رواية لمار ودياب ( دياب و لمار ) الجزء الثاني 2 بقلم اميرة اسامة

رواية لمار ودياب ( دياب و لمار ) الجزء الثاني 2 هى رواية من تأليف المؤلفة المميزة اميرة اسامة رواية لمار ودياب ( دياب و لمار ) الجزء الثاني 2 صدرت لاول مرة على فيسبوك الشهير رواية لمار ودياب ( دياب و لمار ) الجزء الثاني 2 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية لمار ودياب ( دياب و لمار ) الجزء الثاني 2

رواية لمار ودياب ( دياب و لمار ) الجزء الثاني 2

خرجت كارمن بأقصي سرعه عندها من باب البيت ومشيت عكس الاتجاه بتاع الصيدليه...كانت بتجري زي المجنونه...اللي بتصارع عشان تخرج من الشارع....وصلت اول الشارع اول نا محمد لمحها...

محمد...بسرعه انا هنا...

ركبت...معاه كارمن بسرعه.

كارمن...بسرعه يا محمد الله يخليك

محمد....طياره. متقلقيش..

قوليلي الاول انتي عايزه تروحي فين.

كارمن...بتفكير...معرفش.معرفش..

بس ابعدني اهم حاجه من هنا.

محمد....اهدي كده بس ومتقلقيش انا هخرجك من المنطقه بسرعه..بس كنتي جبتي طرحه او اي حاجه حطتيها علي راسك..عشان محدش يعرفك..

كارمن...انا معايا اسكارڤ. هحطه..

محمد ....طيب طلعيه بسرعه

ومشي محمد بأقصي سرعه...

............

اما في بيت كارمن...كانت امها حاطه ايدها علي قلبها من اللي هيحصل

لاكن كانت من جواها فرحانه انها قدرت تعمل حاجه لبنتها. وقدرت تساعدها...

صفاء...متخافيش يا ام كارمن هتعدي علي خير.

مني...ربنا يستر يارب...

فاللحظه دي دخل سعيد...

سعيد...ومد ايده لصفاء اتفضلي يا ستي....الحاجه اهي..

صفاء....بس بس...

سعيد...مالك بتبسبسي كده ليه..

مني....كارمن هربت يا سعيد.

سعيد...فلحظه اتحول وحش اول ما سمع الجمله..بتقولي ايه ياروح امك هربتوها..ومسك مني من ايدها بعنف.

صفاء...استني بس ياعم سعيد هربناها ايه...

سعيد...امال ايه انطقو انتو نهار ابوكو اسود..

صفاء...انا دخلت الحمام لحد ما انت تجيب الحاجه...وست مني والبنات كانو فالمطبخ..فجأه سمعو الباب بيترزع فكروك انت..

ريتال...ايوه يابابا...وخرجت لقيت الباب مفتوح وانت مش هنا...دخلت الاوضه علي كارمن لقتها مش هنا. ناديت لماما بسرعه وخرجت صفاء وقتها.

سعيد...انتو بتمثلو عليا يا ولاد الكلب انت. اللي ساعدوتها...انتو من امبارح مش مطمنني وموافقتها بالسهوله دي مكنتش مريحاني...وبص لمني وانتي يابوز الاخص انتي اللي وراها بس وديني ما هرحمك وهقتلك بايدي دول انت. عارفين انت. عملتو ايه...ضيعتو العريس والمرادي مش هيسكت..

ومسك..مني بكل غل وقسوه فضل يضرب فيها بايده ورجله وسط صريخ بناتها الصغيريين...حاولت صفاء تحوشه..لاكن كان ماسكها بايده ومحدش عارف يرحمها منه...خرجت صفاء علي السلم فضلت تصوت باعلي صوتها لحد ما الناس اتلمت..ودخلو يحوشوها من ايده...

واخيرا خلصوها من تحت ايده بالعافيه...

سعيد...انا مش هسيبك يابنت الكلب وهقلب الدنيا علي بنتك لحد ما اجبها وساعتها ولا هرحمك ولا هرحمها..

صفاء...يا عم سعيد هي ملهاش دعوه صدقني.

سعيد....انا عارف ان هي اللي هربتها

مني...وكانت خلاص علي اخرها ولاول مره تقف ادامه وتنسي ضعفها..

ايوه انا اللي هربتها ولو رجعتها ميت مره ههربها. وارحمها منك ومن ظلمك انت راجل ظالم...اشهدو ياناس عايز يجوز بنته لراجل عنده 65 سنه اكبر منه هو شخصيا ب16 سنه راجل عربي هياخدها معاه بره متجوز 3 ستات وهي الرابعه عايز يغربها في مكلن متعرفش في حد لا اهل ولا صحاب ولا حد يقف معاها عيله عندها 18 سنه تتجوز واحد عنده 65 سنه وعشان ايه عشان شويه فلوس يا اخي ملعون ابو الفلوس اللي تخلي الاب بدل ما يكون سند لبنته يبعها ويقبض تمنها....

سعيد...انا مش هسيبك...وقرب منها عشان يضربها. مسكوه رجاله الحته..

سعيد...وديني ما هرحمك وهقتلك..

مني...اقتلي وريحني..اقتلني عشان انا السبب من الاول انا اللي وصلت بناتي للقرف اللي هما عايشين فيه انا اللي خلتهم يدفعو تمن غلطه انا اللي غلطتها يوم ما وافقت عليك...دمرتهم دمرت طفولتهم وحياتهم عيشتهم سن اكبر من سنهم عيشتهم هم وحزن وبهدله وقله قيمه وحرمان حرمان من حنان الاب وحرمان من الفلوس اللي بتضيعها علي الارف اللي بتشربه...حتي تعليمهم مكنتش ليهم الاب اللي بيشجع ويتعب ويجري علي ولاده عشان يشوفهم احسن ناس انت حد غيرك كان طول حياته يصلي ويشكر ربنا انه رزقه ب3 نعم غيره مش طايل النعمه دي...بنات متربيه ومتفوقه في دراستهم  بنتك هتبقي مهندسه اد الدنيا بدل ما تقف معاهم وتحمسهم لا عايز تأعدهم وتجوزهم وتكسب من وراهم للي يتقدم ويدفع اكتر.  عشان فالاخر تروح تصرف علي شربك. وارفك..من اللحظه دي مش هبقي ضعيفه يا سعيد ويوم ما تيجي علي بناتي هقتلك بأيدي واقطعك بسناني..

سعيد...كان واقق مزهول من مني اللي اتحولت فجأه ولاول مره تقف ادامه...

سعيد...ماشي انا هوريكي. وديني ما هرجع غير بيها وبردو هجوزها وابقي اقفي ادامي تاني...

مني...مش هتلاقيها ولو لقتها ههربها منك تاني وهبلغ عنك...انساها ياسعيد وسيبها تشوف حياتها كفايه بقي دمرتها ودمرتنا معاك...

خرج...سعيد من البيت وهو عفاريت الدنيا بتتنطتت ادام وشه وراح يدور علي كارمن...

صفاء....انتي كويسه

مني...كانت اعده فالارض وبناتها في حضنها بيعيطو..

فضلو الناس يهدوها وابتدو يخرجو من البيت..

صفاء...اهدي بقي عشان بناتك خايفين

مني....حسبي الله ونعم الوكيل فيك ياسعيد...

واحده..من جيرانها....ربنا يصبرك عاللانتي فيه يا مني...ان شاء الله مش هيلاقيها...

مني...يارب..

خرجو الجيران كلهم وسابوهم..

مني. لصفاء...مش عارفه اشكرك ازاي ياصفاء علي وقفتك مع بنتي.

صفاء...متقوليش كده يا ابله مني كارمن زي اختي وبنت حتتي .

مني...الحمد لله انه مشكش فيكي عشان ميأذكيش.

صفاء...الحمد لله عدت علي خير وعلي فكره خليكي قويه كده زي ما انتي والله حسيته خاف منك لما طلعتي فيه.

مني....من انهرده عمري ما هبقي ضعيفه ادامه ولو كنت رحمت واحده من بناتي منه هفضل واقفه ادامه لحد ما ارحم الاتنين التانين دول منه.

صفاء...ربنا يقويكي يارب ويعينك ويخليهملك

مني...اتصلي والنبي بأخوكي اطمني شوفيه خرجها بعيد عن المنطقه ولا لا.

صفاء...طيب استني..

...............

اما عند..كارمن...

كارمن...بس وقف هنا يامحمد

محمد....متأكده انك مش عايزه تروحي مكان تاني.

كارمن...لا شكرا يامحمد وبجد مش هنسالك الجميل ده انت وصفاء لحد ما اموت .

محمد...انتي زي اختنا متقوليش كده مفيش جنايل.

طلعت كارمن فلوس تدهاله من شنطتها..

كارمن...اتفضل يا محمد.

محمد....عيب يا انسه كارمن انتي بتشتميني ولا ايه.انتي زي صفاء اختي

كارمن...بس ده حقك...

محمد...حطي فلوسك في شنطتك. انا مش هاخد حاجه خليهم معاكي اكيد هتحتاجيهم...واكتبي رقمي عندك لو احتجتيني في اي حاجه هتلاقيني

كارمن...شكرا يا محمد بجد انت جدع اوي ربنا يخليك ويرزقك ويخليلك صفاء.

محمد...يارب...ورن تليفونه..ايه ده دي صفاء.

كارمن...طب رد بسرعه لا يكون حصل حاجه.

محمد...الوووو

صفاء...ايه يامحمد انت فين بعدت بكارمن.

محمد...اه ماتقلقيش احنا خرجنا من المنطقه خالص..قوليلي حصل ايه عندك.

صفاء...متقلقش. هي معاك ولا نزلتها.

محمد...لا معايا لسه.

صفاء...طيب هاتها...

اداها محمد التليفون.

كارمن...ايوه ياصفاء.

صفاء...ايه ياكارمن بعدتو خلاص

كارمن...ايوه طمنيني حصل ايه.

صفاء...خدي ابله مني عايزه تكلمك..

مني...الوووو

كارمن...اول ما سمعت صوت والدتها دموعها نزلت...ايوه ياماما انتي كويسه انتي واخواتي عمل معاكم حاجه.

مني...لا ياحبيبتي متقلقيش زعأ شويه وخرج عشان يدور عليكي اختفي خالص يا كارمن متخليش اللي عملناه يروح عالفاضي.

كارمن...متقلقيش عليا بس قوليلي عمل فيكي ايه.

مني...بابتسامه وسط دموعها هيكون عمل ايه علقه وراحت لحالها المهم انك بعدتي..

نزلت دموع كارمن بوجع علي ولدتها.. انا اسفه حقك عليا والنبي.

مني...حقك انتي عليا انتي واخواتك انا اول مره احس اني مبسوطه. واني عملت حاجه صح اول مره يمد ايده عليا ومبقاش عيزاه يخلص ضرب عشان الوقت يضيع وانتي تبعدي اكتر عن المنطقه..

كارمن...خلي بالك من نفسك عشان خاطري خلي بالك من اخواتي وانا هدور علي شغل وهدور علي مكان حتي لو اوضه صغيره وهعرفك عشان تيجي تعيشي معايا انتي واخواتي وارحمك منه.

مني...ان شاء الله ياحبيبتي المهم تطمنيني عليكي ديما واول ما تكوني في مكان آمن طمنيني يا كارمن هفضل قلقانه عليكي لحد ما تطمنيني.

كارمن...حاضر ياماما اطمني

كني...يلا انا هقفل بقي قبل ما يرجع عشان ميعرفش ان صفاء ليها دعوه.

كارمن...ماشي ياماما اشكريلي صفاء اوي.

مني...حاضر يا حبيبتي لا اله الا الله

كارمن...محمد رسول الله...

وقفلت وهي دموعها نازله.

محمد...متعيطيش بقي ويلا انزلي وخلي رقمي معاكي ولو احتجتيني في اي حاجه كلميني او كلمي صفاء

كارمن...شكرا يامحمد...

محمد...مع السلامه.

كارمن...سلام

نزلت كارمن بعد ما لفت الاسكارف عليها كويس...ومشي محمد بالتوكتوك

مشيت كارمن ناحيه الكورنيش وهي بتتلفت وخايفه...مش عارفه تروح فين  و تروح لمين.. مكنش في حد في دماغها غير لمار...هي الوحيده اللي كانت السند والملجأ الوحيد اللي بتروحله اول ما تبقي في ضيقه...طلعت من ايدها رسالتها وهي بتعيط بحرقه...

كده يالمار...سبتيني لوحدي...هونت عليكي انتي عارفه ان مكنش ليا غيرك اترمي في حضنه...يارتني موت معاكي قبل ما اتبهدل كده...طيب كنتي استني لحد اليوم ده عشان بس تقوليلي اعمل ايه...سبتيني وكنتي فاكره انك بالنسبالي مجرد صاحبه او اخت...بس مكنتيش تعرفي انك بالنسبالي حياه مكنتيش تعرفي انك ملجأي الوحيد..مكنتيش تعرفي اني من بعدك هترمي فالشارع ومش عارفه اروح فين...ومش بفكر غير فيكي...لمحت جملتها.في الرساله .....💔💔

اوعي تتجوزي اي عريس ابوكي يجبهولك اتجوزي اللي تحبيه ياكارمن اوعي توافقي انه يبيعك..تاني...

كوكي..انا هكون جمبك ديما و حاسه بيكي...وقت ماتحسي انك مخنوقه والدنيا ضاقت بيكي...روحي المكان بتاعنا عالبحر اعدي عالصخره بتاعتنا وصدقيني انا وقتها هكون معاكي...وقت ما اوحشك روحي هتلاقيني مستنياكي...

وقفت كارمن بعينها عالجمله دي🥺😳

مكاننا!!! نزلت دموعها بغزاره...حتي وانتي مش معايا يالمار بتساعديني.و بتفكري معايا وبلاقي عندك الحل..حتي وانتي مش موجوده بتعرفي تحميني وتقفي جمبي....ياريتك كنتي موجوده عشان تعرفي انك مكنتيش مجرد صاحبه انتي كنتي الامان والسند....

مشيت..كارمن علي المكان بتاعهم وكان خلاص ابتدا النهار يروح...والليل يجي...وصلت كارمن مكانها المفضل والسري يتاعها هي ولمار...كان عباره عن صخور..وسط الشاطئ..ووسطهم صخره  تشبه الجحر داخله لجوه واللي يأعد عليه محدش يشوفه باقي الصخور بتخبيه ووشه بيكون للبحر...ده كان مكانهم السري واللي محدش كان يعرف عنه حاجه غيرهم..

راحت...كارمن بين الصخور  ولحسن حظها البحر كان هادي جدا  لكن الجو كان صعب جدا...دخلت كارمن بين الصخور مسكت شنطتها طلعت چاكت تلبسه فوق هدومها وخدت الشنطه في حضنها.. عشان تدفيها اكتر.

الشاطئ مكنش فيه مخلوق الشوارع كانت هاديه  لدرجه انهم ممكن يتعدو عشان كده جريت بسرعه علي الصخور عشان ابوها لو بيدور ميلمحهاش.

فضلت كارمن باصه للبحر وحاضنه الشنطه وضمه رجلها ودموعها مش بتقف...بيتها مكانتش بتشوف فيه راحه وشافت فيه عذاب كتير...لاكن فالنهايه كان فالاخر بيتقفل عليها باب وتدفي بحض والدتها واخواتها لاكن الوقت وصلت لفين وبسبب مين...بسبب اب ميعرفش ربنا مفيش عنده رحمه كل اللي هامه ازاي يكسب فلوس عشان مزاجه حتي لو اللي هيدفع التمن بناته...

وفجأه....هاجم عقلها شريط ذكريات..

فلاش باااااك.

...........

لمار...تعالي بس هاتي ايدك متخافيش..

كارمن...مخافش ايه الله يخربيتك جيباني وسط الصخور وتقوليلي لقيتي مكان سري..

لمار...تعالي بس شوفيه بنفسك والله هيعجبك..

كارمن...لمار خلي بالك انا مبعرفش اعوم انا اخري اعوم عوم كلابي عالشاطئ.

لمار...بقي بالزمه مش مكسوفه من نفسك تبقي اسكندرانيه ومتعرفيش تعومي.

كارمن......مش فاهمه يعني عشان اسكندرانيه لازم اعرف اعوم علي اساس كل الناس هنا في اسكندريه بيعرفو يعومو...وبعدين يابنتي هو بابا بيسيب حد فينا يخرج طب ده  عمره ما خدنا انا وماما واخواتي نزلنا حتي اخر الشارع مع بعض هياخدنا للبحر...والنبي خليني ساكته

لمار...بس كده ولا يهمك انا اعلمك.

كارمن...لا ياشيخه بعد ما شاب ودوه الكتاب..

لمار...يابنتي هو تعليم السباحه ليه سن

كارمن..بقولك ايه وريني المكان خلينا نطلع من هنا ولو عالعوم ياستي مش عايزه اتعلم كفايه انك بتعرفي تعومي. يعني لو حصل وغرقت هبقي في ايد امينه.

لمار...ده علي اعتبار يعني ان ديما هكون معاكي.

كارمن...امال علي اعتبار اني بخرج في اي حته من غيرك يابنتي ده لولاكي مكنتش خرجت من بيتنا ولا شوفت نور.

لمار...شكرا...عالاحباط.😒

كارمن...العفو يا اختي يلا وريني😏

نطت لمار بين الصخور ومدتلها ايدها نطت كارمن.

لمار....ايه رأيك بقي.

كارمن...ايه ده الله ده اللي يأعد كأنه معزول عن العالم ومحدش يشوفه يعني منك للبحر.

لمار...شوفتي بقي مش قولتلك هيعجبك.

كارمن...وده عرفتيه ازاي ياسوسه..

لمار...والله بالصدفه.امبارح ماما قصتلي شعري شويه وادتهولي قالتلي ارميه فالبحر...نزلت الصبح وانا بجيب الفطار واتمشيت ولقيته قولت لازم اوريهولك..عجبك.

كارمن...اوي ده عالم تاني يابنتي.

لمار...تعالي نكتب اسمنا عالصخره عشان يفضل مكتوب عليها...ومحدش يقرب منها

كارمن...بضحك ايوه اثبتي ملكيتنا للصخره..

طلعت لمار كوليكتور تكتب بيه اساميهم.

كارمن...جايبه كوليكتور مش المفروض نكتب بقلم🙄

لمار...ياذكيه القلم مع الميه مع الوقت هيتمسح ده إن رضي يكتب اصلا.

كارمن...تصدقي صح🤔

لمار...غبيه هفضل اعلم فيكي لحد امته...

كتبت لمار اساميهم...

لمار...بس كده اي حد يكتشف المكان ده هنقطعه.

كارمن...ايوه احنا كاتبين اسامينا محدش يقدر بس اعملي حسابك...المكان ده عمري ما هجيله غير وانتي معايا.

لمار..بصي ياستي احنا هنتفق اتفاق.وقت ما اي حد فينا يكون مضايق يجي هنا عشان التاني يلاقيه.

كارمن...لا شكرا انا لما بضايق بجيلك عالبيت.

لمار...عارفه بس لو حصل في يوم ومعرفتيش تيجي لاي سبب. تعالي علي هنا وانا هلاقيكي وهجيلك وهكون جمبك...وانا كمان لو حسيت اي وقت اني مخنوقه هاجي هنا وافتكري ان محدش هيلاقيني غيرك لاني مش هعرف المكان ده لاي حد...

كارمن...تمام عجبتني الفكره.لمار انا بحبك اوي ربنا يخليكي ليا.

لمار...بحب. ويخليكي ليا يا احلي حاجه في حياتي..

كارمن...طب بقول ايه ما بلا بقي عشان انا مرعوبه.

لمار...بردو مفيش فايده.

كارمن...متحاوليش🤣

لمار...طب بلا يا خوافه مع اني واثقه انك هتحبي المكان ده ووقت ما تكوني مضايقه هتيجي هنا.

كارمن...هنشوف.

لمار...يلا بينا

باااااااااك

نزلت دموع كارمن بحرقه....

كارمن....مفيش مره قولتيلي حاجه غير لما كانت صح...ورغم خوفي من المكان...ملقتش مكان يحتويني غيره..

روحك حواليا يالمار...حاسه انك موجوده مكدبتيش لما كتبتيلي وقولتي اني هلاقيكي جمبي مكدبتيش لما قولتيلي روحي المكان بتاعنا وهمون معاكي ...وحشتيني يالماررر😭💔💔

...........

انا عند لمار ودياب...

الليل دخل عليهم خلصو تمارين وطلعت لمار تاخد شاور هي ودياب.  وخرجو اعدو كلو مع بعض...كانت لمار حاسه ان طريقته الب حدآ ما ابتدت تتحسن رغم انه اوقات بيكون متعمد يضايقها بس اتأقلمت معاه بسرعه حتي دياب ابتدا يتحسن معاها لاكن هو من جواه مكنش قاصد انه يضايقها كان بيحاول يستفزها عشان عابزها تتكلم وتقول اي حاجه لاول مره يبقي مصدق احساسه جدا وحاسس انها مش متهمه وانها بريئه ولاول مره يكون بيحاول يخلي المتهم اللي ادامه يعترف ببرائته كان من جواه رافض فكره انها تخلص المهمه وترجع للسجن سواء اعدام او مجرد تخفيف حكم...كان بيحاول علي اد ما يقدر يقربلها عشان يخليها تغير رأيها...خلصو اكل مع بعض وابتدو التدريب عاللغه...

لمار...كانت منبهره بطريقه نطقه لدرجه انها كانت عايزه تتعلم مش بس عشان المهمه كانت حابه تتعلم عشان هو حببها فاللغه نفسها كانت ماشيه معاه كويس جدا فالانجلش والفرنساوي كانت بتحاول لاكن العبري كان بالنسبالها تقيل اوي لاكن بردو كانت بتحاول هلي اد ما تقدر...فضلو وقت طويل لحد ما بقت الساعه 11 ودياب مكمل معاها...

تقريبا عرفت كل حاجه عن مايا

اسمها اهلها صحابها اللي في فرنسا والاماكن اللي بتروحها ديما وراها خريطه تفصيليه بالمكان اللي تسكن فيه  والجامعه اللي كانت بتدرس فيها الاماكن اللي بتروحها والمكان اللي بتتواصل فيه مع الموساد...اسامي الشوارع. المكان اللي بتفطر فيه الصبح...كل حاجه لمار بقت تعرفها عن مايا وقدرت تعرف كل حاجه في فرنسا وكأنها كانت عايشه هناك دياب كان بيختبرها في كل حاجه كانت بترد ومكنتش بتنسي اي معلومه عرفتها..

وقدرو في خمس ايام يقطعو شوط كبير كان كل اللي فاضلها انها تتمرن اكتر وتعمل تمارين اكتر واللغه اللي كانو مستمرين فيها....اما دياب فا كان سايب الجزء الكبير الخاص بطريقه اللبس والمشي والاكل ولغه الجسد الخاصه بمايا

لمار...كان واضح عليها التعب وواضح

انها فصلت...خلاص...

دياب...واضح انك تعبتي تحبي نرتاح.

لمار...لا عادي انا بس حاسه بصداع.

دياب...خلاص كفايه كده انهرده احنا من الصبح واحنا شغاليين...دياب يلا عشان تتعشي ولو حابه تنامي بعد كده نامي عشان ترتاحي.

لمار...ماشي. تحب اساعدك.

دياب...لو عايزه يلا بينا.

لمار...يلا...قامت لمار هي ودياب حضرو مع بعض العشا واعدو كلو مع بعض. لمار طول الوقت كانت شارده خالص...وملامحها باين عليها الحزن .

دياب...انا خلصت اكل. هقوم اعمل قهوه وهعملك عصير لحد ما تخلصي اكل.

لمار...انا خلصت خلاص...وبلاش عصير انا عايزه اشرب نسكافيه.انا هعمله

دياب...طيب كملي اكلك

لمار...انا شبعت الحمد لله.

دياب...طيب يلا...قامو مع بعض شالو الاكل وشويه ورجعو اعدو بره فالهوا..

لمار كانت لابسه ايس كاب وكوفيه من البرد وشها وشفايفها كانو لونهم احمر كانت مطلعه كم الترنج لاخر اطراف ايدها...

دياب...انتي كويسه..

لمار...ايوه..انا بخير

دياب...لو حابه تقومي تنامي يلا قومي

لمار...لا انا مش جايلي نوم.

دياب... طيب بما اننا خلصنا شغل ومفيش حاجه نعملها وانتي مش عايزه تنامي ولا انا كمان. ايه رأيك لو نتكلم شويه مع بعض.

لمار...نتكلم في ايه...

دياب.....اي حاجه احكيلي عنك مثلا بتحبي ايه بتكرهي ايه كنتي بتحبي دراستك ولا عادي كان نفسك تطلعي ايه يعني اي حاجه تضيع الوقت...

لمار....ماشي بس ده ليه علاقه بالمهمه.

دياب...لا ملوش دعوه ده مجرد دردشه يعني اعتبري اننا صحاب

لمار...تمام بس انت كمان هتتكلم علي فكره

دياب...وانا موافق...وهبتدي كمان .تحبي تسألي ولا انا اتكلم.

لمار...لا انت قول..

دياب..ماشي ياستي بصي بقي

انا اسمي دياب عاصم الدالي...

عايش مع اهلي والدي عنده 54 سنه راجل طيب اوي والدتي اسمها نوال عندها 50 سنه طيبه اوي وحنينه واحلي حاجه في حياتي وليا اخت اسمها ريناد عندها 22 سنه هي بنتي مش بس اختي ودي بقي فاكهه العيله زي ما بيقولو بتدرس تجاره اعمال وبتدرب مع والدي وعمي هي وياسمين اخت انس صاحبي عرفاه طبعا...

لمار...ايوه عرفاه..

دياب...وعمي ومراته وبنته عندها 17 سنه باباوعمي شركا في مجموعه شركات للاستيراد والتصدير من اكبر الشركات الموجوده مش بس في اسكندريه في مصر كلها بيحاولو ديما يقنعوني اني اشتغل معاهم  علي اعتبار اني انا الراجل الوحيد بعدهم وطبعا ريناد اختي وريهام بنت عمي مهما اشتغلو مش هيقدرو يديرو الشركات لوحدهم بس انا مش حابب خالص اوقات بساعدهم بس انا رافض الشغل نهائي في مجالهم..مع اني فاهمه كويس

لمار...طيب ليه مش راضي تشتغل معاهم

دياب...لاني باختصار مش بلاقي نفسي غير غي شغلي..او بمعني اصح انا مش حابب غير شغلي...

لمار...فهمت...وفعلا صعب تعمل حاجه انت مش بتحبها..

دياب...بالظبط بس هما مش قادرين يوصلو للنقطه دي مقتنعين اني لو استقالت ودخلت في عالم التجاره بتاعهم هقدر ادي فيه حاجه وبما اني ظابط شاطر فا ممكن اكون شاطر في اي حاجه مش قادرين يستوعبو ان كل واحد ليه الحته بتاعته..

لمار...عندك حق.

دياب...بس وطبعا انس صاحبي واخويا وعشره عمري ليا صحاب كتير ومعارف اكتر بس انس هو الاقرب ليا... انا كده خلصت تقريبا ده كل حاجه عن حياتي الشخصيه..يلا دورك.

لمار....ماشي....

طبعا انت تقريبا عارف حجات كتير عني اكيد عرفت من التحقيق فا احسن انك تسألني .

دياب...التحقيق حاجه والاعده بتاعت الدردشه بينا دي حاجه تانيه...اعتبريني ياستي معرفش عنك حاجه خصوصا اني ممكن اسالك سؤال متحبيش تردي عليه فانا هسيبك تقولي اللي انتي عايزه تقوليه عشان بس تعرفي اني ديمقراطي..

ابتسمت...لمار...ماشي...

لمار...انا اسمي لمار خالد البنهاوي..

عندي 18 سنه او خلاص يعني قربو يخلصو انا هكمل 19 كمان كام يوم يوم 28 /1 عيد ميلادي.

دياب...كل سنه وانتي طيبه..

لمار...بابتسامه شكرا...

لمار....عايشه مع ماما وبابا بابا اهله في بنها كنا كل فتره بنروح نزورهم بس فترات طويله وافتكر اخر مره زورناهم كنت انا عندي تقريبا 12 سنه...حتي ماما اهلها من القاهره...كان ليها اخت واحده واتوفت من زمان وكان ليها ابن...ماما كانت ديما تسأل عليه بس اتجوز وسافر السعوديه وعايش مع مراته...تقريبا كده يعني انا مكنش ليا غير ماما وبابا...وطبعا كارمن... كارمن بقي دي هديه ربنا ليا عوضاني عن حجات كتير اوي. مش عايزه اتكلم كتير عشان متحسش اني بقول فيها شعر...بس دي حقيقه كارمن هي حياتي كلها..عوضتني عن الاخوات لاني وحيده...عوضتني عن ولاد الخاله والخال والعم والعمه هي كانت كل ده. حتي انا بالنسبالها كنت كل حاجه...

تقريبا كنا بنعمل كل حاجه مع بعض حتي دراستنا كنا شاطرين جدا وديما نطلع من الاوائل وجبنا في ثانوي مجموع كويس ودخلنا هندسه يمكن الهندسه دي كانت حلمي ...والحمد لله قدرت احققه كارمن كمان كانت شاطره اوي ورغم الاحباط الدائم لوالدها بس قدرت تتخطي ده كنت انا وماما وبابا بندعمها ديما. وبنقف معاها لحد ما دخلنا مع بعض هندسه وكأن ربنا مش عايز يفرقنا ابدا...بس تقريبا دي كل حاجه عن حياتي...

دياب....والدتك تعبت من ايه؟؟

لمار...😳😳..سكتت شويه.  وكملت بارتباك...معرفش..

دياب...باستغراب.  متعرفيش تعبت من ايه.

لمار...اقصد يعني قدر ربنا عايز كده

دياب...ونعم بالله...بس اللي انا عرفته من التحريات عنك وعن اهلك..بتقول غير كده انتي مامتك صحتها كانت كويسه وعمرها ما اشتكت من حاجه...وتقارير حالتها بتقول ان الجلطه اللي جتلها وسببتلها شلل وفقد للنطق سببها نفسي. وان في احتمال ضعيف تخف بس ده يعتمد علي حالتها النفسيه.

لمار...مش احنا قولنا ننسي التحقيق..

دياب...تمام بس ده مجرد اجابه علي ردك عارف انه قدر بس اكيد فيه سبب.

لمار...ماما فعلا كانت كويسه وطول عمرها كانت صحتها تمام...يعني وقبل ال.....سكتت لمار شويه..وفضل دياب باصصلها وشايف ملامح الحزن اللي باينه علي وشها.

لمار...قبل الحادثه بفتره ماما تعبت تقريبا اربع شهور وفجأه صحينا لقيناها مبتتحركش.خالص وبنكلمها مبتردش مكنتش بتعمل حاجه غير انها بصالي وبتعيط...نقلناها المستفي وهناك عرفنا انها جالها جلطه سببتلها شلل رباعي...يعني فقدت الحركه التامه...حتي النطق... ووقتها عرفنا من الدكتور ان في سبب قوي وصلها للحاله دي وفعلا قال ان في احتمال ضعيف انها تتحسن بس موجود...

دياب...طيب ومين وصلها للحاله دي تقريبا مفيش غيرك في حياتها انتي ووالدك..

لمار....بشروود.معرفش بس كل اللي اعرفه قبل ما يحصل كده احنا كنا اسره بسيطه مفيش في حياتنا غير الحب والضحك والهزار..او يمكن.....

دياب...يمكن ايه...ليه سكتي كملي..

لمار...يمكن قبل الحادثه انا كنت فاكره اننا كده...ويمكن كمان ساعت ما ماما تعبت مكناش لاقين سبب او بطريقه ادق...مكنتش انا شايفه ان كلام الدكتور صح...وقت ما عرفت قولت ده بيخرف وعشان مش قادر يلاقي سبب لتعب ماما قال اي حاجه...يعني كنت شيفاه بيجود...اصل كنت هصدقه ازاي وانا شايفه اننا اسره سعيده...مفيش في حياتهم اي حاجه وحشه...وقتها مكنش عندي سبب لحاله ماما ..لحد ما اكتشفت يوم الحادثه بنفسي السبب اللي عمل فيها كده قبل الحادثه باربع شهور....

دياب....وهو ده السبب اللي خلاكي تقتلي والدك صح؟؟

لمار...ظهر علي وشها...تقسيمات انزعاج

لمار...من فضلك اقفل الموضوع ده..انت وعدتني انك مش هتتكلم فيه تاني

دياب...انا وعدتك اني مش هكلمك فعلا...بس انتي مش صعبان عليكي والدتك وصحبتك اللي واضح من كلامك انها ملهاش غيرك...

انتي ازاي مش قادره تفكري فيهم..

لمار....انت متعرفش حاجه...يمكن السبب الاول اللي مخليني رافضه الكلام...هو امي....لاني لو اتكلمت مفيش حد هيتضر غيرها...وانا استحاله اعمل كده كفايه اللي هي فيه..

دياب...طيب هي عارفه السبب.

لمار....ايوه ويمكن لو هي في حاله غير اللي هي فيها كانت اتكلمت...بس لاول مره احمد ربنا علي حالتها عشان متتكلمش

اما كارمن...صدقني لو هي بتموت عشاني مره فانا بموت عشانها فاليوم ميت مره....كارمن حياتها صعبه اوي ومحتجاني انا عارفه بس مقدرش دي امي...كارمن...وجعاني اوي بس انا متلجمه.  صدقني غصب عني...صدقني انا بحبهم اكتر ماهما بيحبوني...بس مش قادره...وفجأه لمار وهي بتتكلم ودموعها نازله مسكت قلبها..

لمار...اااه.

دياب...بفزع...لمار انتي كويسه...

لمار...مكانتش قادره تاخد نفسها وحاسه ان روحها بتتسحب...

دياب...قام عليها بسرعه واعد علي ركبته قدامها ومسك ايدها...لمار ردي عليا حاسه بايه...

لمار...باصه بشرود في الفراغ دموعها نازله ماسكه قلبها بتتنفس بسرعه..

دياب....لماااار ردي عليا قوليلي مالك.

لمار...كارمن كارمن يادياب...

دياب...مالها كارمن..

لمار...كارمن محتجاني. قلبي مقبوض وبيقولي انها مش كويسه.

دياب...اهدي انا هخليكي تسمعي صوتها زي ما وعدتك....بس ارجوكي اهدي. هنكلمها من الرقم التاني الخاص بالشغل بس اوعي تتكلمي يالمار...اوعي

لمار....رغم وجع قلبها بس حست بفرحه...انها هتسمع صوت كارمن وهزت راسها لدياب.

سابها دياب...وقام عشان يجيب تليفونه

.......... .

اما عند كارمن...الليل دخل عليها ومكانتش شايفه اي حاجه مفيش غير ضوء القمر يادوب ظاهر بسيط من وسط الغيوم..ومفيش غير صوت الهوا والموج...البحر بليل كان عليي شويه وابتدت الامواج توصل للصخره اللي هي اعده عليها هدومها اتغرقت بقت متلجه وجسمها كان بيترعش بطريقه قويه....حاولت تأعد علي ركبها عشان ترفع نفسها شويه من الميه لاكن كانت الاعده متعبه بالنسبالها...فضلت دموعها نازله وحست للحظه انها فقدت الامل ومفيش ادامها غير انها ترجع.

وفجأه😳

ظهرت ادامها لمار وظهر انعكاس ملامحها علي البحر ...اقسمت كارمن في داخلها ان لو كانت لمار بنفسها واقفه مكانتش هتبقي بالوضوح ده....رجفه اصابت جسدها بالكامل..

شعور بالخوف مع الفرحه...لمجرد انها شافتها...

كارمن....بصوت اشبه بالهمس لماااار..

لمار....وحشتيني...

كارمن...انتي هنا معايا طب ازاي..

لمار...انا معاكي علي طول..

كارمن...وهي دموعها نازله..بس انتي موتي

لمار....بس وعدتك اني مش هسيبك وديما هكون معاكي ومفيش حاجه هتبعدني عنك ولا حتي الموت..

كارمن...بس انا محتجاكي يالمار...انا ضايعه من غيرك خلاص يالمار انا اتدمرت وفقدت الامل في كل حاجه..

لمار.....وانا معاكي ياكارمن..وطول ما انتي عايشه مينفعش تفقدي الامل...

كارمن...ومين قالك اني عايشه انا خلاص ميته. مش قادره اكمل حتي يوم ما قررت اهرب.  مش لاقيه راحتي ومفيش ادامي غير اني ارجع لبابا واتجوز ووقتها حياتي هتنتهي بجد...انا حتي الانتحار فاشله فيه يالمار.

لمار....اوعي ياكارمن تفكري في كده واوعي ترجعي ابدا..

كارمن...بس انا مش لاقيه مكان اروحه ومعرفش حد غيرك...

لمار....اقوي ياكارمن عشان خاطري...انتي مش ضعيفه .. انتي بس لسه مشوشه. ومش عارفه ترتبي افكارك..

كارمن...طب قوليلي اعمل ايه..ساعديني..

لمار....كلميه ياكارمن وهو هيتصرف....

كارمن...هو مين...

سكتت لمار وابتسمت وابتدت صورتها تختفي في وسط الامواج...

كارمن.....بدموع لمار لا خليكي ارجوكي متسبينيش لمار انا خايفه خليكي معايا...

حرام عليكي انا مصدقت لقيتك...

وفجأه...رن تليفون كارمن....

كانت متوقعه انه ابوها لانه اتصل بيها كتير...طلعت موبايلها من الشنطه...لقيته رقم غريب مسحت دموعها بخوف وفضلت تسأل نفسها ارد ولا لا خصوصا انها كانت متوقعه انه اكيد بيتصل بيها من رقم غريب...

فضلت باصه للرقم...واخيرا قررت تفتح بس متردش...

لمار كانت فاتحه الاسبيكر...ودياب جمبها...

وفتحت كارمن الخط...

لمار.............

كارمن.........

مكنش في اي صوت ظاهر غير انفاسهم...وصوت الهوا الشديد...وصوت البحر...

بسرعه...لمار...اتأكدت انها عالبحر بس ازاي فالوقت ده طيب خرجت ازاي من ابوها وليه خرجت اصلا وكانت واثقه انها اكيد في مكانهم..

اما.كارمن....فكانت سامعه صوت صفير الهوا.  الجامد...وصوت نفس استحاله تتوه عنه...

كارمن.....واخيرا قطعت. صمتها بين زهولها ودموعها ....لمااااار.

صدمه اصابت لمار ودياب...😳😳

حط دياب صباعه علي شقايفه في اشاره منه للمار انها متتكلمش..

كارمن....لمار.

فاللحظه دي...مسك دياب منها التليفون وقفل الخط بسرعه لما شاف لمار حطت ايدها علي بوئها وكاتمه صوت انهيارها...

قفل دياب...الخط وقفل التليفون كله  وبمجرد...ما قفل انهارت لمار...

لمار...كنت واثقه انها فيها حاجه...كارمن في مكاننا عالبحر...كارمن بتعيط وحست بيا كارمن فيها حاجه...سامحيني ياكارمن ارجوكي سامحيني..

قرب منها دياب. وخدها في حضنه ..ولاول مره يحس بحزن شديد جواه بالشكل ده مكنش متخيل ان علاقتهم قويه للدرجه دي...ازاي كارمن حست بيها. وهي متكلمتش  ازاي قدرت تميز صوت نفسها...

دياب...اهدي يالمار.  متخافيش عليها...صدقيني.  انا هتصرف وهطمنك عليها...

لمار...ازاي

دياب...انا هكلم انس وهقوله يعرف عنها كل حاجه ويطمنك عليها...

لمار....فضلت تعيط جامد...وبعد مده هديت...

خدها دياب وداها اوضتها عشان تنام وترتاح شويه...

دياب...نامي يلا كفايه عليكي اوي كده انهرده لازم ترتاحي...وصدقيني يالمار بكره اخبار كارمن كلها هتكون عندك.

لمار...ارجوك متسبهاش.

دياب...مش هسيبها متقلقيش ممكن تنامي يلا...

هزت لمار...راسها براحه...وغمضت عينها فضل دياب باصص عليها واعد ادامها لحد ما حس ان صوت نفسها انتظم وراحت فالنوم....خرج من الاوضه وقفل النور وسابها تنام.

وراح...هو كمان علي الاوضه بتاعته...

اما كارمن....فادموعها مكانتش قادره توقفها فضلت تحاول تتصل بالرقم لاكن كان بيديها غير موجود بالخدمه شكت كارمن ان هي كلن بيتهيألها زي ما بيتهيألها ان لمار كانت معاها...

كارمن....بوجع.  يارب اقف معايا..

كارمن...كانت حاسه بالبرد ابتدا جسمها يتخشب وتترعش وابتدا لونه يتغير ويبقي ازرق من شدت البرد وهدومها اللي مبلوله...والجروح اللي في جسمها من ضرب والدها كانت بتوجعها وكأن في سم بينهش في جسمها من كتر الوجع...

فضلت تحضن فالشنطه عشان تدفيها وفجأه افتكرت اخر جمله سمعتها من خيال لمار وفضلت الجمله تتردد في ودنها كأنها صدي صوت.

كلميه يالمار وهو هيتصرف

كلميه يالمار وهو هيتصرف

كلميه يالمار وهو هيتصرف

وفاللحظه دي مجاش في دماغها غير

أنس......

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

كارمن....بوجع.  يارب اقف معايا..

كارمن...كانت حاسه بالبرد ابتدا جسمها يتخشب وتترعش وابتدا لونه يتغير ويبقي ازرق من شدت البرد وهدومها اللي مبلوله...والجروح اللي في جسمها من ضرب والدها كانت بتوجعها وكأن في سم بينهش في جسمها من كتر الوجع...

فضلت تحضن فالشنطه عشان تدفيها وفجأه افتكرت اخر جمله سمعتها من خيال لمار وفضلت الجمله تتردد في ودنها كأنها صدي صوت.😳

كلميه ياكارمن وهو هيتصرف

كلميه ياكارمن وهو هيتصرف

كلميه ياكارمن وهو هيتصرف

وفاللحظه دي مجاش في دماغها غير

أنس......

كارمن...انس..اكلمك انس...قوليلي يالمار تقضدي انس ارجوكي ساعديني🥺🥺

كارمن...لنفسها اكيد انس انا معرفش حد غيره...اكلمه...

بس هو مش هيرد عليا بعد اللي قولتهوله.. اكيد مش هيرضي يساعدني..ولا حتي يرد عليا لو شاف رقمي.

كارمن...بس رغم اللي قولتهوله هو قاللي لو احتاجتيني كلميني...

بس ازاي بردو اكلمه. بعد كل ده...😔😢😢😢😢

سكتت..كارمن شويه..وحست خلاص انها هتموت من كتر التعب والبرد..

كارمن...انا هكلمه. ويحصل اللي يحصل خلاص هو اخر امل ليا فالدنيا.ولو رفض سامحيني يالمار هرجع وهستسلم..صدقيني معنديش حل ولا عندي حد اروحله...

مسكت كارمن التليفون تتصل علي انس...

..................

اما عند انس...

العسكري...خبط وفتح الباب...

دخل اللواء....حاتم زهران....

قام انس...وادي التحيه العسكريه...اهلا يا افندم اتفضل..

انس....عسكري اتنين قهوه مظبوط..

العسكري....تمام يا افندم

حاتم...عامل ايه يا انس..

انس...الحمد لله يا افندم بخير.

حاتم...اخبار الشغل ايه

انس...كل تمام .

حاتم....بتكلم دياب..

انس...كلمته مره اول ماراح....وبعد كده جربت التليفون مبيجمعش

حاتم.المهم...انا بكره رايح عنده.فات اهو حوالي اسبوع تقريبا عايز اروح اشوف ايه اخر الاخبار ووصل مع لمار لحد فين...مش عايز حاجه تقولهاله او توصلهاله...

جه العسكري فاللحظه دي حط القهوه وخرج...

انس...حضرتك رايح عالساعه كام...

حاتم...همشي علي 10

انس....خلاص هحاول اوصله ولو محتاج حاجه هعرف حضرتك...

حاتم....تمام لو فاضي وعايز تيجي معايا تعالي..

انس...انا عايز اشوفه جدا بس تقريبا مش هعرف عندي شغل بس الكام ساعه دول هظبط الدنيا لو عرفت هكلم حضرتك قبلها ونتقابل ونروح سوا..

حاتم...خلاص عموما قبل ما اتحرك هعرفك انت هتخلص امته..

انس...انا علي 8 الصبح كده ان شاء الله

هكون خلصت النبطشيه

حاتم... خلاص هستني تليفونك...

انس....تمام يا افندم..

حاتم...هقوم انا بقي اناجيت اعرفك قبل ما اروحله عشان لو عايز تيجي معايا او تبعتله حاجه...

انس...تمام يا افندم...

حاتم...يلا مش عايز اي حاجه يابطل.

انس...ربنا يخليك لينا يا افندم..

حاتم....سلام يا انس.

انس...وهو بيأدي التحيه العسكريه سلام يا افندم...

.............

اما عند كارمن فضلت تعيط وانهارت من العياط...وحست ان الدنيا خلاص قفلت في وشها...لما اتصلت علي انس ومردش...طبعا هي متعرفش انه مشغول وكل اللي جه في بالها.ان هو مش عايز يرد عليها بسبب اخر مكالمه ليها..

كارمن...بعياط...يارب خلاص مبقاش ادامي غير اني اروح بيتنا تاني...واواجه بابا واوافق علي كل حاجه هو عايزها بس يارب انا مش قادره اعمل كده...ولا عندي حد اروحله ولا مكان اروح فيه حتي اني انتحر وارتاح من الدنيا كلها مش قادره اعملها انا اضعف كتير من اني اعمل كده يارب....يارب اقف معايا انا مبقاش ليا غيرك الدنيا قفلت في وشي...

فضلت كارمن تعيط....وحاسه انها خلاص البرد اتمكن من جسمها ورعشت جسمها بقي ليها صوت...وسنانها بقت تخبط في بعض بهيستريا...غالب عليها النوم بس البرد مخليها مش قادره تغمض....

فضلت كارمن اكتر من ساعه منكمشه في نفسها وخلاص اتجمدت وجسمها ازرق بتحاول تقاوم انها متفقدش وعيها وفنفس الوقت بتحاول تقاوم كلام عقلها في انها ترجع لوالدها من تاني....

وفجأه.  رن تليفونها...

بصت كارمن في تليفونها وهي خلاص شبه بتفقد الوعي..بصت عالرقم حاسه ان الاسم مزغلل والرؤيه بتاعتها مش واضحه بس كان من جواها حاسه ان هو انس....

فتحت الخط...وردت بضعف...الوو.

انس....كارمن...

كارمن....ا ن س

انس....باستغراب من صوتها كارمن انتي كلمتيني بس مشوفتش اتصالك غير الوقت انتي كويسه.

كارمن...ان س...انا محت جالك

انس....كارمن انتي فين وفيكي ايه...

كارمن...انا. هر ب ت

انس....طيب انا هجيلك حالا اجيلك فين

كارمن....انا علي الكور ن يش في مكاني انا. و لم ار.

انس....طيب براحه شويه اوصله ازاي قريب من بيتكم .

كارمن...مش. اوي..هو. عن د. ........ووصفتله كارمن المكان..

انس...تمام يا كارمن خليكي مكانك انا هجيلك حالا..

كارمن....ان س.  متتأخ رش

انس....دقايق وهكون ادامك...

قفل معاها انس...وخلي زميل ليه يغطي مكانه وكده كده كان الجو هادي فالقسم

خرج بسرعه انس من القسم ولان الجو شتا ومطر الجو فالشارع كان هادي ومش زحمه وصل بسرعه انس...واول ما وصل ركن عربيته ونزل ودخل شويه لجوه باتجاه البحر.مكنش شايفها الدنيا كانت كحل..كلم كارمن....

انس.....الوووو.

كارمن...بتجاهد عشان ترد وكأنها خلاص برفع الرايه البيضا وبتعلن الاستسلام...حاسه انها اطمنت...

كارمن...الو و

انس...كارمن انا موجود عالمرنيش ودخلت لجوه انا مش شايفك..

كارمن....انا بين ال صخور..

انس....طيب اطلعي اظهريلي نفسك متخافيش مفيش حد فالشارع الجو هادي.

كارمن...برعشه في صوتها قويه...ممش قاددره..... لحظه...نورت كارمن الكشاف.. بتاعها ورفعت ايدها بضعف...

انس....من بعيد شايف نور بيروح ويجي ..كارمن...انا عرفت مكانك خلاص خليكي منوراه لحد ما اوصلك...

قفل معاها انس.التليفون وفضل ماشي بسرعه باتجاه النور...واخيرا.  وصلها..واول ما شاف المكان اللي فيه اترعب واستغرب ازاي هي دخلته اصلا

انس....كارمن..انتي بتعمليه ايه هنا..انتي مش خايفه علي نفسك.. انس كان شايفها بس مش شايف ملامحها لان الدنيا ضلمه جدا.

مدلها انس ايده....خد منها الشنطه ورجع مدلها ايده عشان يطلعها رفعت كارمن أيدها بضعف...واول ما لمست ايده...اتصعق انس من درجه حراره ايدها....

رفعها براحه واول ما ممسكها كويس شالها لفوق بسرعه...حس انس ان هدومه غرقت مايه من هدومها اللي كانت بتنقط..

انس....انتي ايه اللي عملتيه في نفسك ده...

واول ما بعد بيها من الصخور....

كارمن.....انس.   ان ا اس فه.  بابا غصب عليا اك لم   ك ده..اس ف ه..

انس...مش وقته خالص ياكارمن...انا كنت حاسس كان لازم اعرف من الاول ان في حاجه...انا حزرته قبل كده وديني لهخليه يتمني الموت .

كارمن...وهي بتمسك ايده.  ارجوك بلاش.  مش عي زاه يع رف. مكا ني

وبمجرد مخلصت جملتها... المتقطعه.   وقعت بين ايده فاقده الوعي..

شالها انس بسرعه بين ايده....وفضل ماشي بيها لحد ما وصل للعربيه...فتح باب الكنبه ونيمها عليها. وركب بسرعه... واتحركت علي شقته....اللي خدها ليها قبل كده لما اغم عليها لما عرفت ان لمار اتحكم عليها...

ساق انس بأقصى سرعه عنده..

نزل وشالها بين ايده ...شافه البواب استغرب لتاني مره يشوف انس وهو شايل نفس البنت وبيجري بيها بس المرادي البنت واضح عليها التعب والبهدله بس طبعا ميجرأش انه يسأله حتي....لاكن جري عليه....

البواب....انس باشا خير..

انس...هات الشنطه اللي فالعربيه واقفلها وهات المفتاح .

جري بسرعه البواب خد الشنطه وقفل العربيه وجري...طلب الاسنسير....ثواني ونزل الاسنسير...وركب انس وهو شايلها بين ايده ومعاه البواب....

نزل انس...خد المفتاح من جيبي بسرعه وافتح..

البواب...حاضر يا باشا...طلع مفاتيح كتير...انهي فيهم...

انس....اول واحد.

البواب...فتح بسرعه الباب...وفضل واقف عالباب...

دخل انس جري حطها علي كنبه في الاوضه عشان متغرقش السرير لحد ما يغيرلها هدومها....

وخرج بسرعه للبواب...

انس....دكتور سعد موجود..

البواب...ده خرج ياباشا...من كام ساعه راح المستشفي..

انس...تمام عايزك تروح للسوبر ماركت اللي علي اول الشارع...تجبلي شويه حجات تتحط فالمطبخ ولبن و.. ولا اقولك خلاص انا شويه ونازل اجيب كل حاجه..

البواب....لو عايزني انا يا انس باشا هروح ومش هتأخر عليك.

انس...لا لا خليك انت انا لازم انزل بنفسي.

البواب..اللي حضرتك تشوفه عموما لو احتاجتني انا موجود..

انس...تمام..

خرج البواب وقفل وراه...

دخل انس علي جوه مش عارف يعمل ايه ولا يتصرف ازاي...رجع بسرعه فتح الباب...ونادي علي البواب....عبده..

البواب...ايوه ياباشا..

انس...لحظه..

.رجعله البواب...خير ياباشا غيرت رأيك.

انس...لا انا بس كنت عايز اسال عن مراتك..

البواب...ايه تساأل عن مراتي ازاي...

انس...لا اقصد يعني...البنت اللي معايا تعبانه جدا وهدومها غرقانه ولا زم تغير كنت عايزها تطلع بس تساعدني وتغيرلها هدومها عشان ميحصلهاش حاجه..

البواب...فهمتك .ياباشا...هنزل اصحيها حالا واطلعهالك..

انس...بسرعه ياعبده

الواب...هوا...

دخل انس...جوه.  وراح طلعلها فوطه كبيره...وشغل الدفايه فالاوضه لحد ما مراته تطلع..

عدوي وقت بسيط وخبط الباب...جري لنس فتح..

عبده....جبتلك ورده اهي ياباشا.

انس...اتفضلي ياورده تعالي...

ورده....سلام عليكم.

انس...عليكم السلام..

عبده...فهمك هتعملي ايه...

ورده...ايوه متقلقش ياباشا هي فين..

انس...جوه انا نيمتها عالكنبه.  عشان السرير ميغرقش ميه لما تغيرلها هنيمها عالسرير.

ورده...طيب فين لبسها...في شنطه معاها جوه...

ورده...طيب عن اذنكم...

دخلت ورده...ودخل انس ودخل عبده البواب...

ولع انس سيجاره وفضل رايح جاي...

قواني وفتح ورده...

انس باشا..

انس...خير

ورده...يعني لام أخذه انا فتحت الشنطه مفيش فيها حاجه مش عدمانه مايه الهدوم اللي عالوش بس اللي مطلهاش مايه لاكن اللي تحت كلها غرقانه بالشنطه...

انس...يعني مفيش اي هدوم تلبسها

ورده ...يعني لاموأخذه الهدوم اللي سليمه كلها يعني داخليه لاكن لافي چاكت ولا ترنج ولا اي حاجه...

انس...طيب انتي قلعتيها.

ورده...لا لسه كنت بطلع اللبس..

لنس...طيب لحظه..

دخل انس الاوضه وراح عالدولاب...طلع منه ترنج بتاعه...واداه لورده...

انس...لبسيها ده وحاولي ترفعيلها الرجل والايد شويه..لحد بس الصبح...

ورده...يعني لو حضرتك تحب ممكن يعني اجبلها حاجه من عندي.

انس..مفيش وقت يا ورده لبسيها بسرعه دي بقالها فتره بالهدوم غرقانه ..وياريت تخاولي تغطيها مش عايز لما تصحي تضايق انها اتكشفت علي حد

ورده...طيب انا هغيرلها حالا...ومتقلقش هحط عليها الفوطه

خرج..انس...وابتدت ورده....تقلعها براحه..وكارمن في ايدها مش دريانه بالدنيا...قلعتها ورده الهدوم اللي فوق...وحاولت تفطيها زي ما قالها انس...لاكن بمجرد ما شافت العلامات اللي في جسمها اترعبت  جسمها كان عباره عن علامات لشكل الحزام بالطول والعرض... جسمها ازرق في احمر ضهرها بايظ والدم ناشف عالجرح...

حست ورده بالخوف...وفضولها خلاها تقلعها باقي هدومها لاكن وهي بتحاول متكشفهاش اتصدمت من باقي جسمها اللي  متدمر وكأنها بقالها سنه بتتعذل بسرعه لبستها الهدوم الداخليه بعد ما نشفت جسمها كويس وشعرها...وشالت اللبس الغرقان بعيد..حطت عليها الغطا...وخرجت بسرعه ووشها باين عليه الصدمه..

انس....خلصتي ياورده..

ورده...لا يا باشا اصل اصل

انس...ما تنطقي في ايه.

ورده...يعني هو حضرتك عارف ان هي مضروبه

انس...مضروبه مضروبه ازاي مش فاهم...

و ده...انس باشا البت جسمها بايظ انا حتي خايفه انشفلها جامد..

انس...ينفع اشوفها..

ورده...تعالي انا ستراها.

دخل انس...كانت متغطيه...

ورده...ظهرت دراعها..

انس.....بصدمه ايه ده😳

ورده...ده اللي في ايدها بسيط يا انس باشا ..

قرب انس...براحه ووقف بالاقرب من راسها...

ورده.ارفعيها ليكي براحه عايز اشوف ضهرها...

ورده...حاضر ياباشا بس ساعدني عشان  الجروح.

رفعتها ورده وانس ساعدها واول ما شاف ضهر كارمن...حس ان قلبه اتقبض...استحاله اللي عمل كده يكون ابوها او يكون اب اصلا...شيطاين الدنيا كانت ادامه فاللحظه دي...عينه احمرت وعروق ايده ووشه برزت بطريقه مخيفه واقسم ان يستني لحد ما تفوق ويعرف ويتأكد مين اللي عمل فيها كده ولو طلع ابوها هيقتله بأيده..

قام...انس...وفضل يكشف اجزاء من جسمها براحه ويشوف كل جسمها ..اللي متدمر بمعني الكلمه...

ووقف ساعد ورده ومرضيش يخرج لبسوها الترنج وكان كبير عليها حاولو يظبطوه عليها علي اد ما قدرو...

شالها انس بسرعه ونيمها عالسرير. وغطاها بكذا بطانيه....

ورده...حضرتك عندك كولونيا نفوقها .

انس...سبيها نايمه مرتاحه كفايه عليها الوجع اللي كانت متحملاه...

خرج انس...وورده...

انس...شكرا ياوره تعبتك شكرا ياعبده

عبده...العفو ياباشا علي ايه.

ورده...العفو ياباشا...بس يعني البنت دي محتاجه دكتور الجروح اللي فيها دي لازم تتعالج.

انس...عارف ياورده....عبده اي وقت تلمح الدكتور...خليه يطلعلي فورا..

عبده...حاضر ياباشا من عنيا..هننزل احنا واي وقت تحتاجني انا او ورده ناديلنا..

انس...اكيد هحتاجكم الكام يوم الجايين معايا كتير خصوصا ورده لاني مش هقدر اساعدها في اي حاجه.

ورده..تحت امرك ياباشا..

طلع...انس مبلغ من جيبه. واداه لعبده

عبده...لا ياباشا والله ما يحصل خيرك سابق.

انس...متتعبنيش ياعبده خدوهم من فضلك..وشكرا علي تعبكم.

عبده...تسلم ايدك يا باشا...بعد اذنك...

نزل عبده ومراته قفل انس...الباب...

وبمجرد...نزوله فجأه...🙄

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

نزل عبده ومراته قفل انس...الباب...

وبمجرد...نزوله فجأه.. موبايله رن...

كان متوقع انه زميله فالقسم...راح بسرعه يرد...لاكن اتفاجئ بالرقم الخاص بتاع دياب.

انس....الوووو دياب.

دياب...اذيك يا واطي..

انس...بخير ياصاحبي انت عامل ايه. واحشني. بحاول اتصل بيك كتير بس مش بيجمع. والله وبيوصلي رساله ان التليفون متاح اتصل بردو يرجع يديني غير موجود بالخدمه عشان الصحرا اللي انت فيها دي..المهم طمني عليك..والله وحشتني

دياب...انا بخير الحمد لله كله تمام.

واضح اوي اني وحشتك بأماره ما بتفكر تيجي مع سياده اللواء بكره ولا لا..

انس.   والله مش حكايه تفكير انت عارف اني عايز اجي..بس قولتله هظبط الشغل واشوف حد من العيال يمسك بدالي..

دياب...وحيات امك انت نبطشيتك بليل وهو جاي الساعه 10..هتصيع عليا

انس...يا عم متبقاش زي القطر كده انا مش بصيع بس انا بخلص الصبح وهو هيمشي علي 10 واكيد هنتأخر معاك...وانا تعبان جدا مش هقدر ارجع عالشغل من غير ما انام فا كنت مستني ابدل مع حد ولما ارجع اروح انام...

دياب...ماشي ياسيدي..المهم...عايزك في خدمه...او بمعني اصح لمار اللي عيزاها..

انس....كارمن.

دياب...وانت ايش عرفك🤨🤨

انس...هي محتاجه ذكاء يعني لمار هتحتاج مني ايه غير كارمن او مامتها..

دياب...ماشي ياذكي...عايزك تعرفلي اذا كانت فيها حاجه او لا..

سكت...انس شويه واستغرب.  اشمعني...

دياب...ابدا بس من كام ساعه كده....وابتدا دياب يحكيله من اول ما كانو بيتكلمو وتعبها ولما كلمت كارمن وحكاله كل حاجه..

دياب...بس فا هي واثقه ان فيها حاجه وانها مشيت من البيت عشان صوت البحر ده وحقيقي هي كانت فاتحه الاسبيكر وسامع صوت بحر وصوتها كان تعبان والغريب انها حست انها لمار مع انها متكلمتش انا كنت محذرها.

انس...انت بتهرج اولا عشان كلمتها من رقمك ده وانك تجازف تخيل لمار مكنتش قدرت وكلمتها...عموما انا في حاجه عايز اقولهالك مهمه. وشوف بقي هتعرف لمار ولا لا دي بتاعتك انت بس لازم تعرف..

دياب...في ايه قلقتني...كارمن فيها حاجه.

انس...انا هقولك...وابتدا انس يحكيله كل حاجه حصلت من اول مكالمه كارمن ليه اول مره لما طلبت منه ميكلمهاش لحد اللي حصل..انهرده والتعذيب اللي فيها..

دياب....يا نهار اسود ومين عمل فيها كده.

انس...مفيش غير الكلب ابوها..

دياب...تفتكر ابوها يمكن جوزها غصب عنها واللي اتجوزته عمل فيها كده.

اتصدم...انس....انت بتقول ايه...

دياب...هي مقالتلكش حاجه..

انس...لا هي اول ما خرجتها من الصخور اغم عليها ومن وقتها مفاقتش.

دياب...وانت سايبها شوفها لاتكون ماتت ولا فيها حاجه دي محتاجه دكتور.

انس...انا كنت هوديها المستشفي بس قبل ما يغم عليها قالتلي مجيش جمب ابوها عشان ميعرفش طريقها مرضتش قولت اجبها عالشقه والدكتور اللي هنا اجيبه يكشف عليها..بس هو فالمستشفي لسه مرجعش...

دياب...حاول تجيب دكتور متتأخرش عليها عشان الجروح دي متعملش تسمم يا انس...ولازم حد يأعد معاها ويراعيها.انت بتروح الڤيلا

انس...متقلقش اطمن عليها بس وبعدين اظبط كل حاجه.

دياب...ان شاء الله خير..

انس...هتقول للمار..

دياب...بحيره مش عارف..لو مقولتلهاش هتفضل قلقانه...ولو قولتلها معرفش هترتاح ولا بردو هتفضل قلقانه..

انس...ده ايه الحنيه دي كلها 😉😉

دياب...ولا حنيه ولا حاجه بلاش دماغك تروح لبعيد بس لاحظ ان اي تشتيت ليها هيأثر علي التدريبات....

انس...لا ياشيخ ماشي هصدقك..عموما انا من رأيي انك تقولها ادام كده قلق وكده قلق يبقي عالاقل بس تطمنها انها الوقت بخير...

دياب...تمام اكيد هعمل كده..المهم الوقت انك تشوف دكتور في اسرع وقت

انس...متقلقش هعمل كده انت مش متخيل الجروح اللي في جسمها..

دياب....ان شاء الله خير...انس.

انس...نعم..

دياب...عايز اطلب منك حاجه

انس...قول يا صاحبي.

دياب...والدت لمار..

انس...اشمعني.

دياب...عايزك تروحلها..

انس...اروحلها ليه..واقولها ايه

دياب...انا هقولك بس متنساش الموضوع ده بيني وبينك وبس مفهوم.

انس...تمام قول.

دياب....فضل دياب يقوله اللي هو عايزه كله والسبب اللي يخليه يروح..لوالدت لمار.......

دياب...فهمت هتعمل ايه.

انس...فهمت ياصاحبي مش بقولك في حنيه كده مش مريحاني ده بردو عشان المهمه متبوظش

دياب...لا يارخم ده عشان لمار نفسها عشان انا واثق ان في حاجه غلط فهمت

انس...فهمت ياسيدي عموما انا كمان واثق من اول يوم ان في حاجه غلط واطمن انا هفضل ورا الموضوع ده لحد ما اجيب اخره..

دياب...هعتمد عليك يا انس.

انس...اطمن يا دياب خير ان شاء الله..بس هعدي يومين تلاته كده بس اطمن علي كارمن..

دياب..تمام.

انس...مش عايز حاجه ابعتهالك مع سياده اللواء.

دياب...لا تسلم يا صاحبي كل حاجه موجوده هنا..

انس...تمام...خلي بالك من نفسك

دياب...وانت كمان ومش عايز تهور مع ابوها

انس...خليها علي الله

دياب...طب يلا انت بقي الحق اناملي شويه قبل ما نصحي للتدريب الصبح

انس...تمام يلا سلام

دياب...سلام...

قفل انس...و بعد ما قفل سمع خبط عالباب...راح فتح كان البواب ومعاه الدكتور..

انس...اهلا يا دكتور اتفضل

البواب...هن ل انا يا انس باشا عشان مسبش الباب تحت. بس لو احتجتني كلمني.

انس...تمام يا عبده انزل..

دخل انس ومعاه الدكتور...لاوضه كارمن..

الدكتور...خير.

حكاله انس باختصار

الدكتور...مش هي دي نفس البنت اللي كانت..

انس مقاطعا ليه...ايوه هي

الدكتور..ابتدا يكشف عليها ويشوف الجروح وتقسيمات وشه مكنتش تبشر بخير..

خلص الدكتور كشف.. وغيرلها علي الجروح اللي في جسمها

انس غطاها كويس وخرج هو والدكتور بره..

انس. خير يا دكتور...

الدكتور...عندها جروح في جسمها خطيره مش هكدب عليك... هي المفروض تكون الوقت فالمستشفي بس طبعا حضرتك فاهم ده وادام جبتها علي هنا اكيد انت مش حابب انها تروح المستشفي..بس انا ممكن اساعدك واعدي عليها كل يوم لحد ما حالتها تتحسن...بس طبعا انا اسف للسؤال حضرتك يعني البنت دي تاني مره اشوفها وكل مره حالتها اسوء من اللي قبلها.حضرتك عارف مين اللي بيعمل فيها كده...

انس...للاسف لا...اول مره لما جت كانت سمعت خبر وفاه صحبتها انها اتحكم عليها بالاعدام....اما المرادي مش عارف مين عمل فيها كده هي كلمتني وانا روحتلها فورا واول ماروحت اغم عليها بس قبل ما يغم عليها طلبت مني اني مودهاش المستشفي .بس دي كل الحكايه وبالنسبه للجروح انا مكنتش اعرف عنها حاجه...بس ورده مرات عبده بعتلها عشان تغيرلها وهي اللي بلغتني..

الدكتور...بس لازم تعرف مين اللي عمل فيها كده وتبلغ عنه البنت ضعيفه وكان ممكن تروح فيها دي سبحان من اداها قدره انها تعيش وتقاوم.

انس...تفوق بس واعرف منها وانا مش هسمي عليه.

الدكتور.... ان شاء الله نطمن عليها انا كتبتلك روشته طويله فيها كل حاجه محتاجها...عايز الكريمات دي عشان الجروح...واحد فيهم تجميل وده اخر حاجه هنستخدمها بعد ما تتحسن وواحد فيهم مضاد حيوي والتاني مخدر موضعي لان الوجع اللي مسبباه الجروح ده صعب جدا ومش هتقدر تستحمله...

وكتبتلها...محاليل تقويها شويه...

وكتبتلها مضاد حيوي اقراص ومضاد للالتهابات والتورم...وطبعا الاخير ده مهدأ هي الفتره دي محتاجه انها تنام عشان طول ما هي صاحيه مش هتستحمل الوجع ..الجروح اللي في جسمها دي مع البرد بتعملها وجع رهيب زي احساس الكهربا وبالظبط كأن في نشر في جسمها فالنوم ليها افضل كتير عشان تقدر تقاوم...

انس...تعبتك معايا يادكتور سعد.

الدكتور...متقولش كده يا انس باشا احنا جيران ومفيش بينا الكلام ده المهم بس تقوم بالسلامه

انس...يارب.

الدكتور...استأذن انا بقي وبأذن اللي هعدي عليها بكره قبل ما اروح المستشفي بليل واي وقت تحتاجني ابعتلي عبدو او كلمني رقمي معاك صح.

انس...ايوه معايا وشكرا ليك بجد.

الدكتور...العفووو يلا بعد اذنك.

انس...اتفضل يادكتور

خرج الدكتور من عند انس...حس انس انه مش قادر وتعبان خالص....دخل جوه عندها الاوضه واعد ادامها عالكرسي..باصصلها بحزن...كانت شبهه الاموات...وكأنها مستسلمه للموت خلاص...

قرب انس منها اعد جملها علي حرف السرير.... مسك ايدها وقرب ايده التانيه من شعرها...وفضل يمشي ايده علي شعرها وعينه علي ملامحها....

انس.....بصوت واطي....انتي عارفه اني  كنت مضايق جدا لما قولتيلي مكلمكيش تاني...يمكن كنت حاسس ان فيكي حاجه بس مكنتش متأكد...بس انا كنت هتجنن عليكي.  متسألنيش ليه...بس بجد هقولك علي سر يمكن لو انتي صاحيه وقولتهولك هتقولي اني بكدب عليكي بس صدقيني انا مش بكدب انتي وحشتيني اوي ياكارمن اول مره قلبي يدق لحد كان انتي من يوم ما شوفتك ومش عارف انتي عملتي فيا ايه....من يوم ما شوفتك اول مره في مكتب دياب وانتي بتدافعي عن لمار وانتي خطفتيني لما سوفتك بتعيطي كنت عايز اخدك في حضني انا وقتها مصدقتش نفسي ولا احساسي واقنعت نفسي انك بس صعبانه عليا. وكنت بحاول اشغل نفسي عن التفكير فيكي لاني باختصار عمري ما اقتنعت ولا صدقت الحب من اول نظره.....

ايوه حب ياكارمن...اللي انا فيه ده ملوش مسمي تاني غير حب...كنت طول الوقت عايز القضيه متخلصش عشان اشوفك....خلتيني اصدق ان لمار بريئه عشانك...يوم ما جتلك الشارع وشوفتك وانتي بتتخانقي كنت واقف من بعيد مبسوط بيكي مش عارف ليه...لاكن اول ما حسيت ان ابوكي هيأذيكي اتدخلت...لما خدتك ومشيت بيكي.  واتكلمنا كنت متعمد اني اضايقك بالكلام...عشان تعيطي ووقتها اراضيكي واخدك في حضني كان جوايا شعور ديما انك محتاجه حد يطبطب عليكي ويقف معاكي...بس مع الوقت اكتشفت اني انا اللي كنت محتاجك ومحتاج حضنك...لما قولتلك علي خبر موت لمار انا اللي كنت بنهار عشانك ياكارمن... وانا شايفك ادامي بتنهاري يمكن دي المره الوحيده اللي كنت مش عايز اشوفك وابلغك بالخبر ده...بس مكنش فيه غيري وقتها يبلغك...كان نفسي وقتها اقولك ان لمار عايشه عشان بس مشوفكيش فالحاله دي..بس مقدرتش ولما كلمتيني انهرده اول ما شوفت رقمك مصدقتش وثواني وكلمتك. كنت حاسس ان في حاجه وانا بكلمك. لما سمعت صوتك كنت عابز اكون ادامك في لمح البصر يمكن المسافه بيني وبينك كانت دقايق بس قلقي عليكي كان مطول المسافه اوي ياكارمن...ولما شوفتك يا كارمن وشوفت العذاب اللي اتحملتيه حسيت اد ابه ان قصرت معاكي ومكنش لازم اسمع كلامك ومكلمكيش تاني...وحشيت وقتها ان لو كنت شوفت ابوكي كنت قتلتله موقفنيش غير كلمتك ليا اني معرفهوش... بس صدقيني ياكارمن لو هو اللي عمل كده مش هرحمه ولا حتي عشانك لازم يدفع تمن كل جرح سببهولك ...عرفتي ياكارمن انا جوايا ايه مخبيه ليكي...بحبك ياكارمن...ومن انهرده انتي بتاعتي ومش هسمح لاي حاجه تأذيكي مهما كانت وطول مانا معاكي... هنسيكي اي حزن ووجع..

قرب انس...ايدها من شفايفه وباسها.  ورجع تاني عالكرسي وهو ماسك ايدها وفضل باصص عليها لحد ما راح فالنوم...

عدت الساعات بسرعه...

صحيت لمار...بتعب حاسه بدوخه من كتر كا عيطت ..دخلت خدت شاور وجهزت للتمرين...لبست وظبطت نفسها وخرجت بره وقفت تبص علي ممظر الخلاء اللي ادامها ....وفضلت سرحانه

دياب...صباح الخير

لمار...ضباح النور.

دياب...صاحيه بقالك كتير.

لمار...لا من شويه بس ولسه يادوب خارجه من الاوضه...

دياب...طيب انتي كويسه

لمار...الحمد لله..

دياب...طيب يلا عشان تفطري.

لمار...معلش انا مليش نفس. 

دياب...انهرده عندنا تمارين كتير مش هتقدري..

لمار...لو حسيت اني جعانه هبقي اكل بس بجد انا مش عايزه اكل...

دياب...زي ما تحبي..صحيح.  سياده اللواء جاي انهرده يعني كام ساعه ويكون هنا مش محتاجه حاجه هو كلمني وقاللي اسألك عشان لو في حاجه نقصاكي يجبهالك...

لمار...لا شكرا..مش محتاجه اي حاجه...

دياب...كان ملاحظ نبره صوتها وشكل عينها الحزن مغطيهم...

دياب...لمار....انا عايز اقولك حاجه..

لمار..وهي باصه علي الصحرا اللي ادامها اتفضل..

دياب...كارمن

بصتله لمار برعب....😳عرفت عنها حاجه..هي كويسه.

دياب...اهدي لمار بخير...وتقدري تقولي كده انها بقت في امان.

لمار...انا مش فاهمه حاجه..

دياب...بصي هو انا مش فاهم اوي او لسه مش عارفين حاجه بس عايزك تطمني هي مع انس.

لمار...مع انس ازاي وليه

دياب...بصي انا مش عارف كل الحكايه ان...........وابتدا دياب يحكيلها اللي انس قالهولها....

دياب...بس يعني كل اللي نعرفه حاليا انها هربت واتصلت بانس وهو راح خدها وهي الوقت عنده بس تعبها مخليه مش عارف هربت ليه ولا ايه اللي حصل ومين اللي عذبها كده

..هو شاكك في والدها بس انا بقوله استحاله..

لمار...وهي بتمسح دموعها مفيش حاجه اسمها استحاله مع ابوها ده لو طال يموتها اكيد هيعمل كده ده استحاله يكون اب..

دياب...طيب ممكن تهدي اهم حاجه الوقت اننا اطمنا عليها وهي الوقت في امان واستحاله ابوها يعرف يوصلها ومتقلقيش عليها انس هيقدر يحميها..وهو قاللي انه مش هيرجعها وهيجبلها حقها كمان..

لمار...كارمن طول عمرها متبهدله معاه عمرها ماتفتكرله حتي يوم كويس

دياب...اكيد ربنا شايلها حاجه احسن صدقيني.واكيد ربنا هيكرمها...الكهم الوقت انك متطمنه عليها..

لمار....طيب ممكن اخر طلب وصدقني مش هطلب منك اي طلب تاني.

دياب...اتفضلي

لمار...عايزه اشوفها خلي انس يصورها صوره بجد نفسي اشوفها اوي..

دياب....هقوله يالمار حاضر....المهم انا طمنتك عليها فوقي كده بقي ويلا ورانا كذا حاجه نعملها قبل ما يجي سياده اللواء...

لمار...تمام انا جاهزه...

قامت...لمار مع دياب وابتدو تمارين...

والوقت كان بيمر بسرعه

وصل اللواء للمكان الخاص اخيرا..

دياب...نورت ياحاتم باشا..

حاتم...وحشني ياوحش ايه الاخبار

دياب...كله تحت السيطره.

حاتم...انال هي فين...

دياب...فوق منتظره حضرتك تعالي نطلع.

حاتم يلا بينا..

طلع حاتم ودياب...مع بعض...

راح دياب خبط علي اوضه لمار...

ثواني وفتحت.

دياب...سيادهواللواء وصل وعايز يشوفك..

خرجت...معاه لمار... حاتم كان واقف سلم عليها

حاتم...اخبارك ايه يالمار..

لمار...بخير حضرتك الحمد لله..

حاتم....عامله ايه فالتدريبات.

لمار...الحمد لله بحاول علي اد ما بقدر.

حاتم...بش دياب مبسوط منك جدا ومن شغلك وبيقول انك ذكيه وقادره انك تستوعبي بسرعه..

لمار.. الفضل يرجع ليه دياب باشا تعب معايا جدا خلال الاسبوع ده وحقيقي عمل معايا مجهود كبير.

دياب....بس ده ميقللش امكانياتك يالمار انتي فعلا ذكيه..وبتستوعبي المعلومه بسرعه..

لمار...مكنتش مصدقه اللي بتسمعه اول مره تشوفه بيشكر فيها طول الوقت كانت حاسه انه مقلل منها ومن اي حاجه بتعملها ولو مقللش بيقول مش بطال...

لمار...شكرا لحضرتك...

حاتم...طيب طمنوني ايه اللي فاضلكم وايه اللي واقف ادامكم.

دياب...التدريبات والتمارين والدفاع عن النفس تقدر حضرتك تقول انه كله تمام  بس طبعا لازم تمرين عليهم كل يوم اللغه لمار يمكن الانجليزي كويسه فيه الي حد كبير اوي...طبعا بدأته معاها من اول هي بس محاجه ممارسه الفرنساوي ابتدت تستوعبه وحاليا نقدر نقول بنسبه 40 فالميه وعلي اسبوع فا ده بالنسبالي نتيجه مرضيه خصوصا انها طول اليوم بتتمرن وبتدرب في كذا حاجه يعني لو الفرنساوي واخد كل وقتها كانت زمانها هتبقي برفكت فيه بس للاسف الوقت مش ساعفنا خالص..

العبري بقي هو اللي كان مشكله فالاول والوقت الحمد لله لمار بسرعه قدرت تفهمه وقدرت تتكلم كمان... مفيش حاجه فاضله غير شويه فاللغه وحجات بسيطه تخص مايا ودي سبناها للاخر زي لغه الجسد اللبس المشي الحركه التعبيرات المختلفه الاكل يعني الحجات دي..

حاتم. طيب حلو جدا انتو كده قطعت. شوت كبير اوي انا جاي وفاكر اني هلاقي حجات كتير بتواجهكم ومعطلاكم بس اطمنت...

دياب...متقلقش ان شاء الله الاسبوع ده لمار هتكون جاهزه عالاقل بنسبه 80 فالميه وانوشاء الله خلال الاسبوع ده هنهليها تعمل المكالمه الاولي معاهم اللي تثبت فيها انها موجوده...وبعدها هيكون ادامنا لسه شهر لحد ما تسافر فرنسا فالوقت ده بردو مش هنوقف تمرين في اي حاجه وان شاء الله قبل ما تسافر هتكون لمار تخطت الميه فالميه..

حاتم. يارب...انا متفائل وكنت واثق يا دياب انك هتكون قدها وهتقدر تجهز لمار....بس الوقت في مشكله كبيره جدا بتواجهنا اتمني انها تخلص في اسرع وقت.

دياب..ايه هي..

حاتم...التليفون اللي كان مع مايا التليفون ده... تقريبا مخصص لناس معينه وتقريبا مش مع اي حد في بصمه وفي حجات كتير مأمنه جوه الجهاز صعب اي حد يفتحها غير صاحبها حاولنا نخترقها عشان لو فيها اي معلومه تقدر توصلنا لاي حاجه قبل ما لمار تكلمهم...لاكن للاسف محدش قادر خالص يفتحه..صعب جدا وجبنا مهندسين ومبرمجين وهاكر المل بيحاول لاكن محدش قادر يخترقه ابدا عليه شفرات صعبه بجد...

دياب...طيب وبعدين..

حاتم مش عارف يا دياب...بس لازم خلال الكام يوم ده نوصل لاي حاجه اخاف يكون عليه معلومه مهمه تقع مننا وطبعا الواضح ان اغلبهم مشفرين التليفونات بتاعتهم بالشكل ده...وطبعا صعب ان لمار ترجع وهي مش عارفه الشفره ده ممكن يكشفها ويعرضها للخطر.

لمار...كانت بتسمعهم وتايهه..وفجأه سرحت ...

فلاش باااااك.

لمار.....صرخت بصوت عالي.  عاااااااااااا يامعلم يامعلم يامعلم...

خالد...اللي يخربيتك في ايه..

لمار...انا من انهرده يتضربلي تعظيم سلام بنتك هتشرفك.

ناريمان...يابت انتي علي طول سرعاني كده بتصرخي كده ليه ودي منظر واحده تشرف بصوتك ده

لمار...بقول ايه ياست الكل انتي من انهرده تحترميني...بنتك هتبقي مهمه.

ناريمان ليه بقي ان شاء الله.

لمار...هقولك...في ولد هاكر معروف انه بيهكر اي موقع واي لعبه واي حساب شخص وتليفونات الواد ده الفتره اللي فاتت دي اتشهر جدا...بنتك بقي تسكت ابدا والله ما يحصل...قدرت اخترق حسابه الشخصي وادمرله كل حاجه فيه...عشان يستاهل بعد كده ومن انهرده مفيش  هاكر غيري

خالد...انتي بتتجسسي علبه يالمار دي سرقه وازاي تبوظيله حسابه انتي مش هترتاحي غير لما تتجابي من قفاكي.

لمار.. ايه ده مين ده عيب ياحاج متقولش كده...انا لمار خالد البنهلوي وبعدين لنت زعلان علي حته واد صايع الولد ده كان بيخترق اي حساب لاي بنت وبيدخل علي تليفونها ياخد صورها ويهددهم وياخد منهم فلوس يعني مكنش بيعمل خير ده كان بيأذي البنات وانا عملت فيهم معروف

ناريمان يستاهل اول مره تعملي حاجه مفيده.

خالد...بس خلي بالك يالمار التهكير اللي انتي بتعمليه ده خطر عليكي ممكن تقعي في ايد حد مبيرحمش وتأذي نفسك..

لمار...متخافش يابابا انا التهكير ده بالنسبالي هوايه بحبها ومتخافش انا مش بعمل كده مع اي حد بعمل كده مع اللي يستاهل بس يعني متخفش مش فضول انا مش فضوليه.

خالد ...بسخريه....انتي هتقوليلي..المهم يعني ياريت تشوفيلك هوايه تانيه غير دي وغير السرعه اللي كل شويه تسرعيهالنا بصوتك ده..

لمار.....دي فرحه الاختراق يالودي...

باااااااااااك..

حاتم.....لمار انتي معانا..

لمار....انا اقدر افك الشفره.

حاتم...شفره ايه

لمار...الموايل مش بتقول ان الموبايل عليه شفره انا اقدر افكها واقدر اخترق اي حاجه

دياب...لمار انتي سرحتي وراحت منك عالاخر بيقولك مبرمجين وهاكر ومهندسين كلهم بيحاولو ومحدش عارف...انتي هتعرفي.

لمار...،.والله ممكن ومش بس عشان ده جزء من دراستي البرمجيات...لا خالص انا يمكن دي تكون هوايتي من فتره طويله.

حاتم...بس دي معلومه اول مره اعرفها

لمار...يمكن عشان مكنتش مهمه بالنسبالكم ولا انا حتي قولت عليها ..بس ادام محتاجنها الوقت فا عادي اني اقول اني بعرف...

حاتم...لمار مفيش وقت نضيعه خالص للمحاولات .

لمار...صدقني مش هنضبع وقت وبعيدن يعني حضرتك مش هتخسر حاجه كده كده حضرتك مستني ان الموبايل يتفتح...وانا بقول لحضرتك اني هقدر..ولو حضرتك حابب تتأكد فا لو حضرتك كنت متابع من كذا سنه كان في ضجه علي السوشيال ميديا ان في شاب بيخترق المواقع وحسابات البنات الشخصيه وبياخد صورهم واي حاجه عالجهاز بتاعهم وبيبتزهم وكان بيخترق مواقع وحجات كتير.

دياب...انت فاكر اني سمعت حاجه زي دي وفاكر كمان انه اتمسك ..

لمار....تمام الولد انا اللي اخترقت حسابه اللي كان فاكر انه يقدر يأمنه واللي هاكر كتير ساعتها حاولو يساعدو البنات ويهكرو حسابه عشان كل اللي خده يروح من عليه ومقدروش...وانا قدرت وهكرت حسابه ولولا انه اتقبض عليه وقتها  كان زمانه بيدور عليا عشان ينتقم مني...

حاتم...طيب ده في حد ذاته لو صح هيبقي هايل مش بس في فك شفره تليفون مايا لا ده في حجات كتير تقدري تساعدينا فيها...

لمار...انا تحت امر حضرتك...المهم ان في حجات هحتاجها لازم تجيلي.

حاتم...اكتبي كل حاجه هتساعدك وهتكون عندك بكره الصبح هي والموبايل ..تمام.

لمار...تمام..

دياب...لمار لو مش هتقدري متضيعيش الوقت.

لمار...بتحدي هقدر وهفكه...🤨

دياب....وكأنه قبل التحدي هنشوف

حاتم....طب ايه مش ناويين تفرجوني كده علي جزء صغير من التمارين..

دياب...طبعا يا افندم جاهزه يالمار

لمار....جاهزه...

نزل معاهم حاتم...وابتدت لمار تتمل ادامه جزء كبير من التدريبات زي تسلق الحواجز السواقه وضرب النار والنط لمسافات طويله...والجري ... ودياب وحاتم واقفين بيتابعوها

دياب....سياده اللواء. حضرتك يعني مسألتنيش...علي اللي كنت عايز اقولهولك.

حاتم...صحيح قولتلي ان في حاجه مهمه...

دياب....مايا...

حاتم...اشمعني...

دياب...مكنتش بنت😳

حاتم....عارف المعلومه دي

ديال...طيب وحضرتك عارف كمان انها كانت بتعمل علاقات عشان تقدر توصل للهي عيزاه...ومن ضمنهم الشخص اللي المفروض لمار هتقابله بعد اول مكالمه المفروض من المعلومات اللي وصلت من كام يوم لجهاز المخابرات ان مايا وعدته تقضي معاه ليله......

حاتم...عارف يادياب...بس الاول انت معرف لمار انها هتقابل حد هنا في مصر.

دياب...لا لسه مستني الاوامر عشان ابلغها...وكمان عشان متتوترش وتقدر تركز في التدريبات..

حاتم...بس انا شايف انك لازم تبلغها

دياب...تمام...وبالنسبه ل..

قاطعه حاتم....عندك حل.

دياب...مش فاهم..

حاتم...لا فهمت يادياب...وانا بقي بسألك عندك حل بديل.

دياب...بغضب بسيط...لا معنديش بس ده بالنسبالي اصلا مش حل..

حاتم...دياب...ماتنساش انت هنا ليه انت هنا عشان تدرب لمار وبس....اي حاجه تانيه مش بتاعتك

دياب...ازاي يا افندم حضرتك اللي بتقول كده..

حاتم...في حجات يادياب بنكون مضطرين نعملها غصب عننا ومواقف بنتحط فيها لازم نعديها..

دياب...انا مش قادر اصدق الكلام اللي حضرتك بتقوله..طيب افرض انا موافق لو هر رفضت الحل هيكون ايه...

حاتم....وانت توافق او ترفض ليه.....

دياب....بارتباك انا انا..

حاتم...انت حبيتها ولا ايه يا سياده النقيب..

دياب...حبيتها انا لا بس..يعني

حاتم....واضح انك حبيتها.  واعدتك معاها قربتك منها مش هقولك ميتفعش حب ..بس سواء لمار عملت اللي مطلوب منها او لا...انت ناسي يادياب لمار لما تخلص المهمه ده ان خرجت منها سليمه هتكون فين...لمار فالحالتين ميته يادياب..

دياب...بغضب...وصوت عالي...وعشان هي بالنسبالكم ميته...عادي بقي تبيع نفسها للبلد تبيع شرفها صح يا سياده اللواء ماهي ميته بقي..نستنفع منها باي حاجه..

حاتم...بغضب...ديااااب انت نسيت نفسك ولا ايه خد بالك من كلامك...

دياب...اسف يا افندم بس في مثل بيتقال فالمواقف اللي زي دي....

الضرب فالميت حراااام...سمعت عنه..

حاتم...افهم يا دياب انت ليه محسسني ان عايز ده يحصل وليه محسسني اني باجي عليها وعايز استنفز كل حاجه فيها...اولا مش عايزين نسبق الاحداث ثانيا احنا مش هنجبرها علي حاجه واكيد قبل ما تروحله لازم تكون عارفه هي راحه ليه...والقضيه دي كبيره. يادياب  وتمس مصر واظن اننا ادام مصر كل اللي في ايده حاجه يقدر يقدمها المفروض انه يقدمها...

دياب...بالظبط زي ماحضرتك قولت اللي يقدر بقي....

حاتم....دياب...انت عارف انت غالي عندي اد ايه انا بعتبرك انت وانس ولادي اللي مخلفتهمش وانت عارف غلاوتكم عندي...وعارف اني بحبكم وبقلق عليكم كأنكم ولادي وانت عارف ان كانت امنيه عندي اشوفك رجعت زي الاول بتحب وبتتحب وبتعيش حياتك...

والوقت انا حاسس انك حبيت بس صدقني يادياب... علي اد ما انا فرحان ان قلبك ابتدا يدق علي اد ما انا المرادي شايف انه مينفعش مش لمار يادياب...دي واحده مستنيه حكم الاعدام كل الحكايه انه متأجل خصوصا انها في نظر الناس كلها ماتت واتنفذ فيها حكم الاعدام...فكر يادياب الدنيا مضاقتش بيك...وبعدين مش تجرب تعرفها الاول وتشوف ردها ايه..واظن انها مش هترفض دي فالاول والاخر واحده قاتله ومش اي حد دي قاتله ابوها يعني مش باقيه علي اي حاجه ومستبيعه..

دياب...وافرض حضرتك انها رفضت العمليه هتبوظ..

حاتم....بص يادياب... لمار توافق ترفض دي حاجه تخصها بس عايز اعرفك حاجه العمليه هتتنفذ يعني هتتنفذ براضها غصب عنها ومش كلامي ده كلام اللي فوق يا دياب...

دياب...عارف بس واضح ان حضرتك مأيده.  وخليني امشي معاك ومعاهم. افرض انها رفضت وانها مضطره تنفذ غصب عنها ايه من وجهه نظر حضرتك يخليها تنفذ غصب عنها وهي زي ما حضرتك بتقول كده كده ميته....

حاتم...لا في حجات كتير تخليها توافق...

دياب...زي ايه.

حاتم...صحبتها والدتها..وخصوصا والدتها.....

دياب...اه تقصد حضرتك انكم هتمسكوها من ايدها اللي بتوجعها...

حاتم...صدقني ساعتها هنكون مضطرين...بس زي ما قولتلك اعرض عليها...ولو وافقت هتبقي جت منها...ولو في حل عندك عادي انا ممكن اساعدك فيه مش هقولك لا... بس فكر من هنا لحد ما تقابل الشخص ده تقدر تفكر في حل تاني...

دياب...كان واقف بيغلي وحااسس انه عايز يهد الدنيا بحالها وجواه بركان من الغضب....

بص دياب...علي لمار...وصفر بغضب...عشان تقف...

وقفت لمار...وهي مجهده جدا...راحتلهم..

حاتم...براڤو يا لنار..مكنتش متخيل انك شاطره اوي كده وفعلا دياب مبالغش في اي حاجه قالها عنك...

لمار...شكرا لحضرتك يا افندم...وبصت لدياب...وهي مبتسمه ابتسامه بسيطه...

ابتسم لها دياب غصب عنه..من بين غضبه....

حاتم....انا مضطر بقي اني امشي...

دياب....لسه بدري مش حضرتك قولت هتطول معانا ..

حاتم...يادوب.امشي كمان عشان احضر للنار الحاجه اللي طلباها وان شاء الله بكره الموبايل والحجاه هتكون عندك..

لمار...ان شاء الله..

حاتم... لو محتاجين اي حاجه من هنا لبكره عرفوني.

دياب.. ان شاء الله

حاتم ..اشوفكم علي خير...

سلمت عليه لمار...وطلعت...مشي حاتم وقفل وراه  دياب.ورجع. فوق..

كانت لمار واقفه. ومستنياه. ومبتسمه..

دياب...تقدري ترتاحي شويه لو حابه الساعه الوقت 3 مفيش تمارين انهرده كفايه عليكي كده ممكن تنامي شويه وبليل هنكمل وكمان عايزك في حاجه مهمه.

لمار...اختفت ابتسامتها...كارمن فيها حاجه.

دياب...بابتسامه حنونه ياستي هو كل حاجه كارمن لا مش كارمن..

لمار....امال ايه..

دياب....بابتسامه يا بختها.

لمار...هي مين...

دياب...كارمن.

لمار...اشمعني.

دياب...يعني حبك ليها مبقاش موجود.

لمار...ليه بس...بالعكس...الحب موجود ديما..بس المهم نكون مخلصين وكارمن عندي غاليه اوي...اغلي من اي حاجه فالدنيا..

دياب...عشان كده بقولك يا بختها ويابخت اللي يلاقي حد يحبه كده..

ابتسمت لمار باحراج..

دياب...بليل هقولك الوقت يلا ادخلي ارتاحي وشوفي لو محتاجه اي حاجه قوليلي عليها عشان أبلغ سياده اللواء بيها..

لمار...شكرا...مش محتاجه اي حاجه.

دياب...ايه مش نفسك في حاجه.مثلا.

لمار....زي ايه.

دياب.. ياستي حتي لو بونبوني مثلا .

لمار....ابتسمت...باحراج.وبصت الناحيه التانيه.

دياب...ايه شكلك بتحبي البونبوني صح..متتكسفيش قولي..

بصتله لمار وهي بتضحك....يعني هنفرض اني بحبه هتقول لسياده اللوا لمار عايزه بونبوني...

دياب...والله انتي قولي وملكيش دعوه.

لمار...بضحكه طفوليه...انا خايفه عليك.

دياب...ابتسم ياستي ملكيش دعوه بيا ومتخافيش ايه ليكي فالحته دي...

لمار...باحراج..ؤ.صراحه هو لو مليش هقول ليا عشان بس اشوفك هتطلب ازاي.

دياب....ده انتقام ده ولا ايه...

لمار...يعني..صراحه اه.

دياب....ياساتر ليه بس.

لمار...عشان خليت روك يجري ورايا😔

دياب...انتي قلبك اسود اوي..وياستي خلاص بقيتو صحاب

لمار...لا مش اوي

دياب...اصلا روك ميقدرش يقرب منك طول مانا موجود.

لمار....ولو قرب..

دياب...هقتله...

لمار...بصت فالارض باحراج..

دياب...يلا ادخلي ارتاحي شويه...عشان شويه ونتغدي ونكمل تمام.

لمار...حاضر.......اااا

دياب...ايه. عايزه تقولي ايه..

لمار...يعني كنت عايزه اشكرك عالكلام اللي قولته في حقي..لسياده اللواء

دياب...انتي تستحقي اكتر من كده يالمار.

لمار...غريبه..

دياب...ايه اللي غريب.

لمار...يغني اول مره اشوفك تشكر فيا طول الوقت كنت موصلي احساس اني بعك ومش بعمل اي حاجه صح..

دياب...طيب ومفكرتيش للحظه اني متعمد اعمل كده عشان احفزك..

لمار....لا بس بصراحه يعني كنت بتحبطني مش بتحفزني.

دياب...مش باين وألا مكنتيش بقيتي بالمستوي دي...

لمار...ممكن بردو.

دياب...ده اكيد والاكيد انك بجد ذكيه وقويه وحجات كتير اوي...

لمار... شكرا..

دياب...عفوا

ابتسمت لمار ولاول مره تحس انها مرتاحه فالكلام معاه ديما كانت بتتلاشي الكلام معاه...

دياب....يلا ادخلي علي جوه ارتاحي شويه وافضلي دماغك من اي تفكير وشويه وهاجي انادي عليكي عشان تتغدي مفهوم.

لمار...حاضر..

دياب...يلا ادامي..

لمار...ابتسمت حاضر...

دخلت لمار ودخل دياب علي الاوضه وهو مقسوم نصين نص طاير من الفرحه ونص زي البركان...فضل اعد عالكنبه يشرب في سجاير ويفكر في اي حل....

....... .......

اما عند كارمن....صحيت من النوم لقت انس نايم ادامها عالكرسي وماسك ايدها...

اول ما اتحركت عشان تقوم...حس بيها انس...فتح عينه بسرعه...

انس...كارمن...في حاجه انتي تعبانه..

كارمن...بصوت مجهد...انا فين.

انس...انتي في بيتي ياكارمن...ومتخافيش انتي في امان.

كارمن....بتحاول تقوم قام انس مسك ايدها يساعدها عشان تتعدل..

كارمن...باستغراب...ايه ده ايه اللبس ده..ومين..قاطعها انس.

انس...متخافيش ياكارمن اولا ده لبسي لان اللبس اللي معاكي كله كان غرقان  ثانيا مش انا اللي لبستك دي ورده مرات عبده البواب امبارح هو شافني وانا طالع بيكي وطلبت منه انها هتطلع تساعدك وكمان الدكتور طلع وكشف عليكي...ومن شويه بعت ممرضه ركبتلك محلول في ايدك.  وخلص وشلته وانتي كل ده في دنيا تانيه...

كارمن....مش عارفه اشكرك ازاي علي وقفتك معايا

انس...متقوليش كده يا كارمن مفيش بينا شكر..

كارمن....يمكن لما حسيت ان الدنيا بتتقفل في وشي ملقتش حد يقف معايا غيرك ..لاني معنديش حد يقف معايا ..وبالرغم من الكلام اللي قولتهولك اخر مره بردو ساعدتني ووقفت معايا..

انس....انا قولتلك وقتها اي وقت تحتاجيني هتلاقيني جمبك...

كارمن...دموعها نزلت والله كان غصب عني بابا لما عرف انك بتتصل بيا خاف وقاللي لازم اقولك كده وانا مقدرتش اقوله لا خوفت....كان غصب عني...

انس...مسك ايدها بلاش عياط انا قولتلك مش زعلان وعارف انك متعمليش كده غير لو غصب عنك وكده كده كنت هستني كام يوم وارجع اكلمك ...بس يارتني ما سمعت كلامك مكنش حصل كل ده..

كارمن...يعني مش زعلان

انس....ابتسم بحزن مقدرش ازعل من القمر اللي بيعيط ده...

كارمن....انت طيب اوي.

انس....كارمن

كارمن...نعم....

انس....مين اللي عمل فيكي كده؟؟؟؟؟؟؟؟

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

كارمن...يعني مش زعلان

انس....ابتسم بحزن مقدرش ازعل من القمر اللي بيعيط ده...

كارمن....انت طيب اوي.

انس....كارمن

كارمن...نعم....

انس....مين اللي عمل فيكي كده؟؟؟؟؟؟؟؟

كارمن...سكتت وفضلت بصاله...

انس....ردي عليا..

كارمن....بابا😔

انس.....كنت واثق بس حبيت اتأكد منك قبل ما اتصرف .

كارمن...ارجوك يا انس...بلاش تعمل فيه اي حاجه.  بلاش يعرف اني معاك او وصلتلك لو روحتله هيعرف اني معاك ومش هيسبني.

انس...انتي عارفه انه ميقدرش يوصلك وانه لو حاول وده استحاله انا مش هسيبه....صح ولا انتي عندك سبب تاني.

كارمن....اكيد عندي. اسباب مش سبب واحد.

انس...ايه هي الاسباب دي.

كارمن....اول حاجه ماما واخواتي كفايه اللي حصلهم بسببي بعد ما هربت صوت امي كان باين انه عمل فيها حاجه اكيد يعني معدهاش علي خير  وانا اخاف يأذيهم بسببي تاني ولو انت روحتله او عملت فيه حاجه مش هيلاقي اي حد يطلع فيه غضبه غيرهم وانا مقدرش اشوفهم بيتأذو بسببي...

انس...وتاني سبب.

كارمن...عينها دمعت وصوتها اتخنق بالعياط....لانه ابويا...

انس...بعد اللي عمله فيكي ده..

كارمن...للاسف لو عمل اكتر من كده هيفضل ابويا...يمكن هو يكون معندوش رحمه بس وممكن يكون اقسي اب فالدنيا ويمكن يكون هو سبب حزني ووجعي وكل حاجه بس فالاول والاخر هو ابويا مقدرش أئذيه بأيدي..

انس....مد ايده مسح دموعها اقولك علي حاجه ياكارمن

كارمن...نعم.

انس...انتي حقيقي خساره فيه...لانه للاسف حتي لو سمع منك الكلام ده او حد وصلهوله علي لسانك مش هيتهز

كارمن...عارفه...وعارفه كمان ان مفيش اي حاجه ممكن تهزه بس اعمل ايه اموته...

انس...طيب احكيلي ليه حصل كده..

كارمن....حاضر....اول مره ضربني كان

قاطعها انس...هو ضربك اكتر من مره...

كارمن..ايوه مرتين...اول مره لما انت اتصلت بيا. ريتال اختي التليفون كان قريب منها وكان بابا اعد ريتال قالت اسمك بصوت عالي...هو اول ما سمع اسمك اتجنن وفضل يزعأ فيا ويقولي   انتي لسه بتكلمي الراجل ده انتي عايزه توديني في داهيه الراجل ده عايز يوديني في داهيه بسببك وقاللي ردي عليه وقوليله ميتصلش بيكي تاني وان اللي كان بيتصل بيكي عشانها ماتت وهددني لو مقولتلكذ كده هيقتلني..وفضل واقفلي لحد ما رديت عليك وقولتلك كده وبعد ما قفلت فضلت اعيط كنت مضايقه جدا من نفسي اني كلمتك بالطريقه دي بعد وقفتك معايا بس كان غصب عني...

اتفاجأت بيه بيقولي.....

سكتت لمار وهي دموعها نازله انس كان بيسمع منها وهو علي اخره...

انس...قالك ايه ياكارمن..

كارمن ..قاللي انتي فيه ايه بينك وبين الظابط ده..قولتله انت مستغرب ان لسه في حد في قلبه رحمه

قاللي لا شكل كده في بينكم حاجه بس عموما الظابط ده بيتسلي بيكي وميستنضفكيش انتي بالنسباله لعبه هيلعب بيها شويه ويرميها..

فالوقت ده انا محستش بنفسي ولا باللي بقوله لقتني برد عليه وبقوله...هو اكيد ميستنضفنيش عشان يوم ما يفكر ينساب هيناسب حد يتشرف انه يحط ايده في ايده لاكن انت للاسف متشرفش حد...فاللخظه دي اتحول ومسك الحزام وفضل يضرب فيا بطريقه بشعه كنت حاسه اني بطلع فالروح...

بعدها قال لماما ان خلاص مفيش جامعه وانه مكلم العريس العربي اللي كانوجايبه وخلال يومين هيتمم كل حاجه..ودخل نام وسابني...

كنت حاسه ان بموت من الوجع..

فالوقت ده اخواتي الصغيرين فضلو يقولولي لازم تهربي وانهم سمعوه بيتكلم فعلا وان العريس في مصر وهيجي يتجوزني واروح معاه فندق لحد ما يخلص الاجراءات وياخدني ويسافر...اخواتي فضلو يفكرو بطريقه يهربوني بيها...

وبعد بليل لما صحي قولتله اني موافقه ودي كانت جزء من الخطه حاولت اقنعه بكلامي عشان ميشكش فيا وفعلا اقتنع ورجع بليل جايب شنط ولبس كتير وقال ان العريس بعتهملي...وقال انه هيجي بكره

تاني يوم...قال ان في بنت كوافيره هتيجي تجهزني..وان بليل هيجي يكتب الكتاب وان ادام انا موافقه يبقي يجي علي طول وياخدني ..واتصدمت لما لقيته مش ناوي يخرج .لما البنت تيجي وكنا مرتبين انه لما يخرج يلاهوا البنت لحد ما اهرب حسيت وقتها ان الدنيا قفلت فاقولتله ليه الاستعجال ادام انا موافقه خصوصا ان جسمي ازرق ومتبهدل هقول ايه للعريس...فاللحظه دي رد عليا وقاللي حاجه خلتني انهارت...

فضلت كارمن تعيط جامد ومش قادره تحكي..

انس...مسك ايدها كارمن اهدي ارجوكي..احكي وخرجي كل اللي جواكي انا سامعك بلاش عياط..

كارمن...مسحت دموعها....قاللي عادي متقوليش حاجه انا عرفته وكمان خليته شاف بنفسه وان هو مش معترض وبيقول هيعالجك كمان المهم انها وافقت..

فاللحظه دي وقفت وقولتله شافني ازاي رد بكل برود وقاللي صورتك وبعتله الصوره...فضلت اصرخ واعيط واقوله انت مش راجل ازاي تسمح لنفسك انك تشوف جسمي وانك كمان تخلي راجل غريب مفيش بيني وبينه اي حاجه لسه انه يشوف جسم بنتك وفضلت اقوله انت شيطان انت مش راجل ومعندكش نخوه...لقيته قام ومسك الحزام وفضل يضرب فيا علي الجروح من تاني بس المرادي كان بيضرب بطريقه شرسه انا والله يا انس اتشاهدت وهو بيضربني حسيت ان فعلا بطل فالروح ساعتها...

ودي كانت تاني مره....فضلت كارمن تعيط وهي حاطه ايدها علي وشها...

خدها انس في حضن والغضب كان عاميه فضل يضغط عليها جوه حضنه كأنه بيخبيها جواه...عروقه كانت بارزه بطريقه غبيه...

انس....هو ده اللي لسه شيفاه اب هو ده اللي صعبان عليكي يا كارمن...انتي لو خايفه علي اخواتك صحيح لازم ابوكي يبعد عنهم لانه اللي يبيع الكبيره يبيع الصغيره مفكرتيش انه ممكن يعمل كده مع اخواتك عشان الفلوس برده..

انا مش فاهم انتي ازاي باقيه عليه بعد كل ده..

كارمن...فضلت تعيط ومنهاره..

انس...وديني لادفعه التمن

كارمن...خرجت من حضنه ومسكت ايده تبوسها ابوس ايدك بلاش انت وتدتني.

انس بغضب....وعدتك لما مكنتش اعرف كل ده...طب سيبك من اول مره ضربك فيها انكا تاني مره انتي مبسوطه وهو بيصورك لراجل غريب انتي عارفه انتي لو رحتي بلغتي عنه عقوبتها هتكون ايه...

كارمن...عارفه بس انا مش عايزه منه حاجه ولا عايزه حقي. المهم اني هربت منه

انس...طب واخواتك.

كارمن...هقوم واقف علي رجلي وهنزل ادور علي شغل وهحاول اشوف بيت حتي لو اوضه تحت بير سلم وهخدهم يعيشو معايا..

انس...بغضب.  انتي مش هتخرجي من البيت ده مفهوووم ومفيش شغل انتي ناسيه دراستك ولا ايه.

كارمن...مبقاش ينفع انا كنت هحاول انفذ وصيه لمار واحقق حلمي وحلمها بس كل الظروف ضدي مش هقدر.

انس...لا هتقدري وهتكملي ومصاريف دراستك كلها انا متكفل بيها.

كارمن...وانا مش هوافق يا انس... مش هينفع.

انس...انا قولت اللي عندي...دراستك هتكمليها والبيت ده من انهرده مش هتخرجي منه. هتعبريه بيتك مش بيتي...ومفيش شغل...اما بقي بالنسبه لامك واخواتك دول مسؤوليتي انا انا ملزوم بحمايتهم وهفضل متابعهم ديما...ومش هيقدر يجي جمبهم..

كارمن...مش هينفع يا انس صدقني عارفه انك عايز تساعدني بس انا مش هقدر اقبل الوضع ده...

انس...انا قولت اللي عندي قولته وهتعمليه ياكارمن وألا قسما بالله هجيب ابوكي ده ادامك جثه واريحكم منه خالص انا اللي مانعني عنه هو انتي غير كده هتصممي عاللي في دماغك هسيبك بس هعمل بقي انا اللي في دماغي..سمعتي.

كارمن...هزت دماغها بخوف.

وقف انس...وفضل رايح جاي فالاوضه وهو بيمرر ايده في شعره بعنف...وكارمن مراقباه بخوف...

انس..حس انها خايفه رجع قرب منها تاني...كارمن. انتي لما كلمتيني قولتي مكنش في حد تكلميه غيري واظن لو انتي مش واثقه فيا ومطمنالي مكنتيش كلمتيني صح..

كارمن....ايوه

انس....يبقي من انهرده يا كارمن انتي مسؤوليتي وفي حمايتي ومحدش هيقدر يقرب منك وادام لجأتيلي يبي تسمعي كلامي ...دراستك هتكمليها..وكل حاجه هتحتاجبها هتطلبيها مني...والبيت ده من انهرده بيتك...وانت هنا ضيف انا ليا بيت واهل عايش معاهم يعني مش هضايقك ومش هسببلك احراج هاجي كل يوم اشوفك واشوف طلباتك وهروح

مش عايزك تخافي مني انا مقصدتش اخوفك

كارمن...بس انا مش خايفه منك... والانت عايز تعمله معايا انا مقدراه بس صدقني هو صعب عليا...

انس...اعتبريني زي لمار ياكارمن. اعتبريني صاحب صديق قريب سند...اعتبريني اي حاجه يا كارمن تريحك..ولو هيضايقك اني اجيلك..بلاش هطمن عليكي كل يوم بالتليفون وعالاقل هجيلك مره كل اسبوع..

كارمن...لا لا انا مقصدتش كده صدقني

انس...عارف انك مقصدتيش كده بس انا حابب اريحك وحابب اديكي كل الاقتراحات...

المهم...انتي ابوكي كان يعرف يوصلك فالجامعه عشان لو حبيتي تروحي خصوصا ان الدراسه قربت واكيد هيجي عليكي وقت تضطري تنزلي.

كارمن...بسخريه لا بابا تقريبا ميعرفش انا في جامعه ايه اصلا..

انس...كويس ومصلحه ليكي بس بردو عشان نكون فالامان هجبلك تليفون غير اللي معاكي ده بخط جديد.عايز ميحاولش يتصل بيكي ولا يوصلك

كارمن..لا مش هينفع عشان ماما هتوصلي ازاي وهطمن عليها هي واخواتي ازاي

انس ...متقلقيش انتي اكيد عارفه التوقيت اللي ابوكي ممكن يكون مش موجود فيه وقبل ما تقفلي الخط هخليكي تكلميها وتعرفيها انك هتتصلي حالا برقم جديد وتسجله وطبعا ده عشان تضمني وقتها ان الموبايل هيكون معاها عشان متتصليش بالرقم الجديد وهو يرد...وتخليها تسجله باسم اي حد...وبلاش انتي تكلميها هي تكلمك افضل وقت ما تكون لوحدها تمام..

كارمن...تمام...

انس....طبعا انتي مجبتيش اي ورق او كتب لدراستك...

كارمن...لا لاني كنت عارفه اني خلاص مش هكمل.

انس...تمام بكره كل حاجه هتكون عندك.

انا هنزل الوقت اجيب حجات ناقصه فالبيت لاني تقريبا مش باجي البيت غير لما بكون حابب افصل واريح دماغي لو مضايق وبيبقي يوم وبمشي...وزي مانتي شايفه البيت فاضي..

هبعتلك ورده...تساعدك لو حابه تغيري اكيد الترنج بتاعي لاخمك هي نشرتلك هدومك اللي اتغرقت...

انا هنزل ومش هتأخر عليكي..بس قبل ما انزل في حاجه معينه تحبي اجبهالك.

كارمن...شكرا..

انس...كارمن انا مش بقولك عشان تقولي شكرا انا كده كده هجيب.

كارمن...عارفه والله بس صدقني مش محتاجه اي حاجه تاني...

انس...بابتسامه...تليفونك انا سايبه مقفول متفتحوش لحد ما اجي...وخلي بالك من نفسك..

كارمن...حاضر...

انس....اي وقت اي حد يخبط متفتحيش غير لما تعرفي مين بره تمام

كارمن...حاضر.

انس...يلا انا نازل وراجع علي طول

كارمن...ابتسمتله مشي انس..

اما كارمن... فاتنهدت براحه لاول مره تحس بيها حاسه بسند وامان وحمايه كل ده كانت حساه مع انس...اللي قدر يعوضها عن معني الحنيه اللي افتقدته من ابوها....نزل انس وبلغ ورده....

و ورده طلعتلها ..وخبطت عليها

قامت كارمن بتعب شديد والم في كل جسمها فتحت..

ورده....اذيك انا ورده مرات عبده البواب.

كارمن...بابتسامه اهلا بيكي اتفضلي..

دخلت ورده...عامله ايه انهرده..

كارمن..وهي ماشيه براحه راحت عليها ورده تسندها...الحمد لله ياورده انا بخير...

ورده...شكلك تعبان بس الحمد لله عالاقل فايقه واحسن من امبارح.

كارمن...شكرا جدا ياورده علي اللي عملتيه امبارح معايا...

ورده...شكرا علي ايه بس انتي زي اختي لو ميضايقكيش يعني.

كارمن...طبعا ده شرف ليا والله

ورده...ان شالله يجبر بخاطرك.

ورده....قوليلي فطرتي.

كارمن....لا انا صحيت من شويه بس انس نزل يجيب حجات من تحت...

ورده...طيب تحبي تدخلي الحمام تغيري قوليلي محتاجه ايه..

ورده...لو مش هتعبك معايا يا ورده ممكن تجبيلي هدومي من علي المنشر عشان الترنج كبير عليا وحاسه اني غطسانه فيه..

ورده...بابتسامه هو من جهه غطسانه فانتي غطسانه خالص بس الحمد لله ان كان في هنا لبس اصلا اصل انس باشا مش ديما بيجي هنا...وانتي لبسك كان غرقان مايه.

كارمن...اه اصل الشنطه وقعت مني علي الشط...

ورده...الحمد لله انك بخير انا هقوم اشوف الهدوم وارجعلك....

راحت ورده ورجعت....

كارمن فين الهدوم.

ورده...معلش هتستني شويه كمان اللبس لسه مبلول الجو سقعه واللبس بينشف براحه...

كارمن...طيب مفيش مشكله

ورده....انا حاسه انك سخنه شويه.

كارمن....انا كمان حاسه اني دافيه شويه...

ورده.. استني اقوم اعملك كمادات...

.................

اما عند دياب ولمار...

حضر دياب الغدا وابتدا النهار خلاص يروح حط الاكل بره علي التربيزه فالهوا الجو كان برد جدا بس كان جميل....

راح دياب خبط عالباب...وهو بيخبط. سمعها بتتكلم. استغرب بتتكلم مع مين مع نفسها ولا في الموبايل ولو موبايل جابت الموبايل منين مكنش مركز في كلامها لاكن فجأه وبدون أنذار فتح دياب الباب بسرعه...اتفاجأ بلمار نايمه وواخده ركن صغير في السرير متكومه في زي الاطفال...شعرها مفرود جمبها بطريقه عشوائيه ومثيره..لاكن كان واضح عليها بتحلم حلم وحش وكان ظاهر علي تقسيمات وشها والعرق اللي كان بيجري علي بشرتها رغم بروده الجو قرب منها دياب واعد علي ركبه ادامها عشان يقدر يسمع اللي هي بتقوله يمكن يسمع حاجه هي مش قادره تقولها فالحقيقه...

لمار....ارجوكي اتكلمي ارجوكي متسكتيش قولي اي حاجه. مينفعش تفضلي ساكته في اكتر وقت انا محتجاكي فيه اتكلمي عشان خاطري....مين اللي وصلني للانا فيه ده مين اللي عمل فيا كده. انتي ولا هو ارجوكي اتكلمي....انا قتلته واوعدك اني مش هقول السبب بس ارجوكي قوليلي الحقيقه اتكلمييي.

وفجأه ابتدت لمار تمسك السرير بقوه.... ونزلت دموعها من غير ما تحس...ببطئ خلي دياب قلبه اتقطع عليها...

دياب...لمار ..لمار اصحي..

لمار كانت شبه مش سمعاه ولا حاسه بوجوده لاكن فجأه صرخت وقامت بسرعه.تعدت وضمت رجلها لصدرها..وهي بتعيط ومبتقولش غير جمله واحده...وحاطه ايدها علي وشها وبتهز نفسها بتوتر جامد

مكنتش عايزه كل ده يحصل ..

مكنتش عايزه كل ده يحصل ..

دياب...اهدي اهدي

لمار....مكنتش عايزه كل ده يحصل

دياب..قام اعد جمبها...لمار اهدي انتي كنتي بتحلمي. اهدي قرب منها دياب وخده‍ا في حضنه واتفاجأ دياب من رد فعلها اللي قتله...

مسكت لمار فيه ولفت ايدها عليه ومسكت في هدومه بايدها جامد كأنها ما صدقت انها صحيت ولقيته ادامها وحست بالامان..حس دياب فاللحظه دي احساس الاب شدد دياب من حضنه ليها عشان يحسسها بالامان اكتر...كان واثق انها مفتقده احساس الامان جدا...

فضلت لمار تعيط في حضنه...

دياب...حط دقنه علي شعرها وفضل يمشي ايده علي شعرها وضهرها

وبدون ما يحس طبع بوسه علي راسها

دياب...بصوت هامس...متخافيش. انا جنبك..وهفضل معاكي....عارف انك تعبانه اوي وعارف انك شايله حاجه جواكي نفسك تخرجيها بس مش قادره...عارف لن في حاجه منعاكي تتكلمي...بس انا نفسي تتكلمي يالمار عشان بس ترتاحي...قوليلي مالك واوعدك هحترم رغبتك ومش هقول اي حاجه لاي حد بس كفايه انك تقولي اللي جواكي... خرجها دياب من حضنه

ومسكها بايده الاتنين من وشها ومرر صوابعه علي خده يمسح دموعها وفضل باصص في عنيها..

دياب...قولي اي حاجه بلاش تحكي كل حاجه بس عالاقل قولي حاجه تريحك..

فضلت دموعها تنزل وهي باصه في عينه.....وبدون مقدمات قرب دياب براحه من شفايفها بهدوء وقبل ما تاخد نفسها كان انقض علي شفايفها بهيام ورغبه مكبوته كان بيحاول يخفيها لاكن مقدرش كان بيعبر لها عنه غضبه منها وعن خوفه عليها كان عايز يحسسها بالامان والاهتمام وعايز يقولها انه جمبها وبيحس بيها ويطمنها كان عايز يقولها انه اخيرا قلبه دق ومش قادر خلاص يبعد عنها. كان عايز يقولها اتكلمي واعترفي بالحقيقه مكانتش مجرد قبله ورابه بيحاول يعبر فيها غن رجولته اد ما كانت بتعبر عن احتياجه ليها وعن اعلان حبه خصوصا انه حس انها بتبادله شعور معين طول الوقت هي بتحاول تتجاهله لانها عارفه انه مينفعش ومينفعش تتعلق بحد ولا تعلق حد فيها لاكن هو مشتسلمش لافكارها وقرر يكسر كل الحصون اللي هي بتبنيها....

طال الوقت بينهم فالاول لمار كانت بتحاول بأيدها الصغيره تقاومه وتدفعه بعيد عنها لاكن قوه جسمه بالنسبالها كانت اكبر من انها تقاومه وفالاخر استسلمت لمار غصب عنها وتاهت معاه في عالمه الخاص...تاهت معاه من غير ماتحس او بمعني اصح. حبت تجرب احساس الحب لاول ولاخر مره في حياتها....

اخيرا بعد عنها دياب لما حس انها محتاجه للهوا.  ومحتاجه انها تتنفس.. بعد ما قطع نفسها لدقايق محدش فيهم كان عارف هي اد ايه....

سند راسه علي راسه وهو لسه ماسكها من وشها...كانو بياخدو نفسهم بسرعه كأنهم كانو في سباق شاق..مع الزمن..

علي اد ما لمار كانت بتقاومه فالاول لاكن كانت بتتمني الوقت يقف عند اللحظه دي...خصوصا انها طول الوقت مكنتش شايفه دياب وكان كل اللي مسيطر عليها هي القضيه بتاعتها وبس لاكن مع الوقت كانت معجبه بيه وبشخصيته وبشكله لاكن كانت بتحاول تكدب نفسها وتتجاهل احساسها لانه بالنسبالها مينفعش..

وان الوقت اللي قلبها دق فيه كان الوقت الغلط...

مسكينه لمار..........متعرفش ان الحب عامل زي القدر حكم لا يحق للانسان التدخل فيه...متعرفش انه ولا قرار ولا اختيار...ده حاله بتتكتب عالقلب يعيشها  بدون وعي ولا إدراك. بياخدنا لعالم بعيد بنكون فيه مغيبين تماما ومش حاسين بأي حاجه ومش بنفوق منه غير لما القلب يصرخ ويعترف بيه وقتها بس بنعرف اننا وقعنا وصعب ان حد يقومنا ويخرجنا بره دايرته وكأنه دوامه بتبلع اي شخص بيحاول يقرب منه....ووقتها بنعرف ان كل اللي كنا بنعيشه دوامه الحب👌👌ومهما تجاهلنا او كدبنا نفسها بيجي وقت وبيفرض الحب سيطرته علينا.  ووقتها القلب مبيقدرش يخبي وبينهار ادام الحب...

قد يعجبك أيضاً

💎قلبيّ بنارِها مٌغرمٌ💎 بقلم Rose-amin

💎قلبيّ بنارِها مٌغرمٌ💎

3.1M

98K

سلامْ الله على العزيزٌ قلبيّ ! من الألم ، من الوجع ، من الإنشطار ! أما ذاكَ الذي طعنني غادراً وتسببَ لي بإنشطار روحي ، وجعل كياني مٌشتتً ما بين قلبيّ المٌعلق بعشقهِ ا...

السيد المغرور /بقلمي جهاد محمد  بقلم GegMohamed

السيد المغرور /بقلمي جهاد محمد

647K

10.1K

حب غرور تكبر انانية عائلة قسوة سعادة رحلة ثانية مع كل هذه الاشياء مع السيد المغرور بقلم/جهاد محمد

الـهيصَم " خطوط سوداءَ " بقلم v_yu208

الـهيصَم " خطوط سوداءَ "

146K

7.5K

شفتها وهيه ذبت عليه الزيت الچان على الطباخ ذبته على صدره اول مره اشوفه هيج متوجع شكد اتمنيتها موهيج ويا بس مع الاسف حطمت كُل طفولته وچان الثمن غالي؟؟

الموت الحي  بقلم paraa207

الموت الحي

3.8M

320K

عائله بسيطة تهب رياح الظروف لتسرق سعادتهم وتختبر صبرهم بأعز ما يملكون فكيف سيكون الصراع بينهم وبين تلك الظروف ؟ يتبع ...

الهجينه ♡ ( جارى تعديل السرد من عامي الى فصحى)  بقلم Hekaiatmahee

الهجينه ♡ ( جارى تعديل السرد من عامي الى فصح...

1.4M

104K

فتاه وليست بفتاه عاديه نشأت بظروف ليس لها مثيل تعتبر هجينه ترعرعرت عالعيش كالحيوانات .. الفئران والعناكب والحشرات هما رفقاء العمر بالنسبالها .. عاشت بالظلام الحالك .. تس...

الشيم بقلم rooz22a

الشيم

31.8K

1.8K

سنكتشف الحقيقة معآ...🤝

تنثر نجدها بصدٍ عني وفراقي صاداً عنها بقلم rioolpme

تنثر نجدها بصدٍ عني وفراقي صاداً عنها

43.1K

1.2K

مارح اطول عليكم تفضلوا بالقراءة..🤎 حسابي الانستا للرواية : rioolpme حسابي التيك توك : rioolpme

دياب.....بعد وهو عينه عليها وعايز يعرف رد فعلها...لاكن لمار عينها كانت فالارض مش قادره تواجهه عينيه وشها اتلون باللون الاحمر وحست انها محرجه جدا..فضلت تمسك ايدها الاتنين في بعض من شدت توترها...ابتسم دياب غصب عنه علي شكلها اللي عامل زي الطفل اللي عامل عامله...

دياب....من اللحظه دي مش هسيبك يالمار..

بصتله لمار...بصدمه..

دياب....هفضل جمبك...مش عشان انتي كنتي مجرد متهمه في قضيه انا ماسكها...لا عشان حجات اكبر من كده بكتير ...هفضل وراكي يالمار لحد ما تغيري رأيك وتعترفي بالحقيقه...مش هسمحلك تروحي برجلك لحبل المشنقه...مش هسمحلك تضيعي مني بعد مالقيتك....

لمار....بعد مالقتني؟

دياب...ايوه يالمار...انا بدور عليكي بقالي كتير ومصدقت اني لقيتك...ومش هستسلم عارفه ليه لاني ببساطه يالمار اكتشفت اني حبيتك

لمار.....😳🥺🥺🥺🥺بدموع...اللي انت بتقوله ده مينفعش يادياب..

دياب...ليه

لمار....عشان حجات كتير..صدقني مينفعش والانت بتفكر فيه ده مينفعش تفكر فيه...مينفعش تعلق نفسك بحد محكوم عليه بالموت...

دياب...وانا موافق يالمار اني اعلق نفسي بيكي وعلي جثتي اسيبك تموتي او تروحي برجلك للموت

لمار...ارجوك متصعباش عليا كفايه عليا اوي اني اتحمل وجع اتنين ماما وكارمن..بلاش انت كمان يادياب.. مش هقدر عالحمل ده صدقني

دياب..طيب ريحيني واحكيلي ولو عايزه تفضلي مستسلمه هسيبك بس اكون عرفت او شيلت معاكي جزء من الحمل اللي في قلبك..

لمار...مش هقدر

دياب....هتقدري.

لمار...قولتلك مش هقدر مش هقدر...حرام عليك انت بتعمل فيا كده ليه انت عارف انا بيحصل فيا ايه انا بقاوم الايام اللي فضلالي فالدنيا انت عارف يعني ايه احساس واحده عارفه ان ايامها معدوه عارف يعني ايه تكون عارف بمعاد موتك...انا مش حمل اني اتوجع يادياب ولا حمل اني احب كفايه عليا وجعي في فراق امي وكارمن...متجيش انت تكمل عليا.

دياب....تقدري تنكري حبك ليا يالمار.

لمار....انا مش بحبك.

دياب...بتحبيني

لمار...لا مش بحبك افهم بقي...

دياب...كدابه بتحبيني وانا واثق من ده

لمار....تبقي بتضحك علي نفسك

دياب..ولما انا بضحك علي نفسي سبتيني ليه اقرب منك

لمار....انا قاومتك ومقدرتش عليك

دياب...يمكن تكون ي قاومتي بس فالاخر استسلمتي.

لمار...عشان مقدرتش عليك

دياب...لا يالمار...عشان مقدرتيش علي نفسك...مقدرتيش تنكري اللي قلبك بيحاول بعترف بيه..

لمار...حرام عليك سبني بقي

دياب...حاضر يالمار هسيبك بس اعملي حسابك اني  مش هسيبك خالص...انا هفضل معاكي ووراكي لحد ما تعترفي بحاجتين بحبك ليا وبالحقيقه اللي انتي مخبياها واللي لو مقولتيهاش انا هعرفها بطريقتي صدقيني...

دياب.....اغسلي وشك...ويلا عشان تاكلي عشان ورانا حجات نعملها..

خرج دياب...وسابها

واول ما خرج...انهارت لمار...

حرام عليك ايوه بحبك...واتمنيت اللحظه دي بس في وقت تاني غير ده حلمت باللحظه دي في خيالي وكنت عكس اي بنت مكنتش بتمناها فالحقيقه عشان مينفعش.  حرام عليك يادياب...

حرام عليك الوجع اللي انا حساه ده...

.................

رجع...انس بعد ما اشترا كل حاجه لكارمن..

فتح الباب...وساعده عبدو في شيل الحاجه...

انس....ايه ياورده...فين كارمن

ورده...جوه فالاوضه.

انس...هي كويسه..

ورده...احسن بس كانت سخنه عملتلها كمادات بس الحراره رجعت تاني...

انس...طيب غيرتلها.

ورده...اه صحيح الهدوم بتاعتها لسه منشفتش..

انس...مش مهم انا جبتلها شويه لبس اكيد هتحتاجهم..

دخلي مع عبدو الحاجه فالمطبخ...وياريت تظبطيها.

ورده...من عنيا

وانت ياعبدو ...دخل مع ورده وانزل شوف شغلك..

عبدو...حاضر يا انس باشا ..

انس...سابهم ودخل لكارمن

انس...عامله ايه الوقت

كارمن...الحمد لله...

انس..اتأخرت عليكي معلش

كارمن...لا ولا يهمك ورده كانت معايا

قرب منها انس وحط ايده علي راسها يشوف حرارتها...

انس...انتي دافيه جدا.

كارمن...ورده عملتلي كمادات..

انس...مش كفايه انتي محتاجه دوا...شويه والدكتور هيعدي عليكي هخليه يشوف ايه حكايه السخونيه دي.

وعلي فكره انا جبتلك حجات للمطبخ اكيد هتحتاجيها...وجبالك شويه لبس يارب يطلعو مقاسك...

كارمن...ليه كل ده

انس...مش هنرجع تاني للكلام ده..

كارمن...حاضر..

انس...بابتسامه ايوه كده شطوره.

ابتسمت كارمن بألم

انس...مالك.

كارمن...حاسه بوجع رهيب في جسمي..

انس

..عارف استحملي كام يوم والوجع هيبتدي يقل...

فاللحظه دي رن تليفون انس..

انس....الووووو

ياسمين...ايوه يا سي انس فينك مش بترد ليه.

انس...يابت انتي ما انا قولت لماما اني عندي مشاوير كتير

ياسمين ...مقالاليش.

انس...عشان انتي ملكيش شخصيه ياروحي.

ياسمين...بقي كده ماشي شكرا...ياعم...هتيجي امته

انس...احتمال اطلع عالشغل مش هلحق ياياسو والله

ياسمين...ليه كده بقي

انس...معلش حقك عليا بكره هجيلك ان شاء الله

ياسمين...ماشي يا روحي خلي بالك من نفسك.

انس...وانتي كمان ياحبيبتي يلا سلام هكلمك تاني.

ياسمين...ماشي يلا باي

انس...دي ياسمين اختي الصغيره

كارمن...بابتسامه حزن ربنا يخليهالك ويخليك ليها...

انس...صحيح جبتلك التليفون والخط...

يلا نركبهم...وبعد ما ورده تلبسك وينزلو نكلم والدتك تمام

كارمن...بفرحه...تمام

ابتسم...انس علي ضحكتها الجميله...

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

الحياه رحله قصيره ...جئنا إليها زوار ولكلآ منا طريق خاص طريق طويل ملئ بالحمولات مع كل خطوه نحمل بها شئ علي ظهورنا منا من يحمل اشياء بسيطه يمكن مع الخطوات ان يستغني عنها ومنا من يحمل ويحمل ويحمل حني يتراكم الحمل علي ظهره.. وعندما نصل الي نهايه الطريق والرحله يصبح الفائز من حمل اشياء بسيطه وجعل طريقه سهل اما من ضغط علي نفسه وتحمل اكثر من طاقته واستنفز كل قواته يصل ولكن وهو جسد من غير روح... نصيحه...شيل من حمول الدنيا اللي تقدر تشيله لكن احذر إنك تيجي علي نفسك وتضغط وتضغط وتصل الي حد الانفجار ...خذ من الدنيا دروس ولا تأخذ اثقال واعباء الحياه قصيره فلا تجعلها مرهقه........

...............................

خرج انس وساب كارمن...ودخلت ورده بشنط اللبس...

وطلعت هي وكارمن ترنج بيتي مريح وشيك جدا باللون الروز ف الرمادي...

ساعدتها ورده في انها تغير وكانت حريصه علي انها متألمهاش

اما. كارمن...كان كل همها انها تخبي نفسها من ورده كانت محرجه جدا...لاكن ورده كانت بتلبسها بسرعه وبتحاول متحرجهاش...

خلصت ورده...ولبستها وظبطتها عالاخر..وسرحتلها شعرها...وقامت شالت اللبس في الدولاب.  وظبطت المكان من الفوضي اللي كانت فيه....

رن...تليفون ورده...كان عبده.  بيبلغها ان ابنها الصغير صحي وبيعيط جامد..

ورده...طيب يا عبده انا خلصت هنزل علي طول اهو

فالوقت ده خبط الباب...فتح انس....كان الدكتور...

رحب بيه انس... استنو ورده تخرج...وثواني وخرجت ورده...

ورده...انا خلصت يا انس باشا لو تسمح بس انزل عشان عبده بيقولي ان الواد الصغير صحي اكيد عابز يرضع هسكته وهطلع تاني لو محتاجني.

انس...تمام ياورده...انزلي بس ياريت تطلعي تاني

ورده..عنيا يا انس باشا بعد اذنكم..

دخل انس ومعاه الدكتور..

الدكتور....اذيك يا انسه كارمن.

كارمن...الحمد لله

الدكتور...ماشاء الله واضح انك احسن كتير انهرده...

كارمن...الحمد لله بخير بس في وجع جامد في جسمي.

الدكتور...وجع جامد بس انتي كويسه انك مستحمله الوجع ده اصلا..الجروح اللي فيكي دي محدش يستحملها....دي جروح مميته.. وانتي ماشاء الله واضح انك قويه وقادره تستحملي واكيد هتقدري تتخطي المرحله دي ومع العلاج والمقاومه هتخفي بسرعه ان شاء الله بس اهم حاجه الغذا..اهتمي بالاكل وبالعلاج هتتحسني بسرعه جدا...

كارمن...حاضر.

انس...بس هي يادكتور انهرده طول اليوم سخنه ورده عملتلها كمادات والحراره بترجع....تقريبا خدت برد لانها امبارح هدومها كانت غرقانه خالص

الدكتور....مبدئيا كده ممكن تكون خدت برد لان الجو صعب جدا كمان مايه علي جسمها طبيعي يعني تتعب وحرارتها ترتفع لاكن بعيدا عن انها خدت برد طبيعي جدا انها تسخن وحرارتها تكون عاليه كمان بسبب الجروح اللي في جسمها يعني كان لازم تسخن...وكان ممكن كمان يحصلها تسمم ...انا للاسف نسيت موضوع الحراراه ده ونسيت اكتبلها حاجه للحراره بس هكتبلها حاضر وكويس جدا ان ورده عملتلها كمادات واتصرفت..

انس...يعني مفيش خطوره من السخونيه دي.

الدكتور...لا اطمن بس طبعا لازم تنزل سواء بالخافض او الكمادات...

انس...تمام يا دكتور...

الدكتور...الوقت يلا بقي نغير عالجروح اللي في ضهرك..

كارمن...بصت لانس وهي مبرقه وبصت للدكتور...نغير ازاي.

الدكتور...هنغير عالجرح

كارمن...مش حضرتك غيرت عليه امبارح...

الدكتور...ده لازم يتغير عليه يوميا عشان ميحصلش تلوث ويعمل بكتريا احنا في غنا عنها...لازم يوميا يتطهر وكمان يتدهن عشان الجروح تخف بسرعه..

كارمن....طيب هي هتوجع

انس كان باصصلها وهو ملامح الحزن علي وشه...من سؤالها ونبرتها اللي كلها خوف...🥺

الدكتور...لا خالص متخافيش انا عارف انها وجعاكي بما فيه الكفايه ومش ناقصه وجع اكتر..

كارمن...طيب...وبصت لانس باحراج عايزه تقوله يخرج ومش عارفه وفنفس الوقت هي محرجه اصلا من الدكتور... لانه كان شاب تقريبا في نفس عمر انس او اكبر حاجه بسيطه...

انس...حس بيها.وعارف اللي بيدور جواها...

كارمن...هي ورده نزلت..

انس...اه نزلت...عشان ابنها صحي وهتأكله وتيجي .

كارمن....بقله حيله بصت للدكتور...هو انا المفروض اعمل ايه..

الدكتور....اقلعي الجزء اللي فوق ونامي عالسرير علي وشك..

كارمن.....😳😳😳😳برقت وبصت لانس اللي حس بالشفقه عليها وفضلت تهز دماغها شمال ويمين..وعيونها مدمعه...مكانتش متخيله ان الموضوع صعب بالنسبالها كده خصوصا انه لما غيرلها اول مره كانت نايمه او فاقده للوعي...

كارمن..انا مش عايزه خلاص انا هخف لوحدي او هخلي ورده تساعدني.

الدكتور...مش هينفع لان ورده مش هتقدر تغيرلك ولا تنضف الجرح....وبعدين انتي ايه مشكلتك...متقلقيش انا مش هاخد وقت..

انس...كارمن...طيب انا هطلع بره. عشان تكوني براحتك...ومتوتريش نفسك الموضوع بسيط..

كارمن...نزلت دمعه غصب عنها ...لا متخرجش ارجوك انا مش عايزه اغير خلاص...

انس....مش هينفع ياكارمن انتي سمعتي كلام الدكتور...لازم الجرح يتغير عليه...وزي ما قالك مش هتاخدي وقت ..

كارمن...هزت دماغها بلا ...زي الاطفال اللي خايفه من الحقنه وبيحاولو يقنعوهم...لاكن كارمن مكانتش خايفه من الوجع اد ما كانت محرجه...

الدكتور....انا ممكن ابعتلك الممرضه اللي بتجيلك تركب المحلول بس اول كام غيار عالاقل لازم انا اتابعه بنفسي...

انس....يلا ياكارمن..

فضلت كارمن...تعيط بصمت.  ورافضه انها تغير عالجرح

الدكتور...طيب بص يا انس باشا انا هخرج بره شويه وحاول تهديها وتقنعها واحده واحده.  او اتصل بورده تطلع تقف معاها واضح انها محرجه...

مسك انس الموبايل يكلم عبدو مردش..

انس...مش بيرد...

الدكتور...طيب انا بره شويه

انس...هزله راسه....خرج الدكتور..

واول ما خرج...فضلت كارمن تعيط زي الاطفال....انا مش هغير علي جرح ولا عايزه اخف .عادي...مش اول مره يحصلي كده...بابا عملها كتير قبل كده ولا كان بيجبلي دكتور ولا حتي علاج كانت لمار بتفضل تحطلي كريم وبخف لوحدي...انا هعمل كده.

انس...مش هينفع يا كارمن المرادي غير كل مره...المرادي...انتي مضروبه مرتين ورا بعض والجرح المرادي اكبر....اسمعي الكلام..

كارمن...لا..

انس...عشان خاطري يا كارمن...وانا هقف بره عشان تكوني براحتك.

كارمن...ازاي هكون معاه لوحدي لا مش هعمل كده.

انس...ياكارمن ده دكتور ودي شغلته..

كارمن...لا بردو..

انس...طيب افضل معاكي. ومتخافيش مش هبص عليكي والله...

كارمن...لا ازاي اكون مع اتنين رجاله ولوحدي لا مش هغير...

انس...بنفاذ صبر... وبعصبيه قليله كارمن اسمعي الكلام بقولك..

كارمن...بعياط لا..

انس...وديني ياكارمن لو ما سمعتي الكلام همشي الدكتور بس قسما بالله هطلع من هنا عالقسم وهروح شغلي عادي بس هبعت لابوكي البوكس يجيبه ومتبقيش تزعلي عاللي هعمله فيه ...عشان هو اللي وصلك للانتي فيه ده..

كارمن....ارجوك يا انس...انت ليه مش حاسس بيا...فضلت كارمن تعيط جامد.

انس...قرب منها براحه ورفع وشها...حاسس بيكي والله بس لازم تخفي ياكارمن انتي ممكن يحصلك تسمم وانا ممكن اوديكي مستشفي عادي بس مش هيستنو عليكي زي الدكتور...والممرضه مهما كانت بتعرف لاكن مش هتكون زي الدكتور...

كارمن...طيب بلاش انام عالسرير ينفع اكون واقفه...

انس...ابتسمت بقله حيله حاضر هقول للدكتور ...انا هخرج اناديه وهستني لحد ما تخلصي...

كارمن...لا ارجوك خليك معايا انا خايفه..

انس...انا مش عايز اسيبك صدقيني بس مش عايزك تكوني محروجه وتكوني براحتك..

كارمن...بس انت لو سبتني معاه لوحدي مش هقدر..

انس...حس انه مبسوط من جواه..اوي انها حاسه انه حمايه ليها ومهما كانت محرجه منه لاكن تقدر برده تستخبي فيه...

انس...مش هتتحرجي مني..

كارمن...وهي بتعيط هتحرج بس متسبنيش..

انس...ابتسم مش هسيبك يلا اقلعي..

بصتله كارمن😳😳😳

انس...🤨🤨مالك بتبرقيلي كده ليه انا مالي الدكتور اللي قال...نيتك وحشه اوي.

ابتسمت...كارمن غصب عنها.

انس...ايوه كده اضحكي.

خرج انس نادي للدكتور...

ورجعو..

انس...معلش يادكتور هنستأذن بس حضرتك في حاجه...ممكن بس كارمن تكون واقفه...

الدكتور...بس كده يعني هي دي كانت الازمه...ماشي ياستي ولا يهمك خليكي واقفه بس الافضل كان هتكوني وانتي نايمه عشان ترتاحي اكتر بس ادام انتي عايزه كده مفيش مشكله...يلا جاهزه..

هزت كارمن راسها بقله حيله...

ابتدا الدكتور...يطلع حجات من شنطته ومن شنطه العلاج بتاعتها...وفضل يجهز حجات...

فكت كارمن سوست الترنج.  وقلعت السويت شيرت وكانت لابسه من تحت قطعه تانيه خاصه بالترنج تيشرت نص كم....

انس...يلا..

كارمن...يلا ايه...ما انا قلعت.

انس...التيشرت يا كارمن..

كارمن..لا لنا هرفعه لما الدكتور يجهز.

انس...مش هينفع.

كارمن..لا هينفع والا مش هغير بجد

الدكتور...غمزله من ورا...تمام كويس كده ويلا انا جاهز...

وقفت كارمن وادت ضهرها للدكتور...انس كان واقف ادامها ومقرب منها ..

الدكتور...ارفعي التيشرت.

رفعت كارمن التيشرت...وصل نص ضهرها...

الدكتور...لا ارفعيه اكتر...

كارمن...كانت بتغمض عينها اوي وحاسه انها هتموت من الاحراج.

انس...علي فكره انا ادامك يعني مش شايف حاجه ارفعي يلا...

رفعت كارمن شويه لاكن مكانتش طايله..

ساعدها الدكتور...في رفعه شويه...

وابتدا يغيرلها...عالجرح...وينضفهولها...

واول ما ابتدا الدكتور يتعمق فالتنضيف حوالين الجرح اكتر...نسيت كارمن احراجها من كتر الالم ..وابتدت تتألم بصوت...

قرب منها انس اكتر ومسك راسها بأيده...بقت في حضنه...

مسكت كارمن فيه بايدها جامد....من شده الوجع...

وبصله الدكتور....وشاورله عالتيشرت...

هز انس راسها...وفأقل من ثانيه رفع انس التيشرت...لفوق...

كارمن.....دموعها نازله من الوجع والاحراج.  لا ياانس..لا ...

انس...شششششش خلاص خلي الدكتور يخلص بقي...

رجع.انس خدها في حضنه.  وهي مربعه ايدها بتحاول تخبي نفسها لانها مكانتش لابسه غير اخر قطعه داخليه...

وصل الدكتور....ناحيه كتفها واللي كان متدمر بمعني الكلمه....

فضلت كارمن تصرخ من الوجع في حضن انس...والدكتور بينضف الجرح...وظاهر علي ملامح الدكتور الانزعاج من بشاعه المنظر...واعد يهز في راسه شمال ويمين...

فاللحظه دي فكت كارمن ايدها ومسكت في ضهر انس...بقوه..

انس....اهدي ياكارمن الدكتور قرب يخلص..

الدكتور...خلاص استحملي قربت والله

كارمن....خلاص بقي والنبي مش قادره..

انس...حط ايده علي راسه.  وفضل حاضنها...

لحد ما اخيرا الدكتور...خلصت تنضيف وابتدا يدهنلها الكريم في جسمها كلها....وخلص اخيرا خلاص...

الدكتور....انا خلصت خلاص اهدي بقي..الوقت الكريم اللي حطتيته هيسكنلك شويه...

فضلت كارمن داخله في حضن انس وكأنها بتخبي نفسها..ومش راضيه ترفع راسها

انس...بس مش الكريم ده مضاد.

الدكتور...لا انا مزجتلها الاتنين المضاد الحيوي مع المخدر عشان بعد التنضيف هتحس بألم..فا ده هيريحها...

انس...تمام....معلش بقي ممكن تديني التيشرت بتاعها.

الدكتور...لا معلش هي خليها بس شويه كده عشان الكريم ميتمسحش.. عالاقل تفضل كده ربع ساعه..عشان يعمل مفعول بس وبعد كده تلبس...

انس...تمام يادكتور...معلش اكتبلي بس الخافض عشان متنساش...

الدكتور.. اه كويس انك فكرتني...كتب الدكتور الخافض...واداه لانس...ولم حاجته كلها...

الدكتور...هستأذن انا بقي عشان يادوب الحق شغلي فالمستشفي...وهعدي عليها بكره...ان شاء الله ..

انس...طيب معلش يادكتور...بالمره كده...ممكن تركبلها المحلول

الدكتور...اه طبعا...اعدها عالسرير..

مسك الدمتور حاجه المحلول وابتدا يجهزها..

انس...كارمن تعالي اعدي...

كارمن...ساكته ومخبيه نفسها في حضنه..

ابتسم...انس ..وقالها في ودنها ايه حضني حلو اوي كده😉😉

كارمن...اتحرجت من كلمته ...

مشي انس بيها اعدها عالسرير..وعي مربعه ايدها وباصه فالارض...

راح انس...عالسويت شيرت بتاع الترنج بتاعها...وربط الكم علي رقبتها عشان يغطيها من ادام...حست كارمن بالراحه اخيرا...بس فضلت باصه فالارض...

قرب. منها الدكتور...وركبلها الكانولا....

اتألمت كارمن.. لاكن خلص الدكتور بسرعه...

الدكتور...ايه ياستي شوفتي بقي الموضوع خلص بسرعه ازاي...ان شاء الله المره الجايه تكوني افضل...

فضلت كارمن ساكته وباصه فالارض...

خرج...انس مع الدكتور...يوصله ويحاسبه...شكره جدا ومشي الدكتور اخيرا....

رجع انس....كانت كارمن اعده وضهرها للباب...اولوما شاف منظر دهرها انس. الغضب كان عاميه وبيحاول يمسك نفسه عن ابوها...

قرب انس...واعد جمبها....

انس...احسن ولا حاسه بحاجه...

كارمن.............

انس....كارمن. مبترديش عليا ليه.

كارمن.............

انس...انتي زعلانه مني.

كارمن...هزت كارمن راسها بلا..

انس...امال ايه مبترديش عليا ليه...رفع انس وشها ليه...كان وشها غرقان بالدموع...

مسك انس راسها وقربها من كتفه وخدها في حضنه...طيب اهدي خلاص بلاش عياط..بقي...

كلها كام يوم وتبقي احسن  فضلت كارمن سانده عليه وهو من جواه طاير بقربها منه......وفضلو ساكتين .

........................

اما عند...بيت كارمن...

كانت مني...والدتها اعده باين عليها التعب من كتر التعذيب اللي شافته علي ايد جوزها...

سعيد...قومي ياوليه حضريلي الاكل...

مني....بتحاول تقوم لاكن مش قادره.

ريتال....خليكي انتي ياماما..هحضرله انا وچنا...

سعيد...ليه وهي اتشلت ماهي زي القدره اهي ...وصحتها تهد جبل.

ريتال....ماما تعبانه يابابا...وبعدين انت مش عايز تاكل وخلاص انا هحضرلك..

ريتال...اخت كارمن وتوأم چنا...كانت يمكن تكون اقواهم وليها شخصيه...برغم ان كارمن مكانتش بتسكت لاكن وجود لمار هو كان اللي مقويها...اما ريتال فكانت قويه ومكنتش محتاجه دعم من حد هي لوحدها كانت بتقدر تتكلم..ومكانتش بتخاف...

سعيد...وانتي بقي ياست ريتال هتعرفي تسخني وتحطي الاكل..

ريتال...واعرف اعمل الاكل كمان متقلقش ماما معلماني كل حاجه واقدر اعمل كل حاجه فالشقه...ومن غير مساعدت حد..

سعيد...بضحكه شيطانيه...يعني بقيتي عروسه يعني...

حست مني...من كلامه اللي بيلمح ليه...

مني...شدت ربتال من ايدها بخوف...وبرقتلها عشان تسكت اعدي هنا جمب اختك العبي...انتي ولا بتعرفي تعملي اي حاجه...انا هقوم....

سكتت ريتال وحست ان امها عايزه تقول حاجه...وبالرغم من انها كانت بتمتلك شخصيه قويه لاكن كانت طفله ومقدرتش تفهم كلام ابوها وتلميحاته الشيطانيه...واعدت جمب چنا...

سعيد....ايه صحتك رجعت الوقت ما كنتي عامله فيها ميته..

مني...انا كويسه وعموما صحتي كويسه علي ادي...انت ليك طلباتك تتعمل بس ابعد عن بناتي ياسعيد انت فاهم ابعد عن بناتي..

سعيد...بضحكه عاليه....بقيتي بتخربشي كمان اهو يامني...كنت عامله زي الفار الاول بقيتي قطه وليكي ضوافر كمان...

مني....ولو حكمت يا سعيد هبقي اسد.  وساعتها مش هخربش بس لا انا هاكل بسناني اي حد يقرب من ولادي....

سعيد.....اسد ولا مراته.. وفضل يضحك بصوت عالي ...وهي بصاله بقرف...

سعيد....صحيح السنيوره بنتك مكلمتكيش وقالتلك هي فين فالشارع ولا شافتلها شوفه...

مني...ملكش دعوه بيها انساها اعتبرها ماتت زي ماحنا كلنا اعتبرناك موت...

سعيد....ماشي بس متقلقيش كلها كام يوم واجبهالك هنا راكعه بس اوعدك لما اجبها مش هخليها تنفع تاني....بحق اللي عملته فيا..

مني...هي اللي عملت فيك...ولا انت اللي عملت فيها...

سعيد....انا عملت فيها ايه كنت عايزها تبقي بني ادمه. فنفس الوقت ينوبنا من الحب جانب....هي بقي عملت ايه...خلت الراجل قلب عليا وخد كل فلوسه اللي ادهالي...واستحلفلي انه لو شاف وشي تاني هيقتلني.  وانه لو عايزني ارضي عنه ويديني اضعاف اللي خدته منه اجبله البت...وهو بقي المرادي يربيها بنفسه....واعملي حسابك اني هجبها...

مني....ساعتها هقتلك بايدي يا سعيد..

سعيد...بضحكه مستفزه...مش بقولك بقيتي بتخربشي....بس عجباني..

بصتله مني...بحقد وكرهه ودخلت عالمطبخ.....وهي بتدعي ربنا انه يحمي بناتها ويحمي كارمن...اللي مرعوبه عليها ومتعرفش عنها حاجه...

اما هو فا فضل يشرب في الشيشه...وهو باصص لريتال بشرود وخبث..👹👹

.......................

اما في منزل دياب...كان المل متجمعين علي سفره الطعام...

ريناد....الاكل ملوش طعم من غير ديبوو

نوال....عندك حق...وحشني اوي..

حنان.....بسخافه...يعني هي اول مره يغيب عن البيت ما دي طبيعه شغله...

نوال....هي طبيعه شغله فعلا ومش اول مره يغيب...بس كل ما هيغيب هيكون ده شعورنا...

ريهام....بفضول وحب هو مقالش راجع امته يا طنط.

نوال...لا والله يا ريهام دياب في شغله مبيحبش يعرف حد بشغله...ده مقالش انه مسافر غير قبلها بكام ساعه بس يادوب جه حضر شنطته...حتي منامش ومشي علي طول...

عاصم....طبيعه شغله يا حبيبتي بتفرض عليه السريه ديما

حنان...سريه علي اهل بيته...

عاصم...ده اهل بيته اول ناس...

ريهام....بدون وعي لكلامها....كان نفسي اشوفه واسلم عليه قبل ما يمشي...

الكل كان عارف ان ريهام معجبه بدياب...وكانو واثقين ان امها اللي خلتها تحطه في دماغها..

عادل...بسخريه....مالو كنتي فالبيت وقتها كنتي شفتيه بس للاسف انتي ومامتك بره البيت ديما...

ريهام...لو اعرف مكنتش سهرت مع صحابي.  بس هو سافر فجأه..

حنان...تجاهلت كلام عادل....

وفاللحظه دي...جالها تليفون....وبمجرد...ما شافت الرقم..وشها جاب الوان وكنسلت بسرعه...

عادل....بصلها وسكت...

رجع...التليفون رن تاني عملت انها بتكنسل بس قفلته بسرعه.. الكل كان ملاحظ تغيرها بس كملو اكل عشان ميلفتوش نظر عادل اللي كان بيبصلها بغضب...

عادل...ايه ما تردي لا يكون حاجه مهمه..

حنان....بارتباك...هااا لا لا مش مهم ولا حاجه...دول الشله بيستعجلوني اكيد...

عادل...الشله....اممم طيب لا يكون في حد فيهم تعبان ولا حاجه..

حنان...لا لا متقلقش وسابت المعلقه من ايدها الحمد لله شبعت...هقوم انا عشان اجهز...تسلم ايدك يا نونه الاكل يجنن..

بصتلها نوال باستغراب اول مره تشكرها علي امل او حتي تدلعها تصرفاتها كانت متلغبطه ومرتبكه وواضح انها بتحاول تدراي الموقف.

نوال...بالف هنا...

طلعت نوال...وسط نظراتهم ليها ونظرات عادل اللي كانت بتخترقها.....

خلصو الاكل وقام عادل وعاصم اعدو عالكنبه...وراحت ريناد تكلم ياسمين...

وطلعت ريهام....اوضتها وقررت انها متخرجش لاول مره كانت مضايقه جدا وحاسه ان عدم وجود دياب مأثر فيها وفارق معاها...

اما نوال راحت تعملهم القهوه وسابت مجال ليهم يتكلمو مع بعض...

عاصم....مالك ياعادل...

عادل...مفيش ولا حاجه...

عاصم...ولا حاجه ازاي انت مش شايف شكلك ولا ايه.  ولا فاكر ان اخوك مش هيعرفك ويحس بيك ..

عادل....انا قربت اتجنن يا عاصم مبقتش قادر..

عاصم...قولتلك استحمل عشان خاطر ريهام...

عادل....بحاول بس مش قادر....

عاصم....ممكن اسألك سؤال وترد عليا بس من غير ماتزعل....

عادل...انت عارف ان عمري ما ازعل منك....

عاصم.....انت شاكك في حنان....

عادل....انا مش شاكك انا متأكد...

عاصم....نعم...😳تقصد ايه...

عادل...اقصد اني حاطط حنان في دماغي من فتره بس مكنش في حاجه بلاحظها لاكن الكام يوم دول تليفونات كتير خروج اكتر...اوقات ارقام غريبه بتتصل بيها...ولو انا اعد بتكنسل او تقفل التليفون خالص....

عاصم...طيب ما تواجهها..

عادل...كله في وقته ياعاصم...

عاصم...طيب انا اهم حاجه عندي انك تكون بخير...عشان خاطري براحه علي نفسك..

عادل...متقلقش يمكن دي اول مره...احس اني متمسك بالحياه....وحاسس ان هي اللي نهايتها قربت معايا...

عاصم....بس حاول تتصرف بعقل.

عادل...متخافش مش هقتلها واضيع عمري اكتر ماهو ضاع دي متستاهلش اصلا بس اكيد هتتحاسب وتدفع التمن....حنان بعيدا عن شكي فيها بس طول الوقت حاسس انها مخبيه حاجه واكيد هعرفها وهفضل وراها..

عاصم...خير ان شاء اللله...

سكت...عادل وفضل شارد....

اما عاصم فكان مضايق عشانه اوي...وبيدعي ربنا انه يريح باله ويبعد العقربه دي عنه..

..........  ........   ........

اما عند دياب ولمار....

كانت طول الوقت بتتلاشي النظر ليه حتي هو كان بيتعامل بجديه ملحوظه...

خلصو اكل وابتدو تمارين...واتدربو كتير علي اللغه...وابتدا دياب...لاول مره...يعرفها علي طريقه لبس مايا كلامها اسلوبها حركات جسمها...وكان بيوريها صور...وفديوهات ليها..

لمار...كانت بتحاول طول الوقت انها تركز عشان تنسي اللي حصل بينهم والكلام اللي اتقال...وقدرت شخصيه مايا انها تستفزها و تخليها تركز معاها...في كل تفصيله دياب بيشرحها..

لمار....يعني المفروض اني هقابل الشخص ده هنا في مصر..

دياب...اه هو المفروض جاي مخصوص.

لمار...حست بتوتر.

دياب...مالك..

لمار..ابدا...بس حاسه اني متوتره

دياب..ليه..اولا مفيش داعي للتوتر..احنا هنكون معاكي في كل مكان فالفندق ده اولا وبعدين انتي كده كده لما كنتي هتسافري كنتي هتحتكي بيهم شخصيا ووقتها هنكون معاكي بس من بعيد .

لمار...عارفه بس مكنتش اعرف ان الموضوع قرب اوي كده..

دياب...الوقت بيجري يالمار واحنا الوقت في تاني اسبوع...لازم تحصل المكالمه بينك وبينهم ولازم تقابلي الشخص ده...وبعدها هنكمل اكيد بس واحنا بنجهز للسفر.

لمار..خدت نفس طويل..

تمام....

رجع كمل دياب كلام عن مايا...

لاكن.فجأه لمار اتحولت ملامحها...

لمار...نعمممم تقصد ايه..

دياب...اقصد اللي سمعتيه...

لمار...اللي سمعته من اول ما ابتديت تتكلم عنها انها واحده بتعرف رجاله وولاد وبتكلمهم وبتمشي امورها...لاكن انت الوقت بتقول كلام صعب اني افهمه...

دياب......اللي فهمتيه صح يالمار..

لمار...صح ايه...بالظبط...انها واحده بتعمل علاقات مش بنت...يعني كانت ممكن تعمل اي حاجه واي علاقه عشان بس توصل لشويه معلومات...

تمام...اوك عادي...بس المفروض ان اكيد الجزء ده فالعملبه ميخصنيش صح...

بصلها...دياب وفضل ساكت....

لمار...بعصبيه....اتكلللم انت باصصلي وساكت ليه...

دياب...اولا اهدي ووطي صوتك...

لمار...اوطي صوتي...يبقي اللي فهمته صح يا سياده النقيب....مصيبه لا تكون كمان عايز تقولي ان المقابله اللي هعملها مع الراجل فالفندق مش هتكون مقابله عاديه...

دياب.. باستفزاز....كويس انك فهمتي...

وقت...لمار وهي بتضرب عالتربيزه وبتصرخ...انت اكيد مجنون..

دياب...بعصبيه..وطي صوتك ولمي لسانك ده...

لمار...اوطي صوتي...انت فاهم انت عايز مني ايه.

دياب...اولا انا مش عايز منك حاجه دي اوامر عرفتها من سياده اللواء..اني ابلغك ...وانا بنفذ...

بصتله...لمار...وهي بتضحك ومش مستوعبه اللي بتسمعه...

لمار.....وانامش هكمل المهمه يادياب👌

دياب...وانتي فاهمه انهم هيوافقو..

لمار...ايه هيغصبوني ولا هيهددوني...انت نسيت اني واحده ميته...يعني مش باقيه علي حاجه.

دياب...لا منستش...بس كمان اكيد منستش ان لسه عندهم اللي يهددوكي بيه.

لمار....تقصد ايه...؟؟؟

دياب...اقصد والدتك...واقصد كارمن..

لمار....نعم...انتو ازاي كده...

وانت ازاي كده....انت مش شويه قولت انك بتحبني صح....ايه هتقبلها علي رجولتك ياسياده النقيب...ولا ده كان كلام...بتحاول تثبتني بيه...يمكن تقدر تلحق تاخد مني حاجه قبل غيرك...

صوت قلم....تردد صداها اكتر من كذا مره...في الصحرا....

لمار...خطت ايدها علي وشها ودموعها نازله وبصاله....

دياب.....القلم ده عشان بس متنسيش نفسك وتعرفي انك مش بتكلمي اي حد انتي بتكلم دياب. الدالي...اللي عمره ما ضحك علي بنت ولا استغلها...وعشان تندمي علي كلامك يالمار...انا لو عايز اخد منك اي حاجه كنت خدتها مش هنا لا كان ممكن اخدها فالقسم كمان...وسط كل الناس...بس دياب الدالي...ارجل واحد ممكن تقابليه في حياتك...

وعموما انا والله كنت هحاول اخرجك من الانتي فيه....بس انتي مستسلمه...واستسلامك...خلاهم يطلبو اللي هما عايزينه...مانتي كده كده ميته....مش ده كلاااااااامك

يبقي اشربي...واتنازلي اكتر يا لمار...وشيلي شيله مش بتاعتك...وزودي في الحمل..اكتر واكتر... وخلي كل واحد معدي يشيلك ما انتي بطله هيييييرووو بتشيلي كل حاجه وبتسكتي...مانتي كده كده ميته...مش ده كلامك...

لمار...حست بكلام دياب...وحست انها بتتصارع من جوه...

لمار...بدموع.....انت عندك حق انا شيلت شيله مش بتاعتي يمكن...ويمكن كمان...انا اللي عملت كده في نفسي...بس خلاص الوقت خلص...وحتي لو اتكلمت انا اصلا موت..وطلعلي شهاده وفاه...يعني مبقاش ليا وجود...ولو عملت ايه محدش هيسمعني....خصوصا الوقت لانهم زي ماقولت محتاجني...

خلصت يادياب...

دياب....تقصدي ايه...

لمار...وهي بتمسح دموعها..

وبكل قوه وثبات....

بلغهم..موافقتي.   وعرفهم اني جاهزه..

وان زي ما قتلت ابويا بكامل قواي العقليه.....

هسلم نفسي لاي حد.بردو بكامل قواي العقليه لاكن المرادي وانا مجبره

1

وسابته لمار ودخلت اوضتها...وقفلت علي نفسها وهي منهاره

اما دياب فا وقف  مصدوم 😳😳😳

1

ياريت اشوف الكومنتات  والتشجيع عشان اقدر اكمل

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

طلعت حنان اوضتها بسرعه..

واول ما دخلت مسكت الموبايل فتحته بسرعه...واول ما اتفتح جابت رقم المجهول اللي بيتصل عليها واتصلت..

مجهول.....الووووو

حنان... ايوه يازفت

مجهول...ايه ياست الكل.مبترديش ليه.

حنان....هو انا مش قولتلك متتصلش بيا ابدا وانا اللي هتصل بيك

مجهول...مانتي متصلتيش فا قولت يمكن نسيتي.اللي كلبتيه مني

حنان...نسيت ازاي ياغبي وانت بتقول انا اللي طلبت منك..

مجهول...حقك عليا ياست الكل.

حنان....المهم ايه الاخبار...

مجهول....زي ما قولتلك ضايعه خالص.

حنان....طيب بقولك ايه خلص خالص.

مجهول...اخلص ازاي.مش فاهم.

حنان ....هو ايه اللي مش فاهم بقولك خلص خالص. مش عايزه اي قلق عايزه اخلص من الكابوس اللي بقالي فتره فيه ده..

مجهول...ايوه بسس.

حنان....خلص.وهديك ضعف اللي كنت هدهولك.

مجهول...ياست الكل الحوار مش حوار فلوس...

حنان...امال ايه...

مجهول...حوار ان حاليا مش هينفع خالص.الدنيا كلها لبش.

حنان...لو خايف اشوف غيرك.

مجهول....خايف من ايه بس انتي عارفه اني مليش فالخوف الفكره كلها ان الجو قلق اليومين دول قلق زي ما قولتلك..بس اقولك اديني يومين تلاته كده...وانا هخلصك منها خالص..

حنان...يومين تلاته مش اكتر عايزه كل حاجه تخلص واخلص منها وارتاح بقي.

مجهول...حاضر اطمني ياست الكل...طيب بالنسبه للفلوس...

حنان...قولتلك هديك ضعف اللي كنت هتاخده....

مجهول...مينفعش ياست الكل....ده قتل

حنان...عايز ايه...

مجهول...عايز ارنب...

حنان...مليون جنيه؟؟؟😳دي هي كلها متسواش اصلا مليون جنيه..

مجهول...يمكن متسواش مليون جنيه هي شخصيا لاكن الوش والكابوس اللي بتقولي عليه يستاهل المليون جنيه...

حنان....ماشي هديك الانت عايزه...بس تخلصني...

مجهول....عيني ياست الكل...

حنان...اسمع متتصلش عليا غير لما انا اتصل بيك انت فاهم مش ناقصه وجع دماغ من عادل....خصوصا اني حاسه انه بيشك فيا فاكرني بكلم حد عليه...

مجهول...تمام مش هتصل وهستني مكالمتك...واه عايز بكره او بعد نص المبلغ وباقي المبلغ بعد ما اخلص...

حنان....هو ربع المبلغ بس...وباقي المبلغ اول ما تخلص...

مجهول....تمام ولنا موافق مش هنختلف....

حنان...يلا سلام الوقت..

مجهول...سلام ياست الناس..

حنان....جتك القرف...امته اخلص منك انت كمان بني ادم مقرف....تخلصني منها بس الاول وبعدين اشوفلك سكه...

دخلت حنان عشان تغير وتخرج....

لكن.......مخدتش بالها من اللي سمع مكالمتها كلها كامله......😲🙄

...................................

اما عند كارمن وانس....

بعد ما هديت خالص...وعدي وقت طويل حست بالبرد....وجسمها كان بيترعش.....

انس....قومي يلا عشان تلبسي انتي بتترعشي...والكريم بقاله شويه خلاص..

كارمن....حاضر...ممكن طيب تخرج..

انس....هساعدك.

كارمن...لا انا هلبس..

انس...مش هتعرفي ياكارمن...عشان الجرح...انا هساعدك...ومتخافيش مش هبص عليكي...

سكتت...كارمن.

قرب انس...من رقبتها فك الكم اللي كان رابطه علي رقبتها..

وهي بسرعه حط ايدها علي جسمها...

قرب انس منها يلبسها التيشرت بسرعه عشان ميضايقهاش...وثواني كان ملبسهولها...

انس....تعالي يلا نتصل علي والدتك قبل ما نكسر الشريحه دي خالص...

كارمن...حاضر...

مسكت...كارمن الموبايل....عشان تتصل وقفها انس بسرعه..

انس...كارمن...متقوليش لوالدتك علي مكانك...

كارمن....انا اصلا معرفش احنا فين؟؟

انس....ولا تقوللها انك معايا.

كارمن....ليه؟؟

انس...لحسن...ترد ويكون والدك جمبها ويخليها ترد ويعرف انك معايا...

كارمن...طيب لو اتأكدت انها لوحدها...

انس....لو متأكده ان مهما يحصل مش هتقول حاجه قوللها.

كارمن...متقلقش..

انس...طيب يلا اتصلي.. وافتحي الاسبيكر...

اتصلت كارمن...عليها وهي قلبها بيدق جامد خايفه والدها هو اللي يرد...

ثواني واتفتح الخط....

مني....كارمن...الوووو

كارمن...بدموع...ماما وحشتيني.

مني...انتي وحشتيني اكتر يابنتي انتي كويسه...

كارمن...ايوه الحمد لله بابا عندك.

مني....لا لسه خارج...من خمس دقايق..

كارمن...طيب اقفلي الباب كويس لاحسن يرجع...

مني...متخافيش ياحبيبتي هو خرج...خلاص

ريتال...هاتي اكلمها ياماما.

چنا لا اديهاني انا والنبي ياماما...

كارمن...ابتسمت بحزن وسط دموعها...

مني...استنو افتحلكم الاسبيكر...

چنا...الووو ياكارمن وحشتيني اوي.

كارمن...بدموع...انتي وحشتيني اكتر يا چوچو...عامله ايه...

چنا..انا كويسه انتي فين...

ريتال...كوكي وحشتيني اوي.

كارمن...حبيبتي ياريتال انتي وحشتيني اوي...عاملين ايه وبابا عمل معاكم ايه..

ريتال....معملش معانا احنا حاجه بس ضرب ماما جامد...بس مش هتصدقي ياكوكي ماما اول مره اشوفها تتخانق مع بابا وتزعأ ومتبقاش خايفه...انا حاسه ان هو اللي خاف منها...

ضحكت...كارمن علي كلام اختها...بجد ياريتال..

ريتال...اه والله.

مني...هاتو بقي التليفون...

كارمن....صوتك ماله عمل فيكي ايه..

مني....انا بخير يا حبيبتي ملكيش دعوه بيا انا طمنيني عليكي...

كارمن...انا بخير يا امي...بس محتجالك اوي محتاجه حضنك وحضن اخواتي...حاسه اني بقالي كتير اوي مشوفتكمش..

مني....اوعي ترجعي ياكارمن...ابوكي مش ساكت...وحالف انه يرجعك...هو يبان هادي ونسي بس هو مرقد لحاجه وانا عارفه انه بيدور..عليكي في كل مكان...خصوصا ان الراجل اللي كان جايبهولك  بهدله وقلب عليه...وقاله انه مش عايز يشوف وشه غير وانتي معاه...وهو اللي هيأدبك بنفسه...مبقاش ابوكي بس ياكارمن اللي عايزك...الراجل كمان عايزك اللي هيطولك فيهم مش هيرحمك يابنتي...خليكي بعيد ابعدي علي اد ما تقدري...وكملت بدموع....انسينا ياكارمن انسينا يابنتي وعيشي حياتك...بعيد عن ظلم ابوكي وقرفه...

كارمن...مقدرش انساكم يا امي...انا مبقاش ليا حد غيركم...

مني....احنا ديما هنكون معاكي...بس من بعيد طمنيني عليكي ديما وحافظي علي نفسك يا بنتي.  وخلي المصحف معاكي ديما...انتي روحتي فين صحيح...

بصت كارمن لانس...من بين دموعها كأنها بتسأله اقول ولا لا..

انس...كان متأثر بدموعها وحزنها هي ووالدتها...هزلها راسه بمعني قولي...

كارمن....انا...كلمت. انس...باشا الظابط يا امي...وهو ساعدني وجابلي مكان اعد فيه..

مني....كنت واثقه انك هتكلميه .

كارمن....ليه.

مني....مش عارفه بس يمكن عشان هو حاول يساعدك زي ماقولتي كذا مره..وعشان انتي متعرفيش اي حد يابنتي....هو واضح انه محترم وابن حلال...بس اسمعي ياكارمن حافظي علي نفسك وخلي بالك من نفسك ومتديش الامان لاي حد يابنتي...

كارمن...بصتله باحراج...ورجعت ردت علي والدتها...متخافيش يا امي...انس محترم وطيب اوي...

مني....بردو متديش الامان ياكارمن واسمعي كلامي....اذا كان ابوكي اللي انتي من دمه ومن لحمه....عمل فيكي كده.  يبقي الغريب هيعمل فيكي ايه..يا بنتي الدنيا مبقاش فيها امان ياكارمن...

كارمن...سكتتت

مني...انا مش بخوفك يا بنتي بس انا ام وخايفه عليكي...انتي لسه صغيره ومهما شوفتي من الدنيا برده لسه مشوفتيش البني ادمين  علي حقيقتهم..

كارمن...اطمني يا امي متخافيش...المهم انا هقفل الخط ده خالص..عشان ميقدرش يوصلي ابدا...بس انس جابلي رقم تاني...اول ما اقفل معاكي...هرنلك من عليه عشان تعرفيه بس سجليه باسم اي حد حتي لو من الجيران عشان بابا ميشكش فالرقم...

مني...حاضر يا بنتي....

كارمن...طيب هو بابا لسه مصمم انه ميوديش اخواتي المدرسه...

مني...مقالش اي حاجه تاني عن الموضوع ده لسه ..بس يارب...تيجي علي كده بس يا كارمن...

كارمن....يعني ايه...

مني...مش عارفه ابوكي مش مريحني...كلامه ونظراته لاخواتك خصوصا ريتال متبشرش بخير...

كارمن....مش فاهمه..

مني...يعني شايف ان ريتال كبرت وبقت عروسه...

كارمن...تقصدي انه عايز يعمل فيها زي ما كان عايز يعمل فيا...

مني...ده اللي انا خايفه منه ياكارمن... ومش عارفه انا فاهمه صح ولا غلط...وموضوعك مأثر فيا ومخوفني..

كارمن....يوم ما يفكر يعمل كده وديني لاهقتله بايدي...

مني....لا يابنتي..اهدي...ان شاء الله خير انا اكيد اللي بقيت خايفه من اي حاجه...المهم خلي بالك من نفسك عشان خاطري ياكارمن...وكلميني علي طول..

كارمن...مامت مفيش اخبر عن طنط ناريمان....

مني....لا يابنتي بس بيقولو حالتها وحشه وبتدهور اوي...وانا غصب عني مش عارفه اروحلها واسيب اخواتك لوحدهم...وهو لو هنا مش هيرضي يخليني اروح...

كارمن....ربنا يستر

مني....متنسيش الرقم

كارمن...حاضر انا هرنلك من الخط التاني ...وانتي كل ما تكوني لوحدك رنيلي وانا هتصل عليكم..بلاش انا اللي اتصل.

مني...حاضر كل يوم اول ما يخرج هتصل عليكي..

كارمن...خلي بالك من نفسك ومن اخواتي ..

مني...حاضر يابنتي...لا إله إلا الله...

كارمن...محمد رسول الله

......قفلت كارمن...وهي بتمسح دموعها...

مسك منها...انس الموبايل قفله ..واداها الموبايل الجديد وهو مشغلها الخط وكل حاجه...

انس...امسكي ...مبروك عليكي الموبايل الجديد...انا سجلتلك رقمي..ورقم الخط الجديد بتاعك عشان تحفظيه...اكتبي يلا رقم مامتك ورنلها بسرعه..

مسكت...كارمن منه الموبايل وابتسمتله...شكرا...

انس...العفو يلا اتصلي..

كتبت رقم مامتها...واتصلت عليها رنت وقفلت....ومسكت تليفونها القديم...فتحته وكتبت رقمها الجديد...ودخلت عالرسايل بعتت منها حجات بنها هي ولمار عالموبايل الجديد...وقفلته وكتبت رقم لمار علي الموبايل الجديد...

انس...انتي بتعملي ايه؟؟؟؟.

كارمن.....بابتسامه...وجع..كنت ببعت الرسايل اللي عالواتس بتاعت لمار في الموبايل الجديد والصور  بتاعتنا...وسجلت رقمها...

انس....بشفقه عليها....طب ليه عملتي كده....لمار.......وسكت

كارمن...ماتت صح

انس.....انا مقصدش بس يعني مش عايزك تضايقي وتحاولي تنسي شويه.

كارمن ...انسي!!! يمكن تكون ماتت زي ما بتقول...بس انا حاسه انها عايشه...لمار حواليا ديما...حاسه بيها لمار عايشه جوايا يا انس...لمار مماتتش ومش ممكن تموت...

بصلها انس...باستغراب وسكت...

كارمن...وبعدين انا لما هقفل الموبايل مش هينفع افتحه تاني عشان بابا ومش هقدر مشوفش الرسايل بتاعتها ديما....

انس.....حاول يغير الموضوع...طب بقولك ايه...قومي تعالي معايا كده اوريكي الحاجه اللي جبتهالك .. عشان لو في حاجه ناقصه تبقي تعرفيني...

قامت...معاه كارمن...وفضل يوريها كل حاجه جابها وكل حاجه مكانها فين...

انس...ايه محتاجه حاجه او نسيت حاجه

كارمن...بابتسامه بسيطه...نسيت ايه انت كان ناقص تجيب السوبر ماركت كله....

انس....ياستي فداكي....المهم اي وقت حاجه تنقص عرفيني ناقصك ايه...

انا همشي الوقت عشان متأخرش عالشغل....هكلمك كل شويه...عشان اطمن عليكي...واي وقت تحتاجيني رقمي معاكي كلميني فورا...وانا هرد عليكي..

كارمن....حاضر...بس هو يعني...ممكن اي حد من اهلك يجي الشقه هنا. يعني عشان لو حصل هقول ايه...

انس...اولا محدش يعرف مكان الشقه دي.  غير دياب. وبس...ومتقلقيش هو في مهمه ومسافر وانا هبقي اعرفه عشان مييجيش هنا...غير كده محدش هيجي غيري....وبس...وانا هنبه علي عبده وورده.  محدش يطلعلك غير لو انتي احتاجتيهم...تتصلي بيا وانا اطلعهملك...تمام...يعني من الاخر كده الباب ده ميتفتحش لاي حد...غيري انا وبس..مفهوم.

كارمن...حاضر...

انس...بكره كل حاجه خاصه بجامعتك هتكون عندك...ياريت بس بعد ما انزل تبعتيلي اسامي كل المواد بتاعتك والمكاتب اللي كنتي بتجيبي منها واي حاجه خاصه بدراستك عشان مجبش حاجه من نفسي وتطلع غلط...مفهوم؟؟

كارمن...حاضر....

انس....انا هخلص شغل الصبح...هروح علي الڤيلا...عشان اطمنهم عليا ..مش هاجي علي هنا...بس طبعا هكون معاكي بالتليفون.

كارمن...بقلق...يعني انت مش هتيجي بكره...اقصد يعني...

قاطعها انس...لا هاجي طبعا...هاجي قبل معاد الدكتور...انا هكون متابع معاه بالتليفون وهاجي قبله كمان عشان اديكي الورق...بتاعك...وبعدين هروح عالشغل...اتفقنا...

كارمن...حاضر....

انس...انا جايبلك...كذا حاجه كده ينفع تتحط فالميكرويڤ عشان متقفيش تعملي اي حاجه...ارتاحي علي اد ما تقدري...وبليل هفكرك بالعلاج بتاعك.

كارمن...بصتله. بابتسامه هاديه....انت طيب اوي...

انس...بحب....وانتي جميله اوي😉

ابتسمت...كارمن باحراج..

انس...يلا انا همشي...اقفلي ورايا علي طول...خلي بالك من نفسك..

كارمن...حاضر.....انس...متزعلش من كلام ماما...

انس...مين قالك اني زعلت هي بتتكلم صح...هي امك وخايفه عليكي..وزي ماقالتلك والدك اللي عمل فيكي كده...هتتوقعي ايه بقي من حد غريب...بس انا عايز اقولك حاجه انا لايمكن أذيكي يا كارمن...صدقيني والله العظيم...عمري ما هأذيكي ابدا....انتي هتفضلي في اماني وحمايتي وهعمل اب حاجه عشان اعوضك عن اي وجع شوفتيه في حياتك...

مسك..انس ايدها...باسها.

اتحرجت..كارمن..من الحركه....

ابتسم...انس...وخرج وهي قفلت وراه....واول ما خرج...ابتسمت...بوجع....

علي حنيه شافتها من حد غريب ميربطهاش بيه اي حاجه...واللي من دمها...كان عايز يبيعها ويقبض تمنها ولما رفضت...كان هيموتها......

فضلت واقفه حزينه...واخيرا قررت تاخد جوله فالشقه...وتكتشفها

....................................

اما في غرفه ريناد....

ريناد....الوووو

ياسمين...رينو..حبيبتي عامله ايه.

ريناد...بخير يا چيسي الحمد انتي ايه الاخبار.

ياسمين....الحمد لله كله تمام...لسه يادوب مخلصه مراجعه الورق بتاع الشغل...هو ابوكي وعمك مش ناوييين يثبوتنا بقي فالشغل...مفيش واسطه كده.

ريناد....واسطه ياريت ده بابا وعمي انا شخصيا وولا معبرني وبيعاملوني زيي زي اي موظف فالشركه يابنتي وحاطينا تحت التدريب كمان.

ياسمين...ايه ده هما ممكن ميشغلوناش ولا ايه..🤔

ريناد...ولله ماستبعدش ده ابدا..دول معندهمش ياما ارحميني..

ياسمين....طيب المهم مال صوتك ..

ريناد....مفيش انا كويسه..

ياسمين...لا والله علي اساس اني تايهه عنك ده انا چيسي حبيبتك .

ريناد...الاول بس احنا بكره اجازه هتجيلي ولا لا.

ياسمين...هجيلك يابنتي مش قولتلك هاجي..بس بقولك ايه ؟ايه رأيك نتغدي بكره بره انا. زهقانه وعايزه اخرج...

ريناد... ياريت والله انا اصلا كنت هقولك كده عايزه اقابلك بره مش عايزه نأعد هنا...

ياسمين...قلقتيني انتي متخانقه معاهم فالبيت ولا ايه

ريناد...لا طبعا متخانقه ايه بس.

ياسمين...امال ايه يابنتي انطقي انا هسحب منك الكلام...

ريناد...هقولك بس اللي هقوله ده يفضل بيني وبينك....

ياسمين...نعم يا اختي من امته وانتي بتقوليلي حاجه وبقولها لحد...

ريناد...مش قصدي...بصي انا متوتره جدا ومش مجمعه..

ياسمين...طب براحه بس حصل ايه

ريناد....هحكيلك.........

وابتدت..ريناد...تحكيلها...

وبعد وقت بسيط عدي....

ياسمين....يانهار اسود ومنيل.....ودي عايزه تقتل مين...

ريناد....معرفش يا ياسمين....

ياسمين...طيب مش يمكن انتي فهمتي غلط...

ريناد...بقولك بتقوله...هتديله مليون جنيه... هتقابله تديله ربع المبلغ والباقي لما يخلص...

ياسمين...يخلص ايه اللهي تخلص روحها دي زعيمه عصابه دي ولا ايه...

ريناد...انا اتوقع منها اي حاجه لاكن قتل عمري ما تخيلتها ابدا...

ياسمين....ريناد...لاتكون عايزه تقتل انكل عادل خصوصا انتي بتقولي ان علاقتها بيه مش حلوه خالص...

ريناد..يابنتي انتي غبيه بقولك بتقوله اخلص منها. وكل كلامها كان علي واحده...وبتقوله...انه ميتصلش تاني عشان عمي ابتدا يڜك فيها وفاكرها بتكلم حد....يعني متقصدش عمي...

ياسمين...طيب وفعلا عمك بيشك فيها.

ريناد...بصي هو واضح كده...انتي مشوفتيش كان باصصلها ازاي لما التليفون رن وهي أتوترت وبان عليها جدا  ده لو مفيش حاجه هيشك فيها من منظرها....وحقيقي هو كان مركز معاها جدا وكان واضح عليه.هما اصلا الفتره دي علاقتهم متوتره جداااا...

ياسمين....طيب بقولك ايه...اوعي تمون خدت بالها منك..

ريناد...لا لا مخدتش بالها هي كانت مركزه فالتليفون..

ياسمين...طيب انتي ايه اللي خلاكي تسمعي...

ريناد...انا طلعت وراها علي طول هي من لخمتها قفلت الباب بس متقفلش كويس....كنت فكراها بتكلم ريهام...لانها طلعت قبلي علي طول....بس صراحه طريقه كلامها فالموبايل ومع راجل خلت الفضول عندي...يخليني اقف واسمع. واتفاجأت من اللي سمعته...

ياسمين...المهم. تخلي بالك من نفسك لانها لو عرفت مش بعيد تعمل فيكي حاجه عشان متفضحيهاش..

ريناد....لا متقلقيش ربنا يستر...

ياسمين....بس كده معني الكلام ان في واحده هتتقتل خلال اليومين دول..

ريناد...ماهو ده اللي راعبني..

ياسمين...طيب انتي معندكيش فكره هي بتتكلم علي مين.

ريناد....لا خالص..

ياسمين...طيب مش يمكن عمك يعرف واحده عليها وهي حابه تنتقم...

ريناد....انا فكرت في كده...بس حتي لو صح...ازاي اصلا تقتل.ده لو كل واحده شكت في جوزها وقتلت اللي شاكه فيها كل الستات هتموت في بعض...ثم كمان هي مبتحبش عمي دي بتحب فلوسه والمظاهر..هي لو بتحبه هتهتم بيه...وصراحه بقي هو لو يعرف حد عليها...انا هفرحله دي مطينه عيشته وهو صابر عليها عشان ريهام وبس.

ياسمين...والله انا لو منه يطلقها وميعملش حساب لبنته دي رخمه زي امها....

ريناد...طيب والعمل....

ياسمين...معرفش انا دماغي وقفت...بقولك ايه...احنا بكره نتقابل بدري...ونأعد نفكر

ريناد....اه ياريت... ومتتأخريش.

ياسمين...لا متقلقيش ده علي اساس انك مواعيدك مظبوطه والله خايفه بكره تقوليلي مش جايه. تعملي فيا مقلب زي كل مره...

ريناد...لا والله هاجي...

ياسمين...خلاص اشوفك بكره...وان شاء الله نعمل خطه ونتفق عليها....

ريناد...تمام....يلا تصبحي علي خير

ياسمين....وانتي من اهله يا حبيبتي..

.........................

اما في عربيه...انس...رن تليفونه...

انس....الوووو سياده اللواء

حاتم.....اذيك يا انس..

انس...الحمد لله يا سياده اللواء بخير خير في حاجه..

حاتم....انت فين

انس...انا رايح عالشغل..

حاتم طيب كنت عايزك تعدي عليا الوقت..

انس...بقلق...خير حضرتك روحت لدياب انهرده....هو فيه حاجه..

حاتم...لا لا اطمن هو كويس والدنيا تمام...بس انا عايزك

انس....طيب حاضر هجيلك علي طول...

حاتم....تمام مستنيك يلا سلام....

انس....سلام..

.........قفل انس...بس مكانش متطمن...وقرر يتصل بدياب...يطمن عليه بس من غير ما يقوله...علي مكالمه اللواء...لحد ما بعرف فيه ايه...

انس.....الوووو

دياب...ايوه يا انس.

انس....الحمد لله الشبكه لقطتت بسهوله...ايه الاخبار.

دياب....تمام..

انس....ولمار ايه اخبارها...

دياب...تمام...

انس...ايه مال صوتك...

دياب...مفيش يا انس..

انس...هو ايه اللي مفيش يا انس وانا مش عارف صوتك ولا ايه..

دياب...يا اخي انت زنان ليه بقول مفيش.

انس...طب في حاجه حصلت لما سياده اللواء جه...

دياب...يوووووه قولت مفيش...بعدين يا انس هبقي احكيلك بس سبني الوقت.

انس...بس بس...خلاص اهدي.

دياب....انس...روحت لوالدت لمار...

انس...لا لسه..

دياب...بغضب ..ولسه ليييه يا انس مستني ايه

انس...والله انشغلت مع كارمن بس ..بس حاضر هروح بكره

دياب...يارب نخلص

انس...بس انت عايزني اعمل ايه...

دياب...تعرفها يا انس.

انس...انت عارف انه مينفعش يادياب...

دياب...عارف ولو حصل اي حاجه هقول انا انت بس خلي بالك لما تتكلم معاها ميكنش في مخلوق معاك....

انس...وليه ترمي نفسك فالنار يادياب...

دياب....انا مستعد اعمل اي حاجه فالقضيه دي يا انس.

انس...انت وقعت ولا ايه يا صاحبي..

دياب...انس اقفل عشان انا الوقت عفاريت الدنيا بتتنطت في وشي...ومش طايق نفسي سلام.. ومداهوش فرصه وقفل في وشه..

انس....بتقفل في وشي يادياب....الواد ده ماله اتجنن ولا ايه...

..................

اما عند دياب....فضل دياب رايح جاي في اوضته...والاوضه كانت شبه اختفت من الدخان اللي فيها...هيتجنن من العند بتاع لمار...والفضول بقي هيقتله...اكتر ايه هو السبب اللي ممكن يخليها توافق انها تبيع نفسها عشان تخفي السر ده...ولو كان ابوها اتعرضلها وده كان سبب قتلها ليه...طيب ازاي الوقت هتوافق....طيب يمكن عشان الوقت  الموضوع اكبر منها ومش هتقدر ترفض؟؟؟ ولا عشان هي شايفه انها كده كده ميته؟؟؟...ولا مجبره ومضطره توافق عشان خايفه علي والدتها وصاحبتها...

دياب كان هيتجنن وبيحاول يسيطر علي نفسه عشان ميروحش يكسر عضمها بعد اللي سمعه منها.علي موافقتها علي مقابله الراجل اللي جاي من بره...وعلي اتهامها ليه.....

دياب...كان عارف انه استفزها بس ده عشان تخاف وتتكلم لاكن مش عشان توافق....كان بيغلي من جواه ونار غضبه كان بيحاول يسيطر عليها عشان متطولهاش.....

.............................

وصل انس.....لمكتب حاتم.

انس....آدي التحيه العسكريه.

حاتم...اهلا يا انس تعالي اعد

انس....اهلا بحضرتك يا افندم ..خير..

حاتم...خير ان شاء الله تشرب ايه الاول...

انس....قهوه مظبوط...

طلب اللواء القهوه...وبعد مده بسيطه. كانت القهوه عالمكتب....

انس..خير يا افندم..

حاتم..اولا كده بكره الصبح هتروح لحد صاحبك.

انس....هو انس في عنده مشكله ولا ايه...

حاتم...الموبايل بتاع مايا الحاوي..لمار بتقول انها هتقدر تفك الشفره بتاعته.. وانا هبعتهولها معاك وهبعت معاك حجات هتساعدها في فك الشفرات دي..هي طلبتها

انس....وحضرتك اتأكدت بنفسك انها هتقدر..

حاتم...هي قالتلي كذا حاجه وانا شايف اننا مش هنخسر لو حاولنا...

انس...اكيد بس هنخسر وقت عالاقل..

حاتم....ان شاء الله خير يمكن تقدر ..

انس...عموما انا تحت امر حضرتك...هخلص النبطشيه الصبح واطلع علي هناك... بس بردو هو انا ليه حاسس ان حضرتك كنت عايزني في حاجه تانيه.

حاتم....فعلا عايزك تعقل صاحبك ..

انس...بقلق دياب..؟؟؟حصل ايه يا افندم

حاتم....واضح اوي انه دخل العواطف فالشغل وده مينفعش في شغلنا

انس...مش فاهم يا افندم

حاتم...مش فاهم ايه ياانس دياب..واضح انه اتعلق بلمار..

انس....اكيد حضرتك فاهم غلط

حاتم.. ياريت كنت فاهم غلط...بس انا واثق من اللي بقوله....وفضل حاتم يحكيله كل حاجه حصلت...

حاتم...فهمت يا انس..ليه قولت ان دياب دخل العواطف فالشغل.

حس انس...بالشفقه علي دياب...

بس يا افندم...انا مطلوب مني ايه خصوصا ان حضرتك عارف كويس جدا ان دياب دماغه صعبه...وبردو حضرتك عارف ان دياب صعب انه يتعلق بحد فا بيتهيألي يعني ادام زي ما حضرتك بتقول ان دياب اتعلق بيها مش يمكن مثلا هي بريئه او حكيتله علي السبب الحقيقي اللي خلاها تقتل....

حاتم....افهم يا انس....لمار في نظر الكل ميته خلاص يعني ملهاش وجوود...هي الوقت متجنده لحسابنا...وقضيتها دي مش قضيتي بريئه مش بريئه احنا الوقت في قضيه اكبر واهم بكتير من التاهات دي.فهمت..

انس...طيب وحضرتك موافق علي الجزء.بتاع انها تروح تقابل الراجل ده..

حاتم...هقولك نفس الكلام اللي قولته لدياب....عندك حل...تاني..

انس...لا بس في حاجه حضرتك ممكن تكون مركزتش فيها.

حاتم...احب اسمعها.

انس...يعني من كلام حضرتك ان مايا دي كانت مقضياها اسف يعني.

حاتم...تمام..

انس...طيب لما بالنسبه ليها ايه؟؟

حاتم...مش فاهم.

انس...يعني هتتقفش يا افندم لو الراجل عرف انها بنت ...

حاتم...متقلقش الراجل ميعرفش حاجه عن علاقات مايا ومهمه لمار انها تخليه يسكر.ويتبهدل عالاخر...

وبعدين انا بس عايز اقولك حاجه مهمه..انا مش شيطان او معنديش قلب يا انس...وحتي لو لمار ميته اكيد مش هستسهل في انها تبيع نفسها...بس انا مش لاقيلها حل احنا كل اللي محتاجينه...الراجل..ده يمكن من اهم الناس اللي كانو بيشتغلو مع مايا الراجل ده...ديما لابس سلسله مش بيقلعها...كل اللي محتاجه من لمار انها تزرع المايك الصغير ده فالسلسه من غير ما يحس...

انس....عموما انا هروح بكره وهتكلم معاه واطمن ان شاء الله خير..

حاتم...هعتمد عليك يا انس انا مرضتش اشد اكتر علي دياب عشان انت عارف انه غالي عندي..وبعتبرك انت وهو ولادي.

انس....ده شرف لينا يا افندم وزي ما قولت لحضرتك اطمن خير ان شاء الله...

حاتم...ان شاء الله

انس...هستأذن انا بقي عشان اتأخرت جامد عالشغل

حاتم...ربنا معاك...امسك الحاجه اهيه اوعي تنساها.

انس...حاضر....وقف انس وأدي التحيه العسكريه واستأذن منه ومشي...

..............

وبعد مده بسيطه وصل القسم...ودخل مكتبه...وكلم كارمن...

اما عند...كارمن...كانت اعده فالاوضه علي كرسي ادام الشباك...الشقه كلها كانت الشبابيك بتاعتها ازاز طويله تبين منظر البحر والشارع بشكل جميل...ومخيف في نفس الوقت...فضلت كارمن باصه وهي سرحانه...فجأه رن موبايلها...

كارمن...الووو

انس....عامله ايه

كارمن...كويسه

انس...نمتي ولا ايه..

كارمن...لا انا صاحيه.

انس...بتعملي ايه..

كارمن...كنت اعده ببص عالبحر.

انس...متفتحيش الشباك الجو سقعه.

كارمم...لا مش فتحاه..

انس..حاولي تسلي نفسك افتحي التلفزيون اعملي اي خاجه.

كارمن...حاضر..

انس...كلتي.

كارمن..لا مكلتش مش عايزه

انس...لا لازم تاكلي عشان المفروض تاخدي العلاج كمان نص ساعه.

كارمن...حاضر هاكل...

انس....ماشي انا بطمن عليكي اي وقت تحتاجيني كلميني تمام..

كارمن...حاضر.

انس...عايزه حاجه..

كارمن...سلامتك.

انس...الله يسلمك...يلا باي.

كارمن...باي..

قفل انس...وهو مبتسم...

اما كارمن فارجعت شردت تاني...فضلت تلف فالاوضه براحه وهي مش قادره..مسكت الرساله اللي بعتتهالها لمار في ايدها ورجعت وقفت ادام الشباك وهي سانده بايدها الاتنين وراسها عالشباك...وباصه للبحر...

نزلت دموعها وهي باصه علي الكلام في الرساله...

كارمن...وحشتيني يالمار اوي... حاسه اني فحلم مش قادره اصدق انك موتي حاسه انك معايا وجمبي سامعه صوتك في ودني ديما حاسه بنفسك حواليا..

مش قادره اتأقلم من غيرك علي اي حاجه.  تعبانه اوي يالمار...جوايا وجع في قلبي محدش يتخيله...في شرخ في قلبي نغزه في صدري مع كل نفس باخده وانتي مش موجوده جمبي...تعرفي ان ده اول يوم  هيعدي عليا اكون فيه لوحدي من غير اي حد جمبي...انا تعبانه اوي يالمار...ومش عارفه امته التعب اللي جوايا ده هيروح...صدقيني يالمار انا مش معترضه خالص علي قضاء ربنا بس انتي فاهمه يعني ايه اعيش من غيرك فالدنيا دي...يعني مبقاش في فرح ولا حاجه حلوه..اليوم بيعدي كده وخلاص نفسي اجيلك اوي نفسي اخدك في حضني...نفسي اتكلم معاكي..نفسي اعيط في حضنك انا جوايا جبل. نفسي افضل اصرخ عشان احس اني ارتاحت شويه بس مش عارفه...وحشتيني اوي وعندي احساس اني هشوفك قريب.وهجيلك...بحبك يا احلي لولي فالدنيا....

وفضلت لمار تعيط لحد ما حست بتعب راحت عاسرير وهي في ايدها الرساله خدتها ونامت من غير ما تاكل ولا تاخد الدوا...

........................

فضلت الساعات تعدي...لحد ما بقت 5 الصبح وابتدا الشروق يطلع....

خرجت...لمار من اوضتها دياب كان في الاوضه بتاعته. والدنيا هاديه...

نزلت لمار براحه من السلم...وقفت تحت في ساحه التدريب...وكان جواها طاقه من الغضب عايزه تفرغها ومش عارفه ملاقتش ادامها غير انها تدرب....فضلت لمار تجري بأقصي سرعه...لفت كتير اوي بسرعه فائقه لدرجه انها لو كانت بتدرب مع دياب كانت سجلت رقم قياسي فالسرعه..

خلصت لمار...مسكت الحبل وفضلت تتسلق الحبل بأقصي سرعه ومن غير حزام امان...اكتر من مره تطلع وتنزل...

فضلت تزحف باقصي سرعه من تحت السلك الشائك...مره علي بطنها ومره بضهرها...كانت بتدرب بمهاره فظيعه...

حتي تسلق الجدران كانت بتتسلقها في اقل من ثانيه..ولاول مره تمسك السلاح وتصوب عالتمثال ومفيش اي نشان يخيب منها كان كل تصويبه بتصيب منتصف الرأس بمهاره فظيعه..

كانت لمار شارده لدرجه انها مكانتش ملاحظه العيون اللي بتراقبها من فوق...(دياب)....

لاكن...فجأه.  لاحظ دياب انها بتمشي ناحيه البوابه...فتحتها من جوه..وخرجت للصحرا.

دياب نزل بسرعه وراها عشان يشوف هي راحه فين...لاكن كان من بعيد عايز يراقب تصرفاتها من غير ما يقتحم خصوصيتها...

مشيت لمار...في الصحرا.  ودياب وراها من بعيد..معاه المسدس بتاعه في الحزام عشان المكان اكيد في ديابه ...فضل وراها من بعيد...وفجأه.  لمار حست رجلها تقلت في الرمل وتعبت من كتر ما اتدربت وتعبت من كل حاجه وقعت فالارض علي ركبتها

وانهارت لمار...فاللحظه دي....وكأنها كانت محتاجه تكون لوحدها عشان تكلم ربنا...

لمار....يااااارب...انا تعبت اوي خلاص مبقتش قادره استحمل....يارب قلبي واجعني اوي مش قادره اتحمل كل اللي بيحصلي ده....لو ده ذنب عملته اكيد مستاهلش العقاب ده كله...انا طول عمري قريبه منك يارب عمري ما عملت حاجه تغضبك...عمري مأثرت في اي حاجه...من ناحيه حد عمري ما ظلمت كنت باره بأمي وابويا...عمري ما زعلتهم ولا نيمتهم زعلانين عمري ماخلتهم مش راضيين عني...عمر ماحد احتاجني وموقفتش جمبه علي اد ما اقدر... بحاول افتكر حاجه عملتها تكون نتيجتها العقاب ده مش لاقيه يارب....يارب انت اكتر حد عارف اني مظلومه وعارف انه كان غصب عني...انت عارف يارب اني اتخذلت من امي وابويا...واللي حصل كان رد فعل يارب انت عارف ان انا اللي اتظلمت بقيت في نظر الناس مجرمه...وانت عارف يارب ان طول عمري بعمل كل حاجه صح...انا بقيت في نظرهم وحشه وسمعتي اوحش وانت عارف يارب ان عمري ما كلمت ولد ولا دخلت مع حد في اي علاقه وكلهم كانو مش اكتر من زمايل واخوات وجيران......

عارف ان كل اللي اتقال عليا ده ظلم...وانت يارب مترضاش بالظلم ده...

انا رضيت بحكم الاعدام يارب كان كفايه اوي اني اموت وانا مظلومه كنت راضيه لاكن اجيلك يارب واقابلك وانا مسلمه نفسي وشرفي لراجل بعد ما حافظت علي نفسي ...يارب انت مترضاش بالظلم ده....انا وافقت عشان عارفه انهم لو سابو امي مش هيسيبو كارمن....امي تعبانه وهي الوقت بين ايديك لاكن كارمن كفايه عليها اللي شافته انا لو هسلم نفسي فا ده عشان محدش يأذيها ولا يأذيني فيها انا كده كده ميته...لاكن هي كفايه عليها ظلم تعيش حياتها بقي....

يارب سامحني يارب...وابعد عني حب معملتش حسابه في اصعب وقت بمر بيه....حب جالي متأخر اوي وجالي في وقت مينفعش اصلا ان احب فيه انا انتهيت يارب وانت عارف ده كويس..ليه باعتلي الحب ده الوقت..

ليه خليت قلبي دق...بعد ما كان استسلم لاموت وبطل يدق....

يارب ارحمني وعجل بموتي بقي عشان خلاص مبقتش قادره...

يااااااارب خليك جمبي...انا مليش حد..

يااااارب يااااارب....

انهارت لمار...فاللحظه دي...

ولاول مره تنزل دموع دياب علي اي حد نزلت بوجع عشان لمار....

عدي وقت وهي اعده فالارض وباصه للسما ودموعها مغرقه وشها...اخيرا قامت وقفت عشان ترجع

فاللحظه دي...دياب رجع بسرعه. لورا من غير ما تشوفه...

فضلت ماشيه بخطوات تقيله وباصه فالارض...لحد ما دخلت...من البوابه وقفلت وراها....

وبتلف بضهرها....لقت دياب...

لمار..😳😳😳😳اتخضت..

دياب...بهدوء كنتي فين..

لمار...بارتباااك..كنت كنت.  خرجت بره كنت بتمشي اسفه مش هتتكرر😔

دياب....عادي.بس علي فكره المكان هنا خطر في تعالب وديابه وتعابين احنا في وسط صحرا..مش خايفه علي نفسك

لمار.....باستسلام....عادي...مش هتفرق.  سواء فالصحرا او فالعمار...هما موجودين ورايا في كل مكان..

الكلمه...هزت دياب ووجعته....

دياب...طيب اطلعي ارتاحي وغيري هدومك انتي متبهدله خالص...ولو حابه تنامي نامي لو مش هتقدري تتمرني.

لمار...لا هقدر...هغير واجي.

دياب...ماشي...

راحت لمار غيرت...وبعد وقت خلصو التمارين وجه انس فالوقت ده...

بعد ما سلم عليهم وفضلت لمار تتطمن علي كارمن منه...واعدو مع بعض كتير...اداها انس الموبايل والحاجه اللي طلبتها... واستأذنت منهم لمار وسابتهم مع بعض...

انس...فضل يتكلم مع دياب..كتير..

دياب....مفيش حاجه اسمها مفيش حل يا انس...هما مجبرين يلاقو حل..

انس...انت حبيتها يا انس...

دياب...هو انا كل ما تكلم مع حد يقولي انت حبيتها...انت م شايف ان الموضوع صعب..

انس...لا شايف..بس عسألك سؤال تاني...لو لمار بنت تانيه وسمعت من بعيد عن نفس مشكلتها من غير ماتكون بتتعامل معاها كان ده هيبقي رأيك ولا هتضايق بردو بس من بعيد لبعيد..

سكت...دياب

انس....ابتسم انس بوجع يبقي حبيتها ياصاحبي. زي ما انا حبيت صحبتها🙂

دياب...بصله وابتسم بنفس الوجع....

لازم تروح لوالدتها وتحاول تستفزها وتخليها تتكلم عرفها انها ممماتتش عشان لو وصلها انها ماتت هتسكت خلاص لاكن يمكن يكون ده حافز يخليها تتكلم ويبقي عندها امل..

انس...هعمل كده وربنا يستر..

دياب...ان شاء الله

خلص انس اعده معاه..ومشي..

ومر اليوم بسرعه من غير اي جديد...غير ان ريناد وياسمين اتقابلو وعملو خطه مع بعض عشان يوقعو بيها حنان....وانس وصل لكارمن قبل معاد الدكتور...وغيرت عالجرح...واداها كل حاجه جابها لدراستها بعد ما وصي واحد صاحبه يروح يجبها لان هو كان رايح لدياب ومش هيلحق....

وعدي...تاني يوم من غير اي جديد..

دياب...كان اعد بيشرب سيجاره في اوضته...وفجأه سمع لمار بتصرخ رمي السيجاره...وجري بأقصي سرعه ....علي اوضتها....واول ما فتح...😳😳😳😳

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

دياب...كان اعد بيشرب سيجاره في اوضته...وفجأه سمع لمار بتصرخ رمي السيجاره...وجري بأقصي سرعه ....علي اوضتها....واول ما فتح...

دياب...في ايه .

لمار....بتتنطط زي الاطفال من الفرحه.ورافع التليفون بايدها..فتحته فتحته يادياب..

دياب....فتحتي الموبايل.

لمار....ايوه فتحته..

قرب منها دياب...ومسك الموبايل وبصلها باعجاب....انا لازم اكلم سياده اللواء..

مسك...دياب موبايله.عشان يكلمه...

حاتم....الووووو ايوه يادياب

دياب...حاتم باشا.

حاتم...خير يادياب في حاجه..؟؟

دياب...لمار فتحت الموبايل..

حاتم...قام من عالكرسي...ايه بتتكلم بجد

دياب...والله العظيم انا ماسكه في ايدي اهو.

حاتم....براڤو براڤو...اديهالي يا دياب.

دياب...مدلها ايده بالتليفون...سياده اللواء عايز يكلمك...

خدت منه لمار الموبايل....الووو

حاتم....براڤو عليكي يالمار..انتي عملتي اللي مفيش حد عرف يعمله...

لمار...شكرا يا افندم...

حاتم...لو اني كنت شاكك انك هتقدري لان اللي كان شغال عالموبايل ده...تقدري كده تقولي اساتذه بس التلميذه اتفوقت علبهم كلهم..

لمار...بفرحه...شكرا لحضرتك يا افندم دي شهاده اعتز بيها..

حاتم....لمار احنا كده ابتدينا اللعب. الوقت في كذا حاجه لازم نعملهم اليومين دول....الاسبوع التاني خلاص بيخلص كلها يومين تلاته والجد هيبتدي...لازم تجهزي نفسك لحاجتين مهمين...المكالمه معاهم والمقابله

لمار...وشها اتغير.....وانا جاهزه يا افندم.

حاتم...وقبل كل ده عايز تبصي عالموبايل وعالرسايل وعلي كل حاجه خاصه يمكن تقدري تلاقي حاجه مهمه..وهخلي دياب...يوصل الموبايل بالاجهزه بتاعتنا عشان الرجاله تشوف شغلها وتعرف تجيب كل حاجه فالموبايل..بس طبعا دورك منتهاش لان اكيد ممكن الرجاله تلاقي حاجه واقفه ادامهم او عليها شفره وده هيبقي شغلك.

لمار...تمام يا افندم تحت امرك...

حاتم...اديني دياب افهمه هيعمل ايه...

خد دياب الموبايل وهفهمه حاتم كل حاجه وطلب منه يوصل الجهاز بيهم عشان يقدرو ياخدو كل حاجه عليه..

دياب...تمام يا افندم حالا...سلام..

قفل معاه دياب...وابتدا ينفذ بسرعه..

اما في جهاز المخابرات...كان الكل بيشتغل علي قدم وساق بعد فتح الموبايل...

دياب....خلص كل حاجه...وبص للمار...بفخر...براڤو يالمار...

لمار...بابتسامه بسيطه...شكرا..

دياب...كنت عارف انك هتفتحيه..

لمار...بسخريه...مع ان مكنتش حاسه بس ماشي.

دياب...بابتسامه لا والله مكنتيش  حاسه ليه بقي.

لمار...يعني شكلك مكنش واثق فيا..

دياب...بالعكس الحماس اللي كان باين في عينك اكدلي انك هتفتحيه بس بصراحه مكنتش متخيل انك تفتحيه بالسرعه دي..

لمار....المهم انه اتفتح..

دياب...طيب ايه مجوعتيش.

لمار...عادي.

دياب....طيب تعالي يلا ناكل انا جعان اوي..

لمار....حست بتعب بسيط وبان علي ملامحها...حاضر روح وانا هاجي وراك.

دياب...ماشي بس اعملي حسابك انك هتعملي الاكل بنفسك..

لمار....حاضر بس اشمعني.

دياب...يعني بقالي داخل علي اسبوعين بحضرلك الاكل وانا اصلا فالعادي مش بحضره لنفسي يعني يوم بقي اكل من ايدك اعتبريه رخامه..

ابتسمت لمار...بتعب...ماشي هحضره انا

دياب....مالك انتي كويسه...

لمار...مش عارفه حاسه ان بطني وجعاني يظهر خدت برد..

دياب...انتي بتهربي من تحضير العشا ولا ايه

لمار...لا والله ماشي..هاجي وراك.

دياب...ماشي وهطلع جدع معاكي واساعدك...

لمار...شكرا لكرمك.

دياب...انتي بتتريقي🤨

لمار....انا لا خالص🙄

دياب...بابتسامه خوافه.يلا متتأخريش.

لمار...حاضر.

مشي دياب...علي الاوضه بتاعته

اما لمار..خدت غيار ودخلت تاخد شاور...ولسه حاسه بالم...

صدمه اصابت لمار...😲😲🙊

لمار....يانهار اسود...هي كانت نقصاكي...هعمل ايه الوقت ياربي...

اتصرف ازاي الوقت فضلت لمار تدور في الحاجه اللي كانو مجهزنهلها فالاوضه..

لمار...مفيش ازاي نسيو حاجه زي دي هما ناسيين اني بنت😔😔

هعمل ايه ..يارتني في مكان ينفع اجيب منه...احنا في صحرا...مفيش ادامي...غير اني اقول لدياب..

لمار...ديااااب😳😳لا لا استحاله اقوله  مش هقدر.....بس هتصرف ازاي😔😔

فضلت لمار...تفكر مش لاقيه حل خدت شاور وعملت حل مؤقت وكانت قلقانه الحل ده يتكشف.

خبطت عليها دياب من بره.

لمار...ايوه.

دياب...ايه نمتي ولا ايه

لمار...لا لا جايه اهو.

ياربي..هتصرف ازاي وابتدا الالم يزيد وتتوتر اكتر.

خرجت لمار من الاوضه...وراحت عنده وهي باين عليها التوتر.

دياب...ايه كل ده بتعملي ايه

لمار...كنت باخد شاور من بدري بشتغل فالموبايل مكنتش فاضيه.

دياب...طب ايه مش هناكل بقي انا جعان

لمار...اااه ااه حالا..وقفت لمار تعمل العشا كان باين عليها التوتر بتتلفت كتير. وبتعمل بسرعه..

دياب. كان واقف وراها رافع حواجبه وحاسس انها فيها حاجه...

دياب....هو في حاجه.

بصتله لمار بسرعه...هاااا لا لا في ايه مفيش.

دياب...امال مالك متوتره كده ليه...

لمار.. لا مفيش انا كويسه..

دياب....ماشي

لفت لمار عشان تكمل...وهي بتبص عليه بحرف عينها....

راح دياب اعد عالكرسي وولع سيجاره...وباصصلها ومش شايل عينه من عليها...

لمار بصت بطرف عينها لقيته مركز معاها..لفت بسرعه...😳في ايه..

دياب...بابتسامه في ايه..انا كلمتك.

لمار....مالك بتبصلي كده ليه..

دياب...انا...محصلش.

لمار...لا حصل وانا شوفتك باصص عليا🤨

دياب...ياستي لو ببص انتي ايه اللي مضايقك...انتي هتتحكمي في عيني.

لمار...اه بص في اي مكان تاني متبصش عليا...

دياب...والله انا ابص في اي مكان يعجبني..هو انتي عيني😉

لمار....بصتله وسكتت وهي حاسه انها هتعيط...🥺

رجعت تكمل تحضير العشا...

وخلصت بسرعه وحطت الاكل...واعدت وهي بتحاول تبعد عينها وهو مش منزل عينه من عليها...

لمار....خلصت اكل بسرعه او بمعني اصح مكالتش كويس اصلا.

دياب...انتي كلتي.

لمار...اه الحمد لله.

دياب...هو ايه اللي اه انا مشوفتكيش كلتي اصلا.

لمار...شبعت وبعدين معدتي تعباني مش قادره..

دياب...انتي تعبانه بجد.

لمار...يعني شويه...

دياب...حاسه بايه..

لمار...لا لا مفيش انا كويسه...

دياب....فاللحظه دي فهم وقدر يعرف سر ارتباكها..

دياب....لمار

لمار.. .نعم...

دياب...احتمال بكره سياده اللواء يجي او يبعت حد...مش محتاجه اي حاجه..

لمار...فرحه...بجد..😍ااااه محتاجه..ورجعت سكتت🥺🙄لا مش محتاجه اقصد..

دياب...اتأكد عموما لو محتاجه عرفيني...هو قاللي ان هو ممكن يجي او يبعت بنت زميلتنا عشان تساعدك في شويه حجات تخص مايا..

لمار...بجد...طيب هو انا ممكن اطلب منك طلب..

دياب...طبعا...

لمار...ممكن لو في بنت جايه تخليني اكلمها يعني هحتاج حجات في اللبس والميكب.

دياب....حب يرخم عليها...وهو مبتسم...طب ماتقوليلي عايزه ايه وانا اقولها.

لمار...لا ماهي حجات اساميها صعبه ويعني مش عايزه ادوشك.

دياب ..لا متقلقيش وبعدين يا ستي انا اكول اتدوش..

لمار..في سرها....منك لله يادياب..😁

دياب....هاااا عايزه ايه..

لمار....😔😔مش عايزه حاجه

دياب....براحتك....انتي الخسرانه..صحيح بطنك عامله ايه.

لمار...😳🙄. كويسه.

دياب...ابتسم وهز دماغه شمال ويمين...

لمار...انت بتضحك علي ايه😡😡😡

دياب...ولا حاجه بضحك علي العنيده اللي دماغها ناشفه...

لمار....مين دي

دياب.....بنوته جميله...دماغها ناشفه اوي بس قريب هظبط دماغها دي...

حست لمار...باحراج....وان الكلام عليها...

لمار....انا هروح اوضتي مفيش حاجه نعملها انهرده صح...

دياب....مين قال انه مفيش احنا تقريبا معملناش اي حاجه انهرده وسايبك من امبارح وانهرده طول اليوم مع الموبايل.ايه ولا تعبانه

لمار....لا مش تعبانه....بس بردو هروح اوضتي وارجع..

دياب....هتعملي ايه.

لمار...من بين سننها...هو تحقيق انا حره. ولفت عشان تخرج من الاوضه

دياب...خلاص يا ستي براحه انتي هتاكليني....عموما الحق عليا...كنت هقولك مكان الحاجه اللي بتدوري  عليها...

وقفت لمار في مكانها....وهي مبرقه 😳ورجعت بصت عليه..حاجه ايه تقصد ايه...

دياب....ابدا بس الرجاله لما جهزت المكان هنا قبل ما نيجي..كانو عارفين اننا هنأعد هنا فتره طويله  شهر شهر ونص شهرين..فا جهزو المكان هنا بالكامل..من كل حاجه ممكن نحتاجها..وتقضينا فتره كمان...

وطبعا منسيوش انك بنت😉

لمار...😳😳برقت ووشها احمر تقصد ايه

دياب...بابتسامه جذابه...اقصد ان اللي بتدوري عليه...هتلاقيه في اخر رف في دولاب الحمام بتاعك...😉😉😉ولو الطول مش مساعدك انا فالخدمه..

لمار....وقفت متنحه وكأن لسانها اتشل وفأقل من ثانيه...جريت من ادامه علي اوضتها...

واول ما جريت  ضحك دياب علي الطفله اللي وقع في حبها🥰

دخلت لمار قفلت الباب..ووقفت وراه وهي حاطه ايدها علي قلبها...

لمار....وده عرف ازاي...انا هدومي مش فبها حاجه...يمكن شافني وانا بدرو🤔

حتي لو شافني ايش عرفه انا بدور علي ايه....اكيد لما لقاني مرتبكه وكل شويه ابص علي هدومي وبطني اللي بتوجعني...انا غبيه كان لازم اقول ادامه...

طب ما يمكن ميقصدش كده وانا عشان مرتبكه فكرت انه يقصد كده ...هروح اشوف ايه اللي فالحمام يمكن يطلع حاجه تانيه...

راحت...لمار وخدت كرسي تقف عليه...واتفاجأت وعرفت انه فهم. 

لمار..🙊🥺اوريله وشي انا ازاي الوقت...منك لله يا دياب...

لمار...لنفسها هو انا عامله كده ليه عادي يعني ما انا بنت...🙄😔😔

قضلت لمار تكلم نفسها وفالاخر قامت ظبطتت نفسها وفضلت راحه جايه فالاوضه مش عارفه تخرج.

...........

اما عند...ريناد....

ريناد...الوووو

ياسمين...ايه بكلمك مبترديش ليه...

ريناد...مفيش كنت تحت..

ياسمين...طب ايه عملتي اللي اتفقنا عليه ولا لا..

ريناد....معرفتش هي من امبارح وهي تعبانه عندها برد جام...وانهرده مخرجتش طول اليوم بس هي خارجه بعد شويه...

ياسمين...طيب دي فرصتك روحي يلا شوفي الموبايل...

ريناد....هي لسه تحت مطلعتش سمعتها بتقول هتطلع تاخد شاور وتلبس و تخرج..

ياسمين...طيب تمام اول ما تدخل تاخد شاور...تدخلي علي موبايلها بسرعه...وشوفي اخر رقم اكيد. هتكون بتكلم الراجل اللي كلمته...عشان اكيد المفروض فيه بينهم معاد...عشان تديله الفلوس اللي قالتله عليها.

ريناد...فعلا هي المفروض كانت قابلته زي ما اتفقت معاه...بس تعبها خلاها اكيد اجلت..

ياسمين...تمام المهم خلي بالك يا ريناد...احسن تشوفك اهم حاجه تكوني سريعه ومترتبكيش عشان تقدري تخلصي..

ريناد...حاضر ربنا يستر...هشوف هعمل ايه واكلمك..

ياسمين...ماشي وانا مستنياكي...يلا خلي بالك...باي.

ريناد...حاضر سلام....

قفلت...ريناد..مع يا سمين...وراحت وقفت علي الباب عندها وهي فتحاه فتحه صغيره...فضلت حوالي خمس دقايق...واخيرا ظهرت ادامها حنان طالعه وراحه علي اوضتها...قفلت ريناد...الباب اكتر ...لحد ما دخلت وقفلت وراها...

وقفت ريناد شويه تاني...واخيرا...خرجت براحه من اوضتها....فضلت تبص شمال ويمين..اطمنت لما ملاقتش حد...راحت عالاوضه..بتاعت حنان...قربت ودنها تسمع.....

ولحسن حظها لتاني مره كانت تسمع....

......

حنان....الووووو

مجهول....ايوه ياست الكل حمد الله علي سلامتك..

حنان...الله يسلمك....جهزت نفسك.

مجهول...انا مستنيكي.

حنان...تمام انا نص ساعه بالكتير وهخرج من الڤيلا...وهاجي عالمكان اللي اتفقنا عليه...

مجهول...المهم المبلغ معاكي.

حنان...250 زي ما اتفقنا...

مجهول...تمام...وانا في انتظارك..

حنان....المهم تاخدهم وتخلص علي طول..

مجهول...اوعدك...اخدهم انهرده...بكره الصبح هتسمعي خبرها...

حنان....لما اشوف بكره....هسمع خبرها ولا خبرك..

مجهول....بضحكه شريره...لا خبرها ان شاء الله...

حنان...يلا لما اقر هكلمك.

مجهول...في انتظارك يا ست الكل سلام

حنان...سلام....

قفلت معاه حنان...وسابت الموبايل علي السرير... وراحت طلعت لبسها ودخلت تاخد دش.....

وقفت ريناد شويه عشان تتأكد انها دخلت....واخيرا...مسكت اوكره الباب براحه...وفتحت بهدوووووء ولما اطمنت انها مش فالاوضه ..دخلت بسرعه...

..............

اما عند كارمن....كانت اعده باصه فالورق اللي انس جابه...بشرود...ومش مركزه...سمعت جرس الباب....قامت. عشان تفتح....وهي عارفه انه انس...

فتحت الباب....

انس...بابتسامه جميله....مساء النور علي اجمل بنوته..

كارمن...بابتسامه...مساء النور...اتفضل..

دخل انس....عامله ايه انهرده...

كارمن.. الحمد لله بخير...هو انت ليه مش فتحت مش معاك مفتاح.

انس...معايا اه بس اكيد مينفعش افتح...عشان تكوني براحتك...

المهم....ايه اخبارك...

كارمن ..بخير

انس...ذاكرتي.اي حاجه.

كارمن...بحزن...مش عارفه خالص.

انس...ليه بقي ما احنا اتفقنا نركز ونذاكر عشان نقدر نوصل...وبعدين انا قولتلك ذاكري عشان تسلي نفسك انتي طول الوقت اعده لوحدك...المذاكره اكيد هتخليكي تضيعي وقتك.

كارمن....مش عارفه اركز خالص صدقني...لمار تقريبا محتله كل عقلي..

انس....يابختها...

ابتسمت. كارمن غصب عنها..

انس...مسكها انس من ايدها تعالي اعدي...

راح انس وكارمن اعدو....

انس...كارمن...متنسيش ان دي وصيه لمار ليكي...انك تذاكري وتنجحي وتحققي حلمك انتي وهي صح..

كارمن...صح..

انس...يبقي تذاكري وتركزي...وبعدين محدش طلب منك انك تشيليها من دماغك انا شايف انها طول ما هي في عقلك وتفكيرك ده هيكون حافز انك تحققي حلمك..وتنجحي.  اتفقنا.

كارمن...حاضر..اوعدك.

انس....وانا مصدقك....كلمتي مامتك.

كارمن...اه كلمتها من شويه...هي رنتلي كان بابا خرج..

انس...في اي حاجه عندها.

كارمن...لحد الوقت زي ماهما...بس ماما واثقه انك مش ساكت وبيدور عليا.

انس...متقلقيش لو قلب الدنيا مش هيلاقيكي..

كارمن....ربنا يستر..

انس...كلتي وخدتي العلاج ولا لا

كارمن...اه خدته خلاص وكلت..

انس...في اي حاجه نقصاكي.

كارمن...لا خالص كله تمام...

انس....طيب اعملي حسابك...انك من اول الاسبوع ده هتنزلي الجامعه.

كارمن...انا خايفه.

انس...قولتلك متخافيش انا معاكي. وهاجي اخدك كل يوم الصبح اوصلك...وهتكوني معايا عالموبايل...واجي اخدك...ارجعك.

كارمن...بس كده هيبقي تعب عليك.

انس...انا شوفت الجدول بتاعك وانتي عندك بس 3 ايام...ومش قصه يغني وبعيدن هعدي عليكي الصبح هكون لسه مخلص شغل...وهاجي اخدك...

كارمن...بس كده مش هتلحق ترتاح ولا تنام...

انس....ولا يهمك...انا هظبطها بطريقتي

المهم اكون...مطمن عليكي...

كارمن...بابتسامه....انت عارف انا لو عشت طول عمري اخاول ارد جزء من اللي بتعمله معايا بردو مش هقدر..

انس...بلاش الكلام العبيط..ده. وعايزه تردهولي ياستي موافق واانا بالنسبالي لو ذاكرتي ونجحتي وحالتك اتحسنت شويه هعتبره رد وبالنسبالي هيكون حاجه كبيره كمان..

كارمن...اوعدك اني مش هخذلك ابدا.

انس...عارف عشان بنوتي شاطره..

كارمن...باستغراب...بنوتك.

انس...اه بنوتي مستغربه ليه...مش انا بقيت مسؤول عنك...يعني بقيتي بنوتي من انهرده...في اعتراص🤨

كارمن...بابتسامه...وانا اقدر اعترض...

انس...ايوه كده....طلع انس من جيبه ظرف...وفتح ايدها وحط الظرف فيه...امسكي ياستي...

كارمن...ايه ده...

انس...افتحيه...

فتحت كارمن الظرف...وتنحت...ايه الفلوس دي..

انس...دول هتخليهم معاكي...عشان اي حاجه تحتاجيها...

كارمن...بس انا مش محتاجه حاجه...ومش هقدر اخدهم...

انس...اولا اانتي من اول الاسبوع هتنزلي الجامعه....ولازم يكون معاكي فلوس...ثانيا. وده الاهم مفيس حاجه اسمها مش هاخد...عشان هتاخديهم غصب عنك...انتي نسيتي انك بنوتي😉

كارمن...انس عشان خاطري بلاش صدقني..انا مش محتاجه وقولتلك اني بس هخف وهنزل اشت..قاطعه انس بحزم..تنسي الموضوع ده من دماغك مفيش شغل...ياكارمن...انتي فاهمه...

كارمن...عشان خاطري..

انس...عشان خاطري انا اسمعي الكلام.. كده احسن ليكي...عشان كمان اكون مطمن عليكي...

كارمن....بس دول كتير اوي.

انس...مفيش حاجه كتير علي احلي بنوته فالدنيا...

كارمن...دموعها لمعت في عينها....انس...هو انا مش بحلم صح...

انس....وهو بيمسح دموعها....لا مش بتحلمي...والدموع الحلوه دي مش عايزها تنزل تاني...ممكن..

كارمن....ربنا يخليك ليا..

مسك...انس ايدها ويخليكي ليا يا احلي بنوته فالدنيا...وباس ايدها...

كارمن...ابتسمت...ولاول مره تحس قلبها بيدق بسرعه...

انس....ايه جاهزه...اكلم الدكتور..

كارمن...ما بلاش والنبي انا بقيت احسن.

انس...هنرجع لشغل العيال تاني...خلينا نخلص بقي عشان تتحسني بسرعه.

كارمن...حاضر كلمه..

انس....ايوه كده

..............

اما عند لمار ودياب....بعد ما خرجت اخيرا كانت بتحاول تبعد نظرها عن دياب وحاسه انها هتعيط من كتر ما هي محرجه...دياب كمان كان بيحاول ميرخمش عليها وحس بالشفقه ناحيتها....ابتدو مع بعض تدريب عاللغه وحس انها اتحسنت كتير عن الاول فضلو يتدربو كتير  لحد ما خلصو...

دياب...كان حاسس بتعب...

لمار...كده احنا خلصنا..

دياب...اه لو حابه تدخلي تنامي ادخلي..

لمار....ماشي...انت هتنام اقضد يعني..

دياب...اه هدخل الجو برد

لمار...تمام...تصبح علي خير...

دياب...وانتي من اهل الخير...

دخلت لمار نامت هي ودياب....وعدت حوالي ساعه ونص...قلقت لمار قامت تشرب...سمعت دياب...بيكح جامد

قامت..من عالسرير خرجت بره الاوضه...

وراحت علي الاوضه بتاعته...خبطت...

دياب...كان لابس بنطلون...وقالع التيشرت...ودي كانت عاده اتعود عليها سواء في صيف شتا بيقلع التيشرت...

قام...دياب.. براحه يفتح...وهو بيكح جامد

اتحرجت...لمار من منظره بس معلقتش..

لمار....انت كويس انا قلقت وسمعت بتكح جامد.

دياب...فضل يكح جامد...

دخلت لمار وراه ....دياب مالك..

دياب...تقريبا خدت برد..

لمار....اكيد...لازم تاخد برد...وانت مش لابس كده...وبعدين انت بتشرب سجاير كتير اوي...

دياب...فضل يكح جامد...

لمار...راحت مسكت التيشرت بتاعه...وادتهوله عشان يلبسه..اتفضل البس ده...خده منها دياب...واعد عالسرير وهو بيكح جامد اوي..

لمار...دياب...انت شكلك تعبان اوي...انت محتاج دكتور..

دياب...متقلقيش انا هبقي كويس...

لمار...طيب مفيش حاجه هنا للكحه..دي

دياب...في هناك...

راحت لمار جابت الدوا...وادتهوله...ومسكت التيشرت منه....وساعدته عشان يلبسه.... وحست من قربها منه ان حراره جسمه عاليه. ومن غير تردد حطت ايدها علي راسه

لمار....دياب...انت سخن..

دياب...لا لا انا تمام.

لمار....تمام ايه انت سخن جدا...

دياب.. انا محتاج انام بس هبقي كويس...

لمار...طيب..ارتاح عالسرير...هعمل حاجه دافيه...ولازم كمادات...

دياب...نام عالسرير من غير اي كلام كان حاسس بتعب جامد...

راحت لمار عملتله حاجه دافيه...وادتهاله...وجابت الكمادات...واعدت جمبه....تعمله...

دياب...كان بيفتح عينه بالعافيه وهو باصصلها...ومبتسم...

دياب....برخامه...بطنك لسه بتوجعك..

لمار...😳🙄🙄 علي فكره انت بجد رخم اوي...وانا ممكن اسيبك تعبان وادخل انام..

دياب...انا عملت ايه بس انا بطمن عليكي..

لمار....والله بتطمن ولا بترخم..انا غلطانه ان جيت اطمن عليك...وشكلي كده هسيبك حرارتك عاليه كده

دياب...اهون عليكي...

لمار...قلبها دق...وابتسمت وسكتت.

دياب...ايه سكتي ليه...اهون عليكي.

لمار...اه تهون علي فكره...

دياب...طيب عيني في عينك كده...

مرضيتش تبص...

رفع ايده مسك دقنها وخلاها تبصله...

ابتسمت لمار غصب عنها.وبعدت عنها..

دياب...كنت واثق اني مش ههون..

لمار....انا حاسه انك بتخرف من السخونيه ومش هاخد علي كلامك..

دياب...طب تصدقي ده اخلي كلام بيطلع فالتخريف ده...

لمار...يعني انت عارف اهو انك بتخرف...

دياب....مسك ايدها....وهي حطاها علي راسه...وقربها من شفايفه...وباسها...

حست...لمار...ان قلبها هيخرج من حركته.  ومتكلمتش😳

دياب....اسف...عشان مديت ايدي عليكي...صدقيني عمري ما عملتها في حياتي...ومكنتش اتمني اني اعملها معاكي....بس عايز اقولك حاجه انا بجد لما قولتلك كده كنت بستفزك...عشان تتكلمي مش اكتر...ورد فعلك وتفكيرك خلاني مش شايف ولاول مره مقدرش اتحكم في اعصابي...بجد اسف...متزعليش مني....وصدقيتي يا لمار...مش هفقد الامل...وواثق انك هتتكلمي...بمزاجك او غصب عنك...عشان مش هسمحلك...تبعدي عني....بحبك...

مدهاش فرصه للرد...وغمض عينه.   وثواني عدت كان دياب نام...وهو ماسك ايدها لسه...

اما لمار...فضلت باصه وهي مش بتتكلم...مفيش غير قلبها اللي بيدق...ودمعه نزلت من عينها...غصب عنها....

فضلت تعمله كمادات...لحد ما الحراره نزلت....غطته كويس....وسابته وراحت اعدت ادامه عالكنبه...وهي بصاله لحد ما النوم غلبها...

..............اما عند..ريناد....كانت ماسكه موبايلها وبتكلم ياسمين...

ياسمين.....ايه يابنتي كل ده...اتأخرتي اوي قلقتيني...

ريناد.....اسكتي...يا يا سمين...انا بقالي كذا ساعه بحاول اتلم علي اعصابي...

ياسمين...ليه بس....

ريناد.....هقولك..

فلاش...باك....

بعد   ما دخلت واطمنت انها مش موجوده.......مسكت موبايلها...

ولقيته مقفول بالباث وورد...

فضلت احاول....كتير.  تاريخ ميلادها تاريخ جوازها تاريخ ميلاد ريهام عمي....مكنش بيفتح...

وانا مندمجه.  اوي.  فجأة...  

ياسمين...😳😳😳يانهار اسود

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

اما عند..ريناد....كانت ماسكه موبايلها . ياسمين...

ياسمين.....ايه يابنتي كل ده...اتأخرتي اوي قلقتيني...

ريناد.....اسكتي...يا يا سمين...انا بقالي كذا ساعه بحاول اتلم علي اعصابي...

ياسمين...ليه بس....

ريناد.....هقولك..

فلاش...باك....

بعد   ما دخلت واطمنت انها مش موجوده.......مسكت موبايلها...

ولقيته مقفول بالباث وورد...

فضلت احاول....كتير.  تاريخ ميلادها تاريخ جوازها تاريخ ميلاد ريهام عمي....مكنش بيفتح...

وانا مندمجه.  اوي.  فجأة...  

الباب اتفتح

ياسمين...😳😳😳يانهار اسود

خرجت..من الحمام.

ريناد...لا يا اختي ده عمي اللي دخل وشافني ماسكه موبايلها😁

ياسمين.....يانهار مطين...وعملتي ايه...

ريناد....اول ما شوفته...حسيت..ان اتشليت في مكاني مقدرتش انطق ولا اتحرك...بس عيني كانت علي باب الحمام...

هو اول ما شافني.

فلاش باااااك..

عادل....بتعملي ايه هنا ياريناد...وماسكه موبايل حنان ليه..

ريناد....وهي بتبص علي باب الحمام....أنكل انا..

عادل....مالك يا ريناد.

ريناد...ممكن اخرج بس بسرعه قبل طنط حنان ما تخرج وهبقي اقولك

عادل....حس ان في حاجه ....ماشي يا ريناد اخرجي

خرجت...ريناد...جري...وبعد مده بسيطه...خرجت حنان ولبست وخرجت...

ثواني وكان باب اوضه ريناد بيخبط.

ريناد...ادخل...

فتح عادل....واول ما ريناد شافته اتوترت...اتفضل يا انكل...

دخل عادل واعد عالكرسي...فضلت ريناد ساكته وباصه فالارض..وهو باصصلها...

عادل...هتفضلي ساكته كتير....

ريناد....انا اسفه..

عادل...انا مش جابلك عشان تتأسفي وعارف انك ادام عملتي كده اكيد في حاجه...اتكلمي ياريناد

ريناد....انا هحكيلك كل حاجه يا انكل عادل...

عادل...وانا سامعك...

ابتدت...ريناد تحكيله كل حاجه من اول مره سمعتها لتاني مره قبل ما تدخل اوضتها...

ريناد...بس ده كل اللي حصل وانا دخلت اوضتها...كنت عايزه اعرف مين الشخص اللي بتتكلم  معاه وكنت عايزه اعرف لو في بينهم رسايل يقصدو مين اللي عايزين يموتوها..انا اسفه يا انكل والله انا عمري ما اتدخلت في حاجه تخصي بس المرادي في شخص ممكن يموت..

عادل...بصدمه...دي اتجننت وصل بيها القذاره انها تقتل...

ريناد...ارجوك يا انكل بلاش تقول اي حاجه انا خايفه منها بجد.

عادل...متقدرش تقرب منك...

ريناد....وبردو خايفه علي حضرتك.  لان انت وحضرتك مش متفقين مع بعض. وممكن تعمل فيك اي حاجه. .

عادل...ريناد طيب مسمعتيش اسم الشخصيه اللي هي بتتفق عليها

ريناد...لا خالص مقالتش..

عادل...انا كنت شاكك فيها كنت حاسس انها بتخوني بس عمري ما شكيت انها ممكن تكون بتتفق علي قتل حد

ريناد...طيب حضرتك متقدرش تتوقع هي بتتكلم عن مين.

عادل...لا خالص انا دماغي وقفت .

ريناد....بس هي المفروض انها راحت تقابل الشخص ده عشان تديله فلوس والمفروض انه بكره هينفذ.

عادل....مش قادر اتخيل تدفع مليون جنيه عشان تقتل حد حياه البني ادمين رخيصه عندها كده...

ريناد....حضرتك هتعمل ايه...

عادل...انا دماغي واقفه مش قادر افكر...بس الاول في حد يعرف فالبيت هنا.

ريناد...لا خالص...مفيش غير ياسمين...

عادل....تمام....انا بفكر في حاجه مش عارف هتنفع ولا لا..

ريناد...ايه هي...

عادل....بفكر ابعت رساله للشخص ده من رقمها علي اني هي واقوله يلغي المعاد لحد ما اكلمه..

ريناد...وافرض الشخص ده اتصل بعد ما شاف الرساله...

عادل...مش عارف يحصل اللي يحصل بعد المهم اكون وقفت الجريمه دي...

ريناد...طيب حضرتك عارف الباث وورد..

عادل...باث وورد؟؟؟ انا معرفش انها عامله باث وورد.

ريناد...لا عامله ما حضرتك لما دخلت عليا انا كان بقالي شويه جوه وبحاول افكه بس مقدرتش...

عادل...حط ايده علي دماغه....يارب استر...

ريناد....هنلاقي حل واكيد ربنا هيقف معانا يا انكل ان شاء الله اطمن

عادل...يارب...مش عايز اب حد يوصله كلمه من الكلام ده...وانا هشوف طريقه..

ريناد...حاضر...بس ممكن اسال حضرتك سؤال.

عادل...اتفضلي...

ريناد...يعني هي طنط حنان معاها المبلغ ده في حسابها..

عادل...حنان معاها ڤيزا كارد انا عاملهالها بتسحب منها اللي تحتاجه...

ريناد.....طيب حضرتك ممكن تقفل الحساب....عشان يمكن لو اتقفلت تعرف انها مش هتعرف تسحب فالموضوع يتأجل شويه....

عادل...هو حل كويس بس مش يمكن تكون سحبت الفلوس....

ريناد....اكيد وصل لحضرتك رساله شوفها وان شاء الله متكنش سحبت...غير الجزء اللي راحت تدهوله بس...

عادل....ماشي هشوف ولو كده هسحبه وهقول اي حاجه...بس اهم حاجه اننا نعرف رقم الراجل اللي بتكلمه ده...

ريناد....انا عندي حل..

عادل...ايه..

ريناد..حضرتك متعرفش تاخد الموبايل منها وهي نايمه...وانا الصبح اخده واروح لاي حد يفكلي الباث وورد ونعرف.

عادل....ممكن بس حنان نومها خفيف جدا بيتهيألي صعب...بس هحاول

ريناد ..خلاص تمام شوف حضرتك هتعمل ايه وبلغني ومتقلقش طول ما حضرتك بره البيت انا هفضل وراها هنا.

عادل...تمام بس من غير ما تحس.

ريناد...حاضر

بااااالك....

ريناد....بس هو ده كل اللي حصل

ياسمين...لو اني مكنتش احب انه يعرف بش كويس انه عرف عالاقل متبقيش لوحدك.

ريناد....انا مضايقه عشان اوي

ياسمين....الله يكون في عونه بصراحه...

ريناد...يارب....ويارب يحصل اي حاجه والراجل ده ميعرفش يموت الست

ياسمين...ان شاء الله ياريناد

ريناد...انا هقفل بقي الوقت عشان هموت.وانام

ياسمين...ماشي ياروحي تصبحي علي خير

ريناد...وانتي من اهل الخير

.............

مر اليوم بسرعه. واعلن الصباح عن اشراق يوم جديد ملئ بالاحداث المثيره...

صحي...دياب...من النوم حاسس ان دماغه تقيله...فتح عينه...وحس بحاجه علي صدره....بص لقاها لمار...اعده عالكرسي وسانده بدماغها علي صدره وايدها فيها فوطه صغيره كانت بتعمله بيها الكمدات....ابتسم دياب....وحط ايده بين خصل شعرها.وفضل يمرر ايده براحه..ويمسك راسها بين ايده عشان يحس بيها...كل ده ولمار غطسانه فالنوم...قرب ايده. من وشها...وفضل يلاعب انفها...براحه...حست لمار بحاجه بتمشي علي وشها.فتحت عينها...واول ما شافت دياب..مبتسم ليها قامت بسرعه وهي مخضوضه..

لمار...انت بتعمل ايه هنا..

دياب...والله انتي اللي بتعملي ايه هنا في اوضتي.

لمار...اوضتك...بصت لمار بسرعه عالاوضه وثواني وافتكرت..اسفه نسيت اني كنت جمبك..عامل ايه الوقت

دياب...الحمد لله انتي هنا من امبارح....

لمار...اه بس نمت جمبك عالكنبه...وشويه وصحيت اشوفك وعملتلك كمادات تاني بس يظهر اني روحت فالنوم..

دياب...تعبتك معايا.

لمار....ولا يهمك..المهم انك بقيت احسن...وحرارتك نزلت خالص..

دياب...لا انا احسن كتير انهرده...

لمار...طيب الحمد لله قوم بقي لحد ما اروح اغير...وهرجع اعملك الفطار.

دياب...لا انا مش عايز افطر.

لمار...لا هتفطر ويلا قوم

دياب...بابتسامه...حاضر..

لمار....ابتسمتله وجات تقوم.  مسكها دياب من ايدها....وثولني وكان طابع علي ايدها بوسه...شكرا..

سحبت..لمار ايدها بسرعه.باحراج..العفو

وثواني وكانت خرجت وراحت اوضتها..

لمار...لنفسها.وهي حاطه ايدها علي قلبها...مالك...اهدي...اللي انت حاسه ده مينفعش خالص..مش من حقك اصلا...

ياريته كان حصل وقت تاني...لاكن الوقت مينفعش...الوقت مبقاش في حاجه من حقك اصلا...

خدت لمار نفس طويل...لازم اغير كل حاجه...لازم اركز فاللي انا جيت عشانه وبس...ولازم اعرف ان فالاخر هرجع السجن وهيتحكم عليا...الحب مبقاش ليا عشان كده لازم اخلي دياب يبعد عني وميفكرش فيا عشان ميتعبش..

.................

صحي...عادل من بدري...وشاب حنان نايمه...او عامله نفسها نايمه...لبس وخرج من بدري...وراح عالبنك عشان يوقف اي حاجه...حنان تقدر تسحب منها فلوس....

وبمجرد...ما خرج...قامت حنان كلمت الشخص المجهول....

حنان....الووووو.

مجهول....ايوه ياست الكل صباح الفل.

حنان...جاهز..

مجهول...اه ونازل خلاص.

حنان....تمام نفذ وهستني تليفون منك تقولي انك خلصت.

مجهول..اعتبريه حصل ...

حنان...سلام.

مجهول...سلام....

........................ .................

خلص انس شغله...واول حاجه فكر فيها...انه يروح لوالدت لمار....

ركب...عربيته وراح علي المستشفي..

وبعد مده بسيطه...وصل انس. تحت المستشفي...ركن عربيته ودهل المستشفي...وسأل فالاستقبال عن مكانها قالوله عالدور اللي هي فيه...

طلع انس الدور...وقابل ممرضه..

انس...لو سمحت.

الممرضه...ايوه يا افندم.

انس...الاقي فين الاوضه بتاعت مدام ناريمان محمد احمد..

الممرضه....حضرتك هي ممنوع عنها الزياره إلا بأمر الدكتور...عشان حالتها النفسيه..متأخره جدا حضرتك قريبها...

انس...لا وطلع البطاقه بتاعته...انا المقدم انس الجوهري..

الممرضه...اهلا يا افندم اسفه بس دي لول مره اشوف حضرتك.

انس...مفيش مشكله...اقدر اقابل الدكتور...

الممرضه...طبعا اتفضل..خدته الممرضه لاوضه الدكتور دخل انس وعرفه بنفسه وعرفه انه محتاج يقابلها.

الدكتور...طبعا بس ياريت متتعباش فالكلام...لان هي مش مستحمله حالتها النفسيه سيئه جدا..

انس...متقلقش..انا مش هتعبها ومش هطول.

الدكتور...طيب اتفضل الممرضه هتوريك اوضتها..

انس...شكرا يادكتور بعد اذنك...

مشي...انس مع الممرضه...

الممرضه...اتفضل فتح انس الباب...ودخل الاوضه هو والممرضه...اتفاجأ بالشخص اللي واقف ادام السرير وبيحاول يخنقها بالمخده

انس...ايه ده...

جري انس عليه...صرخت الممرضه..

فضل انس يضرب فيه...ويضرب في وشه...لاكن فجأه طلع الشخص ده مطوه وضربه في ايده بعد انس وهو بيتألم...فاللحظه دي جري بسرعه الشخص ده...بأقصي سرعه...وابتدت الدنيا تتلم من ممرضين ودكاتره...وقبل ما يبلغو امن المستشفي كان الشخص ده فص ملح وداب...ومحدش قدر يلحقه....

انس...بصوت عالي.حد يجي يشوفها بسررررعه..

دخل الدكتور بسرعه وصل بيها جهاز الاكسچين...ولحسن حظها انس دخل فالوقت المناسب وملحقش الراجل ده يأذيها...

انس....ازاي مفيش هنا امن ازاي اي حد يدخل كده عالمرض.

الدكتور...احنا مانعين اصلا عنها الزياره حضرتك....مش عارف ده دخل ازاي..

انس...انا عايز تفريغ للكاميرات حالا وعايز اعرف مين ده...

الدكتور...حالا يا افندم بس الاول اتفضل معانا ايدك محتاجه تتخيط عشان بتنزف جامد...

بصلها انس....اهدي متخافيش انتي في امان...انا المقدم انس الجوهري..هرجعلك تاني عشان عايز اتكلم معاكي...

خرج...انس مع الدكتور...وخيطوله ايده بسرعه..وبعد ما خلص...تابع معاهم انس...الكاميرات.

انس...ايوه هو ده... انا عايز التسجيل ده فورا.

الامن....حاضر....يا افندم

انس....انا هروح ابص عليها واتكلم معاها لحد ما اخلص الفديو يكون جاهز.

الامن...تحت امر حضرتك..

خرج انس...راح لناربمان...كان معاها الدكتور والممرضه..

الدكتور...حمد الله علي سلامتك...

انس...من فضلك يا دكتور سبني معاها

الدكتور...تمام

خرج الدكتور والممرضه.

انس....حمد الله علي سلامتك ربنا بيحبك اني جيت فالوقت المناسب...بقالي فتره مشغول كل يوم اكون هجيلك ويحصل حاجه وأجل المعاد وانهرده قولت لازم اجيلك وكأن جاي عشان انقذك...طبعا انتي متعرفنيش..انا المقدم انس الجوهري...وكنت موجود يوم الحادثه بس مش انا اللي ماسك القضيه انا صاحب ظابط المباحث اللي كان ماسك قضيه لمار بنتك..

ثواني...وعيونها دمعت ونزلت بسرعه.

انس...ارجوكي اهدي...انا جاي انهرده وعارف اني هخرج من هنا وانتي احسن كتير ويمكن اللي هقوله ده انتي متصدقيهوش بس هي دي الحقيقه ويمكن بردو لو حضرتك في حاله صحيه غير دي وكنتي احسن مكنش هينفع تعرفي لان المواضيع دي بتكون في سريه تامه...

انس...حضرتك طبعا عارفه ان لمار اتعدمت واتنفذ فيها الحكم..

غمضت ناريمان...عينها بوجع.  ودموعها كانت بتتسابق..لاكن فتحت عينها بصدمه من باقي كلام انس.

انس....بس ده مش صح...لمار عايشه.

ناريمان😳

انس...صدقيني...انا هحكيلك كل حاجه...

وابتدا انس يفهمها كل حاجه.حصلت

ناريمان...بان علي ملامحها انها مبسوطه لاكن مكانتش قادره تسيطر علي دموعها.

انس...بابتسامه...بس هو ده كل اللي حصل ودي صور ليها وهي بتدرب مع دياب...هو صورها من غير ما تحس عشان اجي واوريكي الصور دي واطمنك 

نارميان...باصه للصور بوجع ودموعها نازله ومش مصدقه انها لسه ادامها

انس...هي الوقت بتستعد للمهمه...وان شاء الله لما تخلصها علي خير وترجع احتمال كبير.  يتخفف عنها الحكم...

بس انا جيتلك بأمر من دياب...عشان يكون عندك امل وتقدري تساعديها...لمار رافضه تتكلم وهو عايزك تقاومي وتحاولي تساعديها...لازم يكون عندك دافع انك تتكلمي لمار ممكن تتعدم ومن غير ذنب لو انتي واثقه في برائتها لان انتي الوحيده اللي كنتي معاها لازم تتكلمي وتخرجيها من القضيه دي...

فكري وحاولي وانا واثق انك هتقدري تفوقي وتنقذيها. لو هي تستاهل انها تخرج من القضيه...يمكن اكون انا من اكتر الناس اللي مصدقين اوي برائتها من كلام صاحبتها كارمن عنها...

ناريمان...🥺🥺

انس...اه صح...كارمن انا اعرفها وحاليا بساعدها لانها طلبت مساعدتي لانها هربت من بيتها.  وحمالها اللي حصل.

انس...انا حكيتلك عشان انا واثق ان كارمن هتجيلك...وطبعا انا مش هينفع اسيبها تيجي لوحدها عشان والدها ميأذيهاش...وطالب من حضرتك لو شوفتيني معاها كأنك متعرفنيش ولا تعرفي اي حاجه من اللي قولتلك عليها كارمن متعرفش ان لمار عايشه زي ما قولت لحضرتك دي قضيه محدش ينفع يعرفها ....

انس...انا همشي. الوقت...واكيد الفتره الجايه هشوفك كتير وهطمنك كمان علي لمار..

ابتسمت ناريمان لانس...بحب وشكر وامتنان.

انس....خلي بالك من نفسك ومتقلقيش اللي حصل ده مش هيتكرر تاني واللي عملها هجيبه ولازم اعرف مين اللي كان عايز يقتلك ده...وانا هخليهم يحطولك حراسه وهطلب منهم ان مفيش اي مخلوق يدخلك غيري لنا او كارمن...تمام

غمضت...ناريمان عينها بمعني تمام...

انس...يلا سلام اشوفك علي خير...

.............

خرج انس....واتنهدت ناريمان براحه...وحست ان لسه في امل..وبتدعي ربنا من جواها ان ربنا يشفيها بس عشان تنقذ بنتها

.....خرج انس واول ما خرج كلم دياب..

............

دياب...كان واثف يتابع لمار وهي بتدرب..وسمع موبايله بيرن...

دياب...ايه يا انس خير عالصبح كده فيه ايه.

انس...ياعم براحه شويه تصدق انا غلطان ومش هقولك كنت فين

دياب...اوعي تقول انك روحت.

انس...اه روحت ولسه خارج من عندها.

دياب..قولتلها.

انس...اه قولتلها كان باين عليها الاول انها مش مصدقه بس كويس انك بعتلي الصور اول ما شافتها مقدرتش تمسك نفسها

دياب...اتكلمت.

انس...لا طبعا بس عندي احساس كبير انها هتتكلم..

دياب...يارب بس بسؤعه مفيش وقت

انس...متقلقش ليه بدري وفي وقت

دياب...يعني مفيش اي حاجه قالتها

انس...لا بس كل ده مش مهم المهم ان في حاجه تانيه حصلت ه اللي بكلمك عشانه .

دياب...ايه خير.

انس....الممرضه وصلتني باوضتها اول ما فتحنا الباب وجينا ندخل لقيت في واحد واقف ادامها حاطتت المخده علي وشها بيحاول يموتها...

دياب...بزهول نعمممم انت تقصد مين والدت لمار

انس...اه..

دياب....ازاي. ومين اللي عمل كده.

انس...مش عارف انا جالي زهول ومقدرتش انطق...مسكته فضلت اضرب فيها بش ابن الكلب ضربني بمطوه..

دياب...انت شكلك بتهزر صح.

انس...بهزر ايه والله بتكلم جد

دياب...انت كويس.

انس...اه متقلقش..جت في ايدي...وخيطها...بس ابن الكلب قدر يهرب في ثواني ومحدش عرف يجيبه.

دياب....مفرغتش الكاميرات ليه ولا بلغت

انس...انا فرغت الماميرات وخدت الفديو كله. بس طبعا مبلغتش عشان لو وصل لاي حد اني كنت هناك هنتقفش يامعلم...وهما اصلا فالمستشفي سكتو لانهم قلقو مني..وشكلهم مصدقو اني مبلغتش...

دياب...طيب الراجل ده لازم تعرفلي مين هو وايه علاقته بيها وليه اصلا عايز يقتلها. اكيد هيوصلنا بالسبب اللي خلي لمار تقتل والدها...هو شكله ايه

انس....شاب مش كبير يمكن في سني وسنك وممكن اصغر..انا وقتها جه في بالي حاجه بس صدقني مقصدش يمكن وقتها مفكرتش في اي حاجه غيرها..

دياب....ايه هي

انس...يعني جه في بالي ان لو لمار الحكايات اللي اتقالت عليها تكون صح وان مثلا يكون ده واحد كانت تعرفه او كان هو اللي عندها زي ما جيرانها قالو ورايح يموت امها عشان متتكلمش..

دياب...بغضب...انت بتقول ايه.

انس...انا بقولك اللي جه في بالي ساعتها ومن غير ماتتعصب انا عارف اني غلط

دياب...هنفرض ان ده صح...طيب ماهو اكيد عارف انها ماتت هيروح يموت امها ليه..وهي اصلا ضايعه ومستسلمه لكل حاجه....

انس....معرفش انا بقولك اللي جه في بالي..

دياب...تقفل معايا وتبعتلي صوره الواد ده..

انس...طيب لما اروح...عشان الفديو علي فلاشه...

دياب...تمام متتأخرش عليا....

انس...ماشي..يلا سلام

دياب..سلام....

خلصت لمار التمرين...وراحت ناحيته..

لمار...في حاجه تاني ولا خلاص.

دياب...بغضب باين علي ملامحه...لا خلاص.

لمار...انت تعبان..

دياب...انا كويس..

لمار....امال مالك..

دياب...يوووووه مفيش انتي مالك اصلا مالي ولا زفت اطلعي يلا..اتفاجئت لمار من تغييره المفاجئ عكس الصبح...

لمار...بصتله بحزن وطلعت وسابته...

دخلت اوضتها وقفلت علي نفسها.

.......................................

حنان بغضب.....نعممممممم

انت بتقول ايه ..انت بتشتغلني يالا..

مجهول...والله ابدا يا ست الكل اللي بقوله هو اللي حصل..

حنان...وانت فاكر اني هصدقك اوعي تكون فاكر ان حركاتك دي تخيل عليا انا اوديك في ستين داهيه..وابلغ عنك

مجهول...بقولك ابه اهدي كده واتكلمي عدل...وستين داهيه ايه اللي توديهاني وتبلغي عني بتهمه ايه ان شاء الله  هتقولي ايه اديته مبلغ عشان يخلص علي واحده ومنفذش اعقلي الكلام ياست الكل قبل ما تبلغي عني هتكون انتي اللي روحتي في ستين داهيه...مش انا....يعني تهدي كده وتوزني كلامك الاول...انا قولتلك اللي حصل ولسه عند اتفاقي معاكي وهنفذ لما تحسي انك هديتي كده تكلميني ونشوف هنعمل ايه...

حنان...تمام لو انت مش كداب هعرض عليك اتفاق تاني...هديك بدل المليون مليون ونص..بس تنفذ.

مجهول....وانا موافق بس الدنيا تهدا فالمستشفي شويه.

حنان...وانا مش هستني..

مجهول...موافق بس بشرط..

حنان...ايه هو..

مجهول...هاخد المبلغ كله. قبل ما انفذ.

حنان...لا والله وانا ايه يضمنلي انك اصلا مبتكدبش..

مجهول... مفيش ضمانات...زي ما قولتلك لولا اللي دخل ده كان اتأخر بس خمس دقايق كان زمانها مطلعه فالروح وانا هربت..وطبعا لازم المرادي اضمن حقي كامل خصوصا ان دي فيها مجازفه...

حنان...وانا موافقه بكره الصبح هسحبلك المبلغ...وهتصل بيك اقابلك علي طول

قد يعجبك أيضاً

💎قلبيّ بنارِها مٌغرمٌ💎 بقلم Rose-amin

💎قلبيّ بنارِها مٌغرمٌ💎

3.1M

98K

سلامْ الله على العزيزٌ قلبيّ ! من الألم ، من الوجع ، من الإنشطار ! أما ذاكَ الذي طعنني غادراً وتسببَ لي بإنشطار روحي ، وجعل كياني مٌشتتً ما بين قلبيّ المٌعلق بعشقهِ ا...

السيد المغرور /بقلمي جهاد محمد  بقلم GegMohamed

السيد المغرور /بقلمي جهاد محمد

647K

10.1K

حب غرور تكبر انانية عائلة قسوة سعادة رحلة ثانية مع كل هذه الاشياء مع السيد المغرور بقلم/جهاد محمد

الـهيصَم " خطوط سوداءَ " بقلم v_yu208

الـهيصَم " خطوط سوداءَ "

146K

7.5K

شفتها وهيه ذبت عليه الزيت الچان على الطباخ ذبته على صدره اول مره اشوفه هيج متوجع شكد اتمنيتها موهيج ويا بس مع الاسف حطمت كُل طفولته وچان الثمن غالي؟؟

الموت الحي  بقلم paraa207

الموت الحي

3.8M

320K

عائله بسيطة تهب رياح الظروف لتسرق سعادتهم وتختبر صبرهم بأعز ما يملكون فكيف سيكون الصراع بينهم وبين تلك الظروف ؟ يتبع ...

الهجينه ♡ ( جارى تعديل السرد من عامي الى فصحى)  بقلم Hekaiatmahee

الهجينه ♡ ( جارى تعديل السرد من عامي الى فصح...

1.4M

104K

فتاه وليست بفتاه عاديه نشأت بظروف ليس لها مثيل تعتبر هجينه ترعرعرت عالعيش كالحيوانات .. الفئران والعناكب والحشرات هما رفقاء العمر بالنسبالها .. عاشت بالظلام الحالك .. تس...

الشيم بقلم rooz22a

الشيم

31.8K

1.8K

سنكتشف الحقيقة معآ...🤝

تنثر نجدها بصدٍ عني وفراقي صاداً عنها بقلم rioolpme

تنثر نجدها بصدٍ عني وفراقي صاداً عنها

43.1K

1.2K

مارح اطول عليكم تفضلوا بالقراءة..🤎 حسابي الانستا للرواية : rioolpme حسابي التيك توك : rioolpme

مجهول...هو ده الكلام..وانا مستنيكي..يلا سلام.

حنان سلام...

قفلت حنان وهي هتولع....ولسوء حظها سمعتها ريناد...بسبب صوتها العالي... لاكن المرادي...الحظ كان واقف مع ريناد اكتر وقدرت تسجلها كل مكالمتها...

وبما ان حنان كان الغضب عاميها ومش في وعيها صوتها كان عالي ومحستش بنفسها ولا باللي قالته ولا عملت حساب اي حد معاها...

...................

اما عند دياب..ولمار...كان الوقت داخل علي 6

من بعد ما طلعو وكل واحد فيهم في اوضته دياب مش طايق نفسه وعلي لد ما هو واثق فيها ومصدقها بس كلام انس ضايقه وخوفه وفكره ان دي تطلع الحقيقه كانت رعباه.....رن تليفون دياب.

دياب....الوووو

حاتم....ايوه يادياب..

دياب...اهلا سياده اللواء..

حاتم...مال صوتك.

دياب...لا ابدا واضح اني خدت برد وحراتي كانت عاليه بس احسن الوقت

حاتم...خلي بالك من نفسك.الجو عندكم صعب..

دياب...ربنا يستر يا افندم.

حاتم....المهم...

دياب...خير يا افندم...

حاتم....عايزك تبلغ..لمار...ان  بليل كمان ساعه اول ما اديك الاشاره...لمار هتعمل المكالمه.  معاهم....ومع الشخص...اللي جاي عشانها...وتعرفه انها هتقابله...بكره..

اتغيرت ملامح دياب...وكأنه اتحول لوحش....

دياب.....حاتم.باشا....لازم نشوف طريقه تانيه.

حاتم...بغضب...تاني يا دياب...مش خلصنا من الموضوع ده.

دياب...لا ياسياده اللواء مخلصناش..

حاتم....قولتلك عندك حل...لو عندك انا موافق

دياب...ولو معنديش

حاتم...يبقي تبعد ومتدخلش في حاجه متخصكش..واعتبره امر...

دياب...يا افندم....صدقني مش هينفع خصوصا ان لمار عندها عذر يمنعها من الخطوه دي...

حاتم...عذر يعني ايه مش فاهم.

دياب...عذر يا افندم خاص باي بنت.

حاتم....نعم...ودي حاجه بقي اخترعتها عشان منفذش.

دياب..لا يا افندم و.تقدر تتأكد منها...

حاتم...  اديني لمار..

دياب...بغضب...نعمممم.

حاتم...اللي سمعته...

دياب...لحظه يا افندم....

ساب ...دياب الموبايل.في اوضته وراح علي اوضتها...خبط عليها فتحتله. واول ما فتحت زقها لجوه ودخل وقفل الباب..

لمار....بفزع😳😳😳في ايه انت بتعمل ايه...

دياب...وكأنه وحش متحول بعروق بارزه...وعيون حمرا

دياب ...سياده اللواء عالتليفون...المفروض بليل هتعملي المكالمه اللي مستنينها في اسرائيل....وهتكلمي الشخص اللي المفروض تقابليه...والمفروض انك هتقابليه بكره....

لمار....اعمل ايه يعني.

دياب...هو عايزك...هيسألك علي حاجه وتردي وتقولي ايوه.

لمار...حاجه ايه...

دياب.....هيسألك عندك عذز يمنعك من المقابله دي...هتقولي اه..

حست...لمار بالاحراج....ونزلت عينها..

دياب...بغضب رعبها...انتي فاهمه..

لمار....هزت راسها وخرجت معاه وهو ماسكها من ايدها بيشدها بغضب راح علي اوضته ومسك الموبايل فتح الاسبيكر ومد ايده اداها الموبايل

لمار...الوووو.

حاتم...اذيك يالمار..

لمار...تمام حضرتك.

حاتم...لمار....المفروض ان بكره هتقابلي الراجل زي ما دياب فهمك ودياب بيقول انك عندك عذر يمنع مقابلتك بالراجل. ..الكلام ده صح..

لمار...بصت لدياب...وهو بيبصلها بغضب.

لمار....باحراج...ايوه حضرتك...

حاتم...متأكده..

لمار...متأكده...

حاتم...من امته بالظبط...

لمار...فالوقت ده كانت هتموت من الاحراج

لمار....امبارح..

حاتم....تمام...اقفلي وخمس دقايق وهشوف حل وهرجع اكلمك...

لمار...حاضر.سلام..

قفلت لمار الخط ووقفت باصه علي دياب...اللي كان رايح جاي فالاوضه وشر الدنيا راكبه....

عدي وقت بسيط...واتصل حاتم..

دياب...ردي وافتحي الاسبيكر...فتحت لمار ....الوووو.

حاتم...ايوه يالمار...اعتبري الموضوع منتهي...

حست لمار ودياب فالوقت ده انهم ارتاحو لاكن اتصدمو لما كمل حاتم كلامه

حاتم.....في بنت انهرده هتجيليك...هتجبلك معاها حبايتين هتاخديهم. ساعات بسيطه. وهتوقف كل حاجه ..وهتكوني جاهزه لمقابله بكره.وهتجبلك معاها فستان وهتساعدك في شويه حجات عشان تكوني جاهزه لبكره...تمام.

دياب...وقف مبرق من اللي بيسمعه وكأن الامل اللي اتعلق بيه...اتدمر...اما لمار...فابالرغم من انها كانت استسلمت وواقفت لاكن لما حست بأمل اتمسكت بيه....وثواني واملها ضاع. ورجعت لنقطه الصفر وكأن الدنيا اسودت في في وشها....

لمار....بجمود....تمام يا افندم..

حاتم....سلام.

لمار....قفلت من غير ما ترد وهي باصه بشرود للفراغ كانت باينه هاديه عكس دياب اللي كان الغضب عاميه...لاكن من جواها كان في صراع بينهش في قلبها...

دياب...8و ابه اللي تمام يا افندم...انتي ازاي بالضعف والاستسلام ده...

بصتله لمار...بملامح جامده...عندك حل..

دياب...هو كل ما اكلم حد يقولي عندك زفت..لا معنديش ومش قادر ولا عارف افكر في اي حاجه.  بس علي جثتي انك تروحي..

لمار....بصفتك ايه هتمنعهم...

دياب...بصفتي بحبك يالمار ولا يمكن اخلي حد يلمس منك شعره..

ابتسمت لمار بسخريه....وتفتكر ده سبب يخليهم يسمعو كلامك...فوق يا حضرت الظابط انت عارف كويس اني لو مراتك وفي حاجه تهدد بلد ولازم اعملها هعملها غصب عنك وعني...

دياب...انتي مالك بتتكلمي كده ومستسلمه انتي فاهمه هيحصل ايه.

لمار...فاهمه..

دياب...بغضب من برودها فقد اعصابه ومحسش بنفسه غير وهو بيقولها ايه عجابك..اوي الحوار ده داخل مزاجك متقبلاه بحجه انك خلاص كده كده ميته..متقبله عشان مش عايزه تتكلمي ...ولا متقبلاه عشان معندكيش حاجه تقوليها...وانك لما قتلتي ابوكي مقتلتهوش...عشان سبب مش قادره تقوليه...لان من وجهه نظري مهما كان السبب اللي مخبياه بعد الموقف اللي انتي فيه ده...كان المفروض تتكلمي لان مظنش انك هتتعرضي لموقف اصعب من ده...يا شيخه ده انا شكيت ان ابوكي اعتدا عليكي..عشان كده قتلتيه واتعاطفت معاكي بس موافقتك تبين ان ابوكي مظلوم لان لو ده السبب مش هتقبلي ان حد يلمسك....بس واضح ان كلام جيرانك عنك كان صح...وانك كنتي مقضياها يالمار...وانهم بوم الحادثه شافو فعلا واحد نازل بيجري من شقتكم وابوكي لما شافك معاه مستحملش وضربك وانتي عشان تسكتيه قتلتيه.....

لمار...دموعها نازله وفضلت تسمعه تسمعه لحد ما خلاص جابت اخرها.  وبالرغم من انها سمعت الكلام ده قبل كده عليها من جيرانها لاكن...اتصدمت لما لقته بيكرره وبيتهمها بيه. ومصدقه

لمار....محستش بنفسها...غير وهي بترفع ايدها ونازله بيها علي وش دياب....

لمار...اخررررس مش عايزه اسمع صوتك انا اشرف منك ومن اي حد اتكلم عليا

انا اشرف منكم كلكم...اشرف من جيراني اللي موقفوش معايا ونهشو في عرضي...اشرف.من اللواء.اللي بيديني اوامر ابيع نفسي واشرف من الناس اللي فوقيه اللي امروه يبلغني واشرف من اي منصب. بيوافق ان البنت تبيع نفسها عشان مصالح...حتي لو عشان البلد...نفسها ده ميدلهمش الحق انهم يهددو عشان البنت توافق....واشرف منك انت شخصيا....انت ضعيف مش لاقي حل وبتطلع غضبك فيا وشايف اني مستسلمه والمفروض اني انا اللي الاقي الحل وإلا في نظرك هكون واحده زباله قتلت ابوها عشان شافها في حضن واحد في بيته....وهي مشتغفله امها العيانه مش كده....انا بكرهك يادياب....

دياب...كان واقف يسمعها وهو هيتجنن

دياب....طلع موبايله وجاب الصوره اللي انس بعتهاله بتاعت الشاب اللي كان هيقتل امها وبالنسبه لده...ايه متعرفيهوش...

لمار...باصه للموبايل وساكته..

دياب...سكتي ليه...كنتي فاكره ان في حاجه بتستخبي كتير...اهو الزباله اللي فالصوره ده...كلن هيموت امك انهرده الصبح فالمستشفي...وصيت انس يروحلها ويطمن عليها عشان متبقاش لوحدها ماهي ياحرام ملهاش غيرك واتفاجئ انس بيه وهو حاطط المخده علي وشها بيخنقها ..ولحقها علي اخر لحظه..

نزلت دموع لمار....ماما كويسه مش كده..

دياب...باصصلخا وقلبه بيتقطع عشانها....

ايه خايفه عليها ولا خايفه...عليه..متخافيش قدر يهرب..

لمار....انا معرفش مين ده صدقني.

دياب...لا والله يعني مش هو ده اللي ابوكي شافك معاه...وعشان كده انتي قتلتيه...وهو بقي كان رايح يقتل امك عشان متتكلمش.

لمار...حرام. عليك...كفايه...انت مش فاهم حاجه ولا عارف حاجه....كفايكم ظلم بقي...انا لو كان عندي امل واحد اني اعيش مبقتش عيزاه ولو كان قلبي بيحاول يضعف عشان اتكلم...فصدقني هدوس عليه ومش هتكلم...انا حقيقي عايزه اموت وارتاح...الدنيا دي انا جيت فيها غلط..

دياب...مسكها من ايدها...بعنف....طيب لما انتي مظلومه اتكلمي ساكته ليه...انتي عارفه انتي بتعملي فيا ايه...انتي واثقه اني مش مصدق اي حاجه فيكي بش كل حاجه ضدك...قوليلي اصدق قلبي ولا اصدق اللي بسمعه وبشوفه عليكي...امشي ورا قلبي ولا امشي ورا عقلي اللي بيحاول يخليني اصدق اللي بيحصل..

لمار....اقولك انا....تنساني يادياب...ابعد عني...ولو زي ما قولت حبيتني بجد شيلني من قلبك عشان انا منفعكش باي شكل من الاشكال...

دياب...مش هيحصل ومحدش هيلمسك.

لمار...بقوه...لا هيحصل يادياب..ومن اللحظه دي هتسبني في حالي ومفيش اي حاجه هتجمعني بيك غير التدريب وبس...انت فاهم. ولو حصل واتجاوزت حدودك معايا هبلغ سياده اللواء. يشوف شغله معاك او يجيب حد بدالك...

دياب...مسكها من ايدها...انتي بتتحديني يالمار...

لمار...احسبها زي ما تحسبها...ولا انت صحيح زعلان ان في حد هيلمسني..شكلك كنت حابب تسبثه بس للاسف هو هيسبقك..

دياب...بغضب..لمار...اتعدلي...

لمار....ايه...تحب تبدأ انت...عشان تسبني بعد كده في حالي..

دياب...لمار اسكتي...

لمار....اسكت ليه انا بتكلم جد علي فكره...لو ده هيخليك تكون راضي معنديش مشكله...

دياب...بغضب ضربها قلم...وقعت بعده عالارض...راح عليها مسكها من شعرها...صرخت لمار من الوجع..

دياب...واضح...انك مش في وعيك...وكان لازم تفوقي...وقولتهالك قبل كده وهقولهالك تاني مش انا يالمار اللي يفكر بالطريقه دي...انا مش عيل ولا برياله...عشان ده اللي يكون هاممني....انتي عارفه اني حبيتك..وخايف عليكي..

لمار...وانا مبحبكش...ومن اللحظه دي تبعد عني...انت فاهم..

دياب....بصلها وساب ايده من شعرها...سابته لمار وجريت عالاوضه وقفلت...

عدي...الوقت بسرعه...

وجه وقت المكالمه...مانت متوتره...لاكن اخيرا اتكلمت لمار معاهم....فالاول كانو شاكين...خصوصا انها بقالهم كتير مختفيه...لاكن قدرت لمار تقنعهم انها عملت حادثه اول ما خرجت من المطار كانت في طريقها للفندق...اتقلبت بيها العربيه...السواق مات وهي محصلهاش اي حاجه غير كدمات بسيطه وفقدان ذاكره مؤقت...ومع الوقت قدرت تفتكر كل حاجه...واول ما خرجت كلمتهم...سألوها عن حجات محدش يعرفها غير مايا ردت لمار علي كل سؤال بكل ثقه ..واخيرا اتأكدو وفرحو برجوعها ولنها بخير...

وطلبو منها تكمل الشغل اللي كانت جايه عشانه بسرعه جدا...لانهم محتاجينها ترجع في اسرع وقت...

وقالولها ان الراجل اللي وصل مصر من مده مش كبيره اوي ومنتظر مكالمتها من يوم ما جه....وان هو جاي مخصوص عشان ياخد منها معلومات ويقولها علي معلومات جديده محتاجينها....

قفلت معاهم لمار بعد ما اتفقت علي كل حاجه....واتصلت بالراجل....بلغته انها بخير وان بكره هتكون عنده..كانت بتكلمه بدلع...وبطريقه تثبت انها اتقنت اللغه...دياب...كان عابز يفجرها....قفلت معاه واللي رحمها منه وصول البنت اللي اللواء بعتها...

ادتها الحبوب.  وادتها فستان اقل ما يقال عنه انه مثير وجذاب...بلونه الاحمر....فضلت معاها البنت كتير..لحد ما جهزتها خالص. ومشيت البنت...

ودخلت لمار تنام من غير ما تدي اي فرصه لدياب انه يكلمها او يحتك بيها....

..............

انس......الوووو

كارمن....الوووو

انس...بنوتي عامله ايه

كارمن....بزعل كويسه.

انس...اممممم شكلك كده زعلانه

كارمن...لا هزعل ليه..

انس...عشان مقدرتش اجي انهرده...وعشان الدكتور جالك واللي وقف معاكي ورده...

كارمن....سكتت.

انس....والله العظيم...انا الصبح خرجت من الشغل عملت كذا مشوار مهم. وخلصت وروحت الڤيلا قولت هجيلك عالمعاد طلعت نمت...شويه...واتفاجأت انهم بيصحوني... عشان الوقت اتأخر...يادوب خدت شاور ولبست بسرعه...ونزلت عالشغل حتي مكلتش والله العظيم..

كارمن...ربنا يعينك .

انس....ااااه ده واضح انك زعلانه بجد.

كارمن....صدقني مش زعلانه بس يظهر كده اني خدت علي اني اشوفك.كل يوم...عشان مبقتش احس بالامان غير وانت موجود..

انس....الله الله الله ايه الكلام الحلو ده انتي هتخليني اقوم اجي الوقت عشان اشوفك...

كارمن...بابتسامه....دي حقيقه علي فكره مش مجرد كلام...انا طول اليوم كنت حاسه اني خايفه..

انس...قولتلك متخافيش ابدا ...وياستي انا هعوضك...هخرج الصبح...هاجي اشوفك...اتفقنا..

كارمن....خلاص مش زعلانه صدقني...ولما تخرج روح...وتعالي بليل علي طول ..

انس...ايه ده مش عايزه تشوفيني يعني..

كارمن....لا بالعكس...والله عايزه اشوفك.  انت وحشتني اوي.؟😳😳😳😳

انس..😳💥💥💥انتي قولتي ايه

كارمن...انا اقصد يعني انا مقصدش والله بس يعني..

انس...بس بس بس ايه التوتر ده كله...مانتي كمان وحشتيني علي فكره...وبعدين انا بس استغربت اني اكون وحشتك...

كارمن...حاسه بالاحراج...ومش عارفه تنطق..

انس...عموما ياستي...خلاص بكره هعدي عليكي بليل بس ممكن اجيلك بدري نتغدا سوا تمام.

كارمن...تمام...

انس...يلا روحي نامي وانا عشوف الشغل.

كارمن...تصبح علي خير.

انس...وانتي بخير يا احلي بنوته..

.............

في صباح يوم جديد ومثير....

خرجت حنان من البنك وهي شايطه لما لقت الحساب مقفول....ورجعت عالبيت عشان تشوف هتعمل ايه فالمصيبه دي..

..................

اما عند لمار ودياب كان الوضع مختلف..طول اليوم محدش فيهم بيحتك بالتاني...

الساعات كانت بتجري...وجه الوقت اللي تجهز فيه لمار...عشان تروح الفندق...

دخلت لمار تجهز....ودخل دياب...يجهز....

خلص في وقت بسيط...كان لابس...بدله سوده وقميص اسود وسايب اول كام زرار مفتوحين كان شكله يجنن..

اما لمار...خدت وقت طويل شويه..لبست الفستان...وصندل عالي...

سابت شعرها علي كتفها...حطت مكياچ بسبط...لاكن ابرز جمالها اكتر.  وحطت روچ احمر...كان شكلها مثير بطريقه تهوس.....

سمع دياب...الباب بيتفتح كان واقف مديها ضهره

.سامع صوت الكعب بيرن فالارض....بيغمض عينه بغضب من البرفان المثير اللي شامه

لمار....انا جاهزه....

لف دياب...واول ما شافها انبهر من جمالها وفضل باصص عليها. علي الشبه الفظيع اللي بينها وبين مايا...😳😳

لمار....ايه اد كده انا شبهها ولا مكنتش متخيل اني هقدر اتحول ومبقاش دكر زي ما قولت قبل كده...

دياب....ساكت..

لمار....ايه تفتكر هعجبه..

دياب..😡😡😡😡😡😡.  يلا عشان منتأخرش...

بصتله لمار ...بوجع بتحاول تخفيه...

ركبو العربيه وخرجو من المكان كله...

طول الطريق هي باصه للطريق...ودياب...باصص ادامه وسايق بغضب....

بعد ..مده حوالي ساعه كانو خلاص داخلين عالفندق...دياب كان باين بارد جدا...وده كان هيجننها..

لمار....قربنا....

دياب...ايه مستعجله..

لمار...يعني..

دياب...متقلقيش خلاص احنا داخلين عالفندق .واتمني انك تقضي وقت حلو

لمار...بصتله بغضب..وبعدت وشها الناحيه التانيه...

وصل دياب اخيرا...

دياب....ياريت تكوني. هاديه ومتتوتريش...ولو حسيتي انك متلغبطه او في حاجه مش قادره تتصرفي فيها...متبينلوش...وغيري طريقتك وحولي الموضوع لدلع....وتحاولي تخليه يشرب علي اد ما تقدري....عشان تقدري تزرعي المايك...المايك موجود...في الخاتم اللي انتي لبساه..هتاخديه وانتي عارفه الباقي...

هنكون حواليكي في كل مكان....يعني متقلقيش انتي في امان.طبعا انتي عارفه الدور ورقم الغرفه..تمام

لمار... تمام...

دياب...اي سؤال.

لمار...لا..

دياب....تقدري تطلعي....

نزلت لمار...وهي روحها مسحوبه.....فضل دياب باصص لها...وهو مش قادر...يتنفس وكأن روحه بتبعد عنه..

دخلت لمار....الفندق....وبعد ما سألت في الريسبشن...طلعت.....

نزلت...لمار من الاسنسير...ومشيت فالدور اللي موجود...فيه الراجل..

كانت حاسه ان خطواتها تقيله....وكل حاجه حصلت في حياتها وحشه وحلوه....كانت عباره عن شريط بيمر ادام عينها....دموعها نازله ومش قادره....تتنفس....

وصلت ادام رقم الغرفه...خدت نفس طويل....وقربت ايدها من الباب..عشان تخبط....لاكن ايده كانت اسرع منها..

بصت لمار...بفزع واول ما شافته

لمار....دياب..

دياب....قولتلي سيبني وانساني وابعد عني بس مقدرش انتي موجوده..هنا في قلبي ولو هموت مش هسيبك ولا هسيب حد يلمسك...وحتي الموت مش هياخدك مني.

لمار....بدموع...دياااااااااااب امشي هتتأذي بسببي...

دياب.....لو هموت مش همشي...ومتخافيش...انا لقيت الحل..

لمار.....اترمت في حضنه...وانهارت..من العياط....فاللحظه دي....

لمار.....ايوه بحبك...ارتحت..

دياب...بابتسامه...عارف ومرتاح يا قلب دياب....بحبك..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

تعديل المقال