رواية قلب ارهقته الحياة كاملة جميع الفصول بقلم هناء النمر

دار الكتب

اخر تحديث :

رواية قلب ارهقته الحياة كاملة جميع الفصول بقلم هناء النمر

رواية قلب ارهقته الحياة كاملة جميع الفصول هى رواية من تأليف المؤلفة المميزة هناء النمر رواية قلب ارهقته الحياة كاملة جميع الفصول صدرت لاول مرة على فيسبوك الشهير رواية قلب ارهقته الحياة كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية قلب ارهقته الحياة كاملة جميع الفصول

رواية قلب ارهقته الحياة كاملة جميع الفصول

فى أحد صالونات التجميل فى احدى القرى البسيطة فى محافظة المنوفية ،

...هدى ، يلا عشان تلبسى الفستان ، سرحانة فى ايه بس ، الساعة بقت 6 ، اوعى تكونى سرحانة فى الدخلة ...

... دخلة ايه بس ، انا قلبى مقبوض اوى ...

...من ايه يادودو ، دى شكة دبوس ، متقلقيش ...

... برده ، اقولها ايه تقولى ايه ، بت انتى ، ابعدى عنى دلوقتى ...

...أبعد عنك ازاى بس ، بقولك الساعة بقت 6 ، والعريس هييجى 8 ، يعنى يادوب تلبسى وتخلصى مكياج ...

صدر صوت فتاة أخرى من خلفهم

...ها ، ايه رأيكم ، مزة انا ، صح ، وحياتك لشباب الفرح كلهم بيجو يخطبونى الليلادى ...

ردت هدى بغضب ...ليلة أمك سودا ، الزفت ده مش كان ليه بودى ، لابساه من غيره ليه ...

ردت هدير ... ليه يادودو بس ، مش باين حاجة غير نص دراعى ...

... نعم ياختى ، ده نص دراعك ورقابتك واكتافك ، غورى من قدامى ياهدير وروحى البسى البودى ، مش كفاية الفستان هيتمزع من ضيقه ، يلا أمشى ...

...طيب ، براحة ، يعنى يرضيكى تنكدى على اختك الصغيرة ليلة فرحك ...

...وانكد على اللى خلفوكى كمان ، روحى ياهدير ، متطلعيش جنانى عليكى ..

تدخلت هيام وهى الاخت الثالثة لهما وهى أصغر من هدى أيضا لكن بسنة واحدة بينما هدير أصغر منها بثلاث سنوات

...خلاص ، روحى ياهدير بقى البسى البودى وعدى الليلة دى على خير ...

...يووووه ، ادينى رايحة ، ايه الارف ده ...

،،،وانتى ياهدى ، اهدى شوية مش كدة ، والنبى ده شكل عروسة ليلة فرحها ، آمال تمريض ايه بقى اللى بيقولوا عليه فاهم كل حاجة ...

...إيه ياهيام ، انتى ليه مركبة فى دماغك أنى خايفة من الدخلة ، بقولك قلبى مقبوض ، فى حاجة غلط بس مش عارفة هى ايه ...

...حاجة ايه بس ، هيثم بيحبك وبيموت فيكى كمان ، ناقص ايه بقى ...

..أه بيحبنى ، بس اهله بيكرهونى عما ، والنبى قفلى على السيرة دى ، وهاتيلى النيلة ده أما اتنيل البسه،...

...نيلة وتتنيلى كمان ، شكلها ليلة منيلة بستين نيلة. ..

ضحكت هدى على رد أختها هيام ، فهى أقرب أخواتها لها رغم الاختلاف الواضح فى طريقتى تفكيرهما،

فهدى لديها أربعة أخوات ، هيام وهدير أصغر منها ، وهايدى وهوايدا أكبر منها ، فهن بترتيب العمر كالآتي، ، هوايدا ثم هايدى ثم هدى ثم هيام ثم هدير،

هوايدا وهايدى هم المتزوجات فقط ، هوايدا فقط من لديها اطفال ، لكن هايدى متزوجة من سنة لكن لم يحدث حمل بعد ،

والدهن متوفى منذ أثنى عشر عاما ، وتولت والدتهن تربيتهن وحدها من ريع محل بقالة انشأته فى الدور الأرضى فى بيتها من مكافأة نهاية خدمة زوجها فى وزارة الأوقاف ، فقد كان مبلغا بسيطا لأنه توفى قبل أن يصل لسن المعاش،

ساعدتها هدى فى مصاريف أخواتها ، فقد كانت الوحيدة التى تعمل بينهن ، التحقت بمعهد فنى تمريض وأكملت بعده كلية تمريض ، وعملت فى أحد المستشفيات الخاصة المرموقة بشهادة المعهد ، و بمرتب جيد بالإضافة للاكراميات التى تأخذها من المرضى ، وليس فى يدها ، فقد كانت هدى ذات كرامة وعزة نفس عالية ، لا تأخذ مالا من المرضى أو زويهم ، لكن معظم المرضى يتركون لها مبلغ من المال مع الحسابات وقت خروجهم ، ولا تعلم به إلا بعد خروج المريض من المستشفى .

ارتفعت أصوات أبواق السيارات فى الخارج ،وارتبك المكان ، دخلت هدير مسرعة وهى تقول

... العريس وصل ، العريس وصل ...

خرجت هدى من الباب فى اتجاهها للخارج وخلفها اختيها يساعداها فى الحركة ، كانت كالملاك فى فستانها الأبيض وحجابها الزهرى الرائع، وجدته ينتظرها عند الباب يرتدى بدلته السوداء الجنائزية ،،كما تسميها هدى فهى تكره اللون الأسود جدا ،،

قبل يدها ، وساعدها فى ركوب السيارة ، كانت الفرحة تبدوا على وجهه ، عكس هدى تماما ، فقد كانت مهمومة ولا تعلم لماذا .

انطلقوا بالسيارات فى اتجاه استوديو التصوير الفوتوغرافي ، تم عمل البوم لهما كما يتم فى الافراح ، ثم اتجهت السيارات للمكان المقام فيه سرادق الفرح ، فقد صممت والدة العريس على إقامة الفرح أمام منزلهم وليس فى قاعة محترمة بحجة تخفيف المصاريف وزيادة فرحة الاهل ، وبالطبع الكل ينفذ كلامها ، وهذا أكثر ما كانت تخافه هدى .

صعدت العروسة والعريس فى اتجاه المكان المخصص لهما ، بعد ان سلمت على والدتها واخواتها هوايدا وهدير ، وبدأت أنغام DJ فى التصاعد ، وبدأ أهل العريس وأهل العروسة فى الرقص ،

بعد حوالى ساعة من بداية الفرح ، بدأت هدى تلاحظ همهمات بين الناس ونظرات غريبة لها من الناس خاصة من أهل العريس أو بمعنى أصح أهل زوجها ، وبدأ ظهور تجمعات من الناس مع بعضهم ، وبدأ ارتفاع الأصوات ، وظهر الارتباك بين كل الموجودين فى الفرح ،

وجهت هدى انظارها لأمها وأخواتها ، وجدت أنهن فى حالة غريبة ، لدرجة أنها لمحت دموع على وجه أمها ،

وقفت هدى وأشارت لل DJ أن يتوقف ، وارتفع صوتها وهى تنظر لأمها

...هو فى ايه ، مالكم ؟

صعدت هوايدا ف اتجاهها وهى مرتبكة تماما لدرجة أنها كادت تفقد توازنها لولا أنها تمالكت نفسها حتى وصلت لها ،

مالت على إذن هدى وهى تقول بصوت مرتعش

...الناس بتقول أن انتى حامل ....

يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

بدأت هدى تلاحظ همهمات بين الناس ونظرات غريبة لها منهم خاصة من أهل العريس أو بمعنى أصح أهل زوجها ، وبدأ ظهور تجمعات من الناس مع بعضهم ، وبدأ ارتفاع الأصوات ، وظهر الارتباك بين كل الموجودين فى الفرح ،

وجهت هدى انظارها لأمها وأخواتها ، وجدت أنهن فى حالة غريبة ، لدرجة أنها لمحت دموع على وجه أمها ،

وقفت هدى وأشارت لل DJ أن يتوقف ، وارتفع صوتها وهى تنظر لأمها

...هو فى ايه ، مالكم ؟

+

صعدت هوايدا ف اتجاهها وهى مرتبكة تماما لدرجة أنها كادت تفقد توازنها لولا أنها تمالكت نفسها حتى وصلت لها ،

مالت على أذن هدى وهى تقول بصوت مرتعش

...الناس بتقول أن انتى حامل ....

نظرت لها هدى بزهول وعيون متسعة وهى تقول

...إيه ، انتى اتجننتى ...

أشارت هوايدا بيدها على الناس والدموع تملأ عينها وقالت

...هم اللى بيقولوا ...

التفتت هدى لزوجها الذى قد كان وصله ما قيل هو الأخر ، فوجدته متجمدا تماما لا يتحرك ،

تقدمت هى للناس ، واستجمعت شجاعتها التى لا تعلم من أين اتتها فى هذا الموقف ، وقالت

...إيه اللى انتوا بتقولوه ده ...

ساد صمت تام بين الجميع وهم ينظرون لها ،

صرخت بصوت عالى ،

...ما حد يرد عليا ، مكتومين ليه ؟ ...

ردت والدة العريس ، الحاجة لواحظ ، والتى لم ينوبها من زيارتها لبيت الله إلا المصاريف ،

...اللى سمعتيه ياعين أمك ، كلهم بيقولوا انهم شافوكى كتير راجعة مع إللى ما يتسمى ده بعد الساعة 10 بليل ...

...دى مرة واحدة ، وكنت راجعة من نبتشية واتقابلنا صدفة ، و مشيت معاه عادى ، لأن مكتوب كتابنا يعنى جوزى ، وبعدين ده اصلا يخليكوا تقولوا الكلام ده ، انتوا عارفين انتوا بتقولو ايه اصلا ....

....والله جوزك ، مش جوزك ، ملناش فيه ، إحنا عايزين ندخل بيتنا واحدة نضيفة. ..

عند هذا الحد من الكلام ، هاج الجميع على بعضهم ، أهل العريس وأهل العروسة ، أما المحايدين فيحاولون فض الاشتباكات ، وبدأوا بالسباب والشتائم فى بعضهم وبأقزر الألفاظ ،

استدارت هدى لزوجها ، منتظرة منه أن يتكلم ، يصرخ ، يخبر الجميع أنه لم يحدث شئ ، وأن حدث فهى زوجتى ، لكن للأسف لم تجد غير حالة من الجمود الغريبة التى اعتلته ،

عادت بعينها مرة أخرى واخذت تدور بعينيها بين الجميع ، وجدت أن الزفاف سيتحول إلى مجزرة بسبب الشرف ،

وقعت عينيها على أمها و أخواتها ، وجدتهم يصرخون ويبكون وكل منهم تحتمى بالأخرى ،

أن لم تستطع إثبات عكس ما قيل ، سيهدر دم الكثير ، ولن تموت الشائعة ابدا ،

وستسوء سمعة اخواتها ، وستتحول المتزوجات منهن لمطلقات ، ولن تتزوج الأخريات ، فهم خمس فتيات تربين على يد امرأة بدون رجل فى حياتهم .

لم تعلم هدى كيف واتتها الشجاعة لتواجه ما يحدث

صرخت فى الجميع بأعلى ما فى صوتها قائلة

....بس ، بس ، كفاية ....

بدأت الأصوات تهدأ شيئا فشيئا ، وانتبه لها الجميع ،

...إيه اللى انتوا بتعملوه ده ، وليه ؟ عشان واحد ولا واحدة زبالة بنت كلب ، قالت كلام زى ده من غير أى أساس ، انا واخواتى متربيين فى وسطكوا من يوم ما اتولدنا ، ومفيش مخلوق قدر يقول فى حقنا نص كلمة ، جايين دلوقتى عشان كلمتين فاضيين، صدقتوهم فى ثانية ، وهتموتوا بعض كمان ...

استدارت لمحمود ابن عمها وقالت له

...روح يامحمود ، هاتلى خالتك أم إبراهيم الداية ...

استدارت لام زوجها وقالت

...طلبتيها واديكى نولتيها يالواحظ ، مكنتيش عايزة الجوازة تتم ، وأهى مش هتم ...

وعادت تواجه جميع الحاضرين وهى تقول

...الدخلة هتتعمل بلدى وبإيد الداية ...

1

والتفتت لزوجها وهى تقول

...وفى شقة المحترم جوزى وعلى سريره كمان ، جوزى اللى الكتمة جاتلوا ومفتحش بقه بكلمة يدافع بيها عن شرف مراته ، مراته اللى مسمحتلوش يمسك ايدها ولا حتى بعد كتب الكتب ...

ثم استدارت مرة أخرى للجميع وقالت

... والباب هيبقى مفتوح ، أى واحدة منكم عايزة تتفرج ، تتفضل ، وعلى عينك ياتاجر ...

2

عادت بنظرها لابن عمها مرة أخرى وهى تقول ،

...مش سمعت انا قلت ايه ، يلا روح ، وفى دقيقة تكون هنا ...

والتفتت مرة أخيرة للحضور وقالت

...من هنا لوقتها ، مش عايزة مخلوق يفتح بقه ، لا رجل ولا مرة ، خسارة حد يتأذى عشان كلمتين فارغين من واحدة سافلة ، على بنت ناس أشرف منها مليون مرة ....

قالت كلماتها وهى تقصد بها امرأة بعينها

رفعت هدى فستانها ونزلت سلم المسرح ، وانطلقت وحدها من بين الجميع باتجاه بيت زوجها تبعها أمها وأخواتها وهم يحاولون أن يمنعوها عن ما نوت عليه ، لكن بدون فائدة ،

وقفت أمام شقة العرس التى جهزتها بنفسها وهى لم تملك حتى مفتاحها بعد ،

صعدت عمة العريس وقامت بفتح الشقة ، وتبعها خال العريس وهو يقول لهدى

...مفيش داعى للى انتى ناوية تعمليه دا يابنتى ، كلنا عارفينك ومربينك على ادينا ..

...لو انتو فعلا كدة ، كنتوا رديتوا عنى ، لكن خلاص ، انا اللى هرد عن نفسى وعن اخواتى ..

دخلت الشقة ، واتجهت لغرفة النوم ، شدت الفستان بعنف ومن شدة غضبها مزقته ، اتجهت هدير لها وهى تبكى لتساعدها فى خلع الفستان ،

وقفت بقميص النوم الأبيض الداخلى ، اتجهت للسرير، نامت عليه ، وفتحت قدميها ، تقدمت منها الداية العجوز وهى تبكى هى الأخرى ، ووقف أكثر من خمسة عشر امرأة من أهلها وأهل زوجها ، وليس من بينهم والدته،

تحملت الألم والمذلة من أجل أربع فتايات يبكون حولها ومن أجل امرأة ضاع عمرها عليهن ومن أجلهن، امرأة تقف بجانبها تنوح حظ أقرب بناتها لقلبها ، تنوح حظ سندها وظهرها ، كما كانت تقول دائما عنها ،

أما فى الخارج فيقف الجميع على أحر من الجمر ،

وفجأة صدعت الزغاريد من كل أنحاء الشقة ، تبعها زغاريد فى كل أنحاء البيت والشارع ، وكأنها صادرة من كل أنحاء البلد وتدوى أيضا فى كل أنحاء البلد لتنفذ فى أذن كل من أراد تشويه سمعتها وشرفها ،

سندوها أخواتها لتقف ، طلبت منهم أن يلبسوها عباءة بيضاء ، جائوها بالعباءة المجهزة للصباحية، بيضاء ومرصعة بفصوص فضية ، ارتدتها وخرجت أمام الجميع ، وقفت أمام زوجها وعائلته ، وقالت

...ورحمة أبويا اللى عمرى ما حلفت بيه لأبكيكو بدل الدموع دم ...

وتركتهم وابتعدت وحولها اخواتها الاربعة ووالدتها باتجاه بيتها ،

********************************************

وقفت أمام مرآتها ، تتأمل نفسها فى ليلة زفافها ،

خرجت من بيتها عزراء وعادت له فى نفس الليلة بعدما فقدت عذريتها بدون أن يلمسها رجل

يملئ الحزن قلبها ويمزقه ، وتقسم داخلها انها ستنتقم ممن سبب لها هذا

يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

خرجت هدى ثانى يوم مبكرة جدا رغم اعتراض كل من حولها على خروجها ، لكنها لم تأبه بإعتراضهم ،

وصلت لبيت صديقتها منى ، وهى صديقتها وأكثر من أخت لها ، معا من أيام بداية معهد تمريض مرورا بالجامعة سويا ، حتى مكان استلام العمل الحكومى ، كانا الاثنان فى نفس المستشفى ونفس القسم أيضا،

كان والد منى محامى معروف ، ويكن لهدى احترام وتقدير عالى جدا ، لقدرة الفتاة على مواجهة أزمات حياتها ومساعدة أسرتها ، وفى نفس الوقت الحفاظ على نفسها من وظيفتها ومشاكلها ،

جلست هدى أمام والد منى ، الأستاذ محسن عنتر ،

...أنا عارفة ياأستاذ محسن ، أن مش معايا فلوس كفاية اصرف على قضية زى دى ، بس ممكن اتفق مع حضرتك على حاجة ، ممكن ادفع لحضرتك ربع كل اللى هتقدر تجيبه منه ...

...مفيش داعى لده كله ياهدى ، القضية هرفعهالك، والفلوس دى نبقى نتكلم فيها بعدين ...

...لا معلش ، اللى أوله شرط آخره نور ، لأنى فعلا ممعيش ادفع ، وكل اللى انا عايزاه انهم يدفعوا تمن اللى حصلى ده ...

...متقلقيش ، وحياة اللى حصل ومرضاش انه يحصل لبنتى لألففهم حوالين نفسهم ، عايزك بس تروحى تعمليلى توكيل. ..

...حالا اروح اعمله لحضرتك ...

...وأنا هعملك قضية تخرب بيت اهله هطلقك وهجبلك تعويض ورد شرف كمان ...

...ربنا يخليك ، بعد اذنك بقى ، الحق اعمل التوكيل قبل ما الشهر العقارى يقفل ...

...استنى ، منى بتلبس وجاية معاكى ....

...مفيش داعى عشان متعبهاش ، انا هروح لوحدى. .

...وده من انتى ياهدى ، دا انتى كنتى بتيجى تتحايلى عليا عشان اسيبها تروح معاكى المشاوير ...

.....هههههههههههههههه، صدمتى غيرتنى بقى ...

..لا ، ميهمكيش ، يمكن ربنا شايلك اللى احسن ...

...الحمد لله ...

دخلت منى وهى تقول ...أنا جاهزة ..

1

...لحقتى ...

...يابنتى انا جاهزة من الصبح ، لما اتصلتى بيا وقولتى انك جاية ، استأذنت بابا أنى اروح معاكى ، واقعد معاكى شوية ...

...أه قولى كدة ، لا يافالحة ، البيت عندى مولع دلوقتى ، مينفعش للقعاد ، روحى معايا الشهر العقارى وبعدين تعالى على هنا ...

...ماشى ...

...بعد اذنك ياعمى ...

**************

أنهت هدى اجرائات التوكيل ، وأعطت الورقة لمنى ، لتعطيها لوالدها ، ثم اتجهت الاثنتان لأحد الكافيهات ، ليجلسا سويا ، ويتحدثا بتصميم من منى ،

...ها ، ناوية على ايه ياهدى ...

...معرفش لسة ، اخلص بس الحوار ده ، وبعدين نشوف ، ومتنسيش أن الأحداث اللى حوليا هى اللى بتحركنى دلوقتى ...

... هههههههههههههههه. .

...بتضحكى على ايه ياهبلة انتى ...

....افتكرت كلامك يوم ما كنا بنلف على الفستان ، لما قولتى أن نفسك فى اى حاجة تيجى من عند ربنا تفركش الجوازة دى ، اهى جت ياختى. ..

...بصراحة اتمنيتها بس مش بالطريقة دى ...

...أحمدى ربنا انك طلعتى سليمة من الليلة دى ...

...سليمة ، هو انا كدة طلعت سليمة ، آمال اللى ضايعة تبقى شكلها ايه ...

...ضايعة ايه يابنتى، متقوليش كدة ، دا الناس كلها دلوقتى بتحترمك جدا ، لما حكيت لبابا على اللى حصل امبارح ، حلف بالله انه لو عنده ولد متجوزش، مكانش سابك ابدا ، بس للاسف الوحيد اللى عنده ،متجوز ومخلف ....

...أه يا اختى ، وماله عشان تبقى كملت ، اتجوز المتخلف اخوكى ....

....ههههههههه ، والله طيب ...

...دا انتى اللى طيبة ....

...بس استنى عندك هنا ، ايه الشجاعة دى ، يخربيتك ، دا انا كنت هموت وانا واقفة ، فما بالك انتى بقى ، فجأة الاقيكى كدة ، يانهار اسود ، دا انا مبقتش مصدقة ، صحيح انا عارفة أن انتى جامدة ، وانتى اللى دايما بتقفيلنا فى المشاكل ، بس مش للدرجة دى ...

...صدقينى والله يامنى ، انا محسيتش بنفسى وانا بقول وبعمل كدة ، لدرجة أنى لما فوقت من الموضوع ده ، استغربت نفسى اوى ...

...الحمد لله أنها خلصت على كدة ، كان ممكن الموضوع يوصل لأسوأ من كدة ، المهم هتعملى ايه فى شغلك ...

...هعمل ايه يعنى ، هكلم مدام حياة تحطنى شفتات من بكرة ، عايزة ارجع الشغل بأى شكل ، والحكومى بقى لما تنتهى الإجازة أبقى ارجع ...

...ربنا يسهل ، أما اروح بكرة الشغل ، هقولها ، ماشى ...

...ماشى ، يلا نقوم بقى ، عشان متأخرش اكتر من كدة ، زمانهم بيضربوا اخماس فى اسداس ، المفروض أن انهارضة صباحيتى. ..

...أه صحيح ، صباحية امباركة ياعروسة ، هههه. ..

***************

وصلت هدى لمنزلها بعدما كادت تفقد اعصابها من نظرات الناس على طول الطريق ،

..إيه ياهدير ، واقفة على الباب كدة ليه ؟

....مستنياكى ، إعمامك فوق وبيتخانقوا عشان انتى خرجتى ...

...طيب اهدى ، انتى مخضوضة كدة ليه ، مين مع أمك ...

...هوايدا و مسعد جوزها ...

...وانتى ، جوزك فين ...

...أنا عارفة ، خرج من الصبح ومعرفش راح فين ...

...طيب تعالى أما نشوف جايين ليه ، أصلهم مبيجوش إلا فى الخير ...

دخلت هدى المنزل ، وقبل أن تصل لباب الصالون سمعت عمها رفعت يقول

...هترجعله من غير كلام ، هو جالنا واحنا خلاص وافقنا ، هو وابوه جايين دلوقتى عشان ياخدوها وشرفنا متصان أن شاء الله ....

دخلت هدى و هى مبتسمة قائلة

...لا والله ، شرفنا متصان ، أمال لو كان متهان ولا مزلول كانوا عملوا فينا ايه ...

...أهلا ، انتى ايه اللى خرجك ياهدى ...

...أنا أخرج وقت ما أحب ، محدش شريكى. ..

...ليه ان شاء الله ، صايعة ولا سلبتك على ضهرك ، انتى ناسية انك متجوزة وفى عصمة راجل ...

... راجل ، اه ، سلمات ياراجل ، أولا ياعمى ، انت مبتكلمش بقرة عشان تقوللى سلبتك ، ثانية انا مش صايعة ، وانتوا عارفين كدة كويس ، ثالثا بقى وده الأهم ، جوازى اللى انت بتتكلم عنه ده خلاص ، بح ، كان فى منه وخلص ...

+

تدخل مسعد ، زوج أختها ، ليهدأها

...الكلام مش كدة ياهدى ، اهدى واعدى الأول ...

...مفيش كلام اصلا يامسعد ، وآخر كلام عندى ، قلته خلاص ...

...يعنى إيه ...

...يعنى قضية الطلاق هتترفع بكرة ، واللى عنده اعتراض يخبط رأسه فى الحيطة ..

... قضية طلاق ، انتى اتجننتى ، رفعتيها امتى ؟ والناس اللى جاية دى هنقولهم ايه ؟ ..

...رجلهم مش هتعدى باب البيت اصلا ، ولو عدت هكسرهالهم ....

...بمزاجك أو غصب عنك ده جوزك ياهدى ...

....شوية تقوللى فى عصمة راجل ، ودلوقتى تقوللى جوزى ، جوزى ده لما الناس قطعت شرفى قدامه ، تنح ومنطقش ، جوزى اللى المفروض أنى فى حمايته، رمانى لأمه واهله يقطعوا فيا وهو واقف يتفرج ، اسمعوا بقى ، من الاخر كدة ، الطلاق هيتم وهخرب بيته هو وأهله ، قولولهم الكلام ده كأنه جاى منكم انتوا ، بدل ما الناس تقول ان البت كسرت كلام اعمامها ، وطبعا دى مش هتفرق معايا كتير ، دول قالوا عنى حامل ، فى اكتر من كدة ايه. ......

يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

قضت هدى أكثر من ثلاثة أيام فى حالة من الشد والجزب بينها وبين كل من حولها ، فآثرت الابتعاد عنهم جميعا والاختلاء بنفسها فى غرفتها لتتجنب مواضيع احاديثهم التى أصبحت سبب أساسى فى ضيقها ، فليس لديهم غير فلان قال وفلانة أعادت ، هذا يريد وهذه ترفض ، كل المواضيع متعلقة بما حدث ليلة زفافها .

الشئ الوحيد الذى انقذها هو اتصال مشرفة تمريض المستشفى الخاص التى كانت تعمل بها فى القاهرة ، لتخبرها أنها وضعت لها روستر شفتات من بداية الأسبوع ، ومن حوار المكالمة استنتجت أنها تعلم ما حدث ، هى شخصيا لم تحضر الفرح لكن جزء من زملائها فى المستشفى حضروا وبالطبع اخبروها بما حدث ، معنى ذلك أن المستشفى بالكامل تعلم بما حدث ، وهذا سيضيف أسبابا أخرى لضيقها! نظرات الشفقة والأسئلة التى ستتلقاها لن تنتهى ، لكن يهون كل هذا من أجل الخروج من المنزل والهروب من تفكيرها الى العمل ،

خرجت من تفكيرها على دخول هيام ،

1

...هدى ، هدى ...

....مش تخبطى على الباب ياحاجة قبل ما تخشى ولا انا قاعدة فى السوق ...

...اخبط ايه بس ، هيثم برة ...

...نعم ياختى ، بيعمل ايه هنا ومين دخله اصلا ..

..معرفش ، هو جاى ومعاه عمك ...

...وبعدين بقى ، انا مش هخلص ولا ايه ....

دخلت والدتها وهى تقول .... هيام ، روحى انتى ...

خرجت هيام والتفتت الحاجة هدية لهدى وهى تقول

...هدى ، عمك ...

...متكمليش ياماما ، اطلعى لو سمحتى اطرديهم بدل ما اطلعلهم انا ...

...اطرد مين ياهدى ، ده عمك وجوزك ...

...برده بتقول جوزك ، ارحمينى واعملي اللى بقول عليه ...

....ارحمينى انتى واخرجيلهم يابنتى ...

....أنا لو خرجت هصور قتيل برة ، والله اعملكم مصيبة ...

...لا والنبى ياهدى عشان خاطرى انا ، اسمعى اللى جايين يقولوه بالراحة، وفى الاخر القرار ليكى بس متحرجيناش ...

...أنتى خايفة تحرجيهم ، خايفة تحرجى ناس قالوا على بنتك حامل يوم فرحها ...

...وحياة حبيبك النبى ياهدى ، اسمعي اللى جاى يقولهولك خلاص ، هو جاى وبيقول انه لو قابلك لوحدكم هيعرفنى يقنعك تروحى معاه ...

...ياشيخة ، كسبنا صلاة النبى ...

...خلاص بقى ، قلتلك عشان خاطرى انا ..

...حاضر ياماما ، اسبقينى وانا جاية وراكى ...

كان هيثم متخيلا أنها ستوافق على العودة معه اذا حاول اقناعها وحدهم ، فقد أخبره أصدقاءه أن هذه هى طريقة التعامل بين كل رجل وانثاه ، لكنه غفل عن تفصيلة صغيرة ، هى أن هدى لم ولن تكون انثاه ابدا ،

دخلت هدى وهى مرتدية عباءة سوداء تماما وطرحة بنفس اللون ، وكأنها فى حداد .

...السلام عليكم ...

..عليكم السلام ورحمة الله وبركاته. ..

...تعالى ياهدى ، هيثم جايلك لحد هنا أهو عشان يصالحك ...

تقدمت وجلست بدون اى تعبير على وجهها ، جلست فى مواجهة هيثم لكن لم ترفع عينيها له حتى الآن ...

قام العم ووقف ...طيب نسيبهم لوحدهم شوية ياست هدية ، إحنا هنبقى قاعدين فى الصالة لحد ما تخلصوا كلامكم. ..

خرج الرجل وتبعته والدتها ، وارسلت نظرة جانبية منها لهدى تستعطفها بها لتهدأ طوال حديثه .

بمجرد خروجهم، رفعت هدى رأسها له

...خير ، عايز ايه ؟

...عايزك ياهدى ، عايزك تيجى معايا بيتنا. ..

...أنهى بيت ده ، اللى انا اندبحت فيه ، وطلع عرضى بلدى واتفرج عليا الناس كلها ...

...أنتى اللى قولتى وطلبتى كدة ، محدش أجبرك ...

...عندك حق ، بس انا كنت برد عن نفسى ، برد عن شرفى وشرف اخواتى واهلى ، اصلى ملقتش حد يحمينى ويرد عنى ...

...أنا مقولتش حاجة والله ...

...فعلا وهى دى المشكلة اصلا ، أن انت مقولتش حاجة ، انت تنحت وبس ...

...حقك عليا انا ، انا اسف ...

قام من مكانه ليقترب منها ، لكن قبل أن يتحرك ،قالت

...مكانك ، خليك مكانك ياهيثم ، ملكش مكان جمبى ...

صدمته كلمتها وعاد للجلوس مكانه مرة أخرى

...ياهدى ارجوكى ، متخدنيش بذنب غيرى ...

...بقولك ايه ، سيبك من الكلام ده ، قوللى الأول ، انت بجد هنا ليه ، عشان بتحبنى زى ما بتقول ، ولا خايف من القضية ، وأمك اللى بعتتك. ..

...أنتى عارفة كويس اوى أنى جاى عشانك ومش فارقة معايا أى حاجة تانية ....

...أنا مبقتش عارفة حاجة خالص ، اللى عرفته وصدقته قبل كدة طلع كله كدب ،

اسمع ياهيثم ، وده آخر كلام هتسمعه منى ، رجوع ليك مش راجعة ، والقضية همشيها وهاخد حقى منكم ، وانت روح دورلك على بنت الحلال اللى تنفعك وتنفع أمك ...

وقفت وابتعدت خطوتين وهى تقول

...ونصيحة أخيرة منى ، انشف شوية كدة واسترجل ، اعملك شخصية قدام اهلك ، يااما هتفضل فى مشاكل طول حياتك ، واللى هتتجوزها هتظلمها وهتبهدلها معاك ...

تركته وخرجت ، واتجهت لغرفتها على مرأى من الجالسين وأغلقت الباب على نفسها بالمفتاح ، وبعدها بلحظة خرج هو الأخر واتجه لباب البيت دون حتى أن يلقى السلام ،

***********

وبعد هذا اللقاء أيقن الجميع أن هدى قد أغلقت الحوار والنقاش فى هذا الموضوع نهائيا ، بل أنهت الموضوع نفسه ، وبقرارها المبكر بعودتها للعمل قد بدأت تجهز للتعايش مع الموقف ،

اتجهت للمستشفى الحكومى التى كانت تعمل بها ،

قدمت على طلب إجازة لمدة سنة ، ارادت أن تنهك نفسها فى العمل الخاص ، فهو مرهق أكثر من الحكومى بكثير ،

**************

بعدما أنهت اجرائات الإجازة ، اتجهت لمستشفى دار الفؤاد الخاص لتستلم عملها الآخر ،

اتجهت لمكتب مدام سامية ، وهى مشرفة التمريض هناك لتستلم الروستر الخاص بها ، وقد كانت هذه السيدة تحترم وتقدر هدى جدا ، وتعلم جيدا إمكانياتها التمريضية جيدا ،

....مينفع ياهدى ...

...ليه بقى ، ده مكانى ، ليه تغيرينى. ..

...أنتى قدمتى استقالة اصلا قبل جوازك ، صحيح لسة متمضتش، ولسة ورقك مخلصش ، بس كان لازم احط حد مكانك ، شهد خدت مكانك ، وبعدين انا بصراحة محتاجاكى فى العناية اوى ، الحضانة مش مكانك ياهدى ...

...منا سبق ودخلت العناية وكرهت الشغل فيها، وطلعت منها تانى ، هتحملها دلوقتى يعنى ، بلاش والنبى يامدام سامية ....

...المرة اللى فاتت ، دخلتى مع حالات الغيبوبة الكبدية ، عشان كدة كرهتيها ، المرة دى الشغل احسن واخف ، هتدخلى مع حالات الكلى ، وفى الوقت الحالى بالذات عندى حالة زرع كلى فى عناية الدور السابع ، كدة تمام بقى أهو ، و عناية خاصة ، والراجل فايق اصلا ، و زارع من يومين ، بس هو وأهله مصممين على ممرضة خاصة وتكون شاطرة ، وهو من الشركا فى المستشفى ومحدش يقدر يقوله لأ ، وأنا رشحتك انتى ، ها ، ايه رأيك ...

...مش عارفة ...

...متقلقيش ، ده راجل محترم جدا ، هو سعودى اصلا ، ومفيش حد بيزوره غير مراته ، يعنى مفيش مشاكل ، هتتابعيه لحد ما يخرج من المستشفى ، وبعدها يمكن يكون مكانك فى الحضانة فضى ...

...أنا موافقة لو وعدتينى أن مع أول فرصة هترجعينى الحضانة تانى ....

...اوعدك ياستى ...

...شكرا يامدام سامية ، هروح انا بقى أجهز ، فاضل ساعتين على بداية الشفت ...

...ماشى ، وأما تيجى تستلمى، رنى عشان انا اللى هطلع معاكى اسلمك، وادخلك للحالة أعرفهم عليكى. .

...حاضر ، بعد اذنك ..

*************

بعدما بدلت ملابسها باليونيفورم الخاص بها والمكون من بدلة من بنطلون وجاكت قصير وحجاب ابيض صغير ، اتصلت هدى بالدور السابع لتسأل عن مرض الحالة التى ستمرضها ، فهى من هواة دراسة مرض الحالة جيدا قبل استلامها،

بالفعل اخبروها انه فشل كلوى مزمن ، وقد تم زرع كلى له منذ ثلاثة أيام ،

قامت ببحث على النت من خلال تيليفونها عن المرض وكل ما هو متعلق به ، قضت ساعة كاملة فى قراءة جزء منه ، والجزء الآخر سجلت لينك صفحته لتكمله فيما بعد ،

خرجت من السكن واتجهت للدور الخاص بها ، بعدما اتصلت بالمشرفة لتخبرها بأنها جاهزة لإستلام حالتها.

+

يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

وصلت هدى للدور الموجود به العناية سلمت على زملائها الموجودين ، واستلمت منهم ملف الحالة مع شرح وافى عن كل تفاصيل العملية وسير العلاج على مدى الثلاثة أيام الماضية ، من بينها انه تم حقنه بمهدئ منذ أمس سبب له النوم طوال هذه المدة ، لأن مثبتات المناعة التى تم حقنه بها لم تجدى نفعا ،وبدأ جسمه يواجه الكلية الجديد مما جعله على وشك الدخول فى غيبوبة مرة ثانية ،

وصلت مدام سامية للدور ، اصطحبت هدى فى الاتجاه الآخر عن العناية

...العناية من هنا يامدام سامية ...

...قلتلك مرة أنها عناية خاصة ، جناح الحجز اللى هنا اتجهز من شهرين واتعمل عناية....

...وهو الموضوع سهل كدة ...

..لأ طبعا ، هو نفسه اللى صرف على تجهيزها ، مش المستشفى ، الأجهزة اللى فيها بس متكلفة اكتر من 4 مليون ، وجاية كلها من ألمانيا ، هو اصلا اختيارك انتى بالذات كان عشان كدة ...

توقفا الاثنان قبل الوصول للنجاح بخطوات

...مش فاهمة ، فهمينى اكتر ...

...عدد بسيط من البنات هنا اللى ادربوا صح على الأجهزة دى ، وانتى واحدة منهم ، ومعظم الباقى ساب المستشفى، رجوعك حل أزمة معايا ....

.... فى هنا كتير فى الدور متدربين على نفس الأجهزة ...

...كل واحدة فيهم ماسكة مكان مينفعش تسيبه، ولو مكنتيش رجعتى كنت هضطر أنى أمسك حد ، بس انتى مختلفة شوية ، مهارتك فى الكلام مع الحالات بتعجبنى ،

خدى بالك والنبى ياهدى ، الامير فياض ده رخم ...

...هو أمير ...

...بيندهولوا بكدة ، بس لنا بحثت على النت عن سلالة البدرى اللى هو منها، لقيتهم من سلالة الشرفاء مش الأمراء، ويلا بقى ، نبقى نتكلم بعدين ....

دخلا الجناح ، وجدا سيدة وحيدة ، كانت تجلس وتستطلع مجلة فى يدها ، كانت يبدوا عليها الثراء الواضح رغم أنها ترتدى عباءة سوداء .

...مساء الخير سموك ...

...

..مسا الخير ...

...دى مس هدى ، الممرضة الخاصة اللى طلبتوها لسمو الأمير ...

+

... إيش ، هادى صغيرة ...

... لا يافندم ، مش صغيرة ، بشتغل معانا من 4 سنين ، و من أفضل الممرضات هنا ...

رغم ضيق هدى من كلام السيدة إلا أنها حاولت الاحتفاظ بإبتسامتها طوال الحديث .

... OK , we will see. ..

الان اغتاظت بالفعل من الرد ، لكنها استأذنهم ودخلت غرفة الأمير ومعها الملف الخاص به لإستكمال قرائته وتدوين حالة المريض فيه .

كان الجناح عبارة عن صالة الدخول اولا وملحق بها حمام منفصلة بباب وحائط زجاجى لرؤية المريض عن غرفة المريض وهى مجهزة كعناية مركزة وملحق بها حمام هى الأخرى.

كانت السيدة جالسة باستمرار فى الصالة ، أما هدى طوال الوقت مع مريضها الغائب عن الوعى ولا تتركه إلا للضرورة.

مر يومان لم تعد فيهم هدى لبيتها، قضت اليومان مع حالتها ، لم تبتعد عنه إلا لتنام بضع ساعات فقط ، وتتسلم الحالة زميلة أخرى ، ثم تعود اليها مرة أخرى .

فى اليوم الثالث ، صعدت منى اليها لتراها ، فقد كان تواصلهما عبر الهاتف المحمول فقط .

... إيه الأخبار ...

...زى الأهرام بالظبط ، مفيش تغيير ...

... عجبتك القاعدة هنا بقى ...

...بس مريحة دماغى من وش البيت ، هبقى اروح ابات فى البيت بكرة ، واجى تانى يوم الصبح ...

...نبقى نروح سوا ، انا بكرة لونج ، عاملة ايه مع الولية الرخمة دى ...

...مين ...

...مرات الأمير ...

...مليش علاقة بيها ، الكام ساعة اللى بتقعدهم بتقضيهم فون أو نت أو مجلات ، وآخر اليوم تمشى ، غريبة أن راجل زى ده ميكونش ليه أهل خالص كدة ...

...اقولك حاجة بس متقوليش لحد ...

... قولى. ...

...بيقولو انه عامل العملية فى السر ، حتى ولاده ميعرفوش. ...

...تصدقى توقعت كدة ، انا هقوم بقى عشان سايباه لوحده ...

...ماشى ، بس بابا بيقولك أن الجلسة الأولى يوم 22 الشهر ده ...

...والله ، وأنا هحضر ...

...لأ طبعا ، هو عملك تقرير طبى أن حصلك اضطرابات نفسية جامدة ، وقدم طلب للمحكمة انك تحضرى فى جلسة شهادتك بس ...

...والله ابوكى ده راجل محترم ، بس عمل كدة ليه ؟ ...

...هو قاللى انه مفيش داعى انك تتعرضى للمواقف دى مرة تانية ، وكمان هما ممكن يخبطوا فى الكلام ، ويقولوا كلام كدب عشان ينفوا التهمة عنهم ، فمفيش داعى انتى تعيشى المواقف دى كلها ...

...عمل طيب ، خلينى فى شغلى واروح فى الحاجات المهمة بس ، بالمناسبة عامر اتصل بيا وقال إن ورق الإجازة بتاعى اتمضى ...

...والله ، طب كويس ، كدة انتى فري ، تقدرى تتحركى براحتك بقى ...

...تمام ، بطلى رغى بقى ، انتى رغاية كدة ليه ...

...طيب ياستى ، أما تخلصى رنى ، يمكن نقعد مع بعض شوية فى السكن ...

...عيب يابت، نقعد فى السكن نعمل ايه ، انا أخلاقى متسمحليش. ..

...إيه يعنى ، متقلقيش ، مش هتحرش بيكى

ههههه ...

...هههههههههههههههه ، يلا باى ...

******************

دخلت هدى للأمير ، اطمأنت عليه ، وبدأت فى قياس العلامات الحيوية ، فجأة وجدته يفتح عينيه وهو يقول ...مين انتى ؟

يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

دخلت هدى للأمير ، اطمأنت عليه ، وبدأت فى قياس العلامات الحيوية ، فجأة وجدته يفتح عينيه وهو يقول

+

...مين انتى ؟

ابتسمت هدى ابتسامة بسيطة وهى تقول

...أنا هدى ، الممرضة ، حمدالله على السلامة ، حاسس بايه . ..

.. ألم ، صدرى بيؤلمنى ...

...ثانية واحدة اطلبلك الدكتور. ..

اتجهت هدى لتيليفون الغرفة واتصلت بالطبيب واخبرته بإفاقة المريض ، واخبرها انه سيأتى فورا .

اقتربت هدى للأمير مرة أخرى وهى تقول

...الدكتور جاى حالا ، بعد اذنك ، ممكن اقيس ضغطك لحد ما ييجى ....

اماء بالموافقة ، وأثناء تنفيذها لذلك ، قال بصوت واهن

...وينها دانية. ..

... تقصد مدام حضرتك ...

اماء بالموافقة ، وبدون تردد أو تفكير قالت

...لسة خارجة حالا ، قالت إنها هتحيب حاجة وترجع على طول ، أصلها هنا من الصبح بدرى ...

اغمض عينيه بعد إجابتها ، فسألته

...حضرتك حاسس بحاجة ...

...أنا طيب ...

...هو انا مش ضليعة فى اللهجة السعودية اوى ، بس واضح انك بتقول انك كويس ...

ابتسم من دعابتها ، وقال ...قولتى إيش اسمك ...

..هدى ...

دخل الطبيب فى هذه اللحظة ، حيا الامير ، وبدأ فى معاينته ، وقفت هدى لثوانى وهى تفكر فى أمر زوجته ، لماذا كذبت بشأنها ، كان من الممكن أن تخبره الحقيقة ، وأن هذه المتعجرفة السخيفة لا تقضى هنا أكثر من ساعتين يوميا لا أكثر ،

لكن هدى أشفقت عليه بعد سؤاله عنها ، ويبدوا انه يعلم جيدا أنها الوحيدة التى معه ، لهذا سأل عنها تحديدا ، ولكى تنقذ الموقف ، بحثت فى ملفه عن رقمها ، فعادة ما يكتبون أرقام أقرب الاقربين فى الملف ، خاصة لو المريض فاقد لوعيه ،

وجدت الرقم واتصلت بها من تيليفونها الخاص ،واخبرتها انه أستيقظ وسأل عنها ، واخبرتها أيضا بما قالته له ، اغلقت المرأة الخط وهى تقول

... I'm coming ...

ردت هدى فى همس بعدما اغلقت الهاتف

... تيجى مكسحة يارب ، نسوان زبالة ...

ثم عادت للغرفة ، وجدت الطبيب يقول ،

...حضرتك تمام اوى ، شوية تحاليل بسيطة ونطمن اكتر ، أشار لهدى لترى ما يكتب ، ثم أمائت بالموافقة، بعدها خرج الطبيب بعدما حيا الأمير مرة أخرى

بدأت هدى تجهز أدواتها لسحب العينة ، وظهرها له ، تفاجئت عندما وجدته يقول

...حكيتيهاا ..

استدارت له قائلة ...أفندم !

... حكيتى دانية وقولتيلها ..

ارتبكت جدا وتوقفت عن تجهيز أدواتها وهى تنظر له

ابتسم وهو يقول ... شلون دانيا تكون بتقضى اليوم جمبى ...

ثم ادار وجهه للجهة الأخرى وهو يقول

... ومتأكد أنها راحت وانتى اللى اتصلتى فيها ، صح ....

أمائت بالموافقة وهى صامتة ، ادار وجهه لها وقال

...بدى ماى...

1

...حاضر ...

أحضرت كوب ماء ، ثم رفعت الجزء الأعلى من السرير ليرفع رأسه قليلا ، ثم سندت رأسه ليشرب ،

فى نفس اللحظة دخلت زميلتها التى ستستلم منها الحالة ،

...دى سجدة زميلتى ، هتفضل مع حضرتك الليلادى لحد ما اجى بكرة ...

...وين رايحة ؟ ، مو انتى ممرضتى الخاصة ، وايش راح تسوى ، تسيبينى وتروحى ...

...فعلا ده حقيقى ، وأنا مع حضرتك فعلا من 3 أيام وده وقت راحتى ، المفروض انام ، بس انا فضلت اروح أزور أهلى ، واتمنى ان حضرتك تسمحلى بكدة ، مسافة الليل بس ....

غريب جدا بالنسبة له ارتياحه لهذه الفتاة ، رغم أنه لم يقابلها إلا من دقائق معدودة .

... الصبح بكير بتكونى هون ...

...بالتأكيد ، شكرا يافندم ...

******************

اتصلت بمنى لتجهز نفسها ، فقد اتفقا أن يعودا سويا

ثم تقابلا عند الاسانسير ،

..أه ، باين عليكى ...

...هو ايه ده ...

...لما كلمتك ، معجبنيش صوتك ، ودلوقتى شايفاه على وشك ، انتى عاملة كدة ليه ؟

...أما نخرج هقولك ..

... بعدما خرجا من المستشفى ، وهما فى طريقهما للمترو .

...ها ياستى ، فى ايه ...

...الموضوع قلب مع أبويا بجد ....

...موضوع ايه ؟

... الجواز ، أبويا عايز يتجوز ، المحامى المحترم عايز يتجوز ...

...هههههههههههههههه ، وايه المشكلة ...

...متنرفزنيش ياهدى ، انا على أخرى لوحدى ...

...اهدى بس ، انا بتكلم بجد والله ، ايه المشكلة انه يتجوز. ..

..يعنى إيه ، أمى مكملتش سنتين ميتة ...

...الله يرحمها ، بس احنا ملناش دعوة بوالدتك دلوقتى، راحت عند ربها وارتاحت ، لكن ابوكى عايش وموجود ...

...ده عنده 48 سنة ...

...الراجل راجل لحد السبعين ...

... بس ياهدى ، انتى هتنرفزينى اكتر ...

نزلا من المترو واتجها لموقف السيارات ، وركبا الميكروباص التى ستوصلهم لمحافظتهم وبدأت الحديث مرة أخرى ،

...براحة كدة يامنى ، مثلا أبويا مات من اكتر من 15 سنة ، وأمى عاشت علينا ومفكرتش فى حاجة زى كدة ، لكن ابوكى راجل مهما كان ، وفى رجالة مهما كبروا مبيقدروش يعيشوا لوحدهم ، ولو شهرين حتى ، مش سنتين زى ما بتقولى ...

... يابنتى ، ده الناس هتضحك عليه ، هيقولوا بيتجوز وبنته عروسة، يجوز بنته الأول ...

...الناس الناس الناس ، الكلمة دى بقت بتتعبنى بجد ، الناس عملولنا ايه فى حياتنا غير الضياع والاذية ، وهو لا هيعمل حاجة عيب ولا حرام ، واكيد هينقى واحدة تناسبه ، وبعدين يجوز بنته فى ايه ، انتى كدة كدة مخطوبة وهتتجوزى بعد كام شهر ، واخوكى اتجوز وقعد فى بيت تانى بمراته، عايزين منه ايه بقى ، بقولك ايه فكيها كدة ، والله ، وبحلف بالله ، لو أبويا انا ، لأروح اخطبله بنفسى ...

**********************

وصلت هدى لبيتها وأثناء دخولها من باب البيت وقبل أن تصعد السلم ، وجدت صبرى زوج هايدى اختها أمامها ، وهو انسان عديم الأخلاق وغير سوى ، يحاول دائما التحرش بهدى .

...أهلا أهلا ، حمدالله على السلامة يادودو. ..

...الله ما يسلمك ، انت بتعمل ايه هنا دلوقتى ، الساعة عدت 10 ....

...أبدا ياسكر ، اختك ياستى نسيت تيليفونها، فجيت اخدهلها. ..

...وخدته ...

...أهو ....

...يلا ، مع السلامة ...

...بسرعة كدة ، ليه بس ، دا انتى وحشتينى والله ...

...الله يخدك ياشيخ ، جتك الارف ، غور احسن أعلى صوتى واسمع اللى فوق ، والكلام يوصل لمراتك. ..

وقبل أن تكمل أو يتكلم هو ، ظهر صوت الأم أعلى السلم ،

...مين اللى تحت ...

...أنا ياماما ...

قالت وهى تنزل السلم

...هدى ، حمدالله على السلامة يابنتى ، الله ، انت لسة هنا ياصبرى ...

...أنا كنت ماشى ياخالتى ، انا كنت واقف بسلم على هدى ...

...طيب ياابنى مع السلامة ...

خرج من الباب ، واغلقته هدى بعنف وغضب ،

...إيه ياهدى ، عملك حاجة تانية ...

..أهو بنى ادم سافل ابن كلب ...

...أنا قلتلك نقول لهايدى . ..

...وأنا قلتلك الف مرة ، مينفعش، مش هتنسالى ابدا ان جوزها بصلى ، مسيرها هتعرف هو ايه ، بس يبقى بعيد عنى ، عشان علاقتى بيها متتأثرش. ..

*********************

قضت هدى ليلتها تتسامر مع أمها وأخواتها ، هيام وهدير وهوايدا ، زوج هوايدا مسافر لاحدى الدول العربية كإعارة تابعة لعمله الحكومى كمدرس، لهذا هى قابعة عند والدتها معظم الوقت ، أما هدير فوعدت هدى أن تأتى لها مبكرا قبل ذهابها ،

خرجت هدى مرتدية ملابسها وجاهزة للخروج، وباقى الفتايات قد ناموا بعد سهرهم طوال الليل ،

...إيه ياماما ده كله ...

...سندوتشات. .

...دى حفلة سندوتشات دى ، هو انا ريحة رحلة للمدرسة وانا معرفش. ..

...إيه ، ده يادوب ، تفطرى انتى ومنى ، وعينى الباقي. ..

...ماشاء الله ، والبت هايدى مجتش. ..

...لا لسة ، زمانها جاية ...

...دا انا همشى ، ،ده الطريق لوحده بياخد اكتر من ساعتين ، هو انتوا معندكوش هنا أى حاجة للصداع ...

..،ياحبيبتى ،ابدا والله ..

... مبنمش كويس ياماما ، حتى فى السكن هناك ، تلاقى كل شوية واحدة داخلة وواحدة خارجة ، ساعتين الراحة اللى باخدهم ، مبعرفش انام فيهم ...

اتصلت بهايدى

...إيه يابنتى ، أمشى ولا ايه ، يلا بسرعة ، حودى على الصيدلية وهاتى حاجة قوية للصداع ، كويس ، معاكى ، قوية ، طيب بسرعة بقى ...

دخلت هايدى بعد حوالى عشر دقائق ،

..تصدقى انا كنت خلاص همشى ، يادوب هسلم عليكى وخلاص ، فين الأقراص. ..

...قولى كدة ، همك مصلحتك. ..

...بطلى رغى وقبى باللى معاكى ...

اعطتها هايدى شريط حبوب ليس له هوية

...هو ايه ده ، عامل كدة ليه ، اسمه ايه اصلا ...

... مش لازم تعرفى ، هو أكل وبحلقة ، خديلك قرص وهاتى الباقى ...

..كمان ، دا انتوا بقيتوا بخلا اوى ، دا حتى شريط معليهوش اسم ، متأكدة انه كويس وهيشيل اللى فى دماغى ده ...

...جبار ، والله جبار يابنتى ....

...طيب ياجبارة ، انا هاخد قرصين مش واحد عشان دماغى هتتفرتك ، يلا ،، سلام بقى ...

1

...إيه ده بجد ، هو انا اتأخرت اوى كدة. ..

...أه ياستى يادوب ...

سلمت عليهم ، وحملت حقيبتها واتجهت للخارج ، للرحلة المعهودة حتى الوصول للمستشفى ،

فى الطريق ، لاحظت منى أن هدى ليست طبيعية ، فهى تضحك بإستمرار بسبب وبدون سبب ،

...اهدى ياهدى شوية ، الناس بدأوا يبصولنا، انتى ضاربة حاجة على الصبح ...

... ضاربة فول وبيض وبسترمة، ههههههههه ، والحاجة هدية بعتالك منهم ، ....

...لا ياستى شكرا ، هدى اللعبة بقى عشان قربنا نوصل ، واربطى صواميل دماغك اللى انتى فكاها على الصبح دى ،

...هاتى مفك ههههههههه. ..

...يووووه. ..

خرجت الاثنتان من المترو، وصعدا السلم ، وفى ملف السلم ، اصطدمت بأحدهم فى لحظة التفاتة لمنى ، ثم اعتدلت لتواجه من اصطدمت به ،

كان شاب وسيم جدا ، لديه عيون ساحرة ، شعر ناعم طويل ومصفف للخلف ،

تسمرت مكانها فور التقاء العيون وهى تقول

...يخربيت عنيك ، ايه القمر ده ...

1

أصابه الزهول من كلامها ولم ينطق ،

استمرت متعلقة بعينيه مع ابتسامة غريبة منها ،

فقال هو ... عجباكى ...

قالت بتنهيده ....عجبانى وبس ، هو فى كدة اصلا ، انت متأكد انك راجل ...

... ايه ، والله هو المفروض كدة ...

...اكيد لأ ، مفيش رجالة كدة ...

تدخلت منى لتحركها ... هدى ، انتى اتجننتى ، ايه اللى بتقوليه ده ...

...شوفى يامنى ، انتى شوفتى كدة قبل كدة ...

اعتدلت منى له بوجهها وهى تقول ... بصراحة لأ ...

ثم التفتت لهدى مرة أخرى ...بس يلا احنا كدة اتأخرنا اوى ...

هذا كله والشاب مازال مكانه ، معجب بكلامها وردود أفعالها ،

صعد أحدهم من خلفه وهو يقول ...يلا ياخالد ، جبت التذاكر خلاص ...

قالت هدى ... اسمك خالد ..

...أيوة ...

...اسم حلو اوى ، وأنا هدى ...

شدتها منى من يدها وهى تقول ... مش بقولك انتى ضاربة حاجة على الصبح ، يلا ...

أكملت هدى السلم بسبب شد منى لها ، لكن عينيها مازالت معلقة به وهى مبتسمة ، وتلوح بيدها بباى باى ، وهو اتبعها بعينيه حتى اختفت من أمامه ،

التفت الشاب لمرافقه وهو يقول .... شوفت البت بتقول ايه ....

...وايه يعنى ، هى دى اول مرة انت تتعاكس فيها .....

...ماشى ، بس مش كدة ...

...طب يلا عشان نلحق ، وكمان العربية مركونة صف تانى. .......

********************

لا تصدق منى ما تفعله هدى ، هى بالتأكيد غير طبيعية ، وبالطبع غير مؤتمنة على استلام حالة وهى فى هذه الحالة.

وجدت أنه مازال أمامهم نصف ساعة على ميعاد الإمضاء ، فقررت عرض هدى على طبيب ، لتجد مبررا لما يحدث لها ، وبالفعل شك الطبيب فى شئ معين بخصوص الأقراص التى تناولتها هدى هذا الصباح ، وتأكد من ظنه عندما أعطاها حقنة معينة استطاعت عكس مفعول الأقراص ، وأعادت هدى لأرض الواقع .

ثم قال الطبيب بابتسامة

،،،، أول مرة اعرف انك من أصحاب الترامادول ياهدى ،،،،،

يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

عندما بدأت هدى تنتبه من حالة الغياب العقلى الغريب التى كانت عليها ، كادت تجن من فكرة تعاطى أختها للترامادول ، لكنها بالتأكيد لا تعلم فإن كانت تعلم لأخفته عن هدى تماما ، لا أن تعطيها منه بصفو نية ،

يجب أن تنهى العاجل من عملها أولا حتى تستطيع التفكير فى كيفية التعامل مع الموضوع .

صعدت للدور السابع الى حيث غرفة حالتها ، فوجدت سجدة موجودة على كونتر الدور

...صباح الخير ياساسو ...

...صباح الخير ياهدى ...

....إيه التكشيرة دى ، مالك على الصبح ...

...ولا حاجة ، سهرانة مع حالة مقرفة ، الله يسامحك ويسامح مدام سامية ...

...بس بس ، ايه اللى حصل ..

...لا حصل ولا وصل ، استلمى حالتك ياستى ، ومش هتتكرر تانى ، لو هسيب المستشفى حتى ...

*****************

استلمت الحالة من سجدة ، واخبرتها أن الأمير فى غرفة الأشعة ، بعدها دخلت الغرفة وبدأت فى تغيير فرش السرير وتجهيز أدوية اليوم ، ثم جلست لتكتب ارانيك لطلب الأدوية الناقصة ،

وفى خضم كل هذا عاد عقلها للساعات التى تلت تناولها لأقراص الترامادول ، هى تتذكر كل ما حدث ، بل كانت واعية تماما له ، لكنها فاقدة تماما للسيطرة على ما تقوم به ، كأنها آلة تتحرك وفق أمر مسجل عليها .

أثناء ذلك دخل الأمير على كرسيه المتحرك يدفعه عامل الدور ومعه ممرضة الأشعة ،

أما الحرس الخاص لم يدخل بل وقف أمام الباب كالعادة ،

عندما رأاها الأمير رفع لها حاجبا واحدا وهو يقول

...ياهلا ياهلا بملاك الرحمة خاصتى ، وين كنتى للحين ...

...أفندم ..

...إيش ، طرشتى ؟

لم ترد هدى ووقفت مزهولة من الرجل الذى تراه ، فهو ليس من خرج من غيبوبته على يدها أمس ،

أشار للعامل بالتقدم للسرير الخاص به ، مدت هدى يدها له لتساعده على الوقوف ، لكن بمنتهى الإهانة ، أبعد يدها من أمامه ، ورفع يده لحرف سريره ، ووقف وحده واستدار ليجلس عليه ، ثم أشار لكل من العامل والممرضة بالخروج ، ودون أن ينطق أحدهما ،سحب العامل الكرسى وخرج ، وتبعته الممرضة الأخرى بعد أن مدت يدها لهدى بنتيجة الأشعة .

وقفت هدى أمامه لم تتحرك ولم تحاول مساعدته مره اخرى ، بينما هو يحاول التحرك على السرير لينام ،

لكنه تعثر بشكل بسيط ، رفع عينه لهدى وهو يقول

...ليش واقفة هيك ، مش مفروض تساعدينى ..

...جيت أساعدك مرة رفضت ، استنيتك تطلب لوحدك ...

...من غير طلب ، تعملى اللى ابغيه. ..

1

...وهعرفه منين إلا إذا قلت ...

نام بوضع غير مريح واغمضت عينه من الإرهاق ، فاشفقت عليه هدى واقترب تعدل وضع المخدة من تحت رأسه ، فتح عينه ونظر لها

...اتركيه ، أبى انام شوى ...

أبتعدت هدى وعينيها معلقة به تفكرا فى حاله ، تدرجا من الأمس لليوم ، وقالت فى نفسها وهى تبتسم. ..صحيح ، البنى آدم بق فى الفاضى ...

فى نفس اللحظة فتح عينيه فجأة على ابتسامتها وهى تقف أمامه،

... بتضحكى على إيش ، أبيكى معجبة يمة. ...

...ههههه ، ياريت ، بس انا مرتبطة ...

قالت كلماتها الأخيرة وهى تأتيه بطاولة الحقن باتجاهه،

...إيش هاد ...

...ميعاد الحقن ، وبعديه الفطار ، وبعديه مساج الضهر ، وبعديه ...

...بيكفى ، إيش كل هاد ، قلتلك ابغى انام ...

...خلاص ، الحقن وبعدين تفطر وبعديها نام ، والباقى نكمله لما تصحى ...

يبدوا أنه أعجب بطريقة تعاملها معه ، فهى ثلثة التعامل مع المريض حتى وإن كان غاضبا ،

********************

خرجت من غرفته بعد أن تأكدت انه قد نام ، وجلست فى الصالون ، تراقبه من خلف الشباك الزجاجى ،

أمسكت بتيليفونها واتصلت بهايدى ، وبمنتهى الهدوء أجرت معها هذا الحوار ، حتى تصل منها للحقيقة،

...ايوة يادودى، روحتى ولا لسة عند ماما ...

...كويس ، بصى والنبى ياهايدى ، عايزاكى تصوريلى الشريط اللى اديتينى منه الصبح وتبعتيلى الصور على الواتس. ..

...اشمعنى يعنى ...

...بصراحة عجبني، الصداع راح على طول ، وكنت عايزة اوريه للصيدلى هنا يجيبلى زييه ...

...مش هتلاقيهه، مبيبقاش موجود فى الصيدليات. ..

...وانتى عرفتى منين ، سألتى عليه قبل كدة ؟

...لا ابدا ، بس لما اداهولى قاللى كدة ...

...مين ده ، المعدول جوزك ؟

...أه ، تانى يوم فرحك ، كان عندى صداع جامد ، ادانى قرص ، عجبني بقى زى ما عجبك كدة فسألته عليه ، قام ادانى الشريط ده ...

...يعنى انتى لسة بتاخدى منه من قريب اوى كدة ...

....أه ، من اليوم المنيل بنيلة ، يوم فرحك ده ...

...يعنى حوالى كام قرص كدة ...

...باين تلاتة ، بس ليه كل الاسئلة دى ، قلقتينى ...

...قوليلى الأول ، أمك جمبك ...

..لا ، دا انا فى الشقة إللى فوق ، بلم الغسيل ...

...كويس اوى ، عندى سؤال ليكى وعايزاكى تجاوبى بصراحة ...

...متقولى ياهدى ، قلقتينى ....

...جوزك مدمن ياهايدى ؟

...مدمن ! يعنى إيه ؟

...مش عارفة يعنى ايه مدمن ، بيتعاطى حاجة ...

...معرفش ، بس ليه ...

...عشان الشريط اللى ادهولك ده ترامادول يافالحة. ..

...ترامادول ،،،يانهار اسود ،، يعنى انا دلوقتى مدمنة ...

...لا ياستى ، مش مدمنة ، انتى بتقولى مخدتيش منه غير مرتين أو تلاتة ...

...أه والله ، مش اكتر من كدة ...

...خلاص ، يبقى مش مدمنة ، انا عايزاكى بس تهدى وتسمعينى كويس ...

...اهدا ، اهدا ايه ، ابن الكلب كان هيخلينى مدمنة ، بس أما اروحله ، وربنا لأفضحه ، والله لأجيب طين واحط على دماغه ودماغ اللى خلفوه ...

...الو ، الو ، هايدى ، ردى ، يابنت المجنونة ، قال اسمك هايدى قال ، حقهم يسموكى عطيات. ..

اتصلت هدى بهوايدا ، أختها الكبرى ، وشرحت لها باختصار ما حدث .

... سيبك من اللى هتعمله هايدى ، انتى عاملة ايه ...

...ياستى انا كويسة ، حمدت ربنا أن منى كانت معايا والا كانت هتبقى مصيبة ، المهم الحقى البت بس وخليها متعرفوش أنها عرفت ، وكلمينى وانتى معاها ...

لم يمر أكثر من 10 دقائق حتى اتصلت هوايدا بهدى ،وهى أمام هايدى ، ووالدتها أيضا حضرت الموقف وعلمت ما حدث ،

...ها ياهوايدا ، لحقتيها. ..

...لحقتها على السلم ، كانت فعلا خارجة خلاص ...

...اديهالى اكلمها ...

أعطت هوايدا لها التيليفون

...إيه ياهدى ...

... إيه ياهايدى ، انا كنت فاكراكى أعقل من كدة ..

..فين بس العقل فى حاجة زى كدة ....

...العقل مايكونش إلا فى كدة ..

...يعنى إيه. ..

..يعنى تهدى و تعملى اللى هقولك عليه بالظبط ..

...قولى ياهدى ...

...الشريط اللى معاكى مترموهوش ، يفضل معاكى ، وتفضى منه كل يوم قرص وترميه من غير ما هو يعرف ، كأنك بتاخدى منه زى ما قالك ...

..،وبعدين ...

...تحاولى تفهمى منه بذكاء كدة ومن غير متحسسيه انك عارفة ، إذا كان هو مدمن فعلا وفكرة انه اداكى حاجة زى كدة عادى يعنى ، ولا هو متعمد يعمل فيكى كدة ...

...كمان ، يانهار اسود ، يعنى ممكن يكون عايز يخلينى مدمنة ...

...أه ، وليه لأ ، ما انتى عارفة أخلاق جوزك ، اسمعينى ، انا مش هقدر أطول اكتر من كدة ، اقعدى مع أمك وهوايدا وحاولى تشوفى هتنفذى الموضوع ده ازاى ، ولو قدرتى تباتى عند ماما انهارضة يبقى احسن ، تكونى هديتى خالص ، احسن انا حاسة انك لو شوفتيه انهارضة هتولعى فيه بجاز. ..

...هحاول ياهدى ...

...حاولى بجد ياهايدى، لازم تمسكى اعصابك ، وهبقى اكلمك تانى ، ادينى ماما اكلمها بقى ،

ايوة ياماما ، حاولى متخليش هدير تروح بيتها الليلادى ، انشالله حتى تقولى انك تعبانة و عايزاها جمبك ، ماشى ، هكلمكم تانى ، سلام ...

أنهت هدى مكالمتها ، ووضعت رأسها بين يديها مما يعتلى عقلها من أفكار دائما ما تسبب لها صداع مستمر ، رفعت وجهها ، فانتفضت فجأة ، فهناك من يجلس ليتابعها ولم تنتبه له ، اتجهت له وهى تقول

... حضرتك صحيت امتى ؟

...من حين ما كنتى بتسألى هايدى عن الشريط. ..

...هو انا كان صوتى عالى اوى كدة ...

....ماانك حاسة ...

...مش اوى ، كنت مركزة فى الموضوع شوية ...

...بس ماشالله عليكى ذكية وترباية. ..

... ذكية وفهمتها ، إنما ترباية دى يعنى ايه ...

ضحك بصوت عالى نسبيا على طريقتها فى الكلام ، لكن قبل أن يجيب ، ظهر صوت آخر من عند الباب

...هالله هالله ، الضحكة من الدان الدان ،

رقيتك ياأبا خالد ...

1

ثم اقترب منه وانحنى على يده وقبلها ، فقال الأمير

...اي والله ، على أساس خالد ما ترك أبوه ...

...لا والله ياأبى ، أبى اخلص كل اللى عندى للحين ، حتى افوق لأبا خالد ..

+

كل هذا وظهره لها ، لم ترى وجهه بعد ، وهو أيضا ،

عندما وقف واستدار لها والتقت الأعين ، تجمدت مكانها ولم تتحرك ، وهو أيضا ، على نفس الحالة ،

إنه هو ، شاب المترو ، ذات العيون الساحرة ،

ليس من الممكن أن يكون الحظ أسوأ من ذلك ابدا ....

2

يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

......انتى ؟

+

هذا كان سؤاله عندما رفع عينه ورااها ، لكن هى تجمدت على وضعها ، فقط متعلقة عينيها به لا تحيد عنه ،

.... خالد ، تعرفها ايشى. ...

رد على والده ومازال ينظر لها ،

...يسلموا ياأبى ، تقابلنا فى المترو ، صدت في ومو رضيت تعتزر. ...

تنفست الصعداء وكأن روحها ردت لها بعد شدة اختناق ، استأذنت وخرجت ومازالت عينيه تتبعها حتى غابت عن ناظريه ، فابتسم ابتسامة غريبة وكأنه صائد وجد غزالته الضالة ،

وابتسم الأب تباعا بعد ابتسامة ولده ، فهو أعلم الناس به وبتعبيراته وردود أفعاله ، فخالد ابنه المدلل الذى امتلك مكان فى قلبه لا يشاركه فيه أحد ،

أما هدى فقد خرجت تهرول فى طرقة الدور ، لا تصدق ما حدث ، فقد ظنت انه موقف عابر وانتهى ، وحمدالله لم يرها أحدا يعرفها وهى فى هذه الحالة .

فجأة يظهر لها من رأاها ولم يكن يعرفها ، والآن هو شخص ملازم لشخص آخر هى ملازمة له ،

همست لنفسها بعدما توقفت أمام الشباك

... ده ايه الحظ المنيل ده ، هو أنا ناقصة ياربى ، طب هتصرف مع البنى آدم ده ازاى دلوقتى ....

1

*******************

استمرت هدى تتصل باختها طوال النهار لتطمئن عليها ولتعطها بعض النصائح لكى تأخذ بها وهي تتعامل مع زوجها فى الفترة القادمة ، حتى يصلن لما يردن الوصول إليه ،

مرة يومان آخران ، و ما يحدث بيها وبين الأمير ، فهو على خير حال ، قد تعودها الرجل فى كل ما تفعل ، كلامها ، ابتساماتها ، طريقة تنفيذها العمليات التمريضية التى تقوم بها ، حتى أنه تقبل فكرة رحيلها لقضاء بعض الوقت مع أهلها ، وقد كان موعدها الليلة لتذهب لقضاء الليل مع أهلها وتعود صباحا .

أما عن خالد فلم يكف عن متابعتها بعينيه كلما كانت قريبة منه ، لكن بصمت ، لا يتحدث إلا عن شئ يخص حالة والده ،بالسؤال فقط وهى تجيب باختصار،

لا يوجد ما يضايقها فى الموضوع غير وجود خالد باستمرار مع والده ، بعدما اختفت المتكبرة الشمطاء زوجته ، يبدو أنها رحلت وتركت الوالد لابنه ليرعاه .

خرجت هدى فى اتجاه المطبخ لتقضى وقت الغداء اليومى ، وجدت هناك منى وسجدة وراندا يجلسان على نفس الطاولة , ألقت التحية وجلست بجانبهم ،

...عملة ايه مع الراجل الرخم ده ...

...متقوليش عليه رخم بس ، ثم متنسيش انه مريض.

... ده مريض ده ، ده كان شوية وهيقوم يرمينى من البلكونة. ...

... بالتأكيد استفزتيه ، ما هو كويس معايا ...

قطعت رندا الحوار بينهم. ..ياجماعة سيبكم من الراجل وخلينا فى ابنه ، بت ياهدى ، اخبار ابنه ايه ...

وعند ذكره انفجرت منى فى الضحك بهيستيريا،

....أخبار مين يااختى ، مش بقولك انتى بقيتى خطر ، وعايزين نجوزك بدرى بدرى. ..

... بتكلم بجد والله ، أصله حليوة اوى ، وتقيل اوى ، مشوفتوش بص لواحدة فينا ابدا ...

... وليه متقوليش انه مش مستنضفنا اصلا ...

...إيه ياهدى الكلام الفارغ ده ...

...ده الحقيقة يافالحة انتى وهى ، الناس دى من طبقة تانية غيرنا ، إحنا اخرنا هو اللى احنا فيه ده ، نشتغل عندهم وبس ، انا قايمة ...

...كملى اكلك ياهدى ...قالتها منى

...شبعت ، انا طالعة ...

صعدت للدور ، فوجئت بخالد يقف أمام الباب وكأنه ينتظر أحدا ، وعندما رأاها اعتدل لها وهو يقول

...كنتى فين ...

...أفندم. ..

..سمعتينى ...

...كنت بتغدى ، وقلت للأمير قبل ما أنزل. ..

...مش تقوليلى انا كمان ...

...ليه هو انت المريض ولا هو ...

...موافق أكون مريض ، لو وافقتى تكونى الممرضة بتاعتى. .

ارتبكت هدى من تلميحه الواضح ، فهى لا تنكر ابدا تأثرها به ، والتى تحاول جاهدة اخفائه ، فحاولت أن تغير مجرى الحديث ، قالت

...أنت اتعلمت مصرى كويس فين ؟

...أخيرا ..

...هو ايه اللى أخيرا ...

... اصلى سألت نفسى كتير ، امتى هتسألينى سؤال أو تفتحى معايا كلام ، عموما هو المصرى ده مش عربى ، يعنى نفس اللغة بإختلاف لهجات ، يعنى اتعلمه بسهولة ، وكمان عشان انا عايش في مصر بقالى 5 سنين ...

نظرته كانت غريبة ثم استدارت واتجهت لغرفة الأمير وهى تفكر ، هل حقا كان ينتظرها أن تتحدث معه .

لكن قبل أن تصل لباب الحجرة سمعته يقول

...عايش فى مصر من 5سنين ، ومبروحش السعودية غير زيارات بسيطة والاجازات ...

1

التفتت له بنظرة واحدة ثم استدارت ودخلت الغرفة ،

لم يتبعها خالد للداخل ، فهو يعلم الموضوع الذى سيتحدث فيه والده معها ، فقد اتفق مع والده عليه قبل أن تحضر،

وقف أمام الشباك ليدخن سيجارة ، وأستغرق فى التفكير فى نفسه ، الابن الضال الذى ترك عائلته فى حالة غضب منهم ومن نفسه ، رباطه بعائلته كرباط الرحالة ببلده ، رغم عشقه لأبيه فهو رافض تماما الحياة بينهم ، وفضل الحياة فى مصر بعيدا عنهم ، حتى بعد قرارهم بتزويجه من إحدى أميرات العشيرة ، لم يقبلها ابدا إلا بعدما طلبها منه أبوه بنفسه ، وحتى بعدما تزوجها، أصبحت حياته معها كالمسافر الذى لا يعود لبيته إلا شهر واحد فى سنة ، مجرد إثبات لوجوده فى حياتها ووجودها فى حياته،

لم يشفع لهم عنده الأموال التى يغدقونها عليه ، ومشاريعهم التى يتولى إدارتها بحرفية فى مصر ،

والأميرة الفاتنة التى تعشقه ، وتتبعه فى كل مكان يذهب إليه ، تأتيه فى مصر كلما غاب طويلا عنها ، يكون هو محور وقتها عندما يعود لها ،

لكن كل هذا لم يجعله ابدا يعود ، لم ولن يسامحهم ابدا على ما فعلوه به ،

لكن الآن يجب ألا يترك والده فى مرضه ، يجب أن يكون هناك حتى يستعيد صحته ويقف مرة آخرى وبعدها يعود لحاله كما كان .

خرجت هدى من عند والده ، ويبدوا عليها الحيرة الفعلية ، فتوقع أن يكون والده تحدث معها ،

اتجهت للخارج وقبل أن تخرج استوقفها بصوته،

...وافقتى ولا لا ...

لم ترد عليه ووقفت مكانها

...أنا شايف أنها فرصة رائعة لواحدة فى ظروفك ...

...ظروف ايه اللى انت بتتكلم عنها ...

عاد لينظر من الشباك مرة أخرى وهو يقول

...ظروفك كلها انا عرفتها ، من أول ما اتولدتى ، واللى طول حياتك عشتيه واللى حصلك بعد وفاة ابوكى ، وكمان حكاية طلاقك وظروفه ...

2

أصابها الذهول وتثمرت مكانها ولم ترد ،

...صدقينى ياهدى ، سفرك هو الحل ، هتبعدى عن كل المشاكل اللى هنا ، وهترتاحى شوية من الضغط اللى حواليكى ...

رغم ذهولها من معرفته بذلك ، إلا أنها استرسلت معه فى الحديث،

...أنا ليا أخوات بنات مينفعش يتسابوا ...

...دى مش فترة طويلة ، بالكتير سنة ، لحد ما الوالد ترجعله صحته، وهترجعى لاهلك ومعاكى مبلغ كويس تبدأى بيه حياتك صح ،

وأنا اوعدك انك تنزلى مصر اكتر من مرة ...

...وليه انا بالذات. ..

...الوالد ارتاحلك انتى بالذات، وهو مش سهل يرتاح لأى حد ....

...هفكر وارد على حضرتك. ..

...بس مطوليش، لأن المفروض انه هيخرج من المستشفى خلاص ، وبالمرة عشان الحق أخلص لك ورقك لو وافقتى ...

يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

أنهت هدى دوامها وهى تكاد لا تعى ما تفعل ، منذ أن عرض عليها الأمير عرضه ، وبعد كلام ابنه لها وهى فى حيرة من أمرها ،

خرجت منى لتقابلها أن تغادر ، منى لديها دوام ليلى ، أما هدى فسوف تغادر وتعود على الدوام الصباحى،

...إيه مالك يامنى ، شكلك تعبان اوى ...

...ما انتى كمان شكلك نيلة ، انتى عاملة كدة ليه ...

...شوية صداع ، هنا بقالى يومين أهو، حلو اوى كدة ...

...إيه الجديد فى كدة ، ما ده العادى بتاعك. .

...فى حاجة تانية مدايقانى ...

...انا قولت كدة من الأول ، إيه هى بقى ؟

..سيبك منى انا ، قوليلى انتى الأول ، مالك ، الاهبل خطيبك نكد عليكى ولا ايه ، مش المفروض كان عندك انهارضة ...

...أه ياستى .. قالت كلمتها وهى ترفع لها يدها وهى خالية من دبلة الخطوبة .

...إيه ده ، فين الدبلة ، ايه اللى حصل ..

...نفس السبب كالعادة ...

...الشغل والسهر فيه ...

+

....أه ياستى ، بس المرة دى زود فى الكلام ، وفى أخر كلامه قاللى ياتسيبى الشغل وتفضلى فى البيت لحد ما نتجوز ، ياإما انتى حرة ، قومت قالعة الدبلة من ايدى وحطاها قدامه ...

...وبعدين ...

...ولا قبلين، بص للدبلة شوية وبعدين بصلى ، ومد أيده وخدها وقام مشى. ..

...وانتى ايه رأيك ؟

...فى ايه ..

...فى موضوع أنك تسيبى الشغل. ..

...لأ طبعا ، مستحيل ...

..خلاص ، اتكلمى مع باباكى ، واحسمى الموضوع ده ، وربنا يكرمك بواحد يقدرك ويقدر شغلك. ..

...وانتى بقى ، ايه اللى مدايقك اوى كدة ...

حكت لها هدى ما كان من عرض الأمير وما حدث بعده حتى الآن،

...يعنى هتسافرى. ..

..أنتى شايفانى واقفة قدامك والشنطة جمبى، بس انتى لو مكانى هتعملى ايه ؟

...عايزة الصراحة ....

...اكيد ...

...هوافق طبعا ...

...أهو انا خايفة من تبعات الموافقة دى ...

...طول عمرك قوية ياهدى وبتعرفى تواجهى مشاكلك كويس ...

...بس كدة كتير اوى يامنى ...

...معلش ياهدى ، فكرى كويس ، وصلى أستخارة وخدى رأيى أمك واخواتك، وبعدين ربنا يحلها ...

...ربنا يقدم اللى فيه الخير ...

...أيوة ياستى، هنيالك ، هتسافرى مع القمر بتاع المترو. ..

... اتنيلى و اسكتى ، ده هو ده اكتر حاجة مخوفانى فى الحوار ده ...

...ليه ؟

...مش عارفة ، قلبى مقبوض اوى من ناحيته. ..

2

..هو قالك حاجة ولا عملك حاجة ...

... لأ ، ودى أغرب ما فى الموضوع ، سيبك بقى ، ربنا يستر ، انا هقوم أمشى بقى عشان متأخرش، هشوفك بكرة اول ما أوصل ، أول ما تسلمى حالاتك عدى عليا ...

...ماشى ، بس اول ما توصلى رنى ...

...اوك ، سلام ...

***********************

طوال الطريق وهى تفكر فيما ستقوله لوالدتها عن هذا السفر ، وكيف ستحملها على الموافقة عليه .

قطع أفكارها مكالمة من أختها هوايدا ،

...أيوة ياهوايدا ...

...إيه يادودو ، وصلتى لحد فين ...

...10 دقايق كدة واوصل الموقف ....

..كويس ، حودى على بيت عمك وانتى جاية ...

...ليه ؟

...والله ما أعرف ياهدى ، ماما هناك واتصلت على الأرضى وقالتلى اكلمك واقلك كدة ...

... مبقاش ييجى من ورا عمك غير المصايب ، ربنا يستر ...

******************

عندما دخلت هدى المنزل ، ألقت السلام على زوجة عمها ، فاشارت لها على الصالون ، تركت حقيبتها واتجهت لهناك ، ففوجئت بالجمع الذى تراه أمامها .

اعمامها الاثنين ، ووالدتها ، وزوجها ووالده ، ورجل آخر ، تعرفت عليه هدى ، فهو محامى معروف فى البلدة ، والغريب جدا هو وجود الحاج محمد، عمدة البلد .

...ماشاءالله، ماشالله ، ايه التجمع الجميل ده ...

..اقعدى ياهدى ...

اختارت هدى كرسى قريب من الباب ، وبعيد نسبية عن هذا الجمع .

...خير ان شاءالله ...

الحاج محمد هو من أجاب سؤالها

...خير يابنتى ، اسمعينى ياهدى وافهمى الكلام ده كويس ، كلنا متفقين أن انتى اتجرحتى واتهانتى فى شرفك ، ومحدش فينا ناكر كدة ، بس احنا مش سكتنا المحاكم ، ولا انتى ولا هم تقدروا على مصاريفها وبهدلتها ...

...والمطلوب. ..

...تتنازلى عن القضية ياهدى ...

...بسهولة كدة ، وحقى وحق اخواتى ، وشرفنا اللى داسوه برجليهم ، أكبر دماغى عن ده كله ازاى. ..

... اللى انتى عايزاه هيتعمل ، بس من غير محاكم ،...

اهتز تيليفونها فى جيب جيبتها ، فمدت يدها له لتغلق الصوت ، وجدتها رسالة نصية من رقم غريب، ومحولها يقول ،

...لو نويتى تسافرى معانا ، وافقى على الطلاق ،

ولو قدرتى تكلمينى دلوقتى ، كلمينى ، مستنيكى. ..

هذا الشاب سوف يقودها للجنون بما يفعل ، التفتت لهم وهى تقول

...مقولتليش ليه على القاعدة دى ، كنت جبت المحامى بتاعى معايا ...

...ومحامى ليه ، إحنا قلنا هنتنازل عن القضية. ..

..والبيه جايب المحامى بتاعو ليه ، عموما ، انا هقوم أكلم المحامى، وبعدين أرد عليكوا. ...

خرجت من البيت ووقفت أمام الباب ، اتصلت بالرقم صاحب الرسالة ، رد هو وبدون أى سلام .

...وافقتى على الطلاق. ..

...لسة ...

...ليه ...

...الموضوع مش سهل اوى كدة ...

...لأ سهل ياهدى ، كتر النفخ فى رماد النار بيحييها مرة تانية ، أنهى الموضوع ده وخلصى نفسك بسرعة ...

...لازم يدفعوا تمن اللى عملوه فيا ..

...أنتى اللى كدة هتدفعى التمن مش هم ..

...يعنى إيه ..

...يعنى انتى هتخسرى القضية لأنك مش هتقدرى تثبتى أن هم بالذات اللى طلعوا الإشاعة دى ، كتيرك هتوصلى للطلاق ، وطبعا بعد ما تخسرى كل حاجة ، وقت وفلوس وسفرك معايا كمان ، ...

...القضية مش هتعطل سفرى ...

...لأ هتعطل طبعا ، انتى ناسية انك قانونا متجوزة ، يعنى متقدريش تسافرى إلا بإذنه، يعنى بموافقة ممضية منه ...

صمتت تماما ، فهو على حق ، لقد غابت هذه المعلومة تماما عنها .

أكمل هو كلامه

...وخدى بالك ، متعرفيش حد بسفرك إلا لما يتم الطلاق ، لأنهم لو عرفوا أن انتى اللى عايزة الطلاق ، هيستهبلوا ويزلوكى. ...

صمت هو الأخر لثوانى ثم قال ...أنتى معايا ...

...أيوة ...

...عموما انا بقول رأييى، والقرار النهائى ليكى ، وده رقمى لو حابة تسجيله ، سلام. ..

**************************

اغلقت الهاتف وهى تائهة وايضا مندهشة من كلامه الموجز والسريع والوافي للمعنى أيضا ،

وعادت للداخل مرة أخرى ، وجدتهم جميعا ينتظرون الرد ، وقفت أمامهم ،

وألقت نظرة على والدتها ، كانت تضع يدها على صدرها لتهدئ من ضربات قلبها خوفاً مما ستقوله هدى ، فدائما ما تتوقع منها التحدى ،

عادت تنظر للحاج محمد وقالت له

...كلامى نهائى ياعم محمد ، واى تغيير فيه مش هقبله ، بكرة أن شاء الله الطلاق يتم وعند المأزون وانا هكون موجودة ، ومؤخر صداقى هاخده كامل وفى وقتها ، وقبلها بساعتين هيكونوا اخواتى بيلموا حاجتى من الشقة ، هاخد قايمتى كاملة ، واى اشاية جرالها حاجة ، هوقف كل حاجة ومش هتنازل، ...

رد المحامى ....عايزة تقولى انك انك هتتنازلى بعد الطلاق ، مش قبله ...

..،ايوة ...

...ونضمن منين انك مترجعيش فى كلامك. ..

...والله انا كلمتى معروفة ، ومدام قلت يبقى هعمل ، وأسأل اللى حواليك ، وبعدين ياحضرة المحامى ، انا رافعة قضية طلاق وتعويض ، أما يتم الطلاق هيبقى لازمتها ايه ....

رد العمدة وهو يقول ...حقك يابنتى ، إحنا موافقين ، كل حاجة هتخلص ونخلص من الموضوع ده ...

والتفت لوالد زوجها ، فأماء الرجل بالموافقة ،

ردت هدى بينها وبين نفسها

...عندك حق ، انا فعلا محتاجة اخلص من الموضوع ده....

يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

....أنا موافقة اسافر معاك ...

رد عليها برسالة هو الأخر

... بكرة هاتى معاكى اوراقك الرسمية وصور خاصة ، عشان الفيزا والباسبور. ..

ولم ترد ، فقط قرأت الرسالة، ووضعت الهاتف أمامها، وأعادت رأسها للخلف ، لماذا تخاف من الغد ض،هل لأنه جديد عليها ، أم لأنها تعودت على الصدمات، فمن الطبيعى وجود صدمة أخرى غدا .

بعد نصف ساعة ، صدع تييليفونها بتنبيه الرسائل مرة أخرى ،

... بطلى تفكير ياهدى ، نامى وارتاحى احسن ...

ابتسمت ، هو يتذاكى عليها ، فمن الطبيعى أنها تفكر ، تسهر ليلها ، تفكيرا فى أمس واليوم ، وقلقا من الغد ،

لكن رغم علمها بذلك ، إلا أن رسالته تمس شيئا فى قلبها وتسعدها حقا ،

3

أغمضت عينيها وذهبت فى ثبات عميق من ارهاق اليوم من اوله ، وحاولت أن تحلم بالجيد فى مستقبلها لا السئ منه ،

********************

خرجت هدى من بيتها ، فى طريقها للمستشفى ، رغم تنبيه والدتها ، ونظرات الناس التى تلاحقها ، منهم الموافق على ما فعلت ومنهم اللائم ،

لكن لديها إحساس بأن شئ جديد ولد بداخلها ، شئ لا تعلمه ، تركيبة غريبة من الحرية والانطلاق والتفائل والأمل ، شئ جعلها مختلفة ، مختلفة فى نظرتها وابتسامتها حتى كلامها ، شئ أضاف لوجهها نضارة أكثر ولنظرهها بريق خاص ،

وهذا كله لاحظه خالد من أول نظرة ألقاها عليها ، واحقاقا للحق ، كل هذا أضاف لها جاذبية جديدة لم يعهدها بها ، رغم أنها بالفعل كانت مثيرة بالنسبة له ،لكن ما حدث أضاف لها نكهة جديدة .

تم التصريح من الأطباء بخروج الأمير من المستشفى من أجل تجربة المكوث فى المنزل لفترة قبل سفره ليتطمئنوا على صحته وقدرته على التعايش واكمال علاجه بعيدا عن المستشفى ، لكن بالطبع اوصوا بوجود ممرضة متخصصة تتابع ادويته وصحته جيدا ،

وبالطبع كانت هدى هى الاختيار ، فعجل خالد من إنهاء أوراق استقالتها من المستشفى ، أما عن العمل الحكومى فهى فعلا فى إجازة رسمية منذ أكثر من شهر ،

لم تمانع هدى فى ذلك ، ولم تخبر أحدا باستقالتها، بل تعاملت على أنها ما زالت فى المستشفى ، تذهب وتعود فى المواعيد التى اعتادت عليها لمدة أسبوع

كان الاتصال المباشر كان بينها وبين الأمير فقط ، أما خالد ، فقد تجنبها معظم الوقت ، غير أوقات الاطمئنان على والده فقط ، غريب أمره هذا الفتى .

وفى يوم وجدت الخادم يناديها ، واخبرها أنه يريدها فى مكتبه ، فاتجهت إليه ، وجدته جالسا على مكتبه يقرأ فى بعض الأوراق ، طرقت الباب ، فأشار لها بالدخول والجلوس أمامه ففعلت ،

مد يده لها بظرف ، فتحته لتجد أوراق سفرها كاملة ،

...جاهزة ...

...لايه...

...للسفر ...

...امتى ...

..بعد بكرة الضهر ...

...بسرعة كدة ...

...اها ، هترجعى بيتك دلوقتى ، هتقضى بقية انهارضة وبكرة كمان مع اهلك ، العربية هتكون قدام باب بيتك يوم الاتنين الساعة عشرة الصبح ، تكونى جاهزة وقتها ومستنية على الباب ...

أشار بجانب الباب وهو يقول

... الحاجات دى ليكى ...

التفتت هدى لتجد شنطة ضخمة مستقرة بجانب الباب

...إيه دى ..

...دى هدوم جديدة ليكى ...

...حضرتك شايفنى ضايعة اوى كدة ومحتاجة هدوم جديدة ، شكرا ، انا عندى هدوم الحمد لله ...

...دى مش عشانك اوى يعنى ، دى عشان شكلك العام يكون لطيف ، أو بمعنى أصح ، دى هدوم تشبه اللى بيتلبس هناك ، عشان انتى هتكونى معاه فى كل مكان هيروحه، فلازم يكون شكلك لطيف ...

قام من مكانه واقترب منه بمسافة معينة ،وقال

...فى عربية تحت ، هتوصلك لحد موقف بلدكم ، لو عايزاها توصلك لحد باب بيتك ، انتى حرة ، السواق معاه أمر يوديكى مكان ما انتى عايزة ،

قامت هدى واتجهت للغرفة المخصصة لها ، غيرت ملابسها ، ثم اتجهت خارجة بدون اى كلام ، استقلت السيارةوطلبت منه يوصلها حتى موقف السيارات لتركب من هناك ،

قضت آخر ساعاتها فى منزلها بين مؤيد للسفر ومعارض له ، فرح من أخواتها البنات أجمع بسفرها هذا ما شجع والدتها على الموافقة والترحيب به ، أما الهجمة المضادة كانت ممن حولهم جميعا ، أقارب وجيران ، لكن بالطبع كل هذا لا يؤثر بأى شكل من الأشكال على قرارها،

وجاء موعد سفرها ، كانت جاهزة فى الموعد المحدد ، وبعد موجة من السلام والبكاء من أخواتها ووالدتها ، استقلت السيارة وانطلقت بها ،

وصلت لباب العمارة فعلا ، وجدت الجميع فى حالة استعداد ، الخدم يحملون الحقائب للسيارات ،

بعدها بدقائق نزل الأمير ويصاحبه خالد ، وركبوا سيارة أخرى بعدما أشار لها لتبقى مكانها ، بعدها تحركت السيارات باتجاه المطار ،

السؤال الذى بدر على عقل هدى فى هذه اللحظة ، أين الزوجة المتكبرة من كل ذلك ، ولكنها نفضت ذلك عن عقلها ذلك ، لأنه ليس من شأنها ،

1

المفاجأة ، أنه ما كانت تنتظرهم هى طائرة خاصة ، علمت بعد ذلك أنها تخص العائلة بالكامل ومخصصة للسفرات البعيدة ،

كانت هذه اول مرة تستقل فيها طائرة ، وخاصة أيضا ، كانت كالجناح الرئاسى الذى نراه فى التليفزيون ،

كانت هدى سعيدة بما تختبره لأول مرة ، فقد كانت دائما تحلم بالحرية والسفر ككل فتاة ،

وصلت الطائرة للأرض المباركة ، كانت تنتظرهم أسطول من السيارات الفاخرة الأخرى ، وكما الحال فى مصر ، استقلت هدى سيارة وحدها ، الغريب أن الطريق استغرق أكثر من أربع ساعات ، حتى الآن هى لم تعلم اين هى الآن وإلى أين تتجه ، فهى تتحرك معهم كالماريونيت وفق اشارتهم،

هدأت السيارات من سرعتها ، حاولت تتبين ما هو خارج السيارة ، وجدت سور عالى جدا ، وبوابة هائلة من الحديد تفتح للسيارات، استمرت السيارات فى السير لمدة 10 دقائق أخرى ، حتى وصلت لقصر هائل الحجم ، لم تتخيل هدى انه يوجد مبنى عائلى بهذه الضخامة ،

نزل الجميع من السيارات ، وظهر أسطول من الخدم فى اخراج الحقائب وحملها للداخل حتى حقائب هدى ،

كانت تقف بعيدا ، لم تقترب منهم ،

بدأ يخرج من القصر أفواج من البشر مبتسمين يهرولون باتجاهه ، عدد كبير جدا ، منهم الشباب والرجال والسيدات الكبار والصغيرات ،

وما فهمته من مجرى الحوار بينهم ، أنه لم يكن أحد يعلم بشأن هذه العملية الجراحية ، وأنه قام بها فى السر ، بعدها بدقائق لمحت العجوز المتكبرة عند باب الفيلا ، لم تقترب إلا بعدما أنهى الجميع سلامه عليه ، بعد ذلك علمت هدى أن الأمير فياض البدرى هو كبير العائلة كلها بعد والده لأنه اكبرهم سنا ،

اتجهت واحدة من الخدم فى اتجاه هدى ، تشير لها لتتبعها ، فقد ظلت واقفة بعيدة عنهم لبعض الوقت ، لم يلحظها أحد ،

اتجهت خلف الخادمة ، لكن قبل أن تصل لباب القصر ، قابلتها الصاعقة تجرى باتجاه المجموعة الواقفة بالخارج ، امرأة رائعة الجمال ، بجسد متناسق تتهادى فى عباءة من الساتان الأزرق ، مفتوحة من الجمب ،

توقفت هدى لتتابع هذه الفاتنة ، وجدتها تتجه لترمى

نفسها بين يدى خالد ، الذى بادلها الاحضان ، كما فعلت ،

اقتربت منها الخادمة بخطوة وهى تقول

+

... هاد الأميرة ليان ، زوجة الأمير خالد ....

يتبع

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

...أنا موافقة اسافر معاك ...