رواية صدمتي في زوجي كاملة جميع الفصول بقلم مروه جلال

رواية صدمتي في زوجي كاملة جميع الفصول هى رواية من تأليف المؤلفة المميزة مروه جلال رواية صدمتي في زوجي كاملة جميع الفصول صدرت لاول مرة على فيسبوك الشهير رواية صدمتي في زوجي كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية صدمتي في زوجي كاملة جميع الفصول

رواية صدمتي في زوجي كاملة جميع الفصول

يعني ايه عايز تتجوز عليا يا كريم

كريم ببرود اتجوزت مش لسا هتجوز يا رنا

رنا بعصبية وايه اسباب حضرتك بقى ممكن افهم دانت معاك بدل العيل عيلين

كريم بسخرية مش واخدة بالك من البيت كويس وطول النهار بتلفي برة البيت

رنا باستهزاء ياااه انا عملت دا كله دا انا قاسية على كده بقى وكملت باستفزاز امال مين يا روحي البتصحى من نجمة تجهزلك الفطار واول مبتمشي بتروق البيت وبتطبخلك علشان لما ترجع تلاقي اكل تاكله وبتحمي وبتلبس العيال وبتذاكر متكنش مراتك الجديدة يا حبيبشي البتعمل كده

كريم بدفاع ومتكلمتيش عن اهم حاجة المفروض تكوني بتعمليها

رنا بهجوم بهتم بنفسي والدور والباقي على الفي بالي

كريم بغضب كل الستتات بتعمل كده متعمليش فيها انك الوحيدة المظلومة في الكون دا كله

رنا بلا مبالاة مقلتش اني مظلومة بس عايزة اعرف اسباب حضرتك

كريم باهانة مش برتاح معاكي يا شيخة ومستحملك بالعافية

رنا بنظرة شيطانية وماله يا حبيبي خلينا نشوف هتعمل ايه في المصايب الهترف عليك علشان زعلتني بس😈

مسكت هدومه كلها وحطتها في الغسالة وملتها مياه وحطت عليهم كرول ومكتفتش بكده

حطت كيسين دقيق في الدلاب

ونزلت بوست على الفيس ان فيه شقة معروضة للبيع وبسعر خيالي وحطت رقمه

طلبت اوردرات كتير اوي وخلت معادهم تاني يوم والشحن على اسم

ودخلت جهزت هدومها وحطت في وسطهم سلك الشاحن والروتر

دخل كريم وهي لسا موجودة او متعمدة انها تكون موجودة

كريم بسخط انتي لسا هنا الظاهر البعيدة معندهاش دم ولا احساس دا انا قلت مجرد مهرجع هلاقيكي برة البيت

رنا ببرود كنت ماشية

كريم بدهشة امال لسا موجودة ليه

رنا بجمود كنت مستنياك علشان اديك عيالك اصلي لما جيت مكنش معايا حد على الاقل اتفرغ للف على حسب كلامك

كريم بسخرية سيبيهم مراتي هتربيهم

رنا عايزة العربية اودي الشنط وهرجعها تاني

كريم باستعجال خدي ومتغيبيهاش

اول مركبت رنا العربية تلاشت القوة الكانت ظاهرة بيها

افتكرت اد ايه اهلها رفضوه وحذروها اكتر من مرة بس هي كانت متمسكة بيه لآخر لحظة

افتكرت مشاكل كتير حصلت من ايام الخطوبة وهي الكانت بتروح تعتذر حتى لو كان هو الغلطان

افتكرت شغلها الاتخلت عنه علشان ترضيه

افتكرت صحابها البعدت عنهم علشان هو كان بيقولها دي وحشة ودي بتكرهك لحد مخلاها وحيدة تماما لا ليها صحبة تلجا ليها ولا ليها حد

افتكرت اد ايه كان بيحاول يفرق مبينها هي واهلها بس تمسكهم ببعض كان اقوى

كل متفتكر ذكرى تنهار اكتر واكتر وتعرف انها كانت سازجة وغبية علشان صدقت خاين زيه

وفجئة مسحت دموعها وظهر الاصرار والعزيمة والتحدي انها تعرفه انها فازت لما بعدت عنه

وصممت تكمل انتقامها

يتبع يا ترى رنا ناوية على ايه تاني

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

راحت رنا على البنك وبعدها راحت على بيت اهلها وطول الطريق بتعمل مخالفات بمزاجها

واول مركنت ادام البيت اتنهدت بوجع وقالت بحزن منك لله يا كريم اقابل انا اهلي ازاي واقولهم ايه دول كانو شرطين عليا لو اتجوزتك مارحلهمش اشتكي واتحمل نتيجة اختياري طلعت السلم ودعت ان اهلها ميوجعوهاش كفايا عليها صدمتها في حبيب عمرها او الخاين

خبطت رنا على الباب وفتحت مامتها الباب

سعاد بابتسامة اهلا بالست رنا النستنا

رنا بطريقة بتبين انها طبيعية لايه كده بس يا سوسو انا اقدر انساكو دانتو الفي القلب

سعاد بضحك بكاشة من يومك

رنا بمزح ايه يا ماما هتوقفيني على الباب كده كتير

سعاد ادخلي يا ضنايا وشهقت بصدمة اول مشافت الشنطة

سعاد بزهول ايه دي

رنا ببرود دي شنطتي اصلي ناوية انوركو تاني

سعاد بعصبية مكتومة ادخلي خلينا نشوف عملتي ايه يا وش المصايب انتي

دخلت رنا وسلمت على اهلها

سعاد بغيظ بت انتي قولي فيه ايه وانتي جاية بشنطتك لايه وفين عيالك

رنا بهدوء استفز الجميع جاية لايه فالمفروض دا بيت اهلي اجي وقت ماحب اما عيالي فهيربو ابوهم شوية

والدها ويدعى حسام وناوية على ايه

رنا ببرود الطلاق

سعاد بعصبية طلاق ايه يا بت انتي بتستهبلي ولا ايه

رنا بدفاع محدش عاش الانا عشته

حسام بحزم ويا ترى فاكرة شرطي قبل متتم الجوازة دي

اومئت رنا براسها بالايجاب

حسام بقوة امال فيه ايه

رنا ببكاء شديد عايزيني لما ملجئش لاهلي بعد ربنا الجئ لمين

حسام احنا حذرناكي منه قبل كده

رنا بدموع كنت متجاهلة عيوبه فكرته هيتغير بس ساء اكتر انا استحملت منه الكتير وعمري ماشتكيت بس طاقتي خلصت

حسام بحنق وايه الحصل بقى

رنا اتجوز عليا

سعاد وفيها ايه لما يتجوز مش حرام يعني ولا عيب

رنا بسخرية يتجوز لما اكون مقصرة معاه لما يكون بيتي مش نضيف وقتها يدور على واحدة تانية وانا مش هعترض انا مقصرتش في اي حاجة

سعاد اكيد هو لقى فيها حاجة مش فيكي فاتجوزها ودا احسن ميخونك عيني عينك كده

رنا بهجوم دي خيانة بردو كان يجي يعرفني وانا كنت هختار اكمل ولا لا بس هو اناني

حسام بصي يا رنا معنديش بنات تطلق هتقعدي يومين تريحي اعصابك وترجعي شقتك تاني

رنا بعصبية رجوع مش هرجع وهتطلق يعني هتطلق ومش هرجع في كلامي

سعاد بمهادنة استهدي بالله يا رنا هتخربي بيتك بايدك يا بنتي وخراب البيوت مش بالساهل

رنا بكره هو الخرب البيت في اول مرة خني فيها ومن اول اسبوع جواز

سعاد متطلقتيش لايه وقتها

رنا بالم هو اعتذر وقال مش هتتكرر تاني واتكررت كتير اوي

سعاد وعيالك ايه ذنبهم يعيشو متشتتين مبينك ومبين ابوهم

رنا بتعب من كتر المجادلة كده احسن ليهم على الاقل هحاول اعيشهم واربيهم علشان يكونو سويين نفسيا بدلا ميعيشو معايا انا وهو في مشاكل كل يوم ويكرهوني ويكرهوه ويحسو انهم اقل من الكل

يا ماما هو من اول ماتجوز وهو بيقلل كل شهر مصروف البيت بحجة ان المرتبات بتقل وانا لما عرفت انه اتجوز استفسرت عن موضوع المرتب دا ولقيته بيزيد كل شهر وعامل للمدام حساب في البنك بيحطلها فيه فلوس كل شهر وبيحط في حسابه اما انا وعياله فنولع بس انا حرقت قلبه عليهم واخدتهم لانهم حق عيالي والعمله دا ميرضيش ربنا لما يديني مصروف الشهر ميكفيش الاسبوعين وكنت بحاول ادبا نفسي بيهم وصدقته ولما عيالي بيطلبو حاجة كنت بصرف نظرهم عنها باي حاجة موجودة في البيت

سعاد وعملتي ايه تاني

رنا بشماتة دي مفاجآت مش هحرقها دلوقتي ووجهت الكلام لوالدها بابا انا عايزة مفتاح شقتنا الفي الاسكندرية

حسام بعدم فهم لايه

يتبع رنا هتعمل ايه وعايزة مفتاح الشقة لايه

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

رنا بهدوء ناوية اغير جو يا بابا فيها حاجة دي , سعاد بغيظ يا برودك يا شيخة واقفة على الطلاق وعايزة تغيري جو هو انتي مبتحسيش , رنا بعدم اكتراث وهي بتاكل تفاحة لا بحس بس انا مش هزعل على واحد خاين للعشرة , سعاد بقولك ايه يا بت انتي مفيش عندنا بنات بتطلق واخبطي دماغك في اكبر حيط , رنا بمحاولة امتصاص غضبها ممكن اعرف اسبابكو , سعاد ببساطة الناس هتفضل تتكلم ومش هتسكت دا غير ستات العيلة هيفضلو يعايروني بيكي طول الوقت واحنا مش نقصين نص كلمة من حد , رنا تولع الناس هما مش شاطرين غير للكلام وبس طول الوقت دي قالت ودي عادت واوقات بيتبلوا على الناس عادي ونسو ان لهم رب بيمهل ولا يهمل اما عن ستات العيلة فدا شغلهم الشاغل مبيسيبوش حد في حاله بيفضلو ينتقدو طول الوقت واكن معندهمش شغلة غير كده وميغركيش انهم بيتكلمو معاكي وادامك حلو الله اعلم بيقولو ايه عننا من وراكي يا ماما بالله عليكي سيبيني اخد حقي واطفي نار قلبي المش هتنطفي الا لما انتقم واخد حق كرامتي الحطها تحت جزمته لما اتجوز عليا , حسام بحنان ادخلي يا رنا ارتاحي والصباح رباح , رنا بتحدي هتطلق , حسام بموافقة هعملك الانتي عايزاه , اما عند كريم , حمزة بابا , كريم بضيق نعم , حمزة احنا جعانين اوي , كريم بغضب وهي السنيورة امك ماكلتكوش قبل متمشي , حمزة برعب اكلتنا بس , , كريم بصوت عالي بس اييييييييه , حمزة ببكاء انا عايز ماما , كريم بسخرية ماما بح يا حبيبي وكمل بغيظ الهي مجابتش العربية لايه لدلوقتي اوووووووف , اما اقوم اغير هدومي واول مفتح الدلاب ايه دا هدومي فين هي اتلخبطت ولمت هدومي معاها ولا ايه , جاب تليفونه علشان يرن عليها نت ملقاش الوايفاي ظاهرة راح عند الروتر ملقاش السلك اصلا , كريم بعصبية الا فين هو دا كمان لا كده كده كتير ورن عليها فون , رنا بمكر ايه يا حبيبي زهقت بالسرعة دي , كريم بهجوم هدومي فين , رنا ببرود في الغسالة , كريم بغباء في الغسالة بيعملو ايه , رنا باستهزاء منشراهم يعني مثلا الهدوم البتتحط في الغسالة بتتغسل طبعا وكملت بدهاء روح افتح الغسالة كده هتلاقي حاجة هتعجبك اوي , اول مكريم فتح الغسالة اتصدم حرفيا وقال بعصبية ايه الانتي عملاه في الهدوم دا , رنا بشماتة عليهم كرول صح وهدومك البتحبها متقطعين حتت حتت معلش يا حبيبي انا كنت زهقانة فقلت اتسلى بايه ملقتش غير هدومك اتسلى فيهم , كريم بحنق البس ايه انا دلوقتي اقفلي اقفلي , رنا بخبث بسراحة مفضلش من هدومك حاجة غير الطقم الكنت جيباهولك في عيد ميلادك وانت اتتريقت عليه انت والسنيورة بتاعتك , كريم بس دا مش استايلي , رنا وعيونها دمعت من فرط الضحك هههههههههههههههههههههههههههههههههههههههههههههههههههه استايل ايه يا ابو ستايل انت دانت كنت بتلبس اقل طقم في الكلية قال ستايل قال روح لست الحسن بتاعتك ريحتك مقرفة جايز تقولك انا مش عايزاك , كريم باحراج انتي فضيحة , رنا باستهزاء لما اقول الحق ابقى فضيحة ولما امشي على هواك ابقى حبيبة القلب , كريم خلاص سلام , رنا بمكر عايز حاجة تاني , كريم بتذكر سلك الروتر فين , رنا في جيبي , كريم بغيظ اخلصي انا مش فاضي للهبل دا , رنا بكذب وانا اعرف منين هو فين مش كان معاك آخر مرة , كريم بمحاولة تذكر مش فاكر اني اخدته اصلا , رنا بعدم اكتراث شكلك بقى عندك زهيمر اصلك بقيت بتنسى كتير اوي الايام دي , وانا مكنتش بتكلم خوفا على مشاعرك بس لازم تروح لدكتور شوف فيه ايه سلام انا رايحة انام , كريم فين عربيتي , رنا الصبح هبعتهالك محدش هنا يوصلهالك , كريم طيب سلام واول مقفل انفجرت رنا في ضحك هستيري وقالت بشماتة انت بطبعك شكاك فهتصدق كلامي بسهولة عيش في خوفك انك تكون مريض على ماضرب ضربتي الجية واما عن هدومك المتقطعة فشفيت بيها غليلي ولو شوية صغيرين اصلهم كانو هدايا منها خلينا نتفرج على الجاي ونضحك بعلو الصوت , انت شفت رنا الحنونة لكن مشفتش رنا لما بتاخد حقها من الظلمها بتعمل ايه ولسا الجاي احلى واحلى ثم انخرطت في بكاء مرير , يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

في الصباح , صحى كريم متاخر على غير عادته , كريم بضجر اوووووووووف من اول يوم هي مش في البيت صحيت متاخر بس ما علينا لما اجيب ندوش هتصحيني بدري بردو , قام غسل ولبس اللبس الرنا كانت جيباه وهو متضايق جدا , كريم لنفسه بتفكير طيب انا هنزل الشغل اودي عيالي دول فين لما هي كانت موجودة كنت ببقى متطمن عليهم ومش معقول اسيبهم لوحدهم هنا طيب اعمل ايه , اهااااا عرفت هوديهم لندى هي اولى حد بيهم دلوقتي , كريم اصحو يلا , حازم بقلق انت رايح فين , كريم نازل الشغل , حمزة بتوجس طيب واحنا , كريم هوديكو مكان حلو اوي , حازم بامل عند ماما صح , كريم لا , اختفى الامل وحل مكانه الاحباط , كريم يلا تعالو البسكو علشان نمشي , بعد ملبسهم , كريم بتعجب هي ازاي كان عندها صبر انها تلبس وتدادي وتغسل امر عجيب فعلا هو انا لايه كل لما بعمل حاجة هي كانت بتعملها بفكر فيها وفي ردود افعالها واول منزل , البواب بعملية اتفضل يا بيه دي امانة من الست رنا ودا مفتاح العربية والست رنا بتقولك متفتحش الامانة غير لما تروح للعربية , كريم بتهرب طيب ماشي سلام علشان متاخر , واول موصل العربية , كريم بصدمة وزهول يا لهوي ايه دا هي دخلت مطحنة ولا ايه وفتح الرسالة , رنا لما هتكون شفت رسالتي دي هتكون شفت قبلها عربيتك المبقاش ليها اي ملامح وكل دا بفضل العبد لله زمانك بتقولي ايه الفايدة من العملتيه بس احب اقولك اني استفدت كتير اوي منها اني حرقت قلبك على حاجة اغلى عندك من حياتك لانها ذكرى من حبيبة القلب ومتقلقش دي البداية لسا مشفتش انتقامي البجد , انا عمري مهخليك تتهنى غير بمزاجي انا هخليك تكره اللحظة الاتعرفت فيها عليا واللحظة الدماغك وزتك فيها انك تخوني وتبص لواحدة غيري وفوقها تتجوز عليا انا هربيك من اول وجديد , شعر كريم بالكره اضعاف مضاعفة لرنا كريم بكره ورينا عرض كتافك يا الفشلتي في كل حاجة , وقف تكسي وطلب منه يوصله لعنوان شقته التانية واول موصل دفع الاجرة وطلع الشقة , ندى بحب حمد لله على السلامة يا حبيبي مرحتش الشغل لايه , كريم بقلق بسيط مش رايح دلوقتي عايز اتكلم معاكي في موضوع , ندى بخوف انه يطلقها قول فيه ايه وكملت بسخرية ايه الانت لابسه دا , كريم اصل , ندى بسخط شكل الهانم لبستهولك غصب , كريم بنفي لا , ندى بقلق امال ايه , كريم بفرحة انا هطلق رنا , ندى بابتسامة كبيرة ازاي , كريم هي عرفت وقلبت الدنيا وسابت البيت ومشيت , ندى بفرحة الله طب كويس انها مشيت كده هتبقى معايا طول الوقت , كريم بخوف بسيط بس فيه مشكلة , ندى بخوف فيه ايه , كريم رنا لما مشيت مردتش تاخد العيال معاها , ندى بغضب لايه المتتسماش عملت كده , كريم كانت بتقول انها مجتش بيهم , ندى ايوة وفين المشكلة بقى , كريم مش عارف اوديهم فين , ندى متوديهم لمامتك , كريم لا هما هيفضلو معاكي , ندى بصياح نعم يا حبيبي وانا مالي اشيل مسؤولية عيال مش عيالي لايه , كريم بس عيالي انا , ندى بثورة بقولك ايه يا حبيبي عيالك دول مش عيالي وديهم لامهم هي اولى بيهم , كريم بعصبية مفرطة العيال انتي الهتربيهم وهما بقو عيالك من انهردة , ندى بقسوة وانا مالي , كريم بوجوم ذنبك انك اتجوزتيني واخدتيني من مراتي وعيالي وكنتي بتحرضيني عليهم طول الوقت , ندى بمسكنة ودموع مصطنعة بقى كده يا كريم اخدتك من مراتك وعيالك علشان بحبك بتتهمني التهمة دي , كريم باسف مش قصدي حبيبتي انا كمان بحبك بردو وانتي ماخدتنيش منها هي المش مهتمية بيا , ندى بسخرية واضح انها مكانتش مهتمية بيك دانت كنت بتخرج الا ريحة برفانك معبية المكان اما دلوقتي انا مش شامة حاجة , كريم بغضب ايه كمان انا ماشي وهرجع عليكي فجهزي الغداء , ندى بزهق حاضر وقالت بغضب لنفسها هي هتمشي وتسيبني في قرف جوزها وعيالها دالواحد كان مرتاح من الهم دا وقالت للعيال بكل غل انجر ياض انت وهو اعملو حاجة مفيدة بدل مانتو قاعدين كده , حمزة برعب حضرتك عايزانا نعمل ايه يا طنط , ندى بكره متعملناش فيها انك محترم ومتربي , حازم بدهشة حضرتك بتكرهينا لايه انا مش فاهم , ندى بغيظ بكرهكو علشان انتو عيال رنا , حازم بتكرهي ماما اوي كده لايه , ندى بشر وانت مالك قوم نضف البيت والبيه التاني يغسل المواعين , حمزة يعني ايه احنا عمرنا معملنا حاجة زي دي لما ماما كانت موجودة , ندى بقسوة زمن ماما دا بقى بح دلوقتي بقيتو في زمني انا اامركو الامر واجباري تنفزوه والمش هيسمع الكلام هيتعاقب عقاب يندم بعدها انه مسمعش الكلام , حمزة بقهر احنا لسا اطفال حرام عليكي البتعمليه فينا دا , ندى بجنون طيب هوريكو هعمل فيكو ايه امشو ادامي على المطبخ , يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

ولعت البتجاز وكوتهم هما الاتنين , حازم ببكاء شديد ايدي بتوجعني اوي , ندى بشماتة عايزاكو تتوجعو كمان وكمان اصلي بستمتع بوجعكو اوي , وقالت بتحذير شديد الهيقول لابوه على العملته فيكو هدبحه بالسكينة ومحدش هيعرفله طريق , الولدين خافو منها وقالو في صوت مهزوز باين فيه العياط والخوف حححاضر مش هنقوله حاجة بس سيبينا في حالنا بقى , سكتت ندى لما سمعت صوت الباب بيتفتح وقالت هووووووووش مش عايزة اسمع صوت , كريم انتو فين , ندى احنا في المطبخ , كريم بسعادة ايه بتجهزو الغداء ولا ايه , ندى بتوتر لا , كريم بحدة امال كنتي بتعملي ايه في المطبخ يا هانم , ندى بخوف اصل اصل اصل , كريم بصوت جهوري اصل ايه انجزي قولي فيه ايه , ندى بتهرب واكنها لقت طوق نجاتها فيه ايه انت بقيت عصبي كده لايه ولا دا طبعك اصلا , كريم بسخرية ههههههههههههههههههههههههه من اول يوم وبتقوليلي انت عصبي امال رنا الاستحملتني طول السنين الفاتت ومشتكتش ولا مرة تقول ايه , ندى بغيرة كل مبتتكلم تقول رنا رنا هو معدش فيه على لسانك حاجة غير رنا وبسراحة دي بقت عيشة لا تطاق ولو فضلت طول الوقت تقارني بالبت دي صدقني انا هسيبلك البيت وهمشي مش كفايا مستحملة عيالك دول , ضربها كريم بالقلم وقال بتهكم شديد البيحب حد بيستحمل كل حاجة علشانه وعلشان يرضيه اما انتي فبتعملي عكس كده خالص ، ندى بسخرية علشان بحبك عايزني اهتم بعيالك واربيهم كمان ولو معملتش كده ابقى مبحبكش , كريم بتاكيد بالضبط كده انتي جبتي آخرها , ندى بتوعد طيب هعمل الانت عايزه , كريم بتذكر نرجع لموضوعنا احنا هناكل ايه , ندى ببرود اطلب دلفري , كريم بنقم هنفضل على الوضع دا كتير , ندى بعدم اهتمام ايوة انا مش هدخل المطبخ اخدم حد , كريم بقنوت لما تطبخي اكلة حلوة لجوزك بتعتبريي انك كده خدامة متوقعتش انك من النوع دا دانتي كنتي لما باجي كنت بلاقيكي عملالي وليمة ليا انا مخصوص ولما جيت وبقيت معاكي علطول رافضة تطبخيلي خالص , ندى ببرود اصلك لما كنت بتيجي كانت بتبقى مرة في الاسبوع لكن دلوقتي كل يوم هنا , كريم ناهيا للحوار الو ممكن اطلب اوردر كذا والعنوان كذا والعنوان كذا , واول موصل الدلفري قعدو الاطفال على السفرة من كتر الجوع , ندى بجحود قوم ياض انت وهو هتكلو البواقي بعدنا , شعر الولدان بالاهانة والمذلة ودخلو والدموع تفر على وجههم بحرقة وذلك بعد مخيب والدهم املهم وقال ادخلو جوى يا اولاد , دخلو جوى وبدا حمزة يراسل شخص ما , حمزة بحزن بابا زعقلنا انبارح لما طلبنا منه ياكلنا وودانا لطنط وحشة اوي بتهددنا وكوتنا وزعقتلنا وكرشتنا ومنعتنا ناكل وبابا وافقها في الكلام واحنا جعانين اوي تعالي خدينا احنا زهقنا اوي ومش عايزين نفضل معاه , حاضر يا حبيبي انا جاية حالا , يتبع توقعو هي مين

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

اولا انا بعتذر على تاخير البارت , راحت رنا عند شقتها القديمة واستلمت الدلفاري والكان اكل على مستحضرات تجميل وشوية برفانات على حاجات للشعر وصلت لمبلغ ٥٠ الف جنيه , رنا بهدوء مفتعل هكتب لحضرتك العنوان الساكنين فيه وانت هتروح لجوزي وهتطلب منه الفلوس لاني خارجة برة البيت , عامل التوصيل بعملية بس يا فندم اتفاقنا مكنش كده , رنا بثقة متقلقش دا جوزي وهيديك المبلغ , عامل التوصيل اتشرف باسم حضرتك والعنوان , رنا اسمي ندى والعنوان **** , عامل التوصيل تمام يا فندم بعد اذنك , رنا بابتسامة خبيثة اتفضل , اما عند كريم وندى , كريم رايحة فين , ندى رايحة اقابل صحابي واكملت بتذكر اه انا علفكرة طلبت دلفري وهتيجي الفطورة على الشقة , كريم بحب وماله يا حبيبتي , خرجت ندى من الشقة ورجعت بعد ساعات , ندى بسعادة هاي حبيبي , كريم بهدوء هاي اتاخرتي كده لايه , ندى بهدوء على موصلت وقعدنا ودردشنا مع بعض وانت عارف الصحاب بقى لو متقابلوش من مدة طويلة , كريم بشك امال كنتي بتروحي فين لما كنتي بتبعتيلي رسايل كل يوم انك خارجة مع صحابك , ندى بتلجلج اصل اصل انا وصحابي متعلقين ببعض جامد فالكام ساعة البعدناها عن بعض بالنسبة لي مدة طويلة , كريم بعدم اقطناع اممممممممممممم وماله اتعلقي بيهم براحتك على الآخر خلينا نشوف آخرتها معاكي ايه , ندى بارهاق هو انت مبتزهقش من كتر الخناق كل دقيقة والتانية خناق خناق لما انا زهقت واتعودت على الخناق دا بس دلوقتي انا مش قادرة ومرهقة اوي فسيبني لحد ماصحى ونتخانق براحتنا , كريم بسخرية هو مقابلتك مع صحابك مرهقة اوي كده يا عيني تلاقيكو بتذيفو مشاعركو لبعض نوم العوافي يا مدام , مشيت ندى وهي من جواها بتغلي ونفسها تولع فيه بس كبتت غضبها باعجوبة وبعد ساعة خبط الباب , كريم باستفهام مين , عامل التوصيل بعملية انا اسمي رامي من محل **** , كريم بترحيب اهلا وسهلا يا استاذ ممكن اعرف ايه المطلوب , رامي بسراحة مدام حضرتك طلبت اوردر مني بمبلغ ٥٠ الف جنيه وادتني العنوان دا لانها مش في البيت , كريم بصدمة ٥٠ الف جنيه يا لهوي هي اشترت المحل كله ولا ايه , رامي بانشغال معلش يا فندم هاتلي فلوسي لاني مشغول اوي , كريم بغباء هما ال٥٠ الف دول ليا ولا ليك , رامي بسخط ليا يا كبتن , وقع كريم مغمي عليه من الصدمة , فوقه رامي وهو خايف وقلقان ومن كتر الخوف العرق انتشر على وشه , كريم بخفوت قول انك بتهزر , رامي باستعطاف لا حقيقي يا فندم بس ممكن تدفع على اقساط او دفعة واحدة وهديك مهلة شهر ولو مدفعتش هتروح السجن للاسف , كريم ببهوت تمام يا فندم شكرا على تفهم حضرتك للموقف سلام وقفل الباب والشياطين كلها بتتراقص قدامه ودخل على اوضة النوم , دلق عليها مية باردة , ندى بغضب فيه ايه , كريم بنظرة شيطانية عايزة تخربي بيتي يا بنت ال**** وبتطلبي اوردر بخمسين الف جنيه لاااااااااااااايه يا مفترية وفوق دا بتخونيني يا كلبة يا ***** , ندى بصدمة بتقول ايه , كريم بجنون وجابها من شعرها ونزلها تحت رجليه السمعتيه يا خاينة , ندى برعب بتقول ايه , كريم خرج ورجع حدف في وشها صور وقال ببرود مفتعل فسريلي ايه دا , ندى بانهيار لما شافت الصور وعرفت ان حقيقتها اتكشفت لا محصلش , كريم بتاكيد شفتك بعيوني , ندى بدفاع انت فاهم غلط صدقني هو مجرد نزوة في حياتي , انفجر كريم بالضحك وقال وهو مش قادر يسيطر على الضحك مجرد نزوة في حياتك هو انتي راجل علشان تقولي الكلام دا , ونزل فوقها ضر,ب بكل قس,وة وقال بصرامة متقعديش تبرري كتير لانك كل متبرري كل متعقدي الموضوع اكتر , انفجرت ندى في البكاء وقالت كفايا جسمي مبقتش حاسة بيه من كتر الض,رب ارحمني شوية , كريم بتصميم انا هقت,لك انهردة ومحدش هيحوشك من ايدي , مبعدش غير لما الباب خبط , كريم بعصبية يا ترى ايه الصدمة الجديدة الهتصدمها فيكي , فتح الباب ولقى رنا في وشه , كريم بغيظ انتي ايه الجابك هنا , رنا بسخافة انا حرة يا حبيبي اجي في الوقت الانا عايزاه , كريم بعصبية عايزة ايه , قعدت رنا وحطت رجل على رجل وقالت بهدوء شديد عايزة عيالي , كريم بغضب عيالك مين دول انتي مش كنتي اتخليتي عنهم , رنا بعصبية انت اتهبلت في نفوخك ولا ايه هو فيه ام تتخلى عن عيالها بردو انا كنت بربيك بس الظاهر اني كنت بنتقم من نفسي لما بعدتهم عني , وكملت بحرقة قلب ام ودموع بس انت متربتش ولا فهمت الدرس من كل دا وفوق دا كله بتحرم عيالي والهما عيالك انهم ياكلو وجالك قلب تاخد منهم الاكل وهما يا قلبي جعانين ومصدقو جبت اكل وقعدو عادي قومتهم انت ومن غير حتى متعمل حساب لصلة الدم وانهم حتة منك انت ايه حجر , وكملت بغضب شديد الا هي فين خطافة الرجالة ام قلب قاسي دي , خرجت ندى اول معرفت ان رنا برة , ندى باستفزاز اهلا وسهلا بضرتي , رنا بود مصطنع اهلنين وسهلنين , ندى ببجاحة ايه سر الزيارة المش مرحب بيها دي , وقفت رنا وقربت من ندى اوي وقالت من باب الذوق احترام الضيف واكرامه بس شكل مفيش ذوق خالص وكملت باستهزاء الا ايه الفي وشك دا صحيح , ندى بارتباك وقعت من على السرير , رنا بضحك مكتوم سريركو عالي اوي كده حاسبي بقى لاحسن اديه طويلة , ندى بتوتر هو مين , رنا باستمتاع السرير يا روحي ولا عندك راي تاني , نجحت رنا في تعصيب ندى , ندى بحنق عايزة ايه يا رنا مقلتيش واوعي تقولي عايزة ترجعي لكريم لان دا في احلامك , رنا ببرود شديد كريم مين الارجعله انا مشيت بمثل التسيبه الهانم تاخده مساحة السلالم ودا مش تقليل من الناس البتشتغل الشغلانة دي دا تقليل من البتخطف الواحد من مراته وعياله , ندى بجنون مساحة السلالم مين يا عنيا دانا ستك يا بت , رنا هههههههههههههه ست مين احلمي على ادك دانتي لو كنتي ستي مكنتيش بصيتي لحاجة تخصني بس واضح ان دا طبعك وانتي مجرد واحدة عادية مفيكيش ايد او رجل زيادة , ندى بغرور بس انا اجمل واحلى منك علشان كده هو سابك وجالي انا , رنا بضحك شديد اجمل واحلى مين القالك الهبل دا يا عسل ميكنش حبيب القلب الانتي ماشية معاه ومقرطسة جوزك الوقت دا كله وكملت بتذكر زمانك بتقولي وانتي عرفتي منين صح هجاوبك انا عرفت وانا العرفت جوزك اصل مهنش عليا انك تفضلي مقرطساه وتوهميه ان مفيش منك اتنين بس في الحقيقة انتي غير كده خالص والاهم من دا كله عايزة انتقم منك واوعي دماغك توزك وتقولي اني بتبلى عليكي لان الموضوع دا بادئ قبل مجوزي يعرفني انكو اتجوزتو والظاهر انتي وعشيقك كنتو متفقين تضحكو على المغفل دا وانا معايا ادلة تثبت كلامي واسكرينات كمان , ندى بخزي تنتقمي مني على ايه , رنا باستمتاع بخزيها بدات تلف حوليها وقالت بنبرة ترعب انتقم منك على كرهك لعيالي ومعاملتك ليهم بطريقة وحشة وكويك ليهم وفوق دا كله بتحرميهم من الاكل وقومتيهم وهما هيموتو من كتر الجوع وكنتي عايزة تاكليهم بواقي الاكل زي مبتعملو مع الكلاب والقطط واوقات الخدم وقبل دا كله كنتي عايزة تشغليهم زي الخدم عندك وانتي تترزعي وتتامري عليهم وخوفتيهم وقلتي لهم انهم لو قالو حاجة هتدبحيهم ومحدش هيعرفلهم طريق وكنتي بتقوي ابوهم عليهموانا عمري مهسكت على حق عيالي ابدا وهاخده مهما كان التمن , يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

كريم بعنف انتي بتخرفي تقولي ايه , رنا بسخرية السمعته يا محترم الهانم الانت جايبها من الشارع كوت عيالي وهددتهم وانت مش موجود , ندى بعصبية قطع لسانك يا بت انتي انا اشرف من الشرف وبعدين انا مالي بعيالك ي عنيا جايا تهاجميني لايه ماخدتيهمش معاكي وانتي غايرة في داهية تاخدك لايه , رنا بضحك واضح انك اشرف من الشرف لما تاخدي واحد من بيته وتفضلي تلفي عليه لحد ميتجوزك وينسى مراته وعياله , ندى بقرف خليته يتجوزني على سنة الله ورسوله وزي مالشرع بيقول دا بدل ميكون معايا في الحرام , رنا بهدوء مفتعل وانتي عارفة الشرع بقى مش المفروض في الشرع ان يكون فيه سبب علشان البيه يتجوز عليا والمفروض يعرفني قبلها وانا ليا القرار اكمل او اطلب الطلاق وكملت بحزن دفين وعينيها مليانة دموع رافضة تنزل وبالله عليكم بلاش الاستوانة المشروخة البتتقال لكل واحدة جوزها بيتجوز عليها وبيخبي انه متجوز ولما تعرف بيتقالها معرفكيش اصل هو خايف على مشاعرك وكريم مش خايف على مشاعري ولا حاجة دا من اول معرفك لو كان يطول يرميني في اي مكان انا وعياله كان عملها بس هو اناني عايزني وعايزك في نفس الوقت بس مش عايز يبين كده , كريم بهجوم خلصتي العندك امشي يلا , رنا بمكر ايه خايف لما حقيقتك بانت , ندى بانهيار انتي عايزة مننا ايه , رنا برخامة هعوز منك ايه يا خطافة الرجالة , ندى بضحك هستيري هما البيرمو نفسهم عليا اصلي اجمل من مراتتهم كتير اوي وفرفوشة مش نكدية زيك كده , رنا بمسكنة يا حبيبتي صعبتي عليا متكونيش انتي البتصدرلهم وش يخليهم يتقربو منك وبتفرحي اوي بكده , كريم بسخرية لرنا الا انتي مالك بندى متغاظة منها علشان مش عارفة تعملي زيها , ضر*بته رنا حتة قل*م وهدرت فيه بغضب عايزني انا ابقى زي دي ابعد من حضن دا اروح لحضن دا هو انت اهبل ودماغك فوتت على الآخر مش شايف حالتها عاملة ازاي وهي كل ساعة مع واحد شكل انا اهلي الحمد لله ربوني احسن تربية ربوني ازاي اعرف افرق بين الحلال والحرام ربوني ازي اعرف افرق بين الصح والغلط ربوني كويس اوي بس الظاهر اختياري ليك من البداية كان غلط وكلهم حذروني منك وانا اتمسكت بيك لآخر لحظة بس انت طلعت متستاهلش تمسكي بيك ولا تستاهل تضحيتي علشانك انت واحد خبيث وطماع واناني شخصيتك شخصية نرجسية ونصيحة روح اتعالج من المرض الانت فيه دا قبل ميفوت الاوان وتلاقي كل الحوليك بيبعدو عنك واحد وراء التاني , وكملت بتهديد هات عيالي احسن مادخل المحاكم بيننا وهي هتحكملي بالحضانة , ندى بخبث حبيبي انت شاغل بالك بيهم لايه اديهم لها خلينا نرتاح من غمهم , كريم باقطناع معاكي حق , رنا بسخرية ايه بقيت دل*دول ولا ايه , كريم بنداء حازم حمزة تعالو علشان تروحو مع امكم , جم فرحانين اوي , وكمل كريم بجحود عيالك اهم لا عايز اشوف وشك ولا اشوف وشهم امشو بقى , رنا باحراج ماشين محسسنا اننا قاعدين في الجنة دانا قاعدة مع جوز شياطين او اسوء سلام , زفر كريم بحنق وقال عاجبك كده شمتتي الاستاذة فينا , ندى بتبرير انت فاهم غلط هي قالت انها عارفة ودا معناه انها بتتبلى عليا , كريم بمحاولة تصديقها وماله انا كده كده راجل منفتح مش زي كل الرجالة الشرقيين تحسي انهم قفل كده , ندى بمحاولة تثبيته امال انا حبيتك من فراغ , كريم بلا مبالاة طيب انا داخل انام شوية , رن تليفون ندى العميلة بعملية لانك من زمان عميل عزيز في البنك مبروك كسبت ١٠ آلىف جنيه ادينا رقم حسابك البنكي نوضعهم فيه , ندى بحماس رقم حسابي هو**** , العميلة بمهنية تمام شكرا على ثقتك الزيادة فينا يا فندم ودخلت ندى على كريم , ندى برقة كيمو , كريم بنوم نعم , ندى بحماس حسابي البنكي هيزيد , انتعدل كريم على السرير وقال بفضول ازاي , حكتله ندى على الحصل , كريم بعصبية انتي ازاي تعملي كده ممكن يكونو نصب , ندى بثقة لا يمكن دي عميلة من البنك , كريم بتسرع واثقة فيها اوي كده لايه , ندى بتبرير دا احساس واحساسي دليلي , وفجءة رن فون كريم , كريم بفضول دول البنك , ندى بحماس شديد رد يمكن يجيلك زيادات زيي كده , رد كريم ونفس الحصل مع ندى حصل معاه وبعد مقفل , كريم بشرود حاسس ان الموضوع دا فيه حاجة غلط , ندى بطمع لا غلط ولا غيره كويس خلينا نكسب فلوس اكتر واكتر وفجءة وصلتلهم رسايل على الفون تم سحب رصيد حسابك البنكي والمبلغ هو***** , بصو لبعض في زهول وصدمة وكل واحد منهم مش عارف يقول للتاني الحصل , ندى خافت تتكلم لان دي شورتها وكريم غضبان جامد , كريم بصوت جهوري فرحانة يا مدام دلوقتي لما فلوسي اتسحبت , ندى بذهول هو انت كمان فلوسك اتسحبت , كريم بتحليل يعني فلوسك هي كمان اتسحبت , ندى باضطراب ايوة , كريم بصدمة يعني ايه تحويشة عمري ضاعت , ندى بعياط انا مكنش قصدي ولا كنت اعرف كده , كريم بفحيح اكيد انتي متفقة مع عشيقك انكو تسرقوني , ندى بدفاع لا ابدا انا معملتش حاجة ومتفقتش معاه على حاجة , كريم بصرامة قومي البسي , ندى برعب هنروح فين , كريم بحزم هنشوف حل للمصيبة الانتي السبب فيها وفعلا راحو البنك , العميل اهلا بحضراتكم يا فندم اقدر اساعدكو بايه , كريم بغضب مكبوت بص حضرتك البنك كلموني انا والمدام واتقال اننا كسبنا ١٠ آلاف جنيه واتطلب رقم الحساب وقولنا عليه وبعدها لقينا رسالة من البنك ان الفلوس كلها اتسحبت , العميل بعدم فهم وايه المطلوب من يا فندم , كريم بسخط فلوسي , العميل بتوضيح الواضح ان دي عملية احتيال ونجحت عليكو وكمل بسخرية اي بنك الهيتصدق على العميلين الموجودين فيه دا كده هنعلن افلاسنا من بدري , كريم بغيظ يعني ايه شقايا كله راح وكل دا بسبب اهمالكو , العميل بزعيق السبب غباء حضرتك يا استاذ مش اهمالنا محدش قالك صدق مجرد كلام بيتقال علشان معروف انكم طماعين وبتصدقو الحاجات دي بسهولة , كريم بصوت عالي لم عمال البنك وكمان مش بتحترمو الناس الجايالكو , العميل بقسوة لاااااا دي شكلها هبت منك على الآخر امشي من هنا مش عايز اشوف وشك هنا احسن ماستدعيلك الامن وهما هيخرجوك بفضيحة , خرج كريم وهو شايط على الآخر وجارر ندى وراه وهي ميتة في جلدها من الخوف والرعب , ندى بوجع سيبني انت بتوجعني اوي , كريم جرها اكتر وقال بهمس مرعب انتي تخرصي خالص دلوقتي احسن مارميكي تحت اي عربية واخلص من قرفك دا كان يوم اسود يوم معرفتك , سكتت ندى وهي بتتوعدله من جواها , كريم بتذكر وجمود بتجيبي حاجات بخمسين الف لايه وانا هسددهم ازاي دلوقتي وانا بقيت على الحديدة , ندى بصدق بس انا مجبتش حاجة يوميها لغيت الاوردر تاني , كريم بعدم تصديق بطلي كدب وحوارات هو انتي مبتتعبيش , سكتت ندى ومردتش باي حرف , ومر نصف شهر ومفيش جديد يذكر غير خناقات كريم وندى بشكل مستمر وكرههم لبعض بيتزايد اكتر واكتر ووصول انذار لكريم بتسديد المخالفات والقيمتها ١٠٠ الف جنيه والا هيتسجن , ومحاولات كريم المستميتة بالاستلاف من كل اليعرفهم بس كان بيقابل كل دا بالرفض بعد مبيعرفو وضعه المالي وانه بقى على الحديدة دا غير انه كان عليه فلوس ومكنش لسا سددها , وفي يوم الساعة ٢ بالليل صحو مفزوعين على خبط شديد على الباب , كريم بفزع يا ترى مين بيخبط , يتبع توقعو مين الخبط

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

فتح كريم الباب وبلع ريقه بخوف , الضابط انت كريم , كريم بتوتر ايوة , الضابط ببرود انت مطلوب القبض عليك , كريم بتوتر بتهمة ايه , الضابط لما تروح القسم هتعرف , كريم برفض لا انا مش رايح اي مكان غير لما اعرف انا عملت ايه , الضابط بحدة عملك مهبب على دماغك امشي بالذوق بدل متيجي عفية , كريم بتحدي وريني آخرك , الضابط بامر هاتوه جر خلو فضيحته بجلااجل الناس دول مبيجوش بالذوق ابدا , وفعلا جروه لتحت وسط صرخات ندى والصحى كل العمارة وكله بيتفرج وفيهم البيصور علشان ينزل على النت ويطلع تيرند , ندى بولولة هاتولي جوزي انا عايزاه , جارتها بشماتة قلبي عندك يا اختي علشان تجربي احساس ان البوليس يجي ياخد جوزك في عز الليل وهو بريء معملش حاجة بس انا اشك ان جوزك بريء اكيد وراه مصيبة وكبيرة كمان مش دا كان كلامك لما الشرطة جت اخدت جوزي من فترة بس الحمد لله ظهر الحق وظهر ان جوزي بريء , ندى بشجار مالك يا بت انتي جرالك ايه مش لاقية غير الوقت الانا متضايقة فيه وجاية تشمتي , جارتها باستهزاء مقلتيش الكلام دا لايه لما انا اتحطيت في نفس الموقف ولا انتي مسموحلك تعملي اي حاجة اما انا فلا فاكرة لما صورتي جوزي وهو بيتاخد ونزلتي في كل مكان اما انا فمش هعمل زيك انا سايبة المهمة دي فيه غيري كتير زمانهم عملو كده ومن زمان كمان , دخلت ندى ورزعت الباب بكل قوتها , الجارة بصوت مسموع براحة ليطقلك عرق اوووووووووووووف ايه التكبر دا , ندى بغيظ ايه القرف الانا فيه دا هو انا كنت ناقصة غم اكتر من الانا فيه وكملت بخبث وطمع بس كويس انهم هينزلو الفيديو منها كريم هيتفضح وهتكون مهمة طلب الطلاق سهلة او الخلع اسهل والتاني ان اكيد الصحافة لما هتشوف الخبر هيتوافدو عليا واحد ورى التاني علشان يعرفو اسباب للحصل وانا مش هقبل اصور غير بمقابل وبكده هكسب فلوس كتير وضحكت بشر , اما عند كريم في القسم , كريم بغضب ممكن افهم انا لايه هنا , الضابط بهدوئ انت هنا علشان مدفعتش المخالفات العليك , كريم بعدم فهم مخالفات ايه , الضابط بعصبية شغل الكدب والتمثيل دا مش عليا انا فاهمكو كويس اوي , كريم بصدق بس انا مش فاهم مخالفة ايه البتتكلم عليها , الضابط بقسوة تتعدل وانت بتتكلم معايا اما المخالفة فانت عليك مخالفات توصل ل١٠٠ الف جنيه , كريم بدهشة كااااااام , الضابط بصوت مرتفع صوتك ميعلاش يا جدع انت المرة دي بحذر المرة الجية مضمنش ردة فعلي هتبقى ايه , كريم باسف آسف يا فندم مش قصدي بس حضرتك صدمتني بالمبلغ دا , الضابط بتركيز في عنيه بتنكر المخالفات طيب البدرة الفي دلاب شقتك التنية , كريم باستنكار بدرة , الضابط باستهزاء ايوة بدرة يا محترم وانت مخبيها بس فيه واحد ابن حلال شافك وانت داخل الشقة وبلغنا , كريم بجنون هو مين دا انا مليش في الشغل الحرام ولا الشغل الش*مال , الضابط ضحك بسخرية وقال جابو الكداب وقالوله احلف , كريم بغضب ونسي انه متهم وممكن يدخل السجن بتهمة التعدي على ضابط انت بتتكلم كده لايه وكانك متاكد اني متهم , الضابط بجفاء ادخلك السجن دلوقتي بتهمة التعدي عليا , كريم بترجي ابوس ايدك يا بيه طلعني انا عندي عيالي بربيهم , ابتسم الضابط ابتسامة ملتوية ههههههههههههههه تصدق ضحكتني عيال مين البتربيهم وانت متخلي عنهم لامهم علشان ترضي مراتك الكانت سكيرتيرتك والخنت مراتك معاها ومن غير جواز بهت كريم ووشه شحب جامد اوي وكمل الضابط بسخرية شديدة تحب اكمل فضايحك ولا كفايا عليك كده انا بقول كفايا كده اصلي حاسس انك هتموت مني وانا لسا محتاجك شوية , سبه كريم بافظع الشتائم في سره , ضر*به الضابط بقسوة وقال آدي تهمة جديدة تتكتب ليك علشان متشتمش اي ضابط تاني , كريم بكره انت واحد ظالم , الضابط باستفزاز مش مشكلة انا ظالم طيب انت ايه لما تظلم مراتك وتقهرها تبقى ايه , كريم بتعنت وانت مالك بيها من اول مدخلت وانت بتتكلم عنها متكنش متفق معاها ولا متكنش معاها في علاقة وانا معرفش , ضر~به بو~كس في وشه وهدر فيه باشمئزاز وقرف هو علشان انت ق~ذر ون~دل وخس~يس ووض~يع مفكر الناس كلها شبهك ونادى على العسكري بصوت عالي , العسكري امرك يا فندم , الضابط بقوة خد الكلب دا على القفص وخلي المساجين يتوصو بيه على الآخر علشان يبطل يهري اي هري وخلاص , العسكري بخوف بس كده يا فندم هيتضرر جامد , الضابط بحدة ناهيا للحوار خده وملكش دعوة , العسكري بخدوع امرك واخده ومشي , العسكري بفضول انت عملت ايه وصل الضابط للعصبية دي كلها دا طبعه هادي وملوش في جو التعذيب , كريم ببرود مفتعل اظن ميخصكش , العسكري بحنق تصدق حلال عليك الهيجرالك ودخله السجن وبعد شوية , سجين ١ ايه داخل السجن بتهمة ايه , كريم بقرف واشمئزاز وانت مالك يخصك في ايه , بص السجين ١ للباقيين وقال بعصبية مفرطة الواد دا بيعلي صوته عليا وكمان بيقول وانت مالك وانا محدش يقدر يقولي وانت مالك دي , كريم بسخط لايه يعني كنت الرئيس ولا الرئيس , سجين ٢ باستخفاف دا المعلم , كريم بعدم اهتمام المعلم معلم على نفسه , سجين ١ بشر علموه الادب يا رجالة , وبعد مدة من الصراخ المتواصل والض,رب الشديد دخل الضابط بكل هيبة , الضابط بقوة فيه ايه , السجناء برعب مفيش حاجة , الضابط بحدة انا مبحبش اقرر كلامي مرتين فيه ايه , وقف كريم وهو مش قادر يصلب طوله من كتر الض,رب هما تكاترو عليا وضربوني وكمل بحقد وكل دا بامر معليك , الضابط بغضب شديد انت اهبل ياض مش معنى اني قلت للعسكري انهم يتوصو بيك يبقى هما ضربوك بسببي اكيد انت استفزتهم وكمل بقسوة الحصل دلوقتي مش هعديه لان دي مش اول مرة يحصل منكم كده , سجين ١ باحترام يا فندم هما بيستفزوني وانا عصبي حبتين وجدي كمان , الضابط بسخرية نسيت تقول انك فضولي بردو وكمل بجمود متبررش حاجة خالص ونادى على العسكري , الضابط بصرامة خد كل واحد من دول على حبس انفرادي نبعد شرهم عن باقي المساجين وهات لدا دكتور السجن حالا يعالجه , العسكري بانصياع امرك يا فندم مشي الضابط وكانه مجاش , وفي الصباح انتشر فيديو اعتقال كريم على مواقع التواصل الاجتماعي ولما عرف رامي راح القسم , رامي بهدوئ ممكن اقابل الضابط المسؤول عن قضية الاستاذ كريم , العسكري بفضول عايزه لايه , رامي بنفاز صبر آسف موضوع خاص , تافف العسكري بضجر وقال مينفعش تقول الموضوع الخاص دا , رامي بنفي لا وكمل بتساءل هو انت مصمم تعرف لايه هو انت جاسوس , العسكري بارتباك جاسوس ايه دا فضول مش اكتر استنا اما اشوفلك الضابط هنا ولا مشي , تضرع رامي لله انه يكون موجود وبعد برههة , العسكري بعملية حظك حلو اوي الضابط كان ماشي بس هو مستنيك جوى وشور على المكتب , شكره رامي ودخل وهو متوتر وبعد دقايق , الضابط بنظرة صاقبة فيه ايه , رامي بتوتر بص يا فندم انا لما عرفت انكم اعتقلتو كريم جيت علطول , الضابط بفضول اشمعنا , رامي بامل انا هحكي لحضرتك الحصل وعندي امل كبير انك تجيب حقي , الضابط بطمئنينة باذن الله , رامي بشرود جالنا اوردر المفروض نوصله لشقة الاستاذ كريم وفعلا رحت وقابلت واحدة منتقبة اخدت الاوردر وادتني عنوان الشقة التانية وقالت انها مراته ولما رحت اديته مهلة شهر ولدلوقت مرجعليش حاجة وكمل بتوسل بالله عليك هات المبلغ منه لان الشهر لو انتهى والمبلغ موصلش المدير هيطردني ودا اكل عيشي وانا بصرف على اهلي ومراتي وعيالي وكمل بكسرة الحمل تقيل اوي , رق قلب الضابط له وقال المبلغ كام , رامي بتفاءل ٥٠ الف جنيه , كتب الضابط شيك ب١٠٠ الف جنيه وقال ٥٠ للمحل و٥٠ ليك , رامي بشكر لا حضرتك يكفي ال٥٠ الف بتوع المحل بس , الضابط بابتسامة خفيفة لا انت هتاخد كله , رامي بامتنان شكرا لحضرتك كتير ومشي , الضابط بفضول اكبر يا ترى وراك ايه تاني يا كريم وفاق على صوت العسكري وهو بيقول مرات المتهم عايزة تشوف حضرتك يا فندم , الضابط بجدية دخلها , دخلت ندى بغنج وقالت بدلع مقصود اهلا بحضرتك يا فندم , تفاجئ الضابط من اللبس الهي لبساه والميكب الاوفر الحطاه قال بقرف خير , ندى بحزن مصطنع انت زعلان مني في حاجة , الضابط بتقييم انا زعلان منك في حاجة هو انا اعرفك اصلا وكمل باحتقار ميلزمنيش اتعرف على اشكالك , جرحت كرامتها وبشدة هي من الهولة الاولى التي راته فيها بمنزلها وعرفت كم الوسامة الطاغية والقوة المسيطرة وهي صممت انه سيكون من ضحاياها مهما كلفها الثمن , ندى بوداعة مالك يا حضرة الضابط قفوش كده لايه , الضابط بنفاز صبر انا وقتي مش ملكي لو فيه حاجة انجزي قولي مفيش يلا بالسلامة , ندى باغراء مش هترضى تنفزلي الانا عيزاه , فهم جيد مترمي اليه وقف وصفع المكتب بكلتا كفيه صفعة افزعتها ثم قال بغضب شديد ونظرة نارية لاااااا اتعدلي واتكلمي عدل لاحسن وقسمن بالله ادخلك التخشيبة ومحد يعرف يطلعك جرا ايه يا بت هو علشان كل الرجالة الكانو معاكو اندهلو مفكراني اهبل وهندهل زيهم ولا ايه وكمل بصوت اشد قسوة ايوة انتي جميلة اوي وتقدري تاثري على الشخص الادامك بسهولة بس دا مش انا وكمل بتحذير لو القرف دا اتكرر تاني هتشوفي وش عمرك مشفتيه, خرجت ندى وكل خلية في جسمها بتتنفض من الرهبة والاعجاب لكنها تفاجءت بان كل الفي القسم ادام الباب ودا من صوته الهز القسم كله نظرتلهم ندى بعدم حياء ونظرت له بتحدي وتصميم على ما في راسها , زفر الضابط وقال بنزق مش ناوية تشوفي جوزك يا مدام ولا جاية علشان مصلحتك وخلاص , ندى بغيظ مكتوم طبعا عايزة اشوفه , انصرف الجمع وكل منهم يضرب كف على كف بسبب وقاحة هذه الفتاة , تميم هات كريم يا ابني , واول مجاب كريم شعر بحرج ان تراه زوجته هكذا , ندى بدموع مصطنعة قلبي عندك يا حبيبي , تجاهل كريم هذه النبرة وقال بضجر ايه اللبس دا وايه الميكب الاوفر دا هو انتي رايحة فرح , ندى بضيق دا لبسي ومن زمان يا كريم ومش معقول هغيره دلوقتي ما علينا المهم ايه الدخلك السجن بقى , كريم بحزن دخلته بتهمة ان عليا مخالفات ب١٠٠ الف جنيه , ندى بعدم فهم ودا ازاي ومحدش بيسوق عربيتك غيرك , كريم بتشتت مدا المجنني , ندى بمكر طيب هتعمل ايه , كريم مفيش غير حل واحد , ندى بفضول ايه , كريم بخوف من ردة فعلها تبيعي كل قطعة دهب انا جبتهالك اسدد ديوني وهشتريلك احسن منهم , يتبع توقعو هتعمل ايه

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚

ندى بردح نعم يا عنيا عيد تاني مسمعتش , بلع كريم ريقه بكل توتر وقال مفيش غير الحل دا الهينقذني ولو مبعتيش هفضل في السجن لاجل غير مسمى , ندى بجحود دانت تعفن في السجن احسن مابيع اي حتة دهب علشانك , كريم بصدمة بس الدهب دا بفلوسي انا ويخصني انا , ندى ههههههههههههه كان يخصك انت بس بقى تبعي انا , كريم بترجي لو بتحبيني يا ندى خرجيني من هنا , ندى بشماتة لا انا مبحبكش ولا هحبك من الاساس فاكر لما كنت تعاملني بغرور وتكبر لمجرد انك اعلى في المنصب مني وقتها صممت وراهنت صحابي اني هخليك خاتم في صباعي وهما السراحة اتخدعو فيك وفكروك وفي لمراتك اتحدوني بكل ثقة لانهم اتوقعو اني هخسر بس خيبت امالهم وكسبت وبكل جدارة ودا لما وقعتك في شباكي وخنت مراتك معايا وجوى مكتبك خليتك تتلهف عليا علشان لما ارجعلك تتجوزني علطول واعيش في العز الانت معيش مراتك فيه واديك اتجوزتني وعيشتني في العز ومليت دماغك ناحية مراتك وانت كنت البنك بتاعي وكملت بجرئة عارف انا هنا لايه مش علشانك لااااااا انا هنا علشان اوقع ضحية جديدة واشمت فيك وانت مذلول كده ومش لاقي اليخرجك وبتترجاني وانا مش هخرجك مهما تعمل , تهاوى جسد كريم على المقعد من شدة كرهها له وقال بذهول بس انا حبيتك اوي لايه بتقسي عليا كده , ندى بحزم انا قاسية ملكش دعوة فوجئو برنا ادامهم , رنا بتانيب ضمير فيه ايه , ندى بقسوة اهلا وسهلا بالست رنا الهي هتمثل دور البراءة , رنا ببرود مالك محروقة مني كده لايه , ندى باستفزاز انا همشي بقى , مسكتها رنا بقوة وقالت بنظرو تحذيرية اترزعي مكانك فيه حساب كبير ناوين نصفيه سوى , ندى بقلق بسيط يعني ايه , كريم بجمود انتي جاية تشمتي فيا وترجعي , رنا بدهشة انت شايفني كده , كريم بالم مالحبتها عملت كده انتي مش هتعملي , رنا بوجع انا مش كده واهلي مربونيش على قسوة القلب , ندى بغضب خلصو انا عايزة امشي ورايا مشاوير , رنا بسخرية مشاويرك مع الرجالة صح , ندى باستفزاز ملكيش دعوة وكملت باهانة طلقني علشان انا مش هكمل حياتي مع واحد رد سجون والله اعلم هتطلع امتة وانا لسا صغيرة والف مين يتمناني , كريم بمرارة الخزلان بلاش بالله عليكي تعملي فيا كده , ندى بقسوة لو مطلقتنيش هخلعك وانت اكيد عارف وكويس اوي كمان ان الحكم هيكون لصالحي فطلقني بالذوق , كريم بدموع محبوسة انتي طالق ولو تعرفي تجيبي الماذون هنا هاتيه علشان نخلص اوراق الطلاق , زغرطت ندى بصوت فزع القاعدين معاها , كريم بحزن للدرجة دي فرحانة , ندى بفرحة شديدة واكتر من كده بس انت متتصورش انا فرحانة اد ايه وخرجت , بكى كريم بكل حرقة وبكت رنا على بكاءه , رنا بحزن انا متعودتش اشوفك ضعيف كده , كريم بعصبية انتي زمانك من جواكي بترقصي من كتر الفرحة لاني طلقت ندى ورجعتلك لوحدك بس احب اقولك اني مبقتش طايقك , اتصدمت رنا من كلامه وحبت تردله الصاع صاعين ولا انا بقيت اطيقك ولا عايزاك كون ان انا اقيدلك صوابعي العشرة شمع وانت تخونني في مكتبك ومن غير متتجوزها كمان , كريم ببهوت وانتي عرفتي منين , رنا المدام كانت بعتتلي لحظاتكو العابرة وقسيمة الجواز بعد متجوزت , كريم باحراج من نفسه وانتي جاية لايه دلوقتي , رنا ببرود جاية اعرض عليك عرض , كريم ايه , رنا باسترخاء انا مستعدة اطلعك من السجن وادفع الديون العليك ودا مش علشانك دا علشان عيالي الغلابة الذنبهم الوحيد انك والدهم وعلشان محدش يعايرهم بعد كده ان ابوهم كان رد سجون , كريم باستهزاء وانتي بقى حيلتك ايه علشان تدفعي ديوني , رنا بحدة متغلطش علشان متندمش في الآخر , كريم اكيد فيه مقابل , رنا بدهاء برافو عليك واخيرا فهمت دماغي , كريم بحذر وهو ايه الشرط دا بقى , رنا ببرود مش دلوقتي , كريم بصوت غاضب قليلا لا لازم اعرف من دلوقتي علشان ممكن تستغلي الموقف لمصلحتك وتطلبي اننا نرجع , رنا بغيظ هو انت غبي ولا غبي انا قلت علشان عيالي مش علشانك انت وشرطي لمصلحة عيالي بردو وانا مش عايزاك , دخل تميم وقال وقت الزيارة خلص من زمان وانا سبتكو كتير اوي مش كده خلاص , رنا بتوتر هو جوزي مينفعش يخرج معايا , تميم باستخفاف جوزك مين لماخذى قصدك الحقير دا يدفع العليه ونبقى نخرجه كده كده البدرة طلعت دقيق , نظر كريم لرنا نظرة اتهام صريحة , رنا بتمثيل عدم المعرفة , عليه ١٠٠ الف جنيه مخالفات , رنا هدفعهم حاجة تاني , تميم ونظره مصلط على رنا وكان عليه ٥٠ الف دلفاري , كريم بتبررير الراجل دا كداب مراتي مشترتش حاجة منهم , رنا بحزن لانها بتتوقع ان عامل التوصيل اتعرض للطرد او الجزاء بسببها انا هدفعهم , تميم بقوة عليه تهمة تعدي على ضابط وانا مبخدش رشوة فمتتعبيش نفسك , رنا ببرود لو سمحت خرجه المرة دي , وافق تميم بعد محايلات كثيرة وتوسلات من كريم , تميم بهدوء مستفز للاعصاب اتفضل اخرج برة على ماخلص الاجراآت مع المدام رنا خرج كريم وهو بيغلي , تميم بنصيحة متضحيش بشغل حد علشان تنتقمي من شخص تاني لان بسببك الراجل كان هيتعرض للطرد وانا دفعتله الفلوس ومش عايزهم منك , رنا بتانيب ضمير وبحزن انا فعلا معرفش عملت كده ازاي كان المفروض افكر في العواقب قبل ماعمل اي حاجة , تميم بتفهم انا فاهمك كويس اوي وفاهم ان الكان بيحركك غضبك وانتقامك وفاهم كمان ان انتي السبب في دخوله السجن , رنا بصدق ايوة انا السبب الرئيسي فعلا , تميم تمام يلا خلصي الاجرآت علشان تمشو وبعد مخلصو اخدته على شقتهم , رنا بجدية انا طلعتلك الهدوم اتفضل غير هدومك , كريم بتعب انتي بتعملي معايا كده لايه واحدة غيرك كانت هتاخدها فرصة وتطلب الطلاق , رن بانكسار يمكن انا مش متعودة اتخلى عن حد واسيبه وهو في محنة وعلشان كده انا مطلبتش الطلاق لدلوقتي , كريم بتعب خلينا نشوف انا داخل اغير هدومي , دخلت رنا المطبخ جهزت اكلة خفيفة , خرج كريم رنا بهدوئ انا جهزتلك اكل خفيف اكيد انت جعان ومكنتش بتعرف تاكل , كريم بايجاب فعلا انا جعان اوي ومكنتش متوقع اني هخرج من المحنة دي دلوقتي ، رنا بابتسامة الحمد لله انت خرجت وفي شقتك كمان فمتقلقش انا بستاذن همشي بقى , كريم وهو بياكل طيب واول مروحت , سعاد بغضب ينفع العملتيه دا , رنا ببرود عملت ايه , سعاد بحدة خرجتي البيه من السجن , رنا بنقاش حاد انا الغلطانة وصلحت غلطتي هو مينفعش , سعاد بصوت مرتفع ودا حقك , رنا بدموع كثيفة حقي اني ادخل واحد السجن لمجرد انه خاني يبقى حقي , ضربتها سعاد قلم على وشها وقالت بعصبية انتي حنيتيله , رنا بصدمة انتي اكتر واحدة عارفة انا اد ايه موجوعة ومجروحة ومقهورة من العمله فيا وبتقولي الكلام دا وكملت بتصميم انا عملت كده علشان عيالي مش علشانه انتي هتفرحي لما عيالي يتعايرو من صحابهم ومدرسينهم طول الوقت ان ابوهم يبقى رد سجون انتي هتفرحي لما عيالي تكون نفسيتهم تحت الارض وكل دا بسبب ابوهم انا محنتلوش ولا هحنله ابدا لانه كسر حاجة جوى قلبي عمرها مهتتصلح مهما يحصل ومشيت , وتاني يوم نزل كريم الشغل وسط كلام كتير عليه وسخريات اكتر منه , سكرتير المدير بتقليل منه انت يا يا وشور عليه , كريم بصوت حاد فيه ايه , السكرتير بشماتة المدير عايزك دخل كريم وهو قلقان ومتوتر , كريم بتوتر حضرتك طلبتني , المدير بتفكير بص انا مبحبش اللف والدوران فهتكلم دغري انت كنت ونعم الموظف بس ايام زمان لكنك اول مرتبطت بالسكرتيرة دي وانت بقيت في النازل بدات تهمل الشغل وتستلف من كل واحد شوية لحد مبقيت مديون للناس كلها ومبتسددش واخيرا دخلت السجن فمينفعش تستمر معانا لاني بكده هتعرضني لخسارة كتير للمشاريع والعملاء , كريم بصدمة بس انا تعبت اوي في الشركة دي فحرام انك تمشيني بسهولة كده وتتخلى عني كني مجتش من الاساس , المدير , بعدم اكتراث ووجه نظره للورق والله ميخصنيش محدش قالك تمشي ورا نزواتك لحد مشوهت سمعتك وكمل باستفزاز كما تدين تدان انت خليت مراتك تسيب شغلها بالرغم انها كانت مجتهدة اكتر منك والشركة بسببها اتنقلت نقلة تانية خالص ولما قلتلها مفيش شغل ليكي لانك كنت غيران منها لانها كانت افضل منك في الشغل هي معترضتش ووافقت لانها كانت مفكرة انك مش عايزها تتعب وانت انهردةة بتنطرد ومش بمزاجك , خرج كريم وهو مشطاط غضبا وبدا يلم متعلقاته الشخصية وسط النظرات المشمئزة والمحتقرة , كريم بجنون متبصوليش كده , ضحكو جميعهم بصوت مرتفع وقالو معدش ليك علينا امر فمتعملناش فيها ان مفيش منك اتنين , خرج كريم وهو على تكة وهيولع فيهم , وبعد كم يوم فلوس كريم الكان مخبيها وراح لاهله , كريم بتوسل ماما انا عايز منك فلوس , والدته بشدة انت مبتحسش على دمك هو انت مش مكسوف لما تكون اطول مني وتطلب فلوس وبكل بجاحة , كريم بنزق اعمل ايه معنتش لاقي شغل , والدته بقسوة يعني هتبقى عالة علينا , كريم بمسكنة لو مش عايزاة تساعديني قولي , والدته باستهزاء وانت هتلاقي حد غيرنا يساعدك اتوكس , كريم بخبث ايوة فيه حد وهلعب على النقطة دي , والدته بنظرة كالسقر مين , كريم بمكر رنا , والدته بعصبية انت ايه مش مكفيك العملته فيها عايز تقضي عليها كمان , كريم بعدم احترام انتي ملكيش دعوة خليكي في حالك انا ومراتي حرين وهي بتموت فيا وهتوافق اول ماعرض عليها الموضوع , والدته بثقة هنشوف هي هتعمل ايه , مشي كريم وهو حاسس بلذة الانتصار , كريم لنفسه بغروؤ انا هتقل علشان لما اكلمها توافق بسهولة ومتفكرش خالص , وبعد مرور فترة من الايام رن كريم على رنا , كريم بشوق مصطنع وحشتيني , رنا بصرامة خير فيه ايه , كريم بلهفة متتهربيش انتي بجد وحشتيني ووحشني الكلام معاكي , رنا بابتسامة مكتومة والمطلوب , كريم بانتصار نتقابل ونتكلم , رنا بتاكيد المقابلة دي هتكون في بيت اهلي ومنها تشوف حمزة وحازم , كريم بتصنع بس اهلك هيعايروني , رنا بعدم تعبير لا متقلقش انا هتصرف وهكلمهم تعالى بالليل , كريم بفرح تمام هاجي , رنا لوالدها بهدوئ كريم جاي بالليل , سعاد بعصبية ايه الانتي بتقوليه دا , رنا متقلقيش انا عارفة انا بعمل ايه , سعاد خلينا نشوف آخرتها يا بنت بطني , كريم وصل , حسام بحنق اتفضل كريم , كريم بود ظائف اهلا يا عمي , حسام ببرود ادخل , كريم ازيك يا ماما , سعاد بجمود متنطقش ماما دي على لسانك القذر , وجه كريم بصره لرنا وقال بحزن مصطنع مش قلتلك اهلك مش هيتقبلوني , رنا بنفاز صبر وضغطت على سنانها بعصبية اقعد يا كريم ونادت على عيالها وقالت سلمو على بابا , كريم انا عايز ارجع رنا معايا البيت , رنا بنظرات مبهمة مين القالك اني هرجع , كريم طريقتك العرفتني , رنا هههههههههههههه هو علشان اتكلمت معاك عادي ابقى سامحتك هو انت كسرتلي طبق دانت كسرت قلبي فاهم يعني ايه , كريم انا عايزك ترجعي علشان العيال على الاقل , رنا بلا مبالاة ملكش دعوة بالعيال انا هعرف اربيهم لوحدي ومش محتاجين لخدماتك انت لما كنت معاهم مكنتش بتهتم بيهم وكاني جيباهم من الشارع ايه الاتغير دلوقتي , كريم بصدق لاول مرة عرفت قيمتك , رنا انفجرت في الضحك المتواصل وقالت بسخرية مبين الضحك عرفت قيمتي تصدق ضحكتني اشمعن دلوقتي العرفت فيه قيمتي ولا انت عايز ترجعني علشان اشتغل واصرف عليك , كريم بحزن انا في البداية كنت هعمل كده بس انتي تعبتي معايا كتير اوي فعرفت اد ايه انتي انسانة كويسة وتستهلي كل خير , رنا بحزم عرفت قيمتي لما وقفت جنبك في ازمتك اما حبيبة القلب طفشت وطلبت الطلاق ولو هي مكانتش بعدت عنك كان زمانك لسا كارهني وكان زمانه بيتضاعف وكملت بسراحة انت مشكلتك انك مبترضاش بالقليل ابدا , كريم بترجي ارجعي يا رنا مش هتسيبوني انتي وندى في وقت واحد كده حرام بجد , رنا باستهزاء اظهر على حقيقتك بقى انا لفرقة معاك ولا غيره كل الهمك الناس هتقول عليك ايه وكملت بمقط وكره شديد يا شيخ انت وصلتني لمرحلة الكره انا بقيت بكرهك كره ميعلم بيه الا ربنا ومبقتش طايقة العيشة معاك وكملت بانهزام والدموع على وجنتيها انا كان ليا عندك طلب وانت كنت فكرت اني هستغل الوضع وهقولك رجعني وكملت بتصميم بالرغم اني مكنتش هطلب منك انك ترجعني علشان ملكش فرص تانية معايا وطلبي انك تطلقني ومن غير رجعة واي وقت تحب تشوف الاولاد كلم بابا وهو الهيديك معاد ودا قراري النهائي شرفت قالت كده ودخلت اوضتها من غير متقول حاجة تانية , خرج كريم وعلامات الخزي والهزيمة ترتسم على وجهه هو مكنش عايز ندى تبعد عنه بس هي بعدت بعد مخطفت قلبه وكان هيرجع لرنا لان مفيش حد يوافق بيه بعد مبقى عاطل وراح بيت ندى , ندى بتلعثم انت خرجت ازاي , كريم بانهزام عايزاني افضل طول عمري في السجن يعني , ندى بتوتر لالا مكنتش اقصد , كريم بغموض متدخليني مالك متوترة كده لايه , ندى بلعت ريقها برعب وخطفت نظرة للداخل تحت انظار كريم المصلطة عليها ثم قالت بقلق اخاف من ايه وبعدين احنا اتطلقنا ومينفعش تدخل علشان كلام الناس , كريم بشراسة زقها وقال هو حرام ليا وحلال ليهم ودور بعنيه لحد ملقى الراجل الكان معاها , كريم بنظرة شيطانية بقى دا المخبياه مني ومش راضية تدخليني علشانه وكمل باحتقار مش كنتي تعرفيني ان فيه عرض ممتع وانا كنت هاجي اتفرج بس , الشاب بوقاحة وانت مالك يا اخينا , كريم بعنف الهانم دي طليقتي والشقة دي شقتي , ندى بتحدي كانت شقتك , كريم بتحذير اخرصي خالص ونزل فوق الشاب ط,حن وقاله بثقة دي اخر مرة تيجي فيها هنا انتتتتت فااااااهم , الشاب بارتجاف فاهم وخرج , خرج كريم وراه وهو شايط وحط خطة انتقامية لندى هيكسر مناخيرها الهي رفعاها في السماء دي وبعد مرور شهر , ندى برقة مصطنعة لاحدهما يلا نفتح الكاميرا , الشاب بتمني يا ريت وفتحو الكاميرا , الشاب باستمتاع شديد اوبا ايه الحلاوة دي كلها شكلنا هنستمتع اوي , ضحكت ندى ضحكة مايعة وقالت بدلع امال دانا قمر , الشاب بجراءة واضح يا مزة , ندى هتيجيلي الشقة امتة , الشاب دلوقتي لو تحبي , ندى باستعجال يلا تعالى , الشاب هوى واول موصل استقبلته ندى بلبس كاشف لكل جس,مها , وبعد ربع ساعة دخلت عليهم الشرطة وهما منغمسان فيما حرمه الله , الضابط بقسوة هاتهملي على البوكس ملفوفين في الملاية علشان يكونو عبرة لغيرهم , ندى بانهيار ابوس ايدك يا فندم متفضحنيش , الضابط باشمئزاز انتي الفضحتي نفسك هاتهم ي ابني يلا نزلو من العمارة وسط شماتة السكان ووجود الصحافة الكانت بتصور في بث مباشر وراحو القسم , كريم راحلهم , كريم بترجي ممكن اقابل طليقتي يا فندم , الضابط بهدوئ طبعا استدعى العسكري وطلب منه انه يجيب ندى وخرج علشان يتكلمو بحريتهم , كريم بانتصار ياااااه جا الوقت اللشوفك فيه مذلولة ادامي , ندى بانهيار اتفضحت , كريم باسف مصطنع انا عارف يا قلبي وكمل بشماتة المتعرفيهوش اناا العملت كده , ندى بعدوانية لايه عملت كده , كريم بتشفي عملت كده علشان انتي شايفة نفسك على الفاضي ورافعة مناخيرك في السماء على مفيش وفوق كل دا اتخليتي عني في ازمتي وسمعتيني كلام يسم البدن بالرغم اني اشتريتك بالغالي وانتي بعتيني بالرخيص , اما ازاي فهقولك انا اول مخرجت من شقتك وانا قررت اني هقدم بلاغ للشرطة وهقول انك طلبتي الطلاق لما اكتشفت انك بتخونيني ووريتهم الصور الاتبعتتلي ولكانت دليل عليكي وقررت اني اراقبك واراقب الشقة ايوة صحيح انا عارف ان في الشهر دا كان فيه رجالة كتير بتطلع وبتنزل من عندك بس دا كان اكتر واحد متلهف عليكي وانا الكلمت الصحافة علشان تصوركو وتنزلكو على النت واديكي هتفضلي في اكتر مكان انتي كنتي بتكرهيه وضحك ضحك هستيري وخرج وسابها في ذهول , فضل طول الطريق يضحك ضحك هستيري وفقد عقله تماما وخبطته عربية , واحد من الواقفين قال خدوه على المستشفى وكلمو اهله , فعلا راح , الدكتور لاهله متقلقوش ابنكم بخير بس هو للاسف هيتحول لمستشفى الامراض العقلية لانه فقد اهله , تمر السنين والسنين تخرج حمزة من كلية الطب وتخرج حازم من هندسة واشتغلو في اماكن كويسة مع مراعاة والدهم في المستشفى وعدم ممانعة والدتهم بل كانت تذهب معهم كل زيارة , واليوم هو زفاف حمزة وحازم , رنا بدموع الف مبارك حبايبي ربنا يسعدكو , حمزة بمشاكسة انتي بتعيطي لايه مش عايزانا نتجوز يعني , رنا بنفي لا بس , الاتنين بتفهم احنا فاهمين ايه البيدور في دماغك يا ماما بس اطمني احنا عمرنا مهنعمل كده احنا كنا معاكي لحظة بلحظة وشفنا اد ايه اتوجعتي واستحملتي كلام من اليسوى والميسواش واد ايه تعبتي لحد مربتينا احنا بنحبك اوي يا ماما , ابتسمت رنا بحنان واخدتهم في حضنها , اما عن ندى فمن صدمتها بقت قعيدة على الكرسي وفضلت في السجن , تمت بحمدلله

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

تعديل المقال

نجوم الروايات

رواية صدمتي في زوجي كاملة جميع الفصول بقلم مروه جلال

رواية صدمتي في زوجي كاملة جميع الفصول بقلم مروه جلال