روايات حصرية
0

رواية عشقت وردتي البنفسجية كاملة جميع الفصول بقلم سلمي تامر

ahmed
اخر تحديث :

رواية عشقت وردتي البنفسجية كاملة جميع الفصول بقلم سلمي تامر


رواية عشقت وردتي البنفسجية كاملة جميع الفصول هى رواية من تأليف المؤلفة المميزة سلمي تامر رواية عشقت وردتي البنفسجية كاملة جميع الفصول صدرت لاول مرة على فيسبوك الشهير رواية عشقت وردتي البنفسجية كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية عشقت وردتي البنفسجية كاملة جميع الفصول

رواية عشقت وردتي البنفسجية بقلم سلمي تامر

رواية عشقت وردتي البنفسجية كاملة جميع الفصول

_ريناد فيه حاجه مهمة انتِ لازم تعرفيها..انا هتجوز عليكي
ريناد سابت اللي في ايديها وبصيت لبلال جوزها بصدمة وحسيت من جواها ان قلبها هيتقطع
حاولت تخفي صدمتها دي واتكلمت ببرود ظاهري
_براحتك طبعا يابلال
انا مش ناسية كلامك وانك اتجوزتني علشان تنفذ وصية صاحبك اللي مات ووصاك عليا انا وبنته الصغيرة لأن مكنش لينا حد في الدنيا غيره
بلال بصلها بغموض واتكلم بنبرة مقدرتش تفسرها
_طب هو..هو انتِ مش هتتضايقي لو عملت كده صح
ريناد ابتسمت بكدب
_هتضايق من ايه!
ده حقك طبعا لأن جوازتنا عالورق بس ومش حقيقية
ف طبيعي انك تعوز تكمل حياتك لأنك عمرك ما حبتني
وكملت بكذب وبعدت عنيها عنه
_ولا انا حتى حبيتك..انا محبتش غير معتز الله يرحمه
بلال افتكر صاحبه اللي مات وغمض عنيه بحزن وقهر وطلع من البيت وركب عربيته وهنا نزلت دموعه واتكلم في سره
_عارفك بتكدبي...عارف انك بتحبيني وشايف ده في عينك وخوفك ولهفتك عليا بس مش هقدر..مش هقدر اكمل حياتي معاكي ونعيش حياة زوجية وانتِ في يوم من الايام كنتي مراته..كان بيحبك..هبقى بخونه واكبد مش هيبقى مرتاح في تربته
~~~
ريناد اتجرحت جدا من اللي قاله وقررت انه لما يرجع هتتطلب منه الطلاق
وبصيت في المراية واتكلمت بدموع وهمس
_هتقدري ياريناد..هتقدري تبعدي عنه..ولا هتكملي معاه وتشوفيه مع غيرك
افتكرت كل ذكرياتها القليلة معاه وقررت انها هتبقى على ذمته وتعيش لبنتها وبس وهتحاول تعتبره مش موجود في حياتها 
عدى شهر وبلال بيحاول يتجاهل ريناد واللي كانت هي كمان بتعامله ببرود 
لحد ما ف يوم رجع بلال وهو لابس بدلة وجنبه بنت جميلة جدا لابسه فستان فرح وبتبص لبلال بحب وسعاده
ريناد قامت من النوم بإنزعاج من الاصوات طلعت من اوضتها ولقيت بلال واقف وبيبصلها بغموض وجنبه البنت واللي واضح انها مراته اللي اتجوزها بتبصلها بتحدي وخبث
يتبع...
ريناد بصدمة ودموع
_انت اتجوزت بجد!!
بلال جوزها اتوتر جدا من نظراتها وحس بشوية ندم انه عمل كده
لكن ريهام مراته الجديدة اتدخلت بحدة
_اه يحبيبتي اتجوز بجد اومال مفكراه بيهزر!
وبعدين انا وهو بنحب بعض من زمان وكنا هنتجوز لكن لما جوزك مات بلال اضطر انه يتجوزك علشان يحميكي انتِ وبنتك وينفذ وصية صاحبه
من الآخر اتجوزك شفقة
_بس ياريهام 
صرخ بيها بلال وهو بيبص لريهام بحدة وهي بصتله بتذمر وملل
رجع بص تاني لريناد اللي بتبتسم بألم 
_ده انت حكيلها كل حاجة بقا ،عمتا متقلقش يابلال انا هريحك مني خالص 
بلال بإرتباك
_ريناد انا..
ريناد قاطعته وهي بتجري بدموع على اوضتها
وبلال رجع بص لريهام بعصبية وشدها من ايديها على اوضتهم الجدية
_ايه اللي انتِ قولتيه ده ياريهام  
ريهام بإستنكار
_ايه غلط!
مهي دي الحقيقة انت اتجوزتها شفقة فعلا وخلاص كفاية كده بنتها كبرت والمفروض تطلقها بقى 
بلال قعد عالسرير وفكر بحزن..هل هيقدر يطلقها..هيقدر يسيبها بعد ما اتعود على وجودها في حياته..هيقدر يدخل البيت وهي مش فيه!
رجع بص لريهام وحس بندم كبير جدا انه اتهور واتجوزها  
طلع من اوضة بغضب وضيق وساب البيت ومشى 
~~
تاني يوم بلال رجع ودخل اوضة ريناد يحاول يراضيها واتصدم لما لقاها مش موجودة في البيت كله هي وبنتها!!!!!
بلال اتعصب جدا لما ملقاش مراته وبنتها لارا في البيت وخاف عليهم جدا وحاول يتصل بيها لكن تليفونها مقفول
رمى التليفون بغضب 
_يعني روحتي فين 
قعد عالكنبة بعجز ومسك دماغه بإيده واتكلم بدموع وهمس
_ شكلي ضيعتها..ضيعتها من ايدي
قام فجأة وبدأ يكسر في البيت كله وهو بيصرخ بقهر
_انا بني آدم غبي غبي
ريهام صحيت بفزع ونزلت من اوضتها ولقيت حالة بلال كده 
قربت على جوزها بخوف
_حبيبي اهدى فيه ايه مالك
بلال بصلها بعيون حمراء واتكلم بصوت عالي
_انتِ السبب انتِ اللي قولتلها كلام زي السم علشان كده هربت مني وسابتني
ريهام بصتله بإستنكار وسخرية
_لا ياشيخ!
انت مصدق نفسك والكلام اللي بتقوله!
طب اسمع بقا محدش ضربك على ايدك وقالك اتجوز عليها 
بلال هز دماغه بتأكيد على كلامها
_بالظبط كده
انتِ صح 
علشان كده لازم اصلح غلطتي واطلقك
ريهام بصدمة
_تطلقني!
هتطلقني يابلال يوم صباحيتنا
وكملت بصراخ
_هتسيبني لكلام الناس وتجريحهم فيا للمرة التانية!
اول مرة لما معتز صاحبك مات يوم خطوبتنا وسبتني في القاعة لوحدي وبعدها جيتلي و نهيت علاقتنا وقولتلي كل شئ قسمة ونصيب 
وبعدها بسنه اتجوزت ريناد هانم
دلوقت برضو عايز تسبني واحنا مكملناش يومين جواز علشان برضو ريناد هانم
عيطت وصرخت بقهر
_هو انت بتعمل فيا كده ليه!
هو انا كمان مش بني آدمة وليا مشاعر!
ليه جتلي من الاول وطلبت تتجوزني بعد مانهيت معايا طالما بتحبها كده
بلال سكت ومعرفش يرد..هي معاها حق في كل كلمة قالتها
 قرب منها وباس دماغها واتكلم بأسف
_انا اسف..حقك عليا
انا بس متلغبط اليومين دول ف تلاقيني بقول كلام من غير قصدي
ريهام سابته وطلعت اوضتها وهو طلع اوضته القديمة ودخل اخد شاور وغير هدومه وقرر انه يدور على ريناد ويرجعها 
عدى يومين واخيرا بلال عرف مكانها واللي كان في قريتها القديمة واللي كانت عايشة فيها قبل ما أهلها يموتوا 
في الوقت ده كانت ريناد ماسكه طبق وبتأكل بنتها اللي عندها ٤ سنين
_يلا يا لولو اخر معلقة ياحبيبتي
لارا بتذمر ونعاس
_مامي انا عايزة انام خلاص مش قادرة آكل
وفين بيلو وحشني اوي
ريناد سرحت بحزن في بلال وقلبها وجعها جدا لما افتكرته لكن رجعت بصيت ل لارا بحنان وابتسامة
_حبيبتي ممكن تنسي اي حاجه ومتفكريش غير في ماما حبيبتك
لارا بحزن
_بس انا عايزة بلال يا مامي وحشني اوي
شوية وريناد نيمت لارا بالعافية وقعدت عالكنبة   ومسكت مشروبها الدافي وشغلت اغنية قديمة وحزينة لأم كلثوم وسرحت في كلامها ودموعها نزلت
اتنفضت بخوف لما الباب خبط وحطيت الكوباية على الترابيزة اللي قدامها وسحبت حجابها وحطيته على شعرها بإهمال ووقفت ورا الباب
_مين
_لا رد
_قول مين يإما مش هفتح
_افتحي يا ريناد انا جوزك 
قلبها اتنفض بعنف لما سمعت صوته 
ادعت القوة وفتحت الباب لقيته واقف قدامها وعنيه حمرا وملامحه حزينه وشعره متبعثر..كان شكله وسيم جدا حتى رغم بهدلته دي وبيبصلها بعشق وندم وحزن 
فاقت من تأملها ليه لما لقيته سحبها لحضنه بعنف ودفن راسه في رقبتها وقفل الباب بإيده التانيه واتكلم بهمس وشوق
_وحشتيني..وحشتيني اوي يا ريناد
ريناد اتوترت جدا من قربه لأنه اول مره يكون قريب منها بالشكل ده رغم انهم متجوزين بقالهم تلت سنين
حاولت تبعده عنها بضعف لكن لقيته ماسك فيها وبيعند اكتر 
_متبعدنيش عنك يا ريناد..انا ماصدقت لقيتك 
ربناد استسلمت بضعف ودموع واتكلمت بحزن
_عايز مني ايه يابلال..مش انت متجوزني شفقة وعلشان تنفذ وصية صاحبك
بلال اخيرا بعد عنها وبص في عنيها واتكلم بنبرة لأول مره تسمعها منه وكانت كلها حزن وندم
_انا غبي..غبي وتفكيري متخلف وكنت هضيعك مني بسبب غبائي 
قعد عالكنبة واتنهد واتكلم بإعتراف
_معتز الله يرحمه صاحبي من واحنا اطفال
ولما كبرنا وهو عرفك كان كل يوم بييجي يحكيلي قد ايه هو بيحبك وبعدها اتجوزك وكان هيطير من الفرحة
لما عمل الحادثة بعربيته وهو راجع من اسكندرية جريتله عالمستشفى ولقيته بي..بيموت
نزلت دموع بلال جامد واتكلم حزن 
_اخر كلامه قالي ريناد ولارا امانة في رقبتك
بعدها خلاص روحه راحت 
لما اتجوزتك وعيشنا مع بعض لقيتني كل يوم بتشدلك اكتر من اليوم اللي قابله
بعجب بيكي وبكل تفصيلة في شكلك وشخصيتك
لقيتني بحبك ياريناد من غير ما احس
حسيت اني بخونه..بخونه بتفكيري فيكي ومشاعري نحيتك
وكمل بنفي
_بس لأ..انا متأكد انه مش هيزعل مني لما اقرب منك..اكيد هيفرح لينا لما يلاقينا مرتاحين وعايشين مع بعض في سلام ومعانا بنتنا
وبصلها ومسك ايديها
_انا اسف..اسف بجد ونفسي تديني فرصة تانية وانا اقسم بالله هحاول بكل قوتي اني اصلح التخلف اللي عملته 
ريناد بصتله بتردد مبقتش عارفة تعمل ايه
بلال بترجي
_فرصة واحدة بس علشان خاطري!
ريناد بتردد
_وريهام!
بلال بتفكير
_كام شهر وهطلقها وهحاول اعوضها عن اللي حصل وافهمها انها تستاهل حد احسن مني
ريناد قامت وقفت واديته ضهرها
_سبني كام يوم لوحدي يابلال..ولما احس اني قادرة ارجعلك هجيلك
بلال قام وقف واتكلم بنبرة حزينه
_ماشي ياريناد مش هضغط عليكي..بس صدقيني انتِ كده بتموتيني بالبطئ لأني بتعذب في بعدك
مشى بلال بخطوات بطيئة ناحية الباب وريناد بتبصله بتردد وفجأه لقيت نفسها بتجري عليه وتحضنه من ضهره بلهفة وحب
وقف بلال وابتسم بصدمة من ردة فعلها ولف بسرعة ليها وبادلها حضنها بحضن اكبر 
وقضوا اليوم مع بعض وبقيت اخيرا مراته قولا وفعلا
~~~
بعد فترة
_بقولك ابنك رجعها وكل اللي خططناله فشل وعايز يطلقني  تقوليلي اهدي
_اه اهدي علشان نعرف نفكر وتغور من حياته ، بصي انا راجعة وهخلي بلال شخصيا هو اللي يرميها من البيت
_ده ازاي ان شاء الله
اتكلمت بشر
_هتهمها بالسرقة وهخليها حرامية في نظره
يتبع...
الباب خبط
ريناد كانت قاعدة قريب منه وراحت فتحته ولقيت هالة حماتها واقفة
ابتسمت ورحبت بيها وهالة رديتلها البسمة بإصطناع
_اذايك يا ريناد ياحبيبتي
_الحمد لله ياطنط ، حمدالله على سلامة حضرتك
هالة بإبتسامة
_الله يسلمك ، نادي على سعاد تطلع الشنط اوضتي
سعاد طلعت الشنط اوضة عالة وقعدت تتكلم مع ريناد شوية 
_ريناد انا جبتلك عقد من البلد اللي كنت فيها 
هتلاقيه في شنطتي فوق خديه يحبيبتي
ريناد بإحراج
_شكرا ياطنط والله مفيش داعي
هالة بإستنكار
_مفيش داعي ازاي يعني ده انتِ زي بنتي يارودي
ريناد ابتسمت وسابتها ودخلت الاوضة بتاعتها وفتحت شنطتها ولقيت علبة فيها العقد..عجبها جدا واخدته ودخلت اوضتها تقيسه 
~~
بليل رجع بلال من شغله ورحب بوالدته جدا وراح لريناد بإشتياق وحضنها بحب
_وحشتيني
ريناد بإبتسامة
_وانت كمان يحبيبي  ، احكيلي بقا يومك كان عامل ازاي
فجأة هالة صرخت جامد وبلال جرى على اوضتها بخضة ووراه ريناد
_مالك ياماما فيه ايه 
هالة ببكاء وصريخ
_العقد..العقد الألماظ اللي جيباه من السفر
اتسرق يابلال
ريهام دخلت الاوضة واتدخلت بسرعه قبل ما ريناد تتكلم وكانت ماسكه تليفونها
_انا عارفه ياطنط مين اللي سرقه ومعايا فيديو ليها كمان
وبصيت لريناد بإشمئزاز واضح
_مش مصدقة بجد ان انتِ طلعتي حرامية وايدك طويلة..يع بجد
ووريتلهم الفيديو وهي بتبص لريناد بشماتة
هالة بصراخ
_هي حصلت مراتك تسرقني يا بلال
ريناد بصدمة 
_نعم!
ايه الهبل اللي بيحصل ده 
مش انتِ ياطنط اللي عطتهولي
هالة بصدمة مصطنعة
_انا ياكدابة!
حسبي الله ونعم الوكيل فيكي
بلال بص لريناد بغضب واحراج منها
_ليه كده ياريناد...لو كنتي محتاجة حاجة كان المفروض تقوليلي مش تعملي كده!
يتبع...
ريناد برقت عنيها واتكلمت بصدمة
_بلال انت مصدق الكلام ده !
وكملت بصراخ:
بتصدق ان مراتك حرامية 
هالة بحدة
_بقولك ايه يابت متعمليش الشويتين دول على ابني ياروح امك ما احنا شايفينك يختي وانتِ داخلة الاوضة وطالعة بالعقد وجريتي بيه على اوضتك ايه هتكدبي عنينا ياحرامية ياكدابة
بلال لوالدته بحدة
_ماما لو سمحتي خلاص اقفلي الموضوع ده وانا هرجعلك عقدك
ريهام حسيت ان بلال بدأ يحن ف اتدخلت بغضب
_هو انت لسه هتخلي البني آدمة دي على زمتك يا بلال!
بلال بصلها بإستغراب
_و انتِ مالك اصلا لو سمحتي متدخليش دي مشكلة بيني وبين امي ومراتي وهنحلها 
ريهام بحدة
_والله طب منا كمان مراتك
بلال بإبتسامة مصطنعة
_مؤقتا..مؤقتا وهتطلقي ريحي نفسك
رجع بص لريناد اللي كانت لسه بتبصله بصدمة ودموع..معقول قدر يصدق أنها ممكن تعمل كده
توقعت انه هيثور فيهم..هيقولهم لأ طبعا مستحيل مراتي تعمل كده..لكن ده صدق بكل بساطة ومصدقش كلامها
بصيتله بكره ونفور لاول مرة بسبب ضعف شخصيته وطلعت على اوضتها بكل هدوء
بلال بص عليها وهي بتطلع وماشية بحزن وانكسار وقلبه وجعه جدا وكان لسه هيطلع وراها لكن لقى ايد والدته بتمسكه بحده
_رايح فين
بلال 
_فيه ايه ياماما انتِ كمان ماسكاني كده ليه
هالة بحدة
_عايزاك تاخد موقف يخويا مع الحرامية اللي فوق دي بدل ما كل ماتتنيل تزعل تجري وراها وتصالحها حتى لو غلطانة
بلال بغضب
_مخلاص بقا ياماما ايه هنعلقلها حبل المشنقة..ممكن متقصدش
هالة ضحكت بسخرية
_متقصدش!
ياظالمة ياهالة شوفتي البت بعينك وهي بتسرقك وطلعتي ظلماها برضو
بلال تفكيره اتشوش ومبقاش عارف يعمل ايه كالعادة
سحب ايده من ايدها بعنف وطلع ورا ريناد
لقاها بتلم هدومها وبتحضر نفسها انها تمشي
جرى عليها بخوف من فقدانها
_ايه ده انتِ بتعملي ايه
ريناد بهدوء 
_هسيبك وامشي..ميرضنيش تعيش مع واحدة حرامية
بلال برفض
_لأ طبعا هتمشي تروحي فين انتِ مش هتطلعي من بيتك
ريناد بصتله وابتسمت بسخرية
_بيتي !
بيتي اللي انت متجوز فيه واحدة تانيه
ولا بيتي اللي انتوا سرقتوني فيه
كملت بغضب وحسرة
_ده مش بيتي..انا بقيت بكرهك وبكره ضعف شخصيتك وبكره بيتك وكل حاجة تخصك
بلال اتكلم بألم وغضب من كلامها
_انا ضعيف ياريناد!
وبقيتي من يوم وليلة بتكرهيني
ريناد هزيت راسها بتأكيد واتكلمت بنبرة لأول مره يسمعها منها
_اه انا بقيت بكرهك..واه انت ضعيف الشخصية ومتهور ومتسرع وانا مقدرش اعيش مع بني آدم بالشكل ده
سحبت شنطتها وشديت ايد بنتها ونزلت بغضب وبلال وراها بينادي عليها
تجاهلته ولقيت هالة واقفة وبتبصلها بخبث وشماته
راحتلها واتكلمت بكره 
_تسمحيلي اقولك انك بني آدمة كدابة وخبيثة ومريضة ومحتاجة تتعالجي..آااه
لقيت نفسها بتتلف وبتضرب بالقلم بعنف
بصيت للي عمل كده لقيته بلال وبيبصلها بنظرات اول مره تشوفها من عنيه
يتبع....
حطيت ايديها على خدها اللي بلال ضربها عليه بعنف وبصتله بصدمة ودموع وبعدها بصيت على هالة وريهام اللي بيبتسموا بشماتة
ابتسمت بسخرية وحزن وزهول
_بت..ضربني !
بلال بغضب وحدة
_واك..سر دماغك كمان طول ما انتِ مش محترمة امي وبتطولي لسانك عليها ياقليلة الادب 
هالة بفخر وهي بتطبطب عليه
_حبيبي ياغالي يا ابن بطني ، ايوه كده عرفها مقامها الحراميه دي
اتنهدت ريناد ومسكت شنطتها وفي ايديها التانيه مسكت بنتها اللي بتبصلها بحزن ودموع لما شافت بلال ضربها وبصيت لبلال بكره 
ريناد بصيت في عنيه واتكلمت بهدوء ونبرة حزينه 
_مكنتش اتمنى علاقتنا تنتهي كده وبالشكل ده..مكنتش اتمنى اصلا انها تنتهي
مش عارفة انا عملت ايه غلط علشان يحصل معايا كل ده
كل اللي عملته اني حبيتك وكان كل حلمي اني اعيش معاك ونعمل اسرة مع بعض ونعيش في هدوء وسعادة ، لكن انت دمرت كل حاجة يابلال
دموعها نزلت وكملت بألم
_دمرت كل حاجه ودمرتني وكسرت حاجة جوايا  حاجة عمرها ما هتتصلح
قبل ما امشي انا عايزاك تعرف انك ظلمتني واني مش مسمحاك
واقسم بالله وحياة بنتي انا مسرقتش حاجه ووالدتك هي اللي قالتلي هاتي العقد من شنطتي
وبصيت لريهام وبعدين بصتله تاني واتكلمت بغضب 
_وبعدين مسألتش نفسك ازاي ريهام كانت محضرة الكاميرا وصورتني بالسرعه دي!
مفكرتش انها ممكن تكون متفقة مع والدتك عليا ،
اكيد مفكرتش لأنك اغبى من كده يابلال
بلال ارتبك شوية لما قالت كده وبص لريهام ولوالدته ولاحظ نظراتهم المتوترة وهما بيبصوا لبعض رجع بص لريناد بخوف انه يكون ظلمها فعلا بس بعدها طرد الافكار دي من دماغه وفكر انه مستحيل والدته تعمل كده لأنها مش هتستفاد حاجة 
ريناد سابت ايد لارا واتقدمت خطوتين نحيته لحد ما بقيت قدامه بالظبط واتكلمت بهدوء
_قبل ما امشي فيه حاجة انت عطيتهالي دلوقت ولازم ارجعهالك
بلال بصلها بإستغراب وتساؤل
ولقى قلم نازل على وشه منها 
وهالة وريهام شهقوا بعنف وهو حط ايده على خده بصدمة وبصلها بغضب
ابتسمت بشماتة ورجعت مسكت ايد بنتها 
واتكلمت بكره ليهم كلهم
_قسما بالله لهندم كل اللي أذاني وظلمني ، وعلى فكرة يابلال انت هتندم على كل اللي عملته معايا لما تعرف حقيقة اللي حواليك..لكن ساعتها مش هتلاقيني جنبك ولما ترجعلي هقفل الباب في وشك 
سامحتك مره ودي كانت اكبر غلطه انا عملتها علشان كده انا بدفع تمنها دلوقت 
كنت مفكراك راجل لكن انت محصلتش حتى طفل
بصتلهم بإستحقار وطلعت من البيت 
هالة بصراخ
_انت هتسيبها تمشي بالسهولة دي بدل ما تمسكها وترنها علقة علشان القلم اللي ادتهولك والكلام القذر اللي بتقوله
بلال بصلها  ورجع بص للمكان اللي خرجت منه ريناد ولارا 
_كل حاجة بينا انتهت ياماما خلاص..سبيها تروح مطرح ما هي عايزة مبقتش تفرق خلاص 
وطلع اوضته بهدوء 
ريهام جريت على هالة حضنتها بفرحه 
_شكرا ياطنط..شكرا بجد
هالة بإبتسامة
_العفو ياروح قلبي ، عايزاكي بقا توريني شطارتك وتطلعي للواد تدلعيه وتفرفشيه كده وتنسيه البومة اللي اسمها ريناد دي
ريهام هزيت دماغها بموافقة وطلعت فعلا لبلال 
وهالة قعديت عالكرسي بإنتصار واتكلمت في سرها
_واخيرا خلصت منك..بقا ابني انا يقضي حياته مع واحدة زيك ولا حسب ولا نسب ومشيلاه همها وهم بنتها ومخلياه زي الخاتم في صباعها !!
يلا اديكي غورتي ف داهية وخلصنا منك وبقا مع واحدة احسن منك بمراحل ومن عيلة كبيرة تنفعه ويعرف يستفاد منها كويس
~~~~~
ريهام طلعت لبلال اوضته واللي كان قاعد عالسرير سرحان وملامحه حزينه ونظراته تايهة 
قفلت الباب وقربت منه وقعدت جنبه ومسكت ايديه واتكلمت بحب
_متزعلش نفسك..صدقني هي مستاهلكش وانت خسارة فيها
بلال بصلها بحزن
_سبيني لوحدي ياريهام
ريهام برفض
_لأ يابلال مش هسيبك لوحدك..مش هسيبك اصلا تاني
احنا مكتوبين لبعض يابلال وصدقني لو لفيت الدنيا كلها مش هتلاقي حد يحبك قدي..تعالى نبدأ حباة جديدة من اول وجديد مع بعض  وانسى كل اللي فات وطلق ريناد وطلعها من حياتك
بلال افتكر ريناد ونظراها ليه اللي كلها كره ونفور وكلامها الجارح  لوالدته وانها سابته للمرة التانية بمنتهى البساطة
اتكلم في سره بغضب
_هنساكي ياريناد..هنساكي وهطلعك من حياتي طالما انا مش عاجبك وشايفاني ضعيف وغبي ومش راجل  ومحترمتنيش ولا احترمتي والدتي وهبقى مع اللي بتحبني فعلا وشايفاني كل حاجة في حياتها 
بص لريهام اللي بتبصله بعشق
ومسك وشها بإيده وبدأ يقرب منها وهو بيحاول ينسى ريناد
~~~~~
ريناد كانت ماشية مع لارا وعنيها كلها دموع وقلبها واجعها من الظلم اللي اتعرضتله
مأخدتش بالها من العربية اللي جاية ناحيتهم بسرعة واللي سايقه مش عارفه تتحكم فيها 
فجأه العربية خبطت ريناد ولارا و.....
يتبع..
ريناد بصيت للبنت اللي خبطتها بتعب وهي قاعده على سرير المستشفى ودراعها متجبس وجنبها لارا اللي محصلهاش حاجه لأن ريناد هي اللي خدت الضربة
_يبنتي خلاص بقا دي عاشر مره اقولك محصلش حاجه
وكمان لارا كويسة وانا بس اللي خدت الضربة اهدي بقا وبطلي عياط
الباب خبط وبعدها اتفتح بعنف ودخل شاب   وراح ناحية البنت اللي خبطت ريناد
_ايه يا اميرة يا حبيبتي ما ترحمي اللي خلفونا مش كل يومين تعمليلنا حادثة عليا النعمة لأدغدغلك العربية
اميرة ببكاء
_مش وقت هزارك يا يوسف سبني في اللي انا فيه ده انا كنت هروح فيها
يوسف بص لريناد اللي بتبصله بتساؤل وابتسم بإعجاب من جمالها وعرفها بنفسه
_مساء الخير..انا يوسف فريد محامي وعندي مكتب محاماة متواضع كده وعندي سبعه وعشرين سنه ولأ مش متجوز ولا حتى خاطب اطمني ياستي
ريناد بإستغراب
_افندم!
اميرة اتدخلت بحدة وكلمته بهمس
_يابني  آدم انت بتهبب ايه بتهبب ايه ده وقته
ووجهت كلامها لريناد
_ده اخويا الصغير يا ريناد متاخديش على كلامه هو بيحب يهزر 
ريناد هزيت دماغها بلامبالاة
يوسف بجدية
_احنا آسفين جدا يامدام ريناد على اللي حصل واسمحيلنا نقدملك تعويض للي حصلك انتِ وبنتك
ريناد برفض
_خلاص يا استاذ يوسف مفيش داعي احنا بقينا كويسين 
اتفتح الباب بعنف ودخلت ست باين عليها في اواخر الأربعينات وبتعيط وجنبها جوزها
_ياحبيبتي يابنتي ايه اللي حصلك ياضنايا
اميره راحت ناحية امها بسرعة
_يماما اهدي ياحبيبتي فيه ايه مش انا اللي عملت الحادثة ده انا السبب فيها
فريد والدهم بص لريناد واتكلم بأسف
_احنا آسفين جدا يبنتي على اللي حصل
هند بصيت لريناد اللي قاعدة عالسرير وريت عليها بلهفة وبكاء وبصتلها هي وبنتها
_ياحبيبتي يبنتي احماغ اسفين ليكي والله ده انا همسكلك اميرة ارنها علقة 
ريناد بإستغراب من بكائها
_ياجماعه خلاص والله مفيش داعي للي بتعملوه ده انا فعلا كويسه وعايزة اطلع من المستشفى
عدى شوية وقت وريناد طلعت من المستشفى وطلبت من اميرة توصلها بيتها اللي في القرية لكن اميرة ووالدتها رفضوا جدا واصروا انها تقعد معاهم لحد ما تتحسن لأن شكلها كان تعبان وهي رفضت لكن قدام ألحاحهم اضطرت انها توافق
دخلت ريناد البيت واللي كان متكون من دورين وكبير 
طلعت اوضة اميرة ومعاها يارا ونامت عالسرير بتاعها
اميرة بأسف للمرة العشرة
_شكلك تعبان خالص ياريناد ياشيخه اللهي اتشل في ايدي اني السبب في اللي حصلك
ريناد بنرفزة
_يابنتي..ياحبيتي خلاص بقا والله كويسة
اميرة 
_طب خلاص اهدي..هو فين جوزك لازم يعرف اللي حصلكم
ريناد سرحت وافتكرت بلال وعنيها دمعت بحزن 
ورحعت بصيت لأميرة
_انا يعتبر مطلقة
اميرة بإستغراب
_مش فاهمة يعني اتطلقتي ولا لسه
ريناد فكرت شوية تحكيلها ولا لأ بس حسيت انها محتاجة تفضفض لحد علشان كده بدأت تحكي كل حاجة بحزن
اميرة بغضب
_اقسم بالله جوزك ده راجل مقرف وسلبي وضعيف..اي ده يابنتي انتِ حبيتي فيه ايه ده
ريناد بحزن
_اهو النصيب بقا
اميرة بجدية شديدة
_ريناد انتِ مينفعش تبقي على زمته كتير
انتِ لازم تطلقي علشان تعرفي تشوفي حياتك ومتوقفيهاش عليه
_عادي مش هتفرق اذا كنت على ذمته ولا لأ انا كده كده مش هعيش غير لبنتي من النهاردة واشتغل واعتمد على نفسي 
اميرة برفض
_ماشي اعملي كل ده بس برضه لازم تعيشي حياتك مع حد بيحبك وبيصونك ويعوضك عن كل اللي حصلك انا هسيبك دلوقت واجيبلك العشا وهروح اكلم يوسف يبدأ في اجرائات القضية اللي هنرفعها على النطع جوزك
~~~
بعد يومين بلال كان نازل من شغله وسمع صوت والدته ومراته جاي من الصالون 
راح عليهم لكن وقف بصدمة لما سمع ريهام بتضحك وهي بتقول
_لأ بس بجد انا منبهبة اوي بذكائك ياطنط
اصل ازاي عملتي كده وخلصتينا من الزفتة ريناد في يوم وليلة
هالة بغرور
_يابت وهو انا اي حد برضه ، ثم ان انا كنت واثقة ان بلال هيصدق كدبتنا وهيطردها علشان كده عملت كل ده
_كدبتكم!
يعني انتوا كنتوا بتكدبوا وريناد مسرقتش حاجة
ريهام وهالة بصوا لبلال بصدمة وخوف
_ب بلال انت لسه مامشيتش!
بلال بغضب لهالة
_لأ يا هالة هانم ممشيتش علشان اكتشف كدبكم وتمثيلكم
بصلهم بقرف واستحقار
_انتوا ازاي كده!
وازاي قدرتوا تعملوا كده اصلا في ست زيكم 
هالة بغضب
_علشان هي متستاهلكش وريهام اللي تستحقك اكتر
بلال بغضب وحزن
_وهو انا جايزة علشان اروح للي يستاهلني اكتر !
هو انا مش بني آدم ليا مشاعر واحاسيس ، انا عمري ما هسامحكم وقسما بالله لتندموا
وبالنسبة لمراتي هرجعها النهاردة كمان وههد الدنيا علشان اصالحها واعوضها على اللي عملتوه فيها
الباب خبط بصلهم بغضب واستحقار وراح نحيته يفتحه
لقى واحد واقف وبيديه ظرف
سأله بإستغراب
_هو ايه ده
_مدام ريناد عبدالله رافعة على حضرتك قضية خلع
يتبع....
_رفعت عليا قضية خلع !
مراتي رفعت عليا قضية خلع!!
قالها بلال وهو قاعد مصدوم وقدامه هالة وريهام بيبصوله بخوف من ردة فعله 
_خلاص يا بلال بقا متبقاش أوفر انت كده كده كنت هتطلقها ونهيت معاها كل حاجة
بص بلال لريهام بحدة وغضب وراح وقف قدامها وفجأة وبدون مقدمات شدها من شعرها وريهام صرخت جامد
_بقا ياحقي.رة يا زب.الة تشهدي على مراتي بالكذب وتقولي انك شوفتيها بتسرق  وخلتيني اشك فيها ويعتبر طردتها من بيتي وجاية تقوليلي مبقاش اوفر
هالة اتدخلت وسلكت ريهام من ايد بلال واتكلمت بعصبية
_مخلاص يابلال بقا سيب البت
بلال بصلهم بإستحقار واتكلم بغضب
_امشوا اطلعوا بره انتوا الاتنين انتوا ملكمش مكان في بيتي
شهقت هالة بعنف واتكلمت بصدمة
_نهار اللي خلفوك اسود..انت بتطرد امك ومراتك انت اتجنيت يابني آدم انت!
بلال بصراخ
_اه بطردكم من بيتي وامشوا اطلعوا بره 
محدش هيعيش هنا غيري انا ومراتي انتوا ملكمش مكان وسطينا..شوفلكم مستشفى امراض عقلية تلمكم
هنا ريهام اتكلمت بغضب وعصبية
_ما احنا لو لقينا مستشفى تلمنا يبقى انت كمان هتكون معانا هناك لأنك متفرقش عننا ، متعملش فيها بتحبها اوي اللي بيحب حد بيقف في ضهره وبيدعمه وبيكون واثق فيه ، لكن انت صدقت عليها كل حاجه وكمان ضربتها ف تستاهل اللي عملته فيك ياحبيبي
بلال عنيه دمعت وهز دماغه بتأكيد
_معاكي حق..انا فعلا استاهل اللي عملته فيا..انا فعلا انسان غبي وضعيف الشخصية لأني وثقت ف ناس شبهكم
انتوا الاتنين مقرفين وضحكتوا عليا 
اطلعوا بره مش عايز اشوف وشكم..بره
اتنفضوا بعنف لما صرخ بكلمته الاخيره وطلعوا لموا حاجتهم ومشوا من البيت وبلال قعد عالكنبة ومسك دماغه بإيده واتكلم بهمس ودموع
_ارجعك ليا تاني ازاي ياحبيبتي..ارجع ثقتك فيا من تاني ازاي!
اخليكي تحبيني من تاني ازاي وانا شخصيا كاره نفسي..!
~~~~~
_جدعة ياريناد والله برافو عليكي انك اخدتي الخطوة دي مع جوزك الحقير
بصيت ريناد ليوسف اللي بيكلمها واللي كان واضح من نظراته انه معجب بيها جدا وعنيه بتلمع لما بيبصلها
ابتسمتله بمجاملة وبصيت لوالدته 
_طنط انا عايزة امشي من هنا وأجر شقة اقعد فيها لحد ما القضية تخلص واسافر
هند برفض تام
_تلاته بالله العظيم ما يحصل ، انتِ عايزاني اسيبك في حالتك دي لوحدك ، وبعدين افرض الواد جوزك ده حب ينتقم منك واذاكي بسبب القضية اللي رفعتيها عليه
يوسف بغضب
_طب يفكر يقربلها وانا اش..ق كرشه
اميرة شدته عليها وهمست بضحك
_واقع واقع يعني يا چو
يوسف بهيام وهمس
_مهي البت الصلاة عالنبي قمر وحتة شيكولاته كده  وعيون جامدة وشخصية جميلة وجذابة وابقى عبيط لو ضيعتها من ايدي دي لقطة يبنتي 
اميرة بصيت لريناد اللي بتتكلم مع والدتها وبعدين بصيت ليوسف تاني
_بس يايوسف دي هتبقى متطلقة ومعاها بنت وانت مخطبتش حتى قبل كده..انا عن نفسي عادي لكن معتقدتش ان ماما ممكن توافق بيها
_بصي هو انا مش بقول اني هروح اتجوزها دلوقت ده مجرد اعجاب..لكن لو حسيت ناحيتها بحب هروح واتجوزها واربي معاها بنتها  مع عيالنا اللي هنجيبهم ان شاء الله..ايه المشكلة انها مطلقة مش فاهم يعني 
اميرة بتردد
_يعني..ماما والناس والمجتمع مش بيحب فكرة ان شاب لسه مدخلش دنيا يتجوز واحدة كانت متجوزه مرتين قبليه
يوسف بتفهم
_عارف ان المجتمع مش بيرحم ، بس وانا مالي بيه ما يولع
حاجه انا عايزها ومش حرام ولا عيب يبقى ليه معملهاش !
علشان الناس!
ما طز في الناس وهي الناس اللي هتتجوزها ولا انا !
اميرة بصتله وبعدها بصيت لوالدته بخوف واتأكدت ان لو حب  ريناد وعاز انه  يتجوزها هتقوم حرب ما بينه ومابين والدته واللي كانت بتهتم بكلام الناس جدا عكسه تماما
الباب خبط يوسف راح يفتح لقى شاب واقف واللي كان سامح ابن عمته خطيب اميرة
رحب بيه جدا وقعد في الصالون مع بعض 
_عاملة ايه يا اميرة وحشتيني جدا 
اميرة ابتسمت بخجل ويوسف اتدخل بحدة
_ايه يا اعمى مش شايفنا قاعدين ولا ايه
سامح بتذمر
_ألاه !
جرى ايه ياجدع دي مراتي وكاتبين كتابنا
يوسف بسخرية
_اه مراتك صح معاك حق..طب خلاص يابرنس خدها واطلع بيها الاوضة فوق وطظ فينا احنا بقا
اميرة بخجل وغضب
_ولد احترم نفسك انا اختك الكبيرة
يوسف بسخرية
_يختي مكنوش خمس دقايق اللي قرفانه بيهم
ريناد وزينب ضحكوا على كلامهم مع بعض وسامح لاحظ ريناد وجمالها وبصلها بنظرات مقززة وابتسم بخبث 
يوسف لاحظه واتضايق جداً من نظراته لكن محبش يتكلم علشان ميجرحش اخته وبص لسامح بنظرات غضب وسامح شافه وبص قدامه بسرعة
~~~
بليل ريناد كانت نايمة  
حد نط في البلكونة بتاعة اوضتها ودخل بتسحب وراح ناحية ريناد وبصلها بنظرات شهوانية
حسيت ريناد بإيد بتمشي على جسمها وقامت بعنف وكانت لسه هتصرخ لكن لقيت ايد بتكتم نفسها بعنف واتكلم بهمس
_هش مسمعش صوتك..تعالي نقضي وقت حلو مع بعض قبل ما بنتك اللي على السرير اللي جنبك تصحى 
ريناد فتحت النور بسرعة واتصدمت لما شافته سامح كانت لسه هتصرخ لكن لقيته كتم نفسها تاني وقيد حركتها واتكلم بغضب وهمس
_لأ بصي هتتعبيني هتعبك..انتِ عجبتيني ودخلتي دماغي ومش هسيبك غير لما آخد اللي انا عايزه ف اهدي كده علشان نعرف نتبسط
ريناد بصتله بخوف ودموع وغضب وضربته برجليها يبعد عنها وكانت هتصرخ لكن هجم عليها تاني بسرعة وحط ايديه على بقها وقطع هدومها بعنف وهي بتحاول تقاومه 
فجأة اتفتح الباب ودخلت اميرة الاوضة 
سامح بصلها بصدمة وارتباك وريناد بصتلها بإستنجاد وخوف
اميرة بغضب وصدمة
_ايه اللي بيحصل هنا ده انتوا بتعملوا ايه هي حصلت!!!!!
يتبع
_ايه اللي بيحصل هنا ده انتوا بتعملوا ايه هي حصلت!!!!!
ريناد زقته بعنف وقامت وقفت بعيد عن سامح اللي كان مقيد حركتها واتكلمت بغضب وبقاء
_الحقيني يا اميرة الحق.ير ده بيتهجم عليا 
سامح نفى بكدب 
_كدابه..دي واحده كدابه وهي اللي ناديتني من اوضتي وقالتلي بنتي تعبانه تعالى خدها معايا للمستشفى وجريت علشان اشوف بنتها لقيتها بتشدني ناحية سريرها ولما قاومتها قطعت هدومها وقالتلي لو منفذتش اللي انا عايزاه هصوت واقول انك بتحاول تعتدي عليا 
_ده ايه الفيلم الهندي ده  ياراجل
بص سامح للي بيتكلم لقاه يوسف واللي كان بيبصله بنظرات اجرامية وواقف عند الباب 
بلع ريقه ب توتر ويوسف قرب من ريناد وعطاها الجاكيت بتاعه وريناد لبسته بسرعه وبصيت لسامح ببكاء وغضب
_يوسف صدقني انا مش بكدب البت دي كدابة انا مجت...
قطع كلامه لكمة من يوسف واللي هجم عليه ض..ربه بعنف 
اميرة بصراخ وهي بتحاول تسلك بينهم
_انت بتعمل ايه يايوسف مش ممكن تكون ريناد هي اللي كذابة 
ريناد بصتلها ببكاء وصدمة واتكلمت بغضب
_انا مسمحلكيش تقولي عليا كده انا  اشرف من اي حد في الدنيا ولا يمكن اعمل حاجة زي دي هو اللي ستين كداب في بعض 
دخل الاوضة فريد وهند بفزع من صوت صراخهم واتكلم فريد بحدة
_فيه ايه يجماعه مالكوا..بتعيطي ليه ياريناد
يوسف بغضب
_الزبالة اللي اسمه سامح حاول يتعدى على ريناد 
شهقت زينب بعنف
_اه ياكلب ياوا..طي هي حصلت 
سامح بكدب وصراخ
_يجدعان حرام عليكم انتوا كده بتظلموني ، البت دي بتكدب وبتتبلى عليا 
يوسف لكمه بغضب
_اخرس يا نج..س ، وهي برضه اللي كانت بتبصلك نظرات مقرفة تحت ده انا شايفك بعنيا
بص لأخته واتكلم بحدة
_بقولك ايه يا اميرة ، انا اتحملت و..ساخة البني آدم ده كتير ودريت عليه بلاوي سودة علشانك  لكن خلاص طفح الكيل 
الواد ده لازم يرمي عليكي يمين الطلاق ويغور ف ستين داهية من هنا
اميرة بصيت لسامح اللي بيبصلها بحزن مصطنع ودموع
اتوترت ومبقتش عارفة تعمل ايه
لكن افتكرت ان يوسف معجب ب ريناد ويمكن علشان كده بيدافع عنها
اتكلمت بإنفعال
_بقولك ايه يا يوسف ما انت مش عشان معجب بيها ف تطلعها بريئة غصب عننا كلنا ، زي ما انت واثق فيها انا كمان واثقة في جوزي وبقولك انه مستحيل يعمل كده 
يوسف بسخرية
_يسلام!
طب انا بقى هعرفك دلوقت ان البني آدم ده كداب وهخليكي تندمي على الكلام اللي بتقوليه
وبص لسامح بشماته
  _احنا هنراجع كاميرات البيت كله ياحبيبي والجنينة الخلفية كمان..وانت بتقول ان ريناد هي اللي راحتلك اوضتك وجيت معاها علشان تشوف بنتها صح ، احنا دلوقت بقا هنشوف مين الصادق ومين الكذاب
سامح اتوتر جدا وحس انه خلاص هينكشف
لكن اميرة صممت بعناد
_طب تمام راجع الكاميرا ونشوف بقا مين الصادق ومين الكداب
يوسف بص لأخته وخاف عليها من الصدمة اللي هتتعرضلها دلوقت..لكن مفيش قدامه حل تاني لازم يعرفها ان سامح شخص مقرف ويبعدها عنه وكمان لازم يثبت برائة ريناد لأنه متأكد انها مظلومة ومستحيل تعمل حاجة زي دي
رجعه فعلا الكاميرات وسامح حاول يهرب لكن يوسف مسكه بعنف 
شافه ان سامح طلع من اوضته ونزل الجنينة وراح ناحية الشجرة اللي تحت اوضة ريناد وطلع فوقيها وبعدها فتح الشباك بآلة معاه ودخل الاوضة
اميرة دموعها نزلت واخدت صدمة عمرها في خطيبها واللي مكتوب كتابهم من شهر بس
وريناد حمدت ربها ان برائتها ظهرت وبصيت ليوسف بإمتنان وشكر
فريد بغضب
_ترمي على بنتي يمين الطلاق ومشوفش وشك تاني انت فاهم
سامح برفض وكدب
_لأ..لأ حرام عليكم متعملوش فيا كده وتحرموني من حب عمري
صدقوني هي اللي كانت بتبصلي بإغراء علشان كده ضعفت لكن والله غلطة ومش هتتكرر تان..
_اخرس بقاا
قاطعته اميرة بصراخ وبكاء 
_انت ايه يا اخي..معجون بماية كدب!
كلنا شوفناك بعيونا وانت داخل اوضتها زي الحرامية واتفضحت ولسه بتكدب برضه!
طلقني..طلقني ومش عايزة اشوف وشك في حياتي تاني.. انت بني آدم مقرف وحقير ومش راجل ..طلقنيي
سامح نفخ بعنف واتكلمت بسخرية وملل
_مخلاص ياماما طيب هطلقك..احمدي ربنا اصلا اني رضيت اتجوزك بشكلك ده ، ده انا لما اطلقك مفيش دكر بط حتى هيهوب ليكي ده كفاية جسمك
يوسف هجم على سامح ضربه وشتمه افظع الشتايم علشان يجيب حق اخته وتنمره عليها وعلى وزنها اللي مكنش كبير اوي لكن هو حب يقلل منها علشان جرحته 
_طلق اختي يا كلب ووحياة امي ما هسيبك تتهنى يوم ف حياتك ..طلقها يالا بدل ما اقت..لك
_انتي طالق
اميرة طلعت اوضتها بعد ما سامح رمى عليها يمين الطلاق وكانت ماشيا بالعافية وحاسه ان هيغم عليها..كلام سامح جرحها وصدمتها فيه كانت اكبر من اي حاجه
ريناد بصتلها وزعلت جدا علشانها وطلعت وراها ويوسف طرد سامح وقعد حزين جدا على اخته واللي حصلها وحب يسيبها لحد ما تهدى ويتكلم معاها
وزينب بتبكي بقهر على بنتها اللي اتطلقت وهي لسه مكتوب كتابها وفريد بيهديها
~~~
_متعمليش كده في نفسك..والله ما حد يستاهل
اميرة بصتلها ببكاء وقهر ومنطقتش ولا كلمة وريناد كملت كلامها وقلبها بيتقطع علشانها
_والله العظيم انتِ جميلة وربنا هيعوضك باللي احسن منه ده بني آدم مقرف
اميرة اترمت في حضن ريناد واتكلمت بأسف وندم
_انا اسفه..حقك عليا ، مكنش لازم اقول عليكي كدابة بس صدقيني كنت بتعلق ف آخر امل وانه ممكن يكون برئ وبيحبني...لكن..
انفجرت في البكاء وريناد فضلت تهديها طول الليل
~~~
تليفون ريناد رن وبصيت لقيته  رقم غريب
فتحت عليه ولقيت حد بيكلمها بفزع
_مدام ريناد...الحقي بلال جوزك بيموت
يتبع...
_مدام ريناد...الحقي بلال جوزك بيموت
آخر حاجة سمعتها ريناد قبل ما تطلع تجري من البيت وتروح المكان اللي قالها عليه اللي اتصل بيها
وصلت وهي خايفة ومرعوبة عليه وبتعيط جامد
لقيت المكان ضلمة جدا 
_بلال...بلاال... فيه حد هنا
بصيت حواليها بقلق وكانت لسه هتطلع من المكان لقيت انوار كتير اشتغلت والمكان كان مليان ورد وبلالين كتير عليها كلمة (sorry)
بصيت لكل ده بعدم فهم لحد مالقيت بلال لابس بدلة وماسك بوكيه ورد كبير جدا في ايده وبيبتسم بحب ليها 
_وحشتيني 
هنا ريناد استوعبت انه كان بيكدب عليها علشان تروحله لفيت علشان تمشي لكن بلال جرى عليها ومنعها بسرعة
_استني ياريناد علشان خاطري اسمعيني وبطلي تهربي مني
بعدته عنها بعنف واتكلمت بحدة
_اسمع ايه !
هو لسه فيه كلام تاني ممكن بتقال بعد ما اتهمتني انت وعيلتك بالسرقة وطلعتوني حرامية!! 
بلال اتنهد واتكلم بهدوء وندم
_انا اسف..عارف ان الكلمة ملهاش اي لازمة بالنسبالك بص صدقيني انا ندمان على كل حاجة عملتها ومستعد اعمل اي حاجه علشان تسامحيني
انا اول ما اكتشفت حقيقتهم وانهم بيكدبوا انا طردتهم الاتنين علشانك
ضحكت ريناد بسخرية والدموع اتجمعت في عنيها
_والمفروض دلوقت اعمل ايه بقا
اترمي في حضنك زي المرة اللي فاتت ونعيش مع بعض في سعادة وهنا وننسى اللي فات صح
انسى كرامتي اللي اتجرحت..انسى اهانتي وذلي 
انسى خذلانك ليا وتصديقك اني حرامية
افتكرت يوسف واتكلمت بسخرية
_
تعرف اني حصلي موقف مشابه للي حصلي في بيتك وعند ناس غريبة 
والناس الغريبة دي صدقوني ووقفوا ف ضهري لحد ما اثبتوا برائتي
على عكسك تماما 
بلال بترجي
_اديني فرصة..صدقيني هتبقى آخر فرصة وهعمل كل اللي هقدر عليه علشان مضيعكيش من ايدي
ريناد بجمود وبرود
_عطيتك فرصة قبل كده وانت فعلا ضيعتها من ايدك.. مبقاش عندي حاجه اقدمهالك ومبقتش شايلة ليك مشاعر في قلبي زي زمان
انا بقيت اقرف ابص في وشك.. بقيت بتخنق لما ببقى معاك في مكان واحد انت متخيل!
بلال بصدمة وألم من كلامها
_للدرجادي ياريناد!
انتِ ليه بقيتي قاسية كده
ضحكت ريناد بسخرية ودموعها نزلت
_ليه بقيت قاسية !
من اللي عملته فيا ياحبيبي
انا همشي.. وياريت قبل ما امشي تطلقني وكفاية اهانة لنفسك لحد كده  خلاص مبقاش فيه مبينا رجوع انت بتضيع وقتك ووقتي 
بلال بدموع
_انتِ مش هتلاقي حد بيحبك اكتر مني في العالم ده كله ليه بتعملي فيا كده وبتنهي كل حاجه بينا..طب افتكري اي حاجه حلوة عملتها علشانك
_مش فاكرة..كل اللي فاكراه جرحك ليا 
طلقني يابلال..طلقني وخلصني من القرف ده لو حبتني فعلا في يوم من الايام
بلال كان بيبصلها بصدمه وزهول من قسوتها..جرحها لدرجة انها اتبدلت وبقيت واحده تانيه..حاول يشوف في عنيها اي نظرة حب ليه لكن مشافش غير برود وجمود..وهنا اتأكد انه فعلا خسرها وانها ضاعت من ايديه
اتكلم بندم وحزن
_حاضر ياريناد هطلقك..بس قبل ما اطلقتك اتمنى تسامحيني..وصدقيني هفضل احبك لحد آخر يوم في عمري
عارف اني غلطت ، وعقابي قاسي اوي لأنه هيكون اني اعيش من غيرك
اتنهد واتكلم بصعوبة ودموع
_انتِ...انتِ طالق ياريناد
~~~
عديت سنة وكل حاجة فيها اتغيرت
ريناد رجعت بيتها اللي في القرية وكانت عيلة اميرة  على طول بتزورها وهي بتزورهم وبدأت تنجذب ليوسف ولشخصيته واهتمامه بيها  وحسيت ناحيته بمشاعر اول مرة تحسها في حياتها ومبقتش عارفة تفسرها 
_يامامي يلا بقا نلبس
فاقت من شرودها في الماضي  على صوت بنتها 
_يبنتي اهدي لسه بدري دي العروسة شخصيا زمانها نايمة
لارا بتذمر
_يامامي اميرة لسه مكلماني وقالتلي البس واجيلها بسرعه يلا بقا
اتهدت ريناد وقامت تلبس علشان تحضر خطوبة اميرة على شاب محترم اتعرفت عليه بعد ما سامح طلقها 
طلعت فستان بلون البنفسج عجبها جدا ولبسته وبقيت زي القمر
بعد ساعتين وصلت البيت واول واحد شوفها يوسف واللي انبهر بجمالها ورحبوا بيها كلهم 
واليوم عدى وكانوا كلهم مبسوطين وفرحانين لأميرة واللي هي كنان كانت زي القمر
في مكان تاني
كانت قاعده هالة وقدامها صور لريناد ويوسف وبتبصلها بغضب وكره واتكلمت بشر
_يحلاوة..يعني ابني سافر وبعد عني بسببها وهي عايشة حياتها ومبسوطه ولا كأن حاجه حصلت...وحياة ابني عندي لهدمرك ياريناد وهخليكي مش نافعة
وبصيت لصورة يوسف
_هو ده بقا ضحيتك الجديدة
ابتسمت بخبث وبصيت للراجل اللي جابلها الصور
_عايزاك تجبلي رقم والدته 
يتبع
_ريناد انا عايز اعترفلك بحاجة قبل ما ترجعي بيتك
بصيت ريناد ليوسف وقلبها دق جدا وحسيت انه هيعترفلها بحبه ليها اللي واضح من اهتمامه ونظراته 
ف اتكلمت بهروب
_طب معلش ممكن نأجل كلامنا لبعدين علشان لارا عايزاني 
يوسف ببعض الغضب
_لارا مع اميرة ف اوضتها ياريناد واكيد نامت...متهربيش مني زي كل مره 
ريناد بتوتر
_لأ مهو..مهو هي مش بتعرف تنام من غيري عن اذنك
سابته واتجهت ناحية اوضة اميرة
_ريناد انا بحبك
وقفت بسرعة وغمضت عنيها بحزن..ولفيت ليه ولقيته قرب منها وبصلها بإصرار
ريناد بتوتر
_يوسف انا..انا مش مستعدة ادخل في اي علاقة دلوقت و..
قاطعها يوسف بهدوء
_انتِ خايفه ياريناد صح
ريناد بكدب
_وهخاف من ايه يعني لأ مش خايفة
يوسف بإصرار
_لأ خايفه..خايفه بسبب اللي حصلك مع طليقك واني ممكن اكون زيه..بس انا غير ياريناد..انا مش زيه وعمري ما هكون زيه 
ريناد اتنهدت واتكلمت بهدوء وصدق
_عارفة يايوسف انك مش زيه.. وعارفه ان انت بتحبني ومستعد تعمل اي حاجه علشان تسعدني..بس انا مدمرة من جوايا..للأسف معنديش حاجه اقدمهالك...منكرش اني انجذبتلك شوية بس برضه مش هقدر ادخل في علاقة تانية
يوسف بتفهم وحب
_وانا مش مستعجل..انا كل اللي طالبه انك تديني فرصة اقرب منك ويبقى فيه بينا ارتباط رسمي.. مش شرط نتجوز دلوقت
ريناد بصتله بتفكير وفكرت مع نفسها انه ليه لأ..مهي مش هتوقف حياتها علشان تجربة فاشلة مريت بيها ولازم تدي لنفسها فرصة خصوصا انها صغيرة ومكملتش ال٢٥ سنة
حس يوسف انها قبلت ف اتكلم بفرحة
_ها افاتح بابا في الموضوع
ريناد هزيت دماغها بإبتسامة وخجل وهو فرح اكتر وراح يبلغه
~~~~
_الو مين
_مدام هند معايا
_ايوه انا مين ؟
_انا ام طليق ريناد واللي عرفت ان ابنك معجب بيها وعايز يتجوزها
هند بصدمة
_ابني انا عايز يتجوزها!
ابتسمت هاله بخبث
_واضح ان معندكيش علم..عمتا انا عايزة احذرك من البت دي لأنها مش سهلة زي ما باين عليها
ودمرت ابني وقبل ابني دمرت جوزها الاولاني ويعتبر مات بسببها لأنه كان بيتخانق معاها في التليفون بسبب اللي بتعمله العربية اتقلبت بيه من عصبيته ومات
وبعدها لما اتجوزت ابني برضه بوظتله حياته وطلقها وحاليا ابني سابني وساب البلد كلها ومشى
اكيد بتقولكم مسلسل هندي وان احنا كدابين وظالمين..خلي بالك منها علشان البت دي كدابة ومش سهلة ابدا
قفلت هالة وهي بتضحك بإنتصار 
وهند حسيت ان دماغها بتلف بيها من كم الصدمات اللي بتاخدها
راحت عند ريناد اللي كانت قاعدة مع اميرة و......
يتبع
هند قربت من ريناد وكلمتها بإستفسار
_هو صحيح الكلام اللي عرفته ده ياريناد
ريناد بإستغراب
_كلام ايه ده ياطنط مش فاهمة
هند ببعض الحدة
_ان فيه علاقة مابينك انتِ وابني
ريناد اتوترت ومعرفتش تعمل ايه وبصيت لأميرة بإستنجاد واللي اتوترت هي كمان لأنها عارفه ان والدتها من الصعب توافق على علاقتهم 
_اه ياماما فيه علاقة مبينا..انا بحب ريناد وعايز اتجوزها
بصيت هند وراها ولقيت يوسف اللي بيكلمها بثقة 
اتكلمت بغضب ونرفزة
_وهو انا ليه آخر من يعلم في البيت ده..مقولتليش ليه يابيه وخلتني اعرف من واحدة غريبة
يوسف يتساؤل واستغراب
_مين الواحدة دي يماما
هند فكرت تقولهم ولا لأ..بس هي مستحيل تصدق كلام واحدة زي هالة 
باين من طريقة كلامها انها بتكره ريناد وزي متكون عايزة تنتقم منها
وهند مش صغيرة ولا غبية علشان تصدق كل الكلام اللي هالة قالته
علشان كده اتكلمت بصراحه
_هالة ام طليق ريناد هي اللي اتصلت بيا وقالتلي
ريناد بصدمة
_ايه!!
قالتلك ايه بالظبط ياطنط
هالة قالت كل حاجه لريناد ويوسف واميرة وريناد حسيت ان هيغم عليها من الكدب 
للدرجادي شر الست دي وصل لحد كده!!
بصيت لهند واتكلمت بثقة ونفي لكل الكلام ده
_الست دي كدابة
هند بهدوء وتفهم
_عارفة طبعا انها كدابة انا مش غبية ولا عيلة صغيرة
انا كل اعتراضي على انه ليه محدش حكالي حاجه عن علاقتكم.. هو للدرجادي انا هوا
يوسف بهدوء
_ياحبيبتي انا لسه معترف لريناد اني بحبها النهاردة اصلا 
هند بعناد
_برضه كان لازم تيجي وتحكيلب كل حاجه
فضل يوسف يقنعها انها مهمة عنده ومهم جدا رأيها لحد ما اخيرا اقتنعت وبدأت ريناد تتقرب منها ويفهموا شخصيات بعض لحد ما قدرت انها تاخد مكانة كبيرة في قلوبهم كلهم واولهم يوسف 
وفشلت خطة (هالة)
عديت سنة واخيرا جيه اليوم المنتظر
فرح ريناد ويوسف 
كانت جميلة جدا وفرحانه ويوسف جنبها طاير بيها وحاسس انه ملك الدنيا ومافيها 
وكل اللي كانوا موجودين كانوا فرحانين بيهم 
معادا واحد واقف من بعيد وبيراقب كل اللي بيحصل ده بحزن ودموع
معقول خسرها !
معقول خلاص كده ريناد بعدت عنه وهتبقى في حضن حد تاني غيره !
خلاص بقيت على اسم راجل تاني غيره !
قرب ناحيتهم بإبتسامة شاحبة واختفت الابتسامة من على وش ريناد واتوترت جدا لما شافته قدامها
_بلال !
بلال بحزن وابتسامه تعيسة ومد ايده ليها
_مبروك...مبروك ياريناد
يوسف مد ايده مكانها واتكلم بحدة
_الله يبارك فيك..مراتي مبتسلمش على رجالة
ابتسم بلال بحزن اكبر وهو سامع كلمة مراتي واللي دب..حته من جوه 
بصلهم الاتنين بعجز ومبقاش قادر يعمل حاجه
وهيعمل ايه اصلا!
ريناد ضاعت من ايده وانتهى الامر
بصلها آخر نظرة وقعدها بص لجوزها اللي بيبصله بحدة ولمح لارا واقفة بترقص بسعادة طفولية ونسيته تماما
اتنهد بوجع وساب المكان ومشى وهو مش شايف قدامه من دموعه
كان عايز يشوفها لآخر مرة..كان عايز يعتذرلها لآخر مره
لكن لسانه اتجمد مقدرش يقول حاجه وهو شايفها لابسه فستان فرحها وفي ايد جوزها
وصل للنيل ووقف على السور وهو حاسس ان حياته كلها بتدمر..خسر شغله..خسر حبيبته..كره والدته 
حس ان حياته خلاص مبقاش ليها معنى وجابت آخرها
وكل ده بسبب غبائه..بسبب ضعف شخصيته..بسبب تهوره وسذاجته وانه هو السبب في ان كل ده يحصل علشان كان حاسس بالذنب ناحية صاحبه اللي مات وضيع قلب حبه وكان بيتمناله الرضى يرضى
محسش بنفسه غير وهو بيقع في النهر بإستسلام وشريط حياته كلها بيمر قدام عنيه ومش شايف غير ضحكة ريناد قدامه ونظرتها اللي كلها حب ليه
_لأ..لأ..ريناااااااد لاااا 
صحى بلال من النوم بخضة من كل اللي شافه وبص حواليه بتوهان لما لقى نفسه في اوضته القديمة اللي كان بينام فيها قبل ما يتمم جوازه مع ريناد
مبقاش فاهم حاجه من اللي حواليه ومبقاش عارف هو كل اللي شافه ده كان حقيقة وحد انقذه من الموت..ولا كان حلم وريناد لسه معاه وفي بيته ومطلقهاش  ومتجوزش ريهام ولا هي اتجوزت يوسف 
طلع من الاوضة بخوف وكان عرقان جدا ومتوتر ومرعوب ان ريناد متكونش في اوضتها ويكون اللي شافه ده حقيقة ومش حلم
اتنفس بعنف وفتح باب الأوضة ببطئ واتصدم لما 
لقى ريناد نايمة في اوضتها القديمة بسلام وحاضنه بنتها 
دموعه نزلت بعنف..يعني فعلا كان حلم وريناد معاه وفي بيته كمان
ردد بصدمه:
يعني مفيش يوسف!
ريناد لسه مراتي
ريناد متجوزتش! 
اتقلبت ريناد بقلق وفتحت عنيها واول حاجه شافتها بلال وهو واقف وعنيه مدمعة وبيبصلها بصدمه 
قامت واتكلم بقلق واستغراب وهي رايحه نحيته
_بلال !
مالك فيه ايه انت تعبان ، رد مالك فيه ايه اتك...
قاطع باقي كلامها وهو بيسحبها لحضنه بعدم تصديق وابتدى يعيط بفرحة وعدم تصديق
_الف حمد وشكر ليك يارب..الف حمد وشكر ليك يارب
ريناد غمضت عنيها وبادلته الحضن ده بحب لأنها كانت اول مرة بلال يقرب منها كده لأنه دايما بعيد عنها 
بعد بعد فترة وهو بيمسح دموعه واخيرا حررها من حضنه وهي بصتله بإستغراب وخوف
_فيه ايه يابلال انت كويس !
هز بلال دماغه برفض وهو بيسحبها لأوضته وفعدوا عالكنبة اللي موجودة
_لأ يا ريناد..لأ انا مش كويس ابدا انا شوفت كابوس..حلمت ان انا اتجوزت عليكي وبعدها اتهمناكي بالسرقه وطلقتك وانتِ سبتيني وروحتي اتجوزتني
وحكالها الحلم بالتفصيل وكل اللي شافه وريناد كانت بتسمعه بتأثر وعنيها دمعت واتكلمت بحزن
_وانت فعلا ناوي تتجوز عليا زي ما قولتلي يابلال امبارح 
بلال هز دماغه برفض ورجع حضانها تاني 
_اقسم بالله ما هيحصل..انا مبحبش ولا هحب في حياتي غيرك ومكنتش هقدر اعمل كده..مش هقدر اخلي حد غيرك على زمتي 
انا كنت غبي ومخي طخين وبعدك عني الفترة دي علشان مفكر اني هحس بالذنب لو قربت منك ، لكن ده غلط طبعا 
علشان كده ربنا خلاني احلم الحلم ده علشان يكون ليا قلم شديد يفوقني ويرجعني لوعيي واتقبل موت معتز الله يرحمه واحس بقيمتك وانك حاجه كبيرة اوي في حياتي ومن غيرك اضيع
واني لازم اغير من طريقة تفكيري وشخصيتي قبل فوات الاوان 
ريناد ابتسمت بفرحه ودموع ان اخيرا بلال فاق من اللي هو فيه وعرف قيمتها
اترميت في حضنه وهو بادلها الحضن بحضن اكبر
_بحبك يابلال..بجد بحبك اوي ومش متخيلة حياتي من غيرك
وبعديت عنه وبصتله بدموع
_تعرف يابلال ان لو اللي انت حلمت بيه ده حصل بجد..انا مكنتش هستحمل..انا مش بالقوة دي 
انا كان ممكن يجرالي حاجه
بلال قطع كلامها بعنف
_ألف بعد الشر عليكي ياقلبي..خلاص احنا مش عايزين نفكر في حاجه وحشة تانية
كفاية الوقت اللي ضيعناه
احنا من النهاردة هنبتدي حياة جديدة ومش هيكون موجود فيها غيري انا وانتِ ولارا واخواتها اللي هييجوا بإذن الله
ريناد بتذكر
_وطنط هالة
بلال بتأكيد
_وطنط هالة طبعا..انا مش عارف ازاي ماما كانت في الحلم شخصية بالشر ده 
ريناد بضحك
_طب ده طنط هالة دي اكتر حد طيب في الحياة..لو سمعتك هتقاطعك لأنك شوفتها كده
بلال ضحك ورجع اتكلم بجدية
_طب فيه موضوع مهم جدا جدا جدا كنت عايز اتكلم فيه معاكي دلوقت
ريناد بصتله بتساؤل وشهقت بعنف لما شالها وابتسم بمكر
_تعالي نجيب اول أخ او اخت ل لارا بنتنا.. اصل انتِ لابسه روب بنفسجي وانا اللون ده الصراحه نقطة ضعفي لما بشوفه عليكي وهو سبب من الاسباب اللي خلاني احبك..او اعشقك مش قادر احدد
ضحكت ريناد بخجل واتكلمت بهمس
_بحبك يابلال
بلال بعشق
_وانا بعشقك ياعيون بلال..بعشقك ياوردتي البنفسجية

تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -