روايات حصرية
0

رواية عشق فردي كاملة جميع الفصول بقلم سلمي تامر

ahmed
اخر تحديث :

رواية عشق فردي كاملة جميع الفصول بقلم سلمي تامر


رواية عشق فردي كاملة جميع الفصول هى رواية من تأليف المؤلفة المميزة سلمي تامر رواية عشق فردي كاملة جميع الفصول صدرت لاول مرة على فيسبوك الشهير رواية عشق فردي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية عشق فردي كاملة جميع الفصول

رواية عشق فردي بقلم سلمي تامر

رواية عشق فردي كاملة جميع الفصول

كانت واقفه بتبص لجارها اللي في العماره اللي قصاد عمارتهم وسرحانه فيه بهيام
اختها جت وقفت جنبها واتكلمت بسخريه
_يبنتي ارحمي نفسك..ده مش معبرك وتقريبا مش شايفك اصلا
اميرة وعنيها بتطلع قلوب وبتبصله بحب
_قمر اوي يا سارة.. شبه الممثلين الاجانب 
بصتله سارة بتفحص واتكلمت بنفس السخرية
_هو اه حلو بس شبه المدمنين ومش بينزل السجاره من بقه..انا مش عارفه عاجبك فيه اي
_كاريزما اوي..وغامض كده تحسي وراه حاجه..وانا بحب النوع ده اوي
_ادخلي يا اميرة الدنيا بدأت تشتي والجو بقا سقعه هتبردي
_ادخلي انتِ..انا هدخل لما جوزي يدخل
ساره ضحكت بسخرية
_جوزك!
ربنا يهديكي
دخلت ساره وفضلت اميرة تبص لجارها اللي كان بيشرب سيجارته وبيبص للشارع بشرود وهدوء
رمى السيجاره ورفع عينه على بلكونة اميرة بالصدفه لقاها بتبصله بإبتسامه غبية 
بصلها بعدم اهتمام وبعد عينه من عليها ودخل بيته لكن وهو داخل حس بدوخه واغم عليه قدام عنيها 
بصتله بصدمه ورعب لما وقع قدامه ونزلت بسرعه من البيت علشان تنقذه وجريت في الشارع لحد ما وصلت للعماره بتاعته وكلمت البواب 
_عم مجدي..الحق الشاب اللي ساكن في الدور العاشر شوفته وهو بيغم عليه 
مجدي بلامبالاة
_والنبي يا انسه اميره ابعديني عن الواد ده 
ده غريب وكل ما اتكلم معاه بحس انه هيهجم عليا يعض.ني
اميرة بحده
_بقولك اغم عليه وممكن تكون حصلتله حاجه!
تعالى ننقذه
_مليش دعوه
_ملكش دعوه!
انا هتكلم مع صاحب العماره يتعامل معاك
هات مفتاح شقته وانا هتصرف
مجدي عطاها المفتاح ورجع قعد عالكرسي ببرود
اميره ركبت الاسانسير بسرعه لحد ما وصلت للدور بتاعه اللي مكنس فيه غير شقه واحده فتحت ودخلت البيت لقيته واقع على الارض بضعف واستسلام وفاقد الوعي
قربت عليه وحاولت تفوقه لكن ما فاقش
دورت على المطبخ لحد ما لقيته وجابت كوباية مايه وحاولت تفوقه لحد ما بدأ يفتح عنيه 
اتنهدت براحه وكانت هتقوم وتبعد عنه لكن لقيته بيشدها عليه وبيمسكها من وسطها وبيتكلم بإبتسامه وعدم وعي
_وحشتيني ياندى
بيشدها عليه وبيمسكها من وسطها وبيتكلم بإبتسامه وعدم وعي
_وحشتيني ياندى
بعدت عنه اميره بسرعه بإرتباك وخضه من حضنه المفاجئ ليها
_ندى مين انت كمان
قوم..قوم معايا هحطك على الكنبة بدل ما انت فارش عالأرض كده 
أميره حاولت تقومه وخليته يسند عليها ونيمته على الكنبة وحطيت ايديها على جبهته وشهقت بعنف
_ينهار ابيض!
انت سخن اوي 
اتكلم بتعب وعدم وعي 
_انتِ مين
_انا اميره جارتك وكنت واقفه في البلكونه وشوفتك وانت بيغم عليك
فقد الوعي تاني واميره نزلت بسرعه للبواب واتكلمت معاه بحده
_عم مجدي.. قسماً بالله لو مساعدتنيش المرادي علشانز انقذه هبلغ عنك البوليس
قام مجدي من على الكرسي بكسل 
_المطلوب مني ايه
اميره وهي بتطلع تليفونها وبتكلم الدكتور
_مش مطلوب منك غير انك تطلع معايا انا والدكتور وتبقى واقف معانا
_دكتور ! ليه هو مؤمن بيه ماله
اميره بهيام وهمس
_اسمه مؤمن !
حتى اسمه حلو شبهه
مجدي بسخريه 
_بتقولي حاجه ياست اميره
انتبهت ليه واتكلمت بإرتباك
_ها..اه بقولك حرارته عاليه جدا وتعبان علشان كده بطلبله الدكتور
بعد نص ساعه جيه الدكتور وطلعت معاه اميره ومجدي وكشف عليه وكتبله على دوا ونزل 
مجدي جاب الدوا وعطاه لأميره اللي حاولت تفوق مؤمن وتديهوله  
بصيت لمجدي واتكلمت بحزن عليه 
_هو ملوش اهل يا عم مجدي يهتموا بيه
_هو عايش لوحده هنا بقاله سنه ومشوفناش ليه قرايب خالص
عديت ساعتين واميره عملت لمؤمن كمادات وفضلت جنبه لحد ما اختها رنيت عليها وسابته ونزلت
__________
تاني يوم اميره طلعت لمؤمن وكان معاها مجدي
فتح مجدي بالمفتاح اللي اللي معاه وبص لأميره واتكلم ببرود
_انا كده عملت اللي عليا وزيادة معاكي يا ست اميره
هنزل اجيب شوية طلبات كده من تحت لباقي سكان العماره وطالعلك تاني
نزل مجدي ودخلت اميره الشقه وهي متوقعه تلاقي مؤمن نايم عالكنبة زي امبارح
لكن شهقت بعنف لما لقيته فجأه في وشها وبيتكلم بحده
_انتِ مين..وازاي تدخلي شقتي بالطريقه دي
يتبع...
شهقت بعنف لما لقيته فجأه في وشها وبيتكلم بحده
_انتِ مين..وازاي تدخلي شقتي بالطريقه دي
اميره بإرتباك وتوتر من نظراته 
_انا جارتك..جارتك في العماره اللي قصادك وشوفتك وانت بيغم عليك امبارح وانقذتك
مؤمن حاول يفتكر اللي حصل لكن عجز وبصلها بعدم اهتمام
_طب تمام شكراً لمساعدتك ليا ، مع السلامه
قال الجمله الاخيره وهو بيشاور ناحية الباب ببرود
بصتله بغيظ من بروده واتكلمت بإحراج
_هو ايه طريقتك دي !
تصدق انا غلطانه اني جريت شبه الهبل.ه عليك وانا مرعوبه ليكون حصلك حاجه 
تجاهلها وقعد عالكنبه وهو بيمسك علبة السجاير بتاعته وبيطلع واحده علشان يشربها 
قربت منه بسرعه وسحبتها منه
_على فكره السجاير دي غلط عليك انت لسه تعبان
مؤمن بصلها بنفاذ صبر وطلع من العلبه تلاته وحطهم في بقه وولعهم وهو بيبصلها بعناد
شهقت بعنف واتكلمت بغضب
_يبني آدم انت بتعمل في نفسك كده ليه!
انت تعبان ولازم تاخد علاجك دلوقت مش تشرب سجاير !
طفى السجاير وبصلها بحده
_هو انتِ مهتميه بيا اوي كده ليه!
انتِ تعرفيني اصلا
اميره بصتله بخجل وابتسمت بسخريه على سؤاله
تعرفه!
دي مبتعملش حاجه في حياتها غير انها بتراقبه من بلكونة بيتها لدرجة انها حافظه المواعيد اللي بيقف فيها في البلكونه
لكن طبعاً مقدرتش تقوله ده واتكلمت بكذب
_وهو..وهو انا هعرفك منين يعني!
انا زي ماقولتلك شوفتك وانت بيغم عليك علشان كده انا هنا دلوقت
هز دماغه بتفهم وحس انه زودها معاها ف اتكلم بجمود
_تمام
شكراً ليكي تاني مره وسوري على تعبك معايا
اميره ابتسمت بمرح 
_لا ولا تعب ولا حاجه المهم خد دلوقت علاجك وبطل سجاير لحد ما تخف وانا هعملك بسرعه اكل صحي خفيف كده علشان المضاد اللي بتاخده
وكملت بفضول
_هو مفيش حد عايش معاك
عنيه سرحت بحزن ووجع وكأنه بيفتكر ذكريات أليمه مش بيحب يفتكرها واتكلم بجمود
_لأ..انا عايش لوحدي
حسيت انه اتضايق من السؤال بتاعها ف اتكلمت بمرح مصطنع
_ده احلى حاجه في الدنيا اصلا انك تعيش لوحدك
المهم قولي فين المطبخ بتاع شقتكم
شاورلها على المطبخ بعدم اهتمام ونام عالكنبه بتعب وحس ان جسمه كله متكسر ودماغه وجعاه
اميره طبخت بسرعه ورجعتله تاني بصنية عليها الاكل والدوا لقيته شبه فاقد الوعي وبيترعش من البرد
حطيت الصنية بسرعه وجريت جبتله غطا تقيل وحطيته عليه وفوقته بهمس
_مؤمن..مؤمن فوق
فتح عنيه بتعب وبصلها بسرحان في ملامحها وهي قريبه منه
كانت جميلة جدا وملامحها رقيقه وهاديه
اتوترت من نظراته وبعدت عنه وعطيته طبق الشوربه 
_خد كل ده وبعدها خد علاجك
انا لازم امشي دلوقت 
كانت لسه هتتحرك لكن مؤمن مسك ايديها واتكلم بنظرات غامضه بالنسبالها
_ليه بتعملي كده
اميره بتوتر
_قولتلك اني..اني شوفتك وانت بيغم عل..
قاطعها واتكلم بجدية
_مش قصدي على ده...ليه مهتميه بيا اوي كده وليه بتفضلي واقفه بالساعات في البلكونه بتبصيلي ومراقباني
اتوترت ومبقتش عارفه تجاوب وهو لاحظ ده
بص في عنيها لقى فيه مشاعر من ناحيتها ليه 
كره ده وقرر انه يمحي اي حاجه جواها ناحيته
وفجأه لقيت نفسها تحتيه وهو فوقيها وبيتكلم بعبث مصطنع
_وكمان معنى ان بنت تيجي لشاب عازب شقته ويبقوا لوحديهم انها ليها غرض من الموضوع ده
وبصلها بشهوة مصطنعه
_وانا بقى هحققه دلوقت
يتبع..
معنى ان بنت تيجي لشاب عازب شقته ويبقوا لوحديهم انها ليها غرض من الموضوع ده
وبصلها بشهوة مصطنعه
_وانا بقى هحققه دلوقت
اميره بصتله برعب وصدمه فيه..متوقعتش ان يكون تفكيره بالطريقه دي
اتكلمت بهمس ودموع وخوف منه وهي بتحاول تبعده عنها
_ابعد عني..ابعد عني يامؤمن
قام من عليها ودور وشه للناحيه التانيه واتكلم بجمود وقسوة
_ابعدي انتِ عني وبطلي تراقبيني بالساعات ووفري اهتمامك وحنانك ده لحد يستاهل
هزيت دماغها بموافقه وهي بتمسح دموعها 
_عندك حق...انت طلعت فعلا متستاهلش حاجه
نزلت تجري من عنده ودموعها مغرقه وشها
لقيت مجدي البواب في وشها واتكلم بسخريه
_شوفتي..مش قولتلك بلاش الواد ده 
اتمنى تكوني فهمتي ليه مكنتش عايز اساعده من الاول
_طلع عندك حق..انا اللي بثق في الناس بسرعه 
رجعت بيتها وهي حزينه جدا واختفت ابتسامتها
متوقعتش ان الشخص اللي اعجبت بيه وحبيته يكون بالقذا.رة دي
سارة اختها لاحظت زعلها ده وقربت منها واتكلمت بحنان
_مالك يا اميرة 
حاولت تبتسم واتكلمت بنبرة عادية
_مفيش حاجه يا سارة..عادي مضغوطه شويه من المذاكره انتِ عارفه انها آخر سنه ليا في الكلية ولازم اركز
سارة بهدوء وحنان
_اميره انا مش اختك بس..انا امك
انا اللي مربياكي من بعد موت بابا وماما الله يرحمهم وحفظاكي اكتر من نفسك
بس هحترم رغبتك وانك مش عايزة تقوليلي مالك وهسيبك..بس هستناكي تيجي وتحكيلي كل حاجه
بصتلها بإمتنان وحضنتها بحب وقررت انها تنسى مؤمن وتقت.ل اي مشاعر في قلبها ناحيته
__________________
مؤمن رجع تاني لوحدته واكتئابه 
كان حاسس بتأنيب ضمير بسبب اللي عمله مع اميره وندم جدا على حركته دي
مسك صورة جنب سريره وكان فيها مؤمن ومعاه راجل وست ومعاهم بنت صغيره وبيبصوا للكاميرا وبيضحكوا
ابتسم بحزن واتكلم بدموع
_مش عارف ابقى كويس من بعدكم..بقيت وحش اوي وكل اللي حواليا بينفروا مني
حتى اللي بيحاولوا يقربوا ببعدهم بمنتهى القسوة
انا تعبت من اللي انا فيه ده
نفسي ارجع تاني زي ما كنت
نفسي اصحى من النوم الاقي نفسي في بيتي القديم وكلكم حواليا
اتنهد بإشتياق وحزن وحط الصوره وطلع من الدرج صورته مع بنت في حضنه وبتبصله بحب وهو بيبص للكاميرا بإبتسامه
_حتى انتِ سبتيني وبعدتي..مقدرتيش تستحملي شخصيتي الجديدة وبعدتي عني
مش قادر ألومك لأن انا شخصياً مش مستحملني
نفسي ترجعيلي تاني ياندى...هستناكي لحد آخر يوم في عمري 
حاول يفوق من موجو الذكريات الحزينه اللي هجمت عليه فجأه وقام وقف في البلكونه وطلع سيجارته يشربها
عنيه جت تلقائيا على بلكونتها لكن ولأول مره ملقهاش واقفه كالعادة بتبصله بإبتسامه وهيام
كره نفسه اكتر وعرف انه جرحها جدا ومبقاش عارف يعمل ايه 
دخل تاني وغسل وشه وقرر انه يعمل حاجه مجنونه واتمنى انه ميندمش عليها
________________
اميره كانت قاعده لوحدها بعد ما سارة نزلت شغلها وحاولت تركز في مذاكرتها لكن مقدرتش
بالها مشغول بيه كالعاده
الباب خبط وراحت تفتح بكسل واتصدمت لما لقيت مؤمن قدامها
_انت!
فتحت الباب لقيته واقف قصادها بجاذبيته ووسامته وماسك في ايده بوكيه ورد
_انت!
_اه انا
_جاي تعمل هنا ايه يا استاذ مؤمن..ايه هتكمل اللي ملحقتش تكمله لما كنت عندك
رجع شعره لورا بإحراج وحاول يبتسم
_انا اسف جدا على اللي حصل يا...معلش هو اسمك ايه
اميره بغيظ 
_اميره
_انا اسف على اللي حصل يا أميره..انا مكنتش ف وعيي وبجد مش عارف عملت كده ازاي
اميره بحده
_والله المحترم محترم حتى لو مش في وعيه
وبعدين انت بتتأسف على ايه!
هو انت وقعت عليا كوباية عصير من غير ما تقصد!
انت كنت هتعتدي عليا
_اميره..انا مكنتش هعمل كده اكيد
بصي اعتبري اللي فات مات وتعالي نبدأ مع بعض صفحه جديده اوكي؟
اي رأيك نبقى اصحاب
اميره بصتله بتردد كبير ومبقتش عارفه تقوله ايه
فهم ترددها ده وابتسم بحزن
_حقك تخافي مني عارف..بس صدقيني اللي شوفتيه مني ده مش من صفاتي ابدا
انا بس متلغبط نفسياً الفترة دي بسبب موت اهلي ف بتصرف بعدم وعي كتير
انا بجد آسف
هزيت دماغها بموافقه ومن جواها فرحانه جدا انه واقف قدامها
مش مصدقه ان اللي كانت بتحلم بيه كل يوم واقف قدامها وكمان بيعتذرلها وجايب ورد !
_ها سامحتيني
هزيت دماغها بتأكيد وابتسامه جميله 
ابتسم على برائتها وقلبها النقي وعطاها الورد واخدته بخجل
نزل مؤمن من عندها وهو حاسس براحه انه رضاها ومبقتش زعلانه منه
دخلت اميره شقتها وعلى وشها ابتسامه وهيام وهي بتحضن الورد ومش مصدقه انه منه
_______________
تاني يوم طلعت البلكونه في المعاد اللي بيقف فيه كل يوم وفرحت جدا انها لقيته واقف بيبص على بلكونتها وكأنه مستنيها
ابتسمتله وردلها الابتسامه ورجع بص للشارع وهو بيدخن من سيجارته
_تيجي معايا
انتبه لسؤالها وبصلها بإستفهام
_اجي معاكي فين
_عايزة اشتري هدوم ومش لاقيه حد اروح معاه
فكر شوية واتكلم بموافقه
_اوكي تمام ادخلي البسي
ابتسمت بسعاده وقالتله بحماس 
_  خمس دقايق وهبقى جاهزة استناني
دخلت قدامه بحماس وهو ابتسم على طفوليتها وتلقائيتها دي وافتكر ندى وانها كانت نفس شخصية أميره بالظبط
اتنهد بحزن واشتياق
_وحشتيني اوي
عدى ست شهور ومؤمن واميره قربوا من بعض جدا وكانت اميره مغرقاه اهتمام وحنان فطري 
ومؤمن كان حابب ده جدا وحس انها مليت حياته ووحدته وعوضته عن ناس كتير 
وقعت اميره في عشقه اكتر من الاول لكن كانت عارفه انه بيعتبرها زي اخته ومش بيكن ليها اي مشاعر 
الموضوع كان بيضايقها اوي بس كانت عايشه على امل انه ممكن يحبها في يوم
فاقت من شرودها على رنة تليفونها بصيت لقيته هو
فتحت واتكلمت بإبتسامه
_لسه فاكر ترن يا استاذ
_اميره هقولك على حاجه مش هتصدقيها
_ايه هي حمستني
مؤمن بسعاده
_انا وندى رجعنا لبعض وعايز اعرفها عليكي
يتبع
سمعت جملته وهو بيقولها انه رجع لحبيبته القديمة
مبقتش عارفه تفرحله بسبب سعادته اللي رجعتله من تاني
ولا تزعل على قلبها اللي اتكسر دلوقت 
حاولت تبتسم واتكلمت بفرحة مصطنعه
_بتهزر!
اخيرا ياراجل ده انت كنت قارفني بيها
احكيلي رجعته ازاي بقا
_هي كلمتني وقالتلي تعالى نتقابل وفضلت تعتذرلي انها سابتني وانا اعتذرتلها اني كنت قاسي معاها وطريقتي متغيرة وبس كده
ابتسمت بسخرية وألم واتكلمت في سرها
_بالبساطه دي ، يعني سابتك في عز حزنك وألمك على فراق أهلك وبعد ما اتعافيت وبقيت كويس رجعتلك تاني 
_يبنتي انتِ معايا
انتبهت لسؤاله واتكلمت بجفاف
_معلش يامؤمن هقفل دلوقت وهبقى اكلمك تاني علشان سارة بتنادي عليا
_طب مقولتليش اخليكي تقابليها امتى
فكرت شويه وحسيت انها عايزه تصرخ في وتقوله مش عايزه اشوف وشك ولا وشها لكن تمالكت اعصابها واتكلمت بهدوء
_ممكن بكره الساعه سبعه
_خلاص اوكي سلام دلوقت علشان بتتصل
قفل معاها بسرعه وهي قعدت شويه بجمود وبتحاول متعيطش لكن مقدرتش وانفجرت في العياط 
دخلت ساره بسرعه ولاحظت انهيارها ده 
وقربت منها بسرعه واخدتها في حضنها
_مالك يااميره.. اهدي ياحبيبتي مالك
_رجعلها يا ساره
ساره فهمت انها قصدها على مؤمن وحبيبته القديمه اللي حكيتلها عنهم واتكلمت بجديه
_كنت متوقعه ده يحصل يا اميرة لأنه لسه بيحبها وانتِ اللي علقتي نفسك بيه
اميره بتردد
_مش حاسه كده ، انتِ مش بتشوفي نظراته ليا ولا لهفته عليا لما بتأخر عليه في الرد وبيقلق اوي وبيفضل يطمن عليا
وابتسامته ليا اول ما بيلمحني في اي حته
_فكك من الاوهام وحاولي تطلعيه من دماغك يا اميره
هو خلاص دخلت حياته واحده تانيه وعلاقتكم بقيت متنفعش
فكرت في كلامها بس حسيت انها متقدرش تعيش من غير مؤمن ولا هتقدر تشوفه مع واحده تانيه
مبقتش عارفه تعمل ايه وحاولت تغير الموضوع مع ساره
_سيبك من الحوارات دي وقوليلي رايحه تقابلي اهل طه النهارده
اتكلمت بقلق وتوتر
_انا خايفه اوي معجبهمش يا اميره
يعني شكلي عادي وملامحي مرهقه بسبب الشغل وكمان عديت التلاتين بقالي حبه ف ممك..
قاطعتها اميره بغضب
_ايه اللي انتِ بتقوليه ده
حبيبتي كل دي اوهام في دماغك انتِ زي القمر
خلي عندك ثقه في نفسك وان شاء الله المقابله هتم على خير يلا قومي البسي حاجه حلوه كده من عندك 
بعد ساعه جهزت ساره ونزلت مع طه اللي اول ماشافها ابتسم واتكلم بحماس
_اخيرا وافقتي تقابليهم دول هيفرحوا اوي اول ما يشوفوكي
_بجد ياطه
بصلها بتأكيد
_طبعا يابنتي
وصلوا لبيته وطلعوا مع بعض وفتحتلهم ست في اواخر الخمسينات بتبص لسارة بتقييم وجنبها بنتين اتوقعت انهم اخوات طه
بيبصولها بنظرات غامضة
قلقت من الوضع وحاولت تبتسم
_اذايك ياطنط
_طنط!
كويسه يختي
اتدخل طه في الحوار بسرعه بمرحه المعتاد
_يلا يازوزو حضرلنا الاكل علشان واقع من الجوع
_حاضر ياحبيبي
وبصيت لساره بأمر 
_تعالي ساعديني
استغربت من طلبها ده لأنها المفروض ضيفه واول مره تروحلهم وميطلبوش منها حاجه زي كده وهي اللي تعرض لو حبت تساعد
لكن حاولت تبتسم وهزيت دماغها بموافقه 
بعد ساعه 
والدة طه بصتله واتكلمت بأمر
_تعالى ورايا ياطه عايزاك
بص طه لساره واتكلم بهمس
_خمس دقايق وجايلك ياحبيبتي مش هتأخر 
_بسرعه ياطه علشان عايزة امشي
_حاضر
اختفوا من قدامها وهزيت رجليها بتوتر وقلق 
سمعت اصوات زعيق جايه من الاوضه اللي فيها وبرقت عنيها بصدمه لما سمعت والدة طه بتقول
_عايز تتجوز واحده باين جنبها انك ابنها وهي امك !
هي دي اخرتها ياطه
يتبع
_عايز تتجوز واحده باين جنبها انك ابنها وهي امك !
هي دي اخرتها ياطه
اخر جملة سمعتها ساره من والدة طه ومن بعدها جريت من عندهم وراخت بيتها وهي منهاره من العياط وحاسه بإهانه كبيره اتعرضتلها
وقفت قدام المرايا وبصيت لملامحها بكره واشمئزاز 
دخلت عليها اميره بخضه من صوت عياطها
_مالك ياساره اي اللي حصل
سارة ببكاء
_زي ماقولتلك..طبعا معجبتهمش
انتِ مش شايفه شكلي وجسمي بقوا عاملين ازاي يا اميره!
انا ولا كأن عندي ٥٠ سنه
سمعت زينات ام طه بتقوله ان انا باينه جنبه زي امه
اميره بغضب
_طبعا لازم متعجبهاش وتهينك
مش علشان انتِ وحشه..علشان معندكيش ثقه في نفسك وهي حسيت ب ده واتجرأت عليكي انها تهينك
بصي لنفسك في المرايا وهتشوفي ان ملامحك دي بيعملوا عمليات تجميل علشان يوصلولها
_بطلي تطبليلي يا اميره
قربت منها واتكلمت بحنان
_والله العظيم ما بكدب عليكي..انتِ فعلا زي القمر 
وفكك من الولية المريضه دي ومتاخديش على كلامها 
دي قليلة الاد.ب والذوق واللي زيها المفروض ينقرضوا
_انا هنهي علاقتي ب طه
اميره بصدمه
_نعم!
ده ليه ان شاء الله
انتِ بتحبيه جدا ومش معنى ان والدته طلعت بالعقليه دي انك تسبيه
سمعوا خبط عنيف على الباب 
مسحت ساره دموعها وفتحت الباب لقيت طه واقف واول ما شافها مسك وشها في بإيده واتكلم بأسف ولهفه
_حبيبتي انا اسف جدا على اللي حصل والله
مش عارف ازاي عملت كده وليه اتكلمت عنك بالطريقه دي
بس قسماً بالله انا مسكتش وبهدلت الدنيا
بصتله بجمود ودخلت شقتها وهو دخل وراها واتكلم بعصبيه
_ياساره قولتلك ألف مره لما ابقى بكلمك متسبنيش وتمشي
اميره بتدخل
_اهدى ياطه هي متقصدش
_لأ اقصد يا اميره
وبصيت لطه واتكلمت بجمود مصطنع
_احنا علاقتنا لازم تنتهي ياطه
امك طالما مش موافقه عليا يبقى مش هتسيبنا في حالنا وهتخلي حياتنا جحيم
طه اتصدم من استسلامها ده واتكلم بغضب
_علاقتنا تنتهي!
بالسهوله دي ، وبعدين امي مالها بحياتنا
مفيش حد في الدنيا له الحق انه يدخل في علاقتنا
انا عرفتها عليكي لأن ده كان طلبك
مش علشان اخد موافقتها على جوازنا
انا كده كده بحبك وعايزك وهتجوزك 
_معلش ياطه احترم رغبتي في انفصالنا
بصلها بألم وغضب من غبائها واتكلم بموافقه
_براحتك ياساره..بس خليكي فاكره انك انتِ اللي نهيتي كل حاجه بينا
سابها ومشى بغضب من عندها وهي انفجرت في البكاء واميره صرخت بنفاذ صبر
_انتِ هتشليني..هتشلينيي
ليه عملتي كده يبنتي
_علشان هو يستاهل واحده احسن مني
_طب براحتك..بس متبقيش تعيطي ليل نهار بقا لما طه يتجوز ويكمل حياته ويبعد عنك
_ايه..يتجوز!
اميره بخبث 
_اه يتجوز..وهو هيعيش حياته كلها عازب ولا ايه
ساره برفض
_لأ..لأ طبعا مستحيل ده يحصل انا مقدرش على كده
جريت بسرعه وراه لحد ما لحقته وحضنته من ضهره واتكلمت ببكاء
_انا اسفه يا طه...متسبنيش
وقف ولف ليها وابتسم من جواه بفرحه من رجوعها لكن اتكلم بجمود مصطنع
_ايه رجعتي ليه..مش نهيتي كل حاجه
_معلش ياطه متاخدش على كلامي لما ببقى متعصبه..فكك من كل حاجه قولتها
_يعني احجز القاعه
ابتسمت بخجل وهزيت دماغها بموافقه لكن جواها كانت قلقانه من الخطوه دي وخايفه من والدته واخواته 
__________________
تاني يوم اميره لبست طقم شيك جدا وحطيت ميكب خفيف وفرديت شعرها الاسود الناعم
وراحت الكافيه اللي قالها عليه مؤمن
دخلت وشافته قاعد وقدامه بنت جميله جدا وملامحها جذابه وبيتكلموا بإندماج وبيبصوا لبعض بحب
ابتسمت بوجع وقررت ان بعد المقابله دي هتنسحب نهائيا من حياته لأن مبقاش ليها لازمه
قربت منهم ولاحظها مؤمن وقام وقف واتكلم بإبتسامه
_ايه التأخير ده ياهانم 
تعالي اعرفك على ندى
قعدت معاهم واتكلم مؤمن :
ندى دي اميره صاحبتي وزي اختي
ودي ندى يا اميره اللي حكيتلك عنها
بصتلها ندى واتكلمت بإبتسامه رقيقه
_ازايك يا اميره
بجد شكلك زي القمر وحبيتك جدا من كلام مؤمن عنك وكنت متحمسه اوي ان اتعرف عليكي
اتكلمت اميره بلطف وابتسامه
_حبيبتي تسلميلي يارب وانتِ كمان شكلك حلو جدا مشاء الله
مؤمن جابه اتصال مهم من شغله بصلهم بإعتذار
_جماعه دقيقه وراجع اطلبوا حاجه عقبال ما ارجع
طلع مؤمن من الكافيه وبصيت ندى لأميره ونظراتها اتغيرت تماماً واتكلمت بكره شديد لأميره
_هو انتِ تعرفي ياقمر ان لما بنت بتلف حوالين واحد مرتبط بنقول عليها ايه
يتبع..
_هو انتِ تعرفي ياقمر ان لما بنت بتلف حوالين واحد مرتبط بنقول عليها ايه
قالتها ندى لأميرة بكره ونظرات نارية
اتصدمت اميرة شوية من تحولها المفاجئ لأنها كانت بتمثل قدام مؤمن انها لطيفه ورقيقه وبعد ما مشى بانت على شخصيتها الحقيقيه
_ايه سكتي ليه..تعرفي بيبقى اسمها ايه..ولا عيب أقولك لأخدش حيائك
_عارفه بيبقى اسمها ايه
وكملت بإحتقار
_لكن انتِ بقا تعرفي اللي تسيب الشخص اللي بيحبها في وقت هو مدمر نفسياً فيه بتبقى اسمها ايه برضو
انتِ سبتيه وهو محتاجك جنبه ومحتاج دعمك واهتمامك بيه وطبطبتك عليه
واول ما فاق ورجع لشغله وحياته ورجع زي ما كان واحسن جيتي جري ليه صح 
هبقى معاه وهو مفرفش وكويس لكن اول ما ازمه تحصله هتسيبه وهرميه
ندى ببرود
_والله حاجه متخصكيش
طالما هو قابل ده انتِ مالك 
اميرة بغضب
_لأن مؤمن صاحبي وزي اخويا
ومش هسمح لحد انه يلعب بيه
ندى بسخرية
_صاحبك!
وهو انتِ فكراني مش واخده بالي من نظراتك ليه
وابتسمت بثقه
_بس حتى لو بتحبيه، هو قلبه معايا انا وبيعشقني انا من واحنا لسه اطفال بنلعب مع بعض في الشارع
من وقتها وهو متعلق بيا ومبيقدرش يبعد عني
واكيد انتِ شوفتي كان عامل ازاي في بُعدي
عايزة تعرفي انا رجعتله ليه
قربت منها واتكلمت بخبث وابتسامه سمجه
_اصل عرفت من قريبته انه ورث من ابوه فلوس بالكوم
وانا الصراحه بعشق الفلوس زي عنيا ف علشان كده رجعتله
اصل واحد معاه فلوس وبيعشق التراب اللي ماشيه عليه وشكله حلو وفيه كل الصفات اللي بتحلم بيها اي بنت يبقى يتساب ليه
ده لقطه!
اميره بصدمه واستغراب
_علشان الفلوس!
يعني مرجعتيش علشان بتحبيه
ندى بجدية
_بيبي الحب مش بيأكل عيش 
وابتسمت بوجع
_انا ابويا وامي كانوا بيعشقوا بعض
واول ما اتجوزوا المشاكل كترت بينهم والحب ده اتحول لكره بسبب قلة الفلوس ووصلت بيهم أنه قت.لها واتعد.م 
قوليلي بقا الحب ده نفعهم في ايه
مش هنكر واقولك اني مش بحب مؤمن
بس بحب الفلوس اكتر
_يعني لو لقيتي حد معاه فلوس اكتر منه هتسبيه صح
فكرت ندى شوية واتكلمت بمكر
_بصي هو قبل ما مؤمن يبقى غني اه كان ممكن اعمل كده
لكن بما ان بقا معاه فلوس ويقدر يعملي اي حاجه انا عايزاها ف لأ مش هسيبه 
_انتِ مش بتحبيه..انتِ بتستغفليه وبتضحكي عليه
وبقا دلوقت بالنسبالك بنك او حاجه زي مصباح علاء الدين يحققلك رغباتك
مؤمن ميستهلش واحده زيك
ابتسمت بثقه 
_ملكيش دعوه ، وعلى فكره لو روحتي قولتيله اي كلمه من اللي قولتهالك مش هيصدق
لأن زي ماقولتلك بيعشقني
وانا بقيت بالنسباله كل حاجه وميقدرش يبعد عني
ف ابعدي عنه بقا يا عسل علشان اقسم بالله انا خلقي ضيق وهتصرف معاكي تصرف مش هيعجبك
سكتت لما لمحت مؤمن داخل عليهم وبيبتسملها بحب
_ها اتأخرت عليكم 
ندى بإبتسامه ورقه
_لا ياحبيبي
بس شوف اميرة عايزة تمشي ومستعجله خالص مش عارفه ليه
بص لأميره بإهتمام وقلق
_مالك فيه حاجه حصلت
بعدت عنيها من على ندى وبصتله بشفقه ووجع وحسيت انها عايزه تصرخ في وشه وتقوله ابعد عن المريضه دي وبطل تحبها لكن عرفت ان لو عملت كده مش هيصدقها وهتطلع هي شريرة الحكايه بالنسباله
قامت واتكلمت بجمود
_لأ مفيش حاجه متقلقش بس ساره عايزاني ضروري
قام معاها واتكلم بجديه
_طب استني هوصلك
اميره برفض
_لأ يامؤمن شكراً
انا هروح خليك انت
باي
ندى بإبتسامه مصطنعه
_باي ياميرو
خلي بالك من نفسك
بصتلها أميرة بإحتقار مقدرتش تخبيه ومؤمن لاحظ ده وبصلها بإستغراب ورجع بص لندى اللي بصتله ببرائه مصطنعه 
مشيت اميره من المكان ورجع مؤمن قعد مع ندى اللي بصتله واتكلمت بحزن
_هي ليه بصتلي بإحتقار يا مؤمن
هو انا ضايقتها في حاجه
عنيها دمعت واتكلمت بنبرة حزينه
_انا والله اتعاملت معاها كويس وداريت غيرتي عليك منها 
مسك ايديها واتكلم بحنان
_حبيبتي متضايقيش
هي اكيد متقصدش 
_ماشي يامؤمن يمكن انا فهمت غلط
ابتسم عليها واتكلم بهيام
_قلب مؤمن من جوا انتِ
هو فيه حلاوه كده ياناس
ابتسمت بخجل مصطنع
_بس يامؤمن بقا قولتلك متتكلمش معايا بالطريقه دي غير لما نتجوز
_طب وهو احنا متجوزناش ليه لغاية دلوقت
_قول لنفسك
_والله انا لو عليا يلا دلوقت
انا شقتي جاهزة ومش ناقصها حاجه غيرك
ايه رأيك نتجوز بعد شهر
فكرت سوية وهزيت دماغها بموافقه وهي بتبتسم بخجل مصطنع
ردلها الابتسامه بسعادة من موافقتها وحس انه اسعد واحد في الدنيا طول ما هي جنبه
_______________________
عدى اسبوع واميره بتتجاهل مؤمن تماماً ومبقتش تقف في البلكونه وهو لاحظ ده وحس بنقص بسبب غيابها وانه فقد حاجه كبيره في حياته وبقى محتار ليه حاسس ب ده رغم وجود ندى 
_______________
في يوم اميرة كانت قاعده مع صاحبتها اللي لسه متعرفه عليها جديد في الكلية وبيتكلموا بإندماج
لمحت بنت داخله مع شاب وقعدوا على الترابيزة اللي قدامهم 
ركزت في ملامحها وبرقت عينيها باستغراب
_ندى!!
يتبع..
أميرة شافت ندى قاعده مع شاب وبدأوا يتكلموا بإندماج
_مالك سرحتي في ايه فجأه
أميره بتركيز
_دي صاحبة مؤمن...مين اللي قاعده معاه ده هي بتخونه ولا ايه
بصيت رودينا صاحبتها الجديده للمكان اللي بتشاور عليه اميره واتكلمت بسرعه
_طلعي تليفونك صوريها
اميره بتردد
_طب ما ممكن يكون قريبها ولا حاجه
رودينا بسخريه
_قريبها!
انتِ مش شايفه بيبصلها ازاي!
ده هياكلها بعنيه
هاتي تليفونك ملكيش دعوه انتِ 
مسكت رودينا تليفون اميره وصورت ندى والشاب اللي قاعده معاه من غير ما ياخده بالهم
_اعمل بيها ايه يعني
_متعمليش..خليها معاكي احتياطي يمكن تحتاجيها..مش قولتيلي ان هي مبتحبش مؤمن وعايزاه علشان فلوسه
يمكن تكون مصاحبه ده كمان اللي زي دي ممكن تعمل اي حاجه
ومتوريهاش لمؤمن دلوقت لأنه هو لسه ميعرفش نيتها وممكن حدا تبررله بأي حجه ويبقى شكلك وحش ساعته
ندى لمحت اميره واتوترت جدا وبصيت للي قدامها
_يلا نقوم نمشي من هنا يازياد
زياد بإستغراب
_ليه..انا لسه مخلصتش كلامي
ندى بغضب وصوت عالي وقصدت انها تسمع اميره 
_هو فيه كلام يتقال بعد اللي انا قولتله
ابعد عني يازياد انا خلاص هتجوز وبحب اللي هتجوزه جدا 
بطل تطاردني في كل مكان ولو قابلتك النهارده ف ده علشان انهي كل حاجه معاك
عن اذنك
قامت وقبل ماتمشي بصيت بطرف عينها على اميره لقيتها بتبتسم بسخريه وعدم تصديق للي قالته
اتوترت اكتر ومشيت من المكان بسرعه وهي بتتكلم في سرها
_البت دي كده بقيت خطر عليا..لازم اتصرف
اميره ودعت صاحبتها وطلعت وراها بسرعه ونديت عليها :
_ندى
وقفت وبصتلها بإستفسار وبرود
_افندم
اميره بإشمئزاز
_يعني مش كفايه متجوزاه علشان فلوسه وكمان بتخونيه
_بخونه!
ايه اللي انتِ بتقوليه ده 
_ايه مش دي الحقيقه
_لا طبعا مش الحقيقه
اميره بعدم تصديق
_انتِ كدابه
ابعدي عن مؤمن احسنلك هو ميستاهلش واحده شبهك 
انتِ اللي زيك مقامهم شخص م.قرف شبهم
مش واحد زي مؤمن ابدا
ندى بمسكنه مصطنعه
_ليه كده يا اميره
والله العظيم انا بحبه جدا وهو بيحبني!
_بلاش الحركات دي عليا يابت ايش حال انك انتِ اللي قايلالي حقيقتك بلسانك
بني آدمه مريضه 
سابتها ومشيت من قدامها وندى ابتسمت بخبث وبصيت لتليفونها بإنتصار
________________
وصلت اميره للشارع اللي فيه بيتها وكانت ماشيه سرحانه 
_ممكن اعرف القمر سرحان في ايه
بصيت للي بيتكلم لقيته مؤمن ابتسمت وبصتله بإشتياق 
_مؤمن
_اه يستي مؤمن اللي مطنشاه
مش عيب عليكي متسأليش عن البيست فريند بتاعك ومتجهلاه
هربت من عنيه واتكلمت بهدوء 
_معلش يامؤمن كان عندي امتحانات وكده ومكتئبه بسبب الضغط اللي كنت فيه انت عارف
_مكتئبه!
مكتئبه وانا موجود طب والله عيب 
تعالي
سحبها من ايديها لحد الموتوسيكل بتاعه واتكلم بأمر
_اركبي 
اميره بإندهاش
_اركب فين يبني
_اركبي ورايا هفسحك مش انتِ مكتئبه
اتكلمت بخوف وتوتر
_لأ بص انا عمري ما ركبت البتاع ده ومستحيل اعمل كده ف انسى
مؤمن بضحك
_جبانه قسماً بالله جبانه
بس متقلقيش يستي هسوق براحه
بصتله بتردد واتكلم بتشجيع
_يلا يا اميره بقا...يابنتي يلا
ركبت وراه بتردد 
_امسكي فيا جامد بدل ماالاقيكي حاضنه الاسفلت
اميره بغضب وخوف
_وبعدين بقا في الكلام اللي يخليني اغير رأيي وانزل
ضحك واتحرك بالموتوسيكل بسرعه بطيئه لحد ما طلع من الشارع بتاعهم وفجأه زاد سرعته لدرجة ان اميره صرخت بخوف
_وحياة ربنا ما هسيبك يامؤمن 
ضحك جامد وهو بيزيد السرعه
_يابنتي والله ده احسن طريقه لمحاربة الاكتئاب اسمعي مني
مسكت فيه اكتر وهي خايفه 
لكن خوفها بدأ يقل لما الدنيا بدأت تمطر عليهم 
_اوبااا حظك والله يا ميرو الجو بقا جامد
اميره بإبتسامه سعيده
_تصدق معاك حق
فضلوا يلفوا بالموتوسيكل كتير لحد ما الجو بقا صعب ف اضطروا يرجعوا واميره شكرت مؤمن على الخروجه وراحت بيتها وهي مبتسمه لكن لقيت ساره قدامها وبتبصلها بغضب
_كنتي فين مع مؤمن يا اميره وراجعه غرقانه كده
اميره بتوتر
_عادي يعني ياساره كنا بنتمشى شوية
_بلاش الواد ده يا اميره..متعلقيش نفسك بيه هو مش من نصيبك وقلبه مع غيرك
ابتسمت بألم وهزيت راسها بموافقه ودخلت اوضتها في صمت
بصتلها ساره بحزن عليها ودعيت ان ربنا يخرج مؤمن من قلبها وعقلها وتلاقي الشخص اللي يعوضها
________________
_يبنتي مالك فيه ايه بقالي ساعه بتحايل عليكي..انجزي علشان لسه مجبناش بقيت الحاجات
ندى بحزن مصطنع
_قولتلك مفيش
مؤمن بغضب
_لأ فيه وهتقولي 
_اميره
مؤمن بإستغراب
_مالها
طلعت ندى تليفونها وسمعته تسجيل لأميره وهي بتقول:
_ابعدي عن مؤمن احسنلك هو ميستاهلش واحده شبهك 
انتِ اللي زيك مقامهم شخص م.قرف شبهم
مش واحد زي مؤمن ابدا
برق عنيه بصدمه وجز على سنانه بغضب و.....
يتبع
طلعت ندى تليفونها وسمعته تسجيل لأميره وهي بتقول:
_ابعدي عن مؤمن احسنلك هو ميستاهلش واحده شبهك 
انتِ اللي زيك مقامهم شخص م.قرف شبهم
مش واحد زي مؤمن ابدا
برق عنيه بصدمه وجز على سنانه بغضب 
ندى بدموع وحزن مصطنع
_انا اتهانت يامؤمن..اتهانت واتمسح بكرامتي الأرض بسبب واحده انت اللي دخلتها بينا
تخيل يامؤمن انها قالتلي كده لما عرفت ان بابا ق.تل ماما
طب انا ذنبي ايه
ذنبي ايه ان هو طلع بالبش.اعه دي 
سكت ومبقاش عارف يرد عليها بأيه
معقول أميره يكون تفكيرها كده !
حس انه عايز يواجها وان لسه فيه حاجه ناقصه في الموضوع كله
__________________
بعد ساعتين
اميره سمعت خبط جامد على الباب راحت تفتح لقيته مؤمن اللي كان واقف وشكله غريب بالنسبالها وبيبصلها بنظرات مقدرتش تفسرها وحسيت انها صدمه واحتقار 
اتكلمت بإستغراب من هيئته
_فيه اي يامؤمن!
مؤمن متكلمش كتير واكتفى بأنه يسمعها التسجيل اللي بتشتم بيه حبيبته 
_ها..ايه تفسير حضرتك
ملامحها متغيرتش وبصتله بلامبالاة وقوة
_وانا مش ندمانه على كل كلمه قولتها
مؤمن بصدمه من بجاحتها
_يعني ايه
_يعني اللي سمعته يامؤمن..كل كلمه قولتلها كنت قصداها ولو رجع بيا الزمن هقولها تاني
انت متعرفش البني آدمه دي بتفكر فيك ازاي ونيتها اي ناحيتك
مؤمن اتعصب من كلامها عن ندى بالشكل ده واتكلم بحده 
_بقولك ايه يا اميره
مش معنى ان اعتبرتك في يوم من الايام صاحبتي وزي اختي انك ليكي الحق تشتمي اللي هتكون مراتي!
ثم انتِ ليه بتتكلمي بالالغاز
متقولي ندى عملت ايه علشان تقوليلها الكلام الرخيص ده
_هقولك.. رغم اني عارفه انك مش هتصدقني
مبدأيا كده ندى قالتلي بلسانها انها رجعتلك تاني علشان عرفت لنك ورثت وملخص كلامها امك بنك بالنسبالها مش اكتر
ولما قولتلها الكلام اللي سمعته ده علشان شوفتها قاعده مع واحد واحتمال كبير انها بتخونك
وطلعت تليفونها من جيبها ووريته الصوره
شافها مؤمن وبصلها بحمود
_وانا مش مصدق اي كلمه من اللي قولتيها عليا دي وعارف ومتأكد انها بتحبني زي ما بحبها
وانا اكيد مش هشك فيها بسبب صورة لأن علاقتنا اقوى من كده وهستنى تفسيرها عليها
ابتسمت ببرود ظاهري وانكلمت بلامبالاه مصطنعه
_وانا مش فارق معايا تصدقني ولا لأ
انا كده عملت اللي عليا وخلصت ضميري قدام ربنا وحذرتك منها
تصدق بقا متصدقش دي ليلتك وانت اللي هتشيلها مش انا!
وزي ما دخلت حياتك بسرعه هنسحب بنفس الطريقه 
اتألم من فكرة فراقها وحس ان دماغه اتشوشت جداً بسبب رد فعلها 
لكن كبت كل ده ومشى من قدامها
قفبت اميره الباب ومسكت تليفونها وعملتله بلوك من كل حته وقررت انها تقطع صفحه مؤمن من حياتها نهائي 
وتركز في مستقبلها
عدى خمس دقايق ولقيت نفسها انهارت في العياط وحسيت بمرارة الحب من طرف واحد
ليه مصدقهاش!
ليه حبه لندى عمى قلبه وعقله بالطريقه دي 
ليه الإنسان بيجري ورا الشخص اللي بيأذيه وبيسيب القلب اللي حبه واللي اهتم بيه وداوى جروحه
كل دي اسأله داريت في دماغ اميره وهي بتندب حظها اللي وقعها في حب مؤمن 
______________________
رجع بيته وهو محتار ومشوش ومش عارف يفكر في اي حاجه
ميقدرش ينكر ان كلام اميره هزه شويه لكن دي ندى!
ندى اللي بيحبها اكتر من روحه ولو العالم في كفة وهي في كفة هيختارها هي
رنيت عليه كتير قرر انه ميردش عليها وقفل تليفونه وحس انه دخل دوامه هو ملوش طاقه ليها
نام بتعب من كتر التفكير وفاق على خبط مزعج على الباب
راح فتح لقاها ندى اللي بتبصله بقلق حقيقي وحضنته اول ما شافته
_حبيبي انت كويس!
رنيت عليك كتير وبعدها تليفونك اتقفل 
فيه ايه يا مؤمن مالك 
بصلها بنظرات غريبه عليها واتكلم بهدوء
_انا كويس ياندى
تعالي اقعدي علشان عايز اكلمك في موضوع مهم اعتقد ان من حقك تعرفيه
هزيت دماغها بموافقه وقعدت قدامه وابتدى بتكلم بجديه مصطنعه
_ندى انا ورثت مبلغ كبير جداً من بابا..بس...بس كان ليا واحد صاحبي وزي اخويا بالظبط محمود انتِ عارفاه طبعاً.. كان محتاج عملية كبيرة بالمبلغ والا هيموت ف طبعا ومن غير تفكير عطيته كل اللي معايا
وحاليا انا زيي زي اي شاب في سني عايش على المرتب اللي باخده من الشركه اللي بشتغل فيها
خلص كلامه و راقب رد فعلها بتركيز واللي لقاه بدأ يتغير و....
يتبع..
خلص كلامه و راقب رد فعلها بتركيز واللي لقاه بدأ يتغير واتكلمت بحزن مصطنع
_يبقى اميرة نفذت كلامها
مؤمن بعدم فهم
_يعني ايه...مش فاهم
قامت وقفت واتكلمت بعصبيه ودموع
_قالتلي انها هتقولك اني قولتلها  رجعت لمؤمن علشان ورثه وساعتها انت هتتصدم فيا وتسيبني
ومعنى كلامك ده انك صدقت كلامها وبتختبرني يامؤمن صح !
فكر شوية وبعدها ابتسم واتكلم بسخرية
_وهي اميره عرفت منين ان انا ورثت
ندى اتوترت جداً ولعنت نفسها على غلطتها 
_ايه..يعني...ممكن من..من اي حد يخصك
_والله!
اميره متعرفش حد من عيلتي او صحابي ولا حتى انا قولتلها على الموضوع ده
واكيد اكيد ياندوش هي مش بتنجم يعني صح
اضطرت انها تلعب على مشاعره وقربت منه ومسكت وشه بإيدها واتكلمت بهمس ودموع
_مؤمن انت شاكك فيا انا!
انا ندى يامؤمن..ندى حبيبتك اللي بتعشقك اكتر من نفسها ومستعدة تضحي بأي حاجه علشانك..بلاش تبصلي كده يامؤمن انا ممكن يجرالي حاجه لو حسيت ان انت متغير معايا ولو بنسبة واحد في المية
بعد ايدها من عليه واتكلم بهدوء وعدم تأثر بكلامها
_مين اللي كنتِ قاعده معاه ده ومتكدبيش انا شوفت صورتك معاه 
مسحت دموعها واتكلمت وعنيها بعيد عنه
_ده..ده زياد واحد كان عايز يتجوزني لما انا وانت انفصلنا وكان  وبيزن عليا علشان أقبل بيه وانا قابلته وقولتله يبعد عني لأني رجعتلك وبحبك ومش عايزه غيرك
بس يامؤمن ده اللي حصل
_بجد!
ولا سبتيني من الاول علشانه وبعد ما بقى معايا فلوس كتير  سبتيه ورجعتيلي علشان انا اغنى منه وهبسطك اكتر 
قام وقف واتكلم بنبرة اول مرة تسمعها منه وكانت كلها اشمئزاز:
انا مصدوم فيكي
قسماً بالله ما قادر استوعب اني كنت مغفل قد الدنيا بسببك
يعني سبتيني في اكتر وقت كنت محتاجك فيه لما امي وابويا واختي الصغيره الشقه ول.عت بيهم وخسرتهم كلهم وكنت في حالة اكتئاب وعلى وشك الانت.حار ومع ذلك سامحتك 
وقولت ان معاكي حق لأني كنت بعاملك وقتها بتجاهل وقسوة رغم ان ده مكنش بأيدي لأني مكنش فيا حيل اطبطب وادلع واقعد احب في حضرتك انا كنت في صدمه !
ندى بعياط 
_ندمت..والله ندمت ورجعتلك وبحاول اعوضك 
مؤمن ضحك بسخريه ودموعه نزلت
_تعوضيني!
اتكلم بصراخ وغضب 
_تعوضيني عن ايه!
ورجعتيلي علشان ايه
علشان الورث
عرفتي اني ورثت ف قولتي لما ارجعله وهو مغفل وما هيصدق ومش هيهتم اني سيبته لما كان محتاجني معاه
ما عادي بقا ده مؤمن اللي زي الخاتم في صباعي
_صدقتها يامؤمن..صدقت واحده لسه متعرف عليها !
_اخرسي..متجبيش سيرتها على لسانك
وعلى فكرة انا مصدقتش كلامها غير لما وقعتي بلسانك وجبتي سيرة الورث اللي اميره متعرفش عنه حاجه
والمفروض ولا حتى انتِ لأني مقولتلكيش غير من شويه ومحدش يعرف غير قرايبي من بابا بس
تلاقي حد منهم قالك وعلشان كده رجعتي صح
_مؤمن متظلمنيش
_هشش بلا مؤمن بلا زفت..امشي..امشي مش عايز اشوف وشك تاني 
انا غلطان اني خسرت اميره اللي وقفت جنبي في محنتي وطلعتني من اكتئابي وحزني من غير مقابل 
وروحت لواحده جشعه زيك
هزيت دماغها بنفي واتكلمت بعياط حقيقي وخوف من فقدانه واللي لأول مره تحس بيه
_لأ يامؤمن علشان خاطري.. سامحني انا اسفه وبحبك..والله العظيم بحبك
ابتسم بسخريه ووجع 
_حتى دي بقيت مش قادر اصدقها بعد ما عرفت حقيقتك
كل السنين دي كنت مخدوع فيكي
حتى امي كانت بتحذرني منك كتير وانا مكنتش بسمعلها
بس طلع معاها حق
شكرا ياندى.. شكراً على الجرح اللي سببتهولي هفضل فاكره العمر كله
يلا سلام..يلا برا مش عايز اشوف وشك تاني 
مسكت شنطتها وجريت من قدامه بدموع وندم حقيقيين
لأول مره تشوف الجانب ده من مؤمن
وكلامه ليها وضحلها بشاع.ة اللي بتعمله فيه
للدرجادي خوفها من اللي عمله ابوها في امها  يتكرر معاها خلاها تتصرف بالطريقة دي!
خلاها كل اللي همها في الحياة الفلوس وبسبب كده ضيعت من ايديها اكتر حد حبها في حياتها بس قررت انها مش هتستسلم وهتحاول ترجعه ليها تاني
_______________
بعد مرور شهر
اميره كانت بتحضر نفسها علشان شغلها الجديد 
وقفت قدام المرايه وبصيت لنفسها بحزن
ملامحها رغم جمالها الا انها حزينه
مش قادرة تتخطى مؤمن وحبها ليه
حسيت ان حبه لعنة مش قادرة تتخلص منها
فاقت من شرودها على خبط الباب راحت تفتح بكسل واتصدمت لما شافته قدامها
_مؤمن!
_اميره انا محتاجك في حياتي
سكت شويه واتكلم بصعوبه 
_تتجوزيني
يتبع..
_اميره انا محتاجك في حياتي
سكت شويه واتكلم بصعوبه 
_تتجوزيني
طبعاً اميرة اتصدمت جداً من عرضه واتكلمت بزهول
_مؤمن.. انت بتقول ايه!
مؤمن بتأكيد
_الله سمعتيه يا اميره
انا عايز اتجوزك
لأني لو لفيت العالم كله مش هلاقي واحده ببرائتك وروحك الحلوة وشخصيتك النضيفة
متنكرش فرحتها بكلامه وانه اخيرا حس بيها وبحبها ليه
لكن هي عارفه ومتأكده انه بيحب ندى 
_مش هينفع يامؤمن
انا مش عارفه ايه اللي حصل بينك وبين حبيبتك بس متأكده انك لسه بتحبها لغاية الآن ومش بعيد تكون بتحاول تتخطاها بيا
غامت عنيه بحزن وألم واتكلم بنفور وبعد عينه من عليها
_متجبيش سيرتها تاني يا اميره ، طلع معاكي حق في كل كلمه قولتيها وعلاقتي بيها انتهت من مده ومش هدخلها حياتي تاني
خلصت 
رجع بصلها واتكلم بجدية
_ها يا اميره قولتي ايه
لو خدت موافقتك دلوقت هاخد معاد من اختك علشان نتفق على كل حاجه
حسيت انها مش قادرة تفكر من صدمتها
شافت في عنيه نظرة ترجي ليها انها توافق
وهي من جواها عايزة توافق 
لكن فيه حاجه منعاها
لاحظ صمتها  ده وخمنه على انه رفض لعرضه ف اتكلم بإبتسامه حزينه
_خلاص يا اميره متقوليش حاجه
ردك وصلي وانك مش عايزاني 
لف ضهره وكان هيمشي لكن اميره اتكلمت بسرعه
_استنى يامؤمن
وقف وبصلها بإستفهام
اميره بصيت في الأرض واتكلمت بخجل وهمس
_موافقه
ابتسم براحه وقرر انه يشاغبها شويه
_موافقه على ايه
ابتسمت بخجل
_على.. على جوازنا
ردلها ابتسامتها واتكلم بوعد
_وانا اوعدك اني هحاول اخليكي متندميش على القرار ده يا اميره
_وانا واثقه فيك يامؤمن
بعد مرور تلت شهور
كانوا قاعدين الاتنين جنب بعض في الكوشه بعد ما اتكتب كتابهم 
وكانت اميرة لابسه فستان جميل جدا لونه ابيض وعامله شعرها بتسريحه بسيطه 
وباين على ملامحها الفرحه والبهجه وبتبص لمؤمن بحب 
مش مصدقه انه بقى جوزها وملكها هي لأنها
كانت حاسه ان علاقتهم مستحيله
وعلى الناحية التانيه مؤمن كان قاعد وشارد بعقله بعيد عن الكل
اه لسه بيحبها ومش هيعرف يطلعها من قلبه وعقله بالسهوله دي
لكن لما بص لأميرة وشاف نظراتها ليه محسش بنفسه غير وهو بيبتسم على فرحتها
حس انها احسن عوض ليه لما تبقى في حياته وبتاعته وام لولاده
من ساعة ما قرر يتجوزها مندمش لحظه على القرار ده وكان حاسس براحة كبيرة رغم وجع قلبه من ندى
بعد ساعتين وصلوا بيت مؤمن واللي كان متجدد وشكله شيك جدا والوانه هاديه
بص مؤمن لأميرة واتكلم بهدوء
_ادخلي غيري هدومك في اوضتنا ولما تخلصي ناديني
هزيت دماغها بموافقه ومشيت من قدامه بسرعه بخجل منه 
ابتسم عليها بحنان وفك الكرافته وقلع الجاكيت بتاع البدلة وقعد عالكنبة وابتدى يلعب في موبايله عقبال ما اميره تخلص
تليفونه رن وبص للمتصل لقاه اسم "ليلى"
ضيق عينه بإستغراب من اتصالها لأنها صاحبة ندى المُقربه وعلاقته معاها يعتبر سطحيه
فتح الاتصال
_الو
ليلى ببكاء حقيقي
_مؤمن..الحقنا يامؤمن ندى بتحاول تنتح.ر 
يتبع
_مؤمن..الحقنا يامؤمن ندى بتحاول تنت.حر
قالتها ليلى بعياط لمؤمن اللي متهزتش فيه شعره وضحك بسخرية
_قديمه يابنات..العبوا غيرها
وقولي للمحترمه اللي متأكد انها جنبك انا مبقتش المغفل بتاع زمان واي حاجه اصدقها منك
بعد اللي عملتيه مبقتش اثق فيكي وابعدي عني انا بقيت راجل متجوز ومراتي بتغير عليا
باي ياندوش انتِ عارفه بقا انا عريس والنهاردة ليلة فرحي 
قفل في وشهم السكة
بصيت ليلى لندى اللي قاعده جنبها وملامحها مصدومة ومقهورة
ليلى بتوتر
_ندى..انا مش عارفه ايه اللي حصل مبينكم بس اللي متأكده منه انك مبقتيش عنده زي الاول
حاولي تنسيه وتكملي حياتك من بعده حكايتكم انتهت خلاص
نزلت دموعها واتكلمت بحزن
_انساه!
ليلى انا بحبه
ليلى خدتها في حضنها واتكلمت بحنان
_معلش ياحبيبتي
منه لله لأنه جرحك وغدر بيكي واتجوز غيرك وربنا هيجبلك حقك منه صدقيني
عيطت اكتر واتكلمت بحسره
_انا اللي أذيته ياليلى...انا اللي جرحته ووصلته لكده
انا اللي دمرت علاقتنا
فضلت ندى تندب حظها والندم مليها بسبب اللي عملته
_________________
مؤمن بعد ما قفل معاها  اتوتر من انها تعمل حاجه في نفسها وتكون فعلا بتحاول تنت.حر
حاول يداري ده وفكر نفسه انه خلاص بقا متجوز ومينفعش يفكر فيها بأي طريقه
ابتسم بحزن وسخرية على اللي حصل لعلاقتهم وانها طلعت كلها كدبه
بس ابتسامته اتبدلت بحنان لما افتكر اميرة واللي مستعدة تعمل اي حاجه علشان تسعده 
فاق من شروده على فتحة الباب واميره بتخرج من الأوضه وهي لابسه روب ابيض وبتبصله بإبتسامه
_تاكل
هز دماغه بنفي واتكلم بهدوء 
_تعالي يا اميره
قربت منه بخجل لحد ما وقفت قدامه 
حضنها وهو قاعد واتكلم بهمس وامتنان
_شكرا..شكرا انك في حياتي
اه ربنا اخد مني ناس كتير غاليين عندي بس عوضني بيكي..وده اكبر عوض بالنسبالي يا اميره
عنيها دمعت بتأثر وقعدت قدامه ومسكت وشه بإيديها
_واوعدك اني مش هسيبك وهفضل معاك للآخر 
لأني محتجاك زي ما انت محتاجني
ابتسم ومسك ايديها وباسها وهو بيبص في عنيها 
______________________
تاني يوم اميره صحيت من النوم وهي في حضن مؤمن
ابتسمت بحب وخجل وقامت من جنبه بهدوء
وقامت اخدت شاور وحضرت الفطار ورجعتله تاني
_مؤمن..يامؤمن اصحى بقا
فتح عنيه بكسل وبصلها واتكلم بإبتسامه ونعاس
_ده ايه الصباح القمر ده
ابتسمت بفرحه من كلامه واتكلمت بحماس
_قوم افطر علشان نخرج ولا انت مش ناوي تخرجني يابيه
اتعدل وشدها عليه
_نخرج يا ميرا طبعا منخرجش ليه
قوليلي عايزة تروحي فين
اميره فكرت شويه واتكلمت بحماس
_الملاهي
اختفت ابتسامته واتكلم بحنق
_الملاهي !
ده ايه العبث ده
_مالها يعني الملاهي مش فاهمه
_اطفالي اوي الصراحه
مش خارج افسح بنت اختي انا
اتضايقت وبعدت عنه واتكلمت بحزن مصطنع
_براحتك يامؤمن..خلاص انا اصلا مش عايزة اخرج
_ده نكد ده ولا انا متهيألي 
مش بدأنا بدري شويه يامدام اميره ولا حضرتك شايفه ايه
اميره بصراخ
_متقوليش يامدام انا مش مدام
_نعم يختي!
اومال اللي حصل امبارح ده ايه
اميرة بغضب وخجل
_احترم نفسك يامؤمن لو سمحت
_احترم نفسي ، طب والله عيب لما احترم نفسي
مسك الصنية اللي عليها الفطار واتكلم بإعجاب
_ده ايه الدلع ده كله!
ده انتِ مش ناقص غير تأكليني بقا
ابتسمت وقربت منه وابتدت فعلاً تأكله
حس من حركاتها واهتمامها بيه انها بدأت فعلا تاخد مكان في قلبه
وبقى يتأثر من قربها
عدى اربع ساعات ووصلوا لملاهي كبيرة جداً وبدأت اميره تجرب كل الالعاب وبتجبر مؤمن انه يشاركها واللي بدأ واحده واحده يحب ده ويشاركها جنانها
________________
عدى اسبوعين وبدأت حياتهم الطبيعية ترجع ومؤمن نزل شغله واميره بتساعد سارة في ترتيبات جوازها
سارة بصيت لأميرة لقيتها سرحانه
سابت الهدوم اللي بتشتريها وقربت منها واتكلمت بحنان
_مالك يا أميرة سرحانه في ايه
هزيت دماغها بنفي
_مفيش
_لأ فيه..مالك!
تعالي نمشي واحكيلي في السكه كفايه الحاجات اللي جبناها النهاردة
طلعوا من المول وركبوا عربية سارة وبدأت اميره تتكلم بحزن
_مؤمن حساه بيتجاهلني 
كان كويس معايا اول يومين وبعد كده اتغير من غير سبب وبقا على طول سرحان وبيتعصب من أقل حاجه ومش فاهمة ماله
تفتكري انه لسه بيفكر في ندى يا سارة
_انتِ شايفه ايه
_مش عارفه..بجد مش عارفه ياسارة
انا عارفه انه كان بيحبها اوي بس هي خدعته ومكنتش تستاهله وهو قالي انه نساها 
وبصتلها واتكلمت بتفكير
_ ممكن يكون مشغول بسبب المشروع اللي بيعمله
سارة بتأكيد
_ممكن برضه
بصي يا اميره
انا عايزاكي تحافظي على جوازك وتحاولي تنجحيه طالما انتِ بتحبي مؤمن وعايزاه
ومدخليش بينكم البت دي هي خلاص حكاية واتقفلت 
وانا متأكده ان مع الوقت مؤمن هيعشقك وهيبقى مش شايف غيرك كفاية اصلا روحك الحلوة 
ابتسمتلها بشكر ورجعت سرحت تاني في علاقتها مؤمن 
____________________
تاني يوم لقيت مؤمن راجع من شغله بدري عن معاده 
_رجعت بدري ليه..انت تعبان
هز دماغه بنفي
_لأ..بس النهاردة عيد ميلاد صاحبي ورايحله
هو كان عازمني انا وانتِ من يومين بس انا نسيت اقولك 
_امم تمام 
سابته ورجعت تكمل قراية الكتاب اللي في ايديها ومؤمن بصلها
_هو ايه اللي امم تمام..متلبسي يبنتي
اميرة ببرود وهي باصه في الكتاب
_مش جايه
_ده ليه يعني
_علشان انا مش تحت مزاجك يامؤمن..المفروض كنت قولتلي قبلها علشان اجهز نفسي 
مؤمن بإستغراب
_طب مهو فيه وقت ده لسه بدري اصلا العيد ميلاد بليل
انتِ بتتلككي ولا ايه يا اميرة !
رميت الكتاب من ايديها واتكلمت بغضب ودموع وعتاب
_بصراحه بقا اه بتلكك يامؤمن
انت بقالك فترة اصلا بتتجاهلني ومحسسني ان انا عايشه لوحدي في البيت وبشوفك تقريبا بالصدفة
حس بالذنب ناحيتها واتكلم بأسف وهو بيقرب منها
_انا آسف يا اميرة..بجد اسف اكيد مقصدش اني اتجاهلك
بصي.. البسي وهنروح نقعد نص ساعه في العيد ميلاد ونمشي وهخرجك ماشي
متزعليش بقا
باس دماغها ودخل الحمام واميرة بصتله بحزن وضيق
حسيت انه بيعاملها كده كنوع من انواع جبران الخاطر مش اكتر 
______________________
وصلوا بعد شوية الحفلة واميره كانت لابسه فستان أبيض شيك وبسيط وحاطه ميكب هادي 
ومؤمن كان لابس قميص ابيض وبنطلون جينز وكان شكلهم حلو مع بعض
واول ما دخلوا العيون اتوجهت عليهم 
وابتدى صحاب مؤمن يسلموا عليه ويرحبوا بأميره اللي بدأت تندمج معاهم بطبيعتها الاجتماعيه
وعلى ترابيزة بعيدة عنهم كانت ندى قاعدة مع ليلى وكذا حد من صحابها وصحاب مؤمن في نفس الوقت لأنهم كلهم دفعه واحده
ليلى لندى بهمس
_يلا نمشي لو وجودهم مضايقك
بصيت لمؤمن بحزن وغيرة وهي شايفاه ماسك ايد أميرة وقربت ناحيتهم بغضب و....
يتبع...
ندى بصيت لحبيبها بحزن وغيرة وهي شايفاه واقف وايده في ايد مراته ومتجاهلها تماماً وبيتكلم مع صحابه
قريت منهم بغضب ووجهت كلامها لمؤمن بإبتسامه مصطنعه ونظرات مليانه عتاب
_مبروك يامؤمن 
الجو اتوتر أول ما ظهرت وكلهم بصوا لندى ومؤمن بفضول لأنها كانت اول مقابله مبينهم بعد جوازه
سكتت اميره وراقبت نظرات جوزها لندى
واللي لقيتها كلها وجع وشوق وعتاب
حسيت بنغزة في قلبها وبعدت عنيها من عليه
_الله يبارك فيكي ياندى..عقبالك
_قريب..قريب جداً كمان 
قالتها ندى بتحدي وابتسامه وبادلها مؤمن نفس الابتسامه بإستهزاء
اتدخل محمود صاحب مؤمن المقرب علشان ينقذ الموقف واللي كان صاحب العيد ميلاد
_طب يلا يجماعه نطفي الشمع بقا ولا ايه
_اه يلا 
اتجمعوا كلهم حوالين محمود وغنوله 
وبعد شوية قالت صاحبة محمود واللي كانت مش بتحب ندى 
_طب يجماعه بما اننا عندنا عرسان جديدة ف لازم نخلوهم يرقصوا مع بعض ولا انتوا شايفين ايه
اتدخلت واحده بتشجيع
_اه يامؤمن يلا حابين نشوفك بترقص مع اللي قدرت تخطف قلبك 
ابتسملهم بمجامله وبص لأميره بتساؤل
اللي هزيت دماغها بموافقه وابتسامه 
مسك ايدها ووقفوا في النص وكلهم اتجمعوا حواليهم وندى وقفت بعيد تراقبهم وحسيت انها سامعه صوت قلبها وهو بيتكسر
اشتغلت الاغنية ومؤمن حط ايده على وسط اميرة وهي حطيت ايديها على كتفه وابتدوا بتحركوا ببطئ على الاغنية 
ومؤمن نفخ بضيق لأنها كانت نفس الاغنية اللي هو وندى كلنوا متفقين يشغلوها في فرحهم وكانت على طول بتغنهاله
♥"عا بالي حبيبي..عا بالي حبيبي"♥
اغمرك ما اتركك..اسرقك ما ارجعك
احبسك ما طلعك من قلبي ولا يوم
اخطفلك نظراتك..ضحكاتك حركاتك
اعلقهم بغرفتي..انيمهم على فرشتي
احلامهم بغفوتي ليحلى بعبني النوم 
عابالي حبيبي
ليلة الألبسلك الابيض
واصير ملكك والدنيا تشهد 
واجيب منك انت طفلك انت متلك انت 
عابالي حبيبي
عيش حتى عمر او اكتر
وحبي يكبر كل مانكبر
واشيب لما تشيب عمري يغيب لما تغيب 
عابالي حبيبيي...
♥"                                            "♥
خلصت الاغنية وكلهم سقفولهم بحرارة وتشجيع
ومؤمن بص لندى لقاها دموعها نازلة وبتبصله بقهر
بص لأميرة واتكلم وهو بيحاول يكون طبيعي
_اميره انا داخل الحمام اقعدي عالكرسي اللي هناك ده عقبال ما اجيلك
هزيت دماغها بموافقه ومشيت من قدامه بصمت
اتحولت ملامحه للغضب وراح ناحية ندى وشدها من ايديها بعيد عن الكل لحد ما وصلوا لمكان فاضي ووقف قدامها واتكلم بغضب ومخدش باله من البنت اللي شافتهم وكانت نفس البنت اللي عرضت عليهم يرقصوا قدام ندى 
_انتِ بتبصيلي كده ليه..ها
ليه محسساني اني خونتك!
ليه محسساني ان انا اللي طلعت ندل معاكي وانا السبب في ان علاقتنا تنتهي
ندى بدموع وغضب
_علشان فعلا انت السبب ، ليه مع اول غلطه عملتها سبتني وروحت اتجوزت
ليه مدتنيش فرصه تانيه
هز دماغه برفض لكلامها
_علشان دي مش اي غلطه
دي نهاية لكل حاجه بينا
كون انك كنتي عايزة ترجعيلي علشان الفلوس ولو مكنش معايا فلوس كان زمانك متجوزه واحد غيري يبقى انتِ اصلا محبتنيش
ندى بصراخ
_انا خوفت !
خوفت اعيش معاك نفس المأساة اللي امي عاشتها مع ابويا 
واول ما مستقبلك بقى كويس رجعتلك
عارفه ان تفكيري غلط بس ده مكنش بأيدي يامؤمن
قسماً بالله ما كان بإيدي
_ولا ذنبي انا كمان يا ندى ، كملي حياتك بعيد عني وانسيني زي ما انا بحاول انساكي
_____________________
في نفس الوقت اميره كانت قاعده مستنيه مؤمن 
ولقيت واحده بتقرب عليها وعلى ملامحها الخبث والمكر
_الحقي جوزك من ندى دي بنت مش كويسه وشوفته واقف معاها هناك 
شاورتلها على المكان ومشيت من قدامها
بصيت اميره للمكان اللي البنت قالت عليه بتردد ومحسيتش بنفسها غير وهي بتتحرك اتجاهه
واول ما وقفت شافت مؤمن وقدامه ندى استخبت من عنيهم وقررت تسمع الكلام اللي هيقولوه وهو ده اللي هيحدد علاقتها بمؤمن
_يعني لو انا كملت حياتي مع حد غيرك مش هتتضايق يامؤمن!
يعني لو حد لمسني غيرك مش هيفرق معاك
اتوترت نظراته وبعد عنيه من عليها
_عادي دي حياتك وانتِ..وانتِ حره فيها
 وابتسمت بسخريه وهي بتمسح دموعها
_كداب..انت لسه بتحبني زي ما انا بحبك ويمكن اكتر كمان
انت مش شايف شكلك عامل ازاي معاها
وشكلك كان عامل ازاي معايا !
مش شايف نظراتك ليا كانت بتبقى ازاي اللي مشفتكش بتبص لأميرة ربعها حتى 
احنا اللي بينا مش شوية يامؤمن
اللي بينا سنين وذكريات ولا انا ولا انت هنقدر ننساها
_وانتِ قدّرتي ده !
_غلطت..دي الغلطه الوحيده اللي غلطتها في علاقتنا 
كنت عاقبني..ابعد عني شويه وانا اقسم بالله ندمت وعرفت غلطي
لكن انت روحت اتجوزت واحده بتظلمها معاك 
_انتِ عايزة مني ايه ياندى
قربت منه واتكلمت بحب
_نرجع
انا مليش غيرك يامؤمن في الدنيا
وعارفه ومتأكده انك عايزني زي ما انا عايزاك
بطل تقسى عليا كده
انا والله العظيم بحبك ومبقتش عايزة مليم واحد من فلوسك
بصلها بتردد وهو متخدر من قربها
_و...واميره
اتدخلت اميره في اللحظه دي بجمود
_انا هريحك من اميره اللي واقفه في طريقكم
طلقني يامؤمن
_انا هريحك من اميره اللي واقفه في طريقكم
طلقني يامؤمن
قالتها اميره ومشيت من قدامهم بسرعه البرق وهي بتعيط ومش شايفه قدامها من دموعها
مؤمن كان واقف بيبص للمكان اللي خرجت منه بصدمه وحس انه اتشل ومش قادر يتحرك وكأنه فاق من اللي هو فيه وفهم الغلطه الكبيره اللي عملها دلوقت
ندى قربت منه بسرعه واتكلمت بحنان
_مؤمن اميره معاها حق
هي فعلا لازم تطلع من حياتك ونتجوز وننسى اللي فات
انا حب حياتك يامؤمن مش هي
هي طرف تالت في علاقتنا ولازم تتخلص منه
زقها بعيد عنه بعنف واتكلم بغضب وصراخ
_مش عايز اشوف وشك تاني
ابعدي عني 
انا مش عارف انا ايه اللي حصلي وازاي جاريتك في اللي بتقوليه
كان هيمشي بس مسكته بسرعه بغضب
_لو مشيت دلوقت يامؤمن هبعد عنك ومش هرجعلك تاني
بعد ايدها وابتسم بسخريه
_في ستين داهية
انا مش هرجعلك لو انتِ آخر واحده في الدنيا ومش هكسر مراتي اللي وقفت جنبي واللي ضفرها برقبتك
سابها وجرى ورا اميرة اللي لقاها ركبت تاكسي ومشيت من المكان
نفخ بضيق وركب عربيته وراح وراها بسرعه 
لحد ما وصلت بيتهم وابتديت تلم هدومها وهي مقرره انها تسيبه ومتبقاش معاه لحظه واحده زيادة
وصل مؤمن بسرعه ومنعها من اللي بتعمله واتكلم بأسف وندم
_اميرة انا اسف
وحياة ربنا ما كنت هرجعلها من تاني ولو كنتي صبرتي دقيقه كنتي هتشوفيني وانا بهزقها
سابت اللي في ايدها وبصتله بهدوء
_بتتأسف على ايه يامؤمن!
انا اللي المفروض اتأسف لنفسي اني ظلمتها
واتجوزتك وانت قلبك مع غيري
وبتستخدمني علشان تداوي جروحك من حبيبتك القديمه
_لأ طبعا انا متجوزتكيش علشان كده
_اومال اتجوزتني ليه
عندك رد..معندكش صح
انا هقولك ليه
علشان تنساها بيا ولا تكونش اتجوزتني علشان تنتقم منها مثلا بسبب اللي عملته معاك ف تتجوز اكتر واحده هي بتكرها
ولا علشان اميره الهبله اللي بتهتم بيك وبتديك كل اللي محتاجه من غير ما تطلب ومش عايز تخسر كل ده 
_خلتيني بستغلك علشان اموف اون من ندى بمجرد اني انشغلت عنك شويه 
انتِ شايفاني بالبشاعه دي!
هزيت دماغها بتأكيد
_اه..انت اناني 
عايز اميرة اللي بتحبك وفي نفس الوقت عايز ندى اللي بتحبها
بس انا فوقت من القر.ف اللي كنت فيه
وعقابي ليك اني اسيبك ترجعلها يامؤمن
انت وهي لايقين على بعض 
قرب منها واتكلم بألم
_اميرة متظلمنيش
انا مقدرش اعمل فيكي كده ولا افكر فيكي بالطريقه دي
وندى لو آخر واحده في العالم انا عمري ما هرجعلها حتى لو علاقتي بيكي انتهت
انا عايزك واختارتك انتِ 
اديني فرصه تانيه وهثبتلك ده
صرخت بغضب وقهر
_كفاية بقا..كفاية كلام معسول بتغرقني بيه وانا وقلبي بنصدقك وفي الآخر بنتك.سر ونفوق على صدمه كبيره منك
انت الفترة اللي فاتت كنت معايشني في عذاب وحيرة وتجاهل وسايبني اكلم نفسي 
ليه كل ده...علشان ايه كل ده
علشان بحبك!
ما في داهية الحب قصاد نفسي
انا بقيت اكره ابص لنفسي في المرايه بسببك
بقيت بشوف واحده ضعيفه مربوطه بواحد مش بيحبها
انا بحس ان وانت معايا وفي حضني بتتخيلها هي مش انا وبيبقى فاضل بس تقول اسمها
سكت ومبقاش عارف يدافع عن نفسه
وبقى واقف مصدوم من انفجارها فيه
قارن اول مره يشوفها بدلوقت ولقى انه حولها من بنت مرحه بتحب الحياة لزوجه مجروحة ومقهورة وعلى وشك الانتحا.ر
اتكلم بصعوبة ودموع بدأت تظهر في عنيه
_قولي اللي انتِ عايزاني اعمله يا اميره وانا هريحك 
مسحت دموعها واتكلمت بقوة
_تطلقني..ورقة طلاقي منك توصلي 
وتبعد عني وعن حياتي وكفاية كده 
هز دماغه بموافقه
_حاضر يا اميره
رغم ان حياتي هتتدمر من بعدك بس انا مش هبقى اناني معاكي زي ما اتهمتيني وهعمل اللي هيريحك
وعايزك تعرفي اني اقسم بالله ما استغليتك علشان اتخطى ندى بيكي
واني من اول يوم شوفتك وانتِ اخدتي مكان في قلبي وبقيتي حاجه كبيره عندي ومستعد اخسر اي حد علشانك
اسف اني عملت فيكي كده وعمري ما هقدر اسامح نفسي 
بعد ما خلص كلامه شالت شنطتها ومشيت من قدامه بإنكسا.ر وانهزام وخطوات بطيئة
وحسيت ان الدنيا كلها بتلف بيها ومش شايفه غير سواد قدامها وآخر حاجه سمعتها قبل ما يغم عليها صوته وهو بيصرخ بإسمها
يتبع..
فاقت وبصيت حواليها بعدم تذكر لأي حاجه من اللي حصلت قبل ما تقع ويغم عليها
اول حاجه لمحتها مؤمن اللي كان ماسك ايديها وقاعد على كرسي جنب سريرها ونايم بعمق
سحبت ايديها من ايده وابتديت تفتكر كل حاجه حصلت ودموعها نزلت في صمت وهي بتبص قدامها شرود
شهقه خرجت منها بحزن صحى بسببها مؤمن بخضه وبصلها بقلق
_انتِ كويسه..فيكي حاجه!
بصتله من غير ما ترد على سؤاله وبعدت وشها عنه تاني واتكلمت بتعب وصوت واطي
_انا عايزة امشي من هنا..انا مخنوقه ومش قادرة اقعد دقيقه واحده
افتكر حاجه وبصلها بقلق من رد فعلها
_اميره..فيه حاجه انتِ لازم تعرفيها
انتِ حامل
بصتله بصدمه وبرقت عنيها بفزع
_نعم !
ده اللي هو ازاي يعني مش فاهمة
_هو ايه اللي ازاي!
_قصدي ان انا ببقى واخده احتياطاتي
ولا انت بتقول كده علشان افضل معاك
_اميره واضح ان اعصابك تعبانه ومش عارفه انتِ بتقولي ايه
هو العيل في بطني علشان اكدب عليكي!
الدكتورة كانت هنا امبارح وكشفت عليكي وقالت انك حامل
هزيت دماغها برفض ودموعها بدأت تنزل
_لأ مستحيل..انا كنت باخد حاجات تمنع الحمل اكيد الدكتورة غلطانه
_ممكن تكوني نسيتي في مره
فكرت شويه  وملامحها اتبدلت للضيق ورجعت شعرها لورا بعصبيه 
مؤمن لاحظ رفضها للحمل ده وعذرها وقعد جنبها واتكلم بهدوء
_اميره ممكن يكون ربنا عمل كده علشان نقرب من بعض تاني ويديني فرصه اثبتلك اني عايزك
بصتله بغضب وحده
_لأ..حملي ده مش هيغير حاجه بينا يامؤمن
وابنك لما يتولد هيتربى مبينا عادي جداً وطلاقنا مش هيأثر عليه 
لكن فكرة رجوعنا دي تنساها خالص
_انتِ كده بتظلميه وبتظلميني معاكي
_بظلمك!
ماشي ياسيدي انا ظالمه وبنت ستين في سبعين لو سمحت طلقني وابعد عن..
قطعت كلامها وهي بتجري على الحمام وبتستفرغ كل اللي في بطنها
دخل وراها بسرعه وبعد شعرها من على وشها وحاوط وسطها وهو بيحاول يهديها
بعد ماخلصت قعدت عالأرض بضعف وارهاق 
مؤمن شالها وغسل وشها وبقها ونشفهم وحطها عالسرير ورجع تاني ينضف اللي عملته بسرعه 
وبعدها قعد جنبها واتكلم بقلق
_بقيتي احسن.. اجبلك الدكتوره تاني
هزيت دماغها برفض واتكلمت بعياط
_انا عايزه امشي..وديني عند اختي انا مش عايزاك جنبي ولا تشوفني بضعفي ده اللي انت السبب فيه
قلبه وجعه جدا من كلامها واتكلم بحزن
_للدرجادي بقيتي تكرهيني يا اميره!
ابتسمت بسخريه على جملته وبصتله بنظرة انه ياريت تكون كرهته فعلا وعرفت تطلعه من قلبها
لكن مهما حاولت برضه مش هتقدر وهيفضل عشقها ليه يتغلب عليها مره ورا التانيه علشان كده عايزه تبعد عنه ومتضعفش من قربه اكتر من كده وترد كرامتها اللي اتجرحت على ايده
اتكلمت بكدب وهي باصه في عنيه بقوة
_انا محبتكش اصلا يامؤمن علشان اكرهك
انا وافقت اتجوزك لأني كنت مفكراك شخص كويس وهتعرف تسعدني
لكن للأسف حسبتها غلط وطلعت عكس ما توقعت
وزعلي منك لأنك محترمتنيش مش لأني غيرانه عليك من ندى
ولما نتطلق تقدر تتجوزها وتتجوز تلاته معاها كمان مش هيفرق معايا عادي 
كلامها ضايقه جدا وعصبه ومفهمش السبب
لو هو مش بيحبها مش هيفرق معاه إذا كانت بتحبه او لأ لكن ده فرق معاه جدا 
فكرة طلاقه ليها بترعبه لأنه مش هيقدر يعمل ده
مش هيقدر يكمل حياته وهي مش فيها
من اول يوم دخلتها وهي غيرت كل حاجه فيها وطلعته من الضلمة للنور وهو مش مستعد يرجع للضلمه تاني ببعدها عنه
أميرة بالنسباله مستقبله المشرق اللي بوجودها بيبقى مطمن وحاسس بأمان
ابتسامتها بتخليه مستعد انه يتأملها لسنين من غير زهق او ملل
بيحس معاها بإحساس عمره ما حسه قبل كده مع اي حد في العالم حتى ندى اللي بيقول عليها حب عمره !
كل دي مشاعر وافكار دارت في دماغ مؤمن وهو بيبصلها بشرود ومش سامع ولا كلمه من اللي عماله تقولها
استرجع كل المواقف اللي حصلت مبينهم وقد ايه هي كانت صاحبة وفية وزوجه حنونه ومهتمه ومستعدة تعمل اي حاجه علشانه
وفي المقابل هو عمل ايه!
لحد الآن مؤمن معملش لأميرة اي حاجه وعايش في ماضيه وبيصارع انه يطلع منه واميره الوحيده اللي كانت بتحاول تنجح العلاقه 
قرر ان كل ده يتغير وانه ينقذ جوازه من اميره وابنهم يتربى وسطهم 
وانه هيعمل كل اللي ف وسعه علشان ميخسرهاش..ميخسرش أميرته 
_انت بتتجاهلني تاني...انت مبتردش عليا ليه
فاق على جملتها اللي قالتها بعصبيه
_نعم يا اميرة.. عايزة ايه
_بقولك هتطلقني امتى
فكر شوية واتكلم بحزن مصطنع
_طب يرضيكي اطلقك دلوقت ونكسر فرحة اختك اللي فرحها بعد اسبوعين!
ليه الأنانية دي يا اميره
اميره فكرت شريه في كلامه ولقيت ان معاه حق وعنيها دمعت بحزن وندم لأنها اكيد مش عايزة تكسر فرحة اختها
قام راح المطبخ وبعدها رجع بصنية عليها فطار وعلاج وحطها قدامها واتكلم بحنان
_كلي يا اميره انتِ مأكلتيش حاجه من امبارح ومتفكريش في حاجه دلوقت وانا اوعدك ان بعد الاسبوعين ما يعدوا كل اللي انتِ عايزاه هيحصل
بصتله بنفور وقسوة
_اوعى تكون فاكر ان حنيتك واهتمامك المصطنعين دول هيغيروا رأيي في حاجه
تبقى بتحلم
واللي عايزاه هيحصل
نفخ بضيق وعرف ان طريقه معاها صعب علشان يرجعها تاني ليه
لكن اميره تستاهل..حتى لو قعد عمره كله يحاول يحببها فيه من تاني مش هيزهق لأن ده غلطه من الاول ولازم يصلحه
اتكلم بنفس النبره 
_ماشي يا اميره
كلي بقا
مشى من قدامها وهي بصيت للأكل بعدم شهيه وحطيت الصنيه على جنب ورجعت تنام تاني
_________________________
في مكان ضلمة وبعيد عن الكل راجل كبير شويه في السن كان قاعد على كرسي ضخم وقدامه شاب 
وكان ماسك صور لأميرة في اعمار مختلفه وكان بيبتسم بحنان
_عرفت عنوانها الجديد
_اه يا سلطان بيه ، وحالياً متجوزة من واد كده عنده ٢٥ سنة متخرج من هندسة
هز دماغه بشرود وبص لصورة مؤمن بتفكير
__________________
سارة كانت قاعده في البيت لوحدها وسمعت خبط على الباب
راحت تفتح واتصدمت لما شافت آخر حد توقعت انها تشوفه
_انت !
_اه انا...انا عايز اميرة ياسارة..عايز بنتي
يتبع..
_انا عايز اميرة ياسارة..عايز بنتي
بصتله سارة بكره واستحقار واتكلمت بسخريه
_عايز بنتك!
بنتك اللي انت رميتها لأبويا بعد موت امها ومشيت ياعمي العزيز 
انت ملكش اي حق فيها 
احنا اللي ربناها وكبرناها وحاولنا نعوضها عنك وعن امها الله يرحمها
مش هسمحلك بعد الوقت ده كله تيجي  وتصدمها 
اتكلم بحزن وهو بيقعد عالكرسي
_انا كان حواليا اعداء كتير وهما السبب في موت مراتي 
مكنش عندي استعداد بنتي كمان تروح مني علشان كده سبتها معاكوا ومشيت
_مش مبرر ابدا
ان اب يسيب بنته ويهرب معناه انه ضعيف ومش قادر يحميها
واي كلام تاني هتقوله ملوش فايدة 
ولو بتحب اميره بجد ابعد عن حياتها ومتظهرش فيها لأنها مش هتستحمل الصدمه دي وانها تعرف ان احنا مش اهلها الحقيقيين وممكن يجرالها حاجه
مشى من عند سارة وهو حزين جداً وكلامها مأثر فيه
قرر انه يجيب اميره لحد عنده بطريقته ويقولها على الحقيقه ويحاول يعوضها عن السنين اللي عاشتها بعيد عنه خصوصاً انه اكتشف انه عنده مرض يمنعه من الخلفه وآخر امل ليه في الدنيا اميرة
__________________________
في يوم رجع مؤمن من شغله لقى اميره لابسه اسدال ولفه الطرحه بتاعته على وشها وبتتفرج على التليفزيون
بصلها بإستغراب من هيئتها
_على فكرة الجو حر على اللي انتِ عملاه في نفسك ده
بصتله ببرود
_والله حاجه متخصكش
طول ما انا وانت في بيت واحد هفضل قاعده قدامك كده لأنك بقيت راجل غريب بالنسبالي وجوازنا مؤقت
مؤمن بسخرية
_وهتتحجبي في البيت وتقلعي الحجاب لما تخرجي
تجاهلته برضه وعلقت نظرها على التليفزيون
اتنهد بتعب ودخل اوضتهم اخد هدوم ودخل ياخد شاور وبعدها طلع قعد جنبها 
مريت نص ساعه واميره نفخت بضيق وحسيت ان جسمها كله بيتحر.ق من الحر وبدأ يعرق
لاحظها مؤمن وكتم ضحكته عليها واتكلم بسخريه
_مالك..سقعانه ولا ايه 
اتكلمت بعصبيه ونرفزة وهي بتتجه ناحية الحمام ومقرره انها متطلعش من تحت المياه
_لأ بجد مش قادرة منك لله يا  ياريتني ما عرفتك
قفلت باب الحمام بعنف
مؤمن بصوت عالي
_الله!
وانا مالي هو انا اللي قولتلك اقعدي بأسدال في عز الحر !
ابتسم بخبث ومكر لما لاحظ انها مأخدتش هدوم معاها الحمام وقرر انه يشاغبها شوية
وقعد عالسرير ومسك تليفونه يلعب بيه بتسليه 
بعد شويه سمع صوتها وهي بتناديه بخجل وبتطلع وشها من ورا الباب
_مؤمن
_نعم
اميره بإحراج 
_ممكن معلش تجيبلي  فوطه وهدوم لأن هدومي كلها اتبليت ومش هينفع اطلع بيها
_اطلعي خدي انا مش قادر اقوم والله يا اميره
خدودها احمرت واتكلمت بحده وخجل
_يامؤمن لو سمحت بطل برود 
_طولي لسانك براحتك وباتي في الحمام بقا
نفخت بضيق واتكلم بإبتسامه مصطنعه
_بعد اذن جناب سعادتك هاتلي فوطه وهدوم
_اه اذا كان كده ماشي
فتح الدولاب وطلع فوطه صغيره وادهالها بإبتسامه خبيثه
_اتفضلي 
بصيت للفوطه بغيظ
_اعمل بيها اي دي ، فين الهدوم
_والله مش عاجبك هاتيها
سحبتها بسرعه وقفلت الباب في وشه بغضب
_طب اطلع من الأوضه
_لأ
اتنهدت بضيق ولفت نفسها بالفوطه وطلعت من الحمام تحت انظاره وهي بتحاول متبصلهوش
واخدت هدوم بسرعه ودخلت تاني 
انفجر في الضحك عليها وهي سمعته واتكلمت بهمس وغيظ
_مستفز
طلعت وبصتله بإبتسامه سمجه
_عايزة انام
ساب التليفون وبصلها بإستغراب
_نامي
_ما اطلع بره علشان عايزه انام
_هو انتِ مش جايه معاكي اني جوزك ولا ايه الكلام علشان دماغي لفيت شويه
_وانا قولتلك انه مؤقتا وكل واحد هيروح لحاله ف مفيش داعي للحركات اللي بتعملها دي
_وانا مش طالع
عايزه تنامي تعالي جنبي هنا
_ده في احلامك
سابته وطلعت من الاوضه وقررت انها تنام عالكنبه النهارده 
مريت نص ساعه ومؤمن نفخ بضيق وقام دور عليها لحد ما لقاها نايمه بعمق على الكنبة الكبيرة
نام جنبها واخدها في حضنه 
اميره حسيت بيه وحاولت تقوم لكن قيد حركتها واتكلم بهمس ونعاس
_نامي يا اميرة
استسلمت وهي حاسه انها محتاجه الحضن ده 
وقررت ان دي آخر مره هتسمح انه يكون قريب منها بالشكل ده
عدى اسبوعين لحد ما جيه ميعاد الفرح ومؤمن كان بيحاول يقرب من اميره من تاني ولكن هي كانت رفضاه وبتتجاهله تماماً وبتنام بعيد عنه ومقرره انها هتطلق بعد الفرح على طول
لبست فستان ذهبي وحطيت ميكب رقيق ومؤمن انبهر بجمالها في اليوم ده لكن حاولت متتأثرش بنظراته
طلعوا من القاعه بعد ما الفرح خلص وودعت سارة اللي روحت مع جوزها 
بصيت لمؤمن اللي مستنيها جنب عربيته وكان على الناحيه التانيه من الشارع
حرب حصلت في دماغها في اللحظه دي وهي مش عارفه هتعمل ايه دلوقت
هتديله فرصه تانيه وتحاول تنقذ جوازهم
ولا هتطلب الطلاق وتبعد عنه
حسيت بتغيره الفتره اللي فاتت وانه بقى فعلا عايزها لكن في نفس الوقت متأكده ان صفحه ندى متقفلتش عنده
كانت لسه هتعدي السكه وتروحله لكن عربيه وقفت قدامها وحد سحبها جواها بسرعة البرق ومشيت تحت نظرات مؤمن المصدومه
أميرة فتحت عينيها بتعب لقيت نفسها في بيت غريب وراجل واقف قدامها بيبصلها بحنان وحب
انتفضت بعنف وهي بتفتكر خطفها امبارح وبصيت للراجل بفزع واللي كان واقف وراه شاب صغير في السن وبيبصلها بتدقيق
_انتوا مين..وخاطفيني ليه
سلطان بهدوء ونبرة حنونه
_انا اسف جداً على الطريقة اللي جيبتك بيها دي
قولت لرجالتي يجيبوكي بهدوء لكن هما شوية اغبيه فهموا كلامي غلط
نظرتها المفزوعة متغيرتش واتكلمت بحده
_برضو انت مين..وعايز مني ايه
سلطان اخد نفس عميق  واتكلم بهدوء 
_انا سلطان المسيري..أبوكي الحقيقي يا اميرة
بعد جملته فضلت حوالي دقيقتين تستوعب هو قال ايه لحد ما بدأت تضحك بسخرية
_والله !
المفروض اصدق انا بقا واترمى في حضنك صح
سلطان بص للشاب اللي وراه اللي عطاه نظرة دعم وتشجيع
اتنهد وقعد قدامها على السرير واتكلم بندم شديد
_صدقيني يابنتي مبكدبش عليكي ونقدر بكل بساطه نعمل تحليل دي ان اي لو مش مصدقة
وسارة عارفه الحقيقه وروحي أسأليها
عز وهنا مكنوش ابوكي وامك
دول عمك ومرات عمك
وانا سيبتك معاهم وسافرت علشان تبقي في امان
لأن وقتها كان عندي أعداء بسبب شغلي وبسببهم والدتك اتقت.لت
وقتها خوفت عليكي واني اخسرك انتِ كمان ف اضطريت اني أسيبك عند عز اخويا ومراته الله يرحمهم
حسيت بصدمة شلت كل حواسها وهي بتبصله يدموع وعدم تصديق
قصده ايه!
ان كل حياتها كانت كدبة
كل اللي كانت عايشه في مش حقيقي وان عز مش ابوها وهنا مش امها وسارة مش اختها الحقيقيه
قصده ان امها ماتت مقت.ولة وابوها اتخلى عنها ورماها لأخوه
لاحظ صدمتها واتكلم بإحراج ودموع بدأت تظهر في عنيه
_انا اسف
عارف اني لو اقعدت اتأسف من هنا لبكرة على اللي عملته مش هتسامحيني
بس وغلاوتك عندي يابنتي انا عملت كده علشان احميكي
اميرة بسخريه وكره شديد
_تحميني!
انك ترمي بنتك اليتيمه اللي ملهاش غيرك لأخوك وتمشي يبقى انت كده بتحميني ولا بتدمرني!
وسرحت بحزن وابتسمت بسخريه
_علشان كده اللي المفروض امي كانت بتعاملني كده
سلطان بإهتمام
_كانت بتعاملك ازاي
دموعها نزلت واتكلمت بحزن
_مكنتش بتحبني
كانت دايما بتنصف سارة عليا حتى لو هي اللي غلطانه
كنت بفضل في اوضتي بليل اعيط بالساعات علشان امي بتكرهني!
فضلت طول فترة طفولتي ومراهقتي مستنيه الامومه والحب من واحده طلعت متقربليش حاجه اصلا !
حتى بابا..اه كان حنين عليا بس ساعات كتير كنت بحس ان معاملته جبران خاطر مش أكتر
انا مش قصدي اتكلم عنهم بالسوء الله يرحمهم 
بس انت مش عارف انا حصلي ايه بسبب اللي عملته وشخصيتي بقيت ازاي
سلطان بدفاع شديد عن نفسه
_انا كنت طول السنين دي ببعتلهم فلوس ليكي وبزيادة كمان
انا مخلتكيش حمل عليهم بالعكس دول كانوا بيستفادوا منك
_وهو انت الابوة بالنسبالك فلوس!
وفين حنان الاب وحبه لبنته اللي بيخلوها رافعه راسها وسط الناس وثقتها في نفسها كبيرة
انا عيشت عمري كله حاطه في دماغي ان طالما ابويا وامي مش بيحبوني يبقى انا شخصيه متحبش
يبقى انا اللي وحشه علشان كده نافرين مني
ثقتي في نفسي بقيت في الارض وبقيت حاسه ان اي حاجه كتيرة عليا
وابتسمت بحزن ووجع
_حتى لما اتجوزت
اتجوزت من واحد انا اللي بحبه وهو مش بيحبني ولسه متعلق بحبيبته القديمه
عارف وافقت من الاول ليه
علشان كنت متربيه على اني متحبش وان مش من حقي استنى حد يحبني
دموعه نزلت بحزن عليها
_سامحيني يا اميره
بس انا فعلا مكنتش عايز اخسرك
مكنتش هقدر اني اشوفك بتروحي مني زي امك
اه ممكن تكون عيشتك كانت صعبه لكن على الاقل عيشتي
_انا عايزة امشي.. مش خلصت كلامك
لو سمحت بقا سيبني امشي
_حاضر يا اميرة مش هضغط عليكي
هجهزلك العربيه توصلك لحد بيتك
وبص للشاب اللي وراه واللي كان ابن مراته 
_يلا ياشهاب
بص شهاب نظرة اخيرة لأميرة بتأثر من كلامها وطلع ورا سلطان بصمت 
_________________________
رجع مؤمن بيته بعد ماقلب الدنيا على أميرة وموصلش لأي حاجه
وكانت عنيه حمرا من قلة النوم وشعره مش مترتب 
وملامحه حزينه جداً ومجهدة
قعد عالكنبه ودموعه نزلت واتكلم بهمس
_يعني ايه!
يعني انا خسرتك خلاص يا اميرة
الباب خبط بخبطات ضعيفة
راح يفتح بيأس وتعب لكن ملامحه اتبدلت للأشراق والفرحه لما لقاها واقفه قدامه بتبصله بجمود
حضنها بلهفة وعدم تصديق
_اميرة!
انتِ كنتي فين..انتِ كويسه ياحبيبتي
رغم كلمته الاخيرة أثرت فيها لكن تجاهلت الشعور ده وبعدت عنه بهدوء ودخلت الشقة وقعدت على الكنبه وبصتله بهدوء
_انا جاية علشان تنفذ اللي اتفقنا عليه يامؤمن
لو سمحت طلقني
بصلها بغضب 
_يادي ام السيرة دي!
انتِ اصلا كنتي فين
واختفيتي من قدامي امبارح ازاي
_كان سوء تفاهم..والموضوع يخصني ومش من حقك تعرف
_هو ايه اللي مش من حقي اعرف
انتِ مراتي وام ابني 
_امم مراتك
طب بص يامؤمن طلقني علشان اقسم بالله ما قادرة اناهد 
_ليه بتعملي كده!
هو انا عملت ايه اصلا لكل ده
انا مخنتكيش ما انتِ كنتي عارفه من الاول اني بحب ندى
ولما اتجوزتك قطعت علاقتي بيها وكنت بحاول انساها 
_محترمتنيش
لما تبقى قاعد في مكان وتلاقي حد جاي بقولك الحق مراتك واقفه مع حبيبها القديم
وتيجي وتلاقيني على وشك اني ارجعله ساعتها هتفهم شعوري يامؤمن
_مكنتش هرجعلها
_لأ كنت هترجعلها لولا ظهوري
_وانا طلاق مش هطلق يا اميرة
ملامحها اتحولت للغضب ووقفت قدامه بعياط
_ارحمني بقا
ارحموني كلكم
انا العلاقه دي أذتني ولسه بتأذيني
وفقدت فيها نفسي وسعادتي
ليه م...
قطعت كلامها وملامحها بتتحول للألم وبتمسك بطنها
مؤمن بصدمه وهو بيبص على رجليها
_اميرة..انتِ بتنزفي
قطعت كلامها وملامحها بتتحول للألم وبتمسك بطنها
مؤمن بصدمه وهو بيبص على رجليها
_اميرة..انتِ بتنزفي
بعد جملة مؤمن اميرة فقدت الوعي ومحستش بأي حاجه بعدها
فاقت بعد ساعتين في المستشفى ولقيت نفسها لوحدها في الاوضة
 متحركتش من مكانها
وبصيت في السقف بشرود ودماغها بسترجع كل شريط حياتها
من اول طفولتها لحد دلوقت اللحظه دي
لقيت انها كانت شخص كويس جداً مع اللي حواليها وبتديهم حب واهتمام من غير مقابل وعمرها ما أذيت حد
مبقتش فاهمة ليه بيحصل فيها كده وصعبت عليها نفسها جداً
حطيت ايديها على بطنها وابتسمت بحزن
توقعت انه اكيد الطفل نزل بعد ما نزفت
اتكلمت بهمس ودموع
_حتى انت سبتني 
الباب اتفتح ودخل مؤمن اللي كانت ملامحه عادية ومش باين عليها اي زعل
ابتسمت بسخرية 
_ايه فرحان صح
فرحان ان الحاجه الوحيده اللي كانت هتربطك بيا  مبقتش موجودة
بصلها بإستغراب شديد واستنكار
_نفسي تبطلي تشوفيني ابن *** بالطريقه دي
_اومال ملامحك عادية ليه
مش اللي أجهضته ده يبقى ابنك!
قعد جنبها عالسرير واتكلم بإبتسامه
_علشان انتِ مأجهضتيش
ابننا كويس وبخير واللي حصلك ده نتيجة الارهاق والحمدلله قدرنا نلحقك
ابتسامه سعيدة ومرتاحه ظهرت على ملامحها وقع اسيرها مؤمن اللي بيحس انه كل ما بيبصلها بينجذب ليها اكتر
_شوفتي بقا انتِ ظالماني ازاي
اميرة بسخرية
_ظالمه انا صح
مؤمن بمسكنه مصطنعه 
_جدا.. قسماً بالله ظالماني وقاسية عليا جداً
انا مش عايز اميرة دي انا عايز اميرة الكيوت والطيبة
_ماتت..والفضل يرجعلك
اتنهد بتعب وقعد جنبها على السرير ومسك ايديها وباسها برقة وبطئ
وبعدها بص في عنيها واتكلم بأسف
_اسف..لو زعلانه مني ف حقك عليا
بالنسبالي انتِ الوحيدة اللي في الدنيا اللي مقدرش على خصامها
انا مش عارف انتِ عملتي فيا ايه
انتِ خلتيني أعيد كل حساباتي من الاول وجديد وحاسس اني..اني محبتش حد غيرك يا اميرة
بصتله بصدمه وعدم تصديق من اعترافه وهو هز دماغه بتأكيد
_قسما بالله كل كلمة بقولهالك دلوقت من قلبي
انا فعلا حاسس اني تعلقي بندى مكنش حب
كان اعجاب طفولة..انجذاب مراهق لبنت حلوه
لكن عمري ماحسيت ان انا مثلا عايز ألمسها
عمري ما فكرت في المستقبل وتخيلتها معايا
على عكسك انتِ
حرفيا بتشقلبي كياني
بتقولي اني لما ببقى معاكي بتحسي ان انا ببقى شايف ندى مش انتِ
علشان بعاملك بحب صح
طب والله العظيم ما ببقى شايف غيرك وقتها 
انتِ من اول يوم دخلتي حياتي وانتِ احتليتي جزء من عقلي وقلبي
لدرجة اني استعجلت في جوازي من ندى علشان اهرب من الاحساس ده ومحسيش اني بخونها
الفترة اللي اتهمتيني فيها اني بتجاهلك 
انا كنت بدور على نفسي
بشوف انا عايز ايه..وظالم ولا لأ
اسف اني وصلتلك احساس النفور بس انا كنت مبعرفش انام غير وانتِ في حضني آخر اليوم
وده لوحده إثبات اني مكنتش بتجاهلك علشان ندى
كنت هجرتك مثلا لو كلامك صح
لما روحتلها في الحفله مش علشان ارجعها
علشان نظراتها حسسيتني بأكتر شعور بكرهه وهو اني ظالم
علشان كده روحتلها وكانت نيتي اني اوقفها عند حدها
اه اتأثرت بكلامها  لما فكرتني بموضوع ابوها وامها
وحسيت ان ممكن اكون غلطت ومدتهاش فرصه تانيه مش علشان الحب..علشان تأنيب الضمير اللي حسيته وقتها نحيتها
 لكن اول ما ظهرتي قدامي افتكرت كل اللي عملته فيا وان لو حد ظالم ف هي مش انا علشان كده سبتها وجتلك
لو الحب هو انك تبقى عايز تعيش مع الشخص اللي قدامك لحد آخر يوم في عمرك وكل ما بتلمسه بتحس انها اول مره وابتسامته بتنسيك اي تعب انت مريت بيه في حياتك وبيحتلك من نظرة واحده
يبقى انا مش بحبك يا اميرة
انا بعشقك
دموعها نزلت بتأثر من كلامها وهو مسحها وابتسم بحنان
_مش عايز دموع بعد كده
كل اللي عايزة اني اشوف ضحكتك اللي بترد فيا الروح من تاني..يا أميرتي
حسيت انها تعبت من الهروب منه وانها دلوقت مش محتاجه غيره جنبها ف كان ردها على كلامه كان انها اترميت في حضنه بإشتياق واضح 
وساعتها مؤمن ابتسم بسعادة ودفن وشه في شعرها 
_وحشتيني
غمضت عنيها وهي بتشم ريحته اللي بتعشقها واتكلمت بشوق اكبر
_وانت كمان يامؤمن
وحشتني اوي
_سامحتيني
بعدت عنه وبصيت في عنيه وهزيت دماغها بموافقه وابتسامه جميله
ابتسم وباسها بحب وشوق وبعد عنها بصعوبه وهو متخدر من قربها 
_بحبك يا أميرتي
يا احسن حاجه حصلتلي في حياتي والمفروض اصلي لربنا كل يوم شكر ليه انه خلاكي من نصيبي
معرفتش ترد على حلاوة كلامه واكتفت انها ترجع تاني لحضنه وتغمض عنيها براحه وكأنها لقيت ملجأها الوحيد
بعد عنها وطلع موبايله واتكلم بجدية مصطنعه:
_بعد اذنك بقا يا مراتي انا عايز ميرو صاحبتي علشان لسه نازل موسم من مسلسلنا المفضل وعايزين نتفرج عليه
اميرة لمشاغبه وغيره مصطنعه
_يسلام!
طب انا كمان عايزة اتفرج معاكم
فكر شوية واتكلم بنفس النبرة
_يعني مش هتنكدي عليا انا وهي
_على حسب بقا حركاتكم مع بعض
_خلاص بصي بلاش تجبيها علشان لو
وهمس في ودانها بشوية بكلام 
ورجع كمل كلامه 
_البت متتكسفش
 اميرة بإحراج
_وقح 
_حبيبتي تسلمي يارب
بصوا لبعض وانفجروا في الضحك ورجعت لحضنه من تاني وابتدوا يتفرجوا على المسلسل مع بعض طول الليل في المستشفى
___________________
تاني يوم مؤمن كان بيجيب قهوة من كافيتريا المستشفى
طلع تاني لأوضة اميرة لقى راجل غريب اول مره يشوفه حاضنها 
ملامحه اتحولت للغضب و...
يتبع
مؤمن لقى مراته في حضن راجل غريب اول مره يشوفه
ملامحه اتحولت للغضب وقرب منهم لكن وقف بإستغراب وهو سامعه بيقول
_ايه اللي حصلك يا اميرة.. ايه اللي حصلك يا حبيبة ابوكي
_أبوكي!
قالها مؤمن بإستغراب وعدم فهم للي بيحصل
بعديت اميرة عن سلطان وبصيت لمؤمن براحه انه موجود لأنها مش حابه تقعد مع سلطان في أوضة واحده ومش مستحمله وجوده اصلا
_انت مين 
بص سلطان لمؤمن بتفحص واتكلم بثباته المعتاد
_سلطان المسيري..والد أميرة 
_والد اميرة!
هو ايه الحكايه بالظبط يا اميرة انتِ مش والدك متوفي مين ده
بصيت أميرة لسلطان وبعدها بصيت لمؤمن واتكلم بهدوء
_حكاية طويلة هبقى افهمهالك بعدين يامؤمن
وزي ما سلطان بيه قالك كده انا فعلاً بنته
سكت مؤمن بغضب شديد وهو مش فاهم حاجه خالص
قعد على جنب 
و بص لسلطان لقى فيه شبه كبير فعلا من اميرة 
نفس بشرتها الخمريه وعيونها البني وشعرها الاسود الداكن والملامح الجميله
_برضو مقولتليش ايه اللي حصل
الواد ده عاملك حاجه
شاور على مؤمن اللي بصله بحده وكأنه هيرتكب جريمه دلوقت لكن اميرة بصيت لمؤمن بصه معناها (اصبر وهفهمك)
نفخ بضيق والتزم الصمت بنفاذ صبر
_لأ اكيد
انا بس حصلي نزيف من الارهاق والحمدلله لحقنا البيبي ومحصلهوش حاجه وهخرج النهاردة من المستشفى
_بيبي!
انتِ حامل
هزيت دماغها بتأكيد وملامحها جامدة
عنيه دمعت بفرحه واخدها في حضنه تاني قدام عيون مؤمن اللي الغيرة بتاكل فيه ومش قادر يستوعب ان فيه راجل تاني له الحق انه يحضن اميرته حتى لو كان ابوها
بالنسبة لأميرة لتاني مرة متقدرش تبادله الحضن ده
حاسه ان لأ
مش من حقك
انت سبتني ومشيت وراجع بعد ٢٢ سنة تفتكر أن ليك بنت وعايزها تحبك!
بأنهي وجه حق 
بعد سلطان عنها لما حس بوجودها واتكلم بجدية وحنان
_انا همشي دلوقت علشان عندي شغل وهجيلك لما تخرجي 
واحد من رجالتي واللي هو نفسه بلغني بأنك هنا واقف تحت لو احتاجتي حاجه بلغيه
_وبالنسبة للي قاعد قدامك ده واللي بيكون جوزها وهي مسئولة منه
ايه مش واخد بالك منه
ولا مفكرني مركبهم علشان اخلي مراتي تتطلب من راجل غريب حاجه
خده وامشي انا بعرف احميها كويس يا..سلطان بيه
بصله سلطان من فوق لتحت وملامحه اتحولت للغضب 
_زبادة اطمئنان على بنتي..ضارك في حاجه انا !
بعد نظره عنه ورجع بص لأميرة اللي بتبصله بحده
_انت كنت مراقبني!
_زيادة اطمئنان يا ميرو قولت
يلا سلام
حسيت بخوف منه وانها محاصرة خصوصاً لما عرفت انه مخلي حد يراقبها 
مشى من المستشفى وأخيراً قدرت تتنفس براحه وكأنه كان حابس انفاسها
بصيت لمؤمن اللي كان قاعد قدامها وبيبصلها بإنتظار لإجابتها على اسئلته 
_ها... اتفضلي برري اللي بيحصل ده 
ملامحها اتحولت للألم والحزن وابتديت تحكيله كل حاجه سلطان حكاها ليها وعلاقتها بهنا وعز كانت ازاي تحت صدمته واستحقاره
_انا بجد مش قادر اصدق
وبعدين ازاي يعني يرمي بنته بحجة انه بيحميها!
ده عدم مسئولية وجبن 
ابتسمت بسخرية ودموع
_والمفروض بقا انا اسامح واتقبل الموضوع ولا كأن حاجه حصلت
انا نفسيتي مدمرة
فكرة ان كل حياتك تطلع كدبة مؤلمة اوي
فهم احساسها وشعورها علشان كده مسك ايديها واتكلم بجدية شديدة وقوة
_اميرة..انتِ مش مجبرة تسامحيه دلوقت
متضغطيش على نفسك 
خدي وقت لحد ما تتعافي من الصدمة وتستوعبي وبعد كده فكري في موقفه
وحاولي تنسي اللي فات 
اعتبري ان حياتك بدأت من دلوقت
انا معاكي وابننا  ان شاء الله وسارة اللي كنتي بتقوليلي عليها امك التانيه ومستقبلا هيبقى ابوكي معاكي برضو
كل دي ناس بتحبك من قلبها حتى لو أذتك من غير ما تقصد 
هفضل جنبك لحد ما تشفى جروحك وهعمل كل اللي أقدر عليه علشان اخرجك من دوامة الماضي
لأنها دوامة صعبة جداً واللي بيدخلها بيطلع بخساير وانا مش هقبل ان ده يحصلك
لازم نركن الماضي على جنب علشان مستقبلنا وكمان حاضرنا ميتأثرش
اشطا ولا مش اشطا
ابتسمت براحه وحضنته وهي بتتكلم بعشق
_كلامك بيريحني اوي
بيديني امل في الحياة
بادلها الحضن واتكلم بإبتسامه
_اتعلمت منك 
عدى ست شهور على الاحداث دي واميرة واجهت سارة بالحقيقة واللي مقدرتش تنكرها وقالتلها انها عملت كده لمصلحتها واميرة مقدرتش تعمل حاجه غير انها تسامحها لأن عارفه ان سارة بتحبها جداً وبتخاف تجرحها علشان كده خبيت الحقيقه
علاقتها بمؤمن بقيت قوية جداً واللي كانت مزيج مابين الحب والصداقة العميقة
وكانوا عايشين اسعد ايام حياتهم ورجعت لشخصيتها القديمه بفضله واللي زادت ثقة في النفس اكتر من الاول بكتير بسبب وجود سلطان جنبها وحبه واهتمامه بيها واللي بدأت تتعود عليهم وعلى وجوده في حياتها
اوقات الحب الحقيقي من الاشخاص اللي حوالينا بيقدر على أنه يمحي آلام الماضي بمنتهى السهولة 
______________________
في يوم مؤمن كان بيبص لأميرة كتير بتردد وهي ملاحظه ده ومستنياه يتكلم
قفل التليفزيون وبصلها بإبتسامه مصطنعه
_ميرا..خطوبة محمود صاحبي بعد بكرة
جايه معايا
_اكيد..محمود بقا زي اخويا ولازم ابقى معاه في اليوم ده
_اوكي.. عايزين نلبس نفس الالوان بقا 
_طبعا
سكتوا تاني واميرة لاحظت توتره وقربت منه واتكلمت بحنان
_ياحبيبي مالك
فيه حاجه عايز تقولها بقالك ساعتين ومتوتر
متقول بقا
_ندى هتبقى هناك اكيد بما ان محمود والعروسه صحابها
وانا بقيت بتشائم من وجودها حوالينا بصراحه 
فهمت موقفه واتكلمت بإبتسامه
_وايه المشكله
طبيعي نقابلها لأن دايرة معارفكم واحده
والمرادي بذات وجودها مش هيفرق معايا..لأني رايحه بحبيبي مش بحبيبها واللي متأكده انه بيحبني ومستحيل يجرحني
_كويس انك عارفه ده
_وانت
_انا ايه
_مستعد تواجه ماضيك
فكر شوية واتكلم بعدم اهتمام
_مش معتبرها ماضي اصلا
انا مسحت الماضي بذكرياته واعتبرت بدايتي معاكي
والماضي والمستقبل والحاضر هيبقوا معاكي برضو
المهم
تعالي نسلم على الواد كرم اللي في بطنك ده علشان واحشني اوي اوي اوي الصراحه
ضحكت بخجل وهي فاهمة مغزى كلامه وبادلته حبه وجنونه اللي مش بيظهر غير معاها بس
جيه يوم الخطوبة و......
يتبع
جيه يوم خطوبة محمود ولبست فيها اميرة فستان اسود وحطيت روچ احمر ومؤمن كان لابس بدلة سوده وقميص ابيض وكان شكلهم شيك جدا وراقي 
دخلوا القاعه وايديهم في ايد بعض وكالعادة الأنظار اتوجهت عليهم بفضول واعجاب 
سلموا على العريس والعروسه وبعدها قعدوا على ترابيزة مع صحاب مؤمن وزوجاتهم 
بعد شوية اميرة همست لمؤمن 
_حبيبي انا داخله الحمام
_تعالي اوصلك علشان محدش يخبط فيكي
_مفيش داعي ده قريب اهو..مش هتأخر
مشيت من قدامه تحت انظاره ودخلت الحمام وبعدها طلعت عدلت الميكب بتاعها قدام المراية
_ايه احساسك وانتِ خطافة رجالة
بصيت وراها لقيتها ندى اللي واقفه بتبصلها بغل وكره 
ضحكت بسخرية واتكلمت
_وانا مين اللي خطفته منك بقا علشان مش آخده بالي معلش
_مؤمن..اللي كان هيبقى جوزي
فضلتي تلفي حواليه لحد ما وقعتي بينا واخدتيه مني
_مؤمن!
اه قصدك جوزي
وحطيت ايديها على بطنها البارزة
_وابو ابني
بصيت ندى لبطنها بغل ورجعت بصيت لعنيها
_ماشاء الله حملتي بسرعه جداً.. ايه عملتي كده علشان تربطيه جنبك بعيال لأنك عارفه انه مش بيحبني وقلبه معايا انا ومسيره يسيبك
اميرة قررت تغيظها واتكلمت بدل
_قلبه معاكي انتِ!
ضحكتيني اوي ياندى
بيبي هو انتِ مش آخده بالك انه اتجوزتني انا وخلف مني انا وانا اللي هروح معاه بيتنا بعد الفرح وانا اللي شايلة اسمه وعلى ذمته
وانتِ بقا ايه..آخرك ترقبينا من بعيد 
وبعدين تعرفي حاجه
مش مؤمن وانا في حضنه قالي انه اكتشف انه مش ييحبك وكان مجرد اعجاب 
وان انا اول حب في حياته وانه بيعشقني 
ندى بصدمه ودموع بدأت تظهر في عنيها
_مؤمن قال كده!
لأ انتِ اكيد بتقولي كده علشان تغيظيني
مؤمن بيحبني
_مش محتاجه ياروحي اكدب عليكي 
بصي ياندوش
انا هنصحك نصيحه كده بما اننا بنات زي بعض
متعشيش على امل انه يسيبني ويرجعلك
كملي حياتك مع حد بيحبك وحاولي تحبيه
مترجعيش تدوري على حاجه انتِ بإيدك اللي هدمتيها ولما تلاقيها ضاعت منك تعيطي
بعد ما قالت كده لندى اللي فضلت تفكر في كلامها بشرود
طلعت من الحمام وقعدت جنب جوزها من تاني وهي بتبتسمله بحب
ردلها الابتسامه ورجع يتكلم مع صاحبه
شافوا ندى معدية من قدامهم وهي بتمسح دموعها 
راقبت تعبيرات وشه اللي لاقيتها متغيرتش ولو بنسبة واحد في الميه 
ورجع بتكلم مع صحابه ويضحك ويهزر 
ابتسمت براحه وسعاده واتأكدت ان خلاص مؤمن نساها ومبقتش تأثر فيه زي الاول
عديت ساعه ومؤمن بص لأميرة بإهتمام
_يلا نروح يا اميرة علشان اكيد تعبتي
هزبت دماغها بموافقه لأن ضهرها كان بدأ يوجعها فعلا من الحمل
سلموا تاني على العريس والعروسه واستأذنوا انهم يمشوا
بعد شويه كانوا في العربيه واميره سرحانه وبتفكر في علاقتها بسلطان
اللي كل مايشوفها بيفضل بتوسلها انها تسامحه
بصيت لمؤمن اللي كان مركز في السواقه واتكلمت بتردد
_مؤمن..هو..هو ينفع نروح بيت سلطان بيه دلوقت
_عادي بس ليه يعني
وابتسم وبرق عنيه بصدمه
_لأ متقوليش
اخيرا هتسامحيه
_مش بالظبط
انت عارف انه مش بالساهل
_خلاص ماشي
عمتا اي خطوه هتاخديها في علاقتكم مفيدة جدا ليكي
وصلوا لبيت سلطان وبصيت اميرة لمؤمن بنظرات متوترة اللي بصلها بتشجيع وقرب وشها منه وباسها بعمق وبص في عينيها
_اللي هتعمليه ده حاجه كويسه ليكي ولنفسيتك قبل حد
اوعي تترددي 
انا هفضل هنا مستنيكي ولو حسيتي انك مش هتقدري تعالي
اخديت نفسها بتشجيع ونزلت من العربيه ووقفت قدام باب الفيلا ورنيت الجرس
حد فتح الباب بعد ثواني واللي كان شهاب ابن مرات ابوها و اللي عنده ١٨ سنه
ابتسم بسعادة اول ما شافها واتكلم بترحيب
_اميرة!
اتفضلي اتفضلي
دخلت واتكلمت بتوتر
_هو..هو بابا هنا
_اه اونكل سلطان فوق في اوضته
_طب انا هقعد هنا استناه ولو سمحت خليه ينزلي
_اوكي
طلع شهاب بسرعه ينادي على سلطان وبعدها دخل اوضته
وعديت دقيقتين لقيته نازل بسرعه على السلالم وبيبصلها بقلق وهو بيقرب منها
_اميرة!
مالك ياحبيبتي فيكي حاجه
انتِ كويسه جوزك كويس
البيبي فيه حاجه
_اهدى اهدى
انا..كويسه
اسفه اني جيت في وقت متأخر بس كنت عايزة حضرتك في حاجه
_بتتأسفي على ايه ده بيتك ولولا انك متجوزه كنت جيبتك تعيشي معايا ومتسبنيش ولا يوم
ابتسمت بتوتر 
وهو لاحظ توترها ده وقعد قدامها واتكلم بحنان
_مالك يا اميرة ياحبيبتي
_انا..كنت جايه اقولك اني موافقه
_موافقه على ايه
_على اني ادي لحضرتك فرصه تانيه لعلاقتنا يا..بابا
سكت بصدمه وعنيه بدأت تدمع وهو مش مصدق انها وافقت
وكلمتها الاخيره رجعت ليه سعادته وابتسامته من تاني 
اخدها في حضنه بفرحه ولأول مره اميره تبادله الحضن ومتنفرش منه
_يا نادين..ياشهاب تعالوا بسرعه
نزلت مراته وشهاب بقلق ووجه كلامه ليهم بفرحه
_اميرة سامحتني
فرحوا جدا ونادين قربت من اميرة وخدتها في حضنها واتكلمت بتأثر
_شكرا يا اميرة..انتِ مش عارفة سلطان كان متأثر من بعدك ازاي
ابتسمت اميرة لنادين الست الجميلة الحنونه واللي بتعاملها كأنها بنتها
_انا لازم امشي دلوقت لأن مؤمن مستني بره
_طب ومدخلش معاكي ليه
باتوا هنا النهاردة
_معلش يابابا اصل فيه علاج لازم اخده دلوقت وهو موجود في البيت
سلطان محبش يضغط عليها وودعها لغاية الباب 
واميرة رجعت تاني لمؤمن اللي ابتسم اول ما شافها 
وركبت جنبوا واتحرك ناحية بيتهم
_________________
اميرة صحيت بآلام من ظهرها وبصيت لمؤمن اللي نايم بعمق جنبها 
قامت من جنبه براحه وفتحت البلكونة ووقفت فيها وكان الصبح لسه طلعش 
بعد شويه حسيت بيه بيحضنها من ضهرها وساند وشه على كتفها وبيتكلم بنعاس
_صاحيه دلوقت ليه
_عادي..قلقت ف علشان كده صحيت
_ادخلي علشان متبرديش
مسكت ايده اللي على وسطها 
_تؤ..خلينا واقفين شويه 
سكتوا وهما بيتأملو الشارع الفاضي وبعدها اميره عنيها جت على بلكونتها وابتسمت بحنين
_عمري ما كنت هصدق ان جاري الاشقر اللي كنت معجبه بيه وبشبهه بالاجانب وبحب شكله وهو واقف بليل بيشرب السيجارة وبفضل متنحاله شبه الهبله بإعجاب انه هيبقى جوزي وواقفه معاه دلوقت واحنا في حضن بعض
ابتسم على كلامها ولفها ليه وهو ساندها على السور
_انا مش عارف حبك في قلبي هيوصل لحد فين
كل يوم بيزيد عن اليوم اللي قابله لحد ما بحس ان وانتِ بعيده عني حتى لو دقيقه ببقى مش عايش
عارفه..ساعات بحسك انك زي اميرات ديزني
في برائتهم وحلاوتهم ونشرهم للبهجه والحياة في كل حته 
ابتسمت وعنيها دمعت بتأثر من كلامه وحضنته بحب وبعدها بعدت عنه وسألته بفضول
_كنت بتحب مين من اميرات ديزني بقا سندريلا ولا سنو وايت
فكر شويه واتكلم بجدية
_اميرة 
_اميرة مين..هو كان فيه منهم واحده اسمها اميرة
_اه..اميرة سلطان
ضحكت بمرح على تشبيهه
واتكلمت بعشق
_بحبك يامؤمن
_بعشقك يا اميرة..يا أميرتي
تمت❤️🤝

تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -