رواية انتظار رجوعه كاملة جميع الفصول بقلم رحاب القاضي
رواية انتظار رجوعه كاملة جميع الفصول هى رواية من تأليف المؤلفة المميزة رحاب القاضي رواية انتظار رجوعه كاملة جميع الفصول صدرت لاول مرة على فيسبوك الشهير رواية انتظار رجوعه كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية انتظار رجوعه كاملة جميع الفصول
رواية تحت رحمتة وعشقه كاملة جميع الفصول
- وقبل ما نبدأ حكايتنا اعرفكم علي بطتنا النهارده واللي اسمها يارا وعندها 20 سنه وحيدة باباها ومامتها ومخطوبه لابن عمتها اللي مش بتحبه وفي يوم كانت قاعده معاه في كافي وقالتله بعصبيه
يارا
نعممم بقي انت ياااه عايزني استناك تلات سنين ليه ان شاء الله ده انا لو هدخل جمعيه عشان اتجوز مش هطول كده
امير
وانا اعمل ايه يعني ما هي ظروف الجيش كده ، وبعدين انا اتدبست في تلات سنين اعمل ايه ؟
يارا بغيظ
ما انت لو كنت بتذاكر ودخلت كليه كان زمانك دلوقتي مش هتاخد غيرها سنه واحده
امير
يوووه اهو اللي حصل بقي وبعدين انا واخد دبلوم زراعه والدنيا زي الفل وعندي اعمال حره من ورث ابويا كنت هحتاج الكليه في ايه
يارا
كنت هتحتاجها في الخيبه اللي احنا فيها دي مثلا
مسك امير ايدها وقال
ما يارا حبيبتي هتستناني اخلص الجيش ونتجوز صح
سحبت ايدها منه وردت عليه
لاااا ما اعطلكش طريقك اخضر يا دفعه
امير بقلق
قصدك ايه بقي ان شاء الله هو مش احنا مخطوبين ومن واجبك تستنيني لحد ما اخلص جيش ولا ايه
يارا
حيلك حيلك يا حج قال استناك قال ، لاااا ده انت هتطلع من الجيش هتلاقيني مخلفه عيلين تلاته كده يقلولك يا عمو يا عمو هات قرش
امير بغيظ
جاتك قرش ياكلك يا ندله ، بس انا عارف انك بتهزري وانك هتستنيني برضو
يارا
طيب انا هفهمك شوفت مش انا زمان كنت بتعزم علي خطوبات وافراح ، اهو انا دلوقتي عديت المرحله دي وبقيت اتعزم علي سبوع عيال اللي اتجوزو دول ، انا النات في الجامعه بيدخلو وهما حوامل وانا قاعده مستنيه جنابك
امير بغيظ
يعني هو ده خر كلام عندك يا يارا ؟
يارا
معلش يا امير انا عارفه ان النهايات صعبه بس مسيرك تنسي واوعدك اني لما اتجوز مش هعمل الفرح غير في الاجازه بتاعتك انت ابن عمتي برضو
وقف امير وقالها بغضب
وحياة امك يا يارا لهتستنيني وغصب عنك كمان ومش هتتجوزي غيري يا بنت خالي
يارا بغيظ
انت بتهددني يا ابن لواحظ
امير
افهميها زي ما تفهيها واستني ردي عليكي بس بطريقتي يا يارا
قال كلامه ومشي ويارا قالت
ولاا استني ولااا يا امير ياد طيب ادفع الحساب مش معايا فلوس اميروووووووووووو
جه الجرسون جنبيها وقال
الحساب يا مدام
يارا
انسه يا عديم النظر ، وريني الحساب كام كده
واول ما شافت الحساب برقت وقالت
نهااار اسوووووح ليه ده يدوب عصير وحتتين جاتو
الجرسون
دي اسعارنا هنا يا مد,,,, يا انسه احنا كافي غالي زي ما حضرتك شايفه
يارا بغيظ
قاصدها ابن لواحظ ، بقولك ايه يا كابتن فين المطبخ ؟
الجرسون
خير يا انسه في حاجه ازعجتك في الخدمه
يارا
لا لا ده انا الخدمه عجبتني اووي وقررت اني ادفعلكم الحساب بأني اشارك في ام الخدمه
الجرسون
ااااه هو انتي منهم قدامي طيب يا اختي علي المطبخ
يارا ببكاء
بالراحه طيب انا بنت ناس والله بس مخطوبه لواحد عره بس اهو هانت وهخلص منه
ـــــــــــــــــــــــــ
_ وبالليل كانت يارا قاعده بتتفرج علي التلفزيون مع باباها وهي ماسكه ضهرها وبتقول..
يارا
ااااه يااااني يا مفاصلي ياااااااااني، منه لله..
ياسر
خلاص بقي يا يارا تلاقيه نسي..
يارا
نسي هو ابن لواحظ بتفوت عليه حاجه ده قاصدها عشان قولتله مش هستناه لما هيدخل الجيش..
طلعت منال مامتها وقالت
ما هو حقه برضو وبعدين انتي المفروض تعملي بأصلك وتستنيه..
يارا
انا نا عنديش اصل ولو امير اخر راجل علي وش الدنيا مش هتجوزو..
وفجأه الباب خبط وقام باباها فتح ودخلت الشرطه، وخافت يارا ومامتها اللي قالت..
منال
ياااسر هو في ايه يا ياااسر بقي عشان قولتلك تجيبلنا لحمه مكان الفراخ تمد ايدك علي الحرام..
ياسر
يا شيخه اسكتي دول مش جايين عشاني..
يارا
عملتي ايه يا ماما، ليه كده انا كنت حاسه انتي اخدتي العربيه النهارده اكيد عملتي حادثه وهربتي..
منال
لا والله انا ما عملتش حاجه يا باشاااا والعربيه سليمه تحت...
ياسر
اهدي يا منال هما برضو مش جايين عشانك انتي؟..
يارا
اومال جايين عشان مين بقي، ما تفولش ام سيد جارتنا بقيت تسرق الفراخ من علي السطوح تاني، شوفتي الوليه اللي ما بتحرمش يا باشا...
الظابط بحده
يعني هو انا احنا هنجيي كلنا كده عشان ام سيد اللي بتسرق الفراخ، احنا جاين عشانك انتي يا هانم..
يارا
معقول عريس جاي تخطبني وجايب معاك زمايلك عشان تعمل هيبه وكده..
الظابط
اخطب مين انا متجوز، باين عليكي لبط زي ما سمعنا هاتوها..
يارا بخوف
بابا الحقني انا لبط ازاي يا بابا الحقني...
_ وبعد شويه في القسم كانت واقفه يارا قدام الظابط ومعاها المحامي وباباها وقالت للظابط..
يارا
نظام عام ايه اللي اقلبه انا يا باشا بس، ده انا اصلا علاقتي بالسياسه متلخصه في متابعتي لبىنامج الحكايه مع عمرو اديب وكمان الفقرات اللي بياكل فيها..
الظابط بسخريه
والله اومال ايه البوستات اللي علي صفحتك دي، بقي عايزه الناس تنزل تعمل انقلاب لا وبتشيري الكلام ده في جروبات علي الفيس..
يارا
كانت ايدي تنشل لو عملت كده، والله انا بقالي يومين ما فتحتش فيس اصلا.. ما تتكلم يا عم المحامي ولا انت جاي تتفرج..
المحامي
يا باشا ما يمكن صفحتها اتهكرت مثلا..
يارا
ايوه اكيد وبعدين انا عايزه اعمل كده هيبقي قدام الناس اكيد هيبقي في السر..
المحامي
حصل يا باشا وانا متاكد ان المنظمات السريه بتاعتها ما حدش يعرف عنها حاجه، انما اللي حصل ده اكيد غلطه..
يارا بصدمه
انت بتقول ايه يخربيتك..
الظابط
باااااس انتي هتتحولي للنيابه يا عسكري تعالي خد البت دي وارميها في الحجز..
_ وبعد اقل من شهر كانت يارا لابسه ابيض وقاعده في قسم الزياره وقدامها امير وقالتله..
يارا ببكاء
انا بس هتشل واعرف مين اللي عمل فيا كده بقي انا اخد تلات سنين ليييه عملت ايه؟..
امير بخبث
ما كنتيش عايزه تستنيني وانا قولتلك هخليكي تستنيني غصب عنك..
يارا بدموع
بس والنبي يا امير مش طالبه هزار دلوقتي، انا مش عارفه هقعد ازاي هنا انت ما شوفتش الاشكال اللي جوه عاملين ازاي..
امير
عارف وموصي عليكي الكل ما تخافيش هخلص جيش واجيلك علي طول يا حبيبتي..
يارت بصدمه
استني باسورد صفحتي كان معاك انت، ايوه انت اللي عملت كده فيا...
امير
انتي اللي عملتي كده في نفسك، من يوم ما اتولدتي وانتي ليا، عايزه كنتي تستغلي اني هدخل الجيش وتتجوزي غيري..
يارا بعصبيه
تقوم تعمل فيا كده انت عبيط يا ابني..
امير بهدوء
لا انا بحبك وبحافظ عليكي ليا يا حبيبتي..
يارا
جاتك تيله انت والحب واللي عايز يحب انت دمرت مستقبلي منك لله..
امير
لا مش مهم اي حاجه في المستقبل مفايه اننا هنكون مع بعض..
يارا بغيظ
كان معاك عزرائيل يا امير، طيب وكليتي بلاش الكليه لما يبقي عندنا عيال هنقولهم ايه امكم سوابق..
امير
ما هما لما يعرفو السبب هيفرحو بالعكس ده هيحبو الموضوع..
يارا
نعمممممم انت بتقول ايه، اللهم طولك يا روح بص يا امير يا حبيبي طلعني من هنا اتصؤف وانا اوعدك اني هستناك والله..
امير
هه كان في وخلص انتي هتفضلي هنا مش هتشوفي حد ولا حد هيشوفك لحد ما انا اخرج..
يارا ببكاء
منك لله والله ما هتطول شعره مني حتي لو هقعد هنا عمري كله..
وقف امير وقال بثقه
زي ما خليتك تستنيني غصب عنك هخليكي تتجوزيني برضو، يلا باي باي من غير سلام يا بيبي هبقي اجي ازورك في اجازتي..
_ مشي امير وهي رجعت الحجز وقعدت علي سريرها، ودخلت الظابط البنت المسؤله عنهم، وقربت من يارا وقالت..
_تفتكرو هيحصل ايه؟
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
_عشان يتجوزني سجني لحد ما يخلص جيش 2
رجعت الحجز وقعدت علي سريرها، ودخلت الظابط البنت المسؤله عنهم، وقربت من يارا وقالت..
البنت
ياؤا امسكي دي الكتب بتاعتك عشان تذاكري وده اكل وفلوس سيبهالك امير خطيبك ولو احتاجتي اي حاجه قوليلي..
يارا بغيظ
كتر الف خير امه، وبعدين انا هذاكر ليه يعني هي فرقت في حاجه ما خلاص.
البنت
لا انتي هتمتحني هنا عادي وكمان لو كنتي هاديه وشاطره ممكن يقللو المده بتاعتك..
_ وفي بيت اهل يارا كانت مامتها بتعيط واميره قاعد معاها بيقولها..
امير
خلاص بقي يا مرات خالي انا فهمتك الموضوع..وهي عايشه هناك مرتاحه..
منال
اوعب من جنبي بقي شكلنا ايه طيب قدام الجيران روح منك لله..
امير
بنتك السبب البنت دي لو كانت وافقت انها تسمع كلامي وتستناني كان زمانها قاعده هنا معززه ومكرمه..
ياسر
امشي يا امير روح الجيش بتاعك، بس اقسم يالله لو يارا طلعت من اللي هي فيه ده ورفضت تتجوزك انا مش هعلك حاجه..
امير بثقه
لا من الناحيه دي سيب الموضوع ده عليا انا..
_ ووعدي اكتر من شهرين وجه معاد الزياره بتاعت يارا وكان امير جاي زيارده من الجيش وراحلها مع اهلها وقال..
امير
شايفين طيب وشها نور ازاي ودخنت وصحتها جات علي ااحجز..
يارا بغيظ
عقبااالك يا ابن لواحظ الا قولي بقي ايه اللي جابك..
امير
وحشتيني...
يارا
وحشتك عقربه انت ليك عين تقولي كده بعد اللي عملتو ده..
امير
يوووه بقي يا يارا ما خلاص قلبك ابيض..
يارا ببكاء
طيب انا مستعده اسامحك يس طلعني من هنا، يا امير ده الصراصير بتقع عليا وانا نايمه..
امير
هخليهم يرشو موبيد ده انا بدفع اد كده جوه عشان يهتمو بيكي..
منال
طمنيني عليكي يا يارا مرتاحه هناك، في حد بيدايقك..
يارا
ايوه يا ماما في ست جوه بتخليني ادلك ليها رجليها وضهرها..
غمزلها امير وقال
طيب ده كويس بقي عشان بعد الجواز يا بيبي..
ياسر
جرا ايه يا واد انت ما تتلم انت كمان انا ساكت ليك من الصبح..
امير
لامؤخذه يا عمي انا بس كل قصدي اهون عليها برغم اني طلعان عيني في الجيش..
يارا بغيظ
ما لازم طبعا ما هي ذنوب وبتخلص..
امير
وانا موافق المهم تبقي ليا في الاخر..
يارا
ده لما تشوم قفاااك يا ابم لاوحظ، اوعي كده من وشي...
_ وخلصت الزياره وفضلت يارا في الحجز وامير في الجيش وعدت السنين بملل كبير، وجه اليوم اللي هتطلع فيه يارا من الحجز...
كان ياسر واقف من بره وقال
هي مالها اتأخرت كده ليه، لتكون عملت مصيبه ورجعوها تاني..
منال
انا بنتي مش بتاعت مصايب منه لله اللي كان السبب ورماها الرميه المهببه دي..
ياسر
خلاص بقي يا منال ما انا قولتلك هتخرج واللي هي عايزااه تعمله.
منال
لااا هي لازم تتجوز امير، هو انت تفتكر مين ممكن يبصلها بعد ما بقيت رد سجون..
ياسر
بس بس اهي طلعت ومش وقته الكلام ده..
طلعت يارا وقالت وهي طالعه
يالا يا نسوان يا سكه، كان يوم اسود يوم ما شوفتكم..
ياسر بقلق
مين دي؟..
منال
انا بقول يلا بينا نجري..
يارا
استني عندك يا وليه انتي وابو طويله اللي معاكي ده..
منال
انا بنتي تقول عليا وليه يا ياسر اتصرف..
ياسر
اتصرف اهبب ايه دلوقتي انا، يارا حبيبتي وحشتيني بقي كده ما تخليناش طول السنين دي ما نزوكيش خالص..
يارا
ما انت كنت بتيجي وتجيب في ديلك الواد اللصفر ابن اختك، بس انت وامي ما صدقتو الشقه تفضي عليكم وخليت ال ليه صغرت يجي عشر سنين وبقيت مزه..
منال بصدمه
لو سمحتي في حاجه غلط ممكن تدخلي وتخليهم يطلعو يارا بنتي..
ياسر
يا حبيبتي لا هي يارا بس تقريباً بلعت حد من البنات اللي جوا..
يارا
جرا ايه يا اخويا منك ليها انا يارا بنتكم بس يارا ده كان زمان انا اسمي سميحه المليحه دلوقتي..
مسكت منال قلبها وقالت
لا لا لا انا مش هتحنل خلاص انا هيغمي عليا... وقعت علي الارض..
يارا
هي مالها الوليه دي بقيت خرجعه كده ليه؟...
ياسر
انتي تسكتي خااالص منك لله يا امير علي اللي عملتو في البت ...
_ وبعد شويه في البيت كانت منال نايمه علي السرير وبتشرب مايه وجنبيها ياسر اللي قالها..
ياسر
انتي اتصدمتي ليه كده ده الواقع يا حبيبتي، بنتنو كان مقبوض عليها ما كانتش في رحله يعني..
منال ببكاء
كله من اختك وابنها، شايف بنتي اللي كانت ملاك برئ وما فيش في ادبها واخلاقها..
ياسر
ما تافوريش يا منال بنتك كانت مترقعه من الاول، بس دلوقتي بقيت شلق ده اللي فرق..
دخلت يارا وقالت
هو انتو ما حدش فيكم كان بيروق اوضتي وانا في الكلوب..
ياسر
بقولك ايه والله العظيم لو ما عدلتي لسانك لاقوم بالجزمه علي دماغك يا بت انتي في ايه..
يارا
انت اللي جيبته لنفسك ياا حج..
_ وبعد شويه كانت يارا قااعده في الثاله قدام التلفزيون، وابوها بيروق في اوضتها وطلعت امها وقالت..
منال
حرام عليكي ابوكي راجل كبير علي انه يروق الاوضه كده..
يارا
بس يا مزه بدل ما اخليكي تسيقي الارض معاه، امروش مويس الارض يا حجوج..
ياسر
منك لله يا امير انت السبب في اللي حصل في البنت
قامت يارا قربت منه بس هو قال بخوف
مالك يا بت ما انا اهو بسمع كلامك وبروقلك الاوضه..
يارا
قوم بس يا حج انت كنت بهزر معاك انا هكمل الاوضه ، قولي بس ابن اختك هيخلص امتي الجيش..
ياسر
قدامه يجي 15 يوم ويطلع، انتي بتسألي ليه ناويه تحددي معاد الفرح..
يارا بغضب
لا وحياتك انا ناويه احدد معاد خرجته..
ياسر
ليه الواد لسه في عز شبابه وبعدين المسامح كريم هو عمل كده من حبه فيكي..
يارا
حبته عرسه حوله زيه، وبعدين انت ما تدخلش في الحوار ده يا حجوج عشان ما تزعلش..
منال
بقولك ايه يا يارا ما تدخلي تغيري هدومك كده وتاخدي شاور وتسرحي شعرك اللي بقي قصير ده واعمليه بشكل حلو عشان صحابك اللب جاين يسلمو عليكي..
يارا
بس يا مزه وما تخليش حد يجي انا دماغي بتور لوحدها، واوعي كده انتي وجوزك بره انا هنام وعايزه البيت يبقي هادي يعني ما اسمعش صريخ اين يومين مفهوم..
ياسر
مفهوم يا بنتي تصبحي علي خير نوم العوافي..
_ وقفلت الباب في وشهم وراحت نامت، وعدي 15 يوم ورجع امير من الجيش وراح سلم علي مامته وقالها..
امير
واخيرا بقي يا مامت خلصت الجيش، فاضل بس ان يارا تطلع من العقوبه بتاعتها واتجوز علي طول..
لواحظ
برضو انت لسه مصمم انك تتجوز البنت دي، دي بقيت رد سج..
قاطعها امير وقال
ماما كله الا يارا وبعدين هي ما دخلتش في حاجه وحشه بالعكس دخلت بسببي انا..
لواحظ.
اللي يرحك هي مهما كان برضو دي بنت اخويا، تدبيقه هقوم اجهزلك الاكل..
امير
طيب لحد ما تجهزي الاكل اكون روحت سلمت علي خالي ومرات خالي..
لواحظ
استني انا نسيت اقولك يارا طلعت من يجي اسبوعين كده..
امير
احلفي يا ماما انها خرجت، ومش قايله وسيباني كده انا لازم اروح اشوفها اصلها وحشاااني اووي..
لواحظ بقلق
مم ما بلاش تروح عندهم دلوقتي طيب..
امير
ليه بعني ده انا ما صدقت ان التلات سنين دول عدو خلاص..
_تفتكرو هيحصل ايه؟
متنساش ان الرواية موجودة كاملة في قناة التلجرام والواتساب
للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
_ ونزل امير بسرعه وراح بيت خاله وفتحتله يلرا الباب وكانت لابسه بجامه واسعه وبتاكل لبان..
امير بحب
وحشتيني اووووووي انا مش مصدق اننا خلاص عدينا الفتره دي..
يارا بخبث
كفاااااره يا ابو امير، تعالي في حضني ده انت وحشتني اكتر..
امير
لا لا انتي الحجز بوظ اخلاقك بس انا بحب كده خالي فين بقي مش عايزين نتقفش..
يارا
بيعملي حجر قص جوه تعالي في حضني بقي..
امير
نعم حجر قص.. بس ما علينا خليني استغرب بعد الحضن الاول..
وجه امير يحضنها بس هي خبطه بالروسيه في دماغه وقالت بعصبيه..
يارا
بقي انا تلفقلي قضيه وتضيع مستقبلي وجاي عايز تتحضن..
امير بالم وهو ماسك دماغه
يخربيتك انتي حاطه ايه في دماغك يا بت انتي..
يارا
امشي من هنا ياااه وتنسي اني ممكن اتجوزك انت فاهم، ولو خلف فيك ابوك راجل عدي بس من قدام بيتنا..
وطلعت موس من بوقها وقالت
فاهم ولا لا..
صرخ امير وقال
عااااااا خااااااالي الخق يارا اتلبست يا خاااااالي..
طلع ياسر من المطبخ وهو ماسك الشيشه وقال
شوفت اهي اخرة اللي عملته البت اتحولت لمحمد رمضان في الالماني..
يارا
يا حجوج هوي علي الحجر عشان يدخن معايا بدل ما اخليك تعمل من الاول..
امير بقلق
يارا حبيبتي هو ايه اللي حصل انا كنت سايبك كويسه هي وقعز علي دمااغها ولا ايه با خالي..
يارا بحده
هو انت لسه هنا يا واد انت..
امير
لا لا طبعا انا تحت اصلا لا انا روحت بيتنا... ونزل جري علي السلم.. وبالليل كان ياسر ومنال في بيت امير..
لواحظ
انا بجد مش فاهمه هي ايه اللي غيرها كده؟..
منال
اسألي ابنك يا حبيبتي بنتي ما كانش فيها اتنين..
امير
وانا كنت اعرف منين انها هتطلع من الحجز ابراهيم الابيض..
ياسر
المهم دلوقتي البت مش هينفع تكمل حياتها كده خالص..
امير
انا لقيت الحل، بقولك ايه يا عمي هي مش يارا كانت عملالك توكيل وهي مقبوض عليها..
ياسر
ايوه ما المحامي اللي انت جيبته طلع متفق معاك وبما اني محتمي فاشل دفعت عنها ولبست التلات سنين..
امير
تمام انت بالتوكيل اللي معاك ده هتجوزني يارا..
لواحظ.
نعم نعم لا طبعا دي ممكن تعمل فيك حاجه لو اتجوزتها وهي مش عايزه..
منال.
حصل شوفتها وهي بتطلع الموس من بوقها اكيد البنت دي مش بنتي..
امير
لا بصو انا خايف لوحدي بس هو ده لازم يخثل بجد تمام..
منال
تمام يا امير انا موافقه المهم بنتي ترجع زي ما كانت ولو في اوبشن انها تبقي احسن ياااريت..
لواحظ
ايوه يا اختي هو انتي هتخسري حاجه، بس اناواللي هخسر ابني..
ياسر
رد علي امك لو خايف خلاص، وانا بنتي هتحملها لحد ما ترجع زي ما كانت..
امير
لو سمحتي يا امي انتي وخالي انا كنت السبب في اللي حصل وانا هبقي السبب انها ترجع زي ما كانت وكمان عشان اخليها تعترف لنفسها انها بتحبني..
_ وتاني يوم الصبح صحيت يارا من نومها وصوتت لما لقيت امير نايم جنبيها..
امير بانزعاج.
مالك يا حبيبتي في ايه بتصوتي كده ليه؟..
يارا
انت بتهبب ايه هنا ده انت يومك اسود
امير
ليه هو انا عملت ايه غلط، واحد ونايم جنب مراته..
يارا
مرات مين يا حيلتها قوم كده وكلمني انا مستحيل اتجوزك ومش هخليك تطلع من الاوضه دي علي رجليك عشان تغلط تاني وتفكر مليون مره قبل ما تقربلي..
امير حاول يداري خوفه
اا لا ما هو بعد كده مالوش لازمه اخد اذنك قبل ما اقربلك او حتي افكر، لانك مراتي واعمل اللي عايزه..
يارا بحده
هو ايه اللي مراتك مراتك ما تتظبط كده هو انا كنت اتجوزتك امتي ليكون اتجوزتك في المنام وانا مش فاكره.
امير بقلق
لا اتجوزتيني في الحقيقه بب بالتوكيل اللي انتي عملاه لابوكي..
يارا
يا نهار اسود ومهبب، هو فين انت ياللي اسمك يااسر..
طلعت من اوضتها ولقيت باباها متخبي ورا امها وقال بخوف..
ياسر
افتكري اني ابوكي ولو عملتي فيا حاجه هتدخلي جهنم..
منال
اهدي با بنتي وبعدين امير هو اللي غصبه..
يارا
عارفين انتو من حظكم انكم ابويا وامي والا والله العظيم كنت اا..
قاطعها امير وقال
جرا ايه يا بت انتي من امتي بتتكلمي كده مع امك وابوكي اعتذريلهم حالا..
يارا
انت هتصدق نفسك ولا ايه ياااااه طلقني دلوقتي حالا بدل ما اروح القناطر تاني بس المره دي مش ظلم هيبقي علي روحك اللي هتطلع علي ايدي..
امير
بطلي طيب الشويتين دول عشان اللي انا عايزه حصل دخلت الجيش وانتي استنتيني واتجوزتك..
يارا بدموع
بس ضيعت تلات سنين من عمري علي الفاضي ولو ايه حصل انا مش هوافق بالجوازه دي.. وهخلعك يا ابن لواحظ...
_قالت كلامها وسابتهم ودخلت اوضتها وكانت منال رايحه وراها، بس وقفها امير وقال..
امير
بعد اذنك يا مرات خالي انا هدخل اتكلم معاها..
منال
انا بقول خلاص كده هي مش هتسامحك سيبها في حالها..
امير
انا عارف اني غلطت ولو رجع بيا الزمن ما كنتش هعمل فيها كده ابدا، بس انا متأكد انها بتحبني..
ياسر
وكانت هتيتناك وكنا هنلاقي مليون حل غير اللي انت عملته فيها ده..
امير
خوفت يا جماعه انا ما حبتش في حياتي غيرها والله، بس انا اااا خوفت فعلا تتجوز واحد غيري وقتها كانت هتحصلي حاجت..
منال
ادخل يا امير صالحها وخلونا نفرح بقي، واهو الدنيا دي بنعيش فيها عشان نتعلم وبس..
_ دخل امير عند يارا اللي لقاها نامت، راح قرب منها وقال بهدوء..
امير
انتي تعرفي احلي حاجه فيكي لما بتزعلي بتنامي زي الاطفال بالظبط..
يارا
ياد يا ابن الرغايه هقوم اشتمك ما تسيني اناااام دي لسه الساعه سته..
امير
يا بت بطلي طولت لسانك دي، ولا اللي سمعته صح ان الحبسه بوظت اخلاقك..
يارا
لا طبعا سمعك تقيل مع ان ودنك اد الطبق اهو..
امير
بحبك يا يارا وكل حاجه عملتها خوف انك ما تبقيش لسا، وانا متأكد مليون في الميه انهم كانو شايلينك علي كفوف الراحه، ودخلولك موبيل فيه باقة نت انتي ما تعرفيش انا دفعت اد ايه عشان اعرف ادخلهولك..
يارا
حصل فعلا هو انا كنت بتسلي وذاكرت ورتبت علي الدفعه وانا هناك، بس برضو انا عمري ما هسامحك ابداً علي اللي انت عملته ده..
امير
طيب نتجوز ونعمل فرح والناس تنسي اللي حصل ده، وبعدين نشوف موضوع انك تسامحيني ده...
يارا
وانا ايه اللي يجبرني اني اتجوز واحد زيك دمرني وضبع تلات سنين من عمري..
امير
ما هو اصل ااااا احم الناس كلها بقيت تتكلم عليا وعليكي وان بينا حاجه ولو ما اتجوزناااش سمعتك هتبوظ..
يارا ببكاء
اكتر ما هي بايظه انت عايز مني ايه مين يا ابن الناس مسلطك عليا بس..
امير
قلبي قالي يا تتجوزها يا هقف ومش هشتغل تاني، هاااا هتوافقي ولا اتصرف من دماغي..
يارا
لا لا لا نتجوز علي الاقل اخلص من المصايب اللي بتيجي فوق دماغي دي بسببك..
امير
واخيراً وافقتي ده انتي طلعتي عين امي معاكي، بس انا برضو عملت كل ده وانا متاكد انك بتحبيني..
يارا
للاسف القط مش بيحب غير خناااقه وانا بحبك ياللي ممرمطني معاااك، وانسي اني اهزر معاك تاني ابداً، ده انا مقلب عملته فيك حبستني بسببه تلات سنين..
دخلت منال وقالت
لولولولويييي مبروك يا يويو مبروك يا ميرو..
ياسر
انا حجزت القاعه علي الخميس الجاي واخيراً هنفرح..
_ واتجوزت يارا امير وعملو فرح جميل، وانتهت قصتنا علي خير..
تمت بحمدلله