روح بتلاقي عربيه واقفه قدام الباب بتركبها والعربيه بتمشي بسرعه...
بيسجل نمرتها علي تليفونه ...
وبيطلع يجري يركب عربيته وبيحاول يلحقها بس بتروح منه ...
بيوقف العربيه وبينزل منها بعصبيه وبيرفع شعره بغيده لفوق وهوا قلقان...
يونس بتفكير: ياتري ايه الرساله اللي اجت علي تليفونها معقول اللي ركبت معاه يوسف ما اكيد يوسف ماحدش غيره ...
بيمسك تليفونه وبيرن علي حد في المرور
يونس: حبيبي هابعتلك رقم عربيه اعرفلي مكانها معلش هاتعبك بس مسأله حياه او موت ...
بيقفل يونس التليفون ...
يونس بتفكير: ده طلع بره سوهاج خالص ياتري بيفكر في ايه بس اكيد مش ناوي علي خير خالص ...
بعد نص ساعه من قلق يونس وهوا رايح جاي وبيفكر فيها بيرن تليفون يونس وبيرد عليه ....
يونس: متأكد ...طيب كتر خيرك ...
بيركب يونس عربيته وبيسوق بأعلي سرعه ...
يونس بعصبيه: حسابك تقل معايا قوي يا يوسف عارف ان مسيت شعره منها مش هيوحصلك خير ابدا ..
يونس بيشوف نفس العربيه واقفه قدام بيت من دورين قديم والدور الأول محلات ...
بينزل يونس من عربيته وبيطلع علي تاني دور الصوت بيقرب منه ...
..امضي..
روح: فين ؟!
..هنا ..هنا امضي يا حبيبتي
روح : حبيبتك ؟!
..ايوه حبيبتي وروحي وقلبي ومن النهاردة هاتبقي ملكي
بيرزع يونس الباب بيلاقي يوسف واقف جمبها وهيا قاعده علي ترابيزة وقدامها ورقه وماسكه القلم
روح قامت وهيا بتتدروخ : هههههه ايه ده النمر هنا
يونس بيشوف الورقه بيلاقيها عقد جواز عرفي وروح مضت وناقص امضاء الزوج ...
يونس بيهجم علي يوسف وبينزل فيه ضرب
يونس: عاوز تتجوزها عرفي يا ابن ***** مش قولتلك ابعد عنها
روح واقفه بتضحك: ههههههه واحدة يمين واحده شمال ..
يوسف وقع علي الأرض ويونس بيضرب في بطنه برجليه بكل عصبيه ...
روح داخت وقعت علي الكرسي ..
طلع يونس يجري عليها وقومها ...
يونس: انتي كويسه
روح بصتله وهيا مبتسمه: وحشتني يا نمر
يونس بصلها وضحك وشالها ..
بص تاني علي الورقه اللي الترابيزة وراح خدها وبص علي يوسف اللي اغمي عليه من كتر الضرب ..
نزل يونس وهينزلها ويحطها في العربيه
روح كلبشت فيه : لأ سبني يا نمر
قفل يونس باب العربيه وركب وهيا علي رجله
روح: انا عايزة اقولك علي حاجه
يونس: ايه ياروح النمر
روح: انا ..انا بحبك
ابتسم يونس وكانت الفرحه مش سايعاه بس روح كملت ..
روح: بس خايفه !
يونس: خايفه من ايه ؟!
روح وهيا بتغمض عينيها: خايفه تعمل معايا زي ما هما عملوا ...
يونس: عملوا ايه ؟! روح
بيبص علي روح بيلاقيها نامت علي صدره وهيا حضناه..
يونس بابتسامه: اعترفتي باللي في قلبك حتي لو مش في وعيك المسافات قصرت والحواجز اللي بين القلوب انشالت ..
بيوصل يونس البيت ...
بينزل وبيدخل من الجنينه الخلفيه وكان الكل مشي بيطلع علي اوضتها وبينيمها فيها ...
بيبصلها وبيحوش خصله الشعر اللي نازله علي وشها ...
يونس بابتسامه: تصبحي علي خير يا روح النمر ...
.........................
في الصباح ...
بتصحي روح من نومها ودماغها وجعاها ..
روح: اه يا دماغي ايه ده انا نمت بهدومي ازاي ونمت امتي انا مش فاكره حاجه ليه ...
افتكرت روح اخر حاجه انها ركبت العربيه مع يوسف
روح : طب ايه اللي حصل بعد كده ؟!
قامت روح وهيا بتحاول تفتكر حاجه ودخلت اخدت شاور وطلعت من الحمام لبست فستان ابيض طويل لبعد الركبه كات وسابت شعرها
طلعت من اوضتها وهيا بتحاول تفتكر افتكرت يونس ...
روح: ايوه انا شوفت يونس وهوا بيضرب يوسف انا هاروح اسأله ايه اللي حصل..
راحت روح علي اوضه يونس وخبطت علي الباب
يونس: ادخل ..
روح بابتسامه: صباح الخير يا نمر
↚
يونس بحده : صباح النور اقعدي
روح بتوتر: هوا في ايه مالك بتكلمني كده ليه؟!
يونس: ايه اللي حصل امبارح؟!
روح: مش فاكره ..
يونس: بعصبيه مش فاكره ازاي يعني انتي جتلك رساله علي التليفون وبعدين خرجتي من البيت وركبتي مع يوسف العربيه ..
روح: ايوه
يومس بعصبيه: ليه بقا ها ليه روحتيله وايه الرساله اللي بعتهالك..
روح افتكرت نص الرساله " لو خايفه علي بطلك يونس اللي بتقوليله يا نمر ومش عايزاني اموته تطلعي بره حالا"
يونس بعصبيه: طلعتي ليه؟!
روح بدموع: عشان قالي لو مطلعتش هايموتك
يونس: وانتي صدقتيه وحتي لو قال انه هايموتني انت ايه اللي يزعلك
روح: يوسف مجنون ممكن يعمل اي حاجه
يونس: ماردتيش ليه طلعتي
روح: واللهي زي ما بقول خوفت عليك منه عشان ...
يونس: عشان ايه ؟!
روح: مافيش
يونس: وبعدين ايه اللي حصل !
روح : ركبت معاه قالي ماتخافيش مني انا مش ممكن ائذيكي وانه عايز يتكلم معايا لوحدنا قبل مايسافر ...
يونس: وبعدين
روح: بعد كده مش فاكره اي حاجه حصلت ..
يونس: اقولك انا بقا ايه اللي حصل اكيد شربك حاجه
روح: ايوه عصير..
يونس: وبعدها بقا وداكي بيت قديم وكان بيمضيكي علي عقد جواز عرفي
روح بصدمه: ايه يعني انا دلوقتي مراته
يونس بعصبيه: لأ مش مراته انا لحقته قبل ما يمضي ...
روح بارتياح: شكرا يا يونس ...
يونس بعصبيه: شكرا ..شكرا لو ماكنتش مشيت وراكي كان ايه اللي حصل كان السافل ده عمل ايه انتي تطلعيله ليه وحتي لو عشاني طلعتي ليه ..
روح كانت ساكته ...
يونس: ماتثقيش في اي حد بسهوله كده...
روح: حاضر...انا ..انا رايحه اشوف بابا
يونس: ماقلتليش بتخافي عليا ليه
روح : عشان ..عشان ابن عمي يانمر
يونس بيقرب منها بصتله روح وطلعت بسرعه علي بره
خرجت روح من عنده ودقات قلبها عاليه ...
ابتسم النمر علي شكلها اه جريئه ومش بيهمها حد بس بيحبها وهيا مكسوفه ووشها احمر ...
........................
روح : صباح الخير يا حبيبي
بدر كان بيشرب قهوه في الجنينه
بدر: صباح النور يا حبيبتي
روح: اومال خالد وياسمين فين مش في اوضهم ...
بدر: اخد ياسمين وراح يتمشي
روح: من غيري خيااانه..
بدر: هههههه ايوه من غيرك
روح: طب وربنا لأبوظ ليه الخروجه ...خرج من قد ايه؟!
بدر: من عشر دقايق بس ...
قامت روح ..
بدر: افطري قبل ما تمشي
روح: مش ليا نفس لما ارجع ..سلام
بدر ضحك : ههههه مجنونه
طلعت روح وكانت عارفه خالد هايبقي فين اكيد في الأرض اللي كان فيها السبق لأنه مايعرفش غيرها...
.......................
خالد: ياسمين انا عاوز اقولك اني..
ياسمين: ايه يا خالد انت بتتكرر نفس الجمله من فتره قول مالك ؟!
خالد: هاقول اهو...
ياسمين: سامعاك يا خالد
خالد: ياسمين انا عاوز اقولك اني حاسس وانا معاكي بال...
ياسمين: كرم !
خالد: اه بس مش ده اللي عايز اقوله
ياسمين : كرم
بيبص خالد بيلاقي كرم
كرم بيجي : ازيك يا خالد كيفك ازيك يا انسه
خالد: اهلا
ياسمين بابتسامه: ازيك يا كرم انا اسمي ياسمين
كرم وهوا بيبصلها: عاشت الأسامي
↚
اتكسفت ياسمين وحطت وشها في الأرض..
خالد بص لكرم من فوق لتحت ...
كرم لاحظه...
كرم: في حاجه يا خالد انت زعلان من حاجه
خالد: لأ انا مافيش حاجه تقدر تزعلني
كرم بضحك: ماشي يا عم الجامد
خالد: هوا انت كنت بتعمل ايه هنا
كرم: انا بحب اتمشي الصبح كده
ياسمين: واحنا كمان بنتمشي تقدر تمشي معانا
كرم: لاه كده كفايه قوي...
ياسمين: يا خسارة
خالد وهوا بيجز علي سنانه: خلاص يا ياسمين ما تضغطيش عليه...
كرم بيبص بيلاقي روح جايه علي بعيد
كرم: بس ماقدرش ازعل الانسه ياسمين
ياسمين بابتسامه: كلك زوق يا كرم
بيبدأو يمشوا....
روح : خيااااااااانه ...
خالد: ايه يا بنتي في ايه
روح: الله ده مش علي قد ياسمين بس ده في كرم وممكن يكون كويمه طلعوها
كرم بضحك: لاه متخافيش ماجتش
روح: بقا كده يا خالد اخص ماكانش العشم
خالد: ما انتي كنتي نايمه
روح بغمزة: يالا عليا الكلام ده ياولا ...
خالد : اتوكسي وامشي يلا بدل ما يجيلنا ضربه شمس
روح: مين اللي مزعلك يا دودي
خالد: بس يابت ...
روح: اما نروح بس
خالد: يامامي خوفت !
روح: طبيعي لازم تخاف ما انا روح النمر...
كرم وروح كانوا مع بعض وياسمين وخالد ...
خالد بتفكير: اهي باظت لو ماكانش كرم اجي كانت روح جت ما انت بقالك ساعه مش عارف تقولها انك بتحبها تستاهل بقا..
روح مسكت دماغها وفجأة حست الدنيا سواد قدامها ...
خالد وياسمين وكرم حاولوا يفوقوها وهما خايفين وقلقانين...
شالها خالد وروحوا علي البيت...
خالد: هاندخل من الباب الخلفي عشان ماحدش يقلق ...
ياسمين: ماشي يلا..
خالد: اظن كتر خيرك يا كرم لحد كده مع السلامه
كرم: اه ايوه ..
خالد: مع السلامه..
مشي كرم ...
ياسمين : ليه كده احرجتوا ...
خالد بصلها بعصبيه حاول يخفيها وسكت ...
يونس كان واقف في بلكونه اوضته شاف روح وخالد شايلها ..
يونس طلع من اوضته وقابل خالد عند اوضه روح ...
فتح ليه الباب...
يونس بقلق: في ايه ايه اللي حصل
خالد: مش عارف هيا داخت واغمي عليها فجأة واحنا بنتمشي في الأرض
خالد بينيمها علي السرير والفستان بيكون مرفوع لفوق رجلها...
يونس بيشد الفستان علي رجلها وبيغطيها ..
يونس: هات ميه...
خالد بيجيب كبايه ميه من علي الكوميدينو بيمسكها يونس وبيرش علي وشها ميه ...
روح بتبدأ تفوق...
بتلاقي يونس واقف و خالد...
روح: هوا في ايه ؟!
يونس: انتي كويسه ؟!
روح: الحمد لله ايه اللي حصل
خالد: اغمي عليكي وانتي بتتمشي معايا
يونس: انا هاجيب الدكتورة تفحصك ..
روح: لا بلاش انا كويسه ..
خالد: عشان نشوف اغمي عليكي ليه
روح: يمكن بس عشان مافطرتش
يونس بعصبيه: ومافطرتيش ليه انتي مهمله
خالد ضحك...
روح: عادي ماكانش ليا نفس ثم انت بتزعق ليه
يونس: هاتتبسطي لما يحصلك حاجه يعني
خالد: اهدي علي اعصابك مش كده ..
يونس بيطلع بره الأوضه...
خالد بضحك: الواد شكله واقع قوي
روح : النمر لأ استحاله
خالد: اسمعي كلامي زي ما قولتلك..
روح بابتسامه: يمكن!
خالد: الله هيا فين ياسمين !
روح: اه صحيح فين
خالد: انا رايح اشوفها
طلع خالد يدور علي ياسمين...
دخل يونس وفي ايده صينيه وعليها اكل..
يونس: عايزك تخلصي كل الاكل ده
روح وهيا بتبص علي الأكل:نعم ...حرام كل ده ازاي
يونس: زي ما قولتلك
روح: طيب ماتقعد تفطر معايا بقا
يونس: ماشي ..
قعد يونس وبدأ يأكلها في بوقها وياكل وهوا مبتسم.
........................
خالد ماشي يدور في البيت علي ياسمين ..
نزل خالد وبص في الجنينه مالقهاش راح بص في الجنينه الخلفيه لقاها داخله من الباب ..
خالد: انتي كنتي فين!
ياسمين: ها ..تليفوني وقع مني من خضتي علي روح وروحت اجيبه
خالد: طب ماقلتليش ليه وانا كنت جبته
ياسمين: مارضيتش اتعبك
خالد: تتعبيني ..ده انا نفسي تتعبيني
ضحكت ياسمين...
خالد: ضحكتها ما بتهزرش
ياسمين: يلا يا خالد ربنا يهديك يلا
خالد في سره: ربنا يهديكي ليا لأنك هتبقي اكبر هديه
............................
روح: كفايه واللهي ماعتش قادره
يونس: خلاص اخر واحدة
بيأكلها يونس في بوقها ...
بيدخل خالد ومعاه ياسمين ..
خالد بيضحك : ايوه كده اكلها
روح اتكسفت ...
قام يونس وحط الصينيه علي الترابيزة
يونس: انا هابعت صفيه تاخد الصينيه عايزة حاجه
روح: علقلنا علي الشاي بقا
يونس بضحك: حاضر
نزل يونس ...
قعدت ياسمين جمب روح من جهه وخالد من الجهه التانيه.
ياسمين: شكلنا يا خالد هنلبس فساتين قريب
خالد: حاسس بكده هنفرح قريب
روح: بت انتي وهوا ماتلقحوش انا فاهماكم ...
ياسمين: طيب انا هاروح اغير واجيلكم...
خالد بابتسامه: ماتتأخريش...
ضحكت روح وياسمين عليه
ياسمين: حاضر...
خالد : اقولها ازاي ؟!
روح: تعالي نتدرب تقولها ايه تمام
وفي نفس الوقت كان يونس هايفتح الباب بس وقفوا صوتهم ...
خالد: تمام ...انا بحبك اوي واتمني انك تشاركيني حياتي لانها ناقصه من غيرك من اول يوم شفتك فيه وانا بحبك...
روح: وانا كمان بحبك اوي ومش عايزة غيرك حبيبي
حس يونس بغصه في قلبه ونزل علي تحت وطلع من البيت وقعد في عربيته...
يونس: يعني ايه بتحبه طب وانا طب واللي قالتهولي امبارح كان ايه كان كذب بس هيا ماكانتش في وعيها تكذب ليه بعد ما حبيتها بتحب غيري...
بيخبط ايده في دريكسيون العربيه بغضب...
الحركه هزت العربيه لدرجه الدرج اتفتح وشاف الورقه اللي كان يوسف ممضيها عليها
بص علي عقد الجواز العرفي بتفكير كان عليه امضاء روح و...
متنساش ان الرواية موجودة كاملة في قناة التلجرام والواتساب
↚
بص علي عقد الجواز العرفي بتفكير كان عليه امضاء روح ومسكه ومسك القلم بتفكير ..
لفت نظره اسم الشهود ..
يونس بصدمه: معقوله ..
.....................
خالد: تفتكري يا روح ياسمين بتحبني ؟!
روح: اكيد بتحبك نظراتها بتبين كده
خالد: نظراتها ..اومال مش حاسس بكده ليه بحسها بتتكلم معايا وحاجات تانيه شغلاها عمري ما حسيت انها بتبادلني نفس الحب!
روح: ياسمين من النوعيه الغامضه اللي ماتعرفش هيا بتفكر في ايه ولا تقدر تتوقعها بس انا حاسه انها بتحبك
خالد: عالعموم انا هاعترف لها وعلي الله حكايتي بقا
روح: هوا في ايه معقوله يونس سايبنا قاعدين كل ده مع بعض من غير ما ييجي وبعدين فين الشاي
خالد: هههه روحي اشربيه معاه
روح: هاروح ماروحش ليه مش ابن عمي ولا مش ابن عمي
خالد: ابن عمك بس ابت ..ابت
روح: ولا بطل رخامه بقا ويلا روح شوف ياسمين بتاعتك اجري..
خالد: يلا يا بتاعة يونس
قامت روح وزقته لحد ماطلع بره الأوضه..
خالد: ياخساره حبي ليكي
روح بضحك:معلش
بصت روح لنفسها في المرايه عدلت شعرها ونزلت ...
عينيها بتدور علي يونس في البيت مالقتهوش
طلعت بره البيت لما سمعت صوت عربيته ..
راحت ناحيته وخبطت علي ازاز العربيه ...
فتح ازازها وهوا باصص قدامه ومابصلهاش
روح: فين الشاي يا استاذ
يونس: وليه شاي ما هنشرب شربات قريب
روح: قصدك ايه !
يونس ساق عربيته وطلع حتي روح اتجعزت ..
روح بتفكير: ياتري ايه اللي مضايقه وقصده ايه هانشرب شربات قريب ربنا يستر انا بخاف منه لما بيبقي في الحاله دي ..
خالد بصوت عالي: رووووووووووووووووح
روح: اييييييه وداااااني حرام عليك
خالد: ما بنده عليكي من بدري اعمل ايه بتفكر في ايه ياجميل في الجو
روح: خالد اظبط يا خالد ..
خالد: هههه حاضر المهم ياسمين فين!
روح: هيا مش قالت هتغير هيا مش في اوضتها
خالد: لأ مش عارف راحت فين ؟!
روح: اكيد هتبقي في البيت هاتروح فين يعني هيا متعرفش حاجه في البلد دي
خالد باستغراب: انا دورت عليها في البيت كله!
روح: اكيد موجودة يابني اقولك تعالي ندور عليها سوا
خالد: سوا سوا
روح بضحك: التانيه تقريبا هوا هوا
خالد: بجد ؟!
روح: ايوه والله
خالد: يافضحتي 😂
↚
روح: ههههه نفسي تقتنع انك مالكش في الألش
خالد: حقودة ..الغيران مننا يعمل زينا
......................
في اوضه كريمه..
كريمه: رجلي بدأت توجعني تاني يا خيتي
صفاء: مش انتي اللي استعجلتي وعاودتي
كريمه: وياريتني ماعاودت كل حاجه انقلبت ضدي اللي كان نفسي يبقي راجلي مش حاسس بيا وعمي زودها عليا بكرم ده واد ماسخ ..
صفاء: يعني عاوزة ايه دلوك
كريمه: ماخبراش ...ماخبراش ليه الدنيا جايه عليا اكده قلبي واجعني قوي..
صفاء: ربنا يريح قلبك يا خيتي
كريمه: انا خلاص قررت انا هاعاود تاني انا من يوم ماجيت وماشيه عالمسكنات وبحاول ابقي قويه وماحدش يدري بيا ولا بألمي لكن خلاص ماعدتش مستاهله قولي لعمي..
صفاء: ماشي يا خيتي اللي انتي رايداه
.........................
خالد: راحت فين دي ماسبناش حته في البيت غير لما دورنا عليها
روح: انا قلقانه اوي ماترن عليها
خالد: ايه الذكاء ده ما اكيد رنيت لما زهقت بس مقفو
روح: ايه القلق ده بقا ياتري انتي كويسه يا ياسمين
خالد بتوتر: ربنا يستر !
........................
يونس وهوا بيضرب يوسف: قول كل حاجه
يوسف : اعرف بس قصدك علي ايه وارد بس اااه
يونس: مين اللي وزك تعمل كده مييين
يوسف: صدقني ماقدرش اقول
يونس: ليه
يوسف: هايقتلني
يونس ضربه بونيه: ان انت ماقولتش ليا انا اللي هاقتلك.
......................
في الليل...
روح بتفكير: انت فين يا يونس طول النهار
خالد: اعمل ايه راحت فين وهيا متعرفش حد هنا معقول يكون يوسف بينتقم مني فيها
روح: ليه كنت عملتله ايه
خالد: ضربته عشانك ميه مرة بس
روح: ماانتي لو كل حد ضربته هاينتقم منك يبقي مش هانخلص بقا
خالد : تعالي نقعد في البلكونه انا مخنوق
روح: اهدي يا خالد ان شاء الله هاتكون كويسه
طلعوا قعدوا في البلكونه ..
روح بتبص علي الباب ..
روح: مش دي ياسمين يا خالد ومين اللي واقفه بتكلمه ده مش باين ؟!
خالد بص عليها ..
خالد: ايوه هيا انا نازل..
نزل خالد بسرعه وراح ناحيه وروح وراه ..
خالد قرب من ياسمين اللي لما شافته اتوترت ..
خالد بص يمين وشمال ..
خالد: هوا فين ؟!
ياسمين بتوتر: هوا مين ؟!
خالد: اللي كنتي واقفه معاه
ياسمين: انا ماكنتش واقفه مع حد
خالد: ازاي دا انا وروح شايفينه
ياسمين: قول كده بقا روح
روح جت ...
روح: في ايه يا ياسمين
ياسمين: في انه عشان اربعه خطابك خانوكي بطرق مختلفه فاكره ان كل الناس خاينين
روح: ليه انا عملت ايه مالك متعصبه كده ليه
ياسمين: انتي والاستاذ بيقول اني كنت واقفه مع حد
روح: احنا فعلا شوفناكي يا ياسمين
ياسمين ببكاء: ازاي وانا كنت بكلم الغفير حتي اسأله
الغفير رد: ايوه يا بيه
ياسمين طلعت تجري علي اوضتها ...
خالد : طب كانت فين كل ده ليه بتعمل كده
روح باستغراب: افهم منه بالراحه يا خالد ياسمين نضيفه وطيبه ..
خالد طلع ...روح بصت للغفير ..
روح: غريبه يعني
الغفير: ايه اللي غريب ياست هانم
روح: انك واقف هنا الباب الخلفي مش بيقف عليه حد
الغفير ماردش ...
طلعت روح وهيا مستغربه من اللي حصل .
دخلت اوضتها ...
روح : انت فين يا نمر وكان مالك قلقتني ..
مسكت كتاب وطلعت قعدت في البلكونه ...
قفلت الكتاب بزهق.
غمضت عينيها وهيا بتفتكره وصوره ماليه تفكيرها ...وبدأت تغني
بحبك يا غالي ليلي ونهاري 💥
عملت لقلبي ايه❤️
صوتك ناداني نسيت زماني🥰
أعمل في حبك ايه 🔥
عينيك حبايبي جرحت لي قلبي🖤
ورموش عينيك تداويه 💖
بحبك ياويلي سهرت ليلي حتي القمر سهران🌈
انا والليالي عشاق ياغالي عشاق بقالنا زمان🌟
ملكت روحي وتقول جروحي اجرح كمان وكمان ⚡
بتحبيه ؟!
↚
فتحت روح عينيها...
روح بفرحه: يونس
قامت تجري وحضنته ..
يونس اتفاجأ من اللي عملته ...
روح وهيا في حضنه: انا كنت قلقانه عليك اوي يا نمر
يونس: لو كنت اعرف كده كنت قلقتك من زمان ...
روح: قصدك ايه
يونس : لا ولا حاجه
روح خدت بالها انها في حضنه وهوا متبت عليها
روح بعدت عنه بتوتر ..
روح: انا اسفه !
يونس: علي ايه
روح: احم...انت كنت فين طول النهار انا خوفت عليك جدا
يونس: كنت بفهم حاجات ماكنتش فاهمها وبفكر في حاجات تانيه وبكتشف حاجات
روح: انا مش فاهمه حاجه ..
يونس: بكره تفهمي كل حاجه..
رفع يونس ايديه وكأن حاجه دخلت في عينه روح شافتها مجروحه
مسكت ايديه ..
روح: ايه ده ايه اللي حصل لإيدك
يونس: ولا حاجه إصابه خفيفه
روح: كنت بتلعب في وش مين بوكس يا نمر
يونس: مافيش حد انا طيب
روح جابت مرهم ودهنت ليه ايده
روح: بتوجعك يا نمر
يونس: لأ في حاجات بتوجعني أكبر منها
روح: ما جايز تكون ماتستاهلش وانت عاطيها أكبر من حجمها !
يونس: ممكن اه وممكن لأ
روح: انت ليه غريب النهاردة كده وايه البوز ده
يونس: لأ انا عادي ..اه عاوز اسألك سؤال
روح: وانا افديك الساعه اما النمر يسألني سؤال ده انا ابقي دخلت التاريخ من اوسع أبوابه
يونس بابتسامه: إتغيرتي يا روح
روح: ومين فينا بيفضل علي حاله اهدافنا بتتغير احلامنا بتتغير ميولنا بتتغير مشاعرنا بتتغير واحساسنا تجاه أشخاص بيتغير والقلب بيحكم وبيتحكم ...بقلم حنين عادل..
يونس بصلها بتفكير: ياسمين
روح بإستغراب: مالها ياسمين
يونس: كويسه ..
روح: يعني ايه كويسه مش فاهمه
يونس: يعني نضيفه ..جدعه ..صديقه
روح: ياسمين دي مافيش احسن منها في الدنيا كلها لو صاحبت كل يوم مش هلاقي زيها
يونس بصلها بتفكير: في حد في حياتها ؟!
روح بعصبيه: قول كده بقا عايزني اظبطلك معاها صح لأ مش انا يا حبيبي لا والف لأ
يونس: ايه مجاري اتفتحت ...لأ ياستي مش عايزاكي تظبطيلي معاها لو عايز كنت ظبطت انا مش هستناكي تظبطيلي..
روح وهيا بتجز علي سنانها: اطلع بره يا نمر
يونس: ليه كده طيب عملت ايه
روح: عاوزة اناااام يا يونس
يونس: خلاص طالع طالع
طلع يونس من الباب لقي الباب بيترزع وراه
يونس بضحك: والله ماعدت فاهملك حاجه يابنت عمي !
...........................
في اوضه ياسمين
خالد: طب بتعيطي ليه دلوقتي انا أسف
ياسمين: انا ياخالد تظن الظن ده فيا
↚
خالد: ظن ايه وانا قلت حاجه أنا كنت هاموت من القلق عليكي يا ياسمين ماكنتيش متخيله الإحساس اللي حاسس بيه كأني طفل تايه من غير أمه خوفت عليكي يكون جرالك حاجه او واقعه في مشكله ..
ياسمين: وليه خايف عليا كده
خالد: انتي عارفه وحاسه يا ياسمين عارفه اني بحبك ..لأ بعشقك بس عامله نفسك مش واخده بالك ..
ياسمين: طيب تصبح علي خير يا خالد
خالد: مع انك ماقلتليش كنتي فين ..بس وانتي من أهلي تصبحي علي جنه
خرج خالد وساب ياسمين اللي كانت بتبص عليه بتفكير ..
......................
في الصالون...
روح: ايه يا بابا من ساعه ماجينا هنا وانت مطنشني يعني من لقي احبابه ولا ايه مش تسأل علي بنوتك الحلوة
بدر: انساكي انتي عبيطه القصه ومافيها اني مطمن عليكي هنا ..
روح: ماشي يا بابا خلي عم شاكر ينفعك بقا
شاكر: هههه ماشي يابنت ال...
بدر: اخوي يا روح واتحرمت منه كتير بحاول اعوض شويه من اللي اتحرمت منهم ..
روح: ربنا يخليكوا لبعض تصبحوا علي خير
بدر وشاكر: وانتي من أهل الخير...
.............................
في اوضه كريمه .
كريمه: لسه ما خبرتيش عمي يا صفاء
صفاء: طول النهار علي الحال ده مع بدر
كريمه: لازم تخبريه الليله عشان نعاودوا الصبح
صفاء: ماشي
روح بتتقلب يمين وشمال وقلقانه ...
روح بتفكير: هوا ليه النمر سأل علي ياسمين معقول يكون بيحبها او معجب بيها طب وانا ايه اللي مضايقني ...متضايقه عشان خالد بيحبها وهيتضايق ايوه صح لو حسيت بأي جديد او حاجه ممكن تتطور انا هاوقفها وهابقي شوكه في علاقتهم اللي مش هاتشوف
النور دي..
بقلم حنين عادل
...............................
في اوضه صفاء
صفاء: كيف يعني البت تعبانه
شاكر: ايه اللي كيف ما انا خبرتك تروحوا بس تاخدوا كرم معاكم فيها ايه دي مش خطيبها
صفاء: وتفتكر هوا هيوافق وبعدين خطيبها مش جوزها ياشاكر
شاكر: لاه هيا مسؤوله منيه دلوك وماتخطيش خطوه من غيره وان ماوفقش ماتطلعش من الدار
صفاء: وه...من دلوك
شاكر: اباي عليك مرة بلاه اللت والعجن الكتير انا هاكلمه باكر واتكتمي بقا
صفاء: ماشي
............................
بينزل يونس من اوضته وبيطلع من الجنينه الخلفيه
بيركب عربيته وبيسوق لحد مايوصل لبيت قديم
بينزل من العربيه وبيدخل
بيظهر يوسف اللي قاعد علي الكرسي والدم بينزل من كل حته فيه...
يوسف: حرام عليك بقا سبني كفايه اللي عملته فيا
يونس: مش قبل ما تقولي كل حاجه
يوسف ماردش...
يونس : يبقا انت اللي جنيت علي نفسك ..
بيطلع يونس مسدسه وبيعمره وبيضرب طلقه بتعدي من جمبه بسنتيمترات ...
يونس: التانيه مش هاتخيب..
يوسف: خلاص ..خلاص هاقول هاقول ..
متنساش ان الرواية موجودة كاملة في قناة التلجرام والواتساب
↚
يوسف: خلاص ..خلاص هاقول هاقول .
يونس: سامعك
يوسف: الشاهد الأول الغفير..والشاهد التاني ياسمين وبما انها بنت كان لازم يكون ست كمان وهيا .....
يونس: ايوه هيا مين مش معقول يكون تشابه اسماء
يوسف: لأ مش تشابه أسماء هيا ساميه غالي والدتك
يونس مسك دماغه : طب ليه بتعمل كل ده وتعرف روح منين ؟!
يوسف: انا ماعرفش اسبابها ايه او تعرف روح ولا لأ
يونس: عنوانها فين !
يوسف بتوتر: ماعرفش !
.......................
روح كانت قلقانه قامت من علي سريرها وراحت اوضه يونس وخبطتت علي الباب...
يونس فتح الباب ...
روح: ممكن اتكلم معاك شويه
يونس: دلوك!
روح بابتسامه: دلوك ..
دخل يونس ودخلت روح وراه وقعدوا في البلكونه
يونس: اتفضلي ...
روح: يونس انا عاوزة اقولك ...هوا ..انا عايزة اقولك انه انا ..عايزة اني ..
يونس: ايه ياروح بقالك ساعه بتقولي يونس انا عاوزة اقولك؟!
روح: انا....انا بحبك
يونس: وده مقلب جديد من مقالبك بقا ولا ايه ؟!
روح: لأ انا فعلا بحبك يا يونس ومش عايزة امشي من هنا
يونس: للأسف اتأخرتي انا بحب ياسمين وياسمين بتحبني
روح: نعم ...دا انا اشرحكم انتوا الاتنين ياسمين مين يلا ..ياسمين صاحبتي معقوله.
يونس: هيا ماقالتلكيش ولا ايه مش انتوا اصحاب ؟!
روح: بس انا بحبك يا يونس.
يونس: ومن امتي بقا بتحبيني
روح: مش عارفه انا حبيتك امتي يمكن من اول يوم شفتك فيه وانا ماكنتش عارفه يمكن امبارح يمكن النهاردة قلبي مش عارف يحدد حبك امتي بس الأكيد انه بيحبك وبيعشقك يا نمر ..
فتحت عيونها بصدمه ....
روح: معقوله كنت بحلم ؟! انا بحب النمر عااااا انا بحب النمر انا بحب النمر ...
بس هوا بيحب ياسمين ....هوا قالي كده في الحلم ..بس ده حلم ده حلم ...
طلعت وقفت في البلكونه ...وهيا مبتسمه ..
احببتك وكنت غافله احببتك ولا ادري ولكن القلب قد اعلن عن خضوعه واستسلامه حينما شعر انك قد تكون لغيره احرقته نار الغيره اريدك لي لأخر عمري اريدك ان تأخذ بيدي للجنه اريدك وبشده أنت لي ..لي انا فقط ...
بيدخل يونس من الجنينه الخلفيه ...
روح بتفكير: الوقت اتأخر اوي احنا الفجر هوا كان فين ...
دخل يونس اوضته وقلع التيشيرت ورماه وطلع مرهم ودهن الجرح وهوا بيتوجع ...
روح : طيب ليه محمل نفسك اكتر من طاقتها
يونس بص عليها: ايه اللي مخليكي صاحيه لحد دلوقتي
روح : انا ماكنتش صاحيه انا كنت نايمه بس حلمت حلم صحاني
يونس: ايوه وياتري حلو ولا وحش
روح خدت منه المرهم ودهنتله ...
روح: لأ مش وحش بالعكس وضحلي حاجات ماكنتش فاهماها بس كنت حاساها
يونس: ايوه...
روح: مالك يانمر متضايق ليه احكيلي نقسم الحمل علي اتنين هايخف ومش هايبقي تقيل .
يونس : ياريت كان ينفع
روح: وماينفعش ليه!
يونس: عشان ماينفعش ..ماحدش بيحس بجرح حد ولا حد بيشيل زعل حد كل واحد ليه شيلته ..
روح: جربني ؟!
يونس: ماينفعش وجودك معايا في اوضتي في وقت زي ده
روح: بس انا أبقي بنت عمك
↚
يونس: عشان انتي بنت عمي مارضاش ليكي كده ولا أرضاها لعمي ...تصبحي علي خير
روح: احم..وانت من أهل الخير ..بس ان حسيت انك عايز تحكي انا موجودة
خرجت روح وسابت يونس...
يونس قعد علي السرير ...
يونس بتفكير: ليه يا ست ساميه ليه حتي كلمه ماما خسارة فيكي ليه كده وانت مالك بروح ليه حطاها في دماغك وعايزة تبوظي حياتها ..ليه ..
..............................
في الصباح ....في عربيه ...
كرم وكريمه كانوا جمب بعض في العربيه من ورا وصفاء قدام ...
كريمه: يادي الحظ
كرم: حظ اسود ومطين بالطين
كريمه: انت تخرس خالص
كرم: اتكتمي واحترمي نفسك بدل ما اشوهلك وشك ده
كريمه: طب جرب وشوف ايه اللي هيجرالك يا كرم الزفت
كرم: علي دماغك ياوليه ناقصه ربايه
صفاء: انتم بتقولوا ايه
كرم: مافيش حاجه..هنوصل امتي المخروبه دي
صفاء: معلش يا ولدي انا عارفه ان العمده جبرك انك تيجي معانا ...
كرم: هاعمل ايه يا خاله ربنا يعدي الأيام دي علي خير
كريمه : جاتك البلا
كرم: علي دماغك ودماغ اللي خلفوكي
صفاء: بتقول حاجه
كرم: بقول ماخبرتنيش عن ابوكي هوا فين ؟!
صفاء: الله يرحمه احنا مالناش في الدنيا غير بعض..
كريمه بصت للشباك بحزن ..وكرم كان ملاحظها ...
بصتله كريمه بقرف..
كرم: ياخاله مايصحش تقعدي قدام قعديني انا
صفاء: انا اكده مرتاحه يا ولدي خليك جنب عروستك
.........................
روح كانت واقفه قدام المرايه وماسكه وردة
وبتقطع فيها ...
روح : اقوله ...مقولوش ...اقوله ..مقولوش ...اقوله ...لأ استني لما يخلف من ياسمين عيلين صح ..قال ايه بتتكسفي اوي ياست روح ...بت قوليله واللي يحصل ..يحصل
عدلت شعرها وحطت ورده علي جنب شعرها وراحت علي اوضته ...
الست لما بتحب وشها بينور بتحس انها جميله حتي لو وحشه شعور السعاده لوحده احسن من عشرين كيلو مكياج بيورد الخدود وبيلمع العينين بيطمن القلب وبيفرحه بيخلي كل حاجه حلوة وبيخلينا نتغاضي عن أي حاجه ...بقلم حنين عادل
خبطتت علي الباب ...مرة واتنين وتلاته ...
فتح الباب وهوا بينشف شعره...
روح: صباح الخير ياعسل
يونس: عسل ؟!
روح: احم...هيا طلعت كده اعمل ايه يعني
يونس: ادخلي ...
دخلت روح اوضته وقعدت ...
روح: ايه ده يانمر ايه الشنطه دي...
كانت شنطه مفتوحه علي السرير وفيها هدومه
روح بحزن: هوا انت مسافر ولا ايه
يونس: ايوه !
روح: ليه
يونس: عشان في حاجات لازم تتوضح ..
روح : ماتسافرش ..
يونس: ليه ؟!
روح: عشان ...عشان مش عاوزة اقعد لوحدي
وقف يونس قدام المرايه بيسرح شعره..
يونس: انتي هنا مش لوحدك معاكي خالد وياسمين وباباكي وعمك ..
روح: بس ...
يونس: بس ايه ؟!
روح: بس انت مش موجود
يونس بصلها بإبتسامه: ووجودي معاكي من عدمه بيفرق حاجه..
روح: بيفرق كتير
يونس: ازاي بقا ؟!
روح: يعني ..اخدت علي وجودك جنبي
يونس: اه...
روح: طب ماتاخدني معاك؟!
يونس: ازاي يعني واخدك بصفتك ايه
روح: هيا بنت عمك دي مش صفه
↚
يونس: مش صفه تخليني اخدك معايا
روح : طيب ..انا ...انا ..تروح وترجع بالسلامه
خرجت روح وهيا متضايقه ..
روح نزلت علي الجنينه لقت ياسمين وخالد قاعدين ...
روح: بقا في خيانات ..مش خيانه..
ياسمين سابتهم وطلعت ...
روح: هوا في ايه مالها ياسمين بتعمل كده ليه في ايه انا عملت ليها ايه
خالد: مش عارف انا حاسسها متغيرة وبتتكلم بالألغاز ..
روح: طيب تعالي نفطر ولا فطرتوا سوا
خالد بضحك: حصل ..
روح: النداله في دمك ..
دخلت روح لقتهم قاعدين علي السفره شاكر وبدر ويونس ومصطفي...
روح: صباح الخير
الكل: صباح النور
روح قعدت تفطر وعينيها علي يونس...
شاكر: ايه المؤمريه المفاجأة دي وانت لسه تعبان ما ارتحتش ..
يونس: لازم ضروري اطلعها يابوي دي مسأله حياة او موت وانا معايا الطقم بتاعي انا هوجهم بس مش هاتعب نفسي في حاجه...
بدر: وهاتقعد كام يوم
يونس: يومين تلاته بالكتير
بدر: عاوز اشوفك قبل مانمشي
شاكر: وه ..انت هاتعاود
بدر: شغلي وحالي ما انا خبرتك ..
روح اتضايقت وبصت ليونس اللي كان باين انه بيفكر في حاجه ...
يونس: الحمد لله ...انا هاطلع اجيب شنطتي ادعولي...
شاكر: ربنا يجعلك في كل خطوة سلامه يا ولدي
روح: خلي بالك من نفسك
يونس ابتسم لها ..
طلع يونس عالسلم ...
يونس بتفكير: أنا بعمل كل ده عشانك ما انكرش اني كنت عاوز اقابلها من زمان عشان أسألها سابتني ليه بس الموضوع ماعدش علي قدي لما احس انك في خطر بسببها يبقي لازم اعمل المستحيل عشان احميكي مش كفايه اذيتي كمان عايزة تئذي اللي بحبهم ...
جاب شنطته الصغيرة ونزل ...
يونس : اشوف وشكم بخير ..
روح بحزن: مع السلامه
شاكر: مع السلامه يا ولدي ابقي طمني عليك
خرج يونس من الباب ونظرات روح كانت معاه ...
روح بتفكير: مش عارفه ليه مش مطمنه ومتأكده انها مش مأموريه يا نمر ياتري ايه اللي في دماغك ...
روح خرجت وراه ....خبطتت علي ازاز عربيته...
يونس : في ايه
روح: مش مطمنه
يونس : ماتخافيش اطمني
روح: ارجعلي يا يونس عايزه اقولك حاجات كتير
يونس : ان شاء الله ..
روح: مع السلامه ...
طلع يونس بالعربيه ...وروح دخلت البيت وهيا متضايقه.
..........................
دخل كرم وكريمه وصفاء المستشفي ...
كرم: جايباني مستشفي
كريمه: اتكتم
كرم: لمي لسانك يا وليه
كريمه : ولولوا عليك ساعه واتفضوا
دخلت كريمه الاوضه وصفاء راحت تنده للدكتور ..
دخل الدكتور وبدأ يكشف علي رجل كريمه
الدكتور: انت ازاي ماشيه بيها كده
كرم اتفاجأ من منظر لرجليها
وكريمه ماكنتش طايقه ايد الدكتور عليها وبتبكي
كرم قرب منها ومسك ايدها: اهدي هاتبقي كويسه .
........................
بعد ثلاث ساعات ..
بينزل يونس من عربيته قدام ڤيلا ...
بيدخلها ...وبيلاقي الباب مفتوح ...
بيخبط علي الباب بيلاقيه اتفتح..
بيلاقي صوت : ادخل انا مستنياك ...
بيسمع صوت كرسي هزاز بيفضل يمشي لحد مايوصل وهوا خايف ودقات قلبه و ....
حان وقت المواجهه مواجهه ما اذاه ما اشعره كثيرا بالنقص مواجهه ما فطر قلبه واكثر فيه التفكير مواجهه من هي أمه أمه التي لم يراها ولم يعرفها لم يحفظ رائحتها ويقبل يديها من لم يعايدها في شهر مارس كما بقية أصدقائه ......يتبع
متنساش ان الرواية موجودة كاملة في قناة التلجرام والواتساب
↚
بتلف ليه ....
يونس: مش معقول ده دا ازاي؟!
ساميه: ماتستغربش اني شكل روح يخلق من الشبه أربعين ..
يونس: شكلها للدرجه دي !
ساميه: أيوه ...كبرت يا يونس
يونس قعد علي الكرسي قدامها بهدوء وثبات عكس اللي جواه عكس احاسيسه المتلخبطه عكس إشتياقه ليها عكس زعله انها ما اخدتهوش بالحضن او ندمانه ولو بنسبه 1% انها سابته ..
ساميه: بتفكر في ايه
يونس: ليه ؟!
ساميه: ليه ايه ؟!
يونس: انتي فاهماني ليه كل حاجه ..اولها ليه سبتيني وانا مش عارف ولا فاهم حاجه كان ايه ذنبي اني مايكونليش أم وانتي عايشه علي وش الدنيا ..الفلوس ..ملعون ابو الفلوس اللي تخليكي تعملي كده ..
ساميه: شاكر فهمك كده !
يونس: ماتجبيش اسمه علي لسانك دا انضف منك ومن مليار واحده زيك ..
ساميه: وايه كمان ..يا ابني
يونس: ابني...ههههه..ضحكتيني
ساميه: هاتسمعني ولا لأ
يونس: انا جاي المسافه دي كلها عشان اسمعك وياريت ماتكذبيش حاولي تعملي حاجه كويسه في حياتك
ساميه: هاحكيلك كل حاجه وانت تحكم
يونس: ليه عملتي كده مع روح ليه ..وايه استفادتك..
ساميه : انا ابقي خاله روح..
يونس بصدمه: ايه؟!
ساميه: ايوه انا خالتها عشان كده في شبه كبير بينا انا كنت أنا و ساره ولاد عم بس كنا شبه بعض جدا كنا تقريبا توأم بس كان ابوها علي قد حاله وانا ابويا غني ومبسوط
يونس: وبعدين..
ساميه: انا ...انا
يونس: في ايه كملي..
ساميه: انا اللي حبيته الأول انا اللي شوفته الأول قبلها بس هوا ...هوا حبها هيا مع اننا نفس الشبه ...
يونس: قصدك علي مين ..
ساميه: بدر ..بدرررر
يونس بصلها بصدمه: يعني انتي كنتي بتحبي عمي بدر
ساميه: ماكنتش بحبه كنت بعشقه بس في الأخر حبها هيا واتجوزها هيا ..
يونس: وبعد كده فكرتي ازاي تبقي قريبه مني واتجوزتي ابويا..ايه القذاره دي
ساميه بعصبيه: قذاره..اني احاول ابقي جمب اللي انا بحبه يبقي قذاره يبقي حبك لروح قذاره بقا
يونس: ولا انتي ولا ميه زيك يقدروا يشككوا في حبي لروح وبعدين ايه اللي حصل
ساميه: ابو بدر كان معارض فكرت النقطه دي في صالحي وممكن يسيبها عشانه وحتي لو ماسبهاش هايستسمحه ويبقي جمبي ..اتجوزت شاكر وانا قلبي مع غيره بس انقلبت الموازين وبدر ساب البلد ومشي ...
حملت من اول يوم فيك ...
↚
يونس: وطبعا كنتي كارهاني
ساميه: ما كنتش كارهاك عشانك انت ابني كنت كارهاك عشان انت ابنه هوا ابن اللي خدني غصب من اول يوم لأني كنت كارهاه وفضل ماشيها معايا بالغصب وماقدرش اني حامل وتعبانه انت كان قدامك ميه فرصه انك ما تجيش بس كان نصيبك انك تعيش
يونس: وبعد ما اتولدت..
ساميه: بعد ما اتولدت كان نفسي افضل معاك بس ما استحملتش وجود ابوك في حياتي كان متسلط وعنيد وكل حاجه غصب وضرب وقله قيمه كان لازم امشي ماقدرتش استحمل طاقتي خلصت حتي ولو هاستغني عنك..
يونس: وجالك قلب ايه الانانيه دي تسيبيني في اللفه وتمشي لأ برافو برافووووو
.......................................
في المستشفي..
كرم قرب منها ومسك ايدها: اهدي هاتبقي كويسه
الدكتور خلص كشف ...
الدكتور: ازاي كنتي مستحمله كده ..انا هاكتب ليكي مسكنات ومضادات للإلتهاب عشان نعرف نعمل العمليه
كريمه: تمام يا دكتور
الدكتور: سلامتك يا قمر
بصله كرم بحاجب مرفوع ..
كرم: يا خفه ..اني قرطاس لب واقف
الدكتور: في ايه يا أستاذ
كرم: في انك قليل الربايه ايه قمر دي
الدكتور : اهدي يا استاذ انا بقولها لكل المرضي
كرم: لاه ماتقولهاش اهنيه بلاها قله حيا
الدكتور: أنا اسف
خرج الدكتور وكرم كان متعصب
كريمه: ليه يا كرم ليه
كرم: ليه ايه
كريمه: ليه كده ده اول واحد يجبر بخاطري
كرم: وه..بتفرحي لما الرجاله تقولك حديت ماسخ بنت اصول صح
كريمه: في ايه ياواد انت نسيت نفسك ولا ايه اياك ..ايه اللي حارقك اوي كده
صفاء: طب اعملوا حساب ان في واحده كبيره واقفه معاكم هنا ...
كرم: مش سامعه ياخاله بتقول ايه
كريمه : وانت ايه اللي مضايقك اوي اكده قالي حديت ماسخ حديت مسكر ايه اللي مضايقك
كرم: لاه انا راجل ومايعجبنيش الحال المايل يا بت
كريمه: بته لما تبتك عاملي فيها راجل
طاااااخ...صوت قلم نزل علي وشها..
كرم: انا راجل غصبن عن اللي خلفوكي
كريمه مسكت خدها بعصبيه..
صفاء: يامري بتضربها قدامي نسيت نفسك ولا ايه اياك يا ابن نعيمه العجانه بتاعت العيش..
كريمه: ورحمه ابويا لأندمك علي القلم ده يا ولد نعيمه
بقلم حنين عادل
..............................
ساميه: ماقدرتش افهم بقا ماقدرتش اكون في مكان وقلبي في مكان ..
يونس: سبتيني وهربتي وروحتيله..
ساميه: ايوه روحتله ..اترجيته ابقا خدامه تحت رجليه بس يخليني جمبه في قربه ..بس رغم الحب اللي حبيتهوله ما وقفش جمبي وقعد يقنعني ارجع لأخوه ولما قربت منه وحضنته وانا بعيط زقني وطردني وقالي اني مش محترمه وانه استحاله يخون اخوه ...
يونس: عشان كده عايزه تدمري حياه بنته
ساميه: عايزه ادوقها من نفس الكاس وانتقم منها لأني انتقامي في امها ماكفانيش
يونس: مش فاهم ..
ساميه: مش لازم تفهم كل حاجه ..
يونس: يعني انتي السبب في اربع علاقات فاشله ليها
ساميه: وهافضل وراها لحد ماتنكسر لحتت صغيرة ما تتلمش..
يونس بعصبيه: ليه. .ليييييه كل السواد ده ليه وانا كنت زعلان اني ماشفتكيش ده انا ربنا كرمني ..كرمني بإنه بعدك عني ..
↚
ساميه: كلكوا زي بعض مافيش تغير
ممنوع النقل بدون الغلاف واسم الكاتبه ..
يونس: الكل علي حق وانتي علي باطل افهمي بقا عمرك ماعملتي حاجه صح تفتخري بيا حاولي تصلحي مش تقعدي تفكري ازاي تنتقمي نار الانتقام بتحرق صاحبها قبل اي حد ....بقلم حنين عادل
ساميه: هاعيشهم نفس المرار اللي عيشته ..نفس وحدتي وكسره قلبي..كل لحظه عيني نزلت فيها دمعه هاحرق قلبهم واحد واحد..
يونس: اني قربتي لابوي او لروح انا اللي هاقتلك بإيديا دول ...
ساميه: لو مابقتش معايا هاتبقي ضدي ..هاتبقي من أعدائي
يونس: اشرفلي من اني اكون معاكي في الوساخه دي..
بتقوم وبتقف ...وبتطلع مسدس
ساميه: يبقي بقيت من أعدائي وجيتلي في ملعبي...اتشاهد يا نمر ...مش حبيبه القلب بتقولك كده برده...
ابتسم النمر وافتكرها وغمض عينه و صوت طلقه رصاص طلعت .......
هوا ظابط معاه سلاحه ليه ماطلعهوش وحمي نفسه لأنه ببساطه قلبه مايطاوعهوش اني يعمل كده او انه يتقال عنه قتل امه دي كبيره اوي ...
الجحود ونكران الجميل بقا كتير المظاهر الخداعه والناس اللي بمليون وش مش بوشين اللي بيعملوا اصدقائك وهما في الحقيقه الد اعدائك بس هايفضل في طيبين وقلبهم نضيف وبيقفوا معاك في الشده اه صحيح ان الفساد انتشر وبشده فساد ديني وأخلاقي..بس هايفضل في الحلو ..
في قول الرسول..
الخير في وفي امتي الي يوم القيامه ...بس يارب قربنا من اللي قلبهم نضيف الناس اللي بجد مش ورق وابعدنا عن اللي بيقولوا عننا الحلو في وشنا ويضربونا في ضهرنا...بتلف ليه ....
يونس: مش معقول ده دا ازاي؟!
ساميه: ماتستغربش اني شكل روح يخلق من الشبه أربعين ..
يونس: شكلها للدرجه دي !
ساميه: أيوه ...كبرت يا يونس
يونس قعد علي الكرسي قدامها بهدوء وثبات عكس اللي جواه عكس احاسيسه المتلخبطه عكس إشتياقه ليها عكس زعله انها ما اخدتهوش بالحضن او ندمانه ولو بنسبه 1% انها سابته ..
ساميه: بتفكر في ايه
يونس: ليه ؟!
ساميه: ليه ايه ؟!
يونس: انتي فاهماني ليه كل حاجه ..اولها ليه سبتيني وانا مش عارف ولا فاهم حاجه كان ايه ذنبي اني مايكونليش أم وانتي عايشه علي وش الدنيا ..الفلوس ..ملعون ابو الفلوس اللي تخليكي تعملي كده ..
ساميه: شاكر فهمك كده !
يونس: ماتجبيش اسمه علي لسانك دا انضف منك ومن مليار واحده زيك ..
ساميه: وايه كمان ..يا ابني
يونس: ابني...ههههه..ضحكتيني
ساميه: هاتسمعني ولا لأ
يونس: انا جاي المسافه دي كلها عشان اسمعك وياريت ماتكذبيش حاولي تعملي حاجه كويسه في حياتك
ساميه: هاحكيلك كل حاجه وانت تحكم
يونس: ليه عملتي كده مع روح ليه ..وايه استفادتك..
ساميه : انا ابقي خاله روح..
يونس بصدمه: ايه؟!
ساميه: ايوه انا خالتها عشان كده في شبه كبير بينا انا كنت أنا و ساره ولاد عم بس كنا شبه بعض جدا كنا تقريبا توأم بس كان ابوها علي قد حاله وانا ابويا غني ومبسوط
يونس: وبعدين..
↚
ساميه: انا ...انا
يونس: في ايه كملي..
ساميه: انا اللي حبيته الأول انا اللي شوفته الأول قبلها بس هوا ...هوا حبها هيا مع اننا نفس الشبه ...
يونس: قصدك علي مين ..
ساميه: بدر ..بدرررر
يونس بصلها بصدمه: يعني انتي كنتي بتحبي عمي بدر
ساميه: ماكنتش بحبه كنت بعشقه بس في الأخر حبها هيا واتجوزها هيا ..
يونس: وبعد كده فكرتي ازاي تبقي قريبه مني واتجوزتي ابويا..ايه القذاره دي
ساميه بعصبيه: قذاره..اني احاول ابقي جمب اللي انا بحبه يبقي قذاره يبقي حبك لروح قذاره بقا
يونس: ولا انتي ولا ميه زيك يقدروا يشككوا في حبي لروح وبعدين ايه اللي حصل
ساميه: ابو بدر كان معارض فكرت النقطه دي في صالحي وممكن يسيبها عشانه وحتي لو ماسبهاش هايستسمحه ويبقي جمبي ..اتجوزت شاكر وانا قلبي مع غيره بس انقلبت الموازين وبدر ساب البلد ومشي ...
حملت من اول يوم فيك ...
يونس: وطبعا كنتي كارهاني
ساميه: ما كنتش كارهاك عشانك انت ابني كنت كارهاك عشان انت ابنه هوا ابن اللي خدني غصب من اول يوم لأني كنت كارهاه وفضل ماشيها معايا بالغصب وماقدرش اني حامل وتعبانه انت كان قدامك ميه فرصه انك ما تجيش بس كان نصيبك انك تعيش
يونس: وبعد ما اتولدت..
ساميه: بعد ما اتولدت كان نفسي افضل معاك بس ما استحملتش وجود ابوك في حياتي كان متسلط وعنيد وكل حاجه غصب وضرب وقله قيمه كان لازم امشي ماقدرتش استحمل طاقتي خلصت حتي ولو هاستغني عنك..
يونس: وجالك قلب ايه الانانيه دي تسيبيني في اللفه وتمشي لأ برافو برافووووو
.......................................
في المستشفي..
كرم قرب منها ومسك ايدها: اهدي هاتبقي كويسه
الدكتور خلص كشف ...
الدكتور: ازاي كنتي مستحمله كده ..انا هاكتب ليكي مسكنات ومضادات للإلتهاب عشان نعرف نعمل العمليه
كريمه: تمام يا دكتور
الدكتور: سلامتك يا قمر
بصله كرم بحاجب مرفوع ..
كرم: يا خفه ..اني قرطاس لب واقف
الدكتور: في ايه يا أستاذ
كرم: في انك قليل الربايه ايه قمر دي
الدكتور : اهدي يا استاذ انا بقولها لكل المرضي
كرم: لاه ماتقولهاش اهنيه بلاها قله حيا
الدكتور: أنا اسف
خرج الدكتور وكرم كان متعصب
كريمه: ليه يا كرم ليه
كرم: ليه ايه
كريمه: ليه كده ده اول واحد يجبر بخاطري
كرم: وه..بتفرحي لما الرجاله تقولك حديت ماسخ بنت اصول صح
كريمه: في ايه ياواد انت نسيت نفسك ولا ايه اياك ..ايه اللي حارقك اوي كده
صفاء: طب اعملوا حساب ان في واحده كبيره واقفه معاكم هنا ...
كرم: مش سامعه ياخاله بتقول ايه
كريمه : وانت ايه اللي مضايقك اوي اكده قالي حديت ماسخ حديت مسكر ايه اللي مضايقك
كرم: لاه انا راجل ومايعجبنيش الحال المايل يا بت
كريمه: بته لما تبتك عاملي فيها راجل
طاااااخ...صوت قلم نزل علي وشها..
كرم: انا راجل غصبن عن اللي خلفوكي
كريمه مسكت خدها بعصبيه..
صفاء: يامري بتضربها قدامي نسيت نفسك ولا ايه اياك يا ابن نعيمه العجانه بتاعت العيش..
كريمه: ورحمه ابويا لأندمك علي القلم ده يا ولد نعيمه
↚
ساميه: ماقدرتش افهم بقا ماقدرتش اكون في مكان وقلبي في مكان ..
يونس: سبتيني وهربتي وروحتيله..
ساميه: ايوه روحتله ..اترجيته ابقا خدامه تحت رجليه بس يخليني جمبه في قربه ..بس رغم الحب اللي حبيتهوله ما وقفش جمبي وقعد يقنعني ارجع لأخوه ولما قربت منه وحضنته وانا بعيط زقني وطردني وقالي اني مش محترمه وانه استحاله يخون اخوه ...
يونس: عشان كده عايزه تدمري حياه بنته
ساميه: عايزه ادوقها من نفس الكاس وانتقم منها لأني انتقامي في امها ماكفانيش
يونس: مش فاهم ..
ساميه: مش لازم تفهم كل حاجه ..
يونس: يعني انتي السبب في اربع علاقات فاشله ليها
ساميه: وهافضل وراها لحد ماتنكسر لحتت صغيرة ما تتلمش..
يونس بعصبيه: ليه. .ليييييه كل السواد ده ليه وانا كنت زعلان اني ماشفتكيش ده انا ربنا كرمني ..كرمني بإنه بعدك عني ..
ساميه: كلكوا زي بعض مافيش تغير
ممنوع النقل بدون الغلاف واسم الكاتبه ..
يونس: الكل علي حق وانتي علي باطل افهمي بقا عمرك ماعملتي حاجه صح تفتخري بيا حاولي تصلحي مش تقعدي تفكري ازاي تنتقمي نار الانتقام بتحرق صاحبها قبل اي حد ....بقلم حنين عادل
ساميه: هاعيشهم نفس المرار اللي عيشته ..نفس وحدتي وكسره قلبي..كل لحظه عيني نزلت فيها دمعه هاحرق قلبهم واحد واحد..
يونس: اني قربتي لابوي او لروح انا اللي هاقتلك بإيديا دول ...
ساميه: لو مابقتش معايا هاتبقي ضدي ..هاتبقي من أعدائي
يونس: اشرفلي من اني اكون معاكي في الوساخه دي..
بتقوم وبتقف ...وبتطلع مسدس
ساميه: يبقي بقيت من أعدائي وجيتلي في ملعبي...اتشاهد يا نمر ...مش حبيبه القلب بتقولك كده برده...
ابتسم النمر وافتكرها وغمض عينه و صوت طلقه رصاص طلعت .......
هوا ظابط معاه سلاحه ليه ماطلعهوش وحمي نفسه لأنه ببساطه قلبه مايطاوعهوش اني يعمل كده او انه يتقال عنه قتل امه دي كبيره اوي ...
الجحود ونكران الجميل بقا كتير المظاهر الخداعه والناس اللي بمليون وش مش بوشين اللي بيعملوا اصدقائك وهما في الحقيقه الد اعدائك بس هايفضل في طيبين وقلبهم نضيف وبيقفوا معاك في الشده اه صحيح ان الفساد انتشر وبشده فساد ديني وأخلاقي..بس هايفضل في الحلو ..
في قول الرسول..
الخير في وفي امتي الي يوم القيامه ...بس يارب قربنا من اللي قلبهم نضيف الناس اللي بجد مش ورق وابعدنا عن اللي بيقولوا عننا الحلو في وشنا ويضربونا في ضهرنا...
متنساش ان الرواية موجودة كاملة في قناة التلجرام والواتساب
↚
ابتسم النمر وافتكرها وغمض عينه و صوت طلقه رصاص طلعت ..
اااااااه...
بيفتح عينيه بيلاقي روح بتحاول تشد المسدس منها ونجحت...
ساميه جابت الفاظه بسرعه وضربتها علي دماغها
يونس جري عليها ...
روح داخت ووقعت علي الأرض مغمي عليها..
يونس: روووووح ...رووووووح
يونس قام وقف ومسك المسدس ووجهه علي ساميه بغضب وعصبيه تحرق الأخضر واليابس
ساميه ببرود: هاتقتل أمگ يا ابن بطني
يونس: انتي ماتستاهليش تبقي أم انتي ماتستاهليش تعيشي ..
نزل المسدس ...
بيشوف يونس مصدر الصوت...
يونس: انت مين؟!
ساميه: دا ابني حسام خطيب روح السابق
يونس: ياولاد الك**** دا انتم رباطيه بقا..
حسام وجه المسدس علي يونس ...
يونس: أظنك كده مبسوطه انا بجد بحتقرك ..
بصتله ساميه ببرود : حسام نضف الحته دي وتاوي البت دي
يونس بغضب: انتي ايه مابتحسيش ايه البرود ده ايه السواد ده البنت بتموت قدامك ذنبها ايه ؟!
بيقرب حسام عليها يونس ضربه طلقه في رجله مسك رجله بألم...
وقرب منه بسرعه وأخد المسدس ...
ساميه جريت عليه بخوف: انت كويس ..اهدي بس
بص ليها يونس نظره خاليه من المعاني ..
وقرب علي روح وهوا موجه المسدس ناحيه ساميه وحسام ...
وشالها وخرج من البيت ...
يونس حارل يفوق فيها بس مافيش فايده
ركبها العربيه وهيا علي رجليه رش علي وشها ميه ومافيش فايده ومش بتفوق.
وبدأ يسوق وهوا قلبه موجوع...
ساق بأعلي سرعه ...
يونس: روح ..انا عارف انك حاسه بيا صح ..ارجوكي اوعي تسبيني انا هادمر من غيرك مش هاقدر صدقيني ...
ولأول مره بتنزل دموع النمر .
بتبقي اكبر مراحل المعناه اكبر مراحل الوجع والقهر اللي بتخلي دموع الراجل تنزل اللي بتخليه مايقدرش يتحكم فيها ...بقلم حنين عادل
وصل بسرعه ووقف قدام مستشفي
نزل بسرعه وشالها ...حتي انه ساب باب العربيه مفتوح
دخل بيجري مع ان اعصابه سايبه وحاسس انه مش قادر يمشي ...
يونس: دكتور...دكتووووور بسرعه ..
بتجري عليه كذا ممرضه ودكتور..
بيمشي يونس معاهم وبيدخلها اوضه شاوروا عليها
الدكتور: ايه اللي حصل
يونس : ح.حد ضربها علي دماغها بفاظه
الدكتور: طب استني بره بعد ازنك ..
طلع يونس وفضل رايح جاي قدام الأوضه ..
تليفونه رن ...
مسك دموعه اللي نزلت غصب عنه اللي بيحاول يخبيها لأنه في مجتمعنا عيب ان الراجل يعيط او يظهر دموعه.
بيشوف اسم عمي علي التليفون..
يونس بتفكير: اعمل ايه دلوقتي اقوله ولا لأ ..
بيفتح يونس عليه ...
يونس حاول يبين صوته طبيعي : ايوه يا عمي
بدر: روح يا يونس ...هيا فين مش باينه كنت مفكرها مع خالد وحالد بيقول ماشافهاش ودورت عليها في البيت كله وتليفونها هنا ..
يونس ساكت ..
بدر: يا يونس ..سامعني..
يونس: روح ..روح معايا يا عمي
بدر : ومعاك ليه وازاي ما تقولوليش وتاخدها معاك ليه انتوا فين .
↚
يونس: في المستشفي
بدر : بنتي مالها بنتي جري ليها حاجه
يونس: جرح بسيط يا عمي ان شاء الله
بدر: انتوا فين بسرعه
يونس: احنا في القاهره يا عمي في مستشفي ******
بدر: انا جاي
يونس: بس يا عمي ..
قفل بدر التليفون ...
يونس قعد وحط وايده علي وشه ...
يونس: انا اسف ماقدرتش احميكي صدقيني لو كنت اعرف انك موجوده ماكنتش جيت ولا عرضتك للخطر ماسيبتهاش تموتني ليه ...
.........................
في البيت الكبير...
بدر نازل بسرعه ...
شاكر: في ايه يا بدر ورايح علي فين
بدر: روح يا خوي
شاكر: مالها ..
بدر: في المستشفي ..ولدك بيقولي انه جرح بسيط بس انا مش مطمن قلبي مقبوض..
شاكر : طيب انا جاي معاك
بدر: يلا...
تليفون شاكر بيرن ...
بيقف بدر وشاكر..
شاكر بيرد: الوو
ساميه: اذيك يا شاكر اكيد لسه زي ما انت حقير
شاكر: ساميه
ساميه: لسه فاكر صوتي ...كويس ...ابنك جالي النهارده وكنت هاموته لولا روح ادخلت في اللحظه الأخيره بس شكلها هيا اللي هتموت بس انا مستفاده في الحالتين عارف بونس ابنك بيحبها قد ايه كده هايبقي كانه ميت وهوا عايش..
شاكر بغضب: هاجتلك يا زباله هاجتلك ...
بيرزع التليفون في الارض.
بدر : مين دي
شاكر بعصبيه: ساميه...بعد كل السنين دي فكرت ان احنا خلصنا من اذاها
بدر بتوتر: يبقي هيا اكيد سبب اللي حصل لروح يبقي مش جرح بسيط زي ما يونس خبرني..
شاكر: ربنا يسترها ..جيب العواقب سليمه يا رب
طلع بدر وشاكر وركبوا العربيه ...
بدر ساق العربيه بسرعه ..
بدر: اكيد عايزة تنتقم مني في بنتي بعد ماجتلي وطردتها
شاكر : جاتلك فين..
بدر: جاتلي القاهره بعد ما هربت وحاولت .......
شاكر: ولسه جاي تخبرني دلوك
بدر: انا حاولت معاها حاولت اقنعها ترجع وكده بس هيا تجاوزت معايا الحدود عشان كده طردتها صدقني هيا مش طبيعيه
شاكر: الوساخه مافيهاش عاقل ومجنون الوساخه دي ماتطلعش من حد مجنون يا خوي
..........................
في المستشفي
كريمه: ورحمه ابويا لأندمك علي القلم ده يا ولد نعيمه
كرم ضربها قلم تاني...
كرم بعصبيه: اما تيجي تكلمي خطيبك اللي هايبقي جوزك تحترميه غصب عنك لأما هاتشوفي مني اللي مش هايعجبك ..
مسكت الكوبايه وقبل مايكمل كلامه كبتها في وشه ...
مسح وشه بعصبيه وقرب منها ..
كسرت الكوبايه وقامت ..مسكت حته حادة منها وحطتها علي رقبته ...
اجي يتحرك ...غرزت حته منها ...نزلت دم ..
كرم: بتعملي ايه يا مجنونه هاتموتيني
كريمه: بتضربني..هاموتك ..
صفاء: استهدي بالله ..
كرم: اه هديها والنبي
صفاء: هاتضيعي نفسك عشان حته واد مايسواش ..
كريمه زقته قدامها..
كريمه: اتحرك..
فضل ماشي لحد ما طلعته بره الباب وزقته بالازازه اللي في رقبته..
وقع علي الأرض وشدها وهوا بيتوجع..
كريمه: مش انا يا كرمله اللي اتضرب صدقني لو حاولت تتخطي حدودك معايا هاجتلك من غير مايرمشلي جفن اوعي تفتكر اني ضعيفه او منكسره انا عشر رجاله في بعض ..
كرم: انا مارضيتش اعملك حاجه عشان انتي ست و.....
قبل ما يكمل كلامه رزعت الباب في وشه..
قام من علي الأرض ونضف هدومه ..
كرم : اااه يابنت المجنونه يخربيتك اهئ اهئ دي كانت هاتموتني كل ده عشان قلمين ..
.............................
وصل شاكر وبدر قدام المستشفي.
نزلوا من العربيه ودخلوا المستشفي.
بدر راح للإستقبال: روح ..روح بدر النمر فين
..في اوضه 7
مشي بدر وراح عند الاوضه ...
يونس كان رايح جاي ...
الدكتور طلع وقت وصول بدر وشاكر..
يونس : طمني يادكتور...
الدكتور: نزيف داخلي في الدماغ وارتجاج في المخ ادعولها
الممرضه مطلعه روح علي الترولي قرب بدر منها وحاول يفوق فيها وهوا منهار..
يونس: هوا ..هوا انتوا اخدينها فين
الدكتور: العنايه المركزه ادعولها ماتدخلش في غيبوبه 24 ساعه لو مافقتش هاتدخل في غيبوبه
بدر: انت بتقول ايه قول انها كويسه ...
الدكتور: ادعيلها ياحاج
خدت روح معاها وبدر ويونس وشاكر وراها
يونس كان مغيب وكأنه في دنيا تانيه
خايف موجوع مجروح متوتر قلقان مصدوم حاسس بكل ده في وقت واحد .
وقف قدام الأوضه يبص من الإزاز لقاها تحت الأجهزه ...
طلع بره المستشفي فضل ماشي بالعربيه لحد ما وقف في حته فاضيه ..
صرخ بأعلي صوته : ااااااااااااه ...اااااااااااااه
يونس: ياااااااارب مش بعد ما أحبها تروح مني عمري ما اعترضت علي قضائك بس أنا عشمان في رحمتك
...........................
بدر : انت بتقول ايه يا دكتور
الدكتور: دي محاوله قتل ولارم نفتح محضر انا بلغت الشرطه
شاكر: حاضر يادكتور ولدي اللي كان معاها لما يعاود ...
..........................
بيركب عربيته وبيمشي من المكان ...
حاول يطلع شويه من طاقته المكبوته من احاسيسه اللي مش عارف يحكيها لحد او يشاركها مع حد ...
وصل المستشفي ودخل ...
راح عند اوضه روح ...
بدر وشاكر والظابط مستنينه
يونس شافه ...
الظابط : ايه اللي حصل بلغنا ان اللي حصل لروح بدر النمر محاوله قتل..
يونس: ايوه..
الظابط: مين اللي حاول يقتلها..
يونس: ممكن ادخل اشوفها بس دقيقه وهاخرج احكيلك كل حاجه...
الظابط: تمام مستنيك
يونس كان رايح يدخل
الممرضه: يا أستاذ ..يا أستاذ ..
يونس: ارجوكي خمس دقايق ما تمنعنيش
الممرضه: ماينفعش
يونس: ارجوكي...
الممرضه: طيب ..بس مش هاينفع تدخل كده تعالي معايا
راح يونس معاها ولبس لبس معقم ودخل ل.روح
قعد علي الكرسي جمبها...
نايمه علي السرير علي وشها قناع الأوكسجين وحواليها صوت الأجهزة ...
يونس: روح ...انتي عارفه اني بحبك ...مش عارف انك سامعاني ولا لأ ..بس اكيد حاسه بيا وسامعاني ..مش هاقدر اعيش من غيرك انا بعشقك دلوقتي القرار في ايدك .لو مافوقتيش او جرالك حاجه انا هاضيع..عشان كده هاخلي الأحداث سريعه انا السبب في اللي انتي فيه عشان كده انا هاسلم نفسي ..
قرب منها وكأنه بيشم ريحه شعرها وبيشوفها للمرة الأخيرة..
يونس: هاتوحشيني..ياروح النمر ..النمر من غيرك ميت مش عايش اشوف وشك بخير..
مشي خطوتين وبعدين رجع حضنها وخرج...
غير اللبس وطلع للظابط...
يونس: انا جاهز
الظابط: مين اللي حاول يقتلها
يونس بتنهيدة : أنا ..
الظابط بصله باستغراب ..
شاكر بصدمه: وه عاتقول ايه كداب يا حضرة الظابط ماتصدقهوش
بدر: انت بتقول ايه يا يونس
يونس: انا اللي قتلتها ياحضرة الظابط
شاكر: ياولدي ما تموتنيش بقهرتي عليك ان ماكانش عشانك عشاني......يتبع
متنساش ان الرواية موجودة كاملة في قناة التلجرام والواتساب
↚
شاكر: ياولدي ما تموتنيش بقهرتي عليك ان ماكانش عشانك عشاني..
يونس: دي الحقيقه يا بوي
شاكر بحزن: ماتخسرش دنيتك يا ولدي
يونس: وهيا الدنيا دي يابوي محقه مناهده ومعافره ..
بيلبسه الظابط الكلبشات ...
بدر: ياولدي اعقل عشان خاطري
يونس: خاطرك بالدنيا عندي يا عمي ...
بيمشي الظابط وبيخدوا معاه ...
بيبص يونس علي اوضه روح بابتسامه وبيمشي
شاكر بيدوخ بيقعد علي الكرسي وبيمسك دماغه...
بدر بيقعد جمبه...
بدر: انت كويس يا خوي
شاكر: ليه مش خابر هوا ليه بيعمل كده ليه...
بدر: روح وراه يمكن يسمعلك
شاكر: يونس لو حط حاجه في دماغه مش بيرجع عنيها واصل حتي لو انا وقفتله
بدر: حاول...الله اعلم روح هاتفوق امتي ..روحله يا خوي
شاكر مشي بدون كلام ...وكأنه بيحمل نفسه الذنب انه ماعرفش يختار ست تبقي ام صالحه اختار غلط والأذي هايفضل يلاحقهم بسببها علطول...
شاكر بتفكير: سامحني يا ولدي انا السبب ...
.............................
في المستشفي.
كريمه: عاوز ايه ؟!
كرم: مالك حاميه عليا كده ليه عشان سكتلك يعني لاه ماتاخديش عليها
كريمه وهيا قاعده علي السرير: اللهم طولك يا روح..
كرم لما سمع كلمه روح ابتسم ...
كريمه: ايه اللي بيضحك
كرم : ماتاخديش في بالك ...
طلع كرم من اوضه كريمه قعد علي الاستراحه ..
كرم بتفكير: وحشتيني ياقمر ..وحشتيني قوي ..
بيطلع تليفونه وبيرن عليها ..
الرقم المطلوب مغلق او غير متاح اضغط رقم واحد لارسال ميني كول...
بيكرر الاتصال ...وبيجيله التليفون مقفول ..
كرم: هوا في ايه انا ابتديت اقلق...
بيفتكر كريمه واللي عملته فيه ...
كرم: انتي عاوزة تتربي وانا هاوريكي مين كرم ابن نعيمه ..انتي واختك ..
..........................
في قسم الشرطه...
شاكر قاعد مع يونس...
شاكر: ساميه كلمتني وقالتي انها كانت هاتقتلك بس روح اتدخلت في اللحظه الأخيرة ليه محمل نفسك انت الذنب ..
يونس: ياريتها كانت سابتني اموت بدل ما تموت هيا انا السبب في اللي هيا فيه يا بوي ..انا ...خايف ...خايف من حاجات كتير خايف اخسرها انا بحبها قوي هيا بجنانها وضحكتها عملت يونس تاني بقلب تاني ..طلعتني من الضلمه اللي عايش فيها ونورت حياتي كلها.. كل ده يروح مني فجأه كده ..
شاكر: ادعيلها ربنا يقومها بالسلامه وكون جمبها ..مش ترمي بنفسك في النار
يونس: كان نفسي افضل جمبها ..نفسي افضل جمبها العمر كله بس وهيا مش تعبانه ومش بسببي ...
شاكر: ياولدي ده قتل..
يونس: هيا اللي هاتفوق وهاتطلعني منها يا بوي
شاكر: الله اعلم هاتفوق امتي
يونس: عشمي في ربنا كبير...
بيدخل يونس للتحقيقات ومعاه المحامي ...
وشاكر علي اعصابه وعنده امل انه ممكن يغير اقواله...
بيطلع المحامي ويونس ومعاه عسكري ..
شاكر وقف بتوتر: ايه ؟!
المحامي: للأسف يونس معترف انه اللي حاول يقتلها وضربها بالفاظه واخد 4 ايام علي ذمه التحقيق ...
شاكر: ليه كده يا ولدي فكرتك هاتكبرلي ومايهونش عليك زعل ابوك..
↚
يونس: انت عارف انت ايه عندي يا بوي سامحني..
العسكري بيشد يونس معاه لحد مايوصل للزنزانه ...بيفك الكلبشات وبيزقه ...
* دا في وارد جديد يا معلم ...
بيرد عليه صوت تخين:قلبوه
يونس بصلهم وسابهم واقفين وراح قعد ..
* الله دا في طير عايز يتقص ريشه
بيقوم تلاته من مكانهم قد الحيطه وبيقفوا جنب الشخص وبيقربوا من يونس..
.............................
في المستشفي...
بتدخل وهيا لابسه فستان لونه اصفر وحاطه ميكب كامل وصوت كعب جزمتها عالي وبتضحك ..
شد حيلك كله رايح...
بدر كان قاعد علي الكرسي ومخبي وشه بإيده
رفع وشه علي الصوت ..
بدر : ساميه ..
ساميه بضحك: ايوه ساميه فاكرني ولا نسيتني
بدر : جايه ليه ...جايه عشان تشمتي فيا وفاكره انها هاتعدي بالساهل فاكره انك هاتحاولي تقتلي بنتي وتطلعي منها عادي كده ..
ساميه بضحك: مش المغفل اشتالها ...بيه من غيره ماكنش حد هايقدر يمسك عليا حاجه واثبت من هنا للسنه الجايه .
بدر بابتسامه: مايوقع الا الشاطر يا ساميه ..
ساميه: قصدك ايه ؟!
بدر: قصدي هاتفهميه قريب ...من رأيي خافي ..خافي يا ساميه ..
ساميه: ساميه مابتخافش من كتر اللي شافته منكم
بدر: مصدقه نفسك ..امشي يا ساميه.
ساميه بضحك: ماشيه ...مقدما ..البقاء لله
بدر: ربنا عمره ما هينصرك لأنك ظالمه
ضحكت ساميه ضحكه مستفزة ومشت وسابته ...
وقف قدام اوضه روح ...
بدر: فوقي ...ماتسبنيش ..انتي عارفه اني ماليش غيرك ماتحرقيش قلبي عليكي...
........................
في اوضه روح ...
يونس واقف في مكان ضلمه روح شافته من بعيد راحت ليه ..
روح : انت مالك ليه واقف في الضلمه..
يونس: انا واقف فيها عشان انتي مش معايا
روح: بس انا معاك
يونس: لأ انتي مش معايا انتي بعيدة انا محتاجلك فوقي
روح: مش قادره حاسه انه خلاص
يونس: ماتستسلميش ...
.........................
في اوضه كريمه.
كرم جاب الأكل لكريمه...
كريمه: ايه الحنيه دي كله جايب الوكل بنفسك
كرم: وه ..وهيا العين تعلي عن الحاجب ..انا عرفت قيمتي انا ولد نعيمه الخبازة ..
كريمه: تعجبني وانت اكده .
صفاء: كويس حط عقلك في راسك واعرف اننا اسيادك...
كرم: طبعا ياخاله يلا كلي بسم الله
كريمه: وانت مش هتاكل
كرم: وانا هاكل معاكوا ازاي مايصحش .
كريمه وصفاء بدأو الأكل...
كريمه: عاااااا ...نار ..نار ...انت عملت ايه يا ابن ال....
صفاء: مايه ...عايزة مايه فين المايه
كرم: ههههههه...تستاهلوا ماتخافوش مش هتلاقوا هنا نقطه ميه واحده...
كريمه وصفاء فضلوا يجروا في الأوضه مش عارفين يعملوا ايه ..
كريمه راحت تفتح الباب لقت الباب مقفول ....
كرم رفع المفتاح في ايدة وضحك...
كريمه قربت عليه بعصبيه..
.............................
في السجن ....
واحد بيمد ايده وبيمسك يونس من قفاه ..
يونس بيبصله بحدة...
بيشدوة يوقفوه ....
* مالك يلا شايف نفسك ليه
يونس: سيبني وانا هانسي كل حاجه وهاتعامل عادي انما لو زودتوا عن كده ماتلوموش غير نفسكم ...
..ههههه احنا عايزين نلوم نفسنا.
بيضربه قلم ...بيحط يونس ايده علي وشه بعصبيه.
بيمسك دراعه وبيلفه وراه لحد ما بيطرقع في ايده ...
وبيوقعه علي الارض...
بيهجم عليه التلاته وبيحاولوا يكتفوه لكن بيكون اسرع منهم وبينزل في كل واحد ضرب...
وكأنهم هديه منحه ليه عشان يطلع فيهم كل طاقته السلبيه ..
لحد ماكلهم ناموا علي الارض وبيتوجعوا...
يونس: انا قلتلكم انكم ماتلوموش غير نفسكم .اعرفكم بنفسي يونس النمر ..ظابط وجاي هنا في جريمه قتل ..
...............................
في المستشفي.
كريمه قربت عليه بعصبيه وكانت هاتضربه ...
فجأه لقت ميه مغرقه وشها...
من ازازه صغيره كان مخبيها ...
كرم : هههه عشان تعرفي ان قلبي طيب بس
.......................
بيجي الليل ...
يونس بيتقلب يمين وشمال الزنزانه عتمه مافيش ضوء داخل ولا حتي شعاع...
بيغمض عينه وبيفتكر روح وهيا بتضحك ..
ولكن بيفتح عينه لما يفتكر انها بين ايدين ربنا
يونس بتفكير: ان شاء الله هاتبقي كويسه عشمي فيك كبير يارب.
وبيحاول ينام وبالفعل بيغمض عينه
........................
في المستشفي...
بدر قاعد قدام اوضتها وشاكر جمبه
بدر : اعمل ايه مافيش في ايدي حاجه
شاكر بعصبيه: انا هاجيب ساميه الزفت دي واتشفي بكل نقطه دم منها ...
بدر: اهدي يا شاكر مش كل حاجه بالعصبيه
وداخل غرفه روح...
روح: يونس ..يونس ..انت فين ..
روح بتشوفه واقف وساميه مصوبه عليه المسدس ..
بتطلع تجري عليه وطلقه الرصاص بتستقر في قلبه
مع صوت طلقه الرصاص جهاز القلب بيصفر جامد....
بيدخل الممرضين يجروا والدكاتره وبدر وشاكر بيخافوا
بدر بخوف: في ايه في ايه ....يتبع
متنساش ان الرواية موجودة كاملة في قناة التلجرام والواتساب
↚
مع صوت طلقه الرصاص جهاز القلب بيصفر جامد....
بيدخل الممرضين يجروا والدكاتره وبدر وشاكر بيخافوا
بدر بخوف: في ايه في ايه ..
الدكتور: القلب وقف ...
بدر مسك دراعه الشمال وسند عالحيطه بألم..
شاكر: اهدي يا خوي هاتبقي كويسه اهدي ...
بدر قعد مستسلم للي هايحصل لأن ربنا مش بيجيب حاجه وحشه..
الدكاترة بيعملوا للقلب انعاش بالجهاز ..
ومع كل مرة بيحاول مافيش فايده
الدكتور بيحاول وبيحاول ...
لحد ما اخيرا بيرجع النبض ...
بيديها الدكتور حقنه وبيطلع
بدر قام بقلق ...
الدكتور: ماتقلقش الحمد لله بخير
بدر اتنهد براحه ..
بدر: بس ليه لسه مافاقتش
الدكتور: لسه كام ساعه لو مافاقتش ممكن تدخل في غيبوبه لا قدر الله ..
بدر: ربنا يستر
الدكتور: ارتاح يا حاج انت قاعد كده من امبارح صحتك
بدر: واجيب الراحه منين يا ولدي انا مرتاح كده اني في قربها
الدكتور: ربنا يقومها بالسلامه يا حاج..
قعد بدر جمب شاكر ...
شاكر: ماكلتش حاجه طول النهار يا خوي
بدر: ماليش نفس..
شاكر: لازم تجمد هيا ان شاء الله هاتكون بخير
بدر: خايف تروح مني علي قد ما هي شقيه وبتعمل مشاكل وفاشله بس بحبها ..بحب شقاوتها وجنانها وضحكتها اللي ماليه البيت امتي تفوق عشان احس ان روحي اتردت لي
..............................
في السجن ..
الدنيا عتمه ويونس كان متغطي ونايم مش باين منه حاجه .
بيظهر حد بيطلع سكينه صغيرة من جيبه وبيروح ناحيته
وبيضرب بيها لحد ما زعق بأعلي صوته من الوجع...
يونس بيظهر انه كان نايم في حته تانيه وبيشوف الراجل ده ...
الراجل بيكشف وش المتغطي بيلاقيه حد تاني
بيهجم عليه ويونس بيحاول يتفاداه لحد مابتيجي السكينه في دراع يونس..
يونس بيمسك دراعه بألم ..
في نفس اللحظه بيدخل العسكري وبيمسك اللي ضرب يونس.
بينده علي عسكري تاني وبيجي بسرعه..
وبيشوف الراجل اللي سايح في دمه وبيحط ايده عند رقبته يقيس النبض بس مابيلاقيش...
...........................
في المستشفي...
كرم كان نايم علي الكرسي اللي بره اوضه كريمه
كريمه فتحت الباب براحه ..
كريمه بتفكير: ان ماوريتك يا ابن نعيمه
اتسحبت براحه وراحت عليه وهوا نايم ...
كرم وهوا نايم: قمر ..
وقفت كريمه بصدمه...
كريمه: معقول قصده عليا
كرم اتقلب علي الجمب التاني
كريمه بتفكير: اعمل ايه انا دلوك...
كرم اتقلب تاني ...
كريمه بضحك: دا انت چيت في ملعبي
طلعت أقلام كحل وروج وأيلاينر وبدأت تشتغل في وشه..
...........................
في مستشفي السجن ..
يونس كان قاعد علي السرير ودراعه وارم جدا ودراعه السليم في كلبش في السرير ..
يونس: هوا ليه وارم كده يا دكتور
الدكتور: لأن السكينه محطوط عليها توم والتوم بيخلي الجرح يورم ومايلمش
يونس: واللي اجي معايا لسه عايش
الدكتور: مات بطريقه وحشيه
يونس: انا لله وانا اليه راجعون
.............................
في الصباح...
صحي كرم علي صوت الناس بيضحكوا وملمومين حواليه وبيصوروه
قام وهوا بيبص علي نفسه بس مافيش حاجه غريبه
بيحط ايده علي شعره لقي حاجه ماسكه في شعره
بيشدها لقاها توكه
قام يجري ودخل الحمام بس مافيش فيه مرايه
كرم: التليفون ..التليفون
طلع تليفونه من جيبه وفتح الكاميرا وبص فيها
كرم بصدمه: اه يابت ال******
كانت حطاله ماكياج وروج ورابطه شعره بالتوك قرنين ...
فتح الميه وقعد يحاول يحوش المكياج ..
وبص في التليفون
كرم : ايه ده مابيتشالش مابيتشالش احوشه ازاي ده اه اكلم قمر أسألها بس هاقولها ايه اقولها احوش المكياچ ازاي اه ياجرستك يا كرم
قعد يحاول يغسل وشه بس مافيش فايده
↚
كرم: اعمل ايه يا ربي اعمل ايه
كريمه من بره الحمام: تحب اساعدك انا موجودة لو احتجت ههههههه
بيفتح كرم الباب فجأة وبيشدها مرة واحده وبيقفل الباب
كريمه بتوتر: بعد عني
كرم قرب منها بزيادة ..
كريمه: بعد عني احسنلك يا ابن نعيمه
كرم بعصبيه: اشيل القرف ده كيف
كريمه : اعتمد علي نفسك
كرم : طيب انا عندي فكرة حلوة
كريمه بتوتر من قربه: ايه هيا الفكره
كرم : انقلك المكياج
كريمه: كيف ده؟!
كرم : يعني اللي علي وشي يجي علي وشك ... يعني اللي علي شفايفي يجي علي شفايفك كده
بيقرب منها بزيادة وعنيه علي شفايفها
كريمه زقته لورا ...بس رجع مسكها
كريمه : بعد عني ارجوك
كرم: وه...مش عاجبك قرب خطيبك يا كريمه
كريمه : طب بعد عني وانا هاشيله كيف ماحطيته
كرم: عادي اكده من غير عقاب
بيقرب شفايفه من شفايفها وبيبوسها بوسه طويله
............................
في الصعيد....
خالد : ياسمين انا ازاي بقالي يومين نايم
ياسمين كانت قاعده في الجنينه.
ياسمين بتوتر: مش عارفه
خالد: بس انتي موجودة ماحاولتيش تصحيني حتي ..
ياسمين: انا ماحبتش اقلقك
خالد: انا اخر حاجه فاكرها لما كنت بدور علي روح وبعدها قعدت معاكي في الجنينه
ياسمين: وبعدها قولت مرهق وقومت عشان تنام
خالد : غريبه طب روح فين وعمي بدر وشاكر ويونس دا حتي مصطفي مش هنا
ياسمين: مش عارفه..
خالد: يعني ماشوفتيهمش
ياسمين بتوتر: لأ..
خالد مسح تليفونه ورن علي بدر
خالد: ايه يا عمي انت فين
بدر: انا في المستشفي يا خالد
خالد: مستشفي ليه كفي الله الشر
بدر: روح يا خالد حالتها تعبانه قوي
خالد بقلق: روح ...طيب انت فين عنوان المستشفي ايه
بدر : احنا في مستشفي ************
خالد: انا مسافه السكه وجايلك
بيقفل خالد التليفون...
خالد: روح في المستشفي يا ياسمين وتعبانه
ياسمين: معقول ..يا حبيبتي
خالد: انا هاطلع البس عشان اروحلها واجهزي انتي كمان
ياسمين: حاضر يلا بسرعه
بيطلع خالد وبتطلع ياسمين اوضتها...
ياسمين بتمسك تليفونها. .
ياسمين: انا عملت اللي انت قولت ايه بس خالد فاق دلوقتي وهايروح لروح لسه في خوف منه ولا ايه
* لأ خلاص ماعدش خوف
ياسمين: طب سلام انا دلوقتي عشان اروح مع خالد للست روح
بتقفل السكه وبتلبس هدومها وبتلم بقيت هدومها ..
بتلاقي خالد بيخبط علي الباب ...
خالد : خلصتي
ياسمين: ايوه نازله اهو...
..........................
عند بدر ..
كان طالع من عند روح اللي لسه مافاقتش .
بدر: انتي ايه اللي جابك هنا
ميرا: انا جايه اشوف روح يا عمي.
بدر: مش كفايه اللي عملتيه معاها
ميرا: ارجوك يا عمي ادخل اشوفها خمس دقايق بس
بدر: لأ
ميرا: صدقني ياعمي انا بحبها وعمري ما عملت حاجه تضايقها او تجرحها او خونتها صدقني
بدر : ماعدش يفرق الكلام
ميرا: ارجوك يا عمي انا عايزة اشوفها
بدر: طيب خمس دقايق بس لازم تلبسي لبس معقم ..
ميرا : شكرا يا عمي..
........................
في السجن .
يونس كان علي السرير ...
يونس بتفكير: ايه يا روح النمر وحشتيني عملتي في قلبي ايه ...
بيقاطع تفكيره دخول الدكتور اللي بيكشف علي دراعه
↚
الدكتور: هوا هايطول شويه بس هايخف
يونس هز براسه ...
........................
كرم بيبعد عنها بعد ما حس بدموعها ...
كرم: انا ...
كريمه رمت ليه ازازة ومناديل
كريمه: بل المنديل وهوا هيطلع المكياج...
خرجت كريمه من غير ماتنتظر رده
كرم مسك منديل وبله وفتح الكاميرا وبدأ يحوشه.
كرم بتفكير: مالك نسيت نفسك ليه
..........................
في اوضه روح..
ميرا: انتي عارفه انتي وحشتيني جدا وحشني الجنان بتاعنا وخروجاتنا والمقالب اللي كنا بنعملها في اصحابنا بس الدنيا اخدت مسار تاني من وقت ما ياسمين دخلت حياتنا بقيت وحشه في نظرك صدقيني انا عمري ما خونتك ولا اتفقت مع حد عليكي ياسمين هيا اللي لفقتهالي مظبوط يوم ماشفتيني مع يوسف وكنت بتكلم عليكي وحش انا كنت بحاول اوقعه في الكلام كنت عايزه اتأكد بيحبك ولا بيلعب بيكي عشان ماكنتش مطمنه ليه بس لعبتها صح جابتك وسمعتك الكلام وكعادتك حكمتي علي الشكل ومن يوميها وكرهتيني حاولت افهمك كتير بس ماادتنيش فرصه ولا ياسمين سابتني اخد فرصه قربت من يوسف عشان احميكي بس برده كنت خاينه في عينك وسرقته منك ...
روح...مش عارفه انتي سامعاني ولا لأ بس ارجوكي فوقي انتي مش صاحبتي انتي أختي وأكتر لو هاتفضلي العمر كله بتكرهيني انا بحبك ....ربنا يقومك بالسلامه
قربت منها وحضنتها ..
وخرجت ...
ميرا: شكرا يا عمي
بدر: العفو يابنتي ..
مشت ميرا ووقف بدر يبص عليها بتفكير هوا كان واقف مراقبها خاف تعمل حاجه في روح وسمع كل حاجه..
بدر بتفكير: معقول ياسمين ؟! مايمكن تكون بتكذب بس هاتكذب ليه دلوقتي ؟!
صدق اللي قال ان الشده بتظهر معادن الناس بتبين مشاعرهم وبتبين حبهم ...بقلم حنين عادل
.........................
في السجن...في وقت الزياره
شاكر: ساميه مش هاتسيبك في حالك
يونس: اللي ربنا عاوزه هوا اللي هايكون يابوي
شاكر: ياولدي ارجوك قول الحقيقه ماتحملش نفسك جريمه واعره زي دي
يونس: ماتخافش عليا يا بوي انا هاخرج
شاكر: بجد يعني هاتعترف بالحقيقه
يونس: لاه روح اللي هاتخرجني
شاكر: روح مين؟!
يونس: روح بت عمي يا بوي
شاكر: وه ..بس هيا مافاقتش وممكن لاقدر الله تخش في غيبوبه
يونس: انا متعشم في ربنا
شاكر: ايه الجنان ده اعترف بالحقيقه
يونس: مش هاقدر يا بوي
شاكر: ساميه هاتعمل فيك حاجه انت بتقول ان في حد حاول يقتلك لولا ستر ربنا ما تموتنيش من قهرتي عليك
يونس: لو اهل الارض كلهم عايزين يئذوني مش هايئذوني بحاجه الا اللي ربنا مقدرهولي
شاكر: ونعم بالله بس ربنا ماقالكش ترمي نفسك في التهلكه وتقول ده ربنا مقدرهولي ربنا ادالك عقل تفكر بيه ..
العسكري: وقت الزياره خلص ...
شاكر وقف:فكر يا ولدي وخلي بالك من نفسك ..
يونس حضنه ...
شاكر خرج وركب العربيه ...
شاكر بتفكير: انا صبرت كتير خلاص كده كفايه انتي اللي جنيتي علي نفسك عاوزه تقتلي ولدي يا ام قلب اسود ..
..........................
كرم خرج من الحمام بعد ما شال المكياج
وراح علي اوضه كريمه...
كرم: احم..صباح الخير يا خاله
صفاء: صباح النور
كرم بص لكريمه: فطرتوا ؟!
كريمه: وانت مالك يا ولد نعيمه
كرم بصلها بضحك: هوا انتي فاكره لما بتناديني باسم امي او تقولي علي شغلتها اللي ربتني منها بالحلال ووقفت حد ابوي انا كده بزعل لاه ..انا شايفه كبيره قوي انا بتنبسط بكده انتي بتفكريني ان امي ست عظيمه ومكافحه ربنا يديمها تاج فوق راسي.....بقلم حنين عادل
...........................
خالد: ايه اللي حصل يا عمي
بدر: الماضي غلطي اتردلي في بنتي ساميه اللي كانت مران اخويا اللي حاولت معايا وانا كنت بصدها بكل الطرق اذتني في بنتي
خالد: انت ماعملتش حاجه غلط يا عمي انت راعيت ربنا وماغضبتوش عشان كده ان شاء الله هايبقي معاك
بدر بص لياسمين بغموض: اذيك يا ياسمين
↚
ياسمين ببكاء مصطنع: روح عامله ايه يا عمي
بدر: هاتبقي كويسه ان شاء الله ...هاتبقي كويسه
..........................
عربيات كتير بتقف قدام بيت ساميه ..
بينزل شاكر ورجاله كتير بالسلاح
بيدخل شاكر والرجاله محاوطاه وبيكسروا الباب .
شاكر: انتي فين اطلعي..
تليفونه بيرن في نفس اللحظه..
ساميه: كنت عارفه انك هاتعمل كده وكنت عايزه اثبتلك انك غبي ومتسرع كالعاده واني سابقاك بعشر خطوات ..استعد بقا محضرالك مفاجأه لوز..ههههه
شاكر: قصدك ايه؟!
ساميه: قصدي هايوصلك حالا 1..2..3.
و.........................
..........................................
عند روح...
خالد كان قاعد جمبها وماسك ايدها ..
خالد:سامحيني يا روح يا اختي ياحبيبتي ماعرفتش احميكي ماكنتش جمبك بس حاجه كانت خارجه عن ارادتي بس قومي بالسلامه بس وانا اوعدك عمري ماهابعد عنك وهاحميكي بروحي يا روحي ..
وبره الأوضه كانت ياسمين قاعده مع بدر .
ياسمين: هوا انت مالك يا عمي
بدر: مالي يابتي انا كويس اهو
ياسمين : حاساك متغير
بدر: زعلان علي بنتي شافت كتير الناس بقت وحشه اوي يا ياسمين خاينين وغدارين وبوشين قدامك حبايبك وفي ضهرك تعابين بتنهش في لحمك
ياسمين بتوتر : ربنا يبعدهم عنا يا عمي
........................
صوت عربيات الشرطه...
بيدخلوا علي شاكر ورجالته وبيمسكوهم
شاكر: في ايه في ايه...يتبع
متنساش ان الرواية موجودة كاملة في قناة التلجرام والواتساب
↚
صوت عربيات الشرطه... بيدخلوا علي شاكر ورجالته وبيمسكوهم شاكر: في ايه في ايه ... الظابط ومعاه العساكر : امسكوهم ... شاكر: ليه ..ليه الظابط: ارموا السلاح اللي في ايديكم شاكر ورجالته رموا السلاح والعساكر مسكوهم وحطوا الكلبشات في ايديهم .. الظابط: مش عارف ليه وياتري انت تبع ايه داعش ولا تنظيم ارهابي تاني ولا اخوان ولا ايه؟! شاكر: صدقني يا باشا انا مش تبع اي تنظيم ولا حاجه.. الظابط: اومال ليه كل السلاح اللي معاكوا ده جايين حفله ولا فرح شاكر: اصل ........ الظابط: هاتوهم ارموهم في البوكس .. بيطلع الظابط والعساكر وهما ماسكين شاكر ورجالته وبيركبوهم البوكس وبيمشوا . (كاتبة الرواية حنين عادل) - (الموزعين الرسميين للرواية/حنين عادل/دار الراوي) شاكر بتفكير: ضحكت عليه ولبستك العمه ولبستك مصيبه يا عالم هتخرج منيها ولا لاه اه يا زمن .. ................................. في اوضه روح. روح: يونس ..يونس انت فين انا مش حاسه بيك ليه انت ليه مش جمبي يونس: ومن قالك اني مش جمبك انا هنا وهنا بيشاور علي قلبها وعقلها.. روح: لأ انت مش جمبي انت وحشتني يونس: يلا بقا يونس هايموت من غيرك روح: يونس ما تقولش كده انا اللي هاموت من غيرك يونس: بلاش سيرة الموت اصحي بقا كفايه نوم روح: صدقني مش قادرة بحاول يونس: لازم تفوقي يا روح لازم .. وكأن الأرواح اتلاقت والقلوب بقت مربوطه ببعض وبقي بينها صله نادرة الزمن ما يقدرش عليها ... .............................. كريمه وهيا ماسكه ايد صفاء : انا خايفه يا خيتي انا تعبت من كتر العمليات. صفاء: ربنا يعافيكي ويشفيكي يا خيتي وتكون اخر عمليه كرم: ان شاء الله هاتبقي كويسه هادعيلك بصت ليه كريمه باستغراب .. وبعدها دخلت مع الممرضه اوضه العمليات .. سبحان الله هل هتتعظ ولا بعد ما ربنا يشفيها هاتقول بركاتك ياشيخ مخلوف يمكن ربنا بيكفر ذنبها باللي بيحصلها ده لعلها تتعظ وتعرف ان كله بايد ربنا السعاده بايده والصحه بايده وراحه البال والرزق والجواز مافيش ورقه شجرة بتقع من غير اذنه و القلب....القلب بايده والحب بايده مش بيجي بالحجاب والربط ربنا ان حب عبد بيحبب فيه خلقه والعكس قناعتها ان الشيخ مخلوف بيسر الحب والجواز والرزق ده كفر وجهل مع انها متعلمه عدم ادراك وقله عقل ودين والخطأ الأكبر علي الأهل لانهم رسخوا فيها المفهوم ده للأسف في كتير لسه بيعملوا كده وبيئذوا ناس مالهاش اي ذنب ربنا اصرف عنا كيد ساحر...بقلم حنين عادل .................................. يونس كان قاعد في ركن في السجن ... يونس بتفكير : ها ياروح النمر لسه كتير ............................... بتقف عربيه الشرطه في مكان مهجور بينزل العساكر ومعاهم شاكر والرجاله شاكر باستغراب: انتم جايبنا فين ؟! الظابط: امشي وانت ساكت شاكر: فين قسم الشرطه انتم مين زقوا الظابط قدامه لحد ما دخلوا بيت مهجور ... ساميه كانت قاعده علي الكرسي... ساميه بضحك: حمد الله علي السلامه يا شاكر يا نمر شاكر: اه يا بنت ال..... ساميه: هههههه معلش اتضحك عليك مرتين ... بتقوم من علي الكرسي. .. ساميه : خلص علي كل الرجاله دي وتاويها وسيب كبيرهم عشان هاعذبه براحتي ده احد الرجال: تمام يا ست هانم .. شاكر اتعصب علي الرجاله اللي مسكينه وحاول يفك ايده منهم بس مافيش فايدة ساميه: شاكر ...اهدي شاكر: هاتتحاسبي ..ماتفكريش انك هاتفلتي من كل الوساخه دي هاتتحاسبي وحسابك هايبقي عسير ساميه: ههههه عسير ولا عصير شاكر بصلها بعصبيه وحاول يفك نفسه منهم ويزقهم بس ماقدرش ورجالتها اتكاتروا عليه ... .............................. في المستشفي. ياسمين: هيا هتفوق امتي يا عمي بدر: ربنا يسهل كله بعلم الله ياسمين: ربنا يشفيها يارب طلع خالد قعد جمب بدر... وياسمين دخلت تشوف روح .. ياسمين بصت علي روح اللي كانت نايمه والأجهزة شغاله وقناع الأكسجين علي وشها وملامحها باهته .. ياسمين: انتي ايه يا شيخه ايه يا شيخه.. موتي بقا قرفتيني عارفه انا بكرهك ليه كل الإهتمام يبقي ليكي وانا علطول بعدك ليه كل الناس تحبك وانا لأ ليه الشخص الوحيد اللي حبيته ماحبنيش يوسف-(كاتبة الرواية حنين عادل) - (الموزعين الرسميين للرواية:حنين عادل/دار الراوي) ...طلع بيحبك انتي واليوم اللي كنت هاعترف ليه بحبي قالي انه بيحبك كان بيقرب مني واخدني كوبري عشانك ... حتي كرم اللي حسيت بالإعجاب ناحيته طلع بيحبك بردة لازم اكون رقم اتنين علطول بعدك لكن لو متي هابقي رقم واحد ... فوقي بقا وحشتيني قوي يا روح انتي مش عارفه انا بحبك قد ايه انتي اكتر من اختي ارجوكي ما تحرقيش قلبي عليكي ارجوكي اهئ اهئ بصت ياسمين لقت بدر واقف بيسمعلها ... روح ...اصحي بقا يا حبيبتي اهئ اهئ طلعت ياسمين وشافت بدر لسه واقف مكانه ياسمين: مش قادرة يا عمي وحشتني قوي بدر: ان شاء الله هاتفوق وهاتبقي احسن من الأول ياسمين قعدت جمب خالد اللي قعد يطبطب عليها وهيا بتعيط ... الخداع ....ماتستغربوش ان ياسمين طلعت خاينه واللي طول الوقت كنا مفكرينها خاينه طلعت مظلومه حتي العين ممكن تغلط وماتشوفش الحقيقه ممكن تشوف حاجه والأساس حاجه تانيه ما تخسروش اللي بتحبوهم دوروا ليهم علي الف عذر الحب مش بالساهل ممكن ندور عليه سنين لكن الكره بيجي في ثانيه ....بقلم حنين عادل .............................. رجاله ساميه ضربوا رجاله شاكر بالنار وشاكر كان متعصب جدا وبيزعق... ساميه : كان مشهد رائع ورجالتك بتموت قدامك صح شاكر وهوا مربوط علي الكرسي: هاجتلك هاقطعك قطيع وارمي لكل كلب حته .. ساميه : متعشم اوي انت هنا تحت ايدي انا هاموتك وهاطلع عليك القديم والجديد هاخلص منك كل اللي انت عملته شاكر: انا ماعملتلكيش حاجه انتي كان بيجيلك تهيؤات وبتاخدي علاج ... ساميه: خلاص طلعتني مجنونه شاكر: انت فعلا مجنونه اللي تبقي عاوزة تموت ولدها تبقي مجنونه اللي تفكر في القتل تبقي مجنونه .. ساميه مسكت كرباج وبدأت تضرب فيه ساميه بعصبيه: انت تخرس خالص انا مش مجنونه انتم اللي كلكوا مجانين . ................................... خالد: مالك يا عمي قلقان ليه بدر: برن علي شاكر مش بيرد من الصبح وماعرفش عن بدر: برن علي شاكر مش بيرد من الصبح وماعرفش عنه حاجه ... خالد : ماتقلقش يا عمي المهم تليفونه مفتوح بدر: ايوه مفتوح خالد: خلاص سهله انا هاعرف مكانه ... ............................. في المستشفي... وبعد ساعات من دخول كريمه العمليات .. صفاء: مالك جاي رايح رايح جاي خوتني كرم: اتأخروا اوي يا خاله انا قلقان صفاء: ربنا يسترها .. ......................... في السجن.... في ارض خضراء... يونس: انتي رايحه فين روح: انا رايحه حته احسن من هنا الدنيا وحشه اوي يونس: ويهون عليكي تسبيني لوحدي روح: صدقني مش بإيدي.. يونس: لأ ارجوكي اوعي تسبيني انا اضيع من غيرك والله انا اموت خليكي بيصحي يونس علي ضرب العسكري ليه .. يونس والعسكري شده وراه ورايح علي التحقيقات: يارب انا قلبي ماعدش مستحمل وجع انا تعبت اجبرني فيها ............................... في عربيه بدر خالد : وصلنا يا عمي بدر: ايه ده مكان مهجور ايه اللي جابه هنا (كاتبة الرواية حنين عادل) - (الموزعين الرسميين للرواية/حنين عادل/دار الراوي) بينزل بدر وخالد من العربيه وبيرن علي تليفونه وبيرن قدام البيت المهجور ... بيوطي بدر عليه وبيطفيه خالد: تعالي نشوفه جوه يا عمي بدر: لا استني اطلب البوليس الأول الوضع مش مفهوم ومش مطمني خالد: اللي تشوفه يا عمي ... في اوضه روح... بتدخل ممرضه بتبص وراها ومتوترة ... بتحوش الكمامه من علي وشها وبتظهر انها ياسمين ... بتطلع حقنه من جيبها و..
متنساش ان الرواية موجودة كاملة في قناة التلجرام والواتساب
↚
بتطلع حقنه من جيبها وبتملاها هوا وبتقرب منها ...
بتمسك ايدها...
الباب بيتفتح مرة واحدة بتقع منها ...
بتبص علي الباب وهيا متوترة ..
انتي بتعملي ايه؟!
ياسمين بصدمه وتوتر : انا ...انا
.........................
بيدخل البوليس ووراه بدر وخالد
ساميه كانت بتعذب في شاكر بكل وحشيه..
ساميه وهيا ماسكه سكينه وبتمشيها علي رقبته ...
ساميه: مبسوطه قوي يا شاكر اني شايفاك بتتعذب وتتوجع...
شاكر مش قادر يرد عليها من كتر التعذيب
الظابط: ارمي السلاح اللي في ايدك وسلمي نفسك
ساميه بصتله وحطت السكينه علي رقبه شاكر
ساميه: اللي هايقرب مني هاقتله .
بيقرب منها الظابط وعسكري وراه
الظابط: اهدي..اهدي بس مش هانعملك حاجه
ساميه بتعور شاكر في رقبته بعصبيه
ساميه بعصبيه: اللي هايقرب مني هاقتله
بيرجع الظابط لورا ...
بدر: بطلي جنان يا ساميه
ساميه: طلعتوني مجنونه..مجنونه عشان حبيتك وكنت عايزاك جوزي ...
بدر: طب ارمي السكينه وهانعمل اللي انتي عايزاه
ساميه: لأ...كلكم كذابين ...كلكم غدارين ..بكرهكم كلكم هاموته يا بدر كنت مستنياك عشان تيجي عشان اموته قدام عنيك هوا السبب اني بعدت عنك لازم يموت هههههه اتشاهد يا شاكر يا نمر
بدر: ارجوكي لأاااااااااا
بتضحك وبتستعد بكل برود انها تموته ...
ساميه: ههههههه في ستين داهيه
وفجأة بيضربها العسكري علي ايدها..
بتوقع السكينه من ايدها وبتمسك دراعها
بيمسكها العساكر بسرعه ..
بيجري بدر وخالد علي شاكر
بدر: شاكر يا خوي رد عليا انت كويس
شاكر بيهز براسه...
ساميه: هاموتكم كلكم هاموتكم واحد واحد. .
بيفك بدر وخالد شاكر وبيشيلوه ...
الظابط : انا كلمت الاسعاف
بدر: احنا لسه هانستني اسعاف احنا هنوديه في عربيتنا شكرا يا حضرة الظابط
بيشد العساكر ساميه وساميه مش راضيه تمشي وبتحاول تفك نفسها لغايه ما جرجروها وراهم لحد البوكس ...
ساميه وهيا بتبص علي شاكر وبدر وخالد ...
ساميه: صدقوني هاموتكم واحد واحد مش هاسيب حد..
بدر بصلها ..وركبوا شاكر وبدر ركب جمبه وخالد ساق...
..............................
عند روح..
مصطفي: انتي ايه هوا انتي ممرضه ؟!
ياسمين: لأ انا مش ممرضه انا كنت ...كنت جايه اطمن عليها بس
مصطفي: اومال ليه لابسه اكده ؟!
ياسمين: ها ..عادي يعني يا مصطفي انا .. مالقتش لبس معقم ادخل بيه فا لبست ده اللي لقيته
مصطفي: بس كان في ايديكي حقنه
ياسمين: حقنه ايه ما فيش حاجه في ايديا اهو وبعدين هوا تحقيق ولا ايه يا مصطفي ...
مصطفي: لاه مش تحقيق بس انا استغربت بس
ياسمين بتوتر: خلاص انا اتطمنت عليها انا ماشيه ..
مصطفي: بس جايه متأخر كده ليه
ياسمين: يوووووه يا مصطفي روحت ورجعت اشوفها فيها حاجه ...
خرجت ياسمين وقعد مصطفي جمب روح ...
مصطفي: كيف احوالك يا بت عمي يومين تنين اخد اجازة واهرب من جو المذاكرة مع صحابي والجو الكئيب اللي بقا مالي البيت تنقلب الدنيا كده مصطفي غاب يومين خلاص تعينوا ليه الهم صح ...بهزر ..بس واللهي زعلان اوي اصحي يا روح النمر فاته هيموت الا صحيح هوا فين وفين الباقي انا بسألك وكأنك هتردي مثلا
..............................
بيوصل بدر وخالد المستشفي وبيشتالو شاكر ...
بدر: دكتور بسرعه ..
بيجي الدكتور وبينده علي الممرضه وبتجيب الترولي
بيحطوه عليه وبيدخلوه جوه اوضه
بدر: روح يا خالد روحلها اطمن عليها وتعالي علي ما اروحلها
خالد: احنا في نفس المستشفي يا عمي روح شوفها وماتقلقش
بدر: واسيب اخويا لأ لما اطمن عليه
..............................
كريمه بتفوق...
كرم: حمد الله علي سلامتك
كريمه: الله يسلمك
صفاء: الحمد لله يا خيتي دي اخر عمليه
كريمه: الحمد لله نجحت
صفاء: الدكتور بيقول خلاص نطمن علي الجرح وبعدين نمشي من هنا
كريمه: ياريت عشان انا زهقت من المستشفيات
بتبص لكرم اللي كان مبتسم وكأنه فرحان لها بإستغراب
كريمه بتفكير: اكيد مبسوط انه هايخلص منيكي يا حزينه
..........................
بدر: الحمد لله يا خوي كلها جروح سطحيه وهاتخف
شاكر: الحمد لله ..الواحد لما بيقع بيقول أخ وانا لما كنت في زنقه كنت خابر انك انت اللي هتطلعني منيها ربنا يخليك ليا..
بدر: انت مش اخويا بس دا انت ابويا وحبيبي وسندي ..
شاكر: ربنا ما يحرمني منك .
بدر: لولا انك شغلت دماغك ووقعت التليفون كانت استفردت بيك بس ربنا سترها
شاكر: الحمد لله..روح فاقت
بدر: لسه يا خوي انا رايح اشوفها مش هاعوق عليك
بيطلع بدر من عند شاكر..
شاكر بتفكير: ياتري اكده خلصنا من شرك ومن اذاكي يا ساميه ولا لاه وهاتعاودي بجنانك الواعر ده تئذينا انت لازم تموتي ..
...................................
مصطفي: انت بتقول ايه كل ده حصل
خالد: ايوه ..انا هاكذب عليك ليه
مصطفي: يعني ام يونس المفتريه القادرة كانت هاتموت ابنها اللي هوا يونس راحت روح عملت فيها جامدة وحاولت توقفها وشدت المسدس منها راحت ضرباها بالفاظه راح يونس قايل انه اللي ضربها ودخل السجن راح ابويا اتعصب ورايحلها راحت ضاحكه عليه وعلمت عليه وبعدين عذبته ...
خالد: بالظبط كده اخيرا فهمت..
مصطفي: طيب انا رايح اطمن علي ابويا احنا عايشين في مسلسل احداثه غريبه اوي الحمد لله اني بعدت اليومين دول اصل كنت اتاخدت في الرجلين
خالد: شكلك شهم اوي يا مصطفي
مصطفي: جدا ...وجدع ..
...................................
في اوضه روح ...
بدر : ها يا صغير مش هاتصحي بقا انا تعبت من غيرك حاسس اني مش عايش وحشني صوتك وكلمه لا اله الا الله اللي علطول بتقوليها وحشني غرورك وكل شويه انا جميله جمال مالوش مثال وجمالي الفتاك وكنت بفرح اوي لما اقولك جمالك ولا جمال عبد الناصر عارفه رجعتيني تاني عيل صغير وحشني صوتك وانتي بتحاولي تتكلمي صعيدي بيبقي زي الأجنبي لما يجي يتكلم عربي وحشني روح اوي مش ناويه تحني علينا بقا ...
.....................................
في السجن ...باب الزنانه اتفتح
يونس شاكر النمر....
قام يونس ومسكه العسكري ومشي بيه لحد الظابط..
دخل يونس ...
يونس بصدمه: ...
متنساش ان الرواية موجودة كاملة في قناة التلجرام والواتساب
↚
دخل يونس للظابط..
يونس بصدمه وفرحه: روح
بيجري عليها وبيحضنها ...
يونس: وحشتيني اوي..
روح: كنت فضلت جمبي..
بيبعد يونس عنها ...
يونس: صدقيني عملت كده عشانك ..
الظابط: يونس ؟!
يونس: ايوه ..
الظابط: انت بتكلم نفسك
بيبص يونس يمين وشمال.
يونس: انا اسف ...ايه ده عمي بدر
بدر: اذيك يا يونس
يونس: الحمد لله
الظابط: في شويه اجراءات هاتتعمل وهايطلع
المحامي: متشكر يا باشا
يونس: انا مش فاهم حاجه
الظابط: انت براءه من التهمه دي
يونس: ازاي
بيشغل الظابط التسجيل اللي كان علي التليفون اللي فيه بتعترف ساميه بكل حاجه لما كانت بتكلم شاكر.
..................................
في المستشفي .
كرم: احسن
كريمه: الحمد لله
كرم: انا كنت عاوز اتحددت معاكي
كريمه: انا فاهمه انت عاوز تقول ايه
كرم: وانا عاوز اقول ايه بقا
كريمه: انك مغصوب علي الجوازة دي زيك زيي
كرم: لاه ماكنتش عاوز اقول كده
كريمه: اومال كنت عاوز تقول ايه
كرم: كنت عاوز اعتذرلك عشان اللي حوصل مني
كريمه بصتله وسكتت..
...................................
عند روح..
خالد: رايحه فين يا ميرا
ميرا: عاوزة اشوفها يا خالد
خالد: ايه البجاحه دي غوري من هنا
ميرا: خالد انت بجد عبيط ولا بتستعبط
خالد: احترمي نفسك
ميرا: فوق يا خالد ياسمين ضاحكه عليك وعلي الكل
خالد: اخرسي ماتجبيش سيرتها علي لسانك دي انضف منك ومن اللي خلفوكي..
ميرا: هادخل اشوفها يا خالد
خالد: وريني هاتدخليلها ازاي يا ميرا تلاقيكي عايزة تموتيها ما انا عارفك سماويه وتعمليها
حاولت ميرا تدخل بس خالد شدها وزقها وقعت علي الأرض..
ميرا قامت : انت الحب عاميك عن حاجات كتير يا خالد واول حاجه عاميك عنها اللي بيحبك بجد
.....................................
يونس: ليه كده يا عمي
بدر: انت اتجننت يا يونس انت عايز ايه مش فاهمك
يونس: كنت عايزها هيا اللي تخرجني
بدر: وهاتخرجك ازاي وهيا بين ايدين ربنا
يونس: كانت هاتحس اني في خطر وتقوم
بدر: غريب الحب مين فاهمه
يونس: مش عارف هتفوق امتي تعبت يا عمي هاموت حاسس اني مخنوق...
...................................
مصطفي: قلتلك ميه مرة يا بوي ماتتسرعش
شاكر: انت قلتلي اكده
مصطفي: لاه بس مش لاقي حاجه اقولها
شاكر: انت شايف ان ده وقت حديتك الماسخ يا صايع
مصطفي: من الأوائل علي الجمهوريه وصايع والله حرام اعمل لكوا ايه اكتر من اللي انا بعمله يعني
شاكر: قوم ياواد غور من وشي قوم
مصطفي: ايوه دايما انا كلمتي مش بتتبلع اقولك اجبلك مانجا
شاكر: ليه ؟!
مصطفي: عشان تظفلط الكلام
شاكر: قوم يا ابن الك..لب من وشي
ورماه بالإزازه اللي علي الكومدينو
مصطفي: طالع.طالع ..
....................................
في اوضه روح..
يونس: كنت عايز انتي اللي تطلعيني وحشتيني يا روح النمر وحشتيني اوي
روح: بتحبني
يونس: بعشقك
بيبص يونس عليها بصدمه وبيفرك عينه...
يونس بفرحه : انتي ...فوقتي
قامت روح وحضنته ..
يونس: وحشتيني اوي يا روح
روح: انت كمان اوي كنت المفروض تبقي جمبي مش تروح السجن وتسيبني
يونس: هوا انتي عرفتي ازاي
روح: انا كنت حاسه بكل حاجه حواليا بس فوقت امبارح
يونس: امبارح ..وما حدش عرف ازاي
روح: كنت بتأكد من اللي شوفته كان حقيقه ولا كان حلم طلعت مخدوعه في ناس وظالمه ناس كأن شريط حياتي بيمر قدامي ضيعت كتير بس خلاص فوقت
يونس: مش فاهم حاجه
روح: مش مهم المهم انك معايا وتفضل معايا
يونس: عمري ما هاقدر اسيبك دا انتي روحي
بيشوفها بدر من الازاز فايقه ...
بيدخل بفرحه وبيحضنها
بدر: وحشتيني يا حبيبتي حمد الله علي سلامتك
روح: الله يسلمك يا حبيبي
بدر: كده تعملي فيا كده
روح:معلش يا حبيبي انا لو عليا افضل معاك العمر
بدر: مش باينله شكل ناس تانيه هاتاخدك مننا
مصطفي: يا روحي فوقتي اخيرا
روح: مبسوط يا مصطفي
مصطفي: طبعا ...
يونس: هوا ابوي فين
مصطفي : دا واكل علقه ماخدهاش حمار في مطلع هههههه
يونس بعصبيه: انت بتقول ايه يا واد انت
مصطفي: اسف ...بس هوا فعلا مضروب
يونس بعصبيه: ايه
مصطفي: امك
يونس : هارزعك قلم يظبط فيوزات مخك اللي ضربت دي
مصطفي: مش بشتم والله بس فعلا امك اللي ضربت ابوك شوفت بقا
يونس : هوا فين
مصطفي: هوا تحت بس لسه طاردني روح له
يونس بيقوم وبيمسك مصطفي من قفاه وبيطلعه
مصطفي: ما خلاص بقا برستيچي قدام الناس
يونس: امشي وانت ساكت
دخلت الممرضه.
بدر بيطلع فلوس من جيبه وبيدهالها ...
بتفرح الممرضه جدا ..وبتنده للدكتور..
................................
يونس بيبوس ايد شاكر
يونس : انا اسف يا بوي ما تزعلش مني
شاكر: بتعتذر علي ايه
يونس: اني ماكنتش جمبك سامحني
شاكر: الحمد لله علي كل اللي يجيبه ربنا
يونس: ياه لو كانت قدامي كنت قتلتها
شاكر: اهي هتاخد عقابها ..
مصطفي: اه المفروض يشنقوها دي ضربت النمر الكبير بتاعنا هههه
يونس وشاكر: برررره
.................................
خالد طالع علي سلم المستشفي شاف ياسمين
ياسمين: اذيك يا خالد
خالد: الحمد لله
ياسمين : روح فاقت ولا لسه
خالد: لسه ادعيلها
ياسمين: يارب
مشت ياسمين مع خالد لحد ماشافوا روح واقفه مع بدر
جري خالد عليها حضنها
ياسمين اتصدمت لما شافتها بس حاولت تمثل انها فرحانه
خالد: حمد الله علي سلامتك الحمد لله انك كويسه
روح: وحشتني يا دودي
خالد: وحشتني رخامتك اوي
بتروح ياسمين تحضنها ...
ياسمين : حبيبتي ال.......
طاااااااخ.....
ياسمين مسكت خدها وبدأت تعيط
خالد: ايه الجنان ده يا روح في ايه ؟!
ياسمين: هوا ده جزاء حبي ليكي
روح: انت ازبل حد عرفته في حياتي
خالد: روووح
روح: دي حاولت تقتلني امبارح وانا شوفتها بس مصطفي دخل عليها دي غير ده كله هيا اللي اتفقت مع يوسف مش ميرا لعبتها صح خسرتني اكتر واحدة كانت بتحبني
خالد : مش معقول كل ده
ياسمين مستمرة بالبكاء
روح: بطلي دموع التماسيح دي وقوليلي ليه ليه عملتي كده ..انطقي...رودي يا ياسمين لييييه
ياسمين : عشان انا بكرهك
خالد بصدمه: انت بتقول ايه ؟!
ياسمين: بكرهك وبحقد عليكي
روح: ليه ياياسمين ليه يا صاحبتي
ياسمين: عشان انتي عندك كل حاجه وانا لأ عندك حد بيحبك وانا لأ عندك اب بيجبلك كل اللي نفسك فيه وأنا لأ انا فقيرة مش غنيه حتي يوسف اللي حبيته قرب مني عشانك ...
روح: انتي مريضه انا مش شايفه ولا سبب واحد يخليكي تكرهيني انتي عايزة تروحي لدكتور نفسي ..
خالد : كل ده طلع منك انتي ...وبتحبي يوسف لما بتحبيه ادتيني امل ليه خلتيني احبك ليه
روح: عشان ترضي نفسها المريضه
خالد مسك تليفونه وبعد عنهم خطوتين اتكلم ورجع
روح: دي اسباب توصلك انك تقتليني. ..قتل
ياسمين: لو ماقتلتكيش كانت هاتموتني
روح : ساميه مش كده اللي كنتي بتتفقي معاها ازاي تدمريني روحي وذنبي في رقبتك مش هاقول غير حسبي الله ونعم الوكيل
خالد: اللي غلط لازم يتعاقب
ياسمين بتوتر: قصدك ايه
خالد: قصدي اهو
بيشاور علي ظابط ومعاه عساكر
بتجري ياسمين وبيجروا وراها لحد ما بيجبوها ..
ياسمين: ماعملتش حاجه ماعملتش حاجه
.....................................
في بيت قديم ومتهالك
بتطلع روح وبتخبط علي باب شقه
بيفتح الباب عيل صغير
روح: ميرا هنا
الطفل: ميرا مين ...أميرة اختي
روح :ايوه..
الطفل: يا أميرة يا أميرة..
بتطلع ميرا. ..
روح: ليه ميرا ...ما أميرة جميل
ميرا: حمد الله علي سلامتك
بتحضنها بفرحه...
روح: انا اسفه
ميرا: هششش ما تتكلميش في القديم
روح حضنتها ...
ميرا: وحشتيني اوي
روح: خمسه امواه خمسه هاور يو ايوه بقا ويلا بقا
ميرا: وحشني جنانك يابنت اللذينه
...............................
في الصعيد...
بدر: يلا كفايه بقا لحد كده نمشي بقا
روح: ها ..هانمشي
بدر: ايوه
روح : ويونس عارف
بدر: ويونس ماله جهزي الشنط
روح: طيب ...
بيخرج بدر من اوضه روح ..
روح بتطلع وراه ..
بتخبط علي اوضه يونس
يونس بيفتحلها ...
روح بتدخل...
روح: بص بقا
يونس: بصيت ...
روح: وش من غير كاني وماني هادخل في الموضوع.
يونس: ايوه
بتنزل علي ركبتها ...
روح: تتجوزني يا نمر
يونس: اديني فرصه افكر ..
روح: ولا انا سمعت كل حاجه انا ماكانش مغمي عليا
بدر بيدخل مرة واحدة : اه يا بنت ..الك...لب
روح: اهدي بس هافهمك
بدر : تفهميني ايه دا انا كنت هاموت
قلع بدر الجزمه وجرا بيها ورا روح
روح: يا بااابا ااا خلاص اسفه كنت بشوف معزتي عندكم
بدر: واما كان يجيني سكته قلبيه كنتي هاترتاحي
روح وهيا بتجري: ما انت لو مابطلتش جري وهديت هاتجيلك
.............................
في قسم الشرطه...
ياسمين ببكاء: ساميه هيا السبب وحسام ويوسف انا مظلومه هما اللي اجبروني علي كده اهئ اهئ
الظابط: اهدي واحكيلي كل حاجه براحه.
..............................
في شقه فاخرة
يوسف: الحق يا حسام
حسام: في ايه
يوسف: ياسمين البوليس مسكها
حسام: وايه يعني
يوسف: هانلبس انا وانت
حسام: ليه واحنا عملنا ايه لا قتلنا ولا خطفنا ولا سرقنا ماتخافش من حاجه.. يتبع
متنساش ان الرواية موجودة كاملة في قناة التلجرام والواتساب
↚
روح بتجري وبدر وراها
روح: يابابا حرام عليك كفايه بقا تعبت
بدر: هاولع فيكي بجاز وسخ
روح وقفت ومسكت دماغها ..
بدر بيقرب عليها بخوف وقلق: انتي كويسه
روح: ههههه عليك واحد
بدر مسكها من ودانها ..
روح: اااه اههه خلاص خلاص أسفه يا حاج
بدر قعد علي الكرسي. .
روح قعدت علي حجره زقها وقعت علي الأرض
روح: بقا كده يا بابتي
قامت روح وقعدت جمبه
روح: زعلان
بدر: عديمه الإحساس شايفه ايه
روح: شايفه انك وحشتني بقا ماتجيب بوسه يا جدع
قامت حضنته وهوا حضنها..
بدر: بكاشه..ونصابه
روح: بس بتحبني
بدر: عملتيها ازاي دي
روح: هاحكيلك..
بدر: اشجيني
روح: وهما بيعقموا الجرح وكده قلتلهم اني ظابط واني في مأموريه ولازم الكل يفكر اني دخلت غيبوبه عشان حياتي في خطر !
بدر: اه يا نصابه ..بس ليه
روح: كنت عايزه اتأكد من القلوب يا بابا الشده بتظهر وفعلا ظهرلي كل حاجه كنت فاهمه حاجات غلط وحياتي كانت اساسا غلط وشكلي جيت الدنيا غلط
بدر: هههههه.
روح: عسل يا عم ماتيجي نشوفلك عروسه بقا كنت اجبر بخاطر الوليه اللي مجنونه بيك دي وارحمنا
بدر: بنت..
روح: ابويا چان يا جدعان ايه ده
بيضحك يونس اللي كان واقف علي السلم بيتفرج عليهم
روح بتغمزله بضحكه..
بدر بيلاحظهم ...
بدر: طب اعملي حساب ابوكي
روح: في ايه يا حبيبي
يونس: احم..انا...نعم .يا بوي جايلك
بتقوم روح ..
روح: يااه انا شكلي عاوزه انام ولا ايه تصبح علي خير يابودي ..
بتمشي روح وفجأه بتكملها جري لأوضتها ..
بيضحك بدر عليها : يخربيت جنانك ..
......................................
في قسم الشرطه..
ياسمين ببكاء : هوا ده كل اللي حصل
الظابط: يعني يوسف وحسام وساميه كانوا متفقين علي روح
ياسمين: ايوه ويوسف لما خطف روح كان متفق معايا ومع ساميه بس من ورا حسام .
الظابط: امرنا نحن احمد خيري بحبس المتهمه 4 أيام علي ذمه التحقيق واستدعاء كل يوسف الأنصاري وحسام رخا
.......................................
في المستشفي.
كريمه بتجهز عشان تمشي..
كرم: كنتي صبرتي لما اتعافيتي
كريمه: انا الحمد لله
كرم: انا كنت عايز اقولك اني..
كريمه: ما تخافش يا كرم انا عارفه انك مغصوب عليا وانا هاخبر عمي اني مش عايزه اكمل .
كرم: بس انا مش عاوز كده
كريمه: اومال عاوز ايه اياك
كرم: ماتدي لعلاقتنا دي فرصه يمكن تنجح
كريمه: وليه نتعب نفسينا ونضيع وقت
كرم: مايمكن تطلع تستاهل الوقت والتعب
كريمه: طب وروح قمر؟!
كرم: وروح ايه؟!
كريمه: ياكش تكون فاكر اني مش خابره انك بتحبها بيبان في نظراتك ليها بتبقي عاوز تاكلها بعنيك
كرم: انا ...يمكن ...
كريمه: هملني في حالي يا كرم الله يرضي عنيك
..............................
في الجنينه.
يونس كان نايم علي الأرض روح نامت جمبه ..
روح: قطتي!
يونس: ايه قطتي دي كمان
روح: انت مش عارف ان النمر من سلاله القطط ولا ايه
يونس: بس نمر في الأخر مش قطه
روح: خلاص يا نمر مش عارفه ليه مش عاجباك مع انها كيوت..
يونس بص للسما..
يونس: الليل وسماه ونجومه ..
بيشاور علي روح ...
يونس: وقمره ..
روح ابتسمت...
روح : انت من ايام ام كلثوم انا العكس انا هاقول حاجه تانيه..
يونس بابتسامه: حاجه ايه؟!
روح: الجو هادي خالص ..والدنيا هوس هوس وانا وانت يا حبيبي يا حبيبي ونجوم الليل وبس.
يونس: قلتي يا ايه يا حبيبي سمعيني تاني كده
روح بضحك: نمر ..بلييز
يونس: طب واحده حبيبي عالسريع ..
بدر: رووووح...
روح : جا.جايه جايه يا بابا
طلعت روح تجري وراحتله..
يونس: عمي ده بيجي في اوقات غريبه اوي
................................
بدر: مش هاتجهزي الشنط
روح: ليه
بدر: عشان نمشي
روح: ايوه ..بس انا مش عاوزه امشي
بدر: ليه حبيتي هنا كده مره واحده
روح: ايوه انا بحب الصعيد...
شافت يونس قريب منها
روح: وأهل الصعيد وجمال الصعيد وحلاوه الصعيد ونمور الصعيد
يونس بصلها وضحك..
بدر: وايه كمان ..
روح: ها !
............................
بيركب كرم وكريمه وصفاء العربيه
كرم بيسندها وكريمه بتبصله باستغراب
بعد وقت بيوصلوا البيت ..
كرم: حمد الله علي السلامه
كريمه: الله يسلمك
بتنزل كريمه وصفاء وبيدخل معاها كرم...
كريمه: طب بالسلامه انت
كرم: ايوه..انا ماشي
بيمشي كرم ...
روح بتقابلها: كويمه فينك من زمان يا شيخه حمد الله علي السلامه
كريمه: الله يسلمك
بتدخل كريمه اوضتها ومعاها صفاء
...............................
في اوضه المكتب.
بدر: انت ايه اللي بتعملوا ده
يونس: جرا ايه يا عمي ما انت عارف اني بحبها ورايدها في الحلال ..
شاكر: يبقي علي بركه الله نعمل خطوبه
يونس: خطوبه ايه هوا انا لسه هاتعرف.....
بدر: في ايه يا ولدي
يونس بيشاورله علي الباب وانه يتكلم عادي .
بدر: لأ لازم فتره خطوبه
بيمشي يونس براحه لحد ما بيفتح الباب مره واحده بتقع روح قدامهم ...
روح قامت بسرعه: احم ...انا ..كنت
يونس بضحك: هههههه
روح: انا كنت بلمع الباب
يونس: بتلمعي الباب ولا الأوكر
بدر: انا بقول نمشي وبلاش وجع قلب دي هاتجننك واتجوز كريمه
روح: انا فيها لأخفيها نمشي ايه وكويمه مين اللي يتجوزها دا انا اقطعهم قطيع
يونس: جوزونا بقا ..
روح: اديني فرصه افكر
بدر: بس يابت اسكتي
روح: الله يابابا مش هاتقول عاوز مليون دولار مهر بنتي والا مافيش جواز
بدر: انا بقول نرجع احسن
روح: خلاص ..خلاص ..
يونس بصلها وضحك ..
روح راحت لشاكر...
روح: عارف انا كنت في البدايه بخاف منك وعادي بس دلوقتي بقيت بحبك
شاكر: وانا كمان بقيت بحبك
روح: يعني لما يونس يزعلني هاتجيبلي حقي وتحرمه من الميراث
بدر: كل حاجه مصلحه اه يابنت...
روح: مبروك ..
..............................
في مستشفي الأمراض النفسيه والعصبيه
ساميه: هاقتلكم كلكم ..مش انا اللي أخسر ..مش انا..هاصفيكم واحد واحد
.............................
هاتوا بلوا الشربات وافرحوا ده العمر ساعات زغرطوا وارقصوا يلا عقبال عندكوا يا بنات...... واهو ربنا عوض صبرنا خير والدور جيه علينا يابنات بعد ماكنا هانتجنن من الوقفه قدام المرايات..
بتنزل روح علي السلم بفستان العروسه اللي مخليها وكأنها ملاك مع ميكب بسيط ابرز جمال ملامحها فستان مقفول وابوها مأنكچها..
وعلي أخر السلم واقف يونس اللي لابس بدله زادته حلاوه علي حلاوته 😘
بدر: مش هاقولك خلي بالك منها لأني عارف انك بتحبها وهتصونها ربنا يسعدكم
يونس بيبتسم وبيأنكچها ..
وبيقعدوا عالكوشه...
البيت كان متزين بطريقه جميله من الجنينه ومليان ورد واضاءه.
روح: غريبه الدنيا انا كنت بقول هاعمل فرحي في قاعه كبيره وهانزل بطياره ونار
يونس: ما قولتلك انتي مارضيتيش
روح: ما انا عجبني الجو هنا اوي وايقنت ان المظاهر مش هيا اللي بتسعد البساطه هيا اللي بتسعد انا سعيده اوي يا نمر
يونس: انا أسعد واحد في الدنيا
بيشغلوا اغاني مزمار صعيدي وبيرقصوا مصطفي كريمه وخالد وكرم والمعازيم...
بيرقص كرم مع كريمه...
كريمه: زعلان
كرم: بالعكس مبسوط مش هاتحني عليا بقا وتتجوزيني
كريمه: ماباخدش حاجه كانت ملك غيري
كرم: حاجه ايه
كريمه: قلبك مثلا
كرم: صدقيني كان اعجاب مش أكتر زيك كده انتي ويونس
كريمه بصتله ...
كرم: ماتستغربيش بيقولك عيون المحب فاضحاه وافقي بقا واوعدك هاتحبي ابن نعيمه العجانه
ضحكت كريمه ..
مصطفي: يارب بقا عاوز ادوز
خالد: ههههههه وانا كمان
مصطفي: ماعندكش عروسه
خالد: لأ شوفلي انا وانت
بيفتكر خالد ياسمين بيغمض عينيه وبيمشي بيتخبط في حد...
خالد: ميرا
ميرا بابتسامه: اذيك يا خالد
مصطفي: العب ..لحقت يا بطل
بيتمشي مصطفي وفي دماغه ان ممكن يشوف فتاه أحلامه ...
بيلاقي بنت واقفه في الجنينه لبسها شيك بيخبط علي كتفها..
بتلف ليه...
مصطفي بيرجع لورا بخضه: سلام قول من رب رحيم خلاص حرمت ..
وطلع يجري دخل البيت.
...................................
روح كانت بترقص مع بدر ويونس وخالد وهما في قمه السعاده ..
يونس بيقرب منها بصوت واطي بيقولها: مش كفايه كده بقا .....
روح : احم..
يونس: ماتيلا بقا
روح: في ايه يانمر
يونس: عايز اقولك كلام ضروري
روح: قول هنا ..
يونس: مش هاينفع للأسف..
.............................
في قسم الشرطه ..
..قررنا اخلاء سبيل المدعو حسام رخا لعدم ثبوت الأدله وحبس المدعو يوسف الأنصاري 4 ايام علي ذمه التحقيق
حسام: شكرا يا حضره الظابط
بيطلع حسام وهوا مبتسم ..
...........................
في اوضه يونس وروح
كانت قاعده بتفرك ايدها بتوتر وخايفه..
يونس بيقرب منها..
يونس: بقولك ايه بقا
روح: ابعد عني يا نمر بدل ما اشرحك
يونس: في ايه مالك اتحولتي ليه
روح: انا عادي بس اقعد بعيد عني بعد ازنك
يونس: طيب براحتك لو عايزاني اطلع بره الأوضه خالص انا ماشي .
قام يونس وكان هايمشي بس روح مسكت ايده ..
قرب منها و مشي ايده علي وشها ومسك شعرها يشم فيه وطبع بوسه طويله علي شفايفها
وغاصوا في بحر عشق لا ينتهي ...
...................................
في الصباح ..
يونس كان صاحي وقاعد يتأمل فيها ..
فتحت عينيها وابتسمت..
يونس: صباح الجمال يا حرم النمر
روح: يعني انا بقيت نمره دلوقتي ههههه
يونس بضحك : ايوه بقيتي نمره ههههه يلا نصبح بقا.
روح: يونس....
الباب خبط...
يونس: مين السئيل ده
روح: هههههه قوم افتح يا نمر
بيقوم يونس يفتح بيلاقي صفيه جايبه صينيه الأكل ..
بيدخلها وبيقفل الباب ..
وبيعوم برده في بحر العشق بتاعهم 😒😂
..............................
في اوضه كريمه..
صفيه : ست كريمه شاكر بيه عاوزك..
بتنزل كريمه وبتروح لشاكر في اوضه المكتب.
كريمه بابتسامه: كرم؟!
شاكر: كرم عايز يحدد ميعاد الفرح ها ايه رأيك
كريمه حطت وشها في الأرض
شاكر: علي بركه الله شهر كويس
كرم: مش كتير
شاكر بضحك: مستعجل لاه مش كتير
كريمه خرجت وهيا مبتسمه وطلعت تجري علي اوضتها واخيرا التلج ساااااح
..............................
بعد اسبوعين...
يونس كان قاعد في الجنينه واخدها في حضنه
يونس: لو عايزه شقه ليكي قولي ..
روح: لأ صدقني انا كده مبسوطه...
الغفير: يونس بيه
يونس: ايه
الغفير: في واحده اسمها حنين عادل بره عاوزه تقابلك
يونس: دخلها
روح : الله الله يا استاذ يونس مين حنين دي كمان
يونس : هاتعرفي اهو..
روح: بتخوني من اسبوعين يا واطي
يونس: اذيك يا حنين اتفضلي
بصتلها روح بغل...
..انا كاتبه بكتب روايات وكنت عايزه اكتب حكايتكم
روح: مش موافقين
حنين: ليه؟!
روح: مزاجنا ايه الرخامه دي وتكتبي حكايتنا بتاع ايه
حنين: بت لمي نفسك ماتنسيش نفسك انا اللي عملتك
روح: عملتي مين يابت انتي هبله
يونس: اهدوا يا جدعان
حنين: مش شايفها يا نمر
روح: نمر مين يابت محدش يقوله كده غيري
حنين: لأ انتي لازم تتربي
ومسكوا في بعض وشدوا شعر بعض ولما النمر اجي يحوش ما بينهم اتضرب في النص...
روح وحنين فوقها وبتخنقها: بابا عااااااا.....تمت