اقتحمت قوات الأمن البيت وفارس جري وراهم مقدرش يتحمل
واتفاجئو جميعا بتوبة محتجزة باخر غرفة متخدرة وملابسها ممزقة وفي كاميرا مراقبة مسلطة عليها بالغرفة ومن الواضح انها متوصلة بتليفون
فارس جن جنونه جري وشال توبة وفضل يهزها وهي غايبة تماماعن الوعي قلع الجاكيت وغطاها بيه وهو زي المجنون خايف ليكون جرالها حاجة
خرجو برة وبسرعة انطلقو بعربية فارس للمستشفى بصحبة آدم
وتم اصطحاب المتهمين للقسم بصحبة ظابط اخر
#بقلم_مرفت_السيد
الكل كان مهتم بانقاذ حياة توبة وبالمستشفى وبمساعدة ادم تم عمل الاسعافات لتوبة
كانت واقعة تحت تأثير مخدر وعلى جسمها اثار لتعذيب وكدمات
ادم طلب من الدكتور توقيع كشف طبي وكتابة تقرير بالحالة وهل تعرضت لاغتصاب ام لا
طاهر أجهش بالبكاء وهو حاسس بالعجز ولايملك الا الدعاء وعدي فضل يهدي فيه ويطمنه
فارس كان هايتجنن وبيتعصب على الدكتور وبيقوله: طمني عليها فوقها ولو محتاجة تتنقل اكبر مستشفى مايهمكش
الدكتور قاله: اهدا يااستاذ المستشفى هنا مجهزة والدكاترة على اعلى مستوى من المهنية واحنا مش هانقصر وبنعمل اللازم انت بس اهدا وشويه وهنطمنك
ادم سابهم واتجه للقسم لمتابعة سير التحقيقات مع قسمت واميمة
وفي القسم الظابط قال لقسمت: اظن من الافضل تنطقي وتحكي الي حصل
قسمت: انا مليش دعوة انا كنت مع اميمة ومعرفش انها هاتخطفها
المخبر لسعها قلم خلاها اعترفت بكل حاجة
انها خططت مع اميمة لخطف توبة وطلب فلوس وكانو هايصوروها باوضاع مهلة لابتزازها بكرة
واميمة قالت نفس الكلام انهم راحولها واستنجدو بيها انهم في مشكلة مع بلطجي ومحتاجينها وهي رفضت بالاول ومع بكائهم وتمثيلهم انهم. خايفين من الفضايح لاولادها
قالتلهم توبة انها هاتوصلهم للقسم التابع ليهم وتوصي عليهم الظابط هناك وبالطريق طلبو منها تركن عشان قسمت هاتنزل تشتري حاجة وحقنوها بمخدر وقسمت ساقت العربية لحد البيت الي احتجزوها فيه وهو بيت احد معارفها
وانها ضربتها لما فاقت وزعقتلهم خدروهاتاتي وضربوها وفتحو فونها ببصمة صباعها وبعتو منه رسالة لفارس
وطبعا متوقعوش يتمسكو بنفس اليوم وانهم اخدو كل التدابير
ادم رجع المستشفى استلم التقرير الطبي توبة كانت محتاجة علاج اكتر من 21 يوم ومتخدرة بمخدر قوي مرتين وجسمها مليان جروح وكدمات بس الغريب لادم وللجميع انها كانت عذراء ولم يلمسها احد
ادم نده على فارس وقاله ازاي عذراء وهي مراتك
فارس قاله: ارجوك دة شيء يخصنا
الدكتورقاطعهم و بلغهم ان توبة فاقت واخيرا
ولكن صعب استجوابها حاليا الا لما يتأكدو من استقرار حالتها
فارس جري وحضنها بكل حب الدكتور طلب منه يبعد وبعد ماخلص كشف قال انها مستقرة ومفيش قلق بس هاتفضل محتجزة كان يوم لحين التماثل للشفاء
ادم قال اناهامشي والحمد لله انها فاقت يافارس بكرة هاجي استجوبها
فارس قالها انا اسف ياتوبة حقك عليا
طاهر دخل وحضنها وفضل يحمد ربنا
توبة كانت بتبتسم بألم وبترد بصعوبة انها كويسة
↚
عدي: حمد الله على السلامة ياتوبة
طاهر: الحمدلله اللهم لك الحمد
فارس: عمي ارجوك روح ارتاح وطمن الجماعة انا بايت معاها متقلقش
طاهر وافق بعد الحاح وروح وطمن امها واخواتها ومنعهم بالعافية عاوزين ينزلو يتطمنو عليها قالهم فارس بايت معاها والدكتور طمنا بكرة كلنا نروحلها
وعدي حكى لاخواته عن الي حصل وكانو هايتجننو من تمادي امهم بافعالها
تاني يوم العيلة كلها قضت طول اليوم بالمستشفى مع توبة الي كانت بتتحسن وفارس قاعد جنبها وهايتجنن عليها
وقسمت واميمة النيابة امرت بحبسهم15 يوم
ومحدش من أولادها راح او بعتلها محامي ولاحتى بنات قسمت سألو فيها
ادم جه واخد اقوال توبة وزمايلها بالشغل كلهم جم اتطمنو عليها
وبعد 3 ايام الدكتور كتب لتوبة على خروج
وفارس صمم انها تطلع شقتها وهو الي هايخدمها بنفسه
وردة قالت: لا يابني انت تروح شغلك الصبح انا جنبها واخواتها كمان وانت بالليل معاها ياحبيبي
سامر قال: واحنا ملناش دور يعني ياجماعة انا حاسس اننا بناكل من ايد. مرات عمي وبناتها ولو حصل حاجة عمي وفارس بيسدو واحنا ذاكرو ذاكرو وبس
تالا: الحال من بعضه يارب الدراسة تموت
سامر بصلها وابتسم وقالها: يارب
ابتسمت بخجل والكل ضحك
وبعد مارجعو بيتهم فارس شال توبة حتى بالاسانسير😁 لحد سريرها وخرج وساب امها واخواتها يغيرولها هدومها
واجتمع باخواته وقالهم: امكم عملت مصيبة التحقيقات بينت بلاوي دي كانت هتجيبلها واخد يغتصبها وتصورها
امير: انا باعتبر امي ماتت
عدي': ربنا يهديها
طاهر قالهم: الاهم ان بنتي بخيروامكم هتاخد. جزاءها
تعالى يافارس انا عاوزك لوحدنا
ودخل بيه الصالون فارس قاله: انا عارف ياعمي انت عاوز تعرف ليه توبة عذراء
طاهر: ايوة في إيه
فارس: انا هحكيلك كل حاجة
وبعد مافارس حكاله طاهر قاله: طالما التأجيل برغبتكم وبالاتفاق محدش يقدر يتدخل
فارس: دايما برتاح بالكلام معاك
طاهر: ربنا يقدم الخير باذن الله
تالية وهي راجعه من الكلية شاب بيعاكسها عدي شافه ومسكه ضربه علقة موت وطلب منها تطلع ومتحكيش لحد
تالية جريت على شقتهم وهي مرعوبة ومستغربة من شجاعته
وبعد مرور اسبوع توبة كانت بدات تتحرك وزمايلها زاروها واتطمنو عليها في البيت وفارس كان موجود والكل لاحظ اهتمامه الزايد بتوبة وزمايلها فضلت واحدة منهم اسمها منى تبصله باعجاب وتوبة اخدت بالها
منى قالتلها يابختك جوزك بيحبك ومهتم بيكي
هالة: ياللا بينا البنت مش ناقصة عنيكي دي متدمرة لوحدها احنا هنمشب ونسيبك ترتاحي
توبة ضحكت وقالتلهم: نورتوتي ياجماعة
بعد. مامشيو توبة قالتله بعصبية: لما حد يجيلي من صحباتي او زميلاتي متقعدش معانا
قالها: اخواتك بالكليات ومامتك بتعمل الغدا مينفعش اسيبك وانتي كدة
قالتله: انا قولتلك وخلاص
قرب منها وقالها: بتغيري عليا
قالتله بعصبية: لا انت مجنون ولاايه
حضنها وقالها: انا بحبك ياتوبة
ابتسمت لنفسها وبعدت عنه وقالت وهي قلبها بيرقص من السعادة وبتخبي: انت رايق
قرب منها وقبل جبينها: انا لازم ارجع شغلي خلي بالك من نفسك هبعتلك مرات عمي
ومع انصرافه رمت توبة نفسها بسعادة على السرير
عدا اسبوع كمان وتوبة اتحسنت وكانت بتنزل لابوها والكدمات قربت تختفي
وفي يوم وهي نازلة على السلم لانها حبت تمشي رجلها قبل ماتوصل لدور الي فيه ابوها سمعت فارس. وهو خارج من الاسانسير داهل شقة اخواته وبيتكلم بالفون
والي سمعته قلب كل الموازين وشل تفكيرهامن الصدمة
متنساش ان الرواية موجودة كاملة في قناة التلجرام والواتساب
↚
الي سمعته خلاني ارجع شقتي وامسك دماغي الي هاتنفجرمن التفكير
ربع ساعة وسمعت صوت خطواته بتقرب جريت على الحمام وقفلته عليا كعادتي لما باخد شاور
وفعلا قررت اخد شاور وافكر بالراحة زي مااتعودت باحب اسمع واسكت وافكر قبل ماقرر
خبط عليا قولتله لسة داخلة اخد شاور
قالي: انا هاغير ونازل المطعم
قولتله تمام
: عاوزة حاجة
لأ
شوية وسمعت صوت الباب
نزلت البانيو وانا بافكر والف سؤال في عقلي وفضلت استرجع الي حصل من لحظات
كان بيتكلم بالفون وبيقول:
ايه يابنتي هعملك إيه ماانا بحاول معاها دي كلفتتي عربية هدية بس بدأت تميل وانا بحاول مع اخواتي كمان
امال نسيب ورثنا للجمعيات لمجرد ان ابويا دبسنا في بنات عمي
انا لو رفضتها وقت الجواز كان مصيري هايبقى زي امي كان لازم اوافق وانا قلبي معاكي ومع عمر ابني
اصبري بس انا لما انزل هكلمك وافهمك سلام انا هاتطمن على اخواتي وطالعلها سلام
وفضلت افكر وبالنهاية وصلت للحل ابتسمت لنفسي
وقمت لبست ونزلت لبابا واخواتي جمعتهم وقولتلهم: قبل مااقولكم عاوزاكم ليه
عندي سؤال لبابا ولكل واحدة منكم
بابا: خير في ايه قلقتيني
: بابا اسمعني الأول ومتقلقش مفيش حاجة خطيرة
هل لو كنا على وضعنا السابق في ىشقتنا القديمة وبنفس ظروفنا الي كانت من سنة تقريباً هاتفرق عند حد منكم
او هل لو مفيش واحده منكم حصل منها قبول لولاد عمناوانا كمان سبت فارس ورجعنا بيتنا زي ماكنا هاتفرق معاكم ارجو كل فرد مننا يرد ويقول بصراحة الإجابة الي هو مقتنع بيها
كانو بيبصو لبعض باستغراب ولكنهم عارفين دماغي مش سهلة واكيد ورا سؤالي حاجة
بابا قال: انا عارف ان في غرض ورا كلامك بس هابدأ انا واجاوب وبالمرة احسم حكاية الورث
شوفو يابنات وانتي ياوردة
عمري مااتمنيت فلوس ولاسكنة عالبحر انا كنت قانع بيكم وباستقرارنا الاسري انا عقليةمن يوم الي حصلك ياتوبة واقف مقدرتش احميكي مرتين رميتك عشان ارضي اخويا لابنه ومااهتمتش انك تحبيه بقدر اهتمامي انك تربيه
انا سبب الي حصلك ومش هاكرر غلطتي مع اخواتك ولو عليا عاوز أرجع تاني لبيتنا وترفضو اي جوازة مشروطة ولو في يوم واحدة منكم حبت ابن عمها يبقى بارادتها وارادته وانتي ياتوبة لما عرفت انك عذراء قلبي برد مازعلتش كل يوم بتفاجئيني انا اسف اني جوزتك لفارس واسف اني وصلتكم للوضع دة بس كنت فرحان بلمة العيلة والحمد لله قاعدين هنا بفلوسنا
مفيش اغلى منكم ولامليون لكل بنت ولاعشرة يسوى اشوف بنت منكم تعيسة بحياتها انا اسف ليكم وعنيه دمعت
قمت بوست ايده وكذلك اخواتي وامي
قولتله: بابا احنا ملناش غيرك انت مغلطتش ولاغصبتني انا مسامحاك ياحبيبي انا غلطت لما وافقت بس حبيت اكون سبب ان حقك يرجعلك
بابا قبل رؤوسنا كلنا واحتضننا وقال لاخواتي ردوا على سؤال توبة يابنات انا كمان عاوز اعرف
متنساش ان الرواية موجودة كاملة في قناة التلجرام والواتساب
↚
تالية قالت: انا عاوزة اعترف اني كنت بدأت اطمع بالفلوس وكنت هاوافق على اي حد بولاد عمي بس رجعت وقولت لنفسي توبة رفضت فارس يلمسها برغم اغراءات الفلوس وانا لسة قدامي مستقبل هكمل دراسات عليا بعد التخرج ونفسي الف العالم انا وتالا ايه الي يربطني بزوج وخلفة وانا لسة باقول ياحياة رظا على سؤالك ياتوبة اينعم دي شقتنا بفلوسنا وممكن تبقى مصيف او نبيعها ونشيل فلوسها بس انا معنديش مانع نرجع وانا مش هاتجوز دلوقتي ولاحتى بعد سنة ولاسنتين لما احقق طموحي واقابل الي يحرك مشاعري ابن. عمي بقى او غيره لسة بدري
ابتسمنا كلنا لكلامها
تالا قالت: انا مش هكدب عليكم انا عجبني سامر ولكن دة قدي بالسن وانا نفسي بفلوس افتح مكتب ولكن استقرارنا كعيلة بكنوز الدنيا كلها وانا معاكم بكل قرار بالاجناع وبدون ندم طبعا
تمارا قالت: ايوة انا عاجبني امير برضه ولكن جواز ايه دة دلوقتي اينعم اي حد يتمنى الفرصة دي والعيشة هنا ولكن انا الي اختار محدش يختارلي احنا اتربينا كدة انا فامرة ان نرة شلطت بمخل ملابس بفستان اخضر وجاكت موف وجزمة صفرا وماما قالتلي هاجيبهملك عشان يبقى اختيارك ومترجعيش تقولي انتو اختارتو على ذوقكم😁 وحصل وندمت بس كنت جوايا طايرة اني اخترت بنفسي الخلغصة احنا في اي مكان مش هتفرق المهم اننا سوا وياريت يبقى هنا عالبحر 😂
ضحكنا من. كلامها وعقلها الي سابق سنها
قمت حضنتهم كلهم وبابا كان فخور بينا وعنيه بتلمع من الفرحة
قلت: وانتي ياست الكل
ماما: عاوزة اشوفكم مبسوطين وبس والمهم حياتكم تبقى برضاكم ومن اختياركم ليل نهار بادعيلكم
كلنا بوسنا ايديها
بابا: ياترى بقى وراكي ايه ياتوبة
ابتسمت وحكيتلهم كل الي حصل من يوم مااتجوزت فارس لحد الي سمعته وقراري مرتبط بقراركم عشان كدة خبيت اعرف رأيكم
ماما بحزن: وازاي ياتوبة سألتي عنه عن طريق معارفك ومعرفتيش المصيبة دي
: اكيد عرفي ياماما وانا من بكرة هجيب خلاصة الموضوع دة ولكن احنا كدة متفقين ومرتاحين لقرارنا برفض الزيجات دي لاني هاتطلق ومش هكمل اما ياقمرات بالنسبة لاقامتنا هنا نبيع ونشتري بمكان تاني عالبحر برضه المهم نشتري راحتنا
بابا: طيب فهمينا هتعملي ايه
زي ماهو استغفلني هاغفله وهادفعه تمن كدبه وخداعه لازم يعرف مش انا الي يلعب عليا وفين حق القرابة اخواته الي اصغر منه طلعو انضف منه ورأيهم مش مختلف غن رأي اخواتي
بابا: الي انتي عاوزاه احنا معاكي فيه
ماما: من بكرة الشقةةدي نعرضها للبيع ونعرفهم اننا رافضين الجوازات دي وانتي ياتوبة هاتيجي معانا من النهاردة مفيش بيات فوق
قولتلها: لاياامي سيبوني معاه لازم ابرد ناري وادوقه من نفس الكاس
تمارا: ربنا يستر عليه😅
↚
بابا: خلي بالك من نفسك اي حاجة يابنتي تحت رجليكي
متقلقش عليا ياحاج دة انا هاوقعه بشر اعماله
ارتاحو النهاردة وبكرة هانبدأ ننفذ اتفاقنا أعرض الشقة وقول لاولاد عمي ان البنات رافضين الاسلوب دة وسيب الباقي عليا انا هعرف اخلص موضوعي
وفعلا طلعت الشقة وبدأت انفذ خطتي
حضرت كل حاجة وعملت فون لحد من معارفي اتبعتلي برنامج بمجرد مااحمله عنده فونه هايبقى عندي
وبكرة كل معلومات عن ابنه هاتكون عندي
وعملت كوباية نسكافيه وقت رجوعه قرب ولازم استعد
اتصل بيا قبل رجوعه طلبت منه بكل دلع يشتري تورتة شيكولاته وهو جاي ويجيبلي هدية على ذوقه
🙂
قبل ماييجي طفيت الانوار وظبطت كل حاجة وفقا لخطتي
اول مادخل اتفاجيء بالضلمة وبانوار خفيفة ضحك وقال: توبة انتي فين
ضحكت وقولتله انا هنا يابيبي
وهو جاي عالاوضة في الضلمة اتخبط في الترابيزة الازاز وسمعت تكسيروخبط وتأوهاته
كتمت ضحكتي وخرجت مخضوضة: ايه الي حصل نورت النور لقيته بينزف من رجله ودماغه مفتوحة
قالي انا باجري عليكي دخلت في الترابيزة معرفش ازاي
معلش يافارس ياللا عالصيدليةجرح رجلك صعب
قالي خليكي انتي اي حد. من اخواتي يوصلني
لا هاندهلك بابا
سندته وندهت بابا طلع سنده وراح معاه وهو بيبصلي بصة انه فاهم ان دة بسببي بس، سأل ايه ده في ايه
وقعت عالترابيزة واناماشي بالضلمة ياعمي
اخواتي طلعولي وانفجرو من الضحك
قلتلهم انزلو قبل مايرجع ولسة هو لسة شاف حاجة
طلعت فونه الي وقع منه لما اتخبط وانا لما خرجت خبيته وهو مشغول بالي حصله
وبسرعة فتحته بطريقتي وحملت عليه برنامج هكر
فتحت الواتس بتاعه وشوفت كلامه معاها ومع غيرها كان حريص وبيأرشف اي شات مش بيمسحه تحسبا اني اشوف فونه دخلت الارشيف واخدت سكرينات بكل خياناته
ورجعت فونه زي ماكان
#بقلم مرفت_السيد
اتصلت ببابا اتطمنت انه بيخيط جروحه
ساعة ورجعو دخل تعبان ومتخيط ومرهق وبيعرج من الكدمات 😂
سندته لحد السرير وقولتله انا اسفة
قالي لا ياقلبي مش ذنبك
شاف الجو الي كنت محضراه بالاوضة واللانجيري الي كنت لبساه زعل انه الليلة باظت 😅وقالي مفاجأة تستحق انا اسف اني بوظتلك التحضيرات
اتظاهرت بالحزن والخجل
حضرتله العشا على السرير ومن اول لقمة بدأ يشرق ويسعل وانا ناولته المية طلب معلقة سكر جريت جبتله ملح صرخ اكتر وانا مش فاهمه قالي دة ملح جريت جبتله سكر واخيرا
قالي بعد عذاب الاكل نااااار وانا مبحبش الشطة
معلش يافارس انا اكيد نسيت حقك عليا
وعيطت فضل يطبطب عليا ويواسيني
عملتله كوباية عصير لا متقلقوش كوباية عادية😂 بس فيها منوم🙂
شرب ونام زي القتيل وانا قومت رقصت واكلت التورتة 😅 وسهرت على فيلمي المفضل واتصلت طمنت بابا عليا
قالي طمنيني عليه هو😂
متخافش نايم 🤭
حسيت بارهاق من مجهود النهاردة واستسلمت للنوم
طبعا لسة مخلصتش حقي وبكرة هايشوف العقاب الحقيقي
متنساش ان الرواية موجودة كاملة في قناة التلجرام والواتساب
↚
طبعاً تاني يوم فضل نايم انا روحت شغلي اسلم على زمايلي واخد التقرير بتاع جوازة البيه ورجعت كان لسة نايم فونه رن من اخوه عدي رديت وقولتله انه نايم بسبب المسكن وحكيتله الي حصل
وقولتله يكلم باسم بالمطعم ويبلغهم انه هايرتاح النهاردة
وقبل مايصحى مسكت فونه وبعتت رسالة لرقم الحلوة الي متجوزها عالواتس قولتلها هي غارت قي داهيه تعالي كمان ساعتين اكون ظبطت حالي قضي اليوم معايا
هي طبعا استغربت حاولت اقلد اسلوبه بالكتابة واقنعتها انه هايعترف بجوازهم وبابنهم والي يولع يولع
وهي ماصدقت اصلاوفرحت
وبعد ماخلصنا كلام مسحت الشات وقفلت فونه خالص
انا كنت عرفت عنوانها وتفاصيل علاقتهم وكل حاجة اضطريت اطلب من هالة طلب هي تقدر تنفذه بما انها ليها علاقة واحتكاك بالمخبرين وتقدر تطلب منهم اي حاجة
بابا كلمني انه عرض الشقة خلاص وهو واقف مع السمسار عدي شافه وسأله وبابا قاله انه لازم يبعد بما ان البنات رافضين الجوازات دي وانه هايرجعلهم الشقة ولازم يبعد. منعا للحرج لما الوجوه تتقابل عظي خاول يقنعه يفضل حتى لو مش هيحصل جواز بس بابا قاله كدة افضل واكيد عدي قال لاخواته والوحيد الي معرفش لسة فارس
قولتله تمام كدة ومتنساش يابابا تسيب باب العمارة متوارب بعد نص ساعة وقفلت معاه
فارس بدأ يفوق اقنعته انه بسبب المسكنات والارهاق وحضرتله ياكل وانا باحسب الوقت
جاتلي رسالة من هالة انه كله تمام وحصل
ابتسمت وقلت لفارس على موضوع بيع شقة بابا
فارس باستغراب: ليه كدة
صدقني معرفش انا اتفاجئت وبابابيقولي بارفع الحرج عن ولاد عمك وبناتي
فارس: خلاص لو مصمم اشتريها منه بس بلاش حد غريب ييجي وسطنا
ابقى كلمه وشوف
واحنا بنتكلم جرس الباب رن
قمت افتح لقيتها هي أميرة مراته وابنه بصتلي باستغراب كانت عنيهامدمعة
قولتلها مين حضرتك
ولانها نفسها اني اعرف والعالم كله يعرف قالتلي انا عاوزة فارس
: ايوة اقوله مين
قوليله: مراته وابنه
افندم انتي دخلتي العمارة ازاي
: لقيت الباب مفتوح لو سمختي اندهيلي جوزي
انتي جاية تهزري الحق يافارس
هو طبعا كان سمع وجه جري فتح بقه من الصدمة
قولتله؛ مين دي انطق
وهي بتقوله قولها
وهو فقد النطق
وانا خرجتلها برة وعليت صوتي بكل بجاحة جايالي بيتي
وعي بتقول: انا زيي زيك
الحقني يابابا الحقوووني
الكل طلع يجري وفارس قعد عالسلم وهو مصدوم
قالها انتي إيه اللي جابك
قالتله: انت كلمتني اجيلك وقولتلي انك مشتها وانك هتعترف بجوازنا
طبعا كان بابا واخواتي وولاد عمي طلعو وسامعين الحوار
قالها انا دة امتى دة
وفتخ فونه ملقاش حاجة
قالها وريني فونك قالتله اتسرق
🙂🙂🙂 طبعا دة تخطيطي وتنفيذ معارف هالة
فارس بصلها بغيظ
انا اترميت بحضن بابا
الي قاله هي حصلت تجيبلهاستات لحد بيتها ياابني
سامر: ايه دة يافارس مين دول
ردت هي: انا مراته عرفي من سنتين ودة ابنه الي خاف يعترف بيه بسبب ابوكم الله يرحمه
عدي: الكلام ده بجد يافارس
↚
بابا: رد يامحترم انت بتستغفلني مفكرني طيب مقدرش اخد حق بنتي
فارس بنفاذ صبر: ايوة مراتي ودة ابني
ماما كدة خلصت ومش بناتنا الي يتغدر بيهم
فارس ياجماعة نتفاهم بالعقل
بابا مفيش عقل توبة عاوزة تعيشي معاه
ايه يابابا السؤال دة لأ طبعاً مستحيل
بابا: طلقها والا بشرفي هاعرف اخد. حقها منك انا عامل حساب القرابة
فارس: لا ياعمي انا باحب توبة
بابا ضربه قلم وقاله متقولش عمي انت عاوزها عشان الفلوس انت تستاهل تتحرم من ورث ابوك فعلا
اخواته واقفين زعلانين امير قال: عمي عشان خاطر الدم ورحمة اخوك تدخل نتفاهم
دخلنا بس بابا اصر يتصل بالمحامي عشان يشهد عالي بيحصل
وفعلا جه وحاول يحل المشكلة بس انا وبابا اصرينا على الطلاق
وفعلا بعد تصميم اتطلقت واتفقنا اخد قايمتي وعشان خاطر عمي اتنازلت عن المؤخر لاني عارفة انه لايملك هذا المبلغ ابدا
وقبل مانقوم من. مكاننا
طبعا اميرة قالت بفرحة للمحامي: استنى يااستاذ فارس هايتجوزني
فاىس ضحك بسخرية: اتجوزك بعد لعبتك دي امشي اطلعي برة
قالتله: دي اخرتها بتطردني انا الي خططت معاك وصبىت عليك دةانت اتجوزتها عشان ابوك مايحرمكش من الميراث وكنت بتمثل عليها الحب
فارس شدها برة ورماها في الشارع واخد منها الطفل وسابها تصرخ وتعيط
بابا قالي ولاخواتي خدي شنطك على تحت ونزل جاب عربية ونقلنا العفش بتاعي على شقتنا القديمة
وبص لفارس واخواته وقالهم:اسمع يالستاذ واشهد انا مش هاجوز بناتي لأي حد من ولاد. عمهم وتوبة اتطلقت وادي عقد الشقة الي اخويا كتبهالي مش عاوزها كدة احنا هنا في شقتي لحد ماتتباع وهانمشي
لو احتجتم حاجة انا لسة عمكم وانت يافارس يابني الفلوس متعوضش عن صلة الرحم والدم والزوجة الصالحة كنز هو دة الكنز الي بجد
فارس: انا اسف ياعمي
طاهر: ربنا يسامحك انا بنتي عندي اغلى من حياتي اعتذرلها هي
عدي: عمي طز بالفلوس ارجوك متتخلاش عننا انت كبيرنا
طاهر: انا موجود بابي هايفضل مفتوحلكم
سلام
ونزل وسابهم
فارس للمحامي: يااستاذ محمد احنا كدة خلاص ملناش ورث
المحامي: عدا شهرين بعد 10 شهور نتكلم سلام ياجماعة
عدي: كدة عشان الفلوس تصغرنا وتطلع متجوز ومخلف وعشان الفلوس رامي ابنك وظالم بنت عمك وبتمثل عليها الحب عشان الورث
سامر: لا وكمان رمى ام ابنه وخد ابنه الي مش كاتبه باسمك يااخي كنت استرجل واقف لابوك بدل ماتتجوز بنت عمك غدر كدة وتظلمهاوتظلم مراتك الاولى
فارس انا غلطان اني كنت عاوز احافظلكم على فلوس ابوكم بدل ماهتروح للجمعيات
امير: ونجيب اب ولاعم بفلوس بقى
فارس : سيبوني لوحدي وخدو معاكم الولد انا تعبان عاوز ارتاح
نزلو وسابوه ولسة بيقعد عالارض لان الشقة فاضية بس كان همه يرتاح ويفكر بالراحة
لقى اخواته بيندهو عليه
سامر: الحق بسرعة يافارس........
متنساش ان الرواية موجودة كاملة في قناة التلجرام والواتساب
↚
اميرة عملت محضر بالقسم بخطف ابنها وفارس مطلوب القبض عليه
فارس اتصل بالمحامي ودفع فلوس لامين الشرطة عشان يرجع يقول ملقاهوش لحد مايتصرف
طاهر كان شايف وسامع الي بيحصل من البلكونة ودخل قال لبناته: ام ابنه عملتله محضر خطف
وردة: الولد دة مش كويس
توبة: خلاص اهو راح لحاله خلينا في حالنا
طاهر: ايوة كفاية الي حصلك بسببه مرة سحر ومرة خطف دة حلال فيه الي عملتيه فيه
تالا بضحك: مش قادرة انسى منظره وهو داخل قي قطر ونازل بيعرج ووشه مليان دم
تمارا: يستاهل دة طلع ابن اميمة بجد نسخة منها😁
توبة: المهم يابابا عاوزاك تصبر على بيع الشقة شوية انا بحب الشقة دي وفيو البحر وبالغلاء دة صعب نلاقي شقة بتفس السعر واحنا محدش يجرؤ يقربلنا احنا في ملكنا
تالية: بصراحة كمان ولاد عمي ملهمش ذنب بافعال امهم واخوهم
طاهر: تمام الي تشوفوه بس المهم توبة هتقدري تشوفي فارس بابنه ومراته قدامك
وردة: ازاي يعني مراته هتعيش هنا بعد الي حصل
طاهر: هايتصالحو ياوردة وهايتجوزها عشان يلم الليلة وهاتشوفي
توبة: فعلا يابابا دة هايحصل بس ردأ على سؤالك انا اقدى اشوفهم واتعامل معاهم كمان انا عمري ماحبيته ممكن بلحظات معينة انجذبتله بس كتر البنات الشمال الي كانو حواليه كان مقلق معرفتش ارتاح واحس باستقرار معاه عشان كدة ميفرقش معايا بالمرة والا مكنتش طلبت نفضل هنا
تالا: حبيبتي ربنا يسعدك ويعوضك خير
تمارا: انا عاجبني الظابط ادم دة اتجوزيه شكله بيحبك 😁😁
طاهر: يابت اتلمي اعملي حساب اني قاعد
توبة: ربنا يخليك لينا ياحاج انت صاحب قبل ماتكون اب
وضحك والكل ضحك وكالعادة الحب والسعادة والصراحة الي بينهم
وفعلا تم التصالح بين اميرة وفارس وتم الزواج وفارس كتب الولد باسمه ورجعت معاه البيت ولانها مطلقة قبل فارس كان.عندها عفش وهي عندها ميراث بسيط من ابوهامن فرحتها اشترت بعض الاثاث الناقص وفرشت شقة فارس وعاشت فيها معاه ومع ابنهم
توبة رجعت شغلها بعد. مااستردت عافيتها وحريتها
وادم كان سعيد جدا بعودتها وكان اسعد بخبر طلاقها وكان بيتقرب ليها بس بشكل غير مباشر لانه عارف انها خارجة من تجربة سيئة جدا
وباقي اولاد العم وبنات طاهر مع اقتراب نهاية العام الدراسي كانو مركزين في اقتراب الامتحانات
طاهر بطيبة قلبه كان بيوفر لبناته جو هادئ للمذاكرة وكذلك اولاد اخوه سامر وامير
فارس كان مش بيظهر من كتر احراجه وكان بيعامل مراته وحش لانه شايف انها ضيعت منه فرصة الورث
واخيرا بدأت الامتحانات والبيت اصبح بحالة طواريء
لحد مالامتحانات خلصت والكل بحالة قلق بانتظار النتيجة
وبحالة فرح لما ظهرت النتيجة كالعادة بنات طاهر من الاوائل واولاد عثمان نجحوا ودة المهم 😂
عدت الايام روتينية كالعادة لحد ماجه اتصال لطاهر من المحامي بيطلب منه هو واولاد واخوه وزوجته وتوبة يجتمعو بشقة عثمان وهو قادم الساعة 6 للأهمية
توبة قالتله: بسرعة كدة عدت سنة يابابا
طاهر: الايام بتجري انا هاروح ابلغ ولاد عمك
وتاتي يوم بالميعاد المل كان موجود كانت ازل مرة بعد طلاق توبة وفارس يتقابلو حتى اخواته من شهور مش بيتطمن عليهم ولا بيسال فيهم
توبة وامها وابوها قاعدين جنب بعض واخوات فارس بالجهة المقابلة وفارس لوحده كان بيختلس النظرات لتوبة الي كانت متجاهلاه تماماً
بدأ المحامي يتكلم وطلب من الكل يبلغوه هل حصل اي تطور بعلاقاتهم ببعض
هل تم زواج من ولاد العم وبنات العم
الكل اجابه لأ
قال: تمام دلوقتي انا معايا ظرف اخير من ضمن الوصية المرحوم قال يتفتح بعد مرور السنة المهلة
ظرف للجميع انا هاقراه:
وحشتوني وعارف اني وحشتكم
اولادي الاعزاء اخي الغالي توبة بنتي التي لم انجبها ووردة اختي الجميلة اقرو الفاتحة على روحي الاول
وبعد قراءة الفاتحة المحامي كمل: قلت بوصيتي الاولى ان ولادي يتجوزو بنات طاهر اخويا وفي حالة دة محصلش محدش هايورث فلوس وهاتبرع بيهم للجمعيات الخيرية
لو تم الزواج والانجاب كل واحد يستلم نصيبه لكل من نفذ الوصية
الي مانفذش كلامي من اولادي يبقى مفيش ميراث اشتغلو واتعبو في الشركة وقفوها على رجلها امشو المشوار بنفسكم انا تعبت بحياتي ولولا امكم وسلوكها المشين وتربيتكم الغلط. كنت اعتمدت عليكم وعاملتكم كرجال
دلوقتي كلامي لطاهر اخويا حبيبي خد بالك منهم قومهم بمااستطعت من قوة كل بنت من بناتك هاتاخد مليون لانهم بناتي اتجوزو ولادي او لأ ربنا يحفظهملك
وردة انا بكل الاحوال هاهديكي مليون بكل الاحوال سواء بناتك اتجوزو ولادي ولا غيرهم لاني عارف ان طاهر هايرفض شيليهم للزمن انتي تعبتي كتير من افعالي انا واميمة وعارف انك هتسامحيني لانك طيبة
#بقلم_مرفت_السبد
توبة بنتي الي اتمنيتها تكون بنتي فعلا
دلوقتي وصيتي الفلوس كلها او نصيب الي متفذش وصيتي على حسب دول باسمك في حسابك
قبل ماتردي فاكره يوم مااتكلمنا على الدور الارضي انا وافقت على فكرتك و هاتتنفذ افتحيه مطعم وكافيه وسميه لمة العيلة واولادي هايشتغلو معاكي بحوار شغلهم بالشركة
هاتصرفي على المشروع زي مايتكلف والباقي بحسابك يروح لاولادي بحالة التزامهم بالشغل والجواز
انتي المسئولة الي منهم ماتجوزش من اخواتك لازم يتجوز بنت بنفس تربيتك انتي واخواتك واخلاقكم ودة دورك تنفذيه ومن الارباح تتبرعي كل شهر لاعمال الخير
فاكره لما اتكلمنا سوا على انفراد اظن عرفتي ليه عملت كدة
محمد المحامي دي وصيتي ومش هاقبل اعتذار وبحالة رفض توبة افتح جمعية خيرية وحط فيها فلوسي
تمت الوصية
فارس اعترض: ازاي دة توبة تاخد حقنا
المحامي دي وصية واجبة التنفيذ توبة شبه وصية عليكم
الكل بيتكلم وتوبة ساكتة طاهر قال: ياللا يابنتي نتناقش في بيتنا
توبة قامت وبكل عزة نفس: لا يابابا استاذ محمد
ولاد عمي انا قبلت الوصية والي مش عاجبه يرفع قضية
المحامي: الصبح تقابليني في مكتبي لاتمام الاجراءات
وانصرفت توبة مع ابوها واجتمع الاشقاء ولكن لافائدة واتفقو اخيرا ان دة احسن من خسارة الفلوس زي ماهددهم من سنة بوصيته الاولى
وبالفعل توبة نفذت الوصية واصبحت وصية عليهم
وافتتحت المطعم والكافيه وولاد. عمها معاها حتى فارس بيشارك على مضض وتوبة كانت بتحافظ على كل مليم وبتكتبه وبتعاملهم بما يرضي الله
ويوم الافتتاح ادم تقدم لطاهر وطلب ايدها ووافقت
متنساش ان الرواية موجودة كاملة في قناة التلجرام والواتساب
↚
بعد مرور 4 اشهر
فارس طلع لمراته وهو شايط دخل رزع الباب وقالها: انتي ياست
جت جري من المطبخ: في ايه خضتني😒
مفيش جهزي نفسك فرح توبة بعد بكرة اخواتي لسة قايلين وبيفكروني وهايتعمل بالمطعم تحت
اميرة: اااااه ودة الي مزعلك يعني
فارس'لا طبعا بتخرفي ولاايه انا زعلان عالفلوس الي بقت هي المتحكمة فيها وانها هاتسكن هنا
اميرة: طب واحنا نحضر ليه
عشان ياناصحة مينفغش ابان اني مش طايقها لازم نتعامل بشكل طبيعي لحد مصلحتي ماتخلص وانتي لازم. تظهري بشكل محترم عشان اخد نصيبي والا هاضطر اتجوز واحدة محترمة عشان الفلوس كفاية الشقة الي اتباعت برخص التراب وكل ولد فينا اخد 100 الف بس
اميرة بانفعال: ووافقت ليه ياناصح انها تسكن هنا هي وجوزها
وبعدين عيب عليك انا محترمه وانت عارف والا مكنتش صممت انك تتجوزني وعند. محامي وبعلم اهلي وماشفتش مني حاجة وحشة انا ام ابنك
فارس كان بيداعب ابنه ومتجاهلها
قالها: شششش بطلي صياح انا داخل انام
دخل ينام بس في الحقيقة كان عاوز يقعد. لوحده فضل يفتكر ذكرياته مع توبة وليلة جوازهم وشهر العسل مش قادر يمنع نفسه من الندم عليها بس الجشع كان اقوى قال لنفسه حتى لو انا غلطت. ايه يعني لما احب الفلوس بس دة كان في اول جوازي منها انا فعلا حبيتها
توبة اغلى بس صعبة كل شهور الجواز دي وهي رافضة تقرب مني
انا كداب ودة حقها بس كنت باتغير
خبيت عليها جوازي لاني متورط في ابني مقدرش اسيبه
لو هي بس كانت ادتني فرصة تانيه لو حسيت بحبها كنت بعت العالم واشترتها حاسس بنار بقلبي هاتتجوز غيري هايلمسها وهايشم عطرها هايشوف ضحكتها ويحس باحساسي لما كان شعرها الطويل يلمس وشي
اه ياتوبة
بقلم_مرفت_السيد
في منزل طاهر التحضيىر للزفاف على قدم وساق البنات رايحين جايين بيحضرو الفساتين وبيساعدو توبة بتجهيز مايلزمها ومشغلين الاغاني وبيزغرطو
توبة لسة راجعة من برة اخدت اجازة من شغلها هي وادم وراحو سوا استلمت فستانها ووصلها ومشي عشان وراه شوية شغل
طاهر: يابنات اتهدو بقى خدي ياعروسة تعالي عاوزك
توبة: حب عمري 😂
طاهر طلع من جيبه فلوس: شوفي دة حق عفشك الي اتباع ودة حقك ودة مبلغ مني خليه معاكي عارف انك بقيتي مليونيرة بس انتي لسة ملزمة مني
حبيبي خليهم. معاك لاخواتي كفاية الواجب ااي عملته معانا لما اشترينا الشقة الي ورثتها من عمي ليا انا وادم ووزعت فلوسها على ولاد. عمي ورافض تاخد مليم من اي واحدة فينا وصممت اني انا اشيل فلوس اخواتي معايا انا بقيت وصية على العيلة كلها😂😁
طاهر: انتي قدها ربنا يخليكي ليا وافرح باخواتك واشوف عيالك
: ربنا مايحرمنا منك
وردة: انا فرشتلك انا واخواتك الشقة وخليناها فل ربنا يسعدك ياقلبي ادم ابن حلال ربنا يعوضك خير
توبة حضنتها
البنات خرجو تمارا: ياللا ياعروسة بكرة الحنة اديلو رقص ياللا لولولولللللي
تالا علت الاغاني وشدو توبة ترقص وامهم كمان
البيت كان مليان سعادة
في بيت عثمان
عدي: سامر انا نازل المطعم دة الشيفت بتاعي وعلى فكرة انت في اجازه انزل اقف واتعلم عشان تاخد مرتب
سامر: احنا بنشحت ولاايه
عدي: تاااني خلي زن فارس على ودانك ينفعك دة امير الي بثانوية عامة بيشتغل وفارض شخصيته انت طالع بروطة لمين
سامر: بقولك مفيش عروسة بالطريق كدة ياعم المحاسب
والله ياعم الصيدلي خليك بنفسك كلها سنة وتتخرج وتقف تبيع شامبو وبامبرز ابقى ورينا شطارتك
سامر حدفه بالمخدة طلع يجري ونزل وهو بالاسانسير قابل تالية ابتسمو لبعض بخجل
قالها: عقبالك
: شكرا عقبالك
وبالمطعم امير بيهزر مع الزباين البنات
بس بيدفعهم وواعي لنفسه
اول ماشاف عدي قاله: استلم الشيفت انا عاوز انام
عدي: الجو شغال ولامريح
امير: تمام والموردين جابو الشغل الي طلبناه والفواتير عندك
توبة نزلت بالليل اتطمنت عالشغل وعلى تجهيزات حنتها بكرة و فرحها بعد بكرة
وقعدت مع عدي راجعو الحسابات
وطلعت ظرفين وقالتله: دة مرتبك ونصيبك بالارباح
ودة لامير وفارس وسامر لما يشاركو معانا يبقى ياخدو نصيبهم
عدي: انا متفق معاكي جدا
احلى حاجة فيك انت وامير طالعين لعمي بتحبو الشغل
ياللا بقى عاوزة افرح بيك
عدي بضحك: افرح فيكي انا الاول
فارس كان طالع البيت عدا عالمطعم شاف عدي وتوبة بيضحكو سوا
دخل وقال: ازيك ياعدي ازيك ياتوبة
ردو السلام
قال: انا عارف اني مقصر بس هاظبط وقتي باذن الله
توبة عاوزك بكلمة لو سمحتي في مكتبك
توبة: عن اذنك ياعدي
اول مادخلو المكتب قالها
متنساش ان الرواية موجودة كاملة في قناة التلجرام والواتساب
↚
فارس قال: توبة قبل اي كلام مبروك ربنا يبارك
: شكرا يافارس خير في ايه
توبة اظن اني متجوز وعندي ولد ومراتي ست محترمه يعني كدة مفيش سبب عشان مااخدش ورثي ولاايه
: خلصت؟
ايوة ياتوبة انا توقعت انك لوحدك هتعملي كدة بس عدت شهور ومفيش حاجة حصلت ولاانتي حسباها ازاي انا عارف انك اكبر من انك تخلصي حساب شخصي مني بحقي
كنت باسمعه وساكتة
ابتسمت وقولتله: على فكرة قبل ماانسى جلسة مامتك وخالتك كمان أسبوعين
شوف بقى يافارس اولآ انا معنديش حساب معاك عشان اخلصه منك انت انتهيت وحكايتنا اتقفلت وانا مش هحاسبك على كلامك لانك قلت بنفسك اني اكبر من كدة
فلوسك وحقك هاتاخده بس للاسف مراتك. مطلقة قبل منك
فارس بعصبية؛: وماله المهم انها محترمة
ضحكت : يافارس انا مبحبش اجيب سيرة حد بس اتأكد. من معلوماتك لانها غلط ومش هقولك اكتر من كدة
يعني إيه
: يعني معنديش حاجة اضيفهاانا مقدرش اوضح كلامي ابدا دة دورك انت اعرف الحقيقة بمعرفتك وبعد اذنك عشان ورايا حاجات كتير
وفتحت الباب وخرجت وهو ورايا
وقفت و قولتله:
خد بالك امير وعدي شغالين حلو وبياخدو نرتب ونسبة ارباح حاول تشتغل زيهم دة مالك ولازم تراعيه انما لو فضلت بعيد مش هاتاخد مليم
بصلي بغيظ وقال: حاضر امرك
ابتسمت ببرود وروحت المطبخ اتابع الشيف والمساعدين واشرف عليهم
#بقلم_مرفت_السيد
فارس طلع شقته النار طالعة من ودانه بس قال لنفسه: اصبر متبقاش غبي اسأل عليها الاول واعرف الحقيقة بعدها واجهها
وفعلا لقى اميرة نايمة باوضة ابنهم قال لنفسه احسن ودخل اوضته و نام على طول
توبة خرجت من مطبخ المطعم كان فارس مشي لقيت ادم وقف قدام المطعم بعربيته ونزل خرجتله
قالي: عروستي وحشتيني
اتلم😒
: حاضر كلها يومين😅
خلصت شغلك
: اه واخيرا بس عاوز اطلع شنطة اوراقي في المكتب الي عملته بالشقة
تعالى نطلع لبابا ييجي معاك
: اوك حبيبتي
بصتله بغضب قال: اسفين يافندم بس برضه حبيبتي وعمري وحياتي وازعلي براحتك
ياللا بينا
عدي انا طالعة لو احتجت حاجة كلمني
طلعنا سوا وقبل ماندخل قالي: توبة انا عاوز اقولك كلام مهم مش لاقي فرصة اقولهولك ممكن نخرج شوية
طالما كلام مهم مفيش مانع قول لبابا ونخرج
خبطنا ودخلنا
طاهر قال لادم: يابني روح شقتك حط اوراقك براحتك ولما ترجع اخرجو بس متتأخروش
خرجت انا وادم روحنا كافيه هادي قريب من البيت
بعد ماطلبنا المشروبات قلتله: خير 🙂
قالي: توبة انتي عمرك ماسألتيني عن الماضي بتاعي
: عمري ماسألتك لاني اعرف انك منفصل من 3 سنين ومتنساش احنا شغالين فين وزي مانا اتحريت عنك انت اتحريت عني
مش قصدي التحريات قصدي اي سؤال جواكي نفسك تعرفي اجابته مني مش من التحريات
: اممممم بصراحة معنديش فضول لماضيك المهم الحاضر دة الي احسابك عليه
طيب ولو قولتلك انك الحاضر والماضي كمان
توبة انا باحبك من يوم مااتعينتي
: ايه😳😳😳
ايوة ياتوبة كنت وقتها متجوز جواز تقليدي
من يوم ماشوفتك وانتي شاغلة بالي لما طلقت مراتي عارفة طلقتها ليه لاني كنت وصلت لمرحلة اني مش عاوز اخلف منها غشان.مظلمهاش مع انك كنتي شيفاني اخ اول مامراتي طلبت الطلاق ماترددتش واخدت اكتر من حقها كمان عارفة عيبها الوحيد انها مش انتي
↚
بس بعد الطلاق قولت اهدا شوية قبل مااطلبك للجواز وترفضيني لاني كنت لسة مطلق واخسرك
وقتها القدر بقى ودخلتي بدوامة ابن عمك
كنت بموت ربنا يعلم انا كنت عامل ازاي وكتمت في قلبي قد ايه ويوم ماعرفت من تقرير المستشفى انك بنت روحي ردت فيا ويوم مااتطلقتي طلعت البواب بتاعي عمرة لانه كان بيدعيلي ربنا يحققلي امنياتي
اقسمت وقتها اتجوزك والحمد لله ربنا قربك ليا
الي عاوزك تعرفيه انك اهم عندي من نفسي ♥
كنت متنحة ومصدومة وعنيا فيها دموع
بس دموع سعادة اني احس ان في حد بيدعي عشاني وبيتمناني اتي اتحب كدة
قالي: انا اسف ضايقتك
لا خالص بالعكس يالا بينا
ابتسم ووصلني للبيت وقبل ماانزل قبل ايديا وقالي ربنا يخليكي ويحفظك ليا
🤭😊
بقلم مرفت السيد
تاتي يوم كانت الحنة نزلنا الكافيه بالليل انا وامي واخواتي وصحباتنا البنات وكانت حفلة جميلة
كلها سعادة ورقص واخواتي وحبايبي حواليا
خلصنا وطلعنا مهدودين ونمنا من التعب
صحينا يوم الزفاف على زغروطة من ماما
🤭💃🏼
يادوب فطرنا والميكب ارتيست وصلت
وبدأ التحضير وسط سعادة الجميع حتي ولاد عمي كانو بيشاركونا الاحتفال وبيساعدو بالتحضير
وجهزت وطلعت لبابا وماما واخواتي بالفستان بابا كان بيداري دموعه حبيبي
وماما واخواتي عيطو من السعادة ومن حمال ورقة الفستان
ماما: زي الملاك
بابا: هي فعلاً ملاك
حضنتهم بحب
تمارا: بلاش نكد ياشعب مصر هيصوا
ضحكنا كلنا ولاد عمي دخلو قالو العريس وصل
وسمعنا زفة وهيصة ادم وصل هو واهله سلمو على اهلي
وطلعت عليهم ادم شافني عنيه دمعت
تنارا قالتله: في ايه كلكم بتشوفوها تعيطو 😅 انشف ياعريس
امير: ايوة عقبالي يارب عليكي انتي جوزهالي ياعمي ابوس ايدك 😂😂
تمارا وشها احمر من الكسوف
تالية قالتله: لما تتمو سن الرشد
بابا والكل ضحك بمرح
نزلنا للمطعم كان الدور التاني مجهز قاعة مناسبات صغيرة
بعد الزفة المأذون وصل وتم كتب الكتاب
فارس جه مع مراته ووشه الاحمر الغاضب وابتسامته المصطنعة فاضحينه
بس اخواته كانو بيرقصو مع اخواتي وفرحانين من قلبهم وبابا وماما راضيين جدا عن اختياري
خلص الفرح واتجهنا للمطار بابا وصلنا هو وولاد عمي عشان نقضي شهر العسل في تركيا
وصلنا للفندق تاني يوم ونمنا من الارهاق وتاني يوم اتفاجئت بأن.......
متنساش ان الرواية موجودة كاملة في قناة التلجرام والواتساب
↚
صحيت من نومي لقيت أدم طالب الفطار وواقف بالبلكونة بيشرب قهوة تقريبا منتظر اني اصحى من النوم
ابتسمت لنفسي اول ماحس بيا جه وهو مبتسم
وفطرنا سوا كان بيأكلني بايده وبيتعامل معايا بكل رقة وحب 🥰
قاللي: ياللا خدي شاور وجهزي نفسك نخرج نتمشى ونقضي اليوم برة وافسحك
قولتله: تمام اشرب قهوتي بس وافوق واستوعب كلامك😁
ضحك وجهزلي قهوتي بنفسه وقالي: من هنا ورايح اتعودي عالدلع
وقبل ايديا وقالي انا هالعب شوية رياضة بالجيم تحت على ماتجهزي انا عارف الستات اقل خروجه عاوزين ساعة
لا حاسب انا غيرهم
: ماشي ياقلبي خلصي ورنيلي
خلصت ورنتله بعدساعتين ونص😁😂
طلع اخد شاور وجهز نفسه بربع ساعة😒 وخرجنا
اتفسحنا واتغدينا وبالليل سهرنا بمكان رومانسي وطلب مني نرقص.
واحنا بنرقص كان متوتر زي مايكون عاوز يقول حاجة ومتردد
قولتله: مالك عاوز تقول إيه
عرفتي ازاي
: باين عليك
بصراحة
: ياريت
انا عارف انك قلقانة بس صدقيني مش اكتر مني
: واقلق ليه ومن ايه
من دخلتنا يعني
وشي احمر من الخجل
قالي: حبيبتي انا عمري ماهاستعجلك ولا عاوزك تقلقي انا عاوزك تتعودي عليا وتقربي مني خدي وقتك
وحضنني بقوة وقالي بهمس: بس ميمنعش اني محتاجلك وبعشقك
طلبت منه نروح نتعشا بغرفتنا وبعد ماوصلنا وطلبنا عشا على ماالاكل يوصل
#بقلم_مرفت_السيد
قمت اغير هدومي اتفاجئت لما دخلت اوصة النوم لقيت ورد احنر على شكل قلب وجواه فستان اسود قصير على السرير و معاه برفيوم فرنسي من عطوري المفضلة و علبة قطيفة فتحتها لقيت طقم الماظ بمنتهى الرقة
لقيته ورايا قرب مني وحضني وقال هامسا: يارب ذوقي يعجبك
: جميل
الباب خبط الامل وصل راح يفتح الباب
قفلت على نفسي ولبست الفستان ووضعت من البرفيوم وسرحت شعري
وخرجت اول ماشافني ساب العشا و🫣🤭
قضينا شهر عسل روعة ورجعنا كان فعلاً عوص ربنا ليا
رجعنا يوم جلسة اميمة وقسمت بابا استقبلنابالمطار
وصلنا البيت استقبلوني بالاحضان
ماما قالتلي: نورتي البيت وحشتيني وانتوكمان ياادم مبروك ياادم
ادم: الله يبارك فيكي انتو ملكم وحشتونا ياامي
انتي كمان ياست الكل
تالا: فين الهدايا ياعروسة
تالية: حلوة تركيا عاوزة اروحها
تمارا: بس يابنات سيبوها ترتاح وغمزتلي وهمست اتوصي بهديتي انا
ضحكت. عليهم واديتلهم الهدايا انا وادم الي استاذنهم ودخل يرتاح
بابا قالي: اتبسطتي
الحمدلله يابابا طمني اتحكم على اميمة وقسمت بايه
بابا: سجن مشدد 10 سنوات وغرامة 50 الف جنيه لكل واحدة منهم
ماما: حسبنا الله ونعم الوكيل
: ياللا خدو جزائهم
بابا: عدي كان شايل المطعم هو وامير وفارس كان بيساعدهم. كمان
طب كويس
تمارا: مش انا ولله الحمد التنسيق وداني الكلية الي كنت عاوزاها
: حبيبتي بجد الف مبروك يادكتورة
هاتي بوسة 💋
تمارا: الله يبارك فيكي والمفاجئة الاكبر امير معايا
تالا: تلاقيه عمل كدة مخصوص عشانك
بابا: تمارا عاقلة ومركزة بمستقبلها وانا واثق فيها
ياللا ياتوبة ادخلي شقتك ارتاحي
عندك حق بعد اذنك ياحاج
↚
دخلت لقيت ادم نايم 😁
تاني يوم سمعت دوشة من شقة فارس بس مااهتمتش لان ادم غيور
شوية وعدي اتصل و طلب مني انزله المطعم عشان عاوزني بموضوع مهم
قلت لآدم ونزلت لقيته بيقولي مبروك وكل الستاف باركلي
عدي: بصراحة المطعم من غيرك وحش
ربنا يخليك عقبالك
: ادي الحسابات وكله تمام
الله ينور انا عرفت ان فارس بينزل يقف معاكم
: اه بعد مابيخلص شغله بالليل اوي بالسهرة
كويس اوي الكلام دة
: توبةانا عاوزك بموضوع مهم
قول ياعدي
: انتي عارفة غلاوتك وعارفة اتي بعتبرك اختي الكبيره
طبعاً
: انا انا...
انت ايه ماتقول
: انا عاوز اتجوز
هههه حلو الكلام الف مبروك
: استني بس لما تبقى توافق
شكلك لسة ماقلتلهاش بس قولي هي مين
: هي تبقى تالية اختك
انا معجب بيها
طب ماتتقدم لبابا ومتقلقش
: انا مش قلقان من عمي
امال
: من اختك خايف ترفضني
طب عاوز إيه
: كلميها اسأليها عشان لو رفضاني ماتحرجش
حاضر ياعدي
والله ماعشان ورث مانا بكل الاحوال هاخده: بس انا فعلاً معجب بيها وهستناها تخلص دراسة
ربنا يقدم الي فيه الخير انا هاطلع انام وبكرة اكلمها
: باذن الله
وانا طالعة بالاسانسير قابلت فارس نازل منه كان مكسور وعنيه حزينه قالي بهدوؤ : حمد الله على السلامة
الله يسلمك
: توبة أنا بستاذنك بكرة عاوزك ضروري والكلام يبقى قدام عمي وموضوع مهم صدقيني
تمام ماشي الساعة 8 كويس
: اه مناسب
عن اذنك
: اتفضلي
طلعت لقيت ادم بيشرب سجاير بالبلكونة لانه عارف اني باكره ريحتها
قالي: هاخلص السيجارة وجايلك
قعدت وانا بافكر ادم جه حضنني وقالي: مالك
حكيتله الي حصل
قالي: انا مبسوط انك حكتيلي مع انك عارفة اتي باغير بس ارجوكي ياتوبة مش عاوزك تخبي عني اي حاجة حتى لو عارفة انها هاتضايقني
: انا كمان عاوزاك تصارحني بكل حاجة حتى لو عملت غلطة لاتغتفر صراحتك معايا هتضمنلك 25٪ عفو
ضحك وقالي: اتفقنا ناقص نمضي
وخطفني بقبلة تبدد معها اي رفض لبنود الاتفاقية 🤭😘
تاني يوم رجعنا الشغل وانا روحت قبل ادم اجتمعت بعائلتي وحكيتلهم الي حصل
بابا قال: ايه رأيك ياتالية
ردت تالية وقالت:.......
متنساش ان الرواية موجودة كاملة في قناة التلجرام والواتساب
↚
كنا بانتظار رد من تالية
بابا قالها: حبيبتي مفيش ضغط من اي نوع ولا ورث هو متقدم عشانك انتي تخبي تقعدو سوا هنا ولا انتي رافضاه
قولتلها: ايوة يابابا لوحابة تقعدي معاه وتتكلمو مفيش مشكلة
ماما: طبعا ياحبيبتي حقها تشوف القبول هي طول الوقت شيفاه ابن عمها وبس حابة تكلميه وتشوفي دماغكم متوافقة ولا لأ وبرضه محدش يقدر يجبرك
تالية قالت: بصراحة انا
بابا: قولي
تالية: انا موافقه عالاقل يلف العالم معايا😂
انا بسعادة: مبروك ياقلبي
تمارا: ايوة بقى مبروك ياتالية وعقبالي
تالا: عدي شاب ممتاز ومجتهد ولايق عليكي مبروك 😘
بابا: توبة بلغيه يكلمني ويحدد ميعاد لقراية الفاتحة
: حاضر يابابا وبالنسبة لفارس هتعمل ايه
بابا: هانقابله يابنتي لازم نعرف عاوز إيه
الجرس رن ادم وصل دهل سلم عالعيلة بلغناه بموافقة تالية باركلها وطلعنا شقتنا
بالليل نزلت المطعم اتطمنت على الشغل وكل مابالاقي ولاد عمي مهتمين بالمطعم وبدأيبقى عندهم حس بالمسئولية كل مابشيل ايدي من المكان بالتدريج اتفاجئت ان سامر انضم لاخواته لإدارة المكان شجعته بكلمتين وبلغت عدي بالموافقة المبدئية
طار من السعادة وقالي: هاكلم عمي ونحدد يوم
امير وسامر حضنوه وباركوله
قاطعنا نزول ادم لأنه راجع الشغل وطلب مني اجهز نفسي هانتعشا عند. مامته
استغربت قبل مايركب عربيته قولتله: ليه الطلب المفاجيء دة
: حبيبتي انا عارفك بتكرهي التجمعات بس هي الحت عليا وقالتلي اننا واحشينها وانتي عارفة حركتها صعبة
ماشي ياادم
وسبته ونزلت وانا متترفزة انا بخاف من فكرة عيلة الزوج والحوارات دي
بابا رن عليا ان فارس نزل عنده طلعت وانا كلي فضول وباتمنى يكون اكتشف حقيقة اميرة
طلعت لقيته مع بابا بيشربو قهوة واخواتي وامي موجودين بناء على طلبه
قالي: توبة انا مدين ليكي ولكل عيلتك ياعمي باعتذار
كلنا بصينا لبعض وسكتنا وهو كمل كلامه:
اولآ انا هاودت بابا عشان الورث وظلمت توبة معايا
واتجوزت اميرة بالسر رغم اعتراض بابا عليها وخلفت منها وبالاخر اكتشف انها كانت مطلقة عشان خاينة وليها عشيق وقبل مااطلقها اخدت ابني من أسبوعين حللت دي ان ايه وطلع ابني الحمد لله بس امبارح واجهتها وطلقتهاواخدت ابني وهي ماانكرتش ولا اهتمت بابنها
حسيت اني غلطت غلطة عمري لما خالفت بابا انا اتكسرت ياعمي كانت بتقابله وهي على ذمتي وبتقولي رايحة لامها
وبدأ يبكي: سامحيني ياتوبة حقك عليا ياعمي انا اسف ليكم. كلكم
بابا قام. حضنه وكلنا اتأثرنا
طاهر: احنا اهل انت ابني ياعبيط بس ياحبيبي استهدا بالله دة درس ليك اتعلم منه اهلك. مش هايغرقوك خصوصا ابوك وامك
وردة: ياحبيبي ابوك قالها كلمة حكمة الزوجة الصالحة هي الكنز والورث لانها هاتربي اولادك تربية سليمة
قولتله: يشهد ربنا اني سامحتك
وطى على ايديا يقبلها ويقول بدموع صادقة: انتي الي نبهتيني طول عمرك احسن مني انا اسف انا لاعاوز ورث ولا غيره انا هالتزم وهامشي بما يرضي الله المرادي بجد هعيش لشغلي ولابني
تالا: ربنا بيسامح وبيغفر احنا اخواتك يافارس
فارس: تسلم تربيتكم يابنات عمي
سامحني ياعمي ارجوك وساعدني يمكن انا عاندت بابا لانه كان صعب حتى وهو صح كان صعب حد. مننا يسمعله بسبب اسلوبه بس انت وقربك من بناتك بيخليني عاوز اربي ابني زيك
طاهر: مسامحك وانا جنبك متقلقش انا مش عمك انت واخواتك انا ابوك
فارس: انا اسف نكدت عليكم عن اذنكم
مشي وسابنا متأثرين من الحال الي وصله
ماما: قلبي وجعني عليه
بابا: هو محتاج اب وانا وربنا يعلم باعتبره ابني
قولتله: ماتسيبهوش يابابا خصوصا الايام دي
بابا: لاحول ولاقوة الابالله الله يرحمك ياعثمان انا هاركز معاه الايام الجايه
ادم كلمني اجهز نفسي استاذنت بابا
ماما:رايخة فين
مامة فارس عاوزة تشوفني
اعزميها عالغدا عندنا يوم الجمعة
حاضر
و طلعت لبست وجهزت كان ادم وصل كلمني انه تحت العمارة نزلتله وانطلقنا لمقابلة امه
طول الطريق بيبصلي ومتنرفز ومش بيتكلم وانا متجاهلاه
نزل اشترى شيكولاته وفاكهة لوالدته وصلنا عند بيتها
بقلم مرفت السيد
نزلت معاه وطلعنا وهو مش طايق نفسه
رحبت بينا هي واخوه الصغير
لقيت اخوه قام حضر العشا وادم بيساعده وحماتي قالتلي: متستغربيش انا كنت باربي رجالة مش تنابلة
😂😂😂
قولتلها: عاش ياحماتي طلعتي فيمنست
ضحكت وقالتلي: طبعا الراجل والمرأة متساويان بالحقوق والواجبات انا من انصار التعاون والتفاهم
: الله عليكي
قالتلي: انا شوفتك مرة بس قلبي اتفتحلك قولت دي بنتي الي مخلفتهاش
ومدتلي ايديها قومت بوستها
قالتلي: خدي بقى هدية جوازك يارب ذوقي يعجبك
تعبتي نفسك بجد اسمحيلي بقى ماما وبابا عازمينكم انتي واسر عالغدا يوم الجمعة
: اكل مامتك يجنن انا جاية وش
كان صوت ضحكنا عالي
ادم قال: ماشاء الله قاعدين تضحكو واحنا بنحضر الاكل
امه: اسكت ياولا مش دي حلم عمرك الي عاوز تدلعها
ادم؛ طبعاوادلعك انت كمان ياقمر
اسر: السفرة جاهزة
اتعشينا وسهرنا ووعدتها ازورها باستمرار
روحنا وبرضه متكلمش معايا طول الطريق ماعبرتهوش
نزل جاب شيكولاته وفاكهة زي ماجاب لوالدته
اول ماروحنا يادوب غيرت هدومي لقيته بيقولي بكل عصبية:
متنساش ان الرواية موجودة كاملة في قناة التلجرام والواتساب
↚
ادم بعصبية: الدريس دة مش هايتلبس تاني برة البيت
ابتسمت ببرود وماردتش عليه وروحت اتغطيت ونمت
صحيت الصبح لقيت الدريس متقطع بالمقص
مااتكلمتش ولاصحيته ومسكت المقص و. 😜😅 اخذت بتاري
عملت لاتيه في المج الحراري ونزلت ركبت عربيتي
وصلت شغلي وشوية وماما كلمتني عشان نشوف هنعمل اكل ايه لعزومة حماتي والمكالمة طولت وانا بكلمها ادم وصل شكله مغسلش وشه حتى ولابص في مراية بصتله وانفجرت ضحك وقغلت مع ماما 😂😁
وزمايلناكل الي يشوفه يضحك لحد. مااخد باله
واحد من صحابه قاله: ايه يابني شعرك دة
انتبه ان حاجة غلط شد من شنطتي المراية وبص فيها وعرف ان دة انتقامي منه
بصلي وشاور على شعره الي مقصوص من قدام لحد الربع وباقي شعره موجود وقالي: طبعا دة ردك🧐 تمام عامة كدة احسن منتخانق سوا
ماردتش عليه بس كل مااشوفه قدامي اضحك وهو يتغاظ خلصنا الشغل ومشيت لوحدي وهو راح للحلاق وشال باقي شعره
روحت لماما وعرفت ان عدي اتصل ببابا وخدد ميعاد قراية الفاتحة بعد اسبوع شوية ونزلت المطعم فرحت جدا لما شوفت الاربع اخوات بيتناقشوا على عمل دعاية وسامر هيكون مسئول هايعمل بيدج واعلانات ممولة وهايوضبو الدور الي فوق اكتر ويخصصوه للمناسبات واعياد الميلاد والعائلات وعرفت ان فارس اخد اجازة عشان ينتبه للمطعم
اتبسطت جدا بالي بيحصل ساعتها قررت اني هاسلمهم المطعم وانا متطمنة ان وصية عمي بتتنفذ واولاده بيتغيرو للاحسن
شجعتهم وسيبتهم وطلعت اتفقت مع بابا اننا هانجمعهم بالليل وهاسلمهم المفاتيح وهابلغهم اني كدة برة الإدارة وفاضل بس اسلمهم. فلوسهم لما يتجوزو وابقى نفذت وصية عمي
طلعت شقتي ارتاح لقيت ادم وصل جايب اكل جاهز وبوكس هدايا
اتجاهلته لقيته جاي ورايا وبيقولي:
حقك عليا والله العظيم باغير عليكي
ماردتش عليه سحبني لحضنه وقبل رأسي وقالي: وبعدين ماانتي انتقمتي
قولتله: عشان تبقى تتناقش معايا بدل الي انت عملته دة لاوي بوزك وقطعت الدريس طب مش الافضل تتكلم. وتواجهني بالي جواك
قبل ايدياوهمس: عندك حق ياحبيبي
وطلع من البوكس دريس اجمل من الي قطعه وقالي: انتي بتحلي كل حاجة تلمسيها
خلاص بقى سماح
ابتسمت وقولتله: ولو اتكررت
: ماانتي قادرة وبتخلصي حقك اهو بس وحياتك عندي ماهاتتكرر ياللا تعالي انا جعان جبتلك غدا جاهز
بعد. مااكلنا سالني على فارس كان عاوز ايه
حكيتله الي حصل امبارح والنهاردة
قالي: انا متفق معاكي بتسليم المطعم بس فلوسهم لما يتجوزو صح
اه انا قررت كدة برضه
: تمام قرارك صح بس تعالي انا عاوز اخد رايك في قصة شعري الجديدة 😂
: على رأي ماما وايش تعمل الماشطة بالوش العكر
طلعت اجري منه طلع يجري ورايا 😁😅
بالليل نزلت انا وادم وبابا لولاد. عمي
كانو متجمعين بيوضبو ديكورات المكان وطبعو منيو جديد
وبصراحة كل أفكارهم سوا مجتمعة بتكون النتيجة النهائية رائعة
بابا شجعهم وادم سلم عليهم وطلبنا قهوة وقعدنا كلنا بالدور العلوي
قولتلهم: شوفو ياجماعة انا كدة عملت الي عليا ووصية عمي من ناحية المطعم دة اتنفذت انا دلوقتي شايفة اربع رجالة بجد وانا كدة مليش لزوم
#بقلم_مرفت_السيد
طلعت المفاتيح واوراق المكان وسلمتها لفارس
الي قالي: لا انتي معانا دة مكاننا كلنا
عدي: دة احنا هنحتاج اخواتك كمان
بابا: احنا معاكم بس كعيلة ايد واحدة لو احتجتو توبة او اخواتها مش هانتأخر بس توبة مش عاوزاكم تفتكرو انها متحكمة باموركم لا ياولاد انتو كدة تفرحو القلب ولازم تعتمدو على نفسكم
قولت: انا كدة دوري انتهي فاضل بس فلوس جوازكم
امير قالي: دة مهر اختك
ضحكنا كلنا قال: انا بتكلم. جد انا عاوز اتجوز تمارا
بابا قال: لما تتخرجو نشوف بلاش استعجال
ادم: المكان بقى تحفة ياشباب لو في اي مشكلة معاكم انا موجود
سامر: عامة ياتوبة دة مكاننا كلنا واحنا اهل
بابا: طبعا ياحبيبي
ياللا عن اذنكم نسيبكم تكملو ومتنسوش يوم الجمعة عازمكم عالغدا
يوم الجمعة اجتمعت العائلة كلها وحماتي وماما بقو اصحاب جدا
واسر اخو ادم طلع صاحب سامر والحو كان روعة
عدي استأذن بابا ينزل مع تالية يختارو خاتم الخطوبة وانا وادم روحنا معاهم
يوم الخطوبة كان روعة وادن وصل متأخر عشان شغله واتفاحيء بيا وبشكلي وبلبسي😁😆 طول الوقت بيبصلي بغيظ ووشه احمر وبعد. ماالخطوبة خلصت وطلعنا
قالي: انا مش هاتعصب ولا هاقطع الدريس ولا هعمل حاجه
بس تعالي كدة ووقف قدام المراية ورايا وشاورلي على جسمي بصي كل جسمك متحدد ازاي ترضيها ليا وليكي ترضي حد يفصل جسمك بعنيه طب وربنا ياحبيبتي
حسيت ساعتها انه كلامه صح 😓
ابتسمت وقولتله: خلاص فهمت انا......
مكملتش الجملة والدنيا لفت بيا طول اليوم وأنا حاسة بكدة بس متجاهلة ماوستس بحاجة وفقدت الوعي
فوقت وهما بيباركولي على الحمل 🤰🏼
مرت 5 سنين واحنا متجمعين كل جمعة عند بابا هو وماما
الي مش بيسيبو تيا ويونس اولادي لحظة واحدة
ادم. ماسك ايديا اكننا لسة متجوزين حالا
الليلة كتب كتاب الدكاترة امير وتمارا واخيرا ❤
فارس وصل مع ميار مراته وابنهم عثمان اتعرف عليها لما خبط عربيتها بالغلط وطلعت بنت واحد من صحاب عمي عثمان اصلها واخلاقها مغروفين
وسامروصل ومعاه وعلا مراته حامل
وعدي مع تالية اختي وتقى بنتهم خطيبة ابني ان شاء الله🥰
وتالا و جوزها الظابط علاء ابن عم ادم لسة عرسان 😁
النهاردة اخر شيك بفلوس امير سلمتهوله وبكدة وصية عمي اتنفذت
ماما وبابا طالعين الحج السنادي لتاني مره
قعدت مكاني سرحت في عيلتنا الي كبرت والحمد لله الكل عايش في سعادة واستقرار
قولتلهم بعد كتب الكتاب: ياجماعة اقرو الفاتحة على روح عمي الي جمع عيلتنا في الخير
تمت بحمدلله