رواية توفي الوعد كاملة جميع الفصول بقلم حبيبه الشاهد
رواية توفي الوعد كاملة جميع الفصول هى رواية من تأليف المؤلفة المميزة كيان رواية توفي الوعد كاملة جميع الفصول صدرت لاول مرة على فيسبوك الشهير رواية توفي الوعد كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية توفي الوعد كاملة جميع الفصول
رواية توفي الوعد كاملة جميع الفصول
دخلت الاوضه وهيا بتقول : يلا بقا يا ليله هنتأخر
ليله : أنا خلاص خلصت اهو
مليكه بصدمه : افندم ... انتي هتخرجي كده ... ده مراد لو شافك كده هيقلبها علينا كلنا ... وبعدين هو جايب لكل واحد فينا فستان
ليله : والله أنا حره ... البس اللي أنا عايزاه هو ملهوش دعوه بيا ... ومش هلبس حاجه هو جايبها ... يروح يتشطر على حبيبة القلب
مليكه : يا ليله هتعملي مشكله واحنا متأخرين اس.....
قاطعها خبط الباب
ليله : ادخل
دخل مراد وقال : انتي هنا يا مليكه وملك بتدور عليكي تحت
وبص لليله ببرود وقالها : وانتي لسه ملبستيش ليه احنا كده هنتأخر
بصتله ببرود : لا م أنا جهزت
مراد : هتروحي بقميص النوم ؟!
ليله : قميص نوم ؟!!
تابعت ببرود : اه هروح بيه أنا حره
مراد : انزلي يا مليكه تحت
مليكه : يا مراد مش وقته هنتأخر
مراد بحده : قولتلك انزلي تحت
خرجت من الاوضه وهو قفل الباب ووقف قدام ليله : قولتي ايه بقا
ليله بخوف مزجته بشجاعه مزيفه : أنا كده ... كده خلصت لبس
شالها مره واحده ودخل بيها الحمام وحطها تحت الدش وفتحه عليها تحت صدمتها
ليله : انت عملت ايه ؟؟
بص في ساعته وقالها : ربع ساعه بالظبط تكوني مسحتى القرف اللي في وشك وتلبسي الفستان اللي أنا بعته
ليله : قولتلك قبل كده ملكش دعوه بيااااااا ... انسان سمج
مراد : أنا عارف انك تعبانه شويه علشان كده هعديهالك ... غير كده انتي عارفه أنا كنت هعمل ايه
خرج من الحمام وهيا تمتمت : بارد
مراد : ربع ساعه يا ليله لو مجهزتيش هاجي أنا البسك بنفسي
خافت من تهديده ولبست الفستان بسرعه وصففت شعرها وهو قالها من بره
مراد : الربع ساعه عدت
ليله : وانا جهزت اساسا ... ولو سمحت متتعاملش معايا كده تاني أنا مش عيله صغيره
مراد : لا انتي بالنسبالي لسه العيله الصغيره اللي أنا ربيتها بنفسي
نفخت بضيق وقالت : طيب ممكن بقا تخرج من اوضتي على م اكمل تجهيز نفسي
مراد : شعرك يتلم ومتحطيش روج فاقع
خرج من اوضتها وهيا حبت تخلف كلامه وجابت اكتر درجة روج فاقعه عندها وسابت لشعرها العنان
ليله : كده فله ... وريني بقا هتعمل ايه يا استاذ مراد ... لتكون صدقت أن احنا اخوات بجد
نزلت تحت وكان مراد بيتكلم في الفون وواقف مع اخواته
مراد : اقفل دلوقتي هكلمك بعدين
ملك : ايه يا ليله اخرتينا
ليله : منا خلصت اهو
راح مراد ليها ومسك دراعها جامد وطلع منديل من جيبه وبدأ يمسحلها الميكب اللي هيا حطاه
ليله : ليه كده يا مراد أنا قعدت كتير اوي على م اظبطه
مردش عليها وكمل مسحه وبعد م خلص لفها وبدأ يضفر شعرها
مراد : يلا علشان منتأخرش اكتر من كده
سابقهم وخرج على بره
مليكه : علفكره كده احلى
ليله : بلا احلى بلا زفت ... هو مالوا بيا دلوقتي
ملك : مش انتي اللي طلبتي منه يعاملك زي أخته
ليله : ليه هو هيصدق أن احنا اخوات ولا ايه ... المهم يلا علشان منتأخرش
خرجوا ورا مراد
مراد : اركبوا انتوا التلاته مع عم عبده وانا هروح اجيب تسنيم وهحصلكوا
في العربيه
ليله : رايح يجيبها علشان بيخاف عليها وبيحبها وقال ايه ... بيعاملني زي أخته
ملك : يا بنتي اومال لو مكنتيش انتي اللي خرجتيه من حياتك من غير تردد
ليله : كلنا عارفين السبب ... خليها تنفعه
في الحفله ليله مع مليكه
ليله متابعه مراد وتسنيم بصمت
ليله : المفروض أنا اللي اكون مكانها
مليكه : م خلاص يا ليله بقا ... مش كنتي مش عايزاه
ليله : أنا عمري م كنت مش عايزاه ... بس انا برضو عندي كرامه
مليكه : جايين علينا
ليله : بصي اللي لابساه ... وهو مبيكلمهاش وسايبها براحتها
مليكه : اسكتي هيسمعوكي
ليله : ياريت
تسنيم : هااااي
مليكه : اهلا
مراد : خليكي هنا هروح استقبل الوفد الايطالي
تسنيم : اوك حبيبي
تسنيم كانت ماسكه كوباية عصير وبتهزها بايديها فوقعت على ليله
مليكه : مش تفتحي
شاهي : سوري والله مكنتش اقصد ... متزعليش مني يا ليله
ليله : هروح التويلت وهاجي بسرعه
دخلت التويلت نضفت فستانها ولقت تسنيم داخله
شاهي : جيت اظبط الميكب بتاعي
ليله :...
شاهي : متزعليش اوي كده ... مراد كان هيختار مننا واحده بس ... والواحده دي كانت اكيد هتكون أنا
ليله : لسه النهايه مجتش
شاهي : حبيبتي ... النهايه خلصت من زمان
رفعت ايديها في وش ليله وكملت : من ساعة م لبست ده ... مراد بتاعي أنا وبس
ليله : مراد معاكي بجسمه بس قلبه معايا وقلبه ملكي طول العمر
شاهي : غلطانه يا حبيبتي ... مراد بيحبني والا مكنش خطبني وسابك ... وبعدين م انتي كنتي قدامه مختاركيش ليه
ليله : عشان ... عشان أنا اللي طلبت منه كده
قالت كلامها وخرجت
تاني يوم كانت ليله في اوضتها قدام المرايا ومعاها مقص
ليله : أنا اه مبطلتش احبك ... بس انا تعبت ولازم اتعامل معاك ببرود زي م انت بتعاملني
فلاش باك
مراد : انتي عارفه يا ليله اني محبتش غيرك في الدنيا دي كلها ولا هحب بعدك
ليله : وانا كمان محبتش غيرك يا مراد
مراد : يبقى تسمعي كلامي بقا ... وبعدين شعرك ده مش عايز اشوفه مفرود غير قدامي أنا وبس
ليله : ده انا اصلا كنت بفكر اقصه
مراد : نعم يختي ... انسي الحوار ده
ليله : أنا هقصه في حاله واحده بس ... ودي حاجه مستحيله
مراد : امتا بقا إن شاء الله
ليله : لما ابطل احبك ... بس ده مستحيل
باااااك
ليله بدموع : هه ... عمري م هبطل احبك يا مراد ... بس هقصه علشان انتقم لكرامتي
يتبع........
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
ليله : يا ماما حاسه اني مخن..وقه
_: انتوا الاتنين غلطتوا ... واظن انتي اكتر واحده عارفه مراد ... وكلامك مكانش سهل
ليله : كلامي كان قاسي بس هو اللي استفزني
_: اتحملوا نتيجه غلطكوا
ليله : أنا مش فارقه معاه لدرجه انه راح خطب تسنيم بعد شهر بس
_: علشان هيا اللي استغلت الفرصه صح
ليله : ماما ... أنا هقولك حاجه
_: قولي
ليله : أنا ... أنا ... قصيت شعري
_: بتمحي كل حاجه مراد بيحبها ؟؟
ليله : علشان أنساه ... وياريت لو توافقي على طلبي ... أنا طول عمري محرومه من ماما وبابا وانتوا هتفضلوا عيلتي الاولى ... بس انا حابه ابعد ... مسافر بعد شهر اكون رتبت نفسي
_: مش وقته يا ليله دلوقتي
ليله : بس متنسيش الموضوع
جه وقت الغدا وكانوا كلهم بيتغدوا
ملك : هو انتي لابسه الكاب ليه ... احنا في البيت ومفيش شمس
ليله : أنا مرتاحه كده ... بقولك يا ماما ممكن اروح لميار شويه
_: قولي لمراد
ليله : ممكن
مراد : عاصم هيكون هناك ؟!
ليله : معرفش ... بس اكيد يعني
مراد : يبقى لا
ليله : لا انا بعرفك اني هروح علفكره مش باخد رايك ... سواء كان عاصم موجود او لاء أنا هروح في الوقت اللي يناسبني
مراد : مش هتخرجي
ليله : هخرج وهعمل كل حاجه أنا عايزاها ... وبعد كده مش عايزاك تضايق عاصم علشان هو صديق كويس مش عايزه اخسره ... بعد اذنكوا
قامت طلعت اوضتها وبعد شويه باب اوضتها خبط
ليله : ادخل
دخل مراد
ليله : افندم
مراد : أنا جاي اعتذر على تدخلي في حياتك ... بس المفروض اني اعاملك زي اختي ... وعلشان انتي مش حابه الوضع ده فأنا مش هتعامل معاكي تاني واعملي اللي انتي عايزاه براحتك
ليله : وانا كمان اسفه على كل حاجه عملتها وحشه في حقك يا ابن عمي
مراد : مش هتفرق ... عموما من دلوقتي انتي حره في اي حاجه تعمليها
ليله : انت بطلت تحبني ؟
مراد : لا ازاي بقا ... ده انتي اختي الغاليه
قال كلامه وخرج من اوضتها
عدى اسبوع
في شركة مراد
دخلت ليله مكتب مراد من غير م تخبط
ليله : يعني ايه مش موافق على عاصم
كان في اجتماع ووجه كلامه للي معاهم
مراد : طيب يا جماعه اتفقنا ... الاسبوع الجاي إن شاء الله نتمم الموضوع ... تقدروا تتفضلوا
خرجوا كلهم ومبقاش موجود غير مراد وليله
مراد : انتي ازاي تدخلي من غير استئذان
ليله : علشان انت مستفز
مراد : احترمي نفسك معايا بعد اذنك
ليله : ايه البرود اللي انت فيه ده ... انت مش قولتلي انك ملكش دعوه بيا
مراد : وحد قال عكس كده
ليله : ولما محدش قال عكس كده بترفض ليه خطوبتي من عاصم
مراد : لا انتي فهمتي غلط .. أنا رفضت أقابله لاني مش هكون فاضي ... هيكون عندي معاد مهم ... لكن اعملي اللي انتي عايزاه ... بس بعيد عني
ليله : وهو في حاجه اهم عندك من اخواتك
مراد : اه ... تسنيم
ليله : م بلاش نضحك على بعض ... انت عارف ان تسنيم طماعه وعمرها م حبتك ... وك...
قاطعها : دي حاجه تخصني ... وزي م انا مبتدخلش في حياتك انتي كمان متتدخليش في حياتي ... وياريت متضايقيش تسنيم تاني ... ومتدخليش مكتبي بالشكل ده بعد كده ... لو خلصتي كلامك اتفضلي
خرجت من مكتبه بسرعه وراحت مكتبها وبعد شويه دخلتلها تسنيم
تسنيم : عايزه ملف اخر صفقه
ليله : هبعتهولك مع ناهد
تسنيم : لا م أنا مجتش اخده بنفسي علشان تقوليلي تبعتيه مع ناهد
ليله : مش فاضيالك دلوقتي
تسنيم : خلاص هاتيه بنفسك ... ومتنسيش مؤتمر بكره ... وبلاش الكاب اللي انتي لابسهالنا دي
ليله : دي حاجه متخصكيش ... اتفضلي بقا
بالليل كانت ليله في اوضتها مستنيه مراد يرجع كالعاده واول م شافته نزلتله
مراد : ايه اللي مصحيكي لحد دلوقتي
ليله : م انت عارف اني مبعرفش انام غير أما اتطمن انك جيت
مراد : قصيتي شعرك يا ليله
ليله : انت ... انت عرفت ازاي ... ماما قالتلك ؟!
مراد : أنا عارف اي حاجه انتي بتعمليها من غير م حد يقولي ... وعارف انك هتتخطبي لعاصم مع انك مبتحبهوش علشان بس تردهالي
ليله : علفكره انت فاهم غلط
مراد : أنا اكتر واحد فاهمك صح ... وطبعا بما انك قصيتي شعرك فانتي كده مبقتيش تحبيني
ليله : وايه اللي وصلنا لكده يا مراد
مراد : المفروض مين يسأل مين ... أنا عارف انك معذوره وانا مش هعدي الموضوع ... بس انتي شكيتي فيا وقولتيلي كلام محدش ممكن يستحمله
ليله بدموع حضنته وقالتله : أنا بحبك اوي يا مراد
مراد : شششش ... اهدي مش عايز اشوف دموعك
ليله : أنا ضيعتك مني
مراد : أنا موجود اهو
ليله : انت مع تسنيم
مراد : بس انا قلبي معاكي انتي ... يلا اطلعي اوضتك واجهزي للمؤتمر بتاع بكره ... ومفيش داعي للكاب دي
ليله : مراد
مراد : قلبه
ليله : أنا مبطلتش احبك وانا بعد م قصيت شعري لبست الكاب ومحبتش اقلعه غير لما يطول تاني
مراد : حصل خير ... يلا تصبحي على خير
تاني يوم صحيت بدري ووقفت قدام الدولاب تختار اللي هتلبسه وباب اوضتها خبط
ليله : مليكه ... أنا فرحانه اوي
مليكه : يارب دايما بس ايه السبب
ليله : حاسه اني فرحانه بجد
مليكه : هو انتي معرفتيش
ليله : معرفتش ايه ... بصي لو خبر وحش بلاش علشان حاسه اني طايره
مليكه : هو خبر وحش بس لازم تعرفيه
ليله : لا انتي كده قلقتيني في ايه
مليكه : مراد
ليله قلبها انقبض وقالت : ماله مراد
مليكه : هو وتسنيم حددوا فرحهم بعد اسبوعين من دلوقتي
يتبع..........
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
نزلت تحت بأقصى سرعه ومليكه وراها
مليكه : ليله رايحه فين
مردتش عليها لحد م راحت عند مراد
ليله : الكلام اللي سمعته ده صح ؟
مراد : كلام ايه بالظبط
ليله : جوازك من تسنيم بعد اسبوعين ؟!!!
مراد : احنا اتفقنا امبارح على كده
ليله : طب وانا ؟
مراد : أنا عا....
قاطعته : انت خلاص ... ضيعت مني
سابته وجريت على اوضتها ومليكه وراها
ليله : مراد خلاص ضاع مني ... هيا اللي خدته ... هيا اللي كسبت
مليكه : ليله اهدي
وتقدروا تقولوا أن ده هدوء ما قبل العاصفه
بدأت ترمي اي حاجه تقابلها وتمسك اي حاجه ترميها قدامها لدرجة أن الشبايك اتكسرت
ليله : لاااااااااا ... مراااااااد
كانت مليكه بتحاول تهديها وتوقفها بس هيا كانت زي الثور الهايج وكل اللي في البيت اتجمع في الأوضه وهيا مستمره وكانت منهاره بالمعني الحرفي
ليله : اااااااااااااه ... ليه كده
مراد قرب عليها : ليله
ليله : ابعد عنيييييييي ... اااااااااااااه
ام مراد (خيريه): يا ساتر يارب
ملك : ايه اللي حصل
مليكه : عرفت أن مراد هيتجوز
مراد : اهدي يا ليله متعمليش في نفسك كده
ليله ببكاء هيستيري : لييييه كده ... اشمعنا اناااااااااااااا
كانوا بيحاولوا يهدوها ومش قادرين عليها وطلبولها الإسعاف وادولها حقنه مهدئه ونقلوها ع المستشفى
في المستشفي ملك رنت على مليكه
ملك : طمنيني
مليكه : شويه وهتخرج ... هديت شويه
ملك : خير إن شاء الله
بالليل كانت قاعده في اوضتها ومعاها خيريه
خيريه : ليله ... بقيتي احسن ؟
ليله بدموع : هو حبيبي وهيا خدته ... هو حبيبي وهيا خدته
خيريه : لا حول ولا قوة الا بالله
ليله : هو حبيبي وهيا خدته
خيريه : ليله مراد هيتجنن ويشوفك وانتي كل م تشوفيه تنهاري
ليله : هو حبيبي وهيا خدته ... هو حبيبي وهيا خدته
خرجت من الأوضه بعد م نيمتها بصعوبه
مراد : بقت كويسه ؟!
خيريه : حالتها صعبه اوي يا مراد ومبتقولش غير كلمه واحده بس ... هو حبيبي وهيا خدته
مراد : طب عادي لو دخلت اتطمنت عليها
خيريه : هيا نايمه دلوقتي انا م صدقت نيمتها
دخل مراد براحه ولقاها نايمه وبقايا دموعها على وشها
مراد : محدش هيقدر ياخد مكانك يا ليله ... انتي الوحيده اللي في قلبي ... بس انا لازم انتقملك منها ... زي م هيا حاولت تفرق بينا بدل المره الف ... أنا هندمها ع اليوم اللي فكرت فيه أنها تإذيكي ... ومتقلقيش احنا لبعض ... دلوقتي أو بعدين ... بس انتي ساعديني ... أنا مكنتش متخيل أن ممكن حالتك توصل لكده ... بس وحياة كل دمعه نزلت منك هنتقملك منها
خلص كلامه وطبع قبله رقيقه على خدها وخرج
تاني يوم
تسنيم : يعني اي ايه اللي جابك ... جايه اتطمن على ليله
مراد : اتطمني ... بقت كويسه
تسنيم : هو اللي خلاها تتعب بالشكل ده أنها عرفت معاد فرحنا
مراد : دي حاجه متخصكيش .... اتفضلي بقا
تسنيم : همشي يا مراد ... بس متنساش المؤتمر اللي معاده اتأجل ده
مراد : احنا في ايه وانتي في ايه ... بلا مؤتمر بلا زفت
تسنيم : خلاص متعصبش نفسك يا حبيبي ... همشي أنا بقا
عند ليله
مليكه : ليله ممكن تبطلي عياط بقا
ليله : هو ح ... حبيبي ... هيا خدته ... مني
ملك : بدل م تولولي كده فكري ازاي هتخربي الجوازه
ليله : مراد حبيبي ... مش هيسيبني
ملك : واهو سابك اهو هتعملي ايه
ليله : مراد مسابنيش ... مراد بيحبني ... مراد ليا أنا وبس ... انتي فاهمه
مليكه : ومين قال عكس كده بس يا حبيبتي
بعد شويه دخل مراد ومعاه دكتور
ليله ضحكتله اول م شافته : مراد ... انت رجعتلي
قرب منها وقالها : أنا معاكي علطول ... ومتقلقيش عمري م هسيبك
وشها كشر مره واحده وقالت : لا انت سيبتني ... تسنيم ... انت حبيبي وهيا خدتك مني
تابعت بهستيريه : هو حبيبي وهيا خدته ... هو حبيبي وهيا خدته
بعد حوالي نص ساعه
الدكتور : أنا شايف أن حالتها دي صعبه شويه وممكن تتحسن بطريقه
مراد : ايه هيا
الدكتور : لو ودتوها لدكتور نفسي يتابع معاها ويحاول يخرجها من حالتها
مراد : بس هيا مش مجنونه
الدكتور : محدش قال إنها مجنونه بس متنساش الصدمه اللي اتعرضتلها
مراد : طب في طريقه تانيه مثلا ... زي أن احنا ننفذلها اللي هيا عايزاه مثلا او نلغي الخبر اللي عرضها لكده
الدكتور : للاسف مش هيفيد ... لأن حاليا عقلها واقف عند سماعها للخبر ده ومش قادر يتقبل اي خبر جديد حتى لو كان كويس ... لكن لو تابعت مع دكتور هتحكيله اللي مضايقها ولما توصل للحظه دي ممكن تبدأ تستوعب اخبار تانيه
تاني يوم مراد مع ليله قصاد العياده
ليله : أنا مش مجنونه
مراد : محدش قال انك مجنونه انتي بس تعبانه شويه
ليله : متسبنيش تاني
مراد : أنا معاكي اهو ... بس انتي هتدخلي مع الدكتوره وانا هقعد هنا استناكي
ليله : وعد!!
مراد : وعد
عند الدكتوره واسمها ايمان
ايمان : أنا مش الدكتوره بتاعتك اعتبريني صاحبتك وبس
ليله : أنا اصلا هنا ليه ده مش مكاني
ايمان : بتيجي فتره على الإنسان وبيبقى مضغوط والدنيا جايه عليه ... والفتره دي كل انسان بيتعرض ليها ... هل ده معناه أنه مجنون ... الدكتور النفساني ده مجرد دكتور بتفضفضي معاه علشان ترتاحي
ليله : أنا عمري م هرتاح ... أنا وصلت لحاله صعبه ... هو حبيبي وهيا خدته مني
ايمان : عرفتيه ازاي
ليله : هو اللي مربيني ... اكبر مني ب ٧ سنين و ١١ شهر و ١٦ يوم
ايمان : وفين مامتك وباباكي
اتنهدت ورجعت بالزمن ورااا اوي وبدأت تحكي
فلااش باااك
خيريه وهيا تحمل طفله لسه مولوده : بسم الله الرحمن الرحيم
ام ليله ( عائشه ) : خلي بالك منها يا خيريه بعد أما اموت
خيريه : انتي هتقومي بالسلامه يا حبيبتي وتربيها وتجوزيها وتشوفي اولادها
عائشه : كان نفسي بس مش بايدي ... أنا خلاص بودع الدنيا ... وصيتي ليكي تخلي بالك منها وتعتبريها زي ولادك ... هيا ملهاش حد بعدي أنا وأبوها
خيريه : شدي حيلك انتي وبس وربيها معايا
عائشه : حالتي وحشه وعلاج السرطان صعب يا خيريه ... هاتي اشيلها واشبع منها شويه
خيريه وهو بتديهالها : بسم الله الرحمن الرحيم
عائشه : هسميها ليله
خيريه : تتربي في عزك يا حبيبتي
تاني يوم الصبح
خرج الدكتور من غرفة عائشه
الدكتور : البقاء لله
خيريه : لا حول ولا قوة الا بالله
تمت الدفنه وروحت خيريه بليله وجمعت عيالها
خيريه : دي يا حبايبي اخت خامسه ليكوا ... عايزاكوا تحموها ومتزعلوهاش
مراد : مش هنزعلها ابدا يا ماما ... مش كده يا احمد
احمد : اه طبعا ... هيا زي ملك ومليكه
ملك : بس دي صغيره خالص
خيريه : علشان لسه مولوده يا حبايبي
مليكه : هتكبر شويه ونلعب معاها
خيريه : إن شاء الله يا حبايبي ... عايزين كلنا نكون عيله حلوه ومحدش يفرقنا
بااااااااك
ايمان : وفين باباكي
ليله : بابا وعمو عملوا حادثه وهما راجعين من السفر وماتوا
ايمان : ومين اللي حكالك كل ده
ليله : ماما خيريه ... هيا بالنسبالي امي وابويا وعمرها م فرقت بيني وبين اي حد من ولادها
ايمان : طيب قدامنا ٥ دقايق و الجلسه تخلص ... ف هنقف هنا ومعادنا يوم الخميس الساعه ٢
يتبع.......
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
وقفها وهو بيقولها : استني هنا رايحه فين ؟
ليله : رايحه شغلي
مراد : انتي لسه تعبانه
ليله : اظن أنا اللي احدد سواء كنت تعبانه ولا لاء مش انت ؟
مراد : طب متروحيش بعربيتك اركبي معايا
ليله : لاء
مراد : انا بعرفك مش باخد رايك ... عندك معاد انهارده ؟
ليله : اه ... الساعه ٢
مراد : طيب كويس ... لو عايزه توقفيها ومتروحيش وحاسه انك اتحسنتي ممكن متروحيش
ليله : لاء هروح وأكمل ... بس ياريت تسيبني في حالي وتشوف عروستك وتحضر لفرحك يا عريس
مراد : يلا علشان منتأخرش
في الشركه
دخلت ناهد لليله وقالتلها : تسنيم كانت عايزاكي بس انا مشيتها
ليله : احسن ... الواحد مخنوق اوي يا ناهد ... وحاسس أن الدنيا وحشه
ناهد : فتره وهتعدي ... اهم حاجه انك تثبتيله انك قادره تعيشي من غيره ... انبسطي واخرجي واعملي اللي انتي عايزاه
ليله : م قادره ... أنا بجد تعبانه
ناهد : دي شئ طبيعي ... بس هيا فتره صغيره بس اللي تزعلي فيها وبعدين ارجعي لطبيعتك
ليله : ربنا يسهل ... عندنا شغل ايه انهارده
عند الدكتوره
ليله : اهتمام مراد بيا كان أكبر انجازاتي ... من وانا صغيره وانا متعلقه بيه ... واي حاجه انا عايزاها بطلبها منه ... اللي بينا كان أكبر من الحب ... تخيلي اني اعرفه من اول يوم ليا في الدنيا ... على قد م هو شخصيه بارده شويه بس بفرح اوي لما بخرجه عن شعوره ... أنا الوحيده اللي بخرجه عن شعوره اصلا ... تسنيم ظهرت في حياتنا من وانا في الثانوي ... هيا اكبر مني بسنه ... دخلت حياتنا يوم ٢٠١٥/٧/١٩ ... ومن وقتها والحياه اتغيرت ... او تقدري تقولي أن أنا اللي اتغيرت
فلاش باك
خيريه : تعالي يا ليله ويا ملك ويا مليكه سلموا على طنط ماهيتاب وتسنيم
سلموا عليهم وخيريه قالت لولادها ياخدوا تسنيم ويقعدوا معاها وخرجوا الجنينه
ليله كانت مع مليكه بعيد عن ملك وتسنيم شويه : مش عايزه اقعد معاها حاساها تنكه
مليكه : يا ستي شويه وهتمشي
ليله : بس اول مره نشوفهم يعني ... عمر م ماما حكت عنهم
مليكه : تلاقيها صاحبتها من زمان
_: حبايبي المقطقطين
كان صوت مراد اللي جه من وراهم
ليله جريت عليه واتشعلقت في رقبته : مراد ... شوفت مين عندنا
مراد : مين
ليله : صاحبة ماما وبنتها الرخمه
مراد : وهو انتي اتعاملتي معاها علشان تقولي عليها رخمه
ليله : انت اصلا لو شوفتها مش هتحبها
مراد : وانتي اي رايك يا مليكه
مليكه : والله دمها واقف بس اهو شويه وهتمشي
مراد : اممم ... اومال ملك فين
ليله : قاعده معاها
مراد : اهي ملك اللي جدعه فيكوا وبتعرف تتعامل مع اي حد
مليكه : ماما اللي قالتلنا اقعدوا معاها بس احنا خلعنا ودبسنا ملك
مراد : يا اندال ... تعالوا نشوفهم
راحوا وملك قامت بدور أنها تعرفهم على بعض وليله مأنكچه في مراد جامد
وتاني يوم نزلت ليله من اوضتها بدري ودخلت تفطر معاهم واتفاجئت ان تسنيم هيا مامتها قاعدين معاهم
ليله باستغراب : صباح الخير
ردوا عليها التحيه وخيريه قالت : اقعدي يا حبيبتي وانا هطلع اصحي مراد
دخل مراد : أنا صاحي من بدري وجاهز ... احنا عندنا ضيوف ولا اي
خيريه : ضيوف امبارح يا حبيبي ... اصل طنطك سعاد اخدت ڤيلا في الكومباوند اللي جنبنا
مراد : نورتوا والله
سعاد : بنورك يا حبيبي
مراد : خلصتي فطارك يا ليله ولا هتأخريني كالعاده
ليله : كلت خلاص ... يلا بينا
باااك
ليله : ومن ساعتها مشوفتش يوم حلو ... متعرفيش أنا مفتقده يوم من الايام اللي كنت عايشاها قبل م تدخل حياتي وتدمرها كده ... مراد من حقي أنا ... أنا اللي اعرفه قبلها ... أنا اللي اتمنيته قبلها واكتر منها ... أنا اللي المفروض اكون حرمه مش هيا ... أنا اللي المفروض عياله يقولولي يا ماما مش هيا ... ازاي ممكن احلامنا تروح لناس عمرهم م حلموا بيها
ايمان : لسه النهايه مجاتش يا ليله ... خلي عندك ثقه في نفسك ... أنا عارفه انك قويه بس ده مش كفايه ... لازم اساسا تقابلي مشاكل في حياتك وتتعلمي منها
ليله : طب أنا تعبت انهارده ... ممكن ننهي الجلسه
ايمان : اه طبعا ... بس مش عايزه كلمه منه تأثر عليكي وترجعك لحالتك الصعبه
ليله : متقلقيش أنا مبتهزمش بسرعه ... ونعمل كل جهدي علشان انهي الجوازه دي قبل م تبدأ
ايمان : وانا واثقه فيكي
يتبع.........
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
وقفت قدام دولابها واختارت لبس بسيط علشان تقابل اكتر انسانه بتكرهها بعد م بعتتلها بتقولها لو انتي مش خايفه من مواجهتي قابليني
نزلت من اوضتها وراحت لمامتها
ليله : ماما أنا خارجه
خيريه : رايحه فين
ليله : عندي شغل مهم
خيريه : متخرجيش لوحدك ... استني م....
قاطعتها : ماما أنا مش صغيره ولا مجنونه
خيريه : محدش قال كده يا حبيبتي بس انا بخاف عليكي
ليله : متقلقيش عليا يا ماما ... بنتك جدعه
بعد شويه كانت واقفه قصاد فيلا وبتتأملها شويه
تسنيم : طلعتي شطوره وجيتي
ليله : مينفعش مجيش
تسنيم : لاء شاطره بجد ... كنت متوقعاكي متجيش
ليله : ليه اتقابلنا في المكان ده
تسنيم : هادي كده وهنعرف نتكلم براحتنا
ليله : واي بقا اللي عايزه تتكلمي فيه ... أن مراد هيتجوزك
تسنيم : الأمر ده مفروغ منه ... بس بجد أنا نفسي ازيحك من طريقي
ليله : مش هتعرفي تزيحيني من طريق مراد ... أنا بالنسبه لمراد حاجه كبيره اوي هو مش هيقدر يستغني عنها ... مهما عملتي ايه
تسنيم : صح ... علشان كده اختارني ... بصراحه الحب واضح اوي
ليله : متحاوليش تكدبي على نفسك كتير ... انتي بنفسك عارفه أن مراد بيحبني وعارفه سبب فراقنا عن بعض ... فبلاش لف ودوران
تسنيم : بيحبك زي ملك ومليكه بس انسي انك تاخدي مكان اكبر من كده ... علشان مش هتقدري ... وخلاص النهايه قربت اوي ... وطبعا انتي مش محتاجه دعوه لفرحنا
ليله : وانتي جايباني هنا علشان تقوليلي الكلام ده
تسنيم : اكيد مش هجيبك على حاجه تافهه زي كده ... بصراحه كان نفسي اكسرك وقولت في نفسي ايه اكتر حاجه ممكن تكسرك ... يعني لو مراد عرف انك مبتحبيهوش وانك مدام ليله وقتها انتي هتنتهي وساعتها أنا هخلص منك للأبد
ليله : ايه الهبل اللي بتقوليه ده ... علاقه ايه ومدام ايه ... انتي شكلك اتجننتي
تسنيم : لاء يا حبيبتي أنا متجننتش ... واكيد مصدقتيش اني جايباكي هنا علشان هدوء المكان وأننا نتكلم براحتنا ... أنا جبتك هنا علشان اكسرك
ليله : انتي مصدقه اللي انتي بتقوليه ده ... مراد لو عرف أن حصلي حاجه هيطربقها عليكي وعلي الكل
تسنيم : مراد مش هيصدق اني اذيتك ... لأن أنا دلوقتي تعبانه و نايمه في بيتنا وهو قاعد مع ماما بيسأل عليا
ليله : ايه اللي انتي بتقوليه ده
تسنيم : لو مش مصدقاني رني عليه ... هتلاقيه عندنا في البيت بيتطمن عليا
ليله : لاء مستحيل
تسنيم : هارد لاك يا جميله
سابتها ومشيت وهيا لسه بتمشي وراها بسرعه لقت واحد مسك دراعها
_: على فين يا قطه ... ليلتنا طويله
ليله : ابعد عني يا حيوان ... والله لهوديك في ستين داهيه
_: ده انتي قطه وبتخربشي
قال كلامه وقبل م يسمع كلامها شالها بين ايديه ودخل بيها الڤيلا وطلع اوضة نوم وكانت هيا بترفص برجليها وبتحاول تنزل من بين دراعه ومش عارفه وعماله تشتمه وتعيط
نزلها على السرير وبدأ يفك زراير قميصه تحت رعبها ويدوب لسه بتقوم من على السرير شد رجليها وبدأ يب..وسها من رقبتها بع..نف وقطع..لها بلوزتها لدرجة أنها تعبت من الفرهده وكانت هتستسلم بس شافت صورة مراد قدامها فغمضت عينيها بألم وبدأت تدور بعينيها على اي حاجه تنجدها بس مكانتش قادره تتحرك من تحت أيده ضربته برجليها جامد فهو اتوجع وخبط دماغها بالسرير فغابت في دنيا تانيه ورجع للي كان بيعمله بعد م قطعلها هدومها كلها
بالليل
رجعت ليله البيت في حاله لا يرثى لها وكانت بتترعش من الخوف ... دخلت البيت بهدوء كانت مامتها قاعده في الصاله مع ملك ومليكه وشكلها قلقان ومتوتر
خيريه : خير يارب ... ردت عليكي يا بنتي
ملك : لاء يا ماما مبتردش
خيريه : يارب ردهالي بخير يارب ... اتصلي على مراد
ملك : تليفونه مقفول
خيريه : أنا هقوم البس وهنزل اشوفها بنفسي
دخلت ليله بهدوء غريب
مليكه بصدمه : ليله!!!!!
خيريه غيرت مسارها وجريت عليها : حبيبتي ... انتي كويسه ... مين اللي عمل فيكي كده ... أنا كنت حاسه كنت حاسه
ملك : ايه اللي حصلك ؟!
خيريه : يا حبيبتي يا بنتي
مليكه : عدوها بس تقعد الاول وبعدين نفهم
كانت واقفه وحاسه أن الدنيا بتلف بيها واخر جمله سمعتها قبل م تغيب عن الوعي كانت صوت اكتر شخص حبته
_: في ايه اللي بيحصل هنا ؟!
بعد شويه فتحت عينيها بضعف ولقتهم كلهم حواليها
مراد كان قاعد جنبها ماسك ايديها
خيريه قاعده على كرسي قدامها وفاتحه المصحف بتقرأ فيه
مليكه رايحه جايه في الاوضه وملك قاعده جنب مامتها
ليله بصوت ضعيف : ماما
وقفوا كلهم قصادها بلهفه
خيريه : ليله حبيبتي ... بقيتي احسن
مراد : مين الحيوان اللي فكر يعمل فيكي كده ؟
ليله : ماما متسبنيش ... انا خايفه
خيريه : أنا معاكي اهو يا حبيبتي متخافيش
مراد : ليله ردي عليا ... مين اللي فكر يعمل فيكي كده
خيريه : مش وقته دلوقتي يا مراد ... سيبها ترتاح
مراد : ليله ردي عليا ... وربي م هرحمه وهخليه يتمنى الموت وميلاقهوش
خيريه : مراد قولتلك مش وقته
مراد : أنا مش ههدى ولا هرتاح غير أما أعرف مين الكلب ده
ليله : سيبوني لوحدي
خيريه : عجبك كده ... اتفضل دلوقتي وانا هفضل جنبها
مراد : ماشي ... همشي دلوقتي بس هعرف هو مين وساعتها مش هرحمه
خرج من اوضتها وفتح تليفونه لقاها فاصل شحن نزل مكتبه واخد فونه الاحتياطي ورن علي واحد من رجالته
مراد : ايه اللي حصلها وانتوا كنتوا فين
_: يا باشا احنا كنا وراها ولقيناها دخلت ڤيلا استنينا بره لحد م تخرج بس بعد شويه لقينا تسنيم هانم خارجه من الڤيلا لوحدها ... استنينا الهانم التانيه تطلع ولما طولت دخلنا نطمن وسمعنا صوت عالي من اوضه طلعنا وكان في واحد هناك بيحاول يعتدي على الهانم بس احنا ادبناه وهو معانا دلوقتي
مراد : ومحاولتوش ترنوا عليا ؟
_: رنينا كتير بس التليفون مقفول
مراد : متأكدين أن تسنيم هيا اللي خرجت من الڤيلا
_: ايوه يا باشا
قفل مراد والدم غلي في عروقه
عدى اليوم بصعوبه وتاني يوم مراد راح لليله
مراد : عامله ايه دلوقتي
ليله : احسن
مراد : ايه اللي وداكي هناك امبارح
ليله : انت مش هتصدقني
مراد : وانا من امتى مبصدقكيش يا ليله
ليله بدموع : مراد أنا كنت هضيع ... وانت مكونتش معايا كأخ حتى ... كنت مستنيه في اخر لحظه اشوفك قدامي بس محصلش ... أنا طلعت ضعيفه اوي ... تسنيم كسبت في كل حاجه ... من اول م ظهرت في حياتنا وهيا خدت مكاني
مراد : انتي مبتثقيش فيا ؟ أنا معاكي دايما علفكره
ليله : لا انا لوحدي دايما ... انت مع تسنيم علطول ... سيبني يا مراد وروحلها تلاقيها تعبانه
مراد : مش قبل م اعرف ايه اللي وداكي هناك
ليله : هيا اللي طلبت مني
مراد : تسنيم ؟
ليله : طبعا مش مصدقني علشان هيا تعبانه دلوقتي في بيتها
مراد : لا مصدقك ... مش انتي بتثقي فيا
ليله :....
مراد : مبترديش ليه
ليله : ارد اقولك ايه
مراد : انك بتثقي فيا
ليله : وأنا علشان اثق فيك لازم احبك ... بس انت مبقاش ليك مكان في قلبي
مراد : أنا عارف ان الكلام ده كله من ورا قلبك ... وعارف أن ليكي حق ... بس وحياتك لهتعدي الايام دي وهتيجي الايام الحلوه
ليله : مع تسنيم مش كده ؟ طبعا مش هقدر تكلمها مع انها ... مع انها
مراد : ليله أنا مش هسيبك اي حد فكر أنه يأذيكي عايش على وش الأرض
ليله بفرحه : يعني مش هتتجوزها
مراد : أنا مقولتش كده ؟
ليله : يعني ايه ؟ ... هتتجوزها بعد اللي عملته فيا ... مش قولتلك انك مش هتصدقني ... أنا بكرهك يا مراد ... بكرهك وعمري م هحبك تاني ... اطلع بره حياتي بقااااااا
مراد : ليلى أنا عايزك تهدي ... انتي اكتر واحده عارفه أن عدم ثقتك فيا هيا اللي موصلانا للي احنا فيه ده
ليله : انت بتحبها هيا مش انا ... انت طول عمرك شايفني اختك الصغيره ... أنا ازاي قدرت اصدق انك بتحبني أنا مش هيا ... ازاي اصلا كنت مستنيه اني أنا اللي اكسب الرهان ... أنا طلعت مغفله اوي كده ... أنا بجد غبيه ... انت لو مبتحبهاش مكنتش خطبتها ... انت دلوقتي ملكها هيا مش انا ... أنا مجرد واحده عاديه وهيا الأساس ... أنا بكرهك وبكرهها
مراد : ليله
ليله : بس متتكلمش ولا تنطق اسمي ... اطلع بره ... بره حياتي وبره دنيتي
مراد : احنا لسه مخلصناش كلامنا ... أنا هسيبك تهدي دلوقتي وهنكمل كلامنا
خرج من اوضتها واتنهد بحزن على حالتها وقال في نفسه : وربي م هرحمك يا تسنيم وهوصلك لاسوء من الحاله اللي وصلتيها ليها دي
يتبع.....
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
ليله : يعني يا ميار اتعرضت للاغت..صاب وبالنسباله عادي ... ده مش مراد اللي أنا اعرفه
ميار : اكيد الموضوع فيه إنه ... مراد اصلا مبيستحملش عليكي الهوا ... يبقى هيتجوزها ازاي
ليله : بقولك فرحهم الخميس
ميار : الموضوع غريب يا ليله
عاصم : يا بنتي قولتلك قبل كده رديله اللي بيعملوا فيكي ... وكنت أنا الوسيله بتاعتك بس انتي اللي طلعتي خايبه
ليله : هو انت فاهم أن الموضوع سهل ... ده مفرقش معاه وانا اللي زي الهبله روحت اتخانق معاه أنه ازاي يرفضك
عاصم : طب وهتعملي ايه يا فالحه
ليله : أنا مش هقدر احضر فرحهم ... أنا بجد بنهار كل يوم عن اليوم اللي قبله
ميار : طب م تسافري لخالتك
ليله : ماما بتقولي بلاش دلوقتي
ميار : ليله انتي لازم تتقبلي الأمر الواقع ... مراد وهيتجوز الخميس ... انتي بقا هتعملي ايه ... لا هتقدري تمنعي الجوازه ولا هتبطلي تحبيه
ليله : بس بقيت مجنونه بتروح لدكتوره نفسيه تحكيلها حياتها
ميار : مجنونه ايه بس ... دي بس حاله عاديه
عاصم : ليله ... انتي مش مجنونه وانسانه عاديه ومش اول واحده تتعرض للموقف ده
ليله : تقدر تجيبلي حل طيب
عاصم : والله أنا شايف أن الحل الوحيد هو انك تبعدي
ليله : أنا لو بعدت مش هرجع دلوقتي خالص
عاصم : المهم يا ليله انك تبعدي بجد
ليله : هحاول اقنع ماما بالموضوع ده ... يلا باي عندي معاد مع الدكتوره النفسيه
ميار : ابقي طمنيني
عند الدكتوره
ليله : وده اللي حصل
ايمان : يعني ده رد فعل مراد ع اللي حصل ؟
ليله : اه هيتجوزوا الخميس ... ده حتي مأجلوش الفرح
ايمان : انتي قولتيلي أن علاقتك انتي ومراد كانت كويسه ... ايه بقا اللي خلاها تتوتر
ليله : تسنيم
ايمان : وهل مراد كان اهبل لدرجة أنه يوقع في فخها كده عادي
ليله : لاء انا اللي كنت الهبله
ايمان : ومكونتيش عارفه انها عايزه توقع بينكوا
ليله : كانت كل الأسباب ساعتها بتقول أني لازم اشك ... لانها فهمتني أنه نام معاها ولما واجهته مأنكرش
ايمان : ازاي وضحي اكتر
ليله : كان عندنا مؤتمر مهم بره مصر وبحكم شغلنا في الشركه سافرنا أنا ومراد وتسنيم ... وهو اللي ساعدها جدا تشتغل معانا علشان والدتها واسطه عظيمه عند ماما
فلاش بااااك
مراد : حمد الله ع السلامه ... تسنيم أنا حاجزلك جناح هيعجبك
تسنيم : ميرسي اوي يا مراد
مراد : وحاجزلك سويت يا ليله جنب اوضتي
ليله بابتسامه : تسلملي يا حبيبي
مراد : هنطلع دلوقتي ننام ساعتين ونجهز نفسنا علشان بالليل
ليله وتسنيم : تمام
بالليل جهزت ليله نفسها بفستان سيمبل احمر بعد الركبه بحاجه بسيطه وميكب بسيط ولمت شعرها كحكه واستنت مراد
تسنيم لبست فستان قصير فوق الركبه وحطت ميكب تقيل نوعا ما واطلقت لشعرها العنان
خرج مراد من السويت بتاعه ببدله توكسيدو جميله جدا وراح لليله
مراد برفعة حاجب : ميكب يا ليله؟
ليله : بسيط خالص اهو
مراد : ده بسيط ... حرام عليكي يا شيخه ... امسحيه
ليله : نعم ... انت اكيد بتهزر ... أنا بقالي ساعه بظبطه
مراد : خلاص همسحه أنا بطريقتي
ليله : لا خلاص همسحه همسحه ... بس هحط روج وماسكرا
مراد : لاء
ليله : مراد
مراد : قولت لاء ويلا علشان منتأخرش
ليله : هوووف ... حاضر
نزلوا وحضروا صفقه مهمه وبعد كده عرض عليهم صاحب الشركه التانيه أنهم يسهروا معاهم فراحوا البار اللي تبع الفندق
مراد : ليله متقوميش من جنبي ولا تشربي اي حاجه من هنا
ليله : م كلكوا بتشربوا اشمعنا أنا
مراد : أنا قولت كلامي ومش هكرره ... حسك عينك اشوفك بتشربي حاجه
ليله : ولا انت كمان تشرب
مراد : حرام يا حبيبتي
ليله : بس والله يا مراد نفسي ادوقه
مراد : تحبي ندوقه مع بعض ؟
ليله : بجد
مراد : اه ناخد ازازتين ونطلع اي اوضة نوم نقضي ليله حلوه زيك كده ويبقي اليوم حرام في حرام
ليله : مررااااد
مراد : قلبه
ليله : اسكت خالص
مراد : ماشي يا قلبي هسكت
ليله : عايزه اروح التويلت
مراد : يلا
ليله : يلا ايه انت رايح فين
مراد : هاجي معاكي استناكي بره
ليله : مفيش داعي
جت عليهم تسنيم : مراد بيسألوا عليك وانت واقف هنا
مراد : ٥ دقايق وجاي
ليله : مفيش داعي يا مراد روح وانا هحصلك
مراد : قدامي يا ليله وبطلي مناهده
تسنيم : ايه مشكلتكوا
مراد : متشغليش بالك ... يلا ؟
ليله : يلا
دخلت التويلت وخرجت وراحوا للطاوله ومراد اندمج مع صاحب الشركه
تسنيم : شايفاكي مبسوطه يعني
ليله : دي حاجه متخصكيش
تسنيم : انتي فرحانه لأن مراد معاكي بس متنسيش أني قولتلك قبل كده أنه بيعاملك كده لانه شايفك أخته ... مراد بيحبني أنا
ليله : اه انتي هتقوليلي
تسنيم : قريب اوي هتعرفي ووقتها بس هتتأكدي من كلامي
ليله مردتش عليها وسابتها ومشيت وقعدت جنب مراد
واحد من اللي قاعدين باللغه الانجليزيه
_: كيف حالك يا فتاه الا تريدين مشاركتي في مشروب
_: ميرسي ... لا اريد
_: كيف لفتاة مثلك بهذا الجمال أن ترفض مشروب هكذا ... جربي
_: شكرا لك
حط أيده على رجليها
_: ما رأيك أن تأتي الي اليوم في غرفتي وان مانعتي سوف اتي أنا
قامت مفزوغه من مكانها بسرعه وضربته بالقلم وكل اللي قاعدين انتبهوا
مراد : في أي
ليله : اا ... محصلش ... متشغلش بالك
مراد : ليله اخلصي في ايه
_: أنا لم افعل شئ فقد طلبت منها أن تقضي ليله معي
مراد : نعمم يا روح امك
مسكه من ياقة قميصه وضربه جامد والكل حاول يمنع مراد عنه
ليله : مراد خلاص بقا
مراد : انت ازاي تطلب طلب زي ده ... انت اتجننت
وجه كلامه لصاحب الشركه : المؤتمر بتاع بكره ملغي أنا ميشرفنيش اتعامل مع شركتكوا
_: اقدم لك اعتذار ... سأقوم برفده نهائيا ولكن هذا الأمر طبيعي هنا لذلك لم ينتبه ... اعتذر مره اخري
ليله : خلاص يا مراد بقا حصل خير ... انت كده هتدفع الشرط الجزائي
مراد : اعتذارك مقبول ... ولكن لا أود أن أراه ثانية
_: لا تقلق بشأن هذا الموضوع
طلع مراد السويت وهو متعصب فك اول زرارين من قميصه وقعد على السرير بخنقه
الباب خبط وكانت تسنيم لابسه قميص نوم قصير
تسنيم : مراد أنا مصدعه جامد ممكن برشامة صداع لو عندك
مراد : مش عندي ... بس هطلب ... روحي اوضتك وهبعتلك
تسنيم : أنا ممكن استني لحد م يجيبوا
مراد : الوضع هيكون وحش ليكي ... أنا هخليهم يبعتوه
تسنيم : تمام
مشيت على جناحها : اوقعك ازاي يا استاذ مراد
افتكرت لما كانت عندهم في البيت
تسنيم : أنا ممكن اطلع اصحيه
خيريه : مش هيصحي لانه نايم متأخر وكان تعبان ... نومه تقيل ولو عملتي ايه مش هيفوق
رجعت تاني : لازم ادخل عنده الاوضه أو اجيبوا عندي وكده كده نومه تقيل مش هيحس
خرجت تاني وراحتله وفتحلها الباب
تسنيم : مراد أنا عايزه انام والتكييف مش شغال ممكن تشغلهولي
مراد : ليه انتي مبتعرفيش
تسنيم : حاولت والله بس مش راضي
اتنهد بتعب وخرج من اوضته على اوضتها واول م دخل هيا قفلت الباب بالمفتاح وحطته في جيبها
مراد مسكه وشغله علطول : اشتغل اهو
تسنيم : بجد ... شكرا يا مراد ماخدتش بالي
مراد : ولا يهمك ... تصبحي على خير
تسنيم : وانت من أهله ... شكلك باين عليه التعب
مراد : مرهق شويه
تسنيم : طب خد برشام صداع وهتكون كويس
مراد : جابوه
تسنيم : اه ثواني
جابتله برشام منوم ومايه
تسنيم : اتفضل
مراد : شكرا
اخد البرشامه وبيفتح الباب لاقاه مقفول
مراد : هو انتي قفلاه ليه
تسنيم : أنا مقفلتهوش ... أنا كنت سايباه
مراد : هخرج ... ازاي ... أنا .. دل .. دلوقتي
قال كلامه وغاب عن وعيه
نقلته على السرير بصعوبه جدااااا وبعد م فشلت اكتر من مره واخيرا حطته
قلعت الروب اللي كانت لابساه فوق القميص وجابت ميكركروم وحطته على الملايه ونامت جنبه
يتبع.........
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
يدأ يفتح عيوبه ببطء وبيبص حواليه واستغرب جدا وبدأ يستوعب
لقاها نايمه جنبه بقميص قصير خالص وحس أن دماغه تقيله ... رفع الغطا علشان يقوم وهنا اتفاجئ جدا لما لقا الد..م اللي على السرير
مراد : تسنيم
تسنيم : ممممم
مراد : تسنيم فوقي ... ايه اللي حصل بينا
تسنيم : مراد
شدت الغطا على جسمها : انت صحيت
مراد : بقولك ايه اللي حصل بينا
تسنيم : هو انت مش فاكر
مراد : فاكر اي ... انطقي
تسنيم وبدأت تعيط : انت نمت معايا ... وانا لو ماما عرفت هتقول لخالوا وساعتها هيقتلوني
مراد : ده بجد ...؟
تسنيم : انت هتتخلى عني ؟
مراد : يا الله ... متقلقيش مش هسيبك ... كل واحد وبيتحمل نتيجة اخطائه
تسنيم : شكرا يا مراد ... أنا بجد خايفه
خرج من اوضتها وراح اوضته وكانت ليله هناك
ليله : انت كنت فين ؟
مراد : اا ... انتي هنا من امتى
ليله : بقالي شويه ... انت بقا كنت فين ؟
مراد : كنت ... كنت عندك
ليله : عندي ؟
مراد : اه روحت اشوفك وكنت أنا كمان مستنيكي
ليله : بجد ؟
مراد : اه بجد ... هاخد شاور بسرعه واجيلك
خرج بعد شويه
ليله : قولي بقا في ايه ؟
مراد : على ايه مش فاهم
ليله : مراد أنا حافظاك ... وانت مكنتش نايم في اوضتك اصلا ... السرير مترتب وهدومك زي م هيا من امبارح ... يعني انت مكونتش هنا
مراد : هو أنا أول ما أعلمك شغل الملاحظات تشتغليه عليا !
ليله : مراد متغيرش الموضوع
مراد : مفيش يا ليله
ليله : علفكره انت بتكدب عليا ... لما تعرف تقولي ايه ابقى كلمني ... سلام
خرجت من اوضته وهيا داخله سمعت صوت بتكرهه : ليله ؟!
لفت ليها : افندم ؟
تسنيم : شكلك متضايق
ليله : دي حاجه متخصكيش
تسنيم : هيييح يعني مراد مقالكيش
ليله : مقاليش ايه
تسنيم : هااا ... ولا حاجه ولا حاجه
ليله : ايه اللي حصل يا تسنيم
تسنيم : مفيش متشغليش بالك
ليله : مراد كان عندك امبارح ؟
تسنيم : هو قالك ؟
ليله : يعني كان عندك
تسنيم :...
ليله : م تنطقي
تسنيم : مراد هيتجوزني علشان اللي حصل بينا
باااك
ايمان : خلاص اهدي ... كفايه عليكي كده
ليله : أنا مش قادره استوعب ليه ... أنا بحبه اوي والله
ايمان : بس ليه مراد هينام معاها وهو بيحبك انتي
ليله : مش عارفه ... ومش عارفه اعمل ايه علشان اخلص من اللي انا فيه
ايمان : انتي جايه لوحدك ولا معاكي حد
ليله : جايه لوحدي مع السواق
ايمان : يعني مراد مش معاكي
ليله : لاء
ايمان : أنا بفكر اني اوجهكوا ببعض يا ليله
ليله : لاء مش هقدر
ايمان : صدقيني ممكن الأمور تتصلح
ليله : أو تسوء اكتر
ايمان : اكتر من كده ؟ مظنش ... بس يمكن ده يكون حل احلى من البُعد
ليله : مراد اصلا مش هيوافق
ايمان : ليه ؟
ليله : مبيحكيش لحد اي حاجه عنه وكلنا دايما بنتفاجئ
ايمان : أنا هحاول اقنعه متنسيش أني دكتوره
ليله : تمام اقنعيه بقا لو قدرتي
خرجت ولقت مراد في وشها
ليله : مراد !!
مراد : انتي ازاي تخرجي لوحدك ... بعد كده لو عوزتي تروحي في حته اكون عارف
ليله : اولا أنا مخرجتش لوحدي ثانيا انت ملكش دعوه بيا
مراد : ليله متنرفذنيش ... كل تحركاتك انتي اللي هتقوليهالي بنفسك
ليله : لاء مش هقولك ... وانت مش من حقك تأمرني
مراد : طيب انا هتعامل معاكي على انك تعبانه شويه ومعذوره
ليله : لا انا لا تعبانه ولا معذوره وفي اي وقت هقولك انت ملكش دعوه بيا
مراد : ليله ؟
ليله : قولتلك متنطقش اسمي
مراد : يلا قبل م اعمل حاجه مش هتعجبك
ليله : مش همشي معاك
مراد بحده : ليله يلا
ليله : لاء
شالها تحت صدمتها ونزل بيها وفتح العربيه وحطها وكل ده تحت اعتراضها
قفل العربيه بالزرار الالكتروني وهيا حاولت بس طبعا مفتحش
ليله : نزلني
مراد :....
ليله : بقولك نزلني وملكش دعوه بيا روح شوف حبيبتك
مراد :...
ليله : انت بارد علفكره
وصل الڤيلا ونزلوا
ليله : أنا بحذرك لاخر مره يا مراد ... ملكش دعوه بيا
قالت كلامها ومشيت من قدامه بسرعه
بالليل كان مراد قاعد بيشتغل ع اللاب توب وفونه رن
مراد : ايوه مين معايا
ايمان : ازيك يا استاذ مراد أنا دكتور ايمان دكتورة ليله
مراد : اه اهلا وسهلا ... في حاجه ولا ايه ... ليله فيها حاجه
ايمان : لا متقلقش اتطمن ... أنا بس كنت حابه انك تشرفني في العياده
مراد : والسبب؟؟
ايمان : أنا بقول بلاش في الفون
مراد : طيب حضرتك فاضيه دلوقتي
ايمان : اه فاضيه
مراد : خلاص مسافة السكه هكون في العياده
ايمان : تمام مستنياك
بعد نص ساعه كان قدام العياده
طلع ودخل علطول
مراد : قلقتيني ... ليله فيها حاجه ... كويسه ولا لاء
ايمان : اهدي متقلقش ... ليله كويسه ... أنا بس طلبتك علشان موضوع معين
مراد : اتفضلي سامعك
ايمان : ليله اتعرضت لصدمات كتير ودي مش اي صدمات ... صدمات من اقرب ناس ليها واكتر ناس بتحبها ... يعني أنك تتجوز الانسانه اللي هيا بتكرهها وانك تتخلى عنها وتعاملها ببرود وميهمكش أمرها وانت بالنسبالها كل حاجه
مراد : والمطلوب
ايمان : اواجهكوا ببعض ... انت تقول مببراتك واللي مزعلك منها لو في وهيا تقولك مببراتها واللي مزعلها منك
مراد : وده هيحسن من حالتها في رايك ولا هيسوأها اكتر
ايمان : دي مخاطره لا بد منها ... بس اعتقد انها ممكن تحسن من حالتها ... وخصوصا انها رافضه تستقبل اي خبر بعد خبر جوازك
مراد : ولو هيسوء حالتها
ايمان : منا قولتلك دي مخاطره
مراد : وانا مش هقدر ... اسف
ايمان : انت المفروض أن انت بتحبها
مراد : أنا محبتش غيرها
ايمان : يبقي مستعد تعمل اي حاجه عشانها
مراد : بس اكون واثق أنه هيسعدها
ايمان : انت مقدامكش حل تاني ... لانها عايزه تبعد ومش هتستحمل تشوفك يوم فرحك
مراد : تبعد ازاي مش فاهم
ايمان : تبعد عند خالتها ... هتسافرلها ومش هتنزل دلوقتي خالص
مراد : لاء دي حاجه مش هتحصل
ايمان : لو هيا عايزاها هتنفذها
مراد : بصي ... أنا محبتش ولا هحب حد قد ليله ... وعمري م فضلت حد عليها ... هيا بالنسبالي كل حاجه حلوه ... حياتي من غيرها مش حياه اصلا ... فانا مش هسمحلها تبعد ولو ده هيسوء من حالتها ... بس ليله مش هتبعد عني يوم واحد
ايمان : وبتسمي جوازك من تسنيم ده ايه
مراد : دي حاجه مش هقدر اقولك ولا اقول لاي حد سببها
ايمان : لانك نمت معاها ولازم تتحمل نتيجة اخطائك
مراد : مش ده السبب الرئيسي ... بس انا حابب اطلب منك طلب لمصلحة ليله ... حاولي تشيلي من دماغها فكرة السفر دي خالص ... وساعتها هيا مش هتندم
ايمان : بس كده صدقني حالتها هتنهار
مراد : ليله مسؤوله مني أنا ... كل اللي عليكي اقنعيها وبس ... لانها مش هتتقبل مني اي كلمه
ايمان : واجهها انت هيكون افضل صدقني ... مينفعش تسيبها كده ... انت مش متخيل الخطوره اللي ممكن توصلها لما تحس انها مش مرغوبه وممكن تتصرف بغرابه
مراد : زي م قولتلك أنا مستعد لأي حاجه بس لو هكون عارف ان الحاجه دي ممكن تسبب لها ولو ١٪ بس من السوء أنا ساعتها مستحيل اعملها ومش هخاطر
ايمان : ساعات بنكون مضطريين ... واعتقد انك تواجهها افضل بكتير من انك تتجاهلها
مراد : ومين قالك اني هتجاهلها ... أنا معاها خطوه بخطوه ... عن اذنك
ايمان : فكر كويس يا مراد ... ليله لو بعدت يبقى منك انت
مراد : فكرت ... ومش هواجهها ... لأن كلها كام يوم وكل ده يخلص
عدت الايام وجه معاد الدكتوره
ليله قبل م تروح العياده كانت بتتكلم مع مامتها
ليله : مش هقدر احضر الفرح يا ماما ... اعذريني
خيريه : عارفه أنه صعب عليكي يا حبيبتي ... بس ده مش حل
ليله : أنا دورت على كل الحلول وده انسب حل ... علشان ارتاح
خيريه : هو هيتجوز ومش هخليه ييجي ولا احنا هنروحله ... ومش هخليكي تشوفيه ابدا ... بس بلاش السفر
ليله : أنا حابه اغير المكان ... وبعدين خالتو بتتحايل عليا اصلا بقالها كتير وانا لاقتها فرصه وهتصل عليكي كل شويه والله وهكلمك فيديو كول كأني معاكي في البيت
خيريه :صعب عليا يا ليله ... صعب ... انتي لو روحتي مش هتعرفي تنزلي غير بعد سنتين ... وبعدين مش هكون متطمنه ... ديما كان مراد بيبقى معاكي دلوقتي لاء
ليله : كده افضل ليا ... وبعدين هنزل في اقرب فرصه ليا والله ... احسن من اني اكون موجوده هنا وحاسه اني مخنوقه وساعتها بقا مش هكون مسؤوله عن تصرفاتي ومش هتلاقوني
خيريه : خلاص اللي يريحك يا حبيبتي
ليله : طيب متزعليش
خيريه : خلاص يا ليله
ليله : علفكره أنا بحبك
خيريه : وانا اكتر
ليله : ممكن متقوليلهوش
خيريه : مقولش لمين
ليله : مراد
خيريه : ازاي يا بنتي ومين هيخلصلك الإجراءات ويوصلك المطار
ليله : أنا هتصرف بس ياريت متقوليلهوش
_: هو مين ده اللي متقوليلهوش ... ومتقوليلهوش ايه بالظبط
خيريه : مراد ... مفيش يا حبيبي ... كانت بس بتاخد رايي في حاجه
مراد : واي الحاجه اللي بتاخد رايك فيها
ليله : وانت مالك
خيريه : حاجه تخصها هيا
مراد : ايوه ايه هيا بقا
ليله : يووووه ... انت مبتفهمش ... قالتلك حاجه تخصني
مراد : خلي بالك أنا ساكتلك بالعافيه
ليله : لاء متسكتش ... وريني هتعمل ايه
مراد : هعمل كتير وانتي عارفه
خيريه : الاه ... بطلوا شغل عيال صغيره وشوفوا وراكوا ايه
مراد : يلا يا هانم قدامي
ليله : قدامك فين إن شاء الله
مراد : مش عندك معاد مع الدكتوره
ليله : هروح مع عم محمد
مراد : لاء
ليله : والله أنا بقولك مش باخد رايك
مراد : وانا برضو بعرفك مش باخد رايك
قرب عليها وطلع منديل من جيبه ومسح شفايفها : قولت القرف ده ميتحطش على وشك تاني
ليله : وانت مالك انت اصلا ... روح شوف حبيبة القلب اللي مبتسبش حته فاضيه في وشها اصلا ... العروسه المنتظره
خيريه : اهدوا يا ولاد ... روحي يلا يا ليله وبلاش عناد
ليله : قولتله ملهوش دعوه بيا قبل كده ... ليه مصمم يضايقني
مراد : أنا خايف عليكي ... ولا عاجبك اللي حصلك اخر مره لما خرجتي لوحدك
ليله : أنا حره ... ياريتك اصلا عرفت تنقذني ... بس انا مليش حد في الدنيا دي ... انت كسرتني
مراد : عارفه انتي محتاجه ايه ... شوية صبر ... هما شوية صبر يا ليله
ليله : اصبر على ايه ... على يوم جوازك ... ولا اصبر لحد ما الاقيك ساحب عيالك من واحده تانيه وراك
مراد : اصبري كام يوم بس ... وساعتها ممكن تفهمي ... ودلوقتي يلا علشان منتأخرش
خرجت معاه وهيا بتفكر في كلامه
مراد : خليكي واثقه فيا شويه ارجوكي ... أنا محبتش ولا هحب قدك
ليله : وانا مبحبكش ولا هحبك في يوم من الايام
مراد : عارف ان كل ده من ورا قلبك ... بعرفك من نظرات عينك
ليله : طب ممكن تبص قدامك علشان منعملش حادثه
مراد : ليله اوعدك اني هخليكي اسعد انسانه
ليله : أنا دلوقتي أتعس انسانه بسببك ... ومش هسامحك على كسرة قلبي دي
مراد : هنشوف يا ليله هنشوف
يتبع..........
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
ليله : هيتجوزك ... واللي حصل بينكوا ... انتي واعيه للي بتقوليه ولا تقلتي في الشرب امبارح
تسنيم : مش انا اللي قولت ... مراد هو اللي قال
بصتلها باستغراب وغيرت اتجاهها تاني لاوضة مراد وتسنيم وراها
ليله : مرااااد
كان قاعد على السرير وحاطط رأسه بين أيديه
ليله : انت كنت نايم فين
مراد بص لتسنيم : في اوضتي
ليله : انت كدااااب ... انت كنت عندها ... في اوضتها ؟
مراد : ليله انتي مش فاهمه
ليله : مش فاهمه ... وهو ايه اللي مش فاهماه ... فهمني يلا سامعاك
مراد : غصب عني يا ليله صدقيني ... أنا اصلا مش فاكر
ليله : لا ثانيه واحده ... ده بجد ؟
مراد : اللي حصل بينا غصب عني وعنها والله ... أنا مش فاكر
ليله : اللي حصل بينكوا ... وليه يحصل بينكوا حاجه ... وانا روحت فين ؟
مراد : صدقيني غصب
ليله : مفيش حد بيعمل حاجه غصب عنه ... ده انت اللي كنت في اوضتها
مراد : التكييف بتاعها عطل والله ولما روحت اشوفه تعبت هناك ومقدرتش أخرج
ليله غمضت عينيها : وهتعمل ايه ؟
مراد : مش عارف لسه
تسنيم : يعني ايه مش عارف ... انت مش قولتلي مش هتتخلى عني
ليله بصتلها وانفجرت فيها : ويتخلى عني أنا ... انتي اللي فرضتي نفسك عليه
تسنيم : أنا مبفرضش نفسي ... بس ده اللي حصل ومش هتقدري تغيريه
ليله : مراد رد عليها وقولها أنها كدابه عشان خاطري ... مراد متعملش فيا كده حرام عليك ... بلاش
مراد : أنا مش قدامي حلول
ليله : يعني ايه
مراد : هتجوزها ... بس جواز صوري
ليله : تت.. تت .. تت ايه
مراد : جواز صوري والله ... على ورق بس قدام الناس
الدنيا كانت بتلف بيها وكانت هتقع ومسكت في اكرة الباب
مراد قرب عليها وكان هيسندها بس هيا وقفته بحركه من ايديها : ابعد عني متلمسنيش ... مش عايزه اشوف وشك تاني
مراد : ليله متوجعيش قلبي
ليله وقعدت على الأرض خلاص : قلبك ... وانت ليه وجعته ...مين هيداوي وجع قلبي
نزل لمستواها : ده مش جواز عادي ... أنا مش بحبها ... أنا بحبك انتي وهتجوزك انتي ... مينفعش اسيبها ... لازم اتحمل نتيجة اخطائي
ليله : وليه الغلط من الأول ... انت دمرتني
قامت وقفت ومسحت دموعها : هنساك يا مراد ... وانت كمان لازم تنساني
سابته ومشيت وراحت اوضتها
عدى على الحوار ده بتاع اسبوع
دخل مراد لليله
ليله : اطلع بره ... أنا قولت مش عايزه اشوفك
مراد : بقالك اسبوع قافله على نفسك ومبتخرجيش من الأوضه ومبتشوفيش حد
ليله : اطلع بره
مراد : مش هطلع يا ليله غير لما اتكلم معاكي
ليله : مش هتكلم معاك ... انت ايه مبتفهمش ... سيبني في حالي
مراد : أنا حالك يا ليله ... أنا مراد حبيبك
ليله : مراد حبيبي ده مات ودفنته في نفس اليوم اللي دفنت حبي ليه فيه
مراد : ليله متبقيش غبيه وتضيعي كل حاجه من ايدك ... انتي عارفه اني لا بحب تسنيم ولا عمري اتعاملت معاها خارج إطار الشغل .. واللي حصل ده كان غصب عني وعنها
ليله : ليه كنت شارب ... ولا الخمره بس هيا اللي حرام ... لكن انك تزني مش حرام ... مش كده
مراد : المبدأ واحد ... أنا عارف انك معذوره ... بس انا كمان غصب عني ... ده مش جواز اصلا ... أنا بس هشهر جوازنا وهكتب عليها وهسيبها قاعده لوحدها وبعد كده هطلقها ... امها لو عرفت اللي حصل هتروح فيها ... فلازم اتجوزها
ليله : مراد أنا بكرهك ... بكرهك اوي وفوق ما تتخيل ... وبكرهها وبكرهني ... انت اصلا واحد واطي ... علشان انت مش راجل ودوست عليا ... أنا بقيت اقرف منك واقرف حتى ابص في وشك ... خونتني وروحتلها ... وهتتجوزها كمان ... اشبعوا ببعض ... انتوا اندال زي بعض ... خليك متأكد وواثق أني بقيت اكرهك وعمري م هحبك ... انت دمرتني وكسرتني ... مبكرهش قدك يا مراد
مراد : أنا يا ليله كل ده ؟
ليله : واكتر كمان ... أنا نفسي اقت..لك ... واقت..لها ومش هندم ... هكون مرتاحه ... انتوا الاتنين اوسخ من بعض ... اصلا انتوا لايقين على بعض وانت متستاهلش حد زيي ... أنا ازاي مكنتش شايفاك على حقيقتك ... انت بتحبها هيا ... عمرك م حبتني ... انت خاين
مراد : أنا عملت اللي عليا وشرحتلك اللي حصل ... خطوبتي أنا وهيا بعد ٣ اسابيع من دلوقتي ... وبعدها بفتره بسيطه الفرح ... وهطلقها بعد كام شهر ... كنت متخيل انك ممكن تقفي معايا ... بس للاسف اهنتيني ومسحتي بكرامتي الأرض ... أنا من دلوقتي مراد واحد تاني غير اللي انتي تعرفيه ... مش اللي بيحب ليله لاء ... مراد اللي مبيحبش ... هعاملك زي ملك ومليكه ... هتكوني اختي اللي ماما وصتني اخلي بالي منها ... عن اذنك يا اختي الغاليه
باااااك
ليله : ومن ساعتها والعلاقه اتدهورت ... وهيتجوزوا الخميس
ايمان : وانتي مقتنعه أن مراد مبيحبكيش
ليله : وهو لو بيحبني هيعمل اللي عمله
ايمان : أنا شايفه أن اللي عمله كان غصب ... راجعي نفسك تاني يمكن تلاقيله عذر
ليله : ملهوش اعذار غير أنه خاين
ايمان : كلنا بنغلط يا ليله ... مفيش حد كبير ع الغلط
ليله : وملقاش غير ده
ايمان : محدش بيختار غلطه ... بس مش مع اول غلطه نسيب حبيبنا ونمشي
ليله : أنا مش قادره انسي ... كان الموقف ده امبارح
ايمان : ده شئ طبيعي ... ليه مسمعتيش كلام مراد واستنيتي
ليله : مش هستحمل اشوفه جنبها اصلا ... أنا ببقى هموت لما بشوفهم مع بعض ... أنا نفسي اخد الدبله بتاعته دي وارميها في ابعد مكان ... بفرح لما بشوفه مش لابسها ... والخاتم اللي في ايديها ده من حقي أنا مش من حقها هيا .. ليه هيا تاخد مكاني ... ليه
ايمان : كل ده ممكن اي حد يقابله في حياته ... بس لازم نشوفله حل مش نتقبل الأمر الواقع ... كنتي وقفتي مع مراد لحد م طلقها ... مكونتيش سيبتيها تكسب هيا التحدي ... مراد بيحبك انتي مش هيا ... خليكي معاه
ليله : أنا كنت هنهار ... مكونتش هقدر
ايمان : كنتي سافرتي بقا في الفتره دي
ليله : مش عارفه ... مش عارفه بقا بس هو اللي خانني
ايمان : مش خيانه ... ده غصب عنه وهو قالك كده ... خلاص يبقا تغفريله ... وبعدين الحياه قدامكوا ولسه هتقابلوا مشاكل تانيه كتير اوي ... لو ده هيكون حلك يبقى انسي أن انتي ومراد تتفقوا
ليله : نتفق ايه بقا م خلاص ... الخميس كل حاجه هتنتهي
ايمان : لاء يا ليله ... حاولي ترجعيه ... كده كده هو هيسيبها
ليله : ممكن يحبها ... دي شئ عادي
ايمان : لاء مش مراد اللي يتخلى عنك بالسهوله دي ... مراد بيموت فيكي مش بس بيحبك ... حاولي ولو مره علشانه ... وعلشان تكوني عملتي اللي عليكي
ليله : أنا هسافر ... هسافر ومش هرجع غير بعد سنتين ... ومش هكون معاه ... لاول مره في حياتي هبعد عنه
ايمان : فكري تاني ... بلاش البعد يا ليله
ليله : مش انتي اللي قولتي لو ده هيريحك اعمليه
ايمان : وهل راحتك في البعد عنه ؟
ليله : اهو احسن من اني اشوفه معاها
ايمان : طب اجلي السفر شهر واحد أو حتى اسبوع ... ولو بس حسيتي أن علاقتهم حلوه وقتها سافري
ليله : لو قدرت احضر فرحهم اصلا
ايمان : فكري لسه قدامك وقت
ليله : اوعدك اني هفكر
خرجت وكان مراد مستنيها
وقفت شويه تبص عليه وهو مش واخد باله منها
عينيه شعره وشه وقفته شياكته ... كل حاجه فيه ... معقول كده ده مش بتاعها ... كل ده ملك واحده تانيه ... تسنيم
اخد باله منها اخيرا وراحلها
مراد : خلصتي
هزت برأسها
مراد : طب يلا بينا
نزلت معاه بصمت وكانوا هيركبوا العربيه
ليله : ممكن اتمشى شويه
مراد : متأكده ؟!
ليله : اه
مراد : أنا هكون معاكي مش هسيبك
ليله : ماشي
خدها وفضلوا يتمشوا
مراد : انتي كويسه
ليله : لاء .. مش كويسه ... انت هتتجوز الخميس
مراد : اه هتجوز الخميس
ليله : هتكون ملك حد تاني
مراد : مش ملكها ... قولتلك قبل كده أنا معاها بجسمي ... لكن قلبي ... معاكي انتي
ليله : لاء ... مش معايا ... قلبك معاها هيا كمان ... أنا مش حاسه ان قلبك معايا
مراد : علشان انتي اللي رافضه ... فتحي مخك شويه ... او اصبري شويه
ليله : مش هتلاقيني ... صدقني
مراد : اللي خلاكي تستني كل ده مش هتصبري اربع ايام كمان
ليله : أنا حاسه ان ده عداد موتي
مراد : بعد الشر عليكي ... انتي مش هتسيبيني لاي سبب من الأسباب ... ولا اي سبب هيفرقنا
ليله : م عدا شخص اللي قدر يفرقنا ... تسنيم
مراد : محدش هيقدر
ليله : م هيا قدرت خلاص
مراد : انتي لسه معايا ... اوعدك هخليكي سعيده
ليله : احلف باغلى حاجه عندك
مراد : وحياتك عندي يا ليله هتكوني اسعد انسانه قريب
ليله : اتمنى
عدت الايام وجه اليوم الموعود
يتبع......
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
نزلت الصبح بدري اوي واتسحبت بهدوء وهوب اتخبطت في حد قدامها
مراد : على فين
ليله : انت ... انت صاحي بدري ليه
مراد : ردي عليا رايحه فين بالشنطه دي
ليله : هيا دي حاجه تخصك
مراد : بطلي برود وجاوبيني
ليله : مسافره يا مراد ... عايزه اغير جو شويه
مراد : ومن امتى بتغيري جو لوحدك وتسافري لوحدك كده عادي
ليله : من ايام م اتخليت عني
مراد : أنا بجد مش هعيد وازيد في نفس الكلام ... بس انا طلبت منك تصبري
ليله : اصبر ... اصبر ازاي ... انت متخيل اني ممكن اقدر احضر فرحك ... ده انا أتمنى إني أموت ولا اني اشوفك يوم فرحك على واحده تانيه
مراد : أنا طالب منك تصبري كام ساعه بس ... ووقتها بس هتكوني سعيده
ليله : انت بتتكلم على سعادة ايه بالظبط ... اشوفك عريس غيري واكون سعيده ... حط نفسك مكاني كده
مراد : حطيت وعارف أنه اصعب شعور بس اصبري بس ... هسألك سؤال
ليله : سامعاك
مراد : انتي بتحبيني وعايزاني
ليله : لاء مبقاش ينفع
مراد : سيبك من ينفع ولا مينفعش وكلميني بصراحه
ليله : ايوه يا مراد بحبك وعايزاك ... انا بموت فيك مش بس بحبك ... انت بالنسبالي الدنيا اصلا ولما بتغيب عني يوم بتضايق
مراد : يبقى ثقي فيا بقا
ليله : واثقه فيك بس انا همشي .. مش هقدر معلش ... هرجع تاني بس مش دلوقتي
مراد : مش هتمشي
ليله : أنا عايزه امشي
مراد : خالتك عارفه انك رايحه ؟!
ليله : لاء أنا عاملاها مفاجأه
مراد : خلاص بما انها متعرفش يبقى نلغي السفر سهل جدا
ليله : أنا هسافر ودلوقتي ... ومتعطلنيش علشان الطياره متفوتنيش
مراد : متعانديش علشان أنا بتليفون واحد هخليكي متسافريش
ليله : انت ليه مصمم تضايقني ... انت عارف اني مش هستحمل اشوف اليوم ده
مراد : ليله لو ليا خاطر عندك متسافريش
ليله : لازم اسافر ... يا اما هتخسرني للأبد
مراد : اتفضلي ومش هعطلك ... بس شكلي مليش خاطر عندك
ليله : انت عارف انت ايه بالنسبالي
مراد : ولا حاجه ... لو سافرتي هكون ولا حاجه
ليله : انت كل حاجه
مراد : هتسافري ولا لاء
ليله :...
مراد : ليله اخلصي هتسافري ولا لاء
ليله : لاء .. علشان مقدرش اكسر بخاطرك
مراد ابتسم : ولا أنا هقدر
ليله : كسرته من زمان
مراد : وهصلحه تاني
فتحلها دراعاته وهيا جريت عليه واتشعلقت في رقبته
ليله : بحبك اوي
فضلت في الأوضه رايحه جايه وهيا بتتخيلهم مع بعض
ليله : يارب تموتي يا تسنيم واخلص منك ... بكرهك اوي بجد ومبكرهش قدك
عند تسنيم
كانت قاعده في اكبر مركز تجميل وبتجهز نفسها وكانت فرحانه ومراد راحلها
تسنيم : مراد ... شكلك حلو بالحلقه دي
مراد للي معاها : سيبونا لوحدنا
خرجوا وهو وجهلها الكلام : فرحانه ؟
تسنيم : اه جدااا
مراد : كنت اتمنى اقولك يارب دايما بس مش هينفع
استغربت وقالتله : ليه بتقول كده
اتفتح الباب ودخل راجل صعيدي وكان باين عليه من لبسه وشكله
تسنيم : خالو ؟؟؟
مراد : اتفضل يا عمي
وهدان : كيفك يا بت اختي ؟
تسنيم : الحمد لله يا خالو ... هو في ايه ؟
مراد : اصل خالو للأسف عرف سبب جوازنا
تسنيم : نعممممم ... قصدي وهو ايه سبب جوازنا يا حبيبي مش علشان انت بتحبني وانا بحبك
مراد : لا حرام نكدب يا تسنيم ... أنا اتجوزتك علشان اللي حصل بينا
تسنيم : و .. وهو ايه اللي حصل بينا .. مفيش حاجه
مراد : اومال أنا متجوزك ليه
تسنيم : م أنا قولت السبب
وهدان : ضيعتي شرفك يا فاج.ره ... ضيعتيه وعتحطي رأسنا في الطين
تسنيم وبدأت تعيط بحرقه : والله م حصل يا خالو والله العظيم م حصل ... أنا لسه بنت والله
مراد : نعم ... واللي حصل بينا
تسنيم : محصلش بينا حاجه والله ... محصلش اي حاجه
مراد : طب والليله اللي حصلت بينا دي والدم اللي كان ع السرير
تسنيم : محصلش بينا حاجه والله ... أنا لسه بنت والله
وهدان : والد..م اللي كان ع السرير يا فاج..ره
تسنيم :....
وهدان : أنا هشوف كلامك صُح ولا لا ... يا سعديه يا فوزيه
دخلوا اتنين ستات ضخمين
_: أوامرك يا سي وهدان
وهدان : عايز اعرف البت دي بنت ولا لاء
تسنيم : بلاااش يا خالو عشان خاطري ... أنا والله بنت والدم ده كان ميكروكروم والله
خالو : يا فاج..ره وبتلبسي الراچل مصيبه ليه
مراد : ضحكتي عليا يعني
تسنيم : غصب عني والله ... سامحوني وسيبوني
مراد : واللي عملتيه مع ليله ده كان ايه .. غصب برضو
تسنيم : أنا معملتلهااش حاجه
مراد : ولما بعتيلها تجيلك وفي الآخر عرضتيها للاغتص..اب
تسنيم : كدب ... أنا معملتش كده
سعديه : نشوفها يا سي وهدان
وهدان : مش دلوج يا مره منك ليها
كمل كلامه : انتي يطلع منيكي كل ده
مراد : أنا معرفتش طنط سعاد اللي هيا عملته ... لاحسن يجرالها حاجه
وهدان : عملت زين يا ولدي ... وانتي يا فاج..ره يلا قومي معايا ع البلد
تسنيم : لا بلاش البلد ... سيبوني ومش هعمل حاجه تاني والله
وهدان : بلاش كلام فارغ ويلا احسن م استعمل العنف ... واحمدي ربك انك بنت بنوت والا كان زمانك دلوج ميته ... يلا انچري يا مره منك ليها وتأكدوا
مراد : طب استأذن أنا
وهدان : اذنك معاك يا ولدي ... ومتشكر اوي
مراد : على اي بس ... المهم طنط سعاد متعرفش اي حاجه عملتها ... لانها مريضة قلب
وهدان : أنا هتصرف ... وهاخد الفاج..ره دي اچوزها واخلص منيها
مراد : كنت حابب اعزم حضرتك على فرحي انهارده على ليله
وهدان : مبروك يا ولدي ... ربنا يتممهالك
مراد : الله يبارك فيك ... عن اذنك
تسنيم : انت غدااااار ... ربنا ينتقم منك ع اللي عملتوا فيا يا مراد
وهدان : اخرصي يا مره واستحي
مراد : دي آخرة الطمع والكدب ... واحمدي ربنا أنها وصلت لحد كده ... وعلفكره أنا كنت عارف كل حاجه بتحصل بينك وبينها وعارف كل كلمه قولتيها
وهدان : متضيعش وقتك مع واحده زيها ... وروح شوف عروستك
مراد : معاك حق ... عند اذنك
عند ليله كانت في اوضتها بتعيط بصمت وعماله تفكر فيهم والباب خبط ودخل مراد
ليله : مراد ... انت جيت ليه
مراد : في حد يقول لحد انت جيت ليه
ليله : المفروض تكون معاها
مراد : مع مين
ليله : عروستك
مراد : ما أنا معاها اهو
ليله : معاها ازاي مش فاهمه
مراد : م انتي عروستي
ليله : ايه ... انت بتقول ايه
مراد : يعني ينفع عروستي تبقى عينيها حمره كده يقولوا اني متجوزك غصب عنك
ليله :....
مراد : في ايه بقا ركزي معايا كده
ليله : أنا مش فاهمه
مراد : مفيش وقت اصلا
الباب خبط ودخلت مليكه
مليكه بابتسامه : الفستان وصل الصبح يا مراد وهو في اوضتك
مراد : حلو اوي
ليله : حد يفهمني
مليكه : مراد هيتجوزك يا ليله
ليله : وتسنيم
مراد : بح ... سافرت خلاص
ليله : بتتكلموا بجد
مراد : اه والله هقولك على كل حاجه بس اجهزي بسرعه علشان اتاخرنا
ليله : لا بجد مش قادره اصدق ... أنا بحلم طيب ... حد يقرصني
مليكه : أنا هنزل اشوف ملك وانت اقرصها يمكن تفوق
نزلت مليكه
ليله : مراد ده بجد ... قولي اني مش بحلم وان ده كله حقيقه والنبي
قرب منها ورفع وشها ليه : قولتلك انك هتكوني اسعد انسانه انهارده ... وانا عمري م وعدتك بحاجه ومعملتهاش
ليله : انت بجد معايا دلوقتي
مراد : أنا محتاجلك اكتر م انتي محتاجالي
قرب من شفايفها ببطء وباسها بوسه طويله اوي وهيا بادلته واللي خلاه يبعد أنه حس انها محتاجه الهوا زي م بيقولوا في كل الروايات
مراد : صدقتي ؟!
بصت للأرض بخجل : خايفه يكون ده كله حلم
مراد : حتى لو حلم فكوني واثقه أنه هيتحقق ... هتأخرينا اكتر من كده ؟
ليله : المفروض اجهز مش كده ... وانت شكلك قمر يخربيتك
مراد : يا بنتي كلمه كمان هقفل الاوضه ومش هخرجك منها
ليله : لاء خلاص ... عايزه احط ميكب ومفيش لاء علشان دي مره في العمر
مراد : أنا مبحبش شكلك بيه ... بس هتحطي خفيف ... وانا اللي هحطلك بنفسي
ليله : بتهزر بقا ... انت هتبوظلي وشي
مراد : خلاص متحطيش
ليله : خلاص خلاص انت قفوش جدا ... بس انا اللي هقولك تحط فين وازاي
مراد : اتفقنا
راحت جابت علبة الميكب بتاعتها وهو بدأ يجيب اللي بتقوله عليه ويحط منه خفيف تحت اعتراضها واعتراضه لحد م خلصوا
مراد : زي القمر
ليله : بس خفيف خالص انت مش بتشوف العرايس يوم فرحها
مراد : انتي غير ... يلا حانت فقرة الفستان
ليله : أنا متحمسه
خرجوا من اوضتها وراحوا اوضة مراد واول م دخلت انبهرت
ليله : ايه ده واااااو تحفه ... تحفه اوي
مراد : عجبك ؟!
ليله : جدااااا
مراد : طب يلا البسيه ... تحبي اساعدك
ليله : طب وشعري
مراد : اه صح شعرك
ليله : مراد خليني اسيبه مفرود
مراد : ده في احلامك ... عامل حسابي يا روحي ... ثواني وراجعلك
خرج ورجع بعد شويه ومعاه واحده
مراد : دي العروسه عايز احسن تسريحه عملتيها في حياتك
_: من عنيا ... حالا هتكون جاهزه
ليله : مراد انت جامد
مراد غمزلها : مش اجمد منك يا قلبي
كمل كلامه : يلا ربع ساعه تكون جاهزه
_: قليل ربع ساعه ... مش هلحق
مراد : هخلي حد يساعدك
_: في فريق تحت ... بس احنا هنحاول
مراد : تمام مستني
ليله : يلا بقا اتفضل عايزين نخلص
مراد : ماشي ... هخرج
بعد ساعه كانت واقفه قدام المرايا وعاجبها نفسها
_: زي القمر بجد
ليله : هعجب مراد
_: اكيد ... اناديله
ليله : اه .. لا استني استني ... ولا اقولك مش عارفه
_: ايه التوتر ده ... هناديهولك
دخل مراد وانبهر بيها زي اي عريس بيشوف عروسته ومش هأڤور يا جدعان واقول أنها ملكة جمال انجلترا
مراد قرب منها وحضنها من ضهرها وبصلها في المرايه : الفستان معمول عشانك
ليله : عجبتك
مراد : اوي ... يلا بينا
راحوا الفرح في سعاده كبيره
ليله : مراد أنا فرحانه
مراد : يارب دايما يا حبيبتي
اتفاجئت ليله بخالتها وولادها وقرايبهم كلهم وإيمان كمان وصحابها وتقريبا اي حد هيا تعرفه كان هناك
راحت سعاد لمراد وقالتله : أنا مش عارفه اودي وشي منك فين يا مراد
مراد : ليه بتقولي كده
سعاد : وهدان قالي أن تسنيم مش عايزه تتجوزك واتصلت بيه علشان يلغي الجوازه
مراد : ولا يهمك ... حصل خير
سعاد : يعني انت مش متضايق
مراد : مش متضايق خالص والله
سعاد : ربنا يسعدك يا ابني ويوفقك مع مراتك
مراد : يارب
ليله : مقولتليش ايه اللي حصل
قالها مراد اللي حصل باختصار بسيط
ليله : يعني انت ملمستهاش اصلا
مراد : ولا جيت جنبها ... بس هيا لعبتها صح ... بس مش عليا
ليله : ومقولتليش ليه انك مش هتتجوزها
مراد : حبيت افاجئك بطريقتي ...
قام من مكانه ومد أيده ليها : تقبلي تشاركيني الرقصه دي يا اميرتي
ليله : بكل سرور مولاي
رقصوا كتير مع بعض وفاينلي
ليله : النهايه كده جت يا مراد ... ايمان قالتلي اصبري وانت قولتلي اصبري بس انا مكونتش قادره ودلوقتي بس فهمت ليه الصبر حلو
مراد : قولتلك ثقي فيا شويه ... ووعدتك انك هتكوني اسعد انسانه ووفيت بوعدي ... علشان أنا بحبك وبموت فيكي يا طفلتي
ليله : وانا بعشقك يا مراد
تمت بحمدلله