روايات حصرية
0

رواية حبيت جميل كاملة جميع الفصول بقلم مني ابو نوفل

عشاق الروايات
اخر تحديث :

رواية حبيت جميل كاملة جميع الفصول بقلم مني ابو نوفل


رواية حبيت جميل كاملة جميع الفصول هى رواية من تأليف المؤلفة المميزة مني ابو نوفل رواية حبيت جميل كاملة جميع الفصول صدرت لاول مرة على فيسبوك الشهير رواية حبيت جميل كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية حبيت جميل كاملة جميع الفصول

رواية حبيت جميل بقلم مني ابو نوفل

رواية حبيت جميل كاملة جميع الفصول

فارس:انتي يا انسه
فاديه:مين حضرتك في ايه! 
فارس:تعالي هنا قربي مني عشان محدش ياخد باله منك
فاديه:انت اتجننت ده فرح والناس كلها شيفانا ابعد عني انت مجنون! 
فارس:يا انسه مش تزعقي انا عارف اننا في فرح هو انا مش بشوف مثلا! 
فاديه:انت بتتكلم معايا كده لي اصلا! 
فارس:عشان في بنات المفروض انكم صحاب وفي فرح صحبتكم يعني حتى لو معارف مش هيضحكوا عليكي كده 
فاديه:يضحكوا عليا!طب ليه وعشان اي! 
فارس:تعالي متخفيش انا هلبسك الجاكت بتاعي وروحي الحمام ظبطي نفسك ومتسأليش ليه! 
فاديه بغضب وفزع:حاضر 
فارس:اجي معاكي استناكي بره! 
فاديه:لا استناني هنا ممكن! 
فارس:هتيجي تلاقيني مش همشي 
روحت الحمام ولقيت الفستان بتاعي عليه دم كتير اتوترت وتعبت ان صحابي او المفروض صحابي محدش خد باله واللي خد باله محدش نبهني اتكسفت اوى طب هعمل ايه والشحص اللي ساعدني ده هقابله تاني ازاي انا حقيقي مش طايقه نفسي صلحت كل حاجه وقولت هديله الجاكت وهروح بقا انا محروجه اوى منه 
فاديه:لو سمحت كان في واحد واقف هنا دلوقتي طويل وشعره اسود وابيض اوى شفته! 
:لا مختش بالي للاسف  
فاديه:تمام شكرا 
فارس:طب ممكن نستني شويه يا شباب! 
محمد:فين الجاكت بتاعك يا فارس! 
فارس:اه الجاكت في واحد قال هيتصور بيه ويرجعه تاني هروح اشوفه وارجعلكم 
محمد:متتأخرش طيب 
فارس:راجع علي طول 
انا تعبت من الانتظار هو مش هيجي بقا عشان اروح انا اتقفلت ومبقتش قادره ابص لحد تانى 
فاديه:لو سمحت لو سمحت انا هنا 
فارس:اول مره اشوف القمر من قريب 
فاديه بكسوف:شكرا كله من ذوقك مش عارفه اشكرك ازاي علي اللي عملته معايا 
فارس:مفيش شكر يا! 
فاديه:اسمي فاديه يا! 
فارس:اسمي فارس 
فاديه:اتفضل الجاكت يا فارس 
فارس:خليه معاكي اكيد الفستان لسه منشفش ويوم تاني تبقي تجبيه او مش عايزة خالص 
فاديه:عن اذنك 
فارس بهزار:طب مفيش رقم فون رقم واتس عشان تعرفيني هتجبيه امتي ولا حاجه! 
طب خلاص خلاص بلاش التكشيره دي بهزر معاكي انا مش عايز الجاكت 
فاديه:هبعته ليك اكيد لو في نصيب اشوفك تاني هرجعه ليك بس انا بعتذر عشان الرقم وكده قله ذوق مني عارفه لان ده حقك 
فارس:الوقت اتأخر لازم تروحي مع السلامه 
مشيت وانا قلبي بيدق جامد اي الاحراج ده طب اعمل ايه اروح اديله رقمي ولا اعمل ايه يا نهار ابيض علي الكسوف
محمد:واقف لوحدك ليه! 
فارس:لا ابدا مفيش يلا عشان الوقت هيسرقنا كدا 
زينب:العروسه كانت عامله ازاي يا فاديه قوليلي ويلا عشان ماما بتجهز العشا
فاديه:كانت عروسه امال هتبقي اي يعني 
زينب:مالك كده!والجاكت ده بتاع مين! 
فاديه:تعالي الاوضه واقفلي الباب وهحكيلك
محمد:فارس!يبني سرحان في ايه! 
فارس:مفيش حاجه ركز في الطريق 
محمد:فين الجاكت بتاعك! 
فارس:ملقتش الشخص اللي خده بس حاسس اني لاقيت حاجه اكبر واغلي من الجاكت 
محمد:لقيت اي! 
فارس ببتسامه:مش عارف بس حاسس بشعور حلو اوى مش عارف اوصفه
زينب:يسلم علي ذوقه ورجولته بس هترجعيله الجاكت حقه ازاي!وانتي متعرفيش غير اسمه بس 
فاديه:مش عارفه 
زينب:متقلقيش هفكر انا بس قومي دلوقتي خدي دش وروقي وسبيها علي الله 
محمد:اتفضل وصلنا 
فارس:سلام يا صحبي 
فاديه:هنعمل ايه يا زينب 
زينب:تعالي نساعد ماما فى المطبخ الاول ونبقي نفكر بعدين هنعمل ايه 
نانسي والده فارس:اتأخرت كده ليه يا فارس! 
فارس:فرح والناس مبسوطه يا ماما 
نانسي:عقبالك يا حبيبي 
فارس:في حياتك يا ست الكل 
نانسي:يلا علي الحمام وجهز نفسك عشان بحضر العشا 
فارس:حاضر 
نانسي:مالك يا فارس زي ما يكون كده مش طبيعي انت تعبان! 
فارس:حصلت حاجه غريبه النهارده في الفرح بنت فرحانه بصحبتها العروسه وبتتصور مع صحابها البنات حصل معاها موقف محرج ليها شويه تخيلي محدش قالها حاجه وفي بنتين ضحكوا عليها يا ماما لسه في قله ادب كدا! 
نانسي:موقف اي! 
فارس:شفت فستاهنا عليه دم كتير 
نانسي:بنات متربتش كانوا قالولها وانت عملت ايه! 
فارس:ادتها الجاكت بتاعي 
نانسي:محصلش حاجه ده واجبك تعمل كده 
فارس:عندك حق انا بس ازاي اكون عندي صحاب واتحط في موقف ومحدش يساعدني! 
نانسي:الصحاب مواقف مش كلام وقاعده وسهره في قهوه 
فارس:ملامحها حلوة اوى بنت جميله 
نانسي:واي كمان! 
فارس:اسف يا ماما سرحت شويه في الكلام 
نانسي:طب قوم يا رومانسي عشان نتعشي
زينب:اي الصوت ده! 
فاديه:معرفش دي رنه موبايل غريبه 
زينب:الصوت جاي من الجاكت 
فاديه:يا نهار ابيض ده الفون بتاع فارس يادي المصيبة هعمل ايه دلوقتي! 
زينب:لازم تردي وتعرفي هترجعي الفون والجاكت ازاي!
فاديه:الو
فارس:انا اسف لو ازعجتك يا فاديه بس انا محتاج الموبايل انا بكلمك دلوقتي من رقم ماما متقلقيش 
فاديه:لسه فاكر صوتي! 
فارس:ومنستهوش
فاديه:اختار المكان اللي اتحب ارجعلك حاجتك فيه 
فارس:بسهوله كدا!مش مصدق 
فاديه:اه عادي دي امانه لازم ترجعلك
فارس:طب تعرفي كافية الشروق! 
فاديه:اه طبعاً عرفاه
فارس:نتقابل الساعه 9ص
فاديه:هكون عندك مش هتأخر مع السلامة 
فارس:مع السلامه 
زينب:تحبي اجي معاكي! 
فاديه:لا خليكي مع ماما انا قولت ليها قالت انك تيجي معايا بس مش لازم يا زينب انا عارفه المكان مش بعيد 
فارس:انتي فين يا فاديه 
فاديه:على فكره انا شيفاك 
اييي البت المزه دي يا خرابي يا جدعاااان هو في كده!! 
فاديه:احترم نفسك انت وهو اي قله الادب دي 
اييي يا مزه ما تيجى لفه ونروح المستشفى اي الجمااااال ده 
فاديه:انتوا فعلا لازم تروحوا المستشفى بس مستشفى المجانين 
فارس:ما تحترم نفسك يلااااا انت وهو اقسم بالله اجيبكم نصين دلوقتي 
ميييين القمورر اللي شعره حلو ده ده مش بس هي اللي حلوه وتتاكل أكل
فاديه بصريخ:خلاص يا فارس عشان خاطري بلاش يلااا بينا 
فارس:خد بقا والله لاااازم تتربي 
فاديه:خلاص يا فارس هيموت في ايدك 
فارس:تعالي انت كمان عشان تفكر تعاكس بنت تاني او تتهجم عليها هي سايبه يا روح امك 
لقيت واحد مطلع سكينه صغيره خالص وضرب فارس بيها مدرتش بنفسي غير وفارس بيتوجع اوى فضلت اصرخ واقول الاسعاف لحد ما الاسعاف ايجت وروحنا المستشفى دموعي كانت نازله زى النهر مبتهداش مسكت ايده وهو فاقد الوعي لاول مره احس الاحساس ده علي قد خوفي اني لمسته وتعديت حدودي علي قد خوفي وقلقي عليه 
فاديه:حمدالله على السلامة يا فارس 
فارس:متعيطيش انا كويس مفيش حاجه دي حاجه بسيطه خالص مكنش لازم مستشفى انا بس اغمي عليا معرفش حصل ازاي 
فاديه:الدكتور قال ساعة بالكتير وهتخرج الحمدلله انها جت سليمه انا كنت هموت من الخوف عليك 
فارس:بعد الشر عليكي 
فاديه:هتفضل تبصلي كده كتير 
فارس:اه عشان اخرج بسرعه 
فاديه بكسوف:انا هروح بقي 
فارس:ماشي تعبتك معايا 
فاديه:متقولش كده انت جمايلك كتير اوى عليا ومش عارفه اشكرك ازاي مامتك رنت عليك بس مردتش عشان مش تقلق عليك 
فارس:كويس انك مش كلمتيها مع السلامه يا فاديه
فاديه:تحب تكلم صاحب ليك يجي يوصلك البيت!ويبقي معاك
فارس:لا بلاش انا كويس مفيش داعي وبلاش قلق  
فاديه:ماشي المهم تكون بخير 
فارس:فاديه! 
فاديه:نعم يا فارس 
فارس:خلي بالك من نفسك اديكي شايفه انا تعبان ازاي مش هعرف اضرب حد يزعلك
فاديه بضحك:ماشي يا بطل 
نزلت وخلاص هروح البيت عديت سلم المستشفى وسمعت اتنين بيتكلموا وبيقولوا: 
الواد ده لازم نخلص عليه انا اخويا يتثبت!! 
وديني ليروح لأمه ميت النهارده لو كان يعرف انا مين مكنش عمل كده خلص يا ذكي الموضوع ده تجبهولي ميت 
أمرك مجاب يا كبير هيكون عندك بس يطلع بس
اترعبت من الكلام وفارس قدامه ساعه ويخرج يا وجع قلبي تانى بلغت الشرطه وشرحت اللي حصل للظابط وروحت انا لفارس تاني اعطل الساعه دي واخره مينزلش دلوقتي
فارس:فاديه رجعتي تاني ليه! 
فاديه:مهنش عليا اسيبك لوحدك لازم اطمن عليك واوصلك بنفسي التاكسي 
فارس:ماشي يا فاديه اللي تشوفيه ممكن اقولك حاجه! 
فاديه:اكيد 
فارس:انا حسيت بلمسه ايدك لمسه طيبه فيها خير زي اول يوم شوفتك فيه 
فاديه بكسوف شديد:انا كده هروح والله ممكن تبطل كلامك ده 
فارس:حاضر اما نشوف اخرتها اي يا ست فاديه 
فاديه:تحب تشرب عصير! 
فارس:ماشي 
فاديه:اتفضل العصير
فارس:حتى العصير من ايدك حلو 
فاديه:هات العصير والله مانت شارب حاجه 
فارس:خلاااااص والله هاتي العصير مش هتكلم تاني عااااايز اشرب العصير
الظابط:انسه فاديه!!! 
فاديه:اهلا يا فندم 
فارس:في ايه يا حضره الظابط! 
فاديه:مفيش حاجه يا فارس 
الظابط:اتفضلي عشان تتعرفي علي اللي هدد بالقتل 
فارس:مش هتتحركي من هنا غير لما افهم في ايه انتي فاهمه ولا لا!!!! 
فاديه:اهدي عشان خاطري يا فارس في ناس تبع الشخص اللي عمل فيك كده عايزين يقتلوك انا بلغت الشرطه ولازم يقبضوا عليهم
فارس:مش هسيبك تروحي لوحدك انا جاي معاكي اتفضل يا حضره الظابط 
فاديه:طب اسند عليا براحه طيب عشان الجرح 
فارس:طول مانتي معايا انا بخير ومش حاسس بحاجه
فاديه:والله لو مش بطلت هسيبك وامشي 
فارس:خلاص خلاص انا سكت اهو انتي بارده اوى بس علي قلبي زي العسل ياعسل انتي 
فاديه:طيب يا خفيف 
فاديه:التاكسي اهو اركب واشوفك علي خير والف سلامة عليك 
فارس:هتوحشيني
فاديه بعصبيه:بقولك اركب التاكسي خد يسطا الراجل ده ووصله للمكان اللي عايزة 
فارس:طب والله هتوحشيني يا بت
فاديه:سوق يسطا اطلع يلا 
فارس:باي باي يا بارده 
فاديه:باي باي يا خفيف 
الجاكت والموبايل!!!!
 يا فااااااااااارس يا فاااااااااارس يسطااااااااااا استني يسطااااااااااااااا يسطااااااااااااااا يسطااااااااااااااا يسطااااااااااااااا نسيت الجاكت يا فارس والموبايل يسطااااااااااااااا 
حسبيييييي الله هعمل ايه دلوقتي! 

متنساش ان الرواية موجودة كاملة في قناة التلجرام والواتساب

↚
زينب:مالك يا فاديه مرهقه كده ليه! 
فاديه:تعبت من الشخص اللي اسمه فارس ده كل لما احاول ارجعله حاجته يحصل حاجه تمنع ده 
زينب:ازاي انتي مش كنتي بتقبليه من شويه! 
فاديه:حصل حاجات كتيره جدا انا تعبانه هنام دلوقتي وبكره احكيلك 
زينب:مش عارفه ليه حاسه انك بتحبيه او على الاقل معجبه بيه 
فاديه:انتي بتخرفي!احب مين انا 
وزفت ايه ده كمان 
هرجعله حاجته وكل واحد يروح لحاله واتخمدي عشان بدأتي تهبلي 
زينب:اتخمدت
سرحت في كلام زينب اختي هو انا ممكن احبه بجد!طب ليه وعشان اي اصلا احبه بس انا برضو خايفه اوصل للمرحله دي حاجته لازم ياخدها منكرش انه ظريف ولطيف ودمه خفيف وطويل وابيض وحليوه اوى 
زينب:فاديه سرحانه في ايه وبتبتسمي كده! 
فاديه:انتي لسه مش نمتي نامى 
زينب بغضب:هتكتمي نفسي بالمخده يا فاديه 
فاديه بابتسامة:بهزر معاكي 
زينب:عشان تهزري تموتيني!بس الواد حلو ويتحب مش دي صورته اللي في خلفيه موبايله! 
فاديه:اه هو 
نانسي:هااا يا فارس فين الموبايل بتاعك! 
فارس: حصل ظروف ومجتش يوم تاني بقا انا داخل انام 
غريبه فارس مرنش ولا حاجه انا هفضل ابص لصورته كده كتير وافتكر كلامه لما قالي انتي كلك خير!هو انا ليه حاسه اني محتاجه اشوفه ويهزر معايا شعور حلو ومليان شوق بس لا هفضل كده تقيله انا محدش يقدر يوقعني ولو حبيته مش هبين ده خاااالص اتفزعت ورميت الفون علي السرير وانا مركزه في صورته لقيته بيرن 
فارس:هتفضلي سااااكته كده ما تردي يااااابت
فاديه:مسميش بت الوووو نعم عايز ايه! 
فارس:اتكلمي باسلوب احسن من كده احسنلك
فاديه:ليه هتعمل ايه يعني! 
فارس:هحبك الوووو مبترديش ليه الكلمه احرجتك!والله يريتك بتحسي روحتي فين يا وليه انتي!الوووو
قفلت السكه في وشه الله يخربيتك انت بتهبب اي هو ازاي يقول الكلام ده!حيوان صحيح والله لو رن ما هرد عليه تاني 
نانسي:فارس صاحي! 
فارس:اتفضلي يا ماما 
نانسي:محمد صاحبك مش مبطل رن عليك خد كلمه فهمه ان الموبايل بتاعك مش معاك دلوقتي 
فارس:حاضر يا ماما 
نانسي:تصبح على خير يا حبيبي 
فارس:وانتي من اهل الجنه يا ماما 
نانسي:يارب يا فارس سلام
فارس:الو يا محمد 
محمد:ينفع كده اللي انت عامله فيا!بقالي كام يوم بتصل بيك ومبتردش هو في ايه!حتى صحابك برضو محدش بيرد عليهم
فارس:معلش يا محمد الفون بتاعي مش معايا الايام دي مع حد يخصني وهيرجعه تاني 
محمد:حد يخصك مين!انت تعرف مين غير الشله!انت رجعت لياسمين ولا ايه البت اللي دمها تقيل دي! 
فارس:ياسمين مين انت كمان بلاش السيره دي ده موضوع واتقفل من زمان 
محمد:طب هتجيب الفون امتي 
فارس:يا عم مش عايز الفون انا هبقي اجيلك وخلاص سيب الفون في حاله ده شاغل بالي
محمد:مين ده اللي شاغل بالك! 
فارس:اييه انا قولت شاغل بالي!لا محصلش سلام دلوقتي هجيلك بكره 
فاديه:انت يبني تقابلني بكره في نفس المكان تاخد حاجتك عشان كده كتير الصراحه 
فارس:انتي صوتك ميعلاش عليا فاهمه ولا لا! 
فاديه:كلامي واضح ومش هقول تاني 
فارس:يابنت المجنونة غوري يا بت مش عايز من وشك حاجه 
يابن الايه تقفل في وشي السكه كده يا فرستيييييي بجد انا محدش قدر يقفل السكه في وشي اييييي ده انا كنت قليله الذوق في كلامي كده!استغفر الله العظيم بجد 
فارس:بترني ليه عايزة اي تاني! 
فاديه:معلش لو كلامي دايقك
فارس:انتي بلوه ربنا ابتلاني بيها 
فاديه:بلوه اي يلاااا انت مين اصلا انا مش شيفاك
فارس:وديني لو رنيتي تاني لتزعلي وبكره في نفس المكان الساعة عشرة صباحا سلام يا روحي 
فاديه:روحي!انت يبني فارس الوووو الووو
انا هروح بكره وامري لله اخلص من الواد ده انا اي كان خلاني اروح الفرح اصلا كان يوم مطلعتش ليه شمس والله خدت فنجان قهوه بتاعي وروحت اشم هوا في البلكونة وسمعت صوت رساله جايه من فون فارس روحت اشوفها لان الفضول قاتلني لقيت بنت اسمها ياسمين باعته بتقوله انه واحشها اوى ولازم يشوفها في المكان بتاعهم معرفش ليه اول ما شفت الرساله قلبي اتقبض وزعلت واعصابي بقيت مش بخير خالص 
زينب:اصحي يا فاديه المفروض رايحه تقابلي فارس 
فاديه:مش هروح خليه يروح هو مع نفسه 
زينب:ازاي! 
فاديه:اوعي انتي كمان 
زينب:البت اتجننت ولا ايه يا حول الله يارب 
انا مالي تجيله رساله ولا متجيش وانا زعلانه اوى كده ليه ما يولع هو وهي انا هروح اديله حاجته لااااااااا مش هروح يا بتاع ياسمين افضل رن كتير كده والله ما هرد عليك او ابعت ياسمين ترد هي 
زينب:انتي بتكلمي نفسك! 
فاديه:غوري من وشي انتي كمان 
زينب:خدي رايحه فين! 
فاديه:اجهز فطار 
زينب:فارس بيرن 
فاديه:سبيه يا زينب مترديش انا بقولك اهو 
نانسي:مش هتروح لفاديه يا فارس! 
فارس:بنت المجنونة مبتردش عليا
نانسي:مدايق نفسك اوى كده ليه!اهدي هترد
فارس:البت دي تعبتني اوى دبشششش يا ماما بس ببقي حابب اكلمهاااااا مختلفه عن اي حد عرفته انا رايح اشوفها في نيتي مش اجيب حاجتي خالص وببقي اتمنى يحصل حاجه تمنعها تردلي الحاجه عشان اشوفها تاني 
نانسي:ربنا يستر علي اللي جاي يا قلب الدبدوب انت
فارس بضحك شديد:خلاص بقا يا ماما 
رن يا فارس رن يا بتااااااااااع ياسمين شوف بقا هتاخد حاجتك ازااااااااااااي

متنساش ان الرواية موجودة كاملة في قناة التلجرام والواتساب

↚
فارس:مبترديش علي اللي خلفوني ليه!ليه بتخليني اخرج عن شعوري!انا عايز حاجتي ومش عايز اشوفك تاني انا مش عيل صغير تمام! 
فاديه:تمام يا استاذ فارس اسفه علي التأخير ان شاءلله حاجتك هتبقي بكره عندك الساعه خمسه ونص المغرب في واحد اسمه يوسف هيجبها لحضرتك انا بعتله رقم والدتك عشان تعرف تتواصل معاه 
فارس:حاجتي محدش هيجبها غيرك يا استاذه فاديه 
فاديه:بعتذر ماما تعبانه ومش هقدر اسيبها لوحدها 
فارس:انتي بتعيطي يا فاديه! 
فاديه بحزن ودموع:عن اذنك لازم اروح للدكتور دلوقتي ماما حالتها مش مستحمله ويوسف هيكلمك 
فارس:اي مستشفى وانا هجيلك مش هسيبك لوحدك 
فاديه:لا شكرا عشان تلحق تقابل ياسمين في المكان بتاعكم بعتتلك رساله بكده عن اذنك 
فارس:استني بس فاديه!الو ردي عليا يبنتي فاديه!يبنت الهبله يا مجنونه 
زينب:ماما سوسن تعبانه اوى انا قلبي تعبني من العياط ملناش غيرها وملهاش غيرنا 
فاديه:تعالي في حضني كل حاجه هتبقي كويسه اوعدك متقلقيش ماما هتبقي كويسه يلا بينا دلوقتي عشان مش نتأخر المستشفى بعيد شويه متعيطيش تاني 
محمد:الو يا فارس معرفتش ارد كنت بره البيت لسه راجع
فارس:محتاج العربيه بتاعتك هروح مشوار وممكن اتأخر شويه يا محمد عشان عربيتي محتاجه تتظبط ومعنديش وقت ليها 
محمد:اكيد طبعا مستنيك تعالي خدها 
فاديه:خليكي مع ماما كلميها اكيد هتسمعك لما اروح للدكتور وارجع تاني 
زينب:حاضر 
اتكسرت اوى بتعب ماما عاشت طول عمرها الاخ والاب والاهل ملناش حد ولا بيسأل علينا حد ورغم ده كانت لينا كل الناس واختي لو جري حاجه لماما اختي مش هتقدر تكمل حياتها احنا حياتنا هتوقف علي ماما ومش هنقدر نكمل يارب تشفي ماما يارب 
فارس:لو سمحتي بعد اذنك في مريضه هنا بإسم سوسن ومعاها بنتين كده! 
الممرضه:ايوه والبنت اللي هناك دي بنتها
فارس:تمام شكرا جدا 
فاديه:فارس!عرفت اننا هنا ازاي! 
فارس:انا مش جاى عشانك انا جاى اطمن علي ماما سوسن واشوفها لو محتاجه حاجه! 
فاديه بدموع:ماما كويسه او هتبقي كويسه 
لقيت فارس بيمسح دموعي وروحت باصه في عنيه ومسك ايدي وقالي متقلقيش كل حاجه هتبقي تمام مش هسيبك انا معاكي افتكرت البت اللي اسمها ياسمين لما بعتتله رساله وقومت شديت ايدي 
فاديه بغضب:لا والله وياسيمن ازيها دلوقتي!مش من الواجب تروح تقابلها ده حتي اللي بينكم مش قليل 
فارس:بتغيري عليا!متعصبه اوى كده ليه! 
فاديه:لا عاشت ولا كانت اللي اغير منها انا عارفة قيمه نفسي كويس ومين انت عشان في واحده تخليني اغير عليك منها! 
فارس:ماشي بشكرك علي طريقه كلامك واحترامك وقد اي انتي بنت ذوقك عالي 
فاديه بلهفه:فارس انت زعلت! 
فارس:لا ابدا بس كفايه قله قيمه لحد كده 
فاديه:مش هتشوف ماما! 
فارس:وقت تاني ان شاءلله 
فاديه بدموع:ماشي ان شاءلله 
فارس:تعالي يا غلطه وندمان عليها تعالي ننزل نشتري عصير وسندوتشات عشان اختك وانتي كمان تاكلي
فاديه:مانت قولت هتمشي
فارس بحنيه وابتسامه:مش همشي تعالي يلا مش عارف ليه دموعك لما بشوفها نار بتاكل جسمى! 
فاديه:معلش
فارس:معلش فعلا والله عندك حق الكلمه ريحتني حقيقي بشكرك 
فاديه:انا جعانه
فارس:طبيعي تجوعي واحده لسانها طويل زيك لازم تجوع 
فاديه بضحك شديد:مش قادره هموت من الضحك انا في ايه ولا ايه دلوقتي مش تضحكني
لقيته بيبصلي جامد ومبتسم وانا بضحك بطلت ضحك وفضلت مركزه في عيونه واتكسفت وبصيت في الأرض 
فاديه:يلا بينا يا فارس عشان نرجع علي طول عشان ماما واختي
فارس:حد قالك قبل كده ضحكتك حلوه! 
فاديه:ماما ربتنا انا وزينب علي طريقة مختلفه مبنتكلمش مع حد ولا نعرف حد من يوم ما بابا توفي وماما شالت كل حاجه علي كتافها عارف معاملتي معاك جزء بسيط من تصرفي في العادي مبقدرش اتكلم مع بشرماما لو جرالها حاجه ممكن اموت
فارس:بس متعيطيش عشان والله ما هقدر اسيبك انا روحي فيكي وقابل معاملتك وكل حاجه مش عايزك تغيري طبيعتك انا معاكي 
فاديه:لا اي اللي بيحصل ده امشي يا فارس انا مش عايزة اشوفك تاني 
فارس:بتعملي كده ليه!ادي نفسك فرصه تحبي وتتحبي هو انا هاكلك او هخطفك!انتي عندك مشاعر ليا ليه تخبي يا فاديه! 
فاديه:عن اذنك 
سيبته ومشيت مش عايزة امشي في الطريق ده اه معجبه بيه وممكن كمان شئ اكبر من الاعجاب بس لا انا هفضل طول عمري كده مش هخالف تربيه ماما اه هاجي علي مشاعري احسن ما اجي على مخالفه الثقة اللي ماما ادتهالي 
فاديه:لو سمحت يا دكتور ماما هتفوق امتي! 
الدكتور:غيبوبه والله اعلم يا بنتي هتفوق امتي خلي بالك من نفسك واختك 
زينب:انت فارس صح! 
فارس:عرفتيني ازاي! 
زينب:بشوف صورك مع فاديه 
فارس:فاديه بتشوف صوري ازاي! 
زينب:خلفيه موبايلك عرفتك منها 
فارس:ماما عامله ايه دلوقتي! 
زينب:زي مانت شايف كده بقالها كتير علي الحال ده 
فارس:ان شاءلله تقوم بالسلامه خدي الاكل ده والعصاير دي وابقي أكلي فاديه عشان هي تعبانه اوى وانا ان شاءلله هرجع تاني 
زينب:حاضر
فارس:انا همشي دلوقتي قبل ما فاديه تيجي عشان هتدايق
زينب:مع السلامه 
فاديه:هلا يا زينب 
زينب:بصي أكل كتير يا فاديه تعالي كلي معايا 
فاديه:مين جاب الحاجات دي! 
زينب:فارس ووصاني انك تاكلي عشان تعبانه 
فاديه:طب انا هعدي علي الحسابات واجي انام هنا وانتي كمان خلصي اكل عشان ترتاحي شويه 
فاديه:لو سمحت عايزة ادفع حساب المستشفى 
المحاسب خالد:بإسم مين يا فندم! 
فاديه:انا فاديه عبد المقصود 
خالد:الحساب مدفوع يا فندم بإسم واحد إسمه فارس عبد الرحمن 
اتصدمت مش عارفه اعمل ايه مع فارس كل شويه يعمل حاجه تخليني احبه وارتاح ليه رغم اني قاسيه عليه 
فارس:نعم يا فاديه بتتصلي ليه! 
فاديه!في حد يكلم حد كده! 
فارس:معلش مخنوق شويه مامتك عامله ايه دلوقتي! 
فاديه:هي ياسمين مزعلاك ولا ايه! 
فارس:لو سمحتي يا فاديه دي واحده مليش علاقه بيها ومش تجبيلي سيرتها يا تقفلي احسن تمام! 
فاديه:خلاص مش تزعق انا عاوزه اقابلك هجبلك حاجاتك بنفسي ومحتاجه اتكلم معاك 
فارس:شوفي الوقت اللي يناسبك وانا تحت امرك 
فاديه:ان شاءلله هبلغك بالمكان والوقت
فارس:مستنيكي

متنساش ان الرواية موجودة كاملة في قناة التلجرام والواتساب

↚
فاديه:المكان ده حلو اوى 
فارس:وجودك بيحلي اي حاجه واي مكان تروحيه
فاديه:اتفضل دي فلوس المستشفى بتاعت ماما والجاكت والموبايل ملكك وبعتذر على كل حاجه حصلت مني من يوم ما شوفتك لحد دلوقتي 
فارس:في حاجه لسه معتذرتيش عليها يا فاديه 
فاديه باستغراب:اي هي! 
فارس:خلتيني احبك واشتاق اليكي واسهر الليل أفكر فيكي قوليلي بقا هتتأسفي ازاى على شعوري ده!هتعاتبيني!هتقلي ادبك عليا!هتعملي ايه! 
فاديه:همشي يا فارس مش مطلوب منى حاجة تانى 
فارس:استني هنا انا بكلمك مش هسيبك تمشي المره دي مش هسيبك يا فاديه انا هتقدملك بس ماما سوسن تقوم بالسلامة وهخطبك 
فاديه:ايه اللي انت بتقوله ده يا فارس! 
فارس:بحبك 
فاديه بإبتسامة:طب تعالى وصلني لماما بعربيتك 
فارس:العربيه وصاحب العربيه تحت امرك 
زينب:لو سمحت يا دكتور هي ماما مالها مبتردش عليا ليه! 
الدكتور علاء:كله بيد الله يا زينب ان شاءلله تبقى كويسه 
زينب بدموع:كل مره تقول كدا ومفيش جديد طمني عليها ارجوك 
الدكتور علاء:كله خير يبنتي 
فارس:هتفضلي ساكته كده كتير! 
فاديه:سوق وانت ساكت 
لقيته فجأه بيغني ويقول كل حب الدنيا دى فى قلبي ليك انت اغلى الناس عليا روحي فيك ده انت لو قدام عنيا اشتاق اليك 
فاديه:صوتك وحش اسكت احسن وبعدين بتبصلي كده ليه! 
فارس:طول عمري بشوف القمر في السما اول مره يبقي معايا وجمبي 
فاديه:طب بسرعه شويه عشان قلقانه علي ماما وبلاش كلامك ده دلوقتي 
زينب:يا دكتور ماما مالها الناس دى بتجري ليه!يا جماعة حد يتصل على فاديه اختى حد يرد عليا طيب يا دكتور ماما مالها افتح الباب عايزة اشوف ماما يا دكتور رد عليا 
فاديه:زينب في ايه! 
زينب:الحقي ماما بتموت يا فاديه ماما بتموت
فارس:اهدي يا زينب مش كدا حرام عليكي بالله تهدي
سندت ضهري علي الباب وغمضت عيني والدنيا بتلف بيا هعمل ايه لو ماما راحت منى!كنت جايه احكيلها علي فارس كان عندي يقين تسمعني وتحس بيا يارب لطفك
فارس:فاديه ردى عليا يا فاديه 
فاديه:انا كويسه انا كويسه سيبني يا فارس سيبني 
فارس:ما صدقت لقيتك ازاي اسيبك! 
فاديه بدموع:ماما بتموت يا فارس 
فارس:هتبقي كويسه والله اهدي بلاش تعملي في نفسك كدا 
الدكتور علاء:الحمدلله عدت مرحله الخطر 
زينب بدموع:الحمدلله يارب 
فاديه بلهفه:بجد يا دكتور! 
الدكتور علاء:بجد ممكن تشوفوها دلوقتي 
بصيت على فارس لقيته مبتسم ليا مسك ايدي ومسح دموعي وقالي تعالي ندخل عندها ونطمن عليها وبحبك
فاديه:نطمن عليها واي! 
فارس:وبحبك
فاديه:سيب ايدي يلا انت وتيجي ورايا في هدوء مسمعش صوتك 
فارس:والله البت دي هبله كل دقيقة في حال بس والله بحبها في كل الأحوال يخربيت جنانك
فاديه:بجد بتحبني يا فارس! 
فارس:غوري يا بت انتي من وشي تعالي ورايا مسمعش صوتك عايز هدوء تام
محمد:الو مين معايا! 
ياسمين:انا ياسمين يا محمد ممكن اعرف فين فارس! 
محمد:اي فكرك بيه!انا بقالي يومين معرفش عنه حاجه 
ياسمين:طب لو كلمك ممكن تكلمني تقولي! 
محمد:انتي عايزة ايه منه تاني مش كفاية اللي حصله بسببك سبيه في حاله بقا يا شيخه
ياسمين:اكيد لسه بيحبني انا جايه اصلح كل حاجه 
محمد:انتي كسرتي قلبه زمان لو تعرفي تصلحي المكسور صلحيه يمكن الميت يصحي والناس تعيد حسابتها
فاديه:فارس مش هتنام بقا!من الصبح وانت منمتش لازم ترتاح شويه يا حبيبي 
فارس:قولتي ايه!
فاديه:لازم ترتاح شويه 
فارس:لا اللي بعدها
فاديه بإبتسامة خفيفه:معرفش 
فارس:هتقولي ولا ازعل! 
فاديه:سيب ايدي الناس ممكن تشوفنا
فارس:خلاص قولي 
فاديه:حبيبي 
فارس:مش انتي فاديه الدبش اللي انا اعرفها
فاديه:ولا انت فارس اللي انا اعرفه بطل محن ونام عشان تبقي فايق الصبح ماما ممكن تقلق من نومها دلوقتي بسببك هروح اطمن عليها واجي
فارس:مبسوط ان مامتك هتخرج بكرا ومبسوط اني هطلب ايدك منها
سيبته ومشيت روحت عند زينب اختي انام في حضنها فرحانه ان ماما هترجع بيتها والشخص اللي قلبي دق ليه هيتقدم سرحت في القمر والليل وكنت بتمني الليل يمشي بقا عشان يجي الصبح 
فارس:ايوه يا ماما الفون بتاعي معايا انا كويس متقلقيش مش هقدر اسيب فاديه لوحدها هي واختها انا هبات معاها في المستشفى 
زينب:فارس انت صاحي! 
فارس:سلام دلوقتي يا ماما 
زينب:انت صاحي اهو 
فارس:تعالي يا زينب تعالي ولو نايم اصحالك 
زينب:هي فاديه بتحبك صح! 
فارس بضحك:بتضحكى كده ليه طيب! 
زينب:سمعتها وهي نايمة بتقول انا بحبه أوي يا ماما حنين عليا مش قاسي وانا الحنيه بالنسبالي دفا و اللي قلبُه فيه حنيه عِشرِته فيها الأمان
فارس:هي قالت كده! 
زينب:اه والله سمعتها وجيت اقولك دلوقتي يعني ايه دفا وحنيه والحاجات دي! 
فارس:انتي لسه صغيرة علي الحاجات دي واختك هبله بتخرف نامى يا زينب عشان خاطري 
لقيت فارس دخل الاوضه اللي نايمه فيها وحسيت بهوا علي وشي وسمعت صوت ضحكه هو وزينب وفتحت عيني لقيته هو اللي بيعمل الهوا ده 
فارس:يلا عشان نفطر ونروح البيت 
فاديه:انت بارد اوى حد يصحي حد كده! 
فارس:دي حركه رومانسيه اي يا بنتي اجيبك من شعرك عشان تنبسطي! 
فاديه:اه الحاجات دي بتعجبني 
فارس:شوفي اختك يا زينب عشان هتشل
فاديه:بعد الشر عليك يا اهبل 
فارس:صباح الخير يا ست الكل 
سوسن:صباح الخير يا حبيبى عامل ايه يا فارس! 
فارس:احنا كلنا بخير بيكي ويلا بقي عايزك تقومي عشان ماما جيالك بكره 
زينب:احم احم 
سوسن:تشرف يا فارس فى اي وقت 
فاديه:اسندي عليا يا ماما 
فارس:هاتي ايدك يا ماما براحه خالص 
فاديه:طب شيلي معايا الحاجات دي يا زينب 
خلاص طلعنا من الاوضه وبقينا في الطرقه وببص على فارس لقيته بيبتسملي وماما سانده عليه روحت بصيت قدامي وانا جوايا واحشني ونفسي يبقي معايا في الحلال النهارده قبل بكره والبس دبلته 
ياسمين:فارس! 
فارس:انتي اي جابك هنا! 
ياسمين:هو انا مش وحشتك! 
فاديه:انتي مين وعايزه فارس في اي! 
ياسمين:انا ياسمين انتي اللي مين! 

متنساش ان الرواية موجودة كاملة في قناة التلجرام والواتساب

↚
فارس:مين قالك اني هنا! 
ياسمين:عرفت وخلاص 
فارس:امشي ومش عايز اشوف وشك تانى 
ياسمين:فارس انا بحبك 
فاديه بحزن:لو سمحت يا فارس سيب إيد ماما لازم نمشي عن اذنك 
فارس:مش هتمشي وهي اللي لازم تمشي 
فاديه بعصبيه:سيب ايدي لو سمحت الناس بتتفرج علينا
زينب بخوف:هو في ايه! 
سوسن:يلا يا بنات اشوفك علي خير يا فارس 
فارس:اقسم بالله انتي واحده معندكيش دم مش مكسوفه من نفسك وحوراتك انتي خنتيني مع أعز صاحب ليا خسرته وزعلت على خسارته لانه كان صاحبي وبينا عشره بس مبقاش ينفع يبقي صحبي انما انتي زباله وانا الزباله بخرجها مبتدخلش تاني وبتبقي مكسب مش خساره ليا ليكي عين توريني وشك تاني! 
ياسمين بسخريه:ياه شايل جواك كل الحقد ده ليا! 
فارس:واكتر من كده هي الدنيا كدا الناس الزباله مش مرتاحين فيها عايزين كل حاجه ليهم حتى لو على حساب كرامتهم
ياسمين:افتكرلي اي حاجه حلوه 
فارس:لو تقبلي علي نفسك تفضلي مع واحد بيحب وهيتجوز واحده بنت ناس اقبلي وساعتها تقدري تفرقي بين الضلمه اللي هي انتي وبين النور اللي هو فاديه امشي ولو شوفتك في مكان انا فيه مش هيحصلك كويس 
فاديه:انتي كويسه يا ماما!احنا خلاص قربنا نوصل السواق ماشي علي سرعه بطيئه عشانك 
سوسن:ليه سيبتي فارس لوحده وانتي متأكده انه بيحبك انتي! 
فاديه:مش سيبته يا ماما كان لازم من الذوق نمشي عشان تتكلم معاه براحتها ولو سمحتي يا ماما بلاش نتكلم في الموضوع ده 
سوسن:بتحبيه يا فاديه! 
بصيت لماما باستغراب وروحت باصه على الطريق افكر هرد اقول ايه اقولها بحبه وبرتحله!ولا نفسي يكون معايا في كل لحظة!ولا خايفه اعلق نفسى ويبقي بينه وبين ياسمين حاجه! 
فاديه:معلش يا ماما نتكلم بعدين 
سوسن:بصي يا بنتي اعملي اللي يريحك انا عارفه انتي بتفكري ازاي وبتعملي اي ادي نفسك فرصة تختاري ولو فشلتي يبقي دافع ليكي تعاتبي اختيارك بعد كدا وتصلحيه واي علاقه بدايتها خوف متوافقيش عليها لان طول مانتي خايفة طول ما الطريق هيبقي مسدود 
فاديه بإبتسامة:كله خير يا ماما المهم عندي انتي 
زينب:انا جعانه يا فاديه 
فاديه:احنا مروحين يا زنوبه وهعملك الاكل اللي بتحبيه 
 لقيت ماما مسكت ايدي وباستني في خدي وقالتلي ربنا يكتبلك الخير يا بنتي 
فارس بخنقه:الو يا ماما انا جاي في الطريق دلوقتي معرفتش ارد والله يا ماما تعبان بجد مش قادر كل لما اتقدم خطوه برجع عشرة مبقتش قادر كل حاجه بحبها بتمشى كل حاجه بحبها بتمشى يا ماما 
سوسن:افتحي البلكونة يا فاديه عشان الجو حلو النهاردة والبيت يبقي هوا 
فاديه:حاضر يا ماما 
فتحت البلكونة وفكرت في فارس يا تري هو عامل ايه!ولا اتصل ولا سأل ولا ايجا 
فارس:يا عسل ياللي فوق انتِ يا قمر يا مانجا 
فاديه بإبتسامة حلوه:فارس!تعالي اطلع 
فارس:ها عامله ايه وحشتيني 
فاديه:وحشتنى يلا اوى 
فارس:بتقولي ايه!مش سامع
فاديه:عملت ايه مع ياسمين واي الحوار ده! 
فارس:بس يا بت نتكلم بعدين في الحوار ده 
فاديه:الورد الجميل ده لمين! 
فارس:هو في جميل غيرك! 
فاديه:هتفضل واقف علي الباب كده! 
فارس:بس اي وحشتنى والجو ده انتي تعبانه! 
فاديه:هتدخل ولا اقفل الباب! 
سوسن:مين يا فاديه! 
فارس:انا يا ماما 
سوسن:اهلا يا حبيبي تعالي يا فارس 
زينب:فارس واحشني اوى الله الورد الجميل ده لمين! 
فارس:لفاديه 
بصيت لفارس وكنت فرحانه بوجوده وانه خلاص قدر يوقعني كل لما يعمل حاجه او يتكلم مع حد الاقيه بيبصلي بلهفه وشوق ازاي محبهوش وهو ميزني عن الكل! 
فارس:ممكن يا ست الكل فاديه تحضر معايا خطوبه واحد صحبي عشان هو كمان يجي خطوبتنا! 
فاديه بكسوف:لا مش هروح معاك مكان الا وانت خطيبي رسمي 
فارس:من بكره هبقي معاكي بس الليلة بس عايزك معايا 
سوسن:وهي هتيجي يبني 
زينب:كل ده بتلبسي!فارس زمانه تحت 
فاديه:خلاص خارجه اهو 
لقيت فارس وانا نازله وخلاص هركب عربيته بيبصلي ومبتسم وكإنه يملك شيء جميل أوى وكل ما يشوف جماله يقول مشاءالله تبارك الرحمن 
فارس:انا بحبك أوى 
فاديه بكسوف:انا كمان بحبك 
فارس بضحك:يا وعدي يا وعدي 
فاديه:بجد حلوه يا فارس! 
فارس:لحد اللحظة دى مشفتش جمال زي جمالك ولا روح جميلة زي روحك انا عمرى ابتدا بيكي وهينتهي ليكي 
عادل:كنت خايف متجيش خطوبتي يا فارس 
فارس:عيب عليك ده انت اخويا الغالي 
عادل:مش تعرفنا بضيوفك
فارس:أغلى ما ليا فاديه 
عادل:تشرفنا بمعرفتك يا فاديه 
فاديه:بشكرك 
ياسمين بغرور:اي ده فارس هنا وخطيبته او اللى هتبقي خطيبته! 
عادل:تحبي يا فاديه تقعدي مع صحاب العروسه! 
فاديه:لا شكرا انا مرتاحه وانا مع فارس 
مسكت ايده كويس وحسيت باللمسه هو بصلي وحس بالامان اني معاه بشوف ده في عنيه بس طول الوقت بفكر مين ياسمين وليه فارس بيعمل معاها كده وليه البنت دي بتعمل الحركات دى قدام فارس! 
فارس:هجاوبك علي اسئلتك انا حاسس بيكي 
فاديه:اللي تشوفه 
فارس:بصيلي عشان اقدر اتكلم بشوف الدنيا في عيونك ياسمين دي كانت حب قديم بس والله يا فاديه ما عرفت طعم الحب غير معاكي هي قديمة وكلامها قديم انما انتي النجمه اللي انا قربت خلاص المسها انا اتولدت من جديد تقدري تقبليني طفل وتبقي بدايتي على ايدك! 
فاديه:قبلاك انت ابني من النهارده ميشغلنيش الناس
ياسمين:مش عارفه عاجبه فيها ايه يعني! 
توحه:دي حلوه اوى وفيها من فارس كتير 
ياسمين:لازم اعمل حاجه اخليه مكسوف قدامها
سلسبيل:هتعملي ايه يا مجنونه! 
ياسمين:اتفرجي
عادل:مبسوط اوى انك جيت يا فارس 
ياسمين:مش ناوي تغني يا فارس ده حتى صوتك حلو ولا مبقتش تغني لحد من بعدي ولا نسيت! 
لقيت فارس بصلي ومسك ايدي وباسها وقال يا جماعة انا هغني لفاديه حبيبتيَ صوتي زمان كان وحش دلوقتي بيلمع بوجود حبيبتي شفت ياسمين علي وشها علامات غضب ورجعت مكانها تاني وهي متعصبه اوى 
ممدوح:اتفضل المايك يا فارس ابدع يا صحبي 
وسط كل الناس مكنش بيبص على حد غيرى بدأ يغني ويقول(صدقيني انا عايز اعمل اي حاجه عشان ارضيكي
عايز ابقي حد يستاهل بجد يبقى ليكى 
كنت تايه واما شوفتك ابتدت احلامي بيكي) 
كنا بنرقص وهو عينه في عيني حبيته اوى ميزني عن الكل انا كنت ليه الكل في الكل بيشوفني كل مره وكإنها اول مره الناس كلها كانت بترقص وهو بيغني وسرحان في عيوني وحاطط ايده على وسطي لاول مره احس اني مش مكسوفه لاول مره احس بالامان وانا بين ايديه معتابتوش علي ماضي ليه لانه اصبح انسان جديد وانا من النهارده ملزومه بيه 
فارس:يا جماعة كلكم معزومين علي حفل خطوبتي بكره على فاديه اتمنى محدش يتأخر اه نسيت انتي كمان يا ياسمين لو حابه تيجى تعالي 

متنساش ان الرواية موجودة كاملة في قناة التلجرام والواتساب

↚
نانسي:اهلا وسهلا يا مدام سوسن ربنا يجعل ايامنا كلها فرح وسعاده 
سوسن:مكنتش اعرف انك حلوه اوى كده يا ام فارس ده انتي احلي من فاديه نفسها 
نانسي:حبيبتي كلك ذوق مفيش حد أحلى من عروستنا
زينب:ماما عايزة احط روچ و ايلاينر وبلاشر 
سوسن بضحك:كل ده يا زنوبه!امال فاديه هتحط اي!احنا عندنا عروسه واحده 
نانسي:تعالي يا زينب انا هحطلك 
فارس:انتي فين يا حبيبتيَ! 
فاديه:خلصت مكياچ لسه هلبس الفستان انت اللي فين! 
فارس:مش عارف يا فاديه تايه من غيرك الكام ساعه دول 
فاديه:بطل رخامه في الموبايل مش كفاية انت توهتني في نار الحب واقفل بقا عشان هلبس فستان الخطوبه دلوقتى مدام علياء جايه اقفل ومش تتأخر عليا عشان تيجى تاخدني بدري
فارس:حاضر 
توحه:علي صوتك شويه مش سمعاكي يا ياسمين مفيش شبكه خالص 
ياسمين:بقولك هتروحي خطوبه فارس وفاديه! 
توحه:اه طبعاً يا ياسمين هنروح مش جايه انتي ولا ايه! 
ياسمين:كفاية الإهانه بتاعت اخر مره مش هروح 
توحه:انتي غلطتي برضو مكنش لازم تقولي كده عمر الغيظ والحقد ما يكون مبرر لرجوع قلب مكسور مفيش حاجه بتتصلح حتى الكلمه المؤذيه صاحبها بيفضل فاكرها ومش بيتعافي منها لا من الكلمه ولا من الشخص اللي قالها 
ياسمين:عندك حق المفروض اعمل ايه دلوقتي!
توحه:تعملي اللي المفروض يحصل تروحي تباركي ومعاكي بوكيه ورد جميل زى قلبك يا ياسمين وافتكري دايما انك ممكن تقدمي حاجة للشخص اللي قدامك بفعل بسيط لو كنتي قاسيه عليه يمكن يغفرلك
ياسمين:خلاص سلام وهشوفك هناك 
توحه:اكيد 
زينب:ماما سوسن يلا هنتأخر علي الخطوبه القاعه بعيد يلا 
نانسي:ماما جهزت يا زينب! 
سوسن:انا جيت خلاص يلا بينا هنقفل بس الباب كويس ونخرج
فارس:خلصتي!يلا صحابي والناس كلها هناك وماما كلمتني منتظرين
فاديه:تعالي خدني زى ما أي عريس بياخد عروسته من عند الكوافير اطلع يا فارس ممكن! 
فارس:أجيلك أخر الدنيا وأروح بلاد وبلاد عشان خاطر عيونك يا فاديه أنا طالع أهو
قفلت معاه وقد ايه مش قادره أوصف فرحتي حبيت جميل مبقتش شايفه غيره ولا هحب حد قده شخص مالي عليا حياتى أخر اليوم يطمني واول اليوم بيشاركني فيه زى طفل ماسك في ايد مامته والله دايما أنا هعيش ليه 
علياء:ايه يا جميله شيفاكي سرحانه وانا بحطلك المكياچ هو شاغل بالك للدرجادي! 
فاديه بابتسامة:اه ده بابا اللي عوضني عن كل حاجه 
علياء:بس برضو يا فاديه متديش أوى قلوب الشباب ساعات ملهاش أمان
فاديه:أديله عمري كله ومترددش ثانية واحده قولتي بنفسك شباب انما فارس راجل فى نظري ونظر كل الناس 
فارس:الكلام الجميل ده ليا!انا بحبك أوى على فكرة واوعدك مزعلكيش أبداً 
فاديه بكسوف شديد وتوتر:مش تقول انك هنا يا فارس! 
فارس:حضرتك خلصتي!هي والله مش محتاجه الحاجات اللي انا معرفش اسمها دى ده القمر فى تمامه بس مقدرش ازعلها 
باس كف ايدي ونزل بيا ركبني في عربيته كان العربيه شكلها جميل والدنيا كانت ورد و ربيع بيفرح قلب العشاق هي اه خطوبه بس قلبي فرحان بيها ولو يخيروني بين الدنيا وفارس هختار نظره من عيونه 
فاديه:انا حلوه صح!عروسه حلوه يا فارس!هعجب الناس! 
فارس:مال الناس ومالهم بيكي ده انا هعيش عمري كله احمد ربنا عليكي انا شايفك بدر شئ غالى انا عايز طول الوقت أخبيه من عيونهم
فاديه:ربنا ما يحرمني منك يا حبيبي 
دخلنا القاعه واول عين أبصلها هي عيون ماما سوسن شوفت دموعها وهي بتبصلي وزينب أختي فرحتها متتوصفش شفت بسمه ماما وانا داخله من باب القاعه وايدي في ايد حبيبي والناس كلها شيفانا ومبسوطه بينا شفت أمي وهي بتبعتلي بوسه وهي قاعدة شافت ابتسامتي ليها شاورت علي فستاني وشكلي وقالت قمر لقيت فارس حط ايده علي وشي وفضل سرحان فيه وعينه بتدمع ولقيته بيقول سبحان الخالق المبدع 
ياسمين:انا بحب الاغنيه دى اوى 
توحه:رقصهم حلو اوى وهما كمان روعه عقبالي يارب 
ياسمين:تيجي نروحلهم! 
توحه:يلا
توحه:الف مبروك ليكم عقبال الليله الكبيرة يارب 
ياسمين:الف مبروك يا فارس اشوفك بالفستان الأبيض قريب يا فاديه يارب 
فاديه:عقبالك يا ياسمين وبشكرك علي وجودك النهاردة انتي وتوحه يمكن الحاجه الحلوه النهاردة انكم معارف فارس ومبسوطه عشان اتعرفت عليكم
حضنت ياسمين وقولت ربنا يفرحها ويعوضها بشخص جميل وحنين زى فارس اتمنى الناس كلها تبقى زيه 
فارس:تحبي أغنيلك يا فاديه! 
فاديه بحنيه ونظره حب:آه يا فارس 
فارس:حاضر يا قلب فارس 
بدأ فارس يغني ويقول 
" ايدي علي ايدك كده 
ميلي على حضني كده 
انتي وانا نرقص سوا 
ع الارض ولا ع السما! 
اه 
قلبي 
سامعه قلبي! 
وانتي خدك عليه! 
اه
سامعه كل دقه فاهمه بتقول ايه! 
سيبي روحك وارقصي
بين ايديا والمسي
حضني بإيديكي واضحكي
وعلى ودني ميلي واهمسي"
مكنش شايف غيري ولا بيبص لحد غير عليا حببني في الدنيا ايده علي وسطي وببص في عنيه وهو بيغني في بالي بقول اه يا ليل نفسي تطول اه يا ليل لو شوقي يوصله ويحس بيا والنهار يطول في الطلوع 
فاديه:نفسي اغنيلك انا كمان صوتي حلو 
فارس:غنى يا روح فارس 
غنيت قدام الناس كلها وهو متبت في ايدي وبيبصلي بنظره مليانه حب وكإنه يملك شيء عظيم غنيت وبدأت أقول_انا الليل عمرى غدربى اول ماشوفته الهوى دار بى
انا الليل عمرى غدربى اول ماشوفته الهوى دار بى
وقلبه طار واختار دربى شالنى ف عنيه واتغندربى
قولنا سوا ياجراح طيبى
حبيبــــــــــــــــى  حبيبــــــــــــــــى  حبيبــــــــــــــــى
حبيبى سيد روحى وقلبى سيدى انا وسيد كل الناس
مهما الزمان اتنقل بى شايلاه ف قلبى قمر وناس
ف شبابى عشقاه وف شيبى
توحه:عقبالك يا ياسمين 
ياسمين بندم:حلوين اوى وفارس اصلا يتحب وكمان فاديه صوتها حلو فرحان بيها اوى 
محمد:تسمحيلي بالرقصه دي يا ياسمين! 
ياسمين:اكيد طبعا 
الناس كلها سعيده وكإنها محبتش قبل كده ولا شافت جمال زى كده حطيت راسي علي كتف حبيبي وابتسمت اخيرا ماما كانت دايما تقولي ربنا يرزقك الزوج الصالح الذي لا يشقي بصُحبته أحد و اهو شفته اخيرا رزقكم الله حلاوه ما أذاقني بنفس الإطمئنان والشعور 
تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -