رواية شغف بلا قيود كاملة جميع الفصول بقلم سلمي شريف
رواية شغف بلا قيود كاملة جميع الفصول هي رواية من كتابة سلمي شريف رواية شغف بلا قيود كاملة جميع الفصول صدر لاول مرة على موقع التواصل الاجتماعى فيسبوك رواية شغف بلا قيود كاملة جميع الفصول حقق تفاعل كبير على الفيسبوك لذلك سنعرض لكم رواية شغف بلا قيود كاملة جميع الفصول
رواية شغف بلا قيود كاملة جميع الفصول
بص ياولدي
انا خابرة زين انك كبرت واتچوزت وبجيت راچل الكل يخافه
بس لسة في عيني صغير وخايفة عليك
جابر: عايزة ايه ياامي؟
فتحية: اتچوز تمارا
جابر: كيف بتقولي كدة يااما؟
عايزة بيتي يتخرب
فتحية: هو خربان من وقت ماچبت بت البندر ودخلتها قصر العيلة
تمارا هتشيلك في عيونها ياچابر دي زي بنتي وانا عرفاها
جابر: مش هقدر ياامي تمارا اختي الصغيره
انا اكبر منها بعشر سنين
فتحية: شكل بت البندر عملالك عمل
ريحني جبل مااموت ياولدي
دي هي كام يوم وربنا ياخدني من وسطيكم
بيطلع من شروده وهو واقف في عزا فتحية بعد ماتموت وبيعرف انها عندها سرطان من المرحلة الاخيرة ومقالتش لحد
بيبص علي تمارا الي كانت بتعيط علي مرات عمها من بعيد في الزاوية ومش مبينة
بيقول في سره: فكرك كدة اني هميل ليكي
انا هتچوزك ياتمارا
هتچوزك علشان تعرفي ان چابر ابن فاروق وفتحية مش بت الي يخليه يتچنن ويفقد عقله!
بعد يوم طويل العزا بيخلص وكل واحد بيروح الجناح بتاعه في القصر
بيدخل جابر ومراته نورة للجناح بتاعهم
وهي بتروح تغير هدومها وتنام
جابر بحزن: مش هتواسيني يابت البندر وتخففي علي جلبي شوية؟
نورة: انا تعبانة ياجابر وعايزة انام انهاردة اليوم كان طويل سيبك من الشِعر الي بتقوله دة وتعالى نام يلا
بيتصدم جابر من ردة فعلها
جابر: انا عايز اتچوز يانورة
نورة: انت معندكش دم ياجابر
امك لسة ميتة وبتقولي اتجوز
وانت عايز رأيي في ايه بقي ياسي جابر؟
جابر: انا مش عايز رأيك انا بجولك
وبعدين دي كانت وصيتها عليا
نورة: انا عارفة ان امك مكنتش بتطيقني يلا اديها ماتت
جابر: انتي اتچنيتي في عقلك يابت البندر؟
انتي كيف بتتكلمي علي امي كدة
حتي لو ماتت
ورحمة ربي يانورة لو چبتي سيرة امي الله يرحمها تاني هتشوفي وش تاني
نورة: اعمل الي تعمله ياجابر
انا هنام
بتنام وجابر لسة قدامها بيفكر في كلام فتحية قبل ماتموت ليه وان هي وحشة فعلا
طلع كل الافكار دي من راسه وخد شاور ونام
بعد اسبوع
جابر بيبقي قاعد في مكتب عمه «ابو تمارا»
رضا: اخبارك ايه ياولدي
جابر: بخير ياعمي
رضا: عايز ايه ياولدي مني؟
جابر: انا هجولك ياعمي بس متجاطعنيش
انا عايز اتچوز تمارا
دي كانت وصية امي ليا جبل ماتموت
مخابرشي ليه بس انا لازم اعمل بالوصية
وتمارا زي اختي الصغيرة وهشيلها في عيوني ياعمي
رضا: خلصت ياچابر؟
جابر: ايوة ياعمي
رضا: انا موافج علي چوازك بتمارا ونعمله الاسبوع الچاي كمان
بس هتشيلها في عيونك ياچابر
ومراتك تبعد عن بتي
هز جابر راسه وخرج
بيلاقى تمارا في وشه
تمارا بابتسامة: صباح الخير ياابيه
بيبصلها جابر بعدم اهتمام وبيمشي
بليل
بيبقي الكل قاعد علي السفرة الكبيرة الي بتجمع العيلة كلها وفيه كرسي فضي تاني بعد موت محمد
الكل كان بياكل في صمت تام لغاية مابيقول رضا بصوت عالي: چواز بتي تمارا علي ابن اخوي چابر اخر الاسبوع
تمارا بصدمة: كيف ياابوي الكلام دة
رضا: خلص الكلام
بعد اسبوع بيبقي الكل بيجهز علشان الفرح
كان واقف جابر قدام المراية وهو لابس الجلابية الصعيدي وجمبه ولاد عمه بيجهزوه
بعد شوية بينزلوا كلهم وبيستنوا تحت العروسة علشان كتب الكتاب
بتنزل وهي شبه الملايكة بالفستان الابيض الرقيق
بتقعد جمب رضا وهي زعلانة وبعد كتب الكتاب بيقول المأذون كلمته الشهيرة
بارك الله لكما وبارك عليكما وجمع بينكما في خير
في الوقت دة بيرن موبايل جابر وبيمشي بسرعة وبيسيب الكل في حيرة ومحدش فاهم ايه الي حصل..
↚
بتبقي قاعدة تمارا في الجناح بتاعها وهي بتعيط وبتندب حظها
تمارا: ياخيبة بختك ياتمارا
ياخيبة بختك
مش كفاية هتچوز واحد مچبورة عليه كمان يفضحني في الليلة الي بتحلم بيها اي بت!
وبتكلم عياط
فاجأة بيدخل عليها جابر وهو مبتسم بس اول مابيشوفها بيكشر تاني
جابر: بتعيطي ليه يابت انتي
تمارا: لا مفيش
ليلة فرحي بس چوزي مشي وسابني وسط المعازيم
جابر: بت انتي
احنا مش متچوزين حقيقي
يعني علي الورق بس
ومش هچيلك غير كل مايچيلي مزاچ
بس لو عرفت انك قولتي لعمي حاچة هتبقي ليلتك طين ياتمارا
بيقرب منها وهو بيقول بهمس: مرتي حملة
ف متتوقعيش اي حاچة تچاهي ليكي ياتمارا
انا بحب مرتي وانا متچوزك عشان وصية امي وبس!
تمارا: اصيل ياولد عمي اصيل..
جابر: هنام الليلة علي الكنباية وانتي نامي علي السرير
بس دة امر مؤقت بعد كده هنام عندها بس
تمارا: ليه تنام عندي الليلة
نام عندها هي
جابر: بت انتي
انا مش ناقص وجع دماغ يلا اتخمدي
الي اقوله يتنفذ من غير ولا كلمة زيادة!
بتهز راسها وهي خايفة منه بس بعد كدة بتنام من التعب طول اليوم
بتصحي تاني يوم علي خبط علي الباب
ف بتصحي جابر بسرعة
جابر: عايزة ايه؟
تمارا: الباب بيخبط!
جابر: طيب افتحي يامعزة ليه واقفة مكانك؟
تمارا: حاضر حاضر
↚
بتفتح فبيدخل بنات كتير شايلين صواني مليانة اكل
تمارا: ايه دة كله!
ياسمين: صباحية مباركة ياعروسة
دة اكلكم انتي وعريسك
لازم تتغذي من اول الچواز علشان لما تبقي حملة تچيبي طفل مربرب كدة
تمارا: تشكري يابت عمي
بتحضنها جامد ف بتقول ياسمين بهمس: حقك علي قلبي
چابر هيتعاقب علي الي عمله امبارح من عمي متقلقيش
تمارا: لا ياياسمين خلاص اليوم انتهي وهو كان ليه عذره
ياسمين: بت اصول وتستاهلي احسن منه والله
بتبتسم تمارا لياسمين
ياسمين: يلا ياعروسة اجهزي انتي وچوزك علشان متتاخروش علي الفطور
بتهز تمارا راسها والكل بيمشي وبيفضل جابر وتمارا بس الي في الاوضة
جابر: انا هروح لمرتي اشوفها وابقي اچيلك عشان عمي ميزعقشي
تمارا: حاضر
بيخرج جابر وبعد شوية بتكون تمارا لبست
وجابر ونورة قدام الباب
نورة: علي اخر الزمن انا استني مراتك التانية!
جابر: نورة متطوليش الموضوع
قولتلك انها مرتي علي الورق بس
نورة: مفيش الكلام دة ياجابر
ياريت الموضوع دة يخلص بسرعة وتطلقها
انا لسة مقولتش لبابي او مامي اي حاجة عن موضوع جوازك للبنت دي لغاية دلوقتي
لو عرفوا مش بعيد يخلوني اتطلق منك
جابر: خلاص يانورة قولتلك هتصرف
بتخرج تمارا وهي لابسة فستان لونه وردي في ابيض وشعرها مرفوع ديل حصان
بيتأمل جابر جمالها بس بيفوق من شروده لما بتتكلم نورة بزهق
نورة: مش يلا ياست هانم بقالنا سنة مستنياينك من رغم يعني انك انتي الي المفروض تخدميني بعد كدة انا والبيبي الي في بطني
جابر: بس يانورة
بتبص تمارا في الارض وبتنزل ووراها جابر ونورا وهما ماسكين ايد بعض
بتبص كل العيلة عليهم وخصيصا تمارا
زين بابتسامة: يابوييي ايه الچمال دة كله يامرت اخوي
بتبتسم تمارا ليه بس بيقطعها جابر
جابر بضيق: القرف دة ميتلبسش تاني
ياسمين: عروسة چديدة وتلبس الي عايزاه ياچابر
جابر: اقعدي هنا يانورة
بيتكلم وليد (عمهم) الكبير: قعد مرتك التانية برضو ياچابر
جابر بضيق: حاضر ياعمي حاضر
بيقعدوا كلهم علي السفرة وعين نورة كلها حقد وكراهية من ناحية تمارا
رضا بهدوء: عايزك ياچابر تچيلي علي مكتبي بعد ماتاكل
جابر: عايزني في ايه ياعمي؟
رضا: هكلمك شوي في موضوع امبارح
بيبص جابر علي تمارا الي كانت مرعوبة من ردة فعله ف بيلاحظ وليد دة
وليد: متخفش ياولد اخوي
بس كل واحد يغلط لازم يتحاسب
رضا: الف هنا وصحة ليكم
عن اذنكم
بيقوم رضا وبعد شوية بيروح جابر وراه
نورة بهمس: صدقيني ياتمارا
لو ابوكي قرب لجوزي او ضايقه مش هتشوفي مني كويس!
يتبع..
↚
رضا: ايه الي هببته امبارح ياولد اخوي!
مش بيرد جابر عليه وبيبص في الارض
رضا: اتحدث ياواد
انت فاكر عشان كبرت وبقيت راچل هتكسر كلمتي!؟
لا ياچابر لا
انا وصيتك علي بتي الي اغلي من الماس
وبكل راحة تركتها يوم زفافكم
اخر تحذير ليك ياچابر
بعد كده مش هتشوف مني غير السواد ياولد اخوي
الظاهر ان اخوي معرفشي يربي
جابر: عايز حاچة تاني ياعمي؟
رضا: امشي
بينزل جابر لتحت بيلاقي تمارا ونور قاعدين مستنينوا والكل طلع للجناح بتاعهم
بتقرب منه نور بسرعة: جابر حبيبي في حد عملك حاجه؟
قول بجد ياجابر
جابر: خلاص يانور بلاش نطول في نفس الموضوع
كانت تمارا بتبصله بتوتر وهو بيبصلها ب غضب
نور: طيب يلا ياحبيبي نطلع لجناحنا
وبتمسك ايده وبتشده لفوق
بينزل رضا لتحت بيلاقي تمارا لسة قاعدة مكانها وعيونها مدمعة
بيقرب منها وبيطبطب عليها بهدوء
رضا: متزعليشي ياضنايا
مفيش حاچة في الدنيا تستاهل دموعك
بتبصله نور وهي حزينة: امي وحشتني جوي ياابوي
بيضمها في حضنه
رضا: وانا يابتي
وحشتني جوي
تمارا: ميتي الوچع دة هينتهي
الوچع عمره ماهينتهي طول ماعاملة حفرة في قلبنا
وبيتنهد وهو بيفتكرها
وليد: دلوك هنحصد الحصاد
الكل هيعمل
ستات ورچالة
ياسمين: ايوه ياابويي
↚
تمارا: اسكتي يابت بتقعدي تقولي هيك وفالاخر بتموتي في اخر اليوم
بتضحك ياسمين وبيمسكوا الادوات وبيروحوا الارض
تمارا: امسكي الشرشرة مني يابت عمي
(الشرشرة: آله لحصد القمح)
ياسمين: وه! شوفوا مين بيتكلم
تعبتي يابت عمي من شوية قمح؟
تمارا: ابدا انا كنت هريح بس
ياسمين: بصي شوفي مرت چوزك قاعدة هناك في الزنقور
بتخاف من الشمس الضعيفة
تمارا: فين يابت مش شايفة
ياسمين: باين فقدتي نظرك
هناك في الزنقور الي چمب الحمار
تمارا:سيبك منها ويلا نخلص حصد القمح مع العيال عشان لسة هنعمل مرتة
ياسمين: يادي الحوسة
بيضحكوا وبيكملوا
بتعدي الساعات والايام والشهور
جابر مكنش عادل ابدا بين تمارا ونور
كان دايما عند نور وبيفتكر تمارا كل شهر او اكتر
حتي في اليوم الي بيجيلها فيه كان بيتكلم عن الغلطات الي عملتها في خلال الشهر كله
تمارا كانت بتحاول دايما انها متهتمش وتنساه
بس كانت نور دايما بتهددها وبتعاملها معاملحة الخدم!
نور: جابر انا مبقتش قادرة اعمل اي حاجة
جابر: معلشي يانور
نور: يعني انت مش حاسس ان انت متجوز تمارا وملهاش لازمة في حياتنا كدة
مش كفاية قرفاني في عيشتي وكاتمة عليا النفس
جابر: يانور انا متچوزتهاش علشان بحبها وانتي عارفة
نور: هتطلقها امتي
جابر: مخابرشي لسة
نور: اووف بقي
بعد فترة
بتبقي قاعدة تمارا لوحدها بتتفرج علي التلفزيون
فاجأة بيخبط الباب جامد
بتتفزع تمارا وبتقوم تفتح بتلاقيه جابر
كان باين عليه انه سكران
زقها ودخل
جابر: خلي عندك دم واطلبي الطلاج من عمي
كان بيقول كدة وهو شبه مغمي عليه ومش حاسس بحاجة
تمارا: اهدي ياسي چابر
بيزقها تاني لورا
جابر: ابعدي عني انا ومرتي
هيچي ابن ليا وللعيلة ومش هتبجي ليكي لازمه
بتعيط تمارا وهي بتحاول تخليه يقعد
فاجأة بيقع في الارض وهو بيضحك وتمارا بتشده للسرير وبتنام علي الكنبة..
تاني يوم بتصحي تلاقي نفسها جمبه وهو نايم
بيفوق وبيتفاجأ بيها
جابر بغضب: شكلك نسيتي نفسك ياتمارا
وبيضربها بالقلم
يتبع