رواية القضية المعقدة كاملة جميع الفصول بقلم ولاء حامد

رواية القضية المعقدة كاملة جميع الفصول هى رواية من تأليف المؤلفة المميزة ولاء حامد رواية القضية المعقدة كاملة جميع الفصول صدرت لاول مرة على فيسبوك الشهير رواية القضية المعقدة كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية القضية المعقدة كاملة جميع الفصول

رواية القضية المعقدة كاملة جميع الفصول

في احد القرى الريفيه تجلس امراءة مع زوجها على المصطبه امام المنزل 

والله يا حاج البت سمر كبرت وادورت وخرطها خراط البنات

مسعود: قصدك إيه يا وليه

نعميه: يا اخويا قصدي ان البت ان الأوان بقى انها تتستر وتروح بيت عدلها 

مسعود بغلظه: اتجننتي يا وليه بنتك لسه صغار دي عيله محابتش ال 15 سنه

نعميه: يا اخويا انتا اللي قلبك روهيف دانا متجوزاك وانا أصغر منها بسنتين كنت لسه بنت 13 فيها ايه يعني وبعدين داه سلو البلد وفي الزمن داه البت ملهاش الا بيت جوزها وسترت الولايه بدري حلوه في الزمن اللي ما يعلم بيه الا ربنا داه

مسعود: بردوا بنتك غاويه علام سيبيها ومالكش صالح بيها 

نعيمه: ياراجل بلاش تقويها وبعدين تروح على مصر عشان تخش الجامعه وهناك تعرف واحد مسبسب بيلعب بالبيضه والحجر يلف عليها وتجيبلنا العار

مسعود بتشتت: قصدي ايه لا طبعا بنتي متربيه وتعرف ربنا 

نعيمه: يا اخويا مقولناش حاجه بس الدوي على الودان أمر من السحر وبتوع مصر دول ليهم في كل حاجه وبنتك لسه على نياتها ومتعرفش السما من العما خلينا نسترها بدري

مسعود بشرود: سيبيها على ربنا واللي ربك عايزه هايكون 

نعيمه: طيب براحتك

وتركته عائده لداخل المنزل 

عند سمر وهي راجعه من المدرسه برفقه مجموعه من اصدقائها مرت على قهوه بلدي يجلس عليها بعض الشباب 

أحد الشباب ويدعى جمال وهو ابن أحد كبار تجار البلد لصبي القهوه

جمال: الا قولي ياض مين البت ام فستان رصاصي دي 

صبي القهوه بعد ان نظر إليهم قصدك اللي لابسه طرحه بيضا وشنطه سودا

جمال: ايوه هي عليك نور 

صبي القهوه: دي سمر بنت مسعود ابو شامه أبوها اللي عنده الارض البحريه اللي يمه مضرب الرز 

جمال: عندها كام سنه دي 

صبي القهزن: معرفش بس دي لسه صغار وباين عليها لسه في المدرسه 

جمال بعد ان علم ما يريد :طيب خلاص انتا هتصاحبني روح هاتلي شيشه بسرعه

صبي القهوه: حمامه ونادى بصوت عالي وعندك واحد شيشه وصلحه لسيد المعلمين 

عادت سمر إلى المنزل 

سمر بحب: سا الخير يا أبا 

مسعود: سا النور يا قلب ابوكي ها عامله ايه 

سمر : بنتك بتطلع البريمو والسنه دي كمان هاطلع البريمو على المدرسه كلها 

مسعود :ويا ترى نفسك في إيه يا قلب أبوكي 

سمر: نفسي ابقي دكتوره قد الدنيا عشان اعالج الناس اللي هنا الناس هنا غلابه يا أبا ومحيلتهمش اللضا 

مسعود: ربنا يكتبلك اللي فيه الخير 

قطع كلامهم نعيمه : انتي جيتي يا اختي يلا يا مقصوفه الرقبه قدامي عشان تكملي تجهيز الأكل اهو تتعمليلك حاجه تنفعك في بيت جوزك بدل العلام اللي واكل نفوخك

سمر: حاضر يا أما هاغير واجي وراكي فوريره

ذهبت سمر سريعا وقامت بتبديل ملابسها الي ملابس بيتيه ورتبت ملابس المدرسه وذهب إلى والدتها وقامت بمساعدتها في تجهيز الطعام إلى أن عاد الجميع من أعماله وتجمعت الأسره لتناول الطعام الأبناء وزوجاتهم والأب والأم والأخت 

بعظ إنتهاء الطعام قامت سمر لتذهب 

نعيمه بصوت عالي: رايح فين يا بت صبني المواعين وشطبي المطبخ الأول 

سمر: يا أما أنا ورايا مذاكره عندي بكره إمتحان في الفصل

نعيمه بشخطه: بلا علام بلا زفت خدنا ايه منه غير وجع الراس يلا يا بت اعملي اللي بقولك عليه

سمر :حاضر يا أما 

وتركت امها وذهبت إلى المطبخ ونفذت ما امرتها به والدتها وظلت ساعتين تنظف الفوضى الموجوده بالمطبخ وبعد ساعتين ذهبت إلى غرفتها وقامت بتغيير ملابسها المتسخه إلى ملابس اخرى نظيفه وجلست تذاكر بجد واجتهاد لتحقيق حلمها 

لا تعلمي يا صغيرتي ما يخبئه القدر لكي في جعبته

حل المساء وذهب الجميع للخلود إلى النوم ولكن بقت سمر على وضعها تذاكر بجد واجتهاد 

قم مسعود في منتصف الليل ليجد غرفه ابنته مضاءه فتح الباب ليجد ابنته تفترش الارض بكتبها

مسعود بحنان ابوي: ايه يا قلب ابوكي اللي مسهرك لنص الليل

سمر: بذاكر يا أبا عندي امتحان بكره ولازم ولابد بنتك تطلع البريمو زي كل مره 

مسعود: ربنا يكتبك اللي فيه الخير بس حاولي تناميلك ساعتين عشان تصحي فايقه 

سمر : متخافش بنتك عفيه واستحمل يا أبا 

مسعود: ربنا ييسرلك كل أمر عسير يا بنتي

سمر بإبتسامه بريئه ووش ضاحك: يارب عايزاك تدعيلي 

كده بضمير ومن قلبك هاا

مسعود بهزه رأس ورضا: طول عمري داعيلك يا بت دانتي اخر العنقود وحته من قلبي يعلم ربنا يا ضي عين ابوكي ان محبتك وغلاوتك اكتر من اخواتك كمان ربنا يسعدك يا قلب ابوكي دنيا وآخره 

سمر بضحكه عاليه ظهرت كل أسنانها طلعت جري في حضن ابوها: ربنا يخليك ليا وما ننحرمش منك ابدا يارب 

مسعود: شدد على حضنها اوووي اووووي 

يلا اسيبك تكملي اللي في ايدك وعايزك دايما رافعه رأس ابوكي انتي الوحيده دون عن اخوانك كلهم اللي غاويه علام ودامغك زي البرلنت في المدرسه 

سمر بفخر: تربيتك يا أبا 

مر الليل بطوله وبطلتنا الصغيره بتذاكر بضمير لحد ما رفع الجامع الكبير صوت آذان الفجر 

ومعاها بدئت الحركه تدب في البيت 

طلع مسعود ويتبعه نعيمه في الخروج من غرفتهم

نعيمه بشهقه عاليه وخبطه على صدرها : يالهوي البت بنت ال ..... مخموده وسايبه نور الأوضه والع طيب ويمين الله لنسر الشبشب على جتتتها نساير نساير 

مسعود بعدم استيعاب: يا وليه اتهدي بقى البت تلاقيها نامت من التعب ماهي يا قلب ابوها من المدرسه تيجي تعملك شغل البيت كله انتي وحريم أولادك وتشيليها هم

تشطيب المطبخ وتدخل تكمل مذاكرتها عشان تعيد

 الكره دي كل يوم وصعبان عليكي في عز تعبها انها نامت والنور والع يا وليه لولا انها مولوده على ايديا لكنت قولت انك مرات ابوها مش امها ولا اتبدلت في المشتشفى خفي على البت شويا ارحمي يرحمك ربنا

نعيمه بقلبه وش: والنبي يا اخويا ما مبوظ البت دي غير دلعك فيها وآخرة العلام والمصاريف دي كلها ايه مهي اخرها بردوا مسيرها تتجوز وتروح بيت عدلها يبقى بدل الهري الفاضي تتعلم شغل البيت وتوفر الفلوس لشوارها 

مسعود بعصبيه: ليه مش لاقيين اللقمه لما هاتعدي على البت القرش وفلوس ايه يا ام فلوس دي يادوب مصاريف المدرسه والبت دماغها نضيفه مبتاخدش بشلن درس بتذاكر في البيت وشغل البيت البت قشاط فيه زي البلبه فيه من كافه شي 

نعيمه: سيبني انا وبنتي نصطفل 

رمت كلامها وسابته وزقت الباب على بنتها

سمر بخضه: في ايه يا أما 

مسعود بصدمه: انتي لسه صاحيه لحد دلوقتي 

سمر: ايوه يا أبا كنت هاخلص بس اللي في أيدي وأقوم اصلي واناملي ساعتين كده قبل المدرسه

مسعود: روحي صلي يا بنتي ربنا يرضى عليكي ونامي مش بتقولي عندك امتحان

سمر :ايوه منا خلاص خلصت كنت بحل في اخر مسأله بس وهاقوم اهو

نعيمه بتلويه بوق يمين وشمال: بقى يا مقصوفه الرقبه طول الليل والنور والع وانا اقوم فاتوره الكهربا بتيجي شيئ وشويات ليه اداريه من الهانم طول الليل طيب يابنت بطني تصلي وتدخلي المطبخ تجهزي الفطار وتطلعي تنادمي على اخواتك واتستني لما يخلصوا وتشطبي المطبخ وابقى روحي يا اختي المدرسه اللي وراكي 

سمر بتعب: يا أما هنام ساعتين إمبارح فضلت لبعد العشا بعشا لما خلصت المطبخ وكل واحده من حريم اخواتي كلت وطلعت شقتها 

نعيمه بشخطه: هي كلمه يابت يا أما عظيم بالله احلف منتي رايحه المدرسه ولا مخطياها برجلك 

سمر بدموع: حاضر يا أما 

مسعود طول الوقت سامع وساكت ومره واحده: وايه كمان يا مرا بتحلي وانا واقف طرطور ولا شوال قدامك طيب يمين بالله ماهاتمد ايدها في لقمه اليوم بطوله قومي يا شملوله انتي وحريم عيالك مش عشان تريحي أولاد اخواتك تخدمي بنتي ليهم هي كلمه ومش هاتنيها قومي صلي يا بنتي وادخلي نامس وانا اللي هاصحيكي كمان ساعتين ولا تلاته توكلي على الله 

وبص لمراته بحسم وشر في عنيه وانتي فزي نتوضى ونصلي فرض ربنا مع بعض مع بنتك يمكن ربنا يهديكي 

على بنتك وتنادمي على حريم عيالك كل واحده تخف نفسها يا اختي بدل مهما عجلو من كتر القعده والخدمه وتجهزوا الفطار واديني قاعد منيش رايح الغيط انهارده وأما نشوف

قالهم وزق مراته من كتفها قدامه عشان تتحرك

نعيمه مشيت وهي متغاظه من جوزها اللي نصر بنتها عليها 

هي شايفه زيها زي اي ام ان البنت مسيرها لبيتها وجوزها وللأسف من العقليه اللي بتفضل الولد على البنت وزاد انها جوزت أولادها لأولاد أخواتها وللأسف اللي بتدفع التمن عي بنتها لوحدها ولسه دفع التمن مخلصش ومش هايخلص بسهوله 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

مشيت نعيمه وهي متغاظه من جوزها اللي دايما ناصر بنتها عليها واقوي شوكتها طلعت اتوضت وكانت بنتها اتوضت ولبست عبايتها وحجابها الطويل ووقف مسعود إمام وخلفه زوجته وبنته وبداء في الكلام بالتكبير

ومر بعض الوقت إلى أن انتهى الجميع من الصلاه

جلست سمر بجوار والده تسبح بأذكار الصلاه

مسعود بحب: قعدت ليه يا ست البنات مش هاتقومي تنامي

سمر بإبتسامه بريئه على وشها الطفولي: هاخلص تسبيح واقوم انام بس امانه عليك تصحيني على 7 عشان الحق المدرسه ها يا أبا

مسعود شاور على عنيه: من عنيا الجوز

وقامت نعمه مخنوقه من عمايل جوزها وبنتها اللي شايفه انها على صواب في تربيه بنتها زي ما اتربت ان البنت ملهاش خروج ولما تبلغ تتجوز ومسيرها لجوزها وبيتها وبس وان التعليم ملهوش لازمه وبيبوظ الدماغ

قامت على المطبخ وكل الأفكار دي بتدور في دماغها

جهزت الأساسيات وطلعت تصحي حريم أولادها الرجاله اللي بيناموا ويصحون ياكلوا ويطلعوا وينزلوا يتغدو ويطلعوا ويطلعوا وينزلوا يتعشوا ويطلعوا وسمر قايمه بخدمه الكل حتى امها بتجبرها تطلع تنضف شققهم بحجه انهم متجوزين ومعاهم عيال وهي قاعده ومورهاش حاجه

طلعت ورنت جرس اول شقه بعد معاناه صحيت مرات ابنها الكبير مصطفي واسمها نورا

نورا بعنين مقفله وشعر يكاد يكون منكوش : خير يا خالتي حد يرن على حد من النجمه الدنيا طارت

نعيمه بعوجه بوق: قومي يا اختي انزلي معايا ايدك بإيدي على ما اصحي بقيت الحريم نجهز الفطار

نورا ببوادر صحيان: ليه يا خالتي اومال سمر فين ولا هي هاتقعد هانم واحنا نخدمها

نعيمه: سمر جوز خالتك يا عنيا حكم ومتعملش حاجه انهارده خلصي وانزلي يا اختي منك ليها مش هانفضل اليوم بطوله نناهد قصاد بعض

نورا بقلبه وش: والسنيوره بقى هاتقعد نبطط عليها جله يعني ولا إيه

نعيمه وهي بتتحرك عشان ترن شقه ابنها التاني محمود ومراته شروق: لا يا أختي خليها كلها يوم ال علام ال خدنا منه إيه غير خوتت الراس

فتحت شروق وحالها كحال نورا: خير يا عمتي في ايه ع الصبح كده

نعمه بنفس الاسطوانه: انزلي حضري معايا الفطار ومن غير لت كتير نورا تبقى تقولك اللي حصل

رمت الكلمتين وطلعت الدور اللي من فوقهم ورنت الجرس على جلال ابنها ومراته هاجر

وفتحت هاجر بنفس وضع سلايفها: خير يا خالتي في ايه الدنيا اتهدت ولا ايه

نعمه: قالت نفس الكلمتين انزلي جهزي الفطار معايا ومع سلايفك ونورا هاتبقى تحكيلك

وسابتها ورنت الجرس على ابنها الصغير حسن ومراته ليلي

فتحت ليلي وهي لابسه جلابيه ضيقه وشعرها زي زعافه السقف من خشونته وشكلها يغني عن الكلام

نعيمه بخضه: أعوذ بالله من الشيطان الرجيم إيه يا بت الشكل اللي يقطع الخلف داه على الصبح قومي يا اختي طسي وشك بشويه ميه وحطي الشارب على راسك تداري الكدش داه وانزلي مع سلايفك نجهز الفطار

واتحركت وهي بتعوج وبوقها يمين وشمال: الله يعينك يا ابني على ما ابتلاك دانا كاست اتخضيت اومال انتا اللي بتتصبح وبتتمسى بشكلها داه صحيح يدي الحظوظ لمكتكتين الروس يلا بلا وكسه

نزلت نعيمه وهي شايطه على اخرها: اومال ست الحسن والجمال فين

مسعود بهزه راس: يا وليه هو مفيش فايده فيكي بنتك زعلتك في ايه داه بيقولو البت حبيبة امها انتي ليه كرهاها كده

نعيمه بشهقه: مفيش ام بتكره ضناها بس انتي مفرعن البت دي علينا

مسعود: يا وليه حرام عليكي فين داه دي بتخدمكم كلكم من كبيركم لصغيركم ومفتحتش بوقها بتريحي بنات اخوكي واختك على حساب صحتها وراحتها ومابتقولش بم وبردوا مش سيباها في حالها عارفه يا نعيمه مش هااتحسي ببنتك الا بعد فوات الأوان البت دي ذنبها في رقبتك وعلى العموم يا ستي بنتك دخلت تريح ساعتين وهاتقوم تروح مدرستها قومي يا نعيمه قومي شوفي اللي وراكي واللي بنتك العيله شيلاه في البيت يمكن تحسي بيها

قامت نعيمه وهي بتبرطم: الله يقطع البنات وخلفه البنات ال يا مخلفه البنات يا شايله الهم للممات بلا وكسه

مر الوقت بسرعه طويله وقعد الكل على الفطار

جلال :اومال فين البت سمر محدش لمحها ولا سامعلها حس

نعيمه: نايمه يا اخويا ناااااايمه اصل الست هانم سهرانه لوش الصبح ال ايه بتذاكر

جلال: وهي المذاكره حبكت لوش الصبح يعني

مسعود: لا يا ابني اختك أمك حكمت عليها تنضف المطبخ بعد الفطار والغدا والعشاء لان كل واحد بياكل ويطلع شقته وهي بتيجي تطبخ وتغرف وتدخل تخبط المطبخ وتدخل بعدها تذاكر كفرت

جلال :لا يا حج بس يعني ساعه ولا ساعتين مش للصبح

مسعود: عندها يا ابني امتحان وقالت هنام ساعتين ولا تلاته وتقوم تروح مدرستها

هاجر بخبث: ولزومه ايه يعني يا عمي العلام غير خوات رأس ورايحه المدرسه جايه من المدرسه ووقت ضايع اقله في البيت هاتتعلم حاجه تنفعها بدل مضيعه الوقت على حاجات فارغه ومهما عملت ولا راحت ولا جت مسيرها لبيتها يعني هايخدها راجل على الجاهز

مسعود بحسم: بنتي وانا حر فيها محدش قال لابنك ميودكيش مدرسه وابوكي اصلا قعدت لأنك كنتي خايبه فيها بعد ما سقطي 5سنين في الإبتدائي انما بنتي وكمل بفخر ونفخه صدر بتطلع البريمو على كل زملاتها في المدرسه ورافعه راسي

عم الصمت المكان والكل النار شبت جواه من حمايه مسعود لسمر

مر الوقت وجات الساعه 7 الا خمسه قام مسعود ودخل اوضه بنته وبكل حب وحنان هزها بخفه: قومي يا ست البنات الساعه 7 الا خمسه عشان تفوقي كده قوام

سمر وهي بتحاول تفتح عنيها بصعوبه: اصباح الخير يا أبا

مسعود بإبتسامه: صباح النور على البنور قومي يا ست البنات يلا

قامت سمر بصعوبه ودخلت الحمام غسلت وشها واتوضت ولبست مريله المدرسه اللي هي دريل طويل بكم وواسع ولبست طرحتها وصلت ركعتين الصبح وخدت شنطتها وطلعت بصوت فرحان: أما أنا هامشي

نعيمه: غوري يا اختي في داهيه بلا هم

سمر بكسره: مع السلامه

مسعود: استني يا بت خدي دول

سمر: معايا والله ياأبا انتا بتديني كتير وانا مش بصرفه

مسعود: عدي هاتيلك شندوتش تقولي بيه متروحيش على لحم بطنك الا تسورقي في المدرسه

سمر بطاعه: حاضر يا أبا مع السلامه

سابتهم واتوكلت على الله حاضنه شنطتها وماشيه طول الطريق وشها في الارض مبترفعهوش وعدت تاني على القهوه بس كانت قافله

في البيت عند نعيمه ومسعود طلع يطل على الأرض قبل ما سمر ترجع

ونعيمه طول اليوم وهي بتعمل شغل البيت هي وحريم أولادها والكل عمال يدعي على سمر على بهدلتهم

نعيمه قعدت بتعب: يجيك ويحط عليكي يا سمر يابنت بطني اااه يا مين ينولني رقبتها وانا اطبق فيها البت عيارها فلت ال رايحه المدرسه جايه من المدرسه لما خابت واتوكست وبكره تقعد في اربيزي زي عمل الردي وتبور ومتلاقيش كلب اجرب يرضى بيها

ليلي بسم وخبث: يا خالتي مهي امي قالتلك انها عايزاها لعزت اخويا وعمي مرضيش وعزت كسيب وملو هدومه وعنده بيت لوحده غير بيت ابويا

نعيمه: منا قولت لعمك الحاج يا اختي ومرضيش

ليلي بشهقه: ليه بقى ان شاء الله ماله عزت زينه الشباب والف مين يتمني نسبه

قطع كلامها مسعود اللي دخل وسمع كلامهم: اقولك ماله من كتر عشرته البهايم بقى بيتعامل مع الكل على انهم حيوانات بيتكلم بإيده مش بلسانه اكبر منها ب 15 سنه ومطلق مرتين اكتر واحده اتحملته 3 شهور وطلعت بعاهه مستديمه

ليلي بمكابره ومدح في اخوها: والله داه راجل والراجل ميعيبهوش الا جيبه والعيب على اللي اتجوزهم مهي العاقله تعيش ولو وسط النار

مسعود: اللي يدور على جيب الراجل قبل أخلاقه يبقى جيعان وانا لا جيعان ولا بنتي يعيبها شي ولو على العقل افكرك لما جوزك مد ايده عليكي انا اللي وقفتله واتصدرتله وروحتي بيت ابوكي وخربتي الدنيا يا عاقله يا ام العقل بعد كده لما يكسر عضمك زي ما اخوكي عمل هابقى اقولك الكلمتين الخايبين اللي قولتلهم من شويه وسابهم ودخل اوضته وهو بيستغر ربنا من عمايل مراته وحريم أولاده اللي للأسف بقوا نسخها منها على الأسواء

عند سمر وصلت المدرسه وبداء الإمتحان سمت بالله وبدائت تركز وفعلا قبل مرور نص الوقت كانت خلصت الإمتحان وقعدت تراجع

جات ميس اماني جمبها: ايه يا سمر خلصتي

سمر بهزه راس: ايوه ايوه ابله خلصت داه الإمتحان سهل خالص وانا ذاكرت كل داه إمبارح والحمد لله كله طلع سهل

هزه ميس اماني رأسها بهدوء وطبطبت على كتفها :بالتوفيق انتي هايبقى ليكي مستقبل باهر وهاتكوني حاجه كبيره ان شاء الله

سمر بتمني: نفسي ابقى دكتوره علشان اعالج الناس هنا عشان المستشفى اللي هنا محدش بيهتم بالناس والناس غلابه ممعاهومش يروحو مستشفى تانيه ولابتوب مخصوص

اماني: اسعي دايما لحلمك

وسابتها وبدئت تلف في الفصل

هبه زميلته بصوت واطي بس بسبس بت يا سمر

سمر بصت جمبها: وهزه رأسها ايييه

هبه: السؤال التاني بتاع الجبر النظريه بتاعته كانت ايه

سمر كشرت وشها :مش بغش ولا بغشش حرام وحطتت وشها في الورقه

هبه بغيظ: ماااشي يا بنت ال بتترسمي عليا عشان شاطره

مر الوقت وخلصت سمر يومها وروحت البيت ومرت على القهوه وهي حاضنه شنطتها ووشها في الارض

جمال اول ما لمحها فضل باصص عليها وعنيه مفارقتهاش لحد ما اختفت

يتبع..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

وصلت سمر البيت لقيت ابوها قاعد على المصطبه قدام الباب وفي ايده المصحف ومنتبهه ليه جدا

سمر بحب: سا الخير يا أبا 

مسعود: صدق الله العظيم 

سا الفل والورد والياسمين على عيونك الحلوين هاا طمنيني

سمر بفخر :عيب عليك بنتك بعون الله محدش يقدر يغلبها قول يارب

مسعود :يارب ادخلي غيري ونامي ريحي جسمك أمك انهارده أشغال شاقه هي وحريم اخواتك

باست سمر ايد ابوها : ربنا يخليك ليا بس بلاش والنبي تقف لأمي علشان بيطلع على عيني وانتا غايب والله امي طيبه وقلبها زي الحليب بس عصبيه شويه بس من خوفها عليا والله وعارفه ان دماغها زي كل أهل البلد انها تجوزني وتسترني 

مسعود: ربنا يكملك بعقلك

دخلت سمر ولقيت أمها وحريم أخواتها لأول مره في المطبخ دخلت اوضتها وحطت الشنطه وغيرت هدومها وعلقت هدوم المدرسه وطلعت لأمها 

سمر بإبتسامه طفله: سا الخير يا أما اطلعي ارتاحي وانا هاكمل

نعيمه بصتلها ومردتش 

نورا بخبث وتقصعه وهي ايديها في وسطها: لا وعلى ايه روحي كملي نوم ياسنيوره لحسن ابوكي يدخل يسم بدنها زي ما عمل في ليلي من تحت راسك

سمر بصدمه: من تحت راسي ليه انا عملت ايه 

نورا: صحيح البجاحه يا اختي ليها ناسها 

نعيمه بصت لسمر بغضب: اخفي من وشي يا جلابت المصايب وغوري في اي مصيبه تاخدك لما نخلص الطفح 

سمر عنيها دمعت ومشيت مكسوره وموجوعه من أمها اللي دايما كاسره نفسها وخلتها ملطشه لكل البيت

خلصت نعمه الغدا وطلعت كل واحده تنادي جوزها واتجمعت كل العيله على الطبيله في الصاله وبداء الكل ياكل نعمه وزعت اللحمه وحطت حته كلهاوابيض لسمر 

سمر بصت للحمه وسكتت لان أمها عارفه انها مبتاكلش اللحمه البيضا او الملبسه 

الكل اتشغل في الأكل 

مسعود بص على بنته لقلها بتاكل رز وطبيخ ومنابها راقد زي ما هو : كلي منابك يا سمر 

سمر :حاضر يا أبا باكل اهو 

مد ايده خده من قدامها وبص لقيه دهنه

بص لنعيمه بغضب : من أمته يا ام الرجاله وسمر بتاكل الدهن 

نعيمه بتبرير: من انهارده يا حاج اهو يمكن ربنا ينفخ في صورتها وتتخن شويه بدل مهي مسلوعه وعامله زي البرص اللي مضروب بالشبشب 

الكل ضحك وليلي بلؤم: والنبي يا خالتي عندك حق من هنا وجاي هانبقى نقولك يا سمر برص

سمر دموعها غلبتها ومقدرتش تبلع اللقمه اللي في بوقها 

حسن بغضب: والنبي يا اختي انتي اخر واحده تتكلمي اللي ما فيكي حاجه عدله سمر من يوم يومها وهي فلقه من القمر شعر زي الحرير هااا مش طبق مش بدوده جسم زي بتوع التلفزيون مش كرش الحامل في شهر ولادتها بصلها بحب وغمزه بعينه قلب زي الفل منور على وش زي البدر سيبك منها دانا من يوم وجاي مش هقولها الا يا ليلي يا ليليه سوده كوده مالهاش ملامح

الكل ضحك لحد ما مسعود شرق وعنيه دمعت من كتر الضحك

نعيمه بضيق: مالك يا ولا ومالها بنت خالتك زي القمر وست بيت زي الفل يا اخويا يا اكشي الموكوسه بس تطلع ربعها اتجوزت أصغر من اللي قربت تعنس جاري وجابتلك الواد وجابتلك البت 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

مسعود بزعيق: مين دي اللي عنست يا مرا بنتك لسه ماجبتش ال 15 سنه وانتي اللي في رأسك في رأسك انتي إيه يا شيخه مبتتهديش دي بنتك ولا بنت ضرتك عرفيني امها ولا مرات ابوها كرهاها ليييه عرفيني ليييه الغل اللي جواكي لبنتك

نعيمه بخوف: مفيش ام بتكره ضناها انا عايزاها ست الناس عايزه استرها واشوفها في بيت العدل كل يوم يدق بابك عرسان أشكال وألوان وانتا على كلمه لا وبس ليه 

مسعود: عشان بنتي يوم ما تتجوز تتجوز اللي يتقي ربنا فيها مش يبهدلها تتجوز اللي يصونها تتجوز اللي يعملها حساب تتجوز وهي قادره على بيت انا لما اتجوزتك صغيره مرضتش اخليكي تحبلي وتخلفي الا لما جسمك شد وبقيتي قد مسؤليه بيت وعيال فهمتي ولا اعيده من تاني كاتكو القرف سديتو نفسي 

وبص لسمر بحنان قومي يا بنتي ادخلي اوضتك ريحي جسمك 

سمر قامت من سكات ودخلت اوضتها اللي كل يوم تشهد على كسره نفسها من امها حضنت مخدتها اللي ياما شربت دموعها اللي بتنزل زي الشلال بسبب امها اللي المفروض تكون احن قلب على بنتها

كتمت نفسها في المعده وفضلت تصرخ لحد ما نامت من التعب والوجع 

مر ت الأيام ورجعت سمر تاني تكمل شغل البيت وأمها لسه على نفس وضعها كل يوم تسم بدنها بكلمتين مالهومش اي لازمه

وقربت امتحانات اخر السنه وكل يوم جمال بقى متابع سمر من بعيد عايز يعرف كل كبيره وصغيره عنها وفي يوم عرف قرابتها بعزت ابن خالتها واتفقوا يتقابلو

عزت بفرحه : يا مليون اهلن وسهلا بسيد البلد عامل ايه يا كبير يا ابن الاكابر

جمال بنفخه ريش وخيله كدابه: نحمدو يا عزت عامل ايه

عزت: بخير وزي الفل بس ايه الشقه الغريبه دي

جمال: ماغريب الا الشيطان كنت جايلك في مصلحه لا مصلحتن الأولى هاتجيب التانيه 

عزت: كلي معاك قول ولو في أيدي اعتبرها مقضيه بعون الله

جمال: بعون الله بنت خالتك

عزت بعدم فهم: مين فيهم لامؤاخذه

جمال بتوضيح: سمر بنت خالتك اللي متحوزه مسعود ابو شامه طالبها في الحلال

عزت: اللي اعرفه ان جوز خالتي قال ان البت غاويه علام 

جمال: ماليش فيه مش اختك متجوزه اخوها يبقى ليك سكه اختك من نحيه وامك من نحيه وانا هاكلم ابوها

عزت بلوع: ولو مؤاخذه انا هستفاد ايه من دور الخاطبه داه منا مش ماشي اوفق راسين في الحلال

جمال بمكر: قاره البهايم اللي كنت عايز تعملها على الأرض القبليه هانعملها سوا وكمان شريك معاك بأكتر من نص رأس المال وهاتتكتب نصين شرك قولت ايه

عزت بطمع: طيب اسمع دكر الكلام لو عايزها اختي من نحيه وأمي من نحيه وأمك تزغلل عين خالتي من نحيه 

عزت اشمعنى وليه مش ابوها ولا ابوها مالهوش كلمه قدام مراته

عزت :تؤتؤ جوز خالتي دماغه بلغه قديمه وخالتي ليها سككها معاه والدوي على الودان امر من السحر

جمال: استبينا بكره هفاتح الحاجه يلا فوتك بعافيه

عزت: لا والله عيب تيجي وتمشي من غير ما تاخد واجبك دي عيبه في حقي يا ابن الأصول وانتا ابو الاوصول كلها 

جمال: واجبك وصل نشربه شربات ان شاء الله 

عزت بطمع: اعتبره حصل

مشي جمال وطول الليل صوره سمر مش مفارقه خياله ومصدق الصبح طلع ونهاره طل

قام من سريره اول ما حس بحركه أهل البيت وان الكل صحي دخل الحمام ولبس جلبيه فلاحي واسعه وحط حرام على كتفه زي ما متعود

وطلع بعد ما سمع صوت أمه بتناديله قعد يفطر وعقله شارد

محروسه ام جمال: مالك يا ضنايا شارد واللقمه بتدخل بوقك زي الزرزور

جمال بإنتباه: ولا حاجه يا ست الكل عايزك في كلمتين بعد الفطار

مر الفطار مرور الكرام واخدت محروسه الشاي لابنها 

ودخلت اوضه الجلوس : الشاي يا ضنايا في ايه بقى مخليك شارد

جمال : بفكر اكمل نص ديني

محروسه بفرحه وعين لامعه: يالف بركه يالف فرحه داه نهار نادي وبنت عمك ربيع زينه البنات ومنا وعلينا 

جمال بمقاطعه: يأما بنت عمي تربيه امها والبت شوكتها قويه متنفعنيش انا عايز بنت بداره لسه قطه مغمضه مفتحتش زي العجينه اشكلها على أيدي

محروسه: شكلك حاطط عينك على حد مين اللي عليها العين والطلب

جمال بإبتسامه متداريه: بت من البلد بنت مسعود ابو شامه الصغيره 

محروسه بتفكير: محروس ابو شامه السم مش غريب عليا فكرني بيها كده امها مين ولا أخواتها مين

جمال: هي بنت وحيده أخواتها اربعه مصطفي ومحمود وجلال وحسن اللي عنده الارض البحريه اللي يمه مضرب الرز وابن خالتها عزت اللي بيتاجر في المواشي

محروسه بتذكر: ايوه ايوه ايوه عرفتها بنت نعيمه بنت متولي ابو شامه بس يا ابني اللي اعرفه انهم بياخدوا منهم فيهم والبت لسه صغار دانا اخر مره وعيت ليها كانت بتلعب قدام الباب مع العيال

جمال: يلا يا أما كبرت وخرطها خراط البنات وبقت في المدرسه أهي وبيني وبينك كده احسن اربيها على أيدي ولا تقولي كاني ولا تقولي ماني ولا ليا ولا عليا 

محروسه بتفكير: طيب منتا بتقول انها في المدرسه وخرطها خراط البنات يعني البت غاويه علام 

جمال بلا مبالاه: وهي هاتعمل إيه بالكلام كل بنات البلد آخرهم الجواز وبيتها وعيالها 

محروسه بتأييد: ماشي معاك حق بس عايز مني ايه مكملتش ابوك يروح لابوها ليه 

جمال: بصي يا أما البت أبوها مش عايز يجوزها صغار وكل يوم يدق بابه الف عريس وعريس والبت الله وكيلك زي لهطة القشطه وأمها عايزه تسترها يعني دخلتها من امها وهي تلين دماغ أبوها 

محروسه بضحكه: اااه الدوي ع الودان أمر من السهر والنبي منك هين يا واد ماشي انا هاروح لأمها بعد العصر واجس ميتهم واجيبلك الخبر

جمال بفخر: ايوه كده يا أما وزغللي عينها عشان تعرف تقنعه بضمير

محروسه بغمزه: متقلقش من النحيه دي خالص وحط في بطنك شادر بطيخ صيفي

جمال: مطمن يا أما طول ما انتي اللي في الموضوع مادام حطيته في رأسك يبقى هايتم هايتم

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

مر اليوم ونعيمه التزمت الصمت بس كل شويه تدعي لسمر براحه الباب وربنا يرزقها بعريس ابن حلال ومسعود يمسع ويسكت

مر 4 أيام وبدئت امتحانات سمر ونعيمه قررت تقطع جو الصمت وزي ما بيقولو تقطع عرق وتسيح دمه وتحسم الموضوع

بعد الغدا الكل سحب بعضه زي كل يوم وسمر دخلت تذاكر قدامها يوم احد بس على ماتبداء الامتحان اللي بعده

نعيمه عملت الشاي زي عادتها وطلعت قدام الباب مكان قعدت جوزها المفضله نعيمه بحسم: بقولك يا حاج انتا تسمع عن الحاج علام الشلاواني

مسعود بإنتباه: ايوه ومين في البلد ميعرفوش داه من عين أعيان البلد وسمعته زي الطبل بيتغني بيها الكبير والصغير

نعيمه بإرتياح: طيب هما أهل بيت محترمين ومرتاحين وكده يعني

مسعود: شهاده حق هما بيت كرم و المال عندهم بالشمال لو وقوفو عليه يقولو السمس ليه بتسألي وكتر اللف والدوران داه وراه ايه

نعيمه بإطمئنان: بص يا حاج من قيمه كام يوم كده جات مراته محمله شيئ وشويات وطلبت ايد سمر لابنهم وطلبت ناخد موافقتك عشان ييجي الرجاله

مسعود اتنتر من مكانه بعصبيه: وهي الحريم اللي بتتكلم في الأمور دي

نعيمه بتصحيح بسرعه: لا يا حاج ويمين الله هما عرفوا انك بترفض كل اللي يدق بابك وخافت تكسف الرجاله لو جم طلبوها فلو رفضت يبقى النفوس متشيلش من بعضها ويبقى الموضوع بين الحريم هو انا بردوا هبله عيب عليك والله دانتا كبيرنا ومفيش كلمه بعد كلمتك ولا شو بعد شورك

قعد مسعود مكانه بإرتياح تاني: قصر الكلام البت لسه صغار وغاويه علام

نعيمه :طيب يا حاج نصبر بس لما تخلص ونشوف ايه رائيك حرام ترفض عريس زي داه ابن اصل ومحترم والبلد كلها تشهد ليه ولأهله ودي فرصه متتكررش قبل ما ترفض صلي وأسأل واطقس

مسعود: سيبيها على ربنا

دخلت نعيمه وتاني يوم الصبح بعد ما مشي الكل على اشغاله نادت حريم أولادها وطلعوا شقت ليلي وحكتلهم كل اللي حصل

ليلي بتفكير: مادام مرفضش يبقى في أمل بس حتت علامها دي اللي طالعه في دماغه

هاجر: قصدك إيه ممكن يرفض

ليلي: جايز

نعيمه: لا والله العريس داه لا يمكن يطير ولا نسب زي داه يتسيب

نورا: طيب والحل

شروق: خالتي تفضل تمدح في الواد وأهله

ليلي: مش كفايه جوز خالتي عايز حاجه قويه اوي عشان هو اللي يصر ويجوزها

نعيمه : قصدك إيه يابت

ليلي بتفكير وشر: يعني ايه الحاجه اللي تخلي عمي يوافق يقعدها ويجوزها

نعيمه بعدم انتباه: انها تلعب بديلها وسمر هبله لا ليها في الطور ولا في الطحين

ليلي بتركيز: لاء الموضوع داه عايز تمخيخ على كبير

نعيمه بإستفهام: قصدك إيه يا بت

ليلي: يعني امخمخ واقولك

نعيمه : اي حاجه الا اللي يمس بنتي

شروق بتزغلله عين لحماتها: يا خالتي انتي مشوفتيش البت نسمه مرات ابنهم الوسطاني يا لهوووي دول جابو لأمها طقم دهب وهدايا تفتح صاغه ايوه والله

نعيمه بطمع: بس بردوا دي بنتي

ليلي: سا خالتي امخمخ واقولك وماتخافيش مفيش ايوتها حاجة هاتمس سمر دي بردوا مننا واللي يمسها يمس البيت والعيله كلها

نعيمه بإرتياح: طيب ماشي شوفي وقوليلي

نزل الكل وفضلت ليلي تفكر واخر ما غلبت اتصلت على اخوها

عزت: ايوه يا بت ها طمنيني

ليلي: جوز خالتك يا اخويا كا العاده دماغه جزمه بس خالتك بتحاول تلينها بس عايز زقه جامده

عزت بعصبيه وزعيق يكاد يكون جعير : ماليش فيه يا بت دانا داخل معاه مصلحه هاكل من وراها الشهد كله والهطه لهط

ليلي بتعوجه بوق يمين وشمال: مش كنت عايز تتجوزها اوام كده منتا اللي عايز تجاوزها لغيرك

عزت: لا يا أختي الحريم على قفا من يشيل بس المصلحه دي مش هاتيجي مرتين يا هبله الواد داه اللي ماسك كل مصالح وشغل وفلوس عيلته وكلمته مسموعه والمال كله تحت ايده فهمتي با ام دماغ زنخ

ليلي بطمع: طيب وانا هستفاد إيه من داه كله

عزت بنفخه ونفر: اخلصي من الاخر عايزه إيه

ليلي: نصيبك في بيت ابوك يتكتب بإسمي

عزت بزعيق: ليه يا اختي هاتجيبي الديب من ديله

ليلي: براحتك خلاص هاته انتا وليك عليا انا اللي هاقنع جوز خالتي يرفض

عزت بسرعه: بسلام بيت ابوكي الكل هيسال: ليكي عليا الشقه اللي كنت عاينها لمزاجي هاكتبها بإسمك قولتي إيه

ليلي بتفكير بسيط : اتفقنا اسمع بقا البت دي عشان جوز خالتك يوافق ملهاش الا حل واحد انه يشوف بعينه حاجه مش مظبوطه على بنته ويقول آمين

عزت بسرعه: يابنت الشياطين فعلا طيب اسمعي بقى

الواد محروس صبي القهوه على قبل المدرسه انا هاخليه كل يوم يوقفها بحجه انه بيسألها على حاجه وانتي تخلي جوزك يجيب ابوه من الطريق داه كيف وازي دي بتاعتك وهاخليه يكتب جواب حب وكلام من اللي بيضحكوا بيه على عقل البنات وانتي تحطيه في شنطه مدرستها وكام جواب تاني وكام ورده وهديه وتحطيهم في دولابها

ليلي بشر : يخربيتك داه كده حور خالتك هايموتها

عزت : متخافيش خالتك هاتبقى معانا على الخط وهاتلحقها

ليلي: يبقى كده استبينا

وقفلت مع اخوها ونزلت جري على تحت

ليلي: خالتي تعالي عايزاكي

شدت ايد خالتها ودخلت اوضتها وقفلت الباب بالمفتاح

نعيمه بخضه: في ايه يا مزغوده نشفت الدم في عروقي

ليلي بهدوء :اسمعيني بقى

وحكتلها كل حاجه دارت بينها وبين عزت ماعدا جزء مصلحتها ومصلحه عزت

نعيمه بخبطه على صدرها : يالهوووي انتي بتقولي ايه يا بت اشوه سمعة بنتي بإيدي واخلي كلاب السكك تتكلم على عرض بنتي

ليلي شدت خالتها قعدتها تاني: يا خالتي الحوار هايكون بينا جوه البيت ومحدش هايشم خبر حتى الواد بتاع القهوه مش هايعرف غير انه هايسألها كل يوم سؤال وجوز خالتي يشوفه وبس يعني ميعرفش حاجه وكملت بعد ما حست ان خالتها اطمنت وهديت يا خالتي دول أعيان البلد ويا بخت من كان العمده خاله ودول كلمتهم مسموعه في كل مكان واهانبقى مناسبين الاعيان وعيله من أكبر ناس في البلد ليها شنه ورنا

نعيمه: الحاج ممكن يموتها فيها

ليلي: انتي بقى دورك تهديه وتقنعيه بجوازها وسترها وان الحمد لله انها اتلحقت وكويس انه مرفضش وكلمتين تلينيه ونبقى ضربنا كل العصافير بحجر واحد

وافقت نعيمه تحت زن ليلي واقناعها بخطتها الجهنميه اللي محدش هايخسر فيها غير بنت لسه بريئه متعرفش من الدنيا الغدر اللي هايجيلها من اقرب الناس ليها

تاني يوم صحيت سمر وفطرت ولبست وراحت مدرستها ومشيت الرجاله على الأرض وجه عزت بعد ما اتأكد انه مفيش حد في البيت غير الحريم واتصل على أخته نزلت بسرعه

ليلي: ايه يا عزت نزلتني على ملا وشي في ايه ومطلعتش ليه

عزت: اسمعي يا ام مخ زنخ داه عقد الشقه اهو

خطفته ليلي بسرعه وبصت فيه وضحكت وطبقته وحطته في صدرها ها عايز ايه بقى

طلع من جيب العبايه بتاعته داي الجوابات والحاجات اللي قولتلك عليها

ليلي: طيب ومطلعتش ليه تديهاني فوق

عزت: عشان محدش من سلايفك يشوفني وممكن يربط الحوار ببعضه خلينا في الأمان فهمتي يا ام مخ زنخ

ليلي بتفهم: عندك حق وشروق بذات بتلمع اوكي بضمير أوي وسوسه هاتفضل تنخور لحد ما تعرف اللي فيها

عزت: طيب يلا طريقك أخضر

ودخلت بسرعه وحطت الحاجات في تحت مرتبه سمر على الواح السرير بحيث محدش ياخد باله منها دلوقتي وخلت جواب واحد بس معاها

وطلعت شقتها من غير ما حد يشوفها

في الامتحان عند سمر تعبت جدا وجالها مغص شديد

المراقبه: مالك يا بنتي

سمر بألم ووجع: بطني وجعاني اوي يا ابله ممكن اروح الحمام

المدرسه بتفهم: طبعا تعالي واخدت ورقه الاجابه من سمر ونزلت الحمام وطلعت ولسه المغص مستمر

خلصت الامتحان برغم الألم والمغص

عزت وصل المدرسه وعطي فلوس لفراشه في المدرسه

تروح لابو سمر تبلغه انها تعبانه في المدرسه ومتقولش لحد مين اللي باعتها ولو سألها تقوله الابله اللي عليها

وفعلا خدت من الفلوس وهي طايره من الفرحه وطبعت جرس على أرض مسعود

وقف عزت على جمب وضحكه خبيثه مرسومه على وشه

فلاش باك

ليلي بالليل اخوها اتصل بيها

ليلي : خير يا عوت في حد حصله حاجه

عزت :لا كلنا بخير اسمعي مني الكلمتين دول علشان محدش يشك فيا ولا فيكي الصبح حطي في اكل سمر شويه زيت خروع على ما توصل المدرسه بشويه هايجيلها مغص وانا هاروح ابعت اي فراشه من المدرسه تروح تقوله بنته تعبانه وهاخليه في الطريق يشوفها بالصدفه بعيد عني وعنك وعن جوزك خاالص

ليلي: يخرب مطنك يا بعيد دانتا الشيطان يقولك يا معلم من عنيا بس الصبح يكون معاك عقد الشقه ماشي

عزت: من عينا نفع واستنفع

نهايه الفلاش باك

عزت فضل واقف في حته متداريه يتابع كل حاجه بعنيه من بعيد لبعيد

وشاف سمر طالعه من المدرسه بعد مده بسيطه فضل ماشي وراها براحه ومن غير ما حد ياخد باله وأول ما مرت على القهوه سمعت صوت بيناديها

ست سمر ست سمر وقفت واتلفتت: ايوه انتا بتنادي عليا

محروس: ايوه ياست البنات كنت سمعت ان الحاج عايز انفار في الارض واخويا كان عايز يروح

سمر: معرفش والله تقدر تسأل ابويا او حد من الرجاله بالاذن

جات تمشي وقفها محروس: طيب لو مفيهاش اساءه أدب تسألي الحاج وتردي عليا

سمر: قولتلك تقدر تسأل حد من الرجاله وسابته ومشيت

في الوقت داه كان جه مسعود جري بعد ما سمع من الفراشه ان بنته تعبانه

وهو جاي شاف بنته واقفه تتسامر وتتكلم مع صبي القهوه اتصدم ورجع لورا حس ان رجليه مش شيلاه

مسعود لنفسه: لا يا راجل بنتك متربيه يمكن كان برساله على حاجه ولا عايز حاجه بلاش تسوء الظن في بنتك دي تربيه ايدك

روحت سمر وهي تعبانه

نعيمه: مالك يابت وشك اصفر زي الليمونه

سمر بوجع: بطني بتقطع يا أما مش عارفه مالي

نعيمه: طيب خشي ريحي وانا هاغليلك حبه نعناع ولا كراويه يريحو بطنك

سمر: حاضر يا أما

دخلت سمر تنام وهي مش حاسه غير بوجع

لا تعلمي يا صغيرتي ما تخبئه الأيام لكي في جعبتها فقد اتحدت الشياطين عليكي

نامت سمر بعد ما شربت الأعشاب اللي أمها عملتها

رجع مسعود وهو شايل هموم الدنيا فوق كتافه وشارد وعقله مش مستوعب اللي شافه

اتحط الأكل وكل العيله اتجمعت ماعدا سمر

وقعد مسعود وهو شارد شافته ليلي وفرحه غريبه اتمكنت منها بعد ما اخوها اكدلها انه شافه بنته وبلع الطعم

ليلي بمكر الأفاعي: اومال فين سمر يا خالتي

مسعود انتبه ليهم لما سمع اسم سمر

نعيمه بعدم فهم: في اوضتها جات تعبانه ووشها زي الليمونه الصفرا غليتلها تلقيمه نعناع وكرويه وشربتهم ونامت ولما تصحي تبقى تاكل

مسعود عقله هايشت فضل باصص للأكل والكل حواليه بياكل ولا هامه وصوت المعالق اللي بتخبط في الصحون بيرن يسمع حواليه من السكات اللي عامل البيت خلص الأكل وزي كل يوم كل واحد خد مراته وعياله وطلع شقته ومسعود سحب نفسه وطلع على المصطبه لما حس بنفسه بيضديق عليه وضلوعه هاتخنق قلبه من الوجع

مسعود لنفسه: اسألها طيب هاتقول إيه هاتكدب

قلبه بنتك تربيت ايدك عمرها ما تعرف الكدب

عقله وليه لاء يمكن ضحك عليها ومن كتر قسوه أمها ماصدقت حد حن عليها

قلبه بنتك بريئه يمكن كان بيسألها على حاجه

عقله لو كان بيسألها كانت جات وقالت لأبوها

قلبه وهو كان سالها عشان يعرف

عقله خلاص يراقبها ويشوف كان سؤال وموقف وعدا ولا ليهم كلام وحكاوي

قلبه ماشي بس خليك فاكر انها عمرها ما عملت حاجه غلط

غمض عنيه وتعب السنين حل عليه

طلعت نعيمه وشافت جوزها كده قلقت عليه وهي عارفه السبب بس بررت لنفسها انها بتعمل الصح عشان تستر بنتها ومتعنسش جارها

حطت نعيمه صنيه الشاي وحطت ايدها على كتف جوزها: مالك يا حاج من ساعت ما جيت وانتا شارد بيك إيه

مسعود انتبه من شروده: ها بتقولي ايه يا حاجه

نعيمه بخوف :مالك شايل طاجن ستك على راسك وزاعق إيه اللي جرا

مسعود بص قدامه وعنيه كانت هاترغي دموع بس مقدرش دموعه تنزل :ولا حاجه شكلي تعبت شويه من الغيط والشمس كانت حاميه

نعيمه شافت دموع جوزها المحبوسه واللي بتلمع زي نور اللمبه في العتمه

سكتت ومفكرتش تزود عليه ودعت من قلبها ان الموضوع يمر على خير للكل هي كل همها ان بنتها تتجوز وتستر في ضل راجل وزي ما بيقولو ضل راجل ولا ضل حيطه

مر اليوم وسمر ملازمه سريرها وتاني يوم قامت وحست انها احسن

طلعت تجهز الفطار مع أهل البيت ولما أتجمعوا على غير العاده ابوها مكانش مهتم بيها وخلصت شغل البيت وأبوها راح على الأرض وعقله شارد وباللي قعدت تكمل مذاكرتها

وتاني يوم راحت المدرسه بعد ما كل أهل البيت راحوا الغيط ودخلت الامتحان بإجتهاد حلته بسرعه وقبل نص الوقت كانت خلصت وكعادتها تفضل تراجع وتذاكر كل جزء كتبته لحد ما تطمن ان كل اجابه نموذجيه ومش ناقص فيها حرف وطلعت من الامتحان وهي فرحانه انهارده كان آخر يوم في الإمتحانات وهاتفضل مستنيه على نار النتيجه عشان ترفع رأس أبوها

مسعود في الارض مقعدش الا شويه صغيرين و ساب عياله

جلال رايح فيني يا أبا

مسعود بهم: تعبان شويه هاروح الاجزخانه اشوف حاجه للتعب

جلال بخوف فطري على ابوه: طيب انا جاي معاك

مسعود بحسم: لاء خليك مع اخواتك وانا مش هاعوق

سابه ومشي متلفتش وراه وطلع واقف قرب مدرسه بنته وفضل مستني فتره طويله لحد ما شاف بنته وكام بنت تانيين طالعين من المدرسه لقاها ماشيه وشها في الارض زي ما هي متعوده حس ان قلبه بداء يرتاح شويه لحد ما عدت على القهوه وسمعت صوت تاني استخير مسعود بعيد جمب شجره بحيث يشوفهم بس للأسف مكانش سامعهم

سمر أتلفت لمحروس: خير يا عم كل يوم توقفني الوقت دي قولتلك لو عايز حاجه أسأل الرجاله مش حريم البيت احترم نفسك بقى

محروس بخوف وحرج: طيب بصي وطلع ورقه من جيبه داه رقمي اديه لابوكي او حد من اخواتك وبالله عليكي خليه يكلمني اهو اخويا يشوف شغله يسترزق منها بدل مهو قاعد عوالي وينوبك ثواب بلاش تكوني من قطاعين الأرزاق

سمر بهزه رأس: ماشي وخدت الورقه وحطتها في الشنطه ومشيت

عزت من بعيد تابع كل اللي بيحصل وشاف جوز خالته وهو ماشي ورا بنته وبسرعه طلع تليفونه واتصل على أخته

عزت :اسمعي بسرعه أول ما سمر توصل تدخلي بسرعه هتلاقي ورقه في شنطتها فيها رقم الواد محروس خديها واحرقيها وحطي مكانها الجواب اللي معاكي فاهمه

ليلي: ماشي بس إيه اللي جاب رقم محروس مع سمر

عزت :حكي لاخته

فلاش باك

قعد عزت على القهوه: ولا يا محروس الا قولي إيه أخبار الواد حميده اخوك

محروس بغلب: نحمده على كل حال يا معلم

عزت: لسه ملقيش شغل

محروس: لا والله مع انه معاه دبلون واشتغل حبه على عربيه في الموقف وصاحب العربيه قاله بدل منتا بتقاسمني رزقي انا هاطلع عليها

ودور حني يشتغل على توكتوك كل واحد شغال في ماله

ومن يومها وهو قاعد زي الولايا في البيت

عزت بمكر: بقولك حوز خالتي سمعت انه عايز انفار للأرض وهو بيدفع كويس حاكم أرضه كبيره اوي وهو وعياله مش سادين

محروس بفرحه: بجد والنبي يا معلم طيب متكلمه ينوبك ثواب

عزت بمراوغه: لو عايز اللي يضمنلك شغله بنته سمر دي نن عين ابوها وكلمتها أمر وهي جايه من المدرسه ابقى اسألها

محروس مكدبش خبر وعمل كده ولما سمر مديتوش وش رجع لعزت وهو خايب الرجا

عزت : ولا يهمك بص اديها رقمك وخلي حد من أخواتها ولا ابوها يكلموك وانتا تقوله

محروس: طيب منا أرواحلهم واخد الواد حميده معايا

عزت بسرعه خاف لحسن لعبته تتكشف وتبوظ بسببه: يا غشيم اتصعب ليها وانه ثواب وهي هاتلين رأس ابوها

محروس بعدم فهم: عندك حق يا معلم تلسم وربنا يجعله في ميزان حسناتك

نهايه الفلاش باك

ليلي بضحك وفرحه: يخربيتك يا شيخ والله انا نفسي صدقتك

عزت :طيب يلا متتأخريش

ليلي: حمامه يلا اللحق بسرعه

وقفلت معاه وطلعت الجواب اللي كانت مخبياه في قلب هدوم عيالها المكان الوحيد اللي جوزها عمره ما دور فيه ولا حتي بيفتحه واخدت الجواب وحطته في صدرها ونزلت بسرعه

دخلت سمر البيت بفرحه ودخلت غيرت هدومها وطلعت المطبخ تشوف أمها دخلت ليلي وراها تتسحب ودخلت فتحت الشنطه بتاع المدرسه ودورت لقيت الورقه خدتها وطلعت الجواب وحطته مكانها وطلعت بسرعه قطعت الورقه ورمتها في الحمام من غير ما حد ياخد باله

مسعود حس بوجع وكسره وخذلان من بنته واللي شافه

مسعود لنفسه: الورقه دي فيها إيه

شيطانه اتملك منه وطلع جري على البيت مش منتبه لحاجه

يتبع..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

وصل مسعود لبيته وشر الدنيا وشياطين الأرض بتلاحقه

خبط الباب ودخل جري على البيت وبعلو صوته: سمررر يا سمرررر

طلعت سمر جري من المطبخ: خير يا أبا في إيه مالك

مسعود بجنون شدها من شعرها: ليييه ليييه الكسره وقطمت الضهر تيجي منك ليييه دانا كنت بتباها بيكي واقول بنتي لايمكن تعمل الغلط ليييه

سمر بوجع من شد شعرها ودموع من كسره ابوها اللي مش عارفه سببها: اني ياأيا دانا اموت قبل ما اعمل حاجه توطي راسك

مسعود بصلها وكأنه نسي الدنيا ومافيها ومفاقش إلا والقلم وقعها على الأرض

اتجمع كل اللي في البيت على الصوت

نعيمه واقفه على باب المطبخ والخوف بينهش في قلبها نهش

وليلي واقفه باصلها بشماته

وهاجر وشروق ونورا واقفين ومحدش فاهم حاجه

مسعود بوجع وكسره :ليييه يا بنتي ليييه قوليلي لييه قصرت معاكي في إيه

وكمل بدموع وانتحاب: ليه تسودي وشي وتطاطي رأسي

سمر بدموع:اني وكتاب الله محصل

نعيمه بخوف: في ايه يا حاج عملت إيه البت فهمني سوئت عليك حبيبك النبي تفهمني ايه اللي جرا وجايبك من الغيط بدري

وبصت لبنتها بخوف عليها من اللي جاي : عملتي ايه يا بت انطقي

سمر بخوف ورعب: والله يا أما معملت حاجه انا جيت من الإمتحان على البيت

مسعود اتعاد المشهد تاني قدام عنيه: بس بس يا فا*جره بس ليييه ملقتيش الا الواد بتاع القهوه هو داه اللي شغل دماغك

سمر بخوف: لا والله يا أبا مش زي منتا فاهم وكتاب الله ما حصل

ليلي بخبث: معقول يا عمي سمر بتعرف رجاله يالهوووي يا لهووووي هتكون سمعتنا على كل لسان

مسعود النار وصلت جواه لجحيم هايحرق الأخضر واليابس: ايه الورقه اللي عطهالك دي يابت وحطيتيها في شنطتك

سمر بخوف وعياط وشحتفه: داه داه ط ط طل

مسعود بزعيق: اخلصي لسه هتهتهي انطقي يابت

ليلي بمكر: خلاص يا عمي نشوف شنطتها ومستنتش

دخلت جابت شنطه سمر وكبتها على الأرض ووقع معاها الجواب ليلي وطت على الأرض وجابتها وبشهقه ومصطنعه الدهشه ايه داه يا سمر

خطف مسعود الورقه من ايدها بسرعه وفتحها ومع كل كلمه النار كانت بتزيد وتشب جواه اكتر واكتر خلص قرائه الجواب ونزل ضرب في سمر لأول مره كانت هاتموت في إيده

مسعود بجنون: في حضنه عملتي ايه في حضن راجل غريب يا فا* جره وجوابات ايه يا بت اللي بيتكلم عنها دي انطقي بدل ما اخفي اسمك من الدنيا يا خلفه العار

ليلي بسرعه: خلاص يا عمي احنا هاندخل ندور في اوضتها خلينا نفهم الفوله

نعيمه بخوف لأنها متعرفش ايه اللي ليلي بنتكلم عنه

نعيمه افتكرت اللي حصل من كام يوم

فلاش باك

لما ليلي اخدت خالتها ودخلت

اسمعي بقى يا خالتي عشان حمايا يوافق على جوازه سمر يبقى لازما ولابد انه يشوف عليها شيئ شين

ويتأكد منه كمان

نعيمه بشهقه: جرا ايه يا بت انتي هاتنسي نفسك عايزاني اسواء سمعة بنتي

ليلي بخبث الافاعي: يا خالتي اقعدي واسمعي والموضوع مش هايطلع بره عتبه باب الدار اسمعي بس يا خالتي الله يرضى عليكي كل الفوله ان الواد محروس بتاع القهوه هيوقفها يسألها وحمايا هايشوفها واحنا نحطلها ورقه مكتوب فيها كلمتين حب وكلام فاضي وخلص الموضوع وانتي تقنعي عمي انه يسترها ويجوزها لابن الاكابر ولا من شاف ولا من دري

نعيمه بخبطه على صدرها: اتجننتي انا اعمل في بنتي كده داه ابوها ممكن يموتها فيها

ليلي على نفس النغمه: يا خالتي الموضوع مش هايتم الا كده واديكي شوفتي الواد وأهله شاريين وهايجيبو من السما نجمه لو طلبتوا ويا بخت من كان النقيب خاله

وعلى رآي المثل اللي ليه ضهر ميضربش على بطنه ودول مش اي ضهر دول سند وعزوه متينه والكل يعملهم الف حساب وحساب هما واللي منهم واللي مناسبينهم

قدرت ليلي تقنع نعيمه

نهايه الفلاش باك

نعيمه واقفه مش فاهمه حاجه ليلي مجابتش سيره جوالات تانيه ولا اي حاجه وفيها ايه الورقه دي جنن جوزها كده

دخلت ليلي بسرعه قبل ما حماتها تفوق من صدمتها ودخل معاها شروق ونورا وهاجر والكل قلب اوضه سمر فوقاني تحتاني لحد ما طلعوا كل اللي مستخبي واتعمدت ليلي انها تخلي حد تاني يلاقيه وفعلا طلعوا بالحاجة بره لحماها وأول ما شافهم خطفهم وفضل يقلب فيهم زي المجذوب اللي فقد عقله وفضل يقلب في ورقه ورا ورقه لحد ما اخر ذره في صبره ومعاها عقله نفد ونزل زي المجنون ضرب فيها ومحدش أتدخل الا نعيمه الا قلبها اتخلع من صراخ بنتها

سمر بصراخ ووجع وحرقه وكسره: وكتاب الله يا أبا مظلومه والله ما اعرف عنهم حاجه روح اسأله هتيقولك انه اداني ورقه فيها رقمه كان عايز يشغل اخوه في الارض قال انك عايز انفار

مسعود بعيون وعقل عميهم الغضب: اسأله يا فاجره واخلي سيرتنا على كل لسان يتشدقوا بيه النسوان في حكاوي المصاطب

نعيمه وهي بتحاول تحمي بنتها: سوئت عليك حبيبك النبي اللي زرت بيته وملست على شباكه تسيبها وكتاب الله اللي ما بيفارق ايدك هاتموت في ايدك

مسعود بجنون وصراخ: الفاجره تموت الخاطيه تموت وملهاش لا عزا ولا حزن

ليلي بشماته : معقوله يا خالتي تكون فرطت في شرفها مع الواد داه

مسعود سمع كده واتجنن اكتر ونزل بالاقلام والشلاليت عاى بنته

نعيمه بصه ليلي بشر على الكلام اللي قالته

ليلي دورت وشها النحيه التانيه وهي مبتسمه

مسعود بجنون: هاتي الجايه تشوف الفاجره دي بت بنوت ولا فرط فيها الفارط

نعيمه بفزع: وحد الله يا حاج ايهواللي بتقوله داه دي بنتك انا اللي هاعرفك تربيتك

مسعود قعد على الأرض بعد ما تعب بينهج ودموعه نزلت بكسره : بنتي راحت فين اللي قدامي دي واحده انا معرفهاش مش دي بنتي اللي كانت ست الناس اللي كانت تاج على راسي وكمل بزعيق هاتروحي ولا اروح اجيبها انا

نعيمه بخوف : لا لا يا حاج انا هاشوف بنتي بنفسي واطمن عليها

مسعود برفض: لاء الدايه

نعيمه بخوف: يا حاج هانقولها ايه ها هانخلي سيرتنا على كل لسان وانا وكتاب الله هاقولك الحق

كل الكلام داير وسمر راقده على الأرض مغمي عليها من الضرب وجسمها ووشها مفيهوش معالم لإنسانه عايشه

حاولت تشيل بنتها مقدرتش قربت ليلي تساعدها زقت ايدها وبصتلها بشر ونسقت بفحيح من بين أسنانها اوعي ايدك تلمسها وليكي حساب عسير معايا ويا ويلك الف ويل من حسابي يا بنت اختي وعلت صوتها هاجر همي معايا نسندها وفعلا هاجر ونورا وشروق قربوا وشالوها مع نعيمه ودخلوها سريرها ونعيمه مسكت ايدها بحرقه وجوها مش قادره تنطق: حقك عليا يقطعني يا ريتني مت قبل ما أوافق يا بنت بطني يقطعني ربنا يسامحني يارب

هاجر بخوف من منظر سمر: هانعمل ايه يا عمتي سمر شكلها قاطع النفس وكتاب الله انا ما مصدقه حرف من اللي اتنطق داه دي هبله وغلبانه اكيد حد ورا المهموز ده

نعيمه غمضت عنيها بحرقه ودموعها غلبتها ومقدرتش تنطق اصل هاتقولهم ايه وتفضح نفسها

نعيمه بصوت مبحوح من العياط: اطلعو خليني اطمن عليها

وفعلا طلع الكل واتبقى في الاوضه بس سمر ونعيمه قعدت جمب بنتها شويه وطلعت وهي خايفه

مسعود طلع مصحف : حطي ايدك على كتاب الله وقولي الحق

نعيمه حطت ايدها على المصحف: وكتاب الله بنتك طاهره وشريفه يا حاج مش تربيه ايدك ولا بنتك اللي تعمل الغلط ابدا

ليلي حبت تقيد النار تاني: الحمد لله يا عمي ربنا ستر وشال عن عمتك العار والله الحل هو سترتها في بيت جوزها وهو يشيل همها المره دي ربنا ستر الله اعلم المره اللي جايه هاتلحقها ولا هاتركبك العار

نعيمه بعصبيه: اخرسي قطع لسانك انتي واللي يقول في حق بنتي كلمه بنتي ست البنات وزينه الصبايا اتاريني انيت حيه في بيتي يا تقولي كلمه عدله يا تفارقي

طلعت ليلي وهي مبسوطه بكسره سمر الغلبانه بس نسيت ان داين تدان والديان لا يموت

حل الليل ورجع كل الرجاله اللي كانت في الأرض واتحمع الكل على العشا وليلي حكت للكل فضيحه سمر

وكل أخواتها محدش صدق كلمه بس نعيمه كانت بتموت وتحيا في اللحظه الف مره من عذاب ضميرها ووجع قلبها على بنتها

مرت أيام ووراها أيام لحد ما مر أسبوع وكانت سمر طول الأسبوع طريحه الفراش وكان بلغ مسعود أهل جمال بالموافقه

في يوم جديد نزلت ليلي تتمختر: اصباح الخير يا خالتي

نعيمه بصتلها من فوق لتحت ومردتش

ليلي بشر: بقولك يا خالتي ابعتي سمر تروق الشقه وتغسل السجاد وتنضفها اصل الشقه وشها وانا تعبانه

نعيمه قامت بشر الدنيا: بتقول ايه يا بنت الكلب مين دي اللي تطلع تخدمك يا عايبه يا اللي محسوبه من دون النسوان مره يا بياره خ*ر*ا

ليلي ببرود: بنتك يا خالتي ولا تحبي اقلب الطربيزه عليكي واقول لحماية ان اللي حصل لعبه منك عشان يوافق على نسب الاعيان وأولاد الاكابر

نعيمه بشر موازي لشر ليلي: وماله قوليله وانا ارسيه على الفوله واخليكي تطلعي من هنا بجرسه غوري على شقتك يا عايبه

طلعت ليلي شقتها بتغلي

ونعيمه تحت على مراجل من نار بسبب عملتها كسرت بنتها وكسره نفسها وخلت واحده زي ليلي تشكت فيها وتحط صباعها تحت ضرسها

نعيمه بشر: ومااله صبرك يابنت ال ولا بلاش اصبري مش عايزه شر انا هافرجك

فضلت طول النهار قاعده على نار وكل ساعه والتانيه تدخل تبص على سمر تلاقيها شارده في ملكوت ربها والدموع على وشها شلال ميته جاريه مبتوقفش

نعيمه قعدت جمب سمر وخدتها لأول مره في حضنها: هوني على روحك يا ضنايا

سمر بشرود: والله يا أما ما حصل والله مظلومه انا عمري ما كلمت حد دانا كنت بروح في حالي وارجع في حالي ليه يا أما الظلم سهل اوي كده عند الناس

نعيمه بوجع: قولي يارب

سمر بدموع ووجع: حسبي الله ونعم الوكيل نعم المولى ونعم النصير

نعيمه قلبها اتهز وخافت والخوف اتملك منها

وقامت منطوره من جمب بنتها: نامي يا ضنايا وريحي جسمك نامي وربك يحلها من عنده

الكل رجع من الغيط واتحط الأكل والكل قعد ياكل من سكات وكل واحد منهم دماغه شارده في ملكوت ربه

قبل ما يقوموا من على الطبليه مسعود: اعملو حسابكم يوم الجمعه الجايه بيت علام الشلاواني جايين يقروا فاتحت سمر

الكل بص لبعضه وسكت الا ليلي رقعت زغروده ورا زغروده ورا زغروده لحد ما نفسها اتقطع بس حبت تحط لمستها الشيطانية: طيب يا عمي بلاش تجيبلهم سيره اللي حصل من سمر دي عيله وداه طيش عيال

مسعود ميل رأسه في الأرض بوجع وساب الأكل وطلع مكانه المفضل على المصطبه قدام الباب

قامت نعيمه منطوره: حسن تعالي عايزاك

حسن بإستغراب: خير يا أما

نعيمه بفزعه: قوم يا ولا واخلص

ليلي ببوادر خوف: خير يا خالتي

نعيمه بشر: كل خير يا نن عين خالتك اصل نويت والنيه لله ارضع كل عجل من ب*ز أمه

وسابتها ودخلت غسلت ايديها ووراها حسن وخدت ابنها وقفلت باب الأوضه

حسن بهدوء: خير يا أما ايه اللي حصل حاسك مش على بعضك

نعميه بدموع: اااااه يا حسن اااااه

حسن بخوف: في ايه يا أما لو على موضوع سمر ربنا ستر واهي زي الفل وهاتتستر وسكت دقيقه وكمل بخوف ولا هي مش بخير وانتي قولتي كده ل

نعيمه بدموع: اخرس اختك اشرف من الشرف سمر غلبانه وبريئه انا والشيطانه مراتك وابليس اخوها السبب يا ابني مش قادره احط عيني في عينها واقولها سامحيني واللي زاد وغطي مراتك نازله عايزاني اطلعها سمر تخدمها يا تروح تقول لابوك وتفضحني

حسن بصدمه: انتي السبب ازي مش فاهم انتي عملتي ايه يا أما وليلي ايه دخلها في الموضوع داه

نعيمه بتحيب: ااااه يا وجعي اااه مراتك دي اس البلاوي هي اللي اقنعتني

حسن : أما أنا على اعصابي فهميني الفوله فيها إيه بالظبط

نعيمه بحزن حكتله كل شيئ من أوله لأخره

حسن بوجع على وجع اخته غمض عنيه يمنع دموعه انها تنزل: يااااااه يا أما وهانت عليكي هانت يا أما وانتي شيفاها وبتتضرب وتتكسر هانت وانتي شيفاها بيتاكل في عرضها وشرفها هااانت ياأما

نعيمه بدموع مسكت ايد ابنها وميلت عليها تبوسها: احب على إيدك خليها تسامحني

حسن: تسامحك طيب تسامحك على ايه ولا إيه وانا اسامح مين ولا مين امي ولا ابويا ولا مراتي ولا مين

نعيمه بحسره: كان نفسي استرها والله كان نيتي خير معرفش انه هايتقلب عليها وعليا كده سامحني يا ابني الجهل وحش

حسن: وهي ذنبها ايه تتكسر كده ذنبها إيه سمعتها اللي دوستيها انتي وبنت اختك في الارض هاااا

ميلت نعيمه رأسها في الأرض وسكتت

سابها حسن وطلع وهو جواه نار محبوسه لو طلعت هاتحرق الأخضر واليابس ونادا بصوت مسموع: جلال مصطفي محمود

الكل في صوت واحد: خير يا حسن في إيه

حسن بهدوء مميت: تعالو معايا مشوار يلا

طلع الاربعه من البيت وحسن طول الطريق شارد وعقله مش مستوعب اللي عملته أمه ومراته وبيسأل نفسه الف مره ومره ليه ليه الدنيا دايما بتيجي على الغلبان

اخواته ماشيين وراه ومحدش فاهم هو في إيه وايه اللي مزعل حسن كده ومخليه شارد

جلال بحمحمه: مالك بس يا ابو على شايل طاجن ستك فوق راسك على قوله أمك

حسن اتنهد بوجع: ولا حاجه يا جلال

مصطفي بإستغرتب من حالت اخوه: يا ابني فهمنا في إيه ومالك عامل زي اللي شايل جبل فوق ضهره حانيه ماشي مكسور اوعي يكون موضوع البت سمر خلاص بقى الحمد لله ربنا ستر وابوك لم الموضوع بدري بدري قبل الفضايح بس عارفين وكتاب الله ما مصدق البت سمر العيله اللي بتخاف من ضلها تعمل كده

قطعه محمود: معاك فعلا يا درش حاسس ان الموضوع فيه ان

حسن غمض عنيه بوجع وكتم الدموع من انها تنزل الكل حط على الجرح ملح وداس عليه بالقوي من غير ما حد يحس

محمود بتكمله: ولا انتا ايه رائيك يا حسم تفتكر سمر فعلا كانت مغفلانه زي ما مراتك بتقول ولا طيبه وهبله والموضوع فيه ان زي ما احنا حاسين

حسن قام مره واحده وعقلك بعلو صوته: باااس باااس انكتمو خالص محدش حاسس بحاجه ولا حد داري بحاجه ابوس ايديكم اسكتو وقعد على الأرض والدموع اللي حابسها نزلت زي الشلال تجري

وقف الاخوه يبصو لبعض بزهول وكان اول واحد يتحرك جلال نزل على الأرض في مستوي اخوه وشده من جلبيته واخده في حضنه يداريه من عيون الكل عشان محدش يشوف كسرته

يتبع..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

مصطفي بفزع: مالك ياض انشف كده ووحد الله في ايه فهمنا عليا الطلاق فيه حاجه وحاجه كبيره كمان

حسن غمض عنيه بتعب وهو لسه في حضن جلال

حسن بتعب: سيبني في حالي الله لا يسيئك

مصطفي: عليا الطلاق من اهل بيتي ماهحلك الا لما أفهم

حسن بخنقه: تفهم حاااضر تعالوا معايا مادام الفهم ناقح على بابكم اوي كده وقام من الارض نفض عبايته واتحرك والكل ماشي وراه ومحدش فاهم هما رايحين فين وفضلو ماشيين ومع كل خطوه الشمس بتغيب لحد ما الليل فرد ستاره الأسود على مدد البصر واختفي النور وبقت الدنيا ضلمة زي قلوب بعض البشر ومع كل خطوه قلب حسن بيوجعه اكتر على ظلم اخته وظلومتها من أقرب ما ليها أمها وبنت خالتها اللي مراته لحد ما وصلو القهوه اللي قبل المدرسه

مصطفي وقف وشد حسن وبعصبيه شديده بانت على عروق وشه اللي نفرت من كتر كبتها: انتا اتجننت يا حسن جاي تخانق في الراجل هنا وسط قهوه ووسط خلق الله بتقول ياللي متعرفشي أعرف

حسن بصله بوجع واخد نفس وطلعه محمل بكل هموم الدنيا اللي جواه: لاء يا ابن ابويا منيش جاي اخانق مع حد انا جاي افهمكم الحقيقه من غير اي كلمه زياده الكل يقعد ويسمع من سكات من غير ما ينطق بحرف

الكا بص لبعضه وسكتت ومحدش فاهم الفوله فيها إيه ودخل الاخوه الاربعه على القهوه ورموا السلام على الموجودين وفي اقل من دقيقه كان جه محروس

محروس: تشربوا إيه إيه معلمين

حسن بص لاخواته: هاتلي كوبايه قهوه وصايه بن تقيل

وهاتلهم هما دور شاي

محروس شاور على عنيه: من عنيا تمروا بحاجه تاني

حسن: لا وقبل ما يتحرك محروس

الا بالحق يا محروس سمر كانت قالتلي إنك قولتلها على شغل لخوك

محروس وقف وعنيه بتلمع من الفرحه: ايوه الله يسترك يا معلم داه الواد حميده من بعد ما خد الدبلون وقاعد زي الولايا وما صدقت عرفت انكم عايزين انفار في الأرض

حسن هز رأسه: بس عرفت منين داحنا لسه كنا بنفكر في الموضوع وقولنا قدام حد الا كام واحد معرفه

محروس بحسن نيه: المعلم عزت الله يستره هو اللي قالي وانا مكدبتش خبر

حسن: طيب يا محروس مكنت جيتلي ولا مكسوف مني يا راجل

محروس بهزه رأس: لا يمين الله انا قولت للمعلم عزت قالي سمر ليها دلال على أبوها وانا لو قولتلها هو بيحبها اوي ومبرفضلهاش طلب وانا وحق كتاب الله قولتلها كلمتين وربك والحق اختك اديتني اللي فيه النصيب مع اني يعلم الله لولا الحوجه وحتى من يومها استنيت حد يرن ويكلمني محدش عبرني قولت يبقى العباره مفيهاش شغل وسكتت واستعوضت ربنا

حسن بهدوء: يعني الورقه اللي ضاعت من سمر كان فيها إيه أصلها قالت إن الورقه ضاعت وماعرفش فيها إيه

محروس بسرعه: داه كان رقمي قولتلها تخلي حد من الرجاله يرن عليا وكمل بكسره زي ما انتا عارف يا ملعم العين بصيره والأيد قصيره ويعني الرصيد يادوب برن لو فيه حاجه متأزمه اوي اوي قولت اكيد مهتبخالوش في الخير وهي ربك والحق خدت الورقه واتوكلت على الله

حسن بص لاخواته وسكت: طيب يا محروس هات الطلبات وانا هاشوف شغلانه محترمه لاخوك

محروس بفرحه: الله يكرمك ويعلي مراكبك قادر يا كريم وبضحك وصوت عالي وعندك واحد قهوه مظبوط اوي اوي وبن تقيل اوي اوي لسيد المعلمين واحلي دور شاي وصلحه وسابه ومشي وهو مبسوط

اول ما اتحركت كل الاخوه الاربعه بصوا لبعض وكأن غباء الدنيا اتجمع عليهم في اللحظه دي

وكان اول من قطع الصمت هو مصطفي معناتو ابه ايه بقى الكلام داه

حسن بضحكه سخريه محمله بالوجع: مفهمتش بجد

ولا الصدمه قفلت دماغك

انضم جلال لاخوه بتأييد بعدك الفهم: يابني الله يرضى عليك فهمني انا توهت منك في متاهه ملهاش اول من آخر دماغي عملت زي التور اللي ربطوه في ساقيه ونسيوه بقت بتلف من كتر اللي سمعته

حسن غمض عنيه للحظان وخد نفس طويله وطلعه محمل بكل الوجع اللي جواه: اللي حصل ان ابن خالتك خو واخته اتفقوا على أختك عشان عزت داخل في شغل مع جمال وكان التمن أختك وبما ان ابوك رافض جوازها فعلوا الفيلم داه وحوار الجوبات داه اللي عمله عزت وليلي وللأسف ابوك صدقهم

قام الاخوه منطورين من مكانهم زي ما يكون عليهم مس من الجن وبصوت عالي :يعني ايه اتلعب بينا الكوره منهم واليمن كان أختك

حسن بص حواليه لقي كل اللي في القهوه بيبص عليهم سحب اخواته وطلع من القهوه :وطي صوتك انتا بتقول جُورث للبيع واللي معرفتش اعرف محدش فينا في ايده حاجه يعملها للأسف

محمود بهدوء غريب: وانتا عرفت الكلام داه من فين اصل الحوار اللي حصل بيقول انك راسي على الدور من طقطق لسلامو عليكو

حسن غمض عنيه وبص في الارض وبيحاول يدور على اي مخرج او حجه لكل الحوار اللي دار عقله وقف ومسعفوش انه يلاقي مبرر

محمود شد وشه ليه وضغط على فكه: حط عينك في عيني وقولي رسيت على الحوار منين يا ابن ابويا ولا كنت عارف من البدايه وضميرك نأح عليك من اللي حاصل لاختك وقولت اريحه واقولهم وتبقى خلصت الحكايه

حسن هز رأسه ولسه فكه أسير بين ايدين اخوه وبوجع الدنيا وكسرتها واللي بأن على صوته اول ما نطق: لاء مش انا للأسف أمك اللي قالتلي لما ليلي جات وعايزه سمر تطلع تخدمها يأما هاتكشف الملعوب وتتدبس أمك فيه وامك خافت

محمود بعنين قربت تطلع نار: يعني امك موانسه معاهم على فضيحه وكسره بنتها كلام ايه داه قولي انك بتتبل على امك وكمل بهذيان لا مهو بالعقل كده مفيش ام بتكره ضناها اه كانت قاسيه عليها بس كنا بنقول عشان مصلحتها انما فضيحتها وكسرتها لا

وكمل بصوت أعلى اشبه بصراخ من قلع جحيم قلبه المحترق على كسره تلك البريئه :لااااااا مستحيل أصدق

حسن بإنهيار اشبه بإنيهار الجبال: لاء صدق

جلال بعدم استيعاب لكل اللي بيدور: طيب هانعمل لابوك ولا هانعمل ايه في أهل العريس اللي اداهم كلمه

مصطفي بتعقل: لو حد نطق ووصل خبر لابوك فيه خراب بيتين بيت اخوك وأمك وكمان هيبة ابوك اللي هاتنزل الارض وهو ربط نفسه بكلمه رجاله الحل إننا نمشي الموضوع زي ما هو تبقى عنينا على سمر ونعوضها

حسن بسخريه: خايف على بيتي وهي مخافتش على اختي خايف على امك وهي شافت اختك بيتكرر عمها وبتتضرب وسكتت عجبت لك يا زمن وبص لاخوه والسخريه مرسومه على ملامحه بوضوح قولي هاتقف جمبها إزاي هاتقولها معلش حصل خير ولا هلتقدر تقول لابوك خليه يسيبها تكمل علام وتحقق حلمها وانتا عارف سلو بلدنا

نكس مصطفي رأسه في الأرض والكل عجز عن الكلام

جلال : همو بيتا نروح الدنيا ليليت والجو عتم

اتحرك الكل بحال غير الحال لحد ما وصلو البيت لقو كذا عربيه واقفه قدام البيت

محمود: هو في ايه عربيات مين دي

حسن بقبضه قلب: ربنا يستر وميكونش اللي بفكر فيه

مصطفي: قصدك إيه

حسن بسرعه: خينا ندخل ونتأكد الأول

وفعلا دخل الاخوه الأربعه

جريت نعيمه عليهم بلهفه وفرحه مخفيه بس واضحه في عنيها: كنتو فين بربطه المعلم ابوكم قلب البلد فوقاني تحتاني عليكم

حسن بتهكم: خير يا أم الرجاله لحسن يكون قلبك لسمح الله خاف على رجاله شحوطه بشنبات ومقلقش على الولايا الضعاف مكسورين الجناح

نعيمه بصت على باب اوضه الجلوس: هشششش خلاص خلاص الحيطان ليها ودان

حسن بسخريه: وربنا لا بيغفل ولا بينام يا أم الرجال

مصطفى حس ان الجو بداء يزيد من توتره وممكن حسن يفقد عقله: خير يا أما في ايه

قبل ما نعيمه تنطق اتفتح الباب وطلع مسعود ليهم بوجه جامد: كنتوا فين

محمود بتعقل: كنتا بتمشي شويه وبنام هوا في حاجه يا حاج

مسعود بصرامه: بيت الحاج علام الشلاواني جوه وهو رجاله بيته عشان الإتفاق

وقف الكل وكأن على رؤسهم الطير متسمرين في مكانهم وكأنهم اتثبتوا بمسامير صلب

حسن بغصه في حلقه وقبضه في قلبه: مين

مسعود بنفاذ صبر: كنت بتكلم بالاوندي ولا بتكلم بالاوندي هموا بينا الرجاله جوه وعيب نسيبهم لوحدهم يلا خلينا نتفق

رمي كلامه وسابهم ودخل

بص الكل على امهم بحسره وكسره ودخلو ورا ابوهم

بعد السلامات بين الطرفين

قعد كل واحد مكانه وهموم الدنيا زادت هموم ابوهم حكم ونفذ والأمر اتحسم وبقى لا ليه رادع ولا ليه حل غير الاستسلام

قطع الصمت الحاج علام بهدوء: بص يا حاج مسعود طبعا انتا عارفنا وعارف احنا مين واصلنا وفصلنا وانتا والشهادة لله متتخيرش عننا جمال إبني أصغر عيالي بس هو اللي ماسك كل الشغل بإيد من حديد وهو الي ممشي مصالح العيله كلها زي الساعه من بعدي وتقدر تسأل الكبير قبل الصغير عليه

مسهود: طبعا يا حاج سمعتكم زي البفتا البيضا يتعمم بيها الرجال اؤمر يا حاج

علام بفرحه من كلام مسعود اللي عزز غروره: احنا ياحاج جايين انهارده وطالبين ايد بنتك لابني جمال ومتعتلش هم ايوتها حاجه من الألف لمياء وشوراها علينا

مسعود بحسم: والله يا حاج نسبكم يزيدنا شرف بس بنتي شوارها يطلع من بيت ابوها لا انا قليل ولا انا عويل عشان اطلع بنتي من بيت ابوها من غير شوار ولا أقل من ايوتها بت من بنات البلد

علام : طبعا يا حاج مش القصد انا اللي اقصده انها غاليه وليها زي بناتي

مسعود: الله يكرمك يا حاج

علام: طيب إيه

قبل ما حد يرد صوت خبط على الباب قطع الكلام

قام حسن وفتح الباب لقي سمر قدامه لابسه دريس لونه بني فاتح وفيه حزان اسود من الوسط وعليه طرحه اوف وايت بس ضعيفه ومكسوره وحزينه لمعت الدموع في عنيه بس قد يتمالك نفسه

وسع الباب ودخلت سمر اللي شايله صنيه العصير ووزعت واجب الضيافه على الرجاله

وكل واحد من أهل العريس طلع رزمه فلوس وحطها على الصنيه دليل على إعجابهم بالعروسه حسب عادات البلد وخرجت من سكات زي ما دخلت من سكات

نعيمه كانت مستنياها في الصاله وبلهفه: ها يا بت طمنيني

سمر بكسره والدموع المحبوسه اتحررت من سجنها اخيرا: لا افرحي يا أما وطمني بالك وحطتت الصنيه اللي عليها فلوس بين ايدين امها

نعيمه اتوجعت من منظر بنتها بس سكتت وخدت الصنيه باللي عليها ودخلت المطبخ واخدت الفلوس تعينها في الدولاب وطلعت تستني اللي جاي

عند الرجاله

علام : يبقى على بركه الله كده نقراء الفاتحه وبعد يومين بمشيئه المولي عز وجل ننزل نجيب الشبكه والجمعه اللي من وراها نكتب الكتاب وعلى اخر الشهر ندخل العرسان ولا رائيك ايه يا ابو العروسه

مسعود بتردد جواه: بس مش بدري يا حاج

علام بإطمئنان: بدري من عمرك يا حاج نأخر ليه اللي بتأخر الجواز المال وداه خير ربنا زايد فيه وزي ما بيقولو اللي قرشه حاضر يدخل ما بين يوم وليله

وكل حاجه سهله انا بمشيئه الموالي هاروح للمأذون ونتفق على كل حاجه عشان كتب الكتاب واتفق من بكره على الفراشه والصيوان وهاشيع لابو طه الطباخ ونعمل ليليه تحكي وتتحاكي بيها البلد

مسعود: يبقى على بركه الله

علام: نقراء الفاتحه

مسعود: على بركه الله

وفي لحظه رفعت الكفوف وتم قراءه الفاتحه

وتم الختام وقام مسعود وحضن جمال بمباركه: خلي بالك من سمر دي الغاليه دي نور عيني

كان بيتكلم بشرود ولا كأنه هو نفس الاب اللي ضربها وظلمها بدون ما يسمع منها

جمال قطع شروده ورجعه لارض الواقع: متعتلش هم يا حاج بنتك في عنيا والخير كله ليها ومن غير ما تطلب

علام نستأذن احنا يا حاج

وفعلا خرج الرجاله وراح كل واحد لحال سبيله

نعيمه بلهفه: ها يا حاج طمني

مسعود بصراحه وغلظه غربيه عليه: اطمني بنتك ربنا سترها وسترناها قبل ما تفضحنا من بكره تروحي مع بنتك المحافظه وتبدأ تجيبي شوارها مقدامناش وقت كبير على الفرح فرحها اخر الشهر بعني بعد 3 أسابيع وبعد بكره هاتتدلي انتي والبت والحريم مع حريم أهل بيت الشلاواني تجيبو الشبكه من عند ايميل الجواهرجي

نعيمه بفرحه رقعت الزغروطه اللي سمعت البلد كلها من شرق لغرب وشاركها فيها حريم أولادها

أما عند الرجال كل واحد أصبحت الهموم فوق كتافه اتقل من الجبال

وعند المغدوره زلم بدون بينه او دليل الا ظلم نفوس فكان نصيبها هو الدموع والقهره وبس

مسعود بصوت عالي وعصبيه وكأنه مش مصدق نفسه للي عمله في بنته: يلا هموا كل واحد على شقته الأيام اللي جايه ورانا هم ما يتلم عشان نخلص شوار أختكم

حسن بتعب: مش شايف انه الجنازه دي بدري بدري اوي يا حاج يعني كنت خليهم مخطوبين شويه اه يعرفو بعض

مسعود: تعرفه وهي في بيته تطبع بطبعه وهي تحت جناحه ولا هي لسه غاويه حب وتسبيل ووساخه

حسن بص لأمه ومراته بوجع والف أه جواه

حسن بعصبيه: عارف يا حاج ويمين الله لو شوفت سمر بعيني ما هاصدق وهسألها واسمع منها وادور دي بنتك دي حته منك دي الغاليه

مسعود بصوت عالي :الغاليه رخصت نفسه مع حتة عسل ولا يسوى ادور مع مين ولا فين ادور اقول جرس للسمع وأهلي سمعتنا لقمه تتلوك من حنك لحنك وسط قعدات النسوان على المصاطب تحمد ربها اني سترتها وجوزتها مقطعتش خبرها

وسابهم ودخل اوضه قبل ما ينهار

ميل حسن على امه وبوجع واتكلم من بين اسنانه: افرحي يا ام العروسه وحني كفوفك كسرتي بنتك وكسرتينا معاها زغرطي زي ما كنتي بتزغردي من شويه وسمعي الناس حطي عينك في عينها وخليها في حضنك اللي مليان شوك جرحها وكسر فرحتها وزرعتي في حياتها وحياتنا شوك حطي راسك على مخدتك ونامي خططتي ونفذتي اللي عايزاه ونسبتي الاكابر

وسابها وطلع شقته

نعيمه ميلت رأسها للأرض والدموع خدت مجراها على خدوها

بص كل واحد على امهم بكسره ووجع وطلع شقته ووراه مراته

دخلت ليلي على حسن: في ايه يا ابو على دانتا حقك تفرح يا راجل اختك اتجوزت جوازه متحلمش بيها وهاتعيش في فيلا البلد كلها بتتمنى بس تخطي جواه تتفرج عليها افرح يا راجل بدل المعزي اللي عامله

حسن بصلها بشر: هافرح يا بنت خالتي هافرح بس خدي بالك خطواتك خدت لفتها ورجعالك هافرح بأختي وافرحها واصبري على فرحك انتي كمان قرب اوي وسابها ودخل اوضه عياله والدموع نزلت من عيونه دموع كسره ووجع وخوف وفضل على حاله لحد ما حكم سلطان النوم بحكم واجب النفاذ ونام بس للأسف مش قرير العين مكسور النفس والخاطر

يتبع..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

أشرق النهار يطوي سواد الليل ولكن لم يطوي سواد النفوس الكل قام من نومه بس على غير العاده كان الكل بيقوم يضحك ووشوش راضيه ونفوس مطمئنه بس انهارده يوم غير عادي وشكل الأيام اللي جايه شايله خبايا ووجع اكتر اتجمع الكل على الطبليه على الفطار بس غابت سمر عن الانظار ومحضرتش الفطار زي عادتها الأيام اللي فاتت

جلال:اومال فين سمر مش هاتفطر ولا ايه يا جماعه

حسن بص لأمه

نعيمه:لاء سمر نايمه سيبها عشان على الضهريه كده هاننزل المحافظه نبداء نجيب في شوارها

قام حسن وأخواته ودخلوا اوضه سمر اللي راقده على السرير صاحيه وأمه نفسها من الخوف ومن اللي جاي

حسن بحنان: سموره مطلعتيش ليه تفطري

سمر بصتله بعيون حمرا زي الجمر من العياطوبصوت مبحوح: ماليش نفس

جلال بمحاوله لاخراجها من حزنها ووجعها: طيب وانا اجيب منين النفس اللي اكل بيها من غير وشك اللي يفتح النفس

سمر بدموع: زي كل يوم فات وانتوا بتاكلوا من غيري زي كل يوم فات ومحدش صدقني زي كل يوم جاي مهبقاش موجوده زب كل يوم اتظلمت فيه عودو نفسكم على عدم وجودي اصلي اتاكدت ان وجودي زي عدمه سد خانه لحد ما ييجي وقتها الكل بص لبعضه بوجع وانسحبوا زي ما دخلو

ونعيمه وقفت جمب الباب حطت ايدها على بوقها تكتم شهقه وجع بس سكتت اصل خلاص الأمر محسوم لا هاتقدر تتكلم ولا هاتقدر تعمل حاجه بيتها اللي عملت المستحيل عشان تحافظ عليه وتعمره هايتخرب بعمله عملتها بسبب بنت اختها وهي دلوقتي اللي بقت بين الف نار ونار بس اللي خلها في ثانيه اتمالكت نفسها انها جوزت بنتها جوازه الكل بيحلف وتحالف بيها وانه كان هايفيدها بإيه العلام اللي بالنسبالها ضياع وقت وخوتت رأس وكلها أيام وتقدر تطلع من تحت ضرس ليلي وانسحبت نعيمه من غير ما حد يشوفها ورجعت مكانها المطبخ طلع الكل وقعدوا على الطبليه مره تانيه بس بصمت تتم يشبه صمت الأموات حتى الأكل الكل بيمثل انه بياكل واللي بياخد لقمه مش قادر يبلعها كأنها متغمسه شوك بيدبح حلوقهم والكل طلع على اشغاله ومر الوقت بين الحريم في تنضيف المطبخ وتجهيز الغداء وقطع الوقت صوت المؤذن بأذان الضهر دخلت نعيمه على سمر

نعيمه بدلع: سموره يا عروسه قومي وفوقي كده عشان تقومي تلبسي

سمر بعيون مورمه وصوت مبحوح بصت لأمها نظره مليانه بكل الوجع والقسوه والظلم اللي حاسه بيهم وعاشتهم وبتعيشهم: ليه

نعيمه وهي بتشيل عينها من عين بنتها الصغيره : عشان ننزل المخافظه مش كان نفسك من زمان تروحي هناك ادينا يا ستي هانروح ومش انهارده بس لا كل يوم لحد ما نجيبلك احلى واغلي وشوار في البلد كلها

سمر بدموع: روحي انتي وهاتي اللي عايزاه واللي على كيفك طول عمري حياتي بتمشي على كيفك حتى علامي حتى جوازي جت على جهازي روحي يا أما الله يسامحك روحي وسيبيني في حالي

نعيمه بشخطه: قومي فزي بقى وجعتي قلبي معاكي

سمر بدموع: أما هو انتي عندك قلب زينا هو صدرك داه فيه قلب بيحس بوجع الناس مش بيدق بس عشان تعيشي

نعيمه بصدمه وعيون جاحظه: ليه كنت مرات ابوكي ولا ضره أمك

سمر بصوت مبحوح: ياريت كنت عرفت سبب كرهك ليا انما للأسف انتي أمي لييه

نعيمه بعدم فهم: ليه يايه يابت

سمر بدموع: ليه اللي عملتيه ليه دانا بنتك متوجعتيش عليا وانا بنضرب وانا مظلومه مصعبتش عليكي وأنا سمعتي بتتمرمغ في الارض

نعيمه بخوف: قصدك إيه يابت وكملت بعلو صوت تطبيق لمثل خدوهم بالصوت ليغلبوكم: وهو كنت انا اللي قولتلك تدوري على حل شعرك احمدي ربك إن ابوكي مدفنكيش مطرحك

سمر بإبتسامه وجع: ياريت والله ياريت كنت هاحط همي تحت جمبي وارتاح قبل ما اعرف ان كل اللي جرالي كان من تحت رأس أمي ومرات اخويا اللي هي بنت خالتي يعني في مقام اختي

نعيمه بقلب قرب يقف من الرعب: بتخرفي تقول ايه يابت

سمر بشرود وكأنها هربت من الدنيا بخيالها: يا ريته كان تخريف ياريت حد قالي كنت كدبت بس انا سمعتك بعدني وانتي بتقولي لحسن سمعت كل حاجه

نعيمه قعدت جارها على السرير وبمسايسه ومحايله: يبقى سمعتي اني مكنتش اعرف اللي عملوه وأنهم خموني وكدبو عليا

سمر على نفس وضعها: ميفرقش مبقاش فارق

نعيمه بتردد: هاتقولي لابوكي

سمر فاقت من شرودها ودموعها على خدها: متخافيش عارفه انك خايفه على نفسك وبيتك وبس يا حاجه مش هاقول عارفه ليه عشان نار الغريب ولا جنتك اصل جنتك يا أما جنه مليانه شوك وسِل بيقطع في الجسم ويحشه حش بس نار الغريب جايز تكون زي نار سيدنا إبراهيم برد وسلام روحي يا حاجه الله يسامحك روحي وافرحي ونقي الشوار الغالي انتي وحريم أولادك الرجاله اللي عرفوا وسكتوا وعطيتها ضهرها وشدت الغطا لحد ما استخبت تحته كله كأنها متكفنه وبيجهزوها للموت

طلعت نعيمه بحال غير الحال لقت حريم أولادها كلهم لابسين

ليلي بمكر :ايه يا خالتي في العروسه كده هنتأخر عايزين ناخد اليوم من أوله داه الموال طويل

نعيمه بوش اصفر وريق ناشف: سمر تعبانه هاننزل احنا

وسابتهم بسرعه ودخلت اوضتها ودقايق وكانت لبست عبايه خروج وطرحتها وخرجت هي وليلي وشروق ونورا وخلت هاجر تقعد مع سمر وتكمل هي تجهيز الأكل والكل اتحرك مر اليوم بطوله ونعيمه الحريم معاها واتعمدت نعيمه تنقي كل ما هو غالي وتروح أعلى وأغلي المحلات وتختار أغلى ما فيها عشان تشرف بنتها ترفع رأسها وراس جوزها وتتباهي وسط حريمزالبلد بجهاز بنتها اللي مجاش ولا هاييجي لحد زيه

ليلي بخنقه من كتر الحاجات اللي اشترتها حماتها لبنتها وهما لسه في أول يوم :ايه يا خالتي خفي شويه احنا لحد دلوقتي جايبين شيى وشويات ودفعين فلوس تجهز عشر عرايس خفي شويه مش كده

نعيمه بتبرقه عنين وايدين متخصره في وصتهاوبصوت سمع اللي حواليها: واخف ليه هي دي اي حد دي سمر بنت مسعود ابو شامه على سن ورمح ومتجوزه عين أعيان البلد جمال ابن علام الشلاواني بجلاله قدره لما تدفعي حاجه من جيبك ولا جيب ابوكي تبقى تقولي خفي انما داه من جيب ابوها وربنا يخلي ابوها وإخواتها الرجاله ويبارك فيهم فهمتي يا بنت اختي ولا نقول كمان

سكتت ليلي على مضض وكملت نعيمه تنقيه وكأنها ولا لسه مشرشحه لبنت اختها ومرات ابنها من دقايق وخلصت ودفعت مبلغ كبير وكأن اليوم انجاز كبير ليهم جابو جزء كويس من شوار سمر

طول الطريق ونعيمه فرحانه بالجهاز المفتخر وتطمن نفسها ان اكيد سمر هاتفرح لما تشوف ان شوارها من أغلى المحلات ومن أغلى كل حاجه جواه وصلوا البيت ونزلت الحريم من العربيه اللي اخظوها مخصوص عان تنقلهم وتنقل الحاجات اللي اشتروها نزلت هي والحريم والليل كان بداء يفرش بساطه الأسود وطلع الرجاله ونزلوا الحاجات ودخلوها البيت

نعيمه قعدت على الكنبه اللي في الصاله وبتحاول تريح ضهرها من الوجع اللي فيه

مسعود :ها يا حاجه طمنيني عملتي إيه

نعيمه بفرحه: كل خير يا حاج جبنا شويه حاجت من الرفايع بس بكره بحبح ايدك شويتين الأسعار بقت مولعه

ليلي بعوجه بوق: لاء وانتي الصادقه يا خالتي انتي اللي روحتي محلات أسعارها مولعه

نعيمه برفعه حاجب: مش قولتلك لما تدفعي من جيبك ولا جيب ابوكي حاجه ابقي قولي داه غالي وداه رخيص كل من خير ابوها يا حبيبتي

سكتت ليلي على مضض وودت وشها النحيه التانيه

مسعود: اومال سمر مارحتش معاكم ولا ايه

نعيمه بتردد: لاء يا حاج سمر تعبانه من عشيه ونامت وقالتلي اجيب مكانها

مسعود: نايمه من إمبارح لحد دلوقتي

هاجر طلعت من المطبخ: والله يا عمي محطت لقمه في جوفها لحد دلوقتي وعنيها من كتر العياط بقت زي البرتقانه ووشها بقى زي قشره الليمونه الصفرا

مسعود بقلق: حاولي تخليها تاكل لقمه تصلب بيها طولها

هاجر بيأس: والله يا عمي ريقي نشف معاها وهي على حالها دمعتها منشفتش من عنيها لما نظرها هايروح من كتر البكا

مسعود بقبضه قلب بس بسرعه ما افتكر اللي حصل من بنته وطلع صوته كأنه جبل تلج : سبيها لما الجوع يقرصها هتاكل بلا دلع بنات ناقصه ربايه تحمد ربنا انه سترها بدل ما كانت فضيحتنا وسيرتنا بقت على كل لسان من اللي ما يسوى قبل اللي يسوى

بص جلال ومصطفي ومحمود وحسن على نعيمه اللي عنيها زاغت في كل مكانوالا ان عنيها تيجي في عنين أولادها اللي بقت على يقين بإنهم عرفوا كل حاجه من حسن

محدش نطق بكلمه والكل انسحب على شقته من سكات

ومر الليل مرور الكرام بس محدش غمضله جفن وكل واحد بحال الاخوه الأربعه من الحسره والكسره على اختهم وظلمها

أما الأم فعنيها جفاها النوم خايفه ان المستور يتكشف وبيتها يتخرب وجوزها لو عرف او شم خبر مش هايرحمها

أما ليلي فطول الليل تتقلب على السرير وكأنه مراجل نار من تغير جوزها اللي هجرها وماني كلامه المبطن بتهديد إيه ومن نار حماتها اللي نازله سلخ فيها زي دبيحه العيد

أما مسعود فالنوم ابعد ما يكون عن عنيه قلبه بيكدب اللي شافه وعقله بيدور على مبرر وما بينهم مش قادر يصدق ان بنته ممكن تعمل كده طيب يسمعها هاتقول إيه داه شافها بعنيه وشاف الجواب في شنطتها وهي بتحطه وقراء المكتوب فيه ياتري هو ظلم بنته بجوازتها ولا مين ظالم ومين مظلوم

أما الجميله الحزينه سمر فطول الليل والدمع رفيق زي مكان ملازم ليها طول ايامها اللي فاتت وطول لياليها الطوال الحسره اللي في قلبها من الكل كل يوم بتكبر ابوها اللي رباها على ايده يصدق فيها الشين وأخواتها اللي عرفوا ظلومتها وسكتوا وأمها واااااه من امها سبب كل اللي جرالها وشاركت فيه بقلب قوي وسؤال واحد بس هو ليه بيحصل فيها كل داه طول عمرها ماشيه جمب الحيط طول عمرها بتخاف حتي من خيالها ليه الظلم بقى سهل وبقى هين على الناس

طلع النهار والعيون مجافيها النوم

نعيمه قامت مع باقي الحريم وجهزت الفطار واتجمع الكل بياكل بنفس الصمت اللي قطعه صوت مسعود بغلظه وكان شخصين جواه بيتخانقوا: جهزي نفسك انتي والحريم عشان العصريه هايعدي أهل بيت الحاج علام عشان تجيبوا الشبكه وخلي بنتك تطفح لثمه تسند قلبها وتفرد وشها بدل ما افرده انا وتحمد ربنا اني جوزها وسترتها فاهمه

نعيمه هزت رأسها بخوف: فاهمه يا حاج فاهمه

قام الكل موجوع بس النفوس ياما بتشيل والبطون ياما بتخبي

الكل قام يشتغل في البيت زي خليه النحل عشان يجهوا ضيافه تليق بأهل العريس والوقت بيجري والكل بمسابقه الوقت وسمر طول النهار نايمه زي حالتها في كل الأيام اللي فاتت وقرب اذان العصر دخلت نعيمه على سمر : قومي يا بت استحمي والفضي غبار التعب من على جتتك اللبسي الفستان داه وظبطي نفسك

سمر بتعب رقدت مكانها تاني: اطلعي يا حاجه الله يسهلك وروحي وافرحي ونقي الشبكه على كيفك زي كل حاجه مهي على كيفك

نعيمه بشخطه مهي عارفه بنتها جبانه واللي بتقوله ما هو إلا حلاوه روح ومكابره كدابه: فزي يابت بلاش مرقعه بنات فاضيه فزي بدل ما اجيبلك ابوكي يقومك

سمر بدموع: تعمليها يا حاجه تعمليها منتي عملتي اللي اكتر من كده

نعيمه بصوت عالي: ايه حاجه اللي مسكاها على لسانك زي اللبانه دي

سمر بصوت مبحوح من الوجع : اصل الأم حاجه وانتي حاجه تانيه يا حاجه لو خلصتي اطلعي وردي الباب وراكي وانا هاجهز واريحك مني وارتاح من نارك اطلعي الله لا يسيئك وانا هاجهز واضحك وافرح وادفن وجعي وكسرتي جوايا اطلعي وطمني قلبك يا حاجه خطتك نجحت وانتي اللي كسبتي

طلعت نعيمه وهي متنرفزه من عمايل بنتها واللي شايفه ان من حقها كأم انها تطمن على بنتها زي كل بنات البلد وان بنتها متكونش اقل من حد منهم وانها اختارت لبنتها جوازه تليق بيهم وترفعها وترفعهم معاها وكان مبررها لنفسها ولضميرها الغايه تبرر الوسيله

ومر الوقت بسرعه الريح ومع اول نداء من مأذنه الجامع ببداء الأذان لصلاه العصر الكل جري بسرعه البرق اللي تلمحه بسرعه ومتلحقش عينك تتمكن منه انها تتأمل فيه جريت كل حريم البيت تلبس بسرعه وكل واحده من منهم تلبس أجمل ما عندها

أما عند العروسه الحزينه اختارت فستان بسيط لونه حكلي وفيه ورد لونه بمبى فاتح ولبست طرحه بلون الورد اللي في الفستان ولبست صندل بسيط ومن غير اي زينه او تكليف وبرغم تعبها ووهنها إلا أنه منقصش من جمالها شيئ ورغم شحوب وجهها اللي باين لكل اللي يطل ويطلع في وشها إلا أنه منقصش من جمالها شيئ

والكل جهز وطلعت سمر وكان الصمت سلاحها وبعد السلامات والمجاملات

محروسه بفرحه: يا مشاء الله يا الف صلاه على النبي يخزي العين عنك ويبارك فيكي يا ست البنات سبحان من خلقك وصورك

فرحه وهي السلفه الكبيره زوجه ممدوح اخو جمال: ليه يعني يا حاجه ماهي بت زي كل بنات البلد ولا خرطها الخراط واتمدد مات

محروسه بتكبره وتخمسه في وش كل اللي واقف :ايوه يا اختي خرطها الخراط واتمدد مات لا صب في القالب بنات بعدها ولا أتصور جمالها بين البنات

سكتت على مضض

محروسه بفرحه هموا بينا يا جماعه لجل ما نلحق بدري بدري لسه ورانا ياما دي عروسه الغالي يلا شهلو اومال

وفعلا اتحرك الكل وركب العربيات اللي بعتها الحاج علام علشان راحت الكل ووصلوا اوام اوام عند ايميل الجواهرجي المشهور في البلد واللي كل كبارات البلد بيتعاملوا معاه

ايميل بفرحه وترحيب حار: يالف اهلا وسهلا يا جماعه يا مليون خطوه عزيزه وغاليه

محروسه بغرور :مرحبا بيك يا مقدس

ايميل بترحاب: منورين المحل

محروسه بنفس الغطرسه: منور بيك

ايميل :اؤمري يا حاجه

محروسه بفرحه: عايزين شبكه بس مش اي شبكه حاجه كده اخر الاجه مجتش لبت من بنات البلد حاجه كده اوبها تليق بعروسه الغالي وتليق ببيت الحاج علام الشلاولني وتليق بجمال العروسه اللي يتقال بالدهب

ايميل شاور على عنيه

يا تري يا صبيه الزمن جاي ليا ولا عليا

ياتري المستخبي إيه

يتبع..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

ايميل شاور على عنيه :من عنيا يا حاجه انتي تؤمري أمر وانا يجيني اعز منكم وفتح الخزنه الكبيره اللي جمبه وطلع منها شغل المخصوص اللي مبيطلعش لأي حد طلع منها كميه دهب كبيره تزغلل عنين أجمل النساء بس سمر ولا لفت نظرها بريق الدهب لان عنيها اطفي من الحزن والخذلان والكسره

محروسه ونعيمه فرزوا القطع الكتير اللي قدامهم وسمر قاعده ساكته تماما وكأن كل اللي بيدور ميخصهاش ولا كأن دي شبكتها اللي بتتنقى

محروسه اختارت اكبر واتقل سلسله فيهم وكانت شرابيه اربع أدوار بسلسلة حلبي تقيله ووزنها خرافي

محروسه بفرحه: بصي كده يا عروسه ايه رائيك تخطف العين مش كده

سمر هزت رأسها ومنطقتش

محروسه: لو مش عجباكي نغيرها اللي يعجبك نقيه شاوري بس والكل هايقول امين

سمر هزت رأسها بلا

محروسه بقلبه وش: في ايه يا صبيه مالك

نعيمه بتغطيه الموقف: ولا حاجه يا حاجه سلامتك هي بس سمر يتتكسف من خيالها وطبعها هادي مبتتكلمش كتير

محروسه بفهم: اااه طيب يا حاجه يلا نكمل ولو حاجه معجبتش العروسه نشوف في الاخر

وفعلا كملوا تنقيه وشاركهم الحريم من البيتين

اختارت محروسه ونعيمه السلسله ونقت عشر غوايش كبار شكلهم يخض ووزنهم كمان ونقت كفه ب 4 خواتم ونقت للعروسه اسوره كبيره شبه المعصم وانسيال جنزير كبير ونقت 3 خواتم كبار ودبله عريضه ومحبس كبير ونقت سلسلتين واحده فيها مصحف وواحده فيها خمسه وخميسه

واختارت لام العروسه سلسله كبيره تملى العين فيها ايه الكرسي كبيره أوي

محروسه: دي هديتك يا ام العروسه

نعيمه بذهول: مالهوش لازمه يا حاجه خيرك سابق ودي شبكة العرسان

محروسه بشهقه وخبطه على صدرها: يا ندامتي ايه يا حاجه داه سلو البلد عايزه الناس تاكل وشي

نعيمه بمقاطعه: مش القصد يا حاجه بس خيرك سابق وسبق وجبتي قبل كده

محروسه بزعل: ليه كده يا حاجه بقى اللي فاتت دي حلاوه الصنيه لزينه الصبايا تعدميني لو مخدتيها

نعيمه: تفي من بوقك نردها في الأفراح يا حاجه

ونقت محروسه لابنها دبله فضه جميله

محروسه بفرحه: والنبي يا مقدس اكتبلنا على الدبله بتاع العريس اسم العروسه سمر وعلى دبله العروسه اسم العريس جمال بس حاجه كده ايه معملتش لحد

ايميل شاور على عنيه: تؤمري يا حاجه وفعلا طلع جهاز صغير وكتب على الدبل من جوه الاسمين

ولما خلص محروسه الحاج هيحاسب ولا احاسب انا

ايميل: لا يا حاجه الحاج الضهريه عدى عليا وساب فلوس بزياده ولما ييجي العشاء هانخلص الحساب

محروسه خلصت ورقعت زغروده عاليه ونعيمه معاها والكل تحت النظر زغردوا بصوت عالي معاها

ايميل ميل على عامل من المحل: اجري على ابو وليد هات صندوقين شاقه بسرعه اغمض وافتح القيك قدامي

العامل : فوريره وطلع العامل جري ينفذ المطلوب

ايميل :اقعدي يا حاجه على ما الطلب يترص في علبه وتاخدوا واجبكم

محروسه: واجبك وصل يا مقدس

ايميل بإصرار: عيب عليكي يا حاجه طب والمسيح الحي ما يحصل دانتوا كده بتشتموني وعيبه في حقي

قبل ما تتكلم محروسه كان وصل عاملين كل واحد شايل صندوق حاجه سقعه ووزع على كل الموجودين في المحل والعمال وطلع كمل توزيع على بعض الناس اللي حوالين المحل

خلص العمال والكل شرب والفرحه عمت المكان والصمت مازال حليف العروس الحزين

خرج الجميع من المحل وركبوا العربيات ورجعوا بعد جهد سمر بدون كلام مع أي حد دخلت اوضتها ورجعت لسجنها ووحدتها

سمر لنفسها بوجع: وبعدين يا دنيا لسه شايلالي وجع ولا داه اخر المطاف لسه في ظلم ولا دي اخر الظلومات لسه فيه حزن ولا دي اخر الأحزان لسه فيه خساره ناني بعد حلمي وحياتي والا لسه

غمضت عنيها بوجع وسابت دموعها تعبر عن اللي جواها

********

نعيمه دخلت البيت بفرحه والدنيا مش سيعاها

مسعود: خير يا حاجه خلصتوا

نعيمه بفخر وغرور: طبعا والنبي يا حاج البت سمر دي مرزقه دانا دعيالها في ليله القدر ساعه استجابه جابولها شبكه اللهم صلي على النبي إيه شيئ وشويات وشويات وشويات أشكال وانواع مجاتش لبنت من بنات البلد وطلعت علب الشبكه اللي ملت 3 علب كبار وطلعت علبه تانيه وسط ودي هديه الشبكه من ام العريس ليا نقوط الصنيه

حسن بص لأمه بتهكم وبسخريه: تعيشي وتدوبي يا ام الرجاله

مسعود:مالك يا واد بتتكلم مع امك كده ليه

حسن بخذلان: ولا حاجه يا حاج ببارك ليها على فرحتها مش كان نفسها ومنى عينها سمر تتجوز واهي وشهادة حق اتجوزت جوازه ملوكي على كيفها وهواها

وسابلهم القعده ومشي وطلع وراه اخواته اللي كل واحد مبقاش طايق البيت بسبب اللي عرفوه وبقى ملجم الكل بلجام من نار لو حد نطق هايبقى خراب وهايعم على الكل البيت كله هايتخرب فوقاني تحتاني غير سيرتهم اللي هاتكون على كل لسان فالحل هنا هو السكات

مر اليوم ومرت بعده الأيام وجه يوم الجمعه يوم كتب الكتاب وكل البيت بيجهز وسمر على وضعها الفرق انها بقت تاكل كام لقمه متشبعش عصفور بعد تهديد وسعيد من أمها انها هاقول لابوها يسوي ويسوي فيها قامت نعيمه من الفجريه وكان الصيوان اتنصب والفراشه من بالليل والطباخ جهز حاجاته من بالليل

نعيمه بصوت عالي: يلا يا نسوان هموا شويه ورانا يوم طويل انفضي النوم منك ليها

نزل الكل واتجمع وكل واحد كل على قد مقدرته كام لقمه وطلعوا يقفوا مع الطباخ والناس

نعيمه جوه شغلت الاغاني بصوت عالي والكل بيهيص ويزغرد واللي بيردد مع الاغاني

دخلت نعيمه اوضه سمر اللي بقت سجنها الأساسي الأيام اللي فاتت والأيام اللي جايه: قومي يابت فزي من السرير اللي بقيتي لازقه فيه زي الغرا في الخشب همي استحمي عشان تتجهزي انهارده كتب كتابك يا حزينه وانتي قاعده تسحي وتنحي زي اللي ماتلها عزيز قومي منتي وشك فقر

سمر بوجع روح قبل جسد: عندك حق يا حاجه حزينه بس ياترى مين السبب

نعيمه بشخطه: اكتمي نفسك لاكتمك بكره تبوسي ايدي ورجلي وتدعيلي لما تعيشي وتتهنني وتتبغددي في العز والهنا بكره تقولي ربنا يباركلك يا أما

سمر بوجع: روحي ربنا يسامحك روحي وانا هاقوم روحي ومالكيش صالح بيا روحي واعرفي اني عمري مهسامحك مش عشان الجوازه ولا عشان حلمي اللي اتدفن لا يا حاجه يا اللي زرتي بيت الله وخطيتي ايدك على شباك النبي لا عشان عرضي وشرفي وسمعتي اللي انتي ومرات ابنك خوضتوا فيهم عشان ابويا اللي اتكسر بسببي وانا بريئه روحي واعرفي ان مرات ابنك عندها بت وبكره الأيام ترده وسابت أمها اللي نزل عليها سهم الله من الصدمه من بنتها ودخلت الحمام وغابت جواه وطلعت لقيت حريم أخواتها مستنيينها

سمر قعدت على السرير: نعم جايين ليه

ليلي برفعه حاجب: جايين نظبطك ونجهزك قبل ما تروحي الكوافير يا عنيا

سمر بنظره وجع: مش عايزه منك حاجه يا مرات اخويا روحي لحال سبيلك

ليلي بزعيق: بتطرديني يا سمر صحيح هستني ايه من واحده

قطعت كلامها سمر: كملي واحده ايه ها واحده مظلومه ومغدوره بس متقلقيش سلف ودين خدتيه من الأيام سلف وبكره هاتردي الدين ورفعت وشها للسما يارب يقعدوهلك في بنتك تشوفيها شوفتي وتتظلم ظلومتي صره حلبه لا تعت ولا تسوس

ليلي بصدمه طلعت وهي شارده: قصدها ايه البت دي تكون عرفت حاجه يالهوي يالهوي دي لو عرفت اخوها مش هايسكت وهايكون فيها خراب بيتي لالا يا ليلي لو عرفت ايه دليلها وأمها كمان هاتتعك فيها جمبي قلبك اومال

وطلعت قعدت مع الحريم واتجمع الجيران والكل فرحان وبيهني ويبارك

لبست سمر فستان نبيتي وعليه طرحه سوده

نعيمه فرحه قدام الحريم: الف صلاه على النبي حصوه في عين اللي يشوفك ولا صلاش على النبي كل اللي بيصلك بأيافه يوعدها بحيه لهافه وحضنت سمر

سمر بعدت عن حضن أمها اللي بقى زي الشوك بيغرز في جسمها

نعيمه بصوت واطي اشبه بالهمس: مالك يابت بتفطي من حضني زي اللي لدعك عقرب

سمر بهدوء: حضنك شوك يا حاجه بيوجع مبيدفيش

وسابتها وطلعت ركبت العربيه اللي بعتها أهل العريس ومعاها هاجر مرات اخوها بس طول الطريق كان الصمت حليفها وصديقها الصدوق

وصلت بصمت الكوافير في البلد ونزلت هي وهاجر اللي شايله كيس كبير فيه الفستان وسمر ماسكه كيس تاني فيه الجزمه والطرح اللي هاتلبسها ودخلت بدون اي كلمه او أدنى مقاومه

ومرت ساعات وهي بين ايدين الكوافيره اللي قدرت تحول بعلبه مكياج وبعض اللمسات وشها الطفولي البريئ لابسه كبيره فوق عمرها عمر زياده

وفي نفس الوقت في الجماع الكبير اتعمل عقد اشهار لزواج القاصر وابتدت الإجراءات قعد مسعود قدام علام وحط ايديهم في ايدن بعض

المأذون: قول ورايا اني استخرت الله وزوجتك موكلتي البكر الرشيد سمر مسعود محمود أبو شامه على كتاب الله وسنه رسول الله وعلى مذهب الإمام ابي حنيفه النعمان وعلى الصداق المسمى بيننا عاجله وآجله

مسعود كرر نفس كلام المأذون

بص المأذون لعلام: قول ورايا وانا استخرت الله وقبلت زواج موكلتك لابني جمال علام سنهور الشلاواني زواجا شرعيا على كتاب الله وسنة رسول الله وعلى مذهب الإمام ابي حنيفه النعمان وعلى الصداق المسمى بيننا عاجله وآجله

علام كرر نفس الكلام

وطلع المأذون عقدي إشهار زواج لان القاصر لاتزوج الا بعقد إشهار قبل بلوغ السن القانوني وهو 18 سنه

وتم توقيع الشهود ووكيل العروس ووكيل العريس وكان قبل الإجراءات بصمت العروسه والعريس على عقد الاشهار

انتهى المأذون والكل بقى يهني ويبارك وارتفعت اللصوات بالمباركه بين جميع الأطراف

رجع جمال البيت ولبس بدلته السودة وقميص ابيض وطلع من الأوضه أمه كانت مستنياه بمبخره دحان البخور ملئ الجو من حواليهم

محروسه وهي بتلف حواليه بالمبخره: حسبتك وسلمتك لرب العرش من عين أمك ومن عين ابوك ومن عين القوم اللي صادفوك ولا صلوش على النبي يا عين يا عنيا يا سوده يا رضيا يسلم منيكي ببركه محمد ابن عبد الله عين الراجل احد من الخناجر عين المرا احد من الشرشره عين البنيه احد من السفيه عين العجوز اللعنه عليها تجوز كل اللي يبصلك بأيافه يوعدها بحيه لهافه تجعل عين الحسود في قلبك وكل عين تتردلها ان كان خير بخير وان كان شر بشر

جمال بضحك: ايه يا أما بترقي عيل

محروسه بفرحه: لا برقى راجلي وسندي مهما كبرت وعودك شبك هاتفضل في عيني عيل صغير

جمال ميل بأس ايد أمه: طيب يلا يا حاجه عشان اروح اجيب العروسه من الكوافير

محروسه : يلا يا ضنايا

وطلع الكل من البيت وركب العريس عربيته اللي اتغسلت واتزيت واتحط على الكابوت بوكيه ورد كبير واتحركت عربيه العريس في موكب كبير مليان عربيات وموتوسيكلات في زفه ولا الف ليليه وليله والكل جاي يجامل الحاج علام الشلاواني وطول الطريق العربيات مبطلتش كلكسات واصوات عاليه والشباب بيعملوا خمسات بالموتسيكلات والعربيات لحد ما اخيرا وصل العريس لمكان الكوافير

دخل جمال وطلعت بنت من بنات الكوافير: البقشيش يا عريس

جمال ضحك وطلع ورقه ب مئه جنيه :خدي يا ستي مش خساره فيكي

البنت بفرحه مش سيعاها: ربنا يباركلك يا بيه بس عروستك قمر قمر الله أكبر

جمال: طيب يلا استعجلي العروسه اومال

البنت وهي بتشاور على عنيها: من عنيا يا عريس ودخلت جوه بسرعه وطلعت وهي وراها سمر اللي عنيها ثابته في الارض حتى مرفعتهاش فيه

جمال وهو مصدوم من جمال سمر واللي زاد اكتر بالمكياج: الله أكبر قمر يا عروسه قمر والقمر جمبك مالهوش مكان

سمر اكتفت بالصمت وهزت رأسها

مد جمال دراعه وانكج العروسه وطلعوا وسط الزفه وركبت العروسه الحزين العربيه بمساعده هاجر وركب جمال ومعاهم هاجر قدام جمب السواق واتحرك الكل في زفه وموكب مهيب من العربيات لحد الاستوديو وتم التصوير وسط اعتراض سمر البريئ على كتير من وضعيات الصور اللي بفطرتها متعرفش عنها حاجه وواصل الموكب سيره لحد بيت العروسه

يتبع..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

وصل العربيات ونزل العريس وساعدت هاجر سمر في النزول وجمال اللي مد ايده انكجها وسط الزغاريد اللي ملت المكان وقعد العروسين وسط الكوشه اللي مزينه على المسرح المنصوب قدام الباب عدد مهول من الناس بيهني ويبارك طلع مسعود ونعيمه اللي سلم على جمال

مسعود: مبروك يا إبني خد بالك من سمر دي لسه صغار ومتعرفش في الدنيا حاجه

جمال وهو بيشاور على عنيه: في عنيا يا حاج

نعيمه: مبروك يا إبني ربنا يهنيكم

مسعود قرب علشان يحض بنته بس بعدت: مالك بعدتي ليه

سمر بنظره ألم وخزلان وكسرهوصوت مش مسموع بسبب الاغاني: ولا حاجه يا حاج شوف ضيوفك ومعزيمك وافرح ببنتك

نعيمه علشان تغطي على الموقف: مبروك يا ضنايا وقربت وهي بتشدها بالغصب عشان تحضنها

سمر بوجع وبصوت واطي مش مسموع بسبب علو الاغاني: ابعدي يا حاجه قولتلك الصبح حضنك شوك بيوجع وبعدت نفسها عن حضن أمها

طول الفرح وسمر ملازمه الكرسي وكل اللي يطلع تعتذر

جمال بص لسمر بإستغراب: مالك يا سموره من اول النهار وانتي ساكته

سمر وعنيها في الارض: هاقول إيه

جمال: داه مش شكل عروسه فرحانه

سمر بوجع :لاء ازاي فرحانه اوي اوي كمان دي جوازه الكل يتمناها وبصت لأمها وأبوها اللي واقفين فرحانين وعنيها اتقابلت في نظره طويله وكملت كلام امها اللي برن في ودنها : دانتا ابن الاكابر اللي كل بنات البلد تتمناه ويابختي يا هنايا انك اخترتني

جمال كلامها رضى غروره: اصل لا قومتي ولا رقصتي واتنططتي زي اي عروسه

سمر: معلش متاخده ومش متعوده اني اتعامل قدام الاغراب هو داه يزعلك

جمال بهزه راس: لاء خالص دانا فرحان انك قاعده هاديه وراسيه وعاقله في مكانك داه يفرح اي راجل ان مراته مش فرجه للي يسوى واللي ميسواش

سمر بهزه راس: عندك حق

ومر الوقت وطلعت أم العريس وهي شايله صنيه الشبكه اللي متروسه دهب وعيون كل الناس هاتطلع على الصنيه ما بين حاسد وحاقد واللي كان اكترهم ليلي

ليلي بحسد وحقد مقدرتش تداريه: شايف يا عزت المقشفه دي جايلها دهب قد إيه

عزت برفعه حاجب: مين دي اللي مقشفه يا ليلي ربك والحق سمر زي لهطه القشطه الصابحه البت جمال وأدب وأخلاق

ليلي بكره: ولو بس بردوا عليت ولا وطيت كانت خدامه ليا ولسلايفي

عزت بإستغراب: داه بيت ابوها وأمها كانت بتعلمها شغل البيت داه يا بخته يا هناه الواد جمال خد بت بداره أدب وأخلاق وجمال ومال وكمان لسه بداره ودماغها توزن بلد

ليلي بتعوجه بوق: على إيه يا حسره

جمال: على كل مميزاتها ومتنسيش جوز خالتك عنده اكتر من 15 فدان أرض غير قارتين بهايم فهمتي يا ام العوريف

ليلي الكلام مجاش على هواها وقفت وسكتت

طلعت ام العريس لحد كوشه العريس والعروسة وجمبها نعيمه

محروسه زغرده بصوت عالي والدي جي شغل اغنيه يا دبله الخطوبه

محروسه بفرحه: لبس عروستك الشبكه يا ولدي

مد جمال ايده وبداء يلبس العروسه الشبكه المهوله اللي اشتروها وسط حلقه النميمه من الحريم والرجاله اللي حاضره

وبعد دقايق طويله كان خلص تلبيس كل الدهب واشتغلت الاغاني مره تانيه

مر الوقت وانفض الفرح ودخل جمال وسمر اوضه الجلوس يتعشوا

مسعود: ادخل يا ولدي كل مع عروستك لقمه عشان يبقى عيش وملح

جمال بفرحه مقدرش يسيطر عليها: تشكر يا حاج

قبل ما يدخل مسكه حسن من دراعه وبص في عنيه بقوه: اللي جوه لحد دلوقتي في بيت ابوها يعني حدودك كخطيب مش زوج تمام يا عريس

جمال وفرحته انطفت من عنيه: طبعا يا حسن من غير ما تقول انا راجل وبقدر بيوت الرجاله بس انتا نسيت اني كاتب كتابي

حسن: عارف بس لسه في بيت ابوها وسط رجالتها لما تروح بيتك تبقى خرجت من كنف ابوها وإخواتها لكنفك وطلعت من اسم ابوها لاسمك

جمال: طبعا طبعا

دخلت نعيمه صنيه العشا اللي عليها ما لذ وطاب من خيرات ربنا : اتفضل يا عريس متتكسفش داه بيتك ومطرحك

وطلعت ولسه هاتمد ايدها تقفل الباب قطعها صوتها ابنها

حسن بصوت عالي: سيبي الباب مفتوح يا حاجه مترديهوش

نعيمه سابت الباب مفتوح زي ما هو وقعد حسن ومصطفي ومحمود وجلال جمب بعض على الكنبه اللي في وش الباب على طول

جمال جوه عينه على سمر شويه وعينه على الباب شويه

جمال لنفسه: وبعدين بقى في الهم الازلي داه يعني مهعرفش اقعد معاها لحالنا شويه واقفين بره ومرصوصين جار بعض زي صف العساكر ايمته وتعدي الأيام عشان أدب صوابعي في عين اتخن تخين فيهم

وفعلا جمال مكملش ربع ساعه يادوب كل لقمتين وهو تحت النظر من أخواتها اللي محدش اتحرك من مكانه شبر

وفعلا طلع واستأذن

مسعود بإستغراب: ما بدري يا بني دانتا ملحقتش تقعد مع عروستك لحالكم شويه وتتكلموا كلمتين على بعض

جمال هو عينه على أخواتها: بدري من عمرك يا حاج الوقت اخر وكمان من بكره والأيام اللي جايه ورايا شغل كتير قبل الفرح وكمان تجهيز الدور كله لازمله شغل ياما

مسعود بإقتناع: ربنا معاك يا ابني ويسهلك طريقك

جمال: طيب استأذن انا السلام عليكم

الجميع في صوت واحد: وعليكم السلام ورحمة الله وبركاته

طلعت سمر من سكات علشان تدخل تغير هدومها وتهرب لحالها زي كل يوم بس قبل ما تدخل

مسعود: مبروك يا سمر

سمر بصتله بحزن: طيب

مسعود: ايه طيب دي اتعدلي يا بت كفايه اني سكتت على سرمحتك

سمر بدموع: كتر خيرك يا حاج عن اذنك

وسابت الكل ساكت وكأن على روسهم طير خايف يتحرك او يتكلم ليطير

دخلت سمر وقفلت الباب بهدوء وغيرت هدومها وحطت رأسها على السرير وبدئت رحله الدموع المحبوسه طول اليوم في عنيها تاخد إفراج اخيرا نزلت وكأنها شلال ميه جاري مش عايز يوقف ولا بينشف لحد ما حكم سلطان النوم حكمه ونفذه وسقطت في بحر النوم

مر الليل وكل واحد في حال غير الحال ما بين فرحان وشفقان وحاقد وحاسد وخايف ومابين اللي مش فاهم حاجه حاجه خالص

تعاقبت الأيام ومرت يوم واخد وراه يوم وكل يوم تطلع نعمه تجهز بنتها الجهاز اللي تتفشخر بيه وتتباهي بيه قدام أهل البلد وتبقى حكاوي يحكي ويتحامي بيها الحريم لأيام وشهور جايه زي حلقه النسوان كل يوم منصوبه على الجوازه اللي بنتها اتجوزتها والشبكه اللي مجاتش لبنت من بنات البلد

ومرت الأيام وسمر العروس الحزينه معتزله بنفسها عن كل الناس ومكتفيه بصمتها وحزنها على نفسها بنفسها

ويوم الحلواني اتجمع الاهل والاحباب والجيران اللي جايين يتفرجوا على مجايب نعيمه العايقه لكبرات البلد

ويوم الفرش الكل بقى واقف مذهول من كيمه الجهاز اللي يكفي عشر عرايس واتحرك موكب الفرش ما بين القيل والقال من بيت العروس لبيت العريس وتم فرش دور كامل للعروسين اللي تم فرشه بأغلي الأثاث السجاد والستاير ودلوقتي اكتملت الصوره بأغلى المفروشات وكان كأنه قطعه من الجنه

يوم الحنه جابت نعيمه وداد الماشطه

نعميه بفرح: بقولك يا وداد عايزه البت كده بتبرق زي النجفه تلعلط في الضلمه

وداد:طبعا يا حاجه من عنيا دانا هاجليها واكيسها واكبسها واخليها فله كده وشمعتها قايده

نعيمه بإطمئنان: طيب يلا شهلي عايزاها على المسا تكون فله

وداد من عنيا يا حاجه دليني بس على اوضه العروسه

خدتها نعيمه لاوضه سمر ودخلت

نعيمه: قومي يا عروسه واجهزي يلا

سمر بصت على الضيفه اللي جمب أمها

نعيمه: دي وداد الماشطه عشان تجليكي وتجهزك للحنه بالليل

سمر بعدم فهم: هاتجهزني لأيه منا هاستحمي واللبس

نغيمه:يابت سحوم ايه هاتجليكي عشان تبقى عروسه زي الفل

سمر بعدم فهم: وهو انا وسخه

نعميه بنفاذ صبر :يلا يا بت قومي من سكات

قامت سمر من سكات وقعدت على السرير

وداد: يلا يا حاجه شوفي مصالحك وسبيني مع القمر داه وانا هافهمها

نعيمه : ماشي يلا اروح انا واشوف اللي ورايا

وطلعت وقفلت الباب وراها

وداد: يلا يا ست العرايس معايا على الحمام وانا هافهمك

سمر بكسوف: تدخلي معايا الحمام ليه محدش قالك انه عيب وحرام

وداد بضحكه: الله يحظك دانتي شكلك خام طيب يلا وانا هافهمك

وفعلا بدئت وداد تفهم سمر هي هاتعمل ايه

وسمر مستمعه بذهول وخجل فطري وهي مش مستوعبه اللي بتسمعه : ايه اللي بتقوليه داه انتي اتخبلتي ازاي يعني اقلع هدومي قدامك وتمدي ايدك على جسمي

وداد:يا بنتي انا بساعدك علشان نشيل الشعر الزايد في جسمك داه حرام المفروض أمك كانت تعرفك انه مادام بلغتي انه مع كل حيضه لازم تشيلي الشعر داه

سمر بخجل: بس بقى مش عايزه اسمع

وداد بنفاذ صبر: طيب يلا بقى بدل ما انادي على امك تيجي تصطفل فيكي وانا ورايا لسه موال طويل

سمر خافت واستسلمت للأمر الواقع

ومرت الساعات الطويله ووداد بتجهز العروسه الطفله وهي مستغربه دي هاتعمل ايه في دخلتها بكره ومستغرب ازاي أمها محكتش ليها حاجه ولا فهمتها وسيباها على عماها

وحل الليل واتجمع الاهل والاحباب وكانت حنه البلد كلها بتحكي وبتتحاكى بيها من فخامتها

ووصل اليوم المنشود يوم الفرح في البيتين الكل شغال على قدم وساق

نعيمه دخلت اوضه سمر اللي من الأساس صاحيه ومجافيها النوم: قومي يا عروسه قومي يا سمر يا سماره قومي يا عروسه لولولولولولولولولولي ورقعت الزغروده اللي تسمع البلد

قامت سمر من سكات وبصت لأمها نظره خذلان وعلى وشها اترسم الكسره وشقها ببسمه وجع

سمر: قومت يا حاجه قومت سيبيني في حال سبيلي كلها كام ساعه وهافوتلك البيت خاااالص

طلعت نعيمه وهي مخنوقه من بنتها ولنفسها: بت خزان نكد بصحيح واحده غيرها كانت اتحزمت ورقصت من سعدها وهناها بدل السح والنح اللي قاعده فيهم بلا خوتت رأس خلينا نهم نشوف اللي ورانا

طلعت سمر بعد ما استحمت وراحت الكوافير واللي حصل يوم الخطوبه اتكرر يوم الفرح بإختلاف لون الفستان ووصل العريس وخد العروسه بعد الزفه والتصوير كان الكل مستعد لفرح اموري كبار التجار وكبارات البلد والعمده والكل جاي يهني ويبارك ومين االي مش عايز يجامل الحاج علام الشلاواني وابو مين اللي مش مجامله وبيرد جميله

والكل مذهول من كميه الفلوس اللي بترخ زي المطر وفلوس بمبالغ فلكية

مر الفرح مرور الكرام والكل ودع العروسه

مسعود لأول مره من شهر يحضن سمر اللي اكتشف ان حضنها كان غايب عنه ووحشته اوووي

مسعود بعيون مرغيه بالدموع: مبروك يا قلب ابوكي بكره تشكريني انا مرمتكيش انا جوزتك جوازه الكل بيحلف ويتحالف بيها انتي الغاليه بس قلب واجعني اووي مش عارف ليه

سمر بدموع غلبتها ونزلت: بكره تعرف انك ظالم يا حاج بس للأسف الأوان فات وبعدت عن حضن أبوها

وأمها جات تقرب سمر بعدت:حضنك شوك يا حاجه شوووك بيوجع اوي وبيغرز ألم في الجسم وبعدت عنها

جلال بحضن أخوي صادق: مبروك يا سمر كبرتي وبقيتي عروسه

سمر بسخريه: اه كبرت اوووي اوووي تصدق

جلال حس بوجع سمر وميل رأسه في الأرض وبعد

كذلك محمود ومصطفي كل واحد اخد اخته في حضنه

وجه الدور على حسن اللي ضمها لحضنه اووووي اوووي وتبت فيها بإيديه : مبروك ربنا يكتبلك السعد ويفرح قلبك

سمر بدموع وبهمس مسموع لاخوها وهي في حضنه مش هسامح حد فيكم كنت عارف الحقيقه وبقيت زيك زيهم وخبيت وداريت وانا اللي طلعت وحشه ودايره على حل شعري محدش رفع الظلم عني انسوني زي ما نسيتو حقي وردمتوا عليه علشان بيتك ومراتك مبروك عليكم نسب أولاد الاكابر

رمت كلامها وسابت الكل الوجه بينهش فيه الا نعيمه اللي ضميرها ناااام نوم عميق من الدهب والأمنيات بالعيشه الفخمه اللي هاتعيشها بنتها

ساعدتها هاجر تركب العربيه جمب العريس ودخلت الفستان معاها

واتحرك عربيت العروسين في طريق اللا عوده

كل ما فات لم يكن بحر فيما هو آت

يتبع..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

وصل العروسين الي فيلا الحاج علام ونزل كل جمال وساعد عروسته

محروسه بزغاريد:لولولولولولي خشي برجلك اليمين يا عروسه

سمر بخجل فطري من الموقف اكتفت بهزه رأسها

دخلت سمر من باب الفيلا بكسوف

أول ما دخلت الكل في صوت واحد شيل العروسه يلا يا سبع

جمال بصت للكل بسخريه :طبعا سبع ومره واحده شال العروسه التي لا تزن شيء بين ايديه وصعد السلالم وسمر بين يديه

طلع الشقه وفتح الباب واول ما دخل نزل سمر

جمال بفرحه: مبروك يا عروسه

سمر بخجل وصوت يكاد يكون مسموع: الله يبارك فيك

جمال: طيب يلا

سمر بعدم فهم: يلا فين محنا دخلنا الشقه

جمال برفعه حاجب: ايوه دخلنا الشقه طيب يلا علشان تغيري الفستان داه ونشوف ليلتنا اللي لسه بتبتدي يا عروسه داه الليله ليلتك للصبح

سمر بعدم فهم: يعني ايه

جمال بهبل: هو اللي طالع عليكي طول اليوم يعني ايه هي أمك مقالتلكيش حاجه

سمر بهزه راس

جمال: طيب انا هابقى اشرحلك بس عملي بس يلا شهلي وادخلي غيري

سحبها جمال من زراعها ودخل اوضه النوم

سمر بخوف: هو انتا جايبنا هنا ليه

جمال بضحك: علشان تغيري ونعلب عروسه وعريس

سمر :طيب محنا كنا في الفرح عروسه وعريس هي حكايه

جمال بضحك على برائتها:لاء دانتي في الطراوه لا هنا هانلعب عروسه وعريس بس لوحدنا حاجه كده للكبار يلا بس وانا هافهمك

طلع جمال وساب سمر تغير هدومها اللي بعد معاناه قدرت تفك سوسته الفستان وبصت على السرير لقيت قميص نوم عريان

سمر بذهول من شكل: ايه قله الادب دي ومين اللي تلبس الهدوم اللي مش مغطيه حاجه دي

دخلت اوضه اللبس اللس مصممه في الجناح على الطراز الحديث بسرعه وطلعت عبايه بكم ولبستها ودخلت الحمام وغسلت وشها كذا مره لحد ما شالت المكياج خالص وحطت ايشارب على شعرها زي ماهي متعوده في بيت ابوها وطلعت لجمال اللي كان غير بدلته ورماها على كنبه الانتريه ولبس بيجامة

جمال بصلها بسخريه: ايه يا عروسه هو انتي متحجبه بره البيت وجواه كمان

سمر بعدم فهم: يعني ايه هو لبسي في حاجه وحشه

جمال بنفاذ صبر: داه مش لبس عروسه ليليه دخلتها هي هدوم النوم قصرت معاكي في حاجه

سمر بخجل وتلجلجه في الكلام: لا مو اصل يعني هو يعني

جمال: هو ايه يا بنت الناس

سمر بإرتباك: قصدي يعني ان الهدوم اللي كانت على السرير دي عيب اوي

جمال: لا يا عروسه مهياش عيب ولا حاجه دانتي هاتلبسيها لجوزك حلالك وغمز بعينه

سمر بصتله بإستغراب من كلامه الغير مفهوم بالنسبالها: كيف داه يعني

جمال قرب منها وزاح الايشارب اللي على رأسها بالراحه ونزل شلال حرير اسود وصل لحد ركبتها وقرب منها بأنفاث لاهثه: انا هاقولك وشال سمر وسط خوفها ودخل اوضه النوم

وبعد مده قام جمال مصدوم من نفسه وبقى يهز راسه بجنون: في ايه انا بيا إيه أنا اكيد في حاجه مش طبيعيه انا كويس

سمر بخوف وهي بتشد الغطا تداري جسمها بخوف ودموع: هو في إيه انتا زعلان ليه

جمال بزعيق: مفيش حاجه انا كويس صح وشد دراعها وبقى يهزها بعنف انا كويس وراجل غصب عن عين التخين فاهمه

سمر بخوف هزت رأسها: فاهمه منتا راجل والله هو حد قال غير كده

قالتها ببراءه وعدم فهم

جمال قام ولبس هدومه وقعد جمبها على السرير شد شعرها بعنف: اللي يسألك عملنا إيه تقوليله تمام فاهمه يابنت المركوب

سمر بدموع وخوف هزت رأسها كذا مره بخوف: حاضر

كمل جمال كلامه بعدم مراعاه لتلك الطفله الغير مدركه لأي شيئ: اي كلمه تخرج من بوقك هاكسرهولك جوزك راجل واسد فاهمه

سمر على نفس وضعها اكتفت بالصمت وهزت رأسها

ترك جمال شعرها وطلع من الاوضه وقعد في الانتريه: الحكيم قال اني بقت كويس واقدر اتجوز انا تمام ايوه انا تمام هي اللي عيله مش عارفه تغريني ولا تساعدني ايوه انا تمام انا احسن حاجه ابعت اجيب حبايه زرقا ايوه مهو كل الرجاله بتاخدها انا كويس أنا تمام فضل جمال يكلم نفسه بهذيان وجنون وهو بيحرق في سجايره واحده ورا وحده لحد ما تعب والتعب خد من جسمه وعقله نام مكانه

أما عند العروس الحزينه فضلت قاعده مكانها والدموع نازله بدون توقف وكأنها كانت في سجن وما صدقت فتحت زنزانته وتحررت على آخرها لحد ما حست بصداع وغلبها النوووم

***********

طلع النهار على الجميع والكل في حال نعيمه قايمه من النجمه وصحت كل حريم البيت

نعيمه بصوت عالي وحسم: يلا يا اختي منك ليها شربوا شويه لجل ما تخلص فطار العرايس عايزين حاجه كده مفتخره تملا العين دي مش رايحه لأي حد دي رايحه لبيت كبارات البلد ورايحه لزينه البنات سمر اه اومال ايه يلا يا اختي شهلي شويه منك ليها قبل الضهريه بدل كنتوا شغالين زي اللي ماشي على قشر بيض خايف ليتكسر

مسعود من الصاله بصوت عالي: الفطار ياللي جوه ولا نروح اشغالنا على لحم بطونا

نعيمه وهي طالعه شايله صنيه وحطتها على الطبيله: لاء يا حاج لحم بطنك ايه معلش اتأخرت كنت بجهز فطار العرايس لجل الصباحيه وجهزنا الزياره اللي رايحه مع الفطار بس حاجه كده يا حاج مقولكش تملا العين بالصلاه على النبي وابنك طلع فحل من الزريبه يطلع مع الزياره وكمان هناخد الكحك والبسكويت بس الله لا يسيئك شيع جابلنا عربيتين عشان نحمل الحاجات فيها الا دي حاجات يااما وكمان جيب عربيه عشان اركب فيها مع الحريم بدل ما نتبهدل في العربيات

مسعود بنتهيده وجع: خلاص خلاص مصدقتي تحطي وشك في وشي وتلاتين الف طلب في دقيقه خلاص هاشيع ابنك الموقف يجيبلكم عربيتين للحاجات وعربيه ليكم

نعميه:مالك يا حاج شكلك تعبان

مسعود وهو عينه على اوضه سمر: قلبي واكلني عليها اوووي خايف اكون ظلمتها إمبارح وهي بتحوش روحها من حضني حسيت ان روحي بتروح معاها

نعيمه بهدوء: داه بس عشان منتاش واخد على فراقها يا راجل داحنا نحمد ربنا وتصلي ركعتين تشكر بيهم ربنا انه سترها ورزقها جوازه زي دي دي جوازه السعد والوعد والهنا والمنى متبقاش كفار بنعمه ربك واديني اهو كبها كام ساعه واروح اطمن عليها واسبوع كده وتروح تشق عليها انتا ورجاله العيله عشان تقابلوها وانا اسبوعين كل يوم هاروح اطل عليها عشان ندوي العشيان مهو مبارك بداء من انهارده سبوع العشيان وانتا لاجب ما حبايبك كتير لجل ما هايروخلها دون عن بنات البلد سبوع واتنين تلاته عشيان

مسعود بشرود: قلبي مقبوض عليها اوي عيني مغفلتش من عشيه نايم في فرشتي كأني نايم على جمر بتقلا فيه

نعيمه بنفخه: ماخلاص بقى يا حاج قولتلك كلها كام ساعه واروح اطمن واطمنك يلا نادم لعيالك عشان ادخل اشق على الحريم اللي في المطبخ لحسن يا ساتر دول لكعيين لكاعه والنبي البت سمر كانت شايله عنهم كل حاجه يلا ربنا يسعدها

مسعود :مش هاتفطروا

نعيمه: لاء كلت انا والحريم عشان يقدروا يطلبو طولهم باقي النهار يلا يلا اومال كلك لقمه تسند قلبك عشان تروح تشوف مصالحك انتا وأولادك

قعد مسعود واتجمع حواليه أبنائه وكل منهم في ملكوت لحاله

مر الوقت سريعا وانتهت نعيمه من التجهيزات ووضعها بداخل العربيات وركبت هي وهاجر ونورا وليلي وشروق

واتحرك الجميع خلف بعضه

***********

عند سمر صحيت من النوم والألم بياخد من دماغها وجسمها فاقت من نومها وفوجئت بنفسها مجرده من هدومها قامت مخضوضه واستوعبت انها مش في بيتها قامت بخوف واتلفتت حواليها في الاوضه اللي شبه الجناح ولبست العبايه وطلعت غيار ليها ودخلت الحمام واستحمت وفضلت تبكي على حالها اللي بقت فيه بين يوم وليله وهي مش فاهمه حاجه فضلت وقت طويل وطلعت من الحمام بعد ما لبست هدومها كلها جوه الحمام وطلعت قعدت على السرير شارده في حالها

فاقت من شرودها على صوت الزغاريد اللي ملت المكان تحت وسمعت لحد عندها دقايق وصوت الجرس قطع كل شيئ جمال فتح الباب

جمال بفرحه مزيفه: يا الف اهلا وسهلا خطوه عزيزه يا حاجه

نعيمه بفرحه: مرحب بيك يا عريس صباحيه مباركه

جمال بإبتسامه كدابه: الله يبارك فيك

نعيمه بفرحه: اومال فين العروسه

جمال على نفس البسمه: دقايق يا حاجه ادخل اناديها

دخل جمال بسرعه لاوضه النوم

جمال بوعيد: أمك بره اي كلمه تطلع من بوقك هاقطع لسانك واعيشك طول عمرك خرسا فاهمه يابت

سمر بخوف: احكي ايه انا مش فاهمه انتا من إمبارح بتقول حاجات انا مش فاهماها

جمال بإطمئنان لعدم فهم سمر: طيب لو أمك سألتك عملنا ايه قوليلها كل حاجه تمام ماشي يا سموره

سمر بطاعه: حاضر

جمال :طيب يلا غيري هدومك دي والبسي حاجه حلوه واطلعي لأمك ماشي

سمر: طيب مالها هدومي مهي حلوه أهي

جمال اتحرك لاوضه اللبس وطلع عبايه استقبال جميله وحطها في ايديها :اللبسي دي واطلعي لأمك انتي عروسه ودي عبايه شقه مينفعش تطلعي للناس بيها انتي عروسه ماشي

سمر بطاعه: حاضر

وطلع جمال ودقايق وخرجت سمر لابسه العبايه اللي عطتها مظهر انوثي رغم طفولتها

اول ما خرجت نعميه رقعت زغروده عاليه: لوولولولوولولولولي يألف نهار نادي صباحيه مباركه يا عروسه وضمتها لحضنها

سمر بصت بسكات علشان جوزها الموجود: الله يبارك فيكي

ليلي بكره: مبروك يا عروسه

سمر بتهكم: الله يبارك فيكي

هاجر بلا مبالاه: صباحيه مباركه

سمر: الله يبارك فيكي

نورا:مبروك يا سمر

سمر :الله يبارك فيكي

شروق بفرحه: مبروك يا عروسه وشك منور وزي القمر

سمر بإبتسامه باهته: الله يبارك فيكي يا شروق عيونك حلوين عشان كده شافوني حلوه

جمال بحمحمه: طيب يا جماعه اسيبكم مع بعض وانزل أصبح على الحاج والحاجة يلا بالاذن البيت بيتكم

نعيمه: اذنك معاك يا عريس

نزل جمال وأول ما محروسه شافته على السلم زغردت بصوت عالي: لولولولولولولولولي صباحيه مباركه يا عريس وشك منور

جمال بحزن مكتوم: الله يبارك فيكي يا أما ايه مطلعتيش مع الجماعه ليه

محروسه بفرحه: قولت اسيبهم براحتهم واهو امها تطمن على البت براحتها وانا كنت هاطلعلكم بس بعد ما يمشوا ها طمني سبع ولا ضبع

جمال بسرعه: أسد يا أما ابنك أسد

محروسه زغرده بصوت عالي: طبعا أسد وسيد الرجاله كمان يلا عقبال ما اشيل خلفك واشوفهم كده بيجرو حواليا اسمع بقى انا عايزه عيال كتير العيال عزوه والخير ياما للركب انتا عليك المال وهي عليها العيال متعتلش تربيتهم أمك لسه بصحتها خليك بس في عروستك وخلف والتربيه عليا

علام: اسمع كلام أمك تسع شهور من دلوقتي واستلم عيلك على يدي عايز على قد ما تقدر تجيب عيال

جمال بوجع دراه ورا ابتسامه مزيفه: انتا تؤمر يا حاج

قطع كلامهم صوت زغاريد عاليه من فوق

محروسه خدت نفس وزغردت على صوت الزغاريد واللي معناه حاجه واحده بس

جمال اخد نفس طويل واتنهد وطمن ان سمر مقالتش لأمها حاجه وكل حاجه تمام

**********

نعيمه قومي معايا يا بت عايزاكي

سمر : اقوم فين يا أما خير في حاجه

نعيمه بنفاذ صبر :تعالي معايا بس وقومي يلا يابت

سمر قامت على مضض ودخلت مع أمها لاوضه نومها

نعيمه بترقب: ها طمنيني عملتي ايه

سمر كررت كلام جمال زي البغبغان: كل حاجه تمام

نعيمه رقعت زغروده عاليه: لولولوولولولولولولي

طيب فين البشاره وريهاني

سمر بعدم فهم :بشاره إيه

نعيمه :المنديل عايزه المنديل يا عين أمك

سمر قامت ببراءه وجابت منديل ورق من علبه المناديل اللي على التسريحه ومدت ايديها لأمها: اتفضلي

نعيمه برفعه حاجب: لا والنبي داه ايه أصله داه يا بت انا قصدي المنديل القماش المحرمه بتاع ليله الدخله

سمر بتبص لأمها وكأنها بتقول طلاسم

نعميه بقلق: طيب يا حبيبه أمك مش هو دخل عليكي

سمر: ايوه يا أما محنا دخلنا الشقه مع بعض إمبارح

نعميه ببوادر نفاذ صبر: يابت انا اقصد مش نام هنا في فرشتك

رمت كلامها ببجاحه

سمر :ايوه نام جمبي إمبارح هنا

نعميه خدت نفس وطلعت: يا صبر أيوب ايوه نام جمبك على السرير حصل بينكم إيه

سمر حكت على أمها كل اللي حصل حتي تهديد جمال

نعميه: ازاي داه لا انا كده الفار بداء يلعب في عبي معناتها إيه الكلام داه طيب بصي يا عين أمك قومي معايا كده قامت سمر مع نعميه اللي اتوجهت لاوضه اللبس وطلعت قميص نوم مغري جدا لبنتها بصي بقى يابت وبدائت تحكي لسمر ازاي تغري جوزها

سمر بشهقه: انتي بتقولي ايه انا بنتك ازاي عايزاني اعمل كده انتي إيه

نعيمه وهي بتضغط على ضروسها وانا بقولك اعملي كده مع راجل غريب داه جوزك وحلالك وانتي إمبارح زي ما قولتي كنتي معاه عريانه يا قلب أمك يعني لا هو عيب ولا هو حرام وكل الحريم بتعمل كده علشان تملا عين جوزها وكملت بشخطه والا والله انا اللي هاقول لجمال انك حكيتيلي كل حاجه

سمر بخوف: حرام عليكي انتي دايما جايه عليا عايزه كمي إيه

نعميه شدتها من دراعها بعنف: عايزه مصلحتك يا خايبه عارفه انك خام وعلى نياتك يا موكوسه وهو يغلبك بالمال وانتي تغلبيه بالعيال والست الناصحه اللي تخلي قلب عقل وعين جوزها ميوعوش غير عليها وبس يلا أنا هاحطلك شويه مكياج حلوين يخلو وشك ينور كده وأول ما انزل تغيري وتلبسي اللي طلعته وتعملي الي قولت عليه بالحرف الواحد وبكره هاعدي عليكي اشوف البشاره ولو جوزك سألك على اللي حصل قوليله اني مسالتش واوعي سامعهوحسك عينك تحكي لجنس مخلوق اللي دار بينا هنا فاهمه يابت

سمر بخوف من كل االي بيحلص فيها واللي بيدور حواليها هزت رأسها بصمت

طلعت نعميه بعد ما حطت بودره وحكل وروج لسمر على قد معرفتها بالمكياج : يلا بينا عشان نلحق الطريق

ليلي بخبث: ليه يا خالتي وهي العروسه مش هاتطلع تسلم علينا

نعيمه بخبث موازي: لاء يا عين خالتك العروسه جوه بتتزوق لجوزها عرسان جداد بقى وختمت كلامها بضحكه عاليه

ليلي حست بخنقه جواها وبقت نار لو طلعت هاتطول الأخضر واليابس

ونزلت نعميه وهي راسمه فرحه مزيفه وقلبها وعقلها متوغوشين من كلام بنتها : يلا يا جماعه فوتناكم بعافيه مبروك يا عريس عقبال ما نبارك على العيال

محروسه بتصميم: يا ندامه ليه كده يا حاجه والنبي دي عيبه في حقي تدخلي البيت وتطلعي من غير ما تاخدي واجبك داحنا أهل لا داه كده عيبه في حقنا

نعميه بإبتسامه مجامله: بيت الكرم كلهزيا حلجه واديكي قولتي احنا بقينا أهل يعني لا يكرم المرء في داره وانا يا دوب اللحق اروح علشان اجهز لقمه للرجاله قبل ما تيجي من الأرض والجايات اكتر من الرايحات

يلا فوتكم بعافيه

محروسه: الله يعافيكي

طلع جمال يوصل حماته واتأكد ان كل العربيات اتحركت وطلع تليفونه وكلم واحد صاحبه يبعتله طلبه

وفضل منتظر تحت حوالي نص ساعه لحد ما وصل الطلب وخده ودفع تمنه وزياده وحط العلبه في جيبه ودخل

علام: ايه يا ابني كل داه في الجنينه

جمال: كنت بشرب سيجاره وعملت كام تليفون اطمن على الشغل

علام بفخر: بروا عليك الراجل الصح اللي مهما كانت الظروف متأثرش على شغله

جمال: عندك حق يا حاج يلا اسيبكم بقي واطلع اشوف العروسه

محروسه: اذنك معاك يا عريس يحقلك البت قمر زي لهطة القشطه اطلع واتهني يا سبع

جمال الكلام وجعه بس دراه جواه وبإبتسامه مصطنعه: يلا سلام عليكم

وطلع جري على الدور بتاعه

جمال بصوت عالي: سمر يا سموره

طلعت سمر وهي مرعوبه وجسمها كله بيرتعش بعد ما لبست الهدوم اللي طلعتها امها: ايوه يا جمال

جمال بص عليها بإنبهار: الله أكبر هو فيه كده

سمر بكسوف وخجل ووش احمر من كتر الخجل

جمال: طيب يلا ناكل لقمه انتي من إمبارح مدوقتيش الذات

سمر هزت رأسها بخوف ودخلت المطبخ وكشفت الصواني اللي كانت ماليه المطبخ وطلعت منهم كام طبق وحطتهم على السفره

يتبع..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

فاق جمال من شروده على صوت سمر: مالك سرحان من بدري في حاجه

جمال قام من مكانه وشالها ودخل اوضه النوم

واستسلمت سمر زي ما طلبت أمها وبعد دقايق قام جمال وضربها بالقلم انا غلطت لما اتجوزت عيله انتي إيه يابت لوح تلج صحيح النسوان أقدام وانتي قدمك شوم يا نحس مع كل كلامه وشعرها في ايديه وهي مستسلمه مفيش في ايديها حيله غير العياط والبكاء ودموع نازله تكوي وشها وقهره نزلت قلبها

كمل جمال كلامه بعصبيه وصوت عالي: اسمعي يابنت الكلب انتي من هنا وجاي زيك زي اقل خدامه من اللي شغالين تحت كاتك القرف على ما تسبعي انا هاعرف اربيكي اتفو عليكي

سمر غمضت عنيها من الوجع والقهره وفتحة لما سمعت صوت رزع الباب واللي بتأكد خروج جمال من الاوضه

طلع جمال بسرعه ودخل اوضه لوحده وقفل الباب بالمفتاح وراه واتصل على الدكتور اللي كان بتعالج عنده في مصر

جمال بعصبيه: مش انتا قولتلي اني بقيت كويس وخفيت

الدكتور بعمليه: سا استاذ جمال انا قولت لحضرتك ان الخلايا المنويه نشطه يعني تقدر على الإنجاب بالطرق الحديثه أما العلاقه الزوجيه فحضرتك عندك عجز جنسي يبقى ازي انا قولت لحضرتك انك طبيعي وتقدر تتجوز كلامي كان واضح حضرتك تقدر تنجب

جمال بزعيق: وهو في راجل يبقى بيخلف وهو عاجز انتا دكتور مخبول

الدكتور بصبر مراعاه لحاله جمال:يا استاذ جمال حضرتك افهمني الإنجاب شيئ والعلاقة الزوجيه شيئ مش معني العقم يعني عجز ومش معني العجز عقم يعني ممكن يكون عاجز ويخلف وممكن يكون عقيم وسليم جنسيا حضرتك فهمت قصدي ممكن تهدأ وتفهمني ايهواللي حصل وصلك للعصبيه دي كلها

جمال بألم ظهر في صوته: اتجوزت إمبارح لما قولتلي اني بقيت كويس او زي ما بتقول اللي فهمته ومقدرتش ادخل على مراتي وخدت برشام من اللي بياخدوه كل الرجاله معملش اي حاجه

الدكتور بتفهم: للأسف يا استاذ جمال حضرتك فهمت كلامي غلط وظلمت نفسك وظلمت بنت معاك

جمال بتعب وإرهاق: والحل إيه دلوقتي

الدكتور بعمليه: كل اللي اقدر اقولهولك انك تصبر كام شهر وتطلقها بدل ما تظلمها معاك الا لو هي تقبلت حالتك وقتها تقدر تعمل حقن مجهري وتخلف بس للأسف في الحاله دي حضرتك هاتكون بتظلمها معاك لان كل أنثى ليها احتياجات زيها زي الراجل بالظبط

جمال: يعني هي ممكن تخلف من غير ما المسها

الدكتور بتوضيح: طبعا بيتم سحب عينه من حضرتك وبيتاخد بويضه بمنظار وبيتم تخصيبها في حضانات خارجيه لحين إتمام عمليه الاخصاب وتكوين أولى مراحل تكوين الجنين وبيتم زرعه في رحم الأم بعمليه

جمال بتفكير: تمام يا دكتور طيب العمليه دي بتاخد وقت قد إيه

الدكتور: بنعمل فحوصات للزوجه وبناء عليه بتعمل متابعه تبويض لحين وصول البويضه للمرحلة المطلوبه بيتم سحبها بعمليه

جمال بتفكير: خلاص يا دكتور كمان يومين وهاجيب مراتي المركز عندك واجي

الدكتور:تمام يا جمال بيه تشرف

قفل جمال مع الدكتور وحس ببوادر راحه على الاقل يقدر يخلف ويقطع كل الالسنه وشرد مع نفسه ايوه كده تمام مهي الناس هنا مدام الراجل خلف يبقى راجل ميعرفوش كل الرغي اللي قاله الدكتور داه كله وبكده ابقى زي الفل وكمان اقدر اربطها جمبي واقطع كل الالسنه

ونام جمال مكانه قرير العين مرتاح البال وكأنه مش ظالم ولا هايظلم بنت بريئه وكل تفكيره في نفسه وبس

مر الليل وتاني يوم اتكرر نفس الوضع نعيه جات بس الفرق انها جات لوحدها بدون باقي الرحيم

وجمال كالعاده أكد على سمر ان اي كلمه قصادها روحها

وسابهم ونزل

نعميه: ها يا بت فرحيني عملتي ايه

سمر بصت لأمها بلوم ووجع: عايزه تعرفي حاضر هاقولك وحكت لأمها كل اللي حصل

نعيمه مشغلتش بالها بكل اللي قالته بنتها ولا قهرتها:بصي متيأسيش يا عبيطه داه عشان جوزك راجل خام ملهوش في الحريم وعشان انتي اول واحده يلمسها مش عارف يعمل ايه وكملت كلامها الكداب ان بنتها لازم تحاول وتعرف تبسطه ازاي

وسابت بنتها ومشيت

جمال طلع: اعملي حسابك بكره احنا مسافرين مصر

سمر بفرحه طفله: بجد يعني هاننزل مصر واشوفها زي ما كنت بشوفها في التلفزيون

جمال :ايوه هاننزل نتفسح

سمر بفرحه ولمعه عنين: ماشي ربنا يخليك

جمال بهدوء: جهزي شنطه صغيره فيها غيارين ليا وليكي متكتريش

سمر بطاعه وفرحه: حاضر

جمال لأول مره ينام في اوضته وداه وتر سمر وطول الليل تحاول تنام ومش عارفه وقامت من الفجر اتوضت وصلت فرضها وجهزت فطار من اللي عندها وصحت جمال اللي صحي ودخل استحمى وطلع فطر ودخلت سمر بسرعه لبست فستان لونه ازرق غامق وفيه حزام من النص لونه ابيض وعليه طرحه لبني فاتح عطتها جمال رباني

وجمال كمان لبس بنطلون جينز اسود وعليه تيشيرت رمادي عطاله مظهر شبابي

وجهزت سمر شنطه صغيره بناء على تعليمات جمال ونزل جمال وفي ايده سمر وفي ايده التانيه سمر

محروسه بفرحه زغردت بصوت عالي: لولولولولولولولولولولي يا الف نهار نادي مبروك يا عروسه

سمر بخجل: الله يبارك فيكي يا حاجه

محروسه بفرحه: حاجه ايه يا ست العرايس من هنا وجاي تقوليلي يا أما زي جمال وزي بناتي وزي باقي حريم الدار

سمر :حاضر يا أما

محروسه بفرحه: يحضرلك الخير يا قلب أمك

وبت بإستغراب على الشنطه اللي في ايد جمال: ايه الشنطه دي يا ضنايا

جمال بتوضيح: هاخد العروسه كده يومين افسحها في مصر ولا يزعلك يا حاجه

محروسه بفرحه: لا يا ضنايا بس مش كنت تصبر كام يوم حتى لما تسبع عشان الناس اللي جايه دي

جمال: يا حاجه انا كام يوم وهانزل الشغل تاني قولت بقى افسح العروسه واخدلي يومين عسل

محروسه: ربنا يجعل ايامك عسل وشهد

جمال: آمين ادعيلي ياأما عايشين ببركه دعاكي

محروسه: دعيالك يا ضنايا يجعل طريقك أخضر ووراك أخضر وقدامك خضر ويجعل ايامك قدح برسيم

جمال بأس دماغ أمه وخد سمر وطلع ركب عربيته واتوكل على الله على طريق القاهره

سمر طول الطريق تتلفت على العمار وعلى كل الجو الجديد عليها كليا واللي لأول مره تتفرج عليه على أرض الواقع

مرت الساعات لحد ما وصل جمال محافظه القاهره سمر وهي بتتلفت حوليها بإنبهار من ارتفاع المباني

سمر بإنبهار: هي الناس بتقدر تطلع كل السلالم دي ومبتتعبش

جمال بسخريه: لا في هنا اسانسير بيطلعوا فيه

سمر بهزه راس ركن جمال العربيه تسف احد البنايات الشاهقه في منطقه راقيه

جمال بجديه: يلا انزلي علشان نرتاح كام ساعه قبل ما ننزل

سمر بفرحه :يلا عشان تفرجني على مصر يلا يلا

طلعت سمر وجمال ومر 3 ساعات وكان أذان العصر حضر صلت سمر فرضها

جمال: يلا يا سمر علشان ننزل

سمر بفرحه :حاضر هالبس اهو كنت بصلي بس

مرت دقايق ولبست سمر فستان لونه طوبي وعليه طرحه بيضا وكانت عنوان للجمال والرقه الممزوجه ببراءه ركب جمال وركبت جمبه سمر واتحرك على عنوان الدكتور وخلال نص ساعه كان وصل

سمر ببراءوانبهار من فخامه المبني والمكان: احنا فين كده هو انتا هتفسحني هنا

جمال ببرود: انزلي بس الأول وبعدين هاوديكي تتفسحي

سمر بطاعه: ماشي يلا

طلع جمال وسمر في الاسانسير ووصل للدور المطلوب

جمال للسكرتاريه: لو سمحتي في حجز بإسم جمال علام وحرمه

السكرتاريه ضربت على الكيبورد وبعمليه: تمام يا فندم قدام حضرتك نص ساعه

جمال: تمام ماشي

سمر بفضول: هو احنا عند الدكتور ليه هو انتا تعبان

جمال بصلها بلا مبالاه وسكتت

مر الوقت ودخل جمال وبعد السلام مع الدكتور

الدكتور بنظره تقييم لسمر: طيب اتفضلي يا مدام مع الممرضه

الدكتور بعمليه للممرضه: خدي المدام واعمليلها المطلوب

الممرضه بطاعه: تمام يا دكتور

خرجت سمر مع الممرضه وهي مش فاهمه حاجه خالص

الدكتور لجمال: يا استاذ هي المدام عندها كام سنه

جمال : 15 سنه ليه

الدكتور بتوضيح: دي صغيره جدا يعتبر طفله مش شايف انك هاتظلمها بتصرفك داه وخصوصا انها مش فاهمه حاجه وداه واضح من رد فعلها

جمال بلا مبالاه: دكتور دي مسئله خاصه بية وهي مش صغيره سلو بلدنا كل البنات بتجوز كده

الدكتور هز رأسه بيأس

مر ساعه ورجعت سمر قعدت جمب جمال مره تانيه

الدكتور بعمليه: بكره ان شاء الله تكون كل التحاليل والاشاعات طلعت وعلى ميعادنا بكره

جمال :ماشي يا دكتور

طلع جمال ومر اليوم سريعا ما بين فسخ وخروجات علشان جمال يلهي سمر ومتفكرش تسأل على اللي حصل او تستفسر عن أي شيئ

روحت سمر هلكانه

سمر بتعب وعيون نعسانه: انا هنام هاتعوز مني حاجه

جمال: لاء خشي نامي

سمر بطاعه: ماشي

وسابته ودخلت غيرت وراحت في النوم

مر الليل بطوله

وتاني يوم ساب جمال سمر في الشقه وراح للدكتور لوحده

جمال بترقب: طمني يا دكتور

الدكتور قلع النضاره: للأسف يا استاذ جمال زي ما قولت لحضرتك إمبارح البنت صغيره الرحم لسه مش مكتمل يعني مستحيل حمل دلوقتي مش قبل سنتين علشان نقدر نعمل حقن مجهري

جمال بصوت عالي: يعني ايه صغيره مهي ست زي اي ست وصحتها عفيه وتتحمل

الدكتور بتوضيح: يا استاذ جمال وطي صوتك وأقعد اولا انا قولت لحضرتك الرحم مش مكتمل يعني لو عملنا حقن مش هايثبت وجسمها مش هايتحمل 3 عليا في سنه واحده

جمال:3 عمليات ليه انتا هاتخترع الذره في جسمها

الدكتور بشرح: العمليه الاولي سحب البويضه والعمليه التانيه زرع الجنين والعمليه الثالثه الولاده

ومع صغر سنها داه مستحيل حضرتك محتاج تصبر شويه وقت

جمال قعد وهموم الدنيا زادت فوق راسه

طيب والعمل

الدكتور: زي ما قولت لحضرتك أما تصبر كام شهر وتطلقها او تصبر سنه او سنتين يكون نموها اكتمل

جمال قام وطلع من الدكتور زي الإعصار

ورجع شقته وبصوت عالي: انتي يا زفته البرك ياللي اسمك سمر

طلعت سمر من المطبخ مخضوضه :ايوه يا جمال في ايه مالك

جمال بصوت عالي: لمي هلهولتينك وخلينا نغور من هنا يلا

سمر: ليه مش قولت هانقعد كام يوم تفسحني

جمال بصوت عالي مفزع:اللي اقوله يتسمع يلا يابت متنحيش كده

سمر بخوف جريت على الاوضه ولمت الهدوم بسرعه في نفس الشنطه اللي جم بيها من البلد وخلال اقل من ساعه كانوا راكبين العربيه في طريق العوده للبلد مره تانيه وطول الطريق كان الصمت هو رفيقهم الوحيد

وصل جمال بعد مده ونزل وسمر نزلت جميه

محروسه بإستغراب: في ايه يا ضنايا مالك مش كنت بتقول هاتقعد كام يوم روحت في ايه وجيت في إيه

جمال بهدوء: ولا حاجه حصل مشكله في الشغل وجيت عشان الدنيا متتعكش

محروسه بشهقه: طيب وليه مكنت كلمت ابوك ولا حد من اخواتك بدل منتا روحت صد رد كده

جمال ببوادر نفاذ صبره: أما الله يخليكي مش عايز حد يعك في الشغل أنا المسؤل قدام ابويا

محروسه: ماشي يا ضنايا اطلع غير هدومك وشوف اللي وراك

وفعلا طلع جمال وسمر وأول ما دخل الشقه مسك سمر من دراعها اسمعي يابت سيره اللي حصل في مصر داه داه جيبتي بيه سيره لجنس مخلوق هاقطع خبرك

سمر بخوف هزة رأسها

جمال زقها رماها على الأرض ودخل اوضته غير هدومه ونزل وساب سمر مكانها على الأرض سمر فضلت الدموع حليفتها

نزل جمال بناره وشراره وطلع بره زي القطر

حل الليل وفرش بساطه الأسود وجمال بره لحد نص الليل

أما سمر قامت من مكانها بصعوبه ودخلت غيرت هدومها وفضلت تبكي حظها لحد ما التعب خد منها ونامت

ومرت أيام على نفس الحال كل يوم نعيمه تيجي وتصبر بنتها بالكدب وغمضت عنيها عن بنتها اللي بتتطفي كل يوم لحد ما مر عشر ايام كاملين كانت الدموع حليفه سمر كل يوم وليله

في صباح يوم جديد صحيت سمر على صوت جمال

جمال بزعيق: قومي يا وحله في ايه قتيل نايم بصحي فيكي بقالي ساعه

سمر بتفتح عنيها والرؤيه مش واضحه بسبب الصداع وعنيها المورمه بسبب العياط طول الليل: خير يا جمال

جمال بصوت عالي: قومي اعمليلي لقطه اطفحها قبل ما اغور من سحنتك المهببه كان يوم اسود يوم ما ربنا ابتلاني بيك

قامت سمر واتحاملت على كل وجع جواها ودخلت الحمام غسلت وشها وطلعت جهزت الفطار

سمر بصوت مبحوح من العياط: الفطار جاهز على السفره

قام جمال من سكات وقعد ياكل ببرود وبعد ما شبع: كلتك القرف اكل يطرش الكلب داه اكل يتاكل صحيح عيله مقرفه كاتك القرف وسابها ونزل

محروسه: ايه يا ضنايا رايح فين

جمال بتعب: رايح الشغل اشقر عليه شويه

وخد تنهيده طويله وطلعها محمله بكل الهم اللي جواه

محروسه بقلق: مالك يا ضنايا الشر بره وبعيد شايل ومحمل عنيك فضحاك ايه اللي صابك

جمال بخبث: شكلي اتسرعت في الحوازه دي يا أما

محروسه بشهقه: يالهوووي ليه يتقول كده طيب دي عروستك الله أكبر زي البدر في تمامه

جمال بشر: مش بالجمال با أما البت يابن عليها ملاوعه وخايبه

محروسه بشك: ليه يا واد ايه اللي حصل

جمال عرف ان امه لقطتت الخيط: والله يا أما منا عارف البت كل ما أقرب منها تلاوع وشغل البيت خايبه اكل ميتسطعش

محروسه بتفكير: طيب يا ابني يا واش يا واش البت لسه بردوا صغار لو على الشقه ابعت البت صباح كل يوم تطلع تنضفها ولو على الاكل انزل كل كل يوم معانا انتا ومراتك مهو الخير يا أما واللي بيفيض يقضي نص البلد

جمال خاف من اسلزب أمه وانها تكتشف المستور:لاء يا أما أنا بفكر انك تنزليها ايدها بإيد الحريم في المطبخ وتتعود على الشغلةالبيت هنا معاهم متلنيش معاها يا أما البت كنت فاكرها قطه مغمضه طلعت بت مطاوعه وشكلها بتلعب بالبيضه والحجر

محروسه بتفكير: طيب عايز ايه بالظبط

جمال: زي ما قولتلك تنزل تخدم مع اللي في المطبخ

محروسه بشهقه: يا ندامه دي عروسه لسه ما ربعنتش الناس تاكل وشي وكمان انزلها وسط الناس اللي بتخدم في المطبخ وهي مرات كبيرهم اللي شايل شغل ابوه لالالا مينفعش دي عيبه في حقك قبل ما يكون في حقي

جمال بنفاذ صبر: طيب يمين بالله لو منفذتي اللي بقوله لكون رامي عليها اليمين وتغور على محروق ابوها

محروسه: يالهوي دانتا شكلك شايل ومابي استهدي بالله وانا هاقعد معاها وافهما وافطمها على طبعك

جمال أتراجع بخوف وكمل بحده: أما جرا ايه هو انتي شيفاني منيش راجل علشان ادخل حد بيني وبين مراتي انا اللي اقوله يمشي مراتي وبربيها وكل راجل حر مع أهل بيته وهي لو كانت ست محترمه كنت شلتها فوق راسي بس هي من النوع النمرود اللي مبيجيش غير بسك على دماغه

محروسه قدام عصبيه ابنها وحرقته استسلمت للأمر الواقع وايقنت ان سمر عملت حاجه كبيره خلت جوزها قلب عليها كده:طيب يا ابني اللي عايزه يكون من بكره هانزلها مع الحريم بس انتا اهداء كده ووحد الله

جمال نفخ بعصبيه: لا إله إلا الله من انهارده يا أما تطلعي تجيبيها من شعرها وتنزل وسطهم

محروسه بقلق من وضع ابنها وناسه تنه سمر عملت مصيبه: حاضر اتوكل على الله وانت هابعت اجيبها

جمال : ماشي يلا سلام عليكم

محروسه بشرود: وعليكم السلام

مشي جمال وبعتت محروسه صباح تنادي سمر

سمر نزلت :السلام عليكم يا أما

محروسه بقلبه وش: وعليكم السلام يا اختي نوعيتك كحلي

سمر بهدوء: والله ابدا يا أما أنا بس فطرت جمال واتوكل على الله وكنت بنضف الشقه

محروسه بلويه بوق: شقه اممم قولتيلي قصدك الزريبه اللي قاعده فيها فوق

سمر بإستغراب: زريبه ليه بتقولي كده يا أما داه الشقه زي الفل تشف وترف من النضافه

محروسه: ايوه مهو اللي واخد على الوساخه فاكر أما ينضف شيشنا يبقى فله يلا ما علينا تدخلي جوه المطبخ ايدك بإيد الحريم اهو تتعلميلك حاجه تنفعك يلا يا بت بلاش لكاعه

سمر بكسره ووجع ودموع لمعت في عنيها:حاضر ودخلت سمر وسط استغراب كل الحريم ان واحده من حريم ال بيت الشلاواني تدخل تخدم وسط الخدم في المطبخ فمبالك بالعروسه الجديده وكمان مرات الكبير وبدئت حكاوي الحريم الجانبيه تنسج حكايات من وحي خيالهم

مر الوقت ورجع الكل يتجمع على الأكل وسمر واقفه جوه تكمل الباقي مع الحريم

قد الكل على السفره ماعدا سمر

علام: في ايه يا واد هتامل معانا نادم على مراتك من فوق تنزل تاكل معاك

جمال: سيبك منها يا حاج خلينا ناكل لقمه

وبداء الكل ياكل والكل مستمتع ومستطعم الاكل

علام: والنبي البت صباح شكلها اتعلمت عدل اخيرا عدلت الأكل لاء تسلم ايديها

محروسه بصت لابنها بشك بس فضلت الصمت

جمال قعد ياكل بلا مبالاه

مرت الأيام وسمر حرفيا شغاله خدامه لكل فرد في البيت بدون اعتراض ومر شهر كامل على جواز العروسه الحزينه

وككل يوم خلصت سمر خدمة البيت وطلعت شقتها دخلت الحمام استخمت وعيطت لحد ما الدموع قربت تنشف وطلعت لافه جسمها بفوطه وقبل ما تدخل اوضه اللبس تغير دخل جمال وشافها بهيئتها المهلكه قرب منها وككل مره قام من مكانه وكأنه تلبست شياطين الأرض نزل في سمر ضرب مبرح وصوت صراخها سمع كل البيت وطلع الكل وصوت الخبط بقى جنوني

جمال بعد ما اكتفى من ضرب سمر اللي حرفيا كانت قطعت النفس من كتر الضرب واستسلمت لدوامه سوده سحبتها فيها

فتح جمال الباب

علام زقه لجوه: في إيه صوت مراتك جايب اخر البلد هببت ايه يا ابن علاك فين البت

جمال قعد على الكرسي وحط رأسه بين ايديه وسكت

محروسه سابتهم ودخلت جري هى وسلايف سمر

محروسه بشهقه: يالهوووي همي منك ليها نرفعها البت قاطعه النفس

رفعت محروسه سمر وسلفتها جابتلها عبايه محروسه بصت لقت سمر مجرده وشافت آثار الحزام على جسمها ووشها المورم والمزرق من الضرب

محروسه بصوت عالي: اطلعي هاتيلي طبق فيه حبه ميه دافيه وبصله من المطبخ بسرعه

طلعت جري ودقايق وجات وجابت المطلوب

يا تري سمر هاتفوق ولا ايه اللي جاي

يتبع..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

محروسه بدئت تمسح ضهر سمر وجسمها بالفوطه براحه وبعدها لبستها عبايه جابتها سلفتها

نهي بخوف: يا أما البت شكلها قاطعه النفس وعايزه حكيم

محروسه بشخطه: اكتمي انا دلوقتي هافوقها وهااقوم زي القرد

محروسه قربت البصله من منخير سمر وبدئت تحركها يمين وشمال وتضغط جامد لحد ما سمر بدئت تبربش بعينها اللي مش قادره تفتحها من الوجع

محروسه اتنهدت لما سمر فتحت عنيها واستعادت جمودها وجبروتها: هببتي ايه يا بنت نعيمه خليني راجلك يطحطح عضامك عملتي ايه يا بت انطقي

سمر حاولت كتير تتكلم بس بوقها وارم

محروسه :طيب نامي يا اختي جسمك مفشفش خليني اطلع اطمن على ابني اللي قاعد زي اللي غيطه غرقت

وسابتها لوحدها وطلعت

محروسه طلعت بره لابنها اللي قاعد وسط اخواته وأبوه ومبينطقش وبصوت حازم: هببت ايه بنت نعيمه خلتك دقيت عضمها في لحمها لحد ما قطعت النفس

جمال استوعب اللي عمله وبسرعه فكر في كدبه:بنت الكلب بتفتش في ورقي وبتقولي حقي وحق عيالي دي بنت كلب تستاهل الحرق وكمل ببجاحه وكده وافتري مش قولتلك دي بت مش سالكه بس أما الغلطان اني ناسبت ناس قله وعره زيهم بس ملحوقه وكمل بشر انا هاعرف اربيها عدل

الكل فضل يبص لبعضه بذهول وسكت ومن نظرهم سمر بجحه وتستاهل تتربي

فضلت سمر في سريرها اسبوعين مش قادره تتحرك من الكدمات ووشها الوارم

بعد اسبوعين بعتت محروسه صباح تنادي سمر

نزلت سمر وهي جسمها لسه بيأن من الوجع

سمر :نعم يا حاجه

محروسه بقلبه وش وكره باين للأعمي اسمي ست محروسه ادخلي يا بنت الحسب والنسب على المطبخ

سمر من سكات دخلت بدون كلمه والكل شمتان في قليله الأصل من وجهة نظرهم وبدء الكل يرمي الشغل عليها مهو الكل بيسعى لرضا الحاج علام ومراته اللي لحم اكتافهم من خيره

سمر بقت تعمل المطلوب من سكات وكل يوم بتدبل عن اليوم اللي قبله بس ولا حد مديها اهميه ورفضوا تقعد معاهم على سفره واحده

وكمان نعيمه بطلت تسأل وقالت راجل ومراته يصطفلوا

مر 3 شهور على وضع سمر كل يوم خدمه واهانه وهي مش بتنطق وكأن الكلام هرب من لسانها

عند جمال شايف سمر بقت زي الورده الدبلانه وشرد مع نفسه: ايوه كده احسن خليها تفضل مكسوره علشان متنطقش تفضل تحت رجلي لحد ما تكمل السنه دي واوديها للدكتور يعملها العمليه واخلص بقى عشان اكتم الالسنه وتعيش زيها زي غيرها خليهم

قلبه : طيب واللي نشرته عنها وبقى الكل بيكرها بسببك

عقله: كده احسن عشان محدش يتعاطف معاها ومتصعبش على حد

قلبه: ولما تحمل زي ما بتخطط هاتعمل ايه محدش هايرحمها ولا هايطيقها لا هي واللي في بطنها

عقله: وقتها اقولهم انها اتعدلت وبقت زي الفل وهاعرف اخليهم يحبوها تاني

قلبه: هاتعرف مهم خدوا عليها خدامه دانتا خليتها خدامه لحريم اخواتك واخواتك البنات هاتعرف

عقله: انا هاعرف اتصرف خلاص بقى سيب الأيام وهي هاتحلها انا هاعرف اصلحها بس لما تتم السنه وتحمل

قلبه: براحتك بس افتكر انك ظالم

جمال: خلاص بقى خليها كده عشان متنطقش كده احسن خليها قطه مغمضه بدل ما تفتح وتفضح الدنيا خليها مكسوره عشان متفضحش الدنيا

سكت جمال وهو مرتاح لكسره سمر ودبولها اللي من نظره احسن ليه عشان يفضل مستور في نظر الكل

مرت الأيام على نفس المنوال كل يوم خدمه وسمر حرفيا بقت شايله كل الفيلا وبقت خدامه لكل أهل البيت وهي حرفيا بقت خرسا مبتنطقش

****************

عند مسعود قام من نومه مفزوع: أعوذ بالله من الشيطان الرجيم لا إله إلا الله

نعيمه: في إيه يا حاج مالك

مسعود بقبضه قلب: سمر بنتي فيها حاجه البت فيها حاجه

نعيمه: استعيذ بالله من الشيطان الرجيم داه شيطان

مسعود بخوف: لالالا البت جاتلي في الحلم مكسوره وعلى بوقها قفل من نار ومربوطه بسلسله قايده نار وبتخاول تصرخ ومش قادره وجسمها بيولع من السلسه لا بكره نروح آخر النهار انا وانتي نطمن عليها

نعيمه: من عنيا خلاص وحد الله وبكره نروح ليها

في صباح يوم جديد سمر نزلت

محروسه: يلا يا اختي ادخلي اغسلي السجاد اصل اتوسخ

سمر بإستسلام هزت رأسها واتحركت للأوضه االي بيغسلوا فيها السجاد وفيها فرن الخبيز

دخلت سمر واتفاجئت بكميه سجاد مهوله عنيها دمعت من الكسره وبدئت تغسل السجاد ساعات طويله مرت وسمر شغاله تغسل السجاد وحرفي هدومها بقت كلها ميه وبعد اكتر من 6 ساعات كانت خلصت كانت الساعه 4 العصر دخلت الفيلا وقبل ما تطلع شقتها

محروسه بصوت عالي: على فين يا مهنمه انجري على المطبخ يلا ادخلي اغسلي السمك اصل أولادي ورجالتي عايزين ياكلوا سمك تغسلي السمك وتنضفيه وتقلي نصه وتشوي نصه واعملي سلطه خضرا ورز صيديه واعملي طحينه

سمر من سكات دخلت المطبخ وفوجئت بأكتر من عشره كيلو سمك وقفت سمر تنضف ساعات على الحوض

سمر لنفسها: يااااه يا دنيا هي دي الحوازه يا نعيمه اللي كنتي بتحلمي بيها بقت خدامه ليهم بلقمتي اللي بيطفحوهالي قبل ما أكلها ونومتي اللي بيشوكو فرشتها كأنها جمر كنت بحلم ابقى دكتوره بقيت خدامه منك لله يا أما دموعها غلبتها

ووقفت تكمل المطلوب وقفت تشوي الأول

وصل الكل وسمر لسه مخلصتش

جمال :ايه يا أما فين الأكل

محروسه: المعدله مراتك لسه بتجهزه يا اخويا تقولشي بتعمله على ضوء الشمس يا اخويا

جمال بعصبيه انا داخل لبنت الكلب دي

دخل جمال بزعبيبه على المطبخ وبصوت عالي سمع كل اللي في البيت: ايه في إيه لكل داه بتعملي الأكل على الشمس

سمر بصتله وبصت للطاسه تكمل قليه السمك

جمال شد دراعها: في ايه يا بنت الكلب مش بكلمك تردي عليا جو الخرس داه مياكلش معايا

سمر مردتش عليه واتلفتت تكمل

جمال : انا بقى هاعرف اخليكي تنطقي وتبطلي الخرس داه

ومسك ايدها نزلها في طاسه الزيت المغلي

سمر بصريخ وروحها سحبت من جسمها

جمال بتشفي :ايوه كده نطقتي

سمر بألم: ربنا ينتقم منك ربنا ينتقم منكم كلكم

جمال بجنون: بتدعي علينا يا بنت الكلب يا ناقصه يا تربيه الجوع وسحب حزام البنطلون ونزل ضرب في سمر وصوت صراخها سمع كل اللي حواليها والكل واقف يتفرج بعد ما سمعوا دعاء سمر عليهم جمال لما ايديه تعبت من ضرب الحزام كمل ضرب بالشلاليت في جسمها

جمال بجنون: بقى انا يا بنت الكلب بتدعي عليا بقى اخدك من بيت الجوع وتيجي تدعي علينا يا بنت الكلب ومع كل كلمه قلم او شلوت

مسعود بصوت عالي: بنتيييي اوعي يا كلب يا واطي يا خسيس

مسعود بص لبنته بذهول وصدمه هي دي سمر اللي كانت زي الورده المفتحه ودموعه غلبته ونزلت: قومي يا ضي عيني قومي يا بنت قلبي ايه اللي صابك فوقي يا سمر فوقي يا ضنايا

مسعود بجنون مسك جمال من هدومه :وديني يا ابن علام لاربيك

وشال بنته اللي شبه ميته وبص لعلام: اللي حصل لبنتي وصابها مش هايعدي بخير وديني وما أعبد لادب كل واحد منكم ولجيب حق بنتي من حباب عنيكم

مسعود بشخطه: همي يا ام محمود يلا

شال مسعود بنته اللي بقت جثه وطلع من بيت الجحيم اللي اترمت فيه بنته وطلع جري على العربيه اللي مأجرها وطلع على المستشفي

طول الطريق وواخد بنته في حضنه والدموع مش بتقف في عينه

وصل السواق المستشفي ونزل مسعود جري وبنته بين حضنه

مسعود بصوت عالي: دكتووور حد يلحقنا بنتي بتموت ابوس ايديكم

جه دكتور وكذا ممرضه خدوا بنته ودخلوا جري

مسعود قعد على الأرض وخط رأسه بين ايديه ودموعه نازله

******************

علام: تفتكرو البت ماتت

محروسه: يا اخويا في داهيه

علام : ابوها مش هايسكت

جمال سابهم وطلع وهو جواه خايف كان مبسوط من اللي بيعمله في سمر وانها مبتشتكيش لحد ولا بتنطق مكنش عامل حساب ظهور مسعود او نعيمه

**********************

مرت ساعتين وطلع الدكتور :مين الحيوان اللي عمل فيها كده

مسعود بوجع: طمني يا دكتور الله لا يسيئك بنتي صابها ايه

الدكتور بعصبيه: بنتك في اب يعمل يعمل في بنته كده

نعيمه بدموع: مش ابوها داه جوزها طمني الله لا يسيئك

الدكتور جوزها: دي طفله دي متجوزه إزاي مستحيل تكون متجوزه

نعيمه: وكتاب الله يا دكتور متجوزه ليها 4شهور

الدكتور بصدمه: ازاي دي لسه انسه

مسعود مركزش في الكلمه :طمني بنتي بخير

الدكتور: لا للأسف البنت جسمها متدمر من الضرب كدمات شديده وحرق من الدرجه الثانيه في ايدها وشرخ في رجلها غير الكدمات اللي في وشها وباقي جسمها

مسعود قعد على الكرسي وكأنه فقد كل معاني الحياه ووشه بقى شبه وشوش الموتي

نعيمه بصت للدكتور: يا دكتور معلش انتا متأكد انها بنت بنوت

الدكتور: يا فندم لما البنت جات كان هدومها فيها دم افتكرنا نزيف ولما كشفت لقيتها لسه فيرجن وداه دم حيض ونتيجه لرفعه الضغط مع الانفعال عمل شبه نزيف ونزل بكميات كبيره

نعيمه: عايزه دكتوره نسا تكشف على بنتي وتعملي تقرير انها لسه بنت بنوت

الدكتور: ماشي هابعتلك دكتور تعمل المطلوب المفروض دلوقتي هاتعلموا بلاغ

نعيمه: اصبر لما تفوق الله يسترك اديك شايف ابوها حالته ايه وهي لسه عروسه مش عايزين شوشره اللسنه الناس مبترحمش

الدكتور بتفهم: ماشي يا حاجه

قعدت نعيمه جمب جوزها: هانعمل ايه يا حاج

مسعود وكأنه وعي للأمر الواقع: هاجيب حق بنتي منيش عويل ولا اني قليل ولو هو ابن الشلاواني فأنا ابن ابو شامه واللي يدوس لبنتي على طرف ادوس على رقبته بجزمتي وميرفليش جفن

نعيمه: طيب وحد الله واستني لما بنتك تفوق ويحلها ربنا

جات دكتوره النسا ودخلت كشفت على سمر واتأكدت انها لسه فيرجن وكتبت التقرير ووقعت عليه وختمته بأكلشيه وختمته بختم المستشفى وتم تسجيله في سجلات المستشفي

مر الوقت وسمر بدئت تفوق وهي بتأن من الوجع فتحت عنيها اللي شبه مقفوله من الزرقان اللي كسى وشها

مسعود بلهفه: حمد الله على السلامة يا قلب ابوكي ايه اللي صابك

سمر بدموع بصت للكل بوجع ودورت وشها النحيه التانيه

مسعود شدي حيلك شويه واصلبي طولك وتوني على روحك

على بالليل مسعود طلب من الدكتور انه ياخد سمر وفعلا الدكتور كتبلها خروج وشال مسعود سمر ووقف عربيه ورجع بيته

رجعت سمر بيتها بس مش زي ما رجعت رجعت مكسوره ودبلانه

حسن ومحمود وجلال ومصطفي:في ايه يا أبا فهمني مين دي

مسعود : انا تعبان الله لا يسيئكم وفيا اللي مكفيني

حسن بجنون: مين دي بقى هي دي سمر اللي كانت زي الورده المفتحه هي دي سمر اللي كانت زي فلقه القمر اللي جوه دي شبح دي واحده ميته وفيها نفس داخل وخارج دي واحده ميته بالحيا واحده مكسره وورامه عمل فيها ايه ابن الكلب اللي روحتو رميتوها ليه

ليلي بتلويه بوق: اهدا يا ابو محمد ووحد الله الراجل ومراته ياما بيحصل بينهم داه الراجل ومراته زي القبر وحشراته

حسن بجنون: انتي تكتمي خالص اقطعي نفسك يا اوس الخراب يا بومه

ليلي: ليه يا اخويا وهو انا اللي كنت ضربتها ولا كنت عملتلها حاجه

حسن :انتي اوسخ من كده انتي السبب في اللي صابها وعظيم بيمين ما هايعدي عملتك على خير انا كنت صابر كام شهر بس شكل ان الأوان

مسعود بصوت عالي: باااااس ايه فينا اللي مكفينا وانتوا واقفين تتخانقوا واختكم جوه بين الموت والحيا

الصمت خيم على الكل

كمل مسعود بعصبيه: خلونا نشوف هانعمل ايه في الغلبانه اللي جوه واللي صابها

حسن: عندك حق يا حاج وبص ليلي غوري على شقتك يلا

طلعت ليلي وهي قالبه وشها

حسن طلع بص على السلم واتأكد ان ليلي طلعت : بص بقى يا يا حاج انا هاروح بكره مم النجمه المستشفى واجيب تقرير بحاله سمر ولما تشد حيلها يبقى لينا كلام تاني لما نفهم ايه اللي صابها وخلاها زي اللي طالعه من قبر كده

مسعود: عندك حق لما تشد حيلها ونشوف هانعمل ايه

مر اسبوع وسمر راقده زي الميته ومهما حاول الكل يخرجها من اللي فيه او يحاول يكلمها مش بترد على حد

مسعود بتعب ودموع: وبعدهالك يا سمر قلبي وجعني حاسس انه هايقف من الوجع يا بنتي ابوس ايدك انطقي طمنيني عليكي

سمر بدموع : مالهوش لزوم اصل الكلام مش هايغير حاجه

مسعود :لا هايغير وكتاب الله اللي عايزاه هايكون مهما ان كان

سمر بصوت رايح :حتي لو قولتلك تطلقني منه

مسعود: داه هايحصل لانه مينفعش ترجعيله تاني

سمر :وعد

مسعود: للدرجه دي مش مصدقاني

سمر: بطلت أصدق حد خلاص

مسعود: عندك حق وعد ويشهد عليه ربنا اللي عايزاه هايكون

سمر حكت لابوها كل شيئ وكل اللي حصل معاها

مسعود بوجع: ياااااااه كل داه حصل وانا معرفش ليه عمتي ابوكي ولا ملكيش رجاله

سمر بدموع: وانتوا كنتوا فين كان مين معايا مين جه يسأل عليا شهور وشهور مرت ومحدش جه يسأل عليا من باب البر حتى ولا يطمن عليا

مسعود: يحقلك يا بنتي يحقلك بس يعني يا بنتي انتي لسه بنت بنوت

سمر :يعني إيه

مسعود :لا ولا حاجه ريحي انتي وانا هاتصرف

طلع مسعود ودخل المطبخ:ام محمود تعالي عايزك

نعيمه :حاضر يا حاج

دخلت نعيمه ومسعود قفل الباب:اقعدي يا حاجه بنتك لسه بنت بنوت

نعيمه بخوف: سايقه عليك حبيبك النبي تهداء كده وانا هاقولك

مسعود بغضب: احكي

نعيمه حكت لجوزها كل حاجه حصلت مع سمر من اول يوم جواز لحد ما خلصت زيارتهم واللي حصل في المستشفى وتقرير الدكتوره

مسعود: يعني انتي كده معاكي ورقه من الدكتوره انها لسه بنت بنوت يعني الواد داه فيه حاجه وجاب علته في بنتي وكان بيكسرها عشان متنطقش وايه حكايه الحكيم اللي خدها ليه في مصر داه

نعيمه بخوف: طيب ناوي على ايه

مسعود : ناوي اجيبهم واعملهم قعده عرفيه على اللي صاب بنتي لما ابنهم معلول يعمل في بنتي كده ليه

نعيمه :طيب اهدا يا حاج طيب بص انتا تجيب الواد وأهله وتجيب الشيخ عرفه شيخ الجامع الكبير وتشهده عليهم

مسعود بتفكير :هاشور أخواتها واشوف

وفعلا مسعود استنى لحد اخر النهار لما عياله كلهم اتجمعوا واتغدوا وبعد الغدا

مسعود استنوا عايزكم اتجمع الرجاله وقعدوا في الصالون

جلال: خير يا حاج

مسعود حكي لولاده كل اللي حكته سمر واللي حكته مراته

حسن :يعني ابن الكلب مهواش راجل وكان بيفرد قلوعه عليها ويستقصر حيطتها يا ابن الكاااااالب يامين ينولني رقبته

مسعود: اهدا انا فكرت اجيب الواد وأهله وأطلب الشيخ

عرفه راجل تقي ويعرف ربنا ونشهده عليهم في قعده

مصطفي بتعقل: طيب يا حاج ما نعمل جلسه عرفيه

مسعود: لما نشوف القعده دي هاترسي على ايه ولو مجابتش نتيجه نعملهم جلسه عرفيه بلاش نفضح الدنيا مره واحده ها ايه رايكم

جلال: الرآي رائيك يا حاج شوف واحنا معاك

مسعود : يبقى على بركه الله انا بعد صلاه العشاء هاكلم الشيخ عرفه وهابعت لبيت الشلاواني

مر الوقت وطلع مسعود وأولاده يصلوا في الجامع الكبير وبعد الصلاه

مسعود:السلام عليكم ورحمة الله وبركاته يا شيخ عرفه

الشيخ عرفه ببشاشه وجه: وعليكم السلام ورحمة الله وبركاته ازيك يا حاج مسعود

مسعود: الحمد لله على كل حال

الشيخ عرفه: يستاهل الحمد في السراء والضراء

مسعود: الحمد لله انا ناخيك يا شيخ وقاصدك لوجه الله

الشيخ عرفه بإنصات: قول يا حاج ولو في أيدي اعتبره تم بمشيئه الموالي عز وجل

مسعود: وداه العشم وقص مسعود عليه كل شيء

الشيخ عرفه: لا حول ولا قوه الا بالله العلي العظيم من كل كرب عظيم طيب والمطلوب مني ايه يا حاج وانا عنيا ليك

مسعود :انا هاشيع ليهم ييجو بكره هما وأهل بيته بعد صلاه العشاء وعايزك حاضر وشاهد

الشيخ عرفه: من عنيا يا حاج بعد صلاه العشاء ان شاء الله هتلاقني عندك

مسعود: بإذن الله يلا بالاذن منك السلام عليكم

الشيخ عرفه: وعليكم السلام ورحمة الله وبركاته

مر الليل وحل النهار ومسح سواد الليل بنوره اللي فرشه على كل مكان ومر اليوم والكل مترقب واذان الظهر اتصل مسعود بالحاج علام

مسعود: ايوه يا حاج هما كلمتين ورد غطاهم بعد صلاه العشاء تيجي انتا ورجالتك والا عظيم بيمين المره الجايه هاجيبك في قعده عرفيه

علام: انتا بتهددني

مسعود: انا بوضح التهديد لسه جاي جاي اصبر على رزقك واللي حصل في بنتي مش هايعدي بالساهل وحق بنتي هاجيبه من حبابي عنين اللي ظلمها واللي شارك في ظلمها واللي وقف واتفرج وبنتي بتدبل مستنيك يا حاج

وقفل المكالمه

ليلي بخبث: طيب يا خالتي وانتي هاتسيبيهم يطلقوا سمر وهي لسه حتى مكملتش سنه دي حتى عيبه في حقنا هاتخلينا لقمه في بوق الناس والكل هايقول انها معيوبه وكل واحد هايحكي بحكايه شكل وكملت بشر ويمكن المستور اللي حصل يتكشف ونتفضح

حسن بشر: هو إيه المستور قصدك الملعوب الوسخ اللي عملتيه انتي والواطي اخوكي دانا كنت مستنيكي على نار واديكي جيبتيها قرصه طايبه لحد عندي لمي هدومك وعلى بيت اهلك

ليلي بشر: انتا بتكرشني من بيتي انتا قد الكلام داه

حسن بصوت عالي: وقده وقدود وبالدليل وهايكون قدام ابوكي وأمك وحقي وحق اخته هاجيبه من حبابي عنيك

ليلي :قصدك إيه

حسن بوجع: انتي طالق ياليلي طالق طالق طالق

ليلي بصراخ: يالهوووي بتطلقني يا حسن بتطلق بنت خالتك وأم عيالك

حسن: تعبت منك ومن شرك تعبت من عمايلك وخبثك غوري بقى خليني انضف منك ومن عمايلك الوسخه خليني انفض من على توبي غبار شرك

ليلي طلعت شقتها مكسوره ولمت هدومها ودهبها وراحت بيت ابوها

ومر الوقت والكل مترقب وبيعد الساعات والدقايق والثواني

يتبع..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

رفعت الجوامع بنداء الله بصلاه العشاء انتهى الاذان والإقامة وحضر الشيخ عرفه استقبله مسعود بحفاوه ودخله البيت

ومر نص ساعه وحضر مسعود وجمال و جابر وحسين ورزق وسعد أبنائه واستقبلهم مسعود ببرود وكره ودخلهم ودخل مسعود وحسن وجلال ومصطفي ومحمود بحضور الشيخ عرفه

علام بغضب: خير يا مسعود جايبني علا ملا وشي وسايب مصالحي يارب يكون في حاجه تستاهل

مسعود: لاء يا علام متقلقش وبص لجمال الا قولي يا ابن ابوك اللي يستقوي على وليه مكسوره الجناح عشان يداري علته فيها يبقى ايه

جمال حاول يبلع ريقه اللي نشف وعرف ان سمر فضحت سره وطلع الكلام بتلجلجه: ق قصدك إيه وو ومعناته ايه الكلام الفاضي داه

مسعود بلوع: طيب قولي كده ضربت بنتي لما كانت هاتموت في ايدك ليه قولي حطيت ايدها في طاسه زيت مغلي ليه

جمال بخوف وقل قرب يقف من الخوف والرعب من الفضيحة اللي هاتطوله قدام ابوه وأخواته والراجل الغريب اللي قاعد: عشان ناقصه ربايه وبتبجح فيا وبتدعي عليا وقفشتها قبل كده بتسرقني وبتفتش في ورقي وبتقولي حقي وحق عيالي

مسعود: امممم بتسرقك وتقولك حقها وحق عيالها دي سمر القطه المغمضه عندك حق

حسن بعصبيه: ياض انتا جايب البجاحه دي منين والكدب داه طبع ولا وراثه عرفني

علام بصوت عالي: جرا ايه يا مسعود انتا جايبنا هنا نتهزق منك ومن عيالك

 

 

مسعود:وطي صوتك وانتا في بيتي انا بس حبيت اعرف واسمع من ابنك قيل ما اصدمك واقعدك في قعده عرفيه

علام: يعني ايه راجل وبيأدب مراته كفر ولا كفر

مسعود: اه كفر لما يبقى مرا ومراته بعد اربع شهور جواز لسه بنت بنوت بختم ربنا يبقى كفر لما يبقى معلول ويجيب علته في بنتي ويتبلا على بنتي عشان يكسرها يبقى كفر بنتي لما خدناها المستشفى الدكتور قال إنها بنت بنوت وجبنا دكتوره تانيه واكدت انها بنت بنوت وبص لجمال وبسخريه قولي يا دكر ازاي واحد متجوز من اربع شهور وتبقى مراته لسه بختم ربها الا اذا كان مرا زيه زيها

جمال بصوت عالي وببجاحه: كدب بنتك كدابه بنتك اللي كانت مانعه نفسها عني وعصيانه عليا ومكنتش عايز اخدها غصب

مسعود: امممم هاصدقك وقدام الرجاله دي هاتدخل الاوضه على مراتك وتعاشرها وانا وأمها هاندخل نطمن انك دكر وقادر على مرا

جمال بخوف :قصدك إيه

مسعود:يعني ياض لما تيجي تعمل برم متجيش على فلاح لو كانت عصيت عليك يوم اتنين ولا حتى عشره كنت تقدر تاخدها غصبانيه ومكنش حد هايقدر يلومك انما انتا مرا منتاش راجل ولا حتى دكر

علام بص لابنه :الكلام داه صحيح مراتك لسها بنت بنوت

جمال: لا ياأيا دول عالم كداب

مسعود: انا كداب والميه تكدب الغطاس نبعت نجيب بدل الدكتور عشره عشرين ونشوف

ولو بنتي عصيانه عليك يبقى تدخل عليها هنا في بيت ابوها ويبقى انا محقوقلك واحق نفسي ليك ويبقى معاك الحق في كل اللي عملته فيها مش كده ولا ايه يا شيخ عرفه

 

 

الشيخ عرفه: عداك العيب يا حاج مسعود هما حلين ما دام انتا يا ابني شايف نفسك انك صاخ سليم وانها كانت عصيانه عليك انك تدخل على مراتك هنا وفي قلب بيت ابوها وتقطع كل الالسنه ولو شايف انك دخلت عليها وأنهم كدابين نجيب بدل الحكيم عشره ونقطع الشك باليقين قولك إيه اصل الكلام داه كلام اعراض وتطير فيه رقاب

جمال قعد وسكت وميل رأسه في الأرض

علام: معناته ايه الكلام داه جايبنا هنا تعمل علينا كماشه

مسعود: انا اب وانتا اب لو كانت بنت من بناتك كنت سكتت بنتي دخلت بيتك اربع شهور منهم عشر ايام ابنك بهدلها ضرب وباقيهم خدامه ليك ومراتك ولأهل بيتك بص يا حاج واسمع دكر الكلام زي ما دخلنا بالمعروف نخرج بالمعروف وابنك يطلق بنتي واهو لا اتكب زيت ولا اتبعطر دقيق وإلا المره اللي جايه هايبقى في قعده عرفيه وسط العمده وكبارات البلد وكده يبقى عداني العيب وازح

علام بكسره: سيبني كام يوم يا حاج هافكر وارد عليك

مشي علام وأولاد

واستأذن الشيخ عرفه

حسن: تفتكر هايطلق يا يا حاج

مسعود: اكيد علام هيخاف من الفضايح

جلال: وتتحسب عليها جوازه هانقول للناس إيه لما يعرفوا انها أطلقت بعد اربع شهور

مسعود: تغور الناس وتغور الدنيا بص على أختك وملي عينك منها هي دي سمر هي دي اختك اللي طلعت من البيت داه عروسه

 

 

جلال هز رأسه وسكت

رجع علام البيت مكسور ومش قادر ينطق لا هو ولا حد من عياله

محروسه: ها طمنوني كانوا عايزين ايه اهل اللي ينخفي اسمها بنت نعيمه

علام بص لابنه: قولها يا دكر قول لأمك

جمال قعد وميل رأسه وحط ايديه على رأسه وهموم الجبال على رأسه

محروسه: الله في ايه يا حاج هي حزوره كانوا عايزين ايه وجايين زي اللي ماتلهم عزيز

علام :اوعر يا ام الرجاله اوعر البيه ابنك معلول والبت بعد اربع شهور جواز لسه بنت بنوت وميقدرش يعني مرا في بيته وبص لابنه وكمل بزعيق لما انتا مالكش في الجواز كنت بتتنيل ليه رد يا بيه يا ابو دماغ توزن بلد

جمال بوجع: يا أبا انا وسكت مقدرش يكمل

علام : انتا ايه اقولك انا انتا قولت بت صغيره وقطه مغمضه متعرفش السما من العما هتداري على خيبتك بس يا غبي كنت خدتها بالحنيه واللين كنت اتوكست في نحيه تعدل في نحيه تانيه عشان تبقى طوع ايدك وتبقى تحت رجليك انما البعيد غبي وغشيم وبقى يذل فيها ويتهمها وكلنا زي العبل صدقنا وقولنا آمين وبص لمراته دانتي كنتي عملاها خدامه ليكي ولبناتك ولحريم عيالك والبت شهور وشهور مطلعلهاش صوت ادينا هانتفضح ابوها وطالب الطلاق والا هايعملنا قاعده عرفيه قدام العمده وكبارت البلد ولو اتطلقت واتجوزت تاني جوزها هايعرف لما يلاقيها لسه بنت بنوت وهيسال ويطقس يعني كده فضيحه وكده فضيحه حل يا بيه حل الوحله اللي وحلتنا كلنا فيها وهتوحلنا معاك وسيرتنا هاتبقى على كل لسان وهانبقى حكيوه لسهاري النسوان على المصاطب وسمعتنا هاتبقى في الارض ومفيش راجل منا هايقدر يرفع عينه ولا يقيمه قامته تاني يعني وقعنا الوقعه اللي ممنهاش قومه

محروسه قعدت على الكنبه: يعني ايه يا حاج اكيد في حاجه غلط طيب متاخده وتروح لحكيم وشوف فيه إيه

علام بص لابنه: انا هاشوف أجدع حكيم في مصر كلها واوديك ليه

جمال بص لابوه: وميل رأسه في الأرض

علام: انتا روحت للحكيم

 

 

 

جمال مرفعش رأسه من مكانها

علام: وقالك ايه

جمال: بردوا مردش

علام: يبقى مفيش رجا صح كده

جمال سكت ومردش

علام بصوت عالي وعصبيه: ولما انتا عارف انك خروف ومالكش في النسوان كنت بتتهبب على سنين اهلك ليه مجتش تقولي ليه عاجبك كسرتنا وكسره اخواتك قولي هاتعمل ايه

محروسه :يعني ايه بنت نعيمه هاتجرسنا وتفضحنا وتخلي سيرتنا لبانه تتلوك بيها الحريم طيب والحل

علام: الحل ملهاش حل ابنك عقدها عقده بشنيطه ملهاش حل فضل يذل في البت ويضرب لما كانت هاتموت فيها وانتي وحريم أولادك كملتوا عليها وشغلتوها خدامه للكبير والصغير ومخلتولهاش جمب طايب تتقلب عليه

محروسه بعصبيه:طيب والعمل هانسيبهم يفضحونا يعني هاتسيب ابنك يطلقها

علام بتعب: المره دي كان الكلام بينا وبينهم المره اللي جايه هايبقى في قعده وفضيحه

محروسه : طيب استهدا بالله وسيبنا كام يوم نفكر مع بعض ونشوف هانعمل ايه وكملت وعنيها مليانه شر وتوعد تبات نار تصبح رماد ليها حل نهداء وليها حل

ومادام الحوار مطلعش برانا وبراهم يبقى لسه في ايدينا

علام: قصدك إيه

محروسه: اصبر على رزقك وليها حل ومن غير ما يمسنا سوء سيبني بس كام يوم افكر واردلك خبر

علام :حلي يا ست حلي يا هانم انتي وابنك حلي الوحله اللي ابنك وحلنا كلنا فيها وكلمه ونص من أصغر عيل هايقولنا ياللي منتوش رجاله

 

 

محروسه: ويمين الله لا هايحصل ولا هايكون

مرت الأيام والكل منتظر القرار اللي هايغير مصير سمر اللي دخلت الجحيم بدون ذنب واراده

مر أسبوع ومسعود لسه منتظر واخر الانتظار رن على علام

مسعود: ها يا علام من يوم ما كنت عندي ولا حس ولا خبر ايه يا حاج هانفضل على الحال داه كتير ولا إيه

علام: اصبر كام يوم يامسعود في أيدي مصلحه بخلصها وهارد عليك

مسعود: معاك يومين يا علام والثالث هايبقى في قعده قدام الرجاله وكده يبقى عداني العيب وازح

علام: ان شاء الله مش هنحتاج ندخل حد غريب

مسعود: اتمنى واديني مستني مع السلامه

****************

علام قفل المكالمه: ها يا بيه حل

محروسه قالك ايه اللي يتخفي إسمه

علام: بيقولي معانا يومين لو مردناش بطلاق البت التالت هايبقى في بيت العمده حلوا بقى

محروسه: عندي الحل ومن غير ما يمسنا الاذى خااالص

الكل بص لمحروسه بترقب: ايه هو

علام: حل ايه لايميني عليه

محروسه: بما ان الموضوع لسه بينا وبينهم ومطلعش لجنس مخلوق برانا انا بكره تاخد ابنك وتروح تقوله انك وديته للشيخ السعدي اللي في ببا وكان معمولهم عمل بالكره والفراق وابنك مربوط وانه فكه وان ابنك بقى صاخ سليم

علام: اه يا ام العريف ولما تيجي ولسه ابنك على حاله يبقى ازي الحال بقى

 

 

محروسه: اصبر على رزقك انتا تدخل بطقم الحنيه وان السحر مذكور في القرآن وإنه كان مربوط وانه ياخد فرصه اخيره ولما تيجي انا هاعملها دخله بلدي ونروح نرميهالهم على أنها معيوبه ويبقى قبل ما يفضحونا نكون كسرنا عينهم وفضحناهم احنا

جمال بشر من الفضيحه اللي طالته: عندك حق يا أما

علام بتفكير هو كلام موزون بس ملهوش لازمه الشوشره

محروسه سيبك انتا من الباقي خلينا في المهم

علام :ماشي هانروح بكره ونجيبها مهي فعلا ملهاش اي حل تاني

محروسه:هو داه الكلام وسيب الباقي عليا

مر اليوم تاني يوم اتصل علام بمسعود

علام: ايوه يا حاج انا جايلك انا وجمال بعد المغرب وليك البشاره

مسعود: يعني ايه

علام: لما اجي يا حاج

مسعود: ماشي مستنيك

قفل علام وطلع مسعود على الجامع

الشيخ عرفه: اتفضل يا حاج مسعود نورتني

مسعود: منور بيك يا شيخنا انا جايلك اشورك

الشيخ عرفه: قول يا يا حاج

مسعود حكاله كل اللي حصل

 

 

الشيخ عرفه بتفكير: طيب وانتا خايف من إيه

مسعود: مش عارف حاسس ان مجيه بكره وراه انا وبشاره إيه

الشيخ عرفه: خير خير ان شاء الله في الميعاد هتلاقني عندك وهايبان والله المستعان توكل على الله وإن شاء الله خير

مسعود: يارب يا شيخ انا تعبت ظلمت البت عارف يا شيخ اللي وجعني ان البت طلعت الأولى على المحافظه في الإعدادية كانت بتحلم تبقى دكتوره البت اتكسرت كسره ممنها جبره

الشيخ عرفه: المؤمن مصاب وكل شيئ ربنا كاتبه لهدف وجوه كل محنه منحه اصبر يا حاج اصبر وبعد الصبر جبر

مسعود:يارب يا شيخ ادعيلها ربنا يجبرها

هاتوكل انا على الله اسيبك يا شيخ وعلى ميعادنا بكره

الشيخ عرفه: في امان الله يا حاج

مشي مسعود وعقله مشغول

ومر الليل بسواده اللي طبع من سواده على قلوب ونفوس الشر مليها وعقول الشيطان أتمكن منها وطول الليل تخطط وتدبر وتحيك المكايد لظلم طفله كل ذنبها انها وقعت ضحيه لشياطين من الإنس

حل الصباح والكل بيقول يا فتاح يا عليم يا رزاق يا كريم

في بيت علام الكل مترقب اللي هايحصل في بيت مسعود

وفي بيت مسعود الكل مترقب ومنتظر اللي هايقولوه بيت علام بالليل

ومر الوقت بطيئ على كلا العائلتين

 

 

وحان اذان المغرب واقامه الصلاه وبعد الصلاه وصل الشيخ عرفه من المسجد وكان في انتظار الحاج علام وابنه مع الحاج مسعود وأولاده

ووصل بعده بوقت قصير جمال وأبوه ودخل وسلم على الكل برأس مرفوعه

بعد السلامات تولى الكلام علام.

علام بهدوء: بص يا حاج مسعود انا الله وكيلك مشيت من عندك وعقلي بيودي ويجيب من اللي سمعته وخدت جمال للدكتور…… اللي في مصر وكشفنا عليه والدكتور قال انه صاخ سليم مسكتش ومتأخذنيش في دي كلمه واحضرنا يا شيخ عرفه سألت كذا حد من أهل الدين وقالوا يمكن مربوط ولا معموله عمل انا استغفر الله من الكفر والشرك سألت شيخ قالي ان السحر مذكور في القرآن مكدبتش خبر لما كنت بقولك في أيدي مصلحه كنت روحت للشيخ السعداوي وداه راجل بركه من بتوع ربنا وشغله كل بالقرآن الكريم قالي انه مربوط ومعموله عمل بالكره والفراق بينه وبين مراته ورقاه بالقرآن وقعدنا كام يوم وبقى زي الفل وكمل بتصميم كذاب ولو عايز جمال يدخل على بنتك هنا انا تحت امرك ولو عايز تطلق انا تحت أمرك شوف اللي يرضيك انا جاي للعمار يا حاج والطلاق أبغض الحلال واحنا منحاسبش الراجل على أفعاله تحت السحر داه والعياذ بالله بيقى مغيب شوف اللي يرضيك يا أبو محمود وانا معاك

مسعود بص للشيخ عرفه وبص لأولاده

حسن اتولى الكلام: وانا ايه يضمنلي ان كلامك صح وصدق

علام بثبات شديد: انا قولتلك لو عايزه يدخل على بنتكم هنا في قلب بيتكم انا مش ممانع اظن عداني العيب ولا ايه يا شيخ عرفه

مسعود بص للشيخ عرفه: رآيك ايه يا مولانا

الشيخ عرفه بحيره: والله يا جماعه من نحيه السحر فهو حقا مذكور في كتاب الله عز وجل والرسول الكريم صلى الله عليه وسلم سحر قبل والإنسان تحت طائله السحر مغيب والشيخ السعداوي عالم جليل للا يعالج الا بالرقية الشرعيه والقرآن الكريم لو عايز ترجع بنتك وتديله فرصه قرارك ولو عايز تطلق قرارك انا هنا شاهد عدل فقط

 

 

 

مسعود حس بحيره طيب استأذنكم دقايق

وطلع مسعود ودخل اوضه بنته ولقى نعيمه جمبها

نعيمه :ها يا حاج طمني

مسعود بص لسمر: بصي يا بنتي انا جايلك اشورك حماكي قال انه راح بإبنه للحكيم وقاله ان الولد صاخ سليم وخده وراح للشيخ السعداوي وداه راجل بتاع ربنا كان مربوط ومعمولكم عمل بالكره والفراق هو دلوقتي خيرني بين ترجعي معاه معززه مكرمه او تطلقي

نعيمه: خلاص يا حاج مدام كان مربوط ومعموله عمل يبقى معاه عذره وكفاينا خراب بيوت كفايه بيت حسن اللي خرب

مسعود: اسكتي انتي انا بسأل سمر هي صاحبه الشأن لو قالت طلاق هاطلع اقوله طلاق لو قالت ارجع هاروح كل يوم اطل عليها انا وانتي لجل ما يرتاح بالي وبالك لو رجعتي من النجمه انا وامك هانكون عندك ها ايه قولك

نعيمه: يا بنتي انتي لسه مكملتيش سنه جواز ولو اطلقتي الناس مش هاتفوتك لحالك واللي هايجيلك عايزه أما زوجه تانيه وأما معاه كوم لحم عايزك تربيهوله او راجل عجوز رجله والقبر عايزه تمرضيه وتخدميه جمال مهواش وحش واللي عمله عمله من العمل ربنا ينتقم من الظلمه والكفره اللي بيخربوا بيوت الناس

سمر بصت لابوها: وانتا ايه رائيك

مسعود: هاتسمعي من ابوكي

سمر هزت رأسها

مسعود: ارجعي معاه وانا كل يوم هاعدي عليكي انا وأمك وانا هاديكي المحمول بتاع اخوكي القديم بخطه ولو حصل بس همسه رني عليا اجيلك هوا انا واخواتك بدل يا بنتي ما بختك يميل

سمر غمضت عنيها بوجع محدش حاسس بيها كأنهم بيدوروا على مبرر علشان يرجعوها لجحيمها تاني

وفتحت عنيها بوجع: االي شايف فيه الصالح اعمله

 

 

مسعود قرب من بنته وباس رأسها: الله يرضى عليكي يا بنتي ويهديلك سرك ويهديلك جوزك

سمر بهزه راس خفيفه وسكتت

طلع مسعود ورجع لمجلس الرجاله

علام: ها يا حاج قررت ايه

مسعود: هاترجع معاك بس شاهد عليك الشيخ عرفه لو ضفر سامع يا علام ضفر من بنتي اتمس بأذى هايبقى بحر دم بينا ولا انا قليل ولا عيلتى قليله افتكر الكلمتين دول كويس اوي

علام وشه اصفر واتهز من تهديد مسعود الصريح بس اتمالك نفسه مقدامهوش هو وابنه وأهل بيته حل غير داه: برقبتي يا حاج وانتا بنفسك اللي هاتشهد بكده

مسعود: ماشي على ما تاخدوا واجبكم تكون سمر جهزت

جمال قعد ونفخ صدره وكأنه ارتاح اخيرا

بعد وقت طلعت سمر مع ابوها بس للأسف مطفيه مكسوره حزينه ركبت مع علام وجمال العربيه وودعها ابوها وإخواتها

حسن حاسس بخوف ومش عارف مصدره

حاول يوقف اي مواصله يحصل بيها اخته

مسعود :رايح فين كده

حسن: قلبي مقبوض اوي يا حاج

مسعود بنفس الاحساس: داه بس من خوفنا عليها عشان اللي جرالها مهو بردو مهواش هين

حسن: ربنا يجعل الغيب خير

كل الواقفين: آمين

استأذن الشيخ عرفه ومشي ودخلت كل العيله البيت من تاني

وصلت سمر مع جمال وأبوه وأول ما وقفت العربيه قلبها اتقبض وحست بروحها بتتسحب منها

جمال وهو بيقرب منها يلا يا سمر وأخذي الشيطان يلا يلا

علام:يلا يا بنتي ملهاش لزوم وقفتنا في الجنينه دي

سمر بهزه راس وخوف غريب سيطر عليها حركت رجليها وكأنها رايحه للموت برجليها

يتبع..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

دخلت سمر وكان في استقبالها حماتها وسلايفها حماتها خدتها من ايدها وشدتها جامد

محروسه بشر: وصلت الأمانه استني بقى لما نخلص

سمر بصت لجمال اللي بصلها بجمود وعلام اللي دور وشه النحيه التانيه

زعقت لأول مره بخوف: يعني ايه فاكرين اهلي هايسكتوا لو عملتوا اي حاجه ابويا وامي جايين من النجمه

محروسه وهي بتشدها: مش هايلحقوا يا عين أمك وكملت بشخطه همي يا مرا منك ليها ايدكم معايا واتكاتفوا الخمس حريم على طفله وسحلوها لاوضه محروسه وكتفوها الاربع سلايف وسط صريخ سمر اللي موقفش لحظه ومعافرتها زي اللي بيعافر وحوش وسط غابه علشان يضمن انه يعيش ونجحنا انهم يكتفوها على السرير ومحروسه جابت محرمه بيضا وفي لحظه

شق الليل صرخه وجع طلعت من جوف الألم وشقت حنجره سمر من الوجع محروسه لما اطمنت انها بقت مدام سيبوها خلونا نشطفها ونغيرلها سابوها وسمر راقده جثه محروسه بصت لقت بركه دم بتجري تحت سمر

سلايفها بخوف: هانعمل ايه في النصيبه دي البت بتنزف

محروسه وكأنها اتشلت للحظات وفي لحظه اطلعي اغلي براد ميه في دقيقه ويبقى في ايدك

طلعت مرات ابنها بسرعه ودخلت المطبخ وصلت ميه بسرعه في الكاتل ودخلت وهو في ايدها

الميه يا أما هاتعملي بيها ايه

 

محروسه بجبروت: هاكوي الجرح لجل ما الدم يقف وحطت فوطه عليها وكبت عليها الميه المغليه بدون ما يرفلها جفن

سمر صرخت بجنون ووجع ومصعبتش على اي حد منهم

محروسه اطمنت ان النزيف وقف :اشهد ان لا اله الا الله وأشهد أن محمد رسول الله يلا همي منك ليها سندوها معايا وواحده منكم تطلع تجيبلي غيار كامل ليها من فوق ودخلت محروسه مع سمر اللي بقت جثه فقدت كل معاني الحياه الحمام وشطفتها ومحت اي أثر للدم او للي حصل فيها وغيرتلها هدومها وسحبوها هي وحريم أولادها للعربيه وركبت محروسه وطلعت مع سواق من اللي شغالين مع جوزها لبيت أهل سمر

وبعد وقت وصلت قدام البيت ونزلت وخبطت على الباب بشده لدرجه خلت الجيران اللي حواليهم فتحوا الشبابيك والأبواب يشوفو مين اللي بيخبط على حد بالشكل داه بالليل كده

فتح مسعود بلهفه ووراه مراته وعياله اللي نزلوا على ملا وشهم من صوت الخبط

مسعود: حاجه محروسه خير ايه اللي جايبك انصاص الليالي بنتي جرالها حاجه

محروسه بصوت عالي سمع كل الجيران: جايه ارجعلك بنتك المعيوبه بقى ابني يا راجل يا ناقص يستر على بنتك وهي معيوبه خد بنتك واغسل عارك وشرفك لو كان عندك شرف

مسعود بزعيق: اخرسي قطع لسانك بنتي أشرف من الشرف

 

محروسه بسخريه فتحت باب العربيه وشدت سمر المدمره نهائيا ورمتها تحت رجلين ابوها: خد بنتك العايبه الخاطيه دي تستاهل الدفن مش تستاهل تتجوز سيد الرجاله المعلم جمال الشلاواني يا راجل يا قرني

طلعت نعيمه بجنون: مين دي يام المعيوب بقى هو كان ملعوب منكم عشان تاخدوا البت وتعملوا عملتكم يا وليه يا واطيه يا عالم يا ناقصه بنتي قعدت على زمه ابنك اربع شهور وطلعت وهي بنت بنوت ومعايا شهاده من المشتشفى انها كانت بنت بنوت لما طلعت وهشهد الشيخ عرفه وهاعملك قعده عرفيه وهو كان حاضر وشاهد ويمين مرا ما يمين راجل لو اللي في بالي حصل في بنتي لاخلي الدم للركب

حسن بجنون:عملتو فيها ايه يا أولاد الكلب عليا الطلاق بالثلاثة من اهل بيتي لو اللي في بالي حصل لاختي لاحسرك على عيالك واحد واحد على حياه عينك

محروسه لما سمعت انهم معاهم شهاده من المستشفى وكمان ان الشيخ عرفه شيخ الجامع الكبير كان حاضر وشاهد خافت وبسرعه ركبت العربيه وطلع السواق بسرعه الكل بره بيسأل مسعود في إيه وايه اصل الحكايه ومحدش حس بسمر اللي خلاص جابت اخرها من الدنيا واتحاملت على كل الألم والوجع اللي فيها واليأس خد محله معاها وطلعت بكل وجع جواها على السلالم ومع كل خطوه ألم بيحش فيها حش من الوجع وطلعت على السطح بصت نظره اخيره على أبوها وإخواتها وأمها وغمضت عنيها ورمت نفسها من فوق السطح

 

قطع كل الاسئله صوت هبده هزت الأرض الكل بص لقى سمر راقده غرقانه في دمها

نعيمه بصويت: بنتييييييييي وجريت اول واحده عليا قومي قومي يا ضنايا قومي يا بت عملوا فيكي ايه انا السبب يقطعني يقطعني يا بنتي

واحد من الجيران قرب منها: لسه فيها النفس خلونا ناخدها المستشفى بسرعه

شالها اخوها حسن بسرعه وحطها في العربيه اللي دورها واحد من جيرانهم وإخواتها سحبوا ابوهم اللي حس ان عقله شرد من ومنظر بنته غرقانه في دمها قدام عنيه ومشي معاهم وعقله مع بنته

وصبت العربيه المستشفي بسرعه

حسن وهدومه وايديه كلها دم وبصوت عالي رج حيطان المستشفى: دكتووووووور اختي بموووت دكتووور يا عالم حد يغيتنا

طلع الدكتور ومعاه كذا ممرضه: الدكتور بص عليهم مش دي البنت اللي كانت هنا من اسبوعين

حسن: ابوس ايدك شوفها

الدكتور عمليات بسرعه وخدوا سمر ودخلت العمليات

وللأسف الدكتور نص ساعه وطلع الكللع يجري عليه أهل سمر والجيران اللي جم يساندوا جارهم واللي جاي فضول يعرف ايه الحكايه وايه اللي حصل

 

حسن وجلال ومصطفي ومحمود في صوت واحد: طمنا

الدكتور :للأسف البقاء لله

نعيمه بصويت: بنتيييييي يا ضنايا يا شبابك اللي راح وفضلت تلطم مسعود قعد على الأرض وعنيه هاتطلع من مكانها

الدكتور :للأسف انا مضطر أبلغ المركز البنت فيها حروق من الدرجه الثانيه في المنطقه التناسلية وتهتك واضح وللأسف انا مضطر أبلغ

حسن: معناته ايه الكلام داه المره اللي فاتت انتا قولت انها بنت بنوت

الدكتور: ايوه حصل وانا بعت دكتوره زميله كشفت عليها واكدت كده ووالدتكم خدت تقرير ممضي ومختوم بحاله البنت مترخ بتاريخ اسبوعين فاتوا ان البنت كانت عذارء

حسن: طيب إيه اللي جد

الدكتور بتوضيح: للأسف الواضح أن تم هتك عرضها بطريقه بدائيه بالبلدي كده دخله بلدي ومن الكشف المبدئي ان حصل نزيف وتم كيه بطريقه تقليديه

الكل في المستشفي بيسمع ومذهول

مشي الدكتور واتصل بقسم الشرطه وخلال نص ساعه اتحولت المستشفي لعدد كبير من الظباط والعساكر

الكل في صدمه من استيعاب المصيبه اللي حلت على الكل مسعود شارد في ضحكت سمر البريئه

حسن مصدوم معقول مش هايشوفها تاني

 

وجلال مش مصدق ان سمر تموت بالشكل داه

ومحمود مصدوم ان اخته اتدبحت الف مره

ومصطفي العاقل عنيه مبرقه بشكل يخوف وعنيه حمرا زي كاسات الدم وشكله يرعب حرفيا ومنظر اخته وهي بتترمي تحت الرجلين قدام الناس ولا الكلام اللي اتقال في عرضها ولا منظرها وهي جثه غرقانه في دمها رايح من عنيه وكأنها صوره اتطبعت في عنيه

ونعميه اللي عماله تلطم ووشها ورم من كتر اللطم وصوتها راح من الصراخ ومحدش قادر يهديها

الظابط بتقدير للموقف: يا جماعه وقفتكم هنا ملهاش لازمه انا بلغت الطب الشرعي وهو في الوصول لاستخراج بيان الصفه التشريحيه والدكتور قال إنها من أسبوعين جات مضروبه علقه موت ومحروق ايدها حرق من الدرجه الثانيه ممكن اعرف بتتهموا مين

نعميه بصراخ: جمااااااال منك لله ربنا ينتقم منك انتا وأهلك هو اللي قتل بنتي هو اللي قتلها هو أهله

مصطفي فاق من صدمته وطلع تليفونه: عم سعيد لم رجاله العيله كلها كبير بصغير وكلم باقي أعمامي وخلاني وكل العيله الليله عيله الشلاواني مهيبقاش فيهم نفر على وش الدنيا

 

سعيد: ايه اللي حصل يا ولدي

مصطفي: بيت الشلاواني قتلوا سمر عشان يداروا على ابنهم المعيوب

سعيد: كلام ايه داه يا ابني اديني ابوك

مصطفي بوجع: ابويا معانا في المستشفى قاعد ساكت زي اللي عقله شرد هاتقفوا نجيب حق بنت اخوك ولا اجيبه بدراعي انا واخواتي

سعيد: عيب عليك ساعه زمن وكل رجاله العيله بسلاحهم هايكونو رهن اشارتك ويمين بالله ماهايبقى من بيت الشلاواني لا ديار ولا نفاخ نار وهاتبقي خراب عليهم انهارده وماهايطلع عليهم شمس ولا تطل

الظابط سمع الكلام وبسرعه راح لمصطفي: اللي بتعمله داه مش قانوني وكده بتدخل نفسك وأهلك في جريمه كبيره سيب القانون ياخد مجراه

مصطفي بصوت عالي: ادخل الاوضه بص على اللي جوه رجعها خليها ترجع زي ما قتلوها الف مره مش هايعيش من واحد وحق كل لحظه وجع عاشتها سمر لدوقهالهم وجسمها اللي هايتقطع عشان الدكتور يقول ماتت ازاي وحق شرفها اللي اتداس في الرجلين لجيب حقها بدراعي

الظابط عرف انه على مشارف حرب اهليه هاتقوم في البلد بعد مسافه وطلع اللاسلكي: الو الو عمليات وصلني يا ابني بمدير الأمن للضروره القصوي

 

دقايق وتواصل مع مدير الأمن

الظابط: ايو يا فندم عايز قوات تعزيز في مركز اهناسيا

مدير الأمن: ليه في الوقت المتأخر داه

الظابط: يا فندم انا على مشارف حرب اهليه هنا في جريمه قتل وللأسف الطرفين عيلتين كبار ومصرين على اخد التار خصوصا ان القتيله ست وشكلها مغتصبه انا منتظر الطب الشرعي والقوات اللي معايا مش هاتقدر تسد

مدير الأمن: اقفل وانا هابلغ الأمن المركزي بسرعه

ربع ساعه ووصل دكتور الطب الشرعي ودخل لبداء تشريح الجثه للوقوف على سبب الوفاه

ونص ساعه اخري ووصل حشد مهول من عيله ابو شامه رجاله مدججين بالسلاح

الظابط بتعقل لحين وصول قوات الأمن المركزي :يا جماعه يا جماعه اصبروا والقانون هياخد حقكم اللي بتعملوه داه هايقوم النار في البلد وهايفتح باب التار ومش هايخلص الا لما يخلص على العيلتين

مصطفي: ولو قصادها ارواحنا

جلال :وانا معاك ولو هاتعدم فيها بس اختي مش هتدخل قبرها قبل ما دم عيله الشلاواني تشرب تراب الأرض زي ما خدوها غدر

حسن: وانا معاكم وحق اختي احنا اولي بيه

 

محمود: هموا بينا وسيبوا الحكومه تعمل ما بدالها يوم الحكومه يا باشا بسنه واللي ماتت غدر دي اختنا عيله لسه عمرها 15 سنه

الظابط بتفهم: انا عارف اللي فيكم بس مش غلطهم لوحدهم غلط الجهل والعادات العقيمه اللي تخلوكم تجوزوا طفله قاصر بحجه الستر اللي تخليكم تظلموا طفله وتطلعوها من التعليم بحجه انه سلو البلد كده ومادام البت بلغت تبقى تتجوز وتتستر بحجه ان البنت اخرها بيتها وجوزها ذنبها في رقبتكم كلكم

سعيد: وعشان كده لازم نحل الدم بالدم يا باشا

قاطع كلامهم وصول قوات الأمن المركزي

الظابط اخد نفس طويل وطلعه مره واحده: أشهد أن لا إله إلا الله وأشهد أن محمد رسول الله

افرض يا ابني كردون أمني حوالين المستشفي وحواليك المنطقه اللي فيها بيت الشلاواني لحين انتهاء تقرير الصفه التشريحيه وبص لمصطفي: اللي عملته لمصلحتكم بص على ابوك حمل خساره تانيه الدم مش هايرجع اللي راح حقها هاييجي بس بلاش دم سيب القانون ياخد مجراه ولو القانون عجز ابقى اعمل ما بدالك فكر في ابوك و امك اللي منهارين فكر لو ليك بيت وزوجه فكر بالعقل حق اختك جاي جاي

صمت خيم على الكل والكل عجز قدام العدد المهول من قوات الأمن المركزي اللي حضرت

**********************

في بيت مسعود الكل قاعد على اعصابه من وقت ما وصلت محروسه وبلغتهم باللي حصل

ساعات قليله وسمعوا صوت دوشه عالي وواحد من الغفر اللي بيحرسوا البيت دخل جري

الغفير بنهجان: يا حاج يا حاج اللحق يا حاج

 

علام بخضه: في ايه يا زفت البرك بتصرخ كده ليه

الغفير: حكومه يا حاج نازله بتلف البلد

علام والدم نشف في عروقه: ليه ايه اللي حصل

الغفير: بيقولو الست سمر مرات جمال بيه ماتت وأهلها قالبين الدنيا في المستشفي وكانت عركه واعره قوي والحكومه جات عشان تفضها

علام: انتا بتقول يا مخبول انتا

الغفير: وكتاب الله المعبود زي ما بقولك كده يا حاج داه البلد كلها واقفه على رجل عن المستشفي الكبيره اللي في البلد وعيله ابو شامه كلها هناك بالسلاح

علام بعصبيه: طيب غور في اخبارك اللي شبه وشك غور

طلع الغفير مكانه ودخل علام

جمال :خير يا أبا طمني في ايه بره

علام بزعيق: مش خير مش خير وراح لمراته كان فين عقلي وانا بمشي وراكي صحيح شورة المرا تجيب ورا

محروسه: حصل ايه لداه كله يومين والبت وأهلها هاينسوا وابنك ويبقى يطلقها وخلصنا

 

علام بزعيق وجنون: مخلصناش البت ماتت مااااتت وأهلها قالبين الدنيا واللي بره الحكومه عشان اهلها حالفين لياخدوا بتارهم حل يا ست حلي آخره افكارك يا ام الأفكار خفتي من الفضايح اهو هايبقى الدم للركب

محروسه بخوف: واحنا علمنا ايه كنا موتناها ولا موتناها عمرها ومحدش بيموت ناقص عمر ولو على أهلها فأحنا كمان عندنا أهل تسد عين الشمس

علام: انتي مخبوله انتي واعيه للي بتقوليه أهل مين اللي هايقفوا معانا لما يعرفوا اللي هببناه داه مش بعيد يقفوا مع عيله ابو شامه قصادنا منك لله منك لله انتي وابنك ضيعتني وضيعتونا كلنا

*****************

في المستشفي الوقت بيمر والكل بيموت الف مره مع عقرب الثواني وبعد مرور ساعتين طلع دكتور الطب الشرعي

الظابط: ها طمني

الدكتور :للأسف البنت معرضه لسحل وداه واضح اثاره على جسمها وكمان تم فض غشاء البكارة يدوي والواضح انها نزفت نتيجه الفض لانه واضح آثار التهتك وتم كي المنطقه التناسلية بميه مغليه وداه سبب في حروق من الدرجه الثانيه والثالثه في المنطقه التناسلية وفي حرق حديث بإيدها اليمين من الدرجه الثانيه وكسر في رجلها وكدمات في منطقه البطن والحوض أما سبب الوفاه داه نتيجه كسر في الجمجمة ادي لارتشاح ونزيف داخلي في المخ وداه نتيجه السقوط من مكان عالي

الظابط: تمام نقدر نطلع تصريح الدفن

 

الدكتور: ممكن لأن خلاص انا انتهيت من التشريح والصبح التقرير هايكون على مكتبك بس داه يرجع لقرار النيابه

الظابط: انا حاكم أهل البنت بصعوبه واكتر من كده هايكون دمار صعب بجد

الدكتور بتفهم: ممكن بس يفضل حضرتك تتواصل مع وكيل النيابه او مدير الأمن

الظابط: تمام تقدر تتفضل

مشي الدكتور وطلع الظابط اللاسلكي

الظابط: ايوه يا فندم

مدير الأمن: ايوه يا حضرة الظابط في جديد

الظابط: للأسف يا فندم الطب الشرعي انتهي من تشريح الجثه وكنا عايزين ننهي تصريح الدفن وانا مش هاقدر انتظر النيابه حضرتك مش متخيل الدنيا هنا عامله ازاي

مدير الامن: انا هاكلم وكيل النيابه واطلع تصريح الدفن

الظابط: تمام يا فندم في انتظار معاليك

ومر نص ساعه وكان وصل تصريح الدفن من النيابه

مع حلول اذان الفجر وحملت سمر تلك البريئه التي سألت دمائها غدر على الطريق محموله على الاعناق في نعشها وكفنها حملها أخواتها الاربعه كما حملوها صغيره والفرق هو انها هنا تحمل لمثواها الاخيري لتواري الثرى تمت صلاه الجنازه عقب صلاه الفجر وتم دفنها وسط بكاء الاخوه

طلع الكل من المقابر ورفض اي حد من عائله سمر تقبل العزاء ورجع الجميع لقسم الشرطه

 

وبدئت التحقيقات ووصول تقرير الطب الشرعي وشهد الطبيب المعالج بالمستشفي لحاله سمر بوضع سمر الصحي اول مره واعطي صوره من التقرير السابق والمسجل بدفتر المستشفي عن حالتها كما أدلت طبيبه النساء والتوليد التي قامت بتوقيع الكشف الطبي بثبوت عذريه سمر كما قدمت ايضا صوره من التقرير المثبت بسجلات المستشفي كما تقدم الشيخ عرفه بشهادته في الواقعه بكل ما حدث وتم استدعاء طبيب الذكوره والعقم الذي ذكر إسمه أثناء جلسه الصلح ولسوء الحظ كان الطبيب المعالج لجمال والذي أدلى بشهادته الطبيه عن حاله جمال الصحيه وعن زيارته الاخيره وما تم فيها

أمرت النيابه بالقبض على كلا من جمال ومحروسه وعلام وزوجات الأبناء

وبعد التحقيق تم تحويلهم لمحكمة الجنايات

الجلسه يوم المحاكمه النهائيه

مثل كلا من المتهمين السبعه في قفص الاتهام

محكمه

صمت مطبق خيم المكان

القاضي: النيابه

 

رئيس النيابه: سيدي الرئيس حضرات المستشارين إننا اليوم امام قضيه تعجز العقول عن ادراكها لما فيها من انتهاك مجمل لطفله طفله في جسد أنثى كل ذنبها انها ولدت في مجتمع عقيم راحت طفله نتيجه الجهل والعادات الباليه طفله ويالسوء الحظ كانت الأولي على المحافظه في المرحله الاعداديه كانت متفوقه محبوبه كانت بريئه وسط مجتمع لا يعرف البراءه كانت تلك الصغيره تحلم ان تصبح طبيبه ولكن أين هي الآن سيدي الرئيس هي الآن تحت التراب في مثواها الأخير ضحيه لزوج عاجز وحما جاحده لم يرحم احد دموعها لم يرحم احد طفولتها كل ذنبها انها كانت طفله بجسد انثي طفله يا سياده الرئيس انتهكت طفله عانت من زوج حولها لكيس ملاكمه كلما يفشل في إتمام زواجه منها نتيجه عجزه يفرغ غضبه بها بل والادهي ان الأهل عاونوه وارتكبوا في حقها ابشع انواع التعذيب طفله كانت خادمه لزوجها وأمه وابيه وأخواته بالإجماع بشهاده الشهود لم يكتفوا بذلك لا هيهات هيهات ان يفضح ابنهم ابن الحسب والنسب بل سولت لهم انفسم ان فضوا بكارتها غصب وبالاجبار بعد سحلها وتكتيفها ولم يكتفوا بل وحرقوها حرقوها حيه في المنطقه التناسلية بمياه مغليه فأي جبروت هذا ولأي فئه من البشر ينسب هؤلاء بل ولم يكتفوا رموا امام منزل اهلها بعد طعنها بشرفها المسلوب غدرا على ايديهم كذباً وافتراء وبهتاناً اطلبكم يا سياده الرئيس بتوقيع أقصي العقوبه في حق المتهمين والا تأخذكم بهم شفقه او رحمه كما لم يرحموا صراخ تلك البريئه التي راحت ضحيتهم فأريقت دماء بريئه على الطريق

القاضي: الحكم بعد المداوله

مرت لحظات طويله قطعها صوت عالي

محكمه

جلس القاضي واستقر الكل في مكانه

 

القاضي: لجريمه نكراء يقشعر لها الأبدان لنفس بشريه تخلت عن كل معاني الأدميه وجردت طفله من شرفها تحت ستار وئد الفضيحه ودمرت معاني أنوثتها وبرائتها مما ادي الي انتحار المغدور بها لذلك حتى لا تسول نفس بشريه لارتكاب مثل تلك الجرائم النكراء وحتى يكونوا عبره لم تسول نفسه بمجرد التفكير حكمت المحكمه حضوريا وبإجماع الآراء بعد سماع الشهود والاطلاع على تحريات المباحث والنيابه والإطلاع على تقرير الصفه التشريحيه حكمت المحكمه بما هو آت على المتهم علام احمد الشلاواني بالسجن لمده ثلاث سنوات

وعلى المتهم جمال علام احمد الشلاواني بالسجن المشدد لمده عشر سنوات مع الشغل والنفاذ

والمتهمه محروسه سيد ناصر بالسجن المشدد خمسه عشر عاما مع الشغل والنفاذ

وعلى باقي المتهمين بالسجن سبع سنوات مع الشغل والنفاذ

رفعت الجلسه

تمت بحمدلله

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

تعديل المقال