رواية عندما تحلق القلوب كاملة جميع الفصول بقلم رحاب القاضي

رواية عندما تحلق القلوب كاملة جميع الفصول هى رواية من تأليف المؤلفة المميزة رحاب القاضي رواية عندما تحلق القلوب كاملة جميع الفصول صدرت لاول مرة على فيسبوك الشهير رواية عندما تحلق القلوب كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية عندما تحلق القلوب كاملة جميع الفصول

رواية عندما تحلق القلوب كاملة جميع الفصول

_وقبل ما نبدأ حكايتنا اعرفكم علي بطلتنا النهارده واللي اسمها ريم وعندها سته وعشرين سنه وخريجة كلية الطب وفي يوم كانت قاعده ممدوح اخوها قرب منها وقال.. 

ممدوح. 

قاعده بتعملي ايه يا حبيبتي؟.. 

ريم بهدوء

بسمع المسلسل، ناولني والنبي اشرب عطشانه اووي.. 

ممدوح 

ما تقومي تشربي يا ريم، والله انتي لو البيت وقع مش هتقومي من قدام المسلسل.. 

ريم

ما دام انت بقي عارف كده، بترغي كتير بيه؟.. 

ممدوح 

بعيد عن قلة ذوقك بس اقفلي المسلسل ثواني عايز اتكلم معاكي ضروري.. 

ريم

انت بتهزر صح بقي انا مش راضيه اقفله واقوم اشرب. وانت تقولي اقفله عشان اسمعك ليك عصام صاصا هقفل المسلسل عشان اسمعه... 

ممدوح 

يا بنتي حرام عليكي ده انتي دكتوره محترمه والله علي اللي بتقوليه ده.. 

ريم

وايه دخل اني دكتوره محترمه في صاصا والتركي.. 

قفل ممدوح اللابتوب وقال

اسمعي يا ريم احمد صاحبي دكتور ودلوقتي هو ماسك المستشفي بتاعت باباه الله يرحمه ودكتور اطفال زيك.. 

ريم

بص شبكه تكون مية الف وشقه علي النيل والقايمه مليون جينيه وكل يوم يفسحني بعد الجواز ويشربني عصير قصب.. 

ممدوح 

ليه كل ده هيتجوز مين يعني... استني ايه يتجوز هو مين قال انه جاي بتجوز؟!.. 

ريم بقلق

انت اللي قولت والله.. 

ممدوح. بغيظ

اسكتي يا ريم خليني اتكلم، المهم انا كلمت احمد عليكي.. 

رحاب

بقي دي اخرتها عشان تطفشني من البيت وتتجوز فيه روحت تشقط ليا صحابك عشان اتجوز.. 

ممدوح بغيظ. 

ابوس ايد امك اهدي انا لسه بكلمك بتعب يا ريم والله وما خلصتش كلامي.. 

ريم

خلاص اتكلم اديني سكتت اهو علي الله نطلع بفايده منك...

ممدوح 

احمد.صاحبي قالي انك ممكن تروحي تشتغلي عنده في المستشفي..

رحاب 

يا ابن الناس خو انا قولت ليك اني عايزه اشتغل،وبعدين انا مختمره ومتدينه يعني مش هشتغل مع رجاله..

ممدوح 

لا علي فكره دي مش حجه يا كسوله،لان في مختمرات ومنتقبات كمان كتير بتشتغل مع رجاله..

ريم

انت صح انت معاك حق بس هو انا لقمتي تقلة عليك اووي كده هنشحت يعني لو انا ما نزلتش اشتغل..

ممدوح بغيظ 

اومال حضرتك قطمتي وسطي في كلية الطب سبع سنين ليه مدام مش هتشتغلي مش لازم تنزلي تشتغلي عشان نقدر نفتح ليكي العياده....

ريم

انا عايزه ابقي امرأه عاطله،انا مش بتاعت شغل يا ممدوح..

ممدوح 

انا كلمت الراجل وبكره الصبح تكوني عنده في المستشفي،وعارفه يا ريم انتي لو عملتي اي موقف مش كويس انا هاخد.منك اللابتوب وهشيل النت..

ريم ببكاء

انت ليه بتعمل فيا كده،انا مش عايزه اشتغل..

ممدوح  

وانا اي اللي عملتو بس يا بنتي، الحق عليا ان عايزك تبقي معتمده علي نفسك وست ناجحه.. 

ريم 

طيب يا ممدوح روح شوف شغلك وانا هبقي اروح بقي بكره يا بشمهندس... 

ممدوح 

جدعه يا اختي يا حبيبتي،انا هفطر الاول اجهزلك معايا.... 

ريم

لا فطرت شكرا اعملي بس عشره او ١٥ سندوتش كده اتسلي فيهم..

ضحك ممدوح وقال

ههههه ماشي يا حبيبتي وكمان هعمل ليكي كوباية عصير..

ريم

جوافه لو سمحت..

_ودخل ممدوح المطبخ وعمل فطار ليهم وفطرو مع بعض وكانت ريم مدايقه بس ممدوح عمل نفسه مش واخد باله وقال لنفسه..

ممدوح 

ايوه انا لازم اسيبها تشتغل وتعتمد علي نفسها،النت والمسلسلات مش هيدوها حاجه..

ووقف ممدوح وقال

ريم حبيبتي انا نازل عايزه حاجه قبل ما امشي؟... 

ريم

يلا غور... 

ممدوح 

بتقولي اي يا ريم؟.. 

ريم 

بقول بخور هات معاك بخور وانت جاي ابقي هات معاك بخور، البيت ريحته وحشه اوي يا حبيبي عايزه ابخره... 

ممدوح 

عنيا يا حبيبتي هجيب ليكي اللي انتي عايزااه.. 

وبعدها راح عند الباب وريم قالت.. 

ريم 

المركب اللي تودي ما تجيب.. 

ممدوح 

انتي بتقولي ايه يا بت انتي؟.. 

ريم

بقول سوق علي مهلك وانت معدي، مالك يا حبيبي فيه اي؟... 

ممدوح 

ماشي يا ريم انا رايح الشغل يلا مع السلامه... ومشي ممدوح راح الشغل بتاعه.. 

_وفي بيت احمد عزام صاحب ممدوح، نزل من اوضته وكانت مامته بتفطر وقالت ليه.. 

الهام

امسك. دول صور عشر بنات كلهم زي القمر نقي يلا.. 

احمد 

محسساني اني هنقي كيلو قوطه، يا ماما ده جواز وان ما كانتش البت اللي هتجوزها زي ما انا عايزها بالظبط يبقي مش هتجوز... 

الام بحده 

يعني ايه يعني زي ما انت عايزها هنفصلها ليك تفصيل ولا ايه وبعدين طيب ما تبص للبنات دول يمكن واحده منهم تعجبك.. 

احمد 

مش بالشكل يا ماما مش الشكل اللي يعجبني.. 

الام

اومال ايه يا اخويا اللي يعجبك؟.. 

احمد

الاخلاق والهدوء وانها تكون طموحه وبتحب الشغل وبرضو شكلها حلو بس ده اخر حاجه والمهم تكون بنت ناس وذوق في نفسها كده... 

الام 

اللي زي اللي انت بتتكلم عنها دي خلصت، روح شغلك انت خلاص هتبور وتقعد. جنبي.. 

_قام احمد وراح الشغل بتاعه واول ما دخل مكتبه لقي ممدوح قاعد مستنيه.. 

احمد 

ايه يا ابني طيب مش تكلمني وتقول انك هنا كنت جيت بسرعه.. 

ممدوح 

يا عم انا لسه واصل قبلك المهم انا قاصد اجي ليك هنا دلوقتي مخصوص عشان اقول ليك ان ريم اختي وافقت علي الشغل هنا.. 

احمد

طيب كويس جدا واطمن هي هتكون تحت ايدي انا ومش هخلي اي حد يدايقها.. 

ممدوح 

ما الخوف من كده، بقول ليك ايه يا احمد اختي دي اا، بص مش مهم انت هتشوف بنفسك بس عايزك تفتكر اننا صحاب وان مهما حصل احنا مش هنخسر بعض.. 

احمد

يا ابني ايه اللي انت بتقوله ده اختك اختي ومهما حصل علاقتنا مستحيل تنتهي.. 

احمد

افتكر كلامك ده كويس بقي، يلا بالسلامه انا يا حبيبي... ومشي ممدوح راح شغله.. 

_وتاني يوم كانت ريم رايحه المستشفي وهي لابسه الحجاب ولابسه لبس اسلامي ملون وشكلها حلو اووي وسالت بتاعت الاستقبال وقالت.. 

ريم

لو سمحتي ممكن اا.. 

البنت 

الله انتي شكلك حلو اوي في اللبس ده .. 

ريم

طيب اتفصليني لا وكمان ده مرشوش عليا سمسم.. 

البنت ضحكت وقالت

ههههه وكمان دمك خفيف المهم تؤمريني بأيه يا قمر.. 

ريم

والنبي انتي اللي قمر بس امسحي البويا دي وهتبقي احلي المهم احمد عزام فين؟.. 

البنت 

قصدك دكتور احمد مدير المستشفي.. 

ريم

ايوه هو ده هو فين بقي؟.. 

البنت 

هو لسه ما جاش بس تقدري تستنيه فوق في الدور التالت المكتب بتاعه هناك.. 

ريم

اللهي تنستري يا شيخه يلا فوتك بعافيه.... 

_وطلعت ريم الاسانسير، وجه احمد. في الوقت ده عشان يطلع معاها ولما شافها قال.. 

احمد

انتي جايه زياره لحد يا انسه؟.. 

ريم

هي كانت المستشفي بتاعت الست ولدتك عشان تسألني ما تخليك في حالك يا اخ.. 

احمد

انتي يا بنت انتي وازاي تتكلمي معايا انا كده.. 

ريم

انا ابقي من طرف المدير، عارف احمد عزام ده حتي كان بايت عندنا ده انا بخليه يمسحلي الارض.. 

احمد

بقي الدكتور احمد عزام بيمسح ليكي انتي الارض.. 

ريم

ومش بس كده ده انا كمان بخليه يقصلي ضوافر رجليا ده احنا راضعين علي بعض.. 

احمد

اممممم كمان ده انتو عشره بقي علي كده.. 

ريم

اومال فا وسع كده من طريقي يا عسل..بدل ما ارن عليه بس يجي يمسح بكرامتك سيراميك المستشفي ولا ده رخام مش سراميك.. 

احمد 

لا وكمان معاكي رقمه يا انسه.. 

ريم بثقه

طبعا وطول الليل شات واقول ليه سيبني يا احمد انام يقولي لا لا لازم احكيلك حكاية الفار النوتي.. 

احمد 

ايه الثقه اللي انتي بتتكلمي بيها دي، ده انا شكيت في نفسي يا شيخه، علي العموم انا بعتذر ليكي واتفضلي روحي للدكتور احمد... 

ريم

هو لازم يعني احكي ليك تفاصيل علاقتي بيه عشان تتلم، اما عجايب... وطلعت ريم وراحت للممرضه الخاصه بمكتب احمد  وقالت.. 

ريم

لو سمحتي يا سكر دكتور احمد في ليا معاد معاه.. 

الممرضه 

انتظريه هنا علي جنب هو خلاص زمانه جااي.. 

ريم

انتظره ده ايه جو ده التسعينات ده... 

_وقعدت ريم تقلب في موبيلها وفجأه سمعت صوت الممرضه بتقول.. 

الممرضه 

صباح الخير يا دكتور احمد ثواني والقهوه باللبن هتكون عندك.. 

_رفعت ريم راسها وبصتله لقيته بيضحك وقامت وقفت وقالت.. 

ريم بصدمه

ايه ده حازم حازم.. 

احمد قرب منها وقال 

بسيوني بسيوني.. 

ريم

هو اا انا اا.. 

قرب احمد. منها اووي وقال

ههههههههه قولي ليا بقي ايه هي الحدوته اللي كنت بقولك عليها بالليل.. 

ريم

انا قولت حدوته هو انا اعرفك يا ابني اصلا؟!.. 

احمد بخبث

حلو اووي الكلام ده، انا داخل جوه تعالي ورايا... 

_جات ريم تجري واحمد قال بسرعه للممرضه.. 

احمد

سهي قولي للامن الانسه ممنوع تطلع من المستشفي حتي لو تطلب الامر اننا نتصل بالشرطه.. 

_قال كلامه ودخى مكتبه، وريم كانت. اقفه خايفه والممرضه طلعت من عند احمد وقالت لريم.. 

الممرضه 

يا انسه دكتور احمد مستنيكي جوه وبيقولك ادخلي بسرعه يا نوتي بلاش لكاعه.. 

ريم

عاا ده لسه فاكر بصي يا سكر والنبي خلي ودنك في ودن الباب لو سمعتي اي صوت لمحاولة اعتداء اطلبي الشرطه.. 

الممرضه 

يا ستي ادخلي بسرعه اللهي يسترك عندي شغل.. 

ريم 

طيب براحه طيب ما تزقيش.. 

_ودخلت ريم عند احمد. اللي اول ما شافها ابتسم وقال.. 

احمد

انتي بقي جايه هنا لمين واسمك ايه اصلا؟.. 

ريم

انا جايه اسلم عليك وامشي، لله السلام لله وكده. ولو محتاج اسمي في حاجه يبقي اكيد حاجه وحشه وانا مش هقول ليك عليه.. 

احمد

يبقي نكلم الشرطه ونشوف بقي انتي خايفه من ايه؟.. 

ريم بسرعه قالت 

اسمي ريم محمود اخت ممدوح صاحبك.... 

احمد بصدمه 

نعممم بقي انتي اخت ممدوح صاحبي ازاي ده بقي؟!.. 

ريم

حكمة ربنا هنتعترص عبيها ده حتي يبقي حرام.. 

احمد

اممم طيب يا انسه ريم اتفضلي اقعدي وانا هعدي اللي حصل من شويه ده واقول اختي الصغيره وغلطت.. 

ريم

ايوه انت كده فل الفل وميه ميه واعتربرني بجد بجد عيله وغلطت.. 

احمد 

ممدوح قال ليا انك دكتورة اطفال وما عندكيش اي خبره برغم انك متخرجه بامتياز و.. 

ريم

استني استني امشي انا واجيب ممدوح يشتغل مكاني ما تديني فرصه اعرفك انا بنفسي.. 

احمد

من الذوق ان وانا بتكلم ما تقطعنيش... 

ريم

انا اتكلم براحتي وبعدين انت نافش ريشك ليه زي الديك الرومي كده.. 

احمد

انا ديك رومي والله انا لولا ممدوح لكنت اا.. 

.

ريم

كنت هغنعمل ايه يا خيبه عليك وعلى ممدوح، بس انا اللي غلطانه هو انا يعني هستني ايه من اخويا والعرر صحابه.. 

احمد وقف وقال

عرر لا ده انتي بقي تستاهلي اني اكلمه يجي يربيكي.. 

ريم 

انت بتطردني وبتشتمنس وبتقول علي اخويا فاشل وعايز تكلمه وتضحك عليه بكلمتين عشان هو عبيط.. 

احمد بصدمه 

بقي انا قولت علي اخوكي كده، انتي بتتبلي عليا عيني عينك يا بت انتي.... 

ريم 

هو انت لسه شوفت حاجه ده اللي جاي اسود عليك يا دكتور اللي العشره منك بقرش... 

_قالت كلامها وسابته ومشيت بعد ما المستشفي كلها اتفرجت عليهم.. 

احمد بعصبيه 

الكل علي شغله لو سمحتو مش عايز اي حد. قدامي.. 

_الكل مشي بخوف من قدامه وهو طلع موبيله وكلم ممدوح اللي ما ردش عليه خالص.. 

احمد

رد بقي يا ممدوح.. 

_وبعدين كمل شغله ولما رجع البيت وكان مدايق، ومامته قربت منه وقالت ليه.. 

الهام

انت مالك بقي من  لما رجعت من المستشفي وانت متدايق جدا.. 

احمد. 

حصلت حاجه سخيفه اووي يا ماما النهارده،..... وقال ليها كل اللي حصل.. 

الهام

يا خبر ابيض طيب الحق كلم صاحبك قبل ما تقول ليه حاجه من الكلام ده.. 

احمد

هي لسه هتقول ليه زمانها قالت واللي حصل حصل.. 

الهام

كلمه بس حتي فهمه الوضع وهو اكيد عارف اخته وعارف تصرفاتها.. 

احمد

معاكي حق يا ماما، انا هكلمه اهوو.. وطلع موبيله وكلم ممدوح اللي رد عليه وقال.. 

ممدوح 

انت ليك عين تكلمني بعد اللي عملته في اختي؟.. 

احمد بقلق

اسمعني يا ممدوح والله الموضوع مش زي ما انت فاهم خالص.. 

ممدوح 

افهم ايه بس يو ابني بقي تبقي عايز تشيل ليها الحجاب من علي شعرها وتقولي مش زي ما انا فاهم.. 

احمد

والله ما حصل و.. الو يا ممدوح.. ده قفل في وشي يا ماما.. 

الهام وهي كاتمه ضحكتها

قوم احنا لازم نروح ليهم ونعتذر بسرعه.. 

احمد

انتي بنفسك يا ماما اللي هتيجي معايا؟.. 

الهام

قوم بس واسمع الكلام اللي بقول ليك عليه

_قام احمد وطلع اوضته ومامته ضحكت بخبث وقالت.. 

الهام

هههههه والله يا احمد ما فيش غير دي اللي هتنفع معاك، وان ما روحنا خليتك تخطبها دلوقتي ما ابقاش انا..

_ تفتكرو ايه اللي هيحصل هناك؟ 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

_ في بيت ريم كانت قاعده بتعيط وممدوح اخوها قعد جنبيها وقال.. 

ممدوح 

خلاص بقي يا ريم ده انا خسرت صاحب عمري عشانك اهو.. 

ريم بحده 

نعم يا اخويا وانا مالي المفروض تكون رجولتك هي اللي نقحت عليك... 

ممدوح بخبث 

ريييم لاخر مره هسألك احمد عمل كده بجد معاكي، اصل انا مش اعرفه من سنه ولا اتنين ده عشرة عمر وانتي عارفه وعمره ما بص لبنت بطريقه مش كويسه هيجي معاكي انتي ويعمل اا.. 

ريم بسرعه قالت 

يعني هو انا هضحك عليك ليه يعني، المهم هو اكيد هيحاول يكلمك ويقابلك ويالف حوار من عنده عشان يطلع نفسه برئ قدامك انت بقي اوعي تديله فرصه ينطق حرف واحد.. 

ممدوح اتنهد وقال

هو بس يحاول وانا هنفخه واروح فيه في داهيه.. 

ريم بخوف 

لا لا لا يعني انت هتضيع نفسك عشان واحد زي ده؟.. 

ممدوح 

بقولك ايه انا هنزل اجيب عشا وجاي تاكلي ايه؟.. 

ريم 

كشري طبعا... 

ممدوح 

حاضر... 

_ ونزل ممدوح وهي فضلت ترقص في الشقه وهي مبسوطه وقالت.. 

ريم 

الله عليكي وعلي دماغك يا بت يا ريم ومش هشتغل خلاااص وهفضي لمسلسلاتي 💃💃💃

_ وفجأه الباب خبط وهي فكرته ممدوح اخوها، وراحت فتحت بسرعه وسابت الباب من غير ما تشوف مين وقالت.. 

ريم 

مليون مره اقولك ياااه خد معاك المفتاح بعد كده هسببك علي الباب وو.... 

_سكتت وهي بتحاول تستوعب اللي شافته، ولفت ولما شافت احمد ومامته قدامها برقت ووشها قلب احمر واحمد بص للارض باحراج والهام قالت.. 

الهام 

مساء الخير يا بنتي.. 

_ قفلت ريم بسرعه الباب وبصت لنفسها وهي لابسه بجامعه قصيره ودايقه جدا وقالت بصوت عالي.. 

ريم 

الله يخربيتك انت جايب امك وجاي تردهالي، طيب اللي هيقرب مني هصوت والم عليه امة لا اله الا الله.. 

بص احمد لمامته اللي بتضحك وقال

عجبك كده يلا نروح يا ماما هو مش ممدوح صاحبي وعشرة عمري انا باخته دي عايز اخسره.. 

الهام بحده 

بس يا ولد ما اسمعش صوتك، وانتي يا بنتي افتحي احنا جايين عايزين اخوكي في كلمتين.. 

ريم 

اخويا مش هنا وانتو استنيتوه ينزل عشان تيجو تستفردو بيا مش كده.. 

احمد بغضب

مين اللي يستفرد بالتاني ده احنا اللي خايفين منك.. 

ريم بخوف 

بقولك ايه انت ما تتكلمش اصلا بعد اللي عملته معايا يا قليل الادب.. 

احمد بسخريه 

لا دي كمان بتكدب وتصدق.. 

الهام 

ممكن تخرس خالص وانزل تحت يلا استني صاحبك وهاته وتعالي.. 

احمد

انتي عايزاني اسيبك مع المفتريه دي ااا.. 

_ قبل ما يخلص كلامه لقي في نايه بتدلق عليه من فوق وبصتله ريم من الفتحه اللي فوق الباب وقالت.. 

ريم بحده 

عمال تقل ادبك من الصبح وانا سكتالك، جرا ايه يالا انت مالقيش حد. يلمك ولا ايه .. 

خبط احمد جامد علي الباب وقال بعصبيه

طيب لو خلف فيكي ابوكي افتحي والله العظيم ما هسيبك النهارده انا يتدلق عليا مايه ومال ريحتها عامله كده ليه.. 

ريم ضحكت وقالت

سوري اصلها المايه اللي غاسله فيها شربات ممدوح صاحبك.. 

اتعصب جدا والهام ضحكت وقالت

هههههههه قولتلك انزل ما سمعتش كلامي وبعدين انا هعرف اتعامل معاها.. 

احمد اتنهد بضيق وقال

ماشي يا ماما اما نشوف اخرتها ... 

نزل احمد والهام قالت

افتحي يا بنتي اهو احمد مشي، افتحي بقي هتسبيني واقفه علي الباب... 

ريم بقلق

طيب احلفي الاول انه نزل.. 

ابتسمت الهام وقالت

والله العظيم نزل افتحي بقي... 

_ فتحتلها ريم وكانت لابسه اسدال الصلاه ودخلت الهام وحضنتها وقالت.... 

الهام 

وحشتيني اوووي يا مرات الغالي.. 

ريم وهي في حضنها قالت

ايه الوليه الهبله دي؟!... 

بعدت عنها الهام وقالت 

زي القمر زي ما كنت بتمني تكوني بالظبط... 

ريم رفعت شفتها بطريقه شعبيه وقالت

انتي تعرفيني منين يا حجه.. 

قفلت الهام الباب وقالت 

بصي بقي هو المفروض اني جايه هنا عشان نقول لاخوكي الحقيقه وعارفه ان احمد ابني برئ... 

ريم بخوف 

استري عليا والنبي والله ممدوح ممكن يقطعني فيها، بصي كل الحكايه انا مش عايزه اشتغل.. 

الهام بخبث

بس انتي غلطتي لما تفرقي بين اتنين صحاب.. 

ريم 

ما تكبريش الموضوع اووي كده.. 

الهام بحده 

الموضوع كبير اصلا.. 

ريم بغيظ 

انتي بتشخطي فيا ليه لو سمحتي اتكلمي باسلوب احسن من كده.. 

قعدت الهام وحطت رجل علي رجل وقالت

بصي بقي انا ممكن ما اقولش لاخوكي الحقيقه وكمان هقف في صفك واقول لاخوكي ان احمد عمل اللي انتي قولتي عليه بس بشرط.. 

ريم قعدت جنبيها بسرعه وقالت 

اقسم بالله انتي ست ميه ميه وزي الفل،وانا موافقه علي اي حاجه شاله حتي اجي اغسلك الاطباق اتنين وخميس... 

الهام بخبث

انا هخطبك لاحمد من اخوكي وانتي هتوافقي.. 

ريم وقفت وقالت 

نعم يا اختي هو انتي جايه تحطي البنزين جنب النار.. 

الهام ضحكت وقالت 

هههههه والله ما في واحده هتنفع معاه وهتكسر مناخيره اللي رافعها السما غيرك، وانا خلاص واخده قرار.. 

ريم بغيظ. 

ده عندها يا حجه، ده انا انزل اشتغل احسن... 

ـــــــــ #بقلم_الكاتبه_رحاب_القاضي ـــــــــ 

_ وتحت البيت كان احمد واقف وساند علي عربيته وشاف ممدوح جاي، فراحله بسرعه وقال.. 

احمد

والله العظيم يا ممدوح انا ما عملت حاجه ومش عارف اختك قالت كده ليه، بس انت عارفني و.. 

ممدوح 

مصدقك يا احمد لاني هارف دماغ اختي، وانا اللي اسف علي اللي هي قالته بس انا مستني اشوف اخرها ايه.. 

احمد

طيب وفرت عليا كتير والله، تعالي بقي نلحق امي فوق مع اختك.. 

ممدوح بقلق

لا ثواني هو انت ايه اللي جاب امك فوق عندنا اصلا.. 

احمد 

جات تصالحنا انا وانت.. 

ممدوح

طيب يلا نلحقها قبل ريم ما تعمل فيها حاجه اختي وعارفها كويس.. 

_ وطلعو فوق ولقيو ريم والهام قاعدين مع بعض وبيضحكو... 

احمد

ماما انتي كوبسه يا حبيبتي.. 

الهام 

انا زي الفل، ازيك يا ممدوح عامل ايه؟.. 

ممدوح

انا الحمد لله يا طنط كويس، منورانا والله.. 

وقفت الهام وقالت 

ده بنورك يا حبيبي، المهم انا بعتذرلك جدا عن اللي عمله احمد مع اختك.. 

احمد بصدمه 

ايه اللي انتي بتقوليه ده يا ماما.. 

الهام 

خلاص بقي يا احمد انت قول الحقيقه، وبعدين احنا جايين نصلح الوضع واحمد عايز يخطب ريم.. 

قرب ممدوح من احمد وقال

بقي تعمل كده في اختي وجاي بكل بجاحه تكدبها وتخليني انا ما اصدقهاش.. 

ريم بحزن

شوفت انت ازاي طول عمرك ظالمني.. 

احمد بصدمه

ما حصلش والله اا.. 

_ ما قدرش يكمل كلامه بسبب البوكس اللي خده في وشه من ممدوح ووقع علي الارض وممدوح قال.. 

ممدوح 

اخرس بقي يا حيوان.. 

_ وبعد شويه كان احمد قاعد علي الكنبه ووشه بينذف وجنبيه الهام  وجات ريم من المطبخ وقالت.. 

ريم 

امسك كيس تلج عشان وشك اللي اتدشمل ده.. 

بصلها احمد بغيظ وقال

شكرا فيكي الخير والله.. 

ممدوح بحده

ما تكلمهاش قدامي انت فاهم ولا لا.. 

الهام 

خلاص بقي يا ممدوح ما فهمناك الحكايه هو كان بس بيحاول يختبر اخلاقها واهو جه البيت من بابه وخطبها.. 

ممدوح بحده 

وهو يعني هيشكك في ربايتي لاختي، ليه ما يعرفش صاحبه.. 

الهام 

ما خلاص بقي وانت اهو اخدت حقك منه، المهم الخطوبه الخميس الجاي حلو.. 

ممدوح

جرا ايه يا طنط هو مش لازم اخد وقتي افكر واخد رأي اختي واسأل علي البشمهندس.. 

احمد 

بشمهندس مين انا دكتور.. 

ممدوح بغيظ. 

الله واعلم بقي هسأل واشوف... 

الهام 

تمام خليها قراية فاتحه يوم الخميس واهو نتعرف من البدايه خالص.. 

ممدوح بص لريم وقال

وانتي رئيك ايه موافقه بيه؟ ... 

_بصت ريم لالهام اللي شاورتلها بحده انها توافق وقالت ريم وهي بتبص الارض وعامله نفسها مكسوفه.. 

ريم

اللي تشوفه يا ابيه.. 

ضربها علي كتفها وقال بحده 

اتعدلي يا ريم متنيله موافقه ولا لا؟.. 

ريم وهي ماسكه دراعها بألم 

موافقه موافقه ربنا علي الظالم والمفتري... 

_ وبعد شويه مشي احمد ومامته وريم راحت. طلعت الاكل وقعدت قدام التلفزيون، وقرب منها ممدوح وقال... 

ممدوح 

ريم انا مش مرتاحلك مخبيه ايه عني.. 

ريم بقلق

وربنا سيبتلك اكلك وما اخدتش غير منابي.. 

ممدوح بغيظ 

مش علي الاكل، في ايه بيحصل من ورا ضهري.. 

ريم ببرود 

وانا اعرف منين انا قاعده قدامك ما اعرفش ايه اللي بيحصل وراك اااه ايدي اااه يا ابن العضاضه.. 

ممدوح بحده 

اتكلمي يا بت انتي، ايه اللي خلاكي توافقي باحمد بعد اللي عملو فيكي ولا هو ما عملش حاجه وانا ظالم الواد.. 

ريم 

يادي النيله ياما امه بنفسها قالتلك اللي حصل وانت برضو مكدبني تشكر يا ابن ابويا وامي، لو انا مش اختك قول والله مش هزعل اهو الاقي سبب افجر طاقة الانحراف اللي جوايا.. 

ممدوح بحده 

اخرسي واصلا انا بتكلم مش عايز الجوازه دي تتم، احمد برضو غلبان وما يعرفش اللي هيحصله معاكي.. 

سابت ريم الاكل وقالت 

وبعدين معاك بقي ده بدل ما تفرحلي وتهيص معايا.. 

ممدوح 

اممم كلي يا ريم وانتي ساكته.. 

سابها ودخل المطبخ وريم قالت 

ده انت عيل بووومه.. 

_وبعد شويه طلع ممدوح من المطبخ وهو ماسك حله وبيطبل عليها وبيغني وبيقول.. 

ممدوح 

وافرحي يا عروسه انا العريس يا عروسه يا عروسه.. 

وقفت ريم علي الكنبه وقالت

ويا عروسه يا عروسه انا العريس... 

ـــــــــ #بقلم_الكاتبه_رحاب_القاضي ـــــــــ 

_ وفي بيت احمد كانت الهام قاعده بتشرب قهوه وهي مبتسمه، واحمد واقف قدامها وعمال يروح ويجي وهو متعصب وقالها.. 

احمد

انا عايز افهم بقي حاحه واحده، لييه بتعملي كده يا الهام؟.. 

الهام 

اقعد واهدي وبطل تتنطط حواليا زي القرد كده وانا هقولك.. 

احمد قعد جنبيها وقال

قعدت اهو، ليه بقي عملتي كده ودبستيني في بنت المجانين دي؟.. 

الهام 

الموضوع بسيط ريم اخت صاحبك ومننا وعلينا وبنت اموره وجميله ومؤدبه ايوه دماغها طاقه شويه بس حلوه ودمها خفيف وانا عايزه افرح بيك.. 

احمد بغيظ 

تفرحي بيا ولا تفرحي فيا يا ماما... انا عايز اعيط.. 

ضحكت الهام وقالت

ههههه طيب بزمتك يا شيخ هي حلوه ولا لا، ورحمة باباك لتقول الحقيقه.. 

احمد وقف وقال بضيق 

وتفيد بايه الحلاوه والدماغ مش موجوده، وانا قولتلك انا عايز واحده عاقله وهاديه.. 

الهام 

معلش بعد الجواز ريم هتعقل.. 

احمد بخبث 

امممم ده لو كملت للجواز اصلا، انا بقي هعرف ازاي اخد منها حقي تالت ومتلت.. 

_ وتاني يوم نزلت ريم وهي لابسه اسدال الصلاه ووقفت قدام اوضة البواب وقالت.. 

ريم 

يا عم عوضيكو... عم عوض فين الحاجات اللي قولتلي ان ممدوح بعتك تجيبهم وانت ازاي ما تطلعهمش ياراجل اطلع كلمني ما تخلنيش ادخلك.. 

_ وفجأه لقيت حد. سحبها لجوه وقفل الباب وحط ايده علي بوقها، واتصدمت هي لما لقيته احمد وكان مقيد حركتها وقال لعوض بحده... 

احمد

عوض شوف شغلك وكأن ما فيش حد جوه وانا هرضيك تاني.. 

وشال ايده من علي بوقها وهي قالت بتوتر

انت بتعمل ايه يخربيتك اوعي كده.. 

احمد بغيظ 

بقي انا اتضرب واتهان واتخانق مع صاحب عمري واتدبس في واحده زيك بسببك وبسبب حاجه ما عملتهاش.. 

ريم وشها قلب احمر وقالت بتوتر

لو سمحت اوعي كده غلط وبعدين انت جاي هنا عايز ايه اصلا؟... 

احمد قرب منها اكتر وقال

هعمل اللي انتي قولتي عليه لاخوكي عشان يبقي معاهم حق واتعاقب بضمير مستريح... 

برقت ريم بخوف و؟؟.... 

_ تفتكرو بقي هيحصل ايه؟.... 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

ريم بتوتر

انت بتعمل ايه يخربيتك اوعي كده.. 

احمد بغيظ 

بقي انا اتضر*ب واتهان واتخانق مع صاحب عمري واتدبس في واحده زيك بسببك وبسبب حاجه ما عملتهاش.. 

ريم وشها قلب احمر وقالت بتوتر

لو سمحت اوعي كده غلط وبعدين انت جاي هنا عايز ايه اصلا؟... 

احمد قرب منها اكتر وقال

هعمل اللي انتي قولتي عليه لاخوكي عشان يبقي معاهم حق واتعاقب بضمير مستريح... 

برقت ريم بخوف وقالت

انت اتجننت صح، لا لا انت متربي ومش هتعمل كده.. 

احمد وهو بيلمس حجابها بأيده

ده انا ما شوفتش دقيقه واحده تربيه يا ريم...

ريم ابتسمت وقالت

انت متأكد انك عايز تعمل كده؟.. 

احمد بصلها بقلق وقال

ايه ده ايه السهوله دي لا انا مش مطمنلك.. 

ريم ابتسمت بشر وقالت

انا ما حدش يجي عليا ويكسب ابداً... 

_ خلصت كلامها وذقته جامد وقالت بصوت عالي وهي عامله نفسها بتعيط.. 

ريم 

حرام عليك يا احمد ليه عايز تعمل كده عملك ايه ممدوح عشان تأذيه في اخته.. 

_ وقبل ما يرد عليها احمد بأي حاجه، فتح ممدوح الباب جامد ودخل وبصلهم بصدمه واحمد قال بخوف.. 

احمد 

والله العظيم هتجوزها بس اهدي بلاش النظره دي وبعدين انت ايه اللي جابك من الشغل.. 

حضنت ريم ممدوح وقالت

الحيوان ده كان عايز اعااا والله مش قادره اقول لقد خدش حيائي يا اخي.. 

احمد بغيظ 

هو انتي تعرفيه الحياء ده ولا عمرك سمعتي عنه.. 

ممدوح قرب منه وقال بغضب

انت يطلع منك كل ده ومع مين ما اختي يا حيوان.. 

ـ خلص كلامه وضربه بالبوكس في وشه واحمد وشه بقي ينذف، وقال بعصبيه.. 

احمد 

جرا ايه يا ممدوح هي مش يعتبر خطيبتي ويا عم كنت بتكلم معاها كلمتين وهي اللي كبرت الموضوع وبعدين ما هي قدامك اهي فيها حاجه تدل علي كلامها.. 

بص ممدوح لريم اللي قالت

لااا اوعي تصدقه ده كدااب طيب حتي اسأل عم عوض علي اللي حصل.. 

قال عوض 

ايوه يا استاذ ممدوح الدكتور اداني 200 جنيه وقالي اخليها تنزل واضحك عليها واقولها انك بتعت ليها حاجات، بس ما كنتش اعرف نيته من الموضوع كده.. 

ريم وهي عامله نفسها زعلانه 

شوفت يا دوحه، مش بس اللي عملو لا ده عايز يكدبني.. 

احمد بصلها بحقد وقال

هتجوزها ودلوقتي اكتر من كده تاني مش ده اللي هيريحك.. 

ممدوح اتنهد وقال

النهارده بالليل يا احمد تجيب امك والمأذون وتيجي.. 

ريم 

هطلع والله واعملك كل اللي انت عايزه، بص شهر بحاله هسمع كلامك لا مش شهر كتير اسبوعين... برضو كتير... بص انا تلات ايام هسمع كلامك بس والنبي بلاش جواز، هو انا بتاعت الحاحات دي هو انا بتاعت جواز اصلا ما تقولو حاجه يا عوضيكو.. 

عوض بسخريه 

يا شيخه وافقي علي الاقل حتي العماره تخلص منك.. 

ممدومح بغيظ 

حتي البواب مش طايقك.... 

احمد بضيق 

ماشي يا ممدوح وانا اسف علي الموقف ده بس والله انا نيتي كانت اا.. 

ممدوح بحده 

امشي يا احمد ولسانك ما يخاطبش لساني تاني... 

ريم بخوف 

يا ممدوح ما تهزرش قوله ما يجيبش حد وما بجيش انا مش هتجوز انا حد ما اعرفوش.. 

_ بصلها احمد بشماته ومشي، وراااح المستشفي بتاعته وقند في مكتبه بص لوشه اللي بقي في كدمات من ضرب ممدوح ليه واتنهد بضيق وقال.. 

احمد 

كله منك يا ماما مالقتيش غير دي تخليني اتجوزها، ودي هعيش معاها ازاي بس يا ربي.. 

دخلت عنده الممرضه وقالت

يالهوي مالك يا دكتور احمد انتي في عربيه بحمار عدت علي وشك.. 

احمد بغيظ 

عربيه بحمار تعدي عليكي وتخلصني منك يا رباب عايزه ايه؟.. 

رباب 

ما فيش بس استاذ ممدوح صاحبك بره عايزك.. 

احمد بقلق

ممدوح، طيب دخليه بسرعه يلاا.. 

_ طلعت الممرضه ودخل ممدوح وبص لاحمد وقال بحده.. 

ممدوح 

بعيد عن اختي خالص اهو، انت كنت جاي عايزها فأي؟.. 

احمد بضيق

ليك عين تكلمني بقيت مسخره في المستشفي بسبب ايدك الطويله.. 

ممدوح

يا جدع حط نفسك مكاني هتعمل ايه؟.. 

احمد بهدوء

كنت جاي ارخم عليها شويه والله العظيم ما حصلت حاجه وبعدين طيب ما انا كنت ممكن اطلع فوق باي طريقه لو عايز اعمل حاجه وحشه مش اختار اوضة عوضيكو.. يووووه قصدي عوض.. 

ضحك ممدوح غصب عنه وقال

انت وصلت لعوضيكو، علي العموم انا جاي اقولك هي قالتلي كل حاجه بس خليك بعيد عنها بقي.. 

احمد 

احلف قالتلك كل حاجه بجد حتي اللي حصل في المكتب؟.. 

ممدوح 

ايوه لما لقيت الموضوع هيقلب علي جواز قالت الحقيقه، انا بجد تعبت ريم مش هتكبر ابدا ولا هتتحمل المسؤليه وفاكره ان حياتها مسلسل تىكي او كوري من اللي بتشوفهم..تخيل انت لو كان حد غيرك اللي عملت معاه كده.. 

احمد بسخريه 

لا اطمن اللي زي اختك دول مش بيجو غير علي الغلابه اللي زييي، قولي انت مش قولت انها عملالك توكيل عام عشان المشاكل اللي في بلدكم وكده.. 

ممدوح 

ايوه بس انت ليه بتسأل؟.. 

احمد بخبث 

هجيبلك عقد عمل محترم وتمشي عليه بالنيابه عنها وختك تيجي تشتغل هنا واقسم بالله هتكون اختي هنا وانا هعرف ازاي اخليها تقول حقي برقبتي.. 

ممدوح بتفكير

لو عملتلك مصيبه في المستشفي انا مش مسؤل ولا تقولي ادفع وصلح والجو ده؟.. 

احمد ضحك وقال

ايوه انت بره الموضوع بس اللي اعمله فيها من حيث الشغل ما تجيش تقولي ارحمها.... 

ممدوح بهدوء 

لا يا صاحبي انا عايزها تقول حقي برقبتي... 

ـــــ #بقلم_الكاتبه_رحاب_القاضي ـــــ 

_ في مكان تاني احدي القري الصعيديه، في بيت كبير كان قاعد راجل كبير وهو بيضحك بشر وقال لابنه اللي قاعد جنبيه.. 

فتحي

واخيرا بعد 15 سنه عرفت طريق عيال عمي.. 

كمال

اللي وصلني انه بقي مهندس ولد الحرام وجدتهم ما*تت وهو ربي اخته وخلاها دكتوره وعايشين ولا علي بالهم.. 

فتحي بجمود

انا عايز رقبة ممدوح مش هناخد حقنا من حريم حقنا عند ولد رشاد وقدام البلد كلها عشان نريح ابوك في قبره... 

كمال 

واخته هتعملها ايه.. 

فتحي بخبث

مكانها بيت عمها بس نخلص من اخوها الاول.. 

_ في الوقت ده كانت الشغالن اللي عمرعا 50سنه واقفه بتسمع كلامهم من ورا حيطة المطبخ، ومشيت بسرعه ودخلت اوضتها وقالت لنفسها.. 

سعديه بخوف

انا لازم امشي من هنا عشان اعرف اكلم ممدوح واحذره من شرهم.. 

ـــــ #بقلم_الكاتبه_رحاب_القاضي ـــــ 

_ في بيت ممدوح وريم كان ممدوح قاعد بيتفرج علي التلفزيون وقربت منه ريم وقالت.. 

ريم 

بص ما هو انت يا تصالحني يا تصالحني ما عنديش خيار تالت.. 

ممدوح 

انا اللي اصالحك يا ريم ليه ان شاء الله هو انا زعلتك من الباب للطاق.. 

ريم بغيظ 

عشان انت فرضت عليا اشتغل وانت عارف انا ما بحبش القيود واني التزم بحاجه ولازم اعملها.. 

ممدوح

بس انتي لازم تعملي كده يا ريم، افرض انا خصلتلي حاجه مش لازم تكوني قويه وتعرفي تاخدي حقك وتعيشي.. 

حضنته ريم وقالت 

انت معايا وانا قويه باخويا وبس.. 

اتنهد ممدوح بضيق وقال

هو انا ضامن عمري وانتي عارفه اللي فيها كويس يا ريم، انا لو بقول ما تخصليش حاجه فعشانك انتي مش خايف منهم قد ما خايف عليكي... 

ريم بدموع

وليه السيره الغم دي، ما هما خلاص مش قادرين يوصلولنا، ولو كانو هيوصلو كلن وصلو زمان.. 

ممدوح بهدوء

طيب عايزاني ما ابقاش زعلان منك؟.. 

ريم 

ايوه طبعا.. 

ممدوح 

بكره اول يوم شغل ليكي عند احمد انا مضيت عقد العمل بالتوكيل اللي انتي عملااه.. 

ريم بغيظ 

لا انت ازعل مني احسن، انا مستحيل لروح عند صاحبك ده ولا اشتغل عنده ابداً.. 

_ تاني يوم كانت ريم قاعده قدام احمد في المكتب بتاعه، وقالها احمد بخبث... 

احمد 

جو لعب العيال مش عندي في المستشفي، هنا شغل وبس.  

ريم 

انا هتنيل ابدأ شغل امتي وهعمل ايه بالظبط انا اول مره اشتغل و... 

احمد بحده

لما امون بتكلم ما تقطعنيش والا والله هتاخدي جزا ومش زي اي موظف لا انتي هتاخدي سعات عنل اضافيه.. 

ريم ابتسمت وقالت

طيب ما تخصملي احسن.. 

احمد بحده

انا هنا اللي اقرر انا اعمل ايه وما اعملش ايه..

ريم اتنهدت وقالت

ماشي قرر بقي وخلصني.. 

احمد قام وقف قدامها وقال

هو انا بلعب معاكي في الشارع، تتكلمي معايا بادب فاهمه ولا لا.. 

ريم بغيظ

انت ازاي تكلمني كده انا لو قولت لممدوح اا.. 

ضحك احمد وقال

هو ممدوح ممكن يصدقك تاني بعد اللي انتي عملتيه قبل كده اصلا؟.. 

ريم وقفت وقالت 

طيب حفاظاً علي كرامتك وكرامة اللي جابك قصدس جنابك انا عايزه اعرف انا هشتغل ايه هنا؟.. 

احمد بخبث

هيكون هتشتغلي ايه سمكري دكتوره اكيد... 

ريم بغيظ

اضحك ولا ابين سناني ولا اعملك ايه... 

احمد بصوت عالي 

يا رباااااااب... 

ريم اتخضت وقالت

يخربيتك اديني اشاره انك هتنده علي حد، فزعتني.. 

احمد 

اخرسي خالص وحاجه كمان، لو ايه حصل انا مش عايزك تتعاملي مع امي ابداً.. 

ريم بسخريه

والله انا نفسي بجد ما اتعاملش مع امك... 

بصلها بحده ودخلت رباب وقالت

تحت امرك يا دكتور احمد؟... 

احمد 

خدي الدكتوره ريم وديها لاوضة المتدربات اللي تحت اشرافي انا والدكتوره ساره، واديها قايمة الشروط والالتزمات... 

رباب

حاضر.. اتفضلي يا دكتوره ريم.. 

ريم حطت ايدها في ايد رباب وقالت

يلا بينا يا اوختشي الا قوليلي هو الكريم اللي اناي حطاه في وشك ده اسمه ايه ولو اغلي من 100 جنيه ما تقوليش اسمه عشان مش معايا غير 90... 

طلعو واحمد غصب عنه ضحك وقال

يا بنت المجنونه.. 

_ وبعد شويه في مكتب المتدربات كانت ريم قاعده بتبص علي الدكاتره اللي قاعدين كل واحد وواحده فيهم ماسكين ورق وباصين فيه..وقرب منها ولد وقال.. 

الولد 

حضرتك جديده معانا يا دكتوره مش كده.. 

ريم 

ايوه اهو زي ما انت شايف.. 

الولد 

طيب اعرفك بيا اما طارق الشيخ اا.. 

ريم بصدمه 

احلف انت طارق الشيخ بنفسه بس انت طويل واللي بنشوفه في التلفزيون قصير ودوكا مطرب انت دكتور تقريباً.. 

طارق

تقريباً كمان يا بنتي عادي تشابه اسماء وبعدين انا ايوه دكتور متدرب هنا.. 

ريم 

وانا ريم دكتوره لسه هتدرب معاكم هنا.. 

طارق

علي فكره الدكتور احمد والدكتوره ساره متساهلين جدا معانا والتدريب ساهل جدا وكمان هينزلونا عملي بسرعه.. 

ريم 

لا لا انا جاي افشل فيه، انا واحده عايزه اتجوز واقعد في البيت مش وش شغل انا... 

طارق

وربنا مش لوحدك اللي عايزه كده،كل اللي موجودين هنا.. 

_ ضحكو هما الاتنين ودخل في الوقت ده احمد والكل سكت وبص احمد بضيق لريم وقال بصوت عالي.. 

احمد

دكتوره ريم اتفضلي اقعدي قدام هنا.. 

ريم بصوت واطي 

ايه الجو ده هو احنا في درس عربي... 

_ قامت ريم وقعدت قدام بعيد عن طارق، واحمد قال بكل هدوء.. 

احمد

النهارده هيبقي عندنا اختبار بسيط هيكون نظري وبعدين هنطبق عملي جاهزين.. 

_ الكل قاله ايوه وفعلا بدا احمد يختبر فيهم باسئله صعبه، واستغرب جدا ان ريم فعلا شاطره جدا وجاوبت علي الاسئله بتاعتها بكل ذكاء، لحد ما جه وقت التطبيق العملي.. 

احمد 

دكتوره ريم جوه في طفل عنده جفاف في حقن لازم ياخدها وعايز تشخيص لحالته كويس.. 

ريم بقلق

انا ادي حقن اومال فين الممرضين.. 

احمد 

انا لو عايز الممرضه هي اللي تعمل كده كنت هقولها بس انا عايزك انتي اللي تنفذي ده.. 

ريم بقلق

طيب سؤال بس هو الطفل اللي جوه ده عنده كام سنه.. 

احمد بسخريه

هما الاطفال بيكون عندهم جفاف حاد وهما عندهم كام سنه يا دكتوره؟.. 

ريم 

عاادي ممكن يكون طفل عنده عشرين سنه وعنده جفاف عاطفي.. 

احمد بحده 

ادخلي جوه شوفي شغلك وبلاش تخلي صوتي يعلي هنا انا دكتور محترم.. 

ريم بسخريه 

محترم علي مين يا سكر افكرك باللي كنت ناوي تعمله فيا في اوضة البواب اخص.. 

_ وسابته ودخلت الاوضه واحمد ضرب كف بالتاني وقال لنفسه.. 

احمد 

والله هتشلني والله.. 

_ وبعد شويه كان احمد قاعد في مكتبه وفجأه سمع صوت دوشه ولسه كان هيطلع لقي ريم داخله عنده بتغيط وقالت.. 

ريم 

احمد في واحده حرمبوءه بره قالتلي يا فاشله... 

_دخلت في الوقت ده بنت حلوه اووي وقالت وهي متعصبه جدا.. 

ساره

احمد لو سمحت البنت دي لازم تمشي من هنا حالاً.. 

_ تفتكرو احمد هيعمل ايه؟.... 

ــــــــــــــــــــــــــــــــــــــــــــ 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

ريم 

احمد في واحده حرمبوءه بره قالتلي يا فاشله... 

_دخلت في الوقت ده بنت حلوه اووي وقالت وهي متعصبه جدا.. 

ساره

احمد لو سمحت البنت دي لازم تمشي من هنا حالاً.. 

ريم بغيظ 

ايوه هي دي، ثواني هي ازاي تقولك تطردني عي ما تعرفش انا مين؟.. 

احمد بقلق

في ايه عملتي ايه، اهدي يا ساره لو سمحتي.. 

ساره بحده 

لا مش ههدي وازاي الاشكال دي تدخل المستسفي اصلاً.. 

ريم بغيظ 

يا بت اتلمي بقي انا والله لو جيتلك ما تعرفيش هعمل فيكي ايه.. 

ساره بعصبيه

شايف بتكلمني ازاي، ميين المجنونة دي؟.. 

احمد اتنهد وقال

لو سمحتي يا ساره اهدي وقوليلي هي عملت اي؟.. 

ريم بقلق

وليه يعني تقول انا مستعده احب علي راسها ونلم الليله.. 

احمد بغيط 

انتي تسكتي خالص قولي يا ساره عملت ايه؟... 

ساره بغضب

اسأل الهانم كانت بتغني ايه لطفل عنده خمس سنسن لحد ما باباه وما ومامته طلبو ينقلوه لمستسفي تانيه... 

بص احمد لريم وقال

ابهريني يا هانم وقولي كنتي بتغني ايه؟.. 

ريم بتوتر

عادي اغنية اطفال بريئه عارف انت الارنب اللي قال لامه تسمحيلي راح العب ماما.. 

ساره بغيظ 

كداابه دي كانت بتغنيله وتقول قراميط قراميط دي فاكره نفسها في مزرعة سمك دي ولا ايه؟.. 

ريم 

لا لا اللي بيغني مش قصده بالقراميط السمك هو يقصد... 

_ قبل ما تكمل كلامها قرب منها احمد وحط ايده علي بوقها وقال.. 

احمد بقلق

معلش يا ساره امسحيها فيا، دي قريبتي ولسه متدربه يعني.. 

ساره اتنهدت وقالت

هعديها يا احمد عشان خاطرك، بس ياريت تعرفها ان دي مستشفي محترمه وما يصحش اللي هي بتعمله ده.. 

_ قالت كلامها وطلعت واحمد بص لريم بحده وهي ضحكت بتوتر وقالت.. 

ريم 

اهدي والله هفهمك كل الحكايه ان انا عندي فوبيا من الحقن من وانا صغيره،والولد كان خايف ياخد الحقنه قولت اغنيله وافرفشه عشان ما يخفش.. 

احمد

نعم يا اختي ومدام. عندك فوبيا من الحقن دخلتي ليه طب ولا عايزه تقرفينا وخلاص... 

ريم ببكاء

عشان اخويا هو قالي ان. بابا الله يرحمه قالو ان ووصيته قبل ما يتكل علي الله اني ابقي دكتوره وهو مهندس، انا ذنبي ايه بقي.. 

احمد بغيظ

وطي صوتك هتلمي الناس علينا، وبعدين كنتي قوليلي وانا كنت هتصرف.. 

ريم مسحت دموعها وقالت

بص يا اسطا انا عايزه منك خدمه انت قولهم اني مش وش شغل انا فعلا فاشله ارتاحتو كده رجعوني لبيتي ومسلسلاتي بقي... 

احمد 

خلصت خلاص انتي النهارده هتفضلي في المستشفي لحد الساعه عشره.. 

ريم بغيظ 

ايه هو بقي الكلام ده انا معادي الساعه خمسه امشي.. 

احمد بحده 

وانا قولتلك ان لو غلطتي هتتجازي.. 

ريم اتنهدت وقالت

طيب هو سؤال معلش هو ايه الغلط اللي ممكن اني اعمله واطرد بسببه من هنا.. 

وقف احمد قصادها وقال

نجوم السما اقربلك، اتفضلي شوفي شغلك يلا.. 

ريم ببكاء

يا اخي روح حسبي الله ونعم الوكيل فيك بجد انت واخويا في يوم واحد بس... 

_ طلعت ريم عشان تكمل شغلها، واحمد بص لاثرها وابتسم وقال لنفسه... 

احمد 

اما نشوف اخرتها معاكي يا ريم.. 

_ وفي وقت البريك كانت ريم قاعده في الكافيتريا وهي تعبانه وباين عليها، وقعدت ساره قصادها وحطت قدامها قهوه وكيك وقالت.. 

ساره

سوري ما كنتش اقصد اقولك يا فاشله بس انتي مستفزه... 

ريم بغيظ 

قومي يا بت انتي من هنا عشان ما اشلفطش وشك.. 

ساره ابتسمت وقالت

والله ما كنت اعرف انك اخت ممدوح، علي العموم انا اسفه.. 

ريم 

وانتي تعرفي اخويا منين بقي؟.. 

ساره بتوتر

احمم هو يعني انا كنت مع احمد في الجامعه وانا اصلا اخته في الرضاعه واهلنا قرايب و... 

ريم 

يا حجه هو انا بسألك علي الملزق ده عشان تحكيلي تعرفيه منين، انا بقولك تعرفي اخويا منين؟.. 

ضحكت ساره وقالت

ههههههه بقي احمد ملزق والله حرام عليكي، علي العموم انا اعرف ممدوح معرفه سطحيه بما انه صاحب احمد وكده.. 

ريم 

ااه وعشان كده بقي ماشيه نافشه ريشك في المستشفي زي الديك الرومي.. 

ادايقت ساره وريم قالت

مش قصدي يعني بس انتي فعلا ماشيه كده رافعه مناخيرك وفرحانه برجليكي بالجيبه القصيره دي.. 

ساره بغيظ. 

انتي رخمه علي فكره انا غلطانه اني جيت اصالحك، وعلي فكره بابي ليه ربع المستشفي دي وانا يعتبر شريكه هنا.. 

ريم 

استني بس انا بهزر، والنبي واغلي حاجه عندك اطرديني من هنا... 

قرب منهم احمد وقال

انتي بتعملي ايه هنا يا دكتوره، اتفضلي علي شغلك.. 

ريم بفزع 

سلام قول من رب رحيم بيطلعو امتي دول، وبعدين انا في وقت البريك.. 

احمد بخبث

خلص بقاله خمس دقايق، اتفضلي علي شغلك.. 

ريم بغيظ

ربنا علي الظالم والمفتري يااارب... 

قالت كلامها ومشيت وساره قالت

معقول دي اخت ممدوح فرق السما من الارض بينهم.. 

احمد

بصراحه شاطره بس دماغها مش في الشغل.. 

ساره

خير ان شاء الله، المهم انا هروح بقي عايز حاجه.. 

احمد

شكرا يا ساره خلي بالك من نفسك.. 

_ وبالليل كان احمد قاعد في مكتبه وبيكلم ممدوح اللي كان بيضحك وقاله.. 

ممدوح

لا لا بجد عملت كده في ساره.. 

احمد

اسكت دي جننت المستشفي كلها بس صاحبك قادر يسيطر برضو.. 

ممدوح

طيب هي قدامها اد ايه وتخلص عشان اجي اخدها.. 

احمد

لا خليك انا اصلا مخلص شغل وقاعد مستنيها اصلا عشان اوصلها.. 

ممدوح 

والله مش عارف اقولك ايه، بس هاتها وانا هجهزلها العشا لحد ما تيجي.. 

احمد

لا لا هي طول اليوم بتاكل دي خلصت نص اكل الكافيتريا.. 

ممدوح ضحك وقال

ههههههه يبقي ما تعرفش اختي دي تاكل ما اليتيم يا جدع، المهم هاتها بقي كفايه كده والله صعبت عليا.. 

احمد ابتسم وقال

حاضر يا حنين نص ساعه واختك تكون عندك.. 

_ قفل احمد معاه وطلع سأل عنها الممرضه اللي قالتله.. 

الممرضه. 

الدكتوره دي اموره اووي بحد مع الاطفال، انت عارف زياد اللي ديما بيعيط ومش ساكت وعايز يمشي بقي النهارده بيقول مش عايز امشي من هنا عايز اقعد مع ريم، غير انها بصراحه ما قعدتش علي رجلها من الصبح.. 

احمد ابتسم وقال

طيب هي فين دلوقتي؟.. 

الممرضه 

في اوضة التدريب بتجيب حاجتها عشان تمشي، وسابت لحضرتك التقرير بتشخصيش الحالات اللي مسؤله عنها معايا.. 

احمد

طيب وديه مكتبي وانا بكره هشوفه.. 

_ وراح احمد اوضة التدريب وخبط علي الباب وبعدين دخل لاقها قالعه الكوتشي وحطاها قدامها علي الترابيزه وحاطه راسها عليه ونايمه.. 

كتم احمد ضحكته وقال

يا دكتوره ريم يا بنتي قووومي.. 

_فتحت عينيها بتعب واول ما شافته عيطت وقالت بغيظ... 

ريم 

اقسم بالله انا بنت ناس علي البهدله اللي انت بتعملها فيا دي.. 

احمد بهدوء

تعالي عشان هوصلك كلمت ممدوح وقولتله اني هوصلك.. 

_ لبست ريم الكوتشي واخدت حاجاتها ونزلت معاه من غير ما تقول حاجه واول ما ركبت العربيه معاه حطت راسها علي الشباك ونامت... 

احمد ابتسم وقال

معلش هو اول يوم بيكون متعب شويه وبكره هتتعودي.. 

ريم بضيق

ششششش ما اسمعش صوتك لو سمحت عشان ما اقومش ارنك علقه معتبره... 

احمد ضحك وقال

هعديها وهسكت رفقاً بحالتك كملي نوم... 

_ وبعد شويه وصل تحت بيتها وكانت هي فعلا نايمه وحاضنه الشنطه بتاعتها وبصلها احمد بهدوء وبعدين بعد عينيه عنها وقال.. 

احمد

يا حجه انتي قومي خلاص ما تحسسنيش بالذنب.. 

ريم قامت وقالت

لا انت بتحس اووي يعني، مش هقول غير انك تلاقيه في عيالك يا شيخ... 

احمد بخبث

طيب بحيث كده بقي اكملها جبروت بالمره وبكره الساعه ٩ الصبح تكوني في المستشفى مفهوم.. 

ريم بغيظ 

ولو ما جيتش هتعمل ايه يعني؟... 

قرب منها احمد شويه وقال

هقدم العقد اللي معايا للشئون القانونيه وانسي انك تشتغلي تاني في حياتك كلها.. 

ريم بغيظ 

طيب ماشي يا احمد يا انا يا انت.. 

احمد 

دكتور احمد لو سمحتي.. 

_ مسكت علبة المناديل اللي علي تبلوه العربيه وحدفتها عليه ونزلت وقفلت الباب جامد وطلعت فوق، وهو فضل يضحك وبعدين اخد عربيته ورجع البيت... 

_ واول ما طلعت فوق لقيت ممدوح اخوها مجهزلها العشا وقال وهو مبتسم.. 

ممدوح 

عارف انك جايه من الشغل تعبانه وعملتلك العشا وغسلت المواعين وروقت الشقه وبس انتي اتعشي وخدي شاور وادخلي نامي.. 

حضنته وفضلت تعيط وقالت

ممتاز الدمنهوري اتبهدل علي اخر الزمن.. 

كتم ممدوح ضحكته وقال

معلش يا حبيبتي هتتهودي هو اول يوم بيكون كده.. 

بعدت عنه ريم وقالت 

بقولك ايه ما تتكلمش زي الحيوان صاحبك، ده مرمطني في المستشفي خلاني ارقص علي الشناكل  النهارده.. 

ممدوح 

الراجل عايزك تشوفي شغلك يا حبيبتي المهم تعالي بس اقعدي اتعشي انا عملتلك كبده ومكرونه اهو وجوه في موز باللبن عشان تبقي مبسوطه.. 

ريم ببكاء

انا هبقي مبسوطه لما ما اشوفش وش الملزق صاحبك ده والنبي...

ممدوح

بلاش دلع بقي واقعدي يلا اتعشي، انا هدخل اجيب مايه من جوه وجاي.. 

_ ودخل ممدوح المطبخ ورجع لقاها نايمه علي الكنبه في الصاله وماسكه سندوتش في ايدها واكله نصه..ابتسم ودخل اوضتها جابلها غطا وفرده عليها وقلعها الكوتشي بتاعها وبصلها بدموع وقال.. 

ممدوح

انا مش خايف منهم قد ما انا خايف عليكي يا ريم، عايزك بس ما تبقيش محتجالي في حاجه وتبقي معتمده علي نفسك .. 

_ وسابها ودخل اوضته، وفي بيت احمد كان قاعد بيتعشي هو ومامته وقالها علي اللي عملو في ريم وهي فضلت تضحك وقالت.. 

الهام 

بس برضو بالراحه شويه عليها البنت عامله زي الطفله اصلا مش وش بهدله.. 

احمد

انتي بتقولي فيها، بس دلع ممدوح ليها هو اللي عمل فيها كده.. 

الهام

هو ليه غيرها ولا هي ليها غيره يا ابني، المهم مش ناوي بقي تفكر في كلامي... 

احمد 

انا عايز افهم بجد. اشمعني ريم دي اللي عجباكي اووي يا ماما؟.. 

الهام 

كده بنت محترمه وطيبه وبصراحه لايقه عليك ولايقه تبقي مرات ابني.. 

احمد بجديه 

انا مش هتجوز واحده زي ريم ليه لاني بحب الهدوء والنظام وبحب البنت اللي بتحب الشغل والنشتط مش بتنام علي روحها، وريم بالنسبالي اخت ممدوح يعني اختي انا كمان تمام.. 

الهام بضيق

يعني ما فيش فايده يا احمد معاك؟.. 

احمد

ايوه يا ماما وارتاحي انا لما هلاقي البنت المناسبه هاجي وهقولك عايز اتجوزها.. 

الهام بضيق

انا طالعه انام تصبح علي خير....

_ وبعد شويه طلع احمد هو كمان اوضته، وتاني يوم الصبح قدام المستشفي وقف ممدوح بعربيته ونزلت ريم وهو نزل معاها وقالها.. 

ممدوح

هو لادرجه دي احمد مخوفك يا بنتي اهدي.. 

_ردت عليه ريم وهي بتاكل في السندوتش اللي في ايدها وقالت... 

ريم 

ما انا مش عايزه اقعد للساعه عشره تاني منه لله ربما ينتقم منه... 

وصلت ساره في الوقت ونزلت من عربيتها وقالت

ممدوح انت هنا عامل ايه؟.. 

ريم بصت في الساعه وقالت

يا نهار اسود الساعه تسعه ونص، الملزق هينفخني.. 

ودخلت بسرعه وساره قالت

بجد انا اتصدمت لما عرفت انها اختك... 

ممدوح 

ليه يعني هي بس مجنونه شويه انها طيبه والله.. 

ساره 

انا مش قصدي حاجه والله، بس يعني هي عكسك خالص، المهم انت جاي لاحمد.. 

ممدوح

لا انا جاي اوصل ريم وماشي علي طول.. 

ساره بتوتر

ممدوح انا كنت بكلمك من كام يوم انت ليه ما كنتش بترد عليا؟.. 

ممدوح بضيق 

ما كنتش فاضي يا ساره هو في حاجه؟.. 

ساره بدموع

لا ما فيش وانا اسفه علي الازعاج.. 

_ قالت كلامها وسابته ودخلت المستشفي، وهو بصلها بحزن وركب عربيته ومشي..وفي اوضة التدريب دخلت ريم وكان طارق بس اللي موجود.. 

ريم 

ايه ده هو اللي ما يتسمي مخليك انت كمان تيجي بدري.. 

طارق

لا انا بس باجي هنا بدري عشان اراجع كام حاجه عملي.. 

ريم 

ربع نشاطك ده والله كان الحال بقي غير الحال.. 

طارق 

الله واكبر يا حجه في ايه، بس هو انتي تقربي لدكتور احمد حاسس انه مهتم بيكي شويه... 

ريم 

لا مش قربي هو بس صاحب اخويا، المهم تفطر معايا انا جايبه سندوتشات جبنه وبيض.. 

ابتسم طارق وقال

تمام انا اصلا طالع من غير فطار ماما كانت نايمه.. 

_ وقبل ما تحط لقمه في بوقها دخلت الممرضه وقالت.. 

الممرضه

يا دكتوره ريم اتفضلي لو سمحتي الدكتور احمد عايزك ضروري.. 

ريم بضيق

حتي اللقمه مش عارفين نطفحها يلا بينا يا بنتي اما نشوف اخرتها مع الباشا... 

طارق

طيب انا هفطر بقي مش هستني.. 

ريم 

كل انت كمان هي جات عليك... 

_ وطلعت معاها وراحت عند  احمد اللي كان بيتفرج في اللابتوب بتاعه علي تسجيل الكاميرات بتاعت اوضة التدريبات وهو مدايق جدا..ودخلت ريم وقالت.. 

ريم 

نعم؟... 

احمد بجمود

متأخره ليه؟.. 

ريم 

علي فكره انا اهو جايه بدري ده لسه ما حدش جه من المتدربين غير طارق.. 

احمد وقف وقال

بس انا قولت تكوني هنا تسعه يبقي تيجي هنا الساعه تسعه وتيجي هنا عندي انا مش في اوضة التدريبات يا دكتوره.. 

ريم بحده 

انت بتزعقلي ليه واجي عندك اعمل ايه ان شاء الله، وبعدين ياريت تعاملني باسلوب كويس.. 

احمد

زي طارق مش كده؟.. 

ريم بحده 

ومالي انا بطارق وو.... ايه ده انت مالك ومال طارق وايه دخل طارق في الموضوع.. 

اتوتر احمد وقال

انا قصدي يعني ان اا انك هنا الناس عارفه انك من طرفي وتبعي وانا مش عايز يبقي ليكي احتكاك بحد تمام.. 

قربت منه ريم وقالت

هو عقد العمل مكتوب فيه اني ما اتعاملش مع طارق؟.. 

احمد بتوتر

اا لا بس انا ممكن اقول للمدوح علي فكره.. 

ريم بغيظ 

شوفت كتير وقليل في حياتي بس اول مره اشوف راجل بيغير علي راجل، انت بتغير علي طارق مني؟.. 

احمد اتصدم وقال

انتي بتقولي ايه يخربيتك، هو مين الغبي اللي ربط الحمار وسابك اصلا.. 

ريم بحده 

اقولك مين وما تزعلش، وبعدين انا قولت للمدوح اني اتعرفت علي زميل ليا اسمه طارق وعلي الدكتوره ساره انا مش بخبي حاجه علي اخويا، واقطم في الكلام معايا عشان انا مش طيقاك اصلا.. 

احمد 

اقطم بقي انا يتقالي كده طيب والله لانتي اا.. 

ريم حطت ايدها علي بوقه وقالت

انا غلطانه انا اسفه، بس بلاش عقاب والنبي انا زي اختك برضو، يلا بقي صباح الفل انا رايحه اوضة التدريب.. 

_ قالت كلامها وطلعت واحمد وقف متنح، وبعدين قعد علي مكتبه وقال بتوتر لنفسه.. 

احمد

في ايه يلا ما تظبط كده في ايه، دي اخت اخت ممدوح اهدي كده اهدي.. 

دخلت عنده رباب وقالت

انت بتكلم نفسك يا دكتور.. 

احمد 

هاا لا في ايه يا رباب عايزه ايه؟.. 

رباب

الدكتوره ساره بتعتذر عن التدريب النهارده وبتقولك ممكن تكون انت النهارده مكانها.. 

احمد 

طيب روحي بلغي المتدربين بكده وانا عشر دقتيق وهكون عندهم... 

_ وفعلا بعد شويه دخل احمد اوضة التدريب وكان بيشرح للطلاب وبيختبرهم وعينه مل شويه بتكون علي ريم من غير ما يقصد... 

_ وفي شغل ممدوح موبيله رن برقم غريب، رد بهدوء وقال.. 

ممدوح

ايوه مين معايا؟.. 

سعديه 

انا سعديه الشغاله يا ابني، ممدوح ابن رشاد ويسريه معايا... 

ممدوح بقلق

ااا ايوه انا في حاجه ولا ايه؟.. 

سعديه بدموع 

سيب المكان اللي انت فين في اقرب وقت يا ولدي انت واختك فتحي وكمال عرفو مكانك.. 

_ اتنفض ممدوح بخوف و؟؟؟.. 

_ تفتكرو بقي ايه اللي هيحصل؟.. 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

وفي شغل ممدوح موبيله رن برقم غريب، رد بهدوء وقال.. 

ممدوح

ايوه مين معايا؟.. 

سعديه 

انا سعديه الشغاله يا ابني، ممدوح ابن رشاد ويسريه معايا؟... 

ممدوح بقلق

ااا ايوه انا في حاجه ولا ايه؟.. 

سعديه بدموع 

سيب المكان اللي انت فيه في اقرب وقت يا ولدي انت واختك فتحي وكمال عرفو مكانك.. 

 اتنفض ممدوح بخوف وقال

انتي بتقولي ايه غرفو ازاي مكاني ومين اللي قالهم اصلا؟.. 

سعديه بدموع

مش عارفه يا ابني بس اتصرف واختفي انت واختك من مكان ما انتو موجودين.. 

اتملت عيون ممدوح دموع وقال

تمام شكراً يا خاله سعديه وياريت لو حاجه حصلت تاني قوليلي، بس هو انتي جيبتي رقمي منين؟.. 

سعديه بتوتر 

هاا لا ابداً يا ولدي بسأل واللي يسأل ما بتزهس وما تنساش وصية ابوك اختك يا ممدوح... 

_ قالت كلامها وقفلت وممدوح قعد مكانه ودموعه نزلت، ودخلت في الوقت ده المديره بتاعته وقالت.. 

كامليا

ممدوح. هات ورق المشروع وتعالي.. 

ممدوح بدموع

مش هينفع ورق المشروع هنا في المكتب، شوفي حد غيره يمسكه. 

كامليا بقلق

مالك يا ممدوح في ايه انت في حاجه حصلت معاك ولا ايه؟.. 

ممدوح بحزن

خلصت يا كامليا يا الحق امشي يا مش هحلق.. 

كامليا بقلق

عرفو مكانك مش كده؟.. 

ممدوح قام وقف وقال

انا لازم امشي اعتبريني مستقيل خلاص اصلا.. 

_ قال كلامه وسابها ومشي وهي فضلت تعيط، وفي الوقت ده كان واقف احمد جنب ريم وبيقولها.. 

احمد

يعني ايه خايفه بقولك يلا عشان تغيريله علي الجرح يلاااا.. 

ريم بتوتر

بص انا هفهمك انا نجحت بمجهودي النظري انما عملي بص علي حالتي كده صفر وتحت الصفر.. 

احمد

انا معاكي وهساعدك بس تسمعي الكلام يلاا.. 

ريم 

لا لا مش عايزه معلش.. 

احمد بغيظ

هو انا بعزم علي بكوباية شاي يا بت انتي، ما تخليش صوتي يعلي عليكي يلاا.. 

ريم ببكاء

انت بتزعقلي ليه انا ما بحبش حد يزعقلي.. 

قبل ما يرد عليها قرب منهم طارق وقال

بعد اذنك يا دكتور انا ممكن اساعدها يعني لان اختي كانت زيها كده وبعرف اتعامل مع خوفها.. 

ريم بحماس

ايوه ايوه انا هبقي مع طارق انت شوف باقي الدكاتره... 

اتنهد احمد بضيق وقال

تمام وعايز التقرير يا دكتوره.. 

_ ومشي احمد وفضل يتابع باقي الدكاتره، بس عينه غصب عنه بتكون عليها هي وخصوصا انها واقفه جنب طارق وبتتعامل معاه بهدوء، وادايق اكتر لما طارق مسك ايدها وهو بيشرحلها ازاي تتصرف، ومشي وراح مكتبه وكان متعصب جدا وقال لنفسه.. 

احمد 

وانا مالي انا شالله يولعو هما الاتنين.. 

دخلت رباب وقالت

يا دكتور انت بجد. فيك حاجه غريبه النهارده علي طول بتكلم في نفسك هو انت شارب حاجه؟.. 

احمد بعصبيه 

اطلعي بره ده لو عايزه ما يتخصملكيش يا رباب.. 

رباب بخوف

لا لا خلاص والله المهم البشمهندس ممدوح بره ادخله لحضرتك ولا ايه؟.. 

احمد بغيظ

يا بنت الناس هو انا مش قولتلك لما ممدوح يجي تخليه يدخل علي طول.. 

رباب بحده 

نسيت هو انا مخي دفتر وبعدين اللي يشتغل معاك ينسي نفسه يا مفتري.. 

احمد بغيظ 

لولا ان امك عيانه ومش هتتحمل تسمع انك اترفدتي كان زمانك في الشارع و.. 

رباب

من غير ما تكمل انا طالعه بكرامتي يا دكتور... 

_ طلعت رباب ودخل ممدوح وقال لاحمد بخوف باين عليه جداً.. 

ممدوح

عرفو مكاني يا احمد.. 

احمد اتصدم وقال

انت بتقول ايه، ازاي يعني عرفو مكانك ومين اللي قالهم وعرفو مكانك بعد عشرين سنه.. 

ممدوح بدموع

تارهم ولو عدت ١٠٠ سنه مش هينسوه يا احمد.. 

احمد بقلق

طيب اهدي وانت هتعمل ايه دلوقتي.. 

ممدوح بجمود

فكرت وقولت لازم اخد ريم ونسافر بره مصر، بس انا مش معايا باسبور ولا ريم كمان.. 

احمد

ما تشيلش هم حاجه انا يومين تلاته وهخلصلك كل الورق ده.. 

ممدوح بخوف

ما اضمنش اليومين دول هيحصل ايه، وبعدين انا حاسس انها خلاص يا احمد جه وقت نهاية التار ده.. 

زعق فيه احمد وقال

انت اتجننت ما تقولش كده، فكر يا ابني في اختك دي بتغرق في شبر مايه ومن غيرك هتضيع.. 

ممدوح بتوتر

مم ما هو عشان كده انت هتتجوزها يا احمد.... 

احمد بصدمه 

نعممم يا اخويا..؟؟؟... 

ـــــــ #بقلم_الكاتبه_رحاب_القاضي ـــــــ 

_ وفي الكافيتريا كانت ريم قاعده مع طارق اللي قالها.. 

طارق

شوفتي الموضوع ساهل بس بيني وبينك دكتور احمد مش الدكتور اللي هو يعني.. 

ريم 

ازاي يعني مش فاهمه؟.. 

طارق

يعني مش شاطر هو شاطر يطبق بنفسه انما يدربنا وكده بيعمل منظر وخلاص انما مش شاطر فيها، ومغرور جدا.. 

ريم بهدوء

اممم ربنا يهديه بس بجد. مش هنسالك وقفتك معايا.. 

طارق

عيب تقولي كده يا بنتي احنا زمايل وشكلنا كده هنكمل الزماله دي لوقت كبير ويوم ليك ويوم عليك.. 

ريم 

اممم شكلك مصلحنجي وهتقرفني بقي.. 

طارق ضحك وقال

ههههه هو انا كده فعلا بحب مصلحتي فوق اي حاجه بس انتي لا كفايه ان انا وانتي مالناش غير بعض هنا.. 

ريم 

انت بتقول فيها حصل، انا البنات اللي هنا كلهم بحسهم مش طايقني.. 

طارق

ده  عشان اهتمام دكتور احمد بيكي وهما بقي بينفسنو وكده.. 

ريم بسخريه

ما صدق اللي قال اللي ما يعرفش يقول عدس، وقولي بقي انت بتنفسن مني انا كمان زي ما هو بينفسن مني عشانك.. 

طارق بعدم فهم

نعممم؟!!.. 

ريم بانتباه 

لا لا لا ما تاخدش في بالك البريك خلص تعالي بقي نكمل شغلنا.. 

_ كانو قايمين وعدت ساره من قدامهم وطارق بصلها بأهتمام وريم قالت.. 

ريم

اااااه الدكتوره ساره مره واحده.. 

طارق بتوتر

ايه اللي انتي بتقوليه ده لو سمحتي يا ريم انا ما بحبش الطريقه دي.. 

ريم ضحكت وقالت

هههههههه خلاص خلاص والله ما اقصدش، بس انت كده هتكسر قلب احمد.. 

طارق بعدم فهم

نعمم ماله دكتور احمد هو معجب بيها ولا ايه..؟.. 

ريم بسخريه

لا وحياتك معجب بيك انت.. 

طارق

يا رخمه بطلي هزار يلا بدل ما اقعد انا النهارده للساعه عشره.. 

_في مكتب احمد كان ممدوح متعصب جدا وقاله.. 

ممدوح 

هو ده الصح يا احمد انا ما اغرفش هما هيعملو ايه ولو حصلي حاجه كمال مش هيسيب ريم انا متأكد من كده وهو واخوه شياطين.. 

احمد

يعم من غير جواز انا هقف في وش اللي يقربلك او يقربلها وما فيش حاجه هتحصل يا ممدوح.. 

ممدوح 

ما اضمنش هما اليومين اللي هخلص فيهم الورق وامشي هتكون مراتك ولما نسافر اول ما نوصل البلد اللي هنغور فيها طلقها.. 

احمد اتنهد وقال

طيب انت هتقولها حاجه ولا هتعمل ايه؟.. 

ممدوح

لا طبعا مش هقدر اقولها، هقولها مسافر شغل وواخدها معايا وهناك بقي اقولها كل حاجه ما اقدرش اشوفها خايفه بجد.. 

احمد بجمود

تمام يا ممدوح وانا معاك ومش هسيبك لحظه وما حدش هيقدر يعملك حاجه انت اخويا مش صاحبي.. 

ممدوح بدموع

عارف يا احمد وعشان كده هامنك دلوقتي علي اغلي حاجه في حياتي ان ما كانتش حياتي كلها.. 

_ وطلعو هما الاتنين مع بعض وشاف ممدوح ساره داخله المكتب بتاعها فقال لاحمد.. 

ممدوح

استني يا احمد هشوف ساره وجايلك.. 

احمد 

اوكي مستنيك.. 

_ مشي ممدوح وقربت ريم من احمد وقالت بسرعه.. 

ريم 

هو الواد ممدوح جاي هنا يعمل ايه، المهم انا لازم الحقه قبل ما يمشي عشان اقوله يجيب عيش... 

جات تمشي بس احمد مسكها من قفاها وقال

خدي هنا ايه قطر معدي، اخوكي مش فاضي بيكلم ساره في حاجه مهمه لما يطلع انا هقوله يجيب عيش روحي شوفي شغلك.. 

ريم ضيقت عينيها بشكل مضحك وقالت

هو ممدوح بيكراش علي البت ساره والله انا كنت حاسه، وساره بتكراش عليك انت وانت بتكراش علي طارق وطارق بيكراش علي ساره حقيقي غريب الحب مين فاهمه.. 

بصلها احمد بغيظ وقال

غوري شوفي شغلك والجزمه اللي في دماغك دي ما تشغليهاش تاني مفهوم.. 

ريم بدموع

هو انت كل ما تشوف وش اهلي تزعقلي، يا اخي روح منك لله اللهي لا تكسب ولا تربح يا بعيد اوعي كده من وشي.. 

مشيت ريم واحمد قال 

قال انا بكراش علي طارق قال ابو غباء اهلك... 

_ وفي المكتب بتاع ساره دخل ممدوح عندها وهي بصتله وقالت بضيق.. 

ساره 

نعم ازعجت حضرتك في ايه تاني جاي تلفت نظري عشانه؟... 

ممدوح بدموع

انا اسف انا عارف انك بتحبيني ومن زمان كمان.. 

اتوترت ساره وقالت 

انت ايه اللي بتقوله ده ااا انت يعني فاهم غلط وو. 

ممدوح وقف قصادها ومسك ايدها وقال

وانا والله العظيم بحبك وعمري ما حبيت ولا هحب غيرك، وكنت اتمني فعلا تكوني ليا.. 

ساره بدموع 

تتمني ليه بتقول كده؟.. 

دموعه نزلت ورد عليها وقال

عشان مش ضامن حياتي كنت كل ما اقرب منك خطوه واقول هقولها خلاص كل حاجه كنت برجع الف خطوه لورا عشان خايف اعلقك بيا وما اقدرش اكمل معاكي كنت خايف عليكي من حبي ده عشان هيوجعك.. 

بعدت عنه ساره وقالت

انا مش فاهمه انت ليه بتقول كده وايه اللي كان هيبعدك عني اصلا؟.. 

ممدوح بحزن 

انا همشي واحتمال كبير انا وانتي ما نتقابلش تاني بس قولتلك اللي جوايا عشان تعرفي انك زي ما حبتيني انا كنت بحبك اكتر.. 

دموعها نزلت علي وشها وقالت

مدام هتمشي يبقي ما كانش ليه لازمه اصلا تقول كده، اطلع بره يا ممدوح انا اللي مش عايزه اشوف وشك تاني.. 

_ بصلها ممدوح وابتسم وطلع وهو بيمسح دموعه ولقي احمد في وشه وقاله.. 

ممدوح 

يلا بينا بسرعه عشان نخلص من الموضوع ده.. 

احمد اتنهد وقال

طيب اختك بتقولك ابقي هات عيش وانت راجع.. 

ضحك ممدوح وقال

حاضر يلا بينا... 

_ ومشيو هما الاتنين، وطلعت ريم من ورا الحيطه وقالت بخبث.. 

ريم 

بقي انا يا ممدوح الكلب تخبي عني انك معجب بالبت الحرمبوءه دي بس انا هوريك.. 

_ قالت كلامها ودخلت عند ساره اللي كانت قاعده بتعيط وقالت.. 

ريم 

ايتا ايتا هو الواد ده كان بيضربك ولا ايه.. 

قامت ساره وحضنتها وقالت

قوليلي انه مش هيمشي، ممدوح مش هيمشي صح.. 

ريم بانزعاج 

اوعي طيب انا ما بحبش الاحضان من البنات انا، ومين بقي قالك انه ماشي.. 

ساره ببكاء

هو جه وقالي انه بيحبني بس قالي انه قال كده عشان احتمال ما اشفوش تاني وااا.. 

ريم بخوف

ممدوح قالك كده انتي متأكده؟.. 

ساره بقلق

ايوه والله هو الكلام ده بجد طيب هو رايح فين؟.. 

ريم طلعت موبيلها وقالت بدموع وخوف

ممدوح اكيد في حاجه هو مدام قالك كده يبقي اكيد عرفو مكانا.. 

ساره بعدم. فهم 

يا بنتي انتي بتقولي ايه، وايه الموضوع؟.. 

_ ما ردتش عليها ريم ونزلت بسرعه تحت وهي بتحاول تكلم ممدوح اللي مش بيرد عليها وفجأه خبطت في حد وقالت بدموع.. 

ريم 

انا اسفه ما اقصدش.. 

كمال بجمود 

ولا يهمك يا بت عمي... 

_اتنفضت ريم بخوف وبصتله ودموعها نزلت برعب  ، وقالت بصوت طلع منها بالعافيه... 

ريم 

كمال.. 

ابتسم بحقد وقالها

كويس ولسه فاكراني يا ريم ده افتكرتك نسيتي اخر مره شوفتك فيها كان عمرك ٦ سنين بس.. 

ريم بدأت تتنفض وقالت

انتو عايزين ايه سيبونا في حالنا بقي... 

_ كمال قرب منها جداً وطلع سلاحه من غير ما حد ياخد باله وقال بجمود وغضب.. 

كمال

لو ما طلعتيش العربيه معاية دلوقتي هقت*لك يا بت عمي... 

ريم ببكاء

ممدوح فين انتو عملتوله حاجه؟.. 

كمال بجمود 

لا يا حلوه لسه ما عملتش بس هعمل، يلا قدامي.. 

_ قال كلامه وخلاها طلعت بالعربيه غصب عنها وخلا السواق ياخدها ويمشي، وفي الوقت ده كان طارق طالع من المستشفي وشاف اللي حصل واخد عربيته ومشي وراهم... 

_ وبعد شويه رجع احمد ومعاه ممدوح المستشفي وقال ممدوح لاحمد.. 

ممدوح 

مش عارف اقولك ايه يا احمد، بس هو مجرد ورقه عشان لو في اليومين اللي هخلص فيهم الورق لو حصلت حاجه تقدر تمنعهم ياخدوها لاني ما اضمنش ممكن يعملو فيها ايه.. 

احمد

ما حدش هيعملك ولا هيعملها حاجه، هو انت فاكر ان ما فيش قانون ولا ايه؟.. 

ممدوح بسخريه

مش في الصعيد القانون ده، دول ناس ممكن يعملو اي حاحه مقابل انهم ياخدو بتارهم.. 

احمد بضيق

انت زنبك ايه اخ ق*تل اخوه زمان انت واختك زنبكم ايه في اللي حصل ده؟.. 

ممدوح بحزن 

نصيبي المهم يلا ننزل انا هاخد ريم معايا مالهاش نصيب تكمل عندك بقي.. 

احمد بسخريه 

دي بجد. احلي حاجه في الموضوع.. 

_ نزلو هما الاتنين وفي الوقت ده موبيل احمد رن برقم طارق، رد عليه احمد وقال.. 

احمد

ايوه طارق انا طالع المستشفي دلوقتي في حاجه ولا ايه؟.. 

طارق بقلق

في حد خط*ف ريم يا دكتور احمد وانا ماشي وراه اهو.. 

_ قبل ما يرد عليه احمد، لقي في عربيه سودا وقفت قصادهم واتفتح الشباك بسرعه وبص كمال لممدوح بحقد وطلع سلاحه هو واللي راكب في العربيه من قدام وفي اسرع من اللحظه ضربو نار علي ممدوح واحمد وحصل؟؟... 

_ تفتكرو بقي حصل ايه؟... 

_ نتقابل الحلقه الجايه.. 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

_ في المستشفي كان احمد قاعد قدام باب اوضة العمليات وعيونه مليانه دموع، بس نظراته جامده جدا، وقربت منه ساره وقالت بخوف.. 

ساره 

هو هيكون كويس مش كده؟.. 

احمد بجمود

روحي شوفي الشغل وما توقفيش حاجه يا ساره لو سمحتي عشان باباكي جاي كمان شويه.. 

ساره بدموع

مش همشي غير لما اطمن عليه، هو عشان كده كان خايف يقرب مني ليه انت ما قولتليش يا احمد طيب؟.. 

احمد اتنهد وقال

انا مش قادر اتكلم وابوكي هيجي يعمل مشكله معايا دلوقتي بسبب اللي حصل قدام المستشغي فارجوكي روحي ظبطي الدنيا تكون العمليه خلصت.. 

ساره 

حاضر بس انت دراعك متعور وبينزف، تعالي الاول اشوفه.. 

احمد بجمود

جرح سطحي ولما اطمن علي ممدوح هبقي اشوفه.. 

ساره وقفت وقالت

ماشي يا احمد، ان شاء الله هيقوم بالسلامه.. 

_ مشيت ساره واحمد كان قاعد مستنيه اي حد يخرج يطمنه علي صاحبه، اللي اتض*رب بالنار قدامه وما قدرش يدافع عنه ولا يحميه، وجات في الوقت ده كامليا مديرة ممدوح في الشغل وقالت.. 

كامليا بخوف 

حصله ايه وازاي ما هربش بسرعه ايه اللي خلاه يفضل الوقت ده كله.. 

احمد بجمود

لما يطلع الدكتور ويطمنا عليه ابقي قوليلو كلامك ده انتي كمان.. 

_ماردتش عليه كامليا وقدرت حالته، وقربت منه وقعدت جنبيه وقالت.. 

كامليا بقلق

هي اصابته صعبه اووي؟.. 

احمد بدموع

طلقتين في صدره ده لولا الامن كانو ناوين يخلصو خالص.. 

كامليا دموعها نزلت وقالت

الناس دي ايه ما عندهاش رحمه، طيب ريم فين حصلها حاجه ولا ايه هي كمان.. 

حط احمد راسه بين ايديه وقال

خدها ابن عمها عنده وتقريبا ما تعرفش حاجه.. 

كامليا بصدمه 

يا نهار اسود البنت لازم ترجع من عندهم في اسرع وقت .. 

احمد بجمود

مش هعمل اي حاجه غير لما اطمن علي ممدوح الاول... 

_ وبعد شويه طلع الدكتور وكان شكله مدايق جدا، وقرب منه احمد وكامليا بسرعه وقال احمد... 

احمد

خير يا دكتور ان شاء الله، هو كويس مش كده؟.. 

الدكتور

للاسف يا دكتور احمد الرصاصتين جايين في منطقه صعبه ناحية القلب وحالته ما تبشرش بالخير احنا عملنا اللي علينا والباقي بتاع ربنا.. 

احمد بحزن

طيب انا هشوفه وهفضل جنبيه مش همشي تمام... 

الدكتور

تمام بس ياريت حضرتك بس وعشان انت دكتور انت اكيد فاهم الدواعي الطبيه.. 

احمد 

اكيد.. كامليا انتي هنا ليه امشي.. 

كامليا بحده 

مالكش دعوه انا لازم اشوفه ومش هتحرك من هنا غير لما اطمن عليه،وانت اللي هتساعدني... 

احمد بضيق

انت هتتأمري كمان هو ده وقته.. 

كامليا بجديه

ادخل ظبط الدنيا وكل حاجه، وقدامك عشر دقايق وادخل اشوفه وبلاش تعند. معايا.. 

احمد بغيظ

لولا الوضع اللي احنا فيه كنت هعرف اتصرف معاكي.. 

كامليا 

عدي دقيقه يا دكتور احمد عزام، ياريت تنجز.. 

_ سابها احمد ودخل اوضة التعقيم عشان يشوف ممدوح، واول ما دخل لقاه نايم علي السرير الطبي والاجهزه الطبيه متوصله بقلبه، قعد احمد جنبيه علي الكرسي وقال بدموع... 

احمد

اوعي تروح بسرعه كده يا صاحبي انت قدها وهتقوم لو مش عشاني عشان اختك... 

دخلت الممرضه وقالت

هو لسه ما فاقش بس حالته خطر جدا واول ما جه كان بيقول اسم بنت  ، وبيقول قولو لاحمد ريم امانه معاك... 

احمد مسح دموعه وقال

محدش هيحمي ريم غيرك انت، والله هجيبلك حقك. منهم بس وانت معايا... 

الممرضه بقلق

لو سمحت يا دكتور احمد ابعد القلب بدأ يقف.. 

اتنفض احمد بخوف وقال

روحي اندهي الدكتور بسرعه انتي لسه واقفه.. 

_ طلعت الممرضه واحمد حاول ينقذ ممدوح بطريقه عمليه بس في لحظه واحده الجهاز وقف، نزلت دموع احمد ودخلت كامليا وقالت بصدمه.. 

كامليا بدموع

ايه اللي حصل ده، مستحيل ممدوح ما*ت؟.. 

ـــــــ #بقلم_الكاتبه_رحاب_القاضي ـــــــ 

_ في فيلا راقيه جدا كانت ريم قاعده هناك في اوضه مقفوله عليها وقلقانه جدا وقالت بصوت عالي.. 

ريم

لا مش ريم محمود اللي تتحبس كده يا غجر، افتحو ام الباب ده وانا هعرف اوريكم.. 

اتفتح الباب ودخل كمال وقال

عامله ليه دوشه يا بت عمي، وبعدين مين محمود ده اللي بتقولي اسمه ابوكي اسمه رشاد العدوي.. 

ريم بسخريه

اتبرينا منكم خلاص سيبونا في حالنا بقي.. 

كمال بصلها من فوق لتحت وقال

طالعه شبه يسيريه امك بالظبط، لا وكمان احلي معقول كل ده هيكون ليا انا.. 

ريم بجمود

بقولك ايه يا عسل اوعي تفتكر اني هخاف منك، اقسم بالله هتقرب مني او من اخويا هشرب من د*مك.. 

ضحك كمال وقال

ههههههه لا قويه يا بنت عمي، بس انا هقرب وقووووي كمان بس مش دلوقتي في البلد وانا بقول قدام الناس كلها انا رجعت بت عمي واخدت تار ابويا من اخوكي.. 

ريم بدموع

بص ما تبقاش حمار وافهم انا وممدوح بعدنا عنكم وسيبنا الدنيا كلها، ارجع بلدك دي وقولهم انهم قتل*ته بعد الشر عن اخويا يعني ونخلص الليله دي.. 

كمال بخبث

لو الموضوع ساهل كده كنت عملته من زمان، بس لازم الدليل والدليل ده انتي يوم ما ترجعي معايا وانا واخد بتاري واتجوزك قدام البلد كلها لسببين ابان شهم وسترت بنت عمي والسبب التاني ورث ابوكي اللي هيبقي بتاعي.. 

ريم قعدت علي السرير وقالت

الطموح حلو برضو يا ابن عمي، وادينا قعدين وربنا يدينا ويديك طولة العمر.. 

كمال بصلها باعجاب وقال

هنشوف يا دكتوره ريم.. 

_ قال كلامه وطلع وقفل الباب وريم قامت بسرعه وفضلت تخبط علي الباب وقالت.. 

ريم 

يا واد انت استني انت ياللي تنشك في بطنك انا جعااانه وعطشااانه يا بخيل هاتلي اي حاجه اكلها.. 

ـــــــ #بقلم_الكاتبه_رحاب_القاضي ـــــــ 

_ وفي المستشفي كان الكل بيعزي احمد في مو*ت ممدوح، وسابهم احمد ووقف عند الشباك وبص لموبيله اللي بيرن برقم مامته وما ردش عليها، وقربت منه كامليا وقالت بحزن.. 

كامليا

انا لازم امشي يا احمد وزي ما اتفقنا ريم لازم ترجع.. 

احمد بجمود

الموضوع مش ممدوح دلوقتي، الموضوع يخص مراتي وانا قد الامانه اللي سبهالي صاحبي.. 

كامليا

عارفه قولي هي مين البنت اللي اغمي عليها من شويه دي؟.. 

ما ردش علي سؤالها وقال

قبل ما تمشي روحي لامي وقوليلها اللي هقولك عليه ده... 

كامليا

طيب عالج ايدك الاول انت بتنذف.... 

احمد بجمود

مش وقته اسمعي بس اللي هقولك عليه؟؟... 

_ تفتكرو قالها ايه احمد؟.. وقدام الفيلا اللي قاعد فيها كمال كان طارق واقف بعربيته وكلم احمد وقال.. 

طارق

ايوه يا دكتور احمد انا بقالي ست سعات واقف مستني حضرتك.. 

احمد بجمود

هي خرجت ولا لسه جوه؟.. 

طارق 

لا جوه ما حدش طلع جه من شويه الراجل اللي كان بيهددها.. 

احمد

طيب انا جاي اهو علي طول قربت اوصل.. 

_ قفل احمد معاه وبعد شويه وصلت عربيات الشرطه ومعاهم احمد... 

طارق بقلق

هو انت جايب الشرطه ليه؟.. 

احمد

تعالي بس وهتعرف ليه.. 

_ دخلو بيت كمال اللي نزل وهو متعصب جدا وقال بعصبيه... 

كمال

ايه اللي انتو بتعملوه ده، ازاي تدخلو بيت سيادة النائب فتحي العدوي كده.. 

الظابط

احنا جايين عشانك انت، في بلاغ متقدم فيك انك خاطف مرات الدكتور احمد عزام... 

كمال بصدمه

نعمم انا ما اعرفش انتو بتتكلمو عن مين؟.. 

طارق

انا شوفته يا افندم وهو ورجالته جايبينها هنا.. 

كمال بحده 

انت بقي احمد عزام واتجوزتها امتي؟... 

قبل ما يرد طارق احمد قال

ما يخصكش وياريت تخليها تطلع والا ااا.. 

الظابط 

لو سمحت يا دكتور احمد سيبنا نشوف شغلنا، وانت يا استاذ كمال هتخليها تيجي ولا القوه هتفتش البيت ولو كانت موجوده هنا فعلا مش هيحصل كويس.. 

كمال بقلق

هي جات معايا برضاها، وبعدين هي بت عمي وبينا سوء تفاهم مش اكتر... 

احمد 

فين مراتي؟... 

كمال بحقد

انا هطلع اجيبهالك من فوق واجي... 

احمد بخبث

بما اننا اهل في بعض اسمحلي بقي اجي اجيب مراتي معاك.... 

_ طلع كمال فوق ومعاه احمد ووقف كمال قدام الاوضه وبص لاحمد وقال.. 

كمال

انت مش قد انك تخش معانا في لعبه زي دي، طلقها وخليك بعيد احسن.. 

احمد بنبره كلها غضب 

انت خدت تار ابوك من واحد مالوش اي ذنب وهتحرق قلب اخته عليه، بس اللي ما تعرفوش ان ممدوح كان اخو احمد عزام وتاره معايا انا... 

كمال بغيظ 

انت بتهددني تطلع مين انت عشان تقف قصادي؟.. 

احمد بهدوء

هرد عليك واقولك انا مين بس بالفعل مش بالكلام... 

_ خلص كلامه واخد المفتاح من ايده وفتح باب الاوضه واول ما شافته ريم ابتسمت وقالت.. 

ريم 

ايه الحلاوه دي، ما انت طلعت جامد اهو وجيت تنقذني زي الرويات.. 

احمد بجمود

تعالي يا ريم يلا هنمشي.. 

ريم بحده 

لا ههبط منك عايزه اكل الاول البخيل اللي جنبك ده من الصبح ما اخلنيش اكل ولا اشرب، وخليه يجيبلي الموبيل بتاعي خده مني ابن الحراميه ده انا حتي لسه ما دفعتش اخر قيط في تمنه... 

قرب منها احمد وقال

تعالي وهعملك كل اللي انتي عايزااه.. 

ريم بحده 

بقولك ايه انت تبطل تمسك ايدي وتقرب مني كده، اصل انا وقاعده مع نفسي دلوقتي لقيت انه غلط وعيب.. 

كمال بشك 

غلط وعيب؟؟... 

احمد بغيظ 

قووومي يا ريم اخلصي يلااا.. 

كمال

استني هنا، هو انت متجوزها من ميته؟... 

ريم بسخريه

الواد ده عبيط اتجوز مين ده سالب، ده بيحب طارق.. 

بصلها احمد بعصبيه وقال

اخرسي خالص يا ريم.. 

كمال وقف قصاده وقال

بنت عمي مش هتطلع من هنا غير لما اشوف القسيمه الاول واتأكد انها مراتك.. 

ريم بحده 

وانت مال امك انت، انا متجوزااه عرفي انت مالك اوعي كده.. 

كمال بحده 

اتحشمي يا بت انتي.. 

ريم بسخريه

اتحشم انت الاول يا قليل الادب، اوعي كده يا احمد يا جوزي خدني معاك ما تسيبنيش هنا... 

احمد. بصلها بقرف وقال لكمال

لو هي مش مراتي الشرطه كانت هتيجي معايا علي اساس ايه، وعموماً القسيمه مع الظابط تحت.. 

ريم بصدمه

احييييه ده بجد؟... 

احمد مسك ايدها وقال بحده

دلوقتي من حقي امسك ايدك بقي، يلا بينا... 

_ خدها احمد ونزلو تحت وكمال نزل وراهم وقال بخبث.. 

كمال

هتنوري البلد قريب يا بت عمي وما تنسيش كلامي معاكي، ونسيت اقولك البقاء لله كان طيب قوي ممدوح.... 

احمد بحده 

ما تقلقش هتحصله قريب... 

الظابط 

كده مراتك معاك يا دكتور احمد، لو عايزه تقول انه كان خاطفها ويتفبض عليه اا.. 

احمد بسرعه قال

لا لا لا مالوش لزوم احنا اهل في بعضينا انا بس كنت مقلق الاول.. 

الظابط 

تمام والف حمد لله علي السلامه المدام.. 

_ ومشي الظابط واحمد اخد ريم وطلع ومعاهم طارق، بس ريم سحبت ايدها منه وقالت.. 

ريم بدموع

هو ايه الكلام اللي قاله ده جوه، وفين ممدوح ازاي ما جاش معاكم.. 

احمد بدموع 

تعالي بس نمشي من هنا وانا هفهمك كل حاجه.. 

ذقته ريم وقالت بحده

انا مش همشي من هنا غير لما اخويا يجي ياخدني، قولي ان كمال كداب وان ممدوح ما جاش عشان خايف منهم قولي انه عايش.. 

احمد قرب منها وقال

اهدي ما ينفعش اللي بتعمليه ده، هو راح عند اللي احسن مني ومنك ومحتاج اخته تبقي جامده وقويه عشان يبقي مرتاح في قبره.. 

نزلت دموعها وقالت 

لا لا اخويا لا اخويا مش هيسيبني انا ماليش غيره، يا ممدوح انتو اكيد بتهزورو وهو هيطلع دلوقتي ويقولي ان ده مقلب... 

حضنها احمد وقال

انا معاكي ومش هسيبك ابدا والله.. 

طارق بدموع 

وانا كمان والله يا ريم مس هسيبك ابدا.. 

_بصله احمد بضيق وفجأه لقي ريم اترخت بين ايده وفقدت وعيها وحصل؟...... 

_ تفتكرو بعد ممدوح ما مات واحمد اتجوز ريم ايه اللي هيحصل، يعتبر لسه الروايه هتبدأ يا جماعه انتظروووونييييي

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

_ في المستشفي في اوضه طبيه كان احمد قاعد علي الكرسي جنب السرير اللي نايمه عليه ريم وباصص ليها بحزن، وبعد خد باله ان الباب اتفتح وكان طارق، فشاورله من بعيد وطلع احمد بسرعه وقاله.. 

احمد بضيق

في حاجه يا طارق؟.. 

طارق بقلق

انا عايز اطمن عليها، هي كويسه؟.. 

احمد

واخده مهدأ ونايمه ولما هتفوق انا هاخدها معايا، وانت شكرا اووي لحد كده كتر خيرك.. 

طارق بجديه

لو سمحت يا دكتور احمد انا ما اعرفش انت اتجوزتها امتي وازاي بس ريم صديقتي وبتفكرني باختي الله يرحمها وعشان كده انا ديما هكون جنبها وو.. 

احمد بحده

طاارق الموضوع كبير وعلي ما اظن انت واهلك ناس في حالهم اووي فاطلع بره الموضوع تمام.. 

طارق بجمود

تفوق ريم واطمن عليها والباقي يتحل، انا همشي دلوقتي وتحت امرك في اي حاجه يا دكتور احمد.. 

_ مشي طارق واحمد كان داخل عند ريم تاني بس وقف لما لقي رباب جايه عليه وبتقوله.. 

رباب

دكتور احمد في مصيبه بتحصل.. 

احمد بقلق

في ايه يا رباب وجايه تجري كده في المستشفي انتي مجنونه... 

رباب وهي بتامد نفسها بالعافيه

عزيز بيه جه ودخل مكتبك وقالي لما الدكتور بتاعك يجي ابعتيه ليا.. 

احمد اتنهد بضيق وقال

طيب ادخلي اقعدي عند ريم وانا هروح اشوف الموضوع ده.. 

رباب

من عينيا انا فديك الساعه اما اقعد  جنب مرات اخويا.. 

احمد بحده

جاتك خوت في دماغك غوري يا رباب.. 

_ ودخلت رباب عند ريم وهو مشي ودخل مكتبه لقي راجل كبير في السن واقف وماسك اورق وبيقلب فيها.. 

احمد بجمود

انت مين ادالك الحق انك تدخل هنا؟.. 

عزيز بصله بحده وقال

المستشفي بتاعتي وانا حر ادخل في المكان اللي يعجبني... 

قرب منه احمد واخد منه الاوراق وقال

لا معلش بس ده مش من حقك ولا نسيت العقد اللي بينا.. 

عزيز بحده

لا واضح. انك انت اللي نسيت ان لولايا انا يا احمد يا عزام كان زمان المستشفي دي مقفوله.. 

احمد

كتر الف خيرك ما انت شريك فيها اهوو، بس الاتفاق كان ان ساره هي اللي تبقي ماسكه معايا الاداره مش انت.. 

عزيز بحده

واللي حصل ده النهارده اسميه ايه، يتضرب نار قدام المستشفي ليييه ان شاء الله فاكرها ساحة حرب.. 

احمد بجمود

انا اخو مراتي الله يرحمه ومراتي حالتها صعبه ومش قادر اتكلم في الموضوع ده دلوقتي بس هحل كل حاجه لان المستشفي دي تهمني اكتر منك.. 

عزيز

ماشي يا احمد بس انا كلامي مش معاك انا كلامي مع والدتك اللي هي اختي، وقولي صح انت اتجوزت امتي ومين دي اللي اتجوزتها دي ودخلتك في المشاكل دي كلها.. 

احمد بجمود

قريب اووي هتعرف كل حاجه يا عزيز بيه.. 

_ طلع عزيز واحمد وقف عند الشباك وطبع موبيله وكلم مامته اللي قالت بسرعه.. 

الهام 

بقي كده يا احمد ده انا ميته رعب عليك، قولي ريم كويسه؟.. 

احمد بضيق

ابدا حالتها وحشه اووي، المهم انتي كامليا فهمتك كل حاجه مش كده؟.. 

الهام 

ايوه يا حبيبي وانا مجهزه كل حاجه هنا بس انتو هتيجو امتي؟.. 

احمد

تفوق بس ريم وهجيبها وجاي يا ماما.. 

الهام 

تيجي بالسلامه يا حبيبي وخلي بالك منها البنت مالهاش غيرنا دلوقتي، وخلي بالك من نفسك.. 

احمد اتنهد وقال

حاضر يا ست الكل.. 

_ قفل معاها وراح قعد علي مكتبه وطلع صوره هو وممدوح اللي علي موبيله ودموعه نزلت وقال.. 

احمد

هتوحشني اووي يا صاحبي، هتوحشني يا اخويا الوحيد بس والله ما هسيب حقك ابدا.. 

دخلت في الوقت ده رباب وقالت

دكتور احمد اا،،، ايه ده انت بتكلم نفسك برضو لا ده انت حالتك صعبه اووي.. 

مسح احمد دموعه وقال

انتي يا بنت انتي مش قولتلك تخليكي جنب ريم.. 

رباب بضيق

ما هي فاقت وطردتني من عندها وانا جيت اقولك، بس بتعيط اووي وحالتها توجع القلب.. 

احمد قام بسرعه وقال

طيب يا رباب بكره تكوني هنا من الصبح بدري وعايز اشوف اللي ورانا كله واللي اتأطل النهارده... 

رباب

لييييه مش المفروض انك عريس جديد وهتديني اجازه زي ما انت هتاخد اجازه.. 

احمد بحده 

انتي مال امك يا رباب؟.. 

رباب 

ايه ده يا دكتور احمد اخلاقك مش كده.. 

احمد بحده 

ده انتي تخلي الواحد يكفر يا شيخه انتي والجزمه اللي هناك دي، وكلامي يتنفذ يا رباب والا.. 

رباب

طيب طيب اووف.. 

_ سابها احمد وطلع راح لريم وكانت قاعده علي السرير وبتعيط، قرب منها وقال.. 

احمد

ممكن تهدي شويه ما ينفعش كده يا ريم.. 

ريم بدموع

انا عايزه اشوفه عشان خاطري.. 

احمد بحزن

ما هو اتد*فن من شويه للاسف، هاخدك. تزوري قبره.. 

ريم ببكاء

انا بقيت لوحدي خلاص ماليش حد غيره هو كان ابويا واخويا وصاحبي وكل حاجه، عمري ما حسيت اني يتيمه غيره دلوقتي.. 

احمد مسك ايدها وقال

انا معاكي يا ريم ومش هسيبك خالص والله.. 

سحبت ايدها منه وقالت

يعني انت كنت من باقي اهلي يعني اسكت خالص لو سمحت... 

احمد بضيق

اللهم طولك يا روح، ممكن طيب تقومي عشان نروح.. 

ريم بقلق

هنروح فين انت هتوديني ليهم مش كده؟؟.. 

احمد بجديه 

ممدوح كان حاسس بكل ده انه هيحصل وفعلاً  قالي انه عايز حل يطمن عليكي بيه لو حصله حاجه وانا عرضت عليه اني اتجوزك وهو وافق.. 

ريم بدموع

انت عبيط تتجوز واحده مش بتحبها عشان اخوها صاحبك، لو سمحت طلقني.. 

احمد بحده

يارب صبرني قومي يا ريم لو سمحتي اجهزي كده عشان هتيجي معايا البيت وانسي حوار الطلاق ده دلوقتي خالص لحد ما احل مشاكلك زي ما اخوكي وصاني وبعدين من عينيا الاتنين هطلقك.. 

ريم بضيق 

انا عايزه اقعد هنا مش طايقه اروح اي مكان.. 

احمد بجمود

معلش يا ريم تعالي اقعدي في البيت وما تخرجيش خالص براحتك... 

ريم 

طيب اطلع بره عايزه الف حجابي كويس.. 

احمد بهدوء

حاضر يا ريم... 

_ طلع احمد ووقف مستنيها بره وطلعت بعد شويه ريم وقالتله.. 

ريم 

هي امك تعرف اللي حصل؟.. 

احمد 

ايوه ما تقلقيش من حاجه يا ريم يلا بينا.. 

_ واخدها وراحو بيته واول ما دخلو قربت منها الهام وحضنتها وقالت.. 

الهام بحزن

البقاء لله يا حبيبتي، اوعي تشيلي هم اي حاجه احنا معاكي واهلك ومش هنسيبك.. 

ريم مسحت دموعها وقالت

شكرا يا طنط، انا بس عايزه انام ممكن.. 

الهام 

طبعا طبعا انا جهزت اوضة احمد بحيث انها تنسابكم انتو الاتنين.. 

_بصو احمد وريم لبعض بصدمه من كلام الهام، وريم قالت بحده.. 

ريم 

ايه ده بقي ان شاء الله؟.. 

احمد 

مش عارف بصراحه.. 

الهام

ايه اللي حصل يا اولاد في ايه؟.. 

احمد 

يا ميراا... 

جات الشغاله وقالت

تحت امرك يا احمد بيه... 

احمد

روقي الاوضه اللي جنب اوضة ماما بسرعه وادي خبر لريم هانم عشان ترتاح.. 

الهام 

نعمم ازاي يعني هو مش انتو اتجوزتو.. 

ريم 

بقولك ايه فهم امك عشان انا خولقي دايق لوحدي ومش قادره اتكلم.. 

احمد

تعالي معايا يا ماما لو سمحتي انا هفهمك كل حاجه... 

_ واخد احمد مامته ودخل اوضتها وهي كانت مش فاهمه حاجه بجد واحمد قال.. 

احمد

ماما هي كامليا قالتلك ايه؟.. 

الهام 

قالتلي ان بعد اللي حصل لممدوح الله يرحمه انت وريم قرىتو تتجوزو بسرعه وانكم بتحبو بعض، بقي كده وتخبي عني.. 

احمد بغيظ 

منك لله يا كامليا ربنا ينتقم منك، يا ماما الموضوع مش كده كل الحكايه ان ممدوح قبل اللي يحصل ده خلاني اتجوز ريم لانه خايف عليها من ولاد عمها.. 

الهام بخبث

طيب المهم انك اتجوزتها، وبعدين خالك عزيز عرف كل حاجه وبيقولك ارجع اشتغل معاه في الشركه وو.. 

احمد بجمود

ماما انا دكتور احمد عزام ومش محتاج مسااعدة حد عشان احمي مراتي.. 

 الهام ضحكت وقالت

الله كلمة مراتي دي طالعه منك زي العسل.. 

احمد بنفاذ صبر

تصبحي علي خير يا ماما انا هحلق انام ساعتين عشان عندي شغل الصبح.. 

الهام بهدوء

قبل ما تنام تعالي في حضن امك وعيط بلاش الكتمان ده عشان ما تتعبش.. 

_ وكأنه كان مستني كلامها ده وحضنها وقال بدموع وحزن.. 

احمد

مش متخيل انه خلاص يا ماما ممدوح كان اخويا مش صاحبي وبس.. 

الهام بدموع 

ربنا يرحمه يا حبيبي نصيبه وعمره كده، المهم تخلي بالك من الامانه اللي سبهالك وتراعي ربنا فيها.. 

ـــــــ #بقلم_الكاتبه_رحاب_القاضي ـــــــ 

_ وفي بيت كمال وصل هناك اخوه الكبير فتحي، اللي كان مبسوط اووي وفضل يضحك وقال.. 

فتحي

هههههههه واخيراً خدنا بتارنا يا كمال، اخيرا ابوك هينام في تربته مرتاح.. 

كمال بهدوء

عمك ما ظهرش برضو، لسه الكل فاكر انه ما*ت في حادثه ما حدش يعرف انه هربان لحد. النهارده.. 

فتحي بجمود

هشششش عمك هيظهر وهيحصل ولده قريب، لما يلاقي بنته معانا وتحت رحمتنا.. 

كمال بخبث 

بنته اااه لو شوفت بنت عمك شبه حبيبة القلب واحلي كمان.. 

فتحي بحده 

كمال قفل علي الموضوع ده، وبعدين لو عجباك قوي فكر كيف نطلقها من جوزها اللي طلعلنا في البخت ده واتجوزها ونخلصو عاد من الليله دي.. 

كمال بحقد

هيحصل ريم لازم تيجي اهنا وتبقي تحت رحمتنا.. 

ـــــــ #بقلم_الكاتبه_رحاب_القاضي ـــــــ 

_ وتاني يوم الصبح راح احمد عند اوضة ريم وخبط علي الباب اكتر من مره بس ما ردتش، قلق عليها جدا ودخل الاوضه لاقها نايمه وهي حاضنه المخده ولابسه حجابها زي ما هي وفاتحه بوقها بشكل مضحك.. 

احمد بسخريه

اومال فين اني ادخل الاقيها شبه الملايكه وهي نايمه والجو ده.. 

_وبعدين اخد باله انها قالعه الكوتشي وفرده علي الارض والتانيه علي السرير، فشالها من علي السرير وقال بهدوء.. 

احمد

ريييم يا رييييم يا حجه انتي قوومي.. 

ريم وهي نايمه 

بكره بكره.. 

احمد 

بكره ايه قومي يا ريييم انا احمد.. 

قامت ريم بسرعه وقالت

انت بتعمل ايه هنا؟.. 

احمد بهدوء

امسكي الهدوم دي البسيها بتاعت ماما لحد ما اجيبلك هدومك من بيتكم.. 

ريم بضيق

لا لا لما تجيب الهدوم بتاعتي هبقي اخد شاور وااغير وكل حاجه.. 

احمد

لو سمحتي الزعل مالوش علاقه بالعفن خالص، اتفضلي قومي خدي شاور يلا... 

ريم بحده 

اطلع بره.. 

احمد

تصدقي انا غلطان خليكي كده.. 

ريم بحده

خلصت اطلع بره يلااا.. 

احمد بغيظ 

اييه بره بره علي فكره ده بيتي.. 

ريم ببكاء

والله العظيم لو فضلت تقولي كده والله همشي واروح بيتي بس.. 

احمد اتنهد وقال

انا رايح المستشفي ما فيش خروج من البيت يا ريم اليومين دول لاي سبب تمام.. 

ريم بضيق

هروح امتي لممدوح؟.. 

بصلها بقلق وهي قالت بدموع

انت قولتلي امبارح هتخليني ازور قبر ممدوح امتي بقي؟... 

احمد اتنهد وقال

طيب يا ريم اظبط الوضع واخدك اوديكي ليه... 

ريم بدموع

امتي يعني وكمان انا هرجع بيتنا امتي.. 

احمد

ده بيتك دلوقتى، ولما تبقي دموعك دي تختفي هاخدك واوديكي قبر اخوكي انما دلوقتي مش هقدر اوجعك اكتر باني اوديكي هناك.. 

ريم بضيق

روح شوف شغلك وعلي اكره انة ما حدش هيمشي كلامه عليا... 

احمد قام وقال

لا انة همشيه عليكي، وياريت تستحمي بجد ريحتك وحشه اووي... 

قال كلامه وطلع وريم شمت نفسها وقالت

يا كداب طيب ده انا فله.. 

واتنهدت وقالت بدموع 

اختك قويه يا ممدوح وكسرتي في موتك هتقويني وهبقي زر ما انت كنت عايزني.. 

ـــــــ #بقلم_الكاتبه_رحاب_القاضي ـــــــ 

_ وفي المستشفي اول ما وصل احمد كان طارق مستنيه في مكتبه وقاله.. 

طارق 

ريم عامله ايه يا دكتور احمد.؟.. 

احمد بضيق

كويسه يا طارق، في حاجه ولا ايه شايفك قاعد هنا مستنيني؟.. 

طارق

كنت هستاذن حضرتك اني اروح اطمن عليها.. 

احمد بجمود

هي مش قادره اشوف حد دلوقتي يا طارق... 

طارق بهدوء

بس انا مش حد وواثق انها هتقبل تشوفني بعد اذنك يعني.. 

_طلع طارق واحمد بصله بغيظ وبعدين موبيله رن وكانت كامليا رد عليها احمد وقال.... 

احمد

اهلا بالست هانم. ايه اللي انتي قولتيه لماما ده؟.. 

كامليا 

بهزر معاك يا دكتور احمد، المهم ممدوح حالته نسبياً مستقره احنا وصلنا من ساعه هنا المانيا وانا روحت لبابي وظبطت كل حاجه هنا.. 

اتنهد احمد بهدوء وقال

الحمد لله خلي بالك يا كامليا ان اي حد هنا يعرف حاجه عن اللي حصل، انا طلعتله شهادة وفاة من المستشفي وريم صدقت.. 

كامليا

انا صعبانه عليا ريم بجد، احمد اوعي تزعلها ولو تقدر تقولها الحقيقه قولها... 

احمد

مش دلوقتي لما ممدوح يخف انا مش هديها امل وممدوح حالته لسه خطر، لما يبقي يخف هجيبهاله لحد عنده... 

_ كان احمد بيتكلم وطارق واقف ورا الباب وسمع كل حاجه اتقالت ودخل عند احمد من غير ما يخبط وقال.. 

طارق

انا عايز اشوف ريم دلوقتي حالاً... 

_ تفتكرو بقي ايه اللي هيحصل؟... 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

طارق

انا عايز اقابل ريم ودلوقتي حالاً... 

قفل احمد الموبيل وقال بحده

انت اتجننت بتجسس عليا يلااا... 

طارق 

اهدي يا دكتور احمد وانا فعلا من غير ما اقصد سمعت، انا بس نسيت الموبيل وجيت اخده وسمعتك وانت بتتكلم.. 

اتنهد احمد بضيق وقال

اممم نعم عايز ايه بقي حضرتك، وايااك تفكر تهددني او تلوي دراعي انت فاهم.. 

طارق بهدوء

انا مش هعمل كده بس انا مش عارف انت ليه رافض تخليني اشوف ريم... 

احمد بحده 

كده يا عمم انا حر.. 

طارق بضيق

بس انا عايز اشوفها وبقولك بكل هدوء اهو سيبني اشوف ريم لانها محتجاني جنبيها اكتر منك.. 

احمد بجمود

محتجالك جنبيها بصفتك ايه؟.. 

طارق 

حاجه بيني وبينها، واظن دلوقتي انا فهمت كل حاجه وما فيش داعي تقولي مراتي والجو ده.. 

احمد 

ولو قولتلك لا مش هتشوفها.. 

طارق 

يبقي هشوفها بطريقه تانيه مش هتعجب حضرتك، انا عايز اساعدها زيك لو انت بتعمل كده عشان هي اخت صاحبك فانا عايز اساعدها عشانها هي.. 

احمد اتنهد بنفاذ صبر وقال

اللي سمعته ما يتقالش قدامها.. 

طارق

اللي بتعمله ده في مصلحتها وانا وجودي جنبيها بس عشان اهو عليها مش اكتر.. 

احمد 

طيب شوف شغلك واحنا ومروحين ابقي اخدك معايا.. 

ابتسم طارق وقال

تمام يا دكتور احمد بجد شكراً جداً... 

_ طلع طارق واحمد قعد علي مكتبه وهو مدايق جدا وقال لنفسه بعصبيه.. 

احمد

والله عال الهانم علي علاقه بيه، بس هي مراتي  وما ينفعش ده يحصل... 

ـــــــ #بقلم_الكاتبه_رحاب_القاضي ـــــــ 

_ وفي المانيا في المستشفى اللي فيها ممدوح كانت كامليا واقفه قدام الشباك القزاز بتاع الاوضه اللي فيها ممدوح وبصاله بدموع وخوف فعلا باين في عينيها، وجه فجأه واحد ومسكها من ايدها جامد وقال.. 

هشام بحده 

مين ده يا هانم، انطقي مين ده؟.. 

كامليا

خضيتني يا هشام في ايه، ده ممدوح... 

هشام

يا سلام عرفت انا كده مين ده، كامليا مين ده اللي يخليكي تسيبي شغلك في مصر وحياتك هناك وتجبيه وتيجي جري علي هنا؟.. 

كامليا 

انا قولت لبابا هو مين يا هشام وهو اللي ساعدني في اللي بعمله ده، وو وده يبقي صديقي المقرب في مصر وكده.. 

هشام بعصبيه

بقي انتي قاعده في مصر تصاحبي يا روح امك.. 

كامليا 

لا طبعا كنت قاعده عشان شغلي بس ممدوح اكتر حد بيساعدني وحد كويس اووي.. 

هشام بضيق

بقي انا اختي تيجي مع راجل متنيل لحد هنا، ليييه شيفاني بقرون.. 

كامليا

الراجل تعبان بص يفوق ويخف وانا هعملك كل اللي انت عايزه.. 

هشام

اما نشوف المهم هو ماله حصله ايه اصلا ده؟.. 

كامليا بحزن

راح ضحية تار قديم بين باباه وعمه.. 

هشام 

الله يخربيتك جيبالنا واحد عليه تار.. 

كامليا

فين الجدعنه بتاعت ولاد البلد يعني الواد مالوش غيرنا دلوقتي ولازم نقف جنبيه.. 

هشام بضيق

ماشي يا كامليا يخف ونشوف هنعمل ايه، هرجع انا الشركه ولو احتاجتي حاجه كلميني.. 

كامليا

حاضر يا حبيبي ربنا يخليك  ليا... 

_ مشي هشام وبصت كامليا لممدوح وقالت بدموع وحزن.. 

كامليا 

قوم بقي تعبتني معاك... 

ـــــــ #بقلم_الكاتبه_رحاب_القاضي ـــــــ

_ وفي بيت عزيز خال احمد دخل اوضة ساره بنته وقالها بحده.. 

عزيز

وبعدين معاكي يا ساره هتفضلي قاعده كده كتير.. 

ساره بدموع

نعم يا بابا عايز مني ايه؟.. 

عزيز

لاخر مره اسألك انتي تعرفي الواد اللي مات امبارح ده؟.. 

ساره بحزن

لا معرفتي بيه سطحيه مش اكتر، بس كل الحكايه ان الموقف مؤثر جدا.. 

عزيز 

يبقي تقومي تجهزي وتروحي المستشفي تشوفي شغلك.. 

ساره بحزن

حاضر يا بابا بكره ان شاء الله هروح ارجوك بس سيبني لوحدي دلوقتي.. 

عزيز

طيب يا ساره بس بكره لو ما نزلتيش الشغل هتشوفي مني تصرف مش هيعجبك.. 

ساره بدموع

حاضر.. 

_ طلع عزيز ولقي الهام في وشه وقالتله بحده.. 

الهام 

ارحم البنت شويه مش كده؟.. 

عزيز 

انتي ايه اللي جابك ما كنتي خليكي جنب ابنك العريس.  

الهام

طلع مناخيرك دي من حياة ابني يا عزيز... 

عزيز

نفسي يعقل ويجي يمسك شركة الادويه بتاعتنا معايا، بدل ما يجي الغريب يمسكها.. 

الهام 

ابني يعمل اللي يريحه يا عزيز كفايه انه من اشطر الدكاتره في مصر كلها والوطن العربي.. 

عزيز

براحتكم ده انتو عيله كلها تجيب الهم... 

_ سابها ونزل ودخلت الهام عند ساره اللي مانت بتعيط وقالتلها.. 

الهام

يعني الواد احمد عنده حق لما قالي انك مكتيبه هنا... 

ساره مسحت دموعها

لا يا طنط انا كويسه اهوو.. 

الهام بهدوء

طيب قومي وتعابي هننزل النادي، كنت عايزه اخد معانا ريم بس حالتها صعبه شويه.. 

ساره 

بجد يا طنط ماليش مزاج اخرج خالص.. 

الهام بحدن

هو انا باخد رئيك قومي يلا.. 

ـــــــ #بقلم_الكاتبه_رحاب_القاضي ـــــــ 

_ وبالليل في بيت احمد دخل البيت وقابلته الشغاله اللي قالتله.. 

ميرا

حمد لله علي سلامة حضرتك يا دكتور احمد.. 

_احمد حط الشنطه اللي في ايده علي الارض وقال بهدوء.. 

احمد

الله يسلمك يا ميرا هي ماما برا ولا ايه؟.. 

ميرا

ايوه راحت النادي وقالتلي اقول لحضرتك انها هتتاخر.. 

احمد بقلق

ريم راحت معاها؟.. 

ميرا

لا لا ريم هانم في اوضتها ما خرجتش منها اليوم كله.. 

_ اتنهد احمد بضيق واخد الشنطه اللي في ايده وطلع فوق ودخل الاوضه بتاعتها من غير ما يخبط وكانت ريم بتصلي، فراح قعد علي السرير وهي بعد شويه خلصت وقالت.. 

ريم بحده 

هو انت ما عندكش ذووق، مش في باب تخبط عليه ولا اتعميت ومش شايفه.... 

_قرب منها احمد وقعد قصادها علي الارض وبصلها بهدوء وقال... 

احمد

انا ادخل المكان اللي انا عايزه هنا براحتي.. 

ريم قامت وقالت بحده 

تمام اووي انا اروح اقعد في بيتي بكرامتي واااه.. 

_ جات تقوم بس اتكعبلت في الاسدال بتاع الصلاه بتاع مامته ووقعت قدامه.. 

احمد غصب عنه ضحك وقال

هههههههههه اقعدي يا اختي اقعدي.. 

ريم ببكاء

ده بدل ما تلحقني وانا بقع بتضحك، وبعدين امك طويله اووي.. 

احمد بهدوء

قومي طيب قومي، جيبتلك هدومك كلها اهو من بيتكم.. 

ريم بشك 

ولا انت معاك مفتاح بيتنا منين يااه؟.. 

احمد 

كان موجود في الحاجات بتاعت ممدوح اللي انا استلمتها.. 

اتملت عيونها دموع واحمد قال بسرعه

بس ايه الالوان الغريبه اللي انتي بتلبسيها دي اصفر واحمر ووردي وفوشيا... 

برقت ريم وقالت بكسوف

انت ازاي تشوف حاجاتي الشخصيه دي يا قليل الادب.... 

احمد كتم ضحكته وقال

والله كنت هبعت السواق يجيبهم بس قولت عيب حاجات مراتي الشخصيه ما حدش يشوفها غيري.. 

_ خلص كلامه وغمزلها بخبث، وهي من غير تفكير ضربته بالقلم وهو اتتعصب جداً وقال.. 

احمد بغضب

انتي قد. الحركه دي.. 

ريم بخوف 

و وو والله انت اللي قليل الادب الاول... 

_ جات تجري بسرعه من قدامه بس اتكعبلت تاني في الاسدال ووقعت علي الارض، واحمد ضحك اووي وقالها.. 

احمد

هههههه اهو ربنا جابلي حقي من غير ما اعمل حاجه اهو.... 

ريم قامت وهي ماسكه رجلها بألم

اااه يخربيتك يا شيخ انت واسدال امك... 

احمد قرب منها وقال

ايدك لو اترفعت عليا تاني ما تعرفيش انا هعمل فيكي ايه.. 

ريم بتوتر

قول لنفسك الاول تبطل قلة ادب وقلة ذووق ماشي يا شبح.. 

احمد بخبث

براحتي مراتي وقاعده في بيتي وانا حر.. 

ريم بحده 

ده. عند. امك يا عينيا مش عندي، واتفضل اطلع بره يلا. الا والله العظيم هروح بيتي دلوقتي.. 

احمد بجمود

اممم لا هو ده بيتك خلاص يا ريم وطلاق مش هطلق والكلام ده تقوليه للبيه اللي جايلك كمان شويه.. 

ريم بعدم فهم 

انت بتتكلم عن مين مش فاهمه؟.. 

احمد بضيق

طارق.. 

ريم بحماس

طارق جااي هنا احلف.. 

احمد ادايق من فرحتها وقال

انا رايح اوضتي ولما يجي طارق تقعدي دقيقتين معاه بالظبط وتيجي تتزفتي هنا.. 

ريم 

هو انت لسه بتغير عليه مني يعني.. 

احمد بحده 

بت انتي غبااء مش عايز فاهمه ولا لا؟.. 

_ وطلع ورزع الباب وراه جامد، وريم قالت بعصبيه.. 

ريم 

جاتك خبطه في دماغك يا بتاع طارق.. 

احمد بحده وهو بره

اتلمي بدل ما اجيلك يا زفته انتي.. 

ـــــــ #بقلم_الكاتبه_رحاب_القاضي ـــــــ 

_ وبعد شويه جه طارق وكانت ريم واحمد قاعدين معاه.. 

طارق

ده قرار كويس جدا علي فكره انا كنت اصلا جاي عشان اقنعك تنزلي المستشفي معايا.. 

احمد بجمود

مش وقته مش هينفع تخرجي من البيت اصلاً.. 

ريم بحزن

بس انا بجد تعبانه ومحتاجه اروح الشغل. 

احمد 

وانا قولتلك مش هينفع يا ريم.. 

طنشت ريم كلامه وقالت

حاضر يا طارق ان شاء الله بكره نتقابل في الشغل.. 

طارق 

ان شاء الله يا ريم.. 

وفتح الكيس اللي كان جنبيه وطلع فون وقال

دي حاجه بسيطه موبيل جديد بدل اللي اخده منك ابن عمك.. 

فرحت ريم وقالت

شكرا اووي يا طارق بجد، وشكرا اووي انك جيت تشوفني بجد فرقت معايا... 

احمد قام وقال

طيب شرفتنا يا طارق... 

بصتله ريم يضيق وطارق قام وقال

هشوفك تاني يا ريم ومسجل رقمي عندك وهكلمك.. 

ريم ابتسمت وقالت

حاضر يا طارق وبجد شكرا اوووي لكل اللي بتعمله ده.. 

مشي طارق وقالت بحده

ايه قلة الذوق دي، هو جاي يزورني ويتعامل معايا بطريقه لطيفه عشان يهون عليا وانت تتصرف معاه كده... 

قرب منها احمد وقال بحده

لا والله انا بقي اللي قليل الذوق اومال تصرفاتك دي اسمها ايه.. 

ريم بحده 

مالها تصرفاتي بقي هو انا كلمتك اصلا.. 

احمد بعصبيه 

لما تقعدي معاه وتتكلمي كده ومش عملالي اي قيمه تبقي قلة ذوق.. 

ريم 

لا ثواني معلش ده طارق يعني اللي ساعدك تخلصني من ولاد عمي وصديقي الوحيد انا ما عنديش صحاب غيره.. 

احمد بحده 

طيب تمام نقول بقي لطارق الحقيقه وللمستشفي كلها والكلام يوصل لولاد عمك وياخدوكي واخلص من الهم ده. 

ريم بدموع

انت بتزلني عشان بتحامي فيك لا كتر خيرك لحد كده انا مش عايزه منك حاجه.. 

جات تمشي بس احمد وقف قدامها وقال

انا مش قصدي كده بس الموقف اللي فيه صعب يا ريم ولازم ناخد بالنا من اي حد بره البيت ده.. 

ريم بجمود

طيب بس ياريت بقي انت ما تنساش ان كل اللي بينا كلام علي ورق فمتصدقش نفسك يا حبيبي... 

قبل ما يرد عليها دخلت الهام وقالت

انتو لسه صاحين يا اولاد كويس اووي انا ما اتعشيتش في النادي وقولت اجي اتعشي معاكم... 

ريم بضيق

انا اسفه يا طنط بس انا مش جعانه وعايزه انام.. 

الهام 

يا بنتي انتي ما اكلتيش حاجه من الصبح.. 

احمد

سبيها براحتها يا ماما هي مش غريبه والبيت بيتها لما تجوع هتاكل.. 

طلعت ريم فوق وهي مدايقه منه والهام قالت

مالك يا احمد ايه اللي حصل مدايقك اووي كده.. 

احمد

انا مدايق مين اللي قال كده انا زي الفل، يلا عشان نتعشي يا حبيبتي... 

_ وبالليل كان احمد قاعد في اوضته بيشتغل علي اللابتوب بتاعه وسمع صوت حركه بره الاوضه قام وفتح الباب وشاف ريم وهي نازله تحت وهي بتتسحب، ضحك بخبث ونزل وراها ودخل المطبخ لاقاها مطلعه صنية المكرونه وماسكه ورك فرخه في ايدها وبتاكل بسرعه.. 

احمد بخبث

اخص عليك يا صالح انت فيك الحركات دي.. 

ريم باحراج 

اتف اللي في بوقي يعني دلوقتي ولا اعمل ايه.. 

احمد 

جاتك القرف اتنيلي ابلعي وما تتكلميش تاني والاكل في بوقك.. 

_ ريم طنشت وجوده وفضلت تاكل واحمد قالها بهدوء.. 

احمد

هعمل شاي اعملك معايا.. 

ريم 

لا 

قرب منها احمد وقال

انا اسف ما كانش قصدي ازعلك.. 

ريم 

انا ما حدش يقدر يزعلني يا عسل.. 

احمد 

انا غلطاااان يا ريم كملي اكلك.. 

ريم

انا هنزل الشغل بكره.. 

احمد

قولت لا.. 

ريم 

ليه يعني لا علي فكره خلاص انا ما بقتش ريم القديمه.. 

بصلها احمد وقال

وريني كده لا لا هي هي ريم ما اتغيرتش.. 

ريم بحده 

ما بهزرش انا بجد هنا مدايقه اووي ومش عارفه اطلع من مود النكد وعايزه الهي نفسي في اي حاجه، عارف انا اصلا مش مصدقه انه مات اخويا عايش وهيجي كل شويه احس كده.. 

احمد مسك ايدها بهدوء وقال

كلتي ولا لسه؟.. 

ريم 

شبعت نفسي اتسدت من وشك اللي كل ما اشوفه تركبني الهموم.. 

احمد بغيظ 

لسانك ده عايز يتغسل فومين تلاته كده عشان تبطلي الدبش ده.. 

واخدها وقام وهي قالت

انت ساحبني وراك زي المعزه كده لفين، لااا استني عندك.. 

وقف احمد وقال

نعمم عايزه ايه؟.. 

ريم 

واخدني فين؟.. 

احمد 

ما تخافيش مش هخطفك هوديكي مكان كنت بقعد فيه انا وممدوح لما كان بيجي عندي وانتي في المدرسه الداخليه بتاعتك.. 

ريم بدموع

بجد طيب يلا بينا... 

_ طلعو هما الاتنين فوق السطوح بتاع الفيلا وكان كله ورد وعصافير ملونه مرصوصه بشكل جميل جداً.. 

احمد

ها ايه رئيك؟.. 

ريم بدموع

هو فعلا ممدوح كان بيحب العصافير، المكان فعلا حلو اووي.. 

احمد بهدوء

الزرع ده كله انا وهو اللي عملنااه... 

مسك ورده لونها ابيض وقال

الورده دي نوع نادر بتدبل كل سنه وتقوم تاني واحده غيرها، ممدوح كان مسميها ريم.. 

ابتسمت ونزلت دموعها وقالت

غريبه هو كان بيحكيلك عني اصلا؟.. 

احمد

ديما بيتكلم عنك ما كنش بيحب حد في الدنيا قدك، طلبت منن يجيبك هنا بس كان بيقولي انك بترفضي ومش بتحبي تتعرفي عبي ناس جديده.. 

مسحت دموعها وقالت

ولا قديمه حتي انا ديما مش بحب يكون عندي صحاب ولا قرايب.. 

احمد بفضول

ليه يعني؟.. 

_راحت ريم قعدت علي الارض واخدت مخده. حطتها علي رجلها وقالت.. 

ريم 

عشان القرايب كلهم والصحاب بياذونا انا شوفت ابن عمي وهو بيقتل قدام عينيا بعد ما حاول يعتدي عليها ولما جه ابويا يدافع عنها قتل من غير ما يقصد عمي وخالي هربنا انا واخويا وعشنا يتامي بسببهم، بسبب اللي كنا اللي فاكرينهم سند لينا اتعذبنا في حياتنا.. 

احمد مسك ايدها وقال

انا عارف كل حاجه وعارف ان ابوكم راح في حادثه بعدها علي طول وانك انتي وممدوح دخلتو مدارس داخليه.. 

ابتسمت ريم وقالت

كنت فاكراك لما كنت تيجي مع ممدوح عشان تزروني.. 

ضحك احمد وقال

ايوه وكنا بنلاقيكي عامله مصيبه، فاكره لما كنتي في اعدادي ورميتي بنت من فوق.. 

ريم 

ما تافورش ده كان الدور الاول وبعدين هي اللي قالتلي ان اخوكي المز جاي يرضيك.. 

احمد

لا لا مالهاش حق، المهم نتفق اننا نبقي صحاب لحد ما نخلص من المشكله دي؟.. 

ريم ابتسمت وقالت

صحاب يا اسطا كده انت وطارق بقي عندي اتنين اخوات.. 

اتنهد احمد بضيق وقال

امم ماشي المهم يعني ما فيش داعي تقعدي بالطرحه كده يعني احنا متجوزين يعني عادي اشوف شعرك عشان تبقي واخده راحتك في البيت يعني.. 

ريم 

طيب بكره ان شاء الله.. 

احمد 

اشمعنا يعني بكره.. 

ريم 

اصل انا غسلته الصبح ولفيته علي طول وهو مبلول فكمكم بالك انت انا لو شلت الطرحه دلوقتي هيجيلك ضيق تنفس.. 

احمد بصلها بقرف وقال

لا هو انا بعد اللي سمعته ده لو شوفتك من غير الطرحه هنفخك... 

ضحكت ريم واحمد قال

نامي كده وبصي للسما وما تفكريش في اي حاجه لحد ما تنامي.. 

_ سمعت كلامه وفضلت باصه للسما لحد ما نامت، واحمد نام جنبيها وبصلها وابتسم وقال.. 

احمد 

انتي حلوه اووي يا ريم، ما تستاهليش اللي بيحصل ده... 

_ وفضل مركز عليها وعلي كل تفصيله في وسها لحد ما نام هو كمان، والصبح فتح عينيه بانزعاج من ضوء الشمس ولقي مامته واقفه بصالهم وهي مبتسمه وجنبيها فتحي العدوي وكمال وهما واقفين متعصبين.. 

احمد بقلق

في ايه؟.. 

الهام وهي مبتسمه 

الله شكلكم يجنن وانتو نايمين كده الله يرحمك يا عزام يا حبيبي.. 

_قامت ريم واول ما شافتهم قامت بسرعه، بس قبى ما تقف شدها احمد لحضنه وقاة بخبث.. 

احمد

ايه قلة الذوق دي في حد يدخل كده علي واحد ومراته وهما نايمين؟.. 

_ تفتكرو هيحصل ايه؟.. 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

_قامت ريم بسرعه من جنب احمد واول ما شافت ولاد عمها واقفين قدامها، بس قبل ما تقف شدها احمد لحضنه وقال بخبث.. 

احمد

ايه قلة الذوق دي في حد يدخل كده علي واحد ومراته وهما نايمين؟.. 

ريم بصتله بتوتر وقالت

انت بتعمل ايه عيب كده اوعي... 

احمد قربها ليه اكتر وقال

مش عارف ليه يا حبيبتي بتنسي ديما اننا متجوزين، نسيتي اللي حصل امبارح ولا ايه؟... 

ريم وشها احمر وقالت

والله ما عملت حاجه انت بتقول ايه؟.. 

 بصلهم كمال بغيظ وقال

ايه المياعه دي اتحشم يا دكتور منك ليها.. 

ريم بصت لاحمد وقالت

الحق بيقول عليك اتشحم سيبني بقي وقوم اضربه.. 

ضحك احمد وقال

انتي كده بتسخنيني عليهم انا كده كده مش طايقهم والله.. 

فتحي بجمود

هو احنا هنتكلم معاكم وانتو بالمنظر ده.. 

الهام بسخريه

قولتلكم استنو تحت بس انتو اللي حبيتو تعملو نمره مش قدها.. 

وقف احمد وقال

اهي ماما ردت عليكم تقدرو تستنوني تحت وانا هجيلكم.. 

كمال بحده 

احنا جايين نتكلم مع بنت عمنا علي فكره.. 

وقفت ريم ورا احمد وقالت

وانا ماليش كلام معاكم واللي بيني وبينكم حق اخويا اللي راح ظلم وبس.. 

كمال بصلها بخبث وقال

اثبتي يا ريم ان احنا اللي عملناها،بس للاسف ما تندكيش دليل.. 

احمد مسك ايد ريم وقال

هنثبت وقريب كمان، ومراتي مش هتتكلم مع حد اي كلام عايزينها فيه هيكون معايا انا، ماما. خدي ريم وانزلي... 

الهام بهدوء

يلا يا ريم يا حبيبتي تعالي معايا... 

_ نزلت ريم مع الهام واحمد قعد علي كرسي بسيط موجود. علي السطوح وقال.. 

احمد

خير إن شاءلله في ايه؟.. 

فتحي قعد قصاده هو وكمال وقال

عايزين بنت عمنا تيجي معانا البلد.. 

احمد بهدوء

لا.. 

كمال بحده

ريم بنت عمنا واحنا عرفنا انكم ما عملتوش فرح وجوازكم كان من كام يوم فتعالي خدها من بيت اهلها.. 

احمد

علي فكره انا متجوز ريم برضا اهلها، انا صاحب ممدوح من طفولتي واعرف ان هو واخته كانو عيلة بعض بس، وانا اتجوزتها من اخوها اللي هو عيلتها.. 

كمال بحده 

اتجوزتها من غير ما هي تعرف بتوكيل من اخوها... 

احمد

ايه يا حج فتحي ماله اخوك عمال يسف كهربا كتير ليه... 

فتحي بجمود

احنا جايين نتكلم في الاصول يا دكتور، البنت لازم تطلع من بلدها لبلد جوزها.. 

احمد بغضب 

انا ما شوفتش في بجاحتكم بقي قاتلين اخوها ودمرتوها وجايين تقولو بنتنا.. 

كمال بحده 

ايوه بنتنا وهناخدها غصب عنك... 

فتحي 

انت مش قدنا ولو مش عايز تحصل صاحبك يبقي سيب ريم.. 

قبل ما يرد احمد عليها دخل عزيز خاله وقال

بتهدد مين يا جدع انت، شكلك كده ما تعرفش يبقي مين الدكتور احمد عزام... 

فتحي قام وقال

انت ابوه ولا مين انت؟.. 

عزيز 

لا انا خاله وهو فعلا زي ابني تسمع انت يا فتحي بيه عن عزيز الشناوي مش كده.. 

وقف فتحي وقال

حضرتك تبقي اا.. 

عزيز بجود 

ايوه انا عزيز الشناوي واحمد. يبقي ابني وشريكي في كل حاجه... 

بص احمد لخاله بضيق وفتحي قال

احنا يا عزيز بيه جايين نتكلم في الاصول.. 

عزيز بحده 

الاصول ان الراجل هو اللي يحكم علي مراته مش اغراب.. 

كمال بضيق

اغراب احنا ولاد عمها وهي مالهاش غيرنا.. 

احمد 

وهي بتقول انها ما تعرفكمش.. 

فتحي

يلا بينا يا كمال.. 

كمال

بس يا اخوي اا.. 

فتحي بحده 

قولت يلا بينا من هنا... 

_ ونزلو هما الاتنين وركبو عربيتهم اللي كان بيسوقها السواق ومعاهم عربية حراس تانيه.. 

كمال 

ازاي يا فتحي هنمشي كده من غيرها؟... 

فتحي 

ما كانش في حسابي ان عزيز الشناوي يطلع خاله، ازاي ما تجبليش معلومه زي دي.. 

كمال 

ويطلع مين الراجل ده اصلاً.. 

فتحي بجمود

صاحب شركة ادويه كبيره اهنا.. 

كمال بسخريه

عنده حتت شركه وانت عامله حساب ده ما تجيش تمن كام فدان من اللي عندنا... 

فتحي

غبي عزيز الشناوي ده عنده معارف كتير وناس كتير ليها مصالح عنده في مصر وبره مصر، ولو دخلت في مشاكل معاه ممكن ياذيني في المجلس اللي وصلتله بطلوع الروح.. 

كمال بضيق

انا عايز بنت عمي يا اخوي... 

فتحي بحده 

ما انتو متجوز اتنين ما مكفيناكش؟... 

كمال 

لاه مش عايز غير دي، وبعدين ما احنا لينا مصالح من وراها عمي لما يظهر هنقدرو نكسرو عينه بيها ده غير الارض بتاعت ابوها اللي وراها دي انت ناسي ان ليها النص اكده.. 

فتحي اتنهد وقال

صبرك عليا وانا هلاقيلها حل واخليها هي اللي تيجي عندنا بنفسها... 

_ وفي بيت احمد كان قاعد علي السطوح مع خاله اللي قاله بهدوء.. 

عزيز 

فكر يا احمد الشركه انت ليك النص فيها ده حق امك اصلا ولو جيت هتبقي كل حاجه ليك انت.. 

احمد

وساره؟... 

عزيز 

لا انا هكتب كل حاجه ليك انت عشان عارفك هتدي بنتي حقها بالطريقه المناسبه اللي ما يجيش بيها غريب يحط ايده في تعبي وشقايا.. 

احمد بضيق

بس ده مش عدل ربنا يا خالي؟.. 

عزيز 

ده اللي عندي وخليك فاكر نسايبك مش ساهلين وعايزين حد جامد يقف في وشهم.. 

احمد

بتلوي دراعي يعني... 

عزيز

انا عايز مصلحتك يا ابن اختي فكر ورد عليا... 

ـــــــ #بقلم_الكاتبه_رحاب_القاضي ـــــــ 

_ في بيت طارق طلع من اوضته وقال لمامته.. 

طارق

يا سهير انا رايح المستشفي عايزه حاجه؟... 

سهير

ماشي يا طارق خلي بالك من نفسك يا حبيبي.. 

طارق

حاضر يا ماما.. 

سهير

طارق هي ساره رجعت المستشفي امبارح.. 

طارق

لا ممكن تيجي النهارده، بس انا توقعتك هتسألي علي ريم.. 

سهير

بس ابني بيحب ساره مش ريم، عايزاك تفوق وتفهم. ان ريم مش اختك وجوزها معاه حق.. 

طارق

مش جوزها، ماما انا ما عنديش صحاب كانت اختي صحبتي وكل حاجه حسيت ان ريم شبها بقيت ببقي مبسوط وانا معاها كاني مع ندي الله يرحمها انتو مش مستوعبين اللي بحس بيه انتو حرين براحكتم.. 

سهير

بس يعني ااا.. 

طارق

من غير بس يا ماما انا بعامل ريم زي ندي لانها اكتر حد. شبها واكتر حد. مر باللي مريت بيه هي خسرت اخوها وانا خسرت اختي.. 

سهير

ماشي يا طارق اللي يريحك اعمله بس بالنسبالي ما فيش حد بديل لاختك.. 

طارق بدموع

لا في ريم، ريم اختي وزيها زي ندي..

_ قال كلامه ومشي واول ما وصل المستشفي راح قعد لوحده وافتكر ريم انها كانت الوحيده اللي بتتكلم معاه وبتهزر معاه هنا، ولمح ساره معديه فقام وراحلها بسرعه وقال... 

طارق

حمد لله على سلامتك يا دكتوره ساره.. 

ساره 

الله يسلمك يا طارق، هو انت ليه بتيجي بدري ديما.. 

طارق

ما انا بنام بدري وبصحي بدري فبستغل وقتي واجي هنا اخد معلومات من شغل الدكاتره الكبار واراجع اللي هعمله... 

ساره بهدوء

انت تعرف الكل متوقعلك مستقبل ممتاز وانك هتمسك قسم كبير هنا في المستشفي قريب.. 

ابتسم طارق وقال

شكرا اووي يا دكتوره ساره ده بفضلكم بعد ربنا.. 

ساره 

ربنا يوفقك، هروح مكتبي انا بقي.. 

طارق بسرعه 

مم ممكن بس نشرب حاجه يعني لسه بدري علي بداية الشغل؟.. 

ساره 

انا بجد مش قادره اشرب حاجه خالص سوري مره تانيه... 

_ مشيت ساره وطارق اتنهد بضيق وبعدين كل واحد بقى ملهي في شغله، وفي نص اليوم كان احمد دخل مكتبه بس لمح طارق بيتكلم في الفون وبيضحك... 

احمد 

بيكلم الهانم اكيد.. 

رباب من ورا احمد

يا دكتور والله حالتك بقيت صعبه جدا ممكن تشوف دكتور نفساني.. 

احمد بحده 

غوري من وشي يا رباب وبطلي تركزي معايا.. 

رباب بغيظ

طيب هات مفتاح الارشيف بتاعك عايزه اجيب ملفات منه عشان بتاعي ضاع.. 

احمد طلع المفتاح وقال

خدي بس لو ضاع والله العظيم لارفدك... 

رباب

ده انت بتتلككلي بقي؟.. 

احمد

ايوه... 

_ قال كلامه ودخل مكتبه ومسك موبيله وطلع رقم ريم الجديد وقال لنفسه.. 

احمد

لا لا وعلي ايه ازعجهم انا اصلا مالي... 

ساب الفون بس مسكه تاني وقال

ما فيهاش حاجه لما اتاكد، هرن واقفل علي طول...

ـ وفعلا رن عليها بس لاقاها جرس عادي ومش بتكلم حد. فقفل علي طول، وابتسم وهو مبسوط انها مش بتكلم طارق وفضل يشتغل وبعد كام دقيقه موبيله رن برقم ريم... 

رد عليها وقال

نعم... 

ريم 

نعم انت اللي رنيت عليا؟.. 

احمد

عادي كنت بطمن عليكم انتي كنتي فين اصلا؟.. 

ريم 

ابداً يا سيدي موبيلي ما فيش فيه رصيد فاخدت موبيل امك وكلمت طارق من عندها... 

اتنهد احمد بضيق وقال

يعني كنتي بتكلميه، طيب يا ريم اقفلي.. 

ريم 

طيب انا رايحه النادي مع امك وعايزاك تيجي تاخدني توديني عند قبر ممدوح ولا اروح لوحدي.. 

احمد

مش هتطلعي من البيت غير لما اجي.. 

ريم بضيق 

احمد انا مش عايزه اغلط فيك وانت دكتور محترم ومتربي، انا طالعه وهعمل اللي عايزااه.. 

احمد

وانا قولت لا سلام... 

_ بصت ريم للموبيل بغيظ وقامت غيرت هدومها ولبست فستان اسود. بسيط وحجاب اسود وطلعت مع الهام بس اتفاجئو لما لقيو في حراس قدام باب البيت.. 

الهام 

انت مين يا ابني انت وهو وبتعملو ايه هنا.. 

الحارس

احنا الحراس الجداد للبيت، خير حضرتكم رايحين فين؟.. 

الهام بهدوء

اممم رايحين النادي في مانع ولا حاجه... 

الحارس 

تقدري حضرتك تتفضلي تروحي بس المدام لا... 

ريم بحده 

مدام في عينك يالاا اوعي كده.. 

الحارس 

لو سمحتي يا هانم احمد بيه امرنا بعدم خروجك حتي لو بالقوه.. 

ريم بغيظ 

شايفه ابنك يا طنط؟... 

الهام ابتسمت وقالت

والله موضوع بينك وبين جوزك انا ماليش دعوه بيه، اسيبك انا واروح النادي بقي.. 

_ مشيت الهام وريم دخلت البيت وكانت قاعده لوحدها مدايقه، وبعدين طلعت قعدت في اوضتها وغيرت هدومها لبجامه طويله وواسعه ونامت... وصحيت بالليل قامت لبست حجابها وطلعت لقيت ميرا بتجهز السفره.. 

ريم. 

ميرا هي طنط الهام رجعت؟... 

ميرا 

لا يا هانم دكتور احمد بس اللي رجع.. 

ريم بغيظ. 

هو جه ابن الوارمه والله لوريه... 

_ وطلعت فوق وهي متعصبه ودخلت اوضته من غير ما تخبط وقالت بسرعه.. 

ريم بحده 

بقي انت يا ملزق تحبسني في البيت وو.... 

_ سكتت بصدمه وبرقت لما لقيته واقف قصادها بالفوطه وبينشف في شعره، ووشها قلب احمر وطلعت بسرعه وقفلت الباب وقالت وهي بره.. 

ريم باحراج

انا اسفه والله ما اخدت بالي.. 

احمد بسخريه

لا لا لا ولا يهمك انا زي جوزك برضو.. 

ريم بضيق وهي بتاكل في ضوافرها

طيب البس وخلص عشان عايزااك.. 

 فضلت مستنياه وهو قالها

ادخلي خلصت... 

دخلت ريم وهي باصه لاارض وقالت

انا عايزه اخرج لو سمحت.. 

احمد

قولت لا ما ينفعش دلوقتي، وعلي فكره انا مش بحب الزن.. 

ريم بضيق

وانا مش بحب حد يقيدني بحاجه، يا احمد انت كده بتخليني اكره اقعد هنا ولو كرهت المكان ده هطفش بجد... 

احمد

اطمني مش هسمحلك تطفشي... 

ريم بغيظ 

يا ربنا علي البرود، بص يا ابن الناس انا ايوه بحب قعدت البيت ومش بحب الشغل والجو ده بس بجد انا تعبانه ومحتاجه اغير جو.. 

احمد بجمود

الوقت ما يسمحش انك تخرجي دلوقتي، وبعدين اعملي اي حاجه تسليكي كلمي طارق مثلا واتسهوكي معاه شويه.. 

ريم بحده 

هو انت ايه مشكلتك مع طارق اصلا؟... 

احمد بعصبيه 

هو مين طارق ده اللي انا احطه في دماغي ولا يفرقلي، فوقي يا ريم انتي وطارق في حته وانا في حته تاني.. 

ريم بحزن 

والله اومال انت ايه اللي مدايقك منه؟.. 

احمد بحده 

انك مش محترماني ومش محترمه انك في نظر الكل دلوقتي مراتي ولازم تخلي بالك من تعاملك مع اي حد... 

ريم بهدوء

انا عايزه اخرج وابقي علي راحتي والا ا.. 

احمد زعق فيها وقال 

انا ما يتلويش دراعي واللي اقوله يتسمع وبس... 

_ دخلت في الوقت ده الهام وبصتلهم بقلق وكانت ريم دموعها ماليه عينيها وقالت.. 

الهام 

مالكم في ايه صوتكم جايب اخر البيت؟.. 

_احمد مسح بأيده علي وشه وهو متعصب، وريم ردت علي الهام بهدوء وقالت... 

ريم 

ما فيش حاجه بعد اذنكم انا رايحه انام... 

طلعت ريم والهام قالت

انت بتزعق فيها كده ليه يا احمد حرام عليك قدر الظرف اللي هي فيه.. 

احمد بجمود

هي لا بتفهم ولا بتحس اصلا، لو سمحتي يا ماما سبيني دلوقتي في حالي.. 

الهام بجمود

اومال انت اتجوزتها ليه؟.. 

احمد بجمود

اخوها اللي طلب وبعمل كل ده عشان ممدوح، انما البني ادمه دي وتصرفاتها متناسبنيش... 

الهام بهدوء 

وعشان خاطر صاحبك لم نفسك مع البنت شويه.. 

احمد بضيق

لو سمحتي يا ماما ممكن تسبيني دلوقتي انا عايز انام.. 

الهام 

ماشي يا احمد اللي يريحك... 

_ طلعت ريهام من عنده واحمد قعد علي سريره مدايق وقال لنفسه بسخريه... 

احمد. 

كل اللي عايزاه طارق وبس اكيد بينهم حاجه اكيد... 

_ وعدي اسبوع في التاني في التالت وكانت ريم مش بتكلم احمد خالص وهو كمان وكان مشغول في المستشفي وبس، وفي نفس الوقت كانت حالة ممدوح زي ما هي... 

وفي بيت احمد كانت ريم قاعده مع الهام وهي مدايقه جدا حتي ان جسمها خس بشكل كبير في فتره قليله.. 

الهام 

بقولك ايه يا ريم انا مقدره زعلك علي ممدوح الله يرحمه بس ممكن بقي تقلعي الاسود.. 

ريم بجمود

لا مش وقته بقولك ممكن تساعديني اخرح.. 

الهام 

تخرجي تروحي فين؟.. 

ريم بضيق

اي مكان انا بجد. زهقت بقالي شهر ما شوفتش الشارع... 

الهام 

طيب لو انا وافقت هنخرج ازاي من عواميد النور اللي بره دول.. 

ريم بتفكير

امم انا هظبطها وهخلي طارق يستنانا بره البيت بس الناحيه التانيه وانتي تلهي الحراس وانا اخرج والنبي وافقي.. 

الهام بحماس

موافقه طبعا انا بموت في الحاجات الاكشن دي... 

ريم 

والله انتي حما زي العسل... 

_ في المستشفي كان عزيز قاعد مع احمد في مكتبه وهو مبسوط وقال.. 

عزيز 

بجد وافقت يعني هتسيب المستشفي؟.. 

احمد 

لا طبعا هقسم وقتي هنا وهنا، انا مش هتنازل عن حلمي ولا هضيع سنين تعليمي دي علي الفاضي.. 

عزيز بهدوء

المهم انك هتيجي الشركه معايا، همشي انا بقي وهستناك بكره.. 

_ مشي عزيز واحمد كان مدايق جدا وطلع صورة ريم اللي كانت في المحظه بتاعت ممدوح وقال بهدوء.. 

احمد

تعبتيني يا ريم من اول لحظه شوفتك فيها وكل حاجه في حياتي اتلخبطت.... 

_ دخلت عنده في الوقت ده ساره بعد ما خبطت علي الباب وقالت.. 

ساره 

انت فاضي اتكلم معاك شويه؟.. 

احمد

ايوه فاضي تعالي يا ريم،،، يووه قصدي يا ساره.. 

ضحكت ساره وقالت

 هي اموره بصراحه وتستاهل انك تنشغل بيها المهم... 

احمد 

خير ان شاء الله؟.. 

ساره 

بما انك هتروح الشغل مع بابي ايه رئيك لو ريم تيجي تمسك معايا المستشفي.. 

احمد بجمود

بصي هو انا من زمان ناوي ان مراتي مش هتشتغل وريم بالذات مش هينفع تشتغل ولا تطلع من البيت اصلا الفتره دي.. 

ساره 

يا عم هي هتكون هنا في امان معايا زي لما بتخرج وتروح النادي مع طنط كده.. 

احمد

ومين قالك انها بتخرج اصلا من البيت، ظروفها صعبه مع اهلها ومش لازم تخرج.. 

ساره 

ازاي الكلام ده، طارق من شويه اخد اذن ومشي عشان هيقابل ريم في النادي ومعاهم طنط.. 

احمد بجمود

نعممم انتي مين قالك الكلام ده؟.. 

ساره 

هو ما فالش حاجه هو قال انه رايح النادي لانه عمل اشتراك فيه من فتره وانا ساعدته ولقيته منزل استوري ليه هو وريم وطنط الهام.. 

_ وطلعت موبيلها ووريته الاستوري، واحمد اتملك منه الغضب واخد حاجته ومشي بسرعه... 

_ وفي بيت احمد رجعت ريم هي والهام اللي كانت خايفه وقالت.. 

الهام 

عارفه لو احمد عرف هيزعل مني وعيب عليا ابقي ست كبيره وكدابه في  نظر ابني.. 

ريم 

يا طنط ما هو احمد لسه ما جاش والله ومش هيعرف حاجه... 

الهام 

بس بصراحه كان يوم حلو، انا هروح انام شويه لحد ما يجي احمد ونتعشي سوا.. 

ريم 

وانا هروح اشوف المسلسل بتاعي... 

_ وطلعت ريم فوق واول ما دخلت اوضتها لقيت احمد قاعد علي الكنبه اللي هناك وبصلها بعصبيه... 

ريم بقلق

يا نهارد اسود.. 

وقف احمد وقال

هو فعلا هيكون اسود علي دماغك يا ريم... 

ريم بتوتر

بص هو انا والله كنت هقولك وو.. 

_ قرب منها وشدها من ايدها جامد وذقها علي السرير وقفل الباب وقال بعصبيه.. 

احمد 

دلوقتي بقي نتكلم بس بطريقتي يا،،،، يا مراتي.. 

ـــــــ #بقلم_الكاتبه_رحاب_القاضي ـــــــ 

_ وفي المانيا.. 

كانت كامليا قاعده جنب ممدوح جوه الاوضه ونايمه براسها علي طرف الكنبه وبتقلب في موبيلها، وفجأه حرك ممدوح ايده من غير هي ما تاخد بالها وقال... 

ممدوح بصوت متألم 

ريم... 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

قفل احمد الباب عليهم وقال

كده. نتكلم يا ريم بس بطريقتي انا يا... يا مراتي... 

ريم بخوف

انت قصدك اييه لااا انا فاهمه الجو ده كويس قريته في عشرميت روايه قبل كده بس ما يتعملش في ريم محمود ياااه.. 

احمد بجمود 

خلصتي؟... 

ريم بدموع

انت عايز ايه يا احمد؟.. 

احمد بهدوء

عايز افهم كلامي ما اتسمعش ليه؟.. 

ريم سكتت وهو زعق فيها وقال

انتي هتتفرجي عليا ما تنطقي... 

ريم اتخضت وقالت

يخربيتك ما انت كنت هاادي، وبعدين بفكرلك في اجاابه مقنعه.. 

احمد بسخريه

اجابه مقنعه ولا كدبه مقنعه يا كداابه... 

ريم. بغيظ. 

انا مش كداابه ايوه خرجت وطنط وطارق مالهمش دعوه انا اللي خطت لكل حاجه، عشان انت ما امتلكتنيش عشان تحبسني.. 

زعق فيها احمد وقال

انا بعمل كل ده عشانك وعشان خايف عليكي.. 

ريم بحده 

مش مطالب تعمل كده علي فكره، انا بعرف احمي نفسي كويس.. 

احمد بسخريه 

اتنيلي والنبي انتي من غيري ولا حاجه يا ريم... 

ريم بتحدي 

طيب ما تجرب تسيبني في حالي كده وابقي لوحدي ونشوف وقتها هقدر ابقي من. غيرك كويسه ولا لا؟.. 

احمد اتنهد بغيظ

لا مش هسيبك ومش حباً فيكي انا اصلا مش طايقك وما فيش اتقل منك علي قلبي بس عشان خاطر ممدوح... 

حست باهانه من كلامه وقالت

وانا مش بطيقك ونفس التقل برضو علي قلبي من ناحيتك ومش عايزه اعيش في بيتك ولا عندك.... 

احمد بحده

مش بمزاجك يا ريم انا اللي اقرر وافتكري انك مراتي وده غصب عنك... 

ريم بسخريه

بطل تقول الكلمه دي لاني عمري ما هشوفك جوزي ولا تنفع تكون جوزي اصلا... 

مسكها من دراعها جامد وقال

انا مستعد اوريكي انفع ولا لا ودلوقتي حالاً... 

_قال كلامه بطريقه مش كويسه، وكان ردها هي علي كلامه انها ضربته بالقلم واحمد غمض عينيه بعصبيه وذقها جامد علي السرير وقرب منها وقال بكل غضب... 

احمد 

خلص يا ريم الكلام معاكي وانا هعرف ازاي اخليكي تمدي ايدك عليا او حتي ما تسمعيش اي كلمه بقولها... 

ريم بدموع وخوف

والله العظيم ورحمة ممدوح يا احمد لو قربت مني لهتبقي زيك زي كمال وفتحي بالنسبالي... 

_ بعد احمد عنها فعلا بس مش عشان كلامها لا بسبب موبيله اللي رن وطلعه من جيبه ولقي ان اللي بترن عليه فطلع وقفل الباب بالمفتاح عليها قامت ريم وخبطت علي الباب وقالت.. 

ريم بضيق

يا احمد لو سمحت افتحلي والله حرام عليك اللي بتعمله ده... يا احمد رد عليا طيب يا احمد.. 

_ما ردش احمد عليها وسابها ومشي وهي راحت قعدت علي السرير وفضلت تعيط وفتحت موبيلها علي صورة ممدوح وقالت ببكاء.. 

ريم 

شايف اختك من غيرك بيحصل فيها ايه، اهو ده صاحبك اللي انت امنته عليا والله هو... هو حيوان... 

_ وفي اوضة احمد دخل وقفل الباب وكلم كامليا تاني وقالها.. 

احمد

ايوه يا كامليا في ايه؟.. 

كامليا بنبره كلها سعاده 

ممدوح فاااق يا احمد اتكلم وحالته اتحسنت شويه والدكتور بيطمن عليه وهيتنقل اوضه عاديه.. 

اتملت عيون احمد دموع وابتسم وقال

انتي بتتكلمي جد مم مدوح فاق هاتيه اكلمه يلاا... 

كامليا 

يا ابني هو ما فاقش بنسبة مايه في الميه هو بس طلع من الغيبوبه والحمد لله في وقت سريع اهو بس لسه في الم كبير عنده بسبب الرصاصات اللي جات صدره وعشان كده هيقعد يومين تحت تأثير المسكن وانا مش هسيبه خالص... 

احمد 

تمام يا كامليا خليكي ديما معايا في اي جديد.. 

كامليا 

ممكن بقي تقول لـ ريم وتفرحها بان اخوها عايش خلاص ما فيش خطر علي حياته... 

احمد بجمود 

ان شاء الله يا كامليا، المهم خلي بالك منه ولو اي حاجه احتاجتيها كلميني علي طول... 

كامليا 

وانا هحتاج منك انت ايه، انت ناسي انا ابقي مين وبنت مين يا ا.... احمد... الو... 

قفل احمد في وشها وقالت هي بغيظ

قليل ذووق وربنا... 

ـــــــ#بقلم_الكاتبه_رحاب_القاضي ـــــــ 

_ وتاني يوم الصبح في بيت عزيز الشناوي، كانت ساره قاعده في اوضتها مداايقه جدا ولقيت في رساله جات علي موبيلها من طارق... 

فتحتها ولقيته باعت ليها "اظن الوقت بدري وممكن نفطر سوا"... 

ساره اتنهدت بضيق وردت عليه وكتبت" انت عايز مني ايه يا طارق؟ ".. 

استنت شويه وابتسمت لما لقيته بعت" نفطر 😁"

كتبتله بهدوء"انا مش عايزه اروح المستشفي النهارده وعايزه اقضي يوم غير روتيني هتقدر تعمل كده معايا ؟ "... 

بعد ما بعتت الرساله ادايقت وجات تمسحها لقيت ان طارق شافها ورد عليها وقال... 

طارق" اقدر جدا كمان، تحبي اعدي عليكي وابعتلك لوكيشن مكان تجيلي عليه؟ "... 

اتنهدت ساره بضيق وكتبت" مش عايزه اعطلك خلاص بلاش احسن ".. 

طارق" لا لا والله ما هتعطليني ولا حاجه، ده انا ما صدقت اصلا "... 

ساره" تمام خلاص ابعتلي اللوكيشن وانا هجيلك ".. 

_ وشالت موبيلها في الشنطه ونزلت لقيت باباها والمحاميه بتاعته اللي اسمها علياء بيفطرو.. 

ساره 

طنط علياء حضرتك هنا عامله ايه؟.. 

علياء

انا كويسه الحمد لله، انتي عامله ايه يا دكتوره.. 

ساره

تمام الحمد لله، مش هعطلكم عن حااجه وهمشي.. 

عزيز 

رايحه المستشفي؟.. 

ساره

لا يا بابي النهارده قررت انه هيبقي فري واروح اشوف صحاابي... 

عزيز 

تمام بس النهارده بس اللي اجازه.. 

اتنهدت ساره وقالت

اوكي يا بابي، بااي... 

مشيت ساره وعلياء قالتله

بطل تخنق البنت بتحكماتك دي؟.. 

عزيز 

بقولك ايه انا مش بتدخل في تربيتك لابنك وانتي كمان ما تدخليش في تربيتي لبنتي، وبعدين انا عايز اعرف احنا هنقولهم امتي اننا متجوزين؟... 

علياء بحزن 

مش عارفه الموقف صعب يا عزيز مالك ابني في اخر سنه في الجامعه بتاعته واطول مني وبيغير عليا من صحابه اللي هما في سن ولادي تخيل لما اقوله اني اتجوزت.. 

عزيز قام وقال

تمام يا علياء اللي يريحك، يلا بينا بقي عشان ما نتاخرش علي الشغل.. 

علياء بهدوء

طيب ممكن ما تزعلش وتضحك كده والا والله ما هقوم في يومي كله من هنا.. 

ابتسم عزيز وقال 

قوومي يا علياء عندنا شغل مش وقت دلع ده.. 

قامت علياء وقالتله

لا انا الدلع معايا قي اي وقت انا عايزاه.. 

_ ضحكو هما الاتنين ومشيو مع بعض.. 

ـــــــ #بقلم_الكاتبه_رحاب_القاضي ـــــــ 

_ في اوضة ريم فتح احمد الباب ودخل عندها لاقاها نايمه وبرضو بالحجاب بتاعها وهي حاضنه المخده، قرب منها ووقف قصادها وهو بيبصلها بهدوء، واتنهد بضيق وجه بطلع بس لفت نظره حاجه كبيره تحت المخده، قرب منها وشال المخده واتصدم لما لاقاها رابطه كذا ملايه من بتوع السرير في بعض، وضحك غصب عنه وقال.. 

احمد

بقي يا حيوااانه عايزه تهربي مني، طيب انا هوريكي... 

_ اخد الملايه وخرج وقفل عليها الباب بالمفتاح تاني، ووصل المستشفي وكانت رباب قاعده مستنياه وقالت.. 

رباب 

دكتور احمد. عندك عمليه النهارده غير ان في كذا كشف مستعجل وو.. 

احمد 

اجلي كل ده دلوقتي انا جاي اسلمك ورق العمليه تديه لدكتوره ساره وانتي تغيري مواعيدي وكل حاجه لحد الساعه خمسه ووتعرفي الكل بالنظام ده انا هكون هنا من الساعه 5 للساعه 11... 

رباب 

اصبر استني اقولك الدكتوره ساره ما جاتش النهارده.. 

احمد

اي حد يا رباب بصي خلي الدكتور هشام ويكون الدكتور طارق معاه... 

رباب 

الدكتور هشام عنده تلات عمليات موزعهم علي النهارده وبكره، ودكتور طارق هو كمان طلب اجازه وما جاش النهارده، وفي حاجه غريبه بتحصل ان هو والدكتوره ساره ما جوش وكمان بشوفهم مع بعض كتير فاهم ده يعني ايه يا دكتور.  

حط احمد ايده علي خده وقال

لا ما اعرفش يعني ايه، قولي انتي يا رباب يعني ايه.. 

رباب بحماس

يعني هنشرب شربات وناكل جاتو قريب يا دكتور، عقبالي يارب اما الاقي راجل يلمني في بيته.. 

احمد بغيظ 

انتي مش عايزه راجل يلمك انتي عايزه قبر يلمك ويلم مناخرك اللي حشراها في حياة الناس دي... 

رباب باحراج 

اا يعني اا.. 

زعق احمد فيها وقال

شوفي شغلك يا ربااااااب فاهمه ولا والله هرفدك وانا اصلا بتلكلك... 

رباب 

ليه كده يا ظالم روح يا شيخ ربنا ما يحكمك علي يتامه... 

احمد بحده 

ربنا ياخدك ياارب، اسمع مني يارب وخدها وريحني منها... 

_ ودخل احمد مكتبه وخلص كام حاجه وبعدين مشي وراح الشركه وراح مكتبه اللي هناك ودخل عنده عزيز وقال.. 

عزيز 

احمد قووم تعالي معايا.. 

احمد وقف وقال 

خير يا خالي في ايه؟.. 

عزيز. 

يا ابني تعالي وخلصني.. 

_ وطلتو هما الاتنين وراح احمد مكتب خاله عزيز، ولقي عزيز بيقوله.. 

عزيز 

شوف بقي ناوي تغير ايه هنا عشان ده هيبقي مكتبك يا حبيبي من هنا ورايح.. 

احمد بصدمه 

نعممم  يا خالي بجد انا مش فاهم يعني صعب عليك تخلي بنتك تاخد مكانك في الشغل وبسهوله كده هتسيب مكتبك لابن اختك.. 

عزيز 

وابن اختي يبقي ابني، انا لما كل حاجه ملكي تروح لابن اختي احسن مليييون مره ما تروح لواحد غريب هيتجوز بنتي عشان طمعان فيها... 

احمد

ما يمكن انا اللي اطمع في بنتك... 

عزيز ضحك وقال

هههههه مستحيل ده انا اللي مربيك، المهم ده مكتبك وكل حاجه في الشركه والمصانع من مسؤليتك انت ولما تزنق اووي كلمني.. 

احمد بجمود

انت فاكر انك كده بتفيدني انت بتقيدني بحاجات مش عايزها واحلامي مش هتتحقق هنا... 

عزيز بهدوء

ترتيب ربنا ليك احسن مليون مره من اللي انت بتحلم بيه.... 

ومشي عزيز ووقف عند. الباب وقال

انت ليه حجزت تذاكر سفر لالمانيا... 

احمد بهدوء

رايح اقضي شهر العسل انا ومراتي في مشكله؟... 

عزيز ابتسم وقال

اذا كان كده خلاص بس ما تتأخرش عشان الشغل... 

احمد بهدوء

هتابع من الفرع اللي هناك لحد. ما ارجع... 

عزيز

علي خير يلا سلام... 

ـــــــ #بقلم_الكاتبه_رحاب_القاضي ـــــــ 

_ وبالليل في بيت طارق 

كان قااعد في اوضته وبيكلم ريم في الموبيل وقالها وهو مبسوط... 

طارق

ايوه يا بنتي قولتلها اني معجب بيها كان يوم جميل اصلا روحنا اماكن حلوه.. 

ريم 

ابلع ريقك كده وقولي حسيت بايه لما قولتلها؟... 

طارق 

اتكسفت.. 

ريم ابتسمت وقالت

طبيعي تتكسف بس حسيت انها هتوافق يعني.. 

طارق

اكيد هتوافق، ياريم انا بحبها بجد والله ومستعد اعمل اي حاجه عشانها.. 

ريم 

ان شاء الله هتوافق، بقولك ايه يا طارق ما تعرفليش محامي كويس؟.. 

طارق

اعرف بس ليه هترفعي قضيه علي ولاد عمك؟... 

ريم بضيق

هخلع احمد.. 

ضحك طارق وقال

هههههههه تلاقيه هيرجع من الشغل ويفتحلك وبلاش تعملي حاجه من ورااه.. 

ريم بحده 

انا ما اتحبسش وما حدش يمشي كلامه عليا... 

دخلت في الوقت ده سهير وطارق قال لريم

ريم بقولك ايه هكلمك وقت تاااني... 

وقفل مع ريم وقال لمامته

في ايه يا ماما واقفه كده ليه؟.. 

سهير بضيق

وبعدين ايه اخرة حكايتك مع البنت دي.. 

طارق

قصدك ريم؟... 

سهير

ايوه هي.... 

طارق 

ولا حاجه يا ماما ريم اختي وو.. 

زعقت فيه سهير وقالت

لا مش اختك بطل توهم نفسك انها اختك يا طارق، اختك ما*تت ريم مجرد زميله.. 

طارق بدموع 

انتي ليه بتعملي كده، انا اكتر حد تعبت في غياب اختي وما صدقت لقيت حد عوضني عن غيابها... 

سهير بحزن

انا خايفه عليك انت واهم نفسك ان ريم مكان ندي حتي نفس اهتمامك باختك بقي مع ريم.. 

طارق بحزن 

لانها طيبه زيها وحاسه بوجعي لانها اتحرمت من اخوها.. 

سهير

وانت قولتلي ان اخوها لسه عايش، لما اخوها هيرجع هي مش هتفضل تعاملك زي كده وهتتعب اكتر وقتها.. 

طارق بضيق

ريم مش كده انتي ما تعرفيهاش يا ماما ولو سمحتي بلاش تدخلي في علاقتي بريم تاني، وايوه انا معتبرها مكان ندي الله يرحمها ومش هسمح لحد يبعدها عني... 

سهير بضيق 

ماشي يا طارق اتعب نفسك براحتك... 

ـــــــ #بقلم_الكاتبه_رحاب_القاضي ـــــــ 

_ وفي بيت احمد فتحت الهام الباب بتاع اوضة ريم ولاقتها واقفه عند الدولاب بتطلع هدوم.. 

الهام 

انا اسفه والله ما كنت اعرف انك محبوسه هنا غير من الشغاله.. 

ريم بضيق 

اسفك مش مقبول يا طنط... 

الهام بحده 

لا انتي فاهمه غلط انا بقول كده بطيب بخاطرك انما انا مالي اصلا؟... 

ريم بغيظ 

ما انتي يا طنط لو. مربيه ابنك مش هيعمل فيا كده.... 

الهام ضحكت وقالت

لا انا في اللي بيحصل بينكم ماليش دعوه المهم خلي خدي شاور والشغاله هتطلعلك الاكل وهقفل الباب تاني عشان احمد ما ياخدش باله.. 

ريم 

مااشي يا طنط وشكرا.. 

الهام ابتسمت وقالت

شكرا ايه ده انتي بنتي مش مرات ابني... 

_ سابتها ريم ودخلت الحمام، وبعد شويه رجع احمد من شغله وكان رايح اوضة ريم ولقي ميرا طالعه من هناك.. 

احمد بحده 

انتي بتعملي ايه هنا ومين فتح الباب ده؟.. 

ميرا 

والله ما انا يا احمد بيه دي الهام هانم وانا كنت جايبه الاكل للمدام مش اكتر... 

احمد بهدوء

المدام اممم طيب روحي شوفي شغلك... 

_ مشيت ميرا واحمد دخل اوضة ريم وكانت هي لسه في الحمام، ومسك موبيلها وفتحه وجاب سجل المكالمات ولاقاها مكلمه طارق اكتر من مره... 

احمد بغضب

اعمل فيكي ايه بس يااا ريم.... 

_ حط الموبيل مكاانه وجه يطلع بس وقف مكانه لما لقي ريم طالعه من الحمام وهي لابسه بجامعه لونها ازرق قصيره وبتنشف في سعرها الطويل وقالت.. 

ريم 

انتي لسه هنا يا طنط اله..... 

_سكتت وهي مبرقه علي احمد اللي واقف قصادها وجات تدخل الحمام تاني بس احمد مسك ايدها بسرعه وقرب منها جدا وقال... 

احمد

ما انتي طلعتي زي البنات اهو بتتكسفي.. 

ريم بتوتر

اوعي لو سمحت وبعدين انت ازاي تقتحم خصوصيتي كده اصلا؟... 

احمد غمزلها وقال

مراتي وانا حر واحنا اتفقنا انك تبقي براحتك في البيت، يعني لو شوفتك كده واكتر من كده مش حرام ده حلال جدا.. 

ريم اتكسفت اكتر وقالت

سيبني لو سمحت وو.... وعلي فكره كده غلط جداً... 

احمد بهدوء

هتيجي معايا المانيا بكره تمام.. 

ريم بحده 

لا والله بقي عشان تبعدني عن طارق هتاخدني المانيا.... 

احمد بغيظ 

يادي ام سنين طارق معايا، ايوه يا ريم هتبعدي عنه وما فيش حاجه اسمها طارق هتكون في حياتنا.. 

ريم حاولت تبعد عنه وقالت 

حياتنا؟!  ما فبش حاجه اسمخا حياتنا يا احمد وانت مالكش كلام عليا وابعد عني والا هصوت والم عليك البيت كله... 

قربها احمد ليه اكتر وقال بحده

هنسافر المانيا ولما نرجع هيكون في كلام تاني، وما حدش ليه كلام عليكي غيري انا... 

_ قال كلامه وبعد عنها وقبل ما يطلع مسك موبيلها وحطه في جيبه.. 

ريم بحده

ايه يا عم انت بتسرقني عيني عينك.. 

احمد بجمود

هنرجعه لصاحبه مش عايزين حاجه من حد وانا هجيبلك موبيل غيره ما يكونش عليه ارقام حد.. 

ريم 

انت ليه بتعمل فيا كده، ما كانتش حتت ورقه دي اللي هتخليك تتحكم فيا بالشكل ده وطارق اا.. 

احمد بعصبيه 

والله العظيم يا ريم لو عرفت انك كلمتيه تاني هيكون اخر يوم ليه في المستشفي.. 

ريم بدموع

انت ازاي حقير كده.. 

احمد بصلها من فوق لتحت وقال

وانتي لو واحده محترمه مش هتكلمي واحد وتتمسخري معاه وانتي علي ذمة راجل تاني.. 

ريم بحزن

انا محترمه غصب عنك ولو عندك. كرامه طلقني وسيبني في حالي.. 

احمد بجمود

قريب اووي هيحصل،بس طول ما انتي مراتي مش هتمشي غير علي مزاجي انا وبس... 

_ طلع احمد من عندها ودخل اوضته، ومسك موبيل ريم وكلم طارق اللي رد عليه وقال.. 

طارق

ايوه يا ريم معاكي.. 

احمد بجمود

انا احمد مش ريم... 

بص طارق للفون وقال

دكتور احمد خير ان شاء الله في حاجه ريم كويسه؟.. 

احمد بجمود

اسمع يالا انت تبعد عن مراتي، والا ورحمة ابويا ما تعرفش انا ممكن اعمل بيك ايه... 

طارق بهدوء 

هو انت ايه مشكلتك معايا بالظبط، ريم اقسم بتااه العظيم انا بعتبرها اختي و... 

احمد بحده 

لا مش اختك ريم مرات دكتور احمد عزام مديرك في شغلك وبس، وهي من ناحيتها مش هتكلمك تاني وهتسمع كلام جوزها وانا حذرتك تحاول بس توصلها تاني خاف علي مستقبلك يا حبيبي.. 

_ خلص احمد كلامه وقفل في وش طارق، وقعد مدايق جدا وهو بيفكر قي كلام ريم ليه وبتزيد. عصبيته اكتر ودخلت مامته عنده وقالت.. 

الهام 

تاعب نفسك ليه كده يا احمد؟.. 

احمد. بعصبيه 

انا بعد كل اللي بعمله عشانها شيفاني اوحش واحد وعنده هو لااا ده ملاك نازل من السما.. 

الهام بحده 

انت ما حدش قالك تعملها حاجه، انت لو عايز تسيبها كنت سيبتها يا احمد.. 

احمد بسخريه

اسيبها عشان تروحله هو ولا عشان ياخدوها ولاد عمها، دي بني ادمه متخلفه اصلاً... 

الهام بخبث

ما تروح لطارق يمكن يقدر يحميها من غير ما يزلها زي ما انت بتعمل معاها.. 

احمد بحده 

انتي بتقولي ايه انتي كمان، انا هسيب ريم وما حدش هيقدر يحميها غيري.. 

الهام 

ليه بقي؟... 

سكت احمد والهام قالت

لما تلاقي اجابه للسؤال ده هترتاح وهتريحها معاك، انما جو انها جاريه عندك ده تهينها وتحبسها ما ينفعش وانا ما ارضاش بيه لمرات ابني.. 

احمد بجمود

تمام نروح لممدوح و.... 

 قبل ما يكمل كلامه دخلت ميرا وقالت

دكتور احمد المدام مشيت من الباب الخلفي للفيلا انا شوفتها من شباك المطبخ... 

الهام بحده 

عجبك كده هتكون راحت فين دلوقتي... 

احمد بعصبيه

الله يخربيتك يا ريم، والله لربيكي كويس... 

_ واخد موبيله ونزل بسرعه، وعند ريم اخدت تاكسي ووقفت قدام بيتها هي واخوها، ونزلت من التاكسي وطلعت فوق ودخلت شقتها وحطت الشنطه علي جنب، وقبل ما تقعد الباب خبط راحت فتحت وكان؟؟؟.... 

_ تفتكرو بقي مين اللي كان عندها؟... 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

_بعد ما مشيت ريم من بيت احمد وراحت شقتها الباب خبط، وقامت فتحت ولقيت طارق واقف وهو مدايق جدا.. 

ريم 

ادخل واقفل الباب وراك.. 

دخل طارق وساب الباب مفتوح وقالها

انتي ايه اللي عملتيه ده؟.. 

ريم بضيق

البيه بيحبسني بس علي مين عاااش ولا كان اللي يحاول يخليني اعمل حاجه انا مش عايزاها.. 

طارق

بس هو خايف عليكي يا ريم، ولو كان من ولاد عمك مراقبك والله ما كان حد هيعرف يوصلك.. 

ريم 

يوصلو بقي او ا يوصلوش انا هعيش هنا لوحدي ومش عايزه حد في حياتي غيرك انت اخويا وصديقي المقرب وهتساعدني صح؟.. 

طارق اتنهد بضيق وقال

صح يا ريم، بس اللي عملتيه ده غلط انتي ما تعرفيش احمد بيعمل ايه عشانك.. 

ريم بحده 

ما طلبتش منه يعملي حاجه ويرجع في الاخر يزلني بيها، انا خلاص مش هرجع هناك تاني ده اذا فرق معاه.. 

طارق

لا فرق معاه وكان بيدور عليكي ولما كلمتيني كلمته وهو زمانه جاي.. 

ريم بخوف 

لييه عملت كده يا طارق، انا كنت قولت للبواب انه لو جه يقولو اني مش موجوده، انا مش عايزه ارجع اتسجن عنده تاني.. 

طارق بهدوء

قولتلك هو عمل كده عشان خايف عليكي ولو احمد مش كويس يا ريم ما كانش اخوكي جوزك ليه... 

_ في الوقت ده احمد دخل وبص لريم بحده وطارق قال بقلق.. 

طارق 

صلو علي النبي كده واهدو والموضوع مش مستاهل... 

احمد بجمود

شكرا يا طارق تعبناك معانا تقدر تتفضل... 

ريم بخوف 

لا طارق مش هيمشي وانت اللي هتمشي يا احمد... 

طارق بقلق

لا لا انا اللي همشي واهدي يا ريم وهبقي اجيلك بكره وهاخدك معايا المستشفي كمان.. 

_اتنهد احمد بضيق، وريم سكتت وهي بتبص لطارق برجاء انه يقعد معاها، بس هو سابها ومشي وكان قلقان جدا عليها من غضب احمد... 

_ وبعد ما مشي طارق احمد قفل الباب وبصلها  بهدوء وقال.. 

احمد 

بتتحامي فيه مني، هو انا كنت عملتلك ايه يعني.. 

ريم بسخريه

قول ما عملتش ايه انا ما حدش في عمري كله زعقلي غيرك ما حدش اتحكم فيا قدك، ما حدش ذلني بحاجه عملهالي غيرك ولو متوقع مني هقبل كل ده عشان اتحامي فيك يبقي انسي.. 

احمد بجمود

انتي لو بس تقبلتي تصرفاتي دي بحجة اني خايف عليكي ما كانش ده حصل، انتي امانه عندي وولاد عمك ساكتين ايوه بس الله واعلم ناوين يعملو ايه.. 

ريم ببكاء 

كنت ممكن انت تقول كده بطريقه تانيه من غير ما تزعقلي زي ما بتعمل، وانا عارفه اني دماغي جزمه ولما حد بيعند معايا انا كمان بعند ومش بعرف اسيطر علي تصرفاتي... 

احمد بهدوء

هو ممدوح كان متحملك ازاي.. 

ريم بسخريه 

كان بيفهم وعاقل يا غبي ولو كان موجود انت ما كنتش عملت فيا كده.. 

احمد قرب منها ومسحلها دموعها وقال

خلاص اسكتي وانا مش هزعقلك تاني وهنرجع لاتفاقنا القديم.. 

ريم بضيق 

طيب.. 

احمد 

طيب هو ايه الاتفاق؟.. 

ريم 

نبقي صحاب ونفهم بعض، بس قول لنفسك الكلام ده الاول.. 

احمد

حاضر، بكره هنروح المانيا وعاملك مفجأه هناك.. 

ريم 

لا انا عايزه اقعد هنا مع طارق.. 

احمد بنفاذ صبر

طارق اممم، معلش بس انتي لازم تيجي معايا.. 

ريم 

تاني هتتأمر فية تاني.. 

احمد

اعتبريها اخر مره، المهم تتعشي ايه اطلبهولك.. 

ريم 

لا استني انت هتقعد هنا معايا ولا ايه؟.. 

احمد

اومال هسيبك لوحدك هنبات هنا وبكره نطلع علي المطار علي طول وهكلم ماما ترتبلي الشنطه.. 

ريم بتوتر

بس انا ازاي يعني اقعد معاك في مكان واحد الجيران تقول عليا ايه.. 

احمد مسك راسها بأيديه الاتنين وقال

هي الدماغ دي ما بتشغلش غير عليا انا ليه، هو طارق اللي كان هنا ده من شويه ابن اختك وانا ما اعرفش.. 

ريم بعدت ايده عنها وقالت 

اوعي ايدك مصدعه لوحدي، خلااص اتنيل بات هنا معايا بس في اوضة ممدوح الله يرحمه.. 

احمد بهدوء

طيب تاكلي ايه عارفك ما اتعشتيش.. 

قعدت ريم علي الكنبه وقالت

مش عايزه حاجه.. 

_ كانت باين عليها انها لسه زعلانه منه، ابتسم بهدوء وقعد جنبيها وقال وهوبيغني بهدوء.. 

احمد

تيجيي نجييب انا انتي من المخبز عيش فينو. ونروح علي السوووبر ماااركت ونجيب جبنه وبيض ونروح علي البيت.. 

ابتسمت ريم وفضلت تسقف وقالت

ونسيح جبنه رومي ونشرب اتنين شاي.. 

احمد وهو بيطبل علي الترابيزه 

ده معاكي انا بنسي همومي جنبك ما افرحش ازاي.. 

ريم وهي بتسقف برضو

تيجي نضرب طاجن باميه مش شرط يكون باللحمه عشان اللحمه غاليه فوق العشرين جينيه.. 

احمد 

وان جالنا في يوم حيمو.. 

ريم 

نطلب اتنين زبادو.. 

احمد

هشرب اللي بالخوخ واسيبك المانجو.. 

_واحمد فضل يطبل اكتر وريم وقفت علي الكنبه وقالت وهي بتسقف بحماس.. 

ريم 

ونسيح جبنه رومي ونشرب اتنين شاي.. 

احمد

ده معاكي انا بنسي همومي جنبك ما افرحش ازاي.. 

_ فضلت ريم تضحك وهي مبسوطه واحمد بصلها بهدوء وهو مبتسم وقال.. 

احمد

مش مهم الكاريزما اللي ضاعت المهم انك اتصالحتي.. 

ريم نزلت من علي الكنبه وقالت

شوفت انا بسيطه وبتصالح بسرعه ازاي، يلا تعالي اكلني كشري وشربني قصب.. 

احمد 

لا ازعلي احسن الجو برد اووي علي اننا ننزل الشارع دلوقتي.. 

ريم بضيق

طيب.. 

مسك احمد مفتاح عربيته وقال

خلاص ما تقلبيش خلقتك كده يلا بينا.. 

_ ونزلو هما الاتنين ورااحو جابو كشري وكانو قاتدين علي الرصيف في الشارع وبياكلو، واحمد قالها بهدوء.. 

احمد

غريبه انتي يا ريم يعني البنات اللي شوفتهم في حياتي كانو بيفرحو بالهدايا الغاليه والعزومات اللي في اغلي مطاعم مش كشري بعشرين جينيه وقاعده علي الرصيف في الشارع.. 

ريم بسخريه

يعني هو انت كنت وديتني مطعم غابي وانا قولت لا.. 

ابتسم احمد وقال

احنا فيها لو عايزه تروحي نروح.. 

ريم 

تمام بس هو في مطعم غالي ولا شيك ومشهور هيرضو يخلوني اكل بالطريقه دي وانا جعانه ده هناك لازم الاتيكيت وابقي متصنعه اني شبعانه واكل بهدوء مع اني جعانه، وانا مكان مش هبقي فيه براحتي وبطبيتتي ما بحبوش زيك كده.. 

احمد بأستغراب 

زيي انا ليه يعني؟.. 

ريم بجديه 

عشان انت عايزني ابقي علي مزاجك، شايفني كويسه بس لو شخصيتي هاديه وعاقله وبسمع كلامك انما انا عكس كده وده سبب خنقاتك معايا.. 

_استغرب احمد اكتر انها فهمااه وفاهمه تفكيره، بس رد عليها وقال...

احمد 

يمكن لو كنتي زي ما انا عايز بالظبط ما كنتيش لفتي نظري اووي كده ولا عجبتيني.. 

ريم بلا مبالاه 

يمكن.. ايه عجبتك؟!.. 

احمد بتوتر 

ااا هو بتاع القصب فين؟.. 

ريم 

لا في الشارع اللي ورانا... 

_ وقامت ريم وحطت الاكل بتاعها للقطط وقعدت تاني جنب احمد ومسكت العلبه بتاعت احمد حطتها بينهم وقالتله.. 

ريم

معلش بس انا خايفه ما يكونوش قطط ويكونو عفاريت ويطلعولي بالليل وانا نايمه.. 

_ ضحك احمد وفضلو هما الاتنين ياكلو من نفس العلبه، وبعدين راحو شربو عصير قصب وهما راجعين كانو ماشين ساكتين وريم بصتله بخبث وقالت.. 

ريم 

الحلق يا احمد في كلب وراااك... 

_اتفزع احمد وجري بسرعه قدامها، وهي فضلت تضحك واحمد وقف وبصلها بغيظ ومسك طوبه من الارض وجري وراها وهو بيقولها.. 

احمد 

والله لافتح دماغك دي يا حيوانه.. 

ريم جريت وهي بتضحك 

خلاص والله انا اسفه... 

_وقف احمد ورمي الطوبه علي الارض وريم قالت وهي بتضحك... 

ريم

ههههههههههه شكلك كان مسخره وانت بتجري.. 

احمد 

بس احساس انك تجري في الشارع ده جميل علي فكره.. 

ريم بحماس 

طيب بص انسي انك دكتور احمد عزام وتخيل كده ان عندنا عشر سنين ويلا نجري ونشوف مين هيوصل البيت الاول.. 

احمد ابتسم وقال

وليه لا كده كده الكاريزما باظت.. 

_ وفعلا وقفوو هما الاتنين جنب بعض وبعدين فضلو يجرو بسرعه لحد ما وصلو البيت وهما يضحكو.. 

احمد قعد علي الكرسي في الصاله وقال

عمري ما كنت اتخيل اني اعمل حاجه زي دي ابداً.. 

ريم نامت علي الكنبه وقالت بتعب 

امممم.. 

_ابتسم احمد وفضل متابعها لحد ما غمضت عينيها خالص ونامت من غير ما تحس بحاجه حواليها زيها فعلا زي الاطفال اووي، قام وجابلها غطا تقيل من جوه اوضتها وفرده عليها وقربنها اووي وركز جدا علي ملامحها، بشرتها البيضه ورموشها الطويله، رفع ايده ولمس وشها بهدوء وقال بصوت هادي جداً.. 

احمد 

كل حاجه فيكي بسيطه وملفته جدا في نفس الوقت حتي ملامحك موجوده في اي بنت وفي الاحلي من كده بس ريم مختلفه في كل حاجه... 

_سابها وقام وراح قعد علي الكرسي اللي قصادها وفضل يقلب في موبيله لحد ما نام.. 

ـــــــــــــــــــــــــــــ 

وتاني بوم كان الليل جه في المانيا، وخصوصا في المستشفي اللي فيها ممدوح.. دخلت عنده كامليا وقالت.. 

كامليا

يعني من شهر واكتر وانا قاعده قصادك ما جيتش مره فوقت ولما سيبتك نص ساعه تفوق من غيري يا ابوو صلاح.. 

ممدوح بصوت تعبان وقلق

فين ريم انا عايز اشوفها هي كويسه؟..  

كامليا قربت منه ومسكت ايده وقالت بدموع

ما تقلقش عليها هي زي الفل ومع احمد في مصر وجايين، هو جايبها وجاي؟.. 

ممدوح اتنهد وقال 

انا مش عارف ده ازاي حصل وانا قدرت اعدي التعب ده كله، بجد شكرا يا كامليا علي وقفتك جنبي والتعب ده كله.. 

كامليا مسحت دموعها وقالت

انت قوم بس بالسلامه وارجع زي الاول وانا كده هبقي مرتاحه جدا.. 

_دخل في الوقت ده هشام اخو كامليا وقال بسخريه.. 

هشام 

وايه كمان يا هانم.. 

_شالت كامليا ايدها بسرعه من علي ايد ممدوح وقالت بسرعه.. 

كامليا بتوتر

اعرفك يا هشام مم ممدوح.. ممدوح يعني.. 

هشام بهدوء

اهلا يا ممدوح مش احسن دلوقتي.. 

ممدوح

تمام الحمد لله احسن وشكرا جدا تعبتكم معايا.. 

هشام

لا لا تعب ولا حاجه المهم تقوم بالسلامه.. 

ممدوح

الله يسلمك.... 

بص هشام لكامليا

تعالي عايزك بره.. 

طلع هشام وكامليا قالت لممدوح

هشوف هشام عايز ايه وهجيلك تاني... 

ممدوح بهدوء

براحتك... 

طلعت كامليا وقالت لهشام

نعممم عايز ايه، وبتكلمه كده ليه؟.. 

مسكها من قفاها وقال

بت انتي انا علي اخري منك، هو مش الواد فااق مرزوعه هنا تعملي ايه؟.. 

كامليا بقلق

طيب نزل ايدك برستيجي لو سمحت هيبوظ.. 

نزل ايده من عليها وقال

طيب يا كامليا يلا بينا من هنا.. 

كامليا

لا مش هسيبه لوحده.. 

هشام بجمود

كامليا كفايه انا جيبت اخري بجد وسايب شغلي وجايلك مخصوص لان قعدتك هنا بقالك اكتر من شهر غلط كده يا قلب اخوكي يلا بينا... 

كامليا 

مش هسيبه لوحده يا هشام قولتلك، لما تيجي اخته وصاحبه همشي.. 

هشام بحده 

انا عايز اعرف دلوقتي انتي ايه حكايتك مع الواد ده.. 

كامليا بدموع 

بحبه يا هشام هو ما يعرفش او يعرف ومطنش براحته المهم انا ماشيه ورا احساسي وورا الحاجه اللي هتريحني

هشام 

ومين قالك انك هترتاحي وانتي بتحبي حد مش بيحبك، يلا بينا يا كامليا عشان تشوفي شغلك.. 

كامليا بضيق

اخته هتوصل الصبح تقريباً وهمشي.. 

هشام 

تمام اصلا بابا قرر انك مش هتنزلي مصر تاني وشغلك هناك هيحوله كله هنا.. 

كامليا بحده 

ايه الكلام الفارغ ده انا ما بحبش حد يتدخل في شغلي.. 

هشام 

وانا مالي ابقي قوليلو هو الكلام ده.. 

_ قال كلامه وسابها ومشي وهي كانت مدايقه جدا، ودخلت تاني عند ممدوح اللي قالها.. 

ممدوح 

كامليا هي ريم كويسه بجد، طيب عايشه ازاي هناك من غيري اصلا.. 

كامليا 

لا ما هي فاكراك الله يرحمك يعني واحمد معاها.. 

ممدوح بضيق 

احمد اكيد مش متحملها، انا متأكد ان هي ما كانتش مرتاحه وليه تكديو عليها اصلا ليه توجعوها باني ميت.. 

كامليا بهدوء 

بعد الشر عليك، واحمد اللي قرر كده عشان ولاد عمك كانو قريبين اووي منهم وهو كان لازم يخليهم يصدقو... 

_ سكت ممدوح وكان تعبان ومدايق جداً، وكامليا قعدت جنبيه علي الكنبه وهي ساكته.. 

ـــــــــــــــــــــــــــــ 

_ وفي المستشفي كانت ساره قاعده في مكتبها، ودخل عندها طارق بعد ما خبط وقال.. 

طارق

هعطلك عن حاجه.. 

ساره 

لا ابدا خير في ايه؟.. 

طارق

المفروض هاخد الرد النهارده علي اللي قولته امبارح.. 

ساره بهدوء

لو سمحت يا طارق انا ما رضيتش احرجك امبارح وقولت انك لما هتفكر كويس هتفهم اني مستحيل اشوفك غير زميل في الشغل وبس.. 

اتملت عيونه دموع وقال

تمام بعد اذنك.. 

ساره بضيق

طارق لو سمحت ما تزعلش.. 

طارق ابتسم وقال

لا ولا يهمك الغلط كان مني انا، بس عادي احنا لازم نجرب ونغلط عشان نتعلم.. 

_ طلع طارق من عندها وراح قعد في اوضة التدريب مع زمايله وكان مدايق جداً، وبعد شويه جات ساره وفضلت تديهم التعليمات وكانت بتبصله وهو مش شايل عينيه عن الورق اللي قدامه خالص، حتي انه ما كملش التدريب ومشي من غير ما يستأذن من حد.. 

ـــــــــــــــــــــــــــــ 

ـ وقدام المطار كانت ريم قاعده بره علي الشنطه بتاعتها وهي بتاكل واحمد واقف جنبيها وهو مدايق جداً... 

احمد

مش هنخلص النهارده؟.. 

ريم 

بقولك ايه انا بحب اكل علي مهلي.. 

احمد 

يا بنت الناس ما انا قولتلك هجيبلك فطار جوه وتاكلي زي البني ودمين بدل المنظر اللي يكسف ده.. 

ريم 

ما انت قولتلي ان ما فيش طعميه جوه وانا نفسي فيها.. 

احمد بحده 

طيب اخلصي يا ريم الناس بتبص علينا.. 

ريم 

انت بتزعقلي ليه، اتنيل روح ارمي الكيس ده في الزباله عشان نخش جوه.. 

بصلها احمد بقرف وقال

مصممه تقفليني منك هاتي.. 

_ مشي احمد وهي موبيلها رن برقم غريب، ردت وهي ساكته وقال كمال اللي كلمها.. 

كمال 

عامله ايه يا بنت عمي.. 

ريم بضيق 

انت عايز ايه مني ما تسيبوني في حالي بقي.. 

كمال 

حاضر انا مكلمك لمصلحتك، قوليلي يا ريم مش عايزه تشوفي ابوكي.. 

ريم بسخريه

ايه انت ناوي تروحله وتخلصنا منك ولا ايه؟.. 

كمال 

لا وحياتك هو اللي جالنا لحد هنا وهبعتلك صورته دلوقتي.. 

اتنفضت ريم بخوف وقالت

بابا عايش ازاي يعني؟  

كمال بخبث

ايوه عايش ولو مش عايزااه يحصل اخوكي تكلميني تاني واقولك تعملي ايه واياااكي تسافري مع الواد اللي بيقولو عليه جوزك ده.. 

_ خلص كلامه وقفل في وشها وبعد اقل من دقيقه بعتلها فديو لباباها وهي قاعد علي الارض في اوضه مكركبه، وبعتلها كمال رساله بعد الفديو وقايلها.. 

كمال

انا مش هعمله حاجه بس لو الواد اللي معاكي ده عرف حاجه انا هخلص عليه ويبقي اخوكي وابوكي الله يرحمهم... 

_ نزلت دموعها بخوف، بدل ما تكون فرحانه ان ابوها عايش بقيت خايفه اكتر، قرب منها احمد وقال.. 

احمد 

يلا بينا عشان خلاص اتأخرنا.. 

ريم

انا مش هسافر.. 

احمد بصلها وقال

في ايه مالك بتعيطي ليه؟.. 

ريم بجمود

عايزه ارجع البيت دلوقتي حالاً.. 

احمد بحده 

في ايه يا ريم مش وقت طريقتك دي الطياره هتفوتنا.. 

ريم بصوت عالي 

قولتلك مش هسافر، وهرجع بيتي دلوقتي حالاً.. 

احمد بعصبيه 

هو لعب عيال احنا لازم نسافر دلوقتي. 

ريم بحده 

سافر لوحدك انا مش عايزه اروح معاك.. 

_ وسابتن وراحت وقفت تاكسي واحمد اتنهد بضيق وراح حط الشنط في التاكسي وركب جنبيها وقال.. 

احمد بهدوء

طيب ايه اللي حصل ما احنا كنا كويسين.. 

ريم بدموع

انا عايزه افضل في بيتي مش عايزه اسافر.. 

احمد

يا ريم نما يومين بصي انا هأجل المعاد تمام بس احنا لازم نسافر.. 

_ ما ردتش عليه ريم وحطت راسها علي الشباك بتاع التاكسي وهي باصه للطريق بدموع... 

ـــــــــــــــــــــــــــــ 

_ وفي الصعيد دخل كمال للاوضه اللي فيها رشاد ابو ريم وممدوح وقعد قصاده وقال بخبث.. 

كمال 

معلش يا عمي هأجل موتك شويه لحد ما تيجي ريم.. 

رشاد بدموع

انتو مش قتلتو ابني من غير ذنب وانا قدامكم اهو اعملو اللي عايزينه بس سيبو ريم.. 

كمال بجمود

لا اصلا فتحي ما يعرفش اني لاقيتك بس انا شكيت في سعديه الشغاله وعرفت اجيبك ولما ريم تبقي تحت ايدي وقتها هديك لفتحي يعمل فيك اللي عايزه بقي.. 

رشاد بحزن 

بنتي مالهاش ذنب سيبوها في حالها، وانا مستعد اديك انت واخوك الارض وكل حاجه وحتي روحي بس كفايه اللي عملتوه في ابني سيبو ريم بقي.. 

كمال ضحك وقال

انا مش عايز ارض ولا تار يا عمي انا عايز بنتك وهتجوزها، والارض والتار دول قضية فتحي هو هياخد. تار ابويا اخوك اللي قتلته عشان خاطر مرا.. 

رشاد بحده 

المرا دي تبقي مراتي اللي اخوك اعتدي عليها وابوك جه يدافع عنه، انا كنت هموت اخوك بس ابوك اللي وقف قدامك.. 

كمال 

ده تار يا عمي ولازم يتاخد قدام البلد كلها واطمن ريم هتبقي في حمايتي لما ابقي جوزها... 

ـ قال كلامه وقام مشي من قدامه بعد. ما قفل الباب  ، وطلع موبيله وكلم ريم اللي ردت عليه وقالت.. 

ريم 

ايوه يا كمال انا ما سافرتش اهو، بس قولي انك مش هتعمل حاجه لبابا.. 

كمال بهدوء

مش لما تسمعي كلامي الاول وتنفذيه.. 

ريم بدموع

حاضر والله بس ما تعملولش حاجه كفايه اللي عملتو في ممدوح.. 

كمال

تمام يبقي تطلقي من جوزك وتنهي اللعبه اللي انتو عاملينها دي وتستني مني اقولك تعملي ايه بعدها.. 

ريم دموعها نزلت وقالت 

حاضر... 

في الوقت ده دخل احمد عندها وقال

انتي بتكلمي مين؟.. 

قفلت الفون بسرعه وقالت بتوتر

دد دي واحده صاحبتي.. 

قرب منها احمد وقال

بقولك كنتي بتكلمي نين وبلاش تكدبي.. 

وقفت ريم وقالت 

وانت مالك اكلم اللي انا عايزه اكلمه براحتي انا حره، وبلاش نكمل اللعبه دي انا زهقت منها.. 

احمد بجمود

بمعني؟.. 

ريم بضيق

يعني طلقني وخليك في حالك وانا خليني في حالي.. 

احمد بهدوء

ما اقدرش اعمل كده.. 

ريم بحده 

لييه لو عشان ممدوح فهو مات خلاص ما بقاش في حاجه تربطك بيا و.. 

احمد قاطعها وقال بكل ثقه

عشان بحبك وما اقدرش اسيبك ولا اتخلي عنك يا ريم.. 

اتصدمت ريم من اللي قاله وهو قرب منها وقال

ايوه بحبك حاولت اكدب نفسي واقول مستحيل دي اللي تعجبني بس عجبتيني وقولت مستحيل دي اللي اتجوزها بس برضو اتجوزتك وقولت مستحيل احبك بس غصب عني عشقتك وبقيت بغير وبخاف وكل حاجه معاكي انتي.. 

_خلص كلامه وحضنها و؟؟.. 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

_ صحيت ريم من نومها وبصت لاحمد. اللي نايم جنبيها ودموعها نزلت بحزن، استسلمت لمشاعرها معاه امبارح بس من جواها مرعوبه من اللي ممكن يحصل لابوها او لاحمد. نفسه من ولاد عمها.، رن موبيلها فأخدته وقامت طلعت بسرعه من عند احمد وكان اللي بيكلمها كمال ابن عمها.. 

ردت عليه وقالت

نعم؟.. 

كمال

انتي لسه عندك ليه ما سمعتش يعني انك اطلقتي يا بنت عمي.. 

ريم بدموع

مش هقدر اطلق واحمد مش هيسيبني.. 

كمال 

يبقي انتي اللي حكمتي ان ابوكي يحصل اخوكي يا ريم.. 

ريم بسرعه قالت

لا لا ما تعملوش حاجه لو سمحت بس انا بجد ما اقدرش اقول لاحمد. يطلقني.. 

كمال بجمود

يبقي تيجي عندي وانا اطلقك منه بمعرفتي ويكون في علمك فتحي مستني اشاره مني عشان اقوله طريق ابوكي ويخلص عليه.. 

نزلت دموع ريم وقالت

هجيلك والله وهسمع كلامك في كل حاجه بس ما تعملوش حاجه لبابا... 

ضحك كمال وقال

ههههه حاضر يا حلوه مش هنعمل حاجه لبابا بس انتي اسمعي الكلام.. 

ريم بخوف

خاضر بس انا هجيلك ازاي يعني؟.. 

كمال 

نص ساعه وهتكون عندك العربيه اللي هتجيبك لحد. البلد، البلد اللي هتقضي فيها باقي عمرك معايا يا بنت عمي.. 

_ قفل معاها وريم دخلت جوه تاني اخدت حجابها وشنطة هدومها اللي كانت علي الارض وبصت لاحمد بحزن وهو نايم وبعدين طلعت.. 

_ وفي المانيا كان ممدوح متألم جدا من الالم اللي حس بيه في جسمه وكانت كامليا جنبيه وقالتله.. 

كامليا 

يا ممدوح مش كده اكيد احمد انشغل في المستشفي وعشان كده ما جوش..

ممدوح بتعب

احمد مستحيل يكون ما بيردش عليكي كده وخلاص اكيد في سبب او حاجه حصلت... 

كامليا 

يا ابني انت كده هتتعب تكتر، اهدي وانا اهو هكلمه تاني.. 

_ وفعلا كامليا مسكت موبيلها وكلمت احمد تاني، وفي الوقت ده احمد صحي ومسك موبيله من جنبيه وهو كان نايم في اوضة ريم اللي في شقتها ورد علي الفون وقال.. 

احمد 

ايوه يا كامليا في ايه علي الصبح؟.. 

كامليا

انا برضو اللي في ايه انت فينك وريم فين مش كنتو جايين.. 

احمد 

ااه صح انا نسيت اكلمك واقالك اني اجلت السفر وهحجز تاني وهنيجي علي طول.. 

كامليا

طيب خد ممدوح عايز يكلمك. بس ما تطولش عشان تعبان.. 

_ابتسم احمد لما سمع صوت ممدوح اللي قاله بنبره باين فيها التعب... 

ممدوح 

ريم فين يا احمد هاتها اكلمها... 

احمد 

يا عم ريم ايه دلوقتي ده الواحد. روحه رجعت فيه، انت كويس.. 

ممدوح 

انا هبقي كويس لما اكلم. ريم هي فين؟.. 

احمد بخبث

اااه قصدك ريم مراتي اختك. دي طلعت عيني يا جدع بس خلاص الدنيا بقيت تمام بينا وبقينا نسايب رسمي.. 

ممدوح 

قصدك ايه يعني؟.. 

ضحك احمد وقال

يا عم كلك مفهوميه، طيب كامليا جنبك؟... 

فهم ممدوح قصده وقال بعصبيه

وحياة امك يا احمد لما اشوفك، بقي تعمل في اختي كده دي الامانه اللي مديهالك.. 

احمد بحده 

 يا اهبل دي مراتي، وبعدين اهدي وانا خلاص هجيلك واجيبهالك معايا.. 

ممدوح بغضب

هات ريم اكلمها يا احمد يا محترم ياللي بتصون الامانه.. 

احمد ضحك وقال

يادي النيله هي مش عندي وبعدبن ما تعرفش انك عايش وعلي اللي عملته فيا من لما شوفتها للنهارده مش هقولها انك عايش هخليها تتفاجئ.. 

ممدوح بغيظ 

ريم تكون عندي بكره يا احمد فاهم ولا لا؟.. 

احمد 

حاضر من عينيا.. 

ـ قفل معاه ممدوح وكامليا اخدت منه الفون وقالت بقلق.. 

كامليا 

هو ماله احمد عمل ايه لريم؟.. 

اتوتر ممدوح وقالها

ااا ابدا بيتخانقو ما انا كنت قايلك انهم مش متفقين.. 

كامليا 

بس تعرف انا حاسه انهم هيبقو كابل حلو اووي.. 

ممدوح بغيظ 

هما لسه هيبقو ماشي يا احمد... 

_ وعند احمد كان قاعد هيتجنن ازاي اختفت وراحت فين والبواب قاله انه شافها ماشيه وكانت معاها شنطة هدومها، لبس الكوتشي بتاعه واخد موبيله وجه يطلع لقي طارق في وشه.. 

احمد بحده 

هي عندك مش كده؟. 

طارق بقلق

لا مش عندي ريم بعتتلي رساله وقالتلي علي المكان اللي هي فيه وطلبت مني ما اقولكش بس انت لازم تعرف وتلحقها.. 

احمد بخوف 

الحقها من ايه ريم فين يا طارق؟.. 

طارق 

راحت لولاد عمها البلد.. 

_اتصدم احمد من اللي سمعه، ودخل جوه وقال بخوف حقيقي.. 

احمد 

ازاي تروح هناك. هي اتجننت؟.. 

طارق

بتقولي اللي اسمه كمال ده قالها ان ابوها عايش هناك وطلب منها تطلق منك وتروحله بس هي ما قدرتش وخافت عليك ومشيت وقالت مش تايزه تخسر ابوها زي اخوها.. 

احمد بحده 

انت ليه ما قولتلهاش طيب ان هو عايش.. 

طارق

ده. غلطك. انت يا دكتور احمد.، ريم. طفله والله ومن خوفها ممكن. تعمل اي حاجه من غير ما تفكر في العواقب.. 

احمد 

هي اكيد لسه ما وصلتش مش كده.. 

طارق 

دي متحركه من ساعه تقريباً..

احمد بجمود

 افتح اللوكيشن ولو موبيلها مفتوح اكيد هوصلها لو متحرك بسرعه اكبر من السرعه اللي ماشيه بيها العربيه اللي هي فيها.... 

طارق

بس انت انت كده عايز تموت نفسك صح.. 

احمد بقلق

مش مهم المهم الحقها وهلحقها.. 

_ نزل احمد بسرعه وطارق راح معاه وساق العربيه بتاعته بسرعه وكان طارق جنبيه فاتح اللوكيشن وفضل متابع موبيل ريم عشلن يوصلو لمكانها.. 

طارق بخوف 

براحه والنبي انا مش عايز اموت.. 

_ ما ردش عليه احمد وكان سايق فعلا بسرعه كبيره جداً وكان مل تفكيره واللي يهمه انه يوصلها قبل ما تروحلهم، وانتبه لصوت طارق اللي قاله.. 

طارق

قربنا منها جدا يا دكتور احمد بالراحه بقي ابوس ايدك.. 

_احمد فضى يبص حواليه علي كل عربيه لحد ما شافها في عربيه جنبيه، وشاور للسواق يقف بس السواق اول ما شافه زاد من سرعة العربيه، يس احمد وقف بعربيته قدامه واجبره هو كمان يقف ونزل من العربيه بسرعه هو وطارق اللي مسك السواق وقاله.. 

طارق

احنا دكاتره ااه ومحترمين اااه بس هتتكلم هنقل منك عادي جداً... 

فتح احمد الباب وقال لريم

انزلي.. 

ريم بقلق

لا مش هنزل.. 

احمد زعق فيها وقال

بقولك انزلي يا ريم عشان ما اتصرفش بطريقه تزعلك واحنا في الشارع.. 

خافت منه ريم ونزلت وقالت 

مش عايزه ارجع انا لازم امشي دلوقتي واروح لبيت عمي.. 

احمد شدها من. ايدها جامد وقال 

ما تنزلي بقي وتخلصي، قال ترجعي بيت عمك قال انتي هتلعبي بيا.. 

_ واخدها احمد غصب عنها وخلاها تركب العربيه بتاعته وركب هو من قدام وجنبيه طارق اللي قال.. 

طارق 

بقي ينفع اللي عملتيه ده يا ريم، ما هما اكيد بيكدبو عشان يخلوكي تروحي عندهم... 

احمد بحده 

انت بتكلم مين، مش لما تكون بتفهم الاول.. 

بصتله ريم بدموع وقالت

لا انا بفهم كويس انا شوفت بابا هو صورهولي فيديو وعند كمال.. 

احمد بجمود

وانا لازمة اهلي ايه في حياتك حاجه زي دي مش المفروض تقوليلي عليها الاول.. 

ريم بسخريه. 

والله انا مش شايفه  غير انك بتزعق وبتفرض كلامك عليا وبس.. 

اجمد. بصلها بي المرايا وقال بحده 

ده. انا كده، ماشي يا ريم انتي الحبسه في البيت هي اللي تناسبك اصلا.. 

ريم بخوف

بقولك بابا عنده انا لازم اروح هناك... 

طارق 

انتي غبيه يا بنتي لما هتروحي هناك هو هيسيب ابوكي ومش هياخد بتاره منه.. 

ريم ببكاء

هو قالي كده وانا موافقه.. 

وقف احمد العربيه فجأه وبصلها بعصبيه وقال

انتي اتجننتي موافقه علي ايه انك تطلقي متي وتروحيله.. 

ريم بجديه 

ايوه المهم بابا ما تحصلوش حاجه.. 

طارق 

يا ريم اللي انتي بتقوليه ده ما ينفعش.. 

احمد بغضب

انت لسه هتتكلم معاها خلصت يا ريم... 

ريم بغيظ 

ما خلصتش ونز... 

زعق احمد فيها وقال بحده. 

لا خلصت وانتي تسمعي اللي انا اقوله وبس، قال عايزه تروحيله قال انا هوريكي يا ريم... 

جه طارق يتكلم فاحمد زعق فيه هو كمان وقال

وانت كمان اخرس خالص ما سمعش صوت حد... 

ـ وساق احمد العربيه وراح بيته اللي كان جنب بيت ساره وقال لريم بحده.. 

احمد 

انزلي.. 

ريم 

لا 

احمد 

والله العظيم يا ريم لو ما نزلتي ودخلتي معايا البيت وانتي حاطه جزمه في بوقك لانزل انا ادخل من شعرك... 

ريم فتحت الباب وقالز بغيظ

نازله اهو نازله اللهي يارب يجيلك شلل في حنجرتك.. 

طارق 

انا هستناك هنا.. 

احمد 

مااشي.. 

_ نزل احمد من العربيه ومسك ايد ريم وسحبها وراه جامد ودخل البيو وكانت مامته جوه ولما شافته قامت بسرعه وقالت.. 

الهام 

احمد انتو يا ابني لحقتو تسافرو وترجعو.. 

احمد

ما سافرناش وخليكي في حالك يا ماما ... 

الهام بهدوء

اوكيشن براحتكم انا قاعده هنا في حالي اهو... 

_ طلع احمد فوق ومعاه ريم وساب ايدها وهي مسكتها بألم وكانت ساكته... 

احمد بجمود

هخلي الشغاله تجيبلك هدومك هنا.. 

ريم 

لا انا هقعد في اوضتي اللي هناك.. 

احمد 

ليه، لتكون الهانم مكسوفه تحبي افكرك باللي حصل بينا امبارح قبل ما تسبيني الصبح وتمشي.. 

ريم بكسوف 

احترم نفسك يا احمد، وبعدين شكلي هيكون ايه قدام مامتك لما تعرف... 

احمد بحده 

يعني هو انا قاااعد معاكي في الحرام يا ريم ما تتظبطي كده.. 

ريم بقلق

طيب وبابا اعمل ايه وانا عارفه انه عند. كمال.. 

احمد راح دخل اوضة اللبس بتاعته وقال

انتي ليكي عندي اني ىرجعلك ابوكي وانا هعمل كده بأذن الله، وتسمعي كلامي انا وبس لان لا ابوكي ولا اخوكي ولا الجن الازرق ليه كلمه عليكي غيري.. 

ريم قربت منه وقالت بدموع

طيب ما تقفلش عليا الباب من بره عشان بخاف وانا هسمع كلامك.. 

احمد

حاضر... 

ريم 

وانزل اقتد. مع مامتك تحت وفي الجنينه.. 

اتنهد احمد. وقال

حاضر يا ريم.. 

ريم بحزن 

وتلاقي بابا... 

احمد بخبث 

حاضر بس ايه المقابل بقي.. 

ريم بتوتر

ااا هسمع كلامك.. 

قربها احمد ليه وقال

لا ما هو ده غصب عنك انا لا متحضر ولا زفت ولو كلامي ما اتنفزش ياريم المره دي ورحمة ابويا لارنك علقه معتبره.... 

ريم بقلق

انت بتتحول كده علي فكره انت كنت محترم لما عرفتك... 

احمد

هو انتي اللي يعرفك انتي واهلك يفضل علي حاله.. 

_ بعد عنها وغير هدومه وهي كانت واقفه مدايقه جدا، وقف احمد قدامها وهو بيقفل زارير قنيصه وقال.. 

احمد

خير زعلانه عشان ما روحتيلوش.. 

ريم بغيظ

تصدق ايوه انا زعلانه عليه.. 

احمد خبط. ايده علي الحيطه وراها وقال

اتعدلي با رييييم، قال عايزه تروحله قال.. 

ريم بغيظ 

يا عم غور بقي شوف هتعمل ايه وريحني.. 

احمد بجمود

موبيلك فين؟.. 

ريم 

لا لا كله الا موبيلي.. 

احمد

عندك. لابتوب اهو اقعدب عليه هاتي الفون.. 

ريم بضيق

علي فكره الفون ده حاجه خاصه بيا.. 

احمد بحده 

نفسي تسمعي الكلام من مره واحده. هاتي الفون.. 

ريم بغيظ اديته الفون وقالت

خد اهو يا خدك ربنا.. 

احمد بسخريه

وطبعا اول ما قولتي اللي مدايفك لحد كان طارق ولما حبيتي تنقذي ابوكي هتروحي للواطي ابن عمك انا وجودي ايه في حياتك يا ريم.. 

ريم بحزن 

انا كنت خايفه عليك.. 

احمد بحده 

عيل صغير انا، هما لو كانو قادرين علية او قادرين يأذوني كانو هيسبوكي عندي ابوس ايدك فكري بهدوء تلات دقايق بس وبعدين خدي قرار.. 

ريم ابتسمت وقالت

حاضر اوعدك اني هعمل كده بس ما ينفعش تلات ثواني كتير تلات دقايق اقعد افكر... 

احمد بنفاد صبر

يارب صبرني انا ماشي.. 

ريم 

انت رايح فين طيب؟.. 

احمد بحده 

في داهيه من وشك وغباءك يا ريم.. 

_ مشي احمد واول ما طلع من اوضته لقي الشغاله في وشه، بصلها بغضب وقال.. 

احمد

بتعملي ايه هنا يا بت انتي؟.. 

ميرا

اا اا الست هانم والله هي اللي قالتلي اجي واشوفكم بتتكلمو في ايه.. 

_ نزل احمد وهو متعصب ولقي الهام قاعده بتقلب في موبيلها وقال... 

احمد 

ماما ريم ما تطلعش بره البيت ممكن.. 

الهام 

انا مالي يا ابني قولها هي كده.. 

احمد 

ماما انا فيا اللي مكفيني.. 

الهام 

انا ماليش دعوه وديما فيحالي.. 

احمد 

طيب ابقي اطلعي خدي مناخير حضرتك اللب حشرتيها فوق بيني وبين مراتي يا ماما.. 

ابتسمت الهام وقالت 

ااا هروح اشوف ساره اصل اا خالك قالها انه متجوز.. 

_ سابها احمد وطلع، وبره كانت سلره واقفه مع طارق وقالتله.. 

ساره 

خير يا طارق انت بتعمل ايه هنا، لو جاي عشان نتكلم انا مش عايزه اتكلم والموضوع خلص اصلا وو... 

طارق بجمود

انا مش جاي عشةن حضرتك اصلا انا جاي لدكتور احمد.. 

ساره بأحراج 

بجد. خير يعني برضو هو مش انت قدمت استقالتك.. 

طارق 

موضوع خاص بيني وبينه.. 

ساره بغيظ. 

انت ليه بتتكلم معايا كده.. 

طارق 

واتعامل معاكي ازاي يعني؟.. 

جه احمد في الوقت ده وقال

يلا بينا يا طارق وانتي يا ساره ادخلي عند ماما كانت جيالك.. 

_ بصت ساره لطارق بضيق ودخلت جوه، وطارق كان مدايق جدا وقال لاحمد.. 

طارق

انت ماوي تعمل ايه؟.. 

احمد

انت استقالت ليه من المستشفي؟.. 

طارق

اخدت الخبره اللي عايزها وهكمل في مستشفي تانيه.. 

احمد 

ما كنش قصدي اهددك.. 

طارق

فاهم وعارف انك كنت غيران علي ريم، بس والله التظيم ريم اختي ووقفتي معاك دلوقتي هنا وانا مستعد اعمل اي حاجه عشانها هي وعشان ما حدش يأذيها وبتمني علاقتك بيها تتحسن لانها فعلا تستاهل واحد زي حضرتك.. 

احمد

ماشي يا طارق يلا بينا عند خالي.. 

طارق

عزيز بيه.. 

احمد

وكمان عارف العيله كلها يلا بينا.. 

_ وفي الصعيد في بيت كمال كان متعصب جدا، وقال لرشاد اللي علي الارض.. 

كمال 

الواد ده عايز مني ايه؟.. 

ابتسم رشاد وقال

انا كده الحمد لله مطمن علي بنتي انها مع راجل وانت مش هتقدر تعملها حاجه.. 

كمال 

ولو عملت هتعمل ايه؟.. 

رشاد بحده 

مش هتقدر انت واخوك مش هتقدرو علي جوزها.. 

كمال بهدوء

تمام يا عمي خليك قاعد واتفرج وشوف وانا بتجوزها وفي نفس اليوم هخلص عليك.. 

رشاد ضحك وقاله

هههههههه ابقي قابلني لو طلت شعره واحدخ من بنتي يا كمال انت او اخوك... 

ـــــــ 

_ وفي بيت عزيز كان قاعد معاهم وقال لاحمدوهو باصص لطارق..  

عزيز 

مش انت الولد المتفوق اللي اسمك مسمع في المستشفي.. 

قبل ما يرد طارف احمد قال

هو ده وقته يا عمي هاا هتعرف تبعت رجالتك الصعيد... 

عزيز بخبث

والله انا عريس جديد وااا.. 

احمد

خاالص والله اطلع اقول لطنط علياء علي السهرات السعيده اللي كانت بتحصل في اوتيا الغرام قبل ما تعلن جوازك منها.. 

قام عزيز بسرعه وقال

ااا اخرس خالص هبعت حد الاول يطقس ويجيبلي عنوان حماك وبعدين ساهل ندخل البلد.. 

احمد 

تمام انا هروح الشركه وطارق هو البي هيمسك المستشفي مع ساره.. 

طارق بصوت 

ايه اللي انت بتقوله ده انا مستقيل وبا نسيت.. 

احمد بخبث

كله عشان ريم ولا انت مش بتعتبرها اختك وما فيش حد هيسد مكاني غيرك... 

طارق بضيق

طيب.. 

_ وطلع احمد علي الشركه وعدي يوم في التاني وكانت الامور طبيعيه معادا عند ريم اللي كانت خايفه علي باباها وممدوح اللي خوفه كل يوم بيزيد علي اخته... وفي قرر ممدوح انه هينزل مصر.. 

كامليا بحده 

قولتلك. مش هتنزل انا ما صدقت انك كويس.. 

ممدوح 

انا هنزل لاختي يا كامليا ويا اقعد معاها يا اجيبها معاها.. 

كامليا 

احمد معاها انت لو نزلت هتروح فيها.. 

ممدوح 

اما حر وكتر الف خيرك انك ساعدتيني.. 

كامليا بدموع 

ما تمشيش انا ما اقدرش اعيش من غيرك يا ممدوح انا سيبت كل حاجه وحيت معاك هنا كل اللي بنيته هديته في لحظة خوف عليك.. 

ممدوح بضيق

انتي ليه عملتي كده اصلا روحي يا كامليا صالحي اهلك اللي زعلاانين من وجودك معايا وانا سبيني اواجه عيلتي واحمي اختي.. 

كامليا 

مش هقدر يا ممدوح  اسيبك. ولو اقدر اعمل كده ما كانش زماني معاك هنا.. 

ممدوح بحده. 

وانتي ليه هنا اصلا بتعملي ايه؟.. 

كامليا دموعها نزلت وقالت

تفتكر ليه عشان بحبك مثلا مش واخد بالك من حاجه زي دي؟.. 

_ سكت ممدوح وحصل؟.. 

_ تفتكرو هيحصل ايه؟.. 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

_سكت ممدوح واتحرك ببطئ وراح وقف قدام الشباك وكامليا قربت منه وهي متوتره جدا وقالت.. 

كامليا

انا مش قصدي اقولك كده دلوقتي عشان استغل الموقف بس انا بجد خايفه عليك

ممدوح 

بس انتي عارفه اني بحب واحده تانيه اينعم ما تعرفيهاش بس انتي عارفه اني بحب واحده تانيه واني معتبرك زي ريم اختي وعشان كده كنت بكلمك وبحكيلك عن حبي ليها.. 

كامليا بدموع

طيب هي فين بتعمل ايه انا اللي هنا يا ممدوح انا اللي مستعده اعمل اكتر من كده عشااانك.. 

ممدوح بحده 

انا ما طلبتش منك تعملي حاجه وترجعي تزليني بيها يا كامليا، فمتجيش تطلبي مني حاجه برضو انا مش هقدر اعملها.. 

كامليا بأحراج 

اا انا ا انا اسفه براحتك عايز تمشي امشي انا مش همنعك.. 

ممدوح مسك ايدها وقال بسرعه

لا انا اللي اسف انا ما كانش قصدي اقول كده بس يعني.. 

كامليا سحبت ايدها من ايده وقالت بجمود

انت معاك حق علي فكره انت مش مجبر تحب واحده زيي اكبر منك بسنتين وكمان مطلقه، وعلي فكره انا ما جيتش معاك لهنا عشان اجبرك علي حاجه ولو انت شايف كده فوجودي مالوش اي لازمه من دلوقتي.. 

_ قالت كلامها واخدت شنطتها وسابته وطلعت، نزلت تحت وقعدت علي كنبه خشبيه في الشارع وفضلت تعيط بحزن، وفجأه جه وقعد. جنبيها هشام اخوها وقال.. 

هشام 

كنت عايزك تسبيه وتشوفي حياتك عشان كنت متأكد انه بعد ما هيفوق مش هيبقي زي ما انتي عايزة.. 

 كامليا مسحت دموعها وقالت

انا عملت باصلي يا هشام واللي بيحب مش بيستني حاجه من اللي بيحبه علي فكره بيعمل اللي بيريح قلبه وبس.. 

هشام 

انا بقول ترجعي لجوزك ونتلم بقي.. 

كامليا

مش جوزي طليقي اللي عشت معاه اسود ايام حياتي.. 

هشام

مروان بيحبك يا كامليا واتغير وعايز يرجعلك.. 

كامليا بسخريه

اغبي ناس هي اللي بتصدق ان حد. واطي وزباله زي مروان ممكن يتغير، ده كان بيخوني قدام عينية البجح.. 

ضحك هشام وحضنها بدراعه وقال

والله الرجاله دي مالهاش امان يا اختي.. 

ضحكت كامليا وقالت

معاكي حق يا اوختشي.. 

_ ضحكو هما الاتنين، وبعدين اخدت بالها من ممدوح اللي نزل من المستشفي وركب تاكسي ومشي.. 

هشام 

انتي مالكيش نزول مصر تاني جايه وجيبالنا بومه معاكي.. 

ضربته كامليا علي كتفه وقالت

اتلمم وبعدين قاعده علي قلبك هنا وهمسك الشغل معاك.. 

هشام بحماس

ده انا هنفخك قداااامي يلاا.. 

 ـــــــــــــــــــــــــــــ 

_ وفي بيت احمد عزام.. 

صحي من نومه ولقي ريم قااعده جنبيه علي السرير وهي مدايقه جدا، قعد احمد. وقالها.. 

احمد

في ايه مالك؟.. 

ريم بدموع

طلقني.. 

احمد 

الناس تقول الصبح صباح الخير مش طلقني.. 

ريم بحده 

ده مع اي حد عادي مش الكدابين اللي زيك.. 

احمد بجمود

في ايه يا ريم مالك صاحيه تقولي مشاكل للبيع.. 

ريم بدموع

اخويا عايش وانت بتكدب عليا كل ده؟.. 

احمد اتصدم وقال

مين قالك كده مين اللي عرف ان ممدوح عايش طارق اللي قالك صح؟.. 

ريم قامت من جنبيه وقالت بصدمه

حتي طارق كمان كان يعرف وما قاليش، انتو اييه  كان ساهل اووي عليكم وانتو شايفيني بتعذب علي اخويا وانتو مفهميني انه ميت.. 

احمد بحده 

انطقي يا ريم عرفتي منين؟.. 

ريم بدموع

من رسايلك مع كامليا، انت بجد. حيوان.. 

احمد بعصبيه

انا حيوان عشان خايف عليكي انتي واخوكي ابقي حيوان، انا كان لازم اعمل كده يا ريم... 

ربم ببكاء 

لا ما مكنش لازم انت كنت قاصد تأذيني لان فيها ايه بعني لو كنت قولتلي كنت هروح مثلا واقول لولاد عمي انه عايش..

احمد 

لا بس انتي متخلفه وممكن بتصرفاتك كانو يعرفو ان ممدوح عايش.. 

ريم بحده 

ده مش مبرر لكدبك عليا، وفي الاخر عامل نفسك بتحبني يا كداااب.. 

احمد بحده 

ما تخرسي بقي يا ريم وقدري شويه اللي انا بعمله عشانك... 

ريم بعصبيه 

ما. كنتش عايزاااك. تعمل حاجه، ياريتك ما عملت. بس ما كنتش حسيت لحظه واحده بالوجع اللي حسيته وانا فاكره ان اخويا مات.. 

احمد. اخد. نفس عميق وقال

ياريم انا اتخليت عن حاجات كتير منها حلمي في المجال اللي بحبه وروحت اشتغل مع خالي عشان اقدر احميكي، وما حدش كان لازم يعرف ان ممدوح عايش حتي انتي انا نفسي والله مؤخرا عرفت انه خلاص هيعيش الاول هو كان في غيبوبه والله واعلم كان هيطلع منها ولا لا... 

ريم بجمود

وانا اكتر حاجه بكرها في حياتي الكدب وانت كدبت عليا فخلصت خلاص، طلقني يا احمد 

احمد ببرود 

بس يا عسل ما تقوليش كده تاني عشان عيب... 

ريم بغيظ

بقولك طلقني يا احمد والا والله هسيبلك البيت واخلعك انت واحد كدااب.. 

احمد قرب منها وقال بعصبيه

اهدي كده علي الصبح وقولي هديت، ولو علي اخوكي انا كنت هاخدك. اوديكي ليه وانتي اللي رفضتي.. 

ريم بحده 

هروح لوحدي.. 

احمد بجمود

فكري بس يا ريم تطلعي من البيت وانا مش عايز عشان اكسرلك رجلك دي.. 

_ قال كلامه وسابها ودخل الحمام وريم كانت مدايقه جدا، وراحت لبست جاكيت بجامتها الطويل وقفلته كويس وحطت طرحه علي شعرها، ونزلت بسرعه، قربت من الحراس وهي بتجري وقالتلهم.. 

ريم

الحقو يا عيال في واحد بيحاول يقتل احمد بيه جوه..

_ مسكو الحراس كلهم اسلحتهم ودخلو بسرعه البيت، وريم جريت بسرعه بره البيت وما كانتش عارفه تروح فين ولقيت عربيه واقفه قدام بيت عزيز خال احمد، جريت بسرعه وركبت فيها وكان في العربيه مالك ابن علياء مرات عزيز وقالها بخوف.. 

مالك 

في ايييه انتي مييين؟.. 

ريم بخوف

اجري بسرعه لو سمحت يلا هيطلع وينفخني.. 

مالك بعدم 

هو مين ده، لو سمحتي انزلي انا مش ناقص مشاكل.. 

ريم بقلق

يا عم سوق بس طلعني بره المنطقه دي واعمل اللي تعمله بقي.. 

مالك بصلها من فوق لتحت وقال

طيب افهم الاول انتي مين وايه حكايتك... 

ريم بغيظ

اقعد انا احكيلك حكايتي ونجيب لب بالمره ونتسلي لحد. ما الاقيه فوق دماغي، امشي لو سمحت بسرعه من هنا.. 

_ اتحرك مالك بالعربيه وهو مش فاهم حاجه، واحمد. كان متعصب جداً من تصرفات ريم وبص للحراس وقال.. 

احمد. 

ضحكت عليكم وغفلتكم ده انا لو مشغل عيال صغيره كانو هياخدو بالهم.. 

ضحكت الهام وقالت

هههههه والله ريم دي عسل.. 

احمد بصلها بغيظ وقال

انا مش ناقص لو سمحتي اطلعي فوق يا امي والحمد لله اني لسه بقول يا امي لحد دلوقتي.. 

الهام بسخريه 

وانا مالي هو انا اللي قولتلها تهرب... 

دخل حارس وقال بسرعه 

يا احمد بيه انا شوفت في الكاميرات ان الهانم بعد ما خرجت ركبت عربية ابن مدام علياء مرات عزيز بيه... 

 زادت عصبية احمد وقاله

فينهم راحو فين؟.. 

الحارس

نص ساعه بالكتير والهانم هتكون عند حضرتك ... 

احمد يجمود

اعرف هي موجوده فين وكلمني اياكم حد يقربلها ولا تحس بوجودكم اصلا.. 

_ قال كلامه وطلع فوق والحراس طلعو، واول ما دخل اوضته رد علي ممدوح وقال.. 

احمد 

نعمم يا ممدوح في ايه؟.. 

ممدوح 

اما في مصر وحاليا في المطار تعالي خدني.. 

احمد بعصبيه

خدك ربنا انت واختك واللي يعرفكم في يوم واحد انت ايه اللي جابك؟... 

ممدوح 

في ايه يا احمد انت بتتكلم كده ليه، انا ممكن اخد تاكسي علي فكره.. 

احمد بعصبيه

اختك سابتني وهربت يا ممدوح وخايف ولاد عمك ياخدوها وفي عز ما انا بتنيل ادور عليها انت تنزلي مصر انت عبيط يا ابني.. 

ممدوح بقلق

ريم هربت ليه انت عملتلها ايه يا احمد؟... 

احمد بجمود

خليك مكانك اوعي تتحرك انت فاهم انا هجيلك دلوقتي حالاً...

ممدوح بحده

فين ريم. يا احمد الاول.. 

احمد بضيق

بخير ما تقلقش خليك مكانك وانا جايلك حالاً... 

ـــــــــــــــــــــــــــــ 

_ وفي المستشفي في مكتب احمد دخل طارق وكان مدايق جدا، ودخلت ورااه رباب وقالت.. 

رباب

وربنا انا من لما شوفتك وحاسه كده انك اصفر وسهون وبترسم علي كبير واهو اخدت مكان الدكتور احمد.. 

طارق بحده 

انتي بتقولي اييه يا بت انتي؟.. 

رباب بصوت عالي 

لاااااا بقولك ايه انا بشتغل هنا من يوم ما اتخرجت من المعهد بتاعي ااااه، فتحترمني واحترمك والا والله اقول لدكتور احمد.. 

طارق بعصبيه 

اطلعي بره يا... يا اسمك ايه انتي.. 

رباب

محسوبتك رباب تشرب قهوه يا دكتور... 

طارق 

انتي اكيد هربانه من قسم المجانين مش كده.. 

رباب ضيقت عينيها بشكل مضحك وقالت

اقولك مين اللي هربانه وما تزعلش.. 

طارق بحده 

اطلعي بره لو سمحتي.. 

رباب

استني طيب اخد السندوتشات ولا انت عايز تفطر، ابعت اجيب غيرهم والله.. 

طارق

لا شكرا مش عايز خديهم واطلعي.. 

رباب

اوعي تكون مكسوف ده... 

طارق بنفاذ صبر

وانا هتكسف منك ليه يااا... انتي اسمك ايه قولتيلي.. 

رباب بغيظ 

لا دي شغلانه بقي طيب مش هقولك بس.. 

طارق بجمود

بره.. 

رباب بحده 

بره بره قال هتطردني من الجنه يا خي.. 

_ وطلعت فعلا رباب وراحت قعدت علي مكتبها وجات ساره وكانت داخله المكتب، فوقفت رباب وقالتلها.. 

رباب

يا دكتوره ساره ويييت استني.. 

ساره

عايزه ايه يا رباب؟.. 

رباب

مش دكتور احمد اللي جوه ده دكتور طارق، دكتور احمد كلمني وطلب مني ابعت ايميل لكل الموظفين واقلهم ان اللي هيمسك المستشفي مع حضرتك دكتور طارق مكانه فتره مؤقته.. 

ساره 

عارفه خليكي في شغلك.. 

دخلت ساره جوه ورباب قالت

ايه الوليه الرزله دي، الحمد لله وما اخدتش بالها من الطعميه.. 

_ وجوه المكتب قعدت ساره قدام طارق وقالتله بهدوء.. 

ساره 

علي فكره الدكاتره الكبار زعلانين عشان انت اللي هتمسك المستشفي مكان احمد.. 

طارق بجمود

ممكن بعد اذنك يا دكتوره ساره وانتي داخله تخبطي علي الباب.. 

ساره 

انت هتشوف نفسك عليا من اولها ولا ايه؟.. 

طارق 

لا بشوف نفسي ولا غيره، بس انا ليا خصوصيه وبحب اللي بيتعامل معايا يحترمها.. 

ساره وقفت وقالت 

اوكي يا طارق انا بس كنت عايزه اقولك اني فكرت في موضوعنا تاني.. 

طارق 

لو سمحتي يا دكتوره ساره لما تبقي عارفه نفسك عايزه ايه كويس تعالي واتكلمي.. 

_ سابته ساره وطلعت وهي مدايقه من طريقته معاها، وفي الوقت ده دخلت رباب بسرعه وقالتله.. 

رباب

والنبي يا دكتور عايزه منك خدمه.. 

طارق

مش تخبطي الاول علي الباب يا غبيه هانم انتي.. 

رباب 

اهو انت اللي غبي وبعدين انا مديرة المكتب ده والممرضه المسؤله عن الاشراف للحالات الخاصه بدكتور احمد يعني زيي زيه ويمكن اكتر شويه.. 

طارق بضيق

عايزه ايه؟.. 

رباب

ايوه صح كنت هنسي، بص انا الايميل ده المفروض ابعته للموظفين في المستشفي كلها عشان يعرفو انك مكان الدكتور احمد فلو سمحت شوف الانجليزي اللي فيه كده صح ولا غلط اكمني ما اعرفش لغات فا اخاف تكون في حاجه غلط والدكتور احمد كان بيراجعلي وبما انك مكانه انت راجعلي، انا والله كنت شاطره في الانجليزي بس وانا في المعهد كنت محتاجه اخد كورس لغه وقتها ابويا تعب وكان عايز يغسل كيله فدفعت فلوس الكورس علي علاجه وفي الاخر هو مات والنبي لو كنت اعرف كده ما كنت دفعتله قرش ما هو كده كده مات وو.. 

طارق بحده 

باااااس يخربيتك ده انتي عايزه واحد مبرشم يتحمل الرغي ده، سيبي الايميل واطلعي بره من غير ولا كلمه.. 

رباب بقلق

طط طيب التابلت ده عهده و.. 

طارق بحده  

برررررررره... 

_ طلعت رباب وهي متدايقه وطارق اتنهد بضيق وراجع الايميل وبعته لكل الموظفين.. 

ـــــــــــــــــــــــــــــ 

_ وفي مكان تاني علي الطريق كانت ريم بتعيط في العربيه بتاعت مالك اللي كان بيكلم مامته وقالها.. 

مالك

اممم يعني هي مراته طيب انا هجيبهالكم.. 

علياء

معلش يا مالك حقك عليا.. 

مالك 

لا ولا يهمك يا علياء هانم اصلا انا كنت هسيبلك الحاجه وامشي انا لا كنت جاي اشوفك ولا عايز اشوفك.. 

علياء بحزن

ماشي يا مالك اللي يريحك بس انا امك وغصب عنك.. 

قفل مالك في وشها وقال لريم

جوزك قالب الدنيا عليكي يا حرم الدكتور احمد عزااام.. 

ريم 

 لا انا هنزل هنا وامشي مش هرجعله ولو سمحت ما تحاولش تقنعني.. 

مالك 

اوكي اتفضبي انزلي.. 

ريم بغيظ 

انت ايه البرود ده يا عمم بدل ما تقولي ما ينفعش.. 

مالك بحده 

هي كلمه هوصلك ولا هتنزلي؟.. 

_ريم نزلت من العربيه ومالك ساق العربيه ومشي وريم فضلت قاعده علي الرصيف وهي بتعيط وكان علي مسافه قريبه منها واقفين رجالة احمد مراقبينها.. 

ـ وفي عربية احمد كان ممدوح جنبيه واحمد بيكلم الحارس بتاعه وقاله.. 

احمد

طيب خليكم مكانكم ولو اتحركت خليكم وراها من غير ما تاخد بالها.. 

قفل الموبيل وممدوح قاله

عملت ايه يخلي ريم تعمل كده يا احمد.. 

احمد. بضيق

بص يا ممدوح انت اخويا وصاحبي وكل حاجه بس هتدخل في اللي هعمله في اختك هتبقي فعلا خلصت.. 

ممدوح بقلق

انت هتعمل فيها ايه وليه اصلا؟.. 

احمد بعصبيه

اسيب اختك دقيقتين ارجع الاقيها هربت وبالجامه وركبت عربية واحد ما تعرفوش.. 

ممدوح بضيق

ايه السبب يعني؟.. 

احمد 

عرفت اني مخبي عليها انك عايش.. 

ممدوح ابتسم وقال

خلاص روق وهي لما هتشوفني هتنسي الزعل.. 

_ سكت احمد وكان فعلا مدايق من تصرفات ريم، وبعد شويه وقف قدامها بالعربيه بتاعته ومعاه ممدوح اللي نزل من العربيه وقرب منها وقال.. 

ممدوح 

وحشتيني يا جزمه.. 

ابتسمت ريم بدموع وحضنته وقالت

انا كنت حاسه انك عايش حتي اني ما زعلتش عليك اووي.. 

ابتسم ممدوح وبعد عنها وقال

ايه اللي مقعدك هنا بقي؟.. 

_ بصت ريم لاحمد اللي كان واقف ورا ممدوح وهو مدايق جدا، وفضلت تعيط وشاورت عليه وقالت.. 

ريم ببكاء

مرمطني في غيابك بهدلني في الشوارع، فرج عليا اللي يسوا واللي ما يسواش حبسني وجوعني وزلني واعتدي عليا.. 

بص ممدوح بصدمه لاحمد اللي قال

ايوه كنت بعمل كده وكمان لسه هعمل وهربيكي يا جزمه، عشان لو متربيه مش هتعملي كده.. 

وقف ممدوح وقاله

انت هتغلط فيها كمان قدااامي ولا ايه؟. 

ريم

لا وسع انت كده عشان انا سكتاله من زمااان.. جرا ايه يا يالا يا كداااب مدام انا مش متربيه متخليك انت متربي وتطلقني.. 

احمد بعصبيه 

لا حلوه انا مش هطلقك وايامك الجايه سودا معايا يا ريم.. 

ريم بحده 

ده لو رجعتلك اصلا يا كداااب الله واعلم بتكدب في ايه تاني.. 

_ قبل ما يرد عليها احمد موبيله رن وكان خاله عزيز، بعد عنهم ورد وريم فضلت تتكلم هي وممدوح وهي ماسكه في دراعه.. 

احمد

ايوه يا خالي.. 

عزيز 

تقدر تعتبر ان حماااك عندي يا ابن اختي، وكمان عرفتلك مكان المخازن اللي فتحي واخوه بيعملو فيها شغلهم الشمال.. 

ابتسم احمد بخبث وقال

كده تمام اوووي، اقفل وانا شويه وجايلك..

قفل مع عزيز وقرب من ممدوح وقاله

تعالي نروح البت دي وتعالي معايا مشوار مهم.. 

ريم 

لا انا مش هسيب اخويا تاني ويكون في علمك انا راجعه مع اخويا لبيتي انا وهو لقوقعتنا سوا منزلنا الحبيب... 

احمد بضيق

مش وقتك يا ريم ولا وقت هزارك ده، انتي لازم تيجي تقعدي مع ماما عشان ممدوح لازم يجي معايا ونروح نجيب الحج رشاد.. 

ممدوح. 

رشاد مين.؟.. 

ريم 

ايوه صح انا نسيت اقولك مش بابا طلع عايش وكمال خطفه وكان بيهددني لو ما روحتولش عشان يتجوزني هيقتله زي ما عمل فيك بس احمد قالي هيجيبهولي.. 

احمد بغيظ 

اجيبهولك؟! بتتكلمي علي كيس شيبسي منك لله يا ريم حد يقول كده منك لله يا شيخه... 

ممدوح بصدمه. 

الكلام اللي قالته ريم ده حقيقي يا احمد؟!.. 

احمد 

ايوه ابوك عايش وهو في امان دلوقتي، يلا بقي نروح اختك ونروح نجيبه وكمان في خبر حلو اوووي ان شاء الله هنسمعه قريب.. 

ريم بخبث 

اوعي تكون حامل ومخبي عليا.. 

_ كتم ممدوح ضحكته واحمد مسكها من قفاها وخلاها تطلع العربيه وركب معاهم ممدوح وراحو بيت احمد.. 

ـــــــــــــــــــــــــــــ 

_ وبالليل خلص طارق شغله وكان تحت المستشفي  وهيركب عربيته عشان يروح وفي الوقت ده نزلت ساره وقربت منه وقالت.. 

ساره 

بص انا ماليش في جو الاهمال ده مفهوم؟.. 

طارق بهدوء

نعم مش فاهم؟.. 

ساره

يعني انا موافقه بس نرجع صحاب واخد وقتي اتعرف عليك وبعدين نرتبط وكلم بابا.. 

ابتسم. طارق وقالها

تمام وانا اوعدك انك مش هتندمي علي الفرصه دي خالص.. 

مسكت ساره في ايده وقالت 

طيب يلا بقي وصلني انا هخلي السواق يروح لوحده.. 

طارق وهو مبسوط 

بس كده من عينيا.. 

_واخدها معاه ومشيو هما الاتنين وكانت رباب واقفه بعيد وشافتهم وقالت لنفسها.. 

رباب

والله لايقين علي بعض الاتنين مش سالكين ومسهتنين سبحان من جمع ووفق.. 

ـــــــــــــــــــــــــــــ 

_ وفي بيت احمد عزام.. 

دخل هو وممدوح والبيت وكان ممدوح متعصب جدا واحمد قاله... 

احمد

ما خلاص بقي يا ممدوح، انا عارف انا بعمل ايه يا جدع.. 

ممدوح 

هو انا اتكلمت ما انا اهو ساكت، بس ده ابويا وانا اللي هجيبله حقه.. 

قامت ريم من جنب الهام. وقالت

بابا حصله ايه يا احمد، اتكلمو في ايه؟.. 

ممدوح 

ما تخافيش بابا كويس بس البيه مش راضي يقولي مكانه ومش هيخليني انا كمان اظهر دلوقتي لولاد عمك... 

ريم 

يا بووي يموت في الكدب لازم يكدب.. 

ممدوح 

هو خايف علينا يا ريم.. 

احمد

اهو قالك يا هانم.. 

ومسك. ايدها وقال

يلا  يا ننام... 

ممدوح بحده 

انت قلة الادب دي يالا سيب ايدها.. 

احمد بعدم فهم. 

قلة ادب ايه دي مراتي.. 

_ تفتكرو ايه اللي هيحصل؟.. 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

ممدوح وقف قدام ريم وقال لاحمد

اختي مش هتروح معاك اي مكان ولا هيتقفل عليكم باب واحد... 

احمد بسخريه

اومال لو ما كنتش انت اللي مجوزهالي بنفسك يا ممدوح، بطل هبل وما تدخلش بيني وبين مراتي لو سمحت.. 

ممدوح 

لا بس انا اتفقت معاك ان الجواز هيكون علي ورق لحد المشكله ما تتحل وتطلقها وانت وافقت.. 

ريم بضيق

ده بجد؟!... 

ممدوح بجديه 

ايوه يا ريم وكان رافض اصلا يتجوزك من البدايه، وانك تستغل غيابي وتغير في اتفاقنا معلش انا مش هرضي بيه.. 

ريم بضيق

ولا انا وبصراحه كده انا عايزه اطلق.. 

الهام

لا لا طلاق ايه بس ما تتكلم يا احمد.. 

احمد بجمود 

تعالي يا ممدوح نطلع السطوح فوق انا عايز اتكلم معاك شويه... 

_ طلعو فوق وريم كانت قاعده مدايقه وعيونها اتملت دموع، والهام قعدت جنبيها وقالت.. 

الهام 

احمد بيحبك يا ريم انتي مش شايفه خوفه عليكي.. 

ريم 

لا مش شايفه ومش عايزه اشوف، انا واحمد اصلا ما نتفقش مع بعض ولا هينفع نكمل مع بعض، بعد اذنك يا طنط... 

_ قامت ريم وطلعت اوضتها هي واحمد فوق، وعلي السطوح بتاع الفيلا كان ممدوح قاعد مدايق واحمد زعق فيه وقاله.. 

احمد بعصبيه

انت بتفهم منين يا عم انت، بقولك حبيتها وقولتلها كده وبقيت مراتي شرعاً زي ما هو قانوناً... 

ممدوح بحده 

انت كنت عارف اني عايش مش كده، كنت متفق معاك علي حاجه معينه وانت استغليت ان ريم لوحدها وعملت اللي عايزه ولما هتزهق هتسيبها لانك مش هتتحمل ريم انا عارفك وعارف اختي... 

احمد بجديه 

مش هسيبها لاني بحبها وهتحمل اي حاجه منها عايز اكتر من كده ايه تاني؟.. 

ممدوح بجمود. 

ريم مش بتحبك ريم بتخاف منك يا احمد والدليل هروبها منك النهارده وقبل كده زي ما قولتلي... 

احمد بسخريه 

لو ريم بتخاف مني ما كانتش وافقت انها تبقي مراتي بجد.. 

ممدوح بهدوء

هي ريم قالتلك انها بتحبك؟.. 

سكت احمد وما ردش عليه وممدوح قاله

ما حدش يعرف ريم قدي انا اللي مربيها وافهمها من قبل ما  تتكلم، ريم وافقت علي اللي انت عايزه خوف منك لانها كانت فاكره انها لوحدها، راجع نفسك وركز في تصرفاتها معاك هتلاقيها كانت راضيه بالامر الواقع مش اكتر، ريم لو كانت بتحبك كانت قالت لانها مش بتعرف تخبي حاجه ومش هقولك مثلا ان اختي هتتكسف لا ما بتتكسفش، ولو كانت بتحبك برضو عمرها ما كانت هتجيب سيرة الطلاق علي لسانها.. 

احمد بحزن 

وايه اللي انت عايزه  دلوقتي يا ممدوح؟.. 

ممدوح 

انت اخويا يا احمد وهي كمان اختي ومش هتمني لريم احسن منك ولا ارجل واجدع منك بس اديها فرصه تحدد مشاعرها... 

احمد بجديه 

وهي معايا يا ممدوح ريم مش هتغيب عني لحظه واحده.. 

ممدوح 

لا لا ما ينفعش ريم اختي وبس اعتبر نفسك خاطبها يا اخي.  

اتنهد احمد بضيق وقال 

اتكلم معاها الاول واشوف رأيها ايه وبعدين اقرر، هخلي ميرا تجهزلك اوضه... 

ممدوح 

احمد هي ساره تعرف اني عايش.. 

احمد بسخريه

صلح مشاكلك الاول وبعدين ابقي اسأل علي ساره.. 

_ نزل احمد ودخل اوضته هو وريم لقاها بتلم في هدومها ومعاها ميرا الشغاله.. 

احمد 

انتي بتعملي ايه؟.. 

ريم 

بجهز حاجتي تقلت عليك معلش الفتره اللي عدت.. 

احمد بجمود

ميرا اطلعي روحي جهزي اوضه لممدوح واديله خبر.. 

ميرا 

تحت امرك يا دكتور احمد.. 

طلعت ميرا واحمد قرب من ريم وقالها

هو ايه اللي اتغير عشان تتصرفي كده، ما احنا كنا كويسين يا ريم.. 

ريم 

انت كنت كويس انا ما كنتش كويسه، انا كنت برضي باي حاجه انت عايزها عشان لو ما كنتش وافقت كنت هتغصبني عليها... 

احمد بحده 

هو انا كنت هغصبك انك تكوني معايا يا ريم، بطلي كدب وبطلي تقولي حاجات عكس اللي جواكي.. 

ريم بهدوء

انا عايزه اطلق يا احمد مش عايزه اكمل معاك انا حره.. 

احمد 

وانا مش لعبه في ايدك انتي واخوكي شويه اتجوز وشويه طلق.. 

ريم 

يعني ايه كلامك ده؟.. 

احمد قرب منها وقال بعصبيه

يعني خلصت كده انا اللي خسرت في اللي حصل ده، انتو دخلتوني مشاكلكم خسرت شغلي اللي كان نفسي فيه قبلت اشتغل مع خالي وانا ما فيش حاجه كنت بكرها قد الشغل معاه، اتجوزتك بطريقه زي الزفت بقيت ديماً مضغوط وفي الاخر انا اللي وحش، ممدوح صاحبي بس انتي مراتي وما حدش ليه كلمه عليكي غيري انا وبس لا تقوليلي اخوكي ولا ابوكي بعد.ما ارجعكم ليه... 

ريم بحده 

انت هتغصبني اعيش معاك يعني، لو كان ممدوح مش موجود. انا كنت هخاف منك واوافق انما دلوقتي اخويا وابويا موجودين وما حدش هيقدر يغصبني علي حاجه.. 

احمد بعصبيه 

بأشاره مني اخلي الاتنين يروحو في ستين داهيه، ودلوقتي نتفق بجد...

وراح اوضة اللبس وبدأ يغير هدومه وقالها

 انتي هتفضلي معايا ومراتي وتنفذي كل اللي اقوله وتسمعي كلامي ومقابل كده هساعد ابوكي واخوكي مش موافقه يبقي هطلع نفسي من المشكله بتاعتكم دي وارجع لحياتي القديمه.. 

نزلت دموع ريم وقالتله

انت ليه بتعمل كده، يعني انت كده مثلا بتحبني ولا حتي هتخليني احبك؟.. 

احمد بجديه 

ايوه بس انا ما بحبش اخسر انا اجدع واحد. ممكن تشوفيه انما احس ان حد بيستغلني لمصلحته واطلع خسران حاجه انا عايزها مش هيحصل يا ريم.. 

مسحت ريم دموعها وقالت

والمطلوب مني ايه؟.. 

احمد بهدوء

تقولي لاخوكي انك موافقه تقعدي معايا وتقنعيه، وامور الجنان بتاعتك ما تتكررش تمام يا ريم.. 

ريم بجمود

وانزل اشتغل ارجع لشغلي في المستشفي.. 

ضحك احمد بسخريه وقال

هههههه وده من امتي ان شاء الله وانتي بتحبي الشغل.. 

ريم 

انا حابه كده وعايزه اشتغل، عشان لما حضرتك تزهق وتسيبني ما ابقاش حمل تقيل علي اخويا تاني واشيله همي.. 

احمد بغيظ. 

لا اطمني وانتي قعدتك معايا ابديه يا ريم.. 

قرب منها وباسها من خدها بهدوء وقال

وكله هيبقي برضاكي.. 

بعدت عنه ريم وقالت بدموع

لا ما هو واضح بصراحه...

ـــــــــــــــــــــــــــــ 

_ وتاني يوم الصبح دخلت ريم عند ممدوح اللي كان لسه صاحي وقالت.. 

ريم 

لا فوق كده وصحصحلي.. 

ممدوح 

في ايه يا ريم.. 

ريم 

كامليا بعتتلي العلاج اللي انت هتمشي عليه وانت امبارح ما اخدتوش ووشك تعبان وشويه شويه هتقع من طولك.. 

ممدوح باهتمام

كامليا؟ هي معاها رقمك اصلا.. 

ريم 

لا هي كلمتني من علي فون احمد، بس غريبه قالتلي ما اقولكش انها هي اللي قالتلي.. 

ممدوح بضيق

اممم طيب انتي بقي ما سمعتيش كلامي ليه امبارح.. 

ريم بهدوء

انا عايزه افهم دلوقتي انت اللي حصلك ده خلاك فقدت الذاكره، احمد جوزي يا ممدوح.. 

ممدوح قعد وقالها

ريممم انتي مش بتحبي احمد ومن زمان ودلوقتي.. 

ريم بضيق

مش شرط اكون بحبه يعني المهم اني مرتاحه معاه.، ويلا بقي عشان تاخد العلاج وبلاش حركه كتير انا المره دي مش هسيبك دقيقه واحده لحد. ما نشوف هنخلص من المشكله دي ازاي.. 

ممدوح

المشكله هتتحل يا ريم احمد وخاله مش مقصرين في حاجه، المهم انتي لو مش عايزه احمد. ما تفكريش في اي حاجه تانيه واطلقك منه حالا.. 

ريم ابتسمت وقالت

جرا ايه يا عم ممدوح اشحال ان ما كانش صاحبك وانت عارف انه ابن ناس ومتربي وربنا يسامحني بقي علي الكدب ده..

ضحك ممدوح وقالها 

هههههه طيب لاخر مره اسألك يا ريم انتي مرتاحه مع احمد ولا لا؟.. 

اتنهدت ريم وقالت

ايوه ممكن بقي تاخد علاجك وتخلصني.. 

ممدوح 

ويا متخلفه مش المفروض افطر الاول قبل العلاج ده، انا لو كنت بصرف عليكي فلوس حرام في كلية الطب كان زمانك بتفهمي اكتر كده.. 

ريم 

يا عم ما اخدتش بالي استني هنزل اجيبلك فطار.. 

ممدوح 

لا استني انا نازل اصلا عشان عايز اروح مع احمد مشوار كده.. 

ريم 

لا خليك احمد طلع وقالي ما اخليكش تطلع من البيت.. 

ممدوح 

هو احمد راح فين طيب؟.. 

ريم قامت وقالت

في داهيه.. 

ممدوح

نعم يا اختي.. 

ريم 

في شغله يا ممدوح وبعدين ما تدخلنيش في تفاصيل هجهزلك الفطار وجايه... 

ـــــــــــــــــــــــــــــ 

_وفي المستشفي.. 

دخل طارق المكتب وكانت رباب نايمه علي المكتب وبتشخر بصوت عالي.. 

طارق 

ايه البت دي ازاي دكتور احمد يشغل عنده واحده زي دي.. 

_قرب طارق منها وخبط ايده جااامد علي المكتب وقامت رباب بسرعه وقالت.. 

رباب

مين؟.. 

طارق

انتي جايه تنامي هنا؟.. 

رباب ببكاء

هو في حد يصحي حد كده يا عم انت.. 

طارق بعصبيه

انا اسمي دكتور طارق وتحترمي نفسك وانتي بتتكلمي معايا وتلتزمي في شغلك والا هقول لدكتور احمد وهصمم علي انه يمشيكي من هنا.. 

_كانت رباب باصه للارض ومغمضه عينيها وطارق زعق فيها بغيظ وقال.. 

طارق

انتي نمتي وانتي واقفه يا حيواااانه.. 

رباب بصتله بهدوء وقالت

انت بترغي كتير ليه ما كانوش 5000 جينيه دول اللي هتذلونا بيهم يا اغنيه ياولاد التيت انتو.. 

طارق 

انتي بتقولي ايه طيب والله ل... 

رباب بحده 

بس يا عسل اقولك علي حاجه انت متعاقب.. 

طارق بسخريه

ومتعاقب ازاي ان شاء الله؟.. 

رباب

انا النهارده اجازه وبكره كمان وريني بقي هتخلص الشغل ازاي؟.. 

واخدت شنطتها وقالت

صباح الفل عليك يا رايق.. 

_ قالت كلامها ومشيت وطارق دخل مكتبه وكان متعصب منها جدا وقال لنفسه.. 

طارق

هي فاكره نفسها مين دي حتت ممرضه ايه اللي هقف عليها دي.. 

_ وطلع موبيله وكلم ساره اللي كنسلت في وشه وما رضيتش ترد عليه.. 

ـــــــــــــــــــــــــــــ

_ وفي الوقت ده في بيت عزيز الشناوي في اوضة ساره.. 

كانت واقفه قدام المرايه وهي ماسكه موبيلها بضيق وعملته علي وضع الطيران وقالت بضيق.. 

ساره

مش وقتك خالص يا طارق.. 

ودخلت عندها علياء وقالت

انتي ليه يا حبيبتي ما روحتيش الشغل.. 

ساره بحماس

مش فاضيه يا طنط ممدوح طلع عايش انا بجد حاسه اني في حلم وياريت لو كان حلم ما اصحاش منه ابداً... 

علياء

ثواني ثواني انتي مش قولتيلي ان طارق معجب بيكي وانتي مبسوطه بأهتمامه.. 

ساره بسخريه

طارق ايه دلوقتي اولا طارق اصغر مني ثانيا انا بحب ممدوح وطارق كان حاجه بتنسيني ممدوح ودلوقتي ممدوح ظهر يبقي طارق مالوش اي لازمه في حياتي.. 

علياء بضيق

حرام عليكي كده يا ساره، طارق بعد عنك لما رفضتيه وانتي اللي قربتي منه وعشمتيه بوجودك وموافقتك، يبقي المفروض ااا.. 

ساره 

المفروض اني اروح دلوقتي للممدوح اي حد تاني مش مهم.. 

_ قالت كلامها ومشيت، وراحت فعلا لممدوح وقعدت معاه في الجنينه وقالتله.. 

ساره 

انا بجد. حسيت اني طايره من الفرحه لما عرفت انك رجعت.. 

ممدوح بخبث

واحتمال امشي تاني علي فكره.. 

ساره بسرعه قالت

شوف بقي مين هيخليك تغيب عنه دقيقه كمان انا ما صدقت انك رجعت.. 

ممدوح قرب منها وقال

ممكن اعرف طيب من غيري كنتي ناويه تعملي ايه؟.. 

اتوترت ساره وقالتله

ما كنتش هايشه اصلا انا كنت في حاله وحشه اووي يا ممدوح، بس تعرف رجوعك دلوقتي احلي من الاول... 

ممدوح مسك ايدها وقال

رجوعي دلوقتي احلي عشان عرفتي مشاعري من ناحيتك مش كده.. 

ساره اتكسفت وقالت

احمم طيب انت ناوي علي ايه دلوقتي؟... 

ممدوح بهدوء

هخلص بس من المشاكل اللي عندي وبعد كده علي طول هكلم باباكي اصل ما بقاش في حاجه تستخبي... 

ـ في الوقت ده كانت ريم بصالهم من البلكونه بتاعت البيت ومعاها الهام اللي قالت.. 

الهام 

الله شكلهم لطيف اووي يا ريم... 

ريم 

لا لطيف ولا حاجه، بصراحه كده مش بستلطفها.. 

الهام 

بالعكس ساره لطيفه اووي وبنت جميله جدا، بلاش غيره علي اخوكي انتي وسيبيه يعيش حياته.. 

ريم 

هو احمد. ما قالكيش رايح فين؟.. 

الهام 

لا يا حبيبتي دي مهمتك انتي انا خلاص سلمتك مسؤليته.. 

ريم بسخريه

بطلي والنبي الطريقه دي عشان انا مش زوجه مناسبه لابو الغضب ده انا واحده مش عارفه تشيل مسؤلية نفسها والله.. 

_ فضلت الهام تضحك وريم فتحت موبيلها وصورتهم وبعتت الصوره لطارق وكتبتله.. 

ريم "انت اخويا زيك زي ممدوح والبنت دي مش سالكه من ناحيتك وكانت بتحاول تنسي بيك ممدوح".. 

ـــــــــــــــــــــــــــــ 

_ وفي الصعيد كان كمال قاعد مع فتحي اخوه في القسم وقاله.. 

كمال

انت هتسيبني يا فتحي اتحبس وحريمي وعيالي هيضيعو من غيري.. 

فتحي بحده

كنت قول لنفسك الكلام ده اهو بعد ما لعبت من ورايا حتت عيل لبسك مصيبه وكشف شغلنا للحكومه.. اسمع انت تعترف باللي حصل ده وبعد ما تعترف انا ههربك بره مصر بس قبلها تاخد حقك من الواد ده.. 

كمال بحقد 

اقسم بالله انا مش هرتاح غير لما اشرب من دمه هو وعمك رشااد.. 

فتحي بسخريه 

وما تعرفش الجديد ممدوح عايش.. 

كمال بصدمه 

ازاي ده انا بايدي مموته، ازاااااي يعني.. 

فتحي

كله من ابن الابلسه اللي اسمه احمد ده، بس والله لو اللي في دماغي حصل لتكون نهايته علي ايدي.. 

ـ تفتكرو ايه اللي هيعمله فتحي.. 

ـــــــــــــــــــــــــــــ 

_ وعدي اليوم وكان طارق خلص شغله وعو زمروح لقي الممرضه اللي قاعده مكان رباب وقالها بحده... 

طارق

كلمي رباب وقوليلها ترجع تشوف شغلها ما ينفعش تبقي كل الملفات معاها وتغيب عن الشغل.. 

البنت 

ما هي قافلت موبيلها يا دكتور طارق بس الصبح هكلمها واقولها تقولي علي اماكنهم.. 

_ نزل طارق وهو مدايق ورجع البيت وكان الوقت متأخر ومامته كانت نايمه، دخل اوصته واخد شاور وغير هدومه وكان هينام بس مسك موبيله وفضل يقلب فيه وفتح رسالة ريم وعيونه اتملت دموع وقال لنفسه بحزن.. 

طارق

بس انا مش كوبري يا ساره وهوريكي اللي هعمله.. 

ـــــــــــــــــــــــــــــ 

_ في الوقت ده كان احمد رجع البيت.. 

ودخل اوضته خو وريم وكانت هي نايمه، دخل اوضو اللبس بتاعته وغير هدومه ونام جنب ريم وبصلها بهدوء وهي نايمه وقالها.. 

احمد

تستاهلي اللي بيحصل فيا عشانك يا هبله انتي.. 

_ فتحت ريم عيونها واول ما شافته صرخت بكل صوتها واحمد قام مفزوع وقالها.. 

احمد. بقلق

في ايه يا بنت المجنونه.. 

ريم وهي بتاخد نفسها بسرعه

سوري يا احمد بس انا فكرتني نايمه في اوضتي وفجأه لقيت راجل غريب قدامي كنت هعمل ايه يعني غير اني اصوت.. 

_مسكها احمد من ايدها وقربها ليه اووي وقالها بخبث.. 

احمد 

واضح انك لسه لحد دلوقتي ما اتعودتيش علي اني جوزك وده غلط في حقي... 

_ اتكسفت ريم جدا وفي الوقت ده الباب اتفتح ودخل ممدوح ومعاه الهام اللي ماسكه المكنسه وميرا برضو ماسكه مكنسه، وممدوح لما شافهم كده علي السرير اتعصب وقال... 

ممدوح 

يا نهار ابوك مش فايت انت بتعتدي علي اختي يا حيوان.. 

ـ قبل ما يرد احمد عليه كان ممدوح الاسرع وسحبها وراح وضرب احمد بالبوكس في وشه وحصل؟.. 

_ تفتكرو هيحصل ايه؟.. 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

_فجأه الباب اتفتح وممدوح واقف بصلهم وهو متعصب ووراه الهام ماسكه مكنسه وميرا الشغاله وهي ماسكه مكنسه برضو... 

احمد وهو لسه قريب من ريم

في ايه؟... 

_ممدوح قرب منه وسحب ريم وراااه وقال وهو بيضربه بالبوكس في وشه.. 

ممدوح

بقي عايز تعتدي علي اختي يا حيواااان... 

الهام رمت المكنسه وقالت بخوف

ابنيييييييييي... 

ريم قربت من احمد وقالتله

احمد انت كويس انا اسفه والله.. 

احمد ابتسم وقالها

انتي خوفتي عليا صح؟.. 

زقته ريم وقالت

لا عادي علي فكره.. 

وبصت لممدوح وقالت

اضربه تاني يا ممدوح.. 

وقف احمد ومسك ريم من قفاها وقاله

اقسم بالله دي مرااااتي فكر شويه قبل ما تتعامل بايدك يا شوية بهايم انت واختك.. 

ممدوح بحده 

اومال كانت بتصوت ليه؟.. 

ريم بعدت عن احمد وقالت

اوعي كده سيبني خليني افهمه.. 

ريم 

بص يا ممدوح انا مش متعوده عليه فلما بلاقيه جنبي فجأه كده بتخض، وهو جه نام من غير ما يعمل ولا صوت.. 

احمد 

هبقي ادخلك. بطبله بعد. كده يا روح امك.. 

ممدوح حضن احمد وقاله

حقك عليا يا ابو الصحاب، فهمتك غلط.. 

زقه احمد وقاله

بره يا ممدوح وخد امي في ايدك... 

ممدوح بص لريم وقالها

نعقل الله يكسفك مش ناقصين فضايح.... 

طلع ممدوح والهام قربت من احمد وقالت

عارف زمان ابوك الله يرحمه كك.. 

احمد بجمود

بره يا ماما لو سمحتي.. 

الهام بغيظ

طيب كنت سيبني اكمل كلامي والله تستاهل اللي حصلك... 

طلعت الهام واحمد قال لميرا

خير انتي كمان هتباتي معانا؟.. 

ميرا 

لا بس هاخد المكانس وطالعه اهو، ولو سمحتو بلاش ازعاج عشان انا اول واحده بصحي في البيت ده ومحتاجه انام بدري بعد اذن حضرتك.. 

طلعت ميرا وريم ضحكت وقالت

هههههههه لازمتها ايه حضرتك؟.. 

احمد قفل الباب وقال

والله كانو عاقلين قبل ما يشفوكي يا ريم.. 

جريت ريم بعيد عنه وقالت

والله ما كنت اقصد اللي حصل ولو قربت مني هصوت تاني.. 

قعد احمد علي السرير وهو ماسك وشه بالم 

بس يا ريم والنبي قوليلي هو وشي بينذف صح؟.. 

ريم قربت منه بحزن وقالت

انا اسفه معلش بس هو مش بينذف اوي وو... 

_قبل ما تكمل كلامها مسكها احمد جامد من ايدها وقال... 

احمد 

كنا بنقول ايه بقي قبل اخوكي ما يجي؟.. 

ريم بتوتر

بب بقول عايزه انام عشان رايحه بكره المستشفي... 

احمد 

لا طبعا ما فيش مستشفيات.. 

ريم بحزن 

يا احمد انا ما صدقت حبيت الشغل وبعدين طارق معايا هناك.... 

احمد قرب منها وقال بخبث

طيب ممكن اوافق بس بشرط ما فيش نوم... 

ريم بحده 

علي فكره ده اسلوب استفزازي وانا ما بحبش كده.. 

احمد ابتسم وقال

وانا بحب كده.. 

ـــــــــــــــــــــــــــــ 

_ وتاني يوم الصبح كان طارق قاعد بيفطر مع مامته وهو بيكلم ساره علي الوتساب وكتبلها... 

طارق

"كنت بكلمك امبارح كتير مش بتردي" 

ساره

"سوري يا طارق ما كنتش فاضيه في حاجه ولا ايه" 

طارق

"هو لازم تكون في حاجه عشان اكلمك، اخدت معاد من باباكي علي فكره".. 

ساره

" ليه؟! "

طارق

"عشان نفكر واحنا مع بعض قدام الكل حتي لو هنقرا فاتحه" 

_ بعتلها الرساله دي وقفل الفون، وكان قاعد. مدااايق جدا، ومامته سألته وقالت.. 

سهير

في ايه مالك قالب خلقتك كده ليه؟.. 

طارق

مافيش حاجه يا ماما، بس ضغط في الشغل.... 

سهير

تعرف انا مبسوطه جدا عشان مسكت منصب كبير في شغلك، ومش بس كده كمان بتاخد مرتب حلو اوووي... 

طارق

ما تدوريلي علي عروسه يا ماما.. 

سهير

ليه يعني؟.. 

طارق

عايز اتجوز وصالونات مش حابب جو الحب والكلام الفاضي ده.. 

سهير

طيب وساره انت مش قولتلي انكم قريب هترتبطو؟.. 

طارق بهدوء

لا لا ساره مش البنت اللي كنت راسمها في خيالي.. 

ابتسم بسخريه وقال

الواحد لما بتكون الحاجه بعيده عنه بيشوفها بعنيه هو وبالطريقه اللي نفسه يشوفها بيها، انما لما يقرب منها وراد جدا انها تكون عكس ما كان شايفها.. 

سهير

معني كلامك انها مش مناسبه ليك؟.. 

طارق

بالظبط وعشان كده سايبلك انتي المهمه دي انا عايز اتجوز وشقتي قصادك اهي جاهزه فاضله العروسه.. 

سهير

من عينيا هدورلك علي عروسه تليق بأبني الدكتور طارق.. 

_ ابتسملها طارق ومشي راح الشغل بتاعه.. 

ـــــــــــــــــــــــــــــ 

_ وفي بيت احمد.. 

كان واقف قدام المرايه بيظبط هدومه، وخرجت ريم من الحمام وهي جاهزه عشان تروح المستشفي وقربت من احمد وفضلت تعدله في الجرافته بتاعته وقالت.. 

ريم 

حماده.. 

احمد بهدوء

عايزه ايه ياريم؟.. 

ريم 

بابا فين.. 

ابتسم وقالها

بابا هنا هنا اهوو.. 

ريم. بغيظ 

خف بيض علي الصبح لو سمحت.. 

زقها احمد وقالها

طيب اوعي بقي، في واحده تقول لجوزها بيض.. 

ريم بتوتر

طط طيب هو مش انا بسمع كلامك وكل حاجه ماشيه زي ما انت عايز خليني اشوف بابا بقي.. 

احمد بخبث

لا.. 

ريم بحده 

ليه اومال انا مستحمله كل ده ليه معاك.؟.. 

_مسك احمد الجاكت بتاع بدلته وقالها وهو بيلبسها بكل برود... 

احمد. 

عشان طريقتك دي، اصل لما انا هجيبلك ابوكي واخوكي كمان يبقي جنبك هتعملي ايه هتسبيني مش كده.. 

ريم  بخوف

يعني انت مش هتخليني اشوفه، اللي انت بتعمله فيا ده ظلم علي فكره.. 

احمد بهدوء

ليه مش عايزه تفضلي معايا؟.. 

ريم بدموع

هفضل معاك مش هسيبك... 

احمد

هو بالعافيه يا ريم، انا عايز قرار زي ده يبقي بمزاجك.. 

ريم اتنهدت بضيق وقالت

انا مش فاهمه انت عايز مني ايه، طلبت مني ابقي زوجه ليك واقولك حاضر ونعم قولت حاضر وما قصرتش معاك في حاجه وما قولتش حاجه لحد، انت بقي عايز مني ايه.؟.. 

احمد. 

عايزك. تقرري من غير ما تخافي انتي مبسوطه معايا ولا لا؟.. 

ريم بحزن

بصراحه مش عارفه بس عشان انت مخوفني.. 

احمد بجمود

هتفضلي معايا لحد ما اخلص مشكلة اهلك دي وبعد كده اللي تقرريه انا معاكي فيه بس ياريت وانتي بتفكري تفتكري ان الوحيده اللي حبيتها هي انتي وكلمة بحبك دي عمرها ما طلعت مني غير ليكي انتي وانا عايزك لاخر عمري تمام.. 

ريم بجمود

هشوف بابا امتي؟.. 

احمد 

لما افضي.. 

ريم 

انت ما بتفضاش يا احمد.. 

احمد

ريم انا ما بحبش الزن يا حبيبتي.. 

ريم بسخريه

اللي بيحب حد. بيحب فيه كل حاجه علي فكره.. 

احمد غمزلها وقال

طيب ما انا بحب فيكي كل حاجه معادا الزن والجنان والهرجله، انتي بقي بتحبي ايه فيا؟.. 

ريم قربت منه وقالت بخبث

احبك تمشي عشان ما تتأخرش علي شغلك... 

احمد بغيظ 

ما شوفتش في رخامتك علي فكره، تروحي المستشفي مع. ممدوح هو رايح لساره.. 

ريم 

ساره. صح بتحب طارق قالت لطارق انها معجبه بيه ولما ظهر ممدوح كنسلتله.. 

احمد 

موضوع بعيد عني ماليش دعوه بيه، وعلي فكره لو عرفت انك قربتي من طارق ولا في سهوكه وكلام فاضي والله العظيم ما هتشوفي الشارع تاني.. 

ريم بغيظ 

مالكم وماله طارق الواد ده قليل البخت كده ليه؟.. 

احمد 

كلامي مفهوم يا ام قلب كبير.. 

ريم 

طيب... 

ـــــــــــــــــــــــــــــ 

_وفي المستشفي وصل طارق ولقي البنت اللي مكان رباب قاعده، قرب منها طارق وقالها.. 

طارق

هي رباب ما جاتش.. 

البنت 

لا ما جاتش تؤمرني بحاجه يا دكتور؟.. 

طارق بضيق

الشغل كله معاها ممكن تكلميها قوليلها تيجي بسرعه.. 

البنت 

ما انا كلمتها شتمتني وقالتلي اا... 

طارق 

قالتلك ايه قولي؟.. 

البنت باحراج 

قالتلي خلي الملزق اللي عندكم يتصرف.. 

_غمض طارق عيونه بعصبيه ودخل مكتبه ورجع تاني وقال للبنت بحده.. 

طارق

تعرفي عنوانها؟.. 

البنت 

لا بس دكتور احمد يعرف اكيد لانها من معارفه اصلا، وممكن اجيبه ليك من سجل الموظفين..

طارق

لا خلاص انا هاخده من. دكتور احمد... 

_ودخل احمد وقعد علي المكتب ومسك. الموبيل بتاعه وبعت رساله لاحمد وقاله.... 

طارق

صباح الخير يا دكتور احمد معلش ممكن. تبعتلي عنوان رباب لانها ما جاتش النهارده وفي ورق مهم لازم اخده منها وبنكلمها مش بترد.. 

_ استني احمد. يرد. عليه وفي الوقت ده دخلت ساره وقالتله وهي قلقانه... 

ساره 

انت بجد اخدت معاد من بابا؟.. 

طارق

لتاني مره هلفت نظرك علي الباب تخبطي قبل ما تدخلي.. 

ساره 

مش وقته يا طارق رد عليا انت كلمت بابا بجد؟.. 

طارق وقف وقالها

لا هو السؤال غلط والمفروض انا اللي اسأله، انتي ليه خايفه كده اني اكلم باباكي المفروض تفرحي؟.. 

ساره بحده 

افرح بأيه انا ما بحبكش.. 

طارق بحده 

وبتحبي ممدوح كنتي بتنسيه بيا يا ساره، كنت كوبري عشان تنسي حبيب القلب وعشمتيني بحبك والجواز وحاجات كتير واننا هنبدأ من جديد ولما هو ظهر لا معلش اوعي تنسي حدودك. انا ما بحبكش صح... 

ساره بدموع 

حط نفسك. مكاني يا طارق، انا بحب ممدوح بجد وما صدقت ان الدنيا اديتني فرصه اكمل معاه وما اتحرمش منه.. 

طارق بحزن 

وانا ذنبي ايه، طيب ليه ما قولتليش انك بتحبي حد من البدايه عشان كنت اعرف انا وضعي هيكون ايه في حياتك، بس انتي انانيه وطماعه خوفتي تقولي كده اخد. جنب منك وانتي مبسوطه اني بجري وراكي.. 

ساره مسحت. دموعها وقالت 

خلصت كلامك يا طارق علي العموم شكرا واديك اهو عرفت كل حاجه ما فيش داعي تكلم بابي وتحصل حاجه بينا اكتر من اللي كان... 

طارق بجمود

ما كلمتوش ولا هكلمه اصلا وما يشرفنيش اكمل حياتي مع واحده متردده زيك وانانيه.. 

_ في الوقت ده دخلت ريم وجنبيها ممدوح اللي كان سامع كل حاجه وساره بصتله بصدمه وقالت.. 

ساره 

ممدوح اا انا كنت هقولك. كل حاجه و.. 

تجاهلها ممدوح وقال لطارق

انت بقي طارق ريم قالتلي عنك. كلام كتير، بجد شكرا لجدعنتك معاها ومع احمد.. 

طارق بهدوء

لا شكرا ايه ريم اختي فعلا مش كلام، وده. كان واجبي ناحيتها ولا ايه يا ريم.. 

ريم. 

طبعا يا ابو الصحاب، يلا بقي انت يا ممدوح ما اعطلكش.. 

ممدوح 

خلي بالك من نفسك وانا مع احمد ما تقلقيش عليا.. 

_ قال كلامه وطلع وساره راحت ورااه بسرعه وبصلها طارق بحزن وريم قالتله.. 

ريم 

شكرا يا طارق انا ما كنتش اقدر اقول لممدوح الحقيقه وهو كان لازم يسمعها ويعرف ان ساره دي مش مناسبه ليه.. 

طارق 

ما تعمليش زيها يا ريم.. 

ريم. 

ازاي يعني مش فاهمه؟..

طارق 

يعني احمد بلاش تظلميه عشان مصلحتك.. 

ريم 

هو اللي بيستغلني يا طارق، انت ما تعرفش حاجه.. 

طارق 

ومش عايز اعرف لانها حاجه بينك وبينه يا ريم، بس ما تفكريش في مصلحتك وانتي جايه علي حد. تاني.. 

ريم اتنهدت وقالت

اطمن يا حنين انا ما ظلمتش احمد هو اللي ظالمني وجاي عليا بزيااااده، المهم قولي هتشغلني ايه.. 

طارق بضيق

هشغلك ايه يا ريم يعني مهندسه مثلا، ما تروحي تكملي التدريب مع زمايلك.. 

ريم 

لااااا ده كان زمان انما دلوقتي انا لازم اترقي.. 

طارق 

والله قولي الكلام ده لجوزك هو اللي قال انك تكملي تدريب.. 

ريم بغيظ 

وحياة امه مااشي انا هوريه... 

_بص طارق في موبيله ولقي احمد بعتله عنوان رباب، وبص لريم وقالها.. 

طارق

في ايه يا ريم هتفضلي وقفالي كده.. 

ريم 

هو انت فاكر اني هقدر اتدرب لوحدي تعالي اتدرب لوحدي.. 

طارق بثقه 

خلصت يا ماما واثبت اني مش بس شاطر انا كمان موهوب ودلوقتي مديرك.. 

ريم بغيظ

بتعمل ايه انت لاحمد وانا اعمله عشان يحبني ويغير عليا زيك.. 

طارق 

نعمم احمد بيغير عليا، قصدك عليكي انتي.. 

ريم 

تؤ تؤ عليك انت يا طارق، يعني بيدايق لما بكلمك ورقااك في الشغل وخلاك تمسك مكاانه كمان يبقي انا فاهمه غلط هو بيحبك انت وبيغير عليك انت.. 

طارق بنفاذ صبر

ارحميييني والله الراجل ليه الجنه انه متحمل المهلبيه اللي دماغك دي، وبعدين انا هنا موجود ولو وقفت معاكي حاجه قوليلي.. 

ريم 

طيب انت رايح فين دلوقتي؟.. 

طارق

مشوار مهم وجاي... 

_ مشي طارق وريم راحت التدريب مع المتدربين الجداد، ولقيت ان في دكتوره متخصصه كانت بتراجع معاها اللي فاتها كله واحمد هو اللي طلب كده.. 

ـــــــــــــــــــــــــــــ 

_ وتحت المستشفي كان ممدوح لسه هيطلع في العربيه بتاعت احمد اللي فيها الحراس اللي مع ممدوح ووقفته ساره وقالت.. 

ساره 

يا ممدوح ارجوك اسمعني.. 

ممدوح بحده 

اسمع ايه، انتي يا ساره يطلع منك كل ده للاسف طلعتي صوره بس والحمد لله اني عرفتك علي حقيقتك.. 

ساره 

انت ما كنتش موجود. كنت متوقع مني ايه؟.. 

ممدوح 

لا لحظه انا مش بلومك انك عرفتي طارق انا بلومك عشان استغلتيه لمصلحتك.. 

ساره 

هو انت تعرف طارق اصلا وبعدين انا ما عشمتوش بحاجه.. 

ممدوح

لا عشمتيه عشان لو كنتي عايزه تبعدي كنتي هتبعدي، انتي بس كان صعب عليكي تتحملي حزنك لوحدك فروحتي رمتيه علي غيرك ودوستي عليه وعديتي اهو وحياتك رجعت زي الاول.. 

ساره بدموع

كل ده انا يا ممدوح.. 

ممدوح

كنت اتمني اقول لا، بس انا مش اناني عشان ادوس علي قلب الولد اللي وقف جنب اختي فغيابي واوصلك.. 

_قال كلامه وسابها وركب العربيه والسواق مشي وساره كانت واقفه مدايقه جدا وشافت طارق هريكب عربيته راحتله بسرعه وقالت... 

ساره 

انت مبسوط كده بعد ما خليته يبعد. عني.. 

طارق

لو سمحتي انا طلعت نفسي بره مشاكلك الشخصيه دي وياريت يكون التعامل بينا شغل وبس.. 

_ قال كلامه وركب عربيته ومشي من قدامها، وهي رجعت المستشفي وكانت متعصبه جدا وبتزعق في اي حد... 

ـــــــــــــــــــــــــــــ

_ وفي شغل احمد طلع من اوضة الاجتماعات ومعاه عزيز اللي كان مبسوط وقاله.. 

عزيز 

انا بجد نفسي اشكر مراتك جدا لان لولاها ما كنتش هتيجي تشتغل معايا ولا كنت هتباهي بيك قدام اي حد اعرفه وبموهبتك.. 

احمد بسخريه

موهبتي في الطب احسن بكتير علي فكره يا خالي.. 

عزيز 

وانا ما منعتكش بس خساره شركتي وتعبي وفلوسي يجي واحد غريب يمسكها، المهم.. 

احمد وهو بيدخل مكتبه 

خير ان شاء الله؟.. 

عزيز 

عامل حفله صغيره بمناسبة جوازي من علياء وكمان عشان عايز ادخل ابنها العيله وانت تجيب مراتك وتيجي ولو عندك حد. غالي عليك اعزمه.... 

احمد 

ان شاء الله، فتحي العدوي هنوقعه ازاي.. 

عزيز 

بعد الحفله عندي ليك مفجأه.. 

احمد. 

هو انا هفضل مستني لحد بعد الحفله.. 

عزيز

ايوووه هتستني ولو عايز تعمل حاجه ادعي عليه هههههههه والله دمي شربات.. 

احمد بسخريه

من غير سكر، علي العموم اتفضل انا عندي شغل.. 

عزيز

اهو طالع وما تقلقش خالك معاك وفي ضهرك... 

_ قال كلامه عزيز وطلع واحمد قاام وقف عند الشباك ولما افتكر ربم ابتسم بتلقاييه وطاه موبيله وكلمها وهي ردت عليه وقالت.. 

ريم 

هما لحقو يشتكولك؟.. 

احمد. 

هما مين وعملتي ايه يا ريم؟.. 

ريم 

لا لا ابدا انت عايز ايه؟.. 

احمد

بطمن عليكي عامله ايه في المستشفي من غيري.. 

ريم 

زي الفل الدنيا تمام الحمدلله.. 

احمد

وحشتيني.. 

ريم. 

ما تشوفش وحش.. 

احمد

هو انا اعملك ايه عشان تحبيني يعني.. 

ريم 

اتنين شاورما وعصير قصب واحب عيلتك كلها والله.. 

احمد ضحك وقال

بطن بتتكلم يا ناس، علي العموم هكلم طارق تروحي بدري النهارده.. 

ريم 

اللهي يارب تنستر دنيا واخره، بس ايه الهدوء ده كله... 

احمد بخبث

الله مش عريس جديد بقي ومحتاج اتدلع.. 

ريم بتوتر

ااا علي فكره انا عملت مصيبه هنا.. 

احمد 

كنت حاسس عملتي ايه يا ريم؟.. 

ريم بقلق

ااا طيب احلف الاول انك مش هتتعصب؟.. 

احمد. 

اخلصي يا ريم بدل ما اجيلك.. 

ريم 

طارق طلع وانا عزمت الدكاتره علي طعميه تتوقع لما هيرجع هيعمل فيا ايه؟.. 

احمد غمض عينيه بنفتد. صبر وقال

هو انا لو طلقتك دلوقتي ما حدش هيلومني صح؟.. 

ريم 

بالعكس ده انا هرتاح.. 

احمد بحده 

وعشان كده مش هريحك يا ريم، وهبعتلك السواق يروحك انتي مالكيش شغل اصلا.. 

ريم بغيظ. 

وايه دخل الطعميه في الشغل، والله مانا مروحه انا عارفاك بتتلكك عشان تخليني اروح يا قليل الادب.. 

قفل احمد. معاها وكلم رشاد باباها وقاله

ايوه يا عمي اخبارك ايه ؟.. 

رشاد 

الحمدلله احسن، وهكون احسن اما تجيبلي ولادي يا ابني.. 

احمد بهدوء

النهارده كلنا هنكون عند حضرتك يا عمي، المهم حضرتك ترتاح ولو في حاجه نقصاك ياريت تبلغني.. 

رشاد 

تسلم يا حبيبي هنا انت مخلي الشغالين عاملينلي كل حاجه شكرا.. 

احمد 

شكرا علي ايه يا حمايا ده واجبك، بعد اذن حضىتك وان شاء الله بالليل ممدوح وريم هيكونو عندك... 

رشاد 

ان شاء الله اتفضل يا ابني ربنا يوفقك.. 

ـــــــــــــــــــــــــــــ 

_ وفي حاره شعبيه وقف طارق بعربيته قدام عماره قديمه وسأل راجل كبير وقاله.. 

طارق

لو سمحت يا حج الانسه رباب ساكنه هنا؟.. 

الراجل بضيق 

يا ساتر من السيره ايوه فوق في الدور التالت.. 

_طلع طارق فوق ولما وصل قدام باب الشقه وكان لسه هيخبط سمع صوت رباب وهي بتزعق وتقول.  . 

رباب

انتو ليكم عين تتكلمو يا حلب يا عيله غجر ده انا اللي باكلكم انتو وعيالكم واسمع يا راجل انت تخلي ابنك يتف حتت اللحمه بدل ما وديني وما اعبد اصورلكم قتيل هنا... 

اتصدم طارق بخوف وقال

يا نهار اسود دي متوحشه... 

_ وكان لسه هيجري بس طلعت رباب وهي بتنفض السجاده اللي كلها تراب جه علي وش طارق ولما خدت بالها منه برقت وقالت.. 

رباب

يا نصيبتي دكتور طارق!!!... 

_ تفتكرو هيحصل ايه؟ 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

رباب

يا نصيبتي دكتور طارق... 

طارق قلع النصاره النظر بتاعته وقالها

انتي متخلفه والله مجنونه رسمي مش تبصي قدامك الاول.. 

رباب بقلق

الله وانا يعني هشم علي قفا ايدي واعرف ان حضرتك جاااي... 

طارق بضيق

طيب اجهزي ولو سمحتي تعالي معايا... 

رباب بحده 

نعمممم هو انت فاكرني ايه عشان تقولي كده لاا انا بنت ناس ومن عيله محترمه.. 

_واول ما خلصت كلامها طلع صوت واحده من جوه بيتهم وهي بتضحك بمرقعه وبتقول... 

البنت

ههههههه عيب يا راجل مش وقته.. 

طارق بسخريه

كنتي بتقولي ايه بقي؟.. 

رباب بأحراج

انا كدااابه انا من عيله واطيه وما تعرفش يعني ايه احترام، عايزني اروح معاك فين وبرضو انا مصفيه النيه.. 

ابتسم غصب عنه وقالها

المستشفي في شغل مهم وانا.. احم انا عايزك معايا... 

رباب بثقه 

قصدك محتاجلي وانكم من غيري ضايعين وغرقانين قي شبر مايه.. 

طارق بنفاد صبر

ما انتي ماسكه الشغل كله والمفروض مدام هتمشي يبقي تسيبي العهده اللي معاكي.. 

رباب

هه اومال كنت اربيك ازاي.. 

طارق

نعممم؟!.. 

رباب

اا قصدي يعني مدام جيت لحد البيت واستسمحتني واترجيتني انا مش هردك مكسور الخاطر... 

طارق بجمود

خلصتي اتفضلي غيري الشكاره اللي لابساها دي عشان نروح المستشفي وبسرعه.. 

رباب

طيب تعالي ادخل وقفتك علي السلم دي في شبهه ليا.. 

_ دخل طارق معاها وكان بيتهم بسيط جداً واول ما دخل شاف واحد لابس فنله كاستور وبيشرب شيشه وجنبيه علي الارض مراته قاعده وبتهويله علي الحجر وولد صغير تقريباً عنده 7 سنين ماسك قلم وبيشخبط علي الحيطه وفجأه رباب زعقت فيه وقالت.. 

رباب

انت با ابن العفريت الواجب بيتعمل في الكراسه مش علي الحيطه.. 

قالها فوزي خالها بحده

الله ما تسيبي الواد ياخد حريته ويعمل الواجب في الحته اللي تريحه.. 

رباب بحده 

ليه هو حمام هيعمله في الحته اللي تريحه.. 

صباح مرات خالها

استني بس يا اخويا الا مين الافندي اللي داخل في ايدك ده يا بت اوعي يكون حكومه.. 

رباب بغيظ

ياريت كنت خلصت منكم، ده دكتور طارق مديري في الشغل.. 

فوزي 

ااااه الدكتور اللي بيديكي فلوس زياده عشان علاج امك، اتفضل يا دوك نورتنا.. 

قعد طارق علي كرسي قصادهم وقال

منور بصحابه، بسرعه يا رباب عشان متأخرين.. 

_ سابته رباب ودخلت الحمام، وقالت صباح لفوزي بصوت واطي.. 

صباح 

احلق شعر راسي ان ما كاان الواد ده بنت اختك مصحبااه وماشيه معاه.. 

فوزي 

لا بس مدام جه علي البيت يبقي الواد غرضه شريف.. 

صباح 

حقه يا فوزي لو بجد غرضه شريف وهيتجوزها البت هتقب علي وش الدنيا واحنا معاها.. 

فوزي 

طيب استني كده اتأكد.. 

فوزي 

منورنا يا دوك البت رباب بتشكر فيك اوووي، انا ابقي الاسطي فوزي خالها... 

طارق

اهلا وسهلا اتشرفت بحضرتك.. 

ضحكت صباح وقالت

هههههههه والله وبقي يتقالك حضرتك يا فوزي.. 

فوزي غمزلها وقال

لايقه عليا مش كده يا بت.. 

صباح 

يوه يا راجل اختشي الافندي قااعد... 

_بصلهم طارق بقره وطلعت رباب من الحمام بعد ما غسلت وشها وهي بتنشفه بالفوطه وقالت... 

رباب

اتلم منك ليها الله يكسفكم.. 

طارق وقف وقال

انا بقول استناكي في العربيه تحت افضل.. 

رباب

وربنا ما يحصل تعالي معايا جوه اوضتي اغير هدومي وننزل سوا.. 

طارق بصدمه 

نعممم يا اختي؟!... 

فوزي 

خش خش ما تتكسفش هي كل ما حد يجي بتاخده جوه عادي... 

طارق 

الله واكبر قرونك هتنور في الضلمه يا خالها.. 

مسكت رباب ايده وقالت

يلا عشان ما نتأخرش.. 

_واخدته ودخلت جوه اوضتها وحصل؟... 

ــــــــــــــــــــــــــــــــــــــــ 

_ في شقه تانيه راقيه كان مالك قاعد في المطبخ بيتغدي وموبيله رن برقم مامته رد عليها وقال.. 

مالك

ايوه يا ماما خير.. 

علياء

هتيجي معانا.. 

مالك 

انا شوفت الدعوه بتاعت الحفله بس ليه الغردقه يعني اللي هتكون فيها الحفله.. 

علياء

احمد ابن اخت عزيز هو اللي صمم وبعدين هنقعد اسبوع هناك ونغير جو.. 

مالك

احمد ده اللي مراته قابلتها قبل كده؟.. 

علياء 

ايوه مالك قولي انك هتيجي وتتعرف علي عزيز والله هو راجل محترم جدا.. 

اتنهد مالك بضيق وقالها

هشوف مواعيد محاضراتي وارد علي حضرتك.. 

_ قال كلامه وقفل في وش مامته وبعدين فتح الانستجرام ودور علي حساب احمد وقال لنفسه بسخريه.. 

مالك 

دي مش عنده في المتابعين وكمان ما فيش اي صوره تدل انه متجوز قريب.. 

قفل الفون وقال

وانا مالي بالموضوع اصلا... 

_ وكمل غدااه وبعدين اخد الشنطه بتاعته اللي فيها حاجات الكليه بتاعته ونزل راح الكورس بتاعه.. 

ــــــــــــــــــــــــــــــــــــــــ 

_ وفي بيت عزيز الشناوي، بعد ما قفلت علياء مع ابنها كانت مدايقه جداً ودخل عندها عزيز وقال.. 

عزيز

جيتلك بدري اهو عشان نلحق نحضر الشنط.. 

علياء

ايوه ليه هي مش الحفله كانت هنا في القاهره ليه نسافر الغردقه.. 

عزيز

احمد طلب مني كده وانا جاي في الطريق وانتي عارفه ما اقدرش اقول لاحمد لا.. 

علياء

غريب انت وبتحب احمد. بطريقه غريبه.. 

عزيز 

لاني بشوفه ابني مش ابن اختي يا علياء من صغره وانا بعامله كده، المهم كلمتي مالك... 

علياء

ايوه قالي هيشوف، لسه زعلان مني.. 

عزيز 

اهو معاه خطوه خطوه لحد ما يتعود علي الموضوع.. 

علياء

ان. شاء الله خير يا حبيبي، بس ابقي اقنع ساره تيجي معانا لانها رافضه جدا وكمان جات من المستشفي ومش عجباني خالص اليومين دول.. 

عزيز

حاضر هشوفها... 

ــــــــــــــــــــــــــــــــــــــــ 

_ وفي بيت رباب اول ما دخل طارق الاوضه بتاعت رباب لقي في ست كبيره نايمه علي السرير وما بتتحركش، وقالها طارق.. 

طارق

ايه ده هو ايه اللي بيحصل.. 

رباب

ولا حاجه دي امي تعباانه ونايمه علي طول اقعد علي الكرسي ده جنبيها وانا هغير هدومي في الحمام ده واطلع علي طول.. 

طارق 

ااااه طيب مش تقولي كده من الاول.. 

رباب ابتسمت وقالت

صفي النيه يا دكتور واقعد لحد ما اجيلك.. 

_ وفعلا طلعت هدوم من الدولاب ودخلت الحمام وطارق كان مستغرب جدا من تصرفاتها المندفعه، ورااح قعد جنب مامتها اللي بصتله وقالت... 

سميه

رباااب فين؟.. 

طارق بتوتر

اا جوه بتغير هدومها.. 

سميه

انت مين؟.. 

طارق

انا طارق زميلها في الشغل.. 

سميه

انت اللي زعقت فيها وخليتها تيجي عندي وتعيط.. 

طارق بأحراج

اا انا اسف ما كنتش اقصد بس بصراحه بنت حضرتك مستفزه جدا.. 

سميه

طيبه مش مستفزه خالص، الدكتور احمد كان زيك كده في الاول بس بقي بيحبها وبيعاملها زي اخته.. 

طارق

ربنا يخليهالك.. 

وقام وقال

انا هنزل استناها في العربيه افضل.. 

مسكت سميه ايده بسرعه وقالت

رباب مالهاش حد خلي بالك منها وما تزعلهاش تاني اتفقنا؟.. 

خاف طارق من نبرتها وقال

حح حاضر... 

_ في الوقت ده سابت ايده وطلعت رباب وقالتله بقلق.. 

رباب

انت واقف كده ليه؟.. 

طارق

ابداً كنت بتكلم مع مامتك طيبه اووي زيك.. 

رباب بسخريه

سلامتك يا دكتور انا امي ما بتتركش وما بتنطقش.. 

طارق بسخريه

طيب ما تهزريش طيب ويلا بينا من هنا.. 

رباب

يا عم والله العظبم امي بقالها سنه علي الحال ده نفس طالع ونفس داخل وتاكل وتنام او تروح الحمام بس، واللي عندها ده مرض نفسي مش عارفينله علاج.. 

طارق بص لسميه وقال

مش عايشه معاكي ومع خالك طبيعي تكون كده..بس والله كلمتني... 

رباب

امم طيب يلا ننزل احسن.. 

_ نزلت رباب هي وطارق وكانو طالعين من العماره وبص الراجل اللي سأله طارق علي بيت رباب وبصلها بطريقه مش كويسه، ورباب قالت لطارق.. 

رباب

اطلع بقي عربيتك واستناني.. 

طارق

رايحه فين تاني اليوم هيخلص.. 

رباب

يعم دقيقتين... 

_ وقربت رباب من الراجل اللي قاعد علي الكرسي وقدامه قفاص خضاار وقالتله بحده... 

رباب

عيسوي لو في حاجه وصلت للمعلم بتاعك والله العظيم ما هخلي الدكتور يعرف يخيط فيك غورزه امين يا حج.. 

عيسوي

عيب بقي احترمي نفسك انا قد جدك مش ابوكي.. 

رباب

بس راجل رغاي رغي ما شوفتوش في اي ست يا خباص وانا قولت وقد اعذر من انزر... 

_ قالو كلامها وراحت ىكبت جنب طارق اللي كان مستغرب من تصرفاتها بس ما اهتمش وراحو المستشفي.. 

ــــــــــــــــــــــــــــــــــــــــ 

_ وبعد شويه في بيت احمد.. 

كانت ريم بتجهز الشنط واحمد دخل وقالها.. 

احمد

ما خلتيش ليه ميرا تساعدك... 

ريم بحده

كده... 

احمد

ايه البوز ده بقي ده انا فضيت نفسي مخصوص عشان نسافر كلنا.. 

ريم 

مين قالك اني عايزه اسافر، انا عايزه اشوف ابويا ايه الصعب في كده.. 

احمد بخبث

حبيني الاول واخليكي تشوفي ابوكي.. 

ريم بغيظ

انت با ابني متخلف هي الحاجات دي بالعافيه.. 

احمد 

لا طبعا انتي بس حاولي تشوفيني كويس وتفكري فيا كويس هتحبيني.. 

ريم 

ده ليه يعني ايه اللي لو فكرت وشوفتك كويس هيخليني احبك.. 

احمد بثقه 

انا اتحب اصلا.. 

ريم بسخريه 

امم بمناخيرك اللي شبه رغيف العيش البلدي دي.. 

اتغاظ احمد وقالها

طيب كملي تجهيز الشنط وقلي ادبك كده كتير عشان بعون الله مش هخليكي تشوفي ابوكي ابداً... 

قربت منه ريم بسرعه وقالت

ياااه ده انا لهزر هو انت في فجمال مناخير امك.. 

احمد 

لا لا مش هتصالح كده.. 

ريم بهدوء

اومال اعملك ايه يا حبيبي.. 

احمد 

حبيبك حته واحده؟!... 

ريم

مش انت عايز كده عشان تخليني اشوف بابا... 

اجمد بجديه

وانتي عايزه ايه؟.. 

ريم بسخريه

هيفرق معاك المهم اللي انت عايزه يحصل وبس صح؟... 

احمد

صح وانا عايزك تحبيني.. 

ريم بابتسامه صفرا 

ما انا بحبك اهو عايز ايه تاني.. 

احمد سكت شويه وقالها

كداابه وجبااانه قولي انك مش بتحبيني من غير ما تخافي فكري فيا من فير ما تخافي مني.. 

ريم بعدت عنه وقالت

هو الجو في الغردقه برد ولا حلو عشان اعمل حسابي.. 

احمد بغيظ 

ما اعرفش واهربي براحتك يا ريم وخليكي كده خايفه وخلينا زي ما احنا.. 

ــــــــــــــــــــــــــــــــــــــــ

_ وتاني يوم سافرو كلهم الغردقه وراح عزيز وعلياء وساره الشاليه بتاعهم،واحمد اخد مامته وممدوح وريم وريم قالت.. 

ريم 

ياد انجز بقي بتعب من العربيات والله.. 

ممدوح ضحك وقال

هههه بتقولي لجوزك يااد.. 

احمد وهو سايق العربيه

عشان تعرف بقي انا متحمل ايه مع اختك... 

ريم بسخريه

امم معلش يا ملاك يا برئ...وبعدبن انا جعااانه.. 

احمد

بس يا ريم مش واخدين عيله صغيره معانا.. 

ريم بخبث

ما انت لو مهتم مش هتقول كده.. 

ضحك ممدوح وقاله 

البس بقي النكد... 

احمد

طيب اهو قدامك اعملها ايه واحنا في طريق شبيه بالصحرا اديها دراعي تاكله عشان جعانه يعني.. 

ضحك ممدوح وقاله

لا بس بعد كده لما تاخدها معاك سفر ما تخليهاش بالعربيه عشان فعلا بتتعب وتجيبلها اكل معاك وشوكلاته واهم حاجه تشغلها شعبي عشان ما تملش.. 

قربت ريم من ممدوح وباسته في خده وقالت

وربنا انت احلي واجدع اخ في الدنيا.. 

الهام 

واحمد حنين برضو علي فكره ولا هتنكري.. 

ريم بسخريه

هو انا اخدت حاجه عشان انكرها اصلا.. 

احمد بجمود

ده هزار مش كده؟... 

ممدوح

انت. مالك قفشت كده ليه احنا بنهزر يا عم... 

_سكت احمد وهو مدايق وريم خافت يقول حاجه من اللي بينهم قدام ممدوح فسكتت هي كمان...

وبعد شويه وصلو قدام فيلا شكلها قدبم شويه ونزلو كلهم والهام قالت بدموع.. 

الهام

ياااه انا ما جيتش هنا من اخر مره جيت فيها مع ابوك الله يرحمه.. 

احمد 

لا احنا جايين هنا نفرفش مش نعيط، وبعدين بابا الله يرحمه انا معاكي اهو.. 

ريم 

الفيلا دي جواها عفريت صح زي اللي في الافلام الرعب.. 

احمد

لا فيها حاجه تانيه تعالو بس ندخل يلاا.. 

_ دخلوو جوه واول ما دخلو لقيو رشاد واقف مستنيهم وهو مبتسم ودموعه ماليه عينيه، بصت ريم وممدوح لبعض بدموع وممدوح راح بسرعه وقرب من رشاد وحضنه وقاله.. 

ممدوح 

انا مش مصدق انك موجود والله، انا تعبت اووي من غيرك يا بابا... 

رشاد ببكاء

حقك عليا يا ابني انا شيلتك حمل تقيل اووي انت مالكش اي ذنب فيه، بس كنت علي اد. ما اقدر بحميك انت واختك منهم... 

ممدوح بدموع

مش مهم بجد. الكلام ده دلوقاي الحمد. لله اننا خلصنا منهم ورجعنا اتلمينا تاني... 

بص رشاد لريم اللي واقفه جنب الهام وقالها

مش هتيجي تسلمي عليا يا بت يا ريم ولا ايه.. 

_ابتسمت ريم وقربت منه وهو حضنها اووي وهي كمان وبعد عنها شويه وقالها.. 

رشاد 

معقوله بنتي انا كبرت وبقيت بالحلاوه دي.. 

ريم بدموع

انت عايش بجد يعني انت بجد مش ميت.. 

ضحكو كلهم وممدوح قالها

يعني هو لو مش عايش لقدر الله كان هيكلمك ويحضنك كده ازاي.. 

ريم

يمكن عفريته مثلا.. 

ضحك رشاد وقاله

هههههه لا اطمني انا فعلا عايش يا حبيبتي ومش هسيبك تاني.. 

وبص لاحمد وقالها

وبجد برافو عليكي انك اختارتي تتجوزي راجل زي احمد كده، من غيره والله ما كنتش هقدر اشوفكم تاني... 

بص ريم لاحمد واحمد قرب منه وقاله

ده واجبي يا عمي وانت كمان زي ابويا والله.. 

رشاد طبطب علي كتفه وقاله

ربنا يكرم اصلك يا ابني.. 

ريم 

اعرفك يا بابا طنط العام مامت احمد... 

الهام

ازيك يا حج رشاد حمدلله علي سلامتك الا هو جوزي عامل ايه كويس.. 

رشاد 

انا كويس بس للاسف انا ما اعرفش جوز حضرتك.. 

الهام 

هو انت مش كنت ميت وىجعت ازاي ما شوفتوش ليكون دخل النار.. 

ضحك ممدوح وريم واحمد قال

ماما شكلك تعبتي من المشوار يا حبيبتي ممكن تطلعي تنامي.. 

الهام 

انا بقول كده. برضو بعد. اذنكم... 

طلعت فوق واحمد قال

انا هروح مشوار بسرعه وجاي عشان نروح كلنا الحفله بتاعت خالي.. 

رشاد 

ان شاء الله يا ابني.. 

مشي احمد وممدوح قال لريم

بت احمد. شكله مدايق اووي ما تروحي تشوفيه قبل ما يمشي ماله.. 

ريم. 

هو عيل بومه وانا قاعده مع بابا.. 

رشاد ضحك وقالها

ايوه سيب بنتي معايا شويه وتعالي انت كمان واحكولي عملتو ايه في حياتكم الفتره اللي عدت دي.. 

ممدوح 

لا معلش الاول انا عايز اعرف حضرتك ناوي علي ايه احنا لازم بقي نفضل مع بعض.. 

رشاد 

ايوه طبعا اول حاجه اسمكم هيتغير علي اسم ابوكم، وبعدين انا قررت ابيع نصيبي في الارض لولاد فتحي ايوه هخسر بس مش مهم مش عايز اي حاجه ترجعني البلد تاني وهفتح مشروع هنا ليك يا ممدوح واقعد. معاك.. 

ريم 

واشمعنا ممدوح بقي؟.. 

رشاد 

عشان انتي ليكي بيتك وجوزك وطبعا في اي وقت انتي تيجي وتقعدي معايا.. 

ريم بقلق

هه هو يعني انا ممكن ااا.. 

ممدوح

ريم مش وقته.. 

رشاد 

في ايه ما تسيبها تتكلم.. 

ريم. 

لا خلاص ما فيش حاجه.. 

ــــــــــــــــــــــــــــــــــــــــ 

_ وبالليل قي بيت طارق.. 

كان قاعد في اوضته وبيتفىج علي صوره مع ساره قبل ما يظهر ممدوح واد ايه كانت كويسه معاه وباين انها معجبه بيه ومتقبله مشاعره.. 

ودخلت عنده مامته فمسح. دموعه بسرعه وسهير قالت..

سهير

امسح الصور دي لو سمحت.. 

طارق فعلا ميح الصور وقال

كنت همسحهم علي فكره.. 

قعدت سهير قدامه وقالت

والله لو تعرف حكمة ربنا لكنت فرحت باللي بيحصلك ده، ما تبصش للوقت الحالي وتزعل اصبر واتعشم في ربنا ان اللي جاي يبقي احسن.. 

ابتسم طارق وقالها

معاكي حق يا ماما، علي العموم انا مش زعلان عليها اد. ما انا زعلان علي نفسي وو.. 

_موبيله رن برقم احمد، وسهير سالته وقالتله.. 

سهير

خير مين بيكلمك.؟.. 

طارق

ده دكتور احمد... بعد. اذنك يا ماما هرد عليه... 

قامت سهير وقالتله

حاضر يا حبيبي انا هروح اخد الدوا بتاعي وانام تصبح علي خير.. 

طارق

وانتي من اهله يا ماما... 

طلعت سهير وطارق رد علي احمد وقال

ايوه يا دكتور احمد معام اهوو.. 

احمد

طارق دلوقتي حالا تروح لرباب وتاخدها هي ومامتها عندك فاهم.. 

طارق 

نعمم ليه يعني ده؟.. 

احمد

اعمل بس اللي قولتلك عليه بسرعه وانا بكره هكون عندك في القاهره.. 

طارق بضيق

حاضر يا دكتور احمد علي طول اهو هروح... 

_ قام طارق وغير هدومه واخد. مفتاح عربيته وراح لبيت رباب... 

ــــــــــــــــــــــــــــــــــــــــ 

_ وفي الغردقه كانت ريم لابسه فتسان اوف وايت رقيق ولابسه خمار من نفس اللون وكانت حلوه جداً، وطلعت بره الحفله وسندت علي عربيه وقلعت الجزمه اللي بكعب عالي وقالت... 

ريم

يارب مش لو كنت طويله تلاته اربعه سنتي كمان ما كنتش هحتاج الكعب ده.. 

_وفجأه نزل مالك من العربيه اللي هي سانده عليها وبصلها بهدوء وقالها... 

مالك

انتي تاني.. 

ريم 

انت بتعمل ايه هنا.. 

مالك

جيت عشان اشوفك تصدقي حاجه زي كده.. 

_ قبل ما ترد ريم جه احمد ومسكه جامد من هدومه وقال بعصبيه.. 

احمد

جاي عشان تشوف مين يا روح امك؟... 

_ تفتكرو هيحصل ايه؟.. 

ــــــــــــــ

_وجوه الحفله كان ممدوح قاعد جنب باباه وهو ماسك موبيله وبيحاول يكلم كامليا بس مش بترد عليه خالص.. 

جات الهام وقالت

جرا ايه يا حج رشاد قاعد. كده كأنك ضيف ليه.. 

رشاد بهدوء

اعمل ايه يعني ما انا نا اعرفش حد.. 

الهام

تعالي طيب انا هعرفك علي عزيز اخويا ومراته، ممدوح فين احمد... 

ما ردش عليها ممدوح والهام قالت

انت يااا ولد.. 

ممدوح

بتكلميني يا طنط؟... 

رشاد

اختك وجوزها فين؟.. 

ممدوح

مش عارف بس احمد قالي انه عامل مفجأه لريم وتقريبا هما مع بعض دلوقتي.. 

الهام

طيب كويس انا واخده باباك بقي هشقلبهولك في الحفله.. 

ضحك ممدوح وقالها

براحتك. اوووي يا طنط... 

رشاد بخوف

بقولك ايه انا خايف من الوليه دي.. 

مسكت الهام ايده وقالت

يلا انت لسه قاااعد... 

_ مشيو وممدوح فضل يضحك عليهم وبعدين بعت رساله صوتيه لكامليا وقالها.. 

ممدوح

كامليا ممكن تردي عليا ضروري... 

قربت منه ساره وقالت

ممدوح انا ممكن والله اعتذر لطارق واعمل اللي انت عايزه بس بلاش تسيبني.. 

اتنهد ممدوح بضيق وقالها؟؟.. 

ــــــــــــــــــــــــــــــــــــــــ 

_ وفي المنطقه اللي ساكنه فيها رباب، واول ما نزل من عربيته قام الراجل الكبير اللي قاعد. تحت بيت رباب وقال.. 

عيسوي

يا معلم عباااس اهو الواد اللي ماشيه معاه رباب جه تاني اهوو.. 

_طلع من العماره اللي ساكنه فيها رباب راجل ضخم جدا ولابس جلابيه وماسك في ايده سكينه وقال... 

عبااس

بقي انا اابت تسيبني وتمشي مع العيل ده.. 

طارق بقلق

بت مين انا ما اعرفهاش اصلا والله حضرتك يا عمو في سوء تفاهم.. 

زقه عباس علي العربيه وقال

مين ده اللي عمو يا واد يا توتو، والله لتتقطع النهارده.. 

صرخ طارق بصوته كله وقال

الحقووووووونيييييي يا ربااااااااب الله يخربيت معرفتك انتي فيييين... 

_ تفتكرو بقي هيحصل ايه؟.. 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

_ كانت رباب قاعده في اوشتها بتعيط وبتقول لمامتها اللي نايمه علي السرير.. 

رباب

نفسي تقومي المره دي وتدافعي عني، خالي ضربني وحالف ليجوزني للمعلم عباس اللي قد ابويا النهارده وكلمت دكتور احمد وهو مسافر وقالي هيتصرف بس مش هيلحق، قومي يا ماما ابوس ايدك ما حدش هيقدر يقفلهم غيرك.. 

سميه اتكلمت وهي مغمضه عنيها وقالت

اللي هيقفلهم جالك يا رباب.. 

رباب ابتسمت بدموع وقالت

ماما يا ماما ردي عليا انا سمعتك بتتكلمي.. 

_ وفي الوقت ده سمعت رباب صوت طارق وهو بيصوت وراحت بصت من البلكونه ولقيت عباس  ماسك طارق وبيتخانق معاه.. 

رباب

يا نهاااار اسود دكتور طاارق، ايه اللي جابه ده.. 

_ ونزلت بسرعه تحت وبعدت عبااس عن طارق ووقفت قداامه وقالت.. 

رباب

انت ايه اللي بتعمله ده الله يخربيتك... 

عباس بحده

خايفه اوووي علي حبيب القلب يا روح امك.. 

بصت رباب بدموع لطارق وقالتله

انت ايه اللي جابك هنا دلوقتي هو انا كنت ناقصه.. 

طارق بخوف

انا مااشي اصلا... 

عباس بحده 

اقف عندك. ياااه، وانتي ياا بت ما كفاكيش العلقه اللي اخدتيها من خالك وعايزه تاخدي غيرها.. 

رباب بدموع والم 

خدك ربنا يا شيخ سيب ايدي... 

فوزي خالها بحده

اديها يا معلم انا مش قادر عليها.. 

_ورفع عباس ايده وجه ينزل علي وش رباب بس كان طارق الاسرع لما مسك ايده وقال بحده.. 

طارق

مش رجوله يا معلم انك تمد ايدك علي واحده ست... 

عباس بعصبيه

انت بتمسك ايدي يااااه انت مش. عارف انا مين... 

طارق حاول يداري خوفه وقال

لا علي فكره واضح ان. انت اللي ما تعرفش انا. مين.. 

 عباس بسخريه

وتطلع مين بقي يا خفيف عشان لما اقطعك حتت اكلم حد من اللي يجي يلم جثتك.. 

_بلع طارق ريقه بخوف وبص لرباب اللي وشها كان فيه كدمات خفيفه وعيونها كلها دموع وباين اووي انها خايفه، وبص لعباس وقال... 

طارق

انا ابقي ابن وزير وخالي لواء وعمي مستشار وولادهم بقي اللي في كلية الشرطه واللي في نياابه يعني مكالمه واحده لحد منهم اقلبها فوق دماغكم... 

وقال بصوت واطي لرباب

يارب يصدقو عشان انا خلاص هعملها علي روحي.. 

ــــــــــــــــــــــــــــــــــــــــ 

_ وفي الغردقه.. 

ابعد مالك احمد عنده وقال بكل هدوء وطريقه مستفزه.. 

مالك

بدل ما تسألني انا عندك. مراتك اسألها هي.. 

ريم بقلق

انتي هتلبسني مصيبه هو انا اعرفك اصلا.. 

مالك 

لا والله هو مش انتي لما كنتي هربانه منه جيتي ركبتي عربيتي، وانا فعلا جاي عشان اشوفك.. 

اتنهد احمد بضيق وقال لريم 

اتفضلي ردي يا هانم... 

ريم بتوتر

مم ما انا وقتها كنت متعصبه منك وما كنتش عارفه بعمل ايه، وبعدين انا مش فاهمه هو بيقول ايه اصلا.. 

طلع مالك ساعه دهب من جيبه وقالها

مش دي بتاعتك وقعت منك في العربيه وانا جيت عشان اشوفك واديهالك واعمل الواجب وامشي.. 

ريم ابتسمت وقالت

بجد شكرا اووي انا كنت زعلانه عليها اوي وفكرتها ضاعت.. 

_ ابتسم مالك وبص بطرف عينه لاحمد بسخريه وهو داخل الحفله، واحمد بص لريم وقالها... 

احمد

هو المفروض انا موقفي يبقي ايه دلوقتي بعد ما اللي حصل ده؟.. 

ريم بقلق؟؟؟ 

_ في الوقت ده شافهم رشاد وهو واقف جنب الهام وصحابها، واستئذن منهم وطلع وقف بعيد عنهم شويه وسمع ريم وهي بتقول لاحمد.. 

ريم 

عادي ما الراجل طلعت نيته خير  اهو.. 

احمد بحده 

انتي عبيطه ولا بتسعبطي، انتي خليتي وشي في الارض دلوقتي بسبب تصرفاتك الزفت دي.. 

ريم بحده 

مش مؤتر علي فكره تستحمل تصرفاتي دي وانا ما عملتش حاحه غلط.. 

احمد 

ايووه قولي كده بقي دلوقتي صوتك بيعلي ما اخوكي وابوكي جنبك.. 

ريم سكتت واحمد قالها

انتي انانيه وبتاعت مصلحتك امبارح كنت حبيبك وبتتمنيلي الرضا ارضي ودلوقتي لا انت مالكش لازمه واللي عملته عشانك كله ولا ليه اي معني عندك صح؟.. 

ريم بدموع

انا ما طلبتش منك تعمل حاجه وترجع تزلني بيها، انت اللي فرضت عليا نفسك بالطريقه دي.. 

احمد

طريقة ايه اني بزعق وبتدايق لما تعرفي راجل غيري سوا طارق او الزفت اللي كان من شويه ده، اي راجل عنده دم المواقف دي هتدايقه، عايزني اسكت واقول معلش ما هو طارق زي اخوها لا مش انا عشان لو وافقت علي حاجه زي دي مش هبقي راجل حتي في نظر نفسي.. 

ريم بحزن 

بتلف وتدور وترجع لموضوع طارق، انت عايز تفهمني انك مش عندك صحاب بنات ولا بتتعامل مع بنات في شغلك وحياتك كلها.. 

احمد

 اتعامل كزمايل مش اكلمهم فون لوحدي واحكي عن اسرار حياتي وهو اصلا يا هانم يا محترمه ولا يقربلك ولا ليكم اي صله ببعض.. 

ريم بحده 

تمام انا كنت غلطانه في حقك في دي رغم اني مش مقتنعه ولا هبطل اكلم طارق بس انت كنت ممكن تكلمني كده الاول مش تحبسني وتاخد مني موبيلي وتخوفني منك.. 

احمد بسخريه

ااااه بدأنا بقي ندور علي شمعاات.. 

ريم بدموع

طول عمري عايشه خايفه من يوم ما شوفت فتحي ابن عمي وهو بيعتدي علي امي قدامي وقتلها وبعدين اللي حصل وهروبي انا واخويا وانا خايفه وكنت فعلا منعزله عن الدنيا كلها لا عندي صحاب ولا قرايب كان عندي ممدوح وبس، وبعد ما انتو فهمتوني انه مات مالقتش قدامي غير طارق اللي حسيت انه حنين زي اخويا انت بقي عملت ايه كنت بتخوفني وقولتلك اكتر من مره اني بخاف من الصوت العالي ومش بحب اتحبس في مكان لوحدي وانت كأنك ما صدقت عرفت اني بخاف من الحاجات دي وعملتها، حتي اليوم اللي قولتلي فيه انك بتحبني قبلها بثواني كان كمال بيهددني خوفت ارفضك تسيبني لوحدي وهو يجي يعمل فيا حاجه ورضيت انك تقربلي عشان كنت خايفه انما انا ولا مره كنت عايزاك بس بسكت وبقول حاضر عشان خايفه منك وبس.. 

احمد بحزن

تمام جدا كده شوفي انتي عايزه ايه وانا هعمله برغم انه واضح انك مش عايزاني... 

قرب منهم رشاد وقال

احمد ممكن بس تسيب ريم شويه دلوقتي.. 

حاول احمد يبان طبيعي قدامه وقال

حاضر انا اصلا لازم انزل مصر دلوقتي عشان عندي شغل، ممدوح هيكون معاكم بعد اذن حضرتك .. 

رشاد 

اتفضل يا ابني.. 

مشي احمد ووهو متدايق جدا وريم بصتله بحزن، ومسك ايدها رشاد وقالها بحده... 

رشاد 

انا عايز اعرف ايه حكاية طارق ده كلها وايه اللي يخلي جوزك يتدايق منه بالطريقه دي.. 

ريم بخوف

عادي يا بابا يعني.. 

رشاد

استني نشوف اخوكي فين.. 

ـ وجوه  الحفله كانت ساره قاعده جنب ممدوح وقالتله.. 

ساره

ها يا ممدوح خلاص بقي.. 

ممدوح بجمود

عارفه لما تكوني مطلعه حد سابع سما وفجأه بتصرف منه ينزل من نظرك لسااابع ارض ده انتي.. 

ساره بدموع

انت ليه مش حاطط نفسك مكااني انت كنت في الوقت ده مش موجود.. 

ممدوح بحده 

لا حطيت ولو كنتي اتجوزتي في الوقت ده والله ما كنت هلومك ايوه كنت هزعل وهدايق بس اللي مش من حقك انك تستغلي حب حد عشان تنسي حد تاني، لما حطيت نفسي مكااانه استحقرتك وبعد النظره دي ليكي مش هقدر اكون معاكي.. 

مسكت ساره ايده وقالت 

طيب اعمل ايه عشان اصلح صورتي قدامك، انا مش عايزه اخسرك يا ممدوح و.. 

_ في الوقت ده جات رساله علي موبيل ممدوح من كامليا وتلقائيا من غير ما ياخد باله من باقي كلام ساره سابها وقام وقف عند الشباك وفتح الرساله الصوتيه بتاعتها واللي كانت بعتاله فيها.. 

كامليا

"نعم يا ممدوح عايز ايه؟" 

ممدوح

"هكلمك فون ممكن تردي عليا ارجوكي يا كامليا" 

_وفعلا رن عليها وكان متوتر وابتسم اول ما سمع صوتها لما ردت وقالتله.. 

كامليا

نعم؟.. 

ممدوح

انعم الله عليكي، عامله ايه؟.. 

كامليا

مالكش دعوه عايز ايه؟.. 

كتم ضحكته وقالها

عايزك ترجعي مصر.. 

كامليا

دي حاجه ما تخصكش ارجع ولا لا، خليك في حالك يا ممدوح.. 

ممدوح

يعني يرضيكي افضل قااعد عاطل كده بسببك.. 

كامليا

انت عايز ايه بالظبط وبلاش لف ودوران عشان انا عرفاك كويس. 

ممدوح

عايزك ترجعي مصر وتكملي شغلك. لاني متأكد انك مش مرتاحه في الشغل عندك ده اذا كنتي بتشتغلي.. 

كامليا

بتريح ضميرك وكده لا اطمن انا هنا كويسه... 

ممدوح

لا علي فكره انا ضميري مرتاح جدا وخلصت كل مشاكلي وعايزك ترجعي حتي لو ليوم واحد.. 

كامليا بعدم فهم

ليه يعني مش فاهمه؟.. 

ممدوح

لما تيجي هتعرفي ارجوكي با كامليا ارجعي في حاجات كتير ناقصه في حياتي من غيرك.. 

كامليا

زي ايه مثلا.. 

ممدوح بخبث

لما تيجي هقولك هستناكي تقوليلي جايه امتي.. 

كامليا

سلام يا ممدوح... 

_ قفلت كامليا في وشه وممدوح فضل واقف مبتسم وفي باله الف حاجه ناوي عليها، وما كانش واخد باله من ساره اللي سمعت كلامه مع كامليا وطلعت فوق اوضتها من غير ما حد ياخد باله وهي بتعيط.. 

ــــــــــــــــــــــــــــــــــــــــ 

_ وفي بيت رباب.. 

كان قاعد. طارق وفوزي وعباس وعيسوي وصباح مرات فوزي ورباب قاعده جنب طارق وقالتله بصوت واطي.. 

رباب

كنت لازم تفخمها اوووي وتقول انك ابن وزير ما كنت خليتها محافظ اهي تبقي مبلوعه شويه.. 

طارق بغيظ

لا وليكي عين تتكلمي هو انا هنا بسبب مين.. 

رباب

هو انا اللي قولتلك تعالي يعني، الدكتور احمد بيعرف يتعامل معاهم انما انت طري اووي علي الناس دي.. 

طارق بضيق

اخرسي خالص يا رباب.. 

عباس

انتو هتفضلو تتكلمو كده كتير ما تقولولنا تعرفو بعض مين وايه اللي رماك يا ابن الوزير انت عندنا.. 

طارق بثقه

لحظه بس انت ازاي بتتكلم معايا كده قوم اقف وانت بتكلمني.. 

رباب بقلق

ما تظطش اووي انت لو اتكشفت انك كداب هتتعمل كفته.. 

طارق

اسكتي انتي يا رباب لو سمحتي وانت يا عثمان.. 

رباب

اسمه عباس.. 

طارق بحده 

ما انا قولت عثمان وما تقطعنيش تاني.. 

رباب

انت بتزعق لمين ياااه.. 

فوزي 

من الاخر كده انت عايز ايه دلوقتي يا سعادة البيه.. 

حط طارق رجل علي رجل وقال

عايز رباب وامها يجو معايا.. 

رباب بحده 

نعممم يا عوووومرررر.. 

فوزي

انا موافق المهم تدفعلي اكتر من فوزي ونكتب الكتاب عشان الناس ما تقولش علينا حاجه.. 

صباح زغرتت وقالت

لولولولولويييي الف مبروك كلم الماذون يا فوزي

_ وفجأه باب البيت اتفتح ودخلو الجيران وهما ببسقفو وبيغنو، وطارق بص لرباب بخوف ورباب قعدت وحطت ايدها علي خدهة وقالتله.. 

رباب

مش قولتلك انت طري اووي مع الاشكال ولاد الجزمه دول.. 

طارق وقف وقال

يا جماعه اهدو استنو بالله عليكم انا لسه ما وافقتش.. 

فوزي حضنه وقال وهو بيرقص

وناسبنا الحكومه يا عيني وبقينا قرااايب، انا بعد كده هشرب حشيش في الشارع عادي.. 

 ــــــــــــــــــــــــــــــــــــــــ 

_ وفي الفيلا بتاعت احمد اللي في الغردقه... 

كان قاعد رشاد وقدامه ريم وممدوح وقال رشاد بهدوء.. 

رشاد

كويس والست ام احمد دي باتت عند اخوها عشان اعرف اتكلم معاكم براحتي.. 

ممدوح 

اتفضل يا بابا خير ان شاء الله؟.. 

رشاد 

انا يمكن كنت بعيد عنكم اووي الفتره اللي عدت دي، بس انا رجعت خلاص وانتو ولادي والغلط اللي بتعملوه هيكون في وشي وخصوصا انتي يا ريم.. 

ريم. 

انا ما غلطش في. حاجه يا بابا.. 

رشاد

اومال جوزك زعلان ليه؟. 

ممدوح

هو في ايه انا مش فاهم حاجه.. 

ريم 

انت عارف صاحبك راجل نكدي ومتحكم وانا عايزه اطلق اصلا.. 

رشاد

بعد ما خلصت مصلحتك منه عايزه. تطلقي، وعشون طارق.. 

ريم بسرعه قالت

لا لا والله العظيم يا بابا طارق صاحبي وزي اخويا بس وانت لما تشوفه هتحبه اووي.. 

رشاد بضيق

انا لا عايز اشوف حد ولا احب حد، وايه صاحبك دي طول عمرنا بنعرف ان البنت بتصاحب بنت زيها والراجل بيصاحب راجل زيه وده اللي متعلمينه في حيتنا وفي الدين بتاعنا.. 

ريم بضيق

بعيد عن الدين دلوقتي اا.. 

قاطعها رشاد وزعق بيها وقال

اخرسي خالص جاتك كسر رقبتك، هو ايه اللي بعيد عن الدين دي انتي هتكفري انتي مسلمه ودورك الاول في الحيااه تطبقي دينك عشان تعيشي صح واي حاجه بعيد عن الدين هي حراام.. 

ممدوح

بابا معاه حق علي فكره صداقتك بطارق غلط وانا كنت هكلمك في الموضوع ده.. 

ريم بدموع

بس انا برتاح في الكلام معااه وهو كويس وبيعاملني زي اخته والله.. 

ممدوح

بس انتي مش اخته يا ريم هو مهما كان راجل غريب عنك وعمره ما هتفضل نظرته ليكي زي اخته لو كملتو في الصداقه دي.. 

ريم 

يا سلام ما انت عندك كامليا مش دي صاحبتك.. 

ممدوح 

لا انتي فاهمه غلط انا عمري ما قابلت كامليا لوحدنا كنت ديما بكلمها في الشغل قدام الموظفين ولو حصل بينا شات او مكالمة فون بتكون في حدود الشغل... 

واتنهد بضيق وقال

وعلي فكره احمد اللي طلب مني اتكلم معاكي علي موضوع طارق ده وهو ما عندش مشكله في طارق المشكله معاكي انتي وحقه الراجل ان مراته تسمع كلامه.. 

ريم بسخريه 

مراته ليه هو انا موافقه عليه اصلا، انت جوزتهولي من غير ما اعرف وهو بقي فارض عليا نفسه كزوج ليا وبس، انما انا عمري ما كنت هوافق اتجوز احمد.. 

رشاد 

ليه الولد كويس جدا وجدع وبيحبك، ليه رفضاه.. 

ريم بحزن 

مش عارفه مش قادره اتقبل وضع اني اكمل معاه هو حياتي كلها.. 

ممدوح 

براحتك ما حدش هيغصبك علي حاجه، بس طارق مافيش كلام معاه تاني غير لو في الشغل او حاجه زي كده.. 

وقفت ريم وقالت

انا طالعه انام تصبحو علي خير... 

طلعت ريم فوق ورشاد قال

هي ليه كده مش عارفه تاخد قرار ولا حتي تحدد مشاعرها.. 

ممدوح بخبث

سيب الموضوع ده عليا يا حج ويلا بينا تصبح علي خير.. 

ــــــــــــــــــــــــــــــــــــــــ 

_ وبعد شويه في الشقه اللي قدام شقة مامت طارق، دخل طارق ومعاه رباب وامها اللي كانت ماشيه عادي بس ساكته ومش بتتكلم.. 

رباب بضيق

الشقه مش عجبااني انا همشي.. 

طارق

لا اسم الله علي  القصر اللي جايبك منه، ادخلي يا رباب لو سمحتي جوه وخلي امك تنام عشان انا خايف منها بصراحه.. 

رباب

طيب استني عشان هتكلم معاك شويه...

_ ودخلت رباب مع مامتها جوه ورجعت لقيت طارق قاعد علي الكنبه وبيقولها.. 

طارق

الفرش ده قديم علي فكره بتاع شقتنا وبدل ما نبيعه جيبته هنا وسعات باجي اقعد مع نفسي شويه هنا،بس نبقي نغيره علي ذوقك... 

رباب

مالي انا بالحاجات دي بص يا دكتور طارق الف مليون شكر علي انك ساعدتني وانا لو هقعد هنا فتره برضو شكرا وشوف ايجار الشقه دي كام وانا هدفعه وكمان موضوع كتب الكتاب اللي حصل ده ولا ليه اي لازمه تقدر الصبح تطلقني بسيطه جدا.. 

طارق قام وقرب منها وقال

والمهر اللي انا دفعته لخالك تحويشت عمر امي كلها عشان اتجوزك، بصي انا مش هطلق انا كده كده كنت عايز اتجوز بالفلوس دي واديني اهو ضيعت الفلوس واتجوزتك.. 

رباب حطت ايدها في نصها وقالت

يعني ايه ده بقي ان شاء الله؟.. 

طارق

هتفضلي معايا متجوزين لحد ما احوش بقي من جديد نفعنا واستقرينا اهلا وسهلا ما نفعنااش برضو اهلا وسهلا.. 

رباب بسخريه

اااه يعني جوازه علي ما تفرج.. 

طارق

بالظبط كده المهم هسيبك دلوقتي وهروح اقول لماما اللي حصل علي فكره حماتك طيبه اووي ومش بتخوف زي مامتك.. 

رباب 

لا لا انا يارب كنت طول عمري بدعي وبقول مش عايزه اتجوز واحد يقول ماما وبابا والجو ده انا كنت عايزه واحد يسجلني علي الفون الجماعه.. 

طارق

طيب ما وافقتي بعثمان وخلصنا من البهدله دي.. 

رباب

ما هو هاي رأي المثل ما انيل من سيدي الا ستي.. 

طارق

يعني ايه؟.. 

رباب 

يعني انا مش بتاعت جواز وانت هتطلقني تمام وبكره الصبح هاخد امي واقعد في اوضه في اي حته تمام.. 

طارق

تمام براحتك بس ابقي رجعيلي الفلوس من خالك.. 

رباب 

انت بتتكلم جد؟.. 

طارق

ايوه والله يا بنتي انا عايز اتجوز واديني اتجوزت اطلقك ليه.. 

وقرب منها اوي وقال

وبعدين انا خدت بالي انك حلوه ومش بتحطي ميكآب وفي نفس الوقت زي القمر وجسم ملفوف و... 

قبل ما يكمل كلامه ضربته رباب بالقلم وقالت

يلا يا قليل يا اللي اهلك ما عرفوش يربوك.. 

دخلت في الوقت ده سهير وقالت

يا نهار اسود جايب نسوان البيت يا طارق دي اخرة تربيتي ليك يا محترم... 

_ وبعد شويه في شقة سهير كانت عرفت كل حاجه من طارق وقالت بحزن.. 

سهير

يا حول الله يارب بجد صعبت عليا بس مش شايف انه جو افلام اووي انك تتجوزها.. 

طارق 

لا هي تحسيها تدبيسه بس جات في وقتها بنت مقطوعه من شجره مالهاش غيري حالياً ليه لا؟.. 

سهير

هي واخده ايه تعليم طيب؟.. 

طارق

معهد تمريص وطالعه بأمتياز علي فكره.. 

سهير

كويس سنها اد ايه بقي؟.. 

طارق

في سني بالظبط بس بتشتغل من زمان لانها بتشتغل من لما كانت بتدرس.. 

سهير

تعرف انا بعشق البنات المكافحه اللي زي كده، انا الصبح هكلم قرايبنا واقولهم عملنا كتب كتاب علي الدايق والفرح الخميس الجاي.. 

طارق

طيب اصبري يا ست الكل اقنعها الاول.. 

سهير

بعد الجواز مش وقته، يلا تصبح علي خير.. 

طارق 

هو انتو كلكم قلبتو مجانين كده ليه؟.. 

ــــــــــــــــــــــــــــــــــــــــ 

_ وتاني يوم علي بعد المغرب كده.. 

دخلت ريم اوضتها هي واحمد ولقيته نايم بهدومه من امبارح والاوضه كلها مكركبه.. 

ريم

انا مني لله كنت متجوزااه منظم ايه القرف اللي عامله ده.. 

وراحت ناحية اوضة اللبس بس وقفت لما احمد قالها.. 

احمد

انتو جيتو امتي؟.. 

ريم 

صباح الخير مع انها المفروض مساء الخير.. 

احمد بحده 

ردي علي اد السؤال جيتو امتي وما قولتليش ليه.. 

ريم  بجمود

انت مش قولتلي اخد قرار انا اخدته خلاص.. 

احمد وقف وقالها

سامعك؟.. 

ريم بهدوء

انا اسفه علي طريقة كلامي مع طارق بس انت ما عرفتش تقنعني وخلاص بقي موضوع وخلص بس المشكله مش هنا وبس و.. 

احمد بجمود

قرارك ايه؟.. 

ريم بضيق

عايزه اطلق.. 

احمد بهدوء

تحت امرك انتي طالق.. 

_ اتصدمت ريم وكانت فاكره انه هيتمسك بيها او هيرفض في البدايه وانه مش هيوافق بالسهوله دي، واحمد اخد جاكيت بدلته ومشي من غير ولا كلمه.. 

_ تفتكرو بقي ايه اللي هيحصل؟

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

_رجعت ريم البيت بتاعها هي وممدوح ولقيت باباهت قاعد في الصاله بيقرأ قرآن ابتسمت وقتدت قصاده، وهو قفل المصحف وقالها... 

رشاد 

في ايه يا ريم؟.. 

ريم بهدوء

هو انا ممكن احضنك يا.. يا بابا... 

قام رشاد واخدها في حضنه وقالها 

من غير ما تستأذني يا حبيبة ابوكي، عارفه يا ريم انا عمري ما كنت اتخيل انك تبقي شبه امك اووي كده ده انتي كأنك نسخه منها.. 

ريم بعدت عنه وقالت

كنت بتحبها؟.. 

رشاد ابتسم بشرود وقال

عمري ما حبيت غيرها كنت ديما بقول ازاي كل اللي جوايا ليها بيتوصف بكلمه واحده واني اقولها بحبك وخلاص، عمري ما حسيت ان كلمة بحبك دي كانز قليله عليها... 

رفعت ريم رجليها علي الكنبه وقالت

قولي قولي هي كمان كانت بتحبك؟.. 

رشاد بثقه 

جدا واقولك بقي كنت اعرف هي بتحبني ازاي؟.. 

ريم بحماس

ازاي قولي قول؟.. 

رشاد بهدوء

عمري في مره ما كنت زعلان الا وحست بيا من قبل ما اتكلم ولما كنت بسألها عرفت اني مدايق وزاي تقولي مدام قلوبنا اتقابلت وحبو بعض يبقي هما اللي هيخلونا ديما نحس ببعض من غير ما نتكلم.. 

ريم بحزن

بابا هو انت عمرك قبل طلقت ماما؟.. 

رشاد

ايه السؤال ده يعني ايه عمري طلقتها؟.. 

ريم

يعني جيت في مرن وقولتلها انتي طالق ولا لا حتي لو كانت هي اللي قالتلها.. 

ضحك رشاد وقال

هههههههه الله يحظك يا ريم.. 

ريم بصتله بقرف وقالت بصوت واطي 

الله يحظك؟! ده انت ترجع تختفي احسن.. 

ضربها علي راسها وقالها 

سمعتك يا جزمه، وبعدين امك كانت طيبه زيك كده كل ما تزعل مني ما تقولش غير طلقني بس كنت بضحك عليها عشان عارف ان الكلمه بتتقال من ورا قلبها وبتكون مستنيه اتمسك بيها عشان تحس اني بحبها، وكانت لما تقول الكلمه دي بحس اني مقصر معاها وانها بدأت تحس اني مش بحبها ومحتاجه تعرف اد ايه بحبها.. 

ريم 

هييييح اما قصه عبره بصحيح، اهو انت كده بتحبها مش زي اللي ما صدق وطلقني.. 

رشاد 

ده اللي هو مين؟.. 

ريم بقلق

يعني هيكون مين يا ابو ممدوح الاوزعه اللي كنت متجوزاااه.. 

رشاد بحده. 

لا اسم الله علي طول امك يا بت الجزمه، انتي اطلقتي يخربيت امك.. 

ريم بخوف

كل ده شتيمه في الحجه الله يرحمها مش كانت الحب الحب الشوق الشوق من شويه.. 

بصلها رشاد وحاول يكون هادي وقال

طلقك من نفسه ولا انتي اللي طلبتي منه؟.. 

ريم 

لا عيب عليك انا اللي طلبت طبعا.. 

رشاد بغيظ

طلبك عزرائيل اليوم قبل بكره يا بعيده.. 

ريم بحده 

بابا لو سمحت اللي حصل حصل وانا بقيت مطلقه واخيرا اطلقت علي رأي شرين.. 

رشاد 

مين شرين دي؟.. 

ريم 

لا انت مختفي مش كنت ميت معقول ما تعرفش شرين طليقة الخازوق حسام حبيب.. 

رشاد

مين ده كمان؟.. 

ريم 

اللي كان جوز شرين، بص هحكيلك هو حبها وهي قالت حبه جنه بعيد خزوقها فقالت ايه خاينين يا عين ما تبكيش فرجعلها راحت قالت خلو اللي يغير مننا يجي ويعمل زينا فطلقها وعمل هو اغنيه بقي المره دي وانا مش فاكره اسمها عشان مش بحبه الواد النضيف اووي وابيض ده وانا مش بحب الولاد البيضه.. 

رشاد حط ايده علي راسه وقال

اسكتي ايه يا بنتي بالعه راديو، قوليلي اطلقتي ليه؟.. 

ريم 

بص هقولك... 

رشاد 

قبل ما تحكي قوليلي المهم من غير رغي وكلام تافه كتير.. 

ريم

انا وش ذلك يا ابو ممدوح، المهم هو لما روحت هناك كان نايم وصحي لما انا دخلت وقالي قرارك ايه انا كنت هعمل مقدمه حلوه واعتذرله والله ونبدأ من جديد لقيته كسفني وقالي قرارك ايه، روحت اتعصبت وقولتله طلقني قام ابن الوارمه مطلقني بس انا مش زعلانه اهو خلصت من همه ومن تحكماته.. 

رشاد بضيق

هي لعبه دي حياتك واللي حصل ده كان موضوع مهم يخص مستقبلك ولازم كنتي تحكمي عقلك شويه.. 

ريم 

يا بابا بقولك قولتله طلقني قام مطلقني علي طول الواد ما صدق.. 

رشاد 

عشان زعلان منك والموضوع ما كانش محتاج دلع وتقل، سألك قرارك ايه كلمه واحده ايوه عايزه اكمل معاك او مش عايزه اكمل معاك، والراجل عنده احساس برضو مش تلاجه.. 

ريم 

نعممم عنده ايه ده عنده شاي وسكر مكان احساسه يا حج.. 

رشاد 

يعني انتي مش زعلانه انه خلاص حياتك معاه خلصت لحد كده.. 

_ وكأنها فاقت دلوقتي علي حقيقة انها اطلقت خلاص مش هتكون معاه تاني مش هتشوفه ولا تتكلم معاه، اتملت عيونها دموع وقالت.. 

ريم 

هو احساس وحش بس انا ما كنتش بحبه... 

رشاد بحزن

مش كل اللي بيقوله عقلك صح، مش كل حاجه نعاند فيها يا ريم، وبلاش نعاند في مشاعرنا بالذاات لان ما حدش هيتوجع غيرك، انتي بتحبيه بس انتي واهمه نفسك انه لا مش بتحبيه عشان متدايقه منه، دماغك فعلا زي الاطفال... 

ريم بحزن

عادي يعني ما انا لو اتذنقت وحبيت ارجعله هطلع حامل وهو هيرجعني.. 

ابتسم رشاد وقال

انتي حامل يا ريم.. 

 ريم

لا بس ده اللي هيحصل زي ما بيحصل في الروايات اللي بقرأها... 

رشاد بنفاذ صبر

ادخلي نامي يا ريم انا ايه اللي خلاني اظهر في وشك، ما موتش من ولاد عمك بس هموت مشلول منك... 

ــــــــــــــــــــــــــــــــــــــــ

_ وفي شقة طارق اللي قاعده فيها رباب.. 

دخل طارق وكانت الشقه هاديه جداً، فضل يدور علي رباب وفجأه طلعت من المطبخ جنبيه سميه وهي بصاله ومبرقه.. 

اتنفض طارق وقالها

صباح الخير يا طنط... 

_ما ردتش عليه ودخلت اوضتها ونامت علي طول وغمضت عينيها.. 

طارق بسخريه

الحمد لله وبنتك مش زيك.. 

رباب من ورااه 

انت بتعمل ايه هنا ياااه؟... 

طارق بخوف

في ايه يا رباب بالراحه يا شيخه مش كده؟ 

رباب

بتعمل ايه هنا؟.. 

_ بصلها طارق من فوق لتحت وهي لابسه عبايه بيتي شكلها حلو بنص اكمام وحاطه فوطه علي شعرها، وقرب منها وقال.. 

طارق

في قلم نزل علي وشي امباارح وانا عايز ارده بصراحه.. 

رباب بحده

ترد ايه يا عسل طيب جرب تمد ايدك عليا كده ورحمة ابويا افرشك علي الارض.. 

طارق 

ايه يا اسطا اللهجه دي مع جوزك عيب مش كده... 

رباب زقته من كتفه وقالت

لا انت الحنيه والذوق هيخلوك تاخد عليا اووي، جوز مين يااه ده انت اخرك جوز شربات.. 

طارق بعد ايدها عنه وقال

لا جوزك يا رباب وقدام النااس كلها كمان ليه عشان انا مش هطلقك.. 

رباب بضيق

هو بالعافيه وبعدين ما انت من قبل يوم واحد ما كنتش بتطيقني..

طارق

سبحان مغير الاحوال هو انا فعلا لسه مش بطيقك بس النصيب غلاب.. 

رباب بحده 

يا ابن الناس ما تخلنيش اقل منك، انا اصلا قررت اني النهارده بعد الشغل هدور علي مكان تاني وطلقني احسنلك بدل ما اخلعك.. 

طارق

والله طيب وفلوسي المهر اللي دفعته لخالك.. 

رباب

انت بتعلي صوتك عليا تمام روح بقي يا دكر خده منه لو تقدر... 

مسك ايدها جامد وقال

لمي لسانك يا رباب مش معني اني بحاول الطف معاكي هتتعاملي بقلة الذوق دي معايا.. 

رباب بصتله بغضب وقالت

طيب شيل ايدك يا عسل لتوحشك، ومن غير لف ودوران كتير انت عايز ايه؟.. 

طارق بهدوء 

نرضي بالامر الواقع انا اتجوزتك خلاص انا كده كده كنت محتاج اتجوز وابدأ حياتي من جديد وانتي محتاجه راجل في حياتك يحميكي ويكون ليكي سند بجد بعد ربنا.. 

رباب بسخريه

وانت بقي الراجل ده.. 

طارق بغيظ

ايه مش مالي عينك.؟.. 

رباب 

يا عم اتنيل ده انا صوتي ادخن منك، اوعي كده هروح اسرح شعري ليكمكم... 

_جات تمشي بس هو مسك ايدها بسرعه وقربها ليه جدا وقالها بخبث.. 

طارق

غبيه اووي انتي علي فكره عشان فاكره انك كده بطريقتك دي هتطفشيني لا انا قاعد وعلي قلبك وما صدقت اتجوز ومش معايا فلوس اطلقك واتجوز غيرك كل اللي معايا يدوب يكفي العياده اللي عايز افتحها.. 

رباب بتوتر من قربه ليها. 

طيب اوعي كده لو سمحت.. 

طارق 

فكري يا رباب انا بجد راضي بالجواز منك عشان انا اتقبلت فكرة انك مراتي، فكري فيها كويس وقوليلي... 

_ قال كلامه وسابها ورباب دخلت الاوضه بسرعه وقفلت الباب وبصت في المرايه لقيت وشها احمر جدا، ابتسمت وقالت لنفسها.. 

رباب بعدم تصديق

مراته.. بقي انا مرات دكتور طارق؟!... 

ــــــــــــــــــــــــــــــــــــــــ

_ وفي نص اليوم كان احمد قاعد علي السطوح متدايق، وراحله ممدوح وقاله.. 

ممدوح 

مرتاح انت كده؟.. 

احمد بسخريه 

نهاية القصه بتاعتنا ما كانتش متوقعه يا ممدوح، ولاد عمك اتحبسو واخدو عقابهم ده حلو، انما الاقيها بتحبني وتكمل معايا لا ازاي انت مهمتك خلصت كده وكل اللي كنت راسمه في خيالي طلع بيحصل في الافلام وبس.. 

ممدوح 

انا بجد مش عارف اقولك ايه، ومش متخيل ازاي ريم بالغباء ده عشان يوم ما تحب تخسر حبها كده بسهوله.. 

ضحك احمد وقال

تحب مين بس هو لو حبتني ما كناش وصلنا لهنا.. 

ممدوح

عارف المشكله فين انتو مش فاهمين انتو عايزين ايه، يعني لو هي مش بتحبك تمام تقولك كده، انت بتحبها حاول تثبت حبك ده ليها ومش بالكلام.. 

احمد بسخريه

هو انا كده ما اثبتش، انا فين يا ممدوح شغال تحت رحمة خالي وبسبب مين وعشان مين؟.. 

ممدوح

هي دي المشكله انت بتقولها كده وكانك بتكسر عينها باللي عملته اللي هو من الاصول انك تحبيني ولازم تحبيني اصل اللي انا عملته ليكي مش اي حد يعمله.. 

اتنهد ممدوح وكمة كلامه وقال

انا مش ناكر وقفتك معانا وفوق راسي كل اللي انت عملته ده، بس سيبني انا اديك المقابل ما تجيش تطلبه واللي انت بتطلبه منها خلاها تحطك في حتة الخوف وهي دي مشكلتها اصلا الخوف ريم لو كانت اطمنت ليك وحست بامان معاك انك ممكن تتقبل كل تصرفاتها من غير ما تتعصب او تعلي صوتك كانت هتديك عنيها.. 

احمد

الخووف الخوف وايه اللي يخوفها اصلا، انا ولا مره مديت ايدي عليها ولا حتي زعلتها عن قصد انا كنت كل حاجه بعملها خوف عليها وعشانها.. 

ممدوح

هي ما فهمتش  كده طيب دماغها صغيره وانت عارف كده، ومش لاززم يكون اللي انت عايزها تحس بيه وتكون معاك عليه يحصل بسهوله او بالطريقه اللي انت عايزها لو بتحبها بجد حارب عشان تثبت حبك ليها وتخليها تفتح قلبهة ليك.. 

احمد

قصدك ايه وحط كده ان ريم تبقي اختك علي جنب وقولي انت شايف ايه؟.. 

ممدوح بمدوء

لا لامش هقدر لانها ببساطه اختي بس سؤال واحد انت عايز ريم في حياتك ولا لا واقسم بالله انت لو عايزها بجد انا اللي هخليها ترجعلك وبكل ارادتها.. 

احمد سكت شويه وقال بهدوء

طبعا عايزها بس من غير بقي ما اروحلها تاني انا برضو عندي كرامه.. 

ممدوح

لا هتروح ولا تيجي انت خليك مكانك واتفرج علي اخوك هيعمل ايه، وانا هخليك تتأكد ان ريم بتحبك واكتر منك كمان والا ما كانش زماني بتكلم معاك بالثقه دي كلها..

ــــــــــــــــــــــــــــــــــــــــ 

_وبعد شويه في المستشفي.. 

طلع طارق من مكتبه ولقي رباب قاعده علي مكتبها، قرب منها وقال بقلق.. 

طارق

انتي بتعملي ايه هنا؟ 

رباب

هكون بعمل ايه بشوف شغلي يا دكتور طارق.. 

طارق

ما قولتيش ليه انك جايه كنت جيبتك في طريقي.. 

رباب

وتجيبني في طريقك ليه من باقي اهلي.. 

طارق

لا يا ام لسانين انا جوزك.. 

رباب بقلق

وطي صوتك بلاش فضايح ومش عايزه حد يعرف انك اتجوزتني غصى عنك.. 

طارق 

انتي عبيطه ده انا اللي بقولك توافقي نعمل فرح الخميس الجاي ونبقي متجوزين رسمي.. 

رباب بضيق

لو سمحت يا دكتور طارق سيبني براحتي.. 

_مسك ايدها طارق واخدها ودخلو المكتب بتاعه، وقفل الباب وهي قالتله بقلق... 

رباب

انت ايه اللي بتعمله ده لو سمحت سيبني اطلت.. 

طارق

هسألك سؤال وتردي عليا بصراحه انتي في حد في حياتك.. 

رباب

للاسف ما كانش في وقت اعمل حاجه زي دي.. 

طارق ابتسم وقال

يعني ما فيش.. 

رباب

انت هيفرق معاك في ايه تعرف حاجه زي دي؟.. 

طارق 

الله مش مراتي حتي لو لفتره قليله انتي برضو مراتي.. 

رباب 

انت ليه مصمم علي الموضوع ده ما انت ما كنتش بتطيقني وكامت فر بينك وبين الدكتوره ساره حكايه انا عارفاها كويس.. 

طارق 

اااااه قولي كده بقي، علي العموم موضوع ساره اتقفل قبل ما يبدأ، واللي مخليني مصمم عليها انك مش زيها مش بتاعت مصلحتك واحده غيرك كانت استغلت الوضوع ووافقت واهو شقه وجوازه وشغل في المستشفي اللي انا ماسكها حالياً، بس انتي لا بصيتي لكرامتك وليا الاول قبل مصلحتك وده عجبني اكتر، وبرضو حتت ان انا ماليش حد غير امي زيك كده وحياتنا شبه بعض ومناسبين.. 

وابتسم اكتر وقرب منها وقال

وبرضو عجبااني يعني عفويتك وشكلك مش هكدب واقولك الشكل مش بيهمني والجو ده، وده برضو بعيد عن الجزء الهربان من دماغك هاا.. 

ابتسمت رباب وقالت

طيب بخيث كده بقي هفكر اوافق ولا لا؟.. 

طارق

تمام معاكي لاخر الاسبوع عشان لو اوكي نعمل دعوات الفرح ومش هيكون فرح كبير يعني هنعمله علي الضيق.. 

_رباب كان مجرد التفكير في انها هتتجوز وواحد زي طارق عاقل ومتعلم ومتفوق كانت حاجه مفرحاها جدا، وطبعا كملت شغل وهو كمان وكان كل واحد منهم بيخطط للي جاي بطريقته والنقطه اللي كانت بتجمعهم انهم هيكونو مع بعص في المستقبل ده..

ــــــــــــــــــــــــــــــــــــــــ

_ وعدي يوم في التاني والتالت، وفي بيت ريم وممدوح... 

كانت ريم قاعده بتتفرج علي التلفزيون وقعد ممدوح جنبيها وقالها.. 

ممدوح

انا رايح الشغل عايزه حاجه.. 

ريم 

اعمل شاي لابوك وصحيه عشان ما يجيش يقومني من قدام المسلسل.. 

ممدوح

اومال انتي لازمتك ايه، وبعدين انا رايح اجيب كامليا من المطار مش فاضي.. 

ريم

يعني هي كامليا دي مش هتعرف تيجي لوحدها، ادخل بس اعمل شاي.. 

ممدوح

لا لا يا ريم انا رديت اللي عاملته كامليا معايا بطريقه وحشه وانا مش كده انا مش اناني بالطريقه دي ولازم اصلح اللي عملته.. 

ريم بهدوء

صح روح يلا ويارب ابوك ما يصحي لحد ما يخلص المسلسل.. 

ممدوح 

يا برودك يا شيخه، المهم ابقي روحي لاحمد.. 

ريم

نعممم احمد ده طلقني يعني بقي غريب عني خلاص.. 

ممدوح

لا وانتي واخده بالك اوووي من الغريب والقريب، انا اقصد روحيله الشركه عشان تشوفو هتخلصو موضوع الطلاق ده امتي الموضوع مش لعبه.. 

ريم 

روح ليه انت انا مش فاضيه.. 

ممدوح

اظبطي كده يا ريم وده موضوع يخصكم انتو الاتنين ولازم انتو اللي تخلصوه، النهارده تروحيله وتكلميني اول ما توصلي هناك فاهمه.. 

ريم

اووف طيب يا ممدوح اسكت بقي خليني اتابع المسلسل..

_ وقام مشي ممدوح و بعد شويه مسكت ريم موبيلها وفتحت الوتساب وبعتت لاحمد رساله صوتيه وقالتله.. 

ريم

ممدوح قالي اجيلك عشان نخلص موضوع ورق الطلاق والحاجات دي، شوف هتكون فاضي امتي؟. 

رد عليها احمد. بعد دقايق وقالها

في اي وقت لو عايزه تيجي دلوقتي انا فاضي.. 

سمعت ريم الريكورد وقالت لنفسها

ابو تقل دمك يا شيخ.. 

وبعتتله

طيب شويه وجايه.. 

ـــــــــــــــــــــــــ

_ وفي المطار.. 

كان واقف ممدوح بره واول ما خرجت كامليا ابتسم ممدوح وقرب منها وقالها.. 

ممدوح

واخيرا جيتي.. 

كامليا 

ياريت ما تخلنيش اندم زي كل مره، انا دلوقتي سيبت اهلي وجيت.. 

ممدوح

انتي كنتي هتندمي لو كنتي قعدتي هناك يا كامليا وانتي روحك وحياتك هنا.. 

كامليا 

اديني جيت نعم ايه اللي عايزني فيه.. 

ممدوح

تعالي بس الاول نودي حاجتك بيتك وبعدين اخدك واقولك انا جيبتك ليه؟.. 

كامليا

العربيه والسواق بتوعي اهم انا هبعت معاه الحاجه بتاعتي للبيت، خليني اشوف اللي انت جايبني عشانه يستاهل ولا لا.. 

ممدوح بقلق

يلا بينا وربنا يستر... 

_ واخدها ممدوح ومشيو، تفتكرو هيحصل ايه؟... 

ــــــــــــــــــــــــــــــــــــــــ 

_ وفي الشركه بتاعت احمد.. 

وصلت ريم هناك واول ما دخلت عند السكرتيره قالتلها.. 

ريم 

احمد جوه؟ 

السكرتيره

قصدك دكتور احمد، ايوه جوه.. 

ريم بسخريه

طيب قوليلو ان ريم بره يلاا.. 

_بصتلها السكرتيره بقرف ودخلت عند احمد وقفلت الباب وبعدين طلعت وقالت.. 

السكرتيره

اتفضلي.. 

ريم

يخربيت صنفرة وشك... 

السكرتيره

نعم بتقولي ايه؟.. 

ريم 

بقول يزيد فضلك يا اختي.. 

_ودخلو ريم عند احمد واول ما شافته قاعد الر مكتبه وباصص ليها بهدوء اتوترت شويه وقالتله.. 

ريم

يلا عشان نخلص الموضوع ده بقي.. 

احمد

اقتدي طيب شويه معاية حاجه مهمه هخلصها ونروح.. 

ريم بضيق

طيب كنت قولي انك مش فاضي.. 

بص احمد للابتوب قدامه وقال

هما دقيقتين يا ريم مش هنعطلك علي مسلسلاتك كتير.. 

ريم 

مالك ومال مسلسلاتي حد قالك اني بتفرج عليها في صالة بيتكم.. 

_ كتم احمد ضحكته وحاول ما يبينش انه مهتم بيها خالص، وهي قعدت علي الكنبه بعيد عنه وهو فضل يبصلهو من تحت لتحت من غير ما تاخد بالها وكان باين اووي من نظرااته انها وحشاه جداً... 

_وفجأه فتحت بنت حلوه اووي الباب ودخلت وهي بتجري علي احمد وحضنته وقالت.. 

رنا

وحشتني اووي يا بيبي.. 

_بصتلهم ريم بصدمه وغيظ، واحمد كمان اللي ما كانش فاهم حاجه وقال.. 

احمد 

انتي مين؟.. 

قربت منه البنت اووي وقالت بصوت واطي

ممدوح بيسلم عليك وبيقولك الكوره في ملعبك.. 

بص احمد لريم اللي كانت متعصبه جدا وناقص تطلع دخان وهي بتبصله هو والبنت اللي يعتبر في حضنه و؟... 

_ تفتكرو هيعمل ايه؟.. 

ــــــــــــــــــــــــــــــــــــــــ 

_وفي المستشفي.. 

دخلت رباب عند طارق وقالتله.. 

رباب 

هي الدكتوره ساره كانت هنا عايزه منك ايه؟.. 

طارق بخبث

شغل في حاجه ولا ايه؟.. 

رباب بضيق

لا ما فيش انا هاخد باقي الاجازه تمام.. 

طارق

ليه؟ 

رباب

رايحه اقدم علي قرض وهجيب بيه شقه بسيطه عشان تقلت عليك شويه انا وامي.. 

طارق وقف وقالها

يعني انتي اخدتي قرارك يا رباب. 

رباب بضيق

ايوه ولو علي الفلوس اللي اخدها خالي انا هكلم دكتور احمد وهو هيتصرف ويجيبهم منه... 

طارق 

والسبب اظن حقي اعرف.. 

رباب بحده 

عشان انا مش كوبري او يا حرام واقعه عليك عشان تتجوزني منظر وتقضيها مع الدكتوره سارن با نسوانجي.. 

قرب منها طارق وقال

دي غيره صح.. 

رباب رجعت لورا وقالت

نعمم هي ايه اللي غيره ان شاء الله لا لا انا مش بغير وهغير ليه وعلي مين اصلا؟.. 

طارق بخبث

اومال ليه العصبيه دي كلها من لما رجعت ساره الشغل هنا.. 

قبل ما ترد رباب دخلت ساره من غير ما تخبط وقالت بغيظ اول ما شافت طارق قريب من رباب.. 

ساره

هو ايه اللي بيحصل هنا وانتي ايه اللي جابك هنا وليه مش علي مكتبك.. 

بصت رباب لطارق بحزن وطارق مسك ايدها وقال

مراتي وحقها تدخل في الوقت اللي عايزااه.. 

ساره بصدمه 

ايه انت اتجوزت البنت دي؟!.. 

رباب بحده 

والنبي ما ترد عليها سيبلي انا الطلعه دي.. 

_تفتكرو رباب هتعمل ايه في ساره؟.. 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

احمد ابتسم بخبث وقال

وانتي وحشتيني اكتر يا حبيبتي.. 

بصت رنا لريم وقالت

مين دي با بيبي؟.. 

ريم بغيظ قالت

انا ابقي مراته يا عينيا.. 

رنا ضحكت وقالت

قصدك طليقته، ولا انت بتضحك عليا يا مودي؟.. 

ريم وقفت وقالت

يا ايه؟... 

احمد بخبث 

بتدلعني عندك مانع.. 

رنا 

يلا بقي يا مودي انت وعدتني اننا هنتغدي مع بعض النهارده.. 

احمد 

اوكي يا حبيبتي هخلص بس حاجه في الشغل ونروح.. 

ريم بحده

وبالنسبالي انا بقي ايه يعني؟.. 

رنا 

سوري بس احنا بينا مشروع خطوبه وكده ومحتاجين نتعرف اكتر.. 

ريم بصوت واطي

هو لحق ابن الناقصه.. 

احمد

بتقولي حاجه يا ريم.. 

ريم مسكت شنطتها وقالت 

مبروك بقول مبروك وابقي كلم بابا بقي وخلص معاه الموضوع ده.. 

احمد 

ياريت هيكون احسن وان شاء الله في اسرع وقت كمان.. 

طلعت ريم وقفلت الباب ورااها وحطت ودنها علي الباب قربت منها السكرتيره وقالت.. 

السكرتيره

يا انسه لو سمحتي ما يصحش اللي حضرتك بتعمليه ده.. 

ريم بغيظ 

بقولك ايه انا عفاريت الدنيا كلها بتتنطط قداامي ابعدي عن طريقي احسنلك.. 

السكرتيره بخبث

طيب علي فكره بقي دكتور احمد عنده كاميرات جوه واكيد شايف اللي بتعمليه.. 

برقت ريم وقالت

احييي... 

فتح احمد الباب وقرب منها وقال

في ايه يا ريم.. 

ريم وشها احمر وقالت

ااا مم انت من امتي تعرف السلعوه اللي جوه دي؟.. 

احمد 

وانتي مالك مش انتي عايزه تطلقي ده اللي  ليكي عندي.. 

ريم بحده 

لا انا كنت مراتك وواضح جدا انك كنت علي علاقه بيها من زمان، يعني كنت بتخوني.. 

احمد بخبث

لا لا دي كانت صديقه زيك انتي وطارق كده، ولو هتسميها خيانه يبقي انتي اللي خونتي الاول.. 

اتملت عيونها دموع وقالت

معاك حق مبروك مرت تانيه يا مودها.. 

_ قالت كلامها ومشيت واحمد ابتسم بانتصار انه شاف غيرتها عليه وكمان خلاها تحس باللي كان بيحس بيه لما كانت بتكلم طارق.. 

طلعت رنا وقالتله 

انا كده عملت اللي عليا يا دكتور احمد؟.. 

احمد 

انتي سكرتيرة كامليا مش كده؟.. 

رنا 

ايوه انا، والحمد لله والموضوع عدا علي خير والا كانت شويه كمان وهتاكلني.. 

ابتسم احمد وقال

ياريت.. 

رنا 

نعمم؟.. 

احمد

لا لا مش قصدي اتفضلي وشكرا تعبناكي معانا.. 

ــــــــــــــــــــــــــــــــــــــــ 

_ وفي الشركه بتاعت كامليا.. 

دخلت هي وممدوح ولقيت الموظفين بتوعها كلهم رجعو وبيسقفولها وجايبين ليها ورد.. 

كامليا بتوتر

انت ايه اللي عملته ده انا كنت نزلت قرار ان الكل يقدم استقالته عشان هصفي الشركه هنا... 

ممدوح بصوت واطي

لا ما انا قولتلهم انك عيله وبترجعي في كلامك عادي.. 

قرب منها موظف وادها ورد وقال

اتفضلي يا مدام كامليا احنا كلنا بجد. مبسوطين اننا رجعنا تاني تيم واحد وان شاء الله نرجع اقوي من الاول.. 

اخدت منه كامليا الورد وقالت

ان شاء الله وميرسي علي الورد.. 

ممدوح 

خلاص بقي يا جماعه نشوف شغلنا ومدام كامليا معانا اهو وعايزين شغل من نار.. 

قربت منه كامليا وقالت

اتنيل تعالي ورايا عايزاااك.. 

_ قالت كلامها ومشيت من قدامه راحت مكتبها، وممدوح بصلها بقلق وقال.. 

ممدوح 

يا منجي من المهالك ياااارب... 

_ راح ممدوح وراها واول ما دخل المكتب حدفته كامليا بالورد في وشه وقالت.. 

كامليا 

انت ايه اللي هببته ده وازاي انا ما عنديش خبر؟.. 

ممدوح 

ما انا وصلت لهشام اخوكي وهو ساعدني لما لاقاكي مكتئبه بقي واتأكد ان راحتك هنا في مصر مش هناك.. 

كامليا بحزن 

انت جيبتني عشان شغلي صح؟.. 

ممدوح بخبث

طبعا اومال انتي فاكره ايه؟.. 

كامليا بغيظ

تعرف انت حيوان وحقير وقذر وواطي واطلع بره.. 

ممدوح بخبث

انا مش هخطب ساره لقيت انها مش مناسبه ليا.. 

ابتسمت كامليا بتلقاييه وقالت

بتهزر صح... 

وبعدين كشرت وقالت

ااااقصد عادي يعني انا مالي بحاجه زي دي؟.. 

 ممدوح ضحك وقال

هههههه يا حقووده بقي فرحانه قي البت وفي خربان البيوت... 

كامليا 

قولتلك موضوع ما يخصنيش انت نفسك ما تخصنيش ولو علي انك رجعتني لشغلي تاني والسركه هارجع تقف علي رجليها فده واجبك لاني اهملت كل حاجه في حياتي عشانك وانت اهو بترد المعروف.. 

ممدوح 

معني كلامك اني خلاص وجودي ما بقاش مهم.. 

كامليا بحده 

بالظبط وياريت تقدم استقالتك.. 

ممدوح 

ما انا فعلا هقدم استقالتي.. 

كامليا 

والله ومستني ايه حضرتك بقي؟.. 

ممدوح قرب منها وهي رجعت لورا وقالها

كنت مستني اجيبك وبعدين ما هو طبيعي راجل زيي يقدم استقالته عشان الايام الجايه ما يتقالش عليه جوز الهانم.. 

كامليا بصتله بعدم تصديق وقالت

اييه انت قولت ايه؟.. 

ممدوح كتم ضحكته وقال

انتي هتعملي فيها طرشه مش هكرر كلامي مرتين... 

كامليا بتوتر

طيب انت رايح فين؟.. 

ممدوح بهدوء

يا ستي بعد ما موضوع ولاد عمي خلص ابويا رجع الحمد لله وطلع عايش.. 

كامليا بصدمه 

بتهزر ايه الفيلم الهندي. ده؟... 

ممدوح 

سبحاانه المهم ان احنا مش عايزين نرجع البلد دي تاني وقررت اني هفتح شركه صغيره هنا بقي.. 

كامليا 

انت بتقولي كده ليه انت مالي اصلا، اتفضل بره.. 

ممدوح بغيظ 

ايه يا بت الرزاله دي، علي العموم انا ماشي عشان مش فاضي وتشتغلي هنا وبس مش عايز هئ ومئ... 

كامليا 

وانت مااالك ممدوح امشي بدل ما اطلبلك الامن.. 

ممدوح بغيظ 

مااشي اهو بس خليكي فاكره اللي انتي بتعمليه ده.. 

_طلع ممدوح وكامليا راحت قعدت علي مكتبها وقالت وهي مبسوطه.. 

كامليا 

واخيرا رجعت لحياااتي، بس ان ما ربيتك يا ممدوح ما ابقاش انا كامليا.. 

ــــــــــــــــــــــــــــــــــــــــ 

_ وفي بيت طارق

 رجع من المستشفي وراح للشقه اللي فيها رباب لقي مامته طالعه من هناك وهي مدايقه.. 

طارق

في ايه يا ماما هي المجنونه اللي جوه دي عملتلك حاجه؟.. 

سهير

لا بس انت ليه مزعلها.. 

طارق 

مش مزعلها يا ماما علي فكره انا اا... 

سهير بحده 

انت جايب بنت الناس تمرمطها معاك وعشان مين، عشان اللي خزوقتك، بقولك ايه انا حبيت رباب ودخلت جوه قلبي كده وربعت ولو زعلتها تاني هعتبر انك بتزعلني وهغضب عليك.. 

طارق بسخريه 

ادخلي يا سهير نامي الله يهديكي.. 

سهير بدموع

تعرف فيها من طيبة اختك الله يرحمها اوعي تزعلها عشان خاطر اختك كانت هتبقي فرحانه لو كانت عايشه وشافتها كانت هتحبها اووي.. 

ابتسم طارق وقال

اطمني مش هزعلها، ادخلي انتي بس جهزيلنا الغدا لحد ما اشوف رباب واجيلك.. 

سهير

حاضر يا حبيبتي... 

_ ودخلت سهير شقتها، وطارق دخل عند رباب ولقاها مطلعه شنطة هدومها بره اوضتها وقال، وطالعه وهي ماسكه ايد امها.. 

رباب

يلا يا ماما معلش تعباكي معايا.. 

طارق

علي فين يا هانم؟.. 

رباب بحده 

واخده امي وماشيه هو انو فاكر لما تطردني من المستشفي عشان يعني فتحت دماغ الست ساره بتاعتك هقعدلك هنا انسي يا عنيا.. 

قرب منها طارق ومسك ايد سميه 

هو انا عارف اننا ممرمطينك معانا، بس اعمل ايه في دماغ بنتك.. 

_واخدها عشان يدخلو الاوضه جوه ، ورباب اتعصبت قالت... 

رباب 

انت بتعمل ايه احنا هنمشي.. 

طارق بحده 

ما اسمعش صوتك هدخل امك جوه وجايلك... 

رباب بعصبيه 

تعالي يا حيلتها هو انا هخاف منك يعني.. 

_ دخل طارق سميه ونيمها علي السرير، وطله وقفل الباب وبص لرباب بحده.. 

طارق 

انا عايز افهم بقي انا كيس جوافه واقف كنت، هي غلطت فيكي سيبيني اتعامل مش تخبطبها بالروسيه تخليها يغمي عليها.. 

رباب مسكته من هدومن وقالت بعصبيه

بقولك ايه يااااه صوتك هيعلي عليا تاني هعمل منك لحمه مفرومه للقطط والكلاب انت فاهم ولا لا؟.. 

طارق بقلق

في ايه يا شبح. ده انا بهزر معاكي والله، فيها اما اطردت من المستشفي ومستقبلي هيبوظ عادي يعني.. 

رباب بقلق

ايه ده هما طردوك انا اسفه.. 

طارق بقلق

رباب انا بخاف منك اوقات بتكوني رقيقه واوقاات بتتحولي لابراهيم الابيض.. 

رباب بحده

ما انت لو ما كنتش طردتني وقولتلي روحي البيت انا كنت هتصرف وما كنتش هتطرد.. 

طارق قرب منها وقال

انا ما كانش قصدي اطردك، بس انو كنت عارف ان ابوها هيجي وابوها ده راجل شايف نفسه وما كنتش هتحمل حد يقولك حاجه وانا واقف.. 

ابتسمت رباب 

بجد؟.. 

طارق قربها ليه بهدوء وقال

بجد طبعا مش مراتي.. 

بعدت عنه بسرعه وقالت وهي مكسوفه 

علي فكره احنا لسه في حكم المخطوبين فتتلم.. 

طارق بصدمه 

رباااب ايه ده؟... 

رباب بقلق

هو ايه؟.. 

طارق بخبث 

طلعتي بتتكسفي وبتحمري وفيكي انوثه اهوو.. 

رباب بغيظ 

شوفت اهو الحمد لله طلعت في حاجه متشابهين فيها... 

طارق قرب منها وهو متعصب وهي خافت 

طارق والله هصوت والم عليك العماره كلها.. 

طارق بهدوء

ابقي خلي الشباك مفتوح.. 

رباب 

ليه؟... 

طارق بغيظ 

عشان لو جبهتي اللي طارت من شويه رجعت ما تقفش بره كتير.. 

_ضحكت رباب اووي وطارق قرب منها اكتر وقالها بصوت هادي... 

طارق

انتي حلوه اووي يا رباب ازاي ما كنتش واخد بالي انك بالحلاوه دي.. 

رباب يتوتر

ااا مم ما شكلها كانت نضارتك بايظه وقتها.. 

طارق لمس وشها بأيده وقال 

لا ده النظر كله كان بايظ، الخميس الجاي هتكون الدخله مش كده؟... 

رباب بصدمه وهي باصه ورا طارق

ماما.. 

طارق 

لا ما تشغليش بالك هخليها عند امي عشان نبقي براحتنا هنا.. 

رباب 

يا عم اتنيل ماما واقفه وراااك.. 

صوت طارق بخوف ووقف ورا رباب وقال

والله العظيم الست دي ملبوووووسه والله ملبوووسه.. 

رباب كتمت ضحكتها

اعملك حاجه يا ماما يا حبيبتي.. 

_مسكت سميه ايد رباب واخدتها معاها جوه اوضتها ورزعت الباب في وش طارق.. 

طارق بغيظ 

طيب يا حماتي دي مراتي علي فكره.. اللهي تنامي ما تقومي يا حفيدة دراكولا انتي..  

ــــــــــــــــــــــــــــــــــــــــ 

_ وفي بيت اهل ريم.. 

كان ممدوح قاعد بيتفرج علي الماتش ورشاد ماسك ورق وبيقرا فيه، وريم بتعيط والكنبه حواليها كلها مناديل.. 

ممدوح 

ما تشوت ياااه بقي.. 

ريم بغيظ 

بدل ما انت بتتفرج علي الماتش تعالي واسيني.. 

رشاد 

ما يصحش كده يا ممدوح.. 

ريم 

قوله الجزمه.. 

رشاد  بخبث 

ما تعليش صوتك وانت بتتفرج علي الماتش يا حبيبي الجيران تدايق مننا.. 

ريم ببكاء

اخص عليك يا بابا والله زعلانه منك.. 

ممدوح بخبث 

ما انتي اللي من صباحية ربنا بتعيطي ومش راضيه تقوليلنا ايه اللي مزعلك.. 

ريم ببكاء

مين قالك اني بعيط بالعكس انا زي الفل اهو.. 

ممدوح 

ما هو باين من كوم المناديل اللي جنبك ده

 قامت ريم وقعدت جنبيه وقالت 

 هو انت تعرف البت اللي خطبها صاحبك صح؟.. 

ممدوح بخبث 

ايوه اعرفها دي كانت زميلتنا زمان في المدرسه وكانت بتموت في احمد... 

ريم بغيظ 

شوفتو اهو اللي انتو كنتو بتقولو عليه محترم وبيحبني ما صدق اطلق منه وراح خطبها.. 

رشاد 

هو عمل حاجه حرام ولا عيب ده حقه.. 

ريم ببكاء

بس مش بالسرعه دي يا جماعه.. 

ممدوح 

وانتي مالك انتي عايزااه يفضل زعلان عليكي علي طول ما طبيعي الراجل يشوف نفسه ويتجوز.. 

ريم ضربته بالمخده 

علي فكره هو لو كان صاحبك فانا اختك يا خازوق ساره.. 

رشاد 

انتي بتعايري اخوكي ياااابت.. 

ريم بحزن 

مش بعاير حد انا داخله انام ومش فارق معايا اصلا... 

_دخلت ريم اوضتها وفتحت موبيلها وفضلت تقلب فيه، ودخلت علي حساب احمد علي الانستجرام وفضلت تتفرج علي صوره وابتسمت وقالت.. 

ريم 

هو انا كنت متجوزااه ازاي ده يعني... 

_واتحولت ملامحها للحزن لما افتكرت انهم خلاص ما بقوش متجوزين وانها مش من حقها حتي انها تتفرج علي صوره وانه بقي لغيرها..

ــــــــــــــــــــــــــــــــــــــــ 

_ في بيت طارق كان احمد عندهم وقاعد مع رباب ومامتها... 

احمد 

تقريبا مامتك هنا احسن مش كده؟.. 

رباب 

ايوه بقيت بتتحرك اكتر من الاول... 

احمد 

معلش يا رباب انا عارف اني قصرت معاكي لما كنت مسافر وحصلت المشكله مع اهلك بس اهو طارق اتصرف.  

رباب بقلق

هو قالك ايه؟.. 

احمد 

في ايه؟... 

رباب بقلق

بص بصراحه هو قالم انه متجوزني شفثه اصلا انت مش محتاج ترد هي باينه لوحدها.. 

ابتسم احمد وقال

تعرفي ان طارق كنت بتعصب منه كتير وكنت بفضل ادعي عليه دعوات بغل وحقد والحمد لله ربنا استجاب واهو اتجوزك... 

رباب 

قصدك ايه بقي يا دكتور.. 

احمد 

قصدي انك اهو متجوزه الواد عاقل، يبقي يفضل كده.. 

رباب بثقه 

بعون الله شهر واحد وهتلاقيه بيعقب في الشارع.. 

احمد 

ياريتها تيجي علي كده، المهم الواد طارق كويس وابن ناس... 

رباب بصوت واطي 

بس كيوت شويه.. 

احمد بغيظ 

بالنسبالك يا تربية الشوارع انتي.. 

رباب 

ليه قلة القيمه دي يا دكتور يعني ما انت زيه برضو.. 

احمد بحده 

اسكتي يا رباب انا غلطان اني جيتلك اصلا.. 

دخل طارق وقاله 

منورنا يا دكتور احمد.. 

احمد 

بنورك يا طارق المهم انا فهمت خالي الموضوع ومن بكره تقدر تيجي تكمل شغل في المستشفي.. 

وراح قعد جنب رباب وقال

مش وقته انا بجد اسف بس انا ناوي افتح عياده وده اللي نفسي فيه.. 

احمد 

بس انا محتاجلك معايا في المستشفي وخصوصا اني ما بقتش موجود علي طول، وعلي فكره انا ليا النص في المستشفي وهمسكك الاداره مكاني.. 

طارق 

طيب تمام بس انا الخميس الجاي فرحي وبعده اسبوع اجازه وارجع بقي المستشفي.. 

احمد بسخريه 

اسبوع قلبك ابيض ده انت هتطفش منها من تاني يوم... 

طارق 

ادينا بنحلم وربنا يستر.. 

رباب 

بقي كده طيب مش متجوزه بقي انزل سغلك من بكره.. 

احمد 

يا جماعه مش كده انا مش جاي اخرب بينكم.. 

وقف وقال 

علي العموم الف مبروك، وخلي بالك منها يا طارق رباب اختي واكتر كمان..

طارق 

والنبي وصيها هي وامها عليا الاول..

ضحك احمد ورباب قالتله

شكرا يا دكتور احمد يتردلك في الافراح ان شاء الله..

_ ابتسملها احمد وبعدين مشي وطارق راح معاه عشان يوصله،وقربت رباب من مامتها وحضنتها وقالت..

رباب

انا مبسوطه اووي يا ماما من زمان ما فرحتش كده..

_رفعت سميه ايدها وحضنت بنتها  من غير ما تقول ولا كلمه، وكان طارق واقف عند الباب وبصلهم وهو مبتسم وبعدين مشي راح شقته.. 

ــــــــــــــــــــــــــــــــــــــــ 

دخل عندها رشاد وقال.. 

رشاد 

لو كنا بنسمع الكلام ما كناش وصلنا لهنا.. 

مسحت ريم دموعها بسرعه وقالت

ما فيش حاجه علي فكره.. 

رشاد 

حتي زعلك بتعاندي فيه، يا بنتي دي مش شطاره ولا انتي كده باينه قدامنا جامده بالعكس انتي ضعيفه اوووي.. 

قعد جنبيها ومسك ايدها وقال

عارفه الشاطر والقوي بجد هو مين، اللي يعترف باللي جواه من غير ما يخاف من حد، اللي يقول اللي عايزه من غير خوف وفي نفس الوقت ما يجرحش حد بالكلام ده ينقي كلامه يقول اللي عايزه بس بطريقه محترمه.. 

ريم بدموع 

هو انو زعلانه وجدا لما شوفته مع واحده غيري، انا عمري ما اتخيلت ان احمد يعمة كده.. 

رشاد 

عشان متسرعه حاكمه علي كل حاجه من بره، زي موضوع طلاقك ده  لو كنتي فكرتي لحظه واحده في اللي هيحصل بعد كده ما كنتيش طلبتيها منه.. 

ريم بسخريه 

لا انا معايا حق اهو موضوع طلاقي ده خلاني اعرف حقيقته وانه ما صدق اطلع من حياته عشان يدخل غيري.. 

رشاد بجديه 

ريم انتي بتحبيه ولا لا ورد واحد بس عليا.. 

_سكتت ريم شويه وافتكرت اليوم اللي قضته هي واحمد هنا وانه عملها اللي عايزااه واكلهة كشري وجريو في الشارع وكان بيغنيلها الاغنيه اللي بتحبها، وابتسمت بدموع وقالت.. 

ريم 

في مره كده كان كويس اووي معايا وكنت حابه اوي وجوده في حياتي، وفي اوقات تانيه كان بيخوفني منه وبيهددني وبرغم اني ما كنتش بحب كده الا اني كنت عارفه انه خايف عليا.. 

رشاد 

بس ده مش رد لسؤالي انتي بتحبيه ولا لا، بطلي عند والدماغ الناشفه دي سيبك منها وردي باللي جوه قلبك.. 

ريم ببكاء

ايوه بحبه يا بابا وغيرت اووي عليه كمان لما شوفت الزفته اللي هيخطبها مكااني دي.. 

رشاد بجديه 

يبقي قوليلو كده.. 

ريم 

يا بابا بقولك خطب وحتي لو ما كانش خطب انا مستحيل اقوله حاجه زي دي بعد اللي عملو.. 

رشاد 

عمل ايه هو راح خطبها وانتي مراته مثلا.. 

ريم بغيظ

بس كان يعرفها لما كان متجوزني.. 

رشاد بخبث

طيب ما انتي كنتي تعرفي طارق ولما كان يدايق من كلامك معاه كنتي بتزعلي، اللي ما ترضيهوش علي نفسك بعد كده ما ترضيهوش علي غيرك... 

_ قال كلامه وطلع وقفل الباب وحط الفون علي ودنه وقال.. 

رشاد 

ها يا ابني اتأكدت بقي وارتحت.. 

ابتسم احمد وقال

ايوه يا عمي اتاكدت.. 

رشاد 

طيب وناوي علي ايه، هتقولها انك رديتها؟.. 

احمد بخبث

لا معلش بقي يا عمي سيبني اتعامل معاها، ابمهم انا بكره ان شاء الله هكون خلصتلك كل الاوراق المطلوبه عشان الشركه الجديده.. 

رشاد بفرحه 

انا بجد مش عارف اشكرك ازاي علي كل اللي بتعملو معانا ده؟.. 

احمد 

ده واجبك يا عمي وبعدين هو انا مش زي ممدوح ولا اي؟.. 

رشاد 

طبعا زي ممدوح ما فيش كلام، يلا تصبح علي خير... 

_قفل معاه احمد وراح وقف في البلكونه بتاعت اوضته ومسك موبيله تاني وكلم ممدوح اللي كان نايم.. 

ممدوح

عايز ايه يا احمد.. 

احمد 

مفتاح بيتكم.. 

ممدوح 

ليه عايز تسرقنا ولا ايه؟.. 

احمد 

هسرق منكم ايه يا معفنين انتو، عايز اجنن اختك.. 

ممدوح 

بص يا ابو حميد انا مقدر انها مراتك بس ما توصلش بيك انك تطلب مني مفتاح البيت... 

ضحك احمد وقاله

اومال لو عرفت اللي انا عايز اعمله كمان.. 

ممدوح بحده 

نا تلم نفسك يالا بقي.. 

احمد 

يا اهبل دي مراتي المهم بس سيب المفتاح مع عوضيكو البواب انتي وطالع الصبح... 

ممدوح 

طيب انت عايز تعمل ايه؟... 

احمد بخبث

هبقي اقولك بعدين... 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

في الحياه هتفضل علي طول عايش في اختبارات من الطبيعي تغلط في شويه منهم، بس هرجع واقول ان اللي هيسقط فيهم كلهم هو اللي ما اتعلمش من الفشل او الخساره وبقي بيكررها تاني.. 

_ صحيت ريم من نومها وكانت مدايقه جداً ولما افتكرت احمد عيونها اتملت دموع، وقامت طلعت هدوم من الدولاب ودخلت الحمام.. 

وبره الشقه وصل احمد وفتح الباب ودخل وراح لاوضة ريم وعرف انها بتاخد شاور، ابتسم بخبث وقلع جاكيت بدلته بسرعه والجزمه وراح عمل نفسه نايم علي السرير، وطلعت ريم بعد شويه وهي بتنشف شعرها ولما شافته قالت.. 

ريم 

حراااامي.. 

_كتم احمد ضحكته وقام وهو عامل نفسه نايم وقال  بأنزعاج.... 

احمد 

في ايه يا حبيبتي هو فين الحرامي ده.. 

ريم بصتله بصدمه وقالت

معقول انا لسه نايمه.. 

احمد 

روحي بس جهزي فطار غشان ما اتأخرش علي الشغل.. 

ريم بعدم فهم

لا استني معلش انت مش طلقتني وروحت خطبت الوتكه اللي كانت معاك في المكتب.. 

احمد 

انا طلقتك امتي ده، روحي يلا يا ريم عشان تلحقي تجيبي ابنك اللي عند ماما واخر مره يا هانم هنسيب الولد لوحده مع ماما.. 

ريم هرشت في راسها رقالت

ايه ده انت عندك عيال؟... 

احمد كتم صحكته بالعافيه وقالها

ايوه ابننا يا حبيبتي.. 

ريم بصدمه 

احلف انا خلفت وعندي ولد وانا ما اعرفش.. 

ضحك احمد غصب عنه وقال

ههههههههههه يخربيتك اا هو ده وقت هزار يعني.. 

ريم بدموع 

انا ما بهزرش انا خلفت امتي وابني فين، انت فين يا حبيب ماما وانت رجعتني امتي مش كنت مطلقني وانا كنت زعلانه دلوقتي ورحت اخد شاور وو... 

قام احمد وقف قدامها وقالها

ايه رئيك لو كانت دي حياتنا بيتنا وابننا واحنا مع بعض.. 

ريم. بعدت عنه وقالت 

دقيقه بس والنبي افهم انا دلوقتي في الواقع ولا بحلم عشان اعرف اتعامل.. 

احمد ابتسم وقال

اعتبرينا بنحلم... 

ريم بدموع 

وانت في الحلم ده اكيد مش هتتجوز عليا صح؟.. 

احمد بهدوء

ايوه مش هتجوز عليكي وما فيش واحده تملي عيني غيرك، وكمان رديتك ليا تاني.. 

ريم بحماس 

يعني احضنك عادي.. 

احمد بخبث

وكل اللي عايزااااه كمان اعمليه.. 

ريم بضيق 

لا افهم الاول برضو مين البنت اللي كانت عندك... 

احمد بهدوء

حركه.. 

ريم 

يعني ايه مش فاهمه؟.. 

احمد قرب منها وقال

حركه عشان اخلي الحجر اللي في دماغك ده يتكسر وتعترفي انك بتحبيني وبتغيري عليا، وعلي فكره انا رديتك بعلم ابوكي وممدوح.. 

ريم بحده 

انا مش بتكلم في كده دلوقتي، انا بتكلم في حتة انك جرحتني وزعلتني عشان توصل للي انت عايزه.. 

احمد 

ايه اللي انتي بتقوليه ده، وبعدين البنت دي والله انا كنت اول مره اشوفها في المكتب ومن طرف اخوكي ومش هشوفها تاني ولا عايز اشوفها المهم عندي انتي.. 

ريم بضيق

وانت عشان تتاكد من حبي ليك تجرحني وتعمل حاجه تدايقني ايه الانانيه دي.. 

احمد بحده 

لا انتي ايه الغباء ده يا ريم انتي بطريقتك دي بتخسريني بجد، العلاقه دي ما حدش بيحاول يخليها تنجح غيري... 

ريم 

انت بتزعق ليه دلوقتي احنا بنتكلم عادي، بس ده طبعك اصلا وانت مش هتتغير.. 

_احمد قعد علي السرير وفضل يلبس في الجزمه بتاعته وقالها وهو متعصب.. 

احمد 

ولا انتي عمرك هتتغيري برضو، بس انا قبلتك زي ما انتي وحبيتك وبحاول اخليكي تقبليني بس انتي للاسف مش بتحبيني وانا مش هفرض نفسي عليكي تاني كفااايه بجد.. 

ريم بحزن 

انت مش من حقك تفسر مشاعري علي مزاجك، انت حط نفسك مكاني اروح دلوقتي اجيب راجل واخليه يقرب مني ويحضني قدامك عشان اخليك تغير عليا انت هتكون عادي.. 

وقف احمد قدامها وقال بحده 

عشان كنت ادفنك وادفنه حي يا ريم.. 

ريم بسخريه 

يعني حرام عليا وحلال ليك كرامتك غاليه عندك وانا اللي كرامتي رخيصه وساهل تتجرح.. 

احمد 

اوكي الطريقه كانت غلط بس ما تنكريش ان لولا اللي حصل ده انتي ما كنتيش هتتأكدي من حبك ليا.. 

ريم بدموع 

لا هو انا بحبك من زمان علي فكره، بس انت اللي كنت بتخليني اخاف اعترف بحاجه زي دي.. 

احمد اتنهد بضيق وقال

بصي يا ريم عشان الموضوع بقي سخيف اووي ، انا مديكي وقتك تفكري بس المره دي ورحمة ابويا اخر مره ومش بهددك ولا قصدي اخوفك، انا عايزك بس تفكري بعقلك يا ريم ومن غير غبااء... 

ومسك ايدها بهدوء وقالها

وبرضو افتكري كويس اني رديتك عشان بحبك وهتحمل اي حاجه منك عشان بحبك ووارد نتخانق ونشد شعر بعض كمان بس هنعدي كل ده لو كنا بنحب بعض بجد.. 

_قال كلامه وسابها ومشي طلعت وراه ريم بسرعه وقالت.. 

ريم 

استني يا احمد.. 

احمد ابتسم وقال

معقول بالسرعه دي فكرتي.. 

ريم 

لا انا بس بسأل انت دخلت هنا ازاي ومين دخلك بابا ولا المنيل علي عينه صاحبك.. 

حدفها احمد بالمفتاح وقال بغيظ

ابوكي محترم مش وش ذلك ده المنيل علي عينه اخوكي... 

_قال كلامه ومشي وريم راحت قعدت في الاوضه بتاعتها ولقيت احمد بعتلها رساله علي الفون.. 

فتحتها ريم وكان باعتلها

نسيت الجاكيت بتاعي عندك خلي بالك منه ومن قلبي اللي اخدتيه يا جزمه.. 

_ابتسمت ريم وقفلت الفون وراحت مسكت الجاكيت بتاعه وقالت لنفسها بهدوء.. 

ريم 

هو انت تتحب بصراحه، بس لازم افكر بجد عشان لا اظلمك ولا تظلمني.. 

ــــــــــــــــــــــــــــــــــــــــ 

_وفي شركة كامليا دخل ممدوح عندها المكتب.. 

وهي كانت قااعده مع عميل وقالت.. 

كامليا 

ايه ده في ايه؟.. 

ممدوح 

ده بيعمل ايه هنا؟.. 

كامليا 

انت بتهزر اطلع بره يا ممدوح.. 

ممدوح قرب منها وقال

والله لو ما سكتي لاكون رميكي معاه من فوق.. 

وقف العميل وقال

والله علي. حسب معلوماتي ان انت مشيت من هنا وهتفتح شركه جديده، نعم عايز ايه؟.. 

ممدوح 

لا دي حاجه ما تخصكش يا ابراهيم عشان انت لو قلبت قرد والله برضو ما هيبقي في شغل بينك وبين مدام كامليا.. 

ابراهيم بغيظ

انتي شايفه البني ادم ده بيتكلم ازاي يا كامليا.. 

مسكه ممدوح من هدومه وقال

اسمها كامليا هانم يااه وياريت هانم بس من غير ما تنطق اسمها علي لسانك.. 

بعد عنه ابراهيم وقال

بقي كده مااشي والله اللي حصل ده ما هيعدي بالساهل وهتشوفو.. 

ممدوح 

لا ما احنا شايفين خيبتك وكفايه مش عايزين نشوف غيرها.. 

_طلع ابراهيم وهو متعصب، وممدوح قرب من كامليا ومسكها من ايدها حامد وهي قالت بقلق.. 

كامليا

انت اتجننت سيب ايدي وبعدين بتبصلي كده ليه؟.. 

ممدوح بحده 

هو مش الحيوان ده حاول يدايقك قبل كده، بتدخليه مكتبك وتقعدو لوحدكم ليه... 

كامليا بعدت عنه وقالت 

لا ما هو المره دي جااي وغرضه شريف، ده جاي وعايز يتجوزني.. 

ممدوح بغضب

وحياة امك وانتي قولتي ايه؟.. 

كامليا

تفتكر انت انا قولتله ايه؟.. 

ممدوح بغضب 

انا ماشي وبراحتك يا كامليا.. 

كامليا بسرعه قالت

رفضته طبعا عشان مستحيل اتجوز حد وقلبي مع حد تاني.. 

رجع ممدوح ووقف قدامها وقال 

ومين بقي الحد اللي قلبك معاه.. 

كامليا بضيق 

انت ايه اللي جابك مش خلاص كل حاجه خلصت ورديت الجميل.. 

ممدوح 

تعالي معايا يا كامليا وبطلي تقولي كلام مالوش لازمه والزفت اللي كان هنا ده انا مش عايز اشوفه تاني هنا في الشركه والا هقعدك في البيت.. 

كامليا 

انت بتتكلم كده بصفتك ايه، وايه تقعدني في البيت دي.. 

ممدوح مسك ايدها وقال

تعالي معايا وانا هفهمك كل حاجه.. 

ـ واخدها وطلعو بره الشركه وراحو؟؟.. 

ــــــــــــــــــــــــــــــــــــــــ 

_ وفي محل موبليا.. 

كانت رباب وطارق هناك.. 

رباب

ما تسيب موبيلك ده وتختار معايا... 

طارق

ما انا بصراحه كده قلقان علي امي من امك.. 

رباب

هي امي هتاكلها يعني ولا هتاكلها... 

طارق

يعني انتي مش عارفه امك يا رباب، المهم قوليلي انتي اختارتي ايه؟.. 

رباب 

ولا حاجه ايه الالوان دي هو احنا جايين ننقي عفش عريس وعروسه ولا عفش مدرسه ايه الالوان دي.. 

طارق 

طيب اهدي وقوليلي انتي عايزه الوان ايه؟.. 

رباب

عايزه الوان عرايس يعني نيش مُدهب وانتريه مووف فاتح واوضة النوم تبقي كلها كده باللون الوردي او الفوشيا و.. 

طارق 

ولا كلمه كمان هو حد. قالك. اني هفتح الشقه كباريه ده حتي الكباريه فيه شياكه عن اللي بتقوليه ده.. 

رباب

يعني انت عاجبك الالوان دي بيج وابيض ورمادي واسود.. 

طارق 

ما هو ده اللي هيليق علي الوان شقتي، وبعدين في موف اهو بس هادي شويه.. 

رباب بضيق 

براحتك شقتك وانت حر.. 

طارق 

ايوه ازعلي في الموقف ده بالذات ازعلي عشان انا مش هخليكي تختاري الالوان البلدي اللي عايزه تجبيها دي.. 

رباب بحده 

وجيبتني معاك ليه اصلا من الاول.. 

طارق 

يا رباب بقي بلاش زعل دلوقتي والنبي، وتعالي بس نختار الوان هاديه علي زوقي وانا هقنعك بيها.. 

رباب

طيب بس انا اللي هختار حاجة المطبخ.. 

طارق بخبث

تمام بس الهدوم انا اللي اختارها.. 

رباب

ما انا معايا هدومي هنجيب هدوم تاني ليه انت محتاج يعني.. 

طارق

لا انتي اللي محتاجه ما هو مش معقول هنتجوز بعبايات امك اللي بتلبسيها دي.. 

رباب اتوترت وقالت 

اا. ما انا في حاجات كنت بجيبها في جهازي معايا.. 

طارق 

طيب اشوفها الاول افرض ما كانتش زي اللي في بالي.. 

رباب بحده 

ابقي وقتها روح اتجوز غيري يا حيلتها.. 

_قالت كلامها ومشيت من قدامه وطارق قالها بغيظ.. 

طارق

استني هنا ما انا مش ضامن ذوقك، وبعدين تبطلي تقوليلي يا حيلتها دي انا جوزك علي فكره خدي يا بت هنا.. 

_ وفضلو يختارو في العفش بتاع شقتهم.. 

ــــــــــــــــــــــــــــــــــــــــ 

_وفي بيت عزيز خال احمد... 

نزل من اوضته وكانت علياء مراته قاعده بتعيط.. 

عزيز

مالك يا حبيبتي في ايه؟.. 

علياء ببكاء

مالك بعتلي ماسج انه سافر، ومش عايز يشوفني تاني عشان اتجوزت ومش هيقبل بالوضع ده وسافر حتي من غير ما يودعني او يسلم عليا.. 

عزيز بضيق

ابنك مش متربي وانتي دلعتيه بزياده، حقه يزعل بس مش حقه يزعل امه منه ويهرب كده.. 

علياء

هو انا يعني دلعته ليه هبقي انا والدنيا عليه مش كفايه انه اتربي من غير اب.. 

عزيز بضيق 

كنتي تقدري تبقي ام واب ليه بس انتي اختارتي ان هو يبقي المتحكم وهو صغير.. 

علياء 

انا مش عايزااه يرجع خليه يتحمل نتيجة اختياره، بس انا عايزه اطمن عليه واشوفه كل شويه.. 

عزيز بهدوء

حاضر والله هخليكي تطمني عليه ولما تحبي تشوفيه هاخدك ونسافر وغصب عنه هخليكي تشوفيه وانا في ضهره ومش هخليه يحتاج حاجه ابداً... 

حضنته علياء وقالت 

انا واثقه انك ديما هتكون في ضهره انت احسن راجل انا شوفته في حياتي يا حبيبي، المهم ساره قالت هتسافر الغردقه كام يوم.. 

عزيز 

تمام وهناك ابن خالها هياخد باله منها.. 

علياء ضحكت وقالت

ههههه اه منك ومن دماغك مش ساهل خالص انت وعارف بتعمل ايه كويس... 

عزيز 

طبعا والا ما كنتش خليتك توافقي تتجوزيني.. 

ــــــــــــــــــــــــــــــــــــــــ 

_وبالليل قدام بيت كامليا.. 

وقف ممدوح بعربيته وهي كانت مدايقه جدا، وممدوح قالها بهدوء.. 

ممدوح

انا توقعت انك هتكوني مبسوطه لما اعرفك علي ابويا وابقي عايز اتجوزك.... 

كامليا 

قصدك كنت فاكر اني ما هصدق صح؟.. 

ممدوح 

بلاش كلامك ده يا كامليا، انا بجد عايز اتجوزك انتي بقي ادايقتي ليه؟.. 

كامليا

عشان ما قولتليش حطيتني في الامر الواقع وكانك عارف ردي.. 

ممدوح 

ايوه انا عارف انك بتحبيني يا كامليا.. 

كامليا بحده 

ماشي بتزفت بحبك بس مش هتجوزك ولا هتكون بينا حاجه عشان انا مش هقبل انك تتجوزني عشان انا بحبك وبس.. 

ممدوح فتحلها الباب وقال

انا غلطان انزلي يا كامليا، انا ما بحبش الغبااااء اصلا... 

كامليا بغيظ 

هنزل علي فكره ومش عايزه اشوف وشك تاني.. 

مسك ايدها قبل ما تنزل وقالها

يا غبيه هو انا لو ما كنتش بحبك كنت هقولك نتجوز.. 

كامليا سحبت ايدها منه وقالت بدموع

ما بتحبنيش انت كنت بتحب ساره سنين وفي يوم وليله بقيت بتحبني انا.. 

ممدوح 

ايوه عادي حب سنين وعشرة سنين بتتنهي في لحظه ادارك ان الشخص اللي كنا فاكرينه ما فيش منه ولا حاجه، ده اللي حصلي مع ساره علي قد ما حبيتها علي قد ما في الاخر عرفت انها مش الزوجه اللي تفتح بيتي ولا اديها قلبي وانا مطمن.. 

كامليا بصتله وقالت

وانت هتتجوزني ليه يا ممدوح؟.. 

ممدوح 

عشان هكون مبسوط وسعيد معاكي، لما فكرت كويس مجرد التفكير كنت مرتاح وانا بفكر فيكي اكتر، اللي حصلي واني كنت هموت خلاني اتأكد ان هي ممكن في يوم وليله تبدلني بغيري انما انتي هتفضلي معايا لاخر نفس لانك بتحبيني بجد وانتي اللي تستاهلي تتحبي مش هي.. 

ابتسمت كامليا وقالت 

طيب انا عايزه وقت افكر.. 

ممدوح 

ده من امتي ده؟.. 

كامليا بحده 

اهو ده اللي عندي عاجبك ولا لا؟ 

ممدوح بغيظ

عاجبني يا ست كامليا، اتفضلي انزلي.. 

_كتمت كامليا ضحكتها ونزلت من العربيه ودخلت بيتها وهي مبسوطه جدا.... 

ــــــــــــــــــــــــــــــــــــــــ

_ وعدت الايام وجه معاد فرح طارق ورباب.. 

وكانت ريم وكامليا معاها.. 

رباب 

بقولك يا دكتوره ريم هي مش الخواجيه دي اللي كانت مع اخوكي لما طخوه.. 

ريم 

طخووه هو طارق سمع طخوه دي قبل كده.. 

رباب 

مش موضوعنا هي ولا مش هي.. 

ريم 

ايوه هي بس انتي ليه بتسألي وبطلي تبصيلها كده البت خايفه منك.. 

رباب 

هموت واعرف شعرها طويل وبيلمع كده ازاي.. 

ريم. 

معروفه فاتيكا زيت زتون للشعر اوعي تصدقي بتوع الرويات اللي يقولك شعرها ريحته ياسمين واخت ياسمين والكلام ده.. 

رباب 

معاكي حق اصلا تلاقيها حاطه باروكه هو في شعر كده اصلا، بس خدودها بتلمع ازاي كده ولا يا اختي جسمها منحوت نحته.. 

ريم بسخريه 

اتبطي يا رباب بلاش حقد وخلينا نعترف بالحقيقه احنا مش بنات جنبيها... 

قربت منهم كامليا وقالت 

هو في ايه بقي انتو بتنمو عليا ولا ايه؟.. 

رباب 

لا ابدا والله تحنا بنتحسر علي حالنا مش اكتر.. 

ضحكت كامليا وقالت 

ليه كده انتو زي القمر والله، ده انا اللي محتاجه اتعلم منكم.. 

ريم 

استني يا رباب طلعت لينا فايده اهو.. 

كامليا

لا انا عايزه بس اعرف انتو ازاي وصلتو لنقطة الجواز بالسرعه دي.. 

رباب 

انا اقولك في مثل بيقولك اكره ما تريد يأتيك.. 

ريم 

ده مين اللي قال المثل ده؟.. 

رباب 

ما تدوقيش، المهم انا كنت بكره طارق اتجوزني، ريم عملت في حموكشه بلااااوي واهو واقع علي وشه فيها.. 

كامليا 

يعني افتح دماغه يعني ولا اعمل ايه دلوقتي.. 

ريم 

لااا الا اخويا بصي ممدوح غلبان مش زي الحيوانات البريه اللي في حياتنا.. 

رباب 

وحياتك كلهم صنف واحد، وبعدين عنده واحده هشكه زيك كده وناشف معاكي ده بهيم.. 

ريم بغيظ

الله ما تتلمو بقي ده اخويا... 

_ ضحكت كامليا وبعد شويه جه طارق واخد رباب وراحو القاعه اللي فيها الفرح والكل راح معاهم، وجه احمد وراح باركلهم وقال لطارق.. 

احمد

عارف لو زعلتها اا.. 

طارق 

لا والله مش هزعلها ده انا هحطها في عينيا.. 

احمد 

يا عم خد باقي كلامي ده انا كنت هقولك لو زعلتها هديك مكفأه.. 

ضحك طارق ورباب قالت

لااا بقولك ايه يا دكتور احمد اوعي يغرك اني عروسه وكيوت انا ممكن اتحول عليك دلوقتي.. 

احمد 

الله يعينك يا طارق انا ماليش دعوه وما قولتلكش تتجوزها... 

طارق مسك ايد رباب وقاله

بس انت اللي كنت سبب اني اتجوزها بعد ربنا وهفضل طول عمري ادعيلك عشان بقيت مراتي.. 

احمد ابتسم وقال 

ربنا يسعدكم يارب.... 

_ قال كلامه وراح سلم علي رشاد وممدوح ومشي من غير ما يكلم ريم، وكامليا قالتلها.. 

كامليا 

انتي لسه هتزعلي روحي ورااه المره دي الدور عليكي تتمسكي بيه... 

ريم بتوتر

ما انا ما اقدرش وافرض كسفني.. 

كامليا 

يكفي شرف المحاوله يلا روووحي.. 

_قامت ريم وطلعت ورا احمد، ورشاد مسك ايد كامليا وقالها.. 

رشاد 

تعالي ترقص بقي مع العريس والعروسه ولا انا راجل عجوز وما اعجبش.. 

كامليا بصت لممدوح بطرف عينها وقالت

عجوز ايه بس يا اونكل ده انت احلي واحد في الفرح.. 

_ وقامت ترقص معاه وممدوح ما شالش عينه من عليها وقام قرب منهم وو..؟... 

ــــــــــــــــــــــــــــــــــــــــ 

_ وبره القاعه كان احمد لسه هيركب عربيته وريم جريت وراه بسرعه وقالت.. 

ريم. 

استني يا احمد يا ابني استني قطعت نفسي.. 

احمد 

نعم في ايه؟... 

ريم 

انت بتكلمني كده ليه يا احمد؟.. 

احمد

عشان طولتي يا ريم توقعت يوم ولا التاني وتكلميني وتقوليلي يلا نرجع، بس تاخيرك ده اكدلي انك ما بتح... 

ريم بسرعه قالت 

بحبك والله العظبم بحبك ومستعده ارجعلك دلوقتي واكمل حياتي معاك وزي ما هتتحمل شخصيتي انا كمان مش هطلب منك تتغير انا هحاول اغير نفسي عشان انت تبطل تعمل الحاجات اللي بتدايقني وبس.. 

قرب منها احمد وحضنها وقال وهو مبتسم 

وحشتينييي اوووي علي فكره.. 

ريم بدموع 

وانت كمان والله..

وبعدت عنه وقالت بتوتر

تعالي بقي ندخل ونحضر الفرح.. 

احمد 

لا فرح ايه بس تعالي معايا، في مفجأه عملهالك وكنت مستني اليوم اللي ارجعك فيه عشان اوريهالك.. 

ريم بحماس 

هتجيبلي كزبره مش كده.. 

احمد

انتي عايزه ليه كزبره هو انتي عايزه تطبخي حاجه.. 

ريم 

يخربيت الجهل اللي انتو فيه، بقي مش عارف كزبره بتاع علطلاق كله بيكدب علطلاق شقلب واقلب.. 

احمد

ادخلي جوه يا ريم ما فيش مفاجأت.. 

ريم ضحكت وقالت

ههههه خلاص يلا بينا اغمص عينيا ولا لسه.. 

احمد بنفاذ صبر

لا واضح انك هتغيري من نفسك اووي، اطلعي يا ريم الله يسترك.. 

ــــــــــــــــــــــــــــــــــــــــ 

_ وجوه القاعه قرب ممدوح من باباه اللي كان بيرقص مع كامليا وقاله.. 

ممدوح 

بابا اتفضل اقعد عشان الخشونه ما تزيدش عليك يا حبيبي.. 

رشاد 

والله واسيب القمر ده لوحده.. 

ممدوح 

ما خلاص بقي يا حج عرفنا انك روش اتفضل بقي.. 

رشاد قال لكامليا اللي بتضحك

معلش يا بنتي بس انا ما كنتش معاهم وما عرفتش اربيهم.. 

كامليا بصوت واطي 

سيبها عليا انا المهمه دي.. 

رشاد بصوت واطي 

خلاص يبقي الاعتماد عليكي وانا هقعد بقي لاني تعبت بجد. من الوقفه.. 

مشي رشاد وممدوح قالها

شوفتي اعرفك من اد ايه ولا مره قربت منك زي ما ابويا عمل كده.. 

كامليا ابتسمت وقالت

عشان ما بتفهمش ياريتك زي اونكل رشاد كده.. 

ممدوح مسك ايدها وقرب منها بهدوء وقال

ما انا وارثه برضو انتي نسبتي انه ابويا.. 

اتوترت كامليا من قربه منها وهو قال بهدوء

هو فعلا قربي منك ده غلط بس اوقات كتير بيكون الغلط ده في لحظته حلو اوووي.. 

كامليا بصتله بحزن وقالت

بس مدام قولت عليه غلط يبقي هتندم عليه بعدين.. 

جات تبعد عنه بس هو قربها ليه اكتر وقال

مش هلحق اندم يا كامليا عشان هتجوزك سواء بقي رضيتي او لا انا هتجوزك.. 

كامليا بدموع 

هو انت بتحبني بجد يا ممدوح ولا لا؟...

ممدوح 

لا هتجوزك شفقه عشان صعباانه عليا.. 

كامليا 

ليه ان شاء الله هو انا يعني.. 

ممدوح 

يا غبيه هو في واحد هيتجوز واحده من غير ما يحبها، ممكن ما اكونش بحبك زي ما انتي بتحبيني بس مع الوقت انا واثق اني هعشقك..المهم انتي موافقه.. 

ابتسمت كامليا وقالت 

ايوه موافقه يا ممدوح.. 

ــــــــــــــــــــــــــــــــــ

_ وفي اوتيل حلو جدا علي النيل.. 

كانت ريم ما احمد هناك وهي قاعده بتاكل وقالتله.. 

ريم 

مش معقول يا حموكشه الاكل هنا جباااار ولا البط انا اول مره اكل بط بالحلاوه دي.. 

احمد 

انتي جيبتي حموكشه دي منين؟.. 

ريم 

من رباب هي بتقول عليك كده.. 

احمد بغيظ

منه لله اللي عرفكم علي بعض كنت ناقص انا، وبعدين انا حاجز احلي جناح هنا في الاوتيل ومتظبط من كل حاجه وانتي اللي لفت نظرك البط وبس.. 

ريم بطلت اكل وقالت 

لا طبعا اوعي تفتكر اني بتاعت بطني انا بس كنت جعانه، وبعدين ما انا عارفه انت هتعمل ايه دلوقتي قريته في مليون روايه علي الفيس قبل كده.. 

احمد 

ما هو ده السبب، منهم لله خلو دماغك عايشه في مكان غير اللي احنا عايشين فيه.. 

ريم قعدت جنبه وقالت 

بالعكس ده انا مش هتعبك خالص اهو وفاهمه اللي انت عايزه.. 

احمد ابتسم وقال

بجد ده ياريت، قوليلي بقي انا ايه اللي ناوي اعمله.. 

ريم 

مش العلبه اللي علي السرير دي فيها فستان فرح وانت هتخليمي البسه ونعمل فرح بينا وبين بعضينا كده عشان احنا اتجوزنا من غير فرح.. 

احمد بغيظ 

اممم هو فعلا ده بيحصل في الرويات بس في الواقع انا اتجوزتك اجيبلك فستان فرح ليه.. 

ريم 

عشان انا بنت ونفسي البس فستان فرح وعيني كانت هتطلع علي رباب النهارده وهي عروسه.. 

احمد بحده

اهو اللي حصل يا ريم وانا جاي هنا وجايبك معايا عشان اقضي شهر العسل اللي اتحرمت منه وبس... 

ريم بغيظ 

ما تعليش صوتك عليا وبعدين مدام العلبه دي ما فيهاش فستان فرح اومال فيها ايه؟.. 

احمد غمزلها وقال

فيها قميص نوووم ودلع بقي وحاجات.. 

ريم وقفت وقالت بحده 

نعم نعم نعم نعم فيها ايه يا عينيا.. 

احمد بصدمه 

ايه الطريقه دي يا بنت الناس يا محترمه منك لله يا رباب انا عارف دي طريقتها.. 

ريم بعصبيه 

بقي انت مش راضي تعملي اللي انا عايزااه وتفرحني وتجيبلي فستان فرح وجايب حاجه لنفسك.. 

احمد وقف وقالها

ليه يا اختي هو انا اللي هلبسه ولا انا اللي هلبسه مثلا؟.. 

ريم 

بس انا هلبسه ليك انت ومش هكون مبسوطه لاني مش بحب البس الحاجات دي.. 

ضربها احمد علي وشها كذا مره بهدوء وقال

تتعودي يا ماما ما انا مش متجوز خالتي نبويه.. 

ريم قعدت علي الكنبه واتربعت وقالت 

انت ليه بتعمل فيا كده، ليه ديما مصمم تقفلني منك وتخليني اتخانق معاك.. 

احمد اتنهد وقال

قومي يا ريم الله يسترك غيري هدومك وما تبوظيش اليوم.. 

ريم بحده 

لا يا عينيا هو اليوم بايظ لوحده وما دام مش بتقدر طلباتي انا مش هنفذلك طلباتك والبتاع اللي انت جايبه ده بله واشرب مايته.. 

احمد بحده 

لا ما هو غصب عن اهلك هتنفذي اللي انا عايزه وفي كل حاجه في حياتنا عشان انا زهقت منك بجد.. 

ريم بعصبيه 

لا والله ومدام زهقت اووي مني كده ما تخليك راجل وتطلقني.. 

احمد مسكها من قفاها وقال

لمي لسانك بدل ما ادفنك هنا، انا راجل غصب عنك يا بت انتي ومس هطلقك.. 

ريم ذقته وقالت

ايوووووه باااان علي حقيقتك انت عايز تضربني طيب طلقني يا احمد انا مش عايزه اعيش معاك بس.. 

_ وفضلو هما الاتنين يتخانقو.. 

ــــــــــــــــــــــــــــــــــــــــ 

_ وبعد سنتين.. 

في السجن دخل كمال وفتحي اوضة الزياره وكان احمد قااعد ومبتسم.. 

فتحي 

خير جاي عايز ايه؟.. 

احمد

جاي اشمت فيكم واطمنكم علي الحبايب.. 

وقف احمد قدامهم وقال

انا وريم خلاص كلها ايام وهيبقي عندنا أواب ابننا، وممدوح سافر مع كامليا مراته عشان يحضرو فرح اخوها وبقي من احسن رجال الاعمال في مصر، وحمايا العزيز الراجل المحترم بقي قاعد وسط ولاده وفي اخر راحه وبيجي اخر اسبوع في كل شهر بيقضيه معايا انا وريم، وانتو بقي طمنوني عليكم يا عيال بتاخدو علي قفاكم كويس جوه ولا لا؟.. 

كمال 

انتو مش عملتو اللي عايزينه سيبونا في حالنا بقي.. 

احمد

عيب عليك يا كيمو انا لازم كل فتره اجي وازوكم ده انتو ليكم فضل كبير اني اتجوز ريم وممدوح يختار صح ويتجوز البنت اللي هتريحه.. 

فتحي بعصبيه 

انا عايز امشي من هنا مشوني من قداااامه.. 

احمد 

حلو اوووي ان شاء الله زياره في التانيه وهتتشل مني او هتتجلط المهم تخصلك حاجه تفرحني فيك اكتر، يلا بقي همشي انا خلو بالكم من بعض وما تعملوش مشاكل هنا احنا ولادنا متربيين.. 

_ قال كلامه وطلع بره القسم خالص، وقرب ما يركب عربيته موبيله رن برقم ريم.. 

رد عليها وقال

ايوه يا حبيبتي معاكي... 

ريم بصراخ

انت فين يخربيت امك انا بولاااااااااد.. 

احمد اتفزع وقال

بتولدي ازاي هو مش لسه فاضل كام يوم.. 

ريم ببكاء

اعمل طيب دلوقتي انا مش عايزه اولد خالص اصلا انا بموت يا احمد.. 

احمد بقلق 

طيب اهدي يا حبيبتي وانا هكلم ماما وطارق هخليه يجيبلك الاسعاف وانا جاي حالا.. 

ريم ببكاء وصراخ 

وانت فين بتخوني مش كده طلقني يا احمد.. 

احمد بحده 

هو ده وقته يا ريم.. 

ريم بعصبيه وبكاء 

بقولك طلقني يا خاين يا بتاع النسوان.. 

احمد اتنهد وقال

حاضر يا ريم هطلقك بس اهدي كده وبعد ما تولدي هطلقك.. 

ريم ببكاء

انت ما صدقت بقي، عايز تطلقني عشانها بقي انا طلعان عيني عشان اجيبلك ابنك وانت بتفكر تطلقني.. 

احمد بحده 

اعمل لامك ايه طيب اعملك ايه.. 

ريم ببكاء

انت بتزعقلي ليه منك لله ربنا ينتقم منك علي اللي بيحصل فيا ده.. 

_قفل احمد في وشها وكامن طارق ومامته...

ــــــــــــــــــــــــــــــــــــــــ 

_وبعد شويه. في بيت طارق.. 

دخل شقته وكانت رباب قاعده بتتفرج علي التلفزيون وهي ماسكه طبق فاكهه كبير وبطنها كبيره قدامها.. 

طارق 

عامله ايه يا حبيبتي.. 

رباب 

كويسه، ريم بقيت كويسه ولا لسه تعبانه.. 

طارق 

لا كويسه اصلا ولدت طبيعي.. 

رباب

طيب كويس عايزين بقي نروح نباركلهم.. 

طارق 

ان شاء الله، قوليلي بقي ايه موضوع اننا هنقعد عند ماما ده.. 

رباب 

بص يا سيدي انت بقيت تدفع ايجار كبير في العياده بتاعتك، وكمان المصاريف كترت اووي عليك فانا وانت هنروح نقعد مع امي وامك هناك ونفتح العياده هنا .. 

طارق 

انتي جدعه اوي يا رباب ومن حسن حظي اني اتجوزتك وبقيتي مراتي.. 

رباب 

طبعا هو انت كنت هتلاقي في حلاوتي اصلا.. 

حضنها طارق وقال

طبعا لا يا قلبي، رباب كنت عايز اقولك علي حاجه حصلت النهارده في المستشفي بس خايف تزعلي.. 

رباب

عارفه ساره رجعت واحده صحبتي كلمتني وقالتلي عشان تغيظني وكده.. 

طارق 

انا هسيب المستشفي وو.. 

رباب

لا طبعا يا طارق انا واثقه فيك انك عمرك ما هتزعلني وبعدين  هي بقيت ست متجوزه وانت متجوز واللي حصل ده كان زمان وكل يوم بيعدي علينا بيغير فينا كتير. انت اكيد ما بقاش اللي جواك ليها زي زمان.. 

طارق 

بسم الله مشاء الله كبرتي وعقلتي يا حبيبتي.. 

رباب 

يا رخمم انا من يومي عاقله.. 

طارق 

ثقتك دي فوق راسي يا رباب وانتي مستحيل تكوني مع حد ويشوف غيرك... 

_ما اجمل تلك الصدفه التي جمعتني بكَ، لتكون انت العوض عن كل حزن اصاب قلبي... 

ــــــــــــــــــــــــــــــــــــــــ 

_ وفي المستشفي.. 

كانت ريم في نايمه علي السرير الطبي وجنبيها بيبي صغير وقاعده جنبيها الهام وقصادهم رشاد ومعاه عزيز وعليااء .. 

الهام 

حمد لله علي سلامتك يا حبيبتي.. 

علياء

البيبي شكله قمر اوووي.. 

عزيز 

هتسموه عزيز مش كده.. 

ريم بصت لالهام وقالت

بقولك ايه سكتي اخوكي انا مش طايقه نفسي.. 

رشاد

مش مهم الاسم المهم انك قومتي بالسلامه يا حبيبتي.. 

ريم بحزن 

الله يسلمك يا بابا.. 

ودخل احمد وقال

حمد لله علي سلامتك يا حبيبتي.. 

ريم بحده 

انت كنت فين ياااااه بقي اولد من غيرك.. 

احمد باحراج 

هو انا يعني اللي كنت هولدك.... 

عزيز 

انا بقول نمشي احنا يا جماعه بلاش نشوف احمد وهو بيتهزأ اكتر من كده.. 

رشاد 

وانا كمان همشي هبقي اجيلك البيت الصبح يا ريم.. 

ريم 

ما تجيش با بابا انا هبقي اجيلك انت قادر تمشي.. 

رشاد 

ما انا لو كنت ربيتك ما كنتيش هتقولي كده، انا غلطان اني جيت او ظهرت في وشك.. 

وطلعو كلهم واحمد قالها

ينفع كده زعقتي الراجل في عيشته يا شيخه.. 

ريم لوت بوزها وقالت

ما تتكلمش معايا لو سمحت.. 

احمد قرب منها وقعد جنبيها وقال

انا اسف والله كان مشوار مهم كده كنت لازم اروحه.. 

ريم بدموع 

انا كنت تعباانه اوووي وكنت محتجالك جنبي.. 

احمد 

حقك عليا وبعدين التعب كله راااح اهو اكيد لما ابننا جه.. 

ريم ببكاء 

لا ده كلام وخلاص انا تعبانه لسه والله وبعدين بطني لسه كبيره هو انا هفضل طول عمري بكرش كده.. 

ضحك احمد وقالها

لا يا حبيبتي مع الوقت هتخس، المهم هاتي أواب انا عايز اشوفه.. 

ريم بغيظ 

مش عايزه اشوفه وزعلانه منه شوفت من اولها تعبني ازاي.. 

احمد 

والله انا مش عارف انتي ازاي بقيتي ام يا ريم... 

_وقام احمد قعد جنبيها من ناحية ابنهم وشاله علي ايده وقالها.. 

احمد بدموع 

بسم الله ما شاء الله يا ريم شكله وي القمر بصيله كده.. 

بصت ريم لابنهم وقالت بصدمه 

منك لله يا احمد ايه ده؟.. 

احمد بقلق

في ايه يا ريم.. 

ريم 

شايف مناخيرك اللي طلعت في الواد يعني اوحش حاجه فيك هي اللي هتطلع في ابني... 

احمد بغيظ 

مالها مناخيري يا ريم ما تتلمي ما انتي بقيتي بكرش اهو ومش متكلم.. 

ريم بحده

ما هو بسببك انت وابنك بس شكله فعلا امور اووي، بقي ده بتاعي انا لوحدي.. 

احمد 

بتتكلمي علي الواد وكأنه سندوتش كفته.. 

_ ضحكو هما الاتنين وكملو حياتهم في مشاكل وضحك وهزار، وبرغم اختلاف شخصياتهم الا ان الاختلاف ده هو اللي جمعهم وخلاهم يكملو بعض... 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

تعديل المقال