رواية بريئة في عالمي حسام وهمس كاملة جميع الفصول بقلم شهد طارق
رواية بريئة في عالمي حسام وهمس كاملة جميع الفصول هى رواية من تأليف المؤلفة المميزة شهد طارق رواية بريئة في عالمي حسام وهمس كاملة جميع الفصول صدرت لاول مرة على فيسبوك الشهير رواية بريئة في عالمي حسام وهمس كاملة جميع الفصول حققت نجاحا كبيرا في موقع فيسبوك وايضا زاد البحث عنها في محرك البحث جوجل لذلك سنعرض لكم رواية بريئة في عالمي حسام وهمس كاملة جميع الفصول
رواية بريئة في عالمي حسام وهمس كاملة جميع الفصول
فى شركة حسام الشافعى...
حسام دخل بقوته وكل بيقف له احترام ورعب، حسام شديد جدا وغضبه لا يحتمل لانه لما بيغضب بمعنى الكلمة مبيشوفش ادامه...
دخل غرفة الاجتماعات.
والكل وقف ليه اعد في مكانه وأمرهم يقعدوا بنظرة منه...
حسام: انا بكل هدوء كدة سمعت أن في غلطة في الحسابات...
مدير الحسابات بكل رعب: احم أيوة يا فندم بس صدقنى غلطة صغيرة جدا وهتتصلح.
حسام وهو بيضرب ايده على التربيزة: انا معنديش حاجة اسمها صغيرة ولا كبيرة. مين كان مسؤل عن الحسابات ديه. انطقوا.
قامت بنت في منتهى الجمال بقوة وحزم: انا يا فندم.
حسام لاحظ قوة في عينيها وهو مفيش حد بيقف ادامه بالنظرة ديه: كله برة...
كلهم طلعوا من نبرة صوته وهي كانت هتطلع.
حسام: استنى انتى.
حست برعب رهيب بس محاولتش تبينه...
حسام قرب منها: انتى اسمك ايه
البنت: اسمى همس.
حسام: اسم جميل.
همس: ميرسي.
حسام: انتى بئا يا همس محدش بلغك أن مفيش حد بيغلط عند حسام الشافعى...
همس: يا حسام بيه ديه غلطة بسيطة جدا وانا هصلحها.
حسام قرب منها اكتر وكلمها بهمس عند ودنها: قولت محدش يغلط عند حسام الشافعى...
همس اتوترت جدا من قربه. : أيوة غلطت وقولت هصلحها. اسفة. خلاص اعتذرت اعمل ايه تانى. وهو يعنى محدش بيغلط.
حسام: عند حسام الشافعى محدش بيغلط.
همس: هو في ايه حسام الشافعى حسام الشافعى بنى ادم زى كل الابنى ادمين.
حسام: هههه انا بقا هوريكى انى زى كل ال بنى ادمين
وشدها من ايديها دخلها اوضة ضلمة جدا وصغيرة.
همس برعب: انت جايبنى هنا ليه...
زقها وقفل الباب: مفيش اصل انا هوريكى مين حسام الشافعى...
همس: انت اتجننت طلعنى من هنا...
حسام: كل ما هتغلطى فرصتك انك تطلعى من هنا هتقل. ف خلى بالك...
مشي واتصل بالسكرتيرة بلغها أن محدش يسأل عليها عشان هتقعد معاه تصلح الحسابات.
حسام: انا هوريكى يا. يا همس.
دخل عليه كريم صحابه من ايام الدراسة وبيشتغل معاه.
كريم: عامل ايه.
حسام: تمام. رجعت امتى من شرم الشيخ.
كريم: لسه راجع من المطار.
حسام: حمد لله على السلامة...
كريم: مالك في ايه شكلك مش مظبوط.
حسام: مفيش حاجة.
كريم: يعنى انا مش عارفك. انطق.
حسام لسه هيتكلم.
همس بصريخ: طلعنى بئا حرام عليك افتح. الباب ده بئا
كريم: انت حابس مين جوة.
حسام: واحدة اسمها همس من المحاسبين
كريم: يخربيتك وحابسها ليه.
حسام: كنت بعرفها مين حسام الشافعى...
كريم: انت اتجننت يا حسام افتحلها...
حسام: أهدى كدة بدل ما تتدخل معاها جوه.
كريم: حسام افتح. للبنت ديه محترمة جدا ومبتعملش حاجة.
حسام: وانت ايش عرفك.
كريم: لان البنت شالت غلطة واحدة صحبتها وكمان صلحتها.
حسام: ازاى مش فاهم.
كريم: في بنت من المحاسبين عملت غلطة كبيرة في الحسابات كانت هتروح في داهية. لولا أن همس ساعدتها مش بعيد كانت دخلت السجن خدت الحسابات وصلحتها.
حسام: يعنى الحسابات كانت متنيلة اكتر من كدة...
كريم: ورينى الورق يا حسام.
اداله الورق.
كريم: يخربيتك يا شيخ. انا دلوقتى فهمت. انهاردة كان في اجتماع مفاجأة صح
حسام: صح
كريم: هي خلصت 90 في المائة من امبارح وقالتلى هتكمله انهاردة واكيد ملحقتش...
حسام: طب وهي ليه تعمل كدة.
كريم: انت قاعد ترغى افتحلها يا مفترى.
قام فتحلها لقاها اعدة على الأرض بتترتعش وبتعيط.
اول ما شافته بعدت لورا: انت هتعمل فيا ايه.
كريم: أهدى أهدى مش هيعملك حاجة قومى معايا...
همس: يا كريم بيه انا معملتش حاجة وانت عارف بس هو مش طبيعى...
حسام: انا مش طبيعى
كريم: ما تهدى بئا يا عم انت في ايه. متقلقيش يا همس. وحقك عليا على الحصل...
همس: انا عايزة ورقة وقلم.
كريم جاب ورقة وقلم وعطاهم لها.
ادعت دقيقتين تكتب في حاجة.
همس: اتفضل يا حسام بيه...
حسام: استقالتك. وانا مش هقبلها
همس: براحتك...
ومشيت...
حسام: البت ديه بتتحدانى.
كريم: يا اخى اخيرا لقيت واحدة تقف قصادك.
↚
همس روحت بيتها وهي مستغربة أن في انسان مريض بالشكل ده...
مامت همس ( سعاد ): همس حبيبتى حمد لله على السلامة...
همس: الله يسلمك يا ماما.
سعاد: مالك يا همس. شكلك مضايقة.
همس: مفيش حاجة.
سعاد: همس مش هسيبك الا لما تقولى...
همس بتنهيدة: اترفدت يا ماما.
سعاد: يلاهوى اترفدتى ليه.
همس: حصل حاجة في الحسابات مكنتش مقصودة والمدير مبيرحمش ف رفدنى.
سعاد: معلش يا بنتى. انشاء الله هتلاقى شغل احسن.
همس: يارب يا ماما، انا داخلة انام.
عند حسام...
حسام في نفسه: ماشي يا همس أما وريتك مين حسام الشافعى مبقاش انا. انا انسان مش طبيعى طب والله لاوريكى مين ال مش طبيعى ده...
تانى يوم...
همس: صباح الخير يا ماما.
سعاد: صباح النور يا حبيبتى. يلا عشان تفطرى.
همس: مليش نفس يا ماما. انا نازلة اتمشى شوية على البحر...
سعاد: طب استنى بس في حد اتصل بيكى ومقالش اسمه بس قالى لما تصحى تتصلى على النمرة
يه ضرورى جدا، وعطتها ورقة فيها الرقم...
همس: واحد واتصل على الرقم ده. ماشي هتصل.
وراحت اتصلت على الرقم.
هو: صباح الخير.
همس: صباح النور. حضرتك مين.
هو: مش عارفة صوتى.
همس: حاسة انى سمعته قبل كدة.
هو: على العموم بدل حيرتك ديه انا حسام الشافعى.
همس: وبتتصل بيا ليه.
حسام: عشان أسألك مجتيش ليه.
همس: هو انا مش قدمت استقالتى.
حسام: وانا موافقتش عليها.
همس: ما قولتلك براحتك انا مش راجعة الشغل تانى.
حسام: طب بصى يا همس لو مجتيش في ظرف نص ساعة صدقينى هتزعلى، وممكن تباتى في السجن كمان.
همس: نعم سجن لسه انشاء الله
حسام: لما تيجى هتعرفى.
قفلت همس مع حسام، واعدت تفكر يا ترى ايه يخليه يدخلنى السجن. لازم اروح اشوف.
لبست بسرعة ونزلت...
ووصلت االشركة ودخلتله.
همس: افندم.
حسام: اتكلمى عدل.
همس: ممكن اعرف عايز منى ايه انا خلاص قدمت استقالتى.
حسام: بصى يا. همس لو عايزة تمشي من الشركة يبقى تدفعى دول. وطلعلها شيك مكتوب فيه مليون جنيه وعليه امضتها.
همس بصدمة: نعم. مليون جنيه، واصلا انا مامضتيتش على الشيك ده من اساسه...
حسام: هههههه لأ مضيتى. ها هتدفعى ولا تتحبسي
همس: بقولك مامضتيتش.
↚
حسام: عايزة اعرفك يا حلوة أن محدش يمشي من شركتى الا بمزاجى. ف وانتى بتمضى عقد تعينيك. كان وسط الورق الشيك ده وانتى مضيتى عليه...
همس: ده نصب...
حسام: ههههه اثبتى.
همس: انا معييش اكيد مليون جنيه.
حسام: يبقى تسمعى كلامى.
همس: نعم.
حسام: تتجوزينى...
همس بصدمة: نعمم...
حسام: ايه رأيك.
همس: لأ انت اكيد مجنون مش طبيعى.
حسام: طب عشان متعصبش عليكى هديكى لأخر الاسبوع يا توافقى ونكتب الكتاب يا اما تحضرى نفسك للسجن...
همس: انت مش بنى ادم. انا مستحيل اتجوزك.
حسام: بردوا هديكى فرصة لآخر الاسبوع. يلا اتفضلى...
خرجت جرى على مكتب كريم.
همس: الحقنى يا استاذ كريم.
كريم: فيه ايه مالك يا همس.
همس: حكت كل الحصل. وفي الاخر بيقولى يا اما السجن يا تتجوزينى. والله ما طبيعى...
كريم: يتجوزك! حسام قالك كدة.
همس: أيوة والله.
كريم: طب روحى دلوقتى وانا هشوف الموضوع ده.
همس: هتقدر تعمل حاجة.
كريم: صدقينى هحاول. بس ال عايز اقوهولك أن حسام طيب جدا ديه مش شخصيته...
همس: مستحيل...
كريم: ديه الحقيقة، يلا روحى.
ومشيت همس. وكريم دخل ل حسام.
كريم: ايه اخبار همس يا حسام.
حسام: مش فاهم.
كريم: شكلك قبلت الاستقالة.
حسام: هههههههه لأ طبعا...
كريم: امال.
حسام: هتجوزها...
كريم: انت اتجننت تتجوزها ازاى.
حسام: مش محتاجة وصف هتجوزها.
كريم: ليه بتحبها.
حسام: انا معرفش حاجه اسمها حب...
كريم: امال هتتجوزها ليه.
حسام: عجبانى...
كريم: شكلك وراك مصيبة يا حسام. حسام همس مش قدك. همس طيبة جدا.
حسام: ماشي يا كريم.
كريم: مش هتجوزها...
حسام: لأ طبعا هتجوزها...
كريم: ربنا يهديك يا حسام.
عدى كام يوم وجيه اخر الاسبوع...
همس قررت تروح الشركة تشوف يمكن كريم عمل حاجة...
ودخلت مكتبه...
همس: اذيك يا استاذ كريم.
كريم: اهلا يا همس اتفضلى اقعدى.
همس: ها عملت ايه.
كريم: اسف يا همس لسه مُصر على موقفه.
همس بعياط: انا ليه بيحصل فيا كدة ليه عملتله ايه.
كريم: أهدى يا همس.
دخلت السكرتيرة: استاذ كريم. حسام بيه طلب همس تيجى مكتبه.
همس: ااااه يارب...
↚
همس: اعمل ايه كريم.
كريم: فعلا مش عارف، حسام عنيد وطالما حطك في دماغه مش هعرف اعمل حاجة. حسام طيب جدااا مكنش كدة بسبب ال حصل للاسف بقا انسان مش طبيعى زى ما بتقولى...
همس: الله يارب اعمل ايه بس، اسيبه يحبسنى ولا اتجوزه واعيش في عذاب...
كريم: أهدى يا همس وروحى مكتبه يلا قبل ما يقلب عليكى اكتر من كدة...
همس: حاضر.
دخلت مكتبه...
حسام: اهلا اهلا بالعروسة يا ترى مجتيش على طول ليه وروحتى لكريم.
همس: روحت يشوفلى حل في المصيبة ال انا فيها.
حسام: هههههههه مصيبة ماشي، بس انتى فاكرة أن حد هينجدك منى.
همس: ممكن نكلم بهدوء.
حسام: اتفضلى.
همس: انت عايز تتجوزينى ليه. انا موظفة عندك وانت حسام الشافعى من أكبر رجال الأعمال في مصر ويكاد الوطن العربى. وكمان متعرفش انى موظفة عندك غير من اسبوع لأنى من ساعت ما اتعينت وانت مقابلتنيش، اخترتنى ليه...
حسام: اه يعنى عرفتى مين حسام الشافعى.
همس: انا اصلا عارفة. انت بس يومها استفزتنى. جاوب على سؤالى...
حسام: عجبتينى.
همس: عجبتك! بعيدا عن تلميحك. عجبتك في ليه شكلى ولا شخصيتى ولا، ولا في حاجات كتير ممكن تعجبك
حسام: عايزة الصراحة.
همس: ياريت.
حسام: شوفت في عنيكى نظرة تحدى، وانا محدش يقف ادامى بالنظرة ديه فلازم امحيها.
همس بخوف: مش فاهمة يعنى ايه تمحيها...
حسام: لما نتجوز هعرفك.
همس: ومين. قالك انى هتجوزك.
حسام: يعنى حضرتى نفسك للسجن.
همس: حرااام عليك ارحمنى انا لو دخلت السجن امى هتموت فيها.
حسام: خلاص توافقى.
همس: وانا موافقة.
حسام: شاطرة. يا ترى عايزة فرح.
همس ضحكت بسخرية: هههه فرح. الفرح ده لاتنين بيحبوا بعض عشان يستمتعوا بكل لحظة حلوة فيه. لكن انا اعمل فرح ليه. منكرش ان كان نفسي في اروع فرح في الدنيا بالفستان الابيض وشهر عسل. تبقى احلى ذكريات ما بينا. بس من الواضح أن مش مكتوبلى. احقق الامنيات ديه...
حسام للحظة حس بوجعها بس طرد الفكرة ديه من دماغه على طول: على العموم انا هاجى اطلبك من والدتك انهاردة ونتجوز بكرة...
همس: لأ.
حسام: هو ايه ال لأ.
همس: والدتى مش هتعرف اننا هنتجوز.
حسام: ليه يعنى.
همس: عشان والدتى كان نفسها تشوفنى في أحسن صورة مع احسن شخص وتوصلنى ليه وتوصيه عليا. ودة مش هيحصل اكيد ولو جيت طلبتنى انهاردة واتجوزنا بكرة من غير فرح هتشك طبعا. ف انا عقولنا أن عندى سفرية طويلة مش عارفة هرجع منها امتى.
حسام: براحتك. انا رأيي نتجوز انهاردة.
همس: مش هتفرق معايا بس ماشي موافقة. انا هروح ابلغ والدتى وأحضر حاجتى بس انا هعيش فين...
حسام: في فيلتى، لما تخلصى تعالى على الشركة عشان نروح مع بعض.
همس: ماشي عن اذنك.
قامت وهي حاسة انها بتتخنق بتموت الدنيا بتسود واحدة واحدة وفجأة اغمى عليها.
حسام: همسه، همسه.
شالها من على الأرض وحطها على الكنبة.
وجاب برفان بيحاول يفوقها...
وابتدت تفوق: انا فين. ايه الحصل.
حسام: فجأة اغمى عليكى، انتى كلتى...
همس: ها. اه كلت.
حسام حس انها بتكدب: همس مبحبش حد يكدب عليا كلتى ولا لأ.
همس: لأ مأكلتش من امبارح.
حسام: انتى اتجننتى صح.
همس: مكنش ليا نفس...
حسام: افرضى اغمى عليكى في الشارع.
همس: ياريت كنت على الأقل اموت وارتاح.
حسام: للدرجادى بتكرهينى.
↚
همس: حسام انا مبكرهش حد عمرى ما بكره حد لكن انا مكنتش اتمنى حياتى كدة. انت عايز تتجوزينى انتقام.
حسام: لأ يا همس مش هتجوزك انتقام.
همس: طب هتتجوزنى ليه.
حسام: هتعرفى بس مش دلوقتى. يلا عشان اوصلك للبيت.
همس: لأ انا هاخد تاكسي.
حسام: همس بما اننا هنعيش مع بعض انا مبعدش كلمتى مرتين.
همس: حاضر.
وركبوا العربية وسط حرس كبير.
همس: ماما يا ماما انا جيت.
سعاد: حمد لله على السلامة يا حبيبتى. كنتى فين.
همس: روحت لمدير الشركة ونقلنى لفرع الشركة في اسكندرية وهطر اسافر...
سعاد: لوحدك يا همس
همس: لازم اسافر يا ماما وهبقا احاول انزل متخافيش. ادعيلى يا ماما انا داخلة على شغل صعب اوى.
سعاد: دعايلك ديما يا قلب امك.
همس: انا داخلة اجهز شنطتى عشان هسافر دلوقتى.
سعاد: ماشي يا حبيبتى.
دخلت تجهز شنطتها.
همس في نفسها: يا ترى يا حسام انت طيب ولا لأ انت عايز تتجوزينى ليه. حسة أن انت جواك حاجة. حلوة وبتظهر الوحش. يا ترى قرارى كان صح ولا لأ. ربنا يستر...
جهزت شنطتها ونزلت ركبت العربية.
طول الطريق بصة للشباك و دموعها نازلة بصمت.
حسام في نفسه: يا ترى يا همس بتكرهينى للدرجادى ولا ايه حكايتك.
ووصلوا الفيلا وكان فيها مأذون واتنين شهود منهم كريم...
حسام: دادة نعمات دادة نعمات.
نعمات: حسام حبيبى حمدالله على سلامتك.
حسام: الله يسلمك يا دادة، اعرفك يا دادة همس عروستى...
نعمات: مبروك يا حبيبى يا زين ما اخترت يا حسام زى القمر.
همس: شكرا يا دادة...
واعدوا ادام المأذون...
المأذون: موافقة يا بنتى.
همس وهي تنظر ل حسام: موافقة.
انتهى المأذون: بارك عليكما وجمع بينكما في خير...
وأصبحت همس حرم حسام الشافعى...
بعد ما خرج المأذون...
حسام: مبروك
همس: الله يبارك فيك.
حسام: دادة ممكن تعرفى همس مكان الاوضة.
نعمات: طبعا يا حبيبى. تعالى يا حبيبتى...
وطلعت همس الاوضة وكان جناح كبير زوقه راقى جدا...
رتبت همس هدومها في الدولاب وغيرت هدومها. وكان حسام بيخبط...
همس: ادخل.
دخل حسام وبصلها وابتدا يقلع الجاكيت وبيفك زراير القميص وبيقربلها وهي كل شوية ترجع لورا.
همس: انت هتعمل ايه. وابتدت الدموع تبان في عينيها.
قرب منها جدا وحاوطها بيإديه لأنها لزقت في الحيطة وقرب من ودانها: همس انا جوزك اه ويمكن اكون قاسي جداا لكن انا مش حقير أو حيوان عشان اخد منك حاجة غصب عنك يوم ما هيحصل حاجة بينا هتكون بكامل إرادتك بس ده ميمنعش انك هتنامى معايا في نفس الاوضة. مفهوم.
همس: مفهوم.
بعد عنها ودخل الحمام يغير هدومه وهي مش مصدقة أنه سابها نفسها تفهمه.
وخرج: انا هنزل المكتب اعمل شوية حاجات...
همس: ماشي.
↚
بعد ما حسام نزل المكتب.
همس نزلت المطبخ...
همس: دادة نعمات مش عايزة مساعدة.
نعمات: لأ يا حبيبتى ارتاحى انتى.
همس: دادة هو حسام ايه اكتر عصير بيحبه.
نعمات: بيعشق المانجا.
همس: طب عندكوا مانجا.
نعمات: اه يا حبيبتى في التلاجة.
راحت التلاجة فتحت وصبت العصير.
نعمات: هاتيه يا حبيبتى اوديه.
همس: لأ يا دادة انا هوديه...
نعمات: براحتك يا حبيبتى...
خبطت على باب المكتب وقال: ادخل.
ملقاش حد اتكلم رفع عينه من على الورق لقاها همس.
همس: اسفة لو ضايقتك.
(( حس حسام انها في منتهى البراءة والطيبة واليوم ال حبسها فيه انها كانت بترسم القوة عشان تغيظه )).
حسام: لأ ابدا تعالى.
همس: لقيتك طولت فقولت اجيبلك حاجة تشربها...
حسام: شكرا. عرفتى منين انى بحب عصير المانجا.
همس: لأ انت بتعشقه.
حسام: وعرفتى منين.
همس: سألت دادة نعمات.
حسام: وسألتى دادة نعمات ليه...
همس: مش جوزى لازم اعرف الحاجات ال بيحبها.
حسام بابتسامة: جوزك، اممممم ماشي شكرا يا ستى. كدة كدة انا خلصت. تعالى نطلع الجنينه.
(((حسام اتبسط انها بتهتم تعرف الحاجات ال بيحبها )).
وطلعوا الجنينه...
همس: الله الجنينة روعة تصميمها حلو اوى وكمان البيسين.
حسام: ده تصميمى.
همس: ازاى.
حسام: انا اصلا بحب الرسم من وانا صغير وتطورت من نفسي وبقيت بصمم فصممت الجنينيه والفيلا...
همس: حلو اوى برافو عليك. ممكن ندخل عشان انا بردت.
حسام: يلا.
دخلوا الفيلا وطلعوا الدور الفوق...
حسام: ادخلى انتى نامى انا هدخل الاوضة ديه واجى كمان شوية.
همس: ايه الاوضة ديه.
حسام: حاجة متخصكيش واياك يا همس تدخليها.
همس: حاضر...
دخلت همس، حاولت تنام معرفتش. وحست أنه طول راحت تشوفه لقيت نور الاوضة الدخلها منور فعرفت أنه موجود فيها...
لسه هتفتح فسمعت صوت عياط وقفت تسمع.
حسام ببكاء: ابنك اجوز يا امى كان نفسي تبقى معايا وتشوفى عروسة ابنك. وحشتينى اوى يا امى. سبتينى ليه. بس امى انا حاسس انى بحب همس مش عارف ليه، انهاردة جابتلى عصير المانجا ال بحبه على مكتبى زى ما كونتى بتعملى حسيت بوجودك معاها مع انى لسه مجوزها انهاردة.
تفتكرى تكون بتحبنى ولا بتكرهنى.
همس سمعت الكلام ده بصدمة: معقول حسام بيحبنى وكمان بيعيط.
قررت تفتح...
↚
اتفاجأ بوجودها مسح دموعه بسرعة واتكلم بعصبية: انا مش قولت متتدخليش. هنا.
قربت منه ومسكت وشه بكفى أيدها: حسام انت بتعيط
حسام: لأ.
همس: لأ بتعيط وشافت الصورة ال ماسكها. وكانت صورة ست كبيرة حسام شبهها اوى.
همس: مين ديه يا حسام.
حسام: ديه امى...
همس: بسم الله ما شاء الله قمر وانت شبهها اوى امال هي فين.
حسام: ماتت.
همس: انا اسفة. الله يرحمها. قولى كنت بتعيط ليه.
حسام مقدرش يمسك نفسه انهار في حضنها. هي اتخضت بس هي كمان حضنته: أهدى يا حسام أهدى انا جمبك.
حسام: وحشيتنى يا همس وحشتنى.
همس: أهدى بس عشان خاطرى أهدى.
حسام: مش قادر يا همس مش قادر.
همس خدته اوضتهم واعدت تهدى فيه زى العيل الصغير لغاية ما نام في حضنها.
همس في نفسها: انهاردة يا حسام اكتشفت أنى فعلا بحبك وصدقنى من بكرة هفتح معاك صفحة جديدة.
ونامت نوم عميق وهو في حضنها...
وهو كمان نام نوم عميق لأول مرة...
صحيت همس واعدت تتأمل في ملامحه وهو صحى.
همس: صباح الخير يا حبيبى.
حسام: صباح النور. ايه ده لا ثانية انتى قولتى ايه.
همس: قولت صباح الخير يا ح. ب. ي. ب. ى.
حسام: انا حبيبك.
همس: انت حبيبى وروحى وحياتى.
حسام: همس انتى بتتكلمى بجد انتى مش بتكرهينى.
همس ومسكت وشه بإيدها: اولا أنا مبكرهش حد وثانيا انا بحبك من اول يوم شوفتك فيه بس كنت بكابر وبعند مع نفسي. انا اعترفتلك بحبى، انت كمان بتحبنى.
حسام: انتى بتسألى انا بعشقك. سامحينى يا همس لو جرحتك بكلمة أو خوفتك...
همس: مسمحاك يا حبيبى. ممكن تقولى انت كنت عامل كدة ليه امبارح.
حسام: هقولك بس مش عايز اتكلم دلوقتى ممكن.
همس: طبعا ممكن. حبيبى عايزة اطلب منك طلب
حسام: انتى تؤمرى. بس قبل ما تطلبى ممكن افهم ليه عملتى كدة.
همس: عملت ايه.
حسام: ليه عملتى كدة مع صحبتك.
همس: اه اصدك على الحسابات...
حسام: اه...
همس: بص يا حبيبى هي مش صحبتى ديه زميلتى ثانيا الشغل ال كان معاها كان صعب محتاج حد خبرة شوية. لما شوفت الورق كانت عملاه غلط لدرجة ممكن يودى في دهاية فقولت اساعدها وفعلا كان فاضلى حاجة بسيطة جدا بس انت عملت اجتماع مفاجأ ملحقتش اخلص، لو لقيت حد ادامى محتاج مساعدة وانا اقدر اساعده مش هتردد ابدا.
حسام: سامحينى يا همس. المهم كنتى عايزة تطلبى ايه.
همسة: عايزة ارجع اشتغل معاك في الشركة.
حسام: سيبينى افكر يا همستى.
همس: همستك، الله حلو اوى الاسم ده
حسام: طبعا همستى وروحى وحياتى وقلبى وكل حاجة ليا...
همس: انا هقوم احضرلك الفطار...
حسام: دادة نعمات هتحضره.
همس: بس انا عايزة أحضره لحبيبى ممكن...
حسام: طبعا ممكن.
قام ياخد شاور وهمس حضرتله هدومه والفطار.
ونزل راح الشركة...
فى الشركة...
السكرتيرة: حسام بيه في واحد برة عايز يقابل حضرتك...
حسام: مين ده.
السكرتيرة: هشام الدمنهوري...
حسام بغضب: دخليه...
حسام: يا ترى ايه سر الزيارة...
هشام: جيت اباركلك.
حسام: على.
هشام: على جوازك مش بردوا اتجوزت من همس موظفة من الحسابات عندك.
حسام: وانت مالك.
هشام: تؤ تؤ يا حسام عيب كدة بس غريبة حسام الشافعى يتجوز موظفة عنده. بس هي بصراحة قمر.
حسام قام وقف بغضب: كلمة كمان ومش هتعرف ملامح وشك...
هشام: أهدى كدة. قبل ما امشي. لسه حاسبنا مع بعض مخلصش يا حسام...
ومشى...
↚
حسام رجع البيت ولقى همس واقفة في المطبخ وبتدندن...
راح حضنها من ضهرها: وحشتينى...
همس: وانت وحشتينى اوى اوى.
حسام: بس غريبة متخضتيش.
همس: عشان ريحتك ال بعشقها سبقتك.
حسام: وانا بموت فيكى.
همس: حبيبى عايزة انزل اشترى شوية حاجات...
حسام: تعالى...
وخدها المكتب.
طلع عشر الاف جنيه وبيزا.
حسام: خدى دول.
همس: كام دول.
حسام: عشرة آلاف جنيه.
همس: كام دول كتير اوى.
حسام: لأ ده قليل اوى. لو عايزة تانى قوليلى...
همس: تانى لأ يا حبيبى دول اصلا كتير.
وبصت للفلوس وابتسمت.
حسام: ابتسمتى كدة ليه.
همس: لانى اول مرة احس انى مسؤولة من حد.
والحد ده حبيبى وجوزى...
حسام: انا هعيش بقيت عمرى عشان اسعدك بس واشوف نظرة السعادة ديه في عنيكى...
همس: ربنا يخليك ليا. انا هطلع البس...
حسام: تحبى أنزل معاكى...
همس: احب طبعا بس انت انهاردة شكلك جاى تعبان ارتاح انهاردة والايام جاية كتير ومتخافش مش هتأخر.
حسام: ماشي يا قلبى. خلى بالك من نفسك وخدى الحرس معاكى.
همس: حاضر يا حبيبى.
همس راحت المول وهي مبسوطة جدا واشترت هدوم كتير عشان حسام ورجعت مبسوطة.
دخلت الجنينة لقيته اعد في الجنينه.
همس جرت عليه وحضتنه: اتأخرت عليك.
فى مكان تانى في نفس الوقت.
مجهول 1: هي ادامى دلوقتى.
مجهول: نفذ فورا.
مجهول 1: تمام.
عند حسام وهمس.
حسام: يعنى حبة صغيرين.
همس: خلاص حقك عليا.
وفجأة صوت رصاصة في المكان.
حسام رفع ايده لقاها مليانة دم...
حسام: ههمسسسس، همس
حسام نزل بيها على الأرض وهو حاضنها.
حسام: همس متسبنيش يا همس مش هقدر اعيش من غيرك.
همس بتعب: اكتر حاجة مفرحانى انى. هموت بين ايديك. وكمان انت اخر وش هشوفه.
حسام: لأ مش هتموتى. بصريخ هاتوا اسعااااف بسرعة.
همس بتعب: عشان خاطرى أهدى. عيزاك تعرف انى بعشقك مش بحبك...
حسام: وانا بموت فيكى. بس متتكلميش عشان هتتعبى...
ووصلت الإسعاف واغمى عليها في عربية الإسعاف...
ودخلوها العمليات...
كريم اتصل على حسام.
كريم: الو اذيك يا حس
حسام ببكاء: الحقنى يا كريم.
كريم: مالك يا حسام في ايه.
حسام: همس اتضربت بالرصاص يا كريم.
كريم: ايه همس اتضربت بالرصاص. ازاى. المهم انت فين.
حسام: في مستشفى (، ).
كريم: انا جايلك حالا...
↚
ووصل المستشفى.
كريم: حسام حسام ايه الحصل.
حسام ببكاء: الحقنى يا كريم همس بتروح منى.
كريم: أهدى بس ايه الحصل.
حسام: كنا في الجنينة كانت لسه جاية من المول وكنت حاضنها فجأة سمعت صوت رصاص لقيتها غرقانة في دمها بين ايديا...
كريم: أهدى يا حسام أهدى.
حسام: أهدى ازاى ديه روحى وحياتى انا من غيرها هموت، ياااارب.
بعد 3ساعات خرج الدكتور.
حسام: ها هي كويسة صح كويسة...
الدكتور: الحمد لله انقذنها في اخر لحظة هو حضرتك حسام.
حسام: أيوة انا.
الدكتور: ديه طول العملية مبتقولش الا اسمك وكانت متمسكة بالحياة جدااا.
حسام: الحمد لله احمدك واشكرك يااارب. ممكن اشوفها...
الدكتور: هما دلوقتى بينقولها العناية المركزة تقدر تشوفها 5 دقايق بس.
حسام: ليه عناية مركزة.
الدكتور: ده إجراء روتيني لاول 24 ساعة أو عدوا على خير بتنتقل عرفة عادية.
حسام: شكرا يا دكتور...
دخل حسام العناية ومسك ايديها.
حسام: يا حبى وحياتى حقك عليا يا قلبى ياريتنى كنت أنا.
همس بصوت ضعيف: بعد الشر عليك يا حبيبى.
حسام بلهفة: انتى فوقتى يا همستى فوقتى صح.
همس: أيوة فوقت يا روح همستك.
حسام: انا كنت بموت من غيرك.
همس: بعد الشر عليك، انا اهو قدامك. بين ايديك.
حسام: بس كنتى هتموتى بين ايديا.
همس: والحمد لله ربنا كاتبلى انى اعيش عشانك.
حسام: والله لاجيب حقك متخافيش...
همس: عمرى ما اخاف وانا جمبك.
دخلت الممرضة: حسام بيه كدة غلط على المريضة اتفضل.
همس: روح يا حبيبى ارتاح وتعالى بكرة عشان خاطرى.
حسام: حاضر يا همستى...
طلع حسام وكريم على الفيلا...
حسام بصوت جهورى: تعالوا هنا يا كلاب...
الحرس: اوامرك يا باشا.
حسام: انا موقف الحرس ده كله عشان في الاخر مراتى تتضرب برصاصة، ازاى، انطقوا...
واحد من الحرس: يا باشا الرصاصة جت من العمارة ال في وشنا من على السطح في الأغلب ف مشفناهوش.
وعقبال ما خدنا بالنا كان هرب.
حسام: طب ايه رأيكوا لو معرفتش مين هو هوقفكم صف كدة وبالرصاص واخلص. فاهمين.
الحرس: فاهمين يا باشا.
حسام: امشوا من ادامى...
كريم: أهدى يا حسام بئا هيجرالك حاجة.
حسام: انا محتاج انام. عن اذنك يا كريم...
طلع حسام خدت شاور ونام على السرير بيحاول يخمن...
هل انا ال مقصود ولا هى. ومين يتجرأ يعمل كدة مين يااارب دبرنى...
↚
تانى يوم حسام صحى بدرى بس هو اصلا مانمش.
وراح على المستشفى.
حسام: لو سمحتى همس محمود في غرفة كام...
الموظفة: همس محمود لسه في العناية المركزة يا فندم.
حسام سمع من هنا وجرى على العناية...
ودخل من غير ما يخبط حتى.
وجرى عليها...
حسام: همس حبيبتى انتى كويسة.
همس بتعب شديدة وصوتها طالع بالعافية: حبيبى انا كويسة متخافش.
حسام: لأ انتى تعبانة اكتر من امبارح، فيه ايه ما تردوا عليا.
الدكتور: لازم أبلغه يا مدام همس...
حسام: في ايه ما تنطق.
الدكتور: في الفجر قلبها وقف وانعشناها بالعافية وكنا المفروض نتصل نبلغك بس رفضت.
حسام: اتفضلوا برة.
وطلعوا كلهم...
همس: مش عايزة تبلغينى يا همس أن قلبك وقف.
همس: اسفة سامحنى. انا مش عارفة لو سمعت خبر زى ده ممكن يحصلك ايه. سامحنى والله خوفت عليك.
حسام: حتى وانتى تعبانة بتفكرى فيا.
همس: عارف اكتر حاجة تعبتنى انى اموت قبل ما اشوفك.
حسام: اوعى تقولى الكلمة ديه تانى، انتى حياتى وروحى وعقلى. خفى عشان خاطرى محتاجك جمبى.
همس: انا نفسي اقوم دلوقتى. لو عايزنى امشي دلوقتى والله همشي عشان خاطرك...
حسام: انتى كتير عليا اوى يا همس انتى متستاهليش واحد زيي...
همس: انا كتير عليك.
حسام: طبعااا انا عملت فيكى حاجات كتير وعذبتك.
همس: انت بتعمل كدة من برة بس لكن انت اطيب انسان في الدنيا وال بيخليك تعمل كدة حاجة كبيرة اوى واكيد هعرفها، لكن انت احسن إنسان شوفته في حياتى كلها بشكر ربنا أنه رزقنى بيك.
حسام حضنها بكل قوته وهي كمان حضنته لكن جرحها وجعها.
همس بصوت ضعيف: ااااه...
حسام: اسف اسف حقك عليا.
همس: أهدى أهدى انا كنت محتاجة حضنك ده اوى. حتى لو هيألمنى.
حسام: وانا كمان...
همس: حبيبى هو كان المقصود بالرصاصة انا ولا انت.
↚
حسام: لسه مش عارف.
همس شردت بتفكير.
حسام: سرحتى في ايه.
همس: حبيبى هو حد عارف اننا متجوزين.
حسام: مفيش كريم. و...
همس: وايه بئا.
حسام: وهشام الدمنهوري...
همس: مين ده.
حسام: عدوى اللدود في السوق.
همس: حسام عندى ليك فكرة هتعرف منها مين ال عمل كدة.
حسام: ايه قولى.
همس: تخلى حد ينشر خبر على أنه متسرب انك كنت متجوز وانى خدت رصاصة أدت لوفاتى...
حسام: بعد الشر عليكى.
همس: يا حبيبى الفكرة ديه هتعرفك هو ولا لأ وانا متأكدة انك هتعرفه. بس دلوقتى روح اعمل كدة وخلى الخبر كأنه متسرب وكمان يبان عليك ملامح الحزن جداا. وكمان انقلتى في اى شقة محدش يعرف عنها حاجة عشان ممكن وانا في المستشفى يتعرف بسهولة انى هنا.
حسام: ده لا يمكن انتى لسه تعبانة.
همس: يعنى هو حبيبى ميقدرش يعملى مستشفى في البيت...
حسام: حبيبك عشانك يقدر يعمل اى حاجة في الدنيا، بس انا كدة مش هعرف اشوفك.
همس: مش انت عايز تجيب حقى.
حسام: طبعا.
همس: استحمل عشان تجبلى حقى.
ودخل كريم...
كريم: حمد لله على سلامتك يا همس.
همس: الله يسلمك يا كريم، حسام قوله.
كريم: يقولى ايه.
حسام حكى ليه كل حاجة.
كريم: يا جامدة يا همس ايه الفكرة الجامدة ديه.
حسام: ياريت نلم نفسنا ولا ايه.
كريم: ليه هو انا عملت حاجة.
حسام: والله ايه جامدة ديه انشاء الله...
كريم: ليه وهي مش جامدة...
حسام راح يضربه همس مسكت ايده: استنى بس.
حسام: سيبينى عليه.
كريم: يا عم اصدى على الفكرة.
حسام: اه بحسب.
همس: يخربيتك يا كريم والله ما قادرة اضحك.
كريم: طب ايه مش هنبتدى التنفيذ.
حسام: انا هقعد مع همس لغاية ما تجهز شقة المعادى بكل حاجة. وبعدها هطلع على الشركة وانا متعصب ومتضايق وانت بعد ما تخلص تروح تنشر الخبر بالطريقة ال قولنا عليها. بعدها تيجى تنقل همس بالاسعاف للشقة. بعدها تيجلى...
كريم: ماشي. انا همشي بئا ابتدى اجهز.
↚
كريم وهو طالع كان بيتكلم في التليفون راح خبط في واحدة.
هى: اسفة اسفة.
كريم: خلاص أهدى محصلش حاجة...
هى: عن اذنك عشان مستعجلة، ومشيت.
كريم: ايه العيون الجميلة ديه.
كريم راح جهز الشقة ال هتقعد فيها همس بكل الأجهزة الطيبة ال هاتحتجها ودكتور وممرضة. بعدها راح ل صحفى يعرفه وفهمه كل حاجة.
كريم بيتصل على حسام: الو يا حسام يلا تعالى على الشركة انا خلصت كل حاجة، بعد ما تطلع على الشركة هاجر اخد همس.
حسام: ماشي يا كريم. سلام...
عند همس...
حسام: حبيبتى انا لازم امشي دلوقتى اروح الشركة.
همس: روح يا حبيبى عيزاك تمثل كويس.
حسام: ههه هحاول. المهم لو حسيتى انك محتاجنى اتصلى بيا على طول من غير تردد، مفهوم.
همس: حاضر بس قبل ما تمشي عايزة اطلب منك طلب.
حسام: عيونى.
همس: تسلملى يا حبيبى. انا عايزة اكلم ماما بقالى اسبوع مكلمتهاش...
حسام: من عنيا. اول لما تروحى هخليكى تكلميها.
عايزة حاجة تانى.
همس: ربنا يخليك ليا، يلا روح عشان متتأخرش.
حسام: مش عايزة حاجة قبل ما امشي.
همس: خلى بالك من نفسك.
حسام: وانتى كمان.
وخرج حسام وراح على الشركة وهو بيمثل الحزن والعصبية.
وكريم راح خد همس بالاسعاف ووداها الشقة...
ورجع المستشفى يخلص اوراق الخروج...
وخبط تانى في نفس البنت...
البنت: اسفة معلش. ايه ده انت بردوا.
كريم: انتى بردوا.
البنت: معلش اصلى بمشي بسرعة.
كريم: انتى بتعملى ايه هنا...
البنت: انا دكتورة اطفال هنا.
كريم في نفسه: لازم اطفال بكل البراءة ال فيكى ديه.
كريم: امم بس انتى على طول مستعجلة كدة.
البنت: اصل انا عندى حالات كتير.
كريم: اها ربنا يعينك.
البنت: ميرسي عن اذنك...
كريم: ثانية واحدة، انتى اسمك ايه.
البنت: اسمى سهيلة.
كريم: اسم جميل.
البنت بكسوف: ميرسي. عن اذنك...
ومشيت بسرعة...
كريم: يلاهوى على القمر...
وخلص الورق ومشي...
همس كلمت حسام في التليفون...
همس: في حد جمبك.
حسام: لأ مفيش...
همس: وحشتنى اوى.
حسام: انتى اكتر يا قلبى. عملة ايه دلوقتى.
همس: ها. كويسة يا حبيبى.
حسام: شكلك بتكدبى.
همس: لأ يا حبيبى كويسة وبصوت منخفض اااه...
حسام: مالك يا همس.
همس بتعب: مفيش يا حبيبى انا كويسة.
حسام: همس ادينى الدكتور ال جنبك.
همس: يا حسام.
حسام: قولت ادينى الدكتور ال جنبك.
همس عطت التليفون للدكتور...
الدكتور: نعم يا حسام بيه.
↚
حسام: همس مالها...
الدكتور: هي كويسة بس مكان الرصاصة تاعبها شوية وبنحاول نديها مسكنات متقلقش.
حسام: خلاص اديهالى.
همس: خلاص اتطمنت...
حسام: همس بعد كدة ياريت تقوليلى الحقيقة عشان متهورش...
همس: حاضر المهم اتأكدت ولا لسه...
حسام: لسه...
ونفس اللحظة دخلت السكرتيرة...
السكرتيرة: اسفة يا فندم بس هشام الدمنهوري طالب يقابل حضرتك.
حسام: دخليه...
حسام لهمس: شكلى هتأكد. اقفلى دلوقتى.
همس: خلى بالك من نفسك.
حسام: حاضر وانتى كمان.
وقفل...
دخل هشام الدمنهوري...
حسام بغضب: جاى ليه يا هشام.
هشام: جاى اعزيك يا حسام.
حسام: لأ فيك الخير. طبعا جاى تشمت...
هشام: تؤ تؤ انا بردوا. بس تصدق اه فعلا جاى اشمت.
حسام: لو ممشيتش من ادامى هتحصلها.
هشام: الا قولى هو مين ال قتلها...
حسام: وانت مالك...
هشام: هههه لأ عادى فضول. على العموم. وهو بيقول يمشى...
انا خلصت حسابى معاك يا حسام. سلام...
فى اللحظة ديه حسام اتأكد 100% أن هشام هو العمل كدة...
بعد ما هشام مشي راح ل همس وهو واخد حزر أن حد يكون مراقبه...
دخل عليها الاوضة وكانت نايمة...
كانت ملامحها كلامها براءة وحنية بس مجهدة.
مسك ايديها وباسها. حست بيه ففتحت عينيها.
همس: وحشتنى...
حسام: سامحينى يا همس.
همس بإستغراب: اسامحك على ايه...
حسام بحزن: انا السبب في وجعك ده. بسبب انى دخلت حياتك خدتى رصاصة. وكان ممكن تروحى منى سامحينى يا همس.
همس: عشان دخلت حياتى. انت دخلت حياتى ادتها السعادة. ادتها الحب، أما بعشقك يا حسام. وانا عشانك استحمل اى الم.
حسام: انا بحبك اوى يا همس بحبك اوى.
همس: انا بعشقك.
طلعلها موبايل جديد.
حسام: خدى ده.
همس: الله حلو اوى الموبايل ده.
حسام: يلا كلمى مامتك.
همس: حبيبى انت اتأكدت أن...
حسام: أيوة اتأكدت.
همس: طب وناوى تعمل ايه...
حسام: لسه مش عارف انا لو عليا نفسي اروح اقتله.
همس: عشان خاطرى متتهورش...
حسام: حاضر.
↚
عدى اسبوع وهمس ابتدت تخف وحسام مش عارف يوقع هشام الدمنهوري من غير ما يتهور. كريم بيفكر في سهيلة دائما بيفكر في عينيها الحلوة والبراءة ال مالية وشها...
فى الشقة ال فيها همس.
همس: مالك يا حسام...
حسام: مفيش يا قلبى.
همس: لأ انت من ساعة ما جيت وانت فيك حاجة، قولى عشان خاطرى مالك.
حسام: مش لاقى طريقة اوقع بيها هشام الدمنهوري...
همس: مش عارفة اقولك. خلاص يا حبيبى سيبه...
حسام بعصبية: ايه اسيبه اسيبه بعد ما ادالك رصاصة كنتى هتموتى فيها اتجننتى ها.
همس بدموع: انا اسفة مكنش اصدى.
حسام قام حضنها: انا ال اسف انى اتعصبت عليكى.
همس وهي بتمسح دموعها: خلاص مش زعلانة. اكيد هتلاقى حل يا حبيبى.
حسام: يارب يا قلبى.
همس: ممكن أسألك سؤال.
حسام: طبعا يا قلبى.
همس: انت ليه يوم جتلك الاوضة كنت منهار وانت ماسك صورة مامتك.
حسام بحزن: امى كنت بعشقها كانت حياتى كلها ابويا وانا عندى 10 سنين وهي ال ربتنى ومرضتش تتجوز وماتت بالسرطان. ماتت بين ايديا يا همس ماتت بين ايديا.
همس: حبيبى حقك عليا انى سألتك، انا اسفة، ربنا يرحمها يارب.
حسام: اوعى تبعدى عنى يا همس اوعى لو بعدتى عنى هموت.
همس: مقدرش ابعد عنك ابدا.
حسام: انا لازم اروح الشركة. عايزة حاجة.
همس: عايزة سلامتك...
بعدها اتصلت بمامتها وطمنتها عليها واتطمنت عليها...
حسام في الشركة...
ماسك دماغه بايده وساند على المكتب، دخل عليه كريم.
كريم: مالك يا حسام.
حسام: تعبت يا كريم. تعبت مش عارف اعمل مع الزفت هشام...
كريم: نعم حسام الشافعى مش عارف يعمل ايه مع واحد. اسمه هشام. مش مصدق.
حسام: لأ يا خفيف عشان وعدت همس انى مش هتهور لكن انا لو عليا اروح اموته دلوقتى.
كريم: اهدا هنلاقى حل.
حسام: نفسي. بقولك يا كريم انا وهمس هنسافر.
كريم: ليه.
حسام: عايزة ابعد شوية وكمان عايزة اعوض همس عن الحصل...
كريم: براحتك هتسافر فين.
حسام: المالديف. اكيد هتتبسط. بقولك يا كريم ظبطلى انت السفر...
كريم: حاضر...
حسام: عايز حاجة منى.
كريم: لأ تمام. هتروح لهمس.
حسام: اه.
كريم: طب ماشي روح. سلام.
↚
حسام راح لهمس لاقها نايمة نام جمبها، من كتر التعب.
همس بعد شوية صحيت لقيته جمبها ابتسمت وحست أنه مكلش حاجة طول اليوم ف قامت تحضر اكل...
دخلت المطبخ دخلت عملت شوية حاجات واغمى عليها.
بعد شوية حسام صحى ملقهاش جمبه استغرب.
راح يخبط على الحمام.
حسام: همس همس حبيبتى انتى جوة.
ملقاش رد راح يدور عليها في الشقة.
دخل المطبخ لقاها مغمى عليها.
حسام: همس همس مالك ردى عليا...
شالها وحطها على السرير وجاب برفان...
همس. : اااه ايه الحصل.
حسام: انتى قوليلى ايه الحصل.
همس: لما لاقيتك نايم جمبى حسيت شكلك تعبان فقولت اقوم اعملك اكل. عملت شوية حاجات وفجأة محستش بحاجة...
حسام: اكل ايه وزفت ايه بس. ايه اقومك من السرير.
همس: خلاص متزعلش بئا والله حسيت انك تعبان صعبت عليا...
حسام: يا حبيبتى عايزة تقومى قوليلى. انتى من كتر اعدة السرير اكيد هتدوخى، كدة تقلقينى عليكى.
همس: حقك عليا متزعلش، بس انت مالك شكلك تعبان ليه.
حسام: همس انتى عايزة تكملى حياتك معايا.
همس: طبعا يا حبيبى.
حسام: يعنى مش هتندمى في يوم انك اتجوزتينى.
همس: لأ طبعا يا حبيبى استحالة. مالك يا حسام فهمنى.
حسام: خايف تسبينى يا همس.
همس: انا اسيبك مستحيل ليه بتقول كدة...
حسام: بجد يا همس.
همس: بجد يا قلب همس، وختده في حضنها زى الطفل. وحست اد ايه حسام كان بيحب مامته...
حسام: عندى ليكى مفاجأة.
همس: بجد ايه. ايه.
حسام: متبقاش مفاجأة.
هخلصها واعرفك ايه هيا.
↚
كريم جهز السفر ل حسام وهمس السفر...
همس: نفسي اعرف هنروح فين.
حسام: ما قولتلك مفاجأة. على العموم هسهلهالك هنسافر برة...
همس: بجد...
حسام: اه والله...
وراحوا على المطار وركبوا الطيارة همس كانت خايفة شوية بس حسام طمنها ووصلوا المالديف...
حسام: ها ايه رأيك...
همس بفرحة: روعة روعة بجد. حلو اوى البيت ده والمية شكلها حلو اوى...
حسام: وانا مبسوط أنه عجبك...
همس: احنا هنقعد هنا اد ايه.
حسام: لغاية ما حاجة معينة تحصل في دماغى، بعدها هنرجع...
همس: حاجة ايه.
حسام: هتعرفى بعدين، المهم احنا هرتاح انهاردة عشان السفر وبكرة نبتدى، عشان متتعبيش...
همس: ماشي...
دخلوا وناموا كتير...
صحيت همس ملقتش حسام جمبها قامت تشوفه لقيته اعد عند البحر سرحان...
همس: حبيبى. سرحان في ايه.
حسام: فيكى.
همس: قومت من جمبى ليه...
حسام: عادى مفيش كنت هصيحكى بس قولت اسيبك نايمة واروح اعد عند البحر.
همس: حسام انت ليه اول يوم شوفتنى فيه عملت كدة.
حسام: كل يوم بسأل نفسي السؤال ده. بس بصراحة لما لقيت في عنيكى نظرة قوة كنت عايز اكسرها.
همس: تكسرها. انت كنت فاكرنى قوية ادامك. كنت بموت من الرعب...
حسام: حقك عليا سامحينى.
همس: اممم اعمل ايه بحبك...
حسام: وانا بموت فيكى...
كريم اعد في بيته بيفكر في سهيلة ونفسه يقابلها تانى بس مش عارف سبب عشان يشوفها...
حسام بيكلم كريم...
كريم: متقلقش قربنا نوصل للانت عايزه.
حسام: طب كويس خلى بالك يا كريم...
كريم: يا عم قولتلك متقلقش.
حسام: ماشي سلام.
همس: حبيبى احنا هنرجع مصر امتى.
حسام: ليه يا قلبى...
همس: زهقت يا حسام احنا بقالنا هنا اسبوع خلاص زهقت. وكمان ماما وحشتنى نفسي اشوفها.
حسام: معلش يا همس لسه شوية عقبال ما ننزل.
همس: ممكن افهم انت مخبى عليا.
حسام: لما نرجع هتعرفى...
همس: ماشي يا حسام لما نشوف. انا دخلة انام.
حسام مسك ايديها: تعالى هنا، انتى زعلتى.
همس: لأ وهزعل من ايه سيبنى عشان اروح انام.
وقامت دخلت الاوضة متضايقة واعدت مستنياها يصالحها...
حسام حس أنه فعلا ضايقيها، فقرر يوم يصالحها...
اول ما حست بيه عملت نفسها نايمة...
حسام: همسة قلبى انا عارف انك مش نايمة قومى بئا
همس: نعم.
حسام: متزعليش منى انا اسف.
همس بإبتسامة: مش زعلانة بس افهم بتخبى عليا ليه.
حسام: عشان بحضرلك مفاجات...
همس: مفاجأت مرة واحدة ماشي لما اشوف.
حسام: بقولك ايه ما تيجى ننزل البحر...
همس: دلوقتى. بليل كدة.
حسام: عادى اصلا الانوار مالية المكان يلا بئا.
لبسوا لبس البحر ونزلوا ولعبوا واستمتعوا وبعدها طلعوا ناموا...
حسام في نفسه: مش هرجع مصر غير لما اجبلك حقك يا همس...
تانى يوم...
بعد ما صحيوا وفطروا...
كريم بيتصل بحسام...
حسام: اذيك يا كريم.
كريم: تمام يا حسام بقولك طيارتك انت وهمس كمان ساعتين عشان ترجعوا.
حسام: انت اصدك...
كريم: أيوة اصدى...
حسام: انت بتتكلم بجد.
كريم: أيوة والله يلا عشان متتأخروش على الطيارة. سلام.
حسام: سلام.
همس: مالك يا حبيبى فرحان كدة.
حسام: يلا نجهز الشنط هننزل مصر.
همس: غريبة مش كنت معترض امبارح.
↚
حسام: لما نوصل هتفهمى كل حاجة. يلا بئا نجهز الشنط...
همس: حاضر يلا...
جهزوا الشنط وطلعوا على المطار وغادروا المالديف ووصلوا مصر...
حسام للسواق: اطلع على الفيلا يا عم ابراهيم.
ابراهيم: حاضر يا باشا.
همس: نطلع على الفيلا ازاى. ممكن حد يشوفنى.
حسام: وفيها ايه.
همس: مش احنا متفقين انى مظهرش خالص.
حسام: هتفهمى كل حاجة لما نوصل...
ووصلوا الفيلا وكريم كان مستنيهم...
كريم: اهلا اهلا حمد لله على السلامة.
حسام: الله يسلمك يا كريم. ها جاهز.
كريم: طبعا.
حسام خد همس واعدها على الكنبة ال ادام التليفزيون.
حسام: يلا يا كريم. وبس لهمس. اتفرجى.
فتح كريم التلفزيون...
المذيعة: جاءنا الخبر التالى منذ قليل. القبض على هشام الدمنهوري رجل الأعمال المشهور بتهمة التحريض على قتل همس محمود حرم رجل الأعمال المشهور حسام الشافعى.
وقال مدير أعماله أن السيدة همس حالتها بخير بعد علاج اسبوع في مصر واسبوع في المالديف وقال إن قبل حدوث هذه الحادثة تم عقد قران السيدة همس محمود و حسام الشافعى.
وأصدر بيان أن حفل زفافهم غدا في أكبر قاعات مصر...
وشكراااا...
همس اعدة مش مصدقة نفسها مبسوطة وفرحانة ومصدومة، كل حاجة.
حسام مسكها: همس انتى كويسة.
همس: ها.
كريم: ها. ههههه يعنينى ديه اتصدمت.
همس: الكلام ده حقيقى.
حسام: طبعا حقيقى أن مرضتش ننزل مصر عشان مكنتش هنزل الا لما اجبلك حقك...
قامت بسرعة عليه وحضنته جامد: انت اجمل راجل في الدنيا انت انت احلى واجدع واحن راجل في الدنيا، انت حياتى وقلبى وروحى ودنيتى كلها. انا بعشقك مش بحبك...
حسام وهو بيضمها اكتر: كل الكلام ده ليا اد كدة مبسوطة.
همس: مبسوطة انا مش عارفة اوصف فرحتى. انت مش متخيل انا فرحانة ازاى...
حسام: وانا يكفينى أن اشوف نظرة الحب والسعادة ديه في عنيكى، ولسه...
همس: لأ كفاية عليا كدة.
حسام: لأ استنى ديه الجاية احلى، ويسقف بإيده الاتنين...
خرجت مامت همس من غرفة المكتب...
همس: ماماااااااا
سعاد: همس.
جريت عليها وحضتنها وباست ايديها: وحشتينى يا ماما وحشتينى اوى اوى.
سعاد: انتى اكتر يا روح ماما. طمنينى عليكى كويسة.
همس: انا كويسة لما شوفتك، انتى جيتى هنا ازاى.
سعاد: جوز بنتى هو ال جابنى.
همس: اسفة يا ماما والله...
سعاد: متتأسفيش حسام بيه فهمنى كل حاجة...
حسام وهو يقترب منهم: لأ بيه ايه بئا. لو تسمحيلى انك تعتبرينى ابنك.
سعاد: طبعا يا حبيبى وانا طول يبقا ابنى زيك من النهاردة انت ابنى. ماشي يا حسام...
حسام: ماشي يا ماما...
همس: عن اذنك يا ماما محتاجة حسام في موضوع مهم.
سعاد: اتفضلوا يا حبيبتى.
مسكت ايد حسام وجريت بيه على الجنينة.
همس: حسام انت عمرك ما حاولت تبوسنى.
حسام: عشان كنت بخاف اضايقك.
همس: بس انت دلوقتى مش هتضايقنى.
حسام: بجد
همس: بجد
باسها بكل الحب ال جواها...
حسام: مبسوطة دلوقتى.
همس: جداا. ممكن افهم ازاى قدرت تخلى البوليس يقبض على هشام الدمنهوري.
حسام: هقولك، انا ليا واحد اسمه على ده في حياتى بشكل سري جدا محدش يعرف عنه حاجة غيرى انا وكريم. دخلته في حياة هشام الدمنهوري وخليته يثق فيه وسجله اعتراف أنه مأجر واحد يقتلك. وكنت مستنى يسجل الاعتراف ويسلمه البوليس عشان ننزل مصر عشان كدة مكنتش برضى ننزل لأنى كنت مستنى على وكريم يخلصوا.
همس: عملت كل ده عشانى انا. بجد انا مش قادرة اوصفلك سعادتى. انا كل يوم هشكر ربنا أنه رزقنى بيك انت نعمة كبيرة اوى من ربنا...
حسام: انتى عارفة انتى عملتى ليا ايه انتى انقذتنينى انى ابقا مريض نفسي. أيوة مريض نفسي قبل ما اشوفك كنت بتعالج عند دكتور نفسي وف كل جلسة يقولى انت مش مريض انت محتاج حب وحنان من شخص معين. وانتى ادتينى الحنان والحب ده لولاكى كان زمانى بقيت مجنون.
همس: بس انا مجنونة. انا مجنونة بحبك يا حسام.
حسام: وانا كمان يا قلبى، بس غريبة مسألتيش عن اى حاجة للفرح.
همس: يعنى مظبط كل ده وعاملى فيها بوليس سرى هتيجى على حتة فرح وفستان مش هتعرف تعملهم ده انت تعملهم بصباع رجلك الصغير ياعم انا جوزى حسام الشافعى انت بتكلم في ايه.
حسام: هههههههههه عندك حق والله. يا همس قلبى.
↚
تانى يوم وهو فرح ( همس & حسام )...
همس صحيت الصبح...
همس: دادة يا دادة.
دادة نعمات: نعم يا بنتى.
همس: امال فين حسام...
نعمات: خرج من الصبح بدرى يا بنتى وسابلك الجواب ده.
همس خدت الجواب وقرأته (( صباح الفل والياسمين على اجمل وارق همس في الدنيا. انهاردة يوم فرحنا يوم سعادتنا. يا عشقى. انا خرجت من الصبح عشان هاقبلك بليل الساعة 6 تكونى خلصتى كل حاجة وانا هكون في انتظارك الساعة 12 هيجى السواق ياخدك على الفندق عشان تجهزى ماشي يا قلبى ))
همس بإبتسامة: طبعا يا قلبى وروحى.
امال ماما فين يا دادة...
نعمات: بتفكر في الجنينة
همس: شكرا يا دادة...
خرجت همس الجنينة.
وسعاد شافتها...
سعاد: صباح الخير يا عروسة...
همس: صباح النور يا ماما حبيبتى.
سعاد: حبيبتى هتروحى الفندق امتى...
همس: حسام سابلى رسالة ان السواق هيجيلى الساعة 12.
سعاد: مبسوطة مع حسام يا همس.
همس: فوق ما تتخيلى يا ماما. حسام ده عشقى.
سعاد: ربنا يسعدكوا يا بنتى.
همس: يارب يا ماما، ماما انا هطلع البس لأن السواق قرب يجى.
سعاد: ماشي حبيبتى...
طلعت همس تلبس وهي بتلبس: حسام وحشنى اوى عايزة أكلمه بس هو قالى متكلمنيش لغاية بليل، لأ خلاص مش قادرة عايزة اسمع صوته.
وراحت اتصلت بيه...
همس: وحشتنى...
حسام: وانتى وحشتينى جدا جدا. بس مش انا قولت متتصليش لغاية بليل...
همس: كان نفسي اسمع صوتك...
حسام: وانا كنت بختبر هتقدرى تقعدى كل ده من غير ما تكلمينى ولا لأ.
همس: وفشلت طبعا.
حسام: لأ نجحتى عشان انا كنت عايزك تتصلى...
همس: حبيبى هو انا هروح الفندق ال هيتعمل فيه الفرح ولا ايه بالظبط.
حسام: خلى كل حاجة مفاجأة...
همس: ماشي. حبيبى انا نازلة عشان السواق جه.
حسام: ماشي يا قلبى خلى بالك من نفسك.
همس: وانت كمان...
وقفلوا ونزلت ركبت العربية وانتطلقت على فندق 7 ستار...
بعد ما نزلت من العربية كانت الصحافة مستنية تصور حرم حسام الشافعى ال قدرت تخطف قلبه...
بس الحراسة حاوطتها بحيث محدش يقدر يقرب منها.
ودخلت الفندق لقت كريم مستنيها.
↚
همس: اوف ايه ده كل ديه صحافة...
كريم: هههههه معلش بئا جم يشوفوا مين ال خطفت قلب حسام الشافعى.
همس: ههههههههه اه عشان كدة. امال هو فين.
كريم: هو مين.
همس: هيكون مين يعنى.
كريم: أيوة مين...
همس: تصدق انت رخم انا طالعة الاوضة.
كريم: اصدك الجناح.
همس: هو حاجزلى جناح.
كريم: اها.
همس: ماشي انا طالعة وسلملى عليه...
كريم: مين ده.
همس: ابوك يا ظريف.
كريم: والله ماشي، والله لاقول لابويا ال انتى عرفاه ها انك بتقولى عليه رخم ومعندوش دم وغلس.
همس: مش هيصدقك يا خفيف.
كريم: هنشوف.
همس: هنشوف. يلا بئا هتعطلنى...
طلعت همس الجناح وكان كبير جدااا ولقت فيه فستان غاية في الروعة ومعاها ميكب ارتيست وواحدة لشعرها وواحدة تهتم بجسمها وواحدة تساعدها الفستان.
همس: ايه كل ده ما واحدة تعمل كل ده.
واحدة من البنات: ديه أوامر حسام بيه.
همس: مجنون. ماشي يلا.
وابتدوا يعملوا كل حاجة من ماسكات للاهتمام بجسمها وابتدوا يعملوا الميكب بس هي مكنتش محتاجة لأنها قمر ولبست الفستان والتاج وأصبحت تشبه الاميرات.
بمعنى الكلمة واستعدت عشان تقابل حسام وهي في قمة سعادتها...
طلعت من الجناح ونزلت تحت وكان حسام مستنيها ببوكيه ورد رقيق جدااا.
حسام: انتى عشقى وحياتى وروحى وقلبى. مبروك عليا انتى. وباس أيدها.
همس: وانت عقلى وقلبى ونبضه بموت فيك...
وحضنوا بعض جامد اوى.
همس شافت مامتها بتعيط راحت عليها.
همس: ليه الدموع ديه.
سعاد: مش مصدقة انى عشت وشوفتك عروسة ادامى...
همس: حبيبتى ربنا يخليكى ليا.
سعاد لحسام: خلى بالك منها اوعى تزعلها...
حسام: ديه في قلبى عمرى ما ازعلها.
خد همس ودخلوا قاعة، تقريبا اكبر قاعة موجودة في مصر كبيرة بدرجة رهيبة ومتزينة بطريقة روعة ومليانة بمعازيم من مصر كلها...
همس بذهول: ايه الناس ديه كلها انت عازم مصر كلها...
حسام: هههههههه دول المهمين بس...
همس: نعم مهمين كل دول مهمين.
حسام: سيبك من الناس بئا.
ركزى معايا.
همس: وهو عندى غيرك اركز معاه.
حسام: أيوة كدة...
خدها واعدوا على الكوشة...
وبعدها افتتحوا الفرح برقصة رومانسية...
حسام: مبسوطة يا قلبى.
همس: انا مبسوطة انك في حياتى. متخيلتش للحظة انى هحبك بالطريقة ديه...
حسام: انا بئا كنت مستنيكى من زمان والحمد لله لاقيتك.
همس: الحمد لله...
رجعوا للكوشة وهمس بتسلم على ناس كتير اوى.
همس فجأة مسكت ايد حسام جامد وقربت عليه بتملك.
حسام: مالك ماسكة فيا كدة ليه.
همس. : بوصل رسالة لناس معينة.
↚
حسام: رسالة ايه.
همس: اصل كل البنات ال قاعدين مش مصدقين أنى اخدتك منهم وزعلانين اوى يا حرام فبقولهم انك ملكى انا وبس.
حسام: طبعا ملكك يا قلبى...
جه كريم ومعاه سهيلة...
كريم: مبروك يا صاحبى وهو يحتضنه.
حسام: الله يبارك فيك يا حسام عقبالك.
كريم: قريب انشاء الله.
كريم: مبروك يا همس.
همس: الله يبارك فيك يا كريم. مش تعرفنا على الآنسة.
كريم: الدكتورة سهيلة.
سهيلة: مبروك...
حسام وهمس: الله يبارك فيكى...
همس وهي بتهمس في اذن كريم...
همس: لما ارجع من شهر العسل تعرفنى الحكاية مفهوم.
كريم: ههه من عنيا.
بعد ما خلص احلى فرح. همس وحسام استمتعوا بكل لحظة في الفرح، وكانت اجمل ليلة في حياتهم...
بعدها سافروا على جزر المالديف في نفس المكان ال سافروا فيه قبل كدة...
همس واقفة ادام البحر وسرحانة جه حسام من وراها وحضنها.
حسام: حبيبى سرحان في ايه.
همس: فيك يا حبيبى...
حسام: ما انا معاكى اهو.
همس: خايفة الدنيا تستكترك عليا وتبعدك عنى...
حسام: حبيبة قلبى مفيش حاجة تبعدنى عنك غير الموت.
همس: بعد الشر عليك يا حبيبى.
حسام: مبسوطة معايا يا همس...
همس: انا طايرة من الفرحة يا قلب همس...
حسام: وانا كمان يا قلبى، ما تيجى ننزل البحر.
همس: يلا...
نزلوا البحر وقضوا لحظات جنون مع بعض ولعب وضحك وكانت اجمل لحظات حياتهم...
وطلعوا غيروا واناموا...
وبعد مرور شهر في جزر المالديف...
وصلوا مصر...
كريم مستنيهم في الفيلا.
كريم: ما كنتوا قعدوا هناك على طول.
حسام: انا لو عليا مكنتش عايز امشي خالص.
همس: وانا كمان يا حبيبى.
كريم: ارحموا امى انا سنجل.
همس: ونبى سنجل يا كداب امال الدكتورة سهيلة ايه كانت بتكشف عليك.
كريم: نفسي والله بس اعمل دكتورة اطفال...
همس: اها مش هتقولى ايه الحكاية...
كريم: لوحدنا من غير البوعبع ده...
حسام وهو بيمسك تيشرت كريم: بتقول حاجة يا كريم.
كريم: انا انا قولت يا همس.
همس: اه قولت على حسام حبيبى أنه بعبع.
كريم: اه يا ندلة...
حسام: هتحترم نفسك ولا اقول لفارس يصبح عليك.
كريم: لأ ونبى فارس ايه بس، ده أنا بهزر...
همس: فارس مين.
كريم: احسلك متعرفيش...
حسام: هبقا اقولك عليها بعدين حبيبتى.
همس: ما تخلص وتحكى...
كريم: سهيلة خبطت فيها وانا في المستشفى ساعت مكنت بخلص ورقك للخروج. سحرتنى عينيها وروحا مرة تانية وبردوا خبطت فيها وساعتها عرفت انها دكتورة اطفال وأنها اسمها سهيلة وبعد كدة اتغرفنا على بعض وكدة وانشاء الله هروح اخطبها...
همس: مبروك يا كيمو.
حسام: كيمو مين معلش.
همس: احمم سورى.
كريم: يا حمش.
همس: طبعا يا بنى انت جوزى حسام الشافعى.
حسام: شايف.
كريم: طبعا. المهم اسيبكم ترتاحوا. حسام هسيبك يومين لكن ترجع الشركة لأنك سايبلى شغل متلتل...
حسام: هههه ماشي.
همس: حبيبى يلا نطلع ننام انا تعبت من السفر...
حسام: يلا حبيبتى.
↚
فى السجن...
هشام الدمنهوري: لازم احرق قلبه.
مجهول: ازاى يا باشا وانت يعنى. احم في السجن.
هشام: لازم اهرب. وكمان عندى خطة في دماغى لازم انفذها.
مجهول: ايه هي باشا...
هشام: بص...
حسام: همستى. همستى انتى فين...
همس: انا اهو يا روح همستك.
حسام: غمضى عينك.
همس: اهو.
مسك أيدها ولبسها خاتم روعة.
فتحت عينيها وبصت على الخاتم: الله حلو اوى يا حسام.
حسام: انتى ال محليها. مبسوط أنه عجبك...
همس: حبيبى عايزة اطلب منك طلب
حسام: عيونى.
همس: عايزة ارجع اشتغل، زهئت من اعدة البيت.
حسام: هفكر وارد عليكى.
همس: ماشي يا حبيبى...
كانوا عايشين اجمل ايام حياتهم. وحسام بيحاول ميزعلهاش. وهمس كمان دائما بتحاول تكون جنينة معاه، وكانوا سعدا جداااا، (( لكن السعادة مش بتدوم ))...
فى يوم...
همس حست انها تعبانة شوية ف راحت تعمل تحاليل وعرفت انها حامل...
فرحت جداا انها جواها حتة منها ومن حسام. وقالت تروح تفرحه بس حست بشوية تعب ف كان في كافيه جمب معمل التحاليل قالت تروح تشرب حاجة...
وفعلا طلبت عصير وشربته.
فى مكان جمب الكافيه.
هشام: ها خلاص شربته.
مجهول: أيوة وطالعة انى والمفعول بيشتغل...
هشام: تمام خليك جاهز...
همس طلعت من الكافيه وكل مدى الدوخة بتزيد وكانت هتقع لقت ايد بتمسكها من خصرها.
همس بتعب: اوعى. انت. مين. ابعد عنى. وكانت خلاص بيغمى عليها بس سمعت اخر كلمة...
هشام: انا هشام الدمنهوري. يا حلوة.
وبعدها محستش بحاجة.
هشام خدها وطلع بيها على شقة وابتدا ينفذ خطته...
حسام في الشركة اعد مع كريم...
حسام: طب هنعمل ايه في الصفقة ديه.
كريم: بص احنا...
حسام: ثوانى يا كريم في رسالة مبعتوالى.
حسام بيفتح موبايله بيلاقى صورة لهمس في حضن شخص مش باين وشه، ومسكها من خصرها...
حسام ملامحه بتتحول للغضب. وكانت أول مرة تظهر من ساعت ما اتجوز همس.
كريم: مالك يا حسام شوفت ايه خلاك قلبت كدة.
حسام: بص...
كريم: ديه همس.
حسام: أيوة. ازاى ازاى، وفجأة يجى رسالة.
(( مراتك العفيفة البريئة بتستغفلك. هي دلوقتى مع عشقيها في شقة في المعادى والعنوان بالظبط اهو
. اتمنى تلحق يا. يا حسام الشافعى )))...
حسام بيقوم فورا ياخد سلاحه من الخزنة وبيجرى على برة...
كريم: حسام استنى يا مجنون هتعمل ايه...
كريم بيلحقه بسرعة بالعربية...
وبيوصل الشقة وبيكسر باب الشقة برجليه...
كريم: في ايه فهمنى...
حسام: هشششش.
↚
حسام بيدخل اوضة النوم بتبقى همس بتفوق بتتفاجأ أن نص هدمومها مش لابساها وجمبها واحد متعرفوش في اوضة متعرفش عنها حاجة. وحاسة كأنها بتحلم...
حسام وكريم: بيدخلوا...
كريم مش مصدق المنظر...
وحسام الشر بيتطاير من عنيه.
همس: في ايه انا مش فاهمة حاجة مين ده...
حسام بيشدها من شعرها: اه يا سافلة يا حقيرة يا واطية...
وبيشدها للصالة وهو جرارها، : انا بتخونينى يا حقيرة انا وبيتدى يضربها بقوة بالقلم. قلم ورا قلم.
كريم: أهدى يا حسام أهدى.
حسام بيزقه بعيد...
حسام: هموتك بإيدى يا حيوانة. هموتتتك.
همس وصوتها طالع بالعافية: لأ. ااااه. لأ والله ما خونتك، يا حسام اسمعنى، اااه
شوية يزقها في الحيطة شوية قلم ورا قلم شوية ضرب برجله وهي كانت بتموت.
وكريم بيحاول يخلص همس من حسام لكن مفيش فايدة...
همس: والله، م. ا. عم. لت حاجة.
حسام بصريخ: اومال مين ال عمل ميييييين.
همس مع أن حسام كان بيضربها بس كانت بتحاول تفتكر وصلت هنا ازاى وافتكرت وهي بتفقد الوعى أن ال كان ماسكها قالها هشام الدمنهوري
.
حسام بصريخ: اومال مين ال عمل ميييين...
همس وهي تقريبا بتموت: هشام الدمنهوري...
كريم بصدمة: هشام. ازاى. ازاى يا همس انطقى...
همس بتكون فقدت الوعى.
حسام في حالة صدمة...
كريم شال همس ونزل بيها جرى وراح للمستشفى...
حسام لسه على وضعه مش فاهم حاجة...
وفجأة موبايله بيرن بيكون المحامى بتاعه.
بيرد...
حسام: في ايه يا شوكت...
شوكت: الحق يا باشا هشام الدمنهورى هرب امبارح.
حسام: انت متأكد.
شوكت: ايوة يا باشا.
حسام اتصل كريم وقاله أن في المستشفى ال كانت فيها همس قبل كدة...
حسام بينزل يروح جرى...
وبيوصل المستشفى.
حسام: هي فين
كريم: جوة بيطمنوا عليها...
حسام: هشام الدمنهوري هرب...
كريم: يعنى همس كلامها صح.
حسام: انا مش فاهم حاجة...
كريم: اكيد لعبة قذرة منه و للاسف انت لعبتها بكل سهولة.
خرجت الدكتورة...
حسام: لو سمحتى انا جوزها هي كويسة.
الدكتورة: هي اتعرضت لضرب وحشى أدى انها تفقد الجنين.
حسام بصدمة: جنين هي كانت حامل.
الدكتورة: أيوة في شهر ونص. احنا بنحاول نعالج كدمات جسمها دلوقتى، هي فاقت ممكن تشوفوها...
حسام دخل هو وكريم.
وهمس بتتنفض من الخوف...
همس: ايه جاى تكمل عليا هنا بعد ما موت ابنى.
حسام: همس أهدى وفهمينى ايه علاقة هشام المنهورى بالموضوع.
حكت ال حصل كله...
حسام: اه يا ابن اال...
سامحينى يا همس سامحينى...
همس: ابعد عنى انت هتضربنى تانى، وبتبعد عنه...
وبتعيط...
حسام: انا اسف والله ما كنت في وعيي...
همس بصريخ: ابعد عنى واطلع برة...
حسام: حاضر حاضر، كريم خليك معاها.
كريم: حاضر.
بيخرج حسام...
همس: اه يا حسام ااه.
كريم: أهدى يا همس سامحيه...
همس: انا مش زعلانة منه اناا عذراها، ال شافه مش سهل...
كريم: نعم امال عملتى كدة ليه.
همس: انت فاكرنى خايفة منه. انا عمرى ما اخاف من حسام. ده رد فعل طبيعى جداا منه. وكمان انا مفقدش الجنين. بس عايزة اعاقبه واحسسه بالذنب على ال عمله، ال عمله فيا مس سهل.
كريم: مش عارف اقولك ايه. بس الزفت لعبها صح...
همس: منه لله منه لله. كريم ارجوك روح ل حسام زمانه منهار.
كريم: مش عايزة أفضل جمبك...
همس: لأ روحله وطمنى عليه واوعى يا مريم تقوله حاجة اوعى...
كريم. اااه حاضر يا همس.
↚
كريم راح لحسام الفيلا...
حسام قام بلهفة: كريم همس كويسة.
كريم: أهدى كويسة...
حسام: كريم هي بقت بتخاف منى صح. بتخاف منى.
كريم: ده طبيعى يا حسام مع الوقت هتنسى.
حسام: ااااه هتنسى ايه ولا ايه الله يا كريم انا مش عارف عملت كدة ازاى...
كريم: ابوس ايدك أهدى يا حسام. انشاء الله هتكون كويسة...
حسام: يارب يا كريم، مش هقدر اعيش من غيرها. تصدق انا لما أعدت افكر. حسيت انى كنت بضربها مش عشان خانتنى لا عشان هتبعد عندى، انا بعشقها يا كريم.
كريم: انشاء الله تسامحك.
حسام: يااارب...
كريم: طب انا هسيبك واروح الشركة. وهرجعلك تانى.
حسام: ماشي يا كريم...
كريم راح ل همس المستشفى...
همس: ها يا كريم حسام عامل ايه.
كريم: حتى بعد ال عمله فيكى متلهفة وبتسألى عليه...
همس: قولتلك حسام ده حبيبى عشقى. ال عمله كان رد فعل طبيعى جدااا لأى واحد يشوف مراته في وضع زى ده حتى لو مبيحبهاش مابالك هو بيعشقنى. كويس أنه مستخدمش سلاحه.
كريم: انتى عارفة أنه قالى أنه كان بيضربك عشان هتبعدى عنه مش عشان شافك كدة.
همس: اااااه يا حبيبى حقك عليا، والله غصب عنى بس انت جرحتنى اوى. كريم ونبى لو غالية عندك خلى بالك من حسام متسبهوش خالص، اعد معاها في الفيلا عقبال ما ارجعله.
كريم: طبعا غالية. حاضر من عنيا هقعد معاها. بس يا همس ارجوكى متطوليش عقابك عشان حسام مش هيستحمل.
همس: والله انا نفسي اروح دلوقتى اترمى في حضنه.
بس مينفعش.
كريم: براحتك يا همس. عندك حق، عايز. منى حاجة قبل ما امشي.
همس: خلى بالك من حسام...
كريم: من عنيا. عن اذنك.
عند حسام في الفيلا خصوصا جناحه هو وهمس.
ماسك هدومها وعمال يشم فيها...
حسام: ااااه يا همس ارجعيلى ونبى سامحينى انا عشقك يا همس. اوعى تبعدى عنى.
اااااااه
كريم دخل عليه...
كريم: مالك يا حسام أهدى...
حسام ببكاء: ضاعت منى يا كريم. ضيعتها من ايدى...
كريم: لأ مضاعتش أهدى هي محتاجة وقت تنسى بس.
حسام: مش قادر مش قادر، ااااااه
كريم اتصل بالدكتور وجه عطاله حقنة مهدئة.
همس وهي ببتتصل على كريم.
همس: اذيك يا كريم.
كريم: الحمد لله انتى اخبارك ايه دلوقتى.
همس: كويسة يا كريم كويسة المهم حسام عامل ايه.
كريم بإرتباك: ها حسام اه كويس.
همس: كريم مالك ارتبكت كدة ليه حسام ماله.
كريم: بصراحة يا همس روحت لقيته في جناحكوا منهار جبتله دكتور وعطاها حقنة مهدئة.
همس: ايه دكتور. كريم تعالى خدنى دلوقتى حالا.
كريم: أهدى يا همس انتى لسه تعبانة...
همس: لو مجتش تاخدنى هخرج انا...
كريم: خلاص جاى.
كريم عمل إجراءات الخروج وخرجت وهما في العربية همس باصة للشباك وبتبكى في صمت...
ووصلوا الفيلا نزلت جرى وراحت على الجناح. نايم زى الملاك بص ملامحه حزينة أو مقهورة.
همس بدموع وماسكة ايده: حسام حبيبى قوم انا جنبك مش هبعد والله قوم.
حسام وهو بيفتح عيونه: همس انتى هنا.
همس بدموع: أيوة يا قلب همس انا هنا.
حسام: مش هتبعدى عنى يعنى...
همس: مقدرش ابعد عنك انت روحى وحياتى وقلبى...
حسام وهو بيمسك الكدمات ال في وشها من ضربه وبيدمع: حقك عليا سامحينى. ياريت ايدى كانت اتقطعت.
همس: بعد الشر عليك. انا مسمحاك يا حبيبى والله.
حسام: انا عارف انى اقتلت ابننا سامحينى ونبى سامحينى.
همس وهي بتحط أيدها على بطنها: بس انت مقتلتوش يا حبيبى.
حسام: يعنى ايه مش فاهم.
همس: يعنى ابننا ال حتة منى ومنك لسه موجود.
حسام: بجد يا همس.
↚
همس: أيوة بجد. انا ال خليت الدكتورة تقول كدة عشان اوريك تهورك كان ممكن يوصلك لايه. اسفة والله حقك عليا...
حسام: انتى ال بتعتذرى. انتى من حقك تقتلينى.
همس: انا أموت قبل ما اعمل كدة انت روحى.
احنا كنا ضحية لعبة قذرة. من واحد شيطان.
حسام: انا اسف انا ال حطتيك في كل دة، لو عايزة تبعدى عن كل ده ابعدى...
همس: حسام في حد ممكن يعيش من غير قلبه وروحه.
حسام: لأ طبعا.
همس: انت بئا قلبى وروحى.
. حسام: همس خدينى في حضنك عايز انام.
خدته في حضنها: نام يا قلبى.
فعلا نام في دقيقة وبعد شوية قامت ونزلت تحت.
همس: معلش اتأخرت عليك بس عقبال ما هديته.
كريم: الحمد لله ده أنا كنت خايف عليه اوى. انا همشي رايح اقابل سهيلة.
همس: اممم سهيلة روح يا خويا روح.
كريم: ههههههههه سلام...
بعد ما كريم مشي.
طلعت تتمشى في الجنينة.
همس في نفسها: اااااه يارب. ابعد عننا الشر يارب. احفظهولى يارب هو وابنى ياااارب...
حسام بعد ما صحى وملقاش همس جمبه افتكر أنه ممكن يكون حلم. فضل ينادى عليها ويدور في الفيلا لغاية ما طلع الجنينة لقاها واقفة بصة للسما...
اتنهد بارتياح انها فعلا موجودة...
حسام راح وحضنها من ضهرها...
حسام: قومتى من جنبى ليه...
همس: قولت اسيبك براحتك ترتاح.
حسام: انا راحتى في قربك مش في بعدك.
بعد مرور خمس سنوات...
((كريم اتجوز سهيلة وخلفوا تؤام حسام و همسة )).
ابطالنا حسام وهمس قضوا حياتهم بكل سعادة وحب وربنا رزقهم ب سيلا. عمرو.
همس: لسه بتحبنى يا حسام.
حسام: عمرى ما هبطل احبك انتى حبك في قلبى بيزيد كل يوم...
همس: انت عشقى وحياتى. انت امانى. انت قلبى وروحى. انت شعلة نور بين الظلام الحالك. انت حبيبى. قلبى. روحى.
انت روحى وقلبى. انت الهواء الذي اتنفسه.
انت نصفى الثانى. اعشقك. انت سندى، انت تشعرنى بالأمان. انت قوتى.
فى بعدك. ليس لى وجود. فالجسد لن يعيش بلا روحه. ف انت روحى.
حسام بحب: كل الكلام ده ليا انا.
سيلا: ده قلبى ال بيكلم.
حسام: بعشقك.
سيلا: بعشقك يا من ملكت قلبى.