الروايات الاكثر مشاهدة
0

رواية لم اعلم عنه الكثير اسلام ورغد كاملة جميع الفصول بقلم رحاب يسري

عشاق الروايات
اخر تحديث :

رواية لم اعلم عنه الكثير اسلام ورغد كاملة جميع الفصول بقلم رحاب يسري


رواية لم اعلم عنه الكثير اسلام ورغد كاملة جميع الفصول هى رواية من تأليف المؤلفة المميزة رحاب يسري رواية لم اعلم عنه الكثير اسلام ورغد كاملة جميع الفصول صدرت لاول مرة على فيسبوك الشهير رواية لم اعلم عنه الكثير اسلام ورغد كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية لم اعلم عنه الكثير اسلام ورغد كاملة جميع الفصول

رواية لم اعلم عنه الكثير اسلام ورغد بقلم رحاب يسري

رواية لم اعلم عنه الكثير اسلام ورغد كاملة جميع الفصول

=يابت قومي هزي طولك كده وارقصي زي البنات دي.. يمكن حد يعبرك وتتجوزي بقي
 -لا اطمني يا مامي انا قعده علي قلبك 
=مامي في عينك قومي 
-مش هقوم يا حجه.. وبعدين دول شويه عرر و سرسجيه.. تحبي اتجوزلك سرسجي 
=يخربيتك واطي صوتك فضحتينا.. اي دا ام اسلام 
-اي دا ازيك يام رغد ايه اخبارك
=الحمدلله ياحبيبتي وحشاني والله كده متسأليش 
-حقك عليا ياختي عارفه اني مقصره في حقك جامد.. الله هي دي رغد 
=اه ياحبيبتي 
-ما شاء الله بقت عروسه زي القمر
=تسلميلي يارب 
لحد هنا انا اصلا مكنتش مركزه معاهم انا كنت ببص على الرقاصه 😂 لحد ما ماما سألت السؤال
-ايه اخبار الرائد بتاعنا 
=اسلام حبيبي يعيني طالع عينه
من غير ما افكر
 - هو ابنك رائد 
=اه ياحبيبتي هيترقي قريب ويبقي مقدم اد الدنيا 
-امور بقى علي كده 
ماما ضربتني في جنبي، ام اسلام اللي هى حماتي قريباً ضحكت = هو خلاص علي وصول وهتشوفيه
اذ فجأت لقيت وحش داخل علينا، طول بعرض ولابس بدله سوده عقبال بدله فرحنا يا بيبي 😂 ومسرح شعره ومش زي القرود اللي عماله تتنطط حوليا، جه الوحش ووقف قدام الطرابيزه بتاعتنا، مش عرفه ليه حبيت ام اسلام فجأه =بس حلو اوي ياطنط الفستان اللي 
حضرتك لبسها مصغرك اوي
-انا صغيره ياحبيبتي دي الناس لما تشوفني مع اسلام بقولو ليه هي دي اختك الصغير 
=اممممم انتي هتقوليلي دا انتي نغه الصغيره 
-ايه 
=لا ولا حاجه 
-انتي رغد 
يالهوى دا بيكلمني، صوته كان حلو اوي يحتضن الواحد كده، طرق ابواب قلبي لا طرق ايه داخل خلع الباب ودخل يا باشا، حاولت علي قد مقدر ارفع صوتي وابقي كيوت 
=احم ايوه انا 
-كل دا بتفكري
=هههه فاكر يا اسلام لما كنتو صغيرين وكل يوم كنت بتضربها =كتك نيله فيك انت وامك
كان نفسي اقولها بس لما لقيت الوحش ضحك فنسيت انا مين اصلاً، الفرح خلص بسرعه للأسف وطبعا كاحال اي بنت مصريه بتحب واحد بيتهيألي انه منزلش عينه من عليها، هو اصلا مكنش معبرني وكان بيبص علي الرقاصه😂
استأذنت من ماما اني اروح لاصحابي بسمه و نسمه ( هما تؤام) وصلت هناك 
=اهلا ازيك يا رغد اتفضلي 
-مرسي ياطنط هما نسمه وبسمه فين 
=فوق في اوضتهم يا حبيبتي خبطت ودخلت
نسمه وبسمه -راااغد 
سلمنا على بعض وكده قمت رميت الشنطه علي الارض وفكيت الطرحه ورميت نفسي علي السرير وفضلت اصرخ زي المجانين
 =مالها دي
-مش عرفه 
رفعت راسي فجأه=انا شوفته انهارده شوفته

رفعت راسي فجأه =انا شوفته انهارده شوفته 
-مين 
=حب عمري
-انا اول مره اعرف انك بتحبي 
ضحكت =وانا كمان والله بس لما شفته حسيت وكأني بحبه من زمااااان 
-طب احكي بالتفاصيل.. شوفته ازاي وكلمك ولا لا كل التفاصيل لو سمحتي
 طبعا قعدت حورت عليهم انه كان بيبص عليا وبيتسم و انه منزلش عينه من عليا وكده، وبعد كده سرحنا كلنا وقعدنا نخطط هتجوز في الشهر كام و شوفنا استايل الفستان هيبقي عامل ازاي و اصحابي هيلبسوا فساتين لونها ايه و هنجيب كام عيل وهنسميهم ايه، كل دا وهو يعيني نايم ولا في في دماغه حاجه… كنت رجعه البيت علي الساعه عشره ونص، اذ فجائاً لقي الوحش قدامي طبعا عملت نفسي ولا هممني وعديت من جنبه وهو بيتكلم في الفون، ولا عبربي ارجع بيتنا بكرامتي ابدا 



= اسلام 
-ايوه  
= رايح فين كده 
-والله اسألي نفسك راجعه منين كده، طب انا شاب اخرج وادخل عادي في اي وقت، لكن واحده محترمه راجعه دلوقتي ازاي
=مش هرد عليك 
-انا اصلا مكنتش هسمعك
 =انت قليل الذوق اوي 
-ايه 
مش عرفه عملتها ازاي بس اول ما لقيت وشه اتحول جريت بسرعه لقيت نفسي في بيتنا 
-اتأخرتي ليه يا هانم
=معلش يا ماما الوقت سرقنا.. انا هطلع انام عشان الشغل بكرا 
طلعت اوضتي ورميت نفسي علي السرير، لقيت رساله جاتلي علي الوتس مسكت الفون ليقت دا " متفتكريش انك فلتي مني هجيبك و هتتحسبي على الكلمه اللي قولتيها" 
طبعا انا مهمنيش الرساله وقعدت ارقص من الفرح انه كلمني وانه دور بقي وجاب رقمي يبقي اكيد اكيد بيحبني، مسكت الفون تاني وسجلت رقمه " وحش قلبي 😂" وكانت محادثتنا عباره عن كده
 انا - مش هتعرف تعمل حاجه 😌
الوحش = انا ممكن ابعت بوكس دلوقتي ياخدك انتي وامك 
انا - ايه العنف دا انا بهزر معاك 😰
الوحش = كنتي فين لحد دلوقتي 
انا - بتسأل ليه 🤔
طبعا انا دلوقتى كنت بلم هدومي عشان يخدوني علي بيت حبيبي 
الوحش = مش لزم تعرفي ردي وخلاص انا - امممم طيب كنت عند اصحابي 
الوحش = لحد دلوقتي ليه اصحابك دول ملهمش اهل 
انا - انت عايز ايه يعني 
الوحش = و هعوز منك ايه يعني واحده راجعه بينها عشره ونص هتبقي ايه
انا - اي دا انت كمان مهزق ومش محترم
قفلت بعدها وقعدت اعيط، لقيته بيرن عليا مردتش رن كذا مره لحد مارديت 
ـ انا اسف 
وقفل بعدها، فرحت جدا وعملت حفله في الاوضه بتاعتي لحد ما تعبت ونمت 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚
الصبح.. قمت لبست عشان اروح الشغل و فطرت مع ماما وجيت اخرج ليقت.. الوحش في وشي 
=صباح الخير
-اهلا ازيك يا اسلام اتفضل يا حبيبي… ما توعي يارغد من قدام الباب خليه يدخل 
ماما دخلت الوحش جوا وانا فضلت واقف ابص برا خايفه يكون جايب معاه البوكس و هيقبض عليا
=اقفلي يا رغد الباب متخفيش مش جاي اقبض عليكي
-شاي ولا قهوه يا حبيبي 
=قهوه 
قفلت الباب ورحت قعدت في الكرسي اللي قدامه
-انت جاي ليه 
=اعتذرلك تاني 



هيييييح كده كتير عليا💃
-خلاص انا سامحتك 
=خلاص يبقي تقبلي انك تخرجي معايا 
يالهوي هو عايزني اخرج معاه.. ايه الشغل الروايات دا 
-القهوه 
= هو ممكن اخد رغد تخرج معايا انهارده انتي عارفه بقالي كتير منزلتش اجازه من ساعه اخر مهمه فانسيت الامكان
-ياحبيبي دا يزيدنا شرف 
مامااا حببتشى😂
=طيب هطلع استناها في العربيه 
انا كل دا قعده متنحه مش فهمه، فجأه لقيت ماما بتسحبني لاوضتي ويطلعلي فسان اسود بيلمع و الطرحه بتاعته والميك اب كله 
-تلات دقايق ادخل القيكي خلصتي… بسرعه يابت
قمت بسرعه غيرت ولبست الفستان ولفيت الطرحه وحطيت ميك اب خفيف لحسن يفتكر اني مدلوقه عليه ولا حاجه، لبست جزمه كعب سودا برضو ونزلت للوحش
اول ما شفني رفع حواجبه وضحك ضحكه سمجه كده =انتي مين؟؟ 
-لا بقولك ايه هنرخم من اولها مش هخرج معاك
=لا لا خلاص هو انا عبيط عشان افوت خروجه مع القمر دا 
يخربيت جمالك ياولا 
=بقولك صحيح اومال فين الچيب الخضرا والبلوزه الصفرا والطرحه الحمرا اللي كنتي لبساهم جوا
سيبته ومشيت راجع بيتي، لقيت الوحش مسك ايدي وكان عمال يضحك علي اخره = بهزر معاكي والله اسف
-عفونا عنك بسبب ضحكتك القمر دي 
قلت الجمله دي منها وكان نفسي عربيه تيجي تشيلني، هو نفسه ضحك =طب يلا ياختي
ركبنا العربيه و شغل اغاني اجنبيه وانا جموسه مبتفهمش حاجه.. بس سكت عشان مفضحش نفسي، وقفنا قدام مطعم كده شوفته في فيلم قبل كده.. 
-أنزلي يلا 
نزلت و انا هيغمي عليا من الفرحه، دخلنا وقعدنا علي طربيزه 
-تاكلي أي
= اي حاجه
طبعا دا مش ادب و كياته مني.. ابدا والله دا المنيو كان بالانجليزي مش اكتر، طلب ليا وليه 
-قوليلي بقي يا ستي عامله اي 
=تمام كويسه، وانت 
-اممم كويس
كان كل شويه يبص وراه 
=انت مستني حد

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚
=انت مستني حد
-اه اصحابي جاين 
=اصحابك!! طب انت جايبني ليه مش فهمه 
-عادي يعني بخرجك اكسب فيكي ثواب 
=ايه.. تكسب فيا ثواب ليه يا خويا جايبني من قدام باب جامع 
-وطي صوتك 
كنت لسه هرد عليها لقيت ولدين وبنت داخلين علينا وبسلموا عليه
= هما دول اصحابي يا رغد.. ياسين و مايكل و جودي 
مبدأياً كده انا مش طيقه جودي دي 
-اهلا 
=دي بقي رغد جارتي
جارتك!!! حاولت امسك لساني عشان فيه ناس، لقيت ست جودي دي بتكلمني
-هنبقي اصحاب بقي صح
= اكيد
ياسين - عندك كام سنة 
= معرفش.. اسلام عايزه امشي 
-مستعجله ليه 



=انا حره عايزه امشي 
-خلاص هروح احسب ونمشي كلنا
راح دفع فلوس وانا قمت من الطرابيزه… سبحان الله لسه شيفاهم حالا ومش طايقه ولا واحد فيهم 
لقيت مايكل جه ورايا= احنا اسفين لو ضيقناكي مكناش نعرف ان فيه حد مع اسلام 
ابتسمتله - حصل خير
ياسين = منتي بتعرفي تضحكي هو.. يبختك يا مايكل القمر ضحكلك
وانا كنت جبت اخري ولسه ههزقه لقيت سبع البرومبه جاي مع ست جودي.. ركبنا كلنا في العربيه كنت قعده قدام جنب اسلام 
لقيته فجأه بصلي =دا انا محضرلك حته مفجأه هتطلع من نفوخك 
نسيت كل حاجه عملها ونسيت حتي الناس اللي ورا دي وضحكتله وكنت فرحانه اوي
ومكنتش مصدقه نفسي انه يحبني بالسرعه دي، دي ولا اجدعها روايه حصل فيها كده، فضلت متحمسه جدا للمفجأه
لحد ما شوفت المكان كان عباره عن قسم شرطه بس قديم و متبهدل خالص، نزلنا وانا مستغربه هو جيبني هنا ليه وايه المفجأه اللي هتبقي هنا، 
=انت جايبني هنا ليه 
-اصبري علي رزقك متستعجليش.. يلا 
دخلنا وراه وكان المكان فيه ريحه وحشه اوي وكان فيه كام عسكري ومكتب في نهايه الطرقه و زنزانه صغيره عباره عن اعمده من الحديد بس وكرسي متوسخ
اسلام لفي فجأه =فكره لما قولتي اني قليل الذوق و مهزق ومش محترم كل دا انا
كنت ناسيه بس لما ردحتيلي في المطعم فكرتيني بكل حاجه 
لقته زقني جوا الزنزانة دي وقفل الباب وكل دا وانا مصدومه وعقلي مش قادر يصدق للحظه هدم كل حاجه كنت ببنيها جوايا وانا جايه، للحظه حسيت ان دا شخص غريب انا واسلام كنا بنلعب مع بعض واحنا اطفال وكبرنا مع بعض لحد ما خلص هو الثانويه وكنت انا لسه في تالته اعدادي كل دا وانا بحبه و ساكته قولت ممكن يكون مجرد اعجاب عشان لسه صغيرين وكده بس لما بعد عني بسبب دخوله كليه الشرطه ونقلو البيت بتاعهم وانا عرفت وايقنت اني بحبه

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚
حاولت علي قد مقدر اني منسهوش بس مع زمن و اللي شوفته لما والدي توفي خلاني انسي اسمي شخصياً…
لقيته جاب كرسي وحطه قدام الزنزانة وقعد عليه وحط رجل علي رجل وكانت جودي واقفه جانبه بتضحك =حرام عليك يا اسلام طلعها 
وياسين كان واقف ساند علي الحيطه و بيبصلي بشماته و بيضحك هو كمان - سبيه يا جودي ياخد حقه هي غلطت فيه واللي يغلط في سياده الرائد اسلام لزم يعرف مقامه كويس 
ومايكل كان واقف ورا اسلام وحاطط وشه في الارض وكأنه مكسوف يبصلي = اسلام بلاش اللي بتعمله دا متنساش انها بنت 



فجأه حسيت بصدع جامد ومش قدره اخد نفسي وحسيت ان روحي بتتسحب مني
كنت شيفاه قعد قدمي علي الكرسي وجنبه اصحابه اللي بيضحك و اللي شمتان واللي مش بيده حاجه يعملها 
قعدت اضغط على نفسي عشان معيطش بس مكنتش قدره.. قربت من الحديد = ممكن تخرجني 
-لا اعتذري الاول
كان نَفسي عمال يضيق ومش قدره اتنفس خالص.. بسبب الريحه اللي في المكان 
وانا اصلا بعاني من ضيق التنفس.. كانت الدنيا عماله تسود وانا بحاول علي قد مقدر ان ميغماش عليا لحد ما حسيت ان الانسان اللي وقفه قدامه دا معندوش قلب و رحمه.. سبت ايدي واستسلمت للغيمه السوداء… اخر حاجه سمعتها صوته وهو بينادي عليا
مش عرفه قضلت مغمي عليا قد ايه بس ابتديت احس بأصوات حواليا فتحت عيني وكان هو او واحد اشوفه.. لما بدأت استعدت وعي تمام زقته وقمت وقفت ومشيت برا القسم.. جري ورايا 
= رغد استني رايحه فين 
-ابعد عني بدل ما اصوت وألم عليك الناس 
= الله في ايه يا رغوده.. اسلام كان بيهزر معاكي 
-اخرسي انتي وملكيش دعوه 
مشيت فجه وقف قدامي تاني 
=والله ما كنت اعرف ان كل هيحصل سامحيني 
-اسامحك!!! انت عبيط يا اسلام.. اسامحك ليه اصلا عشان ايه.. ايه اللي عملته ليا يخليني اسامحك 
= ان الصحاب لزم ي
-الصحاب… تصدق وتأمن بيه 
=لا اله الا الله
 =لولا اننا في الشارع لكنت خلعت جزمتي ونزلت بيها علي دماغك.. غور من وشي 
مشيت وانا متعصبه من حيوان دا، اول مارجعت البيت طلعت اوضتي ومتكلمتش مه ماما قولتلها اني عايزه انام، غيرت هدومي ونمت على السرير وانا هطق منه…. 
وصلت لي رساله علي الوتس بس مش من الوحش كانت من رقم غريب 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚
وصلت لي رساله علي الوتس بس مش من الوحش كانت من رقم غريب وبعد كده اتضحلي انه مايكل 
-رغد..انا مايكل...متزعليش من اللي حصل انهارده بأمانه اسلام ملوش ذنب.. كله بسبب الزفت ياسين هو اللي غيره وخلاه انسان من غير قلب انا وانتي محاتجين نساعد بعض عشان نرجعه زي زمان… ونبعد ياسين عنه لأنه شيطان بمعني الكلمة
 =انا مش عايزه اساعده انا عايزاه يفضل كده لحد ما يجي يوم ويكره نفسه 



-ايه الكلام اللي بتقوليه دا… انتي لو سبتيه ياسين هيلعب في دماغه ويخليه يتجوز جودي 
=يتجوزها مش فارق معايا 
-طب حتي ياستي لو قولت انك كرهتيه خلاص مش عايزه تردي كرامتك اللي اتمسح بيها الارض انهارده 
= انت عايز ايه مش فهمه هو مش المفروض صاحبك 
-يابنتي انا مش بكره...انا عايزه يبعد عن ياسين.. اسلام اتغير اوي من ساعه ما عرفنا ياسين 
=هو انتو تعرفوا اسلام منين 
-احنا التلاته كنا في كليه الشرطه انا اتعرفت على اسلام الاول وبعد كده اتعرفنا علي ياسين…وبدأ كره ياسين لأسلام من ساعه ما اترقي وبقي رائد وهو لا.. وعندك اهو ياستي هيبقي مقدم قريب وانا وياسين لسه ظباط 
قعد يتكلم معايا كتير اوي ويحكليلي قد ايه ياسين دا غير اسلام للاوحش، فأنا قررت اساعده مش عشان اسلام لا خااالص عشان كرامتي بس مش اكتر
صحيت الصبح وبدأ انفذ الكلام اللي قاله لي مايكل… 
نزلت من البيت رايحه الشغل لقيت الوحش بيقرب مني طنشته ومشيت 
-رغد
=....
-رغد.. هو انا مش بنادي عليكي 
=......
مسكني من دراع 
ـ استني هنا… خلاص اعتذرتلك عايزه ايه تاني
زقيت ايده وكملت مشي… لقيته قام مزعق في قلب الشارع =ماشي يا رغد خليكي فاكره
الحيوان خلني ماشيه في نص هدومي والناس كلها بتبص عليا 
دخلت المستشفى انا شغاله ممرضه سلمت علي اصحابي و عدى نص اليوم.. لقيت صحبتي ساره ممرضه زي الحقي يابت في قمر مستنيكي برا…يخربيتك وقعتي عليه ازاي 
=اهدي بس كده وقل اعوذ برب الفلق.. اسمه ايه اللي عايزني
طبعا انا كنت عرفه أنه اسلام بس حبيت ابان تقيله وكده 
-معرفش اسمه انا اول ما شفته ولقيته بيسأل دكتور طارق عليكي جريت اقولك
=طيب ياختي روحي انتي وانا جايه وراكي 
-يارب ارزقنا 
قمت وظبطت نفسي وجيت اخرج لقيته هو ودكتور طارق في وشي 
طارق = تقدري تخدي بقيه اليوم اجازه.. انتي مقولتليش انك متجوزه وحامل 
-ايه متجوزه.. حامل
=على العموم تقدري تمشي جوزك برا 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚
=على العموم تقدري تمشي جوزك برا 
خرجت وانا متعصبه جدا من اللي عمله، لقيته راكب العربيه ومشغل اغني..ركبت جنبه 
-اطفي الزفت دا 
= براحه يا حبيبتي ليجري لبيبي حاجه 
-انت ازاي تسوء سمعتي كده...انت بقيت حقير اوي 
سكت بسرعه لان مايكل منبه عليا مقولش للاسلام حاجه
 =كملي 
-مش هتنيل 
=خلاص تعالي اخرجك
-والمرادي هتوديني فين المقابر وتحبسني هناك.. اسمع يا اسلام انا منكرش اني معجبه بيك لكن عمري ما هحسملك ان تدوس علي كرمتي تاني
جيت انزل لقيته مسكني 
=مينفعش تبقي لوحدك.. 
-ليه بقي ان شاء الله صغيره ولا صغيره 
=لا ياس
وفجأه جت عربيه خبطتنا جامد من ورا، لقيت اسلام فجأه فك حزام الأمان بتاعتي وهو بيحرك العربيه بسرعه 
=استخبي هنا و اوعي تطلعي 
من خوفي قعدت اهز راسي كذا مره، اسلام كان باين الخوف في عنيه وبيحاول يتجنب العربيه اللي ماشيه ورانا، كان ماشي بسرعه عاليه، كنت خايفه اوي فلقته بيد ايده ليا
 =متخفيش 



وفجأه العربيه وقفت =انا هنزل وانتي اقفلي العربيه عليكي واياكي تنزلي لقيتي الامور زادت متتردديش لحظه انك تهربي ماشي 
ونزل وسبني، رفعت نفسي شويه عشان اشوف اي اللي بيحصل لقيت الوحش بتاعي واقع في الارض وخمس رجاله حواليه عمالين يضربوه برجالهم
وواحد واقف علي جنب كده لبس ماسك اسود علي وشه، لقيت فجأه قدمي مسدس علي التبلوه، مش عرفه جتلي منين الشجاعه دي بس لقيت نفسي مسكته ورفعته، كانت ايدي عماله تترعش وخايفه اوي، بس اتغلبت على خوفي عشان اسلام، دست علي الزناد وخرجت رصاصه بس للاسف مجتش فيه، لف بسرعه وعين جت في عينه وشاور لواحد انه يروحلي ندمت اني مسمعش كلام اسلام، الراجل اول ما قرب من ازاز العربيه دست علي المسدس تاني، رشقت في دماغه مات كنت مرعوبه في اللحظه دي، الراجل اللى كان واقف علب جنب استغل الفرصه ولقيته معايا جو العربيه.. دخل من الفتحه اللي في السقف 
وفجأه حسيت بحد بيخنقني.. قعدت اخبط علي ايده كذا مره بالمسدس لحد ما ايده فلتت قمت ماسكه ايد وكان مرسوم عليها جيتار و عضتها جامد.. خبطني علي دماغي وجه يطلع من فتحه السقف قمت ماسكه في رجاله وهاتك يا خربشه، قام خبطني في وشي وهرب، كان سي اسلام استغل الفرصه واخلص على التلاته التانين بس ملحقش الرابع اللي هرب 
=انتي كويسه
-انت تخرس خلاص وتروحني يا حيوان 
حط ايده علي جنبه =شكلي مش هعرف اسوق 
-يعني ايه هتموت 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚
ـ يعنى اى هتموت
=ايه الفال المنيل دا.. اتنيلى اسكتى هسوق اهو
لقيته بص عليا فجأه 
ـ حد اذاكى
=لا الحمدلله عرفت الدافع عن النفسي اصل الراجل اللي كان معايا كان بيضرب هناك كده 
ضحك بس جنبه وجعه فسكت.. الفون بتاعه رن
=الو.. ايوه ياسين.. لا مفيش متشغلش بالك دول شويه كدمات بسيطه.. طب خلاص هستناك هناك 
كل اللي كان في بالي ازاي ياسين عرف اصلا باللي حصل.. فكرت للحظه اني اكمل مايكل
واحكيله بس مش هعرف اكمله عشان اسلام معايا.. هكلمه اول ماوصل انا لزم ابعد اسلام عن الحيوان ياسين 
روحنا المستشفى وياسين كان هناك ومعاه جودي بس مايكل ماكنش هناك… عملنا بعض الفحوصات ليا انا و اسلام.. انا كنت كويسه بس اسلام المفروض هيقعد يومين في المستشفى بسبب الكدمات اللي في جسمه 
ياسين =انا كملت مايكل واتخض اول ما عرف وجاي في الطريق اهو



 -الف سلامه عليك يا اسلام 
=الله يسلمك يا جوجو 
كان نفسي ابقي انا وانت يا اسلام لوحدنا في الاوضه عشان امسك مخده افطسك بيها، مايكل دخل علينا و وشه كان مرعوب جدا
-اسلام انت كويس.. مين اللي عمل فيك كده
وانا كنت قعده مبتسمه جدا لاني عرفه مين اللي عمل كده، ببص عليا اسلام عادي…
اذ فجأت عيني وقعت علي ايد مايكل.. مرسوم عليها الجيتار و باين فيها اثاو العضه بتاعتي 
=مايكل
مايكل رفع وشه وكان باين الخوف فيه - ايوه 
=كنت عايزك في حاجه 
اسلام - عايزه في ايه.. قولي هنا قدمنا
=هقولك بعدين.. وبعدين انت هتغير من مايكل.. دا اسمه مايكل حتى
خرجت انا ومايكل برا 
-خير يا رغد في حاجه
=انت كان عند حق ياسين هيحاول يأذي اسلام بأي طريقه
-مش فاهم 
= قصدي ان ياسين هو اللي دبر الحادثه دي عشان يخلص من اسلام
-عرفتني منين 
= اصله رن علي اسلام وسأله هو كويس ولا لا وايه اللي حصل.. هو بقي عرف منين باللي حصلنا 
-يارغد انا جاتلي رساله.. ان اسلام عمل حادثه.. فكلمت ياسين وقولتله
=ايه…. مين اللي بعتها 
-واحد حقير عايز يخلص مننا  
مش عرفه ليه كان قلبي بيقولي صدقيه… بس الواقع بيقول غير كده كل الادله متجه ليه انه الفاعل.. تلقأياً عيني جت علي ايده لقيته حاطط ايده في جيبه 
=المهم انتي يا رغد خلي بالك لانه هيحاول يأذيكي بأي طريقه لو عرف انك كشفتيه ومش بعيد يقتلك كمان 
حسيته تهديد صريحه ليا، شكله شك فيا 
-انا عايزه اقتله يا مايكل… الموت هو اللي هيبعد ياسين عن اسلام 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚
-انا عايزه اقتله يا مايكل… الموت هو اللي هيبعد ياسين عن اسلام 
مش عارفه ايه اللي انا قولته دا، بس كنت محتاجه اكسب ثقته 
=ايه اللي بتقوليه دا انا مستحيل اخليكي تضيعي نفسك 
وبعدها غير الموضوع ووقفنا نتكلم شويه وبعد كده دخلت لاسلام… ياسين مش موجود وجودي كانت في الحمام
قعدت جنب اسلام اللي فتح عينه اول ما حس بيا 
-كنتو بتتكلمو في ايه 
=متشغلش بالك 
-ملكيش دعوه انا عايز اشغله
-هتعرف كل حاجه يا حبيبي لما تطلع م
=يا ايه
 -بس يا ولا 
ضحك وبعد سكت وبصلي =سامحيني بجد والله معرف عملت كده ازاي
-عادي يا اسلام انا متعود علي الاهانه من صغيري.. من يوم موت بابا وانا مشفتش يوم واحد حلو.. مجتش عليك يعني 
لقيته قام وقعد =احكيلي كل حاجه طلعي اللي جواكي انا سامعك اهو 



مصدقت لقيت حد يقولي احكي.. كنت محتاجه اسمعها من زمان 
-احساس انك تصحي من النوم علي صويت صويت دا لوحده يخليك عايش مرعوب.. الصويت دا كان خارج من ماما لما جت تصحي اغلي انسان علي قلبي لقيته ميت… مات وسبنا للي رايح واللي جاي يلطش فينا ويتحكم ويفرض سيطرته علينا.. مات بعد ما انت مشيت بخمس شهور متعرفش كنت محتاجك اد ايه.. بالرغم انك مكنتش قريب مني اوي بس قولت اكيد لو كنت موجود كنت هتشيل عني ولو جزء بسيط..
اول يوم عزا كانت ماما منهاره وانا كنت لسه مستوعبتش انه مات دا كان لسه قاعد معايا بنختار المستشفى اللي هشتغل فيها لما اتخرج وكان معترض ويقولي انا بنتي ملكه متشتغلش وتتعب نفسها...بعد العزا ما خلص لقيت أعمامي داخلين لينا البيت فرحت اوي قولت اعمامي هنا عمري ما هحس اني بابا مات او اني بقيت يتيمه… لقيتهملقيتهم بيطلبو من ماما ان لما المحامي يجي عشان الورث تتنازل عن المعرض بتاع بابا لاعمي الكبير وهو هيديروا لينا..
ماما رفضت لانها كنت معشراهم اكتر مني وعرفه نوايهم الخبيثه مش عرفه عمي قالها ايه في ودنها خلها تترعب 
وتحضني بس انا واثقه انه هددها انه هيأذيني.. وقالتله انها هتنفذ كده علي وعد انه يبعتلنا فلوس كل شهر زي المرتب يعني.. وافق وكده وبعت اول تلات شهور بس وبعد كده قطع الفلوس خالص ماما راحتله المعرض طردها برا.. وانا رحتله برضو من ورا ماما طردني برا برضو بس
معد ما ضربي بالقلم عشان قولتله حسبي الله ونعم الوكيل فيك.. سقطت في سنه اولي بسبب غيابي الكتير واني مدفعتش المصريف وكمان محضرتش الامتحانات لاني مكنش معايا الكتب.. حالنا بقي زي الزفت ماما قعدت سنه تشتغل
خدامه في البيوت عشان تصرف عليا كان حلمها الوحيد اني اتجوز ولما طلبت منها اني اشتغل قالتلي لا انا بنتي ملكه متشتغلش وتتعب نفسها.. لحد ما وقع دكتور طارق في طريقي وارتحتله اوي وحكتله كل حاجه فقرر انه يساعدني دفعلي فلوس الكليه وقدرت ارجعها تاني وخلاني اشتغل معاه في المستشفى كا تتدريب ليا وكده وكمان كان ليا قبض كل شهر فكان بيعتبرني زي بنته..
=عشان كده زعل لما قولتله اني جوزك
-بالظبط زعل لاني مقولتلوش.. احساس وحش لما تلقي الناس الغريبه هي اللي بتحن عليك وتساعدك انما القريب نفسه يشوفك مزلول اكتر واكتر
لقيت نفسي فجأه في حضنه وبعيط جامد وهو فضل يطبطب عليا… المضحك في الموضوع ان باب الحمام اتفتح وخرجت منه جودي وهي بتعيط برضو.. برفع راسي لاسلام لقيته بيعيط بصينا احنا تلاته البعض وقعدنا نضحك 
-دا انا قعدت اعيط قد كده وانا في الحمام 
=دا انتي مسخره والله يا جودي 
-اي دا فين مايكل
 =قال انه تعبان فروح وهيجي باليل
لقيت في الوقت دا ملامح اسلام اتغيرت والصراحه معرفتش افهمها 
-اسلام انا برن على ياسين مبيردش
=اه دا قال انه جعان اوي فنزل يجيب لينا اكل 
-انا اتأخرت اوي ولزم اروح 
=ليه يا رغد ما تخليكي شويه 
-معلش يا جودي الوقت اتأخر وماما هتزعقلي
=اسلام قولها حاجه 
-اقعدي يا بنتي دا ياسين راح يجيب اكل 
=عندنا اكل في البيت متشكرين 
ضحكوا - رني عليا اول ما توصلي.. اياااااكي تنسي 
=ماشي ياخويا
-اخوكي في عينك.. دا انا اخف بس وهروح اتقدملك
=لا يا حبيبي انا مش هتجوز كده وخلاص لزم يحصل معايا زي الروايات اتخطف وتنقذني و حاجات الجميله دي 
-روحي يا رغد ربنا يهديكي يا ماما
=عرفه يا رغد ايه اللي هيحصل.. هو هيتكوم علي جنب و العصابه تقعد تضرب فيه 
ضحكت انا وجودي -اخرسي يا حيوانه انتي وهي 
=يلا انا ماشيه سلام 
نزلت وكانت الدنيا ظلمه اوي في الشارع وكان فيه كام واحد بس هما اللس ماشين وكلب نايم علي الرصيف.. وقفت استني تاكسي عشان اركبه وامشي.. حسيت فجأه ان في حد ورايا لسه هلف ليقته حط قماشه علي وشي خلل كام ثانيه مكنتش حسه بأي حاجه حواليا…. 
مش عرفه فضلت مغمي عليا اد ايه بس لما فتحت عيني لقيت نفسي في اوضه صغيره وليها باب خشب.. سندت علي ايدي ووقفت انا مكنتش مربوطه اصلا.. لسه هقرب من الباب 
لقيته بيتفتح و بيدخل منه واحد 
=مساء الخير 
بصدمه - ياسين هو في ايه.. مين الوحش ومين الكويس انا مبقتش فهمه حاجه 
=طب اهدي كده وخدي كلمي اسلام 
-اسلام!! 
خدت الفون منه.. وسمعت صوت الوحش 
=الو 
-مش قولتلك يابت رني عليا لما تروحي 
لقيت نفسي عيطت فجأه = يا اسلام انا تعبت ومبقتش فهمه حاجه 
-اهدي يا حبيبتي انا اللي خليت ياسين يعمل كده عشان احميكي من مايكل 
=مايكل هو اللي هجم عليا يا اسلام 
-ايه.. ازاي.. عرفتي منين يعني 
=لما هجم عليا في العربيه عضيته من ايده وكان مرسوم عليها جيتار… ولما شوفته في المستشفى لقيت مرسوم عليها الجيتار و باين فيها اثار العضه بتاعتي 
-طيب يا حبيبتي خليكي هنا ومتخفيش انا هاجي قريب
= اسلام هي ماما كويسه 



-اه يا حبيبتي اطمني.. اديني ياسين 
اديت الفوه لياسين وخرج برا وبعد شويه دخل ومعاه اكل وحطه علي ارض 
=يلا ناكل عشان الليله شكلها هطول 
كنت خايفه اقعد معاه =رغد اقعدي مش هعملك حاجه يعني.وإسلام باشا بيراقبنا
بصيت مكان ما شاور لقيت كاميرا.. فرحت اوي ان الوحش بتاعي معايا، ورحت قعدت اكل مع ياسين 
-صح يا ياسين انت تعرف علي اسلام ازاي
=هتفطسي منك الضحك لما تعرفي 
-قول قول 
=اسلام لما دخل كليه عندنا كان رفيع مش جته زي مانتي شايفه كده.. المهم كان رفيع وشعره طويل وخجول اوي
-اه كان بيطول شعره وهو صغير وكان خجول برضو كان عامل زي البطه البلدي
ضحك ياسين = اه والله.. وانا كنت اكبر منه بسنه فمكنتش اعرفه خالص المهم كان ماشي مره قدامي وانا افتكرته بنت 
انا عند اللحظه دي شرقت وقعدت اكح اد كده 
-يخربيتك بت 
=اه ياختي ومشيت اعكسه وهو طلع يجري 
قعدت اضحك وانا بتخيل اسلام كده 
=بعدها بكام شهر بقي مشهور عندنا في الكليه عشان ذكي وقوي .. كان حلق شعره و ربي عضلات 
-وبقي الوحش
 =وحش 😂 هيزعل اوي لما يسمعك بتقولي كده.. المهم اتصحبت عليه وكنت بحكي الموقف دا قدامه وهو اتصدم لما عرف انه انا وانا كمان اتصدمت من التحول اللي حصل.. ومن سعتها واحنا اصحاب اوي
 -الله قصه صدقتكو مضحكه اوي… اومال اتعرفتو علي مايكل فين 
= اتعرفنا عليه في الصاله البولينج اللي كنت بروحها انا و اسلام
-بطل هزار انا بتكلم جد
=والله ما بهزر
-يعني ايه مايكل مش ظابط 
لقيته ضحك جامد =مايكل ظابط والله ضحكتيني.. مايكل و جودي كانو بيشتغلو في صاله البولينج بصي هي مش صاله بولينج اوي هي تعتبر بار.. جودي ومايكل كانو بيشتغلو جرسون فيه و اتعرفنا عليهم من هنا 
-ازاي مايكل قالي ان انت وهو ظباط وانت بتكره اسلام عشان اترقى وبقي رائد و هيبقي قريب مقدم وانت لسه ظابط 
=اي هبل دا انا هغير من اخويا دا انا فرحله مش اكره
-والله هو قالي كده 
=هو كلمك امته 
-في نفس اليوم اللي اسلام حبسني فيه
=امممم يبقي شك الوحش طلع في محله.. مايكل عايز يضغط علينا من ناحيتك ويضمك ليه 
وفجأه لقيته اتصدم = يبقي هيخلص من جودي 
وقف وخرج سلاح من جيبه =اسمعي اسلام قرب يجي خلي دا معاكي انا لزم امشي حالا 
-لالالا انا هاجي معاك وكلم إسلام وقله يجيلنا علي بيتها.. انت متعرفش ايه اللي مستنيك هناك 
=مينفعش اسلام هيقتلني لو حصلك حاجه 
-متخفش بس خدني معاك.. انا هخاف اقعد لوحدي 
خرجت انا وياسين من البيت واحنا بنجري.. ياسين كان عمال يرن علي اسلام.. بس اسلام مكنش بيرد خالص 
=رد يا اسلام هو دا وقته 
ركبنا عربيه ياسين و ساقها بسرعه كبيره لبيت جودي.. وقف العربيه بعيد عن بيتها بشويه ونزلنا 
=خليكي ورايا ماشي 
-ماشي 
مشي هو قدامي وانا وراه ووقفنا جنب البيت.. بصيت انا وياسين من الشباك 
=جودي 😰
-اسلام 😲

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚
بصيت انا وياسين من الشباك.. لقينا جودي واقعه علي الارض و اسلام كان واقف قدام 
مايكل و رافع ايده لفوق
=اسمعيني يا رغد انتي هتقفي هنا لقيتي الامور بدأت تبقي خطر
-ادخل 
=لا طبعا انتي عايزه اسلام يقتلني.. الأمور بقيت خطيره تهربي بسرعه.. يلا سلام 
سبني وجري ورا البيت وانا وقفت اتفرج علي اللي هيحصل وانا مش فهمه انا مع مين 


ضد مين 😂 بس انا مع حبيبي الوحش… كام دقيقه وكان
ياسين موجهه السلاح ضد مايكل بسرعه، اسلام نزل ايده، افتكرت الدنيا بقيت امان جريت بنفس الطريق اللي راح 
منه ياسين لقيته باب خلفي للبيت دخلت بسرعه وشوفت اسلام وجريت عليه 
=اسلااااام 
حضنته جامد وهو اتخض اني هنا، مايكل استغل الفرصه وضرب ياسين علي ايده
 وقع منه المسدس وجري علي جودي ومسكها من شعرها وهي وقعه علي الارض وطلع سكينه =اللي هيقرب هطير ركبتها.. 
واكيد مش هتغدروا بالجسوسه بتاعتكو
ايه جسوسه!!! دلوقتي انا فهمت شويه ان مايكل عايز ينتقم وجودي كانت معاه وخنته
 و بقيت هي اللي بتقولهم بتحركاته 
… بس ايه اللي يخليها تخون مايكل و مايكل بينتقم منهم ليه
وفجأه جودي فتحت
عينها وكأنها كانت سمعاني
= انا مغدرتش بيك انا كنت بساعدك.. هتستفاد ايه لما تقتل اسلام 

اييييه!! الحيوان كان عايز يقتل الوحش بتاعي 
-كفايه اني هبقي خدت طار ابويا اللي اترمي في السجن بسببه
ياسين =والمفروض يعمل ايه يا روح امك يخده بالحضن لما يلقيه داخل عليه الكامين ومعاه هيروين 
-وليه مقبضش عليك ياباشا انت مكنتش مدمن برضو

ملامح وش ياسين اتغيرت وبص علي جودي فحطت عينها في الارض وبعد كده رفعتها تاني وكانت بتعيط 
=دا قبل ما احبك.. لما قولتلي ان جت عليك فتره وبقيت مدمن وكنت هتترفض
 لولا اسلام سعادك انك تبطل.. انا كنت ماليش غير مايكل وهو و باباه اللي خدوني لما اهلي رموني في الشارع عشان كده وافقت اني اساعده نرجع الراجل اللي ساعدني زمان.. في البدايه 
خليتك تحبني وجيت احكيله كل حاجه بس والله بعد كده اتعلقت بيك وحبيتك وبقيت الوقت كله معاك خايفه مايكل ياذيني عشان كده حكتلك انت واسلام باشا.. اااااه 
هنا كان مايكل شد السكينه اكتر علي رقبتها فعورها 
ياسين =ماااايكل ايااك 
-حبيتها اوي كده ياباشا…احكيلك الاخت اشتغلت ايه قبل ما منا نساعدها.. هقولك كانت راقصه والله اعلم كانت ايه كمان 
جودي كانت بتعيطت =اقتلني يا مايكل اقتلني انا بكره نفسي اوي.. اهلي هما السبب 
والله هما السبب.. (وبدأت تصرخ) واحده امها راقصه وابوها طبااال عايزانها تطلع ايييه.. ارحموني بقي انا مليش ذنب والله نفسي ابقي زي كل البنات اتعلم واحب وحبيبي يجي
 يطلبني من اهلي.. بس اتولدت لقيت نفسي عايشه في عشه وامي ابويا بيروحو الموالد.. (بصت لياسين) انت الوحيد اللي كنت برتاح معاه كنت بحب جدا ابقي معاك علي طول بس برجع و افكر نفسي انا فين وانت فين.. انا اسفه 
فجأه قامت شددت ايد مايكل فرقبتها اتجرحت وقعدت تنزل دم كتير ياسين جري عليها = ايه اللي عملتيه دا يا غبيه 
جيت امسك في اسلام من الخوف ملقتوش.. وفي غمضه عين الوحش كان واقف ورا 
مايكل ولف رقبته بحركه سريعا فوقع ميت...ياسين شال جودي وخرج بيها، والوحش قرب مني وامسك ايدي وخرجنا ورا جودي و ياسين 
=روحي اركبي مع ياسين وروحي معاه المستشفى 
-انا هفضل معاك 
وفجأه العربيه بتاعت ياسين اتحركت 
-اهو سبني ومشي 
=طيب خليكي هنا 
وراح وقف علي جنب بيتكلم في الفون شويه، افتكرت منظر الدم وهو خارج من جودي وخفت اووي وقعد ادعي ربنا يقومها بالسلامه 
=يلا عشان اروحك انتي تعبتي اوي 
-ايوه انا تعبت اوي بجد دماغي هتنفجر من كتر التفكير 
=بتفكري في الحصل 
ـ اه عايزه افهم كل حاجه 
=طيب ياستي بالمختصر المفيد اول ما اتعينت جديد وقفت مره في كامين و ابو مايكل كان راكب العربيه ومكنش يعرف باين ان فيه كامين في المنطقه دي.. انا مكنتش هفتش عربيته ولا حاجه بس التوتر والخوف اللي في عينه خلتني اشك فيه فتشت العربيه ولقيت كيس هيروين محشور في الكرسي وخد تأبيده وانتحر جوا



-طب انت ذنبك ايه انت كنت بتشوف شغلك 
=انا عارف بس هو ميعرفش كده.. دا مهما كان ابوه ومكنش ليه غيره قعد يخطط ويتكتك و برمج حياته كلها علي الانتقام مني.. بس جودي سعدتنا كتير اوي
-طب ليه مقتلتوش من زمان او حتي سجنته 
=ما دا كان شرط جودي نديله فرصه وهي هتحاول تقنعه
-طب هو ليه ضحك عليا انا وفهمني انه ظابط زيكو و ان ياسين بيكرهك 
=لانك هبله يا قلبي وبتصدقي اي حد 
-احترم نفسك 
=والله دا جه قالك كلمتني صدقتيه بدون اي دليل ومشيت وراه زي لامؤخذه الجموسه
-ما تبس بقي يا اسلام دا انت بارد.. يلا وديني المستشفى عشان اطمن علي جودي
=اطمني مش جرح خطير 
-يا سلام مين قالك
=انا عارف 

شوفت عربيه إسعاف وبوليس جايه من بعيد 
-يالهوى بوليس يا اسلام اجري
=اجري ايه دا انا اللي طلبهم 
=اسلام باشا.. هو فين 

دا كان ظابط 
-هتلقيه جوا علي الارض 
مسك ايدي =يلا بينا 
وركبنا العربيه - اسلام هو انت ممكن تتأذي لما يعرفوا انك اللي قتلته 
=لا دا دفاع عن النفس 
روحنا المستشفى وياسين طمنا ان الجرح مش عميق اوي، بصيت لاسلام بصدمه قام غمزلي هييح… جودي فاقت بس كانت ممنوعه الكلام
ياسين = حمدلله على السلامتك يا حبيبتي.. بحبك 
=مش عرفه ليه يا ياسين اول ماشوفتك مرتحتلكش 
-شعور متبادل ياحبيبتي 
=سامع يا اسلام 
-اه ياحبيبتي سامع انا مش اطرش 
=طب ما ترد دا بيهين مراتك 
-مراتي!!!

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

↚
الاخيره
ـ مراتى!!؟ 
=يعني انت سبت بيهين و مسكت في مراتك
-اه انا امسك في اللي يخصني بس 

جودي حاولت تتكلم معرفتش فقعدت تشاور واللي فهمناه منها انها بتسأل علي مايكل.. معرفناش نقولها ايه كلنا سكتنا ففهمت اللي فيها وعيطت.. ياسين خدها في حضنه واسلام خدني وخرجنا برا 
=تفتكر هتبقي كويسه 
-متقلقيش مادام ياسين معها..
سيبك منهم وقوليلي ايه موضوع مراتي دا 
=هو دا وقته يا اسلام انت لسه قاتل واحد وجودي في المستشفى و
-خلاص غوري انا غلطان 
=انت زعلت يا وحش 
-وحش!!! 
=اه دا اسمك الجديد اي رأيك فيه
-زي الزفت 
=لا دا جميل خالص دا انا حته مسمياك كده علي الفون 
-مسمياني الوحش؟.. طلعي الفون حالا وغيريه
=لا لا 
-رررغد انا بقولك بالأدب طلعي الفون وغيريه 
=وانا بقولك لا 
-رررررغد 
=اطلعوا برا انتو الاتنين 

دا كان ياسين بيطردنا
خدنا ما تبقي من كرامتنا وخرجنا.. الوحش فضل قالب وشه طول ماحنا راكبين العربيه اول ما وصلنا عند بيتي 
-انزلي 
=اي دا انت زعلت يا ولا
-رغد انزلي انا تعبان وعايز انام 
=خلاص يا زفت هغيره دا انت رخم 
-ايوه كده اتظبطي واعملي حسابك هجلكو الخميس الجاي اكتب كتابي عليكي 
=مرفوض 
-مرفوض!! الله يرحم لما كنتي مبتغسليش ايدك لما اسلم عليكي 
=ليه ياخويا ديتول 

فضلنا نتخانق كده لحد ما ماما رجعت من السوق وشفتنا…. 

يوم الخميس… 

الوحش كان قاعد قدامي بالبدله السودا اللي هتاكل منه حته.. كان ماسك ايدي تحت المنديل
بحنيه اوي.. فضلت سرحانه في جماله لحد ما لقيت الفرح كله بيضحك علينا.. اتاري الشيخ خلص ورفع المنديل وانا لسه متبته علي ايده 
=الف مبروك يا حبيبتي.. اخيرا بقيتي مراتي 
-اخيراً ايه يا اسلام دا انت عرفت اني بحبك من كام شهر 
=طب والله العظيم انا زباله اني اتكلم معاكي 
-لا اصلي حسيت وانت بتقول اخيراً اكنك حربت العالم كله عشان توصلي.. انا مكنتش عايزه اتجوز كده
=ماتتهدي بقي مشوفتيش نفسك كل ما تحصل حاجه بتفضلي متنحه و مرعوبه 
-علي الاقل مش بتكوم في حته والناس تفضل تضرب فيا... الفستان يلا
=لا بقى انا المرادي دا بالقصد 
-اخرسوا فضحتونا 
دا كان ياسين كالعاده وكان معاه جودى 
=انت مش شايف صحبك كل شويه يدوس على الفستان 
-صحبي ويعمل اللي هو عايزه 
=نعم نعم.. بت يا رغد لو زعلك في يوم سبيله البيت وتعالي عيش عندي 
-عندك ازاي وانا هروح فين 
=روح ياحبيبي عيش مع صحبك 
بص اسلام و ياسين لبعض 
=ادبسنا 
-ادبسنا 

وضحكنا كلنا وكان يوم جميل جدا بكل ما يحمله من حب واخلص و التخلي عن الماضي
بالتشبث بالحاضر بين ياسين و جودي فقد وجدت تحقق حلمها بزواج بمن تحب وعيش حياه كريمه كا باقي البشر

علي الجانب الاخر الوحش والعنيده ينظر لها ويتعجب فكيف لم ينتبه لذلك الجمال في الماضي، تذكر ما مرت به من معاناه فأقسم بداخله علي تعويض كل ما فقدته فقد اصبحت طفلته وحبيبته وزوجته المصون 

غرقت بسحر عينه الفتاك، شعرت وكأنها ملكت الدنيا، صبرت وتحملت الكثير فعوضها الله 
بأنسان احبها من قلبه، يسعي لاسعدها، والان فقط احست بالراحه والطمأنينة فقد اصبحت حرم المقدم " اسلام الوحش"
تمت بحمدالله

تعديل المقال
الأقسام

مقالات قد تهمك

تعليقات



    حجم الخط
    +
    16
    -
    تباعد السطور
    +
    2
    -