان لحد السرير ،، الشيخ اتكلم وقال

متقلقيش هيبقا كويس،، بالنسبة للعلامة اللي في صد*ره دي هتروح مع الوقت ولكن لازم تتطهر من وقت للتاني،، انا مستنيكي برا 

" الشيخ خرج ومعاه خالتي و بودي،، وأنا قعدت جنب مروان،، طبطبت عليه ،، انت ملكش ذنب في كل دا،، لو خالتي غلطت ف انا كمان ساعدتها على الغلط دا،، ساعدتها لاني مخدتش القرار من بدري بس والله انا ما كنت اعرف ان كل دا هيحصل،، سامحني يا مروان،، مش متخيلة لما تقوم وتعرف اني كنت السبب في كل اللي انت فيه دا،، بو*سته من جبينه وقومت خرجت برا لقيتهم قاعدين،، روحت وقعدت معاهم،، الشيخ بدأ الكلام

اللي حصل دا من بدايته وهو غلط وانا حذرتك يا صفاء،، كان فيها ايه لما ترضي بنصيب بنت اختك وتسبيها تعيش مع اللي بتحبه و اختارته،، هي لو كانت عايزة ابنك كانت اختارته من الاول من غير أعمال ولكن هقول ايه،، البني ادم دايما طماع وعايز كل حاجة على كيفه

" بعدها بص ل بودي 

اما انت ف زيك زيها،، الذنب عليكو انتو الاتنين،، انت ماشي ورا امك والنتيجة كانت ايه،، كنت ممكن تضيع بنت خالتك اللي انت بتقول انك بتحبها،، بس مفيش حد يا ابني بيحب حد وبيكون عايز يأذ*يه،،   نصيحة مني يا ابني حاول تتغير عشان نفسك قبل ما يكون عشان شخص تاني

" بعدها بص ليا وكمل كلامه

كان ممكن الموضوع يخلص من بدري بس أنتي اللي مكنتيش عايزاه يخلص،، بس انا هعذرك،، ماهو برضو مش كل يوم هتقابلي جن يبهرك بقوته و بقدراته ولكن دا مش كل حاجة يا بنتي،، في واحد جوا بيحبك و اتجوزك،، اختارك من وسط الف واحدة واتجوزك انتي،، كان المفروض تحافظي عليه اكتر من كدا،، بس دا درس ليكي يارب تتعلميه

" اخد نفس عميق وكمل كلامه

هو لما يقوم مش هيكون فاكر حاجة،، انتو كمان متحاولش تفكروه بأي حاجة،، احنا الحمدلله عرفنا نطرد اللي كانو موجودين في البيت ومنهم هارون،، فاهماني طبعا يا هند،، بس الاكيد ان باقي القبيلة مش هيسكتو على اللي حصل دا وممكن يلعبو معاكي

" بصيتله بصدمة وقولت

معايا انا!!

= طبعا،، انتي كنتي السبب في انك تحر*قي خمسة من أقوى رجالتهم

قصدك تقول ان هارون اتح*رق خلاص؟

= متفكريش كتير في الموضوع دا وحاولي تنسي،، وعشان محدش منهم يتعرضلك تاني دايما شغلي قرآن في البيت وتحصني نفسك بالصلاه والأذكار،، هما دول اللي هيحموكي يا هند

#بقلم : #عمرو راشد

" الشيخ قام ومشي،، خالتي قربت مني وقالتلي

انا اللي روحت ل قاسم عشان ييجي معانا وينقذك

= وانتي برضو اللي روحتيله عشان يعمل عمل ل جوزي

اي بني آدم في الدنيا بيغلط يا هند و انا غلطت وحاولت اصلح غلطي وبطلب منك انك تسامحيني بحق أي حاجة حلوة بينا

= اللي بينا خلص يا خالتو،، انا لو كنت جيت معاكي هنا دلوقتي ف دا عشان امي متعرفش حاجة و اخاف عليها لو عرفت حاجة زي دي

" بودي جه قعد واتكلم

اسمعي يا هند،، احنا اه غلطانين بس احنا برضو اهلك اللي بنحبك وبنخاف عليكي،، وأنا يا هند انا أكتر واحد بيخاف عليكي في الدنيا

= انت بالذات تسكت خالص،، مش عايزة اسمع منك كلمة،، انت صدمة عمري يا عبدالله،، عمري ما اتخيلت ان اللي يعمل فيا كدا يبقا انت او حتى لو مش انت بس كنت موافق وشايف اللي بيحصلي وساكت

" حاولت امسك نفسي ومعيطش وقومت وقفت

اسمعو انتو الاتنين من دلوقتي لحد ما مروان يقوم بالسلامة مش عايزة حد ينطق معايا بحرف واحد،، لا معايا ولا مع جوزي،، وهو أول ما يقوم هاخده و امشي،، اظن كلامي واضح

" دخلت الأوضة و قفلت عليا و دي كانت لحظة الانهيار بالنسبالي،، قعدت على الأرض وفضلت اعيط طول الليل،، لكن مكنتش عارفة اعيط على ايه ولا ايه،، اعيط على صدمتي في اهلي ولا اعيط على جوزي اللي حياته اتد*مرت لمجرد بس انه اتجوزني ولا اعيط على هارون ولا على حياتي اللي انتهت من قبل ما تبدأ ولا على ايه بالظبط،، فضلت قاعدة على الحال دا لحد ما سمعت اذان الفجر،، قومت اتوضيت وصليت،، بعدها جيبت شاش وقطن وبدأت اطهر الجر*ح اللي عند مروان وفضلت قاعدة جنبه لحد الصبح،، بعدها حسيت بيه وهو بيتحرك،، فوقت بسرعة 

مروان!! انت كويس يا حبيبي؟

= كويس

" قالها ب صوت هادي،، صوت مغلوب عليه التعب،، بدأ يبص حواليه وسألني بإستغراب

هو انا فين؟

= احنا عند خالتو يا حبيبي

وايه اللي جابنا هنا؟

= انت نسيت يا مروان ولا ايه؟،، احنا اساسا كنا عندها 

بس احنا كنا عند مامتك يا هند

=.... ، ايوا كنا عند ماما و بعدها روحنا عند خالتو نسلم عليها بس وانت نازل على السلم بقا وقعت  واغمى عليك واضطرينا نبات هنا لحد ما تقوم

بس انا مش فاكر أي حاجة من دي

= انا فاكرة يا حبيبي المهم دلوقتي انت لازم ترتاح

لا لا انا عايز ارجع البيت،، انتي عارفة يا هند اني مبستريحش هنا

= تقوم بس بالسلامة وهنمشي علطول

" اتعدل وقام،، لمح الجر*ح اللي في صد*ره وحط ايده عليه

هو دا ايه؟

= ماانا بقولك يا حبيبي انت وقعت واتعورت

" دماغه مش مستوعبة كلامي كأنه دايخ او فاقد الذاكرة،، كان صعب عليا اني اعمل فيه كدا تاني بس معنديش حل غيره بس اكيد هو مش هيحب يعرف اللي حصله بسببي،، بعدها قعدنا اربع ايام بالعدد،، كنت بقعد في الأوضة طول اليوم مع مروان،، كنت بحاول اتجنبهم بأقصى درجة حتى لما كان مروان بيخرج يقعد معاهم شوية كنت بكون معاه عشان مسيبوش لوحده،، كنت خايفة يعملو فيه حاجة تانية،، لكن طبعا مروان مكنش مستريح ومشينا بعد اربع ايام و رجعنا البيت،، أول ما دخلنا لقينا البيت كله مقلوب وفي آثار حر*ق على الحيطان وفي الارض،، اتكلمت بسرعة قبل ما يسأل

ايه مالك؟

= ايه اللي عمل في الشقة كدا؟

جرا ايه يا حبيبي هو انت نسيت؟؟ مش احنا نسينا التليفزيون شغال و اتحر*ق وكان هيو*لع في الشقة

= امتا دا؟

من أسبوع

= هو انا ليه مش فاكر اي كلمة أنتي بتقوليها؟

ممكن من آثار الوقعة يا حبيبي،، انت بس محتاج راحة عشان ترجع زي الاول و احسن كمان

" لقيته حط ايده على دماغه وقال 

انا عندي صداع شديد أوي

" مسكت ايده وسندته

طب تعالى ندخل نرتاح شوية

" دخلنا وساعدته يغير هدومه ونمنا احنا الاتنين،، احلام كتير كلها داخلة في بعض،، كوابيس مزعجة،، اخر صوت ل هارون لسة في دماغي وهو بيقول

انا اختارت انك تعيشي مبسوطة لاني بحبك يا هند

" بعدها سمعت صوت من بعيد جدا بينادي عليا وبيقول

هند.. هند اصحي

" الصوت كان بيقرب لحد ما فتحت عيني لقيت مروان واقف قدامي،، اتخضيت وقومت

مالك يا حبيبي،، عايز حاجة؟

= انا هارون يا هند 

هارون!!

= ايوا هارون،، انتي وحشتيني أوي

هو انت مش.... 

= متقلقيش انا كويس،، المهم دلوقتي قومي معايا

على فين؟

= لازم نهرب يا هند،، المكان هنا مش امان 

هنهرب نروح فين طب؟

= قومي معايا 

" مشي هو ووقف على باب الأوضة و ابتسملي بعدها شاورلي اني اروح وراه،، قومت بهدوء و خرجت من الأوضة وانا فاتحة كشاف التليفون لان الدنيا كلها كانت ضلمة،، خرجت الصالة بس ملقتش حد،، سمعت صوته من ورايا وهو بيقول

بتدوري على حاجة يا هند؟

" بصيت ورايا لقيت مروان واقف وهو مبتسم،،  لساني اتعقد مش عارفة اتكلم،، بعدها سمعت صوت تاني وهو بيقول

واقفة عندك ليه،، مش قولتلك تعالي؟

" لما بصيت على مصدر الصوت لقيته مروان،، حاسة ان قلبي هيقف من الرعب،، في واحد واقف في ضهري والتاني قدامي والاتنين مروان،، اللي كان ورايا قالي

متروحيش معاه يا هند،، دا مش مروان ولا هارون،، خليكي معايا انا 

" في نفس اللحظة تليفوني رن،، دا... ،، دا مروان،، رديت عليه وسمعته وهو بيقول

متصدقيش حد فيهم يا هند.. ادخلي الأوضة بسرعة لحد ما اجيلك!!!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

متصدقيش حد فيهم يا هند،، دول ولا واحد فيهم يبقا جوزك.. ادخلي الأوضة بسرعة لحد ما اجيلك 

= مروان انت عرفت ازاي اني برا الأوضة؟

وهو مين قالك اني مروان يا هند؟؟

" بعدها سمعت صوت ضحكة مرعبة خرجت من السماعة بعدها المكالمة فصلت،، بس الاتنين اللي معايا لسة موجودين وشايفاهم،، مروان اللي كان واقف قدامي كان لسة واقف بنفس ابتسامته وقالي

قررتي ايه؟

= سيبوني في حالي،، سيبوني في حالي بقا

انتي اللي بدأتي يا هند،، احنا رد فعل مش اكتر

= وعايزين مني ايه؟

مش عايزين حاجة،، من امتا واحنا بنحتاج حاجة من اهل الارض،، انتو اللي طول عمركو بتحتاجونا

= بس انا معملتش حاجة

كون ان هارون يحبك دي في حد ذاتها جر*يمة عندنا ومتنسيش انك أنتي اللي حضرتي هارون

= مش انا،، انا معملتش حاجة

لا عملتي يا هند و دلوقتي جه وقت العقاب 

" الابتسامة اللي كانت على وشه اختفت،، كشاف الموبايل فصل.. مبقتش شايفة أي حاجة،، فجأه حسيت ان حد مسك ايدي بقوة شديدة.. بدأت اصرخ،، اصرخ بأعلى صوتي لحد ما فجأه المشهد اتغير ولقيت نفسي نايمة على السرير في بيت خالتي،، قومت مفزوعة وساعتها لقيت مروان دخل عليا وفتح النور 

مالك يا حبيبتي في ايه؟

= ملكش دعوة،، اطلع برا

اهدي طيب وفهميني حصل ايه

= بقولك اطلع برا وسيبني في حالي بقا،، سيبني في حالي،، ارحمني

اللي تشوفيه يا هند

" خرج وقفل الباب وراه،، بدأت آاخد نفسي و أحاول افوق بعدها قومت من السرير،، كنت حاسة اني تعبانة وجسمي كله واجعني،، وايدي بالذات وجعاني اوي،، بس لما بصيت عليها عرفت السبب،، ايدي كان لونها احمر وعليها آثار ايد ل شخص،، يعني ايه،، يعني دا كان حلم ولا حقيقة ولا ايه انا مش فاهمة حاجة،، بس ازاي مش حلم وأنا لسة في بيت خالتي يعني انا كدا مرجعتش بيتي اصلا،، كنت واقفة قدام المراية ساعتها ولقيت باب الأوضة بيخبط،، 

ادخل

" لقيت خالتي دخلت،، مشيت من قدام المراية و روحت قعدت على السرير وهي جات قعدت جنبي

مالك يا هند؟

= مفيش حاجة انا كويسة

وانا مش عارفاكي بقا؟

= مفيش حاجة يا خالتي ولو سمحتي سبيني دلوقتي

يا هند دا أنا اللي مربياكي،، انتي كنتي بتقعدي معايا أكتر ما بتقعدي مع امك،، احكيلي مالك يا حبيبتي،، فيكي ايه

= تعبانة يا خالتي،، تعبانة أوي،، حاسة اني متلخبطة وتايهة،، مش فاهمة أي حاجة بتحصل حواليا

وكل دا سببه ايه؟

= مش هكدب عليكي،، انتي السبب في كل دا يا خالتي بس برضو انا حاسة اني توهت بعده

بعد مين؟

= هارون

يخربيت هارون وسنين هارون السودا،، انسيه بقا يا هند،، يا حبيبتي هارون دا مش مننا مينفعش تبقي بتفكري فيه بالشكل دا،، مينفعش يا هند لازم تفوقي لنفسك،، يا حبيبتي هارون دا احنا اللي عملناه

= اصلك مشوفتيهوش يا خالتو،، مشوفتيش كان بيعمل عشاني ايه؟،، لحد اخر لحظة وهو عايز يحميني بأي شكل

ماشي وانا معاكي وهصدقك بس اخرتها ايه،، تفتكري لو مروان عنده نفس القوة اللي عند هارون دي كنتي هتفكري تحبي هارون أصلا؟؟،، مروان ميستاهلش منك اللي بتعمليه دا يا هند،، انا اه مكنتش بحبه بس بجد هو صعبان عليا من اللي عملته فيه وصعبان عليا اكتر من ان الشخص الوحيد اللي المفروض يبقا جنبه بيفكر في حد تاني،، راجعي نفسك يا هند

= انا عايزة اقابل الشيخ قاسم

اشمعنا

= محتاجة اتكلم معاه

قولي ل جوزك الاول ونروح

= انا عايزة اروح لوحدي

لوحدك!

= اه لوحدي

حاضر هقولك العنوان

" قومت غسلت وشي وغيرت هدومي وخرجت من الاوضة لقيت مروان قاعد مع بودي في الصالة

انا نازلة

" بص ليا وقالي

رايحة فين

= نازلة هشتري شوية حاجات

حاجات!!،، طب استني انزل معاكي

= لا خليك مستريح،، انا مش هتأخر

" نزلت و روحت على العنوان،، دخلت البيت وسجلت اسمي وفضلت قاعدة مستنية دوري لاكتر من ساعة ونص وبعدها دخلت 

اهلا

= انا محتاجالك

بس انا مش هعرف اعملك حاجة

= ليه

انتي اللي لازم تساعدي نفسك يا هند،، انا قدمتلك كل حلول المساعدة من عندي لكن لازم انتي اللي تكملي

= بس انا مش عارفة اعمل حاجة

عشان اتعودتي ان في حد هو اللي بيعملك كل حاجة و دا مش صح

" كشفت ايدي قدامه 

و دا؟،، دا ايه؟

= ايه دا؟

" بدأت احكيله الحلم بالتفصيل،، كان بيسمع بإهتمام ومركز في كل كلمة بقولها وبعد ما خلصت ابتسم وقالي

قولتلك هما هيلعبو معاكي وانتي مسمعتيش الكلام،، خدي بالك دي لسة بداية

= طب وأنا اعمل ايه

زي ما قولتلك شغلي قرآن في البيت طول اليوم وصلي يا هند،، انتي حاليا قدامك ما بين انك تديهم فرصة انهم يلعبو بيكي اكتر او انك تطرديهم خالص من حياتك 

= ممكن اسألك على حاجة

مش هيرجع يا هند،، هارون مش هيرجع،، انسيه وعيشي حياتك اللي أنتي ملحقتيش تتهني بيها سواء انتي او جوزك 

#بقلم: #عمرو راشد

" رجعت من عنده زي ما روحت،، محدش عايز يفهمني ولا يفهم انا حاسة بإيه،، مضطرة أنا اللي اتعامل مع كل حاجة لوحدي،، مضطرة أنا اللي اشيل واتحمل غلط غيري بس لحد امتا،، رجعت البيت ملقتش حد في الصالة على عكس العادة،، دخلت اوضتي لقيت مروان قاعد على السرير وبيقلب في التليفون بتاعه،، قربت منه 

هتفضل زعلان كدا كتير؟

= انا مش زعلان

ماهو باين عليك

" قعدت جنبه وطبطبت عليه

انا اسفة متزعلش مني،، انا بس مرهقة شوية اليومين دول،، وحياتي عندك ما تزعل

= وحياتي عندك أنتي تعالي نروح ل دكتور نفسي

بس انا مش مجنونة يا مروان

= يا هند انا وكل اللي حواليكي مستغربين تصرفاتك،، انتي بتتكلمي عن ناس وبتشوفي حاجات مش موجودة.. دا غير احلامك اللي بتصحي مفزوعة منها،، كل دا يأكد اننا محتاجين دكتور

وليه ميكونش نفسيتي تعبانة شوية ومحتاجة راحة

= تحبي نسافر؟

نعمل أي حاجة بس متبقاش انت الشخص اللي تيجي تقولي حاجة زي دي وتحسسني اني مش طبيعية أو أني اتجننت

= انا بقول كدا عشان خايف عليكي يا هند

خايف عليا!!،، للأسف انت مش فاهم حاجة يا مروان

= فهميني انتي

عمرك ما هتفهم بس خلاص تمام هي فترة وهتعدي وكل حاجة هترجع زي ما كانت متقلقش

" قومت غيرت هدومي بعدها طفيت النور عشان ننام ولكن انا منمتش اليوم دا من كتر العياط،، مروان بقا شايفني مجنونة وأنا لحد اخر لحظة كنت بفكر فيه ومختارتش هارون على حسابه،، مبقتش عارفة الغلط منه ولا مني،، مش عارفة اعذره ولا ايه اللي المفروض اعمله،، بس الحاجة الوحيده اللي انا متأكدة منها ان مفيش حاجة هترجع زي الاول،، انا و مروان حياتنا انتهت،، الشمس طلعت وانا لسة صاحية،، لحد الساعة 8 الصبح بعدها نمت من التعب،، فوقت على الساعة 4 العصر ملقتش مروان جنبي،، قومت خرجت من الأوضة لقيت خالتي قاعدة في الصالة

صباح الخير يا حبيبتي.. يلا ادخلي اغسلي وشك وتعالي افطري عقبال ما نحضر الغدا

= هو مروان فين؟

نزل هو وبودي

= هو وبودي!!

اه بودي خده عشان يخرج ويشم هوا بدل قعدة البيت دي

" اهي دي بالنسبالي اغرب حاجة في الحكاية الغريبة دي كلها.. بودي و مروان مع بعض وخارجين كمان،، ربنا يستر،، قعدت وفطرت و بعدها حضرنا الغدا وفضلنا مستنيين ساعة واتنين،، بعدها اتصلت ب مروان ولكن مردش،، خالتي قررت تتغدا هي اما انا كنت مستنية مروان،، فضلت قاعدة للساعة 10 وبرضو مجاش ولا حتى رد على مكالماتي لحد ما عنيا غفلت وأنا قاعدة على الكنبة ،، صحيت على صوت باب الشقة وهو بيتفتح،، بصيت في الساعة لقيتها 2 بعد نص الليل،، دخل مروان وهو بيغني وبيضحك 

هند حبيبتي

= كنت فين يا مروان لحد دلوقتي؟

انا كنت في الجحيم

= نعم؟؟؟

الليلة كانت جحيم

= مالك يا مروان ما تتكلم كويس و بعدين مالك واقف مش مظبوط كدا ليه

ليه بس ماانا زي الفل اهو

= هو انت شارب حاجة؟

" رد عليا وهو بيضحك ومش قادر يمسك نفسه

انا شربت حش*يش يا هند!!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

مروان انت شارب حاجة؟

= انا شربت حش*يش يا هند

= بتقول ايه!!

اه والله شربت وحتى انا جايبلك معايا عشان نشرب سوا،، اصل الواد بودي... والله الواد بودي طلع جدع،، شايفة خلاني مبسوط ازاي

يا مصيبتي السودا عليا وعلى حظي الأسود

= وطي صوتك يا هند،، في ايه الناس هتصحا

ياريت الناس تصحا خليهم يعرفو القرف اللي أنا عايشة فيه

= ليه بس ما الليلة زي العسل اهي

عسل؟

" قومت من مكاني وبدأت ابص يمين وشمال 

هو فين الزفت اللي كان معاك؟

= قصدك بودي 

قصدي زفت،، هو فين؟

= كان طالع ورايا 

" مروان نام على الكنبة وانا مشيت ناحية باب الشقة وفتحته لقيت بودي اترما على الأرض قدامي

قوم يا حبيبي اسند طولك

= في ايه يا هند.. حد يوقع حد كدا؟

هو انت عايز مني يااخي،، مش كفاية اللي عملته فيا وفي جوزي،، كمان عايز تخليه مد*من

= مد*من ايه بس يا هند،، دا انا كنت عايز اخليه يتبسط شوية

من امتا يا عبدالله،، من امتا وانت بتحبه اصلا،، من امتا وانت بتنزل مع مروان،، هو انا هفضل ماشية وراكو بلاحق عليكو يمين وشمال،، ما تسيبوني في حالي بقا،، ارحموني وسيبوني في حالي

= بس بس،، ايه مالك يا هند،، انتي صدقتي نفسك ولا ايه،، مصدقة نفسك انك بتحبيه بجد،، مش هو دا اللي أنتي كنتي ممكن تتخلي عنه عشان خاطر العفريت بتاعك،، سيبك من اللي أنتي بتعمليه دا يا هند عشان الكلام دا مش بيدخل عليا،، روحي اضحكي بيه على اي حد غيري

انت من امتا وانت و*سخ بالشكل دا،، انا عمري ما شوفتك كدا

= عشان انا اللي خليتك تشوفيني كدا،، طالما كل الحلو اللي عملته مش عاجب و في الاخر روحتي واختارتي حد تاني غيري يبقا مش خسارة فيكي الوحش

انت مريض

= وأنتي أنانية وعايزة كل حاجة ليكي لوحدك من غير ما تفكري في الناس او حتى مشاعرهم،، احنا الاتنين منختلفش عن بعض يا بنت خالتي 

لا بنت خالتك ايه بقا،، من النهاردة انت تنسا انك عندك بنت خالة

= كنت عرفت انسا زمان يا هند،، انتي كنتي بتضر*بيني بسكي*نة كل يوم وانتي بتحكيلي عنك أنتي وهو وعن تجهيزات الفرح،، عمرك ما حسيتي ولا شوفتي انا بحس ب ايه لما بتيجي تحكيلي و رغم دا انا كنت جنبك

كنت جنبي عشان تأذ*يني؟

= اعتبريني برد على اللي أنتي عملتيه فيا

انا مش فاهمة انت ازاي بالبجا*حة دي والله

= مش بقولك كنا هنكون كابل تحفة

" سيبته ومشيت سندت مروان و دخلنا الأوضة،، طبعا مروان مكنش حاسس ب حاجة و دخل الأوضة نام على السرير وانا اللي فضلت صاحية،، كان هيجيلي نوم ازاي بعد الكلام اللي اتقال دا،، هل انا فعلا أنانية؟؟،، بس انا عمري ما حسيت بأي حاجة من ناحية بودي،، انا حبيت مروان واختارته هو ولولا اللي حصل دا كنا اكيد هنكون مبسوطين دلوقتي وعايشين اسعد ايام حياتنا،، انا حياتي اتد*مرت وكل ما افكر انها ممكن تتصلح بترجع أسوأ من الاول،، مبقتش عارفة اعمل ايه،، بعدها بساعة سمعت اذان قررت اقوم اتوضا واصلي،، بعد ما خلصت فضلت قاعدة على الحال دا للصبح لحد ما لقيت مروان صحي،، كانت الساعة 10 الصبح

صباح الخير

= صباح النور

هو انا ايه اللي نيمني بهدومي كدا؟

= معلش السهرة كانت تقيلة شوية

سهرة ايه

= هو انت مش كنت مع بودي امبارح؟

اه كنت معاه

= وحصل ايه بقا

عزم عليا ب سيجارة بس مش فاكر حاجة تاني

= عشان هي كانت سيجارة حشي*ش مثلا وخليتك ترجع البيت وانت مسط*ول 

" اتعدل من مكانه وقرب مني ومسك ايدي

انا اسف يا حبيبتي،، انتي عارفة اني مش بتاع الحاجات دي،، انا والله ما كنت اعرف أنه حش*يش

= انا نفسي تقولي حاجة واحدة بس عملتها بمزاجك يا مروان،، اكدب عليا المرادي وقول انك شربته وانت عارف انها سيجارة حشي*ش،، انا عايزاك تكدب عليا بس محسش انك مش داري بنفسك بالشكل دا،، مروان انت عايم مع الموجة وخلاص،، ملكش رد فعل،، مفيش اي حاجة

ايوا بس دي حاجة انا مليش ذنب فيها،، انا اصلا مبشربش سجاير وبعدين عايزة يبقا ليا رد فعل على ايه بالظبط؟

= هو انت مش واخد بالك من كل حاجة حواليك،، انا مش عارفة اكمل حياتي،، انا حياتي واقفة ومش عارفة اعمل حاجة،، وانت المفروض اللي هتسند عليك محتاج أصلا اللي يسندك يا مروان

بس انا بحبك وطول ما احنا مع بعض هنقدر نعدي الفترة دي

= مش حقيقي احنا عمرنا ما هنعرف نعدي دا مع بعض،، انا وانت حياتنا خلصت لحد كدا،، انا تعبت

حبيبتي احنا لسة مبدأناش عشان تتعبي،، لسة بدري أوي على الكلمة دي

= بالنسبالك لسة مبدأناش

اومال هي بدأت يعني ولا ايه؟

= من بدري

وانا كنت فين؟

= نايم 

خلاصة الموضوع يا هند،، انتي عايزة ايه دلوقتي؟

= نتطلق!

هي كلمة الطلاق سهلة اوي كدا بالنسبالك؟

= لا صعبة يا مروان بس اللي انا فيه صعب برضو عشان كدا انا شايفة اننا لازم ننفصل بهدوء

و يا ترى امك عندها علم بالكلام دا؟

= دي حياتي انا يعني محدش له دخل فيها

عموما انا هسيبك تفكري تاني،، انا مش بعد كل اللي عملناه تيجي تقوليلي نتطلق،، لو كل واحد طلق مراته عشان شوية مشاكل يبقا مكنش حد اتجوز يا هند

= طيب اعمل حسابك اني هرجع البيت النهاردة ومش عشان هرجع البيت يبقا دا معناه اني هرجع في قراري.. ماشي؟

براحتك،، دا بيتك

" سابني وقام خرج من الاوضة.. انا عارفة اني بقسى عليه و بحاسبه على حاجات هو ملوش ذنب فيها بس للاسف انا معنديش حل تاني،، انا ومروان لازم نسيب بعض بدل ما نتعب اكتر من كدا،، لازم قلبي يقسى شوية عشان ميرجعش يحن تاني،، بعدها بدقائق الباب خبط و دخلت خالتي

صباح الخير يا هند

= صباح النور يا خالتو

صاحية بدري كدا ليه؟

= مفيش قلقت 

قلقتي ايه،، دا انتي باين عليكي منمتيش من امبارح 

= عادي بقا مش هتفرق

لا بتفرق صدقيني

= بتفرق ازاي يعني؟

بتفرق في السبب اللي مخليكي قلقانة ومش نايمة كويس

= قصدك ايه؟

قصدي اللي شاغلك دماغك

= انا مفيش حاجة شاغلة دماغي

طب وليه تكدبي بقا؟

= انتي عايزة ايه يا خالتي؟

نكمل كلامنا

= كلام ايه دا؟

ماهو اصل اخر مرة احنا مكملناش كلامنا مع بعض يبقا نكمله دلوقتي 

= انا مش فاكرة ان كان في بينا كلام

" لقيتها ابتسمت وسكتت

طب لو هتفضلي ساكتة انا هقوم

" لقيتها مسكت ايدي بقوة وقالتلي

معادك بيقرب يا هند

" حاولت ابعد عنها بكل قوتي لكنها كانت أقوى مني بكتير،، بعدها بثواني سابت ايدي وقامت خرجت من الاوضة.. رجلي كأنها مشلولة مش قادرة تتحرك من الخوف،، التليفون كان جنبي اخدته واتصلت ب مروان

مروان انت فين

= في الشارع بتمشا شوية

تعالى حالا يا مروان،، انا عايزاك ضروري

= ثواني وهكون عندك 

" 10 دقايق ولقيت الجرس بيرن.. قومت بحذر وفتحت باب الأوضة،، بصيت يمين وشمال قبل ما اخرج بس ملقتش حد،، جريت بسرعة وفتحت الباب

مروان

= في ايه يا هند قلقتيني؟

خالتي... ،، خالتي كانت...

= مالها خالتك يا هند؟

" مش عارفة اقوله ايه وهو اصلا مش هيصدقني لو حكيت

مفيش انا خوفت شوية

= من ايه يا حبيبتي؟

مش عارفة

= طب اهدي انا معاكي اهو،، ادخلي غيري هدومك وتعالي هنروح عند امك شوية،، اصلا خالتك هناك هي و بودي،، و امك اتصلت بيا من شوية عشان نروح نفطر معاهم

" يعني انا كنت في الشقة لوحدي،، واضح انها كانت بداية فعلا زي ما الشيخ قال،، دخلت غيرت هدومي بسرعة ونزلنا روحنا عند امي،، متكلمتش مع حد حتى امي،، كنت قاعدة ساكتة طول الوقت،، لحد ما خلصنا اكل و دخلنا المطبخ انا وامي عشان نعمل الشاي 

#بقلم : #عمرو راشد

مالك يا هند؟

= مفيش يا ماما تعبانة شوية

عندك ايه يا حبيبتي؟

= والله يا ماما مش عارفة،، انا نفسي اعرف انا تعبانة من ايه

انتي متخانقة مع مروان؟

= لا 

طالما مش متخانقين يبقا مفيش اي سبب يخليكي بالشكل دا

= انا مبقتش عارفة نفسي يا ماما،، انا مبقتش عارفة انا عايزة ايه،، انا تايهة

شوفي ايه اللي كان بيخليكي مبسوطة قبل كدا واعمليه

= مش هينفع

ليه؟

= اللي كان بيخليني مبسوطة مشي

يبقا دوري على حاجة تخليكي مبسوطة من تاني 

= وتفتكري هلاقي؟

يا هند دا في ناس بتلاقي سعادتها في الاكل،، يعني السعادة في كل حاجة حوالينا بس أنتي تركزي عشان تعرفي تلاقي الحاجة اللي هتبسطك

" سيبتها وخرجت من المطبخ و روحت قعدت جنب مروان 

مروان أنا هنزل هروح مشوار و هرجع علطول

= مشوار ايه؟

أبدا دي الجمعية بتاعت ماما هروح اوصلها ل صحابها عشان ماما تعبانة 

= طب تحبي آاجي معاكي

لا يا حبيبي خليك انا مش هتأخر

" نزلت من البيت وانا عارفة انا رايحة فين،، رايحة ادور على سعادتي،، على الحاجة اللي هتخليني مبسوطة من تاني،، وصلت بيته و دخلت سجلت اسمي واستنيت دوري،، مكنش قدامي كتير وفعلا بعد نص ساعة دخلت

رجلك بدأت تاخد على المكان يا هند

= انا جيالك المرادي و محتاجاك تساعدني بجد

يارب يكون في جديد بس

= انا حياتي واقفة وكل شوية بتتد*مر أكتر،، دا غير انهم لسة موجودين وبيظهرو ليا

قولتلك حافظي على صلاتك و اذكارك وهي هتحميكي منهم

= انا مش عايزة الحماية بس،، انا عايزة اعيش مبسوطة،، انا نفسي ارجع زي الاول،، ابو*س ايدك انت اللي في ايدك الحل

وايه المطلوب مني؟

انت فاهم 

= لا أنا مش فاهم،، خليكي واضحة وصريحة

انا عايزاك تنقذني،، انا لو فضلت بالشكل دا همو*ت يإما من التفكير يإما من الرعب اللي بشوفه 

= تحبي اجبلك حد يحل مشاكلك وبالمرة يحرسك عشان محدش يخوفك

انت ليه مش حاسس بيا؟

= عشان هي مش لعبة يا هند

يعني ايه؟

يعني اللي في دماغك تنسيه،، تنسيه تماما،، اتفضلي مع السلامة 

" خرجت من عنده وانا دموعي على خدي،، واضح اني مش هعرف اغير حاجة وهعيش طول عمري في الحياه دي،، ماهو مفيش حد بيهرب من حياته،، حياتك مكتوبة عليك وهتعيشها سواء بالطول او بالعرض،، يمكن لو كنت اتجوزت ابن خالتي كان الموضوع هيختلف،، يمكن لو مكنش مروان موجود كان الوضع هيختلف،، حاجات كتير كانت ممكن تتغير لو كان القرار اللي بناخده في معاده عشان كدا انا مش لازم اضيع وقت تاني،، وفي اللحظة دي اتصلت ب مروان 

ايه يا حبيبتي؟

= بقولك ايه ارجع على البيت بسرعة

ليه في ايه؟

= محضرالك مفاجأه

مفاجأه ايه دي

= لو قولتلك مش هتكون مفاجأه،، ارجع يلا بسرعة وأنا جاية حالا مش هتأخر

" بس في حاجة ناقصة في الحكاية اللي فاتت دي،، دي الحكاية اللي المفروض مروان يبقا عارفها ومش مروان بس،، مروان و امي وخالتي وكل الناس،، انما الجزء اللي ناقص دا انا بس اللي هكون عارفاه

فلاش باك 

ابو*س ايدك انت اللي في ايدك الحل

= وايه المطلوب مني؟

اي حاجة،، انا عايزة حل للي انا فيه،، انا عايزاك تنقذني،، انا لو فضلت بالشكل دا همو*ت يإما من التفكير يإما من الرعب اللي بشوفه 

= ممكن اقولك ان الحل موجود بس مكلف أوي

انا مستعدة لأي تكلفة بس قولي ايه هو

= هحرر هارون من سجنه

هارون!!!،، هو مش هارون اتحر*ق

= انا محر*قتش هارون،، قبيلته بس هي اللي اتحرقت إنما هارون اتسجن 

واشمعنا هارون متحر*قش؟

= قوي ومش سهل السيطرة عليه

طب وأنت هتحرره ازاي؟

= دا مش شغلك،، المهم هتقدري تدفعي؟

هقدر

= يبقا اتصلي بجوزك وخليه يرجع على بيتكو حالا ومجرد ما هترجعي البيت هتلاقي اللي انتي عايزاه موجود بس افتكري يا هند ان دي كانت رغبتك

باااك

" كل واحد من حقه يختار راحته وسعادته وانا اختارت اللي يخليني سعيدة،، اختارت اللي يحميني ويحافظ حتى لو مكنش بشر ،، انا عارفة اني مجنونة بس هو مين فينا عاقل،، كلنا مجانين،، رجعت البيت بسرعة دخلت جري على أوضة النوم لقيت مروان نايم،، دخلت بفرحة وقعدت جنبه،، الضحكة مرسومة على وشي من الودن للودن لحد ما لقيته فتح عينه فجأه و قام و اتعدل وبص ليا و ابتسم 

شكرا على التوصيلة

= هارون؟

انتي كنتي مستنية حد تاني ولا ايه؟

" دخلت في حضنه

وحشتني أوي

= انتي كمان وحشتيني جدا

انا مش مصدقة نفسي انك رجعت ليا تاني

= انا موجود من بدري وعمري ما سيبتك يا هند 

طب قوم،، قوم عايزين نعمل حاجات كتير أوي

= لا حاجات كتير ايه.. مبقاش في وقت

هو انت لحقت؟

= لا قصدي يعني نكمل في الجزء التاني عشان هيكونو ورانا حاجات كتير أوي نعملها 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

ايه يا حبيبتي اول مرة تشوفي راجل بيتجوز على مراته ولا انتي زعلانة عشان معرفتيش تملي عينه

= بلاش أنتي عشان انا عارفة انتي دخلتي هنا ازاي

هكون دخلت ازاي،، مانا قدامك اهو داخلة من الباب

" رجعت ابص على مروان وكلمته

يا مروان افهم اللي انت بتعمله دا غلط

" لكنه بدأ يحط ايده على دماغه بعدها رجع قعد على الكنبة،، ساعتها شمس قربت مني ومسكت ايدي بقوة

هو انتي كنتي فاكرة انك هترجعي هارون ليكي واحنا هنسيبك ونسكت،، دا انتي حسابك تقيل معانا اوي يا هند،، اوعدك يا هند انك عمرك ما هتشوفي خير تاني في حياتك

" لمحت من وراها مروان واقف بس لا دا مش مروان،، لقيته اتكلم وقال

نورتي الارض يا شمس

" شمس بصت وراها و ضحكت

كنت عارفة انك موجود،، حسيت بيك من اول ما دخلت 

" هارون قرب منها وقال

جاية ليه؟

= جاية انقذك من الغلط اللي هتعمله

الغلط الحقيقي هو وجودك هنا يا شمس

= مش وجودي لوحدي،، وجودنا احنا الاتنين غلط يا هارون و لازم نرجع

نرجع فين؟

= شكلك نسيت،، نرجع العالم بتاعنا،، الأرض عمرها ما كانت مكان نعيش فيه

وانا لقيت نفسي هنا وحابب اكمل

= انا بجد مش فاهمة،، تكمل مع مين،، مع هند!! ،، انت نسيت ان الج*نس البشري متحرم علينا 

القوانين دي تمشي على اي حد الا انا،، انا هارون يا شمس،، هااااارون

" عنيه قلبت للون الأحمر ثواني و رجعت تاني لطبيعتها

كويس انك لسة فاكر،، اسمعني بقا أنا مش جاية عشان اتناقش معاك،، انت معاك اخر فرصة،، فاهم يا هارون،، اخر فرصة و دلوقتي هتختار يإما ترجع معايا او تخليك هنا بس ساعتها هتندم اوي على اختيارك دا

" هارون ابتسم ولكنه منطقش،، كملت هي كلامها

كنت عارفة انك هتختارها،، اتحمل بقا نتيجة اختيارك يا هارون 

" كانت بتلف وشها وماشية،، باب الشقة اتفتح لوحده وهي كانت لسة هتخرج لكن فجأه الباب اتقفل بقوة و اتربط عليه ب جنازير،، هارون ساعتها اتكلم 

انا لسة مخلصتش كلامي،، اخر حاجة كنت اتوقعها اننا نحا*رب بعض لكن طالما أنتي نسيتي مين هارون وجاية لحد هنا تهدد*يني يبقا تسمحيلي افكرك بيه 

" بصيت على هارون لقيت عنيه قلبت للون الأحمر وبدأ يتكلم بصوت مرعب

تذكري جيدا يا شمس من هو هارون،، انا الذي تخشاه جميع المخلوقات في السماء والأرض،، انا الاقوى،، الأفضل،، انا هااااروووون 

" خرج منه رياح قوية جدا سحبت شمس ل ورا بسرعة كبيرة جدا لحد ما دخلت جوا الحيطة،، انا وقعت على الأرض من المنظر،، ضربات قلبي كانت سريعة جدا من كتر الخوف،، ساعتها هارون قرب مني وبدأ يكلمني وانا حاسة ان صوته بيبعد اكتر،، حاسة اني هيغمى عليا وفعلا صوته كان بيبعد اكتر لحد ما مسمعتش حاجة خالص واغمى عليا بالفعل،، فوقت على صوت حد بيقرأ قرآن جنبي،، صوته كان عذب جدا وجميل جدا جدا،، حسيت بهدوء وقلبي اطمن شوية،، فتحت عيني لقيت نفسي في اوضتي،، قومت اتعدلت لقيته ماسك مصحف وبيقرأ منه

" قَالَ إِنَّمَا أَشْكُو بَثِّي وَحُزْنِي إِلَى اللَّهِ وَأَعْلَمُ مِنَ اللَّهِ مَا لَا تَعْلَمُون. يَا بَنِيَّ اذْهَبُوا فَتَحَسَّسُوا مِن يُوسُفَ وَأَخِيهِ وَلَا تَيْأَسُوا مِن رَّوْحِ اللَّهِ ۖ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ " صدق الله العظيم

" قرب مني و طبطب عليا

أنتي كويسة؟

= الحمدلله

" نظرة عنيه و طريقته كانت بتقول ان دا هارون مش مروان خصوصا ان مروان قليل لما بيقرأ في المصحف بس ازاي هارون هيقرأ قرآن

خليكي هنا وانا هقوم احضرلك حاجة تاكليها

" مسكت ايده قبل ما يقوم،، رجع قعد جنبي وابتسم

في ايه يا حبيبتي؟

= انت هارون؟

ايوا هارون 

= ازاي 

ازاي ايه؟

= ازاي كنت بتقرأ قرآن؟،، هو انت مش جن؟

جن اه بس جن مسلم 

= انا اول مرة اعرف،، طب ليه مقولتش من الاول

مكنش في فرصة اقولك حاجة

= يعني انت بتقرأ قرآن عادي ومش بتتحر*ق 

" ضحك على كلامي 

مبتحر*قش لا 

= وبتصلي عادي طب؟

ايوا عادي طبعا

" قومت انعدام من مكاني والابتسامة اترسمت على وشي

انا مش مصدقة

= دي حاجة كويسة يعني؟

دي حاجة كويسة جدا،، قولي بقا دي كانت سورة ايه اللي كنت بتقرأها

= سورة يوسف،، أكتر سورة بحبها في القرآن

اشمعنا 

= بحس ان فيها درس جميل جدا في الصبر و ازاي هنصبر وفي الاخر ربنا هيعوضنا باللي نستحقه

انا كل شوية بكتشف فيك حاجة احلى من اللي قبلها،، انا مش عارفة حياتي من غيرك كانت هتبقا عاملة ازاي

= انا موجود عشانك انتي وبس،، عشان احميكي و احاول بقدر الإمكان امي اخليكي اسعد واحدة في الدنيا

" قومت وقفت 

هارون انا مش مصدقة،، طب وحد الله كدا

= لا إله الا الله،، كدا كويس

طب استغفر ولا اقولك اذكر أسماء الله الحسنى؟

" بدأ يضحك على طريقتي وقال

في ايه يا هند مالك؟

= مش عارفة بس انا فرحانة أوي

طب دا شئ كويس 

= طب بالنسبة للي حصل؟

ايه اللي حصل؟

= شمس

" قرب مني وبا*سني من جبيني 

متقلقيش انا معاكي،، مفيش مخلوق يقدر يقربلك طول ما انا موجود

= ومروان؟

هنلاقي طريقة نفوقه بيها عن اللي هو فيه

= نفوقه ازاي يعني؟

ماهي شمس مسيطرة عليه عشان تخليه يحبها وبالتالي هي تعرف تقرب مننا

= يعني مروان ميعرفهاش؟

يا هند بقولك شمس دي من العالم بتاعي يبقا مروان هيعرفها ازاي؟

= وهنعمل ايه؟

هحاول اتصرف بس دلوقتي لازم امشي

= رايح فين؟

مروان قرب يفوق،، مكنتش عايز اسيبك بس المهم اني اطمنت عليكي

#بقلم : #عمرو راشد

" رجع ونام على السرير بكل هدوء،، وأنا خرجت للصالة لقيت كل حاجة طبيعية زي ما كانت وكأن مفيش حاجة حصلت،، بعدها ب نص ساعة بالظبط مروان خرج من جوا

انتي معملتيش اكل؟

= ابقا خلي حبيبة القلب تيجي تعملك

هي راحت فين صحيح؟

= مشيت.. حضرتك تعبت ونمت وهي مشيت 

تعبت؟؟؟

= اه تعبت،، فجأه حسيت انك دايخ و دخلت تنام 

تمام انا هبقا اكلمها

" قومت من مكاني و روحت وقفت قدامه

اسمع يا مروان،، انا مش هقبل يكون ليا ضره

= انتي نسيتي اننا متفقين على الطلاق اصلا

لا منستش،، بس انت اللي شكلك نسيت احنا عملنا ايه ولا عدينا ب ايه عشان نتجوز وفي الاخر انت عايز تهد كل دا و تطلقني

= القرار دا اتأخر اساسا يا هند،، انا مش عايز اهد حاجة،، انتي اللي قررتي تهدي البيت دا بتصرفاتك،، وأنا بصراحة زهقت ومش هقبل اكون في الموقف السخيف دا تاني،، انا من ساعة ما اتجوزتك مشوفتش يوم حلو،، انا مش فاكر لينا لحظة حلوة مع بعض،، انتي متخيلة؟ ،، شهور متجوزين ومش فاكر منها اي حاجة ليه بقا؟ ،، ايه اللي بيحصل؟

= اللي بيحصل انت مش هتقدر تفهمه

طالما مش هقدر افهمه يبقا نتطلق لإني مش هعيش بالطريقة دي

= دا اخر كلام عندك؟

ومعنديش غيره يا هند،، انتي بقا عايزة تكملي وتعيشي في البيت دا معنديش مانع بس تعطلي جوازتي لا 

" سابني و دخل نام،، فضلت قاعدة لحد الصبح،، معرفتش انام،، مش عارفة انام من التفكير،، دماغي فيها مليون حاجة،، هارون ومروان وشمس،، كل حاجة متلخبطة،، الساعة كانت 9 الصبح وانا لسة منمتش لقيته هو دخل الحمام و اخد دش وخرج يلبس عشان يروح الشغل،، ناديت عليه قبل ما ينزل

انا هروح عند خالتو النهاردة

= ماشي بس متتأخريش،، ولو هتروحي في حتة تانية تقوليلي قبلها عشان متصلش و الاقيكي مش عند خالتك كالعادة يعني

" نزل وانا مستحملتش اقعد دقيقة كمان في الشقة،، قومت غيرت هدومي ونزلت روحت عند خالتي،، الساعة كانت 11،، رنيت الجرس لقيت بودي هو اللي فتح الباب،، دخلت من غير ما حد فينا ينطق 

اومال خالتو فين؟

= نزلت السوق تجيب طلبات

طيب انا همشي وهبقا اجيلها وقت تاني

" كنت لسة همشي لكن هو مسك دراعي

استني يا هند 

= في ايه

انا اسف على كل اللي انا قولته،، صدقيني انا مكنش قصدي،، كل دا كان غصب عني والله،، انا كاتم مشاعري بقالي كتير أوي يا هند ومش قادر انطق بيها عشان مش عايز اخسرك بس خلاص انا مبقتش قادر 

= بس انا عمري ما لمحتلك بأي حاجة من دي

بس انا غلطت،، غلطت وحبيتك 

" اتوترت اول ما قالها وبدأ يبان عليا

ايوا يا هند انا بحبك،، وبحبك اوي كمان،، انا احق بيكي من اي حد

" لقيته مسك ايدي و با*سها 

هند انا بحبك!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

هند انا بحبك

= انت اتجننت يا بودي،، انا متجوزة

بس انتي بينك وبين جوزك مشاكل وهتطلقو

= مين اللي قالك كدا،، انا و مروان مستحيل نتطلق

والمشاكل اللي بينكو دي ايه؟

= مشاكل عادي بتحصل بين اي اتنين وهتتحل

انتي مصدقة انها مشاكل عادية؟

= لا هو اللي مش عادي انك تقولي كدا أصلا ولا تعمل اللي انت عملته،، فووق يا بودي بدل ما والله...

" قاطعني و اتكلم هو 

ايه هتجبيلي هارون يعمل فيا ايه المرادي؟

" اتوترت ولساني مكنش عارف ينطق

انت.. انت ايه اللي فكرك ب هارون؟

= كل اللي أنتي فيه دا اصلا بسبب هارون يا هند،، مشاكلك مع جوزك،، حياتك اللي خربانة دي كل دا سببه هارون

وهو مين سبب وجود هارون أصلا،، مش انت وامك

= بطلي تعلقي أخطائك علينا يا هند،، انا و امي غلطنا اه لكن انتي عجبك الغلط دا وقررتي تكمليه معانا 

الكلام دا محصلش،، انا بحب مروان ومستحيل حاجة هتفرقنا عن بعض

= لو الكلام دا صح مختارتيش مروان ليه من الأول؟

عشان انا..

= عشان حبيتي هارون،، صح؟

لا مش صح،، وعيب الكلام دا يا بودي انا دلوقتي واحدة متجوزة وكلامك دا ممكن يخرب بيتي

= أكتر من كدا،، معتقدش ان في خراب أكتر من كدا الصراحة

انت لو عايزنا فعلا نرجع زي ما كنا زمان تنسا الموضوع دا،، تشيله من دماغك خالص.. انا كمان هحاول انساه دا لو عايزنا نرجع

= هرجع ابن خالتك برضو؟

وصاحبي اللي بحكيله كل حاجة عني،، اللي بيقف جنبي في اي حاجة ووقت ما اكون محتاجاله

= قصدك هرجع اتركن على الرف

هو انت عايز ايه؟

= اللي انا عايزه مبقاش له لازمة خلاص،، وحاضر يا هند هنرجع زي الاول 

" جرس الباب رن،، بودي راح يفتح الباب،، كانت خالتي دخلت سلمت عليا و قعدنا اما بودي دخل اوضته

قوليلي بقا عاملة ايه،، معرفش عنك حاجة من ساعة ما كنا عند امك وانتي نزلتي فجأه كدا ومشيتي

= عادي يا خالتو،، أيام عادية مفيش فيها حاجة

شكلك بيقول أنها مش ايام عادية

= اقولك ايه طيب؟

اتخانقتي تاني مع مروان؟

= احنا مبقناش نعمل حاجة غير اننا نتخانق

ليه بس يا هند،، مروان طيب وكويس يا بنتي

= مش مظبوط يا خالتي،، مروان متغير من ناحيتي

غصب عنه يا حبيبتي،، اللي عدا عليه مكنش سهل،، دا تلاقيه هيتجنن عشان يفهم اي حاجة،، استحملي معلش

= انا مستحملة والله بس خلاص طاقتي بتخلص،، انا برضو محتاجة اللي يسندني

احنا جنبك يا حبيبتي ونسندك إنما هو محتاجك أنتي

= انا حاسة انه مبقاش عايزني خلاص

وايه اللي يجبره يعيش معاكي لو مش عايزك،، متخليش المشاكل تخلق حاجز بينك وبينه،، لو فضلتي تفكري بالطريقة دي هتضيعي منك جوزك وبيتك

#بقلم : #عمرو راشد

" مشيت من عندها وانا حيرتي زايدة أكتر وخصوصا بعد اللي حصل مع بودي،، حتى لو هو بيحبني بس المفروض انا اعمل ايه،، الحب مش بالعافية وبعدين انا متجوزة وهارون معايا،، انا عندي مليون سبب للرفض،، رجعت البيت وطلعت السلم،، فتحت باب الشقة ودخلت ولسة هقفل الباب لكن في حد منعني اقفله من برا،، رجعت ل ورا والباب اتفتح وشوفت اللي داخلة عليا،، شمس

انتي جاية هنا ليه؟

= احنا مخلصناش كلامنا بتاع امبارح

مفيش أي كلام بيني وبينك

= لا في،، ازاي مفيش كلام يعني دا احنا حتى هنبقا متجوزين راجل واحد

مروان مش هيتجوزك،، مروان بيحبني انا

= و انتي بقا بتحبي مين؟ انتي واخدة مروان كوبري عشان توصلي ل هارون بس نجوم السما اقربلك يا بنت الارض

" باب الشقة اتقفل بقوة.. جسمها بدأ يتحول،، بقت طويلة جدا جدا جدا،، عنيها لونها احمر،، وشها نصه محرو*ق،، شكلها مرعب،، رجعت ل ورا بسرعة

انتي عايزة مني ايه؟

" ردت بصوت مرعب وقالت

أنتي مجرد بني آدمة ضعيفة زيك زي اهلك يا بنت حوا وادم،، آدم الضعيف اللي سمع كلام ابليس و اكل من الشجرة المحرمة،، أنتي مجرد لعبة هارون بيتسلى بيها،، هارون ملكي انا،، ملك شمس،، بنت ابليس

" بدأ يظهر ليها قرون.. ضربات قلبي كنت سامعاها،، انا مش عارفة اتنفس حتى،، جسمي كله بيترعش

هعلمك درس مش هتنسيه أبدا طول حياتك يا بنت حوا

" بدأت تقرب مني اما انا كنت بصرخ،، بصرخ بأعلى صوتي

هاروون،، هااارووون

" فجأه باب الشقة وقع على الارض و ظهر مروان اللي اتكلم بصوت اجش وقال

شمس

" بصت وراها وعنيها مليانة غضب،، اما هارون دخل الشقة 

سأجعلك تتمنين المو*ت على ما فعلتيه الان

= تكلم بأدب يا هارون،، انت تعرف انني لم افعل شئ حتى الان لان ما سأفعله لن تستطيع إيقافه يا هارون

وانتي تعرفيني جيدا،، تعرفي من هو هارون

= كنت اظن انني اعرفك قبل أن تفعل ذلك،، قبل أن تتخلى عن عالمك يا هارون،، من الواضح أنك محيت من ذاكرتك عالمنا وعالمك ايضا،، عالم الجن،، مصيرك كله في يدي يا هارون،، انا احبك،، تذكر يا هارون انني احبك،، وهذا الحب هو الذي يمنعني عنك الان،، امنحك فرصة اخيرة يا هارون 

" فجأه اختفت من المكان كله،، هارون جري عليا وسندني

هي خلاص مشيت متقلقيش

" لكني بعدت عنه،، بص ليا باستغراب

في ايه يا هند؟

= لما هي بتحبك أوي كدا سيبتها ليه،، سيبت العالم بتاعك ليه اصلا

مش وقته يا هند الكلام دا

= لا وقته،، ايه اللي خلاك تنزل الأرض 

اهلك هما اللي حضروني ولا انتي نسيتي

= لا منستش بس انت كنت في العروسة 

وخرجت منها،، خرجت عشانك،، عشان حبيتك 

= يعني كسرت قوانين العالم بتاعك وحار*بت قبيلتك،، كل دا عشاني

انا عملت عشانك اللي عمري ما كنت افكر اني اعمله في يوم من الأيام،، عملت كل دا عشان انا حبيتك

= بس انا تعبت يا هارون،، الموضوع مش سهل وكمان شمس دي شكلها مش سهل خالص

الحل كله في مروان

= ازاي

يعني لو مروان اختفا شمس مش هتعرف تلاقي طريقة تدخل بيها لينا 

= وانت فاكر ان مروان هو اللي مانعها يعني

مروان وسيلة هي بتستخدمها،، اذا لو الوسيلة دي اختفت؟

= ايه مش فاهمة؟

احنا لازم نخلص من مروان يا هند!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

احنا لازم نخلص من مروان يا هند

= مروان دا جوزي،، انت بتقول ايه؟

جوزك خطر عليكي،، جوزك عايز يتجوز عليكي واحدة تانية ومش اي واحدة،، دي شمس 

= برضو لا يا هارون مش هيكون هو دا الحل،، انا مستحيل اكون سبب في أذ*ية مروان

" لقيته سكت وبص في الأرض

افهمني بس،، مروان لحد دلوقتي مش فاهم حاجة،، هو لو فهم مش هيعمل كدا اكيد

= عايزة تفهميه ايه يا هند؟،، هتقوليله أن في جن عايش جواه وبيحبك

اكيد مش هقوله كدا بس انا قصدي يكون فاهم اللي بيحصل حواليه

= مروان لو فهم هيعند اكتر يا هند

عندك حل تاني؟

= زي ما قولتلك

وانا مش هعمل اللي انت بتقول عليه دا ثم اصلا مروان لو ما*ت معناها انك انت كمان هتختفي

= انا اقدر اظهرلك في اي شخص انتي عايزاه،، اقدر اكون في الشكل اللي أنتي تحبيه وبعدين هو مين قال ان مروان هيمو*ت؟

اومال هتعمل فيه ايه

= انا قصدي نبعده شوية اليومين دول،، نخفيه يعني

وبعدين

= هنضيع وسيلة من عند شمس من الوسائل اللي هي بتعرف تدخل بيها ليكي

دا مش حل يا هارون

= اومال ايه الحل بقا عرفيني؟ 

شمس قالت انك معاك اخر فرصة عشان ترجع معاها

= كملي وبعدين يعني،، عايزاني ارجع؟

انا مبقتش عارفة انا عايزة ايه

= هو انتي فاكرة اني حتى لو رجعت معاهم هيسيبوكي في حالك؟

المفروض اه لانك خلاص بقيت معاهم 

= بس انتي كنتي السبب في حر*ق افراد من قبيلتي يعني اسمك اتكتب بالدم عندهم

هيأذ*وني يعني؟

= شئ اكيد بس وحياتك عندي ما حد يقدر يعملك اي حاجة طول ما انا موجود 

هتحار*بهم تاني 

= وتالت،، انا اعمل اي حاجة عشانك

هتقدر عليهم؟

= لا دا انا اعجبك أوي

يعني هتقدر وتحار*ب وتعمل اكشن وكدا

= اكيد اه 

طب بقولك ايه.. خدني على ضهرك وطير بيا بقا 

= تاني يا هند!

عشان خاطري يا هارون،، طير بيا لحد الدور الأرضي بس

= اسكتي يا هند

طب لحد التاني طيب وسيبني هناك

= انا داخل انام،، خلي مروان يصحا ويخلصني من اللي انا فيه دا

" لسة كان هيمشي عشان يدخل الأوضة لكن مسكت دراعه بسرعة

استنا،، طب والباب اللي وقع دا مين هيصلحه

= هند انا جن مش نجار

طب ما توريني كدا اي حاجة من اللي انتو بتعملوها دي

= هو ايه الحماس اللي ظهر فيكي فجأه دا؟

طب بقولك ايه،، ما تجرب كدا مرة واحدة بس ومش هطلب تاني والله

" شاور ب صباعه للباب،، الباب اترفع ل فوق و رجع مكانه طبيعي،، حضنته والابتسامة مرسومة على وشي

واو،، طب بقولك ايه طير بيا بقا لحد الدور الأرضي

= انا هجبلك جوزك احسن،، ولا جوزك ليه،، انا هروح ل شمس

طب لحد الدور التاني،، مش بعيد اهو

= انتي كنتي عايزة الباب يتصلح و اهو اتصلح،، ممكن تسبيني بقا 

هتروح فين؟

= هو انتي مش واخدة بالك اننا في مصيبة؟

ايوا هتعمل ايه يعني

= مفيش غير قاسم،، دا الحل الوحيد اللي قدامنا 

و هو قاسم هيساعدنا ازاي؟

= اكيد هيكون عنده حل،، اسمعيني انتي بكرا تروحي عنده وتحكيله اللي حصل وشوفي هيقولك ايه

طب وانت؟

= هحتاج حد يساعدني،، ماهو انا مش هفضل واقف مستني نتيجة كل خطوة،، لازم نمشي في حل واتنين

هتعمل ايه؟

= ممكن استدعي حد من قبيلتي

انت مش بتقول انهم غضبانيك عليك؟

= ماهو دا مش معاهم،، المهم خلي بالك انتي من نفسك ومتقلقيش انا هبقا جنبك دايما مش هسيبك

" بعدها دخلنا احنا الاتنين ننام،، حسيت بيه وهو قايم الصبح و طبعا دا عشان شغله،، بعد ما نزل قومت عشان اشوف الساعة لقيتها 7 الصبح،، كملت نوم لحد ما فوقت الساعة 2 الضهر على صوت جرس الباب،، قومت فتحت،، كانت ماما

ايه يا بنتي انتي فين؟

= ما انا موجودة اهو يا ماما

موجودة ايه بس،، من ساعة ما كنتي عندي مسمعتش صوتك من ساعتها،، هو انتي لقيتي سعادتك ونستيني ولا ايه

= سعادة ايه بس يا ماما،، الظاهر اني عمري ما هشوف سعادة طول حياتي

اعوذ بالله ليه بتقولي كدا يا حبيبتي

= مفيش حاجة بتكمل للاخر،، دايما في حاجة بتخلي فرحتي ناقصة

مش يمكن انتي اللي مختارة طريق غلط أصلا من الأول

= ازاي يعني؟

زي لما تشوفي فستان عاجبك بس ضيق عليكي لكن هو عاجبك جدا وقررتي تشتريه وانتي عارفة انه مش على مقاسك بس اتصدمتي لما روحتي البيت و لقتيه مش مقاسك رغم انك عارفة من الاول انه مش هينفع،، اهي الحياه كدا يا بنتي،، الفستان اللي على مقاسك هتلاقيه جنب الفستان اللي عجبك اوي دا،، واللي على مقاسك حلو برضو بس احنا دايما بنحب نختار الصعب

= انا حاسة اني داخلة على ايام صعبة أوي يا ماما،، جوايا خوف من اللي جاي دايما ومش عارفة ابطل دا

اللي بيخاف بيكون عامل حاجة غلط وخايف من نتيجتها،، انتي عاملة حاجة غلط؟

" سكت ومعرفتش ارد 

مفيش بني آدم مبيغلطش يا هند،، احنا بشر يا حبيبتي بس المهم اننا لما نعرف الغلط نروح نصلحه

= مش يمكن لما اصلحه اندم؟

تندمي على تصليح الغلط؟،، دا معناه انك عارفة انك بتعملي حاجة غلط،، معنى كدا انك عارفة النتيجة وعارفة اللي هيحصل،، معنى كدا انك عندك الشجاعة تواجهي نتيجة غلطك دا يبقا ملوش لازمة خوفك دا يا هند

= يا ماما انا تايهة ومش عارفة افكر،، ساعديني انا حاسة ان دماغي واقفة

الغلط اللي أنتي عملتيه يتصلح وأنتي هتبقي كويسة

= هو انتي ليه متأكدة اني عملت حاجة غلط؟

باين عليكي وباين كمان انه غلط كبير 

= لا عادي على فكرة،، انا تمام

اتمنى

#بقلم : #عمرو راشد

" نظرة ماما وكأنها عارفة ان فعلا في حاجة مش طبيعية بس طبعا هي مينفعش تعرف حاجة،، مفيش حد شايل الهم دا غيري لوحدي بس دا قراري وعلى رأي ماما طالما دا غلطي يبقا اتحمله،، بعد ما ماما نزلت دخلت لبست بسرعة ونزلت،، وصلت بيت قاسم الساعة 8،، استنيت دوري و دخلت،، على عكس العادة لقيت وشه قافل تماما مش مبتسم زي كل مرة وهو بيقابلني

جاية ليه؟

= انا واقعة في مشكلة كبيرة وعايزاك تساعدني

مشكلتك المرادي ملهاش حل يا هند،، حلها مش عندي

= بس انا فعلا محتاجاك،، انت متعرفش ايه اللي عندي؟

لا عارف،، شمس جاتلك 

= وعارف هي عايزة تعمل ايه؟

عارف،، وأنا حذرتك من اللي أنتي هتعمليه و أنتي مسمعتيش كلامي

= طب انا المفروض اعمل ايه؟،، انا خايفة

يا هند انا حذرتك أكتر من مرة وقولتلك مينفعش هارون يرجع،، انتي بالشكل فتحتي على نفسك بوابة جهنم ومش هتتقفل،، انتي متعرفيش شمس دي ممكن تعمل ايه 

= ماهو انا جيالك عشان كدا،، ساعدني واعملك اللي انت عايزه،، حتى بص

" طلعت من شنطتي المبلغ اللي كان طلبه مني في موضوع هارون

دا المبلغ اللي اتفقنا عليه وممكن أدفع اكتر بس تساعدني

= الموضوع دا لو انا دخلت فيه هتأذ*ي يا هند،، ربنا يسهلك يا هند وتلاقي حل لان حلك صعب ومش هيكون عندي،، تقدري تتفضلي دلوقتي

" مشيت من عنده وانا فاقدة اخر امل ليا،، مضطرة استنا هارون واشوف هو هيتصرف ازاي،، انا كدا معنديش حد الجأله ولا حد هيعرف يساعدني،، الامل في هارون،، رجعت البيت دخلت اغير هدومي بس وانا بغير في الأوضة سمعت صوت برا في الصالة وأنا عارفة ان البيت مفيهوش حد،، خرجت برا لقيت شمس قاعدة على الكنبة

محدش هيساعدك يا هند متتعبيش نفسك،، كل الطرق مقفولة،، محدش هيوافق يقف قدام شمس

= في ربنا اللي أقوى منك ومن اللي زيك

ربنا!!!!

" بدأت تضحك و رجعت تكمل كلامها

وهو أنتي لما حضرتي هارون كنتي تعرفي ربنا؟،، كان لازم تسمعي كلام الشيخ بتاعك وتفكري كويس قبل ما تعملي اللي عملتيه،، بس تعرفي انا مستمتعة،، بكلمك بجد على فكرة،، اللعبة حلوة واحلى لما تبقي عارفة انك الطرف الاقوى وهتكسبي في الأخر يعني الموضوع محسوم يا هند

= انتي بتقولي اي كلام،، بتحاولي تداري على خوفك

اخاف منك انتي؟،، من بشر

" قامت وقفت وعنيها قلبت للون الأحمر

بنت ابليس تخاف من بشر!!!!!

" صوتها كان مرعب جدا و اجش بعدها عنيها رجعت لطبيعتها و ابتسمت وقالت

طب شوفي مروان هيقولك ايه دلوقتي

= دلوقتي فين؟

" في نفس اللحظة لقيت مروان ليفتح الباب و دخل،، بصتله وأنا مصدومة و رجعت ابص عليها تاني لقيتها بتبتسم و اختفت في ثواني،، مروان دخل وهو باصصلي بإستغراب

مالك؟

= مفيش انا تمام

كويس اني لقيتك صاحية

= خير في ايه؟

انا هتجوز شمس بكرا!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

انا هتجوز شمس بكرا

= تتجوز مين؟

ايه مش سامعاني؟

= شمس مين دي اللي تتجوزها يا مروان،، طب وانا

اعتقد اننا اتكلمنا في الموضوع دا قبل كدا وانتي مكنش عندك اعتراض،، ايه اللي حصل بقا؟

= اللي حصل اني لسة على ذمتك،، لسة قاعدة في بيتك وانتي بتقولي هروح اتجوز،، تفرق ايه شمس دي عني؟

بتحس،، بتحس بيا لما احتاجلها،، بتعرف تسمعني لما أكون محتاج اتكلم

= ثواني بس ايه دا كله،، انت عملت كل دا امتا؟

" بص ليا ل ثواني ومن غير ما ينطق وكأنه بيحاول يستوعب السؤال بعدها بشوية رد وقال

انا هتجوز شمس بكرا زي ما قولتلك،، عايزة تيجي الفرح اهلا وسهلا،، مش عايزة خليكي في بيتك احسن

" إجابة ملهاش علاقة بالسؤال اساسا و رده خلاني اتعصب اكتر وقولتله

 يا مروان افهم بقا،، شمس دي مش بني آدمة اصلا

" رد عليا بإستهتار

مش بني آدمة ازاي يعني؟

= جن،، والله العظيم دي جن وبتلعب بيك صدقني،، هي بتعمل كدا عشان تضايقني وتخط*فك مني مش اكتر

" نفس رد الفعل بتاع السؤال اللي فات،، بص ليا ل ثواني وسكت بعدها بشوية رد

انا هدخل انام عشان عندي يوم طويل بكرا،، تصبحي على خير

" ردوده غريبة،، مروان كأنه بيفصل عن الحياه ويرجع تاني،، مش ردود واحد المفروض انه بيتخانق يعني،، دخل الأوضة ونام،، دخلت وراه بعدها بشوية مستنية هارون يفوق،، بس المرادي قعدت كتير مستنياه لحد ما بدأت انام وأنا قاعدة لكن فجأه فتح عينه وقام من على السرير

هند!

= كنت فين يا هارون،، انا استنيتك كتير أوي

ماناا قولتلك لازم اشوف حل

= ولقيت؟

استدعيت واحد من قبيلتي ووافق يساعدني

= و دا هيعمل ايه؟

خلينا نشوف الاول احنا داخلين على ايه

= مش خير خالص يا هارون

واخد بالي

= مروان ناوي يتجوز شمس بكرا

عارف

= طب وبعدين؟

مفيش حل يا هند 

= يعني ايه؟،، مفيش طريقة نوقف بيها شمس

شمس مش سهلة اوي كدا عشان نلاقي طريقة نحار*بها بيها بين يوم وليلة

= انت اكيد تعرفها وعارف ايه نقطة ضعفها

ملهاش عشان كدا بقولك مفيش

= و اللي انت استدعيته دا جاي يعمل ايه؟

هند انا مش غبي عشان ادخل حر*ب مع شمس واخسر أكتر من كدا،، لازم نفكر بهدوء

= مبقاش في هدوء خلاص،، هي اسرع مننا في كل حاجة واحنا واقفين مش عارفين نتحرك واكيد انت عرفت ان قاسم رفض يساعدنا

عارف ايوا

= طب ايه؟،، بقولك ايه في حاجة غريبة حصلت النهاردة

شمس جاتلك؟

= هي جاتلي اه بس مش دا المهم،، مروان وهو بيكلمني كان في حاجة غريبة كدا،، انا قولتله ان شمس دي تبقا جنية بس هو...

شمس مسيطرة عليه ب سحر هي عملاه عشان عقله يرفض أي كلمة عنها 

= مش فاهمة يعني ايه؟

يعني عقله رافض اي كلام عن الجن ف مش هيستوعب وهيسكت وهيحس انك متكلمتيش وبالتالي هيرد رد غير الموضوع اللي انتو بتتكلمو فيه اساسا

= يعني احنا متحاوطين من كل ناحية

كمان انا عايز اقولك ان مروان بكرا هيكون مع شمس يعني انا هخرج منه 

= يعني ايه؟

يعني انا هخرج من جسم مروان

= يعني انا كدا مش هعرف اشوفك؟

تشوفيني لا إنما ممكن تتكلمي معايا

= طب ليه مشوفكش؟

مش عايزك تخافي مني،، عايز ابقا أنا اللي بطمنك بس

= بس انا عمري ما اخاف منك

عشان مشوفتنيش،، أنتي شايفة مروان هو اللي بيكلمك

= طب وأنا اعمل ايه؟

اتعاملي مع الموضوع عادي جدا،، كأنه مش فارق معاكي عشان اي حاجة أنتي هتعمليها مش هيكون ليها لازمة وممكن تأثر تأثير سلبي

= هحاول

خلي بالك من نفسك ومتقلقيش انا جنبك وحواليكي دايما

" رجع ينام تاني وانا نمت جنبه لكن عيني معرفتش اغمضها،، فضلت صاحية لحد اذان الفجر بعدها عنيا راحت في النوم،، فوقت على صوت اغاني،، لقيته واقف قدام المراية وبيلبس البدلة،، قومت من السرير 

هو ايه دا؟،، مش في بني آدمة نايمة

= نايمة ايه دلوقتي،، الساعة 2 الضهر وبعدين انا عريس محتاج أفرح،، عايز احس بقا بالفرحة بدل القر*ف اللي احنا فيه

دلوقتي انا بقيت قر*ف يا مروان،، بعد ما كنت تتمنى تتجوزني بقيت دلوقتي قر*ف

= كان زمان بقا،، الكلام دا فات عليه كتير أوي يا هند

انا مكنتش اتوقع أبدا انك ممكن تعمل كدا،، لما انت اصلا مش بتحبني اتجوزتني ليه؟

= لا خلي كلامك مظبوط بقا،، انا حبيتك يا هند ويمكن اكتر ما انتي حبتيني بس انا مش عارف حصل ايه بينا،، في حاجة غلط حصلت،، في فجوة كبيرة اوي بينا،، احنا المفروض لما اتجوزنا كنا نقرب اكتر من بعض لكن احنا بقينا بعاد اكتر يا هند

طب اسمع يا مروان كل كلامك دا ملوش لازمة قصاد اللي انت هتعمله دا،، يعني انت بتحبني و رايح تتجوز عليا،، اصدقك انا ازاي؟

= انا قولتلك الحقيقة،، عايزة تصدقي ماشي ولو مش عايزة براحتك

طب اسمع يا مروان،، انت لو اتجوزت شمس هتطلقني

= ما تخرسي بقا

" مجرد ما قال الكلمة لقيت قلم نزل على وشي

انتي بتتكلمي ومش عارفة حاجة،، مبتفكريش غير في نفسك،، كل اللي همك انتي وبس،، مفيش حاجة تهمك غير حياتك انتي وبس،، انتي مش عايزاني اتجوز عشان بتحبيني لا دا عشانك انتي،، عشان ابقا بتاعك لوحدك،، منتهى الانانية والقر*ف،، كل شوية تدو*سي أكتر وفاكرة اني مرتاح،، انا ولا مرة ارتحت من ساعة جوازنا حتى لو انا كنت بحسسك بكدا بس انا مش عارف ارتاح معاكي،، انتي غريبة،، كل حاجة بتعمليها غريبة حتى اهلك،، بس اهلك انا كنت شايفهم من الاول وعارف انهم فيهم حاجة غريبة لكن انتي بقيتي زيهم،، مبقتش اطمنلك ولا عارف ارتاح معاكي حتى يوم ما قررت افرح مش عايزاني افرح،، حتى في دي انانية يا هند

" اخد كل حاجته وخرج،، هو انا وحشة أوي كدا،، انا ممكن اكون عملت حاجة غلط بس انا مش وحشة كدا،، انا مش انانية بس عايزة اطمن،، انا عايزة احس بأمان،، في حاجات كتير عايزة احس بيها،، انا مبطلتش احبه بس انا عايزة ارتاح،، تليفوني رن لقيته بودي

ايوا يا هند

= خير يا بودي في ايه؟

مفيش انا بطمن عليكي بس

= انا تمام كويسة 

صوتك فيه حاجة غريبة

= مفيش يا بودي،، ممكن تقفل دلوقتي

طب ما تحكيلي ايه مضايقك يا هند؟

= مفيش حاجة يا بودي،، اقفل بقا،، يلا مع السلامة

" قفلت لإني مكنتش مستحملة اي كلمة زيادة،، قعدت بالشكل دا كتير،، طول اليوم تقريبا ، مكنتش بحسب الوقت لحد ما فتحت تليفوني وشوفت الساعة،، كانت 10 بليل يعني في 7 ساعات ضاعو في اللاشئ،، 7 ساعات وأنا قاعدة مبعملش حاجة غير اني ساكتة لاني معنديش كلام يتقال ولا حتى عارفة افكر وقررت اختمها بالنوم،، قومت دخلت الأوضة ولسة بقفل الباب،، ضهر باب الأوضة كان فيه مراية لمحت فيها..

ياسين!!!

#بقلم : #عمرو راشد

" حبي الأول،، الحب اللي عمره ما اتنسا ولا هيتنسي،، بدأناها من فترة الطفولة لحد ما كبرنا وبقا عندي 21 سنة بس معرفناش نكمل لانه ما*ت في حادثة،، الحاجة اللي طول عمري بهرب منها حتى لقيتها قدامي دلوقتي،، الحاجة اللي مبذكرهاش حتى في بالي عشان محسش بنفس الوجع اللي حسيته يوم ما جالي خبر وفاته،، نفس الوجع اللي حسيته دلوقتي لما شوفته واقف قدامي،، دموعي نزلت تلقائي 

ياسين!!!!

= ايوا ياسين يا هند

ياسين انت ازاي..

= انا لسة عايش،، انتي اللي مشيتي وسبتيني و روحتي تتجوزي

ياسين انت مي*ت

= متصدقيش حد انا قدامك عايش اهو،، تعالي معايا

فين؟

= مش عايزة ترجعي ايام زمان؟،، فاكرة يا هند؟،، فاكرة المدرسة والجوابات وامك لما عرفت انك بتقابليني كل يوم بعد المدرسة في مدخل العمارة

" ابتسمت

فاكرة

= طب فاكرة السندوتشات اللي كنتي بتجبيها ليا

عشان كنت مهمل ومش بتجيب اكل معاك،، في طفل ميجيبش معاه سندوتشات؟

= مكنتش بجوع بس انا ولا مرة هونت عليكي

كنت ببقا عايزاك تاخد سندوتشاتي كمان

= مش عايزة ترجعي أيامنا مع بعض بقا؟

ازاي؟

" مد ايده ليا 

تعالي معايا 

" مديت ايدي ولسة همسك ايده لكن فجأه الاوضة بدأت تتهز وكأن في زلزال وفجأة سمعت صوت مرعب بيقول

هل اخبروك ان هارون بداخل هذا المنزل؟؟،، ارحل ولا تعود مرة اخرى و إلا سأقسم رأسك إلى نصفين

" الابتسامة اللي كانت على وش ياسين اختفت واتحولت ل رعب وخوف وقال

العفو والسماح يا سيدي

" وفجأة اختفى وسمعت بعدها صوت مروان 

مكنتش اعرف موضوع ياسين دا

" بدأت أتلفت حواليا و ابص في كل مكان لكن صوت مروان اتكلم تاني وقال

انا واقف قدامك على فكرة 

= طب انت فين؟،، انا مش شايفاك

قولتلك انا مش عايزك تشوفيني،، بس ايه موضوع ياسين دا؟

" قعدت على السرير و دموعي خانتني ونزلت اكتر

ياسين دا الحكاية اللي بهرب منها بقالي كتير أوي،، بخاف حتى انطق اسمه عشان مفتكرش أي حاجة حصلت،، بخاف اقول حبيت قبل كدا عشان مفتكرش اي حاجة تخصه وكنت فاكرة ان المشكلة كدا هتتحل بس لا،، تعرف أني عرفت مروان عشان حسيته شبه ياسين،، كان نفس حنيته عليا،، بيعرف يطمني،، كان في حاجات كتير شبهه بس مكنش ياسين،، هو كان شبهه مش اكتر،، و دلوقتي ظهر تاني عشان يفكرني باللي بهرب منه بقالي سنين

= دي لعبة من الاعيب شمس،، هي بتلعب على الجانب النفسي عندك،، انا عارفها كويس

لا مش شمس بس،، أي حد ممكن يضحك عليا عادي وانا هبلة وبصدق

= انتي مش هبلة يا هند،، أنتي نضيفة وكويسة

مروان مقالش كدا

= مروان متسيطر عليه بالسحر،، متصدقيش كلامه

و بودي،، دا كمان حد مسيطر عليه؟

= بودي بيقول كدا عشان أنتي محبتيهوش،، خليكي واثقة فيا يا هند،، صدقيني انتي مفيش منك دلوقتي

انا مبقتش عارفة الاقي نفسي يا هارون

= طب تيجي نطير لحد الدور الأرضي؟

" سكت و مردتش عليه 

طب ايه رأيك لو لحد التاني بس و اهو مش بعيد

= اشمعنا وافقت دلوقتي

انا اعمل اي حاجة ممكن تفرحك

= انا عايزاك جنبي

وانا جنبك دلوقتي،، نامي وانا هقرألك قرآن عشان تهدي

" نمت على السرير لكن قبل ما احط راسي على المخدة قومت وكلمته

هارون هو ازاي شمس هتتجوز مروان،، هي مش كدا هتبقا كسرت القواعد برضو؟

= قولتلك هي مسيطرة عليه،، وبتلعب معاه نفس اللعبة اللي لعبتها معاكي من شوية،، بتلعب على الجانب النفسي

يعني هتعمل ايه؟

هتشوفي بنفسك

" صحيت تاني يوم الصبح لقيت شمس قاعدة على كرسي جنب السرير و باصة من الشباك

صباحية مباركة يا عروسة

= صباح النور،، قوم عشان تفطر

" الرد كان ناشف شوية،، قومت من السرير و روحت جنبها

بصي انا عارف اني نمت امبارح ومعملناش حاجة بس يا حبيبتي اليوم كان تقيل وانا كنت تعبان اوي

= ايه الكلام دا!!!،، لا احنا عملنا ليلة دخلتنا بشكل طبيعي بس حضرتك بقا اللي مكملتش

مكملتش يعني ايه مش فاهم؟

= دي حاجة مش محتاجة تفسير يا مروان

طب فهميني انا عملت ايه بالظبط؟

= ماهو دي المشكلة انك معملتش حاجة

خالص؟

= خالص

يعني ايه

= مروان انت عندك مشكلة جن*سية و لازم نروح ل دكتور!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

مروان انت عندك مشكلة جن*سية و لازم نروح ل دكتور

= انتي اتهبلتي يا شمس ولا ايه،، مشكلة ايه اللي عندي دي أنا زي الفل

انت مشوفتش نفسك امبارح كنت عامل ازاي وانا بصراحة مش هكمل معاك وانت كدا

" مسكتها من دراعها بقوة

بقولك ايه يا بت أنتي،، أنا ارجل من اي راجل انتي تعرفيه،، الكلام اللي أنتي بتقوليه دا مش عايز اسمعه تاني،، فاهمة ولا لا؟

" شدت دراعها مني

لا مش فاهمة يا مروان،، ولو انت فضلت مصمم على رأيك هتطلقني

" قامت خرجت برا الأوضة وسابتني،، هو أنا ممكن يكون عندي مشكلة بجد ولا ايه،، ممكن عشان كدا انا مش فاكر اي لحظة حلوة مع هند يمكن لاني عندي مشكلة وهي مبتتكلمش عشان متكسفنيش،، أنا شكلي اتسرعت ولا ايه،، ايه اللي أنا عملته في نفسي دا،، دا انا غبي 

" صحيت من النوم كانت الساعة 2 بس مكنش ليا نفس ولا مزاج اعمل اي حاجة،، كملت نوم لحد ما فوقت على جرس باب الشقة وهو بيرن،، قومت فتحت لقيته بودي

ممكن تقوليلي انتي مش بتردي عليا ليه؟

= مش عايزة تتكلم مع حد

وهو انا اي حد يا هند ولا ايه؟

= بودي انت عايز ايه؟

عايزك كويسة،، أنا شايفك بتروحي مني

= منك؟

مننا يعني،، أنا مش عايز اشوفك في الحالة دي،، عايزك زي زمان،، تنزلي وتخرجي وتعملي كل اللي نفسك فيه

= وانا هعمل دا ازاي بقا؟ ازاي وانا في كم المشاكل دي

طب ما تقوليلي ايه هي المشاكل ونحاول نحلها

= مش هعرف اشرحلك

دا انا الوحيد اللي كنتي دايما تحكيله مشاكلك ولا نسيتي؟

= من ساعة اللي انت قولته وانا نسيت فعلا يا بودي

هو مروان فين؟

= وانت مالك؟

هي المشاكل اللي أنتي فيها دي مع مروان؟

= حاجة متخصكش يا بودي،، مشاكلي مع جوزي هحلها معاه لكن محدش يدخل بينا

ومن امتا الكلام دا؟

= من دلوقتي،، او تحديدا من ساعة ما كنت بحكيلكو كل حاجة عشان تستخدموها ضدي وتقررو تخر*بو حياتي

انتي لسة مصدقة مفسك

= اصدق نفسي احسن ما اصدقكو انتو

انتي مش واعية لنفسك يا هند

= وانت بقا اللي جاي توعيني؟

انا جاي عشان اقف جنبك

= مش عايزة شكرا

هو في ايه يا هند؟،، مالك بترفضيني كدا ليه كل ما اكلمك؟

= عشان انا حاليا مش قادرة على الجدال دا ولا قادرة احكي ولا قادرة اعمل اي حاجة

" بودي قرب مني أكتر

طب ما تحكيلي واوعدك هيفضل سر ومش هحكيه حتى ل خالتك 

" لوهلة حسيت انه صادق فعلا وقررت احكيله

مروان اتجوز عليا

= ايه؟،، امتا الكلام دا

امبارح

= هو اتجنن ولا ايه،، أنا هروح اخليه يطلقها يإما يطلقك

بودي انا مش عايزة اندم اني حكيتلك،، لو سمحت بلاش تدخل في الموضوع عشان هيتعقد اكتر

= هو اتجوز مين؟

واحدة مش هتعرفها

= ايوا واحدة مين يعني؟،، عرفها من الشارع ولا منين؟

عرفها من اي مكان يا بودي،، هي تفرق معاك في ايه؟

= مش جايز يكون دا مقلب و هو بيعمله فيكي عشان يعني ترجعي تهتمي بيه زي الاول،، أصل الرجالة لما بتلاقي الست اللي معاه مهملة وسايباه بيقولها انه هيتجوز عليها عشان تبدأ تهتم بيه من تاني

لا هو عملها بجد

= ايه اللي مخليكي متأكدة اوي كدا؟

عشان انا اعرفها

= وساكتة يا هند!!!،، قوليلي مين هي؟

واحدة اسمها شمس

= منين دي ولا دي صاحبتك ولا ايه

" بصيتله لثواني و اترددت اتكلم وهو لاحظ دا وسألني

مالك؟

= بودي هو أنا ينفع اثق فيك؟

طبعا ينفع،، اطمني والله اي حاجة هتحكيها مش هتطلع برا

= اللي مع مروان دي مش بني آدمة

نعم؟،، مش بني آدمة ازاي يعني؟

= جنية

جنية!!،، لا بقولك ايه فهميني بهدوء كدا،، يعني ايه جنية ولا الجنية دي جاتلك ازاي؟

= جاية تنت*قم مني عشان موضوع هارون

هو مش موضوع هارون دا اتقفل خلاص؟ 

= ماهو انا حضرت هارون تاني

" اتنفض من مكانه وقام وقف

يا نهارك أسود!!!،، ليه يا هند؟،، حضرتيه ليه؟

= انا حاسة اني بحبه،، بحس معاه بالامان والراحة،، مش شايلة هم حاجة

انتي بتقولي ايه،، انتي اتجننتي،، والله العظيم اتجننتي

= اتجننت عشان عايزة اكون مبسوطة

وهو عشان تكوني مبسوطة تحضري جن،، هو انتي مدركة انتي عملتي في نفسك ايه ولا انتي متخيلة الجنية اللي مع مروان دي ممكن تعمل ايه؟

= انا مفكرتش في دا كله

عشان مفكرتيش غير في نفسك لكن اللي حواليكي مش مهم زي كل مرة،، عادتك وعمرك ما هتغيريها

" صوته كان عالي و دا خلاني اتوتر اكتر

هو انا بحكيلك عشان تعمل كدا؟

= اومال عايزاني اعمل ايه؟،، دي حياتي يا هند ومش حياتي لوحدي،، امك وامي كمان

عبدالله حاول تساعدني،، أنا بجد مش عارفة اتصرف ازاي

= وسي هارون دا مش عارف يتصرف؟

هارون مش عايز يحار*بها عشان ميتسجنش تاني

= اسمعي،، اللي هيساعدك في الموضوع دا الشيخ قاسم

روحت وقالي انه مش هيعرف يساعدني عشان هيتأ*ذي

= وانا بقا اللي هساعدك؟،، اللي عندهم قدرات مش عارفين وانا اللي هعرف؟

متسبنيش يا عبدالله انا محتجالك

= هو مروان ميعرفش حقيقة اللي هو متجوزها دي؟

عاملاله سحر يخلي عقله يرفض اي كلام على الجن

= طب انا اعمل ايه،، هو مفيش غير الحلول دي يإما مروان يفوق أو هارون يساعدك أو... 

او ايه؟

= امي اكيد تعرف شيوخ تاني زي قاسم كدا،، أنا هرجع البيت حالا واسألها

اوعا تجيب سيرة بالكلام دا يا عبدالله

= متقلقيش مش هتعرف حاجة

#بقلم : #عمرو راشد

" قام بسرعة وخرج من الشقة وقفل الباب وراه،، هارون لحد دلوقتي مظهرش،، يا ترى راح فين،، بيختفي في اكتر وقت انا محتاجاه فيه،، دخلت الحمام وواقفة باصة في المراية لمحتها ورايا،، بصيت ورايا بسرعة وأنا قلبي هيقف من الخوف،، ابتسمت ليا وقالت

تفتكري حتى لو عبدالله عرف شيخ تاني،، تفتكري هيساعدك؟

" رجلي مش عارفة تتحرك من الأرض،، جسمي كله اتصلب مجرد ما شوفتها،، اما هي قربت مني أكتر لحد ما بقت في وشي

صدقيني يا هند مفيش حد هيوافق يساعدك ولا حتى هارون

= هارون هييجي و هتشوفي هو هيعمل ايه

هو أنتي فاكرة ان هارون بتاعك دا يقدر يوقفني،، لو فاكرة كدا تبقي لسة مفهمتيش انتي بتواجهي مين

= انا مش خايفة منك

حقك مش هقدر الومك بس دا عشان انا لحد دلوقتي بلعب معاكي إنما من دلوقتي هنبدأ في المهم واللي جاية عشانه

" باب الشقة خبط وفي ثانية شمس كانت اختفت،  جسمي بدأ يرجع لطبيعته واتحركت عشان افتح الباب،، لقيت اللي برا..

الشيخ قاسم!!!

= ممكن ادخل؟

طبعا اتفضل

" دخل وقعد على الكرسي وانا قعدت قدامه

تشرب ايه؟

= انا مش جاي اشرب،، الموضوع ميستحملش تأخير

خير يا شيخ قاسم؟

= انتي زي بنتي يا هند وصعبانة عليا اسيبك في موقف زي دا لوحدك عشان كدا انا جاي اقولك اني موافق اساعدك ومش عايز منك حاجة،، شمس ناوية على اذ*ى كبير ليكي و لاهلك كلهم ويبقا حرام عليا لو وقفت اتفرج وسيبتها تنفذ اللي هي عايزاه

انا مش عارفة اقولك ايه؟

= متقوليش حاجة،، كل اللي أنا عايزك تعرفيه اني معاكي و هساعدك مهما كان اللي هيحصل

شكرا جدا،، والله يعني انا...

= قولتلك انا مش جاي عشان تشكريني،، أنا عايزك بكرا تجيلي البيت عشان نعرف نتصرف 

حاضر

= متتأخريش يا هند

" خرج من عندي وانا رجعت قعدت على الكنبة افكر في كلامه،، جايز يكون ربنا عايز يمنحني فرصة تانية اصلح بيها اللي عملته،، يارب،، تليفوني رن،، قومت دخلت الأوضة عشان اجيبه و ارد،، لقيته بودي

ايه يا بودي؟

= خالتك بتمو*ت يا هند!!!!

بتقول ايه؟،، جسمها كله بيترعش وعنيها بيضة وبتقول كلام غريب،، حاولي تلاقي هارون بسرعة

= انا مش عارفة هو فين؟

اتصرفي يا هند امي بتمو*ت

= طب حاول تنقلها على المستشفى لحد ما اجيلك

" ساعتها سمعت صوت ضحكة مرعبة في الأوضة،، صرخت وقولت بأعلى صوتي

انا مش خايفة منك،، مش خايفة،، انتي مجرد جنية ضعيفة متقدريش تعملي حاجة غير بأمر ربنا

" جرس الباب رن،، خرجت بسرعة عشان افتح

مروان!!

= انا هارون يا هند يلا بسرعة مفيش وقت

خالتي بتمو*ت يا هارون

= المهم امك دلوقتي،، شمس استدعت أفراد من قبيلتي و هيروحو ل امك 

طب يلا بسرعة

= ثواني طيب

" دخلت جيبت الچاكيت و التليفون بتاعي من الأوضة بس لمحت انعكاس شمس وهي واقفة ورايا في المراية ومبتسمة ابتسامة مرعبة

مش هتعرفي تلحقيهم يا هند،، فات الأوان

" كنت لسة هجري برا الأوضة لكن لقيت هارون قدامي و باصص للمراية وقرب منها وضر*بها ب رجله،، المراية كلها اتكسرت ووقعت على الأرض

تفتكر هنلحق؟

= للاسف هضطر اعمل اللي مكنتش عايز اعمله

هو ايه؟

" فجأه شاور ب صباعه للشباك اللي في الاوضة والشباك اتفتح،، بعدها فرد جسمه في الهوا،، جسمه كان مفرود زي السجادة كأنه هيطير

هارون!

= اطلعي على ضهري بسرعة!!!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

اطلعي على ضهري بسرعة

= ايه!!

اطلعي على ضهري بقولك

= اعملها ازاي دي؟

انتي مالك في ايه،، مش كنتي عايزة تطيري؟

= نطير!!!

طب ابقي تعالي ورايا مواصلات بقا

= خلاص خلاص استنا

" بدأت أحاول اطلع وبعد محاولات نجحت فعلا وبقيت على ضهره

جاهزة؟

= والله مش أوي

حيث كدا يبقا تمام

" اتحرك وطار وخرج من الشباك،، اه والله العظيم طار،، أنا مش مصدقة اللي انا فيه،، قلبي بيرفرف من الفرحة لدرجة اني نسيت المشكلة اللي أنا فيها،، كنا بنعدي بين البيوت ويمين وشمال،، احساس غريب جدا الصراحة لكن فوقت من كل دا لما شوفت بيتنا

البيت اهو يا هارون

" هارون وجه راسه ناحية البيت وطار بأقصى سرعة لحد هناك،، بعدها بدأ يهدي سرعته لحد ما نزل على سطح البيت

انزلي بسرعة

" وفعلا نزلت،، جسمه اتعدل وقام وقف

هنعمل ايه دلوقتي؟

= اكيد مش هنخبط على الباب

اومال هنعمل ايه؟

" قرب مني و حضني بس حسيت ان دماغي بتلف وعندي عدم اتزان ولكن لما فتحت عيني فهمت لاني لقيت نفسي جوا شقة ماما

هارون احنا دخلنا هنا ازاي؟

= مش وقت اسئلة خلينا نشوف امك فين

" مشي قدامي وانا ماسكة في ايده وبتحامي فيه،، لمحت نور احمر قوي جاي من أوضة ماما،، شاورتله عليه و اخد باله و روحنا على هناك بالفعل،، هارون فتح باب الأوضة عشان نلاقي واحد اتنين تلاتة،، اكتر من 8 كائنات كلهم موجودين في الأوضة حوالين ماما وهي نايمة،، نفس الشكل طوال جدا وعنيهم حمرا،، نص وشهم مشوه،، عندهم قرون طويلة جدا،، بدأت امسك في هارون أكتر لكن سمعت صوت من ورايا

اهلا يا هارون

" بصيت ورايا لقيتها واقفة،، ايوا هي،، شمس،، هارون سحبني ل ورا واتقدم خطوتين ناحيتها

انتي عايزة ايه؟

= مكنتش اتوقع انك تخالف دينك يا هارون،، انت عارف كويس خطورة استخدام قدراتك على مروان ورغم دا انت استخدمتها

هو أنتي فاكرة انك باللي انتي بتعمليه دا يخليني اخاف؟

= انت قلبك بقا ضعيف يا هارون،، أنا شايفاك كويس،، انت ضعفت عشان حبيت لا وكمان حبيت من الجن*س البشري اللي متحرم علينا يعني خالفت قوانين عالمنا وخالفت دينك،، كل دا عشان مين؟،، عشان دي؟

" شاورت ب ايدها عليا لكن أنا حسيت فجأه بسخونية شديدة جدا بعدها لقيت ايد محرو*قة مشوهة بتحاوطني وبتحاول تسحبني،، كنت لسة هصرخ لكن الايد كتمت صوتي وبدأت تبعدني عن هارون 

انا دلوقتي هاخد هند و أنها وهنمشي من هنا ولو وقفتي قدامي يا شمس مش هتردد ثانية اني اقت*لك

" هارون ساعتها بص وراه و اتفاجأ لما شافني وسط الكائنات وهما بيحاوطوني،، ساعتها عنيه قلبت للون احمر وبدأ يطلع منه صوت مرعب،، كان شبه الزئير بس اجش جدا و مرعب ولسة هيتحرك ناحيتي لكن فجأه لقيت الجنازير بتلف على جسم هارون وعلى رقبته،، بدأ يصرخ بصوت عالي جدا،، صرخته كأنها طالعة من الجحيم،، استمر الموضوع دا والجنازير حوالين هارون وبتخنقه لمدة دقيقة بالظبط بعدها هارون وقع على الأرض،، الجنازير اتفكت وشمس قربت منه وبدأت تبص عليه بعدها بصتلي و عنيها كلها غضب

دا مش هارون

" شباك الأوضة اتفتح بقوة و رياح شديدة جدا دخلت وبدأت تكسر كل حاجة في الأوضة،، فجأه لمحته جاي طاير بأقصى سرعة و دخل من الشباك،، كان شكله غريب،، طويل يمكن اطول من الكائنات اللي موجودة بكتير،، ايديه الاتنين فيهم نار،، مجرد ما شاور ب ايده على الكائنات اللي واقفة ظهرت نار شديدة جدا،، بعدها شاور بالايد التانية على الكائن اللي محاوطني ب ايده اللي خرجت منها صعقة دخلت في الكائن اللي ماسكني بعدها الايد سابتني،، قومت جريت بسرعة لكن شوفت الجنازير تاني وهي بتلف حوالين جسم هارون وبالمناسبة هو جسمه كان شبه جسم الاسد،، بدأ يصرخ ولكن فجأه الجنازير اتقطعت،، هارون بص وراه وشاف شمس،، هي كمان كانت اتحولت وسابت الجسم البشري اللي كانت فيه،، هارون قال بصوت عالي و مرعب

الجحيم ينتظرك يا بنت ابليس،، كان عليك التفكير ل قرون قبل ان تعبثي معي،، أنا لست مثل البقية،، أنا الافضل،، الأقوى،، أنا هاااروووون 

" نار خرجت منه وبقت عازلة بينا وبين شمس،، بعدها هارون بص ليا وشاورلي على مروان و امي،، جريت بسرعة على مروان وبدأت اسحب جسمه وسط صرخات شمس،،، سحبت مروان لحد ما بقا جنب هارون،، بعدها هارون مسكني من دراعي وشاور هو على ماما ب صباعه لقيت ماما اترفعت من مكانها واتحركت ناحيتنا و مجرد ما ماما بقت جنبنا فجأه حسيت بنفس الدوران اللي حسيت بيه قبل كدا،، وفعلا لقيت نفسي في بيت خالتي و بودي واقف وبيحاول يفوق خالتي اللي واقعة على الارض،، جريت عليهم بسرعة 

في ايه مالها؟

" بودي اتصدم لما شافني

انتي دخلتي هنا ازاي؟

= يلا بس بسرعة مش وقته 

" خرجت برا لقيت مروان واقف وباصصلي بترقب

احنا لازم نتحرك حالا من هنا

= انت مروان؟

انا هارون يا هند

= خالتي جوا مغمى عليها يا هارون

دا تأثير شمس،، لازم تخرج من البيت

= طب وماما؟

كلنا هنخرج من البيت دلوقتي

" دخلت جوا عند بودي

اسحبها معايا على برا يا عبدالله

= هتعملي ايه؟

هفهمك بس يلا بسرعة

" بالفعل بودي شالها وانا سندته وخرجنا برا

دا بيعمل ايه هنا دا؟

= دا هارون

" هارون ساعتها لف ايده علينا و غمض عينه،، رجعت احس بالدوران تاني،، فتحت عيني لقيت نفسي في شقتي،، وماما نايمة قدامي على السرير وخالتي جنبها،، قربت من هارون 

هما هيفوقو امتا؟

= حالا هيبقو كويسين

انا خايفة شمس ترجع تاني

= متقلقيش انا حصنت البيت،، مش هتعرف تدخل

" بعدها هارون سابني وخرج برا وأنا قعدت جنب ماما،، بودي ساعتها قالي

هو بيعمل كدا ليه؟

= عشان خايف علينا،، مش عايزنا نتأ*ذي

بالرغم اني مختلف معاكي في اللي عملتيه بس أنا بدأت احبه و احس انه فعلا كويس

= دا عشان موقف واحد عمله لكن شوف بقا هو عمل ايه عشاني وعشان ماما

طب احنا هنعمل ايه؟

= مش عارفة لسة،، هخرج اسأله

#بقلم : #عمرو راشد

" قومت وخرجت لقيته قاعد على الكنبة،، قربت وقعدت جنبه

مالك؟

" اتعدل و قام با*س دماغي

مفيش حاجة يا حبيبتى،، هما فاقو ولا لسة؟

= لسة

اطمني هيفوقو وهيبقو كويسين

= حاسة ان فيك حاجة؟

قلقان عليكي

= انا بقا مش قلقانة طول ما انت جنبي 

ماهو دي المشكلة يا هند،، أنا بقيت حاسس ان نهايتي بتقرب،، كل معركة بدخلها بحس ان نهايتي بتقرب اكتر من الاول

= ليه بتقول كدا؟

عشان انا مش هكسب علطول يا هند،، هييجي يوم وهقع واليوم دا قريب 

" بدأت احس بالخوف وحضنته وقولت بصوت غالب عليه العياط

متقولش كدا يا هارون،، أنا محتاجاك

= اخر حاجة كنت عايزها انك تشوفيني بشكلي الحقيقي،، الشكل اللي انا خفيته عنك

انا بحبك في اي شكل انت فيه،، كفاية اني بكون مطمنة وانت جنبي،، دا مخليني مش عايزة أي حاجة تاني

= احنا لازم نزود قوتنا

هي كدا شمس اتحر*قت؟

= طبعا لا،، لازم حد يروح للشيخ قاسم ويحذره،، مش عايزين نخسره دا كمان

هي ممكن تأذ*يه؟

= اكيد خصوصا ان دا الحل الوحيد عندنا

حاضر هروحله

= مش لوحدك،، لازم حد يكون معاكي 

حاضر،، بس انت هتروح فين؟

= مروان هيفوق دلوقتي،، هو هيحس انه تعبان شوية بسبب اللي حصل و الطاقة اللي انا بذلتها،، خليه يستريح وهيبقا كويس

" رجع نام على الكنبة وقفل عنيه،، قومت من جنبه دخلت الاوضة لقيت بودي قاعد جنب ماما وخالتي

احنا لازم نروح للشيخ قاسم بكرا يا بودي

= و امك و امي؟

متقلقش البيت متحصن و هارون هيكون موجود اكيد

= ماشي بس هنروحله ليه؟

قاسم دا أملنا الوحيد مينفعش نفقده،، لازم نحذره من اللي شمس ممكن تعمله

" فضلنا قاعدين طول الليل جنب ماما وخالتي لحد ما الشمس طلعت ولقيت ماما بتفوق،، قومت بسرعة 

صباح الخير يا ماما

= صباح النور،، هو مش دا بيتك برضو،، أنا جيت شقتك ازاي؟

ايه يا ماما انتي نسيتي؟،، أنا كنت بكلمك امبارح في التليفون وقولتلك اني تعبانة وانتي جيتي عشان تقعدي معايا 

= انا مش فاكرة حاجة زي كدا خالص

ازاي بس مش فاكرة،، طب على العموم قومي و وافطري

" كانت لسة هتقوم ولكنها اتفاجئت لما شافت خالتي جنبها

خالتك صفاء بتعمل ايه هنا يا هند؟

= هي اصلا بايتة هنا من امبارح يا ماما،، انتي شكلك ناسية كل حاجة

انا ازاي مش فاكرة كل دا؟

= يمكن عشان لسة صاحية من النوم ولا ايه يا بودي؟

" بودي رد مكاني 

ايوا بالظبط يا خالتي،، قومي و افطري و هتفوقي وتفتكري كل حاجة ولما امي تصحا خلي بالك منها

= ليه هي مالها؟

" رديت انا بسرعة

مفيش حاجة يا ماما بس خالتي تعبت امبارح شوية

= تعبت!!،، كان فيها ايه يعني؟

مفيش كانت دايخة شوية،، خلي بالك منها بقا لحد ما نرجع

= و انتي رايحة فين؟

اصل بودي عايزني اختار معاه لبس،، صح يا بودي؟

" بودي رد

ايوا صح عشان رايح حفلة مهمة

= دا احنا لسة بدري أوي يا ابني

ماهو عشان نلحق نرجع يا خالتي

" عرفت اعدي الموضوع بسلام ولكن اكيد الأسئلة مش هتخلص وخصوصا لما مروان يفوق،، نزلت انا و بودي بسرعة و روحنا على بيت الشيخ قاسم،، كانت الساعة 1 الضهر لكن لقينا الناس متجمعة على بيته بطريقة غريبة،، قربنا منهم و بودي سأل واحد من الناس

هو في ايه؟

= الشيخ قاسم مات!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

الشيخ قاسم ما*ت

= بتقول ايه!!!،، مات ازاي؟

اعوذ بالله يا استاذة،، دا ربنا يعينه على اللي شافه قبل ما يمو*ت

= ازاي مش فاهمة؟

بيقولو مي*ت وهو عينيه مفتوحة على الاخر وبوقه مفتوح كأنه شاف حاجة مش طبيعية ربنا يحفظنا

" عبدالله ساعتها بص ليا 

يبقا شمس راحتله

= وهي شمس قوية بالشكل دا يا عبدالله؟

دي واحدة من الجن يا هند يعني اكيد قوية 

= بس قاسم يعني..

حتى لو هو قوي ويقدر بس الجن برضو عنده قدرة اكبر مننا

= هنعمل ايه دلوقتي،، احنا في مصيبة حرفيا يا عبدالله 

مفيش غير هارون لازم يتصرف بأي طريقة

= كفاية اللي هو عمله امبارح،، أكتر من كدا ممكن يتأذ*ي

يا هند دول جن مع بعض ملناش دعوة احنا

= دا هارون يا عبدالله،، يعني هو حار*ب عشاني وانت عايزني اسيبه؟

ماهو انتي لو مسبتيهوش بمزاجك هتسبيه غصب عنك يا هند

= غصب عني ازاي؟

اهلك يا هند،، اهلنا ولا انتي نستيهم،، امك و امي ومروان وانا،، احنا كلنا كدا مش فارقين معاكي؟

= لا طبعا إزاي تقول كدا،، طبعا فارقين

كلامك مبيقولش كدا يا هند

= في ايه يا عبدالله،، هو انت فاكر اني هتنازل عن اهلي يعني؟ انا مستحيل اعمل كدا

ما أنتي عملتيها قبل كدا في مروان وكنتي هتتنازلي عنه عشان خاطر هارون

= هو مش هارون دا اللي انقذنا كلنا يإما كنا هنكون مقتو*لين دلوقتي 

وهو كان مين اللي هيقت*لنا؟،، مش شمس دي اللي جات عشان تنت*قم منك عشان خدتي منها حبيبها

= هو انت عندك مبرر لكل حاجة؟

لا انتي اللي كدبتي الكدبة وبتصدقيها يا هند وانا شخصيا بدأت اخاف عليكي من كدا،، آخرته وحشة

" سكت ومردتش عليه عشان انهي النقاش دا وفضلت ساكتة لحد ما رجعت البيت وساعتها لقيت امي وخالتي قاعدين مع بعض و بيتكلمو طبيعي،، حمدت ربنا في سري و دخلت

ايه يا خالتو عاملة ايه دلوقتي؟

= كويسة يا حبيبتي 

" رد خالتي كان بإبتسامة كأنها فاهمة حاجة أو عرفت حاجة،، استأذنتهم ودخلت اوضتي لقيت مروان صاحي وقاعد على السرير

انت صحيت امتا؟

= انتي كنتي فين يا هند؟

كنت بشتري لبس مع عبدالله 

= انتي استأذنتي؟

ماهو انت كنت نايم

= يعني ايه نايم،، نايم ومش هصحا يعني ولا ايه

لا مقصدش بس..

= هو ايه اللي بيحصل؟

بيحصل ازاي؟

" قام من مكانه ووقف و بدأ يزعق

انا عايز اعرف ايه اللي بيحصل في البيت دا،، أنا حاسس اني بقيت ضيف ومعرفش اي حاجة عن اللي بيحصل في بيتي،، وكمان أنا ايه اللي جابني هنا،، أنا كنت قاعد عند شمس،، أنا جيت هنا ازاي ومتكدبيش عليا عشان لو كدبتي هعرف

= مفيش يا مروان،، أنا لقيتك جاي امبارح تعبان ودخلت تنام 

ازااااي انا مش فاكر دا،، أنا مبقتش فاكر حاجة،، أنا مبقتش فاكر اي حاجة،، أنا حاسس اني بنسا كل حاجة،، اشمعنا أنتي بس اللي بتفتكري،، أنا هتجنن،، ايه اللي بيحصل يا هند 

" قربت منه ومسكت ايده وقعدنا

اللي بيحصل صعب تفهمه يا مروان بس صدقني هحكيلك كل حاجة في وقتها لكن دلوقتي مش هينفع،، كل اللي عايزاك تعمله انك تبعد عن شمس،، شمس دي هتأذ*يك صدقني،، صدقني يا مروان والله انا ما بكدب عليك

= طب ما بتقوليلي،، أنا محتاج افهم

مفيش وقت لأي حاجة تتحكي،، خليك واثق فيا وانا والله ما هأذ*يك،، أنا معاك ومش هسيبك بس تثق فيا واول ما هنعدي المشكلة دي هحكيلك كل حاجة

= مشكلة ايه طب؟

كل اللي اقدر اقوله اننا في مشكلة كبيرة اوي ومش عارفين نحلها

= طب قوليلي يمكن اساعدك؟

مفيش حد يساعدنا غير ربنا،، أنا املي فيه كبير وهو مش هيسيبنا انا متأكدة 

" سمعت تليفونه بيرن،، مد ايده ومسكه 

دي شمس

= متردش يا مروان،، اوعا ترد

ليه؟

= شمس ناوية تقت*لنا كلنا،، عشان خاطري يا مروان بلاش ترد و ابعد عنها خالص

" التليفون سكت لكن في ساعتها سمعت صوت جرس الباب بيرن،، قلبي اتقبض ساعتها،، قومت خرجت من الأوضة لقيتها داخلة وعبدالله معاها،، بصيت على الأوضة تاني لقيت مروان قاعد لسة على السرير وساكت تماما مفيش اي رد فعل عليه،، سيبته وخرجت برا لقيتها قاعدة مع ماما وخالتي وعبدالله،، كانت قاعدة مبتسمة،، قعدت معاهم،، لقيت ماما اتكلمت

بقا يبقا عندك صاحبة زي القمر كدا ومتعرفيناش عليها

= عادي يا ماما مجتش فرصة 

طب..

" قاطعت امي واتكلمت

عن اذنك يا ماما احنا هندخل جوا

" لسة بسحبها من ايدها لكن هي متحركتش معايا،، تقيلة جدا ومش قادرة حتى احركها خطوة،، ساعتها ابتسمتلي وقامت معايا و دخلنا المطبخ 

انتي جاية هنا ليه؟

= بطمن عليكي يا هند ولا انتي مكنتيش عايزاني آاجي بقا؟

انتي دخلتي ازاي أصلا؟

= اه قصدك عشان التعاويذ اللي عملها هارون،، دي حاجة بسيطة اقدر افكها في ثانية،، قولتلك قبل كدا يا هند هارون ميقدرش يوقفني واللي هو عمله امبارح دا أنا اللي كنت سيباه بمزاجي

" قربت مني أكتر وعنيها قلبت للون الأحمر

انا كنت اقدر امحيكو كلكو من على وش الأرض

" حاولت ابعد عنها لكن هي مسكتني من رقبتي وبدأت تخن*قني،، جسمي اترفع ل فوق وهي لسة بتخن*قني،، حاسة روحي بتتسحب مني،، مش قادرة اتنفس ساعتها لمحت عبدالله جاي بيجري علينا 

#بقلم : #عمرو راشد

هند!

" شمس بصت وراها و رفعت كف ايدها في وش عبدالله لقيته طار ووقع على الأرض واغمى عليه،، بعدها بصتلي وعنيها كلها غضب و رمتني على الأرض وقالت ليا بصوت مرعب

انا ممكن اهد الدنيا عليكو كلكو،، انتي لسة متعرفنيش ولا تعرفي انا ممكن اعمل ايه

= انا مش خايفة منك،، انتي ضعيفة ولو قادرة تعملي حاجة كنتي عملتيها،، انتي ضعيفة يا شمس

" بدأت تقرب أكتر مني

انا هثبتلك دلوقتي مين الاقوى و هارون مش هيعرف يلحقك

" بدأت أصرخ لانها كانت فاضل خطوة وتمسكني،، لكن لقيتها وقعت على الأرض ولما وقعت شوفت مين اللي وراها،، كان مروان،، ساعتها جه وساعدني اقوم،، مشيت معاه و انا شايفة عبدالله واقع على الارض ومغمى عليه،، هارون شاور ب صباعه و رفع جسمه من الأرض،، خرجنا كلنا برا للصالة،، امي اتخضت

في ايه يا مروان؟،، في ايه يا هند؟

" هارون حط ايده على دماغ امي وخالتي،، الاتنين اغمى عليهم وبدأ هو يحاوطنا بإيده ساعتها حسيت ب دوخة مؤقتة،، فهمت سببها بعد ما فتحت عيني بثواني لاني لقيت نفسي في مكان تاني و امي و خالتي و عبدالله نايمين على الارض،، 

هارون هو ايه اللي بيحصل

= انا مش هينفع اعيش جوا جسم مروان تاني

يعني ايه؟

= لازم اخرج منه عشان أكتر من كدا وهيتأ*ذي بسببي 

وهتعمل ايه؟

= شمس استدعت قبيلتي كلها 

يا نهار اسود!!،، وايه الحل؟،، مش كنت بتقول انك هتستدعي واحد من قبيلتك

= قصدك شاهر،، هو على وصول دلوقتي

" بصيت حواليا،، المكان كله ضلمة مفيش فيه اي مصدر للضوء لكن فجأه لقيت شخص ظهر وسطنا وباصصلنا وهو مبتسم وقال 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

السلام عليكم ورحمه الله وبركاته

= هو انت جايب مصطفى حسني ينقذنا ولا ايه

عيب يا هند،، عيب مينفعش تقولي كدا 

= خلاص انا سكت اهو

" هارون بص له وقاله

اتكلم عادي بلغة المصريين يا شاهر

" ثواني بالظبط ولقيته بيقول 

مساء الفل يا جماعة عاملين ايه

" بصيت ل هارون وقولتله

هو انت جايبلنا حمادة سلطان هنا ولا ايه

= في ايه يا هند.. هو دا اللي لقيته

" قاطع كلامنا شاهر اللي بالمناسبة كان شكله بشر عادي شعره كان اسود وناعم،، بشرته لونها ابيض،، عنيه لونها عسلي وبرضو فيها لمعة غريبة 

ايه يا عم هارون انت جايبنا نتهزق هنا ولا ايه

= معلش يا شاهر هي لسة متعرفكش

" هارون بص ليا وقالي 

بصي يا هند احنا معندناش حل غير دا،، شاهر هو املنا الأخير يإما شمس هتقضي علينا

" شاهر قطع كلامنا

 يا جماعة انا اسف لو هقطع اللحظة السعيدة دي بس احنا لازم نمشي من هنا عشان المكان مش أمان

" هارون غمض عينه وانا بدأت احس بنفس الدوخة،، غمضت عيني أنا كمان لثواني ولما فتحت لقيتنا في بيت خالتي،، هارون اتحرك من جنبي و وقف جنب شاهر وبدأ يشاور على عبدالله و امي وخالتي

اسمع يا شاهر دول يبقو اهل هند،، دي خالة هند و دا ابنها بودي

= ايه؟

بودي 

= دا اسم؟

لا محل اقامة،، ركز معايا يا شاهر

= و دي تبقا ام

بسم الله ما شاء الله

= انا مش جايبك ترقيها،، ركز شوية،، انت هتبقا موجود هنا وتتعامل على اساس انك صاحب بودي

ايه؟

= انك صاحب الزفت دا،، اوعا تقع بالكلام قدام اي حد،، خلي كلامك محدود عشان محدش يشك فيك،، فهمت؟

فهمت

= انا هفوق بودي الاول لانه هو اللي عارف الموضوع كله من البداية

لا سيبلي انا الموضوع دا

" شاهر قرب من عبدالله و خبط على كتفه وقاله

صباح الخير

" عبدالله فتح عينه وقام

صباح النور،، مين حضرتك؟

" شاهر رد عليه ب ابتسامة ومد ايده للسلام

معاك شاهر

= لا والله مش معايا

لا قصدي معاك شاهر

= ايوا انا مش معايا 

يا فندم انا اسمي شاهر 

= انا اسف جدا مكنتش فاهم،، بس شاهر دا اسم غريب أوي

على اساس ان اسمك وليد يعني،، انت اسمك دودي

= دودي ايه حضرتك،، أنا اسمي بودي 

ما انا قولت دودي

" عبدالله قام وقف وقالي

هو مين دا يا هند؟

= دا واحد جاي يساعدنا يا عبدالله،، هارون استدعاه 

استدعاه منين؟

" هارون قاطعني و رد هو على عبدالله

من قبيلتي اكيد يعني

= احنا بيتنا أتحول وبقا مخزن ل عالم الجن ولا ايه

انا بعمل كدا عشان اساعدكو يا عبدالله

= تساعدنا ازاي يعني؟

انت اكيد شوفت اللي شمس عملته امبارح

= شوفت

بس متعرفش انها استدعت قبيلتي كلها عشان تحا*ربنا عشان كدا لازم شاهر يكون معانا خصوصا بعد موت قاسم

= وهو شاهر دا بيعرف يعمل ايه؟

" شاهر حط ايده على كتف عبدالله وقاله

اظن عيب اوي لما اكون في بيتك يا اخ دودي وتستهزق بيا يا ابو الواجب

" عبدالله اتعصب وصوته بقا عالي

يا عم انا اسمي بودي

= ايوا ما انا قولت دودي

" هارون دخل بينهم 

شاهر انا قولتلك اتكلم عادي لكن هتعمل فيها سعد الصغير أقسمت بالله هرجعك على جهنم

" هارون بص ليا وقالي

تعالي يا هند عشان عايزك جوا

" مشينا خطوتين و وقفنا لما سمعنا صوت شاهر

اول مولود يبقا اسمه شاهر اتفقنا ولا ايه

" هارون بص ل شاهر و زعق بصوت عالي

شاهر!!

= هو أنا قولت حاجة غلط؟

كلامنا بعدين

= طب خلاص ادخل انت،، وأنا والاخ دودي قاعدين مستنيين النونة متتأخروش علينا بقا

#بقلم : #عمرو راشد

" هند دخلت مع هارون الاوضة وانا فضلت قاعد مع الكائن الغريب دا اللي جه قعد جنبي وبدأ يكلمني

قولي بقا يا اخ دودي انت بتشتغل ايه؟

= انت ليه مش عايز تقتنع اني اسمي بودي مش دودي 

مختلفناش يعني

= لا اختلفنا و اسكت بقا عشان انا صدعت

لا حول ولا قوة الا بالله 

= انت بتقول ايه؟،، هو انت مش المفروض جن؟

جن ايوا

= وهو الجن بيقول لا حول ولا قوة الا بالله

ايوا عادي ما احنا بنعبد ربنا

= بتعبدوه ازاي يعني؟

هو مش انت مسلم؟

= ايوا مسلم

وانا كمان مسلم

= قول والله

والله

= يعني انت مسلم وبتستغفر عادي و بتصلي وكدا

والله ايوا

= و هارون؟

مسلم برضو

= انا اول مرة اسمع ان في حاجة اسمها جن مسلم الصراحة

شوف يا اخ دودي..

= يادي النيلة الزفت،، متناديش عليا خالص،، اتكلم علطول

ربنا عز وجل بيقول في كتابه الكريم " وما خلقت الجن والانس الا ليعبدون " صدق الله العظيم،، يعني احنا كمان بنعبد ربنا سبحانه وتعالى زي البشر المسلمين بالظبط طمعا في الفوز بالجنة والعيش في نعيم الله عز وجل،، فهمت

= وشمس دي مسلمة برضو؟

مسلمة اه بس خطياها كتير،، احنا شبهكو بالظبط،، في مسلمين عندنا ملتزمين وفي اللي عنده اخطاء بس بيحاول يلتزم،، وفي اللي زي شمس مسلمة بالاسم بس لكن بتتبع ابليس وعايزة يبقا ليها السيطرة العظمى

= وحب هارون ل هند دا مش حرام؟

قولتلك أحنا مش كلنا زي بعض،، محدش فينا كامل يا اخ دودي 

= وانت بقا بتساعد هارون ليه؟

اصل انت مشوفتش قبيلتنا شكلها ايه،، هارون دا كان الوحيد اللي كويس في قبيلتنا،، عيبه الوحيد انه كان بيحب شمس،، أنا و هارون شبه بعض عشان كدا دايما منبوذين من القبيلة عندنا عشان احنا مش شبههم

= طب وشمس ممكن فعلا تأذ*ينا؟

لو مقدر ليك ان يحصلك حاجة هتحصل،، شمس متقدرش تعمل حاجة غير ب ارادة ربنا حتى لو الجن كله اجتمع على اذ*يتك،، اطمن

= انا خايف على اهلي

متقلقش هارون عارف هيعمل ايه كويس 

= طب احنا مش هنفوق امي و خالتي ولا هنسيبهم كدا

عادي يا دودي براحتك

= انت لو قولتلي دودي قدامهم..

" عنيه قلبت للون الأحمر وقال

هتعمل ايه؟

= هسكت،، هسكت ومش هتكلم

طب صحيهم يلا

" اتحركت وقومت عشان اصحيهم وفعلا فاقو،، امي سألت 

احنا رجعنا البيت امتا يا بودي؟

= من شوية يا امي وأنتي و خالتي كنتو تعبانين وبتستريحو

" بعدها خالتي اتكلمت

طب انت و امك رجعتو بيتكو،، أنا جيت معاكو ليه؟

= أنتي نسيتي يا خالتي ولا ايه.. انتي قولتي مش هتسيبي امي لوحدها وخدتي هند ومروان و جينا كلنا هنا

كمان هند و مروان معانا؟،، ومين اللي قاعد مبتسم هناك دا؟

" كانت بتشاور على شاهر اللي اتحرك من مكانه وقام ومد ايده عشان يسلم

معاكي شاهر

= لا والله يا ابني مش معايا،، باين نسيته في البيت

هو ايه دا؟

= الشاحن

" شاهر بص ليا

هي خفة الدم وراثة في العيلة دي ولا ايه

" رجع يكلم خالتي تاني

يا امي لا انا اسمي شاهر

= شاهر!!،، هو دا اسم يا ابني؟

عادي يعني يا امي

" امي قاطعته و اتكلمت

عادي ازاي يعني،، مفيش حد اسمه شاهر 

= جرا ايه يا صفاء ما تخليني ساكت

صفاء!!،، انت اتجننت دا انا قد امك

= متعرفيش تبقي قد امي اصلا،، أنا امي عمرها فوق الالف سنة

الف سنة!!

" تدخلت أنا بسرعة عشان انهي الموقف دا

خلاص يا امي شاهر ميقصدش

= هو مين دا أصلا؟

واحد صاحبي وجاي يقعد عندي يومين 

= وبيته هو فين؟

موجود بس هو عنده خلافات مع اهله 

= بقولك ايه تعالى معايا

" امي سحبتني من ايدي و دخلنا الأوضة بتاعتها

في ايه يا امي؟

= انا اللي عايزة افهم في ايه؟

مفيش حاجة،، هيكون في ايه يعني؟

= لا مش عليا انا الكلام دا،، الكلام دا تروح تعمله على خالتك منى مش أنا يا عبدالله

قصدك ايه يعني؟

= لما افتح عيني كل شوية و الاقي نفسي في بيت غير التاني مرة عند خالتك ومرة هنا،، وأنا كل دا مش فاكراه أصلا يبقا في حاجة غلط

لا يا امي مفيش حاجة غلط

= انت متأكد ان اللي مع هند دا مروان؟

لا مش مروان

= هارون مش كدا؟

اه هارون

= و دا جه امتا و ازاي؟

من بدري،، هند استدعته عشان كانت بتشوف حاجات غريبة

= واكيد طبعا انت اللي ساعدتها

انا مكنتش اعرف حاجة

= وهو انت عبيطة وهصدق الكلام دا،، انت طول عمرك لازقلها وعارف كل اسرارها،، عايز تفهمني انك مكنتش تعرف انها هتعمل كدا؟

لا مكنتش أعرف وياريت كفاية بقا اللي حضرتك بتعمليه دا

= وهو أنا لسة عملت حاجة،، أنا لسة هعمل

احنا دلوقتي بنحاول نصلح الغلط اللي أنتي عملتيه اصلا ف الموضوع مش مستحمل أي غلط منك تاني

= وانا غلطت ف ايه،، كل دا عشان كنت عايزة اجوزك البت اللي بتحبها

قصدك تأ*ذي البت اللي بحبها،، انتي عملتي دا بمزاجك انتي وانا غلطي اني سكت 

= انا غلطانة فعلا،، كان لازم اسيبك قلبك محرو*ق عشان هند اتجوزت وسابتك

انا اللي كان قلبي محرو*ق مش انتي،، أنا مطلبتش منك مساعدة،، انتي اللي استغليتي الموقف وضعفي ساعتها وقررتي تعملي اللي في دماغك

= عشان مين؟؟،، ماهو عشانك

انا مش الشماعة اللي هتعلقي عليها غلطك يا امي،، الايام كانت هتعدي وكنت هنسا وهتجوز و اعيش حياتي

= وهو انت كدا عايش حياتك؟

اه عايش حياتي ومبسوط كمان،، بس مبسوط عشان فوقت من اللي كنت فيه

= انت لا يمكن تكون ابني،، انت مش عبدالله

ولا أنتي ينفع تكوني ام ولا خالة حتى

= اخرس

" ساعتها لقيت قلم نزل على وشي،، الصدمة اللي كان فيها كانت اشد من القلم لان تقريبا دي اول مرة امي تضر*بني،، حاولت اكتم غضبي جوايا وسكت وخرجت من الأوضة 

" دخلت قعدت جنبه على السرير

في ايه يا هارون،، كنت عايزني ف ايه؟

= هو قاسم ما*ت ليه؟

مش فاهمة؟

= قاسم اه كان عايز يساعدنا بس هو مش خطر أوي على شمس بالشكل دا

عايز تقول ايه يعني؟

= كدا يبقا قاسم عرف حاجة تخلينا نوقف شمس

عشان كدا شمس قررت تقت*له

= اولا يا هند الجن ملوش سلطة انه يقت*ل حد،، احنا بنكون اداه مش اكتر 

ازاي يعني؟

= يعني مثلا ممكن نغيب عقله ونحركه احنا لحد ما يبقا واقف على سور البلكونة وبالتالي هو هيقع لكن نقت*ل احنا بنفسنا لا

طيب ماشي أنا فاهمة بس مطلوب مني ايه بقا؟

= احنا لازم ندخل بيت قاسم تاني!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

احنا لازم ندخل بيت قاسم تاني جايز نلاقي أي حاجة هناك

= ازاي دا البوليس اكيد هناك والبيت هيكون مقفول

ماهو احنا مش هندخل من الباب 

= اومال هندخل منين؟

" لقيته ابتسم وغمض عينه،، حسيت ساعتها أني دايخة وغمضت عيني،، لما فتحت لقيت نفسي جوا في مكان ضلمة مفيش فيه اي مصدر للضوء،، فجأه لقيت نور ابيض ظهر قدامي ينور الطريق وصوت بيقول

اتحركي يا هند

" مشيت خطوات ناحية الأوضة بتاعته اللي كان بيقعد فيها،، دخلت لقيتها كلها لونها اسود كأنها اتحر*قت و اتفحمت،، لكن مفيش اي حاجة في الأوضة،، بدأت ادور وحتى أنا معرفش انا بدور على ايه،، الكنبة بتاعته كانت موجودة،، لسة بحاول احركها والغريب أنها اتحركت بسهولة معايا،، لقيت ورقة لونها اسود شكلها غريب،، لسة كنت هفتحها لكن لقيتها اتشدت من ايدي بسرعة،، بصيت قدامي لقيتها واقفة و باصة ليا بغضب

مش بتاعتك دي يا هند

= هو انتي مش ناوية تسبينا في حالنا بقا ولا ايه

دا انتو متعتي يا هند،، ازاي عايزاني اسيبكو بسهولة كدا؟

= طب انا بحذرك ابعدي عني وعن اهلي

يإما هتعملي ايه؟،، تقدري تعملي ايه أصلا يا هند؟

= انا معايا ربنا اللي أقوى منك ومن أي حد

سبحانه وتعالى قادر على كل شئ،، عندك حق بس ربنا بيساعد الناس اللي قريبة منه بس يا هند،، الناس اللي مبتغلطش،، مبتعملش حاجة حرام

" بصيت في الأرض وسكت معرفتش ارد،، لكن بسرعة لقيت ايدي اتكتفت،، مش عارفة احركها،، في قوى خفية مسيطرة على ايدي و مكتفاها،، حاولت بكل قوتي افك ايدي ونجحت في دا بالفعل،، بصيت على شمس لقيتها مصدومة أني عرفت افك ايدي،، عنيها اتحولت وبقا لونها احمر بلون الد*م،، عنيها طالع منها نار و بتقرب مني،، رجعت خطوتين ل ورا لكن في ثانية المشهد اتبدل و لقيت نفسي في بيت خالتي تاني وهارون واقف قدامي 

ايه اللي بيحصل،، انت كنت فين؟

= الورقة،، الورقة فين؟

مع شمس

= احنا في مصيبة دلوقتي

" خرج برا الأوضة وهو متعصب وانا خرجت وراه لقينا شاهر قاعد مع امي 

بس الشاي بلبن بتاعك جميل يا شاهر،، انت بتعرف تعمل ايه تاني بقا؟

= كل حاجة يا ام هند والله الحمدلله يعني 

لا دا انت تعمل الغدا النهاردة بقا

" هارون مشي خطوتين ووقف قدام شاهر واتعصب عليه

أنتي يا خالتي،، قومي يا خالتي احنا في مصيبة

= في ايه؟،، مصيبة ايه بعد الشر؟

هو احنا هنا بنعمل ايه أصلا؟

= في ايه يا هارون مالك متعصب كدا ليه؟

" امي قاطعتهم وقالت باستغراب

هارون!!،، هارون مين

" شاهر رد عليها

هارون مين يا ام هند

= انت قولت هارون دلوقتي

لا مقولتش،، أنا قولتله يا مروان

= لا قولت هارون أنا متأكدة 

ايوا استني انا هفهمك،، هو عشان مروان و هارون شبه بعض ف انتي ممكن تسمعيهم غلط 

= مين هارون دا أصلا؟

دا... دا دلع مروان

= دلع مروان يبقا هارون ازاي يعني؟

على اساس يعني عايز يعمل فيها هارون الرشيد ويتجوز واحدة واتنين وأربعة وهو أصلا مش قادر على واحدة

" هارون شد شاهر من ايده

اسكت لأنك بتتكلم عني

" امي اتكلمت وقالت

انا مش فاهمة منك حاجة يا شاهر،، أنا قايمة داخلة اوضتي

" امي قامت و دخلت الأوضة ومجرد ما قفلت الباب هارون اتكلم

يعني مش كفاية سايبني لوحدي اخطط واعمل كل حاجة كمان بتغلط قدامها،، انت عايز تعمل فينا ايه اكتر من كدا؟

= وهو انت طلبت مني ايه وانا معملتوش؟

متستناش اني اطلب،، المفروض انك جاي تساعدني يعني يبقا عندك حلول

= وانا هخمن يعني؟

انت الكلام مش نافع معاك

= قولي بس انت عايز ايه وانا هعمله؟

احنا لقينا ورقة فيها طلسم نقدر نوقف بيها شمس

= وهي فين الورقة دي؟

شمس خدتها

= بجد والله شمس خدتها،، اممم وانت عايزني اروح ل شمس اجيبها ولا ايه

" فجأه و بدون سابق إنذار شمس ظهرت وسطنا

من غير ما تيجي يا شاهر،، أنا موجودة اهو

= بقولك ايه يا شمس انا مش نايم كويس ولما ببقا مش نايم كويس بيطلع مني حاجات غريبة،، هاتي الورقة بهدوء احسنلك

ولو مخدتش الورقة هتعمل ايه؟

لاحظي اننا اتنين وانتي لوحدك

= اتنين فين،، قصدك هند يعني،، وهي هند اللي هتساعدك يا شاهر؟

لا أنا قصدي هار...

" مكملش الجملة لان هارون مكنش موجود اساسا،، اختفى،، شمس ضحكت ضحكة مرعبة وقالت

كنت بتقول ايه يا شاهر؟ 

= الورقة لو عايزاها خليها معاكي،، احنا واحد يعني

اعتقد انك كنت بتهد*دني انك هتعمل افعال مش كويسة

= شوفتي بقا انك ظالماني،، انا كنت بتكلم في التليفون

بجد؟

= اصل البشر دول عليهم حاجات غريبة،، تخيلي عاملين سماعات جديدة اسمها اير بودز مش بتبان لما تلبسيها يا شمس،، انتي مقاسك كام عشان اجيبلك واحدة؟

لا هارون عرف يختار الحقيقة 

= انا قولتله كدا والله،، فعلا هند زي القمر 

بتحب الهزار انت يا شاهر

= عشان انا لو اتكلمت بجد هد*فنك مكانك 

انت يا شاهر هتقدر تتحمل نتيجة كلامك دا؟

= والله انا خايف انك أنتي اللي متتحمليش 

" شمس ظهر ليها قرون و طولها بدأ يزيد لدرجة أنها كانت واصلة للسقف،، في اللحظة دي شاهر اختفى،، شمس اتقدمت خطوتين وبدأت تبص حواليها لكن في اللحظة دي شاهر ظهر وراها بس بشكل غريب تماما،، ساب الجسم البشري اللي كان فيه وبقا شبه قبيلته،، أكتر حاجة كانت بتميزه هي كورة النار اللي في ايده اللي في ثانية رماها على شمس،، بدأت تصرخ بصوت مرعب و بصت ل شاهر،، في اللحظة دي هارون ظهر ورا شمس وماسك سيف حاد و غر*ز السيف في ضهر شمس،، صوتها اتغير وبقت بتصرخ بصوت مرعب جدا،، صوتها يكاد يكون حرك البيت وفي ثانية اختفت،، في اللحظة دي هارون و شاهر رجعو لطبيعتهم وجسمهم البشري،، هارون جري عليا وقالي

انتي كويسة؟

= كويسة،، انت كنت فين؟

كنت بحاول اعطل باقي القبيلة انهم ميدخلوش البيت

= هما كانو برا؟

كانو جايين مع شمس 

= انا مش فاهمة حاجة،، اخرتها ايه يا هارون؟

وجودي بقا خطر يا هند،، مبقاش ينفع اكون موجود في جسم مروان او حتى برا،، وجودي على الأرض بقا خطر عليكو

= ازاي بس؟،، انت لو مش موجود الله اعلم كان هيحصلنا ايه

انا لازم ارجع العالم بتاعي يا هند 

= وانا يا هارون،، هتسيبني؟

أكتر من كدا هأذ*يكي ولا ايه يا شاهر؟

" شاهر قرب مننا وقال

شاهر ايه،، انت عايزنا نرجع بعد اللي احنا عملناه في شمس دا؟

= خلينا نواجه غلطنا

غلطك انت لوحدك يا هارون،، احنا لو رجعنا هنتسجن،، أنا مش هرجع

= انت متعرفش انك بتستهلك الجسم البشري اللي انت فيه يعني طول ما انت عايش هتفضل محتاج جسم بشري عشان تعرف تعيش

= العالم مليان ناس اشكال وأنواع،، اقدر اتشكل في اي حد

وليه نأ*ذي الناس؟

= كنت قولت كدا لما قررت تنزل الارض و تحب هند

وانا مفكرتش ساعتها هيحصل ايه،، بس دلوقتي بقولك احنا وجودنا غلط هنا

= انا مش هرجع يا هارون،، عايز ترجع ارجع لوحدك

#بقلم : #عمرو راشد

" هارون بص ليا وسكت و دخل الأوضة،، قعدت على الكنبة افكر في اللي بيحصل،، منكرش ان هارون عنده حق بس في نفس الوقت هو لو مشي ممكن تحصل مصايب،، شاهر كان قاعد جنبي ساكت،، حاولت اتكلم أنا معاه

بس انت عجبتني على فكرة،، عملت كام حركة حلوين بجد

= شكرا

لا برافو يعني انا مكنتش فاكراك كدا

= دا الطبيعي والمتوقع من الجن ولا انتي رأيك ايه؟

صح

" عبدالله خرج من اوضته و قعد جنب شاهر 

بقولك ايه يا دودي سيبني دلوقتي انا مضايق

= ما تولع يا عم،، هو أنا اتكلمت اصلا وبعدين قولتلك الف مرة اسمي بودي

ما انا قولت دودي

" دخلت بينهم عشان اهديهم شوية

خلاص يا بودي هو بيهزر معاك

" كان نفسي انهي الخناقة لكن شاهر رد عليا 

انا مبهزرش على فكرة،، أنا بتكلم بجد

= خلاص بقا يا شاهر

شاهر بقا وحش دلوقتي محدش طايقه،، تمام انا همشي

" شاهر اختفى من وسطنا،، وعبدالله قرب مني وقال

بقا دا منظر جن،، هارون بتاعك دا شكله جابلنا مصيبة

= حرام عليك انت مشوفتش شاهر عمل ايه من شوية

ايه عمل ايه يا ترى؟

= سيبك بس دلوقتي منه،، أنا لقيت ورقة فيها حاجة نقدر نوقف بيها شمس بس شمس خدتها مني وحاليا هي مش معايا،، معندكش اي طريقة نقدر نرجع بيها الورقة؟

مش عارف يا هند والله،، الموضوع صعب

= فكر معايا طيب

زمانها حر*قتها أصلا،، وهي شمس هتشيل معاها ورقة ممكن تقضي عليها ليه؟

= انا تعبت من التفكير ومبقتش عارفة اعمل ايه

و هارون رأيه ايه؟

= هارون عايز يمشي

بعد ما بقينا في الورطة دي عايز يسيبنا ويمشي

= بس شاهر رافض و ان شاء الله انا هحاول أقنعه

غلطك دا هنحاسب عليه كلنا يا هند،، ربنا يستر

" دخلت الأوضة لقيت مروان نايم،، نمت جنبه،، من كتر التفكير والإرهاق نمت بسرعة،، فوقت في نص الليل كانت الساعة 2،، ملقتش مروان جنبي،، حسيت ب صوت انفاس حواليا،، الأوضة كانت حر بشكل مبالغ فيه،، حاولت اتحرك لكن لقيت رجلي اتكتفت وفجأة شمس ظهرت قدامي،، ومعاها كائنات زي اللي شوفتهم قبل كدا كلهم بيحاوطوني،، وشمس لسة واقفة

فكرت كتير لقيت ان الحل الوحيد ان روحك تكون ملكي،، هو دا اللي هيجيب هارون تحت رجلي،، متقلقيش أنتي هتكوني مبسوطة أوي معايا

" كنت عايزة اصرخ لكن معرفتش،، مش عارفة انطق،، لساني مبينطقش،، شمس قربت خطوتين مني وأنا بحاول اصرخ لكن فجأه سمعت صوت صرخات جاية من برا الأوضة وفجأة الباب اتفتح و مروان دخل

امك واقفة على سور البلكونة عايزة ترمي نفسها،، قومي معايا بسرعة!!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

امك واقفة على سور البلكونة عايزة ترمي نفسها،، قومي معايا بسرعة

" مكنتش عارفة اتحرك من مكاني ولا حتى اتكلم،، ومروان واقف باصصلي وهو مصدوم لكن نظرات الصدمة اختفت واتحولت عنيه ل كتلة من النار و دخل الأوضة سحبني بكل قوته،، حسيت نفسي ساعتها فوقت كأني كنت في كابوس،، جريت بسرعة على البلكونة لقيت ماما واقفة على سور البلكونة وبتضحك،، مكنش حد فينا عارف يعمل حاجة

اتصرف يا هارون 

= مينفعش مروان مش هيستحمل كل الطاقة دي

شاهر،، شاهر فين

" هارون اتكلم بصوت اجش جدا 

شااااهر!

" في اللحظة دي صرخت لان ماما وقعت من البلكونة،، عبدالله جري بسرعة عشان ينزل وهارون بصيت لقيته اختفا لكن لقيت جسم غريب ظهر من العدم و طار بسرعة كبيرة جدا ناحية ماما و مسكها قبل ما تنزل على الأرض،، كل دا كنت شايفاه وانا باصة من البلكونة،، الجسم الغريب طار ل فوق لحد ما وصل عندي وحط ماما على الأرض ووقف بعيد،، في اللحظة دي هارون و عبدالله رجعو الشقة،، هارون بص للكائن الغريب وقاله

انت كنت فين؟

' في اللحظة دي الكائن أتحول ل جسم بشري طبيعي و اتضح أن دا شاهر

مساء الفل يا جماعة،، جات سليمة الحمدلله

= بقولك كنت فين؟

انا لقيت الجو كئيب قولت انزل واشوف شوارع مصر بس جميلة اوي يا هارون والله،، كانت ناقصاك

هو انا مش قولتلك تقعد في البيت متتحركش،، شمس محاوطة البيت كله وانت رايح تتفسح

= محاوطة البيت!!،، هي فين دي؟

" في اللحظة دي شمس ظهرت ومعاها اكتر من 10 كائنات شكلهم مرعب زي اللي شوفتهم عندي في الشقة قبل كدا،، بس شمس كانت غير كل مرة،، كان شكلها ضعيف و اعتقد دا من اثر المعركة اللي كانت مع هارون وشاهر،، سحبت ماما على جنب لانها كانت لسة مغمى عليها،، شمس اتكلمت وقالت

برافو يا شاهر

" شاهر رد عليها ب ابتسامة

ايه رأيك؟

= أبهرتني الصراحة

" هارون رد عليها المرادي

هو احنا مش هنخلص من القصة دي يا شمس،، قولتلك قبل كدا انا مش عايز احار*بك

= لا هي الحر*ب بدأت خلاص يا هارون

طب والله كويس انك قولتيلي،، بس تقريبا لحد دلوقتي انا اللي كسبان

= دا لحد دلوقتي بس

وحتى في الاخر انا برضو اللي هكسب

= اتعلمت انت العند من ولاد آدم بسرعة بس انا مش فاهمة انت بتعاند ليه،، ولا انت مش شايف انا معايا مين؟

" شاهر رد عليها 

من الاخر يا شمس عايزة ايه؟

= اخر فرصة ليكو انتو الاتنين،، مفيش اي مشكلة انكو تعيشو على الأرض طالما الحياه عجباكو أوي كدا بس تسيبو البيت دا حالا وهيبقا كل الصلاحيات اللي انتو عايزنها،، هتسيطرو على اي حد،، تقدرو تعملو اي حاجة بس تسيبو البيت

= في بطاطس مع العرض دا ولا نروح محل تاني؟

شاهر انا مبهزرش وانت عارف شمس كويس

= طب ما تقولي يا شمس،، قولي انك مش بتهزري،، اكيد طبعا لازم افتكرك بتهزري بعد اللي أنتي قولتيه دا

اممم انت لسة بتهزر 

" بعد الجملة دي اتحرك أربعة من الكائنات ووقفو جنب شمس،، اتنين على اليمين واتنين على الشمال،، شمس صوتها اتغير وبقا مرعب أكتر

ب إشارة واحدة مني انهي حياتكو كلكو دلوقتي

" هارون رد عليها

بس احنا مش لوحدنا يا شمس 

= مظنش انك استدعيت حد تاني يا هارون

" شاهر شد هارون وقاله

انت بتقول ايه،، احنا لوحدنا فعلا

= وانت عايزني اقول كدا قدامها عشان تقضي علينا حالا

" شمس وجهت كلامها ل هارون وقالت

هاا يا هارون معاك مين؟

= ربنا،، معايا ربنا اللي أقوى من ابليس ذات نفسه

" شمس ابتسمت بسخرية و بصت ل شاهر

وانت يا شاهر معاك ربنا برضو؟

= الحمدلله على الفقر والجدعنة

متقولش كدا،، اومال فين كورة النار بتاعتك؟

= على فكرة بقا قبل ما تزعلي،، أنا مكنش قصدي ارميها عليكي،، أنا كنت بلعب مع هارون كورة الشاطئ وانت اللي وقفتي في النص،، طبيعي تيجي فيكي،، انتي بصراحة يا شمس بتقفي في أماكن غريبة زي دلوقتي كدا

دلوقتي ايه؟

" شاهر نط من البلكونة،، صرخت وجريت بسرعة ابص عليه لقيته لسة بيقع لكن المفاجأة اني لقيته ظهر ورا الكائنات و بدأ يها*جمهم من ضهرهم،، مكنش حد عارف يقرب منه بسبب كورة النار اللي معاه وبسببها في اكتر من كائن اختفى،، اما هارون كان بيحا*رب اللي واقفين جنب شمس بالسيف اللي معاه لحد ما قط*ع راس اول واحد والتاني غر*زه في ضهره،، التالت والرابع اختفو في ساعتها،، هارون و شاهر وقفو جنب بعض قدام شمس،، ساعتها فعلا اتأكدت ان شمس مش على طبيعتها وباين انها ضعيفة لانها رجعت خطوتين ل ورا بعدها ابتسمت وقالت

نهايتك هتكون على ايدي يا هارون

" فجأه شمس اختفت،، هارون قرب مني وشال ماما و دخل الأوضة و سابها على السرير وقالي

لما تصحا مش هتكون فاكرة حاجة ف متحاوليش تتكلمي معاها في اللي حصل

" هارون خرج برا وأنا غطيت ماما وسيبتها وخرجت وقعدنا برا أحنا الأربعة،، كنت انا و هارون وشاهر و عبدالله،، ساعتها قربت من هارون 

شمس كانت عايزة تقت*ل ماما يعني معنى كدا ان الدور الجاي على حد فينا يا هارون

= شمس ضعيفة،، هي بتلاعبك بس مش اكتر لانها عارفة اننا موجودين معاكي وهنقدر ننقذ امك،، زي ما قولتلك قبل كدا يا هند شمس بتلعب على العواطف،، بتحاول تد*مرك نفسيا الاول وبعدها تسيطر عليكي

وهي دلوقتي بتحاول معايا وقبل كدا حاولت مع مروان يبقا المرة الجاية مع مين؟

" نفخ بضيق وقال

مش عارف 

= انت ازاي مش قادر توقفها؟

لانها قوية،، شمس مش سهلة عشان اعرف أقضي عليها

= بس النهاردة كان سهل تقضي عليها،، انت مشوفتش شكلها كان عامل ازاي؟

دا من تأثير السيف بس،، شوية وهترجع لطبيعتها

= وهو السيف دا بيعمل ايه؟

زي مخد*ر كدا بس مخدر قوي جدا بنستخدمه لما يكون الطرف اللي قدامنا قوي واحنا عايزين نسيطر عليه،، بس زي ما شوفتي كدا شمس كانت واقفة قدامنا عادي اينعم باين عليها التأثير بس لسة واقفة وقادرة تحا*رب

" عبدالله قاطعني واتكلم هو

طب يا جماعة احنا لازم نلاقي حل وبسرعة لانها كدا بقت خطر كبير علينا 

" شاهر رد عليه وقال

متقلقش يا دودي أنا معاك

= انت بالذات لا مش عايزك معايا

انت بتكرهني اوي كدا ليه؟

= وانت مبتنطقش اسمي صح ليه؟

عشان انا مش من العالم دا و الاسامي غريبة عليا 

= وشاهر دا هو اللي اسم عادي يعني؟

اكيد مش هيكون اسوء من دودي

" هارون قطع كلامهم 

شاهر ركز احنا مينفعش نسيب البيت دقيقة واحدة،، لازم نكون مركزين كويس اوي،، شمس ممكن تعمل اي حاجة وتفاجئنا ف لازم نكون مستعدين

= متقلقش انا موجود اهو مش هتحرك

لولا اللي احنا فيه انا كان هيبقا ليا معاك كلام تاني

= كلام تاني!!،، دا بدا ما تقولي شكرا اني انقذت الست ام هند 

دا دورك اساسا اومال انت جاي تعمل ايه؟

" لقيت هارون بدأ يتعصب وصوته يعلى فقررت اتدخل

خلاص يا هارون المهم ان ماما كويسة دلوقتي،، شاهر عمل اللي عليه و زيادة

= مروان هيفوق دلوقتي،، اخر حاجة هو فاكرها ان امك كانت واقفة على سور البلكونة،، قوليله أن امك بتمشي وهي نايمة وكانت مش حاسة بنفسها

" بعدها بص ل شاهر وقاله

اياك تغلط قدامه

" هارون دخل الأوضة عشان ينام،، اما عبدالله قام وقالي

انا كمان يا هند هدخل انام،، عايزة مني حاجة؟

= شكرا يا عبدالله

" شاهر اتكلم ساعتها

استنى يا دودي انت هتنام لوحدك ولا ايه،، أنا جاي معاك

#بقلم : #عمرو راشد

" أما أنا دخلت الأوضة بعد هارون لقيته نايم،، نمت جنبه وحاولت ارتاح شوية لكن التفكير مكنش مخليني عارفة اغمض عيني حتى،، فضلت صاحية لحد ما الشمس طلعت وهنا لقيت مروان صحي وهو مخضوض وقالي

امك حصلها ايه؟

= مالك يا مروان ما احنا الحمدلله لحقناها

لحقتوها ازاي؟

= ما انت ساعدتنا امبارح ونزلناها من على السور

وهي كان ايه اللي خلاها تعمل كدا اصلا؟

= اصل ماما من زمان وهي بتمشي وهي نايمة

طب يا حبيبتى هي كدا لازم تروح ل دكتور لان الموضوع كدا بقا خطر

= حاضر المهم بس انت متجيبش سيرة ليها عن اللي حصل

" خرجنا من الأوضة احنا الاتنين لقيت شاهر وعبدالله و امي وخالتي قاعدين،، خرجنا قعدنا معاهم،، شاهر بص ل مروان وقال

انت بقا مروان؟

" مروان رد وهو مستغرب

ايوا انا بس هو انت مين؟

= معاك شاهر

اسم جديد بس حلو،، عاشت الاسامي

= اول واحد ميعلقش على الاسم والله يا اخ مروان

هو غريب شوية الصراحة بس عادي يعني

" شاهر بص ليا انا و عبدالله وقال 

طب ما الراجل كويس اهو يا جماعة اومال عاملين فيه كدا ليه؟

" انا وعبدالله بصينا ل بعض واتصدمنا لان مروان كمان سأل وقال

مش فاهم عاملين فيا ايه؟

= بص يا سيدي الموضوع بدأ ب عروسة فودو...

" عبدالله قطع كلامه و زعق

جرا ايه يا شاهر هو اي حاجة نقولها كدا ولا ايه؟

= في ايه يا جماعة،، أنا قصدي ان الموضوع بدأ ب عروسة فودو كنت رايح اشتريها واعجبت بالبنت اللي بتبيعها مش اكتر

" مروان ضحك وقال

عروسة فودو ايه!!،، ايه الكلام الغريب دا؟

" عبدالله رد عليه 

معلش يا مروان هو شاهر كدا دايما يحب يهزر

= بس لذيذ والله،، هو دا صاحبك؟

" عبدالله كان لسة هيرد لكن شاهر قاطعه واتكلم

دودي دا عشره عمري،، كنا مع بعض في نفس المدرسة

" مروان رد وهو بيضحك

اللي اعرفه ان اسمه بودي لكن دودي دي جديدة عليا

= مش فارقة يا اخ مروان،، مش هتفرق دودي من دبدوبي المهم معنى واصل 

" عبدالله بص ليا وقال

عاجبك اللي هو بيقوله دا؟ الله يخربيتك يا هارون

" مروان اتكلم و رد عليه مكاني

هارون مين؟

= واحد صاحبي وصاحب شاهر برضو ولا ايه يا شاهر؟

" شاهر رد وقال

ايوا دا حبيبي

" قومت ساعتها من مكاني وقولت

طب انا هنزل اجيبلكو فطار 

" مروان رد عليا وقالي

خليكي يا حبيبتي وأنا هنزل مكانك 

= لا يا مروان خليك انت،، أنا هنزل ومش هتأخر

" قومت بالفعل غيرت هدومي ونزلت 

" هند نزلت لكن هي لسة مجاتش،، عدت ساعة واتنين وتلاتة وهند لسة برا،، كلمتها في التليفون ولكن اكتشفت ان نسيت تليفونها في البيت هنا،، البيت كله اتقلب،، مروان قال

انا هنزل ادور عليها

" قربت من شاهر وقولتله

هارون فين؟

= موجود جنبك 

" بصيت جنبي لكن مكنتش شايف حاجة

هو فين دا؟

= مش هتشوفه 

طب خليه يظهر او اتصرف اعمل اي حاجة،، احنا في مشكلة 

= معنديش أوامر اني اسيب البيت يا عبدالله

" قومت من مكاني وقولت ل مروان

استنا انا جاي معاك 

" شاهر رد وقال

متقلقوش يا جماعة لسة بدري على القلق دا،، لو عدا ساعتين كمان و هند مظهرتش يبقا اتخط*فت اما لو الليل جه وهي لسة برا يبقا هي اتقت*لت

" مروان اتعصب وقال

هو الراجل دا بيقول ايه؟

= سيبك منه و يلا ننزل

" لسة بنفتح باب الشقة عشان ننزل لكن فجأه مروان قفل الباب و رجع 

في ايه؟،، هو احنا مش هننزل؟

" مردش عليا و رجع وقف قدام شاهر وقال

شمس خط*فت هند

= هي شمس اشتغلت مع سفا*ح الجيزة؟

" ساعتها مروان زعق بصوت مرعب لدرجة اني حسيت البيت هيقع

شااااهر

" شاهر قام من مكانه وقال

وهي فين دلوقتي؟

= وادي الجن 

احنا مش هينفع نروح هناك لوحدنا

= وأنا مش هسيب هند مهما حصل

طب اهدى ونفكر

= مفيش تفكير يا شاهر،، جاي معايا ولا لا؟

" اتدخلت بينهم وقولت

انا جاي معاك يا هارون

" هارون بص ل شاهر وقال

وانت؟

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

متقلقوش يا جماعة لسة بدري على القلق دا،، لو عدا ساعتين كمان و هند مظهرتش يبقا اتخط*فت اما لو الليل جه وهي لسة برا يبقا هي اتقت*لت

" مروان اتعصب وقال

هو الراجل دا بيقول ايه؟

= سيبك منه و يلا ننزل

" لسة بنفتح باب الشقة عشان ننزل لكن فجأه مروان قفل الباب و رجع 

في ايه؟،، هو احنا مش هننزل؟

" مردش عليا و رجع وقف قدام شاهر وقال

شمس خط*فت هند

= هي شمس اشتغلت مع سفا*ح الجيزة؟

" ساعتها مروان زعق بصوت مرعب لدرجة اني حسيت البيت هيقع

شااااهر

" شاهر قام من مكانه وقال

وهي فين دلوقتي؟

= وادي الجن 

احنا مش هينفع نروح هناك لوحدنا

= وأنا مش هسيب هند مهما حصل

طب اهدى ونفكر

= مفيش تفكير يا شاهر،، جاي معايا ولا لا؟

" اتدخلت بينهم وقولت

انا جاي معاك يا هارون

" هارون بص ل شاهر وقال

وانت؟

= مفيهاش اختيار يا هارون،، أنا جاي معاك بس لازم نفكر كويس عشان نشوف هنعمل ايه

انا مش فارقة معايا ايه اللي هيحصل،، المهم هند تكون كويسة

= ماهو انت لو معرفتش هتعمل ايه هند مش هتكون كويسة ولا احنا هنكون كويسين

شاهر انت خايف؟

= طبيعي اخاف،، انا مش عارف احنا داخلين على ايه ولا هنواجه كام واحد

بس احنا قادرين يا شاهر،، احنا قادرين نحمي نفسنا لكن هند مش هتعرف،، في النهاية هما بشر

= تمام عندك بقا خطة؟

نوصل بس هناك الاول وانا هقولك كل حاجة

" اتكلمت انا وقولت

طب يلا ننزل ونروح المكان اللي هند موجودة فيه دا

" هارون رد عليا

نروح فين؟

= المكان اللي هند مخطو*فة فيه

اه طبعا انزل مفيش مشكلة بس وريني هتدخل ازاي؟

= يعني ايه 

" هارون بص ل شاهر وقاله

رد عليه انت احسن

" شاهر بص ليا و ابتسم وقال

بص يا دودي،، هند موجودة في مكان اسمه وادي الجن تحديدا في الكهف اللي بتجتمع فيه القبيلة بتاعتنا كلها يعني انت لو قربت بس ل وادي الجن هتمو*ت،، عشان الوادي دا مسكون بكل انواع الجن والعفاريت

وفي شياطين كمان؟

= وفي كولا دايت لو تحب 

لا العرض دا مش عاجبني،، أنا هاخد لفة و ارجعلك

= صدقني مش هتلاقي العروض دي عند غيري

" هارون زعق وقال

أقسمت بالله لو سمعت صوت منكو تاني همشي وابقو اتصرفو انتو و رجعو هند

" اتكلمت و رديت عليه 

خلاص خلاص أنا هسكت 

= هات ايدك

" هارون مسك ايدي وغمض عنيه لكن فتحها بسرعة لما سمع صوت شاهر

هارون هو احنا هنروح دلوقتي؟

= لا هنستنا بعد الغدا،، في ايه يا شاهر؟

اصل الجو برد أوي برا،، ينفع اجيب بطانية معايا؟

= خليك هنا يا شاهر،، خليك هنا انا مش عايزك 

خلاص جاي 

" هارون غمض عينه مرة تانية وانا كمان غمضت عيني،، حسيت نفسي دايخ و عندي حالة عدم اتزان وفي وسط كل دا سمعت صوت هارون

دلوقتي تقدر تفتح عينك

" فتحت عيني بالتدريج لقيت نفسي في مكان ضلمة تماما مفيش فيه اي مصدر للضوء،، قلبي كان مقبوض و ضرباته سريعة جدا

هو احنا فين؟

= في وادي الجن،، انت لحقت تنسا؟

يعني احنا حوالينا جن دلوقتي؟

= في كل مكان عشان كدا اياك اثم اياك تتحرك أو تتصرف من دماغك ساعتها انا مش هعرف اخرجك من هنا حي

" شاهر ظهر وسطنا 

مساء الفل يا جماعة،، عاملين ايه

" هارون رد عليه

انت جاهز؟

= هنعمل ايه بقا؟

" هارون بص ليا وقالي

انا و شاهر هندخل نجيب هند و هنحا*رب قبيلتي عشان نعطلهم وفي وسط دا هند تهرب،، انت هتكون مستني عند مدخل الكهف واول ما تشوف هند تاحدها وتجري ومتبصش وراك نهائي،، اجري لحد ما توصل للباب اللي هناك دا

" بصيت على الباب اللي بيشاور عليه لقيته فعلا  موجود وحواليه نور 

يعني مينفعش ادخل معاك؟

= تدخل معايا تعمل ايه؟،، هتحارب قبيلة من الجن ب ايه؟ 

" شاهر رد عليه ساعتها

ب مسد*سات المية اللي عنده في الاوضة

" هارون مسك كتفي و رجع يتكلم معايا 

اسمع يا عبدالله انا مقدر خوفك على هند بس دخولك معايا هيأذ*يك،، خليك هنا زي ما قولتلك ومتقلقش انت كمان هيبقا ليك دور مهم جدا عشان أنت اللي هتوصل هند ل بر الأمان،، اسمع كلامي عشان متتأذ*يش

" مشينا احنا التلاتة لحد ما وصلنا ل كهف ضيق جدا،، هارون شاورلي اني اقف بعدها دخل مع شاهر ،، فضلت متابعهم لحد ما لقيتهم اختفو تماما...

" فتحت عيني لقيت حواليا كائنات صغيرة وشكلهم مرعب كأنهم اطفال بس مشو*هين وعندهم شعر كتير زي القرود،، بدأت أصرخ بأعلى صوتي لحد ما لقيت الكائنات دي وقفو قدام بعض وعملو صفين،، وفهمت هما عملو كدا ليه لاني شوفت شمس بتعدي من وسطهم لحد ما جات ووقفت قدامي

ياريت تكوني نمتي كويس

= انا جيت هنا ازاي؟

سؤال غبي الصراحة،، السؤال الصح يا هند هو انتي هتمشي من هنا ازاي؟

= انتي عايزة مني ايه؟

انا مش عايزة منك حاجة،، من امتا واحنا بنحتاج حاجة من البشر؟ 

= سبيني امشي،، سبيني امشي وانا هعملك اللي أنتي عايزاه،، أنا خلاص مش عايزة هارون وهبعد عنه خالص بس متأذ*نيش 

كان من بدري يا هند،، الاختيار كان قدامك يا هند وانتي اللي مختارتيش،، دلوقتي خلاص فات الأوان 

" بدأت تشاور ب ايديها لقيت كائنات كتير أوي مكنتش عارفة اعدهم وقفو وراها و بدأ يطلع منهم أصوات مرعبة،، شمس ابتسمت وقالتلي

ثواني و روحك هتكون ملكي يا هند،، انتي اللي زيك خسارة فيه انه يعيش،، النوع دا من البشر محتاج يعرف هو حقيقته،، الحقيقة انه مجرد هوا يا هند،، ميقدرش يعمل حاجة ورغم كدا تلاقيه دايما بيحاول وعايز يثبت نفسه قدام الأقوى منه

" بدأت أصرخ اكتر وبشكل هستيري اما هي كانت بتضحك اكتر واكتر لكن فجأه فجوة من النار ظهرت وسط الكائنات،، ثواني و ظهرت فجوة تانية،، شمس بصت وراها وصرخت بعدها اختفت،، الكائنات كان عددها بيقل وكلهم كانو بيقعو في فجوة النار،، فجأه ظهر هارون وسط الكائنات وضر*ب على الأرض برجله ضر*بة قوية،، المكان كله اتهز،، هارون جري عليا وبدأ يقطع الجنازير اللي انا ممربوطة بيها

اجري بسرعة ومتبصيش وراكي

= طب وأنت يا هارون؟

انا مش هينفع اخرج،، يلا بسرعة و خدي مروان معاكي

= مروان؟

انا هخرج منه حالا و خديه معاكي و اهربو بسرعة يلا

= هارون انا مش هسيبك،، تعالى معايا عشان خاطري

اجري يا هند بقولك مفيش وقت،، المكان كله هيتد*مر دلوقتي

" هارون غمض عينه،، ثواني ولقيته جسمه وقع على الأرض وشوفت هارون بشكله الحقيقي،، كان واقف جنب مروان

امشي يا هند

" سمعت صوت صرخات شديدة جدا،، بصيت على المصدر وشوفت شاهر وهو متجمع عليه اكتر من كائن و بيها*جموه بس فجأه ظهرت شمس و شاورت ب ايدها على هارون لقيته طار ووقع على الأرض،، كانت لسة هتصعقه لكن هارون اختفى بسرعة وبدأ يلف حواليها و هو ماسك السيف وبيحار*بها بيه،،  بدأت انا بسرعة افوق مروان لحد ما فاق معايا،، قام وبدأ يبص حواليه و صرخ

هو في ايه يا هند؟،، احنا فين؟

= قوم اجري بسرعة

" ساعدته وقومنا احنا الاتنين وبدأنا نجري بأقصى سرعتنا،، كنت بجري وانا سامعة صرخات شديدة جدا جدا،، صرخات عذاب كأنها جاية من الجحيم،، كملت جري أنا و مروان لحد ما خرجنا من الكهف لقيت عبدالله واقف في وشي

عبدالله!!،، انت بتعمل ايه هنا؟

= يلا بسرعة يا هند،، خليكو ورايا 

" عبدالله جري قدامنا،، المكان كله ضلمة مكنتش شايفة اي حاجة غير ضوء ابيض جاي من بعيد،، جرينا وراه أنا و مروان بعدها سمعنا صوت الكهف وهو بيتهد،، بصيت ورايا وصرخت

هااارون!! 

" مروان بدأ يشد*ني عشان اقوم،، وعبدالله بيز*عق فيا

يلا يا هند هنمو*ت هنا

#بقلم : #عمرو راشد

" قومت معاهم وكملنا جري لحد ما وصلنا ل مصدر الضوء وهناك شوفت باب ابيض،، عبدالله فتح و دخلنا كلنا وقفلنا ورانا،، مجرد ما قفلنا الباب لقيناه اختفى،، ساعتها اتصدمت لاني لقيت نفسي في بيت خالتي،، عبدالله وقع على الارض من التعب،، اما أنا مكنش شاغل تفكيري غير هارون،، هارون مشي ومش هشوفه تاني،، في اللحظة دي امي دخلت علينا الأوضة 

انتو كنتو فين يا ولاد؟

" عبدالله رد عليها وقال

مفيش يا خالتي نزلنا خرجنا شوية بدل الفراغ اللي احنا فيه دا

" عبدالله اخد امي و خرجو برا و أنا قعدت على السرير وبدأت اعيط،، مروان قرب مني وقال

لسة برضو مش عايزة تحكيلي؟

" بصيتله والدموع مالية عنيا

اقولك ايه؟

= كنت كل مرة بفوق بلاقي نفسي في مكان غير اللي كنت فيه لكن المرادي أنا صخيت لقيت نفسي في مكان مليان نار و ناس شكلها غريب،، شكلهم مش بشر أصلا،، باب دخلنا منه وبعد ما قفلناه يختفي عشان نلاقي نفسنا في بيت خالتك،، أنا عايز افهم ايه اللي بيحصل دلوقتي حالا يا هند ومتنسيش ان دا وعدك ليا

" بما ان هارون خلاص مشي ف مبقاش ليها لازمة اني اخبي تاني

انا هقولك كل حاجة

" بدأت احكيله الموضوع من الأول،، كان مصدوم من كلامي،، مش مصدق اللي أنا بقوله،، نظرات عنيه كانت بتتغير من صدمة ل حزن ل حيرة،

انا آسفة يا مروان بس والله انا مكنتش عارفة اقولك ازاي،، أنا حاولت والله أكتر من مرة بس معرفتش كمان كنت خايفة تقول عليا مجنونة،، انت كمان مكنتش عايز تسمعني،، انت كنت عايز تعرضني على دكتور نفسي يا مروان،، أنا عارفة ان دا مش مبرر بس انا كنت خايفة ومش عارفة اعمل ايه

= يعني انتي طول الوقت كنتي مع واحد تاني،، كنت دايما بستغرب واقول أنا ازاي مش عارف افتكر لحظة واحدة قضيتها معاكي،، طب كنتي فهميني من الاول،، هو انا مكنتش بصعب عليكي؟،، مكنتش صعبان عليكي وأنا حاسس اني تايه ومش عارف ايه اللي بيحصل حواليا،، بس أنتي عندك حق انتي كنتي خايفة فعلا بس مش مني،، انتي كنتي خايفة لما اعرف اسيبك وساعتها مش هتعرفي تشوفيه

مروان لا،، والله انا عمري ما اتخليت عنك

= عشان شايفاني بصورة واحد تاني،، أنا مبقتش مروان اللي أنتي بتحبيه و اتجوزتيه،، بقيت مجرد وسيط بينك وبينه،، عارفة لو خالتك فعلا أذ*تني ف انتي أذ*تيني مليون مرة يا هند

مروان اسمعني،، تعالى نبدأ انا وانت من جديد،، ننسا كل اللي فات،، اللي عدا دا ميتحسبش من حياتنا،، أنا عارفة اني غلطت والله بس دا كان غصب عني،، أنا مكنتش عارفة اتصرف وخايفة عليك وعلى اهلي،، هارون كان هو الوحيد اللي يقدر يحمينا

= و ربنا راح فين؟،، ربنا اللي خالق هارون وابليس ذات نفسه،، انتي مشيتي ورا الخرافات ونسيتي دينك يا هند،، حتى لو هارون قوي زي ما بتقولي لكن ربنا أقوى من الكل،، استغفري وقومي صلي ركعتين جايز ربنا يغفرلك

" قام وخرج من الأوضة وانا فضلت قاعدة لحد الصبح،، قاعدة بنفس الوضع مبتحركش،، بفكر في الموضوع كله من اول ما بدأ،، مروان فعلا عنده حق انه يعمل اي حاجة بس أنا مكنتش قاصدة كل دا،، أنا كنت عايزة احس بالامان،، منكرش اني دورت على راحتي بس دا عشان هو مكنش موجود،، مكنتش عارفة الاقيه و هارون كان هو دايما اللي قدامي يعني طبيعي اني كنت احس بكدا،، الشمس ظهرت وهو لسة مدخلش الأوضة،، الساعة بقت 8 الصبح ولقيت امي داخلة عليا الأوضة

ايه اللي مصحيكي يا ماما لحد دلوقتي؟

= حاسة انك مش كويسة،، كمان مروان نايم برا يعني اكيد حصل بينكو حاجة

محصلش يا ماما،، دي خناقة عادية

= لو خناقة عادية زي ما بتقولي يبقا كان زمانه نايم معاكي عادي،، من امتا والراجل بينام بعيد عن مراته في الخناقات،، يا هند انتي عملتي حاجة غلط وغلط كبير أوي كمان

ومش عارفه اصلحه يا ماما

= الكلمة الحلوة يا بنتي،، الكلمة الحلوة تدوبي بيها الحجر،، اعتذري يا هند،، أعتذري مرة واتنين وتلاتة يا هند طالما غلطانة،، الاعتذار ممكن يمحي الغلط و اينعم هو هيسيب اثر لكن بالمعاملة الكويسة تقدري تمحي اللي في القلوب يا هند،، خليكي جنب جوزك ومتسيبهوش،، مروان طيب وبيحبك حتى لو حصل بينكو مليون خناقة انا متأكدة انه بيحبك 

" وفعلا الكلمة الحلوة بتجيب نتيجة،، اعتذرو يا جماعة،، اعتذرو طالما الغلط من عندكو،، أنا عملت بنصيحة امي واعتذرت،، وبرضو انتو متستنوش ان الاعتذار يتقبل من اول مرة،، لا مرة واتنين و عشرة لحد ما يصفا طالما بتحبو الشخص دا،، وأنا بحب مروان وحقيقي عايزة ابدأ معاه من جديد وحاليا احنا في الطريق رايحين المطار عشان نسافر مكان جديد ونقضي شهر عسل جديد،، حياه جديدة،، بداية جديدة بعيد عن اي حد

بحبك يا مروان

= كلمة بحبك متوصفش اللي في قلبي ناحيتك يا نودي

" وسط السحاب والهوا كنا احنا الاتنين طايرين فوق العربية وهي ماشية،، شاهر قالي

احنا هنفضل ماشيين وراهم لحد امتا؟

= الصبر حلو يا شاهر

انا هيجيلي برد كدا،، هو انت عشان بتحب تتعبني أنا معاك

= تعرف يا شاهر،، رغم اني زعلان عشان في لحظة كنت بحلم اني اكون معاها بس في نفس الوقت مبسوط عشان هتكون في امان

فلاش باك

" غر*زت السيف في قلب شمس،، وقعت على الأرض،، كانت بتحاول تقوم لكن مش عارفة،، بس في الاخر عرفت تقوم،، مسكتها من رقبتها

مكنتش عايز اعمل كدا بس أنتي اللي اضطرتيني،، مع السلامة يا شمس

" غر*زت السيف مرة تانية في قلبها،، شمس وقعت على الأرض،، ساعتها بصيت على شاهر اللي كان محاوط من اربع كائنات و لوهلة كانو هينتصرو عليه لكن هو اختفا من وسطهم و جه وقف جنبي وكرة النار كانت لسة في ايده و رماها عليهم و اختفى،، اما أنا قبل ما اختفي شوفت شمس وهي بتفوق ساعتها قفلت قبضة ايدي بقوة وضغطت على ايدي اكتر،، الكهف بدأ يتحرك،، ضغطت اكتر واكتر لحد ما بدأ يقع ويتهد والنار محاوطاه من كل ناحية

باااك

طب يلا بينا بقا ونسيبهم يعيشو براحتهم

= يلا

" قبل ما نمشي لمحت كتلة نار جاية من السما وقدام كتلة النار دي جسم ضخم طاير في الهوا،، شاهر قال بصدمة

دانوم!!!

" كان طاير بسرعة كبيرة جدا ناحية عربية هند و مروان

شاهر احنا في كارثة دلوقتي

= انا كدا هيجيلي برد والله

" في نفس الوقت كتلة نار وقعت على الطريق قدام العربية،، صرخت بأعلى صوتي 

اهربوووو!!!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

تعديل المقال