رواية زمزم ووقاص الجزء الاول 1 بقلم نرمين

رواية زمزم ووقاص الجزء الاول 1 هى رواية من تأليف المؤلفة المميزة نرمين رواية زمزم ووقاص الجزء الاول 1 صدرت لاول مرة على فيسبوك الشهير رواية زمزم ووقاص الجزء الاول 1 حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية زمزم ووقاص الجزء الاول 1

رواية زمزم ووقاص الجزء الاول 1

غرفة كبيرة بإحدي السرايات الكبري تجلس فتاه في الثالث والعشرين من عمرها علي الفراش تضم قبضتيها بتوتر وترتدي فستان زفاف تنظر قدوم زوجها بعد أن استدعته والدته وامرتها بالصعود إلى الغرفة..

بعد أكثر من ساعتان كان زوجها يفتح باب الغرفة بملامح متجهمه غاضبة جعلتها تنكمش في نفسها اكثر وصوته يقول..

-قومي غيري هدومك ديه عشان ننام..

تنهدت بارتياح فعلي الاقل تنازل عن حقه حتي لو مؤقتا...

فعلت ما أمرها به بصمت وسارت بخطوات عرجاء متعثرة الي المرحاض ولم يفتها ضحكته الساخرة علي خطواتها التي آلمتها كثيرا لكن ليس بيدها شئ سوي الصمت والدعاء لربها حتي يهون عليها ...

بعد قليل خرجت من المرحاض وتوجهت إلى الفراش حتي تخلد الي النوم فيما اتجه هو الي المرحاض صافقا الباب خلفه بعنف جعلها تغمض عيناها وتعتصرهما حتي لا تبكي ودقائق وكانت تذهب في سبات عميق..

************

بالغرفة المجاورة كانت نجاة تجئ الغرفة ذهابا وايابا وهي تغلي وتزبد من الغضب وبجانبها زوجها السيد عبد القادر يحاول تهدأتها...

-هو ايه اللي جرا يعني يا نجاة؟؟مش ده ابنك اللي كنت عاوزة تجوزيه بردو؟؟..

_ مش ديه...مش واحدة معاقة يا قدري ...

_ معاقة صح بس جميلة وده احنا شوفناه بعنينا...

_يفيدني بإيه جمالها وهي معوقة ومعيوبة ويارتها حاجة مؤقتة لا ديه دايمة عاهة يا استاذ...عاهة مستديمة...ديه ازاي تبقي واجهة لعيلة النوساني اصلا...ازاي تبقي مرات وقاص النوساني اصلا..ديه عار ديه المفروض تستخ...

_نجاااااة لمي دورك واحترمي نفسك اللي بتتكلمي عليها ديه بنت اخويا..

ضحكت بسخرية قائلة...

_ بنت اخوك مين ؟؟...اخوك اللي رماها لينا برخص التراب لولا انك اصريت تجبلها شبكة!!...ولا اخوك اللي كان عاوز يجوزها سكيتي ويخلص منها؟؟...متضحكش علي نفسك ولا عليا ...

_ لا بضحك عليكي ولا علي نفسي.. البنت سليمة مفهاش عيب واحد ...ثم إنه مش ذنبها اصلا انها عملت حادثة وسابت اثر فيها...

حاولت الحديث مرة أخرى لكنه قاطعها قائلا ...

_ انا عاوز انام ...قفلي ع الموضوع ده ومتتكلميش فيه تاني ...

اطبقت نجاة علي فمها بغيظ وغضب واتجهت الي المرحاض...

**************

صباح اليوم التالي...

استيقظ وقاص من النوم ولم يجدها بجانبه ...لم يعطي للأمر أهمية ونهض من مكانه حتي يمارس عاداته فور استيقاظه من النوم...خرج وقاص من المرحاض علي صوت والدته المرتفع ...

_ فيه ايه يا ماما ع الصبح...

تحدثت نجاة بحدة وصوت مرتفع...

_ اتفضل حضرتك...بقول ل الست هانم مفيش اكل هيطلع فوق وتنزلوا تاكلوا معانا تحت مش عاجبها قال ايه رجل السنيورة وجعاها ومش هتقدر تنزل تحت...

_ خلاص يا ماما روحي انت واحنا نازلين متقلقيش...

حدجتها نجاة بنظرة نارية وغادرت ....التفت وقاص الي زمزم قائلا بصوت حاد....

_ مشاكل مش عاوز ...اللي امي تقول عليه تنفذيه من غير كلام كتير واتفضلي خشي البسي اي حاجة عشان ننزل نفطر تحت خلينا نخلص م اليوم الزفت ده...

تحاملت علي نفسها وذهبت حتي تبدل ملابسها لتناول الافطار بالاسفل كما طلبت والدته ...

بالاسفل كان عبد القادر يترأس الطاولة وعلي يمينه تجلس نجاة وبجانبها ابنتها سيلين ...بعد قليل كان وقاص من علي الدرج ووراءه زمزم تتبعه بخطوات بطيئة..

_ صباح الخير يا حبيبي..

_ صباح الخير يا بابا...صباح النور يا سوسة...

_ صباح النور يا قلبي ...مش المفروض تفطروا فوق انت و زوزة..

نهرتها نجاة قائلة...

_ مش لما تبقي جوازة الاول ...كلي وانت ساكتة يا سيلين...

زفرت سيلين بغضب وعاودت تناول طعامها مرة أخري أما زمزم فقد وقفت مكانها وضغطت علي سور الدرج ...

_ تعالي كلي يا حببتي هتفضلي واقفة عندك كتير كده..يلا...

ابتسمت زمرد لهذا الرجل الذي لم تتلقي منه سوي المعاملة الطيبة والإبتسامة التي لا تفارق وجهه عندما ينظر إليها أو يتحدث معها لذلك سارت حتي وصلت إليه وجلست علي الطاولة بجانب وقاص...

سارت الجلسة طبيعية الي أن قررت نجاة أفسادها بلسانها ذاك وتصرفتها ...

_قومي هاتيلي مية من المطبخ...

أشارت زمزم الي نفسها قائلة...

_ انا!!...

_ وهو فيه حد غيرك هنا مثلا!!...ولا تكوني مفكرة اني هقول لبنتي ...المقامات هنا محفوظة لكل واحد ف البيت ده ...قومي يلا...

نهضت زمزم من مكانها حتي تجلب لحماتها ما طلبته لكن صوت عبد القادر اوقفها قائلا...

_ اقعدي يا زمزم...نجاة زمزم بقت من العيلة خلاص يعني زيها زي اي حد هنا ف العيلة ...مش مقامها خالص انها تقوم تخدم حد ايا كان...فيه خدامين للكلام ده...صفية..صفية...

هرولت الخادمة تلبي نداء مخدومها ...

_ ايوة يا بيه...

_ هاتي مية للهانم بسرعة لو سمحتي ...

وبذلك اشعل عبد القادر نيران الحقد بداخل نجاة تجاه زمزم اكثر دون أن يدري....

*****************

مر اسبوعان الي الان ولم يأتي أحد لزيارتها فقط اختها الصغيره هي من تحادثها بالهاتف وبالطبع لم تسلم من كلام حماتها أو لسانها لذلك كانت تتجنبها قدر الإمكان ...عن طريق الجلوس مع سيلين بغرفتها أو قضاء وقتها مع عمها اينما ذهب...لم يكن لزوجها اي دور يذكر طوال هذه المدة ...

صباح اليوم دق هاتفها الخلوي فالتقطته بسرعة حتي تري أن كان والدها أو او احدي شقيقتيها وبالفعل كانت شقيقتها الكبري "تمارا " الضحية الاولي لوالدها ..

_الو...ايه يا حببتي عامله ايه ؟؟...طمنيني عليكي ...

ابتسمت زمزم برقة قائلة...

_ الحمد لله يا حببتي انا كويسة ...انا عاملة ايه ؟؟...

هتفت تمارا بمرارة...

_ هكون عامله ايه يعني يا زمزم اديني عايشة وحطه جزمة ف بوءي وساكته...

حاولت زمزم التهوين عليها وقالت...

_ أن شاء الله كله يتحل يا حببتي ...

ادمعت عيني تمارا وهتفت...

_ ايه اللي هيتحل بس يا زمزم!!!...خلاص عابد اتجوز عليا واللي كان كان...انا راضية بنصيبي وب الواد والبت اللي طلعت بيهم ...الحمد لله...بس عمري م هسامح ابوكي عمري م هسامحه...

_ولا واحدة فينا هتسامحه يا تمارا...هو دمرنا كلنا ..يلا روحي شوفي بنتك بتعيط ليه...هرجع اكلمك تاني ...سلام يا حببتي..

اغلقت الهاتف مع شقيقتها ولم تدري بنفسها وهي تستيقظ من النوم بفعل الماء البارد الذي سكبه أحدهم علي وجهها حتي عادت لواقعها المرير من جديد..."""

انتشلها من شرودها صوت عبد القادر وهو يأمرها بمتابعة اللعب فقد حان دورها ...

_هاااااي روحتي فيه يا زوزة؟؟...

_انا معاك اهو يا حبيبي...وادي الزهر يا سيدي...

تابعا اللعب الي أن جاءت نجاة تخبرهم برجوع وقاص من سفر دام لأكثر من عامان ..

نهض قدري من مكانه بسرعة ولهفة لملاقاة ابنه الغائب عن أحضانه لكنه تسمر مكانه عندما شاهد ابنه بالخارج وبيده شابة وهما يضحكان سويا ...

_ مين ديه يا وقاص؟؟؟...

نظر إليها بحب قائلا...

_ ديه...ديه شيما ...مراتي...

توقفت عن السير علي حين غرة ولم تري تلك الدرجة التي تفصل غرفة المكتب عن البهو الخارجي مما أدى إلى ارتطامها بالارضية بقوة حتي تأوهت...

نظروا إليها جميعهم ولم تخلو نظراتهم من السخرية حتي زوجته الجديدة لم يتحرك أحد لمساعدتها الا عمها الذي أمد يده لها حتي تنهض من مكانها...

نهضت زمزم من مكانها وارتمت بأحضان عمها حتي تختفي عن أنظارهم وانخرطت في بكاء ناعم لم يشعر به سوي عمها ...ربت قدري علي رأسها بحنان بالغ وأخذها وذهبا الي المكتب مرة اخري..

اما والدته فلم تغير ايا منهم انتباه ولم تتأثر حتي فقد ساقت ابنها وزوجته الجديده نحو غرفة الصالون...

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

صراخها يعلو ويعلو ..حتي أوشكت احبالها الصوتية علي الانقطاع نتيجة الصراخ المستمر ...لم يستطع أحدا من طاقم التمريض أو الطبيب المسئول عن حالتها التدخل فقد كانت تقف بأخر الغرفة وبيدها قطعة زجاج حادة تضعها علي العرق النابض برقبتها تهددهم بالانتحار اذا لم يأتوا لها بما طلبته...

خرج الطبيب من الغرفة قائلا أنه سيحاول أن يجلب لها ما تريد وبذلك استطاع الخروج من هناك والاتصال بزوجها الرائد "ناير سويلم"رائد بالجيش ...

_ استاذ ناير المدام حالتها صعبه جدا...محدش فينا قادر عليها...ده غير أن كل ده بيأذي الجنين ..ارجوك تيجي هي مهددانا بالانتحار لو مجبتلهاش طلبها ...

_ وازاي مهدداكوا اصلا !!..ازاي يا بهايم ...

توتر الطبيب قليلا ثم لم يجد مفرا وهتف....

_ ككك..كان عندها كوباية ازاز...كسرتها وهددتنا ب حته منها ..

ركل ناير المقعد الموجود أمامه بغضب وصرخ بالهاتف..

_ ده انا هوديكوا ف ستين داهية...انا هوريكوا يا كلاااااب غووور غور من وشي اقفل يلا...

لم يستطع الطبيب التفوه بكلمة فهو يعلم أن ناير معه كل الحق فيما فعله بل أنه قليل علي خطأهم ..

بعد قليل كان ناير يدلف الي الغرفة المحتجزة بها زوجته زهرة وهو يري طاقم التمريض بالكامل أمامها يحاولون أثناءها عن رأيها وما ستفعله...

_ كله يخرج مش عاوز حد هنا...

انصاع الجميع لأوامره وبعد خروجهم اقترب منها ناير بخطوات حذرة ولكنها رأته فما كان منها إلا أنها زادت من ضغطتها علي رقبتها بقطغة الزجاج الموجوده بيدها...

_ اهدي يا زهرة وسيبي اللي ف ايدك ديه...

_ لا مش هسيبها الا لما تجبولي اللي انا عاوزاه..يا اما هموت نفسي ...اختار...

حاول استمالتها قليلا وهتف...

_ زهرة انت هنا عشان تتعالجي ...انت كده بتهدي اللي انت عملتيه ف شهر...

رفعت يدها وغرست الزجاجة اكثر برقبتها حتي جرحت نفسها ..فهتف هو بذعر وهو يخرج شيئا ما من جيبه...

_ خلاص خلاص انا جبتلك اهو...تعالي خديه ونزلي اللي ف ايدك ديه يلا ...

تركت زهرة قطعة الزجاج من يدها غير عابئة بها وسارت نحو الكيس الصغير المطوي بيد ناير بسعادة غامرة وهي تحك رقبتها وتمرر يدها اسفل أنفها...

لم تنتبه إلى ناير وملامح وجهه التي تحولت إلي الترقب والحذر حتي تأتي وتأخذ ما بيده وبسرعة لم تتداركها كان ناير يمسك بكلتا يديها ويكبلهما حتي وصل إلى الفراش واجلسها عليه عنوة وهو يصرخ مناديا الطبيب الذي لبي طلبه في الحال وبثوان كان جسد زهرة يتراخي بين يدي ناير وآخر ما شاهده كانت دمعتها التي انحدرت لتسقط علي كفه ...

خرج ناير من الغرفة بعد نجحت خطته مع زهرة واول ما فعله عندما خرج كان تسديد لكمة قوية بوجه الطبيب...

_ ديه عشان متبقاش تنسي بعد كده قبل ما تدخل حاجة أوضة اي مدمن م اللي هنا تتأكد انها مفهاش حاجة يقدر يأذي بيها نفسه ....المرة الجاية هقدم فيكوا شكوى...

******************

"يعني ايه لا ديه أن شاء الله!!..."...

_ يعني لا...عندك مراتك التانيه وتقدر تروحلها هي اصغر مني واحلي مني ع الأقل مش مليانه زيي كده...

اقترب منها عابد بغضب وامسك بذراعها بقوة قائلا...

_ انت بقالك مدة سايقة العوج يا تمارا وانا سايبك بكيفي ف اتهدي كده وخدي الموضوع ببساطة مش اول مرة ليكي هي عشان العند ده كله..

اختارت الاستمرار بعندها وهتفت بصوت حاد....

_ وانا بقي مش هينفع تيجي جنبي ...ظروف قهرية يا سيدي...

ضحك بسخرية واردف بقسوة...

_ ظروف قهرية ...الظروف القهرية ديه بقالها خمس شهور عندك مبتتقطعش أن شاء الله!!...

وهنت نبرتها كثيرا لكنها حاولت أن تتحلي بالقوة وهتفت...

_ اه خمس شهور وده بقي يخليك تفهم أنه نزيف مش ظروف قهرية...ف ابعد عني بقي وروح لمراتك التانية وانا سبني ف حالي انا لا عاوزاك ولا طايقة سيرتك اصلا بستقبلك بس عشان عيالك غير كده انت متسواش حاجة عندي...

ترك يدها بشئ من العنف وضرب الكرسي الموجود بجانبه والتفت إليها قائلا....

_ مش انت مش طايقاني واللي بيخليكي تستقبليني هنا هو عيالي ...ماشي يا تمارا حاااااضر...

وخرج من الغرفة وصاح مناديا أطفاله "عدي...سجدة"..

_ يلا يا عيال انزلوا روحوا لتيته عشان هتباتوا عندها النهاردة..

صاح الطفلان مهللين واسرعا بالنزول الي الطابق الآخر نحو جدتهم ...

_ عيالي من هنا ورايح هيقعدوا عند امي عشان لما احب اجي اشوفهم مبقاش بتقل عليكي ...وانت عاوزة تشوفيهم انزليلهم تحت...وهاتي الكريدت اللي معاكي...

رغم حزنها علي قراره الظالم وأبعاد طفليها عنها إلا أنها تحلت بالصبر وغادرت حتي تجلب له ما طلبه بصمت قاتل ....

_جميل...تجهزي بالليل يا تمارا عشان هوديكي لدكتور وخلي بالك اني اصلا متجوز عشان متعتي وانت من ضمنها هعالجك واتمتع بيكي...

وخرج من المنزل بأكمله تاركا اياها وراءه ترتعد بخوف...عابد نسخة طبق الأصل من والدها ...وهذا يعني أنها لن تنال شفقته أو رحمته حتي ....

*****************

"بس ...بس اهدي يا حببتي اهدي..هو ميستاهلكيش اصلا صدقيني ميستاهلكيش والله"...

قالها قدري وهو يربت علي كتف زمزم يحاول تهدأتها حتي تكف عن البكاء ..

_ طلقني منه الله يخليك ساعدني...انا..انا بس عاوزة امشي من هنا ..

_حاضر ...حاضر هطلقك منه بس استني ..استحملي شوية بس وهطلقك ع الأقل يكون ابوكي بعد عنك ..

تمسكت بقميصه اكثر قائلة بنحيب..

_مش هقدر استحمل اكتر من كده...كفاية سنتين ونص إهانة بعده عني وإهانة نجاة هانم وخروجي الممنوع والضغط على تعبي كل ده مش هقدر استحمله تاني ...

زاد قدري من ضمه لها وتعالي نحيب زمزم اكثر حتي قطعه دخول زوجته التي صاحت بإحدي الكلمات الإنكليزية التي تنم عن دهشتها ثم تبدلت ملامحها للعبوس والغضب قائلة ...

_ قومي يا بنت انت روحي شوفي الاكل مع صفيه خلينا نتكلم ف معادنا مش كل يوم تأخير كده...

نهضت زمزم من أحضان قدري ومسحت عبراتها بهدوء وسارت بخطواتها المتعثرة الي أن وصلت للباب عندما سمعت نجاة تقول...

_ لو فضلتي تمشي كده لحد المطبخ مش هناكل ف يومنا ده...

اغمضت عيناها بقوة واعتصرتهم بألم ثم تابعت السير دون أن تتفوه بكلمة حتي سارت الي المطبخ لتباشر عملها المعتاد..

بعد قليل كان الجميع يجتمعون علي طاولة الطعام وبالطبع اخذ مكان زمزم حتي تحتله الزوجة الجديدة والمرحب بها هنا علي عكس زمزم تماما....

"ايه القرف ده...مين البهيمة اللي عملت الشوربة ديه؟؟"...

ردت زمزم بصوت يكاد يكون مسموع...

_ انا...

_ طبعا ما لازم تبقي انت...بتعملي الاكل برجلك أن شاء الله...حاجة تقرف....قومي غوري من وشي ..

نهضت زمزم من مكانها ببطء وارهاق وبمنتصف الطريق لم تستطع التحمل فسقطت علي الارض وهي تلهث بتعب ..هرولت إليها سيلين تتفقدها بقلق قائلة...

_ ايه يا زمزم مالك..رجلك تاني بردو؟؟..

_ اه..بس المرادي صعب اوي يا سيلين مش قادرة..

حاولت سيلين أن تجعلها تنهض من مكانها لكنها لم تستطع الا بمساعدة والدها ...

بالغرفة استطاعت سيلين أن تجعل زمزم تعري قدمها إذ أنها خجولة جدا ...كانت ساقها بداية من ركبتها الي آخرها تنتشر عليها بقع زرقاء وبنفسجية اللون...

_ يا نهار اسود...ايه ده انت لازم تروحي لدكتور فورا...بص يا بابا ..

_ زمزم سيلين عندها حق ...لازم تروحي لدكتور فورا المنظر ده ميتسكتش عليه ...

ردت زمزم بارهاق...

_ حاضر يا بابا هروح والله...بس دلوقتي عاوزة انام انا تعبانة بجد...

_ لا مينفعش انا هتصل بياسر ييجي يشوفك لازم دلوقتي...

حاولت زمزم الاعتراض لكن حديثها ضاع وسط مكالمة عمها مع ذلك الطبيب...

بعد مرور ساعة تقريبا كان الطبيب يقف بالغرفة يحاول الكشف علي ساقها لكن خجلها هو ما جعله يتأفأف بضيق قائلا...

_ يا آنسة زمزم مش كده...انا دكتور محترم والله يعني لا هبص بصة كده ولا كده ع رجلك يعني..

استشعرت زمزم ضيقه منها فلم تجد إلا أن تنظر إلي عمها وسيلين وما كان من ياسر إلا أن هتف...

_ معلش يا جماعة اطلعوا برا لحد م اكشف ع المريضة بعد اذنكم...

اذعن كل من قدري وسيلين اليه وخرجا من الغرفة التفت ياسر اليها قائلا...

_ اهم خرجوا يا ستي انا اصلي كنت عارف انك محرجة منهم ممكن اكشف بقي؟؟...

اومأت برأسها إيجابا ثم رفعت الغطاء حتي وصلت الي مكان الإصابة بالضبط...

_ يا ساتر يا رب...ده صعب جدا...كنت مستحملاها ازاي اصلا اكيد ديه مش بين يوم وليله ...

ردت زمزم برقة قائلة..

_ هي فعلا بقالها فترة بس مكانتش بالحجم ده...وده اللي خلاها تعبتني النهاردة...

اقترب منها ياسر ووضع يده على قدمها قائلا....

_ انا هفحصك بس لو فيه اي وجع قوليلي...ممكن يبقي فيه وجع جامد ...بس هي الإصابة ديه من ايه؟؟...انا ملاحظ أن رجليكي فيها إعاقة..

_ أأأ...أأيوة هي ديه سببها حادثة ...

_اها تمام..لو فيه اي وجع قوليلي ...

اومأت برأسها إيجابا وبدأ ياسر يباشر عمله وضغط علي جلد ساقها ...لم تتأوه أو تصدر صوتا حتي...

_ مش حاسة بحاجة كده؟؟..

_ لل...لا..

غرس اصبعيه بساقها بقوة حتي وصل إلى عظامها قائلا...

_ ولا كده؟؟..

صرخت زمزم بقوة وحركت ساقها بعيدا عن مرمي يديه ...

_ اوكي ..اوكي ...خلاص ...واضح أن المشكلة ف العضم شوفي انا مقدرش اكتبلك الا ع مسكن ولازم تيجي المستشفي عشان الفحوصات والأشعة عشان نعرف سبب الالم ده..بس انا أرجح أنه سببه إرهاق لان الزرقان لأخر الرجل ده وخصوصا الجزء التاني من رجلك بس يبقي حضرتك محملة عليه زيادة...

سار ياسر نحو باب الغرفة حتي يأذن لوالدها وشقيقتها _كما يعتقد_ بالدخول ...

_ خير يا دكتور؟؟..

_ الآنسة عندها مشكلة ف العضم وطبعا انا مقدرش احدد المشكلة بالظبط إلا بعد الإشاعة عشان ابقي متأكد من كلامي ...ولازم تتعمل ف اسرع وقت ممكن...عن اذنكم...

خرج ياسر من الغرفة ووراءه قدري حتي يوصله إلى باب المنزل شاكرا إياه ...

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

بعد مرور اسبوع...

" اهو جبتلك طلبك...ايدك بقي ع الحلاوة..."..

تعلقت عينا زهرة بما بيد تلك الممرضة بسعادة مرضية وهي تتأمل ذلك المسحوق الابيض الذي بيده راحتها وسعادتها كما تظن ...مدت زهرة يدها حتي تلتقط الكيس الصغير لكن الممرضة أبعدته عن مرمي يديها قائلة...

_ لاااا...حلاوتي الاول ...

عبست زهرة قليلا وهتفت بصوت باكي...

_ الله يخليكي اديهوني ...ااا..اانا مش معايا حاجة عشان اديهالك..

حولت الممرضة عيناها الي الحلقة الذهبية الملفوفة حول اصبعها فلم تتردد قط في نزعها واعطائها لها وتركت لها الممرضة الكيس وخرجت فرحه بما حصلت عليه من هذه المريضة الساذجة...

بالداخل اسرعت زهرة بفتح الكيس ووضعت بعضا منه علي يدها واستنشقته باستمتاع وكذلك حتي انهت الجرعة كاملة وخبأت الكيس بداخل ملابسها الداخلية حتي لا يراه أحد وذهبت في سبات عميق...

باليوم التالي استيقظت زهرة علي ضوء الصباح يغزو الغرفة ففتحت عيناها ببطء ليطالعها وجه ناير المبتسم وهو يقول...

_ صباح الفل يا زهرتي...عاملة ايه النهارده ...

ابتسمت زهرة بشرود قليلا وهتفت..

_ انا الحمد لله...احسن

_ طيب الحمد لله...عملتي مشاكل الاسبوع اللي فات لحد م ربطوكي كالعاده ..

قالها ناير بمشاكسة الزهرة وهو يداعب أرنبة أنفها ...

رفعت زهرة قدميها ويديها حتي تريه كيف يقيدونها وقالت بسخرية...

_ حبيت اتسلي شوية..خصوصا انك سبتني الاسبوع اللي فات كله ومجتليش خالص...

ناير يأسف...

_ سماح المرادي يا زهرتي صدقيني كان عندي شغل ضروري ومكانش ينفع يتأخر...

رفعت حاجبيها الكثيفين بطريقة ساخرة وهي تمط شفتاها...

_ اممم...شغل ...ضروري...وميتأخرش...الكلام ده مبيفكركش بحاجة؟؟...

تغيرت معالم وجهه الي الجمود والألم ونهض من مكانه يقرب منها الطاولة الموجود عليها الطعام ...

_ سيبك من شغلي يا ستي اديني رجعت اهو وهجيلك كل يوم كمان ...اتفضلي افطري بقي...

_ عاوزة العلاج الاول...

ابتسم ناير بخفة واقترب منها حتي يحرر يدها قائلا...

_ تاكلي الاول وبعدين تاخدي علاجك..يلا انا هفطر معاكي اهو ..

اضطرت زهرة أن تتناول طعامها اولا حتي تحصل على ما تريده ...

_ بالهنا...كده بقي تاخدي علاجك..

تناولت علاجها ثم بدأ الصداع يخمد قليلا ونظرت إليه قائلة...

_ عاوزة اروح الحمام ممكن تفكني ؟؟...

ضحك ناير بقوة ثم هتف..

_ قولي انك عاوزاني افكك مفهاش مشكلة بس بلاش حوارات يا زهرتي..انت عارفة انا مش بخاف منك يعني..

ابتسمت له بسماجة هاتفة...

_ فعلا...ممكن بقي تفكني ؟؟..

_ طبعا بس ثواني صغيرين أد كده...

قام ناير من مكانه واوصد الباب بالمفتاح ووضعه بجيب بنطاله وسار نحوها وفك قيدها...

_ اهو يا ستي ...ها بقي تعالي استحمي كده وسرحي شعرك ده وخلينا قاعدين مع بعض اليوم كله النهاردة...

_ مش عاوزة ...عاجبني نفسي كده ...وكمان مش عاوزاك تقعد معايا اصلا ...

كان ناير ينظر إلي بقعه ما بغضب شديد حتي رفع بصره إليها وهتف...

_ مين؟؟..

_ مين ايه؟؟...

_ مين اللي لبسك بنص كم؟؟..

ابتسمت زهرة بتشفي وفرح وهتفت بابتسامة عريضة وعيون مدمعة...

_ امبارح يا سيدي طلبت منهم استحمي رفضوا..ف قولتلهم ع الأقل اغير هدومي وواحدة م الممرضين اخدت رأيي ف اللي هلبسه وانا اخترت ده اصل الجو حر جداااا...

نهض من مكانه وسار الي الحقيبة الموجودة وأخرج محتواها حتي عثر علي كنزة أخري بأكمام طويلة أمد يده بها ...

_ خدي البسي ديه...

هزت رأسها نفيا ببراءة مصطنعة..

_لا ...ديه مريحاني اكتر ..مش عاوزة اللي ف ايدك..

_ البسيها يا زهرة بدل م البسهالك غصب عنك...يلا..

ربعت يديها والتفتت للجهة الأخري واردفت..

_ لا ...مش هلبسها انت جاي تقعد معايا ولا تدايقني..

زمجر بغضب واقترب منها يحاول تبديل تلك الكنزة التي ترتديها بالموجودة بيده لكنها نهضت من مكانها بسرعة وركضت في الغرفة وهي تضحك بطريقة غير طبيعية جعلته يجعد جبينه في شك...

_ زهرة انت مالك النهاردة فيه ايه ؟؟..

_ مفيش حاجة بس عاوزة اجري وطبعا مش مسموحلي اني انزل الجنينة ف بحاول اعمل ده ف الاوضة الكبيرة ديه...

_ ماشي يا زهرة بس غيري التي شيرت ده الاول والبسي التاني..

_ لا..انا هفضل بده يا اما انت تمشي لو مدايق ...

زفر ناير بضيق وحنق قائلا...

_ خلاص ماشي ..تعالي اقعدي بقي ...

"*******************

بالسرايا ...تجلس زمزم بالمطبخ وتطهو الطعام كما امرتها السيدة نجاة وتمسك بهاتفها تنتظر رسالته بفارغ الصبر بابتسامة رقيقة علي شفتيها الي أن أعلن هاتفها عن وصول رسالة ما...

"انا الحمد لله كويس...انت اخبارك ايه ؟؟"...

فتحت الرسالة بلهفة وكتبت...

" الحمد لله..كويسة"..

"اخبار رجلك ايه؟؟...احسن ؟؟...

ظلت تنظر الى الهاتف بيدها بابتسامة فرحة وشعور بالكمال لاول مرة فها هي لأول مرة يهتم أحد لامرها سوي شقيقاتها وعمها وابنته ...قطع شرودها صوت وقاص وهو يدلف الي المطبخ ...

_عاوز ميه

لم تستمع إليه زمزم من الاساس فقد كانت شارده في الرسالة كما هي ...حول بصره ناحية ما يلهيها عنه فوجد الهاتف بيدها فاقترب منها وهزها بقوة قليلا...

ذعرت زمزم من الحركة المفاجأة وسقط هاتفها منها ..

_ نن..نعم..

كانت تتهرب بعينيها من نظرات عيناه التي ثبتت عليها واخترقتها ..

_ عاوز مية..مش سامعاني ؟؟...

اخفضت رأسها عندما شاهدت إصراره علي تفحصها وهتفت بصوت خافت...

_ كنت عاوز حاجه..

_ اه...مية وتجيلي ف اوضتي يمكن تفوقي م السرحان ده شوية ...

وخرج من المطبخ وانحنت هي حتي تجلب الهاتف الذي سقط منها وذهبت الي البراد حتي تجلب له الماء....

دق باب الغرفة ففتحت شيما الباب ونظرت إلى زمزم باستهزاء...

_خير!!...

امدت لها يدها بزجاجة مياه وكوب قائلة برقتها المعهودة...

_ وقاص كان طالب مية وقالي اجبهاله ف الاوضة ...

_ طيب هاتيها ممكن تمشي بقي؟؟...

التفتت زمزم حتي تغادر لكن صوت رنين هاتفها فردت بسرعة غافلة عن هذه المرأة وراءها وهي تتسمع علي مكالمتها ..

_ الو..انا الحمد لله..لا كنت بعمل حاجات كده ف المطبخ ومعرفتش ارد ...

جاءها صوت ياسر يقول...

_ مروحتيش شوفتي الأشعة ليه ؟؟..استاذ عبد القادر قالي ديه رجلك مينفعش تسكتي عليها كده خصوصا أن منظرها كان صعب جدا..

_ لا لا...انا اصلا مبحبش الدكاترة ...والمرة اللي فاتت بابا هو اللي أصر على دكتور عشان رجلي ..وسبحان الله يعني ارتحت لحضرتك وخليتك تكشف عليا ...يعني تجارب الدكاترة مش سهلة اوي كده بالنسبالي ...

_عقدة صح؟؟...بسبب الحادثة اللي سببتلك الاعاق...الو ..الو..

علي الجهة الأخري ...

اغلقت زمزم الهاتف دون قصد فقد ارتعشت يداها بسبب خروج وقاص من الغرفة علي حين غرة وهو يستدعيها حتي تتبعه الي غرفتها ...فأغلقت الهاتف وإزالة اخر مكالمه من سجل المكالمات ...

_ تعالي ..اقعدي بقي مش هفضل اقولك كل حاجة كده...

سارت زمزم حتي جلست علي الكرسي وانتبهت له ...

_دلوقتي انت واحدة بس..انا وشيما اتنين ..طبعا من ساعة م جينا واحنا بنام ف الاوضة الصغيرة ديه..وانت بتنامي ف الكبيرة لوحدك ...ف احنا عاوزين الاو...

قاطعته زمزم قائلة...

_ مفيش مشكلة انا اصلا كنت عاوزة استأذن نجاة هانم اني اخد الاوضة اللي ف الجنينة...عاوز حاجة تاني مني؟؟...

نهض وقاص من مكانه قائلا...

_ لا هو ده الموضوع اللي كنت هكلمك فيه بس...انت كنت بتكلمي مين ف التليفون؟؟...

ابتلعت ريقها بتوتر وهتفت...

_ ااا الرقم كان غلط...

وقاص بشك..

_ الرقم كان غلط...اممم طيب...

وخرج من الغرفة وهي وراءه حتي تعود لعملها بالمطبخ وتنهيه...

******************

بمنزل "عابد سلمي " كانت تمارا تجلس علي الاريكة وبجانبها طفليها بمنزل جدتهم عندما دلف الي المنزل عابد بهيبته الطاغية ...

امسك بيد والدته وقبلها قائلا...

_ عاملة ايه يا ست الكل؟؟...

ربتت والدته علي كفه قائلة...

_ الحمد لله يا حبيبي...انت اخبار شغلك ايه؟؟...

عابد بابتسامة ونبرة ذات معني ...

_ الحمد لله..الشغل كويس جدا ..حتي اني اخدت اسبوع إجازة وهقعده كله هنا عشان زينب سافرت لأهلها ..

ارتعشت تمارا رغما عنها بعد أن صرح بمكوثه معهم لمدة أسبوع كامل وبالطبع لن يتنازل عن حقه فيها ...فمنذ يومان اخذها لموعد استشارتها مع الطبيبة التي طمأنته بتمكنها من وقف النزيف وأنهم بامكانهم ممارسة حياتهم بطبيعية...

_ يلا يا تمرة قومي اطلعي مع جوزك ...

زاغت بعينيها تحاول الهروب وهتفت..

_ طيب بس اقفلك ع الاكل الاول ...

_ لا يا حببتي خلاص كتر خيرك انك عملتيه انا هتابعه...

حاولت تمارا الحديث لكن والدته أوقفتها وهي تقول بصرامة وقوة...

_ قولت مع جوزك يلا ...جاي م الشغل تعبان وعاوز يرتاح ...

نهضت تمارا من مكانها بضيق شديد وسارت نحو الباب يتبعها عابد ...

دلفا الي الشقة بهدوء شديد لم يتفوه أحدهم بكلمة فقط الصمت هو الذي يسود الأجواء ..

_ انا جعان حضريلي الاكل لو سمحتي..

اومأت تمارا برأسها إيجابا وسارت الي المطبخ حتي تطهو الطعام..بعد الانتهاء من الطعام نظر عابد الي تمارا قائلا...

_ شيلي الاكل وتعالي الاوضة...

اغمضت عيناها بقوة وهي تهدئ من روعها ...تعلم أنه نسخة من والدها ولذلك رفضته عندما تقدم لها ...لكن والدها وطغيانه أصر علي إتمام تلك الزيجة وبسبب خوفها من والدها لم تتمكن من أخباره بعدم رغبتها فيها ....وكحال شقيقتيها اختارت التأقلم مع الظروف والتلوي معها اينما انجرفت بدلا من الاعتراض عليها من البداية...

_ سيبي النور مفتوح...

أجابت بصوت باكي...

_ لو سمحت خليني اقفله الله يخليك...

كانت تتوسل اليه وهي تعلم أنه لن يجدي معه ...عابد لا يضعف ولا يتأثر أمام دموعها فقط الجمود هو ما يسود الأجواء بينهم ...ولكن ذلك لم يمنعها من المحاولة مرة أخري ...

_ يا عابد ااا...

_ خلصنا تعالي يلا...

سارت بخطوات بطيئة مثقلة نحوه ...عندما بدأ بتجريدها من ملابسها اغمضت عيناها تحاول استرجاع ذكريات شبابها مع شقيقاتها حتي تنعزل عن الواقع وينتهي عابد مما يفعله ....تعلم جيدا بل إنها متيقنه انه تفرغ لها هذا الاسبوع لا لشئ سوي ليربيها علي امتناعها عنه ويضع الأمور في نصابها الصحيح بعلاقتهما وهي علاقة الخادمة بمخدومها..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

بعد مرور اسبوع كان ناير يجلس أمام زهرة بالمقعد الموجود بالغرفة ينظر إليها بغموض وهي تبادله نظراته بابتسامة غريبة وغير متزنة ...

_ الا قوليلي يا زهرة انت مرتاحه هنا ف المستشفي؟؟...

اومأت زهرة برأسها إيجابا وهتفت..

_ امممم... مبسوطه جدا هنا...المستشفي حلوة اوي..

ابتسم ناير بخفة وهتف...

_ طب الحمد لله انها عجباكي ومرتاحة فيها...

نظرت اليه زهرة بضيق حنق قائلة...

_ هو انت ليه مبقتش بتفكني ؟؟؟....

ناير بجدية...

_ مش لازم ..انا باجي اقعد معاكي ساعتين تلاته بالكتير ملهاش لازمة اني افكك يعني...

_ بس انا بستني الساعتين اللي بتجيلي فيهم عشان تفكني شوية ...انا زهقت وانا مربطة كده...

عبث ناير بخصلات شعرها قليلا ثم قال..

_ بكرة تخفي وتبقي حصان ومحدش يربطك...بس ده بيعتمد عليكي اذا كنت عاوزة ولا مش عاوزة...

ردت زهرة بلهفة...

_ أيوة عاوزة...

_ خلاص يبقي تشدي حيلك بقي عشان تخفي كده وتشوفي اللي ف بطنك ده...انت طبعا عارفة أن الحاجات المخدرة اللي بتاخديها ديه بتضره عشان كده بيحاولوا يخففوهالك وده اللي بيزودلك الصداع والتعب...

وبنبرة ذات مغزى...

_ بس عشانه تستحملي اي حاجة مش كده بردو؟؟..

ارتعشت زهرة بداخلها قليلا ثم قالت بابتسامة مهتزة...

_ ااه..اي حاجة استحملها عشانه ....

مرر يده على وجنتها وانحني يقبلها بجبينها ثم انحني الي اذنها هاتفا...

_ صدقيني يا زهرة العيل ده لو نزل هعيشك ف جحيم ..انا ماشي دلوقتي ...عندي شغل هجيلك بكرة ..

أشار لها بيده مودعا وغادر المشفي ...اما هي فبعد مغادرته صاحت بأعلى صوتها تستدعي تلك الممرضة حتي تطلب منها جرعة اليوم مقابل ما يتركه ناير تحت الحساب بالمشفي تأخذه الممرضة وتعاود مطالبته بدفع الحساب....

***************★***★

كما توقعت تماما...تركها بعد أن فرغ منها واعاد الأمور الي نصابها الصحيح تركها مغادرا الي زوجته الأخري ...كما أنه أصر علي معاقبتها فلم يتراجع عن انتقال طفليها للعيش مع والدته..

مازالت تتذكر اخر ما القاه علي مسامعها بأخر يوم بالاسبوع الذي أعاد تربيتها به...

" ده كان نتيجة تصرفك يا تمارا...اسبوع...اسبوع كامل استمتعت بيكي فيه...كل ليلة كنت ف حضني سبع تيام يا تمارا كل ما هتحاولي تتحديني هتفتكريهم...واقدر اقولك انك مش هتعملي كده تاني ...لأنك مش هتبقي عاوزة تكرريهم تاني اصلا...."

فاقت من شرودها علي صوت باب المنزل يفتح ويدلف منه عابد وضرتها...اغمضت عيناها بقوة تحاول منع الدموع منهما ..

_ انت قولتي لمين انك جاية لامي ؟؟..

قالها عابد بحدة وصوت مرتفع قليلا ...

_ انا مرحتش ف حته انا بس نزلت كام سلمة ...كنت عاوزة اشوف عيالي ...

_ ولو...كام سلمة...كام خطوة حتي ولا يفرق معايا الكلام ده ف حاجة اصلا ..تستأذنيني الاول ..

جاءت والدته علي صوته المرتفع وهي توجه كلامها الي تمارا قائلة بتحذير..

_ خلاص يا عابد حصل خير يا حبيبي ...هي مكانتش بتروح ف حته اصلا الا عندي ...مش هتعمل كده تاني ...صح يا تمارا...

اخفضت رأسها محاوله السيطرة على دموعها أمام تلك الغريبة التي لمحتها تبتسم بخبث فرحة بما يحدث ...

_ صح يا طنط...

_ اعتذري لجوزك واطلعي شقتك وتاني مرة تستأذني لما تحبي تجيلي...

تمارا بخفوت...

_انا آسفة...

وخرجت من المنزل بأكمله وصعدت الي شقتها...بمجرد أن أغلقت الباب خلفها تصاعد رنين هاتفها..

_ تنزلي دلوقتي عند امي تحت...

كان المتصل عابد زوجها قال لها ما يريده واغلق الهاتف بوجهها مباشرة...تأفأفت تمارا بنفاذ صبر وهي تقول..

" مش انت اللي عملتي فيها سبع رجالة ف بعض ...استحملي بقي"...

نزلت تمارا إلي الأسفل مرة أخري بناءا على أوامر زوجها...

"روحي حضري الاكل مع زينب جوة"..

لم ترد عليه حتي فقد سارت نحو المطبخ بكل هدوء حتي تباشر عملها...

لم يخلو الوضع بينهما من مضايقات زينب لتمارا واخيرا اتمتها زينب بملء الحوض بأواني كثيرة وخرجت من المطبخ وهي تقول بنبرة ماكرة..

_ انا سيبالك تذكار بقي يا حببتي ف الحوض...سلام بقي..

اكتفت تمارا بالصمت ولم تعيرها انتباها من الاساس..

بعد انتهاءها من العمل كانت تمارا تضع الطعام علي الطاولة المستديرة ووجهت حديثها الي حماتها قائلة....

_ الاكل خلص يا طنط ...

تغيرت ملامح حماتها الي الغضب وهتفت بصوت مرتفع حاد...

_ احترمي نفسك يا تمارا...اوعي ...اوعي تقللي من احترام ابني...ابني ده يبقي جوزك ...اوعي تنسي نفسك ...كل الخير اللي انت عايشة فيه ده كله من شقاه وعرق جبينه...اعتذري لجوزك واطلعي شقتك مش عاوزة اشوف وشك دلوقتي خااالص..

فرت دمعه من عيني تمارا رغما عنها لكنها ازالتها بسرعة وهتفت بصوت حزين...

_ انا آسفة...

وغادرت المكان بأكمله ذاهبة الي شقتها حتي تستطيع البكاء بحريتها ...

**********************

قلبها يرفرف من السعادة لا تصدق ما فعله بها خلال اسبوعان لا اكثر ...أحبته بكل تفاصيله التي تعلمها والتي لا تعلم عنها شيئا ...خلال هذا الأسبوع تبدلت حياتها كثيرا لم تعد تبكي كالسابق ...أصبحت تجلس مع سيلين بغرفتها وتتحدث الي صديقاتها ...حتي انها تشارك سيلين الرقص عندما تشغل المسجل ...لا يعنيها وقاص في شئ ولا حتي زوجته...

لم يعد يؤثر فيها كلام السيدة نجاة أو حتي توبيخها لها بسبب اعاقتها أو لبطئها في إنجاز أعمال المنزل الملكفة بها..

فقط تهتم بملابسها ...حررت شعرها من ربطته المعتادة واصحبت طوال الوقت تتركه منسدلا علي ظهرها ...

باختصار دخول ياسر الي حياتها نعمة تشكر ربها عليها فى صلاتها المتقطعة وتتمني عدم زوالها...

دلفت إليها سيلين الغرفة وبمجرد أن رأتها حتي أطلقت صفيرا دلالة على اعجابها...

_ واااااو ...ايه الجمال والشياكة ديه...انا كده هغير منك بقي...

قرصتها زمزم من وجنتها بخفة قائلة...

_ انت الاصل يا جميل..

وانحنت علي وجنتها وعضتها مما جعلها تصرخ...

_ اااااااااه ايه يا زمزم ده خدي الله...المهم بقي راحة فين كده يا جميل ؟؟؟...

_ عندي معاد عند دكتور ياسر...عشان الأشعة بتاعت رجلي...

دارت حولها سيلين وهي تتصنع التفكير قائلة...

_ امممم...دكتور ياسر...وانت متشيكة كده عشان دكتور ياسر ولا ايه؟؟...

ارتعبت زمزم بشدة وحاولت التماسك قائلة...

_ لا طبعا عجبتني الهدوم ف لبستها...انت عارفة أن انا كل فين وفين لما بخرج اصلا...

اقتربت منها سيلين ووضعت يديها علي كتف زمزم قائلة برفق...

_ زمزم انا اختك والله العظيم..صدقيني انا افرحلك لو حبيتي وحياتك اتعدلت بدل القرف اللي انت عايشة فيه ده...وبعدين حتي لو مش حب ف هو اثر عليكي بطريقة كويسة...كفاية أن خدودك رجعت تحمر تاني بدل لونك المخطوف دايما ده بسبب التعب...لسه شوية ع معاد الدكتور تعالي اقعدي واحكيلي كده من طقطق لسلامو عليكو...

سارت زمزم معها حتي جلست علي الفراش وبدأت تسرد لها ما حدث بينهم خلال هذا الأسبوع بدءا مما حدث عندما فحصها وأمرهم بالخروج الي اليوم الذي ذهبت فيه الي المشفي وتبادلا ارقام الهواتف بناءا علي طلب ياسر معللا طلبه ذلك بأنه يريد التحدث معها بشأن اعاقتها....

_يا سيدي يا سيدي...أيوة بقي...ياسر ده انا أعرفه من فترة مش كبيرة بس هو محترم جداااا...بس انا مستغربة ازاي كلمك وطلب رقم تليفونك وانت متجوزة؟؟؟...

_ لا م انا مش قيلاله...يعني هو مسألش واستنتج من عنده كده اني اختك الصغيرة وعمي يبقي بابا ...

_ ودبلتك فين طيب ؟؟..

_ م انت عارفة أن انا قلعاها من ساعة م اتجوزت اصلا ...

سيلين بتذكر...

_ ااااه صح....طيب يلا بقي عشان ننزل نروح معادنا عشان التأخير...

اومأت زمزم برأسها وسارت خلف سيلين بخطوات بسيطة وابتسامة رقيقة تزين ثغرها ...

بالمشفي كان ياسر يمسك بالأشعة الخاصة بزمزم يفحصها...بعد أن انتهي ياسر منها التفت إلي زمزم وعبد القادر قائلا...

_ زي م اتوقعت تماما الورم الزرقان ده سببه التحميل علي رجليها وطبعا ده خلي العضم يلتهب لأنه اصلا تعبان ...

عبد القادر بقلق....

_ يعني ايه يا دكتور ايه الحل دلوقتي ؟؟..

ابتسم ياسر بخفة وهتف مطمئنا إياه...

_ متقلقش يا استاذ قدري ...انا بس بطمن حضرتك علي المنظر البشع بتاع المرة اللي فاتت..لكن الحل موجود أن شاء الله...

دلوقتي الآنسة زمزم رجليها بتوجعها جدااا والإعاقة فيها باينة...اعتقد ان الدكتور اللي قبلي قال لازم علاج طبيعي عشان اثر الإعاقة يخف شوية ...صح؟؟...

نظر قدري الي زمزم التي اخفضت رأسها بعتاب وهتف...

_ صح يا دكتور ..

_طيب...احنا هنبدأ بالعلاج الطبيعي بعد م الورم ده يخف شوية..

_ للا..انا مش عاوزة العلاج الطبيعي ده...

قالتها زمزم بصوت متوتر مهتز..

قطب ياسر جبينه قليلا وهتف...

_ ليه يا انسة؟؟..

تولي قدري مهمة الرد هذه المرة لعلمه بعدم ردها على الطبيب مهما تحدث...

_ بعد الحادثة وكده راحت جلسة واحدة بس ...مستحملتش الوجع كانت الجلسة كلها تقريبا صويت وعياط ف مرحتش تاني ..

ابتسم ياسر بخفة وهتف مطمئنا إياها..

_ طبيعي طبعا أنه يبقي فيه وجع..بس بصي لنص الكوباية المليان هتعرفي تمشي من غير ما تتكعبلي ف حاجة ...هتعرفي تلبسي اي حاجة ومش هيهمك اذا كانت رجلك هتبان ولا لا ...انت نفسك هتبقي عاوزة تخوضي التجربة...

_ بس وجعها انا مش هستحمله يعني صعب جدا ده غير أن الدكاترة بتوع العلاج الطبيعي دول بيبقوا عنديين جدا يعني الدكتور ده كنت بعيط ادامه وهو برضه كمل...

_ طبيعي جدا أنه يكمل ...انت متعرفيش المرضي يبقوا عنديين ازاي يتمسكنوا ويعيطوا دول الستات طبعا وتفضل كده كل جلسه وف النهاية مفيش تحسن...

لم ينتبه ايا منهم الي قدري الذي خرج من الغرفة ليتحدث في الهاتف واكملا حديثهم الي أن هتف ياسر بأسف...

_ المرة اللي فاتت انا مكانش قصدي اني افكرك ب الإعاقة أو حاجة ...بس انا كنت بسأل عادي ..انا اسف..

زمزم بلهفة ..

_ لا طبعا حضرتك بتتأسف ع ايه ...اصلا التليفون وقع مني واتقفل بس انا مكانش قصدي خالص و والله ولا زعلت اصلا ...

ابتسم ياسر بلطف وبعدها دلف قدري الي الغرفة مرة أخري...

_ خلاص يا استاذ قدري انا والأنسه زمزم اتفقنا خلاص هتيجي الاسبوع الجاي عشان العلاج الطبيعي بس مش هنا هيبقي ف المركز بتاعي أن شاء الله ..

صافحه قدري شاكرا إياه علي قدرته في التأثير على قرار زمزم وغادر المشفي عائدا الي المنزل مرة أخري ..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

هرج ومرج بالطابق الثاني بالمشفي ...ممرضين واطباء يذهبون هنا وهناك وهم يدعون بداخلهم ألا يحدث ما يخشاه أحدهم ...ولكن إرادة الخالق سبحانه فوق كل شئ...

لم يستطع ايا منهم أو مجهوده وتعبه أن ينقذ الجنين داخلها...

لكن جميع محاولاتهم باءت بالفشل...

الان عليهم الانتظار الي أن يأتي زوجها ولكن ليس كزائر...وانما بصفة رسمية...

بعد قليل كان ناير يصعد درجات الدرج بسرعة وملامح غاضبة للغاية حتي وصل إلي الغرفة الموجودة بها زوجته كما أخبروه...

كان الطبيب قد خرج من الغرفة المحجوزة بها زهرة وتفاجأ بوجود ناير أمامه...

_ انا عاوز افهم ازاي ده حصل ؟؟؟...

ابتلع الطبيب ريقه بصعوبة شديدة وقلق من هدوء ناير فالمعروف عنه أنه عصبي للغايه ولكن الان يتحدث بكل هدوء ...

_ المدام سقطت ...

_ وده حصل ازاي؟؟...حصل ازاي يا دكتور يا محترم والمدام متربطة ف السرير ٢٤ ساعة!!!!...

كان الطبيب يحاول السيطرة علي خوفه من القادم ...يعلم أن ما سيقوله الان سيضيع ذرة العقل الموجودة ب ناير...هذا اذا كانت توجد اصلا في حالته العاديه...

_ أعتقد أن المدام رجعت تتعاطي المخدرات تاني..لان احنا لاقينا دول ف هدومها...

وأخرج الاكياس الصغيرة التي كانت تحوي شئ لا يذكر من المسحوق الابيض...اخذها منه ناير بهدوء وضعها بجيب بنطاله وبسرعة لم يتداركها الطبيب كانت لكمة قوية تطيح بوجهه ...

_ ديه عشان تبقوا تشوفوا شغلكوا كويس بعد كده ...دلوقتي تعملولها تحاليل والنتيجة تطلع النهاردة سامع...

اومأ الطبيب برأسه موافقا ثم فر من أمامه بسرعة..

****************

تقف أمام المرأة تضع احمر شفاه لامع فقط مع تحديد عيناها العسلية بكحل حتي تبرز جمالهما...وتركت شعرها منسدلا علي ظهرها برقة ...دقات علي باب الغرفة جعلتها تهتف بسرعة....

_ اتفضل يا عمو ادخل ...انا خلاص خلصت ...

لم يكن الذائر سوي "شيما" زوجة بن عمها_كما اختارت أن تسميها_...

_ اهلا يا شيما اتفضلي....عاوزة حاجة؟؟...

شيما بابتسامة مصطنعة...

_ الحقيقة اه كنت عاوزة...يعني النهاردة عندي فرح كده انا ووقاص طبعا الفرح ده جه ع غفله كده ف مكنتش عامله حسابي يعني....و طنط نجاة قالتلي اطلع اخد من عندك فستان لانهم عندك ومش بتلبسيهم عشان رجلك يعني وكده ..

اغتصبت زمزم ابتسامة علي صفحة وجهها وهتفت ...

_ عندك الدولاب يا حببتي خدي اللي انت عاوزاه....

وخرجت وتركتها مسرعة عندما صاح عمها مناديا إياها حتي لا يتأخرا عن موعد الجلسة...فخرجت مسرعة وتركت هاتفها بالغرفة ....

بالمركز الخاص بالدكتور ياسر ...كان ينتظرها علي احر من الجمر وابتسم بارتياح عندما شاهد سيارة السيد قدري أمام المركز ...

_ اهلا وسهلا...ازيك يا استاذ قدري؟؟...

_ الحمد لله يا دكتور...انت اخبارك ايه ؟؟...

_ الحمد لله بخير...

قم حول بصره ناحية زمزم متجاهلا سيلين تماما ...

_ ازيك يا آنسة زمزم؟؟...احسن النهاردة؟؟..

زمزم بخجل..

_ الحمد لله..احسن...

-طيب اتفضلي ادخلي جوة ف الاوضة الكبيرة اللي قدامك ديه وانا هاجي عشان نبدأ الجلسة...

اومأت برأسها إيجابا وسارت الي الغرفة برفقة سيلين...

تحدث قدري بابتسامة عملية قائلا..

_ تمام يا دكتور ...مش هوصيك علي زمزم هي مهمة عندي اوي ..

ياسر مطمئنا إياه...

_ طبعا مش هتوصيني....

غادر قدري المركز واتجه ياسر نحو الغرفة الموجوده بها زمزم وشقيقتها ....

_ الحمد لله انك اخدتي ع المكان بسرعة...

نظرت اليه زمزم بابتسامة عريضة قائلة...

_ اه تقدر تقول كده...يعني سيلين هي اللي جابتلي الهدوم ديه عشان اغير وهي اللي ربتطلي شعري كمان ...

_ لا احنا نشكر الآنسة سيلين بقي...طيب نبدأ؟؟؟..

اختفت ابتسامتها تماما وظهر الخوف علي محياها..

_ اوكي احنا لسه مبداناش اصلا عشان الخوف ده...شوفي لازم تبقي عارفة أن كده كده هيبقي فيه وجع رهيب ف الاول طبعا عشان انت مريحاها خالص لما بتتعبي بتقعدي ترتاحي مفيش تمارين ولا اي حاجه...

اقترب منها وامسك يقدمها يبدأ أولي مراحل العلاج الطبيعي...طوال فترة الجلسة كانت زمزم تحاول قدر الإمكان الا تبكي أو تطلب منه التوقف ولكن الالم زاد عن احتمالها فصرخت بقوة...

_ لا...لا كفاية...كفااااية مش قادرة...

وحاولت التملص منه لكن ياسر لم يتوقف وتابع عمله دون أن يكترث ...ظلت تبكي وتطلب منه أن يتوقف الي أن هتفت سيلين بتوتر...

_ط..طب سبها بس تريح خمس دقايق ...

لم يلتفت إليها ياسر حتي وانما هتف بجدية...

_ الساعة كام يا آنسة معاكي؟؟...

سيلين باستغراب....

_ الساعة اتنين ونص...

_ تمام ...حضرتك ممكن تستني برة ونص ساعة كده والانسة هتخرج...لو مش قادرة تستحملي صوتها يعني...

اغتاظت سيلين منه وخرجت من الغرفة بغضب ...وواصل ياسر عمله مع زمزم الي أن انتهت الساعة الي آخرها فابتعد عنها وتركها...

_ احم ...شوفي انت لازم تروحي ترتاحي يعني متعمليش اي مجهود نهائي مهما كان صغير ...

لم ترد عليه زمزم فقد دفنت وجهها بين كفيها وظلت تبكي بنعومة..

خرج ياسر من الغرفة وهتف محدثا سيلين...

_ آنسة سيلين احنا خلصنا ...اتفضلي حضرتك ساعديها تغير هدومها لانها مش هتقدر تعمل حاجة هي دلوقتي تقريبا جسمها شبه متكسر...

اومأت سيلين برأسها وغادرت مسرعة الي الغرفة وما أن شاهدت حالة زمزم حتي هرولت نحوها تحتضنها ...

_ خلاص يا زمزم ..اهدي يا حببتي..اقولك..يلا تعالي البسك ونخرج نتغدي برة..

ساعدتها سيلين حتي انتهت من ارتداء ملابسها وخرجا من المركز بأكمله دون أن تلقي السلام عليه حتي أو تلتفت له ...

*******************

ظهرت نتائج التحاليل بمنتصف الليل ..كانت الطبيب يرتعد خوفا من اعطائها لناير...ولكن ليس بيده حيلة سوى الدعاء والتضرع الي الله حتي لا يطاله اذي ناير خاصة وأن التحاليل أثبتت تعاطي زهرة للمخدرات بصورة كبيرة جدا مما ادي الي إجهاضها...

تقدم الطبيب من ناير يمد يده بالتحاليل...

_ اتفضل..ديه نتايج التحاليل ..

نظر إليه ناير بحدة قائلا بصوت ساخر...

_ حد قالك اني خريج زفت طب!!!...ما تخلص وتقولي فيها ايه؟؟...رجعت تتعاطي تاني ولا لا؟؟..

_ أأأأ...أيوة رجعت تتعاطي تاني...

شتم ناير بسره بغضب شديد ثم التفت إلي الطبيب قائلا...

_ هي تخرج امتي؟؟؟...

_ يعني يومين كده ولا حاجة والمدام تبقي زي الفل ...وتقدر تخرج أو تكمل علاجها ...

_ لا والله ..تكمل علاجها ولا تكمل موتها !!..غور امشي وانا مش هسيبكوا انا هبلغ عنكوا وهشتكيكوا ...عاوز سجلات الكاميرا بتاعت اوضتها وبتاعت الطرقة...

انصرف الطبيب حتي يفعل ما أمره به ناير ...

دلف ناير الي الغرفة المحجوزة بها زهرة فوجدها نائمة كعادتها مؤخرا بعد ما حدث وفقدانها لطفلها ..

"تفوقي بس يا زهرة...تفوقي بس وانا هعالجك...".

****************

دلفت زمزم الي المنزل بمساعدة سيلين ابنة عمها إذ أنها كانت متعبه كثيرا بعد جلسه العلاج الطبيعي تلك..

قابلتها زوجه عمها وهي في طريقها إلي الغرفة ولم تسلم منها ...

_ خير يا سيلين مالها الاخت؟؟...

_ تعبانة يا ماما لسه راجعة من جلسة العلاج..

مطت نجاة شفتيها ثم قالت بسخرية...

_ وياريته يجيب نتيجه...

وغادرت من أمامهم تحت نظرات سيلين المستاءة ودموع زمزم..

بعد مرور بضعه ساعات كانت سيلين تدق الباب حتي تدلف الي غرفة زمزم...

_ ادخل...

سيلين بابتسامة...

_ ايه يا زوزو...تعالي عشان الغدا يلا...

_ مش قادرة انزل والله يا سيلين...وانا مش جعانة اصلا..

تصنعت سيلين الزعل وهتفت بصوت حزين....

_ يعني انا طالعه اندهك وانت تقوليلي مش قادرة...خلاص هطلبلك الاكل هنا واكل معاكي ...

اومأت زمزم برأسها وهتفت...

_ ماشي اطلبي الاكل هنا...انا مقدرش علي زعلك يا سيلا..

بعد أن انتهيا من تناول الطعام خرجت سيلين من الغرفة وتركت زمزم ...

أصدر هاتفها صوتا يخبرها بوصول رساله ما فالتقطته بسرعة حتي تفتحه..

" زمزم انا اسف...بس صدقيني ده اللي المفروض يحصل ...هتشكريني بعد كده ع اللي بعمله ده...المهم انت دلوقتي اخبارك ايه؟؟؟..."

وبذلك نسيت زمزم ما حدث...ونسيت ايضا الم ساقها ...ياسر مهتم بها ...يهتم لمشاعرها كما لم يفعل أحدا من قبل ....ياسر يعاملها كإنسانة طبيعيه...ينسي اعاقتها تماما ويتعامل معها كأنثي بها من معالم الأنوثة ما يكفي ويفيض....

*********************

مر اسبوع اخر...يليه اخر ولم يأتي إليها أو لأبنائه عاد كما كان قبل أن تشعل فتيل غضبه...ما الاسبوع الذي قضاه معها سوي عقاب علي رفضها له..كيف ترفض "عابد سلمي"؟؟...بالتأكيد جُنت ... ولكنه أصر أن يجعلها تدفع ثمن جنونها ذاك...

نظرت إلي نفسها بالمرأة وابتسمت بسخرية مريرة...خلال ستة أشهر وصلت الي هذا الوزن ...بدلت ثيابها كاملة الي عباءات حتي تداري بها زيادة وزنها...كما أنها لا تخرج من المنزل إلا للضرورة فقط...

شردت بفكرها بعيدا إلي ذلك اليوم الذي علمت فيه بزواجه من أخري ثارت...غضبت ..ولكن لم تستطع الصمود أمام غضبه ...

"مقصرة معاك ف ايه عشان تتجوز عليا؟؟...خلفة ؟؟...الحمد لله جبتلك الواد والبت...جمال.؟..جميلة بشهادة الكل ومحدش بيصدق اني متجوزة اصلا ...حقوقك؟؟...بتاخدها مهما كنت تعبانة أو بموت حتي مبقولكش وبضغط علي نفسي عشان ممنعكش من حقك...ليه تتجوز عليا لييييييييه؟؟!!!....

لم يهتز قليلا حتي من انهيارها أمامه فقط ما لفت نظره هو صوتها المرتفع ...

" وطي صوتك يا تمارا ...انا اتجوز مرة واتنين وأربعة محدش ليه عندي حاجه...انا حر ...

صرخت بجنون ...

_ لا مش حر...لا انت اتجوزت عليا من غير سبب...اتجوزت وبس ...انت اتجوزت لأنك ناقص ...ناقص وحاسس اني كتيرة عليك ...رحت لواحدة زيك ناقصة عشان تبقي سي السيد عندها وتديك مكانتك كإنك كامل...

كان ذلك اخر ما تفوهت به من جنون وكلمات لا تعلم عواقبها جيدا...انتهي بها الأمر علي الفراش وهو فوقها مستعينا ببنيته القوية بعكسها ..

أما هي فاستسلمت وفاقت من نوبة الجنون التي اجتاحتها

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

كان يجلس بجانبها علي الفراش منتظرا استيقاظها من النوم كما أخبره الطبيب ...

فقد اخذها ناير من المشفي ونقلها الي المنزل بعد أن جهز لها غرفة بالمنزل حتي يتابع ويشرف هو علي علاجها...

تململت زهرة في فراشها وفتحت عيناها وهي تضع يدها علي رأسها بملامح منزعجة...

ابتسمت زهرة عندما شاهدت ناير أمامها وهتفت...

_ازيك يا ناير؟؟...فينك بقالك كتير مبتجيش؟؟...

ثم حولت بصرها بأنحاء الغرفة الموجودة بها ..لم تكن غرفة المشفي ...

_انا فين؟؟..

_ انت ف البيت...

أفلتت ضحكة صغيرة منها ثم قطبت جبينها قائلة ...

_ ازاي يعني ف البيت!؟...وليه ف البيت اصلا ... مش المفروض اني بتعالج!!...

اومأ ناير برأسه ونهض من مكانه قائلا...

_ المفروض...المفروض انك بتتعالجي فعلا..بس لما تكوني انت مش عاوزة تتعالجي ووجودك ف المستشفي بيتعبك اكتر وبيدهور حالتك اكتر يبقي ملهاش لازمة وتخرجي منها...ولا انت ايه رأيك؟؟...

اجفلت من كلامه الغير متوقع فطوال فترة تعبها كانت مخدرة ..فقد أمر ناير الأطباء بتخديرها حتي ينتهي من إجراءات خروجها من المشفي وينقلها الي المنزل ...

_ انا مش فاهمه حاجه...بس انا حالتي كانت كويسة ف المستشفي ...

ضحك ناير بسخرية ثم قال...

_ حالتك كانت كويسة!!!...ده قبل البودرة ولا بعدها ؟؟...علي حد علمي انت اول م روحتي المستشفي مكنتيش طيقاها..ومن كام اسبوع بدأتي تحسي انك مرتاحة فيها...مش حاجة غريبة ؟؟...

اتسعت عيناها بصدمة وخوف معا وتلقائيا وضعت يديها على بطنها...تفهم ناير جيدا فهو إذا علم بتعاطيها المخدرات مرة أخري كان عاقبها بداخل المشفي ..لكن هدوءه والسخرية التي تظهر على صفحة وجهه الان اخبرتها أن شيئا ما حدث لجنينها...

_ اممم...فعلا يا زهرة انت مبقتيش حامل خلاص مفيش عيل ..وحتي اني قرفان اقرب منك عشان نجيب عيل تاني..بس صدقيني هدفعك تمن العيل اللي راح ده..

تحرك ناير ناحية الطاولة المستديرة الموجودة بالغرفة وأخذ صينية الطعام وسار ناحية زهرة ...

_ اول ايام الجحيم يا زهرة....فطارك وكمان كام ساعة هيجيلك الغدا...لو وقعتي الاكل ف مفيش غيره...بالإضافة لأنك هتنضفي اللي عملتيه...

انا لا عندي مصحات ولا علاج ..هتتحبسي هنا لحد السم ده م يخرج من جسمك..حتي لو بعد ميت سنة...

عاملتك زي الناس ووديتك مصحة بس انت رفصتي النعمة ..شيلي بقي...

وخرج وتركها في صدمتها وكل ما يدور برأسها أن ايامها هنا لن تمر بسلام ابدا ...

********************

على طاولة الغداء كانت تجلس نجاة وزوجها ووقاص وزوجته وسيلين وبجانبها زمزم التى تمسك بهاتفها طوال الوقت ولا تفارقها تلك الابتسامة المحبة على شفتيها ...كان عمها يتابعها بابتسامة صغيرة وتعبيرات غامضة الى ان انتفضت زمزم على صوت زوجة عمها توبخها كعادتها...

-ياريت تبطلي توزيع ابتسامات هنا عاوزة توزعيها اطلعي اوضتك مش ناقصين احنا...

اخفضت زمزم رأسها ونظرت الى طبقها بعينين مدمعة حتى تحدثت شيما بنبرة خبيثة متوارية ولكنها بالطبع لم تخفي على نجاة...

-معلش يا طنط سبيها هي اكيد بتكلم صاحبتها او حاجة...اصلا طول اليوم فونها مش بيبطل رسايل واتس اب..

قبضت زمزم على هاتفها بقوة مذعورة ولم تقوى على رفع عيناها ولكن سيلين كانت تستعد للهجوم على تلك الماثلة امامها اذ انها لا تحبها ابدا وتتمني خروجها من المنزل بلا رجعة...

-ملكيش دعوة يا شيما ..رسايل واتس اب مكالمات فيديو حتى ملكيش علاقة ...هي مبتجيش تقولك وريني تليفونك وكلنا بنبقي سامعين الرسايل اللى بتجيلك على اى اب ف الفون ...ف متدخليش ف اللى ملكيش فيه...

قاطعها وقاص عندما نظر الى زمزم بقوة قائلا...

- تعالى ورايا...

هربت الدماء من جسد زمزم وشحب لونها لم تتوقع ان يأمرها باتباعه فجميع لقاءاتها مع وقاص كان التجاهل هو ما يسيطر عليها يلقي اوامره ثم يذهب من امامها وهى تفعل ما يأمرها به بصمت خشية مواجهته او التشاجر معه...

ابتسمت نجاة بتشفي وفرح فهي تعلم ابنها جيدا رغم هجره لها لكنه لم ولن يرضي ان تقلل من احترامه او تتصرف بما يضع رأسهم بالطين ...لم يتحرك عبد القادر من مكانه ولم يتفوه بحرف او يدافع عنها حتى وذلك ما اثار ريبتها فقط سيلين هى من نزعت منها الهاتف حتى انها لم تخبرها بما فعلته واعطته لها مرة اخري...

تحركت زمزم بخطي متثاقلة نحو الغرفة التى دلف اليها وقاص ومعها هاتفها ...اوشك قلبها على التوقف من قوة نبضاته التى كادت ان تحطم اضلعها ....

اخيرا دلفت زمزم الى الغرفة واغلقت الباب خلفها كما امرها وقاص...

-هاتي تليفونك...

مدت يدها بالهاتف بأصابع مرتعشة خائفة من انكشاف امرها ..التقطه وقاص وحاول فتحه لكنه وجده بكلمة سر...

وقاص بحدة...

-هو انا فضل ازقك بقي ولا ايه؟؟...لما انت عارفة انه بزفت باسورد م تفتحيه...قولي الزفت...

حمدت ربها انها لم تضع كلمه السر حروف اسمه لكانت الان فى عداد الاموات فقط اليوم الاول الذي تقابلا به ومن المؤكد ان بضعة ارقام منفردة كما تقولها هي لن يستطع وقاص معرفة هويتها او ماذا تعني ...

فتح وقاص الهاتف وبحث فى كافة محتوياته لكنه لم يجد شيئا -كما ظنت هي-...

-طيب يا زمزم خدي تليفونك واطلعي..

عقدت جبينها باستغراب وتوجس فهو لم يتوصل لشئ...ولكن كيف؟؟..من المؤكد ان ما فعلته سيلين بالهاتف هو ما ادي الى عدم معرفته بشئ بشأن ياسر ...لا يهم اي شئ الان فقط ما يهمها انه لم يكشفها ...

خرجت من الغرفة مسرعة قدر استطاعتها وصعدت الى غرفتها وتبعتها سيلين حتى تعلم ماذا حدث...

*****************************

التقطت هاتفها حتى تتحدث الى شقيقتها وتخبرها بقرارها الجديد والذي توصلت له بالنهاية ...ضغطت على رقمها وانتظرت حتي ترد عليها شقيقتها وبالفعل بعد ثوان وصلها صوت زمزم المرتعش الخائف وهى تعلمه جيدا..على الفور نسيت ما اتصلت بها بشأنه وراحت تسألها بلهفة وقلق...

-مالك يا زمزم؟؟...صوتك ماله؟..

جاءها صوت زمزم على وشك البكاء...

-كـ..كنت هتكشف يا تمارا...انا ميتة ف جلدى م الرعب ..

-ليه يا حببتي بس مالك؟؟...تتكشفي ليه انت بتعملي ايه اصلا؟..

انفجرت زمزم باكية بعنف وقالت...

-ياسر..ياسر يا تمارا كنت هتكشف فعلا ووقاص اللى كان هيكشفني لولا سيلين مسحت الرسايل ....

تنهدت تمارا براحة ثم حاولت تهدأة زمزم قائلة...

-طب اهدي بس...الحمد لله اهو متكشفتيش الحمد لله يلا قومي اغسلى وشك وتعالى عشان عاوزة اكلمك ف موضوع كده..

نهضت زمزم من مكانها وفعلت كما امرتها شقيقتها ...

-ها يا توتا كنت عاوزة تقولي ايه؟؟...

بدأت تمارا الحديث بحماسة اثارت استغراب زمزم واهتمامها ايضا فانتبهت اليها بجميع حواسها..

-شوفي يا ستي...طبعا زى م انت عارفة انا عجلة واااد كده على غير العادة...يعني وصلت لوزنى ده ف ست شهور بس.. .وبسبب الوزن ده غيرت استايل لبسي كله وبقي عبايات او تونيكات بس..بصراحة زهقت من شكلي كده ف انا قررت انى اخس وارجع زي الاول انت ايه رأيك؟؟...

هتفت زمزم بصراخ وفرحة...

-انت بتسأليني ع رأيي ؟!!...طبعا معاكي يا متخلفه انت لازم تخسي وترجعي زى م كنتي طبعا...

زادت حماسة تمارا واتسعت ابتسامتها وتابعت..

-امبارح بدأت رجيم من صفحة ع الفيس بتنزل نظام اكل وكدة والحمد لله ماشية عليه كويس لغاية دلوقتي بس فيه مشكلة صغنونة كده وانت اللى ف ايدك الحل...

زمزم بسرعة...

-عنيا ليكي يا توتا قوليلي بس انا ف ايدي ايه وانا هعمله فورا...

-لازم رياضة ...والرياضة ديه مش هتيجي الا اذا نزلت اتمشيت كل يوم ساعة ع الاقل ع مدار اليوم..وعابد مش هيرضي ينزلني الا لو كان حد معايا ف انا فكرت انى اقولك عشان تنزلى معايا وهو كده يبقي مطمن لان انت عمو قدرى مبيسبكيش تنزلى من غير حراسة وديه حاجة هتنفعني طبعا...

-اوكي يا توتا اتفقنا بس خليها ع 10 الصبح كده ننزل واهو بعد الساعة اروح جلسة العلاج علطول...ماشي؟؟..

-طبعا ماشي يا قلب توتا...باي يا حببتي..

ودعتها زمزم كذلك واغلقت الهاتف والتفتت الى سيلين حتى تسألها ماذا فعلت بالهاتف واخفت اثر حديثها مع ياسر؟؟...

-سيلا انت عملتي ايه ف التليفون ...وقاص معرفش يطلع حاجة خالص من عليه؟؟..

امسكت سيلين بياقة قميصها وهتفت بغرور مصطنع...

-عشان تعرفي بس فايدتي ف حياتك يا بنت عمو ناصر...معملتش حاجة بما انى عارفة باسورد الفون ف فتحته ومسحت الواتس خالص ...وطبعا بما انك دهولة يا حياتي وادتيني انا التليفون عشان انزلهولك م الاساس ف الرسايل مضاعتش ...لا تقلقي عزيزتى...

قفزت زمزم من مكانها وانقضت على سيلين تحتضنها بقوة وهى تبكي وتلقي على مسامعها عبارات الشكر والامتنان الغير منتهية....

*******************

مرت عليها الدقائق بثقل شديد مع مرور كل ثانية كان الم رأسها يتضاعف اكثر من ذي قبل ...سابقا وقبل ان تعاود تعاطي تلك السموم كانت بدأت تعتاد على الم رأسها قليلا ولكن امكانية وجود المسحوق الابيض جعلتها تلقي ما بنته خلال شهر من العلاج وراء ظهرها وانجرفت وراء الممرضة وعاودت تعاطي المخدرات...

تناولت طعامها كما امرها ناير ولم تتسبب فى احداث ضجة قدر استطاعتها فزوجها لن يتوانى عن تنفيذ تهديده اذا ما حاولت اثارة المشاكل بالغرفة او العبث بمحتوياتها...

فتح الباب ودلف منه ناير يحمل صينية طعام بيده نفس المشهد يتكرر وضع الصينية على الطاولة الصغيرة بالغرفة والتفت لها قائلا...

-الغدا..يلا كلي كده انت خسيتي خالص عاوز اجي اخد الاطباق ديه الاقيها ممسوحة...

واستعد حتى يخرج من الغرفة فاستوقفته زهرة قائلة بصوت مهتز وعينان مدمعة...

-مـ..ممكن تـ..تديني حاجة للصداع يا ناير؟؟...

لم يلتفت لها واجابها قائلا بصوت حاد لا يقبل النقاش..

-لا...

اقتربت منه وامسكت برسغه تترجاه وعبراتها تجري على وجنتيها ...

-الله يخليك يا ناير...صدقني انا تعبانة ...تعبانة ودماغي هتنفجر م الصداع عاوزة بس اي حاجة تخفف الوجع والصداع ده...

حل وثاق رسغه من قبضتها تابع سيره ناحية باب الغرفة لكنه توقف مكانه عندما شاهد الطاولة الصغيرة وما عليها يطيحان بالارض تبعهم صراخها هي..

-يعني ايه لا!!...انت مفكر نفسك مين ها؟؟..انت ملكش دعوة بيا انت اتخليت عني وسبتني جاي دلوقتي تتعبني تاني؟؟...غور امشي مش عاوزة منك حاجة ...

شهقت بمفاجأة والم عندما جذبها ناير بسرعة من شعرها وهتف من بين اسنانه..

-مع الاسف يا حياتي مفيش غير الاكل اللى انت وقعتيه ده لغاية العشا علينا وعليكي بخير بقي...ولغاية العشا ان شاء الله ف مراتي حببتي هتنضف اللى هي عملته ده ...احسن ما يبقي مفيش عشا كمان...

صرخت بعنف وعناد...

-مش هنضف حاجة...لا عاوزة اكل ولا شرب ...هفضل كده لحد م اموت وربنا يخلصني منك...

حفر الالم معالمه على وجهه بوضوح مع كل كلمة تتفوه بها زهرة ولكنه اخفاه بمهارة وراح يهزها بعنف...

-انا هربيكي يا زهرة...

ودفعها حتى سقطت على الارض بجانب ما اسقطته من طعام...

-براحتك يا حياتي..يعني اسافر وانا مرتاح لانك كده كده مش هتاكلي بقي وعاوزة تخلص مني...اوكي انا هساعدك...هتوحشيني يا زهرتي ف الكام يوم اللى هغيبهم دول...

وخرج وتركهاواغلق الباب خلفه بالمفتاح ثوان وكانت صرختها القوية تشق الصمت من حوله بسبب الم رأسها الذي بدأ فى التزايد بصورة غير محتملة خاصة مع جذبه لها من خصلات شعرها بقوة والتي ساعدت فى مضاعفة الالم...

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

الان وبعد ان حبكت خطتها جيدا واحكمت الحصار من حوله حتي لا يعترض بقي عليها مهمة اخباره ...انتظرته حتى يأتى فقد اخبرتها حماتها بقدومه اليوم ولكن بساعة متأخرة ولكنها لم تكترث وبقيت تنتظره ...ذهبت والدته فى سبات عميق اذ ان الساعة الان تشير الى الواحدة والنصف بعد منتصف الليل فيأست من حضوره ونامت...

تنهدت تمارا باحباط وامتعاض جلي ونهضت من مكانها حتى تغادر الى شقتها ولكنها توقفت مكانها وابتسمت باتساع عندما سمعت صوت الباب وهو يحاول فتحه ...

تجمد عابد بمكانه عندما شاهدها لاول مرة منذ زواجه بها تبتسم له..بدت وكأنها تنتظره ...شرد بخياله بعيدا الى احدي امانيه عندما شاهدها لاول مرة فى خطبة ابنة عمها "سيلين"...عاش معها بخياله ..تخيلها وهى تنتظره بإحدي ابتساماتها التى تسلب لبه بدون شك عند عودته من العمل...ولكن جميع امانيه وما بخياله تبخر عندما...

-هتفضل واقف عند الباب كتير كده ؟؟..

قالتها تمارا بهدوء وابتسامة صغيرة على شفتيها واخرجته مما شرد به ربما لدقائق ولم يشعر...

استعاد رباطة جأشه وعادت الجدية الى ملامحه ثم قال...

-لا ابدا...اكيد هدخل يعني بس اتفاجئت كده فكرتك مثلا مستنياني ..

فتحت فمها تنوي الرد لكن صوت والدته الملهوف قاطعها وهى تندفع الى احضان صغيرها ..

-وحشتني اوي يا حبيبي ..كده كده يا عابد يومين بحالهم مشوفكش يا ابني...

بادلها عابد العناق بقوة وربت على رأسها مقبلا اياها ثم ابعدها عنه وجلس على المقعد قائلا بقوة هادئة...

-هو انا مش قايل متنزليش هنا الا لما تقوليلي؟؟..كلامي مبيتسمعش ليه ؟؟..

سارعت والدته بالرد وهى تربت على كتفه قائلة بنبرة مدافعة...

-لا يا حبيبي مش ذنبها...انا كلمتها قولتلها انى تعبانة انت عارف السكر بقي على عليا فجأة كده واتصلت بيها عشان تلحقني لكن هي متقدرش تكسر كلمتك طبعا...

عابد بلهفة...

-انت كويسة دلوقتي يا امي ولا تروحي لدكتور...

ردت والدته مطمئنة اياه..

-لا يا حبيبي تسلملي انا تمام تمارا الله يباركلها لحقتني بالعلاج...تعالى بقي اتعشي معانا..

انتهيا من تناول العشاء الذي اعدته تمارا فى دقائق وجلسا سويا لبعض الوقت وبعدها نهضت والدته من مكانها وهى تقول اليهم وتشير الى باب المنزل...

-يلا يا حبيبي خد مراتك واطلع شقتك انا خلاص هدخل انام مع حبايبي...تصبحوا على خير..

عابد/تمارا...

-وانت من اهل الخير يا امي...

لم يستطع عابد مجادلة والدته بشأن صعوده الى منزله فهي لا تعلم شيئا عما قالته تمارا بذلك اليوم لذلك فعل ما طلبته والدته بصمت تام وتبعته هي بسكون..

بالشقة ..دلف عابد الى غرفة اطفاله واستعد للنوم بها حتى يذهب صباحا الى العمل ...بعد قليل دلفت اليه تمارا بعد ان دقت على الباب تنتظر اذن الدخول..

-ياااه ...بتقدري الوقت صح اوي استنيتي لما غيرت هدومي وبعدين دخلتي...المهم خير؟؟..

شبكت كفيها ببعضهما دلالة على توترها وقالت..

-كنت عاوزة استأذنك انى اروح النادي مع زمزم...

قطب عابد جبينه قليلا ثم هتف باستغراب...

-نادي!!...ده من امتي اصلا ..وعاوزة تروحي ليه؟؟..

-عادي..انا بفضل قاعدة هنا ال24ساعة وانت مبترضاش انى اخرج الا معاك لما تكون موجود...لكن زمزم عمو قدري مبيخرجهاش الا بالحراسة عشان لو حصل حاجة لاقدر الله..

-اممم...ف انت شوفتي انها فرصة كويسة خصوصا ان مش هيبقي فيه مبرر لرفضي..

اسرعت تمارا تقول بلهفة..

-لا..لا والله مش قصدى...انت تقدر تقولي لا بكل سهولة ومش لازم تقول اسباب كمان...بس انا فعلا لاقيتها فرصة كويسة خصوصا انى مبروحش لزمزم وده هيبقي تعويض..وكمان العيال مش هقدر اسيبهم لطنط ف قولت النادى فرصة...

ابتسم عابد بخفة وتمدد على الفراش قائلا..

-ماشي يا تمارا...وخدي الكريديت بتاعتك م المحفظة ...يلا خدي الباب ف ايدك...

نظرلها عابد وهى تعطيه ظهرها بنظرات ممزوجة بالاحباط...خيبة الامل..الخذلان ...الوجع...ف ابتسامتها وهدوءها ورقتها معه اليوم لم تكن نابعة من داخلها ...كانت فقط مجرد واجهة لما ستطلبه منه ولذلك اقتضي ذلك توفيرها الراحة للزبون حتي تصل الى مرادها وما تريده...

تنهد بوجع وخيبة ورفع الغطاء عليه واغمض عيناه حتي يستدعي النوم الى جفنيه...

*********************

دلفت اليها سيلين على حين غرة فشهقت بعنف من المفاجأة ونهضت مسرعة من مكانها ولكنها تعثرت بسبب كومة الملابس التى تحتل اكثر من نصف ارضية الغرفة....

اقتربت منها سيلين وهى تنظر للملابس الملقاة ارضا بذهول قائلة...

-ايه ده كله يا زمزم ؟؟...مطلعاهم كلهم كده ليه؟؟..

غرست زمزم اصابعها بخصلاتها البرتقالية وهتفت بنزق وملامح منزعجة...

-مش عارفة البس ايه وانا راحة عند ياسر...زهقت ف نزلتهم كلهم...

ضحكت سيلين بقوة حتى ادمعت عيناها وهى تنظر الى تلك الطفلة الحانقة امامها ثم تقدمت منها وجلست بالارض...

-ما لازم طبعا متبقيش عارفة..انت اصلا هدومك كلها قديمة ..مكنتيش بتجيبي لبس اساسا...

زمزم بحيرة..

-طب اعمل ايه؟؟..

رفعت سيلين احدي حاجبيها بتفكير ثوان واصدرت صوتا بإصبعيها وهتفت..

-لقيتها..شوفي يا ستي فاضل ع معادك ساعتين بحالهم ايه رأيك تنزلي معايا نروح نجبلك طقم محترم كده تروحي بيه؟؟..

اعجبتها الفكرة وتحمست كثيرا ثم عادت ملامحها الى التجهم وهتفت...

-بس الحاجات ديه مين هيشيلها كده هتأخر..

قاالتها وهى تشير الى الملابس الملقاة ارضا...جذبتها سيلين من ذراعها وهى تقول..

-سيبك من ده كله دلوقتي هبعت سمر عشان تشيل ده كله واحنا نخرج...ها يلا بقي ولا ايه ؟؟..

اومأت زمزم بسعادة وذهبت حتى ترتدي ملابسها...

*******************

بغرفة وقاص وزوجته المصون ...كانت شيما تذرع الغرفة ذهابا وايابا بضيق وملامح غاضبة وامامها يجلس وقاص ينفخ بنزق ثم هتف اخيرا بحدة...

- م تقعدي على حيلك بقي خيلتيني...

-مش هقعد ...مش هقعد الا لما اعرف السبب العظيم اللى مخليك مش راضي تعملي حفلة عيد ميلادي هنا ف الفيلا...ايه قليلة مينفعش اظهر قدام رجال الاعمال والمناصب اللى تعرفوها ..

صاح بها بغضب وصوت مرتفع...

-يووووه بقي مش هنخلص ولا ايه؟؟...انت مش صغيرة عشان اعملك عيد ميلاد...وبعدين مش لازم الناس كلها تحضر الحفلة كان ممكن تكون الحفلة ديه special ...لينا احنا وبس...

صرخت بعند وغضب...

-وانا مش عاوزاها special..انا من ساعة م جيت هنا وانا مبخرجش معاك اروح لقرايبك حتي ولا حد من معارفكو بييجي هنا ولا قولت لحد انك متجوز اصلا...الحفلة ديه هتبقي فرصة ليا ...وبصراحة رفضك ده مش مريح ...

غرس اصابعه الطويلة بخصلات شعره بقوة وابتسم بغيظ محاولا اقناعها...

-يا شيما...يا حببتي انا مبحبش جو الحفلات ده اصلا وده اللي خلاني أعجب ليكي ...الحفلات ديه والجو ده كله بلاستيك وشوش منافقة هييجوا للمجاملات وبس...

لم تقتنع بل لم يزيدها كلامه الا عنادا فوق عنادها..

_ اديك قولت مجاملات وده اللي انا عاوزاه ...عاوزة الكل يعرف اني بقيت مراتك الاولي والأخيرة ..

زفر بضيق شديد وهتف بنزق واضح بصوته...

_ طيب يا حببتي...هعملك الحفلة هنا ...

اقتربت منه شيما واحتضنته بنعومة أثارت غريزته نحوها ...كانت تعلم جيدا ما تفعله تلك الخبيثة ولذلك تعمدت أثارته بمفاتنها الأنثوية حتي انتهي بهما الامر علي الفراش يمارسان الحب من وجهة نظره....

بالغرفة الموجودة بها زهرة...كانت لا تزال تصرخ بسبب الم رأسها الذي يتضاعف اكثر واكثر خاصة مع صراخها المستمر ...بعد مرور بضعة دقائق خارت قواها وجلست بأحد اركان الغرفة تضم قدميها الى صدرها وحولها خصلاتها الهائجة المشعثة ...انتهت من الصراخ وتفرغت للبكاء ولاحت ذكري عمرها اربعة اشهر فقط الى ذهنها...

عودة الى وقت سابق...

ركضت بسرعة الى هاتفها الموجود على الفراش والتقطته بأيادي مرتعشة جراء ما رأته من معركة طاحنة درات بين الحراسة التى تحاوط المنزل وذلك الخنزير الملئ بالشحوم هو ورجاله ...سقط الهاتف منها فجاة وهى تستمع الى جملته التى خرقت اذنها...

"عاوز مراته...والحراسة عاوزهم مصابين...محدش ييجي جنبهم لموا التليفونات وامنولي المكان جوة"...

عادت تلتقط الهاتف الذي سقط منها واتصلت به حتى ينقذها من براثن ذلك الذئب بالخارج..رد عليها ناير بغضب الجمها ...

-ايه؟..ايه؟..اتصالات اتصالات عندي شغل..مبتفهميش..مش فاضي يا زهرة ..لو سمحتى اقفلي وانا هقفل التليفون خالص لاني عارف ان ايدك هتاكلك وهتتصلي تاني بردوا ...

واغلق الخط دون ان يتيح لها الفرصة للحديث ...عادت زهرة تهاتفه من جديد قبل ان ينفذ تهديده ويغلق الخط ولكن يبدو انها تأخرت فقد اغلقه بالفعل...

انتفضت فى مكانها عندما سمعت صوت الباب واحدهم يحاول فتحه ويفسح المكان لذلك الرجل الشبيه بشعار "ميشلان"..

اقترب منها الرجل وابتسم باتساع مظهرا اسنانه الصفراء بفعل النيكوتين ..ابتسامة اثارت التقزز فى نفسها جذبها من ذراعها وخرج من الغرفة لتبدأ رحلة عذابها ..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

صباح اليوم التالى ...كانت تمارا تقف امام المرأة تحاول وضع عدستها اللاصقة حتى تداري بها لون عيناها غافلة عن ذلك الذي يقف مستندا على اطار الباب يراقف خلجاتها بشغف لم يستطع اخفاءه ..ولن يستطع البوح به امامها..تافأفت بضيق راحت تستغفر بصوت مسموع عندما فشلت لأكثر من مرة فى ارتدائها ..اقترب منها عابد ووقف خلفها وهتف..

-طب بتلبسيها ليه اصلا؟؟..انا اعرف ان البنات بتلبسها عشان تغير لون عنيها من البني للازرق او الاخضر انت عاوزة تداريها وتخليها بني؟؟...

رفعت كتفيها بلامبالاة وهتفت..

-انا مبحبش اخرج بيها ..بتكسف لما الناس بتركز فيها ف بداريها..

-اممم...وجهة نظر بردوا...النشاط ده كله عشان راحة النادي مع زمزم؟؟..

اومأت برأسها بابتسامة على شفتيها وعادت لتضع العدسة ولكنها لم تستطع فاقترب منها عابد وامد يده لها قائلا...

-تعالى اما البسهالك...

نظرت اليه بذهول ثم هتفت بضحك...

-عاوز تضيعلى عيني خالص...لا بلاها احسن ...

توقفت مكانها وسكنت ضحكاتها وتحولت الى تمثال من الرخام لا يتاثر بشئ عندما هتف هو...

-براحتك..انا اصلا بركبها لزينب علطول ...يلا انا نازل رايح الشغل ...سلام..

كانت تقبض على يدها بعنف شديد فهو يتعمد اثارة غضبها...يتعمد قهرها وتجريحها...تجاوزت ما حدث والتفتت حتى تكمل ما تفعله لكنها تفاجأت بأنها اتلفت العدسة اذ انها تقبض عليها طوال هذا الوقت رمتها ارضا بعنف وغضب وهى تقول...

-والله م انا لبساكي لا دلوقتي ولا بعدين اوف...

واخذت حقيبتها وخرجت من المنزل حتى تاخذ طفلتها من الطابق اسفلها...

*****************

بقصر النوساني..نزلت زمزم الى الاسفل حتى تذهب الى موعدها مع ياسر ...بالامس دعاها لتناول الغداء فلم تفعل شيئا سوي ان خرجت من غرفته ركضا على قدر ما اسعفتها قدمها ولم ترد عليه..بقي ساعات الليل كامله يحاول الحديث معها وبعث اليها برسالات الاسف وعدم التكرار مجددا ...ولكنها كانت تزداد خجلا واحمرارا ...اليوم قررت ترك شعرها حرا بدلا من ربطه ...لا تعلم فقد خالجها شعور احمق خاص بفتيات المراهقة ...تلك الفتيات التى تترك خصلاتها طويلة عندما تحب شخصا ما ...وعندما يتبادلا الكلام الرومانسي تترك شعرها حرا وتتلاعب به...باللعبث..

هزت رأسها حتى تبعد تلك الافكار عن مخيلتها ووقفت تنظر الى هيأتها فى المرأة الموجوده بالبهو الكبير...ترينج ابيض اللون له سويت شيرت من نفس لونه بخطان سوداوين من الجانب وتركت شعرها البرتقالى حرا ...

بنفس الوقت كان وقاص يمسك بيد زوجته وينزلا ...لمحها وقاص وهى تضع احدي يديها بخصرها وتنظر الى نفسها بالمرأة ومن الواضح انها تتأكد من روعة طلتها...

-هعمله ف الجنينة يا حبيبي...بس طبعا صحباتي هيجولي الصبح هنا كام واحدة كده القريبين منى...و..

استرسلت شيما فى الحديث غافلة عن شرود زوجها فى تلك الواقفة بالاسفل وتعبث بخصلاتها ...

-ها بقي انت ايه رأيك؟؟..

لم تتلقي شيما ردا على سؤالها ونظرت اليه وعندما شاهدت نظره مثبت على بقعة ما نظرت اليها تلقائيا لتشتعل غضبا ...سرعان ما سيطرت عليه وهتفت بأعلى صوتها قائلة...

-زمزم حببتي...صباح الخير...ايه الشياكة ديه كلها؟؟..اكيد معاد الدكتور ياسر النهاردة مش كده؟؟..

استطاعت تلك الجبيثة جذب انتباه كليهما بما قالته فقد فاق وقاص من تحديقه بها وتوحشت عيناه بعد ما قالته زوجته اذ انها بهذه الطلة التى اقل ما يقال عنها انها تخطف الانفاس حتى تذهب الى جلستها فقط...

اما زمزم فقد هوي قلبها بقدميها من فرط ذعرها عندما شاهدت هيئة ابن عمها لكنها هتفت بكل ما تستطيعه من ثبات...

-اه فعلا ..النهاردة معاد ياســ..دكتور ياسر بس انا رايحة النادي مع اختى وبعدين انا لابسه تريننج عادي..

لم يفته زلة لسانها وهى تنظق اسم ذلك الطبيب مجردا ولكنه بلعها بكيفه ...فى ذلك الوقت جاءت سيلين واصدرت صفيرا عاليا وهى تنظر الى زمزم بإعجاب...

-وااااو يا زوزه...مكنتش اعرف انك مزة كده..

ولكزتها فى ذراعها قائلة..

-عشان تعرفي بس ذوق بنت عمك..قعدتي تقوليلي الاسود الاسود عشان رجلك...واهو الابيض مش مبين حاجة ومخليكي ملكة جمال اهو..

انتبه وقاص بجميع حواسه الى ما تقوله شقيقته فهي خرجت من المنزل وتبضعت لاول مرة منذ ان دخلت الى هذا المنزل عندما بدأت بالعلاج الطبيعي مع ذلك المدعو ياسر...

هناك سرا فى الامر برمته ولكل فرد من عائلته دورا بها...ابيه تخلي عن الدفاع عن زمزم ..شقيقته كلامها مع زمزم يدل على وجود اسرار بينهما...والدته تكن مشاعر الكره والاحتقار لزمزم حتى قبل ان تصبح زوجته...عليه ان يحل اللغز وبأسرع وقت حتى يعلم ما تفعله زمزم بمساعدة شقيقته...

**************************

#######

يجلس بجانب هاتفه الخلوي ينتظر اى مكالمة من الخاطف ...ينتظر ان يساوموه حتى على حياته...يريدها ان تعود سالمة الى احضانه وهذه المرة سيأخذها اينما ذهب لن يتركها مرة اخري...

استجاب الله لدعاءه وتصاعد رنين هاتفه ...طالع المتصل ووجده رقما غير معروف ضغط زر الايجاب مسرعا ورد بلهفة...

-الو..

رد عليه الطرف الاخر ببرود صقيعي...

-المعلومات اللى عندك يا حضرة الرائد عن العمليه بتاعت المخدرات...نفذت اللى قولته مراتك هترجعلك سليمة من غير خدش واحد...اتفرعنت كالعادة انساها...حتى جثتها مش هتاخدها...معاك مهلة يوم واحد....

اغلق الخط مرة اخري...خارت قواه وجلس على المقعد بتثاقل...عليه الان ان يختار بين حبه لوطنه وحبه لزوجته...هو حتى لا يعلم من الرجل الذي قام باختطافها..هذه العمليه بعد يومان هى حصيلة تعبه طيلة شهران من العمل الدءوب والجهد الخرافي ...بها سيكون ساهم ولو قليلا بانقاذ الكثير من الشباب الحمقي من الوقوع فى التهلكة...وضع راسه بين كفيه حائرا لا يعلم ما عليه فعله؟؟؟...

مر اليوم الذي اعطاه له الرجل بتثاقل شديد فقد دق جميع الابواب التى قد تتمكن من مساعدته لكنه لم يتوصل لشئ...واخر ما سمعه من صديقه المقرب ورئيسه بالعمل..

"احنا لما بنطوع ف الجيش يا ناير بنقسم اننا هنحافظ على بلدنا حتى لو على حساب ارواحنا وارواح حبايبنا..مش هأمرك بصفتي رئيسك ف شغلك..بس هقولك مراتك واحده بس...انت دلوقتي بين نارين...اختيارين سيئين جدا...ولازم تختار ..ف الحالة ديه بتختار السئ فالاسوء"..

وغادر المنزل تاركا اياه في دوامته مرة اخري...تصاعد رنين هاتفه بنفس موعد امس رد على الهاتف ببطئ وخوف كامن بحدقتاه البنية...

-المهلة خلصت...عندك حاجة تقولهالي؟؟...

رد عليه ناير بصوت جامد...

-افتح الاسبيكر..

ثوان وسمع ذلك الرجل يتحدث الى زهرته التى استمع الى نشيجها ...

-يلا جوزك عاوز يكلمك..قوليله بقي يخرجك من هنا بسرعة..انت شوفتي كرم ضيافتي بلاش اوريكي الوش التاني...

وصله صوتها الباكي وشهقاتها...

-ناير..ناير عشان خاطري طلعني من هنا...ناير انا خايفة..

قالت كلمتها الاخيرة وبكت بقوة ...جاءها صوته الثابت الجامد وهو يقول...

-زهرة انا اسف..مش هقدر انقذك..مش هقدر انفذ اللى هما عاوزينه...انا بحبك...

ثوان واستمع الى صوت الرصاصة التى بالتأكيد اصابتها واردتها قتيلة ...سقط الهاتف من يده وبكي..بكي كما لم يبك من قبل...حب عمره...عشق شبابه...رفيقة دربه الى نهاية الدنيا وبالاخرة قتلت وستبقي يديه ملوثة بدماءها الى يوم القيامة..

#########

-هااااي رحت فين يا عم الحج؟؟..

قالها يامن صديقه بالعمل ورئيسه سابقا...بفضل هذه العملية حصل ناير على ترقية جديدة بعمله واصبحا بنفس المنصب الان...

-مفيش...رحت لزهرة يا يامن..

اتكمشت ملامح يامن بأسف واردف...

-هى لسه متعالجتش بردو؟؟..

هز رأسه نفيا بيأس وهتف بمرارة...

-لسه ..انت عارف علاج الادمان بياخد وقت ...والمصحة كمان كانت السبب انها ترجع تتعاطي تاني يعني رجعنا للصفر م الاول..

-طب المستشفي اللى راحتها دلوقتي مجابتش نتيجة؟؟..

-لا هى حاليا مش ف مستشفي...انا اخدتها البيت وحابسها ف اوضة يدوبك بس بدخلها الاكل مفيش لا علاج ولا مسكنات...

اتسعت حدقتي يامن بذهول ثم هتف...

-حرام عليك يا ناير...حرام عليك ...انت كنت شايفها عامله ازاي وهى ف المستشفي وبتاخد العلاج اومال لما تمنعه منها هتبقي عامله ازاى؟؟...

احتدت نظرات ناير وهتف بشراسة...

-كنت عاوزني اعمل ايه يعني ؟؟..اسيبها ف المستشفي لحد م تموت من جرعة زيادة؟؟..

-طب اهدي...اهدي...انا قصدى بس تتعالج صح ...ع الاقل يبقي الوجع الطبيعي مش مضاعف..هاتلها دكتور ف البيت طيب..

تنهد ناير بتعب واسند رأسه على ظهر المقعد قائلا...

-مش هأمن عليها مع حد يا يامن...وكمان خايف...خايف منها لما تخف لا تسيبني..خايف من حاجات كتير...مش عارف هبررلها ازاي انى سبتها ف اديهم...مش عارف هبررلها جوازى ازاي واللى كان قبل يوم الحادثة بكام ساعة بس..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

بعد مرور يومان ...ذهب ناير الى زوجته فى الغرفة المحتجزة بها ..فقد اقنعه صديقه "يامن" بخطأ تصرفه معها ...وقف امام الغرفة واخرج المفتاح من جيب بنطاله..توتر يجتاحه عندما يقترب منها بعد فعلته الاخيرة...استعاد قوته وفتح الباب ثوان واندفع الادرينالين بأوردته وذهب ركضا اليها ...كانت تجلس بأحد اركان الغرفة يبدو انها لم تتحرك من مكانها طوال مده غيابه فقد كان يراقبها من خلال الكاميرا التي وضعها بالغرفة وكان هذا المشهد هو اخر ما رأها عليه...

جلس على الارض وجذبها الى احضانه بقوة وهو يبكي على حالها ...كانت كالزهرة بحياته تضفي جو من الحب والالفة بأى مكان توجد به..حتى انها لم تحمله معاناتها من معاملة اهله جميعا لها...

رفعت رأسها تنظر اليه ثم هتفت بضياع...

-مرة واحدة بس...صدقني يا ناير مرة واحدة ...اريح دماغي من الصداع ده...

نظر الى عينيها بقوة هاتفا...

-لا..

همست تترجاه ..

-والله مرة واحدة بس ..

-قولت لا..

توحشت نظراتها واسودت حدقتيها ودفعته بكل ما اوتيت من قوة ادت الى ترنحه قليلا اذ لم يكن مستعدا لتلك الدفعة منها ..

-يعني ايه لا؟؟..انت مين عشان تقولي لا؟؟...مش انت اللى سبتني ف اديهم ؟؟...مش اللى انا فيه ده دلوقتي كله بسببك..

نهضت من مكانها وخلعت التي شيرت الذي ترتديه وهى تشير الى باطن ذراعها نحو العلامات الزرقاء بسبب الابر..

-شوف..شوف نتيجة تخليك عني...خلوني مدمنه ف اقل من ست شهور..خلوني مدمنة وبجري ورا السم ده ...استنيتك تنقذني بس مجتش...بكل برود قولتلي انا اسف..سبتني ف اديهم مهمكش يعملوا ايه فيا حتى...مارست حياتك عادى واترقيت...اترقيت على حسابي...

وانفلتت اعصابها واصبحت تبكي وتصرخ فى آن واحد..اندفع اليها ولم يجد سبيلا لتهدأتها سوى ضربة تلقتها بسيف يده برقبتها ادت الى اغمائها...حملها ووضعها على الفراش وعاود البكاء عليها من جديد ...واتخذ قراره ...زهرة يجب ان تعود الى المشفي...كما انه يجب ان يبتعد عنها حتى يندمل جرحها الذي تسبب هو به ...

****************

تغيرت حالتها النفسية كثيرا ..يومان فقط بذلك النادي الرياضي برفقة شقيقتها ساهم بدرجة ملحوظة فى التغيير الذي طرأ عليها...انتهت من ارتداء ملابسها وذهبت الى النادى بمفردها فقد اخبرتها زمزم بأنها متعبة ولن تستطيع القدوم اليوم ...لم تضغط عليها تمارا وتركتها على راحتها داعية لها بالشفاء العاجل...

وصلت تمارا الى النادي مبكرا عن موعد تمارينها التى تؤديها بانتظام لمدة يومان فجلست على احدي الطاولات بالنادي المقابلة لحمام السباحة وطلبت فطورها...

على مقربة منها يجلس ذلك الشاب ذو البشرة البيضاء ...يرتدى سروالا من الجينز وقميصا ابيض اللون ويضع النظارات الشمسية على عينيه..كان يلتفت بالصدفة فوجدها ...تجمد مكانه لبرهة ثم نهض وسار باتجاهها..

-صباح الخير...

رفعت تمارا رأسها عن هاتفها عندما استمعت الى ذلك الصوت ثم قطبت جبينها باستغراب قائلة...

-صباح الخير...افندم؟؟..

افلتت ضحكة من ذلك الشاب ثم هتف بابتسامة...

-لسه زي م انت متغيرتيش ...مش فكراني؟؟..

هزت رأسها نفيا ..

-لا...الحقيقة معرفش حضرتك...وياريت تقول انت عاوز ايه ولا تعرفني منين اصلا..

جذب الشاب المقعد الاخر وجلس عليه قبالتها وخلع نظارته قائلا...

-انا احمد...احمد نصران زميلك بتاع الكلية...لسه مش فكراني؟؟..

هزت رأسها بعدم تصديق تحاول استيعاب هوية الماثل امامها..."احمد نصران"..عشق الشباب يجلس امامها الان بهيئته ...ترقرقت عيناها بالدموع وهى تتذكر ما عانته مع والدها بسببه...كانت تعتقد انه يحبها ...خيل لها انه لن يتركها تتزوج غيره....لكن ..ليس كل ما يتمناه المرء يدركه...

اخفضت رأسها سريعا وحاولت ازالت تلك العبرات قبل ان تتخطي حدود عيناها ...

-عاملة ايه يا توتا؟؟..اخبار دنيتك ايه؟؟..

تعمدت ان ترفع يدها اليسار امام وجهه وهى تقول بابتسامة حاولت قدر استطاعتها جعلها طبيعية...

-الحمد لله يا احمد...اتجوزت ومعايا سجدة وعدي...وانت ايه اخبارك؟؟

انطفأت لمعة عينيه وهو يحدق بالحلقة الملفوفة حول اصبعها ...احس بها تلتف حول عنقه حتى كادت ان تخنقه...سافر الى الخارج حتى يحصل على فرصة عمل مناسبة على امل ان تنتظره...تنتظر رجوعه ويتزوجها...لكن على ما يبدو انه كان مخطئا...فهي لم تكن له مشاعر يوما وذلك واضح للغاية من ابتسامتها...

-الحمد لله...بس لسه ربنا مكرمنيش ...ملقتش اللى احبها وتحبني..واصدقها...

استطاعت فهم المعني المبطن لكلمته الاخيرة والتي لا تمت بصلة الى ما يتحدثان به من الاساس لكنها لم تكترث وتابعت الحديث معه ...بعد مرور ساعة تقريبا ...

-سوري يا احمد لازم امشي ..معاد الكلاس بتاعي...فرحت جدا انى شوفتك النهاردة..

والتفتت حتى تغادر لكنه هتف...

-وانا كمان فرحان جدا اني شوفتك النهاردة...مع السلامة...

اشارت له مودعة وذهبت نحو الجيم الخاص بالسيدات وكل انش بها ينتفض رعبا وهى تتخيل معرفة عابد بتلك المقابلة مع رجل غريب فقط...تري ماذا ستكون ردة فعله عندما يعرف انه لم يكن بشخص غريب وانه الشخص الذي رفضته زوجته بسبب حبها له؟؟...من المؤكد سيقتلها دون ان يرف له جفن؟؟...

************************

بالمساء ...خرجت سيلين من غرفتها متوجهة نحو غرفة ابنة عمها حتى تري اذا كانت تجهزت ام لا...دقت الباب ودلفت اليها فوجدتها تقف امام المرأة وتفتح فمها بتركيز شديد وهى تضع خطا من الكحل بعيناها الزرقاوين...انتظرت سيلين حتى انتهت زمزم من وضع الكحل بنجاح ثم هتفت...

-خلصتي يا زوزة؟؟..

-ايوة يا قلب زوزة...بس ايه حلو ولا ايه؟؟...

اقتربت منها سيلين وهى تنظر الي هيأتها...فستان من خامة الستان اسود اللون يتناقض مع لون بشرتها البيضاء بأكمام قصيرة الي حد ما له فتحه مربعة تظهر عظمتي الترقوة طويل حتي قدميها كما تحب ان يكون...خصلاتها معكوصة علي هيئة كعكة كبيرة بأخر رأسها وتسدل بعض الخصلات القصيرة علي زمردتيها ...

اقتربت منها سيلين ونظرت الى هيئتها بانبهار قائلة...

-حلوة بس!!...انت قمرررر ..انا مش هلاحق عليكي النهاردة من فرح البت سارة...يلا؟؟

اومأت برأسها ثم سارت خلفها ...كان كل شئ يسير على ما يرام الى ان شاهدتهم السيدة نجاة ...

-سيلا حببتي..انت راحة فين؟؟..

ابتسمت سيلين ثم اجابت ..

-راحة فرح سارة يا ماما ..

اشارت نجاة باصبعها الى الواقفة بجانب ابنتها وهتفت بنزق...

-وديه راحة فين وانت مسكاها كده ليه؟؟..

شددت سيلين على يد زمزم ثم هتفت بحزم..

-سارة عزمتها يا ماما ع فرحها...عن اذنك ...

سارا حتى باب الفيلا وخرجا الى وجهتهما...طوال الزفاف لم تسلم سيلين من تساؤلات من بالحفل عن تلك الفاتنة التى دخلت الى الحفل برفقتها ...اقترب منها شاب ما متوسط الطول وجذاب ..

-تسمحيلي اقعد؟؟...

اومأت زمزم رأسها له بابتسامة مترددة..تحاول تنفيذ ما نصحتها به سيلين عن الحفل وتكوين صداقات خاصة بها ..

-انا عز..عز الدين سليمان...اخو العروسة...حضرتك تعرفي العريس ولا العروسة؟؟..

ابتلعت زمزم ريقها الجاف فهي لم تكن يوما على درجة القرب هذه من رجل لا تعرفه...ياسر حالة خاصة فقد استطاع الاستحواذ على جزء من قلبها بسبب معاملته الرقيقة معها...

-العروسة..سارة صحبتي..

اومأ عز الدين برأسه ثم هتف بتساؤل...

-حضرتك تعرفي الانسة سيلين النوساني؟؟..

-ايوة..هي بنت عمي..

ابتسم عز الدين باتساع ثم استأذن منها حتى يذهب ...

انتهي الحفل على خير اخيرا ..دلفت كل من زمزم وسيلين الى المنزل وهم يضحكان على ما فعله العريس فقد اخذ زوجته بمنتصف الزفاف مشيرا لهم ان يستمتعوا بقضاء امسية سعيدة..غافلين عن ذلك الذي ما ان سمع صوت الباب يفتح ويدلفا منه حتى اندفع اليهم...

-كنت فين يا هانم انت وهي؟؟..

قالها وقاص بغضب شديد وصوت حاد..

توقفت ضحكاتهما واخفضت زمزم رأسها تاركة سيلين تخوض الحديث مع اخيها الغاضب..

-ايه يا وقاص مالك؟؟..كنت ف فرح سارة زميلتي...وبعدين من امتي وانت بتسأل اصلا رحت فين وجيت منين؟؟..

-من دلوقتي يا هانم...لما ترجعي الساعة اتنين بالليل انت ومراتي المصون يبقي اسأل ...

ثم نظر الى تلك التى تحنى رأسها وهتف بغضب...

-وسيادتك ملكيش حد تستأذني منه؟؟..وكالة هي تروحي وتيجي براحتك صح؟؟..

لم ترد عليه ايضا وذلك ما زاد من غضبه منها ..

-هو انت طرشة كمان ولا ايه؟؟..م تنطقي..

حاولت سيلين تهدأة الاوضاع بين شقيقها وابنة عمها باستغراب شديد من هذا الاهتمام المبالغ فيه من اخيها لزمزم...

-خلاص يا وقاص اهدي...ما هى كانت بتخرج قبل كده من غير استئذان ومبتعملش كده ايه اللى جرا دلوقتي بس؟؟..

_ انا اعمل اللي انا عاوزه يا سيلين هانم...وانت علي فوق يلا..

قال جملته الاخيره بصوت حاد مرتفع فركضت زمزم الي غرفتها وهي تبكي بعنف وشهقات مسموعه اخترقت اذان الموجودين بما فيهم عمها..

نظرت سيلين الي أخيها وهتفت معنفة إياه...

_ عجبك كده...مش كفاية انك قاهرها من ساعة م اتجوزتها جاي دلوقتي كمان وصعبان عليك تشوفها مبسوطة لدقايق ف لا ازاي لازم تنكد عليها طبعا...

وذهبت من أمامه وصعدت الي غرفتها..

عند زمزم كانت قد أغلقت الباب خلفها وهي تبكي بوجع من كلماته اللاذعة التي تسمم بدنها ...رن هاتفها الخلوي فالتقطته وعندما طالعت المتصل ضغطت زي الايجاب بسرعة وهي تحاول جعل صوتها طبيعيا..

ظلت تتحدث مع ياسر لوقت طويل...طويل جدا حتي ذهبت في سبات عميق وابتسامة رقيقة تزين ثغرها..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

مر الاسبوع ثقيلا علي زمزم فقد اعتذر ياسر عن إشرافه علي جلستها علي أن يرشح لها طبيبا اخر من المركز يباشر معها الجلسة وبالطبع جاءه رفضها علي اقتراحه وآثرت انتظاره حتي يأتي من سفرته...

كانت لا تزال تنام على الفراش وهي تعبث بالهاتف وتتحدث الي شقيقتها الكبري تطمئن علي سير خطتها بنجاح..عندما دلف إليها وقاص دون أن يدق الباب...

شهقت زمزم ثم سارعت بتغطية جسدها العارِ بالغطاء..

نظر إليها وقاص بسخرية وهو يتابع حركاتها حتي تخفي جسدها عن عينيه وبسرعة فائقة كان يمسك بالغطاء ويزيحه ويسقطه أرضا لينكشف ثوبها البيتي القصير الذي يصل الي بعد ركبتيها بقليل..ضيق من الصدر ومتسع الي آخره ...

_ اظن كده كويس عشان لا تداري مني ولا تخافي اني اشوف حاجة مش حقي...

غلبت عليها طبيعتها الخجولة ...احمرت وجنتيها من الخجل والغضب لا تريد لأحد أن يراها بتلك الملابس البيتية سوي ياسر فقط...التقطت روبها بسرعة وارتدته واخفت كامل جسدها به ..

تابع وقاص ما فعلته بدهشة اخذت في الاتساع وهو يتابعها ...

_ حضرتك عاوز ايه؟؟..

صفق وقاص وهو يضحك بسخرية وتهكم قائلا...

_ براڤو..لا حقيقي براڤو...بقيتي شرسة اهو وبتعترضي...الظاهر أن الجلسات جابت نتيجة معاكي مش بس ع المستوي الجسدي لا والنفسي كمان ما شاء الله ..

تحلت بالبرود حتي لا ينكشف لها خوفها منه الذي تضاعف الان بعد تخلي عمها عنها بالامس وتركه يوبخها كيفما يشاء...

_ بردوا انا معرفتش حضرتك عاوز ايه؟؟...

اغمض عينيه بقوة يسيطر علي غضبه ...شكه بها وبعلاقتها بذلك الطبيب من الممكن أن تطير رؤوس من فوق اجسادها بسببه وهي تتمادي في استفزازه ...

_ النهاردة عيد ميلاد شيما..

_ كل سنة وهي طيبة...ايه علاقتي؟؟...

وقاص بحدة...

_ علاقة سيادتك انك لازم تحضري الparty وكمان محدش يعرف انك مراتي ..زي م الفرح اتعمل سكيتي كمان صفتك ف حياتي هتفضل سكيتي..

عاشت بهذا المنزل عامان كاملين تعودت على سلاطة لسانهم معها وجفاء علاقاتهم بها ...لكن يبقي للكلام أثره الذي يشعرها بدونيتها وأنها اقل منهم بكثير رغم أنها تمتلك ما يوجد عند زوجة عمها وابنها المبجل فقط الفرق الوحيد بينهما تلك الإعاقة التي كتبها الله لها...

سابقا كانت لتنخرط في بكاء ناعم أمامه لكن بعد دخول ياسر الي حياتها اصبحت عيناها تدمع فقط وتتماسك حتي لا تلفت الأنظار إليها ...

_ متقلقش...محدش هيعرف حاجة...وكمان ممكن محضرش الparty ديه خالص كده كده زي م قولت صفتي ف حياتك سكيتي ممكن تفضل كده علطول.. حاجة تانية؟؟...

مع سؤالها الاخير رفع وقاص معصمه ونظر الي ساعته ثم هتف..

_ مش المفروض أن جلستك دلوقتي؟؟..

هذه المرة لم تستطع اخفاء ارتباكها وهتفت بصوت مهتز..

_ أيوة ...بس انا مش هروح...

_ ليه؟؟..

_ تعبانة..بقالي اسبوع بروح يوميا ...انا كده هبقي بضغط على نفسي...

اومأ برأسه في شك ثم هتف بتحذير مرة أخري قبل أن يخرج من الغرفة...

_ اوكي..ع الساعة ٧ تكوني جاهزة...صفتك الأساسية انك بنت عمي غير كده متزوديش ف الكلام..اللهم بلغت ..

وخرج من الغرفة تاركا إياها وراءه تتنهد براحة فقد أوشكت أن تجعله يتأكد هذه المرة إذا علم بأنها رفضت الذهاب الي جلستها بسبب سفر ياسر وأنها لن ترضي بطبيب غيره...

******************

عادت مرة أخري للمشفي..لكن هذه المرة كانت المشفي جديدة...قوانينها صارمة..لم تستطع حتي تجاذب أطراف الحديث مع أيا من الممرضات حتي تطلب منها ما تريده...ذلك بكفة والطبيب الذي يراقبها كظلها بكفة أخري...

علمت مؤخرا أنه يلازمها بأمر من زوجها وليس من نفسه..لكنها لم تكترث فهو منذ أن يدخل الي غرفتها ويبدأ بالحديث وهي تتجاهل وجوده...

اليوم من الواضح أنه مل من طريقتها معه لذلك تفوه بما جعل شفتيها تنفرجان لاسفل بشكل مضحك للغاية ...

_ امم...متستغربيش كده...انا فعلا كنت مدمن...بس مش هنا طبعا ...

هنا انتبهت له زهرة بجميع حواسها وهتفت بصوت مشدوه...

_ ازاي يعني!!...

_ شوفي يا ستي..انا كنت عايش برة مش هنا اصلا ..كنت شاطر حبتين ف بقوا يخلوني اشرف ع الحالات الصعبة من ضمن الحالات ديه عيل عنده حوالي ١٨ سنة بقي مدمن طبعا الواد ده من عيلة معروف وشغالين ف الدولة كان ف المستشفي بسرية تامة ..

مكانش بيدفع عشان يجيب لا كان بيروح المكان ياخد اللي هو عاوزه ويطلع طبعا انا صعب عليا الواد وف مرة كده سبتهم من غير ما يربطوه هرب من المستشفي وانا وراه...

لحقته ودخلت وراه طلبت الشرطة وانا جوة بس اتكشفت..اتاخدت رهينة لان بفضل البلاغ اتقبض علي ناس كتير ...طلع المكان ده وكر فيه اكتر من مكان وساعتها بقي خلوني مدمن..

قصته وبطريقة ما تشبه خاصتها فهي لم تعرف طريقا لتلك السموم يوما ..

_ وبطلت ازاي؟؟...

لمعت عينا الطبيب ثم هتف بنبرة رقيقة للغاية...

_ خطيبتي...فضلوا يدوروا عليا لغاية م لقوني وكنت ضايع ..وهي اخدتني وعالجتني..

_ وازاي مارست مهنتك عادي؟؟...

_ مش قولتلك الواد كان من ناس تقيلة..وانا عملت كل ده عشان أنقذه يعني كانت تعويض..بس رجعت هنا بقي خطيبتي أصرت نرجع..

بللت شفتيها بطرف لسانها وهتفت بصوت متوتر..

_ هو..هو اانت بطلت ف أد ايه؟..

كتم الطبيب ابتسامة من الظهور على شفتيه بصعوبة فقد استطاع جذب انتباهها إليه كاملا...

_ بطلت ف سنة..قصدي يعني طول السنة ديه كنت بدور طبعا ع السم ده واهرب ويجبوني فيييين بقي لما هديت وانا قررت من جوايا اني اتعالج مهما اتوجعت...

اتخذت قرارها هي تريد أن تسحب ذلك السم من جسدها ...تريد التمتع بحياة طبيعية كأي شخص..كما أنها تريد رؤية شقيقتيها...

_ انا عاوزة اتعالج..

ابتسم الطبيب هذه المرة ثم هتف...

_ تمام...هتبدأي من النهاردة...بصي يا ستي..برنامج العلاج بتاعي مختلف والدكاترة هنا بتنتقده..بس انا مكمل فيه بردوا...هتتكلمي ف التليفون...هتنزلي الجنينة تحت...شهر بالظبط وهفكك من السرير ...كل ده بشروط طبعا...

زهرة بتلهف..

_ موافقة عليها...

_لازم تسمعيها بردو...اول اسبوع حاولي تسيطري علي نفسك وعلي غضبك كويس جداا..ده الشرط الاسبوع بدأ من النهاردة...

اومأت برأسها موافقة ..اسبوع فقط يفصلها عن محادثة شقيقتيها ...

**********************

بذلك الاسبوع كانت تمارا بدأت تعود لشخصيتها القديمة قبل زواجها من عابد ...رسائل تصلها علي الهاتف تدغدغ مشاعرها قليلا...لم ترد عليها ولن تفعلها ...لكن تلك الكلمات أعادت ثقتها بنفسها وأنها مرغوب فيها من الجنس الآخر...

لذلك أن تسعد نفسها بقراءة تلك الكلمات التي ترضي غرورها الأنثوي لن تضيرها في شئ...

دلف عابد الي المنزل وراح يبحث عنها حتي وجدها تقف بالمطبخ ..

_ تمارا...

انتبهت له تمارا اخيرا ...

_ نعم..

_ ايه امال بنادي عليكي من بدري كل ده عشان تردي..

_ مسمعتكش يا عابد...كنت عاوز حاجه؟؟..

_ اه...عاوز اتغدي ..ياريت عقبال م اغير هدومي تكوني حضرتي الاكل...

_ حاضر...

بعد قليل كانا يجلسان علي طاولة الطعام ...نظر إليها عابد وهتف باستغراب...

_ مبتاكليش ليه ؟؟..

_ باكل اهو..

_ لا مبتاكليش الا من الطبق اللي قدامك ده..

_ اه ده اكل الرچيم ..خضار سوتيه من غير زيت عادي يعني..

شرد قليلا في هيئتها ..خصلاتها البنية التي تصل إلي منتصف ظهرها تركتها اليوم ولم تربطها كعادتها...قميص بيتي قصير نهايته قبل ركبتيها تماما...يظهر ذراعيها ورقبتها كاملين ..

متزوجان منذ ثلاث سنوات تقريبا ولم يراها تجلس معه وبهذا القرب منه وهي ترتدي ملابس فاضحة كالآن ..

_ بتحبيني يا تمارا؟؟...

توقفت عن مضغ الطعام واخفضت رأسها للأسفل ...حركتها كانت كفيلة بأن يعرف جوابها..

صرخ عابد بغضب..

_ مبتحبنيش...ولا عمرك هتحبيني..تلت سنين جواز محبتنيش فيهم ولا هتحبيني...تلت سنين جواز بشحت منك حقوقي ..حقوقي ف كل حاجة..تقابليني بابتسامة تلبسيلي ووتزوقي عشان انا جاي...خلفتي مني غصب عنك...عايشة معايا غصب عنك...

طول م انا عايش معاكي بتكوي..بموت بالبطئ..

تركها وخرج من المنزل بأكمله لا تعلم حتي اين سيذهب ...ليس بيدها شئ لم تكن مشاعر له يوما ولم يحدث ...هي لا تملك راحته ولا راحة نفسها لذلك من الجيد لكليهما ترك الأمور كما هي عليه..

*********************

مساءا..بقصر النوساني..كان الحفل يسير كما خططت له شيما فوالدة زوجها كانت تأخذها هي وابنها حتي ترحب بالمدعوين

ومنها تتعرف عليهم ويتعرفوا علي صفتها هنا بدلا من تلك المعاقة التي حُسبت زوجة علي ابنها بفترة من الفترات ..

علي الجانب الآخر تقف سيلين برفقة زمزم التي وصلت الي الحفل للتو ...

كان وقاص يبحث عنها بعينيه حتي وجدها تقف مع شقيقته ...براءتها وبساطتها في كل شئ أصبحت تلفت أنظاره ..بحركة عادية قارن بين فستانها وفستان زوجته...شيما أصرت أن يكون زيّها في الحفل من مصمم ازياء غالي الثمن وضعت مساحيق تجميل..

أما الأخري فارتدت فستان رمادي اللون طويل اكمامه شفافة وطويلة لم تضع أي من مساحيق التجميل فقط احمر شفاه صارخ هو ما زينت به كامل وجهها...وعكصت شعرها البرتقالي ...طلتها كانت كفيلة بخطف أنفاسه ..

_ سيلا انا هروح اجيب حاجة اشربها..عاوزة حاجة!!..

_ لا يا قلبي روحي انت...

اومأت زمزم برأسها وسارت الي وجهتها بعد رحيلها جاء ذلك الشاب شقيق سارة وطلب منها رؤية والدها في موضوع هام...لم تكترث سيلين له وأشارت إلي والدها ..

اقترب عز الدين من قدري ..

_ احم..حضرتك استاذ قدري النوساني؟؟.

قطب قدري جبينه وهتف مجيبا..

_ أيوة انا يا ابني...خير؟؟..

رغم توتره إلا أنه أثر الدخول في صلب الموضوع مباشرة...

_ انا عز الدين غانم...انا طالب ايد الآنسة زمزم بنت اخو حضرتك...

اتسعت عينا قدري بدهشة ثم هتف ..

_ طالب ايد مين؟؟...

أعادها عز الدين بصوت اقوي ظنا منه أنه لم يسمعه..

_ الآنسة زمزم بنت اخو حضرتك...

★★★★★★★★★★

علي الجهة الأخري كانت زمزم تقف أمام البار الموجود به المشروبات والعصائر ...

اخذت كأس من العصير والتفتت حتي تغادر وتعود الي سيلين مرة أخري لكنها شهقت بعنف وسقط منها الكأس وهي تنظر إلي ذلك الرجل أمامها ...وهتفت بصوت مسموع ومشدوه...

_ بابا...

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

انتهي الحفل بعد ساعتان تقريبا..لم تهتم شيما بزوجها مطلقا بل انشغلت في التعرف الي المدعوين بعيد ميلادها...بالأساس هذا ما كانت تريده..أن تكون نجمة ساطعة في الحفل وساعدها في ذلك السيدة نجاة...ولكن بالطبع هدف كلتيهما يختلف عن الأخري بمرااااااحل...

رحب قدري بشقيقه ناصر كثيرا عندما شاهده يذهب وراء زمزم ..خاصة وأنه وجد ابنته تنظر له بجفاء وجمود حتي انها لم ترحب به ..

دلفت زمزم الي المنزل برفقة سيلين ...تركتها سيلين وذهبت نحو عمها فهي تحبه كثيرا رغم أنها غاضبة منه مما فعله بزمزم لكن بالتأكيد يوجد لديه سبب..

رفعت قدمها حتي تصعد الدرج نحو غرفتها عندما صدح صوت والدها ...

_ مش عاوزة تشوفي وشي للدرجادي يا زمزم؟؟..

اخذت نفسا عميقا والتفتت حتي تخرج ولو قليلا مما تحمله بداخلها تجاهه..

_ حضرتك قعدت اكتر من سنة مختفي...تقريبا سنتين من يوم ما لبست عروسة..مسألتش عليك ولا افتكرتك اصلا..وده يخلي وجود حضرتك دلوقتي زي عدمه...

لم يحيد بعينيه عنها يريد ارجاع زمزم الرقيقة التي تنتقي كلماتها بعناية حتي لا تجرح احد ...

_يعني ايه؟؟..

ابتسمت ابتسامة صفراء قاسية واردفت بصوت هادئ..

_ يعني حضرتك بالنسبالي ضيف...صاحب ابويا اللي قاعد ده..غير كده لا..

قالتها مشيرة إلي عمها الذي ادمعت عيناه بلحظة وهو يتذكر ما مضي ...

كان وقاص وسيلين ووالدتهم يتابعون الموقف بذهول ...لكن وقاص كان يتابعه بصدمة وذهول شديدين ..فقد استطاع الان وببضعة كلمات بسيطة معرفة ما حدث بالماضي بين عمه وابنته من خلال كلمتين فقط تفوهت بهم زمزم..

"لما كنت لابسة عروسة"...زمزم لم تكن تريده..لم يدق قلبها له يوما...حتي انها لم تتمني الزواج منه لاعاقتها..والدها أجبرها بطريقة ما....

**************

تذرع الغرفة ذهابا وايابا ...منذ اخر مشاداة بينهم بوقت الغداء وحتي الان..الساعة تشير الان الي الثانية صباحا...

التقطت هاتفها حتي تعاود الاتصال به مرة أخري لربما يجيبها..

فتح الهاتف بعد قليل ...لم تعرف من الذي ضغط زر الايجاب فلم يصلها صوتا واضحا بالهاتف ...

ادمعت عيناها وقبضت على الهاتف بيدها عندما استمعت إلى تلك الحرباء ضرتها وهي تقول بميوعة...

_ كنت عارفة انك هتجيلي يا حياتي..انت اصلك متفق معايا من بدري...ربنا يخليك ليا يا بودي ..تعيش وتفرحني يا حبيبي..

عقبال م تطلق الارشانة مراتك ديه ..

لم تستمع الي صوته لكنها تعلم جيدا أن عابد لا يترك هاتفه مهما حدث ...اغلقت الهاتف ورمته أرضا ودموعها تسقط من عينيها ...

باليوم التالي استيقظت تمارا علي صوت ضجة بالغرفة فتحت عيناها وتفاجأت بوجوده ..لم تعطه اهتمام ووضعت الغطاء علي رأسها..

_ متدايقيش اوي كده ...انا جاي اخد اي ورق ليا هنا...انا همشي ومش هجيلك تاني ..مسافر كام شهر كده اسكندريه هفتتح شركة التأمين اللي هناك وهقعد اباشر الشغل فيها وهاخد امي معايا كمان...

تخيلت كل شئ ..واي شئ لكن أن يهجرها ..لا لم تتخيلها ..

لم تدري بنفسها الا وهي تستمع الي صوتها وهي تقول بنبرة مشدوهة..

_ هتسبني؟؟!!!...

لم تؤثر فيه نبرتها أو ما قالته...يعلم جيدا انها تجيد تعشيمه حد امتلاكها وفي النهاية يسقط علي جدور رقبته ..هذا ما كانت تجيده دائما ...

لكنه لن يستطيع تحمل خيبة أخري وخذلان اخر...آثر الابتعاد عنها وتركها كلاهما يريد فترة يبتعد فيها عن الاخر حتي يعيد ترتيب حساباته ...

_ وايه الفرق!!...احنا هنا مع بعض وكل واحد فينا لوحده...انا قررت اني اعيش حياتي مرتاح ...انا ماشي يا تمارا...هاخد امي واطلعلك العيال ...ابوكي رجع من السفر ابقي روحيله ..

وخرج من المنزل بأكمله بعدما جمع اغراضه ...

توقفت أنفاسها مع جملته الأخيرة..ناصر النوساني عاد من عمله اخيرا!!!!...

لم ترد علي مكالمات ابيها منذ أن سافر إلى عمله ...حتي أنه لم يرى سجدة فقد ولدت يوم سفره ...

**************★**

مر اسبوع كامل كانت تحاول قدر استطاعتها التغلب على ثورتها ...تريد أن توفي بكلماتها مع الطبيب الذي لم تعرف اسمه الي الان ...

تريد أن تحادث زمزم..تعلم انها كانت قاسية معها عند زواجها لإبن عمها البغيض...

دلف إليها الطبيب وهو يبتسم ...الان فقط انتبهت الي غمازتيه..

_ صباح الخير..

_ صباح النور ..

جلس الطبيب أمامها وهتف..

_ عامله ايه يا زهرة النهاردة؟؟..

ابتسمت زهرة بهدوء قائلة...

_ الحمد لله .. أحسن من اول الاسبوع اكيد...

اومأ برأسه ثم هتف...

_ ده باين طبعا...أن شاء الله زي م اتفقنا ...

وأخرج شيئا ما من جيب بنطاله وأمد يده لها به...

_ ده التليفون..طبعا انا معرفش ارقام اي حد ...بس اكيد انت حافظة اي ارقام ولا ايه ؟؟..

تعلقت عيناها بالهاتف بفرحة عارمة وهي تهز رأسها إيجابا...

_ انا...انا حافظة ارقام اخواتي وعاوزة اكلمهم...

اعطاها الطبيب الهاتف والتفت حتي يخرج من الغرفة قائلا...

_ تمام ...التليفون هيبقي معاكي النهاردة نص ساعة ونص ساعة كمان هتنزلي الجنينة...حسب تجاوبك هتزيد المدة..

استعدت حتي تنزل إلي الأسفل حيث طاولة الطعام ...تتعمد التأخير حتي ينتهي والدها من تناول طعامه ..لا تريد الاحتكاك به ابدا ...أصر عمها أن يجلس أخيه بالمنزل لحين الانتهاء من تجهيزات منزله الجديد...

رن هاتفها فالتقطته بسرعة ظنا منها انه ياسر فاليوم موعد قدومه كما قال لها..نظرت باستغراب الي الهاتف وهي تتطلع الي هذا الرقم الغريب..

ردت علي الهاتف فوصلها صوت شقيقتها الوسطي...الأقرب الي قلبها...

جاءها صوت زهرة الملهوف...

_ أيوة...أيوة يا زمزم..انا زهرة ..زهرة..

ادمعت عيني زمزم وجلست على الفراش مرة أخري ...لم تقوي قدماها علي حملها...

_ زهرة..زهرة حببتي ..وحشتيني...وحشتيني اوي ...انت فين لسه ف المستشفي؟؟..

_ أيوة لسه ف المستشفي..وانت كمان وحشتيني اوي...اتطلقتي ولا لسه؟؟.

_ لسه..بس خلاص كلها شهر ولا حاجة ..هنرجع نعيش مع بعض تاني..

استمعت الي صوت بكاء زهرة ...لم تستطع مواساتها فهي ادري الناس بها ...من المؤكد أنها تذكرت ايام زواجها من ناير...كيف كانت بوقتها ...رغم أنها لم تكن تريده لكن حالها في هذه الأيام كان افضل بكثير مما هي عليه الآن...

_ كل حاجة هترجع زي م كانت واحسن يا زهرة ..صدقيني..انا بعمل علاج طبيعي عشان رجلي وجاب نتيجة...تمارا بدأت تخس وترجع زي الاول..وانت اهو شدي حيلك وخفي ...

كل واحدة فينا مرت بحاجة وجعتها ومش عاوزة تجربها تاني...

هنرجع نعيش مع بعض...من غير اللوا ناصر...

ظلت تتحدث مع اختها لما يقرب الساعة ثم اغلقت الهاتف مع وعد بأن تزورها بالمشفي...

نزلت الي الاسفل عندما اتصلت بها سيلين تطلب منها المجئ فلبت طلبها ...

_ كل ده يا زمزم ..عمو ناصر مستنيكي من بدري ومش راضي ياكل...

لم يكن هذا الصوت سوي لشيما ...كانت تعلم جيدا ما تفعله فقد استطاعت رؤية الخوف بأعينهم جميعا من وجوده..كنا أنهم تجنبوا الحديث عن صلة قرابتها بهم لذلك تصرفت هي ...تأفأفت زمزم بنفاذ صبر وهتفت..

_ مطلبتش من حد يستناني يا شيما...تقدري تاكلي ..جوزك جنبك اهو هو وعيلته كلها ...

هنا رفع ناصر رأسه ونظر الي ابنته مباشرة والتي قابلته بابتسامة صفراء قاسية...

هتف ناصر بنبرة مشدوهة...

_ م..مين جو..زها!!؟؟...

أشارت زمزم الي وقاص الذي لم تكن دهشته اقل من والدها وهتفت...

_ وقاص...وقاص جوزها..بقالهم سنه متجوزين...ادعيلهم بالذريه الصالحه بقي...

تركت والدها في دهشته وسارت نحو الحديقة وهي تضع يدها في جيب سترتها الطويلة حتي بعد ركبتيها وكان صوت والدها الجهوري اخر ما سمعته قبل أن تضع سماعات الهاتف بأذنيها ...

_ ابنك انت يتجوز علي بنتي يا قدري!!!...ناقصة ايه بنتي ..ويجبلها ضرتها ف البيت...

تابع حديثه وهو ينظر إلي اثر ابنته وهو يهتف...

_ انا ماليش مكان هنا...لا انا ولا بنتي ...بنتي تطلق بكرة يا وقاص ...واللي بيني وبين البيت ده اخويا وبنته...

وذهب الي غرفته حتي يلملم اغراضه ويأخذ ابنته ...يعلم أنه أخطأ بحقهم جميعا ..لكنه عاد..عاد حتي يصلح ما اقترفه بحق ثلاثتهم...

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

انتهي ناصر من جمع اغراضه داخل الحقائب التي اتي بها صاماً أذنيه عن توسلات اخيه وابنته حتي يتراجع عن قراره...لكنه لم يستمع له فقط ما يتجسد أمامه معانات زمزم..معانتها حتي أصبحت بهذا الجمود ..

ناصر تقريبا يعاقب أخيه وعائلته بسبب تغير زمزم ..لطالما كانت رقيقه ..تتأثر بالنبرة الضعيفة المنكسرة ...كان مطمئنا لضعفها فهي كارته الرابح والذي سيضغط به علي ابنتيه الاخرتين...ولكن لم يجد ما يريده...فقد أصبحت زمزم مثلهم ...ابتلع غصة مسننة بحلقه وهو يتذكر زوجته الراحلة وهي توصيه علي جواهرها الثمينة...طلبت منه عدم الانشغال عنهم بعمله...لكن ماذا فعل هو؟؟؟!!...

_ يا ناصر اقعد..هتروح فين بس ..م البيت موجود اهو...كل حاجة هتتحل صدقني..

استلمت سيلين دفة الحديث من والدها قائلة بنبرة متوسلة...

_الله يخليك يا عمو اقعد...انا مبطقش اللي برة ديه..انا مش هقدر اقعد من غير زمزم..هي بتحس بيا..

جلس ناصر علي الفراش بتخاذل ..انهكته ذكرياته مع زوجته ..طلباتها ووصيتها التي خيل له أنه اتمها...

_ هقابل امهم ازاي يا قدري!!..هقولها ايه ولا ايه؟؟..وهقدر اصلا احط عيني ف عينها؟؟...دمرتهم يا قدري ...انا رجعت ..رجعت عشان هطلع ع المعاش كمان سنة..جيت عشان اخد زمزم ووقاص يقعدوا معايا ،يملوا عليا البيت بعيالهم...انا تعبان ..تعبان وقلبي واجعني...

اقترب منه شقيقه يربت علي كتفه مواسيا واكتفي بالصمت ..فلن يفيد الكلام بعد ما فعله ابنه...فماذا سيحل بأخيه المسكين إذا علم بما تواجهه ابنته علي يد زوجته؟؟..ماذا أن علم ان قدميها بدأت تنزلق نحو الخطأ وأنها تكن مشاعر لرجل اخر وهي متزوجة؟؟..متزوجة!!!...زمزم ما زالت كما هي ..وقاص لم يقترب منها قط...حتي أنه لم يضعف ويتجه إليها كنوع من تفريغ شحنة غضب أو ضعف..

***********************

جلست تبكي بنشيج صامت وحار حتي لا ينتبه صغارها لها ويرتعبوا...نظرت من نافذة الغرفة وازداد بكائها عندما رأتها بالسيارة وهو ممسك بيد والدته يساعدها علي السير نحو السيارة...جلست والدته بالسيارة والتفت هو عائدا الي خمسة رجال أقوياء يملي عليهم أوامره بحمايتها هي وأطفاله ..

لم يخطئ وينظر الي النافذة فقد انتهي من إلقاء اوامره وصعد الي السيارة وابتعد ...

أصبحت قولا وفعلا وحيدة..تركها زوجها لأن قلبها لم يخفق له..ما ذنبها هي؟؟..

شردت رغما عنها متذكرة بداية دخوله إلى حياتها منذ البداية....

كان هو احد المدعوين لحفل خطبة سيلين فقد استعان به عمها حتي يؤمن الحفل بالمنزل..

######

"نفسي افهم بس ايه لازمتهم البادي جارد دول؟؟"

قالتها تمارا باستغراب وخوف قليلا..

ابتسمت سيلين هاتفة...

_انتوا ناسيين انتوا ولاد مين يا تمارا ولا ايه؟؟.. انتوا ولاد الفريق ناصر النوساني...

ابتسمت زهرة بسخرية هاتفة...

_ومالك بتقوليها وانت مبسوطة كده؟؟..

شهقت سيلين بخفة وهتفت بدهشة..

_ بقي حد يبقي عمو ناصر أبوه وميبقاش مبسوط؟؟!!!...

نظرت زهرة الي شقيقتها الكبري تمارا وهتفت بصوت ساخر..

_ اللي أيده ف الميه...ها خلصتي ولا ايه ؟؟..

_ اه خلصت..

نزلوا جميعهم الي الاسفل بعد أن انتهت سيلين من زينتها وانطلقوا في الحفل خاصة مع انشغال سيلين بصديقاتها ...رفعت رأسها للأعلي تنظر الي تلك الألعاب النارية جذبتها كثيرا ..كانت تنظر لها وهي تشرد بخيالها بعيدا نحو ذلك الذي سرق فؤادها وانطلق حيث لا تعلم ..ظلت تسير وهي تطارد الالعاب دون انتباه الي أن اصطدمت به..

_ انا آسفة..مم..مأخدتش بالي..

والتفتت حتي تعود إلى الحفل مرة أخري لكنه جذبها من ذراعها..

_ أيوة يا آنسة حضرتك عاوزة مين ولا راحة فين؟؟..

نظرت اليه باستغراب والتفتت حولها ووجدت نفسها بالخارج..

_ حضرتك انا لسه خارجة من جوة ..انا بنت عم العروسة و..

قاطعها بنفاذ صبر وصوت صارم..

_ التفاصيل وقصة حياتك ديه متخصنيش...ثم اني مشوفتكيش خارجة من جوة اصلا انا جيت لاقيت سيادتك واقفة قدام الباب...حضرتك بقي معاكي دعوة ولا مفيش؟؟..

هزت راسها نفيا ببراءة ولم تحاول الكذب حتي ورفعت رأسها حتي تنهي المشكلة قبل أن يلاحظ والدها غيابها ويعنفها كعادته ولكن لم يستجب الله لامنيتها وشاهدت والدها وهو يبحث عنها حتي وجدها وهو يصوب نحوها تلك النظرات النارية التي ارعبتها..

_ فيه ايه يا عابد؟؟..

عابد بجدية مشيرا إليها..

_ مفيش يا باشا..الآنسة تبقي قريبة العروسة وجاية ومش معاها دعوة وزي ما حضرتك عارف مقدرش ادخلها من غير دعوة حتي لو كانت قريبتها فعلا...

ربت ناصر علي كتفه قائلا بتشجيع..

_ عندك حق يا عابد..هو ده الشغل المظبوط...

والتفت بوجهه إليها قائلا بحدة...

_ وسيادتك ايه اللي خرجك من جوة اصلا؟؟..

شبكت كفيها ببعضهما وهي تلعب بهما من شده توترها وخوفها..

_ ما تنطقي انا مش قايل مفيش واحده فيكو تخرج من جوة؟؟..

دمعت عيناها وهتفت بصوت حزين....

_ كان فيه لعب بتنور ف السما وروحت أشوفها...مش قصدي..

هتف ناصر بصوت افزعها...

_ سيادتك خارجة برة عشان روحتي تشوفي اللعب في السما!!..حسابنا في البيت يا تمارا...عابد تمارا تبقي بنتي وانا معايا الدعوة بس جوة مع الاسف خليها تدخل تجبها وانا هفضل معاك هنا...

رد عابد بلهفة...

_ العفو يا ناصر باشا...هي مقالتليش انها بنت حضرتك...

دلفت تمارا إلي الداخل وهي ترتعد من ابيها ...فهو صارم جدا خاصة مع من يخالف أوامره حتي أنه يعاقبهم وهم بهذا السن ...وبالفعل منعها من الخروج مع صديقاتها بعد أن اعطاها موافقته غير عابئ بتوسلاتها حتي يتراجع عن كلامه ...

بعد ما فعله والدها بذلك اليوم تجنبته ولم تتحدث إليه مطلقا خاصة ان صديقتها اخبرتها بأن احمد نصران سيسافر الي الخارج حتي يحصل علي فرصة عمل تناسب مكانة والدها وأنه يطلب رؤيتها...وأنها علمت ذلك من صديقه ورأته بالفعل لكنه غادر بعد أن اخبرته أن والدها منعها من الخروج...

بعد مرور يومان دلف ناصر الي غرفة ابنته وجلس أمامها قائلا..

_ اوعي تكوني مفكرة أن أسلوب القمص ده هيجيب معايا نتيجة...تبقي غلطانة..انت غلطي وانا عاقبتك..تقدري تقوليلي بقي لو كان حد خطفك ولا اذاكي كنت هعمل ايه؟؟..

_ بس حضرتك لقتني كويسة...وبرغم كده هزأتني قدام اللي كان واقف ده..

لم يستمع الي حديثها من الاساس ..أو تجاهله عمدا...

_ المهم...جايلك عريس..

صمت حتي يري تعبيرات وجهها وتابع حديثه عندما رأي الارتباك يحتل ملامحها...

_ اسمه عابد...عابد سلمي..اللي هزأتك قدامه..

_بب..بس انا مش موافقة...

##############

"ياريتك كنت سبتني يا بابا...ياريتك مضغطش عليا...اتسبب ف قلة راحتنا احنا الاتنين "...

مسحت عبراتها والتفتت حتي ترتدي ملابسها لتذهب الي النادي عندما أصدر هاتفها صوتا يخبرها بوصول رساله...

"اجمل وردة ف حياتي...صباحك بلون عيونك.. بحبك"...

هنا سقط الهاتف من يدها وهي ترتجف بخوف صاحب الرسائل يعرفها..وهي تعرفه..لكن من هو لا تعلم...

*************★*****★

لم يستطع ناير زيارتها بالمشفي...كلماتها بأخر مرة مازالت ترن بأذنه...ذراعها المتأذي بفعل الابر ما زالت صورته نصب عينيه...الي الان لم يستطع سؤالها عن هوية ذلك الشخص...توالت عليه ذكريات كم شهر مضي وتوقف عندما هبطت دموعه لأول مرة عليها بهذه الطريقة...

##########

_ ها يا سيادة الرائد جاهز؟؟..

_ أيوة يا يامن انا جاهز...بس الإخبارية اللي عندنا لسه فاضل ع المعاد نص ساعة بحالها اكيد مش هنروح من دلوقتي يمكن المكان يبقي مترشق جواسيس ويبلغوهم..

لم يستطع يامن أخباره بما أخبره به الجاسوس المندس بينهم كاملا فقد أخبره بجزءا منه فقط...

يامن بجدية....

_ لا هنروح دلوقتي يا ناير..انا طول عمري ماشي وراك...امشي انت ورايا المرادي بقي...

تبعه ناير بصمت ودون مجادلة عندما رأي جدية صديقه فعلم أن هناك شيئا ما...

بعد مرور خمسة عشر دقيقة كان ناير يصعد إلى سطح المبني المقابل لمبني المخابرات...منذ يومان استطاع الرجل التابع لهم اخبارهم بنية ذلك الرجل المقنع الملقب بالظل في القضاء علي شخصية هامه بالمخابرات بتفجيره لرغبته في ضياع بعض الأوراق التي يمتلكها ذلك الرجل ضده لكنه لم يستطع معرفة الاسم فقط يعلم المكان والزمان ...

وصلا الي الطابق الاخير عندما استمع ناير الي صوت ما بالداخل...

_ يامن..مش ف السطح..هنا..هنا فيه حد..

دلفا الي الشقة بحذر متخذين وضع الهجوم التفت لهم ذلك الشاب وامتدت يده الي خصره حتي يخرج سلاحه ولكن يامن كان أسرع منه حيث أطلق عليه وأصابه بذراعه ليسقط السلاح منه فيما اتجه ناير الي الثاني واضعا السلاح خلف رأسه...حانت منه التفاته نحو ما كان يعبث به ولكنه توقف وسقط السلاح من يده وهو يراها منزوية في ذلك الركن تنظر أمامها بشرود وكأنها ليست معهم ..عيناها غائرتان يحاوطهما السواد...وجهها شاحب ...

استغل الرجل الفرصة واخرج سلاحه من خصره حتي يقتل ناير...صاح يامن بصديقه...

_ ناير..نااااااير..حاسب..

باللحظة الأخيرة انتبه ناير علي نداء صديقه والتقط سلاحه وأطلق عليه الرصاصه برأسه فسقط صريعا في الحال...

التفت اليها مرة أخري يهزها برفق حتي تنتبه لوجوده لكنها لم انظر اليه حتي فقد ظلت علي حالتها ظل يهزها بعنف وهو يصيح بإسمها بلوعة ووجع لا يعلم مُصابها..

وضع يامن يده علي كتف صديقه قائلا بتأثر..

_ ناير خدها وروح مستشفي يلا...احنا منعرفش هي فيها ايه...

لم يبدو عليه أنه استمع إليه فقد ظل يهزها ويضرب علي وجنتها بعنف تارة ورفق تارة أخرى..

_ لا..لا هي هترد عليا..ردي يا زهرة..انا اسف..اسف ...انت معايا..انا ناير..ناير يا زهرة...اخدتك منهم اهو زي ما قولتيلي..زهرررررررررررة....

واحتضنها وهو يبكي بصوت غير عابئ بوجود صديقه او من صعد من العساكر حتي يأخذ ذلك المصاب وجثة الآخر..

"سيادة الرائد حضرتك معايا؟؟..بقولك المدام حالتها اتحسنت..وتقدر تشوفها..

كان ذلك صوت الطبيب الذي يتابع حالتها ...

_ أيوة معاك...انا مش عاوز ادخلها حضرتك ادخل وسيب الباب موارب انا هشوفها من هنا...

اومأ الطبيب برأسه دون مجادله ..فهو يعلم أن هناك شيئا بينهما ..عندما دلف إليها بذلك اليوم يأخذ منها الهاتف سألها عن هوية من اتصلت به وظلت معه لنصف ساعة كامله ..فأخبرته بسعاده وحماس انها تحدثت الي شقيقتيها ولم تأتِ بسيرة زوجها مطلقا...

دلف اليها "باران"ورأها مبتسمة رغم تقييدها بالفراش...

_ايه ده مين اللي ربطك كده؟؟..

اخفضت عينيها بخجل وهتفت..

_ اصلي اتجننت شوية كده ف اضطروا يربطوني..واخدت العلاج وبقيت كويسة....ينفع تفكني؟؟...

ابتسم باران وامتدت يده الي وثاق يديها هاتفا ..

_ طبعا...انت عارفة مبحبش اقعد مع حالة وهي متكتفة كده.. عاملة ايه النهارده؟؟...

_ الحمد لله...بفضل حضرتك طبعا..

باران بنفي...

_ لا طبعا..ده بفضل تعاونك انت ورغم الالم اللي كنتِ بتحسي بيه استمريتِ ومضعفتيش...

_ هو انا هخرج من هنا امتي؟؟...

_ ايه زهقتي مني ولا ايه؟؟...

زهرة بحرج...

_ لا..لا طبعا مش قصدي..بس انا بقالي شهرين متبهدلة ف المستشفيات...وجيت هنا بقالي تلت اسابيع..

باران بضحك...

_ متقلقيش يا ستي انا عارف انك مزهقتيش..عموما كلها شهر واسبوع وتخرجي ده ف حالة انك فضلتي تمشي على نفس الوضع ده...وبعد كده هتخرجي وتتابعي علاجك برة وهتيجي هنا بصفة دورية عشان نعمل تحاليل ونشوف النسبة قلت ولا ايه ...ونشوف لو رجعتي تتعاطي تاني...

اهم مرحلة ف علاج الادمان هي تصرفك لما تخرجي من المستشفي لأنك بتباني برة بيبقي قدامك الطريق ده وده وعلي حسب اختيارك...

اومأت برأسها بسعادة وابتسامة صافية غابت عنها كثيرا حتي ظن انها لم تبتسم ابدا...

كان يتابع حديثها مع الطبيب وفرحتها بتحسنها بوجع والم يكاد يشطره الي نصفين من شدته..يريد أن يدلف إليها ويبرح ذلك الطبيب ضربا...يغار منه لأنه كان السبب في ابتسامتها التي عجز هو عن فعلها...

تجمد مكانه عندما اعطاها الطبيب الهاتف حتي تتحدث الي من تريد ...اعتقد انها ستهاتفه اولا...لكن خاب ظنه وعاد ذلك الالم يعصف به بقوة اشد وهو يستمع إليها وهي تتحدث الي شقيقتها الكبرى...

لم يري لوجوده معني فغادر المشفي بأكملها بعد أن ألقي نظرة المجتمع ممزوجة بعبارات لم يستطع السيطرة عليها..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

لم يستطع تجاهل خفقات قلبه اكثر من ذلك...يريد أن يراها...يضمها الي صدره حتي لو رغما عنها ...يومه ناقص بدونها مهما حاول الانشغال بالعمل ...ابتعد عنها فقط اسبوعان ..كان يحدثها بالهاتف يوميا لكن رؤيتها شيئا اخر...يريد ليله من لياليهم معا يطفئ بها نار شوقه إليها وولعه بها....رغم علمه انها لن تتجاوب معه...يستشعر نفورها منه ...يري تعبيرات وجهها الحزينة وهي بين يديه...التقط هاتفه حتي يتصل بها ..

_ الو..

كان ذلك صوتها ..نبرتها الناعمه تلك اشتاق لها كثيرا...يفتقد كل شئ بها لكنه لن يتحمل خيبة أخري وخذلان اخر...

_ عاملة ايه يا تمارا؟؟..والعيال عاملين ايه؟؟..

ردت هي بجفاء...

_ الحمد لله...كويسين..

وصمتت..طمأنته علي حالهم وصمتت..

_ تمارا انا عاوز اشوفك...عاوز اشوف مراتي..

قالها بهمس ونبرة ضعيفة مكسورة لم يستطع السيطرة عليها ..

تجاهلت تلك النبرة التي زعزعت كيانها بالكامل وهتفت بجمود قاسِ..

_ مراتك معاك يا عابد...زينب معاك..انا ام ولادك...سلام..

وأغلقت الهاتف وبكت...لم تنكر احساسها بالنقص بدونه...لم تكرهه يوما...لكنها لم تستطع تقبله كزوج...تحسست تلك الحلقة حول اصبعها..وشردت في ليلة زفافها...كانت بكاء وعويل حتي يبتعد عنها..

تجهمت ملامح وجهه بضيق وحنق قائلا بصوت حاول إخراجه هادئا..

_ طب انا عملت ايه دلوقتي؟؟..بطلي عياط انا معملتش حاجة..

لم ترد عليه وتابعت بكائها فزمجر هو بغضب...

_ بطلي زفت وقوليلي فيه ايه؟؟..

توقفت عن البكاء خوفا منه وعدلت من وضع الشرشف حول جسدها ...

_ انا خايفة...

تبدلت ملامح وجهه الي اللين وحاوط كتفيها بذراعه...

_ متخافيش..انا معملتش حاجة وانت عمالة تعيطي..اهدي طيب...

بعد قليل توقفت عن البكاء وهدأت قليلا اما هو فتراجع عما اراده وانشغل بتهدأتها حتي نامت ..سحب يده برفق ودثرها بالفراش وخرج من الغرفة حتي يجلب ماء ..

بعد أن اطمأنت الي خروجه فتحت عينيها وعاودت البكاء وهي تقول بصوت مسموع قليلا...

_ ربنا يسامحك يا بابا..ربنا يسامحك..

توقف مكانه بصدمة لم يكن من الصعب عليه أن يفهم معني كلماتها ...تمارا تزوجته رغما عنها..أو بالاحري بضغط من ابيها...

وعلي مدار الأيام التاليه كان يتعامل معها بجفاء الي أن مر اسبوع علي زواجهم ...

اقترب منها حتي يتخلص من ذلك الشك الذي عصف برأسه فعاودت البكاء والتشنج من مجرد لمسه لها..هنا لم يستطع التحلي بالصبر وهتف بغضب...

_ بقولك ايه..خايفة ومش خايفة ده مش عندي...ده هيحصل هيحصل ف اهدي كده وارخي نفسك..مش هتموتي..

بذلك الاسبوع كانت نظرتها له بدأت بالفعل أن تتغير لكن بما يريد فعله الان وبما قاله تجسدت أمامها شخصية والدها الصارمة...تلقائيا وجدت نفسها تتوقف عن البكاء والحركة وتركته يفعل ما يريد ...أدركت بما لا يقبل الشك انها وقعت بنسخة ناصر النوساني وأنها أصبحت زوجته شاءت ام ابت..

لذلك وجدت أن تتعامل معه كما تتعامل مع والدها لم تستطع أن تكون سعيده بحملها بطفلها الاول...اتخذته كإجراء روتيني...تزوجت ومن المؤكد أن تنجب اطفال....

#############

وكالعادة أصدر هاتفها صوتا يخبرها بوصول رساله..التقطت الهاتف وفتحت الرسالة...هذه المرة لم تكن مديح بها أو غزل...

"الساعة ١٠ ونص...بحبك"...

قطبت حاجبيها باستغراب ولم تفهم ..قلبت شفتيها بجهل وتركت الهاتف واخذت طفليها حتي تذهب الي موعد تدريبها وتري زمزم...فقد اخبرتها بالامس بوجود ناصر النوساني بالمنزل....

****************

ارتدت زمزم ملابسها تحت أنظار سيلين التي لم تتوقف عن الحديث عن عمها وترجوها أن تتحدث إليه لكن زمزم لم تستمع لها ...

_ يا زمزم حرام ...عمو تعبان والله...طب كلميه حتي لو بالكدب..

تأفأفت بنفاذ صبر وهتفت بصوت حاد قليلا..

_ قولتلك لا يا سيلين...لا...انا ابويا مات..اللي تحت ده ضيف ف البيت..متكلمنيش عنه تاني لو سمحتِ..

آثرت سيلين تغيير الموضوع حتي لا تعاند اكثر وهتفت...

_ مش قولتيلي أن ياسر لسه مرجعش راحة فين كده؟؟...

_ امم..لسه مرجعش...انا راحة النادي هقابل تمارا هناك..ما تيجي معايا...

_ هنزل معاكي بس مش هروح النادي...خارجة مع صحابي...

غمزتها زمزم بخبث وابتسامه ...

_ طب تصدقي بقي انك سافلة..

وقذفتها بالوسادة...

نزلا الي الاسفل فقابلهم وقاص وهو يصوب نظراته نحو زمزم بحدة...

_ رايحة فين انت ومراتي يا سيلين؟؟...

تعمده الضغط علي كلمة " مراتي"أثارت غريزتها بالضحك بقوة حتي أثارت غضبه...

_ انا مقولتش حاجة تضحك ...واحسنلك تقولي راحة فين ؟؟...

توقفت عن الضحك حتي لا تثير المشاكل فقد ساورها القلق عندما استمعت الي صوت شقيقتها عبر الهاتف كما أنها اتفقت معها علي زيارة زهرة بالمشفي اليوم...

_ راحة النادي...هشوف اختي هناك...عندك مانع؟؟...

وقاص بغموض وصوت هادئ...

_ لا...معنديش مانع..روحي...

تعجب من هدوءه المفاجئ ذاك ولكن الان تهمها شقيقتها اكثر لذلك تركته وخرجت ...

بالنادي ...تركت تمارا طفليها بالمكان المخصص للأطفال وأمرت احد الحراس بمتابعتهم وحمايتهم وذهبت حتي تجلس علي طاولتها منتظرة زمزم...رغما حولت بصرها بأنحاء المكان تبحث عنه ولكنها لم تجده ...رأت زمزم قادمة إليها فابتسمت بحنين...تري والدتها بزمزم...زمزم هي الوحيدة بينهم التي أخذت شعر والدتها البرتقالي وعيونها الزرقاء ...

عندما اقتربت منها زمزم اسرعت تمارا باحتضانها بقوة وبادلتها زمزم العناق...

زمزم بضحك...

_ خلاص كفاية بقي خلينا نقعد...

ابتعد عنها تمارا وجلست على المقعد...

_ ناصر بيه عندك ف البيت ازاي بقي؟؟..وازاي رجع اصلا؟؟...

تنهدت زمزم ثم هتفت...

_ ناصر بيه عندي بقاله اسبوعين تقريبا...

تمارا باستغراب ...

_ اسبوعين؟؟...وازاي متقوليش انت لسه قايلالي امبارح بس..

ضحكت زمزم بسخرية قائلة...

_ أصله جه واتخانق معايا ومع وقاص ومع عمك...

_ ليه ده كله ؟؟مش معقوله ندم يعني؟؟..

_ حب يعمل اب ويتقن الدور...اتخانق مع وقاص عشان اتجوز عليا واتخانق مع عمك عشان ممنعوش..واتخانق معايا عشان رضيت ومحاولتش أوصله...سيلين بتقولي أنه تعبان وعاوزاني أكلمه..شايفة أنه ابويا ومينفعش اقاطعه...عارفة با...عارفة ناصر بيه راجع ليه؟؟...راجع عشان هيطلع ع المعاش السنة الجاية..كان جاي هنا يقعد ف وسطنا...شاف أنه كفايا بقي حاجة وتلاتين سنة غربة..واحنا صغيرين مع ماما بترعانا...وبعدها احنا كبرنا وهو كان صارم معانا واتربينا من غيره...بس وحلف ع وقاص أنه يطلقني ووقاص مرضيش...وادينا قاعدين اهو...

انتهت زمزم من حديثها وانخرطا في نوبة ضحك هستيرية حتي ادمعت عيناهم ...تحولت ضحكات تمارا إلي بكاء ناعم...

_ امال لو عرف أن عابد اتجوز عليا انا كمان بعد تلت سنين بس جواز!!!..

_ ولو عرف اني بفضله وبفضل قراراته بقيت خاينة...بخون اللي اتحسب عليا جوزي بواحد تاني...لو عرف أنه سابني بعد جوازنا بشهر وسافر برة بحجة الشغل ورجعلي متجوز ...لو عرف اني لسه بنت لحد دلوقتي...انا ادمرت ...ادمرت يا تمارا...بقيت حاسة أن ديه مش انا...بقيت حاسة اني زبالة...زبالة ومش هنضف....

وبكت هي الأخري علي حالها ...امتدت يد تمارا إلي يد اختها وربتت عليها برفق ...

_ يا حبيبتي اهدي ..انت ولا زبالة ولا خاينة ..ابوكي السبب ف اللي انت فيه ..بقولك ايه قومي نروح لزهرة يلا...

اومأت برأسها وسارت معها نحو سيارتها حتي يذهبا الي المشفي...

كعادته طوال الاسبوعين الماضيين يذهب إليها المشفي ويظل يراقبها من فتحة الباب كما يأمر الطبيب...كان يريدها أن تسأل عنه ...أو حتي تذكر اسمه ولو بالخطأ لكنها لم تفعل...نزعته من حياتها ولم تهتم به...فقط تتواصل مع شقيقتيها حتي انها لم تفكر في الاتصال بوالدها ...احتل الالم ملامحه عندما استمع الي حديثها مع الطبيب ...ازدادت ضربات قلبه حتي أوشكت أن تحطم عظام صدره ...

دهش باران من إجابتها علي سؤاله فطلب منها الاعاده ...

_ أيوة لما اخرج من هنا هدور علي شغل ومكان اعيش فيه ..

_ مش قولتيلي انك متجوزة؟؟...وكمان عندك عيله واخوات وباباكي عايش؟؟...

ابتسمت زهرة عندما ذكر باران شقيقتيها ...

_ اممم...عندي فعلا....بس انا همشي من هنا وهروح اقعد مع اخواتي....هما كمان عاوزين يقعدوا لوحدهم ..

عاود باران سؤالها مرة أخري...كان يشك بها من البداية وباحتياجها لطبيب نفسي...

_ جوزك...جوزك فين يا زهرة؟؟...

تبدلت ملامح وجهها للانزعاج وهتفت بضيق...

_ أيوة بس انا مبحبوش...ومش عاوزاه...ويوم م اخرج من هنا مش هروح معاه...هو السبب في اللي انا فيه اصلا....

الي هنا ولم يستطع المتابعة فالتفت حتي يغادر مدمع العينين علي حالتها وما وصلت إليه..صحيح أن هذا السم يخرج من جسدها لكن حالتها النفسية تنحدر اكثر...رأي شقيقتيها يدخلا الي الطابق الموجوده به غرفتها ابتسم بألم وخرج من المشفي بأكملها ...

بالغرفة ...مدت زهرة يدها الي باران قائلة...

_ هو فين التليفون ؟؟...انا عاوزاه...

اعطاها الطبيب الهاتف وجلس ينظر إليها ثم نهض من مكانه حتي يخرج من الغرفة لكن استوقفه صوت بكاءها ...

_ مالك يا زهرة؟؟...

_ محدش بيرد عليا ...اخواتي مبيردوش...زهقوا مني ...

ربت علي كتفها يهدئها ..

_اهدي بس يمكن التليفونات مش معاهم ...اه..

لم يستطع المتابعة إذ أن أحدهم طرق علي الباب فسمح له باران بالدخول ظنا منه أنه زوجها لكنه تفاجأ بفتاتان ...

حولت زمزم بصرها نحو شقيقتها فرأتها تبكي...

_ مالك يا زهرة ؟؟..

لم تصدق زهرة أذنيها ولا عيناها ..لم تتخيل بأفضل أحلامها أن يأتوا إليها فتشبثت بخصر اختها وهي تبكي بقوة ..

_ طب اهدي طيب...خلاص..خلاص يا زهرة هعيط انا كمان والله...

تركهم باران وخرج من الغرفة تاركا إياها مع اختيها ...

_ انا مش مصدقة انكو جيتولي..انا كنت قربت اطق..

ربتت تمارا علي كتفها قائلة بابتسامة..

_ بعد الشر عليكي...احنا هنجيلك علطول خلاص...التليفون ده

للطوارئ ...ربنا يكرمك وتخرجي من هنا...

ثم نظرت إليهم يأمل وحماية جديدة عليها...

_ لسه فيه حياة تانية مستنيانا يا بنات...مستنيانا احنا واللي نختارهم...

وامسكت بيدهم تضغط عليها برفق وبريق الحماسة والعزم يتلألأ في عيناها.. 

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

بعد مرور شهر...

دلف الي المشفي ركضا حتي يلحق بها قبل أن تخرج من المشفي...فقد هاتفه طبيبها يطلب منه الحضور لاستلامها كما طلب عند تعافيها وللصدفة استمعت هي الي حديثه وأصرت علي الخروج وحدها ...

_ انا هخرج...انا مش فاقدة للاهلية عشان تمنعوني..وحضرتك يا دكتور واقف تتفرج!!..قولهم يسيبوني...

حاول باران تهدأتها قائلا...

_ يا زهرة اهدي ...دلوقتي جوزك ييجي ياخدك وتحلوا مشاكلكوا مع بعض...

صرخت هي بحدة وغضب...

_ وانا مجبتش سيرة اي مشكلة بيني وبين جوزي...انا قولت عاوزة اخرج من هنا...

في تلك اللحظة كان ناير وصل إليهم ...لم يكن من الصعب الوصول إليها فقد خرقت أذنه بصوتها الغاضب وهي تنهرهم لمنعها من الخروج...

اقترب منها وجذبها من يدها على حين غرة والتفت برأسه قائلا...

_ دكتور باران انا همشي دلوقتي وبكرة أن شاء الله هاجي عشان الإجراءات...

وخرج دون أن يأخذ إجابته منشغلا في تلك المخلوقة التي تحاول الفرار منه بشتي الطرق الي أن وصلا للسيارة فدفعها واغلق الباب...

_مش عاوزاك يا ناير ابعد عني وسبني ف حالي بقي...

نظر إليها بحدة وغضب قائلا بهدوء ظاهري...

_ مش عاوز اسمع صوتك لحد م نروح البيت ..تمام؟؟...

حولت بصرها نحو زجاج السيارة تتابع حركة السيارات حتي يصلا الي المنزل...

******************

اغمضت عيناها بتوتر وهي تقف علي ذلك الجهاز لقياس الوزن..شهران من المجهود المضني حتي تفقد وزنها ..كان من المفترض أن تقيس وزنها كل شهر لكن خوفها من الاحباط منعها لكن اليوم زارتها زمزم وجلبت لها هدية وأصرت أن تقيس وزنها...

ضحكت زمزم بقوة وقالت...

_ يا بنتي خلاص فتحي عينك..خسيتي..

فتحت عيناها بسرعة عندما استمعت الي الكلمة الأخيرة وهي تقول بلهفة...

_ بجد!!..وحياة امك خسيت؟؟...

اومأت برأسها بسعادة بضحك مشيرة إلي الشاشة الصغيرة...

_ اهو شوفي كنتِ كام وبقيتِ كام...

وامدت يدها واخرجت كيس صغير من حقيبتها..

_ خدي...اكوي ده والبسيه بقي..هيبقي حلو اوي عليكي..انا هقضي اليوم معاكي النهاردة وهتصل بالزفتة ديه أشوفها اتأخرت ليه ..

أخذته تمارا منها ودلفت الي الغرفة وقامت بكيه وإرتدته..ظلت تدور حول نفسها بانبهار وهي تتفقد الثوب فقدت الكثير من الوزن ..نظرت إلى شعرها بالمرأة وابتسمت وهي تمد يدها نحو ربطة شعرها وحررته ثم خرجت من الغرفة...

خرجت زمزم من المطبخ بيدها زجاجة ماء قاطبة جبينها باستغراب...

_ البت ديه مبترودش بتكنسل...

واصدرت صفيرا دلالة على اعجابها بشقيقتها..

_ ايه الجمال ده !!...أيوة بقي هي ديه تمارا ...مش فاهمة انا ايه القرف اللي كنتِ عملاه ف نفسك ده...

اقتربت تمارا من زمزم وعانقتها بقوة وبادلتها زمزم العناق...

_ يلا..يلا روحي اقعدي عقبال م اشوف الزفته ديه فين ...

وعادوت الاتصال بها من جديد لكن هذه المرة اغلق الهاتف تماما...

**********

علي الجهة الاخري ...خطف ناير الهاتف من يد زهرة واغلقه ..

_ ايه اللي انت عملته ده؟؟انت اتجننت؟؟...

صف السيارة بغضب محدثا صريرا مزعج والتفت إليها بغضب..

_ انزلي..

نظرت حولها باستغراب تحول إلى خوف وتوتر وهي تشاهد المنزل الذي سبق واختطفت به...تابع ناير تعبيراتها باستغراب ثم تحولت ملامحه الي الالم وشتم نفسه علي نسيانه مثل هذا الشي الهام...كيف نسي حادثة اختطافها بهذا المنزل !!..

عاد يأمرها بصوت أقل حدة...

_ انزلي يا زهرة ...

فتحت الباب بأيادي مرتعشة تشعر بحاجتها الي الراحة ..تشعر ان قدميها ستخذلها...

امسك بيدها حتي يدلفا الي المنزل ...تركها ناير بعد أن اجلسها علي الاريكة وذهب حتي يجلب لها ماء ..

_ خدي..اشربي واهدي كده ...

اخذت منه الكوب وتجرعته كاملا ثم وضعته على الطاولة أمامها والتفتت إليه حتي تبدأ العراك...

_ انت جايبني هنا ليه؟؟...انا مش عاوزاك يا ناير..حاول تنساني..طلقني وانساني ..

من الغباء الان ان يستخدم اسلوب الشدة معها ..ببداية زواجهم رفضته صراحة بسبب عمله وأنها تخاف من ضباط الجيش والشرطة ولكنه وعدها انها ستكون خارج دائرة الخطر تماما...ورغم اعتراضها بوقتها الا انه وجد والدها يهاتفه يتفق معه علي موعد حفلة الزفاف...

_ يا زهرة انت بتحاسبيني علي ايه؟؟..انا أمنت البيت كويس..بس اللي ربنا كاتبهولك اكيد هتشوفيه حتي لو انا عملت ايه..

دمعت عيناها وهي تتذكر حديثه معها وانتهاءه باعتذاره عن انقاذها...

_ بحاسبك علي ايه!!!...بحاسبك انك بديت شغلك عني وسبتني ف أيديهم...انت متعرفش كانوا بيعملوا فيا ايه...انا مبقتش مدمنه وبس..لا انا كنت يوميا بضرب الا بس الكام يوم اللي قبل م تلاقيني فيهم...كنت بترجاهم عشان يريحوني يا اما يدوني الجرعة يا اما يموتوني..بس كانوا بيستمتعوا وهما شيفني بتلوي ...

فاكر قولتلي ايه لما اتصلت عشان تتصرف وتتجدني؟؟..قولتلي ايه كل ده تليفونات عندي شغل...سبني امشي يا ناير انا مش عاوزاك..

طوال فترة حديثها كان ينظر إلى الأرض لم يستطع رفع بصره إليها...خذلها كثيرا ويعلم ذلك..

_ امشي يا زهرة....

نظرت اليه مصعوقة من تخليه عنها بهذه السرعة...ثم تداركت نفسها سريعا واخذت هاتفها وحقيبتها وخرجت حيث اختيها....

********************

انتقل ناصر النوساني الي منزله بعد ان انتهي من توضيبه...لم يستطع البقاء بمنزل أخيه وهو يري معاملة ابنته له وتجنبها إياه في كافة تصرفاتها ...كما أنه غاضب حقا من وقاص ولا يريد رؤيته ...

انتقل الي منزله منذ اسبوع فقط ...كان يحاول معرفة كل شئ عن حياة بناته ...صعق عندما علم ان عابد وناير متزوجان علي بناته..لكن ما دهشه اكثر هي زهرة..كيف توافق على زواج ناير من اخري؟؟!!!!...

وكيف يستجري عابد أن يتزوج علي ابنته التي سحرته من اول مرة رأها بها؟؟؟...

دلف إليه الخادم يقول بتهذيب...

_ وصلوا يا فندم ...ادخلهم؟؟..

اومأ برأسه إيجابا ..يجب أن يضع النقاط علي الحروف الان ويصلح ما اتلفه بحياتهم بجهل منه...

دلف ناير وعابد ووقاص الي المنزل منهم الذي يشعر بخطأه في الزواج مرة أخري ومنهم من يتبجح ويسير بكل عنجهية وغرور...

_ تعالوا اقعدوا...كلامنا احتمال يطول شوية ف اللي عنده معاد ...

توقف عن الحديث وحول بصره ناحية ناير الذي تهللت اساريره فمن المؤكد أنه سيتحدث معه عن ابنته وهو غير مستعد الان...

تابع ناصر حديثه بحدة وصوت مرتفع قليلا...

_ يلغيه...

جلسوا جميعهم علي المقاعد منتظرين حديثه...الي أن هتف بجدية ..

_ تعالي ورايا يا وقاص...

دلفا الي غرفة المكتب الخاصة به حتي يستطيعا التحدث بحرية..

_ اتجوزت علي بنتي ليه يا وقاص؟؟...ناقصها ايه عشان تتجوز عليها؟؟...

_ ناقصها اني اكون بحبها...ناقصها اني اكون قابلها كزوجة حتي...وانا لا دي ولا دي ...زمزم طول عمرها بنت عمي اللي مبشوفهاش نهائي عارف اسمها بس... ف يوم وليلة ابويا يجبرني اني اتجوزها عشان عملت حادثة وبقت معاقة!!!...مش ذنبي لا انا اللي خبطها ولا كنت السبب...

صدح صوت ناصر الجهوري بغضب اعمي...

_ بنتي مش معاقة يا وقاص...بنتي كاملة ..المعاق صح هو انت...انا ندمت اني اجبرتها عليك ..كنت مفكرك هتهون عليها وتخفف وجعها...مكنتش اعرف انك هتسافر بعد جوازك منها باسبوع عشان تجيب السنيورة مراتك...

ظهرت دهشت وقاص علي صفحة وجهه بوضوح...

_ مفكر اني مكنتش هعرف..قبل ما اجيبك هنا انا عرفت كل حاجة ...طلقها يا وقاص وكل واحد يروح لحاله...

وقاص بعناد...

_ لا..طلاق مش هطلق...

_ يبقي تطلق الجديدة بكرة وبنتي بس اللي تفضل علي ذمتك..

_ بردوا لا...مش هطلق واحدة منهم...بنتك لسه زي ما هي...مبقتش مدام...وانا مش هطلقها....اللي تستغفلني وتمشي مع واحد غيري وهي علي ذمتي حقها عندي اني اسففها التراب لحد م تقول حقي برقبتي...

لم يستطع تدارك الوضع كاملا...كيف تكون ابنته كما هي؟؟...متزوجه منذ عامان ولم يحاول وقاص الاقتراب منها!!!...

وكيف تخونه من الاساس...

_ يعني ايه...ب.بتستغفلك؟؟!!!..

أفلتت ضحكة ساخرة من وقاص وهتف...

_ يعني بتستغفلني...ماشية مع الدكتور بتاعها...بتاع العلاج الطبيعي ...

_ انت كداب...بنتي مستحيل تعمل كده...

قالها ناصر بغضب شديد وصوت مرتفع...

اشتدت عضلات فكه بغضب وهو يلقي علي مسامع عمه ما فعله حتي يتأكد مما يقول...

_ كان نفسي ابقي كداب يا عمي...بس ديه الحقيقة..انا براقبها بقالي شهر ونص ...بتخرج معاه ومش عاملة حساب انها متجوزة حتي لو ع الورق...دخلتلها امبارح عشان اخلي جوازنا علي الورق وحقيقة بس رفضتني ...طلاق مش هطلق الا لما أتأكد أن انا اول واحد بنفسي...

تهدلت كتفيه بخزي من فعلت ابنته ...يعلم أنه أخطأ بحقها لكن ذلك لا يعطيها الحق أن تفعل تلك الفعلة الشنيعة ...كيف تخون زوجها...والي اي حد وصل الأمر بينهم قبل أن يشك بها وقاص؟؟؟...

رفع رأسه نحو وقاص وعاد مرة أخري ناصر النوساني القديم الصارم ...

_ معاك اسبوع واحد...بكرة تجبلي اللي يثبت أنها بتخونك ...وخلال الأسبوع ده تتصرف وتجبها هنا وتخليها مراتك ..عاوز اطمن بنفسي...

اومأ برأسه موافقا وعقله يحيك لها الخطة من الان ...ستدفع ثمن خيانتها له مضاعف...

بعد خروج وقاص تحولت ملامح ناصر الي الوجع والخذلان ...والم بكافة أنحاء جسده زمزم الوحيدة بينهم التي بكت أمامه حتي يتراجع عن قراره ..حتي انها بكت واوشكت علي تقبيل يده بتوسل حتي يتركها ولا يجبرها علي شئ يوم زفافها عندما دلف إليها بالدفتر للحصول علي توقيعها لكنه بقي جامدا حتي أنه لم يربت علي كتفها يواسيها..أن يقول لها أنه معها يساندها...

الي أن انتهي بها الأمر تحمل لقب خائنة بسببه وبسبب طريقته معها وجموده...

لم تقوي قدماه علي حمله حتي يخرج ويستدعي ناير ...فنادي عليه من مكانه...

_ انا مش هقولك اتجوزت علي بنتي ليه...بس اللي انا عاوز أفهمه ازاي زهرة وافقت وعاشت معاك؟؟...

ظهر الارتباك علي وجه ناير بوضوح...

_ زهرة متعرفش يا عمي...

قطب ناصر جبينه قليلا وهتف...

_ ازاي متعرفش ؟؟..مشكتش فيك!!..ده انت بقالك تقريبا اسبوعين مش بتبات ف بيتك...

الرجل المكلف بجلب المعلومات عن ناير لم يستطع معرفة اكثر من ذلك ...لذلك اثر ناصر معرفة حقيقة الأمر من ناير نفسه..

تعرق جبين ناير وهو يري تأزم الموقف وضرورة اخبار ناصر بحالة ابنته طوال الشهرين ونصف الماضيين...

_ انا عارف انها حاجة وحشة يا ناير...قولهالي وخلص ...مش هتقدر تخفيها كتير ..مفيش حاجة بتستخبي من الاساس...

هتف ناير بصوت مرتبك....

_ زهرة كك..كانت ف...مصحة

ناصر بلهفة...

_ مصحة ايه؟؟..هي تعبانه ؟؟..قولي فيها يا ناير كفاية وجع قلبي عليها هي كمان...

أخذ ناير نفسا عميقا والتفتت له وتحدث دفعة واحدة...

_ مصحة ادمان...من حوالي اربع شهور زهرة اتخطفت وبعد شهر رجعتلي...بس رجعت مدمنه اخدتها مصحة عشان تتعالج وهناك رجعت تتعاطي تاني ف غيرتلها المستشفي قعدت فيها شهر ونص ولسه خارجة النهاردة..طلبت مني اسيبها واطلقها ...وسبتها الصبح وبعدها جيت لحضرتك لما طلبتني...

كانت الغرفة تدور به ووخزات قلبه أصبحت مميته بالفعل ...لم يستطع التنفس ...ضاق صدره من كثرة سماعه بما حدث لبناته بسبب قراراته الخاطئة والتي تحملوا هم نتائجها ...دوار يجتاح جسده يجبره علي اظهار عجزه ظل يقاوم ويقاوم لكن بالنهاية خذلته قوته وسقط علي مقعده غائبا عن الوعي...

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين

↚

باليوم التالي...

كانت العائلة جميعها تقف أمام الغرفة منتظرين خروج الطبيب حتي يطمئنهم علي حالة ناصر ...

بما فيهم عابد وزوجته فقد أصر عليها بالمجئ والاطمئنان على والدها ..

بعيدا عنهم تجلس زمزم علي احدي مقاعد المشفي وبيدها الهاتف تتحدث مع ياسر...

تطورت علاقتهم كثيرا ..أصبحت تخرج معه في اي مكان ...تقضي اليوم معه ..مستغلة في ذلك عدم معرفة أي شخص من طبقتهم الراقية بحقيقة زواجها من وقاص...

خرج الطبيب من الغرفة وأسرع قدري إليه يسأله بلهفة عن حال أخيه...

_ طمني يا دكتور ...هو عامل ايه دلوقتي؟؟..

رد عليه الطبيب بعملية...

_ هو الحمد لله كويس...ويقدر يروح معاكوا كمان...صحته الكويسة ساعدته أنه يتخطي الجلطة ...بس طبعا مش محتاج اقول إنه يبعد عن اي ضغط...

بعد رحيل الطبيب ...دلف قدري وابنته وازواج بناته الثلاث للاطمئنان عليه فيما اتجهت كل من زهرة وتمارا نحو زمزم وجلسوا بجانبها...

اغلقت زمزم الهاتف ونظرت إليهم هاتفى بسخرية...

_ ناصر النوساني ميوقعش ابدا...ده صحته ادنا احنا التلاته مرتين تلت مرات...قال يبعد عن اي ضغط قال...هو احنا اصلا جينا ليه؟؟...مش اخوه وبنته وعياله التلاته معاه..

ونهضت من مكانها وعدلت من ثيابها واكملت حديثها قائلة..

_ حلو جدا ...انا ماشية ...خارجة مع ياسر لو حد سأل عليا ..ده لو طبعا...ف انتوا متعرفوش انا فين ..

التفتت حتي تغادر لكن صوت شقيقتها الوسطي اوقفها...

_ اللي انت بتعمليه ده غلط يا زمزم ...عارفة انك متجوزاه غصب عنك...بس الطلاق كان احسن ليكي وليه...ع الأقل مش هتحسي انك خاينة....

انت طول عمرك بريئة ...متخليش الظروف اللي حواليكي توسخك...

جاءها صوت زمزم الجامد...

_ انا مبعملش حاجة غلط ...ابن عمك من ساعة م اتجوزني وهو رميني ومش معتبرني مراته..جبلي مراته ف البيت وعمل وعمل ..و ع الأساس ده انا بتصرف....ولو حاسة بالذنب ف انا مش هقولك ع اي حاجة تاني يا زهرة ...سلام...

بعد رحيل زمزم التفتت زهرة الي تمارا قائلة...

_ عقليها انت يا تمارا ..اللي هي بتعمله ده غلط...واكبر غلط كمان...تطلق احسن..

صعقت تماما عندما صدمها رد تمارا عليها...حتي انها أثارت الشك داخلها ..

_ محدش فينا عاش اللي هي عاشته..يمكن ياسر ده هون عليها وجع حياتها كله..بتصرفات بسيطة...ويمكن ب..بكلام بسيط كمان...

وشردت في الرسالة النصية التي جاءتها أمس...رسالة باللغة الإنجليزية ...

"I miss.the beautiful eyes that I can sail through forever. I miss The smile that send me to heaven"...

افتقد العينين الجميلتين و التي أبحر فيهما إلى مالا نهاية. افتقد الابتسامة التي ترسلني إلى السماء ""..

فاقت من شرودها علي صوت زوجها وهو يهزها بعنف بعض الشئ..

_ ها..ايه يا عابد فيه ايه؟؟..

_ ها ايه...بقالي ساعة بقولك ادخلي لابوكي سأل عليكوا ...بس زمزم فين؟؟..

نهضت من مكانها حتي تذهب الي إليها وهي تقول...

_ معرفش هي راحت فين..قالت هتمشي...

دلفت تمارا إلي الغرفة دون تعبير..حتي انها لم تسرع نحو ابيها تطمئن عليه...فقد سارت نحو شقيقتها ووقفت بجانبها...

حفر الالم ملامحه علي وجه ناصر وهو يراهم بعيدا عنه..وتذكر أيامهم القليلة سويا عندما كان يجتمع معهم علي الافطار...تذكر زمزم وابتسامتها التي تذكره بوالدتها...قطب جبينه وبحث عنها بالغرفة لكنه لم يجدها...

_ زمزم فين يا تمارا؟؟..

_ زمزم مشيت..

ناصر بقلق...

_ راحت فين؟؟...

_ معرفش...هي اول م الدكتور خرج وقال إن حضرتك كويس مشيت...قالت وجودها ملهوش لازمة..

كانت تعلم جيدا وقع كلماتها علي والدها...لكنها لم تستطع السيطرة على نفسها ...أرادت أن تشعره ولو بلمحة بسيطة مما عانته احداهم بسبب السنة ازواجهم أو عائلاتهم...

عم الصمت بالغرفة وتوجهت الابصار جميعها الي تمارا...كان من المفترض ألا تفصح عما قالته زمزم لها إذا كان جارح بهذا الشكل... اصطدمت عيني تمارا بعيني زوجها ..نظراته النارية الغاضبة تلك لم تعد تخيفها..ستنفصل عنه وتتحرر منه...لا تريده ولا تريد والدها...فقط شقيقتيها وصاحب الرسائل المجهول....

***********************

بمكان اخر...

تجلس زمزم علي الطاولة وامامها ياسر ينظر لها بحب صادق...لم ينتبه الي اي شئ ..يعلم جيدا أنه سيواجه ضغوط من والدته حتي يتزوج جارتهم والتي تعتبرها والدته بمثابة ابنتها بعد موت والديها ..لكنه لن يستطيع فقد تعلق بها وانتهي الأمر ...

_ مالك يا ياسر؟؟..ساكت ومبحلق فيا كده ليه ؟؟...

ياسر بعبث ..

_ م ابحلق...عندك مانع ولا ايه ؟؟...

هزت رأسها نفيا وهي تبتسم بحب...دائما ما تقارن بينه وبين وقاص..ماذا اذا كان وقاص يعاملها كإنسانة طبيعيه؟؟...ماذا كان سيحدث إذا عاملها برفق ؟؟..حتي اذا كان لا يريدها ...

_ ايه مبتاكليش يعني؟؟..

ابتسمت زمزم بحب وهتفت...

_ انا الحمد لله يا عم..شبعت اوووي كمان...وانت اكلت ؟؟..

اومأ برأسه هاتفا...

_ امم.. اكلت...

أمسكت زمزم حقيبتها واخرجت منها شئ ما وامدت يدها به أمامه قائلة...

_ طيب...انا حجزت امبارح تذكرتين عشان نروح سنيما...ينفع؟؟..

اومأ برأسه وامسك بيدها ولثمها بقبلة رقيقة وناعمة...ثم نهض من مكانه واوقفها وخرجت من المطعم ممسكة بيده وهي تبتسم بحب...غافلة عن ذلك الرجل الذي يرصد جميع تحركاتها لزوجها ...

عادت زمزم الي المنزل بمنتصف الليل بالضبط سعيدة بدرجة لا توصف ...توقفت مكانها عندما شاهدت وقاص أمامها ينظر لها بغموض..

_ راجعة مبسوطة ما شاء الله..

ابتسمت زمزم نصف ابتسامة وهتفت..

_ فعلا..وماليش مزاج أن حد يعكنن عليا..ف ياريت اي مواقف شهامة ولا حاجة تأجلها لبكرة..عن اذنك..

توقفت مكانها كتمثال من الرخام عندما قال..

_ بس انا عاوز اخلي جوازنا حقيقي..والنهاردة... ايه رأيك؟؟..

التفتت له ببطء شديد ونظرت إليه بقوة وهي تقول بابتسامة وقسوة...

_ عمرك..شوف عمرك ف حياتك م هتلمسني...ولو حصل مش هتردد لحظه اني انتحر عشان اخلص منك انت والشخص اللي ف المستشفي اللي محسوب اب عليا ده..

وضع يده بجيب بنطاله قائلا بشراسة وهدوء...

_ تعرفي أن رفضك المتكرر ليا ده يخليني اشك فيكي؟؟..

بادلته الابتسامة بقسوة شديدة وهتفت بصوت متهكم..

_ لا معلش..شك براحتك..لو لاقيت حاجة ابقي قولي...تصبح علي خير يا..يا ابن عمي..روح لمراتك بقي زمانها قالبة الدنيا عليك..

وصعدت الدرج بهدوء وهي تردد احدي الاغاني الرومانسيه القديمة مما جعله يتميز غيظا بقوة أكبر وغضب شديد...

******************

بمنزل عابد سلمي..

كانت تمارا تجلس مع شقيقتها زهرة ..فقد رفضت زهرة الذهاب مع أبيها إلي ذلك المنزل مرة أخري ولم يضغط عليها ناصر وتركها تفعل ما تريد رغم حزنه علي جمود قلبها...حتي وهو مريض ويحتاج إلى الرعاية تخلت عنه ...

نهضت زهرة من مكانها وهي تتثاءب..

_ انا هدخل انام يا توته...تصبحي ع فرحة يا قلبى..

ودلفت الي الغرفة بسرعة وذهبت في سبات عميق..اما بالخارج فقد كان عابد ينتظر نوم زهرة بفارغ الصبر حتي بعنف زوجته علي ما فعلته بالمشفي...كما أنه يريد محاسبتها علي ما فعلته بنفسها دون إذنه أو أخباره..

_ تمارا تعالي ورايا الاوضة عاوزك..

نهضت من مكانها بهدوء شديد وبداخلها اتخذت قرارها...عابد لن يلمسها مجددا ..الموت اهون عليها من أن يضع يده عليها أو يلمسها...

دلفت تمارا إلي الغرفة وأغلقت الباب خلفها وجلست على المقعد منتظرة حديثه الي أن سمعته يتحدث اليها بحدة قائلا..

_ اقدر افهم ايه اللي انت عملتيه ف المستشفي ده؟؟...ازاي اصلا تكلمي ابوكي كده؟؟...

لم يرمش جفنها حتي من نبرته تلك وتحدثت بكل هدوء وثقة...

_ ده نقطة ف بحر من حاجات كتير اوي عاوزة اقولها لناصر بيه...و ف النهاية انا حرة اقول اللي انا عاوزاه يا عابد...

اتسعت عينا عابد بدهشة وابتسم بسخرية...

_ بتعجبيني اوي يا تمارا وانت لسه واحدة حبوب الشجاعة بتاعتك ديه...بس ده مش معايا انا مع الاسف...لأنك عارفة انا اقدر اعمل ايه كويس اوي...

ابتسمت تمارا بقسوة وتهكم قائلة بصوت جاد ...

_ ع فكرة ديه مش حاجه حلوه...انا عارفة انت تقدر تعمل ايه ...بس انت متعرفش انا اقدر اعمل ايه؟؟...

انا مش ضعيفة..

وتعمدت الضغط على اخر ثلاث كلمات وبريق التحدي يلمع بعيناها...يخبره بوجود شئ ما بزوجته...يخبره باقتراب حروب بينهما ...ولأول مرة يجهل الفائز فيها ...

أصابت تماما في عدم معرفته مدى قدرتها وهذا ما يقلقه...

****************

دلف ناير الي منزل والديه مستخدما النسخة الموجودة معه...لم يستطع الدخول الي المنزل انفصاله عنها...لا يعلم هل ما فعله صحيح ؟؟..

تأفأف بضيق عندما شاهد زوجته الثانية تجلس أمامه علي المقعد ومن الواضح أنها تنتظره ..

_ خير؟؟...

نهضت ندي من مكانها ووقفت أمامه وملامح وجهها غاضبة..

_ خير؟؟...بعد بياتك برة البيت يومين بحالهم ومبتردش علي مكالماتي جاي تقولي خير!!..

نفخ بضيق شديد وهتف بنزق...

_ ندي انا مش فاضيلك..أجلي الكلام ده لبكرة الصبح...

صرخت بعنف وغضب...

_ لا ..لا يا ناير مش هأجل حاجة..مش انا اللي اتساب كده زي الكلبة...انا مش مراتك الاولي هسكت واترمي ف مصحة بسببك...مش هسيبك تدمرلي حياتي..

انت جوزى زي م انت جوزها بالظبط...ليا حق فيك زي ما هي ليها ويمكن اكتر..انا اللي كنت بتجيلي وتترمي ف حضني بعد م السنيورة اترمت ف المستشفي...

عندما ذكرته بما حدث لزهرة وكان هو السبب الرئيسي به لم يشعر بنفسه الا وهو يصفعها حتي تتوقف عن ذلك الكلام وهتف بغضب وصوت مرتفع اتي علي أثره والديه ..

_ احترمي نفسك يا ندي...واوعي تنسي انك انت اللي كنت لابدة هنا عشان ابصلك...بس الله يسامحها امي بقي ...

اللي بتتكلمي عليها ديه انا بحبها...وعمرها م هتتقارن بيكي...بواحدة اخدتها غصب عني...

أمسكت والدته بندي واخفتها وراء ظهرها وهي تقول بصرامة...

_ البت ديه تطلق يا ناير...انت سامع؟؟...جوازك من ندي هو الجواز الحقيقي هي ديه الجوازة اللي انا عاوزاها ليك...التانيه ديه انا مش قابلاها..

صرخ ناير بهم بغضب شديد...فقد جاء ما حدث معه هو وزهرة علي رؤوسهم...

_ مش هطلقها...واللي هتطلق قريب اللي انت مخبياها ورا ضهرك ديه..حتي لو حصلت اني اقطع علاقتي بيكوا عشانها...انا راجل..رااااااجل يا امي ومش من حقك تدخلي ف اللي اختارها لأنك ملكيش حق اصلا...انا غائر ف ستين داهية نارها هي ولا جنتكوا..

وخرج من المنزل بأكمله صافقا الباب خلفه بعنف جعلها تنتفض بخوف ورعب منه ..

متنساش ان الرواية موجودة كاملة في قناة التلجرام والواتساب

للانضمام لجروب الواتساب اضغط هنا

للانضمام لقناة التلجرام اضغط هنا

لقراءة باقي الرواية اضغط هنا

تعديل المقال