رواية لمار ودياب ( دياب و لمار ) الجزء الرابع 4 بقلم اميرة اسامة

رواية لمار ودياب ( دياب و لمار ) الجزء الرابع 4 هى رواية من تأليف المؤلفة المميزة اميرة اسامة رواية لمار ودياب ( دياب و لمار ) الجزء الرابع 4 صدرت لاول مرة على فيسبوك الشهير رواية لمار ودياب ( دياب و لمار ) الجزء الرابع 4 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية لمار ودياب ( دياب و لمار ) الجزء الرابع 4

رواية لمار ودياب ( دياب و لمار ) الجزء الرابع 4

عدي حوالي 3 ايام علي وجود كارمن وسط عيله انس اللي بسرعه حست كارمن بالامان والحب والدفا معاهم عرفتها ياسمين علي ريناد اللي كانت متأثره بحكايتها جدا وبسرعه ال3 بنات قربو من بعض كأنهم بقالهم زمن يعرفو بعض...والد انس ووالدته كانو طول الوقت بيتكلمو مع كارمن ويضحكو ويهزرو عشان يشيلو منها الخوف والرهبه اللي كانت حاسه بيهم اول ما وصلت كانو ماليين فراغها ووحدتها عوضوها في ايام بسيطه عن حب وحنيه افتقدتهم سنين.... كارمن عرفت والدتها باللي حصل وانها اتجوزت انس...فرحت والدتها عشان اطمنت عليها رغم وجعها انها مش معاها...وعدتها كارمن انها قريب هتشوفها وان يوم فرحها هي اللي هتكون معاها.....

اما انس. فا بعد ما رجع عالقسم.وقت ما ساب كارمن وسط عيلته ..حقق مع الراجل العربي..بعد ما كمل ضرب فيه....وعرف ان ابوها السبب في كل ده..نزلت حمله مكثفه تجيبه فضلو يدورو طول ال3 ايام عليه في كل مكان لاكن مكنش ليه اي أثر حتي البيت مكنش بيرجع وهو انس كانو متابعين مع والدتها .لاكن كأنه فص ملح وداب...

اما بالنسبه للجهاز....كانو متابعين كل اخبار الرجاله وطمنين عليهم انهم في امان...وصل التلاته المحتجزين...ووصل عز الدين واتحط في سجن مشدد لحين التعافي التام...لانه كان واخد رصاصتين....اما عن مايا فاتكدو من برائتها ووطنيتها وقدر رامي يحقق اول هدف انه يثبت برائتها وقدرو يعرفو بلاوي كتير من خلال السي دي.. كانت مايا حفظاها وكانت مسجله صوت وصوره كل حاجه رامي قالها وبتثبت صحه كلامه..... وتم تبليغ اهلها بوفاتها اللي حزنو من قلبهم ان بنتهم كانت طول الوقت في خطر ومخبيه عليهم اما بالنسبه لموقفهم من رامي كان صعب لانهم شايفين ان هو السبب في كل ده...

........

انس....بقي كل ده يحصلك يا صاحبي وانا معرفش ولا حتي معاك.

دياب...بصوت مجهد...ده انت تحمد ربنا انك مكنتش معايا وإلا كان زمانك ميت كفايه انا... المهم مين قالك سياده اللواء

انس....اه لما اتصلت بحاتم باشا وسألته عليك عشان فجأه لقيت تليفونك اتقفل حكالي كل حاجه ..كنت فاكره بيضحك عليا وانك فيك حاجه بس الحمد لله انك بخير..

دياب...الحمد لله عدت علي خير...

فضل انس يحكيله عن اللي حصل الكام يوم اللي فاتو وعن جوازه بكارمن. وكان واضح علي صوته وهو بيحكي انه مبسوط...

فرح دياب عشان فرحه صاحبه واتمني من جواه انه هو كمان يحقق حلمه مع لمار...

انس...راجع امته..

دياب....احنا ساعتين تلاته كده وراجعين ان شاء الله..

انس...هجيلك

دياب...لا تجيلي ايه...انا اصلا راجع عالموقع تاني بتاع التدريب.

انس...طب ليه

دياب...انا اللي طلبت من حاتم باشا كده....لان حاليا لمار مفيش مكان تروحه غير انها ترجع السجن لحد ما نشوف هيحصل ايه.

انس....هي لسه متكلمتش يادياب.

دياب...للاسف لا...انت عامل ايه مع والدتها.

انس...والدتها اتحسنت كتير لدرجه اني حاسس اني لما بروحلها بتكون مبسوطه وكأنها مستنياني...عشان احكيلها عن لمار عن كارمن اتكلم معاها...الست دي بتصعب عليا بجد.

دياب...طب ايه اخبار مسعد

انس.تحت المراقبه متخافش بس الاتصال بينه هو وحنان مقطوع من اسبوع لاكن الاتنين تحت المراقبه متقلقش..

دياب...طيب اسمعني عايزك تجيبه عالمكان اللي قولتلك عليه..

انس...ايه انفذ خلاص..

دياب...اه مفيش وقت يا انس..احنا الصبح يطلع هنكون في مصر ولو حاتم باشا وافق ان لمار تأعد يومين تلاته عشاني فا ده جدعنه منه لاكن هي لازم ترجع السجن ...وبعدها خلاص مش هيبقي في وقت وانا لايمكن اسيبها تروح مني....

انس....تمام بقولك ايه...انا عايز اسالك سؤال صحيح...

دياب قول....

انس....انا لما بعت ليك صوره مسعد اول مره وانت وريتها للمار قالت متعرفهوش....والمره اللي بعدها لما جبت صورته من الواتس وبعتهالك قالت انه مسعد...

دياب.....اه صح....تصدق مجاش في بالي خالص 🤨..

انس....انا استغربت انها عدت عليك انت مش بيفوتك الهوا.

دياب...تمام هعرف منها الحكايه دي..

انس...تمام

دياب....ومبروك يا عريس..

انس...الله يبارك فيك يا صاحبي عقبال نا افرح بيك انت ولمار...

دياب...يارب.

انس....ابقي عرفها بقي عشان تتبسط وتطمن اكتر علي كارمن...

دياب....ماشي ياعم يلا روح بقي انت...وانا اول ما اوصل هعرفك عشان اشوفك وحشتني.

انس....وانت اكتر والله بقول ايه انت قولتلهم عندك انك جاي...

دياب...لا لا انا مش هعرفهم يومين تلاته كده لسه شكلي متدمر خالص بس تروح الكدمات والزرقان ده عشان ميقلقوش عليا.

انس...بضحك واضح انك اتطحنت..

دياب.....انا مستقبلي ضاع يا انس..

انس.....الللله بقيت سوسن ولا ايه.

دياب...اظبط يلا سوسن في عينك...احنا رجاله اوي ...انا اه اتطحنت بس موتهم يعني ميغركش الاجسام اللي طلعتلي دي..

انس....ماشي ياعم ظبطنا خلاص.

دياب...يلا اشوفك علي خير

انس....سلام يا صاحبي...

....................

خرج دياب من الاوضه بتاعته...راح علي اوضه لمار...

قامت لمار تفتح الباب

لمار...انت كويس.

دياب...اه الحمد لله ما انا واقف ادامك اهو مالك قلقتي ليه.

لمار....بحسبك تعبان.

دياب ..لا ياحبيبي انا بخير.

لمار ...طيب تعالي ادخل ارتاح.

دخل دياب اعد عالكنبه....ايه جاهزه.

سرحت لمار بحزن.....اه جاهزه..

دياب...بابتسامه ومالك بتردي كده ليه..مصر وحشتكيش بعد كل البهدله اللي حصلتلنا دي ..مش عايزه ترجعي

لمار.....اكيد وحشتني....بس لو عالبهدله مش فارقه كتير خدت عليها....بس لو عالرجوع....هتصدقني لو قولتلك رغم اني كنت شاكه اني ممكن ارجع بس كنت من جوايا حاسه انها هتعدي علي خير وهرجع ...بس معملتش حساب اللحظه دي....

ومتخيلتش ابدا...اني ممكن اكون مضايقه او خايفه .

دياب.....ليه بتقولي كده.

لمار.....نزلت دموعها ....الفتره اللي اعدتها معاك.....يمكن تكون اكتر فتره حلوه عدت في حياتي بعد قضيتي...

عارف لما تكون حياتك عاديه مفيهاش اي توتر ولا خوف ولا خطر ....ويجي يوم واحد يقلب حياتك ويدمرها ومتبقاش شايف اي لون فالدنيا غير اللون الاسود....وبعد فتره يجي يوم تاني...يغير حياتك ويقلبها من تاني. تدخل في حياه تانيه خالص بعيده كل البعد عن حياتك الاولي وشخصيتك  وتبتدي الدنيا تلون ادامك رغم الصعب اللي بتمر بيه فالحياه دي إلا ان كنت شيفاها ملونه....

في حياه يا دياب بنعيشها هاديه طول عمرنا....لاكن وقت قلبتها بتكره حياتك كلها حتي الحلو اللي عيشته فيها

وحياه تانيه بتكون كلها مخاطر وقلق وخوف لاكن بتحب كل لحظه فيها...

دي كانت حياتي معاك يادياب...

رغم اني عشت معاك فتره كلها خطر وخوف وتوتر إلا اني حبيت كل لحظه فيها انت ظهرت في اسوء فتره في حياتي .....لاكن قدرت تخليني انسي كل صعب فيها..

دياب.....وايه اللي مانعك انك تكملي فيها .

لمار.....انا عايزه اقولك انك كسبت التحدي يادياب....وقدرت تخليني احبك واتعلق بيك....بس لحد الوقت انا مش قادره اتكلم....قولتلك بلاش تعلقني وتعلق نفسك...عشان اللحظه دي..

دياب...هتصدقيني لو قولتلك ان لو كنت سمعت الكلام ده منك من فتره كان زماني شايط وبغلي وعايز اكسر دماغك دي عشان تنطقي...بس يمكن الوقت مش فارق معايا عارفه ليه.

لمار...ليه .

دياب...عشان انا قولتهالك وهقولهالك قبل كده....الموت مش هياخدك مني..مش هسمح بده...ولو انتي مش حابه تتكلمي مش هجبرك وهحترم رأيك....لاكن انا لاخر نفس فيا هحارب عشان اجيب برائتك...من غير نا اخليكي تتعرضي لموقف انتي خايفه منه....لاكن اني اسيبك ده استحاله...

وفضل دياب يحكيلها عن اللي حصل مع كارمن وانس....فرحت لمار بجواز كارمن..واطمنت اكتر عليها...

لمار....انت عارف يمكن ده اكتر خبر فرحني....عشان كلرمن تفوق وتعيش بقي كفايه وجع اوي لحد كده...عالاقل تلاقي حد يعوضها ...واكون مطمنه عليها.....حتي امي بسؤالكم عليها ديما....وبمرواح انس ليها. ده مريحني اوي ومطمني ان لو جرالي حاجه انتو مش هتسبوها ولا تنسوها ابدا....

دياب....طيب وانا يالمار....اطمنتي علي كارمن...وعلي امك....طب وانا فين...

لمار.....انت عارف اني عمري ما قصدت اوجعك وعارف كمان اني بتمني اعيش عمري كله معاك...

دياب...هتعيشي معايا وفحضني وهخبيكي جوه قلبي كمان.  بلاش عياط وعايزك تنسي اننا راجعين اصلا... وبعدين لسه اصلا بدري...احنا لسه هنروح عالموقع عشان اختلي بيكي😉😉

لمار....بضحك...قليل الادب.

دياب...بحبك.😍

لمار...وانا بحبك.

دياب...صحيح انا عايز اسألك سؤال.

لمار...قول

دياب....لما وريتك صوره مسعد اول مره وقولتلك انه كان بيحاول يقتل مامتك...واتخانفت انا وانتي...قولتي انك متعرفيهوش.....ولما وريتهولك وقولتلك ان ده واحد ليه قضيه مع انس وحبيت اعرف هو ايه ظروفه او تعرفيه ولا لا...قولتي انه مسعد...مش غريبه.دي.

لمار....لا مش غريبه...يمكن انا اللي المفروض اسال السؤال ده....؟؟

دياب...مش فاهم..

لمار...هفهمك....لما وريتهالي اول مره... اولا انا كنت بشبه عليه مكنتش متأكده ان هو...بس فنفس الوقت سكت لسبب واحد انت وقتها لما ورتني الصوره قولتلي ان الكلام اللي جيرانك بيقولوه شكله صح....طبعا انا كان لازم اقول معرفهوش لان لو كنت قولتلك انه مسعد كنت هتسأل مسعد مين..ولو كنت حكيتلك اني مكنتش برتاخله وانه كان هيعتدي عليا لما النور قطع فالمنطقه....مكنتش هتصدقني....

خوفت اتكلم انت اصلا كنت وقتها شابط ولو كنت حلفت بايه مكنش الكلام هيغير حاجه...ولما ورتهالي تاني مره....كانت صورته واضحه...ولقيت نفسي بقول اسمه تلقائي ومقدرتش ارجع في كلامي...بس وقتها مدخلش عليا حوار انس والقضيه ده..وكملت بضحك.كنت واثقه انك لسه شاكك فيا عادي حقك. بس وقتها كان لازم اقولك حكايتي معاه عشان اعرفك اد ايه بكرهه واعرفك ان لو في دماغك شك من ناحيتي ليه يبعد...وكنت منتظره نفس سؤالك ده ...لما انتي تعرفيه ليه مقولتيش اول مره انك تعرفيه ساعتها كنت هفهمك نفس السبب اللي خلاني مقولتش اول مره.....وبعد كده انا اللي كنت حابه اسالك بس بصراحه رجعت في كلامي خوفت يكون تحليلي للسؤال صح وانك فعلا شاكك فيا....

دياب....يااااه اد كده انا وجعتك وقتها.

لمار....ولا وجعتني ولا حاجه زي ماقولتلك حقك بس لو كنت سألت وسمعتها منك كنت هتوجع..

دياب...عموما والله العظيم ده اللي حصل فعلا وانس ليه قضيه مع الشاب ده...يعني مكنتش حابب اسال تاني..انا واثق فيكي يا لمار والله ماشكيت فيكي حتي اول مره سالتك كنت بحاول استفزك عشان تتكلمي مش قله ثقه صدقيني.

لمار...بابتسامه....وانا مصدقاك.

دياب....طب ايه اجهزي يلا قربنا نمشي وبعدين اول ما نوصل انا عاملك مفجأه.

لمار....ايه😳

دياب...قولت مفجأه.

لمار...والنبي.

دياب...بضحك...عيله اوي...ماشي ياستي...انا هجبلك احلي اكله شاورما مش كان نفسك فيها.

لمار...بضحك...انت لسه فاكر.

دياب...طبعا ياقلبي..انا اقدر انسي...

لمار...بحبك..😍😍

دياب...وانا بعشقك ياهبله...

....................................

وصل انس الڤيلا....كانو كلهم اعدين وبيحضرو العشا مع بعض.

انس.....مسااء الفل

رحمه....مساء النور يا حبيبي.

ابتسمت كارمن من بعيد...وبعدت وشها...هي في وجوده بتكون محرجه جدااا..من اهله وهو بيتعمد انه يضايقها خصوصا بعد ما والدته قررت تخلي كارمن تنام في اوضه لوحدها عشان يوم ما يكونو مع بعض يكون في شوق ولهفه بينهم وعشان انس يفضل متجنن عليها وتفضل غاليه عنده رحبت كارمن بالفكره وافقت علي طول وحست ان رحمه بتتكلم صح وانها فعلا اعتبرتها زي بنتها اما انس كان شايط وعامل زي العيل الصغير .ومضايق من موافقتها فقرر انه يرخم عليها ويحرجها....

قرب انس... وباسها من خدها...عامله ايه.

كارمن...😳😳😳الحمد لله.

رحمه....احنا قولنا ايه يا انس .

انس...الله بسلم عليها.

رحمه...انت عارف لو جيت جمبها تاني هعمل فيك ايه....لما تعملها اخلي فرح وتجبلها احلي شبكه وكل حقوقها تاخدها وتتعب فيها ابقي اعمل اللي انت عايزه

كارمن ...ضحكت كارمن هي وياسمين.

ياسمين...ياعيني يا انس....مامتك بقت حما عليك..

انس...بس يابت انتي😡😡وبعدين هو انا قولت لا يا ست الكل.

رحمه....لا مقولتش بس اتفقنا لما كل حاجه تستقر

انس...دي بوسه عالخد يعني

رحمه...ولا فالايد 🤨

انس...اضحكي اضحكي ...مبسوطه ها.

ياسين...جاي من ورا بتتخانقو ليه

انس....مفيش ياحاج مش تيجي تشوف مراتك اللس وافقه زي الشاويش بيني وبين كارمن...

رحمه...انا شاويش يا قليل الادب.

انس...والله الشاويش قلبه طيب عنك.

فضلت..كارمن وياسمين وياسين يضحكو عليه هو ووالدته والجو كان جميل بينهم...

كلو وخلصو اكل وفضلو مكملين الاعده مع بعض....

رن موبايل كارمن وهما اعدين...كانت والدتها سكتت شويه باستغراب وقفلت صوت الموبايل.

انس...مين بيكلمك.

كارمن...دي ماما.

انس...طيب ماتردي عليها.

كارمن....لما اطلع بقي وبعدين انا كلمتها من حوالي ساعتين.

انس...طيب ردي لا يكون في حاجه..

رحمه...ردي يا كارمن لا يكون عايزه تقولك حاجه..

قفل التليفون....مسكت كارمن قلبها وكأنها حست بقبضه جامده.

انس....انتي كويسه ..

كارمن...هزت راسها

انس...طيب يلاكلميها اطمني عليها.

رن موبايلها تاني...بصتله كارمن بخوف...

انس...ردي يلا

كارمن...بارتباك...الووووو.

مني.....ابوكي اتضرب بسكينه ياكارمن وفالمستشفي وطالب يشوفك..

كارمن..😳😳😳😳😳بدموع بتقولي ايه ياماما..

مني...انا فالمستشفي معاه تعاليه ياكارمن...

وقع التليفون من ايد كارمن ودموعها بتجري من غير كلام.

انس...في ايه ياكارمن.

ياسين..مالك يابنتي.

رحمه...والدتك بخير...

ياسمين...كوكي مالك بتعيطي ليه.

كارمن.....وديني المستشفي يا انس....ابويا بيموت.

انس...😳😳ايه.

كارمن...مفيش وقت وديني بسرعه.

انس....حاضر حاضر... يلا قومي

ياسين...انا جاي معاكم يا ابني.

رحمه...قوم يلا انا كمان جايه معاكم.

انس...طب يلا بسرعه..

خرج انس بسرعه هو وكارمن....وراح وراهم ياسين ورحمه حتي ياسمين مرضيتش تسبهم ...

اثناء الطريق كارمن كانت شارده فالطريق ودموعها نازله ومش عارفه بتعيط ليه...

انس....كارمن حبيبتي انتي متأكده انك عايزه تروحي

كارمن.....😢ايوه..

وصل انس...واهله ادام المستشفي...سأله علي مكانه وطلعو جري

كارمن لمحت امها واخواتها من بعيد....جريت عليهم...فضلو يحضنو فيها ويعيطو

مني.... وحشتيني يا كارمن..

كارمن...بدموع انتو اللي وحشتوني اوي...

انس....مساء الخير...

مني...مساء النور.

انس....ده والدي ووالدتي واختي.

سلمت عليهم مني ورحبت بيهم .

مني....كارمن...ادخلي لابوكي سال عليكي كتير ادخليليه ياكارمن..وقفت كارمن تبصلها وتبص لانس...

انس...ادخلي ياكارمن متخافيش ...

جهزتها الممرضه وعقمتها عشان كان في غرفه العنايه المركزه....

انس.....هو ايه اللي حصل.....

مني.....واحد كلمني هنا من المستشفي لما سعيد فاق...قالهم رقمي واتصلو عليا...

هو هنا من 3 ايام تقريبا كده من اليوم اللي خطف فيه كارمن...

والمحضر مكتوب فيه انه كلن بيلعب قمار عالفلوس اللي خدها من العريس وخسر واتخانق خو وواحد صاحبه وضربه بالسكينه...الطعنه كانت قويه واخترقت الطحال والدكتور بيقول انه نسبه شفاه ضعيفه...

انس.....هو عايز كارمن ليه..

مني...مش عارفه انا مرضتش اشيل ذنبه قولت اعرفها وهي حره توافق او ترفض...

انس...ربنا يستر..

.........دخلت كارمن مع الممرضه بعد ما جهزتها سابتها الممرضه وخرجت..

كانت بتقدم خطوه وتأخر خطوه...

وقفت ادام السرير وهي دموعها مش قادره تقف....

وقفت ادامه من غير ولا كلمه...

سعيد....كارمن....انتي هنا ..انتي وافقتي تيجي بجد....كنت حاسس انك مش هتيجي يا بنتي....نزلت دموعه...بس معرفش انك قلبك طيب اوي كده...

سامحيني يابنتي انا خلاص بموت.  انا حاسس ان النهايه قربت انا طلبت اشوفك عشان اقولك سامحيني واترجاكي تسامحيني عشان ربنا يخفف حسابي....

كارمن...بدموع....متتكلمش عشان متتعبش...متخا

سعيد...معقول خايفه عليا ياكارمن

كارمن..انت ابويا..

سعيد...سامحيني يابنتي انا أذيتك كتير ومشوفتيش معايا يوم عدل...ظلمتك كتير عارف انه صعب تسامحيني بس انا املي في قلبك كبير....

كارمن....انت عارف طول الطريق وانا جايه بحاول افتكر اي لحظه حلوه معاك...بحاول افتكر يوم اعدنا نضحك مع بعض نهزر اكتشفت اننا ملناش مع بعض اي ذكري حلوه دورت في تليفوني علي صوره بتجمعني بيك ملاقتش انا مشوفتش معاك يوم حلو. فعلا بس صدقني عنري ما اتمنيت اشوفك كده... عمري ماتمنتلك الموت...دعيتلك كتير وانا بصلي... طول الوقت كنت بتمني يكون ليا سند عمري ماشوفتك سندي....اتمنيت كتيير اوي احضنك كان نفسي اجرب حضنك كان نفسي لما اكون عندي مشكله اجري عليك...كان نفسي الاقي ايدك هي اللي بتطبطب عليا مش ايد حد تاني...اتمنيت حجات كتير اوي.....

انا المفروض اكرهك...بس مش عارفه

لما سمعت انك فالمستشفي...طول الطريق بدعي في سري انك تكون بخير وانك تقوملي بالسلامه....انا اكتشفت اني بحبك وبخاف عليك رغم انك اكتر حد أذاني فالدنيا.

سعيد...بدموع....احضنيني ياكارمن وقولي انك مسمحاني قبل ما اموت يا بنتي.

اترمت كارمن في حضنه وهي بتعيط....اااااااه حضنك اتأخر اوي استنيته كتير ....فضل سعيد يبوس في دماغها وايدها....

كارمن....انت هتبقي كويس انا عارفه ربنا اكيد عمل كده عشان ترجع للاحسن وتعوضنا وتاخدنا في حضنك من تاني.

سعيد....بتعب...فات الاوان يا كارمن يارتني فوقت من زمان....سامحيني يابنتي شيطان كان راكبني ...شيطان ضيعني وضعيكم من ايدي....لو اعرف ان حضنك في الحب والامان ده كله مكنتش عمري أذيتك....رغم اللي عملته ده لسه بتحبيني......الدنيا دي درس يا كارمن يا نخرج من الدرس فاهمين. وننجح يانخرج مش فاهمين اي حاجه وبنلطش...ويوم الامتحان....ميبقاش حيلتنا غير الدموع والندم عالوقت اللي ضاع من غير ما نفهم الدرس صح👌

كارمن....بلاش الكلام ده ارجوك انا مصدقت انك رجعت.

سعيد...قولي انك مسمحاني ياكارمن...خليني اموت مرتاح شويه.

كارمن...مسمحاك يا بابا والله مسمحاك....

سعيد....نزلت دموعه....براحه سامحني يارب....الحمد لله....وقفل عينه....وانتظم الخط /\^/\^ـــــــــــــــ💔💔

كارمن..🥺🥺🥺😳😳 بابا بابا رد عليا بابا انت كويس ..ارجوك قوم. متعملش كده انا مصدقت اجرب حضنك لاول مره في حياتي متحرمنيش منه ارجوك قوم...حرام عليك انا مصدقت الاقي السند والامان اللي فضلت ادور عليه طول عمري طب ارجع بس اتكام معايا شويه كمان حرام عليك يوم ما الاقيك.تروح مني..انا ملحقتش اشبع منك....حرام عليك....متوجعش قلبي...انا قولتلك مسمحاك ...قووووووم قووووووم..

دخل الدكاتره بسرعه...وخرجوها....خدها انس في حضنه. وانهارت كارمن💔💔💔💔💔

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

الحقيقه...بتشبه الزلزال....والاعتراف اول  التوابع.......

اوقات التوابع بتكون اسوأ من الزلزال..

حتي الحقيقه....رغم ان الاعتراف جزء من اظهارها لاكن...اوقات بيكون جوه الاعتراف الواحد حقايق كتييييير مستخبيه....

فأحذروا الاعترافات......والتوابع👌💔

وصل دياب وباقي الرجاله الي ارض الوطن بخير..وسلامه...

استقبلهم كبار رجال الدوله..بتشجيع واحتفال واعجاب....

حاتم...حضن دياب بقوه حمد الله عالسلامه يابطل

دياب...الله يسلمك يا افندم.

حاتم...وحشتني يا دياب كنت خايف عليك اوي.

دياب...اديني ادامك اهو يا حاتم باشا عمر الشقي...

حاتم.....حمد الله علي سلامتك يا بطله..مبسوط اني شوفتك بخير

لمار.....الله يسلمك يا افندم...انا كمان مبسوطه اني شوفت حضرتك

حاتم....طبعا انا عارف انكم راجعين مرهقين واكيد محتاجين ترتاحو لمده سنه ادام..انا هسيبكم ترتاحو كام يوم كده بس طبعا هترجعولي عشان في حجات كتير فالقضيه محتاجينكم معانا فيها واه صحيح يا دياب. انا مدتلك الفتره 10 ايام فالموقع عشان تقدر ترجع وانت بخير....ومش فيك اي حاجه تقلقهم عليك...وعشانك يا يالمار....من حقك تاخدني هدنه..بعد العمليه دي...من حقك تراجعي نفسك اعدي مع نفسك يا لمار...فكري كويس في مساقبلك فكري في والدتك...فكري فالناس اللي بيحبوكي... اعتبري الفتره دي...اعاده لحساباتك يالمار...عشان بعد الفتره دي انتي مضطره ترجعي السجن..من تاني...وبعدها هنشوف ايه اللي ممكن يتم معاكي...احنا مش هنسيبك...بس فكري بدل ما تاخدي حكم مخفف انتي ممكن تطلعي منها خالص...

لمار....بابتسامه بسيطه...شكرا يا افندم

حاتم....يلا يادياب....خد لمار وامشو عشان ترتاحو.

دياب....تمام يا افندم...

مر كذا يوم من غير اي احداث جديده

انس خلص كل اجراءات الدفن لسعيد و مكنش فيه غير ان انس لم شملهم من تاني....فتحلهم شقته  ورجعت كارمن اعدت مع والدتها واخواتها في الشقه بتاعت انس....وده كان بناءا علي رغبت كارمن...علي اد ما كان انس مضايق جدا انها هتبعد عن عينه...إلا انه مقدرش يعترض عشان حاله الحزن اللي كانت فيها وعشان هي بقالها فتره كبيره بعيده عنهم... فالبدايه رفضت مني انها تروح..شقه انس...لاكن بعد اقناع رحمه وياسين ليها اخيرا وافقت...خصوصا ان انس كان رافض تماما انهم يرجعو المنطقه بتاعتهم بعد ما هربت كارمن خاف انها ترجع وحد يقرب منها ويفتكرها سهله .اما كارمن فدخلت في حاله حزن غريبه..سيطرت عليها تماما...لدرجه ان والدتها واخواتها استغربوها لانها اكتر حد اتأذي منه..

مر حوالي خمس ايام...

كانت رحمه وياسمين مش بيسيبوهم عشان يخففو عنهم... وانس كان طول الوقت بيكلمها فالتليفون ويروحلها بيحاول يخرجها من حزنها.....

راح انس....لدياب وسلم عليه هو ولمار...وعرفهم كل جديد بيحصل..

وعرفه انس انه مقدرش ياخد مسعد...بسبب الظروف اللي كارمن كانت فيها....

اتفق دياب مع انس...علي خطه يعملوها...وينفذها انس بالحرف الواحد...وافق انس من غير اي اعتراض...

.............

اما عند كارمن....كانت اعده في اوضتها..في البلكونه...رافعه رجلها عالكرسي...وباصه للبحر بحزن.....

دخلت والدتها علبها بعد ما خبطت ومردتش.

مني....كارمن حبيبتي انتي مش سامعه ولا ايه بخبط عليكي بقالي كتير.

مسحت كارمن دموعها....في حاجه يا ماما معلش مسمعتش.

مني...هتفضلي حزينه كده يا كارمن....

كارمن...عيزاني اعمل ايه ياماما...

مني...مش عيزاكي تعملي حاجه يا بنتي عايزه اشوفك مبسوطه انك اخيرا هتقدري تشمي نفسك هتقدري تعيشي حياه طبيعيه..انا مش فاهمه انتي ازاي زعلانه كده اصلا ابوكي مش آذاكي مره ولا اتنين ده انتي طول عمرك عايشه في ظلم معاه.

كارمن....يمكن مشوفتش معاه يوم حلو في حياتي بس يوم ما مات حضني حضن احتاجته طول عمري طلب مني السماح ندم....وده ابويا.  وغلط كتير وحقه عليا اني اطلبله السماح طول عمري...مش بيقولو وولدآ صالح يدعو له....انا دعيتله كتير وهو عايش بالهدايه والوقت بدعيله بالرحمه والمغفره....

مني....ربنا يباركلي فيكي يا بنتي ياريته كان عايش عشان يعرف اد ايه رغم ظلمه ليكي لسه بتحبيه ....باخبر انا نسيت.

كارمن...مسحت دموعها في ايه يا ماما.

مني....جوزك بره يابنتي اعد مع اخواتك وجايب حجات كتير اوي..

كارمن....انس بره...ده لسه مكلمني من شويه وقايلي انه عنده مشوار مهم.

مني...معرفش تعالي اخرجيله احسن اخواتك هياكلو دماغه بره...علي ما اعمله قهوه واحضر الغدا...

كارمن...طيب روحي وانا جايه وراكي.

مني...طيب يلا متتأخريش.

كارمن...حاضر....

......................

خرجت كارمن بعد مده بسيطه وقفت مصدومه اول ما شافت انس اعد هو واخواتها اعدين علي الكنب...وحواليهم لعب وعرايس كتير...

انس.....هاتي بس المكعبات دي...انتي مش عارفه تركبيهم.

ريتال....لا انا عارفه حضرتك قولت كده من شويه ومعرفتش...

چنا...ايوه صح حضرتك مش بتعرف تركب المكعبات لازم تبص للصوره هي مش محتاجه اصلا دي سهله اوي..

ريتال...اقولك خد لنت العروسه العب بيها واحنا هنركب المكعبات.

انس...لا ياشيخه انتي وهي طب تصدقو محدش مركبها غيري...وفضل يزغز فيها وهما يصوتو ويضحكو...

كارمن....خرجت...انت بتعمل ايه يا لنس..

قام انس...عدل نفسه ورسم الجديه...هااا لا خالص انا بس بتفرج عليهم وهما بيركبو المكعبات.

ريتال....هو حضرتك مكسوف تقول انك بتلعب بالمكعبات يا انكل انس.🤣🤣

انس....عض علي شفايفه بغضب😡

انا بلعب...لا طبعا وانا صغير..حط ايده علي دقنه لريتال وهو بيستحلفلها

ضحكت كارمن عليه....واضح فعلا انك كنت بتتفرج...

انس....ضحك...اوعي يابت انتي وهي انا رايح مع حبيبتي انا غلطان اني لعبت معاكم اصلا...

خد كارمن وراحو اعدو في البلكونه..

انس....اخواتك فتانين مش هلعب معاهم تاني..

كارمن....بابتسامه...ايه اللي انت جايبه ده كله يا انس...ده كتير اوي.

انس....متقوليش كده ياقلبي مفيش حاجه تكتر عليكم.انا نفسي اعمل اي حاجه عشان اخليكم مبسوطين واخليكي انتي بالذات مبسوطه..

كارمن...انت طيب اوي يا انس...

انس....بغرور...اه ما انا عارف.

ضحكت...كارمن وضربته علي ايده..

انس...بابتسامه...وحشتيني اوي

كارمن...انت وحشتني اكتر.

انس....احسن الوقت

كارمن...الحمد لله...قلبي واجعني اوي يا انس عشان بابا خايفه يكون بيتعزب.

انس...أدعيله كتير ياقلبي واكيد ربنا هيسمع منك...وكفايه انه حس بالندم قبل ما يموت وطلب المغفره...ربنا كريم اوي اكيد هيسامحه وهيغفرله ..

كارمن...يارب يا انس..

انس...هو انتي ازاي جميله كده...يعني نسيتي كل حاجه عملها في عمرك كله...عشان ثواني خدك في حضنه وطلب السماح.

كارمن...صدقني يا انس...في حجات كتير حوالينا لا يمكن تتعوض ولما بنفتقدها...حياتنا بتبقي وحشه وملهاش طعم... يمكن يكون بابا كان ظالم اوي...والمفروض اني اكرهه بس سعات بقول لنفسي هو عايش طول حياته تايهه عمره مافاق من القرف اللي كان بياخده....ويمكن لو فاق حتي دقيقه مش هيصدق اللي كان بيعمله....وفعلا يوم ما فاق بابا عرف انه كان غلط وطلب السماح...بابا دموعه كانت حقيقيه دخلت قلبي بمجرد ما شوفتها...وصدقني نسيت كل حاجه عملها فيا بمجرد ما خدني في حضنه....

انس.....عرفتي بقي انا حبيتك ليه...مش عشان صعبتي عليا وعشان الهبل اللي كنتي بتقوليه ده...لاكن عشان لقيت عندك قلب مشوفتوش في حياتي...قرب منها وباسها في خدها.براحه..

چنا....بتعملو ايه😳

انس....ايه لا مفيش...كنت بقولها حاجه في ودنها سر يعني.

ريتال....سر وانتو لوحدكم من غير اي حد😏

انس....عاجبك كده...اموتهم الوقت وادخل فيهم السجن.

ريتال....لا وعلي ايه اجري ياچنا🏃🏃

كارمن...بضحك لا خلاص الطيب احسن..🤣🤣

انس...مبسوطه اوي هااا اضحكي اضحكي😡

كارمن...خلاص حقك عليا😂🤐🤐

انس...بابتسامه جميله....طيب عندي ليكي خبر حلو....

كارمن...ايه ياسمين وريناد اتثبتو فالشىكه..

انس....خو ده طموحك فالاخبار الحلوه😒

كارمن...😂😂لا بس مفيش حاجه غير الخبر ده.

انس...هما عموما اتثبتو خلاص بس بردو مش ده..

كارمن...طب قول .

انس....ماشي ياستي...انتي عارفه اني بروح ديما لمدام ناريمان واطمن عليها زي ما كنت قولتلك عشان انتي مكنش ينفع تروحيلها...

كارمن....ايوه وعلي فكره كنت هقولك اني عارزه تروحلها خلاص اللي كانت خايفه اروحلها بسببه مات...المهم في ايه

انس.....ابدا يا ستي حالتها اتحسنت اكتر...والدكاتره بيقولو انها حالتها مستقره جدا وحالتها النفسيه في تحسن...وبيقولو انها تقدر تخرج كمان....وتكمل علاج فالبيت...

كارمن...بفرحه بجد 😳احلف يا انس..

انس...يابت انا هضحك عليكي ولله بجد...بس المشكله انها هتخرج ازاي وتبقي لوحدها...مين هيهتم بيها...انا ممكن اجبلها ممرضه البيت بس اخاف متاخدش بالها كويس او تطنشها

كارمن....هو انا ممكن اطلب منك طلب.

انس....طبعا يا قلبي...اكيد عايزه تروحيلها..

كارمن...لا...بس يعني كنت عايزه استأذنك لو ينفع تخليها تيجي هنا تأعد معانا وانا وماما هنخلي بالنا منها هي بتحبنا واكيد معانا هتبقي مرتاحه...لو مش موافق خلاص بس وافق اني اروحلها انا البيت بتاعهم وافضل معاها..

انس...ايه اللي بتقوليه ده...طبعا موافق انها تيجي ده بيتك مش بيتي وبعدين انا كنت هقولك كده بصراحه بس خوفت انتي متكونيش حابه خصوصا انها محتاجه رعايه خاصه..

كارمن....انا مكونش حابه....ازاي بس انت مش عارف هي غاليه عندي ازاي وبعدين انا اللي كان مانعني عنها ظروف  غصب عني لاكن الوقت مفيش حاجه تمنعني...عايزه لمار تكون مرتاحه ومطمنه عليها دي وصيتها اني مسبش مامتها..وانا مش هسبها لاخر يوم في عمري.

انس....بابتسامه بحبك يا احلي واطيب واحن كوكي فالدنيا....بقولك ايه...

قومي يلا البسي...وتعالي نروح نخلص اجراءات المستشفي ونجيبها..

كارمن....بجد😍 يعني هتكون معايا انهرده..

انس...ايوه يا ستي يلا قومي بقي .

كارمن..هوااااااا.

........

دياب......بتعملي ايه يا حبيبي كل ده..

لمار.....خلاص قربت اخلص اهو

دياب...طيب يلا جعان بقي

لمار...حاضر روح يلا اعد عالتربيزه وانا هجبلك الاكل.

دياب...ابتسم وضحك..

لمار....🤨🤨انت بتضحك علي ايه.

دياب...ابدآ بس تخيلت اننا متجوزين.وانا راجع من الشغل جعان وواقف ازن عشان اكل...

ابتسمت لمار😍وبعدين وشها اتغير😔..

طيب يلا روح وانا هجبلك الاكل

دياب....لا انا هساعدك عشان يمكن ربنا ينفخ في صورتك ونخلص.

لمار....😒قصدك اني بطيئه

دياب...لما اكل ابقي اقولك.

لمار...اخ تضمن يعني الامل وبعدين تقل ادبك.

دياب...اقل ادبي....دياب الدالي اللي بيقفله رجاله بشنبات يتقاله تقل ادبك.

لمار...اديك قولت رجاله بشنبات انا مش راجل..

دياب...انتي جعفر...😂

لمار...بتستفزني صح...جعفر جعفر ولا بيهمني..يووووووه

دياب...ايه يامجنونه.مالك

لمار...شعري وقع مضايقني.

دياب...تعالي لفي اعملهولك...ميت مره قولت يتربط عدل لفها دياب ورفع شعرها لفوق وحط فيه التوكه..ووطي عليها باسها من خدها..قمر ياناس.

لمار...باحراج...يلا روح خلاص الاكل خلص..

دياب....بابتسامه طب يلا..

خدو الاطباق وراحو عشان ياكلو...

دياب....تسلم ايدك الاكل شكله تحفه.

لمار...بجد

دياب...اه والله بجد.بس ليه النشاط ده كله كنت مشغلاني عندك طباخ ومبيهنش عليكي تساعديني.

لمار...اساعدك..في ايه..انت كنت بتعمل حاجه...ده انت كنت بتفتح في معلبات وبس😏

دياب...🙄احمدي ربنا اني فتحتلك اصلا...

لمار...ماشي ياسيدي...عموما عادي يعني حسيت اني مبسوطه قولت اقوم اعمل اي حاجه.

دياب....ماشي وانا عندي ليكي خبر هيبسطك اكتر.

لمار....ايه خبر ايه...

دياب....مامتك حالتها اتحسنت كتير اوي..واتكتبلها علي خروج كمان..

لمار...سابت الاكل بجدد😳😳

دياب...اه والله نفسيتها احسن قلبها احسن نفسها اتظبط...يعني بقت احسن كتير...

لمار...الحمد لله يارب الحمد لله...بس ماما ازاي هتخرج هتأعد ازاي لوحدها🥺🥺

دياب....لا ماهو انس هيروح الوقت يخلص كل اجراءات المستشفي وهتأعد مع كارمن ومامتها في شقه انس..

لمار...🥺🥺انت بتتكلم جد يا دياب.

دياب...اه والله العظيم..هو قاللي ان كارمن اللي قالتله كده...لانها وصيتك.

نزلت دموع لمار....الحمدلله كنت واثقه ان كارمن عمرها ما هتسيبها ابدا..

دياب....هو انتي تفرحي تعيطي تزعلي تعيطي...اعمل ايه يخليكي تضحكي..

ابتسمت لمار....ولا حاجه....هو انا ممكن اطلب منك طلب...

دياب....طبعا يا عمري واعتبريه كمان اتنفذ..

لمار...بتبصله بارتباك.🙄🥺

دياب...في ايه قولي..

لمار...عايزه اشوف كارمن.🙄

دياب....تاني يا لمار...مكفكيش البلطجيه اللي طلعو علينا .طيب مكفكيش النفسيه اللي انتي وهي كنتو فيها

لمار.....لا ماهو انا المرادي عايزه اشوفها بجد😔

دياب...نعمممممممم

لمار....اعتبره اخر طلب ليا فالدنيا يا دياب .عشان خاطري انا كلها ايام وهرجع السجن...ارجوك دي فرصتي

دياب...لمار انا مش هسيبك وابوس ايدك بلاش تستسلمي لفكره السجن

لمار...انا مش مستسلمه بس انا مش عايزه اشوفها عشان لو اتحكم عليا بالاعدام مرجعش اجدد حزنها اللي يادوب بيهدي شويه...بس كمان مش قادره بجد...اول مره انتو قولتو ان الحكم اتنفذ ملحقتش اشوفها ولا اخدها في حضني...ارجوك..

دياب....بشرط..

لمار....لو شرطك هو اني اتكلم فا خليك واثق يا دياب...اني استحاله اتكلم...

قولتهالك قبل كده يادياب...يمكن لو الموقف ده في اي حد غير امي كنت فكرت لاكن دي امي يادياب...مقدرش..

دياب...انتي ايه عايزه تجننيني انتي ليه انانيه كده...انا فين من حياتك يالمار..

لمار...انا انانيه...ياريت مكنش ده بقي حالي...ومكانك في حياتي كبير اوي يادياب وانت عارف حجمه...انا يمكن الاول مكنش فارق معايا حاجه غير اني ممسش امي.. بأي سوء...لاكن الوقت بدعي ربنا جول الوقت تحصل اي حاجه من عنده عشان مش بس الحكم يتخفف لا عشان اخرج خالص من القضيه واكون معاك...بس صعب...زي ما هو صعب اني اتكلم.

دياب...بص للجهه الاانيه بقله حيله..

مدت لمار ايدها مسكت ايد دياب...قولت ايه موافق.

بصلها دياب...وهو بيلومها بنظراته..ومسك ايدها جامد...هرتب كل حاجه مع انس...وهقولك المعاد.

ابتسمت...لمار..بطريقه طفوليه

ابتسم دياب غصب عنه وفضل يهز راسه....لاكن كان من جواه موافق عالمقابله دي جدااا عشان يتفقو مع بعض ويقدرو يأثرو علي لمار..

.......................

خلص نس وكارمن كل اجراءات المستشفي مع بعض...كارمن كانت عايزه تسيبه وتجري عليها بس هو كان ماسكها في ايده مش راضي يخليها تروح من غيره.

اني...يابنتي مالك بتشدي ايدك زي العيال كده ليه

كارمن...يوووه بقي ماتسبني اروحلها وخلص انت انا مالي انا بالاجراءات دي.

انس....مفيش مرواح لوحدك...عايزه حد يعاكسك ولا ايه🤨

كارمن...طب يلا اخلص...

انس...هتأكد بس منهم جهزو عربيه الاسعاف ولا لا..

كارمن....طب ليه اسعاف مش هي كويسه.

انس...ايوه حبيبي عشان يطلعوها لحد فوق من غير ما تتبهدل

كارمن...ماشي...

بعد وقت بسيط....راحو علي اوضه ناريمان....دخل انس وساب كارمن بره...

انس.....مساء الفل عامله ايه.

ابتسمت ناريمان اول ما شافته..

انس....تعرفي بقي انك وحشتيني جدا بقيت بحسك زي امي...وببقي مبسوط لما باجي واشوفك.واشوف ضحكتك...

ابتسمت ناريمان بحب..كانت نفسها تقوله ان ده نفس شعورها..وان هو اكتر حد خلي نفسيتها ترتاح شويه .

انس...انهرده انا جاي وعاملك مفجأتين...

هبتدي معاكي..بالمفجأه التانيه....وهي بقي انك بما انك صحتك اتحسنت كتير...فا انتي اتكتبلك علي خروج وانا خلصت كل الاجراءات وهنخرج

سرحت ناريمان...

انس...ااااه ادام سرحتي كده يبقي باسألي نفسك هأعد ازاي فالبيت لوحدي..صح....عموما انتي مش هتأعدي لوحدك...وبص عالباب....اظهر وبان عليك الامان..

دخلت كارمن...اول ما شافتها ناريمان...ابتسمت ودموعها مكلنتش بتقف..بقالها كتير مشافتهاش...

حضنتها كارمن وهي بتعيط...سامحيني يانونه.والله غصب عني...اكيد انس قالك اللي حصل...متزعليش مني والنبي..

انس.....هي عارفه كل حاجه ياكارمن...واكيد مقدره اللي كنتي فيه...بس. ده ميمنعش انك وحشتيها..

مارمن...وهي بتمسح دموعها...هي كمان وحشتني اوي..واكتر حاجه مفرحاني...انها هتيجي تأعد معايا انا وماما واخواتي...

انس....ودي خطوه كويسه جدا يمكن وجودها في وسطكم يحسن اكتر واكتر من حالتها.

كارمن....حبيبتي يانونه يلا اخرج بقي لو سمحت عشان اجهزها.

انس...بتطرديني لا بقولك ايه احنا بقينا صحاب.

كارمن....من قريب لاكن احنا من كتير اوي يعني اعمل الانا عيزاه.

ضحك...انس...ماشي يالمضه...انا هقف بره لحد ما تخلصو

كارمن...ماشي...يلا بقي عشان ناخدها ونمشي.

.............

عدي الوقت بسرعه...وصلت ناريمان بعربيه الاسعاف..

طلعوها فوق...الكل كان فرحان حتي ناريمان الفرحه كانت باينه عليها اوي...

طلعلها انس...الكرسي المتحرك...

وعرف مني وكارمن انهم يحطوها عالكرسي ويحركوها معاهم عشان نفسيتها تتحسن لانها بقالها فتره نايمه علي السرير.

كارمن...متقلقش انا هعملها كل حاجه انا مش مصدقه اصلا ان جمعنا بيت واحد ..

انس...ربنا يخليكم لبعض ومتتفرقوش ابدا.

كارمن...ويخليك ليا انا بحبك اوي يا انس...

انس...ايه الكلام الحلو ده انا لو اعرف انك هتكوني فرحانه كده كنت خرجتها من زمان.

كارمن...انت تستاهل كل حاجه يا انس...انت بالنسبالي عامل زي المنقذ.

انس...منقذ؟؟

كارمن....اه منقذ...كل ما اكون واقعه تشدني كل ما احزن تفرحني..كل مااخاف تطمني...كل ما بتمني بتحقق..

كل ما بمر بقسوه...بسرعه الاقي منك حنيه....تبقي منقذ ولا مش منقذ.

ابتسم...انس...وقرب من راسها باسها بحب...ربنا يخليكي ليا واوعدك يا كارمن طول مانا عايش..كل حاجه بتتمنيها هعملها واي حاجه وحشه هبعدها عنك قبل ما تقرب منك. وصدقيني اللي جاي هيكون كله حلو عشان احلي عيون..

كارمن...بحبك.

انس...وانا بحبك اوي...ويلا سبيني امشي...بدل ما اجيب الشيطان ونبات معاكي هنا

كارمن...بضحك لا وعلي ايه اتفضل يلا امشي.

انس....ماشي ياقلبي لو احتاجتو حاجه عرفيني بكره هعدي عليكي.وممكن اجبلكم رحمه وياسمين.

كارمن...بتقول رحمه هقولها🙄

انس....فتانه زي اخواتك جتكم القرف في حلاوتكم🤣🤣.

كارمن...باي😍😍😍😘😘😘

.......................

دخلت كارمن لنريمان الاوضه...ووالدتها

كارمن....وحشتيني يانونه اوي...

مني....اه والله ياناريمان لو من كام شهر بس منا قولنا اننا اعدين مع بعض مكنش حد صدقنا..

كارمن...فعلا ياماما...ربنا مبيعملش اي حاجه وحشه.

مني...سامحيني ياناريمان...انتي عارفه سعيد..مكنش بيخليكي اعتب الباب.

ابتسمت ناريمان..بحب.

كارمن...لا بقول ايه...يلا بقي نحضر احلي عشا مع بعض...بس قبل ما نحضر

تعالي معايا ياماما نقعدها عالكرسي.

مني...ليه يابنتي لا سبيها نايمه مرتاحه.

كارمن...لا مرتاحه ايه هي تعبانه ماهي زي الفل اهي...تخرج كده وتقف معانا كمان فالمطبخ...وهناكل عالسفره كمان...

مني...يابنتي سبيها..

كارمن...لا مش هسيبها هنا في نظام ياست ماما الاكل عالسفره الرغي فالمطبخ🤣 وكل مكان هروحه هتيجي معانا...صح يانونه.

ابتسمت..ناريمان دليل موافقتها.

كارمن...شوفتي اهي موافقه اطلعي منها ياست مني... احنا جامدين اوي وزي الفل ..

مسكت...كارمن ايدها باستها...بحب..

وخدوها معاهم عالمطبخ...عشان متحسش انها راقده ونفسيتها تتحسن اسرع.

.........

انس ....وصل ولتعشي معاهم وقالهم اللي حصل.

رحمه....الست دي صعبانه عليا اوي...فكره انك تشوف حته من روحك بتروح منك ومش قادر تتكلم ومتكتف احساسها يخوف...

ياسين....عندك..حق يارحمه..ده الواحد لو شاف كابوس وحش لحد بيحبه بيبقي بيصرخ وصوته مش طالع...مابالك بقي لو الكابوس ده اتحول لحقيقه..

ياسمين....فعلا يابابا تشبيهك صح...هي بالظبط كأنها في كابوس.

انس...ربنا يكون في عونها ويصبرها...المهم هتروحو بكره ولا ايه

رحمه....ماشي انا فاضيه مش ورايا حاجه.

يلسمين...ولا انا.

انس...تمام يبقي بكره...يلا بقي انا طالع انام مش قادر.

ياسين...ماشي ياحبيبي تصبح علي خير.

انس...وانت من اهله يا حبيبي.

رحمه...تصبح علي خير.

انس...وانتي من اهله يا امي.

ياسمين...خدني معاك يا انس.🙄

رحمه...مسكتها من ايدها اعدي يابت راحه فين...هو ايه اللي خدني معاك مين هيشيل وينضف معايا الشغاله اجازه.

انس....البسسسس عايزه تهربي اهي قفشتك 🤣🤣 يلا انا طالع.

ياسمين...اضحك اوي😒

..........     .............

طلع انس...خد شاور واعد عالسرير بتعب اتصل بكارمن يطمن عليها...كانت مبسوطه جدا .وسهرانين مع بعض.

قفل معاها انس...بعد فتره من الرغي واتصل علي دياب.... اللي كان متصل عليه 3 مرات..

1

قد يعجبك أيضاً

💎قلبيّ بنارِها مٌغرمٌ💎 بقلم Rose-amin

💎قلبيّ بنارِها مٌغرمٌ💎

3.1M

98K

سلامْ الله على العزيزٌ قلبيّ ! من الألم ، من الوجع ، من الإنشطار ! أما ذاكَ الذي طعنني غادراً وتسببَ لي بإنشطار روحي ، وجعل كياني مٌشتتً ما بين قلبيّ المٌعلق بعشقهِ ا...

السيد المغرور /بقلمي جهاد محمد  بقلم GegMohamed

السيد المغرور /بقلمي جهاد محمد

647K

10.1K

حب غرور تكبر انانية عائلة قسوة سعادة رحلة ثانية مع كل هذه الاشياء مع السيد المغرور بقلم/جهاد محمد

الـهيصَم " خطوط سوداءَ " بقلم v_yu208

الـهيصَم " خطوط سوداءَ "

146K

7.5K

شفتها وهيه ذبت عليه الزيت الچان على الطباخ ذبته على صدره اول مره اشوفه هيج متوجع شكد اتمنيتها موهيج ويا بس مع الاسف حطمت كُل طفولته وچان الثمن غالي؟؟

الموت الحي  بقلم paraa207

الموت الحي

3.8M

320K

عائله بسيطة تهب رياح الظروف لتسرق سعادتهم وتختبر صبرهم بأعز ما يملكون فكيف سيكون الصراع بينهم وبين تلك الظروف ؟ يتبع ...

الهجينه ♡ ( جارى تعديل السرد من عامي الى فصحى)  بقلم Hekaiatmahee

الهجينه ♡ ( جارى تعديل السرد من عامي الى فصح...

1.4M

104K

فتاه وليست بفتاه عاديه نشأت بظروف ليس لها مثيل تعتبر هجينه ترعرعرت عالعيش كالحيوانات .. الفئران والعناكب والحشرات هما رفقاء العمر بالنسبالها .. عاشت بالظلام الحالك .. تس...

الشيم بقلم rooz22a

الشيم

31.8K

1.8K

سنكتشف الحقيقة معآ...🤝

تنثر نجدها بصدٍ عني وفراقي صاداً عنها بقلم rioolpme

تنثر نجدها بصدٍ عني وفراقي صاداً عنها

43.1K

1.2K

مارح اطول عليكم تفضلوا بالقراءة..🤎 حسابي الانستا للرواية : rioolpme حسابي التيك توك : rioolpme

.......

انس...الوووو

دياب...انت فين يالا مش قولتلك قولي هتعمل ايه مع مامت لمار وتطمني.

انس...والله اتشغلت يادياب انا لسه حالا طالع عالسرير هموت من التعب.

دياب...عملت ايه.

انس....لا اطمن كله تمام وزي الفل ونفسيتها فالسما مبطلتش ابتسامه وضحك.

دياب...طيب الحمد لله..

انس...انت ايه الاخبار.

دياب...كله تمام عايزك في خدمه.

انس...يا ابني ما تبعد عن اهلي بقي انت اشترتني انا كرهتك وكرهت لمار وامها اقولك وكرهت كارمن.

ضحك...دياب...خلصت.

انس...اه خلصت.

دياب...طيب اسمع فاضي امته.

انس...انا مش فاضي يجي سنتين ادام.

دياب....اظبط هروقك.

انس....عايز ايه انجز اقولك قولي الانت عايزه مره واحده خليني اخد الصدمه كامله مش مجزئه😒

دياب...لمار عايزه تشوف كارمن

انس....تاني يا ابني هو انا مصباح علاء الدين اللي بيحقق طلبات لمار.

دياب...لا انا ياظريف هي طلبت مني وانت هتنفذ..

انس...حاضر ياسيدي عيني..يا كش المرادي يطلع عليكم اسد ياكلكم انتو الانتين ويخلصني منكم ...كل ما البت نفسيتها تتحسن تتعبوها.

دياب....لا ماهي المرادي مش هتتعب.

انس... ليه ان شاء الله.

دياب...عشان لمار هتشوفها بجد..🙂

انس...😳😳😳😳نعم

دياب...متنحش وتبرق زي ما سمعت

انس...انت بتهرج صح.

دياب...لا والله ابدا...اولا ده طلب لمار ..ثانيا انا شايف ان ممكن المقابله دي تخلي لمار تفكر بجد.ثالثا انا واثق ان كارمن نفسيتها هتبقي فالسما هتنسي ابوها وامها واسمها وكل الناس ومش هتشوف غير ضحكتها...رابعا بقي وده الاهم...معرفه كارمن.هتساعدنا الفتره الحايه كتير وهيكون ده جزء من خطه هقولك عليها.في خلال الكام يوم دول لازم نثبت برائه لمار...

انس....امممم مبدئيا موافق طب وحاتم باشا.

دياب...اطمن انا هظبط كل حاجه ومحدش يشم خبر.

انس...طب اشجيني ايه الخطه.

دياب...اسمعني كويس.

انس....قول

دياب..............................

..............................

............................

...........................

...........................!!بس

انس...يا ابن اللعيبه...حلو ده وانا معاك

دياب...تمام...المعاد امته

انس...بكره..علي بليل.

دياب....طب ليه بليل.

انس...امي وياسمين رايحينلهم بكره وبعدين بالنسبالكم انتو بليل هيكون امان اكتر.

دياب...تمام..هستناك..تبلغني الوقت والمكان لان البحر مش هينفع

انس...تمام الوقت هيكون ممكن علي 9 بالكتير.عشان هيروحو بدري اما المكان..

هيكون عندكم فالموقع.

دياب...نعممم

انس...اظن ده أكتر مكان امان ومقفول ولا حد يشوفنا ولا الهوا.

دياب...تصدق عندك حق.خلاص تمام.

انس...يلا انكل بقي عايز انام وارتاح منكم شويه

دياب...ماشي ياواطي...تصبح علي خير.

انس...بابتسامه وانت من اهله يا صاحبي...

خلص اليوم علي الكل من غير اي احداث..جديده...

وطلع نور يوم جديد....ملئ بالمشاعر...

دياب....اعملي حسابك....انا بلغت انس وهخليكي تشوفي كارمن انهرده.

لمار...بجد يادياب😍

دياب...من امته وانا بضحك عليكي.

لمار...يعني هشوفها انهرده.

دياب...اه وهتكلميها وتشوفك وتشوفيها.

لمار....طيب امته...

دياب...بليل هو بيقول ان والدته واخته رايحين عندهم هيزورو مامتك ويأعدو مع بعض بس يمشو هيجبها ويجي.

لمار....يجبها ويجي فين  هنا.😳

دياب....اه هنا ده اكتر مكان امان...بعيد عن البحر او اي مكان حد يشوفنا فيه...كده افضل وهتكونو براحتكم.

لمار...وهي بتاخد نفس طويل...طيب ماشي..

...................................

اما في ڤيلا دياب....

عادل...كان اعد فالجنينه. وحنان اعده جمبه...

حنان...تحب تشرب حاجه.

ابتسم...عادل بسخريه...غريبه

حنان...ايه اللي غريب في اللي بقوله

عادل...يعني اهتمامك...والاهم من ده انك بقالك يجي اسبوع بحاله مخرجتيش فيهم غير مره وده في حد ذاته غريب جدا بالنسبالي.

حنان...هو انا اخرج مش عاجبك اعد مش عاجبك.

عادل...لا عادي انا بس مستغرب.

حنان...لا متستغربش مليش مزاج اخرج ولا اروح في اي مكان بس اوعدك لما احسن اني احسن هرجع اخرج تاني😏

وقامت دخلت وسابته.

عادل....ايه بس اللي مأخرك عليا كده يا انس....ماهو لو دياب مش في مهمه كان زمانو جابلي ارار الموضوع ده...يارب خليك معايا

..........................

اما عند كارمن

وصلت رحمه وياسمين عند كارمن...شافو ناريمان.واتعرفو عليها ..وعرفتها كارمن بيهم..فالاول كانت ناريمان...محرجه...بعد كده بقت مندمجه معاهم...مبسوطه من لمتهم حاسه انها بقت في دنيا تانيه جديده...عليهم..

خلص اليوم بسرعه..وروحت رحمه وياسمين بعد يوم جميل..ابتدا بتعارف وخلص  بحب وقرب ومشاعر حلوه.

روحو بعربيه ياسمين....

ووصل انس...بعدهم بشويه...طلع اطمن عليهم ..

انس....لناريمان شكلك احسن كتير انهرده..يا ...بقولك ايه انا خلاص هقولك نونه زي البت دي وشاور علي كارمن.

كارمن...لا معلش محدش يقول نونه غيري.

انس....لا هقول 🤨🤨وهي موافقه صح يا نونه.

ابتسمت..ناريمان بحب...

انس...اهو شوفتي ألا قوليلي يانونه صحيح...لما انتي قمر الوقت كده امال زمان كنتي عامله ازاي...

كارمن...نعم انت جاي تعاكس😒

مني....ناريمان طول عمرها جميله...وزمان اول ما جت الحته كانت لسه شابه....كانت نسخه من لمار...نفس العيون والشعر الاسود والرموش الطويله...

كارمن...بحزن...ربنا يرحمها.

بص انس...لناريمان بخبث وغمزلها..😉

ابتسمت ناريمان..

انس...طيب خلاص غيرو السيره دي...وبص فالساعه كانت 8 ونص..

بقول ايه يا طنط...

مني....نعم يا انس.

انس...هو انا ممكن استأذنك اخد كارمن بس نخرج شويه وارجعها تاني.

مني...انت بتستأذن يا لنس دي مراتك يا حبيبي.

انس...مراتي قانونا مش شرعا وادام هي لسه معاكي في مكان واحد طبعا لازم استأذن.

مني....ربنا يخليك يا انس...طبعا موافقه انا بنتي مطمنه عليها معاك كأنها معايا بالظبط....بنتي سبقي مانت معاك لوحدها وانت عارف ظروفها كلها ومستغلتش ده وحطتها في عينك...

هخاف عليها الوقت وهي مراتك.

انس...ربنا يخليكي ليا وافضل ديما عند حسن ظنك.

مني...تسلم يا حبيبي يلا ياكارمن البسي وروحي.

كارمن...احنا هنروح فين.

انس...ياستي البسي بس متقطعيش برزقك..

ضحكت مني وناريمان علي انس..

وبعد شويه خدها انس...ونزلو ركبو العربيه ومشيو...

.....................

عند لمار ودياب فالموقع

لمار كانت اعده عالسرير بتاعها حاضنه رجلها بأيدها.جسمها زي التلج ومش علي بعضها...رغم فرحتها انها هتشوف لمار...لاكن كانت مرعوبه فمرت كتير تقول لدياب يلغي المعاد وانها صرفت نظر خلاص بس مكانتش قادره كانت عايزه تشوفها...

خبط دياب عالباب...

لمار...ادخل..

دياب....ايه اعده كده ليه

لمار....هما جم😳

دياب...راح دياب اعد جمبها عالسرير ومسك ايدها لا ياستي.فالطريق. مالك  وايدك ساقعه كده ليه

لمار.....خايفه يا دياب.جوايا خوف مش فهماه...

دياب...طبيعي يالمار...انتي مكنتيش مسافره وراجعه من غربه...

انتي كنتي ميته وراجعه من موت...يعني انها تشوفك صدمه ليها ورد فعلها صدمه ليكي...الموقف علي بعضه ليه هيبه طب اقولك علي حاجه..

لمار...قول..

دياب....انا نفسي حاسس اني متوتر..ومتسألنيش ليه بس احساس غريب فعلا..

لمار...انا فكرت اقولك الغي المعاد من كتر خوفي بس مقدرتش..محتاجه اشوفها...

دياب....متقلقيش هتعدي وعارف ان انتي وهي بعد المقابله دي هترتاحو اوي..متفكريش في بكره...استغلي اللحظه اللي انتي فيها يا لمار. افرحي مبتعرفيش تفرحي..

هزت لمار راسها ..

عدي...حوالي نص ساعه كمان....وصل اخيرا انس....دياب كان سايبله البوابه مفتوحه

دخل انس..وفتح العربيه ونزل...

انس...يلا تعالي

كارمن...بتوتر...ايه المكان ده...واحنا فين طول الطريق بقولك رايحين فين بتتوه قولي في ايه وايه المفجأه اللي انت عاملهالي دي...

انس....طيب ياستي هقولك...اهدي بس

بصي ياقلبي عارف ان اللي هتشوفيه ده...مش هتصدقيه. ممكن تزعلي مني بس اكيد هتعزريني...بس اللي متأكد منه انك هتفرحي بجد...ودي اهم حاجه عندي حتي لو هتزعلي مني.

كارمن...اني انا مش ممكن ازعل منك بس كل اللي انت بتقوله ده مش فهماه وكمان موترني جدا.....

ظهر دياب فاللحظه دي كان لوحده...

انا هقولك يا كارمن

لفت كارمن عالصوت..

كارمن...😳😳😳 دياب باشا.

قرب دياب منهم....دياب باشا الحق يا انس..بتقولي دياب باشا.🤨

دياب...لا انا دياب وبس...ده اولا ثانيا مبروك ياعروسه...بقيتي مرات اخويا...يعني من الاخر مينفعش دياب باشا دي خالص ولا ايه.

كارمن...بابتسامه لاكن كانت متوتره جدا...الله يبارك فيك..

دياب...يا ايه🤨

كارمن...يادياب..

دياب...كده.حلو....عينك فيها ميت سؤال عايزه تعرفي انتي فين وفي ايه وليه انس جابك هنا...وليه انا موجود هنا... واسأله كتير اوي...صح

كارمن...وهي بتبصلهم هما الاتنين صراحه اه ولو محدش فيكم قال في ايه انا ممكن يغم عليا حالا...

انس...ابتسم...لا ياحبيبي متخافيش..متنطق ياعم وقعت قلبها منكو لله.

كارمن...هما مين انا مش فاهمه حاجه.

دياب...خلاص نسبنا من الهزار ندخل فالجد...بصي ياكارمن....الفتره اللي فاتت دي حجات كتيييييير اوي حصلت...يمكن بعد ما تكتشفي السبب اللي جيتي هنا عشانه تزعلي مننا او من انس خصوصا بس صدقيني هو ملهوش ذنب ولا انا ليا ذنب...شغلنا بيفرض علينا حجات كتير اوي من ضمنهم اننا منتكلمش...

في حجات ياكارمن....بنتمني انها متحصلش...ولما بتحصل بنحاول نكدب علي نفسنا و منصدقهاش...واوقات بنصدق الكدبه دي.جدا...لدرجه اننا ممكن ننسي اصلا انها حصلت....

واوقات تانيه بقي...لو جيت قولتلك ان الحاجه دي محصلتش من البدايه اصلا ممكن متصدقيش...

باختصار...احنا سعات...بنكدب الحقيقه..وبنصدق الكدبه....بس عشان نرتاح والوجع اللي جوانا ده يهدي شويه....

كارمن....يمكن الكلام اللي بتقوله ده صح..بس بردو انا مش فاهمه حاجه وابتديت اتوتر بجد في ايه قولولي..

دياب....طيب هسألك اخر سؤال وبعد كده هقولك..

كارمن...اتفضل..

دياب...تفتكري....انتي جايه هنا ليه..

كارمن.....وهي بتفكر.....صدقني لو قولتلك معرفش يمكن وانا نازله مع انس...تخيلت اننا هنتمشي هنروح نأعد في مكان...هنتعشي بره...هنعمل اي حاجه....بس الوقت انا معنديش اي حاجه اتوقعها خالص...

دياب.....تمام يا كارمن....وانا مش هطول عليكي...عشان انا حاسس انك فعلا متوتره.....بس مش انتي بس اللي متوتره...في شخص تاني غيرك....انا واثق انه الوقت ميت في جلده...

كارمن....دق قلب كارمن...شخص؟؟؟!🥺🥺🥺

انس....وقف جمبها ومسك ايدها جامد...

وقام دياب....مشي بعيد..واختفي وسط الظلام....ورجع تاني... يظهر...وهو مادد ايده لورا وماسك حد...ومختفي وراه مش باين...من جسم دياب..قرب دياب اكتر...ووقف وساب ايد لمار...

كارمن...🥺🥺🥺🥺

بعد دياب عن لمار  وظهرت اخيرا ادام كارمن.

كارمن...😳😳😳🙊🙊🙊🙊🙊

مسكها دياب من ايدها وفضل يقرب بيها اكتر....لمار وكارمن دموعهم كانت بتجري بطريقه مش طبيعيه ومش بتقف...لاكن محدش فيهم كان بينطق...

وقف دياب بيها ...

دياب.....اليوم اليوم اللي انس بلغك فيه.ان الحكم اتنفذ...كان اول يوم للمار فالمكان ده....والسبب انها كانت بتشبه بنت المفروض انها كانت جاسوسه....اتدربت واتعلمت...مكناش بنام...لحد ما وصلت في يوم...انها اتحولت من لمار خالد البنهاوي....لمايا الحاوي....سافرنا انا وهي....فرنسا...حصل حجات كتير اوي...بس انتهت بالنصر....ورجعنا تاني....وطلبت تشوفك قبل ما ترجع السجن ده...عارف انك الوقت مش مستوعبه وينكن تكوني مسمعتيش اغلب كلامي...بس الشغل مينفعش نطلع اسراره بره....وهي مكانتش تقدر تقول....بس بعتتلك رساله لانها كانت عارفه انها هترجع عالاعدام علي طول مكنش هيبقي عندها فرصه تودعك غير برسالتها يعني لما بعتتها...كانت بتودعك بجد.....وودعتك تاني.  قبل ما تسافر لما انس وداكي عند البحر في مكانكم...كان ممكن تودعك بنفس الطريقه....بس المرادي هي مقدرتش.  وصراحه لنا مبسوط...يمكن تقدري تقنعيها المرادي امها تتكلم يمكن تقنعيها انها تمسك في اخر فرصه...

كارمن........انا كنت حاسه انك مموتيش...اصل استحاله تموتي وانا افضل عايشه لاننا روح واحده واستحاله اعيش بنص روح...تعرفي اني كنت حاسه بيكي يوم ما روحت البحر....طب تعرفي ان يوم ما هربت من بيتنا....شوفتك وحسيت بيكي تعرفي انك قولتيلي كلمي انس...وانا كلمته وهو انقذني....انتي كلمتيني انا لاي يمكن  اكون بيتهيألي انا سمعت نفسك واستحاله يالمار اتوه عن صوت نفسك.... بس انتي وجعتيني اوي....ليه مقولتلهمش لن استحاله اخرج سرهم بره...ليه مقولتلهمش انها ممكن تموت ليه مقولتهمش ارحموها من وجعها....ازاي هونت عليكي..طب انا لو ههون عليهم هما ده عشان شغلهم....انتي بقي ازاي هونت عليكي....حاولتي تحطي نفسك مكاني.وتبدلي الادوار....حاولتي تتخيلي جزء من اللي انا كنت فيه..

انتي عارفه يالمار...يوم ماهربت وروحت علي المكان بتاعي انا وانتي....افتكرت كلمتك لما قولتيلي لما تكوني مخنوقه تعالي هنا...ساعتها قولتلك لا طبعا انا بخاف استحاله اروح لوحدي من غيرك....بس لما مشيت ملقتش مكان غيره....متخيلتيش وقتها انا ممكن يكون فيا ايه....محستيش طيب بالوجع اللي كان بينهش في قلبي....محستيش بالخوف اللي مان فيا ساعتها....انا الدنيا اسودت في وشي في وقتها وده مش مجرد تعبير عن اللي كنت حاسه بيه...انا حقيقي الدنيا اسودت في وشي....من يوم ما انس قال انك موتي........

بصت كارمن لانس....انا مش هعتب عليك ولا حتي هلومك....بس عايزه اسألك سؤال....محستش لو لمره بس بالذنب...مصعبتش عليك....انت اكتر حد شافني كنت عامله ازاي....مفكرتش تقولي وتأكد عليا اني متكلمش ..انت عارف اني مكنتش هتكلم....هاكلم مع مين انت عارف اني مليش حد اصلا....

انس....كارمن انا.

كارمن...انا مش زعلانه منك...ولا من دياب......وبصت للمار...

ولا منك بس انا جوايا وجع لو اتقسم عالعالم كله الوقت هيملاهم من فوق لتحت.....وجوايا فرحه لو اتوزعت علي العالم كله.....بردو هتملاهم من فوق لتحت.....

كارمن....هو انتي بجد. 🥺

هي عايشه يا انس صح.

انس...عينه بتلمع من الدموع هو ودياب...

انس....اه والله عايشه ايه مش هتاخديها في حضنك ولا ايه...

لمار.....وحشتيني اوي.اوي.

كارمن....اترمت في حضنها وانهاروا الاتنين....

............

الفرحه اللي بتيجي بعد وجع....بيبقي ليها احساس تاني...بيحسسك بقيمت الفرحه...لاكن لو جاتلك فرصه انك تنسي الوجع بفرحه....ممكن تسمح للوجع يسرق فرحتك تاني....ولا هتحارب عشانها👌

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

عدي وقع طويل...لمار وكارمن في حضن بعض مش راضين يسيبو بعض...

انس....بقول ايه...احنا هنسيبكم مع بعض...واطلع انا ودياب...نشرب حاجه ونتكلم شويه....وانت. خليكو مع بعض...اكيد عندكم كلام كتير حابين تقولوه.

طلع...انس..ودياب.... عملو قهوه واعدو

دياب.. اكد علي كارمن متنطقش بكلمه..

انس...لا متقلقش انا هظبط كل حاجه..

انس.....ايه مش هتقولي الخطه...

دياب.....تمام

انس...مش هتقولي بقي الخطه...

دياب...انت لسه بتسأل انا مش قولتلك يالا...

انس...ياعم قول تاني عشان ابتدي...وانا كله تمام.

دياب....عمي ميعرفش حاجه الوقت خالص...اعرف بس ايه علاقه مراته بوالدت لمار....بعد كده ابلغه...

تاني...حاجه هتاخد اللي اسمه مسعد...علي المكان بتاعنا....

وتبلغني وطبعا هتسيب الباقي عليا

انس...طيب قول ورسيني عالحوار.

دياب...هتعرف كل حاجه لما تبلغني ان مسعد فالمكان واجي افهمك...وعايز ريناد وياسمين معانا

انس...ودول هيعملو ايه.

دياب...هفهمك بعد ما نخلص مع مسعد...الاتنين هيتملمو ادام حنان ويتعمدو انهم يتكلمو عن لمار....وعن قضيتها وهما اصلا اول ما يتكلمو عن قضيتها اكيدد هتعرف ان هي اللي يقصدوها....ياسمين تقول لريناد علي ان والدتها بقت احسن...وان انت خدتها تعيش مع كارمن....باختصار كل الحوار اللي تم ده....يتقال ادام حنان...طبعا هنعرف رد فعلها منهم....ده غير ان المراقبه علي موبايلها وعليها هي شخصيا هتكون وراها....تمام.

انس....تمام مع اني مش فاهم للدرجه...بس اوك.

دياب.. متوجعش قلبي انا كده كده لما اجي هتفهم كل حاجه.

انس...تمام...

وفضلو يتكلمو في كذا حاجه

اما عند كارمن ولمار...

كارمن...بصالها بحب....وحشتيني اوي مش مصدقه اني اعده ادامك.

لمار....انتي اللي وحشتيني اوي...لسه زعلانه.

كارمن...بابتسامه....للاسف مقدرش ازعل منك..انتي عارفه انا بحبك اد ايه..

لمار...كان غصب عني والله

كارمن....خلاص سيبنا بقي من الكلام ده...المهم اننا مع بعض...ونفكر فاللي جاي...عشان انا المرادي لايمكن اسيبك تبعدي عني....قوليلي يالمار ايه الله حصل..

لمار....كارمن عشان خاطري اقفلي الموضوع ده...عشان هو منتهي..انتي اكتر واحده عارفه اني استحاله اقول حاجه مش عايزه اقولها.

كارمن...ايوه بس لما تبقي فيها موتك وموتي انا كمان...يبقي لا مش هسمحلك يا لمار...

لمار...صدقيني يا كارمن معنديش حل..

كارمن...والله معندكيش حل..تمام انا عندي..

لمار...حل ايه اللي عندك...

كارمم....بتحدي....يا تعترفي يالمار باللي حصل....

لمار...مترقبه 🙄 يا اما ايه؟؟؟

كارمن...يا اما قسما بالله العظيم.يالمار...

هروح انا اعترف....واقول انك عملتي كده دفاع عني وان ابوكي كان هيعتدي عليا وانتي كنتي بتحميني منه.  وجرتيني بسرعه عشان محدش يعرف.ومقولتيش عشان سمعتي وعشان شكل ابوكي..

لمار...بابتسامه وزهول انتي مجنونه صح.

وقفت كارمن بغضب عكس ابتسامه لمار..

لا يالمار انا مش مجنونه وانا اقسمت بالله اني هعمل كده....انتي  سلبيه ومستسلمه...انا سبتك اول مره بس ده كان غصب عني لان باختصار اتفاجأت ان الحكم اتنفذ من غير ما حد يعرف...بس دخلت عليا لان زي ما قال انس انا مجرد صحبتك فا طبيعي مش هيبلغوني...لاكن المرادي انا لو سبتك تضيعي من ايدي يبقي مستاهلش حبك ليا.

لمار...بلاش عبط اصلا محدش هيصدق..

كارمن...لا هيصدقوني ومتقلقيش هسبكها كويس....

لمار...بغضب...بلاش دماغك دي...واطلعي منها ملكيش دعوه باي حاجه متخلنيش اندم اني طلبت اشوفك واعرفك انك عايشه...

كارمن...  بصوت عالي يشبه الصراخ...

دياااااااب...

لمار....بس يامجنونه.

كارمن...ديااااااااااب.

.........

دياب...ايه ده في ايه.

انس...ده صوت كارمن.

دياب...لمار حصلها حاجه

نزل جري هو وانس يشوفوهم..

كارمن.....دياااااااااب.

نزل دياب وانس...بسرعه وقفوا ادامهم كانو الاتنين كويسيين.

دياب...في ايه

انس....كارمن في ايه.

كارمن...بغضب رعبهم هما شخصيا..

لمار فاضلها اد ايه وترجع السجن.

دياب....يعني خمس. ست ايام.  ليه .

بصت كارمن للمار..

كارمن....ادامك بس يومين يا تعترفي..

يا قسما بايات الله البوم التالت هكون ببلغ.

انس...تبلغي في ايه ياكارمن وتبلغي عن مين

دياب...فهمينا ياكارمن حصل ايه...لمار قالتلك حاجه..

كارمن...لا مقالتش بس ادامها فرصه يومين يا دياب يا تقول.  يا هي عرفت انا هعمل ايه .

لمار...بدموع...كارمن ارجوكي بلاش كده

انس...ما تفهمونا في ايه.

لمار...بدموع...المجنونه دي بتهددني لو معترفتش هتروح تبلغ وتقول ان بابا كان بيعتدي عليها وانا عملت كده عشان احميها ورفضت اقول عشان سمعتها وعشان مفضحش بابا....

ابتسم دياب.....صح يا كارمن انتي صح.

لمار....انت مجنون هو ايه اللي انتي صح ..انتو اكيد اتجننتو.

انس....صدقيني يا لمار مش من مصلحتك انك تسكتي ولا تخبي لو تشوفي فرحه مامتك وهي شايفه كارمن هتتعبي اكتر.  بلاش تحرميها منك .

لمار....بدموع...مش بأيدي افهمو بقي حرام عليكو انتو ليه بتضغطو عليا بالشكل ده انا بني ادمه ارحموني بقي....

مشيت بسرعه من ادامهم ووقفت تبص لكارمن.....روحي واعترفي وكدبي بس انا هقول انك قولتيلي كده عشان تضغطي عليا اعترف بالحقيقه وبما انك معندكيش دليل مش هيصدقوكي....

جريت لمار علي اوضتها.

اعدت كارمن علي ركبتها بقله حيله وهي بتعيط..

كارمن....غبيه غبيه

انس....كارمن اندي والله قلبي حاسس ان كل حاجه هتتحل.

كارمن ....تتحل ازاي بس يا انس.

دياب....هتتحل يا كارمن زي ما انس بيقول....وعايزك معانا في حاجه مهمه.سيبك من لمار الوقت خالص احنا ادامنا كام يوم بس قبل ما ترجع لازم نعرف الحقيقه...

كارمن....الحقيقيه محدش يعرفها غيرها هي وطنط ناريمان....هي مش راضيه تتكلم وانا عارفه لمار دماغها زباله مش هتنطق....وطنط ناريمان....انتو عارفين حالتها..

دياب....اولا احنا تقريبا وصلنا لنص الحقيقيه ثانيا مامتها هتحتاج منك مجهود شويه

كارمن....ازاي..

دياب....عايزك تعرفيها لما ترجعي ان انس خدك للمار وانك عرفتي انها عايشه وشوفتيها وعايزك كمان تعرفيها انها بكره هترجع السجن وهو خلاكي تشوفيها قبل ما تترحل...وان خلال ايام الحكم هيتنفذ فيها...يمكن المرادي يكون عندها دافع تقدر تتكلم

كارمن....طب قدر تعبت.

دياب...لا مش هتتعب متخافيش...

كارمن...طيب ايه هو نص الحقيقه اللي وصلتوله...

انس...يمكن تستغربي او متصدقيش بس انا هقولك علي حاجه...

ابتدا انس يحكيلها من بدايه ما اتفق هو ودياب انه يعرف والدت لمار انها عايشه للقاتل لريناد اللي سمعت مرات عمها بتتفق مع حد عالقتل  للرقم اللي جابه انس...واكتشف ان القاتل اللي حنان كانت بتكلمه هو نفسه اللي كان عايز يموت والدتها اللي هو مسعد....اللي ضحك عليها وقالها انه في قضيه مع صاحبه....

انس...بس

دياب...يعني مرات عمي انا ليها علاقه بوالدت لمار ازاي انا معرفش بس احساسي عمره ما كدب وواثق ان في خيط بينهم يوصل لسبب القتل.

كارمن....انا مش مصدقه اللي بسمعه ده ده لو فيلم هنقول عليه كدب ...ويعدين يا انس انت قولت لمامت لمار وانا لا...

انس....مش وقته الوقت يا كارمن

كارمن...عندك حق مش وقته...خلينا فاللي احنا فيه...طب انا ممكن اقول حاجه بس متزعلش مني يادياب..

دياب...لا طبعا مش هزعل قولي.

كارمن...يمكن يعني تكون مرات عمك كانت علي علاقه بمسعد مثلا وبما ان طنط ناريمان عرفت علي اساس انه صاحب عمو خالد فقالت تقتلها عشان متفضحهاش...

دياب...لا طبعا اولا هي عندها شلل تام يعني مش خطر عليها ثانيا لو ده صح...طب ايه علاقه قتل لمار بوالدها.

كارمن...ايوه صح..انا دماغي لفت...

انس...المهم الوقت بلاش نشتت نفسنا ونفضل نفكر خلينا نبتدي علي طول...انتي مع والدتها...

وانا هجيب مسعد...وانت تيجي تشوفه...والباقي هستناك تبلغنا بيه..

دياب....هو ده الكلام....امسك بس اول الخيط وانا هجيب السيناريو كله..

كارمن.....تمام وانت بردو عرفها اني مصممه عاللي في دماغي

دياب....حاضر وقعنا في اتنين مجانين.

انس....صدقت والله يلا انا همشي انا بقي عشان اوصل كارمن ومتتأخرش...وبكره هعرفك ان مسعد تمام.

دياب...تمام هستني مكالمتك..

انس...سلام يا صاحبي..

دياب....سلام يا كارمن.

كارمن....خلي بالك منها والنبي.

دياب...بابتسامه حاضر لمار في عيني..

كارمن ....باي

دياب...باي..

...............

طلع دياب فوق...خبط علي اوضتها.وفتح...

كانت نايمه عالسرير ودافنه وشها بين ايديها.....

دياب...انتي كويسه...

رفعت لمار وشها مسحت دموعها.... الحمد لله...مشيو

دياب...اه مشيو لسه ماشيين..

لمار....كارمن كويسه.

دياب...كويسه ومصممه عاللي في دماغها.

لمار....حتي لو صممت معهاش دليل مش هيقدرو ياخدو بكلامها.

دياب....علي فكره انا عجبتني فكره كارمن اوي....بس زي ما انتي بتقولي معهاش دليل...بس تقدري تعتبري الدليل معاها  وانا هساعدها واعرفها تعمل ايه وتقول ايه...انتي اكيد عارفه اني اقدر بسهوله اعمل كده..

لمار....عشان خاطري يادياب..

دياب....بغضب....عيزاني اعملك خاطر وانتي ولا عملالي ولا عامله لكارمن ولا كأننا موجودين في حياتك....

قام وقف دياب....تصبحي علي خير

لمار....دياب🥺🥺🥺

دياب...بجديه....تصبحي علي خيييير

لمار🥺🙊🥺🙊🥺🙊

+

قد يعجبك أيضاً

💎قلبيّ بنارِها مٌغرمٌ💎 بقلم Rose-amin

💎قلبيّ بنارِها مٌغرمٌ💎

3.1M

98K

سلامْ الله على العزيزٌ قلبيّ ! من الألم ، من الوجع ، من الإنشطار ! أما ذاكَ الذي طعنني غادراً وتسببَ لي بإنشطار روحي ، وجعل كياني مٌشتتً ما بين قلبيّ المٌعلق بعشقهِ ا...

السيد المغرور /بقلمي جهاد محمد  بقلم GegMohamed

السيد المغرور /بقلمي جهاد محمد

647K

10.1K

حب غرور تكبر انانية عائلة قسوة سعادة رحلة ثانية مع كل هذه الاشياء مع السيد المغرور بقلم/جهاد محمد

الـهيصَم " خطوط سوداءَ " بقلم v_yu208

الـهيصَم " خطوط سوداءَ "

146K

7.5K

شفتها وهيه ذبت عليه الزيت الچان على الطباخ ذبته على صدره اول مره اشوفه هيج متوجع شكد اتمنيتها موهيج ويا بس مع الاسف حطمت كُل طفولته وچان الثمن غالي؟؟

الموت الحي  بقلم paraa207

الموت الحي

3.8M

320K

عائله بسيطة تهب رياح الظروف لتسرق سعادتهم وتختبر صبرهم بأعز ما يملكون فكيف سيكون الصراع بينهم وبين تلك الظروف ؟ يتبع ...

الهجينه ♡ ( جارى تعديل السرد من عامي الى فصحى)  بقلم Hekaiatmahee

الهجينه ♡ ( جارى تعديل السرد من عامي الى فصح...

1.4M

104K

فتاه وليست بفتاه عاديه نشأت بظروف ليس لها مثيل تعتبر هجينه ترعرعرت عالعيش كالحيوانات .. الفئران والعناكب والحشرات هما رفقاء العمر بالنسبالها .. عاشت بالظلام الحالك .. تس...

الشيم بقلم rooz22a

الشيم

31.8K

1.8K

سنكتشف الحقيقة معآ...🤝

تنثر نجدها بصدٍ عني وفراقي صاداً عنها بقلم rioolpme

تنثر نجدها بصدٍ عني وفراقي صاداً عنها

43.1K

1.2K

مارح اطول عليكم تفضلوا بالقراءة..🤎 حسابي الانستا للرواية : rioolpme حسابي التيك توك : rioolpme

.................................

في صباح يوم جديد...

عرفت كارمن....ناريمان بكل حاجه...

كان واضح عليها التأثر دموعها نزلت...ولاحظت كارمن تعابير وشها المختلفه وكأنك تعابيرها من غير كلام...بتتقول كلام كتير..

طول اليوم كارمن كانت بتحكيلها علي حجات زمان وعن مواقف حصلت بينهم كانت بتفكرها بكل لحظه حلوه عاشوفها مع بعض...

وناريمان...كانت بتسمع باهتمام ....

.................. 

عدي ساعات كتير من النهار...واتصل انس بدياب علي الساعه 6.

دياب...ايه يا انس..

انس...مسعد معانا فالمكان...

دياب.....تمام سيبه مرمي..انا هاجي الوقت حالا

انس...في انتظارك يا كبير...

قفل معاه دياب...وقام طلع لبس بسرعه ولبس وخرج....وراح خبط علي اوضه لمار يعرفها...

هي من امبارح وهي حابسه نفسها فالاوضه وسابها دياب خالص عشان تراجع نفسها.

فتحت لمار....وبصتله وهي ساكته.

دياب....لمار انا رايح مشوار بسرعه ومضطر اسيبك.

لمار...😳😳😳تسبني فين هنا.لوحدي لا طبعا مينفعش.واصلا انت رايح فين

دياب....امي تعبانه ولازم اشوفها حالا.

لمار....تعبانه ازاي.

دياب...مش عارف بس لازم اروحلها.

لمار...طيب وسياده اللواء لو عرف.

دياب...اطمني هتصرف وهو عموما مش هيقول حاجه..

لمار..طيب خدني معاك.

دياب...مش هينفع حد يشوفك هناك

لمار...هأعد فالعربيه

دياب....قولتلك مش هينفع انا مش هتأخر. والله ساعه ساعه ونص ساعتين بالكتير وهتلاقيني ادامك.

لمار...طيب متتأخرش من فضل انا بخاف

دياب...متخافيش المكان هنا امان

لمار...بردو متتاخرش

دياب...حاضر عايزه حاجه اجبهالك وانا جاي.

لمار...لا شكرا..

دياب...خلي بالك من نفسك..

لمار...حاضر.

دياب...سلام

لمار...سلام...

مشي دياب ودخلت لمار اوضتها قفلت علي نفسها الباب..

......................

اتصلت لمار علي كارمن.

كارمن...اول ما شافت رقمها ضحكت بفرحه.....الووو

لمار......وحشني كلامي معاكي فالموبايل اوي.

كارمن....سكتت شويه....وانا كمان وحشني صوتك..

لمار.......ماما كويسه.

كارمن....الحمد لله هي وماما اعدين في اوضتها

لمار....ممكن اطلب منك طلب.

كارمن....اتفضلي😔🥺

لمار...ممكن تسيبي الخط بيني وبينك...زي ما كنا بنعمل زمان...وحشني اوي ان اعرف كل حاجه بتعمليها.

كارمن.....ابتسمت بحب... حاضر لحظه اركب الهاند فري...

ابتسمت لمار بارتياح...

وفضلو مع بعض....

.........................

وصل دياب المكان اللي مسعد محجوز فيه.

دياب...لمح انس ..ايه هو فين.

انس...حوه مربوط عالكرسي واعد ينادي زي النسوان..

دياب...تمام تعالا ورايا..

دخل دياب وانس..وكام واحد من رجالت دياب...

مسعد كان اعد علي كرسي....مربوط عينه وايده مربوطه ورا ضهر الكرسي ورجله مربوطه فالكرسي....

اول ما سمع الباب بيتفتح...

مسعد.....مين اللي هنا.....حد يرد عليا انا فين.....مين هنا ردوا عليااااااا😡 انتو مين وعايزين ايه مني.....

دياب...بيقرب وصوت خطواته هو والرجاله بتقرب....جاب كرسي واعد ادامه بالظبط...لدرجه ان مسعد كان سامع صوت نفس دياب مات في جلده منه الخوف....

مسعد.....مين مين  انت مين وعايز مني ايه رد عليا...

دياب.....وطي صوتك...مبحبش الصوت العالي .

مسعد...انت مين.

دياب....شاور لانس يرفع الرباط اللي علي عينه...

مسعد فضل يغمض في عينه ويفتحها النور كان مضايقه.....انت مين...وجايبني هنا ليه

دياب...لو بطلت رغي النسوان ده هتعرف.

مسعد...سكت يا باشا خلاص

دياب....قرب يا انس...

مشي انس من ورا مسعد....وراح وقف جمب دياب..

دياب....ايه كده ممكن تكون عرفتش شويه انا جايبك هنا ليه.

اتصدم...مسعد.  بس أنكر...هاااا لا لا مش عارف يا باشا...

دياب....وحيات امك مش عارف. لو البدايه كده تبقي النهايه هتزعلك...

مسعد...لا والنبي يا باشا انا مليش دعوه والله ماليا دعوه.

دياب...حلو امال مين اللي ليه دعوه....

مسعد...ابوس ايدك ياباشا بلاش انا ممكن اتقتل فيها...

دياب...انجزز يلا...كنت عايز تقتل مدام ناريمان ليه. وايه علاقه حنان بيها.

مسعد.....😳 هو حضرتك عارف ان مدام حنان اللي قالتلي اقتلها.

دياب....حط دياب رجل علي رجل ونفخ دخان سيجارته والله يامسعد لو عرفت انا اعرف ايه انت هتنبهر.

مسعد....صدقني يا باشا هي طلبت مني اقتلها ومقالتليش السبب

دياب...لا ياشيخ وانت بتفذ وخلاص.

مسعد....والله يا باشا ما اعرف هي عرضت عليا مبلغ وانا لنا عرفت المبلغ وافقت لاني محتاج فلوس.

دياب...احكيلي اللي حصل....

مسعد.....مفيش انا اعرف ست ناريمان وجوزها خالد الله يرحمه كان صاحبي...

وبنتهم لمار كانو جيراني اصلا في المنطقه....وانا عرفت ست حنان دي...من خالد.

دياب...وانس بصو لبعض 😳😳😳😳 عرفتها عن طريق والد لمار يعني

مسعد...بالظبط كده يا باشا كانو علي علاقه مع بعض.

دياب....😳 علاقه ازاي

مسعد...لا مش علاقه وحشه علاقه في بينهم كلام وحكايات معرفش عنها حاجه برغم ان انا وخالد كنا صحاب بس عمره محكالي عن اللي بينهم

دياب....يعني مدام ناريمان وبنتها لمار تعرف حنان.

مسعد...لا يا باشا مظنش خالص...خالد كان كل اللي بينه وبينه تليفونات وكان بيقابلها كل فتره...ورحت معاه مرتين قبل كده....بس كنت بقف بعيد

دياب......طيب لما هما مفيش بينهم علاقه وحشه ولما حنان متعرفهاش كانت عايزه تقتلها ليه...

مسعد...والمصحف الشريف يا باشا ما اعرف هو ده اللي اعرفه. والمصحف لو في حاجه تانيه هقولها هخبيها عليك ليه ياباشا..

دياب....وانا هصدقك يا مسعد...بس بشرط.

مسعد...خدامك يا باشا اللي تأمر بيه هنفذه.

دياب....هتكلم حنان...انا عارف انك انت وهي بقالكم اسبوع تقريبا مبتتكلموش...اصل نسيت اعرفك كل مكالمتكم واتفاقتكم معايا يعني متفكرش تلعب بديلك عشان كله متسجل والعين عليكم من الحكومه في كل حته يعني لبسنها لبسنها خصوصا ان الراجل الطيب ده شافك ومسكك فالمستشفب وانت ضربته بالمطوه في ايده وكمان الكاميرات جابتك يعني متقدرش تنكر وطبعا لو عايز تطلع منها يبقي تنفذ اللي هقوله بالحرف.

مسعد...والله يا باشا هعمل اللي تقولي عليه بس ابوس ايدك انا مليش دعوه..

دياب...تمام هتكلمها وتعرف سبب اختفائها وتبلغها  ناريمان خرجت من المستشفي...وان الناس بتقول ان حالتها كويسه ...وانك عرفت انها خرجت من المستشفي مع ظابط اسمه انس الجوهري....والظابط ده وداها في شقه مع بنت صاحبه بنتها اسمها كارمن....وانك قدرت توصل للبيت...

مسعد....طيب وهي هتصدقني.

دياب...دي بتاعتك مش بتاعتي...

مسعد...هتصدق ان شاء الله

دياب...تمام....واللي تبلغك بيه بالحرف يوصلني...

مسعد...حاضر حاضر ياباشا..

دياب ....تمام متحاولش تختفي عشان هجيب امك من قبل ما تفكر وزي ما قولتلك رجالتي وراك في كل حته

مسعد....والله ما هروح في اي حته.

دياب.....تمام

............................

سابه دياب يروح...

واتفق مع انس....انه يفهم ريناد وياسمين كل حاجه وان ياسمين تروح بكره لريناد وينفذووووو.

ومشي دياب علي الموقع...

كان مشغول جدا ودماغه مش ساكته لمار  مانت مضايقه من سكوته ولا كأنها معاه مكانتش تعرف اي حاجه بتحصل بس كانت مضايقه من تجاهله ليها...

.............................

في صباح يوم جديد.....

ملييييييئ بالاحداث

رن تليفون حنان...ولحسن حظها كانت لوحدها فالاوضه..

حنان....ايوه عايز ايه .

مسعد...ايه ياست الكل براحه شويه عليا ...

حنان...اخلص يا مسعد عايز ايه...انا كلمتك اخر مره وعرفتك متتصلش الا لو انا اللي عوزتك وعرفتك اني مش عارفه حاليا اجهزلك المبلغ في ايه بقي مهم عشان تتصل بيا🤨🤨🤨

مسعد...لا ده اللي عندي هيعجبك اوي يا ست الكل.

حنان...في ايه..

مسعد....ست ناريمان....خرجت من المستشفي..

حنان...بفرحه مصدقت حست انها فرصتها بعيد عن المستشفي...ايه بتتكلم جد😍راحت بيتها

مسعد...اه خرجت بس مراحتش بيتها..

حنان...امال راحت فين هي ليها حد. ماجوزها مات وبنتها غارت في داهيه وماتت .

مسعد.....هقولك...انا صراحه اليومين دول مأشفر عالاخر ولما لقيتك مبتسأليش قولت اروح انا اعس فالمكان كده...يمكن اعرف انفذ وتديني قرشين .ولقيت هناك حد معرفه قولتله يجبلي ارارها مين عندها مين بيزورها كده يعني...رجعلي المرسال وقال انها خرجت...من يومين..وان اتكتبلها علي خروج لما حالتها اتحسنت اوي...الدكاتره بيقولو انها احسن...ونفسيتها احسن...وكمان بيقولو انها عشان تتكلم ولا تتحرك مسئله وقت بسيطه...وادام حالتها استقرت ونفسيتها احسن فا ممكن تخف بسرعه....وعرفت انها مراحتش بيتها لان مفيش حد يراعيها.

حنان...بغضب....حالتها اتحسنت يا نهار اسود....وخرجت راحت فين ولا عند مين دي.

مسعد...المرسال اللي بعته بيقول ان في واحد هو اللي كان بيسأل عليها ومهتم بيها وشغال ظابط...عنده شقه مأعد فيها صاحبه بنت ست كارمن يقصد لمار طبعا ....ولما سالت هو يعرف اصلا صحبتها منين...قالي انه صاحب ظابط المباحث اللي كان ماسك قضيه لمار...وتقريبا كده وقع في حب البت كارمن بنت المحظوظه وبيقولو انه كتب كتابه عليه ولسه متجوزوش...وان صاحبتها طلبت منه يهتم بيها واول ما خفت طلبت انها تروح تاعد معاه عشان يهتمو بيها...وخرجت واعدين مع بعض في شقه الظابط...

حنان....بصدمه...انت بتقول ايه....انت بتقول ايه....اسمه ايه الظابط ده..

مسعد...والله يا ست حنان مش فاكر اوي....هو اسمه حاجه الجوهري.

حنان.....😳😳😳😳انس الجوهري.

مسعد....ايييييوه هو انس الجوهري...

حنان...يانهار اسود  ومنيل انت متأكد من اللي بتقوله

مسعد...زي مانا متأكد اني بكلمك هو في ايه ياست ما تفهميني يمكن افيدك

حنان....ناريمان لازم تموت وبسرعه انس يبقي صاحب دياب ابن اخو عادل...يعني لو ناريمان نطقت انا هروح في داهيه انا كل ما احاول اخلص منها الاقيها تقرب مني اكتر...اعمل ايه ياربي عشان اخلص منها.

مسعد...بسيطه جهزي المبلغ وانا اروح اخلصلك عليها فوري....اللي عرفته ان الظابط مش بيبات معاهم يعني هما حريم مع بعض وهعرف اخلص بسرعه

حنان....بكره هجهزلك اللي انت عايزه بس لازم تخلص يا مسعد ارجوك..

مسعد...وانا معاكي يا ست الكل...

قفلت حنان وهي مش علي بعضها ومرتبكه ومتوتره...وراحه جايه فالاوضه...

الباب خبط..كتير وهي مش بترد....زاد الخبط..

حنان...ادخلللللل😡

الشغاله....معلش يا ست حنان بس بخبط بقالي كتير .

حنان...عايزه ايه بلاش رغي.

الشغاله... الغدا جاهز.والجماعه منتظرينك.

حنان....مين تحت.

الشغاله...كلهم يا هانم...ومعاهم انسه ياسمين صاحبه الانسه ريناد..

حنان....بسرحان...ياسمين...طيب انا نازله حالا...

.......نزلت حنان كلو مع بعض كلهم وحاولت تبان طبيعيه وكانت علي غير العادي بتهزر مع ياسمين وريناد الكل كان مستغربها إلا ريناد وياسمين....لان انس عرفهم كل حاجه.

خلصو اكل..

خرج عادل وعاصم فالجنينه...

وطلعت ريهام تغير عشان تخرج....

اما نوال فا راحت تعمل القهوه بايدها لعاصم ....

اعدت....حنان قريبه منهم بتحاول تجيب طريقه تسأل بيها بس مكانتش عارفه تبدأ منين....لكن ياسمين وفرت عليها السؤال..

ريناد....مقولتليش ايه الموضوع اللي قولتيلي هننم فيه

ياسمين...بضحك...اه فكرتيني اسكتي مش انس اتجوز🙄

ريناد...ايه😳😳 اتجوز بجد

ياسمين...امال بهزار..ده احنا عرفنا بالصدفه من كام يوم بس مرضتش اقولك عشان اجيلك ونحكي.

ريناد...اتجوز مين وليه مره واحده ودياب عارف ولا هيطين عيشته.

ياسمين يا بنتي افهمي...هما كتبو كتاب بس .لاكن الفرح لسه

حنان....ايه ده معقول لنس يتجوز من غير ما يعزمنا..

ابتسمت ياسمين وريناد بفرحه ابتدو يشدو انتباهاا.

ياسمين...لا والله ياطنط مش كده احنا نفسنا محضرناش معاه.....انا هحكيلكم..

وابتدت ياسمين تحمي كل حاجه زي ما قالها انس...وكان نفس الكلام اللي مسعد قاله لحنان...اللي كانت مصدومه..

ياسمين...بس هي دي الحكايه

ريناد....والله يا ياسمين البنت دي صعبانه عليا من البدايه من اول ما دياب قال حكايتها كنت حساها بريئه

ومامتها صعبانه عليا بجد خصوصا ان جوزها وبنتها راحو ورا بعض..

ياسمين.....لا ده كمان في حاجه لو قولتهالك مش هتصدقي..

ريناد...ايه هي..

ياسمين.....البنت اللي اسمها لمار عايشه

حنان..😳😳😳😳

ريناد ...عايسه ايه يابنتي ده دياب اللي كان ماسك قضيتها وقال ماتت

ياسمين...اللي فهمته من كلام انس مع دياب فالتليفون ان في لواء شاف لمار وطلعت شبه بنت جاسوسه وقررو انهم يحطو لمار بدالها...وقضيه الجاسوسه دي كان اخوكي يا اختي بيحقق فيها بنفسه....وكلفوه يكمل مع لمار

ريناد...بتهرجي.

حنان...😳😳😳😳😳😳😳😳😳😳😳😳😳😳😳😳😳

ياسمين...اه والله خليني انا كده اجبلك في اخبار...حتي اخوكي متعرفيش عنه حاجه.

ريناد....انتي عارفه ان دياب في شغله مبينطقش.ولا يقول حاجه صامت.

ياسمين....ماهو زي انس...بس بصراحه انا اللي سمعته وهو بيتكلم مع دياب...ولمعت اوكر🤣🤣

ريناد...مش هتتعلمي ابدا....

عموما انا مبسوطه وحاسه ان المرادي البنت دي هتطلع من اللي هي فيه.

ياسمين ...المهم الوقت مفيش ولا كلمه تطلع احسن اروح في دافيه....

ريناد...عيب عليكي.

ياسمين...وحضرتك يا طنط حنان.

حنان بتمثيل انها مسمعتش....نعمممم.

غمزت ريناد لياسمين...

ياسمين...بقول  يعني يا طنط محدش يعرف اللي قولته ده.

حنان...انا مسمعتش اصلا كنتو بتقولو حاجه علي جواز انس. تقريبا

يا سمين لا ما احنا خلصنا الكلام...

حنان...طيب هستأذنكم انا بقي طالعه اوضتي...

طلعت حنان وهي باين عليها الارتباك والصدمه

اما ريناد وياسمين فا ادو لبعض كف 😉😉😉

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

دخلت حنان اوضتها وهي مرتبكه فضلت راحه جايه فالاوضه مش عارفه تعمل ايه...وفضلت تكلم نفسها.

حنان...عايشه...طب ازاي انا كنت ما صدقت انها ماتت تطلع عايشه...انا قولت خلصت منها اخلص كمان من امها....تطلع هي كمان عايشه..اعمل ايه اعمل ايه....انا كده لازم اخلص منها1 هي الاول قبل ما اخلص من امها عالاقل امها مبتتكلمش...لاكن هي.. هي اكيد عرفت حاجه عشان كده قتلت خالد...الله يخربيتك يا خالد الكلب ..انا لازم اتصرف فورا ولازم اعرف مكانها...بس هعرفه ازاي بس...

فضلت تفكر حنان ..

حنان....بس لقتها👌

مسكت موبايلها ...

حنان....الووووو

مسعد....ايوه ياست الكل...خير جاهزه.

حنان...اسمعني يا مسعد...انا عيزاك في حاجه تانيه اهم سيبك من ناريمان الوقت

مسعد...خير يا ست الكل اؤمريني رقبتي سداده.

حنان.....انا عيزاك تجبلي البت صاحبت لمار اللي ناريمان اعده معاها.

مسعد....كارمن

حنان...هي زفته....

مسعد..ايوه اقولها ايه يعني.

حنان....تقولها ايه ياغبي هو انا بقولك روح احكي معاها انا عيزاك تجبهالي....

مسعد...تقصدي اخطفها يعني.

حنان...الحمد لله انك فهمت.

مسعد...ايوه يا ست الكل بس ازاي حضرتك نسيتي يا هانم انها بقت مرات الظابط ..انتي مستغنيه عني ولا ايه...ده ليه معايا سابقه فالمستشفي قبل كده يعني لو اتقفشت مش هيسمي عليا. ده القتل عندي اسهل.

حنان....ازاي بقي دي بتاعتك مش بتاعتي وبعدين سهله هتقف تراقب البيت واكيد هتنزل لاي سبب واول ما تلمحها تخطفها وتكلمني هقولك تجيبها فين....هتعرف ولا اشوف غيرك

مسعد...لا غيري ايه بس يا ست الكل بعون الله هعرف...

حنان....تمام تقف عند البيت ومتسرحش لحظه لو طولت تاعد ال 24 ساعه تأعد بس عيزاك تخلص الحوار ده في اسرع وقت

مسعد...تمام ياست الكل استني مكالمه مني في اسرع وقت....

حنان...تمام.

قفلت معاه حنان واعدت عالكرسي تفكر

.........

انس...... بس هو ده كل اللي حصل انا قولت ابلغك باللي ياسمين قالتهولي عشان تبقي معايا عالخط

دياب.....كده بانت في سر كبير وانا اتأكدت الوقت ان حنان ليها علاقه بقضيه لمار حنان مبتهتمش بالرغي والكلام والاعده معني انها تأعد وتهتم بالكلام اللي داير حواليها يعني في حاجه كبيره...

انس... انا كمان متأكد بس لحد الوقت مش قادر استوعب كل اللي حاصل ده.

انت تمسك قضيه قتل لبنت قاتله ابوها..وبعد كده القضيه تروح في حته تانيه والبنت تطلع شبه بنت جاسوسه...

انا اهتم بصاحبتها واهتم بوالدتها واروح في مره المستشفي لما انت تقولي اعرفها ان بنتها عايشه عشان يكون عندها امل من تاني ودافع يخليها تتكلم....وبالصدفه الاقي واحد عايز يقتلها وفنفس التوقيت ريناد تسمع مرات عمك بتتفق مع واحد يقتل واحده...ولما عمك يقولي اجيب الرقم واعمل تتبع للشخص ده ويطلع واحد من منطقتهم واتفاجأ ان هو ده نفس الشخص اللي كان هيقتل والدت لمار...

دياب.....اهو اللي انت باقوله ده كله في دماغي وعلي اساسه رتبت ميت سيناريو ولاول مره اعجز ادام قضيه بالشكل ده والمصيبه ان القضيه تخص طرف في عيلتي ....استحاله يكون القدر مترتب بالشكل ده انا لو بشوف فيلم او مسلسل هقول ان المؤلف هربت منه وهو بيكتب....

انس......عندك حق....وكمان عندي احساس ان الحقيقه اكبر من كل توقعاتنا دي.

دياب....فعلا عشان كده بقولك اني اول مره امسك قضيه و اعجز عن الحقيقه...

انس.....خير ان شاء الله وانا متأكد ان كل ده حصل بتدببر من ربنا القضيه مش قضيه قتل لمار لابوها وبس...انا حاسس ان في قضيه اكبر بكتير من القتل....

دياب...عندك حق....عشان كده الفتره دي انا مطمن ومبقتش قلقان واثق ان ربنا هيظهر الحق....استحاله لمار تدخل في قضيه مايا والحكم يتأجل وكل اللغبطه اللي حصلت الفتره اللي فاتت دي عشان ترجع تتعدم لا ربنا عمل كده من البدايه عشان يكشف سر....والسر ده عند حنان.... المهم خليك متابع مسعد.

انس...ماقلقش هو متراقب 24 ساعه هو وحنان...

دياب....تمام

انس...بقولك ابه جبنا في سيره القط اقفل عشان مسعد بيكلمني شكل في حاجه.

دياب...تمام شوف في ايه وكلمني هروح اكلم ريناد وهستناك تقولي في ايه..

انس...تمام يلا سلام...

...........

انس.....ايوه يا مسعد.

مسعد....سعادت الباشا.

انس....في ايه.

مسعد...في جديد يا باشا.

انس...انجز.

مسعد.....انا بلغت ست حنان بكل اللي دياب باشا قاله..

انس...وردها كان ايه.

مسعد....اتصدمت لما عرفت ان حضرتك خدت ست ناريمان  تأعد عندك وكمان اعده مع صاحبت بنتها....واتصدمت لما عرفت ان جنابك اتجوزتها...وفضلت تقولي انس ده صاحب دياب...

انس...حلو اوي الكلام ده وبعدين.

مسعد....طلبت مني اخلص فورا وقالتلي بكره الفلوس هتكون معاك.

انس...في حاجه تانيه..

مسعد....ايوه يا باشا...بعد ما قفلت معايا بشويه مفيش ساعه رجعت كلمتني تاني وقالتي الغي الاتفاق عيزاك في حاجه تانيه....

انس...ايه هي.

مسعد...يعني ياباشا ....

انس...ماتنجز يا لا

مسعد....قالتلي ياباشا...اني اخطف الانسه كارمن مرات حضرتك..

انس....نعمممممم

مسعد....والله العظيم ياباشا ده اللي حصل وتقدر تتأكد من تسجيل المكالمات بنفسك.

انس...وطلبت منك كده ليه.

مسعد...والله ما قالت بس واضح عليها ان كان في حاجه كبيره اوي قلبت حالها فالساعه دي...

انس....تمام.

مسعد...هعمل ايه ياباشا.

انس...اقفل الوقت وهرجع اكلمك تاني.

مسعد...ماشي ياباشا...سلام....

................

اتصل انس...علي دياب كان وايتنج....

.....

دياب....تمام ياحبيبتي بصي انا هقفل الوقت عشان انس معايا عالوايت تقريبا مسعد قاله حاجه...

ريناد...ماشي ياحبيبي خلي بالك من نفسك ومن المزه😉😉

دياب.....اتلمي يابت ..🤨🤨

ريناد...ياعم انا قولت حاجه.

دياب...ماشي يالمضه المهم خلي بالك من نفسك اوي عشان خاطري...مش عايز اي حاجه تحصل وزي ما قولتلك لو عمي سألك قوليلي مفيش حاجه جديده لاحظتيها....وحنان تحرصي منها اوي....اتفقنا انا طول عمري مبطقش الست دي....بس لاول مره احس من ناحيتها بالخطر....

ريناد...اطمن يا ديبو متخفش والله

دياب...ماشي يلا حبيبتي سلام عشان انس بيتصل تاني....

ريناد....تمام باي...

.........

دياب...ايه ياعم في ايه.

انس....مل ده رغي.

دياب...الدنيا اتهدت ولا ايه

انس...اه يا خويا اتهدت لما مرات عمك تتفق مع مسعد بعد ما كلمها وقالها كل اللي انت قولتهوله تقوله يقتل ناريمان فورا وتبجي بعدها بساعه تقوله الغي الاتفاق وتتفق معاه انه يخطف كارمن.  تبقي اتهدت..

دياب...نعممممم تخطف كارمن...انت بتهرج صح.

انس...ودي فيها تهريج يا دياب...انا الوقت اتاكدت انها مليون فالميه ليها علاقه بقضيه لمار بس ايه علاقه كارمن بيها...مش عارف.

دياب....سرح شويه في كلام انس..

انس...روحت فين ما ترد عليا😡

دياب...انا هقولك....ريناد قالتلي ان ياسمين قالت ادامها علي اعتبار انها بتقول لريناد يعني ان لمار عايشه وحكوا ادامها القصه كلها....

بس ريناد بتقول عملت نفسها مش مركزه معاهم ووشها كان جايب الوان وواضح عليها جدا التغيير....وبعد كده سابتهم وطلعت....اكيد طلبت من مسعد يخطف كارمن....عشان تعرف من كارمن مكان لمار....

انس....تصدق صح...يا ابن اللاعيبه...طب وهنعمل ايه...

دياب....ودي عايزه سؤال...

انس...لا انسي.

دياب....مفيش حل غيره ياانس ومتقلقش احنا كلنا وراها يعني ومتنساش ان مسعد بقي معانا..

انس.....ماشي يا دياب...والمطلوب الوقت

دياب...تبلغ مسعد بأننا موافقين وتبلغ كارمن بكل حاجه

انس...تمام هعمل كده.

دياب....انس مش عايزه غلطه مفيش وقت حاتم باشا بلغني بعد ما سبتك وانا راجع فالطريق...اني بكره لمار تكون متسلمه...وقالي انه هيخليني اسلمها بنفسي مش عن طريق ضبط واحضار والجو ده....

انس...اطمن يا صاحبي والله كل حاجه هامشي زي نا احنا عايزين..

دياب....يارب يا انس....هي هيتحددلها جلسه من جديد عشان يشوفوا هيهترجع لنفس حكمها ويتنفذ ولا هيتحكم عليها بسجن يعني عشان هي كانت معاهم في قضيه مايا....

انس...برائه ان شاء الله ومش هنقبل اقل من كده..

دياب....انا هسيبها علي ربنا وعليك.

انس...وانا ادها ياصاحبي...يلا روح انت الوقت عشان ابلغ كارمن ومسعد

دياب...طيب يلا سلام.

انس...سلام....

اتصل انس بمسعد...اتفق معاه...وقفل معاه واتصل بكارمن بلغها بكل حاجه كانت مصدومه وخايفه لاكن وافقت من غير حتي ما تفكر....

.....

اليوم كان طويل وممل اوي علي لمار

كانت ساكته طول الوقت ونفسيا مش مظبوطه خصوصا بعد ما عرفت من دياب انه بكره الصبح هيروح بنفسه يسلمها السجن زي ما خدها اول مره....

وكانت مضايقه اكتر من تغيير دياب وسكوته طول الوقت هي كانت عارفه انه مضايق منها عشان مش بتتكلم وحبت انها متروحش تكلمه عشان ميرجعش يتعصب عليها او يضغط عليها بالكلام... فا فضلت السكوت.....

عدي اليوم بسرعه كل واحد فيهم حاول يمثل النوم في اوضته لاكن النوم كان حالف ما يزور عيونهم فالليله دي..

في صباح يوم جديد....

صحي دياب ولبس وجهز نفسه عشان يودع المكان خلاص...

خلص كل حاجه وخرج عشان يخبط علي لمار ويشوفها...فتح الباب واتفاجأ بيها اعده بره عالكرسي باصه عالترليزه بشرود وكأنها في دنيا تانيه شعرها بيطير من الهوا....ملامحها بهتانه مش باين عليها اي تعابير....ولا باين حزن ولا فرح ولا دموع ولا اي تعبير.   كانت بس شارده ووشها باهت

فضل دياب واقف ادام الباب باصص عليها شويه وقلبه بيتقطع من جوه نفسه يروح ياخدها في حضنه عارف انها عايزه تعيط تصرخ لاكن كانت بتحاول تبان قويه ومش هاممها كان عارف ان هي من جوه عكس اللي كان ظاهر...وان هي كانت مرعوبه....وعارف انها مضايقه من بعده عنها من يوم ما جم من السفر او بالاخص من يوم مقابله كارمن. لاكن هو كان متعمد ده.. اولا عشان يضعط عليها ثانيا هو فعلا كان مشغول طول الوقت بيحاول يربط الخيوط ببعض بيحاول يوصل للحقيقه...

راح عندها دياب......صباح الخير صحيتي امته.

لمار..................

دياب....لمار انتي سمعاني...

لمار............

دياب...لماااااار

لمار....ايه بتقول حاجه.

دياب...انتي مش معايا خالص..

لمار...اسفه مخدتش بالي .في حاجه.

دياب....انا خلصت جاهزه عشان نتحرك.

لمار.....بصت للمكان حواليها بوجع.....جاهزه يلا بينا.

دياب....يلا.

نزل دياب معاها وركبو العربيه واتحرك دياب...ولمار عينها عالموقع بحزن...

بعدو خالص فضلت باصه من الشباك بحاله من الحزن توجع ....طول الطريق الاتنين كانو ساكتين تماما...بالرغم ان دياب كان عنده ثقه وامل كبير فالله انه هيقدر يخرجها وبالرغم انه فعلا قرب من الحقيقه لاكن كان من جواه خايف ومرعوب......

عدي الوقت بسرعه وكلم دياب حاتم قاله انه قرب خلاص ...

بعد مده بسيطه....وصل دياب السجن.....ركن عربيته وبصلها وملامحه حزينه وواضح عليها العتاب....

دياب....يلا.

لمار...هزت راسها من سكات.

فتح دياب العربيه ونزل ونزلت لمار وقفو ادام بوابه السجن ودخلوا جوه...

طلعو فوق في مكتب...مدير السجن وكان اللواء حاتم موجود. وبعض الرموز الكبيره ..

دخل دياب معاه لمار وادي التحيه العسكريه..

دياب...تمام يا افندم...

حاتم....ازيك يادياب.

دياب..الحمد لله كله تمام.

حاتم...ازيك يالمار.

لمار....الحمد لله..

حاتم...عارف يالمار...انك عملتي معانا حجات كتير مهمه ولولا وجودك كان في حجات كتير اتغيرت او مكناش قدرنا نوصلها بالسرعه دي....اولهم براءه مايا...عشان كده احنا هنا انهرده عشان نعرفك اننا هنفضل معاكي وزي ما وعدتك قبل كده...اكيد الحكم هيتخفف اطمني..وهتنزلي زنزانه لوحدك عشان مفيش اي حد يضايقك او تتعرضي لاي حاجه انتي في غنا عنها....ووجودك هنا الوقت لابد منه لان انتي عليكي حكم ...

لمار...عارفه حضرتك. وانا بعفي حضرتك من اي كلام حابب تقوله الوقت او توضحه انا ادام حضرتك وجاهزه لاي حكم ....بس لو ممكن يعني قبل ما اخرج من هنا عالزنزانه ينفع اقول حاجه سريعه لدياب باشا ...

بصلها دياب وهو ساكت..

حاتم.. طبعا يالمار...اتفضلي خدها يا دياب بره.

دياب....تحت امر حضرتك يا افندم.اتفضلي

خرج بيها دياب بره وبعد شويه عن المكتب...ووقف بصلها من غير اي كلام...كان عنده امل بسيط انها ممكن تكون رجعت في كلامها وهتتكلم... وقف يسمعها....

لمار...فضلت تدعك ايدها في بعض بتوتر....وتبصله وكأنها بتكلمه بعينها..

لمار....عارفه انك مضايق مني وعارفه انك شايفني انانيه اوي...وحاسه باي مشاعر جواك....وبعدك عني الكام يوم اللي فاتو يثبت كلامي....دماغي الصغيره كانت بتقولي خاصميه وأزعلي منه...ابتسم دياب بحزن..كملت لمار...لاكن لو هفكر بالعقل انا مقدرش ازعل منك لان عارفه انك صح وعارفه كمان انك بتعمل كده عشان تضغط عليا..بس انا عايزه قبل ما امشي....يمكن اكون هشوفك تاني لاكن يمكن تكون دي المره الاخيره اللي هقف واتكلم فيها معاك.....💔

انا عمري ما في حياتي ماحبيت قبل كده....واكتر حاجه مفرحاني بجد ان حبك كان اول حب يدق قلبي...انا حبيتك اوي يادياب حبيتك لدرجه ان لو حبي ليك اتقاس بالسنين  سنين عمري هتكون قليله اوي علي حبك اللي فقلبي.....صدقني انا عمري ما كنت انانيه بس انا يمكن اكون انانيه في حب الناس اللي تخصني....زيك زي امي زي كارمن.....انتو التلاته من كتر حبي ليكو مستعده اضحي بحياتي عشانكم....ومش معني اني مفكرتش فيك او في كارمن يبقي مش بحبكم بالعكس....انا يمكن عندي وجع ضعف وجعكم..بس غصب عني....انا مش عايزه اطول.....انا بس حبيت اقولك عن مشاعري ناحيتك....يمكن الاول كنت بتحرج او بقولها بسرعه بس انهرده لازم تعرف مشاعري بجد...انت اكتر حاجه حلوه فالدنيا واكتر راجل راجل بجد...انا عملت معاك حجات متخيلتش انها ممكن تتعمل مع اي حد...ويكفيني اوي اني كنت معاك في مكان واحد ومستغلتش ده ويكفيني اننا لما سافرنا واتحطينا في موقف الكاميرا مستغلتش ده.....عرفت انا حبيتك ليه ضعف عمري عشان شوفت معاك في وقت قصير اللي مشفتهوش مع ناس عمر طويل....

انا بحبك اوي يادياب....ومش خايفه من الموت عشان حبك في قلبي هيموت ويفضل جوايا....

اخر حاجه احب اقولهالك.....لو الحكم فضل زي ماهو....عايزه اشوفك يوم تنفيذ الحكم.... عشان لو عايز تعرف الحقيقه هقولك مكان الرساله اللي كتبتهالك...وبعرفك فيها كل حاجه....وهتوعدني ان السر مش هيتعرف وكأنه مات معايا.....

دياب.....بصلها بوجع......حرام عليكي..

نزلت دموع لمار...وسابته ومشيت بسرعه خبطت عالمكتب ودخلت...وقف دياب باصص بزهول كأنه متكتف...قلبه واجعه عايز يكسر المكان عايز يطلع كميه الغضب اللي جواه....حاسس بعجز 

مشي...دياب عالمكتب...

كان مدير السجن نادي عالعسكري...عشان يوصل لمار...

وقف دياب حزن الدنيا مرسوم علي وشه....ومبينطقش..

دخل العسكري وخد لمار معاه...

دموعها نازله وكل شويه تبصله لحد ما اختفت من ادامه....

خلص حاتم كلام مع مدير السجن وباقي الرتب اللي كانت موجوده معاهم....ومشيو....خرجو بره السجن..

حاتم سلم عالناس اللي كانت معاهم ومشيو..

حاتم....بص لدياب..ايه روحت فين.

دياب...مع حضرتك ياحاتم باشا..

حاتم....اشمعني هي يا دياب..؟؟

بصله دياب وسكت.شويه....الحب مفيهوش اشمعني يا حاتم باشا..

حاتم....عارف بس بردو ليه ظروف ودي ظروفها مكانتش مستقره ازاي وامته...

دياب...صدقني مش عارف.

حاتم.....خد نفس طويل وبصله...طيب وبعدين.

دياب....لمار بريئه صدقني .

حاتم....قولي اساعدك ازاي يادياب وانا معاك....

بصله دياب بصدمه..

حاتم...هز دماغه بابتسامه....انت عارف انك غالي عندي وقولتهالك قبل كده انا عمري ما كان ليا ولاد...وانت وانس بعيدا عن الشغل بحسكم ولادي...ولو عندي ولاد كنت هفضل طول الوقت اتمني انهم يكونو زيكم...انا مصدقك يا دياب ومصدق انها بريئه...وهساعدك انت وهي ...

دياب...بابتسامه ربنا يخليك ليا حضنه دياب اوي.....ووقف معاه شويه حكاله علي كل حاجه بالتفصيل اتصدم اللواء...لاكن فالاخر قرر انه يرتب الخطوات بطريقه قانونيه اكتر ...

وخلص معاه ومشي.. عالڤيلا....

واول ما وصل الكل كان مبسوط حتي ريهام...اللي كأن روحها رجعت لما شافت دياب...إلا حنان اللي كانت طول الوقت مرتبكه ومرعوبه...وبتبصله بنظرات مترقبه كأنها عامله عامله...دياب كان مصمم انه يربكها اكتر كان كل شويه يبصلها ويفضل مركز في عينها بابتسامه خبيثه....

من كتر خوفها اتصلت بمسعد اجلت معاه خطف كارمن ليوم تاني...عشان تطمن من ناحيه دياب ....وطبعا انس ودياب عرفه بالكلام ده....ودياب اضايق كان عايز يعرف السبب في اسرع وقت...قرر انه يتجاهلها عشان تطمن من ناحيته وتنفذ.......

راح...دياب...زار ناريمان....في بيتها ودي كانت اول مره تشوفه...كانت عارفه ان هو اللي ماسك قضيه لمار من كلامهم لاكن مشافتهوش شافت انس بس حتي يوم الحادثه انس اللي راح عشان دياب مكنش موجود.. اتعرف عليها وعرفها بنفسه فضل يكلمها كتير عن لمار....وعرفها انها رجعت السجن...كان واضح عليها التأثر.....وطول الاعده كانت سرحانه في حاجه🙄....

خلص دياب.المقابله وروح...كارمن كانت حزينه اوي انس كان ملاحظ ده بس كان بيحاول يهون عليها ويطمنها....

عدي يوم والتاني والتالت...مفيش جديد من حنان....لسه قلقانه من وجود دياب....وخايفه تاخد خطوه غير لما تطمن...اما دياب..فا اتعمد يتكلم ادامهم علي قضيه لمار...في وجود حنان..لاكن مقالش علي رجوعها السجن عشان متفقدش الامل...بالعكس...قال انه أقنعها انها تتكلم وهي بتفكر حاليا....وقال انها في مكان بعيد عن السجن لحد ما يتحدد لها جلسه وده مجرد تقدير علي المجهود اللي عملته في قضيه مايا .والمكان ده محدش يعرفه غير هو وانس وكارمن...عشان يزيد عندها فكره خطف كارمن...

اما عند لمار....كانت حزينه ودخلت في حاله اكتئاب من يوم دخولها من اربع ايام دياب وكارمن اختفو محدش سال فيها خصوصا دياب بالرغم انه بقدر يجيلها ويقدر يوصلها إلا انه محاولش....مكانتش تعرف انه بره مش ساكت كانت فكراه زعلان منها وفقد الامل...واخيرا اتحددلها جلسه بعد يومين.عشان يتم النطق بالحكم من جديد علي قضيتها في جلسه خاصه ..

..................

اما عند حنان...

حنان....الووو

مسعد...ايوه ياست الكل.

حنان...نفذ يا مسعد.

مسعد...تحت امر جنابك...المكان.

حنان....انا أجرت ڤيلا فالتجمع هبعتلك العنوان. بتاعها عالواتس...واول ما تاخدها تروح بيها علي هناك تحبسها في البدروم بتاع الڤيلا وتقفل علبها وتمشي...وانا هروحلها لما تقولي ان كله تمام..

مسعد...تمام يا ست الكل والحساب...

حنان...متقلقش مش نسياك هتلاقي هناك شنطه فيها المبلغ..

مسعد...تمام انا هروح علي هناك الوقت واول ما يحصل هبلغك

حنان...ماشي يامسعد سلام...

..............

قفل مسعد...واتصل علي انس بلغه

اتصل انس...بدياب بلغه

دياب...تمام تقول لكارمن...بس تعرف مسعد انه مش الوقت يستني كمان ساعتين تلاته عشان تدخل علي حنان مينفعش يعرفها انه خدها كده علي طول...

انس...طيب الوقت في مشكله.

دياب...ايه.

انس...هنقول ايه لمامت كارمن.

دياب...أمممممم مش عارف

.بقولك ايه سيبها عليا دي..

انس....هتعمل ايه.

دياب...ياعم قولتلك سيبها عليا.

انس...تمام...

عدي الوقت بسرعه نزلت كارمن علي اساس تجيب حاجه من السوبر ماركت...كان مسعد تحت خدها بالعربيه.  وانس ورجاله من طرف حاتم كانو ورا مسعد لحد ما وصلو ادام الڤيلا.

مسعد....انسه كارمن

بصتله كارمن بقرف هي اصلا بتكرهه.

نعمممم

مسعد...معلش خدي البتاعه دي اربطيها علي عينك...ومعلش هربطلك ايدك عشان لما ننزل من العربيه لو في كاميرات تدخل علي ست حنان.

كارمن بتوتر....نجحت انها تخفيه تمام خدت منه الرباط ربطت عينها...وهو ربط ايدها ونزل ولف خدها ودخل بيها الڤيلا....

رن تليفون مسعد وهو ماشي بيها..

مسعد...ده انس باشا.

مسعد...ايوه يا انس باشا..

انس.....انا وراكم انا والرجاله...تدخل كارمن وتخرج من عندك فورا.

مسعد...حاضر ياباشا

انس...هي كويسه.

مسعد...اه يا باشا كويسه

انس...اديهالي

مسعد...مش هينفع يا باشا معلش انا خايف يكون في كاميرات وست حنان تلاحظ...انا اتوقع منها اي حاجه..

انس...افتح الاسبيكر.

مسعد...حاضر ياباشا هفتحه.....تمام ياباشا اتكلم..

انس....كارمن.

كارمن..بخوف.ايوه يانس.

انس....كارمن حبيبتي متخافيش اطمني...انا والرجاله وراكي اطمني انتي في امان.

كارمن...حاضر يا انس.

انس....جهاز التسجيل اللي معاكي مخبياه في هدومك كويس.

كارمن...ايوه اطمن..

انس...تمام يا حبيبتي .متخافيش لنا معاكي...

كارمن....مش خايفه متقلقش عليا.

انس...يلا ادخلي معاه..

قفل انس ودخلت كارمن معاه....نزلها البدروم...واعدها علي كرسي لقي شنطه فيها الفلوس خدها وساب كارمن  وخرج وقفل عليها...

واتصل بحنان.

مسعد...الوووو ايوه ياست الكل

حنان...ايوه يامسعد...حصل

مسعد...حصل وودتها الڤيلا كمان.

حنان..طيب تمام اختفي انت بقي بسرعه

مسعد...تمام يا ست الكل تؤمريني بحاجه تانيه.

حنان....لا يلا سلام انت.

قفل مسعد وبلغ انس انه كلمها...

قفل انس وكلم دياب بلغه وقفل.

دياب......كان اعد معاهم...انا هقوم انام شويه.

نوال...هتنام الوقت ياحبيبي دي الساعه 9

دياب...مش قادر والله يا امي هريح شويه ويمكن اصحي بعد شويه لو مصحتش سبيني نايم

نوال...ماشي ياحبيبي.

اتشاهدت حنان

طلع دياب....الاوضه بتاعته

وفضل مراقب من الشباك بتاع الاوضه بتاعته باب الڤيلا عشان يشوفها لما تخرج....

طلعت حنان عشان تلبس بسرعه وتخرج....

عادل.....انتي رايحه فين...

حنان...وهي بتتحرك فالاوضه بسرعه..مش وقتك يا عادل...

عادل...نعم...مش وقتي يعني ايه مش وقتي.

حنان...خارجه يا عادل خارجه فيها حاجه دي.

عادل...اه فيها كفايه خروج وسهر وقرف بقي وبعدين هو ايه اللي مش وقتي بالظبط ايه ياهانم...شيفاني خلاص مليش لازمه للدرجادي.

حنان...يووووم دي مبقتش عيشه دي....في ايه ياعادل انت عايز تتخانق وخلاص.

عادل...مجنون بقي هتعملي ايه وبعدين مالك متسربعه كده ليه انتي راحه فين بالظبط...

حنان ....هكون راجه فين يعني خارجه مع الشله.

عادل.. والله ومن امته وحنان هانم بتخرج متسربعه كده ده انتي حتي بتاخدي الهدوم من غير ما تقفي تختاري سنه ولا المرايه مش مهتمه بيها...

خافت حنان من سؤال  واتوترت  وخافت احسن تخرج ويمشي وراها....

حنان....يووووه انت عايز ايه ياعادل.

عادل....مفيش خروج ومتسأليش ليه مزاجي كده...

حنان....ماشي يا عادل وانا مش متنيله خارجه حاجه تاني....

دياب.....كان واقف قريب من اوضتها...

وحاطت ايده علي وشه...

وبيكلم نفسه....ليه كده يا عمي وقتك ده ماانت علي طول سايبها حبكت انهرده تفرد جناحك.

وقف دياب شويه لحد كا اتأكد انها مش هتخرج...

كلم....انس...

دياب...الوووو

انس...ايوه يا دياب ايه النظام عندك.

دياب....حكاله اللي حصل.

انس...نعم طب وبعدين هسيب كارمن كده...دي داخله رابطه عينها وايدها ومسعد ربطها فالكرسي...عشان تدخل علي حنان...

دياب....طب قولي اعمل ايه انا مش عارف اللي حصل انا قولتهولك...طب بقولك ايه....تقدر تدخلها..خليك معاها شويه...عشان متخافش وفكها والرجاله بره لو جت تنبهك...وانا مش هنام متقلقش انا وريناد هنراقبها لو خرجت هعرفك...

انس...طيب تمام...

دياب....المهم خلي بالك من الكاميرات...

انس...متقلقش انا عارف هدخل ازاي..

دياب...تمام وطمني لما تدخل

.................

بعد شويه...كان انس جوه الڤيلا.دخل براحه من غير ما يظهر نفسه...فتح الباب وفاللحظه دي...دب الرعب في قلب كارمن اللي اترعبت اول ما الباب اتفتح...

كارمن....مين...

دخل انس وهو مبتسم.. وقرب منها

كارمن ابتدت تتوتر ويبان علي صوتها اكتر...

قرب انس...ووطي علي شفايفها باسها بحنيه...

كارمن...بابتسامه...انسس

رفع من علي عينها الرباط....روح وقلب انس.

كارمن...انت بتعمل ايه هنا يامجنون.

انس.....جيت اشوف مراتي حبيبتي واعد معاها شويه..

كارمن...بابتسامه انس انت مجنون بجد ايه اللي جابك.

انس....ولا حاجه دياب قال انه سمع عمه ومرات عمه بيتخانقو مع بعض وانها مش هتعرف تخرج الوقت....وهو مراقب الدنيا هناك ولو خرجت هيبلغني بس فقولت اجي لحبيبتي عشان متأعدش لوحدها لحد ما دياب يبلغني...وبعدين بيني وبينك دي طلعت مصلحه ليا بقالي كتير مش عارف اتلم عليكي الاول امي تديكي اوضه لوحدك والوقت امك وأخواتك حرام بقي بجد

ضحكت كارمن عليه..احسن.

انس...والله فرحانه فيا.

كارمن...ايوه..

انس...طيب انا بقي هسيبك هنا لوحدك وهخرج اعد بره مع الرجاله وهرجع اربطك تاني قام وقف.

كارمن...لا لا خلاص  قلبك ابيض لنت كمان وحشتني...

حضنها انس واعد هو وهي عالارض جمب بعض...وهو ماسك ايدها ونايمه كارمن علي كتفه...

كارمن....انا خايفه اوي بكره يتحكم علي لمار.

انس...اطمني انا متفائل والله وحتي ياستي لو اتحكم عليها بس نوصل للحقيقه....لمار هتخرج منها...

كارمن...انس افرض ان الحقيقه اللي بنجري وراها دي طلعت اي حاجه تانيه بعيدآ عن قضيه لمار...

انس.....مش عارف بس لا لا مظنش خالص طبعا كل حاجه بتبين انها ليها علاقه..

كارمن...ربنا معانا بقي

انس...ان شاء الله ياقلبي...

عدي الوقت بسرعه...وطلع الصبح....

خرجت لمار من السجن عشان تحضر الجلسه بتاعت المحكمه......كانت ساكته خالص وحاله الحزن لسه مسيطره عليها  دياب مش بيسأل عليها ولا حتي جالها زي ما قالتله عشان يعرف منها الظرف فين....

وصلت لمار...المحكمه...واستنت معاد جلستها..

اما...عند كارمن وانس....

انس اختفي من الڤيلا بسرعه اول ما دياب بلغه ان حنان خرجت وراحه عليهم....ربط كارمن تاني وظبطلها التسجيل وخرج بره واختفو بعيد عشان ميلفتوش النظر....

بعد فتره بسيطه.... وصلت حنان ركنت عربيتها ودخلت الڤيلا....

نزلت عالدور الارضي اللي فيه كارمن فتحت الباب...حست كارمن ان ضربات قلبها زادت مع سماع صوت الكعب بيقرب...

وصلت ادامها....ومن غير ما تفك الرباط ..

حنان....انتي بقي كارمن صاحبت لمار.

كارمن....انتي مين.

حنان....انتي اللي تردي علي سؤالي.

كارمن....يعني انتي خطفاني وجيباني هنا عشان تسأليني اذا كنت انا ولا لا...تمام مش انا..

حنان...ردي عدل مش ناقصه طولت لسان وتربيه حواري..

كارمن...جربي كده تفكي الرباط اللي انا مربوطه بيه ده وانا اعرفك تربيه الحواري بجد.

حنان...هنتظر ايه من واحده زباله زيك عموما مش موضعنا....

ردي عالسؤال فين صاحبتك

كارمن....مش قبل ما اعرف مين انتي. وعايزه منها ايه.

حنان....قولتلك مش شغلك وعموما عايزه تردي ردي مش عايزه عادي براحتك هقدر اعرف بطريقتي وبالفلوس انا مأجره الڤيلا دي مخصوص بس عشان اجيبك فيها...وطبعا غير انه براحتك ولو مش حابه تردي مترديش...بردو براحتي ان اسيبك تمشي او اسيبك هنا تموتي من الجوع والعطش والرعب ولو اعدتي تصرخي من هنا للصبح محدش هيسأل فيكي لان باختصار المكان هنا كله ڤلل مش ساكنه وده لسوء حظك...هااااا هتنطقي ولا لا.

كارمن...انتي ادام خطفتيني وجبتيني هنا وعارفه لمار...يعني اكيد عارفه بردو اني مرات انس الجوهري...ظابط المباحث.

حنان...طبعا عارفه وعارفه كمان انه صاحب دياب الدالي.  اكبر واشهر ظابط بماحث في مصر كلها...ومبيهمنيش...وعادي جدا اقدر امحيكي من علي وش الدنيا ومحدش يعرف مكانك.

كارمن...انتي عايزه ايه...

حنان...اعرف مكان لمار...

كارمن...لمار زمانها الوقت فالنيابه بتعترف بالسبب الحقيقي اللي قتلت عشانه...

حنان....انتي بتقولي ايه..

كارمن...انا بقول اللي اعرفه احنا اقنعناها تعترف ودياب اقنعها وهي وافقت اصل انا مقولتلكيش هي ودياب بيحبو بعض واستحاله دياب يسبها تروح من ايده ...

حنان بصدمه.....وايه هو السبب .

كارمن ...باستفزاز والله معرفش هي مقالتش لحد لانها مكانتش ناويه تتكلم بس حبها لدياب خلاها قررت انها تظهر الحقيقه

حنان....هي اصلا متعرفش السبب الحقيقي.

كارمن...امال قتلت باباها ليه..

حنان...السبب الحقيقي ميخليهاش تقتله....

كارمن....اممممم ده واضح انك عارفه حجات كتير اوي....

حنان....فاقت من شرودها واستوعبت انها ابتدت تقول كلام مينفعش يتقال....

حنان.....انا همشي واللي جابك هنا هبعته ياخدك....

خرجت حنان بسرعه.

قد يعجبك أيضاً

💎قلبيّ بنارِها مٌغرمٌ💎 بقلم Rose-amin

💎قلبيّ بنارِها مٌغرمٌ💎

3.1M

98K

سلامْ الله على العزيزٌ قلبيّ ! من الألم ، من الوجع ، من الإنشطار ! أما ذاكَ الذي طعنني غادراً وتسببَ لي بإنشطار روحي ، وجعل كياني مٌشتتً ما بين قلبيّ المٌعلق بعشقهِ ا...

السيد المغرور /بقلمي جهاد محمد  بقلم GegMohamed

السيد المغرور /بقلمي جهاد محمد

647K

10.1K

حب غرور تكبر انانية عائلة قسوة سعادة رحلة ثانية مع كل هذه الاشياء مع السيد المغرور بقلم/جهاد محمد

الـهيصَم " خطوط سوداءَ " بقلم v_yu208

الـهيصَم " خطوط سوداءَ "

146K

7.5K

شفتها وهيه ذبت عليه الزيت الچان على الطباخ ذبته على صدره اول مره اشوفه هيج متوجع شكد اتمنيتها موهيج ويا بس مع الاسف حطمت كُل طفولته وچان الثمن غالي؟؟

الموت الحي  بقلم paraa207

الموت الحي

3.8M

320K

عائله بسيطة تهب رياح الظروف لتسرق سعادتهم وتختبر صبرهم بأعز ما يملكون فكيف سيكون الصراع بينهم وبين تلك الظروف ؟ يتبع ...

الهجينه ♡ ( جارى تعديل السرد من عامي الى فصحى)  بقلم Hekaiatmahee

الهجينه ♡ ( جارى تعديل السرد من عامي الى فصح...

1.4M

104K

فتاه وليست بفتاه عاديه نشأت بظروف ليس لها مثيل تعتبر هجينه ترعرعرت عالعيش كالحيوانات .. الفئران والعناكب والحشرات هما رفقاء العمر بالنسبالها .. عاشت بالظلام الحالك .. تس...

الشيم بقلم rooz22a

الشيم

31.8K

1.8K

سنكتشف الحقيقة معآ...🤝

تنثر نجدها بصدٍ عني وفراقي صاداً عنها بقلم rioolpme

تنثر نجدها بصدٍ عني وفراقي صاداً عنها

43.1K

1.2K

مارح اطول عليكم تفضلوا بالقراءة..🤎 حسابي الانستا للرواية : rioolpme حسابي التيك توك : rioolpme

دياب...فالاسلكي.....انس...محدش يدخل سيبوها محدش يمسكها....

انس......دياب دي قدامنا.

دياب...نفذ يا انس....حنان هتتجاب خصوصا ان كل ده متسجل...المهم الوقت لمار...لازم اروح الجلسه حالا....

انس...تمام...محدش يتعامل يارجاله الزموا مكانكم...

اتصل دياب علي تليفون انس...

دياب...انس انا رايح عالمحكمه بسرعه...لمار جلستها قربت الرجاله هناك بيبلغوتي اول باول.

انس...تمام يا دياب وانا هجيب كارمن ووراك علي طول...بقولك ايه مامت كارمن معايا عالوايت اوعي تكون نسيت تقولها.

دياب...لا اطمن متخافش انا قولتلها

انس...طيب اقفل هشوفها عايزه ايه واكلمك..

دياب...يلا سلام...

.............

انس..الوووو

مني......انس الحق يا انس...ناريمان مامت لمار...

انس...في ايه مالها...

مني....ناريمان اتكلمت يا انس وعيزاك ضروري انت او دياب باشا....

انس...انتي بتقولي ايه انتي بتتكلمي جد.

مني...والله العظيم اتكلمت. واطراف ايدها ورجليها بتتحرك....عيزاكم ضروري .

انس.... انا جاي حالا..سلام.

قفل...انس وهو بيجري عالڤيلا بسرعه وبيتصل في نفس الوقت بدياب...

انس ..الووووو ديييياب

دياب...في ايه يا انس مالك بتنهج كده ليه ..كارمن فيها حاجه

انس....لا انا داخل اجيبها اسمعني كويس...

مامت كارمن كلمتني بتقول ان والدت لمار اتكلمت وبتتحرك وعيزاني انا او انت ضروري.

دياب...سكت ثواني انت بتتكلم جد

انس...والله العظيم لسه قافله معايا حالا.

دياب....انت فين طيب.

انس...انا داخل اجيب كارمن بسرعه وهروحلها...

دياب...وانا هغير اتجاهي واروحلها حالا..

انس...طيب ولمار...

دياب...مش وقته يا انس..لسه معاد الجلسه ان شاء الله هنلحقها المهم الوقت نروح لمامتها بسرعه...

انس..طيب طيب يلا سلام...

فتح انس الباب بسرعه اتسرعت كارمن جري شال الرباط عن عينها وايدها.

كارمن...في ايه

انس...يلا بسرعه عشان نروح البيت

كارمن...بيت ايه انا عايزه اروح للمار.

انس...مش وقت لمار الوقت مامتك لسه مكلماني.

كارمن.. في حاجه ولا ايه.

انس...يلا بسرعه مامت لمار اتكلمت

كارمن..😳😳😳انت بتقول ايه

انس...والله العظيم اجري يلا...

جريت معاه كارمن وصلو للعربيه وركبوا  وطاروا....

.....................

بعد مده بسيطه وصل انس وكارمن ولمحو دياب من بعيد ركن وجري علي فوق بسرعه...ركن انس وجريو وراه...

طلعو فوق...

فتحت مني الباب.. دياب هي فين.

مني...فالاوضه جوه.

كارمن...بجد اتكلمت..

مني..والله العظيم تعالو بسرعه هي مستنياكم....

دخلو جوه كانت

كانت ناريمان اعده عالسرير ومني سنداها بمخده‍...لان جسمها مش موزون وبتتهز كتير نتيجه عدم اتزان الجسم والنوم لفتره طويله..

دخل دياب وانس وكارمن.

كارمن...نونه انتي اتكلمتي صح.

هزت...ناريمان راسها ضحكت كارمن بزهول...انتي بتتحركي يانونه قولي اي حاجه والنبي..

ناريمان...بصوت مهزوز ومرعوش ومش مفسر للدرجه...

مفيش...وقت.  الحقو بنتي ارجوكو.

دياب...قولي السبب ابوس ايدك...

ناريمان..قبل ما اقول السبب....في شخص واحد بس هو اللي يقدر ينقذ بنتي... اكيد هتقدرو توصلولو انتو بتقولو انكم تعرفو ناس كبيره فالبلد يعني هتعرفو توصلوله

دياب...مين الشخص ده...

ناريمان....اسمه عادل...

بص انس ودياب وكارمن لبعض...

ناريمان...وده رقمه مكتوب في ورقه كتبته عشان تكلموه..

دياب....عادل ايه...

ناريمان.....عادل صفوان الدالي...

دياب...😳😳😳😳نعم....انتي تعرفيه منين..

ناريمان...مش وقته اتصل بيه الاول لازم يلحق لمار....وخدوني عندها الوقت هقول كل حاجه هناك....بس يلا مفيش وقت...

دياب....مسك موبايله وكلم عمه....

عادل....الوووووو ايوه يادياب

دياب.....عمي انت فين..

عادل...انا فالڤيلا بنفكر انا وابوك وامك وريناد..

دياب....تسيب كل اللي في ايدك...وتروح حالا عالمحكمه..

عادل...محكمه ايه في ايه..

دياب...صدقني مش عارف بس في واحده تقريبا تعرفك وطلبت مني اقولك كده....عشان تنقذ بنتها....

عادل...واحده ايه وبنتها مين انا مش فاهم حاجه...

دياب....انت تعرف واحده اسمها ناريمان ياعمي....

عادل....ثواني واتجمعت الدموع في عينه مجرد ما سمع اسمها...

ناريمان...ايه..

دياب....حضرت ناريمان.ايه..

نااريمان....ناريمان محمد...عبد الرحيم

دياب....ناريمان محمد عبد الرحيم..

وقف عادل....بصدمه وقعت من ايده الكبايه ...

عادل.....انت بتقول ايه ناريمان عرفت مكانها منين قدرت توصلها ازاي....انت بتقول ايه يادياب....انا دورت عليها سنين...

عاصم...في ايه يا عادل..

عادل....انت فين يادياب...

دياب ..بصدمه ومش فاهم اي حاجه...انا رايح عالمحكمه...الحقني هناك علي طول..

عادل....جاي فورا...

قفل دياب....وحطو ناريمان عالكرسي بتاعها ونزلو كلهم بسرعه مع بعض...

عاصم...في ايه دياب عايز ايه وناريمان مين.

عادل...ناريمان ياعاصم دياب بيقول انه معاها وعايزني حالا فالمحكمه.

نوال...دياب عرف منين اصلا حكايه ناريمان ووصلها ازاي..

عادل...مش فاهم انا لازم اتحرك..

عاصم...انا جاي معاك...

نوال...وانا كمان...

ريناد...في ايه انا مش فاهمه حاجه...انا هاجي معاكم..

نوال... لا خليكي انتي هنا...

ريناد...لا هاجي معاكم..

خرجو كلهم بسرعه...

واتحركو بالعربيه ....

...........................

ابتدت..جلسه لمار...كانت عامله زي الجسد من غير روح...نفس المشهد بيتكرر من تاني....في المحكمه وفقفص وسط مجرمين...لاكن الفرق المرادي ...انها كانت لوحدها من غير اي حد....كان في دفاع ونيابه ومحامي واقوال بتشيد بحقها في قضيه مايا...ولنها قدرت تكشف ناس وقدرت تظهر برائه مايا وقدرت توقف كذا عمليه تخريبيه.  وقدرت تقتحم معلموات سريه وساعدتهم كتير ..لاكن كانت لمار تقريبا مش منتبهه ولا سامعه اي حاجه وفدنيا تانيه....مش هاممها اي حكم ولا فارق معاها تسمع حتي...وكأنها فقدت كل حاجه خلاص...

بعد مده بسيطه وصلو اخيرا المحكمه....

عادل......انت فين يادياب...انا وصلت.

دياب...احنا كمان وصلنا قدام باب المحكمه

عادل...شوفتك يا دياب اقفل

مشي. عادل بسرعه ناحيتهم ووراه اخوه...ونوال وريناد...

دياب....عمي...

وبص لناريمان....نسيت اقولك الشخص اللي انتي طلبتيه...ده يبقي عمي...

ناريمان...لفت براسها وشافت عادل.....واول ما شافته دموعها نزلت..

عادل.....😳😳😢🤐عادل بزهول وهو دموعه نازله. وباصص عليها وهي اعده علي كرسي متحرك مش فاهم حاجه ومش عارف يتكلم كأن الحياه وقفت عند اخر يوم شافها فيه...ناريمان.

انتي ازاي هنا...انتي كنتي فين

ناريمان.....مش وقته يا عادل....الحق لمار ...محكوم عليها بالاعدام مفيش حد هيقدر ينقذها غيرك وغيري...الحقها

عادل...لمار مين...

ناريمان...بدموع......لمار بنتك ياعادل..

عادل....بنتي😳

الجمييييع...😳😳😳😳😳😳😳😳😳😳😳😳😳

انتظروني بكره في اخر بارت عشان تعرفو الحقيقه كامله في جلسه سريه..

واحداث مثيره مخيفه وقضيه غريبه من نوعها😉😉😉😉

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

عادل....بنتي ازاي ازاي ياناريمان.

ناريمان....ابوس ايدك ندخل نلحق لمار الاول وانا هقول كل حاجه...

انس....يلا يادياب...يلا مش وقت الصدمه دي ياجماعه لمار محتجانا كلنا....

كارمن...يلا والنبي انس بيتكلم صح🥺🥺🥺

فاق دياب من صدمته هو وكل اللي واقفين ودخلو بسرعه المحكمه..

كانت الجلسه شغاله ولمار واقفه.. سرحانه باصه علي باب القاعه...

وفجأه سمعت القاضي خلاص هينطق بالحكم...

القاضي....

بعد..الاطلاع علي بعض الاوراق وسماع شهاده الشهود والدفاع...وبعد الموافقه علي الطعن....

حكمت المحكمه حضوريآ علي المتهمه لمار خالد البنهاوي....بالسجن....

دياب...بصوت عالي....لحظه واحده يا سياده القاضي..

بصت لمار بزهول وهي شيفاه ظهر ادامها حست بفرحه ودقات سريعه في قلبها. ظهر وراه كارمن وانس...ومني....واخوات كارمن.... وشافت كذا حد هي متعرفهمش.

القاضي....ايه اللي بيحصل في قاعه المحكمه ده..

دياب....لحظه واحده...

خرج دياب بره الباب...جاب ناريمان حرك الكرسي باتجاه القاعه...

وكانت الصدمه..

لمار....مسكت الحديد بأيدها 😳😳

ودموعها نازله سريعه علي وشها...اول ما شافت والدتها....لاكن صدمتها لما شافتها بتتحرك.. وقفت الحياه ادامها ثواني....

دياب....انا النقيب دياب الدالي.ظابط في المباحث الجنائيه كنت مسؤوول عن قضيه قتل مايا وبعدها عن قضيه قتل لمار ووبعد كده كنت مسؤوول عن تدريب لمار وتجهيزها...عشان تقدر تكمل مسيره مايا الحاوي ....

وانا انهرده..جاي بخصوص قضيه قتل لمار بوالدها....

القاضي.... المفروض انها محكوم عليها بالاعدام لاكن تقديرا لمساعده البلد وبعد الاتفاق الجماعي قررنا انها هتعقاب بالسجن.

دياب...عارف يا افندم بس مش يمكن لما حضرتك تعرف السر ورا القضيه السجن يتخفف اكتر او يمكن تطلع برائه.

القاضي....لكن هي رافضه الكلام.... ازاي السر ده هيتعرف..

دياب....عشان كده احنا موجودين هنا...واطالب حضرتك ان الجلسه تكون سريه....

صوت همهمات كتير في قلب القاعه..

القاضي...فضل يتشاور مع المستشاريين...وأمر بأخلاء القاعه...

كل ده تحت زهول وصدمه لمار. وعينها علي والدتها وبتهز راسها بالنفي....

القاعه تم إخلائها

القاضي.....اتفضل...

دياب....السر مش عندي السر عند والدتها...مدام ناريمان..

القاضي....اتفضلي يا ست ناريمان..

لمار....بدموع وصريخ...ماما ماما اوعي تتكلمي ماما ارجوكي متنطقيش....انا خلاص مش هتعدم ارجوكي اسكتي....انا عملت كل ده عشانك رضيت بكل حاجه حصلت ولكل كلمه اتقالت عليا عشان خاطرك انتي بس...مش بعد كل ده تتكلمي ارجوكي يا امي اسكتي اسكتي عشان خاطري...وانا راضيه والله مش هزعل...

ناريمان.....مبقاش ينفع يا لمار...مقدرش اشوفك بتتأذي بسببي واسكت...

لمار...انا راضيه يا امي بس مفيش حاجه تمسك...

خبط القاضي....عشان الهدوء...

لمار.... ابوس ايدك يا ماما...اسكتي..

القاضي....لمار....بحذرك من الكلام وإلا هتخرجي بره...

لمار....حضرتك مش عارف حاجه الله يخليك انا راضيه بحكمك خلاص متخليهاش تتكلم...

القاضي...بص لناريمان....اتفضلي اتكلمي...وانتي لمار...افتكري ان اي كلام هنخرجك بره القاعه...

بصت لمار لدياب وهي بتعيط ...

القاضي...اسمك وسنك...

ناريمان...ناريمان محمد عبد الرحيم..

ناريمان...السن 49.

القاضي....قولي والله العظيم اقول الحق

لمار...بدموع 🥺😢ماما

ناريمان....والله العظيم اقول الحق.

القاضي....احكي اللي تعرفيه..

..........

ناريمان......انا هحكي الحكايه من اولها خالص....

الحكايه ابتدت من وانا عندي 18 سنه....

كنت طالبه فالجامعه...واول سنه ليا فالجامعه اتعرفت علي مجموعه صحاب كان من ضمنهم...عادل صفوان الدالي....اللي هو حاليا رجل الاعمال المعروف....مع الوقت علاقتنا اتطورت وحبينا بعض...كان وقتها عادل اكبر مني ب3 سنين...بس كان في سنه 3 لانه كان بيعيد كتير لانه كان وقتها بيشتغل مع والده...فكان اغلب الوقت مبيحضرش وكان بيضطر انه يعيد السنه....حبينا بعض جدا....لدرجه متتوصفش...وقتها عادل قاللي انه هيفاتح والده في موضوع الجواز وهيجي يطلبني...كنت طايره من الفرح ...وفعلا اتكلم معاه لاكن والده رفض...عشان يجوزه بنت عمه..اللي هي مراته حاليا...فضل كتير يحاول معاه وهو يرفض وقتها عاصم اخوه كان عارف اد ايه احنا بنحب بعض....ووقتها كان هو متجوز ومخلف ...

حاول كتير يساعدنا لاكن كل مره والده كان بيرفض رفض تام وفي مره اتخانقو مع بعض خناقه كبيره..وحلف عليه والده انه لو فتح الموضوع تاني

هيغضب عليه ويحرمو من كل حاجه..

ساب البيت فتره طويله حوالي 3 شهور حتي انا مكنتش اعرف عنه حاجه خالص... كنت بتصل كل فتره احاول اعرف اخباره من اخوه وكان ديما يقولي انه لسه مظهرش وانه مش عارف هو فين.  وفي يوم لقيت تليفوني بيرن.ولقيته هو وقالي انه عايز يشوفني

وجالي يومها عادل وكان باين عليه الغضب والتعب وكان شكله مش مظبوط....رحت معاه علي الشقه اللي كان اعد فيها وهو سايب البيت...

واعدنا نتكلم وطلب مني اننا نتجوز ونحطهم ادام الامر الواقع... وفعلا كان هيتصل بالمأذون...حاولت اهديه كتير عشان ميغضبش والده قولتله يقنعه تاني....مكنش موافق...وفالاخر اقنعته...قالي انه هيعمل محاوله واحده كمان لو  فضل مصمم هيسيب البيت خالص ومش عايز من والده اي حاجه حتي لو هيبتدي من تحت الصفر....ويومها للاسف حصل بينا علاقه وضعفنا....

الجميع...مصدوممم😳😳

لمار...اعدت عالارض حاطه أيدها علي راسها من اعتراف والدتها ومن صدمتها ان امها غلطت مع عم دياب طب ازاي مكنتش مصدقه حاجه مش مستوعبه دماغها واقفه...لدرجه انها فكرت ان ممكن يكون دياب عامل كده عشان بس ينقذها...كملت ناريمان...

.....

ناريمان.....كنت منهاره ساعتها بس كنت واثقه جدا في عادل..وعارفه انه مش هيسبني ابدا...

اتفق معايا عادل انه هيحاول تاني ولو مقتنعش خلاص هينفذ اللي قاله....

وفعلا فضل تاني يحاول معاه اسبوع اتنين شهر مفيش....

وقتها عادل كلمني....وقاللي عاملك مفجأه نزلت وقابلته وخدني وداني شقه...فرجني عليها كانت حلوه...سألته دي بتاعت ايه..

قاللي ان دي الشقه اللي هنتجوز فيها وراني عقدها...كان كتبه قبلها بيوم ما بوريهالي....لما سالته مش هنأعد مع اهله قاللي لا انا خلاص قررت اني هتجوزك من غيرهم وقالي ان والده لسه رافض كل الكلام...ومفيش وقت خلاص نضيعه....وقاللي انه هيجي يتقدملي ونكتب الكتاب ونتجوز علي طول اخر الشهر...كنت طايره من الفرح

ويومها حصل بيني وبينه علاقه لتاني مره.....

وبعدها جه عادل فعلا اتقدملي هو وعاصم اخوه ومراته...

واتفقو ان كتب الكتاب والدخله مع بعض بعد شهرين لما اخلص الترم التاني...فالاجازه يعني

وابتديت انزل زي اي عروسه اجيب حاجتي...وانزل مع عادل اختار حجات لشقتنا....

وف يوم...عرفت من عادل ان والده عرف انهم جم اتقدمولي...وقلب الدنيا....وحلف عليه انه جوازه من بنت عمه اخر الشهر...لما عادل رفض...وقع والده ونقلوه المستشفي...وحصله ذبحه صدريه وحالته كانت صعبه...جدا...

كل تلكلام ده انا عرفته من اخوه لانه مكنش بيكلمني وحالته كانت صعبه.

ووافق علي جوازه ببنت عمه حنان...اللي كانت عارفه كل حاجه..نسيت اعرف حضرتك حنان كانت طالبه معانا في نفس الجامعه كانت اكبر مني بسنه مكنتش بتحبني لانها كانت بتحب عادل وشايفه اني انا خدته منها او اني انا سبب فإنه مش شايفها اكتر من اخت..

بعد ما قال انه موافق خلاص ابتدو يجهزو لفرحهم وبسرعه طبعوا الكروت...لاكن وقتها عادل كلمني. وقاللي انه عايز يشوفني...

روحت شوفته في مكان عام....كانت حالتي النفسيه اسوأ من حالته كنت شايفه ان الدنيا اسودت في وشي...لاكن حسيت انها ابتدت تضحكلي من تاني لما قاللي بالنص اللي عمري مهنساه..... يوم الخميس زي انهرده هعدي عليكي الصبح ونروح انا وانتي ووالدك  نكتب الكتاب وياخدني ويسافر وطلب مني اني اجهز كل اوراق السفر خلال الاسبوع ده عشان بعد كتب الكتاب هياخدني ونسافر بره مصر علي طول..ونبتدي حياتنا هناك ومع الوقت الكل هينسي....وفعلا ابتديت الاسبوع ده اجهز الورق ولما والدي سألني عرفته ان والد عادل رافض عشان يجوزه بنت عمه الاول كان مضايق بس لما شاف انه رفض كل حاجه عشاني وبردو مصمم يتجوزني ساعدني..وخلصنا الورق...وحضرت نفسي للسفر.وخلال الاسبوع ده مكانش بيكلمني كنت بقول مشغول وقبلها ب3 ايام اتفاجأت بحنان جاتلي لحد بيتي عشان تديني دعوه فرحهم...اتصدمت.  بس قولت عادي انا كده كده عارفه اللي حاصل حاولت ابان عادي وباركتلها علي اساس ان عادل هيجيلي ويتجوزني انا ونسافر....في نفس اليوم بليل ...تعبت جامد...كنت حاسه اني مش مظبوطه بقالي كذا يوم.....وتعبت اكتر وكنت شاكه اني حامل نزلت الصيدليه جبت اختبار حمل ط وعرفت إني حامل....كانت صدمه عمري...

فضلت واعيط وانهار وفالاخر قررت اني افضل مستنيه. وفضلت اقنع نفسي ان خلاص كلها كام بوم وابقي مراته

كنت بتصل بعادل كتير عشان ابلغه بس كان مبيردش....قررت اني اكتبله ورقه واعرفه فيها كل حاجه..

وفعلا كتبتله..ورقه... وروحت عند الڤيلا بتاعتهم ولقيت البواب... نادلته وقولتله اني عيزاه يوصل الرساله دي لعادل ويدهاله في ايده....

كنت معرفاه فيها اني حامل في شهرين...واني هستناه وواثقه فيه....عرفته اني الاول كنت مستنياه لوحدي بس الوقت مستنياه انا وابنه او بنته.....كنت واثقه فيه بس كان في حاجه مخوفاني وقابضه قلبي....

وللاسف عدو ال3 ايام من غير اي مكالمه منه....

وجه اليوم اللي المفروض يجيلي فيه..استنيته من اول الصبح ما طلع لحد ما الليل دخل ولا في اي حاجه..

حاول والدي يكلمني ويقولي متزعليش مش هيغضب ابوه عشانك مهما حصل انسيه وعيشي حياتك وبكره يتقدملك حد ابن حلال مكنش عارف حاجه....

اتفاجأت فاليوم ده بحنان بتتصل بيا.وقالتلي انها عايزه تشوفني...

نزلت وقابلتها...واتصدمت لما قالتلي انهم كتبو الكتاب كانت بتكلمني عادي بس بطريقه فيها تشفي وفرحه...عمري ماهنساهم...وقالتلي. انها هتعمل معايا واجب....وهتجبلي عريس رفضت وقومت عشان امشي...مسكتني من ايدي. وقالتلي كلام عمري ماهنساه...

فلاش باك..

حنان..هتتجوزي ياناريمان و غصب عنك مش كفايه انه هيتجوز مدام مش بنت لا وكمان حامل في شهرين انتي..المفروض تشكريني وتبوسي رجلي قبل ايدي....مش كفايه انه هيستر علي واحده رخيصه زيك باعت نفسها لواحد....اه وعلي فكره انا كنت ناويه ابعتلك العريس بس عادل رفض وقاللي اجي اقولك الكلمتين دول بنفسي عشان تبعدي عن وشه خالص....وطلبت انه يجي معايا عشان صراحه صعب اني ابلغك الكلام ده هو قال انه مش عايز يشوف وش واحده رخيصه زيك...وقاللي اديكي القرشين دول يمكن ينفعوكي....

ناريمان...انتي كدابه عادل لايمكن يبعد عني...

حنان....فوقي ياماما احنا اتجوزنا...من اربع ايام..كتب كتاب ودخله كمان واه صحيح هو مش كان واعدك انه يجيلك امبارح وتتجوزو وتسافرو مقولتلكيش صخيح انا سمعته غصب عني مش قصدي اتجسس خالص...كان بيكلم عاصم اخوه وبيقوله عاللي كان هيعمله بس قاله انه مش هيعمل كده فعلا ده مجرد تثبيت ليكي مش اكتر عشان تصدقيه ويقدر هو يخلص إجراءات جوازنا....يعني انتي بالنسباله مجرد نزوه....وعموما انا بقي مخلصنيش اني مساعدكيش في مصيبتك دي...وجبتلك عريس....سواق فالشركه...بس يحب يخدم وبيدور علي عروسه ولما قولتله عن ظروفك وافق...ورحب كمان...خصوصا لما شاف صورتك اتجنن عليكي...محظوظه انتي انك لقيتي حد يوافق عليكي وهو عارف انك جايبه طفل فالحرام...خساره...

ناريمان.....انا مش عايزه اتجوز ابعدو عني.

حنان...لااات ما زي ماقولتلك هتتجوزي غصب عنك.مش بمزاجك....اصل صراحه معنديش ثقه فيكي خالص...انا الاول كنت ممكن اعدي لاكن الوقت اللي يفكر يقرب من حوزي انسفه وانتي مجربتيش قلبتي يا ناريمان....هفضحك عندك ابوكي اللي طاير بيكي فالسما.

ناريمان.. ابوس ايدك بلاش انا هبعد خالص ومش هتعرفو عني حاجه بس بلاش اهلي.

حنان...وانا معنديش غير اللي قولته هاااا قولتي ايه

ناريمان...موافقه ....

بااااااك ..

الصدمه كانت علي وشوش الجميع....حتي لمار اللي كانت مش مستوعبه اللي بيحصل

ناريمان...وبعدها...بكام يوم.اتقدملي خالد البنهاوي. وانا واقفت والدي اعترض وقاللي مينفعش تنسي شخص بشخص تاني ملوش ذنب كان ردي اني محتاجه ابعد وابدأ حياه جديده واني موافقه ووافق والدي بقله حيله ودخل خالد حياتي وابتدت قصتي معاه......

خالد...كان اكبر مني بسنه....كان بيدرس فالجامعه وبيشتغل سواق في مجموعه الدالي....

بعدها قاللي انه حصل مشكله و ساب الشغل...وانه معاه مبلغ بسيط...هيفتح بيهم محل صغير....وفعلا فتح محل وكان كل شويه يغير نشاطه....وفالاخر فتح مكتبه صغيره...

خالد....كان من البدايه عارف حكايتي....فالاول كنت حاسه انه عوض ربنا ليا....اه انا غلطت في لحظه ضعف لاكن انا مكنتش وحشه كنت واثقه ان ربنا هيعوضني خير بخالد....حاولت انسي عادل عشان مفكرش فيه وانا متجوزه كنت شايفه ان خالد افضل من عادل بكتير رضي بظروفي مش بنت حامل في شهرين...ستر عليا...كان بيعاملني بطريقه كويسه.جدا...

كان ديما يقولي اني احلي واحده شافها في حياته....كان ديما بيحسسني انه مبهور بيا وبشكلي وجمالي...

كنت موجوعه من عادل بس اوقات كنت بحس ان خالد بيقدر يخرجني من الانا فيه ده...

لحد ما بعد 7 شهور ولدت...وجبت لمار ...والكل فكر اني ولدت فالسابع...

كتب لمار علي اسمه...وابتدت يوم بعد يوم لمار تكبر وتكبر

والدي ووالدتي بعد فتره اتوفوا مبقاش ليا غير خالد ولمار.... كنت بشوف اي اعلان لشركت الدالي كنت بفتكر كل حاجه عديت بيها....يوم بعد يوم بعد يوم لمار بقت تكبر....ولما بلغت...كل حاجه فيها اتغيرت.....بقت نسخه مني وانا صغيره...

خالد....كان يبان كويس بس كنت شيفاه ديما غامض بيجيله فلوس كتير....واستحاله مكتبه صغيره تعمل كل ده....لما كنت بسأله كان بيحاول يقنعني ولنا مقتنعش يقولي جمعيه مع مسعد صاحبه....خالد كان يبان شخص طبيعي جدا....ومحترم لاكن هو طلع عكس كده خالص.....

كنت ديما بشوفه بيعامل لمار علي لنها فعلا بنته لدرجه اني اوقات كنت بنسي انها بنت عادل.....لكن ابتدت حياتي تتغير مع خالد...لما ابتديت احس انه اتغير مع بنتي وانا كا ست اقدر احدد الطريقه من وجهه نظري اذا كانت طبيعيه او لا...

نظراته كانت غريبه للمار... لمسته ليها...طريقه كلامه عنها....بصته لجسمها وهي مش شيفاه....كل ده انا كنت حساه بس كنت برجع اكدب نفسي....

وفي يوم ده كان النهايه بيني وبينه...لما صحيت من النوم بليل لقيته مش جنبي...قومت اشوفه لقيته في اوضه لمار.....كان بيحاول يحط ايده علي جسمها....لاكن لحقته في اخر لحظه..وخرجنا بسرعه من الاوضه..

ويومها ضربته بالقلم.....وقولتله اني همشي واسيب البيت هددني وقالي انه هيقولها الحقيقه اترجيته يسكت...بس يبعد عن بنتي وهأعد....

يومها قالللي انتي خلاص راحت عليكي....الجمال والشكل اللي اتجوزتك عشانه اختفي....والوقت جه وقت لمار.....قاللي انه اتجوزني مش عشان يستر عليا ولا عشان اي حاجه....قاللي انه قبض تمني من حنان عشان بس يوافق...وقاللي ان الفلوس اللي بتجيله دي منها...وقاللي لو معقلتش مش بس هيفضحني لا ده هيحسرني علي بنتي...طلب مني مقولش اي حاجه للمار...مقابل انه ميأذيهاش ولا هيجي جنبها تاني...وافقت بس من جوايا كنت مرعوبه....

فضلت طول الوقت...بضغط علي نفسي وحزينه علي حياتي اللي اتدمرت ومرعوبه علي بنتي ومبقاش عندي مكان اروحه...حتي اهلي ماتوا...كنت خايفه اواجه لمار....

مع الوقت شويه بشويه....ابتديت صحيا اتعب..جسمي مبقاش زي ماهو حاسه ان في حاجه غريبه بتحصلي مش قادره اعرفها....لحد ما في يوم تعبت ووقعت الدكتور قال اني حصلي جلطه عالمخ أثرت علي جسمي كله وعملتلي شلل رباعي....لاكن قال ان في حاجه باخدها او علاج كان الرد لا لاني حقيقي مكنتش باخد ولا كنت بعاني من اي مرض....لحد ما اعترفلي...خالد انه بقاله فتره بيحطلي علاج من غير ما احس....يبوظ الخلايا العصبيه ....ومع الوقت هي اللي عملت فيا كده....وبعد ما تعبت كان بيدهالي بالعافيه عشان اسكت...كملت بدموع .كنت متكتفه ولا عارفه اتكلم ولا حتي اتحرك واكتب للنار تبعد وتهرب....مكنتش بنام كانت عيني ديما مفتحه مرعوبه علي بنتي....كنت بشوفه خارج من جنبي ويقولي انه رايحلها اوضتها اتجنن...كنت ببقي عايزه اصرخ بعلو صوتي وانادي علي لمار تهرب...بس مكنتش عارفه....كان بيروح اوضتها وبعد شويه يرجع مستحمي ويبصلي بغل....ويقولي انا خلصت خلاص وينام وانا اموت معرفش عمل ايه في بنتي.....

اللي كان بيطمني اني بشوف بنتي ادامي الصبح كويسه مفيهاش اي حاجه ولا بتشتكي من حاجه...كنت بشوفها لسه بتعامله كويس....ومش متغيره معاه...

كان سعات يجي يقولي انتي صعبانه عليا علي فكره...واللي طالبه مني كده حنان هي اللي بتقولي اعمل كده وانا بنفذ عشان لو منفذتش هتقطع الفلوس اللي باخدها...واطمني بنتك سليمه...مجتش جمبها....

وشويه وكان يقولي....عكس كده وانه بيخدرها وبيحطلها منوم وبيعمل معاها علاقه....وانه بيحطلها مانع حمل فالعصير عشان متحملش وهو يتفضح....

وشويه ويقولي حنان كل ما عادل يبعد عنها تنتقم منك اكتر....

نفسيتي كانت فالارض.....كنت حاسه طول الوقت ان حد حاطط سكينه علي رقبتي وبيمشيها ببطئ...

لحد اليوم اللي اتقتل فيه...

كان بيستحمي وبيجهز نفسه وقاللي انه طول الوقت ده كان بيبوظ اعصابي مش اكتر...لاكن هو قرر انهرده انه. ينفذ طلب حنان...ويغتصب بنتي. ينيمها ويخدرها ويعمل معاها علاقه ويصور فديو عشان تتاكد وقصاد ده كانت هتديله 5 مليون جنيه....ويسبني بعدها ويبعد ووقتها هتضمن حنان ان انا لا بتكلم ولا بتحرك ولا هنطق وبنتي اتكسرت مش هتقدر تتكلم وكنا هنبعد خالص مع اننا اصلا مكناش في حياتها من يوم ما اتجوزت خالد ...

وفعلا ابتدا...خالد يقولي هعمل وهعمل وعادي مش حرام ماهي مش بنتي...كفياني تمثيل عليها وعلي نفسي...حنان بتحركني عشان الفلوس...بس فالحقيقه ...انا عشقت لمار ولا يمكن اسيبها لاي راجل ياخدها مني...

ظهرت لمار فالوقت ده....ومعرفش ظهرت ازاي وجت امته وسمعت ايه....

بس اتضح انها سمعت كل حاجه...

فلاش باك......

لمار......يلا يابت امشي بقي انا طالعه

كارمن...بقولك ايه انا هروح اغير وانام شويه واول ما بابا يخرج هعدي عليكي

لمار...ماشي هستناكي يلا باي.

طلعت لمار...وفتحت الباب براحه

لمار...ادخل اخضهم زي كل يوم 🤣🤣والله ماما وبابا دول صعبانين عليا مش رحماهم انا....ولكن وقفت مصدومه لما سمعت خالد.

خالد......هموتك بالبطئ وهخلص منك....

لمار....هتبقي ليا مهما حصل.....انا حاولت كتير امثل دور ابوها بس مقدرتش...انا بعشقها مش بس بحبها...والليله لمار هتبقي ملكي واول ما تيجي هديها العصير وهحطلها فيه منوم قوي لايمكن تصحي منه...إلا لما مفعوله يروح....وبعدها هتبقي بتاعتي انا وبس....وانتي شيليني من دناعك راحت عليكي خلاص....واظن انتي اتبسطتي زمان مع ابوها سبيني بقي انا ابسط معاها....وارضي عشان مفيش ادامك غير كده وافتكري ان زي ما حطتلك دوا يبوظ كل الخلايا عندك. ممكن احطلك برشامه واحده بس تخلص عليكي وتريحنا...

ظهرت لمار. ودموعها بتجري من عينها...

لمار....انت بتقول ايه

خالد...بصدمه...لمار انتي جيتي امته با بنتي

لمار...بنتك...بعد اللي سمعته ده بتقول بنتك....انا مش بنته ياامي....طب حتي لو مش بنته...اللي سمعته ده بجد...انت عايز تعمل فيا كده....ده انت لو مربي كلب هيصعب عليك وتعبره منك....وانا عشت معاك 18 سنه محستش فيهم اني بنتك. انا حاسه ان انت مش ابويا اللي عشت معاه.....انا مش قادره اصدق اصلا اللي سمعته انت ديما تقف مع كارمن ضد ابوها... اللي عمره ما فكر يعمل 1 فالميه من اللي انت قولته....طول الوقت بيشرب ومش دريان بالدنيا وعمره ما بص لبناته باصه وحشه....وانت عايز تعمل فيا كده....

انا هفضحك وهبلغ عنك...انت اللي عملت في امي كده والوقت عايز تموتها...

راح عليها خالد ومسكها من ايدها ولاول مره تشوفه لمار بالشكل ده...لدرجه انها اقسمت انها في كابوس..

خالد....ادام اللعب بقي عالمكشوف يبقي احنا فيها ياحبيبتي.

لمار...ابعد عني انت مجنون كانو واقفين فالصاله

مسكها خالد يشدها علي اوضتها.

لمار...بصريخ...سبنييييي سبنيييي.

وقعها فالصاله عالارض وحاول يعتدي عليها وهي بتصرخ وناريمان في ادامهم علي الكرسي مش عارفه تنقذها صوت صواتها بيخترق قلبها مش ودنها دموعها نازله  ومش قادره تعمل حاجه...وهي شايفه..خالد بيخاول يعتدي عليها

ولكن فجأه...صرخ خالد..لما لمار مسكت سكينه محطوطه جمب طبق الفاكهه .وفضلت لمار تطعن فيه. وتصرخ ..لحد ما وقعت غرقان في دمه

راحت لمار علي امها...

وهي بتضحك ودموعها نازله كأنها اتجنتت..انا قتلته قتلته يا امي....

متخافيش محدش عارف حاجه محدش ه‍يعرف سرك يا امي هتبقي كويسه...مش هيديكي دوا تاني هترجعي احسن...

جريت اعدت جمبه وتبص علي امها وعليه ومكنش في جمله بتقوله غير لنا قتلته.....

ودخل فالوقت ده عليها الجيران وهي بتصرخ وفي حاله غريبه....قفلو الباب لحد ما البوليس جه...

باااااااك....

ناريمان....بنتي بريئه يا حضره القاضي والله العظيم بريئه بنتي كانت بتدافع عن نفسها وشرفها بنتي قتلت عشان مكنش في حد ينقذها منه قتلت عشان الصدمه والكلام اللي سمعته كان اقوي منها بكتير...بنتي كانت بتعشق خالد لاكن هو مكنش بيشوفها كده كان بيمثل عليها خالد حب بنتي بجد لاكن هي ترجمت حبه ليها علي انه حب اب لبنته....كان بيحاول يرضيها ويبسطها كان بيحاول يحققلها كل حاجه تطلبها حتي مساعدته لكارمن كان عشان لمار عارف اد ايه هي بتحبها....كان بيفرح لما لمار تشوفه احسن راجل فالدنيا....

كان لازم يموت....ولو كنت وقتها اقدر كنت موته انا....لمار خبت الحقيقه عشان متفضحنيش....بس لمار ابوها موجود...وعايش...وكان لازم تعرف الحقيقه ...

لمار كانت اعده عالارض خاطه ايدها علي راسها وضامه رجلها وكأنها مش موجوده معاهم كل كلمه والدتها قالتها فكرتها بالحادثه بقت في دنيا تانيه..

القاضي....

يااستاذ عادل....

تحب تقول اي حاجه..

عادل.....انا مش قادر اتكلم انا مصدوم...

يمكن كل حاجه ناريمان قالتها صح....بس انا موصليش ورقه منها  وبص لناريمان صدقيني ياناريمان انا اول مره اعرف انك كنتي حامل الوقت...اسالي عاصم ونوال... اد ايه دورنا عليكي...مكنش ليكي أثر...

ولما قولتلك اني هاجي...عشان نكتب الكتاب ونسافر...ابويا وقع وتعب تاني ونقلناه المستشفي وكان بيموت وطلب مني اني اكتب الكتاب...ووقتها عشان ارضيه عملت كده وكتبت الكتاب فالمستشفي....كان كل همه انه يطمن علي حنان عشان مكنش ليها حد وعمي كان ميت كان عايز يطمن عليها.. وحققتله اللي هو عايزه....واتلخمت معاه وعدي اكتر من اسبوع بعد الدفن والعزا واجراءات كتير انا كنت ناوي اجيلك واتجوزك مكنتش هطلق حنان بس مكنتش هسيبك لكن وسط اللي حاصل والعزا والحداد والناس اللي بتيجي ومبتخلصش اتصدمت لما حنان عرفتني انك سبتيني واتجوزتي ولما قررت اروح اواجهك ملاقتكيش دورت عليكي كأنك اختفيتي انتي واهلك

قلبت الدنيا مقدرتش اوصلك...صدقيني يا ناريمان.....ابويا مات بعد كتب الكتاب انا كنت ناوي اخلص من كل ده واجيلك بس انتي استعجلتي....او اتعلب علينا انا وانتي...انتي خفتي من تهديد حنان وهي لعبتها صح معايا....والوقت بس اقدر اعرف ان هي السبب في كل ده....

دياب....اسمحلي يا سياده القاضي....

اقدملك حجات كتير اوي تثبت ان حنان كانت ورا كل ده..تسجيلات وادله كتير....

اولهم انها طلبت ان مدام ناريمان تتقتل من شخص اسمه مسعد.....

وابتدا دياب....وانس...وكارمن.....وريناد....يقولو كل حاجه سمعوها وشافوها....بالتسجيلات والادله.....

وبعد وقت طويل....قرر القاضي....تأجيل القضيه...

لحد ما النيابه تتم القبض علي حنان....ويثبتوا بالتحاليل ان لمار فعلا بنت عادل....

وبعدها تم ضبط وإحضار حنان الي النيابه. ومواجهتها بالادله...وبالشهود...وتم القبض علي مسعد اللي قال كل حاجه واعترف...

حتي خطف كارمن..تسجيلاتها بينها وبين مسعد

فالوقت ده...كانت كارمن لسه مخرجتش ومتحفظين عليها لاكن كانت رافضه انها تشوف اي حد....وحالتها النفسيه كانت سيئه جدااااا...

اما في ڤيلا الدالي....

كان عادل مبسوط وكأن الحياه رجعتله من تاني....بوجود ناريمان....اتكلم معاها كتير وحكالها كل حاجه من تاتي...وأتأكدت  ناريمان ان عادل صادق فعلا بعد اعتراف حنان بكل حاجه هو قالها..وسامحته لانها لسه بتحبه......

اخيرآ.. بعد التأكد من الادله تم إخلاء سبيل لمار....واتحفظت قضيه القتل  علي انها دفاع عن الشرف.....

وبعد ما تم القبض علي حنان ومسعد وبعد ما اعترفوا ادام النيابه علي كل حاجه...تم حبسهم علي ذمه التحقيق.. واتحولو للمحكمه...واثناء ترحيلهم...

حنان كانت في حاله نفسيه مرعبه...مش قادره تصدق ان كل اللي خططتله السنين دي يتكشف وان عادل يرجع لناريمان..وكل حاجه تضيع من ايدها.....واثناء الترحيل كانت بنتها واقفه معاها منهاره..

ريهام....ليه عملتي كده يا مامي حرام عليكي...دمرتيني...مكنتش اتخيل انك فيكي كميه الشر دي...ازاي تعملي كده...ازاي هتسبيني طيب انا هعيش ازاي وسطهم بعد اللي عملتيه...تفتكري هيتقبلوني معاهم....استحاله مانا هبقت بنتك الشيطانه اللي دمرت كل حاجه اللي ظلمت من غير حساب..خلتيني نسخه منك خلتيني اعاملهم اسوأ معامله حتي بابي كنتي بتبعديني عنه كنت شيفاه راجل ظالم طلعتي انتي اللي ظلماه....حرام عليكي انا عمري ما هسامحك.....

فاللحظه دي....جريت حنان من ادامهم ورمت نفسها ادام اول عربيه شافتها ضربتها العربيه طار وجات عربيه من الطريق العكس كملت عليها....

وصلو بيها المستشفي وكانت من قبل ما توصل حتي ماتت....

عدي الوقت....

الكل كان مرتاح...خصوصا عادل

لاكن ريهام بنته كانت طول الوقت في اوضتها مش عايزه تأعد مع حد. زعلانه عشان والدتها مش مستوعبه انها ماتت ولا كل القصه اللي اتقالت ولا قادره تصدق ان ليها اخت ولا قادره تصدق ان دياب يطلع بيحبها كانت مكتئبه جدا....

خبط باب اوضتها...

ريهام...قولت محدش يخبط عليا.

فتح دياب الباب...ولا انا ياريهام..

ريهام....دياب...اتفضل

دخل دياب اعد جمبها....وبصلها

مسحت ريهام دموعها...

دياب....انا يمكن اول مره ادخل اوضتك واتكلم معاكي....بس لازم اعمل كده...انا عارف ان اللي حاصل ده كله انتي مش قادره تستوعبيه وعارف كمان ان مهما حصل دي امك...من حقك تحزني عشانها...بس مينفعش تفضلي في اوضتك كده...

ريهام....عايزني اعمل ايه...

دياب...تغيري جو تنزلي بلاش الجو اللي انتي اعده فيه ده...ولازم كمان ياريهام تقربي من عمي هو مش وحش ده احن اب فالدنيا...وكمان تقربي من لمار انتو تقريبا مشوفتوش بعض ولا اعدتوا مع بعض...

ريهام....مش عايزه اشوف حد..

دياب....ريهام....انتي عارفه انك غاليه عندي زي ريناد اختي.

ريهام....بدموع بس انا مش اختك دياب انا انا بحبك..

دياب...بابتسامه...لا يا ريهام....انتي مش بتحبيني انتي واهمه نفسك بده....انتي يمكن معجبه باي حاجه فيا والحاجه دي اكيد انتي مفتقداها...لاكن حب استحاله صدقيني...فكري فاللي بقوله هتتأكدي اني صح...

دياب....واوعدك يا ريهام اني هفضل معاكي وجمبك ديما واي حاجه تحتاجيها هتلاقيها وجربي كده تاخديني اخ وصاحب وابن عمك هتتاكدي من كلامي..

ريهام....اشمعني لمار.

دياب...ظروف يا ريهام صدقيني الحب مفيهوش اشمعني افهمي ده ارجوكي...وانا واثق والله العظيم انك لو لقيتي الانسان اللي ستاعلك هتتأكدي اني صح...هسيبك الوقت وبليل كلنا هنتجمع عشان تتعرفي علي لماراتفقنا.

هزت ريهام راسها بحزن وبابتسامه بسيطه.

مسح. دياب دموعها وباسها من راسها وخرج...

واول ما خرج انهارت ريهام من العياط...

عدي النهار.بسرعه واعلن الليل عن الحلول.....

الجميع كان موجود..

حتي عائله انس...

لمار كانت متاخده اوي....دياب كلن حاسس بيها...وكل ما تبصله يبوسها من بعيد عشان تبتسم وتفك...

عادل.....انا مش عارف ازاي اعبرلكم عن فرحتي يمكن كل اللي حصل ده غريب علي اني اصدقه بس فالنهايه انا مبسوط يمكن حزين عشان بعدت عن ناريمان وعشان مكتشفتش ان عندي بنت غير من قريب...بس بردو مبسوط..

عاصم ....احسن الوقت يا ناريمان..

ناريمان...الحمد لله

دياب...دكاتره العلاج الطبيعي بيقولو ان حالتها بتتخسن بسرعه جدا...ودكتور المخ والاعصاب بيقول ان المخ رغم انه اتغرض لجلطه إلا انه سليم ومفيش اي خوف من اي اعراض ...ودي بالنسباله حاله نادره...وبيقول ان الادويه اللي مانت بتاخدها صعب انها متأثرش عالمخ لاكن في حالتها مأثرتش فعلا وربنا وقف معاها...

عادل...بحب....الحم لله انها بخير.

والحمد لله ان لمار كمان بخير..

عاصم...ايه لمار...بقالك فتره متاخده كده لسه متعودتيش علينا

لمار...احممم لا خالص حضرتك انا عادي يعني...

عادل....ايه ياريهام....مش هتتعرفي علي لمار..

ريهام....اهلا يالمار...

ابتسمت لمار...

عادل مسكها من ايدها تعالي ياحبيبتي اعدي هنا جمب اختك...انتي عارفه ان انتي وهي الفرق بينكم مش كبير اوي...لمار تقريبا اكبر منك بسنه ونص..

صح يالمار...

لمار....مش عارفه...

عادل....ريهام ياحبيتي انا عارف انك حزينه علي مامي بس هي اللي موتت نفسها

ريهام...بابي وفر اي كلام حابب تقوله وانا مش زعلانه منك صدقني وكملت بعياط...بس مش عيزاك تزعل مني انا كنت وحشه معاك اوي...ومش حضرتك بس معاكم كلكم سامحوني...ومحدش يزعل مني ...وانا قررت اني امشي خلاص مش ليا مكان هنا.

عادل...انتي ايه اللي بتقوليه ده ده‍ بيتك تمشي وتروحي فين انا مصدقت اتلميت عليكي واختك بقت معانا كمان...

نوال....اوعي تفكري ياريهام ان في حد فينا زعل منك انتي زي بنتي يا ريهام ربنا اللي عالم.

ريناد...فكي بقي يا كئيبه خلاص

ابتسمت ريهام..

ياسمين لريناد...بقول ايه يانودي...مش ملاحظه اننا بنكتر.

ريناد...ايوه صح...انا وانتي وكارمن وريهام ولمار كمان بقينا حزب...صح يالمار.

ابتسمت لمار وهزت راسها.

انس....البس يادياب..

دياب...مانا اتنيلت ياخويا ولبست ده بينه هيبقي مرار طافح..

ضحكو كلهم. والجو كان جميل...

عادل...طيب بقول ايه بما اننا كلنا متجمعين كده...فانا حابب احقق حلمي اللي فضلت احلم بيه طول عمري واتجوز ناريمان...

عاصم...والله يبقي ريحتني انا اول واحد من زنك..

نوال...ايوه بقي فرحنا...

اتحرجت ناريمان...

عادل...قولتي ايه ياناريمان....

ناريمان....بصت للمار.

ابتسمتلها لمار.وهزت كتفها

وبصت لريهام....

ناريمان....موافقه ياريهام...

ريهام...دموعها في عينها ابتسمت....بوجع...مبروك

عادل...متأكده يا ريهام....

ريهام....متأكده ومش زعلانه صدقني

دياب....بقول ايه اتقل ياعم عادل شويه مش قبل ما تجوز انا

عادل...بخبث...وانت لقيت العروسه

دياب...نعمممم احنا هنهرج العروسه جمبك اهيه. وانا اللي عرفتك بيها تنكر

عادل...لا بس لازم اوافق. الاول

دياب....لا والله ارتكب جريمه...

ضحك...عادل....وانا موافق  ياسيدي...اصل العروسه شملها موافقه.

ابتسمت لمار باحراج...

دياب...بغرور طبعا موافقه

ضحكو كلهم الجو كان جميل...

ريهام الوحيده اللي كانت موجوعه بس حاولت تتغير وتعوضهم عن طريقتها...

ابتدو تحضيرات الفرح...والجواز...ومع الوقت ريهام اتأقلمت وبقت مبسوطه بوجود لمار....

عادل وناريمان اخيرا كتبوا الكتاب وجت اعدت معاهم فالڤيلا هي ولمار...

دياب...كان بيحضر الڤيلا اللي هيتجوزو فيها وعدي اكتر من 6 شهور ....كانت لمار طول الوقت بتحاول تعوض اللي فاتها من الدراسه ودياب كان بيساعدها وبيحاول يوفرلها كل حاجه تخليها تلحق اللي فاتها... فالوقت ده...كان بيظهر معاهم حمزه كتير.....وابتدا يعجب بياسمين اخت انس....

وابتدا...يظهر يوسف...الظابط اللي كان مسافر معاهم ولحق دياب ...واتقدم لريناد ووافقت....

وفضلت ريهام...🙄

وجه يوم الفرح.....الكل كان بيجهز

دياب...خلص البيت كله في وقت قياسي حتي الفرح منسيش اي حاجه فيه....وكان فرح اسطوري...في اكبر مطربين البلد...

اتطفي النور....واخيرا ظهرت لمار....في داخله اسطوريه.....جمالها كان مغطي علي كل حاجه في الفرح....

دياب...كان طاير من الفرحه مش قادر يصدق ولا يتخيل انها بقت معاه لمار حاسه انها بتحلم خايفه مرعوبه قلبها بيدق ..

مسكها من ايدها دياب....وشدها رقص معاها اول رقصه

دياب.....قولتلك اني مش هسيب الموت ياخدك مني وانا قدرت اتحدي النوت يالمار...

لمار.... هو انا بحلم.

دياب....لا ياقلب دياب مش بتحلمي احنا بنحقق حلمنا ...يابنت عمي😉

لمار....انا بحبك اوي يادياب..

دياب....وانا بعشقك...ولما نروح بيتنا هعرفك اد ايه بحبك.

لمار....باحراج....قليل الادب...

دياب....المرادي..مش هقولك دماغك شمال عشان انهرده هعرفك اد ايه انا قليل الادب...

لمار....بحبك.

دياب....شالها من وسطها ولف بيها وسط تصفير كل الموجودين ..

ونزلها...

كتبو الكتاب...وبقت مراته اخيرآ... كل ده تحت صدمتهم هما الاتنين مش مصدقين...

حاتم....مبروك ياعريس.

دياب...الله يبارك فيك يا سياده اللواء.

حاتم....بقول يالمار....الواد ابني بجد مش هزار....وبيحبك اوي علي فكره فوق ما تتخيلي كمان.... خلي بالك منه وربنا يتمملكم علي خير.

لمار....شكرا لحضرتك الله يبارك فيك...

رقصت لمار وكارمن علي اغنيه وسط الناس كلها ..فضلت كارمن تغنيهالها والاتنين الدموع في عينهم بيحاولو متزلش عشان المكياچ ميبوظش...

وبعد ما خلصت الاغنيه....حضنتها لمار كارمن...ياخربيت حلاوتك.

لمار....والنبي شكلي حلو.

كارمن...قمر يا احلي حاجه في حياتي...

لمار...بحبك ياكارمن..

كارمن...وانا معرفتش الحب غير معاكي يااحلي هديه من ربنا. 

دياب...لا مش هنخلص كده ما تلم مراتك يا عم انس.

انس...مراتك اللي قافشه فيها وبعدين ايه اللي لم مراتك ده ما تحترم نفسك ياعم.

دياب...لا شكلك كده عايز تتروق اوعي يالا تفكرني عريس وكده يعني لا..مسكه انس وحضنه بعض...وهما بيضحكو...

انس.....مبروك يا صاحبيييييي

دياب....عقبالك يا لا...

1

ورجعو كملو رقص وتنطيط وفرحه

.............

الدنيا بتتغير في لحظه......

ومابين حزن وفرح وتمني...

حلم...

ديما ملازمنا يا نحققه ونفرح يا نسيبه يضيع ونعيش عمرنا في حزن..

يا نفضل طول حياتنا بنتمني تحقيقه...

دور علي حلمك وحققه...

اوعي تستلم...العمر هنعيشه مره...بلاش تقلل من عمرك وترخصه..بلاش تضحي بحياتك وتشيل شيله مش شيلتك فكر واتكلم قبل ما تضحي بعمرك..يمكن لو اتكلمت تلاقي حجات كتير اتغيرت وتكتشف نفسك في مكان عمرك ماتخيلت نفسك فيه.....

دور علي حلمك وحافظ علي عمرك.......واتمسك بكل حد غالي في حياتك....👌❣️🌹

تم بحمد الله

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

تعديل المقال